Riżoluzzjoni leġiżlattiva tal-Parlament Ewropew tat-22 ta' April 2008 dwar l-inizjattiva tar-Repubblika Federali tal-Ġermanja bil-ħsieb ta' l-adozzjoni ta' Deċiżjoni tal-Kunsill dwar l-implimentazzjoni tad-Deċiżjoni 2008/.../ĠAI dwar it-titjib tal-koperazzjoni transkonfinali, b'mod partikolari fil-ġlieda kontra t-terroriżmu u l-kriminalità transkonfinali (11563/2007 – 11045/1/2007 – C6-0409/2007 – 2007/0821(CNS))

P6_TA(2008)0128 A6-0099/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-inizjattiva tar-Repubblika Federali tal-Ġermanja (11563/2007 u 11045/1/2007),

–   wara li kkunsidra l-Artikolu 34(2)(c) tat-Trattat ta' l-UE,

–   wara li kkunsidra l-Artikolu 39(1) tat-Trattat ta' l-UE, li b'konformità miegħu l-Kunsill ikkonsulta mal-Parlament (C6-0409/2007),

–   wara li kkunsidra l-Artikoli 93 u 51 u l-Artikolu 41(4) tar-Regoli ta' Proċedura tiegħu,

–   wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6-0099/2008),

1.  Japprova l-inizjattiva tar-Repubblika Federali tal-Ġermanja kif emendata;

2.  Jitlob lill-Kunsill sabiex konsegwentement ibiddel it-test;

3.  Jistieden lill-Kunsill u lill-Kummissjoni, wara d-dħul fis-seħħ tat-Trattat ta' Liżbona, biex jagħtu prijorità lil kull proposta futura li temenda d-Deċiżjoni skond id-Dikjarazzjoni Nru 50 rigward l-Artikolu 10 tal-Protokoll dwar id-dispożizzjonijiet tranżizzjonali li għandhom ikunu annessi mat-Trattat dwar l-Unjoni Ewropea, mat-Trattat dwar it-Tħaddim ta' l-Unjoni Ewropea u mat-Trattat li jistabbilixxi l-Komunità ta' l-Enerġija Atomika Ewropea;

4.  Hu determinat li jeżamina kull proposta futura bħala proċedura urġenti skond il-proċedura msemmija fil-paragrafu 3 u b'koperazzjoni mill-qrib mal-parlamenti nazzjonali;

5.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

6.  Jistieden lill-Kunsill biex jerġa' jikkonsultah jekk ikollu l-ħsieb li jemenda l-inizjattiva tar-Repubblika Federali tal-Ġermanja b'mod sustanzjali;

7.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvern tar-Repubblika Federali tal-Ġermanja.

Test propost mir-Repubblika Federali tal-Ġermanja   Emenda Emenda 1 Inizjattiva tar-Repubblika Federali tal-Ġermanja Premessa 3 a (ġdida) (3a)  Hu meħtieġ li l-Kunsill jadotta kemm jista' jkun malajr id-Deċiżjoni ta' Qafas dwar ċertu drittijiet proċedurali bi proċedimenti kriminali fl-Unjoni Ewropea kollha sabiex jistipula ċerti regoli minimi dwar id-disponibilità ta' assistenza legali għall- individwi fl-Istati Membri. Emenda 2 Inizjattiva tar-Repubblika Federali tal-Ġermanja Premessa 3 b (ġdida) (3b)  Ir-regoli għall-protezzjoni tad-data stipulati fid-Deċiżjoni 2008/.../ ĠAI dwar it-titjib tal-koperazzjoni transkonfinali, b'mod partikolari fil-ġlieda kontra t-terroriżmu u l-kriminalità transkonfinali, se jinħolqu fin-nuqqas ta" strument legali tat-tielet pilastru dwar il-protezzjoni tad-data. Meta jiġi approvat, dan l-istrument legali ġenerali għandu japplika għall-qasam kollu tal-koperazzjoni tal-pulizija u tal-ġudikatura fi kwistjonijiet kriminali, dejjem jekk il-livell ta' protezzjoni tad-data tiegħu huwa adegwat u mhux aktar baxx mill-protezzjoni stabbilita fil-Konvenzjoni tal-Kunsill ta' l-Ewropa għall-Protezzjoni ta' l-Individwi fir-rigward ta" l-Ipproċessar ta" Data Personali tat-28 ta" Jannar 1981 u tal-Protokoll addizzjonali tiegħu rigward l-awtoritajiet ta' sorveljanza u l-flussi ta' data transkonfinali tat-8 ta" Novembru 2001. Emenda 3 Inizjattiva tar-Repubblika Federali tal-Ġermanja Premessa 3 c (ġdida) (3c)  Kategoriji speċjali ta" data dwar oriġini razzjali jew etnika, opinjonijiet politiċi, twemmin reliġjuż jew filosofiku, adeżjoni ma" partit jew trade union, orjentazzjoni sesswali jew saħħa għandhom jiġu pproċessati biss jekk ikun assolutament neċessarju u proporzjonat għall-qafas tal-każ speċifiku u f'konformità ma" salvagwardji speċifiċi. Emenda 4 Inizjattiva tar-Repubblika Federali tal-Ġermanja Premessa 3 d (ġdida) (3d)  Bil-ħsieb li jkun hemm koperazzjoni effiċjenti bejn il-pulizija, għandu jkun possibbli li jitwaqqfu task forces konġunti b'ħeffa u mingħajr burokrazija żejda. Emenda 5 Inizjattiva tar-Repubblika Federali tal-Ġermanja Premessa 4 a (ġdida) (4a)  Il-miżuri previsti f'din id-Deċiżjoni huma konformi ma' l-opinjoni tal-Kontrollur Ewropew tal-Protezzjoni tad-Data tad-19 ta' Diċembru 2007, Emenda 6 Inizjattiva tar-Repubblika Federali tal-Ġermanja Artikolu 2 – punt -a (ġdid) (-a) "data personali" tfisser kull data li jkollha x'taqsam ma" persuna ġuridika identifikata jew identifikabbli ("suġġett tad-data"); persuna identifikabbli hija min jista" jkun identifikat, direttament jew indirettament, partikolarment b'referenza għal numru ta" identità jew għal fattur wieħed speċifiku jew aktar dwar l-identità fiżika, fiżjoloġika, mentali, ekonomika, kulturali jew soċjali tiegħu; Emenda 11 Inizjattiva tar-Repubblika Federali tal-Ġermanja Artikolu 2 – punt e (e) "il-parti non-kodifikanti tad-DNA" tfisser reġjuni ta' kromosoma li m'humiex espressi ġenetikament, jiġifieri m'hux magħruf li jipprovdu xi proprjetajiet funzjonali ta' organiżmu; (e) "il-parti non-kodifikanti tad-DNA" għandha tfisser iż-żoni ta" kromożomi li ma jinkludux espressjoni ġenetika, jiġifieri li mhumiex magħrufa li jipprovdu informazzjoni dwar karatteristiċi ereditarji speċifiċi; minkejja kwalunkwe progress xjentifiku, mhijiex se tingħata aktar informazzjoni mill-parti non-kodifikanti tad-DNA; Emenda 18 Inizjattiva tar-Repubblika Federali tal-Ġermanja Artikolu 3 a (ġdid) Artikolu 3a Talbiet rigward persuni liberati jew meħlusa Bi qbil mal-Kapitoli 3 u 4 ta' din id-Deċiżjoni, f'każ ta' rapport li jaqbel mal-profil tad-DNA jew data dattiloskopika ta" persuni liberati jew meħlusa, dan għandu jkun skambjat biss jekk id-database tkun ċirkoskritta b'mod preċiż u l-kategorija tad-data suġġetta għall-investigazzjoni tkun definita b'mod ċar mil-liġi nazzjonali. Emenda 19 Inizjattiva tar-Repubblika Federali tal-Ġermanja Artikolu 8 – paragrafu 1 – punt a (a) il-kodiċi ta' l-Istat Membru rikjedenti; (a) il-kodiċi ta' l-Istat Membru rikjedenti u l-kodiċi ta' l-awtorità nazzjonali konsultattiva; Emenda 20 Inizjattiva tar-Repubblika Federali tal-Ġermanja Artikolu 17 – paragrafu 3 – subparagrafu i (i) il-poteri li l-uffiċjali u uffiċjali oħra ta' l-Istat(i) Membru(i) li qed jissekonda(w) jistgħu jeżerċitaw fl-Istat Membru ospitanti matul l-operazzjoni; (i) il-poteri li l-uffiċjali u uffiċjali oħra ta' l-Istat(i) Membru(i) li qed jissekonda(w) jistgħu jeżerċitaw fl-Istat Membru ospitanti matul l-operazzjoni; dawk il-poteri għandhom jinkludu, b'mod partikulari, id-drittijiet ta" sorveljanza, insegwiment attiv, arrest u interrogazzjoni; Emenda 21 Inizjattiva tar-Repubblika Federali tal-Ġermanja Artikolu 18 – paragrafu 1 1.  Aktar dettalji dwar l-implimentazzjoni teknika u amministrattiva tad-Deċiżjoni 2007/.../ĠAI huma stabbiliti fl-Anness għal din id-Deċiżjoni. L-Anness jista' jiġi modifikat mill-Kunsill, waqt li jaġixxi b'maġġoranza kwalifikata. 1.  Aktar dettalji dwar l-implimentazzjoni teknika u amministrattiva tad-Deċiżjoni 2008/.../ĠAI huma stabbiliti fl-Anness għal din id-Deċiżjoni. L-Anness jista' jiġi modifikat mill-Kunsill, waqt li jaġixxi b'maġġoranza kwalifikata wara konsultazzjoni mal-Parlament Ewropew bi qbil ma" l-Artikolu 34(2)(c) u ta' l-Artikolu 39(1) tat-Trattat ta' l-Unjoni Ewropea. Emenda 22 Inizjattiva tar-Repubblika Federali tal-Ġermanja Artikolu 20 – paragrafu 1 1.  Il-Kunsill għandu jieħu deċiżjoni msemmija fl-Artikolu 25(2) tad-Deċiżjoni 2007/…./ĠAI abbażi ta' rapport ta' evalwazzjoni li għandu jkun ibbażat fuq kwestjonarju kif stabbilit fil-Kapitolu 4 ta' l-Anness għal din id-Deċiżjoni. 1.  Il-Kunsill għandu jieħu deċiżjoni msemmija fl-Artikolu 25(2) tad-Deċiżjoni 2008/..../ĠAI abbażi ta' rapport ta' evalwazzjoni li għandu jkun ibbażat fuq kwestjonarju kif stabbilit fil-Kapitolu 4 ta' l-Anness għal din id-Deċiżjoni. L-awtoritajiet indipendenti għall-protezzjoni tad-data ta' kull Stat Membru kkonċernat għandhom ikunu involuti bis-sħiħ fil-proċedura ta' evalwazzjoni stipulata fil-Kapitolu 4 ta' l-Anness ta' din id-Deċiżjoni. Emenda 23 Inizjattiva tar-Repubblika Federali tal-Ġermanja Artikolu 21 – paragrafu 1 1.  Evalwazzjoni ta' l-applikazzjoni amministrattiva, teknika u finanzjarja ta' l-iskambju ta' data skond il-Kapitolu 2 tad-Deċiżjoni 2007/.../ĠAI għandha titwettaq fuq bażi annwali. L-evalwazzjoni għandha tirrigwarda dawk l-Istati Membri li diġà qed japplikaw id-Deċiżjoni 2007/.../ĠAI fiż-żmien ta' l-evalwazzjoni u għandha titwettaq għall-kategoriji tad-data li għalihom beda l-iskambju ta' data fost l-Istati Membri kkonċernati. L-evalwazzjoni għandha tkun ibbażata fuq rapporti ta' l-Istati Membri rispettivi. 1.  Evalwazzjoni ta' l-applikazzjoni amministrattiva, teknika u finanzjarja ta' l-iskambju ta' data skond il-Kapitolu 2 tad-Deċiżjoni 2008/.../ĠAI għandha titwettaq fuq bażi annwali. Evalwazzjoni bħal din għandha tinkludi analiżi tal-konsegwenzi ta" differenzi f'tekniki u kriterji għall-ġbir u l-ħażna ta" data ta" DNA fl-Istati Membri. L-evalwazzjoni għandha tinkludi wkoll analiżi tar-riżultati relatati mal-proporzjonalità u l-effettività ta" skambju transkonfinali ta" tipi varji ta" data tad-DNA. L-evalwazzjoni għandha tirrigwarda dawk l-Istati Membri li diġà qed japplikaw id-Deċiżjoni 2008/.../ĠAI fiż-żmien ta' l-evalwazzjoni u għandha titwettaq għall-kategoriji tad-data li għalihom beda l-iskambju ta' data fost l-Istati Membri kkonċernati. L-evalwazzjoni għandha tkun ibbażata fuq rapporti ta' l-Istati Membri rispettivi. Emenda 24 Inizjattiva tar-Repubblika Federali tal-Ġermanja Artikolu 21 – paragrafu 2 a (ġdid) 2a.  Is-Segretarjat Ġenerali tal-Kunsill għandu jibgħat, fuq bażi regolari lill-Parlament Ewropew u lill-Kummissjoni, ir-riżultati ta" l-evalwazzjoni ta" l-iskambju tad-data f'forma ta" rapport kif imsemmi fil-Kapitolu 4, punt 2.1 ta" l-Anness ta" din id-Deċiżjoni. Emenda 25 Inizjattiva tar-Repubblika Federali tal-Ġermanja Addendum ma" l-Inizjattiva – Kapitolu 1 – punt 1.1 – subparagrafu 3 Regola ta" Inklużjoni: Regola ta" Inklużjoni: Il-profili tad-DNA li l-Istati Membri jpoġġu għad-disponibbli għat-tiftix u għat-tqabbil kif ukoll profili tad-DNA mibgħuta għat-tiftix u għat-tqabbil għandhom jinkludu ta" l-inqas 6 loci u jiddependi fuq id-disponibilitá tagħhom, jistgħu jinkludu loci jew pożizzjonijiet vojta oħra (blanks). Il-profili tad-DNA għar-riferenza għandhom jinkludi ta" l-inqas 6 mis-7 ESS/ISSOL loci. Sabiex tiżdied il-preċiżjoni tat-tqabbil tad-DNA, huwa rakkomandat li l-'alleles' kollha disponibbli jinħażnu f"pool ta' data tal-profili tad-DNA li jkun fiha werrej. Il-profili tad-DNA li l-Istati Membri jpoġġu għad-disponibilità għat-tiftix u għat-tqabbil kif ukoll profili tad-DNA mibgħuta għat-tiftix u għat-tqabbil għandhom jinkludu ta" l-inqas 6 loci u skond id-disponibilità tagħhom, għandhom jinkludu loci addizzjonali jew pożizzjonijiet vojta (blanks). Il-profili tad-DNA għar-riferenza għandhom jinkludu ta" l-inqas 6 mis-7 loci ESS/ISSOL. Sabiex tiżdied il-preċiżjoni tat-tqabbil tad-DNA, l-"alleles" kollha disponibbli għandhom jinħażnu fid-database tal-profili tad-DNA li jkun fiha werrej u jintużaw għat-tiftix u t-tqabbil. Kull Stat Membru għandu jimplimenta, malajr kemm jista' jkun, kwalunkwe ESS ta' loci ġdid adottat mill-UE.

Abbozz ta' Deċiżjoni tal-Parlament Ewropew adottata fit-22 ta' April 2008 li temenda d-Deċiżjoni 94/262/KEFA, KE, Euratom tad-9 ta' Marzu 1994 dwar ir-regolamenti u l-kondizzjonijiet ġenerali li jirregolaw il-qadi tad-dmirijiet ta' l-Ombudsman (2006/2223(INI))

P6_TA(2008)0129 A6-0076/2008

L-abbozz ta' Deċiżjoni li ġej kien adottat(1) u mibgħut lill-Kunsill u l-Kummissjoni skond l-Artikolu 195(4) tat-Trattat KE u l-Artikolu 107d(4) tat-Trattat Euratom:

Deċiżjoni tal-Parlament Ewropew li temenda d-Deċiżjoni 94/262/KEFA, KE, Euratom tad-9 ta' Marzu 1994 dwar ir-regolamenti u l-kondizzjonijiet ġenerali li jirregolaw il-qadi tad-dmirijiet ta' l-Ombudsman

IL-PARLAMENT EWROPEW,

Wara li kkunsidra it-Trattat li jistabbilixxi l-Komunità Ewropea, u b'mod partikolari l-Artikolu 195(4) tiegħu,

Wara li kkunsidra t-Trattat li jistabbilixxi l-Komunità Ewropea dwar l-Enerġija Atomika, u b'mod partikolari l-Artikolu 107d(4) tiegħu,

Wara li kkunsidra r-riżoluzzjoni tiegħu dwar proposta għal deċiżjoni tal-Parlament Ewropew li temenda d-Deċiżjoni 94/262/KEFA, KE, Euratom tad-9 ta' Marzu 1994 dwar ir-regolamenti u l-kondizzjonijiet ġenerali li jirregolaw il-qadi tad-dmirijiet ta' l-Ombudsman,

Wara li kkunsidra l-opinjoni tal-Kummissjoni,

Bl-approvazzjoni tal-Kunsill,

Billi:

(1)  Il-Karta tad-Drittijiet Fundamentali ta' l-Unjoni Ewropea(2) tirrikonoxxi d-dritt għal amministrazzjoni tajba bħala dritt fundamentali taċ-ċittadini ta' l-Unjoni.

(2)  Il-fiduċja taċ-ċittadini fil-kapaċità ta' l-Ombudsman li jmexxi investigazzjonijiet bir-reqqa u imparzjali dwar każijiet allegati ta' amministrazzjoni ħażina hija fundamentali biex l-azzjoni ta' l-Ombudsman ikollha suċċess.

(3)  Huwa mixtieq li l-Istatut ta' l-Ombudsman jiġi adattat sabiex titneħħa kull inċertezza fil-kapaċità ta' l-Ombudsman li jmexxi investigazzjonijiet bir-reqqa u imparzjali fil-każijiet allegati ta' amministrazzjoni ħażina.

(4)  Huwa mixtieq li l-Istatut ta' l-Ombudsman jiġi adattat sabiex tkun tista' titqies kull evoluzzjoni tad-dispożizzjonijiet legali jew tal-ġurisprudenza għal dak li jirrigwarda l-intervent ta' entitajiet, uffiċċji u aġenziji ta' l-Unjoni Ewropea fil-każijiet li jidhru quddiem il-Qorti tal-Ġuistizzja.

(5)  Huwa mixtieq li l-Istatut ta' l-Ombudsman jiġi adattat sabiex jitqiesu t-tibdiliet li saru f'dawn l-aħħar snin għal dak li jirrigwarda l-irwol ta' l-istituzzjonijiet u ta' l-entitajiet ta' l-UE fil-ġlieda kontra l-frodi għad-detriment ta' l-interessi finanzjarji ta' l-Unjoni Ewropea, l-aktar il-ħolqien ta' l-Uffiċċju Ewropew ta' Kontra l-Frodi (OLAF), sabiex l-Ombudsman ikun jista' jinnotifika lil dawk l-istituzzjonijiet jew entitajiet bi kwalunkwe tagħrif li jaqa' taħt il-kompiti tagħhom.

(6)  Huwa mixtieq li jittieħdu passi sabiex l-Ombudsman jitħalla jiżviluppa l-koperazzjoni tiegħu ma' istituzzjonijiet simili fil-livell nazzjonali u internazzjonali kif ukoll ma' istituzzjonijiet nazzjonali jew internazzjonali li jkopru firxa ta' attivitajiet usa' minn ta' l-Ombudsman Ewropew, bħall-ħarsien tad-drittijiet tal-bniedem, billi koperazzjoni bħal din tista' tagħti kontribut pożittiv biex titjieb l-effiċjenza ta' l-azzjoni ta' l-Ombudsman.

(7)  It-Trattat li jistabbilixxi l-Komunità Ewropea tal-Faħam u l-Azzar skada fl-2002,

IDDEĊIEDA KIF ĠEJ:

Artikolu 1

Iċ-Ċitazzjoni 1, il-Premessa 3, l-Artikolu 1(1), is-subparagrafi 1 u 5 ta' l-Artikolu 3(2), l-Artikolu 4 u l-Artikolu 5 tad-Deċiżjoni 94/262/KEFA, KE, Euratom għandhom jiġu emendati kif ġej:"

Statut ta' l-Ombudsman   Proposta għal emenda Emenda 1 Ċitazzjoni 1 Wara li kkunsidra t-Trattati li jistabbilixxu il-Komunitajiet Ewropej, partikolarment l-Artikolu 195(4) tat-Trattat li jistabbilixxi l-Komunità Ewropea, l-Artikolu 20d(4) tat-Trattati li jistabbilixxi l-Komunità Ewropea tal-Faħam u l-Azzar u l-Artikolu 107d(4) tat-Trattat li jistabbilixxi l-Komunità Ewropea ta' l-Enerġija Atomika, Wara li kkunsidra t-Trattati li jistabbilixxu l-Komunitajiet Ewropej, partikolarment l-Artikolu 195(4) tat-Trattat li jistabbilixxi l-Komunità Ewropea u l-Artikolu 107d(4) tat-Trattat li jistabbilixxi l-Komunità Ewropea ta' l-Enerġija Atomika, Emenda 2 Premessa 3 Billi l-Ombudsman, li jista' wkoll jaġixxi fuq mozzjoni proprja tiegħu jew tagħha, għandu jkollu aċċess għall-elementi neċessarji għat-twettiq ta' l-obbligi tiegħu; billi għalhekk l-istituzzjonijiet Komunitarji u korporazzjonijiet huma obbligati: li jipprovdu lill-Ombudsman, fuq talba tiegħu, kwalunkwe informazzjoni li jitlob mingħandhom, kemm-il darba ikun hemm sitwazzjoni raġonevoli ta' segretezza, u mingħajr preġudizzju għall-obbligu ta' l-Ombudsman li ma jiżvelax l-informazzjoni; billi l-awtoritajiet ta' l-"Istati Membri" huma obbligati li jipprovdu lill-Ombudsman bl-informazzjoni kollha neċessarja sakemm dik l-informazzjoni ma tkunx koperta bil-liġijiet jew regolamenti rigward is-segretezza jew b'dispożizzjonijiet li jimpedixxu l-komunikazzjoni tagħha; billi jekk l-Ombudsman isib li l-assistenza rikjesta mhix qed tiġi sodisfatta, hu għandu jinforma lill-Parlament Ewropew, li għandu jagħmel rappreżentanza xierqa; Billi l-Ombudsman, li jista' wkoll jaġixxi fuq mozzjoni proprja tiegħu jew tagħha, għandu jkollu aċċess għall-elementi neċessarji għat-twettiq ta' l-obbligi tiegħu; billi għalhekk l-istituzzjonijiet Komunitarji u korporazzjonijiet huma obbligati: li jipprovdu lill-Ombudsman, fuq talba tiegħu, kwalunkwe informazzjoni li jitlob mingħandhom u mingħajr preġudizzju għall-obbligu ta' l-Ombudsman li ma jiżvelax l-informazzjoni u li jqis informazzjoni jew dokumenti kklassifikati skond regoli li strettament ikunu ekwivalentigħal dawk fis-seħħ fl-istituzzjonijiet jew fl-entitajiet ikkonċernati; billi l-istituzzjonijiet jew l-entitajiet li jfornu informazzjoni jew dokumenti kklassifikati għandhom jinnotifikaw lill-Ombudsman b'din il-klassifikazzjoni; billi l-Ombudsman u l-istituzzjonijiet u l-entitajiet ikkonċernati għandhom jaqblu dwar il-kundizzjonijiet operazzjonali għall-provvista ta' informazzjoni u dokumenti kklassifikati; billi l-awtoritajiet ta' l-"Istati Membri" huma obbligati li jipprovdu lill-Ombudsman bl-informazzjoni kollha neċessarja sakemm dik l-informazzjoni ma tkunx koperta bil-liġijiet jew regolamenti rigward is-segretezza jew b'dispożizzjonijiet li jimpedixxu l-komunikazzjoni tagħha; billi jekk l-Ombudsman isib li l-assistenza rikjesta mhix qed tiġi sodisfatta, hu għandu jinforma lill-Parlament Ewropew, li għandu jagħmel rappreżentanza xierqa; Emenda3 Artikolu 1, paragrafu 1 1.  Ir-regolamenti u l-kundizzjonijiet ġenerali li jirregolaw it-twettiq ta' l-obbligi ta' l-Ombudsman se jkunu stabbiliti bid-Deċiżjoni bi qbil ma' l-Artikolu 195(4) tat-Trattat li jistabbilixxi l-Komunitajiet Ewropej, l-Artikolu 20d (4) tat-Trattat li jistabbilixxi l-Komunità Ewropea tal-Faħam u l-Azzar u l-Artikolu 107d (4) tat-Trattat li jistabbilixxi l-Komunità Ewropea ta' l-Enerġija Atomika. 1.  Ir-regolamenti u l-kundizzjonijiet ġenerali li jirregolaw it-twettiq ta' l-obbligi ta' l-Ombudsman se jkunu stabbiliti bid-Deċiżjoni bi qbil ma' l-Artikolu 195(4) tat-Trattat li jistabbilixxi l-Komunità Ewropea u l-Artikolu 107d(4) tat-Trattat li jistabbilixxi l-Komunità Ewropea ta' l-Enerġija Atomika. Emenda 4 Artikolu 3, paragrafu 2, subparagrafu 1 2.  L-istituzzjonijiet u l-entitajiet Komunitarji huma obbligati li jipprovdu lill-Ombudsman bi kwalunkwe informazzjoni mitluba minnu u jagħtuh l-aċċess għall-fajls konċernati. Huma jistgħu biss jirrifjutaw a bażi ta' raġunijiet sostanzjali ta' segretezza." 2.  L-istituzzjonijiet u l-entitajiet Komunitarji huma obbligati li jipprovdu lill-Ombudsman bi kwalunkwe informazzjoni mitluba minnu u jagħtuh l-aċċess għall-fajls konċernati. L-aċċess għal informazzjoni u dokumenti kklassifikati, b'mod partikolari għal dokumenti sensittivi skond it-tifsira ta' l-Artikolu 9 tar-Regolament (KE) 1049/20011, għandu jkun suġġett għall-osservanza mill-Ombudsman ta' regoli strettament ekwivalenti għal dawk fis-seħħ fl-istituzzjonijiet jew fl-entitajiet ikkonċernati. L-istituzzjonijiet jew l-entitajiet li jipprovdu informazzjoni jew dokumenti kklassifikati kif msemmi fl-ewwel subparagrafu għandhom jinfurmaw lill-Ombudsman b'din il-klassifikazzjoni. Għall-implimentazzjoni tar-regoli previsti fl-ewwel subparagrafu, l-Ombudsman jista' jaqbel ma' l-istituzzjonijiet jew l-entitajiet dwar il-kundizzjonijiet operazzjonali għall-aċċess għal informazzjoni klassifikata u informazzjoni oħra koperti mill-obbligu ta' segretezza professjonali. _____________________ 1 Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43). Emenda 5 Artikolu 3, paragrafu 2, subparagrafu 5 Uffiċjali u impjegati oħra ta' l-istituzzjonijiet u l-entitajiet Komunitarji għandhom jixhdu fuq talba ta' l-Ombudsman; għandom jitkellmu f'isem u bi qbil ma' l-istruzzjonijiet ta' l-amministrazzjoni tagħhom u jibqgħu jkunu taħt id-dover tagħhom ta' segretezza professjonali". Uffiċjali u impjegati oħra ta' l-istituzzjonijiet u l-entitajiet Komunitarji għandhom jixhdu fuq talba ta' l-Ombudsman; għandhom jibqgħu jkunu marbuta bir-regoli rilevanti tar-Regolamenti ta' l-Istaff, b'mod partikolari bid-dover tagħhom ta' segretezza professjonali. Emenda 6 Artikolu 4 1.  L-Ombudsman u l-impjegati tiegħu, għal liema l-Artikolu 287 tat-Trattat li jistabbilixxi il-Komunitajiet Ewropej, l-Artikolu 47(2) tat-Trattat li jistabbilixxi l-Komunità Ewropea tal-Faħam u l-Azzar u l-Artikolu 194 tat-Trattat li jistabbilixxi l-Komunità Ewropea ta' l-Enerġija Atomika għandhom japplikaw, huma rikjesti li ma jiżvelawx informazzjoni jew dokumenti li jiksbu waqt il-qadi ta' dmirijiethom. Għandhom jkunu wkoll rikjesti li jittrattaw b'kunfidenzalità kull informazzjoni li tista' tippreġudika lill-persuna li rreġistrat l-ilment jew kwalunkwe persuna oħra involuta, mingħajr preġudizzju għal paragrafu 2. 1.  L-Ombudsman u l-impjegati tiegħu, li għalihom għandhom japplikaw l-Artikolu 287 tat-Trattat li jistabbilixxi l-Komunitajiet Ewropej u l-Artikolu 194 tat-Trattat li jistabbilixxi l-Komunità Ewropea ta' l-Enerġija Atomika, huma rikjesti li ma jiżvelawx informazzjoni jew dokumenti li jiksbu waqt il-qadi ta' dmirijiethom. Huma għandhom ukoll ikunu meħtieġa li ma jgħaddu l-ebda informazzjoni jew dokumenti kklassifikati pprovduti lill-Ombudsman bħala dokumenti sensittivi skond it-tifsira ta' l-Artikolu 9 tar-Regolament (KE) Nru 1049/2001, jew bħala dokumenti li jaqgħu fl-ambitu ta' l-applikazzjoni tal-leġiżlazzjoni tal-Komunità rigward il-ħarsien tad-data personali, kif ukoll kull informazzjoni li tista' tippreġudika lill-persuna li rreġistrat l-ilment jew kwalunkwe persuna oħra involuta, mingħajr preġudizzju għal paragrafu 2. L-Ombudsman u l-istaff tiegħu għandhom jieħdu ħsieb ta' l-applikazzjonijiet minn partijiet terzi għal aċċess għal dokumenti miksuba mill-Ombudsman waqt l-investigazzjonijiet skond il-kundizzjonijiet u l-limiti disposti fir-Regolament (KE) Nru 1049/2001, b'mod partikolari fl-Artikolu 4 tiegħu. 2.  Jekk, waqt l-inkjesti, jiskopri fatti li jaħseb li jistgħu jirrleataw mal-liġi kriminali, l-Ombudsman għandu immedjatament javża lill-awtoritajiet nazzjonali kompetenti permezz tar-Rappreżentazzjonijiet Permanenti ta' l-Istati Membri u l-Komunitajiet Ewropej u, kif xieraq, lill-istituzzjoni Komunitarja li għandha awtorità fuq l-uffiċjal jew impjegat ikkonċernat, li tista' tapplika it-tieni paragrafu ta' l-Artikolu 18 tal-Protokoll dwar il-Privileġġi u l-Immunitajiet tal-Komunitajiet Ewropej. L-Ombudsman jista' wkoll jinforma lill-istituzzjoni jew korp Komunitarju kkonċernata bil-fatti li jirrigwardaw il-kondotta ta' membru mill-istaff tagħhom minn aspett dixxiplinarju. 2.  Jekk, waqt l-inkjesti, jiskopri fatti li jaħseb li jistgħu jirrelataw mal-liġi kriminali, l-Ombudsman għandu immedjatament javża lill-awtoritajiet nazzjonali kompetenti permezz tar-Rappreżentazzjonijiet Permanenti ta' l-Istati Membri u l-Komunitajiet Ewropej jew l-istituzzjoni jew l-entità Komunitarja kompetenti; jekk ikun il-każ, l-Ombudsman għandu wkoll jgħarraf lill-istituzzjoni jew entità Komunitarja li għandha awtorità fuq l-uffiċjal jew impjegat ikkonċernat, li tista' tapplika it-tieni paragrafu ta' l-Artikolu 18 tal-Protokoll dwar il-Privileġġi u l-Immunitajiet tal-Komunitajiet Ewropej L-Ombudsman jista' wkoll jinforma lill-istituzzjoni jew korp Komunitarju kkonċernata bil-fatti li jirrigwardaw il-kondotta ta' membru mill-istaff tagħhom minn aspett dixxiplinarju. Emenda 7 Artikolu 5 Sakemm tista' tgħin biex tagħmel l-inkjesti iktar effiċjenti u biex ikunu salvagwardati aħjar id-drittijiet u l-interessi ta' persuni li rreġistraw ilmenti lilu, l-Ombudsman jista' jikkopera ma' l-awtoritajiet ta' l-istess tip f'ċerti Stati Membri sakemm ikun konformi mal-liġi nazzjonali applikabbli. L-Ombudsman ma jistax għalhekk jitlob li jara dokumenti li ma kienx ikollu aċċess għalihom skond l-Artikolu 3. Sakemm tista' tgħin biex tagħmel l-inkjesti iktar effiċjenti u biex ikunu salvagwardati aħjar id-drittijiet u l-interessi ta' persuni li rreġistraw ilmenti lilu, l-Ombudsman jista' jikkopera ma' l-awtoritajiet ta' l-istess tip f'ċerti Stati Membri sakemm ikun konformi mal-liġi nazzjonali applikabbli. L-Ombudsman ma jistax għalhekk jitlob li jara dokumenti li ma kienx ikollu aċċess għalihom skond l-Artikolu 3. L-Ombudsman jista', bl-istess kundizzjonijiet, jikkopera ma' istituzzjonijiet oħra għall-promozzjoni u l-ħarsien tad-drittijiet fundamentali.

Artikolu 2

Din id-Deċiżjoni għandha tiġi ppubblikata fil-Ġurnal Uffiċjali ta' l-Unjoni Ewropea.

Artikolu 3

Din id-Deċiżjoni għandha tidħol fis-seħħ fid-data tal-pubblikazzjoni tagħha fil-Ġurnal Uffiċjali ta' l-Unjoni Ewropea.

Magħmul fi

Għall-Parlament Ewropew

Il-President

(1) Il-vot dwar il-mozzjoni ta' riżoluzzjoni (A6-0076/2008) kien aġġornat sakemm tiġi konkluża l-proċedura skond l-Artikolu 195(4) tat-Trattat KE u l-Artikolu 107d(4) tat-Trattat Euratom. (2) ĠU C 303, 14.12.2007, p. 1.

Riżoluzzjoni tal-Parlament Ewropew tat-22 ta' April 2008 dwar id-Donazzjoni u t-Trapjant ta' Organi: Azzjonijiet politiċi fil-livell ta" l-UE (2007/2210(INI))

P6_TA(2008)0130 A6-0090/2008

Il-Parlament Ewropew,

–   wara li kkunsidra l-Artikolu 152(4)(a) tat-Trattat tal-KE,

–   wara li kkunsidra l-Komunikazzjoni tal-Kummissjoni lill-Parlament Ewropew u lill-Kunsill dwar id-Donazzjoni u t-Trapjant ta" l-Organi: Azzjonijiet Politiki fil-livell ta" l-UE (COM(2007)0275) u d-Dokument ta' Ħidma tal-Persunal tal-Kummissjoni, anness mal-Komunikazzjoni: Sommarju tal-Valutazzjoni ta" l-Impatt (SEC(2007)0705),

–   wara li kkunsidra d-Direttiva 2004/23/KE tal-Parlament Ewropew u tal-Kunsill tal-31 ta' Marzu 2004 dwar l-iffissar ta" standards ta" kwalità u sikurezza għad-donazzjoni, il-ksib, l-ittestjar, l-ipproċessar, il-preservazzjoni, il-ħażna u t-tqassim ta" tessuti u ta" ċelluli tal-bniedem(1),

–   wara li kkunsidra d-Direttiva 95/46/KE tal-Parlament Ewropew u tal-Kunsill ta' l-24 ta' Ottubru 1995 dwar il-ħarsien ta' individwi fir-rigward ta' l-ipproċessar ta' data personali u dwar il-moviment ħieles ta' din id-data(2),

-   wara li kkunsidra d-Direttiva 2002/58/KE tal-Parlament Ewropew u tal-Kunsill tat-12 ta' Lulju 2002 dwar l-ipproċessar ta' data personali u l-ħarsien tal-privatezza fis-settur tal-komunikazzjonijiet elettroniċi(3),

-   wara li kkunsidra d-Direttiva 2001/20/KE tal-Parlament Ewropew u tal-Kunsill ta' l-4 ta' April 2001 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta' l-Istati Membri li għandhom x'jaqsmu ma' l-implimentazzjoni ta' prattika klinika tajba fit-twettiq ta' testijiet kliniċi fuq prodotti mediċinali għall-użu mill-bniedem(4),

–   wara li kkunsidra l-Prinċipji ta" Gwida ta' l-Organizzazzjoni Dinjija tas-Saħħa dwar it-Trapjant ta" Organi Umani,

–   wara li kkunsidra l-Konvenzjoni tal-Kunsill ta" l-Ewropa dwar id-Drittijiet tal-Bniedem u l-Bijomediċina, u l-protokoll addizzjonali tagħha dwar it-Trapjant ta" Organi u Tessuti ta" Oriġini Umana,

–   wara li kkunsidra r-rapport tal-Kunsill ta' l-Ewropa "Biex nilqgħu għan-nuqqas ta' organi. Il-qagħda u l-istrateġiji attwali għat-titjib fid-donazzjoni ta' l-organi" (1999),

–   wara li kkunsidra r-rapport tal-Kunsill ta' l-Ewropa "Gwida għall-assigurazzjoni tas-sikurezza u tal-kwalità għall-organi, it-tessuti u ċ-ċelluli"(5),

–   wara li kkunsidra dokument mill-ewwel laqgħa nazzjonali ta" l-esperti dwar id-donazzjoni u t-trapjant ta" l-organi fil-Livell Komunitarju(6), li saret fi Brussel fit-13 ta" Settembru 2007,

–   wara li kkunsidra l-Artikolu 45 tar-Regoli ta' Proċedura tiegħu,

–   wara li kkunsidra r-Rapport tal-Kumitat għall-Ambjent, is-Saħħa Pubblika u s-Sikurezza ta' l-Ikel u l-opinjonijiet tal-Kumitat għall-Affarijiet Legali u l-Kumitat għal-Libertajiet Ċivili, il-Ġustizzja u l-Intern (A6-0090/2008),

A.   billi l-ħtieġa għat-trapjanti ta' l-organi fl-Unjoni Ewropea żdiedet sew u aktar bil-ħeffa mill-għadd ta' donazzjonijiet ta' l-organi, billi fl-Unjoni Ewropea kollha hemm aktar minn 60,000 pazjent jistennew biex isirilhom trapjant u billi għadd ġmielu ta' pazjenti jmutu minħabba n-nuqqas kroniku ta' organi, billi ż-żieda fl-għadd ta' donaturi mhijiex qiegħda twassal biex jiqsaru l-listi ta' stennija,

B.   billi t-traffikar ta' l-organi, il-kummerċjaliżmu u t-turiżmu tat-trapjanti, li xejn ma hu konsistenti mar-rispett għad-dinjità tal-bniedem, qegħdin jiżviluppaw bil-ħeffa,; billi hemm rabta bejn in-nuqqas ta' organi u t-traffikar tagħhom u billi tinħtieġ aktar data dwar it-traffikar ta' l-organi,

C.   billi kwistjonijiet tas-sikurezza huma spiss injorati meta jkun ipprattikat illegalment it-trapjant kummerċjali ta" l-organi, li jista" jipperikola l-ħajja kemm tad-donatur kif ukoll tar-riċevent,

D.   billi erba' Stati Membri għadhom ma rratifikawx il-Konvenzjoni tan-Nazzjonijiet Uniti kontra l-Kriminalità Organizzata Transnazzjonali, ħames Stati Membri għadhom ma rratifikawx il-Protokoll supplimentari tagħha għall-Prevenzjoni, it-Trażżin u l-Ikkastigar tat-Traffikar tal-Persuni, Speċjalment Nisa u Tfal ("il-Protokoll ta' Palermo"), disa' Stati Membri għadhom ma rratifikawx il-Protokoll Fakultattiv tan-NU tal-Konvenzjoni tad-Drittijiet tat-Tfal dwar il-bejgħ, il-prostituzzjoni u l-pornografija tat-tfal, u sbatax-il Stat Membru għadhom ma rratifikawx il-Konvenzjoni tal-Kunsill ta' l-Ewropa dwar Azzjoni Kontra t-Traffikar fil-Bnedmin.

E.   billi għalkemm l-estimi attwali jqiegħdu t-traffikar ta' l-organi fuq livell relattivament baxx fost il-forom kollha ta' traffikar, it-traffikar ta' l-organi u t-tessuti qiegħed isir dejjem iżjed problema globali li sseħħ kemm fi ħdan il-konfini nazzjonali kif ukoll lilhinn minnhom u qiegħda tkun ikkontrollata mid-domanda (hemm stima ta' 150-250 każ fis-sena fl-UE),

F.   billi t-traffikar ta' l-organi u t-tessuti hi forma ta' traffikar tal-persuni umani, li tinvolvi ksur serju tad-drittijiet tal-bniedem, u partikolarment tad-dinjità umana u ta' l-integrità fiżika, u tista' ddgħajjef il-fiduċja taċ-ċittadini fis-sistema leġittima tat-trapjanti, u tista' twassal għal skarsezza akbar ta' donazzjonijiet volontarji ta' organi u tessuti,

G.   billi l-kwalità, is-sikurezza, l-effikaċja u t-trasparenza huma essenzjali jekk is-soċjetà għandha taħsad il-benefiċċji li t-trapjant jista" joffri bħala terapija,

H.   billi t-trapjant ta' l-organi jikkostitwixxi l-uniku trattament disponibbli għal organi morda li waslu fl-aħħar stadju bħalma huma l-fwied, il-pulmun u l-qalb u l-iktar trattament għall-kliewi morda li waslu fl-aħħar stadju, li joffri benefiċċji b'paragun ma' l-ispiża; billi t-trapjant ta' l-organi jagħmilha possibbli li jiġu salvati l-ħajjiet u li tiġi offruta kwalità tal-ħajja aħjar,

I.   billi hemm differenzi sinifikanti bejn u fl-Istati Membri fir-rigward ta' rati ta" trapjanti u ta' sorsi ta" l-organi (jiġifieri donaturi ħajjin jew mejtin) kif ukoll diskrepanzi dwar ir-rekwiżiti tal-kwalità u tas-sikurezza minima għad-donazzjoni u t-trapjant ta' l-organi, filwaqt li l-approċċ organizzattiv tat-trapjanti jvarja minn Stat Membru għall-ieħor u jwassal għal standards irregolari fl-UE,

J.   billi l-Istati Membri għandhom oqfsa legali differenti (b'xi Stat Membri ikollhom sistema ta' għażla opt-in u oħrajn sistema opt-out) u esperjenzi fi Stati Membri differenti juru li l-impatt tas-sistema legali fuq l-għadd ta' donaturi huwa pjuttost limitat,

K.   billi l-alternattiva għat-trapjant sikwit hija l-kura intensiva, li hija skomda għall-pazjent u tpoġġi piż fuq is-sistemi tal-kura tas-saħħa u fuq il-familja, kif ukoll fuq dawk li jieħdu ħsieb il-pazjenti,

L.   billi d-donazzjoni u t-trapjant ta' l-organi huma kwistjonijiet sensittivi u kumplessi li jinkludu l-aspetti mhux mediċi biss, iżda wkoll dawk legali u etiċi, li jitolbu l-parteċipazzjoni sħiħa tas-soċjetà ċivili għall-iżvilupp tagħhom,

M.   billi l-użu ta" l-organi fit-terapija jinvolvi r-riskju li jkunu trażmessi infezzjonijiet u mard ieħor,

N.   billi għadd ta" organi diġà ġew skambjati bejn l-Istati Membri kif ukoll diġà jeżistu diversi organizzazzjonijiet Ewropej għall-iskambju ta' l-organi (bħal Scandiatransplant, Eurotransplant),

O.   billi l-esperjenza eżistenti (per eżempju l-Mudell Spanjol, il-proġett Belġjan GIFT, id-DOPKI, u l-Alleanza għad-Donazzjoni u t-Trapjant ta' l-Organi (Alliance-O)) wasslet għal riżultati pożittivi u għandha tiġi meqjusa,

P.   billi l-għarfien pubbliku, l-informazzjoni konkreta u pożittiva u t-taħriġ avvanzat kif ukoll il-ħiliet komunikattivi tal-professjonisti għandhom sehem importanti fiż-żieda tar-rieda għad-donazzjoni ta" l-organi,

Q.   billi hemm il-ħtieġa li jiddaħħlu miżuri effettivi għas-saħħa pubblika li jiffaċilitaw is-sejbien bikri u l-ġestjoni ta' mard kroniku li jikkaġuna insuffiċjenza ta' l-organi, bħall-mard kroniku tal-kliewi, sabiex ikun imminimizzat in-numru ta' nies li jeħtieġu trapjanti ta' organi jew ta' kliewi fil-futur.

1.  Jilqa" l-Komunikazzjoni tal-Kummissjoni msemmija hawn fuq li tipproponi strateġija integrata fuq tliet pilastri milqugħa ħafna;

L-istrument legali

2.  Jistenna bil-ħerqa l-proposta tal-Kummissjoni għal Direttiva li għandha tistabbilixxi rekwiżiti ta" kwalità u ta" sikurezza għad-donazzjoni, il-ksib, l-ittestjar, il-preservazzjoni, it-trasport u t-tqassim ta' l-organi fl-UE u r-riżorsi meħtieġa biex jintlaħqu dawn ir-rekwiżiti; jenfasizza, madankollu, li l-qafas legiżlattiv li ġej m'għandux joħloq piż amministrattiv żejjed għall-amministrazzjoni ta' l-Istati Membri jew għall-fornituri ta' servizz, u lanqas m'għandu jipperikola l-użu ta' prattiki tajbin li diġà jeżistu jew ta' prattiki adattati għall-kundizzjonijiet u ċ-ċirkustanzi li jinstabu fl-Istati Membri individwali, jew li jkollhom rekwiżiti li jwasslu għal tnaqqis ta' l-għadd ta' donaturi potenzjali u effettivi;

3.  Jiġbed l-attenzjoni li d-Direttiva l-ġdida għandha tikkomplementa u ssaħħaħ l-isforzi li għamlu l-Istati Membri sabiex jintlaħaq metodu ta' koordinazzjoni attiv u effiċjenti mingħajr ma tfixkel l-introduzzjoni jew iż-żamma ta' miżuri aktar stretti;

4.  Jenfasizza li d-Direttiva għandha tiffaċilita l-progress li jkun sar mix-xjenza medika;

Koperazzjoni bejn l-Istati Membri

5.  Jesprimi t-tħassib tiegħu dwar il-fatt li m'hemmx biżżejjed organi disponibbli għat-trapjanti sabiex jintlaħqu l-ħtiġijiet tal-pazjenti; iqis it-tnaqqis ta' l-iskarsezza ta' l-organi u tad-donaturi bħala l-isfida prinċipali li l-Istati Membri jiffaċċjaw fir-rigward tat-trapjant ta' l-organi; ifakkar li ħafna eluf ta' pazjenti fl-Ewropa huma rreġistrati attwalment fuq listi ta' stennija, li għandhom rata ta' mortalità sinifikanti;

6.  Jinnota li t-tqassim ta' l-organi għandu jkun ibbażat fuq il-kapaċità medika tal-pazjent li jaċċetta l-organu; hu tal-fehma li d-diskriminazzjoni minħabba xi diżabilità li ma jkollhiex x'taqsam maċ-ċansijiet tal-pazjent li jaċċetta organu m'għandhiex tkun ittollerata;

7.  Jiġbed l-attenzjoni li d-donazzjoni ta' l-organi hija don; għalhekk jenfasizza li, filwaqt li huwa importanti ferm li tinstab soluzzjoni għan-nuqqas kbir ta' organi fl-UE, l-għażla ħielsa tad-donazzjoni jew nuqqas ta' donazzjoni ta' xi organu jeħtieġ li tiġi rrispettata u mħarsa wkoll;

8.  Jinnota d-differenzi sinifikanti fir-rigward tas-sors ta' l-organi (donaturi mejtin jew ħajjin) fl-UE, id-differenzi sostanzjali bejn is-suċċessi ta" l-Istati Membri fit-tkabbir tal-komunità tad-donaturi tagħhom, id-diskrepanzi bejn l-Istati Membri dwar ir-rekwiżiti tal-kwalità u tas-sikurezza, l-approċċi organizzattivi differenti għad-donazzjoni u t-trapjant ta" l-organi u d-differenzi fl-edukazzjoni u t-taħriġ ta' professjonisti mediċi u paramediċi; iqis li d-diskrepanzi jistgħu jitfissru parzjalment b'taħlita ta' fatturi ekonomiċi, strutturali, amministrattivi, kulturali, etiċi, reliġjużi, storiċi, soċjali u legali, għalkemm il-fattur kruċjali jidher li hu kif ikun organizzat il-proċess li jwassal għad-donazzjoni u t-trapjant ta' l-organi;

9.  Jemmen bil-qawwa, għalhekk, li hemm potenzjal sinifikanti biex isir skambju ta' tagħrif bejn l-Istati Membri sabiex jiżdiedu r-rati ta' donazzjonijiet u jibbilanċja l-aċċess għat-trapjanti fl-Ewropa kollha; għalhekk, jistenna bil-ħerqa l-Pjan ta' Azzjoni tal-Kummissjoni għal koperazzjoni msaħħa bejn l-Istati Membri sabiex:

10.  Konsegwentement, jisħaq li l-istabbiliment ta" sistemi operattivi strutturati sew u l-promozzjoni ta' mudelli li rnexxew fi u bejn l-Istati Membri u, fejn ikun il-każ, fil-livell internazzjonali, huma ta" l-akbar importanza; jissuġġerixxi li s-sistemi operattivi għandhom jikkonsistu f'qafas legali xieraq, infrastruttura teknika u loġistika, appoġġ psikoloġiku u organizzattiv kif ukoll struttura organizzattiva xierqa, fil-livell ta' sptarijiet u lilhinn mill-isptarijiet, mgħammra bi staff bi kwalifiki għolja, flimkien ma' dispożizzjonijiet ċari dwar it-traċċabilità kif ukoll tqassim u aċċess ġust, effettiv u raġonevoli fis-sistema ta' trapjant;

Disponibilita' akbar ta' organi

11.  Jiġbed l-attenzjoni li l-Istati Membri huma responsabbli għall-mudell legali tagħhom; jinnota li fl-UE jeżistu żewġ mudelli, it-tnejn b'varjanti differenti; iqis li m'huwiex meħtieġ li s-sistemi legali jkunu adattati u armonizzati; jistieden lill-Istati Membri biex jadottaw leġiżlazzjoni li tippermetti l-ħatra ta' rappreżentant legali li jkun jista' jiddeċiedi dwar id-donazzjoni wara l-mewt ta' persuna;

12.  Jistieden lill-Istati Membri biex jilħqu l-potenzjal sħiħ tagħhom ta' donazzjonijiet wara l-mewt; għalhekk iħeġġeġ lill-Istati Membri biex jinvestu bis-sħiħ biex itejbu s-sistemi organizzattivi tagħhom billi:

13.  Jitlob lill-Istati Membri biex, bil-għan li tiżdied id-disponibilità ta' l-organi, jevalwaw l-użu ta' donaturi "estiżi" (jiġifieri donaturi kbar fl-età jew li għandhom ċertu mard) meta wieħed iqis il-konsiderazzjonijiet tal-kwalità u tas-sikurezza;

14.  Jikkunsidra li t-trapjanti jistgħu jsiru bl-użu ta' organi subottimali; imbagħad ikun f'idejn il-grupp li jagħmel it-trapjant, li jaġixxi b'konsultazzjoni mal-pazjent u mal-familja tiegħu, biex jieħdu deċiżjonijiet dwar l-użu ta' organi għal pazjenti individwali fuq il-bażi ta' l-analiżi tal-benefiċċju mqabbel mar-riskju;

15.  Jitlob lill-Istati Membri li jippermettu l-għoti ta' organi minn donaturi ħajjin biex iqisu l-konsiderazzjonijiet tal-kwalità u tas-sikurezza; jenfasizza, madankollu, li l-għoti ta' organi minn donaturi ħajjin jista' jitqies li jikkumplementa d-donazzjoni ta' l-organi wara l-mewt;

16.  Jirrikonoxxi li meta l-komunità tad-donaturi tkun estiża, it-tobba jistgħu jkunu mħassba biż-żieda fir-riġett ta' l-organi u n-nuqqas gradwali fil-funzjoni ta' l-organu trapjantat, u għalhekk jitlob lill-Kummissjoni u l-Istati Membri biex jappoġġjaw metodi biex jevitaw u jikkuraw ir-riġett ta' l-organi sabiex il-komunità "estiża" ta' donaturi tkun tista' tintuża b'fiduċja mit-tobba;

17.  Jirrikonoxxi li l-bijoteknoloġija diġà qiegħda toffri soluzzjonijiet għar-riskju ta' riġett ta' organi trapjantati, pereżempju permezz ta' trattamenti li jnaqqsu r-rati ta' riġett, li min-naħa l-oħra jappoġġjaw id-disponibilità ta' aktar organi, billi jħallu lit-tobba jittrattaw jew anki jevitaw ir-riġett; isostni li dan jista' jgħin biex jappoġġja l-komunità ta' donaturi "estiżi" billi jitnaqqas ir-riskju assoċjat mal-programmi ta' organi "estiżi";

18.  Jitlob lill-Istati Membri biex ineħħu, qabel Jannar 2010, il-leġiżlazzjoni li tgħid li l-organi tad-donaturi jistgħu jintużaw biss f'dak l-Istat Membru;

19.  Jitlob lill-Istati Membri biex jieħdu l-miżuri meħtieġa fl-oqsma ta' l-edukazzjoni u t-taħriġ, ix-xogħol fi grupp u r-rimunerazzjoni tal-kirurgi li jwettqu t-trapjanti;

20.  Jenfasizza l-importanza li l-akkwist u t-trapjant ta' l-organi jkollhom finanzjament minn linja ta' baġit separata, sabiex it-trapjant ma jservix ta' nuqqas ta' inċentiv għall-isptarijiet;

21.  Jisħaq fuq il-ħtieġa li jkun żgurat li d-donazzjonijiet ta' l-organi ma jkunux kummerċjalizzati u jibqgħu hekk;

22.  Japprova miżuri li huma mmirati biex jipproteġu donaturi ħajjin, mill-perpsettiva medika, psikoloġika u soċjali, u biex jiżguraw li d-donazzjoni ta" l-organi ssir b'mod altruwistiku u volontarju, biex b'hekk ebda ħlas ħlief għal kumpens strettament limitat biex jagħmel tajjeb għall-ispejjeż u l-inkonvenjenzi relatati mad-donazzjoni; jitlob lill-Istati Membri biex jiżguraw li jkun ippreservat l-anonimat tad-donaturi mejta u ta' dawk ħajjin li ma jkunux marbuta b'mod ġenetiku jew emozzjonali mar-riċeventi, fejn il-leġiżlazzjoni nazzjonali tippermetti donazzjonijiet bħal dawn; iħeġġeġ lill-Istati Membri sabiex jiddefinixxu l-kondizzjonijiet li taħthom jista" jingħata xi kumpens;

23.  Iħeġġeġ lill-Istati Membri sabiex jadottaw u jħarsu dispożizzjonijiet legali rigorużi fir-rigward tat-trapjanti minn donaturi ħajjin li m'humiex qraba, sabiex is-sistema tkun trasparenti u teskludi l-possibilità ta' bejgħ illeċitu ta' organi jew l-isfurzar tad-donaturi; għalhekk, id-donazzjonijiet minn donaturi ħajjin li m'humiex qraba jistgħu jsiru biss taħt kundizzjonijiet definiti fil-liġi nazzjonali u wara awtorizzazzjoni minn entità indipendenti adatta;

24.  Iħeġġeġ lill-Istati Membri sabiex jiżguraw li ma ssirx diskriminazzjoni kontra donaturi ħajjin, partikolarment mis-sistemi ta' l-assigurazzjoni;

25.  Iħeġġeġ lill-Istati Membri sabiex jiżguraw li d-donaturi ħajjin jingħataw lura l-ispejjeż tas-sigurtà soċjali;

26.  Iqis li, fil-futur, il-bijoteknoloġija, dejjem jekk tkun garantita t-traċċabilità, tista" tippermetti r-riċerkaturi li jkabbru organi minn tessuti u ċelluli eżistenti, kemm mill-pazjenti nnifishom kif ukoll minn donaturi oħra tat-tessuti; jitlob lill-Kummissjoni sabiex tippromwovi din it-tip ta" riċerka li spiss titwettaq mill-kumpaniji emerġenti ta' l-UE tal-bijoteknoloġija li huma żgħar u ta" daqs medju fi ħdan l-oqfsa kulturali u etiċi stipulati mill-Istati Membri u mill-Karta tad-Drittijiet Fundamentali u l-Kunsill tal-Konvenzjoni Ewropea dwar id-Drittijiet tal-Bniedem u l-Bijomediċina;

27.  Jinnota li diversi studji kliniċi tal-bniedem ippruvaw l-effiċjenza tat-trattament b'ċelluli staminali adulti f'diversi terapiji ta" sostituzzjoni taċ-ċelluli;

L-effiċjenza u l-aċċessibilita' ta' sistemi ta' trapjanti

28.  Jinnota li, għalkemm diversi Stati Membri introduċew ir-reġistrazzjoni mandatorja tal-proċeduri tat-trapjant u jeżistu wkoll xi reġistri volontarji, ma teżisti l-ebda sistema komprensiva għall-ġbir tad-data dwar it-tipi differenti ta" trapjanti u r-riżultati tagħhom; jirrakkomanda bil-qawwa l-ħolqien ta' reġistri ta' segwitu nazzjonali ta' donaturi ħajjin, ta' pazjenti li ġew trapjantati u tal-proċeduri tat-trapjanti; jiġbed l-attenzjoni li r-reġistri għandhom ikunu aġġornati b'mod regolari; jenfasizza li l-importanza li jiġi żgurat it-tqabbil tad-data bejn l-Istati Membri;

29.  Jitlob lill-Kummissjoni biex tirrakkomanda lill-Istati Membri ċerti linji ta' gwida rigward ir-reġistrazzjoni biex tiżgura li l-persuna rreġistrata tressaq ċertu tagħrif dwar l-istorja medika tagħha u biex tkun żgurata l-kwalità u s-sikurezza ta' l-organi tad-donatur, ladarba r-reġistrazzjoni ma tinvolvix biss att sempliċi ta' reġistrazzjoni ta' l-isem iżda timplika konsegwenzi kemm għad-donatur kif ukoll għar-riċevent;

30.  Jistieden lill-Kummissjoni sabiex tiffaċilita l-iżvilupp ta" nukleu ta" standards tekniċi u etiċi għall-immaniġġjar tas-sikurezza, tal-kwalità u ta" l-effikaċja tad-donazzjoni ta' l-organi fil-kuntest tad-donazzjoni u tat-trapjant li jista' jkun ta" mudell għall-Istati Membri; jitlob lill-Kummissjoni sabiex tistabilixxi mekkaniżmu ta" l-UE li jippromwovi attivitajiet ta" koordinazzjoni bejn Stati Membri fir-rigward tad-donazzjoni u t-trapjant ta" l-organi;

31.  Iqis li vantaġġ ulterjuri tal-kollaborazzjoni bejn l-Istati Membri li mhux enfasizzat biżżejjed fil-Komunikazzjoni tal-Kummissjoni msemmija hawn fuq, huwa l-valur potenzjali ta" l-iskambju ta" l-organi bejn l-Istati Membri f'termini ta' opportunitajiet mediċi u tekniċi, għalkemm jittieħed kont tal-limitazzjonijiet ġeografiċi ta' skambji bħal dawn u l-effetti potenzjali fuq il-vijabilità ta' l-organi; jenfasizza f'dan ir-rigward ir-riżultati pożitivi tas-sistemi internazzjonali; jemmen li l-qsim ta' l-organi jista' jkun ta' għajnuna b'mod partikulari fejn jidħlu proċeduri diffiċli ta' trapjanti (bħal per eżempju fil-każ ta' pazjenti bi bżonnijiet partikolarment sensittivi jew urġenti u f'pazjenti b'kondizzjonijiet speċjali, li għalihom ikun diffiċli li jinstab donatur adattat);

32.  Jistieden lill-Kummissjoni biex flimkien ma' l-Istati Membri jwettqu studju dwar il-kwistjonijiet kollha li jikkonċernaw it-trapjant ta' l-organi għal residenti li m'humiex fl-UE iżda li jinsabu fl-Istati Membri u biex jiżviluppaw kodiċi ta' kondotta li jistabbilixxi r-regoli u kondizzjonijiet li skond huma l-organi mogħtija minn donaturi mejta ta' l-UE jistgħu jitqassmu lil persuni mhux residenti fl-UE;

33.  Jenfasizza li hija neċessarja koperazzjoni tajba bejn professjonisti tal-kura tas-saħħa u l-awtoritajiet kompetenti u li din tipprovdi valur miżjud; jitlob lill-Kummissjoni sabiex tiffaċilita l-alleanzi bejn organizzazzjonijiet nazzjonali tat-trapjanti fl-Istati Membri li jinvolvu l-koperazzjoni ta' natura legali, etika u teknika; jirrikonoxxi li hemm sitwazzjonijiet fil-mediċina tat-trapjanti li ma jistgħux ikunu indirizzati b'mod adegwat fl-Istati Membri b'komunità tad-donaturi limitata; jemmen li b'mod partikolari l-Istati Membri ż-żgħar jistgħu jibbenefikaw b'mod ċar mill-koperazzjoni Ewropea;

34.  Jistieden li jkun hemm karta tad-donaturi ta' l-UE, li tkun komplementari mas-sistemi nazzjonali eżistenti;

35.  Iqis li l-koperazzjoni internazzjonali biex tippromwovi d-disponibilità u s-sikurezza ta' l-organi hija mixtieqa; jiġbed l-attenzjoni, f'dan ir-rigward, li regoli ġenerali li jirregolaw l-aħjar prattika medika, it-tekniki dijanjostiċi u l-konservazzjoni jistgħu jkunu utli; jitlob lill-Istati Membri biex jippromwovu attivament din il-koperazzjoni u biex japplikaw din is-sistema ta' regoli ġenerali;

Biex jikber l-għarfien pubbliku

36.  Jenfasizza l-importanza li jikber l-għarfien tal-pubbliku dwar id-donazzjoni ta' l-organi u t-trapjanti sabiex dan jista' jiffaċilita l-identifikazzjoni ta' donaturi ta' l-organi u b'hekk tiżdied id-disponibilità ta" l-organi; għaldaqstant jistieden lill-Kummissjoni, lill-Istati Membri u lis-soċjetà ċivili biex isaħħu b'mod strutturali l-promozzjoni tad-donazzjoni ta' l-organi, b'mod partikolari fost iż-żgħażagħ fl-iskejjel; f'dan ir-rigward, jissuġġerixxi l-użu ta' personalitajiet magħrufa sew (per eżempju rġiel u nisa sportivi) u ta' pakketti edukattivi;

37.  Jiġbed l-attenzjoni li l-informazzjoni dwar id-donazzjoni ta' l-organi u t-trapjanti għandha tkun pprovduta b'mod trasparenti, mhux influwenzat u mingħajr impożizzjoni, filwaqt li tindirizza l-ambitu tad-donazzjoni ta' l-organi, jiġifieri, li d-donazzjoni tista' tinkludi d-donazzjoni ta' aktar minn organu wieħed kif ukoll id-donazzjoni tat-tessuti;

38.  Jenfasizza li, l-għażla ħielsa dwar jekk persuna tkun donatur jew le hija d-dritt esklussiv tad-donatur u għandha tiġi rrispettata u li d-donazzjoni ta' l-organi għandha tiġi kkunsidrata bħala rigal minn bniedem għal ieħor; jiġbed l-attenzjoni li dan jeħtieġ li jkun rifless fil-lingwaġġ użat, u tiġi evitata terminoloġija ekonomika li tagħti x'tifhem li l-organi jistgħu jitqiesu bħala prodott fis-suq intern;

39.  Jistieden lill-Kummissjoni sabiex tikkunsidra li tkompli tiżviluppa u tespandi l-web page Ewropea attwali dwar id-donazzjoni ta' l-organi(7) kif ukoll dik ta' l-Organizzazzjoni Dinjija tas-Saħħa (WHO)(8) biex jiġu koperti l-Istati Membri kollha, fil-lingwi uffiċjali kollha ta' l-UE, bil-għan li tipprovdi kull informazzjoni u data rilevanti dwar id-donazzjoni u t-trapjant ta' l-organi;

40.  Jistieden lill-Kummissjoni u lill-Istati Membri biex jippromwovu jum tad-donaturi u jirrakkomanda azzjonijiet li jenfasizzaw ir-riżultati tajbin miksuba u l-importanza tat-trapjanti;

41.  Huwa konvint li mod effettiv ħafna biex tiżdied id-disponibilità ta" l-organi huwa li l-pubbliku jkollu aktar informazzjoni anki fil-livell lokali u reġjonali; jistieden lill-Kummissjoni, lill-Istati Membri u lill-organizzazzjonijiet tas-soċjetà ċivili, lill-knejjes u lill-komunitajiet reliġjużi sabiex jieħdu sehem f'dan l-isforz biex jiżdied l-għarfien tal-pubbliku dwar il-possibilità tad-donazzjoni ta" l-organi filwaqt li jitqiesu d-dettalji partikulari kulturali ta' kull Stat Membru; jenfasizza s-sehem importanti li għandhom donaturi rreġistrati fil-promozzjoni tad-donazzjoni ta' l-organi fost il-membri tal-familja u ħbiebhom biex iħeġġuhom isiru donaturi huma wkoll;

42.  Jirrikonoxxi li huwa importanti li jitjiebu l-ħiliet tal-komunikazzjoni tal-professjonisti tal-kura tas-saħħa billi, pereżempju, jiġu żviluppati linji ta' gwida għall-informazzjoni; jisħaq fuq il-ħtieġa ta' attitudni professjonali lejn il-komunikazzjoni, kif ukoll lejn l-appoġġ ta' l-esperti f'dak il-qasam; għandha tingħata attenzjoni speċjali kemm għall-kontenut tal-messaġġ kif ukoll għall-aħjar mod kif jiġu ttrattati l-aktar temi kontroversjali; jenfasizza l-importanza ta' laqgħat regolari mar-rappreżentanti tal-midja biex jiġu promossi r-riżultati tajbin miksuba u l-importanza tat-trapjanti;

43.  Jiffavorixxi l-ħolqien ta' "hotline" tat-trapjanti b'numru tat-telfown wieħed imħaddem minn xi organizzazzjoni nazzjonali tat-trapjanti, fejn hemm organizzazzjoni bħal din, 24 siegħa kuljum minn professjonisti mħarrġa u b'esperjenza xierqa li jistgħu jipprovdu tagħrif rilevanti u preċiż, mediku u legali, malajr, lill-persuni kollha kkonċernati;

44.  Jitlob lill-Kummissjoni biex tappoġġja riċerka dwar id-donazzjoni u t-trapjant ta" l-organi bejn il-fruntieri sabiex jiġi indirizzat l-impatt ta" l-etniċità, tal-pajjiż ta" l-oriġini, tar-reliġjon, tal-livell ta" edukazzjoni u tal-klassi soċjoekonomika fuq id-deċiżjoni li jkunu offruti organi għad-donazzjoni; jitlob lill-Kummissjoni u lill-Istati Membri sabiex ixerrdu malajr ir-riżultati tar-riċerka bil-għan li l-pubbliku jkun infurmat u biex jitneħħew perċezzjonijiet żbaljati;

Biex jitjiebu l-kwalita' u s-sikurezza

45.  Jirrikonoxxi li huwa ta" importanza vitali li tkun żgurata l-kwalità u s-saħħa tad-donazzjoni u tat-trapjant ta" l-organi; jiġbed l-attenzjoni għall-fatt li dan ikollu impatt f'termini tat-tnaqqis fir-riskji tat-trapjanti u konsegwentement inaqqas l-effetti mhux mixtieqa; jirrikonoxxi li azzjonijiet fuq il-kwalità u s-sikurezza jista' jkollhom effett fuq id-disponibilità ta' l-organi u viċiversa; jitlob lill-Kummissjoni biex tgħin lill-Istati Membri jiżviluppaw il-kapaċità tagħhom fil-ħolqien u l-iżvilupp ta" regolamenti nazzjonali u ta" qafas regolatorju sabiex itejbu l-kwalità u s-sikurezza, mingħajr ma dan ikollu impatt negattiv fuq id-disponibilità ta' l-organi għat-trapjant;

46.  Jirrikonoxxi li r-riżultati ta" wara t-trapjant u ta' wara d-donazzjoni għandhom ikunu osservati u evalwati; jenfasizza li għandha tkun promossa metodoloġija komuni għall-analiżi tad-data, fuq il-bażi ta' l-aħjar prattiki utilizzati fl-Istati Membri, sabiex ikun jista' jsir l-aħjar tqabbil bejn ir-riżultati fost l-Istati Membri;

47.  Jitlob lill-Istati Membri biex iżidu l-perjodi ta' sorveljanza għall-pazjenti li jkunu għamlu trapjant għal bosta snin u preferibilment sakemm il-pazjent jibqa' ħaj u/jew sakemm l-organu trapjantat jibqa' jaħdem;

48.  Jistieden lill-Kummissjoni biex talloka fondi fi ħdan is-Seba' Programm ta' Qafas tal-Komunitajiet Ewropej għar-riċerka, żvilupp teknoloġiku u attivitajiet ta' dimostrazzjoni (2007-2013) biex jippromwovi r-riċerka dwar tekniki dijanjostiċi aħjar u aktar preċiżi li jkunu jistgħu jikxfu malajr u b'mod effettiv kondizzjonijiet perikolużi bħall-HIV/AIDS, l-epatite u oħrajn, billi aspett importanti tat-trapjant ta' l-organi huwa li tiġi żgurata s-sikurezza minn bosta fatturi u aġenti ta' detriment li jkunu jinsabu fl-organi tad-donatur;

It-traffikar ta' l-organi

49.  Jiġbed l-attenzjoni li hemm rabta bejn in-nuqqas ta' organi u t-traffikar tagħhom, billi t-traffikar ta' l-organi jdgħajjef il-kredibilità tas-sistema għad-donaturi potenzjali volontarji u li ma jitħallsux; jenfasizza li kwalunkwe sfruttar kummerċjali ta" l-organi m'huwiex etiku u huwa inkonsistenti mal-valuri l-aktar bażiċi tal-bniedem; jenfasizza li d-donazzjoni ta' l-organi motivata minn konsiderazzjonijiet finanzjarji tbaxxi d-donazzjoni ta' organu għal prodott kwalunkwe, u dan jikkostitwixxi vjolazzjoni tad-dinjità umana u jmur kontra l-Artikolu 21 tal-Konvenzjoni dwar id-Drittijiet tal-Bniedem u l-Bijomediċina u huwa pprojbit skond l-Artikolu 3(2) tal Karta ta' l-UE dwar id-Drittijiet Fundamentali;

50.  Jitlob lill-Kummissjoni, fir-rigward ta' pajjiżi terzi, sabiex tiġġieled kontra prattiki ta' traffikar ta' organi u tessuti, li għandhom ikunu projbiti b'mod universali, inklużi t-trapjant ta' organi u tessuti mingħand persuni minuri, persuni b'diżabilità mentali jew priġunieri ġustizzjati; jistieden lill-Kummissjoni u lill-Istati Membri sabiex jissensibilizzaw il-komunità internazzjonali dwar din il-kwistjoni;

51.  Iqis li, sabiex jiġi miġġieled it-traffikar ta' l-organi fl-aktar partijiet foqra tad-dinja, għandha tiġi adottata strateġija fuq medda twila ta' żmien sabiex jiġu eliminati l-inugwaljanzi soċjali li huma responsabbli għal dawn il-prattiki; jenfasizza li, sabiex tiġi miġġielda l-prattika tal-bejgħ ta' l-organi għall-flus (speċjalment f'pajjiżi li qed jiżviluppaw), għandhom jinħolqu mekkaniżmi ta' traċċabilità biex jagħmlu mezz li dawn l-organi ma jitħallewx jidħlu fl-UE;

52.  Jistieden lill-Kummissjoni u lill-Istati Membri biex jieħdu miżuri biex jipprojbixxu t-"turiżmu tat-trapjanti", billi jitfasslu linji gwida sabiex jipproteġu lid-donaturi l-aktar foqra u vulnerabbli milli jkunu vittmi tat-traffikar ta" l-organi u biex jadottaw miżuri li jżidu d-disponibilità ta" organi miksuba legalment u permezz ta' l-iskambju ta' reġistrazzjonijiet f'listi ta' stennija bejn organizzazzjonijiet eżistenti għall-iskambju ta' l-organi sabiex ikunu evitati listi multipli; jitlob lill-Kummissjoni sabiex permezz ta' spazju ta' libertà, sigurtà u ġustizzja tippromwovi metodu komuni bil-għan li tiġi kkompilata informazzjoni fuq il-leġiżlazzjoni nazzjonali dwar it-traffikar ta" l-organi u biex jiġu identifikati l-problemi ewlenin u s-soluzzjonijiet potenzjali; jiġbed l-attenzjoni għal dan il-għan li għandha tiġi stabbilita sistema ta" traċċabilità u ta' responsabilità diretta għall-organi umani;

53.  Iħeġġeġ lill-Istati Membri sabiex, fejn jeħtieġ, jemendaw il-kodiċi kriminali tagħhom ħalli jiżguraw li jittieħdu passi xierqa kontra dawk responsabbli għat-traffikar ta' l-organi, flimkien ma' sanzjonijiet għall-istaff mediku involut fi trapjant ta' organi li jinkisbu minn traffikar, waqt li jsir kull sforz sabiex jiġu skoraġġiti persuni li jkunu jeħtieġu l-organi milli jfittxu organi u tessuti li jkunu traffikati; jisħaq li għandha tingħata konsiderazzjoni sabiex iċ-ċittadini Ewropej li jkunu akkwistaw organi kemm fl-UE kif ukoll barra minnha ikollhom responsabilità kriminali;

54.  Jistieden lill-Istati Membri sabiex jieħdu l-passi meħtieġa li jżommu lill-professjonisti fil-kura tas-saħħa milli jiffaċilitaw it-traffikar fl-organi u fit-tessuti (pereżempju, billi jirreferu pazjent lil servizz barrani ta' trapjant li jista' jkun involut fit-traffikar) kif ukoll lil dawk li jipprovdu servizz ta' assigurazzjoni tas-saħħa milli jiffaċilitaw attivitajiet li b'mod dirett jew indirett jippromwovu t-traffikar ta' l-organi, pereżempju billi jirrimborżaw xi spejjeż għal trapjanti illegali ta' l-organi;

55.  Iqis li l-Istati Membri għandhom jagħmlu arranġamenti biex l-aġenziji tagħhom ta' l-infurzar tal-liġi kif ukoll l-istaff mediku għandhom ikunu mħarrġa dwar it-traffikar ta' l-organi sabiex kull każ jiġi rrappurtat lill-pulizija;

56.  Jitlob lill-Istati Membri sabiex jiffirmaw, jirratifikaw u jimplimentaw il-Konvenzjoni tal-Kunsill ta' l-Ewropa partikolarment l-Azzjoni kontra t-Traffikar tal-Persuni u l-Protokoll ta' Palermo jekk għadhom m'għamlux dan;

57.  Jiddispjaċih li l-Europol ma ħejjietx stħarriġ dwar il-bejgħ u t-traffikar ta" l-organi għaliex issostni li m'hemmx każijiet dokumentati; jirreferi għal rapporti tal-Kunsill ta" l-Ewropa u tad-WHO li jagħtu evidenza ċara li l-kummerċ ta" l-organi huwa problema għall-Istati Membri ta" l-UE wkoll u jitlob lill-Kummissjoni u lill-Europol biex itejbu l-monitoraġġ ta" każijiet ta" traffikar ta" l-organi u biex jaslu għall-konklużjonijiet meħtieġa;

58.  Jitlob lill-Kummissjoni u lill-Kunsill sabiex jaġġornaw il-Pjan ta' Azzjoni dwar it-Traffikar tal-persuni umani u jinkludu fih pjan ta' azzjoni għall-ġlieda kontra t-traffikar ta' l-organi, sabiex jippermettu koperazzjoni akbar bejn l-awtoritajiet konċernati;

59.  Jitlob, ukoll, sabiex il-pjan ta' azzjoni jkollu referenza għal data li tkun korretta u verifikata fir-rigward tal-kwantitajiet, it-tipi u l-oriġini ta' organi traffikati illegalment;

o
o   o

60.  Jagħti istruzzjonijiet lill-President tiegħu sabiex iressaq din ir-riżoluzzjoni lill-Kunsill, lill-Kummissjoni, lid-WHO, lill-Kunsill ta' l-Ewropa u lill-gvernijiet u l-parlamenti ta" l-Istati Membri.

