Emendi adottati mill-Parlament Ewropew fid-29 ta’ April 2021 dwar il-proposta għal regolament tal-Parlament Ewropew u tal-Kunsill dwar qafas għall-ħruġ, għall-verifika u għall-aċċettazzjoni ta’ ċertifikati interoperabbli dwar il-vaċċinazzjoni, l-ittestjar u l-irkupru għall-faċilitazzjoni tal-moviment liberu waqt il-pandemija tal-COVID-19 (Ċertifikat Diġitali Aħdar) (COM(2021)0130 – C9‑0104/2021 – 2021/0068(COD))(1)

(Proċedura leġiżlattiva ordinarja: L-ewwel qari)

[Emenda 25, sakemm mhux indikat mod ieħor]

EMENDI TAL-PARLAMENT EWROPEW(2)

għall-proposta tal-Kummissjoni

---------------------------------------------------------

REGOLAMENT (UE) 2021/... TAL-PARLAMENT EWROPEW U TAL-KUNSILL
dwar qafas għall-ħruġ, għall-verifika u għall-aċċettazzjoni ta' ċertifikati interoperabbli dwar il-vaċċinazzjoni, l-ittestjar u l-fejqan għall-faċilitazzjoni tal-moviment liberu waqt il-pandemija tal-COVID-19 (Ċertifikat COVID-19 tal-UE)

(Test b'rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 21(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Filwaqt li jaġixxu skont il-proċedura leġiżlattiva ordinarja,

Billi:

(1)  Kull ċittadin tal-Unjoni għandu d-dritt li jiċċaqlaq u jgħix liberament fit-territorju tal-Istati Membri, soġġett għal-limitazzjonijiet u l-kundizzjonijiet stabbiliti fit-Trattati u l-miżuri adottati biex ikollhom effett. Id-Direttiva 2004/38/KE tal-Parlament Ewropew u tal-Kunsill(3) tistabbilixxi regoli dettaljati fir-rigward tal-eżerċizzju ta' dak id-dritt.

(1a)  Il-faċilitazzjoni tal-libertà ta' moviment hija waħda mill-kundizzjonijiet preliminari ewlenin biex jinbeda rkupru ekonomiku.

(2)  Fit-30 ta' Jannar 2020, id-Direttur Ġenerali tal-Organizzazzjoni Dinjija tas-Saħħa (World Health Organization, WHO) iddikjara emerġenza tas-saħħa pubblika ta' rilevanza internazzjonali minħabba t-tifqigħa globali tal-coronavirus tas-sindromu respiratorju akut gravi 2 (SARS-CoV2), li jikkawża l-marda tal-coronavirus 2019 (COVID‑19). Fil-11 ta' Marzu 2020, id-WHO għamlet il-valutazzjoni li l-COVID-19 tista' tiġi kkaratterizzata bħala pandemija.

(3)  Biex jillimitaw it-tixrid tal-virus, l-Istati Membri adottaw diversi miżuri, li wħud minnhom kellhom impatt fuq id-dritt taċ-ċittadini tal-Unjoni li jiċċaqalqu u jgħixu liberament fit-territorju tal-Istati Membri, bħal restrizzjonijiet fuq id-dħul jew rekwiżiti għal vjaġġaturi transfruntiera biex jagħmlu l-kwarantina/l-awtoiżolament jew test għal infezzjoni bis-SARS-CoV-2. Tali restrizzjonijiet għandhom effetti negattivi fuq iċ-ċittadini u l-impriżi, speċjalment il-ħaddiema fruntaliera u transfruntiera jew staġjonali.

(4)  Fit-13 ta' Ottubru 2020, il-Kunsill adotta r-Rakkomandazzjoni tal-Kunsill (UE) 2020/1475 dwar approċċ ikkoordinat għar-restrizzjoni tal-moviment liberu b'reazzjoni għall-pandemija tal-COVID-19(4). Dik ir-Rakkomandazzjoni tistabbilixxi approċċ ikkoordinat fuq il-punti ewlenin li ġejjin: l-applikazzjoni ta' kriterji u livelli limitu komuni meta jiġi deċiż jekk għandhomx jiġu introdotti restrizzjonijiet għall-moviment liberu, immappjar tar-riskju ta' trażmissjoni tal-COVID-19 abbażi ta' kodiċi tal-kuluri maqbul, u approċċ ikkoordinat fir-rigward tal-miżuri, jekk ikun hemm, li jistgħu jiġu applikati b'mod xieraq għall-persuni li jiċċaqalqu bejn iż-żoni, skont il-livell tar-riskju ta' trażmissjoni f'dawk iż-żoni. Fid-dawl tas-sitwazzjoni speċifika tagħhom, ir-Rakkomandazzjoni tenfasizza wkoll li l-vjaġġaturi essenzjali, kif elenkati fil-punt 19 tagħha, u l-ħaddiema transfruntieri, li ħajjithom hija partikolarment affettwata minn dawn ir-restrizzjonijiet, b'mod partikolari dawk li jeżerċitaw funzjonijiet kritiċi jew li huma essenzjali għall-infrastruttura kritika, jenħtieġ li ▌jiġu eżentati mir-restrizzjonijiet fuq l-ivvjaġġar b'rabta mal-COVID-19.

(5)  Bl-użu tal-kriterji u l-limiti stabbiliti fir-Rakkomandazzjoni (UE) 2020/1475, iċ-Ċentru Ewropew għall-Prevenzjoni u l-Kontroll tal-Mard ("ECDC") ilu jippubblika, darba fil-ġimgħa, mappa tal-Istati Membri, imqassma skont ir-reġjuni, sabiex jappoġġa t-teħid tad-deċiżjonijiet tal-Istati Membri(5).

(6)  Kif enfasizzat mir-Rakkomandazzjoni (UE) 2020/1475, jenħtieġ li kwalunkwe restrizzjoni għall-moviment liberu tal-persuni fl-Unjoni stabbilita biex tillimita t-tixrid tal-COVID-19 tkun ibbażata fuq raġunijiet speċifiċi u limitati ta' interess pubbliku, jiġifieri l-protezzjoni tas-saħħa pubblika. Huwa meħtieġ li dawn il-limitazzjonijiet jiġu applikati f'konformità mal-prinċipji ġenerali tad-dritt tal-Unjoni, b'mod partikolari l‐proporzjonalità u n-nondiskriminazzjoni. Għalhekk, kwalunkwe miżura li tittieħed jenħtieġ li tkun limitata rigorożament f'termini ta' kamp ta' applikazzjoni u ta' żmien (S&D) bi qbil mal-isforz biex jerġa' jkollna Żona Schengen li tiffunzjona b'mod sħiħ mingħajr kontrolli fil-fruntieri interni u jenħtieġ li testendi lil hinn minn dak li huwa strettament meħtieġ biex tiġi ssalvagwardjata s-saħħa pubblika. Barra minn hekk, jenħtieġ li jkunu konsistenti mal-miżuri meħuda mill-Unjoni biex tiżgura l-moviment liberu mingħajr xkiel ta' oġġetti u servizzi essenzjali fis-Suq Uniku kollu, inklużi dawk tal-provvisti mediċi u tal-persunal fil-qasam mediku u tal-kura tas-saħħa permezz tal-hekk imsejħa punti ta' qsim tal-fruntieri b'"Korsiji Ħodor" imsemmija fil-Komunikazzjoni tal-Kummissjoni dwar l-implimentazzjoni tal-Korsiji Ħodor skont il-Linji Gwida għal miżuri ta' ġestjoni tal-fruntieri biex tiġi protetta s-saħħa u tiġi żgurata d-disponibbiltà ta' oġġetti u servizzi essenzjali(6).

(7)  Skont l-għarfien mediku attwali, il-persuni li tlaqqmu, huma fil-pussess ta' test NAAT negattiv li jkun sar inqas minn [72 siegħa] qabel jew għamlu test rapidu tal-antiġeni li rriżulta negattiv inqas minn [24 siegħa] qabel, u l-persuni li, fi żmien l-aħħar [6 xhur], ġew ittestjati pożittivi għal antikorpi speċifiċi kontra l-proteina spike, għandhom riskju konsiderevolment imnaqqas li jinfettaw lil persuni oħra bis-SARS-CoV-2. Jenħtieġ li l-moviment liberu tal-persuni li, abbażi ta' evidenza xjentifika soda, ma jirrappreżentawx riskju sinifikanti għas-saħħa pubblika, pereżempju għax ikunu immuni u ma jistgħux jittrażmettu s-SARS-CoV-2, ma jkunx ristrett, billi tali restrizzjonijiet ma jkunux meħtieġa biex jinkiseb l-objettiv mixtieq.

(7a)  Biex jiġi żgurat użu armonizzat taċ-ċertifikati, it-tul ta' żmien tal-validità tagħhom jenħtieġ li tkun stabbilit f'dan ir-Regolament. Madankollu, f'dan l-istadju, għadu mhuwiex ċar jekk il-vaċċini jipprevenux it-trażmissjoni tal-COVID-19. Bl-istess mod, m'hemmx biżżejjed provi dwar it-tul ta' żmien tal-protezzjoni effettiva kontra l-COVID-19 wara li dak li jkun ikun fieq minn infezzjoni preċedenti. Jenħtieġ għaldaqstant li t-tul ta' żmien tal-validità jkun jista' jiġi adattat skont il-progress tekniku u xjentifiku.

(8)  Ħafna Stati Membri nedew jew qed jippjanaw li jniedu inizjattivi għall-ħruġ ta' ċertifikati tal-vaċċinazzjoni. Madankollu, biex dawn jintużaw b'mod effettiv f'kuntest transfruntier meta ċ-ċittadini jeżerċitaw id-drittijiet tagħhom tal-moviment liberu, dawn iċ-ċertifikati tal-vaċċinazzjoni jeħtieġ li jkunu kompletament interoperabbli, kompatibbli, siguri u verifikabbli. Fost l-Istati Membri hemm bżonn approċċ bi qbil komuni fuqu dwar il-kontenut, il-format, il-prinċipji, l-istandards tekniċi u l-livell ta' protezzjoni ta' tali ċertifikati.

(9)  Miżuri unilaterali f'dan il-qasam għandhom il-potenzjal li jikkawżaw tfixkil sinifikanti fl-eżerċizzju ▌tal-moviment liberu, u li jfixklu l-funzjonament xieraq tas-suq intern, inkluż is-settur tat-turiżmu, billi l-awtoritajiet nazzjonali u s-servizzi tat-trasport tal-passiġġieri, bħal-linji tal-ajru, il-ferroviji, il-kowċis jew il-laneċ, ikunu kkonfrontati b'firxa wiesgħa ta' formati ta' dokumenti diverġenti, mhux biss fir-rigward tal-istatus tal-vaċċinazzjoni ta' persuna, imma anke dwar testijiet u l-fejqan possibbli mill-COVID-19. [Em. 8]

(9a)  Fir-riżoluzzjoni tiegħu tat-3 ta' Marzu 2021 dwar l-istabbiliment ta' strateġija tal-UE għal turiżmu sostenibbli, il-Parlament Ewropew talab li jkun hemm approċċ armonizzat fl-UE kollha fir-rigward tat-turiżmu, li jimplimenta kemm il-kriterji komuni għal vjaġġar sikur, bi protokoll dwar is-sikurezza tas-saħħa tal-UE għar-rekwiżiti ta' ttestjar u kwarantina kif ukoll jitlob ċertifikat tal-vaċċinazzjoni komuni, ladarba jkun hemm biżżejjed provi li l-persuni mlaqqma ma jittrażmettux il-virus, jew rikonoxximent reċiproku tal-proċeduri ta' vaċċinazzjoni.

(10)  Mingħajr preġudizzju għall-miżuri komuni dwar il-qsim tal-fruntieri interni min-naħa ta' persuni kif stabbilit fl-acquis ta' Schengen, partikolarment fir-Regolament (UE) 2016/399 tal-Parlament Ewropew u tal-Kunsill(7), u għall-fini li jiġi ffaċilitat l-eżerċizzju tad-dritt li wieħed jiċċaqlaq u jgħix▌ fit-territorju tal-Istati Membri, jenħtieġ li jiġi stabbilit qafas komuni għall-ħruġ, għall-verifika u għall-aċċettazzjoni ta' ċertifikati interoperabbli dwar il-vaċċinazzjoni kontra l-COVID-19, dwar l-ittestjar għall-marda u dwar il-fejqan minnha msejjaħ "Ċertifikat COVID-19 tal-UE", li jkun vinkolanti u japplika direttament fl-Istati Membri kollha. Iċ-ċentri tat-trasport kollha tal-Unjoni, bħall-ajruporti, il-portijiet u l-istazzjonijiet tal-ferroviji u tal-kowċis, fejn iċ-ċertifikat jiġi vverifikati, jenħtieġ li japplikaw kriterji u proċeduri standardizzati u komuni għall-verifika taċ-Ċertifikat COVID-19 tal-UE abbażi ta' gwida żviluppata mill-Kummissjoni.

(10a)  L-Istati Membri, huma u japplikaw dan ir-Regolament, jenħtieġ li jaċċettaw kull tip ta' ċertifikat maħruġ f'konformità ma' dan ir-Regolament. Jenħtieġ li ċ-ċertifikati interoperabbli jkollhom valur indaqs matul il-perjodu tal-validità tagħhom.

(11)  Dan ir-Regolament huwa maħsub biex jiffaċilita l-applikazzjoni tal-prinċipji ta' proporzjonalità u nondiskriminazzjoni fir-rigward tar-restrizzjonijiet possibbli għall-moviment liberu u għal drittijiet fundamentali oħra bħala riżultat tal-pandemija tal-COVID-19, filwaqt li jimmira lejn l-ogħla livell ta' protezzjoni tas-saħħa pubblika u jenħtieġ li ma jinftehimx bħala li jiffaċilita jew jinkoraġġixxi l-adozzjoni ta' restrizzjonijiet għall-moviment liberu, jew għal drittijiet fundamentali oħra, b'reazzjoni għall-pandemija. ▌Jenħtieġ li l-eżenzjonijiet għar-restrizzjoni tal-moviment liberu b'reazzjoni għall-pandemija tal-COVID-19 imsemmija fir-Rakkomandazzjoni (UE) 2020/1475 ikomplu japplikaw. Kwalunkwe ħtieġa għal verifika taċ-ċertifikati stabbilita minn dan ir-Regolament jenħtieġ li ma tkunx tista', għaldaqstant, tiġġustifika r-reintroduzzjoni temporanja tal-kontrolli fil-fruntieri interni. Jenħtieġ li l-kontrolli fil-fruntieri interni jibqgħu miżura tal-aħħar istanza, soġġetti għal regoli speċifiċi stabbiliti fir-Regolament (UE) 2016/399.

(12)  It-twaqqif ta' approċċ komuni għall-ħruġ, għall-verifika u għall-aċċettazzjoni ta' ċertifikati interoperabbli bħal dawn jiddependi mill-fiduċja. Ċertifikati foloz b'rabta mal-COVID-19 jistgħu jkunu ta' riskju sinifikanti għas-saħħa pubblika. L-awtoritajiet fi Stat Membru jeħtieġu assigurazzjoni li l-informazzjoni inkluża f'ċertifikat maħruġ fi Stat Membru ieħor tkun affidabbli, ma tkunx ġiet iffalsifikata, tkun tappartjeni għall-persuna li tippreżentaha, u li kull min jivverifika din l-informazzjoni jkollu aċċess għall-inqas ammont ta' informazzjoni meħtieġa biss.

(13)  Ir-riskju ta' ċertifikati foloz b'rabta mal-COVID-19 huwa reali. Fl-1 ta' Frar 2021, l-Europol ħarġet Notifika ta' Twissija Bikrija dwar il-bejgħ illeċitu ta' ċertifikati ta' testijiet tal-COVID-19 negattivi foloz(8). Minħabba l-mezzi teknoloġiċi disponibbli u faċilment aċċessibbli, bħall-printers b'riżoluzzjoni għolja u diversi tipi ta' software għall-editjar tal-grafika, il-frodaturi huma kapaċi jipproduċu ċertifikati foloz, iffalsifikati jew kontrafatti ta' kwalità għolja. Ġew irrappurtati każijiet ta' bejgħ illeċitu ta' ċertifikati tat-test frawdolenti, bl-involviment ta' ċrieki ta' falsifikazzjoni organizzati kif ukoll scammers opportunistiċi individwali li jbigħu ċ-ċertifikati foloz offline u online.

(14)  Sabiex jiżguraw l-interoperabbiltà u l-aċċess ugwali, anki għall-persuni vulnerabbli bħall-persuni b'diżabbiltà u l-persuni b'aċċess limitat għat-teknoloġiji diġitali, jenħtieġ li l-Istati Membri joħorġu ċ-ċertifikati li jiffurmaw iċ-Ċertifikat COVID-19 tal-UE f'format diġitali jew stampat, skont l-għażla tad-detentur. B'dan il-mod, id-detentur prospettiv jenħtieġ li jkun jista' jitlob u jirċievi kopja stampata taċ-ċertifikat u/jew jerfa' u juri ċ-ċertifikat fuq apparat mobbli. Jenħtieġ li ċ-ċertifikati jkun fihom barcode interoperabbli li jista' jinqara diġitalment, li jkun fih biss id-data rilevanti relatata maċ-ċertifikati. Jenħtieġ li l-Istati Membri jiggarantixxu l-awtentiċità, il-validità u l-integrità taċ-ċertifikati permezz ta' siġilli elettroniċi▌. L-informazzjoni fuq iċ-ċertifikat jenħtieġ li tiġi inkluża wkoll f'format li jinqara mill-bniedem, jew b'mod stampat jew ippreżentata bħala test sempliċi. Il-layout taċ-ċertifikati jenħtieġ li jkun faċli biex jinftiehem u jiżgura s-sempliċità u l-faċilità tal-użu. L-informazzjoni u l-layout jenħtieġ li jiġu ppreżentati b'mod aċċessibbli għall-persuni b'diżabbiltà skont ir-rekwiżiti ta' aċċessibbiltà għall-informazzjoni, inkluża l-informazzjoni diġitali, stabbiliti fid-Direttiva (UE) 2019/882 tal-Parlament Ewropew u tal-Kunsill(9). Sabiex ikunu evitati ostakli għall-moviment liberu, jenħtieġ li ċ-ċertifikati jinħarġu mingħajr ħlas, u li l-persuni jkollhom id-dritt li jinħarġilhom wieħed. Jenħtieġ li l-Istati Membri joħorġu awtomatikament iċ-ċertifikati li jiffurmaw iċ-Ċertifikat COVID-19 tal-UE, jew fil-każ biss taċ-ċertifikat tal-fejqan fuq talba, u jiżguraw li jistgħu jinkisbu faċilment u rapidament u, meta jkun hemm bżonn, jipprovdu l-għajnuna meħtieġa biex jiżguraw aċċess ugwali mill-persuni kollha. Jenħtieġ li l-eventwali spejjeż addizzjonali għall-infrastrutturi tekniċi, diġitali u tat-trasport meħtieġa biex jiġu stabbiliti ċ-ċertifikati tal-vaċċinazzjoni jkunu eliġibbli fl-ambitu tal-fondi u tal-programmi tal-Unjoni. [Em. 17]

(14a)  Il-vaċċini jenħtieġ li jitqiesu beni pubbliċi globali għad-dispożizzjoni tal-popolazzjoni ġenerali, għalhekk l-Istati Membri jenħtieġ li jiżguraw aċċess ġust u mingħajr ħlas għaċ-ċittadini kollha. L-Istati Membri jenħtieġ li jiżguraw ukoll aċċess universali, aċċessibbli, fil-pront u mingħajr ħlas għall-possibbiltajiet ta' testijiet għall-COVID-19, anki billi jagħmluhom disponibbli fiċ-ċentri tat-trasport kollha. Jenħtieġ li l-ħruġ ta' ċertifikati skont l-Artikolu 3(1) ma jwassalx għal trattament differenzjat u diskriminazzjoni bbażata fuq l-istat ta' vaċċinazzjoni jew il-pussess ta' ċertifikat speċifiku msemmi fl-Artikoli 5, 6 u 7.

(15)  Is-sigurtà, l-awtentiċità, l-integrità u l-validità taċ-ċertifikati li jiffurmaw iċ-Ċertifikat COVID-19 tal-UE u l-konformità tagħhom mal-leġiżlazzjoni tal-Unjoni dwar il-protezzjoni tad-data huma kruċjali għall-aċċettazzjoni tagħhom fl-Istati Membri kollha. Għalhekk hu meħtieġ li jiġi stabbilit qafas ta' fiduċja li jistabbilixxi r-regoli u l-infrastruttura għall-ħruġ u għall-verifika affidabbli u siguri taċ-ċertifikati. L-infrastruttura jenħtieġ li tiġi żviluppata, bi preferenza qawwija għall-użu tat-teknoloġija tal-Unjoni, biex taħdem fuq l-apparat elettroniku kollu, u fl-istess ħin jiġi żgurat li tali infrastruttura tkun protetta mit-theddid ċibernetiku. Il-qafas ta' fiduċja jenħtieġ li jiżgura li l-verifika ta' ċertifikat tkun tista' ssir offline u mingħajr ma jiġi infurmat l-emittent, u għalhekk jenħtieġ li l-ebda emittent ta' ċertifikati, u lanqas parti terza oħra, ikunu infurmati meta d-detentur jippreżenta ċertifikat. Il-punti prinċipali dwar l-interoperabbiltà taċ-ċertifikati tas-saħħa(10) adottati, fit-12 ta' Marzu 2021, min-Network tas-Saħħa elettronika stabbilit skont l-Artikolu 14 tad-Direttiva 2011/24/UE(11) jenħtieġ li jiffurmaw il-bażi għall-qafas ta' fiduċja. Il-qafas ta' fiduċja jenħtieġ għalhekk li jkun ibbażat fuq infrastruttura ta' kjavi pubblika b'katina ta' fiduċja mill-awtoritajiet tas-saħħa tal-Istati Membri sal-entitajiet individwali li joħorġu ċ-ċertifikati. Il-qafas ta' fiduċja jenħtieġ li tippermetti li jinqabdu l-frodi, b'mod partikolari l-falsifikazzjonijiet. Jenħtieġ li għal kull vaċċinazzjoni, test jew fejqan jinħareġ ċertifikat indipendenti u separat u fuq iċ-ċertifikat ma tinżammx irreġistrata l-istorja taċ-ċertifikati preċedenti tad-detentur.

(16)  Skont dan ir-Regolament, jenħtieġ li kwalunkwe minn fost iċ-ċertifikati li jiffurmaw iċ-Ċertifikat COVID-19 tal-UE jinħarġu lill-persuni skont l-Artikolu 3 tad-Direttiva 2004/38/KE, jiġifieri liċ-ċittadini tal-Unjoni u lill-membri tal-familja tagħhom, inklużi ċ-ċittadini ta' pajjiżi u territorji extra-Ewropej imsemmijin fl-Artikolu 355(2) tat-Trattat dwar il-Funzjonament tal-Unjoni Ewropea (TFUE), tkun xi tkun iċ-ċittadinanza tagħhom, mill-Istat Membru tal-vaċċinazzjoni jew tat-test, jew fejn tkun tinsab il-persuna li fieqet. Meta jkun rilevanti jew xieraq, jenħtieġ li ċ-ċertifikati jinħarġu lil persuna oħra f'isem il-persuna mlaqqma, ittestjata jew li fieqet, pereżempju lill-kustodju legali f'isem persuni legalment inkapaċitati jew lill-ġenituri f'isem uliedhom. Jenħtieġ li ċ-ċertifikati ma jkunux jeħtieġu leġiżlazzjoni jew xi formalitajiet simili oħra.

(16a)  Ir-restrizzjonijiet marbuta mal-ivvjaġġar transfruntier iħarbtu b'mod partikolari lill-persuni li jaqsmu l-fruntieri kuljum jew ta' spiss biex imorru għax-xogħol jew għall-iskola, iżuru l-qraba, għall-kura medika, jew biex jieħdu ħsieb l-għeżież tagħhom. Iċ-Ċertifikat COVID-19 tal-UE jenħtieġ li jiffaċilita l-moviment liberu tar-residenti tal-fruntieri, tal-ħaddiema staġjonali transfruntiera, tal-ħaddiema temporanji transfruntiera u tal-ħaddiema tat-trasport.

(16b)  Filwaqt li jissottolinjaw il-Premessa (14a) ta’ dan ir-Regolament u l-paragrafi 6 u 19 tar-Rakkomandazzjoni (UE) 2020/1475, l-Istati Membri jenħtieġ li jagħtu attenzjoni partikolari lill-ispeċifiċitajiet tar-reġjuni transfruntiera, ir-reġjuni ultraperiferiċi, l-esklavi u ż-żoni ġeografikament iżolati u l-ħtieġa li jikkooperaw fil-livell lokali u reġjonali kif ukoll lill-persuni li jitqiesu bħala ħaddiema fruntaliera, ħaddiema transfruntiera u residenti tal-fruntiera u li jirrisjedu fi Stat Membru ieħor li jirritornaw fih bħala regola kuljum jew mill-inqas darba fil-ġimgħa. [Em. 18]

(17)  Iċ-ċertifikati li jiffurmaw iċ-Ċertifikat COVID-19 tal-UE jistgħu jinħarġu wkoll liċ-ċittadini jew lir-residenti ta' Andorra, Monaco, San Marino u l-Vatikan/is-Santa Sede▌.

(18)  Il-ftehimiet dwar il-moviment liberu tal-persuni konklużi mill-Unjoni u l-Istati Membri tagħha, minn naħa waħda, u ċerti pajjiżi terzi, min-naħa l-oħra, jipprevedu l-possibbiltà li jiġi ristrett il-moviment liberu minħabba raġunijiet ta' saħħa pubblika. Jekk tali ftehim ma jkunx fih mekkaniżmu ta; inkorporazzjoni tal-atti tal-Unjoni Ewropea, jenħtieġ li ċ-ċertifikati maħruġa għall-benefiċjarji ta; tali ftehimiet jiġu aċċettati skont il-kundizzjonijiet stabbiliti f'dan ir-Regolament. Jenħtieġ li dan ikun subordinat għal att ta' implimentazzjoni li jiġi adottat mill-Kummissjoni li jistabbilixxi li tali pajjiż terz joħroġ ċertifikati f'konformità ma' dan ir-Regolament u jkun ipprovda garanziji formali li jaċċetta ċertifikati maħruġa mill-Istati Membri.

