Testi adottati - Pagamenti diretti lill-bdiewa skont skemi ta' appoġġ fil-qafas tal-PAK (Deċiżjoni dwar il-ftuħ u l-mandat tan-negozjati interistutuzzjonali)

Choisissez la langue de votre document :

Indiċi

Preċedenti

Li jmiss

Test sħiħ

Proċedura : 2011/0280(COD)

Ċiklu ta' ħajja waqt sessjoni

Ċiklu relatat mad-dokument : B7-0079/2013
Testi mressqa : B7-0079/2013		Dibattiti : PV 12/03/2013 - 14 CRE 12/03/2013 - 14 PV 13/03/2013 - 6 CRE 13/03/2013 - 6		Votazzjonijiet : PV 13/03/2013 - 8.7 CRE 13/03/2013 - 8.7 Spjegazzjoni tal-votazzjoni Spjegazzjoni tal-votazzjoni		Testi adottati : P7_TA(2013)0084

Testi adottati

860k

98k

L-Erbgħa, 13 ta' Marzu 2013 - Strasburgu

Pagamenti diretti lill-bdiewa skont skemi ta' appoġġ fil-qafas tal-PAK (Deċiżjoni dwar il-ftuħ u l-mandat tan-negozjati interistutuzzjonali)

P7_TA(2013)0084

B7-0079/2013

Deċiżjoni tal-Parlament Ewropew tat-13 ta' Marzu 2013 dwar il-ftuħ u l-mandat tan-negozjati interistutuzzjonali dwar il-proposta għal Regolament tal-Parlament Ewropew u tal-Kunsill li jistabbilixxi regoli għall-pagamenti diretti lill-bdiewa skont skemi ta’ appoġġ fil-qafas tal-politika agrikola komuni (COM(2011)0625/3 – C7-0336/2011 – COM(2012)0552 – C7-0311/2012 – 2011/0280(COD) – 2013/2528(RSP))

Il-Parlament Ewropew,

– wara li kkunsidra l-proposta tal-Kumitat għall-Agrikoltura u l-Iżvilupp Rurali,

– wara li kkunsidra l-Artikolu 70(2) u l-Artikolu 70a tar-Regoli ta’ Proċedura tiegħu,

billi l-pakkett finanzjarju speċifikat fil-proposta leġiżlattiva huwa biss indikazzjoni lill-awtorità leġiżlattiva u ma jistax jiġi stabbilit sakemm jintlaħaq qbil rigward il-proposta għal regolament li jistabbilixxi l-qafas finanzjarju pluriennali għas-snin 2014-2020;

Jiddeċiedi li jiftaħ negozjati interistituzzjonali fuq il-bażi tal-mandat li ġej:

MANDAT

Test propost mill-Kummissjoni

Emenda

Emenda 1
Proposta għal regolament
Premessa 1

(1) Il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar “Il-PAK fid-dawl tas-sena 2020: Nindirizzaw l-isfidi tal-futur fl-ambitu tal-ikel, tar-riżorsi naturali u dak territorjali” tistabbilixxi sfidi, objettivi u orjentazzjonijiet potenzjali għall-Politika Agrikola Komuni (PAK) wara l-2013. Fid-dawl tad-dibattitu dwar dik il-Komunikazzjoni, il-PAK għandha tkun irriformata b’effett mill-1 ta’ Jannar 2014. Dik ir-riforma għandha tkopri l-istrumenti ewlenin kollha tal-PAK, inkluż ir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta' appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta' appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003. Minħabba l-kamp ta’ applikazzjoni tar-riforma, huwa xieraq li jitħassar ir-Regolament (KE) Nru 73/2009 u jinbidel b’test ġdid. Ir-riforma għandha wkoll, kemm jista’ jkun, tagħmel id-dispożizzjonijiet konformi u sempliċi.

Emenda 2
Proposta għal regolament
Premessa 1a (ġdida)

(1a) Jeħtieġ li jkun hemm PAK b'saħħitha, appoġġjata minn baġit suffiċjenti b’żieda f’termini reali fuq il-perjodu 2007 sal-2013 sabiex l-Unjoni Ewropea, f'kull mument, tkun tista' tipproduċi l-kwantità u l-varjetà meħtieġa ta' prodotti tal-ikel ta' kwalità għolja u biex tgħin fil-promozzjoni tal-impjiegi, tippreserva u tipproduċi beni ambjentali, tikkumbatti t-tibdil fil-klima u tiġġestixxi t-territorju. Il-PAK, barra minn hekk, għandha tkun ibbażata fuq dispożizzjonijiet li jinftiehmu mill-ewwel mill-bdiewa, mill-partijiet l-oħra kkonċernati u miċ-ċittadini b'mod ġenerali, sabiex tiġi żgurata t-trasparenza fl-implimentazzjoni, ikun jista' jkun hemm sorveljanza u jitnaqqsu l-ispejjeż għall-operaturi u l-amministraturi.

Emenda 3
Proposta għal regolament
Premessa 1b (ġdida)

(1b) Wieħed mill-objettivi u r-rekwiżiti ewlenin tar-riforma tal-PAK huwa t-tnaqqis fil-piż amministrattiv. Dan l-għan għandu jitqies sew meta jitfasslu d-dispożizzjonijiet rilevanti għall-iskema ta’ appoġġ dirett. In-numru ta’ skemi ta’ appoġġ ma għandux jaqbeż il-limitu meħtieġ, filwaqt li l-bdiewa u l-Istati Membri għandhom ikunu f’pożizzjoni li jkunu jistgħu jissodisfaw ir-rekwiżiti u l-obbligi rispettivi mingħajr burokrazija żejda. Il-piż amministrattiv futur tal-Istati Membri u tal-benefiċjarji għandu jitnaqqas permezz ta’ livelli ta’ tolleranza orjentati lejn il-prattika, limiti de minimis u bilanċ xieraq bejn il-fiduċja u l-kontroll.

Emenda 4
Proposta għal regolament
Premessa 8

(8) Biex titqies leġiżlazzjoni ġdida dwar skemi ta’ appoġġ li jistgħu jkunu adottati wara d-dħul fis-seħħ ta’ dan ir-Regolament, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-emendar tal-lista ta’ skemi ta’ appoġġ koperta b'dan ir-Regolament.

(8) Biex titqies leġiżlazzjoni ġdida dwar skemi ta’ appoġġ li jistgħu jkunu adottati wara d-dħul fis-seħħ ta’ dan ir-Regolament, is-setgħa biex l-atti delegati jiġu adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-emendar tal-lista ta’ skemi ta’ appoġġ stipulata fl-Anness I ta’ dan ir-Regolament.

Emenda 5
Proposta għal regolament
Premessa 9

(9) Biex jitqiesu elementi ġodda speċifiċi u biex tkun garantita l-protezzjoni tad-drittijiet tal-benefiċjarji, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-istipular ta’ aktar definizzjonijiet dwar l-aċċess għall-appoġġ skont dan ir-Regolament, u jiġi stabbilit qafas li fih l-Istati Membri għandhom jiddefinixxu l-attivitajiet minimi li għandhom jitwettqu f’żoni li b'mod naturali jinżammu fi stat tajjeb għar-ragħa jew għall-kultivazzjoni kif ukoll il-kriterji li jridu jilħqu l-bdiewa biex jitqies li rrispettaw l-obbligu taż-żamma taż-żona agrikola fi stat tajjeb għall-produzzjoni u l-kriterju biex tiġi determinata l-predominanza ta' ħxejjex u foraġġ erbaċew ieħor fir-rigward tal-bwar permanenti.

(9) Biex jitqiesu elementi ġodda speċifiċi u biex tkun garantita l-protezzjoni tad-drittijiet tal-benefiċjarji, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni fir-rigward tal-istabbiliment tal-kriterji li bihom l-Istati Membri għandhom jiddefinixxu l-attivitajiet minimi li għandhom jitwettqu f’żoni li b'mod naturali jinżammu fi stat tajjeb għar-ragħa jew għall-kultivazzjoni kif ukoll il-qafas li fih l-Istati Membri għandhom jiddefinixxu l-kriterji li jridu jilħqu l-bdiewa biex jitqies li rrispettaw l-obbligu taż-żamma taż-żona agrikola fi stat tajjeb għall-produzzjoni.

Emenda 6
Proposta għal regolament
Premessa 10

(10) Biex tiggarantixxi l-protezzjoni tad-drittijiet tal-benefiċjarji, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-adozzjoni ta' regoli dwar il-bażi tal-kalkolu ta’ tnaqqis li għandhom ikunu applikati mill-Istati Membri lill-bdiewa skont l-applikazzjoni tad-dixxiplina finanzjarja.

imħassar

Emenda 7
Proposta għal regolament
Premessa 13

(13) L-esperjenza mill-applikazzjoni tad-diversi skemi ta’ appoġġ għall-bdiewa uriet li, f'għadd ta' każijiet, l-appoġġ ingħata lill-benefiċjari li l-fini tan-negozju tagħhom ma kinitx immirata lejn l-attività agrikola, jew kienet immirata b’mod marġinali biss, bħall-ajruporti, il-kumpaniji ferrovjarji, il-kumpaniji ta’ proprjetà immobbli u l-kumpaniji ta’ ġestjoni tal-grawnds tal-isports. Biex jiżguraw l-immirar aħjar tal-appoġġ, l-Istati Membri għandhom jevitaw li jagħtu pagamenti diretti lil persuni fiżiċi u ġuridiċi bħal dawn. Il-bdiewa part-time żgħar jikkontribwixxu direttament għall-vitalità taż-żoni rurali, u għalhekk ma għandhomx jiċċaħħdu milli jingħataw pagamenti diretti.

(13) L-esperjenza mill-applikazzjoni tad-diversi skemi ta’ appoġġ għall-bdiewa uriet li, f'għadd ta' każijiet, l-appoġġ ingħata lil persuni fiżiċi u ġuridiċi li l-fini tan-negozju tagħhom ma kinitx immirata lejn l-attività agrikola. Biex jiġi żgurat li l-appoġġ ikun immirat aħjar u is-sitwazzjonijiet reali jkunu riflessi mill-qrib kemm jista’ jkun, huwa importanti li r-responsabilità għad-definizzjoni ta’ “bidwi attiv” tingħata lill-Istati Membri. Dawn għandhom, għalhekk, jevitaw li jagħtu pagamenti diretti lil entitajiet bħall-kumpaniji tat-trasport, l-ajruporti, il-kumpaniji ta’ proprjetà immobbli, il-kumpaniji ta’ ġestjoni tal-grawnds tal-isports, l-operaturi tas-siti tal-kampeġġ u l-kumpaniji tat-tħaffir fil-minjieri; sakemm entitajiet bħal dawn ma jistgħux jippruvaw li huma jissodisfaw il-kriterji għad-definizzjoni bħala bdiewa attivi. Il-bdiewa part-time żgħar jikkontribwixxu direttament għall-vitalità taż-żoni rurali, u għalhekk ma għandhomx jiċċaħħdu milli jingħataw pagamenti diretti.

Emenda 8
Proposta għal regolament
Premessa 15

(15) Id-distribuzzjoni ta’ appoġġ dirett għad-dħul fost il-bdiewa hija kkaratterizzata mill-allokazzjoni ta’ ammonti sproporzjonati ta’ pagamenti lil għadd relattivament żgħir ta’ benefiċjarji kbar. Minħabba ekonomiji tal-qies, benefiċjarji akbar ma jeħtiġux l-istess livell ta’ appoġġ unitarju biex l-objettiv ta’ appoġġ għad-dħul jintlaħaq b’mod effiċjenti. Barra minn hekk, il-potenzjal għall-adattament jagħmilha eħfef għal benefiċjarji akbar biex joperaw b’livelli aktar baxxi ta’ appoġġ unitarju. Għalhekk, ikun ġust li tiddaħħal sistema għall-benefiċjarji kbar fejn il-livell ta’ appoġġ jinżel gradwalment u fl-aħħar nett ikollu limitu massimu biex titjieb id-distribuzzjoni ta’ pagamenti bejn il-bdiewa. Madankollu, sistema bħal din għandha tqis l-intensità tax-xogħol bil-paga biex ikunu evitati effetti sproporzjonati fuq azjendi agrikoli kbar b’ħafna impjegati. Dawk il-livelli massimi ma għandhomx japplikaw għal pagamenti mogħtijin lil prattiki agrikoli ta’ benefiċċju għall-klima u l-ambjent minħabba li l-objettivi ta’ benefiċċju li huma jsegwu jistgħu jonqsu b’riżultat t’hekk. Biex il-limitu massimu jkun effikaċi, l-Istati Membri għandhom jistabbilixxu xi kriterji biex jevitaw operazzjonijiet abbużivi minn bdiewa li jfittxu li jevadu l-effetti tiegħu. Ir-rikavat mit-tnaqqis u mil-limitu massimu ta’ pagamenti lil benefiċjarji kbar għandu jibqa’ fl-Istati Membri fejn kien iġġenerat u għandu jintuża għall-finanzjament ta’ proġetti b’kontribut sinifikanti ta’ innovazzjoni skont ir-Regolament (UE) Nru […] tal-Parlament Ewropew u tal-Kunsill ta’….dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) [RDR].

(15) Id-distribuzzjoni ta’ appoġġ dirett għad-dħul fost il-bdiewa hija kkaratterizzata mill-allokazzjoni ta’ ammonti sproporzjonati ta’ pagamenti lil għadd relattivament żgħir ta’ benefiċjarji kbar. Minħabba ekonomiji tal-qies, benefiċjarji akbar ma jeħtiġux l-istess livell ta’ appoġġ unitarju biex l-objettiv ta’ appoġġ għad-dħul jintlaħaq b’mod effiċjenti. Barra minn hekk, il-potenzjal għall-adattament jagħmilha eħfef għal benefiċjarji akbar biex joperaw b’livelli aktar baxxi ta’ appoġġ unitarju. Għalhekk, ikun ġust li tiddaħħal sistema għall-benefiċjarji kbar fejn il-livell ta’ appoġġ jinżel gradwalment u fl-aħħar nett ikollu limitu massimu biex titjieb id-distribuzzjoni ta’ pagamenti bejn il-bdiewa. Madankollu, sistema bħal din għandha tqis ix-xogħol impjegat, inklużi s-salarji u l-ispejjeż tal-kuntratturi, biex ikunu evitati effetti sproporzjonati fuq azjendi agrikoli kbar b’ħafna impjegati. Dawk il-livelli massimi ma għandhomx japplikaw għal pagamenti mogħtijin lil prattiki agrikoli ta’ benefiċċju għall-klima u l-ambjent minħabba li l-objettivi ta’ benefiċċju li huma jsegwu jistgħu jonqsu b’riżultat t’hekk. Biex il-limitu massimu jkun effikaċi, l-Istati Membri għandhom jistabbilixxu xi kriterji biex jevitaw operazzjonijiet abbużivi minn bdiewa li jfittxu li jevadu l-effetti tiegħu. Ir-rikavat mit-tnaqqis u mil-limitu massimu ta’ pagamenti lil benefiċjarji kbar għandu jibqa’ fl-Istati Membri fejn kien iġġenerat u għandu jintuża għall-finanzjament ta’ proġetti b’kontribut sinifikanti għall-innovazzjoni u l-iżvilupp rurali skont ir-Regolament (UE) Nru […] tal-Parlament Ewropew u tal-Kunsill ta’….dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) [RDR]. Imbagħad ikun possibbli li l-Istati Membri jallokaw is-somom ġenerati mil-limitu massimu lill-benefiċjarji ikbar, li kienu suġġetti għall-eżerċizzju tal-limitu massimu, għal iskopijiet ta' investiment fl-innovazzjoni.

Emenda 9
Proposta għal regolament
Premessa 20

(20) Biex tkun żgurata distribuzzjoni aħjar ta’ appoġġ fost artijiet agrikoli fl-Unjoni, inkluż f’dawk l-Istati Membri li applikaw l-iskema ta’ pagament uniku skont l-erja stabbilita bir-Regolament (KE) Nru 73/2009, skema ġdida ta’ pagament bażiku għandha tissostitwixxi l-iskema ta’ pagament uniku stabbilita bir-Regolament tal-Kunsill (KE) Nru 1782/2003 tad-29 ta’ Settembru 2003 li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa , u li ssoktat bir-Regolament (KE) Nru 73/2009, li għaqqad mekkaniżmi ta’ appoġġ eżistenti qabel fi skema waħda ta’ pagamenti diretti diżakkoppjati. Pass bħal dan għandu jġib miegħu l-iskadenza ta’ drittijiet għall-pagament miksubin skont dawk ir-Regolamenti u l-allokazzjoni ta’ oħrajn ġodda, għalkemm ikunu għadhom ibbażati fuq l-għadd ta’ ettari eliġibbli għad-dispożizzjoni tal-bdiewa fl-ewwel sena ta’ implimentazzjoni tal-iskema.

(20) Biex tkun żgurata distribuzzjoni aħjar ta’ appoġġ fost artijiet agrikoli fl-Unjoni, inkluż f’dawk l-Istati Membri li applikaw l-iskema ta’ pagament uniku skont l-erja stabbilita bir-Regolament (KE) Nru 73/2009, skema ġdida ta’ pagament bażiku għandha tissostitwixxi l-iskema ta’ pagament uniku stabbilita bir-Regolament tal-Kunsill (KE) Nru 1782/2003 tad-29 ta’ Settembru 2003 li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa , u li ssoktat bir-Regolament (KE) Nru 73/2009, li għaqqad mekkaniżmi ta’ appoġġ eżistenti qabel fi skema waħda ta’ pagamenti diretti diżakkoppjati. L-Istati Membri għandhom jimmodifikaw is-sistemi ta' appoġġ eżistenti tagħhom sabiex jallinjawhom ma' dan ir-Regolament, mingħajr ma jabolixxu neċessarjament il-mudelli ta' pagament dirett attwali tagħhom.

Emenda 139
Proposta għal regolament
Premessa 21

(21) Minħabba l-integrazzjoni suċċessiva ta’ diversi setturi fl-iskema ta’ pagament uniku u l-perjodu ta’ wara ta’ aġġustament mogħti lill-bdiewa, sar dejjem iżjed diffiċli biex wieħed jiġġustifika l-preżenza ta' differenzi individwali sinifikanti fil-livell ta' appoġġ għal kull ettaru li jirriżulta mill-użu ta' referenzi storiċi. Għalhekk l-appoġġ għad-dħul dirett għandu jkun imqassam b’mod iktar ekwu bejn l-Istati Membri, billi titnaqqas ir-rabta mar-referenzi storiċi u jiġi kkunsidrat il-kuntest kumplessiv tal-baġit tal-Unjoni. Biex tiġi żgurata distribuzzjoni iktar ekwa ta’ appoġġ dirett, filwaqt li jitqiesu d-differenzi li għad hemm fil-livelli salarjali u l-ispejjeż tad-dħul, il-livelli tal-appoġġ dirett għal kull ettaru għandhom jiġu aġġustati progressivament. Matul dan il-perjodu, l-Istati Membri kollha b’pagamenti diretti inqas minn 90 % tal-medja għandhom jagħlqu terz mid-distakk bejn il-livell attwali tagħhom u dan il-livell. Din il-konverġenza għandha tiġi ffinanzjata b’mod proporzjonali mill-Istati Membri kollha b’pagamenti diretti 'l fuq mill-medja tal-Unjoni. Barra minn hekk, id-drittijiet kollha għall-pagamenti attivati fl-2019 fi Stat Membru jew f’reġjun għandu jkollhom valur ta’ unità uniformi wara konverġenza lejn dan il-valur li għandha sseħħ matul il-perjodu ta’ tranżizzjoni fi stadji lineari. Madankollu, biex ikunu evitati konsegwenzi finanzjarji ta’ tfixkil għall-bdiewa, l-Istati Membri, wara li jkunu użaw l-iskema ta’ pagament uniku, u partikolarment il-mudell storiku, għandhom ikunu jistgħu jqisu fatturi storiċi b’mod parzjali meta jikkalkulaw il-valur tad-drittijiet għall-pagament fl-ewwel sena tal-applikazzjoni tal-iskema l-ġdida. Id-dibattitu dwar il-Qafas Finanzjarju Multiannwali li jmiss għall-perjodu li se jibda fl-2021 għandu jiffoka wkoll fuq l-objettiv ta' konverġenza kompleta permezz tad-distribuzzjoni ekwa tal-appoġġ dirett mal-Unjoni Ewropea kollha matul dak il-perjodu.