(1) ĠU L 102, 7.4.2004, p. 48. (2) ĠU L 281,23.11.1995, p. 31. (3) ĠU L 201, 31.7.2002, p. 37. (4) ĠU L 121, 1.5.2001, p. 34. (5) It-tielet edizzjoni, 2007. (6) SANCO C6 EFZ/gsc D (2007) 360346 (7) www.eurodonor.org (and/or www.erocet.org) (8) www.transplant-observatory.org

Riżoluzzjoni tal-Parlament Ewropew tat-22 ta' April 2008 dwar l-irwol tal-volontarjat fil-kontribuzzjoni għal koeżjoni ekonomika u soċjali (2007/2149(INI))

P6_TA(2008)0131 A6-0070/2008

Il-Parlament Ewropew,

–   wara li kkunsidra r-Raba" Rapport dwar il-Koeżjoni Ekonomika u Soċjali (COM(2007)0273),

–   wara li kkunsidra d-Deċiżjoni Nru 1904/2006/KE tal-Parlament Ewropew u tal-Kunsill tat-12 ta' Diċembru 2006 li tistabbilixxi għall-perjodu 2007-2013 il-programm L-Ewropa għaċ-Ċittadini (Europe for Citizens) biex tiġi promossa ċittadinza Ewropea attiva(1),

–   wara li kkunsidra d-Deċiżjoni Nru 1719/2006/KE tal-Parlament Ewropew u tal-Kunsill tal- 15 ta' Novembru 2006 li tistabbilixxi l-programm Żgħażagħ fl-Azzjoni għall-perjodu 2007 sa l-2013(2),

–   wara li kkunsidra d-Deċiżjoni tal-Kunsill 2006/144/KE ta' l- 20 ta' Frar 2006 dwar il-linji gwida strateġiċi tal-Komunità għall-iżvilupp rurali (perjodu ta' programmazzjoni 2007 sa l-2013)(3),

–   wara li kkunsidra d-Deċiżjoni tal-Kunsill 2006/702/KE tas-6 ta" Ottubru 2006 dwar il-linji gwida strateġiċi tal-Komunità dwar il-koeżjoni(4),

−   wara li kkunsidra r-Riżoluzzjoni tal-Kunsill u tar-Rappreżentanti tal-Gvernijiet ta' l-Istati Membri, f'laqgħa fi ħdan il-Kunsill, tat-13 ta' Novembru 2006, dwar l-implimentazzjoni ta' l-objettivi komuni għall-parteċipazzjoni taż-żgħażagħ u l-informazzjoni għaż-żgħażagħ minħabba l-promozzjoni taċ-ċittadinanza Ewropea attiva tagħhom(5),

–   wara li kkunsidra l-Komunikazzjoni mill-Kummissjoni bit-titolu Il-promozzjoni tal-parteċipazzjoni sħiħa taż-żgħażagħ fl-edukazzjoni, fl-impjieg u fis-soċjetà (COM(2007)0498),

−   wara li kkunsidra l-Komunikazzjoni mill-Kummissjoni bit-titolu Il-ġejjieni demografiku ta" l-Ewropa, il-bidla ta" sfida f'opportunità (COM(2006)0571),

–   wara li kkunsidra r-Rakkomandazzjoni 2001/613/KE tal-Parlament Ewropew u tal-Kunsill ta" l-10 ta" Lulju 2001 dwar il-mobilità fi ħdan il-Komunità għall-istudenti, persuni li jkunu għaddejjin minn taħriġ, voluntiera, għalliema u għal dawk li jħarrġu lill-oħrajn(6),

−   wara li kkunsidra r-riżoluzzjoni tiegħu tat-13 ta' Marzu 2007 dwar ir-responsabiltà soċjali ta' l-impriżi: sħubija ġdida(7),

–   wara li kkunsidra l-Opinjoni tal-Kumitat tar-Reġjuni dwar il-kontribut tal-volontarjat għall-koeżjoni ekonomika u soċjali(8),

–   wara li kkunsidra l-Opinjoni tal-Kumitat Ekonomiku u Soċjali Ewropew dwar l-Attività volontarja: l-irwol tagħha fis-soċjetà Ewropea u l-impatt tagħha(9),

–   wara li kkunsidra l-Opinjoni tal-Kumitat tar-Reġjuni dwar l-irwol ta" l-organizzazzjonijiet volontarji - kontribut lejn soċjetà Ewropea(10),

–   wara li kkunsidra l-Artikoli 158 u 159 tat-Trattat KE,

–   wara li kkunsidra l-Artikolu 45 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Iżvilupp Reġjonali (A6-0070/2008),

A.   billi huwa stmat b'mod ta" min jorbot fuqu li hemm aktar minn 100 miljun ċittadin ta" l-UE li jagħmlu volontarjat(11),

B.   billi l-ewwel sejbiet wara l-implimentazzjoni tal-Manwal tan-NU fuq l-Istituzzjonijiet li Ma Jagħmlux Qligħ (N.P.I's) kienu li l-kontribut ekonomiku ta" l-Istituzzjonijiet li Ma Jagħmlux Qliegħ huwa ta" medja ta" 5% u li, anke meta stmati b'mod konservattiv, il-ħin mogħti għall-volontarjat jgħodd għal aktar minn kwart ta' din il-figura(12),

C.   billi l-volontarjat huwa forza maġġuri li trawwem lis-soċjetà ċivili u li ssaħħaħ is-solidarjetà - wieħed mill-valuri ewlenin ta" l-UE - kif ukoll huwa komponent essenzjali fl-appoġġ tal-programmi tal-iżvilupp tal-komunitajiet, b'mod partikulari f'dawk l-Istati Membri li issa ħerġin minn perjodu tranżizzjonali postkomunista,

D.   billi studju riċenti ta" organizzazzjonijiet li jinvolvu l-voluntiera madwar l-Ewropa kollha wera livell għoli ta" valur miżjud: għal kull EUR 1 li nefqu l-organizzazzjonijiet fl-appoġġ għall-voluntiera, rċevew ritorn medju għall-valur ta' bejn EUR 3 u EUR 8(13),

E.   billi l-kontribut sinjifikanti ħafna tal-volontarjat għall-bini tal-kapital soċjali jeħtieġ li jiġi rikonoxxut għal kollox,

F.   billi l-finanzjament sostenibbli, speċjalment il-finanzjament għal għanijiet amministrattivi, huwa ta' importanza fundamentali għall-organizzazzjonijiet volontarji u għax-xogħol volontarju b'mod ġenerali;

G.   billi r-rapport ta" dan l-aħħar li nħareġ mill-Fondazzjoni Ewropea għat-Titjib tal-Kundizzjonijiet ta" l-Għajxien u tax-Xogħol identifika l-kapital soċjali bħala element ewlieni fl-iżvilupp ta" politiki li jkollhom il-għan li jrawmu l-iżvilupp ekonomiku rurali(14),

H.   billi studju riċenti ta" tiftix fuq programm Urban li għamel suċċess f'Aarhus għamel il-punt ċentrali li ċ-ċittadini lokali u l-isforz volontarju kienu kruċjali biex l-implimentazzjoni tal-programm tkun suċċess(15),

I.   billi l-volontarjat mhux biss għandu valur ekonomiku li jista" jitkejjel iżda jista" wkoll iwassal biex is-servizzi pubbliċi jiffrankaw b'mod sinjifikanti; billi, f'dan il-kuntest, huwa importanti li jiġi żgurat li l-attività volontarja tkun addizzjonali għas-servizzi pubbliċi u mhux tkun sostitut tagħhom,

J.   billi l-volontarjat jikkontribwixxi għall-iżvilupp personali u soċjali tal-voluntier(a) u għandu impatt pożittiv fi ħdan il-komunità, pereżempju, fuq relazzjonijiet interpersonali,

K.   billi l-voluntiera jwettqu rwol importanti biex jintlaħaq l-għan ta" l-Istrateġija ta" Liżbona ta" koeżjoni soċjoekonomika billi jikkontribwixxu għall-inklużjoni finanzjarja, pereżempju, billi jistabbilixxu unions ta" kreditu li huma rregolati u mhux għall-profitt u kooperattivi finanzjarji, immexxija u ggovernati minn voluntiera,

L.   billi r-responsabiltà soċjali ta' l-impriżi hija kemm mutur importanti tan-negozju kif ukoll tirrappreżenta element essenzjali tal-mudell soċjali Ewropew,

M.   billi hemm rabta bejn il-volontarjat u l-iżvilupp sostenibbli,

N.   billi huwa importanti li jiġu promossi u appoġġjati l-aħjar prattiki fl-immaniġġjar tal-voluntiera fost l-organizzazzjonijiet li jinvolvu l-voluntiera,

O.   billi l-volontarjat iwassal għall-involviment dirett taċ-ċittadini fl-iżvilupp lokali, u għaldaqstant jista' jkollu rwol importanti fit-trawwim tas-soċjetà ċivili u tad-demokrazija,

P.   billi fir-riżoluzzjoni tal-Kunsill imsemmija hawn fuq dwar iċ-ċittadinanza attiva l-Kunsill iħeġġeġ parteċipazzjoni akbar min-naħa taż-żgħażagħ fil-ħajja ċivika, fl-istrutturi parteċipatorji u fix-xogħol volontarju,

Q.   billi l-bidla demografika fl-Ewropa tfisser li issa hemm għadd kbir ta" voluntiera potenzjali li huma mdaħħla fl-età,

R.   billi l-volontarjat jista" jkollu effett pożittiv fuq is-saħħa tan-nies(16); billi dan il-ġid għas-saħħa jista jitgawda minn nies ta" kull età u jista" jgħin biex jitbiegħed il-mard kemm fiżiku kif ukoll mentali,

S.   billi l-volontarjat għandu rwol xi jwettaq fit-tisjis ta" l-inizjattivi ta" żvilupp lokali u fl-iffaċilitar ta" l-implimentazzjoni b'suċċess ta" għadd ta" inizjattivi ffinanzjati mill-Komunità, bħal m'huma l-Programm LEADER, INTERREG u l-Programm PEACE,

1.  Jinkoraġġixxi lill-Istati Membri u lill-awtoritajiet reġjonali u lokali biex jagħrfu l-valur tal-volontarjat fil-promozzjoni tal-koeżjoni soċjali u ekonomika; barra minn hekk, jinkoraġġihom biex jaħdmu fi sħubija ma" organizzazzjonijiet volontarji u biex isegwu konsultazzjoni ta" siwi mas-settur volontarju biex jiżviluppaw pjanijiet u strateġiji biex il-volontarjat ikun magħruf, miżmum b'għożża, appoġġjat, iffaċilitat u inkoraġġit; iħeġġeġ lill-Istati Membri wkoll biex joħolqu qafas stabbli u istituzzjonali għall-parteċipazzjoni ta" organizzazzjonijiet mhux governattivi (NGOs) f'dibattiti pubbliċi;

2.  Jistieden lill-esperti relevanti tal-Kummissjoni biex jagħmlu distinzjoni aktar ċara bejn l- organizzazzjonijiet volontarji u NGOs, li l-attivitajiet tagħhom m'humiex organizzati fuq l-istess bażi volontarja, u jitlob li ssir investigazzjoni pan-Ewropea komprensiva dwar in-natura, il-livell u l-mekkaniżmi interni tal-parteċipazzjoni soċjali, inklużi l-parteċipazzjoni volontarja u l-finanzjament għal dan il-għan;

3.  Jistieden lill-Istati Membri u lill-awtoritajiet reġjonali u lokali biex jagħmlu sforzi ġenwini biex jgħinu lill-organizzazzjonijiet volontarji biex ikollhom aċċess għal finanzjament suffiċjenti u sostenibbli, kemm għal għanijiet amministattivi u kemm għal proġetti, mingħajr mili ta" formoli eċċessiv, "red tape" jew burokrazija żejda, waqt li jżommu l-kontrolli meħtieġa fuq l-infiq tal-flejjes pubbliċi;

4.  Iħeġġeġ lill-Istati Membri u lil awtoritajiet reġjonali u lokali biex jappoġġjaw il-ħolqien ta' servizzi ta' emerġenza volontarji f'kull lokalità sabiex tkun żgurata reazzjoni rapida għad-diżastri naturali u għall-inċidenti;

5.  Jiġbed l-attenzjoni tal-Kummissjoni lejn il-fatt li l-prinċipju ta" sħubija mnaqqax kemm fil-linji gwida strateġiċi tal-Komunità għall-iżvilupp rurali (perjodu ta' programmazzjoni 2007 sa l-2013) u kemm fil-linji gwida strateġiċi tal-Komunità dwar il-koeżjoni mhux dejjem hemm konformità miegħu fuq il-livell nazzjonali(17) u għalhekk iħeġġeġ lill-Kummissjoni biex tieħu l-passi amministrattivi u istituzzjonali xierqa biex ikun żgurat li l-politiki, il-proċeduri u l-protokolli tagħha stess ikunu fil-fatt osservati u infurzati waqt il-konsultazzjonijiet, in-negozjati u l-operazzjonijiet sussegwenti tal-Fondi Strutturali;

6.  Jirrakkomanda li l-Istati Membri kollha jipproduċu regolarment "kontijiet satellitarji" ta" l-istituzzjonijiet li ma jagħmlux qligħ (NPIs) u jitlob li f'dawn il-"kontijiet satellitarji" jiġi inkluż ix-xogħol volontarju ħalli dawk li jagħmlu l-politiki jkunu jistgħu jqisu l-NPIs fl-ifformular tal-politiki tagħhom; jistieden lill-Kummissjoni biex tikkunsidra kif il-volontarjat jista" jiġi inkluż bħala kategorija speċjali fil-kontijiet statistiċi ta" l-EUROSTAT;

7.  Jappoġġja bil-qawwa l-fehma li l-volontarjat u l-attività volontarja m'għandhomx jieħdu post ix-xogħol imħallas;

8.  Jistieden lill-Kummissjoni biex taħdem lejn it-twaqqif ta" sistema għall-fondi kollha tal-Komunità li biha l-attività volontarja tkun tista" tiġi magħrufa bħala kontribut għall-proġetti kofinanzjati u biex toħloq mekkaniżmi li bihom ix-xogħol volontarju jkun jista" jiġi kkostjat kif jixraq; jilqa" b'sodisfazzjon l-isforzi minn xi Direttorati Ġenerali tal-Kummissjoni li jadottaw approċċ aktar flessibbli lejn l-aċċettazzjoni tax-xogħol volontarju bħala kontribut li hu ugwali għall-finanzjament Komunitarju fi proġetti li jkunu ffinanzjati b'mod konġunt;

9.  Jistieden lill-Kummissjoni biex tippromwovi opportunitajiet għall-voluntiera li huma akbar fl-età u biex tiżviluppa Programm ta" l-Anzjani fl-Azzjoni għan-numru dejjem jiżdied ta' ċittadini anzjani b'esperjenza kbira li jixtiequ jkunu voluntiera li jista" jkun li jimxu b'mod parallel mal-Programm taż-Żgħażagħ fl-Azzjoni u jikkumplementawh u barra minn hekk biex tippromwovi programmi speċifiċi għall-volontarjat interġenerazzjonali u għall-għoti ta" għajnuna minn dawk bl-esperjenza lil min għadu jitgħallem (mentoring);

10.  Jinkoraġġixxi lill-Istati Membri biex jippromwovu u jiffaċilitaw il-volontarjat fi ħdan il-Komunitajiet kollha, kemm reali u kemm virtwali, bħal m'huma l-volontarjat bħala familja jew il-volontarjat bħala gruppi emarġinati jew bħala gruppi li jista" jkun li tradizzjonalment ma jivvolontarjawx u biex jenfasizzaw l-importanza kbira li x-xogħol volontarju jiġi organizzat sabiex ikun żgurat li jkun kompatibbli mal-ħajja tal-familja u dik professjonali;

11.  Jinkoraġġixxi lill-kumpaniji u lill-operaturi oħra tas-settur privat, bħala parti mill-istrateġija tar-responsabilità soċjali korporattiva tagħhom, biex jagħtu appoġġ finanzjarju lill-inizjattivi li jippromwovu u jseddqu l-volontarjat u jħeġġeġ lill-Istati Membri, fil-kuntest tal-volontarjat korporattiv, biex jipprovdu inċentivi għas-settur privat biex jiffinanzja u jappoġġja s-settur tal-volontarjat, u b'hekk ikunu qed jgħinu biex ikun żgurat it-trasferiment ta" ħiliet u kapaċitajiet korporattivi mis-settur privat għas-settur pubbliku u jkunu wkoll qed itejbu l-kwalità tal-ħajja fuq il-livell lokali billi jinkoraġġixxu li wieħed jgħin ruħu b'mod awtomatiku fir-riżoluzzjoni ta" problemi lokali;

12.  Jistieden lill-Kummissjoni biex iżżid l-għarfien tal-volontarjat bħala attività xierqa li permezz tagħha jiġu akkwistati kompetenzi u ħiliet permezz tal-YOUTHPASS b'rabta mal-EUROPASS, filwaqt li tiżgura li l-volontarjat ma jiġix meqjus bħala alternattiva għat-taħriġ formali iżda bħala komplement tiegħu; barra minn hekk jitlob li jsiru miżuri nazzjonali u lokali biex tiżdied il-mobilità tal-voluntiera;

13.  Jistieden lill-Kummissjoni u lill-Istati Membri biex jinvestigaw id-dewmien fl-adozzjoni tal-Karta Ewropea dwar il-Voluntarjat li ġiet proposta li għandha tiddefinixxi l-irwol ta" l-organizzazzjonijiet volontarji u tistipola d-drittijiet u r-responsabilitajiet tagħhom; jirrakkomanda li jsiru analiżi mill-ġdid bejn il-pari fuq bażi annwali biex ikun evalwat ix-xogħol volontarju li jkunu intrigaw minnu l-Istati Membri u li jkun sar fi ħdan setturi u organizzazzjonijiet speċifiċi;

14.  Jirrakkomanda lill-Kummissjoni u lill-Istati Membri biex jistabbilixxu bażi ta" data Ewropea li tkun tipprovdi data bażika fuq organizzazzjonijiet volontarji kif ukoll dettalji ta" l-aħjar prattiki, ħaġa li tkun tipprovdi linji gwida ta" siwi għat-titjib tas-sistemi tal-volontarjat;

15.  Jistieden lill-awtoritajiet relevanti biex jiżguraw li l-voluntiera jkunu koperti b'mod adegwat b'assigurazzjoni kontra aċċidenti u b'assigurazzjoni tar-responsabilitajiet personali fir-rigward ta" l-attivitajiet volontarji tagħhom u biex jiżguraw ukoll li kull infiq miftiehem li jsir mill-voluntiera fir-rigward ta" l-attivitajiet volontarji tagħhom ikun kopert ukoll;

16.  Jistieden lill-Kummissjoni, lill-Istati Membri u lill-awtoritajiet reġjonali u lokali biex jippromwovu l-volontarjat permezz ta" l-edukazzjoni fil-livelli kollha, filwaqt li joħolqu opportunitajiet għall-attività volontarja fi stadju bikri fis-sistema edukattiva sabiex tidher bħala kontribut normali għall-ħajja tal-komunità u biex ikomplu jippromwovu attività bħal din huma u jikbru l-istudenti, biex jiffaċilitaw "it-tagħlim tas-servizz" fejn l-istudenti jaħdmu ma" gruppi volontarji jew komunitarji bi sħubija bħala parti mill-kors tad-diploma jew tal-grad tagħhom, biex jinkoraġġixxu rabtiet bejn is-settur volontarju u s-settur edukattiv fil-livelli kollha u biex jippromwovu l-volontarjat u jagħrfu t-tagħlim tal-volontarjat bħala parti mit-tagħlim tul il-ħajja;

17.  Jistieden lill-Kummissjoni għall-fini tar-reviżjoni maħsuba għall-2010 tad-dispożizzjonijiet tal-VAT li jikkonċernaw l-entitajiet pubbliċi u l-eżenzjonijiet soċjali, sabiex, flimkien ma' l-Istati Membri tikkunsidra l-argumenti soċjali qawwija favur l-introduzzjoni ta' eżenzjonijiet tal-VAT għall-organizzazzjonijiet volontarji rreġistrati fl-Istati Membri fuq akkwisti maħsuba sabiex jintlaħqu l-iskopijiet tagħhom, u sabiex jikkunsidraw ukoll l-argumenti favur l-eżenzjoni, f'każijiet speċifiċi, tal-ħlas tal-VAT fuq prodotti u servizzi li jingħataw b'donazzjoni lill-organizzazzjonijiet volontarji;

18.  Jistieden lill-Istati Membri biex, b'rispett għall-prinċipju tas-sussidjarjetà, jistabbilixxu infrastruttura sostenibbli ta" volontarjat biex tittratta kwistjonijiet bħal m'hu l-finanzjament operazzjonali u amministrattiv għall-organizzazzjonijiet volontarji;

19.  Jirrakkomanda li l-2011 tkun iddikjarata s-Sena Ewropea tal-Volontarjat;

20.  Jagħraf id-diversità tal-volontarjat fl-Istati Membri iżda minkejja dan jinkoraġġixxi lill-Istati Membri u lill-awtoritajiet reġjonali u lokali biex, kull meta jkun possibbli, jitgħallmu minn xulxin permezz ta" l-iskambju ta" l-aħjar prattiki;

21.  Jistieden lill-Kummissjoni biex iddaħħal skemi ta" appoġġ biex tistabbilixxi sistemi aktar effiċjenti ta" kooperazzjoni u ta" netwerking bejn l-organizzazzjonijiet volontarji u biex issaħħaħ l-iskemi ta" l-iskambju internazzjonali ta" voluntiera li f'ċerti każijiet jistgħu jikkontribwixxu biex jintlaħqu l-Għanijiet ta" Żvilupp għall-Millennju; b'mod partikulari jitlob li jiġu stabbiliti programmi biex jgħinu biex jiġu mqanqla mill-ġdid l-attivitajiet volontarji fl-Istati Membri fejn l-attività volontarja waslet biex ġiet assoċjata ma" azzjonijiet ta" natura obbligatorja;

22.  Jirrakkomanda l-promozzjoni ta" proġetti ta" volontarjat transkonfinali;

23.  Jistieden lill-Kummissjoni biex fl-oqsma kollha tal-politiki u l-leġiżlazzjoni turi simpatija lejn is-sitwazzjoni tal-voluntiera;

24.  Jistieden lill-partijiet interessati relevanti kemm lokali u kemm reġjonali, lill-organizzazzjonijiet volontarji u lill-midja biex jipprovdu tagħrif adegwat liċ-ċittadini dwar opportunitajiet ta" volontarjat, akkumpanjat minn taħriġ xieraq, b'enfasi speċjali fuq il-gruppi vulnerabbli u emarġinati fi ħdan is-soċjetà u fuq il-ħtiġijiet tar-reġjuni li huma mbiegħda u inaċċessibbli;

25.  Iħeġġeġ lill-Kummissjoni biex, flimkien mal-Pjan D għad-Demokrazija, id-Djalogu u d-Dibattitu, tistabbilixxi għal-lest Pjan V għall-Valutazzjoni, il-Validazzjoni u l-iżgurar tal-Viżibilità tal-Voluntiera;

26.  Jistieden lill-Kummissjoni biex teżamina mill-ġdid il-politika tagħha tal-viża għal dawk li jipparteċipaw fi programmi ta" volontarjat rikonoxxuti ta" l-UE li jkunu ġejjin minn pajjiżi terzi bit-tama li jiddaħħal reġim tal-viża aktar liberali b'mod partikulari fir-rigward tal-voluntiera ġejjin minn pajjiżi ġirien ta" l-UE;

27.  Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-Parlamenti ta' l-Istati Membri, lill-Kumitat tar-Reġjuni u lill-Kumitat Ekonomiku u Soċjali Ewropew.

(1) ĠU L 378, 27.12.2006, p. 32. (2) ĠU L 327, 24.11.2006, p. 30. (3) ĠU L 55, 25.2.2006, p. 20. (4) ĠU L 291, 21.10.2006, p. 11. (5) ĠU C 297, 7.12.2006, p. 6 (6) ĠU L 215, 9.8.2001, p. 30. (7) ĠU C 301 E, 13.12.2007, p. 45. (8) ĠU C 105, 25.4.2008, p. 11. (9) ĠU C 325, 30.12.2006, p. 46. (10) ĠU C 180, 11.6.1998, p. 57 (11) Rapport ta" l-Ewrobarometru. Rendikont tar-Realtà Soċjali, Frar 2007. (12) Rapport ta" l-Università Johns Hopkins, Measuring Civil Society and Volunteering ("It-Tikjil tas-Soċjetà Ċivili u l-Volontarjat"). Settembru, 2007. www.jhu.edu/ccss (13) Volunteering works ("Il-volontarjat jaħdem"), Istitut għar-riċerka fil-volontarjat u l-volontarjat, l-Ingilterra, Settembru 2007. (14) Ara Mandl, I., Oberholzner, T., & Dörflinger, C. Fondazzjoni Ewropea għall-Kundizzjonijiet ta" l-Għajxien u tax-Xogħol. http://www.eurofound.europa.eu/pubdocs/2007/18/en/1/ef0718mt.pdf (15) Vestergaard Poulsen, L. From Deprived Neighbourhood to Sustainable Community ("Minn Kwartier Imċaħħad għal Komunità Sostenibbli") Taqsira bl-Ingliż. Il-Programm Urban II f'Aarhus 2002-2007. (16) Ara The Health Benefits of Volunteering - A Review of Recent Research (Corporation for National and Community Service, 2007) (Il-Benefiċċji għas-Saħħa li għandu l-Volontarjat - Studju tar-Riċerka Riċenti (Il-Korporazzjoni għas-Servizz Nazzjonali u Komunitarju, 2007)) (17) Ara Is-Soċjetà Ċivili bħala Sieħba fil-Fondi Strutturali ta" l-Unjoni Ewropea (Civil Society as a Partner in European Union Structural Funds). Is-Servizz ta' Azzjoni taċ-Ċittadini Ewropej. Novembru, 2004.

Riżoluzzjoni tal-Parlament Ewropew tat-22 ta' April 2008 dwar ir-rapport annwali 2006 tal-Bank Ewropew ta' l-Investiment (2007/2251(INI))

P6_TA(2008)0132 A6-0079/2008

Il-Parlament Ewropew,

–   wara li kkunsidra l-Artikoli 266 u 267 tat-Trattat KE, rigward il-Bank Ewropew ta' l-Invstiment (EIB), u l-Protokoll (Nru 11) dwar l-Istatut ta" l-EIB(1),

–   wara li kkunsidra l-Artikolu 248 tat-Trattat li jistabbilixxi l-Komunità Ewropea, rigward l-irwol tal-Qorti ta' l-Awdituri,

–   wara li kkunsidra t-Trattat ta' Liżbona, iffirmat fit-13 ta' Diċembru 2007 mill-Kapijiet ta' l-Istat u tal-Gvern ta' l-Istati Membri ta' l-Unjoni Ewropea,

–   wara li kkunsidra r-riżoluzzjoni tiegħu tal-15 ta' Frar 2007 dwar ir-rapport annwali ta" l-EIB għas-sena 2005(2),

–   wara li kkunsidra d-Deċiżjoni 2007/247/KE tal-Kunsill tad-19 ta' April 2007 rigward il-parteċipazzjoni tal-Komunità fiż-żieda tal-kapital tal-Fond Ewropew għall-Investiment (EIF)(3),

–   wara li kkunsidra s-sentenza tal-Qorti Ewropea tal-Ġustizzja ta' l-10 ta' Lulju 2003, rigward is-setgħa ta' l-Uffiċċju Ewropew għal Kontra l-Frodi (OLAF) li jinvestiga lill-EIB(4),

–   wara li kkunsidra d-Deċiżjoni 2006/1016/KE tal-Kunsill tad-19 ta' Diċembru 2006(5) li tagħti lill-EIB mandat ġdid li jawtorizzah li jagħti self ta' EUR 12.4 biljun fil-pajjiżi ġirien ta' l-Unjoni Ewropea,

–   wara li kkunsidra r-Regolament (KE) Nru 680/2007 tal-Parlament Ewropew u tal-Kunsill ta' l-20 ta' Ġunju 2007, li jistabbilixxi r-regoli ġenerali għall-għoti ta' għajnuna finanzjarja Komunitarja fil-qasam tan-netwerks trans-Ewropej tat-trasport u ta' l-enerġija(6) u d-Deċiżjoni Nru 1982/2006/KE tal-Parlament Ewropew u tal-Kunsill tat-18 ta' Diċembru 2006 dwar is-Seba' Programm ta' Qafas tal-Komunità Ewropea għall-attivitajiet ta" riċerka, ta" żvilupp teknoloġiku u ta" dimostrazzjoni(7) (li jikkonċernaw il-faċilità ta' finanzjament bi tqassim ta' riskji (RSFF)),

–   wara li kkunsidra l-iffirmar bejn l-EIB u l-Kummissjoni tal-11 ta' Jannar 2008 tal-ftehima ta' koperazzjoni li twaqqaf Strument ta' Garanzija għas-Self għal Proġetti relatati man-Netwerks Trans-Ewropej tat-Trasport (LGTT);

–   wara li kkunsidra d-Deċiżjoni 1639/2006/KE tal-Parlament Ewropew u tal-Kunsill ta' l-24 ta' Ottubru 2006 li twaqqaf il-Programm ta' Qafas għall-Innovazzjoni u l-Kompetittività (2007-2013)(8),

–   wara li kkunsidra d-49 rapport annwali (2006) ta" l-EIB, u l-politika tiegħu ta' żvelar ta" informazzjoni tat-28 ta' Marzu 2006,

–   wara li kkunsidra "l-Prinċipji Ewropej għall-Ambjent", imnedija fl-2006 mill-EIB,

–   wara li kkunsidra l-pjan ta' attività tal-Bank 2007-2009, approvat mill-Bord tad-Diretturi fil-laqgħa tiegħu tat-12 ta' Diċembru 2006,

–   wara li kkunsidra d-diskors ta' Philippe Maystadt, il-President ta" l-EIB, lill-Kumitat għall-Kontroll Baġitarju fil-11 ta' Settembru 2007,

–   wara li kkunsidra l-kontijiet finanzjarji ta' l-2006 li ġew approvati u ngħataw opinjoni ta' verifika favorevoli minn awditur indipendenti u mill-Kumitat ta' Verifika ta" l-EIB,

–   wara li kkunsidra l-istudju dwar l-istrumenti finanzjarji ġodda għall-infrastrutturi u għas-servizzi Ewropej tat-trasport(9),

–   wara li kkunsidra l-ħidma u l-konklużjonijiet tas-simpożju li sar fi Clermont-Ferrand (Franza) fl-14 ta' Diċembru 2007 bit-tema: "l-ippjanar u l-iżvilupp tat-territorju ta' l-Unjoni Ewropea: l-isfida ta' l-investimenti fl-Unjoni u l-finazjamenti tagħhom: l-irwol tal-Bank Ewropew ta' l-Investiment",

–   wara li kkunsidra l-progress tar-reviżjoni li bdiet ta' l-EIB tal-politiki u l-proċeduri tiegħu ta' kontra l-frodi,

–   wara li kkunsidra d-Dikjarazzjoni ta' Pariġi dwar l-Effettività ta' l-Għajnuna, adottata fit-2 ta' Marzu 2005, u l-Kunsens dwar l-Iżvilupp ta' l-Unjoni Ewropea(10),

–   wara li kkunsidra l-Artikoli 45 u 112(2) tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0079/2008),

A.   billi l-kompitu tal-Bank Ewropew ta' l-Investiment hu li jikkontribwixxi għall-iżvilupp sod u bilanċjat tas-suq intern, billi juża sew is-swieq kapitali u kif ukoll ir-riżorsi tiegħu,,

B.   billi jikkunsidra s-sehem ta" l-EIB fl-iżvilupp armonjuż ta' l-Unjoni Ewropea fis-sħuħija tagħha u fit-tnaqqis tad-differenzi fl-iżvilupp ta" reġjuni differenti, inklużi r-reġjuni l-aktar imbiegħda,

C.   billi jikkunsidra tal-kapital sottoskritt ta' l-EIB li tela" għal EUR 163.7 biljun fil-31 ta' Diċembru 2006, li magħhom l-Istati Membri lliberalizzaw EUR 8.2 biljun,

D.   billi l-Istatut ta" l-EIB jipprevedi li t-total tas-self u tal-garanziji mogħtija mill-EIB m'għandhomx jisbqu l-250% tal-kapital sottoskritt tiegħu;

E.   billi l-EIB mhuwiex suġġett għall-obbligi tal-Basel II, iżda ddeċieda li volontarjament jikkonforma ma' dawn ir-regoli sa fejn dawn japplikaw għall-attivitajiet tiegħu,

F.   billi kkunsidra l-ftehima tal-Kummissjoni ta' Sorveljanza tas-Settur Finanzjarju tal-Lussemburgu sabiex jiġu segwiti aktar mill-viċin il-linji politiċi dwar l-immanniġġar u l-ġestjoni ta' riskji ta" l-EIB, iżda biss bħala korp informali u purament konsultattiv, filwaqt li titħalla lill-EIB ir-responsabilità tad-definizzjoni tal-kamp ta' applikazzjoni tal-Basel II fir-rigward tal-ħtiġijiet tiegħu,

G.   billi l-EIB għamel bħala waħda mill-prijoritajiet tiegħu l-provvista sigura, kompetittiva u sostenibbli ta' l-enerġija, flimkien mal-koeżjoni ekonomika u soċjali, l-appoġġ għar-riċerka, t-teknoloġija u l-innovazzjoni, in-netwerks trans-Ewropej (TENs) fl-oqsma tat-trasport u ta' l-enerġija, il-vijabilità ta' l-ambjent fuq medda twila ta' żmien, il-ġlieda kontra l-bidla fil-klima, u l-appoġġ għall-impriżi żgħar u ta" daqs medju (SMEs),

H.   billi kkunsidra l-ħtiġijiet konsiderevoli ta' l-Unjoni Ewropea fil-qasam tal-finanzjament ta' l-infrastruttura, li ġew stmati għall-valur ta' EUR 600 biljun(11),

I.   billi kkunsidra l-irwol kruċjali ta" l-EIB fl-iżvilupp tan-TENs billi jagħmel disponibbli diversi strumenti u mekkaniżmi,

J.   billi kkunsidra d-diffikultajiet li l-UE tiltaqa" magħhom fil-finanzjament ta' proġetti fuq skala Ewropea, bħal pereżempju l-proġett Galileo,

K.   billi kkunsidra l-kwalità tar-riżorsi umani ta" l-EIB, b'mod partikulari fl-oqsma ta' l-inġinerija finanzjarja u ta' assistenza għat-twaqqif ta' proġetti,

L.   billi kkunsidra l-irwol prominenti ta" l-EIB fil-finanzjament ta' proġetti fil-pajjiżi li qed jiżviluppaw,

Rimarki ġenerali

1.  Jifraħ lill-EIB għar-rapport ta' attivita tiegħu ta' l-2006 u jinkoraġġih biex ikompli bl-attivitajiet tiegħu favur l-iżvilupp ta' l-ekonomija Ewropea, biex jitrawmu t-tkabbir, il-ħolqien ta' impjiegi, u l-koeżjoni interreġjonali u soċjali;

2.  Jilqa" b'sodisfazzjon it-trasparenza u l-koperazzjoni sħiħa ta" l-EIB mal-Parlament;

3.  Jitlob li jkun hemm sessjoni ta' informazzjoni li ssir - għallinqas - darba fis-sena bejn l-EIB u l-Kumitat għall-Kontroll Baġitarju tal-Parlament Ewropew rigward l-eżekuzzjoni tal-faċilità ta" l-investiment tal-Fond Ewropew għall-Iżvilupp (EDF), b'mod parallel mal-proċedura ta' kwittanza ta' l-EDF;

Kontroll baġitarju u ġestjoni

4.  Jistieden lill-EIB biex tagħmel minn kollox biex iżżomm il-klassifikazzjoni AAA li tissalvagwardja l-attivitajiet tiegħu u l-aħjar rati fuq is-self tiegħu, u biex jadatta l-politika ta' prudenza tiegħu f'dan il-kuntest, madankollu mingħajr ma tinsa l-investiment fuq medda twila ħafna ta' żmien;

5.  Jenfasizza li l-EIB tħaddan politika ta' "ebda tolleranza" kontra l-frodi u l-korruzzjoni, u jilqa" bi pjaċir iż-żieda fin-numru ta' inkjesti, kif ukoll aktar kollaborazzjoni ma' l-Uffiċċju Ewropew għal-Kontra l-Frodi (OLAF); jistieden ukoll lill-EIB filwaqt li jadotta l-politika u l-proċeduri kontra l-frodi, biex jinkludi miżuri li jwasslu għal:

6.  Jilqa" b'sodisfazzjon l-eżistenza ta' uffiċċju għall-ilmenti, sabiex jiġu milqugħa u ttrattati l-ilmenti minn barra, kif ukoll il-mekkaniżmu ta' rikors għall-ilmenti milqugħa permezz ta' l-Ombudsman Ewropew; jilqa" bi pjaċir u jappoġġja b'mod attiv id-djalogu bejn l-Ombudsman Ewropew u l-EIB; jistieden lill-EIB sabiex konsegwentement jirrevedi l-mekkaniżmu intern tiegħu ta" lmenti u jippubblika linji gwida ġodda tal-mekkaniżmi għall-ilmenti estiżi għall-operazzjonijiet kollha ffinanzjati mill-EIB;

7.  Jilqa' bi pjaċir ix-xewqa ta" l-EIB għat-transparenza, fil-qafas tal-politika tiegħu ta" l-iżvelar, u l-ammont kbir ta" informazzjoni li jqiegħed għad-dispożizzjoni tal-pubbliku ġenerali, inkluż, kull sena, il-listi tal-proġetti ffinanzjati, b'informazzjoni fil-qosor dwar dawk il-proġetti; jinkoraġġixxi lill-EIB biex jiżviluppa l-attivitajiet tad-dipartiment ta" Evalwazzjoni ta" l-Operazzjonijiet li jwettaq evalwazzjoni ex post ta" kampjun rappreżentattiv ta" proġetti u ta" programmi;

Mekkaniżmi ta' kontrolli tal-kontabilità u ta" kontroll ta" prudenza u mekkaniżmi ta' kalkolu tar-riżultati

8.  Jinnota l-opinjoni favorevoli tal-verifika esterna u l-konklużjonijiet tar-rapport annwali tal-Kumitat ta' Verifika; itenni x-xewqa tiegħu li jara lill-EIB jissottometti ruħu għall-istess regoli ta' prudenza bħal ta' l-istabbilimenti ta' kreditu kif ukoll għal kontroll reali ta" prudenza, filwaqt li jinnota li dawn ir-regoli ma japplikkawx għall-istituzzjonijiet finanzjarji internazzjonali simili;

9.  Jitlob biex titħejja missjoni regolatorja indipendenti għall-kontroll tal-kwalità tas-sitwazzjoni finanzjarja ta" l-EIB, u li jkun żgurat li r-riżultati tiegħu jitqiesu b'mod preċiż u li jkunu osservati r-regoli ta' tmexxija tajba tal-professjoni; jirrakkomanda li din tiġi implimentata filwaqt li jissaħħaħ il-Kumitat tal-Verifika indipendenti ta' l-EIB;

10.  Jissuġġerixxi li l-EIB jirreferi għall-Kumitat għall-Kontrolluri Bankarji Ewropej (CEBS) biex jikseb opinjoni dwar din il-missjoni regolatorja, li għandha tispeċifika min għandu jwettaqha sakemm ikun stabbilit regolatur Bankarju Ewropew uffiċċjali; jissuġġerixxi li tiġi maħsuba kwalunkwe sitwazzjoni, inkluż, per eżempju, l-involviment tas-CEBS, ta" regolatur nazzjonali jew ta" numru ta" regolaturi nazzjonali fuq rotazzjoni annwali;

11.  Jifraħ lill-EIB għall-isforzi miksuba fl-inkorporazzjoni ta" l-Istandards Internazzjonali ta' Rappurtaġġ Finanzjarju (IFRS) fid-dikjarazzjonijiet finanzjarji konsolidati tiegħu, kif ukoll f'dawk tal-Fond Ewropew għall-Investiment (EIF), fejn l-2006 kienet l-ewwel sena finanzjarja fejn ġew applikati l-ewwel darba l-istandards ta' kontabilità ta" l-IFRS;

12.  Jesprimi l-istess riżervi ta" l-EIB, kemm-il darba l-informazzjoni kollha tiġi mogħtija lill-partijiet terzi, li l-applikazzjoni ta" l-IFRS tar-regoli ta' kontabbilità għall-kontijiet statutorji ssir malajr wisq, qabel ma jkun hemm kunsens wiesgħa fost l-Istati Membri, pereżempju, b'mod speċjali fir-rigward ta' l-kontabilità b'valur ġust li jista' jintroduċi instabbilità kbira fid-determinazzjoni tar-riżultati finanzjarji mhux konsolidati ta" l-EIB;

13.  Madankollu jirrakkomanda li ssir sorveljanza teknika fuq din il-kwistjoni, li se ssir kruċjali mil-lat ta' preżentazzjoni, ta' approvazzjoni u ta' użu tar-riżultati ta' kontabilità ma' l-iżvilupp ta' ħidmiet ta' kapital ta' riskju, tal-finanzjament ta' l-SMEs, u l-inġinerija finanzjarja li l-UE jkollha tħejji għall-finanzjament ta' l-infrastrutturi tagħha;

14.  Jieħu nota ta' l-għażliet metodoloġiċi adottati mill-EIB għall-evalwazzjoni tar-riskji ta' kreditu, maħsuba biex ipattu għall-iżvantaġġi li ġejjin min-nuqqas ta' esperjenza fil-qasam tat-telf fuq il-krediti, filwaqt li tinġibed l-attenzjoni għall-ħtieġa li jiġu introdotti miżuri preventivi biex jitnaqqsu kemm jista' jkun ir-riskji fir-rigward ta' salvagwardja massima tar-riżorsi finanzjarji bl-għan li tiġi assigurata l-implimentazzjoni tal-miri tal-politika Ewropea;

15.  Jieħu nota ta' l-isforzi li saru sabiex jiġu megħluba dawn id-diffikultajiet fuq il-bażi ta' tekniki ta' traspożizzjoni tal-parametri interni u esterni, u jispera li jiġi infurmat dwar il-metodi l-ġodda li kienu introdotti sabiex il-klijenti ta" l-EIB jiġu klassifikati u biex jiġu evalwati r-riskji ta' kreditu; jinnota, fir-rigward ta" l-operazzjonijiet ta" ħruġ ta" sigurtajiet li l-approċċ simplifikat li jintuża bħalissa jista' jiġi rivedut fil-futur;

16.  Jittama, fir-rigward ta' l-applikazzjoni tal-Basel II, li l-EIB ikun jista' juri li huwa kapaċi jwettaq il-missjoni tiegħu bil-fondi proprji tiegħu, li jlaħħqu EUR 33.5 biljun, u biex iżomm l-aħjar klassifika ta' AAA;

Strateġija u objettivi

17.  Jilqa" bi pjaċir l-orjentament adottat fl-istrateġija l-ġdida għall-2007-2009, inklużi t-tisħiħ mill-ġdid tal-valur miżjud, iż-żieda gradwali tat-teħid ta' riskju, fost oħrajn fl-attivitajiet favur l-SMEs u l-gvern lokali, l-użu ta' strumenti finanzjarji ġodda u l-intensifikar tal-koperazzjoni mal-Kummissjoni; jappoġġja mingħajr riserva l-pjan ta' attività ta' l-EIB għall-perjodu 2007–2009;

Prijoritajiet strateġiċi ġodda u strumenti

18.  Jilqa" bi pjaċir l-inkorporazzjoni tal-promozzjoni ta" enerġija sigura, kompetittiva u sostenibbli fil-karatteristiċi ewlenin tal-programm ta" attivitajiet ta' l-EIB, inkluzi sorsi ta" enerġija alternattivi u li jiġġeddu, u jitlob għall-iżvilupp ta" kriterji ta" finanzjament li jħarsu l-ambjent, konformi ma" l-objettivi strateġiċi ta" l-UE li jitnaqqsu l-emissjonijiet tal-gassijiet b'effett serra;

19.  Jilqa" bi pjaċir il-fatt li l-iżvilupp sostenibbli jibqa' rekwiżit fundamentali għall-EIB; jifraħ lill-EIB għar-riżultati eċċellenti li kiseb f'termini ta" attività ta' self għall-promozzjoni tal-ħarsien ta' l-ambjent u l-koeżjoni soċjali u ekonomika; jinkoraġġixxi lill-EIB sabiex isaħħaħ mill-ġdid il-linji politiċi ambjentali u soċjali tiegħu, sabiex itejjeb aktar u jaġġorna l-istandards attwali tiegħu, b'mod partikulari dawk li jikkonċernaw l-attivitajiet ta' self estern tiegħu ; jitlob lill-EIB biex jiċċara l-għanijiet u l-metodoloġija tal-proċess ta' l-evalwazzjoni tiegħu, u biex jintegra firxa usa' ta' fatturi soċjali u ambjentali fl-operazzjonijiet tiegħu, u biex jiżgura l-koerenza ta' dawn l-attivitajiet, b'mod iżjed speċifiku fil-kontinent Afrikan, bil-Kunsens Ewropew dwar l-Iżvilupp u l-kisba ta" l-Għanijiet tal-Millennju għall-Iżvilupp tan-NU; jitlob lill-EIB biex jiżgura li jkollu impenn attiv mas-soċjetà ċivili, inter alia permezz ta' proċeduri ta' konsultazzjoni;

20.  Ifaħħar lill-EIB għall-kuntratti ta' qafas iffirmati bejn l-EIB u l-Kummissjoni: l-RSFF u t-TEN-T; iħeġġeġ lill-Kummissjoni u lill-EIB sabiex jiżviluppaw aktar strumenti konġunti għall-appoġġ tal-linji politiċi ta" l-UE, filwaqt li jsiru sforzi sabiex ikun mobilizzat aktar kapital privat sabiex tiġi żgurata l-implimentazzjoni sħiħa ta" l-għanijiet ta" prijorità ta" l-EIB;

Finanzjament tal-proġetti kbar ta' l-infrastruttura

21.  Ifakkar li, għalkemm l-attivitajiet ta' l-EIB huma komplimentari għal dawk tas-settur privat, l-EIB għandu jevita kwalunkwe konkorrenza mas-settur privat fit-tiftixa għall-aħjar effett ta' lieva għall-finanzjament ta' proġetti Ewropej;

22.  Itenni l-inkoraġġiment tiegħu għall-EIB biex jagħti prijorità lill-finanzjament tat- TENs, li jinkludu l-infrastrutturi transkonfinali li jippermettu l-inter-konnessjoni tan-netwerks nazzjonali, li huwa element essenzjali għall-iżvilupp ta' ekonomija ta' suq iffukata fuq il-koeżjoni soċjali; jistieden lill-EIB, fir-rigward tal-finanzjament tat-TENs, sabiex jagħti prijorità lill-proġetti ta" l-infrastruttura jew tat-trasport b'marka tal-karbonju mnaqqsa jew negattiva;

23.  Jissuġġerixxi li, filwaqt li tiġi kkunsidrata l-kwalità tar-riżorsi umani ta" l-EIB, l-imparzjalità u l-esperjenza tiegħu fil-finanzjament ta' l-infrastrutturi l-kbar, il-Kummissjoni għandha tafda f'idejn l-EIB it-twettiq ta" missjoni ta' riflessjoni strateġika dwar il-finanzjament ta' l-infrastrutturi, filwaqt li titqies il-ħtieġa għall-iżvilupp reġjonali bbilanċjat u mingħajr ma tiġi eskluża l-ebda ipoteżi: sussidji, il-ħlas ta' somom sottoskritti mill-Istati Membri għall-kapital ta" l-EIB, is-self (li jinkludi self ta" l-EIB, bħal pereżempju dawk iffinanzjati minn self speċjali mill-Istati Membri(12)), strumenti innovattivi bħalma huma l-RSFF u t-TEN-T, l-inġinerija finanzjarja adattata għall-proġetti fuq medda twila ta' żmien li ma jħallux profitt immedjat, l-iżvilupp ta' sistemi ta' garanzija, il-ħolqien ta' sezzjoni ta' investiment fi ħdan il-baġit ta' l-UE, konsorzji finanzjarji bejn l-awtoritajiet Ewropej, nazzjonali u lokali, sħubiji pubbliċi-privati, eċċ.;

Għajnuna lill-SMEs

24.  Jistieden lill-EIB sabiex ikun żgur li jkun hemm biżżejjed kapital ta' riskju disponibbli għall-SMEs, li jkollhom diffikultajiet biex jiġbdu kapital ta' risku; jilqa" it-tnedija ta' l-inizjattiva ta' Riżorsi Konġunti Ewropej għal-Intrapriżi Micro sa Medji (JEREMIE) żviluppata fl-2005 mid-Direttorat-Ġenerali tal-Politika Reġjonali tal-Kummissjoni u l-EIB sabiex jingħata aċċess aħjar lill-impriżi għall-mekkaniżmi ta' inġinerija finanzjarja, u jħeġġeġ l-iżvilupp tal-Programm ta' Kompetittivita u Innovazzjoni (CIP) fil-kuntest tal-prijoritajiet ta' l-Aġenda ta' Liżbona;

25.  Ifakkar li huwa approva l-parteċipazzjoni ta' l-UE fiż-żieda tal-kapital ta' l-EIF, sabiex ir-riżorsi li jeħtieġ biex iwettaq il-ħidma tiegħu u jimplimenta l-politika ta" koeżjoni ekonomika u soċjali jkunu disponibbli għall-EIF;

26.  Jikkonferma l-ħtieġa li jkun hemm reazzjoni aħjar għan-nuqqasijiet fis-suq għall-finanzjament ta' l-SMEs u jħeġġeġ lill-Kummissjoni, lill-EIB u lill-EIF biex ikomplu d-diversifikazzjoni ta' l-istrumenti finanzjarji Komunitarji fit-tlugħ (jiġifieri trasferiment ta' teknoloġija) u fl-inżul (jiġifieri finanzjament mezzanin) tal-kapital ta' riskju, kif ukoll biex ikun promoss l-iżvilupp tal-mikro kreditu fl-Ewropa fil-kuntest ta' l-inizjattiva Ewropea ġdida għall-iżvilupp tal-mikro kreditu b'appoġġ għat-tkabbir u l-impjiegi (COM(2007)0708);

Għajnuna għat-twaqqif ta' proġetti

27.  Jenfasizza l-irwol ta' l-għarfien speċjalizzat ta" l-EIB fit-twaqqif ta' proġetti, b'mod partikulari permezz tal-programm ta' Assistenza Konġunta għall-Appoġġ ta' Proġetti fir-Reġjuni Ewropej (JASPERS), ifakkar li hemm valur miżjud importanti fil-kapaċità ta' inġinerija ta" l-EIB fit-twaqqif ta' finanzjament ta' proġetti u ta" sħubiji pubbliċi-privati, b'mod partikulari fil-qafas taċ-Ċentru Ewropew ta' għarfien speċjalizzat għas-sħubiji pubbliċi-privati (EPEC), u jistieden lill-EIB biex jikkomunika aħjar ma' min hu responsabbli għal proġetti fuq livell lokali dwar l-għajnuna teknika li jista' jipprovdi;

28.  Ifaħħar lill-EIB għall-ftuħ ta' uffiċċji ġodda fl-Istati Membri, li jagħtih viżibilità aħjar, kif ukoll aktar prossimità mal-mexxejja tal-proġetti sabiex jiġu faċilitati l-proġetti u li jgħinu lill-EIB tifforma rabtiet aktar mill-viċin ma" organizzazzjonijiet, istituzzjonijiet u awtoritajiet lokali fir-rigward ta" l-iżvilupp favorevoli tal-politika ta" l-UE ta" l-iżvilupp reġjonali bbilanċjat kif ukoll l-involviment mgħaġġel tal-pajjiżi li ssieħbu ma" l-UE mill-2004 'l hawn;

Ħidmiet barra mill-Unjoni Ewropea

29.  Jinnota b'sodisfazzjon il-konklużjonijiet favorevoli tar-reviżjoni ta' l-attivitajiet tal-Faċilità għall-Investiment u s-Sħubija Ewro-Mediterranja (FEMIP); fuq il-bażi ta' din ir-reviżjoni, jilqa" bi pajċir it-talba mill-Kunsill sabiex il-FEMIP tiżviluppa aktar sabiex tiġi msaħħa s-sħubija Ewro-Mediterranja; jispera, f'dan il-kuntest, li l-mandat tas-self mogħti lill-EIB għall-perjodu 2007-2013, megħjun mir-riżorsi baġitarji xierqa, jippermetti li jkun mgħaġġel il-proċess ta' integrazzjoni ekonomika reġjonali;

30.  Jistieden lill-EIB sabiex taħdem f'reġjuni li qed jiżviluppaw b'konformità mal-prinċipji tad-Dikjarazzjoni ta' Pariġi dwar l-Effettività ta" l-Għajnuna imsemmija hawn fuq, u biex tiġi żgurata l-konsistenza mal-Kunsens dwar l-Iżvilupp ta' l-UE, b'mod partikulari fit-twassil ta" għajnuna effettiva, fit-titjib ta' responsabilità reċiproka, u l-adozzjoni ta" indikaturi ta" żvilupp li jistgħu jitkejlu.

31.  Huwa ta" l-opinjoni li il-FEMIP għandha tibqa' l-qofol li madwarha hija mibnija kwalunkwe inizjattiva Ewropea li tmexxi l-ambizzjoni għall-iżvilupp ulterjuri tal-Baċir tal-Mediterran;

32.  Iħeġġeġ lill-EIB biex ikompli l-politika tiegħu ta' ħruġ ta' bonds f'firxa wiesgħa ta' muniti, inkluż il-muniti ta' pajjiżi emerġenti, filwaqt li dejjem jibqa" jkopri lilu nnifsu mir-riskji ta' kambju;

o
o   o

33.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Bank Ewropew ta' l-Investiment u lill-gvernijiet u lill-parlamenti ta' l-Istati Membri.

(1) Protokolli Annessi mat-Trattat li jistabbilixxi l-Kommunità Ewropea. (2) ĠU C 287 E, 29.11.2007, p. 544. (3) ĠU L 107, 25.4.2007, p. 5. (4) Kawża C-15/00, Kummissjoni/EIB, Rec. 2003, p. I-07281. (5) ĠU L 414, 30.12.2006, p. 95. (6) ĠU L 162, 22.6.2007, p. 1. (7) ĠU L 412, 30.12.2006, p. 1. (8) ĠU L 310, 9.11.2006, p. 15. (9) PE 379.207, IP/B/TRAN/IC/2006-184. (10) Dikjarazzjoni konġunta mill-Kunsill u mir-rappreżentanti tal-gvernijiet ta' l-Istati Membri li ltaqgħu fi ħdan il-Kunsill, il-Parlament Ewropew u l-Kummissjoni dwar il-Politika ta' Żvilupp ta' l-Unjoni Ewropea: 'Il-Kunsens Ewropew' - Il-Kunsens Ewropew dwar l-Iżvilupp (ĠU C 46, 24.2.2006, p. 1). (11) PE 379.207, IP/B/TRAN/IC/2006-184. (12) Artikolu 6 ta' l-Istatut ta' l-EIB.

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III - Kummissjoni (SEC(2007)1056 – C6-0390/2007 – 2007/2037(DEC)) (SEC(2007)1055 – C6-0362/2007 – 2007/2037(DEC))

P6_TA(2008)0133 A6-0109/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontijiet annwali aħħarin tal-Komunitajiet Ewropej għas-sena finanzjarja 2006 – Volum I (SEC(2007)1056 – C6-0390/2007, SEC(2007)1055 – C6-0362/2007)(2),

–   wara li kkunsidra r-rapport annwali tal-Kummissjoni lill-awtorità ta' kwittanza dwar is-segwitu tad-deċiżjonijiet ta' kwittanza ta' l-2005 (COM(2007)0538, COM(2007)0537), u d-dokument ta' ħidma ta' l-istaff tal-Kummissjoni - Anness għar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza ta' l-2005 (SEC(2007)1185, SEC(2007)1186),

–   wara li kkunsidra l-komunikazzjoni mill-Kummissjoni intitolata 'Riżultati tal-Politika fl-2006' (COM(2007)0067),

–   wara li kkunsidra l-komunikazzjoni mill-Kummissjoni intitolata 'Sintesi tal-kisbiet amministrattivi tal-Kummissjoni fl-2006' (COM(2007)0274),

–   wara li kkunsidra r-rapport annwali tal-Kummissjoni lill-awtorità ta' kwittanza dwar il-verifiki interni li saru fl-2006 (COM(2007)0280), u d-dokument ta' ħidma ta' l-istaff tal-Kummissjoni maħruġ mar-rapport annwali lill-awtorità tal-kwittanza dwar il-verifiki interni li saru fl-2006 (SEC(2007)0708),

–   wara li kkunsidra r-rapport tal-Kummissjoni dwar ir-risposti ta" l-Istati Membri dwar ir-Rapport Annwali 2005 tal-Qorti ta" l-Awdituri (COM(2007)0118),

–   wara li kkunsidra l-Green Paper dwar l-Inizjattiva Ewropea favur it-Trasparenza adottata mill-Kummissjoni fit-3 ta' Mejju 2006 (COM(2006)0194),

–   wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' 'verifika waħda' (u proposta għal qafas Komunitarju ta' kontroll intern)(3) ,

–   wara li kkunsidra l-komunikazzjoni mill-Kummissjoni dwar ir-roadmap għal qafas ta' kontroll intern integrat (COM(2005)0252),

–   wara li kkunsidra l-pjan ta' azzjoni tal-Kummissjoni lejn qafas ta' kontroll intern integrat (COM(2006)0009), ir-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-progress tal-pjan ta' azzjoni tal-Kummissjoni lejn qafas integrat tal-kontroll intern (COM(2007)0086), u d-dokument ta' ħidma ta' l-istaff tal-Kummissjoni maħruġ ma' dak ir-rapport (SEC(2007)0311),

–   wara li kkunsidra l-Opinjoni Nru 6/2007 tal-Qorti ta' l-Awdituri dwar it-taqsiriet annwali ta' l-Istati Membri, id-'dikjarazzjonijiet nazzjonali' ta' l-Istati Membri u x-xogħol tal-verifika fuq il-fondi ta' l-UE mill-korpi nazzjonali tal-verifika(4),

–   wara li kkunsidra l-pjan ta' azzjoni tal-Kummissjoni biex jissaħħaħ l-irwol superviżorju tal-Kummissjoni fi tmexxija konġunta ta' azzjonijiet strutturali (COM(2008)0097),

–   wara li kkunsidra r-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-pjan ta' azzjoni tal-Kummissjoni lejn qafas ta' kontroll intern integrat(COM(2008)0110), u d-dokument ta' ħidma tal-persunal tal-Kummissjoni li jakkumpanja r-rapport (SEC(2008)0259),

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 flimkien mat-tweġibiet ta' l-istituzzjonijiet(5) u r-rapport speċjali tal-Qorti ta' l-Awdituri,

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet kif ukoll il-legalità u r-regolarità tat-tranżazzjonijiet bażiċi, mogħtija mill-Qorti ta' l-Awdituri skond l-Artikolu 248 tat-Trattat KE(6),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5842/2008 – C6-0082/2008),

–   wara li kkunsidra l-Artikoli 274, 275 u 276 tat-Trattat KE kif ukoll l-Artikoli 179a u 180b tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(7), u b'mod partikulari l-Artikoli 145, 146 u 147 tiegħu,

–   wara li kkunsidra l-Artikolu 70 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-kumitati interessati l-oħra (A6-0109/2008),

A.   billi skond l-Artikolu 274 tat-Trattat KE l-Kummissjoni timplimenta l-baġit taħt ir-responsabilità tagħha stess, skond il-prinċipju ta' amministrazzjoni finanzjarja soda,

1.  Jagħti l-kwittanza lill-Kummissjoni dwar l-implimentazzjoni tal-baġit ġenerali ta' l-Unjoni Ewropea għas-sena finanzjarja 2006;

2.  Jistabbilixxi l-osservazzjonijiet tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-Deciżjoni, kif ukoll ir-riżoluzzjoni li hi parti integrali minnha, lill-Kunsill, lill-Kummissjoni, lill-Qorti tal-Ġustizzja, lill-Qorti ta' l-Awdituri u lill-Bank Ewropew ta' l-Investiment, u lill-istituzzjonijiet nazzjonali u reġjonali ta' verifika ta' l-Istati Membri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

2.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ta' l-Aġenzija Eżekuttiva għall-Edukazzjoni, l-Awdjoviżiv u l-Kultura għas-sena finanzjarja 2006 (SEC(2007)1056 – C6-0390/2007 – 2007/2037(DEC)) (SEC(2007)1055 – C6-0362/2007 – 2007/2037(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(8),

–   wara li kkunsidra l-kontijiet annwali aħħarin tal-Komunitajiet Ewropej għas-sena finanzjarja 2006 – Volum I (SEC(2007)1056 – C6-0390/2007, SEC(2007)1055 – C6-0362/2007)(9),

–   wara li kkunsidra l-kontijiet annwali aħħarin ta' l-Aġenzija Eżekuttiva għall-Edukazzjoni, l-Awdjoviżjoni u l-Kultura għas-sena finanzjarja 2006(10),

–   wara li kkunsidra r-rapport annwali tal-Kummissjoni lill-awtorità ta' kwittanza dwar is-segwitu tad-deċiżjonijiet ta' kwittanza ta' l-2005 (COM(2007)0538, COM(2007)0537), u d-dokument ta' ħidma ta' l-istaff tal-Kummissjoni - Anness għar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza ta' l-2005 (SEC(2007)1185, SEC(2007)1186),

–   wara li kkunsidra l-komunikazzjoni mill-Kummissjoni intitolata 'Riżultati tal-Politika fl-2006' (COM(2007)0067),

–   wara li kkunsidra l-komunikazzjoni mill-Kummissjoni intitolata 'Sintesi tal-kisbiet amministrattivi tal-Kummissjoni fl-2006' (COM(2007)0274),

–   wara li kkunsidra r-rapport annwali tal-Kummissjoni lill-awtorità ta' kwittanza dwar il-verifiki interni li saru fl-2006 (COM(2007)0280), u d-dokument ta' ħidma ta' l-istaff tal-Kummissjoni maħruġ mar-rapport annwali lill-awtorità tal-kwittanza dwar il-verifiki interni li saru fl-2006 (SEC(2007)0708),

–   wara li kkunsidra r-rapport tal-Kummissjoni dwar ir-risposti ta" l-Istati Membri dwar ir-Rapport Annwali 2005 tal-Qorti ta" l-Awdituri (COM(2007)0118),

–   wara li kkunsidra l-Green Paper dwar l-Inizjattiva Ewropea favur it-Trasparenza adottata mill-Kummissjoni fit-3 ta' Mejju 2006 (COM(2006)0194),

–   wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' 'verifika waħda' (u proposta għal qafas Komunitarju ta' kontroll intern)(11) ,

–   wara li kkunsidra l-komunikazzjoni mill-Kummissjoni dwar ir-roadmap għal qafas ta' kontroll intern integrat (COM(2005)0252),

–   wara li kkunsidra l-pjan ta' azzjoni tal-Kummissjoni lejn qafas ta' kontroll intern integrat (COM(2006)0009), ir-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-progress tal-pjan ta' azzjoni tal-Kummissjoni lejn qafas integrat tal-kontroll intern (COM(2007)0086), u d-dokument ta' ħidma ta' l-istaff tal-Kummissjoni maħruġ ma' dak ir-rapport (SEC(2007)0311),

–   wara li kkunsidra l-Opinjoni Nru 6/2007 tal-Qorti ta' l-Awdituri dwar it-taqsiriet annwali ta' l-Istati Membri, id-'dikjarazzjonijiet nazzjonali' ta' l-Istati Membri u x-xogħol tal-verifika fuq il-fondi ta' l-UE mill-korpi nazzjonali tal-verifika(12),

–   wara li kkunsidra l-pjan ta' azzjoni tal-Kummissjoni biex jissaħħaħ l-irwol superviżorju tal-Kummissjoni fi tmexxija konġunta ta' azzjonijiet strutturali (COM(2008)0097),

–   wara li kkunsidra r-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-pjan ta' azzjoni tal-Kummissjoni lejn qafas ta' kontroll intern integrat(COM(2008)0110), u d-dokument ta' ħidma tal-persunal tal-Kummissjoni li jakkumpanja r-rapport (SEC(2008)0259),

–   wara li kkunsidra r-rapport tal-Qorti ta' l-Awdituri dwar il-kontijiet annwali finali ta' l-Aġenzija Eżekuttiva għall-Edukazzjoni, l-Awdjoviżjoni u l-Kultura għas-sena finanzjarja 2006, kif ukoll it-tweġibiet ta' l-Aġenzija(13),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet kif ukoll il-legalità u r-regolarità tat-tranżazzjonijiet bażiċi, mogħtija mill-Qorti ta' l-Awdituri skond l-Artikolu 248 tat-Trattat KE(14),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5855/2008 – C6-0083/2008),

–   wara li kkunsidra l-Artikoli 274, 275 u 276 tat-Trattat KE kif ukoll l-Artikoli 179a u 180b tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(15), u b'mod partikolari l-Artikolu 55 tiegħu,

–   wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jistipula l-istatut għall-aġenziji eżekuttivi li se jkunu fdati b'ċerti ħidmiet li għandhom x'jaqsmu mat-tmexxija tal-programmi Komunitarji(16), u b'mod partikulari l-Artikolu 14(3) tiegħu,

–   wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar ir-regolamentazzjoni finanzjarja standard għall-agenziji eżekuttivi li jsegwi r-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(17), u b'mod partikulari l-Artikolu 66(1) u (2) tiegħu,

–   wara li kkunsidra d-Deċiżjoni tal-Kummissjoni 2005/56/KE ta' l-14 ta' Jannar 2005 li tistabbilixxi l-Aġenzija Eżekuttiva Edukattiva, Awdjoviżiva u Kulturali għat-tmexxija ta' l-azzjoni Komunitarja fl-oqsma ta' l-edukazzjoni, l-awdjoviżiv u l-kultura fl-applikazzjoni tar-Regolament tal-Kunsill (KE) Nru 58/2003(18),

–   wara li kkunsidra l-Artikolu 70 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-kumitati interessati l-oħra (A6-0109/2008),

A.   billi skond l-Artikolu 274 tat-Trattat KE l-Kummissjoni timplimenta l-baġit taħt ir-responsabbilità tagħha stess, skond il-prinċipju ta' amministrazzjoni finanzjarja soda,

1.  Jagħti l-kwittanza lid-direttur ta' l-Aġenzija Eżekuttiva għall-Edukazzjoni, l-Awdjoviżiv u l-Kultura għall-implimentazzjoni tal-baġit ta' l-Aġenzija Eżekuttiva għas-sena finanzjarja 2006;

2.  Jippreżenta l-kummenti tiegħu fir-riżoluzzjoni li hija parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni;

3.  Jagħti istruzzjonijiet lill-President tiegħu biex iressaq din id-deċiżjoni, kif ukoll id-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni u r-riżoluzzjoni li hija parti integrali minnha, lid-direttur ta' l-Aġenzija Eżekuttiva għall-Edukazzjoni, l-Awdjoviżiv u l-Kultura, lill-Kunsill, lill-Kummissjoni, lill-Qorti tal-Ġustizzja u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

3.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ta' l-Aġenzija Eżekuttiva għall-Enerġija Intelliġenti għas-sena finanzjarja 2006 (SEC(2007)1056 – C6-0390/2007 – 2007/2037(DEC)) (SEC(2007)1055 – C6-0362/2007 – 2007/2037(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(19),

–   wara li kkunsidra l-kontijiet annwali aħħarin tal-Komunitajiet Ewropej għas-sena finanzjarja 2006 – Volum I (SEC(2007)1056 – C6-0390/2007, SEC(2007)1055 – C6-0362/2007)(20),

–   wara li kkunsidra l-kontijiet annwali aħħarin ta' l-Aġenzija Eżekuttiva għall-Enerġija Intelliġenti għas-sena finanzjarja 2006(21),

–   wara li kkunsidra r-rapport annwali tal-Kummissjoni lill-awtorità ta' kwittanza dwar is-segwitu tad-deċiżjonijiet ta' kwittanza ta' l-2005 (COM(2007)0538, COM(2007)0537), u d-dokument ta' ħidma ta' l-istaff tal-Kummissjoni - Anness għar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza ta' l-2005 (SEC(2007)1185, SEC(2007)1186),

–   wara li kkunsidra l-komunikazzjoni mill-Kummissjoni intitolata 'Riżultati tal-Politika fl-2006' (COM(2007)0067),

–   wara li kkunsidra l-komunikazzjoni mill-Kummissjoni intitolata 'Sintesi tal-kisbiet amministrattivi tal-Kummissjoni fl-2006' (COM(2007)0274),

–   wara li kkunsidra r-rapport annwali tal-Kummissjoni lill-awtorità ta' kwittanza dwar il-verifiki interni li saru fl-2006 (COM(2007)0280), u d-dokument ta' ħidma ta' l-istaff tal-Kummissjoni maħruġ mar-rapport annwali lill-awtorità tal-kwittanza dwar il-verifiki interni li saru fl-2006 (SEC(2007)0708),

–   wara li kkunsidra r-rapport tal-Kummissjoni dwar ir-risposti ta" l-Istati Membri dwar ir-Rapport Annwali 2005 tal-Qorti ta" l-Awdituri (COM(2007)0118),

–   wara li kkunsidra l-Green Paper dwar l-Inizjattiva Ewropea favur it-Trasparenza adottata mill-Kummissjoni fit-3 ta' Mejju 2006 (COM(2006)0194),

–   wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' 'verifika waħda' (u proposta għal qafas Komunitarju ta' kontroll intern)(22) ,

–   wara li kkunsidra l-komunikazzjoni mill-Kummissjoni dwar ir-roadmap għal qafas ta' kontroll intern integrat (COM(2005)0252),

–   wara li kkunsidra l-pjan ta' azzjoni tal-Kummissjoni lejn qafas ta' kontroll intern integrat (COM(2006)0009), ir-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-progress tal-pjan ta' azzjoni tal-Kummissjoni lejn qafas integrat tal-kontroll intern (COM(2007)0086), u d-dokument ta' ħidma ta' l-istaff tal-Kummissjoni maħruġ ma' dak ir-rapport (SEC(2007)0311),

–   wara li kkunsidra l-Opinjoni Nru 6/2007 tal-Qorti ta' l-Awdituri dwar it-taqsiriet annwali ta' l-Istati Membri, id-'dikjarazzjonijiet nazzjonali' ta' l-Istati Membri u x-xogħol tal-verifika fuq il-fondi ta' l-UE mill-korpi nazzjonali tal-verifika(23),

–   wara li kkunsidra l-pjan ta' azzjoni tal-Kummissjoni biex jissaħħaħ l-irwol superviżorju tal-Kummissjoni fi tmexxija konġunta ta' azzjonijiet strutturali (COM(2008)0097),

–   wara li kkunsidra r-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-pjan ta' azzjoni tal-Kummissjoni lejn qafas ta' kontroll intern integrat(COM(2008)0110), u d-dokument ta' ħidma tal-persunal tal-Kummissjoni li jakkumpanja r-rapport (SEC(2008)0259),

–   wara li kkunsidra r-rapport tal-Qorti ta' l-Awdituri dwar il-kontijiet annwali finali ta' l-Aġenzija Eżekuttiva għall-Enerġija Intelliġenti għas-sena finanzjarja 2006, kif ukoll it-tweġibiet ta' l-Aġenzija(24),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet kif ukoll il-legalità u r-regolarità tat-tranżazzjonijiet bażiċi, mogħtija mill-Qorti ta' l-Awdituri skond l-Artikolu 248 tat-Trattat KE(25),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5855/2008 – C6-0083/2008),

–   wara li kkunsidra l-Artikoli 274, 275 u 276 tat-Trattat KE kif ukoll l-Artikoli 179a u 180b tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(26), u b'mod partikolari l-Artikolu 55 tiegħu,

–   wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jistipula l-istatut għall-aġenziji eżekuttivi li se jkunu fdati b'ċerti ħidmiet li għandhom x'jaqsmu mat-tmexxija tal-programmi Komunitarji(27), u b'mod partikulari l-Artikolu 14(3) tiegħu,

–   wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar ir-regolamentazzjoni finanzjarja standard għall-agenziji eżekuttivi li jsegwi r-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(28), u b'mod partikulari l-Artikolu 66(1) u (2) tiegħu,

–   wara li kkunsidra d-Deċiżjoni 2004/20/KE tal-Kummissjoni tat-23 ta' Diċembru 2003 li tistabbilixxi aġenzija eżekuttiva, l-"Aġenzija Eżekuttiva għall-Enerġija Intelliġenti", biex timmaniġġja l-azzjoni tal-Komunità fis-settur ta' l-enerġija biex ikun implimentat ir-Regolament tal-Kunsill (KE) Nru 58/2003(29),

–   wara li kkunsidra l-Artikolu 70 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-kumitati interessati l-oħra (A6-0109/2008),

A.   billi skond l-Artikolu 274 tat-Trattat KE l-Kummissjoni timplimenta l-baġit taħt ir-responsabilità tagħha stess, skond il-prinċipju ta' amministrazzjoni finanzjarja soda,

1.  Jagħti l-kwittanza lid-Direttur ta' l-Aġenzija Eżekuttiva għall-Enerġija Intelliġenti għall-implimentazzjoni tal-baġit ta' l-Aġenzija Eżekuttiva għas-sena finanzjarja 2006;

2.  Jippreżenta l-kummenti tiegħu fir-riżoluzzjoni li hija parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni;

3.  Jagħti istruzzjonijiet lill-President tiegħu biex jgħaddi din id-Deciżjoni, kif ukoll id-Deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni u r-riżoluzzjoni li hi parti integrali minnha, lid-direttur ta' l-Aġenzija Eżekuttiva għall-Enerġija Intelliġenti, lill-Kunsill, lill-Kummissjoni, lill-Qorti tal-Ġustizzja u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

4.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni (SEC(2007)1056 – C6-0390/2007 – 2007/2037(DEC)) (SEC(2007)1055 – C6-0362/2007 – 2007/2037(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(30),

–   wara li kkunsidra l-kontijiet annwali finali tal-Komunitajiet Ewropej għas-sena finanzjarja 2006 – Volum I (SEC(2007)1056 – C6-0390/2007, SEC(2007)1055 – C6-0362/2007)(31),

–   wara li kkunsidra r-rapport annwali tal-Kummissjoni lill-awtorità ta' kwittanza dwar is-segwitu tad-deċiżjonijiet ta' kwittanza ta' l-2005 (COM(2007)0538, COM(2007)0537), u d-dokument ta' ħidma ta' l-istaff tal-Kummissjoni - Anness għar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza ta' l-2005 (SEC(2007)1185, SEC(2007)1186),

–   wara li kkunsidra l-komunikazzjoni mill-Kummissjoni intitolata 'Riżultati tal-Politika fl-2006' (COM(2007)0067),

–   wara li kkunsidra l-komunikazzjoni mill-Kummissjoni intitolata 'Sintesi tal-kisbiet amministrattivi tal-Kummissjoni fl-2006' (COM(2007)0274),

–   wara li kkunsidra r-rapport annwali tal-Kummissjoni lill-awtorità ta' kwittanza dwar il-verifiki interni li saru fl-2006 (COM(2007)0280), u d-dokument ta' ħidma ta' l-istaff tal-Kummissjoni maħruġ mar-rapport annwali lill-awtorità tal-kwittanza dwar il-verifiki interni li saru fl-2006 (SEC(2007)0708),

–   wara li kkunsidra r-rapport tal-Kummissjoni dwar ir-risposti ta" l-Istati Membri dwar ir-Rapport Annwali 2005 tal-Qorti ta" l-Awdituri (COM(2007)0118),

–   wara li kkunsidra l-Green Paper dwar l-Inizjattiva Ewropea favur it-Trasparenza adottata mill-Kummissjoni fit-3 ta' Mejju 2006 (COM(2006)0194),

–   wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' 'verifika waħda' (u proposta għal qafas Komunitarju ta' kontroll intern)(32) ,

–   wara li kkunsidra l-komunikazzjoni mill-Kummissjoni dwar ir-roadmap għal qafas ta' kontroll intern integrat (COM(2005)0252),

–   wara li kkunsidra l-pjan ta' azzjoni tal-Kummissjoni lejn qafas ta' kontroll intern integrat (COM(2006)0009), ir-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-progress tal-pjan ta' azzjoni tal-Kummissjoni lejn qafas integrat tal-kontroll intern (COM(2007)0086), u d-dokument ta' ħidma ta' l-istaff tal-Kummissjoni maħruġ ma' dak ir-rapport (SEC(2007)0311),

–   wara li kkunsidra l-Opinjoni Nru 6/2007 tal-Qorti ta' l-Awdituri dwar it-taqsiriet annwali ta' l-Istati Membri, id-'dikjarazzjonijiet nazzjonali' ta' l-Istati Membri u x-xogħol tal-verifika fuq il-fondi ta' l-UE mill-korpi nazzjonali tal-verifika(33),

–   wara li kkunsidra l-pjan ta' azzjoni tal-Kummissjoni biex jissaħħaħ l-irwol superviżorju tal-Kummissjoni fi tmexxija konġunta ta' azzjonijiet strutturali (COM(2008)0097),

–   wara li kkunsidra r-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-pjan ta' azzjoni tal-Kummissjoni lejn qafas ta' kontroll intern integrat(COM(2008)0110), u d-dokument ta' ħidma tal-persunal tal-Kummissjoni li jakkumpanja r-rapport (SEC(2008)0259),