(19)  Ir-Regolament (UE) 2021/XXXX japplika għaċ-ċittadini ta' pajjiżi terzi li ma jaqgħux fil-kamp ta' applikazzjoni ta' dan ir-Regolament u li jirrisjedu jew joqogħdu legalment fit-territorju ta' Stat li dak ir-Regolament japplika għalih u li għandu d-dritt li jivvjaġġaw lejn Stati oħra f'konformità mad-dritt tal-Unjoni.

(20)  Jenħtieġ li l-qafas li jiġi stabbilit għall-fini ta' dan ir-Regolament ifittex li jiżgura l-koerenza mal-inizjattivi globali jew inizjattivi simili ma' pajjiżi terzi li magħhom l-Unjoni Ewropea għandha sħubijiet stretti,▌ dawk li jinvolvu d-WHO u l-Organizzazzjoni tal-Avjazzjoni Ċivili Internazzjonali. Jenħtieġ li dan ikun jinkludi, meta jkun possibbli, l-interoperabbiltà bejn is-sistemi teknoloġiċi stabbiliti fil-livell globali u s-sistemi stabbiliti għall-fini ta' dan ir-Regolament biex jiġi ffaċilitat il-moviment liberu fl-Unjoni, inkluż permezz tal-parteċipazzjoni f'infrastruttura taċ-ċavetta pubblika jew l-iskambju bilaterali ta' kjavi pubbliċi. Għall-faċilitazzjoni tad-drittijiet tal-moviment liberu tal-persuni mlaqqma jew ittestjati minn pajjiżi terzi jew minn pajjiżi u territorji extra-Ewropej imsemmijin fl-Artikolu 355(2) tat-TFUE jew elenkati fl-Anness II tiegħu jew il-Gżejjer Faeroe, jenħtieġ li dan ir-Regolament jipprevedi l-aċċettazzjoni ta' ċertifikati maħruġa minn pajjiżi terzi jew minn pajjiżi u territorji extra-Ewropej jew mill-Gżejjer Faeroe liċ-ċittadini tal-Unjoni u lill-membri tal-familja tagħhom jekk il-Kummissjoni tikkonstata li dawn iċ-ċertifikati jinħarġu skont standards ekwivalenti għal dawk stabbiliti skont dan ir-Regolament.

(21)  Għall-finijiet ta' faċilitazzjoni tal-moviment liberu, u biex jiġi żgurat li r-restrizzjonijiet tal-moviment liberu attwalment fis-seħħ matul il-pandemija tal-COVID-19 ikunu jistgħu jitneħħew b'mod ikkoordinat fuq il-bażi tal-aħħar evidenza xjentifika u gwida mqiegħda għad-dispożizzjoni mill-Kumitat għas-Sigurtà tas-Saħħa, mill-ECDC u mill-Aġenzija Ewropea għall-Mediċini (EMA), jenħtieġ li jiġi stabbilit ċertifikat interoperabbli tal-vaċċinazzjoni. Jenħtieġ li dan iċ-ċertifikat tal-vaċċinazzjoni jservi biex jikkonferma li d-detentur irċieva vaċċin kontra l-COVID-19 fi Stat Membru u jenħtieġ li jippermetti l-eżenzjoni mir-restrizzjonijiet għall-ivvjaġġar. Jenħtieġ li ċ-ċertifikat ikun fih biss l-informazzjoni meħtieġa biex jiġi identifikat id-detentur kif ukoll il-vaċċin kontra l-COVID-19, in-numru, id-data u l-post tal-vaċċinazzjoni. Jenħtieġ li l-Istati Membri joħorġu ċertifikati tal-vaċċinazzjoni għal persuni li jirċievu vaċċini li ngħataw awtorizzazzjoni għat-tqegħid fis-suq skont ir-Regolament (KE) Nru 726/2004 tal-Parlament Ewropew u tal-Kunsill(12)▌.

(22)  Jenħtieġ li l-persuni li jkunu tlaqqmu qabel id-data ta' applikazzjoni ta' dan ir-Regolament, inkluż bħala parti minn prova klinika, ukoll ikollhom id-dritt li jiksbu ċertifikat tal-vaċċinazzjoni kontra l-COVID-19 li jikkonforma ma' dan ir-Regolament. Fl-istess ħin, jenħtieġ li l-Istati Membri jibqgħu liberi li joħorġu provi tal-vaċċinazzjoni f'formati oħra għal skopijiet oħra, b'mod partikolari għal skopijiet mediċi.

(23)  Bi qbil mal-prinċipju ta' nondiskriminazzojni, jenħtieġ li l-Istati Membri joħorġu wkoll tali ċertifikati tal-vaċċinazzjoni liċ-ċittadini tal-Unjoni u lill-membri tal-familja tagħhom li jkunu tlaqqmu b'vaċċin kontra l-COVID-19 li ngħata l-awtorizzazzjoni awtorizzazzjoni għat-tqegħid fis-suq skont ir-Regolament (KE) Nru 726/2004 f'pajjiż terz u li jipprovdu prova affidabbli f'dan ir-rigward. Jenħtieġ ukoll li l-Istati Membri jkunu jistgħu joħorġu ċertifikati tal-vaċċinazzjoni liċ-ċittadini tal-Unjoni u lill-membri tal-familja tagħhom li tlaqqmu b'vaċċin li jkun ingħata Awtorizzazzjoni għall-Użu ta' Emerġenza tad-WHO u jipprovdu prova affidabbli f'dan ir-rigward.

(24)  Fis-27 ta' Jannar 2021, in-Network tas-Saħħa Elettronika adotta linji gwida dwar il-prova tal-vaċċinazzjoni għal finijiet mediċi, li ġew aġġornati fit-12 ta' Marzu 2021(13). Dawn il-linji gwida, b'mod partikolari l-istandards ta' kodiċi preferuti, jenħtieġ li jiffurmaw il-bażi għall-ispeċifikazzjonijiet tekniċi adottati għall-fini ta' dan ir-Regolament.

(25)  Diġà hemm bosta Stati Membri li qed jeżentaw persuni mlaqqma minn ċerti restrizzjonijiet għall-moviment liberu fl-Unjoni. Jenħtieġ li l-Istati Membri jaċċettaw prova tal-vaċċinazzjoni għad-deroga mir-restrizzjonijiet għall-moviment liberu fis-seħħ, f'konformità mad-dritt tal-Unjoni, għal-limitazzjoni tat-tixrid tal-COVID-19, pereżempju rekwiżiti ta' kwarantina/awtoiżolament jew ta' ttestjar għal infezzjoni bis-SARS-CoV-2 u jenħtieġ li dawn ikollhom jaċċettaw, bl-istess kundizzjonijiet, ċertifikati validi tal-vaċċinazzjoni maħruġa minn Stati Membri oħra f'konformità ma' dan ir-Regolament. Jenħtieġ li din l-aċċettazzjoni ssir bl-istess kundizzjonijiet, jiġifieri, pereżempju, jekk Stat Membru jqis li l-vaċċinazzjoni b'doża singola ta' vaċċin tkun biżżejjed, jenħtieġ li jittratta bl-istess mod lid-detenturi ta' ċertifikat tal-vaċċinazzjoni li jindika doża singola tal-istess vaċċin. Minħabba raġunijiet ta' saħħa pubblika, jenħtieġ li dan l-obbligu jkun limitat għal persuni li jkunu rċevew vaċċini kontra l-COVID-19 li jkunu ngħataw awtorizzazzjoni għat-tqegħid fis-suq skont ir-Regolament (KE) Nru 726/2004 jew vaċċini li jkunu ngħataw Awtorizzazzjoni għall-Użu ta' Emerġenza tad-WHO.

(26)  Huwa neċessarju li jiġi evitat kwalunkwe tip ta' diskriminazzjoni (diretta jew indiretta) ta' persuni li ma jkunux imlaqqma, pereżempju minħabba raġunijiet mediċi, għax ma jkunux parti mill-grupp ta' destinatarji li għalih il-vaċċin huwa attwalment amministrat lilu, jew għax għad ma kellhomx l-opportunità li jitlaqqmu jew għażlu li ma jitlaqqmux, jew meta għad m'hemm l-ebda vaċċin disponibbli għal ċerti faxex tal-età, pereżempju t-tfal. Għaldaqstant, il-pussess ta' ċertifikat tal-vaċċinazzjoni, jew il-pussess ta' ċertifikat tal-vaċċinazzjoni li jindika prodott mediċinali b'vaċċin speċifiku, jenħtieġ li ma jkunx prekundizzjoni għall-eżerċizzju tad-drittijiet tal-moviment liberu▌ u ma jistax ikun prekundizzjoni għall-moviment liberu fi ħdan l-Unjoni u biex wieħed juża servizzi tat-trasport tal-passiġġieri transfruntieri bħal-linji tal-ajru, il-ferroviji, il-kowċis, il-laneċ jew kwalunkwe mezz ta' trasport ieħor.

(26a)  Il-vaċċini kontra l-COVID-19 jeħtieġ li jiġu prodotti fuq skala, bi prezz affordabbli, allokati globalment sabiex ikunu disponibbli fejn meħtieġ, u jintużaw b'mod wiesa' fil-komunitajiet lokali. [Em. 21/rev]

(26b)  L-indirizzar tal-pandemija COVID-19 huwa prerekwiżit għall-irkupru soċjali u ekonomiku u għall-effettività tal-isforzi ta' rkupru. L-iżvilupp tal-vaċċini kontra l-COVID-19 huwa essenzjali. Il-problemi b'każijiet serji ta' nuqqas ta' konformità mal-iskedi tal-produzzjoni u tal-konsenja huma inkwetanti ħafna. [Em. 22/rev]

(27)  Ħafna Stati Membri qed jitolbu lill-persuni li jivvjaġġaw lejn it-territorju tagħhom biex jagħmlu test għal infezzjoni bis-SARS-CoV-2 qabel jew wara l-wasla. Fil-bidu tal-pandemija tal-COVID-19, l-Istati Membri ġeneralment iddependew mit-test ta' traskrizzjoni inversa u reazzjoni katina bil-polimerażi (RT-PCR), li hija test tal-amplifikazzjoni tal-aċidu nuklejku (NAAT) għad-dijanjożi tal-COVID-19 meqjus mid-WHO u mill-ECDC bħala l-"istandard ta' riferiment", jiġifieri l-aktar metodoloġija affidabbli għall-ittestjar ta' każijiet u kuntatti(14). Hekk kif il-pandemija kompliet tavvanza, saret disponibbli ġenerazzjoni ġdida ta' testijiet aktar rapidi kif ukoll orħos fis-suq Ewropew: l-hekk imsejħa testijiet rapidi tal-antiġeni, li jidentifikaw il-preżenza ta' proteini virali (antiġeni) biex tiġi identifikata infezzjoni li tkun għadha għaddejja. Fit-18 ta' Novembru 2020, il-Kummissjoni adottat ir-Rakkomandazzjoni tal-Kummissjoni (UE) 2020/1743 dwar l-użu tat-testijiet rapidi tal-antiġeni għad-dijanjożi tal-infezzjoni tas-SARS-CoV-2.(15).

(28)  Fit-22 ta' Jannar 2021, il-Kunsill adotta r-Rakkomandazzjoni tal-Kunsill 2021/C 24/01 dwar qafas komuni għall-użu u l-validazzjoni ta' testijiet rapidi tal-antiġeni u r-rikonoxximent reċiproku tar-riżultati tat-testijiet tal-COVID-19 fl-UE(16), li tipprevedi l-iżvilupp ta' lista komuni ta' testijiet rapidi tal-antiġeni tal-COVID-19. Abbażi ta' dan, fit-18 ta' Frar 2021, il-Kumitat għas-Sigurtà tas-Saħħa qabel dwar lista komuni ta' testijiet rapidi tal-antiġeni tal-COVID-19, għażla ta' testijiet rapidi tal-antiġeni li għalihom l-Istati Membri se jirrikonoxxu b'mod reċiproku r-riżultati tagħhom, u sett standardizzat komuni ta' data li għandha tiġi inkluża fiċ-ċertifikati tar-riżultati tat-testijiet tal-COVID-19.(17).

(29)  Minkejja dawn l-isforzi komuni, il-persuni li jeżerċitaw id-dritt tagħhom ta' moviment liberu xorta għadhom jiffaċċjaw problemi meta fi Stat Membru jipprovaw jużaw ir-riżultat tat-test ta' Stat Membru ieħor. Dawn il-problemi huma spiss marbuta mal-lingwa li biha jinħareġ ir-riżultat, ▌man-nuqqas ta' fiduċja fl-awtentiċità tad-dokument ippreżentat u mal-kostijiet tat-testijiet.

(30)  Sabiex tittejjeb l-aċċettazzjoni tar-riżultati tat-testijiet imwettqa fi Stat Membru ieħor meta jiġu ppreżentati dawn ir-riżultati għall-finijiet tal-eżerċizzju tal-moviment liberu, jenħtieġ li jiġi stabbilit ċertifikat tat-test interoperabbli, li jkun fih l-informazzjoni strettament meħtieġa għall-identifikazzjoni ċara tad-detentur kif ukoll tat-tip, tad-data u tar-riżultat tat-test għal infezzjoni bis-SARS-CoV-2. Sabiex tiġi żgurata l-affidabbiltà tar-riżultat tat-test, jenħtieġ li għal ċertifikat tat-test maħruġ abbażi ta' dan ir-Regolament ikunu eliġibbli biss ir-riżultati tat-testijiet NAAT u t-testijiet rapidi tal-antiġeni li jidhru fil-lista stabbilita abbażi tar-Rakkomandazzjoni tal-Kunsill 2021/C 24/01. Il-ġabra ta' data komuni standardizzata li għandha tiġi inkluża fiċ-ċertifikati tar-riżultati tat-testijiet tal-COVID-19 maqbula mill-Kumitat għas-Sigurtà tas-Saħħa abbażi tar-Rakkomandazzjoni tal-Kunsill 2021/C 24/01, b'mod partikolari l-istandards ta' kodiċi preferuti, jenħtieġ li tifforma l-bażi għall-ispeċifikazzjonijiet tekniċi adottati għall-fini ta' dan ir-Regolament.

(31)  Iċ-ċertifikati tat-test maħruġa mill-Istati Membri f'konformità ma' dan ir-Regolament jenħtieġ li jiġu aċċettati mill-Istati Membri li jitolbu prova ta' test għal infezzjoni bis-SARS-CoV-2 bħala bażi biex ma jkunux applikati r-restrizzjonijiet għall-moviment liberu fis-seħħ biex jiġi limitat it-tixrid tal-COVID-19.

(31a)  L-antikorpi kontra s-SARS-CoV-2 jiġu prodotti wara infezzjoni naturali – fil-preżenza jew mhux ta' marda klinika – u wara l-vaċċinazzjoni. Anki jekk għad m'hemmx data definittiva li tinfurmana dwar kemm idumu dawn l-antikorpi wara l-vaċċinazzjoni, hemm kwantità kbira ta' evidenza li tindika li l-antikorpi indotti naturalment huma identifikabbli għal diversi xhur wara l-infezzjoni. It-testjiet li jfittxu l-antikorpi jippermettu li jiġu identifikati l-persuni li preċedentement kienu ġew infettati u li jafu jkunu żviluppaw risposta immunitarja u li, għalhekk, għandhom probabbiltà baxxa ħafna li jerġgħu jiġu infettati jew li jinfettaw lill-persuni oħra.

(32)  Skont l-evidenza eżistenti, il-persuni li fiequ mill-COVID-19 jistgħu jkomplu jirriżultaw pożittivi fit-testijiet għas-SARS-CoV-2 għal ċertu perjodu wara l-bidu tas-sintomi.(18). Jekk dawn il-persuni jkunu meħtieġa jagħmlu test meta jippruvaw jeżerċitaw id-dritt għall-moviment liberu, lil dawn il-persuni għalhekk jista' jkunilhom ipprojbit milli jivvjaġġaw minkejja li ma jkunux għadhom infettivi. Għall-finijiet tal-faċilitazzjoni tal-moviment liberu, u biex jiġi żgurat li r-restrizzjonijiet tal-moviment liberu attwalment fis-seħħ matul il-pandemija tal-COVID-19 ikunu jistgħu jitneħħew b'mod ikkoordinat fuq il-bażi tal-aħħar evidenza xjentifika disponibbli, jenħtieġ li jiġi stabbilit ċertifikat interoperabbli tal-fejqan, li jkun fih l-informazzjoni meħtieġa għall-identifikazzjoni tal-persuna kkonċernata u d-data ta' test preċedenti li rriżulta pożittiv għal infezzjoni bis-SARS-CoV-2. ▌Skont l-ECDC, l-evidenza reċenti turi li minkejja tnaqqis tas-SARS-CoV-2 vijabbli bejn għaxart ijiem u għoxrin jum mill-bidu tas-sintomi, studji epidemjoloġiċi konvinċenti ma wrewx trażmissjoni suċċessiva tal-marda wara l-għaxar jum. Madankollu, il-prinċipju ta' prekawzjoni jenħtieġ li jkompli japplika. Jenħtieġ li l-Kummissjoni jkollha s-setgħa li tbiddel ▌il-perjodu ta' validità, kemm għall-bidu kif ukoll għat-tmiem, abbażi ta' gwida mill-Kumitat għas-Sigurtà tas-Saħħa jew mill-ECDC, li qed jistudja mill-qrib il-bażi tal-evidenza għat-tul ta' żmien tal-immunità miksuba wara l-fejqan. Barra minn hekk, fil-każ li jkunu asintomatiċi, jenħtieġ li l-persuni jkollhom l-għażla li jagħmlu test ferm speċifiku għat-tiftix tal-antiġene spike.

(33)  Diġà hemm bosta Stati Membri li qed jeżentaw lil persuni li fiequ minn ċerti restrizzjonijiet għall-moviment liberu fl-Unjoni. Jenħtieġ li l-Istati Membri jaċċettaw prova tal-fejqan bħala bażi biex ma jiġux applikati r-restrizzjonijiet għall-moviment liberu fis-seħħ, f'konformità mad-dritt tal-Unjoni, għal-limitazzjoni tat-tixrid tas-SARS-CoV-2, pereżempju rekwiżiti ta' kwarantina/awtoiżolament jew ta' ttestjar għal infezzjoni bis-SARS-CoV-2 u jenħtieġ li dawn ikollhom jaċċettaw, bl-istess kundizzjonijiet, ċertifikati validi tal-fejqan maħruġa minn Stati Membri oħra f'konformità ma' dan ir-Regolament. In-network tas-servizzi tas-saħħa elettroniċi, f'kollaborazzjoni mal-Kumitat għas-Sigurtà tas-Saħħa, qed jaħdem ukoll fuq linji gwida dwar iċ-ċertifikati tal-fejqan u s-settijiet ta' data rispettivi.

(34)  Sabiex tkun tista' tinkiseb pożizzjoni komuni malajr, jenħtieġ li l-Kummissjoni tkun tista' titlob lill-Kumitat għas-Sigurtà tas-Saħħa stabbilit bl-Artikolu 17 tad-Deċiżjoni 1082/2013/UE tal-Parlament Ewropew u tal-Kunsill(19) biex joħroġ gwida dwar l-evidenza xjentifika disponibbli dwar l-effetti ta' eventi mediċi dokumentati fiċ-ċertifikati stabbiliti skont dan ir-Regolament, inklużi l-effikaċja u t-tul ta' żmien tal-immunità mogħtija mill-vaċċini kontra l-COVID-19, jekk il-vaċċini jipprevenux l-infezzjoni asintomatika u t-trażmissjoni tal-virus, is-sitwazzjoni tal-persuni li jkunu fiequ mill-virus, u l-impatti tal-varjanti l-ġodda tas-SARS-CoV-2 fuq persuni li jkunu diġà tlaqqmu jew ġew infettati. Tali informazzjoni tkun tista' wkoll tkun il-bażi għar-rakkomandazzjonijiet tal-Kunsill biex jippermettu approċċ ikkoordinat għat-tneħħija tar-restrizzjonijiet għall-moviment liberu tad-detenturi ta' ċertifikati.

(35)  Sabiex jiġu żgurati kundizzjonijiet uniformi għall-implimentazzjoni taċ-ċertifikati tal-qafas ta' fiduċja stabbiliti b'dan ir-Regolament, jenħtieġ li l-Kummissjoni tingħata setgħat ta' implimentazzjoni. Jenħtieġ li dawk is-setgħat ikunu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill.(20).

(36)  Jenħtieġ li l-Kummissjoni tadotta atti ta' implimentazzjoni applikabbli immedjatament jekk, f'każijiet debitament ġustifikati relatati mal-ispeċifikazzjonijiet tekniċi meħtieġa għall-istabbiliment taċ-ċertifikati interoperabbli, ikun hemm raġunijiet imperattivi ta' urġenza li jirrikjedu hekk jew jekk issir disponibbli evidenza xjentifika ġdida.

(37)  Ir-Regolament (UE) 2016/679 tal-Parlament Ewropew u tal-Kunsill(21) japplika għall-ipproċessar ta' data personali mwettaq meta jiġi implimentat dan ir-Regolament. Dan ir-Regolament jistabbilixxi l-bażi ġuridika għall-ipproċessar tad-data personali, fis-sens tal-Artikolu 6(1)(c) u tal-Artikolu 9(2)(g) tar-Regolament (UE) 2016/679, meħtieġa għall-ħruġ u għall-verifika taċ-ċertifikati interoperabbli previsti f'dan ir-Regolament. ▌Ma jirregolax l-ipproċessar ta' data personali relatata mad-dokumentazzjoni ta' vaċċinazzjoni, ittestjar jew fejqan għal finijiet oħra, bħall-farmakoviġilanza jew għall-manutenzjoni tar-rekords mediċi personali. Il-bażi ġuridika għall-ipproċessar għal skopijiet oħra għandha tiġi prevista fil-leġiżlazzjoni nazzjonali, li trid tikkonforma mal-leġiżlazzjoni tal-Unjoni dwar il-protezzjoni tad-data.

(38)  B'mod konformi mal-prinċipju tal-minimizzazzjoni tad-data personali, jenħtieġ li ċ-ċertifikati jkun fihom biss id-data personali strettament meħtieġa għall-fini li jiġi ffaċilitat l-eżerċizzju tad-dritt għall-moviment liberu fl-Unjoni waqt il-pandemija tal-COVID-19. Il-kategoriji speċifiċi tad-data personali u tal-kampijiet tad-data inklużi fiċ-ċertifikati jenħtieġ li jiġu stabbiliti f'dan ir-Regolament.

(39)  Għall-fini ta' dan ir-Regolament, mhuwiex neċessarju tiġi trażmessa jew skambjata d-data personali b'mod transfruntier▌. Bi qbil mal-approċċ infrastrutturali ta' kjavi pubblika, huma biss il-kjavi pubbliċi tal-emittent li jeħtieġu jiġu trasferiti jew ikunu aċċessibbli b'mod transfruntier, li dan jiġi żgurat minn gateway ta' interoperabbiltà mwaqqaf u ġestit mill-Kummissjoni. B'mod partikolari, il-preżenza taċ-ċertifikat kombinat mal-kjavi pubblika tal-emittent jenħtieġ li tippermetti l-verifika tal-awtentiċità u tal-integrità taċ-ċertifikat kif ukoll l-identifikazzjoni tal-frodi. Bi qbil mal-prinċipju tal-protezzjoni ta' data b'mod awtomatiku, jenħtieġ li jintużaw tekniki ta' verifika li jirrikjedu t-trażmissjoni ta' data personali.

(40)  Dan ir-Regolament jipprojbixxi ż-żamma tad-data personali miksuba miċ-ċertifikat mill-Istat Membru tad-destinazzjoni jew mill-operaturi tas-servizzi transfruntieri tat-trasport tal-passiġġieri▌. Dan ir-Regolament ma joħloqx bażi ġuridika għall-istabbiliment ta' xi arkivju tad-data fil-livell tal-Istati Membri jew tal-Unjoni jew permezz tal-infrastruttura diġitali tal-qafas ta' fiduċja.

▌

(41a)  Komunikazzjoni ċara, komprensiva u f'waqtha lill-pubbliku dwar il-ħruġ, l-użu u l-aċċettazzjoni ta' kull tip ta' ċertifikat li jifforma ċ-Ċertifikat COVID-19 tal-UE hija kruċjali biex jiġu żgurati l-prevedibbiltà għall-ivvjaġġar u ċ-ċertezza tad-dritt. Il-Kummissjoni jenħtieġ li tappoġġa l-isforzi tal-Istati Membri f'dan ir-rigward, pereżempju billi tagħmel disponibbli l-informazzjoni pprovduta mill-Istati Membri fuq il-pjattaforma web "Re-open EU".

(42)  F'konformità mar-Rakkomandazzjoni (UE) 2020/1475, kwalunkwe restrizzjoni għall-moviment liberu tal-persuni fl-Unjoni stabbilita biex tillimita t-tixrid tas-SARS-CoV-2 jenħtieġ li titneħħa hekk kif tippermetti s-sitwazzjoni epidemjoloġika. Dan japplika wkoll għall-obbligi li jiġu ppreżentati dokumenti oħra għajr dawk meħtieġa skont id-dritt tal-Unjoni, b'mod partikolari d-Direttiva 2004/38/KE, bħaċ-ċertifikati koperti minn dan ir-Regolament. . ▌

(43)  Dan ir-Regolament jenħtieġ li japplika għal 12-il xahar mid-data tad-dħul fis-seħħ tiegħu. Erba' xhur wara d-data tad-dħul fis-seħħ ta' dan ir-Regolament u sa mhux aktar tard minn 3 xhur qabel it-tmiem tal-applikazzjoni tiegħu, jenħtieġ li l-Kummissjoni tippreżenta rapport lill-Parlament Ewropew u lill-Kunsill dwar l-applikazzjoni ta' dan ir-Regolament, inkluż dwar l-impatt tiegħu fuq il-moviment liberu, id-drittijiet fundamentali, il-protezzjoni tad-data personali, kif ukoll valutazzjoni tat-teknoloġiji l-aktar aġġornati fil-qasam tal-vaċċini u tal-ittestjar, u tal-użi, min-naħa tal-Istati Membri, taċ-Ċertifikat COVID-19 tal-UE għal finijiet ibbażati fuq id-dritt nazzjonali u mhux previsti f'dan ir-Regolament.