(21) Flimkien mal-konverġenza ta’ pagamenti ta’ appoġġ fil-livell nazzjonali u reġjonali, il-pakketti nazzjonali għall-pagamenti diretti għandhom jiġu aġġustati biex fl-Istati Membri b’livell attwali ta’ pagamenti diretti għal kull ettaru inferjuri għal 70 % tal-medja tal-Unjoni, dak id-distakk jitnaqqas bi 30 %. Fl-Istati Membri b’livell ta’ pagamenti diretti bejn 70 % u 80 % tal-medja, id-differenza ta’ inferjorità għandha titnaqqas b’25 % u f’dawk l-Istati Membri fejn il-livell huwa ogħla minn 80 % tal-medja għandha titnaqqas b’10 %. Wara l-applikazzjoni ta’ dawn il-mekkaniżmi, il-livell riċevut, fl-ebda Stat Membru ma għandu jkun inferjuri għal 55 % tal-medja tal-Unjoni fl-2014 u 75 % tal-medja tal-Unjoni fl-2019. Fil-każ ta’ Stati Membri b’livelli ta’ pagamenti ’l fuq mill-medja tal-Unjoni, l-isforz tal-konverġenza ma għandux iniżżel dawk il-livelli taħt il-medja. Il-konverġenza għandha tiġi ffinanzjata b’mod proporzjonali mill-Istati Membri kollha b’pagamenti diretti 'l fuq mill-medja tal-Unjoni.

Emenda 11
Proposta għal regolament
Premessa 21a (ġdida)

(21a) Flimkien mal-konverġenza ta’ pagamenti ta’ appoġġ fil-livell nazzjonali u reġjonali, il-pakketti nazzjonali għall-pagamenti diretti għandhom jiġu aġġustati biex fl-Istati Membri b’livell attwali ta’ pagamenti diretti għal kull ettaru inferjuri għal 70% tal-medja tal-Unjoni, dak id-distakk jitnaqqas bi 30%. Fl-Istati Membri b’livell ta’ pagamenti diretti bejn 70% u 80% tal-medja, id-differenza ta’ inferjorità għandha titnaqqas b’25% u f’dawk l-Istati Membri fejn il-livell huwa ogħla minn 80% tal-medja għandha tjitnaqqas b’10%. Wara li jkunu saru dawn l-aġġustamenti, il-livell irċevut ma għandux, fl-ebda Stat Membru, ikun inferjuri għal 65% tal-medja tal-Unjoni. Fil-każ ta’ Stati Membri b’livelli ta’ pagamenti ’l fuq mill-medja tal-Unjoni, l-isforz tal-konverġenza ma għandux jirriżulta b’mod li dawk il-livelli jaqgħu taħt il-medja. Din il-konverġenza għandha tiġi ffinanzjata b’mod proporzjonali mill-Istati Membri kollha b’pagamenti diretti ’l fuq mill-medja tal-Unjoni.

Emenda 12
Proposta għal regolament
Premessa 22

(22) L-esperjenza miksuba bl-applikazzjoni tal-iskema ta' pagament uniku turi li xi wħud mill-elementi ewlenin tagħha għandhom jinżammu, inkluża d-determinazzjoni ta' limiti massimi nazzjonali biex ikun żgurat li l-livell totali ta' appoġġ ma jaqbiżx ir-restrizzjonijiet baġitarji attwali. L-Istati Membri għandhom ukoll ikomplu joperaw riżerva nazzjonali li tkuntista’ tintuża biex tiffaċilita l-parteċipazzjoni ta’ bdiewa żgħażagħ ġodda fl-iskema jew jistgħu jintużaw biex jitqiesu ħtiġijiet speċifiċi f’ċerti reġjuni. Għandhom jinżammu regoli dwar it-trasferiment u l-użu ta' drittijiet għall-pagament, iżda fejn ikun possibbli, b'mod simplifikat.

(22) L-esperjenza miksuba bl-applikazzjoni tal-iskema ta' pagament uniku turi li xi wħud mill-elementi ewlenin tagħha għandhom jinżammu, inkluża d-determinazzjoni ta' limiti massimi nazzjonali biex ikun żgurat li l-livell totali ta' appoġġ ma jaqbiżx ir-restrizzjonijiet baġitarji attwali. L-Istati Membri, mill-inqas fl-ewwel sena tal-iskema l-ġdida ta' pagamenti bażiċi, għandhom ukoll ikomplu joperaw riżerva nazzjonali li tista’ tiġi ġestita reġjonalment u ligħandha tintuża biex tiffaċilita l-parteċipazzjoni ta’ bdiewa żgħażagħ u bdiewa ġodda fl-iskema jew tista’ tintuża biex jitqiesu ħtiġijiet speċifiċi f’ċerti reġjuni. Għandhom jinżammu regoli dwar it-trasferiment u l-użu ta' drittijiet għall-pagament, iżda fejn ikun possibbli, b'mod simplifikat.

Emenda 13
Proposta għal regolament
Premessa 22a (ġdida)

(22a) L-Istati Membri għandhom ikunu jistgħu jiffissaw koeffiċjent ta’ tnaqqis, li jista’ jkun iffissat għal valur żero sabiex ikollhom l-opportunità li jnaqqsu l-erjas eliġibbli b’potenzjal ta’ rendiment aktar baxx jew għal produzzjonijiet speċifiċi.

Emenda 14
Proposta għal regolament
Premessa 23

(23) Biex tkun garantita l-protezzjoni tad-drittijiet tal-benefiċjarji u biex ikunu kkjarifikati s-sitwazzjonijiet speċifiċi li jistgħu jinqalgħu fl-applikazzjoni tal-iskema ta’ pagament uniku, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-adozzjoni ta’ regoli dwar l-eliġibbiltà u l-aċċess fir-rigward tal-iskema ta’ pagament bażiku għall-bdiewa fil-każ ta’ wirt u wirt antiċipat, wirt taħt kirja, bidla fl-istatus legali jew fid-denominazzjoni jew fil-każ ta' fużjoni jew diviżjoni fl-impriża; l-adozzjoni ta’ regoli dwar il-kalkolu tal-valur u l-għadd jew dwar iż-żieda fil-valur ta’ drittijiet għall-pagament b’rabta mal-allokazzjoni ta’ drittijiet għall-pagament, inklużi regoli dwar il-possibbiltà ta’ valur u għadd provviżorju jew ta’ żieda provviżorja ta’ drittijiet għall-pagament allokati abbażi tal-applikazzjoni mill-bidwi, dwar il-kundizzjonijiet biex ikunu stabbiliti l-valur u l-għadd provviżorju u definittiv tad-drittijiet għall-pagament u dwar il-każijiet fejn kuntratt ta’ bejgħ jew kiri jista’ jaffettwa l-allokazzjoni ta’ drittijiet għall-pagament; l-adozzjoni ta’ regoli biex ikunu stabbiliti u kkalkulati l-valur u l-għadd ta’ drittijiet għall-pagament riċevuti mir-riżerva nazzjonali; l-adozzjoni ta’ regoli dwar il-modifika tal-valur tal-unità ta’ drittijiet għall-pagament fil-każ ta’ frazzjonijiet ta’ drittijiet għall-pagament u kriterji għall-allokazzjoni ta’ drittijiet għall-pagament skont l-użu tar-riżerva nazzjonali u għall-bdiewa li ma applikawx għall-appoġġ fl-2011.

Emenda 15
Proposta għal regolament
Premessa 24a (ġdida)

(24a) L-Istati Membri għandhom ikunu jistgħu jiddeċiedu li jużaw parti mil-limiti massimi nazzjonali tagħhom biex jagħtu pagament annwali kumplimentari fuq l-ewwel ettari lill-bdiewa sabiex tiġi kkunsidrata aħjar id-diversità tal-azjendi agrikoli fir-rigward tal-kobor ekonomiku tagħhom, tal-għażla ta’ produzzjoni tagħhom u tal-impjiegi.

Emenda 16
Proposta għal regolament
Premessa 26

(26) Wieħed mill-objettivi tal-PAK il-ġdida huwa t-titjib ta’ prestazzjoni ambjentali permezz ta’ komponent ta’ “titjib ekoloġiku” obbligatorju ta’ pagamenti diretti li għandu jkun ta’ appoġġ għal prattiki agrikoli li jkunu ta’ benefiċċju għall-klima u l-ambjent applikabbli mal-Unjoni kollha. Għal dak il-għan, l-Istati Membri għandhom jużaw parti mil-limiti massimi nazzjonali tagħhom għal pagamenti diretti biex jagħtu pagament annwali flimkien mal-pagament bażiku, għal prattiki obbligatorji li għandhom ikunu segwiti mill-bdiewa li jindirizzaw, bħala prijorità, miri ta’ politika kemm dwar il-klima kif ukoll l-ambjent. Dawk il-prattiki għandhom jieħdu l-għamla ta’ azzjonijiet sempliċi, ġeneralizzati, mhux kuntrattwali u annwali li jmorru lil hinn mill-kundizzjonalità u għandhom rabta mal-agrikoltura bħad-diversifikazzjoni tal-uċuħ tar-raba’, il-manutenzjoni ta’ bwar permanenti u żoni ta’ fokus ekoloġiku. In-natura obbligatorja ta’ dawn il-prattiki għandha tinteressa wkoll lill-bdiewa li l-impriżi tagħhom ikunu għalkollox jew parzjalment f’żoni ta’ “Natura 2000” koperti bid-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitat naturali u tal-fawna u l-flora selvaġġa u bid-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi, sakemm dawn il-prattiki jkunu kompatibbli mal-objettivi ta’ dawk id-Direttivi. Il-bdiewa li jħarsu b’mod sħiħ il-kundizzjonijiet stabbiliti fir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta' prodotti organiċi u li jemenda r-Regolament (KEE) Nru 2092/91 għandhom jibbenefikaw mill-komponent ta’ “titjib ekoloġiku” mingħajr ma jħarsu kull obbligu ieħor, meta jitqiesu l-benefiċċji ambjentali rikonoxxuti tas-sistemi ta’ biedja organika. In-nuqqas ta’ ħarsien tal-komponent ta’“titjib ekoloġiku” għandu jwassal għal penalitajiet abbażi tal-Artikolu 65 tar-Regolament (UE) Nru [...] [HZR].

(26) Wieħed mill-objettivi tal-PAK il-ġdida huwa t-titjib tal-prestazzjoni ambjentali. Għal dak il-għan, l-Istati Membri għandhom jużaw parti mil-limiti massimi nazzjonali tagħhom għal pagamenti diretti biex jagħtu pagament annwali għal prattiki obbligatorji li għandhom ikunu segwiti mill-bdiewa li jindirizzaw, bħala prijorità, miri ta’ politika kemm dwar il-klima kif ukoll l-ambjent. Dawk il-prattiki għandhom jieħdu l-għamla ta’ azzjonijiet sempliċi, ġeneralizzati, mhux kuntrattwali u annwali li jmorru lil hinn mill-kundizzjonalità u għandhom rabta mal-agrikoltura bħad-diversifikazzjoni tal-uċuħ tar-raba’, il-manutenzjoni ta’ bwar permanenti u mergħat permanenti u żoni ta’ fokus ekoloġiku. Il-bdiewa li jħarsu b’mod sħiħ il-kundizzjonijiet stabbiliti fir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta' prodotti organiċi u li jemenda r-Regolament (KEE) Nru 2092/91, benefiċjarji ta’ pagamenti agroambjentali-klimatiċi stabbiliti skont l-Artikolu 29 tar-Regolament (UE) Nru [...] [RDR] u bdiewa li l-impriżi tagħhom jinsabu f’żoni “Natura 2000” għandhom jibbenefikaw mill-komponent ta’ “titjib ekoloġiku” mingħajr ma jħarsu ebda obbligu ieħor. F’ċerti kundizzjonijiet, bdiewa li l-impriża tagħhom hija ċertifikata taħt skemi ta’ ċertifikazzjoni ambjentali nazzjonali għandhom ikunu jistgħu jibbenefikaw mill-komponent ta’ “titjib ekoloġiku”. Il-bdiewa għandhom ikunu eżentati mill-obbligu ta’ diversifikazzjoni tal-uċuħ tar-raba’ u mill-obbligi marbuta ma’ erjas b’fokus ekoloġiku, fejn mill-anqas 75% tar-farm tagħhom ikun kopert minn bur jew mergħa permanenti jew uċuħ tar-raba’ taħt l-ilma. Din l-eżenzjoni għandha tapplika biss fejn ir-raba’ li jinħarat tal-art agrikola eliġibbli li fadal ma jaqbiżx il-50 ettaru.

Emenda 17
Proposta għal regolament
Premessa 28

(28) Biex ikun żgurat li l-art taħt bwar permanenti tinżamm bħala tali mill-bdiewa, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-adozzjoni ta’ regoli dwar l-applikazzjoni tal-miżura.

(28) Biex ikun żgurat li l-art taħt bwar permanenti u mergħat permanenti tinżamm bħala tali mill-Istati Membri, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini tal-adozzjoni ta’ regoli dwar l-applikazzjoni tal-miżura.

Emenda 18
Proposta għal regolament
Premessa 29

(29) Biex tkun żgurata l-implimentazzoni tal-miżura dwar erjas b’fokus ekoloġiku b’mod effikaċi u koerenti, filwaqt li jitqiesu l-ispeċifitajiet tal-Istati Membri, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni għall-fini ta' aktar definizzjoni tat-tipi ta' erjas b'fokus ekoloġiku msemmija skont dik il-miżura u ż-żieda u d-definizzjoni ta' tipi oħra ta' erjas b'fokus ekoloġiċi li jistgħu jitqiesu biex jiġi rispettat il-perċentwali msemmi f’dik il-miżura.

(29) Biex tkun żgurata l-implimentazzoni tal-miżura dwar erjas b’fokus ekoloġiku b’mod effikaċi u koerenti, filwaqt li jitqiesu l-ispeċifitajiet tal-Istati Membri, is-setgħa biex l-atti delegati jiġi adottati skont l-Artikolu 290 tat-Trattat għandha tiġi ddelegata lill-Kummissjoni fir-rigward ta’ definizzjoni aktar fil-fond tat-tipi ta' erjas b'fokus ekoloġiku msemmija skont dik il-miżura, iż-żieda u d-definizzjoni ta' tipi oħra ta' erjas b'fokus ekoloġiċi li jistgħu jitqiesu biex jiġi rispettat il-perċentwali msemmi f’dik il-miżura u biex jiġi stabbilit qafas fl-UE kollha ta’ koeffiċjenti ta’ ponderazzjoni biex jiġu kkalkulati l-ettari rappreżentati minn varji tipi ta’ erjas b’fokus ekoloġiku.

Emenda 104
Proposta għal regolament
Premessa 29a (ġdida)

(29a) Bl-iskop li jitjieb l-ambjent, tiġi miġġielda l-bidla klimatika u jitjiebu l-kondizzjonijiet agronomiċi, il-Kummissjoni għandha tissottometti, mingħajr dewmien, pjan strateġiku għall-għoti ta’ proteini veġetali, li wkoll għandhom jippermettu lill-UE tnaqqas id-dipendenza kbira tagħha mill-għejun esterni ta’ fornitura. Il-pjan għandu jipprovdi biex jitkabbru aktar għelejjel ta’ proteina taż-żejt mill-ħxejjex u legumi skont il-politika agrikola komuni u għandu jinkoraġġixxi r-riċerka agronomika f’varjetajiet xierqa u produttivi.

Emenda 19
Proposta għal regolament
Premessa 33

(33) L-Istati Membri għandhom jitħallew jużaw parti mil-limiti massimi nazzjonali tagħhom għal pagamenti diretti għal appoġġ akkoppjat f’ċerti setturi f’każijiet definiti b’mod ċar. Ir-riżorsi li jistgħu jintużaw għal kwalunkwe appoġġ akkoppjat għandhom ikunu limitati għal livell xieraq, waqt li appoġġ bħal dan jitħalla jingħata fl-Istati Membri jew fir-reġjuni speċifiċi tagħhom li jħabbtu wiċċhom ma’ sitwazzjonijiet partikolari, fejn tipi speċifiċi ta’ biedja jew setturi agrikoli speċifiċi jkunu partikolarment importanti għal raġunijiet ekonomiċi, ambjentali u/jew soċjali. L-Istati Membri għandhom jitħallew jużaw sa 5 % mil-limiti massimi nazzjonali tagħhom għal dan l-appoġġ, jew 10 % fil-każ li l-livell tagħhom ta’ appoġġ akkoppjat f’sena waħda mis-snin tal-perjodu mill-2010 sal-2013 ikun aktar minn 5 %. Madankollu, f’każijiet ġustifikati kif imiss fejn jintwerew ċerti ħtiġijiet sensittivi f’reġjun, u wara approvazzjoni mill-Kummissjoni, l-Istati Membri għandhom jitħallew jużaw aktar minn 10 % tal-limitu massimu nazzjonali tagħhom. L-appoġġ akkoppjat għandu jingħata biss sakemm ikun meħtieġ biex jinħoloq inċentiv biex jinżammu l-livelli attwali ta’ produzzjoni f’dawk ir-reġjuni. Dan l-appoġġ għandu wkoll ikun disponibbli għall-bdiewa li jkollhom, fil-31 ta’ Diċembru 2013, drittijiet speċjali għall-pagamenti allokati skont ir-Regolament (KE) Nru 1782/2003 u r-Regolament (KE) Nru 73/2009 u li ma jkollhomx ettari eliġibbli għall-attivazzjoni ta’ drittijiet għall-pagament. Fir-rigward tal-approvazzjoni tal-appoġġ akkoppjat volontarju li jkun aktar minn 10 % tal-limitu massimu nazzjonali ffissat għal kull Stat Membru, il-Kummissjoni għandha wkoll tingħata s-setgħa biex tadotta atti ta' implimentazzjoni mingħajr ma tapplika r-Regolament (UE) Nru 182/2011.

(33) L-Istati Membri għandhom jitħallew jużaw parti mil-limiti massimi nazzjonali tagħhom għal pagamenti diretti għal appoġġ akkoppjat f’ċerti setturi f’każijiet definiti b’mod ċar. Ir-riżorsi li jistgħu jintużaw għal kwalunkwe appoġġ akkoppjat għandhom ikunu limitati għal livell xieraq, waqt li appoġġ bħal dan jitħalla jingħata fl-Istati Membri jew fir-reġjuni speċifiċi tagħhom li jħabbtu wiċċhom ma’ sitwazzjonijiet partikolari, fejn tipi speċifiċi ta’ biedja jew setturi agrikoli speċifiċi jkunu partikolarment importanti għal raġunijiet ekonomiċi, ambjentali u/jew soċjali. L-Istati Membri għandhom jitħallew jużaw sa 15 % mil-limiti massimi nazzjonali tagħhom għal dan l-appoġġ. Din il-perċentwali tista’ tiżdied bi tliet punti perċentwali għal dawk l-Istati Membri li jiddeċiedu li jużaw mill-inqas 3% tal-limitu massimu nazzjonali tagħhom sabiex jappoġġaw il-produzzjoni ta' uċuħ tal-proteina. L-appoġġ akkoppjat għandu jingħata biss sakemm ikun meħtieġ biex jinħoloq inċentiv biex jinżammu l-livelli attwali ta' produzzjoni f'dawk ir-reġjuni, minbarra fejn l-iskop tal-appoġġ huwa ambjentali. Dan l-appoġġ għandu wkoll ikun disponibbli għall-bdiewa li jkollhom, fil-31 ta’ Diċembru 2013, drittijiet speċjali għall-pagamenti allokati skont ir-Regolament (KE) Nru 1782/2003 u r-Regolament (KE) Nru 73/2009 u li ma jkollhomx ettari eliġibbli għall-attivazzjoni ta’ drittijiet għall-pagament. Fir-rigward tal-approvazzjoni tal-appoġġ akkoppjat volontarju, is-setgħa ta’ adozzjoni ta’ atti delegati għandha tingħata lill-Kummissjoni f’konformità mal-Artikolu 290 tat-TFUE.

