Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal deċiżjoni tal-Kunsill dwar il-konklużjoni f'isem il-Komunità Ewropea tal-Ftehim dwar Koperazzjoni Xjentifika u Teknoloġika bejn il-Komunità Ewropea fuq in-naħa l-waħda u l-Gvern ta" New Zealand fuq in-naħa l-oħra (COM(2008)0170 – C6-0292/2008 – 2008/0066(CNS))

P6_TA(2008)0478 A6-0367/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal deċiżjoni tal-Kunsill (COM(2008)0170),

–   wara li kkunsidra d-Deċiżjoni Nru 1982/2006/KE tal-Parlament Ewropew u tal-Kunsill tat-18 ta' Diċembru 2006 dwar is-Seba' Programm ta' Qafas tal-Komunità Ewropea għall-attivitajiet ta' riċerka, ta' żvilupp teknoloġiku u ta' attivitajiet ta' dimostrazzjoni (2007-2013)(1),

–   wara li kkunsidra l-Artikolu 170 u l-Artikolu 300(2), l-ewwel subparagrafu, l-ewwel sentenza, tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE, skont liema artikolu ġie kkonsultat mill-Kunsill (C6-0292/2008),

–   wara li kkunsidra l-Artikoli 51, 83(7) u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Industrija, ir-Riċerka u l-Enerġija (A6-0367/2008),

1.  Japprova l-konklużjoni tal-ftehim;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni, u lill-gvernijiet u l-parlamenti tal-Istati Membri u ta" New Zealand.

(1) ĠU L 412, 30.12.2006, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal deċiżjoni tal-Kunsill dwar il-konklużjoni ta' Memorandum ta" Kooperazzjoni bejn l-Organizzazzjoni Internazzjonali għall-Avjazzjoni Ċivili u l-Komunità Ewropea f'dak li għandu x'jaqsam mal-verifiki/l-ispezzjonijiet tas-sigurtà u l-kwistjonijiet relatati (COM(2008)0335 – C6-0320/2008 – 2008/0111(CNS))

P6_TA(2008)0479 A6-0374/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal deċiżjoni tal-Kunsill (COM(2008)0335),

–   wara li kkunsidra l-Artikoli 80(2) u 300(2), l-ewwel subparagrafu, l-ewwel sentenza, tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE, skont liema artikolu ġie kkonsultat mill-Kunsill (C6-0320/2008),

–   wara li kkunsidra l-Artikoli 51, 83(7) u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għat-Trasport u t-Turiżmu (A6-0374/2008),

1.  Japprova l-konklużjoni tal-Memorandum ta' Kooperazzjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u lill-Organizzazzjoni Internazzjonali għall-Avjazzjoni Ċivili.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal direttiva tal-Parlament Ewropew u tal-Kunsill dwar l-assigurazzjoni kontra responsabbiltà ċivili fir-rigward ta" l-użu ta" vetturi bil-mutur u l-infurzar ta" l-obbligu ta" assigurazzjoni kontra din ir-responsabbiltà (verżjoni kodifikata) (COM(2008)0098 – C6-0144/2008 – 2008/0049(COD))

P6_TA(2008)0480 A6-0380/2008

(Proċedura ta' kodeċiżjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0098),

–   wara li kkunsidra l-Artikolu 251(2) u l-Artikolu 95 tat-Trattat KE, skont liema artikoli l-Kummissjoni ppreżentat il-proposta lill-Parlament (C6-0144/2008)

–   wara li kkunsidra l-Ftehima Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0380/2008),

A.   billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal direttiva tal-Parlament Ewropew u tal-Kunsill dwar reċipjenti sempliċi taħt pressjoni (verżjoni kodifikata) (COM(2008)0202 – C6-0172/2008 – 2008/0076(COD))

P6_TA(2008)0481 A6-0381/2008

(Proċedura ta' kodeċiżjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0202),

–   wara li kkunsidra l-Artikolu 251(2) u l-Artikolu 95 tat-Trattat KE, skont liema Artikoli l-Kummissjoni ppreżentat il-proposta lill-Parlament (C6-0172/2008),

–   wara li kkunsidra l-Ftehima Interistituzzjonali ta' l-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0381/2008),

A.   billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Parlament Ewropew u tal-Kunsill dwar iċ-ċertifikat ta" protezzjoni supplementari għal prodotti mediċinali (verżjoni kodifikata) (COM(2008)0369 – C6-0244/2008 – 2008/0126(COD))

P6_TA(2008)0482 A6-0385/2008

(Proċedura ta' kodeċiżjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0369),

–   wara li kkunsidra l-Artikolu 251(2) u l-Artikolu 95 tat-Trattat tal-KE, skont liema Artikoli il-Kummissjoni ppreżentat il-proposta lill-Parlament (C6-0244/2008),

–   wara li kkunsidra l-Ftehima Interistituzzjonali ta' l-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0385/2008),

A.   billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill dwar l-applikazzjoni tal-Protokoll dwar il-proċedura tal-iżbilanċ eċċessiv mehmuża mat-Trattat li jistabbilixxi l-Komunità Ewropea (Verżjoni kodifikata) (COM(2008)0073 – C6-0147/2008 – 2008/0053(CNS))

P6_TA(2008)0483 A6-0386/2008

(Proċedura ta' konsultazzjoni - kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0073),

–   wara li kkunsidra l-Artikolu 104, paragrafu 14, subparagrafu 3, tat-Trattat KE, skont liema artikolu ġie kkonsultat mill-Kunsill (C6-0147/2008),

–   wara li kkunsidra l-Ftehima Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0386/2008),

A.   billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill dwar l-applikazzjoni ta' l-Artikolu 81(3) tat-Trattat għal ċerti kategoriji ta' akkordji u prattiċi miftiehma fis-settur tat-trasport bl-ajru (verżjoni kodifikata) (COM(2008)0367 – C6-0272/2008 – 2008/0124(CNS))

P6_TA(2008)0484 A6-0379/2008

(Proċedura ta' konsultazzjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0367),

–   wara li kkunsidra l-Artikolu 83 tat-Trattat KE, skont liema artikolu ġie kkonsultat mill-Kunsill (C6-0272/2008),

–   wara li kkunsidra l-Ftehima Interistituzzjonali ta' l-20 ta' Diċembru 1994 dwar metodu ta' ħidma aċċellerat għall-kodifikazzjoni uffiċjali tat-testi leġiżlattivi(1),

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0379/2008),

A.   billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsulttattiv tas-servizzi legali tal-Parlament, tal-Kunsill u tal-Kummisjoni;

2.  Jagħti istruzzjonijiet lill-President tiegħu sabiex jgħaddi (tgħaddi) l-pożizzjoni tal-Parlament lill-Kunsill u lill-Kummissjoni.

(1) ĠU C 102, 4.4.1996, p. 2.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill li jemenda r-Regolament tal-Kunsill (KE, Euratom) Nru 1150/2000 li jimplimenta d-Deċiżjoni 2000/597/KE, Euratom dwar is-sistema tar-riżorsi proprji tal-Komunitajiet (COM(2008)0223 – C6-0197/2008 – 2008/0089(CNS))

P6_TA(2008)0485 A6-0342/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0223),

–   wara li kkunsidra l-Artikolu 279 (2) tat-Trattat KE u l-Artikolu 183 tat-Trattat Euratom, skont liema artikoli l-Kunsill ikkonsulta lill-Parlament (C6-0197/2008),

–   wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u l-amministrazzjoni finanzjarja tajba(1), u b'mod partikolari d-Dikjarazzjoni Nru 3 dwar ir-reviżjoni tal-qafas finanzjarju, annessi ma' dik il-ftehima,

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Baġits (A6-0342/2008),

1.  Japprova l-proposta tal-Kummissjoni kif emendata;

2.  Jistieden lill-Kummissjoni sabiex konsegwentement tbiddel il-proposta tagħha, b'konformità mal-Artikolu 250(2) tat-Trattat KE u l-Artikolu 119(2) tat-Trattat Euratom;

3.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Test propost mill-Kummissjoni   Emenda Emenda 1 Proposta għal regolament – att li jemenda Premessa 1 (1)  Il-Kunsill Ewropew fil-laqgħa tiegħu ta' Brussell fil-15 u s-16 ta' Diċembru 2005 ħareġ numru ta' konklużjonijiet dwar is-sistema tar-riżorsi proprji tal-Komunitajiet, li wasslu għall-adozzjoni tad-Deċiżjoni 2007/436/KE, Euratom. (1)  Il-Kunsill Ewropew fil-laqgħa tiegħu ta' Brussell fil-15 u s-16 ta' Diċembru 2005 ħareġ numru ta' konklużjonijiet dwar is-sistema tar-riżorsi proprji tal-Komunitajiet, li wasslu għall-adozzjoni tad-Deċiżjoni 2007/436/KE, Euratom; huwa wkoll stieden lill-Kummissjoni sabiex tagħmel evalwazzjoni kompluta u wiesgħa li tkopri l-aspetti kollha tal-infiq tal-UE u tar-riżorsi, u sabiex tirrapporta dwar dan fl-2008/2009. Emenda 2 Proposta għal regolament – att li jemenda Premessa 1 a (ġdida) (1a)  Il-Kummissjoni għalhekk se tagħmel reviżjoni ġenerali tal-operat tas-sistema ta' riżorsi proprji, flimkien ma' proposti xierqa li għalihom se jitqiesu bis-sħiħ il-ħidma u r-rakkomandazzjonijiet tal-Parlament Ewropew, f'konformità mal-kundizzjonijiet stipulati fid-Dikjarazzjoni Nru 3 dwar ir-reviżjoni tal-qafas finanzjarju, annessa mal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u l-amministrazzjoni finanzjarja tajba1. _________________ ĠU C 139, 14.6.2006, p. 1.

(1) ĠU C 139, 14.6.2006, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar l-abbozz ta" deċiżjoni ta" qafas tal-Kunsill dwar il-Mandat Ewropew għall-kisba ta" provi sabiex jinkisbu oġġetti, dokumenti u data għall-użu tagħhom fil-kuntest ta" proċeduri kriminali (13076/2007 – C6-0293/2008 – 2003/0270(CNS))

P6_TA(2008)0486 A6-0408/2008

(Proċedura ta' konsultazzjoni - konsultazzjoni mġedda)

Il-Parlament Ewropew,

–   wara li kkunsidra l-abbozz tal-Kunsill (13076/2007),

–   wara li kkunsidra l-proposta tal-Kummissjoni lill-Kunsill (COM(2003)0688),

–   wara li kkunsidra l-pożizzjoni tiegħu tal-31 ta" Marzu 2004(1),

–   wara li kkunsidra l-Artikolu 34(2)(b) tat-Trattat UE,

–   wara li kkunsidra l-Artikolu 39(1) tat-Trattat tal-UE, skont liema artikolu reġa' ġie kkonsultat mill-Kunsill (C6-0293/2008),

–   wara li kkunsidra l-Artikoli 93, 51 u 55(3) tar-Regoli ta" Proċedura tiegħu,

–   wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A6-0408/2008),

1.  Japprova l-abbozz tal-Kunsill kif emendat;

2.  Jistieden lill-Kummissjoni biex konsegwentement tbiddel il-proposta tagħha, skont l-Artikolu 250(2) tat-Trattat tal-KE;

3.  Jistieden lill-Kunsill, biex jekk bi ħsiebu jitbiegħed mit-test approvat mill-Parlament, jinfurmah dwar dan;

4.  Jitlob lill-Kunsill jikkonsulta lill-Parlament mill-ġdid jekk ikollu l-ħsieb li jemenda l-abbozz b'mod sostanzjali jew li jibdlu b'test ieħor;

5.  Jiddikjara ruħu determinat, fil-każ meta t-test preżenti ma jkunx adottat qabel id-dħul fis-seħħ tat-Trattat ta" Liżbona, li jikkunsidra iktar il-proposti kollha fil-kuntest tal-proċedura ta" urġenża, b'koperazzjoni mill-qrib mal-parlamenti nazzjonali;

6.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Abbozz tal-Kunsill   Emenda Emenda 1 Abbozz tal-Kunsill Premessa 8 (8)  Il-prinċipju ta' rikonoxximent reċiproku huwa ibbażat fuq livell għoli ta' kunfidenza bejn l-Istati Membri. Sabiex tiġi promossa din il-kunfidenza, din id-Deċiżjoni Kwadru għandu jkollha salvagwardji importanti għall-protezzjoni tad-drittijiet fundamentali. L-EEW għandu għalhekk jinħareġ biss minn imħallfin, qrati, maġistrati inkwirenti, prosekuturi pubbliċi u ċerti awtoritajiet ġudizzjarji oħrajn kif definiti mill-Istati Membri konformement ma' din id-Deċiżjoni Kwadru. (8)  Il-prinċipju ta' rikonoxximent reċiproku huwa bbażat fuq livell għoli ta' kunfidenza bejn l-Istati Membri. Sabiex tiġi promossa din il-kunfidenza, din id-Deċiżjoni Kwadru għandu jkollha salvagwardji importanti għall-protezzjoni tad-drittijiet fundamentali L-EEW għandu għalhekk jinħareġ biss minn imħallfin, maġistrati inkwirenti u prosekuturi pubbliċi . Emenda 2 Abbozz tal-Kunsill Premessa 9 (9)  Din id-Deċiżjoni Kwadru hi adottata taħt l-Artikolu 31 tat-Trattat u għalhekk tikkonċerna koperazzjoni ġudizzjarja fil-kuntest ta' dik id-dispożizzjoni, bil-għan li tgħin il-ġabra ta' provi għal proċedimenti kif definit fl-Artikolu 5 ta' din id-Deċiżjoni Kwadru. Għalkemm awtoritajiet oħrajn minbarra imħallfin, qrati, maġistrati inkwirentii u prosekuturi pubbliċi jistgħu jkollhom rwol fil-ġabra ta' dawn il-provi skond l-Artikolu 2(ċ)(ii), din id-Deċiżjoni Kwadru ma tkoprix il-koperazzjoni tal-pulizija, tad-dwana, tal-fruntieri u ta' l-amministrazzjoni li huma regolati minn dispożizzjonijiet oħrajn tat-Trattati. (9)  Din id-Deċiżjoni ta' Qafas hi adottata taħt l-Artikolu 31 tat-Trattat u għalhekk tikkonċerna koperazzjoni ġudizzjarja fil-kuntest ta' dik id-dispożizzjoni, bil-għan li tgħin il-ġabra ta' provi għal proċedimenti kif definit fl-Artikolu 5 ta' din id-Deċiżjoni ta' Qafas. Din id-Deċiżjoni ta' Qafas ma tkoprix il-koperazzjoni tal-pulizija, tad-dwana, tal-fruntieri u tal-amministrazzjoni li huma regolati minn dispożizzjonijiet oħrajn tat-Trattati. Emenda 3 Abbozz tal-Kunsill Premessa 24 a (ġdida) 24a.  Huwa ta" importanza kardinali li tkun adottata malajr kemm jista" jkun id-Deċiżjoni ta' Qafas tal-Kunsill 2008/.../GAI ta'...dwar il-protezzjoni ta" dejta personali proċessata fil-kuntest tal-pulizija u tal-koperazzjoni ġudizzjarja f'oqsma kriminali, sabiex ikun hemm livell adegwat ta" protezzjoni tad-dejta, li jkun jinkludi wkoll l-ipproċessar ta" dejta personali fuq livell nazzjonali. Emenda 4 Abbozz tal-Kunsill Premessa 25 (25)  L-EEW għandu jikkoeżisti ma' proċeduri ta' assistenza reċiproka eżistenti, iżda tali koeżistenza għandha titqies transitorja sakemm, skond il-Programm ta' l-Aja, it-tipi ta' ġbir ta' provi esklużi mill-kamp ta' applikazzjoni ta' din id-Deċiżjoni Kwadru jkunu wkoll suġġett ta' strument ta' rikonoxximent reċiproku, fejn l-adozzjoni tiegħu jkun jipprovdi reġim komplet ta' rikonoxximent reċiproku sabiex jissostitwixxi l-proċeduri ta' assistenza reċiproka. (25)  L-EEW għandu jikkoeżisti ma' proċeduri ta' assistenza reċiproka eżistenti, iżda tali koeżistenza għandha titqies tranżitorja sakemm, skont il-Programm ta' l-Aja, it-tipi ta' ġbir ta' provi esklużi mill-kamp ta' applikazzjoni ta' din id-Deċiżjoni ta' Qafas ikunu wkoll suġġett ta' strument ta' rikonoxximent reċiproku, fejn l-adozzjoni tiegħu tkun tipprovdi reġim komplet ta' rikonoxximent reċiproku sabiex jissostitwixxi l-proċeduri ta' assistenza reċiproka. Il-Kummissjoni għandha tressaq kemm jista" jkun malajr proposti li jkollhom l-għan li jikkompletaw il-qafas ta" rikonoxximent tal-provi legali, filwaqt li tkun ikkonsolidata l-leġiżlazzjoni diġà approvata. Il-Kummissjoni hija wkoll mistiedna biex iżżid l-isforzi sabiex is-sistema għall-kisba tal-provi fl-Istati Membri tiġi armonizzata. L-armonizzazzjoni tikkostitwixxi l-aħjar pedament għall-koperazzjoni fi kwistjonijiet kriminali. Emenda 5 Abbozz tal-Kunsill Premessa 25 a (ġdida) (25a)  Il-Kummissjoni għandha tressaq malajr kemm jista" jkun proposta għal strument leġiżlattiv dwar il-garanziji proċedurali fil-proċedimenti kriminali. Emenda 6 Abbozz tal-Kunsill Artikolu 2 − punt c c) "awtorità kompetenti" tfisser: c) "awtorità kompetenti" tfisser: imħallef, maġistrat inkwirenti jew prosekutur pubbliku kompetenti fil-liġi nazzjonali biex joħroġ Mandat Ewropew għall-Kisba tal-Provi; (i) imħallef, qorti, maġistrat inkwirenti jew prosekutur pubbliku; jew (ii) kwalunkwe awtorità ġudizzjarja oħra kif definit mill-Istat emittenti, u, fil-każ speċifiku, li taġixxi fil-kapaċità tagħhom bħala awtorità inkwirenti fi proċedimenti kriminali b'kompetenza sabiex tikseb il-provi f'każijiet transkonfinali skond il-liġi nazzjonali; Emenda 7 Abbozz tal-Kunsill Artikolu 4 – paragrafu 1 a (ġdid) 1a.  Il-Mandat Ewropew għall-Kisba tal-Provi huwa strument għad-dispożizzjoni kemm tad-difiża kif ukoll tal-prosekuzzjoni. Għalhekk, kemm id-difiża kif ukoll il-prosekuzzjoni jistgħu jitolbu lill-awtorità ġudizzjarja kompetenti biex toħroġ Mandat Ewropew għall-Kisba tal-Provi. Emenda 8 Abbozz tal-Kunsill Artikolu 4 − paragrafu 6 6.  Minkejja l-paragrafu 2,l-EEW għandu, jekk mitlub mill-awtorità emittenti, ikopri wkoll it-teħid ta' dikjarazzjonijiet minn persuni preżenti waqt l-eżekuzzjoni ta' l-EEW u relatati direttament mas-suġġett ta' l-EEW. Ir-regoli rilevanti ta' l-Istat ta' eżekuzzjoni applikabbli għal każijiet nazzjonali għandhom ikunu applikabbli wkoll fir-rigward tat-teħid ta' tali dikjarazzjonijiet. imħassar Emenda 9 Abbozz tal-Kunsill Artikolu 7 − subparagrafu 1 − punt (b a) (ġdid) b a) l-oġġetti, id-dokumenti u d-dejta huma suxxettibbli li jkunu ammissibbli fil-proċedura li għaliha huma riċerkati. Emenda 10 Abbozz tal-Kunsill Artikolu 7 − subparagrafu 1 a (ġdid) 1a.  L-awtorità emittenti għandha tiċċertifika fil-mandat li l-kundizzjonijiet stipulati fl-ewwel paragrafu jkunu ġew sodisfatti. Emenda 11 Abbozz tal-Kunsill Artikolu 8 – paragrafu 2 2.  Kull Stat Membru jista' jinnomina awtorità ċentrali jew, meta s-sistema legali tiegħu jipprevedi hekk, aktar minn awtorità ċentrali waħda sabiex jassistu lill-awtoritajiet kompetenti. Stat Membru jista', jekk jeħtieġ hekk b'riżultat ta' l-organizzazzjoni tas-sistema ġudizzjarja interna tiegħu, jagħmel lill-awtorità(ajiet) ċentrali tiegħu responsabbli għat-trasmissjoni u r-riċezzjoni amministrattivi ta' l-EEW kif ukoll għal korrispondenza uffiċjali oħra relatata miegħu. 2.  Kull Stat Membru jista' jinnomina awtorità ċentrali jew, meta s-sistema legali tiegħu tipprevedi hekk, aktar minn awtorità ċentrali waħda sabiex jassistu lill-awtoritajiet kompetenti. Emenda 12 Abbozz tal-Kunsill Artikolu 10 - paragrafu 3 a (ġdid) 3a.  Kull min jiġi effettwat minn skambju ta' dejta li jkun sar b'konformità ma' din id-Deċiżjoni ta' Qafas jista' jitlob id-dritt għall-protezzjoni tad-dejta, inkluż l-imblukkar, ir-rettifika, it-tħassir u l-aċċessibilità għall-informazzjoni dwaru, kif ukoll l-aċċess għal kull mezz ta' rikors li għalih ikollu dritt skont il-leġiżlazzjoni tal-Istat emittenti jew tal-Istat eżekuttiv. Emenda 13 Abbozz tal-Kunsill Artikolu 11 − paragrafu 4 4.  Jekk l-awtorità emittenti mhix imħallef, qorti, maġistrat inkwirenti jew prosekutur pubbliku u l-EEW ma jkunx ġie validat minn waħda mill-awtoritajiet imsemmija fl-Istat ta' eżekuzzjoni, l-awtorità ta' eżekuzzjoni tista', fil-każ speċifiku, tiddeċiedi li l-ebda tfittxija jew konfiska ma' tista' titwettaq għall-iskop ta' l-eżekuzzjoni ta' l-EEW. Qabel ma tiddeċiedi hekk, l-awtorità ta' eżekuzzjoni għandha tikkonsulta ma' l-awtorità kompetenti ta' l-Istat emittenti. imħassar Emenda 14 Abbozz tal-Kunsill Artikolu 11 − paragrafu 5 5.  Stat Membru jista', fil-mument ta' l-adozzjoni ta' din id-Deċiżjoni Kwadru, jagħmel dikjarazzjoni jew notifika sussegwenti lis-Segretarjat Ġenerali tal-Kunsill fejn jitlob tali validazzjoni fil-każijiet kollha fejn l-awtorità emittenti mhix imħallef, qorti, maġistrat inkwirenti jew prosekutur pubbliku u fejn il-miżuri meħtieġa għall-eżekuzzjoni ta' l-EEW ikunu jridu jiġu ordnati jew sorveljati minn imħallef, qorti, maġistrat inkwirenti jew prosekutur pubbliku taħt il-liġi ta' l-Istat ta' eżekuzzjoni f'każ domestiku simili. imħassar Emenda 15 Abbozz tal-Kunsill Article 11 a (new) Artikolu 11a Garanziji relatati mal-implimentazzjoni Kull Stat Membru għandu jistipula d-dispożizzjonijiet neċessarji sabiex il-Mandat Ewropew għall-Kisba tal-Provi jkun implimentat b'osservazzjoni tal-kundizzjonijiet minimi li ġejjin: a) l-awtorità ta" implimentazzjoni għandha tirrikorri għal mezzi neċessarji li jkunu l-inqas ta" xkiel għall-kisba tal-oġġetti, tad-dokumenti jew tad-data; b) persuna fiżika m'għandhiex tipproduċi l-oġġetti, id-dokumenti jew id-data suxxettibbli li jikkontribwixxu għall-inkriminazzjoni proprja tagħha skont il-leġiżlazzjoni tal-Istat li joħroġ il-Mandat jew tal-Istat ta" eżekuzzjoni; u c) l-awtorità emittenti għandha tkun immedjatament infurmata jekk l-awtorità ta" eżekuzzjoni tiskopri li l-mandat kien implimentat bi ksur tal-leġiżlazzjoni tal-Istat ta" eżekuzzjoni. 2.  Kull Stat Membru għandu jistipula l-miżuri xierqa biex meta perkwiżizzjoni jew konfiska jkunu meqjusa neċessarji għall-kisba ta" oġġetti, ta" dokumenti jew ta" data, jiġu osservati l-garanziji minimi li ġejjin: a) il-perkwiżizzjonijiet ma jistgħux jitwettqu matul il-lejl, ħlief jekk iċ-ċirkostanzi partikolari tal-kwistjoni jirrikjedu dan b'eċċezzjoni; b) il-persuna li f'darha għandha ssir il-perkwiżizzjoni għandha dritt tirċievi notifika bil-miktub; in-notifika msemmija, għall-inqas, għandha tinkludi l-objettiv tal-perkwiżizzjoni, l-oġġetti, id-dokumenti jew id-data mfittxija u r-rikorsi miftuħa lill-persuna; u c) f'każ li l-persuna ma tkunx f'darha meta ssir il-perkwiżizzjoni, din il-persuna għandha tkun infurmata dwar il-perkwiżizzjoni permezz tan-notifika msemmija f'punt b) li għandha titħalla fuq il-post, jew bi kwalunkwe mezz ieħor meqjus xieraq. Emenda 16 Abbozz tal-Kunsill Artikolu 12 L-awtorità ta' eżekuzzjoni għandha tikkonforma mal-formalitajiet u l-proċeduri espressament indikati mill-awtorità emittenti sakemm din id-Deċiżjoni Kwadru ma tipprovdix mod ieħor u sakemm tali formalitajiet u proċeduri ma jmorrux kontra l-prinċipji fundamentali tal-liġi ta' l-Istat ta' eżekuzzjoni. Dan l-Artikolu ma joħloqx obbligu sabiex jittieħdu miżuri ta' koerċizzjoni. Mingħajr ħsara għall-Artikolu 11a l-awtorità ta' eżekuzzjoni għandha tikkonforma mal-formalitajiet u l-proċeduri espressament indikati mill-awtorità emittenti sakemm din id-Deċiżjoni ta" Qafas ma tipprovdix mod ieħor u sakemm tali formalitajiet u proċeduri ma jmorrux kontra l-prinċipji fundamentali tal-liġi ta' l-Istat ta' eżekuzzjoni. Emenda 17 Abbozz tal-Kunsill Artikolu 12 − (1 a) (ġdid) L-awtorità emittenti tista' wkoll teżiġi li l-awtorità ta' eżekuzzjoni: a) tippreżerva l-kunfidenzjalità tal-investigazzjoni u tal-kontenut, ħlief fil-każ meħtieġ tal-implimentazzjoni tal-mandat; b) tippermetti lil awtorità kompetenti tal-Istat emittenti jew lil parti interessata maħtura mill-awtorità emittenti li tassisti fl-implimentazzjoni tal-mandat u li jkollha aċċess, taħt l-istess kundizzjonijiet bħall-awtorità ta' eżekuzzjoni, għal kull oġġett, dokument, jew dejta miksuba f'dik l-okkażjoni; c) jiġu depożitati l-ismijiet tan-nies li kellhom f'idejhom l-evidenza minn wara l-eżekuzzjoni tal-mandat sat-trasferiment tagħhom għall-Istat emittenti. Emenda 18 Abbozz tal-Kunsill Artikolu 13 − paragrafu 1 − punt a a (ġdid) a a) ir-reat li fuqu huwa bbażat huwa kopert minn amnestija fl-Istat Membru tal-eżekuzzjoni meta dan l-Istat Membru jkollu l-kompetenza li jsegwi dan ir-reat skont il-liġi kriminali tiegħu; Emenda 19 Abbozz tal-Kunsill Artikolu 13 − paragrafu 1 − punt a b (ġdid) a b) il-persuna li hi s-suġġett tal-Mandat Ewropew għall-kisba tal-Provi ma tistax, minħabba l-età tagħha, tinżamm kriminalment ħatja għall-atti li joriġinaw minn dan il-mandat skont il-liġi tal-Istat Membru ta" eżekuzzjoni; Emenda 20 Abbozz tal-Kunsill Artikolu 13 − paragrafu 1 − punt e) e) jekk, f'wieħed mill-każijiet imsemmija fl-Artikolu 11(4) jew (5),l-EEW ma jkunx ġie validat; imħassar Emenda 21 Abbozz tal-Kunsill Artikolu 13 − paragrafu 1 − punt f) f) jekk l-EEW ikun relatat ma' reati kriminali li: imħassar i) skond il-liġi tal-Istat ta' eżekuzzjoni, huma meqjusa li twettqu b'mod sħiħ jew fil-maġġoranza tagħhom jew l-azzjoni prinċipali tagħhom tkun twettqet fuq it-territorju tiegħu jew f'post simili għat-territorju tiegħu; ii) twettqu barra t-territorju ta' l-Istat emittenti, u l-liġi ta' l-Istat ta' eżekuzzjoni ma tippermettix li jittieħdu proċedimenti legali fir-rigward ta' tali reati fejn dawn twettqu barra t-territorju ta' dak l-Istat; Emenda 22 Abbozz tal-Kunsill Artikolu 13 − paragrafu 2 2.  Id-deċiżjoni li tirrifjuta l-eżekuzzjoni jew ir-rikonoxximent ta' l-EEW skond il-paragrafu 1 għandha tittieħed minn imħallef, qorti, maġistrat inkwirenti jew prosekutur pubbliku fl-Istat ta' eżekuzzjoni. Fejn l-EEW jkun inħareġ minn awtorità ġudizzjarja msemmija fil-punt (ċ)(ii) ta' l-Artikolu 2, u l-EEW ma jkunx ġie validat minn imħallef, qorti, maġistrat inkwirenti jew prosekutur pubbliku fl-Istat emittenti, id-deċiżjoni tista' tittieħed ukoll minn kwalunkwe awtorità ġudizzjarja kompetenti oħra taħt il-liġi ta' l-Istat ta' eżekuzzjoni jekk ikun previst taħt dik il-liġi. 2.  Id-deċiżjoni li tirrifjuta l-eżekuzzjoni jew ir-rikonoxximent ta' l-EEW skond il-paragrafu 1 għandha tittieħed minn imħallef, qorti, maġistrat inkwirenti jew prosekutur pubbliku fl-Istat ta' eżekuzzjoni. Emenda 23 Abbozz tal-Kunsill Artikolu 13 − paragrafu 3 3.  Kwalunkwe deċiżjoni taħt il-paragrafu 1(f)(i) fir-rigward ta' reati mwettqa parzjalment fit-territorju ta' l-Istat ta' eżekuzzjoni, jew f'post ekwivalenti għat-territorju tiegħu, għandha tittieħed mill-awtoritajiet kompetenti msemmija fil-paragrafu 2a f'ċirkostanzi eċċezzjonali u abbażi ta' każ b'każ, b'kont meħud taċ-ċirkostanzi speċifiċi tal-każ, u partikolarment b'konsiderazzjoni jekk parti ewlenija jew essenzjali ta' l-imġiba in kwistjoni seħħetx fl-Istat emittenti jekk l-EEW huwiex relatat ma' att li mhux reat kriminali taħt il-liġi ta' l-Istat ta' eżekuzzjoni, u jekk ikunx meħtieġ li jitwettqu tfittxija jew konfiska għall-eżekuzzjoni ta' l-EEW. imħassar Emenda 24 Abbozz tal-Kunsill Artikolu 13 – paragrafu 4 4.  Fejn awtorità kompetenti tikkunsidra li tuża r-raġuni għaċ-ċaħda taħt il-paragrafu 1(f)(i), hija għandha tikkonsulta lill-Eurojust qabel ma tieħu d-deċiżjoni. imħassar Fejn awtorità kompetenti ma taqbilx ma' l-opinjoni ta' l-Eurojust l-Istati Membri għandhom jiżguraw li hi tagħti raġunijiet għad-deċiżjoni tagħha u li l-Kunsill jiġi mgħarraf. Emenda 25 Abbozz tal-Kunsill Artikolu 13 paragrafu (5) 5.  Fil-każijiet imsemmijin fil-paragrafu 1(a), (g) u (h), qabel ma tiddeċiedi li ma tirrikonoxxix jew li ma teżegwix EEW, interament jew parzjalment, l-awtorità kompetenti fl-Istat ta' eżekuzzjoni għandha tikkonsulta ma' l-awtorità kompetenti fl-Istat ta' eżekuzzjoni, bi kwalunkwe mezz adatt, u għandha, fejn ikun adatt, titlobha sabiex tforni kwalunkwe informazzjoni meħtieġa mingħajr dewmien. 5.  Fil-każijiet imsemmijin fil-paragrafu 1(a), (aa), (ab), (g) u (h), qabel ma tiddeċiedi li ma tirrikonoxxix jew li ma teżegwix EEW, interament jew parzjalment, l-awtorità kompetenti fl-Istat ta' eżekuzzjoni għandha tikkonsulta ma' l-awtorità kompetenti fl-Istat ta' eżekuzzjoni, bi kwalunkwe mezz adatt, u għandha, fejn ikun adatt, titlobha sabiex tforni kwalunkwe informazzjoni meħtieġa mingħajr dewmien. Emenda 26 Abbozz tal-Kunsill Artikolu 14 - paragrafu 2 - parti introduttorja 2.  Jekk jeħtieġ li jitwettqu tfittxija jew konfiska għall-eżekuzzjoni tal-EEW, ir-reati li ġejjin, jekk huma punibbli fl-Istat emittenti b'sentenza ta' ħabs jew ordni ta' detenzjoni għal perijodu massimu ta' mill-inqas tliet snin u kif inhuma definiti bil-liġi ta' dak l-Istat, m'għandhomx ikunu suġġetti għal verifika ta' kriminalità doppja taħt kwalunkwe ċirkostanza: 2.  Jekk jeħtieġ li jitwettqu tfittxija jew konfiska għall-eżekuzzjoni tal-EEW, ir-reati li ġejjin, u kif inhuma definiti bil-liġi tal-Istat li joħroġ il-mandat, m'għandhomx ikunu suġġetti għal verifika ta' kriminalità doppja taħt kwalunkwe ċirkostanza: Emenda 27 Abbozz tal-Kunsill Artikolu 15 − paragrafu 3 3.  Sakemm ma jeżistux raġunijiet għal postponiment taħt l-Artikolu 16 jew l-awtorità ta' eżekuzzjoni m'għandhiex diġà l-oġġetti, id-dokumenti jew id-data mfittxija fil-pussess tagħha, l-awtorità ta' eżekuzzjoni għandha tieħu pussess ta' l-oġġetti, id-dokumenti jew id-data mingħajr dewmien u, mingħajr preġudizzju għall-paragrafu 4, mhux aktar tard minn 60 jum wara li l-awtorità kompetenti ta' eżekuzzjoni tkun irċiviet l-EEW. 3.  Sakemm waħda mir- raġunijiet għal postponiment taħt l-Artikolu 16 tiġġustifika dan, jew l-awtorità ta' eżekuzzjoni m'għandhiex diġà l-oġġetti, id-dokumenti jew id-data mfittxija fil-pussess tagħha, l-awtorità ta' eżekuzzjoni għandha tieħu pussess ta' l-oġġetti, id-dokumenti jew id-data mingħajr dewmien u mhux aktar tard minn 60 jum wara li l-awtorità kompetenti ta' eżekuzzjoni tkun irċiviet l-EEW, u dan bla ħsara għall-paragrafu 4. Emenda 28 Abbozz tal-Kunsill Artikolu 15 - paragrafu 3 a (ġdid) 3 a.  Fl-assenza ta" azzjoni mressqa b'konformità mal-Artikolu 18, u sakemm waħda mir-raġunijiet għall-postponiment imsemmija fl-Artikolu 16 tiġġustifika dan, l-Istat ta" eżekuzzjoni għandu jittrasferixxi lill-Istat emittenti l-oġġetti, id-dokumenti jew id-data miskuba permezz tal-EEW, immedjatament f'każ li dawn tal-aħħar diġà qegħdin fil-kontroll tal-awtorità ta" eżekuzzjoni jew, fejn dan mhuwiex il-każ, kemm jista" jkun malajr u mhux aktar tard minn 30 jum wara li l-awtorità ta" eżekuzzjoni tieħu l-pussess tal-evidenza. Meta jiġu trasferiti l-oġġetti, id-dokumenti jew id-data miksuba, l-awtorità ta' eżekuzzjoni għandha tindika jekk teħtieġx li dawn jiġu rritornati lura lill-Istat ta' eżekuzzjoni hekk kif ma jibqgħux meħtieġa mill-Istat emittenti. Emenda 29 Abbozz tal-Kunsill Artikolu 15 − paragrafu 4 4.  Meta ma jkunx prattikabbli f'każ speċifiku għall-awtorità kompetenti ta' eżekuzzjoni li tissodisfa t-terminu perentorju stabbilit fil-paragrafu 2 jew 3 rispettivament, hija għandha tinforma lill-awtorità kompetenti ta' l-Istat ta' eżekuzzjoni mingħajr dewmien u bi kwalunkwe mezz, u tagħti r-raġunijiet għad-dewmien u stima tal-ħin meħtieġ għat-teħid ta' l-azzjoni. 4.  Meta ma jkunx prattikabbli, f'ċirkustanzi eċċezzjonali, għall-awtorità kompetenti ta' eżekuzzjoni li tissodisfa t-terminu perentorju stabbilit f'dan l-Artikolu, hija għandha tinforma bil-miktub lill-Eurojust u lill-awtorità kompetenti ta' l-Istat emittenti mingħajr dewmien dwar dan u bi kwalunkwe mezz, u tagħti r-raġunijiet għad-dewmien u stima tal-ħin meħtieġ għat-teħid ta' l-azzjoni. Emenda 30 Abbozz tal-Kunsill Artikolu 15 − paragrafu 5 5.  Sakemm ma jkunx hemm proċedimenti pendenti ta' rimedju legali skond l-Artikolu 18, jew jeżistu raġunijiet għall-posponiment taħt l-Artikolu 16, l-Istat ta' eżekuzzjoni, mingħajr dewmien żejjed għandu jittrasferixxi l-oġġetti, id-dokumenti jew id-data miksuba taħtl-EEW lill-Istat emittenti. imħassar Emenda 31 Abbozz tal-Kunsill Artikolu 15 − paragrafu 6 6.  Meta jiġu trasferiti l-oġġetti, id-dokumenti jew id-data miksuba, l-awtorità ta' eżekuzzjoni għandha tindika jekk teħtieġx li dawn jiġu rritornati lura lill-Istat ta' eżekuzzjoni hekk kif ma jibqgħux meħtieġa mill-Istat emittenti. imħassar Emenda 32 Abbozz tal-Kunsill Article 17 a (new) Artikolu 17 a Użu ulterjuri tal-elementi ta" prova L-użu tal-evidenza miksuba b'konformità ma" din id-Deċiżjoni ta" Qafas m'għandha bl-ebda mod tippreġudika d-drittijiet tad-difiża fi proċeduri kriminali sussegwenti. Dawn id-drittijiet għandhom jiġu rrispettati b'mod sħiħ, b'mod partikulari rigward l-ammissibilità tal-evidenza, l-obbligu li tingħata din l-evidenza lid-difiża u l-ħila tad-difiża li tikkontesta din l-evidenza. Emenda 33 Abbozz tal-Kunsill Artikolu 18 - paragrafu 1 1.  L-Istati Membri għandhom jadottaw l-arranġamenti meħtieġa sabiex jiġi żgurat li kwalunkwe parti interessata, inklużi partijiet terzi bona fide, ikollha rimedji legali kontra r-rikonoxximent u l-eżekuzzjoni ta' EEW skond l-Artikolu 11, sabiex iżomm id-drittijiet tiegħu jew tagħha. L-Istati Membri jistgħu jillimitaw ir-rimedji legali previsti f'dan il-paragrafu għal każijiet fejnl-EEW huwa eżegwit bl-użu ta' miżuri ta' koerċizzjoni. L-azzjoni għandha titressaq quddiem qorti fl-Istat ta' eżekuzzjoni skond il-liġi ta' dak l-Istat. 1.  L-Istati Membri għandhom jadottaw l-arranġamenti meħtieġa sabiex jiġi żgurat li kwalunkwe parti interessata, inklużi partijiet terzi bona fide, ikollha rimedji legali kontra r-rikonoxximent u l-eżekuzzjoni ta' EEW skond l-Artikolu 11, sabiex iżomm id-drittijiet tiegħu jew tagħha. L-azzjoni għandha titressaq quddiem qorti fl-Istat ta' eżekuzzjoni skond il-liġi ta' dak l-Istat. Emenda 34 Abbozz tal-Kunsill Artikolu 23 - paragrafu 1 1.  L-Istati Membri għandhom jieħdu l-miżuri meħtieġa sabiex jikkonformaw mad-dispożizzjonijiet ta' din id-Deċiżjoni Kwadru sa… 1.  L-Istati Membri għandhom jieħdu l-miżuri meħtieġa sabiex jikkonformaw mad-dispożizzjonijiet ta' din id-Deċiżjoni ta" Qafas sa…* u għandhom jagħmlu kull ma jistgħu biex jaqblu qabel dik id-data dwar Deċiżjoni ta" Qafas dwar drittijiet proċedurali fi proċeduri kriminali madwar l-Unjoni Ewropea, filwaqt li jqisu l-opinjoni tal-Parlament Ewropew. Emenda 35 Abbozz tal-Kunsill Artikolu 23 - paragrafu 1 a (ġdid) 1 a.  L-Istati Membri għandhom jindikaw, f'dikjarazzjoni mressqa lis-Segretarju Ġenerali tal-Kunsill, l-entitajiet nazzjonali maħtura bħala l-awtorità li toħroġ mandat u bħala l-awtorità ta" implimentazzjoni. Emenda 36 Abbozz tal-Kunsill Artikolu 23 − paragrafu 3 3.  Kwalunkwe Stat Membru li bi ħsiebu jittrasponi r-raġuni għal rifjut stabbilit fl-Artikolu 13(1)(f) fil-liġi nazzjonali tiegħu għandu jinnotifika lis-Segretarju-Ġenerali tal-Kunsill b'dan ma' l-adozzjoni ta' din id-Deċiżjoni Kwadru billi jagħmel dikjarazzjoni. imħassar Emenda 37 Abbozz tal-Kunsill Artikolu 23 − paragrafu 4 4.  Il-Ġermanja tista' b'dikjarazzjoni tirriżerva d-dritt tagħha li tagħmel l-eżekuzzjoni ta' EEW suġġetta għall-verifika ta' kriminalità doppja f'każijiet imsemmija fl-Artikolu 14(2) relatati ma' terroriżmu, kriminalità relatata ma' l-informatika, razziżmu u ksenofobija, sabotaġġ, intrigi ta' qerq u estorsjoni jew imbrolju jekk huwa meħtieġ sabiex titwettaq tfittxija jew konfiska għall-eżekuzzjoni ta' l-EEW, ħlief fejn l-awtorità emittenti tkun iddikjarat li r-reat ikkonċernat taħt il-liġi ta' l-Istat emittenti jaqa' fl-ambitu ta' kriterji indikati fid-dikjarazzjoni. imħassar Jekk il-Ġermanja tixtieq tagħmel użu minn dan il-paragrafu, hi għandha tinnotifika dikjarazzjoni għal dak il-għan lis-Segretarju Ġenerali tal-Kunsill ma" l-adozzjoni ta' din id-Deċiżjoni Kwadru. Id-dikjarazzjoni għandha tiġi pubblikata fil-Ġurnal Uffiċjali ta" l-Unjoni Ewropea. Emenda 38 Abbozz tal-Kunsill Artikolu 23 - paragrafu 5 a (ġdid) 5 a.  Kull sena, il-Kummissjoni tippreżenta lill-Parlament Ewropew, lill-Kunsill u lill-Kumitat Ekonomiku u Soċjali Ewropew rapport dwar l-applikazzjoni ta" din id-Deċiżjoni ta" Qafas, speċjalment dwar l-applikazzjoni tal-garanziji proċedurali. Emenda 39 Abbozz tal-Kunsill Artikolu 24 − paragrafu 2 2.  Fil-bidu ta' kull sena kalendarja il-Ġermanja għandha tgħarraf lill-Kunsill u lill-Kummissjoni bin-numru ta' każijiet li fihom ir-raġuni għal non-rikonoxximent jew non-eżekuzzjoni msemmija fl-Artikolu 23(4) ġiet applikata fis-sena preċedenti. imħassar Emenda 40 Abbozz tal-Kunsill Anness – Taqsima B - punt iia (ġdid) ii a) l-oġġetti, id-dokumenti u d-data mitluba fil-kuntest ta" dan il-mandat huma suxxettibbli li jkunu ammissibbli fil-kuntest tal-proċedura li għaliha jkunu mfittxija. Emenda 41 Abbozz tal-Kunsill Anness – Taqsima C - punt d d) kwalunkwe awtorità ġudizzjarja oħra kif definita mill-istat emittenti u, fil-każ speċifiku, li taġixxi fil-kapaċità tagħhom bħala awtorità investigattiva fil-proċedimenti kriminali b'kompetenza sabiex tordna l-kisba ta' evidenza f'każijiet transkonfinali skond il-liġi nazzjonali imħassar Dan l-EEW kien validat minn imħallef jew qorti, maġistrat investigattiv jew prosekutur pubbliku (ara t-taqsimiet D u O). Emenda 42 Abbozz tal-Kunsill Anness – Taqsima D D)  L-AWTORITÀ ĠUDIZZJARJA LI TIVVALIDA L-EEW (FEJN APPLIKABBLI) imħassar Jekk il-punt d fit-taqsima Ċ ġie mmarkat u dan l-EEW ġie vvalidat, immarka t-tip ta' awtorità ġudizzjarja li vvalidat dan l-EEW: □ a) imħallef jew qorti □ b) maġistrat inkwirenti □ c) prosekutur pubbliku Isem uffiċjali ta' l-awtorità li tivvalida: ......................................................................................................................................................... Isem ir-rappreżentant tagħha: ……………………………………………………………………………………………............. Pożizzjoni (titlu/grad): ......................................................................................................................................................... Referenza tal-fajl: ......................................................................................................................................................... Indirizz: .................................................................................................................................................................................................................................................................................................................... Nru tat-telefon: (kodiċi tal-pajjiż) (kodiċi taż-żona/tal-belt):........................................................ Numru tal-fax: (kodiċi tal-pajjiż) (kodiċi taż-żona/tal-belt):........................................................ Posta elettronika:............................................................................................................................ Emenda 43 Abbozz tal-Kunsill Anness – Taqsima E E)  Fejn awtorità ċentrali TKUN responsabbli għat-trasmissjoni u r-riċeviment amministrattiv ta' EEW u, JEKK applikabbli, għal korrispondenza uffiċjali oħra relatata magħhA imħassar Isem ta" l-awtorità ċentrali:................................................................. Persuna ta" kuntatt, jekk applikabbli (titolu/grad u isem):........................... Indirizz:............................................................................................................................ Referenza tal-fajl:.................................................... Nru tat-telefon: (kodiċi tal-pajjiż) (kodiċi taż-żona/tal-belt)........................................................ ……………….… Numru tal-fax: (kodiċi tal-pajjiż) (kodiċi taż-żona/tal-belt)........................................................ …..…….……… Posta elettronika:... Emenda 44 Abbozz tal-Kunsill Anness – Taqsima F F)  L-awtorità jew l-awtoritajiet li jistgħu jiġu kkuntattjati (fil-każ fejn it-taqsima D u/jew E ġiet mimlija): imħassar □ Awtorità taħt it-taqsima Ċ Tista" tiġi kkuntattjata għal mistoqsijiet dwar...................................... □ Awtorità taħt it-taqsima D Tista" tiġi kkuntattjata għal mistoqsijiet dwar...................................... □ Awtorità taħt it-taqsima E Tista" tiġi kkuntattjata għal mistoqsijiet dwar...................................... Emenda 45 Abbozz tal-Kunsill Anness – Taqsima I – Nota f'qiegħ ta" paġna Fejn l-EEW ikun indirizzat lill-Ġermanja, u skond id-dikjarazzjoni magħmula mill-Ġermanja skond l-Artikolu 23(4) tad-Deċiżjoni Kwadru tal-Kunsill 2007/.../ĠAI ta' ...† dwar il-Mandat Ewropew għall-Provi sabiex jinkisbu oġġetti, dokumenti u data għall-użu fi proċedimenti f'materji kriminali, l-awtorità emittenti tista' tkompli wkoll il-kaxxa Nru 1 sabiex tikkonferma li r-reat jew reati jaqgħu fil-kamp ta' applikazzjoni ta' kriterji indikati mill-Ġermanja għal dan it-tip ta' reat. imħassar Nota lill-ĠU: Daħħal in-numru u d-data ta' din id-Deċiżjoni Kwadru. Emenda 46 Abbozz tal-Kunsill Anness – Taqsima N - punt 1 Informazzjoni fakultattiva li għandha tingħata biss fir-rigward tal-Ġermanja. imħassar □ Huwa ddikjarat li r-reat jew reati konċernati skond il-liġi ta' l-Istat emittenti jaqa'(għu) fil-kamp ta' applikazzjoni ta' kriterji indikati mill-Ġermanja fid-dikjarazzjoni magħmula skond l-Artikolu 23(4) tad-Deċiżjoni Kwadru sabiex...