(44)  Sabiex titqies is-sitwazzjoni epidemjoloġika u l-progress fit-trażżin tal-pandemija tal-COVID-19 u biex tiġi żgurata l-interoperabbiltà mal-istandards internazzjonali, is-setgħa ta' adozzjoni ta' atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-applikazzjoni ta' ċerti Artikoli ta' dan ir-Regolament ▌. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta' tħejjija, inkluż fil-livell ta' esperti, u li dawk il-konsultazzjonijiet jiġu mwettqa skont il-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016(22). B'mod partikolari, biex tiġi żgurata parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

(45)  Minħabba li l-objettivi ta' dan ir-Regolament, jiġifieri l-faċilitazzjoni tal-moviment liberu fl-Unjoni waqt il-pandemija tal-COVID-19 bl-istabbiliment ta' ċertifikati interoperabbli dwar l-istat fir-rigward ta' vaċċinazzjoni, test u fejqan tad-detentur, ma jistgħux jinkisbu b'mod suffiċjenti mill-Istati Membri u jistgħu pjuttost, minħabba l-iskala u l-effetti tal-azzjoni, jinkisbu aħjar fil-livell tal-Unjoni, l-Unjoni tista' tadotta miżuri, skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit fl-istess Artikolu, dan ir-Regolament ma jmurx lil hinn minn dak li hu meħtieġ biex dawk l-objettivi jintlaħqu.

(46)  Dan ir-Regolament jirrispetta d-drittijiet fundamentali u josserva l-prinċipji rikonoxxuti b'mod partikolari mill-Karta tad-Drittijiet Fundamentali ("il-Karta"), inkluż id-dritt għar-rispett għall-ħajja privata u għall-ħajja tal-familja, id-dritt għall-protezzjoni tad-data personali, id-dritt għall-ugwaljanza quddiem il-liġi u n-nondiskriminazzjoni, id-dritt għall-moviment liberu u d-dritt għal rimedju effettiv. Jenħtieġ li l-Istati Membri jikkonformaw mal-Karta meta jimplimentaw dan ir-Regolament.

(46a)  Jekk l-Istati Membri jiddeċiedu li jirrikjedu ċertifikati diġitali nazzjonali għal finijiet oħra għajr il-moviment liberu f'livell nazzjonali, jenħtieġ li dawk ikunu interoperabbli maċ-Ċertifikat COVID-19 tal-UE u jirrispettaw is-salvagwardji tiegħu kif definiti f'dan ir-Regolament, b'mod partikolari biex jiżguraw in-nondiskriminazzjoni bejn nazzjonalitajiet differenti, in-nondiskriminazzjoni bejn ċertifikati differenti, standards għoljin ta' protezzjoni tad-data u biex tiġi evitata l-frammentazzjoni.

(46b)  L-Istati Membri jenħtieġ li ma jintroduċux restrizzjonijiet għall-aċċess għas-servizzi pubbliċi fir-rigward ta' dawk li ma jkollhomx iċ-ċertifikati koperti minn dan ir-Regolament.

(46c)  Lista tal-entitajiet kollha previsti li jaġixxu bħala kontrolluri, proċessuri u riċevituri tad-data f'dak l-Istat Membru jenħtieġ li ssir pubblika fi żmien xahar wara d-data tad-dħul fis-seħħ ta' dan ir-Regolament sabiex iċ-ċittadini tal-Unjoni li jużaw iċ-Ċertifikat COVID-19 tal-UE jkunu jistgħu jsiru jafu l-identità tal-entità li jistgħu jirrikorru għandha għall-eżerċizzju tad-drittijiet tagħhom tal-protezzjoni tad-data skont ir-Regolament (UE) 2016/679, inkluż b'mod partikolari d-dritt li jirċievu informazzjoni trasparenti dwar il-modi li bihom id-drittijiet tas-suġġett tad-data jistgħu jiġu eżerċitati fir-rigward tal-ipproċessar tad-data personali.

(47)  Il-Kontrollur Ewropew għall-Protezzjoni tad-Data (EDPS) u l-Bord Ewropew għall-Protezzjoni tad-Data (EDPB) ġew ikkonsultati skont l-Artikolu 42(2) tar-Regolament (UE) 2018/1725(23),

ADOTTAW DAN IR-REGOLAMENT:

Artikolu 1

Suġġett

Dan ir-Regolament jistabbilixxi qafas għall-ħruġ, il-verifika u l-aċċettazzjoni ta' ċertifikati interoperabbli dwar il-vaċċinazzjoni kontra l-COVID-19, dwar l-ittestjar għall-marda u dwar il-fejqan minnha għall-fini li jiġi ffaċilitat l-eżerċizzju tad-detenturi tad-dritt tagħhom għall-moviment liberu matul il-pandemija tal-COVID-19 ("Ċertifikat COVID-19 tal-UE").

Huwa jipprevedi l-bażi ġuridika għall-ipproċessar tad-data personali meħtieġa għall-ħruġ ta' tali ċertifikati u għall-ipproċessar tal-informazzjoni meħtieġa biex jiġu kkonfermati u vverifikati l-awtentiċità u l-validità ta' tali ċertifikati f'konformità sħiħa mar-Regolament (UE) 2016/679.

Ma jistax jiġi interpretat bħala li jistabbilixxi dritt jew obbligu dirett jew indirett għall-persuni li għandhom jitlaqqmu. [Em. 9]

Dan ir-Regolament ma jintroduċi jew ma jistabbilixxi ebda formalità jew rekwiżit addizzjonali għall-eżerċizzju tad-dritt ta' moviment liberu jew id-dritt ta' dħul fit-territorju tal-Istati Membri skont id-Direttiva 2004/38/KE u r-Regolament (UE) 2016/399.

Artikolu 2

Definizzjonijiet

Għall-finijiet ta' dan ir-Regolament, japplikaw id-definizzjonijiet li ġejjin:

(1)  "detentur" tfisser il-persuna jkun inħarġilha ċertifikat interoperabbli li jkun fih informazzjoni dwar l-istat tagħha fir-rigward ta' vaċċinazzjoni, test u/jew fejqan skont dan ir-Regolament.

(2)  "Ċertifikat COVID-19 tal-UE" tfisser ċertifikati interoperabbli li fihom informazzjoni dwar l-istat fir-rigward ta' vaċċinazzjoni, test u/jew fejqan tad-detentur maħruġ fil-kuntest tal-pandemija tal-COVID-19;

(3)  "vaċċin kontra l-COVID-19" tfisser prodott mediċinali immunoloġiku indikat għall-immunizzazzjoni attiva kontra l-coronavirus tas-sindromu respiratorju akut gravi 2 (SARS-CoV-2), il-virus li jikkawża l-COVID-19;

(4)  "test NAAT" tfisser test ta' amplifikazzjoni tal-aċidu nuklejku molekulari (NAAT), bħal tekniki ta' traskrizzjoni inversa katina bil-polimerażi (RT-PCR), amplifikazzjoni isotermika medjata loop-medjata (LAMP) u tekniki ta' amplifikazzjoni medjata bit-traskrizzjoni (TMA), użati biex tiġi identifikata l-preżenza tal-aċidu ribonuklejku SARS-CoV-2 (RNA);

(5)  "test rapidu tal-antiġeni" tfisser metodu ta' ttestjar li jiddependi fuq id-detezzjoni ta' proteini virali (antiġeni) bl-użu ta' immunoassaġġ tal-fluss laterali li jagħti riżultati f'inqas minn 30 minuta li jsir minn professjonist fil-kura tas-saħħa jew operatur imħarreġ ieħor;

(5a)  "test seroloġiku jew tal-antikorpi" tfisser test ibbażat fil-laboratorju mwettaq fuq kampjuni tad-demm (seru, plażma, jew demm sħiħ) bl-għan li jinstab jekk persuna tkunx żviluppat antikorpi kontra s-SARS-CoV-2, li jindika li d-detentur ġie espost għas-SARS-CoV-2 u żviluppa antikorpi, irrispettivament minn jekk kienx sintomatiku jew le;

(6)  "interoperabbiltà" tfisser il-kapaċità li s-sistemi ta' verifika fi Stat Membru jużaw data kodifikata minn Stat Membru ieħor;

(7)  "barcode" tfisser metodu ta' ħażna u rappreżentazzjoni tad-data f'format viżiv li jinqara mill-magni;

(8)  "siġill elettroniku" tfisser "siġill elettroniku avvanzat" kif definit fir-Regolament (UE) 910/2014 tal-Parlament Ewropew u tal-Kunsill(24), li jiġi mehmuż u assoċjat loġikament ma' data oħra f'forma elettronika biex jiġu żgurati l-oriġini u l-integrità ta' din tal-aħħar;

▌

(10)  "qafas ta' fiduċja" tfisser ir-regoli, il-politiki, l-ispeċifikazzjonijiet, il-protokolli, il-formati tad-data u l-infrastruttura diġitali li jirregolaw u jippermettu l-ħruġ u l-verifika affidabbli u siguri taċ-ċertifikati biex jiggarantixxu l-affidabbiltà taċ-ċertifikati billi jikkonfermaw l-awtentiċità, il-validità u l-integrità tagħhom, ▌bl-użu ▌ta' siġilli elettroniċi.

Artikolu 3

Ċertifikat COVID-19 tal-UE

1.  Mingħajr preġudizzju għall-Artikolu 22 tar-Regolament (UE) 2016/399 iċ-Ċertifikat COVID-19 tal-UE interoperabbli għandu jippermetti l-ħruġ u l-verifika u l-aċċettazzjoni transfruntiera ta' kwalunkwe wieħed miċ-ċertifikati li ġejjin:

(a)  ċertifikat li jikkonferma li d-detentur irċieva vaċċin kontra l-COVID-19 fl-Istat Membru li joħroġ iċ-ċertifikat ("ċertifikat tal-vaċċinazzjoni");

(b)  ċertifikat li jindika r-riżultat tad-detentur, it-tip u d-data ta' test NAAT jew test rapidu tal-antiġeni elenkati fil-lista komuni u aġġornata ta' testijiet rapidi tal-antiġeni tal-COVID-19 stabbilita abbażi tar-Rakkomandazzjoni tal-Kunsill 2021/C 24/01(25) ("ċertifikat tat-test");

(c)  ċertifikat li jikkonferma li d-detentur irkupra minn infezzjoni tas-SARS-CoV-2 wara test NAAT pożittiv jew li jikkonferma reazzjoni immunoloġika kontra s-SARS-CoV-2 permezz ta' test seroloġiku jew tal-antikorpi, inkluża d-data tal-ewwel test NAAT pożittiv jew id-data tal-ittestjar seroloġiku għall-antikorpi kontra s-SARS-CoV-2 ("ċertifikat tal-fejqan").

Il-Kummissjoni għandha tippubblika l-lista ta' testijiet rapidi tal-antiġeni tal-COVID-19 stabbilita abbażi tar-Rakkomandazzjoni tal-Kunsill 2021/C 24/01, inkluż kwalunkwe aġġornament.

2.  L-Istati Membri għandhom joħorġu ċ-ċertifikati msemmija fil-paragrafu 1 f'format diġitali u stampat ▌. Id-detenturi prospettivi għandhom ikunu intitolati li jirċievu ċ-ċertifikati fil-format tal-għażla tagħhom. Iċ-ċertifikati maħruġa mill-Istati Membri għandhom ikunu jistgħu jintużaw faċilment mill-utent u għandu jkun fihom barcode interoperabbli li jippermetti l-verifika tal-awtentiċità, il-validità u l-integrità taċ-ċertifikat. Il-barcode għandu jikkonforma mal-ispeċifikazzjonijiet tekniċi stabbiliti skont l-Artikolu 8. L-informazzjoni li tinsab fiċ-ċertifikati għandha tintwera wkoll f'forma li tinqara mill-bniedem, għandha tkun aċċessibbli għall-persuni b'diżabbiltà, u għandha tkun, tal-anqas, bil-lingwa jew lingwi uffiċjali tal-Istat Membru emittenti u bl-Ingliż. [Em. 15]

3.  Iċ-ċertifikati msemmija fil-paragrafu 1 għandhom jinħarġu bla ħlas. Id-detentur għandu jkun intitolat li jitlob il-ħruġ ta' ċertifikat ġdid jekk id-data personali li tinsab fiċ-ċertifikat ma tkunx jew ma tibqax preċiża jew aġġornata, inkluż rigward l-istat fir-rigward ta' vaċċinazzjoni, test jew fejqan tad-detentur, jew jekk iċ-ċertifikat ma jkunx għadu disponibbli għad-detentur.

3a.  Iċ-ċertifikat għandu jinkludi t-test li ġej: "Dan iċ-ċertifikat mhuwiex dokument tal-ivvjaġġar. L-evidenza xjentifika dwar il-vaċċinazzjoni, l-ittestjar u l-fejqan tal-COVID-19 qed tkompli tevolvi, anki fid-dawl ta' varjanti ġodda ta' tħassib tal-virus. Qabel tivvjaġġa, jekk jogħġbok iċċekkja l-miżuri applikabbli tas-saħħa pubblika u r-restrizzjonijiet relatati applikati fil-punt ta' destinazzjoni."

L-Istat Membru għandu jipprovdi lid-detentur b'informazzjoni ċara, komprensiva u f'waqtha dwar l-użu taċ-ċertifikat tal-vaċċinazzjoni, iċ-ċertifikat tat-test, u/jew iċ-ċertifikat tal-fejqan għall-finijiet ta' dan ir-Regolament.

3b.  Il-pussess ta' Ċertifikat COVID-19 tal-UE ma għandux ikun prekundizzjoni għall-eżerċizzju tad-drittijiet tal-moviment liberu.

3c.  Il-ħruġ ta' ċertifikati skont il-paragrafu 1 ma għandux iwassal għal trattament differenzjat u diskriminazzjoni bbażata fuq l-istat ta' vaċċinazzjoni jew il-pussess ta' ċertifikat speċifiku msemmi fl-Artikoli 5, 6 u 7. L-Istati Membri għandhom jiżguraw possibbiltajiet ta' ttestjar universali, aċċessibbli, f'waqthom u mingħajr ħlas sabiex jiggarantixxu d-dritt ta' moviment liberu fl-Unjoni mingħajr diskriminazzjoni abbażi tal-possibbiltajiet ekonomiċi jew finanzjarji.

4.  Il-ħruġ taċ-ċertifikati msemmija fil-paragrafu 1 ma għandux jaffettwa l-validità ta' provi oħra ta' vaċċinazzjoni, test jew fejqan maħruġa qabel id-dħul fis-seħħ ta' dan ir-Regolament jew għal finijiet oħra, b'mod partikolari għal finijiet mediċi.

4a.  Iċ-ċentri tat-trasport tal-Unjoni, bħall-ajruporti, il-portijiet u l-istazzjonijiet tal-ferroviji u tal-kowċis, fejn iċ-ċertifikati msemmija fil-paragrafu 1 jiġu vverifikati, għandhom japplikaw kriterji u proċeduri standardizzati u komuni għall-verifika tagħhom, abbażi ta' gwida żviluppata mill-Kummissjoni.

5.  Meta l-Kummissjoni tkun adottat att ta' implimentazzjoni skont it-tieni subparagrafu, iċ-ċertifikati maħruġa skont dan ir-Regolament minn pajjiż terz li l-Unjoni Ewropea u l-Istati Membri tagħha jkunu kkonkludew ftehim miegħu dwar il-moviment liberu tal-persuni li jippermetti lill-partijiet kontraenti jirrestrinġu tali moviment liberu għal raġunijiet ta' saħħa pubblika b'mod nondiskriminatorju u li ma jkunx fih mekkaniżmu ta' inkorporazzjoni ta' atti tal-Unjoni Ewropea għandhom jiġu aċċettati skont il-kundizzjonijiet imsemmija fl-Artikolu 5(5).

Il-Kummissjoni għandha tivvaluta jekk tali pajjiż terz joħroġx ċertifikati skont dan ir-Regolament u pprovdiex assigurazzjonijiet formali li jkun se jaċċetta ċertifikati maħruġa mill-Istati Membri. F'dak il-każ, hija għandha tadotta att ta' implimentazzjoni skont il-proċedura ta' eżami msemmija fl-Artikolu 13(2).

6.  Il-Kummissjoni għandha titlob lill-Kumitat għas-Sigurtà tas-Saħħa stabbilit bl-Artikolu 17 tad-Deċiżjoni Nru 1082/2013/UE, lill-ECDC u lill-EMA biex joħorġu gwida dwar l-evidenza xjentifika disponibbli dwar l-effetti ta' avvenimenti mediċi dokumentati fiċ-ċertifikati msemmija fil-paragrafu 1.

6a.  L-Istati Membri għandhom jagħmlu disponibbli biżżejjed riżorsi biex jimplimentaw dan ir-Regolament, inkluż għall-prevenzjoni, id-detezzjoni, l-investigazzjoni u l-prosekuzzjoni ta' frodi u prattiki illeċiti rigward il-ħruġ u l-użu taċ-Ċertifikat COVID-19 tal-UE.

Artikolu 4

Qafas ta' fiduċja taċ-Ċertifikat COVID-19 tal-UE

1.  Il-Kummissjoni u l-Istati Membri għandhom jistabbilixxu u jżommu infrastruttura diġitali tal-qafas ta' fiduċja li tippermetti l-ħruġ u l-verifika siguri taċ-ċertifikati msemmija fl-Artikolu 3.

2.  Il-qafas ta' fiduċja għandu jiżgura, meta jkun possibbli, l-interoperabbiltà mas-sistemi teknoloġiċi stabbiliti fil-livell internazzjonali.

3.  Meta l-Kummissjoni tkun adottat att ta' implimentazzjoni skont it-tieni subparagrafu, iċ-ċertifikati maħruġa minn pajjiżi terzi liċ-ċittadini tal-Unjoni u lill-membri tal-familja tagħhom, kif ukoll lil ċittadini jew residenti ta' Andorra, Monaco, San Marino u l-Vatikan/is-Santa Sede, skont standard internazzjonali u sistema teknoloġika li jkunu interoperabbli mal-qafas ta' fiduċja stabbilit abbażi ta' dan ir-Regolament u li jippermetti l-verifika tal-awtentiċità, il-validità u l-integrità taċ-ċertifikat, u li jkun fihom id-data stabbilita fl-Anness, għandhom jiġu ttrattati bħaċ-ċertifikati maħruġa mill-Istati Membri skont dan ir-Regolament, għall-fini li jiġi ffaċilitat l-eżerċizzju tad-detenturi tad-dritt tagħhom tal-moviment liberu fl-Unjoni Ewropea. Għall-finijiet ta' dan is-subparagrafu, l-aċċettazzjoni, mill-Istati Membri, ta' ċertifikati tal-vaċċinazzjoni maħruġa minn pajjiżi terzi għandha sseħħ skont il-kundizzjonijiet imsemmija fl-Artikolu 5(5).

Il-Kummissjoni għandha tivvaluta jekk iċ-ċertifikati maħruġa minn pajjiż terz jissodisfawx il-kundizzjonijiet stabbiliti f'dan il-paragrafu. F'dak il-każ, hija għandha tadotta att ta' implimentazzjoni skont il-proċedura ta' eżami msemmija fl-Artikolu 13(2). Il-Kummissjoni għandha żżomm ukoll reġistru aċċessibbli għall-pubbliku ta' dawk il-pajjiżi terzi li jissodisfaw il-kundizzjonijiet tal-ħruġ taċ-ċertifikati fis-sens ta' dan ir-Regolament.

Artikolu 5

Ċertifikat tal-vaċċinazzjoni

1.  Kull Stat Membru għandu awtomatikament joħroġ ċertifikati tal-vaċċinazzjoni kif imsemmi fl-Artikolu 3(1)(a) lil persuna li tkun ingħatat vaċċin kontra l-COVID-19 ▌.

2.  Iċ-ċertifikat tal-vaċċinazzjoni għandu jkun fih il-kategoriji ta' data personali li ġejjin:

(a)  identifikazzjoni tad-detentur;

(b)  informazzjoni dwar il-prodott mediċinali tal-vaċċin amministrat u informazzjoni dwar in-numru ta' dożi u d-dati;

(c)  metadata taċ-ċertifikat, bħall-emittent taċ-ċertifikat ▌.

Id-data personali għandha tiġi inkluża fiċ-ċertifikat tal-vaċċinazzjoni skont il-kampijiet tad-data speċifiċi stabbiliti fil-punt 1 tal-Anness.

Il-Kummissjoni għandha s-setgħa li tadotta atti delegati skont l-Artikolu 11 biex temenda l-punt 1 tal-Anness billi timmodifika jew tneħħi kampijiet tad-data, jew billi żżid kampijiet tad-data li jaqgħu taħt il-kategoriji ta' data personali msemmija fil-punti (b) u (c) ta' dan il-paragrafu.

3.  Iċ-ċertifikat tal-vaċċinazzjoni għandu jinħareġ f'format sigur u interoperabbli kif previst fl-Artikolu 3(2) u għandu jindika b'mod ċar jekk il-kors tal-vaċċinazzjoni għal dak il-vaċċin speċifiku tlestiex jew le.

4.  Meta, fil-każ ta' evidenza xjentifika emerġenti ġdida jew biex tiġi żgurata l-interoperabbiltà mal-istandards internazzjonali u s-sistemi teknoloġiċi, ikun hemm raġunijiet imperattivi ta' urġenza li jkunu jirrikjedu hekk, il-proċedura prevista fl-Artikolu 12 għandha tapplika għall-atti delegati adottati skont dan l-Artikolu.

5.  ▌L-Istati Membri għandhom jaċċettaw prova tal-vaċċinazzjoni biex ma jkunux applikati r-restrizzjonijiet għall-moviment liberu stabbiliti, skont id-dritt tal-Unjoni, biex jillimitaw it-tixrid tal-COVID-19, u għandhom jaċċettaw ukoll, taħt l-istess kundizzjonijiet, ċertifikati validi tal-vaċċinazzjoni maħruġa minn Stati Membri oħra skont dan ir-Regolament għal vaċċin kontra l-COVID-19 li jkun ingħata awtorizzazzjoni għat-tqegħid fis-suq skont ir-Regolament (KE) Nru 726/2004.

L-Istati Membri jistgħu jaċċettaw ukoll, għall-istess għan, ċertifikati validi tal-vaċċinazzjoni maħruġa minn Stati Membri oħra skont dan ir-Regolament għal vaċċin kontra l-COVID-19 ▌li jkun ingħata Awtorizzazzjoni għall-Użu ta' Emerġenza tad-WHO.

6.  Meta ċittadin tal-Unjoni jew membru tal-familja ta' ċittadin tal-Unjoni jew ċittadin jew resident ta' Andorra, Monaco, San Marino u l-Vatikan/is-Santa Sede, ikun tlaqqam f'pajjiż terz b'wieħed mit-tipi ta' vaċċini kontra l-COVID-19 imsemmija fil-paragrafu 5 ta' dan l-Artikolu, u meta l-awtoritajiet ta' Stat Membru jkunu ngħataw l-informazzjoni kollha meħtieġa, inkluża prova affidabbli tal-vaċċinazzjoni, huma għandhom joħorġu ċertifikat tal-vaċċinazzjoni kif imsemmi fl-Artikolu 3(1)(a) lill-persuna kkonċernata.

Artikolu 6

Ċertifikat tat-test

1.  Kull Stat Membru għandu awtomatikament joħroġ ċertifikati tat-test kif imsemmi fl-Artikolu 3(1)(b) lill-persuni ttestjati għall-COVID-19 ▌.

2.  Iċ-ċertifikat tat-test għandu jkun fih il-kategoriji ta' data personali li ġejjin:

(a)  identifikazzjoni tad-detentur;

(b)  informazzjoni dwar it-test imwettaq;

(c)  metadata taċ-ċertifikat, bħall-emittent taċ-ċertifikat ▌.

Id-data personali għandha tiġi inkluża fiċ-ċertifikat tat-test skont il-kampijiet tad-data speċifiċi stabbiliti fil-punt 2 tal-Anness.

Il-Kummissjoni għandha s-setgħa li tadotta atti delegati skont l-Artikolu 11 biex temenda l-punt 2 tal-Anness billi timmodifika jew tneħħi kampijiet tad-data, jew billi żżid ▌kampijiet tad-data li jaqgħu taħt il-kategoriji ta' data personali msemmija fil-punti (b) u (c) ta' dan il-paragrafu.

3.  Iċ-ċertifikat tat-test għandu jinħareġ f'format sigur u interoperabbli kif previst fl-Artikolu 3(2).

4.  Meta, fil-każ ta' evidenza xjentifika emerġenti ġdida jew biex tiġi żgurata l-interoperabbiltà mal-istandards internazzjonali u s-sistemi teknoloġiċi, ikun hemm raġunijiet imperattivi ta' urġenza li jkunu jirrikjedu hekk, il-proċedura prevista fl-Artikolu 12 għandha tapplika għall-atti delegati adottati skont dan l-Artikolu.

5.  ▌L-Istati Membri għandhom jaċċettaw prova ta' test negattiv għall-infezzjoni tas-SARS-CoV-2 biex ma jkunux applikati r-restrizzjonijiet għall-moviment liberu stabbiliti, skont id-dritt tal-Unjoni, biex jiġi limitat it-tixrid tal-COVID-19, u għandhom jaċċettaw ukoll ċertifikati tat-test validi maħruġa minn Stati Membri oħra skont dan ir-Regolament.

Artikolu 7

Ċertifikat tal-fejqan

1.  Kull Stat Membru għandu joħroġ, fuq talba, ċertifikati tal-fejqan kif imsemmi fl-Artikolu 3(1)(c) mhux aktar kmieni mill-ħdax-il jum wara li persuna tkun irċeviet l-ewwel test pożittiv tagħha għall-infezzjoni tas-SARS-CoV-2, jew wara preżentazzjoni ta' test NAAT negattiv sussegwenti. Għandu jkun possibbli wkoll li jinħareġ ċertifikat tal-fejqan permezz tad-detezzjoni ta' antikorpi b'test seroloġiku.

Il-Kummissjoni għandha s-setgħa li tadotta atti delegati skont l-Artikolu 11 biex temenda l-għadd ta' jiem li minnhom jista' jinħareġ ċertifikat tal-fejqan abbażi ta' gwida riċevuta mill-Kumitat għas-Sigurtà tas-Saħħa skont l-Artikolu 3(6) jew fuq evidenza xjentifika rieżaminata mill-ECDC.

Il-Kummissjoni għandha s-setgħa li tadotta atti delegati skont l-Artikolu 11 biex tistabbilixxi u temenda t-tipi ta' testijiet seroloġiċi għall-antikorpi kontra s-SARS-CoV-2 li fir-rigward tagħhom jista' jinħareġ ċertifikat tal-fejqan, abbażi tal-evidenza xjentifika rieżaminata mill-ECDC.

2.  Iċ-ċertifikat tal-fejqan għandu jkun fih il-kategoriji ta' data personali li ġejjin:

(a)  identifikazzjoni tad-detentur;

(b)  informazzjoni dwar infezzjoni preċedenti tas-SARS-CoV-2 iddokumentata b'test NAAT pożittiv, jew ir-riżultat ta' test seroloġiku;

(c)  metadata taċ-ċertifikat, bħall-emittent taċ-ċertifikat ▌.