Emenda 20
Proposta għal regolament
Premessa 38

(38) Għandha tiġi stabbilita skema sempliċi u speċifika għall-bdiewa żgħażagħ biex jitnaqqsu l-ispejjeż amministrattivi marbuta mal-ġestjoni u l-kontroll tal-appoġġ dirett. Għal dan il-għan, għandu jiġi stabbilit ħlas ta’ ammont f’daqqa li jissostitwixxi l-pagamenti diretti kollha. Għandhom jiddaħħlu regoli ta’ simplifikazzjoni tal-formalitajiet biex jitnaqqsu, fost affarijiet oħra, l-obbligi imposti fuq il-bdiewa żgħar bħal dawk relatati mal-applikazzjoni għall-appoġġ, ma’ prattiki agrikoli ta’ benefiċċju għall-klima u l-ambjent, ma’ kundizzjonalità u ma’ kontrolli kif stipulat fir-Regolament (UE) Nru [...] [HZR], mingħajr ma jkun hemm periklu għall-kisba tal-objettivi globali tar-riforma, hekk kif jinftiehem li l-leġiżlazzjoni tal-Unjoni kif imsemmija fl-Anness II għar-Regolament (UE) Nru [...] [HZR] tapplika għall-bdiewa żgħar. L-objettiv ta' dik l-iskema għandu jkun li tappoġġa l-istruttura agrikola eżistenti tal-azjendi agrikoli żgħar fl-Unjoni mingħajr ma tmur kontra l-iżvilupp lejn strutturi aktar kompetittivi. Għal dik ir-raġuni, l-aċċess għall-iskema għandu jkun limitat għall-impriżi eżistenti.

(38) L-Istati Membri għandhom ikunu jistgħu jistabbilixxu skema sempliċi u speċifika għall-bdiewa żgħażagħ biex jitnaqqsu l-ispejjeż amministrattivi marbuta mal-ġestjoni u l-kontroll tal-appoġġ dirett. Għal dak il-għan, l-Istati Membri għandhom ikunu jistgħu jistabbilixxu ħlas ta’ ammont f'daqqa jew pagament annwali fiss għal kull benefiċjarju li jissostitwixxi l-pagamenti diretti kollha. Bdiewa b’pagament annwali ta’ mhux aktar minn EUR 1 500 għandhom jiġu inklużi awtomatikament f’din l-iskema. Għandu jkun hemm il-possibilità li jiddaħħlu regoli ta’ simplifikazzjoni tal-formalitajiet biex jitnaqqsu, fost affarijiet oħra, l-obbligi imposti fuq il-bdiewa żgħar bħal dawk relatati mal-applikazzjoni għall-appoġġ, ma’ prattiki agrikoli ta’ benefiċċju għall-klima u l-ambjent, ma’ kundizzjonalità u ma’ kontrolli kif stipulat fir-Regolament (UE) Nru [...] [HZR], mingħajr ma jkun hemm periklu għall-kisba tal-objettivi globali tar-riforma, hekk kif jinftiehem li l-leġiżlazzjoni tal-Unjoni kif imsemmija fl-Anness II għar-Regolament (UE) Nru [...] [HZR] tapplika għall-bdiewa żgħar. L-objettiv ta' dik l-iskema għandu jkun li tappoġġa l-istruttura agrikola eżistenti tal-azjendi agrikoli żgħar fl-Unjoni mingħajr ma tmur kontra l-iżvilupp lejn strutturi aktar kompetittivi. Għal dik ir-raġuni, l-aċċess għall-iskema għandu jkun limitat għall-impriżi eżistenti.

Emenda 21
Proposta għal regolament
Premessa 40

(40) Fl-interess tas-simplifikazzjoni u biex titqies is-sitwazzjoni speċifika tar-reġjuni l-aktar imbiegħda, il-pagamenti diretti f’dawk ir-reġjuni għandhom ikunu mmaniġġati fil-programmi ta’ appoġġ stabbiliti bir-Regolament (KE) Nru 247/2006. Bħala konsegwenza, id-dispożizzjonijiet f’dan ir-Regolament relatati mal-iskema ta’ pagament bażiku u ma’ pagamenti relatati u ma’ appoġġ akkoppjat ma għandhomx japplikaw għal dawk ir-reġjuni.

Emenda 22
Proposta għal regolament
Premessa 40a (ġdida)

(40a) F’ċerti żoni iżolati, id-diversità tas-settur tal-biedja, flimkien mal-preżenza ta’ sistemi ta’ produzzjoni ineffiċjenti tiġġustifika l-użu ta’ strumenti speċifiċi tal-politika agrikola, li bihom l-Unjoni għandha esperjenza suffiċjenti, sabiex is-settur ikun aktar orjentat lejn is-suq, jonqos l-impatt fuq l-ambjent permezz tal-abbandun tal-attività agrikola u jiġu ppreservati l-komunitajiet rurali f’konformità mal-objettiv tas-sostenibilità. Arranġamenti speċifiċi għal dawk it-territorji gżejjer tal-Unjoni li għandhom fatturi simili għal territorji li fihom tali strumenti ta’ politika agrikola taw prova ta’ suċċess għandhom jiġu studjati fil-fond.

Emenda 23
Proposta għal regolament
Premessa 43

(43) Bil-ħsieb li tissaħħaħ il-politika tal-iżvilupp rurali tagħhom, l-Istati Membri għandhom jingħataw il-possibbiltà li jittrasferixxu fondi mil-limitu massimu tagħhom tal-pagamenti diretti għall-appoġġ assenjat għall-iżvilupp rurali. Fl-istess ħin, l-Istati Membri fejn il-livell ta’ appoġġ dirett għadu aktar baxx minn 90 % tal-livell medju ta' appoġġ tal-Unjoni għandhom jingħataw il-possibbiltà li jittrasferixxu fondi mill-appoġġ tagħhom assenjat għall-iżvilupp rurali għal-limitu massimu tagħhom tal-pagamenti diretti. Dawn it-tipi ta’ għażliet għandhom isiru darba u għall-perjodu kollu tal-applikazzjoni ta’ dan ir-Regolament, fi ħdan ċerti limiti.

(43) Bil-ħsieb li tissaħħaħ il-politika tal-iżvilupp rurali tagħhom, l-Istati Membri għandhom jingħataw il-possibbiltà li jittrasferixxu fondi mil-limitu massimu tagħhom tal-pagamenti diretti għall-appoġġ assenjat għall-iżvilupp rurali. L-Istati Membri kollha għandhom ikunu kapaċi li jissupplimentaw it-trasferiment b’somma proporzjonali għall-flus li ma ntefqux għat-“titjib ekoloġiku” sabiex jingħata appoġġ addizzjonali għal miżuri agroambjentali-klimatiċi. . Fl-istess ħin, l-Istati Membri fejn il-livell ta’ appoġġ dirett għadu aktar baxx minn 90 % tal-livell medju ta' appoġġ tal-Unjoni għandhom jingħataw il-possibbiltà li jittrasferixxu fondi mill-appoġġ tagħhom assenjat għall-iżvilupp rurali għal-limitu massimu tagħhom tal-pagamenti diretti. Dawn it-tipi ta’ għażliet għandhom isiru, sa ċerti limiti, u għandhom jiġu riveduti jew sal-1 ta’ Awwissu 2015 jew sal-1 ta’ Awwissu 2017.

Emenda 24
Proposta għal regolament
Artikolu 1 – paragrafu 1 – punt b – punt iiia (ġdid)

(iiia) skema ġdida ffinanzjata mill-Unjoni ta’ pagamenti għal kolonji tan-naħal fis-settur tal-apikoltura;

Emenda 25
Proposta għal regolament
Artikolu 2

Il-Kummissjoni għandu jkollha s-setgħa li tadotta atti delegati f’konformità mal-Artikolu 55 għall-fini tal-adattament tal-lista ta’ skemi ta’ appoġġ stipulata fl-Anness I.

Sabiex tiġi żgurata ċ-ċertezza legali, il-Kummissjoni għandu jkollha s-setgħa li tadotta atti delegati f'konformità mal-Artikolu 55 li jemenda l-lista ta' skemi ta’ appoġġ stipulata fl-Anness I sal-punt neċessarju li jiġu kkunsidrati atti leġiżlattivi ġodda dwar skemi ta' appoġġ li jistgħu jiġu adottati wara d-dħul fis-seħħ ta' dan ir-Regolament.

Emenda 26
Proposta għal regolament
Artikolu 4 – paragrafu 1 – punt c – inċiż 1

it-trobbija jew it-tkabbir ta' prodotti agrikoli inklużi l-ħsad, it-taħlib, it-trobbija tal-annimali u ż-żamma tal-annimali għall-finijiet ta’ biedja,

produzzjoni agrikola li tinkludi t-trobbija jew it-tkabbir ta' prodotti agrikoli inklużi l-ħsad, it-taħlib, it-trobbija tal-annimali u ż-żamma tal-annimali għall-finijiet ta’ biedja,

Emenda 27
Proposta għal regolament
Artikolu 4 – paragrafu 1 – punt c – inċiż 2

iż-żamma ta’ żona agrikola fi stat li jagħmilha tajba għar-ragħa jew għall-kultivazzjoni mingħajr ebda azzjoni partikolari li tmur lil hinn mill-metodi u makkinarji agrikoli standard, jew

iż-żamma ta’ żona agrikola fi stat li jagħmilha tajba għar-ragħa jew għall-kultivazzjoni; din il-manutenzjoni hija suġġetta, fil-każ ta’ żoni agrikoli preservati fi stat bħal dan b’mod naturali, għall-istabbiliment ta’ attività minima mill-Istati Membri;

Emenda 28
Proposta għal regolament
Artikolu 4 – paragrafu 1 – punt c – inċiż 3

it-twettiq ta’ attività minima li għandha tiġi stabbilita mill-Istati Membri fuq żoni agrikoli li huma miżmuma b’mod naturali fi stat tajjeb għar-ragħa jew għall-kultivazzjoni;

it-twettiq ta’ attività minima, fuq il-bażi ta’ densità ta’ stokk minima fejn xieraq, li għandha tiġi stabbilita mill-Istati Membri, fuq żoni agrikoli li huma miżmuma b’mod naturali fi stat tajjeb għar-ragħa jew għall-kultivazzjoni;

Emenda 29
Proposta għal regolament
Artikolu 4 – paragrafu 1 – punt e

(e) “żona agrikola” tfisser kull żona meħuda minn raba’ li jinħarat, bwar permanenti jew uċuħ tar-raba’ permanenti;

(e) “żona agrikola” tfisser kull żona meħuda minn raba’ li jinħarat, bwar u mergħat permanenti jew uċuħ tar-raba’ permanenti;

Emenda 30
Proposta għal regolament
Artikolu 4 – paragrafu 1 – punt g

(g) “uċuħ tar-raba’” permanenti“ tfisser uċuħ tar-raba’ li mhumiex taħt sistema ta’ rotazzjoni ħlief bwar permanenti li jokkupaw l-art għal ħames snin jew iżjed u jagħtu ħsad repetut, inklużi mixtliet, u msaġar b’rotazzjoni qasira;

(g) “uċuħ tar-raba’” permanenti“ tfisser uċuħ tar-raba’ li mhumiex taħt sistema ta’ rotazzjoni ħlief bwar permanenti u mergħat permanenti li jokkupaw l-art għal ħames snin jew iżjed u jagħtu ħsad repetut, inklużi mixtliet, ġonna tas-siġar tal-frott u msaġar b’rotazzjoni qasira;

Emenda 31
Proposta għal regolament
Artikolu 4 – paragrafu 1 – punt h

(h) “bwar permanenti” tfisser art użata biex jitkabbru ħxejjex jew foraġġ erbaċew ieħor b’mod naturali (jitilgħu waħedhom) jew permezz ta’ kultivazzjoni (jinżergħu) u li ma jkunux inklużi fir-rotazzjoni tal-uċuħ tar-raba’ tal-impriża għal ħames snin jew aktar; jistgħu jinkudu speċijiet oħrajn tajbin għar-ragħa sakemm il-ħxejjex u foraġġ erbaċew ieħor jibqgħu predominanti.

(h) “bwar permanenti u mergħat permanenti” tfisser art użata biex jitkabbru pjanti ta’ foraġġ erbaċew, arbuxelli u/jew siġar jew kwalunkwe speċi adattata għar-ragħa, b’mod naturali (jitilgħu waħedhom) jew permezz ta’ kultivazzjoni (jinżergħu), u li mhumiex inklużi fir-rotazzjoni tal-uċuħ tar-raba’ tal-impriża u mhux maħruta għal seba’ snin jew aktar; jistgħu jinkludu fatturi oħrajn ta’ importanza għall-karatterizzazzjoni tal-art bħala mergħa permanenti;

Emenda 32
Proposta għal regolament
Artikolu 4 – paragrafu 1 – punt i

(i) “ħxejjex jew foraġġ erbaċew ieħor” tfisser il-pjanti kollha erbaċej tradizzjonalment misjuba f’mergħat naturali u normalment inklużi f’taħlitiet ta’ żrieragħ għall-mergħat jew meded tal-art għar-ragħa fl-Istat Membru (kemm jekk jintużaw għall-annimali li jirgħu jew le).

imħassar

Emenda 33
Proposta għal regolament
Artikolu 4 – paragrafu 1 – punt ja (ġdid)

(ja) “ġonna tas-siġar tal-frott tradizzjonali” tfisser art li fuqha jikbru siġar tal-frott li hija ta’ importanza ambjentali u kulturali;

Emenda 34
Proposta għal regolament
Artikolu 4 – paragrafu 2 – punt a

(a) l-istipular ta’ aktar definizzjonijiet dwar l-aċċess għall-appoġġ skont dan ir-Regolament;

imħassar

Emenda 35
Proposta għal regolament
Artikolu 4 – paragrafu 2 – punt b

(b) l-istabbiliment ta’ qafas li fih l-Istati Membri għandhom jiddefinixxu l-attivitajiet minimi li għandhom jitwettqu f’żoni li jinżammu fi stat tajjeb għar-ragħa jew għall-kultivazzjoni;

(b) l-istabbiliment ta’ kriterji li fihom l-Istati Membri għandhom jiddefinixxu l-attivitajiet minimi li għandhom jitwettqu f’żoni li jinżammu fi stat tajjeb għar-ragħa jew għall-kultivazzjoni;

Emenda 36
Proposta għal regolament
Artikolu 4 – paragrafu 2 – punt c

(c) l-istabbiliment tal-kriterji li għandhom jintlaħqu mill-bdiewa biex ikun meqjus li rrispettaw l-obbligu taż-żamma taż-żona agrikola fi stat tajjeb għar-ragħa jew għall-kultivazzjoni kif imsemmi fil-paragrafu 1(c);

(c) l-istabbiliment tal-qafas li fi ħdanu l-Istati Membri għandhom jiddefinixxu l-kriterji li għandhom jintlaħqu mill-bdiewa biex ikun meqjus li rrispettaw l-obbligu taż-żamma taż-żona agrikola fi stat tajjeb għar-ragħa jew għall-kultivazzjoni kif imsemmi fil-paragrafu 1(c);

Emenda 37
Proposta għal regolament
Artikolu 4 – paragrafu 2 – punt d

(d) l-istabbiliment tal-kriterji li jiddeterminaw il-predominanza tal-ħxejjex u foraġġ erbaċew ieħor għall-fini tal-paragrafu 1(h).

imħassar

Emenda 38
Proposta għal regolament
Artikolu 7 – paragrafu 2

2. Għal kull Stat Membru u għal kull sena, il-prodott stmat ta’ limitu massimu kif imsemmi fl-Artikolu 11, li jkun rifless fid-differenza bejn il-limiti massimi nazzjonali stabbiliti fl-Anness II, li magħhom jiżdied l-ammont disponibbli skont l-Artikolu 44, u l-limiti massimi netti stabbiliti fl-Anness III, isir disponibbli bħala appoġġ tal-Unjoni għal miżuri skont programmar ta’ żvilupp rurali ffinanzjat skont il-FAEŻR kif speċifikat fir-Regolament (UE) Nru [...] [RDR].

2. Għal kull Stat Membru u għal kull sena, il-prodott stmat ta’ limitu massimu kif imsemmi fl-Artikolu 11, li jkun rifless fid-differenza bejn il-limiti massimi nazzjonali stabbiliti fl-Anness II, li magħhom jiżdied l-ammont disponibbli skont l-Artikolu 44, u l-limiti massimi netti stabbiliti fl-Anness III, isir disponibbli bħala appoġġ tal-Unjoni għal miżuri li għandhom jintagħżlu mill-Istat Membru skont programmar ta’ żvilupp rurali ffinanzjat skont il-FAEŻR kif speċifikat fir-Regolament (UE) Nru [...] [RDR].

Emenda 197
Proposta għal regolament
Artikolu 8 – paragrafu 1

1. Ir-rata ta' aġġustament iddeterminata skont l-Artikolu 25 tar-Regolament (UE) Nru [...] [HZR] għandha tapplika biss għall-pagamenti diretti li jkunu aktar minn EUR 5 000 li għandhom jingħataw lill-bdiewa fis-sena kalendarja korrispondenti.

1. Ir-rata ta’ aġġustament iddeterminata skont l-Artikolu 25 tar-Regolament (UE) Nru [...] (HZR) għandha tapplika għall-pagamenti diretti kollha li għandhom jingħataw lill-bdiewa fis-sena kalendarja korrispondenti.

Emenda 39
Proposta għal regolament
Artikolu 8 – paragrafu 3

3. Il-Kummissjoni għandu jkollha s-setgħa tadotta atti delegati skont l-Artikolu 55 dwar regoli għall-bażi tal-kalkolu tat-tnaqqis li għandu jiġi applikat mill-Istati Membri lill-bdiewa skont il-paragrafi 1 u 2 ta’ dan l-Artikolu.

imħassar

Emenda 40
Proposta għal regolament
Artikolu 9

Artikolu 9

Bdiewa attivi

1. Ma għandu jingħata ebda pagament dirett lil persuni fiżiċi jew ġuridiċi, jew lil gruppi ta’ persuni fiżiċi jew ġuridiċi, fejn japplika wieħed minn dawn li ġejjin:

1. L-Istati Membri għandhom jistipulaw qafas legali u definizzjonijiet, ibbażati fuq kriterji oġġettivi u non-diskriminatorji biex ikun żgurat, fejn hu xieraq, li l-pagamenti diretti jingħataw biss lil bdiewa li ż-żoni ta’ agrikoltura tagħhom huma fil-maġġor parti żoni miżmuma b’mod naturali fi stat li huwa adattat għar-ragħa jew għall-kultivazzjoni, sakemm f'dawn iż-żoni huma jwettqu l-attività minima stabbilita mill-Istati Membri skont l-Artikolu 4(1)(c).

(a) l-ammont annwali tal-pagamenti diretti huwa inqas minn 5 % tal-irċevuti totali li nkisbu minn attivitajiet mhux agrikoli fis-sena fiskali l-aktar riċenti; or

(b) iż-żoni agrikoli tagħhom huma fil-biċċa l-kbira żoni miżmuma b'mod naturali fi stat tajjeb għar-ragħa jew għall-kultivazzjoni u ma jwettqux l-attività minima stabbilita mill-Istati Membri skont l-Artikolu 4(1)(c) f'dawk iż-żoni.