(1) ĠU C 103 E, 29.4.2004, p. 659.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill li jemenda r-Regolament (KE) Nru 423/2004 dwar l-irkupru tal-istokkijiet tal-merluzz u li jemenda r-Regolament (KEE) Nru 2847/93 (COM(2008)0162 – C6-0183/2008 – 2008/0063(CNS))

P6_TA(2008)0487 A6-0340/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0162),

–   wara li kkunsidra l-Artikolu 37 tat-Trattat KE, skond liema artikolu ġie kkonsultat mill-Kunsill (C6-0183/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd (A6-0340/2008),

1.  Japprova l-proposta tal-Kummissjoni kif emendata;

2.  Jistieden lill-Kummissjoni sabiex konsegwentement tbiddel il-proposta tagħha, skond l-Artikolu 250(2) tat-Trattat KE;

3.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Test propost mill-Kummissjoni   Emenda Emenda 1 Proposta għal regolament – att li jemenda Premessa 1 (1)  Parir xjentifiku riċenti tal-Kunsill Internazzjonali għall-Esplorazzjoni tal-Baħar (l-ICES) wera li t-tnaqqis fil-qbid tal-merluzz ikkawżat mill-effett kollettiv tal-ħatt totali permissibbli (it-TACs), tal-miżuri tekniċi u tal-miżuri komplementarji ta" ġestjoni ta" sforzi ma kienu suffiċjenti xejn biex inaqqsu l-mortalità mis-sajd għal-livelli meħtieġa biex iħallu lill-istokkijiet tal-merluzz jerġgħu jikbru u li l-ebda wieħed mill-erba' stokkijiet ta" merluzz koperti mir-Regolament (KE) Nru 423/2004 mhu qed juri sinjali ċari ta" rkupru. (1)  Parir xjentifiku riċenti tal-Kunsill Internazzjonali għall-Esplorazzjoni tal-Baħar (l-ICES) wera li t-tnaqqis fil-qbid tal-merluzz ikkawżat mill-effett kollettiv tal-ħatt totali permissibbli (it-TACs), tal-miżuri tekniċi u tal-miżuri komplementarji ta" ġestjoni ta" sforzi (inkluż il-monitoraġġ u l-kontroll biex ikun evitat il-qbid u l-ħatt tal-merluzz maqbud b'sajd illegali, mhux irrappurtat jew mhux irregolat) ma kienu suffiċjenti xejn biex inaqqsu l-mortalità mis-sajd għal-livelli meħtieġa biex iħallu lill-istokkijiet tal-merluzz jerġgħu jikbru u li l-ebda wieħed mill-erba' stokkijiet ta" merluzz koperti mir-Regolament (KE) Nru 423/2004 mhu qed juri sinjali ċari ta" rkupru, għalkemm l-istokkijiet fil-Baħar tat-Tramuntana u fil-Baħar Ċeltiku qegħdin juru xi sinjali ta' progress. Emenda 2 Proposta għal regolament – att li jemenda Premessa 4 a (ġdida) (4a)  Għandhom jiġu żviluppati mekkaniżmi effettivi ta" ġestjoni tas-sajd b'koperazzjoni mal-industrija tas-sajd. Għal dan il-għan, l-evalwazzjoni u t-teħid ta" deċiżjonijiet għandhom jinvolvu l-Kunsilli Konsultattivi Reġjonali u l-Istati Membri rilevanti. Emenda 3 Proposta għal regolament – att li jemenda Premessa 5 (5)  Għandhom ikunu introdotti mekkaniżmi ġodda biex iħeġġu lis-sajjieda jissieħbu fi programmi ta" prevenzjoni għall-merluzz. (5)  Għandhom ikunu introdotti mekkaniżmi ġodda biex iħeġġu lis-sajjieda u lill-Istati Membri jissieħbu fi programmi ta" prevenzjoni tal-qbid ta' merluzz. Il-merluzz kollu li jinqabad imissu jinġieb fuq l-art, minflok jitwarrab, sabiex tkun tista" ssir evalwazzjoni xjentifika xierqa tal-istokkijiet. Emenda 4 Proposta għal regolament – att li jemenda Premessa 5 a (ġdida) (5a)  Kwalunkwe programm ta" prevenzjoni tal-qbid ta' merluzz ta' dan it-tip għandu iżjed ċans li jirnexxi jekk ikun żviluppat b'koperazzjoni mal-industrija tas-sajd; għaldaqstant, il-programmi ta" prevenzjoni tal-qbid ta' merluzz żviluppati fl-Istati Membri għandhom jitqiesu bħala mezz effettiv għall-promozzjoni tas-sostenibilità, u l-iżvilupp ta" programmi bħal dawn għandu jitħeġġeġ flimkien mat-tħaddim tal-leġiżlazzjoni Komunitarja rilevanti. Emenda 5 Proposta għal regolament – att li jemenda Premessa 5 b (ġdida) (5b)  L-Istati Membri għandhom jeżerċitaw is-setgħa tagħhom li jallokaw l-aċċess għas-sajd għall-istokkijiet tal-merluzz sabiex iħeġġu lis-sajjieda tagħhom biex jistadu b'modi li jirriżultaw f'sajd iżjed selettiv u li jkunu inqas ta" ħsara għall-ambjent. Emenda 6 Proposta għal regolament – att li jemenda Artikolu 1 ‐ punt 1 Regolament (KE) Nru 423/2004 Artikolu 2b – punt b a (ġdid) ba) meta l-istokkijiet ikunu tjiebu b'mod sostanzjali, il-Kummissjoni għandha tirrevedi s-sistema tar-regolazzjoni tal-isforzi tas-sajd. Emenda 7 Proposta għal regolament – att li jemenda Artikolu 1 – punt 3 Regolament (KE) Nru 423/2004 Artikolu 6 – paragrafu 4 4.  Minkejja l-paragrafu 1(b) u (c) u l-paragrafu 2, il-Kunsill m'għandux jiffissa t-TAC f'livell li jkun aktar minn 15% taħt jew fuq it-TAC stabbilit fis-sena ta" qabel. 4.  Minkejja l-paragrafu 1 u l-paragrafu 2, il-Kunsill m'għandux jiffissa t-TAC f'livell li jkun aktar minn 15% taħt jew fuq it-TAC stabbilit fis-sena ta" qabel. Emenda 8 Proposta għal regolament – att li jemenda Artikolu 1 ‐ punt 3 Regolament (KE) Nru 423/2004 Artikolu 6 - paragrafu 5 - punt b (b) skond il-każ, kwantità li tikkorrispondi ma" sorsi oħra rilevanti ta" mortalità tal-merluzz, li għandha tkun iffissata abbażi ta" proposta mill-Kummissjoni. (b) kwantità xierqa ssuġġerita minn sorsi rilevanti oħra ta" mortalità tal-merluzz, bħal ma hi analiżi xjentifika li tevalwa l-ammont ta" merluzz li jkun qed jinqatel mill-foki, flimkien ma" evalwazzjoni tal-impatt tal-bidla fil-klima fuq l-irkupru tal-merluzz, li għandha tkun iffissata abbażi ta" proposta mill-Kummissjoni. Emenda 9 Proposta għal regolament – att li jemenda Artikolu 1 ‐ punt 3 Regolament (KE) Nru 423/2004 Artikolu 7 - paragrafu 1 1.  Kull tliet snin mid-data tad-dħul fis-seħħ ta" dan ir-Regolament, il-Kummissjoni għandha titlob lill-STECF biex jevalwa l-progress ta" kull wieħed mill-istokkijiet ta" merluzz imbattla biex jirkupra. 1.  Kull tliet snin mid-data tad-dħul fis-seħħ ta" dan ir-Regolament, il-Kummissjoni għandha titlob lill-STECF biex jevalwa l-progress lejn l-irkupru ta' kull stokk li jkun kważi spiċċa. Barra minn dan, il-Kummissjoni għandha tikkunsidra l-fehmiet tal-Kunsilli Konsultattivi Reġjonali rilevanti u tal-Istati Membri rilevanti fir-rigward tal-ġestjoni effettiva tal-istokkijiet tal-merluzz. Emenda 10 Proposta għal regolament – att li jemenda Artikolu 1 ‐ punt 4 Regolament (KE) Nru 423/2004 Kapitolu IV ‐ titolu Limitatazzjoni ta" sforz fis-sajd Determinazzjoni ta" sforz fis-sajd Emenda 11 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8a – paragrafu 2 – punt a (a) għal-ewwel sena ta" applikazzjoni ta" dan ir-Regolament il-linja bażi għandha tkun stabbilita bħala l-isforz medju f'jiem kW maħduma matul is-snin 2005, 2006 u 2007, abbażi tal-parir ta" l-STECF. (a) għal-ewwel sena ta" applikazzjoni ta" dan ir-Regolament il-linja bażi għandha tkun stabbilita bħala l-isforz medju f'jiem kW maħduma matul is-snin 2004, 2005 u 2006, abbażi tal-parir tal-STECF. Emenda 12 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8a – paragrafu 3 – parti introduttorja 3.  Għal gruppi ta" sforz li, abbażi ta" l-evalwazzjoni annwali tad-data ta" ġestjoni ta" sforz fis-sajd, mibgħuta skond l-Artikoli 18, 19 u 20 tar-Regolament (KE) Nru xxx/2008, ikunu kkontribwew l-aktar għal qabda totali ta" merluzz u li l-qabda totali tagħhom abbażi ta" dik l-evalwazzjoni tkun tikkonsisti mill-anqas fi 80% ta" merluzz, l-isforz massimu permissibbli fis-sajd għandu jkun ikkalkulat kif ġej: 3.  Għal gruppi ta" sforz li, abbażi ta" l-evalwazzjoni annwali tad-data ta" ġestjoni ta" sforzi tas-sajd, ippreżentata skond l-Artikoli 18, 19 u 20 tar-Regolament (KE) Nru xxx/2008, ikunu kkontribwew l-aktar għal qabda totali ta" merluzz b'mod globali u li l-qabdiet akkumulati tagħhom abbażi ta" dik l-evalwazzjoni tkun tikkonsisti mill-anqas fi 80% ta" merluzz, l-isforz massimu permissibbli fis-sajd għandu jkun ikkalkulat kif ġej: Emenda 13 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8a – paragrafu 3 – punt a (a) fejn japplika l-Artikolu 6, billi jkun applikat għal-linja bażi l-istess tnaqqis perċentwali bħal dak stabbilit fl-Artikolu 6 għall-mortalità fis-sajd; (a) fejn japplika l-Artikolu 6, billi tkun applikata għal-linja bażi l-istess bidla perċentwali bħal dik stabbilita fl-Artikolu 6 għall-mortalità fis-sajd; Emenda 14 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8b – paragrafu 1 – parti introduttorja 1.  Għall-vapuri li jtajru l-bandiera tiegħu, kull Stat Membru għandu jiddeċiedi dwar metodu ta" allokazzjoni ta" sforz massimu permissibbli fis-sajd lil kull wieħed mill-vapuri, abbażi tal-kriterji li ġejjin: 1.  Għall-vapuri li jtajru l-bandiera tiegħu, kull Stat Membru għandu jiddeċiedi dwar metodu ta" allokazzjoni ta" sforz massimu permissibbli ta' sajd lill-vapuri individwali, fid-dawl ta' numru ta' kriterji, inklużi, pereżempju: Emenda 15 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8b – paragrafu 3 3.  Għal kull grupp ta" sforz, il-kapaċità totali espressa kemm f'GT kif ukoll f'kW tal-vapuri li jkollhom permessi speċjali tas-sajd maħruġin skond il-paragrafu 2, m'għandhiex tkun akbar mill-kapaċità tal-vapuri li kienu attivi fl-2007 billi użaw it-tagħmir u stadu fiż-żona ġeografika konċernata. imħassar Emenda 16 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8d – parti introduttorja L-isforz massimu permissibbli fis-sajd stabbilit skond l-Artikolu 8a għandu jkun adottat mill-Istati Membri interessati minħabba: L-isforz massimu permissibbli ta' sajd stabbilit skond l-Artikolu 8a jista' jkun addattat mill-Istati Membri interessati minħabba: Emenda 17 Proposta għal regolament – att li jemenda Artikolu 1 – punt 4 Regolament (KE) Nru 423/2004 Artikolu 8e – paragrafu 3 3.  It-trasferiment għandu jitħalla jsir biss minn grupp donatur ta" tagħmir li jkun wera, fir-rigward tal-merluzz, qabda għal kull unità ta" sforz (cpue) akbar minn "cpue" tal-grupp riċevitur ta" tagħmir. L-Istat Membru li jitlob it-trasferiment għandu jagħti l-informazzjoni meħtieġa dwar "cpue". 3.  It-trasferiment fil-prinċipju għandu jitħalla jsir biss minn grupp donatur ta" tagħmir li jkun wera, fir-rigward tal-merluzz, qabda għal kull unità ta" sforz (cpue) akbar minn "cpue" tal-grupp riċevitur ta" tagħmir. Fejn trasferiment isir minn grupp donatur ta" tagħmir għall-grupp donatur ta" tagħmir ieħor b'cpue ogħla, l-isforz trasferit għandu jkun suġġett għal tnaqqis fil-forma ta' fattur ta' korrezzjoni definit b'mod iktar speċifiku. L-Istat Membru li jitlob it-trasferiment għandu jagħti l-informazzjoni meħtieġa dwar "cpue". Emenda 18 Proposta għal regolament – att li jemenda Artikolu 1 – punt 6 Regolament (KE) Nru 423/2004 Artikolu 17 Artikolu 17 Proċedura ta" teħid ta" deċiżjonijiet imħassar Fejn dan ir-Regolament jipprovdi għal teħid ta" deċiżjonijiet mill-Kunsill, il-Kunsill għandu jaġixxi b'maġġoranza kwalifikata abbażi ta" proposta mingħand il-Kummissjoni.

Riżoluzzjoni tal-Parlament Ewropew tal-21 ta' Ottubru 2008 dwar il-proposta għal deċiżjoni tal-Parlament Ewropew u tal-Kunsill dwar il-mobilizzazzjoni tal-Fond ta' Solidarjetà tal-UE fl-applikazzjoni tal-punt 26 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (COM(2008)0557 – C6-0318/2008 – 2008/2253(ACI))

P6_TA(2008)0488 A6-0399/2008

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0557 – C6-0318/2008),

–   wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina tal-baġit u l-ġestjoni finanzjarja tajba(1), u b'mod partikulari l-punt 26 tagħha,

–   wara li kkunsidra d-Dikjarazzjoni Konġunta tal-Parlament Ewropew, tal-Kunsill u tal-Kummissjoni, adottata waqt il-laqgħa ta' konċiljazzjoni fis-17 ta' Lulju 2008, dwar il-Fond ta' Solidarjetà tal-UE,

–   wara li kkunsidra r-rapport tal-Kumitat għall-Baġits u l-opinjoni tal-Kumitat għall-Iżvilupp Reġjonali (A6-0399/2008),

1.  Japprova d-deċiżjoni annessa ma' din ir-riżoluzzjoni;

2.  Jagħti istruzzjonijiet lill-President tiegħu biex jiffirma id-deċiżjoni flimkien mal-President tal-Kunsill u biex jagħmel l-arranġamenti għall-pubblikazzjoni tagħha fil-Ġurnal Uffiċjali tal-Unjoni Ewropea;

3.  Jagħti istruzzjonijiet lill-President tiegħu sabiex jgħaddi din ir-riżoluzzjoni, flimkien mal-anness tagħha, lill-Kunsill u lill-Kummissjoni.

ANNESS: DEĊIŻJONI TAL-PARLAMENT EWROPEW U TAL-KUNSILL

dwar il-mobilizzazzjoni tal-Fond ta' Solidarjetà tal-UE fl-applikazzjoni tal-punt 26 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba:

IL-PARLAMENT EWROPEW U L-KUNSILL TAL-UNJONI EWROPEA,

wara li kkunsidraw il-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina finanzjarja u l-amministrazzjoni finanzjarja tajba(2), u b'mod partikulari l-punt 26 tagħha,

wara li kkunsidraw ir-Regolament tal-Kunsill (KE) Nru 2012/2002 tal-11 ta" Novembru 2002 li jistabbilixxi l-Fond ta" Solidarjetà tal-Unjoni Ewropea(3),

wara li kkunsidraw il-proposta mill-Kummissjoni,

Billi:

(1)  L-Unjoni Ewropea ħolqot il-Fond ta' Solidarjetà tal-Unjoni Ewropea (il-"Fond") sabiex turi solidarjetà mal-popolazzjonijiet ta" reġjuni milquta b'diżastri.

(2)  Il-Ftehima Interistituzzjonali tas-17 ta" Mejju 2006 tippermetti l-mobilizzazzjoni tal-Fond sal-limitu massimu annwali ta" biljun Euro.

(3)  Ir-Regolament (KE) Nru 2012/2002 fih id-dispożizzjonijiet li permezz tagħhom il-Fond jista" jiġi mmobilizzat.

(4)  Franza ressqet applikazzjoni għall-mobilizzazzjoni tal-Fond, fir-rigward ta' diżastru kkawżat mill-uragan "Dean" f'Awissu 2007,

IDDEĊIDEW KIF ĠEJ:

Artikolu 1

Għall-baġit ġenerali tal-Unjoni Ewropea għas-sena finanzjarja 2008, il-Fond ta' Solidarjetà tal-Unjoni Ewropea għandu jiġi mmobilizzat sabiex jipprovdi s-somma ta" EUR 12 780 000 f'approprjazzjonijiet għall-impenji u għall-ħlasijiet.

Artikolu 2

Din id-Deċiżjoni għandha tiġi ppubblikata fil-Ġurnal Uffiċjali tal-Unjoni Ewropea.

Magħmula fi Strasburgu,

Għall-Parlament Ewropew Għall-Kunsill

Il-President Il-President

(1) ĠU C 139, 14.6.2006, p. 1. (2) ĠU C 139, 14.6.2006, p. 1. (3) ĠU L 311, 14.11.2002, p. 3.

Riżoluzzjoni tal-Parlament Ewropew tal-21 ta' Ottubru 2008 dwar l-abbozz ta' baġit ta' emenda Nru 7/2008 tal-Unjoni Ewropea għas-sena finanzjarja 2008, Taqsima III - Kummissjoni (14359/2008 – C6-0375/2008 – 2008/2252(BUD))

P6_TA(2008)0489 A6-0412/2008

Il-Parlament Ewropew,

–   wara li kkunsidra l-Artikolu 272 tat-Trattat KE u l-Artikolu 177 tat-Trattat Euratom,

–   wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej(1), u b'mod partikolari l-Artikoli 37 u 38 tiegħu,

–   wara li kkunsidra l-baġit ġenerali tal-Unjoni Ewropea għas-sena finanzjarja 2008, adottat b'mod aħħari fit-13 ta' Diċembru 2007(2),

–   wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba(3),

–   wara li kkunsidra l-abbozz preliminari tal-baġit ta' emenda Nru 7/2008 tal-Unjoni Ewropea għas-sena finanzjarja 2008 ppreżentat mill-Kummissjoni fil-15 ta' Settembru 2008 (COM(2008)0556),

–   wara li kkunsidra l-abbozz tal-baġit ta' emenda Nru 7/2008, imħejji mill-Kunsill fl-20 ta' Ottubru 2008 (14359/2008 – C6-0375/2008),

–   wara li kkunsidra l-Artikolu 69 u l-Anness IV tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Baġits (A6-0412/2008),

A.   billi l-abbozz ta' baġit Nru 7 li jemenda l-baġit ġenerali 2008 jkopri l-punti li ġejjin:

B.   billi l-għan tal-abbozz ta' baġit ta' jemenda Nru 7/2008 huwa li jdaħħal dawn il-bidliet baġitarji formalment fil-baġit 2008,

1.  Jieħu nota tal-abbozz preliminari ta' baġit ta' emenda Nru 7/2008, li huwa l-ewwel baġit ta' emenda ddedikat għal kollox għall-Fond ta' Solidarjetà tal-UE;

2.  Japprova l-abbozz ta' baġit ta' emenda Nru 7/2008 mingħajr emendi;

3.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

(1) ĠU L 248, 16.9.2002, p. 1. (2) ĠU L 71, 14.3.2008. (3) ĠU C 139, 14.6.2006, p. 1.

Riżoluzzjoni tal-Parlament Ewropew tal-21 ta' Ottubru 2008 dwar il-proposta għal deċiżjoni tal-Parlament Ewropew u tal-Kunsill dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod (COM(2008)0547 – C6-0312/2008 – 2008/2251 (ACI))

P6_TA(2008)0490 A6-0405/2008

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0547 – C6-0312/2008),

–   wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod(1), u b'mod partikolari l-punt 28 tagħha,

–   wara li kkunsidra r-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni(2),

–   wara li kkunsidra r-rapport tal-Kumitat għall-Baġits u l-opinjoni tal-Kumitat għall-Impjiegi u l-Affarijiet Soċjali (A6-0405/2008),

A.   billi l-Unjoni Ewropea stabbilixxiet l-istrumenti leġiżlattivi u baġitarji xierqa biex jingħata appoġġ addizzjonali lill-ħaddiema li qed isofru l-konsegwenzi ta' bidliet strutturali kbar fix-xejriet kummerċjali dinjija u biex jgħinhom sabiex jerġgħu jintegraw fis-suq tax-xogħol,

B.   billi l-għajnuna finanzjarja tal-Unjoni għall-ħaddiema li ngħataw is-sensja għandha tkun għajnuna dinamika u disponibbli b'mod effiċjenti u malajr kemm jista' jkun, f'konformità mad-Dikjarazzjoni Konġunta tal-Parlament Ewropew, il-Kunsill u l-Kummissjoni adottata matul il-laqgħa ta' konċiljazzjoni tas-17 ta' Lulju 2008, u filwaqt li tiġi kkunsidrata kif xieraq il-Ftehima Interistituzzjonali fir-rigward tal-adozzjoni tad-deċiżjonijiet biex jiġi mmobilizzat il-Fond,

C.   billi Spanja u l-Litwanja talbu għajnuna fir-rigward ta' żewġ każijiet li jikkonċernaw sensji fis-settur tal-vetturi fi Spanja u fis-settur tat-tessuti fil-Litwanja, b'ittri tas-6 ta' Frar u tat-8 ta' Mejju 2008(3),

1.  Jitlob lill-istituzzjonijiet involuti biex jagħmlu l-isforzi neċessarji biex iħaffu l-mobilizzazzjoni tal-Fond;

2.  Japprova d-deċiżjoni annessa ma' din ir-riżoluzzjoni;

3.  Jagħti istruzzjonijiet lill-President tiegħu biex jiffirma d-deċiżjoni flimkien mal-President tal-Kunsill u biex jiżgura li tiġi ppubblikata fil-Ġurnal Uffiċjali tal-Unjoni Ewropea;

4.  Jagħti istruzzjonijiet lill-President tiegħu biex jgħaddi din ir-riżoluzzjoni, inkluż l-anness tagħha, lill-Kunsill u lill-Kummissjoni.

ANNESS: DEĊIŻJONI TAL-PARLAMENT EWROPEW U TAL-KUNSILL

dwar il-mobilizzazzjoni tal-Fond Ewropew ta' Aġġustament għall-Globalizzazzjoni, skont il-punt 28 tal-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod

IL-PARLAMENT EWROPEW U L-KUNSILL TAL-UNJONI EWROPEA,

wara li kkunsidraw it-Trattat li jistabbilixxi l-Komunità Ewropea,

wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-immaniġġjar finanzjarju sod(4), u b'mod partikolari l-punt 28 tagħha,

wara li kkunsidraw ir-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni(5), u b'mod partikolari l-Artikolu 12(3) tiegħu,

wara li kkunsidraw il-proposta tal-Kummissjoni,

Billi:

(1)  Il-Fond Ewropew ta" Aġġustament għall-Globalizzazzjoni ("il-Fond") inħoloq biex jipprovdi appoġġ addizzjonali għall-ħaddiema li jsofru l-konsegwenzi ta' bidliet strutturali kbar fix-xejriet kummerċjali dinjija, u sabiex jgħin l-integrazzjoni mill-ġdid tagħhom fis-suq tax-xogħol.