Id-data personali għandha tiġi inkluża fiċ-ċertifikat tal-fejqan skont il-kampijiet speċifiċi tad-data stabbiliti fil-punt 3 tal-Anness.

Il-Kummissjoni għandha s-setgħa li tadotta atti delegati skont l-Artikolu 11 biex temenda l-punt 3 tal-Anness billi ▌timmodifika jew tneħħi kampijiet tad-data, inkluż sa meta għandu jkun validu ċertifikat tal-fejqan, jew billi żżid kampijiet tad-data li jaqgħu taħt il-kategoriji ta' data personali msemmija fil-punti (b) u (c) ta' dan il-paragrafu.

3.  Iċ-ċertifikat tal-fejqan għandu jinħareġ f'format sigur u interoperabbli kif previst fl-Artikolu 3(2).

4.  Meta, fil-każ ta' evidenza xjentifika emerġenti ġdida jew biex tiġi żgurata l-interoperabbiltà mal-istandards internazzjonali u s-sistemi teknoloġiċi, ikun hemm raġunijiet imperattivi ta' urġenza li jkunu jirrikjedu hekk, il-proċedura prevista fl-Artikolu 12 għandha tapplika għall-atti delegati adottati skont dan l-Artikolu.

5.  ▌L-Istati Membri għandhom jaċċettaw prova tal-fejqan mill-infezzjoni tas-SARS-CoV-2 bħala bażi għar-rinunzja tar-restrizzjonijiet għall-moviment liberu stabbiliti, skont id-dritt tal-Unjoni, biex jiġi limitat it-tixrid tal-COVID-19, u għandhom jaċċettaw, taħt l-istess kundizzjonijiet, ċertifikati validi tal-fejqan maħruġa minn Stati Membri oħra skont dan ir-Regolament.

Artikolu 8

Speċifikazzjonijiet tekniċi

Sabiex jiġu żgurati kundizzjonijiet uniformi għall-implimentazzjoni tal-qafas ta' fiduċja stabbilit b'dan ir-Regolament, il-Kummissjoni għandha tadotta atti ta' implimentazzjoni li jkun fihom l-ispeċifikazzjonijiet u r-regoli tekniċi biex:

(a)  joħorġu u jivverifikaw b'mod sigur iċ-ċertifikati msemmija fl-Artikolu 3;

(b)  jiżguraw is-sigurtà tad-data personali, b'kont meħud tan-natura tad-data;

(c)  jimlew iċ-ċertifikati msemmija fl-Artikolu 3, inkluża s-sistema ta' kodifikazzjoni u kwalunkwe element rilevanti ieħor;

▌

(e)  joħorġu barcode valida, sigura u interoperabbli;

(f)  jiżguraw l-interoperabbiltà mal-istandards internazzjonali u/jew is-sistemi teknoloġiċi;

(g)  jallokaw ir-responsabbiltajiet fost il-kontrolluri u fir-rigward tal-proċessuri skont il-Kapitolu IV tar-Regolament (UE) 2016/679;

(ga)  jistabbilixxu proċessi għal ittestjar, valutazzjoni u evalwazzjoni regolari tal-effikaċja tal-protezzjoni tad-data u l-miżuri ta' sigurtà adottati;

(gb)  jiżguraw l-aċċessibbiltà tal-persuni b'diżabbiltà għall-informazzjoni li tinqara mill-bniedem misjuba fiċ-ċertifikat diġitali u fiċ-ċertifikat stampat, f'konformità mar-rekwiżiti ta' aċċessibbiltà armonizzati tal-Unjoni. [Em. 16]

Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 13(2). Meta l-att ta' implimentazzjoni previst jikkonċerna l-ipproċessar ta' data personali, il-Kummissjoni għandha tikkonsulta lill-EDPS, u, meta jkun applikabbli, tista’ tikkonsulta lill-EDPB.

Għal raġunijiet imperattivi ta' urġenza debitament ġustifikati, b'mod partikolari biex tiġi żgurata implimentazzjoni f'waqtha tal-qafas ta' fiduċja, il-Kummissjoni għandha tadotta minnufih atti ta' implimentazzjoni applikabbli skont il-proċedura msemmija fl-Artikolu 13(3).

Il-qafas ta' fiduċja għandu jkun ibbażat fuq infrastruttura tal-kjavi pubblika biex jiġu vverifikati l-integrità taċ-Ċertifikati COVID-19 tal-UE u l-awtentiċità tas-siġilli elettroniċi. Il-qafas ta' fiduċja għandu jippermetti l-identifikazzjoni tal-frodi, b'mod partikolari l-falsifikazzjoni, u għandu jiżgura li l-verifika taċ-Ċertifikat COVID-19 tal-UE u tas-siġilli elettroniċi ma tinformax lill-emittent dwar il-verifika.

Artikolu 8a

Ċertifikati diġitali nazzjonali u interoperabbiltà mal-qafas ta' fiduċja taċ-Ċertifikat COVID-19 tal-UE

Meta Stat Membru jkun adotta jew jadotta ċertifikat diġitali nazzjonali għal finijiet purament nazzjonali, għandu jiżgura li jkun kompletament interoperabbli mal-qafas ta' fiduċja taċ-Ċertifikat COVID-19 tal-UE. Għandhom japplikaw l-istess salvagwardji bħal dawk f'dan ir-Regolament.

Artikolu 8b

Użu ulterjuri tal-qafas taċ-Ċertifikat tal-UE b'rabta mal-COVID-19

Meta Stat Membru jfittex li jimplimenta ċ-Ċertifikat tal-UE b'rabta mal-COVID-19 għal kwalunkwe użu possibbli għajr l-iskop maħsub għall-iffaċilitar tal-moviment liberu bejn l-Istati Membri, dak l-Istat Membru għandu joħloq bażi ġuridika skont id-dritt nazzjonali, li tikkonforma mal-prinċipji ta' effettività, neċessità u proporzjonalità, inklużi dispożizzjonijiet speċifiċi li jidentifikaw b'mod ċar il-kamp ta' applikazzjoni tal-ipproċessar u l-punt safejn isir dan l-ipproċessar, l-għan speċifiku involut, il-kategoriji ta' entitajiet li jistgħu jivverifikaw iċ-ċertifikat kif ukoll is-salvagwardji rilevanti għall-prevenzjoni tad-diskriminazzjoni u l-abbuż, b'kont meħud tar-riskji għad-drittijiet u l-libertajiet tas-suġġetti tad-data. L-ebda data ma għandha tinżamm fil-kuntest tal-proċess ta' verifika. [Em. 12]

Artikolu 9

Protezzjoni tad-data personali

1.   Ir-Regolament (UE) 2016/679 għandu japplika għall-ipproċessar tad-data personali mwettqa fl-implimentazzjoni ta' dan ir-Regolament. Id-data personali li tinsab fiċ-ċertifikati maħruġa skont dan ir-Regolament għandha tiġi pproċessata biss għall-fini ta' ▌verifika tal-informazzjoni inkluża fiċ-ċertifikat sabiex jiġi ffaċilitat l-eżerċizzju tad-dritt ta' moviment liberu fl-Unjoni kif previst f'dan ir-Regolament u sakemm ma jibqax japplika.

2.  Id-data personali inkluża fiċ-ċertifikati msemmija fl-Artikolu 3 għandha tiġi pproċessata mill-awtoritajiet kompetenti tal-Istat Membru tad-destinazzjoni, jew mill-operaturi tas-servizzi tat-trasport transfruntier tal-passiġġieri meħtieġa mil-liġi nazzjonali biex jimplimentaw ċerti miżuri tas-saħħa pubblika matul il-pandemija tal-COVID-19, biss biex jikkonfermaw u jivverifikaw l-istat fir-rigward ta' vaċċinazzjoni, test jew fejqan tad-detentur. Għal dan il-għan, id-data personali għandha tkun limitata għal dak li huwa strettament meħtieġ. Id-data personali aċċessata skont dan il-paragrafu ma għandhiex tinżamm jew tiġi pproċessata mill-verifikatur għal finijiet oħra. Għal kull vaċċinazzjoni, test jew fejqan għandu jinħareġ ċertifikat indipendenti u separat, u fuq iċ-ċertifikat ma tinżammx irreġistrata l-istorja taċ-ċertifikati preċedenti tad-detentur.

3.  Id-data personali pproċessata għall-fini tal-ħruġ taċ-ċertifikati msemmija fl-Artikolu 3, inkluż il-ħruġ ta' ċertifikat ġdid, ma għandhiex tinżamm mill-emittent għal aktar żmien milli jkun strettament meħtieġ għall-iskop tiegħu u fl-ebda każ aktar mill-perjodu li għalih iċ-ċertifikati jistgħu jintużaw biex jiġi eżerċitat id-dritt ta' moviment liberu, u wara dan il-perjodu d-data personali għandha titħassar immedjatament u irrevokabbilment. Ma għandu jkun hemm ebda pproċessar jew żamma ċentralizzati tad-data personali inkluża fiċ-ċertifikat fil-livell tal-Istat Membru jew tal-Unjoni.

4.  L-awtoritajiet jew korpi maħtura oħra responsabbli għall-ħruġ taċ-ċertifikati msemmija fl-Artikolu 3 għandhom jitqiesu bħala kontrolluri msemmija fl-Artikolu 4(7) tar-Regolament (UE) 2016/679. Sa ... [xahar wara d-data tad-dħul fis-seħħ ta' dan ir-Regolament], l-Istati Membri għandhom jippubblikaw l-entitajiet previsti li jkunu qed jaġixxu bħala kontrolluri, proċessuri u riċevituri tad-data u jikkomunikaw din l-informazzjoni lill-Kummissjoni u kwalunkwe modifika għaliha b'mod regolari wara dik id-data. Sa ... [xahrejn wara d-data tad-dħul fis-seħħ ta' dan ir-Regolament], il-Kummissjoni għandha tippubblika l-informazzjoni miġbura f'lista aċċessibbli għall-pubbliku u żżomm dik il-lista pubblika aġġornata.

5.  Il-kontrolluri u l-proċessuri tad-data għandhom jieħdu miżuri tekniċi u organizzattivi adegwati biex jiżguraw livell ta' sigurtà xieraq għar-riskju tal-ipproċessar.

6.  Meta kontrollur imsemmi fil-paragrafu 4 jirrikorri għand proċessur, f'applikazzjoni tal-Artikolu 28(3) tar-Regolament (UE) 2016/679, ma jista' jsir ebda trasferiment ta' data personali mill-proċessur għal-pajjiż terz.

Artikolu 10

Ċertifikat COVID-19 tal-UE u restrizzjonijiet fuq l-ivvjaġġar

L-Istati Membri ma għandhomx jintroduċu u jimplimentaw restrizzjonijiet addizzjonali fuq l-ivvjaġġar bħall-kwarantina, l-awtoiżolament jew test għall-infezzjoni tas-SARS-CoV-2, jew kwalunkwe miżura diskriminatorja għad-detenturi taċ-ċertifikati msemmija fl-Artikolu 3, mal-introduzzjoni taċ-Ċertifikat COVID-19 tal-UE.

Artikolu 11

Eżerċizzju tad-delega

1.  Is-setgħa ta' adozzjoni ta' atti delegati hija mogħtija lill-Kummissjoni suġġett għall-kundizzjonijiet stabbiliti f'dan l-Artikolu.

2.  Is-setgħa ta' adozzjoni ta' atti delegati msemmija fl-Artikoli 5(2), 6(2), 7(1) u 7(2) ▌għandha tingħata lill-Kummissjoni għal perjodu ta' 12-il xahar minn [id-data tad-dħul fis-seħħ].

3.  Id-delega ta' setgħa msemmija fl-Artikoli 5(2), 6(2), 7(1) u 7(2) ▌tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta' setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

4.  Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet. Meta tali att delegat jikkonċerna l-ipproċessar ta' data personali, il-Kummissjoni għandha tikkonsulta lill-EDPS, u, meta jkun applikabbli, tista' tikkonsulta lill-EDPB.

5.  Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.  Att delegat adottat skont l-Artikoli 5(2), 6(2), 7(1) u 7(2) ▌għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

Artikolu 12

Proċedura ta' urġenza

1.  L-atti delegati adottati taħt dan l-Artikolu għandhom jidħlu fis-seħħ mingħajr dewmien u għandhom japplikaw sakemm ma tkun ġiet espressa l-ebda oġġezzjoni skont il-paragrafu 2. In-notifika ta' att delegat lill-Parlament Ewropew u lill-Kunsill għandha tagħti r-raġunijiet li għalihom tkun intużat il-proċedura ta' urġenza.

2.  Il-Parlament Ewropew jew il-Kunsill jistgħu joġġezzjonaw għal att delegat skont il-proċedura msemmija fl-Artikolu 11(6). F'dak il-każ, il-Kummissjoni għandha tħassar l-att immedjatament wara n-notifika tad-deċiżjoni ta' oġġezzjoni mill-Parlament Ewropew jew mill-Kunsill.

Artikolu 13

Proċedura ta' kumitat

1.  Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.  Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.  Fejn issir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.

Artikolu 14

Rapportar

1.  Sa ... [4 xhur wara d-data tad-dħul fis-seħħ ta' dan ir-Regolament], il-Kummissjoni għandha tippreżenta rapport lill-Parlament Ewropew u lill-Kunsill dwar l-applikazzjoni ta' dan ir-Regolament.

▌

2.  Ir-rapport għandu jinkludi valutazzjoni tal-impatt ta' dan ir-Regolament fuq il-moviment liberu, inkluż fuq l-ivvjaġġar u t-turiżmu, fuq id-drittijiet fundamentali u b'mod partikolari n-nondiskriminazzjoni, fuq il-protezzjoni tad-data personali, kif ukoll informazzjoni dwar it-teknoloġiji tal-vaċċini u tal-ittestjar l-aktar moderni, abbażi, fost l-oħrajn, tal-informazzjoni pprovduta mill-ECDC. Ir-rapport għandu jinkludi wkoll valutazzjoni tal-użi mill-Istati Membri taċ-Ċertifikat COVID-19 tal-UE għal finijiet, abbażi tal-liġi nazzjonali, li mhumiex previsti f'dan ir-Regolament.

3.  Sa mhux aktar tard minn tliet xhur qabel tmien l-applikazzjoni ta' dan ir-Regolament, il-Kummissjoni għandha tippreżenta rapport lill-Parlament Ewropew u lill-Kunsill dwar l-applikazzjoni ta' dan ir-Regolament. Dan ir-rapport għandu jwettaq valutazzjoni skont il-paragrafu 2. Jista' jkun akkumpanjat minn proposti leġiżlattivi, b'mod partikolari biex tiġi estiża d-data ta' applikazzjoni ta' dan ir-Regolament, filwaqt li titqies l-evoluzzjoni tas-sitwazzjoni epidemjoloġika u abbażi tal-prinċipji tan-neċessità, tal-proporzjonalità u tal-effikaċja.

Artikolu 15

Dħul fis-seħħ u applikazzjoni

1.  Dan ir-Regolament għandu jidħol fis-seħħ u japplika mill-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

2.  Ir-Regolament għandu jieqaf japplika 12-il xahar minn ... [id-data tad-dħul fis-seħħ ta' dan ir-Regolament].

▌

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew Għall-Kunsill

Il-President Il-President

ANNESS

Settijiet tad-data taċ-ċertifikat

1.  Kampijiet tad-data li jridu jiġu inklużi fiċ-ċertifikat tal-vaċċinazzjoni:

(a)  isem: kunjom(ijiet) u isem/ismijiet, f'dik l-ordni;

(b)  data tat-twelid;

(c)  marda jew aġent fil-mira, kemm jekk COVID-19 jew SARS-CoV-2 jew wieħed mill-varjanti tagħha;

(d)  vaċċin/profilassi;

(e)  prodott mediċinali tal-vaċċin;

(f)  detentur jew manifattur tal-awtorizzazzjoni għat-tqegħid fis-suq tal-vaċċin;

(g)  numru f'sensiela ta' vaċċinazzjonijiet/dożi;

(h)  data tal-vaċċinazzjoni, li tindika d-data ta' kull doża rċevuta u tal-aħħar doża rċevuta;

(i)  Stat Membru tal-vaċċinazzjoni;

(j)  emittent taċ-ċertifikat;

(k)  ċertifikat validu sa (mhux aktar minn [sena] wara d-data tal-vaċċinazzjoni).

2.  Kampijiet tad-data li jridu jiġu inklużi fiċ-ċertifikat tat-test:

(a)  isem: kunjom(ijiet) u isem/ismijiet, f'dik l-ordni;

(b)  data tat-twelid;

(c)  marda jew aġent fil-mira, kemm jekk COVID-19 jew SARS-CoV-2 jew wieħed mill-varjanti tagħha;

(d)  it-tip ta' test;

(e)  it-tip ta' kampjun (eż. nażofarinġali; orofarinġali);

(f)  isem it-test (fakultattiv għat-test NAAT);

(g)  il-manifattur tat-test (fakultattiv għat-test NAAT);

(h)  data u ħin tal-ġbir tal-kampjun għat-test;

(i)  data u ħin tal-produzzjoni tar-riżultat tat-test (fakultattiv għat-test rapidu tal-antiġeni);

(j)  riżultat tat-test;

(k)  ċentru jew faċilità tal-ittestjar;

(l)  Stat Membru tat-test;

(m)  emittent taċ-ċertifikat;

(n)  ċertifikat validu sa (mhux aktar minn [72 siegħa] mill-ġbir tal-kampjun għat-test NAAT u [24 siegħa] mill-ġbir tal-kampjuni għat-test rapidu tal-antiġeni).

3.  Kampijiet tad-data li jridu jiġu inklużi fiċ-ċertifikat tal-fejqan:

(a)  isem: kunjom(ijiet) u isem/ismijiet, f'dik l-ordni;

(b)  data tat-twelid;

(c)  marda jew aġent, kemm jekk COVID-19 jew SARS-CoV-2 jew wieħed mill-varjanti tagħha, li ċ-ċittadin ikun fieq minnhom;

(d)   marda jew aġent li ċ-ċittadin ikun fieq minnhom;

(e)   data tal-ewwel riżultat pożittiv tat-test NAAT;

(f)   data tat-test seroloġiku jew tal-antikorpi;

(g)   Stat Membru tat-test;

(h)   emittent taċ-ċertifikat;

(i)   ċertifikat validu minn;

(j)   ċertifikat validu sa (mhux aktar minn [90 jum] wara d-data tal-ewwel riżultat pożittiv tat-test).

(1) Il-kwistjoni ġiet riferuta lura għal negozjati interistituzzjonali lill-kumitat responsabbli, skont l-Artikolu 59(4), ir-raba' subparagrafu. (2) * Emendi: il-partijiet il-ġodda tat-test huma indikati permezz tat-tipa korsiva u grassa; il-partijiet imħassra tat-test huma indikati permezz tas-simbolu ▌. (3) Id-Direttiva 2004/38/KE tal-Parlament Ewropew u tal-Kunsill tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU L 158, 30.4.2004, p. 77). (4) ĠU L 337, 14.10.2020, p. 3. (5) Disponibbli hawn: https://www.ecdc.europa.eu/en/covid-19/situation-updates/weekly-maps-coordinated-restriction-free-movement (6) ĠU C 96I, 24.3.2020, p. 1. (7) Ir-Regolament (UE) 2016/399 tal-Parlament Ewropew u tal-Kunsill tad-9 ta' Marzu 2016 dwar Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (il-Kodiċi tal-Fruntieri ta' Schengen) (ĠU L 77, 23.3.2016, p. 1). (8) https://www.europol.europa.eu/early-warning-notification-illicit-sales-of-false-negative-covid-19-test-certificates (9) Direttiva (UE) 2019/882 tal-Parlament Ewropew u tal-Kunsill tas-17 ta' April 2019 dwar ir-rekwiżiti ta' aċċessibbiltà għall-prodotti u għas-servizzi (ĠU L 151, 7.6.2019, p. 70). (10) Disponibbli hawn: https://ec.europa.eu/health/sites/health/files/ehealth/docs/trust-framework_interoperability_certificates_en.pdf (11) Id-Direttiva 2011/24/UE tal-Parlament Ewropew u tal-Kunsill tad-9 ta' Marzu 2011 dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali (ĠU L 88, 4.4.2011, p. 45). (12) Ir-Regolament (KE) Nru 726/2004 tal-Parlament Ewropew u tal-Kunsill tal-31 ta' Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta' prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU L 136, 30.4.2004, p. 1.). (13) Disponibbli hawn: https://ec.europa.eu/health/sites/health/files/ehealth/docs/vaccination-proof_interoperability-guidelines_en.pdf (14) https://www.ecdc.europa.eu/sites/default/files/documents/TestingStrategy_Objective-Sept-2020.pdf (15) ĠU L 392, 23.11.2020, p. 63. (16) ĠU C 24, 22.1.2021, p. 1. (17) https://ec.europa.eu/health/sites/health/files/preparedness_response/docs/covid-19_rat_common-list_en.pdf (18) https://www.ecdc.europa.eu/sites/default/files/documents/Guidance-for-discharge-and-ending-of-isolation-of-people-with-COVID-19.pdf (19) Id-Deċiżjoni Nru 1082/2013/UE tal-Parlament Ewropew u tal-Kunsill tat-22 ta' Ottubru 2013 dwar theddid transkonfinali serju għas-saħħa u li tħassar id-Deċiżjoni Nru 2119/98/KE (ĠU L 293, 5.11.2013, p. 1). (20) ĠU L 55, 28.2.2011, p. 13. (21) Ir-Regolament (UE) Nru 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Ir-Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). (22) ĠU L 123, 12.5.2016, p. 1. (23) Ir-Regolament (UE) 2018/1725 tal-Parlament Ewropew u tal-Kunsill tat-23 ta' Ottubru 2018 dwar il-protezzjoni ta' persuni fiżiċi fir-rigward tal-ipproċessar ta' data personali mill‐istituzzjonijiet, korpi, uffiċċji u aġenziji tal-Unjoni u dwar il-moviment liberu ta' tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). (24) Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE, ĠU L 257, 28.8.2014, p. 73. (25) Rakkomandazzjoni tal-Kunsill dwar qafas komuni għall-użu u l-validazzjoni ta' testijiet rapidi tal-antiġeni u r-rikonoxximent reċiproku tar-riżultati tat-testijiet tal-COVID-19 fl-UE (2021/C 24/01) (ĠU C 24, 22.1.2021, p. 1).

Emendi adottati mill-Parlament Ewropew fid-29 ta’ April 2021 dwar il-proposta għal regolament tal-Parlament Ewropew u tal-Kunsill dwar qafas għall-ħruġ, għall-verifika u għall-aċċettazzjoni ta’ ċertifikati interoperabbli dwar il-vaċċinazzjoni, l-ittestjar u l-irkupru għaċ-ċittadini ta’ pajjiżi terzi li joqogħdu legalment jew li jirrisjedu legalment fit-territorji tal-Istati Membri waqt il-pandemija tal-COVID-19 (Ċertifikat Aħdar Diġitali) (COM(2021)0140 – C9-0100/2021 – 2021/0071(COD))(1)

(Proċedura leġiżlattiva ordinarja: L-ewwel qari)

[Emenda 1, sakemm mhux indikat mod ieħor]

EMENDI TAL-PARLAMENT EWROPEW(2)

għall-proposta tal-Kummissjoni

---------------------------------------------------------

REGOLAMENT (UE) 2021/... TAL-PARLAMENT EWROPEW U TAL-KUNSILL
dwar qafas għall-ħruġ, għall-verifika u għall-aċċettazzjoni ta' ċertifikati interoperabbli dwar il-vaċċinazzjoni, l-ittestjar u l-irkupru għaċ-ċittadini ta' pajjiżi terzi li joqogħdu legalment jew li jirrisjedu legalment fit-territorji tal-Istati Membri waqt il-pandemija tal-COVID-19 (Ċertifikat COVID-19 tal-UE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 77(2)(c) tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Filwaqt li jaġixxu skont il-proċedura leġiżlattiva ordinarja,

Billi:

(1)  Skont l-acquis ta' Schengen, iċ-ċittadini ta' pajjiżi terzi li jirrisjedu legalment fl-UE u ċ-ċittadini ta' pajjiżi terzi li daħlu legalment fit-territorju ta' Stat Membru jistgħu jiċċaqalqu liberament fit-territorji tal-Istati Membri l-oħrajn kollha matul perjodu ta' 90 jum tul kwalunkwe perjodu ta' 180 jum.

(2)  Fit-30 ta' Jannar 2020, id-Direttur Ġenerali tal-Organizzazzjoni Dinjija tas-Saħħa ("WHO") iddikjara emerġenza tas-saħħa pubblika ta' rilevanza internazzjonali minħabba t-tifqigħa globali tal-coronavirus tas-sindromu respiratorju akut gravi 2 (SARS-CoV-2), li jikkawża l-marda tal-coronavirus 2019 (COVID‑19). Fil-11 ta' Marzu 2020, id-WHO għamlet il-valutazzjoni li l-COVID-19 tista' tiġi kkaratterizzata bħala pandemija.

(3)  Biex jillimitaw it-tixrid tal-virus, l-Istati Membri adottaw diversi miżuri, li wħud minnhom kellhom impatt fuq l-ivvjaġġar lejn it-territorju tal-Istati Membri u l-ivvjaġġar fih, bħal restrizzjonijiet fuq id-dħul jew rekwiżiti li vjaġġaturi transfruntiera jagħmlu l-kwarantina. Tali restrizzjonijiet għandhom effetti negattivi fuq iċ-ċittadini u l-impriżi, speċjalment il-ħaddiema fruntaliera u transfruntiera jew staġjonali.

(4)  Fit-13 ta' Ottubru 2020, il-Kunsill adotta r-Rakkomandazzjoni tal-Kunsill (UE) 2020/1475 dwar approċċ ikkoordinat għar-restrizzjoni tal-moviment liberu b'reazzjoni għall-pandemija tal-COVID-19(3).

(5)  Fit-30 ta' Ottubru 2020, il-Kunsill adotta r-Rakkomandazzjoni tal-Kunsill (UE) 2020/1632(4) dwar approċċ ikkoordinat għar-restrizzjoni tal-moviment liberu b'reazzjoni għall-pandemija tal-COVID-19 fiż-żona Schengen, li fiha rrakkomanda lill-Istati Membri li huma marbutin bl-acquis ta' Schengen biex japplikaw il-prinċipji, il-kriterji komuni, is-solli komuni u l-qafas komuni ta' miżuri, stabbiliti fir-Rakkomandazzjoni tal-Kunsill (UE) 2020/1475.