Entitajiet bħal kumpaniji tat-trasport, ajruporti, kumpaniji tal-proprjetà immobbli, kumpaniji li għandhom il-ġestjoni ta’ grawnds tal-isports, operaturi ta’ siti għall-kampeġġ u kumpaniji tat-tħaffir fil-minjieri jew intrapriżi mhux agrikoli oħra, li għandhom jiġu definiti mill-Istati Membri abbażi ta’ kriterji oġġettivi u mhux diskriminatorji, ma għandhomx jiġu meqjusa, a priori, bħala bdiewa attivi u lanqas ma għandhom ikunu l-benefiċjarji ta’ xi pagament dirett. L-Istati Membri jistgħu jiddeċiedu li dawn l-entitajiet ikunu jistgħu jiddikjaraw li huma eliġibbli jekk dawn jistgħu jipprovdu provi verifikabbli li l-attivitajiet agrikoli tagħhom jifformaw parti sinifikanti mill-attivitajiet ekonomiċi ġenerali tagħhom jew li n-negozju ewlieni jew l-għanijiet tal-kumpanija tagħhom jikkonsistu fl-eżerċizzju ta’ attività agrikola.

Wara li jkunu nnotifikaw lill-Kummissjoni kif xieraq, l-Istati Membri jistgħu jiddeċiedu li jżidu jew jirtiraw mil-lista tagħhom ta’ entitajiet eliġibbli entitajiet oħra għajr dawk imniżżla fit-tieni subparagrafu sakemm jipprovdu bażi ta’ ġustifikazzjoni oġġettiva u mhux diskriminatorja li timmotiva d-deċiżjoni tagħhom.

2. Il-paragrafu 1 ma għandux japplika għall-bdiewa li jkunu rċevew anqas minn EUR 5 000 f’pagamenti diretti għas-sena ta’ qabel.

2. L-Istati Membri jistgħu jiddeċiedu li ma japplikawx dan l-Artikolu għall-bdiewa li jkunu rċevew anqas minn EUR 5 000 f’pagamenti diretti għas-sena ta’ qabel.

3. Il-Kummissjoni għandu jkollha s-setgħa li tadotta atti delegati skont l-Artikolu 55 tat-Trattat għall-finijiet tal-istipular ta’:

3. Il-Kummissjoni għandu jkollha s-setgħa li tadotta atti delegati skont l-Artikolu 55 tat-Trattat għall-finijiet tal-istipular ta’ kriterji biex jiġi stabbilit meta ż-żona agrikola ta' bidwi għandha titqies bħala prinċipalment żona li tinżamm naturali fi stat xieraq għar-ragħa jew il-kultivazzjoni.

(a) kriterji biex jiġi stabbilit l-ammont ta’ pagamenti diretti rilevanti għall-fini tal-paragrafi 1 u 2, b’mod partikolari fl-ewwel sena tal-allokazzjoni tad-drittijiet għall-pagamenti fejn il-valur tad-drittijiet għall-pagamenti għadu mhux stabbilit b'mod definittiv kif ukoll għall-bdiewa żgħażagħ;

(b) eċċezzjonijiet mir-regola li l-irċevuti matul l-aktar sena fiskali riċenti għandhom jitqiesu meta dawk iċ-ċifri mhumiex disponisbbli; kif ukoll

(c) kriterji biex jiġi stabbilit meta ż-żona agrikola ta’ bidwi għandha titqies bħala żona li prinċipalment hija miżmuma b’mod naturali fi stat tajjeb għar-ragħa jew għall-kultivazzjoni.

Emenda 41
Proposta għal regolament
Artikolu 11 – paragrafu 1 – inċiż 3a (ġdid)

l-ammont miksub wara li jiġi applikat dak it-tnaqqis għandu jiġi limitat għal massimu ta’ EUR 300 000.

Emenda 42
Proposta għal regolament
Artikolu 11 – paragrafu 1 – inċiż 4

b’100 % għas-segment ta’ aktar minn EUR 300 000.

imħassar

Emenda 43
Proposta għal regolament
Artikolu 11 – paragrafu 1a (ġdid)

1a. Il-paragrafu 1 ma għandux japplika fir-rigward ta’ kooperattivi jew entitajiet legali oħra li jiġbru flimkien numru ta’ benefiċjarji ta’ pagamenti diretti u li jirċievu u jgħaddu l-pagamenti qabel ma jqassmuhom integralment lill-membri tagħhom, li, bħala individwi, huma suġġetti għall-paragrafu 1.

Emendi 44 u 105
Proposta għal regolament
Artikolu 11 – paragrafu 2

2. L-ammont imsemmi fil-paragrafu 1 għandu jkun ikkalkulat billi jitnaqqsu s-salarji effettivament imħallsin u ddikjarati mill-bidwi fis-sena ta’ qabel, inklużi taxxi u kontribuzzjonijiet soċjali relatati mal-impjiegi, mill-ammont totali ta’ pagamenti diretti dovuti inizjalment lill-bidwi mingħajr ma jitqiesu l-pagamenti li għandhom jingħataw skont il-Kapitolu 2 tat-Titolu III ta’ dan ir-Regolament.

2. L-ammont imsemmi fil-paragrafu 1 għandu jkun ikkalkulat billi jitnaqqsu s-salarji effettivament imħallsin u ddikjarati mill-bidwi fis-sena ta’ qabel, inklużi taxxi u kontribuzzjonijiet soċjali relatati mal-impjiegi, kif ukoll l-ispejjeż imġarrba bħala riżultat tal-użu ta' kuntratturi għal operazzjonijiet agrikoli speċifiċi, mill-ammont totali ta’ pagamenti diretti dovuti inizjalment lill-bidwi mingħajr ma jitqiesu l-pagamenti li għandhom jingħataw skont il-Kapitolu 2 tat-Titolu III ta’ dan ir-Regolament.

Emenda 45
Proposta għal regolament
Artikolu 11 – paragrafu 3a (ġdid)

3a. Kwalunkwe ffinanzjar minn tnaqqis progressiv jew limitazzjoni massima għandu jibqa’ fir-reġjun jew fl-Istat Membru fejn jinkiseb u għandu jintuża għal miżuri taħt it-tieni pilastru;

Emenda 46
Proposta għal regolament
Artikolu 14

Artikolu 14

Flessibbiltà bejn il-pilastri

1. Qabel l-1 ta' Awwissu 2013, l-Istati Membri jistgħu jiddeċiedu li jagħmlu disponibbli appoġġ addizzjonali għal miżuri skont l-ipprogrammar dwar l-iżvilupp rurali ffinanzjat skont il-FAEŻR kif speċifikat fir-Regolament (UE) Nru [...] [RDR], sa 10% tal-limiti nazzjonali annwali tagħhom għas-snin kalendarji mill-2014 sal-2019 kif stipulat fl-Anness II għal dan ir-Regolament. B'riżultat ta' dan, l-ammont korrispondenti ma għandux jibqa' disponibbli għall-għoti tal-pagamenti diretti.

1. Qabel l-1 ta' Awwissu 2013, l-Istati Membri jistgħu jiddeċiedu li jagħmlu disponibbli appoġġ addizzjonali għal miżuri skont l-ipprogrammar dwar l-iżvilupp rurali ffinanzjat skont il-FAE¯R kif speċifikat fir-Regolament (UE) Nru [...] [RDR], sa 15% tal-limiti nazzjonali annwali tagħhom għas-snin kalendarji mill-2014 sal-2019 kif stipulat fl-Anness II għal dan ir-Regolament. B'riżultat ta' dan, l-ammont korrispondenti ma għandux jibqa' disponibbli għall-għoti tal-pagamenti diretti.

Id-deċiżjoni msemmija fl-ewwel subparagrafu għandha tkun innotifikata lill-Kummissjoni sad-data msemmija f'dak is-subparagrafu.

Il-perċentwali nnotifikat skont is-subparagrafu preċedenti għandu jkun l-istess għas-snin imsemmija fl-ewwel subparagrafu.

1a. L-Istati Membri jistgħu jżidu fondi mhux allokati mill-applikazzjoni tal-Artikolu 33 għat-trasferimenti favur miżuri għall-iżvilupp rurali msemmija fl-ewwel subparagrafu fil-forma ta’ appoġġ mill-Unjoni għal miżuri agroambjentali-klimatiċi fil-qafas tal-ipprogrammar għall-iżvilupp rurali ffinanzjat skont il-FAEŻR kif speċifikat fir-Regolament (UE) Nru [...] [RDR].

2. Qabel l-1 ta' Awwissu 2013, il-Bulgarija, l-Estonja, il-Finlandja, il-Latvja, il-Litwanja, il-Polonja, il-Portugall, ir-Rumanija, is-Slovakkja, Spanja, l-Isvezja u r-Renju Unit jistgħu jiddeċiedu li jagħmlu disponibbli bħala pagamenti diretti skont dan ir-Regolament, sa 5% tal-ammont allokkat bħala appoġġ għall-miżuri skont l-ipprogrammar dwar l-iżvilupp rurali ffinanzjat skont il-FAEŻR għall-perjodu 2015-2020 kif speċifikat fir-Regolament (UE) Nru [...] [RDR]. B'riżultat ta' dan, l-ammont korrispondenti ma għandux jibqa' disponibbli għall-miżuri ta' appoġġ skont l-ipprogrammar dwar l-iżvilupp rurali.

2. Qabel l-1 ta' Awwissu 2013, il-Bulgarija, l-Estonja, il-Finlandja, il-Latvja, il-Litwanja, il-Polonja, il-Portugall, ir-Rumanija, is-Slovakkja, Spanja, l-Isvezja u r-Renju Unit jistgħu jiddeċiedu li jagħmlu disponibbli bħala pagamenti diretti skont dan ir-Regolament, sa 10% tal-ammont allokkat bħala appoġġ għall-miżuri skont l-ipprogrammar dwar l-iżvilupp rurali ffinanzjat skont il-FAE¯R għall-perjodu 2015-2020 kif speċifikat fir-Regolament (UE) Nru [...] [RDR]. B'riżultat ta' dan, l-ammont korrispondenti ma għandux jibqa' disponibbli għall-miżuri ta' appoġġ skont l-ipprogrammar dwar l-iżvilupp rurali.

Id-deċiżjoni msemmija fl-ewwel subparagrafu għandha tkun innotifikata lill-Kummissjoni sad-data msemmija f'dak is-subparagrafu.

Il-perċentwali nnotifikat skont it-tieni subparagrafu għandu jkun l-istess għas-snin imsemmija fl-ewwel subparagrafu tal-paragrafu 1.

2a. Fil-każ ta' implimentazzjoni reġjonali, jistgħu japplikaw rati perċentwali differenti għal kull reġjun.

2b. L-Istati Membri jistgħu jiddeċiedu, sal-1 ta' Awwissu 2015 jew l-1 ta' Awwissu 2017, li jerġgħu jeżaminaw id-deċiżjonijiet tagħhom imsemmija f'dan l-Artikolu b'seħħ mis-sena ta' wara.

Emenda 47
Proposta għal regolament
Artikolu 15 – paragrafu -1 (ġdid)

- 1. Sabiex tivvaluta l-PAK il-ġdid, il-Kummissjoni għandha tagħmel rieżami tal-implimentazzjoni tar-riformi u l-impatt tagħhom fuq l-ambjent u l-produzzjoni agrikola sa tmiem l-2017.

Emenda 48
Proposta għal regolament
Artikolu 15

L-iskemi ta’ appoġġ elenkati fl-Anness I għandhom japplikaw mingħajr preġudizzju għall-possibbiltà ta’ reviżjoni f’kull żmien fid-dawl tal-iżviluppi ekonomiċi u s-sitwazzjoni baġitarja.

L-iskemi ta’ appoġġ elenkati fl-Anness I għandhom japplikaw mingħajr preġudizzju għal reviżjoni possibbli fi kwalunkwe żmien permess ta’ att leġislattiv, fid-dawl tal-iżviluppi ekonomiċi u s-sitwazzjoni baġitarja.

Emenda 49
Proposta għal regolament
Artikolu 18 – paragrafu 2

Artikolu 18

Drittijiet għall-pagament

1. L-appoġġ skont l-iskema ta’ pagament bażiku għandu jkun disponibbli għall-bdiewa jekk huma jiksbu drittijiet għall-pagament skont dan ir-Regolament permezz ta’ allokazzjoni skont l-Artikolu 17b(4), tal-ewwel allokazzjoni skont l-Artikolu 21, mir-riżerva nazzjonali skont l-Artikolu 23, jew permezz ta’ trasferiment skont l-Artikolu 27.

2. Id-drittijiet għall-pagament miksubin skont l-iskema ta’ pagament uniku skont ir-Regolament (KE) Nru 1782/2003 u r-Regolament (KE) Nru 73/2009 għandhom jiskadu fil-31 ta’ Diċembru 2013.

2. B'deroga mill-paragrafu 1:

(a) L-Istati Membri li fil-31 ta’ Diċembru 2013 ikunu qed joperaw l-iskema ta’ pagament uniku fuq il-bażi tal-mudell reġjonali stabbilit fl-Artikolu 59 tar-Regolament (KE) Nru 1782/2003 jistgħu jiddeċiedu, sal-1 ta’ Awwissu 2013, li jżommu d-drittijiet ta’ pagament allokati f’konformità mar-Regolament (KE) Nru 1782/2003 u/jew ir-Regolament (KE) Nru 73/2009,

(b) Listati Membri li fil-31 ta’ Diċembru 2013 ikunu qed joperaw l-iskema ta’ pagament uniku skont l-erja jistgħu, sal-1 ta’ Awwissu 2013, jiddeċiedu li jżommu l-iskema eżistenti tagħhom bħala sistema tranżizzjonali sal-31 ta’ Diċembru 2020.

Emenda 50
Proposta għal regolament
Artikolu 19

Artikolu 19

Limitu massimu għall-iskema ta' pagament bażiku

1. Il-Kummissjoni għandha, permezz ta’ atti ta’ implimentazzjoni, tistabbilixxi l-limitu massimu nazzjonali annwali għall-iskema ta’ pagament bażiku billi jitnaqqsu mil-limitu massimu nazzjonali annwali stabbilit fl-Anness II l-ammonti annwali li għandhom jiġu stabbiliti skont l-Artikoli 33, 35, 37 u 39. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

1. Il-Kummissjoni għandha tadotta atti ta’ implimentazzjoni li jistipulaw għal kull Stat Membru l-limitu massimu nazzjonali annwali għall-iskema ta’ pagament bażiku billi jitnaqqsu mil-limitu massimu nazzjonali annwali stabbilit fl-Anness II l-ammonti annwali li għandhom jiġu stabbiliti skont l-Artikoli 33, 35, 37 u 39. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

2. Għal kull Stat Membru u għal kull sena, il-valur totali tad-drittijiet kollha għall-pagamenti allokati u tar-riżerva nazzjonali għandu jkun ugwali għal-limitu massimu nazzjonali rispettiv adottat mill-Kummissjoni skont il-paragrafu 1.

3. F’każ ta’ modifika tal-limitu massimu adottat mill-Kummissjoni skont il-paragrafu 1 kif imqabbel mas-sena ta’ qabel, Stat Membru għandu b’mod lineari inaqqas jew iżid il-valur tad-drittijiet kollha għall-pagament biex tkun żgurata konformità mal-paragrafu 2.

L-ewwel subparagrafu ma għandux japplika fejn tali emenda hija dovuta għall-applikazzjoni tal-Artikolu 17b(2).

Emenda 51
Proposta għal regolament
Artikolu 20

Artikolu 20

Allokazzjoni reġjonali tal-limiti massimi nazzjonali

1. Qabel l-1 ta' Awwissu 2013, l-Istati Membri jistgħu jiddeċiedu li japplikaw l-iskema ta' pagament bażiku f'livell reġjonali. F’dak il-każ huma għandhom jiddefinixxu r-reġjuni skont kriterji oġġettivi u mhux diskriminatorji bħall-karatteristiċi agronomiċi u ekonomiċi tagħhom u l-potenzjal agrikolu reġjonali tagħhom, jew l-istruttura istituzzjonali jew amministrattiva tagħhom.

1. Qabel l-1 ta' Awwissu 2013, l-Istati Membri jistgħu jiddeċiedu li japplikaw l-iskema ta' pagament bażiku f'livell reġjonali. F’dak il-każ huma għandhom jiddefinixxu r-reġjuni skont kriterji oġġettivi u mhux diskriminatorji bħall-karatteristiċi agronomiċi, ambjentali u soċjoekonomiċi tagħhom u l-potenzjal agrikolu reġjonali tagħhom, jew l-istruttura istituzzjonali jew amministrattiva tagħhom.

2. L-Istati Membri għandhom jaqsmu l-limitu massimu nazzjonali msemmi fl-Artikolu 19(1) bejn ir-reġjuni skont kriterji oġġettivi u mhux diskriminatorji.

3. L-Istati Membri jistgħu jiddeċiedu li l-limiti massimi reġjonali għandhom ikunu suġġetti għal modifiki progressivi annwali skont stadji annwali stabbiliti minn qabel u skont kriterji oġġettivi u mhux diskriminatorji bħall-potenzjal agrikolu jew il-kriterji ambjentali.

4. Sakemm ikun meħtieġ biex jitħarsu l-limiti massimi reġjonali applikabbli stabbiliti skont il-paragrafu 2 jew 3, l-Istati Membri għandhom iwettqu tnaqqis jew żieda lineari fil-valur tad-drittijiet għall-pagament f’kull wieħed mir-reġjuni tagħhom.

5. Sal-1 ta’ Awwissu 2013 l-Istati Membri għandhom jinnotifikaw lill-Kummissjoni bid-deċiżjoni msemmija fil-paragrafu 1, flimkien mal-miżuri meħuda għall-applikazzjoni tal-paragrafi 2 u 3.

Emendi 52 u 161
Proposta għal regolament
Artikolu 21

Artikolu 21

L-ewwel allokazzjoni tad-drittijiet għall-pagament

1. Suġġetti għall-paragrafu 2, id-drittijiet għall-pagament għandhom jiġu allokati lill-bdiewa jekk japplikaw għall-allokazzjoni għad-drittijiet għall-pagament taħt l-iskema ta’ pagament bażiku sal-15 ta’ Mejju 2014 ħlief fil-każ ta’ force majeure u ċirkustanzi eċċezzjonali.

1. Suġġetti għall-paragrafu 2 ta’ dan l-Artikolu, u mingħajr preġudizzju għall-Artikolu 18(2), id-drittijiet għall-pagament għandhom jiġu allokati lill-bdiewa jekk japplikaw għall-allokazzjoni għad-drittijiet għall-pagament taħt l-iskema ta’ pagament bażiku sal-15 ta’ Mejju 2014 ħlief fil-każ ta’ force majeure u ċirkustanzi eċċezzjonali.

2. “Il-bdiewa li, fl-2011, jew fil-każ tal-Kroazja fl-2013, attivaw tal-inqas dritt għall-pagament wieħed taħt l-iskema ta' pagament uniku, jew talbu appoġġ taħt l-iskema ta' pagament uniku skont l-erja, it-tnejn li huma skont ir-Regolament (KE) Nru 73/2009, għandhom jirċievu drittijiet għall-pagament fl-ewwel sena tal-applikazzjoni tal-iskema ta' pagament bażiku sakemm huma jkunu intitolati għall-għoti ta’ pagamenti diretti skont l-Artikolu 9.”

2. Il-bdiewa li:

fi kwalunkwe waħda mit-tliet snin 2009, 2010 jew 2011, li għandha tingħażel mill-Istati Membri, jew fil-każ tal-Kroazja fl-2013, attivaw tal-inqas dritt għall-pagament wieħed taħt l-iskema ta' pagament uniku, jew talbu appoġġ taħt l-iskema ta' pagament uniku skont l-erja, it-tnejn li huma skont ir-Regolament (KE) Nru 73/2009, jew

fl-2012 irċevew drittijiet għal pagament skont l-Artikoli 41 u 63 tar-Regolament (KE) Nru 73/2009 jew

li ssottomettew provi ta’ produzzjoni attiva ta’ razzett u li fl-2011 rabbew jew kabbru prodotti agrikoli inklużi ħsad, ħalib, taħlib, tgħammir jew trobbija ta’ annimali jew żammew annimali għal skopijiet ta’ biedja, għandhom jirċievu drittijiet għall-pagament fl-ewwel sena tal-applikazzjoni tal-iskema ta' pagament bażiku sakemm huma jkunu intitolati għall-għoti ta’ pagamenti diretti skont l-Artikolu 9.