(2)  Il-Ftehima Interistituzzjonali tas-17 ta" Mejju 2006 tippermetti l-mobilizzazzjoni tal-Fond taħt il-limitu massimu annwali ta" EUR 500 miljun.

(3)  Fis-6 ta" Frar 2008 Spanja ppreżentat applikazzjoni biex jintuża l-Fond fir-rigward tas-sensji fis-settur tal-vetturi, speċifikament għall-ħaddiema li ġew issensjati minn Delphi Automotive Systems España, S.L.U. L-applikazzjoni hi konformi mar-rekwiżiti sabiex jiġu ddeterminati l-kontribuzzjonijiet finanzjarji kif stabbilit fl-Artikolu 10 tar-Regolament (KE) Nru 1927/2006.

(4)  Fit-8 ta" Mejju 2008 il-Litwanja ppreżentat applikazzjoni biex jintuża l-Fond fir-rigward tas-sensji fis-settur tat-tessuti, speċifikament għall-ħaddiema li ġew issensjati minn Alytaus Tekstile. L-applikazzjoni hi konformi mar-rekwiżiti sabiex jiġu ddeterminati l-kontribuzzjonijiet finanzjarji kif stabbilit fl-Artikolu 10 tar-Regolament (KE) Nru 1927/2006.

(5)  Il-Fond għandu, għalhekk, jiġi mmobilizzat sabiex jipprovdi kontribut finanzjarju fir-rigward tal-applikazzjonijiet,

IDDEĊIDEW KIF ĠEJ:

Artikolu 1

Għall-baġit ġenerali tal-Unjoni Ewropea għas-sena finanzjarja 2008, il-Fond Ewropew ta' Aġġustament għall-Globalizzazzjoni għandu jiġi mmobilizzat biex jipprovdi s-somma ta' EUR 10 770 772 f'approprjazzjonijiet ta' impenn u ta' pagament.

Artikolu 2

Din id-Deċiżjoni għandha tkun ippubblikata fil-Ġurnal Uffiċjali tal-Unjoni Ewropea.

Magħmula fi Strasburgu, xx ta' Ottubru 2008

Għall-Parlament Ewropew Għall-Kunsill

Il-President Il-President

(1) ĠU C 139, 14.6.2006, p. 1. (2) ĠU L 406, 30.12.2006, p. 1. (3) Applikazzjonijiet EGF/2008/002/ES/Delphi u EGF/2008/003/LT/Alytaus Tekstile. (4) ĠU C 139, 14.6.2006, p. 1. (5) ĠU L 406, 30.12.2006, p. 1.

Riżoluzzjoni tal-Parlament Ewropew tal-21 ta' Ottubru 2008 dwar il-bini ta' Alleanza Globali dwar it-Tibdil fil-Klima bejn l-Unjoni Ewropea u pajjiżi fqar li qed jiżviluppaw li huma l-aktar vulnerabbli għat-tibdil fil-klima (2008/2131(INI))

P6_TA(2008)0491 A6-0366/2008

Il-Parlament Ewropew,

–   wara li kkunsidra l-Komunikazzjoni mill-Kummissjoni tat-18 ta' Settembru 2007 bit-titolu "Il-bini ta' Alleanza Globali dwar il-Bidla fil-Klima (GCCA) bejn l-Unjoni Ewropea u pajjiżi fqar li qed jiżviluppaw u li huma l-aktar vulnerabbli għall-bidla fil-klima" (COM(2007)0540),

–   wara li kkunsidra l-konklużjonijiet tal-Kunsill ta" l-20 ta" Novembru 2007 dwar L-Alleanza Globali għall-Bidla fil-Klima bejn l-Unjoni Ewropea u pajjiżi fqar li qegħdin jiżviluppaw u li huma l-iktar vulnerabbli għall-bidla fil-klima,

–   wara li kkunsidra l-Komunikazzjoni mill-Kummissjoni tal-11 Marzu 2003 intitolata "Il-Bidla fil-Klima fil-Kuntest tal-Koperazzjoni għall-Iżvilupp (COM(2003)0085),

–   wara li kkunsidra ir-Rapport ta" Progress 2007 tal-Kummissjoni (2004-2006) dwar il-Pjan ta" Azzjoni tal-UE dwar il-Bidla fil-Klima u l-Iżvilupp,

–   wara li kkunsidra l-Karta tal-14 ta' Marzu 2008 tar-Rappreżentant Għoli u tal-Kummissjoni Ewropea lill-Kunsill Ewropew intitolata "Il-Bidla fil-Klima u s-Sigurtà Internazzjonali",

–   wara li kkunsidra l-Green Paper mill-Kummissjoni tad-29 ta" Ġunju 2007 bl-isem "Nadattaw għall-Bidla fil-Klima fl-Ewropa – l-għażliet ta" azzjoni għall-UE" (COM(2007)0354),

–   wara li kkunsidra l-istqarrija konġunta mill-Kunsill u r-rappreżentanti tal-gvernijiet tal-Istati Membri mlaqqgħa fi ħdan il-Kunsill, il-Parlament Ewropew u l-Kummissjoni għall-Politika tal-Iżvilupp tal-Unjoni Ewropea: ? "Il-Konsensus Ewropew"(1),

–   wara li kkunsidra d-Dikjarazzjoni ta' Pariġi dwar l-Effettività tal-Għajnuna adottata fit-2 ta' Marzu 2005, wara l-Forum ta' Livell Għoli dwar l-Effettività tal-Għajnuna ("id-Dikjarazzjoni ta" Pariġi"),

–   wara li kkunsidra l-Istqarrija Konġunta tal-Kunsill u tar-rappreżentanti tal-Gvernijiet tal-Istati Membri imlaqqgħa fi ħdan il-Kunsill, il-Parlament Ewropew u l-Kummissjoni: "Il-Konsensus Ewropew dwar l-Għajnuna Umanitarja"(2),

–   wara li kkunsidra l-Konvenzjoni Qafas tan-Nazzjonijiet Uniti tal-1992 dwar it-Tibdil fil-Klima (UNFCCC),

–   wara li kkunsidra r-Rapport dwar l-Iżvilupp Uman 2007/2008 intitolat "Il-ġlieda kontra l-bidla fil-klima: Is-solidarjetà umana f'dinja maqsuma", imniedi mill-Programm għall-Iżvilupp tan-Nazzjonijiet Uniti,

–   wara li kkunsidra d-Dikjarazzjoni ta" Male" dwar id-Dimensjoni Umana tal-Bidla fil-Klima Globali adottata f'Male" (Repubblika tal-Maldivi) fl-14 ta' Novembru 2007,

–   wara li kkunsidra l-pjan gwida ta' Bali adottat mill-Konferenza tan-Nazzjonijiet Uniti dwar il-Bidla fil-Klima fuq il-gżira ta" Bali (Indoneżja) f'Diċembru 2007,

–   wara li kkunsidra r-Raba' Rapport ta" Evalwazzjoni intitolat "Il-Bidla fil-Klima 2007: Impatti, Adattament u Vulnerabilità", imħejji mill-Grupp ta" Ħidma II tal-Panel Intergovernattiv dwar il-Bidla fil-Klima (IPCC),

–   wara li kkunsidra r-rapport tal-2006 ta' Nicholas Stern intitolat "L-Ekonomiji tal-Bidla fil-Klima. L-Evalwazzjoni Stern",

–   wara li kkunsidra d-Dikjarazzjoni dwar l-Integrazzjoni tal-Adattament għall-Bidla fil-Klima fil-Koperazzjoni għall-Iżvilupp, adottata mill-Ministri għall-Iżvilupp u l-Ambjent tal-Pajjiżi Membri tal-Organizzazzjoni għall-Kooperazzjoni u l-Iżvulupp Ekonomiċi (OECD) fl-4 ta" April 2006,

–   wara li kkunsidra r-Rapport tal-OECD tal-2007 intitolat "L-Inventarju tal-Progress dwar l-Integrazzjoni tal-Adattament għall-Bidla fil-Klima fl-Attivitajiet tal-Koperazzjonigħall-Iżvilupp",

–   wara li kkunsidra "Il-Qafas Hyogo għal Azzjoni 2005-2015: Il-Bini ta" Kapaċità ta' Rkupru ta" Nazzjonijiet u Komunitajiet għad-Diżastri" adottata mill-Konferenza Dinjija dwar it-Tnaqqis tad-Diżastri li saret f'Jannar 2005 f'Hyogo (il-Ġappun),

–   wara li kkunsidra r-rapport bijennali tal-Organizzazzjoni Alimentari u Agrikola (FAO) tan-NU intitolata "L-Istat tal-Foresti tad-Dinja 2007",

–   wara li kkunsidra l-Artikolu 45 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Iżvilupp u l-opinjonijiet tal-Kumitat għall-Affarijiet Barranin, tal-Kumitat għall-Baġits u tal-Kumitat għall-Industrija, ir-Riċerka u l-Enerġija (A6-0366/2008),

A.   billi l-bidla fil-klima tippreżenta theddida serja għat-tnaqqis fil-faqar, għad-drittijiet tal-bniedem, għall-paċi u għas-sigurtà, għad-disponibilità tal-ilma u l-ikel u għall-kisba ta" l-Għanijiet tal-Millenju għall-Iżvilupp (MDGs) f'bosta pajjiżi li qed jiżviluppaw,

B.   billi f'diversi pajjiżi li qed jiżviluppaw il-foresti qegħdin jinqerdu minħabba l-uċuħ tar-raba" tal-bijofjuwil,

C.   billi l-pajjiżi industrijalizzati għandhom responsabilità storika għall-bidla fil-klima u huma moralment obbligati li jgħinu lill-pajjiżi li qed jiżviluppaw fl-isforzi tagħhom biex jadattaw għall-konsegwenzi tagħha,

D.   billi minkejja li l-pajjiżi li qed jiżviluppaw ftit li xejn taw kontribut għall-bidla fil-klima, dawn se jkunu l-iżjed pajjiżi li se jbatu b'mod sever mill-konsegwenzi tagħha, li fost oħrajn jinkludu n-nuqqas ta' sigurtà tal-ilma u tal-ikel minħabba n-nuqqas ta' xita u d-deżertifikazzjoni, it-tlugħ fil-livell tal-baħar, sfidi ġodda għall-agrikoltura, riskji ġodda għas-saħħa, avvenimenti meteoroloġiċi estremi u pressjonijiet ta' migrazzjoni; billi l-pajjiżi li qed jiżviluppaw huma l-inqas pajjiżi mgħammrin biex ikampaw ma" dawn dawn il-konsegwenzi,

E.   billi f'bosta pajjiżi industrijalizzati l-miżuri dwar l-adattament għall-bidla fil-klima u dwar it-tnaqqis tar-riskji riċentement ingħataw attenzjoni kunsiderevoli, u billi l-biċċa l-kbira tal-istess bżonnijiet urġenti ġew injorati fil-kuntest ta" pajjiżi bi dħul baxx,

F.   billi l-importazzjonijiet ta" qtugħ insostenibbli fl-UE huma kawża sinifikanti tad-deforestazzjoni u huma stmati li jtellgħu spejjeż ta" biljuni ta" euro kull sena,

G.   billi d-deforestazzjoni tikkontribwixxi b'kemm huwa stmat 20% tat-totalità tal-emissjonijiet tal-gassijiet b'effett serra (GHG), li jwassal għal stima ta" qerda ta" 13-il miljun ettaru ta" foresti tropikali fis-sena; u billi d-deforestazzjoni fil-foresti tropikali hija theddida serja għall-bijodiversità u għall-għixien ta" iżjed minn biljun persuna fqira li tgħix f'dawn il-foresti u tiddependi minnhom,

H.   billi l-konsegwenzi konkreti tal-bidla fil-klima spiss ikollhom jiġu ttrattati fuq livell lokali mill-awtoritajiet lokali; billi l-irbit tajjeb tal-livelli internazzjonali, nazzjonali u lokali tat-tfassil tal-politika huwa għalhekk sfida ewlenija fit-tfassil ta" adattament u strateġiji ta" mitigazzjoni effettivi fir-rigward tal-tibdil fil-klima; u billi għandhom isiru bidliet strutturali fuq skala kbira, mingħajr ma jiġi ssagrifikat approċċ li jkun ibbażat fuq il-komunità u favur il-foqra,

I.   billi issa hemm rikonoxximent ikbar tat-theddid għas-sigurtà li qed jirriżultaw mill-bidla fil-klima, inklużi kunflitti dwar riżorsi materjali skarski, diżastri naturali kkaġunati mill-klima u flussi ta" migrazzjoni fuq skala kbira; u billi l-iżvilupp ta" strateġiji biex jiġu ffaċċjati l-isfida tal-bidla fil-klima/għas-sigurtà se jkunu vitali sabiex sabiex jiġi żgurat li fil-pajjiżi li qegħdin jiżviluppaw ikun hemm reazzjoni ta' adattament effettiva,

J.   billi l-isforzi internazzjonali fil-qasam tal-adattament għall-bidla fil-klima u fil-qasam tat-tnaqqis tar-risku tad-diżastri (DDR) s'issa kienu limitati, frammentati, ikkoordinati ħażin u f'bosta każi problematiċi fl-aċċess għall-pajjiżi li qed jiżviluppaw, li huwa f'kuntrast dirett mal-objettivi msemmija fil-Kunsens Ewropew u fid-Dikjarazzjoni ta" Pariġi,

K.   billi l-miżuri ta" adattament għall-bidla fil-klima, id- DRR u l-bini tal-kapaċità għall-iżvilupp għandhom ikun kemm jista" jkun interkonnessi, iżda s'issa kienu integrati ħażin fl-attivitajiet tal-aġenziji ta" koperazzjoni għall-iżvilupp u fl-istituzzjonijiet internazzjonali; u billi approċċ konġunt u koerenti jkun kruċjali għal implimentazzjoni b'suċċess tal-GCCA,

L.   billi jeħtieġ li jitwaqqfu timijiet multi-dixxiplinarji ta" maniġers tad-diżastri, speċjalisti fl-iżvilupp, esperti fl-ippjanar u esperti xjentifiċi fl-adattament għall-bidla fil-klima, li għandhom jadottaw l-aqwa prattika għall-iżvilupp reġjonali;

M.   billi azzjoni bikrija rigward l-adattament għall-bidla fil-klima u d-DRR jirrappreżentaw fid-dieher soluzzjoni effettiva għall-investiment magħmul; billi l-istimi qed ibassru li kull dollaru minfuq fid-DRR għandu l-potenzjal li jiffranka sa seba" dollari minfuqa f'reazzjoni għad-diżastri, u b'hekk jipprovdi wkoll argument sod favur li l-biċċa l-kbira tan-nefqa għall-għajnuna ssir fil-bidu,

N.   billi, konsegwentement, għandu jiġi miċħud kwalunkwe sforz biex isiru kalkoli doppji tal-fondi tal-UE għall-ilħuq tal-objettivi tal-MDG u wegħdi fil-qafas tal-UNFCCC,

O.   billi kwalunkwe dewmien fit-teħid ta" deċiżjonijiet sodi rigward il-miżuri meħtieġa biex jitnaqqsu l-kawżi u l-effetti tal-bidla fil-klima se jirriżultaw fi spejjeż ferm ogħla,

P.   billi l-biċċa l-kbira tal-problemi ambjentali, inklużi dawk li jirriżultaw mill-bidla fil-klima, għandhom it-tendenza li jiġu aggravati miż-żieda fil-popolazzjoni u minn daqs ta" popolazzjoni ikbar, filwaqt li d-dinamiki tal-popolazzjoni, f'termini ta" tkabbir, distribuzzjoni u kompożizzjoni huma parti integrali mill-proċess ta" żvilup minħabba li dawn jaffettwaw il-bidliet ambjentali u jiġu wkoll affettwati minnhom; u billi l-Konferenza Internazzjonali tal-1994 dwar il-Popolazzjoni u l-Iżvilupp li saret fil-Kajr enfasizzat b'mod ċar id-diversi benefiċċji li jirriżultaw minn politika tal-popolazzjoni li tkun iddedikata, orjentata lejn il-lokal u mhux imponuta bil-forza, u billi, madankollu, il-kwistjonijiet tal-popolazzjoni fil-biċċa l-kbira tagħhom s'issa baqgħu ma ġewx inkorporarti fl-ippjanar għall-iżvilupp jew għall-adattament,

Q.   billi l-linji politiċi dwar il-biedja, l-ilma, il-ġestjoni tar-riżorsi tal-foresti, l-infrastruttura, l-edukazzjoni u l-popolazzjoni għandhom kollha jiġu ttrattati bil-ħsieb li tinkiseb l-armonizzazzjoni fl-adattament għall-bidla fil-klima u l-mitigazzjoni fl-iżvilupp,

R.   billi t-tnaqqis tal-korruzzjoni għandu jżid l-effettività tal-adattament għall-bidla fil-klima u tal-isforzi tal-mitigazzjoni,

S.   billi r-Rapport ta' Progress tal-2007 tal-Pjan t'Azzjoni tal-UE dwar il-Bidla fil-Klima u l-Iżvilupp juri li l-progress fl-Integrazzjoni tal-bidla fil-klima fil-politiki għall-iżvilupp ta" l-UE - b'mod speċifiku fid-Dokumenti Strateġiċi tal-Pajjiżi (CSPs) u d-Dokumenti Strateġiċi Reġjonali (RSPs) - ma kienx biżżejjed u kien kajman wisq,

T.   billi bħalissa hemm lakuna enormi fil-finanzjament ta' dan l-adattament fil-pajjiżi li qegħdin jiżviluppaw; billi filwaqt li l-istima ta" l-ispejjeż annwali għall-adattament tvarja minn USD 50 għal 80 biljun fis-sena, l-ammont totali ta' fondi ddedikati permezz tal-mekkaniżmi ta' finanzjament multilaterali f'nofs l-2007 ammonta għal inqas minn 0,5 % ta" dawn iċ-ċifri,

U.   billi, minkejja li l-UE ffissat l-objettiv li ssir mexxej fil-ġlieda kontra l-bidla fil-klima, il-baġit tal-UE ma jirriflettix il-prijorità mogħtija lill-politika u lill-miżuri adottati mill-UE għall-ġlieda kontra l-bidla fil-klima,

V.   billi parti mill-finanzjament tal-GCC għandu jiġi mill-Fond Ewropew għall-Iżvilupp (EDF) u mill-Programm Tematiku għall-Ambjent u l-Ġestjoni Sostenibbli tar-Riżorsi Naturali (ENRTP) (b'konformità mal-Artikolu 13 tal-Istrument Komunitarju għall-Iżvilupp (DCI)(3)),

W.   billi l-EDF intuża l-iżjed għall-finanzjament ta" inizjattivi ġodda; billi l-Kummissjoni għandha tirrispetta l-impenn tagħha lejn is-sejba ta" sorsi ta" finanzjament ġodda sabiex tippreserva l-EDF; billi l-Kumitat għall-Iżvilupp ikkonkluda bosta drabi li l-EDF għandu jkun integrat fil-baġit tal-UE sabiex jiġi żgurat li jkun hemm kontroll demokratiku fuq il-mod kif dan jintuża,

X.   billi skont l-Artikolu 21 dwar l-adozzjoni tad-dokumenti strateġiċi u tal-programmi indikattivi plurjennali u l-Artikolu 35(2) tad-DCI, il-Parlament għandu d-dritt li jagħmel skrutinju fuq il-Kummissjoni kif stipulat fl-Artikoli 5 u 8 tad-Deċiżjoni 1999/468/KE,

Y.   billi l-Mekkaniżmu tal-Iżvilupp Nadif (CDM) s'issa ftit li xejn kien adegwat biex jissodisfa l-ħtiġijiet tal-pajjiżi l-iżjed foqra għal investimenti f'teknoloġija nadifa, bl-Afrika involuta f'inqas minn 3% tal-proġetti kollha tas-CDM, u bi kważi 90% tat-Tnaqqis Iċċertifikat fl-Emissjonijiet (CERs) jingħata għal proġetti magħmula fiċ-Ċina, fl-Indja, fil-Korea u fil-Brażil,

1.  Jilqa" l-inizjattiva tal-Kummissjoni biex tniedi GCCA, li tirrappreżenta għarfien importanti tal-effetti tal-bidla fil-klima fuq l-iżvilupp; madankollu, jistieden lill-Kummissjoni biex tiċċara iżjed il-valur miżjud distint tal-GCCA; f'dan il-kuntest jenfasizza li l-koordinazzjoni u l-koperazzjoni ma" setturi prinċipali oħrajn għandhom ikunu parti integrali tal-aġenda tal-GCCA, sabiex ikun żgurat li jkun hemm l-aqwa kumplimentarjetà bejn l-inizjattivi;

2.  Iqis l-GCCA bħala pilastru importanti tal-azzjoni esterna tal-UE dwar il-bidla fil-klima, u jqis li l-GCAA tikkonsisti fi pjattaforma kumplimentari u ta" sostenn għall-proċess attwali fil-kuntest tal-UNFCCC u l-Protokoll ta" Kyoto, billi tħaffef il-pass tal-implimentazzjoni tagħhom u tal-ftehimiet marbuta magħhom;

3.  Itenni l-konklużjonijiet allarmanti tal-karta fuq imsemmija dwar bit-titolu "Il-Bidla fil-Klima u s-Sigurtà Internazzjonali", li wissiet li l-bidla fil-klima qiegħda tintensifika r-risji għas-sigurtà għall-UE, thedded li tgħabbi ħafna responsabilitajiet fuq stati u reġjuni tad-dinja li diġà huma fraġli u suxxettibbli għall-kunflitti, u xxekkel l-isforzi biex jintlaħqu l-MDGs;

4.  Jinnota li jeħtieġ li l-isforzi fil-ġlieda kontra l-bidla fil-klima jkunu bbażati mhux biss fuq impetu politiku iżda wkoll fuq is-soċjetà ċivili, kemm fil-pajjiżi żviluppati u kemm f'dawk li qed jiżviluppaw; iqis li għandhom jiġu mnedija kampanji ta" informazzjoni pubblika, u li għandhom jiġu adottati wkoll programmi edukattivi fl-iskejjel u fl-universitajiet kemm biex iċ-ċittadini jingħataw analiżijiet u evalwazzjonijiet dwar l-istat tal-bidla fil-klima u kemm biex jitressqu risposti adegwati, b'mod speċjali f'dak li għandu x'jaqsam mal-bidla fl-istil ta' ħajja li jwassal għal tnaqqis fl-emissjonijiet;

5.  Jenfasizza li fil-qasam tal-politika ta" l-UE dwar il-bidla fil-klima u l-iżvilupp huwa kruċjali li tissaħħaħ il-koordinazzjoni u l-kollaborazzjoni bejn il-Kummissjoni u l-Istati Membri; huwa tal-fehma li l-GCCA tirrappreżenta opportunità unika biex jinżammu fil-prattika l-prinċipji li jriffdu l-Konsensus Ewropew u d-Dikjarazzjoni ta" Pariġi, kif ukoll il-Programm ta" Azzjoni tal-Konferenza Internazzjonali tal-1994 dwar il-Popolazzjoni u l-Iżvilupp li saret fil-Kajr (ICPD); barra minn dan, huwa konvint li wieħed mill-irwoli ewlenin tal-GCCA għandu jkun li jipprovdi "clearing house" għall-inizjattivi ta" l-Istati Membri;

6.  Jitlob lill-UE biex tpoġġi l-bidla fil-klima fil-qalba tal-politika tagħha dwar il-koperazzjoni għall-iżvilupp; jemmen ukoll li l-ġlieda kontra l-bidla fil-klima għandha tindirizza kawżi strutturali, u jitlob li ssir evalwazzjoni sistematika tar-riskju rigward il-bidla fil-klima li tkopri l-aspetti kollha tal-ippjanar tal-politika u tat-teħid tad-deċiżjonijiet – kemm fl-UE u kemm fil-pajjiżi li qed jiżviluppaw – inkluż dwar il-kummerċ, l-agrikoltura u s-sigurtà tal-ikel;

7.  Jenfasizza li l-GCCA għandha tieħu miżuri konkreti biex tittratta l-koerenza bejn l-impatt tal-bidla fil-klima fuq l-iżvilupp, inklużi l-politika tal-UE dwar il-biedja, il-kummerċ u s-sajd fuq naħa, u l-problemi konnessi mas-sussidji fuq l-esportazzjoni, bħat-"tied aid", il-piż tad-dejn, il-krediti tal-esportazzjoni u l-użu kummerċjali tal-għajnuna tal-ikel, il-privatizzazzjoni sfurzata u l-liberalizzazzjoni ta" seturi ekonomiċi vitali;

8.  Jirrimarka li ladarba l-GCCA - b'finanzjament ta' EUR 60 miljun għall-perjodu 2008-2010 - għandha tkun kumplimentari mal-proċess kurrenti fil-UNFCCC, għandhom jiġi evitati d-duplikazzjoni tal-azzjonijiet u li l-fondi għandhom ikunu kkonċentrati fuq azzjonijiet li jipprovdu l-ogħla valur miżjud; jemmen li wara li tkun intlaħqet ftehima dwar il-bidla fil-klima għal wara l-2012, l-objettivi u l-tal-GCCA għandhom jiġu riveduti fid-dawl tar-riżultat tal-ftehima;

9.  Huwa tal-fehma li l-fondi li huma barra mill-UNFCCC ma jistgħux jingħadu bħala parti mill-implimentazzjoni tal-impenji tal-pajjiżi li qed jiżviluppaw taħt dik il-Konvenzjoni;

10.  Iqis li s-EUR 60 miljun li ġew iddedikati għall-GCCA s'issa m'humiex adegwati; jitlob lill-Kummissjoni biex twaqqaf mira ta' finanzjament għat-tul għall-GCCA ta' mill-inqas EUR 2 biljun fis-sena sa l-2010 u EUR 5-10 biljun fis-sena sa l-2020;

11.  Jitlob lill-Kummissjoni biex tipprovdi informazzjoni dettaljata fuq il-mekkaniżmi finanzjarji eżistenti għall-bidla fil-klima u l-iżvilupp fuq livelli nazzjonali u internazzjonali; jitlob lill-Kummissjoni, abbażi ta" din l-informazzjoni, biex tipproponi b'mod urġenti liema miżuri għandhom jintużaw biex jiżdied l-appoġġ finanzjarju tal-UE għall-bidla fil-klima u l-iżvilupp, billi tiżgura l-aqwa koordinazzjoni u kumplimentarjetà possibbli mal-inizjattivi eżistenti;

12.  Jenfasizza li, jekk il-bidla fil-klima se tittieħed bis-serjetà, għandu jsir disponibbli finanzjament ġdid permezz ta" linji baġitarji differenti u sorsi ġodda ta' finanzjament, bħall-fondi umanitarji bħala risposta għall-katastrofijiet relatati mal-klima, il-fondi tal-Politika Barranija u ta" Sigurtà Komuni (CFSP) flimkien mal-Istrument għall-Istabilità fil-kuntest tal-politika ta" sigurtà preventiva jew bħala risposta għal theddid għas-sigurtà jew kunflitti relatati mal-klima, fondi oħrajn ta" azzjoni esterna kull meta jiġu approprjati, kif ukoll taxxi ekoloġiċi, sħubijiet pubbliċi-privati (PPP) u mekkaniżmi finanzjarji innovattivi oħrajn li jkunu maħsubin għal dan il-għan;

13.  Jinnota b'interess li l-Konklużjonijiet tal-Presidenza tal-Kunsill Ewropew tad-19 u l-20 ta" Ġunju 2008 u l-implikazzjonijiet baġitarji; iqis li dawn ir-rekwiżiti baġitarji jistgħu jiġu ttrattati biss permezz ta' rikors għall-mezzi pprovduti mill-Ftehima Interistituzzjonali tas-17 ta" Mejju 2006 dwar id-dixxiplina baġitarja u l-ġestjoni finanzjarja tajba(4); jenfasizza mill-ġdid li għandhom jiġu pprovduti approprjazzjonijiet ġodda għal ħidmiet ġodda;

14.  Jinnota, f'dan il-kuntest, li l-Għajnuna għall-Iżvilupp Uffiċjali (ODA) għadha lura mill-mira ta' 0,56% tad-Dħul Nazzjonali Gross tal-UE (GNI) sal-2010 u li huwa diffiċli li wieħed jara kif l-UE se tkun tista' tissodisfa l-impenji kollha tagħha bla ma ddur fuq riżorsi ġodda;

15.  Jitlob lill-Kummissjoni biez iżżid il-finanzjament immedjat għall-GCCA, li bħala kwistjoni ta" urġenza għall-bidu jista" jsir permezz tal-ENRTP u tal-għaxar EDF; fl-istess ħin jenfasizza l-ħtieġa urġenti għal iżjed fondi li ma jkunux tal-ODA, għall-adozzjoni u għall-iżvilupp ta" mekkaniżmi finanzjarji innovattivi għal dan il-għan;

16.  Ifakkar lill-Kummissjoni li jekk jittieħdu xi fondi mill-ENRTP jew mill-EDF biex jiffinanzjaw il-GCCA, dawn għandhom, bħala fondi għall-iżvilupp, jintużaw biss għal azzjonijiet kumpatibbli mal-għajnuna għall-iżvilupp kif iddefinita mill-Kumitat għall-Assistenza għall-Iżvilupp (DAC) tal-OECD; jinsisti li dan għandu jkun sors ta" finanzjament ta' darba, u li kull riforniment ulterjuri għandu jinstab minn sorsi alternattivi;

17.  Jitlob lill-Kummissjoni biex tiżgura li l-finanzjament tal-GCCA permezz tal-ENRTP u l-EDF ma jsir qatt a spejjeż ta" objettivi importanti oħrajn tal-koperazzjoni għall-iżvilupp, bħal dawk li għandhom x'jaqsmu mal-edukazzjoni, is-saħħa, l-ugwaljanza bejn is-sessi jew l-aċċess għall-ilma;

18.  Jenfasizza li l-Istati Membri għandhom jieħdu responsabilità ħafna ikbar għall-finanzjament tal-attivitajiet ta" żvilupp li jieħdu u biex iġibuhom konformi mal-GCCA;

19.  Jitlob lill-Kummissjoni u lill-Istati Membri biex jaqblu li 25% tad-dħul mistenni mill-kontabilità fi ħdan l-Iskema ta' Skambju tal-Emissjonijiet tal-UE (EU ETS) fil-perjodu ta" skambji li jmiss, jiġi allokat għall-finanzjament tal-GCCA u għal miżuri oħrajn dwar il-bidla fil-klima fil-pajjiżi li qed jiżviluppaw, li għandhom jinkludu l-isforzi biex jitħarsu il-foresti u biex jitnaqqsu l-emmissjonijiet mid-deforestazzjoni u mid-degradazzjoni tal-foresti;

20.  Jitlob lill-Kummissjoni biex tuża r-reviżjoni li ġejja tal-baġit tal-UE bħala opportunità biex issir evalwazzjoni mill-ġdid tal-prijoritajiet ġenerali tal-infiq tal-UE u biex jiġu kkanalizzati fondi addizzjonali għall-bidla fil-klima u l-iżvilupp b'mod ġenerali u għall-GCCA b'mod partikulari; inkluża l-allokament mill-ġdid tal-fondi għall-Politika Agrikola Komuni (CAP);

21.  Jitlob lill-Kummissjoni u lill-Istati Membri biex jimplimentaw b'mod urġenti l-idea ta" mekkaniżmu ta" finanzjament għall-bidla fil-klima, billi jibnu fuq il-mudell tal-Faċilità Internazzjonali għall-Finanzjament tat-Tilqim (IFFIm) u fuq il-kunċett ta" għajnuna "front-load", sabiex jiġu żgurati ammonti sinifikanti ta" finanzjament għall-GCCA f'perjodu ta' żmien relattivament qasir;

22.  Jitlob lill-Kummissjoni biex tistieden lis-settur privat biex joqrob iżjed bħala sieħeb lejn il-GCCA, permezz tar-rijonoxximent li l-fondi pubbliċi jistgħu jkollhom irwol ewlieni bl-inċentivar ta' investimenti u fil-provvediment tal-aċċess għas-suq u għat-teknoloġija; jinkuraġġixxi b'mod speċjali lill-Kummissjoni biex tinvesti fl-iżvilupp ta" mudelli ta" PPP f'zoni ewlenin bil-għan li jkun hemm provediment tas-sigurtà tal-ilma u tal-infrastruttura f'zoni vulnerabbli, fejn bħalissa l-lakuni ta" finanzjament huma sostanzjali, l-iżjed minħabba li l-bidla fil-klima tolqot diversi oqsma ta" politika (bħall-aċċess għall-ilma, is-saħħa pubblika, il-provvista tal-enerġija, eċċ) li jinvolvu intervent mill-Istat u mill-awtoritajiet lokali; ifakkar li l-prijorità tal-UE għandha tkun li tirrinforza l-kapaċità għal azzjoni pubblika f'dawn l-oqsma;

23.  Jitlob lill-Kummissjoni biex tidħol fi sħubijiet mal-industrija tal-assikurazzjoni privata u biex tesplora metodi biex iżżid l-iskemi pilota tal-assigurazzjoni biex tiffinanzja l-adattament/DRR, billi tindirizza kemm il-livell nazzjonali u reġjonali u kemm il-livell individwali ta" l-assigurazzjoni;

24.  Jiddispjaċih li tul il-proċess ta" l-ipprogrammar tal-GCCA, l-involviment ġenerali tal-gvernijiet tal-pajjiżi li qed jiżviluppaw, tas-soċjetà ċivili u tal-komunitajiet lokali ma kienx adegwat; jitlob lill-Kummissjoni biex tiżgura t-teħid ta' deċiżjonijiet tul il-proċessi tal-elaborazzjoni, tal-implimentazzjoni u tad-distribuzzjoni tal-fondi jsir fi sħubija mal-partijiet interessati;

25.  Jitlob lill-Kummissjoni biex tuża l-GCCA biex tappoġġja u ssaħħaħ il-kapaċitajiet tal-pajjiżi li huma sħab tagħha ħalli jidentifikaw, jimmaniġġjaw u jissieltu kontra t-theddid għas-sigurtà ppreżentat mill-bidla fil-klima, u jħeġġeġ lill-Kummissjoni biex tiddedika fondi adizzjonali għal dan il-għan; barra minn dan, jitlob lill-Kummissjoni biex tiżgura li d-Direttorat-Ġenerali għar-Relazzjonijiet Esterni jkun involut bis-sħiħ matul il-proċess kollu tat-tfassil u l-implimentazzjoni tal-GCCA, biex tiżgura li jkun hemm koerenza massima bejn il-koperazzjoni għall-iżvilupp, il-bidla fil-klima u l-politiki barranin u tas-sigurtà;

26.  Jitlob lill-Kummissjoni biex tuża l-GCCA biex tibda diskussjonijiet mal-komunità donatriċi u mal-pajjiżi msieħba dwar it-tisħiħ tat-tħejjija u l-ippjanar għall-eventwalità possibbli ta' migrazzjoni fuq skala kbira fil-każ li ċerti reġjuni jsiru inabitabbli minħabba l-bidla fil-klima;

27.  Jinsisti li l-mekkaniżmi ta" rapportar effettivi, inklużi l-indikaturi dettaljati ta" progress u skemi ta" segwitu, għandhom ikunu konformi mal-GCCA;

28.  Jemmen li valur miżjud speċifiku u l-kompetenza tal-GCCA jistgħu jsawru rabta bejn l-azzjoni favur l-adattament lokali u l-oqsfa politiċi dwar il-klima globali u l-iżvilupp; jilqa" b'sodisfazzjon, f'dan il-kuntest, l-iżvilupp tad-"djalogu politiku" tal-GCCA bħala pass importanti fl-irbit tal-aġenda tat-tnaqqis tal-faqar u tal-MDGs mal-aġenda tal-bidla fil-klima; jenfasizza, madankollu, li l-GCCA tista" tkun suċċess biss jekk tkun parti mill-istrateġija ġenerali tal-UE għan-negozjati ta" wara l-2012, fejn l-appoġġ qawwi għall-attivitajiet ta' mitigazzjoni u ta' adattament fil-pajjiżi li qed jiżviluppaw huma prijorità primarja;