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 flimkien mat-tweġibiet ta' l-istituzzjonijiet(34) u r-rapport speċjali tal-Qorti ta' l-Awdituri,

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet kif ukoll il-legalità u r-regolarità tat-tranżazzjonijiet bażiċi, mogħtija mill-Qorti ta' l-Awdituri skond l-Artikolu 248 tat-Trattat KE(35),

–   wara li kkunsidra r-rakkomandazzjonijiet tal-Kunsill tat-12 ta' Frar 2008 (5842/2008 – C6-0082/2008) u 5855/2008 – C6-0083/2008),

–   wara li kkunsidra l-Artikoli 274, 275 u 276 tat-Trattat KE kif ukoll l-Artikoli 179a u 180b tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(36), u b'mod partikulari l-Artikoli 145, 146 u 147 tiegħu,

–   wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jistipula l-istatut għall-aġenziji eżekuttivi li se jkunu fdati b'ċerti ħidmiet li għandhom x'jaqsmu mat-tmexxija tal-programmi Komunitarji(37), u b'mod partikulari l-Artikolu 14(2) u (3) tiegħu,

–   wara li kkunsidra l-Artikolu 70 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-kumitati interessati l-oħra (A6-0109/2008),

A.   billi skond l-Artikolu 275 tat-Trattat KE l-Kummissjoni hija responsabbli għat-tfassil tal-kontijiet,

1.  Japprova l-għeluq tal-kontijiet tal-baġit ġenerali ta' l-Unjoni Ewropea għas-sena finanzjarja 2006;

2.  Jagħti istruzzjonijiet lill-President tiegħu biex jgħaddi din id-Deciżjoni lill-Kunsill, lill-Kummissjoni, lill-Qorti tal-Ġustizzja, lill-Qorti ta' l-Awdituri u lill-Bank Ewropew ta' l-Investiment, u lill-istituzzjonijiet nazzjonali u reġjonali ta' verifika ta' l-Istati Membri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

5.Riżoluzzjoni tal-Parlament Ewropew tat-22 ta' April 2008 b'kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima III – Kummissjoni (SEC(2007)1056 – C6-0390/2007 – 2007/2037(DEC)) (SEC(2007)1055 – C6-0362/2007 – 2007/2037(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(38),

–   wara li kkunsidra l-kontijiet annwali finali tal-Komunitajiet Ewropej għas-sena finanzjarja 2006 – Volum I (SEC(2007)1056 – C6-0390/2007, SEC(2007)1055 – C6-0362/2007)(39),

–   wara li kkunsidra r-rapport annwali tal-Kummissjoni lill-awtorità ta' kwittanza dwar is-segwitu tad-deċiżjonijiet ta' kwittanza ta' l-2005 (COM(2007)0538, COM(2007)0537), u d-dokument ta' ħidma ta' l-istaff tal-Kummissjoni - Anness għar-rapport mill-Kummissjoni lill-Parlament Ewropew dwar is-segwitu għall-proċedura ta' kwittanza ta' l-2005 (SEC(2007)1185, SEC(2007)1186),

–   wara li kkunsidra l-komunikazzjoni mill-Kummissjoni intitolata 'Riżultati tal-Politika fl-2006' (COM(2007)0067),

–   wara li kkunsidra l-komunikazzjoni mill-Kummissjoni intitolata 'Sintesi tal-kisbiet amministrattivi tal-Kummissjoni fl-2006' (COM(2007)0274),

–   wara li kkunsidra r-rapport annwali tal-Kummissjoni lill-awtorità ta' kwittanza dwar il-verifiki interni li saru fl-2006 (COM(2007)0280), u d-dokument ta' ħidma ta' l-istaff tal-Kummissjoni maħruġ mar-rapport annwali lill-awtorità tal-kwittanza dwar il-verifiki interni li saru fl-2006 (SEC(2007)0708),

–   wara li kkunsidra r-rapport tal-Kummissjoni dwar ir-risposti ta" l-Istati Membri dwar ir-Rapport Annwali 2005 tal-Qorti ta" l-Awdituri (COM(2007)0118),

–   wara li kkunsidra l-Green Paper dwar l-Inizjattiva Ewropea favur it-Trasparenza adottata mill-Kummissjoni fit-3 ta' Mejju 2006 (COM(2006)0194),

–   wara li kkunsidra l-Opinjoni Nru 2/2004 tal-Qorti ta' l-Awdituri dwar il-mudell ta' 'verifika waħda' (u proposta għal qafas Komunitarju ta' kontroll intern)(40) ,

–   wara li kkunsidra l-komunikazzjoni mill-Kummissjoni dwar ir-roadmap għal qafas ta' kontroll intern integrat (COM(2005)0252),

–   wara li kkunsidra l-pjan ta' azzjoni tal-Kummissjoni lejn qafas ta' kontroll intern integrat (COM(2006)0009), ir-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-progress tal-pjan ta' azzjoni tal-Kummissjoni lejn qafas integrat tal-kontroll intern (COM(2007)0086), u d-dokument ta' ħidma ta' l-istaff tal-Kummissjoni maħruġ ma' dak ir-rapport (SEC(2007)0311),

–   wara li kkunsidra l-Opinjoni Nru 6/2007 tal-Qorti ta' l-Awdituri dwar it-taqsiriet annwali ta' l-Istati Membri, id-'dikjarazzjonijiet nazzjonali' ta' l-Istati Membri u x-xogħol tal-verifika fuq il-fondi ta' l-UE mill-korpi nazzjonali tal-verifika(41),

–   wara li kkunsidra l-pjan ta' azzjoni tal-Kummissjoni biex jissaħħaħ l-irwol superviżorju tal-Kummissjoni fi tmexxija konġunta ta' azzjonijiet strutturali (COM(2008)0097),

–   wara li kkunsidra r-rapport mill-Kummissjoni lill-Kunsill, lill-Parlament Ewropew u lill-Qorti ta' l-Awdituri dwar il-pjan ta' azzjoni tal-Kummissjoni lejn qafas ta' kontroll intern integrat(COM(2008)0110), u d-dokument ta' ħidma tal-persunal tal-Kummissjoni li jakkumpanja r-rapport (SEC(2008)0259),

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 flimkien mat-tweġibiet ta' l-istituzzjonijiet(42) u r-rapport speċjali tal-Qorti ta' l-Awdituri,

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet kif ukoll il-legalità u r-regolarità tat-tranżazzjonijiet bażiċi, mogħtija mill-Qorti ta' l-Awdituri skond l-Artikolu 248 tat-Trattat KE(43),

–   wara li kkunsidra r-rakkomandazzjonijiet tal-Kunsill tat-12 ta' Frar 2008 (5842/2008 – C6-0082/2008) u 5855/2008 – C6-0083/2008),

–   wara li kkunsidra l-Artikoli 274, 275 u 276 tat-Trattat KE kif ukoll l-Artikoli 179a u 180b tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(44), u b'mod partikulari l-Artikoli 145, 146 u 147 tiegħu,

–   wara li kkunsidra l-Artikolu 70 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjonijiet tal-kumitati interessati l-oħra (A6-0109/2008),

A.   billi l-Artikolu 274 tat-Trattat KE jistabbilixxi li r-responsabbiltà għall-implimentazzjoni tal-baġit Komunitarju hija tal-Kummissjoni u trid titħaddem skond il-prinċipji ta' l-amministrazzjoni finanzjarja soda, b'koperazzjoni ma' l-Istati Membri,

B.   billi l-implimentazzjoni tal-politiki ta' l-UE hija kkaratterizzata mill-ġestjoni konġunta tal-baġit Komunitarju mill-Kummissjoni u mill-Istati Membri, skond liema 80% tan-nefqa Komunitarja hija amministrata mill-Istati Membri,

C.   billi fir-riżoluzzjoni tiegħu ta' l-24 ta' April 2007(45) dwar il-kwittanza għas-sena finanzjarja 2005, il-Parlament ippropona li kull Stat Membru jrid ikun jista' jassumi r-responsabbiltà għall-ġestjoni tal-fondi li jkun irċieva mill-UE, permezz ta' dikjarazzjoni waħda ta' amministrazzjoni nazzjonali jew permezz ta' diversi dikjarazzjonijiet fi ħdan qafas nazzjonali,

D.   billi l-ħtieġa urġenti li jiddaħħlu dikjarazzjonijiet nazzjonali f'livell politiku xieraq, li jkopru l-fondi Komunitarji kollha li jkunu taħt ġestjoni konġunta, kienet proposta mill-Parlament fir-riżoluzzjonijiet tiegħu ta' l-2003 u l-2005 dwar il-kwittanza,

E.   billi, fir-Rapport Annwali tagħha dwar is-sena finanzjarja 2006 (punt 0.10), il-Qorti ta' l-Awdituri (ECA) irrikonoxxiet l-importanza ta' dikjarazzjonijiet nazzjonali mat-taqsiriet annwali sakemm, "dawn l-elementi kollha, jekk implimentati sew, jistgħu jistimulaw immaniġġjar u kontroll imtejba tal-fondi ta' l-UE fl-Istati Membri" u b'xi kundizzjonijiet "elementi bħal dawn jistgħu jagħtu valur miżjud u jistgħu jintużaw mill-Qorti skond ir-rekwiżiti ta' standards internazzjonali tal-verifika",

F.   billi l-ECA fl-Opinjoni Nru 6/2007 tagħha dwar it-taqsiriet annwali ta' l-Istati Membri u d-'dikjarazzjonijiet nazzjonali' ta' l-Istati Membri, enfasizzat ukoll li d-dikjarazzjonijiet nazzjonali jistgħu jitqiesu bħala element ġdid tal-kontroll intern tal-fondi ta' l-UE, u li jekk juru biċ-ċar il-punti ta' saħħa u l-punti dgħajfin, huma jistimulaw kontroll aħjar tal-fondi ta' l-UE taħt ġestjoni konġunta,

G.   billi t-titjib ta' l-amministrazzjoni finanzjarju fl-UE jrid ikun appoġġjat minn monitoraġġ tajjeb tal-progress fil-Kummissjoni u fl-Istati Membri, u billi l-istati Membri għandhom jassumu r-responsabbiltà għall-immaniġġjar tal-fondi ta' l-UE, filwaqt li tkun żgurata t-tlestija ta' qafas integrat ta' l-UE ta' kontroll intern bil-għan li tingħata DAS pożittiva,

H.   billi l-implimentazzjoni tal-punt 44 tal-Ftehima Interistituzzjonali bejn il-Parlament Ewropew, il-Kunsill u l-Kummissjoni tas-17 ta' Mejju 2006 dwar id-dixxiplina baġitarja u l-immaniġġjar finanzjarju sod (IIA)(46) u ta' l-Artikolu 53b(3) tar-Regolament Finanzjarju, dwar it-taqsiriet tal-verifiki u d-dikjarazzjonijiet disponibbli, għandhom jagħtu kontribut sostanzjali biex jittejjeb l-immaniġġjar tal-baġit Komunitarju,

I.   billi l-prinċipju ta' tmexxija finanzjarja soda, inkluż il-kontroll intern effettiv huwa wieħed mill-prinċipji baġitarji stipulati fir-Regolament Finanzjarju wara li ġie emendat mir-Regolament (KE, Euratom) Nru 1995/2006(47), kif imsemmi mill-Kummissjoni fil-pjan ta' azzjoni tagħha li qafas ta' kontroll intern integrat,

J.   billi l-ħidma tal-Kumitat tiegħu għall-Kontroll tal-Baġit b'mod ġenerali u l-proċedura tal-kwittanza b'mod partikulari huma parti minn proċess li jipprova jikseb ir-responsabbiltà sħiħa tal-Kummissjoni kollha kemm hi, u tal-Membri individwali tagħha, kif ukoll tal-partijiet rilevanti l-oħra kollha, li l-parti l-aktar importanti ta' dawn hi magħmula mill-Istati Membri, għal ġestjoni finanzjarja fl-UE, b'konformita mat-Trattat, u b'hekk tinħoloq bażi aħjar għat-teħid ta' deċiżjonijiet,

K.   billi dan se jqis sew ir-riżultati u r-rakkomandazzjonijiet tal-kwittanza fir-rigward tas-sena finanzjarja 2006 matul il-proċedura baġitarja li jmiss,

L.   billi l-Kunsill għandu jimmira li jsaħħaħ l-isforzi ta' riforma u r-responsabbilita? ta' l-Istati Memrbri biex jirrimedjaw il-problemi identifikati mill-ECA u jiżgura ġestjoni finanzjarja aħjar fl-Unjoni Ewropea.

M.   billi l-2006 kienet is-Sena Ewropea għall-Mobbilità tal-Ħaddiema, li qajmet kuxjenza dwar il-mobbilità fl-istabbiliment ta' suq ġenwin Ewropew tax-xogħol, u ħejjiet it-triq għas-Sena Ewropea ta' l-Opportunitajiet Indaqs għal Kulħadd fl-2007,

KONKLUŻJONIJIET EWLENIN

1.  Jilqa' b'sodisfazzjon il-progress li għamlet il-Kummissjoni għal użu iktar effiċjenti tal-fondi ta' l-UE u ta' l-ambjent globali ta' kontroll, progress li jidher fid-dikjarazzjoni ta' assigurazzjoni ta' l-ECA (DAS); f'dan id-dawl, jilqa' d-dikjarazzjoni tal-Qorti Ewropea ta' l-Awdituri dwar l-impatt finanzjarju ta' l-iżbalji; jistidinha sabiex fil-ġejjieni tapplika dan fil-kapitoli kollha tar-rapport annwali tagħha;

2.  Jilqa' b'sodisfazzjon il-progress konsiderevoli li sar fl-immaniġġjar tal-fondi tal-politika agrikola komuni (CAP), b'mod partikulari bis-saħħa tat-tħaddim tas-Sistema Integrata ta' Kontroll Amministrattiv (IACS), u jfakkar lill-Greċja dwar l-obbligu tagħha li timplimenta s-sistema IACS skond il-pjan ta' azzjoni tagħha;

3.  Jilqa' l-impenn tal-Kummissjoni sabiex tirraporta kull xahar lill-Kumitat għall-Kontroll tal-Baġit tiegħu dwar l-implimentazzjoni tas-segwitu tal-proċedura ta' kwittanza għall-2006, fejn, kull xahar, il-Membru tal-Kummissjoni jippreżenta l-iżviluppi fis-suġġett li għalih hu responsabbli, li jkopri dikjarazzjonijiet nazzjonali u sommarji annwali, azzjonijiet esterni u l-implimentazzjoni tal-pjan ta' azzjoni biex jissaħħaħ l-irwol superviżorju tal-Kummissjoni f'ġestjoni konġunta ta' l-azzjonijiet strutturali;

Dikjarazzjonijiet Nazzjonali ta' Amministrazzjoni

4.  Jilqa' l-impenn tal-Kummissjoni li tagħti appoġġ sod lill-inizjattivi nazzjonali għat-tfassil u l-pubblikazzjoni ta' dikjarazzjoni nazzjonali, verifikati mill-istituzzjonijiet nazzjonali ta' verifika, u li tkompli tħeġġeġ lill-Istati Membri biex isegwu l-eżempju tad-Danimarka, l-Olanda, l-Iżvezja u r-Renju Unit; għalhekk jistenna li l-Kummissjoni tinkludi punt ġdid ta' azzjoni dwar il-promozzjoni tad-dikjarazzjonijiet nazzjonali ta' amministrazzjoni bħala parti mir-reviżjoni u s-segwitu tal-pjan ta' azzjoni fuq imsemmi lejn qafas ta' kontroll intern integrat; jistenna wkoll li l-Kummissjoni u l-Istati Membri jiżguraw li t-taqsiriet nazzjonali jirrispettaw bis-sħiħ l-iskopijiet u l-ispirtu tal-punt 44 ta' l-IIA;

5.  Huwa tal-fehma li l-Kummissjoni trid tirreaġixxi biex tissodisfa rekwiżiti importanti magħmula fir-riżoluzzjoni tal-Parlament li takkumpanja d-deċiżjoni ta' kwittanza tas-sena finanzjarja 2005, u dan m'huwiex il-każ fil-qasam tad-dikjarazzjonijiet nazzjonali, fejn il-Parlament talab lill-Kummissjoni biex qabel tmiem l-2007 tressaq proposta lill-Kunsill għal dikjarazzjoni ta' amministrazzjoni nazzjonali li tkopri l-fondi Komunitarji kollha inklużi fil-ġestjoni konġunta; jiddispjaċiħ dwar il-fatt li l-Kummissjoni aċċettat b'mod taċitu l-irresponsabbilita? kollettiva ta' l-Istati Membri, bl-eċċezzjoni tad-Danimarka, ta' l-Olanda, ta' l-Iżvezja, u tar-Renju Unit, fir-rigward tal-ġestjoni finanzjarja fl-Unjoni Ewropea;

6.  Huwa tal-fehma li l-Kummissjoni trid tressaq ċifri kompleti u affidabbli għall-irkupri, filwaqt li tispeċifika l-linja tal-baġit u s-sena eżatt li għalihom jirreferi l-irkupru; kontroll serju ma jkunx possibbli bi kwalunkwe preżentazzjoni oħra; huwa konxju li sa ċertu punt il-Kummissjoni għandha tikseb din l-informazzjoni mingħand l-Istati Membri; għal dan il-għan juri li għal dawn l-aħħar tliet snin il-Parlament ippropona l-introduzzjoni ta' dikjarazzjonijiet dwar ġestjoni nazzjonali sabiex il-Kummissjoni titqiegħed f'pożizzjoni minn fejn tkun kapaċi tippreżenti l-informazzjoni nieqsa u timla' n-nuqqasijiet ta' trasparenza;

Fondi Strutturali

7.  Jilqa' l-pubblikazzjoni tal-pjan ta' azzjoni hawn fuq imsemmi biex jissaħħaħ l-irwol superviżorju tal-Kummissjoni f'ġestjoni konġunta ta' l-azzjonijiet strutturali b'reazzjoni għat-tħassib imqajjem mill-Parlament waqt il-proċedura ta' kwittanza għas-sena finanzjarja 2006; se jimmoniterja mill-viċin ir-rappurtaġġ dwar dan il-pjan ta' azzjoni bi tħejjija għall-proċedura ta' kwittanza fir-rigward tas-sena finanzjarja 2007;

8.  Jilqa' l-impenn soda li ħadet il-Kummissjoni sabiex tiżgura li kwalunkwe ħlasijiet mhux mistħoqqa jiġu rkuprati fiż-żmien li jifdal qabel jintemmu l-proċeduri ta' għeluq għall-perjodu 2000 - 2006;

9.  Jilqa' l-impenn tal-Kummissjoni biex tinforza bis-sħiħ ir-Regolament Finanzjarju, b'mod partikulari fir-rigward tat-taqsiriet annwali; jistenna li l-Kummissjoni żżomm lill-Parlament infurmat bis-sħiħ dwar l-azzjonijiet legali kollha miġjuba kontra l-Istati Membri, u fallimenti ta' konformita' tagħhom; f'dan id-dawl jilqa' l-evalwazzjonijiet preliminari tal-kwalita? tat-taqsiriet annwali għall-agrikultura u l-Fondi Strutturali; jistenna bil-ħerqa l-evalwazzjonijiet finali fir-rapporti annwali ta' attivita? tad-Direttorati Ġenerali differenti;

10.  Jikkunsidra bħala kisba kbira tal-proċedura ta' kwittanza fir-rigward tas-sena finanzjarja 2006 l-impenn meħud mill-Kummissjoni li tikkoreġi l-iżbalji individwali li nstabu fir-Rapport Annwali ta' l-ECA, u b'mod partikulari l-impenn sabiex isiru 100% tal-korrezzjonijiet fil-każijiet kollha ta' infrazzjonijiet serji ta' proċeduri ta' akkwist pubbliku u biex jiġu applikati rata fissa jew korrezzjonijiet finanzjarji estrapolati meta ssib problemi sistematiċi ta' offerti;

11.  Madankollu jitlob lill-Kummissjoni biex tippreżenta informazzjoni oġġettiva, ċara u sħiħa dwar il-kapaċita? tagħha li tirkupra ammonti ta' pagamenti mhux mistħoqqa;

12.  Jilqa' l-fatt li bħala riżultat dirett tal-proċedura ta' kwittanza fir-rigward tas-sena finanzjarja 2006, il-Kummissjoni fl-aħħar impenjat ruħha li tapplika politika ta' pagamenti sospiżi kemm jista' jkun malajr wara li jinsabu nuqqasijiet serji fis-sistema;

13.  Jistenna bil-ħerqa r-rapporti ta' kull tliet xhur dwar korrezzjonijiet u rkupri li għandhom jiġu verifikati mill-ECA, inkluż l-istabbiliment ta' sistema u skema ta' rappurtaġġ li jippermettu li l-irkupri li jsiru ex post jiġu marbuta mas-sena meta l-fondi ngħataw verament; jispera li dan jagħti dehra ġenerali tajba tas-sitwazzjoni f'dan il-qasam, għall-ewwel darba, u fil-ħin għall-proċedura ta' kwittanza fir-rigward tas-sena finanzjarja 2007; huwa ta' l-opinjoni li l-Kummissjoni għandha tippreżenta skorbord u data finali għall-implimentazzjoni tal-pjan ta' azzjoni tagħha hawn fuq imsemmi sabiex jissaħħaħ l-irwol superviżorju tagħha fi tmexxija konġunta ta' l-azzjonijiet strutturali;

14.  Ifakkar lill-Kummissjoni dwar l-impenji tagħha li ħadet waqt is-smigħ straordinarju quddiem il-Kumitat għall-Kontroll tal-Baġit tal-25 ta' Frar 2008

15.  Jappoġġja l-pożizzjoni tal-Kummissjoni li, meta jinstabu irregolaritajiet, għandha tittieħed azzjoni korrettiva, inklużi s-sospensjoni tal-pagamenti u l-irkupru ta' pagamenti żbaljati jew mhux mistħoqqa, u li hija għandha tirrapporta lill-Parlament mill-inqas darbtejn fis-sena dwar il-miżuri li tieħu f'dan ir-rigward;

Azzjonijiet esterni

16.  Jikkunsidra li wara l-proċedura ta' kwittanza fir-rigward tas-sena finanzjarja 2006, il-Kummissjoni saret aktar konxja dwar l-importanza tat-trasparenza, tal-viżibbilita? u tal-gwida politika għall-fondi kollha ta' l-UE implimentati fil-qasam ta' l-azzjonijiet esterni, kemm direttament mill-Kummissjoni, jew permezz ta' ġestjoni deċentralizzata jew permezz ta' fondi fiduċjarji internazzjonali;

17.  Jilqa' l-impenn tar-rappreżentant tan-NU għall-Iraq li titjieb l-informazzjoni f'ħin reali lill-Kummissjoni, u jikkunsidra li t-13-il xhar ta' riċerka mill-viċin fl-użu tal-fondi ta' l-UE permezz ta' fondi fiduċjarji internazzjonali kkontribwew biex tikber il-kuxjenza dwar il-ħtieġa għal responsabbilita? fir-rigward ta' l-użu tal-flus ta' min iħallas it-taxxa ta' l-UE; jistieden lill-Kummissjoni biex tikkoopera mill-viċin miegħu fir-reviżjoni tal-Ftehima ta' Qafas Finanzjarja u Amministrattiva bejn il-Komunita? Ewropea u n-Nazzjonijiet Uniti (FAFA);

18.  Jilqa' l-fatt li l-Kummissjoni inkludiet informazzjoni dwar il-missjonijiet ta' verifika taħt l-FAFA, kif ukoll il-konklużjonijiet relevanti, fir-rapporti annwali ta' attivita? li ġew iffirmati mid-Diretturi Ġenerali kompetenti fl-aħħar ta' Marzu 2008, u li dan ppermetta lill-Parlament iqis din l-informazzjoni waqt il-votazzjoni tiegħu dwar dan ir-rapport;

19.  Jaċċetta l-proposta tal-Kummissjoni li tiddiskuti l-kwistjoni ta' definizzjoni ta' organizzazzjoni mhux governattiva (NGO) wara li r-riżultati tal-verifika li dejjem għaddejja ta' l-ECA dwar l-NGOs isiru disponibbli;

20.  Jistieden lill-Kummissjoni biex:

21.  Jilqa' l-impenn tal-Kummissjoni li tinfurmah ukoll dwar il-benefiċjarji ta' fondi, kif jingħad fl-Artikolu 30(3) tar-Regolament Finanzjarju, kif ukoll li żżid aktar it-tmexxija, il-viżibbilita? u l-kontroll politiċi fuq dawn il-fondi, b'mod partikulari fuq fondi mmaniġġjati permezz ta' fondi fiduċjarji internazzjonali;

22.  Jinsisti dwar l-aċċess pubbliku għall-informazzjoni dwar il-membri kollha tal-grupp ta' ħidma u ta' l-esperti li jaħdmu mal-Kummissjoni, u jinsisti wkoll li jkunu magħrufa l-benefiċjarji tal-fondi ta' l-UE;

KWISTJONIJIET ORIZZONTALI
Dikjarazzjoni ta' l-Assigurazzjoni
L-affidabilità tal-kontijiet

23.  Jinnota b'sodisfazzjon l-opinjoni pożittiva tal-Qorti Ewropea ta' l-Awdituri dwar l-affidabiltà tal-kontijiet annwali finali u d-dikjarazzjoni tagħha li, minbarra xi osservazzjonijiet, il-kontijiet jippreżentaw b'mod ġust, fl-aspetti materjali kollha, il-pożizzjoni finanzjarja tal-Komunitajiet u r-riżultati ta' l-operat u l-likwidità tagħhom sal-31 ta' Diċembru 2006, skond id-dispożizzjonijiet tar-Regolament Finanzjarju u r-regoli tal-kontabilità adottati mill-Uffiċjal għall-Kontabilità tal-Kummissjoni (Kapitolu 1, Dikjarazzjoni ta' Affidabiltà, paragrafi VII sa IX);

24.  Jesprimi madankollu l-preokkupazzjoni tiegħu li l-osservazzjonijiet tal-Qorti Ewropea ta' l-Awdituri dwar żbalji misjuba f'ammonti rreġistrati fis-sistema ta' kontabilità bħala fatturi jew dikjarazzjonijiet ta' l-infiq u prefinanzjament li għandhom l-effett li jkabbru l-ammonti b'madwar EUR 201 miljun u l-ammont totali ta' prefinanzjament għall-futur qarib u għall-futur imbiegħed b'madwar EUR 656 miljun; jiddispjaċih b'mod partikulari għad-dgħjufijiet fis-sistemi ta' kontabiltà ta' ċerti Direttorati Ġenerali, li għadhom jipperikolaw il-kwalità ta' l-informazzjoni finanzjarja (partikolarment għall-benefiċċji ta' qtugħ il-linja u ta' l-impjegati) u jwasslu għal numru ta' korrezzjonijiet wara t-tressiq tal-kontijiet proviżorji;

25.  Jikkundanna l-fatt li d-dokumenti finanzjarji mhumiex disponibbli fil-lingwi uffiċjali kollha ta' l-Unjoni Ewropea għall-membri tal-Kumitat għall-Kontroll tal-Baġit;

26.  Jinnota li l-uffiċjal għall-Kontabilità tal-Kummissjoni ma setax jivvalida għas-sena finanzjarja 2006 s-sistemi lokali ta' l-Uffiċċju ta' Koperazzjoni EuropeAid, tad-Direttorat Ġenerali għall-Edukazzjoni u l-Kultura u tad-Direttorat Ġenerali għar-Relazzjonijiet Esterni;

27.  Ifakkar lill-Kummissjoni dwar l-impenn tagħha fir-rapport annwali lill-awtorità tal-kwittanza dwar is-segwitu tad-deċiżjonijiet tal-kwittanza ta' l-2005 li kull sitt xhur tagħti lill-awtorità baġitarja rapporti dwar l-immaniġġjar ta' operazzjonijiet ta' prefinanzjament, kif mitlub fir-riżoluzzjoni tal-Parlament li takkumpanja d-deċiżjoni dwar il-kwittanza għas-sena finanzjarja 2005, u jiddispjaċih ħafna li dan ir-rapport għadu ma ġiex ippreżentat;

Legalità tat-tranżazzjonijiet bażiċi

28.  Jinnota b'sodisfazzjon li l-Qorti Ewropea ta' l-Awdituri tqis li f'oqsma fejn is-sistemi superviżorji u ta' kontroll huma implimentati b'mod li jipprovdi mmanniġġar xieraq tar-riskju, it-tranżazzjonijiet kollha kemm huma ma jkollhomx żbalji materjali;

29.  Jiddeplora, madankollu, il-fatt li f'oqsma importanti ħafna ta' nfiq tal-Komunità bħal ma huma miżuri strutturali, politiki interni u azzjonijiet esterni l-ħlasijiet għadhom affettwati minn żbalji materjali kbar fil-livell ta' l-organizzazzjonijiet inkarigati bl-implimentazzjoni;

30.  Jesprimi l-preokkupazzjoni kbira tiegħu dwar il-fatt li l-Qorti Ewropea ta' l-Awdituri għadha ssib dgħjufijiet fl-operat ta' sistemi superviżorji u ta' kontroll u fir-riżervi dwar l-assigurazzjonijiet mogħtija mid-Diretturi Ġenerali, b'mod partikolari fir-rigward tal-legalità u r-regolarità ta' tranżazzjonijiet bażiċi, u jfakkar lill-Istati Membri u lill-Kummissjoni dwar ir-responsabiltajiet tagħhom f'dan ir-rigward;

Informazzjoni u qafas tad-Dikjarazzjoni ta" Assigurazzjoni

31.  Jilqa' b'sodisfazzjon il-ħidma tal-Qorti Ewropea ta' l-Awdituri biex ittejjeb aktar iċ-ċarezza ta' l-approċċ tad-DAS fir-rigward tal-faturi li jikkontribwixxu għal sistemi ta' kontroll iktar effiċjenti u effettivi f'kull qasam minn sena għall-oħra u jistieden lill-Qorti Ewropea ta' l-Awdituri biex tibqa' tinforma lill-Parlament regolarment bil-progress f'dan ir-rigward;

32.  Jiddispjaċih għan-nuqqas ta' ċarezza dwar il-legalità, u l-impatt inevitabbli fuq il-midja, tar-rapporti tal-Qorti Ewropea ta' l-Awdituri dwar fondi ta' l-UE li qed jingħataw lil ċerti benefiċjarji (kumpaniji tal-ferrovija, klabbs ta' l-ekwitazzjoni jew tat-trobbija taż-żwiemel, klabbs tal-golf u kunsilli lokali) skond ir-regoli ta' eliġibilità; jinnota li minn perspettiva legali din hija fl-aħħar mill-aħħar diskussjoni dwar ir-regoli ta' l-eliġibilità; jenfasizza li huwa appoġġja l-Qorti Ewropea ta' l-Awdituri fil-passat, u se jkompli jagħmel dan meta jikkummenta dwar l-effiċjenza u l-effettività fir-Rapporti Speċjali tiegħu;

33.  Ifakkar li l-Qorti Ewropea ta' l-Awdituri għamlet l-użu ta' verifiki u rapporti disponibbli ta' l-istituzzjonijiet tal-verifika nazzjonali parti integrali mill-metodoloġija l-ġdida tiegħu; talab lill-Qorti Ewropea ta' l-Awdituri biex tinforma l-Kumitat għall-Kontroll tal-Baġit tal-Parlament dwar kif juża din l-informazzjoni u talab ukoll lill-Qorti Ewropea ta' l-Awdituri biex tagħti opinjoni dwar l-utilità ta' l-informazzjoni akkwistata mill-istituzzjonijiet tal-verifika nazzjonali meta tfassal ir-rapport annwali tagħha;

34.  Jilqa' b'sodisfazzjon il-kwalità ta' partijiet speċifiċi mir-Rapport Annwali tal-Qorti Ewropea ta' l-Awdituri, bħal dik dwar il-miżuri strutturali, kwalità li tippermetti lil kulmin hu konċernat jidentifika l-problemi u jiffoka l-isforzi tiegħu fuq it-titjib meħtieġ;

Immaniġġjar baġitarju

35.  Jinnota l-isforzi li għamlu s-servizzi tal-Kummissjoni matul l-2006 biex ikunu żgurati l-kompletezza u l-eżattezza tar-reġistrazzjoni ta' ħlasijiet ġodda ta' prefinanzjament, ta' fatturi u dikjarazzjonijiet ta' nfiq miftuħa ġodda, u ta' qtugħ;

36.  Jinnota li, fir-rigward tal-Fondi Strutturali, l-2006 kienet l-aħħar sena tal-perjodu ta' programmazzjoni mill-2000 sa l-2006, li sa l-aħħar tiegħu kellhom isiru l-impenji kollha għal dak il-perjodu;

37.  Huwa preokkupat li l-impenji baġitarji pendenti fi tmiem l-2006 jirrappreżentaw kemm ħlasijiet fadal li jsiru għall-prospettiva finanzjarja 2000 sa 2006 li jikkorrispondu għal 28% ta' l-ammonti totali ta' l-intestaturi relatati tal-prospettiva finanzjarja għall-perjodu kollu;

38.  Jiddispjaċih li impenji baġitarji pendenti – impenji mhux użati ttrasferiti biex jintużaw fis-snin li ġejjin, l-aktar għal programmi plurijennali – marbuta ma' operazzjonijiet strutturali u mal-Fond ta' Koeżjoni żdiedu bi EUR 12.6 biljuni (10.6%) għal EUR 131.6 biljuni;

39.  Jinsab imħasseb li l-infiq minħabba l-pressjoni n+2 jista' jfixkel it-twettiq propju tal-proċeduri ta' konklużjoni għal programmi u proġetti strutturali; jinnota li għall-2007, il-pagamenti rigward il-Fondi Strutturali diġa telgħu bi kważi 50% meta mqabbla ma' l-2006; jisħaq li l-Kummissjoni għandha tiżgura proċedura ta' konklużjoni effettiva u jenfasizza l-irwol importanti li għandhom l-Istati Membri f'dan;

40.  Jiddispjaċih ukoll għall-fatt li r-rata ta' nfiq għall-Fond ta' Koeżjoni, għall-ERDF u għall-ESF kienet inqas milli mistenni fl-Istati Membri l-ġodda, u kienet marbuta mad-diffikultajiet li iltqgħu magħhom l-Istati Membri biex jassorbixxu l-infiq; jitlob lill-Kummissjoni biex tagħti spjegazzjoni iktar dettaljata dwar l-infiq fuq proġetti strutturali li kien inqas milli mbassar b'mod nazzjonali;

Dikjarazzjonijiet ta' mmaniġġjar nazzjonali u l-punt 44 ta' l-IIA

41.  Ifakkar li l-ħtieġa urġenti li jiddaħħlu dikjarazzjonijiet nazzjonali f'livell politiku xieraq, li jkopru l-fondi Komunitarji kollha inklużi fl-immaniġġjar konġunt, kif mitlub minnu fir-riżoluzzjonijiet tiegħu li jakkumpanjaw id-deċiżjoni tal-kwittanza fir-rigward tas-snin finanzjarji ta' l-2003 u l-2005;

42.  Ifakkar li fir-riżoluzzjoni tiegħu li takkumpanja d-deċiżjoni dwar il-kwittanza fir-rigward tas-sena finanzjarja 2005, il-Parlament talab lill-Kummissjoni biex qabel tmiem l-2007 tressaq lill-Kunsill proposta għal dikjarazzjoni ta' mmaniġġjar nazzjonali li tkopri l-fondi Komunitarji kollha inklużi fl-immaniġġjar konġunt, ibbażata fuq sottodikjarazzjonijiet mid-diversi korpi nazzjonali responsabbli għall-immaniġġjar tan-nefqa; jirrifjuta t-tweġiba mogħtija mill-Kummissjoni fl-anness għar-rapport tiegħu dwar is-segwitu għall-proċedura ta' kwittanza ta' l-2005, kif ġej: "il-Kummissjoni m'hijiex se taċċetta l-azzjoni proposta minħabba l-fatt li s-27 Stat Membru għandhom strutturi governattivi differenti u strutturi ta' mmaniġġjar differenti għall-fondi ta' l-UE skond l-immaniġġjar konġunt, l-iżvilupp ta' dikjarazzjoni standard waħda ma tagħtix benefiċċji sinifikanti. Madankollu l-Kummissjoni se tibqa' tappoġġja inizjattivi bħal dawn li jittieħdu mill-amministrazzjonijiet nazzjonali"; iqis li din it-tweġiba m'hi sodisfaċenti xejn, meta jitqies il-fatt li iżjed minn 80% tal-baġit ġenerali ta' l-Unjoni Ewropea jaqa' taħt l-hekk imsejjaħ "immaniġġjar konġunt", u iżjed u iżjed fid-dawl tas-sitwazzjoni attwali fir-rigward tal-Fondi Strutturali, kif deskritt mill-Qorti Ewropea ta' l-Awdituri fir-Rapport Annwali tiegħu; ;

43.  Jappoġġja b'mod sħiħ l-inizjattiva meħuda minn xi Stati Membri (id-Danimarka, l-Olanda, l-Iżvezja u r-Renju Unit) biex jadottaw dikjarazzjoni nazzjonali dwar l-immaniġġjar ta' fondi Komunitarji u jesprimi l-preokkupazzjoni tiegħu għall-fatt li, minkejja dawn l-inizjattivi, il-biċċa l-kbira ta' l-Istati Membri qed jopponu l-introduzzjoni tagħha; iħeġġeġ lill-Kummissjoni biex tippreżenta l-vantaġġi f'dak li huma relazzjonijiet ta' kontroll bejnha u dawk l-Istati Membri li ħadu dik l-inizjattiva; jitlob lill-Kummissjoni biex tirrapporta fuq bażi regolari lill-Kumitat għall-Kontroll tal-Baġit tiegħu dwar il-progress li sar f'dan ir-rigward.

44.  Jinnota l-ewwel sommarji annwali mibgħuta mill-maġġoranza ta' l-Istati Membri, u jitlob lill-Kummissjoni biex tibda l-proċeduri tal-ksur tar-regolamenti kontra dawk l-Istati Membri li ma ssodisfawx l-obbligi tagħhom; jirrimarka li huwa jqis dawn is-sommarji annwali bħala l-ewwel pass lejn dikjarazzjonijiet ta' l-immaniġġjar nazzjonali; jitlob lill-Kummissjoni biex qabel l-ewwel qari tal-baġit 2009 tfassal dokument li janalizza l-punti tajbin u l-punti dgħajfin tas-sistema nazzjonali ta' kull Stat Membru għall-amministrazzjoni u l-kontroll tal-fondi Komunitarji u r-riżultati tal-verifiki li saru, u jitlob lill-Kummissjoni biex tressaq dak id-dokument lill-Parlament u lill-Kunsill; jistieden lill-Kummissjoni biex tirrapporta wkoll dwar il-kwalità tas-sommarji annwali u biex tiżgura li l-valur huwa miżjud mal-proċess b'tali mezzi bħall-identifikazzjoni tal-problemi komuni, is-soluzzjonijiet possibbli u l-aħjar prattiki;

45.  Jinnota madankollu, id-dikjarazzjoni kritika tal-Qorti Ewropea ta' l-Awdituri dwar xogħol ta' verifika bl-iskop li "l-awditur estern li jkun jixtieq joqgħod fuq l-opinjoni jew ix-xogħol ta' oħrajn jew li jkun jixtieq juża l-istess opinjoni jew xogħol imsemmi, irid jakkwista evidenza diretta tal-bażi soda ta' dak ix-xogħol"; għalhekk isib ix-xogħol tal-Kumitat ta' Kuntatt tal-Grupp ta' Ħidma responsabbli għall-iżvilupp ta' standards tal-verifika komuni u ta' kriterji tal-verifika komparabbli magħmulin għall-UE essenzjali, u jitlob lill-Kummissjoni biex tħeġġeġ lill-Istati Membri kollha biex jipparteċipaw fih;

Governanza

46.  Ifakkar lill-Kummissjoni dwar il-kritika preċedenti tiegħu dwar is-saħħa tal-bażi li fuqha l-Kummissjoni tgħid li twettaq ir-responsabbiltà politika tagħha permezz tar-rapport ta' sinteżi tagħha, billi l-Kummissjoni m'għandhiex informazzjoni kompleta dwar 80% tal-fondi taħt l-immaniġġjar konġunt u billi l-kwalità tar-rapporti annwali ta' l-attività tvarja; jirrimarka li s-sors ta' dan in-nuqqas ta' għarfien huwa bbażat fuq żewġ raġunijiet ewlenin: fuq naħa l-immonitorjar u s-superviżjoni insuffiċjenti mill-Kummissjoni, u fuq l-oħra nuqqas ta' soluzzjonijiet u responsabiltà konkreti fil-livell ta' l-Istati Membri;

47.  Jiddispjaċih li l-Kummissjoni aċċettat b'mod taċitu l-irresponsabilità kollettiva tal maġġoranza ta' l-Istati Membri fir-rigward ta' l-immaniġġjar finanzjarju ta' l-Unjoni Ewropea; jilqa' u jappoġġja l-inizjattivi meħuda minn ftit Stati Membri f'dan ir-rigward, u jitlob lill-Istati Membri l-ohra biex isegwu;

48.  Jinnota li l-baġit huwa implimentat mill-Kummissjoni u mill-Membri tagħha u mhux mid-Diretturi Ġenerali li huma uffiċjali maħtura minn delegazzjoni biex jawtorizzaw, u għalhekk jiddispjaċih għall-fatt li r-responsabilità akbar tad-Diretturi Ġenerali ma ġietx akkumpanjata mit-teħid ta' responsabilità diretta (u mhux biss politika) mill-Membri tal-Kummissjoni; jistieden lill-Kummissjoni biex tressaq proposti biex tirranġa din is-sitwazzjoni, li tikkontradixxi l-Artikolu 274 tat-Trattat;

49.  Jilqa' b'sodisfazzjon l-analiżi b'saħħitha tal-Qorti Ewropea ta' l-Awdituri tas-sistema ta' kontroll intern fil-Kummissjoni (kapitolu 2 fir-Rapport Annwali tagħha); jinkuraġġixxi lill-Qorti Ewropea ta' l-Awdituri biex iżżomm dan l-iżvilupp pożittiv billi tinkludi analiżi ta' l-azzjonijiet jew tan-nuqqas ta' azzjonijiet ta' Membri individwali tal-Kummissjoni fir-rigward ta' din is-sitwazzjoni;

50.  Ifakkar li l-governanza hija dwar il-pożizzjoni ta' staff li għandu xogħol ta' kontabilità u ta' kontroll vis-a-vis l-immanniġġar tagħhom, is-setgħa li għandhom biex jinfurzaw l-azzjonijiet, il-ħiliet u t-taħriġ tagħhom;

51.  Jitlob lid-Direttur Ġenerali u lid-Direttorat Ġenerali għall-Baġit biex jagħtu opinjoni formali dwar il-kwalità u l-effiċjenza tas-sistemi ta' kontroll interni;

52.  Jitlob lis-Segretarju Ġenerali biex jagħti dikjarazzjoni ta' assigurazzjoni formali fir-rigward tal-kwalità tad-dikjarazzjonijiet individwali mid-Diretturi Ġenerali;

53.  Jitlob lill-awditur intern tal-Kummissjoni biex jevalwa d-dikjarazzjoni ta' assigurazzjoni tal-Kummissjoni billi jagħti opinjoni ta' verifika;

54.  Ifakkar l-importanza ta' linji ta' rappurtaġġ li jaħdmu - komunikazzjoni miftuħa bejn l-istess gruppi ta' staff speċjalizzat professjonali f'Direttorati Ġenerali differenti bħal, pereżempju, staff ta' l-IT, staff tal-kontroll intern, staff tal-verifika interna u accountants, eċċ. - f'organizzazzjoni silo bħall-Kummissjoni; jiddispjaċih li saru ftit wisq sforzi biex jiddaħħal dan l-istrument ta' governanza; jistieden lill-Kummissjoni biex tiżgura l-introduzzjoni ta' linji ta' rappurtaġġ operattivi obbligatorji mill-aktar fis possibbli u biex tirrapporta lill-Kumitat tiegħu għall-Kontroll tal-Baġit dwar dan sa mhux aktar tard minn Settembru 2008;

55.  Jistieden lill-Kummissjoni biex ittejjeb il-grad ta' l-uffiċjal tal-kontabilità għall-istess grad bħall-kontropartijiet operazzjonali ta' l-uffiċjal tal-kontabilità;

56.  Barra minn hekk, jistieden lill-Kummissjoni biex tibdel il-kompożizzjoni tal-Kumitat għall-Progress tal-verifika sabiex in-numru ta' membri esterni ikun l-istess bħan-numru ta' Membri tal-Kummissjoni; jistieden ukoll lill-Kummissjoni biex tinnomina wieħed mill-membri esterni tal-Kumitat għall-Progress tal-Verifika bħala l-president tiegħu;

57.  Jistenna li l-Kummissjoni toħroġ dikjarazzjoni ta' assigurazzjoni istituzzjonali annwali għall-Kummissjoni kollha li l-President tal-Kummissjoni jippreżenta lill-Kumitat għall-Kontroll tal-Baġit tal-Parlament;

Is-sistema ta' kontroll intern tal-Kummissjoni
Il-pjan ta' azzjoni għal qafas ta' kontroll intern integrat

58.  Jilqa' b'sodisfazzjon il-progress globali li sar fl-iżvilupp tas-sistema ta' kontroll intern tal-Kummissjoni;

59.  Ma jaqbilx mad-dikjarazzjoni tal-Kummissjoni fir-rapport ta' progress ta' l-2008 imsemmi hawn fuq dwar il-pjan ta' azzjoni għal qafas ta' kontroll intern integrat li l-Azzjonijiet 1, 3, 3N, 5, 8 u 13 huma lesti; jirrimarka li s'issa huwa ma jaf xejn dwar dokumenti jew dikjarazzjonijiet ta' prova li jiġġustifikaw dikjarazzjoni bħal din; għalhekk jinsab f'sitwazzjoni fejn jiddubita bis-serjetà jekk dawn il-miżuri twaqqfux, aħseb u ara jekk dawn ġewx implimentati jew jekk kellhomx impatt fuq il-progress ta' l-implimentazzjoni ta' dak il-pjan ta' azzjoni;

60.  Jilqa' madankollu s-skorbords ta' kull sitt xhur dwar l-implimentazzjoni ta' dak il-pjan ta' azzjoni;

61.  Jenfasizza madankollu li għall-implimentazzjoni ta' l-Azzjonijiet 1, 3, 3N, 5, 10, 10N, 11, 11N, 13 u 15, il-Kummissjoni hija wkoll dipendenti fuq il-koperazzjoni ma' l-Istati Membri; jisħaq li jappoġġja għal kollox dawn l-azzjonijiet, u jħeġġeġ għalhekk lill-Kummissjoni biex tuża kull għodda disponibbli għad-dispożizzjoni tagħha biex timplimentahom kemm jista' jkun malajr;

62.  Jistenna li s-skorbord rilevanti jasal għand il-Parlament sa l-1 ta' Jannar 2009 għall-użu fil-proċedura ta' kwittanza fir-rigward tas-sena finanzjarja 2007;

Analiżi tal-bilanċ eżistenti bejn in-nefqa operattiva u l-ispiża għas-sistema ta' kontroll tal-fondi ta' l-UE

63.  Jiddispjaċih ħafna li sal-lum għadu ma rċeviex informazzjoni dwar l-analiżi tal-benefiċċju fis-sens ta' nfiq tas-sistemi ta' kontroll tal-fondi ta' l-UE, kif kien talab fir-riżoluzzjoni li takkumpanja d-deċiżjoni dwar il-kwittanza fir-rigward tas-sena finanzjarja 2005;

Rapport ta' Sintesi

64.  Jidhirlu li mhijiex aċċettabbli li l-Kummissjoni tnaqqas ir-riżultati tal-verifika tal-Qorti Ewropea ta' l-Awdituri, li huma bbażati fuq Standards tal-Verifika Internazzjonali aċċettati sew, għal "differenzi ta' opinjoni dwar it-tipoloġija u l-impatt taż-żbalji u dwar l-evalwazzjoni tan-nuqqasijiet tas-sistemi, u parzjalment il-perċezzjonijiet differenti dwar it-tħaddim tal-mekkaniżmi għall-korrezzjoni finanzjarja" (paġna 2, l-aħħar paragrafu);

65.  Huwa ta' l-opinjoni li r-riżervi kollha rigward nuqqas ta' assigurazzjoni dwar il-legalità u r-regolarità ta' l-infiq Komunitarju għandhom ikunu riflessi fir-rapporti ta' l-attività annwali, kif ukoll fir-Rapport ta' Sintesi; jidhirlu għalhekk li hija sorprendenti ferm li tliet Diretturi-Ġenerali ddeċidew biss fl-2006 li jdaħħlu riżerva rigward l-immaniġġjar u l-kontroll ta' l-INTERREG, li, kif innotaw huma stess, kien diġà jeżisti għal numru ta' snin (paġna 4, l-aħħar paragrafu);

66.  Jinsab imħasseb dwar id-dikjarazzjonijiet ta' l-Awditur Intern fl-ewwel Rapport ta' Ħarsa Ġenerali tiegħu li juri li, għalkemm kien hemm xi ftit progress, nofs ir-rakkomandazzjonijiet kritiċi u importanti ħafna ma ġewx implimentati qabel id-dati proposti (paġna 8, qabel l-aħħar paragrafu); jitlob lill-Kummissjoni biex tqiegħed iżjed enfasi fuq l-implimentazzjoni ta' dawn ir-rakkomandazzjonijiet;

Responsabilità politika u responsabilità amministrattiva fil-Kummissjoni
Rapporti annwali dwar l-attivitajiet

67.  Jinnota b'dispjaċir li skond il-Qorti Ewropea ta' l-Awdituri: "(...) f'partijiet sinifikanti mill-baġit ta' l-UE, id-Diretturi Ġenerali jagħtu rapport iktar pożittiv dwar il-legalità u r-regolarità ta' l-infiq ta' l-UE li m'huwiex konsistenti mal-verifika tal-Qorti Ewropea ta' l-Awdituri." (Punt 2.13 tar-Rapport Annwali);

68.  Jiddispjaċih għall-fatt li fir-Rapport Annwali, il-Qorti Ewropea ta' l-Awdituri enfasizzat għal darb'oħra li wħud mir-rapporti annwali dwar l-attivitajiet ma fihomx evidenza biżżejjed għad-dikjarazzjoni ta' assigurazzjoni tiegħu (punti 2.14 sa 2.18 tar-Rapport Annwali);

69.  Jilqa' l-fatt li r-Rapport ta' Sintesi jisħaq li "fil-każijiet kollha fejn ikun hemm differenza bejn l-opinjoni tal-Qorti Ewropea ta' l-Awdituri u dik tad-Direttur-Ġenerali, dan ta' l-aħħar ikollu jispjegaha fir-rapport ta' l-attività annwali tiegħu tas-sena ta' wara" (punt 2), u jittama li t-titjib jibda jidher fir-rapporti annwali ta' l-2007 dwar l-attivitajiet u fir-rapporti tas-snin ta' wara;

70.  Isaqsi lill-Kummissjoni biex ittejjeb ir-rapporti ta' l-attività annwali permezz ta' l-istabbiliment ta' kriterji komuni biex jinkitbu r-riżervi u l-formalizzazzjoni iżjed b'saħħitha tagħha sabiex tippermetti komparabilità ikbar bejn ir-rapporti ta' l-attività annwali ta' Direttorati-Ġenerali differenti u matul iż-żmien; isaqsi lill-Kummissjoni biex tqis l-osservazzjonijiet magħmula mill-Qorti Ewropea ta' l-Awdituri dwar ir-rapporti ta' l-attività annwali u biex ittejjeb il-konsultazzjoni mill-qrib magħha;

Trasparenza u etika

71.  Jilqa' l-pubblikazzjoni tas-"Segwitu tal-Green Paper dwar Inizjattiva Ewropea għat-Trasparenza" (COM(2007)0127) fejn il-Kummissjoni tiddikjara, skond l-Artikolu 30(3) tar-Regolament Finanzjarju, li informazzjoni dwar benefiċjarji ta' fondi ta' l-UE jkunu disponibbli pubblikament mill-2008 (taqsima 2.3.2.) u tiddikjara li "fir-rebbiegħa ta' l-2008" se tniedi reġistru għar-rappreżentanti ta' interess (lobbyists);

72.  Huwa konxju ta' l-argumenti favur kemm ir-reġistrazzjoni volontarja kif ukoll ir-reġistrazzjoni obbligatorja tar-rappreżentanti ta' interess; jinnota d-deċiżjoni tal-Kummissjoni biex tibda b'reġistru volontarju u tevalwa s-sistema wara sena; huwa konxju tal-bażi legali għal reġistru mandatorju provdut mit-Trattat ta' Liżbona; ifakkar li r-reġistru attwali tal-Parlament diġà huwa mandatorju u li reġistru komuni possibbli jkun de facto mandatorju, billi li wieħed jirreġistra huwa, fiż-żewġ każijiet, prerekwiżit biex wieħed ikollu aċċess għall-Parlament;

73.  Ifakkar il-bżonn għal kodiċi ta' kondotta ġdid għall-Membri tal-Kummissjoni biex jittejbu u jiġu definiti b'mod iżjed ċar ir-responsabilità u r-responsabilità (accountability) politika individwali u kollettiva tagħhom għad-deċiżjonijiet tagħhom u għall-implimentazzjonji tal-linji politiċi tagħhom mis-servizzi tagħhom;

74.  Jinsisti fuq ir-responsabiltà tal-Kummissjoni li tiżgura l-kompletezza, ir-riċerkabilità u l-komparabiltà tad-dejta mogħtija dwar il-benefiċjarji tal-fondi ta' l-UE, u jfakkar it-tweġiba bil-miktub tal-Kummissjoni lill-Parlament li fiha hija stipulata l-intenzjoni li tkun iffinalizzata u milħuqa ftehima ma' l-Istati Membri qabel April 2008 dwar l-istandards komuni ta' tali data;

75.  Ifakkar l-osservazzjoni tiegħu fil-paragrafu 85 tar-riżoluzzjoni li takkumpanja d-deċiżjoni tal-kwittanza fir-rigward tas-sena finanzjarja 2005 sabiex jintalab aċċess faċli għal informazzjoni dwar min huwa rrappreżentat fid-diversi forom ta' gruppi ta' esperti u dwar x'inhu xogħolhom, u l-osservazzjoni tagħha fil-paragrafu 86 sabiex tisdieden lill-Kummissjoni biex tippubblika l-ismijiet ta' dawk in-nies li jieħdu sehem f'dawn il-gruppi, u l-ismijiet tal-konsulenti speċjali li qabbdu l-membri individwali tal-Kummissjoni, id-Diretturi Ġenerali jew il-kabinetti; jitlob li l-ismijiet ta' l-esperti u l-kunsilliera kollha fil-gruppi ta' ħidma tal-Kummissjoni jsiru pubbliċi;

76.  Ifakkar it-tweġibiet mogħtija waqt is-seduta ta' smigħ tal-21 ta' Jannar 2008 mill-Membru tal-Kummissjoni responsabbli għall-kwittanza li r-reġistru ta' gruppi esperti ikun fih dawn il-gruppi kollha, inkluża l-informazzjoni dwar membri tal-kumitati ta' kumitoloġija, esperti individwali, entitajiet konġunti u kumitati għad-djalogu soċjali;

77.  Ifakkar ukoll fil-paragrafu 76 tar-riżoluzzjoni tiegħu li takkumpanja d-deċiżjoni ta' kwittanza fir-rigward tas-sena finanzjarja 2005 fejn talab "li jkun żgurat li l-kodiċi ta' kondotta li jorbot tal-Kummissarji jinkorpora r-regoli etiċi meħtieġa u l-linji gwida ewlenin li għandhom josservaw il-Membri tal-Kummissjoni fil-qadi ta' dmirijiethom, b'mod partikulari meta jaħtru lil kollegi, speċjalment fil-'kabinetti' tagħhom";

78.  Jiddispjaċih għat-tweġiba mogħtija mill-Kummissjoni fl-anness għar-rapport tagħha fuq imsemmi dwar is-segwitu tal-proċedura ta' kwittanza ta' l-2005 (paġna 18) li tgħid li dawn ir-regoli għadhom ma jeżistux, u jħeġġeġ lill-Kummissjoni biex jadotthom;

79.  Ifakkar l-importanza ta' trasparenza sħiħa u ta' pubbliċità fir-rigward ta' staff tal-kabinetti tal-Membri tal-Kummissjoni li ma kinux impjegati skond ir-Regolamenti ta' l-Istaff;

KWISTJONIJIET SETTORJALI
Id-dħul

80.  Jilqa' b'sodisfazzjon il-fatt li l-Qorti Ewropea ta' l-Awdituri kkunsidrat li fir-rigward ta' l-aspetti materjali kollha s-sistemi ta' superviżjoni doganali kienu sodisfaċenti, li l-kontijiet rigward ir-riżorsi proprji tradizzjonali kien ta' min joqgħod fuqhom u li t-tranżazzjonijiet sottostanti kienu legali u regolari, anke jekk għad fadal xi dgħjufijiet;

81.  Jilqa' b'sodisfazzjon ukoll il-fatt li l-Qorti Ewropea ta' l-Awdituri ġġudikat li r-riżorsi tal-VAT u tad-DGN huma kkalkulati, miġburin u mdaħħlin tajjeb fil-kontijiet Komunitarji mill-Kummissjoni;

82.  Jinnota b'sodisfazzjon, fir-rigward tar-riżorsa tal-VAT, li l-Kummissjoni żammet il-frekwenza u l-kwalità ta' l-ispezzjonijiet tagħha; madankollu, huwa mħasseb dwar l-għadd ta' riżervi pendenti, u għalhekk jistieden lill-Kummissjoni biex, f'kooperazzjoni ma' l-Istati Membri, tkompli l-isforzi tagħha biex tiżgura li r-riżervi jitneħħew f'perjodi ta' żmien raġonevoli;

83.  Jitlob lill-Kummissjoni biex tikkomunika lill-Parlament x'bi ħsiebha tagħmel fil-każ ta' Stati Membri b'riżervi kontinwi;

Il-politika agrikola komuni

84.  Jilqa' b'sodisfazzjon it-titjib ġenerali fl-2006 fin-nefqa tal-CAP u d-dikjarazzjoni tal-Qorti Ewropea ta' l-Awdituri li s-Sistema Integrata ta' Amministrazzjoni u Kontroll (IACS), li hija l-għodda prinċipali ta' kontroll għall-għajnuna għaż-żoni, il-premiums ta' l-annimali u l-iskema l-ġdida dwar żona unika ta' ħlas hi sistema effettiva biex tillimita r-riskju ta' nefqa irregolari, jekk tkun applikata kif xieraq;

85.  Japprezza l-isforzi tal-Kummissjoni biex titwessa' l-applikazzjoni ta' l-IACS u jistenna li l-Kummissjoni tiżgura, skond il-pjanijiet u t-tweġibiet mogħtija lill-Parlament, li l-persentaġġ ta' nefqa agrikola kopert mill-IACS ikun mill-anqas 89% sa l-2010 u 91,3% sa l-2013;

86.  Jiddispjaċih li r-riżultat tal-Qorti Ewropea ta' l-Awdituri wera li n-nefqa tal-CAP kienet għadha affettwata materjalment minn żbalji u għall-fatt li l-kontrolli implimentati skond l-IACS ghadhom muhux infurzati b'mod effettiv u lanqas m'huma affidabbli għalkollox f'xi Stati Membri, u għalhekk iħeġġeġ lill-Kummissjoni biex tiċċekkja darbtejn ma' l-Istati Membri li l-IACS hija implimentata għalkollox fl-Istati Membri kollha ta' l-UE-15 u li jitranġaw id-dgħjufijiet misjuba fl-Istati Membri ta' l-UE-10;

87.  Jiddispjaċih għall-fatt li l-Qorti Ewropea ta' l-Awdituri reġgħet sabet problemi fl-implimentazzjoni ta' l-IACS fil-Greċja; jappoġġja għalkollox l-intenzjoni tal-Kummissjoni (kif iddikjarat lill-Kumitat tiegħu dwar il-KOntroll tal-Baġit) li tiżgura li leġiżlazzjoni attwali dwar is-sospensjoni ta' ħlasijiet tkun infurzata b'mod strett jekk il-gvern Grieg ma jsolvix il-problemi eżistenti sal-limiti ta' żmien iffissati;

88.  Jiddispjaċih għall-fatt li fl-iżvilupp rurali, x'aktarx li l-miżuri agroambjentali jkollhom inċidenza għolja ta' żbalji għax il-bdiewa ma jissodisfawx il-kundizzjonijiet ta' eliġibilità li spiss ikunu kumplessi; jikkunsidra li l-Kummissjoni għandha tqis kif xieraq il-pertinenza tal-kundizzjonijiet ta' eliġibilità għal miżuri bħal dawn u teżamina l-possibilità li tissimplifika dawk il-kundizzjonijiet;

89.  Jinnota l-fatt li l-Kummissjoni semmiet il-ħtieġa possibbli li jkun applikat livell differenti ta' riskju tollerabbli għall-qasam agroambjentali sabiex jinstab il-bilanċ ġust bejn it-titjib u l-ħarsien ta' l-ambjent u l-ispejjeż biex ikunu kkontrollati l-miżuri applikati; madankollu, jinsisti dwar l-applikazzjoni korretta u kontroll biżżejjed ta' l-infiq Komunitarju u jistieden lill-Kummissjoni biex tinvestiga u tevalwa bir-reqqa l-ispejjeż u l-benefiċċji possibbli fil-qasam tal-miżuri agroambjentali kif ukoll ir-rabta ma' oqsma oħra ta' nfiq, u biex tippreżenta din l-analiżi lill-Kunsill, lill-Parlament u lill-Qorti Ewropea ta' l-Awdituri bħala bażi minima għad-diskussjoni dwar il-ħtieġa ta' riforma. kif indikat mill-Kummissjoni;

90.  Jinnota li, peress li l-proċedura ġdida ta' approvazzjoni finanzjarja taħseb għal irregolaritajiet li l-Istati Membri jqisu li huma rrekuperabbli, u perees li l-ammonti huma attribwiti lill-Komunità fuq il-bażi ta' informazzjoni mill-Istati Membri, il-Kummissjoni issa trid twettaq segwitu dettaljat biex tiżgura li d-djun huma korretti u attribwiti sew lill-baġit Komunitarju;

91.  Ifakkar ukoll li l-ispiża tal-korrezzjonijiet finanzjarji jridu jitħallsu mill-Istati Membri, is-soltu minn dawk li jħallsu t-taxxi, iżjed milli mill-benefiċjarji ta' l-għajnuna mħallsa b'mod irregolari;

92.  Jinnota li, skond il-Qorti Ewropea ta' l-Awdituri, meta vverifikat l-iskema waħda ta' ħlas (għall-ewwel darba fl-2006), il-Kummissjoni ma speċifikatx l-iskop u l-kobor tal-ħidma tal-korpi ta' ċertifikazzjoni, u xi korpi ta' ċertifikazzjoni (pereżempju fl-Italja) eskludew il-verifika tad-drittijiet, filwaqt li semmewha biss fiċ-ċertifikati tagħhom, u l-Kummissjoni aċċettat dan kollu bla kummenti;

93.  Jiddispjaċih li l-livell ta' pagamenti irregolari ffinanzjati mill-CAP għadu mhuwiex magħruf jew ikkalkulat mill-Kummissjoni b'mod li jkun meqjus xieraq mill-Qorti Ewropea ta' l-Awdituri; jinnota li l-Qorti Ewropea ta' l-Awdituri skopriet li ma setgħux isiru l-korrezzjonijiet għal pagamenti irregolari b'ammont massimu ikkalkulat ta' EUR 100 miljun għax dawn instabu wara l-limitu ta' żmien ta' sentejn; jistieden lill-Kummissjoni biex talloka riżorsi adegwati għal verifiki ta' konformità sabiex isiru l-korrezzjonijiet għal pagamenti irregolari fil-limitu ta' żmien;

94.  Iqis li d-dgħjufijiet kollha imsemmija mill-Qorti Ewropea ta' l-Awdituri fir-Rapport Annwali tiegħu għandhom jitranġaw mill-Kummissjoni sabiex tiżgura livell għola ta' assigurazzjoni mix-xogħol tal-korpi ta' ċertifikazzjoni;

95.  Jieħu nota tal-konklużjonijiet stipulati f'punti 5.20 u 5.21 tar-Rapport Annwali tal-Qorti Ewropea ta' l-Awdituri u jħeġġeġ lill-Kummissjoni biex ittejjeb il-kontrolli fir-Renju Unit, li ma kinux konformi mal-leġiżlazzjoni Komunitarja meta allokat drittijiet u meta ħallset lil sidien il-kera mill-Iskema Waħda ta' Ħlas (SPS) u mill-għajnuna għall-iżvilupp rurali għal art mikrija lil bdiewa biex titħaddem minnhom, kif ukoll f'dawk l-Istati Membri (l-Awstrija, l-Irlanda u r-Renju Unit) li naqsu li japplikaw b'mod korrett ċerti elementi ewlenin ta' l-SPS u li estendew il-konsolidament tad-drittijiet lil hinn mid-dispożizzjonijiet tar- Regolament tal-Kunsill (KE) Nru 1782/2003 tad-29 ta" Settembru 2003 li jistabbilixxi regoli komuni għal skemi diretti ta" appoġġ fi ħdan il-politika agrikola komuni u li jistabbilixxi ċerti skemi ta" appoġġ għall-bdiewa(48);

96.  Jieħu nota ta' l-affermazzjoni ċara ħafna tal-Kummissjoni, kemm fit-tweġibiet lill-Qorti Ewropea ta' l-Awdituri (punt 5.27 tar-Rapport Annwali) kif ukoll quddiem il-Kumitat tiegħu għall-Kontroll tal-Baġit kompetenti tal-Parlament, li l-ebda benefiċjarju m'huwa eliġibbli għal appoġġ agrikolu sakemm ma jkollu jew ma jkollhiex attività agrikola; jistenna li l-Kummissjoni ssegwi l-każijiet identifikati mill-Qorti Ewropea ta' l-Awdituri, u li tiżgura li ma jsirux ħlasijiet, u li jekk isiru li jkunu rkuprati, lil sidien ta' artijiet li m'għandhomx attività agrikola;

97.  Jistieden lill-Kummissjoni, fid-dawl tad-dikjarazzjoni mill-Qorti Ewropea ta' l-Awdituri li aktar minn 700 benefiċjarju ġdid jappartjenu għal kategoriji bħal klabbs tal-golf, klabbs tal-krikit, parks/zuwijiet għad-divertiment, stabbilimenti ta' l-ekwitazzjoni, kumpaniji tal-ferroviji u kunsilli lokali, biex tagħti ħarsa ġenerali u evalwazzjoni ta' l-iżvilupp ta' l-allokazzjoni ta' appoġġ agrikolu lil benefiċjarji bħal dawn, li jkunu eliġibbli għall-finanzjament taħt ir-regoli attwali;

98.  Ifakkar lill-Istati Membri dwar l-possibiltà eżistenti li jinfluwenzaw u li jiddeċiedu f'kuntest nazzjonali li jitnaqqsu iktar l-attivitajiet u l-benefiċjarji eliġibbli għall-fondi; jistieden lill-Kummissjoni, jekk xieraq fid-dawl ta' żviluppi u skond l-evalwazzjoni tagħha ta' l-użu tal-miżuri ta' appoġġ, biex tippreżenta proposta għall-emenda jew għar-reviżjoni tar-regoli;

Miżuri strutturali, impjieg u affarijiet soċjali

99.  Ifakkar li fl-2006, l-iffinanzjar tal-Komunità tal-Politiki Strutturali kien ta' EUR 32,4 biljun; innota li għall-2007, dan l-ammont tela' għal EUR 46,4 biljun, mingħajr ma ġie inkluż il-ko-iffinanzjar mill-Istati Membri;

100.  Jinnota b'sodisfazzjon kbir li, fir-Rapport Annwali tagħha, il-Qorti Ewropea ta' l-Awdituri wriet li r-rimbors għall-ispiża tal-proġetti tal-Politiki Strutturali huwa suġġett għal żbalji materjali, li l-proporzjon tar-rimborsi fil-kampjun affettwat mill-iżball kien ta' 44% u li "mill-inqas 12% ta' l-ammont totali rimbursat fil-politiki strutturali ma kellux jiġi rimbursat";

101.  Jinnota b'tħassib kbir l-osservazzjonijiet tal-Qorti Ewropea ta' l-Awditurili li:

102.   iqis li mhuwiex aċċettabbli li, skond il-Qorti Ewropea ta' l-Awdituri, is-sistemi ta' kontroll fl-ewwel livell fl-Istati Membri huma ġeneralment ineffettivi jew biss moderatament effettivi, u li numru ta' awtoritajiet nazzjonali u reġjonali ma jimmaniġġjawx il-fondi ta' l-UE b'attenzjoni suffiċjenti; jinnota li fil-kampjun għall-verifika tal-Qorti Ewropea ta' l-Awdituri (19-il sistema ta' kontroll fl-ewwel livell) l-ebda mis-sistemi ma kienu effettivi, 6 biss moderatament effettivi u 13 ineffettivi, u għalhekk ma sar l-ebda progress fil-qasam tal-Fondi Strutturali meta mqabbel ma' l-2005; jinsab imħasseb sew minħabba n-nuqqas ta' kapaċità tal-Kunsill li jirrikonoxxi b'mod ċar ir-responsabilità tiegħu għal din is-sitwazzjoni, li rriżultat l-iżjed minħabba kontrolli mhux adegwati mill-Istati Membri;

103.  Għalhekk iħeġġeġ lill-Kummissjoni biex tagħmel użu minn kontrolli ex ante ħalli tivverifika jekk is-sistemi superviżorji u ta' kontroll għall-perjodu 2007 sa 2013 humiex imwaqqfa fl-Istati Membri kollha, u biex issegwi b'mod regolari dawk il-kontrolli;

104.  Jiddispjaċih ukoll għall-fatt li, skond il-Qorti Ewropea ta' l-Awdituri, il-Kummissjoni tagħmel biss superviżjoni moderatament effettiva tas-sistemi tal-kontroll fl-Istati Membri, filwaqt li ma jirnexxilhiex tevita r-rimbors ta' spejjeż esaġerati jew mhux eliġibbli;

105.  Jinnota b'dispjaċir li, kif irrimarkat il-Qorti Ewropea ta' l-Awdituri, fir-rigward ta' l-ispiża taħt il-Politiki Sstrutturali (bħall-CAP u l-politiki interni), il-kriterji kumplikati jew ta' eliġibilità mhux ċara jew ir-rekwiżiti legali kumplessi għandhom impatt negattiv fuq il-legalità u r-regolarità tat-tranżazzjonijiet;

106.  Jidhirlu li mhijiex aċċettabbli li skond il-Kummissjoni(49) huwa mistenni ftit progress rigward is-simplifikazzjoni tar-regolamenti eżistenti li jirregolaw il-Fondi Strutturali għall-perjodu 2007 sa 2013, u li simplifikazzjoni ulterjuri se tkun proposta biss fil-parti leġiżlattiva li jmiss;

107.  Iħeġġeġ lill-Kummissjoni biex taħdem fuq is-segwitu tar-rakkomandazzjoni tal-Qorti Ewropea ta' l-Awdituri (Punt 6.45 tar-Rapport Annwali) rigward il-Fond ta' Koeżjoni, u biex jitressqu iżjed proposti ta' simplifikazzjoni kemm jista' jkun malajr, inter alia, għal regoli ċari u diretti, ma' linji gwida u ma' kriterji ta' l-eliġibilità;

108.  Iqis u jaqbel għal kollox mal-Qorti Ewropea ta' l-Awdituri li l-awtoritajiet ta' l-Istati Membri għandhom rwol importanti ħafna fl-implimentazzjoni effettiva tal-Fondi Strutturali u li l-Kummissjoni għandha ssaħħaħ il-verifiki tagħha u tagħmel sforzi addizzjonali biex tissorvelja l-Awtoritajiet ta' l-Immaniġġjar fl-Istati Membri;

109.  Jiddispjaċih għan-nuqqas ta' inċentivi għall-Istati Membri biex jikkontrollaw l-ispiża b'mod effettiv, għax kwalunkwe spiża mhux eliġibbli identifikata mill-Kummissjoni jew mill-Qorti Ewropea ta' l-Awdituri tista' tinqaleb għal spiża eliġibbli mill-Istat Membru; jitlob lill-Kummissjoni biex tiżgura li fil-futur, l-irregolaritajiet identifikati biss mill-Istati Membri nfushom jistgħu jinqalbu għal spejjeż oħra mingħajr xi telf ta' ffinanzjar għall-Istat Membru kkonċernat;

110.  Jilqa' l-pjan ta' azzjoni tal-Kummissjoni msemmi hawn fuq biex jissaħħaħ l-irwol superviżorju tal-Kummissjoni taħt immanniġġar konġunt ta' azzjonijiet strutturali, li għandu 37 miżura mmirati biex jitnaqqsu l-pagamenti irregolari magħmula mill-Istati Membri; jilqa' wkoll l-impenn tal-Kummissjoni ddikjarat b'mod pubbliku fis-seduta quddiem il-Kumitat għall-Kontroll tal-Baġit tal-25 ta' Frar 2008 biex tirrapporta kull tliet xhur lill-Parlament dwar il-progress ta' dan il-pjan ta' azzjoni; jistenna lill-Kummissjoni biex ittejjeb l-iskema ta' rappurtar b'koperazzjoni mal-Qorti Ewropea ta' l-Awdituri; jitlob lill-Kummissjoni, filwaqt li tassumi r-responsabilità tagħha tat-Trattat għall-implimentazzjoni tal-baġit u filwaqt li jiġi rrispettat il-prinċipju ta' mmaniġġjar finanzjarju sod, biex tieħu, b'koperazzjoni ma' l-Istati Membri, il-miżuri li ġejjin dwar l-immaniġġjar maqsum tal-Fondi Strutturali;

111.  Jitlob lill-Kummissjoni biex tippreżentalu skorbord bid-data finali għall-implimentazzjoni ta' dan il-pjan ta' azzjoni, inkluża wkoll skema komuni ta' l-indikaturi kwantitattivi u ta' l-iskadenzi intermedjarji għall-implimentazzjoni tiegħu;

112.  Huwa ta' l-opinjoni li l-Kummissjoni għandha tiffoka fuq l-affidabilità tas-sistemi ta' l-immonitorjar u tar-rappurtar, biex tiggwida lill-Istati Membri u tikkoordina l-istandards tal-verifika, u għandha dejjem tagħti tqassim għal kull Stat Membru;

113.  Jistenna li l-Kummissjoni tibda proċeduri ta' ksur kontra dawk l-Istati Membri li ma jkunux ikkonformaw ma' l-obbligi tagħhom skond ir-regolamenti dwar il-Fondi Strutturali, ir-Regolament Finanzjarju u r-regoli implimentattivi u l-IIA, b'mod partikolari dawk l-Istati Membri li ma jippreżentawx ir-rapporti dwar l-irkupru u l-korrezzjonijiet finanzjarji, dawk li ma jippreżentawx is-sommarji annwali b'konformità mal-linji gwida u dawk li l-kwalità tas-sommarji annwali tagħhom mhumiex adegwati;

114.  Jisħaq l-importanza tal-linji gwida tal-Kummissjoni għat-twettiq effettiv ta' l-IIA; huwa ta' l-opinjoni li dawn il-linji gwida għandhom, bħala l-ewwel pass, jeħtieġu dak li diġà huwa meħtieġ mir-regolament settorjali fl-agrikultura (jiġifieri dikjarazzjoni ta' assigurazzjoni ffirmata mill-kap ta' l-Awtorità ta" Mmaniġġjar u akkumpanjat minn rapport ta' ċertifikazzjoni);

115.  Jinsisti li l-Kummissjoni għandha tibda proċeduri ta' sospensjoni kontra l-Istati Membri li s-sistemi ta' kontroll ta' l-ewwel livell tagħhom mhumiex adegwati, u li għandha tgħaġġel is-sistema tas-sanzjonijiet u tippreżenta lill-Parlament pjan konkret taż-żmien opportun u tas-sanzjonijiet li jridu jiġu applikati f'każ li jiġu identifikati xi irregolaritajiet;

116.  Jinsisti fuq rappurtar li jista' jiġi verifikat dwar korrezzjonijiet u rkupri mill-Kummissjoni (revoki, rkupri mill-Istati Membri, rkupri mill-Kummissjoni, korrezzjonijiet netti, sospensjoni ta' pagamenti) għall-pagamenti illegali kollha għall-fondi kollha b'definizzjonijiet preċiżi tal-kategoriji differenti tal-korrezzjonijiet finanzjarji, u jinsisti wkoll li l-evidenza li fuqha huma bbażati għandha tkun aċċessibbli bis-sħiħ għall-Qorti Ewropea ta' l-Awdituri; jistenna lill-Kummissjoni li tistabbilixxi rabta ċara bejn l-irkupru u s-sena li fiha jkunu saru l-irregolaritajiet, u biex tiżviluppa dawn l-iskemi tar-rappurtar b'koperazzjoni mal-Qorti Ewropea ta' l-Awdituri;

117.  Jinnota d-dikjarazzjoni tal-Kummissjoni li l-ebda mill-ammonti mħallsa bla bżonn fl-2006 mhu se jintilfu minħabba l-effettività tal-kontrolli ex post; jistenniha li tipprovdi lill-Parlament b'informazzjoni oġġettiva, ċara u sħiħa rigward il-kapaċità tagħha li tirkupra ammonti mħallsa bla bżonn, li l-evidenza ta' dan trid tiġi ppreżentata lill-Parlament;

118.  Ifakkar l-Azzjoni 11N(50), li l-iskadenza ta' l-implimentazzjoni tagħha kien il-31 ta' Diċembru 2007, u jsejjaħ lill-Kummissjoni sabiex timplimentha mill-aktar fis;

119.  Jinsab imħasseb bid-dikjarazzjoni tal-Kummissjoni fir-rapport ta' progress ta' l-2008 msemmi hawn fuq li tgħid li l-irkupri mnedija fl-2008 biss se jiġu mniżżla fis-sistema ċentrali finanzjarja u tal-verifika; għalhekk iħeġġeġ lill-Kummissjoni biex tniżżel l-informazzjoni fis-sistema ċentrali finanzjarja u tal-verifika dwar l-awtorità ta' kontroll u t-tip ta' żbalji u biex iddaħħal b'mod retroattiv l-irkupri kollha għall-perjodi 1994 sa 1999 u 2000 sa 2006;

120.  Jitlob lill-Kummissjoni biex f'dan id-dawl tagħti evalwazzjoni ta' l-effiċjenza u ta' l-effettività tas-sistemi ta' rkupru multiannwali u biex tirrapporta dwar dan fil-verifiki ta' l-2008 u l-2009;

121.  Jistenna li l-Kummissjoni tippreżenta lill-Parlament evalwazzjoni tal-kwalità tas-sommarji annwali kollha li tkun irċeviet għall-Agrikultura, il-Politika Strutturali u s-Sajd; din l-evalwazzjoni għandha tinkludi tqassim għal kull Stat Membru u għal kull qasam tal-politika u għandha tagħti opinjoni dwar l-assigurazzjoni globali u l-analiżi globali li jistgħu jitfasslu mis-sommarji.