(6)  Ħafna Stati Membri nedew jew qed jippjanaw li jniedu inizjattivi għall-ħruġ ta' ċertifikati tal-vaċċinazzjoni. Madankollu, biex dawn jintużaw b'mod effettiv b'konnessjoni mal-ivvjaġġar transfruntier fl-Unjoni, dawn iċ-ċertifikati tal-vaċċinazzjoni jeħtieġ li jkunu kompletament interoperabbli, kompatibbli, siguri u verifikabbli. Fost l-Istati Membri hemm bżonn approċċ bi qbil komuni fuqu dwar il-kontenut, il-format, il-prinċipji, l-istandards tekniċi u l-livell ta' protezzjoni ta' tali ċertifikati.

(7)  Bħalissa diġà, diversi Stati Membri qed jeżentaw persuni mlaqqma minn ċerti restrizzjonijiet għal moviment liberu fl-Unjoni. Jenħtieġ li l-Istati Membri jaċċettaw prova tal-vaċċinazzjoni għad-deroga mir-restrizzjonijiet għall-moviment liberu fis-seħħ, f'konformità mad-dritt tal-Unjoni, għal-limitazzjoni tat-tixrid tal-COVID-19, pereżempju rekwiżiti ta' kwarantina/awtoiżolament jew ta' ttestjar għal infezzjoni bis-SARS-CoV-2 u jenħtieġ li dawn ikollhom jaċċettaw, bl-istess kundizzjonijiet, ċertifikati validi tal-vaċċinazzjoni maħruġa minn Stati Membri oħra f'konformità ma' dan ir-Regolament. Jenħtieġ li din l-aċċettazzjoni ssir bl-istess kundizzjonijiet, jiġifieri, pereżempju, jekk Stat Membru jqis li doża singola ta' vaċċin amministrat tkun biżżejjed, jenħtieġ li jittratta bl-istess mod lid-detenturi ta' ċertifikat tal-vaċċinazzjoni li jindika doża singola tal-istess vaċċin. Minħabba raġunijiet ta' saħħa pubblika, jenħtieġ li dan l-obbligu jkun limitat għal persuni li jkunu rċevew vaċċini kontra l-COVID-19 li jkunu ngħataw awtorizzazzjoni għat-tqegħid fis-suq skont ir-Regolament (KE) Nru 726/2004 jew vaċċini elenkati mid-WHO għall-użu f'emerġenza. ▌Ir-Regolament (UE) Nru 2021/xxxx ta' xx xx 2021 jistabbilixxi qafas għall-ħruġ, il-verifika u l-aċċettazzjoni ta' ċertifikati interoperabbli dwar il-vaċċinazzjoni kontra l-COVID-19, dwar l-ittestjar għall-marda u dwar l-irkupru minnha biex jiġi ffaċilitat il-moviment liberu matul il-pandemija tal-COVID-19. Dan japplika għal ċittadini tal-Unjoni u ċittadini ta' pajjiżi terzi li huma membri tal-familja ta' ċittadini tal-Unjoni.

(8)  F'konformità mal-Artikoli 19, 20 u 21 tal-Konvenzjoni li timplimenta l-Ftehim ta' Schengen, iċ-ċittadini ta' pajjiżi terzi koperti minn dawn id-dispożizzjonijiet jistgħu jivvjaġġaw liberament fit-territorji tal-Istati Membri l-oħrajn.

(9)  Mingħajr preġudizzju għall-miżuri komuni dwar il-qsim tal-fruntieri interni minn persuni kif stabbilit fl-acquis ta' Schengen, b'mod partikolari r-Regolament (UE) 2016/399, u għall-fini li jiġi ffaċilitat l-ivvjaġġar fit-territorji tal-Istati Membri minn ċittadini ta' pajjiżi terzi li għandhom id-dritt għal ivvjaġġar ta' dan it-tip, jenħtieġ li l-qafas għall-ħruġ, il-verifika u l-aċċettazzjoni ta' ċertifikati interoperabbli il-vaċċinazzjoni kontra l-COVID-19, dwar l-ittestjar għall-marda u dwar l-irkupru minnha stabbilit mir-Regolament (UE) Nru 2021/xxxx japplika wkoll għal ċittadini ta' pajjiżi terzi li mhumiex diġà koperti minn dak ir-Regolament, sakemm ikunu qed joqogħdu legalment jew jirrisjedu legalment fit-territorju ta' Stat Membru u jkunu intitolati jivvjaġġaw lejn Stati Membri oħrajn f’konformità mad-dritt tal-Unjoni.

(10)  Biex iċ-ċertifikati jintużaw b'mod effettiv b'konnessjoni mal-ivvjaġġar transfruntier, dawn iċ-ċertifikati jridu jkunu kompletament interoperabbli. Iċ-ċentri tat-trasport kollha tal-Unjoni, bħall-ajruporti, il-portijiet u l-istazzjonijiet tal-ferroviji u tal-kowċis, fejn iċ-ċertifikat jiġi vverifikat, jenħtieġ li japplikaw kriterji u proċeduri standardizzati u komuni għall-verifika taċ-Ċertifikat COVID-19 tal-UE abbażi ta' gwida żviluppata mill-Kummissjoni.

(11)  Dan ir-Regolament huwa maħsub biex jiffaċilita l-applikazzjoni tal-prinċipji ta' proporzjonalità u nondiskriminazzjoni fir-rigward tar-restrizzjonijiet possibbli għall-moviment liberu u għal drittijiet fundamentali oħra bħala riżultat tal-pandemija, filwaqt li jimmira lejn l-ogħla livell ta' protezzjoni tas-saħħa pubblika u jenħtieġ li ma jinftehimx bħala li jiffaċilita jew jinkoraġġixxi l-adozzjoni ta' restrizzjonijiet għall-moviment liberu, jew għal drittijiet fundamentali oħra, b'reazzjoni għall-pandemija. Barra minn hekk, kwalunkwe ħtieġa ta' verifika taċ-ċertifikati stabbilita mir-Regolament (UE) 2021/xxx ma tistax għaldaqstant tiġġustifika r-riintroduzzjoni temporanja tal-kontrolli fil-fruntieri interni. Jenħtieġ li l-kontrolli fil-fruntieri interni jibqgħu miżura tal-aħħar istanza, soġġetti għal regoli speċifiċi stabbiliti fir-Regolament (UE) 2016/399 (Kodiċi tal-Fruntieri ta' Schengen)(5).

(12)  F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka anness mat-Trattat dwar l-Unjoni Ewropea u mat-TFUE, id-Danimarka mhijiex qed tieħu sehem fl-adozzjoni ta' dan ir-Regolament u mhijiex marbuta bih jew soġġetta għall-applikazzjoni tiegħu. Ladarba dan ir-Regolament jibni fuq l-acquis ta' Schengen, f'konformità mal-Artikolu 4 ta' dak il-Protokoll, id-Danimarka għandha tiddeċiedi hux se timplimenta r-Regolament fi żmien sitt xhur wara li l-Kunsill ikun iddeċieda dwaru.

(13)  Dan ir-Regolament jikkostitwixxi żvilupp tad-dispożizzjonijiet tal-acquis ta' Schengen li l-Irlanda ma tiħux sehem fihom, f'konformità mad-Deċiżjoni tal-Kunsill 2002/192/KE(6); Għaldaqstant l-Irlanda mhijiex qed tieħu sehem fl-adozzjoni tiegħu u mhijiex marbuta bih jew suġġetta għall-applikazzjoni tiegħu. Għalkemm l-Irlanda mhijiex soġġetta għal dan ir-Regolament, għall-finijiet tal-iffaċilitar tal-ivvjaġġar fl-Unjoni, l-Irlanda tista' toħroġ ukoll ċertifikati, li jikkonformaw mal-istess rekwiżiti bħal dawk applikabbli għaċ-Ċertifikat COVID-19 tal-UE, liċ-ċittadini ta' pajjiżi terzi li joqogħdu legalment jew li jirrisjedu legalment fit-territorju tagħha u l-Istati Membri jistgħu jaċċettaw dawn iċ-ċertifikati. L-Irlanda tista' taċċetta wkoll ċertifikati maħruġa mill-Istati Membri lil ċittadini ta' pajjiżi terzi li joqogħdu legalment jew li jirrisjedu legalment fit-territorji tagħhom.

(14)  Fir-rigward tal-Bulgarija, il-Kroazja, Ċipru u r-Rumanija, dan ir-Regolament jikkostitwixxi żvilupp tal-acquis ta' Schengen fis-sens, rispettivament, tal-Artikolu 3(1) tal-Att tal-Adeżjoni tal-2003, tal-Artikolu 4(1) tal-Att tal-Adeżjoni tal-2005 u tal-Artikolu 4(1) tal-Att tal-Adeżjoni tal-2011.

(15)  Fir-rigward tal-Iżlanda u n-Norveġja, dan ir-Regolament jikkostitwixxi żvilupp tad-dispożizzjonijiet tal-acquis ta' Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta' dawk iż-żewġ Stati mal-implimentazzjoni, l-applikazzjoni u l-iżvilupp tal-acquis ta' Schengen, koperti mill-qasam imsemmi fl-Artikolu 1, il-punt C, tad-Deċiżjoni tal-Kunsill 1999/437/KE(7).

(16)  Fir-rigward tal-Iżvizzera, dan ir-Regolament jikkostitwixxi żvilupp tad-dispożizzjonijiet tal-acquis ta' Schengen, fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen koperti mill-qasam imsemmi fl-Artikolu 1, il-punt C, tad-Deċiżjoni 1999/437/KE moqri flimkien mal-Artikolu 3 tad-Deċiżjoni tal-Kunsill 2008/146/KE(8).

(17)  Fir-rigward tal-Liechtenstein, dan ir-Regolament jikkostitwixxi żvilupp tad-dispożizzjonijiet tal-acquis ta' Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen koperti mill-qasam imsemmi fl-Artikolu 1, il-punt C, tad-Deċiżjoni 1999/437/KE, moqri flimkien mal-Artikolu 3 tad-Deċiżjoni tal-Kunsill 2011/350/UE(9).

(18)  Il-Kontrollur Ewropew għall-Protezzjoni tad-Data u l-Bord Ewropew għall-Protezzjoni tad-Data ġew ikkonsultati f'konformità mal-Artikolu 42 tar-Regolament (UE) 2018/1725 tal-Parlament Ewropew u tal-Kunsill(10) u taw opinjoni fi […],

ADOTTAW DAN IR-REGOLAMENT:

Artikolu 1

L-Istati Membri għandhom japplikaw ir-regoli stabbiliti fir-Regolament (UE) 2021/XXXX [ir-Regolament dwar Ċertifikat COVID-19 tal-UE] għal dawk iċ-ċittadini ta' pajjiżi terzi li mhumiex koperti mill-kamp ta' applikazzjoni ta' dak ir-Regolament iżda li jirrisjedu jew joqogħdu legalment fit-territorju tagħhom u li huma intitolati jivvjaġġaw lejn Stati Membri oħrajn f'konformità mad-dritt tal-Unjoni.

Artikolu 2

Dan ir-Regolament għandu jidħol fis-seħħ u jibda japplika mill-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew F'isem il-Kunsill

Il-President Il-President

(1) Il-kwistjoni ġiet riferuta lura għal negozjati interistituzzjonali lill-kumitat responsabbli, skont l-Artikolu 59(4), ir-raba' subparagrafu. (2) * Emendi: il-partijiet il-ġodda tat-test huma indikati permezz tat-tipa korsiva u grassa; il-partijiet imħassra tat-test huma indikati permezz tas-simbolu ▌. (3) ĠU L 337, 14.10.2020, p. 3. (4) Ir-Rakkomandazzjoni tal-Kunsill (UE) 2020/1632 tat-30 ta' Ottubru 2020 dwar approċċ ikkoordinat għar-restrizzjoni tal-moviment liberu b'reazzjoni għall-pandemija tal-COVID-19 fiż-żona Schengen (ĠU L 366, 4.11.2020, p. 25). (5) Ir-Regolament (UE) 2016/399 tal-Parlament Ewropew u tal-Kunsill tad-9 ta' Marzu 2016 dwar Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (ĠU L 77, 23.3.2016, p. 1). (6) Id-Deċiżjoni tal-Kunsill 2002/192/KE tat-28 ta' Frar 2002 rigward it-talba tal-Irlanda biex tieħu sehem f'xi dispożizzjonijiet tal-acquis ta' Schengen (ĠU L 64, 7.3.2002, p. 20). (7) Id-Deċiżjoni tal-Kunsill 1999/437/KE tas-17 ta' Mejju 1999 dwar ċerti arranġamenti għall-applikazzjoni tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta' dawn iż-żewġ Stati mal-implimentazzjoni, l-applikazzjoni u l-iżvilupp tal-acquis ta' Schengen (ĠU L 176, 10.7.1999, p. 31). (8) Id-Deċiżjoni tal-Kunsill 2008/146/KE tat-28 ta' Jannar 2008 dwar il-konklużjoni f'isem il-Komunità Ewropea, tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen (ĠU L 53, 27.2.2008, p. 1). (9) Id-Deċiżjoni tal-Kunsill 2011/350/UE tas-7 ta' Marzu 2011 dwar il-konklużjoni, f'isem l-Unjoni Ewropea tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta' Schengen, relatat mal-abolizzjoni tal-verifiki mal-fruntieri interni u l-moviment tal-persuni (ĠU L 160, 18.6.2011, p. 19). (10) Ir-Regolament (UE) 2018/1725 tal-Parlament Ewropew u tal-Kunsill tat-23 ta' Ottubru 2018 dwar il-protezzjoni ta' persuni fiżiċi fir-rigward tal-ipproċessar ta' data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta' tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

Riżoluzzjoni tal-Parlament Ewropew tad-29 ta' April 2021 dwar it-tassazzjoni diġitali: in-negozjati tal-OECD, ir-residenza tat-taxxa tal-kumpaniji diġitali u l-eventwalità ta' Taxxa Diġitali Ewropea (2021/2010(INI))

P9_TA(2021)0147 A9-0103/2021

Il-Parlament Ewropew,

–  wara li kkunsidra l-Artikoli 113 u 115 tat-Trattat dwar il-Funzjonament tal-Unjoni Ewropea,

–  wara li kkunsidra l-konklużjonijiet tal-Kunsill Ewropew tal-1 u tat-2 ta' Ottubru 2020(1) u tal-21 ta' Lulju 2020(2),

–  wara li kkunsidra l-konklużjonijiet tal-Kunsill Ecofin tas-27 ta' Novembru 2020(3),

–  wara li kkunsidra l-proposti tal-Kummissjoni li għadhom pendenti għall-adozzjoni, b'mod partikolari dwar il-Bażi Komuni għat-Taxxa Korporattiva (BKTK), il-Bażi Komuni Konsolidata għat-Taxxa Korporattiva (BKKTK)(4), u l-pakkett tat-tassazzjoni diġitali(5), kif ukoll il-pożizzjonijiet tal-Parlament dwar dawn il-proposti,

–  wara li kkunsidra l-komunikazzjoni tal-Kummissjoni tal-15 ta' Jannar 2019 bit-titolu "Lejn teħid ta' deċiżjonijiet aktar effiċjenti u demokratiku fil-qasam tal-politika tat-tassazzjoni tal-UE" (COM(2019)0008),

–  wara li kkunsidra l-komunikazzjoni tal-Kummissjoni tad-19 ta' Frar 2020 bit-titolu "Insawru l-futur diġitali tal-Ewropa" (COM(2020)0067),

–  wara li kkunsidra l-komunikazzjoni tal-Kummissjoni tal-15 ta' Lulju 2020 dwar Pjan ta' Azzjoni għal tassazzjoni ġusta u sempliċi li tappoġġa l-istrateġija ta' rkupru (COM(2020)0312),

–  wara li kkunsidra r-riżoluzzjoni tiegħu tal-25 ta' Novembru 2015 dwar id-deċiżjonijiet fil-qasam tat-taxxa u miżuri oħra ta' natura jew effett simili(6), proposta mill-Kumitat Speċjali tiegħu dwar id-Deċiżjonijiet fil-Qasam tat-Taxxa u Miżuri Oħra ta' Natura jew Effett Simili (Kumitat TAXE),

–  wara li kkunsidra r-riżoluzzjoni tiegħu tas-6 ta' Lulju 2016 dwar deċiżjonijiet fil-qasam tat-taxxa u miżuri oħra ta' natura jew effett simili(7), proposta mit-tieni Kumitat Speċjali dwar id-Deċiżjonijiet fil-Qasam tat-Taxxa u Miżuri Oħra ta' Natura jew Effett Simili (il-Kumitat TAXE2),

–  wara li kkunsidra r-rakkomandazzjoni tiegħu tat-13 ta' Diċembru 2017 lill-Kunsill u lill-Kummissjoni wara l-inkjesta dwar il-ħasil tal-flus, l-evitar tat-taxxa u l-evażjoni tat-taxxa mwettqa mill-Kumitat ta' Inkjesta tiegħu biex jinvestiga l-allegati kontravenzjonijiet u amministrazzjoni ħażina fl-applikazzjoni tad-dritt tal-Unjoni b'rabta mal-ħasil tal-flus, l-evitar tat-taxxa u l-evażjoni tat-taxxa (il-Kumitat PANA)(8),

–  wara li kkunsidra r-riżoluzzjoni tiegħu tas-26 ta' Marzu 2019 dwar il-kriminalità finanzjarja, l-evażjoni tat-taxxa u l-evitar tat-taxxa(9), proposta mill-Kumitat Speċjali dwar il-Kriminalità Finanzjarja, l-Evażjoni tat-Taxxa u l-Evitar tat-Taxxa (TAX3),

–  wara li kkunsidra s-segwitu mogħti mill-Kummissjoni għal kull waħda mir-riżoluzzjonijiet tal-Parlament imsemmijin hawn fuq(10),

–  wara li kkunsidra l-istudju tiegħu bit-titolu "Impact of Digitalisation on International Tax Matters: Challenges and Remedies" (L-Impatt tad-Diġitalizzazzjoni fuq Kwistjonijiet Fiskali Internazzjonali: Sfidi u Rimedji)(11),

–  wara li kkunsidra l-Qafas Inklużiv tal-G20/OECD dwar il-Pjan ta' Azzjoni għall-Erożjoni tal-Bażi tat-Taxxa u Trasferiment tal-Profitti (BEPS) ta' Ottubru 2015, u b'mod partikolari l-Azzjoni 1 tiegħu dwar l-Isfidi tat-Taxxa li Jirriżultaw mid-Diġitalizzazzjoni,

–  wara li kkunsidra r-rapport interim tal-Qafas Inklużiv tal-G20/OECD bit-titolu "Tax Challenges Arising from Digitalisation" (Sfidi tat-Taxxa li Jirriżultaw mid-Diġitalizzazzjoni) adottat fl-2018, u l-Programm ta' Ħidma tiegħu biex Jiżviluppa Soluzzjoni għall-Isfidi tat-Taxxa li Jirriżultaw mid-Diġitalizzazzjoni tal-Ekonomija adottat f'Mejju 2019,

–  wara li kkunsidra d-Dikjarazzjoni ta' Cover u r-Rapporti dwar il-Pjanijiet ta' Tħejjija tal-Ewwel Pilastru u t-Tieni Pilastru adottati mill-Qafas Inklużiv tal-G20/OECD f'Ottubru 2020, kif ukoll ir-riżultati ta' analiżi ekonomika u valutazzjoni tal-impatt imwettqa mis-Segretarjat tal-OECD mehmuża magħha,

–  wara li kkunsidra l-eżiti ta' diversi summits tal-G7, tal-G8 u tal-G20 li saru dwar il-kwistjonijiet tat-taxxa internazzjonali,

–  wara li kkunsidra l-ħidma li għaddejja tal-Kumitat ta' Esperti tan-Nazzjonijiet Uniti dwar il-Kooperazzjoni Internazzjonali fi Kwistjonijiet tat-Taxxa dwar l-isfidi tat-taxxa relatati mad-diġitalizzazzjoni tal-ekonomija,

–  wara li kkunsidra l-valutazzjoni tal-impatt tal-Bidu tal-Kummissjoni dwar Taxxa Diġitali fl-14 ta' Jannar 2021 (Ares(2021)312667),

–  wara li kkunsidra r-riżoluzzjoni tiegħu tat-18 ta' Diċembru 2019 bit-titolu "Tassazzjoni ġusta f'ekonomija diġitalizzata u globalizzata: BEPS 2.0"(12),

–  wara li kkunsidra l-Artikolu 54 tar-Regoli ta' Proċedura tagħha,

–  wara li kkunsidra l-opinjoni tal-Kumitat għall-Baġits,

–  wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0103/2021),

A.  billi r-regoli internazzjonali attwali dwar it-taxxa korporattiva huma bbażati fuq prinċipji li ġew żviluppati fil-bidu tas-seklu 20 u m'għadhomx adattati għal ekonomija dejjem aktar globalizzata u diġitalizzata, u b'hekk jippermettu bosta prattiki tat-taxxa dannużi li jimminaw il-finanzi pubbliċi u l-kompetizzjoni ġusta;

B.  billi l-proporzjonalità u l-prattikkabbiltà ta' dawn ir-regoli internazzjonali dwar it-taxxa issa huma soġġetti għal rieżami fil-kuntest tan-negozjati dwar l-OECD bil-għan li tiġi żgurata l-kompetittività tal-kumpaniji Ewropej f'ekonomija dejjem aktar globalizzata u diġitalizzata;

C.  billi d-diġitalizzazzjoni tal-ekonomija aggravat il-problemi li diġà jeżistu permezz ta' dipendenza żejda minn kumpaniji multinazzjonali fuq assi intanġibbli bħall-proprjetà intellettwali;

D.  billi wara l-kriżi finanzjarja tal-2008-2009 u serje ta' rivelazzjonijiet dwar prattiki differenti ta' evażjoni tat-taxxa, ippjanar aggressiv tat-taxxa, evitar tat-taxxa u ħasil tal-flus, il-pajjiżi tal-G20 qablu li jindirizzaw dawn il-kwistjonijiet fil-livell tal-OECD permezz tal-proġett Erożjoni tal-Bażi tat-Taxxa u Trasferiment tal-Profitti (BEPS), li wassal għall-ħolqien tal-Pjan ta' Azzjoni dwar il-BEPS;

E.  billi l-Pjan ta' Azzjoni dwar il-BEPS irnexxielu jistabbilixxi kunsens globali dwar ħafna kwistjonijiet sabiex jiġu miġġielda l-evażjoni tat-taxxa, l-ippjanar aggressiv tat-taxxa u l-evitar tat-taxxa; billi, madankollu, ma ntlaħaqx qbil dwar kif għandhom jiġu indirizzati l-isfidi tat-taxxa li ġġib magħha d-diġitalizzazzjoni tal-ekonomija, li wassal għall-adozzjoni ta' Rapport Finali separat dwar l-Azzjoni 1 – 2015 tal-BEPS;

F.  billi l-Parlament talab ripetutament għal riforma tas-sistema tat-taxxa korporattiva internazzjonali bil-għan li jiġu indirizzati l-evażjoni tat-taxxa, l-evitar tat-taxxa u l-isfidi tal-intaxxar tal-ekonomija diġitali;

G.  billi l-Kummissjoni ressqet żewġ proposti dwar it-tassazzjoni tal-ekonomija diġitali fl-2018, inkluża soluzzjoni temporanja fuq perjodu qasir li tintroduċi taxxa fuq is-servizzi diġitali (TSD), u soluzzjoni fit-tul li tiddefinixxi preżenza diġitali sinifikanti (SDP) bħala rabta għat-tassazzjoni korporattiva li għandha tissostitwixxi t-TSD; billi fil-25 ta' Ottubru 2016, il-Kummissjoni ressqet proposta għal Direttiva tal-Kunsill dwar bażi komuni konsolidata għat-taxxa korporattiva (BKKTK) (COM(2016)0683); billi l-Parlament appoġġa dawn il-proposti kollha, iżda dawn ma ġewx adottati fil-Kunsill, li ġiegħel li xi Stati Membri jintroduċu TSD b'mod unilaterali;

H.  billi l-introduzzjoni mill-Istati Membri ta' TSD mhux koordinati u separati, li għandhom regoli u kriterji tat-tassazzjoni differenti, iżżid l-frammentazzjoni fi ħdan is-suq uniku, toħloq aktar inċertezza dwar it-taxxa u hija inqas effiċjenti meta mqabbla ma' soluzzjoni komuni fil-livell Ewropew;

I.  billi l-miżuri meħuda unilateralment mill-Istati Membri jirriskjaw li jżidu t-tilwim kummerċjali internazzjonali, u dan jista' jaffettwa kemm in-negozji diġitali kif ukoll dawk mhux diġitali fi ħdan is-suq uniku;

J.  billi, skont mandat mogħti mill-Ministri tal-Finanzi tal-G20 f'Marzu 2017 u wara l-adozzjoni ta' Programm ta' Ħidma (PoW) f'Mejju 2019, il-Qafas Inklużiv tal-OECD/G20 dwar il-BEPS, permezz tat-Task Force tiegħu dwar l-Ekonomija Diġitali, kien qed jaħdem fuq soluzzjoni globali bbażata fuq kunsens ibbażata fuq żewġ pilastri: l-Ewwel Pilastru dwar l-allokazzjoni ta' drittijiet ta' intaxxar permezz ta' regoli ġodda dwar ir-rabtiet u l-allokazzjoni tal-profitti u t-Tieni Pilastru dwar l-indirizzar tal-kwistjonijiet li jibqa' tal-BEPS u l-introduzzjoni ta' miżuri biex jiġi żgurat livell minimu ta' taxxa;

K.  billi fit-12 ta' Ottubru 2020, il-Qafas Inklużiv tal-G20/OECD ippubblika pakkett li jikkonsisti f'dikjarazzjoni u rapporti dwar il-Pjanijiet ta' Tħejjija tal-Ewwel Pilastru u t-Tieni Pilastru, li jirrifletti fehmiet konverġenti dwar għadd ta' karatteristiċi, prinċipji u parametri ta' politika fiż-żewġ Pilastri, filwaqt li identifika l-kwistjonijiet politiċi u tekniċi li fadal li għandhom jiġu indirizzati;

L.  billi, f'dawn l-aħħar snin, il-profitti ta' kumpaniji multinazzjonali ewlenin fl-isfera diġitali żdiedu b'mod sinifikanti; billi l-lockdowns b'reazzjoni għall-pandemija tal-COVID-19 komplew jaċċeleraw din it-tendenza tat-tranżizzjoni lejn ekonomija bbażata fuq is-servizzi diġitali, u dan poġġa lin-negozji fiżiċi, u speċjalement lill-intrapriżi żgħar u ta' daqs medju (SMEs) fi żvantaġġ ulterjuri; billi hemm ħtieġa urġenti li tittieħed azzjoni malajr, filwaqt li jitqies l-għan tal-Qafas Inklużiv tal-G20/OECD li jikkonkludi n-negozjati tiegħu f'Lulju 2021 bħala l-ewwel pass fid-direzzjoni t-tajba lejn distribuzzjoni aktar ekwa tal-piżijiet tat-taxxa;