29.  Jinkuraġġixxi lill-Kummissjoni biex tuża d-djalogu politiku u d-Dikjarazzjoni Konġunta maħsuba bejn l-UE u l-Inqas Pajjiżi Żviluppati (LDCs)/l-Istati-Gżejjer Żgħar li qed Jiżviluppaw (SIDS) bħala forum biex titressaq l-idea ta" "Kuntratt Globali", fejn il-koperazzjoni għall-iżvilupp u l-attivitajiet relatati mal-bidla fil-klima huma integrati mill-qrib, bl-attenzjoni fuq il-kwistjonijiet tal-popolazzjoni inkorporata bħala element espliċitu, kif inhu maħsub fl-inizjattiva intitolata "Global Marshal Plan";

30.  Jenfasizza l-ħtieġa biex jitħaffu l-isforzi sabiex jiġu integrati l-adattament għall-bidla fil-klima, id-DRR u l-azzjoni fuq il-popolazzjoni u s-saħħa riproduttiva fl-għajnuna għall-iżvilupp tal-Kummissjoni u tal-Istati Membri, b'mod partikulari fl-istadju tal-implimentazzjoni, peress li mil-lat sistematiku dawn l-oqsma huma tabilħaqq fundamentali; jitlob lill-Kummissjoni biex tieħu vantaġġ mill-evalwazzjoni ta' nofs it-terminu tas-CSPs li ġejja sabiex isir progress f'dan il-qasam;

31.  Jinsisti li l-Kummissjoni, flimkien mal-GCCA, għandha tkompli tiżviluppa r-reazzjoni tagħha għar-Rapport ta' Progress dwar il-Pjan t'Azzjoni tal-UE dwar il-Bidla fil-Klima u l-Iżvilupp, li għandu jkun fiha bosta elementi importanti li m'għandhomx jintilfu, inkluż il-ħolqien ta' "clearing houses" fuq il-post li jtejbu l-koordinazzjoni u l-aċċess għall-informazzjoni;

32.  Jenfasizza li l-iżvilupp u l-implimentazzjoni tal-Programmi Nazzjonali ta" Azzjoni ta'Adattament (NAPAs) permezz tal-fondi tal-Faċilità Ambjentali Globali (GEF) għadda minn diversi nuqqasijiet, minħabba finanzjament inadegwat, stima baxxa tal-ispejjeż ta' adattament, konnessjonijiet dgħajfa mal-iżvilupp uman, kanali ta" aċċess burokratiċi żżejjed u parzjalità bbażata fuq il-proġett; jitlob lill-Kummissjoni biex tittratta dawn in-nuqqasijiet bis-sħiħ meta tipprovdi iżjed appoġġ permezz tal-GCCA għall-implimentazzjoni tan-NAPA fl-LCD u fis-SIDS; f'dan il-kuntest jilqa" b'sodisfazzjon l-intenzjoni tal-Kummissjoni li tesplora rinforzar tal-kapaċitajiet ta" l-istituzzjonijiet ta" governanza abbażi tal-programmi, billi tuża l-appoġġ baġitarju;

33.  Jenfasizza li użu b'suċċess mill-appoġġ baġitarju għall-adattament tal-bidla fil-klima li jkun orjentat lejn l-iżvilupp jiddependi fuq użu estensiv tal-mezzi kollha disponibbli fi ħdan l-arranġamenti tal-appoġġ baġitarju, inkluża d-diskussjoni tal-prijoritajiet politiċi, il-monitoraġġ għal perjodu ta' żmien twil, u l-assistenza teknika għat-tfassil u l-eżekuzzjoni tal-baġit; jenfasizza wkoll il-ħtieġa li jkun hemm l-involviment tas-soċjetà ċivili u tal-komunitajiet lokali; iħeġġeġ ukoll lill-Kummissjoni biex tkun ippreparata biex tuża l-miżuri kumplimentari fejn l-appoġġ baġitarju ma jkunx adegwat jew fejn jonqos li jkun ta' benefiċċju għall-iżjed nies fqar u vulnerabbli;

34.  Jistieden lill-Kummissjoni biex tiżgura li r-riċerka ppjanata tal-GCCA dwar l-adattament fil-pajjiżi li qed jiżviluppaw ikollha perspettiva mill-qiegħ 'il fuq ("bottom-up"), li tkun immirata lejn dawk foqra u vulnerabbli, li tkun immexxija mill-ħtiġijiet tal-komunitajiet lokali u li ssir b'koperazzjoni man-nies ikkonċernati; jenfasizza l-importanza li r-riżultati tar-riċerka dwar l-adattament ikunu kkomunikati lill-gruppi rilevanti permezz ta" kanali ta' komunikazzjoni aċċessibbli;

35.  Jistieden lill-Kummissjoni biex tiddedika riżorsi biżżejjed għar-riċerka dwar l-aspetti ekonomiċi tal-adattament fil-pajjiżi li qed jiżviluppaw, sabiex jittejjeb il-fehim dwar l-ispejjeż ġejjienin tar-ristrutturar meħtieġ fil-politika u fl-istituzzjonijiet tal-kummerċ, tal-agrikoltura u tas-sigurtà; jirrikonoxxi li l-lakuni fl-għarfien li hemm f'dan il-qasam ixekklu l-azzjoni u l-infiq ta' adattament effettivi mill-parteċipanti pubbliċi u privati;

36.  Jenfasizza l-importanza li jsir trasferiment tal-għarfien u tat-teknoloġija - inkluża t-teknoloġija li tnaqqas ir-riskju tad-diżastri - lejn il-pajjiżi li huma msieħba mal-GCCA; għal dan il-għan, jitlob lill-Kummissjoni biex tippromwovi 'librerija' bbażata fuq l-internet ta' data dwar l-adattament għall-bidla fil-klima u biex tiffaċilita programm ta' skambju dwar l-adattament għall-klima bejn esperti minn dawn il-pajjiżi;

37.  Ifakkar fl-importanza tal-koerenza politika u jitlob lill-Kummissjoni biex tittratta l-kwistjoni tal-integrazzjoni tal-bidla fil-klima mal-isforzi fit-tnaqqis tal-faqar fl-istess żmien tal-evalwazzjoni tal-baġit tal-UE u fiż-żmien tal-evalwazzjoni ta' nofs it-terminu ta" diversi strumenti għall-iżvilupp;

38.  Jitlob lill-Kummissjoni biex tiddedika iżjed attenzjoni għall-impatt tal-bidla fil-klima fuq l-agrikoltura u l-forestrija u għall-aġġustament tal-agrikoltura u tal-forestrija għall-bidla fil-klima; jitlob lill-Kummissjoni biex tuża l-GCCA biex tappoġġja l-iżvilupp ta" politika agrikola favur l-ambjent, u jitlobha tagħmel dan billi tati prijorità lill-garanzija tas-sigurtà tal-ikel tan-nies; barra minn dan, jitlob lill-Kummissjoni biex tgħin fil-ħolqien ta' qafas istituzzjonali u finanzjarju adegwat għall-popolazzjonijiet rurali li jiddependu mill-agrikoltura għall-għixien tagħhom;

39.  Jenfasizza li l-agrikoltura fil-pajjiżi foqra li qed jiżviluppaw hija affettwata b'mod dirett u qawwi mill-bidla fil-klima, u dan jista' jkollu konsegwenzi drammatiċi fuq is-sigurtà tal-ikel; għalhekk jitlob lill-Kummissjoni biex tuża l-GCCA biex tiżviluppa politika agrikola u metodi ta" produzzjoni li jissodisfaw aħjar il-bżonnijiet tal-popolazzjoni lokali u li jkunu jikkonsistu f'soluzzjoni fit-tul għall-problema tal-prezzijiet tal-ikel li qegħdin jogħlew; iħeġġeġ, b'mod partikulari lill-Kummissjoni, biex tappoġġja soluzzjonijiet innovattivi bħall-ħolqien ta" "green belts" madwar l-ibliet biex tirrispondi għall-ħtiġijiet tal-ikel bażiċi tal-popolazzjonijiet urbani fil-pajjiżi li qegħind jiżviluppaw;

40.  Jilqa" l-intenzjoni tal-Kummissjoni biex tipproponi Strateġija tal-UE għad-DRR, li tfisser pass importanti biex tingħalaq il-lakuna bejn l-isforzi tad-DRR, l-iżvilupp u l-adattament; f'dan il-kuntest, jitlob lill-Kummissjoni biex tiċċara kif il-GCCA tista' tiffaċilita din l-integrazzjoni fuq livell prattiku;

41.  Jenfasizza li l-istrateġija tad-DRR mhix se tipproduċi riżultati sinifikanti jekk ma jkollhiex pjan ta' azzjoni konkret u ma tingħatax b'mod sinifikanti direzzjoni ġdida lill-allokazzjonijiet tal-baġit biex jiġu żgurati l-finanzjament għat-tul għad-DRR u l-adattament bħala parti mill-għajnuna regolari għall-iżvilupp, iżjed milli, bħalma qed jiġri llum, tħassib umanitarju bi prijoritajiet foqra fuq perjodu qasir ta' żmien;

42.  Jenfasizza li hemm ħtieġa kbira għal iżjed riżorsi umani fi ħdan id-delegazzjonijiet tal-EuropeAid u tal-UE, sabiex tiġi żgurata implimentazzjoni b'suċċess tal-GCCA; jitlob lill-Kummissjoni biex tiddedika riżorsi sostanzjali lil dan il-qasam fil-baġit tal-UE tal-2009; f'sens usa", jitlob ukoll lill-Kummissjoni, biex tiddedika ħafna iżjed riżorsi għat-taħriġ ta" l-istaff dwar l-adattament għall-bidla fil-klima u għad-DRR fid-Direttorati Ġenerali u fid-delegazzjonijiet tal-Kummissjoni rilevanti, billi b'mod partikulari tiffoka fuq it-tisħiħ tal-kompetenzi prattiċi;

43.  Sa fejn il-GCCA teħtieġ azzjoni dwar il-mitigazzjoni, jenfasizza li l-LDCs u s-SIDS jeħtieġu il-bini tal-kapaċità u l-assistenza teknika sabiex ikunu jistgħu jsaħħu l-parteċipazzjoni tagħhom fis-CDM; jitlob lill-Kummissjoni biex tinvolvi ruħha b'mod attiv fin-negozjati internazzjonali dwar il-bidla fil-klima bil-għan li ssaħħaħ s-CDM, sabiex tiżgura l-addizzjonalità u l-koerenza mal-objettivi tal-iżvilupp u tal-klima; barra minn dan, jitlob lill-Kummissjoni biex ma tiffokax biss fuq s-CDM bħala l-għodda politika aħħarija, iżda biex tipprovdi appoġġ alternattiv għal azzjoni ta' mitigazzjoni li tkun iżjed xierqa għall-iżjed pajjiżi foqra, filwaqt li tingħata prijorità għall-attivitajiet ta" l-użu tal-art, ta' bdil fl-użu tal-art u ta' forestrija (LULUCF) u lit-teknoloġiji b'karbonju baxx;

44.  Jitlob lill-Kummissjoni biex tiżviluppa b'mod urġenti inizjattivi politiċi ambizzjużi u kumplimentari, partikularment fl-oqsma tal-protezzjoni tal-forestrija u tal-baħar, tal-użu sostenibbli tar-riżorsi naturali u tal-koperazzjoni fit-teknoloġija tal-mitigazzjoni, fejn il-ħtiġijiet finanzjarji jkunu jaqbżu fil-wisa" dak li hemm previst bħalissa fi ħdan l-GCCA; b'mod speċifiku jitlob azzjoni soda mill-UE fil-forma ta' appoġġ finanzjarju, assistenza teknika u trasferiment ta" teknoloġija u kooperazzjoni mal-pajjiżi li qed jiżviluppaw sabiex jitħaffef l-użu - fl-iżjed stadju bikri possibbli - ta" teknoloġiji li ftit li xejn jarmu GHG u ta' metodi ta' produzzjoni li jkunu favur l-ambjent;

45.  Jitlob lill-Kummissjoni biex tirrevedi l-proposta tagħha għal kriterji ta" sostenibilità għall-bijofjuwils, sabiex tistabbilixxi rekwiżiti iżjed stretti għall-klima u għall-benefiċċji tal-ekosistema, u biex tqis l-effetti tal-bidla indiretta fl-użu tal-art u tal-konsegwenzi tal-iżvilupp fuq il-komunitajiet lokali; jenfasizza li l-kriterji ta" sostenibilità m'għandhomx isiru miżuri protezzjonisti ġdida iżda għandhom ikunu mfassla fi djalogu mal-pajjiżi li qed jiżviluppaw;

46.  Jemmen li f'dan il-qafas il-Fond Globali għall-Effiċjenza Enerġetika u għall-Enerġija Rinnovabbli li hemm maħsub huwa strument notevoli, u li dan jista' jkollu sehem importanti fil-proġetti tal-effiċjenza enerġetika u fil-promozzjoni tal-enerġija li tiġġedded fil-pajjiżi li qed jiżviluppaw;

47.  Jitlob lill-Kummissjoni biex b'mod urġenti tiżviluppa aġenda kumprensiva biex titnaqqas id-deżertifikazzjoni u d-degradazzjoni tal-foresti fil-pajjiżi li qed jiżviluppaw, li tinkludi l-Ftehimiet ta" Sħubija Volontarja taħt il-programmi tal-Infurzar tal-Liġi dwar il-Foresti, it-Tmexxija u l-Kummerċ (FLEGT), u proposti konkreti dwar il-finanzjament ta" mekkaniżmi li għandhom jitressqu fil-laqgħa tal-Konferenza tal-Partijiet tal-Konvenzjoni dwar il-Bidla fil-Klima (COP 14) f'Pozann f'Diċembru 2008; itenni l-importanza ta" mekkaniżmi bħal dawn fil-għoti ta' kumpens mhux biss għal emissjonijiet ta' GHG li jkunu ġew evitati, iżda wkoll għall-bijodiversità u għall-benefiċċji ta" żvilupp tal-foresti;

48.  Jisgħobbih li l-Kummissjoni għadha ma resqitx bi proposti ċari u rigorużi favur il-projbizzjoni tal-importazzjoni ta' injam maqtugħ illegalment u ta" prodotti dderivati fis-suq tal-UE; jitlob lill-Kummissjoni biex tippreżenta proposti bħal dawn mingħajr iżjed dewmien;

49.  Jagħti istruzzjonijiet lill-President tiegħu sabiex iressaq din ir-Riżoluzzjoni lill-Kummissjoni u lill-Kunsill.

(1) ĠU C 46, 24.2.2006, p. 1. (2) ĠU C 25, 30.1.2008, p. 1. (3) Regolament (KE) Nru 1905/2006 tal-Parlament Ewropew u tal-Kunsill tat-18 ta" Diċembru 2006 li jwaqqaf strument finanzjarju għall-koperazzjoni għall-iżvilupp (ĠU L 378, 27.12.2006, p. 41.). (4) ĠU C 139, 14.6.2006, p. 1.

Riżoluzzjoni tal-Parlament Ewropew tal-21 ta' Ottubru 2008 dwar il-governanza u s-sħubija fil-livelli nazzjonali u reġjonali, u bażi għal proġetti fil-qasam tal-politika reġjonali (2008/2064(INI))

P6_TA(2008)0492 A6-0356/2008

Il-Parlament Ewropew,

–   wara li kkunsidra t-Trattat li jistabbilixxi l-Komunità Ewropea, u b'mod partikulari l-Artikoli 158 u 159 tiegħu,

–   wara li kkunsidra t-Trattat dwar il-funzjonament tal-Unjoni Ewropea, u b'mod partikulari l-Artikolu 15 tiegħu,

–   wara li kkunsidra r-Regolament tal-Kunsill (KE) Nru 1083/2006 tal-11 ta' Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fondi ta' Koeżjoni(1) (minn hawn 'il quddiem ir-Regolament Ġenerali dwar il-Fondi Strutturali), u b'mod partikulari l-Artikolu 11 tiegħu, bl-isem "Sħubija",

–   wara li kkunsidra l-Aġenda Territorjali tal-Unjoni Ewropea u l-Karta Ewropea ta' Leipzig dwar il-Bliet Ewropej Sostenibbli u l-ewwel Programm ta' Azzjoni għall-implimentazzjoni tal-Aġenda Territorjali tal-Unjoni Ewropea,

–   wara li kkunsidra l-istudju tad-dipartiment tematiku tal-Parlament Ewropew dwar il-politika strutturali u ta' koeżjoni bl-isem "Il-governanza u s-sħubija fil-qasam tal-politika reġjonali",

–   wara li kkunsidra l-opinjoni tal-Kumitat tar-Reġjuni (COTER-IV-17) u dik tal-Kumitat Ekonomiku u Soċjali Ewropew dwar il-governanza u s-sħubija (EESC 1177/2008),

–   wara li kkunsidra l-opinjoni esploratorja tal-Kumitat Ekonomiku u Soċjali Ewropew bl-isem "Għal evoluzzjoni ekwilibrata tal-ambjent urban: sfidi u opportunitajiet" (EESC 737/2008),

–   wara li kkunsidra "Il-Gwida Prattika dwar il-Finanzjament Ewropew għar-Riċerka, l-Iżvilupp u l-Innovazzjoni" tal-Kummissjoni,

–   wara li kkunsidra t-tieni ċiklu tal-Programm URBACT (2007-2013), programm Ewropew li għandu l-għan li jiffavorixxi l-iskambju ta' esperjenzi bejn il-bliet Ewropej, u b'mod partikulari s-seba' networks tematiċi ġodda dwar il-governanza,

–   wara li kkunsidra l-Artikolu 45 tar-Regoli ta' Proċedura tiegħu,

–   wara li kkunsidra r-rapport tal-Kumitat dwar l-Iżvilupp Reġjonali u l-opinjoni tal-Kumitat għall-Kontroll tal-Baġit (A6-0356/2008),

A.   billi l-interess u l-benessri taċ-ċittadini jinsab fiċ-ċentru tal-politiki nazzjonali u reġjonali Ewropej, u billi livell aħjar ta' governanza u ta' sħubija, bil-għan li jkun stabbilit livell ogħla ta' koordinazzjoni u ta' koperazzjoni bejn l-awtoritajiet diversi, hu ta' benefiċċju għaċ-ċittadini kollha ta' l-Unjoni,

B.   billi s-soluzzjonijiet prattiċi mistennija minn sħabna ċ-ċittadini rigward is-servizzi pubbliċi (bħat-trasport pubbliku, l-ilma tax-xorb, id-djar soċjali u l-edukazzjoni pubblika) ma jistgħux jinkisbu ħlief bil-governanza t-tajba fil-livell taż-żewġ sistemi komplementari: l-ewwel nett, is-sistema istituzzjonali li tipprevedi li l-kompetenzi u l-baġits jinqasmu bejn l-Istat u l-awtoritajiet reġjonali u lokali, u t-tieni, is-sistema tas-sħubija li tgħaqqad parteċipanti pubbliċi u privati differenti li jaqsmu suġġett komuni f'territorju partikulari,

C.   billi għandha tiġi enfasizzata d-definizzjoni ta' sħubija kif tidher fir-Regolament Ġenerali dwar il-Fondi Strutturali, u skond din id-definizzjoni kull Stat Membru għandu jorganizza "sħubija mal-awtoritajiet u mal-entitajiet bħal:

D.   billi s-sħubija, li għandha tieħu kont tal-komunitajiet u l-gruppi kollha rilevanti, tista' ġġib kemm benefiċċji kif ukoll valur miżjud għall-implimentazzjoni tal-Politika ta' Koeżjoni permezz ta' leġittimità msaħħa, trasparenza garantita u assorbiment aħjar tal-fondi, u wkoll għandha tkun evalwata f'termini tal-valur soċjali u ċiviku li tirrappreżenta,

E.   billi parteċipazzjoni qawwija kemm jista' jkun mis-sħab differenti sabiex jitfasslu programmi operattivi tiggarantixxi l-produzzjoni ta' dokument li jikkunsidra bis-sħiħ il-karatteristiċi speċifiċi ta' territorju partikulari u li jaqdi bl-aħjar mod il-ħtiġijiet u jirreaġixxi għall-isfidi ta' dik iz-zona,

F.   billi ftehim ta' sħubija msaħħaħ ma' universitajiet u istituti ta' edukazzjoni terzjarja jew teknoloġika, kif ukoll il-parteċipazzjoni tas-settur privat, jista' jkunta' benefiċċju għal strateġiji fi ħdan il-qafas tal-Aġenda ta' Liżbona u l-politiki tal-UE li jittrattaw ir-riċerka u l-innovazzjoni,

G.   billi l-kapital soċjali, fl-għamla tal-volontarjat attiv, huwa marbut b'mod pożittiv mat-tkabbir ekonomiku reġjonali u huwa fattur importanti biex jitnaqqsu d-differenzi reġjonali,

H.   billi l-parteċipazzjoni mifruxa tas-sħab imsemmija fir-Regolament Ġenerali dwar il-Fondi Strutturali u l-koperazzjoni aħjar bejn il-parteċipanti mdaħħla fl-implimentazzjoni tal-programmi u tal-proġetti ffinanzjati mill-Fondi Strutturali u ta' Koeżjoni tippermetti li l-politika ta' koeżjoni ssir aktar effikaċi u żżid l-effett ta' lieva,

I.   billi strateġija integrata għandha tqis mhux biss l-aspetti ekonomiċi, soċjali u ambjentali tal-iżvilupp tat-territorji, imma wkoll tfittex li tikkoordina l-interessi tal-parteċipanti differenti kkonċernati li jikkunsidraw l-karatteristiċi territorjali, sabiex ikunu jistgħu jirreaġixxu għall-isfidi lokali u reġjonali,

J.   billi kemm il-koordinazzjoni aħjar tal-politiki pubbliki differenti, fil-livelli kollha amministrattivi, kif ukoll governanza effikaċi huma indispensabbli biex l-iżvilupp sostenibbli tat-territorji jibqa' miexi 'l quddiem,

K.   billi l-kunċett ta' strateġija integrata issa huwa kkunsidrat bħala ħtieġa u li issa jaqbel li dan il-kunċett jitpoġġa fil-prattika,

L.   billi l-politiki strutturali jirrappreżentaw it-tieni l-akbar sehem mill-baġit tal-Unjoni Ewropea għall-perjodu ta' programmazzjoni 2000-2006 u huma l-politiki ewlenin tal-UE għall-perjodu 2007-2013;

M.   billi huwa tajjeb biex isiru arranġamenti sabiex ikun hemm aktar trasparenza u koperazzjoni effiċjenti fost il-parteċipanti kollha fl-awtoritajiet differenti u fl-entitajiet pubbliċi u privati, mingħajr il-ħtieġa li jiġu trasferiti xi kompetenzi ġuridiċi u bla ma jinħolqu gruppi ġodda, biex kulħadd isir aktar effikaċi bis-saħħa tal-koperazzjoni,

N.   billi huwa tajjeb li tiġi kkunsidrata l-parteċipazzjoni tal-awtoritajiet reġjonali u lokali fil-fażi bikrija tan-negozjati dwar il-leġiżlazzjoni komunitarja u, b'mod partikulari, fil-qafas tan-negozjati dwar il-pakkett li jmiss tar-regolamentazzjoni tal-politika ta' koeżjoni,

O.   billi l-applikazzjoni tal-kunċett tal-Oqsma tal-Ħajja u tax-Xogħol jinvolvi l-kunsiderazzjoni tat-territorji elementari biex jiġu ttrattati l-kwistjonijiet marbuta b'mod fundamentali mal-ħajja ta' kuljum taċ-ċittadini (it-trasport, is-servizzi pubbliċi, il-kwalità tal-ħajja, ix-xogħol u l-attivitajiet ekonomiċi lokali, is-sigurtà, eċċ),

P.   billi l-ippjanar xieraq ta' territorju jista' jagħti kontribut għal governanza effikaċi,

Q.   billi l-fatt li l-parteċipanti li jkunu involuti fl-implimentazzjoni tal-politika ta' koeżjoni jkunu kapaċi fl-"immaniġġjar tal-proġett" huwa fattur ewlieni biex titjieb u titħaffef il-governanza,

R.   billi jaqbel li fil-futur jinġibdu konklużjonijiet mill-esperimenti tajba li jinvolvu metodi ġodda tal-governanza u s-sħubija, fosthom dawk li diġà ġew esperimentati b'suċċess fil-qafas tal-programmi tal-Fondi Ewropej, bħall-metodu LEADER u l-allokazzjoni globali (b'konformità mal-Artikoli 42 u 43 tar-Regolament Ġenerali dwar il-Fondi Strutturali),

S.   billi l-istrutturi u l-istrateġiji ta' komunikazzjoni xierqa fil-fażijiet kollha (tal-politika, tal-implimentazzjoni u tal-evalwazzjoni) imfasslin bil-kollaborazzjoni mill-qrib mal-awtoritajiet reġjonali u lokali, jippromwovu t-tixrid tal-informazzjoni fis-saffi kollha tas-soċjetà, jinkoraġġixxu t-trasparenza, is-sehem ta' kulħadd u s-sjieda sħiħa,

Il-Governanza u l-Fondi Komunitarji

1.  Jistieden lill-Istati Membri u lill-awtoritajiet reġjonali u lokali biex jisfruttaw bis-sħiħ il-potenzjal tad-diversi fondi Komunitarji (il-Fondi Strutturali, il-Programm ta' Qafas Komunitarju dwar ir-Riċerka u l-Iżvilupp, u l-Fond Agrikolu Ewropew għall-Iżvilupp Rurali) bil-għan li jippromwovu l-iżvilupp reġjonali u urban, kif ukoll li jħaffu l-finanzjament integrat;

2.  Jistieden lill-awtoritajiet nazzjonali, reġjonali u lokali biex jużaw iżjed l-istrateġija integrata fil-perjodu attwali tal-programmazzjoni;

3.  Jipproponi, fil-kuntest tal-Politika ta' Koeżjoni għall-ġejjieni, li l-prinċipju tal-istrateġija integrata jsir obbligatorju; jikkunsidra li l-applikazzjoni ta' dan il-prinċipju għandha titwettaq f'limitu ta' żmien speċifiku;

4.  Jipproponi, għall-finijiet tas-simplifikazzjoni u l-effikaċja, li għandu jsir studju biex tkun evalwata l-probabilità li għall-perjodu wara l-2013 jingħaqdu l-fondi Komunitarji differenti, u b'mod partikulari, il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Agrikolu Ewropew għall-Iżvilupp Rurali;

5.  Jinnota li proċeduri trasparenti u ċari huma sinjali ta' governanza tajba u għalhekk jistieden lill-Kummissjoni u lill-Istati Membri, b'kollaborazzjoni mal-awtoritajiet reġjonali u lokali u filwaqt li jitqiesu s-suġġerimenti tal-benefiċjarji potenzjali, biex jeżaminaw bla dewmien, skont limitu ta' żmien iffissat mill-Kummissjoni, kif jistgħu jkunu ssimplifikati u razzjonalizzati l-proċeduri u dwar kif għandhom jinqasmu b'mod aktar ċar ir-responsabilitajiet għall-implimentazzjoni tal-Politika ta' Koeżjoni bil-ħsieb li jonqos il-piż burokratiku tal-individwi u l-entitajiet ikkonċernati;

6.  Jistieden lill-Kummissjoni sabiex tippromwovi l-użu tal-Artikolu 56 tar-Regolament Ġenerali tal-Fondi Strutturali, li jippermetti li jsiru kontribuzzjonijiet mhux fi flus għall-proġetti kofinanzjati mill-UE,

Il-Governanza u s-Sħubija

7.  Jitlob lill-Kummissjoni biex tħejji u tippreżenta lill-Parlament Ewropew evalwazzjoni tal-implimentazzjoni tal-prinċipju tas-sħubija għall-Istati Membri fil-kuntest tal-abbozz tal-Oqfsa ta' Referenza Strateġiċi Nazzjonali u tal-programmi operattivi, filwaqt li jiġu identifikati s-suċċessi u l-fallimenti tal-governanza, kif ukoll biex jiġi eżaminat b'mod partikulari kemm ittieħed kont ta' l-opinjonijiet u l-proposti mressqa mis-sħab fit-tfassil tal-programmi operattivi;

8.  Jistieden lill-Kummissjoni biex toħroġ linji ta' gwida li jkun fihom definizzjoni ċara u kriterji tal-evalwazzjoni kif ukoll li jistabbilixxu l-istrumenti, l-għodod u l-prattiki tajba (fosthom għall-għażla tas-sħab) imfassla biex iħaffu l-implimentazzjoni ta' ftehim ta' sħubija effikaċi f' konformita' mal-Artikolu 11 tar-Regolament Ġenerali dwar il-Fondi Strutturali filwaqt li jiġi osservat il-qafas istituzzjonali partikulari għal kull Stat Membru;

9.  Jinnota li l-proċess ta' sħubija ma jistax jaħdem ħlief bi ftehim ta' sħubija li jkollu i-kompetenzi u r-riżorsi meħtieġa, u jistieden lill-awtoritajiet amministrattivi biex jagħtu l-kontribut tagħhom għat-tisħiħ ta' dawn il-kapaċitajiet billi jipprovdu lis-sħab fil-fażi bikrija u f' konformita' mal-Artikolu 11 tar-Regolament Ġenerali dwar il-Fondi Strutturali, bl-istess informazzjoni li tkun disponibbli għall-awtoritajiet u billi jkunu allokati riżorsi finanzjarji xierqa maħsuba għal għajnuna teknika għall-implimentazzjoni tal-prinċipju tas-sħubija, pereżempju għat-taħriġ, għall-bini ta' kapital soċjali u biex irendu l-attivitajiet tas-sħubija tagħhom aktar 'professjonali';

10.  Jiddispjaċih li għall-perjodu ta' programmazzjoni attwali, l-ebda ammont minimu kwantifikabbli ta' Fondi Strutturali ma kien maħsub biex ikun implimentat il-prinċipju tas-sħubija; jistieden lill-Kunsill u lill-Kummissjoni biex fil-leġiżlazzjoni tal-ġejjieni jaħsbu għal ammont minimu kwantifikabbli ta' fondi mill-Fondi Strutturali għall-implimentazzjoni tal-prinċipju tas-sħubija;

11.  Jinnota l-irwol importanti li għandu l-volontarjat fil-proċess ta' sħubija u jistieden lill-Istati Membri u lill-Kummissjoni biex jappoġġjaw u jħaffu x-xogħol siewi li jkun sar mill-voluntiera li jikkontribwixxu għal dan il-proċess, kif ukoll biex il-poplu u l-organizzazzjonijiet popolari jieħdu sehem akbar fid-demokrazija lokali fi sħubija ta' bosta livelli;

12.  Jiġbed l-attenzjoni fl-obbligu li jkun ikkonsultat il-pubbliku ġenerali kif ukoll l-organizzazzjonijiet li jirrappreżentaw lis-soċjetà ċivili dwar il-kwistjoni tal- programmazzjoni biex din tirrifletti l-proposti tagħhom, u jenfasizza li l-parteċipazzjoni tas-soċjetà ċivili tgħin biex il-proċess tat-teħid tad-deċiżjonijiet ikun leġittimizzat; jinnota li l-isforzi biex il-poplu jieħu sehem fit-tħejjijiet tal-programmi operattivi għall-perjodu 2007-2013 ma rnexxewx daqskemm kien ittamat; jistieden għalhekk lill-Kummissjoni biex tidentifika l-prattiki tajba u biex titħaffef l-applikazzjoni tagħhom bil-għan li titjieb il-parteċipazzjoni tal-pubbliku qabel il-perjodu li jmiss tal-programmazzjoni;

13.  Jistieden lill-awtoritajiet li jimmaniġġjaw biex jinfurmaw lis-sħab dwar kif u sa liema livell jitqiesu s-suġġerimenti li jagħmlu fil-fażijiet differenti tal-proċess tal-programmazzjoni tal-fondi strutturali;

14.  Ifakkar li ftehim ta' sħubija jista' jagħti kontribut għall-effikaċja, l-effiċjenza, il-leġittimità u t-trasparenza fil-fażijiet kollha tal-programmazzjoni u l-implimentazzjoni tal-Fondi Strutturali u jista' wkoll iżżid l-impenn għall-outputs tal-programmi kif ukoll għas-sjieda tagħhom; jistieden għalhekk lill-Istati Membri u lill-awtoritajiet amministrattivi biex is-sħab ikollhom sehem aktar mill-qrib minn kmieni fil-fażijiet kollha tal-programmazzjoni u tal-implimentazzjoni tal-Fondi Strutturali, bil-għan li l-esperjenza u l-għerf tagħhom jintużaw aħjar;

15.  Iħeġġeġ lill-Istati Membri biex jiżguraw koperazzjoni aktar mill-qrib bejn is-setturi pubbliċi u privati permezz tat-twaqqif ta' ftehim ta' sħubija bejn il-pubbliku u l-privat fl-implimentazzjoni tal-fondi strutturali, minħabba li l-benefiċċji potenzjali li jiġu mis-Sħubijiet Pubbliċi u Privati x'aktarx li ftit li xejn huma sfruttati;

16.  Jinnota li l-Istati Membri ġodda ma kkonformawx bis-sħiħ mal-prinċipju tas-sħubija u għalhekk l-introduzzjoni tiegħu tista' tissaħħaħ b'mod gradwali;

17.  Jitlob sabiex ir-Regolamenti dwar il-Fondi Strutturali li jmiss ikun fihom dispożizzjonijiet speċifiċi li jorbtu b'mod legali l-applikazzjoni tal-prinċipju tas-sħubija, bi kriterji li jistgħu jkunu verifikati b'mod ċar;

Il-Governanza f'bosta livelli

18.  Jistieden lill-Istati Membri biex jiżviluppaw fl-iqsar żmien possibbli l-azzjonijiet prattiċi tal-ewwel programm ta' implimentazzjoni tal-Aġenda Territorjali tal-Unjoni Ewropea, b'mod partikulari fil-qafas tal-linja 3.1 tiegħu, sabiex tissaħħaħ il-governanza f'bosta livelli;

19.  Jissuġġerixxi l-inklużjoni tad-dimensjoni tal-governanza fil-qafas tal-intestatura 4.1 tal-ewwel Programm ta' Azzjoni tal-implimentazzjoni tal-Aġenda Territorjali tal-Unjoni Ewropea, li tistieden lin-Network Ewropew għall-Osservazzjoni tal-Ippjanar tal-Ispazji (ESPON) biex jiżviluppa indikaturi ġodda għall-koeżjoni territorjali;

20.  Hu tal-fehma li l-governanza li tirnexxi f'bosta livelli jeħtieġ li tkun ibbażata fuq strateġija "minn isfel għal fuq"; jistieden f'dan il-kuntest lill-awtoritajiet lokali u reġjonali biex jinvestigaw mezzi li jintensifikaw il-koperazzjoni u l-kuntatt tagħhom mal-gvernijiet nazzjonali kif ukoll mal-Kummissjoni, u jirrakkomanda li jsiru laqgħat regolari bejn uffiċjali tal-awtoritajiet nazzjonali, reġjonali u lokali;

21.  Jinkoraġġixxi lill-Istati Membri biex jiddeċentralizzaw l-implimentazzjoni tal-politika ta' koeżjoni biex tippermetti t-tħaddim tajjeb tas-sistema ta' governanza f'bosta livelli u f' konformita' mal-prinċipji tas-sħubija u tas-sussidjarjetà u jistedinhom biex jieħdu l-miżuri leġiżlattivi u baġitarji meħtieġa dwar id-deċentralizzazzjoni;

22.  Jenfasizza li l-kapaċità amministrattiva reġjonali u lokali kif ukoll l-istabilità u l-kontinwità tagħha huma prekundizzjoni biex il-fondi jkunu assorbiti b'mod effiċjenti u biex ikun żgurat li jħallu l-akbar impatt; jistieden lill-Istati Membri biex jiżguraw li jkun hemm strutturi amministrattivi adegwati u kapital uman f'termini ta' reklutaġġ, rimunerazzjoni, taħriġ, riżorsi, proċeduri, trasparenza u aċċessibilità;

23.  Jistieden lill-qrati nazzjonali tal-awdituri biex ikollhom rwol aktar b'saħħtu fil-mekkaniżmi ta' kontroll, biex jiżguraw li l-fondi jintefqu b'mod xieraq, u biex jaċċettaw ir-responsabiltajiet tagħhom u jieħdu sehem aktar attiv;

24.  Iħeġġeġ lill-Istati Membri biex jiddelegaw ir-responsabilità għall-immaniġġjar tal-Fondi Strutturali lill-awtoritajiet reġjonali u lokali fuq il-bażi ta' termini u kriterji miftiehma li jridu jkunu aċċettati mill-awtoritajiet konċernati, bil-għan li jkunu involuti aktar mill-qrib u permezz ta' strutturi ta' koordinazzjoni formali fil-ħidma tal-abbozzi u l-implimentazzjoni tal-programmi operattivi, jew, għallinqas, biex jagħtuhom għotjiet globali billi jagħmlu użu sħiħ mill-possibilitajiet li joffrulhom u li jippermettu lill-awtoritajiet reġjonali u lokali biex jieħdu sehem sħiħ fil-mekkaniżmi tal-governanza f'bosta livelli;