122.  Jiddispjaċih dwar id-diversità ta' l-informazzjoni mogħtija mill-Kummissjoni dwar il-korrezzjonijiet u l-irkupri finanzjarji u jistenna li l-informazzjoni provduta għall-kwittanza tuża eżattament l-istess definizzjonijiet tal-korrezzjonijiet finanzjarji bħal fir-rapporti ta' kull tliet xhur fuq imsemmija;

123.  Jitlob lill-Kummissjoni biex tirrapporta matul ir-reviżjoni ta' nofs is-sena dwar ir-riżultati ta' l-arranġamenti tal-'Kuntratt ta' Kunfidenza', inkluża l-mistoqsija fundamentali ta' jekk dawn il-kuntratti għandhomx valur miżjud;

124.  Jistenna li l-Kummissjoni tirrapportalu kull sena dwar it-twettiq jew in-nuqqas ta' konformità ta' l-Istati Membri ma' l-obbligi tagħhom skond ir-regolament tal-Fondi Strutturali u l-IIA; jilqa' l-fatt li l-Kummissjoni akkwistat is-sommarji nazzjonali tal-verifiki settorjali meħtieġa skond il-IIA rivedut u r-Regolament Finanzjarju rivedut; madankollu jilmenta l-fatt li mhux l-Istati Membri kollha ssodisfaw dan ir-rekwiżit; iħeġġeġ lill-Kummissjoni biex tibda proċeduri ta' ksur kontra dawk l-Istati Membri li ma jkunux ippreżentaw is-sommarji nazzjonali tal-verifiki settorjali;

125.  Għall-kwittanza fir-rigward tas-sena finanzjarja 2007, jitlob lill-Kummissjoni biex tippreżenta kemm figuri bbażati fuq il-flus kontanti kif ukoll fuq l-'accrual', indikazzjoni ċara jekk il-figuri humiex annwali jew multiannwali, spjegazzjoni ċara tan-natura tal-korrezzjonijiet finanzjarji (korrezzjonijiet tar-rata fissa, fil-każ ta' nuqqasijiet tas-sistema, jew irkupri fil-livell tal-benefiċjarji finali), u titjib fis-sistema ABAC, u jistenna li l-informazzjoni provduta għall-kwittanza tuża eżattament l-istess definizzjonijiet tal-korrezzjonijiet finanzjarji bħal fir-rapporti l-oħra dwar il-korrezzjonijiet finanzjarji ppubblikati matul is-sena;

126.  Jistieden lill-Kummissjoni biex tinforma lill-Parlament, meta jingħalaq l-aħħar wieħed mill-proġetti involuti fl-eżerċizzju baġitarju ta' l-2006, dwar it-total tas-somom li kien irkuprat u, jekk ikun meħtieġ, kwalunkwe telf li seta' kien hemm, u r-raġunijiet għal dan;

127.  Jinnota bi tħassib it-tnaqqis sostanzjali fil-volum tal-ħlasijiet f'uħud mill-Istati Membri ta' l-EU-15, li wassal għal żieda qawwija fl-impenji pendenti;

128.  Ifakkar lill-Kummissjoni li l-kwalità tas-sistemi tal-verifika għandha influwenza konsiderevoli fuq l-evalwazzjoni tal-proġetti, u għaldaqstant ir-regolamentazzjoni stretta tal-kwalità tal-proċeduri tal-kontroll finanzjarju se tkun partikolarment importanti fil-ġejjieni;

129.  Jesprimi t-tħassib serju tiegħu li, bħal fl-2005, l-impenji baġitarji pendenti komplew jiżdiedu u li dan, flimkien mas-sostituzzjoni tar-regola n+2 bir-regola n+3, sostituzzjoni li xi Stati Membri waslu biex jimplimentaw għall-perjodu 2007-2013 u li tista' tħażżen is-sitwazzjoni preżenti u li għalhekk iżżid iż-żmien li ammonti ta' flus jaslu għand id-destinatarji aħħarija tagħhom, u se jkun dejjem iktar rari li wieħed jikkonforma ma" l-annwalità u l-iskadenzi tal-programm;

130.  Jappoġġja l-opinjoni tal-Qorti ta' l-Awdituri li s-sistemi ta' kontroll ta' l-Istati Membri jeħtieġu jsiru aktar effiċjenti minn qabel biex żbalji jiġu antiċipati meta proġetti jkunu fl-istadji inizjali tagħhom u huwa tal-fehma li uffiċjali nazzjonali involuti fl-evalwazzjoni u fl-analiżi ta' proġetti għandhom jingħatalhom taħriġ sħiħ sabiex ikun żgurat li jaġixxu bl-għaġla meħtieġa fl-użu tal-Fondi Strutturali;

131.  Jiġbed l-attenzjoni dwar ir-rakkomandazzjoni tal-Kummissjoni lill-Istati Membri biex minn issa 'l quddiem jagħmlu użu mis-simplifikazzjonijiet stabbiliti għar-regoli l-ġodda li jiggwidaw il-Fondi Strutturali għall-perijodu 2007 sa 2013(51), pereżempju permezz ta' l-użu ta' ammonti fissi għal spejjeż indiretti fil-kuntest tal-Fond Soċjali Ewropew u jqis li din ir-rakkomandazzjoni hija ta' importanza kbira;

132.  Iqis vitali li t-tendenzi tal-politika strutturali jitkejlu fid-dawl ta' miri u indikaturi li jagħmlu sens, li jistgħu jitqabblu, u safejn hu possibbli, li jistgħu jiġu aggregati għal perjodu ta' żmien qasir, li għalhekk iservu biex jiġu evitati dawk li mingħajr dubju kienu jkunu evalwazzjonijiet approssimattivi u mhux ċar li ma kinux iħallu żmien biżżejjed biex isiru korrezzjonijiet;

Politika interna

133.  Jinnota bi preokkupazzjoni li b'mod ġenerali għall-politika interna l-verifika tal-Qorti Ewropea ta' l-Awdituri għal darb'oħra wriet żewġ dgħjufijiet kbar, minn naħa "livell materjali ta' żball fi ħlasijiet lill-benefiċjarji" u min-naħa l-oħra "fis-sistemi superviżorji u ta' kontroll tal-Kummissjoni" li "ma jimmitigawx biżżejjed ir-riskju inerenti tar-rimbors ta' spejjeż esaġerati" (Rapport Annwali, Konklużjonijiet, punt 7.30);

134.  Jinnota li, barra minn hekk, bħal fi snin preċedenti, il-Qorti Ewropea ta' l-Awdituri ġibdet l-attenzjoni wkoll għal dewmien persistenti mill-Kummissjoni biex tħallas lill-benefiċjarji;

135.  Jiddispjaċih ħafna għall-evalwazzjoni kritika tal-Qorti Ewropea ta' l-Awdituri f'dan il-qasam, li huwa taħt il-maniġment finanzjarju dirett tal-Kummissjoni, u jħeġġeġ lill-Kummissjoni biex tagħmel l-almu tagħha biex tieħu l-azzjoni meħtieġa sabiex ikun evitat l-istess numru ta' dgħjufijiet is-sena id-dieħla;

136.  Iqis li s-simplifikazzjoni tal-regoli tal-kalkolu għall-ispejjeż dikjarati hija pass meħtieġ biex tittejjeb is-sitwazzjoni, u jistieden lill-Kummissjoni biex tkompli l-isforzi tagħha biex jitfasslu r-regoli li jistgħu jiġu applikati bil-mod l-aktar faċli għall-benefiċjarji;

137.  Jenfasizza li l-Kummissjoni trid tkun konformi mad-dispożizzjonijiet tar-Regolament Finanzjarju dwar l-iskadenzi għal operazzjonijiet ta' nfiq, u jitlob lill-Kummissjoni biex tieħu miżuri serji sabiex ikun evitat id-dewmien persistenti attwali fil-ħlasijiet;

138.  Jilqa" l-possibilità li jiġu ddikjarati l-ispejjeż indiretti għal skopijiet ta'għotjiet b'rata fissa (flat rate), kif stabbilit fir-Regolament (KE) Nru 1081/2006 tal-Parlament Ewropew u tal-Kunsill tal-5ta" Lulju 2006 dwar il-Fond Soċjali Ewropew(52);

139.  Jistieden lill-Istati Membri, b'kollaborazzjoni mal-Kummissjoni, biex itejbu s-sistemi ta" monitoraġġ u kontroll fuq it-talbiet ta" l-ispejjeż li jsiru minn dawk li jirċievu kontribuzzjonijiet finanzjarji;

140.  Japprova l-opinjoni tal-Qorti ta' l-Awdituri li l-immaniġġjar finanzjarju tal-politiki interni jeħtieġ li jkun imtejjeb u jinbdew l-isforzi biex jiġu ssimplifikati r-regoli li japplikaw għall-programmi, bl-użu tar-regola ta' ffinanzjar permezz ta' ammont fiss (lump sum financing) u permezz ta" transferiment għal sistema ta' ffinanzjar ibbażata fuq riżultati;

141.  Jiġbed l-attenzjoni li s-Sena Ewropea għall-Mobilità tal-Ħaddiema ċċelebrata fl-2006, minkejja l-baġit modest li kellha, serviet biex inkixfu l-ostakoli għall-moviment ħieles, iżda li għada ma waslitx għall-ebda bidla reali tas-sitwazzjoni preżenti;

142.  Jilqa' b'sodisfazzjon l-investiment fil-pjattaforma l-ġdida EURES, imnidija fl-2006, li diġà wriet il-valur miżjud tagħha għall-mobilità ġenwina u l-moviment ħieles fuq is-suq tax-xogħol Ewropew; jiġbed l-attenzjoni li, minkejja dak l-investiment, ġew affaċċjati diversi ostakoli tal-lingwi, bl-implikazzjoni li approċċ lingwistiku simili għal dak applikat għall-istudenti fil-programmi ta' mobilità Ewropej, jista' jkun l-għażla t-tajba;

Trasport u turiżmu

143.  Jinnota li fil-baġit ta' l-2006, kif adottat b'mod finali u emendat matul is-sena, total ta' EUR 963.8 miljun kienu inklużi għall-politiki tat-trasport f'approprjazzjonijiet għall-impenji u EUR 891.4 miljun kienu disponibbli f'approprjazzjonijiet għall-ħlasijiet; jinnota wkoll li minn dawn l-ammonti

144.  Jilqa' b'sodisfazzjon ir-rati kontinwament għoljin ta' l-użu ta' l-approprjazzjonijiet kemm ta' impenji kif ukoll ta' ħlas għall-proġetti tat-TEN-T, li t-tnejn li huma jilħqu l-100%, u jistieden lill-Istati Membri sabiex jiżguraw li jitqiegħdu fondi adegwati mill-baġits nazzjonali biex jikkumplimentaw dan l-impenn tal-Komunità;

145.  Jinnota bi tħassib ir-rata baxxa ta' l-użu ta' l-approprjazzjonijiet għall-impenji għas-sikurezza fit-trasport (34%), li minħabba f'hekk, permezz ta' 'carry-over', parti kbira mis-somma li inizjalment kienet disponibbli għall-2006 issa tqiegħdet ma' dik ta' l-2007, u r-rata baxxa ta' l-użu ta' l-approprjazzjonijiet għall-ħlasijiet għall-Programm Marco Polo (44.8 %), u partikolarment hu mħasseb dwar ir-rata baxxa ħafna ta' l-użu ta' l-approprjazzjonijiet għall-ħlasijiet għall-proġett pilota dwar is-sikurezza fis-settur tat-toroq tat-TEN-T (29.6 %) - in parti minħabba dewmien fl-iffirmar tal-kuntratti u, b'konsegwenza ta' hekk, il-proġett inbeda tard; għalhekk jistieden lill-Kummissjoni biex fil-futur is-sejħa li tagħmel għall-proposti u għall-offerti ssir kmieni kemm jista' jkun sabiex isir użu sħiħ mill-approprjazzjonijiet għall-impenji u għall-ħlasijiet;

146.  Jistieden lill-Kummissjoni u lill-awtorità baġitarja sabiex jiżguraw li, meta l-baġit għall-proġett pilota jiġi adottat, jinstab il-bilanċ ġust bejn l-ammonti disponibbli fl-approprjazzjonijiet għall-impenji u f'dawk għall-ħlasijiet u li dak il-bilanċ jirrifletti l-fatt li ż-żmien meħtieġ sabiex il-proġetti jitwasslu sa l-istadju tal-ħlas ikun normalment iktar minn sena baġitarja waħda;

147.  Jinnota b'sodisfazzjon li l-analiżi tal-Qorti ta' l-Awdituri dwar l-implimentazzjoni ta' l-istandards interni ta' kontroll dwar ir-regolarità u l-legalità tat-tranżazzjonijiet finanzjarji sottomessi turi li dawk it-tranżazzjonijiet li saru mid-Direttorat Ġenerali għall-Enerġija u t-Trasport huma konformi mar-rekwiżiti fl-oqsma ta' l-analiżi tar-riskji u tat-tmexxija, tal-ġestjoni ta' l-informazzjoni, tar-rappurtar ta' l-improprjetajiet u tas-superviżjoni; madankollu jistieden lid-Direttorat Ġenerali għall-Enerġija u t-Trasport sabiex janalizza t-tipi u r-rati ta' żbalji biex tiġi żviluppata strateġija ta' kontroll ibbażata fuq ir-riskju fir-reviżjoni ex-ante tiegħu dwar id-dikjarazzjonijiet ta' l-ispejjeż li jaslu minn għand dawk li jibbenefikaw;

Is-suq intern u l-protezzjoni tal-konsumatur

148.  Jilqa" b'sodisfazzjon in-nuqqas ta" osservazzjonijiet kritiċi dwar il-politika tas-suq intern, il-politika tad-dwana u l-politika dwar il-ħarsien tal-konsumatur fir-Rapport Annwali tal-Qorti ta" l-Awdituri;

149.  Jemmen li r-rata ta" eżekuzzjoni ta" 85% tal-linja tal-baġit 12 02 01 fil-qasam tal-politika tas-suq intern teħtieġ titjib, fid-dawl ta" l-istqarrija tal-Kummissjoni, din tikkonsisti f'żieda ta" approprjazzjonijiet għall-impenji ta" EUR 1.05 miljun miżjuda mill-awtorità baġitarja waqt il-proċedura baġitarja u li ma kinitx maħsuba fl-ippjanar tal-baġit; madankollu jagħraf l-isforzi biex l-ippjanar tal-baġit isir aħjar u jkun muri b'rata ta" eżekuzzjoni ta" kważi 100% fl-2007;

150.  Jemmen li rata ta" eżekuzzjoni ta" 48% tal-linja tal-baġit 14 02 01 fil-qasam tal-politika tad-dwana hija baxxa ħafna, u dan, skond il-Kummissjoni, hu riżultat ta" bidla fil-politika tal-proċedura ta" l-akkwist mill-għoti ta' kuntratti separati għall-implimentazzjoni ta' kuntratti ta' qafas fuq perjodu ta' żmien fit-tul; għalhekk japprezza li r-rata ta" eżekuzzjoni żdiedet għal 83% fl-2007, li diġà turi r-riżultati pożittivi ta' din il-bidla fil-politika, minkejja l-ħtieġa għal aktar titjib;

151.  Jilqa" b'sodisfazzjon ir-rata ta" eżekuzzjoni ta" 96% tal-linja tal-baġit 17 02 01 fil-qasam tal-politika għall-ħarsien tal-konsumatur.

Il-libertajiet ċivili, il-ġustizzja u l-intern

152.  Jilqa' b'sodisfazzjon il-fatt li nkiseb progress fil-livell ta' implimentazzjoni tal-pagamenti tal-baġit għall-qasam tal-libertà, tas-sigurtà u tal-ġustizzja (86.3% meta jitqabbel mad-79.8% ta' l-2005); jistieden lid-Direttorat Ġenerali għall-Ġustizzja, il-Libertà u s-Sigurtà biex ikompli bl-isforzi tiegħu f'din id-direzzjoni, iżda jiddeplora l-livell relattivament baxx ta' l-implimentazzjoni ta' l-impenji (94.5% meta jitqabbel mas-97.7% ta' l-2005); jistieden lid-Direttorat Ġenerali għall-Ġustizzja, il-Libertà u s-Sigurtà biex jipprova jkabbar kemm jista' l-livell ta' implimentazzjoni ta' l-impenji u tal-pagamenti għall-2007 minkejja d-dewmien fil-proċeduri leġiżlattivi għall-ħolqien tal-Fondi;

153.  Jinnota r-rimarki li saru mill-Qorti ta' l-Awdituri fir-Rapport Speċjali tagħha Nru 3/2007 dwar l-immaniġġjar tal-Fond Ewropew għar-Refuġjati mill-2000 sa l-2004; jistieden lill-Kummissjoni biex tqis dawn ir-rimarki, b'mod partikolari fir-rigward ta' l-implimentazzjoni tal-Fond Ewropew għar-Refuġjati (ERF III) u l-Fondi l-oħra li nħolqu fl-2007;

Id-drittijiet tan-nisa u l-ugwaljanza bejn is-sessi

154.  Ifakkar lill-Kummissjoni li, skond l-Artikolu 3(2) tat-Trattat tal-KE, il-promozzjoni ta' l-ugwaljanza bejn is-sessi hija għan fundamentali tal-Komunità u għandha tiġi rrispettata fl-attivitajiet kollha tal-Komunità; jenfasizza wkoll li l-Kummissjoni għandha tiżgura li l-ugwaljanza bejn is-sessi tiġi kkunsidrata fl-implimentazzjoni tal-baġit u li kwalunkwe azzjoni għandha tiġi evalwata mill-perspettiva tad-differenza fl-impatt tagħha fuq l-irġiel u n-nisa;

155.  Josserva b'dispjaċir li l-prattika ta' l-ibbaġitjar skond is-sessi (gender budgeting) għadha ma ġietx implimentata; għaldaqstant itenni t-talba tiegħu sabiex l-integrazzjoni skond is-sessi (gender mainstreaming) issir realtà fl-ippjanar baġitarju u fl-iffinanzjar tal-programmi Komunitarji;

156.  Jinnota r-rati ta' l-użu ta' ħlasijiet kontinwament baxxi tal-programm Daphne u jħeġġeġ lill-Kummissjoni biex tieħu l-passi neċessarji sabiex is-sitwazzjoni titjieb u sabiex jiġi evitat li l-infiq ma jibqax impenjat;

157.  Iqis li għandha tingħata aktar attenzjoni lill-promozzjoni tal-parteċipazzjoni tan-nisa fis-soċjetà ta' l-għerf u fis-suq tax-xogħol u, konsegwentement, lit-taħriġ ta' kwalità għolja u lill-impjieg tan-nisa fil-qasam tat-teknoloġiji ta' l-informazzjoni u l-komunikazzjoni.

Ir-riċerka u l-iżvilupp

158.  Jilqa' b'sodisfazzjon il-passi ċari u li ttieħdu malajr mill-komunità tar-Riċerka wara l-kwittanza li tikkonċerna s-sena finanzjarja 2005 sabiex jiġu rranġati n-nuqqasijiet innutati; jaf li r-riżultati m'humiex se jidhru qabel is-sena n+2;

159.  Jilqa' b'sodisfazzjon it-titjib fl-istrateġija ta' kontroll tal-Kummissjoni u ta' l-għadd akbar ta' verifiki finanzjarji ex post li saru fil-kuntest tas-Sitt Programm ta' Qafas fl-2006;

160.  Jinnota madankollu li l-Qorti Ewropea ta' l-Awdituri, bħal fi snin preċedenti, turi żbalji materjali f'dan il-qasam ta' politika u jistieden lill-Kummissjoni biex tkompli bil-ħidma li saret sabiex is-sena d-dieħla jkun hemm tnaqqis tassew fil-livell ta' l-iżbalji;

L-ambjent, is-saħħa pubblika u s-sikurezza ta' l-ikel

161.  Jikkunsidra r-rati komplessivi ta' l-implimentazzjoni ta' l-intestaturi baġitarji għall-ambjent, is-saħħa pubblika u s-sikurezza ta' l-ikel bħala sodisfaċenti;

162.  Jenfasizza, b'mod partikulari, li l-implimentazzjoni tal-programm LIFE III, li jirrappreżenta 58% tal-baġit operattiv għall-qasam tal-Politika ta' l-"Ambjent", kisbet rata ta' implimentazzjoni ta' iktar minn 98.7% f'approprijazzjonijiet ta' impenn;

163.  Jiġbed l-attenzjoni madanakollu li l-eżekuzzjoni ta' ċerti approprijazzjonijiet ta' impenn, bħal ċerti azzjonijiet tal-Komunità fil-qasam tal-protezzjoni ċivili u t-tniġġis tal-baħar, tidher problematika, speċjalment minħabba l-kwalità inferjuri tal-proposti u l-offerti li ġew sottomessi u minħabba ċerti restrizzjonijiet imposti mill-bażi legali, bħal-limitu massimu tal-kontribuzzjoni finanzjarja tal-Komunità;

164.  Jenfasizza r-rata ġenerali ta" implimentazzjoni ta' 85.76% ta' approprijazzjonijiet ta' ħlas fil-qasam ta' l-ambjent, rata li tirrappreżenta żieda sinifikanti meta titqabbel mar-rata ta' l-2005 (78.39%);

165.  Jiġbed l-attenzjoni li r-rati ta' ħlas għall-ambjent, għas-saħħa u għas-sikurezza ta' l-ikel huma relattivament baxxi minħabba d-diffikultajiet fl-ippjanar ta' bżonnijiet ta' ħlas ta' approprijazzjonijiet u parzjalment minħabba l-fatt li numru ta' approprijazzjonijiet huma approprijazzjonijiet mhux differenzjati u għalhekk, parti sinifikanti tal-ħlasijiet issir sena wara li jsiru l-approprijazzjonijiet; jirrikonoxxi li l-Kummissjoni tiddependi parzjalment minn sottomissjoni fil-pront ta' kontijiet għall-benefiċjarji u għall-kuntratturi u l-ammonti ta' ħlasijiet finali għal proġetti ħafna drabi huma iktar baxxi minn dawk maħsuba fil-bidu;

166.  Jistieden lill-Kummissjoni biex tkompli bl-isforzi tagħha biex ittejjeb dawk il-proċeduri amministrattivi li għandhom impatt fuq l-implimentazzjoni ta' approprijazzjonijiet ta' impenn u ta' ħlas;

Il-kultura u l-edukazzjoni

167.  Jinnota bi preokkupazzjoni li l-verifika ta' kuntratti fil-qasam ta' l-edukazzjoni u l-kultura wasslet għal aġġustament ta' 12.3% ta' l-ispejjeż ineliġibbli favur il-Kummissjoni, u dan iħalli dubju dwar l-eliġibilità tar-rimborżi fi proġetti li ma kinux verifikati;

168.  Jinnota li, fir-rigward tal-politika għall-kultura u l-edukazzjoni, għalkemm mill-2005 'l hawn sar progress u l-aħħar sensiela ta' verifiki tat informazzjoni addizzjonali, l-istrument għall-verifika u s-superviżjoni ta' l-Aġenziji Nazzjonali fil-fatt ma nbidilx u d-DĠ għall-Edukazzjoni u l-Kultura (DĠ EAC) kellu jirrikonoxxi għadd ta' dgħjufijiet;

169.  Jiddispjaċih għall-fatt li l-Qorti Ewropea ta' l-Awdituri sabet dewmien min-naħa tal-Kummissjoni biex tħallas lill-benefiċjarji u li d-DĠ EAC ma kellux informazzjoni affidabbli dwar dawn il-ħlasijiet li saru tard;

170.  Jinnota bi preokkupazzjoni li, skond ir-Rapport Annwali tal-Qorti Ewropea ta' l-Awdituri "il-Kummissjoni ma kinitx konformi mar-Regolament Finanzjarju biex tagħmel kontrolli fuq is-sistemi ta' mmaniġġjar u ta' kontroll ta' l-Aġenziji Nazzjonali qabel ma fdatilhom l-implimentazzjoni ta' azzjonijiet Komunitarji" (Anness, punt 7.1);

171.  Jinnota bi preokkupazzjoni kbira li għall-programm ta' l-e-learning, l-ispiża amministrattiva medja għal kull applikazzjoni tajba hi ta' EUR 22 000, waqt li l-ammont medju għal kull għotja kien biss ta' EUR 4 931; jitlob lill-Kummissjoni biex tispjega id-differenza kbira bejn dawn iż-żewġ ċifri u biex tieħu l-miżuri meħtieġa biex tnaqqas id-differenza;

172.  Jinnota li, skond ir-rapport annwali ta' l-attivitajiet ta' l-2006 tad-DĠ EAC, il-Kummissjoni qiegħda timplimenta diversi pjanijiet ta' azzjoni (ta' l-anqas sitta) biex tirranġa d-dgħjufijiet amministrattivi, iżda jiddispjaċih li s-sitwazzjoni attwali fir-rigward tal-pjanijiet ta' azzjoni m'hijiex ċara; jiddispjaċih għall-fatt li ma ngħatawx tweġibiet ċari matul is-seduta ta' smigħ bi tħejjija għall-kwittanza;

173.  Jitlob lill-Kummissjoni biex tagħti lill- Kumitat tiegħu għall-Kontroll tal-Baġit lista komprensiva u aġġornata ta' Aġenziji Nazzjonali u s-sitwazzjoni ta' l-analiżi tad-dikjarazzjonijiet ta' assigurazzjoni mressqa minn dawn l-Aġenziji, u jħeġġeġ lill-Kummissjoni biex ittejjeb il-qasam ta' applikazzjoni, il-kwalità u s-segwitu tal-verifiki tas-sistemi ta' l-Aġenziji Nazzjonali fil-qasam ta' l-edukazzjoni u l-kultura;

174.  Jinnota r-rakkomandazzjoni ripetuta tal-Qorti Ewropea ta' l-Awdituri li "għandhom jibqgħu jsiru sforzi biex jiġu ssimplifikati r-regoli li jkopru dawn il-programmi, u fejn ikun possibbli għandu jintuża aktar l-iffinanzjar b'ammont wieħed ta' flus (lump sum financing) kif ukoll biex tintuża sistema ta' ffinanzjar ibbażata fuq ir-riżultati"; għalhekk jitlob għal aktar simplifikazzjoni u użu aktar estensiv ta' l-arranġamenti b'rati fissi (flat-rate arrangements);

175.  Jilqa' b'sodisfazzjon ir-rakkomandazzjoni tal-Qorti Ewropea ta' l-Awdituri lill-Kummissjoni biex din tagħmel użu ikbar, b'konformità mar-Regolament Finanzjarju, ta' l-iffinanzjar permezz ta' ammont wieħed u ta' l-iffinanzjar b'rata fissa biex ikun iffaċilitat l-għoti ta' grants;

176.  Jinnota li 70% tal-baġit fil-qasam ta' l-edukazzjonii u l-kultura qiegħed ikun immaniġġjat minn Aġenziji Nazzjonali; jinnota bi tħassib li fl-2006 fi ftit każijiet instabu nuqqasijiet kbar u sistematiċi fl-immaniġġjar tal-fondi; jirrikonoxxi fl-istess waqt li l-Kummissjoni qiegħda tieħu passi biex issaħħaħ il-qafas ta" kontroll; jistenna li l-Kummissjoni tirrapporta r-riżultati tal-miżuri li jkunu ttieħdu qabel il-proċedura ta' kwittanza li jkun imiss fir-rigward tas-sena finanzjarja 2007;

177.  Huwa ta' l-opinjoni li l-Istati Membri għandhom ikunu iktar konxji tar-responsabilitajiet tagħhom għall-iffunzjonar sodisfaċenti ta' l-Aġenziji Nazzjonali; jittama li "d-dikjarazzjonijiet ta' assigurazzjoni" l-ġodda mill-awtoritajiet nazzjonali se jtejbu l-proċeduri ta' l-Istati Membri għall-kontroll u l-verifika ta' l-Aġenziji Nazzjonali;

178.  Jistieden lill-Kummissjoni biex toħroġ linji gwida iktar stretti dwar it-trasparenza tal-proċeduri ta' applikazzjoni u selezzjoni tal-programmi plurijennali; jistenna li flimkien ma' l-aġenziji eżekuttivi u ma' l-Aġenziji Nazzjonali, tkompli titjieb il-komunikazzjoni ma' l-applikanti u l-benefiċjarji;

179.  Jinsab imħasseb dwar in-nuqqasijiet tad-dejta disponibbli rigward ċerti aspetti ta' l-implimentazzjoni tal-programmi plurijennali; jitlob b'mod partikolari, informazzjoni sħiħa mill-Kummissjoni dwar il-kwantità ta' ħlasijiet tard lill-benefiċjarji; jappoġġja l-inkjesta l-ġdida ta' l-Ombudsman fuq inizjattiva tiegħu stess f'dan ir-rigward; jinnota li 23% tal-ħlasijiet fl-2007 saru tard; jinnota li l-Kummissjoni bħalissa qiegħda tirrevedi d-definizzjoni tagħha ta' ħlasijiet tard u tinsab ħerqana li tirċievi iktar informazzjoni dwar dan;

180.  Jiġbed l-attenzjoni dwar l-isforzi żejda li għamlet il-Kummissjoni biex issaħħaħ il-kapaċità tagħha li tisma' l-ilmenti taċ-ċittadini permezz ta' l-għodod ta' komunikazzjoni tagħha; jinkoraġġixxi lid-DĠ għall-Komunikazzjoni biex jagħmel użu aħjar mill-mekkaniżmi ta" l-iffinanzjar issimplifikati għall-miżuri mmirati lejn is-soċjetà ċivili fuq il-linji mbassra mid-DĠ għall-Edukazzjoni u l-Kultura fil-programm l-Ewropa għaċ-Ċittadini;

Azzjonijiet esterni

181.  Iħeġġeġ lill-Kummissjoni biex tippreżenta d-definizzjoni tagħha ta' organizzazzjoni mhux governattiva, billi tiffioka mhux biss fuq l-aspetti legali imma wkoll fuq il-mod kif ikun iggarantit l-iffinanzjar ta' dawn l-organizzazzjonijiet;

182.  Ifakkar li l-fondi minfuqa fuq l-azzjonijiet esterni fl-2006 telgħu għal EUR 5 867 biljun u l-ħlasijiet telgħu għal EUR 5 186 biljun; jinnota bi preokkupazzjoni s-sejbiet li ġejjin fir-Rapport Annwali tal-Qorti Ewropea ta' l-Awdituri:

183.  Jiddispjaċih għal dak li sabet il-Qorti Ewropea ta' l-Awdituri li, għal dak li jirrigwarda r-rapport dwar l-attività annwali tad-DĠ AIDCO "l-inċidenza materjali ta' l-iżbalji u d-dgħjufijiet fis-sistemi ta' sorveljanza u kontroll mfassla biex jiggarantixxu l-legalità u r-regolarità tat-tranżazzjonijiet fil-livell ta' l-organizzazzjonijiet li jimplimentaw il-proġetti fil-qasam ta' l-azzjonijiet esterni misjuba mill-Qorti ta' l-Awdituri m'humiex riflessi biżżejjed fir-rapport u d-dikjarazzjoni dwar l-attività annwali ta' l-Uffiċċju ta' Koperazzjoni Europe Aid" (punt 2.17 u Tabella 2.1 tar-Rapport Annwali);

184.  Jinnota wkoll b'dispjaċir li għal darb'oħra, fl-analiżi tal-pjanijiet ta' l-immaniġġjar annwali ta' xi Direttorati Ġenerali m'hemm l-ebda indikazzjoni dwar l-awdituri esterni, u lanqas tar-riskji partikolari marbuta mat-tipi differenti ta' organizzazzjonijiet li jimplimentaw (NGO, organizzazzjoni internazzjonali, istituzzjoni tal-gvern) u l-metodi ta' l-iffinanzjar (għotja, appoġġ baġitarju, fond ta' fiduċja) (punt 8.28 tar-Rapport Annwali);

185.  Jinnota bi preokkupazzjoni li r-riżultati misjuba mill-Qorti Ewropea ta' l-Awdituri msemmija aktar 'il fuq kienu l-istess bħal dawk tar-Rapport Annwali ta' l-2005, jiġifieri, l-inkonsistenza ta' l-informazzjoni dwar il-verifika esterna mgħoddija lill-uffiċċju ċentrali, in-nuqqas ta' ċentralizzazzjoni sistematika ta' din l-informazzjoni sabiex jintlaħqu l-konklużjonijiet, kif ukoll in-nuqqas ta' segwitu adegwat; għalhekk jitlob lill-Kummissjoni biex tirreaġixxi għal dawn ir-riżultati b'urġenza;

186.  Jiddispjaċih li skond ir-Rapport Annwali tal-Qorti Ewropea ta' l-Awdituri "il-Kapaċità tal-Verifika Interna (IAC) fil-mument ma tagħtix l-evalwazzjoni komplessiva annwali tas-sitwazzjoni tal-kontroll intern fil-Europe Aid u fid-DĠ ECHO ... Minkejja li fl-2006 nħolqu żewġ postijiet tax-xogħol oħra fl-IAC, ma jidhirx li huwa prattiku li bl-istaff attwali li hemm, fi żmien iċ-ċiklu ta' tliet snin propost issir il-kopertura sħiħa tal-verifika identifikata fl-Evalwazzjoni tal-Ħtiġijiet tal-Verifika fil-Europe Aid" (punt 8.30 tar-Rapport Annwali);

187.  Jitlob lill-Kummissjoni biex tagħmel evalwazzjoni komplessiva annwali tas-sitwazzjoni tal-kontroll intern tad-DĠ AIDCO u biex tevalwa jekk jinħtiġux postijiet oħra fis-servizz ta' l-IAC;

188.  Jinnota l-kritika tal-Qorti Ewropea ta' l-Awdituri rigward is-sitwazzjoni ta' l-attivitjiet ta' kontroll ex post tal-Kummissjoni (punti 8.23 u 8.33 tar-Rapport Annwali) u jistieden lill-Kummissjoni biex tinforma b'mod regolari lill-Kumitat għall-Kontroll tal-Baġit bil-passi li jkunu ttieħdu biex tissewwa s-sitwazzjoni;

189.  Jistieden lill-Kummissjoni biex tkompli ttejjeb l-evalwazzjoni tar-riskju tad-DĠ AIDCO billi tagħmel referenza għar-riżultati tas-sejbiet ta' l-awdituri fil-livell tal-proġetti u billi tagħmel distinzjoni skond it-tipi differenti ta' organizzazzjonijiet li jimplimentaw u l-metodi ta' l-iffinanzjar;

190.  Jistieden lid-DĠ AIDCO biex itejjeb it-termini ta' referenza tal-verifiki esterni tiegħu biex ikunu koperti l-oqsma kollha ta' riskju magħrufa, fosthom il-verifika tal-konformità mar-rekwiżiti tal-Kummissjoni rigward il-proċeduri tal-kuntratti u l-eliġibilità ta' l-ispiża;

191.  Jenfasizza li fil-perjodu bejn l-2000 u l-2006, il-kontribuzzjonijiet ta' l-UE lin-NU żdiedu b'700% (minn EUR 200 miljun fl-2000 għal EUR 1.4 biljun fl-2007); ma jistax jifhem in-nuqqas ta' segwitu għal flus trasferiti lil fondi ta' fiduċja internazzjonali mill-Kummissjoni;

192.  F'dan il-kuntest, jesprimi tħassib dwar in-nuqqas ta' informazzjoni meħtieġa għall-awtorità tal-kwittanza sabiex tipproċedi għal kwittanza li tagħmel sens rigward il-fondi implimentati taħt l-intestatura ta' l-azzjoni esterna;

193.  Jinsisti li għandha tkun żviluppata sistema ta' informazzjoni armonizzata sabiex l-awtorità ta' kwittanza b'mod partikulari u l-pubbliku b'mod ġenerali jkun jista' jkollhom bażi tad-dejta trasparenti għal kollox li jkun fiha tagħrif sħiħ dwar il-proġetti kollha ffinanzjati mill-UE fid-dinja u r-riċeventi aħħarin ta' dawn il-fondi; huwa tal-fehma li, prefereibilment, li l-bażi tad-dejta tas-Sistema Komuni ta' Informazzjoni Relex (CRIS) toffri din ix-xorta ta' informazzjoni;

194.  Ifakkar li skond ir-Regolament Finanzjarju, il-Kummissjoni sa minn Mejju 2007 kellha tkun kapaċi li tidentifika minnufih il-benefiċjarji aħħarin u min kien qiegħed jimplimenta l-proġetti ffinanzjati jew koffinanzjati b'fondi ta' l-UE;

195.  Jikkunsidra li l-viżibilità, il-gwida politika u l-possibilità ta' kontroll mill-Kummissjoni tal-fondi ta' fiduċja internazzjonali (fejn l-UE hija d-donatur ewlieni) għandhom jissaħħu bla ma tittiefes l-effikaċja ta' l-azzjoni f'dan il-qasam;

196.  Jistieden lill-Kummissjoni sabiex tippreżenta lill-Parlament pjan sabiex iżżid aktar il-pussess ta' l-EU ta' l-azzjonijiet esterni tagħha

197.  Jesprimi t-tħassib tiegħu dwar sitwazzjoni fejn fiż-żewġ każijiet fejn il-Parlament talab għal lista ta' proġetti ffinanzjati mill-fondi ta' l-UE il-Kummissjoni ħadet xahrejn u nofs biex ipprovdiet lista tal-proġetti ffinanzjati bil-CARDS (Għajnuna għar-rikostruzzjoni, l-iżvilupp u l-istabilizzazzjoni) u 13-il xahar biex ipprovdiet informazzjoni bażika dwar il-proġetti kkofinanzjati bil-fondi ta' l-UE fl-Iraq; jinsisti sabiex, fir-rigward tal-fondi kollha mmaniġġjati taħt l-azzjonijiet esterni, din is-sitwazzjoni tiġi rranġati minnufih;

198.  Iħeġġeġ lill-Kummissjoni sabiex tindirizza bl-akbar serjetà n-nuqqasijiet fir-rigward tal-proċeduri kuntrattwali u l-eliġibilità ta' l-infiq, u jiddispjaċih ħafna dwar l-evalwazzjoni kritika tal-Qorti ta' l-Awdituri fir-rigward ta' dan il-qasam, li jinsab taħt it-tmexxija finanzjarja diretta tal-Kummissjoni;

199.  Jaqbel mal-Qorti ta' l-Awdituri li l-Kummissjoni għandha tinkludi informazzjoni dwar il-verifiki kollha tal-proġetti fil-CRIS u għandha torbot aħjar din l-informazzjoni ma' l-informazzjoni dwar l-immaniġġjar tal-proġetti; jitlob ukoll lill-kwartieri ġenerali tal-EuropeAid tal-Kummissjoni sabiex jirrivedu l-informazzjoni finanzjarja pprovduta mid-delegazzjonijiet, sabiex jiżguraw li din tkun kompleta u konsistenti;

200.  Jistieden lill-Kummissjoni biex ittejjeb it-trasparenza u l-aċċess għad-dokumentazzjoni marbuta mal-proġetti mmexxija mill-aġenziji tan-NU u biex tkompli tiżviluppa linji gwida u proċeduri ċari fil-FAFA, li tistabbilixxi l-qafas għall-immaniġġjar tal-kontribuzzjonijiet finanzjarji li l-Kummissjoni tgħaddi lin-NU;

201.  Jistieden lill-Kummissjoni sabiex tirrapporta lill-Parlament dwar kontrolli mwettqa fl-ambitu tal-FAFA;

202.  Jinsab kuntent bir-riżultati tal-verifika ta" l-implimentazzjoni ta" l-istrumenti Phare u ISPA fil-Bulgarija u fir-Rumanija u tal-programm ta" għajnuna għat-Turkija, li identifika livell insinifikanti ta" l-iżball; jieħu nota ta" l-iżbalji u tad-dgħjufijiet fir-rigward ta" l-implimentazzjoni ta" l-istrument SAPARD fil-Bulgarija u fir-Rumanija; jistieden lill-Kummissjoni biex tkompli taħdem ma" l-awtoritajiet taż-żewġ pajjiżi sabiex tiżgura li jitwettqu r-rekwiżiti kollha għall-kuntratti pubbliċi u għall-amministrazzjoni finanzjarja soda u li tingħata assikurazzjoni xierqa tal-korrettezza, tar-regolarità u ta" l-eliġibilità tat-talbiet għall-assistenza Komunitarja;

203.  Jinnota l-evalwazzjoni tal-Qorti Ewropea ta' l-Awdituri li kkonkludiet li s-sistemi nazzjonali ta" sorveljanza marbuta mas-Sistemi ta" Implimentazzjoni Deċentralizzati tal-Bulgarija, tar-Rumanija u tat-Turkija baqgħu dgħajfa;

204.  Itenni t-tħassib tiegħu dwar id-dewmien fl-akkreditazzjoni tas-Sistema ta" Implimentazzjoni Deċentralizzata Estiża (EDIS) fil-Bulgarija, u jħeġġeġ lill-Kummissjoni u lill-awtoritajiet Bulgari sabiex isaħħu l-koperazzjoni tagħhom biex jassiguraw li jkun hemm kemm l-istrutturi xierqa ta" ġestjoni u ta" kontroll kif ukoll il-kapaċitajiet amministrattivi biex jippermettu l-funzjonament effiċjenti ta" l-EDIS;

205.  Jappoġġja r-rakkomandazzjoni tal-Qorti ta' l-Awdituri lill-Kummissjoni sabiex il-Kummissjoni tosserva mill-qrib il-funzjonament effettiv tas-sistemi nazzjonali ta" sorveljanza u ta" kontroll, b'mod partikolari fil-preparazzjoni u l-ġestjoni ta" sejħiet għal offerti fit-Turkija, l-akkwist permezz ta" l-EDIS fil-Bulgarija u fir-Rumanija u li l-kofinanzjament nazzjonali jsir f'waqtu; jenfasizza l-ħtieġa li tissaħħaħ il-kapaċità amministrattiva ta" dawk l-Istati Membri li ssieħbu reċentement u ta" dawk il-pajjiżi li qegħdin fil-proċess li jissieħbu;

206.  Huwa sodisfatt bl-evalwazzjoni tal-Qorti ta' l-Awdituri li diversi miżuri ta" rimedju ddaħħlu mill-Kummissjoni wara r-rapport speċjali tal-Qorti ta' l-Awdituri dwar il-ġemellaġġ mill-2003; jistieden lill-Kummissjoni sabiex tħeġġeġ aktar lill-gvernijiet benefiċjarji sabiex jużaw ir-riżultati tal-proġetti mwettqa fil-kuntest ta" l-isforzi tar-riforma tagħhom; jappoġġja r-rakkomandazzjoni tal-Qorti ta' l-Awdituri lill-Kummissjoni sabiex il-Kummissjoni tnaqqas il-livell tad-dettalji fil-kuntratti ta" ġemellaġġ sabiex ikun hemm aktar flessibilità fit-tmexxija tal-proġetti;

207.  Jieħu nota tal-konklużjonijiet tal-Qorti ta' l-Awdituri dwar il-legalità u r-regolarità tat-tranżazzjonijiet fil-qasam ta" l-azzjonijiet esterni u tas-sistemi relatati ta" sorveljanza u ta" kontroll; jistieden lill-Kummissjoni sabiex twettaq kull titjib meħtieġ fis-sistema biex ikun żgurat li l-irregolaritajiet identifikati fil-livell ta" organizzazzjonijiet f'pajjiżi terzi impenjati fit-twettiq ta' proġetti jitneħħew;

208.  Jistieden lill-Kummissjoni sabiex tippreżenta rapport lill-Parlament dwar x'sar eżattament biex titħaffef is-sitwazzjoni ta" refuġjati u ta" persuni spustati Iraqin;

209.  Jenfasizza l-interess tiegħu dwar l-għajnuna lill-Afganistan, u jistieden lill-Kummissjoni biex tippreżenta rapport lill-Parlament dwar is-sitwazzjoni attwali ta" l-implimentazzjoni tal-fondi ta" l-UE fl-Afganistan, u biex tikkummenta dwar it-tkeċċija ta' l-aġent rappreżentant ta" l-UE minn dak il-pajjiz fuq l-akkuża li huwa kkomunika mat-Talibani Afgani;

210.  Jistenna li jirċievi rapporti annwali dwar kuntratti għall-implimentazzjoni tal-baġit, listi annwali ta' proġetti u tal-post fejn qed jitwettqu, u lista tal-benefiċjarji finali; iqis li, għal raġunijiet ta' sigurtà, ir-rapporteur għall-kwittanza għandu jkollu aċċess għall-informazzjoni ddikkjarata kunfidenzjali; jilqa' b'sodisfazzjon l-impenn tal-Kummissjoni sabiex tinnegozja mill-ġdid il-ftehimiet rilevanti dwar fondi fiduċjarji man-NU sabiex tikseb linji gwida konġunti ta' rrappurtar u tingħata informazzjoni dwar l-identità tal-benefiċjarji finali; jilqa' wkoll b'sodisfazzjon l-impenn tal-Kummissjoni sabiex torganizza laqgħat ta' kull sena bejn il-Parlament u l-uffiċjali għolja tan-NU responsabbli għat-tmexxija tal-fondi fudiċjarji ta' donaturi multipli u jqis li dan jipprovdi qafas għan-NU sabiex tipprovdi aktar informazzjoni dwar il-fondi ta' l-EU;

Għajnuna umanitarja u żvilupp

211.  Jiddispjaċih li l-evalwazzjoni tal-Qorti Ewropea ta' l-Awdituri tal-verifiki fid-DĠ ECHO hija biss "sodisfaċenti sa ċertu punt" (l-Anness 8.2. għar-Rapport Annwali);

212.  Jappoġġja bis-sħiħ il-konklużjonijiet tal-Qorti ta' l-Awdituri dwar id-DĠ ECHO fir-Rapport Annwali, kif ġej: "Id-DĠ ECHO" għandu jiċċara r-regoli dwar l-eliġibilità tan-nefqa sabiex ma jħallix li jkun hemm interpretazzjonijiet varji, u għandu jiġi rrivedut il-bilanċ bejn il-kwartieri ġenerali ta-DĠ ECHO u l-verifiki fuq il-post tas-soċji inkarigati mill-implimentazzjoni, sabiex tinkiseb idea aħjar tar-realtà tan-nefqa għall-proġetti (punti 8.11 u 8.18 tar-Rapport Annwali);

213.  Jiddispjaċih dwar ir-riżultati fil-punt 2.1 tar-rapport ta' attività annwali tad-Direttorat Ġenerali għall-Iżvilupp (DĠ DEV) li tgħid li l-"assigurazzjoni tal-koerenza tal-politiki Komunitarji b'impatt fuq il-pajjiżi li qed jiżviluppaw, hija sors kbira ta' riskju. Dan ir-riskju l-aktar li huwa rilevanti huwa fejn jidħol il-kummerċ, l-aktar in-negozjati dwar il-Ftehimiet ta" Sħubija Ekonomika (EPAs). Dan jirrappreżenta dimensjoni kritika tal-politika ta' żvilupp iżda l-kapaċità f'dan il-qasam hija kkonċentrata fid-DĠ Kummerċ. Dan ir-riskju jippersisti minkejja t-tisħiħ u l-konċentrazzjoni tar-responsabilitajiet relatati mal-kummerċ li seħħew mar-riorganizzazzjoni tad-DEV f'Lulju 2006";

214.  Jitlob lill-Kummissjoni biex tippreżenta lill-Kumitat għall-Kontroll tal-Baġit l-ideat tagħha dwar kif tindirizza din is-sitwazzjoni u l-miżuri li jridu jittieħdu fl-2008 sabiex jitjieb it-tħaddim tas-sistema ta' kontroll intern fid-DĠ DEV fir-rigward tal-livell ta' implimentazzjoni ta' l-istandards ta' kontroll intern;

Sħubija Ewro-Mediterranja

215.  Jinnota b'sodisfazzjon li skond ir-Rapport Speċjali Nru 5/2006 tal-Qorti ta' l-Awdituri dwar il-programm MEDA, "huwa ċar li t-tmexxija mill-Kummissjoni tal-programm MEDA tjiebet mill-ewwel snin 'il hawn u tista' titqies bħala sodisfaċenti";

216.  Barra minn hekk jinnota, kif ikkonkludiet il-Qorti ta' l-Awdituri, li, b'riżultat tad-divoluzzjoni, id-delegazzjonijiet tal-Kummissjoni kellhom irwol importanti fl-implimentazzjoni tal-programm billi għenu lil pajjiżi sħab jittrattaw l-aspetti proċedurali ta' l-akkwisti;

217.  Jitlob lill-Kummissjoni sabiex tinfurmah regolarment dwar it-twettiq ta' kontrolli u ispezzjonijiet fuq il-post, filwaqt li tidentifika każijiet ċari ta' suspett ta' frodi jew irregolaritajiet finanzjarji oħra matul l-aħħar sena ta' implimentazzjoni tal-programm MEDA;

218.  Jistenna bil-ħerqa żieda fil-viżibilità ta" azzjonijiet iffinanzjati mill-UE permezz ta" fondi fiduċjarji internazzjonali, b'mod partikulari fil-kuntest ta" somom li jilħqu l-ammont ta' aktar minn biljun Euro li ġew trasferiti mill-baġit ta' l-UE għall-fondi tan-NU u tal-Bank Dinji; iħeġġeġ lill-Kummissjoni sabiex tiżgura li l-gwida politika, il-viżibilità ta" l-UE u l-kontroll tal-fondi użati jkunu msaħħa;

219.  Jistieden lill-Kummissjoni sabiex regolarment tippreżenta lill-Parlament miżuri speċifiċi biex jiżdied aktar il-pussess ta" l-UE ta" l-azzjonijiet esterni tagħha fil-kuntesti ġeografiċi tagħhom (b'konformità mal-prinċipji ta" l-effiċjenza, tar-responsabilità u tal-viżibilità);

220.  Jistieden lill-Kummissjoni sabiex tinformah b'mod effiċjenti u ħafif dwar l-użu ta" fondi ta" l-UE permezz ta" fondi fiduċjarji internazzjonali għall-Iraq; jistieden lill-Kummissjoni sabiex taġġorna u tagħti bażi lil din l-informazzjoni u biex tipproponi sistema li tippermetti lill-Parlament jara b'mod ċar u li jinftiehem eżattament x'ġie ko-finanzjat mill-fondi ta' l-UE permezz ta' fondi fiduċjarji internazzjonali kulllimkien fid-dinja;

221.  Jilqa' ż-żieda sinifikanti fir-rata ta' implimentazzjoni ta' approprijazzjonijiet ta' impenn u ta' pagament għall-istrateġija ta' qabel is-sħubija fl-2006 meta mqabbla ma' l-2005;

Żvilupp

222.  Jifraħ lill-Kummissjoni ta" l-inizjattiva li jitjieb ir-rappurtaġġ tal-progress magħmul permezz ta' interventi tal-politika ta" l-iżvilupp biex jintlaħqu l-Għanijiet tal-Millenju għall-Iżvilupp; għandu fiduċja li din se tagħti kontribut siewi biex titjieb ir-responsabilità f'dan il-qasam; jistenna bil-ħerqa li jirċievi d-dettalji ta' l-evalwazzjoni tal-fażi sperimentali li ddaħħlet fl-2007;

223.  Jiġbed l-attenzjoni għall-punt ta' referenza ("benchmark"), miftiehem mill-Kummissjoni, li 20% ta' l-iffinanzjar skond l-Istrument ta' Koperazzjoni għall-Iżvilupp għandhom ikunu allokati għall-edukazzjoni bażika u sekondarja kif ukoll għas-saħħa bażika; jistenna bil-ħerqa li jirċievi d-dettalji ta' l-implimentazzjoni ta' dan il-punt ta' referenza fl-2007;

224.  Jilqa' b'sodisfazzjon l-inizjattiva tal-Kummissjoni biex tiġi żviluppata strateġija strutturata li tagħti appoġġ lill-istituzzjonijiet supremi tal-verifika fil-pajjiżi li jieħdu għajnuna baġitarja; jinnota, madankollu, li r-responsabilità demokratika fil-livell ta' pajjiżi sħab ma tistax tintlaħaq mingħajr ma jissaħħu l-entitajiet tal-Parlament għall-kontroll tal-baġit, kif meħtieġ mill-Artikolu 25(1)b tar-Regolament (KE) Nru 1905/2006 tal-Parlament Ewropew u tal-Kunsill tat-18 ta' Diċembru 2006 li jistabilixxi strument ta" finanzjament tal--koperazzjoni għall-iżvilupp(53);

225.  Jinnota li fl-2006, 91% ta' l-għajnuna baġitarja mill-baġit tal-Komunità ngħatat bħala għajnuna baġitarja għas-setturi, li hi aktar iffukata mill-għajnuna baġitarja ġenerali u għalhekk twassal għal inqas riskji; jesprimi dubji dwar l-"interpretazzjoni dinamika" tal-Kummissjoni tal-kriterji ta' l-eliġibilità għall-għajnuna baġitarja, li skond il-Qorti ta' l-Awdituri żżid ir-riskju; jemmen li l-għajnuna baġitarja għandha tingħata biss lill-pajjiżi li diġà jkunu laħqu l-istandard minimu ta' kredibilità fl-immaniġġjar tal-finanzi pubbliċi;

226.  Jistieden lill-Kummissjoni biex ittejjeb it-trasparenza u l-aċċess għad-dokumentazzjoni marbuta ma' l-azzjonijiet ta' l-għajnuna baġitarja, b'mod partikulari billi jsiru ftehimiet ma' pajjiżi benefiċjarji li jixbħu lill-Ftehima ta' Qafas Finanzjarja u Amministrattiva (FAFA) u billi tistabbilixxi qafas għall-immaniġġjar tal-kontribuzzjonijiet finanzjarji li l-Kummissjoni tgħaddi lin-NU;

227.  Jifraħ lill-Kummissjoni talli fl-2006 naqqset b'39% l-livell ta' reste à liquider (RAL) li jmur lura għall-impenji tal-EuropeAid ta' qabel l-2001; jitlob li jirċievi aġġornamenti regolari dwar il-bidliet fil-livell tar-RAL normali u anormali;

228.  Jinnota l-kritika dwar il-proġetti ta' Assistenza Teknika tal-Kummissjoni li saret mill-Qorti ta' l-Awdituri fir-Rapport Speċjali tagħha Nru 6/2007; jinnota wkoll li l-Kummissjoni se tindirizza dawn il-kwistjonijiet permezz ta' l-"Istrateġija biex jintlaħqu l-għanijiet ta' l-UE ta' għajnuna effettiva għall-Koperazzjoni Teknika u l-Unitajiet għall-Implimentazzjoni tal-Proġetti" li għandha tkun lesta sa Ġunju 2008; jistenna bil-ħerqa li, meta jasal il-waqt, jirċievi l-evalwazzjoni tar-riżultati ta' l-implimentazzjoni ta' din l-istrateġija;

229.  Jilqa' b'sodisfazzjon il-miżuri implimentati mill-Kummissjoni biex tkun imħeġġa il-koordinazzjoni ta' kull min jagħti sehem fil-qasam ta' l-assistenza teknika; jisħaq fuq l-importanza ta' strateġija koordinata, mhux biss fil-livell ta' l-UE imma fost kull min jagħti sehem, u jistenna bil-ħerqa li jirċievi dettalji fuq il-progress ta' din l-inizjattiva.

Spejjeż amministrattivi
Aġenziji

230.  Jinnota li fl-2006, kien hemm 24 aġenzija jaħdmu (inklużi 2 aġenziji eżekuttivi), meta mqabbla mas-16 fl-2005, li jkopru serje estensiva ta' ħidmiet f'diversi postijiet fl-UE;

231.  Jinnota li, bħalma ġara fl-2003, fl-2004 u fl-2005, l-Awditur Intern tal-Kummissjoni, fir-rapport annwali tiegħu għall-2006 dwar l-attivitajiet, esprima riżerva minbarra l-verifiki ta' l-aġenziji regolatorji: "Filwaqt li l-IAS irċeviet talbiet għall-verifika ta' l-aġenziji regolatorji, iż-żieda parallela tan-numru ta' l-aġenziji, issa 23, għadha ma tippermettix lill-IAS li tissodisfa sew l-obbligu tagħha skond l-Artikolu 185 tar-Regolament Finanzjarju. Fi tmiem l-2006, l-aġenziji kollha kienu vverifikati talanqas darba f'perjodu ta' tliet snin minflok darba kull sena kif stipulat mir-Regolament Finanzjarju" (punt 3.6);

232.  Jitlob li ssir analiżi tad-deċentralizzazzjoni u ta' l-effetti tagħha fuq l-istaff tal-Kummissjoni; jitlob lill-Kummissjoni tippreżenta kalendarju għal reviżjoni ta' l-organizzazzjoni interna tagħha fid-dawl tad-deċentralizzazzjoni;

233.  Jitlob li wara 3 snin issir reviżjoni bejn il-pari ta' kull aġenzija eżekuttiva sabiex ikun evalwat il-valur miżjud ta' l-implimentazzjoni tal-programmi permezz ta' l-aġenziji eżekuttivi meta mqabbla mad-Direttorat Ġenerali rilevanti;

234.  Jinnota li, fil-paragrafu 10.29 tar-Rapport Annwali tagħha, il-Qorti Ewropea ta' l-Awdituri stqarret li "l-ħruġ ta' sussidji mħallsa mill-Kummissjoni mill-baġit Komunitarju m'huwiex ibbażat fuq estimi ġġustifikati biżżejjed tal-ħtieġa ta' kontanti ta' l-aġenziji. Dan, flimkien ma' l-ammont ta' flus ittrasferiti, iwassal biex ikollhom bilanċi kbar ta' kontanti(54). Il-Qorti Ewropea ta' l-Awdituri tirrakkomanda li l-livell ta' sussidji mħallsa lill-aġenziji ikun konformi mal-ħtiġijiet veri tagħhom għal kontanti";

235.  Jitlob lill-Kummissjoni biex issegwi iktar mill-qrib il-bilanċi tal-kontanti ta' l-aġenziji u biex timponi obbligi aktar stretti fuqhom fir-rigward tal-preżentazzjoni, fit-talbiet għall-ħlas, ta' tbassiriet bir-reqqa tal-ħtiġijiet veri tagħhom għal kontanti sabiex ikunu evitati trasferimenti mhux meħtieġa ta' kontanti u sabiex ikollhom estimi aqwa għall-ġejjieni;

236.   jappella għas-subkonsolidazzjoni tal-kontijiet ta' l-aġenziji;

Il-politika Komunitarja dwar il-bini

237.  Huwa mħasseb dwar id-defiċit strutturali globali għall-2006 li reġa' laħaq l-ammont sinifikanti ta' EUR 5 miljun għal proġetti ta' manutenzjoni u ristrutturar għall-bini kollu li huwa l-proprjetà tal-Kummissjoni (fosthom il-bini Berlaymont); jilqa' b'sodisfazzjon l-istudju patrimonjali kkummissjonat mill-Uffiċċju għall-Infrastruttura u l-Loġistika - Brussell (OIB) fl-2007, li għandu jagħti l-ewwel stima motivata meħtieġa tal-baġit u kalendarju biex isiru x-xogħlijiet meħtieġa sabiex ikun żġurat l-aħjar immaniġġjar possibbli ta' l-investimenti tal-Kummissjoni fil-proprjetà;

238.  Jistenna li l-Kummissjoni żżomm lill-kumitati kompetenti tal-Parlament infurmati dwar ir-riżultati ta' l-istudju msemmi hawn fuq u dwar it-tbassira ta' l-ippjanar, b'enfasi speċjali fuq dettalji tal-bini Berlaymont;

239.  Jistieden lill-Kummissjoni biex tinformah dwar is-segwitu tagħha għar-Rapport Speċjali Nru 2/2007 tal-Qorti Ewropea ta' l-Awdituri, b'mod partikulari fir-rigward tal-koperazzjoni mtejba, inkluż it-tfassil ta' politika komuni dwar il-proprjetà li tinvolvi l-ħolqien ta' strument Komunitarju li jkopri l-binjiet u l-arranġamenti finanzjarji u ta' l-istaff relatati magħha;

240.  Jitlob lill-Kummissjoni biex tintegra r-riżultati ta' l-iskrining ta' l-istaff u r-riżultati tal-Komunikazzjoni tagħha dwra il-politika ta' l-akkomodazzjoni tas-servizzi tal-Kummissjoni fi Brussell u l-Lussemburgu (COM(2007)0501), biex tirrevedi l-ħtieġa ta' spazju stipulat fiha kif xieraq u biex tirrapporta dwar ir-riżultati ta' dan l-eżerċizzju sa Settembru 2008.

241.  Jissuġġerixxi li għandu jkun hemm dispożizzjoni fil-kontijiet konsolidati ta' l-UE għal xogħlijiet kbar ta' manutenzjoni fuq binjiet;

242.  Itenni l-opinjoni tiegħu li għandu jsir studju dwar il-fattibilità li titwaqqaf awtorità Ewropea għall-proprjetà b'responsabilità għall-bini u l-manutenzjoni tal-binjiet ta' l-istituzzjonijiet u l-entitajiet ta' l-UE;

KONKLUŻJONIJIET DWAR IR-RAPPORTI SPEĊJALI MAĦRUĠA MILL-QORTI TA' L-AWDITURI
Parti I: Rapport Speċjali Nru 1/2007 dwar l-implimentazzjoni tal-proċessi ta' nofs iż-żmien, Fondi Strutturali 2000 - 2006

243.  Jinnota li l-Kunsill Ewropew ftiehem waqt il-laqgħa tiegħu f'Berlin f'Marzu 1999 li għall-perjodu 2000-2006 għandhom ikunu disponibbli 195 biljun euro (219-il biljun bil-prezzijiet ta' l-2005) mill-Fondi Strutturali(55), u li 16-il biljun oħra għas-snin 2004-2006 għandhom ikunu allokati għal madwar 200 programm fl-Istati Membri l-ġodda(56);

244.  Jinnota li kien hemm dewmien fl-implimentazzjoni ta' programmi mill-perjodu 1994 - 1999, u minħabba f'hekk dam ma sar l-ipprogrammar għall-perjodu 2000-2006;

245.  Għaldaqstant, huwa ppreokkupat li l-bażi ta' dejta għall-proċessi ta' evalwazzjoni ta' nofs iż-żmien setgħet ma kinitx kbira biżżejjed biex jinstabu konklużjonijiet sodi;

246.  Barra minn hekk, jinnota r-riżultati tar-rapporti speċjali 7/2003 u 10/2006 tal-Qorti Ewropea ta' l-Awdituri dwar l-evalwazzjoni ex-ante u ex-post tan-nefqa tal-Fondi Strutturali rispettivament, li fihom il-Qorti enfasizzat li:

247.  Jenfasizza li l-Kummissjoni ddeskriviet l-għan globali ta' l-evalwazzjoni ta' nofs it-term fid-dokument ta' ħidma tagħha nru 8 kif ġej:

248.  Jilqa' b'sodisfazzjon li l-evalwazzjonijiet urew li l-istrateġiji adottati mill-Istati Membri kienu għadhom adegwati u li l-assorbiment finanzjarju tjieb b'mod ċar; madankollu, kien impossibbli li tkun evalwata l-effikaċja jew li jitkejjel l-impatt tal-programmi/proġetti, peress li s-sett ta' dejta disponibbli spiss tqies li ma kienx biżżejjed;

249.  Huwa inkwetat ħafna li l-Kummissjoni ddeskriviet is-sistemi ta' monitoraġġ ta' l-Istati Membri bħala dgħajfa; b'konsegwenza ma kienx faċli li tingħaraf implimentazzjoni ħażina ta' programmi u proġetti, l-evalwazzjonijiet ex-post kienu mfixkla u l-protezzjoni ta' l-interessi finanzjarji tal-Komunitajiet ma kinux żgurati; instabu rregolaritajiet ta' 600 miljun euro fil-qasam tal-Fondi Strutturali fl-2005 biss;

250.  Jinsisti, għalhekk, li fil-ġejjieni tingħata prijorità kbira lit-twaqqif ta' sistemi ta' monitoraġġ b'saħħithom fl-Istati Membri bħala miżura kontra l-irregolaritajiet u l-possibiltà ta' frodi;

251.  Barra minn hekk jenfasizza l-importanza ta' evalwazzjoniiet analitiċi li jwasslu għal konkulżjonijiet u rakkomandazzjonijiet operattivi;

252.  Jiddispjaċih li kien diffiċli li jitqabblu r-riżultati ta' l-evalwazzjonijiet għaliex l-Istati Membri ma ntalbux isegwu mudell ta' evalwazzjoni standardizzat; għalhekk jistieden lill-Kummissjoni biex tfassal sistema ta' indikaturi jew ta' benchmarking li maż-żmien twassal għal rapporti ta' evalwazzjoni iktar armonizzati, biex b'hekk titjieb il-komparabiltà u, sussegwentement, il-profondità analitika ta' dawn ir-rapporti;

253.  Jinnota li r-regola n+2 wasslet għal aktar użu ta' approprjazzjonijiet; jiġbed l-attenzjoni, madankollu, li għalhekk l-assorbiment finanzjarju sar ukoll għan fih innifsu;

254.  Jinnota wkoll li l-approprjazzjonijiet tar-riżerva ta' rendiment kienu allokati skond il-ħtieġa li jkun immassimizzat l-assorbiment ta' fondi ta' l-UE, aktar milli l-infiq ikun iffukat fuq attivitajiet li kien evalwat li kienu partikolarment effettivi; għalhekk il-proġetti infrastrutturali kienu l-benefiċjarji ewlenin; globalment, il-baġits kienu allokati xort'oħra għall-miżuri li ma pproduċewx biżżejjed infiq;

255.  Jiddispjaċih li, bħala konsegwenza li jkun iffavorit l-assorbiment, il-prijoritajiet orizzontali - bħall-ambjent u l-opportunitajiet indaqs - u l-prijoritajiet ta' politika - bħall-istrateġiji ta' Liżbona jew ta' Gotenburg - spiss ma tqisux;

256.  Jiddispjaċih ukoll li spiss effetti 'deadweight'(57) u ta' sostituzzjoni kienu injorati;

257.  Jaqbel mal-fehma tal-Qorti Ewropea ta' l-Awdituri dwar "(...) tensjonijiet inerenti fl-ippjanar u l-immaniġġjar tal-Fondi Strutturali (...)"(58) matul il-perjodu 2000 - 2006, bħal:

258.  Jirrikonoxxi, fl-istess ħin, li l-Kummissjoni ddeċidiet li tittratta numru ta' dgħjufijiet fir-Regolament (KE) Nru 1083/2006 tal-Kunsill tal-11 ta' Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni(59):

259.  Jistieden lill-Kummissjoni biex tagħmel linji gwida ċari disponibbli għall-Istati Membri fil-bidu tal-perjodu ta' programmazzjoni;

260.  Jilqa' b'sodisfazzjon il-fatt li r-riżultati tar-rapporti ta' evalwazzjoni tqiesu meta tfasslu r-regoli l-ġodda għall-Fondi Strutturali matul il-perjodu 2007-2013; jiddispjaċih madankollu li r-riżultati tal-Parlament wara l-pubblikazzjoni tar-Rapport Speċjali 1/2007 tal-Qorti Ewropea ta' l-Awdituri jkollu biss valur limitat għall-perjodu attwali ta' programmazzjoni;

261.  Jistieden għalhekk lill-Kummissjoni biex tieħu l-passi meħtieġa biex tinvolvi lill-Parlament għalkollox fil-modifiki lir-regolamenti tal-Fondi Strutturali li bi ħsiebha ddaħħal fil-perjodu li jwassal għall-perjodu ta' finanzjament li jmiss li jibda fl-2014;

262.  Huwa tal-fehma li r-regolamenti tal-Fondi Strutturali għandhom jaħsbu għal titjib fil-proċess ta' tagħlim li jkun rifless fid-dispożizzjonijiet legali; dan huwa aktar importanti billi evalwazzjonijiet ex-ante fi tmiem perjodu ta' programmazzjoni ma jistgħux ikunu konklużi fil-ħin qabel ma jidħol fis-seħħ regolament li jkopri l-perjodu l-ġdid ta' finanzjament u programmazzjoni; barra minn hekk, il-kumitati kompetenti tal-Parlament għandhom ikunu kkonsultati regolarment fid-diversi stadji matul il-perjodu ta' finanzjament;

263.  Jistieden lill-Qorti Ewropea ta' l-Awdituri u lill-Kummissjoni biex jagħtu rapport dwar il-miżuri li ttieħdu bħala reazzjoni għar-riżultati tal-Parlament matul il-proċedura ta' kwittanza għall-2006; barra minn hekk, jistieden lill-Kummissjoni biex tippreżenta r-riżultati ta' l-evalwazzjonijiet ex-post 2000-2006 lill-Kumitat tiegħu għall-Kontroll tal-Baġit;

264.  Jitlob lill-Qorti Ewropea ta' l-Awdituri biex tanalizza l-effiċjenza, l-effikaċja u l-impatt ta' miżuri ffinanzjati mill-Fondi Strutturali f'rapport speċjali fil-moment opportun.