B'deroga mill-ewwel subparagrafu, il-bdiewa għandhom jirċievu drittijiet għall-pagament fl-ewwel sena tal-applikazzjoni tal-iskema ta’ pagament bażiku, sakemm ikunu intitolati għall-għoti ta’ pagamenti diretti skont l-Artikolu 9, u sakemm fl-2011:

(a) ma jkunu attivaw ebda dritt taħt l-iskema ta’ pagament bażiku, iżda pproduċew b’mod esklussiv frott, ħaxix u/jew ikkultivaw vinja b’mod esklussiv;

(a) ma jkunu attivaw ebda dritt taħt l-iskema ta’ pagament bażiku, iżda pproduċew b’mod esklussiv frott, ħaxix, żerriegħa u patata taż-żrigħ tal-ikel, pjanti ornamentali u/jew ikkultivaw vinja b’mod esklussiv;

(b) ma jkunu talbu ebda appoġġ taħt l-iskema ta’ pagament uniku skont l-erja u kellhom biss art agrikola li ma kinitx f'kundizzjoni agrikola tajba fit-30 ta' Jannar 2003 kif hemm ipprovut fl-Artikolu 124(1) tar-Regolament (KE) Nru 73/2009,

(b) ma jkunu talbu ebda appoġġ taħt l-iskema ta’ pagament uniku skont l-erja u kellhom biss art agrikola li ma kinitx f'kundizzjoni agrikola tajba fit-30 ta' Ġunju 2003 kif hemm ipprovut fl-Artikolu 124(1) tar-Regolament (KE) Nru 73/2009,

B'eċċezzjoni fil-każ ta’ force majeure jew ta’ ċirkostanzi eċċezzjonali, l-għadd ta’ drittijiet għall-pagament allokati għal kull bidwi għandu jkun ugwali għall-għadd ta’ ettari eliġibbli, skont it-tifsira tal-Artikolu 25(2), li l-bidwi jiddikjara skont l-Artikolu 26(1) għall-2014.

Bħala deroga mis-subparagrafu preċedenti, fejn in-numru totali ta' ettari ddikjarati fi Stat Membru bi qbil mal-Artikolu 26(1) għall-2014 jinvolvi żieda ta' iktar minn 45 % tan-numru totali ta' ettari eliġibbli ddikjarati fl-2009 bi qbil mal-Artikolu 35 tar-Regolament (KE) Nru 73/2009, l-Istati Membri jistgħu jillimitaw in-numru ta' drittijiet għall-pagament li se jiġu allokati fl-2014 għal 145 % tan-numru totali ta' ettari ddikjarati fl-2009 bi qbil mal-Artikolu 35 tar-Regolament (KE) Nru 73/2009.

3. Fil-każ li parti mill-impriża jew l-impriża kollha tinbiegħ jew tinkera, il-persuni fiżiċi jew ġuridiċi li huma konformi mal-paragrafu 2 jistgħu, b'kuntratt iffirmat qabel il-15 ta' Mejju 2014, jittrasferixxu d-dritt biex wieħed jirċievi d-drittijiet għall-pagament kif imsemmi fil-paragrafu 1 lil bidwi wieħed biss sakemm dan tal-aħħar ikun konformi mal-kundizzjonijiet stipulati fl-Artikolu 9.

Meta jużaw din l-għażla, l-Istati Membri għandhom jallokaw numru mnaqqas ta' drittijiet għall-pagament lill-bdiewa li għandu jiġi kkalkulat billi jiġi applikat tnaqqis proporzjonat għan-numru addizzjonali ta' ettari eliġibbli ddikjarat minn kull bidwi fl-2014 meta mqabbel man-numru ta' ettari eliġibbli bi qbil mal-Artikolu 34(2) tar-Regolament (KE) Nru 73/2009 li jkun indika fl-applikazzjoni tiegħu għall-għajnuna fl-2011 bi qbil mal-Artikolu 19 tar-Regolament (KE) Nru 73/2009.

3. Fil-każ li parti mill-impriża jew l-impriża kollha tinbiegħ, tingħaqad, tinfired jew tinkera, il-bdiewa li huma konformi mal-paragrafu 2 jistgħu, b'kuntratt iffirmat qabel il-15 ta' Mejju 2014, jittrasferixxu d-dritt biex wieħed jirċievi d-drittijiet għall-pagament kif imsemmi fil-paragrafu 1 lill-bdiewa li jirċievu l-impriża jew parti minnha sakemm dawn tal-aħħar ikunu konformi mal-kundizzjonijiet stipulati fl-Artikolu 9.

4. Il-Kummissjoni għandha, permezz tal-atti ta' implimentazzjoni, tadotta regoli dwar l-applikazzjonijiet għall-allokazzjoni tad-drittijiet għall-pagamenti ppreżentati fis-sena tal-allokazzjoni tad-drittijiet tal-pagamenti fejn dawk id-drittijiet tal-pagamenti jistgħu ma jkunux għadhom stabbiliti b'mod definittiv u fejn l-allokazzjoni hija affettwata minn ċirkustanzi speċifiċi. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

Emenda 53
Proposta għal regolament
Artikolu 22

Artikolu 22

Valur tad-drittijiet għall-pagament u l-konverġenza

1. Għall kull sena rilevanti, il-valur tal-unità tad-drittijiet għall-pagament għandu jkun ikkalkulat billi l-limitu massimu nazzjonali jew reġjonali jkun diviż skont l-Artikoli 19 jew 20, wara applikazzjoni tat-tnaqqis lineari msemmi fl-Artikolu 23(1), bil-għadd ta’ drittijiet għall-pagament allokati f’livell nazzjonali jew reġjonali skont l-Artikolu 21(2) għall-2014.

2. L-Istati Membri li jkunu applikaw l-iskema ta’ pagament uniku kif imsemmi fir-Regolament (KE) Nru 73/2009, jistgħu jillimitaw il-kalkolu tal-valur tal-unità tad-drittijiet għall-pagament previsti fil-paragrafu 1 għal ammont li jkun jikkorrispondi sa mhux anqas minn 40% mil-limitu massimu nazzjonali jew reġjonali stabbilit skont l-Artikoli 19 jew 20, wara applikazzjoni tat-tnaqqis lineari msemmi fl-Artikolu 23(1).

2. L-Istati Membri li jkunu applikaw l-iskema ta’ pagament uniku kif imsemmi fir-Regolament (KE) Nru 73/2009, jistgħu jillimitaw il-kalkolu tal-valur tal-unità tad-drittijiet għall-pagament previsti fil-paragrafu 1 għal ammont li jkun jikkorrispondi sa mhux anqas minn 10% mil-limitu massimu nazzjonali jew reġjonali stabbilit skont l-Artikoli 19 jew 20, wara applikazzjoni tat-tnaqqis lineari msemmi fl-Artikolu 23(1).

3. L-Istati Membri li jagħmlu użu mill-possibbiltà pprovduta fil-paragrafu 2 għandhom jużaw il-parti tal-limitu massimu li tibqa’ wara l-applikazzjoni ta’ dak il-paragrafu biex iżidu l-valur tad-drittijiet għall-pagament f’każijiet fejn il-valur totali tad-drittijiet għall-pagament miżmum minn bidwi skont l-iskema ta’ pagament bażiku kkalkulat skont il-paragrafu 2 ikun anqas mill-valur totali tad-drittijiet għall-pagament, inklużi drittijiet speċjali, li l-bidwi kellu fil-31 ta’ Diċembru 2013, skont l-iskema ta’ pagament uniku skont ir-Regolament (KE) Nru 73/2009. Għal dan il-għan, il-valur tal-unità nazzjonali jew reġjonali ta’ kull wieħed mid-drittijiet għall-pagament tal-bidwi konċernat għandu jiżdied b’sehem tad-differenza bejn il-valur totali tad-drittijiet għall-pagament skont l-iskema ta’ pagament bażiku kkalkulat skont il-paragrafu 2 u l-valur totali tad-drittijiet għall-pagament, inklużi drittijiet speċjali, li l-bidwi kellu fil-31 ta’ Diċembru 2013 skont l-iskema ta’ pagament uniku skont ir-Regolament (KE) Nru 73/2009.

Għall-kalkolu taż-żieda, Stat Membru jista’ jqis ukoll l-appoġġ mogħti fis-sena kalendarja 2013 skont l-Artikoli 52, 53(1) u 68(1)(b) tar-Regolament (KE) Nru 73/2009, bil-kundizzjoni li l-Istat Membru ma jkunx iddeċieda li japplika l-appoġġ akkoppjat volontarju skont it-Titolu IV ta’ dan ir-Regolament għas-setturi rilevanti.

Għall-fini tal-ewwel subparagrafu, bidwi jitqies li jkollu drittijiet għall-pagament fil-31 ta' Diċembru 2013 fejn id-drittijiet għall-pagament ikunu ġew allokati jew ittrasferiti definittivament sa dik id-data.

4. Għall-finijiet tal-paragrafu 3, Stat Membru jista', abbażi ta' kriterji oġġettivi, jipprevedi, f'każijiet ta' bejgħ jew għotja jew skadenza ta' kirja sħiħa jew parti minnha ta' erjas agrikoli wara d-data ffissata skont l-Artikolu 35 tar-Regolament (KE) Nru 73/2009 u qabel id-data ffissata skont l-Artikolu 26 ta' dan ir-Regolament, li ż-żieda, jew parti miż-żieda, fil-valur tad-drittijiet għall-pagament li jkollhom ikunu allokati lill-bidwi kkonċernat għandhom jitreġġgħu lura għar-riżerva nazzjonali fejn iż-żieda għandha twassal għal profitt mhux mistenni għall-bidwi konċernat.

Dawk il-kriterji oġġettivi għandhom ikunu stabbiliti b'mod li jkun żgurat trattament indaqs bejn il-bdiewa u biex ikunu evitati distorsjonijiet tas-suq u tal-kompetizzjoni u għandhom jinkludu, tal-anqas, dan li ġej:

(a) tul ta' żmien minimu għall-kirja;

(b) il-proporzjon tal-pagament riċevut li għandu jitreġġa' lura għar-riżerva nazzjonali.

5. Mhux aktar tard mis-sena ta’ talba 2019, id-drittijiet kollha għall-pagament fi Stat Membru jew, fil-każ tal-applikazzjoni tal-Artikolu 20, f’reġjun, għandu jkollhom valur ta’ unità uniformi.

5. Mhux aktar tard mis-sena ta’ talba 2019, id-drittijiet kollha għall-pagament fi Stat Membru jew, fil-każ tal-applikazzjoni tal-Artikolu 20, f’reġjun:

(a) għandu jkollhom valur ta’ unità uniformi;

(b) jistgħu jiddevjaw mill-valur ta’ unità medju b’massimu ta’ 20%.

Meta japplikaw il-paragrafi 2, 3 u dan il-paragrafu, l-Istati Membri jistgħu jieħdu miżuri biex jiżguraw li, fejn id-drittijiet għall-pagamenti fil-livell ta’ azjenda agrikola jitnaqqsu, il-livell ta’ dawk id-drittijiet attivat fl-2019 ma jkunx aktar minn 30% taħt dak tal-2014.

6. Meta jkunu applikati l-paragrafi 2 u 3, l-Istati Membri, waqt li jaġixxu b’konformità mal-prinċipji ġenerali tad-dritt tal-Unjoni, għandhom jersqu lejn approssimazzjoni tal-valur tad-drittijiet għall-pagament f’livell nazzjonali jew reġjonali. Għal dan il-għan, l-Istati Membri għandhom jiffissaw il-passi li għandhom jittieħdu sal-1 ta’ Awwissu 2013. Dawk il-passi għandhom jinkludu modifiki progressivi annwali tad-drittijiet għall-pagament skont kriterji oġġettivi u mhux diskriminatorji.

Il-passi msemmija fl-ewwel subparagrafu għandhom ikunu nnotifikati lill-Kummissjoni sad-data msemmija f’dak is-subparagrafu.

Emenda 54
Proposta għal regolament
Artikolu 22a (ġdid)

Artikolu 22a

Konverġenza Interna

1. B'deroga mill-Artikolu 22, l-Istati Membri jistgħu japprossimaw il-valur tad-drittijiet għall-pagamenti fil-livell nazzjonali jew reġjonali sabiex il-valur tal-unità tad-drittijiet jersaq parzjalment, iżda mhux kompletament, lejn il-valuri nazzjonali jew reġjonali uniformi mis-sena ta' talba 2021. L-Istati Membri jistgħu jużaw il-formula għall-konverġenza esterna bejn l-Istati Membri meta japplikaw din l-għażla. Din il-konverġenza għandha tkun iffinanzjata bis-saħħa tat-tnaqqis tal-valuri tad-drittijiet tal-2013 fuq limitu minimu identifikat mill-Istati Membri jew ’il fuq il-medja nazzjonali.

2. L-Istati Membri li japplikaw id-deroga msemmija fil-paragrafu 1 jistgħu jiddeċiedu li l-pagament għall-prattiki agrikoli ta' benefiċċju għall-klima u l-ambjent imsemmija fil-Kapitolu 2 tat-Titolu III, li għandu jirrappreżenta 30% tal-pakkett nazzjonali skont l-Artikolu 33(1), huwa pagabbli lil bdiewa bħala perċentwali relattiv għall-pagament bażiku tagħhom.

3. Meta tiġi applika d-deroga msemmija fil-paragrafu 1, l-Istati Membri, sal-1 ta’ Awwissu 2013, għandhom jistipulaw il-passi li għandhom jittieħdu, filwaqt li jaġixxu f’konformità mal-prinċipji ġenerali tal-liġi tal-Unjoni. Dawn il-passi għandhom jinkludu modifiki progressivi tad-drittijiet tal-pagament skont kriterji oġġettivi u mhux diskriminatorji.

Il-passi msemmija fl-ewwel subparagrafu għandhom jiġu nnotifikati lill-Kummissjoni sal-1 ta' Awwissu 2013.

Emenda 55
Proposta għal regolament
Artikolu 23

Artikolu 23

Stabbiliment u użu tar-riżerva nazzjonali

1. Kull Stat Membru għandu jistabbilixxi riżerva nazzjonali. Għal dak il-għan, fl-ewwel sena ta' applikazzjoni tal-iskema ta' pagament bażiku, l-Istati Membri għandhom jipproċedu għal tnaqqis lineari tal-perċentwali tal-limitu massimu tal-iskema ta' pagamenti f'livell nazzjonali biex jikkostitwixxu r-riżerva nazzjonali. Dan it-tnaqqis ma għandux ikun ogħla minn 3 % ħlief, jekk ikun meħtieġ, biex ikopri l-ħtiġijiet ta’ allokazzjoni stipulati fil-paragrafu 4 għas-sena 2014.

1. Kull Stat Membru għandu jistabbilixxi riżerva nazzjonali. Għal dak il-għan, fl-ewwel sena ta' applikazzjoni tal-iskema ta' pagament bażiku, l-Istati Membri għandhom jipproċedu għal tnaqqis lineari tal-perċentwali tal-limitu massimu tal-iskema ta' pagamenti f'livell nazzjonali biex jikkostitwixxu r-riżerva nazzjonali. Għas-sena 2014, dan it-tnaqqis ma għandux ikun ogħla minn 3 % ħlief, jekk ikun meħtieġ, biex ikopri l-ħtiġijiet ta’ allokazzjoni stipulati fil-paragrafu 4. Għas-snin ta’ wara, l-Istati Membri jistgħu jistipulaw kull sena l-limitu massimu ta’ tnaqqis fuq il-bażi tal-ħtiġijiet ta’ allokazzjoni.

2. L-Istati Membri jistgħu jamministraw ir-riżerva nazzjonali fuq livell reġjonali.

3. L-Istati Membri għandhom jistabbilixxu drittijiet għall-pagament mir-riżerva nazzjonali skont kriterji oġġettivi u b’mod li jkun żgurat trattament indaqs bejn il-bdiewa u biex ikun evitat tagħwiġ tas-suq u tal-kompetizzjoni.

4. L-Istati Membri għandhom jużaw ir-riżerva nazzjonali biex jallokaw drittijiet għall-pagament, bħala kwistjoni ta’ prijorità, lill-bdiewa żgħażagħ li jibdew l-attività agrikola tagħhom.

4. L-Istati Membri għandhom jużaw ir-riżerva nazzjonali biex jallokaw drittijiet għall-pagament, bħala kwistjoni ta’ prijorità, lill-bdiewa żgħażagħ u bdiewa ġodda li jibdew l-attività agrikola tagħhom.

Għall-finijiet tal-ewwel subparagrafu, “bdiewa żgħażagħ li jibdew l-attività agrikola tagħhom’ tfisser bdiewa li jissodisfaw il-kundizzjonijiet stipulati fl-Artikolu 36(2) li ma kienu jagħmlu ebda attività agrikola f’isimhom proprju u għar-riskju tagħhom infushom jew li ma kellhomx il-kontroll ta’ persuna ġuridika li kienet teżerċita attività agrikola fil-ħames (5) snin ta’ qabel il-bidu tal-attività agrikola ġdida. F’każ ta’ persuna ġuridika, il-persuna/i fiżika/ċi li jkollha/jkollhom il-kontroll tal-persuna ġuridika ma għandhiex/għandhomx tkun/ikunu għamlet/għamlu ebda attività agrikola f’isimha/isimhom proprju u għar-riskju tagħha/tagħhom stess jew kellha/kellhom il-kontroll ta’ persuna ġuridika li kienet teżerċita attività agrikola fil-ħames (5) snin ta’ qabel il-bidu tal-attività agrikola mill-persuna ġuridika.

Għall-finijiet tal-ewwel subparagrafu, “bdiewa ġodda li jibdew l-attività agrikola tagħhom’ tfisser persuni fiżiċi li qatt ma ngħataw drittijiet. L-Istati Membri jistgħu jiddeterminaw kriterji oġġettivi u mhux diskriminatorji addizzjonali li bdiewa ġodda għandhom jissodisfaw, b’mod partikolari fir-rigward ta’ ħiliet xierqa, esperjenza u/jew rekwiżiti ta’ taħriġ.

5. L-Istati Membri jistgħu jużaw ir-riżerva nazzjonali biex:

(a) jallokaw drittijiet għall-pagament lill-bdiewa f’żoni suġġetti għal ristrutturar u/jew għal programmi ta’ żvilupp relatati ma’ għamla ta’ intervent pubbliku biex l-art ma titħalliex tkun abbandunata u/jew biex jingħata kumpens lill-bdiewa għal żvantaġġi speċifiċi f’dawk iż-żoni;

(aa) jallokaw drittijiet għall-pagament lill-bdiewa li l-impriża tagħhom tinsab fi Stat Membru li ddeċieda li japplika l-għażla stabbilita fl-Artikolu 18(2) u li ma kisbux dritt għall-pagament skont ir-Regolament (KE) Nru 1782/2003 jew ir-Regolament (KE) Nru 73/2009 jew it-tnejn li huma, meta jiddikjaraw żoni agrikolu eliġibbli għas-sena 2014.

(ab) jallokaw drittijiet għall-pagament lill-bdiewa li bdew l-attività agrikola tagħhom wara l-2011 u li joperaw f’setturi agrikoli speċifiċi li għandhom jiġu definiti mill-Istati Membri fuq il-bażi ta’ kriterji oġġettivi u mhux diskriminatorji;

(ac) iżidu l-valur tad-drittijiet għall-pagament taħt l-iskema tal-pagament bażiku sal-valur ta’ unità medja nazzjonali jew reġjonali tad-drittijiet għall-pagament lil bdiewa li b’riżultat tat-tranżizzjoni għall-iskema tal-pagament bażiku jitpoġġew f’sitwazzjoni speċjali bis-saħħa tal-valur baxx tad-drittijiet għall-pagament storiċi taħt l-iskema ta’ pagament uniku skont ir-Regolament (KE) Nru 73/2009, jew iżidu l-valur ta’ drittijiet għall-pagament lil bdiewa li kellhom drittijiet speċjali fil-31 ta’ Diċembru 2013;

(ad) jagħtu lill-bdiewa, fuq bażi annwali, kumpens – li jista’ jiżdied b’pagament addizzjonali għal bdiewa żgħar – għat-tneħħija tal-benefiċċju ta’ EUR 5000 imsemmi fl-Artikolu 7(1) tar-Regolament (KE) Nru 73/2009.