Il-Governanza u d-Dimensjoni Territorjali

25.  Jitlob lill-Istati Membri li għadhom m'adattawx il-leġiżlazzjoni nazzjonali tagħhom b'mod li tippermetti l-implimentazzjoni tal-Grupp Ewropew għall-Koperazzjoni Territorjali (EGTC) li jagħmlu dan mill-aktar fis possibbli;

26.  Jistieden lill-Kummissjoni, filwaqt li teżamina liema livell NUTS ikun l-aktar rilevanti, biex tidentifika l-qasam li fih, fuq il-bażi tal-esperjenza li tkun inkisbet, għandha tiġi implimentata l-politika integrata għall-iżvilupp tat-territorji, sabiex tifforma l-bażi għall-proġetti li ġejjin, u b'mod partikulari:

Il-Governanza u l-Istituzzjonijiet tal-Unjoni Ewropea

27.  Jilqa' b'sodisfazzjon ir-rikonoxximent akbar tal-awtoritajiet reġjonali u lokali u t-tisħiħ tal-prinċipju tas-sussidjarjetà fit-Trattat ta' Liżbona; jistieden lill-istituzzjonijiet Ewropej biex jibdewjikkunsidraw minn issa l-implikazzjonijiet prattiċi ta' żviluppi bħal dawn;

28.  Jinnota li fil-Kunsill ma jeżisti l-ebda dipartiment iddedikat b'mod partikulari għall-politika ta' koeżjoni biex tiżgura li jkun hemm segwitu strateġiku għal din il-politika, li tirrappreżenta l-ewwel post fil-baġit tal-Unjoni Ewropea, u jitlob lill-Istati Membri biex jipprevedu li fil-Kunsill ikun hemm sessjonijiet partikulari għall-Ministri responsabbli għall-Politika ta' Koeżjoni;

29.  Jilqa' b'sodisfazzjon il-ħolqien fi ħdan il-Kummissjoni ta' gruppi interdipartimentali bħal dak dwar "il-politika urbana" u dak dwar "l-istrateġija integrata"; jistieden lill-Kummissjoni biex tiżviluppa din l-istrateġija ta' ħidma bejn id-dipartimenti u biex tgħarraf lill-Parlament u lill-Kumitat tar-Reġjuni b'mod regolari bir-riżultati tal-ħidma tal-gruppi msemmija;

30.  Jimpenja ruħu biex jikkunsidra x'tibdil jista' jsir fir-Regoli ta' Proċedura tal-Parlament Ewropew biex jippermetti l-ħidma bejn id-dipartimenti fuq is-suġġetti li jinvolvu bosta kumitati parlamentari (gruppi temporanji jew oħrajn), b'mod partikulari fil-qafas tal-ħidma tal-Gruppi ta' Ħidma dwar ir-Riforma Parlamentari;

31.  Jistieden lill-Kumitat tar-Reġjuni biex isaħħaħ l-isforzi tiegħu għall-iżvilupp tal-prattika tal-governanza kemm mill-aspett tal-kwantità kif ukoll minn dak tal-kwalità;

Għodda għall-Promozzjoni tal-Governanza u s-Sħubija tajba

32.  Jitlob lill-Istati Membri u lill-Kummissjoni biex jagħtu l-appoġġ tagħhom għall-iżvilupp tal-miżuri ta' taħriġ għall-governanza u s-sħubija, flimkien mal-organizzazzjonijiet tat-tagħlim u tat-taħriġ pubbliċi u privati, biex jilqgħu għall-isfidi Komunitarji l-kbar;

33.  Jistieden lill-Istati Membri biex jagħmlu użu xieraq mill-ippjanar tal-ispazji sabiex jassistu fil-faċilitazzjoni ta' żvilupp reġjonali bbilanċjat;

34.  Jistieden lir-rappreżentanti eletti u lill-uffiċjali tal-amministrazzjonijiet nazzjonali, reġjonali u lokali u lis-sħab imdaħħla fit-tmexxija tal-programmi operattivi tal-Politika ta' Koeżjoni bi qbil mal-Artikolu 11 tar-Regolament dwar il-Fondi Strutturali, biex jutilizzaw ir-riżorsi finanzjarji tal-assistenza teknika ta' dawn il-programmi għat-taħriġ fit-tipi ta' governanza marbuta ma' dawn il-programmi, u b'mod partikulari għall-immaniġġjar tal-proġetti; jistieden ukoll lill-Kummissjoni biex titlob lill-Istati Membri sabiex jagħtu rendikont dettaljat tal-mod li bih ikunu ntużaw il-programmi finanzjarji speċifiċi tagħhom;

35.  Hu tal-fehma li n-networks Ewropej għall-iskambju tal-prattiki tajba għandhom iwessgħu l-azzjonijiet tagħhom rigward il-governanza u s-sħubija, jisħqu aktar fuq il-lezzjonijiet politiċi u strateġiċi li jkunu ttieħdu miċ-ċikli tal-programmi preċedenti u għandhom jiżguraw l-aċċess pubbliku għall-iskambju tal-esperjenza fil-lingwi kollha tal-UE biex b'hekk jgħinu ħalli jiġi żgurat li l-prattiki tajba jkunu ġew implimentati tassew;

36.  Jifraħ bl-inizjattiva tal-Presidenza Franċiża tal-Unjoni Ewropea li tniedi proċess ta' żvilupp ta' qafas ta' referenza għas-sostenibilità u s-solidarjetà bejn il-bliet u jitlob li fih titqies id-dimensjoni tal-governanza u s-sħubija;

37.  Jipproponi l-ħolqien ta' programm li jixbah lill-programm ERASMUS ieħor għar-rappreżentanti eletti lokali u reġjonali;

o
o   o

38.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

(1) ĠU L 210, 31.7.2006, p. 25.

Riżoluzzjoni tal-Parlament Ewropew tal-21 ta' Ottubru 2008 dwar "Tfassil Aħjar tal-Liġijiet 2006" skond l-Artikolu 9 tal-Protokoll dwar l-applikazzjoni tal-prinċipji ta' sussidjarjetà u proporzjonalità (2008/2045(INI))

P6_TA(2008)0493 A6-0355/2008

Il-Parlament Ewropew,

–   wara li kkunsidra r-riżoluzzjoni tiegħu tal-4 ta" Settembru 2007, dwar Regolamentazzjoni Aħjar fl-Unjoni Ewropea: l-applikazzjoni tal-prinċipji tas-sussidjarjetà u l-proporzjonalità – it-13-il Rapport(1),

–   wara li kkunsidra r-riżoluzzjoni tiegħu tal-4 ta' Settembru 2007 dwar Regolamentazzjoni Aħjar fl-Unjoni Ewropea(2),

–   wara li kkunsidra r-riżoluzzjoni tiegħu tal-4 ta' Settembru 2007 dwar strateġija għas-simplifikazzjoni tal-ambjent regolatorju (3),

–   wara li kkunsidra r-riżoluzzjoni tiegħu tal-4 ta" Settembru 2007 dwar l-implikazzjonijiet ġuridiċi u istituzzjonali għar-rikors għall-istrumenti ġuridiċi mhux vinkolanti (soft law)(4),

–   wara li kkunsidra r-rapport tal-Kummissjoni – "Leġiżlazzjoni Aħjar 2006" skond l-Artikolu 9 tal-Protokoll dwar l-applikazzjoni tal-prinċipji ta' sussidjarjetà u proporzjonalità (l-14-il Rapport) (COM(2007)0286),

–   wara li kkunsidra l-Komunikazzjoni tal-Kummissjoni bit-titolu "It-Tieni reviżjoni strateġika ta' Regolamentazzjoni Aħjar fl-Unjoni Ewropea" (COM(2008)0032),

–   wara li kkunsidra d-dokument ta" ħidma tal-Kummissjoni – "It-tieni rapport ta" progress dwar l-istrateġija għas-simplifikazzjoni tal-ambjent regolatorju" (COM(2008)0033),

–   wara li kkunsidra d-dokument ta' ħidma tal-Kummissjoni intitolat "Azzjonijiet immedjati 2008 għal tnaqqis ta" piżijiet amministrattivi fl-Unjoni Ewropea" (COM(2008)0141),

–   wara li kkunsidra d-dokument ta' ħidma tal-Kummissjoni bit-titolu "Li jnaqqas il-piżijiet amministrattivi fl-Unjoni Ewropea – rapport tal-progress 2007 u perspettivi tal-2008" (COM(2008)0035),

–   wara li kkunsidra l-Artikolu 45 tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għall-Affarijiet Ekonomiċi u Monetarji (A6-0355/2008),

A.   billi l-qafas regolatorju tal-Unjoni Ewropea għandu jkun ispirat minn kriterji ta" ċarezza u effikaċja,

B.   billi t-titjib tal-proċeduri regolatorji għandhom jagħtu kontribut għall-kisba tal-objettivi tal-Unjoni Ewropea,

C.   billi l-prinċipji ta' sussidjarjetà u proporzjonalità huma prinċipji ewlenin tal-liġi primarja u, f'oqsma fejn il-Komunità m'għandhiex is-setgħa leġiżlattiva esklużiva, dawn għandhom jiġu rispettati assolutament,

D.   billi l-applikazzjoni korretta tal-prinċipji tas-sussidjarjetà u tal-proporzjonalità tikkontribwixxi b'mod fundamentali biex tkun konsolidata l-awtorità u l-effikaċja tal-leġiżlazzjoni Komunitarja u biex ikun żgurat li d-deċiżjonijiet jittieħdu f'livell eqreb lejn iċ-ċittadini, u b'hekk, fl-aħħar mill-aħħar, ikun żgurat li l-Unjoni Ewropea tintlaqa' aħjar miċ-ċittadini, u billi dawn il-prinċipji huma indispensabbli biex jilleġitimizzaw l-opportunità u l-ambitu tal-azzjoni Komunitarja, safejn dawn jippermettu li l-Istati Membru jeżerċitaw is-setgħat leġiżlattivi tagħhom, fi spirtu ta" kollaborazzjoni bejn il-livelli differenti tal-gvern, u b'hekk tissaħħaħ iċ-ċertezza legali,

E.   billi bħalissa l-iżvilupp tat-tfassil tal-liġijiet Komunitarji huwa suġġett għall-applikazzjoni tal-prinċipji tas-sussidjarjetà u tal-proporzjonalità, li jirrikjedu l-istabbiliment ta" proċeduri għall-koordinazzjoni mal-awtoritajiet leġiżlattivi, eżekuttivi u ġudizzjarji nazzjonali biex tkun żgurata kemm in-neċessità kif ukoll il-legalità tal-azzjoni tal-Unjoni Ewropea,

F.   billi l-Kummissjoni tinsisti fuq sensiela ta" fatturi sinifikanti involuti fit-titjib tar-regolamentazzjoni tal-Unjoni Ewropea, bħall-evalwazzjonijiet tal-impatt, it-tnaqqis tal-ispejjeż amministrattivi u l-issimplifikar, it-titjib u l-aġġornament tar-regoli eżistenti,

G.   billi l-Kummissjoni tagħti importanza f'dan ir-rigward lill-ħolqien ta" djalogu miftuħ maż-żewġ naħat tal-industrija u mal-leġiżlaturi nazzjonali;

H.   billi fl-"Ewwel rapport ta" progress dwar l-istrateġija għas-simplifikazzjoni tal-ambjent regolatorju" (COM(2006)0690) tagħha, il-Kummissjoni ħabbret madwar 50 inizjattiva ta" kodifikazzjoni għall-2006, iżda biss 36 minnhom kienu fil-fatt trażmessi lill-Parlament, waqt li 200 inizjattiva ta" kodifikazzjoni kienu mħabbra għall-2007, u 21 biss tressqu quddiem il-leġiżlatur,

I.   billi fil-Programm tagħha li jiġġedded ta" simplifikazzjoni anness mat-"Tieni rapport ta" progress dwar l-istrateġija għas-simplifikazzjoni tal-ambjent regolatorju", il-Kummissjoni tittratta r-reviżjoni u r-riformulazzjoni tar-regolamenti fis-seħħ f'oqsma varji (effiċjenza enerġetika tal-binjiet, avjazzjoni ċivili eċċ.) bħala ekwivalenti,

J.   billi l-Kummissjoni impenjat ruħha li tippreżenta programm ta" azzjoni bl-għan li minn issa sal-2012 jonqos b"25% il-piż amministrattiv fuq l-impriżi fl-Unjoni Ewropea, u billi, għal dan il-għan, ressqet sensiela ta" azzjonijiet rapidi relatati ma" diversi setturi leġiżlattivi,

1.  Jappoġġja l-għan tal-Kummissjoni li ttejjeb il-kwalità tal-leġiżlazzjoni Komunitarja u li tnaqqas il-piż leġiżlattiv, inkluża t-tneħħija ta" leġiżlazzjoni li mhijiex meħtieġa, li xxekkel it-tkabbir u timpedixxi l-innovazzjoni; jenfasizza li sforzi akbar huma meħtieġa f'numru ta' oqsma biex jiġi żgurat li jittieħed il-massimu fi profitt ekonomiku mil-leġiżlazzjoni dwar is-suq intern;

2.  Jippromwovi leġiżlazzjoni msejsa fuq il-prinċipji u ffukata fuq il-kwalità aktar mill-kwantità; jara d-dibattitu dwar "ir-regolamentazzjoni aħjar" bħala okkażjoni tajba biex wieħed jirrifletti dwar il-leġiżlazzjoni bħala proċess imfassal biex jinkisbu għanijiet ta' politika definiti b'mod ċar billi tiġi mtejba l-leġiżlazzjoni Komunitarja sabiex tiffavorixxi t-tkabbir u l-impjiegi u billi timpenja u tinvolvi lill-partijiet interessati kollha fil-fażijiet kollha tal-proċess mill-preparazzjoni sal-infurzar;

3.  Jenfasizza, fil-kuntest tal-isforzi favur it-tfassil aħjar tal-liġijiet, l-importanza tal-prinċipji ta' sussidjarjetà u proporzjonalità kemm fit-tnaqqis tal-piż burokratiku żejjed fuq l-Istati Membri u dawk affettwati mil-leġiżlazzjoni u biex iċ-ċittadini tal-Unjoni Ewropea jilqgħu aktar il-miżuri li, b'konformità maż-żewġ prinċipji, jistgħu jittieħdu biss fil-livell Komunitarju;

4.  Jappoġġa l-isforzi tal-Kummissjoni sabiex ikun issimplifikat l-acquis Komunitarju;

5.  Jilqa" b'sodisfazzjon il-proċeduri mtejba tal-Kummissjoni għall-konsultazzjoni tal-partijiet interessati waqt it-tfassil tal-proposti leġiżlattivi tagħha, u jinnota r-reazzjonijiet ġeneralment pożittivi ta' dawk li kienu kkonsultati waqt l-evalwazzjoni tal-mod kif il-Kummissjoni ħeġġet il-parteċipazzjoni tagħhom;

6.  Jiddispjaċih li minkejja t-titjib fil-proċeduri, il-Kummissjoni għadha tħejji dokumenti separati relatati mas-simplifikazzjoni u 't-tfassil aħjar tal-liġijiet', li fihom listi ta' strateġiji għas-simplifikazzjoni li mhumiex l-istess, ħaġa li ma tippermettix viżjoni ġenerali tal-istrateġija; jinsisti li jeħtieġ li tkun evitata l-proliferazzjoni ta" dawn id-dokumenti; jistieden lill-Kummissjoni sabiex tħejji dokument wieħed kull sena; jenfasizza li għandu jkun hemm evalwazzjoni politika u kooperazzjoni tajba fil-livell tal-Unjoni Ewropea, speċjalment permezz ta' sforzi mill-Parlament, mill-Kunsill u mill-Kummissjoni;

7.  Jemmen li l-evalwazzjonijiet tal-impatt objettivi huma għodda importanti għall-evalwazzjoni tal-proposti tal-Kummissjoni u għalhekk jitlob li jkun hemm skrutinju estern u indipendenti fuq kif isiru l-evalwazzjonijiet tal-impatt;

8.  Iqis li l-konsultazzjonijiet u l-evalwazzjonijiet tal-impatt huma essenzjali għall-abbozzar aħjar tal-leġiżlazzjoni Komunitarja u li dawn m'għandhom la jżidu mal-burokrazija u lanqas joħolqu ostakoli burokratiċi li jwaqqfu lill-Kummissjoni milli taġixxi, iżda li minflok għandhom jgħinu biex jiġi stabbilit qafas legali sod li jwassal għat-tkabbir fi ħdan l-Unjoni Ewropea;

9.  Jenfasizza l-bżonn ta' analiżi tal-benefiċċji f'termini ta" nfiq li tirrifletti l-istrutturi tal-ispiża regolatorja meta d-direttivi jiġu trasposti fil-leġiżlazzjoni nazzjonali u li jbiddlu l-qafas regolatorju li fih joperaw il-kumpaniji u l-individwi; huwa konxju, madankollu, li din l-analiżi tal-benefiċċji f'termini ta' nfiq ma tiħux post id-dibattiti politiċi dwar il-vantaġġi u l-iżvantaġġi ta' leġiżlazzjoni partikulari;

10.  Huwa tal-fehma li, meta jipproponu l-emendi tagħhom, il-Parlament u l-Kunsill għandhom iqisu kemm l-evalwazzjoni tal-impatt tal-Kummissjoni kif ukoll dawk tagħhom stess sabiex itejbu l-kwalità tal-abbozzar tal-leġiżlazzjoni;

11.  Huwa tal-fehma wkoll li l-evalwazzjonijiet tal-impatt oġġettivi għandhom ikunu bbażati parzjalment fuq konsultazzjoni bikrija u wiesgħa ma' partijiet interessati; jistieden lill-Kummissjoni biex tinkorpora fl-evalwazzjonijiet tal-impatt tagħha serje komprensiva ta' xenarji u għażliet ta' politika (fosthom, jekk ikun meħtieġ, l-għażla li ma tittieħed l-ebda azzjoni) bħala bażi għal soluzzjonijiet sostenibbli u effikaċi meta jitqabblu man-nefqa li ssir;

12.  Jittama li l-inklużjoni tal-previżjoni tal-ispejjeż amministrattivi fl-evalwazzjonijiet ta" impatt isservi biex titjieb il-kwalità tagħhom;

13.  Jenfasizza l-importanza li tkun riveduta l-evalwazzjoni politika mwettqa, fil-livell tal-Unjoni Ewropea, mill-awtoritajiet li jirrappreżentaw liċ-ċittadini bħall-Parlament, jew mill-entitajiet li jirrappreżentaw korpi lokali u soċjali bħall-Kumitat tar-Reġjuni u l-Kumitat Ekonomiku u Soċjali Ewropew rispettivament;

14.  Jesprimi d-dubji tiegħu dwar l-opportunità li titħeġġeġ l-awtoregolazzjoni u l-koregolazzjoni li tista" tispiċċa tinbidel f'forma ta' 'astinenza leġiżlattiva' li tiffavorixxi biss lill-gruppi li jagħmlu pressjoni u lill-atturi b'saħħtihom fix-xena ekonomika; għaldaqstant, jappoġġa l-konklużjoni tal-Kummissjoni li r-regolamenti għadhom l-aktar forma sempliċi għall-kisba tal-għanijiet tal-Unjoni Ewropea u sabiex ikun hemm ċertezza legali għall-impriżi u ċ-ċittadini; jistieden lill-Kummissjoni biex tiżviluppa approċċ aktar koerenti f'dan ir-rigward;

15.  Jenfasizza li miżuri li mhumiex leġiżlattivi għandhom jirrispettaw il-bilanċ tal-poter u l-irwoli rispettivi tal-istituzzjonijiet; irid jagħti kontribut għaqli u koerenti għal miżuri bħal dawn, fuq il-bażi tal-esperjenza; jenfasizza l-bżonn ta' approvazzjoni politika għal miżuri innovattivi bħal dawn;

16.  Jemmen li jeħtieġ tissaħħaħ is-sistema regolatorja formali tal-Unjoni Ewropea fit-termini stipulati fit-Trattati u li għandu jkun evitat il-qtugħ ta' kantunieri anke permezz ta" leġiżlazzjoni informali li ma tkunx torbot;

17.  Jilqa' b'sodisfazzjon il-fatt li l-Kummissjoni ħadet passi sabiex ittemm id-dewmien fit-traduzzjoni fil-lingwi l-ġodda tal-Unjoni Ewropea tat-testi li qed jiġu kkodifikati; jiddeplora l-fatt li, minkejja li tħabbru madwar 50 inizjattiva ta" kodifikazzjoni għall-2006 u madwar 200 għall-2007, il-Kummissjoni ressqet biss 36 u 21 proposta rispettivament quddiem il-Parlament;

18.  Iħeġġeġ lill-Kummissjoni sabiex tkun konformi mal-listi ppubblikati ta" kodifikazzjonijiet u ta" riformulazzjoni, billi tressaq quddiem il-leġiżlatur, safejn ikun possibbli, l-inizjattivi kollha mħabbra, u tispjega r-raġunijiet għan-nuqqas ta' dawk li ma tressqux; jenfasizza li r-rieda tajba tal-Parlament Ewropew dehret permezz tar-riforma tal-Artikoli 80 u 80a tar-Regoli ta" Proċedura, li jippermettu li dawn l-inizjattivi għas-simplikazzjoni jkunu adottati b'mod aktar rapidu u sempliċi;

19.  Ifakkar ukoll lill-Kummissjoni li l-inizjattivi ta" kodifikazzjoni u ta' riformulazzjoni jiġu adottati mill-Parlament Ewropew f'perjodu ta" żmien raġonevoli u li, safejn jista' jkun hemm skadenzi itwal fir-rigward ta' inizjattivi ta' simplifikazzjoni oħra, dan huwa dovut għall-fatt li dawn id-dispożizzjonijiet huma proposti leġiżlattivi ordinarji, li bħala tali huma suġġetti għall-proċedura normali ta" adozzjoni u għall-iskadenzi tas-soltu;

20.  Jikkonferma x-xewqa tiegħu li l-Kummissjoni tadotta r-riformulazzjoni bħala t-teknika leġiżlattiva ordinarja, anke meta tkun proposta r-'reviżjoni' tat-test attwali, bil-għan li jkun hemm, għal kull inizjattiva, viżjoni sħiħa tat-test, inklużi l-emendi speċifiċi, li turi b'mod ċar liema partijiet huma ġodda u liema partijiet baqgħu l-istess;

21.  Jistieden fl-istess waqt lill-Kummissjoni sabiex iżżomm f'moħħha li meta r-riformulazzjoni ma tkunx possibbli, it-teknika leġiżlattiva ordinarja għandha tagħmel dispożizzjoni għall-kodifikazzjoni, f'medda ta" mhux aktar minn sitt xhur, tal-modifiki suċċessivi tal-att leġiżlattiv ikkonċernat; jemmen li, f'konformità mal-Ftehima Interistituzzjonali dwar it-tfassil aħjar tal-liġijiet(5), jistgħu jinħolqu strutturi speċifiċi, flimkien mal-Kunsill u l-Kummissjoni, li jipprovdu għal parteċipazzjoni adegwata tal-partijiet interessati, sabiex tkun inkoraġġita s-simplifikazzjoni;

22.  Ifakkar li, ladarba l-istrumenti ambigwi u mhux effikaċi tas-soft law jista" jkollhom effetti negattivi fuq l-iżvilupp tal-liġi tal-Unjoni Ewropea u fuq il-bilanċ bejn l-istituzzjonijiet, dawn għandhom jintużaw b'kawtela kbira – sakemm ikun hemm dispożizzjoni għall-użu tagħhom fit-Trattati u b'mod li jkun strettament konsistenti mal-allokazzjoni tal-kompetenzi skond il-liġi primarja – u li, f'kull każ, għandha tkun iggarantita ċ-ċertezza legali;

23.  Jilqa' b'sodisfazzjon il-fatt li l-Kummissjoni ddeċidiet li tgħaddi l-proposti u d-dokumenti ta" konsultazzjoni ġodda tagħha direttament lill-parlamenti nazzjonali, sabiex tara r-reazzjoni tagħhom fl-ambitu tal-fażi axxendenti tal-liġi Komunitarja, u b'hekk tantiċipa d-dispożizzjonijiet tat-Trattat ta" Liżbona; jappoġġa bis-sħiħ l-importanza ta" dan it-tip ta' kollaborazzjoni fil-kuntest tat-titjib tal-kwalità u l-applikazzjoni tal-liġi Komunitarja, b'mod partikolari l-prinċipji tas-sussidjarjetà u tal-proporzjonalità;

24.  Huwa tal-fehma li t-traspożizzjoni għandha tiġi mmonitorjata b'mod serju u proattiv biex jiġu evitati interpretazzjonijiet diverġenti u żieda ta' rekwiżiti mhux meħtieġa; irid li l-Kummissjoni jkollha rwol attiv fit-traspożizzjoni, flimkien mal-kontrolluri u l-gruppi tal-esperti, kemm fil-livell Komunitarju kif ukoll f'dak nazzjonali, ladarba analiżi bikrija tista' tevita dewmien u piżijiet żejda fuq l-impriżi; jistieden lill-Kummissjoni biex tinvestiga liema miżuri ulterjuri jistgħu jittieħdu biex timpedixxi ż-żieda ta' rekwiżiti mhux meħtieġa, inkluża l-introduzzjoni ta' dritt ta' azzjoni diretta għaċ-ċittadini; jitlob li jsiru 'evalwazzjonijiet tal-impatt ta' segwitu' li janalizzaw kif fil-fatt id-deċiżjonijiet jiġu implimentati fil-livell nazzjonali u dak lokali; jappoġġa l-użu dejjem aktar xieraq tar-regolamenti; jissuġġerixxi, għal darb'oħra, li l-Parlament iwaqqaf proċedura xierqa ta' monitoraġġ tat-traspożizzjonijiet b'koperazzjoni mill-qrib mas-sieħba nazzjonali tiegħu;

25.  Jemmen li, sabiex ir-relazzjonijiet mal-parlamenti nazzjonali jkunu aktar effiċjenti, hu meħtieġ approċċ komuni għall-kundizzjonijiet stabbiliti mill-prinċipji tas-sussidjarjetà u tal-proporzjonalità; jappoġġa bis-sħiħ l-inizjattiva tal-Kummissjoni dwar l-inklużjoni ta" sensiela ta" mistoqsijiet standard f'dan ir-rigward bl-għan li jintużaw fit-tħejjija tan-noti spjegattivi li jakkumpanjaw il-proposti tal-Kummissjoni, kif stipulat fl-Anness 3 tad-dokument ta" ħidma tal-Kummissjoni SEC(2007)0737;

26.  Jilqa' b'sodisfazzjon il-fatt li l-Kummissjoni ħabbret reviżjoni tal-acquis Komunitarju dwar il-liġi tal-impriżi, il-kontabilità u l-verifika, u jistenna proposti speċifiċi dwar dan mill-aktar fis possibbli;

27.  Itenni l-ħtieġa li jonqsu l-piżijiet amministrattivi żejda li l-impriżi jkollhom jissapportu sabiex iwettqu l-obbligi għat-tagħrif stipulati kemm mil-liġi Ewropea kif ukoll mid-dispożizzjonijiet nazzjonali għall-implimentazzjoni tagħha; jenfasizza li l-mira tal-Kummissjoni li jonqos il-piż amministrattiv b'25% sal-2012 għandha tkun mira netta, jiġifieri li t-tnaqqis f'ċerti oqsma m'għandux jiġi mxejjen minn piżijiet amministrattivi ġodda imposti band'oħra; jappoġġa l-promozzjoni tal-użu tat-teknoloġiji tal-informatika u tal-komunikazzjoni f'dan il-qasam; jistieden lill-Kummissjoni sabiex tevalwa, u fejn hu possibbli tnaqqas, il-piżijiet amministrattivi ġenerali fuq il-partijiet interessati kollha, anke jekk dawn ma jkunux impriżi;

28.  Jenfasizza li huma meħtieġa wkoll aktar sforzi għas-simplifikazzjoni fl-interazzjoni tal-Kummissjoni maċ-ċittadini, pereżempju fl-oqsma tal-akkwist pubbliku, tas-servizzi finanzjarji, tal-programmi ta' riċerka, tar-regoli dwar l-għajnuna mill-Istat u tal-applikazzjonijiet għall-fondi Komunitarji.

29.  Ifakkar fl-importanza tal-użu ġudizzjuż ta' 'klawsoli ta' reviżjoni' biex jiġi żgurat li l-leġiżlazzjoni tibqa' rilevanti;

30.  Jikkonferma li hu disponibbli li jkompli u jsaħħaħ il-kollaborazzjoni mal-Kunsill u mal-Kummissjoni sabiex ikunu ssodisfati l-aspettattivi taċ-ċittadini u tal-impriżi fil-qasam tal-issimplifikar tal-liġi Komunitarja, b'mod speċjali f'dak li għandu x'jaqsam mal-proposti ta" azzjoni rapida li għandhom l-għan li jnaqqsu l-piżijiet amministrattivi; jenfasizza li, f'kull każ, il-proċess tas-simplifikazzjoni tal-proċeduri tat-teħid tad-deċiżjonijiet sabiex jitqassru l-iskadenzi għandu jirrispetta l-esiġenzi tal-proċeduri stipulati fit-Trattati;

31.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni kif ukoll lill-gvernijiet u l-parlamenti tal-Istati Membri.

(1) ĠU C 187 E, 24.7.2008, p. 67. (2) ĠU C 187 E, 24.7.2008, p. 60. (3) ĠU C 187 E, 24.7.2008, p. 72. (4) ĠU C 187 E, 24.7.2008, p. 75. (5) ĠU C 321, 31.12.2003, p. 1.

Riżoluzzjoni tal-Parlament Ewropew tal-21 ta' Ottubru 2008 dwar il-monitoraġġ ta" l-applikazzjoni tal-liġi Komunitarja – l-24 rapport annwali mill-Kummissjoni (2008/2046(INI))

P6_TA(2008)0494 A6-0363/2008

Il-Parlament Ewropew,

–   wara li kkunsidra l-24 rapport annwali tal-Kummissjoni tas-17 ta' Lulju 2007 dwar il-monitoraġġ ta" l-applikazzjoni tal-liġi Komunitarja (2006) (COM(2007)0398),

–   wara li kkunsidra d-dokumenti ta" ħidma tal-Kummissjoni SEC(2007)0975 u SEC(2007)0976),

–   wara li kkunsidra l-komunikazzjoni mill-Kummissjoni bit-titolu "Ewropa li tikseb ir-riżultati – l-applikazzjoni tal-liġi Komunitarja" (COM(2007)0502) tal-5 ta" Settembru 2007,

–   wara li kkunsidra d-Direttiva tal-Kunsill 86/378/KEE ta" l-24 ta" Lulju 1986 dwar l-implimentazzjoni tal-prinċipju tat-trattament l-istess għall-irġiel u għan-nisa fl-iskemi tas-sigurtà soċjali fl-iskemi tax-xogħol(1),

–   wara li kkunsidra d-Direttiva tal-Kunsill 96/34/KE tat-3 ta" Ġunju 1996 dwar il-ftehima ta" qafas dwar il-liv għall-ġenituri konkluża mill-UNICE, is-CEEP u l-EYUC(2),

–   wara li kkunsidra d-Direttiva tal-Kunsill 96/97/KE ta" l-20 ta" Diċembru 1996 li temenda d-Direttiva 86/378/KEE dwar l-implimentazzjoni tal-prinċipju tat-trattament l-istess għall-irġiel u għan-nisa fl-iskemi tas-sigurtà soċjali tax-xogħol(3),

–   wara li kkunsidra d-Direttiva tal-Kunsill 2000/43/KE tad-29 ta" Ġunju 2000 dwar l-implimentazzjoni tal-prinċipju tat-trattament l-istess bejn il-persuni tkun xi tkun l-oriġini razzjali jew etnika tagħhom(4),

–   wara li kkunsidra d-Direttiva tal-Kunsill 2000/78/KE tas-27 ta" Novembru 2000 li tistabbilixxi qafas ġenerali għat-trattament l-istess fil-qasam tal-impjieg u tax-xogħol(5),

–   wara li kkunsidra d-Direttiva 2002/73/KE tal-Parlament Ewropew u tal-Kunsill, tat-23 ta" Settembru 2002, li temenda d-Direttiva tal-Kunsill 76/207/KEE dwar l-implimentazzjoni tal-prinċipju tat-trattament l-istess għall-irġiel u għan-nisa fir-rigward ta" l-aċċess għall-impjieg, għat-taħriġ vokazzjonali u għall-promozzjoni professjonali, u fir-rigward tal-kundizzjonijiet tax-xogħol(6),

–   wara li kkunsidra d-Direttiva 2004/38/KE tal-Parlament Ewropew u tal-Kunsill, tad-29 ta" April 2004, dwar id-dritt taċ-ċittadini ta" l-Unjoni Ewropea u tal-membri tal-familji tagħhom li jiċċirkulaw u jabitaw liberament fi ħdan it-territorju ta" l-Istati Membri(7),

–   wara li kkunsidra r-riżoluzzjoni tiegħu tal-21 ta" Frar 2008 dwar it-23 rapport annwali tal-Kummissjoni dwar il-monitoraġġ ta" l-applikazzjoni tal-liġi Komunitarja (2005)(8),

–   wara li kkunsidra l-Artikoli 45 u 112(2) tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0363/2008),

A.   billi l-effikaċja tal-politiki ta" l-UE hija ġeneralment iddeterminata mill-implimentazzjoni tagħhom fil-livelli nazzjonali, reġjonali u lokali; billi l-konformità mal-leġiżlazzjoni Komunitarja mill-Istati Membri kollha trid tkun ikkontrollata u mmoniterjata b'mod rigoruż sabiex ikun żgurat li jkollha l-effetti pożittivi mixtieqa fuq il-ħajja ta" kuljum taċ-ċittadini,

B.   billi l-monitoraġġ kif għandu jkun ta" l-applikazzjoni tal-liġi Komunitarja ma jinvolvix sempliċement l-evalwazzjoni tat-traspożizzjoni mil-lat kwantitattiv iżda wkoll l-evalwazzjoni tal-kwalità tat-traspożizzjoni u tal-prattiki adottati fl-applikazzjoni tal-liġi Komunitarja fl-Istati Membri,

C.   billi wara li baqa" jiżdied b'mod kostanti fis-snin ta" qabel biex jilħaq it-total ta' 2 653 infrazzjoni skoperta fl-2005, il-għadd totali ta' proċedimenti ta' infrazzjoni mibdija mill-Kummissjoni niżel kemm kemm – għal 2 518 – fl-2006; billi jidher li l-adeżjoni ta" 10 Stati Membri ġodda ma kellha l-ebda impatt fuq il-għadd ta" infrazzjonijiet irreġistrati,

D.   billi, fir-rigward ta" l-UE ta" 25, il-għadd ta" proċedimenti mibdija fl-2006 minħabba nuqqas f'li jkunu nnotifikati l-miżuri ta" traspożizzjoni niżel b"16% fir-rigward ta" l-2005, minn 1 079 każ għal 904 każi, minħabba li kien hemm tnaqqis fil-għadd ta" direttivi li kellhom skadenza għal dik is-sena minn 123 fl-2005 għal 108 fl-2006 u minħabba n-notifikar aktar fil-pront min-naħa ta" l-Istati Membri,

E.   billi l-istatistika għall-2006 kkwotata mill-Kummissjoni turi li l-qrati f'ħafna Stati Membri jsibuha bi tqila li jagħmlu użu mill-proċedura tad-deċiżjonijiet preliminari stipulata fl-Artikolu 234 tat-Trattat KE; billi dan jista" jkun ikkaġunat mill-fatt li wieħed ikun għadu ma fehemx biżżejjed il-liġi Komunitarja,

F.   billi l-prinċipju ta' ugwaljanza quddiem il-liġi jirrikjedi li ċ-ċittadini ta' l-Unjoni ikollhom aċċess għall-istess kundizzjonijiet ta" ugwaljanza mhux biss quddiem il-leġiżlazzjoni tal-Unjoni Ewropea, iżda wkoll quddiem il-leġiżlazzjoni nazzjonali ta' traspożizzjoni; billi b'konsegwenza ta" hekk huwa mixtieq li fil-kuntest tal-iskadenza tat-term ta' traspożizzjoni ta' leġislazzjoni Ewropea, l-Istati Membri mhux biss jinkludu referenza espliċita fid-dispożizzjoni ta' traspożizzjoni, iżda jippubblikaw ukoll fil-Ġurnal Uffiċjali liema dispożizzjonijiet nazzjonali japplikaw din il-leġislazzjoni u liema huma l-awtoritajiet nazzjonali inkarigati mill-applikazzjoni tagħhom,