Parti II: Raport Speċjali Nru 2/2007 dwar l-infiq ta' l-Istituzzjonijiet fuq bini

265.  Jaċċetta li l-ippjanar għall-futur imbiegħed u t-tbassiriet baġitarji fil-qasam tal-bini huma diffiċli għaliex l-approprjazzjonijiet ikunu deċiżi fuq bażi annwali, u għaliex deċiżjonijiet politiċi ewlenin b'implikazzjonijiet kbar għall-ispazju ta' l-uffiċċji, bħat-tkabbir, m'humiex previsti b'mod preċiż; barra minn hekk, l-implimentazzjoni ta' deċiżjonijiet fil-qasam tal-bini tirrikjedi żmien sinifikanti minn qabel; jissuġġerixxi li għandu jkun hemm dispożizzjoni fil-kontijiet konsolidati ta' l-Unjoni għal xogħlijiet kbar ta' manutenzjoni fuq binjiet;

266.  Jilqa' b'sodisfazzjon il-fatt li l-istituzzjonijiet ta' l-UE joffru lir-rappreżentanti u lill-uffiċjali maħtura - b'mod ġenerali - kundizzjonijiet ta' xogħol xierqa;

267.  Jiddispjaċih, madankollu, li l-istituzzjonijiet ta' l-UE qatt ma impenjaw ruħhom li jiżviluppaw politika komuni għall-bini, li setgħet ppermettitilhom li jfaddlu ammonti kbar; jistieden lill-istituzzjonijiet Ewropej biex iġeddu l-isforzi tagħhom biex jiżviluppaw politika komuni għall-bini u biex jirrappurtaw lill-kumitat parlamentari kompetenti qabel il-proċedura ta' kwittanza għall-2007;

268.  Jistieden lill-istituzzjonijiet Ewropej biex jiżviluppaw kriterji komuni għall-kalkolu ta' l-ispazju u l-ispejjeż ta' l-uffiċċji, u sussegwentement, biex jevalwaw kemm il-ħtiġijiet għall-futur qarib kif ukoll għall-futur imbiegħed;

269.  Jirrikonoxxi f'dan il-kuntest li l-istituzzjonijiet ta' l-UE taw prijorità lix-xiri ta' bini, billi huwa minn 40 sa 50% irħas li tixtri milli tikri;

270.  Jinnota li fl-1979 il-Qorti Ewropea ta' l-Awdituri kienet diġà ssuġġeriet li l-kuntratti tal-kiri għandhom jinkludu għażla ta' xiri bi prezz li jqis il-kera li diġà tħallset (enfitewsi ta' l-akkwist);

271.  Jiddispjaċih li l-kummenti tal-Qorti Ewropea ta' l-Awdituri dwar ix-xiri tal-bini IPE 1 - 3 fi Strasburgu ma jagħtux stampa kompleta tas-sitwazzjoni fl-2006; f'dan il-kuntest, jiġbed l-attenzjoni għar-riżultati tar-riżoluzzjoni tiegħu tas-26 ta' Settembru 2006 mehmuża mad-deċiżjoni dwar il-kwittanza għas-sena finanzjarja 2004(60) u, b'mod partikulari għall-paragrafi 19 u 20 tagħha;

272.  Jistaqsi lill-Kummissjoni għaliex kien indispensabbli li jinkera l-bini MONDRIAN u liema alternattivi kienet qieset;

273.  Jirrikonoxxi li l-istituzzjonijiet ta' l-UE jippreferu jiġbru f'daqqa s-servizzi li jaħdmu f'oqsma simili;

274.  Jagħraf it-tensjoni bejn il-vantaġġi prattiċi tal-qrubija ġeografika li wieħed jibqa' fil-kwartier Ewropew, u l-iżvantaġġi finanzjarji li joriġinaw mill-ħolqien ta' domanda għolja ħafna u prevedibbli fuq is-suq lokali tad-djar;

275.  Jirrikonoxxi f'dan il-kuntest l-isforzi li saru mill-Kummissjoni biex jitnaqqas il-persentaġġ ta' l-ispazju ta' l-uffiċċji tagħha fil-kwartier Ewropew, li bħalissa huwa ta' 82%;

276.  Jistieden lill-istituzzjonijiet Ewropej biex jevalwaw b'attenzjoni l-ħtieġa li jibqgħu fil-kwartier Ewropew meta jittrasferixxu partijiet mis-servizzi tagħhom;

277.  Isaqsi lill-amministrazzjoni għaliex damet ma saret il-hand-over tal-bini D4-D5 u għaliex ma kienx possibbli li jitqies fi stadju iktar bikri l-leġiżlazzjoni dwar l-akkwist pubbliku, il-proċeduri kumplessi tan-negozjar u politika tajba tal-viċinat;

278.  Isaqsi lill-istituzzjonijiet ta' l-UE għaliex, skond il-Qorti Ewropea ta' l-Awdituri, użaw daqshekk il-proċedura nnegozjata, filwaqt li evitaw is-sejħiet għal offerti, u għaldaqstant kellhom iħallsu prezz għall-kostruzzjoni ta' bini jew għal xogħlijiet li ma ntgħażilx permezz ta' kompetizzjoni miftuħa;

279.  Jinsisti li l-istituzzjonijiet ta' l-UE għandhom jużaw kemm jistgħu is-sejħiet għal offerti kompetittivi;

280.  Jenfasizza li fin-nuqqas ta' proċeduri kompetittivi ta' sejħiet għal offerti, il-prezzijiet ta' xiri għal kostruzzjonijiet u/jew għal kirjiet fit-tul m'għandhomx ikunu aktar mill-ispejjeż tal-kostruzzjoni;

281.  Iqis li kuntratti tal-kera għal perjodu twil ta' żmien għandhom juru l-prezz ta' xiri, u li l-kuntratturi għandhom jagħtu garanziji finanzjarji xierqa sabiex ikun żgurat ir-rendiment sħiħ tal-kuntratti sa l-aċċettazzjoni finali(61);

282.  Jistieden lill-istituzzjonijiet ta' l-UE biex iwaqqfu "ftehimiet dwar il-kwartieri ġenerali" mal-pajjiżi ospitanti tal-postijiet ta' ħidma ewlenin ta' l-istituzjjonijiet ta' l-UE;

283.  Jiġbed l-attenzjoni li, skond l-Artikolu 14 tar-Regolament Finanzjarju, il-Komunitajiet u l-korpi mwaqqfa minnhom ma jistgħux jissellfu; f'dan il-kuntest jissuġġerixxi li għandhom jintużaw aktar is-servizzi finanzjarji tal-Bank Ewropew ta' l-investiment, u proċeduri ta' sejħiet għal-offerti fis-suq finanzjarju sabiex tkun stabbilita r-rata ta' l-interessi;

284.  Itenni l-pożizzjoni tiegħu dwar id-dħul fil-baġit tal-politika tiegħu dwar il-bini, kif ripetut f'punt 5 tar-riżoluzzjoni tiegħu ta' l-24 ta' April 2007 mehmuża mad-deċiżjoni dwar il-kwittanza għas-sena finanzjarja 2005, Taqsima I - Parlament Ewropew(62): (...) Ifakkar lill-korpi kompetenti tiegħu dwar id-deċiżjoni tiegħu li "... ħlasijiet għal bini... għandhom ikunu parti mill-istrateġija baġitarja'; għalhekk jikkritika lill-korpi kompetenti tiegħu talli naqsu kontinwament milli jibbaġittjaw b'mod ċar biżżejjed il-politika dwar il-proprjetà tal-Parlament għal akkwist fil-futur (il-linja tal-baġit 'akkwisti ta' proprjetà immobbli' turi biss entrati għall-2005, 2006 u 2007)";

285.  Jitlob lill-Qorti Ewropea ta' l-Awdituri biex tispjega kif l-istituzzjonijiet ta' l-UE jistgħu jużaw aħjar l-"approprjazzjonijiet divrenzjati";

286.  Jenfasizza li l-istituzzjonijiet ta' l-UE għandu jkollhom kontroll amministrattiv, tekniku u finanzjarju komplet fuq il-proġetti ta' bini tagħhom; għal dan il-għan għandhom iqabbdu konsulenti bi kwalifiki għolja jew jiżviluppaw kompetenza xierqa fi ħdan il-qafas interistituzzjonali(63);

287.  Ifakkar lill-istituzzjonijiet ta' l-UE dwar it-talba tiegħu mfissra f'paragrafu 20 tar-riżoluzzjoni tiegħu msemmija hawn fuq mehmuża mad-deċiżjoni dwar il-kwittanza għas-sena finanzjarja 2004: "(...) jinkariga lill-amministrazzjoni tiegħu biex, f'konsultazzjoni ma' l-istituzzjonijiet l-oħra ta' l-Unjoni, tfassal rapport li jeżamina jkunx fattibbli li titwaqqaf Awtorità Ewropea għall-Bini inkarigata bir-responsabiltà għall-kostruzzjoni u l-manutenzjoni tal-bini ta' l-istituzzjonijiet u l-korpi ta' l-UE; jitlob li dan ir-rapport jitressaq lill-Kumitat għall-Kontroll tal-Baġit sa mhux aktar tard mill-1 ta' Ottubru 2007";

Parti III: Rapport Speċjali Nru 3/2007 dwar il-ġestjoni tal-Fond Ewropew għar-Refuġjati (2000-2004)

288.  Ifakkar lil kulmin hu involut dwar il-fatt li l-Fond Ewropew għar-Refuġjati (ERF) twaqqaf bil-għan li jipprovdi qafas għat-tħejjija ta" politika komuni dwar il-kenn, inklużi arranġamenti komuni Ewropej għall-kenn bħala komponent ta" l-objettiv ta" l-UE li toħloq b'mod progressiv zona ta" libertà, sigurtà u ġustizzja li tkun miftuħa għal dawk li jkunu qegħdin ifittxu li jiġu protetti b'mod leġittimu fiha;

289.  Jenfasizza l-fatt li sa mill-ħolqien ta" l-ERF I, ġew adottati għadd kbir ta" direttivi, regolamenti u deċiżjonijiet, li xi wħud minnhom ġew promossi b'mod dirett jew indirett permezz tal-ħolqien tal-fond;

290.  Jenfasizza l-fatt li l-ERF III(64) se jaħdem b'kundizzjonijiet differenti minn dawk ta" l-ERF I; għalhekk għandu jkun marbut mill-qrib ma' l-implimentazzjoni tad-Direttivi tal-Kunsill 2001/55/KE(65) u 2004/83/KE(66);

291.  Jenfasizza l-fatt li, madankollu, l-ERF III għandu jkompli jikkontribwixxi għall-iżvilupp futur ta" politika ta" l-UE f'dan il-qasam, b'mod partikolari bil-għan li titħejja analiżi mill-ġdid tal-"Konvenzjoni ta" Dublin II", saħansitra li tkun definita mill-ġdid b'mod ċar ir-rijorganizzazzjoni volontarja ta" dawk li jkunu qegħdin ifittxu l-kenn fl-UE sabiex jintlaħaq arranġament ta" qsim tal-piżijiet;

292.  Jistieden lill-Kummissjoni sabiex tkompli bl-isforzi tagħha li tipprevjeni interpretazzjonijiet differenti tar-regoli ta" l-ERF mill-Istati Membri, u sabiex tilqa" t-tnedija ta" seminars dwar prattika tajba li jgħaddu l-esperjenza miksuba f'xi Stati Membri lil Stati Membri oħrajn, b'mod partikolari lil Stati Membri ġodda li għadhom inqas familjari ma" l-ERF;

293.  Jistieden lill-Kummissjoni sabiex tisfrutta kull possibiltà li tgħaġġel il-ħlasijiet dovuti lill-Istati Membri u sabiex tqajjem kuxjenza fost l-Istati Membri dwar il-ħtieġa li l-ħlasijiet jitħallsu fiż-żmien opportun, b'mod partikolari għall-benefiċjarji iżgħar, bil-għan li ma jiġux ipperikolati proġetti innovattivi u li l-NGOs b'baġit iżgħar jingħataw ukoll appoġġ sabiex jieħdu sehem fl-ERF III;

294.  Jinsisti li d-dikjarazzjonijiet nazzjonali ta" l-assigurazzjoni għandhom ikopru l-oqsma kollha fejn l-Istati Membri huma responsabbli b'mod konġunt mill-infiq tal-fondi ta" l-UE, bħal ngħidu aħna l-ERF;

295.  Jistieden lid-Direttorat Ġenerali għall-Baġit sabiex iqis mill-ġdid il-prattika tiegħu ta" l-irkupru, minħabba li l-irkupru permezz ta" proġetti mhux relatati huwa kontroproduttiv għall-iffunzjonar ta' programmi speċifiċi (b'mod partikolari jirriżulta fi ħlasijiet tard ta" ammonti tal-prefinanzjament); ordnijiet ta" rkupru għandhom jinħarġu lill-Ministeru tal-Finanzi ta" l-Istat Membru konċernat minflok li jsir irkupru awtomatiku minn xi ħlas li jkun se jiġi konċess lil dak l-Istat Membru;

296.  Jistieden lill-Kummissjoni sabiex tuża l-ERF b'mod iktar proattiv, sabiex jissaħħaħ il-progress lejn Politika Komuni dwar il-Kenn;

297.  Jistieden lill-Kummissjoni sabiex tkompli bl-isforzi tagħha biex tkun żgurata l-armonizzazzjoni ta" dejta statistika biex ikunu evitati manipulazzjonijiet fi programmi fejn it-tqassim b'mod raġonevoli tal-fondi jiddependi minn dejta statistika pprovduta mill-Eurostat;

Parti IV: Rapport Speċjali Nru 4/2007 dwar kontrolli fiżiċi u ta' sostituzzjoni fuq kunsinni ta' rimborsi fuq l-esportazzjoni

298.  Jilqa' b'sodisfazzjon il-pubblikazzjoni tar-Rapport Speċjali Nru 4/2007 u jħeġġeġ lill-Kummissjoni biex tittratta n-nuqqasijiet identifikati fir-rapport, kif ukoll biex tieħu azzjoni skond ir-rakkomandazzjonijiet tal-Qorti Ewropea ta' l-Awdituri;

299.  Jaqbel mal-Kummissjoni li sakemm ma jitħallas l-aħħar rimbors fuq l-esportazzjoni, "trid tibqa' fis-seħħ sistema ta' kontroll li taħdem għalkollox"; għalhekk jistenna li l-Kummissjoni tuża s-setgħa ta' inizjattiva tagħha biex tressaq proposti konkreti sabiex ittejjeb is-sitwazzjoni;

300.  Jilqa' b'sodisfazzjon f'dan ir-rigward ir-Regolament tal-Kunsill (KE) Nru 14/2008 tas-17 ta' Diċembru 2007 li jemenda r-Regolament (KEE) Nru 386/90 dwar is-sorveljanza mwettqa fil-waqt ta" l-esportazzjoni tal-prodotti agrikoli li jirċievu rifużjonijiet jew ammonti oħra(67), li jippermetti lill-Istati Membri li japplikaw l-analiżi tar-riskju biex jiffissaw ir-rata ta' kontroll għal 5% għal kull Stat Membru minflok għal kull uffiċċju tad-dwana; jiddispjaċih madankollu għan-nuqqas ta' kalendarju ċar fit-tweġibiet tal-Kummissjoni fir-rigward tal-proposti futuri tagħha, meta jitqies iż-żmien qasir qabel ma jitneħħew gradwalment ir-rimborsi fuq l-esportazzjoni;

301.  Jiddeplora d-diversi nuqqasijiet li jnaqqsu l-effikaċja ta' kontrolli fiżiċi, b'mod partikulari l-fatt li wieħed jista' jbassar il-kontrolli, in-numru għoli ta' esportazzjonijiet ta' valur żgħir u ta' riskju baxx li qed ikunu kkontrollati kif ukoll il-metodu użat biex ikun ikkontrollat il-ġarr ta' prodotti bil-massa;

302.  Fir-rigward ta' kontrolli ta' sostituzzjoni, jiddispjaċih li l-kontrolli ma kinux bir-reqqa biżżejjed u li l-interpretazzjoni tan-numru ta' kontrolli li kellhom isiru varja bejn l-Istati Membri;

303.  Jilqa' b'sodisfazzjon il-kopertura xierqa ta' kontrolli ewlenin mill-Kummissjoni meta timmoniterja l-kontrolli; madankollu jifhem il-preokkupazzjonijiet tal-Qorti Ewropea ta' l-Awdituri li l-Kummissjoni ma rreaġixxietx, permezz ta' bidliet leġiżlattivi jew korrezzjonijiet finanzjarji f'waqthom, minkejja l-fatt li kienet taf bid-dgħjufijiet għal żmien konsiderevoli;

304.  Jinnota u jilqa' b'sodisfazzjon il-fatt li l-integrità tas-siġilli hija vverifikata mill-awtoritajiet kompetenti fil-fruntieri tal-Lvant ta' l-UE, u jinkuraġġixxi lill-Istati Membri l-oħra biex isegwu dan l-eżempju;

305.  Jistieden lill-Kummissjoni biex tkompli l-isforzi tagħha biex timmodifika l-leġiżlazzjoni rilevanti bil-għan li tittratta, fost oħrajn, il-kwistjoni ta' "spezzjonijiet tail-gate", u biex iddaħħal l-użu obbligatorju ta' l-analiżi tar-riskju għal proċeduri ta' esportazzjoni, skond l-evalwazzjoni tal-Qorti Ewropea ta' l-Awdituri;

Parti V: Rapport Speċjali Nru 5/2007 dwar l-immaniġġjar tal-programm CARDS mill-Kummissjoni

306.  Jikkunsidra li l-programm CARDS kien ta" kontribut kbir għall-politika ta" l-istabbilizzazzjoni u ta" konnessjoni;

307.  Jiddispjaċih għan-nuqqas kbir ta" trasparenza fl-amministrazzjoni tal-Kummissjoni u tad-delegazzjonijiet tagħha, ħaġa li ma tippermettix li ssir evalwazzjoni; jikkunsidra inammissibbli li l-Kummissjoni m'għandhiex idea tal-globalità tal-proġetti ffinanzjati mill-programm CARDS, filwaqt li l-Aġenzija Ewropea għar-Rikostruzzjoni (EAR) tpoġġi l-lista tal-kuntratti li ffirmat, b'indikazzjoni tal-programmi u tal-proġetti, għad-dispożizzjoni tal-pubbliku;

308.  Ifakkar ir-rakkomandazzjonijiet stipulati fir-riżoluzzjoni tiegħu ta' l-24 ta' April 2007 mehmuża mad-deċiżjoni dwar il-kwittanza għall-implimentazzjoni tal-baġit ta' l-EAR għas-sena finanzjarja 2005(68), u b'mod partikulari l-punt 23 tagħha;

309.  Jistagħġeb meta jagħraf li fil-pajjiżi fejn l-amministrazzjoni tal-programm CARDS kienet taħt l-awspiċji ta" l-EAR, l-Aġenzija waħedha hija responsabbli għall-iskedar ta' l-Istrument għall-Għajnuna ta' Qabel l-Adeżjoni (IPA) għall-2007 u l-2008, kif ukoll tal-preparamenti għas-sejħiet għall-offerti li jirrikjedu l-firma tal-Kummissjoni; jinnota li dan imur kontra l-mandat ta" l-EAR u li partikolarment, il-proċedura tal-preparament għas-sejħiet għal offerti tixbah il-prattika tat-"TAOs" (Uffiċċji għall-Għajnuna Teknika), ikkundannati mill-Parlament u li ngħalqu b'riżultat ta" dan;

310.  Huwa tal-fehma, f'dan il-kuntest, li fl-2006 l-Kummissjoni ma ssodisfatx l-obbligi li ġejjin mid-deċiżjoni tagħha stess ta" l-2005 dwar it-tneħħija gradwali ta" l-EAR, u li kienet tispeċifika li d-delegazzjonijiet fid-diversi pajjiżi tal-Balkani kellhom ikunu kompletament responsabbli sa mill-bidu ta" l-IPA;

311.  Jitlob lill-Qorti ta' l-Awdituri sabiex twettaq verifika ta' segwitu dwar tqabbil bejn it-tmexxija mill-Kummissjoni tal-programm CARDS u t-tmexxija, mill-EAR, f'isem il-Kummissjoni, ta' dan il-programm, li r-riżultati tagħha għandhom jiġu ppreżentati lill-Parlament sa Settembru 2008;

Parti VI: Rapport Speċjali Nru 7/2007 (skond l-Artikolu 248(4), it-tieni subparagrafu, tat-Trattat KE) dwar is-sistemi ta' kontroll, ta' spezzjoni u ta' sanzjoni fir-rigward tar-regoli dwar il-konservazzjoni tar-riżorsi Komunitarji tas-sajd

312.  Jilqa' b'sodisfazzjon il-pubblikazzjoni tar-rapport u jifraħ lill-Qorti Ewropea ta' l-Awdituri għall-kontribut tagħha ta' siwi kbir biex tkun ittrattata din il-kwistjoni importanti ħafna ta' politika Ewropea;

313.  Jikkunsidra bis-serjetà l-kritika ta' l-ECA u jqis li din għandha tirriżulta f'bidliet radikali fil-politika;

314.  Jilqa' b'sodisfazzjon l-intenzjoni ddikjarata tal-Kummissjoni li tittratta dawk in-nuqqasijiet imsemmija fir-rapport, kif ukoll li tieħu azzjoni skond ir-rakkomandazzjonijiet tal-Qorti Ewropea ta' l-Awdituri; jiddispjaċih madankollu għan-nuqqas ta' kalendarju ċar fit-tweġibiet tal-Kummissjoni fir-rigward tal-proposti futuri tagħha;

315.  Jilqa' b'sodisfazzjon l-inizjattiva tal-Presidenza Slovena li tlaqqa' Kunsill Straordinarju tas-Sajd dwar il-Kontroll tas-Sajd fit-18 ta' Frar 2008 biex jiddiskuti dan ir-rapport;

316.  Jerġa' jiddikjara li l-immaniġġjar sod tar-riżorsi skond il-prinċipju ta' prekawzjoni u l-prinċipju ta' l-iżvilupp sostenibbli jirrikjedi t-tisħiħ tal-mekkaniżmi ta' kontroll eżistenti sabiex l-Istat tal-bandiera u l-Istat kostali fejn ikunu qed joperaw il-bastimenti jista' jkollhom aċċess għall-informazzjoni dak il-ħin stess u kulmeta jixtiequ dwar fejn ikun qiegħed il-bastiment u dwar x'tip ta' sajd ikun qed isir;

317.  Fl-istess ħin jistieden lill-Kummissjoni sabiex, meta tkun qed tirrevedi r-Regolament tal-Kunsill (KEE) Nru 2847/93 tat-12 ta' Ottubru 1993 li jistabbilixxi sistema ta' kontroll applikabbli għall-politika komuni tas-sajd (ir-Regolament ta' Kontroll)(69), tipproponi miżuri biex tiggarantixxi l-kwalità u l-affidabilità tad-dejta dwar il-qabdiet;

318.  Jinnota li, flimkien mal-mekkaniżmi ta' kontroll, hemm problema fundamentali li tirrigwarda l-livelli ta' kwoti għas-sajd innegozjati mill-Istati Membri; jenfasizza li mhux aċċettabbli li sena wara sena, l-Istati Membri jiffissaw kwoti f'livell ogħla minn dak rakkomandat minn riċerkaturi għal sajd sostenibbli;

319.  Jenfasizza li, flimkien mal-mekkaniżmi ta' kontroll, is-sistema ta' kwoti nnegozjati hija problema fundamentali; iqis li ma jkunx sodisfaċenti li, sena wara sena, l-kwoti jiġu ffissati f'livell ogħla milli jirrakkomandaw ir-riċerkaturi sabiex jinżammu stokks vijabbli ta' ħut;

320.  Jilqa' b'sodisfazzjon is-sentenza tal-Qorti Ewropea tal-Ġustizzja fil-kawża C-304/-02 il-Kummissjoni vs ir-Repubblika ta' Franza(70), li tat lill-komunità konferma ċara dwar l-irwol u l-obbligi ta' l-Istati Membri fir-rigward tal-kontroll u l-infurzar tar-regoli tal-politika komuni tas-sajd (CFP);

321.  Jinnota, madankollu, li għaddew 21 sena bejn iż-żmien meta nstab li nkisret il-liġi u ż-żmien meta ttieħdet din id-deċiżjoni, u li s-sostenibilità ta' l-intrapriżi Ewropej tas-sajd ma taffordjax li jgħaddi daqshekk żmien biex jitranġaw in-nuqqasijiet;

322.  Jenfasizza l-importanza ta' azzjoni mill-Kummissjoni kontra Stati Membri individwali fejn ikun hemm suspett li jkunu qegħdin jiksru jew jinjoraw is-sistemi ta' kontroll, ispezzjoni jew ta' sanzjonijiet tal-CFP.

323.  Jilqa' b'sodisfazzjon l-inizjattiva tal-Kummissjoni li tesplora l-possibiltà li fl-inizjattivi ġodda proposti dwar is-sajd illegali, mhux regolat u mhux irrappurtat (IUU), jiġu inklużi sanzjonijiet amministrattivi armonizzati li jkunu applikati għal ċerti 'reati-IUU' speċifiċi;

324.  Jilqa' b'sodisfazzjon il-komunikazzjoni mill-Kummissjoni (COM(2007)0039) li tniedi dibattitu dwar it-titjib tal-kapaċità tas-sajd u l-indikaturi ta" l-isforz taħt il-Politika Komuni tas-Sajd u għalhekk jistenna li l-Kummissjoni tuża s-setgħa ta' inizjattiva tagħha biex tressaq proposti konkreti sabiex ittejjeb tassew is-CFP;

325.  Jinnota u jilqa' b'sodisfazzjon il-fatt li wara l-pubblikazzjoni tar-Regolament tal-Kunsill (KE) Nru 1966/2006 tal-21 ta' Diċembru 2006 dwar ir-reġistrazzjoni u r-rappurtar elettroniku ta' l-attivitajiet tas-sajd u dwar il-mezzi ta' tiftix remot(71), il-Kummissjoni minnufih ħejjiet ir-regoli ta' implimentazzjoni tagħha (Regolament tal-Kummissjoni (KE) Nru 1566/2007 tal-21 ta' Diċembru 2007 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1966/2006 dwar ir-reġistrazzjoni u r-rappurtar elettroniku ta" l-attivitajiet tas-sajd u dwar il-mezzi ta" tiftix remot(72));

326.  Jiddispjaċih li, anke jekk il-Kummissjoni pproponiet sistemi ta' sforz sempliċi u kontrollabbli, is-sistema saret konsiderevolment aktar ikkomplikata, minħabba numru kbir ta' derogi mdaħħla wara talba mill-Istati Membri waqt diskussjonijiet fil-Kunsill u li naqqsu konsiderevolment il-kontrollabilità tas-sistema kollha kemm hi;

327.  Iqis li l-qafas leġiżlattiv attwali huwa kumpless wisq u mhux aġġornat u jħeġġeġ lill-Kummissjoni biex tuża s-setgħa ta' inizjattiva tagħha biex tressaq proposti konkreti sabiex tittejjeb is-sitwazzjoni bil-għan tas-simplifikazzjoni u l-armonizzazzjoni tal-leġiżlazzjoni tas-CFP;

328.  Jiddeplora d-diversi dgħjufijiet li jnaqqsu l-effikaċja tal-kontrolli fiżiċi, u n-nuqqasijiet fis-sistema ta' trażmissjoni tad-dejta kollha kemm hi fl-Istati Membri, kif ukoll in-nuqqas ta' kultura Ewropea ta' kontroll fil-qasam tal-ħut;

329.  Jilqa' b'sodisfazzjon l-isforzi tal-Kummissjoni biex ittejjeb is-sitwazzjoni fir-rigward tad-dejta dwar il-qabdiet u l-bejgħ, taż-żmien opportun ta' rrappurtar, bl-użu ta' teknoloġiji ġodda; iqis li r-regolament dwar ir-rekordjar u r-rappurtar elettroniċi jżid l-effiċjenza tas-sistemi ta' validazzjoni, pereżempju billi jaħseb għat-trażmissjoni elettronika immedjata ta' kopja tal-fattura tal-bejgħ lill-Istat tal-bandiera u lill-awtoritajiet ta' l-Istat fejn jinħatt il-ħut sabiex tkun tista' tiġi ċċekkjata darbtejn mad-dikjarazzjoni tal-ħatt;

330.  Jistieden lill-Kummissjoni biex iżżid l-għajnuna reċiproka u l-koperazzjoni amministrattiva bejn l-awtoritajiet ta' l-Istati Membri u l-iskambju ta' informazzjoni bejn l-uffiċjali nazzjonali kompetenti billi toħloq sistema bħal dik li diġà qiegħda fis-seħħ għas-sistema Komunitarja tal-VAT;

331.  Iqis li l-kontroll huwa importanti ħafna kif ukoll li s-CFP kollha jkollha sistema li jippermetti l-kontroll tal-qabdiet mill-oriġini sal-konsumatur aħħari, kif teżisti diġà fis-suq intern fir-rigward tal-prodotti kollha ta' l-ikel, u jħeġġeġ lill-Kummissjoni biex iddaħħal sistema bħal din;

332.  Jenfasizza li l-kwoti tas-sajd iffissati jridu jiġu rrispettati u miżmuma; iqis li l-Kummissjoni trid tieħu azzjoni qawwija u determinata f'każ ta' kwalunkwe suspett ta' vjolazzjoni tas-sistema ta' kwoti, jew frodi kontra tagħha;

333.  Jistieden lill-Kummissjoni u lill-Istati Membri biex iżidu l-kompetenzi ta' l-Aġenzija Komunitarja għall-Kontroll tas-Sajd u biex jippromwovu l-irwol eżekuttiv importanti ta' l-Aġenzija fil-kontroll u l-armonizzazzjoni tas-CFP u fit-titjib tat-trasparenza u tal-koordinazzjoni bit-twaqqif ta' prattiki komuni skond il-qasam ta' applikazzjoni tal-pjanijiet konġunti ta' implimentazzjoni;

334.  Jistieden lill-Kummissjoni biex tipproponi u lill-Istati Membri biex jaċċettaw il-kompetenzi li qed jiżdiedu tal-kontrolluri tal-Kummissjoni, li għandu jkollhom setgħat akbar sabiex tinħoloq strateġija komuni ta' kontroll Ewropew fis-CFP;

335.  Iqis, f'dan il-kuntest, li l-proporzjon bejn l-ispejjeż u l-benefiċċji li jeżisti bejn ir-riżorsi ddedikati lill-attivitajiet ta' kontroll fis-CFP u r-riżultati miksuba minn dawn il-kontrolli (il-proporzjonalità u l-effikaċja f'sens ta' nfiq tal-kontrolli) għandu jkun element ewlieni li jrid jitqies mill-Kummissjoni fil-proposti futuri tagħha dwar is-CFP;

336.  Jinnota, f'dan ir-rigward, li l-mekkaniżmi ta' kontroll l-iktar effettivi f'sens ta' nfiq huma dawk fejn il-partijiet interessati għandhom interess dirett li jħarsu s-sostenibiltà ta' l-intrapriżi tas-sajd;

337.  Jistieden lill-Istati Membri, fil-qafas tat-tnaqqis ta' l-isforzi, biex jiddeċiedu jekk tnaqqis bħal dan isirx permezz ta':

338.  Jistieden lill-Kummissjoni biex tkompli bl-isforzi tagħha biex timmodifika l-leġiżlazzjoni rilevanti biex tittratta, fost affarijiet oħra, il-kwistjoni tal-kapaċità żejda, u biex tipproponi miżuri sabiex titnaqqas il-kapaċità żejda fl-industrija tas-sajd.

339.  Jistieden lill-Kummissjoni sabiex tirrevedi soluzzjonijiet politiċi alternattivi li bis-saħħa tagħhom titnaqqas il-ħtieġa ta' kontrolli u ta' sanzjonijiet billi tiżdied ir-responsabilità professjonali individwali tas-sajjieda lejn stokks vijabbli, kif ukoll l-interess tagħhom fihom;

Parti VII: Rapport Speċjali Nru 9/2007 (skond l-Artikolu 248(4), it-tieni subparagrafu, tat-Trattat KE) dwar l-Evalwar tal-programmi ta' qafas ta' l-UE għar-Riċerka u l-Iżvilupp Teknoloġiku (RTD) - jista' jittejjeb l-approċċ tal-Kummissjoni?

340.  Jirrikonoxxi li l-verifika kopriet l-arranġamenti ta' monitoraġġ u evalwazzjoni li kienu fis-seħħ għall-aħħar tliet perjodi ta' programmazzjoni mill-1995 kif ukoll il-prospetti għall-programm ta' qafas RTD mill-2007 sa l-2013;

341.  Jenfasizza li l-programmi ta' qafas għall-perjodu mill-1995 sa l-2006 ngħataw EUR 42.63 biljun, u għalhekk saru l-istrument finanzjarju l-iktar importanti li jikkontribwixxi lill-Istrateġija ta' Liżbona; taħt il-qafas finanzjarju attwali, s-7 programm ta' qafas irċieva EUR 50.52 biljun;

342.  Jinnota li l-Qorti Ewropea ta' l-Awdituri ttrattat il-kwistjoni ta' jekk l-approċċ tal-Kummissjoni fl-assessjar tar-riżultati tal-programmi ta' qafas kienx xieraq jew le, filwaqt li tqiesu b'mod partikulari l-loġika ta' l-intervent, l-istrateġija ta' l-evalwazzjoni u l-metodoloġiji;

343.  Jilqa' b'sodisfazzjon il-fatt li matul is-snin li għaddew il-Kummissjoni diġà daħħlet għadd konsiderevoli ta' titjib;

344.  Josserva li l-Qorti Ewropea ta' l-Awdituri nnutat li l-objettivi tal-programmi ma tfasslux sew u nnutat ukoll nuqqas ta' loġika espliċita ta' intervent; jirrikonoxxi madankollu li l-objettivi tal-programmi huma deċiżi mill-partijiet interessati u mill-koleġiżlaturi; għalhekk jistieden lil min jieħu d-deċiżjonijiet biex jagħtu attenzjoni partikulari lit-tfassil ta' objettivi li jistgħu jintlaħqu; jirrikonoxxi li loġika iktar espliċita ta' intervent hija inkluża fis-7 Programm ta' Qafas RTD(73); jenfasizza li l-objettivi jridu jkunu operattivi u li jistgħu jitkejlu ("benchmarking") sabiex ikunu jistgħu jintużaw l-indikaturi tar-rendiment u l-monitoraġġ effettiv;

345.  Jinnota li l-Qorti Ewropea ta' l-Awdituri kkritikat in-nuqqas ta' strateġija ta' evalwazzjoni komprensiva; jiġbed l-attenzjoni f'dan il-kuntest għat-titjib permezz ta' l-evalwazzjoni ta' l-impatt u l-evalwazzjoni ex-ante tas-7 programm ta' qafas RTD (SEC(2005) 0430);

346.  Jirrikonoxxi l-kritika tal-Qorti Ewropea ta' l-Awdituri li l-mekkaniżmi ta' koordinazzjoni eżistenti fid-direttorati ġenerali li jimplimentaw il-programmi ta' qafas RTD ma kinux effettivi; madankollu, f'dan l-istadju għadu m'huwiex konvint mill-idea li jinħoloq "uffiċċju konġunt għall-evalwazzjoni"; għalhekk jissuġġerixxi li d-Direttorat Ġenerali għar-Riċerka jassumi aktar responsabiltà u rwol ta' koordinazzjoni; jaqbel mal-fehma tal-Qorti Ewropea ta' l-Awdituri li l-pariri minn esperti esterni għandhom ikunu stabbiliti fi stadju bikri u jibqgħu fis-seħħ sabiex ikun garantit approċċ konsistenti u koerenti, b'mod partikulari billi l-evalwazzjonijiet huma skedati għall-2008 (evalwazzjoni ex-ante tas-6 programm ta' qafas RTD), għall-2009 (rapport interim fattwali dwar is-7 programm ta' qafas RTD), għall-2010 (evalwazzjoni ta' nofs it-term tas-7 programm ta' qafas RTD) u għall-2015 (evalwazzjoni ex-post tas-7 programm ta' qafas RTD);

347.  Jinnota r-rimarka tal-Qorti Ewropea ta' l-Awdituri li ngħataw gwidi metodoloġiċi mhux xierqa; għalhekk jistieden lill-Kummissjoni biex tikkunsidra l-pubblikazzjoni ta' manwal dwar l-evalwazzjoni; jaf li r-rekwiżiti ta' rappurtar kienu riveduti fis-7 programm ta' qafas RTD bil-għan li tinħoloq bażi ta' dejta iktar b'saħħitha għall-evalwazzjoni u l-monitoraġġ;

348.  Huwa tal-fehma li l-kwalità ta' l-evalwazzjonijiet ta' nofs iż-żmien u ex-post tiċċara l-punti ta' referenza msemmija (i.e. l-objettivi li jistgħu jitkejlu, l-impatt mistenni, il-monitoraġġ effettiv, bażi ta' dejta b'saħħitha); jenfasizza li l-evalwazzjonijiet ikunu aktar utli jekk il-programmi ta' qafas ikunu adattabbli (programmi "ta' tagħlim") u jekk il-konklużjonijiet ikunu jistgħu jintużaw biex jittejbu l-programmi fis-seħħ;

349.  Jistieden lill-Kummissjoni biex iżżomm f'moħħha r-rakkomandazzjonijiet tal-Qorti Ewropea ta' l-Awdituri meta twettaq l-evalwazzjonijiet skedati fl-2008, fl-2009, fl-2010 u fl-2015;

o
o   o

350.  Jistieden lill-Qorti Ewropea ta' l-Awdituri biex timmoniterja l-verifika tagħha qabel l-eżerċizzju ta' kwittanza għall-2010 u biex tagħti rapport lill-Kumitat għall-Kontroll tal-Baġit; jitlob lill-Qorti Ewropea ta' l-Awdituri biex tħares lejn l-ammonti li ntefqu fuq l-evalwazzjonijiet b'rabta mal-valur ta' programmi speċifiċi u lejn kif dan il-persentaġġ huwa marbut ma' programmi RDT oħra f'pajjiżi terzi (eż. il-Kanada).

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 107, 30.4.2004, p. 1. (4) ĠU C 216, 14.9.2007, p. 3. (5) ĠU C 273, 15.11.2007, p. 1. (6) ĠU C 274, 15.11.2007, p. 130. (7) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (8) ĠU L 78, 15.3.2006. (9) ĠU C 274, 15.11.2007, p. 1. (10) ĠU C 261, 31.10.2007, p. 32. (11) ĠU C 107, 30.4.2004, p. 1. (12) ĠU C 216, 14.9.2007, p. 3. (13) ĠU C 309, 19.12.2007, p. 13. (14) ĠU C 274, 15.11.2007, p. 130. (15) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (16) ĠU L 11, 16.1.2003, p. 1. (17) ĠU L 297, 22.9.2004, p. 6. Regolament kif emendat bir-Regolament (KE) Nru 1821/2005 (ĠU L 293, 9.11.2005, p.10) (18) ĠU L 24, 27.1.2005, p. 35. Deċiżjoni kif emendata bid-Deċiżjoni 2007/114/KE (ĠU L 49, 17.2.2007, p. 21) (19) ĠU L 78, 15.3.2006. (20) ĠU C 274, 15.11.2007, p. 1. (21) ĠU C 261, 31.10.2007, p. 29. (22) ĠU C 107, 30.4.2004, p. 1. (23) ĠU C 216, 14.9.2007, p. 3. (24) ĠU C 309, 19.12.2007, p. 18. (25) ĠU C 274, 15.11.2007, p. 130. (26) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (27) ĠU L 11, 16.1.2003, p. 1. (28) ĠU L 297, 22.9.2004, p. 6. Regolament kif emendat bir-Regolament (KE) Nru 1821/2005 (ĠU L 293, 9.11.2005, p.10) (29) ĠU L 5, 9.1.2004, p. 85. Deċiżjoni kif emendata bid-Deċiżjoni 2007/372/KE (ĠU L 140, 1.6.2007, p. 52) (30) ĠU L 78, 15.3.2006. (31) ĠU C 274, 15.11.2007, p. 1. (32) ĠU C 107, 30.4.2004, p. 1. (33) ĠU C 216, 14.9.2007, p. 3. (34) ĠU C 273, 15.11.2007, p. 1. (35) ĠU C 274, 15.11.2007, p. 130. (36) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (37) ĠU L 11, 16.1.2003, p. 1. (38) ĠU L 78, 15.3.2006. (39) ĠU C 274, 15.11.2007, p. 1. (40) ĠU C 107, 30.4.2004, p. 1. (41) ĠU C 216, 14.9.2007, p. 3. (42) ĠU C 273, 15.11.2007, p. 1. (43) ĠU C 274, 15.11.2007, p. 130. (44) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (45) ĠU L 187, 15.7.2008, p. 25. (46) ĠU C 139, 14.6.2006, p. 1, kif emendata l-aħħar bid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7). (47) ĠU L 390, 30.12.2006, p. 1. (48) ĠU L 270, 21. 10.2003, p.1. regolament kif emendat l-aħħar bir-Regolament tal-Kummissjoni (KE) Nru 293/2008 (ĠU L 90, 2.4.2008, p.5). (49) Id-dikjarazzjoni tal-Kummissjoni skond l-Azzjoni 1 fir-rapport ta' progress tagħha fuq imsemmi ta' l-2008 dwar il-pjan ta' azzjoni lejn qafas ta' kontroll intern integrat. (50) L_Azzjoni 11N taqra: "biex jiġi ddeterminat jekk is-sistemi ta' rkupru u kumpensi jaħdmux b'mod effettiv, billi jiġu identifikati l-ammonti rkuprati fl-2005 u l-2006 u l-koerenza tagħhom bi żbalji identifikati matul il-kontrolli, il-Kummissjoni trid, fl-immaniġġjar dirett, tiżviluppa tipoloġija ta' żbalji u relazzjoni ma' l-irkupru, mal-korrezzjonijiet u l-aġġustamenti finanzjarji għall-pagamenti u għall-immaniġġjar maqsum trid teżamina l-affidabilità ta' l-immontorjar nazzjonali u tas-sistemi tar-rappurtar" (51) ĠU L 210, 31.07.2006, p. 1. (52) ĠU L 210, 31.7.2006, p. 12. (53) ĠU L 378, 27.12.2006, p. 41. (54) Ammont ta' kontanti għand l-Aġenziji fi tmiem l-2006 (minbarra l-Uffiċċju għall-Armonizzazzjoni fis-Suq Intern, l-Uffiċċju Komunitarju tal-Varjetà tal-Pjanti u ċ-Ċentru tat-Traduzzjoni għall-korpi ta' l-Unjoni Ewropea - u l-Awrorità Superviżorja Ewropa għall-GNSS). EUR 213-il miljun meta mqabbla ma' EUR 810 miljuni f'approprjazzjonijiet. (55) Structural Funds aim at financing sustainable socio-economic and environmental development programmes in the Member States. B'mod partikulari, miżuri u programmi għandhom jappoġġjaw l-innovazzjoni, ir-riċerka u l-iżvilupp, it-teknoloġija informatika, l-użu nadif u effiċjenti ta' l-enerġija, il-ħarsien ta' l-ambjent, it-tagħlim matul il-ħajja u l-inklużjoni soċjali. Il-perjodu ġdid ta' pprogrammar ipprova jikseb livell ogħla ta' konċentrazzjoni, strutturi aqwa ta' mmaniġġjar, effiċjenza akbar u kontroll baġitarju aktar strett (Laqgħa tal-Kunsill Ewropew f'Liżbona - Marzu 2000). (56) Għall-perjodu 2000-2006 ntefqu madwar 260 biljun euro fuq miżuri strutturali. Minn din is-somma 213-il biljun euro kienu allokati għall-15-il Stat Membru ta' l-ewwel: il-programmi tal-Fondi Strutturali ngħataw 195 biljun euro u l-Fond ta' Koeżjoni 18-il biljun euro. 47 biljun euro twarrbu għall-Istati Membri l-ġodda (fondi ta' preadeżjoni u miżuri strutturali). Għas-snin 2004-2006, madwar 16-il biljun euro kienu allokati lil madwar 200 programm fl-Istati Membri l-ġodda. (57) Effett 'deadweight' jeżisti meta attività jew investiment ikunu saru mingħajr finanzjament. (58) Punt 51. (59) ĠU L 210, 31.7.2006, p. 25. (60) ĠU L 177, 6.7.2007, p. 3. (61) Artikolu 102 tar-Regolament Finanzjarju. (62) ĠU L 187, 15.7.2008, p. 3. (63) Rapport annwali tal-Qorti Ewropea ta' l-Awdituri dwar is-sena finanzjarja 1999, punt 6.30 (ĠU C 342, 1.12.2000, p. 1). (64) Deċiżjoni Nru 573/2007/KE tal-Parlament Ewropew u tal-Kunsill tat-23 ta' Mejju 2007 li tistabbilixxi l-Fond Ewropew għar-Refuġjati għall-perjodu mill-2008 sa l-2013 bħala parti mill-programm ġenerali 'Solidarjetà u Ġestjoni tal-Flussi ta' Migrazzjoni' (ĠU L 144, 6.6.2007, p.1). (65) Id-Direttiva tal-Kunsill 2001/55/KE ta' l-20 ta' Lulju 2001 dwar l-istandards minimi sabiex tingħata protezzjoni temporanja fl-eventwalità ta' influss bil-massa ta' persuni spostati u dwar il-miżuri li jippromwovu bilanċ fl-isforzi bejn l-Istati Membri meta jirċievu dawn il-persuni u li jġorru l-konsegwenzi ta' dawn (ĠU L 212, 7.8.2001, p. 12). (66) Id-Direttiva tal-Kunsill 2004/83/KE tad-29 ta" April 2004 dwar l-istandards minimi għall-kwalifika u l-istatus ta" ċittadini ta" pajjiż terz jew persuni bla ċittadinanza bħala refuġjati jew bħala persuni li b'mod ieħor jeħtieġu protezzjoni internazzjonali u l-kontenut tal-protezzjoni mogħtija (ĠU L 304, 30.9.2004, p. 12). (67) ĠU L 8, 11.1.2008, p. 1. (68) ĠU L 187, 15.7.2008, p. 183. (69) ĠU L 261, 20.10.1993, p. 1. Regolament kif emendat l-aħħar bir-Regolament (KE) Nru 1098/2007 (ĠU L 248, 22.9.2007, p. 1). (70) ECR 2005, p. I-6263. (71) ĠU L 409, 30. 12.2006, p. 1. (72) ĠU L 340, 22.12.2007, p. 46. (73) Deċiżjoni Nru 1982/2006/KE tal-Parlament Ewropew u tal-Kunsill tat- 18 ta' Diċembru 2006 dwar is-Seba' Programm Kwadru tal-Komunità Ewropea għall-attivitajiet ta' riċerka, ta' żvilupp teknoloġiku u ta' dimostrazzjoni (2007-2013) (ĠU L 412, 30.12.2006, p. 1).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima I - Parlament Ewropew (C6-0363/2007 – 2007/2038(DEC))

P6_TA(2008)0134 A6-0091/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontijiet annwali finali tal-Komunitajiet Ewropej għas-sena finanzjarja 2006 – Volum I (SEC(2007)1055 - C6-0363/2007)(2),

–   wara li kkunsidra r-rapport dwar l-amministrazzjoni baġitarja u finanzjarja għas-sena finanzjarja, Taqsima I - Parlament Ewropew(3),

–   wara li kkunsidra r-rapport annwali ta' l-Awditur Intern għas-sena finanzjarja 2006,

–   wara li kkunsidra r-rapport annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006, flimkien mat-tweġibiet ta' l-istituzzjonijiet verifikati(4),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti ta' l-Awdituri skond l-Artikolu 248 tat-Trattat KE(5),

–   wara li kkunsidra l-Artikoli 272(10) u 275 tat-Trattat KE kif ukoll l-Artikolu 179(a) tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(6), u b'mod partikolari l-Artikoli 145, 146 u 147 tiegħu,

–   wara li kkunsidra l-Artikolu 13 tar-regoli interni dwar l-implimentazzjoni tal-baġit tal-Parlament Ewropew(7),

–   wara li kkunsidra l-Artikolu 147(1) tar-Regolament Finanzjarju skond liema kull Istituzzjoni Komunitarja għandha tieħu l-passi kollha xierqa biex twettaq l-osservazzjonijiet li jakkompanjaw id-deċiżjoni ta' kwittanza tal-Parlament Ewopew,

–   wara li kkunsidra r-riżoluzzjoni tad-9 ta' Marzu 2005 dwar il-linji gwida għat-Taqsimiet II, IV, V, VI, VII, VIII(A) u VIII(B) u dwar l-abbozz preliminari ta' estimi tal-Parlament Ewropew (Taqsima I) għall-proċedura baġitarja 2006(8),

–   wara li kkunsidra l-Artikoli 71 u 74(3) u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0091/2008),

A.   billi l-verifika tal-Qorti ta' l-Awdituri nnotat li "(...) l-Istituzzjonijiet kollha kienu implimentaw qafas sodisfaċenti ta" sistemi ta" sorveljanza u kontroll kif mitlub mir-Regolament Finanzjarju u l-kampjun ittestjat ma wera l-ebda livell materjali ta" żball"(9);

B.   billi l-Qorti ta' l-Awdituri wriet insuffiċjenzi fil-qafas regolatorju stabbilit mill-Bureau u l-Kwesturi dwar il-ħlas ta' l-allowances ta' assistenza parlamentari, kif ukoll fl-implimentazzjoni li tirriżulta minnu;

C.   billi s-Segretarju Ġenerali fil-21 ta' Frar 2007 ċċertifika li għandu assigurazzjoni raġonevoli li l-baġit tal-Parlament Ewropew ġie implimentat b'konformità mal-prinċipji ta' amministrazzjoni finanzjarja fis-sod u li s-sistema ta' kontroll u ta' sorveljanza tagħti l-garanzija neċessarja dwar il-legalità u r-regularità ta' l-operazzjonijiet;

1.  Jagħti l-kwittanza lill-President tiegħu dwar l-implimentazzjoni tal-baġit ġenerali tal-Parlament Ewropew għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni u r-riżoluzzjoni li hi parti integrali minnha lill-Kunsill, lill-Kummissjoni, lill-Qorti tal-Ġustizzja, lill-Qorti ta' l-Awdituri, lill-Ombudsman Ewropew u lill-Kontrollur Ewropew għall-Protezzjoni tad-Data, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 li tinkludi kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima I – Parlament Ewropew (C6-0363/2007 – 2007/2038(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(10),

–   wara li kkunsidra l-kontijiet annwali finali tal-Komunitajiet Ewropej għas-sena finanzjarja 2006 – Volum I (SEC(2007)1055 - C6-0363/2007)(11),

–   wara li kkunsidra r-rapport dwar l-amministrazzjoni baġitarja u finanzjarja għas-sena finanzjarja, Taqsima I - Parlament Ewropew(12),

–   wara li kkunsidra r-rapport annwali ta' l-Awditur Intern għas-sena finanzjarja 2006,

–   wara li kkunsidra r-rapport annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006, flimkien mat-tweġibiet ta' l-istituzzjonijiet verifikati(13),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti ta' l-Awdituri skond l-Artikolu 248 tat-Trattat KE(14),

–   wara li kkunsidra l-Artikoli 272(10) u 275 tat-Trattat KE kif ukoll l-Artikolu 179(a) tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(15), u b'mod partikolari l-Artikoli 145, 146 u 147 tiegħu,

–   wara li kkunsidra l-Artikolu 13 tar-regoli interni dwar l-implimentazzjoni tal-baġit tal-Parlament Ewropew(16),

–   wara li kkunsidra l-Artikolu 147(1) tar-Regolament Finanzjarju skond liema kull Istituzzjoni Komunitarja għandha tieħu l-passi kollha xierqa biex twettaq l-osservazzjonijiet li jakkompanjaw id-deċiżjoni ta' kwittanza tal-Parlament Ewopew,

–   wara li kkunsidra r-riżoluzzjoni tad-9 ta' Marzu 2005 dwar il-linji gwida għat-Taqsimiet II, IV, V, VI, VII, VIII(A) u VIII(B) u dwar l-abbozz preliminari ta' estimi tal-Parlament Ewropew (Taqsima I) għall-proċedura baġitarja 2006(17),

–   wara li kkunsidra l-Artikoli 71 u 74(3) u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0091/2008),

A.   billi l-verifika tal-Qorti ta' l-Awdituri nnotat li "l-Istituzzjonijiet kollha kienu implimentaw qafas sodisfaċenti ta" sistemi ta" sorveljanza u kontroll kif mitlub mir-Regolament Finanzjarju u l-kampjun ittestjat ma wera l-ebda livell materjali ta" żball"(18);

B.   billi l-Qorti ta' l-Awdituri wriet insuffiċjenzi fil-qafas regolatorju stabbilit mill-Bureau u l-Kwesturi dwar il-ħlas ta' l-allowances ta' assistenza parlamentari, kif ukoll fl-implimentazzjoni li tirriżulta minnu;

C.   billi l-Qorti ta' l-Awdituri wriet li l-Bureau ma żgurax li r-regoli dwar il-ħlas ta' l-allowances għall-assistenza parlamentari li jeħtieġu l-preżentazzjoni ta' dokumenti rilevanti xierqa ġew implimentati b'mod effettiv,

D.   billi s-Segretarju Ġenerali fil-21 ta' Frar 2007 ċċertifika li għandu assigurazzjoni raġonevoli li l-baġit tal-Parlament Ewropew ġie implimentat b'konformità mal-prinċipji ta' amministrazzjoni finanzjarja fis-sod u li s-sistema ta' kontroll u ta' sorveljanza tagħti l-garanzija neċessarja dwar il-legalità u r-regularità ta' l-operazzjonijiet;

E.   billi hu importanti li jiġi żgurat is-segwitu tar-riżoluzzjoni tiegħu tas-26 ta' Settembru 2006(19) u tar-riżoluzzjoni ta' l-24 ta' April 2007(20) dwar il-kwittanza li tikkonċerna s-snin finanzjarji 2004 u 2005, u li jiġi evalwat il-progress miksub f'dak li jikkonċerna l-implimentazzjoni tar-rakkomandazzjonijiet tiegħu,

F.   billi jikkunsidra l-prijoritajiet politiċi għas-sena finanzjarja 2006, jiġifieri: il-konsolidazzjoni tat-tkabbir 2004, il-preparazzjoni tat-tkabbir 2007, it-titjib tal-politika ta' informazzjoni u ta' komunikazzjoni u t-titjib ta' l-assistenza għall-Membri Parlamentari,

1.  Jilqa" b'sodisfazzjon u jappoġġja l-impenn sod tal-President tiegħu li l-istatut ta" l-assistenti, li għandu jiġi propost mill-Kummissjoni u approvat mill-Kunsill, jidħol fis-seħħ fl-istess ħin bħall-Istatu tal-Membri(21);

2.  Jistieden lill-Kummissjoni u lill-Kunsill biex jikkoperaw bis-sħiħ mal-Parlament sabiex jiġi żgurat li l-istatut il-ġdid ta' l-assistenti jiġi adottat qabel l-elezzjonijiet Ewropej li jmiss f'Ġunju 2009;

Il-kwittanza - eżerċizzju politiku

3.  Jissottolinja li l-Parlament hu l-unika awtorità ta' kwittanza(22) u li l-kwittanza hija deċiżjoni politika; iqis, sabiex jasal għal din id-deċiżjoni politika, b'konformità ma' l-Artikolu 276(1) u (2) tat-Trattat KE, barra d-dokumenti msemmija f'dawn l-artikoli, kwalunkwe informazzjoni li jqis neċessarja;

4.  Iqis li l-istituzzjonijiet u l-organi kollha msemmija fl-Artikoli 70 u 71 tar-Regoli ta' Proċedura tiegħu għandhom jiġu trattati b'mod ugwali skond l-istess prinċipji u l-istess proċeduri bħal dawk segwiti waqt l-eżerċizzju annwali ta' kwittanza;

5.  Ifakkar li l-istituzzjonijiet u l-organi kollha jista' jkollhom strutturi politiċi u/jew amministrattivi li jkunu adattati bl-aħjar mod għall-bżonnijiet tagħhom; jissottolinja li, bħala konsegwenza, sabiex jirrispetta dawn l-istrutturi differenti, il-Parlament għandu jagħti l-kwittanza lil dawn l-istituzzjonijiet u organi bħala dawk li jistgħu jkunu rrappreżentati minn persuna għall-finijiet li tiġi żgurata lilhom viżibilità;

6.  Jikkonferma li hija responsabilità kemm tal-Parlament kif ukoll ta' kull istituzzjoni u organu li jidentifikaw il-livell ta' responsabilità l-iktar adegwat biex jirrispondu għall-osservazzjonijiet magħmula mill-Parlament waqt il-proċedura ta' kwittanza;

7.  Ifakkar li, fir-riżoluzzjoni tiegħu ta' l-24 ta' April 2007, kif imsemmija hawn fuq, il-Parlament iddikkjara li l-eżerċizzju ta' kwittanza għandu wkoll ikopri d-deċiżjonijiet meħuda mill-President, mill-Bureau u mill-Konferenza tal-Presidenti, għaliex huma l-Membri eletti, u mhux l-uffiċjali, li huma responsabbli politikament; Jistieden, bħala konsegwenza, lill-President u lill-Viċi-President responsabbli mill-baġit biex jipparteċipaw fil-laqgħat tal-futur tal-Kumit għall-Kontroll tal-Baġit biex jinħoloq djalogu politiku;

8.  Ifakkar li l-plenarja tagħti kwittanza lill-Parlament, irrappreżentat mill-President tiegħu, b'konformità ma' l-Artikolu 71 tar-Regoli ta' Proċedura tiegħu;

9.  Jifraħ li l-President tal-Parlament aċċetta l-prinċipju ta' djalogu politiku fil-kuntest tal-proċedura ta' kwittanza u li, fuq talba tiegħu, il-Viċi-President tal-Parlament responsabbli mill-baġit u mill-kontroll baġitarju, li hu wkoll iċ-chairperson tal-Kumitat għas-Segwitu tal-Verifiki, ipparteċipa f'djalogu politiku mal-Kumitat għall-Kontroll tal-Baġit waqt verifika pubblika fil-21 ta' Jannar 2008; Jitlob li dan id-djalogu fil-futur ikun imsejjes fuq dokumentazzjoni bil-miktub li tinkludi d-deċiżjonijiet tal-Bureau u tal-Konferenza tal-Presidenti li jkollhom impatt finanzjarju;

10.  Jilqa" bi pjaċir u jaċċetta l-offerta tas-Segretarju Ġenerali waqt is-seduta ta" smigħ tal-21 ta" Jannar 2008, li jsiru laqgħat regolari mal-Kumitat għall-Kontroll tal-Baġit, barra mill-proċedura annwali normali ta" kwittanza, dwar l-implimentazzjoni tal-baġit tal-Parlament;

11.  Jinnota wkoll l-inizjattiva tal-President tal-Parlament li għandha l-għan li ssaħħaħ ir-rabtiet bejn il-Bureau u l-Kumitat għall-Baġits, minn naħa, u bejn il-Bureau u l-Kumitat għall-Kontroll tal-Baġit, min-naħa l-oħra, billi toħloq grupp ta' ħidma b'mandat biex jikkonsolida dawn ir-rabtiet b'mod sostenibbli; jilqa" l-ewwel diskussjoni konġunta li saret fl-14 ta" Jannar 2008 u l-atmosfera ta" fiduċja u kooperazzjoni bejn l-entitajiet ikkonċernati stabbilita f'din id-diskussjoni; jistenna li dawn id-deliberazzjonijiet ikomplu u jistenna l-konlużjonijiet tagħhom;

12.  Iqis li l-proċeduri baġitarji u ta' kwittanza għandhom ikunu meqsjua bħala kumplimentari: baġit m'għandu qatt ikun adottat mingħajr ma jkunu ġew analizzati d-deċiżjonijiet ta' kwittanza diġà adottati, u deċiżjoni ta' kwittanza għandha tittieħed bil-konoxximent ta' l-objettivi politiċi ffissati waqt il-proċedura baġitarja għas-sena msemmija mill-kwittanza; Jitlob li l-interoperabilità tal-proċeduri baġitarji u ta' kwittanza jkunu iktar profondi;

Il-prijoritajiet baġitarji għas-sena finanzjarja 2006

13.  Jissottolinja li hu adotta l-prijoritajiet baġitarji li ġejjin għas-sena finanzjarja 2006(23):

Il-preżentazzjoni tal-kontijiet tal-Parlament Ewropew

14.  Jinnota li fl-2006, il-Parlament sab dħul li jitla' għal EUR 126 126 604 (EUR 112 393 557 fl-2005: +12,2 %);

15.  Jirreġistra l-figuri li fuq il-bażi tagħhom ingħalqu l-kontijiet tal-Parlament għas-sena finanzjarja 2006, jiġifieri:

16.  Jinnota li l-preżentazzjoni tal-kontijiet, kif jidhru fir-rapport dwar il-ġestjoni baġitarja u finanzjarja, inbidlet meta mqabbla mas-sena preċedenti; Jixtieq li l-amministrazzjoni tistabbilixxi u żżomm preżentazzjoni li tippermetti li wieħed jikkompara faċilment l-implimentazzjoni tal-baġit matul is-snin;

17.  Jinnota li fl-2006, 98,76 % tal-krediti mdaħħla fil-baġit tal-Parlament ġew impenjati, jiġifieri rata ta' kanċellazzjoni ta' 1,15 %, u li, bħal għas-snin finanzjarji preċedenti, intlaħaq livell għoli ħafna ta' implimentazzjoni baġitarja;

18.  Ifakkar, madankollu, li dan il-livell għoli ta' implimentazzjoni hu parzjalment dovut għall-prattika regolari mill-1992 ta' kklerjar, operazzjoni li tikkonsisti fit-trasferiment tal-krediti kollha disponibbli fl-aħħar tas-sena għall-punti baġitarji dwar il-bini, b'mod partikulari biex ikun hemm dħul antiċipat tal-kapital sabiex jitnaqqsu l-ħlasijiet futuri ta' interessi; Jinnota li, f'dan il-kuntest, EUR 37 246 425 inġabru fl-2007;

19.  Jinnota li fl-2006 ammont ta' EUR 124 071 425 (71,4 % mit-trasferimenti) intuża biex isaħħaħ ċertu numru ta' punti baġitarji fil-qasam tal-politika tal-bini (minn dan l-ammont EUR 38 603 580 ġejjin mill-krediti proviżorji); Ifakkar li l-krediti li kienu inizjalment imdaħħla fil-punti baġitarji 2001-2008 kienu biss EUR 14,287 887;

20.  Ifakkar ukoll li, bħala total, ġew awtorizzatti 37 trasferiment li kienu marbuta ma' EUR 173 751 700 (jiġifieri 13 % tal-krediti definittivi; fil-Kummissjoni, it-trasferimenti jirrappreżentaw bejn wieħed u ieħor 4 % mill-krediti ta' ħlas); Josserva li numru għoli ta' ħlasijiet jistgħu jikkompromettu l-prinċipji baġitarji;

Osservazzjonijiet tal-Qorti ta' l-Awdituri dwar is-sena finanzjarja 2006

21.  Jinnota li l-Qorti ta' l-Awdituri sabet li "l-Istituzzjonijiet kollha kienu implimentaw qafas sodisfaċenti ta" sistemi ta" sorveljanza u kontroll kif mitlub mir-Regolament Finanzjarju u l-kampjun ittestjat ma wera l-ebda livell materjali ta" żball"(25);

22.  Jirrimarka li l-Qorti ta" l-Awdituri semmiet id-dgħjufija li ġejja fl-għoti ta' l-allowances ta' assistenza parlamentari: "Il-Qorti tinnota (…) li l-Uffiċċju ma żgurax l-implimentazzjoni effettiva tar-regoli li jeħtieġu s-sottomissjoni ta" dokumentazzjoni ta" sostenn adegwata (…) L-Uffiċċju għandu jieħu azzjoni sabiex jikseb id-dokumenti kkunsidrati bħala essenzjali biex jagħtu prova li n-nefqa kienet iġġustifikata."(26);

23.  Jagħti dettall tal-kummenti tiegħu dwar dan is-suġġett, billi jqis ir-rimarki ta' l-awdituri intern fil-paragrafi 56 sa 68;

Ir-rapporti annwali ta' l-awditur intern

24.  Jinnota li fl-2006 is-servizz tal-verifika interna adotta jew ippubblika fil-forma ta' abbozz, 16-il rapport ta' verifika; fost dawn ir-rapporti hemm il-verifika tal-proċeduri ta' akkwist tal-kuntratti, il-verifika ta' l-allowance ta' assistenza parlamentari u s-segwitu ta' l-452 azzjoni individwali li joħorġu mill-eżami tal-mekkaniżmu ta' kontroll intern imwettaq fuq l-iskala ta' l-istituzzjoni;

25.  Jilqa" b'sodisfazzjoni l-fatt li l-awditur intern seta' jippreżenta b'mod uffiċjali l-konklużjonijiet tar-rapport annwali tiegħu għall-2006 lill-Kumitat għall-Kontroll tal-Baġit, filwaqt li ġie indikat mill-kumitat stess li r-rapport tiegħu jikkostitwixxi mhux biss strument ta' ġestjoni interna imma wkoll element ta' referenza importanti għall-eżerċizzju annwali ta' kwittanza;

26.  Hu ta' l-istess opinjoni ta' l-awditur intern dwar l-importanza miksuba li hemm bżonn li tingħata lill-implimentazzjoni ta' mekkaniżmu ta' kontroll intern effikaċi; Jinnota, f'dan il-kuntest, il-miżuri li għandhom l-għan li jtejbu l-osservanza tan-normi u ta' l-objettivi ta' kontroll; Jinnota li l-implimentazzjoni ta' l-20 azzjoni ta' natura determinanti msemmija mill-awditur intern fl-ewwel verifika tiegħu ta' segwitu se tkun suġġetta għat-tieni segwitu fl-2008; Jieħu nota ta' l-indikazzjonijiet ta' l-amministrazzjoni li 18 minn dawn l-20 azzjoni ġew implimentati u li l-implimentazzjoni taż-żewġ azzjonijiet li fadal qiegħda titwettaq bħalissa;

27.  Jilqa' b'sodisfazzjon il-progressi nnotifikati mill-amministrazzjoni fil-qasam tal-proċeduri ta' akkwist ta' kuntratti, u b'mod iktar partikulari fil-ħolqien ta' forum għall-kuntratti pubbliċi; jinnota li l-awditur intern fl-2008 se jagħmel verifika ġdida dwar is-segwitu ta' l-implimentazzjoni tal-144 azzjoni individwali li toħroġ mill-verifika tal-proċeduri ta' akkwist ta' kuntratti;

L-amministrazzjoni finanzjarja tal-Parlament u r-rapporti ta' attività tad-Diretturi Ġenerali

28.  Ifakkar lill-korpi kompetenti tiegħu fid-deċiżjoni(27) tiegħu li "ħlasijiet għal bini (...) għandhom ikunu parti mill-istrateġija baġitarja" ; jiddispjaċih mill-fatt li l-korpi kompetenti tiegħu qatt ma wettqu d-deċiżjonijiet tas-sessjoni plenarja u komplew bil-prattika tagħhom ta' nuqqas ta' bbaġittjar għall-politika għall-proprjetà tal-Parlament għal akkwist fil-futur (il-linja tal-baġit 'akkwisti ta' proprjetà immobbli' tinkludi biss entrati 'pro memoria' għall-2005, 2006 u 2007);

29.  Jinnota li waqt laqgħa pubblika tal-Kumitat għall-Kontroll tal-Baġit tal-21 ta' Jannar 2008, is-Segretarju Ġenerali ħabbar pjan strateġiku għall-politika għall-bini tal-Parlament; jitlob li s-Segretarju Ġenerali jressaq dan il-pjan quddiem il-Kumitat għall-Kontroll tal-Baġit waqt il-proċedura ta' kwittanza għas-sena 2007;

30.  Itenni t-talba tiegħu għal modifika fl-Artikolu 16 tar-Regoli Interni għall-implimentazzjoni tal-baġit tal-Parlament sabiex il-proġetti kollha ta' bini li jkollhom impatt finanazjarju importanti fuq il-baġit tal-Parlament jiġu sottomessi għall-approvazzjoni tal-Kumitat għall-Baġits;

31.  Jilqa" b'sodisfazzjoni l-fatt li s-Segretarju Ġenerali u d-Diretturi Ġenerali kollha stqarrew li għandom assigurazzjoni raġonevoli li r-riżorsi allokati għall-attivitajiet rispettivi tagħhom ġew użati għall-iskopijiet previsti u b'konformità mal-prinċipju ta' amministrazzjoni finanazjarja tajba; jinnota b'sodisfazzjon li huma stqarrew ukoll li l-proċeduri ta' kontroll implimentati jagħtu garanziji biżżejjed rigward il-legalità u r-regolarità tat-tranżazzjonijiet bażiċi tagħhom;

32.  Jitlob li l-amministrazzjoni tiegħu tirrispetta l-prinċipji baġitarji u tfassal abbozz ta' baġit li jiggaranrixxi li l-ammonti ppreżentati f'dan l-abbożż ta' baġit jirriflettu aħjar il-ħtiġijiet reali tas-setturi ta' attività differenti tal-Parlament; jitlob lill-uffiċjali ta' awtorizzazzjoni b'delega biex jindikaw b'mod ċar fir-rapporti ta' l-attività annwali tagħhom permezz ta' sommarju f'tabella separata fil-bidu tar-rapporti tagħhom, l-approprijazzjonijiet ta' impenn, il-ħlasijiet, il-bilanċi, l-approprijazzjonijiet kanċellati u l-ammont li d-Direttorat Ġenerali jqiegħed għad-dispożizzjoni ta' trasferimenti ta' kklerjar (mopping up);

33.  Jilqa' b'sodisfazzjon il-fatt li d-Diretturi Ġenerali rrevedew mill-ġdid il-kuntratti għal żmien twil;

34.  Jitlob lid-Diretturi Ġenerali tiegħu sabiex jagħmlu sforzi akbar sabiex ir-rapporti tagħhom ma jkunux limitati biss għal struttura komuni, imma jkun fihom ukoll elementi li jkunu jistgħu jiġu mqabbla ma' xulxin biex ikunu jistgħu jinqraw aħjar;

35.  Jilqa' b'sodisfazzjon il-fatt li l-Awditur Intern u s-servizzi laħqu ftehim dwar l-implimentazzjoni tal-pjanijiet ta' azzjoni li għandhom l-iskop li jfornu lill-Parlament b'qafas effettiv ta" kontroll intern; f'dan il-kuntest, ġew deċiżi 452 azzjoni individwali fl-2003 u l-2004; jinnota li minn dawn l-452 azzjoni, 225 minnhom ġew imwettqa kollha u 121 ġew imwettqa parzjalment fl-2006; jinnota wkoll li l-Awditur Intern kien identifika 20 azzjoni "ta' natura kritika" f'oqsma esposti għal riskju għoli; jieħu nota li f'dan l-istadju l-amministrazzjoni tiddikjara li 18 minn dawn l-20 azzjoni ġew implimentati u jinnota li l-Awditur Intern sejjer ikompli jeżaminahom f'verifika oħra fl-2008;

L-għoti ta' kuntratti

36.  Ifakkar li skond l-Artikoli 54 u 119 tar-regoli ta' implimentazzjoni tar-Regolament Finanzjarju(28), l-istituzzjonijiet għandhom iressqu lill-awtorità baġitarja r-rapporti dwar proċeduri nnegozjati u dwar kuntratti li ma jaqgħux taħt direttivi ta' akkwist pubbliku; ifakkar ukoll li lista ta' kuntratturi li ngħataw kuntratti li jiswew aktar minn EUR 50 000 iżda inqas mil-limitu minimu skond id-direttivi msemmija, hija ppubblikata fil-Ġurnal Uffiċjali, u kuntratti li jiswew bejn EUR 13 800 u EUR 50 000 jiġu ppubblikati fil-websajts ta' l-istituzzjonijiet;

37.  Jinnota li r-rapport annwali fih l-informazzjoni li ġejja dwar kuntratti li ngħataw fl-2006:

38.  Jinnota li d-distribuzzjoni tal-kuntratti mogħtija fl-2006 (minbarra kuntratti ta' proprjetà mogħtija bi proċedura neġozjata - ix-xiri ta' bini fi Strasburgu -, li jirrapreżentaw valur ta' EUR 143,125,000) jinqasmu skond it-tip ta' proċedura kif ġej:

39.  Jinnota li fl-2006 ġew mogħtija 128 kuntratt li kienu jiswew talanqas EUR 50 000 u 159 kuntratt li kienu jiswew bejn EUR 13 800 u EUR 50 000; jenfasizza li l-figuri juru li l-kuntratti ta' anqas minn EUR 50 000 jirrapreżentaw biss 1,7 % tal-valur totali, iżda 55 % tan-numru totali ta' kuntratti mogħtija mill-Parlament;

40.  Jinnota li f'termini ta' valur, 67 % tal-kuntratti gew mogħtija skond proċeduri miftuħin (62%) u proċeduri ristretti (5%); jiddispjaċih madankollu li f'termini ta' valur, 33 % tal-kuntratti ġew mogħtija skond proċedura negozjata; jitlob lis-Segretarju Ġenerali sabiex jispjega din iż-żieda meta mqabbla mas-snin mgħoddija;

41.  Jinnota madankollu li għall-2006 ma jistax issir tqabbil, kif jitlob l-Artikolu 54 tal-regoli ta' implimentazzjoni tar-Regolament Finanzjarju, bejn in-numru ta' kuntratti mogħtija tul is-sena n u s-sena n-1 mill-uffiċjal ta' l-awtorizzazzjoni b'delega, minħabba l-modifiki tar-regolamenti li saru tul is-sena konċernata, modifiki li ma jirrigwardawx il-kuntratti maħruġa mit-22 ta' Awissu 'l hawn; fl-2006 il-Parlament irrikorra għall-proċedura negozjata għal 74 kuntratt (2005: 136 kuntratt);

42.  Ifakkar li l-Awditur Intern għamel verifika tal-proċeduri ta' l-għoti tal-kuntratti fil-livell ta' l-istituzzjonijiet; jinnota bi pjaċir il-ftehim li ntlaħaq bejn l-Awditur Intern u s-servizzi dwar pjan ta' azzjoni vast li jinkludi l-implimentazzjoni ta' 144 azzjoni individwali; jinnota b'sodisfazzjon li wieħed mill-impenji prinċipali ta' dan il-programm ta' ħidma ta' l-Awditur Intern għall-2008 huwa li ssir verifika oħra tal-proċeduri għall-għoti ta' kuntratti sabiex jiġi eżminat il-progress li jkun sar;

43.  Jitlob lis-Segretarju Ġenerali sabiex jispjega l-istat avvanzat ta' l-implimentazzjoni ta' database rigward il-kuntratti skond l-Artikolu 95 tar-Regolament Finanzjarju; jinnota wkoll li r-Regolament Finanzjarju rivedut jipprevedi l-ħolqien ta' bażi waħda ta" data ċentrali amministrata mill-Kummissjoni għall-istituzzjonijiet kollha;

Gruppi politiċi (eżami tal-kontijiet u proċeduri - Punt 4000 tal-baġit)

44.  Jerġa' jisħaq li l-gruppi politiċi huma responsabbli għall-amministrazzjoni u l-użu ta' l-approprijazzjonijiet tal-baġit tal-Parlament li jingħataw u li l-ambitu ta' azzjoni tas-servizz ta' adwitjar intern tal-Parlament ma jestendix ruħu biex jinkludi l-kundizzjonijiet ta' użu ta' approprijazzjonijiet tal-Punt 4 0 0 0 tal-baġit;

45.  Jilqa" b'sodisfazzjon li l-gruppi politiċi ppubblikaw ir-rapporti tar-reviżjoni esterna u l-kontijiet ta' bilanċ għall-2006 fuq is-sit ta' l-intranet tal-Parlament;

46.  Jinnota li fl-2006 l-approprijazzjonijiet imdaħħla taħt il-Punt 4 0 0 0 tal-baġit intużaw kif ġej:

47.  Jinnota li l-awdituri esterni tal-partiti kkonfermaw li l-kontijiet tal-gruppi politiċi kienu konformi mad-dispożizzjonijiet statutorji, kif ukoll ma' l-istandards ta' kontabilità internazzjonali;

48.  Jinnota li l-gruppi politiċi ma użax għajr medja ta' 67,4 % ta' l-approprijazzjonijiet li kellhom għad-dispożizzjoni tagħhom (kontra s-66% ta' l-2005 u l-74% ta' l-2004);

49.  Jinnota li, fit-9 ta' Lulju 2007, il-Bureau eżamina r-rapporti tal-gruppi politiċi dwar l-implimentazzjoni tal-baġit, kif ukoll ir-rapporti ta' l-awdituri rispettivi; jinnota f'dan il-kuntest li l-Bureau inkariga lill-uffiċjali responsabbli biex jiġbru rimbors mill-Grupp ALDE ta' EUR 25 403,77 mill-approprijazzjonijiet li ma ntużawx billi dawn l-ammonti ma setgħux jiġu trasferiti;

Il-partiti politiċi fil-livell Ewropew

50.  Jinnota li l-għeluq tal-kontijiet għas-sena baġitarja 2006 huwa kif jidher hawn taħt:

51.  Jenfasizza li l-fatt li l-awdituri esterni kkonfermaw li l-kontijiet tal-partiti kienu konformi mad-dispożizzjonijiet statutorji msemmijin fl-Artikoli 6, 7, 8 u 10 tar-Regolament (KE) Nru 2004/2003 tal-Parlament Ewropew u tal-Kunsill ta' l-4 ta' Novembru 2003 dwar ir-regolamenti li jirregolaw il-partiti politiċi Ewropew u r-regoli dwar il-finanzjament tagħhom(29), u li l-kontijiet ippreżentaw stampa vera u fidila tas-sitwazzjoni finanzjarja tal-partiti politiċi fi tmiem is-sena finanzjarja 2006;

52.  Jilqa' b'sodisfazzjon il-fatt li l-partiti politiċi fil-livell Ewropew laħqu livell għoli ta' użu ta' l-approprijazzjonijiet disponibbli għalihom;

53.  Jinnota, madankollu li l-uffiċjal responsabbli ġie inkarigat sabiex:

54.  Jistaqsi lis-Segretarju Ġenerali jekk dawn l-ammonti ġewx miġbura;

55.  Jinnota li l-awditur intern irreveda l-implimentazzjoni tad-dispożizzjonijiet li jirrigwardaw il-kontribuzzjonijiet għall-partiti politiċi fil-livell Ewropew u ħareġ ir-rapport tiegħu dwar dan f'Awwissu 2007; jinnota b'sodisfazzjon li dan wassal għal pjan ta' azzjoni dettaljat li ġie aċċettat mill-amministrazzjoni; jitlob li r-riżultati ta' din ir-reviżjoni jagħmlu parti mill-proċedura ta' kwittanza 2007;

56.  Jinnota li l-baġit ta' partit politiku Ewropew sa mill-2008 jista' jiġi ffinanzjat sa 85 % mill-baġit tal-Parlament Ewropew (sa 75 % sa tmien l-2007); jenfasizza li dan il-livell ta' sussidju mill-Parlament jitfa' fuq il-partiti responsabbiltà akbar rigward l-attivitajiet tagħhom;

L-allowances ta' assistenza parlamentari

57.  Jinnota li l-Qorti ta" l-Awdituri sabet u kkritikat nuqqasijiet fil-qafas regolamentarju mwaqqaf mill-Bureau u li l-parti l-kbira ta" l-ammonti mogħti lill-Membri tal-Parlament permezz ta" l-allowances ta' assistenza parlamentari ma ġietx appoġġjata aktar tard b'dokumenti ġustifikattivi suffiċjenti bħala evidenza ta" l-ispejjeż magħmula f'isem id-deputat; jirrikonoxxi, fl-istess waqt, l-isforz magħmul mill-Bureau u mill-amministrazzjoni fl-2007 biex tiġi indirizzata s-sitwazzjoni: Jilqa" b'sodisfazzjon il-fatt li, għas-sena 2006, l-amministrazzjoni tindika li sa l-aħħar ta" l-2007 irċeviet aktar minn 99 % tad-dokumenti ġustifikattivi;

58.  Josserva, madankollu, li għas-snin 2004 u 2005, l-amministrazzjoni setgħet tikseb biss 57 % u 51 % rispettivament tad-dokumenti meħtieġa; jinnota, f'dan il-kuntest, id-deċiżjoni politika li tiġi applikata r-regolamentazzjoni adottata fit-13 ta" Diċembru 2006 retrospettivament għall-perjodu 2004-2005;

59.  Jixtieq li, rigward l-obbligu tagħhom li jipprovdu d-dokumenti ġustifikattivi għall-użu ta" l-allowances ta" assistenza parlamentari tagħhom fl-2004 u fl-2005, il-Membri kollha jirċievu komunikazzjoni li tgħid jekk għadhomx iridu jippreżentaw dokumenti ġustifikattivi lill-amministrazzjoni għal dan il-perjodu jew jekk il-fajl tagħhom huwiex komplut;

60.  Jitlob lill-amministrazzjoni tiegħu biex tapplika b'mod korrett u konsistenti r- Regoli dwar il-ħlas ta' l-ispejjeż u l-allowances lill-Membri tal-Parlament Ewropew (30), u biex tidentifika malajr u b'mod immedjat kwalunkwe irregolaritajiet u qtugħ barra;

61.  Jitlob lill-ammnistrazzjoni biex tistabbilixxi proċedura b'komunikazzjoni mal-Membri li tkun aħjar u aktar viżibbli, li l-iskadenzi biex jintbagħtu d-dokumenti ġustifikattivi, kif stabbiliti fir-Regoli dwar il-ħlas ta" l-ispejjeż u l-allowances lill-Membri tal-Parlament Ewropew, jiġu rrispettati b'mod sistematiku, sabiex ikun assigurat li jingħataw b'mod li jikkonforma mal-proċedura u mal-kalendarju obbligatorju tal-Qorti ta" l-Awdituri għall-abbozzar tar-rapport annwali tiegħu, u konferma finali lill-Membri ladarba jkun ingħalaq il-fajl tagħhom;

62.  Iħeġġeġ lill-grupp ta" ħidma tal-Bureau dwar l-Istatut tal-Membri biex jippreżenta l-konklużjonijiet tiegħu bil-għan li malajr ikun jista' jingħata segwitu xieraq għall-osservazzjonijiet magħmula mill-awditur intern fir-rapport tiegħu dwar l-allowances ta" assistenza parlamentari; Jikkonferma, fid-dawl tal-ħidma ta" dan il-grupp u fil-kuntest ta" regolamentazzjoni ġdida li għandha titwaqqaf mill-entitajiet politiċi konċernati, ir-responsabilità ta" l-amministrazzjoni li tiżgura li l-allowances ta" assistenza parlamentari jingħataw b'rispett tal-prinċipji ta' l-immaniġġjar finanzjarju tajjeb, tal-legalità u tar-regolarità; Hu konxju tal-problemi u d-diffikultajiet biex l-allowances ta' assistenza parlamentari jiġu armonizzati mal-leġiżlazzjoni soċjali u fiskali ta" kull wieħed mis-27 Stat Membru; Jitlob li immedjatament jibdew in-negozjati meħtieġa ma" l-Istati Membri u ma" l-Gvern tal-Belġju; Jeżiġi li din l-operazzjoni kumplessa ma xxekkilx l-implimentazzjoni parallela ta" regolamentazzjoni ġdida għall-allowances ta' assistenza parlamentari;