(b) iżidu b’mod lineari l-valur tad-drittijiet għall-pagament skont l-iskema ta’ pagament bażiku f’livell nazzjonali jew reġjonali jekk ir-riżerva nazzjonali tkun aktar minn 3 % f’sena partikolari tkun liema tkun, bil-kundizzjoni li jibqgħu disponibbli ammonti biżżejjed għal allokazzjonijiet skont il-paragrafu 4, il-punt (a) ta' dan il-paragrafu u l-paragrafu 7. Madanakollu, meta jiżdied il-valur tad-drittijiet għall-pagament taħt dan il-punt. L-Istati Membri jistgħu jiddeċiedu li japplikaw metodu alternattiv għall-metodu lineari.

6. Meta japplikaw il-paragrafi 4 u 5(a), l-Istati Membri għandhom jistabbilixxu l-valur tad-drittijiet għall-pagament allokati lill-bdiewa abbażi tal-valur medju nazzjonali jew reġjonali ta’ drittijiet għall-pagament fis-sena ta’ allokazzjoni.

7. Fejn bidwi jkollu d-dritt jirċievi drittijiet għall-pagament jew iżid il-valur ta’ dawk eżistenti bis-saħħa ta’ deċiżjoni definittiva ta’ qorti jew bis-saħħa ta’ att amministrattiv definittiv tal-awtorità kompetenti ta’ Stat Membru, il-bidwi għandu jirċievi l-għadd u l-valur tad-drittijiet għall-pagament stabbiliti f’dik id-deċiżjoni jew f’dak l-att f’data li għandha tkun iffissata mill-Istat Membru. Madankollu, din id-data ma għandhiex tkun aktar tard mill-aħħar data għall-preżentazzjoni ta’ applikazzjoni skont l-iskema ta’ pagament bażiku wara d-data tad-deċiżjoni tal-qorti jew tal-att amministrattiv, filwaqt li titqies l-applikazzjoni tal-Artikoli 25 u 26.

Emenda 56
Proposta għal regolament
Artikolu 25 – paragrafu 1

1. L-appoġġ skont l-iskema ta’ pagament bażiku għandu jingħata lill-bdiewa mal-attivazzjoni, permezz ta’ dikjarazzjoni skont l-Artikolu 26(1), ta' dritt għall-pagament għal kull ettaru eliġibbli fl-Istat Membru fejn ikun ġie allokat. Id-drittijiet għall-pagament attivati għandhom jagħtu dritt għall-pagament annwali tal-ammonti ffissati hemmhekk, mingħajr preġudizzju għall-applikazzjoni ta’ dixxiplina finanzjarja, limitu massimu u tnaqqis progressiv, tnaqqis lineari skont l-Artikoli 7, 37(2) u 51(1), u kull tnaqqis u esklużjoni imposti skont ir-Regolament (UE) Nru [...] [HZR].

Emenda 57
Proposta għal regolament
Artikolu 25 – paragrafu 2 – subparagrafu 3a (ġdid)

Għall-finijiet tal-punt (a) tal-ewwel subparagrafu, l-Istati Membri jistgħu japplikaw, skont kriterji oġġettivi u mhux diskriminatorji, koeffiċjent ta’ tnaqqis għal żoni b’potenzjal ta’ rendiment aktar baxx jew produzzjonijiet speċifiċi meta tiġi determinata ż-żona agrikola eliġibbli.

Emenda 58
Proposta għal regolament
Artikolu 27 – paragrafu 2a (ġdid)

2a. Fejn id-drittijiet għall-pagament jinbiegħu mingħajr l-art, l-Istati Membri, filwaqt li jaġixxu f’konformità mal-prinċipji ġenerali tal-liġi tal-Unjoni, jistgħu jiddeċiedu li parti mid-drittijiet għall-pagament mibjugħa tmur lura fir-riżerva nazzjonali jew li l-valur tal-unità tagħha jitnaqqas favur ir-riżerva nazzjonali.

Emenda 59
Proposta għal regolament
Artikolu 28 – paragrafu 1 – punt e

(e) kriterji li għandhom jiġu applikati mill-Istati Membri biex jallokaw id-drittijiet għall-pagament lill-bdiewa li ma attivaw ebda dritt fl-2011 jew li ma talbux appoġġ taħt l-iskema ta’ pagament uniku skont l-erja fl-2011 kif ipprovdut fl-Artikolu 21(2) u biex jallokaw id-drittijiet għall-pagament fil-każ tal-applikazzjoni tal-klawżola tal-kuntratt imsemmija fl-Artikolu 21(3);

(e) kriterji li għandhom jiġu applikati mill-Istati Membri biex jallokaw id-drittijiet għall-pagament lill-bdiewa li ma attivaw ebda dritt fl-ebda waħda mis-snin 2009, 2010 jew 2011 jew li ma talbux appoġġ taħt l-iskema ta’ pagament uniku skont l-erja fl-ebda waħda mis-snin 2009, 2010 jew 2011 kif ipprovdut fl-Artikolu 21(2) u biex jallokaw id-drittijiet għall-pagament fil-każ tal-applikazzjoni tal-klawżola tal-kuntratt imsemmija fl-Artikolu 21(3), bl-eċċezzjoni ta' dawk li jkunu daħlu ġodda u l-bdiewa żgħażagħ;

Emenda 60
Proposta għal regolament
Artikolu 28 – punt g

(g) regoli dwar id-dikjarazzjoni u l-attivazzjoni ta’ drittijiet għall-pagament;

(g) regoli dwar il-kontenut tad-dikjarazzjoni u dwar ir-rekwiżiti għall-attivazzjoni ta’ drittijiet għall-pagament;

Emenda 61
Proposta għal regolament
Kapitolu 1a (ġdid)

KAPITOLU 1A

PAGAMENT KUMPLIMENTARI GĦALL-EWWEL ETTARI

Artikolu 28a

Regoli ġenerali

1. L-Istati Membri jistgħu jiddeċiedu li jagħtu pagament kumplimentari annwali lil bdiewa li huma intitolati għal pagament skont l-iskema ta’ pagament bażiku msemmija fil-Kapitolu 1.

2. L-Istati Membri għandhom jiddeterminaw in-numru tal-ewwel ettari eliġibbli għal din id-dispożizzjoni, li għandu jikkorrispondi għan-numru ta’ intitolamenti attivati mill-bidwi skont l-Artikolu 26(1), sa massimu ta’ 50 ettaru.

3. Sabiex jiffinanzjaw din id-dispożizzjoni, l-Istati Membri għandhom jużaw ammont sa massimu ta’ 30% tal-limitu massimu nazzjonali annwali tagħhom stipulat fl-Anness II.

4. L-Istati Membri kull sena għandhom jikkalkulaw l-ammont ta’ pagament kumplimentari għall-ewwel ettari billi jiddividu l-ammont imsemmi fil-paragrafu 3 bin-numru totali ta’ ettari li qed jibbenefikaw minn dan il-pagament.

5. L-Istati Membri għandhom jiżguraw li ma jingħata ebda pagament lil bdiewa li, wara l-pubblikazzjoni tal-proposta tal-Kummissjoni għal dan ir-Regolament, bil-provi, ikunu ħolqu artifiċjalment il-kundizzjonijiet biex jibbenefikaw mill-pagament imsemmi f’dan l-Artikolu.

6. L-Istati Membri għandhom jinnotifikaw lill-Kummissjoni, sal-1 ta’ Awwissu 2013, bid-deċiżjonijiet tagħhom imsemmija fil-paragrafi 1, 2 u 3.

Emenda 63
Proposta għal regolament
Artikolu 30

Artikolu 30

Diversifikazzjoni tal-uċuħ tar-raba'

1. Fejn ir-raba’ li jinħarat tal-bidwi jkopri aktar minn 3 ettari u ma jkunx użat kollu għall-produzzjoni ta’ ħaxix (miżrugħ jew naturali), jitħalla kollu mistrieħ jew ikkultivat kollu b’uċuħ tar-raba’ taħt l-ilma għal parti kbira tas-sena, il-kultivazzjoni tar-raba’ li jinħarat għandha tkun magħmula minn tal-anqas tliet uċuħ tar-raba’ differenti. Ebda wieħed minn dawk l-uċuħ tar-raba’ ma għandu jkopri anqas minn 5 % tar-raba’ li jinħarat u dak ewlieni ma għandux ikopri aktar minn 70 % tar-raba’ li jinħarat.

1. Fejn ir-raba’ li jinħarat tal-bidwi jkopri bejn 10 u 30 ettaru, il-kultivazzjoni tar-raba’ li jinħarat għandha tkun magħmula minn tal-anqas żewġ uċuħ tar-raba’ differenti. Ebda wieħed minn dawk l-uċuħ tar-raba’ ma għandu jkopri aktar minn 80% tar-raba’ li jinħarat.

Fejn ir-raba’ li jinħarat tal-bidwi jkopri aktar minn 30 ettaru, il-kultivazzjoni tar-raba’ li jinħarat għandha tkun magħmula minn tal-anqas tliet uċuħ tar-raba’ differenti ħlief għal impriżi li jinsabu fit-Tramuntana tat-62 parallel. Il-wiċċ prinċipali ma għandux ikopri aktar minn 75% tar-raba’ li jinħarat u flimkien iż-żewġ uċuħ prinċipali ma għandhomx ikopru aktar minn 95% tar-raba’ li jinħarat.

2. Il-Kummissjoni għandha tingħata s-setgħa li tadotta atti delegati skont l-Artikolu 55 li jistipula d-definizzjoni ta’ “uċuħ tar-raba’” u r-regoli dwar l-applikazzjoni tal-kalkolu preċiż tal-ishma tal-uċuħ tar-raba’ differenti.

Emenda 64
Proposta għal regolament
Artikolu 31

Artikolu 31

Bwar permanenti

Bwar permanenti u mergħat permanenti

1. Il-bdiewa għandhom iżommu bħala bwar permanenti ż-żoni tal-impriżi tagħhom iddikjarati hekk fl-applikazzjoni magħmula skont l-Artikolu 74(1) tar-Regolament (UE) Nru XXX (HZ) għas-sena ta’ talba 2014, minn issa ’l quddiem imsejħin “żoni ta’ referenza ta’ bwar permanenti’.

1. L-Istati Membri għandhom jiżguraw li jinżamm il-proporzjon tal-art taħt bwar u mergħat permanenti meta mqabbla mal-erja agrikola totali. L-Istati Membri jistgħu japplikaw dan l-obbligu fil-livell nazzjonali, reġjonali jew subreġjonali.

Għall-finijiet tal-ewwel subparagrafu, l-art taħt bwar u mergħat permanenti għandha titqies li tikkorrespondi għal żoni tal-impriżi tagħhom iddikjarati hekk fl-applikazzjoni magħmula skont l-Artikolu 74(1) tar-Regolament (UE) Nru XXX (HZ) għas-sena ta’ talba 2014, minn issa ’l quddiem imsejħin “żoni ta’ referenza ta’ bwar permanenti u mergħat permanenti”.

Iż-żoni ta’ referenza ta’ bwar permanenti għandhom jiżdiedu f'każijiet fejn il-bidwi għandu obbligu li jerġa' jbiddel iż-żoni lura għal bwar permanenti fl-2014 u/jew fl-2015 kif imsemmi fl-Artikolu 93 tar-Regolament (UE) Nru […] [HZR].

Iż-żoni ta’ referenza ta’ bwar permanenti u mergħat permanenti għandhom jiżdiedu f'każijiet fejn il-bidwi għandu obbligu li jerġa' jbiddel iż-żoni lura għal bwar permanenti fl-2014 u/jew fl-2015 kif imsemmi fl-Artikolu 93 tar-Regolament (UE) Nru […][HZR].

2. Il-bdiewa għandhom ikunu jistgħu jbiddlu lura sa massimu ta’ 5 % taż-żoni ta’ referenza tagħhom ta’ bwar permanenti. Dak il-limitu ma għandux japplika f’każ ta’ force majeure jew f’ċirkustanzi eċċezzjonali.

2. Il-bidla lura ta’ massimu ta’ 5 % taż-żoni ta’ referenza ta’ bwar permanenti u mergħat permanenti għandha tkun permessa, bl-eċċezzjoni ta’ ħamrija b’ħafna karbonju, artijiet mistagħdra u bwar u mergħat seminaturali. Taħt kundizzjonijiet eċċezzjonali dan il-perċentwali jista' jiżdied għal 7%.

3. Il-Kummissjoni għandu jkollha s-setgħa tadotta atti delegati skont l-Artikolu 55 li jistabbilixxi regoli dwar iż-żieda taż-żoni ta’ referenza ta’ bwar permanenti kif stipulat fit-tieni subparagrafu tal-paragrafu 1, it-tiġdid ta’ bwar permanenti, il-bidla mill-ġdid ta’ żoni agrikoli fi bwar permanenti f’każ li t-tnaqqis awtorizzat imsemmi fil-paragrafu 2 jinqabeż, kif ukoll għall-modifika taż-żoni ta’ referenza ta’ bwar permanenti f’każ ta’ trasferiment tal-art.

3. Il-Kummissjoni għandu jkollha s-setgħa tadotta atti delegati skont l-Artikolu 55 li jistabbilixxi regoli dwar iż-żieda taż-żoni ta’ referenza ta’ bwar permanenti u mergħat permanenti kif stipulat fit-tielet subparagrafu tal-paragrafu 1, it-tiġdid ta’ bwar permanenti u mergħat permanenti, il-bidla mill-ġdid ta’ żoni agrikoli fi bwar permanenti u mergħat permanenti f’każ li t-tnaqqis awtorizzat imsemmi fil-paragrafu 2 jinqabeż, kif ukoll fir-rigward taċ-ċirkustanzi eċċezzjonali msemmija fil-paragrafu 2, kif ukoll għall-modifika taż-żoni ta’ referenza ta’ bwar permanenti u mergħat permanenti f’każ ta’ trasferiment tal-art.

Emenda 65
Proposta għal regolament
Artikolu 32

Artikolu 32

Erja b'fokus ekoloġiku

1. Il-bdiewa għandhom jiżguraw li tal-anqas 7 % tal-ettari eleġibbli tagħhom kif definiti fl-Artikolu 25(2), esklużi żoni ta’ bwar permanenti, huma erjas b’fokus ekoloġiku bħala art li titħalla mistrieħa, terrazzi, iż-żamma ta’ karatteristiċi ta’ pajsaġġ, strixex ta’ lqugħ u żoni afforestati kif imsemmi fl-Artikolu 25(2)(b)(ii).

1. Fejn l-art li tinħarat tkopri aktar minn 10 ettari, il-bdiewa għandhom jiżguraw, matul l-ewwel sena ta’ implimentazzjoni tar-Regolament preżenti, li tal-anqas 3% tal-ettari eleġibbli tagħhom kif definiti fl-Artikolu 25(2), esklużi żoni ta’ bwar permanenti u mergħat permanenti u uċuħ tar-raba’ permanenti, huma erjas b’fokus ekoloġiku bħala art li titħalla mistrieħa, terrazzi, iż-żamma ta’ karatteristiċi ta’ pajsaġġ inklużi arbuxxelli, fosos, ħitan tas-sejjieħ, siġar fl-għelieqi, għadajjar, art b’uċuħ tar-raba’ li jkissru n-nitroġenu, strixex ta’ lqugħ u żoni afforestati kif imsemmi fl-Artikolu 25(2)(b)(ii). Il-bdiewa jistgħu japplikaw din il-miżura fl-impriża kollha tagħhom.

Il-bdiewa jistgħu jużaw erja b’fokus ekoloġiku għall-produzzjoni mingħajr l-użu tal-applikazzjoni ta’ pestiċidi u fertilizzanti.

Mill-1 ta’ Jannar 2016, il-perċentwali indikat fl-ewwel subparagrafu għandu jiżdied għal 5%.

1a. Qabel il-31 ta’ Marzu 2017, il-Kummissjoni għandha tippreżenta rapport ta’ valutazzjoni tal-miżuri taħt il-paragrafu 1 lill-Parlament Ewropew u lill-Kunsill; flimkien mal-proposti leġiżlattivi meħtieġa, sabiex, jekk ikun xieraq, il-perċentwali msemmi fil-paragrafu 1 jiżdied għal 7% għas-sena 2018 u wara li jiġi kkunsidrat l-impatt fuq l-ambjent u l-produzzjoni agrikola.

1b. B’deroga mill-paragrafu 1, mill-1 ta’ Jannar 2016, l-Istati Membri jistgħu jiddeċiedu li jimplimentaw sa 3 punti perċentwali tal-erjas b'fokus ekoloġiku fuq livell reġjonali sabiex jakkwistaw erjas b'fokus ekoloġiku adjaċenti.

1c. Il-bdiewa jistgħu jerġgħu jikru lura mingħand l-awtorità lokali erja agrikola ta’ valur naturali għoli li tkun saret proprjetà pubblika bħala riżultat tal-konsolidazzjoni tal-art jew proċeduri simili u jistgħu jikklassifikawha bħala erja b’fokus ekoloġiku sakemm tilħaq il-kriterji tal-paragrafu 1.

1d. L-erjas b’fokus ekoloġiku jistgħu jitkejlu abbażi tas-sinifikat ekoloġiku tagħhom. Il-Kummissjoni għandha tapprova s-sett ta’ koeffiċjenti ta’ ponderazzjoni sottomessi mill-Istati Membri b’kunsiderazzjoni tal-kriterji ta’ prestazzjoni ambjentali u klimatiċi ekwivalenti.

2. Il-Kummissjoni għandu jkollha s-setgħa tadotta atti delegati skont l-Artikolu 55 biex tiddefinixxi aktar it-tipi ta' erjas b’fokus ekoloġiku msemmija fil-paragrafu 1 ta' dan l-Artikolu u biex iżżid u tiddefinixxi tipi oħrajn ta' erjas b’fokus ekoloġiku li jistgħu jitqiesu biex jiġi rispettat il-perċentwali msemmi f'dak il-paragrafu.

2. Il-Kummissjoni għandu jkollha s-setgħa tadotta atti delegati skont l-Artikolu 55 biex tiddefinixxi aktar it-tipi ta' erjas b’fokus ekoloġiku msemmija fil-paragrafu 1 ta' dan l-Artikolu, biex tistabbilixxi qafas fl-UE kollha ta’ koeffiċjenti ta’ ponderazzjoni bil-ħsieb li jiġu kkalkulati l-ettari rappreżentati mill-varji tipi ta’ erja b’fokus ekoloġiku msemmija fil-paragrafu 1d ta’ dan l-Artikolu, u biex iżżid u tiddefinixxi tipi oħrajn ta' erjas b’fokus ekoloġiku li jistgħu jitqiesu meta jiġi vvalutat il-perċentwali msemmi fil-paragrafu 1 ta’ dan l-Artikolu u tiddefinixxi l-livell reġjonali msemmi fil-paragrafu 1b ta’ dan l-Artikolu.

Emenda 66
Proposta għal regolament
Artikolu 34 – paragrafu 4

4. Il-pagament għal kull ettaru msemmi fil-paragrafu 1 għandu jkun ikkalkulat billi l-ammont li jirriżulta mill-applikazzjoni tal-Artikolu 35 ikun diviż bl-għadd ta’ ettari eliġibbli ddikjarati skont l-Artikolu 26(1) li jinsabu fiż-żoni li l-Istati Membri jkunu ddeċidew li jagħtuhom pagament skont il-paragrafu 2 ta’ dan l-Artikolu.

4. Il-pagament għal kull ettaru msemmi fil-paragrafu 1 għandu jkun ikkalkulat billi l-ammont li jirriżulta mill-applikazzjoni tal-Artikolu 35 ikun diviż bl-għadd ta’ ettari eliġibbli ddikjarati skont l-Artikolu 26(1) li l-Istati Membri jkunu ddeċidew li jagħtuhom pagament skont il-paragrafu 2 ta’ dan l-Artikolu.

Emenda 67
Proposta għal regolament
Artikolu 34 – paragrafu 4 – subparagrafu 1a (ġdid)

L-Istati Membri jistgħu jvarjaw il-pagament għal kull ettaru fuq il-bażi ta’ kriteri oġġettivi mhux diskriminatorji.