G.   billi l-ilmenti taċ-ċittadini m'humiex sempliċement simboliċi fil-bini ta" "Ewropa tal-poplu" imma jiffurmaw ukoll mezz li jista" jitkejjel u li hu effiċjenti biex tkun immonitorjata l-liġi Komunitarja,

H.   billi l-petizzjonijiet lill-Parlament huma mezzi ta" siwi biex wieħed jiskopri l-infrazzjonijiet tal-liġi Komunitarja fl-Istati Membri, u billi matul dawn l-aħħar snin il-għadd ta" petizzjonijiet żdied b'mod sinifikanti, bit-tressiq ta" xi 1 000 waħda fl-2006,

I.   billi l-kwistjonijiet li komunement jitqajmu fil-petizzjonijiet jirrigwardaw l-għarfien ta" kwalifiki edukattivi u professjonali, tassazzjoni, id-dritt għall-ħelsien tal-moviment fi ħdan it-territorju ta" l-Istati Membri u kwistjonijiet marbuta mad-diskriminazzjoni,

J.   billi fl-2006, l-għadd ta" lmenti ddepożitati għand l-Ombudsman Ewropew baqa" stabbli bi 3 830 wieħed; billi 75% ta" l-ilmenti milqugħa kienu jaqgħu barra mill-ambitu ta' kompetenza ta' l-Ombudsman, peress li kienu kwistjonijiet għall-awtoritajiet nazzjonali u reġjonali fl-Istati Membri, u billi, bħal fis-snin ta" qabel, 70% tat-talbiet uffiċjali għal tagħrif li nfetħu mill-Ombudsman kellhom x'jaqsmu mal-Kummissjoni,

K.   billi l-prinċipju tan-non-diskriminazzjoni huwa wieħed mis-sisien tal-proċess ta" integrazzjoni Ewropew, li huwa marbut b'mod dirett ma" l-operazzjoni tas-suq intern, b'referenza partikulari għall-prinċipju taċ-ċirkulazzjoni ħielsa tal-persuni, tas-servizzi, tal-merkanzija u tal-kapital, u billi jiggarantixxi l-ugwaljanza tad-drittijiet u tal-opportunitajiet għaċ-ċittadini kollha tal-Unjoni Ewropea,

L.   billi ċ-ċittadinanza ta" l-Unjoni, kif stabbilita fit-Trattat ta" Maastricht, tiggarantixxi liċ-ċittadini d-dritt li jiċċirkulaw b'mod liberu fi ħdan it-territorju ta" l-Istati Membri, flimkien ma" għadd ta" drittijiet politiċi, u billi l-istituzzjonijiet ta" l-UE jinsabu hemm bħala garanti ta" dawk id-drittijiet,

M.   billi l-iskadenza għat-traspożizzjoni tad-Direttiva 2004/38/KE, li tiġġeneralizza d-dritt tal-moviment ħieles fit-territorju tal-Istati Membri, kienet iffissata għat-30 ta' April 2006,

N.   billi l-istudenti għadhom jiltaqgħu ma" diffikultajiet biex jiċċirkulaw liberament jew biex ikollhom aċċess għat-tagħlim superjuri fi Stati Membri oħra tal-Unjoni Ewropea, bħal m'huma restrizzjonijiet ta" natura amministrattiva jew sistemi ta" kwoti (diskriminatorji kontra studenti barranin li jkunu jixtiequ jinkitbu fl-universitajiet), u billi l-UE ma tistax tintervjeni ħlief fil-każijiet biss li huma ta" diskriminazzjoni bbażata fuq in-nazzjonalità,

O.   billi l-Artikolu 39 tat-Trattat KE jipprovdi li l-moviment ħieles tal-ħaddiema jimplika t-tneħħija ta" kull diskriminazzjoni tal-ħaddiema li jkunu joriġinaw minn Stati Membri oħra, f'dak li jirrigwarda l-impjieg, ir-rimunerazzjoni u l-kundizzjonijiet l-oħra tax-xogħol u l-impjieg, u billi l-liġi sekondarja tal-Komunità tinkludi serje sħiħa ta" dispożizzjonijiet li għandhom il-għan li jiġġieldu b'mod effikaċi kontra dan it-tip ta" diskriminazzjoni,

P.   billi hemm rabta diretta bejn sa liema grad Stat Membru jimplimenta l-liġi Komunitarja, anke fil-qasam tal-ħarsien ambjentali, u l-abilità li jkollu dak l-Istat Membru li jaċċetta finanzjament li jkun disponibbli għal investiment essenzjali, infrastruttura u proġetti ta" modernizzazzjoni,

Ir-rapport annwali għall-2006 u l-azzjoni meħuda fuq ir-riżoluzzjoni tal-Parlament tal-21 ta" Frar 2008

1.  Jilqa" b'sodisfazzjon il-komunikazzjoni tal-Kummissjoni tal-5 ta" Settembru 2007 msemmija aktar "il fuq u t-tħabbira mill-Kummissjoni dwar ir-rieda tagħha li ttejjeb il-metodi ta" xogħol li huma utilizzati bil-għan li jkunu ddefiniti prijoritajiet u jkunu vverifikati b'mod aktar effikaċi l-proċeduri li tmexxew s'issa u l-immaniġġjar tagħhom; jiddispjaċih madankollu li l-Kummissjoni għadha la wieġbet u lanqas irreaġiet għar-riżoluzzjoni tal-Parlament tal-21 ta' Frar 2008, ikkwotata aktar "il fuq, fejn il-Parlament jitlob lill-Kummissjoni biex tipprovdi informazzjoni preċiża dwar diversi aspetti tal-applikazzjoni tal-liġi Komunitarja, b'referenza partikulari għat-tlestija tal-metodu ta' ħidma ġdid imsemmi aktar "il fuq;

2.  Jinsab imħasseb sew li l-metodu ta' ħidma ġdid li jipprevedi li jiġu mibgħuta lura fl-Istat Membru kkonċernat (responsabbli in primis mill-applikazzjoni ħażina tal-liġi Komunitarja) ilmenti li ntbagħtu lill-Kummissjoni, jista" jimpedixxi lill-Kummissjoni milli tassumi r-responsabilita? istituzzjonali tagħha ta" "gwardjana tat-Trattati" li tiżgura l-applikazzjoni tal-liġi Komunitarja, kif previst fl-Artikolu 211 tat-Trattat KE; josserva li l-Kummissjoni ta' spiss tkun l-uniku korp li għandu ċ-ċittadin jista' jirrikorri meta ma jibqagħlu lil ħadd lejn min idur biex jiddenunzja xi applikazzjoni ħażina tal-liġi Komunitarja; iħeġġeġ lill-Kummissjoni biex tressaq rapport inizjali quddiem il-Parlament sa Novembru 2008 fuq il-proċeduri segwiti u r-riżultati miksuba dwar l-ewwel sitt xhur tal-proġett pilota li ngħata bidu għalih fil-15 ta' April 2008 u li fih qed jipparteċipaw 15-il Stat Membru;

3.  Jenfasizza li l-Artikolu 211 tat-Trattat KE jikkonferixxi fuq il-Kummissjoni r-responsabilità li tiżgura li d-dispożizzjonijiet tat-Trattat u d-dispożizzjonijiet adottati mill-istituzzjonijiet bis-saħħa tat-Trattat ikunu applikati, u li skond l-Artikolu 226, il-Kummissjoni hija mogħtija s-setgħa li tieħu azzjoni meta xi Stat Membru jonqos milli jissodisfa l-obbligi tiegħu li jirriżultaw mit-Trattat;

4.  Jistieden lill-Kummissjoni biex tapplika b'mod estensiv il-prinċipu fejn kull korrispondenza li għandha l-potenzjal li tiddenunzja vjolazzjoni tal-liġi Komunitarja għandha tiġi reġistrata bħala lment sakemm dan ma jaqax taħt iċ-ċirkostanzi eċċezzjonali maħsuba fil-punt 3 tal-anness li hemm mal-komunikazzjoni tal-Kummissjoni tal-20 ta' Marzu 2002 dwar ir-relazzjonijiet mal-ilmentatur fil-qasam tal-vjolazzjonijiet tal-liġi Komunitarja (COM(2002)0141); jitlob lill-Kummissjoni biex tinforma lill-Parlament dwar il-mod kif dan il-prinċipju se jiġi rispettat ladarba jiġi applikat il-metodu l-ġdid; jinkoraġġixxi lill-Kummissjoni biex tinforma u tikkonsulta lill-Parlament dwar kwalunkwe modifika tal-kriterji eċċezzjonali li jiġġustifikaw l-assenza ta' reġistrazzjoni tal-ilmenti;

5.  Jinnota li l-problemi prinċipali marbuta mal-proċedura ta" infrazzjoni huma ż-żmien li tieħu (medja ta" għoxrin xahar u nofs minn meta jkun irreġistrat il-każ fiż-żmien speċifikat sakemm tintbagħat l-ittra tat-tressiq quddiem il-Qorti tal-Ġustizzja skond l-Artikolu 226 tat-Trattat KE) kif ukoll in-nuqqas ta" utilizzazzjoni tal-Artikolu 228; jistieden lill-Kummissjoni biex tirsisti ħalli tnaqqas l-iskadenza relattivament twila tat-trattament tal-ilmenti u tat-talbiet u biex issib soluzzjonijiet prattiċi għall-problemi ppreżentati filwaqt li tiddeċiedi każ każ jekk ikunx preferibbli li wieħed jirrikorri għal metodi alternattivi bħal m'hu s-SOLVIT, li mhux dejjem huwa promoss biżżejjed;

6.  Jinnota żieda sinifikanti fil-għadd ta" infrazzjonijiet irduppjati min-nuqqas persistenti ta' eżekuzzjoni tad-deċiżjonijiet tal-Qorti, immoniterjati fl-2006, u jenfasizza żewġ każijiet fejn sanzjonijiet finanzjarji kienu imposti fuq Stati Membri; jistieden lill-Kummissjoni biex tapplika l-Artikolu 228 tat-Trattat KE b'aktar fermezza sabiex tkun żgurata l-eżekuzzjoni korretta tad-deċiżjonijiet tal-Qorti tal-Ġustizzja;

7.  Jistieden lill-Kummissjoni, b'rabta mal-problema kostanti ta" Stati Membri li jonqsu milli jwettqu t-traspożizzjoni ta" direttivi sa l-iskadenza mitluba, biex tforni lista tad-direttivi li tkun turi l-inqas rata ta" implimentazzjoni, flimkien ma" dettalji ta" liema x'aktarx huma r-raġunijiet għal din is-sitwazzjoni;

8.  Ifaħħar l-isforzi li saru minn ċerti direttorati ġenerali tal-Kummissjoni, b'mod partikulari d-DĠ għall-Ambjent, sabiex jittejbu l-kontrolli ta' konformita? previsti mid-direttivi konċernati, iżda m'huwiex sodisfatt bit-tweġibiet tal-Kummissjoni f'dak li jikkonċerna l-kunfidenzjalita? tal-istudji ta' konformita?; jistieden mill-ġdid lill-Kummissjoni biex tippubblika fuq is-sit tal-web l-istudji li saru, mitluba minn bosta direttorati ġenerali, dwar l-evalwazzjoni tal-konformita? tal-miżuri li daħlu fis-seħħ fuq livell nazzjonali bil-leġiżlazzjoni Komunitarja;

9.  Jiġbed l-attenzjoni lejn il-livell insuffiċjenti ta" koperazzjoni mal-Qorti tal-Ġustizzja min-naħa tal-qrati nazzjonali fil-biċċa l-kbira ta" l-Istati Membri, li għadhom isibuha bi tqila li japplikaw il-prinċipju tal-primat tal-liġi Komunitarja; barra minn hekk, jiġbed l-attenzjoni lejn ir-rwol estremament importanti tal-proċedura ta" deċiżjoni preliminari fl-applikazzjoni xierqa tal-liġi Komunitarja;

10.  Jappoġġja, f'dan ir-rigward, l-isforzi li tagħmel il-Kummissjoni biex tiddetermina l-oqsma li fihom taħriġ addizzjonali fil-liġi Komunitarja jista" jkun ta" siwi għall-imħallfin nazzjonali, għall-professjonisti legali u għall-impjegati taċ-ċivil;

Il-koperazzjoni interistituzzjonali

11.  Jemmen li l-ftehimiet dwar il-monitoraġġ ta" l-applikazzjoni tal-liġi Komunitarja u l-koperazzjoni mill-qrib bejn il-Kummissjoni, il-Kunsill, l-Ombudsman Ewropew u l-kumitati relevant tal-Parlament Ewropew huma essenzjali sabiex tkun żgurata azzjoni effettiva fil-każijiet kollha fejn persuna li tkun ressqet petizzjoni tkun ilmentat b'raġuni tajba dwar infrazzjoni tal-liġi Komunitarja;

12.  Jirrimarka li, għalkemm il-għadd ta" infrazzjonijiet ġenwini tal-liġi Komunitarja li ġew notifikati huwa ftit akbar meta mqabbel mat-total tal-petizzjonijiet (4 biss fl-2006), il-petizzjonijiet huma għajn insostitwibbli ta" tagħrif dwar il-ħtiġijiet fundamentali taċ-ċittadini u għandhom iservu ta" indikatur għall-Kummissjoni għall-inizjattivi leġiżlattivi tagħha;

13.  Jisħaq fuq il-ħtieġa ta" provvediment aħjar ta" tagħrif għaċ-ċittadini bil-għan li kulmin ikun jixtieq li jressaq xi ilment ikun muri liema hu l-korp li huwa l-aktar ikkwalifikat biex jittratta l-kwistjoni jew f'livell nazzjonali jew f'dak Komunitarju; jemmen li kultura ta" amministrazzjoni tajba u ta" servizz tajjeb għandha tkun imrawma fl-UE bil-għan li jkun żgurat li ċ-ċittadini jkunu ttrattati kif għandu jkun u li jkunu jistgħu jgawdu d-drittijiet tagħhom b'mod sħiħ;

14.  Jissuġġerixxi li l-Kummissjoni tkompli tikkunsidra l-possibbilta? li tistieden ir-rappreżentanti tagħha fl-Istati Membri biex josservaw u jimmoniterjaw id-dħul fis-seħħ fuq il-post;

15.  Jenfasizza l-ħtieġa li tiġi kkunsidrata l-idea, li ġiet diskussa qabel, ta' punt ta' aċċess komuni għall-ilmenti kollha mressqa miċ-ċittadini u għall-problemi kollha li jikkonċernaw il-monitorjaġġ tal-applikazzjoni tal-liġi Komunitarja, peress li ċ-ċittadin huwa attwalment konfrontat minn firxa ta' għażliet (petizzjonijiet, ilmenti, Ombudsman, SOLVIT, eċċ.) u peress li, minħabba f'hekk, sistema ta' twissija ċentralizzata tista' tipproduċi riżultati aktar iffukati li jirrispettaw l-iskadenzi;

16.  Jilqa' b'sodisfazzjon il-fatt li l-Kummissjoni għamlet ir-rapporti annwali dwar il-monitoraġġ tal-applikazzjoni tal-liġi Komunitarja kompluti bil-għajnuna ta" annessi li jkomplu jiftħu f'aktar dettall it-tagħrif li jinsab f'dawn ir-rapport u li jipprovdu statistika sinifikanti;

17.  Jagħraf li l-kumitati permanenti tal-Parlament għandu jkollhom sehem aktar attiv fil-kontroll tal-applikazzjoni tal-liġi Komunitarja; jinsab konvint li l-kumitati għandhom jibbenefikaw minn appoġġ amministrattiv adegwat sabiex jeżerċitaw dan l-irwol b'mod effikaċi; jitlob lill-grupp ta' ħidma dwar ir-riforma Parlamentari, lill-Kumitat għall-Baġits u lill-korpi l-oħra kollha kkonċernati tal-Parlament biex jevalwaw il-possibilita? li jwaqqfu task force speċjali fi ħdan is-segretarjat ta' kull kumitat sabiex ikun garantit il-kontroll kontinwu u effikaċi tal-applikazzjoni tal-liġi Komunitarja;

Il-koperazzjoni bejn il-Parlament Ewropew u l-parlamenti nazzjonali

18.  Jixtieq ħafna li jkun hemm koperazzjoni aktar mill-qrib bejn il-Parlament Ewropew u l-parlamenti nazzjonali bil-ħsieb li jkun promoss u intensifikat il-monitoraġġ effettiv ta" l-applikazzjoni tal-liġi Komunitarja fil-livelli nazzjonali, reġjonali u lokali; iqis li l-parlamenti nazzjonali għandhom irwol siewi fil-monitoraġġ ta' l-applikazzjoni tal-liġi Komunitarja, u b'hekk qed jgħinu sabiex tisseddaq il-leġittimità demokratika ta' l-Unjoni Ewropea u jressquha aktar qrib tal-poplu;

19.  Ifakkar li, b'mod konformi mal-protokoll dwar il-parlamenti nazzjonali mehmuż mat-Trattat ta' Amsterdam, il-politiki relatati maz-Zona ta' libertà, sigurtà u ġustizzja għandhom ikunu s-suġġett tal-impenn speċjali min-naħa tal-parlamenti nazzjonali u tal-Konferenza tal-Kumitati ta' l-Affarijiet Ewropej (COSAC); jenfasizza li dan l-impenn għandu jikkonċerna kemm il-fażi minn isfel għal fuq tal-proċess ta' deċiżjoni kif ukoll il-fażi tad-dħul fis-seħħ tal-leġiżlazzjoni Ewropea b'mod li jippermetti lil-leġiżlatur Ewropew u lil-leġiżlatur nazzjonali li jadottaw l-aġġornamenti meħtieġa fis-settur li huma, u li se jibqgħu, ta' kompetenza konġunta; għalhekk jistieden lill-kumitati parlamentari kompetenti fil-livelli nazzjonali u Ewropej biex jistabbilixxu kuntatti permanenti dwar il-fajls leġiżlattivi speċifiċi billi jaqsmu bejniethom l-informazzjoni utli kollha għal proċess leġiżlattiv trasparenti u effikaċi fuq livelli Ewropej u nazzjonali; huwa favur l-organizzazzjoni ta' laqgħat speċifiċi bejn leġiżlaturi Ewropej, bħal dawk li saru fis-6 ta' April 2008 mar-rappreżentanti tal-parlamenti nazzjonali fl-okkażjoni tar-reviżjoni tad-deċiżjoni ta' qafas dwar il-ġlieda kontra t-terroriżmu, li ta lok għal evalwazzjoni mhux biss tal-problemi ta' applikazzjoni tal-leġiżlazzjoni Ewropea fis-seħħ, iżda wkoll tal-validita? tal-proposti ta' modifika fl-analiżi tal-Kunsill;

20.  Jirrimarka li l-arranġamenti tat-Trattat ta" Liżbona għall-monitoraġġ tal-konformità mal-prinċipju ta" sussidjarjetà jkunu jagħtu lill-parlamenti nazzjonali rwol imsaħħaħ b'mod sostanzjali fil-leġiżlazzjoni Komunitarja;

Il-ġlieda kontra d-diskriminazzjoni fl-Unjoni Ewropea

21.  Jirrimarka li l-kunċett taċ-ċittadinanza iwessa" b'mod sinifikanti l-iskop tal-prinċipju tan-non-diskriminazzjoni;

22.  Jinnota ż-żieda ta' dan l-aħħar fid-deċiżjonijiet tal-Qorti tal-Ġustizzja bbażati fuq il-kunċett taċ-ċittadinanza ta' l-UE u li jirrigwardaw id-dritt taċ-ċirkulazzjoni ħielsa, skond liema kunċett Stat Membru ma jista' jittratta lil ħadd miċ-ċttadini tiegħu li jkunu ħadu vantaġġ mid-dritt tagħhom li jiċċirkulaw u jabitaw fi Stat Membru ieħor b'mod inqas favorevoli milli jittratta lil dawk li ma jkunux ħadu vantaġġ minn dan id-dritt;

23.  Jistieden lill-Istati Membri biex jirrispettaw id-drittijiet li joħorġu mill-fatt li wieħed ikun ċittadin ta" l-UE, inkluż id-dritt li wieħed jivvota u li joħroġ bħala kandidat għall-elezzjonijiet tal-Parlament Ewropew, li hija ħaġa ta" importanza partikulari fil-perjodu ta" żmien li jwassal għall-elezzjonijiet ta" l-2009;

24.  Jinnota li l-Parlament irċieva petizzjonijiet li jilmentaw dwar infrazzjonijiet tad-Direttiva 2004/38/KE li saru minn xi Stati Membri; jiġbed l-attenzjoni lejn il-fatt li dik id-Direttiva hija ta" importanza fundamentali biex ikun żgurat li ċ-ċittadini ta" l-UE jkunu jistgħu jiċċirkulaw b'mod ħieles fi ħdan it-territorju ta" l-Unjoni Ewropea; jirrimarka li l-Kummissjoni għandha tressaq rapport fit-tieni nofs ta' l-2008 dwar l-implimentazzjoni tad-direttiva;

25.  Jistieden lill-Kummissjoni biex timmoniterja bir-reqqa t-traspożizzjoni tad-Direttivi 2000/43/KE u 2000/78/KE u jekk il-leġiżlazzjoni ta" traspożizzjoni adottata mill-Istati Membri tkunx konformi mad-dispożizzjonijiet ta" dawk id-direttivi, kif ukoll biex tkompli tagħfas fuq l-Istati Membri, permezz ta' proċedimenti ta' infrazzjoni u ta' non-konformità, biex jissodisfaw għal kollox l-obbligu tagħhom li jittrasponu d-direttivi mill-aktar fis possibbli; jemmen li l-kumitat kompetenti tal-Parlament għandu jkollu rwol fil-monitoraġġ li għadu għaddej fil-preżent ta" l-obbligi li għandhom l-Istati Membri skond dawk id-direttivi;

26.  Jilqa" b'sodisfazzjon l-adozzjoni min-naħa tal-Kummissjoni, kif previst fl-istrateġija annwali tal-politika għall-2008, fit-2 ta" Lulju 2008, tal-proposta (COM(2008)0426) għal direttiva orizzontali li tkun tistabbilixxi l-prinċipju tat-trattament l-istess barra mill-ambitu ta" l-impjiegi u li tkun tiggarantixxi aċċess ugwali għall-merkanzija, għas-servizzi, għall-akkomodazzjoni, għas-sistema edukattiva, għall-ħarsien soċjali u għall-privileġġi soċjali, direttiva li tikkostitwixxi żieda sinifikanti mal-pakkett kurrenti ta" l-antidiskriminazzjoni;

27.  Iħeġġeġ lill-Kummissjoni biex tmexxi analiżi bir-reqqa tal-każijiet fejn Stati Membri japplikaw fuq l-aċċess għall-edukazzjoni minn studenti ġejjin minn pajjiżi oħra restrizzjonijiet li jkunu indipendenti min-nazzjonalità, bil-għan li jkun żgurat li l-istudenti jkunu jistgħu jiċċirkulaw liberament u jkunu mogħtija trattament indaqs fi ħdan is-sistemi ta" l-edukazzjoni superjuri ta" dawk l-Istati Membri;

28.  Jistieden b'mod partikulari lill-Istati Membri li l-aktar huma eliġibbli għall-finanzjament strutturali skond il-qafas finanzjarju pluriennali għall-perjodu 2007-2013 biex ma jdumux ma jġibu l-liġi nazzjonali tagħhom konformi ma' l-istandards ta' l-UE, b'mod partikulari fil-qasam tal-ħarsien ambjentali, u biex jistabbilixxu proċeduri ta' sejħa għall-offerti li jkunu trasparenti għaċ-ċittadini, bil-ħsieb li jsir użu effettiv tal-finanzi strutturali disponibbli u bil-ħsieb li tingħata spinta lill-iżvilupp soċjali u ekonomiku f'livell reġjonali;

o
o   o

29.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni kif ukoll lill-Qorti tal-Ġustizzja, lill-Ombudsman Ewropew u lill-parlamenti nazzjonali u lill-gvernijiet u ta' l-Istati Membri.

(1) ĠU L 225, 12.8.1986, p. 40. (2) ĠU L 145, 19.6.1996, p. 4. (3) ĠU L 46, 17.2.1997, p. 20. (4) ĠU L 180, 19.7.2000, p. 22. (5) ĠU L 303, 2.12.2000, p. 16. (6) ĠU L 269, 5.10.2002, p. 15. (7) ĠU L 158, 30.4.2004, p. 77. (8) Testi Adottati, P6_TA(2008)0060.

Riżoluzzjoni tal-Parlament Ewropew tal-21 ta' Ottubru 2008 dwar strateġija favur l-implimentazzjoni futura tal-aspetti istituzzjonali tal-Aġenziji Regolatorji (2008/2103(INI))

P6_TA(2008)0495 A6-0354/2008

Il-Parlament Ewropew,

–   wara li kkunsidra l-Komunikazzjoni tal-Kummissjoni tal-11 ta' Marzu 2008 bl-isem ta' ''L-aġenziji Ewropej – Il-mixja "l quddiem'' (COM(2008)0135),

–   wara li kkunsidra r-riżoluzzjoni tiegħu tat-13 ta' Jannar 2004 dwar il-Komunikazzjoni mill-Kummissjoni: 'Il-qafas operattiv għall-Aġenziji Regolatorji Ewropej'(1),

–   wara li kkunsidra l-abbozz ta' ftehima interistituzzjonali tal-25 ta' Frar 2005 dwar il-qafas operattiv għal aġenziji regolatorji Ewropej (COM(2005)0059),

–   wara li kkunsidra l-mistoqsija orali mressqa b'mod konġunt lill-Kunsill mill-Kumitat għall-Affarijiet Istituzzjonali u mill-Kumitat għall-Baġits, u t-tweġiba mogħtija mill-Kunsill matul is-sessjoni tiegħu tal-15 ta' Novembru 2005 (O-0093/05),

–   wara li kkunsidra r-Riżoluzzjoni tiegħu ta' l-1 ta' Diċembru 2005 dwar il-proġett tal-Kummissjoni dwar il-konklużjoni ta' Ftehima interistituzzjonali għall-ħolqien ta' qafas operattiv għal aġenziji regolatorji Ewropej(2),

–   wara li kkunsidra d-Deċiżjoni adottata mill-Konferenza tal-Presidenti fis-17 ta' April 2008,

–   wara li kkunsidra l-ittra tas-7 ta' Mejju 2008 indirizzata mill-President tal-Kummissjoni lill-President tal-Parlament Ewropew u lill-President attwali tal-Kunsill favur il-ħolqien ta' grupp ta' ħidma interistituzzjonali fil-livell politiku,

–   wara li kkunsidra l-Artikolu 45 tar-Regoli ta' Proċedura,

–   wara li kkunsidra r-Rapport tal-Kumitat għall-Affarijiet Kostituzzjonali u l-opinjonijiet tal-Kumitat għall-Baġits, il-Kumitat għall-Kontroll tal-Baġit, il-Kumitat għall-Affarijiet Ekonomiċi u Monetarji kif ukoll il-Kumitat għall-Industrija, ir-Riċerka u l-Enerġija (A6-0354/2008),

A.  Billi l-isforzi magħmula mill-Parlament u mill-Kummissjoni bil-għan li jiġi stabbilit qafas tal-aġenziji regolatorji Ewropej li jorbot legalment, ma wasslu għall-ebda riżultat,

B.  Billi ma sar l-ebda progress sostanzjali fuq l-abbozz ta' ftehima interistituzzjonali ta'l-2005, minħabba l-oppożizzjoni istituzzjonali u politika min-naħa tal-Kunsill, u billi l-Kummissjoni ddeċidiet li tirtira l-proposta tagħha favur ftehima interistituzzjonali u li tibdilha b'invit għal djalogu interistituzzjonali li għandu jwassal għal approċċ komuni,

C.  Billi osserva li, għalkemm għall-ewwel, l-aġenziji regolatorji jistgħu jiġi mqabbla ma' ''mikroistituzzjonijiet'', huma madankollu għandhom ''makroimpatti'' fuq il-livell tal-governanza Ewropea,

D.  Billi għadu neċessarju li jiġu definiti mill-inqas il-karatteristiċi strutturali essenzjali tal-aġenziji regolatorji, peress li dan sar parametru paraistituzzjonali rikonoxxut tal-Unjoni Ewropea,

E.  Billi l-Kummissjoni qed tipproponi li jinħoloq grupp ta' ħidma interistituzzjonali li jkun inkarigat li jfassal qafas komuni għall-aġenziji regolatorji kif ukoll jiddefinixxi l-kompetenzi rispettivi ta' kull wieħed mill-organi tal-Unjoni Ewropea meta mqabbel ma' dawn l-aġenziji,

F.  Billi l-Kummissjoni għandha telabora evalwazzjoni orizzontali tal-aġenziji regolatorji sal-2009-2010 u tressaq, mill-aktar fis, lill-Parlament u lill-Kunsill rapport dwar il-konklużjonijiet ta' din l-evalwazzjoni,

G.  Billi l-Kummissjoni ddeċidiet li ma tipproponix il-ħolqien ta' aġenziji ġodda sakemm il-grupp ta' ħidma interistituzzjonali ma jkunx temm ix-xogħol tiegħu,

H.  Billi l-Kummissjoni ma għandhiex titbiegħed mil-linji gwida tal-abbozz tal-ftehima interistituzzjonali proposta fl-2005 dwar l-emendi għall-istrumenti bażiċi li jirregolaw l-aġenziji regolatorji eżistenti, sabiex dawn ikunu konformi mal-istrateġija l-ġdida,

I.  Billi diġà jeżisti qafas regolatorju komuni għall-aġenziji regolatorji(3), li ngħatalhom ir-responsabilità tal-immaniġġjar tal-programmi tal-Komunità għal perjodu speċifiku ta' żmien,

Kunsiderazzjonijiet ġenerali

1.  Iqis li l-proposta tal-Kummissjoni tikkostitwixxi inizjattiva li ta' min wieħed ifaħħarha u huwa lest li jipparteċipa, permezz tar-rappreżentanti tiegħu, fix-xogħol tal-grupp ta' ħidma interistituzzjonali, iżda jqis madankollu li l-''approċċ komuni'' ma jilħaqx l-aspettattivi tiegħu fir-rigward tal-konklużjoni ta' Ftehima interistituzzjonali; jinnota li dan ma jeskludix l-iżvilupp ta' forom oħra ta' fehim bħala riżultat tax-xogħol tal-grupp ta' ħidma;

2.  Jappella lill-Kunsill, fil-kapaċità tiegħu bħala parti mill-awtorità baġitarja, biex jagħmel kontribuzzjoni kostruttiva fil-proċedimenti ta' dan il-grupp ta' ħidma;

3.  Jitlob lill-Kummissjoni u lill-Kunsill sabiex, flimkien mal-Parlament Ewropew, iwaqqfu mill-aktar fis il-programm ta' xogħol tal-grupp interistituzzjonali, sabiex ix-xogħol ta' dan il-grupp ikun jista' jinbeda sa mill-ħarifa 2008;

4.  Iqis li l-programm ta' xogħol tal-grupp interistituzzjonali għandu inter alia jinkludi l-punti li ġejjin:

5.  Jiddispjaċih bin-nuqqas ta' strateġija ġenerali għall-ħolqien ta' aġenziji tal-UE; jinnota li qed jinħolqu aġenziji ġodda skont iċ-ċirkustanzi ta" kull każ individwali, u dan qed iwassal għal mużajk sħiħ u xejn trasparenti ta' aġenziji regolatorji, aġenziji eżekuttivi u entitajiet Komunitarji oħra li kull wieħed jikkostitwixxi struttura sui generis;

6.  Jinnota l-pożizzjoni tal-Kummissjoni li t-twaqqif tal-aġenziji regolatorji, li kultant jitwettaq bl-għajnuna tal-Parlament Ewropew, hija espressjoni tal-koperazzjoni bejn l-Istati Membri, u t-tħaddim ta' dawn l-aġenziji jinsab fl-interoperabilità u fl-eżerċizzju tal-kompetenzi, li jekk konferiti esklussivament lill-istituzzjonijiet Komunitarji, jagħti lok għal oġġezzjonijiet ta' ċentraliżmu;

7.  Jistieden lill-Kunsill u lill-Kummissjoni sabiex, flimkien mal-Parlament Ewropew, jaħdmu bil-għan li joħolqu qafas ċar, komuni u koerenti li jikkonċerna l-irwol li se jingħata fil-ġejjieni lill-aġenziji fil-kuntest tal-governanza tal-UE;

8.  Huwa tal-fehma li t-trasparenza tal-aġenziji regolatorji għandha tkun assigurata, b'mod partikulari fir-rigward tal-funzjonament tagħhom, tal-iżvelar u l-aċċessibilità tat-tagħrif, u tal-ipprogrammar u r-responsabilità tal-azzjonijiet tagħhom;

9.  Iqis li l-prijorità ta' ''qafas komuni'' imfittex fil-qasam tal-fehim interistituzzjonali għandha tkun li tirrazzjonalizza t-tħaddim tiegħu u jiġi ottimizzat il-valur miżjud tal-aġenziji regolatorji, billi tiżdied it-trasparenza u l-kontroll demokratiku viżibbli kif ukoll tissaħħaħ l-effikaċja;

10.  Jidhirlu li huwa indispensabbli li jiġu stabbiliti regoli u prinċipji minimi komuni fir-rigward tal-istruttura, tat-tħaddim u tal-kontroll tal-aġenziji regolatorji kollha, indipendentement min-natura tagħhom;

11.  Iqis li l-parteċipazzjoni fl-attività tal-aġenziji regolatorji se jkollha tkun żgurata billi jiġu strutturati b'mod formali l-proċessi ta" konsultazzjoni u ta" djalogu mal-partijiet interessati;

12.  Iqis li d-diversità strutturali u funzjonali tal-aġenziji tqajjem dubji serji fir-rigward tal-parametri regolamentari, il-governanza tajba u t-tqarrib istituzzjonali f'termini ta' ċentralizzazzjoni u deċentralizzazzjoni;

13.  Huwa favur li l-prinċipji tal-amministrazzjoni tajba għandhom ikunu żgurati permezz ta" approċċ komuni rigward il-proċessi tal-għazla, l-ibbaġitjar u l-amministrazzjoni tar-riżorsi, l-immaniġġjar effiċjenti u l-evalwazzjoni tal-prestazzjoni;

14.  Se jeżamina jekk l-impenn tal-Kummissjoni li tipposponi kull proposta biex tistabbilixxi aġenziji regolatorji ġodda għandux ikopri wkoll ż-żewġ proposti attwalment sospiżi fl-oqsma tal-enerġija u t-telekomunikazzjoni;

15.  Jenfasizza l-bżonn li jitwaqqaf kontroll parlamentari dwar l-għamla u t-tħaddim tal-aġenziji regolatorji, li għandu jkun ibbażat essenzjalment fuq:

16.  Iħeġġeġ lill-Kummissjoni sabiex tressaq il-konklużjonijiet tal-evalwazzjoni orizzontali tal-aġenziji regolatorji, qabel it-tmiem tal-perjodu 2009-2010, sabiex il-konklużjonijiet tagħha jkunu jistgħu jitqiesu mill-grupp ta' ħidma interistituzzjonali;

17.  Jitlob lill-Kummissjoni biex tfassal livelli ta' riferiment sabiex jitqabblu dawk ir-riżultati u jkunu stipulati regoli ċari għat-tmiem tal-mandat tal-aġenziji fil-każ ta' prestazzjoni fqira.