63.  Jinnota li r-rapport ta" l-awditur intern jirrakkomanda evoluzzjoni f'żewġ stadji tal-kundizzjonijiet ta" impjieg ta" l-assistenti parlamentari: fl-ewwel stadju, ir-relazzjoni kontrattwali bejn l-assistent(i) u l-Membru tkun ibbażata b'mod sistematiku fuq kuntratt ta" impjieg li juża mudell ta" kuntratt obbligatorju mtejjeb; fit-tieni stadju, l-għan ikun li jiġu integrati l-assistenti fil-kategorija ta" staff koperti mis-sistema applikabbli għall-aġenti l-oħra tal-Komunitajiet Ewropej;

64.  Jiġbed l-attenzjoni li l-assistenza għall-membri titlob aktar flessibilità u mobilità , filwaqt li l-istatut il-ġdid għall-assistenti għandu jistipula standards minimi ta' paga u drittijiet soċjali f'konformità mal-leġiżlazzjoni Ewropea applikabbli;

65.  Jieħu nota tad-deċiżjonijiet meħuda b'mod unanimu tal-Konferenza tal-Presidenti u tal-Bureau tas-6 u ta" l-10 ta" Marzu 2008 rispettivament li

66.  Jinsisti b'mod partikolari li

67.  Jitlob li l-miżuri ta" applikazzjoni ta" l-Istatut tal-Membri tal-Parlament Ewropew(33) li għandhom effett finanzjarju jiġu ppreżentati uffiċjalment lill-Kumitat għall-Kontroll tal-Baġit għal opinjoni preliminari;

68.  Jilqa" b'sodisfazzjoni il-fatt li l-Bureau, fil-25 ta" Settembru 2006, approva l-Kodiċi dwar l-assistenti u t-trainees parlamentari fil-Parlament Ewropew u li l-Membri kollha rċevew kopja ta" dan il-Kodiċi;

69.  Jitlob lis-Segretarju Ġenerali tiegħu biex jinforma lill-Kumitat għall-Kontrol tal-Baġit sa tmiem Settembru 2008 bl-għadd ta' ordnijiet ta' rkupru maħruġa u bl-ammont totali involuti;

Fond ta" pensjoni volontarja

70.  Jinnota li, f'Novembru 2006, il-Fond ta" pensjoni voluntarja kellu 659 membru; jinnota li l-ħlas ta" kull xahar fil-fond għal kull Membru tela" għal EUR 3 354,21 u kien magħmul minn: terz, jiġifieri EUR 1 118,07, imħallas mill-Membru u bħalissa mnaqqas mill-allowance tiegħu għall-ispejjeż; u żewġ terzi, jiġifieri EUR 2 236,14 imħallsa mill-Parlament;

71.  Jiġbed l-attenzjoni għall-punti rigward it-trasparenza u s-sorsi tad-dħul imqajma fir-riżoluzzjoni tiegħu ta' l-24 ta' April 2007 msemmija hawn fuq;

72.  Jinnota li d-defiċit attwarjali tal-Fond ta" pensjoni voluntarja (li ilu jeżisti mill-2001) niżel minn ta" EUR 43 756 745 fl-2004 u EUR 28 875 471 fl-2005 għal EUR 26 638 000 fl-2006, u b'hekk itejbet il-qagħda ta" l-iffinanzjar attwarjali (76,8 % fl-2004, 86,1 % fl-2005 u 88,4 % fl-2006); jenfasizza li, matul dawn l-aħħar snin, il-boroż kienu instabbli ħafna u li, għalhekk, ma hemm l-ebda ċertezza dwar id-direzzjoni li se jieħu d-defiċit attwarjali tal-fond; f'dan il-kuntest, jenfasizza li l-fond investa sa 73 % f'ishma; jiġbed l-attenzjoni li d-defiċit attwarjali kellu jiġi aġġornat mill-amministraturi tal-fond sa l-aħħar ta" Diċembru 2007, qabel il-15 ta" Marzu 2008;

73.  Jiġbed l-attenzjoni tal-Bureau tiegħu dwar il-paragrafu 84 tar-riżoluzzjoni msemmija hawn fuq ta" l-24 ta" April 2007, li jgħid li ġie adottat wara d-dħul fis-seħħ ta" l-Istatut tal-Membri Parlamentari, il-fond ta" pensjoni voluntarja kellu jillimita ruħu li jonora d-drittijiet eżistenti (miksuba f'Ġunju 2009), li jfisser la l-Membru attwali u lanqas l-imsieħba l-oħra m'huma se jkunu jistgħu jibqgħu iħallsu l-kontribut tagħhom fil-fond;

74.  Kien sorpriż bir-rakkomandazzjoni riċenti tal-Konferenza tal-Presidenti tat-13 ta" Marzu 2008, wara li kienet ikkonsultata mill-grupp ta" ħidma tal-Bureau dwar l-Istatut tal-Membri, l-assistenti u l-fond ta' pensjoni, li l-membri tal-Fond tal-Pensjoni Volontarja xorta jistgħu jiksbu drittijiet ġodda għal pensjoni ladarba l-Istatut tal-Membru jidħol fis-seħħ; ifakkar lill-Bureau, bħala l-korp li jieħu d-deċiżjonijiet f'din iz-zona ta' volontà politika tal-Parlament, kif wera fir-riżoluzzjoni tiegħu dwar il-kwittanza fir-rigward ta' l-implimentazzjoni tal-baġit tal-Parlament għas-snin finanzjarji 52004 u 2005, li l-attivitajiet tal-Fond ta" Pensjoni Volontarja għandhom jitneħħew bil-mod b'mod effettiv u jiġu limitati għall-onorar ta" drittijiet miksuba ladarba l-Istatut tal-Membri jidħol fis-seħħ; jinsisti li l-grupp ta" ħidma tal-Bureau jipprepara l-miżuri neċessarji skond id-deċiżjonijiet tal-Parlament;

It-tħejjija ta" l-implimentazzjoni tat-Trattat ta" Liżbona

75.  Ifakkar li fl-2006 l-Parlament ried "li jkun eżaminat jekk jaqbilx li tiġi modifikata l-istruttura ta' l-amministrazzjoni tiegħu jew li jingħata appoġġ ikbar għall-attivitajiet bażiċi tiegħu sabiex jiġu ottimizzati l-ħidmiet ta' l-istituzzjoni"(34); Ifakkar ukoll li fl-istess waqt, huwa qies "li ż-żieda tar-responsabiltajiet tal-Parlament Ewropew fid-deċiżjonijiet leġiżlattivi teħtieġ l-appoġġ ta" riżorsi ferm aktar importanti għal din l-attività ċentrali"(35);

76.  Jinnota r-reazzjoni ta" l-amministrazzjoni tiegħu dwar l-implimentazzjoni tal-ftehima interistituzzjonali dwar regolamentazzjoni aħjar;

77.  Jisħaq, barra minn dan, li t-Trattat ta" Liżbona jwessa" l-kamp ta" applikazzjoni tal-kodeċiżjoni b'mod konsiderevoli, u se ssir il-proċedura leġiżlattiva standard, u li l-Parlament, b'hekk, se jsir ko-leġiżlatur, fuq l-istess livell, għal 95 % tal-leġiżlazzjoni Ewropea;

78.  Jitlob lill-amministrazzjoni, fid-dawl ta" dan, biex, qabel it-30 ta" Novembru 2008, tippreżenta:

79.  Ifakkar li matul il-proċedura baġitarja ta" l-2007, il-Parlament Ewropew stieden lill-Kummissjoni biex twettaq evalwazzjoni fuq medda ta" żmien medju tal-ħtiġijiet tagħha rigward l-istaff u biex tipprovdi rapport dettaljat dwar l-istaff ta" appoġġ tagħha u l-funzjonijiet ta" koordinazzjoni tiegħu; Jistieden lill-amministrazzjoni tiegħu sabiex twettaq evalwazzjoni ta" l-istaff tagħha fuq din il-bażi u billi tuża l-istess strumenti; Jixtieq li jsir rapport ta" evalwazzjoni u li jiġi indirizzat lill-Kumitat għall-Kontroll tal-Baġit f'mument li jkun opportun għall-kwittanza ta" l-2007; Jixtieq, f'dan il-kuntest, li jkun jaf kemm huwa l-għadd ta" uffiċjali u ta" aġenti oħra li għandhom l-irwol li jgħinu lill-Parlamentari fil-ħidma tagħhom ta' ko-leġiżlaturi, kemm huwa l-għadd ta' aġenti li jaħdmu għad-delegazzjonijiet parlamentari u ta' dawk li jiżguraw l-appoġġ amministrattiv tal-Parlament;

Segwitu għall-kwittanza ta" l-2005

80.  Jilqa' b'sodisfazzjon it-tnaqqis fl-istima ta' l-ispejjeż ta' l-operat minħabba l-ħtieġa ta' manutenzjoni ta' aktar minn post wieħed tax-xogħol, minn EUR 203 000 000 għall-2002 għal EUR 155 000 000 għall-2007; jenfasizza li dan jirrappreżenta tnaqqis ta' kważi 24 % fuq il-perjodu ta' ħames snin; jistieden lill-amministrazzjoni tiegħu biex tkompli bil-proċess ta' razzjonalizzazzjoni; jisħaq li r-rekwiżit biex jinżammu diversi postijiet tax-xogħol hu stipulat fit-Trattati; iqis li għandu jkun hemm koordinazzjoni mill-aqwa bejn dawn il-postijiet tax-xogħol; jenfasizza li ċ-ċittadini ma jifhmux għaliex il-Parlament għandu jżomm tliet postijiet tax-xogħol;

81.  Jinnota t-tweġiba ta' l-amministrazzjoni tiegħu(36) dwar il-possibilità li tinħoloq awtorità Ewropea għall-bini li tistqarr li l-ħolqien ta' uffiċċju wieħed kbir li jibni u jiġbor fih il-lokali ta' l-istituzzjonijiet u l-organi lokali ta' l-istituzzjonijiet u organi ta' l-Unjoni Ewropea ma jesprimix ix-xewqat murija li jkun hemm ekonomija u amministrazzjoni aħjar; jisħaq, fl-istess ħin, li hemm ix-xewqa għal kooperazzjoni iktar mill-qrib;

82.  Jinnota li ebda progress ma seta' jsir dwar żvilupp fin-negozjati mal-Gvern Belġjan dwar l-art okkupata mill-bini D4 u D5 u l-futur tagħha; jitlob lill-Viċi-President responsabbli għall-bini biex jikkuntattja lill-Gvern Belġjan il-ġdid mill-iktar fis possibbli;

83.  Jinnota l-progress li sar biex ikun hemm segwitu għat-talbiet biex jinħoloq pjan Kjoto-Plus; ifakkar li fit-18 ta' Ġunju 2007 l-Bureau:

84.  Jitlob li kull progress ieħor li jsir jiġi mgħarraf bih il-Kumitat għall-Kontroll tal-Baġit;

Il-multilingwiżmu

85.  Jenfasizza l-importanza akbar ta' kodiċi ta' kondotta dwar il-multilingwiżmu fix-xogħol parlamentari tal-Membri; jinsab imħaseb dwar il-fatt li ż-żewġ rapporti ta' kull sitt xhur ta' l-2006 dwar l-implimentazzjoni tal-kodiċi ta' kondotta kixfu nuqqasijiet fl-użu effikaċi tas-servizz ta' l-interpretazzjoni; Jinnota, għalhekk, li l-approprijazzjonijiet disponibbli ma ntużawx bl-aktar mod ekonomiku u li s-setturi l-aktar milquta minn dan in-nuqqas kienu l-kumitati u d-delegazzjonijiet parlamentari, kif ukoll il-gruppi politiċi; jitlob, f'dan il-kuntest u fid-dawl tar-rapport dwar il-multilingwiżmu adottat fil-5 ta' Settembru 2006, għalhekk lis-Segretarju Ġenerali sabiex isib soluzzjoni komuni ma' l-utenti;

Il-politika għall-informazzjoni u għall-komunikazzjoni

86.  Ifakkar li fil-qafas tal-politika għall-informazzjoni u għall-komunikazzjoni tal-Parlament, l-attivitajiet infirxu aktar u li nħolqu strumenti ġodda ta' informazzjoni li kellhom impatt finanzjarju konsiderovoli fuq il-Baġit 2006 (ċentru għall-viżitaturi, Web TV, stallazzjonijiet awdjoviżwali); jitlob lis-Segretarju Ġenerali sabiex jippreżenta rapport dwar l-implimentazzjoni u l-evalwazzjoni tal-politika għall-informazzjoni u l-komunikazzjoni u li dan isir qabel tmiem ix-xahar ta' Lulju 2008;

It-teknoloġiji ta' l-informazzjoni

87.  Jenfasizza l-importanza tat-teknoloġiji ta' l-informazzjoni għall-Parlament b'mod ġenerali u b'mod partikulari għax-xogħol tal-Parlament; jiddispjaċih li t-titjib li sar kien iffukat fuq il-preżentazzjoni ta' l-istituzzjoni fuq l-internet u l-intranet, aktar milli fuq il-possibilità li jagħmel aktar komdu u effikaċi x-xogħol ta' leġiżlazzjoni;

Affarijiet oħra

88.  Jitlob lis-Segretarju Ġenerali biex jibgħat lill-Kumitat għall-Baġits u lill-Kumitat għall-Kontroll tal-Baġit kopji tar-rapporti kollha tal-Bureau, inklużi r-rapporti tal-gruppi ta' ħidma, kif ukoll tal-Konferenza tal-Presidenti, li jkollhom impatt finanzjarju;

89.  Jinnota li ġiet solvuta l-kwistjoni dwar id-differenza ta' 4 136 125 Franki Belġjani li nstabet fl-1982 bejn flus kontanti u l-ammonti korrispondenti u għalhekk din se tagħmel parti mill-kwittanza għall-baġit ta' l-2007;

Konklużjonijiet tad-diskussjonijiet dwar l-abbozz ta' rapport fil-kumitat

90.  Jerġa' jiġbed l-attenzjoni għall-importanza tal-prijoritajiet tal-baġit għall-proċedura tal-kwittanza u jkompli jqis li, fl-istess ħin, l-effett tal-proċedura tal-kwittanza hu ta' importanza kbira għall-proċedura baġitarja; jilqa' b'sodisfazzjon, għalhekk, il-fatt li l-kooperazzjoni mill-qrib bejn il-Kumitat għall-Baġits u l-Kumitat għall-Kontroll tal-Baġit tkompli tikber fl-importanza bit-Trattat ta' Liżbona;

91.  Jilqa' b'sodisfazzjon il-progress li sar fl-implimentazzjoni tal-prijoritajiet tal-baġit għall-2006; Se jkompli jara, madankollu, kif jiżgura li jintlaħqu l-prijoritajiet kollha;

92.  Jinnota r-rapport (kunfidenzjali) ta' l-Awditur Intern dwar il-PAA, li jeżamina s-sistema interna ta' kontroll f'dan il-qasam u jissuġġerixxi xi titjib li jista' jsir; jenfasizza li l-amministrazzjoni tiegħu kkooperat bis-sħiħ u bil-miftuħ mar-rapporteur fil-fażijiet kollha tal-produzzjoni ta' l-abbozz ta' rapport; jenfasizza, barra minn hekk, li l-Uffiċċju Ewropew ta' Kontra l-Frodi (l-OLAF) u l-Qorti ta' l-Awdituri ġew mistiedna biex jeżaminaw ir-rapport tal-verifika interna u biex jieħdu azzjoni xierqa dwar il-konklużjonijiet tagħhom; jiddispjaċih għall-ksur tad-dispożizzjonijiet ta' kunfidenzjalità stipulati fir-Regoli ta' Proċedura tal-Parlament u għall-pubblikazzjoni ta' interpretazzjonijiet personali u politiċi ta' informazzjoni kunfidenzjali; iqis dawk l-interpretazzjonijiet bħala li jagħtu impressjoni qarrieqa ta' l-għanijiet u l-konklużjonijiet tar-rapport;

93.  Jitlob lill-korpi kompetenti tiegħi biex jieħdu l-miżuri xierqa bl-għan li, bi qbil ma" l-Anness VII, Taqsima A, paragrafu 1, subparagrafu 4 tar-Regoli ta" Proċedura tal-Parlament, ir-regoli dwar l-ipproċessar amministrattiv ta' dokumenti kunfidenzjali, approvati mill-Burearu fit-13 ta" Novembru 2006, jiġu adottati mill-plenarja sal-proċedura ta' kwittanza fir-rigward tas-sena finanzjarja 2007;

94.  Jiddispjaċih dwar in-nuqqas ta' progress fin-negozjati mal-Gvern Belġjan dwar l-art għall-Binjiet D4 u D5 u għall-iżvilupp tas-sit; iħeġġeġ lill-Gvern Belġjan biex jirrispetta l-impenn politiku sod li ta lill-Parlament.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 318, 29.12.2007. (4) ĠU C 273, 15.11.2007, p. 1. (5) ĠU C 274, 15.11.2007, p. 130. (6) ĠU L 248, 16.9.2002, p. 1. Regolament kif emendat mir-Regolament tal-Kunsill (KE) Nru 1525/2007 (ĠU L 343, 27.12.2007, p. 9). (7) PE 349.540/Bur/ann/def. (8) ĠU C 320 E, 15.12.2005, p. 156. (9) ĠU C 273, 15.11.2007, punt 10.6. (10) ĠU L 78, 15.3.2006. (11) ĠU C 274, 15.11.2007, p. 1. (12) ĠU C 318, 29.12.2007. (13) ĠU C 273, 15.11.2007, p. 1. (14) ĠU C 274, 15.11.2007, p. 130. (15) ĠU L 248, 16.9.2002, p. 1. Regolament kif emendat mir-Regolament tal-Kunsill (KE) Nru 1525/2007 (ĠU L 343, 27.12.2007, p. 9). (16) PE 349.540/Bur/ann/def. (17) ĠU C 320 E, 15.12.2005, p. 156. (18) ĠU C 273, 15.11.2007, punt 10.6. (19) ĠU L 177, 6.7.2007, p. 3. (20) ĠU L 187, 15.7.2008, p. 3. (21) Deċiżjoni 2005/684/KE, Euratom tal-Parlament Ewropew tat-28 ta" Settembru 2005 li tadotta l-Istatut għall-Membru tal-Parlament Ewropew (ĠU L 262, 7.10.2005, p. 1). (22) L-Artikolu 276(1) tat-Trattat tal-KE. (23) ĠU C 320 E, 15.12.2005, p. 156. (24) ĠU C 318, 29.12.2007, p. 3. (25) ĠU C 273, 15.11.2007, paragrafu 10.6. (26) ĠU C 273, 15.11.2007, paragrafu 10.12. (27) Paragrafu 5 tar-riżoluzzjoni tiegħu ta" l-24 ta" April 2007 msemmija hawn fuq. (28) Regolament tal-Kummissjoni (KE, Euratom) Nru 2342/2002 tat-23 ta' Diċembru 2002 li jistabbilixxi regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet (ĠU L 357, 31.12.2002, p.1). Regolament kif emendat l-aħħar mir-Regolament (KE, Euratom) Nru 478/2007 (ĠU L 111, 28.4.2007, p. 13). (29) ĠU L 297, 15.11.2003, p. 1. (30) Dokument PE 113.116/BUR./rev. XXIV/03-2007 ta' l-1 ta" Marzu 2007. (31) P6_TA(2007)0474, speċjalment il-paragrafi 23 u 24. (32) Testi Adottati, ĠU L 177, 6.7.2007, p. 3, paragrafi 73 sa 79. (33) PE 388.087/BUR/GT/REV 10. (34) ĠU C 320 E, 15.12.2005, p. 156, paragrafu 19. (35) ĠU C 320 E, 15.12.2005, p. 156, paragrafu 20. (36) Ittra tas-Segretarju Ġenerali tat-29 ta' Ottubru 2007 (317124).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima II - Kunsill (C6-0364/2007 – 2007/2039(DEC))

P6_TA(2008)0135 A6-0096/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0364/2007)(2),

–   wara li kkunsidra r-rapport annwali tal-Kunsill lill-awtorità ta' kwittanza dwar il-verifiki interni li saru fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(3),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsidra l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li kkunsidra r-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0096/2008),

1.  Jagħti lis-Segretarju Ġenerali tal-Kunsill il-kwittanza fir-rigward ta" l-implimentazzjoni tal-baġit tal-Kunsill għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti istruzzjonijiet lill-President tiegħu biex jgħaddi din id-deċiżjoni, kif ukoll ir-riżoluzzjoni li tagħmel parti integrali minnha, lill-Kunsill, lill-Kummissjoni, lill-Qorti tal-Ġustizzja, lill-Qorti ta' l-Awdituri u lill-Bank Ewropew għall-Investiment kif ukoll lill-istituzzjonijiet tal-verifika nazzjonali u reġjonali ta' l-Istati Membri, u biex jirranġa l-pubblikazzjoni tagħhom fil-Ġurnal Uffiċjali ta' l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 flimkien ma' osservazzjonijiet li jiffurmaw parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-unjoni ewropea għas-sena finanzjarja 2006 Taqsima II - Kunsill (C6-0364/2007 – 2007/2039(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0364/2007)(7),

–   wara li kkunsidra r-rapport annwali tal-Kunsill lill-awtorità ta' kwittanza dwar il-verifiki interni li saru fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(8),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsidra l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li kkunsidra r-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0096/2008),

1.  Jiġbed l-attenzjoni li fl-2006, il-Kunsill kellu għad-dispożizzjoni tiegħu total ta' EUR 626 102 378,31 f'approprijazzjonijiet ta' impenn, (2005: 586 182 640,52), b'rata ta' utilizzazzjoni ta' 91.79%, rata li hija inqas minn dik ta' l-2005 (96.69%);

2.  Jiġbed l-attenzjoni li, wara l-introduzzjoni ta' kontabilità permezz ta' 'accruals' b'effett mill-1 ta' jannar 2005, ir-rendikonti finanzjarji tal-Kunsill, jiżvelaw out-turn ekonomiku pożittiv ta' EUR 90 578 934 u ammonti identiċi (EUR 498 579 523) ta' attivi u passivi (assets and liabilities);

3.  Jiddispjaċih li, għall-kuntrarju ta' istituzzjonijiet oħra, il-Kunsill ma jissottomettix rapport ta' attività annwali, filwaqt li jikkwota l-Ftehima mhux uffiċjali li saret bil-kelma ta' l-1970 (Riżoluzzjoni mniżżla fil-minuti tal-laqgħa tal-Kunsill tat-22 ta' April 1970) u n-nuqqas ta' kwalunkwe rekwiżit korrispondenti fir-Regolament Finanzjarju; jistieden lill-Kunsill biex jikkunsidra mill-ġdid id-deċiżjoni li ma jippubblikax u ma jgħaddix lill-parlament rapport ta' attività sabiex ikun iktar kontabbli għall-pubbliku ġenerali u għal min iħallas it-taxxa;

4.  Jiġbed l-attenzjoni għas-sejba mill-Qorti Ewropea ta' l-Awdituri (ECA) f'paragrafu 10.14 tar-rapport Annwali tagħha msemmi hawn fuq, li l-Kunsill estenda kuntratt għall-provvista ta' servizzi ta' telekomunikazzjoni għal-laqgħat tal-Kunsill Ewropew u ġġustifika b'mod li mhux korrett din l-estensjoni b'referenza għall-Artikolu 126(1)(e) tar-Regoli ta' Implimentazzjoni tar-Regolament Finanzjarju;

5.  Jaqbel f'dan il-kuntest ma' l-ECA li kellha ssir proċedura miftuħa għall-għoti ta' kuntratti qabel ma skada l-kuntratt; jifhem madanakollu ċ-ċirkustanzi eċċezzjonali li rrefera għalihom il-Kunsill fit-tweġibiet tiegħu, speċjalment li l-isforzi kollha tas-Segretarjat tal-Kunsill kellhom ikunu kkonċentrati fuq il-proġetti relatati ma' l-okkupazzjoni tal-bini LEX il-ġdid; jiġbed l-attenzjoni li fl-2007 saret estensjoni ulterjuri tal-kuntratt mingħajr ma kien hemm sejħa għall-offerti; jilqa' b'sodisfazzjon madanakollu, il-fatt li ġiet imnidija proċedura l-ġdida għall-għoti ta' kuntratti u li għandu jkun hemm kuntratt ġdid minn Lulju 2008;

6.  Jinnota b'sodisfazzjon li l-Kunsill irnexxilu jnaqqas b'madwar żewġ-terzi l-istokk ta' leave ta' kumpens mogħti lill-istaff li qabel il-31 ta' Diċembru 1997 kienu f'kategori A u B u li ma kinux ħadu dan il-leave; jiġbed l-attenzjoni li l-amministrazzjoni tal-Kunsill ħarġet istruzzjonijiet obbligatorji li għandhom l-għan li jeliminaw kompletament l-istokks li baqa' sa l-2009 u jinkoraġġixxi lill-Kunsill biex josserva din l-iskadenza awtoimposta;

7.  Jilqa' b'sodisfazzjon il-fatt li r-regoli interni ta' missjoni l-ġodda tas-Segretarjat Ġenerali tal-Kunsill dwar spejjeż għall-akkomodazzjoni daħlu fis-seħħ fl-1 ta' Ġunju 2007, qabel minn kif kien previst oriġinarjament mill-Kunsill (Ottubru 2007) fis-segwitu tiegħu ta' l-osservazzjonijiet ta' l-ECA għas-sena finanzjarja 2005;

8.  Jinnota b'sodisfazzjon it-twaqqif ta' Task Force u r-rakkomandazzjonijiet li kienet għamlet biex tkun irriformata s-sistema għar-rimborż ta' l-ispejjeż ta' l-ivjaġġar ta' delegati ta' Membri tal-Kunsill; jappoġġja l-intenzjoni tal-Kunsill biex dan ikompli jiċċekkja b'mod rigoruż ir-rendikonti fornuti mill-Istati Membri sakemm is-sistema l-ġdida ta' badges elettroniċi li għandha tkun introdotta sal-bidu ta' l-2009, tkun qed tiffunzjona kif suppost;

9.  Jiġbed l-attenzjoni li s-Servizz għall-Mistoqsijiet Amministrattivi Ġenerali kien ingħata, bejn l-1 ta' Jannar 2005 u l-1 ta' Lulju 2007, il-kompitu, fost l-oħrajn, li jikkoordina u jimmoniterja l-implimentazzjoni tar-rakkomandazzjonijiet magħmula mill-Awditur Intern, u b'hekk ġie evitat li hu jkollu jiżgura s-segwitu tar-rakkomandazzjonijiet tiegħu stess; jilqa' b'sodisfazzjon il-fatt li din ir-responsabiltà kienet ingħatat lura lill-Awditur Intern;

10.  Jiġbed l-attenzjoni li l-Ftehima mhux uffiċjali li saret bil-kliem imsemmija hawn fuq, tistabbilixxi li, rigward it-taqsima tal-baġit li tikkonċerna lill-Parlament, "il-Kunsill jimpenja ruħu li ma jagħmel l-ebda emenda għall-estimi tan-nefqa tal-Parlament Ewropew. Dan l-impenn għandu jorbot biss sakemm dawn l-estimi ma joħolqux kunflitt mad-dispożizzjonijiet tal-Komunità, b'mod partikolari mar-Regolamenti ta' l-Istaff u l-Kundizzjonijiet ta' Impjieg ta' l-Uffiċjali u l-Aġenti l-Oħra, u għall-kariga ta' l-istituzzjonijiet";

11.  Jerġa jtenni l-opinjoni tiegħu fl-isfond ta' żmien li ila teżisti u tan-nuqqas sostanzjali bejn il-kliem użati u t-tifsira jew l-interpretazzjoni attribwita lilhom, li l-Ftehima uffiċjali li saret bil-kliem għandha tkun riveduta; fi kwalunkwe każ, fil-preżent ma hemm l-ebda ostakolu li l-Kunsill jiġi sottomess għall-proċedura ta' kwittanza normali, bħall-istituzzjonijiet l-oħra;

12.  Jilqa' b'sodisfazzjon, f'dan ir-rigward, il-fatt li l-Kunsill u l-organi u l-istituzzjonijiet l-oħra tal-Komunità jaċċettaw il-prattika kollha approvata skond liema prattika l-Parlament jagħti l-kwittanza għall-implimentazzjoni tal-baġit lis-segretarji ġenerali tagħhom, imma jiddispjaċih b'mod espliċitu mill-fatt li r-Regolament Finanzjarju ma fih l-ebda referenza għal din il-proċedura ħlief għal dispożizzjonijiet li jikkonċernaw il-kwittanza li għandha tingħata lill-Kummissjoni;

13.  Jitlob li jkun hemm trasparenza massima fil-qasam tal-Politika Barranija u tas-Sigurtà Komuni (CFSP); jitlob lill-Kunsill biex jiżgura li, b'konformità ma' punt 42 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod(11), l-ebda nefqa għall-operat tas-CFSP ma għandha tidher fil-baġit tal-Kunsill;

14.  Iħeġġeġ lill-Kunsill biex jindika l-karatteristika eżatta ta' l-ispejjeż, ħaġa ħaġa, skond Titolu 3 ('Nefqa mġarrba mir-rendiment ta' l-Istituzzjonijiet għal missjoni speċifika')(12) tat-Taqsima II tal-Baġit Ġenerali ta' l-Unjoni Ewropea għas-sena finanzjarja 2006, li hija ddedikata għall-Kunsill, biex tippermetti lill-Parlament jivverifika jekk hux qed tiġi osservata l-Ftehima Interistituzzjonali msemmija hawn fuq; jirriżerva d-dritt li jieħu l-passi neċessarji, meta xieraq, meta jkun hemm ksur ta' dik il-Ftehima;

15.  Jitlob lill-Kunsill biex jipprovdi lill-Parlament b'evalwazzjoni retrospettiva tal-missjonijiet individwali tal-Politika Ewropea għas-Sigurtà u d-Difiża u ta' l-azzjonijiet tar-Rappreżentanti Speċjali ta' l-UE, li l-attivitajiet tagħhom allegatament huma verifikati u evalwati regolarment.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007 (ĠU L 343, 27.12.2007, p. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, pġ. 9). (11) ĠU C 139, 14.6.2006, p. 1. kif emendata bid-Deċiżjoni 2008/29/KE tal-Parlament Ewropew u tal-Kunsill (ĠU L 6, 10.1.2008, p. 7). (12) ĠU L 78, 15.3.2006, p. I/273.

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima IV - Qorti tal-Ġustizzja (C6-0365/2007 – 2007/2040(DEC))

P6_TA(2008)0136 A6-0097/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0365/2007)(2),

–   wara li kkunsidra r-rapport annwali tal-Qorti tal-Ġustizzja dwar l-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta' l-Awdituri, flimkien mat-tweġibiet ta' l-istituzzjonijiet li ġew verifikati(3),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li qies ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0097/2008),

1.  Jagħti l-kwittanza lir-Reġistrar tal-Qorti tal-Ġustizzja fir-rigward ta' l-implimentazzjoni tal-baġit tal-Qorti tal-Ġustizzja għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti struzzjonijiet lill-President tiegħu biex iressaq din id-deċiżjoni u r-riżoluzzjoni li tifforma parti integrali minnha lill-Kunsill, il-Kummissjoni, il-Qorti tal-Ġustizzja, il-Qorti ta" l-Awdituri, l-Ombudsman Ewropew u l-Kontrollur Ewropew għall-Protezzjoni tad-Dejta, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni dwar il-kwittanza fir-rigward ta' l-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima IV – Qorti tal-Ġustizzja (C6-0365/2007 – 2007/2040(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0365/2007)(7),

–   wara li kkunsidra r-rapport annwali tal-Qorti tal-Ġustizzja dwar l-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(8),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li kkunsidra r-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0097/2008),

1.  Jinnota li fl-2006 il-Qorti Ewropea tal-Ġustizzja (ECJ) kellha approprjazzjonijiet ta' impenn disponibbli li jammontaw għal total ta' EUR 252,306,372.60 (2005: EUR 232,602,467.74), b'rata ta' utilizzazzjoni ta' 94.58%;

2.  Jinnota li, wara l-introduzzjoni tal-kontabilità tad-dovuti fis-seħħ mill-1 ta' Jannar 2005, id-dikjarazzjonijiet finanzjarji ta' l-Qorti Ewropea tal-Ġustizzja urew rendiment ekonomiku negattiv għas-sena 2006 (EUR 1,529,933) u totali simili għall-attiv u l-passiv (EUR 72 187 617);

3.  Jinnota b'sodisfazzjon l-adozzjoni mill-ECJ f'Lulju 2007 ta' kodiċi ta' kondotta li japplika għall-Membri u l-ex Membri tal-Qorti tal-Ġustizzja, il-Qorti ta' l-Ewwel Istanza u t-Tribunal tas-Servizz Ċivili(11), inkluż l-obbligu li titressaq dikjarazzjoni ta' l-interessi finanzjarji lill-President tal-Qorti tal-Ġustizzja; jenfasizza, madankollu, ir-rikjesta ripetuta tiegħu, fl-interess tat-trasparenza, anki fin-nuqqas ta' rekwiżiti legal fil-preżent, għall-pubblikazzjoni ta" dikjarazzjonijiet konkreti, pereżempju fuq il-websajt tal-Qorti Ewropea tal-Ġustizzja.

4.  Jesprimi s-sodisfazzjon tiegħu li mill-1 ta' Ottubru 2007 nħolqu żewġ unitajiet ta' amministrazzjoni separati (unità tal-verifika interna u unità tal-verifika) b'żewġ kapijiet ta' l-unità differenti, li ttemm sitwazzjoni kkritikata fis-snin li għaddew kemm mill-ECA kif ukoll mill-Parlament fejn il-kap tas-Servizz tal-Verifika Interna kien responsabbli għal verifika ex-ante ta' l-operazzjonijiet ta' l-uffiċjali li jawtorizzaw;

5.  Jilqa' b'sodisfazzjon l-informazzjoni li tinsab fit-tweġiba ta' l-ECJ għall-kwestjonarju tar-rapporteur dwar in-natura u l-kontenut eżatt tar-rakkomandazzjonijiet tal-verifiki interni li twettqu fl-2006 b'effett li l-Awditur Intern ta' l-ECJ wettaq ħames verifiki speċifiċi u indirizza rakkomandazzjonijiet lis-servizzi kkonċernati (dwar l-organizzazzjoni u l-ġestjoni baġitarja taż-żjarat, dwar il-kuntratti ta' l-assigurazzjoni, dwar il-proċeduri marbuta ma' l-istandards minimi tal-kontroll intern, dwar il-ġestjoni ta' l-ispejjeż tal-ġarr u dwar l-użu tat-telefown); jenfasizza madankollu l-bżonn għall-implimentazzjoni sħiħa ta' dawn ir-rakkomandazzjonijiet;

6.  Jesprimi wkoll is-sodisfazzjon tiegħu li, wara l-2005, meta ebda verifiki "ex-post" ma kienu saru, fl-2006 l-verifika interna u l-unità ta' l-assistenza finanzjarja wettqu verifiki "ex-post" fuq tliet tipi ta' nfiq, primarjament nfiq għad-dokumentazzjoni u l-librerija, il-vetturi kif ukoll it-telekomunikazzjonijiet, li kkonfermaw ir-regolarità u l-konformità tan-infiq osservat;

7.  Jilqa' b'sodisfazzjon it-tnaqqis ta' l-għadd ta' kuntratti nnegozjati, bħala proporzjon ta' l-għadd ta' kuntratti mogħtija, minn 38% fl-2005 għal 34% fl-2006 (b'valur ta' aktar minn EUR 60 000, wara l-emenda tar-Regoli ta' Implimentazzjoni(12) għar-Regolament Finanzjarju); jirrikjedi, madankollu, li jsiru sforzi akbar mill-ECJ sabiex dan il-proporzjon jitnaqqas ulterjorment;

8.  Jinnota li fil-prattika l-2006 kienet l-ewwel sena ta' attività ġudizzjarja, tat-Tribunal tas-Servizz Ċivili stabbilit reċentement wara li beda jopera f'Diċembru ta' l-2005;

9.  Jinnota li għalkemm l-għadd ta' paġni tradotti żdiedu b'24% għal 669 668 fl-2006 meta mqabbla ma' l-2005, l-għadd ta' paġni mibgħuta għat-traduzzjoni baqa' stabbli (645 176 fl-2005 u 642 113 fl-2006), u li x-xogħol b'lura li rriżulta mit-tkabbir ta' l-2004 tnaqqas, grazzi għall-miżuri meħuda mill-ECJ;

10.  Jiġbed l-attenzjoni għall-kritika fir-rapport speċjali Nru 2/2007 ta' l-ECA dwar in-nefqa fuq il-bini, li l-espert indipendenti, li l-ħatra tiegħu ġiet prevista fil-kuntratt ta' qafas għall-estensjoni tal-bini prinċipali ta' l-ECJ (il-'Palais'), ma ġiex maħtur mill-bidu u l-kuntratt ta' qafas oriġinali stabbilixxa biss prinċipji ġenerali;

11.  Jinnota b'sodisfazzjon li l-espert indipendenti (KPMG) ġie finalment maħtur u beda x-xogħol tiegħu ta' monitoraġġ tal-kuntratt u ta' l-ivverifikar "ex post" tal-kotba tal-kontijiet kollha; jittama li l-baġit inizjali jkun irrispettat u jħeġġeġ lill-ECJ biex tissorvelja mill-qrib l-aspetti kollha marbuta mal-progress tal-proġett permezz tar-regoli ta' implimentazzjoni li jirregolaw il-monitoraġġ;

12.  Jinnota wkoll b'sodisfazzjon li ġie ffirmat kuntratt ta' xiri bin-nifs (lease-purchase) bejn il-Gran Dukat tal-Lussemburgu u l-Qorti tal-Ġustizzja li jistipula d-dispożizzjonijiet meħtieġa biex jissaħħaħ il-kuntratt ta' qafas ta' l-2001 u jipprovdi għall-bejgħ lill-ECJ ta' l-art li fuqha jinsab il-bini għall-prezz simboliku ta' EUR 1 meta l-ECJ issir il-proprjetarja tal-binjiet;

13.  Ifakkar li f'punt 35 tar-Rapport Speċjali tiegħu Nru 2/2007 dwar in-nefqa ta" l-Istituzzjoni fuq il-bini, il-Qorti ta" l-Awdituri kkummentat kif ġej dwar l-arranġamenti finanzjarji għall-bini ta" l-estensjoni tal-Qorti tal-Ġustizzja fil-Lussemburgu: "(...) Il-Qorti tal-Ġustizzja ma kinetx involuta fl-għoti tal-kuntratt u fin-negozjati dettaljati tal-kuntratt – li l-klawsoli u l-għażliet tiegħu ma kinux jaqblu minn qabel – u mhix firmatarja tal-kuntratti ta" ffinanzjar għalkemm hija se ġġarrab l-ispiża finanzjarja (e.ż. rati ta" interessi, tariffi għall-immaniġġjar). Id-dipartimenti tal-Qorti tal-Ġustizzja eżaminaw il-proċedura li kienet segwita mill-gvern għall-għoti ta" kuntratt dwar l-iffinanzjar tal-proġett u ġibdu l-attenzjoni li kien hemm nuqqas ta" kompetizzjoni xierqa (...)"; Jitlob lill-Kummissjoni biex tressaq, mhux iktar tard minn Lulju 2008, ir-riżultati ta" investigazzjonijiet ulterjuri dwar ksur possibbli tad-Direttivi dwar kuntratti mħabbra b'konnessjoni mal-proġett ta" estensjoni tal-Qorti tal-Ġustizzja fir-risposta tagħha għall-Mistoqsija bil-miktub E-4016/2007;

14.  Jiġbed l-attenzjoni li fl-2006 l-għadd ta' uffiċjali u aġenti (membri ta' l-istaff awżiljari u temporanji, aġenti kuntrattwali) fis-servizz żdied matul din is-sena b'4,8% għal 1 786;

15.  Jinnota bi tħassib madankollu, id-diffikultajiet persistenti ta' l-ECJ biex timpjega staff kwalifikat, kopert mir-Regolamenti ta' l-Istaff, għal bosta postijiet (primarjament interpreti u speċjalisti ta' l-IT) fuq il-bażi tal-kompetizzjonijiet organizzati mill-EPSO;

16.  Jifraħ lill-ECJ għall-inklużjoni ta' kapitolu fir-rapport ta' l-attivitajiet tagħha li jistabbilixxi s-segwitu matul is-sena għad-deċiżjonijijet ta' kwittanza preċedenti tal-Parlament u r-rapporti ta' l-ECA; jitlob, madankollu, li din it-taqsima, kif ukoll ir-rapport dwar il-verifiki interni mibgħut mill-ECJ lill-awtorità ta' kwittanza, ikunu aktar dettaljati.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, pġ. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, pġ. 9). (11) ĠU C 223, tat-22.9.2007, p. 1. (12) Regolament tal-Kummissjoni (KE, Euratom) Nru 2342/2002 tat-23 ta" Diċembru 2002 li jistipula regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (ĠU L 357, 31.12.2002, p. 1). Regolament kif emendat l-aħħar bir-Regolament (KE, Euratom) Nru 478/2007 (ĠU L 111, 28.4.2007, p. 13).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima V - Qorti ta' l-Awdituri (C6-0366/2007 – 2007/2041(DEC))

P6_TA(2008)0137 A6-0093/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0366/2007)(2),

–   wara li kkunsidra r-rapport annwali tal-Qorti ta' l-Awdituri lill-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta' l-Awdituri, flimkien mat-tweġibiet ta' l-istituzzjonijiet li ġew verifikati(3),

–   wara li kkunsidra r-rapport mill-Awditur Estern dwar il-kontabilità tal-Qorti ta' l-Awdituri għas-sena finanzjarja 2006(4),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(5),

–   wara li kkunsdira l-Artikoli 272(10), 274, 275 u 276 tat-Trattat KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(6), u partikolarment l-Artikoli 50, 86, 145, 146 u 147 tiegħu,

–   wara li kkunsidra l-Artikolu 71 u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0093/2008),

1.  Jagħti l-kwittanza lis-Segretarju Ġenerali tal-Qorti ta' l-Awdituri fir-rigward ta' l-implimentazzjoni tal-baġit tal-Qorti ta' l-Awdituri għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti struzzjonijiet lill-President tiegħu biex iressaq din id-deċiżjoni u r-riżoluzzjoni li tifforma parti integrali minnha lill-Kunsill, il-Kummissjoni, il-Qorti tal-Ġustizzja, il-Qorti ta" l-Awdituri, l-Ombudsman Ewropew u l-Kontrollur Ewropew għall-Protezzjoni tad-Data, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima V – Qorti ta' l-Awdituri (C6-0366/2007 – 2007/2041(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(7),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0366/2007)(8),

–   wara li kkunsidra r-rapport annwali tal-Qorti ta' l-Awdituri lill-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(9),

–   wara li kkunsidra r-rapport mill-Awditur Estern dwar il-kontabilità tal-Qorti ta' l-Awdituri għas-sena finanzjarja 2006(10),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(11),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(12), u partikolarment l-Artikoli 50, 86, 145, 146 u 147 tiegħu,

–   wara li kkunsidra l-Artikolu 71 u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0093/2008),

1.  Jinnota li fl-2006 il-Qorti Ewropea ta' l-Awdituri (ECA) kellha approprjazzjonijiet ta' impenn disponibbli li jammontaw għal total ta' EUR 113 596 668 31 (2005: 107 548 618 24 EUR), b'rata ta" utilizzazzjoni ta" 89%, taħt il-medja ta" l-istituzzjonijiet l-oħra;

2.  Jinnota li, wara l-introduzzjoni tal-kontabilità tad-dovuti fis-seħħ mill-1 ta' Jannar 2005, id-dikjarazzjonijiet finanzjarji ta' l-ECA wrew rendiment ekonomiku negattiv għas-sena finanzjarja 2006 (EUR 32 000) u żieda fil-passiv, meta mqabbla ma' l-attiv, ta' EUR 11 418 000;

3.  Ifakkar li fir-rigward tas-sena finanzjarja 2006 (hekk kif kien ukoll il-każ għas-sena finanzjarja 2004) il-kontijiet ta' l-ECA ġew ivverifikati minn impriża esterna, KPMG, illi kkonkludiet li: "[...] id-dikjazzjonijiet finanzjarji jagħtu stampa ċara u ġusta tal-qagħda finanzjarja tal-Qorti Ewropea ta' l-Awdituri sal-31 ta' Diċembru 2006 u tar-riżultati operattivi tagħha għas-sena li ntemmet, skond ir-Regolament tal-Kunsill (KE, Euratom) Nru 1605/2002 tal-25 ta' Ġunju 2002, tar-regoli ta' implimentazzjoni tagħha, tal-prinċipji tal-kontabilità ġeneralment aċċettati u tar-Regoli Interni tal-Qorti Ewropea ta' l-awdituri.";

4.  Jinnota li t-tweġiba miktuba pprovduta mill-ECA għall-kwestjonarju tar-rapporteur fir-rigward tal-kontabilità tal-pensjonijiet ta' l-ex Membri ta' l-ECA, li skond hi l-passiv għall-pagamenti tal-pensjonijiet sal-31 ta' Diċembru 2006 hija mniżżla mill-ECA fuq il-karta tal-bilanċ tagħha u l-garanzija min-naħa ta' l-Istati Membri hija ppreżentata fin-nota tal-karta tal-bilanċ, iżda mhux imdaħħla bħala kreditu fuq medda twila ta' żmien fil-konfront ta' l-Istati Membri; jinnota wkoll li fis-sena finanzjarja 2006 l-pagamenti tal-pensjonijiet maħruġa mill-ECA lill-Membri tagħha jammontaw għal EUR 2,3 miljun;

5.  Itenni l-opinjoni tiegħu li kemm il-passiv għall-pagamenti tal-pensjoni fil-ġejjieni u anki l-kreditu fuq medda twila ta' żmien fir-rigward ta' l-Istati Membri – dawn ta' l-aħħar jiggarantixxu l-finanzjament ta' l-iskema tal-pensjonijiet – għandhom jiġu inklużi fil-karta tal-bilanċ sabiex tingħata stampa ċara tal-passiv eżistenti u n-nefqa reali ta' l-ivverifikar fl-UE, kif ukoll biex ikunu riflessi l-prinċipji tal-kontabilità tad-dovuti mill-1 ta' Jannar 2005;

6.  Jinnota li r-rapport ta' l-2006 ta' l-Awditur Intern ta' l-ECA kien pożittiv ħafna u stabbilixxa li l-kwalità tal-fajls u tal-kuntratti għas-sejħa għall-offerti kienet sodisfaċenti għalkemm "l-għażla ta' proċeduri ssimplifikati jew derogatorji setgħu ġew ġustifikati aħjar u d-dokumentazzjoni fil-livell ta' evalwazzjoni ta' l-offerti għandha titjieb"; jilqa' b'sodisfazzjon f'dan il-kuntest li r-rakkomandazzjonijiet kollha mressqa mill-Awditur Intern (it-tisħiħ ta' taħriġ ta' akkwist xieraq u l-irreġistrar tal-kuntratti kollha f'bażi ta' data singola) ittieħdu azzjoni dwarhom;

7.  Jinnota bi tħassib li, skond it-tweġibiet għall-kwestjonarju tar-rapporteur, l-ECA għadha qed taffronta diffikultajiet marbuta mar-reklutaġġ fir-rigward ta' staff professjonalment kwalifikat għal bosta postijiet ta' impjieg minn kompetizzjonijiet organizzati mill-EPSO minħabba l-għoli tal-ħajja fil-Lussemburgu u n-nuqqas ta' attrazzjoni tas-salarju marbut mal-grad AD5 bażiku; jilqa' b'sodisfazzjon madankollu t-tnaqqis sinifikanti fl-għadd ta' postijiet vakanti minn 74 fl-2006 għal 56 fl-2007 u jfaħħar l-intenzjoni ta' l-ECA li tnaqqas ulterjorment l-għadd ta' postijiet vakanti u s-sehem relattiv tagħhom fl-organigramma totali fis-snin attwali u f'dawk li ġejjin;

8.  Jinnota li ħames Membri ġodda ngħaqdu ma' l-ECA matul l-2006; itenni t-tama tiegħu li se jkun possibbli li tinħoloq struttura aktar razzjonali għall-ECA qabel it-tkabbir li jmiss; jitlob lill-ECA biex tqis mudelli eżistenti bil-għan li tnaqqas l-għadd totali ta' Membri; itenni l-istedina tiegħu biex jitqiesu proposti li jintroduċu sistema rotatorja simili għal dik applikata mill-Kunsill ta' Governanza tal-Bank Ċentrali Ewropew jew sistema b'Awditur Ġenerali wieħed; jistieden lill-ECA biex iżżomm lill-Parlament aġġornat bis-segwitu ta' din ir-rakkomandazzjoni sat-30 ta' Settembru 2008;

9.  Jinnota li l-ECA adottat manwal ġdid għall-verifika tar-rendiment u pjan biex tkun żviluppata aktar il-verifika bl-IT kif ukoll tkun regolata l-organizzazzjoni ta' gruppi ta' verifika biex jirriflettu l-impatt ta' l-ibbaġitjar ibbażat fuq l-attività (ABB) fuq l-ivverifikar; apparti dan jinnota li l-ECA wettqet eżerċizzju ta' awto-valutazzjoni matul l-2006 li wassal għal pjan ta' azzjoni;

10.  Jinnota li dan il-pjan ta' azzjoni huwa soġġett għal "reviżjoni bejn il-pari" minn grupp ta' reviżuri bejn il-pari internazzjonali; jitlob lill-President ta' l-ECA biex iressaq aġġornament dwar l-iżvilupp tar-reviżjoni u l-implimentazzjoni tal-pjan ta' azzjoni;

11.  Jinnota fir-rigward tad-dikjarazzjonijiet ta' l-interessi finanzjarji tal-Membri li f'konformità mal-Kodiċi ta' Kondotta ta' l-ECA, il-membri ta' l-ECA għandhom jgħaddu dikjarazzjoni ta' l-interessi finanzjarji tagħhom u assi oħra (inklużi ishma, bonds konvertibbli, ċertifikati ta' investiment, kif ukoll art u proprjetà immobbli, flimkien ma' l-attivitajiet professjonali tal-konjuġi) lill-President ta' l-ECA, li jżommhom għandu fir-rispett tal-kunfidenzjalità, u li dawn ma jiġux ippubblikati;

12.  Itenni s-sejħa tiegħu li, bħala kwistjoni ta' prinċipju u fl-interess tat-trasparenza, il-Membri ta' l-istituzzjonijiet kollha ta' l-UE għandhom ikunu meħtieġa jressqu dikjarazzjoni ta' l-interessi finanzjarji li għandha tkun disponibbli fuq l-internet permezz ta' reġistru pubbliku; jesprimi d-diżappunt tiegħu li, kuntrarju għar-rikjesta tiegħu tas-sena l-oħra, l-ECA ma nfurmatx lill-Parlament sat-30 ta' Settembru 2007 dwar liema miżuri adattati se tieħu f'dan ir-rigward.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 292, 5.12.2007, p. 1. (5) ĠU C 274, 15.11.2007, p. 130. (6) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (7) ĠU L 78, 15.3.2006. (8) ĠU C 274, 15.11.2007, p. 1. (9) ĠU C 273, 15.11.2007, p. 1. (10) ĠU C 292, 5.12.2007, p. 1. (11) ĠU C 274, 15.11.2007, p. 130. (12) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima VI - il-Kumitat Ekonomiku u Soċjali Ewropew (C6-0367/2007 – 2007/2042(DEC))

P6_TA(2008)0138 A6-0098/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0367/2007)(2),

–   wara li kkunsidra r-rapport annwali tal-Kumitat Ekonomiku u Soċjali Ewropew għall-awtorità ta' kwittanza dwar il-verifiki interni mwettqa fis-sena 2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri,flimkien mat-tweġibiet ta' l-istituzzjonijiet li jkunu qed jiġu verifikati(3),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li kkunsidra ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0098/2008),

1.  Jagħti lis-Segretarju Ġenerali tal-Kumitat Ekonomiku u Soċjali Ewropew il-kwittanza rigward l-implimentazzjoni tal-baġit ġenerali tal-Kumitat Ekonomiku u Soċjali Ewropew għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni u r-riżoluzzjoni li hi parti integrali minnha lill-Kunsill, lill-Kummissjoni, lill-Qorti tal-Ġustizzja, lill-Qorti ta' l-Awdituri, lill-Ombudsman Ewropew u lill-Kontrollur Ewropew għall-Protezzjoni tad-Data, u biex jiżgura/tiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 li tinkludi kummenti li jagħmlu parti integrali mid-deċiżjoni dwar il-kwittanza rigward l-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima VI - Kumitat Ekonomiku u Soċjali Ewropew (C6-0367/2007 – 2007/2042(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0367/2007)(7),

–   wara li kkunsidra r-rapport annwali tal-Kumitat Ekonomiku u Soċjali Ewropew għall-awtorità ta' kwittanza dwar il-verifiki interni mwettqa fis-sena 2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta' l-istituzzjonijiet li jkunu qed jiġu verifikati(8),

–   wara li kkunsidra d-dikjarazzjoni ta' assigurazzjoni dwar l-affidabilità tal-kontijiet, kif ukoll il-legalità u r-regolarità tat-tranżazzjonijiet li fuqhom hija bbażata, ipprovduta mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li kkunsidra ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0098/2008),

1.  Jinnota li fl-2006 il-Kumitat Ekonomiku u Soċjali Ewropew (EESC) kellu approprijazzjonijiet ta' impenn disponibbli li jammontaw għal total ta' EUR 112 389 673,52 (2005: EUR 106 880 105,67), b'rata ta' utilizzazzjoni ta' 97,01%;

2.  Jinnota li, wara l-introduzzjoni tal-kontabilità fuq bażi ta" accruals b'seħħ mill-1 ta' Jannar 2005, ir-rendikonti finanzjarji ta' l-EESC wrew rendiment ekonomiku negattiv ta' EUR 2 204 729 (defiċit) u ammonti identiċi (EUR 164 448 636) kemm fir-rigward ta' l-attivi u tal-passivi;

3.  Jilqa' b'sodifazzjon il-firma f'Diċembru 2007 ta' Ftehim ta' Koperazzjoni Amministrattiva bejn l-EESC u l-Kumitat tar-Reġjuni (CoR) għall-perjodu 2008 sa 2014; huwa konvint li l-koperazzjoni bejn iż-żewġ istituzzjonijiet se tkun finanzjarjament vantaġġuża għall-Ewropew li jħallas it-taxxa;

4.  Jilqa' b'sodisfazzjon l-impenn ċar taż-żewġ Kumitati għall-għan ta' l-armonizzazzjoni ta' l-istandards tal-kontroll intern tagħhom, ibbażati fuq l-aħjar prattiki, kif ukoll proċeduri finanzjarji rilevanti oħra marbuta mas-Servizzi Konġunti;

5.  Jinnota li l-Ftehim l-ġdid iżomm l-oqsma l-iktar importanti (infrastrutturi, IT u telekomunikazzjoni kif ukoll it-traduzzjoni, inkluża l-produzzjoni tad-dokumenti) fil-kamp tal-mandat tas-Servizzi Konġunti, waqt li numru limitat ta' servizzi ġew isseparati, bħas-servizzi interni, s-servizz soċjo-mediku, il-librerija u t-tħejjija għall-istampar;

6.  Jinsisti madankollu li din is-separazzjoni m'għandhiex taffettwa lill-baġit, u, għalhekk, iħeġġeġ liż-żewġ Kumitati biex jagħmlu analiżi konġunta bħala parti mir-reviżjoni ta" nofs il-perjodu ta" żmien sabiex jevalwaw jekk iċ-ċaqlieq ta" riżorsi kienx ta' benefiċċju għat-tnejn; jistieden liż-żewġ Kumitati biex iżommu lill-Parlament infurmat bil-mini-ftehim ta" koperazzjoni fl-oqsma kkonċernati mis-separazzjoni;

7.  Jiġbed l-attenzjoni għar-rimarka li saret mill-Qorti Ewropea ta' l-Awdituri fil-paragrafu 10.19 tar-Rapport Annwali msemmi hawn fuq li xi nuqqasijiet ta' mmaniġġjar u kontroll dehru fir-rigward ta' l-akkwist pubbliku; jinnota bi tħassib il-perċentaġġ għoli ta" proċeduri nnegozjati, minflok sejħiet għall-offerti, fil-kuntest tan-nefqa sħiħa għall-akkwist; jilqa" b'sodisfazzjon madankollu l-informazzjoni pprovduta mis-Servizzi Konġunti skond liema, fir-rigward ta' parti kbira mis-servizzi relatati mal-bini li qabel kienu ngħataw wara proċeduri nnegozjati ġew iffirmati, kuntratti ġodda wara sejħiet għall-offerti, jew għaddejjin bħalissa proċeduri ta' sejħa għall-offerti;

8.  Jilqa" b'sodisfazzjon f'dan il-kuntest il-ħolqien fi ħdan is-Servizzi Konġunti ta" Taqsima tal-Kuntratti li tipprovdi għajnuna lid-dipartimenti operattivi kollha fis-Servizzi Konġunti fil-qasam ta" l-akkwist pubbliku; jinnota li skond il-Ftehim l-ġdid is-servizz ta" verifika tas-Servizzi Konġunti ġie ttrasferiti għas-servizzi ta' kull Kumitat;

9.  Jinnota li, skond it-tweġibiet tas-Servizzi Konġunti għall-kwestjonarju tar-Rapporteur, bl-okkupazzjoni tal-bini Remorquer u Van Maerlant fl-2007, 92% ta" l-ispazju totali għall-uffiċċji tal-Kumitati issa huwa okkupat u l-ħtiġijiet tagħhom għall-ispazju ġew sodisfatti għas-snin li ġejjin;

10.  Jinnota, fir-rigward tar-rinnovazzjoni tas-sala tad-dħul tal-Montoyer, li l-Awditur Intern ta" l-EESC ikkonkluda fir-rapport tiegħu li "huwa ma sabx elementi li jissuġġerixxu li ma kienx possibli li jiġi difiż il-ħlas tal-multi għat-tkomplija tard tar-rinnovazzjoni tas-sala tal-bini Montoyer "; jinnota li dan ir-rapport kien preżentat lill-OLAF u li dan ma rriżultax f'xi segwitu li jafu bih l-EESC jew il-CoR;

11.  Jinnota li fir-rapport annwali dwar l-attività tiegħu, l-EESC ikkunsidra li n-numru ta' kontrolli ex post li saru fl-2006 ma kienx biżżejjed; jinnota b'sodisfazzjon il-passi li ħa l-EESC biex ittejjeb din is-sitwazzjoni, inklużi l-ħolqien ta' sitwazzjoni stabbli ta' persunal, it-titjib ta' l-interoperabilità tal-verifikaturi, u passi oħra simili;

12.  Jikkunsidra li huwa kruċjali li l-kontrolli mwettqa, pereżempju, mill-uffiċjali li jawtorizzaw, verifikaturi u awdituri, ikunu stretti biżżejjed; jenfasizza f'dan il-kuntest l-importanza ta" numru suffiċjenti ta' kontrolli każwali fis-setturi kollha, flimkien ma' dawk il-ftit strateġiċi li jippreżentaw riskju ogħla;

13.  Jinnota b'sodisfazzjon f'dan il-kuntest l-assigurazzjoni personali li ngħatat mis-Segretarju Ġenerali ta' l-EESC lill-Kumitat għall-Kontroll tal-Baġit tal-Parlament li ġew stabbiliti garanziji u salvagwardji raġonevoli fir-rigward l-effiċjenza u r-regolarità ta' kontrolli ex ante u ex post;

14.  Jilqa' b'sodisfazzjon it-twaqqif ta' kumitat ta' verifika magħmul minn tliet membri ta' l-EESC, mgħejjuna minn awditur estern u li jirrapporta lill-President ta' l-EESC, u li r-responsabilitajiet tiegħu jinkludu, fost affarijiet oħra, il-verifika ta' l-indipendenza ta' l-Unità Interna tal-Verifika u l-evalwazzjoni tal-passi li ttieħdu b'risposta għar-rakkomandazzjonijiet inklużi fir-rapporti ta' verifika;

15.  Jinnota b'dispjaċir li, fil-kuntest tal-proċedimenti kriminali fil-Belġju kontra ex-membru ta' l-EESC rigward spejjeż għall-ivvjaġġar (imsemmija fil-paragrafu 4 tar-riżoluzzjoni ta' kwittanza tal-Parlament tas-27 t'April 2006(11)), is-smigħ quddiem it-tribunal kien pospost ħames darbiet, li tlieta minnhom kienu fuq talba tad-difiża; jinnota b'sodisfazzjon li l-amministrazzjoni ta' l-EESC tat provi bil-miktub li l-EESC ma tax inkoraġġiment għal dawn il-posponimenti;

16.  Jinnota b'sodisfazzjon li reviżjoni ġenerali tar-regoli għar-rimbors ta' l-ispejjeż għall-ivvjaġġar u l-laqgħat ġiet adottata fl-10 t'Ottubru 2007 bl-għan li ttejjeb u tissimplifika l-proċeduri nvoluti, waqt li tiżgura t-trasparenza u t-trattament indaqs għall-Membri kollha u tikkunsidra l-iżviluppi teknoloġiċi (bħal pereżempju biljetti elettroniċi, riżervazzjonijiet ta' lukandi bl-Internet u konferenzi permezz tal-video).

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, p. 9). (11) ĠU C 296 E, 6.12.2006, p. 171.

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima VII - Kumitat tar-Reġjuni (C6-0368/2007 – 2007/2043(DEC))

P6_TA(2008)0139 A6-0095/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0368/2007)(2),

–   wara li kkunsidra r-rapport annwali tal-Kumitat tar-Reġjuni għall-awtorità tal-kwittanza dwar verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(3),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsidra l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li kkunsidra ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0095/2008),

1.  Jagħti kwittanza lis-Segretarju Ġenerali tal-Kumitat tar-Reġjuni fir-rigward ta" l-implimentazzjoni tal-baġit tal-Kumitat tar-Reġjuni għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti struzzjonijiet lill-President tiegħu biex iressaq din id-deċiżjoni u r-riżoluzzjoni li tifforma parti integrali minnha lill-Kunsill, il-Kummissjoni, il-Qorti tal-Ġustizzja, il-Qorti ta" l-Awdituri, l-Ombudsman Ewropew u l-Kontrollur Ewropew għall-Protezzjoni tad-Dejta, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni tal-kwittanza fir-rigward ta" l-implimentazzjoni tal-baġit ġenerali ta" l-Unjoni Ewropea għas-sena finanzjarja 2006, Taqsima VII - Kumitat tar-Reġjuni (C6-0368/2007 – 2007/2043(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0368/2007)(7),

–   wara li kkunsidra r-rapport annwali tal-Kumitat tar-Reġjuni għall-awtorità tal-kwittanza dwar verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(8),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsidra l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li kkunsidra ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0095/2008),

1.  Jinnota li fl-2006 il-CoR kellu disponibbli approprjazzjonijiet ta" impenn li jammontaw għal total ta" EUR 74 391 953,27 (2005: EUR 69,570,456.32), b'rata ta' utilizzazzjoni ta' 97,94%;

2.  Jinnota li, wara l-introduzzjoni tal-verifika tad-dovut b'effett mill-1 ta" Jannar 2005, l-istqarrijiet finanzjarji tal-CoR juru riżultat ekonomiku negattiv għas-sena finanzjarja 2006 (EUR 8 306 761) u ammonti identiċi ta" assi u obbligi (EUR 101 124 165);

3.  Jilqa" l-firma f'Diċembru 2007 ta" Ftehima ta" Koperazzjoni Amministrattiva ġdida bejn l-EESC u l-CoR għall-perjodu 2008 sa 2014; huwa konvint li l-koperazzjoni bejn iż-żewġ istituzzjonijiet se tkun vantaġġuża finanzjarjament għal dawk li jħallsu t-taxxa fl-Ewropa;

4.  Jilqa' b'sodisfazzjon l-impenn ċar taż-żewġ Kumitati għall-għan ta' l-armonizzazzjoni ta' l-istandards tal-kontroll intern tagħhom, ibbażati fuq l-aħjar prattiki, kif ukoll proċeduri finanzjarji rilevanti oħra marbuta mas-Servizzi Konġunti;

5.  Jinnota li l-Ftehima l-ġdida żżomm l-oqsma l-iktar importanti (infrastrutturi, IT u telekomunikazzjonijiet kif ukoll it-traduzzjoni, inkluża l-produzzjoni tad-dokumenti) fil-qasam tal-mandat tas-Servizzi Konġunti, waqt li numru limitat ta' servizzi kienu separati, bħas-servizzi interni, is-servizz soċjo-mediku, il-librerija u t-tħejjija għall-istampar;

6.  Jinsisti madankollu li dan is-separazzjoni għandha tkun newtrali mill-baġit u, għalhekk, iħeġġeġ liż-żewġ Kumitati biex jagħmlu analiżi konġunta bħala parti mir-reviżjoni ta" nofs il-perjodu ta" żmien sabiex jevalwaw jekk iċ-ċaqlieq ta" riżorsi kienx ta' benefiċċju għat-tnejn; jistieden liż-żewġ Kumitati biex iżommu lill-Parlament infurmat bil-ftehimiet ta" koperazzjoni ta" daqs żgħir fl-oqsma kkonċernati mis-separazzjoni;

7.  Jinnota r-rimarka mwettqa mill-ECA fil-paragrafu 10.19 tar-Rapport Annwali msemmi hawn fuq li xi nuqqasijiet ta' mmaniġġjar u kontroll dehru fir-rigward ta' l-akkwist pubbliku; jinnota bi tħassib il-perċentwali għoli ta" proċeduri nnegozjati, minflok sejħiet għall-offerti, fil-kuntest tan-nefqa sħiħa għall-akkwist; jilqa" b'sodisfazzjon madankollu l-informazzjoni pprovduta mis-Servizzi Konġunti skond liema, għall-parti l-kbira mis-servizzi relatati mal-bini li qabel kienu ngħataw wara proċeduri nnegozjati, kuntratti ġodda ġew iffirmati wara sejħiet għall-offerti jew għaddejjin bħalissa proċeduri ta' sejħa għall-offerti;

8.  Jilqa" b'sodisfazzjon f'dan il-kuntest il-ħolqien fi ħdan is-Servizzi Konġunti ta" Taqsima tal-Kuntratti li tipprovdi għajnuna lid-dipartimenti operattivi kollha fis-Servizzi Konġunti fil-qasam ta" l-akkwist pubbliku; jinnota li skond il-Ftehima l-ġdida s-servizz ta" verifika tas-Servizzi Konġunti kien ittrasferit għas-servizzi ta' kull Kumitat;

9.  Jinnota li, skond it-tweġibiet tas-Servizzi Konġunti għall-kwestjonarju tar-Rapporteur, bl-okkupazzjoni tal-bini Remorquer u Van Maerlant fl-2007, 92% ta" l-ispazju totali għall-uffiċċji tal-Kumitati issa huwa okkupat u l-ħtiġijiet tagħhom għall-ispazju kienu sodisfatti għas-snin li ġejjin;

10.  Jinnota fir-rigward tar-rinnovazzjoni tas-sala tad-dħul tal-Montoyer, li l-Awditur Intern ta" l-EESC ikkonkluda fir-rapport tiegħu li "huwa ma sabx elementi li jissuġġerixxu li l-ħlas tal-multi għal provvista fit-tard tar-rinnovazzjoni tas-sala tal-Montoyer ma kienx f'possibilità li jkun difiż"; jinnota li dan ir-rapport kien preżentat lill-OLAF u li dan ma rriżultax f'xi segwitu li jafu bih l-EESC jew il-CoR;

11.  Jinnota li s-servizz ta" verifika kien trasferit fl-2006 mit-taqsima tal-Baġit u l-Finanzi għat-taqsima ta' l-Amministrazzjoni Ġenerali, bil-ħsieb li l-prinċipju tas-separazzjoni tal-funzjonijiet u l-indipendenza ta' dan is-servizz ikunu enfasizzati aktar; jinnota wkoll li l-CoR iqis li huwa wettaq numru sodisfaċenti ta" kontrolli retrospettivi fl-2006 u li huwa talab is-servizzi kollha tiegħu biex jivverifikaw 5% tal-fajls kollha fl-2007; jilqa" l-fatt li l-CoR żied b'mod sinifikattiv ir-riżorsi u l-kapaċitajiet tiegħu fis-servizz ta" verifika finanzjarja tiegħu;

12.  Iqis li huwa kruċjali li l-kontrolli mwettqa, pereżempju, mill-uffiċjali li jawtorizzaw, il-verifikaturi u l-awdituri, ikunu stretti biżżejjed; jenfasizza f'dan il-kuntest l-importanza ta" numru suffiċjenti ta' kontrolli mingħajr avviż fis-setturi kollha, flimkien ma' dawk il-ftit strateġiċi li jippreżentaw riskju ogħla;

13.  Jinnota r-rimarka mwettqa mill-ECA fil-paragrafu 10.23 fir-Rapport Annwali tagħha msemmi hawn fuq li fil-kuntest ta" proċedura ta" verifika retrospettiva, l-amministrazzjoni tal-CoR sabet li, fil-każ ta" delegazzjoni nazzjonali waħda, l-ammonti li ngħataw lura lill-membri għal nefqa għall-ivvjaġġar (biljetti ta" l-ajru) fuq il-bażi ta" rċevuti miktubin bl-idejn mill-aġenziji ta' l-ivvjaġġar kienu f'medja ta' 83% ogħla mill-prezz attwali stabbilit mil-linja ta' l-ajru użata;

14.  Josserva li, wara dan, l-amministrazzjoni tal-CoR wettqet investigazzjoni wiesgħa dwar din is-sitwazzjoni, li ma kinitx lesta f'Lulju 2007 u li r-riżultati tagħha ma wrewx, fl-opinjoni ta' l-ECA, li l-ammonti mħallsa għal spejjeż amministrattivi kienu ġustifikati;

15.  Jinnota b'sodisfazzjoni li l-CoR iddeċieda li jwettaq aktar rimborsi suġġetti għal konformità ma' numru ta' kundizzjonijiet u ssospenda r-rimborsi kollha bbażati fuq dokumenti ta' l-ivvjaġġar mixtrija skond arranġamenti preċedenti; jilqa" li, bħala miżura ta" prekawzjoni, il-CoR informa wkoll lill-OLAF dwar l-evoluzzjoni ta" verifiki retrospettivi u l-miżuri adottati mill-amministrazzjoni tal-CoR;

16.  Jinnota li l-verifika interna dwar trasferimenti tas-salarji, li kienet lesta fl-2006 u li inkludiet reviżjoni dettaljata tat-trasferimenti attwali kollha, żvelat li "nuqqasijiet eżistew fir-rigward tal-prinċipju ta' separazzjoni tal-funzjonijiet f'dan il-qasam (bidu tal-funzjonijiet u verifika interna) u l-ambjent tal-kontroll kellu jingħata prijorità akbar bil-ħsieb tar-riskji kkonċernati"; jinnota wkoll li s-segwitu għar-rakkomandazzjonijiet ta" l-Awditur Intern twettaq fi Frar 2007; iħeġġeġ lill-amministrazzjoni tal-CoR biex tiżgura l-implimentazzjoni sħiħa tar-rakkomandazzjonijiet ta" verifika kollha;

17.  Jinnota li, wara investigazzjoni, l-OLAF stabbilixxa fir-rigward ta" tmien trasferimenti li huma ma kinux f'konformità mal-kundizzjonijiet statutorji u rrakkomanda l-irkupru ta" l-ammonti żejda li tħallsu mill-uffiċjali kkonċernati; jinnota b'sodisfazzjon li l-irkupri kollha tlestew kmieni fl-2007; jinnota wkoll li fir-rigward ta" sitt membri ta" l-istaff, l-OLAF irrakkomanda l-ftuħ ta" proċedimenti dixxiplinarji, u għal ħamsa minnhom huwa ressaq fajls lill-awtoritajiet Belġjani wkoll;

18.  Josserva li, wara talba mill-awtoritajiet Belġjani, l-Awtorità ta' Ħatra tal-CoR tneħħi l-immunità ta" l-uffiċjali kkonċernati fis-6 ta" Lulju 2007 biex jippermettu li jkunu intervistati mill-awtoritajiet; jinnota wkoll li sal-lum, ebda informazzjoni ma waslet għand l-amministrazzjoni tal-CoR dwar jekk l-awtoritajiet Belġjani humiex intenzjonati li jsegwu dawn il-fajls;

19.  Jinnota b'sodisfazzjoni li kienet imnedija inkjesta amministrattiva mis-Segretarju Ġenerali tal-CoR u mwettqa mill-ex viċi Direttur Ġenerali tal-Kummissjoni; jinnota li fi tnejn mill-ħames każi fejn il-fajls tressqu lill-awtoritajiet, li l-Awtorità tal-Ħatra tal-CoR iddeċidiet li tiftaħ proċedimenti dixxiplinarji fil-Bord tad-Dixxiplina; jifhem li skond ir-Regolamenti ta" l-Istaff, tista" tittieħed deċiżjoni finali f'dawn il-każi biss wara ġudizzju finali preżentat mill-qorti Belġjana;

20.  Jinnota li fit-tliet każi l-oħra, l-Awtorità tal-Ħatra se tieħu d-deċiżjoni tagħha fil-ftuħ tal-proċedimenti dixxiplinarji hekk kif hija tirċievi l-informazzjoni meħtieġa dwar is-segwitu li l-awtoritajiet Belġjani huma intenzjonati li jagħtu għal dawn il-fajls; jinnota wkoll li f'każ ieħor, li fih l-OLAF ma ressqitx il-fajl lill-awtoritajiet tal-Belġju, l-Awtorità tal-Ħatra iddeċidiet, bi qbil mar-rakkomandazzjonijiet ta' l-inkjesta amministrattiva, li tindirizza avviż lill-uffiċjal ikkonċernat; itenni mill-ġdid it-talba tiegħu għal persekuzzjoni stretta tal-każi kollha fejn imġieba frodulenti tista" tkun pruvata;

21.  Jitlob lill-CoR biex iqis miżuri ta" dixxiplina proporzjonati jekk ir-riżultat tal-każi pendenti għand il-qrati kompetenti ikun jeħtieġhom;

22.  Jinnota b'sodisfazzjon li ma hemm ebda problema speċifika aktar għall-CoR fir-rigward tar-reklutaġġ u li huwa jieħu kważi l-kwota sħiħa tiegħu kif negozjat ma" l-istituzzjonijiet l-oħrajn.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, pġ. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, tas-27.12.2007, pġ. 9).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima VIII - Ombudsman Ewropew (C6-0369/2007 – 2007/2036(DEC))

P6_TA(2008)0140 A6-0092/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0369/2007)(2),

–   wara li qies ir-rapport annwali ta" l-Ombudsman Ewropew lill-awtorità tal-kwittanza dwar il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(3),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsdira l-Artikoli 272(10), 274, 275 u 276 tat-Trattat KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li kkunsidra l-Artikolu 71 u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0092/2008),

1.  Japprova l-kwittanza għall-Ombudsman Ewropew fir-rigward ta" l-implimentazzjoni tal-baġit tiegħu għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti struzzjonijiet lill-President tiegħu biex iressaq din id-deċiżjoni u r-riżoluzzjoni li tifforma parti integrali minnha lill-Kunsill, il-Kummissjoni, il-Qorti tal-Ġustizzja, il-Qorti ta" l-Awdituri, l-Ombudsman Ewropew u l-Kontrollur Ewropew għall-Protezzjoni tad-Data, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni dwar kwittanza fir-rigward tal-baġit ġenerali ta" l-Unjoni Ewropea għas-sena finanzjarja 2006, Taqsima VIII – Ombudsman Ewropew (C6-0369/2007 – 2007/2036(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0369/2007)(7),

–   wara li qies ir-rapport annwali ta" l-Ombudsman Ewropew lill-awtorità tal-kwittanza dwar il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta" l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta" l-Awdituri, flimkien mat-tweġibiet ta" l-istituzzjonijiet verifikati(8),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsdira l-Artikoli 272(10), 274, 275 u 276 tat-Trattat tal-KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li qies ir-Regola 71 u l-Anness V tar-Regoli tal-Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0092/2008),

1.  Jinnota li fl-2006 l-Ombudsman Ewropew (l-Ombudsman) kellu disponibbli approprijazzjonijiet ta" impenn li jammontaw għal total ta" EUR 7 682 538 (2005: EUR 7 224 554), b'rata ta" utilizzazzjoni ta" 88,13%, taħt il-medja ta" l-istituzzjonijiet l-oħra;

2.  Jinnota li r-rendikonti finanzjarji ta" l-2006 ta" l-Ombudsman juru riżultat ekonomiku negattiv għal dik is-sena (EUR 1 214 375) u totali identiċi għall-assi u l-obbligi (EUR 2 308 799);

3.  Jinnota li, fil-perjodu 2003 sa 2006, l-approprijazzjonijiet għall-impenji żdiedu b'mod kostanti minn EUR 4 438 653 għal EUR 7 682 538 (+73%) u l-postijiet minn 31 għal 57 unità (+84%), filwaqt li l-ilmenti żdiedu minn 2436 għal 3830 (+57%) u inkjesti ġodda miftuħa minn 253 għal 258 (+2%);

4.  Ifakkar li l-Qorti Ewropea ta" l-Awdituri indikat fir-Rapport Annwali tagħha li l-verifika ma wasslitx għal osservazzjonijiet fir-rigward ta" l-Ombudsman;

5.  Ifakkar li l-Uffiċċju ta" l-Ombudsman refa" r-responsabbiltà kollha għall-ġestjoni ta" l-istaff tiegħu minn Jannar 2006; jinnota f'dan il-kuntest li skond ir-rapport ta" l-Awditur Intern lill-Istituzzjoni Nru 06/04, il-verifika mwettqa biex tevalwa l-effikaċja tal-proċeduri tal-ġestjoni u l-kontroll biex jistabbilixxu d-drittijiet individwali ta" l-istaff "ma indikawx oqsma ta" riskju sinifikanti fil-proċeduri tal-ġestjoni u l-kontroll, imma madankollu kkonfermat li l-Istituzzjoni għandha tindirizza għadd ta" kwistjonijiet partikulari";

6.  Jinnota l-informazzjoni mogħtija mill-Uffiċjal Prinċipali li Jawtorizza għad-Delegazzjonijiet fir-rapport ta" ħidma ta" l-2006 dwar il-fatt li l-awto-evalwazzjoni dwar l-effiċjenza tal-qafas ta" kontroll intern tas-servizzi ta" l-Ombudsman twettaq kmieni fl-2007 u li l-istampa globali li rriżultat minn dan l-eżerċizzju kienet ta" sodisfazzjoni ġenerali dwar il-livell tat-twettiq ta" l-istandards ta" kontroll intern (85% kontra 76% fl-2004); jinnota wkoll, madankollu, li titjib fl-effikaċja kienu tqiesu li huma meħtieġa f'xi oqsma (l-identifikazzjoni ta" funzjonijiet sensittivi); jinkoraġixxi lill-Ombudsman biex jagħmel l-isforzi kollha biex itejjeb aktar l-effiċjenza tal-qafas ta" kontroll intern ta" l-istituzzjoni tiegħu;

7.  Jinnota b'sodisfazzjon li qafas ġdid ta" ftehima ta" koperazzjoni għal perijodu indefinit bejn l-Ombudsman u l-Parlament rigward il-forniment ta" ċerti servizzi amministrattivi, li jinkludu l-bini, l-informatika, il-komunikazzjonijiet, il-pariri legali, is-servizzi mediċi, it-taħriġ, it-traduzzjoni u l-interpretazzjoni, kien innegozjat matul l-2005, iffirmat f'Marzu 2006 u daħal fis-seħħ fl-1 ta" April 2006; jinnota wkoll li l-Ombudsman iqis il-ftehima l-ġdida bħala sodisfaċenti f'kollox;

8.  Jinnota b'sodisfazzjoni li l-ewwel Segretarju Ġenerali ta" l-Ombudsman inħatar fl-1 ta" Awissu 2006;

9.  Jinnota bi tħassib skond ir-rapport annwali ta" l-Ombudsman li l-istituzzjoni tiegħu sabet diffikultajiet fir-reklutaġġ fl-2006, b'mod speċjali fir-rigward ta" l-avukati kwalifikati, minħabba ż-żewġ mewġiet suċċessivi ta" tkabbir (billi ffinalizza r-reklutaġġ mill-Istati Membri li daħlu fl-2004 u ħejja r-reklutaġġ għall-2007), minħabba d-dħul ta" l-istaff u d-diffikultà biex jattira u jżomm il-kandidati fi Strasburgu b'kuntratti temporanji; josserva li l-Ombudsman jistenna li jsib inqas diffikultajiet fir-reklutaġġ ta" l-istaff fis-snin li ġejjin;

10.  Jilqa" b'sodisfazzjon l-adozzjoni mill-Ombudsman fl-14 ta" Diċembru 2007 tad-deċiżjoni dwar l-istqarrija annwali ta" l-interessi ta" l-Ombudsman; jinnota b'sodisfazzjon li din l-istqarrija tinsab ippubblikata fil-website ta" l-Ombudsman;

11.  Jilqa" b'sodisfazzjon id-disponibbiltà ta" l-Ombudsman li jingħaqad fil-Ftehima Interistituzzjonali tal-25 ta" Mejju 1999 bejn il-Parlament Ewropew, il-Kunsill u l-Kummissjoni rigward l-istħarriġ intern mill-Uffiċċju Ewropew ta" Kontra l-Frodi (OLAF)(11) meta japplika s-sistema stabbilita mir-Regolament (KE) Nru1073/1999(12); jinnota b'sodisfazzjon li l-Ombudsman stieden lill-OLAF, permezz ta" ittra mibgħuta fid-9 ta" Jannar 2008, biex jispjega l-fehmiet tiegħu rigward l-utilità u l-modalitajiet tad-dħul potenzjali ta" l-Ombudsman f'dik il-Ftehima.