Emenda 68
Proposta għal regolament
Artikolu 34 – paragrafu 4 – subparagrafu 1b (ġdid)

Jekk japplikaw l-ewwel subparagrafu, l-Istati Membri jistgħu jistabbilixxu n-numru massimu ta’ ettari għal kull impriża li għandu jiġi kkunsidrat għall-pagament.

Emenda 69
Proposta għal regolament
Artikolu 35 – paragrafu 2

2. Skont il-perċentwali tal-limitu massimu nazzjonali li għandu jintuża mill-Istati Membri skont il-paragrafu 1, il-Kummissjoni għandha, permezz ta’ atti ta’ implimentazzjoni, tiffissa l-limitu massimu korrispondenti għal dak il-pagament fuq bażi annwali. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

2. Skont il-perċentwali tal-limitu massimu nazzjonali li għandu jintuża mill-Istati Membri skont il-paragrafu 1, il-Kummissjoni għandha tingħata s-setgħa, f’konformità mal-Artikolu 55, tadotta atti delegati biex tiffissa l-limitu massimu korrispondenti għal dak il-pagament fuq bażi annwali.

Emenda 70
Proposta għal regolament
Artikolu 36

Artikolu 36

Regoli ġenerali

1. L-Istati Membri għandhom jagħtu pagament annwali lill-bdiewa żgħażagħ li huma intitolati għal pagament skont l-iskema ta’ pagament bażiku msemmija fil-Kaptiolu 1.

1. L-Istati Membri għandhom jagħtu pagament annwali, skont il-kundizzjonijiet ta’ dan il-Kapitolu, lill-bdiewa żgħażagħ li huma intitolati għal pagament skont l-iskema ta’ pagament bażiku msemmija fil-Kaptiolu 1.

2. Għall-finijiet ta’ dan il-Kapitolu, “bdiewa żgħażagħ”, għandha tfisser:

(a) persuni fiżiċi li qed jistabbilixxu għall-ewwel darba impriża agrikola bħala kap tal-impriża, jew li diġà stabbilixxew tali impriża fil-ħames snin preċedenti għall-ewwel preżentazzjoni ta' applikazzjoni għall-iskema ta’ pagament bażiku kif msemmija fl-Artikolu 73(1) tar-Regolament (UE) Nru [...] [HZR], u

(b) ikollhom inqas minn 40 sena fl-età fil-mument meta jissottomettu l-applikazzjoni msemmija fil-punt (a).

(ba) L-Istati Membri jistgħu jiddeterminaw kriterji oġġettivi u mhux diskriminatorji addizzjonali li bdiewa żgħażagħ għandhom jissodisfaw, b’mod partikolari fir-rigward ta’ ħiliet xierqa, esperjenza u/jew rekwiżiti ta’ taħriġ.

3. Mingħajr preġudizzju għall-applikazzjoni tad-dixxiplina finanzjarja, it-tnaqqis u l-istabbiliment ta' limiti massimi progressivi u t-tnaqqis lineari msemmija fl-Artikolu 7, u kull tnaqqis u esklużjoni imposti skont l-Artikolu 65 tar-Regolament (UE) Nru [...] [HZR], il-pagament imsemmi fil-paragrafu 1 ta’ dan l-Artikolu għandu jingħata fuq bażi annwali mal-attivazzjoni tad-drittijiet għall-pagament mill-bdiewa.

4. Il-pagament imsemmi fil-paragrafu 1 għandu jingħata għal kull bidwi għal perjodu ta' mhux aktar minn ħames snin. Dak il-perjodu għandu jitnaqqas bl-għadd ta’ snin li jgħaddu bejn meta bidwi żagħżugħ jistabbilixxi lilu nnifsu u l-ewwel preżentazzjoni tal-applikazzjoni msemmija fil-paragrafu 2, il-punt (a).

5. L-Istati Membri għandhom jikkalkulaw kull sena l-ammont tal-pagament imsemmi fil-paragrafu 1 billi jimmultiplikaw ċifra li tikkorrispondi għal 25 % tal-valur medju tad-drittijiet għall-pagament li għandu l-bidwi mal-għadd ta’ drittijiet li l-bidwi attiva skont l-Artikolu 26(1).

5. L-Istati Membri għandhom jikkalkulaw kull sena l-ammont tal-pagament imsemmi fil-paragrafu 1 billi jimmultiplikaw ċifra li tikkorrispondi għal 25% tal-valur medju tad-drittijiet għall-pagament fl-Istat Membru jew reġjun ikkonċernat mal-għadd ta’ drittijiet li l-bidwi attiva skont l-Artikolu 26(1).

Meta japplikaw l-ewwel subparagrafu, l-Istati Membri għandhom jirrispettaw il-limiti massimi li ġejjin fl-għadd ta' drittijiet għall-pagament attivati li għandhom jitqiesu:

Meta japplikaw l-ewwel subparagrafu, l-Istati Membri għandhom jiffissaw limitu li jista’ jkun sa massimu ta’ 100 ettaru.

(a) massimu ta’ 25 ettaru fl-Istati Membri fejn id-daqs medju tal-impriżi agrikoli kif stipulat fl-Anness VI huwa inqas minn, jew daqs, 25 ettaru;

(b) massimu li ma għandux ikun inqas minn 25 ettaru u mhux iktar mid-daqs medju, fl-Istati Membri fejn id-daqs medju tal-impriżi agrikoli kif stipulat fl-Anness VI huwa akbar minn 25 ettaru.

6. Il-Kummissjoni għandu jkollha s-setgħa li tadotta atti delegati skont l-Artikolu 55 dwar il-kundizzjonijiet li skonthom persuna legali tista' tiġi kkunsidrata eliġibbli biex tirċievi l-pagament imsemmi fil-paragrafu 1, b’mod partikolari l-applikazzjoni tal-limitu tal-età stipulat fil-paragrafu 2(b) għal persuna fiżika waħda jew aktar li qed jipparteċipaw f’isem il-persuna ġuridika.

Emenda 71
Proposta għal regolament
Artikolu 37

Artikolu 37

Dispożizzjonijiet finanzjarji

1. Biex jiffinanzjaw il-pagament imsemmi fl-Artikolu 36, l-Istati Membri għandhom jużaw il-perċentwali tal-limitu massimu nazzjonali annwali stipulat fl-Anness II li ma għandux ikun ogħla minn 2 %. Huma għandhom jinnotifikaw lill-Kummissjoni, sal-1 ta’ Awwissu 2013, bl-istima tal-perċentwali meħtieġ biex jiffinanzjaw dak il-pagament.

1. Biex jiffinanzjaw il-pagament imsemmi fl-Artikolu 36, l-Istati Membri għandhom jużaw 2% tal-limitu massimu nazzjonali annwali stipulat fl-Anness II.

Fejn il-perċentwali stmat meħtieġ biex jiffinanzja l-pagament imsemmi fl-Artikolu 36 huwa anqas minn 2%, l-Istati Membri jistgħu jallokaw il-bqija tal-ammonti rispettivi biex iżidu b’mod lineari l-valur tad-drittijiet għall-pagament tar-riżerva nazzjonali, bi prijorità għal bdiewa żgħażagħ u ġodda skont l-Artikolu 23(4).

B’deroga mill-ewwel subparagrafu, l-Istati Membri jistgħu jiddeċiedu li jżidu l-perċentwali msemmi f’dak is-subparagrafu sabiex jagħtu prijorità lill-benefiċjarji magħżula fil-livell nazzjonali, fuq il-bażi ta’ kriterji oġġettivi u mhux diskriminatorji. Tali deċiżjoni għandha tiġi nnotifikata lill-Kummissjoni sal-1 ta' Awwissu 2013.

Sal-1 ta’ Awwissu 2016, l-Istati Membri jistgħu jeżaminaw mill-ġdid l-istima tal-perċentwali tagħhom b’effett mill-1 ta’ Jannar 2017. Huma għandhom jinnotifikaw lill-Kummissjoni bil-perċentwali riveduta sal-1 ta' Awwissu 2016.

Sal-1 ta’ Awwissu 2016, l-Istati Membri jistgħu jeżaminaw mill-ġdid l-istima tal-perċentwali tagħhom meħtieġa biex jiffinanzjaw il-pagament imsemmi fl-Artikolu 36 b’effett mill-1 ta’ Jannar 2017. Huma għandhom jinnotifikaw lill-Kummissjoni bil-perċentwali riveduta sal-1 ta' Awwissu 2016.

2. Mingħajr preġudizzju għall-massimu ta’ 2 % stipulat skont il-paragrafu 1, fejn l-ammont totali tal-pagament li jkun hemm applikazzjoni għalih fi Stat Membru f'sena partikolari jaqbeż il-limitu massimu stabbilit skont il-paragrafu 4, u fejn dak il-limitu massimu huwa inqas minn 2 % tal-limitu massimu nazzjonali stipulat fl-Anness II, l-Istati Membri għandhom japplikaw tnaqqis lineari lill-pagamenti kollha li jkunu se jingħataw lill-bdiewa kollha skont l-Artikolu 25.

3. Fejn l-ammont totali tal-pagament li jkun hemm applikazzjoni għalih fi Stat Membru f'sena partikolari jaqbeż il-limitu massimu skont il-paragrafu 4, u fejn dak il-limitu massimu jammonta għal 2 % tal-limitu massimu annwali stipulat fl-Anness II, l-Istati Membri għandhom japplikaw tnaqqis lineari għall-ammonti li għandhom jitħallsu skont l-Artikolu 36 biex ikunu konformi ma' dak il-limitu massimu.

4. Abbażi tal-istima tal-perċentwali nnotifikat mill-Istati Membri skont il-paragrafu 1, il-Kummissjoni għandha, permezz tal-atti ta’ implimentazzjoni, tiffissa l-limitu massimu korrispondenti għall-pagament imsemmi fl-Artikolu 36 fuq il-bażi ta’ sena b’sena. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

Emenda 72
Proposta għal regolament
Artikolu 38 – paragrafu 1 – subparagrafu 2

L-appoġġ akkoppjat jista’ jingħata lis-setturi u l-produzzjonijiet li ġejjin ta’: ċereali, żrieragħ taż-żjut, uċuħ tar-raba’ li fihom il-proteini, legumi tal-qamħ, kittien, ross, ġewż, patata b’karboidrati, ħalib u prodotti tal-ħalib, żrieragħ, laħam tan-nagħaġ u laħam tal-mogħoż, ċanga u vitella, żejt taż-żebbuġa, dud tal-ħarir, foraġġ niexef, ħops, pitravi, kannamiela u ċikwejra, frott u ħxejjex u msajġar b’rotazzjoni qasira.

L-Appoġġ akkoppjat jista' jingħata lis-setturi u l-produzzjonijiet imsemmija fl-Anness I tat-Trattat, bl-eċċezzjoni ta' prodotti tas-sajd.

Emenda 73
Proposta għal regolament
Artikolu 38 – paragrafu 1 – subparagrafu 2a (ġdid)

Approprjazzjonijiet maħsuba għal pagamenti akkoppjati għandhom jiġu allokati bħala prijorità lil produzzjonijiet li għalihom saru pagamenti akkoppjati matul il-perjodu 2010-2013 skont l-Artikoli 68, 101 u 111 tar-Regolament (KE) Nru 73/2009.

Emenda 74
Proposta għal regolament
Artikolu 38 – paragrafu 3a (ġdid)

3a. L-Istati Membri jistgħu jagħtu appoġġ akkoppjat lil bdiewa bi drittijiet speċjali fl-2010 f’konformità mal-Artikoli 60 u 65 tar-Regolament (KE) Nru 73/2009 indipendentement mill-pagament bażiku msemmi fit-Titolu III, Kapitolu 1 ta’ dan ir-Regolament.

Emenda 75
Proposta għal regolament
Artikolu 38 – paragrafu 3b (ġdid)

3b. L-Istati Membri jistgħu jagħtu appoġġ akkoppjat lill-bdiewa tal-bhejjem li ma jippossedux il-biċċa l-kbira tal-art li jaħdmu.

Emenda 76
Proposta għal regolament
Artikolu 38 – paragrafu 3c (ġdid)

3c. Il-Kummissjoni għandu jkollha s-setgħa li tadotta atti delegati skont l-Artikolu 55 waqt li tistipula miżuri tranżitorji li għandhom jiġu applikati għal dawn il-bdiewa.

Emenda 77
Proposta għal regolament
Artikolu 38 – paragrafu 4 – subparagrafu 1a (ġdid)

B’deroga mill-ewwel subparagrafu, il-limitu għall-għoti ta’ appoġġ akkoppjat jista’ jiġi estiż lil hinn minn dak meħtieġ biex jinżammu l-livelli ta’ produzzjoni attwali, sakemm l-iskop tal-appoġġ akkoppjat ikun wieħed ambjentali. L-Istat Membru kkonċernat għandu jistabbilixxi tali limitu f’konformità ma’ objettivi jew sfidi ambjentali speċifiċi. Il-limitu stipulat b’dan il-mod għandu jiġi nnotifikat lill-Kummissjoni f’konformità mal-Artikolu 40 u għandu jiġi approvat f’konformità mal-Artikolu 41.

Emenda 78
Proposta għal regolament
Artikolu 39 – paragrafu 1

1. Biex jiffinanzjaw l-appoġġ akkoppjat volontarju, l-Istati Membri jistgħu jiddeċiedu, sal-1 ta’ Awwissu tas-sena ta’ qabel l-ewwel sena ta’ implimentazzjoni ta’ appoġġ bħal dan, li jużaw sa 5 % tal-limitu massimu nazzjonali annwali tagħhom stabbilit fl-Anness II.

1. Biex jiffinanzjaw l-appoġġ akkoppjat volontarju, l-Istati Membri jistgħu jiddeċiedu, sal-1 ta’ Awwissu tas-sena ta’ qabel l-ewwel sena ta’ implimentazzjoni ta’ appoġġ bħal dan, li jużaw sa 15 % tal-limitu massimu nazzjonali annwali tagħhom stabbilit fl-Anness II.

Emenda 79
Proposta għal regolament
Artikolu 39 – paragrafu 1a (ġdid)

1a. Il-perċentwali tal-limitu massimu nazzjonali msemmi fil-paragrafu 1 jista’ jiżdied bi tliet punti perċentwali għal dawk l-Istati Membri li jiddeċiedu li jużaw mill-inqas 3% tal-limitu massimu nazzjonali tagħhom kif definit fl-Anness II sabiex tiġi appoġġata l-produzzjoni ta' uċuħ tal-proteina skont dan il-Kapitolu.

Emenda 80
Proposta għal regolament
Artikolu 39 – paragrafu 2

2. B’deroga mill-paragrafu 1, l-Istati Membri jistgħu jiddeċiedu li jużaw sa 10 % tal-limitu massimu nazzjonali annwali stipulat fl-Anness II sakemm:

imħassar

(a) sal-31 ta’ Diċembru 2013 huma jkunu applikaw l-iskema ta' pagament uniku skont l-erja kif stipulat fit-Titolu V tar-Regolament (KE) Nru 73/2009, jew ikunu ffinanzjaw miżuri skont l-Artikolu 111 ta’ dak ir-Regolament, jew huma kkonċernati bid-deroga li hemm provvediment għaliha fl-Artikolu 69(5), jew fil-każ ta’ Malta, fl-Artikolu 69(1) ta’ dak ir-Regolament; u/jew

(b) sa 10%, jekk ikunu allokaw, matul tal-inqas sena waħda matul il-perjodu 2010-2013, aktar minn 5 % tal-ammont disponibbli tagħhom għall-għoti ta’ pagamenti diretti li hemm provvediment għalihom fit-Titoli III, IV u V tar-Regolament (KE) Nru 73/2009, bl-eċċezzjoni tat-Taqsima 6 tal-Kapitolu 1 tat-Titolu IV, għall-iffinanzjar tal-miżuri stipulati fit-Taqsima 2 tal-Kapitolu 2 tat-Titolu III tar-Regolament (KE) Nru 73/2009, l-appoġġ li hemm provvediment għalih fil-punti (i) sa (iv) tal-paragrafu 1(a) u l-paragrafi 1(b) u (e) tal-Artikolu 68 ta' dak ir-Regolament, jew il-miżuri skont il-Kapitolu 1, bl-eċċezzjoni tat-Taqsima 6, tat-Titolu IV ta' dak ir-Regolament.

Emenda 82
Proposta għal regolament
Artikolu 39 – paragrafu 4 – parti introduttorja

4. Sal-1 ta’ Awwissu 2016, l-Istati Membri jistgħu jeżaminaw mill-ġdid id-deċiżjoni tagħhom skont il-paragrafi 1, 2 u 3 u jiddeċiedu, b’effett mill-2017:

4. Sal-1 ta’ Awwissu 2016, l-Istati Membri jistgħu jeżaminaw mill-ġdid id-deċiżjoni tagħhom skont il-paragrafi 1 u 1a u jiddeċiedu, b’effett mill-2017:

Emenda 83
Proposta għal regolament
Artikolu 39 – paragrafu 4 – punt a

(a) li jżidu l-perċentwali ffissat skont il-paragrafi 1, 2 u 3, fil-limiti stabbiliti hemmhekk u fejn japplika, u, fejn ikun jixraq, jimmodifikaw il-kundizzjonijiet għall-għoti tal-appoġġ;

(a) li jżidu l-perċentwali ffissat skont il-paragrafi 1 u 1a, fil-limiti stabbiliti hemmhekk u fejn japplika, u, fejn ikun jixraq, jimmodifikaw il-kundizzjonijiet għall-għoti tal-appoġġ;

Emenda 84
Proposta għal regolament
Artikolu 39 – paragrafu 5

5. Abbażi tad-deċiżjoni meħuda minn kull Stat Membru skont il-paragrafi 1 u 4 dwar il-proporzjon tal-limitu massimu nazzjonali li jkollu jintuża, il-Kummissjoni għandha, permezz ta’ atti ta’ implimentazzjoni, tiffissa l-limitu massimu korrispondenti għall-appoġġ fuq bażi annwali. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

5. Abbażi tad-deċiżjoni meħuda minn kull Stat Membru skont il-paragrafi 1, 1a u 4 dwar il-proporzjon tal-limitu massimu nazzjonali li jkollu jintuża, il-Kummissjoni għandha tingħata s-setgħa skont l-Artikolu 55 li tadotta atti delegati biex tiffissa l-limitu massimi korrispondenti għall-appoġġ fuq bażi annwali.

Emenda 85
Proposta għal regolament
Artikolu 39a (ġdid)

Artikolu 39a

Appoġġ nazzjonali addizzjonali mhux obbligatorju

1. L-Istati Membri li jiddeċiedu li jintroduċu appoġġ akkoppjat volontarju fis-settur tal-baqar li jreddgħu skont l-Artikolu 38, jistgħu jagħtu primjum addizzjonali nazzjonali lill-bdiewa sabiex dawn ikomplu jżidu mal-appoġġ akkoppjat li jirċievu għall-istess sena kalendarja.

2. L-Istati Membri għandhom jinnotifikaw lill-bdiewa dwar il-kundizzjonijiet li jirregolaw l-għoti ta' dan l-appoġġ addizzjonali nazzjonali fl-istess ħin u bl-użu tal-istess arranġamenti bħal dawk għan-notifika ta' appoġġ akkoppjat.

Emenda 86
Proposta għal regolament
Artikolu 41 – paragrafu 1 – parti introduttorja

1. Il-Kummissjoni għandha, permezz ta’ att ta’ implimentazzjoni, tapprova d-deċiżjoni msemmija fl-Artikolu 39(3), jew, fejn huwa xieraq, fl-Artikolu 39(4), meta tintwera waħda mill-ħtiġijiet li ġejjin fir-reġjun jew fis-settur ikkonċernat:

1. Il-Kummissjoni għandha tingħata s-setgħa li tadotta atti delegati skont l-Artikolu 55 biex tapprova d-deċiżjoni msemmija fl-Artikolu 39(4)(a), meta tingħata prova tal-eżistenza ta’ waħda mill-ħtiġijiet li ġejjin fir-reġjun jew fis-settur ikkonċernat:

Emenda 87
Proposta għal regolament
Artikolu 47

Artikolu 47

Regoli ġenerali

1. Il-bdiewa li għandhom drittijiet għall-pagament allokati fl-2014 skont l-Artikolu 21 u li jissodisfaw ir-rekwiżiti minimi li hemm provvediment għalihom fl-Artikolu 10(1) jistgħu jagħżlu li jipparteċipaw fi skema simplifikata taħt kundizzjonajiet stipulati f’dan it-Titolu, minn issa 'l quddiem imsejħa “skema għall-bdiewa żgħar’.