M.  billi liġijiet internazzjonali dwar it-taxxa adegwati huma essenzjali biex jipprevjenu l-evażjoni tat-taxxa u l-prattiki ta' evitar tat-taxxa, u jfasslu sistema ta' tassazzjoni ġusta u effiċjenti li tindirizza l-inugwaljanza u tiżgura ċ-ċertezza u l-istabbiltà, li huma prerekwiżiti għall-kompetittività, kif ukoll għal kundizzjonijiet ekwi bejn il-kumpaniji, speċjalment għall-SMEs;

N.  billi d-diġitalizzazzjoni tal-ekonomija ppermettiet lill-kumpaniji żgħar b'mod ġenerali u minn setturi differenti jsiru aktar kompetittivi u jilħqu klijenti ġodda; billi negozji ġodda iżgħar u negozji li qed jespandu m'għandhomx jiġu mxekkla minħabba l-miżuri tal-UE għat-tassazzjoni diġitali;

O.  billi n-negozji diġitali jiddependu ħafna minn assi intanġibbli biex joħolqu kontenut, b'mod partikolari permezz tal-użu u l-monetizzazzjoni tad-data tal-utenti, u dan il-ħolqien ta' valur mhuwiex kopert mis-sistemi tat-taxxa attwali; billi dan il-fenomenu jallinja ħażin il-post tal-ħolqien tal-valur mal-post tat-tassazzjoni;

P.  billi n-nuqqas ta' ftehim internazzjonali jew ta' regolamentazzjoni tal-UE dwar it-tassazzjoni diġitali huwa ostaklu għal ambjent tan-negozju aktar kompetittiv u li jiffavorixxi t-tkabbir fi ħdan is-suq uniku diġitali;

Q.  billi l-kriżi ekonomika serja li qed tiffaċċja l-Unjoni tirrikjedi politiki tat-tassazzjoni moderni li jippermettu lill-Istati Membri jiġbru t-taxxi dovuti għall-attivitajiet imwettqa fis-suq uniku, b'mod aktar effiċjenti u effettiv;

R.  billi l-Istati Membri għandhom jikkollaboraw mill-qrib u jieħdu pożizzjoni magħquda, b'saħħitha u ambizzjuża fin-negozjati internazzjonali dwar it-taxxa,

S.  billi l-konklużjonijiet tal-Kunsill tas-27 ta' Novembru 2020 jiddikjaraw li l-Kunsill Ewropew se "jivvaluta [wkoll] is-sitwazzjoni rigward il-ħidma fuq il-kwistjoni importanti tat-tassazzjoni diġitali" f'Marzu 2021;

T.  billi l-ministri tal-finanzi tal-G20 iltaqgħu fis-7-8 ta' April 2021 u se jiltaqgħu fid-9-10 ta' Lulju 2021 u jqisu ż-żewġ pilastri tan-negozjati dwar il-Qafas Inklużiv;

L-indirizzar ta' sfidi li jirriżultaw mid-diġitalizzazzjoni tal-ekonomija

1.  Jinnota li r-regoli internazzjonali attwali dwar it-taxxa jmorru lura għall-bidu tas-seklu 20, u li d-drittijiet ta' intaxxar huma prinċipalment ibbażati fuq il-preżenza fiżika tal-kumpaniji; jirrimarka li d-diġitalizzazzjoni u dipendenza kbira fuq assi intanġibbli żiedu bil-kbir il-kapaċità ta' kumpaniji li jinvolvu ruħhom f'attivitajiet kummerċjali sinifikanti f'ġuriżdizzjoni mingħajr preżenza fiżika hemmhekk, u għalhekk it-taxxi mħallsa f'ġuriżdizzjoni waħda ma jibqgħux jirriflettu l-valur u l-profitti maħluqa hemmhekk, u dan jista' jwassal għall-erożjoni tal-bażi tat-taxxa u trasferiment tal-profitti;

2.  Jappella għal allokazzjoni ġdida u aktar ġusta tad-drittijiet ta' intaxxar għal kumpaniji multinazzjonali b'livell għoli ta' diġitalizzazzjoni u reviżjoni tal-kunċett tradizzjonali ta' stabbiliment permanenti peress li ma jkoprix l-ekonomija diġitalizzata; ifakkar fil-pożizzjoni tal-Parlament dwar il-BK(K)TK biex jinħoloq stabbiliment permanenti virtwali, li jqis fejn jinħoloq il-valur u abbażi tal-valur u l-profitti ġġenerati mill-utenti; jisħaq li l-utenti tal-pjattaformi online u l-konsumaturi tas-servizzi diġitali issa huma elementi ċentrali fil-ħolqien ta' valur minn negozji b'livell għoli ta' diġitalizzazzjoni, u li ma jistgħux jiċċaqalqu barra minn ġuriżdizzjoni bl-istess mod bħall-kapital u x-xogħol, u għalhekk għandhom jitqiesu meta tiġi definita rabta fiskali ġdida sabiex jiġi pprovdut rimedju effettiv kontra l-ippjanar aggressiv tat-taxxa u l-evitar tat-taxxa;

3.  Jikkondividi t-tħassib li definizzjoni stretta tal-problemi involuti tirriżulta fit-tfassil ta' regoli mmirati għal ċerti negozji biss; jirrimarka li l-prezzijiet ta' trasferiment, id-definizzjoni ta' stabbiliment permanenti u d-diskrepanzi fit-tassazzjoni li jirriżultaw minn diversi sistemi fiskali kumplessi żżejjed iridu jiġu riveduti, b'mod partikolari fir-rigward tal-ftehimiet dwar it-taxxa doppja;

4.  Jisħaq li soluzzjonijiet ġodda għall-intaxxar tal-ekonomija diġitali għandhom preferibbilment jintaxxaw il-profitti u mhux id-dħul;

5.  Jieħu nota tal-evoluzzjoni sinifikanti fl-ekonomiji tagħna li ġiet ikkawżata mid-diġitalizzazzjoni u l-globalizzazzjoni; jieħu nota tal-effetti pożittivi tad-diġitalizzazzjoni fuq is-soċjetà tagħna u l-ekonomiji tagħna kif ukoll il-potenzjal kbir tad-diġitalizzazzjoni għall-amministrazzjoni tat-taxxa, li sservi bħala għodda biex tipprovdi servizz aħjar liċ-ċittadini, iżżid il-fiduċja pubblika fl-awtoritajiet tat-taxxa u ttejjeb il-kompetittività; jiddispjaċih għan-nuqqasijiet tas-sistema tat-taxxa internazzjonali, li mhux dejjem hija adatta biex tindirizza b'mod xieraq l-isfidi tal-globalizzazzjoni u d-diġitalizzazzjoni; jitlob li jkun hemm ftehim li jimmira għal sistema tat-taxxa ġusta u effettiva, filwaqt li tiġi rispettata s-sovranità nazzjonali fil-qasam tat-tassazzjoni;

6.  Jappella għal riforma tas-sistema tat-taxxa biex jiġu miġġielda l-frodi tat-taxxa u l-evitar tat-taxxa; jisħaq li l-Unjoni u l-Istati Membri tagħha għandhom ikunu minn ta' quddiem biex jirreaġixxu għal dawn in-nuqqasijiet;

7.  Jenfasizza l-ħtieġa li l-korporazzjonijiet multinazzjonali jiġu intaxxati abbażi ta' formula ġusta u effettiva għall-allokazzjoni tad-drittijiet ta' intaxxar bejn il-pajjiżi; ifakkar fil-proposta tal-Kummissjoni dwar bażi komuni konsolidata għat-taxxa korporattiva (BKKTK);

8.  Jenfasizza l-ħtieġa li tiġi indirizzata t-tassazzjoni baxxa tal-ekonomija diġitalizzata; jisħaq fuq il-ħtieġa li titqies il-mobilità inerenti ta' kumpaniji multinazzjonali b'livell għoli ta' diġitalizzazzjoni, b'mod partikolari bil-għan li jinħoloq il-valur, u li tiġi żgurata distribuzzjoni ġusta tad-drittijiet ta' intaxxar fost il-pajjiżi kollha fejn iwettqu attività ekonomika u ħolqien tal-valur, inkluż ir-R&Ż; jinnota li xi ftehimiet eżistenti dwar it-tassazzjoni doppja jistgħu jipprevjenu l-allokazzjoni ġusta tad-dritt ta' intaxxar u jitlob li dawn il-ftehimiet jiġu aġġornati; jenfasizza s-sitwazzjoni speċjali tal-Istati Membri periferali żgħar;

9.  Huwa tal-fehma li huma meħtieġa aktar studji dwar il-piż tat-taxxa globali ta' mudelli ta' negozju differenti; jiddispjaċih li l-evitar tat-taxxa mhux biss huwa ta' detriment għall-ġbir tad-dħul pubbliku, li jxekkel is-servizzi pubbliċi u jċaqlaq il-piż tat-taxxa lejn iċ-ċittadin medju, u b'hekk joħloq aktar inugwaljanzi, iżda għandu wkoll effett distorsiv fuq is-swieq billi jpoġġi lin-negozji, speċjalment l-SMEs, fi żvantaġġ, u joħloq ostakli għal parteċipanti ġodda lokali; jenfasizza l-ħtieġa li jitqiesu l-ostakli potenzjali għad-dħul tal-SMEs sabiex jiġi evitat li jinħoloq settur diġitali bi ftit atturi kbar biss;

10.  Ifakkar li, bħala medja, in-negozji diġitali jiffaċċjaw rata tat-taxxa effettiva ta' 9,5 % biss meta mqabbla ma' 23,2 % għall-mudelli ta' negozju tradizzjonali;

11.  Jenfasizza li, sadanittant, id-domanda għal servizzi diġitalizzati splodiet minħabba l-obbligu li jitwettqu ħafna kompiti b'mod remot fil-kuntest tal-COVID-19; josserva, għaldaqstant, li l-fornituri ta' tali servizzi diġitalizzati tqiegħdu f'pożizzjoni aktar favorevoli min-negozji tradizzjonali, speċjalment l-SMEs;

12.  Jenfasizza li r-Rapport Finali tal-OECD/G20 dwar l-Azzjoni 1 tal-BEPS, tal-2015, jikkonkludi li l-ekonomija diġitali qed issir dejjem aktar l-ekonomija nnifisha; jirrikonoxxi d-diġitalizzazzjoni rapida tal-biċċa l-kbira tas-setturi ekonomiċi u l-ħtieġa ta' sistema tat-taxxa valida għall-futur li ma tiddelimitax l-ekonomija diġitali, iżda tiżgura distribuzzjoni ġusta tad-dħul fil-pajjiżi differenti fejn jinħoloq il-valur;

13.  Jinnota l-importanza li ssir distinzjoni bejn ir-rwol kemm tat-tassazzjoni kif ukoll tar-regolamentazzjoni, u li l-politiki futuri dwar it-taxxa diġitali m'għandhomx jiġu fformulati biex jikkoreġu n-nuqqasijiet fl-ekonomija diġitali, bħal kirjiet mis-setgħa ta' monopolju fuq l-informazzjoni, fejn f'dan il-każ miżuri regolatorji jkunu aktar xierqa;

Ftehim multilaterali globali: it-triq 'il quddiem preferuta iżda mhux l-unika waħda

14.  Jitlob li jkun hemm ftehim internazzjonali li jimmira għal sistema tat-taxxa ġusta u effettiva; jilqa' l-isforzi fil-Qafas Inklużiv tal-G20/OECD biex jintlaħaq kunsens globali dwar riforma multilaterali tas-sistema tat-taxxa internazzjonali biex jiġu indirizzati l-isfidi ta' kondiviżjoni ta' profitti kontinwa u tal-ekonomija diġitalizzata; jiddispjaċih, madankollu, għall-fatt li l-iskadenza għal ftehim, stabbilita għal tmiem l-2020, ma ntlaħqitx; jirrikonoxxi l-progress tad-diskussjonijiet dwar il-proposti fil-livell tekniku, minkejja d-dewmien ikkawżat mill-pandemija tal-COVID-19, u jitlob li jintlaħaq qbil rapidu sa nofs l-2021 fi proċess inklużiv ta' negozjar; jistieden lill-Istati Membri jinvolvu ruħhom b'mod attiv ukoll fi kwistjonijiet tat-taxxa f'fora internazzjonali oħra bħan-NU;

15.  Jieħu nota tal-fatt li l-approċċ b'żewġ pilastri ssuġġerit fil-Qafas Inklużiv tal-G20/OECD ma jiddelimitax l-ekonomija diġitalizzata iżda jfittex soluzzjoni komprensiva għall-isfidi l-ġodda li toħloq; jieħu nota tal-fehmiet diverġenti fost il-membri tal-Qafas Inklużiv; jemmen, madankollu, li ż-żewġ pilastri għandhom jitqiesu bħala komplementari u għandhom jiġu adottati sa nofs l-2021;

16.  Jenfasizza li t-Tieni Pilastru għandu l-għan li jindirizza l-isfidi tal-BEPS li fadal, b'mod partikolari billi jiżgura li kumpaniji multinazzjonali kbar, inklużi dawk diġitalizzati, iħallsu rata minima effettiva tat-taxxa korporattiva irrispettivament minn fejn jinsabu; jilqa' l-momentum il-ġdid fin-negozjati tal-Qafas Inklużiv tal-G20/OECD maħluq mill-proposti ta' dan l-aħħar tal-amministrazzjoni tal-Istati Uniti dwar "inċentiv qawwi għan-nazzjonijiet biex jingħaqdu fi ftehim globali li jimplimenta regoli tat-taxxa minima madwar id-dinja"; jinnota li dawn il-proposti jinkludu żieda fit-taxxa minima fuq GILTI (global intangible low-taxed income) għal 21 % u rata SHIELD (Stopping Harmful Inversions and Ending Low-tax Developments) li tkun ekwivalenti għar-rata GILTI fil-każ li ma jintlaħaq ebda qbil dwar il-Pilastru II(13); iqis li kwalunkwe rata minima effettiva għandha tkun stabbilita f'livell ġust u suffiċjenti sabiex tiskoraġġixxi t-trasferimenti tal-profitt u tipprevjeni l-kompetizzjoni fiskali li tagħmel ħsara;

17.  Jistieden lill-Kummissjoni u lill-Kunsill jiżguraw li l-kompromessi futuri tan-negozjati tal-Qafas Inklużiv G20/OECD iqisu l-interessi tal-UE u jevitaw li jżidu aktar kumplessità u kwalunkwe burokrazija supplimentari għall-SMEs u ċ-ċittadini;

18.  Jilqa' l-isforzi tas-segretarjat tal-OECD biex tinstab soluzzjoni għall-kwistjoni ta' kif għandhom jiġu adattati r-regoli tat-taxxa internazzjonali attwali tagħna għal ekonomija globalizzata u diġitalizzata; jilqa' l-proposta fl-ambitu tal-Ewwel Pilastru ta' rabta fiskali ġdida u drittijiet ġodda ta' intaxxar li joħolqu l-possibbiltà li jiġu intaxxati intrapriżi multinazzjonali (MNEs) f'ġuriżdizzjonijiet tas-suq, anke meta ma jkollhom l-ebda preżenza fiżika, abbażi tal-attività ekonomika tagħhom; jissottolinja li l-interazzjoni mal-utenti u l-konsumaturi tikkontribwixxi b'mod sinifikanti għall-ħolqien tal-valur fil-mudelli ta' negozju b'livell għoli ta' diġitalizzazzjoni, u għalhekk għandha titqies meta jiġu allokati d-drittijiet ta' intaxxar; jinnota li xi għażliet ta' politika għad iridu jiġu stabbiliti fil-livell globali;

19.  Jirrikonoxxi li l-hekk imsejjaħ "Ammont A" joħloq dritt ġdid ta' intaxxar għall-ġuriżdizzjonijiet tas-suq; jisħaq li l-kamp ta' applikazzjoni ta' dawn id-drittijiet ġodda ta' intaxxar għandu jkopri l-MNEs il-kbar kollha li jistgħu jinvolvu ruħhom fi prattiki tal-BEPS, u għall-inqas servizzi diġitali awtomatizzati u negozji li jiffaċċjaw il-konsumaturi, filwaqt li ma joħolqux piżijiet ulterjuri u bla bżonn fuq l-SMEs u jevitaw li jżidu l-kostijiet tas-servizzi għall-utenti;

20.  Jistieden lill-Istati Membri jappoġġaw ftehim li jiżgura li ammonti suffiċjenti ta' profitti jiġu riallokati għall-ġuriżdizzjonijiet tas-suq, li għandu jmur lil hinn mid-distinzjoni bejn profitti ta' rutina u dawk mhux ta' rutina, u dan jista' jwassal għal distinzjonijiet purament artifiċjali;

21.  Jinsab imħasseb li sistema kumplessa żżejjed tista' fil-fatt iżżid l-opportunitajiet biex jiġu evitati r-regoli li jkunu għadhom kif ġew miftiehma u jistieden lill-OECD u lill-Istati Membri li qed jinnegozjaw biex jaħdmu lejn soluzzjoni sempliċi u fattibbli; jitlob li jiġu kkunsidrati s-sejbiet relatati mal-impatt amministrattiv tal-Pjan ta' Azzjoni tal-OECD/G20 dwar il-BEPS;

22.  Jirrakkomanda li l-għażliet ta' politika difiżi mill-Istati Membri fin-negozjati għandhom inaqqsu l-kumplessità; jappoġġa, għaldaqstant, proċessi amministrattivi simplifikati għall-MNEs soġġetti għad-drittijiet ġodda ta' intaxxar, anke fid-dawl tat-tħaffif tal-piż tal-implimentazzjoni għall-Istati Membri, filwaqt li jitqiesu l-Istati Membri li mhumiex involuti f'arranġamenti tat-taxxa li jfixklu l-kompetizzjoni, bħall-hekk imsejħa "ftehimiet sweetheart"; jemmen li jkun xieraq li ssir riforma tal-Prinċipju ta' Distakkament (ALP);

23.  Jistieden lill-Kummissjoni u lill-Kunsill jintensifikaw id-djalogu mal-amministrazzjoni l-ġdida tal-Istati Uniti dwar il-politika tat-tassazzjoni diġitali bil-għan li jinstab approċċ komuni fil-qafas tan-negozjati tal-Qafas Inklużiv tal-G20/OECD qabel Ġunju 2021; jilqa' d-dikjarazzjoni reċenti tal-amministrazzjoni l-ġdida tal-Istati Uniti li se terġa' timpenja ruħha b'mod attiv fin-negozjati tal-OECD bil-ħsieb li jintlaħaq ftehim u jiġi abbandunat il-kunċett ta' "livell xieraq ta' protezzjoni"; jistieden lill-Kummissjoni tivvaluta bir-reqqa l-implikazzjonijiet tal-aġġustamenti proposti ġodda magħmula mill-Istati Uniti għall-Pilastru I; jistieden lill-Istati Membri jopponu l-klawżola ta' "livell xieraq ta' protezzjoni", li tirriskja li timmina serjament l-isforzi ta' riforma; jistieden lill-Kummissjoni ssegwi proposta tagħha stess biex tindirizza l-isfidi ta' ekonomija diġitalizzata jekk tiġi inkluża klawżola ta' "livell xieraq ta' protezzjoni" fl-Ewwel Pilastru tar-riforma; ifakkar, f'dan ir-rigward, fil-proposta fit-tul tal-Kummissjoni ffukata fuq preżenza diġitali sinifikanti;

24.  Jieħu nota tal-proposta għal mekkaniżmu għall-prevenzjoni u r-riżoluzzjoni tat-tilwim sabiex tiġi evitata t-tassazzjoni doppja u tiżdied l-aċċettazzjoni tar-regoli l-ġodda; jenfasizza r-rwol importanti ta' dan il-mekkaniżmu, speċjalment għall-perjodu tranżitorju sakemm ir-reġim fiskali internazzjonali l-ġdid ikun fis-seħħ; jissottolinja, madankollu, li ċ-ċertezza tat-taxxa tinkiseb l-aħjar billi jiġu stabbiliti regoli sempliċi, ċari u armonizzati li jipprevjenu t-tilwim mill-ewwel; jenfasizza li kwalunkwe mekkaniżmu għall-prevenzjoni u r-riżoluzzjoni tat-tilwim m'għandux iqiegħed lill-pajjiżi li qed jiżviluppaw fi żvantaġġ;

25.  Jifhem li bi ftehim internazzjonali, it-tilwim kummerċjali dannuż u r-ritaljazzjonijiet li għandhom effetti potenzjalment negattivi fuq setturi ekonomiċi oħra għandhom jiġu evitati;

26.  Jistieden lill-Kummissjoni tlesti l-valutazzjoni tal-impatt tagħha stess dwar l-effetti tal-Ewwel u t-Tieni Pilastri fuq il-ġbir tad-dħul għall-Istati Membri u tinforma lill-Kunsill u lill-Parlament dwar is-sejbiet tagħha; jistieden lill-Kummissjoni, abbażi ta' din il-valutazzjoni tal-impatt, tagħti pariri u tiggwida lill-Istati Membri biex jieħdu pożizzjonijiet fin-negozjati li jiddefendu l-interessi globali tal-UE;

27.  Jistieden lil kull Stat Membru u lill-Kummissjoni jikkoordinaw il-pożizzjonijiet tagħhom sabiex jitkellmu b'vuċi waħda;

Sejħa għal azzjoni immedjata mill-UE

28.  Jiddispjaċih li n-nuqqas ta' soluzzjoni tal-Qafas Inklużiv tal-G20/OECD f'Ottubru 2020 tawwal it-tassazzjoni baxxa tal-ekonomija diġitalizzata; jisħaq li l-pandemija tal-COVID-19 kienet ta' benefiċċju kbir għan-negozji diġitalizzati, l-aktar dawk li setgħu jespandu l-operazzjonijiet tagħhom, filwaqt li ħafna negozji oħra, b'mod partikolari l-SMEs, sofrew, u li aċċelerat it-tranżizzjoni lejn ekonomija diġitalizzata, u b'hekk kompliet tenfasizza l-ħtieġa li jinstabu soluzzjonijiet multilaterali għar-riforma tas-sistema tat-taxxa attwali sabiex jiġi żgurat li l-ekonomija diġitalizzata tagħti kontribut ġust;

29.  Jenfasizza li l-gvernijiet jeħtieġ li jiġbru riżorsi mingħajr preċedent biex jirkupraw mill-kriżi tal-COVID-19 u li l-mobilizzazzjoni tad-dħul minn setturi intaxxati b'mod insuffiċjenti tista' tikkontribwixxi għall-finanzjament tal-irkupru;

30.  Iqis li l-isfidi tat-taxxa li jirriżultaw mill-ekonomija diġitalizzata huma kwistjoni globali u li ftehim fil-livell tal-istati G20/OECD huwa meħtieġ b'mod urġenti biex tkun possibbli l-koordinazzjoni internazzjonali; jinsisti li soluzzjoni internazzjonali ambizzjuża u armonizzata hija ppreferuta minn taħlita ta' tassazzjoni diġitali nazzjonali jew reġjonali b'riskji potenzjali, u żżid ferm aktar il-possibbiltà li jinstab appoġġ unanimu fil-Kunsill;

31.  Jinsisti, għalhekk, li irrispettivament mill-progress tan-negozjati tal-Qafas Inklużiv tal-G20/OECD, l-UE għandu jkollha pożizzjoni alternattiva u għandha tkun lesta li tintroduċi l-proposta tagħha għall-intaxxar tal-ekonomija diġitali sa tmiem l-2021, speċjalment peress li l-proposti tal-OECD jikkonċernaw biss grupp żgħir ta' kumpaniji u jistgħu ma jkunux biżżejjed; jistieden lill-Kummissjoni tirrispetta l-ftehim interistituzzjonali tas-16 ta' Diċembru 2020 dwar kooperazzjoni f'materji baġitarji billi tippreżenta l-proposti tagħha għal imposta diġitali sa Ġunju 2021, filwaqt li tantiċipa l-kompatibbiltà tagħhom mar-riforma mill-Qafas Inklużiv tal-G20/OECD jekk ikun hemm ftehim dwarha; jirrakkomanda lill-Kummissjoni toħroġ bi pjan direzzjonali li jqis xenarji differenti, b'mod partikolari bi qbil u mingħajr qbil fil-livell tal-OECD sa nofs l-2021;

32.  Jistieden lill-Kummissjoni tikkunsidra b'mod partikolari l-introduzzjoni ta' taxxa tal-UE fuq is-servizzi diġitali temporanja bħala l-ewwel pass neċessarju; jisħaq li jekk jintlaħaq ftehim internazzjonali fl-ambitu tal-Qafas Inklużiv tal-OECD/G20, dawn is-soluzzjonijiet Ewropej għandhom jiġu adattati kif xieraq; ifakkar li TSD tal-UE tista' tiġi prevista biss bħala l-ewwel pass temporanju;

33.  Jistieden lill-UE timplimenta l-ftehim tal-eżitu futur tan-negozjati internazzjonali b'mod armonizzat u jistieden lill-Kummissjoni toħroġ proposta għal dan il-għan;

34.  Jirrimarka li falliment tan-negozjati tal-OECD iwassal għal aktar frammentazzjoni fir-rigward tat-tassazzjoni diġitali, li tista' tkun ta' ħsara wkoll għall-kumpaniji Ewropej li għandhom l-għan li jespandu l-mudelli tan-negozju tagħhom fi swieq oħra; ifakkar fl-importanza li jintlaħaq ftehim fil-livell tal-OECD sabiex jiġu evitati gwerer kummerċjali potenzjali; jenfasizza li minkejja li t-tassazzjoni hija kompetenza tal-Istati Membri, hija meħtieġa koordinazzjoni b'saħħitha;

35.  Jenfasizza li l-kumpaniji diġitali tal-UE li għandhom il-kwartieri ġenerali tagħhom fi Stat Membru tal-UE u li huma soġġetti għal taxxi korporattivi tal-UE huma fi żvantaġġ meta mqabbla ma' kumpaniji barranin li m'għandhom l-ebda "preżenza fiżika" fi kwalunkwe Stat Membru, u għalhekk jistgħu jevitaw li jħallsu taxxi korporattivi fl-UE anke jekk joperaw ma' utenti Ewropej; jisħaq fuq il-ħtieġa li jinħolqu kundizzjonijiet ekwi għall-fornituri ta' servizzi tradizzjonali u servizzi diġitalizzati awtomatizzati, kif ukoll għan-negozji li jiffaċċjaw il-konsumaturi fl-UE billi jiġi żgurat li dawn tal-aħħar jiġu ntaxxati fejn jagħmlu profitti u b'rata ġusta;