18.  Jistieden lill-President u l-Konferenza tal-Presidenti biex jagħtu prijorità lill-kwistjoni tal-kompożizzjoni tal-grupp ta' ħidma propost mil-Kummissjoni u jqis li jkun xieraq li l-Parlament ikun irrappreżentat f'dak il-grupp mill-presidenti jew ir-rapporteurs tal-Kumitat għall-Affarijiet Kostituzzjonali, il-Kumitat għall-Baġits u żewġ kumitati oħra b'esperjenza prattika ta' analiżi ġenerali tal-ħidma tal-aġenziji regolatorji;

19.  Itenni t-talba kemm tal-Parlament kif ukoll tal-Kummissjoni fl-abbozz tal-Ftehima Inter-Istituzzjonali tal-2005 biex tiddaħħal fl-att bażiku deċiżjoni dwar is-siġġu ta' aġenzija;

Kunsiderazzjonijiet baġitarji

20.  Jixtieq itenni l-importanza li, fuq bażi sistematika fil-livell interistituzzjonali, issir l-applikazzjoni tal-proċedura stabbilita fil-Punt 47 tal-Ftehima Interistituzzjonali tas-17 ta' Mejju 2006 dwar id-dixxiplina baġitarja u l-immaniġġjar finanzjarju sod(4) (IIA tas-17 ta" Mejju 2006) u jenfasizza l-bżonn li jkun żgurat segwitu xieraq ta' l-Istqarrija Konġunta tat-13 ta' Lulju 2007 mill-Parlament Ewropew, il-Kunsill u l-Kummissjoni dwar l-aġenziji deċentralizzati;

21.  Hu konvint li proċedura dettaljata għall-applikazzjoni ta' din id-dispożizzjoni hija ħtieġa assoluta; iqis li proċedura bħal din tista' tagħti l-opportunità li jinżammu xi aspetti importanti tal-abbozz tal-ftehima interistituzzjonali tal-2005 mblukkat, forsi flimkien ma' xi adattamenti għar-Regolament Finanzjarju ta' Qafas għall-aġenziji(5);

22.  Jikkonkludi li, jekk l-eżerċizzji tal-evalwazzjoni jindikaw li n-nefqa għaqlija u l-effiċjenza tal-amministrazzjoni deċentralizzata ma jkunux iggarantiti, l-Unjoni Ewropea m'għandhiex tibża' li terġa' lura mit-tendenza attwali li l-kompiti tal-Kummissjoni jsiru minn aġenziji esterni u għandha tistabbilixxi regoli ċari biex ittemm il-mandat tal-aġenziji deċentralizzati;

23.  Jagħti l-appoġġ tiegħu għall-intenzjoni tal-Kummissjoni li ma tipproponix li jsiru aġenziji deċentralizzati ġodda sakemm jitlesta l-proċess ta' evalwazzjoni, b'mod speċjali fl-isfond tad-diffikultajiet li jistgħu joħolqu l-marġini tal-Qafas Finanzjarju Plurijennali attwali biex ikunu ffinanzjati entitajiet Komunitarji ġodda bla ma ssir programmazzjoni serja mill-ġdid;

24.  Iqis, mill-aspett baġitarju, il-punti li ġejjin bħala kwistjonijiet ewlenin għall-aġenda tal-grupp ta' ħidma interistituzzjonali dwar il-ġejjieni tal-aġenziji tal-UE:

L-istabbiliment tad-definizzjoni ta' aġenzija

25.  Ifakkar, f'dan ir-rigward, fid-definizzjoni ta' "aġenzija" stabbilita fit-Trijalogu tas-7 ta' Marzu 2007, meta sar qbil li għall-iskopijiet tal-applikazzjoni tal-Punt 47 tal-IIA tas-17 ta' Mejju 2006, id-definizzjoni ta' "aġenzija" għandha tkun determinata minn jekk l-entità partikulari twaqqfitx b'konformità mal-Artikolu 185 tar-Regolament tal-Kunsill (KE, Euratom) Nru 1605/2002 tal-25 ta" Ġunju 2002 dwar ir-Regolament Finanzjarju li japplika għall-baġit ġenerali tal-Komunitajiet Ewropej (6)(Regolament Finanzjarju);

26.  Jixtieq jisħaq fuq l-importanza li t-terminoloġija ġenerali għandha tkun ċara u koerenti rigward l-aġenziji u li tkun stabbilita għall-użu komuni; ifakkar li l-"aġenziji regolatorji" mhumiex ħlief subgrupp tal-aġenziji deċentralizzati;

Aġenziji ġodda - Rabta bejn il-proċeduri leġiżlattivi u l-prerogattivi baġitarji

27.  Iqis li hu importanti li jkunu diskussi kemm il-problemi tal-kalendarju kif ukoll l-aspetti leġiżlattivi u proċedurali li jistgħu jinqalgħu fil-każ li ma tintlaħaqx ftehima dwar il-finanzjament ta' aġenzija ġdida, skont il-Punt 47 tal-IIA tas-17 ta' Mejju 2006, b'mod parallel mad-deċiżjonijiet li jkun ħa l-leġiżlatur; iqis li hu daqstant importanti li ssir riflessjoni fuq is-salvagwardji proċedurali sabiex ikun żgurat li jkun hemm involviment sħiħ tal-awtorità baġitarja fil-kwistjonijiet kollha li jkollhom impatt baġitarju bħall-estensjoni tal-listi ta' kompetenzi tal-aġenziji;

28.  Ifakkar li sa mill-2005, il-Parlament fir-riżoluzzjoni tiegħu fuq imsemmija talab li jsiru evalwazzjonijiet obbligatorji dwar il-paragun bejn in-nefqa u l-benefiċċji qabel ma tiġi proposta aġenzija ġdida u li dawn għandhom jiffukaw, b'mod partikulari, fuq jekk "jaqbilx li ssir aġenzija (inklużi l-ispejjeż għall-monitoraġġ u l-koordinazzjoni) iktar milli kieku l-kompiti rilevanti kellhom isiru mid-dipartimenti tal-Kummissjoni stess", kif ukoll fuq kwistjonijiet bħall-mandat u l-metodi ta' ħidma tal-aġenzija jew fuq il-grad ta' indipendenza mill-Kummissjoni billi dan sikwit ikun ta' interess partikulari għal-leġiżlatur;

Aġenziji eżistenti - Monitoraġġ

29.  Jisħaq fuq il-bżonn ta' eżerċizzju ta' evalwazzjoni u kontroll regolari u koordinat - sabiex tkun evitata d-duplikazzjoni - biex ikun evalwat il-valur miżjud tal-aġenziji deċentralizzati eżistenti u li m'għadhomx jidħlu fl-ambitu tal-Punt 47 tal-IIA tas-17 ta' Mejju 2006; jara dan bħala segwitu għall-ħidma li saret qabel u li wasslet għal dikjarazzjoni konġunta fuq l-aġenziji Komunitarji li sar qbil dwarha fit-Trijalogu tat-18 ta' April 2007 skond liema saar qbil sabiex issir evalwazzjoni regolari tal-aġenziji Komunitarji eżistenti, li tiffoka b'mod partikulari fuq il-paragun bejn in-nefqa u l-benefiċċji u li tagħti spjegazzjoni dettaljata tal-kriterji użati għall-għażla tal-aġenziji li għandhom ikunu evalwati;

30.  Jinnota li l-analiżi mwettqa għandha twieġeb għal xi domandi bażiċi dwar kwistjonijiet marbuta mar-relazzjoni bejn il-benefiċċji u l-infiq u għandha titwettaq f'konformità, fost l-oħrajn, mal-kriterji li ġejjin:

31.  Jiġbed l-attenzjoni li, meta jitqies l-impatt baġitarju ġenerali tal-aġenziji, il-Kummissjoni għandha turi b'mod konvinċenti li l-governanza Ewropea permezz tal-aġenziji hija l-iktar għażla xierqa, l-aktar effiċjenti u l-aktar effettiva f'sens ta' nfiq biex ikunu implimentati l-politiki Ewropej fil-preżent u fil-ġejjieni qrib;

Qafas komuni ġenerali

32.  Jinsisti dwar il-bżonn li jkunu stabbiliti standards minimi komuni li tista' ssir referenza għalihom fir-regolamenti dwar it-twaqqif tal-aġenziji, fost affarijiet oħra, l-irwol u r-responsabilità politika tal-Kummissjoni vis-à-vis l-aġenziji, l-appoġġ li għandu jingħata mill-pajjiżi ospitanti u d-deċiżjoni f'waqtha u trasparenti dwar is-sede ta' aġenzija;

33.  Ifakkar li l-azzjonijiet tal-aġenziji jeħtieġ li jkunu rregolati minn pożizzjonijiet ċari ta' responsabilità diretta, b'mod konformi mad-dispożizzjonijiet tar-Regolament Finanzjarju; jenfasizza l-obbligi tal-aġenziji rigward il-proċedura ta' kwittanza;

34.  Iqis, barra minn hekk, li hu ta' importanza kbira li jsir tentattiv li jiġu definiti xi regoli komuni għall-preżentazzjoni tal-baġits tal-aġenziji bil-għan li l-indikaturi baġitarji jsiru aktar trasparenti u komparabbli, bħar-rati ta' implimentazzjoni tal-aġenziji jew l-ishma individwali li jikkostitwixxu d-dħul u l-ispejjeż tagħhom; jemmen li l-preżentazzjoni ġenerali tas-sussidji għall-aġenziji fil-baġit tal-UE tista' teħtiġilha li tkun adattata għall-ħidmiet u l-irwoli tal-ġenerazzjoni l-ġdida tal-aġenziji;

35.  Jiġbed l-attenzjoni li, skont iċ-ċifri mogħtija mill-Kummissjoni fil-Komunikazzjoni tagħha fuq imsemmija, bħalissa hemm 29 aġenzija regolatorja, li jimpjegaw madwar 3 800 membru tal-persunal, b'baġit annwali ta" madwar EUR 1 100 miljun, inkluża kontribuzzjoni Komunitarja ta" madwar EUR 559 miljun;

36.  Jinsisti li l-proċess ta" verifika/kwittanza għandu jkun proporzjonat mal-baġit ġenerali tal-aġenziji; jinnota b'mod partikulari li r-riżorsi disponibbli għall-Qorti Ewropea tal-Awdituri ma żdidux b'mod proporzjonat mal-għadd tal-aġenziji fis-snin riċenti;

37.  Itenni x-xewqa msemmija fil-paragrafu 7 tar-riżoluzzjonijiet tiegħu tat-22 ta' April 2008 dwar il-kwittanza fir-rigward tal-implimentazzjoni tal-baġit tal-aġenziji li r-rendiment tal-aġenziji jkun regolarment verifikat (u fuq bażi ad hoc) mill-Qorti Ewropea tal-Awdituri jew minn awditur indipendenti ieħor; iqis li dan m'għandux ikun limitat għal elementi tradizzjonali ta' mmaniġġjar finanzjarju u għall-użu xieraq ta' fondi pubbliċi, imma għandu jkopri wkoll l-effiċjenza u l-effettività ta l-amministrazzjoni u għandu jinkludi klassifikazzjoni tal-immaniġġjar finanzjarju ta' kull aġenzija;

38.  Huwa tal-opinjoni li l-aġenziji kollha għandhom jagħtu, flimkien mal-organigramma tagħhom, tagħrif ġenerali dwar in-numru ta' persunal permanenti u temporanju kif ukoll ta' esperti nazzjonali tagħhom, kif ukoll jindikaw kull bidla fir-rigward tas-sentejn ta' qabel;

39.  Jiġbed l-attenzjoni għar-rapport speċjali Nru 5/2008 tal-Qorti Ewropea tal-Awdituri dwar l-immaniġġjar finanzjarju sod tal-aġenziji b'riferenza partikulari għall-verifiki tar-rendiment;

40.  Jistieden lill-Kummissjoni biex tgħaqqad il-funzjonijiet amministrattivi tal-aġenziji ż-żgħar sabiex toħloq il-massa kritika meħtieġa biex l-aġenziji jkunu jistgħu jikkonformaw b'mod sodisfaċenti mar-regoli attwali tal-akkwist pubbliku u mar-Regolament Finanzjarju u mar-Regolamenti tal-Persunal(7);

41.  Iħeġġeġ lill-Kummissjoni sabiex tagħmel eżami kritiku tat-talbiet baġitarji tal-aġenziji ladarba l-biċċa l-kbira tal-aġenziji ma jagħmlux użu mill-fondi mitluba;

o
o   o

42.  Jagħti istruzzjonijiet lill-President tiegħu sabiex iressaq din ir-riżoluzzjoni lill-Kunsill, lill-Kummissjoni u lill-gvernijiet tal-Istati Membri.

(1) ĠU C 92 E, 16.4.2004, p. 119. (2) ĠU C 285 E, 22.11.2006, p. 123. (3) Regolament tal-Kunsill (KE) Nru 58/2003, tad-19 ta' Diċembru 2002, li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità (ĠU L 11, 16.1.2003, p. 1). (4) ĠU C 139, 14.6.2006, p. 1. (5) Ir-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju ta' Qafas għall-entitajiet imsemmija fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (ĠU L 357, 31.12.2002, p. 72). (6) ĠU L 248, 16.9.2002, p. 1. (7) Ir-Regolament tal-Kunsill (KEE, Euratom, ECSC) Nru 259/68 tad-29 ta' Frar 1968 li jistabbilixxi r-Regolamenti tal-Persunal tal-Uffiċjali u l-Kundizzjonijiet ta' Impjieg ta' Persunal ieħor tal-Komunitajiet Ewropej u jistabbilixxi miżuri speċjali applikabbli temporanjament għall-uffiċjali tal-Kummissjoni (ĠU L 56, 4.3.1968, p. 1).

Riżoluzzjoni tal-Parlament Ewropew tal-21 ta' Ottubru 2008 dwar l-akkuża u t-tressiq ta" Joseph Kony quddiem il-Qorti Kriminali Internazzjonali

P6_TA(2008)0496 B6-0536/2008

Il-Parlament Ewropew,

–   wara li kkunsidra l-Istatut ta" Ruma tal-Qorti Kriminali Internazzjonali (ICC), b'mod partikolari l-Artikolu 86 tiegħu, u d-dħul fis-seħħ tal-Istatut fl-1 ta" Lulju 2002,

–   wara li kkunsidra r-ratifikazzjoni tal-Istatut ta" Ruma mill-Uganda fl-14 ta" Ġunju 2002,

–   wara li kkunsidra r-referenza li għamel il-President tal-Uganda Yoweri Museveni fl-2003 lill-ICC dwar is-sitwazzjoni li tikkonċerna l-Lord's Resistance Army (LRA), li kienet l-ewwel każ riferut minn Stat Firmatarju lill-ICC mit-twaqqif tagħha,

–   wara li kkunsidra d-deċiżjoni tal-Prosekutur tal-ICC tad-29 ta" Lulju 2004 biex tinfetaħ investigazzjoni dwar is-sitwazzjoni fit-Tramuntana tal-Uganda,

–   wara li kkunsidra l-mandat ta" arrest għal Joseph Kony maħruġ mill-ICC tat-8 ta" Lulju 2005, kif emendata fis-27 ta" Settembru 2005 (No ICC-02/04-01/05-53),

–   wara li kkunsidra l-Ftehim ta" Sħubija bejn il-Membri tal-Istati tal-Afrika, tal-Karibew u l-Paċifiku (ACP) min-naħa l-waħda, u l-Komunità Ewropea u l-Istati Membri tagħha fuq in-naħa l-oħra, iffirmata f'Cotonou fit-23 ta" Ġunju 2000(1), kif emendat mill-Ftehim ta" emenda tal-Ftehim ta" Sħubija, iffirmat fil-Lussemburgu fil-25 ta" Ġunju 2005(2) ("il-Ftehim ta" Cotonou"), u b'mod partikolari l-Artikolu 8 tagħha dwar id-djalogu politiku u l-Artikolu 11 (6) dwar il-promozzjoni tat-tisħiħ tal-paċi u l-ġustizzja internazzjonali,

–   wara li kkunsidra d-Deċiżjoni tal-Kunsill 2002/494/JHA tat-13 ta" Ġunju 2002 li twaqqaf network Ewropew ta" punti ta" kuntatt rigward persuni responsabbli għal ġenoċidju, reati kontra l-umanità u reati tal-gwerra(3) u l-pożizzjoni tiegħu tad-9 ta" April 2002 dwar in-network ewropew tal-punti ta' kuntatt(4),

–   wara li kkunsidra d-Deċiżjoni tal-Kunsill 2003/335/JHA tat-8 ta" Mejju 2003 dwar l-investigazzjoni u l-prosekuzzjoni ta" ġenoċidju, reati kontra l-umanità u reati tal-gwerra(5) u l-pożizzjoni tiegħu tas-17 ta" Diċembru 2002 dwar il-prosekuzzjoni ta' reati tal-gwerra u reati kontra l-umanita'(6),

–   wara li kkunsidra l-Pożizzjoni Komuni tal-Kunsill 2003/444/CFSP tas-16 ta" Ġunju 2003 dwar il-Qorti Kriminali Internazzjonali(7) u l-Pjan ta" Azzjoni bħala segwitu għal dik il-Pożizzjoni Komuni,

–   wara li kkunsidra l-Ftehim bejn l-ICC u l-UE dwar il-Koperazzjoni u l-Assistenza ffirmata fl-10 ta' April 2006, li daħlet fis-seħħ fl-1 ta' Mejju 2006(8),

–   wara li kkunsidra r-rapport supplimentari tat-23 ta" Ġunju 2008 mis-Segretarju Ġenerali tan-Nazzjonijiet Uniti lill-Kunsill dwar it-tfal u l-kunflitt armat fl-Uganda,

–   wara li kkunsidra l-linjigwida dwar id-drittijiet tal-bniedem tal-UE dwar it-tfal f'kunflitt armat tal-2003,

–   wara li kkunsidra r-riżoluzzjonijiet preċedenti tiegħu, b'mod partikolari dawk tat-22 ta" Mejju 2008 dwar is-Sudan u l-ICC(9), tat-3 ta" Lulju 2003 dwar il-ksur tad-drittijiet tal-bniedem fit-Tramuntana tal-Uganda(10) u tas-6 ta" Lulju 2000 dwar il-ħtif ta" tfal mil-Lord's Resistance Army (LRA)(11),

–   wara li kkunsidra d-deċiżjoni tat-28 t' Awissu 2008 mill-Uffiċju ta' Kontroll ta' Assi Barranin (OFAC) tat-Teżor tal-Istati Uniti, li timponi sanzjonijiet ġodda fuq Joseph Kony, u żżidu fuq il-lista s-sewda tiegħu ta'Ċittadini Iddeżignati b'mod Speċjali (SDN),

–   wara li kkunsidra l-iskambju ta" opinjonijiet dwar l-ICC waqt il-laqgħa tal-Kumitat għall-Iżvilupp tal-Parlament Ewropew tal-15 ta" Settembru 2008,

–   wara li kkunsidra l-Artikoli 91 u 90(4) tar-Regoli ta' Proċedura tiegħu,

A.   billi f'Lulju 2005, l-ICC ħarġet mandat ta" arrest kontra Joseph Kony, iċ-Chairman u l-Kap Kmandant tal-LRA, taħt 33 kap t'akkuża ta" reati allegati kontra l-umanità u l-reati tal-gwerra, li ġie emendat f' Settembru 2005; billi mandati ta" arrest kienu maħruġa wkoll kontra kmandanti għoljin oħra tal-LRA, inklużi Vincent Otti, Okot Odhiambo u Domic Ongwen,

B.   billi t-33 kap t'akkuża kriminali kontra Joseph Kony jinkludu 12 –il kap t'akkuża ta" reati tal-gwerra u reati kontra l-umanità, inklużi qtil, stupru, skjavitù, skjavitù sesswali u atti inumani li jikkawżaw feriti gravi fuq il-ġisem tal-bniedem u sofferenzi, u 21 kap t'akkuża ta" reati tal-gwerra, inklużi l-qtil, it-trattament krudil ta" persuni ċivili, l-attakk intenzjonat b'mod dirett fuq il-popolazzjoni ċivili, is-sakkeġġ, inklużi l-istupru u l-lieva furzata tat-tfal,

C.   billi l-LRA ila tiġġieled fir-reġjun mill-1986, b'mod evidenti kontra l-Gvern tal-Uganda,

D.   billi r-ribelljoni armata vjolenti ila għaddejja fit-Tramuntana tal-Uganda mill-1986, attwalment f' isem ta" LRA,

E.   billi l-Awwissu 2006, il-Gvern tal-Uganda u l-LRA iffirmaw Ftehim ta" Waqfien mill-Ġlied,

F.   billi fl-aqwa tal-vjolenza fit-Tramuntana tal-Uganda fl-2005, madwar 1.6 miljun persuna kienu spustati u kienu qed jgħixu f'kampijiet interni għall-persuni spustati, u għexieren ta" eluf ta" tfal kellhom jorqdu kull lejl f'ċentri urbani għall-protezzjoni; billi għalkemm mill-2006 nofs il-persuni spustati (IDPs) setgħu jirritornaw lura lejn djarhom jew viċin djarhom, is-sitwazzjoni għada kritika għal ħafna mill-IDPs li għadhom jirrifjutaw li jmorru lura fin-nuqqas ta' Ftehim ta' Paċi Finali,

G.   billi jinsab imħasseb ħafna dwar il-konsegwenzi diżastrużi ta" dan il-kunflitt, li wassal għall-ħtif ta" iktar minn 20 000 tifel u tifla u li kkawża sofferenzi umani kbar, b'mod partikolari fost iċ-ċittadini, kif ukoll għal ksur kbir tad-drittijiet tal-bniedem, għall-ispustament massiv tal-popolazzjonijiet u għall-ikkrollar tal-istrutturi soċjali u ekonomiċi; billi l-ħtif tat-tfal u l-użu tagħhom bħala skjavi tas-sess jew bħala ġellieda huwa reat tal-gwerra u reat kontra l-umanità,

H.   billi fl-2008 biss, l-LRA allegatament wettqet bejn 200 u 300 ħtif fir-Repubblika tal-Afrika Ċentrali (CAR), fin-Nofsinhar tas-Sudan u fir-Repubblika Demokratika tal-Kongo (DRC), u għalhekk ikkawżat l-istess vjolenza fuq ġenerazzjoni ġdida ta" vittmi,

I.   billi f'Lulju 2008 l-LRA attakkat lill-Armata Sudaniża għal-Liberazzjoni f'Nabanga u qatlet madwar 20 suldat minn tagħha,

J.   billi Joseph Kony ripetutament naqas milli jidher f'Juba u sa issa rrifjuta li jiffirma l-Ftehim ta" Paċi Finali "sakemm il-mandati ta' arresti tal-ICC u xi kwistjonijiet oħra fil-Ftehim jissolvew mill-Grupp Konġunt ta" Komunikazzjoni"; billi l-Ftehim ta" Paċi Finali kienet innegozjata mill-Mibgħut Speċjali tas-Segretarju Ġenerali tan-NU għal żoni affettwati mil-LRA, l-ex President tal-Możambique, Joaquim Chissano,

K.   billi, Joseph Kony uża l-waqfien mill-ġlied matul il-proċess ta" paċi biex jiġbor mill-ġdid u jorganizza mill-ġdid il-forzi tal-LRA fir-Repubblika Demokratika tal-Kongo,

L.   billi minħabba n-nuqqas ta" kapaċità tal-Istati Firmatarji biex jarrestaw lill-Kony u lill-kmandanti l-oħra tal-LRA, l-LRA bħalissa qed tespandi l-forzi tagħha permezz tal-ħtif,

M.   billi, f'Settembru 2008, skont il-Fond tan-NU għat-Tfal (UNICEF), l-LRA allegatament ħatfet 90 tifel u tifla tal-iskola Kongoliżi mill-irħula ta" Kiliwa u Duru fid-DRC, u attakkat diversi żoni oħra, tant li ħolqot spustar massiv fiż-żona,

N.   billi l-ICC tilgħab irwol kruċjali fil-prevenzjoni u l-kontroll ta' azzjonijiet gravi ta' kriminalità li jaqgħu taħt il-ġurisdizzjoni tagħha u huma mezz essenzjali kif jiġi promoss ir-rispett għal-liġi umanitarja internazzjonali u għad-drittijiet tal-bniedem, u għalhekk tikkontribwixxi għal-libertà, is-sigurtà, il-ġustizzja u l-Istat tad-Dritt, kif ukoll bħala kontribuzzjoni għall-preservazzjoni tal-paċi u għat-tisħiħ tas-sigurtà internazzjonali,

O.   billi l-ġurisdizzjoni tal-ICC tkopri l-iktar reati gravi li jikkonċernaw lill-komunità internazzjonali u b'mod partikolari l-ġenoċidju, ir-reati kontra l-umanità u r-reati tal-gwerra mwettqa wara l-1 ta" Lulju 2002,

P.   billi taħt l-Istatut ta' Ruma, l-Istati Firmatarji impenjaw ruħhom li jieħdu passi kontra reati bħal dawn fil-ġurisdizzjoni nazzjonali tagħhom u jappoġġjaw l-intervenzjoni tal-ICC meta l-Istati Nazzjonali jonqsu milli josservaw l-obbligi tagħhom,

Q.   billi l-Istati Membri kollha tal-UE minbarra r-Repubblika Ċeka rratifikaw l-Istatut ta" Ruma,

R.   billi skont il- ftehim ta" koperazzjoni msemmi hawn fuq, konkluż mill-UE u l-ICC, sabiex ikun iffaċilitat l-obbligu ta" koperazzjoni u assistenza, il-Partijiet ftehmu, inter alia, dwar it-twaqqif ta" kuntatti regolari xierqa bejn il-ICC u l-Punt Fokali tal-UE għall-Qorti,

S.   billi l-UE u l-Istati Membri tagħha għandhom jagħmlu kull sforz biex jiżguraw li l-ikbar numru possibbli ta" Stati jieħdu partifl-ICC, u jżommu f'moħħhom dan l-objettiv waqt in-negozjati (kemm bilaterali u kemm multilaterali) u waqt id-djalogu politiku ma" pajjiżi terzi u organizzazzjonijiet reġjonali,

T.   billi l-ICC għandha tkun integrata fir-relazzjonijiet esterni tal-UE u r-ratifikazzjoni u l-implimentazzjoni tal-Istatut ta" Ruma għandhom jiġu diskussi fid-djalogi politiċi u dawk dwar id-drittijiet tal-bniedem (speċjalment waqt samits u laqgħat oħra ta" livell għoli), ma" pajjiżi terzi, inkluż fil-kuntest ta" koperazzjoni għall-iżvilupp, bħal fil-kuntest tal-Ftehim ta" Cotonou,

1.  Jistieden lill-Gvern tal-Uganda u lill-gvernijiet tal-pajjiżi ġirien, b'mod partikolari lid-DRC, biex jikkoperaw b'mod sħiħ mal-ICC fl-investigazzjonijiet u l-prosekuzzjonijiet tagħhom; jitlob, b'mod partikolari li jkun hemm koperazzjoni fl-arrest u ċ-ċediment ta" Joseph Kony u ta" persuni oħra mressqa mill-ICC, mingħajr dewmien;

2.  Jiddeplora bis-sħiħ it-twaqqif tal-isforzi biex jiġi promoss l-arrest ta" Joseph Kony u ta" persuni oħra mressqa mill-ICC; ifakkar lill-Gvern tal-Uganda li bħala firmatarju tal-Istatut ta" Ruma tal-ICC, huwa għandu l-obbligu li jikkopera b'mod sħiħ mal-ICC;

3.  Jiġbed l-attenzjoni li l-Istatut ta" Ruma jistipula li, ladarba persuni jċedu għall-ICC, il-Gvern tal-Uganda jista" mbagħad japplika biex il-każijiet jinstemgħu fi Qrati fl-Uganda, sakemm l-ICC tikkonkludi li l-Qrati tal-Uganda jistgħu u lesti jinvestigaw u jressqu ġenwinament lis-suspettati tal-LRA imsemmija fil-mandati ta" arrest;

4.  Iħeġġeġ lill-Gvern tal-Uganda biex ma jikkonkludi l-ebda ftehim mal-LRA li tmur kontra l-liġi internazzjonali;

5.  Iħeġġeġ lill-Istati Membri tal-UE, tal-Unjoni Afrikana (AU) u b'mod partikolari lill-pajjiżi ġirien tal-Uganda biex jindirizzaw l-implimentazzjoni tal-mandati ta" arrest b'mod konsistenti;

6.  Jitlob ir-rilaxx mingħajr kundizzjoni u immedjat tal-persuni kollha maħtufa mil-LRA, b'mod partikolari l-ħelsien tat-tfal, li jirriskjaw li jispiċċaw skjavi tas-sess jew li jiġu sfurzati jiġġieldu għal-LRA;

7.  Jistieden lill-komunità internazzjonali biex twettaq l-investigazzjonijiet tagħha f'allegati abbużi reċenti li saru mil-LRA, fil-CAR, fid-DRC u fin-Nofsinhar tas-Sudan u f'investigazzjonijiet tan-NU mhux pubblikati rappurtati dwar abbużi fil-CAR u biex tiżvela s-sejbiet tagħhom;

8.  Jistieden lill-gvernijiet tar-reġjun, lill-Missjoni tal-NU fir-Repubblika Demokratika tal-Kongo (MONUC) u lill-gvernijiet osservaturi internazzjonali oħra għat-taħdidiet ta" paċi biex isegwu l-movimenti u jippubblikaw il-movimenti tal-LRA permezz ta" monitoraġġ intensiv tal-fruntieri reġjonali u biex jikkontrollaw u jipprojbixxu l-fluss ta" armi u provvisti oħra lil-LRA; jitlob li jkun hemm żvilupp ta" pjani effettivi biex jitwettqu l-mandati ta" arrest tal-ICC filwaqt li jkun minimizzat ir-riskju għal ħajja taċ-ċittadini u mingħajr l-użu ta" forza eċċessiva, inkluż permezz tal-użu tal-MONUC;

9.  Jistieden lill-Istati Membri tal-UE, speċjalment lill-dawk li kienu involuti fl-Uganda u fil-proċess ta" paċi ta" Juba, biex jikkoordinaw mal-gvernijiet reġjonali u mas-segretarjat tan-NU u mal-forzi għaż-żamma ta" paċi bil-għan li jkunu implimentati l-mandati ta" arrest tal-ICC għall-mexxejja tal-LRA;

10.  Jiġbed l-attenzjoni għall-fatt li l-ġustizzja hija għan komuni li għandu jinqasam bejn l-Unjoni Ewropea u l-Unjoni Afrikana;

11.  Ifakkar li, skont l-Istatut ta" Ruma, l-Istati Firmatarji mpenjaw ruħhom li jġibu fi tmiem l-impunità għall-iktar reati gravi li jikkonċernaw lill-komunità internazzjonali u biex jikkontribwixxu għall-prevenzjoni ta" reati bħal dawn; jemmen bis-sħiħ li l-ICC u t-tribunali ad hoc jikkontribwixxu għall-proċess ta" rikonċiljazzjoni u paċi;

12.  Jinsab imħasseb dwar in-nuqqas ta" sforzi ċari sabiex tkun evitata d-diverżjoni ta" għajnuna internazzjonali favur l-LRA, għajnuna li tippermetti lill-Joseph Kony jikseb l-armi mill-ġdid; iħeġġeġ it-tnaqqis ta" networks ta" forniment lill-LRA; jistieden lill-gvern tas-Sudan biex jieqaf jagħti għajnuna finanzjarja u appoġġ militari lil-LRA;

13.  Jistieden lill-UE u lid-donaturi internazzjonali biex jappoġġjaw id-diżarm, id-demobilizzazzjoni u l-integrazzjoni mill-ġdid ta" ġellieda preċedenti tal-LRA, ir-ritorn tal-IDPs u r-ripatrijazzjoni għall-vittmi;

14.  Jilqa" b'sodisfazzjon il-kuntatti mill-qrib u regolari bejn uffiċjali għolja tal-ICC u l-UE; jinnota l-appoġġ qawwi tal-UE għall-parteċipazzjoni fi u l-implimentazzjoni tal-Istatut ta" Ruma; jenfasizza li t-tmexxija tal-UE hija essenzjali għat-tisħiħ tal-mandat tal-ICC;

15.  Jemmen bis-sħiħ li, fuq tul ta" żmien twil, l-ICC tikkontribwixxi għall-prevenzjoni ta" atroċitajiet ġodda; jiġbed l-attenzjoni li n-nuqqas li jiġi arrestat Joseph Kony jirriżulta fit-tkomplija ta" atroċitajiet u l-abbużi tad-drittijiet tal-bniedem; jenfasizza li l-paċi u r-rikonċiljazzjoni ma jistgħux jinkisbu mingħajr ġustizzja għall-vittmi;

16.  Jirrakkomanda li l-Assemblea Parlamentari Konġunta ACP-UE issegwi mill-qrib is-sitwazzjoni fit-Tramentana tal-Uganda u l-ksur tad-drittijiet tal-bniedem mil-LRA;

17.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u, biex tkun infurmata, lill-Kummissjoni, lir-Rappreżentant Speċjali tal-UE għar-Reġjun tal-Għadajjar il-Kbar, lir-Rappreżentant Speċjali tal-UE għall-Unjoni Afrikana, lill-Gvern tal-Uganda, lill-gvernijiet tal-Istati Membri tal-UE u lill-Membri tal-Kunsill tas-Sigurtà tan-NU, lill-istituzzjonijiet tal-Unjoni Afrikana u lill-Prosekutur tal-ICC.

(1) ĠU L 317, 15.12.2000, p. 3. (2) ĠU L 209, 11.08.2005, p. 27. (3) ĠU L 167, 26.06.2002, p. 1. (4) ĠU C 127 E, 29.5.2003, p.130. (5) ĠU L 118, 14.05.2003, p. 12. (6) ĠU C 31 E, 5.2.2004, p. 83 (7) ĠU L 150, 18.6.2003, p. 67. (8) ĠU L 115, 28.4.2006, p. 50. (9) Testi adottati, 'P6_TA(2008)0238. (10) ĠU C 74 E. 24.3.2004, p. 879. (11) ĠU C 121, 24.4.2001, p. 401.

Riїoluzzjoni leġiїlattiva tal-Parlament Ewropew tal-21 ta' Ottubru 2008 dwar il-proposta għal deciїjoni tal-Parlament Ewropew u tal-Kunsill li tistabbilixxi programm ta' azzjoni għat-tisħiħ tal-kwalità fl-edukazzjoni ogħla u l-promozzjoni ta" fehim interkulturali permezz ta" kooperazzjoni ma" pajjiїi terzi (Erasmus Mundus) (2009-2013) (COM(2007)0395 – C6-0228/2007 – 2007/0145(COD))

P6_TA(2008)0497 A6-0294/2008

(Proċedura ta' kodeċiїjoni: l-ewwel qari)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0395),

–   wara li kkunsidra l-Artikolu 251(2), u l-Artikolu 149(4) tat-Trattat KE, skond liema artikoli l-Kummissjoni ppreїentat il-proposta lill-Parlament (C6-0228/2007),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Kultura u l-Edukazzjoni u l-opinjonijiet tal-Kumitat għall-Affarijiet Barranin kif ukoll tal-Kumitat għall-Iїvilupp, tal-Kumitat għall-Baġits, tal-Kumitat għall-Impjiegi u l-Affarijiet Soċjali u tal-Kumitat għad-Drittijiet tan-Nisa u l-Ugwaljanza bejn is-Sessi (A6-0294/2008),

1.  Japprova l-proposta tal-Kummissjoni kif emendata;

2.  Jikkunsidra li l-pakkett finanzjarju indikat fil-proposta leġiїlattiva għandu jkun kompatibbli mal-limitu massimu ta" l-intestatura 1a tal-qafas finanzjarju pluriennali l-ġdid (MFF) u jiġbed l-attenzjoni li l-ammont annwali se jkun deċiї fil-proċedura baġitarja annwali skond id-dispoїizzjonijiet tal-punt 37 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda(1);

3.  Jinnota li l-mandat ta" l-Aġenzija Eїekuttiva "L-edukazzjoni, l-awdjoviїwali u l-kultura" ma jkoprix l-estensjoni proposta tal-programm Erasmus Mundus; jenfasizza li l-implimentazzjoni tal-programm ta" l-Aġenzija Eїekuttiva se jkun possibbli biss wara estensjoni approvata b'mod xieraq tal-mandat, skond id-dispoїizzjonijiet legali fis-seħħ;

4.  Jinnota li l-ammont ġenerali indikattiv ta" EUR 460 miljun propost għall-iffinanzjar ta" l-Azzjoni 2 tal-programm se jkun kopert mill-pakkett finanzjarju ta" l-istrumenti rispettivi tal-politika barranija;

5.  Jenfasizza li l-iffinanzjar ta" l-attivitajiet previsti skond l-Azzjoni 2 m'għandhomx ikunu ta" detriment għall-attivitajiet oħra ffinanzjati mill-istrumenti differenti; jerġa" jtenni l-poїizzjoni tiegħu li azzjonijiet ġodda m'għandhomx ikunu ffinanzjati mill-baġit ta" l-Unjoni ħlief meta jkunu provduti għalihom mezzi finanzjarji addizzjonali; jistieden lill-Kummissjoni biex tagħti lill-Parlament rapport annwali li jippreїenta d-dettall ta" l-ammonti li jikkonċerna l-attivitajiet li jirriїultaw mill-Azzjoni 2 u t-tqassim tagħhom mill-istrument finanzjarju kif ukoll skond ir-reġjuni u l-pajjiїi kkonċernati;

6.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

7.  Jagħti istruzzjonijiet lill-President tiegħu sabiex jgħaddi l-poїizzjoni tal-Parlament lill-Kunsill u lill-Kummissjoni.