1. L-Istati Membri jistgħu jistabbilixxu skema simplifikata għall-bdiewa żgħar skont il-kundizzjonijiet stipulati f'dan it-Titolu. Jekk l-Istat Membru japplika skema bħal din, il-bdiewa li għandhom drittijiet għall-pagament allokati fl-2014 skont l-Artikolu 21 u li jissodisfaw ir-rekwiżiti minimi li hemm provvediment għalihom fl-Artikolu 10(1) għandhom jipparteċipaw fl-iskema simplifikata taħt kundizzjonijiet stipulati f’dan it-Titolu (“skema għall-bdiewa żgħar’).

Bdiewa intitolati għal pagamenti ta’ anqas minn EUR 1 500 skont it-Titoli III u IV għandhom awtomatikament jiġu inklużi fl-iskema għall-bdiewa żgħar.

2. Il-pagamenti taħt l-iskema għall-bdiewa żgħar għandhom jissostitwixxu l-pagamenti li għandhom jingħataw skont it-Titoli III u IV.

3. Il-bdiewa li jipparteċipaw fl-iskema għall-bdiewa żgħar għandhom ikunu eżenti mill-prattiki agrikoli stabbiliti skont il-Kapitolu 2 tat-Titolu III.

4. L-Istati Membri għandhom jiżguraw li ebda pagament ma jingħata lill-bdiewa li għalihom ikun stabbilit li, mid-data tal-pubblikazzjoni tal-proposta tal-Kummissjoni għal dan ir-Regolament, ikunu qasmu l-impriża tagħhom bl-għan waħdieni li jibbenefikaw mill-iskema għall-bdiewa żgħar. Dan għandu japplika wkoll għall-bdiewa li l-impriżi tagħhom ikunu r-riżultat ta’ qsim bħal dan.

Emenda 88
Proposta għal regolament
Artikolu 48

Artikolu 48

Parteċipazzjoni

Il-bdiewa li jixtiequ jipparteċipaw fl-iskema għall-bdiewa żgħar għandhom jippreżentaw applikazzjoni sal-15 ta’ Ottubru 2014.

Il-lista ta’ bdiewa msemmija fl-Artikolu 47(1) għandha tiġi nnotifikata lill-Kummissjoni mill-awtoritajiet nazzjonali sal-15 ta’ Ottubru 2014.

Il-bdiewa li ma japplikawx għall-parteċipazzjoni fl-iskema għall-bdiewa żgħar sal-15 ta’ Ottubru 2014 jew li jiddeċiedu li jirtiraw minnha wara dik id-data jew li jintagħżlu għall-appoġġ skont l-Artikolu 20(1)(c) tar-Regolament (UE) Nru […] [RDR], ma għandux jibqagħlhom id-dritt li jipparteċipaw f'dik l-iskema.

Il-bdiewa msemmija fl-Artikolu 47(1) li jiddeċiedu li jirtiraw mill-iskema għall-bdiewa żgħar wara dik id-data jew li jintagħżlu għall-appoġġ skont l-Artikolu 20(1)(c) tar-Regolament (UE) Nru […] [RDR], ma għandux jibqagħlhom id-dritt li jipparteċipaw f'dik l-iskema.

Emenda 89
Proposta għal regolament
Artikolu 49

Artikolu 49

Ammont tal-pagament

1. L-Istati Membri għandhom jistabbilixxu l-ammont tal-pagament annwali għall-iskema għall-bdiewa żgħar f’wieħed mil-livelli li ġejjin, suġġett għall-paragrafi 2 u 3:

(a) ammont li ma jkunx aktar minn 15% tal-pagament medju nazzjonali għal kull benefiċjarju;

(a) ammont li ma jkunx aktar minn 25% tal-pagament medju nazzjonali għal kull benefiċjarju;

(b) ammont li jkun jikkorrispondi mal-pagament medju nazzjonali għal kull ettaru mmultiplikat b’figura li tikkorrispondi għall-għadd ta’ ettari b’massimu ta’ tliet ettari.

(b) ammont li jkun jikkorrispondi mal-pagament medju nazzjonali għal kull ettaru mmultiplikat b’figura li tikkorrispondi għall-għadd ta’ ettari b’massimu ta’ ħames ettari.

B’deroga mis-subparagrafu 1, l-Istati Membri jistgħu jiddeċiedu li l-pagament annwali jkun daqs l-ammont li l-bidwi jkun intitolat għalih taħt l-Artikolu 18, l-Artikolu 29, l-Artikolu 34, l-Artikolu 36 u l-Artikolu 38 fis-sena tad-dħul fl-iskema, iżda mhux aktar minn EUR 1 500.

Il-medja nazzjonali msemmija fil-punt (a) tal-ewwel subparagrafu għandha tkun stabbilita mill-Istati Membri abbażi tal-limitu massimu nazzjonali stabbilit fl-Anness II għas-sena kalendarja 2019 u skont l-għadd ta’ bdiewa li jkunu kisbu drittijiet għall-pagament skont l-Artikolu 21(1).

Il-medja nazzjonali msemmija fil-punt (b) tal-ewwel subparagrafu għandha tkun stabbilita mill-Istati Membri abbażi tal-limitu massimu nazzjonali stabbilit fl-Anness II għas-sena kalendarja 2019 u skont l-għadd ta’ ettari eliġibbli ddikjarata skont l-Artikolu 26 fl-2014.

2. L-ammont imsemmi fil-paragrafu 1 ma għandux ikun inqas minn EUR 500 u mhux aktar minn EUR 1,000. Mingħajr preġudizzju għall-Artikolu 51(1), fejn l-applikazzjoni msemmija fil-paragrafu 1 tirriżulta f’ammont anqas minn EUR 500 jew ogħla minn EUR 1,000, l-ammont għandu jiżdied jew jitnaqqas għall-eqreb numru sħiħ, rispettivament, għall-ammont minimu jew massimu.

2. L-ammont imsemmi fil-paragrafu 1 ma għandux ikun inqas minn EUR 500 u mhux aktar minn EUR 1 500. Mingħajr preġudizzju għall-Artikolu 51(1), fejn l-applikazzjoni msemmija fil-paragrafu 1 tirriżulta f’ammont anqas minn EUR 500 jew ogħla minn EUR 1 500, l-ammont għandu jiżdied jew jitnaqqas għall-eqreb numru sħiħ, rispettivament, għall-ammont minimu jew massimu.

3. B’deroga mill-paragrafu 2, fil-Kroazja, Ċipru u Malta, l-ammont imsemmi fil-paragrafu 1 jista’ jiġi stabbilit f’valur anqas minn EUR 500, iżda mhux anqas minn EUR 200.

Emenda 90
Proposta għal regolament
Artikolu 51

Artikolu 51

Dispożizzjonijiet finanzjarji

1. Sabiex jiffinanzjaw il-pagament imsemmi f'dan it-Titolu, l-Istati Membri għandhom inaqqsu l-ammonti li jikkorrispondu mal-ammonti illi kieku kienu jkunu intitolati għalihom il-bdiewa żgħar bħala pagament bażiku msemmi fil-Kapitolu 1 tat-Titolu III, bħala pagament għall-prattiki agrikoli ta' benefiċċju għall-klima u l-ambjent imsemmi fil-Kapitolu 2 tat-Titolu III u, fejn huwa applikabbli, bħala pagament għal erjas b'restrizzjonijiet naturali msemmi fil-Kapitolu 3 tat-Titolu III, bħala pagament għal bdiewa żgħażagħ imsemmi fil-Kapitolu 4 tat-Titolu III u bħala appoġġ akkoppjat imsemmi fit-Titolu IV mill-ammonti totali disponibbli għall-pagamenti rispettivi.

Id-differenza bejn is-somma tal-pagamenti kollha dovuti skont l-iskema għall-bdiewa żgħar u l-ammont totali ffinanzjat skont l-ewwel subparagrafu għandha tiġi ffinanzjata bl-applikazzjoni ta' tnaqqis lineari fuq il-pagamenti kollha li għandhom jingħataw skont l-Artikolu 25.

L-Istati Membri li jagħmlu użu mid-dispożizzjonijiet tal-Artikolu 20(1) jistgħu japplikaw rati ta’ tnaqqis differenti fil-livell reġjonali.

L-elementi li abbażi tagħhom huma stabbiliti l-ammonti msemmija fl-ewwel subparagrafu għandhom jibqgħu l-istess għat-tul ta' żmien kollu tal-parteċipazzjoni tal-bidwi fl-iskema.

2. Jekk l-ammont totali tal-pagamenti dovuti skont l-iskema għall-bdiewa żgħar jaqbeż l-10 % tal-limitu massimu nazzjonali stabbilit fl-Anness II, l-Istati Membri għandhom japplikaw tnaqqis lineari fuq l-ammonti li għandhom jitħallsu skont dan it-Titolu sabiex jiġi rispettat dak il-perċentwali.

2. Jekk l-ammont totali tal-pagamenti dovuti skont l-iskema għall-bdiewa żgħar jaqbeż il-15% tal-limitu massimu nazzjonali stabbilit fl-Anness II, l-Istati Membri għandhom japplikaw tnaqqis lineari fuq l-ammonti li għandhom jitħallsu skont dan it-Titolu sabiex jiġi rispettat dak il-perċentwali.

Emenda 91
Proposta għal regolament
Artikolu 53 – paragrafu 2 – punt da (ġdid)

(da) arranġamenti għall-ġestjoni tal-informazzjoni li trid tiġi nnotifikata, kif ukoll regoli dwar il-kontenut, il-forma, il-ħin, il-frekwenza u l-iskadenzi tan-notifiki;

Emenda 92
Proposta għal regolament
Artikolu 53 – paragrafu 3 – subparagrafu 1 – punt b

(b) arranġamenti għall-ġestjoni tal-informazzjoni li trid tiġi nnotifikata, kif ukoll regoli dwar il-kontenut, il-forma, il-ħin, il-frekwenza u l-iskadenzi tan-notifiki;

imħassar

Emenda 93
Proposta għal regolament
Artikolu 54 – paragrafu 1

1. Il-Kummissjoni għandha, permezz ta’ atti ta’ implimentazzjoni, tadotta l-miżuri li jkunu kemm meħtieġa kif ukoll ġustifikabbli f’emerġenza, għar-riżoluzzjoni ta’ problemi speċifiċi. Miżuri bħal dawn jistgħu jidderogaw minn dispożizzjonijiet ta’ dan ir-Regolament, iżda biss sakemm, u għal dak il-perjodu li fih ikunu strettament meħtieġa. Dawk l-atti ta' implimentazzjoni għandhom ikunu adottati skont il-proċedura ta' eżami li jirreferi għaliha l-Artikolu 56(2).

1. Il-Kummissjoni għandu jkollha s-setgħa tadotta atti delegati skont l-Artikolu 55 li jkunu kemm meħtieġa kif ukoll ġustifikabbli f’emerġenza, għar-riżoluzzjoni ta’ problemi speċifiċi. Atti delegati bħal dawn jistgħu jidderogaw minn dispożizzjonijiet ta’ dan ir-Regolament, iżda biss sakemm, u għal dak il-perjodu li fih ikunu strettament meħtieġa.

Emenda 94
Proposta għal regolament
Artikolu 54 – paragrafu 2

2. Għal raġunijiet indispensabbli b’mod ġustifikat ta’ urġenza relatati mal-miżuri msemmija fil-paragrafu 1, il-Kummissjoni għandha tadotta minnufih atti ta’ implimentazzjoni applikabbli skont il-proċedura msemmija fl-Artikolu 56(3).

2. Fejn, b’relazzjoni mal-miżuri msemmija fil-paragrafu 1, raġunijiet imperattivi ta’ urġenza jesiġu dan, għandha tapplika l-proċedura msemmija fl-Artikolu 55a għal atti delegati adottati skont dan l-Artikolu.

Emenda 95
Proposta għal regolament
Artikolu 55 – paragrafu 2

2. Id-delega ta’ setgħa msemmija f’dan ir-Regolament għandha tingħata lill-Kummissjoni għal perjodu indeterminat mid-dħul fis-seħħ ta’ dan ir-Regolament.

2. Is- setgħa li jiġu adottati atti delegati msemmija fl-Artikoli [...] għandha tingħata lill-Kummissjoni għal perjodu ta’ ħames snin mid-dħul fis-seħħ ta’ dan ir-Regolament. Il-Kummissjoni għandha tfassal rapport fir-rigward tas-setgha ddelegata mhux aktar tard minn disa’ xhur qabel it-tmiem tal-perjodu ta’ ħames snin. Id-delega tas-setgħa għandha tiġi estiża b’mod taċitu għal perjodi ta’ tul ta’ żmien identiku, sakemm il-Parlament Ewropew jew l-Kunsill ma jopponux tali estensjoni mhux aktar tard minn tliet xhur qabel it-tmiem ta’ kull perjodu.

Emenda 96
Proposta għal regolament
Artikolu 55a (ġdid)

Artikolu 55a

Proċedura ta' urġenza

1. Atti delegati adottati skont dan l-Artikolu għandhom jidħlu fis-seħħ mingħajr dewmien u għandhom japplikaw sakemm ma tkun saret l-ebda oġġezzjoni skont il-paragrafu 2. In-notifika ta’ att delegat lill-Parlament Ewropew u lill-Kunsill għandha tiddikjara r-raġunijiet għall-użu tal-proċedura ta’ urġenza.

2. Il-Parlament Ewropew jew il-Kunsill jistgħu joġġezzjonaw għal att delegat skont il-proċedura msemmija fl-Artikolu 55(5). F’każ ta’ dan it-tip, il-Kummissjoni għandha tirrevoka l-att bla dewmien wara n-notifika tad-deċiżjoni ta’ oġġezzjoni mill-Parlament Ewropew jew mill-Kunsill.

Emenda 97
Proposta għal regolament
Artikolu 58a (ġdid)

Artikolu 58a

Rappurtar

Sal-1 ta’ Marzu 2017, il-Kummissjoni għandha tippreżenta rapport lill-Parlament Ewropew u lill-Kunsill dwar l-implimentazzjoni ta' dan ir-Regolament, flimkien, jekk ikun meħtieġ, ma’ proposti leġiżlattivi adatti.

Emenda 98
Proposta għal regolament
Anness II


Test propost mill-Kummissjoni
						(F'eluf ta' EUR)
Sena kalendarja	2014	2015	2016	2017	2018	2019 u snin sussegwenti
Il-Belġju	553 521	544 065	534 632	525 205	525 205	525 205
Il-Bulgarija	655 661	737 164	810 525	812 106	812 106	812 106
Ir-Repubblika Ċeka	892 698	891 875	891 059	890 229	890 229	890 229
Id-Danimarka	942 931	931 719	920 534	909 353	909 353	909 353
Il-Ġermanja	5 275 876	5 236 176	5 196 585	5 156 970	5 156 970	5 156 970
L-Estonja	108 781	117 453	126 110	134 749	134 749	134 749
L-Irlanda	1 240 652	1 239 027	1 237 413	1 235 779	1 235 779	1 235 779
Il-Ġreċja	2 099 920	2 071 481	2 043 111	2 014 751	2 014 751	2 014 751
Spanja	4 934 910	4 950 726	4 966 546	4 988 380	4 988 380	4 988 380
Franza	7 732 611	7 694 854	7 657 219	7 619 511	7 619 511	7 619 511
Il-Kroazja	111 900	130 550	149 200	186 500	223 800	261 100
L-Italja	4 023 865	3 963 007	3 902 289	3 841 609	3 841 609	3 841 609
Ċipru	52 273	51 611	50 950	50 290	50 290	50 290
Il-Latvja	163 261	181 594	199 895	218 159	218 159	218 159
Il-Litwanja	396 499	417 127	437 720	458 267	458 267	458 267
Il-Lussemburgu	34 313	34 250	34 187	34 123	34 123	34 123
L-Ungerija	1 298 104	1 296 907	1 295 721	1 294 513	1 294 513	1 294 513
Malta	5 316	5 183	5 050	4 917	4 917	4 917
Il-Pajjiżi l-Baxxi	806 975	792 131	777 320	762 521	762 521	762 521
L-Awstrija	707 503	706 850	706 204	705 546	705 546	705 546
Il-Polonja	3 038 969	3 066 519	3 094 039	3 121 451	3 121 451	3 121 451
Il-Portugall	573 046	585 655	598 245	610 800	610 800	610 800
Ir-Rumanija	1 472 005	1 692 450	1 895 075	1 939 357	1 939 357	1 939 357
Is-Slovenja	141 585	140 420	139 258	138 096	138 096	138 096
Is-Slovakkja	386 744	391 862	396 973	402 067	402 067	402 067
Il-Finlandja	533 932	534 315	534 700	535 075	535 075	535 075
L-Isvezja	710 853	711 798	712 747	713 681	713 681	713 681
Ir-Renju Unit	3 624 384	3 637 210	3 650 038	3 662 774	3 662 774	3 662 774

Emenda
	2014	2015	2016	2017	2018	2019 u snin sussegwenti
Il-Belġju	554.701	548.646	542.261	535.640	535.640	535.640
Il-Bulgarija	657.571	735.055	805.495	814.887	814.887	814.887
Ir-Repubblika Ċeka	891.307	892.742	893.686	894.054	894.054	894.054
Id-Danimarka	940.086	929.824	919.002	907.781	907.781	907.781
Il-Ġermanja	5.237.224	5.180.053	5.119.764	5.057.253	5.057.253	5.057.253
L-Estonja	113.168	125.179	137.189	149.199	149.199	149.199
L-Irlanda	1.236.214	1.235.165	1.233.425	1.230.939	1.230.939	1.230.939
Il-Ġreċja	2.098.834	2.075.923	2.051.762	2.026.710	2.026.710	2.026.710
Spanja	4.939.152	4.957.834	4.973.833	4.986.451	4.986.451	4.986.451
Franza	7.655.794	7.572.222	7.484.090	7.392.712	7.392.712	7.392.712
Il-Kroazja	111 900	130 550	149 200	186 500	223 800	261 100
L-Italja	4.024.567	3.980.634	3.934.305	3.886.268	3.886.268	3.886.268
Ċipru	52.155	51.585	50.985	50.362	50.362	50.362
Il-Latvja	176.500	206.565	236.630	266.695	266.695	266.695
Il-Litwanja	402.952	426.070	449.189	472.307	472.307	472.307
Il-Lussemburgu	33.943	33.652	33.341	33.015	33.015	33.015
L-Ungerija	1.295.776	1.297.535	1.298.579	1.298.791	1.298.791	1.298.791
Malta	5.365	5.306	5.244	5.180	5.180	5.180
Il-Pajjiżi l-Baxxi	809.722	800.883	791.561	781.897	781.897	781.897
L-Awstrija	706.071	706.852	707.242	707.183	707.183	707.183
Il-Polonja	3.079.652	3.115.887	3.152.121	3.188.356	3.188.356	3.188.356
Il-Portugall	582.466	598.550	614.635	630.719	630.719	630.719
Ir-Rumanija	1.485.801	1.707.131	1.928.460	2.002.237	2.002.237	2.002.237
Is-Slovenja	140.646	139.110	137.491	135.812	135.812	135.812
Is-Slovakkja	391.608	397.576	403.543	409.511	409.511	409.511
Il-Finlandja	533.451	535.518	537.295	538.706	538.706	538.706
L-Isvezja	709.922	712.820	715.333	717.357	717.357	717.357
Ir-Renju Unit	3.652.541	3.655.113	3.657.684	3.660.255	3.660.255	3.660.255

Avviż legali - Politika tal-privatezza