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (11) ĠU L 136, 31.5.1999, p. 15. (12) Regolament (KE) Nru 1073/1999 tal-Parlament Ewropew u tal-Kunsill tal-25 ta" Mejju 1999 rigward l-investigazzjonijiet imwettqa mill-Uffiċċju Ewropew ta" Kontra l-Frodi (OLAF), (ĠU L 136, 31.5.1999, p. 1).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima IX - Kontrollur Ewropew għall-Protezzjoni tad-Data (C6-0370/2007 – 2007/2044(DEC))

P6_TA(2008)0141 A6-0094/2008

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(1),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0370/2007)(2),

–   wara li kkunsidra r-rapport annwali tal-Kontrollur Ewropew għall-Protezzjoni tad-Data lill-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta' l-Awdituri, flimkien mat-tweġibiet ta' l-istituzzjonijiet li ġew verifikati(3),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(4),

–   wara li kkunsidra l-Artikoli 272(10), 274, 275 u 276 tat-Trattat KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(5), u partikolarment l-Artikoli 50, 86, 145, 146 u 147 tiegħu,

–   wara li kkunsidra l-Artikolu 71 u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0094/2008),

1.  Jagħti l-kwittanza lill-Kontrollur Ewropew għall-Protezzjoni tad-Data fir-rigward ta' l-implimentazzjoni tal-baġit tiegħu għas-sena finanzjarja 2006;

2.  Jindika l-osservazzjonijiet tiegħu fir-riżoluzzjoni ta" hawn taħt;

3.  Jagħti struzzjonijiet lill-President tiegħu biex iressaq din id-deċiżjoni u r-riżoluzzjoni li tifforma parti integrali minnha lill-Kunsill, il-Kummissjoni, il-Qorti tal-Ġustizzja, il-Qorti ta" l-Awdituri, l-Ombudsman Ewropew u l-Kontrollur Ewropew għall-Protezzjoni tad-Data, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (serje L).

2.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni dwar il-kwittanza rigward l-implimentazzjoni tal-baġit ġenerali ta' l-Unjoni Ewropea għas-sena finanzjarja 2006, Taqsima IX – Kontrollur Ewropew għall-Protezzjoni tad-Data (C6-0370/2007 – 2007/2044(DEC))

Il-Parlament Ewropew,

–   wara li kkunsidra l-baġit ġenerali ta' l-Unjoni Ewropea għas-sena finanzjarja 2006(6),

–   wara li kkunsidra l-kontabilità annwali finali tal-Komunitajiet Ewropej għas-sena finanzjarja 2006 - Volum I (C6-0370/2007)(7),

–   wara li kkunsidra r-rapport annwali tal-Kontrollur Ewropew għall-Protezzjoni tad-Data dwar l-awtorità tal-kwittanza rigward il-verifiki interni mwettqa fl-2006,

–   wara li kkunsidra r-Rapport Annwali tal-Qorti ta' l-Awdituri dwar l-implimentazzjoni tal-baġit għas-sena finanzjarja 2006 u r-rapporti speċjali tal-Qorti ta' l-Awdituri, flimkien mat-tweġibiet ta' l-istituzzjonijiet li ġew verifikati(8),

–   wara li kkunsidra l-istqarrija ta' assigurazzjoni dwar l-affidabilità tal-kontijiet kif ukoll tal-legalità u r-regolarità tat-tranżazzjonijiet sottostanti pprovduti mill-Qorti ta' l-Awdituri skond l-Artikolu 248 tat-Trattat KE(9),

–   wara li kkunsidra l-Artikoli 272(10), 274, 275 u 276 tat-Trattat KE,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(10), u partikolarment l-Artikoli 50, 86, 145, 146 u 147 tiegħu,

–   wara li kkunsidra l-Artikolu 71 u l-Anness V tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0094/2008),

1.  Jinnota li fl-2006 il-Kontrollur Ewropew għall-Protezzjoni tad-Data (EDPS) kellu approprjazzjonijiet ta' impenn disponibbli li jammontaw għal total ta' EUR 4 138 378 (2005: EUR 2 840 733), b'rata ta' utilizzazzjoni ta' 93.3%;

2.  Jinnota li l-verifika ta' l-EDPS mill-Qorti Ewropea ta' l-Awdituri ma waslet għal ebda osservazzjoni materjali fir-rigward ta' l-EDPS; jinnota li, wara l-introduzzjoni tal-kontabilità tad-dovuti fis-seħħ mill-1 ta' Jannar 2005, id-dikjarazzjonijiet finanzjarji ta' l-EDPS urew rendiment ekonomiku negattiv għas-sena 2006 (EUR 1 402 513) u totali simili għall-attiv u l-passiv (EUR 23 517);

3.  Jinnota li fis-7 ta' Diċembru 2006 l-ftehima dwar il-koperazzjoni amministrattiva bejn is-Segretarjati Ġenerali tal-Kummissjoni, il-Parlament u l-Kunsill, iffirmata flimkien ma' l-EDPS, ġiet imġedda għal perjodu ulterjuri ta' 3 snin b'effett mis-16 ta' Jannar 2007;

4.  Jinnota li, ibbażata fuq il-ftehima dwar il-koperazzjoni msemmija hawn fuq, il-ġestjoni amministrattiva tal-missjonijiet kollha ta' l-EDPS hija żgurata mill-Uffiċċju ta' l-Uffiċjal inkarigat mill-pagi tal-Kummissjoni u l-istess regoli interni japplikaw għar-rimbors ta' l-ispejjeż ta' l-akkomodazzjoni li jkunu ġew imġarrba matul missjoni għaż-żewġ kategoriji tagħha kif ukoll għaż-żewġ Membri tagħha u għall-istaff;

5.  Jinnota b'sodisfazzjon li l-proċessi ta' verifikar minn qabel "ex post" u l-ħruġ ta' l-opinjonijiet finali mill-EDPS imxew 'il quddiem sew u l-iskadenza tar-Rebbiegħa 2007 imposta mill-EDPS ħeġġet istituzzjonijiet u korpi biex iżidu l-isforzi tagħhom biex jissodisfaw l-obbligi notifikati;

6.  Jinnota li bid-deċiżjoni tas-7 ta' Novembru 2006 l-EDPS iddeċidiet li tfassal struttura ta' kontroll intern xierqa għall-attivitajiet u l-ħtiġijiet tagħha;

7.  Jilqa' b'sodisfazzjon il-pubblikazzjoni annwali mill-EDPS u mill-Assistent ta' l-EDPS, tad-dikjarazzjoni ta' l-interessi finanzjarji tagħhom, b'formola simili għal dik mimlija kull sena mill-Membri tal-Parlament Ewropew, li fiha tagħrif rilevanti dwar affarijiet bħal attivitajiet professjonali li għandhom ikunu ddikjarati kif ukoll karigi u attivitajiet remunerati;

8.  Jifraħ lill-EDPS dwar id-deċiżjoni tiegħu tat-12 ta' Settembru 2007 li jirrispetta l-Ftehima Interistituzzjonali tal-25 ta' Mejju 1999 bejn il-Parlament Ewropew, il-Kunsill u l-Kummissjoni dwar investigazzjonijiet interni min-naħa ta' OLAF(11) fl-applikar tas-sistema stabbilita mir-Regolament (KE) Nru1073/1999(12).

(1) ĠU L 78, 15.3.2006. (2) ĠU C 274, 15.11.2007, p. 1. (3) ĠU C 273, 15.11.2007, p. 1. (4) ĠU C 274, 15.11.2007, p. 130. (5) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (6) ĠU L 78, 15.3.2006. (7) ĠU C 274, 15.11.2007, p. 1. (8) ĠU C 273, 15.11.2007, p. 1. (9) ĠU C 274, 15.11.2007, p. 130. (10) ĠU L 248, 16.9.2002, p. 1. Regolament kif emendat l-aħħar mir-Regolament (KE) Nru 1525/2007 (ĠU L 343, 27.12.2007, p. 9). (11) ĠU L 136, 31.5.1999, p. 15. (12) Regolament (KE) Nru 1073/1999 tal-Parlament Ewropew u tal-Kunsill tal-25 ta" Mejju 1999 rigward l-investigazzjonijiet imwettqa mill-Uffiċċju Ewropew ta" Kontra l-Frodi (OLAF) (ĠU L 136, 31.5.1999, p. 1).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit tal-Fondazzjoni Ewropea għal Titjib tal-Kondizzjonijiet tal-Ħajja u tax-Xogħol għas-sena finanzjarja 2006 (C6-0372/2007 – 2007/2047(DEC))

P6_TA(2008)0142 A6-0111/2008

Il-Parlament Ewropew,

–   wara li kkunsidra l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006(1),

–   wara li kkunsidra r-rapport tal-Qorti ta" l-Awdituri dwar il-kontijiet annwalidefinittivi tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006, flimkien mat-tweġibiet tal-Fondazzjoni(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat li jistabbilixxi l-KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1365/75 tas-26 ta" Mejju 1975 dwar il-ħolqien ta" Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol(4), u b'mod partikolari l-Artikolu 16 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0111/2008),

1.  Jagħti l-kwittanza lid-direttur eżekuttiv tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol b'rabta ma" l-implimentazzjoni tal-baġit tal-Fondazzjoni għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deċiżjoni u r-riżoluzzjoni li tifforma parti integrali minnha lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol, lill-Kunsill, lill-Kummissjoni u lill-Qorti ta" l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (Serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006 (C6-0372/2007 – 2007/2047(DEC))

Il-Parlament Ewropew,

–   wara li kkunsidra l-kontijiet annwali definittivital-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006,(6)

–   wara li kkunsidra r-rapport tal-Qorti ta" l-Awdituri dwar il-kontijiet annwali definittivital-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006, flimkien mat-tweġibiet tal-Fondazzjoni(7),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat li jistabbilixxi l-KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1365/75 tas-26 ta" Mejju 1975 dwar il-ħolqien ta" Fondazzjoni Ewropea għat-titjib tal-kondizzjonijiet tal-ħajja u tax-xogħol(9), u b'mod partikolari l-Artikolu 16 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(10), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0111/2008),

1.  Jinnota li l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol huma kif annessi mar-rapport tal-Qorti ta" l-Awdituri.

2.  Japprova l-għeluq tal-kontijiet tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006;

3.  Jagħti istruzzjonijiet lill-President tiegħu biex jgħaddi din id-deċiżjoni u r-riżoluzzjoni li tifforma parti integrali minnha lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol, lill-Kunsill, lill-Kummissjoni u lill-Qorti ta" l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (Serje L).

3.Riżoluzzjoni tal-Parlament Ewropew tat-22 ta' April 2008 b'osservazzjonijiet li jiffurmaw parti integrali mid-deċiżjoni dwar il-kwittanza rigward l-implimentazzjoni tal-baġit tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006 (C6-0372/2007 – 2007/2047(DEC))

Il-Parlament Ewropew,

–   wara li kkunsidra l-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006(11),

–   wara li kkunsidra r-rapport tal-Qorti ta" l-Awdituri dwar il-kontijiet annwali definittivi tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għas-sena finanzjarja 2006, flimkien mat-tweġibiet tal-Fondazzjoni(12),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat li jistabbilixxi l-KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(13), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1365/75 tas-26 ta" Mejju 1975 dwar il-ħolqien ta" Fondazzjoni Ewropea għat-titjib tal-kondizzjonijiet tal-ħajja u tax-xogħol(14), u b'mod partikolari l-Artikolu 16 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(15), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0111/2008),

A.   billi l-Qorti ta" l-Awdituri stqarret li kisbet assigurazzjoni raġjonevoli li l-kontijiet annwali għas-sena finanzjarja 2006 huma ta" min wieħed joqgħod fuqhom u li t-tranżazzjonijiet bażiċi huma legali u regolari,

B.   billi fl-24 ta" April 2007, il-Parlament ta l-kwittanza lid-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol b'rabta ma" l-implimentazzjoni tal-baġit tal-Fondazzjoni għas-sena finanzjarja 2005(16), u fir-riżoluzzjoni tiegħu li takkumpanja d-deċiżjoni ta" kwittanza fost affarijiet oħrajn:

Punti ġenerali li jikkonċernaw il-kwestjonijiet orizzontali ta" l-aġenziji ta" l-UE, u li għalhekk huma importanti wkoll għall-proċeduri ta" kwittanza ta" kull aġenzija individwali

1.  Jinnota li l-baġits ta" l-24 aġenzija u ta" korpi satelliti oħrajn li saritilhom il-verifika mill-Qorti ta" l-Awdituri kienu jammontaw għal EUR 1 080,5 miljun fl-2006 (l-ogħla baġit kien ta" l-Aġenzija Ewropea għar-Rikostruzzjoni li kien jammonta għal EUR 271 miljun u l-inqas baġit kien tal-Kulleġġ tal-Pulizija Ewropew (CEPOL) li kien jammonta għal EUR 5 miljun);

2.  Jenfasizza l-fatt li l-firxa ta" korpi esterni ta" l-UE li huma suġġetti għal verifika u għal kwittanza issa tinkludi mhux biss aġenziji regolatorji tradizzjonali, iżda wkoll aġenziji eżekuttivi li ġew stabbiliti sabiex jimplimentaw programmi speċifiċi, u fil-futur qarib se tiġi estiża wkoll għal intrapriżi konġunti li ġew stabbiliti bħala sħubiji pubbliċi-privati (inizjattivi teknoloġiċi konġunti);

3.  Josserva fir-rigward tal-Parlament li l-għadd ta" aġenziji suġġetti għall-proċedura ta" kwittanza evolva kif ġej: sena finanzjarja 2000: 8; 2001: 10; 2002: 11; 2003: 14; 2004: 14; 2005: 16; 2006: 20 aġenzija regolatorja u 2 aġenziji eżekuttivi (m'humiex qegħdin jiġu inklużi 2 aġenziji li jiġu verifikati mill-ECA, iżda li huma suġġetti għal proċess ta" kwittanza intern);

4.  Għaldaqstant, jikkonkludi li l-proċess ta" verifika / kwittanza sar ineffiċjenti u sproporzjonat meta mqabbel mad-daqs relattiv tal-baġits ta" l-aġenziji / tal-korpi satelliti; jagħti istruzzjonijiet lill-kumitat kompetenti tiegħu sabiex jagħmel analiżi mill-ġdid fuq firxa wiesgħa tal-proċess ta" kwittanza fir-rigward ta" aġenziji u korpi satelliti bil-għan li jitfassal metodu iktar sempliċi u razzjonali, filwaqt li wieħed iżomm f'moħħu l-għadd li kulma jmur qiegħed jikber ta" korpi li kull wieħed minnhom fis-snin li ġejjin se jeżiġi rapport ta" kwittanza separat;

Kunsiderazzjonijiet fundamentali

5.  Jitlob li l-Kummissjoni tipprovdi spjegazzjonijiet ċari fir-rigward ta" l-elementi li ġejjin qabel il-ħolqien ta" aġenzija ġdida jew ir-riforma ta" aġenzija eżistenti: it-tip ta" aġenzija, l-għanijiet ta" l-aġenzija, l-istruttura ta" governanza interna, il-prodotti, is-servizzi, il-proċeduri ewlenin, il-grupp immirat, il-klijenti u l-imsieħba ta" l-aġenzija, ir-relazzjoni formali ma" l-atturi esterni, ir-responsabiltà tal-baġit, l-ippjanar finanzjarju, u l-politika dwar il-personal u l-provvista ta" staff;

6.  Jitlob li kull aġenzija tiġi regolata minn ftehim ta" l-eżekuzzjoni annwali li jiġi formulat mill-aġenzija u mid-DĠ responsabbli u li għandu jinkludi l-għanijiet ewlenin għas-sena li tkun ġejja, qafas finanzjarju u indikaturi ċari għall-kejl tar-rendiment;

7.  Jitlob li r-rendiment ta" l-aġenziji jiġi verifikat b'mod regolari (u fuq bażi ad hoc) mill-Qorti ta" l-Awdituri jew awditur indipendenti ieħor; jikkunsidra li din il-verifika m'għandhiex tkun limitata għal elementi tradizzjonali ta" ġestjoni finanzjarja u għall-użu kif suppost tal-fondi pubbliċi, iżda għandha tkopri wkoll l-effiċjenza u l-effikaċja amministrattiva u għandha tinkludi klassifika tal-ġestjoni finanzjarja ta" kull aġenzija;

8.  Hu ta l-opinjoni li fil-każ ta" aġenziji li qegħdin kontinwament jgħollu "l fuq il-ħtiġijiet tal-baġit tagħhom rispettiv għandu jkun hemm tnaqqis tekniku skond il-postijiet vakanti; huwa ta" l-opinjoni li dan għandu jwassal f'perjodu fit-tul għal dħul inqas assenjat għall-aġenziji u għalhekk inaqqas ukoll l-ispejjeż amministrattivi;

9.  Jinnota li hija problema serja li għadd ta' aġenziji jiġu kkritikati talli ma jsegwux ir-regoli dwar l-akkwist pubbliku, ir-Regolament Finanzjarju, ir-Regolamenti ta' l-Istaff eċċ.; jikkunsidra li r-raġuni ewlenija għal dan hija li ħafna mir-regolamenti u r-Regolament Finanzjarju huma mfassla għal istituzzjonijiet akbar u li ħafna mill-aġenziji ż-żgħar m'għandhomx il-kapaċità mixtieqa biex jaqdu dawn il-ħtiġijiet regolatorji; għalhekk jitlob lill-Kummissjoni biex tfittex soluzzjoni rapida sabiex tkattar l-effiċjenza billi jingħaqdu flimkien il-funzjonijiet amministrattivi ta" l-aġenziji differenti flimkien sabiex tinkiseb din il-kapaċità kritika (billi jiġu kkunsidrati l-bidliet meħteġa fir-regolamenti bażiċi li jiggvernaw l-aġenziji u l-indipendenza tal-baġit tagħhom), jew li b'mod urġenti jitfasslu regoli speċifiċi għall-aġenziji li jippermettulhom li jkunu konformi b'mod sħiħ;

10.  Jinsisti li meta tkun qed tfassal l-Abbozz Preliminari tal-Baġit il-Kummissjoni għandha tikkunsidra ir-riżultati ta' l-implimentazzjoni tal-baġit mill-aġenziji individwali għas-snin ta' qabel, b'mod partikolari għas-sena n-1 u, tirrevedi l-baġit mitlub mill-aġenzija partikolari kif meħtieġ; jistieden lill-kumitat kompetenti tagħha biex jirrispetta din ir-reviżjoni u, jekk dan ma jsirx mill-Kummissjoni, tirrevedi hija stess il-baġit in kwsitjoni għal-livell realistiku li jaqbel mal-kapaċità ta" assorbiment u ta' implimentazzjoni ta" l-aġenzija konċernata;

11.  Ifakkar fid-deċiżjoni tiegħu dwar il-kwittanza b'rabta mas-sena finanzjarja 2005 meta stieden lill-Kummissjoni biex tippreżenta kull ħames snin studju dwar il-valur miżjud ta" kull aġenzija eżistenti; jistieden lill-istituzzjonijiet kollha relevanti sabiex f'każ ta" evalwazzjoni negattiva tal-valur miżjud ta" l-aġenzija jieħdu l-passi meħtieġa billi jiġi fformulat mill-ġdid il-mandat ta" dik l-aġenzija jew billi tingħalaq; jenfasizza li ma kien hemm ebda evalwazzjoni min-naħa tal-Kummissjoni fl-2007; jinsisti li l-Kummissjoni għandha tippreżenta mill-inqas 5 evalwazzjonijiet bħal dawn qabel ma tittieħed deċiżjoni dwar il-kwittanza b'rabta mas-sena finanzjarja 2007, u dan billi tibda mill-aktar aġenziji antiki;

12.  Huwa ta" l-opinjoni li r-rakkomandazzjonijiet tal-Qorti ta" l-Awdituri għandhom jiġu implimentati minnufih u li l-livell tas-sussidji mħallsa lill-aġenziji għandu jkun konformi mal-ħtiġijiet attwali tagħhom għall-flus kontanti; barra minn hekk jikkunsidra li l-emendi tar-Regolament Finanzjarju ġenerali għandhom jiġu miżjuda mar-regolament finanzjarju ta' qafas ta" l-aġenziji u mar-regolamenti finanzjarji speċifiċi varji tagħhom;

Preżentazzjoni ta" rapportar tad-data

13.  Jinnota li m'hemm ebda metodu standard fost l-aġenziji għall-preżentazzjoni ta" l-attivitajiet tagħhom matul is-sena finanzjarja konċernata, u tal-kontijiet u tar-rapporti tagħhom dwar il-ġestjoni baġitarja u finanzjarja u lanqas dwar il-kwistjoni jekk għandhiex titfassal dikjarazzjoni ta" assigurazzjoni mid-direttur ta" l-aġenzija; josserva li mhux l-aġenziji kollha jiddistingwu b'mod ċar bejn a) il-preżentazzjoni tax-xogħol ta" l-aġenzija lill-pubbliku u b) ir-rapportar tekniku dwar il-ġestjoni baġitarja u finanzjarja;

14.  Jinnota li filwaqt li l-istruzzjonijiet fis-seħħ tal-Kummissjoni għall-preparazzjoni tar-rapporti ta" attività ma jeżiġux b'mod espliċitu li l-aġenzija tfassal dikjarazzjoni ta" assigurazzjoni, bosta diretturi, minkejja dan, xorta waħda għamluha għall-2006, filwaqt li f'każ wieħed minnhom kienet inkluża riserva importanti;

15.  Ifakkar li l-paragrafu 23 tar-riżoluzzjoni tiegħu tat-12 ta" April 2005(17) jistieden lid-Diretturi ta" l-Aġenziji sabiex minn issa "l quddiem ir-rapport ta" attività annwali tagħhom li jiġi ppreżentat flimkien mat-tagħrif finanzjarju u tal-ġestjoni jrid ikollu miegħu dikjarazzjoni ta" assigurazzjoni li tikkonċerna l-legalità u r-regolarità ta" l-operazzjonijiet, simili għad-dikjarazzjonijiet li ffirmati mid-Diretturi Ġenerali tal-Kummissjoni;

16.  Jitlob lill-Kummissjoni sabiex temenda l-istruzzjonijiet tagħha fis-seħħ għall-aġenziji skond dak li ntqal hawn fuq;

17.  Barra minn hekk, jissuġġerixxi li l-Kummissjoni għandha taħdem ma" l-aġenziji sabiex tipproduċi mudell armonizzat li japplika għall-aġenziji u għall-korpi satelliti kollha, filwaqt li jiddistingwi b'mod ċar bejn

Riżultati ġenerali mill-Qorti ta" l-Awdituri

18.  Jinnota dak li sabet il-Qorti (Rapport Annwali, il-paragrafu 10.29(18)) dwar l-iżburżar ta" sussidji li jitħallsu mill-Kummissjoni mill-baġit tal-Komunità li m'huwiex ibbażat fuq stimi ġġustifikati biżżejjed tar-rekwiżiti ta" flus kontanti ta" l-aġenziji u li dan, flimkien mad-daqs tat-trasferimenti (carry-overs), iwassalhom sabiex ikollhom fil-pussess bilanċi ta" kreditu kbar mhux ħażin; jinnota wkoll ir-rakkomandazzjoni tal-Qorti li l-livell ta" sussidji li jitħallsu lill-aġenziji għandu jkun konformi mar-rekwiżiti ta" flus kontanti reali tagħhom;

19.  Jinnota li fi tmiem l-2006, 14-il aġenzija kienu għad iridu jimplimentaw is-sistema tal-kontijiet ABAC (Rapport Annwali, in-nota f'qiegħ il-paġna għall-paragrafu 10.31);

20.  Jinnota l-kumment tal-Qorti (Rapport Annwali, il-paragrafu 1.25) dwar spejjeż akkumulati li tagħhom jagħtu kont xi wħud mill-aġenziji minħabba li ma tteħidx il-liv; jenfasizza l-fatt li l-Qorti ta" l-Awdituri kkwalifikat l-istqarrija ta" assigurazzjoni tagħha fil-każ ta" tliet aġenziji (Iċ-Ċentru Ewropew għall-Iżvilupp ta" Taħriġ Vokazzjonali (CEDEFOP), CEPOL u l-Aġenzija Ewropea tal-Ferroviji) għas-sena finanzjarja 2006 (2005: CEDEFOP, l-Awtorità Ewropea dwar is-Sigurtà fl-Ikel, l-Aġenzija Ewropea għar-Rikostruzzjoni);

Verifika interna

21.  Ifakkar li f'konformità ma" l-Artikolu 185(3) tar-Regolament Finanzjarju, l-Awditur Intern tal-Kummissjoni huwa wkoll l-awditur intern ta" l-aġenziji regolatorji li jirċievu konċessjonijiet mill-baġit ta" l-UE; jenfasizza l-fatt li l-Awditur Intern jirrapporta lill-bord ta" tmexxija u lid-direttur ta" kull aġenzija;

22.  Jiġbed l-attenzjoni għar-riserva li tniżżlet fir-Rapport ta" Attività Annwali ta" l-Awditur Intern għall-2006 kif ġej:"

L-Awditur Intern tal-Kummissjoni ma jinsabx f'pożizzjoni li jissodisfa kif suppost l-obbligu konferut lilu mill-Artikolu 185 tar-Regolament Finanzjarju bħala awditur intern tal-korpi tal-Komunità minħabba nuqqas ta" riżorsi ta" staff.

23.  Madankollu, jinnota l-kumment ta" l-Awditur Intern fir-rapport ta" attività tiegħu għall-2006 li mill-2007, bis-saħħa tar-riżorsi ta" l-istaff addizzjonali konċessi mill-Kummissjoni lis-Servizz ta" Verifika Interna (IAS), l-aġenziji regolatorji operattivi kollha se jkunu suġġetti għal xogħol ta" verifika interna fuq bażi annwali;

24.  Jinnota l-għadd li kulma jmur qiegħed jikber ta" aġenziji regolatorji u eżekuttivi u ta" intrapriżi konġunti meħtieġa li ssirilhom il-verifika mill-IAS skond l-Artikolu 185 tar-Regolament Finanzjarju; jitlob lill-Kummissjoni sabiex tinforma lill-kumitat kompetenti tiegħu dwar jekk ir-riżorsi ta" l-istaff li huma disponibbli għall-IAS humiex se jkunu biżżejjed sabiex issir verifika annwali ta" dawn il-korpi kollha fis-snin li ġejjin;

25.  Josserva li l-Artikolu 72(5) tar-Regolament (KE, Euratom)Nru 2343/2002 jeżiġi li kull sena l-entità tal-Komunità tibgħat rapport lill-Kummissjoni u lill-awtorità responsabbli għar-kwittanza, li jkun imħejji mid-direttur u li jiġbor l-għadd u t-tip ta" verifiki interni li saru mill-awditur intern, ir-rakkomandazzjonijiet li saru u l-azzjonijiet li ttieħdu fuq dawn ir-rakkomandazzjonijiet; jitlob lill-aġenziji sabiex jindikaw jekk dan huwiex qiegħed isir u, jekk inhu hekk, kif qiegħed isir;

26.  Jieħu nota, fir-rigward tal-kapaċità tal-verifika interna, l-iktar b'rabta ma" l-aġenziji iżgħar, ta" proposta li saret mill-Awditur Intern quddiem il-kumitat kompetenti tal-Parlament fl-14 ta" Settembru 2006 li aġenziji iżgħar għandhom ikunu awtorizzati jixtru, f'servizzi ta" verifika interna, mis-settur privat;

Evalwazzjoni ta" l-aġenziji

27.  Ifakkar l-istqarrija konġunta mill-Parlament, mill-Kunsill u mill-Kummissjoni(19) li ġiet innegozjata fil-konċiljazzjoni quddiem il-Kunsill tal-baġit ECOFIN tat-13 ta" Lulju 2007 li titlob għal i) lista ta" aġenziji li l-Kummissjoni għandha l-ħsieb li tevalwa, u ii) lista ta" aġenziji li diġà ġew evalwati, flimkien ma" sommarju tar-riżultati prinċipali;

Proċeduri dixxiplinari

28.  Jinnota li, minħabba d-daqs tagħhom, aġenziji individwali jsibu diffikultà biex jistabbilixxu bordijiet dixxiplinari ad hoc minn fost staff li huwa ta" grad xieraq tal-karriera u li l-IDOC (l-Uffiċċju ta" l-Investigazzjoni u Dixxiplina) tal-Kummissjoni m'huwiex kompetenti għall-aġenziji; jitlob lill-aġenziji sabiex jikkunsidrau bord ta dixxiplina bejn l-aġenziji;

Abbozz ta" ftehim interistituzzjonali

29.  Ifakkar l-abbozz tal-Ftehim Interistituzzjonali tal-Kummissjoni dwar il-qafas operattiv għall-aġenziji regolatorji Ewropej (COM(2005)0059) li kien maħsub li joħloq qafas orizzontali għall-ħolqien, l-istruttura, it-tħaddim, l-evalwazzjoni u l-kontroll ta" l-aġenziji regolatorji Ewropej; jinnota li l-abbozz jirrappreżenta inizjattiva utli għall-isforz sabiex ikunu razzjonalizzati l-ħolqien u l-immaniġġjar ta" l-aġenziji; jinnota l-istqarrija fir-rapport ta" sintesi 2006 tal-Kummissjoni (il-paragrafu 3.1, COM(2007)0274) li għalkemm ma sarx progress fin-negozjati wara l-pubblikazzjoni tal-proposta, tniedew mill-ġdid diskussjonijiet dwar sustanza fil-Kunsill fi tmiem l-2006; jiddispjaċih li ma kienx possibbli li jsir iktar progress lejn l-adozzjoni;

30.  Għaldaqstant, jilqa" b'sodisfazzjon l-impenn tal-Kummissjoni li tressaq Komunikazzjoni dwar il-ġejjieni ta" l-aġenziji regolatorji matul l-2008;

Aġenziji ffinanzjati minnhom infushom

31.  Ifakkar li għaż-żewġ aġenziji li jiffinanzjaw lilhom infushom, tiġi konċessa kwittanza lid-direttur mill-bord amministrattiv; jinnota li t-tnejn li huma għandhom surpluses akkumulati sinifikanti minn dħul ta' onorarji li ġew trasferiti miċ-ċifri tas-snin preċedenti:

Punti speċifiċi

32.  Jinnota li għas-sena finanzjarja 2006, il-Qorti ta" l-Awdituri għal darb'oħra sabet rati għoljin ta" trasferimenti (43% għall-infiq amministrattiv (Intestatura II) u 45% għall-attivitajiet operattivi (Intestatura III));

33.  Jiġbed l-attenzjoni għall-fatt li għalkemm il-Qorti ta" l-Awdituri tikkonferma li, matul is-sena finanzjarja, il-Fondazzjoni Ewropea għat-Titjib tal-Kondizzonijiet ta" l-Ħajja u tax-Xogħol ikkonformat fl-aspetti kollha essenzjali mad-dispożizzjonijiet li jirrigwardaw l-affidabilità, kien hemm numru ta" nuqqasijiet, mhux l-anqas fir-rigward tar-regola ta' l-annwalità tal-baġit, l-għoti ta' żewġ kuntratti, il-fatt li ammonti li kellhom jintefqu kompletament fl-2007 ġew ibbaġitjati fl-2006, u n-nuqqas ta" osservazzjoni tal-kriterji ta" l-għażla fir-rigward ta" uffiċjali, tqanqal is-suspett li t-trasparenza u n-nondiskriminazzjoni setgħu ma' ġewx garantiti waqt li kienu għaddejin il-proċeduri;

34.  Jinnota l-kritika tal-Qorti li, b'rabta mal-proċeduri ta" reklutaġġ, il-kriterji ta" l-għażla la ġew deċiżi mill-bordijiet ta" l-għażla mill-bidunett u lanqas ma ġew definiti f'konformità ma" l-avviż ta" postijiet vakanti, u t-tweġiba tal-Fondazzjoni li l-avviżi kollha ta" postijiet vakanti issa jinkludu indikazzjoni ċara dwar jekk is-suċċess li jinkiseb fit-testijiet huwiex kondizzjoni minn qabel għall-ksib ta" suċċess fil-kompetizzjoni;

35.  Jinnota li l-karta tal-bilanċ tal-Fondazzjoni tinkludi artijiet u binjiet b'valur ta" EUR 1,8 miljun (għalkemm l-ispiża ta" kostruzzjoni ta" l-1992 kienet ta" EUR 7,2 miljun) u surplus akkumulat ta" EUR 4,09 miljun;

36.  Jinnota mir-Rapport Annwali tal-Fondazzjoni għall-2006 li, fl-2006, il-Fondazzjoni stabbiliet sistema għall-immaniġġjar tal-proġett għat-titjib ta" l-effiċjenza ta" l-organizzazzjoni permezz ta" trasparenza ikbar u koordinazzjoni aħjar fl-użu tar-riżorsi, u li sistema għall-immonitorjar ta" l-eżekuzzjoni ġiet implimentata wkoll sabiex tkompli tiżdied l-effiċjenza; ; barra minn hekk, is-sistema ta' l-akkwist ġiet estiża sabiex tipprovdi flessibiltà ikbar;

37.  Jinnota wkoll li fl-2006 l-Fondazzjoni nediet evalwazzjoni ex-post tal-programm ta" ħidma 2001-2004, flimkien ma" evalwazzjoni interim ta" aspetti magħżulin tax-xogħol li jsir mill-Fondazzjoni bil-għan li jiġu determinati l-impatt ta" l-organizzazzjoni, il-valur miżjud u l-effikaċja; jitlob sabiex jiġi infurmat dwar ir-riżultati ta" l-evalwazzjoni.

(1) ĠU C 261, 31.10.2007, p. 60. (2) ĠU C 309, 19.12.2007, p. 116. (3) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (4) ĠU L 139, 30.5.1975, p. 1. Ir-Regolament kif emendat l-aħħar bir-Regolament (KE) Nru 1111/2005 (ĠU L 184, 15.7.2005, p. 1). (5) ĠU L 357, 31.12.2002, p. 72. (6) ĠU C 261, 31.10.2007, p. 60. (7) ĠU C 309, 19.12.2007, p. 116. (8) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (9) ĠU L 139, 30.5.1975, p. 1. Ir-Regolament kif emendat l-aħħar bir-Regolament (KE) Nru 1111/2005 (ĠU L 184, 15.7.2005, p. 1). (10) ĠU L 357, 31.12.2002, p. 72. (11) ĠU C 261, 31.10.2007, p. 60. (12) ĠU C 309, 19.12.2007, p. 116. (13) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9) (14) ĠU L 139, 30.5.1975, p. 1. Ir-Regolament kif emendat l-aħħar bir-Regolament (KE) Nru 1111/2005 (ĠU L 184, 15.7.2005, p. 1). (15) ĠU L 357, 31.12.2002, p. 72. (16) ĠU L 187, 15.7.2008, p. 85. (17) Riżoluzzjoni tal-Parlament Ewropew bil-kummenti li takkumpanja d-deċiżjoni dwar il-kwittanza mogħtija lid Direttur tal-Fondazzjoni Ewropea għal Titjib tal-Kondizzjonijiet tal-Hajja u tax-Xogħol għall-implimentazzjoni tal-baġit tiegħu għas-sena finanzjarja 2003 (ĠU L 196, 27.7.2005, p. 75). (18) ĠU C 273, 15.11.2007, p. 1. (19) Dokument tal-Kunsill DS 605/1/07 Rev 1. (20) Sors: Rapport dwar il-kontijiet annwali ta' l-Uffiċċju għall-Armonizzazzjoni tas-Suq Intern għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.141). (21) Sors: Rapport dwar il-kontijiet annwali ta' l-Uffiċċju tal-Komunità għall-Varjetà ta" Pjanti għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.135).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit tal-Fondazzjoni Ewropea għat-Taħriġ għas-sena finanzjarja 2006 (C6-0381/2007 – 2007/2056(DEC))

P6_TA(2008)0143 A6-0114/2008

Il-Parlament Ewropew,

–   wara li kkunsidra l-kontijiet annwali definittivi tal-Fondazzjoni Ewropea għat-Taħriġ għas-sena finanzjarja 2006(1),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali tal-Fondazzjoni Ewropea għat-Taħriġ għas-sena finanzjarja 2006, flimkien mat-tweġibiet ta' l-Aġenzija(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1360/90 tas-7 ta" Mejju 1990 li jistabbilixxi l-Fondazzjoni Ewropea għat-Taħriġ(4), u b'mod partikulari l-Artikolu 11 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0114/2008),

1.  Jagħti kwittanza lid-Direttur tal-Fondazzjoni Ewropea għat-Taħriġ fir-rigward ta" l-implimentazzjoni tal-baġit tal-Fondazzjoni għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu sabiex iressaq din id-deċiżjoni u r-riżoluzzjoni li tifforma parti integrali minnha lid-Direttur tal-Fondazzjoni Ewropea għat-Taħriġ, lill-Kunsill, lill-Kummissjoni u lill-Qorti ta" l-Awdituri, u sabiex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (Serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet tal-Fondazzjoni Ewropea għat-Taħriġ għas-sena finanzjarja 2006 (C6-0381/2007 – 2007/2056(DEC))

Il-Parlament Ewropew,

–   wara li kkunsidra l-kontijiet finali annwali tal-Fondazzjoni Ewropea għat-Taħriġ għas-sena finanzjarja 2006(6),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali tal-Fondazzjoni Ewropea għat-Taħriġ għas-sena finanzjarja 2006, flimkien mat-tweġibiet tal-Fondazzjoni(7),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1360/90 tas-7 ta" Mejju 1990 li jistabbilixxi l-Fondazzjoni Ewropea għat-Taħriġ(9), u b'mod partikulari l-Artikolu 11 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(10), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0114/2008),

1.  Jinnota li l-kontijiet annwali finali tal-Fondazzjoni Ewropea għat-Taħriġ huma kif annessi mar-rapport tal-Qorti ta" l-Awdituri;

2.  Japprova l-għeluq tal-kontijiet tal-Fondazzjoni Ewropea għat-Taħriġ għas-sena finanzjarja 2006;

3.  Jagħti istruzzjonijiet lill-President tiegħu biex jgħaddi din id-deciżjoni lid-Direttur tal-Fondazzjoni Ewropea għat-Taħriġ, lill-Kunsill, lill-Kummissjoni u lill-Qorti ta' l-Awdituri, u biex jirranġa li tiġi ppubblikata fil-Ġurnal Uffiċjali ta' l-Unjoni Ewropea (serje L).

3.Riżoluzzjoni tal-Parlament Ewropew tat-22 ta' April 2008 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Fondazzjoni Ewropea għat-Taħriġ għas-sena finanzjarja 2006 (C6-0381/2007 – 2007/2056(DEC))

Il-Parlament Ewropew,

–   wara li kkunsidra l-kontijiet finali annwali tal-Fondazzjoni Ewropea għat-Taħriġ għas-sena finanzjarja 2006(11),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali tal-Fondazzjoni Ewropea għat-Taħriġ għas-sena finanzjarja 2006, flimkien mat-tweġibiet tal-Fondazzjoni(12),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(13), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KEE) Nru 1360/90 tas-7 ta" Mejju 1990 li jistabbilixxi l-Fondazzjoni Ewropea għat-Taħriġ(14), u b'mod partikulari l-Artikolu 11,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(15), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0114/2008),

A.   billi l-Qorti ta" l-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2006 huma ta" min wieħed joqgħod fuqhom, u li t-tranżazzjonijiet bażiċi huma legali u regolari,

B.   billi fl-24 ta" April 2007, il-Parlament ta l-kwittanza lid-Direttur tal-Fondazzjoni Ewropea għat-Taħriġ fir-rigward ta' l-implimentazzjoni tal-baġit tal-Fondazzjoni għas-sena finanzjarja 2005(16), u fir-riżoluzzjoni tiegħu li takkumpanja d-deċiżjoni ta" kwittanza, fost affarijiet oħra

Punti ġenerali li jikkonċernaw il-kwistjonijiet orizzontali li jaffettwaw lill-aġenziji ta" l-UE, u li b'hekk huma importanti wkoll għall-proċedura ta" kwittanza ta" kull waħda mill-aġenziji individwali

1.  Jinnota li l-baġits ta" l-24 aġenzija u ta" korpi relatati oħrajn li saritilhom il-verifika mill-Qorti ta" l-Awdituri kienu jammontaw għal EUR 1 080,5 miljun fl-2006 (l-akbar baġit kien ta" l-Aġenzija Ewropea għar-Rikostruzzjoni li kien jammonta għal EUR 271 miljun u l-iżgħar baġit kien tal-Kulleġġ Ewropew tal-Pulizija (CEPOL) li kien jammonta għal EUR 5 miljun);

2.  Jenfasizza l-fatt li l-firxa ta" korpi esterni ta" l-UE li huma suġġetti għal verifika u għal kwittanza issa tinkludi mhux biss aġenziji regolatorji tradizzjonali iżda wkoll aġenziji eżekuttivi li ġew stabbiliti sabiex jimplimentaw programmi speċifiċi, u fil-futur qrib se testendi wkoll għal intrapriżi konġunti li ġew stabbiliti bħala sħubiji pubbliċi-privati (inizjattivi teknoloġiċi konġunti);

3.  Josserva fir-rigward tal-Parlament li l-għadd ta" aġenziji suġġetti għall-proċedura ta" kwittanza evolva kif ġej: sena finanzjarja 2000: 8; 2001: 10; 2002: 11; 2003: 14; 2004: 14; 2005: 16; 2006: 20 aġenzija regolatorja u 2 aġenziji eżekuttivi (m'humiex qegħdin jiġu inklużi 2 aġenziji li jiġu vverifikati mill-ECA iżda li huma suġġetti għal proċess ta" kwittanza intern);

4.  Għaldaqstant, jikkonkludi li l-proċess ta" verifika / kwittanza sar ineffiċjenti u sproporzjonat meta mqabbel mad-daqs relattiv tal-baġits ta" l-aġenziji / tal-korpi satelliti; jagħti istruzzjonijiet lill-kumitat kompetenti tiegħu sabiex jagħmel analiżi mill-ġdid fuq firxa wiesgħa tal-proċess ta" kwittanza fir-rigward ta" aġenziji u korpi satelliti bil-għan li jitfassal metodu iktar sempliċi u razzjonali, filwaqt li wieħed iżomm f'moħħu l-għadd li kulma jmur qiegħed jikber ta" korpi li kull wieħed minnhom jesiġi rapport ta" kwittanza separat fis-snin li ġejjin;

Kunsiderazzjonijiet fundamentali

5.  Jitlob li l-Kummissjoni tipprovdi spjegazzjonijiet ċari fir-rigward ta" l-elementi li ġejjin qabel il-ħolqien ta" aġenzija ġdida jew ir-riforma ta" aġenzija eżistenti: it-tip ta" aġenzija, l-għanijiet ta" l-aġenzija, l-istruttura ta" governanza interna, il-prodotti, is-servizzi, il-proċeduri ewlenin, il-grupp immirat, il-klijenti u l-imsieħba ta" l-aġenzija, ir-relazzjoni formali ma" l-atturi esterni, ir-responsabiltà tal-baġit, l-ippjanar finanzjarju, u l-politika dwar il-personal u l-provvista ta" staff;

6.  Jitlob li kull aġenzija tiġi regolata minn ftehim ta" l-eżekuzzjoni fis-sena li huwa fformulat mill-aġenzija u mid-DĠ responsabbli u li għandu jinkludi l-għanijiet ewlenin għas-sena li tkun ġejja, qafas finanzjarju u indikaturi ċari għall-kejl ta" l-eżekuzzjoni;

7.  Jitlob li l-eżekuzzjoni ta" l-aġenziji tiġi vverifikata b'mod regolari (u fuq bażi ad hoc) mill-Qorti ta" l-Awdituri jew awditur indipendenti ieħor; iqis li din il-verifika m'għandhiex tkun limitata għal elementi tradizzjonali ta" ġestjoni finanzjarja u għall-użu kif suppost tal-fondi pubbliċi, iżda għandha tkopri wkoll l-effiċjenza u l-effikaċja amministrattiva u għandha tinkludi klassifika tal-ġestjoni finanzjarja ta" kull aġenzija;

8.  Jargumenta li fil-każ ta" aġenziji li qegħdin kontinwament jgħollu "l fuq il-ħtiġijiet tal-baġit tagħhom rispettiv, għandu jkun hemm tnaqqis tekniku skond il-postijiet vakanti; huwa ta" l-opinjoni li dan għandu jwassal f'perjodu fit-tul għal dħul inqas assenjat għall-aġenziji u għalhekk inaqqas ukoll l-ispejjeż amministrattivi;

9.  Jinnota li hija problema serja li numru ta' aġenziji jiġu kkritikati talli ma jsegwux ir-regoli dwar l-akkwist pubbliku, ir-Regolament Finanzjarju, ir-Regolamenti ta' l-Istaff eċċ.; jikkunsidra li r-raġuni ewlenija għal dan hija li ħafna mir-regolamenti u r-Regolament Finanzjarju huma mfassla għal istituzzjonijiet akbar u li ħafna mill-aġenziji ż-żgħar m'ghandhomx il-kapaċità mixtieqa biex jaqdu dawn il-ħtiġijiet regolatorji; għalhekk jitlob lill-Kummissjoni sabiex issib soluzzjoni malajr kemm jista" jkun, sabiex titjieb l-effiċjenza billi l-funzjonijiet amministrattivi ta" diversi aġenziji jingħaqdu flimkien, sabiex tinkiseb din is-saħħa (billi wieħed jikkunsidra l-kambjamenti neċessarji fir-Regolamenti bażiċi li jmexxu lill-aġenziji u l-indipendenza baġitarja tagħhom), jew sabiex toħloq abbozz ta" regoli speċifiċi għall-aġenziji (b'mod partikolari billi timplimenta regoli għall-aġenziji) li jippermettulhom li jkunu konformi fit-totalità tagħhom;

10.  Jinsisti li l-Kummissjoni, meta tkun qed tfassal l-Abbozz Preliminari tal-Baġit, għandha tqis ir-riżultati ta' l-implimentazzjoni tal-baġit mill-aġenziji individwali għas-snin ta' qabel, b'mod partikolari għas-sena n-1 u, tirrevedi l-baġit mitlub mill-aġenzija partikolari kif meħtieġ; jistieden lill-Kumitat kompetenti tiegħu sabiex jirrispetta din ir-reviżjoni u, jekk ma jkunx diġà ġie rivedut mill-Kummissjoni, jirrevedi huwa stess il-baġit imsemmi fuq livell realistiku li jaqbel mal-kapaċità ta" assorbiment u implimentazzjoni ta" l-aġenzija imsemmija;

11.  Ifakkar id-deċiżjoni tiegħu dwar il-kwittanza b'rabta mas-sena finanzjarja 2005, fejn huwa stieden lill-Kummissjoni sabiex kull ħames snin tippreżenta studju dwar il-valur miżjud ta" kull aġenzija li teżisti; f'każ ta" evalwazzjoni negattiva tal-valur miżjud ta" aġenzija, jistieden lill-istituzzjonijiet relevanti kollha sabiex jieħdu l-passi neċessarji, billi jifformulaw mill-ġdid il-mandat ta" dik l-aġenzija jew billi jagħlquh; jinnota li ma saret l-ebda evalwazzjoni min-naħa tal-Kummissjoni fl-2007; jinsisti li l-Kummissjoni għandha tippreżenta, ta" l-inqas, 5 minn dan it-tip ta" evalwazzjonijiet qabel id-deċiżjoni dwar il-kwittanza b'rabta mas-sena finanzjarja 2007, billi tibda mill-iżjed aġenzija antika;

12.  Huwa ta" l-opinjoni li r-rakkomandazzjonijiet tal-Qorti ta" l-Awdituri għandhom jiġu implimentati minnufih, u li l-livell tas-sussidji mħallsa lill-aġenziji għandu jkun konformi mal-ħtiġijiet attwali tagħhom għall-flus kontanti; barra minn hekk jikkunsidra li l-emendi tar-Regolament Finanzjarju ġenerali għandhom jiġu miżjuda fir-Regolament finanzjarju tal-qafas ta" l-aġenziji u f'bosta regolamenti finanzjarji speċifiċi;

Preżentazzjoni tad-data ta' rappurtaġġ

13.  Jinnota li m'hemm ebda metodu standard fost l-aġenziji fir-rigward tal-preżentazzjoni ta" l-attivitajiet tagħhom matul is-sena finanzjarja konċernata, il-kontijiet tagħhom u r-rapporti dwar il-ġestjoni baġitarja u finanzjarja u l-kwistjoni dwar jekk għandhiex titfassal dikjarazzjoni ta" assigurazzjoni mid-direttur ta" l-aġenzija; josserva li mhux l-aġenziji kollha jiddistingwu b'mod ċar bejn a) il-preżentazzjoni tax-xogħol ta" l-aġenzija lill-pubbliku u b) ir-rapportar tekniku dwar il-ġestjoni baġitarja u finanzjarja;

14.  Jinnota li filwaqt li l-istruzzjonijiet fis-seħħ tal-Kummissjoni għall-preparazzjoni tar-rapporti ta" attività ma jesiġux b'mod espliċitu li l-aġenzija tfassal dikjarazzjoni ta" assigurazzjoni, bosta diretturi, minkejja dan, xorta waħda għamluha għall-2006, filwaqt li f'każ wieħed minnhom kienet inkluża riserva importanti;

15.  Ifakkar li l-paragrafu 25 tar-riżoluzzjoni tiegħu tat-12 ta" April 2005(17), li jistieden lid-Diretturi ta" l-Aġenziji sabiex minn issa "l quddiem ir-rapport ta" attività annwali tagħhom, li jiġi ppreżentat flimkien mat-tagħrif finanzjarju u tal-ġestjoni, irid ikollu miegħu dikjarazzjoni ta" assigurazzjoni li tikkonċerna l-legalità u r-regolarità ta" l-operazzjonijiet, simili għad-dikjarazzjonijiet li ġew iffirmati mid-Diretturi Ġenerali tal-Kummissjoni;

16.  Jitlob lill-Kummissjoni sabiex temenda l-istruzzjonijiet tagħha fis-seħħ għall-aġenziji skond dak li ntqal hawn fuq;

17.  Barra minn hekk, jissuġġerixxi li l-Kummissjoni għandha taħdem ma" l-aġenziji sabiex tipproduċi mudell armonizzat li japplika għall-aġenziji u għall-korpi satelliti kollha filwaqt li jiddistingwi b'mod ċar bejn

Sejbiet ġenerali mill-Qorti ta" l-Awdituri

18.  Jinnota s-sejba tal-Qorti (Rapport Annwali, il-paragrafu 10.29(18)) li l-iżburżar ta" sussidji li jitħallsu mill-Kummissjoni mill-baġit tal-Komunità m'huwiex ibbażat fuq stimi ġġustifikati biżżejjed tar-rekwiżiti ta" flus kontanti ta" l-aġenziji u li dan, flimkien mad-daqs tat-trasferimenti għas-sena ta' wara, iwassalhom sabiex ikollhom fil-pussess bilanċi ta" kreditu kbar mhux ħażin; jinnota wkoll ir-rakkomandazzjoni tal-Qorti li l-livell ta" sussidji li jitħallsu lill-aġenziji għandu jkun konformi mar-rekwiżiti ta" flus kontanti reali tagħhom;

19.  Jinnota li fi tmiem l-2006, 14-il aġenzija kienu għad iridu jimplimentaw is-sistema tal-kontijiet ABAC (Rapport Annwali, in-nota f'qiegħ il-paġna għall-paragrafu 10.31);

20.  Jinnota l-kumment tal-Qorti (Rapport Annwali, il-paragrafu 1.25) dwar spejjeż akkumulati minħabba lif li ma tteħidx li għalihom jagħtu kont xi wħud mill-aġenziji; jenfasizza l-fatt li l-Qorti ta" l-Awdituri kkwalifikat l-istqarrija ta" assigurazzjoni tagħha fil-każ ta" tliet aġenziji (Iċ-Ċentru Ewropew għall-Iżvilupp ta" Taħriġ Vokazzjonali (CEDEFOP), CEPOL u l-Aġenzija Ewropea tal-Ferroviji) għas-sena finanzjarja 2006 (2005: CEDEFOP, l-Awtorità Ewropea dwar is-Sigurtà fl-Ikel, l-Aġenzija Ewropea għar-Rikostruzzjoni);

Verifika interna

21.  Ifakkar li f'konformità ma" l-Artikolu 185(3) tar-Regolament Finanzjarju, l-Awditur Intern tal-Kummissjoni huwa wkoll l-awditur intern ta" l-aġenziji regolatorji li jirċievu konċessjonijiet mill-baġit ta" l-UE; jenfasizza l-fatt li l-Awditur Intern jirrapporta lill-bord ta" tmexxija u lid-direttur ta" kull aġenzija;

22.  Jiġbed l-attenzjoni għar-riserva li tniżżlet fir-Rapport ta" Attività Annwali ta" l-Awditur Intern għall-2006 kif ġej:"

L-Awditur Intern tal-Kummissjoni ma jinsabx f'pożizzjoni li jissodisfa kif suppost l-obbligu tiegħu konferut lilu mill-Artikolu 185 tar-Regolament Finanzjarju bħala awditur intern tal-korpi tal-Komunità minħabba nuqqas ta" riżorsi ta" staff.

23.  Madankollu, jinnota l-kumment ta" l-Awditur Intern fir-rapport ta" attività tiegħu għall-2006 li mill-2007, bis-saħħa tar-riżorsi ta" l-istaff addizzjonali konċessi mill-Kummissjoni lis-Servizz ta" Verifika Interna (IAS), l-aġenziji regolatorji operattivi kollha se jkunu suġġetti għal xogħol ta" verifika interna fuq bażi annwali;

24.  Jinnota l-għadd li kulma jmur qiegħed jikber ta" aġenziji regolatorji u eżekuttivi u ta" intrapriżi konġunti meħtieġa li ssirilhom il-verifika mill-IAS skond l-Artikolu 185 tar-Regolament Finanzjarju; jitlob lill-Kummissjoni sabiex tinforma lill-kumitat kompetenti tiegħu dwar jekk ir-riżorsi ta" l-istaff li huma disponibbli għall-IAS humiex se jkunu biżżejjed sabiex issir verifika annwali ta" dawn il-korpi kollha fis-snin li ġejjin;

25.  Josserva li l-Artikolu 72(5) tar-Regolament (KE, Euratom)Nru 2343/2002 jeżiġi li kull aġenzija tibgħat kull sena lill-awtorità tal-kwittanza u lill-Kummissjoni rapport li jkun imħejji mid-direttur tagħha u li jiġbor l-għadd u t-tip ta" verifiki interni li saru mill-awditur intern, ir-rakkomandazzjonijiet li saru u l-azzjonijiet li ttieħdu fuq dawn ir-rakkomandazzjonijiet; jitlob lill-aġenziji sabiex jindikaw jekk dan huwiex qiegħed isir u, jekk inhu hekk, kif qiegħed isir;

26.  Jieħu nota, fir-rigward tal-kapaċità tal-verifika interna, l-iktar b'rabta ma" l-aġenziji iżgħar, ta" proposta li saret mill-Awditur Intern quddiem il-kumitat kompetenti tal-Parlament nhar l-14 ta" Settembru 2006 li aġenziji iżgħar għandhom ikunu awtorizzati jixtru, f'servizzi ta" verifika interna, mis-settur privat;

Evalwazzjoni ta" l-aġenziji

27.  Ifakkar l-istqarrija konġunta mill-Parlament, mill-Kunsill u mill-Kummissjoni(19) li ġiet innegozjata fil-konċiljazzjoni quddiem il-Kunsill tal-baġit ECOFIN tat-13 ta" Lulju 2007 li titlob għal i) lista ta" aġenziji li l-Kummissjoni għandha l-ħsieb li tevalwa, u ii) lista ta" aġenziji li diġà ġew evalwati, flimkien ma" sommarju tar-riżultati prinċipali;

Proċeduri dixxiplinari

28.  Jinnota li, minħabba d-daqs tagħhom, aġenziji individwali jsibu diffikultà biex jistabbilixxu bordijiet dixxiplinari ad hoc minn fost staff li huwa ta" grad xieraq tal-karriera u li l-IDOC (l-Uffiċċju ta" l-Investigazzjoni u Dixxiplina) tal-Kummissjoni m'huwiex kompetenti għall-aġenziji; jitlob lill-aġenziji sabiex iqisu bord ta dixxiplina bejn l-aġenziji;

Abbozz ta" Ftehima Inter-istituzzjonali

29.  Ifakkar l-abbozz ta' ftehim Inter-istituzzjonali dwar il-ħolqien ta' qafas operattiv għall-aġenziji regolatorji Ewropej ippreżentat mill-Kummissjoni(COM(2005)0059), li kien maħsub li joħloq qafas orizzontali għall-ħolqien, l-istruttura, it-tħaddim, l-evalwazzjoni u l-kontroll ta" l-aġenziji regolatorji Ewropej; jinnota li l-abbozz jirrappreżenta inizjattiva utli bħala sforz sabiex ikunu rrazzjonalizzati l-ħolqien u l-immaniġġjar ta" l-aġenziji; jinnota l-istqarrija fir-rapport ta" sintesi 2006 tal-Kummissjoni (il-paragrafu 3.1, COM(2007)0274) li għalkemm ma sarx progress fin-negozjati wara l-pubblikazzjoni ta' l-abbozz, tniedew mill-ġdid diskussjonijiet dwar sustanza fil-Kunsill fi tmiem l-2006; jiddispjaċih li ma kienx possibbli li jsir iktar progress lejn l-adozzjoni;

30.  Għaldaqstant, jilqa" b'sodisfazzjon l-impenn tal-Kummissjoni li tressaq Komunikazzjoni dwar il-ġejjieni ta" l-aġenziji regolatorji matul l-2008;

Aġenziji ffinanzjati minnhom infushom

31.  Ifakkar li għaż-żewġ aġenziji li huma ffinanzjati minnhom infushom, tiġi konċessa kwittanza lid-direttur mill-bord amministrattiv; jinnota li t-tnejn li huma għandhom eċċessi akkumulati sinifikanti minn dħul minn onorarji li jkunu ġew trasferiti minn ċifri tas-snin preċedenti:

Punti speċifiċi

32.  Jesprimi s-sodisfazzjoni tiegħu dwar l-implimentazzjoni xierqa tal-baġit għas-sena finanzjarja 2006;

33.  Jinnota l-osservazzjoni tal-Qorti fir-rapport ta" l-2006 tagħha li, kuntrarju għall-Artikolu 31 tar-Regolament Finanzjarju ta" qafas, li jirrikjedi li l-baġit ikun ippubblikat fil-Ġurnal Uffiċjali biex jintwerew kemm l-approprjazzjonijiet ta' impenn kif ukoll l-approprijazzjonijiet ta" ħlas bi skeda ta" pagament meta l-approprjazzjonijiet ikunu divrenzjati, il-Fondazzjoni ippublikat biss l-approprjazzjonijiet ta" impenn għal baġit ta' l-2006 tagħha, u b'hekk kisret ir-regoli tal-preżentazzjoni tal-baġit;

34.  Jinnota wkoll is-sejba tal-Qorti fir-rigward tal-kuntratti plurijennali fis-seħħ MEDA u TEMPUS mal-Kummissjoni, it-tnejn imnedija fl-2004, li l-Fondazzjoni daħħlet l-ammont kuntrattwali totali ta" dan id-dħul fil-baġit tagħha, minflok l-ammonti li riedu jidħlu kull sena;

35.  Huwa sorpriż li r-rapport tal-Qorti ma jagħmel ebda referenza għall-fatt li d-dikjarazzjoni ta" assigurazzjoni tad-Direttur (annessa mar-Rapport ta" Attività Annwali tal-Fondazzjoni) hija suġġetta għal riservi rigward

36.  Jinnota l-inklużjoni fir-reġistru tal-bilanċ ta" "dritt ta" okkupazzjoni" valutat f'EUR 5 miljun (jikkorrispondi ma" kontribuzzjoni għall-ispiża ta" rikostruzzjoni ta" bini), u EUR 12 miljun f'kontijiet bankarji;

37.  Jinnota l-istqarrija fir-rapport ta" attività annwali tal-Fondazzjoni rigward l-applikabilità għal aġenziji tar-Regolamenti ta" l-Istaff u r-Regolament Finanzjarju li:

(1) ĠU C 261, 31.10.2007, p. 63. (2) ĠU C 309, 19.12.2007, p. 122. (3) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (4) ĠU L 131, 23.5.1990, p. 1. Ir-Regolament kif emendat l-aħħar bir-Regolament (KE) Nru 1638/2003 (ĠU L 245, 29.9.2003, p. 22). (5) ĠU L 357, 31.12.2002, p. 72. (6) ĠU C 261, 31.10.2007, p. 63. (7) ĠU C 309, 19.12.2007, p. 122. (8) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (9) ĠU L 131, 23.5.1990, p. 1. Ir-Regolament kif emendat l-aħħar bir-Regolament (KE) Nru 1638/2003 (ĠU L 245, 29.9.2003, p. 22). (10) ĠU L 357, 31.12.2002, p. 72. (11) ĠU C 261, 31.10.2007, p. 63. (12) ĠU C 309, 19.12.2007, p. 122. (13) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (14) ĠU L 131, 23.5.1990, p. 1. Ir-Regolament kif emendat l-aħħar bir-Regolament (KE) Nru 1638/2003 (ĠU L 245, 29.9.2003, p. 22). (15) ĠU L 357, 31.12.2002, p. 72. (16) ĠU L 187, 15.7.2008, p. 142. (17) Riżoluzzjoni tal-Parlament Ewropew li fiha l-kummenti li jakkumpanjaw id-deċiżjoni dwar il-kwittanza lid-Direttur tal-Fondazzjoni Ewropea għat-Taħriġ fir-rigward ta' l-implimentazzjoni tal-baġit tagħha għas-sena finanzjarja 2003 (ĠU L 196, 27.7.2005, p. 114). (18) ĠU C 273, 15.11.2007, p. 1. (19) Dokument tal-Kunsill DS 605/1/07 Rev. 1. (20) Sors: Rapport dwar il-kontijiet annwali ta' l-Uffiċċju għall-Armonizzazzjoni tas-Suq Intern għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p. 141). (21) Sors: Rapport dwar il-kontijiet annwali ta' l-Uffiċċju Komunitarju tal-Varjetajiet tal-Pjanti għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p. 135).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit taċ-Ċentru Ewropew għall-Iżvilupp ta" Taħriġ Professjonali għas-sena finanzjarja 2006 (C6-0371/2007 – 2007/2046(DEC))

P6_TA(2008)0144 A6-0110/2008

Il-Parlament Ewropew,

-   wara li kkunsidra l-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali] għas-sena finanzjarja 2006(1),

-   wara li kkunsidra r-rapport tal-Qorti ta' l-Awdituri dwar il-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali għas-sena finanzjarja 2006, flimkien mat-tweġibiet taċ-Ċentru-(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikolari l-Artikolu 185 tiegħu,

–   wara li kkunsidra r-Regolament (KEE) Nru 337/75 tal-Kunsill ta" l-10 ta" Frar 1975 li jwaqqaf Ċentru Ewropew għall-Iżvilupp ta" Taħriġ Professjonali(4), u b'mod partikolari l-Artikolu 12a tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0110/2008),

1.  Jagħti l-kwittanza lid-Direttur taċ-Ċentru Ewropew għall-Iżvilupp ta" Taħriġ Professjonali għall-implimentazzjoni tal-baġit taċ-Ċentru għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hi parti integrali minnha, lid-direttur taċ-Ċentru Ewropew għall-Iżvilupp tat-Taħriġ Professjonali, lill-Kunsill, lill-Kummissjoni u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet taċ-Ċentru Ewropew għall-Iżvilupp ta" Taħriġ Professjonali għas-sena finanzjarja 2006 (C6-0371/2007 – 2007/2046(DEC))

Il-Parlament Ewropew,

-   wara li kkunsidra l-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali] għas-sena finanzjarja 2006(6),

-   wara li kkunsidra r-rapport tal-Qorti ta' l-Awdituri dwar il-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali għas-sena finanzjarja 2006, flimkien mat-tweġibiet taċ-Ċentru (7),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b'mod partikolari l-Artikolu 185 tiegħu,

–   wara li kkunsidra r-Regolament (KEE) Nru 337/75 tal-Kunsill ta" l-10 ta" Frar 1975 li jwaqqaf Ċentru Ewropew għall-Iżvilupp ta" Taħriġ Professjonali(9), u b'mod partikolari l-Artikolu 12a tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(10), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0110/2008),

1.  Jinnota li l-ammonti annwali finali taċ-Ċentru Ewropew għall-Iżvilupp tat-Taħriġ Professjonali huma kif annessi mar-rapport tal-Qorti ta" l-Awdituri;

2.  Japprova l-għeluq tal-kontijiet taċ-Ċentru Ewropew għall-Iżvilupp tat-Taħriġ Professjonali għas-sena finanzjarja 2006;

3.  Jagħti istruzzjonijiet lill-President tiegħu biex jgħaddi din id-deciżjoni lid-direttur taċ-Ċentru Ewropew għall-Iżvilupp tat-Taħriġ Professjonali, lill-Kunsill, lill-Kummissjoni u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

3.Riżoluzzjoni tal-Parlament Ewropew tat-22 ta' April 2008 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit taċ-Ċentru Ewropew għall-Iżvilupp tat-Taħriġ Professjonali għas-sena finanzjarja 2006 (C6-0371/2007 – 2007/2046(DEC))

Il-Parlament Ewropew,

-   wara li kkunsidra l-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali] għas-sena finanzjarja 2006(11),

-   wara li kkunsidra r-rapport tal-Qorti ta' l-Awdituri dwar il-kontijiet annwali definittivi taċ-Ċentru Ewropew għall-Iżvilupp tat-Taħriġ Professjonali għas-sena finanzjarja 2006, flimkien mat-tweġibiet taċ-Ċentru-(12),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(13), u b'mod partikolari l-Artikolu 185 tiegħu,

–   wara li kkunsidra r-Regolament (KEE) Nru 337/75 tal-Kunsill ta" l-10 ta" Frar 1975 li jwaqqaf Ċentru Ewropew għall-Iżvilupp ta" Taħriġ Professjonali(14), u b'mod partikolari l-Artikolu 12a tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(15), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Impjiegi u l-Affarijiet Soċjali (A6-0110/2008),

A.   billi l-Qorti ta" l-Awdituri ddikjarat li kisbet assigurazzjoni raġonevoli li l-kontijiet annwali għas-sena finanzjarja 2006 humaaffidabbli , u li t-tranżazzjonijiet li fuqhom huma bbażatii, ħlief għal riserva li saret fuq punt wieħed, huma legali u regolari,

B.   billi fl-24 ta" April 2007, il-Parlament ta l-kwittanza lid-Direttur taċ-Ċentru Ewropew għall-Iżvilupp ta" Taħriġ Professjonali għall-implimentazzjoni tal-baġit taċ-Ċentru għas-sena finanzjarja 2005(16), u fir-riżoluzzjoni tiegħu li takkumpanja d-deċiżjoni ta" kwittanza, inter alia:

Punti ġenerali li jikkonċernaw il-kwistjonijiet orizzontali li jaffettwaw lill-aġenziji ta" l-UE u li b'hekk huma importanti wkoll għall-proċedura ta" kwittanza għal kull waħda mill-aġenziji individwali

1.  Jinnota li l-baġits ta" l-24 aġenzija u ta" korpi satelliti oħrajn li saritilhom il-verifika mill-Qorti ta" l-Awdituri kienu jammontaw għal EUR 1 080,5 miljun fl-2006 (l-akbar baġit kien ta" l-Aġenzija Ewropea għar-Rikostruzzjoni li kien jammonta għal EUR 271 miljun u l-iżgħar baġit kien tal-Kulleġġ Ewropew tal-Pulizija (CEPOL) li kien jammonta għal EUR 5 miljun);

2.  Jenfasizza l-fatt li l-firxa ta" korpi esterni ta" l-UE li huma suġġetti għal verifika u għal kwittanza issa tinkludi mhux biss aġenziji regolatorji tradizzjonali iżda wkoll aġenziji eżekuttivi li ġew stabbiliti sabiex jimplimentaw programmi speċifiċi, u fil-futur qrib se testendi wkoll għal intrapriżi konġunti li ġew stabbiliti bħala sħubiji pubbliċi-privati (inizjattivi teknoloġiċi konġunti);

3.  Josserva fir-rigward tal-Parlament li l-għadd ta" aġenziji suġġetti għall-proċedura ta" kwittanza evolva kif ġej: sena finanzjarja 2000: 8; 2001: 10; 2002: 11; 2003: 14; 2004: 14; 2005: 16; 2006: 20 aġenzija regolatorja u 2 aġenziji eżekuttivi (m'humiex qegħdin jiġu inklużi 2 aġenziji li jiġu vverifikati mill-Qorti ta' l-Awdituri iżda li huma suġġetti għal proċess ta" kwittanza intern);

4.  Jikkonkludi, għaldaqstant, li l-proċess ta" verifika / kwittanza sar ineffiċjenti u sproporzjonat meta mqabbel mad-daqs relattiv tal-baġits ta" l-aġenziji / tal-korpi satelliti; jagħti istruzzjonijiet lill-kumitat kompetenti tiegħu sabiex jagħmel reviżjoni fuq firxa wiesgħa tal-proċess ta" kwittanza fir-rigward ta" aġenziji u korpi satelliti bl-għan li jitfassal metodu iktar sempliċi u razzjonali, filwaqt li jżomm f'moħħu l-għadd dejjem jikber ta" korpi li kull wieħed minnhom jesiġi rapport ta" kwittanza separat fis-snin li ġejjin;

Kunsiderazzjonijiet Fundamentali

5.  Jitlob li l-Kummissjoni tipprovdi spjegazzjonijiet ċari fir-rigward ta" l-elementi li ġejjin qabel il-ħolqien ta" aġenzija ġdida jew ir-riforma ta" aġenzija eżistenti: it-tip ta" aġenzija, l-għanijiet ta" l-aġenzija, l-istruttura ta" governanza interna, il-prodotti, is-servizzi, il-proċeduri ewlenin, il-grupp fil-mira, il-klijenti u l-partijiet interessati ta" l-aġenzija, ir-relazzjoni formali ma" l-atturi esterni, ir-responsabiltà tal-baġit, l-ippjanar finanzjarju, u l-istaff u l-politika dwar l-istaff;

6.  Jitlob li kull aġenzija tkun irregolata minn ftehim annwali rigward ir-rendiment li tkun ifformulata mill-aġenzija u mid-DĠ responsabbli u li għandha tinkludi l-għanijiet ewlenin għas-sena li tkun ġejja, qafas finanzjarju u indikaturi ċari għall-kejl tar-rendiment;

7.  Jitlob li l-eżekuzzjoni ta" l-aġenziji tiġi vverifikata b'mod regolari (u fuq bażi ad hoc) mill-Qorti ta" l-Awdituri jew awditur indipendenti ieħor; jikkunsidra li din il-verifika m'għandhiex tkun limitata għal elementi tradizzjonali ta" ġestjoni finanzjarja u għall-użu kif suppost tal-fondi pubbliċi, iżda għandha tkopri wkoll l-effiċjenza u l-effikaċja amministrattiva u għandha tinkludi klassifika tal-ġestjoni finanzjarja ta" kull aġenzija;

8.  Jargumenta li fil-każ ta" aġenziji li qegħdin kontinwament jikkalkulaw il-ħtiġijiet baġitarji rispettivi tagħhom bħala akbar milli dawn fil-fatt huma, għandu jkun hemm tnaqqis tekniku skond il-postijiet ta' impjieg vakanti; huwa ta" l-opinjoni li fuq perjodu ta' żmien twil dan se jwassal għal inqas dħul assenjat għall-aġenziji u għalhekk għal spejjeż amministrattivi iżgħar;

9.  Jinnota li hija problema serja li numru ta' aġenziji jiġu kkritikati talli ma jsegwux ir-regoli dwar l-akkwist pubbliku, ir-Regolament Finanzjarju, ir-Regolamenti ta' l-Istaff eċċ.; jikkunsidra li r-raġuni ewlenija għal dan hija li ħafna mir-regolamenti u r-Regolament Finanzjarju huma mfassla għal istituzzjonijiet akbar u li ħafna mill-aġenziji ż-żgħar m'għandhomx il-kapaċità mixtieqa biex jaqdu dawn ir-rekwiżiti regolatorji; għalhekk jitlob lill-Kummissjoni biex issib soluzzjoni rapida, sabiex titjieb l-effikaċja permezz li jingħaqdu flimkien il-funzjonijiet amministrattivi ta" diversi aġenziji, sabiex tinkiseb din il-kapaċità (billi wieħed jikkunsidra l-bidliet neċessarji fir-regolamenti bażiċi li jirregolaw lill-aġenziji u l-indipendenza baġitarja tagħhom), jew biex, b'mod urġenti, tabbozza regoli speċifiċi għall-aġenziji (b'mod partikolari regoli ta' implimentazzjoni għall-aġenziji) li jippermettulhom li jkunu konformi bis-sħiħ;

10.  Jinsisti li l-Kummissjoni, meta tkun qed tfassal l-Abbozz Preliminari tal-Baġit, tikkunsidra ir-riżultati ta' l-implimentazzjoni tal-baġit mill-aġenziji individwali fis-snin ta' qabel, b'mod partikolari għas-sena n-1, u tirrevedi l-baġit rikjest mill-aġenzija partikolari kif meħtieġ; jistieden lill-kumitat kompetenti tiegħu sabiex jirrispetta din ir-reviżjoni u, jekk din ma ssirx mill-Kummissjoni, jirrevedi huwa stess il-baġit rilevanti fuq livell realistiku li jaqbel mal-kapaċità ta" assorbiment u implimentazzjoni ta" l-aġenzija in kwistjoni;

11.  Ifakkar fid-deċiżjoni tiegħu dwar il-kwittanza rigward is-sena finanzjarja 2005, fejn huwa stieden lill-Kummissjoni sabiex kull ħames snin tippreżenta studju dwar il-valur miżjud ta" kull aġenzija li teżisti; jistieden lill-istituzzjonijiet rilevanti kollha sabiex f'każ ta" evalwazzjoni negattiva tal-valur miżjud ta" aġenzija jieħdu l-passi neċessarji billi jifformulaw mill-ġdid il-mandat ta" dik l-aġenzija jew billi jagħlquha; jinnota li ma saret l-ebda evalwazzjoni min-naħa tal-Kummissjoni fl-2007; jinsisti li l-Kummissjoni għandha tippreżenta ta" l-inqas 5 evalwazzjonijiet bħal dawn qabel id-deċiżjoni dwar il-kwittanza rigward is-sena finanzjarja 2007, u għandha tibda mill-aġenziji l-iktar antiki;

12.  Huwa ta" l-opinjoni li r-rakkomandazzjonijiet tal-Qorti ta" l-Awdituri għandhom jiġu implimentati minnufih, u li l-livell tas-sussidji mħallsa lill-aġenziji għandu jkun konformi mal-ħtiġijiet reali tagħhom għall-flus kontanti; barra minn hekk jikkunsidra li l-emendi tar-Regolament Finanzjarju ġenerali għandhom jiġu inkorporati fir-regolament finanzjarju ta' qafas ta" l-aġenziji u fil-varji regolamenti finanzjarji speċifiċi tagħhom;

Preżentazzjoni tar-rappurtar tad-data

13.  Jinnota li m'hemm ebda metodu standard fost l-aġenziji fir-rigward tal-preżentazzjoni ta" l-attivitajiet tagħhom matul is-sena finanzjarja kkonċernata u tal-kontijiet tagħhom u tar-rapporti dwar il-ġestjoni baġitarja u finanzjarja, u l-anqas rigward jekk għandhiex titfassal dikjarazzjoni ta" assigurazzjoni mid-direttur ta" l-aġenzija; josserva li mhux l-aġenziji kollha jiddistingwu b'mod ċar bejn (a) il-preżentazzjoni tax-xogħol ta" l-aġenzija lill-pubbliku u (b) ir-rappurtar tekniku dwar il-ġestjoni baġitarja u finanzjarja;

14.  Jinnota li filwaqt li l-istruzzjonijiet fis-seħħ tal-Kummissjoni għall-preparazzjoni tar-rapporti ta" attività ma jesiġux b'mod espliċitu li l-aġenzija tfassal dikjarazzjoni ta" assigurazzjoni, bosta diretturi, minkejja dan, xorta waħda għamluha għall-2006, filwaqt li f'każ wieħed minnhom kienet inkluża riserva importanti;

15.  Ifakkar li l-paragrafu 27 tar-riżoluzzjoni tiegħu tat-12 ta" April 2005(17) jistieden lid-diretturi ta" l-aġenziji sabiex minn issa "l quddiem jibgħatu mar-rapport ta" attività annwali tagħhom, li jiġi ppreżentat flimkien mat-tagħrif finanzjarju u dwar il-ġestjoni, dikjarazzjoni ta" assigurazzjoni li tikkonċerna l-legalità u r-regolarità ta" l-operazzjonijiet, simili għad-dikjarazzjonijiet li ġew iffirmati mid-Diretturi Ġenerali tal-Kummissjoni;

16.  Jitlob lill-Kummissjoni sabiex temenda l-istruzzjonijiet fis-seħħ tagħha lill-aġenziji skond dak li ntqal hawn fuq;

17.  Barra minn hekk, jissuġġerixxi li l-Kummissjoni għandha taħdem ma" l-aġenziji biex jinħoloq mudell armonizzat li japplika għall-aġenziji u għall-korpi satelliti kollha li jiddistingwi b'mod ċar bejn

Sejbiet ġenerali mill-Qorti ta" l-Awdituri

18.  Jinnota dak li sabet il-Qorti (Rapport Annwali, paragrafu 10.29(18)) li l-iżburżar ta" sussidji li jitħallsu mill-Kummissjoni mill-baġit tal-Komunità m'huwiex ibbażat fuq stimi ġġustifikati biżżejjed tar-rekwiżiti ta" flus kontanti ta" l-aġenziji u li dan, flimkien mad-daqs tat-trasferimenti (carry-overs), iwassal sabiex ikollhom bilanċi ta" kreditu kbar mhux ħażin; jinnota wkoll ir-rakkomandazzjoni tal-Qorti li l-livell ta" sussidji li jitħallsu lill-aġenziji għandu jkun konformi mal-bżonnijiet reali ta" flus kontanti tagħhom;

19.  Jinnota li fi tmiem l-2006, 14-il aġenzija kienu għad iridu jimplimentaw is-sistema tal-kontijiet ABAC (Rapport Annwali, in-nota f'qiegħ il-paġna għall-paragrafu 10.31);

20.  Jinnota l-kumment tal-Qorti (Rapport Annwali, paragrafu 1.25) dwar spejjeż akkumulati minħabba liv li ma tteħidx li huma responsabbli għalihom uħud mill-aġenziji; jirrimarka li l-Qorti ta" l-Awdituri kkwalifikat id-dikjarazzjoni ta" assigurazzjoni tagħha fil-każ ta" tliet aġenziji (iċ-Ċentru Ewropew għall-Iżvilupp ta" Taħriġ Vokazzjonali (CEDEFOP), CEPOL u l-Aġenzija Ewropea tal-Ferroviji) għas-sena finanzjarja 2006 (2005: CEDEFOP, l-Awtorità Ewropea dwar is-Sigurtà fl-Ikel, l-Aġenzija Ewropea għar-Rikostruzzjoni);

Verifika interna

21.  Ifakkar li f'konformità ma" l-Artikolu 185(3) tar-Regolament Finanzjarju, l-Awditur Intern tal-Kummissjoni huwa wkoll l-awditur intern ta" l-aġenziji regolatorji li jingħataw għotjiet mill-baġit ta" l-UE; jenfasizza l-fatt li l-Awditur Intern jirrapporta lill-bord ta" tmexxija u lid-direttur ta" kull aġenzija;

22.  Jiġbed l-attenzjoni għar-riserva li tniżżlet fir-Rapport ta" l-Attivitajiet Annwali ta" l-Awditur Intern għall-2006 kif ġej:"

L-Awditur Intern tal-Kummissjoni m'huwiex f'pożizzjoni li jissodisfa kif suppost l-obbligu tiegħu skond l-Artikolu 185 tar-Regolament Finanzjarju bħala awditur intern tal-korpi tal-Komunità minħabba nuqqas ta" riżorsi ta" staff.