36.  Jisħaq li kwalunkwe TSD tal-UE trid tevita li jiġu ġġenerati żidiet bla bżonn fil-kostijiet ta' konformità, u trid tipprovdi definizzjonijiet ċari u dispożizzjonijiet trasparenti li jkunu sempliċi biex jiġu rispettati u infurzati, u tippromwovi ċ-ċertezza legali u regolatorja;

37.  Jitlob li jiġu adottati regoli proporzjonati biex jiġi evitat li ma jiġux imxekkla l-SMEs, in-negozji ġodda u l-kumpaniji li huma involuti fil-proċess tad-diġitalizzazzjoni tan-negozji tagħhom; jisħaq li l-politika tat-tassazzjoni tista' tkun waħda mill-għodod biex tiġi appoġġata l-kompetittività tas-suq uniku f'dan ir-rigward; jisħaq li hija meħtieġa politika tat-tassazzjoni li tiffavorixxi t-tkabbir bil-għan li ssaħħaħ il-kompetittività internazzjonali tas-suq uniku;

38.  Jenfasizza l-ħtieġa li jsir rieżami tar-regoli eżistenti dwar it-tassazzjoni doppja biex jiġi żgurat li l-profitt kollu li joħroġ mill-UE jiġi ntaxxat;

39.  Jinnota li xi Stati Membri jqisu t-tassazzjoni tan-negozji b'livell għoli ta' diġitalizzazzjoni bħala kwistjoni urġenti u għalhekk introduċew taxxi fuq is-servizzi diġitali fil-livell nazzjonali; jinnota li dawn it-taxxi diġitali nazzjonali għandhom impatt fuq il-kummerċ u n-negozjati internazzjonali; jirrimarka, madankollu, li l-introduzzjoni ta' soluzzjonijiet nazzjonali b'mod unilaterali jistgħu joħolqu riskju ta' frammentazzjoni u inċertezza fiskali fi ħdan is-suq uniku; jissottolinja li l-immultiplikar ta' miżuri nazzjonali tagħmel l-introduzzjoni ta' soluzzjoni Ewropea kkoordinata ħafna aktar urġenti; ifakkar li dawn il-miżuri nazzjonali għandhom jitneħħew gradwalment jekk tinstab soluzzjoni multilaterali effettiva;

40.  Ifakkar li minkejja li t-tassazzjoni hija primarjament kompetenza tal-Istati Membri, il-gvernijiet jeħtiġilhom, sa fejn ikun possibbli, jeżerċitawha b'mod li jżomm mal-prinċipji komuni tad-dritt tal-UE sabiex jiżguraw koerenza bejn l-oqfsa nazzjonali, u b'hekk jippermettu kompetizzjoni ġusta u jevitaw impatti negattivi fuq il-koerenza ġenerali tal-prinċipji tat-tassazzjoni tal-UE;

41.  Jinnota li l-Kunsill ma qabel dwar l-ebda proposta relatata tal-Kummissjoni, jiġifieri t-taxxa fuq is-servizzi diġitali, il-preżenza diġitali sinifikanti jew il-BKTK u l-BKKTK; jistieden lill-Istati Membri jikkunsidraw mill-ġdid il-pożizzjonijiet tagħhom dwar dawn il-proposti f'każ li ma jirnexxux in-negozjati tal-OECD, speċjalment fid-dawl taċ-ċirkostanzi mingħajr preċedent minħabba l-kriżi tal-COVID-19, jew jikkunsidraw li jintegrawhom f'implimentazzjoni futura potenzjali tal-ftehimiet tal-OECD, u jikkunsidraw l-għażliet kollha previsti mit-Trattati jekk ma jkun jista' jintlaħaq l-ebda ftehim unanimu;

42.  Jistieden lill-Istati Membri jvaraw mill-ġdid djalogu politiku ta' livell għoli fi ħdan il-Kunsill u jħejju l-bażi għal deċiżjoni rigward it-tassazzjoni diġitali fis-suq uniku, irrispettivament mill-eżitu tan-negozjati internazzjonali; jistieden lill-Kunsill jagħmel progress fuq fajls leġiżlattivi diġà adottati mill-Parlament sabiex jaderixxi mal-prinċipju ta' kooperazzjoni sinċiera fost l-istituzzjonijiet tal-UE;

43.  Jilqa' l-valutazzjoni tal-impatt tal-bidu tal-Kummissjoni dwar taxxa diġitali fl-14 ta' Jannar 2021; jinnota li d-diġitalizzazzjoni tista' żżid il-produttività u l-benesseri tal-konsumatur, iżda li hija wkoll ta' importanza kbira li jiġi żgurat li n-negozji kbar u b'livell għoli ta' diġitalizzazzjoni jikkontribwixxu s-sehem ġust tagħhom għas-soċjetà; jistieden lill-Kummissjoni tivvaluta bir-reqqa kif il-kamp ta' applikazzjoni, id-definizzjoni u s-segmentazzjoni tal-attivitajiet, it-tranżazzjonijiet, is-servizzi jew il-kumpaniji diġitali se jkunu konformi mal-isforzi internazzjonali biex tinstab soluzzjoni globali;

44.  Jirrikonoxxi t-tliet għażliet ta' politika tat-tassazzjoni msemmija fil-valutazzjoni tal-impatt tal-bidu, inklużi:

45.  Jitlob valutazzjoni dettaljata tal-impatti li kull għażla jkollha kemm fuq l-aġenda diġitali tal-UE kif ukoll fuq is-suq uniku, kif ukoll kwalunkwe tilwim u ritaljazzjoni kummerċjali possibbli minn atturi ekonomiċi oħra u effetti kollaterali possibbli f'setturi ekonomiċi oħra;

46.  Jappella għal rwol aktar b'saħħtu għall-Parlament fil-proċeduri leġiżlattivi fil-qasam tat-tassazzjoni; jistieden lill-Kummissjoni tesplora l-possibbiltajiet kollha li joffru t-Trattati; jieħu nota, f'dan ir-rigward, tal-pjan direzzjonali propost mill-Kummissjoni għall-votazzjoni b'maġġoranza kwalifikata fil-komunikazzjoni tagħha tal-15 ta' Jannar 2019 bit-titolu "Lejn teħid ta' deċiżjonijiet aktar effiċjenti u demokratiku fil-qasam tal-politika tat-tassazzjoni tal-UE";

Taxxa diġitali bħala riżorsa proprja ġdida tal-UE

47.  Jilqa' l-Ftehim Interistituzzjonali tas-16 ta' Diċembru 2020 (FII) bejn il-Parlament, il-Kunsill u l-Kummissjoni dwar dixxiplina baġitarja, dwar kooperazzjoni f'materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta' riżorsi proprji ġodda(14), f'konformità mal-prinċipju tal-universalità, u jfakkar fl-impenn legalment vinkolanti tal-Kummissjoni biex tressaq proposta leġiżlattiva rigward imposta diġitali tal-UE bħala riżorsa proprja sa Ġunju 2021; jisħaq fuq l-impenn legalment vinkolanti tal-Parlament, tal-Kunsill u tal-Kummissjoni li jsegwu, mingħajr dewmien, il-passi stabbiliti fil-pjan direzzjonali, bil-ħsieb li jiġi introdott sa mhux aktar tard mill-1 ta' Jannar 2023;

48.  Ifakkar li l-Parlament ikkonferma mill-ġdid l-impenn tiegħu għall-introduzzjoni ta' imposta diġitali tal-UE bħala riżorsa proprja b'maġġoranzi kbar f'sensiela ta' rapporti u riżoluzzjonijiet(15);

49.  Jenfasizza li l-FII, inkluż il-pjan direzzjonali lejn l-introduzzjoni ta' riżorsi proprji ġodda, jorbot lill-Kunsill, lill-Parlament u lill-Kummissjoni biex jimxu 'l quddiem b'mod irriversibbli b'imposta diġitali tal-UE li se tidħol fil-baġit fit-tul tal-UE bis-sħiħ bħala riżorsa proprja u sors stabbli ta' dħul fit-tul; jissottolinja li, irrispettivament minn jekk ir-regoli bażiċi humiex determinati fil-livell tal-OECD jew tal-UE, id-dħul iġġenerat mit-tassazzjoni diġitali fl-Istati Membri jista' u jrid isir riżorsa proprja; iqis li l-istess approċċ għandu jiġi segwit ukoll għal kwalunkwe dħul ieħor iġġenerat minn kwalunkwe ftehim fil-livell tal-OECD;

50.  Iqis li d-dħul tal-imposta diġitali tal-UE jkun marbut intrinsikament mal-fruntieri miftuħa tas-suq uniku u l-"unjoni diġitali" u għalhekk jikkostitwixxi bażi xierqa ħafna u ġenwina għal riżorsa proprja tal-UE; jisħaq li d-dedikazzjoni ta' dan il-fluss ġdid ta' introjtu pubbliku għall-baġit tal-UE tgħin biex jiġu solvuti diversi kwistjonijiet problematiċi marbuta mal-ekwivalenza fiskali u l-koerenza fiskali;

51.  Jitlob li jkun hemm tfassil tat-taxxa u regoli ta' implimentazzjoni li jkollhom l-għan li jimminimizzaw ir-riskji li kwalunkwe inċidenza ekonomika tiġi riportata fuq iċ-ċittadini u l-konsumaturi tal-UE; jinsab konvint li t-trasformazzjoni tar-rikavat mit-taxxa diġitali f'riżorsa proprja għall-baġit tal-UE tgħin fit-tixrid u r-ridistribuzzjoni ta' tali spejjeż b'mod ekwu fl-Istati Membri;

52.  Ifakkar li r-riżorsi proprji bbażati fuq imposta diġitali tal-UE u/jew ir-regoli tal-OECD m'għandhomx jiġu assenjati formalment għal infiq taħt programm jew fond partikolari, f'konformità mal-prinċipju ta' universalità; ifakkar li dawn ir-riżorsi proprji se jikkostitwixxu dħul ġenerali flimkien ma' riżorsi proprji ġodda oħra li l-ammont globali tagħhom għandu jkun biżżejjed biex ikopri mill-inqas l-ispejjeż tal-ħlasijiet lura tal-Istrument tal-UE għall-Irkupru Next Generation; ifakkar li kwalunkwe dħul minn riżorsi proprji ġodda li jaqbeż il-ħtiġijiet reali għar-ripagamenti se jkompli jservi l-baġit tal-UE bħala dħul ġenerali;

53.  Ifakkar li kif iddikjarat fil-punt G tal-Anness II tal-FII, l-istituzzjonijiet jirrikonoxxu li l-introduzzjoni ta' ġabra ta' riżorsi proprji ġodda għandha tappoġġa l-finanzjament adegwat tan-nefqa tal-Unjoni fil-QFP;

54.  Isostni li d-dħul mill-imposta diġitali tal-UE se jkun parti minn ġabra ta' riżorsi proprji ġodda li r-rikavat tiegħu se jkun mill-inqas suffiċjenti biex ikopri, permezz tal-baġit tal-UE, l-ispejjeż futuri tar-rimborż (prinċipal u imgħax) li jirriżultaw mill-komponent tal-għotjiet tal-Istrument għall-Irkupru tal-UE, li mistennija jkunu madwar EUR 15-il biljun fis-sena bħala medja u massimu ta' EUR 29,25 biljun fis-sena mill-2028 sal-2058, filwaqt li jiġi evitat tnaqqis fin-nefqa għall-programmi tal-UE; jinnota li l-estimi tad-dħul ivarjaw minn diversi biljuni ta' euro sa diversi għexieren ta' biljuni ta' euro skont firxa ta' fatturi, inkluża d-definizzjoni preċiża tal-bażi taxxabbli, l-entità taxxabbli, il-post tat-tassazzjoni, il-kalkolu u r-rata tat-taxxa kif ukoll ir-rati ta' tkabbir ekonomiku fis-setturi kkonċernati;

55.  Jissottolinja li l-introduzzjoni ta' ġabra ta' riżorsi proprji ġodda, kif previst fil-pjan direzzjonali tal-FII, inkluża l-imposta diġitali tal-UE, se żżid l-awtonomija finanzjarja tal-UE u l-kapaċità tagħha li twettaq l-aspettattivi taċ-ċittadini tal-UE fir-rigward tal-objettivi ta' politika strateġiċi tal-UE bħal suq uniku Ewropew ġust u b'saħħtu, il-Patt Ekoloġiku Ewropew ibbażat fuq tranżizzjoni ġusta, il-Pilastru Ewropew tad-Drittijiet Soċjali u t-trasformazzjoni diġitali, kif ukoll il-ħolqien ta' valur miżjud tal-UE bi gwadann kbir fl-effiċjenza meta mqabbel mal-infiq nazzjonali;

56.  Ifakkar li d-dħul mill-imposta diġitali tal-UE jrid jikkontribwixxi għall-ħlas lura tal-Istrument għall-Irkupru u għall-finanzjament tan-nefqa għall-programmi u l-fondi tal-Unjoni; jafferma mill-ġdid, f'dan ir-rigward, li kwalunkwe sehem tad-dħul mill-imposta diġitali miżmum mill-Istati Membri għandu jkun strettament proporzjonali għall-ispejjeż tal-ġbir li jġarrbu u m'għandux ipoġġi lill-baġit tal-UE fi żvantaġġ bla bżonn;

57.  Iħeġġeġ lill-Kummissjoni tinkorpora l-pożizzjoni tal-Parlament meta tkun qed tħejji l-proposti leġiżlattivi għal imposta diġitali tal-UE bħala riżorsa proprja u d-deċiżjoni riveduta dwar ir-riżorsi proprji u jistieden lill-Kunsill jadotta malajr il-proposta f'konformità mal-pjan direzzjonali; iħeġġeġ lill-istituzzjonijiet jimpenjaw ruħhom malajr u b'mod kostruttiv fid-"djalogu regolari" previst fil-pjan direzzjonali maqbul tar-riżorsi proprji; iħeġġeġ lill-Kunsill Ewropew japprova rwol deċiżiv ta' tmexxija għall-UE fl-isforz dinji lejn tassazzjoni aktar ġusta billi jieħu passi rapidi u determinati lejn l-introduzzjoni ta' imposta diġitali bħala riżorsa proprja matul l-2021; jilqa', f'dan ir-rigward, id-dikjarazzjoni tal-membri tal-Kunsill Ewropew tal-25 ta' Marzu 2021 li tissottolinja l-impenn tagħhom għal dan l-isforz;.

o
o   o

58.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

(1) https://www.consilium.europa.eu/media/45926/021020-euco-final-conclusions-mt.pdf (2) https://www.consilium.europa.eu/media/45116/210720-euco-final-conclusions-mt.pdf (3) https://data.consilium.europa.eu/doc/document/ST-13350-2020-INIT/mt/pdf (4) Proposta tal-25 ta' Ottubru 2016 għal Direttiva tal-Kunsill dwar Bażi Komuni għat-Taxxa Korporattiva (BKTK), COM(2016)0685 u tal-25 ta' Ottubru 2016 dwar Bażi Komuni Konsolidata għat-Taxxa Korporattiva (BKKTK) (COM(2016)0683). (5) Il-pakkett jikkonsisti mill-komunikazzjoni tal-Kummissjoni tal-21 ta' Marzu 2018 bit-titolu "Wasal iż-żmien li jiġi stabbilit standard modern, ġust u effiċjenti tat-tassazzjoni għall-ekonomija diġitali" (COM(2018)0146), mill-proposta tal-21 ta' Marzu 2018 għal direttiva tal-Kunsill li tistabbilixxi r-regoli dwar it-tassazzjoni korporattiva ta' preżenza diġitali sinifikanti (COM(2018)0147), mill-proposta tal-21 ta' Marzu 2018 għal direttiva tal-Kunsill dwar is-sistema komuni ta' taxxa fuq is-servizzi diġitali fir-rigward tad-dħul li jirriżulta mill-provvista ta' ċerti servizzi diġitali (COM(2018)0148), u mir-rakkommandazzjoni tal-21 ta' Marzu 2018 dwar it-tassazzjoni korporattiva ta' preżenza diġitali sinifikanti (C(2018)1650). (6) ĠU C 366, 27.10.2017, p. 51. (7) ĠU C 101, 16.3.2018, p. 79. (8) ĠU C 369, 11.10.2018, p. 123. (9) ĠU C 108, 26.3.2021, p. 8. (10) Is-segwitu konġunt tas-16 ta' Marzu 2016 dwar li ndaħħlu t-trasparenza, il-koordinazzjoni u l-konverġenza fil-politiki tat-tassazzjoni korporattiva fl-Unjoni u r-riżoluzzjonijiet TAXE, is-segwitu tas-16 ta' Novembru 2016 għar-riżoluzzjoni TAXE2, is-segwitu ta' April 2018 għar-rakkomandazzjoni tal-Kumitat PANA, u s-segwitu tas-27 ta' Awwissu 2019 għar-riżoluzzjoni TAX3. (11) Hadzhieva, E., "Impact of Digitalisation on International Tax Matters: Legal Aspects of Protecting European Consumers" (L-Impatt tad-Diġitalizzazzjoni fuq Kwistjonijiet Fiskali Internazzjonali: Sfidi u Rimedji), Parlament Ewropew, Direttorat Ġenerali għall-Politiki Interni, Dipartiment Tematiku A - Politika Ekonomika, Xjentifika u tal-Kwalità tal-Ħajja, Frar 2019. (12) Testi adottati, P9_TA(2019)0102. (13) The Made In America Tax Plan, 2021, id-Dipartiment tat-Teżor tal-Istati Uniti, p. 12. (14) ĠU L 433I, 22.12.2020, p. 28. (15) B'mod partikolari r-riżoluzzjonijiet tiegħu tal-14 ta' Marzu 2018 dwar ir-riforma tas-sistema ta' riżorsi proprji tal-Unjoni Ewropea (ĠU C 162, 10.5.2019, p. 71), tal-14 ta' Novembru 2018 bit-titolu "Rapport Interim dwar il-Qafas Finanzjarju Pluriennali 2021-2027 – il-pożizzjoni tal-Parlament bil-ħsieb ta' ftehim" (ĠU C 363, 28.10.2020, p. 179), tal-10 ta' Ottubru 2019 dwar il-qafas finanzjarju pluriennali 2021-2027 u r-riżorsi proprji: wasal iż-żmien li nissodisfaw l-aspettattivi taċ-ċittadini (testi adottati, P9_TA(2019)0032), tal-15 ta' Mejju 2020 dwar il-qafas finanzjarju pluriennali l-ġdid, ir-riżorsi proprji u l-pjan ta' rkupru (testi adottati, P9_TA(2020)0124), u tat-23 ta' Lulju 2020 dwar il-konklużjonijiet tal-laqgħa straordinarja tal-Kunsill Ewropew mis-17 sal-21 ta' Lulju 2020 (testi adottati P9_TA(2020)0206), u r-riżoluzzjoni leġiżlattiva tiegħu tas-16 ta' Settembru 2020 dwar l-abbozz ta' deċiżjoni tal-Kunsill dwar is-sistema tar-riżorsi proprji tal-Unjoni Ewropea (testi adottati, P9_TA(2020)0220);

Riżoluzzjoni tal-Parlament Ewropew tad-29 ta' April 2021 dwar l-assassinju ta' Daphne Caruana Galizia u l-istat tad-dritt f'Malta (2021/2611(RSP))

P9_TA(2021)0148 B9-0219/2021

Il-Parlament Ewropew,

–  wara li kkunsidra l-Artikoli 2, 4, 5, 6, 7, 9 u 10 tat-Trattat dwar l-Unjoni Ewropea (TUE),

–  wara li kkunsidra l-Artikolu 20 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikoli 6, 7, 8, 10, 11, 12 u 47 tal-Karta tad-Drittijiet Fundamentali tal-Unjoni Ewropea (il-‘Karta’),

–  wara li kkunsidra r-riżoluzzjonijiet tiegħu tal-15 ta' Novembru 2017(1), tat-28 ta' Marzu 2019(2) u tas-16 ta' Diċembru 2019(3) dwar l-istat tad-dritt f'Malta,

–  wara li kkunsidra s-seduti ta' smigħ, l-iskambji ta' fehmiet u ż-żjarat ta' delegazzjoni li saru mill-Grupp ta' Monitoraġġ tad-Demokrazija, l-Istat tad-Dritt u d-Drittijiet Fundamentali tal-Kumitat għal-Libertajiet Ċivili, il-Ġustizzja u l-Intern mill-15 ta' Novembru 2017,

–  wara li kkunsidra l-iskambji ta' ittri bejn il-President tal-Grupp ta' Monitoraġġ tad-Demokrazija, l-Istat tad-Dritt u d-Drittijiet Fundamentali u l-Prim Ministru ta' Malta, li l-aktar wieħed reċenti minnhom sar f'April 2021,

–  wara li kkunsidra r-riżoluzzjoni 2293(2019) tal-Assemblea Parlamentari tal-Kunsill tal-Ewropa tas-26 ta' Ġunju 2019 bit-titolu "Daphne Caruana Galizia's assassination and the rule of law in Malta and beyond: ensuring that the whole truth emerges" (L-assassinju ta' Daphne Caruana Galizia u l-istat tad-dritt f'Malta u lil hinn minnha: niżguraw li toħroġ il-verità kollha),

–  wara li kkunsidra r-rapport dwar is-segwitu għar-riżoluzzjoni 2293(2019) tal-Assemblea Parlamentari tal-Kunsill tal-Ewropa, approvat mill-Kumitat għall-Affarijiet Legali u d-Drittijiet tal-Bniedem tal-Assemblea Parlamentari fit-8 ta' Diċembru 2020,

–  wara li kkunsidra l-opinjoni tal-Kummissjoni ta' Venezja tat-8 ta' Ottubru 2020 dwar għaxar atti u abbozzi ta' liġi li jimplimentaw proposti leġiżlattivi soġġetti għall-opinjoni CDL-AD(2020)006,

–  wara li kkunsidra r-Rapport dwar l-Istat tad-Dritt tal-2020 tal-Kummissjoni,

—  wara li kkunsidra s-sentenza tal-Qorti tal-Ġustizzja tal-20 ta' April 2021, Repubblika v Il-Prim Ministru(4),

–  wara li kkunsidra l-Artikolu 132(2) tar-Regoli ta' Proċedura tiegħu,

A.  billi l-Unjoni Ewropea hija msejsa fuq il-valuri tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inkluż id-drittijiet ta' persuni li jagħmlu parti minn minoranzi; billi dawn il-valuri huma universali u komuni għall-Istati Membri kollha;

B.  billi l-istat tad-dritt u r-rispett għad-demokrazija, id-drittijiet tal-bniedem u l-libertajiet fundamentali u l-valuri u l-prinċipji minquxa fit-Trattati tal-UE u fi strumenti internazzjonali tad-drittijiet tal-bniedem huma obbligi għall-Unjoni u għall-Istati Membri tagħha u jridu jiġu osservati; billi, f'konformità mal-Artikolu 2, l-Artikolu 3(1) u l-Artikolu 7 TUE, l-Unjoni għandha l-possibbiltà li taġixxi sabiex tipproteġi l-valuri komuni li fuqhom hija msejsa;

C.  billi l-Karta hija parti mil-liġi primarja tal-UE; billi l-libertà ta' espressjoni u l-libertà u l-pluraliżmu tal-midja huma minquxa fl-Artikolu 11 tal-Karta u fl-Artikolu 10 tal-Konvenzjoni Ewropea dwar id-Drittijiet tal-Bniedem (KEDB);

D.  billi l-indipendenza tal-ġudikatura hija minquxa fl-Artikolu 19(1) TUE, fl-Artikolu 47 tal-Karta u fl-Artikolu 6 tal-KEDB, u hija rekwiżit essenzjali tal-prinċipju demokratiku tas-separazzjoni tas-setgħat;

E.  billi r-rifjut sistematiku ta' Stat Membru wieħed li jikkonforma mal-valuri fundamentali tal-Unjoni Ewropea u mat-Trattati li aderixxa magħhom b'mod ħieles jaffettwa lill-UE kollha kemm hi;

F.  billi l-ġurnalista investigattiva kontra l-korruzzjoni u blogger Maltija Daphne Caruana Galizia, sfat assassinata f'attakk b'karozza bomba fis-16 ta' Ottubru 2017; billi hija kienet il-mira ta' fastidju u ta' ħafna theddid fil-forma ta' telefonati, ittri u messaġġi testwali ta' theddid, kif ukoll attakk bi ħruq doluż ta' darha u l-qtil tal-kelb tagħha; billi l-qattiel li ammetta li joqtol għall-flus, xehed fil-qorti fis-16 ta' Marzu 2021 li sentejn qabel il-qtil ta' Daphne Caruana Galizia, kien hemm konfoffa preċedenti u separata biex tiġi assassinata bl-użu ta' azzarin AK-47;

G.  billi l-investigazzjonijiet dwar il-qtil immexxija mill-awtoritajiet Maltin u bl-għajnuna tal-Europol wasslu għall-identifikazzjoni, l-inkriminazzjoni u l-ġuri li għaddej bħalissa ta' diversi suspettati u ta' moħħ potenzjali wieħed wara dan il-qtil, li hu s-sid tal-kumpanija 17 Black Ltd ibbażata f'Dubai u eks Membru tal-Bord tad-Diretturi ta' ElectroGas Malta Ltd; billi l-Federal Bureau of Investigation (FBI) kien involut ukoll fl-investigazzjonijiet;

H.  billi wieħed mill-allegati kompliċi u ċerti reġistrazzjonijiet li ntwerew fil-proċedimenti tal-qorti implikaw lill-eks Chief of Staff tal-Prim Ministru ta' Malta fl-ippjanar tal-qtil, il-finanzjament u/jew it-tentattiv ta' cover-up tiegħu;

I.  billi fis-26 ta' Novembru 2019 l-eks Chief of Staff tal-Prim Ministru rriżenja wara interrogazzjoni mill-pulizija dwar l-assassinju ta' Daphne Caruana Galizia; billi fl-20 ta' Marzu 2021 huwa ġie arrestat u akkużat b'ħasil ta' flus, frodi, korruzzjoni u falsifikazzjoni f'każ separat, li kien is-suġġett tal-ħidma ta' Daphne Caruana Galizia, flimkien ma' diversi mill-assoċjati tan-negozju tiegħu; billi fil-5 ta' April 2021 inħeles taħt garanzija u ġie rilaxxat mill-arrest preventiv;