Poїizzjoni tal-Parlament Ewropew adottata fl-ewwel qari fil-21 ta' Ottubru 2008 bil-ħsieb ta' l-adozzjoni tad-Direttiva 2004/.../KE tal-Parlament Ewropew u tal-Kunsill li tistabbilixxi l-programm ta' azzjoni Erasmus Mundus 2009-2013, għat-tisħiħ tal-kwalità fl-edukazzjoni ogħla u l-promozzjoni ta" fehim interkulturali permezz ta" kooperazzjoni ma pajjiїi terzi ▌

(Peress li ntlaħaq ftehim bejn il-Parlament u l-Kunsill, il-poїizzjoni tal-Parlament fl-ewwel qari jaqbel ma' l-att leġislattiv finali, id-Deċiїjoni Nru 1298/2008/KE.)

(1) ĠU C 139, 14.6.2006, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal direttiva tal-Parlament Ewropew u tal-Kunsill dwar regoli u standards ta' sikurezza għall-vapuri tal-passiġġieri (tfassil mill-ġdid) (COM(2007)0737 – C6-0442/2007 – 2007/0257(COD))

P6_TA(2008)0498 A6-0300/2008

(Proċedura ta" kodeċiżjoni - tfassil mill-ġdid)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0737),

–   wara li kkunsidra l-Artikolu 251(2) u l-Artikolu 80(2) tat-Trattat tal-KE, skond liema Artikoli l-Kummissjoni ppreżentat il-proposta lill-Parlament (C6-0442/2007),

–   wara li kkunsidra l-Ftehima Interistituzzjonali tat-28 ta' Novembru 2001 dwar l-użu aktar strutturat tat-teknika ta' tfassil mill-ġdid għall-atti legali(1),

–   wara li kkunsidra l-impenji mogħtija mir-rappreżentant tal-Kunsill b'ittra tat-3 ta' Settembru 2008 biex tiġi adottata l-proposta, skont l-Artikolu 251(2) tat-Trattat KE u r-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament Ewropew, il-Kunsill u l-Kummissjoni, 

–   wara li kkunsidra r-Regoli 80a u 51 tar-Regoli ta' Proċedura,

–   wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għat-Trasport u t-Turiżmu (A6-0300/2008),

A.   billi, skond il-Grupp ta' Ħidma Konsultattiv tas-Servizzi Legali tal-Parlament Ewropew, il-Kunsill u l-Kummissjoni, il-proposta kkonċernata ma tinkludix emendi sostanzjali ħlief dawk identifikati bħala tali fil-proposta u billi, fir-rigward tal-kodifikazzjoni tad-dispożizzjonijiet li ma nbidlux ta' l-atti preċedenti flimkien ma' dawk l-emendi, il-proposta fiha kodifikazzjoni sempliċi tat-testi eżistenti, bla ebda tibdil fis-sustanza tagħhom,

1.  Japprova l-proposta tal-Kummissjoni kif adattata skond ir-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, il-Kunsill u l-Kummissjoni;

2.  Jistieden lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sostanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u l-Kummissjoni.

(1) ĠU C 77, 28.3.2002, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal direttiva tal-Parlament Ewropew u tal-Kunsill dwar l-użu fil-magħluq ta" mikro-organiżmi modifikati ġenetikament (Tfassil mill-ġdid) (COM(2007)0736 – C6-0439/2007 – 2007/0259(COD))

P6_TA(2008)0499 A6-0297/2008

(Proċedura ta' kodeċiżjoni: tfassil mill-ġdid)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0736),

–   wara li kkunsidra l-Artikolu 251(2) u l-Artikolu 175(1) tat-Trattat KE, skond liema artikoli l-Kummissjoni ppreżentat il-proposta lill-Parlament (C6-0439/2007),

–   wara li kkunsidra l-Ftehima Interistituzzjonali tat-28 ta" Novembru 2001 dwar użu iktar strutturat tat-teknika ta" riformulazzjoni għal atti legali(1),

–   wara li kkunsidra l-garanziji mogħtija mir-rappreżentant tal-Kunsill b'ittra tas-7 ta' Ottubru 2008 sabiex tkun adottata l-proposta kif ġiet emendata, b'konformità mal-Artikolu 251(2), it-tieni subparagrafu, l-ewwel inċiż tat-Trattat KE,

–   wara li kkunsidra l-Artikoli 80a u 51 tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għall-Ambjent, is-Saħħa Pubblika u s-Sikurezza ta' l-Ikel (A6-0297/2008),

A.   billi skond il-Grupp ta" Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni, il-proposta li qed tkun eżaminata ma tinkludi l-ebda emenda sostantiva minbarra dawk identifikati bħala tali fil-proposta u billi, fir-rigward tal-kodifikazzjoni tad-dispożizzjonijiet mhux mibdula ta" l-atti preċedenti flimkien ma' dawk l-emendi, il-proposta tinkludi kodifikazzjoni sempliċi tat-testi eżistenti mingħajr l-ebda bidla fis-sustanza tagħhom,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni u kif emendata hawn taħt;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Pożizzjoni tal-Parlament Ewropew adottata fl-ewwel qari fil-21 ta' Ottubru 2008 bil-ħsieb ta' l-adozzjoni tad-Direttiva Nru .../2008/KE tal-Parlament Ewropew u tal-Kunsill dwar l-użu fil-magħluq ta" mikro-organiżmi modifikati ġenetikament (tfassil mill-ġdid)

(Peress li ntlaħaq ftehim bejn il-Parlament u l-Kunsill, il-pożizzjoni tal-Parlament fl-ewwel qari jaqbel ma' l-att leġislattiv finali, d-Direttiva 2009/41/KE.)

(1) ĠU C 77, 28.3.2002, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal direttiva tal-Parlament Ewropew u tal-Kunsill dwar il-prospetti statistiċi fir-rigward tat-trasport ta" merkanzija u passiġġieri bil-baħar (Riformulazzjoni) (COM(2007)0859 – C6-0001/2008 – 2007/0288(COD))

P6_TA(2008)0500 A6-0288/2008

(Proċedura ta' kodeċiżjoni - riformulazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0859),

–   wara li kkunsidra l-Artikolu 251(2) u l-Artikolu 285(1) tat-Trattat KE, skond liema artikoli l-Kummissjoni ppreżentat il-proposta lill-Parlament (C6-0001/2008),

–   wara li kkunsidra l-Ftehima Interistituzzjonali tat-28 ta' Novembru 2001 dwar użu aktar strutturat tat-teknika tar-riformulazzjoni ta' l-atti legali(1),

–   wara li kkunsidra l-garanziji mogħtija mir-rappreżentant tal-Kunsill b'ittra tat-8 ta' Ottubru 2008 sabiex tkun adottata l-proposta kif emendata, b'konformità mal-Artikolu 251(2), it-tieni subparagrafu, l-ewwel inċiż tat-Trattat KE,

–   wara li kkunsidra l-Artikoli 80a u 51 tar-Regoli ta" Proċedura tiegħu,

–   wara li kkunsidra r-rapport tal-Kumitat għall-Affarijiet Legali u l-opinjoni tal-Kumitat għat-Trasport u t-Turiżmu (A6-0288/2008),

A.   billi skond il-Grupp ta" Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni, il-proposta li qed tkun eżaminata ma tinkludi l-ebda emenda sostantiva minbarra dawk identifikati bħala tali fil-proposta u billi, fir-rigward tal-kodifikazzjoni tad-dispożizzjonijiet mhux mibdula ta" l-atti preċedenti flimkien ma' dawk l-emendi, il-proposta tinkludi kodifikazzjoni sempliċi tat-testi eżistenti mingħajr l-ebda bidla fis-sustanza tagħhom,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni u kif emendata hawn taħt;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sostanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Pożizzjoni tal-Parlament Ewropew adottata fl-ewwel qari fil-21 ta' Ottubru 2008 bil-ħsieb ta' l-adozzjoni tad-Direttiva Nru.../2008/KE tal-Parlament Ewropew u tal-Kunsill dwar il-prospetti statistiċi fir-rigward tat-trasport ta" merkanzija u passiġġieri bil-baħar

(Peress li ntlaħaq ftehim bejn il-Parlament u l-Kunsill, il-pożizzjoni tal-Parlament fl-ewwel qari jaqbel ma' l-att leġislattiv finali, d-Direttiva 2009/42/KE.)

(1) ĠU C 77, 28.3.2002, p. 1.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Parlament Ewropew u tal-Kunsill li jemenda r-Regolament (KE) Nru 638/2004 dwar l-istatistika Komunitarja rigward il-kummerċ ta' merkanzija bejn l-Istati Membri (COM(2008)0058 – C6-0059/2008 – 2008/0026(COD))

P6_TA(2008)0501 A6-0348/2008

(Proċedura ta' kodeċiżjoni - l-ewwel qari)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0058),

–   wara li kkunsidra l-Artikolu 251(2) u l-Artikolu 285(1) tat-Trattat KE, skont liema artikoli l-Kummissjoni ppreżentat il-proposta lill-Parlament (C6-0059/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Ekonomiċi u Monetarji (A6-0348/2008),

1.  Japprova l-proposta tal-Kummissjoni kif emendata;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Pożizzjoni tal-Parlament Ewropew adottata fl-ewwel qari fil-21 ta' Ottubru 2008 bil-ħsieb ta' l-adozzjoni tar-Regolament (KE) Nru .../2008 tal-Parlament Ewropew u tal-Kunsill li temenda r-Regolament (KE) Nru 638/2004 dwar l-Istatistika Komunitarja li għandha x'taqsam mal-kummerċ ta' merkanzija bejn l-Istati Membri

(Peress li ntlaħaq ftehim bejn il-Parlament u l-Kunsill, il-pożizzjoni tal-Parlament fl-ewwel qari jaqbel ma' l-att leġislattiv finali, ir-Regolament (KE) Nru 222/2009.)

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill li jemenda r-Regolament (KE) Nru 2201/2003 fir-rigward ta' ġurisidizzjoni u introduzzjoni ta' regoli dwar liġi applikabbli fi kwistjonijiet matrimonjali (COM(2006)0399 – C6-0305/2006 – 2006/0135(CNS))

P6_TA(2008)0502 A6-0361/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2006)0399),

–   wara li kkunsidra l-Artikolu 61 (c) u l-Artikolu 67 (1) tat-Trattat KE, skont liema huwa ġie kkonsultat mill-Kunsill (C6-0305/2006),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern u l-opinjoni tal-Kumitat għall-Affarijiet Legali (A6-0361/2008),

1.  Japprova l-proposta tal-Kummissjoni kif emendata;

2.  Jistieden lill-Kummissjoni sabiex konsegwentement tbiddel il-proposta tagħha, skont l-Artikolu 250(2) tat-Trattat KE;

3.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Test propost mill-Kummissjoni   Emendi tal-Parlament Emenda 1 PREMESSA 6A (ġdida) (6a)  Il-possibiltà li tintgħażel il-liġi applikabbli għad-divorzju u għas-separazzjoni legali m'għandhiex tippreġudika l-għola interess tat-tfal. Emenda 2 PREMESSA 6B (ġdida) (6b)  Qabel ma jiġu magħżula l-ġuriżdizzjoni kompetenti u l-liġi applikabbli, huwa importanti li l-miżżewġin ikollhom aċċess għal informazzjoni aġġornata fir-rigward ta' l-aspetti essenzjali tal-liġi nazzjonali u Komunitarja u l-proċeduri fil-qasam tad-divorzju u tas-separazzjoni legali. Sabiex jiġi garantit dan l-aċċess għall-informazzjoni ta' kwalità adegwata, il-Kummissjoni għandha taġġorna b'mod regolari l-informazzjoni fis-sistema ta' informazzjoni pubblika bbażata fuq l-internet u mwaqqfa permezz tad-Deċiżjoni tal-Kunsill 2001/470/KE tat-28 ta' Mejju 2001 li tistabbilixxi Network Ġudizzjarju Ewropew fil-materji ċivili u kummerċjali1. 1 ĠU L 174, 27.6.2001, p. 25. Emenda 3 PREMESSA 6C (ġdida) (6c)  Il-possibiltà li l-ġuriżdizzjoni u l-liġi applikabbli jintagħżlu bi ftehim reċiproku m'għandhiex tippreġudika d-drittijiet u l-ugwaljanza ta' l-opportunitajiet għaż-żewġ konjuġi. F'dan ir-rigward, l-imħallfin nazzjonali għandhom ikunu konxji mill-importanza ta' għażla infurmata taż-żewġ konjuġi fir-rigward tal-konsegwenzi legali tal-ftehim milħuq. Emenda 4 PREMESSA 7A (ġdida) (7a)  It-terminu "residenza abitwali" għandu jiġi interpretat b'konformità mal-objettivi ta" dan ir-regolament. Is-sinifikat tiegħu għandu jiġi determinat mill-imħallef skond il-każ fuq bażi fattwali. Dan it-terminu ma jirreferix għal kunċett tal-liġi nazzjonali, iżda għal kunċett awtonomu tal-liġi Komunitarja. Emenda 5 PREMESSA 9A (ġdida) (9a)  Il-ftehim infurmat taż-żewġ konjuġi huwa prinċipju essenzjali ta' dan ir-Regolament. Kull imsieħeb tal-koppja għandu jkun jaf eżattament x'inhuma l-konsegwenzi ġuridiċi u soċjali tal-għażla tal-ġuriżdizzjoni u tal-liġi applikabbli. Emenda 6 ARTIKOLU 1, PUNT 1 Titolu (Regolament (KE) Nru 2201/2003) Regolament tal-Kunsill (KE) Nru 2201/2003 fir-rigward ta" ġuriżdizzjoni u r-rikonoxximent u l-infurzar tas-sentenzi fi kwistjonijiet matrimonjali u fil-kwistjonijiet ta" responsabilità tal-ġenituri kif ukoll dwar il-liġi applikabbli fi kwistjonijiet matrimonjali. Regolament tal-Kunsill (KE) Nru 2201/2003 fir-rigward ta" ġuriżdizzjoni u r-rikonoxximent u l-infurzar tas-sentenzi fi kwistjonijiet matrimonjali u fil-kwistjonijiet ta" responsabilità tal-ġenituri kif ukoll dwar il-liġi applikabbli fi kwistjonijiet ta' divorzju u ta' separazzjoni legali Emenda 7 ARTIKOLU 1 – PUNT 1 (a) (ġdid) Artikolu 2, punt 11 (ġdid) (Regolament (KE) Nru 2201/2003) (1a)  Fl-Artikolu 2, għandu jiżdied il-punt li ġej: "11a. il-frażi 'residenza abitwali' għandha tfisser id-domiċilju ordinarju ta' persuna." Emenda 8 ARTIKOLU 1, PUNT 2 Artikolu 3a (1) punt (a) (Regolament (KE) Nru 2201/2003) (a) kull kompetenza mniżżla f' Artikolu 3 japplika, jew (a) fil-mument meta l-ftehim jintlaħaq, il-ġuriżdizzjoni tal-Istat Membru msemmi hija kompetenti skont l-Artikolu 3, jew; Emenda 9 ARTIKOLU 1, PUNT 2 Artikolu 3a (1) punt (b) (Regolament (KE) Nru 2201/2003) (b) ikun il-post ta' l-aħħar residenza abitwali komuni tal-konjuġi għal mill-inqas tliet snin, jew (b) fil-mument tal-konklużjoni tal-ftehim, dan huwa l-Istat Membru tar-residenza abitwali tal-konjuġi għal mill-inqas tliet snin, bil-kundizzjoni li din is-sitwazzjoni ma ntemmitx iktar minn tliet snin qabel ma l-qorti tingħata l-ġuriżdizzjoni, jew; Emenda 10 ARTIKOLU 1, PUNT 2 Artikolu 3a (1) punt (c) (Regolament (KE) Nru 2201/2003) (c) wieħed mil-konjuġi huwa/hija ċittadin ta' Stat Membru, jew, fil-każ tar-Renju Unit u l-Irlanda, għandu jew għandha "id-domiċilju" fit-territorjuf'wieħed minn dawn l-aħħar Stati Membri. c) fil-mument meta ntlaħaq il-ftehim, wieħed mill-konjuġi huwa/hija ċittadin ta' dan l-Istat Membru, jew, fil-każ tar-Renju Unit u l-Irlanda, għandu jew għandha "id-domiċilju" fit-territorju ta" wieħed minn dawn iż-żewġ Stati Membri. Emenda 11 ARTIKOLU 1, PUNT 2 Artikolu 3a (1), punt c (a) (ġdid) (Regolament (KE) Nru 2201/2003) (ca) iż-żwieġ tagħhom ikun sar f'dak l-Istat Membru. Emenda 12 ARTIKOLU 1, PUNT 2 Artikolu 3a (2) (Regolament (KE) Nru 2201/2003) 2.  Ftehim li jagħti ġuriżdizzjoni ser ikun espress bil-miktub u ffirmat miż-żewġ konjuġi sa mhux iktar tard minn meta l-qorti tingħata pussess. 2.  Ftehim li jagħti ġuriżdizzjoni jista" jintlaħaq u jiġi emendat fi kwalunkwe mument, iżda sa mhux iktar tard minn meta l-qorti tingħata pussess. Huwa għandu japplika għal kull livell tal-proċedura ġudizzjarja. Dan il-ftehim huwa fformulat bil-kitba, datat u ffirmat miż-żewġ konjuġi. Jekk il-liġi ta' l-Istat Membru li fih wieħed mill-konjuġi għandu r-residenza abitwali tiegħa/tagħha fil-mument tal-konklużjoni tal-ftehim tipprevedi esiġenzi formali ulterjuri għal ftehimiet bħal dawn, dawn l-esiġenzi għandhom jiġu sodisfatti. Jekk il-konjuġi għandhom ir-residenza abitwali tagħhom fi Stati Membri differenti, li l-liġijiet rispettivi tagħhom jipprevedu esiġenzi formali ulterjuri, il-ftehim huwa validu jekk jissodisfa l-esiġenzi ta' waħda minn dawn il-liġijiet. Jekk il-ftehim huwa parti minn kuntratt ta' żwieġ, l-esiġenzi formali ta' dan il-kuntratt taż-żwieġ għandhom jiġu sodisfatti. Emenda 13 ARTIKOLU 1, PUNT 3 Artikoli 4 u 5 (Regolament (KE) Nru 2201/2003) 3)  Fl-Artikoli 4 u 5, it-termini "Artikolu 3" tbiddlu mat-termini "Artikoli 3 u 3a". 3)  Fl-Artikoli 4 u 5, it-termini "Artikolu 3" tbiddlu mat-termini "Artikoli 3, 3a u 7". Emenda 14 ARTIKOLU 1, PUNT 5 Artikolu 7, punt (a) (Regolament (KE) Nru 2201/2003) (a) il-konjuġi kellhom ir-residenza abitwali ta' qabel fit-territorju ta' Stat Membru għal mill-inqas tliet snin; jew; (a) il-konjuġi preċedentement kellhom ir-residenza abitwali tagħhom fit-territorju ta' l-Istat Membru msemmi matul mill-inqas tliet snin, bil-kundizzjoni li t-tmiem ta' dan il-perjodu ma seħħx iktar minn tliet snin qabel ma l-qorti ngħatat l-ġuriżdizzjoni, jew; Emenda 15 ARTIKOLU 1 – PUNT 5 (a) (ġdid) Artikolu 7a (ġdid) (Regolament (KE) Nru 2201/2003) 5 a)  L-Artikolu li ġej huwa miżjud: "Artikolu 7a Forum necessitatis Meta l-ġuriżdizzjoni kompetenti skond dan ir-Regolament tinsab fi Stat Membru li l-liġi tiegħu ma tipprevedix id-divorzju jew ma tirrikonoxxix l-eżistenza jew il-validità taż-żwieġ in kwistjoni, il-ġuriżdizzjoni tingħata: (a) lill-Istat Membru tan-nazzjonalità ta' wieħed mill-konjuġi; jew b) lill-Istat Membru li fih ġie ċċelebrat iż-żwieġ." Emenda 16 ARTIKOLU 1, PUNT 6 Artikoli 12(1) (Regolament (KE) Nru 2201/2003) 6)  Fl-Artikolu 12 (1), it-termini "Artikolu 3" tbiddlu mat-termini "Artikoli 3 u 3a". 6)  Fl-Artikolu 12 (1), it-termini "Artikolu 3" tbiddlu mat-termini "Artikoli 3, 3a u 7". Emenda 38 ARTIKOLU 1, PUNT 7 Artikolu 20a, paragrafu 1, parti introduttorja(Regolament (KE) Nru 2201/2003) 1.  Il-konjuġi jistgħu jiftiehmu sabiex jagħżlu l-liġi applikabbli għal divorzju jew separazzjoni legali. Il-konjuġi jistgħu jiftiehmu sabiex jagħżlu waħda mil-liġijiet li gejjin: 1.  Il-konjuġi jistgħu jiftiehmu sabiex jagħżlu l-liġi applikabbli għal divorzju jew separazzjoni legali sakemm din il-liġi hija f'konformità mad-drittijiet fundamentali definiti fit-Trattati u fil-Karta tad-Drittijiet Fundamentali tal-Unjoni Ewropea u mal-prinċipju tal-politika pubblika. Il-konjuġi jistgħu jiftiehmu sabiex jagħżlu waħda mil-liġijiet li gejjin: Emenda 18 ARTIKOLU 1, PUNT 7 Artikolu 20a (1), punt -(a) (ġdid) (Regolament (KE) Nru 2201/2003) -a) il-liġi ta' l-Istat Membru tar-residenza abitwali tal-konjuġi fil-mument tal-konklużjoni tal-ftehim; Emenda 19 ARTIKOLU 1, PUNT 7 Artikolu 20a (1) punt (a) (Regolament (KE) Nru 2201/2003) (a) il-liġi ta" l-Istat ta" l-aħħar residenza abitwali komuni tal-konjuġi safejn wieħed jew waħda minnhom ghadhom jgħixu hemm; (a) il-liġi ta' l-Istat tar-residenza abitwali tal-konjuġi sakemm wieħed mit-tnejn kien għadu jgħix fiha fil-mument tal-konklużjoni tal-ftehim; Emenda 20 ARTIKOLU 1, PUNT 7 Artikolu 20a (1) punt (b) (Regolament (KE) Nru 2201/2003) (b) il-liġi ta' l-Istat ta' nazzjonalità ta' wieħed mill-konjuġi jew, fil-każ tar-Renju Unit u l-Irlanda, id-"domiċilju" ta" wieħed jew waħda mill-konjuġi; b) il-liġi ta' l-Istat ta' nazzjonalità ta' wieħed mill-konjuġi jew, fil-każ tar-Renju Unit u ta' l-Irlanda, "id-domiċilju" ta' wieħed mill-konjuġi fil-mument tal-konklużjoni tal-ftehim; Emenda 21 ARTIKOLU 1, PUNT 7 Artikolu 20a (1) punt (c) (Regolament (KE) Nru 2201/2003) (c) il-liġi ta" l-istat fejn il-konjuġi għexu għal mill-imqas ħames snin; (c) il-liġi ta" l-Istat fejn il-konjuġi kellhom preċedentement ir-residenza abitwali tagħhom għal mill-inqas tliet snin; Emenda 22 u 23 ARTIKOLU 1, PUNT 7 Artikolu 20a (1), punt c (a) (ġdid) (Regolament (KE) Nru 2201/2003) c a) il-liġi ta' l-Istat li fih ġie ċċelebrat iż-żwieġ; Emenda 24 ARTIKOLU 1, PUNT 7 Artikolu 20a (2) (Regolament (KE) Nru 2201/2003) 2.  Ftehim li jindika l-liġi applikabbli ser ikun espress bil-miktub u jkun iffirmat miż-żewġ konjuġi sa mhux iktar tard minn meta l-qorti tingħata l-ġuriżdizzjoni. 2.  Ftehim li jindika l-liġi applikabbli ser ikun espress bil-miktub u jkun iffirmat miż-żewġ konjuġi sa mhux iktar tard minn meta l-qorti tingħata l-ġuriżdizzjoni. Madankollu, jekk il-liġi ta' l-Istat Membru li fih wieħed mill-konjuġi għandu r-residenza abitwali tiegħa/tagħha fil-mument tal-konklużjoni tal-ftehim tipprevedi esiġenzi formali ulterjuri għal ftehimiet bħal dawn, dawn l-esiġenzi għandhom jiġu sodisfatti. Jekk il-konjuġi għandhom ir-residenza abitwali tagħhom fi Stati Membri differenti, li l-liġijiet rispettivi tagħhom jipprevedu esiġenzi formali ulterjuri, il-ftehim huwa validu jekk jissodisfa l-esiġenzi ta' waħda minn dawn il-liġijiet. Jekk il-ftehim hu parti minn kuntratt ta' żwieġ, l-esiġenzi formali tal-kuntratt taż-żwieġ għandhom jiġu sodisfatti. Emenda 25 ARTIKOLU 1, PUNT 7 Artikolu 20a (2a) (ġdid) (Regolament (KE) Nru 2201/2003) 2 a.  Jekk il-liġi indikata skond l-ewwel paragrafu ta' dan l-Artikolu ma tirrikonoxxix is-separazzjoni legali jew id-divorzju jew jekk tirrikonoxxihom b'mod li huwa diskriminatorju fir-rigward ta' waħda mill-persuni li qed jiżżewġu, għandha tapplika l-lex fori. Emenda 27 ARTIKOLU 1, PUNT 7 Artikolu 20b, punt (a) (Regolament (KE) Nru 2201/2003) (a) fejn il-konjuġi għandhom ir-resdenza komuni abitwali, jew fin-nuqqas ta" dan, a) fejn il-konjuġi għandhom ir-residenza abitwali fil-mument meta l-qorti tingħata l-ġuriżdizzjoni, jew, fin-nuqqas ta" dan, Emenda 28 ARTIKOLU 1, PUNT 7 Artikolu 20b, punt (b) (Regolament (KE) Nru 2201/2003) (b) fejn il-konjuġi kellhom l-aħħar residenza komuni abitwali sakemm wieħed jew waħda minnhom għadu jgħix hemm, jew fin-nuqqas ta" dan, b) fejn il-konjuġi kellhom ir-residenza abitwali sakemm wieħed jew waħda minnhom kien għadu jgħix hemm fil-mument meta l-qorti tingħata l-ġuriżdizzjoni, jew fin-nuqqas ta" dan, Emenda 29 ARTIKOLU 1, PUNT 7 Artikolu 20b, punt (c) (Regolament (KE) Nru 2201/2003) (c) ta" fejn iż-żewġ konjuġi għandhom in-nazzjonalità, jew, fil-każ tar-Renju Unit u l-Irlanda, it-tnejn li huma għandhom id-"domiċilju", jew fin-nuqqas ta' dan, c) tan-nazzjonalità taż-żewġ konjuġi jew, fil-każ tar-Renju Unit u ta' l-Irlanda, tad-''domiċilju'' taż-żewġ konjuġi fil-mument meta l-qorti tingħata l-ġuriżdizzjoni, jew fin-nuqqas ta' dan, Emenda 30 ARTIKOLU 1, PUNT 7 Artikolu 20 b, inċiż 1 a (ġdid) (Regolament (KE) Nru 2201/2003) Jekk il-liġi indikata skond l-ewwel paragrafu mhux innumerat ta' dan l-Artikolu ma tirrikonoxxix is-separazzjoni legalijew id-divorzju jew jekk tirrikonoxxihom b'mod li huwa diskriminatorju fir-rigward ta' waħda mill-persuni li qed jiżżewġu, għandha tapplika l-lex fori. Emenda 31 ARTIKOLU 1, PUNT 7 Artikolu 20e a (ġdid) (Regolament (KE) Nru 2201/2003) Artikolu 20e a Informazzjoni min-naħa ta' l-Istati Membri 1.  Sa mhux aktar tard mill-...1, l-Istati Membri għandhom jikkomunikaw lill-Kummissjoni r-regoli nazzjonali tagħhom fir-rigward ta' l-esiġenzi formali li japplikaw għall-ftehimiet rigward l-għażla tal-ġuriżdizzjoni kompetenti u tal-liġi applikabbli. L-Istati Membri għandhom jikkomunikaw kull tibdil ulterjuri f'dawn ir-regoli lill-Kummissjoni. 2.  Il-Kummissjoni għandha tqiegħed għad-dispożizzjoni tal-pubbliku l-informazzjoni li ġiet komunikata lilha skond l-ewwel paragrafu permezz ta' miżuri adegwati, b'mod partikolari permezz tan-netwerk ġudizzjarju Ewropew fil-materji ċivili u kummerċjali. 1 3 xhur wara d-data ta' dħul fis-seħħ ta' dan ir-Regolament.

Riżoluzzjoni leġiżlattiva tal-Parlament Ewropew tal-21 ta' Ottubru 2008 dwar il-proposta għal regolament tal-Kunsill li jemenda r-Regolament (KE) Nru 639/2004 dwar l-amministrazzjoni tal-flotot tas-sajd reġistrati fir-reġjuni l-iktar periferiċi tal-Komunità (COM(2008)0444 – C6-0298/2008 – 2008/0138(CNS))

P6_TA(2008)0503 A6-0388/2008

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0444),

–   wara li kkunsidra l-Artikoli 37 u 299(2) tat-Trattat KE, skont liema artikoli ġie kkonsultat mill-Kunsill (C6-0298/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd (A6-0388/2008),

1.  Japprova l-proposta tal-Kummissjoni kif emendata;

2.  Jistieden lill-Kummissjoni sabiex konsegwentement tbiddel il-proposta tagħha, skond l-Artikolu 250(2) tat-Trattat tal-KE;

3.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Test propost mill-Kummissjoni   Emenda Emenda 1 Proposta għal regolament – att li jemenda Premessa 3 a (ġdid) (3a)  Barra minn hekk, jirriżulta li fir-reġjuni l-iktar periferiċi jeżistu flotot li fil-maġġoranza tagħhom huma magħmula minn dgħajjes antikwati, li xi kultant ikollhom iktar minn 30 sena, u li minħabba f'dan hemm il-ħtieġa li jkun garantit appoġġ Komunitarju għat-tiġdid u għall-immodernizzar ta" dawn il-flotot, b'mod partikulari tal-flotta artiġanali, biex jittejbu l-kundizzjonijiet ta" preservazzjoni tal-ħut kif ukoll il-kundizzjonijiet tax-xogħol u ta' sikurezza tal-professjonisti tas-sajd f'dawn ir-reġjuni; Emenda 2 Proposta għal regolament – att li jemenda Premessa 4 (4)  Għalhekk huwa xieraq li d-data ta' l-għeluq għad-deroga stabbilita fl-Artikolu 2(5) tar-Regolament (KE) Nru 639/2004 tiġi estiża għal sena oħra. (4)  Għalhekk huwa xieraq li d-data tal-għeluq għad-deroga stabbilita fl-Artikolu 2(5) tar-Regolament (KE) Nru 639/2004 tiġi estiża sal-2011. Emenda 4 Proposta għal regolament – att li jemenda Artikolu -1 (ġdid) Regolament (KE) Nru 639/2004 Artikolu 2 – punt 2 Artikolu -1 Fl-Artikolu 2 tar-Regolament (KE) Nru 639/2004, il-punt 2 għandu jinbidel b'dan li ġej: "2) b'deroga mill-Artikolu 9(1)(c)(i) tar-Regolament (KE) Nru 2792/1999, tista' tingħata għajnuna pubblika għall-immodernizzar tal-flotta f'dak li huwa tunnellaġġ u/jew qawwa, fil-limiti tal-livelli ta" referenza speċifiċi msemmija fl-Artikolu 1 ta' dan ir-Regolament." Emenda 6 Proposta għal regolament – att li jemenda Artikolu -1 a (ġdid) Regolament (KE) Nru 639/2004 Artikolu 2 – punt 4 Artikolu -1a Fl-Artikolu 2 tar-Regolament (KE) Nru 639/2004, il-punt 4 għandu jinbidel b'dan li ġej: "4) b'deroga mill-Artikolu 9(1)(a) tar-Regolament (KE) Nru 2792/1999, għajnuna pubblika għat-tiġdid ta' bastimenti tas-sajd tista' tingħata sal-31 ta' Diċembru 2009." Emenda 7 Proposta għal regolament – att li jemenda Artikolu 1 Regolament (KE) Nru 639/2004 Artikolu 2 – punt 5 Fl-Artikolu 2(5) tar-Regolament (KE) Nru 639/2004, "il-31 ta' Diċembru 2008" għandu jiġi sostitwit b" "il-31 ta' Diċembru 2009". Fl-Artikolu 2, punt 5, tar-Regolament (KE) Nru 639/2004, id-data "31 ta' Diċembru 2008" għandha tinbidel bid-data "31 ta' Diċembru 2011". Emenda 8 Proposta għal regolament – att li jemenda Artikolu 1 a (ġdid) Regolament (KE) Nru 639/2004 Artikolu 6 Artikolu 1a L-Artikolu 6 tar-Regolament (KE) Nru 639/2004 għandu jibidel b'dan li ġej: "Il-Kummissjoni għandha tippreżenta rapport lill-Parlament Ewropew u lill-Kunsill dwar l-implimentazzjoni ta' dan ir-Regolament qabel l-iskadenza tad-derogi li dan jipprevedi. F'dak li għandu x'jaqsam mal-miżuri stipulati fl-Artikolu 2, il-Kummissjoni għandha tipproponi, jekk ikun il-każ, l-adattamenti meħtieġa, skont l-evoluzzjoni tal-bżonnijiet soċjoekonomiċi tar-reġjuni kkonċernati u tal-istat tar-riżorsi tas-sajd rispettivi tagħhom."

Dikjarazzjoni tal-Parlament Ewropew dwar il-ġlieda kontra t-traffikar tat-tfal

P6_TA(2008)0504 P6_DCL(2008)0050

Il-Parlament Ewropew,

–   wara li kkunsidra l-Artikoli 34 u 35 tal-Konvenzjoni tan-NU dwar id-Drittijiet tat-Tfal,

–   wara li kkunsidra l-Konvenzjoni tal-Kunsill ta' l-Ewropa dwar Azzjoni kontra t-Traffikar tal-Bnedmin,

–   wara li kkunsidra l-Karta tad-Drittijiet Fundamentali ta' l-Unjoni Ewropea,

–   wara li kkunsidra l-Artikolu 116 tar-Regoli ta' Proċedura tiegħu,

A.   billi t-traffikar tat-tfal għadu problema persistenti, b'iktar minn żewġ miljuni ttraffikati kull sena minħabba xogħol sfurzat u esplojtazzjoni sesswali,

B.   billi l-iżvilupp ta' teknoloġiji tal-komunikazzjoni ġodda jżid it-traffikar tat-tfal, filwaqt li jwassal biex l-immaniġġjar ta' dan il-fenomenu jsir iktar diffiċli,

C.   billi l-awtoritajiet nazzjonali u l-NGOs fl-Istati Membri għadhom mhux qed jaġixxu b'mod effiċjenti kontra t-traffikar tat-tfal, minħabba koperazzjoni transkonfinali insuffiċjenti, nuqqas ta' taħriġ professjonali jew minħabba implimentazzjoni inadegwata ta' l-istandards legali eżistenti,

1.  Jistieden lill-Istati Membri biex jirrikonoxxu l-ġlieda kontra t-traffikar tat-tfal bħala objettiv ta' prijorità fil-politiki nazzjonali tagħhom għall-ħarsien tat-tfal;

2.  Jistieden biex il-Parlament Ewropew u lill-Kunsill jipprovdu r-riżorsi neċessarji fil-qafas ta' l-istrateġija tal-Kummissjoni dwar il-promozzjoni u l-ħarsien tad-drittijiet tat-tfal;

3.  Jistieden lill-Istati Membri biex ikomplu jikkoperaw u jagħmlu skambju ta' għarfien u esperjenza b'mod attiv ma' l-awtoritajiet ta' l-UE u l-NGOs rilevanti, għall-prevenzjoni u l-ġlieda kontra t-traffikar tat-tfal, u biex jipprovdu trattament adegwat għall-vittmi ta' dan it-traffikar;

4.  Jagħti istruzzjonijiet lill-President tiegħu biex jgħaddi din id-dikjarazzjoni, flimkien ma' l-ismijiet tal-firmatarji, lill-Kunsill u lill-Kummissjoni.