23.  Jinnota, madankollu, il-kumment ta" l-Awditur Intern fir-rapport ta" l-attivitajiet tiegħu għall-2006 li mill-2007, bis-saħħa tar-riżorsi ta" l-istaff addizzjonali mogħtija mill-Kummissjoni lis-Servizz ta" Verifika Interna (IAS), l-aġenziji regolatorji operattivi kollha se jkunu suġġetti għal xogħol ta" verifika interna fuq bażi annwali;

24.  Jinnota l-għadd li kulma jmur qiegħed jikber ta" aġenziji regolatorji u eżekuttivi u ta" intrapriżi konġunti li jeħtieġ li ssirilhom verifika mill-IAS skond l-Artikolu 185 tar-Regolament Finanzjarju; jitlob lill-Kummissjoni sabiex tinforma lill-kumitat kompetenti tagħha dwar jekk ir-riżorsi ta" l-istaff għad-dispożizzjoni ta' l-IAS humiex se jkunu biżżejjed sabiex issir verifika annwali ta" dawn il-korpi kollha fis-snin li ġejjin;

25.  Josserva li l-Artikolu 72(5) tar-Regolament (KE, Euratom) Nru 2343/2002 jesiġi li kull sena kull aġenzija tibgħat rapport lill-Kummissjoni u lill-awtorità tal-kwittanza li jkun imħejji mid-direttur tagħha u li jiġbor fih l-għadd u t-tip ta" verifiki interni li saru mill-awditur intern, ir-rakkomandazzjonijiet li saru u l-azzjoni li ttieħdet dwar dawn ir-rakkomandazzjonijiet; jitlob lill-aġenziji sabiex jindikaw jekk dan huwiex qiegħed isir u, jekk inhu hekk, kif qiegħed isir;

26.  Jieħu nota, fir-rigward tal-kapaċità tal-verifika interna, l-iktar b'rabta ma" l-aġenziji iżgħar, ta" proposta li saret mill-Awditur Intern quddiem il-kumitat kompetenti tal-Parlament nhar l-14 ta" Settembru 2006 li aġenziji iżgħar għandhom ikunu awtorizzati jixtru servizzi ta" verifika interna mis-settur privat;

Evalwazzjoni ta" l-aġenziji

27.  Ifakkar l-istqarrija konġunta mill-Parlament, mill-Kunsill u mill-Kummissjoni(19) li ġiet innegozjata fil-konċiljazzjoni quddiem il-Kunsill tal-baġit ECOFIN tat-13 ta" Lulju 2007 li titlob (i) lista ta" aġenziji li l-Kummissjoni bi ħsiebha tevalwa, u (ii) lista ta" aġenziji li diġà ġew evalwati, flimkien ma" sinteżi tar-riżultati prinċipali;

Proċeduri dixxiplinari

28.  Jinnota li, minħabba d-daqs tagħhom, aġenziji individwali jsibu diffikultà biex jistabbilixxu bordijiet ta' dixxiplina ad hoc minn fost staff li huwa ta" grad xieraq fil-karriera u li l-IDOC (l-Uffiċċju ta" l-Investigazzjoni u Dixxiplina) tal-Kummissjoni m'huwiex kompetenti għall-aġenziji; jitlob lill-aġenziji sabiex jikkunsidrau bord ta' dixxiplina komuni;

Abbozz ta" Ftehim Interistituzzjonali

29.  Ifakkar fl-abbozz tal-Ftehim Interistituzzjonali dwar il-ħolqien ta" qafas operattiv għal aġenziji regolatorji Ewropej ippreżentat mill-Kummissjoni (COM(2005)0059), li kien maħsub li joħloq qafas orizzontali għall-ħolqien, l-istruttura, it-tħaddim, l-evalwazzjoni u l-kontroll ta" l-aġenziji regolatorji Ewropej; jinnota li l-abbozz jirrappreżenta inizjattiva utli bħala sforz sabiex ikunu rrazzjonalizzati l-ħolqien u l-immaniġġjar ta" l-aġenziji; jinnota l-istqarrija fir-rapport ta" sintesi 2006 tal-Kummissjoni (paragrafu 3.1, COM(2007)0274) li għalkemm ma sarx progress fin-negozjati wara l-pubblikazzjonita' l-abbozz, tnedew mill-ġdid diskussjonijiet dwar sustanza fil-Kunsill fi tmiem l-2006; jiddispjaċih li ma kienx possibbli li jsir iktar progress lejn l-adozzjoni;

30.  Jilqa" b'sodisfazzjon għaldaqstant, l-impenn tal-Kummissjoni li tressaq Komunikazzjoni dwar il-ġejjieni ta" l-aġenziji regolatorji matul l-2008;

Aġenziji ffinanzjati minnhom infushom

31.  Ifakkar li għaż-żewġ aġenziji li jiffinanzjaw lilhom infushom, id-direttur jingħata l-kwittanza mill-bord amministrattiv; jinnota li t-tnejn li huma għandhom eċċessi akkumulati sinifikanti minn dħul minn onorarji li jkunu ġew trasferiti minn ċifri tas-snin preċedenti:

Punti speċifiċi

32.  Jesprimi s-sodisfazzjoni tiegħu dwar l-implimentazzjoni xierqa tal-baġit għas-sena finanzjarja 2006;

33.  Jinnota li ċ-Ċentru ilu jipprova jsaħħaħ u jiżviluppa s-sistema ta' superviżjoni interna tiegħu billi jtejjeb l-effikaċja tal-funzjoni u l-attivitajiet operattivi tiegħu;

34.  Jemmen li l-Ċentru għandu rwol importanti fit-tixrid ta' informazzjoni fil-livell lokali, reġjonali, nazzjonali u Komunitarju, kif ukoll fir-rigward tas-soċjetà ċivili; iħeġġu biex isir anke iktar effettiv fir-realizzazzjoni tal-missjoni tiegħu; ifaħħar mill-ġdid ix-xogħol imwettaq miċ-Ċentru, li qed jagħmel il-ħidma fdata lilu b'ġenerożità u jħalli impatt imprezzabbli;

35.  Jinnota li għas-sena finanzjarja 2006, il-Qorti ta" l-Awdituri kkwalifikat id-dikjarazzjoni ta" assigurazzjoni tagħha bl-osservazzjoni li, għalkemm fir-rapport tagħha tas-sena preċedenti kienet enfasizzat in-nuqqas ta" bażi legali għal deċiżjoni tal-Kumitat għall-Appelli taċ-Ċentru sabiex jikkonċedi lil aġent kumpens għal ħsara mhux pekunarja li m'hemmx dispożizzjoni għalih fir-Regolamenti ta" l-Istaff, dak il-kumpens xorta waħda tħallas fl-2006;

36.  Jinnota t-tweġiba taċ-Ċentru li l-legalità tad-deċiżjoni kkuntestata minn dakinhar 'l hawn ġiet ikkonfermata mis-Servizz Ġuridiku tal-Kummissjoni u t-tagħrif sussegwenti mill-Qorti ta" l-Awdituri li l-kwistjoni ġiet solvuta bir-riżultat li l-kumment ikkwalifikat tal-Qorti issa għandu jiġi interpretat bħala osservazzjoni dwar ir-riskju ta" l-immaniġġjar;

37.  Jiġbed l-attenzjoni lejn osservazzjonijiet oħrajn mill-Qorti ta" l-Awdituri fir-rapport tagħha dwar iċ-Ċentru, li jikkonċernaw:

38.  Jilqa" b'sodisfazzjon il-ħatra min-naħa taċ-Ċentru ta" awditur intern f'Diċembru 2006;

39.  Jinnota d-dikjarazzjoni fil-kontijiet taċ-Ċentru li r-rapport tal-verifika ta" l-IAS ta" Diċembru 2006 kkonferma li l-proċeduri issa huma regolari u li r-rakkomandazzjonijiet li saru qabel mill-IAS jew ġew implimentati b'mod sħiħ jew daqt jiġu implimentati b'mod sħiħ;

40.  Jinnota t-tagħrif li jinsab fir-rapport annwali li fl-2006 saru sforzi kbar għat-titjib ta" l-ambjent ta" kontroll intern u għall-implimentazzjoni tar-rakkomandazzjonijiet tal-verifika; jilqa" b'sodisfazzjon id-dikjarazzjoni fir-rapport annwali li l-pjan ta" l-immaniġġjar annwali għall-2007 jinkludi għall-ewwel darba mekkaniżmu sistematiku ex-ante għall-immaniġġjar tar-riskji;

41.  Jinnota li s-sejbiet ta" l-OLAF relatati ma" kuntratti speċifiċi tal-perjodu bejn l-2001-2005 ġew trasmessi lill-awtoritajiet ġudizzjarji Griegi kompetenti;

42.  Jinnota l-ħolqien ta" qafas għall-koperazzjoni bejn iċ-Ċentru u l-Fondazzjoni Ewropea għat-Titjib tal-Kundizzjoniji tal-Ħajja u tax-Xogħol, li ġie ffirmat f'Novembru 2006 mid-Diretturi taż-żewġ aġenziji bl-għan li jkun żgurat l-użu tal-finanzjament disponibbli għar-riċerka f'oqsma ta" interess komuni;

43.  Jinnota li fil-karta tal-bilanċ taċ-Ċentru, fuq in-naħa ta" l-assi hemm imniżżla ċifra li tikkorrispondi għal artijiet u binjiet (EUR 4,57 miljun), flimkien ma" eċċess akkumulat ta" EUR 5 miljun fuq in-naħa tal-passiv.

(1) ĠU C 261, 31.10.2007, p. 46. (2) ĠU C 309, 19.12.2007, p. 86. (3) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (4) ĠU L 39, 13.2.1975, p.1. Ir-Regolament kif emendat l-aħħar bir-Regolament (KE) Nru 2051/2004 (ĠU L 355, 1.12.2004, p. 1). (5) ĠU L 357, 31.12.2002, p. 72. (6) ĠU C 261, 31.10.2007, p. 46. (7) ĠU C 309, 19.12.2007, p. 86. (8) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (9) ĠU L 39, 13.2.1975, p.1. Ir-Regolament kif emendat l-aħħar bir-Regolament (KE) Nru 2051/2004 (ĠU L 355, 1.12.2004, p. 1). (10) ĠU L 357, 31.12.2002, p. 72. (11) ĠU C 261, 31.10.2007, p. 46. (12) ĠU C 309, 19.12.2007, p. 86. (13) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (14) ĠU L 39, 13.2.1975, p. 1. Ir-Regolament kif emendat l-aħħar bir-Regolament (KE) Nru 2051/2004 (ĠU L 355, 1.12.2004, p. 1). (15) ĠU L 357, 31.12.2002, p. 72. (16) ĠU L 187, 15.7.2008, p. 78. (17) Riżoluzzjoni tal-Parlament Ewropew li tinkludi l-kummenti li jakkumpanjaw id-deċiżjoni dwar il-kwittanza lid-Direttur taċ-Ċentru Ewropew għall-Iżvilupp ta" Taħriġ Professjonali b'rabta ma" l-implimentazzjoni tal-baġit tiegħu għas-sena finanzjarja 2003 (ĠU L 196, 27.7.2005, p. 69). (18) ĠU C 273, 15.11.2007, p. 1. (19) Dokument tal-Kunsill DS 605/1/07 Rev1. (20) Sors: Rapport dwar il-kontijiet annwali ta' l-Uffiċċju għall-Armonizzazzjoni tas-Suq Intern għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.141). (21) Sors: Rapport dwar il-kontijiet annwali ta' l-Uffiċċju Komunitarju tal-Varjetajiet tal-Pjanti għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.135).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006 (C6-0378/2007 – 2007/2053(DEC))

P6_TA(2008)0145 A6-0124/2008

Il-Parlament Ewropew,

–   wara li kkunsidra l-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006(1),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006, flimkien mat-tweġibiet taċ-Ċentru(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikolari l-Artikolu 185 tiegħu,

–   wara li kkunsidra r-Regolament tal-Kunsill (KE) Nru 2965/94 tat-28 ta' Novembru 1994 li jwaqqaf iċ-Ċentru tat-Traduzzjoni għall-entitajiet ta' l-Unjoni Ewropea(4), u b'mod partikulari l-Artikolu 14 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju ta' Qafas għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0124/2008),

1.  Jagħti l-kwittanza lid-Direttur taċ-Ċentru tat-Traduzzjoni għall-entitajiet ta' l-Unjoni Ewropea għall-implimentazzjoni tal-baġit taċ-Ċentru għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hi parti integrali minnha, lid-direttur taċ-Ċentru tat-Traduzzjoni għall-entitajiet ta' l-Unjoni Ewropea, lill-Kunsill, lill-Kummissjoni u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006 (C6-0378/2007 – 2007/2053(DEC))

Il-Parlament Ewropew,

–   wara li kkunsidra l-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006(6),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006, flimkien mat-tweġibiet taċ-Ċentru(7),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b'mod partikulari l-Artikolu 185 tiegħu,

–   wara li kkunsidra r-Regolament tal-Kunsill (KE) Nru 2965/94 tat-28 ta' Novembru 1994 li jwaqqaf iċ-Ċentru tat-Traduzzjoni għall-entitajiet ta' l-Unjoni Ewropea(9), u b'mod partikulari l-Artikolu 14 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(10), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0124/2008),

1.  Jinnota li l-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea huma kif annessi mar-rapport tal-Qorti ta" l-Awdituri;

2.  Japprova l-għeluq tal-kontijiet taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006;

3.  Jagħti istruzzjonijiet lill-President tiegħu biex jgħaddi din id-deciżjoni lid-direttur taċ-Ċentru tat-Traduzzjoni għall-entitajiet ta' l-Unjoni Ewropea, lill-Kunsill, lill-Kummissjoni u lill-Qorti ta' l-Awdituri, u biex jiżgura li tiġi ppubblikata fil-Ġurnal Uffiċjali ta' l-Unjoni Ewropea (serje L).

3.Riżoluzzjoni tal-Parlament Ewropew tat-22 ta' April 2008 li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006 (C6-0378/2007 – 2007/2053(DEC))

Il-Parlament Ewropew,

–   wara li kkunsidra l-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006(11),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru tat-Traduzzjoni għall-entitajiet ta' l-Unjoni Ewropea għas-sena finanzjarja 2006, flimkien mat-tweġibiet taċ-Ċentru(12),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(13), u b'mod partikulari l-Artikolu 185 tiegħu,

–   wara li kkunsidra r-Regolament tal-Kunsill (KE) Nru 2965/94 tat-28 ta' Novembru 1994 li jwaqqaf iċ-Ċentru tat-Traduzzjoni għall-entitajiet ta' l-Unjoni Ewropea(14), u b'mod partikulari l-Artikolu 14 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(15), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit (A6-0124/2008),

A.   billi l-Qorti ta" l-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2006 huma ta" min wieħed joqgħod fuqhom, u li t-tranżazzjonijiet bażiċi huma legali u regolari,

B.   billi fl-24 ta" April 2007, il-Parlament ta l-kwittanza lid-Direttur taċ-Ċentru tat-Traduzzjoni għall-entitajiet ta' l-Unjoni Ewropea għall-implimentazzjoni tal-baġit taċ-Ċentru għas-sena finanzjarja 2005(16), u fir-riżoluzzjoni tiegħu li takkumpanja d-deċiżjoni ta" kwittanza fost affarijiet oħrajn

Punti ġenerali li jikkonċernaw il-kwistjonijiet orizzontali li jaffettwaw lill-aġenziji ta" l-UE, u li b'hekk huma importanti wkoll għall-proċedura ta" kwittanza ta" kull waħda mill-aġenziji individwali

1.  Jinnota li l-baġits ta" l-24 aġenzija u ta" korpi relatati oħrajn li saritilhom il-verifika mill-Qorti ta" l-Awdituri kienu jammontaw għal EUR 1 080 5 miljun fl-2006 (l-akbar baġit kien ta" l-Aġenzija Ewropea għar-Rikostruzzjoni li kien jammonta għal EUR 271 miljun u l-iżgħar baġit kien tal-Kulleġġ Ewropew tal-Pulizija (CEPOL) li kien jammonta għal EUR 5 miljun);

2.  Jenfasizza l-fatt li l-firxa ta" korpi esterni ta" l-UE li huma suġġetti għal verifika u għal kwittanza issa tinkludi mhux biss aġenziji regolatorji tradizzjonali iżda wkoll aġenziji eżekuttivi li ġew stabbiliti sabiex jimplimentaw programmi speċifiċi, u fil-futur qrib se testendi wkoll għal intrapriżi konġunti li ġew stabbiliti bħala sħubiji pubbliċi-privati (inizjattivi teknoloġiċi konġunti);

3.  Josserva fir-rigward tal-Parlament li l-għadd ta" aġenziji suġġetti għall-proċedura ta" kwittanza evolva kif ġej: sena finanzjarja 2000: 8; 2001: 10; 2002: 11; 2003: 14; 2004: 14; 2005: 16; 2006: 20 aġenzija regolatorja u 2 aġenziji eżekuttivi (m'humiex qegħdin jiġu inklużi 2 aġenziji li jiġu vverifikati mill-Qorti Ewropea ta' l-Awdituri iżda li huma suġġetti għal proċess ta" kwittanza intern);

4.  Għaldaqstant, jikkonkludi li l-proċess ta" verifika / kwittanza sar ineffiċjenti u sproporzjonat meta mqabbel mad-daqs relattiv tal-baġits ta" l-aġenziji / tal-korpi satelliti; jagħti istruzzjonijiet lill-kumitat kompetenti tiegħu sabiex jagħmel analiżi mill-ġdid fuq firxa wiesgħa tal-proċess ta" kwittanza fir-rigward ta" aġenziji u korpi satelliti bil-għan li jitfassal metodu iktar sempliċi u razzjonali, filwaqt li wieħed iżomm f'moħħu in-numru dejjem jikber ta" korpi li kull wieħed minnhom jesiġi rapport ta" kwittanza separat fis-snin li ġejjin;

Kunsiderazzjonijiet fundamentali

5.  Jitlob li l-Kummissjoni tipprovdi spjegazzjonijiet ċari fir-rigward ta" l-elementi li ġejjin qabel il-ħolqien ta" aġenzija ġdida jew ir-riforma ta" aġenzija eżistenti: it-tip ta" aġenzija, l-għanijiet ta" l-aġenzija, l-istruttura ta" governanza interna, il-prodotti, is-servizzi, il-proċeduri ewlenin, il-grupp immirat, il-klijenti u l-imsieħba ta" l-aġenzija, ir-relazzjoni formali ma" l-atturi esterni, ir-responsabiltà tal-baġit, l-ippjanar finanzjarju, u l-politika dwar il-personal u r-reklutaġġ ta" staff;

6.  Jitlob li kull aġenzija tiġi regolata minn ftehim ta" eżekuzzjoni annwali li huwa fformulat mill-aġenzija u mid-DĠ responsabbli u li għandu jinkludi l-għanijiet ewlenin għas-sena li tkun ġejja, qafas finanzjarju u indikaturi ċari għall-kejl ta" l-eżekuzzjoni;

7.  Jitlob li l-eżekuzzjoni ta" l-aġenziji tiġi vverifikata b'mod regolari (u fuq bażi ad hoc) mill-Qorti ta" l-Awdituri jew minn awditur indipendenti ieħor; iqis li din il-verifika m'għandhiex tkun limitata għal elementi tradizzjonali ta" ġestjoni finanzjarja u għall-użu xieraq tal-fondi pubbliċi, iżda għandha tkopri wkoll l-effiċjenza u l-effikaċja amministrattiva u għandha tinkludi klassifika tal-ġestjoni finanzjarja ta" kull aġenzija;

8.  Jargumenta li fil-każ ta" aġenziji li qegħdin kontinwament jistmaw li l-ħtiġijiet rispettivi tal-baġit tagħhom huma għola milli fil-fatt huma, għandu jkun hemm tnaqqis tekniku skond il-postijiet vakanti; huwa ta" l-opinjoni li dan għandu jwassal f'perjodu fit-tul għal dħul inqas assenjat għall-aġenziji u għalhekk inaqqas ukoll l-ispejjeż amministrattivi;

9.  Jinnota li hija problema serja li numru ta' aġenziji jiġu kkritikati talli ma jsegwux ir-regoli dwar l-akkwist pubbliku, ir-Regolament Finanzjarju, ir-Regolamenti ta' l-Istaff eċċ.; jikkunsidra li r-raġuni ewlenija għal dan hija li ħafna mir-regolamenti u r-Regolament Finanzjarju huma mfassla għal istituzzjonijiet akbar u li ħafna mill-aġenziji ż-żgħar m'ghandhomx il-kapaċità mixtieqa biex jaqdu dawn il-ħtiġijiet regolatorji; għalhekk jitlob lill-Kummissjoni sabiex issib soluzzjoni malajr kemm jista" jkun, sabiex titjieb l-effiċjenza billi l-funzjonijiet amministrattivi ta" diversi aġenziji jingħaqdu flimkien, sabiex tinkiseb din is-saħħa (billi wieħed jikkunsidra l-kambjamenti neċessarji fir-Regolamenti bażiċi li jmexxu lill-aġenziji u l-indipendenza baġitarja tagħhom), jew sabiex toħloq abbozz ta" regoli speċifiċi għall-aġenziji (b'mod partikolari billi timplimenta regoli għall-aġenziji) li jippermettulhom li jkunu konformi bis-sħiħ;

10.  Jinsisti li l-Kummissjoni, meta tkun qed tfassal l-Abbozz Preliminari tal-Baġit, għandha tqis ir-riżultati ta' l-implimentazzjoni tal-baġit mill-aġenziji individwali għas-snin ta' qabel, b'mod partikolari għas-sena n-1 u tirrevedi l-baġit mitlub mill-aġenzija partikolari kif meħtieġ; jistieden lill-Kumitat kompetenti tiegħu sabiex jirrispetta din ir-reviżjoni u, jekk ma jkunx diġà ġie rivedut mill-Kummissjoni, jirrevedi huwa stess il-baġit imsemmi fuq livell realistiku li jaqbel mal-kapaċità ta" assorbiment u implimentazzjoni ta" l-aġenzija msemmija;

11.  Ifakkar id-deċiżjoni tiegħu dwar il-kwittanza b'rabta mas-sena finanzjarja 2005, fejn huwa stieden lill-Kummissjoni sabiex kull ħames snin tippreżenta studju dwar il-valur miżjud ta" kull aġenzija li teżisti; f'każ ta" evalwazzjoni negattiva tal-valur miżjud ta" aġenzija, jistieden lill-istituzzjonijiet relevanti kollha sabiex jieħdu l-passi neċessarji, billi jifformulaw mill-ġdid il-mandat ta" dik l-aġenzija jew billi jagħlquha; jinnota li ma saret l-ebda evalwazzjoni min-naħa tal-Kummissjoni fl-2007; jinsisti li l-Kummissjoni għandha tippreżenta, ta" l-inqas, 5 minn dan it-tip ta" evalwazzjonijiet qabel id-deċiżjoni dwar il-kwittanza b'rabta mas-sena finanzjarja 2007, billi tibda mill- aġenzija l-iżjed antika;

12.  Huwa ta" l-opinjoni li r-rakkomandazzjonijiet tal-Qorti ta" l-Awdituri għandhom jiġu implimentati minnufih, u li l-livell tas-sussidji mħallsa lill-aġenziji għandu jkun konformi mal-ħtiġijiet attwali tagħhom għall-flus kontanti; barra minn hekk jikkunsidra li l-emendi tar-Regolament Finanzjarju ġenerali għandhom jiġu miżjuda fir-Regolament finanzjarju tal-qafas ta" l-aġenziji u f'bosta regolamenti finanzjarji speċifiċi;

Preżentazzjoni ta" rapportar tad-data

13.  Jinnota li m'hemm ebda metodu standard fost l-aġenziji fir-rigward tal-preżentazzjoni ta" l-attivitajiet tagħhom matul is-sena finanzjarja kkonċernata, il-kontijiet tagħhom u r-rapporti dwar il-ġestjoni baġitarja u finanzjarja u l-kwistjoni dwar jekk għandhiex titfassal dikjarazzjoni ta" assigurazzjoni mid-direttur ta" l-aġenzija; josserva li mhux l-aġenziji kollha jiddistingwu b'mod ċar bejn a) il-preżentazzjoni tax-xogħol ta" l-aġenzija lill-pubbliku u b) ir-rapportar tekniku dwar il-ġestjoni baġitarja u finanzjarja;

14.  Jinnota li filwaqt li l-istruzzjonijiet fis-seħħ tal-Kummissjoni għall-preparazzjoni tar-rapporti ta" attività ma jesiġux b'mod espliċitu li l-aġenzija tfassal dikjarazzjoni ta" assigurazzjoni, bosta diretturi, minkejja dan, xorta waħda għamluha għall-2006, filwaqt li f'każ wieħed minnhom kienet inkluża riserva importanti;

15.  Ifakkar li l-paragrafu 27 tar-riżoluzzjoni tiegħu tat-12 ta" April 2005(17), jistieden lid-Diretturi ta" l-Aġenziji sabiex minn issa "l quddiem ir-rapport ta" attività annwali tagħhom, li jiġi ppreżentat flimkien mat-tagħrif finanzjarju u tal-ġestjoni, irid ikollu miegħu dikjarazzjoni ta" assigurazzjoni li tikkonċerna l-legalità u r-regolarità ta" l-operazzjonijiet, simili għad-dikjarazzjonijiet li ġew iffirmati mid-Diretturi Ġenerali tal-Kummissjoni;

16.  Jitlob lill-Kummissjoni sabiex temenda l-istruzzjonijiet tagħha fis-seħħ għall-aġenziji skond dan;

17.  Barra minn hekk, jissuġġerixxi li l-Kummissjoni għandha taħdem ma" l-aġenziji sabiex tipproduċi mudell armonizzat li japplika għall-aġenziji u għall-korpi satelliti kollha filwaqt li jiddistingwi b'mod ċar bejn

Sejbiet ġenerali mill-Qorti ta" l-Awdituri

18.  Jinnota s-sejba tal-Qorti (Rapport Annwali, il-paragrafu 10.29(18)) li l-iżburżar ta" sussidji li jitħallsu mill-Kummissjoni mill-baġit tal-Komunità m'huwiex ibbażat fuq stimi ġġustifikati biżżejjed tar-rekwiżiti ta" flus kontanti ta" l-aġenziji u li dan, flimkien mad-daqs tat-trasferimenti (carry-overs), iwassalhom sabiex ikollhom fil-pussess bilanċi ta" kreditu kbar mhux ħażin; jinnota wkoll ir-rakkomandazzjoni tal-Qorti li l-livell ta" sussidji li jitħallsu lill-aġenziji għandu jkun konformi mar-rekwiżiti ta" flus kontanti reali tagħhom;

19.  Jinnota li fi tmiem l-2006, 14-il aġenzija kienu għad iridu jimplimentaw is-sistema tal-kontijiet ABAC (Rapport Annwali, in-nota f'qiegħ il-paġna għall-paragrafu 10.31);

20.  Jinnota l-kumment tal-Qorti (Rapport Annwali, il-paragrafu 1.25) dwar spejjeż akkumulati minħabba leave li ma tteħidx li għalihom jagħtu kont xi wħud mill-aġenziji; jenfasizza l-fatt li l-Qorti ta" l-Awdituri kkwalifikat id-dikjarazzjoni ta" assigurazzjoni tagħha fil-każ ta" tliet aġenziji (Iċ-Ċentru Ewropew għall-Iżvilupp ta" Taħriġ Vokazzjonali (CEDEFOP), CEPOL u l-Aġenzija Ewropea tal-Ferroviji) għas-sena finanzjarja 2006 (2005: CEDEFOP, l-Awtorità Ewropea dwar is-Sigurtà fl-Ikel, l-Aġenzija Ewropea għar-Rikostruzzjoni);

Verifika interna

21.  Ifakkar li f'konformità ma" l-Artikolu 185(3) tar-Regolament Finanzjarju, l-Awditur Intern tal-Kummissjoni huwa wkoll l-awditur intern ta" l-aġenziji regolatorji li jirċievu konċessjonijiet mill-baġit ta" l-UE; jenfasizza l-fatt li l-Awditur Intern jirrapporta lill-bord ta" tmexxija u lid-direttur ta" kull aġenzija;

22.  Jiġbed l-attenzjoni għar-riserva li tniżżlet fir-Rapport ta" Attività Annwali ta" l-Awditur Intern għall-2006 kif ġej:"

L-Awditur Intern tal-Kummissjoni ma jinsabx f'pożizzjoni li jissodisfa kif suppost l-obbligu tiegħu konferit lilu mill-Artikolu 185 tar-Regolament Finanzjarju bħala awditur intern tal-korpi tal-Komunità minħabba nuqqas ta" riżorsi ta" staff.

23.  Madankollu, jinnota l-kumment ta" l-Awditur Intern fir-rapport ta" attività tiegħu għall-2006 li mill-2007, bis-saħħa tar-riżorsi ta" l-istaff addizzjonali konċessi mill-Kummissjoni lis-Servizz ta" Verifika Interna (IAS), l-aġenziji regolatorji operattivi kollha se jkunu suġġetti għal xogħol ta" verifika interna fuq bażi annwali;

24.  Jinnota l-għadd li kulma jmur qiegħed jikber ta" aġenziji regolatorji u eżekuttivi u ta" intrapriżi konġunti meħtieġa li ssirilhom il-verifika mill-IAS skond l-Artikolu 185 tar-Regolament Finanzjarju; jitlob lill-Kummissjoni sabiex tinforma lill-kumitat kompetenti tiegħu dwar jekk ir-riżorsi ta" l-istaff li huma disponibbli għall-IAS humiex se jkunu biżżejjed sabiex issir verifika annwali ta" dawn il-korpi kollha fis-snin li ġejjin;

25.  Josserva li l-Artikolu 72(5) tar-Regolament (KE, Euratom) Nru 2343/2002 jeżiġi li kull sena kull aġenzija tibgħat rapport lill-Kummissjoni u lill-awtorità responsabbli għall-kwittanza, li jkun imħejji mid-direttur u li jiġbor l-għadd u t-tip ta" verifiki interni li saru mill-awditur intern, ir-rakkomandazzjonijiet li saru u l-azzjonijiet li ttieħdu fuq dawn ir-rakkomandazzjonijiet; jitlob lill-aġenziji sabiex jindikaw jekk dan huwiex qiegħed isir u, jekk inhu hekk, kif qiegħed isir;

26.  Jieħu nota, fir-rigward tal-kapaċità tal-verifika interna, l-iktar b'rabta ma" l-aġenziji iżgħar, ta" proposta li saret mill-Awditur Intern quddiem il-kumitat kompetenti tal-Parlament nhar l-14 ta" Settembru 2006 li aġenziji iżgħar għandhom ikunu awtorizzati jixtru, f'servizzi ta" verifika interna, mis-settur privat;

Evalwazzjoni ta" l-aġenziji

27.  Ifakkar l-istqarrija konġunta mill-Parlament, mill-Kunsill u mill-Kummissjoni(19) li ġiet innegozjata fil-konċiljazzjoni quddiem il-Kunsill tal-baġit ECOFIN tat-13 ta" Lulju 2007 li titlob għal i) lista ta" aġenziji li l-Kummissjoni għandha l-ħsieb li tevalwa, u ii) lista ta" aġenziji li diġà ġew evalwati, flimkien ma" sommarju tar-riżultati prinċipali;

Proċeduri dixxiplinari

28.  Jinnota li, minħabba d-daqs tagħhom, aġenziji individwali jsibu diffikultà biex jistabbilixxu bordijiet dixxiplinari ad hoc minn fost staff li huwa ta" grad xieraq tal-karriera u li l-IDOC (l-Uffiċċju ta" l-Investigazzjoni u Dixxiplina) tal-Kummissjoni m'huwiex kompetenti għall-aġenziji; jitlob lill-aġenziji sabiex iqisu bord ta' dixxiplina bejn l-aġenziji;

Abbozz ta" Ftehima Interistituzzjonali

29.  Ifakkar l-abbozz tal-Ftehima Interistituzzjonali dwar il-qafas operattiv għall-aġenziji regolatorji Ewropej ippreżentat mill-Kummissjoni (COM(2005)0059), li kien maħsub li joħloq qafas orizzontali għall-ħolqien, l-istruttura, it-tħaddim, l-evalwazzjoni u l-kontroll ta" l-aġenziji regolatorji Ewropej; jinnota li l-abbozz jirrappreżenta inizjattiva utli bħala sforz sabiex ikunu razzjonalizzati l-ħolqien u l-immaniġġjar ta" l-aġenziji; jinnota l-istqarrija fir-rapport ta" sintesi 2006 tal-Kummissjoni (il-paragrafu 3.1, COM(2007)0274) li għalkemm ma sarx progress fin-negozjati wara l-pubblikazzjoni ta' l-abbozz, tnedew mill-ġdid diskussjonijiet dwar sustanza fil-Kunsill fi tmiem l-2006; jiddispjaċih li ma kienx possibbli li jsir iktar progress lejn l-adozzjoni;

30.  Għaldaqstant, jilqa" b'sodisfazzjon l-impenn tal-Kummissjoni li tressaq Komunikazzjoni dwar il-ġejjieni ta" l-aġenziji regolatorji matul l-2008;

Aġenziji ffinanzjati minnhom infushom

31.  Ifakkar li għaż-żewġ aġenziji li huma ffinanzjati minnhom infushom, tiġi konċessa kwittanza lid-direttur mill-bord amministrattiv; jinnota li t-tnejn li huma għandhom eċċessi akkumulati sinifikanti minn dħul minn onorarji li jkunu ġew trasferiti minn ċifri tas-snin preċedenti:

Punti speċifiċi

32.  Jinnota l-osservazzjoni tal-Qorti fir-rapport tagħha ta' l-2006 li l-eċċess tal-baġit akkumulat għall-2006 kien ta' EUR 16,9 miljuni u li, fl-2007, iċ-Ċentru ta lura EUR 9,3 miljuni lill-klijenti tiegħu; jaqbel mal-Qorti ta' l-Awdituri li akkumulazzjoni ta' eċċessi bħal din tissuġġerixxi li l-metodu għall-għoti ta' prezz lit-traduzzjonijiet tiegħu mhuwiex preċiż biżżejjed;

33.  Jinnota wkoll is-sejba tal-Qorti li fi proċedura ta' reklutaġġ għat-tradutturi, iċ-Ċentru ma rnexxilux jipprovdi prova bil-miktub tar-regoli applikati għall-evalwazzjoni tal-fajls tal-kandidati;

34.  Jinnota mill-kontijiet finali li ċ-Ċentru għamel dispożizzjoni għall-kontribuzzjonijiet għall-pensjoni ta' l-istaff ta' EUR 2 021 126 u għal leave li ma jitteħidx ta' EUR 197 000;

35.  Jinnota li l-Bord ta' Tmexxija taċ-Ċentru ħatar Direttriċi ġdida, li bdiet taħdem mill-1 ta' Mejju 2006;

36.  Jesprimi t-tama tiegħu li tinsab malajr soluzzjoni għall-problema tal-bini taċ-Ċentru u għall-kwistjoni tal-ħlas tal-kontribuzzjonijiet tal-pensjoni għall-istaff;

37.  Jilqa' l-indikazzjoni fir-rapport ta' l-attivitajiet taċ-Ċentru li fl-2006 huwa kompla jimplimenta r-rakkomandazzjonijiet ta' l-IAS tal-Kummissjoni fir-rigward tal-finalizzazzjoni u ta' l-aġġornament tad-deskrizzjonijiet ta' l-impjieg, billi jinforma lill-uffiċjali tiegħu bir-responsabiltajiet tagħhom, billi tawwal l-iskadenzi għall-pubblikazzjonijiet ta' postijiet vakanti, billi sar monitoraġġ adegwat ta' l-attivitajiet taċ-Ċentru, evalwazzjoni tar-riskju, definizzjoni ċara ta' l-istatus ta' l-Aġenzija bħala korp issussidjat jew li jiffinanzja lilu nnifsu, u l-provvista ta' proċedura ta' trasferiment (handover) għall-funzjonijiet essenzjali kollha;

38.  Jinnota li ċ-Ċentru rrekluta awditur intern fi Frar 2008.

(1) ĠU C 261, 31.10.2007, p.42. (2) ĠU C 309, 19.12.2007, p. 94. (3) ĠU L 248, 16.9.2002, p.1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (4) ĠU L 314, 7.12.1994, p. 1. Ir-Regolament kif emendat l-aħħar bir-Regolament (KE) Nru 1645/2003 (ĠU L 245, 29.9.2003, p. 13). (5) ĠU L 357, 31.12.2002, p. 72. (6) ĠU C 261, 31.10.2007, p .42. (7) ĠU C 309, 19.12.2007, p. 94. (8) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (9) ĠU L 314, 7.12.1994, p. 1. Ir-Regolament kif emendat l-aħħar bir-Regolament (KE) Nru 1645/2003 (ĠU L 245, 29.9.2003, p. 13). (10) ĠU L 357, 31.12.2002, p. 72. (11) ĠU C 261, 31.10.2007, p.42. (12) ĠU C 309, 19.12.2007, p. 94. (13) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007(ĠU L 343, 27.12.2007, p. 9). (14) ĠU L 314, 7.12.1994, p. 1. Ir-Regolament kif emendat l-aħħar bir-Regolament (KE) Nru 1645/2003 (ĠU L 245, 29.9.2003, p. 13). (15) ĠU L 357, 31.12.2002, p. 72. (16) ĠU L 187, 15.7.2008, p. 122. (17) Riżoluzzjoni tal-Parlament Ewropew li tinkludi l-kummenti li jakkumpanjaw id-deċiżjoni dwar il-kwittanza lid-Direttur taċ-Ċentru tat-Traduzzjoni għall-entitajiet ta' l-Unjoni Ewropea b'rabta ma" l-implimentazzjoni tal-baġit tiegħu għas-sena finanzjarja 2003 (ĠU L 196, 27.7.2005, p. 101). (18) ĠU C 273, 15.11.2007, p. 1. (19) Dokument tal-Kunsill DS605/1/07 Rev 1. (20) Sors: Rapport dwar il-kontijiet annwali ta' l-Uffiċċju għall-Armonizzazzjoni tas-Suq Intern għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p. 141). (21) Sors: Rapport dwar il-kontijiet annwali ta' l-Uffiċċju Komunitarju tal-Varjetajiet tal-Pjanti għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p. 135).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006 (C6-0386/2007 – 2007/2060(DEC))

P6_TA(2008)0146 A6-0117/2008

Il-Parlament Ewropew,

–   wara li kkunsidra l-kontijiet finali annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006(1),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006, flimkien mat-tweġibiet taċ-Ċentru(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat tal-KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikulari l-Artikolu 185 tiegħu,

–   wara li kkunsidra r-Regolament (KE) Nru 851/2004 tal-Parlament Ewropew u tal-Kunsill tal-21 ta" April 2004 li jistabbilixxi Ċentru Ewropew għall-Prevenzjoni u l-Kontroll tal-Mard (4), u b'mod partikulari l-Artikolu 23 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-Rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0117/2008),

1.  Jagħti kwittanza lid-Direttur taċ-Ċentru Ewropew għall-Prevenzjoni u l-Kontroll tal-Mard b'rabta ma" l-implimentazzjoni tal-baġit taċ-Ċentru għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu sabiex jgħaddi din id-deċiżjoni, kif ukoll ir-riżoluzzjoni li hi parti integrali minnha lid-direttur taċ-Ċentru Ewropew għall-Prevenzjoni u l-Kontroll tal-Mard, lill-Kunsill, lill-Kummissjoni u lill-Qorti ta" l-Awdituri, u biex jagħmel l-arranġamenti għall-pubblikazzjoni tagħhom fil-Ġurnal Uffiċjali ta" l-Unjoni Ewropea (Serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006 (C6-0386/2007 – 2007/2060(DEC))

Il-Parlament Ewropew,

–   wara li kkunsidra l-kontijiet finali annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006(6),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006, flimkien mat-tweġibiet taċ-Ċentru(7),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat tal-KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(8), u b'mod partikulari l-Artikolu 185 tiegħu,

–   wara li kkunsidra r-Regolament (KE) Nru 851/2004 tal-Parlament Ewropew u tal-Kunsill tal-21 ta" April 2004 li jistabbilixxi Ċentru Ewropew għall-Prevenzjoni u l-Kontroll tal-Mard (9), u b'mod partikulari l-Artikolu 23 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002(10), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-Rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0117/2008),

1.  Jinnota li l-kontijiet finali annwali taċ-Ċentru Ewropew għall-Prevenzjoni u l-Kontroll tal-Mard huma kif annessi mar-rapport tal-Qorti ta" l-Awdituri;

2.  Japprova l-għeluq tal-kontijiet taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006;

3.  Jagħti istruzzjonijiet lill-President tiegħu biex jgħaddi din id-deciżjoni lid-Direttur taċ-Ċentru Ewropew għall-Prevenzjoni u l-Kontroll tal-Mard, lill-Kunsill, lill-Kummissjoni u lill-Qorti ta' l-Awdituri, u biex jagħmel l-arranġamenti għall-pubblikazzjoni tagħha fil-Ġurnal Uffiċjali ta' l-Unjoni Ewropea (serje L).

3.Riżoluzzjoni tal-Parlament Ewropew tat-22 ta' April 2008 b'osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006 (C6-0386/2007 – 2007/2060(DEC))

Il-Parlament Ewropew,

–   wara li kkunsidra l-kontijiet finali annwali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006(11),

–   wara li kkunsidra r-rapport tal-Qorti ta" l-Awdituri dwar il-kontijiet annwali finali taċ-Ċentru Ewropew għall-Prevenzjoni u l-Kontroll tal-Mard għas-sena finanzjarja 2006, flimkien mat-tweġibiet taċ-Ċentru(12),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat tal-KE, u b'mod partikulari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(13), u b'mod partikulari l-Artikolu 185 tiegħu,

–   wara li kkunsidra r-Regolament (KE) Nru 851/2004 tal-Parlament Ewropew u tal-Kunsill tal-21 ta" April 2004 li jistabbilixxi Ċentru Ewropew għall-Prevenzjoni u l-Kontroll tal-Mard (14), u b'mod partikulari l-Artikolu 23 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002(15), u b'mod partikulari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-Rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0117/2008),

A.   billi l-Qorti ta" l-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2006 huma ta' min joqgħod fuqhom, u li t-tranżazzjonijiet bażiċi huma legali u regolari,

B.   billi fl-24 ta" April 2007, il-Parlament ta l-kwittanza lid-Direttur taċ-Ċentru Ewropew għall-Prevenzjoni u l-Kontroll tal-Mard għall-implimentazzjoni tal-baġit taċ-Ċentru għas-sena finanzjarja 2005(16), u fir-riżoluzzjoni tiegħu li takkumpanja d-deċiżjoni ta" kwittanza inter alia

Punti ġenerali li jikkonċernaw il-kwistjonijiet orizzontali li jaffettwaw lill-aġenziji ta" l-UE u li b'hekk jaffettwaw ukoll il-proċedura ta" kwittanza għal kull waħda mill-aġenziji individwali

1.  Jinnota li l-baġits ta" l-24 aġenzija u ta" korpi satelliti oħrajn li saritilhom il-verifika mill-Qorti ta" l-Awdituri kienu jammontaw għal EUR 1 080,5 miljun fl-2006 (l-akbar baġit kien ta" l-Aġenzija Ewropea għar-Rikostruzzjoni li kien jammonta għal EUR 271 miljun u l-iżgħar baġit kien tal-Kulleġġ Ewropew tal-Pulizija (CEPOL) li kien jammonta għal EUR 5 miljun);

2.  Jenfasizza l-fatt li l-firxa ta" korpi esterni ta" l-UE li huma suġġetti għal verifika u għal kwittanza issa tinkludi mhux biss aġenziji regolatorji tradizzjonali iżda wkoll aġenziji eżekuttivi li ġew stabbiliti sabiex jimplimentaw programmi speċifiċi, u fil-futur qrib se testendi wkoll għal intrapriżi konġunti li ġew stabbiliti bħala ftehimiet ta' sħubija pubbliċi-privati (inizjattivi teknoloġiċi konġunti);

3.  Josserva fir-rigward tal-Parlament li l-għadd ta" aġenziji suġġetti għall-proċedura ta" kwittanza evolva kif ġej: sena finanzjarja 2000: 8; 2001: 10; 2002: 11; 2003: 14; 2004: 14; 2005: 16; 2006: 20 aġenzija regolatorja u 2 aġenziji eżekuttivi (m'humiex inklużi 2 aġenziji li jiġu vverifikati mill-Qorti ta' l-Awdituri iżda li huma suġġetti għal proċess ta" kwittanza intern);

4.  Jikkonkludi, għaldaqstant, li l-proċess ta" verifika / kwittanza sar ineffiċjenti u sproporzjonat meta mqabbel mad-daqs relattiv tal-baġits ta" l-aġenziji / tal-korpi satelliti; jagħti istruzzjonijiet lill-kumitat kompetenti tiegħu sabiex jagħmel reviżjoni fuq firxa wiesgħa tal-proċess ta" kwittanza fir-rigward ta" aġenziji u korpi satelliti bil-għan li jitfassal metodu iktar sempliċi u razzjonali, filwaqt li jżomm f'moħħu l-għadd dejjem ikbar ta" korpi li kull wieħed minnhom jesiġi rapport ta" kwittanza separat fis-snin li ġejjin;

Kunsiderazzjonijiet fundamentali

5.  Jitlob li l-Kummissjoni tipprovdi spjegazzjonijiet ċari fir-rigward ta" l-elementi li ġejjin qabel il-ħolqien ta" aġenzija ġdida jew qabel ir-riforma ta" aġenzija eżistenti: it-tip ta" aġenzija, l-għanijiet ta" l-aġenzija, l-istruttura ta" governanza interna, il-prodotti, is-servizzi, il-proċeduri ewlenin, il-grupp fil-mira, il-klijenti u l-partijiet interessati ta" l-aġenzija, ir-relazzjoni formali ma" l-atturi esterni, ir-responsabilità baġitarja, l-ippjanar finanzjarju, u l-istaff u l-politika dwar l-istaff;

6.  Jitlob li kull aġenzija tkun irregolata minn ftehima annwali rigward ir-rendiment li tkun ifformulata mill-aġenzija u mid-DĠ responsabbli u li għandha tinkludi l-għanijiet ewlenin għas-sena li tkun ġejja, qafas finanzjarju u indikaturi ċari għall-kejl tar-rendiment;

7.  7 Jitlob li r-rendiment ta" l-aġenziji jiġi vverifikat b'mod regolari (u fuq bażi ad hoc) mill-Qorti ta" l-Awdituri jew awditur indipendenti ieħor; iqis li din il-verifika m'għandhiex tkun limitata għal elementi tradizzjonali ta" ġestjoni finanzjarja u għall-użu kif suppost tal-fondi pubbliċi, iżda għandha tkopri wkoll l-effiċjenza u l-effikaċja amministrattiva u għandha tinkludi klassifikazzjoni tal-ġestjoni finanzjarja ta" kull aġenzija;

8.  Jargumenta li fil-każ ta" aġenziji li qegħdin kontinwament jistmaw li l-ħtiġijiet baġitarji rispettivi tagħhom huma ogħla milli fil-fatt huma, għandu jkun hemm tnaqqis tekniku skond il-postijiet vakanti; huwa ta" l-opinjoni li dan għandu jwassal, f'perjodu fit-tul, għal inqas dħul assenjat għall-aġenziji u għalhekk inaqqas ukoll l-ispejjeż amministrattivi;

9.  Jinnota li hija problema serja li għadd ta' aġenziji jiġu kkritikati talli ma jsegwux ir-regoli dwar l-akkwist pubbliku, ir-Regolament Finanzjarju, ir-Regolamenti ta' l-Istaff eċċ.; jikkunsidra li r-raġuni ewlenija għal dan hija li ħafna mir-regolamenti u r-Regolament Finanzjarju huma mfassla għal istituzzjonijiet akbar u li ħafna mill-aġenziji ż-żgħar m'ghandhomx il-kapaċità mixtieqa biex jaqdu dawn il-ħtiġijiet regolatorji; għalhekk jitlob lill-Kummissjoni sabiex issib soluzzjoni malajr kemm jista" jkun, sabiex titjieb l-effiċjenza billi l-funzjonijiet amministrattivi ta" diversi aġenziji jingħaqdu flimkien, sabiex tinkiseb din is-saħħa (billi wieħed jikkunsidra t-tibdiliet meħtieġa fir-Regolamenti bażiċi li jmexxu lill-aġenziji u l-indipendenza baġitarja tagħhom), jew sabiex toħloq abbozz ta" regoli speċifiċi għall-aġenziji (b'mod partikulari billi timplimenta regoli għall-aġenziji) li jippermettulhom li jkunu konformi fit-totalità tagħhom;

10.  Jinsisti li l-Kummissjoni, meta tkun qed tfassal l-Abbozz Preliminari tal-Baġit, tqis ir-riżultati ta' l-implimentazzjoni tal-baġit mill-aġenziji individwali fis-snin ta' qabel, b'mod partikulari għas-sena n-1, u tirrevedi l-baġit rikjest mill-aġenzija partikulari kif meħtieġ; jistieden lill-Kumitat kompetenti tiegħu sabiex jirrispetta din ir-reviżjoni u, jekk ma jkunx diġà ġie rivedut mill-Kummissjoni, jirrevedi huwa stess il-baġit imsemmi fuq livell realistiku li jaqbel mal-kapaċità ta" assorbiment u implimentazzjoni ta" l-aġenzija imsemmija;

11.  Ifakkar id-deċiżjoni tiegħu dwar il-kwittanza b'rabta mas-sena finanzjarja 2005, fejn huwa stieden lill-Kummissjoni sabiex kull ħames snin tippreżenta studju dwar il-valur miżjud ta" kull aġenzija li teżisti; f'każ ta" evalwazzjoni negattiva tal-valur miżjud ta" aġenzija, jistieden lill-istituzzjonijiet rilevanti kollha sabiex jieħdu l-passi meħtieġa, billi jifformulaw mill-ġdid il-mandat ta" dik l-aġenzija jew billi jagħlquh; jinnota li ma saret l-ebda evalwazzjoni min-naħa tal-Kummissjoni fl-2007; jinsisti li l-Kummissjoni għandha tippreżenta, ta" l-inqas 5 minn dan it-tip ta" evalwazzjonijiet qabel id-deċiżjoni dwar il-kwittanza, b'rabta mas-sena finanzjarja 2007, billi tibda mill-iżjed aġenzija antika;

12.  Huwa ta" l-opinjoni li r-rakkomandazzjonijiet tal-Qorti ta" l-Awdituri għandhom jiġu implimentati minnufih, u li l-livell tas-sussidji mħallsa lill-aġenziji għandu jkun konformi mal-ħtiġijiet attwali tagħhom għal dak li għandu x'jaqsam mal-likwidità; barra minn hekk jikkunsidra li l-emendi tar-Regolament Finanzjarju ġenerali għandhom jiġu miżjuda fir-Regolament finanzjarju tal-qafas ta" l-aġenziji u f'bosta regolamenti finanzjarji speċifiċi;

Il-preżentazzjoni tad-data ta' rappurtaġġ

13.  Jinnota li m'hemm ebda metodu standard fost l-aġenziji dwar il-preżentazzjoni ta" l-attivitajiet tagħhom matul is-sena finanzjarja kkonċernata u tal-kontijiet tagħhom u tar-rapporti dwar il-ġestjoni baġitarja u finanzjarja, u lanqas dwar il-kwistjoni jekk għandhiex titfassal dikjarazzjoni ta" assigurazzjoni mid-direttur ta" l-aġenzija; josserva li mhux l-aġenziji kollha jiddistingwu b'mod ċar bejn (a) il-preżentazzjoni tax-xogħol ta" l-aġenzija lill-pubbliku u (b) ir-rappurtar tekniku dwar il-ġestjoni baġitarja u finanzjarja;

14.  Jinnota li filwaqt li l-istruzzjonijiet fis-seħħ tal-Kummissjoni għall-preparazzjoni tar-rapporti ta" attività ma jesiġux b'mod espliċitu li l-aġenzija tfassal dikjarazzjoni ta" assigurazzjoni, bosta diretturi, minkejja dan, xorta waħda għamlu dan għall-2006, filwaqt li f'każ wieħed minnhom kienet inkluża riserva importanti;

15.  Ifakkar li r-riżoluzzjoni tiegħu tat-12 ta" April 2005(17), jistieden lid-Diretturi ta" l-Aġenziji sabiex minn issa "l quddiem ir-rapport ta" attività annwali tagħhom, li jiġi ppreżentat flimkien mat-tagħrif finanzjarju u tal-ġestjoni, irid ikollu miegħu dikjarazzjoni ta" assigurazzjoni li tikkonċerna l-legalità u r-regolarità ta" l-operazzjonijiet, simili għad-dikjarazzjonijiet li ġew iffirmati mid-Diretturi Ġenerali tal-Kummissjoni;

16.  Jitlob lill-Kummissjoni sabiex temenda l-istruzzjonijiet fis-seħħ tagħha lill-aġenziji skond dak li ntqal hawn fuq;

17.  Barra minn hekk, jissuġġerixxi li l-Kummissjoni għandha taħdem ma" l-aġenziji biex jinħoloq mudell armonizzat li japplika għall-aġenziji u għall-korpi satelliti kollha li jiddistingwi b'mod ċar bejn

Sejbiet ġenerali mill-Qorti ta" l-Awdituri

18.  Jinnota dak li sabet il-Qorti (Rapport Annwali, paragrafu 10.29(18)) li l-ħruġ ta" sussidji li jitħallsu mill-Kummissjoni mill-baġit tal-Komunità m'huwiex ibbażat fuq stimi ġġustifikati biżżejjed tar-rekwiżiti ta" likwidità ta" l-aġenziji, u li dan, flimkien mad-daqs tat-trasferimenti għas-sena ta' wara, iwassal sabiex ikollhom bilanċi ta" kreditu kbar mhux ħażin; jinnota wkoll ir-rakkomandazzjoni tal-Qorti li l-livell ta" sussidji li jitħallsu lill-aġenziji għandu jkun konformi mal-bżonnijiet reali tagħhom għal dak li jirrigwardja l-likwidità;

19.  Jinnota li fi tmiem l-2006, 14-il aġenzija kienu għad iridu jimplimentaw is-sistema tal-kontijiet ABAC (Rapport Annwali, in-nota f'qiegħ il-paġna għall-paragrafu 10.31);

20.  Jinnota l-kumment tal-Qorti (Rapport Annwali, paragrafu 1.25) dwar spejjeż akkumulati minħabba liv li ma tteħidx li huma responsabbli għalihom uħud mill-aġenziji; jirrimarka li l-Qorti ta" l-Awdituri kkwalifikat id-dikjarazzjoni ta" assigurazzjoni tagħha fil-każ ta" tliet aġenziji (iċ-Ċentru Ewropew għall-Iżvilupp ta" Taħriġ Vokazzjonali (CEDEFOP), CEPOL u l-Aġenzija Ewropea tal-Ferroviji) għas-sena finanzjarja 2006 (2005: CEDEFOP, l-Awtorità Ewropea dwar is-Sikurezza fl-Ikel, l-Aġenzija Ewropea għar-Rikostruzzjoni);

Verifika interna

21.  Ifakkar li f'konformità ma" l-Artikolu 185(3) tar-Regolament Finanzjarju, l-Awditur Intern tal-Kummissjoni huwa wkoll l-awditur intern ta" l-aġenziji regolatorji li jingħataw għotjiet mill-baġit ta" l-UE; jirrimarka li l-Awditur Intern jirrapporta lill-bord ta" tmexxija u lid-direttur ta" kull aġenzija;

22.  Jiġbed l-attenzjoni għar-riserva li tniżżlet fir-Rapport ta" l-Attivitajiet Annwali ta" l-Awditur Intern għall-2006 kif ġej:"

L-Awditur Intern tal-Kummissjoni m'huwiex f'pożizzjoni li jissodisfa kif suppost l-obbligu tiegħu skond l-Artikolu 185 tar-Regolament Finanzjarju bħala awditur intern tal-korpi tal-Komunità minħabba nuqqas ta" riżorsi ta" staff.

23.  Jinnota, madankollu, il-kumment ta" l-Awditur Intern fir-rapport ta" l-attivitajiet tiegħu għall-2006 li mill-2007, bis-saħħa tar-riżorsi ta" l-istaff addizzjonali mogħtija mill-Kummissjoni lis-Servizz ta" Verifika Interna (IAS), l-aġenziji regolatorji operattivi kollha se jkunu suġġetti għal xogħol ta" verifika interna fuq bażi annwali;

24.  Jinnota l-għadd li kulma jmur qiegħed jikber ta" aġenziji regolatorji u eżekuttivi u ta" intrapriżi konġunti li jeħtieġ li ssirilhom verifika mill-IAS skond l-Artikolu 185 tar-Regolament Finanzjarju; jitlob lill-Kummissjoni sabiex tinforma lill-kumitat kompetenti tagħha dwar jekk ir-riżorsi ta" l-istaff għad-dispożizzjoni ta' l-IAS humiex se jkunu biżżejjed sabiex issir verifika annwali ta" dawn il-korpi kollha fis-snin li ġejjin;

25.  Josserva li l-Artikolu 72(5) tar-Regolament (KE, Euratom) Nru 2343/2002 jeżiġi li kull aġenzija tibgħat kull sena lill-awtorità tal-kwittanza u lill-Kummissjoni rapport li jkun imħejji mid-direttur tagħha u li jiġbor l-għadd u t-tip ta" verifiki interni li jkunu saru mill-Awditur Intern, ir-rakkomandazzjonijiet li saru u l-azzjonijiet li ttieħdu dwar dawn ir-rakkomandazzjonijiet; jitlob lill-aġenziji sabiex jindikaw jekk dan huwiex qiegħed isir u, jekk inhu hekk, kif qiegħed isir;

26.  Jieħu nota, fir-rigward tal-kapaċità tal-verifika interna, l-iktar b'rabta ma" l-aġenziji li huma iżgħar, ta" proposta li saret mill-Awditur Intern quddiem il-kumitat kompetenti tal-Parlament nhar l-14 ta" Settembru 2006 li aġenziji li huma iżgħar għandhom ikunu awtorizzati jixtru servizzi ta" verifika interna mis-settur privat;

L-evalwazzjoni ta" l-aġenziji

27.  Ifakkar fl-istqarrija konġunta mill-Parlament, mill-Kunsill u mill-Kummissjoni(19) li ġiet innegozjata fil-konċiljazzjoni quddiem il-Kunsill tal-baġit ta' l-ECOFIN tat-13 ta" Lulju 2007 li titlob (i) lista ta" aġenziji li l-Kummissjoni bi ħsiebha tevalwa, u (ii) lista ta" aġenziji li diġà ġew evalwati, flimkien ma" sinteżi tar-riżultati prinċipali;

Proċeduri dixxiplinari

28.  Jinnota li, minħabba d-daqs tagħhom, aġenziji individwali jsibu diffikultà biex jistabbilixxu bordijiet ta' dixxiplina ad hoc minn fost staff li huwa ta" grad xieraq fil-karriera u li l-IDOC (l-Uffiċċju ta" l-Investigazzjoni u Dixxiplina) tal-Kummissjoni m'huwiex responsabbli għall-aġenziji; jistieden lill-aġenziji sabiex iqisu bord ta' dixxiplina komuni;

Abbozz ta" ftehima interistituzzjonali

29.  Ifakkar l-abbozz ta' ftehim Inter-istituzzjonali dwar il-ħolqien ta' qafas operattiv għall-aġenziji regolatorji Ewropej ippreżentat mill-Kummissjoni (COM(2005)0059), li kien maħsub li joħloq qafas orizzontali għall-ħolqien, l-istruttura, it-tħaddim, l-evalwazzjoni u l-kontroll ta" l-aġenziji regolatorji Ewropej; jinnota li l-abbozz jirrappreżenta inizjattiva utli bħala sforz sabiex ikunu rrazzjonalizzati l-ħolqien u l-immaniġġjar ta" l-aġenziji; jinnota l-istqarrija fir-rapport ta" sintesi 2006 tal-Kummissjoni (il-paragrafu 3.1, COM(2007)0274) li għalkemm ma sarx progress fin-negozjati wara l-pubblikazzjoni ta' l-abbozz, tniedew mill-ġdid diskussjonijiet dwar sustanza fil-Kunsill fi tmiem l-2006; jiddispjaċih li ma kienx possibbli li jsir iktar progress lejn l-adozzjoni;

30.  Jilqa" b'sodisfazzjon għaldaqstant, l-impenn tal-Kummissjoni li tressaq Komunikazzjoni dwar il-ġejjieni ta" l-aġenziji regolatorji matul l-2008;

Aġenziji ffinanzjati minnhom infushom

31.  Ifakkar li għaż-żewġ aġenziji li jiffinanzjaw lilhom infushom, id-direttur jingħata l-kwittanza mill-bord amministrattiv; jinnota li t-tnejn li huma għandhom eċċessi akkumulati sinifikanti minn dħul ta' tariffi li jkunu ġew trasferiti minn ċifri ta' snin preċedenti:

Punti speċifiċi

32.  Iqis li ċ-Ċentru huwa istituzzjoni importanti għat-tisħiħ u l-iżvilupp Ewropew ta' monitoraġġ tal-mard, għas-sistemi ta' avviż bikri u għal opinjonijiet xjentifiċi awtorevoli dwar ir-riskji li qed joħolqu mardiet ġodda u emerġenti li jittieħdu; jinnota b'sodisfazzjon li ċ-Ċentru rnexxilu jiżviluppa għadd konsiderevoli ta' prodotti u servizzi fl-2006, sabiex jissodisfa l-mandat tiegħu;

33.  Jiġbed l-attenzjoni għall-osservazzjoni tal-Qorti ta' l-Awdituri fir-rapport tagħha ta' l-2006 li kważi 45% ta' l-impenji li saru matul is-sena kienu ttrasferiti għas-sena ta' wara, u li matul it-tieni nofs ta' l-2006, saru bosta trasferimenti, primarjament minħabba l-istimi mhux preċiżi ta' l-għadd ta' staff meħtieġ, mingħajr ma l-Bord ta' Governanza taċ-Ċentru ġie infurmat fil-ħin.

34.  Jesprimi t-tħassib tiegħu għas-sejbiet tal-Qorti li għal darb'oħra ttieħdu impenji legali fin-nuqqas ta' impenji baġitarji preċedenti, bi ksur tar-Regolament Finanzjarju;

35.  Jistieden liċ-Ċentru biex jieħu l-passi meħtieġa ħalli tittieħed azzjoni dwar l-osservazzjoni tal-Qorti li d-drittijiet ta' aċċess għas-sistema kompjuterizzata ta' mmaniġġjar tal-baġit mhux dejjem kienet konsistenti ma' l-għotjiet awtorizzati mid-Direttur u li l-uffiċjal tal-kontabilità għadu ma vvalidax il-proċeduri ewlenin ta' impenn u ta' pagament;

36.  Jinnota li t-tweġiba taċ-Ċentru tindika li

37.  Jinnota mill-kontijiet tar-riżultat ekonomiku taċ-Ċentru li fl-2006 fuq il-bażi ta' dħul ta' EUR 15,8 miljun kiseb riżultat ekonomiku ta' EUR 5,3 miljun, b'total ta' likwidità fil-bank ta' EUR 7,2 miljun, u li l-karta tal-bilanċ tinkludi EUR 400 000 għal pre-finanzjament li għandu jirritorna lura lill-Kummissjoni;

38.  Ifakkar li l-baġit taċ-Ċentru kiber minn EUR 4,53 miljun fl-2005 għal EUR 17,15 miljun fl-2006, b'żieda fl-istaff minn 43 għal 85; jinnota li, apparti l-verifika mill-Qorti ta' l-Awdituri, iċ-Ċentru kien ivverifikat mill-IAS tal-Kummissjoni f'Mejju 2006, li rriżulta fi pjan ta' azzjoni, u li fl-2006 ċ-Ċentru stabbilixxa kumitat tal-verifika;

39.  Jilqa' b'sodisfazzjon l-inklużjoni fir-rapport annwali taċ-Ċentru ta' l-24 standard ta' kontroll intern; huwa ta' l-opinjoni li dan huwa eżempju li jista' jkun segwit b'utilità mill-aġenziji kollha.

(1) ĠU C 261, 31.10.2007, p. 49. (2) ĠU C 309, 19.12.2007, p. 99. (3) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007 (ĠU L 343, 27.12.2007, p. 9). (4) ĠU L 142, 30.4.2004, p. 1. (5) ĠU L 357, 31.12.2002, p. 72. (6) ĠU C 261, 31.10.2007, p. 49. (7) ĠU C 309, 19.12.2007, p. 99. (8) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007 (ĠU L 343, 27.12.2007, p. 9). (9) ĠU L 142, 30.4.2004, p. 1. (10) ĠU L 357, 31.12.2002, p. 72. (11) ĠU C 261, 31.10.2007, p. 49. (12) ĠU C 309, 19.12.2007, p. 99. (13) ĠU L 248, 16.9.2002, p. 1. Ir-Regolament kif emendat l-aħħar bir-Regolament (KE) Nru 1525/2007 (ĠU L 343, 27.12.2007, p. 9). (14) ĠU L 142, 30.4.2004, p. 1. (15) ĠU L 357, 31.12.2002, p. 72. (16) ĠU L 187, 15.7.2008, p. 170. (17) Ir-riżoluzzjonijiet kollha dwar l-Aġenziji kienu ppubblikati fil-ĠU L 196, 27.7.2005. (18) ĠU C 273, 15.11.2007, p. 1. (19) Dokument tal-Kunsill DS 605/1/07 Rev1. (20) Sors: Rapport dwar il-kontijiet annwali ta' l-Uffiċċju għall-Armonizzazzjoni tas-Suq Intern għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.141). (21) Sors: Rapport dwar il-kontijiet annwali ta' l-Uffiċċju Komunitarju tal-Varjetajiet tal-Pjanti għas-sena finanzjarja 2006 flimkien mat-tweġibiet ta' l-Uffiċċju (ĠU C 309, 19.12.2007, p.135).

1.Deċiżjoni tal-Parlament Ewropew tat-22 ta' April 2008 dwar il-kwittanza għall-implimentazzjoni tal-baġit taċ-Ċentru Ewropew ta' Monitoraġġ għad-Drogi u d-Dipendenza mid-Drogi għas-sena finanzjarja 2006 (C6-0375/2007 – 2007/2050(DEC))

P6_TA(2008)0147 A6-0116/2008

Il-Parlament Ewropew,

–   wara li kkunsidra l-kontijiet annwali definittivi taċ-Ċentru Ewropew ta' Monitoraġġ għad-Drogi u d-Dipendenza mid-Drogi għas-sena finanzjarja 2006(1),

–   wara li kkunsidra r-rapport tal-Qorti ta' l-Awdituri dwar il-kontijiet annwali finali taċ-Ċentru Ewropew ta' Monitoraġġ għad-Drogi u d-Dipendenza mid-Drogi għas-sena finanzjarja 2006, flimkien mat-tweġibiet taċ-Ċentru(2),

–   wara li kkunsidra r-rakkomandazzjoni tal-Kunsill tat-12 ta' Frar 2008 (5843/2008 – C6-0084/2008),

–   wara li kkunsidra t-Trattat li jistabbilixxi l-KE, u b'mod partikolari l-Artikolu 276 tiegħu,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta" Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej(3), u b'mod partikolari l-Artikolu 185 tiegħu,

–   wara li kkunsidra r-Regolament (KE) Nru 1920/2006 tal-Parlament Ewropew u tal-Kunsill tat-12 ta" Diċembru 2006 dwar iċ-Ċentru Ewropew ta' Monitoraġġ għad-Drogi u d-Dipendenza mid-Drogi(4), u b'mod partikolari l-Artikolu 15 tiegħu,

–   wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta" Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament tal-Kunsill (KE, Euratom) Nru 1605/2002(5), u b'mod partikolari l-Artikolu 94 tiegħu,

–   wara li kkunsidra l-Artikolu 71 u l-Anness V tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għal-Libertajiet Ċivili, il-Ġustizzja u l-Intern (A6-0116/2008),

1.  Jagħti l-kwittanza lid-Direttur taċ-Ċentru Ewropew ta' Monitoraġġ għad-Drogi u d-Dipendenza mid-Drogi b'rabta ma" l-implimentazzjoni tal-baġit taċ-Ċentru għas-sena finanzjarja 2006;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu sabiex jgħaddi din id-deċiżjoni, kif ukoll ir-riżoluzzjoni li hi parti integrali minnha lid-direttur taċ-Ċentru Ewropew ta' Monitoraġġ għad-Drogi u d-Dipendenza mid-Drogi, lill-Kunsill, lill-Kummissjoni u lill-Qorti ta" l-Awdituri, u biex jiżgura li tiġi pubblikata fil-Ġurnal Uffiċjali ta" l-Unjoni Ewropea (Serje L).

2.Deċiżjoni tal-Parlament Ewropew tat-22 ta' April 2008 dwar l-għeluq tal-kontijiet taċ-Ċentru Ewropew ta' Monitoraġġ għad-Drogi u d-Dipendenza mid-Drogi għas-sena finanzjarja 2006 (C6-0375/2007 – 2007/2050(DEC))

Il-Parlament Ewropew,

–   wara li kkunsidra l-kontijiet annwali finali taċ-Ċentru Ewropew ta' Monitoraġġ għad-Drogi u d-Dipendenza mid-Drogi għas-sena finanzjarja 2006(6),