J.  billi l-Ministru għat-Turiżmu ta' Malta ta' dak iż-żmien, li qabel kien il-Ministru għall-Enerġija, irriżenja fis-26 ta' Novembru 2019; billi konsorzju ta' ġurnalisti investigattivi ppubblika rapport dettaljat dwar ir-rabtiet ta' negozju bejn familja Ċiniża u l-eks Ministru għall-Enerġija kif ukoll iċ-Chief of Staff tal-eks Prim Ministru(5); billi l-familja Ċiniża allegatament kellha rwol ċentrali fin-negozjati għal investiment b'valur ta' EUR 380 miljun mill-kumpanija Shanghai Electric Power, li tappartjeni lill-istat taċ-Ċina, fil-kumpanija Enemalta, il-kumpanija tal-enerġija tal-istat ta' Malta, u hija s-sid tal-kumpaniji Dow's Media Company u Macbridge. Il-kumpanija Macbridge ppjanat li tħallas sa USD 2 miljun lil ditti fil-Panama kkontrollati mill-eks Ministru għall-Enerġija u miċ-Chief of Staff tal-eks Prim Ministru; billi l-investigazzjonijiet dwar dawn it-tranżazzjonijiet kummerċjali kienu fiċ-ċentru tal-ħidma ta' Daphne Caruana Galizia meta ġiet assassinata;

K.  billi lejn l-aħħar tal-2019 infetħet inkjesta pubblika indipendenti dwar il-qtil ta' Daphne Caruana Galizia, u din l-inkjesta għadha għaddejja;

L.  billi wieħed mis-suspettati fil-kawża tal-qorti li għaddejja dwar il-qtil ta' Daphne Caruana Galizia ngħata maħfra presidenzjali għall-involviment tiegħu f'każ separat u xehed taħt ġurament; billi huwa implika li l-eks Ministru għall-Ekonomija seta' kien involut f'konfoffa biex tinqatel ġurnalista u li ministru tal-gvern fil-kariga kien involut f'reat kbir, u dan qajjem spekulazzjoni dwar attentat ta' serqa mill-kwartieri ġenerali tal-bank HSBC f'Ħal Qormi fl-2010 li wassal għal sparatura mal-pulizija;

M.  billi ġie allegat li l-eks Segretarju Parlamentari għad-Drittijiet Ċivili u r-Riformi fil-Ministeru Malti għall-Ġustizzja, l-Ugwaljanza u l-Governanza aċċettat flus mingħand il-persuna mixlija li kkummissjonat il-qtil ta' Daphne Caruana Galizia, wara li ddikjarat li aġixxiet bħala sensara fi pjan ta' bejgħ ta' proprjetà fl-2019; billi dan il-bejgħ ta' proprjetà qatt ma sar;

N.  billi għad hemm tħassib serju dwar il-ġlieda kontra l-korruzzjoni u l-kriminalità organizzata f'Malta, kif deskritt fir-Rapport dwar l-Istat tad-Dritt tal-2020 tal-Kummissjoni; billi jidher ċar li l-istandards eżistenti ta' prevenzjoni, investigazzjoni u prosekuzzjoni huma inadegwati; billi dan jhedded li jimmina l-fiduċja taċ-ċittadini fl-istituzzjonijiet pubbliċi, u jirriżulta f'rabtiet perikolużi bejn gruppi kriminali u awtoritajiet pubbliċi; billi l-kriminalità organizzata hija abilitata b'mod ewlieni mill-korruzzjoni; billi tnieda proġett ta' riforma strutturali biex jiġu indirizzati l-lakuni u jissaħħaħ il-qafas istituzzjonali kontra l-korruzzjoni, inklużi l-infurzar tal-liġi u l-prosekuzzjoni;

O.  billi l-ġurnalisti, b'mod partikolari iżda mhux b'mod esklużiv il-ġurnalisti investigattivi, kulma jmur huma dejjem aktar soġġetti għall-hekk imsejħa "kawżi strateġiċi kontra l-parteċipazzjoni pubblika" (SLAPP), li huma maħsuba purament biex ixekklu l-ħidma tagħhom, jevitaw l-iskrutinju pubbliku u jipprevjenu lill-awtoritajiet milli jinżammu responsabbli, u b'hekk jinħoloq effett dissważiv fuq il-libertà tal-midja; billi fiż-żmien tal-assassinju tagħha, l-assi ta' Daphne Caruana Galizia ġew iffriżati b'mandati ta' sekwestru kawtelatorji maħruġa flimkien ma' erba' kawżi ta' libell imressqa mill-eks Ministru għall-Ekonomija ta' Malta u mill-assistent tiegħu; billi l-kawżi kienu fost 42 kawża ċivili ta' libell miftuħa kontriha fiż-żmien meta mietet, inkluża waħda mressqa mill-Prim Ministru ta' dak iż-żmien, tnejn mill-Ministru għat-Turiżmu ta' dak iż-żmien, u tnejn miċ-Chief of Staff tal-Prim Ministru ta' dak iż-żmien;

1.  Huwa mħasseb ħafna dwar l-aħħar rivelazzjonijiet fl-investigazzjonijiet dwar l-assassinju ta' Daphne Caruana Galizia, b'mod partikolari l-involviment possibbli ta' ministri tal-gvern u ta' persuni maħtura politikament; jirrikonoxxi l-progress li sar fl-investigazzjonijiet dwar il-qtil; itenni, madankollu, li r-rivelazzjonijiet reċenti jqajmu mistoqsijiet ġodda dwar il-każ u dwar l-investigazzjonijiet relatati;

2.  Iħeġġeġ lill-Gvern ta' Malta juża r-riżorsi kollha meħtieġa biex jitressqu quddiem il-ġustizzja mhux biss l-individwi kollha implikat fil-qtil ta' Daphne Caruana Galizia, iżda wkoll dawk implikati fil-każijiet l-oħra kollha li bħalissa qed jiġu investigati jew irrapportati li hija kienet xeħtet dawl fuqhom qabel ma ġiet assassinata; jemmen li l-ħidma ta' Daphne Caruana Galizia kienet essenzjali biex tiġi esposta l-korruzzjoni f'Malta u li l-iżviluppi reċenti dwar investigazzjonijiet relatati jaffermaw l-importanza fundamentali ta' midja indipendenti u ta' soċjetà ċivili attiva bħala pilastri fundamentali tal-ġustizzja, tad-demokrazija u tal-istat tad-dritt;

3.  Itenni t-talba tiegħu għall-involviment sħiħ u kontinwu tal-Europol fl-aspetti kollha tal-investigazzjoni dwar il-qtil u l-investigazzjonijiet relatati kollha; jitlob li l-involviment tal-Europol jissaħħaħ, għax qed jagħti l-frott;

4.  Jilqa' l-kontinwazzjoni tal-inkjesta pubblika indipendenti dwar il-qtil ta' Daphne Caruana Galizia; jistieden lill-Gvern u lill-awtoritajiet kompetenti ta' Malta jimplimentaw bis-sħiħ ir-rakkomandazzjonijiet kollha li jirriżultaw mill-inkjesta;

5.  Jesprimi tħassib dwar l-offerta ripetuta u l-użu tal-maħfriet presidenzjali fil-kuntest tal-ġuri tal-qtil; jisħaq li x-xhieda offruta għal reati oħra għandha tiġi vvalutata bir-reqqa u ma għandhiex tintuża għall-evażjoni ta' ġustizzja sħiħa għall-qtil; jinnota, madankollu, li maħfra presidenzjali u sentenza fuq talba tal-partijiet kienu tnejn mill-elementi li f'Novembru 2019 wasslu għall-arrest ta' individwu suspettat li kkummissjona l-assassinju;

6.  Jirrikonoxxi l-progress li sar, għalkemm b'dewmien kbir, f'xi wħud mill-investigazzjonijiet f'każijiet relatati ta' ħasil ta' flus u korruzzjoni, b'mod partikolari fir-rigward tal-eks Chief of Staff tal-Prim Ministru; jisħaq, madankollu, li l-aħħar xhieda u rivelazzjonijiet xeħtu dawl fuq fatti suspettużi u atti kriminali potenzjali ġodda, u jistieden għalhekk lill-awtoritajiet Maltin iniedu u jmexxu 'l quddiem ukoll investigazzjonijiet mingħajr dewmien fir-rigward ta' dawn il-każijiet, inklużi tentattivi possibbli minn uffiċjali pubbliċi li jgħattu l-evidenza u jostakolaw l-investigazzjonijiet u l-proċedimenti ġudizzjarji;

7.  Iqis li l-allegazzjonijiet kollha ta' korruzzjoni u frodi, speċjalment f'livell politiku għoli, għandhom jiġu investigati u pproċessati bir-rigorożità xierqa u fil-livell xieraq, inkluż fir-rigward tal-involviment possibbli ta' atturi barranin; jesprimi dubju jekk huwiex xieraq li l-allegazzjonijiet kontra l-eks Segretarju Parlamentari għad-Drittijiet Ċivili u r-Riformi qed jiġu investigati biss mill-Kummissarju għall-Istandards fil-Ħajja Pubblika;

8.  Itenni li l-Gvern Malti jeħtieġlu jikkunsidra l-ġlieda kontra l-kriminalità organizzata, il-korruzzjoni u l-intimidazzjoni tal-ġurnalisti bħala tal-akbar prijorità;

9.  Jirrikonoxxi li fis-sentenza tagħha tal-20 ta' April 2021, il-Qorti tal-Ġustizzja tal-UE sabet li d-dispożizzjonijiet introdotti mir-riforma kostituzzjonali Maltija tal-2016 dwar il-ħatra ta' membri tal-ġudikatura saħħew l-indipendenza ġudizzjarja u għaldaqstant kienu konformi mad-dritt tal-UE;

10.  Juri dispjaċir kbir dwar kif l-iżviluppi f'Malta matul is-snin wasslu għal theddid serju u persistenti għall-istat tad-dritt, id-demokrazija u d-drittijiet fundamentali, inklużi mistoqsijiet dwar il-libertà tal-midja, l-indipendenza tal-infurzar tal-liġi u l-ġudikatura minn interferenza politika, u l-libertà ta' għaqda paċifika; iqis li l-garanziji kostituzzjonali fir-rigward tas-separazzjoni tas-setgħat għandhom jissaħħu aktar; jinnota li wara l-implimentazzjoni ta' xi wħud mir-rakkomandazzjonijiet tal-Kummissjoni, tal-Kunsill tal-Ewropa u tal-Kummissjoni ta' Venezja, il-Gvern ta' Malta għamel progress fir-rigward tal-istat tad-dritt; iħeġġeġ lill-Gvern ta' Malta jkompli jfittex li jsaħħaħ l-istituzzjonijiet tiegħu;

11.  Jinsab imħasseb ħafna dwar xi wħud mis-sejbiet tal-Kummissjoni fir-Rapport dwar l-Istat tad-Dritt tagħha tal-2020 fir-rigward ta' Malta, b'mod partikolari "xejriet ta' korruzzjoni profondi"; jilqa', madankollu, it-tnedija tal-proġett ta' riforma strutturali; itenni t-talba tiegħu lill-Kummissjoni biex tuża l-għodod u l-proċeduri kollha għad-dispożizzjoni tagħha biex tiġi żgurata konformità sħiħa mal-liġi tal-UE vis‑à‑vis il-funzjonament effiċjenti tas-sistemi ġudizzjarji, il-ġlieda kontra l-ħasil tal-flus, is-superviżjoni bankarja, l-akkwist pubbliku, u l-ippjanar u l-iżvilupp urbani;

12.  Itenni l-appell tiegħu lill-awtoritajiet Maltin biex jimplimentaw għalkollox ir-rakkomandazzjonijiet pendenti kollha magħmula mill-Assemblea Parlamentari tal-Kunsill tal-Ewropa, il-Kummissjoni ta' Venezja, il-Grupp ta' Stati kontra l-Korruzzjoni (GRECO) u l-Kumitat ta' Esperti dwar l-Evalwazzjoni ta' Miżuri Kontra l-Ħasil tal-Flus u l-Finanzjament tat-Terroriżmu (Moneyval); iqis li r-rakkomandazzjonijiet li jikkonċernaw il-Parlament nazzjonali u l-Membri Parlamentari, l-effett tas-sentenzi tal-Qorti Kostituzzjonali u t-tribunali speċjalizzati għandhom jiġu implimentati kif xieraq; jistieden lill-awtoritajiet Maltin jitolbu l-opinjoni tal-Kummissjoni ta' Venezja dwar il-konformità mar-rakkomandazzjonijiet tagħha; jirriżerva d-dritt li jagħmel talba bħal din huwa stess, skont l-Artikolu 3(2) tal-Istatut tal-Kummissjoni ta' Venezja u l-paragrafu 28 tal-Memorandum ta' Qbil bejn il-Kunsill tal-Ewropa u l-Unjoni Ewropea;

13.  Jirrikonoxxi li l-assassinju ta' Daphne Caruana Galizia skatta riformi biex tittejjeb il-protezzjoni tal-ġurnalisti u titħares l-libertà tal-midja; jisħaq, madankollu, li l-awtoritajiet Maltin għandhom jieħdu passi demostrabbli ulterjuri, jistabbilixxu miżuri leġiżlattivi u ta' politika fit-tul li jservu biex jiġi żgurat ambjent għal ġurnaliżmu kritiku u indipendenti f'Malta u l-obbligu ta' rendikont tal-politiċi u tal-uffiċjali; b'mod partikolari rigward il-prevenzjoni u s-sanzjonar tat-theddid, il-fastidju, il-bullying u d-diżumanizzazzjoni tal-ġurnalisti, pubblikament jew online; jistieden lill-Gvern Malti jindirizza t-tħassib eżistenti relatat mal-libertà tal-midja u mal-indipendenza tar-regolaturi tal-midja u tal-midja pubblika u privata mill-indħil politiku u l-użu dejjem jiżdied ta' diskors ta' mibegħda fuq il-midja soċjali;

14.  Jinsab imħasseb ħafna dwar l-impatt dannuż tal-iskemi ta' ċittadinanza u residenza fuq l-integrità taċ-ċittadinanza tal-UE; ifakkar fir-rivelazzjonijiet reċenti rigward l-interpretazzjoni laxka tar-rekwiżiti ta' residenza għan-naturalizzazzjoni, kif ukoll ir-rwol ta' intermedjarji u l-involviment ta' uffiċjali pubbliċi; itenni t-talba tiegħu lill-awtoritajiet Maltin biex jiżguraw it-trasparenza u jtemmu l-iskemi tagħhom ta' ċittadinanza u residenza b'investiment aktar milli jimmodifikawhom; jistieden lill-Kummissjoni toħroġ l-opinjoni motivata tagħha fil-każ ta' ksur rilevanti malajr kemm jista' jkun;

15.  Jinnota li l-protezzjoni tal-ġurnalisti investigattivi u tal-informaturi hija fl-interess vitali tas-soċjetà; jinnota r-rwol ewlieni tal-organizzazzjonijiet tas-soċjetà ċivili u tal-ġurnalisti internazzjonali u Maltin fit-tkomplija tal-investigazzjonijiet ta' Daphne Caruana Galizia; jistieden lill-awtoritajiet Maltin jiżguraw il-protezzjoni tas-sikurezza personali, l-għajxien u, għalhekk, l-indipendenza tal-ġurnalisti u tal-informaturi, akkost ta' kollox u f'kull mument; jistieden lill-awtoritajiet Maltin jimplimentaw b'ħeffa d-Direttiva (UE) 2019/1937(6);

16.  Jistieden lill-Kummissjoni tipproponi leġiżlazzjoni tal-UE kontra l-SLAPP sabiex tipproteġi lill-ġurnalisti minn kawżi vessatorji; jistieden lill-awtoritajiet Maltin biex sadanittant jippromulgaw leġiżlazzjoni domestika kontra l-SLAPP; jenfasizza li meta jiġġieled l-korruzzjoni u l-amministrazzjoni ħażina, il-ġurnaliżmu investigattiv għandu jirċievi attenzjoni partikolari u appoġġ finanzjarju jew fiskali bħala għodda li taqdi l-ġid pubbliku; jissottolinja l-ħtieġa ta' mekkaniżmi ta' rispons rapidu għall-ksur tal-libertà tal-istampa u tal-midja, kif ukoll għall-fond għall-ġurnaliżmu investigattiv transfruntier;

17.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kummissjoni, lill-Kunsill, lill-gvernijiet u lill-parlamenti tal-Istati Membri, lill-Kunsill tal-Ewropa u lill-President tar-Repubblika ta' Malta.

(1) ĠU C 356, 4.10.2018, p. 29. (2) ĠU C 108, 26.3.2021, p. 107. (3) Testi adottati, P9_TA(2019)0103. (4) Is-sentenza tal-20 ta' April 2021, Repubblika v Il-Prim Ministru, C-896/19, ECLI:EU:C:2021:311. (5) “Rapport Speċjali: Traċċa tal-flus mis-sonda tal-qtil ta’ Daphne twassal saċ-Ċina ", Reuters, 29 ta’ Marzu 2021. (6) Id-Direttiva (UE) 2019/1937 tal-Parlament Ewropew u tal-Kunsill tat-23 ta’ Ottubru 2019 dwar il-protezzjoni ta’ persuni li jirrapportaw dwar ksur tal-liġi tal-Unjoni (ĠU L 305, 26.11.2019, p. 17).

Riżoluzzjoni leġiżlattiva tal-Parlament Ewropew tad-29 ta' April 2021 dwar il-pożizzjoni tal-Kunsill fl-ewwel qari għall-adozzjoni tar-regolament tal-Parlament Ewropew u tal-Kunsill li jistabbilixxi l-Programm tal-Unjoni Kontra l-Frodi u li jħassar ir-Regolament (UE) Nru 250/2014 (05330/1/2021 – C9-0108/2021 – 2018/0211(COD))

P9_TA(2021)0149 A9-0126/2021

(Proċedura leġiżlattiva ordinarja: it-tieni qari)

Il-Parlament Ewropew,

–  wara li kkunsidra l-pożizzjoni tal-Kunsill fl-ewwel qari (05330/1/2021 – C9-0108/2021),

–  wara li kkunsidra l-opinjoni tal-Kummissjoni (COM(2021)0149),

–  wara li kkunsidra l-pożizzjoni tiegħu fl-ewwel qari(1) dwar il-proposta tal-Kummissjoni lill-Parlament Ewropew u lill-Kunsill (COM(2018)0386),

–  wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea,

–  wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu,

–  wara li kkunsidra l-Artikolu 67 tar-Regoli ta' Proċedura tiegħu,

–  wara li kkunsidra r-rakkomandazzjoni għat-tieni qari tal-Kumitat għall-Kontroll tal-Baġit (A9-0126/2021),

1.  Japprova l-pożizzjoni tal-Kunsill fl-ewwel qari;

2.  Jinnota li l-att qed jiġi adottat b'konformità mal-pożizzjoni tal-Kunsill;

3.  Jagħti struzzjonijiet lill-President tiegħu biex jiffirma l-att mal-President tal-Kunsill, f'konformità mal-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) Testi adottati tat-12.2.2019, P8_TA(2019)0068.

Riżoluzzjoni leġiżlattiva tal-Parlament Ewropew tad-29 ta’ April 2021 dwar il-pożizzjoni tal-Kunsill fl-ewwel qari bil-ħsieb tal-adozzjoni tar-regolament tal-Parlament Ewropew u tal-Kunsill dwar id-drittijiet u l-obbligi tal-passiġġieri tal-ferroviji (riformulazzjoni) (12262/1/2020 – C9-0011/2021 – 2017/0237(COD))

P9_TA(2021)0150 A9-0045/2021

(Proċedura leġiżlattiva ordinarja: it-tieni qari)

Il-Parlament Ewropew,

–  wara li kkunsidra l-pożizzjoni tal-Kunsill fl-ewwel qari (12262/1/2020 – C9-0011/2021),

–  wara li kkunsidra l-opinjoni tal-Kumitat Ekonomiku u Soċjali Ewropew tat-18 ta' Jannar 2018(1),

–  wara li kkonsulta lill-Kumitat tar-Reġjuni,

–  wara li kkunsidra l-pożizzjoni tiegħu fl-ewwel qari(2) dwar il-proposta tal-Kummissjoni lill-Parlament Ewropew u lill-Kunsill (COM(2017)0548),

–  wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea,

–  wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu,

–  wara li kkunsidra l-Artikolu 67 tar-Regoli ta' Proċedura tiegħu,

–  wara li kkunsidra r-rakkomondazzjoni għat-tieni qari tal-Kumitat għat-Trasport u t-Turiżmu (A9-0045/2021),

1.  Japprova l-pożizzjoni tal-Kunsill fl-ewwel qari;

2.  Jinnota li l-att qed jiġi adottat f'konformità mal-pożizzjoni tal-Kunsill;

3.  Jagħti istruzzjonijiet lill-President tiegħu sabiex jiffirma l-att, flimkien mal-President tal-Kunsill, skont l-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) ĠU C 197, 8.6.2018, p. 66. (2) ĠU C 363, 28.10.2020, p. 296.

Riżoluzzjoni leġiżlattiva tal-Parlament Ewropew tad-29 ta' April 2021 dwar il-pożizzjoni tal-Kunsill fl-ewwel qari għall-adozzjoni tar-regolament tal-Parlament Ewropew u tal-Kunsill li jistabbilixxi l-Fond Ewropew għad-Difiża u li jħassar ir-Regolament (UE) 2018/1092 (06748/1/2020 – C9-0112/2021 – 2018/0254(COD))

P9_TA(2021)0151 A9-0120/2021

(Proċedura leġiżlattiva ordinarja: it-tieni qari)

Il-Parlament Ewropew,

–  wara li kkunsidra l-pożizzjoni tal-Kunsill fl-ewwel qari (06748/1/2020 – C9-0112/2021),

–  wara li kkunsidra l-opinjoni tal-Kumitat Ekonomiku u Soċjali Ewropew tat-12 ta' Diċembru 2018(1),

–  wara li kkunsidra l-pożizzjoni tiegħu fl-ewwel qari(2) dwar il-proposta tal-Kummissjoni lill-Parlament Ewropew u lill-Kunsill (COM(2018)0476),

–  wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea,

–  wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu,

–  wara li kkunsidra l-Artikolu 67 tar-Regoli ta' Proċedura tiegħu,

–  wara li kkunsidra r-rakkomandazzjoni għat-tieni qari tal-Kumitat għall-Industrija, ir-Riċerka u l-Enerġija (A9-0120/2021),

1.  Japprova l-pożizzjoni tal-Kunsill fl-ewwel qari;

2.  Jinnota li l-att qed jiġi adottat f'konformità mal-pożizzjoni tal-Kunsill;

3.  Jagħti istruzzjonijiet lill-President tiegħu biex jiffirma l-att, flimkien mal-President tal-Kunsill, skont l-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri kollha ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) ĠU C 110, 22.3.2019, p. 75. (2) Testi adottati ta' 18.4.2019, P8_TA(2019)0430.

Riżoluzzjoni leġiżlattiva tal-Parlament Ewropew tad-29 ta' April 2021 dwar il-pożizzjoni tal-Kunsill fl-ewwel qari għall-adozzjoni tar-regolament tal-Parlament Ewropew u tal-Kunsill li jistabbilixxi l-Programm Ewropa Diġitali u li jħassar id-Deċiżjoni (UE) 2015/2240 (06789/1/2020 – C9-0109/2021 – 2018/0227(COD))

P9_TA(2021)0152 A9-0119/2021

(Proċedura leġiżlattiva ordinarja: it-tieni qari)

Il-Parlament Ewropew,

–  wara li kkunsidra l-pożizzjoni tal-Kunsill fl-ewwel qari (06789/1/2020 – C9-0109/2021),

–  wara li kkunsidra l-opinjoni tal-Kumitat Ekonomiku u Soċjali Ewropew tas-17 ta' Ottubru 2018(1),

–  wara li kkunsidra l-opinjoni tal-Kumitat tar-Reġjuni tal-5 ta' Diċembru 2018(2),

–  wara li kkunsidra l-pożizzjoni tiegħu fl-ewwel qari(3) dwar il-proposta tal-Kummissjoni lill-Parlament Ewropew u lill-Kunsill (COM(2018)0434),

–  wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea,

–  wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu,

–  wara li kkunsidra l-Artikolu 67 tar-Regoli ta' Proċedura tiegħu,

–  wara li kkunsidra r-rakkomandazzjoni għat-tieni qari tal-Kumitat għall-Industrija, ir-Riċerka u l-Enerġija (A9-0119/2021),

1.  Japprova l-pożizzjoni tal-Kunsill fl-ewwel qari;

2.  Jinnota li l-att qed jiġi adottat f'konformità mal-pożizzjoni tal-Kunsill;

3.  Jagħti istruzzjonijiet lill-President tiegħu biex jiffirma l-att, flimkien mal-President tal-Kunsill, skont l-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri kollha ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) ĠU C 62, 15.2.2019, p. 292. (2) ĠU C 86, 7.3.2019, p. 272. (3) Testi adottati ta' 17.4.2019, P8_TA(2019)0403.

Riżoluzzjoni leġiżlattiva tal-Parlament Ewropew tad-29 ta' April 2021 dwar il-pożizzjoni tal-Kunsill fl-ewwel qari għall-adozzjoni tar-regolament tal-Parlament Ewropew u tal-Kunsill li jistabbilixxi Programm għall-Ambjent u l-Azzjoni Klimatika (LIFE), u li jħassar ir-Regolament (UE) Nru 1293/2013 (06077/1/2020 – C9-0110/2021 – 2018/0209(COD))

P9_TA(2021)0153 A9-0130/2021

(Proċedura leġiżlattiva ordinarja: it-tieni qari)

Il-Parlament Ewropew,

–  wara li kkunsidra l-pożizzjoni tal-Kunsill fl-ewwel qari (06077/1/2020 – C9-0110/2021),

–  wara li kkunsidra l-opinjoni tal-Kumitat Ekonomiku u Soċjali Ewropew tat-18 ta' Ottubru 2018(1),

–  wara li kkunsidra l-opinjoni tal-Kumitat tar-Reġjuni tad-9 ta' Ottubru 2018(2),

–  wara li kkunsidra l-pożizzjoni tiegħu fl-ewwel qari(3) dwar il-proposta tal-Kummissjoni lill-Parlament Ewropew u lill-Kunsill (COM(2018)0385),

–  wara li kkunsidra l-Artikolu 294(7) tat-Trattat dwar il-Funzjonament tal-Unjoni Ewropea,

–  wara li kkunsidra l-ftehim proviżorju approvat mill-kumitat responsabbli fis-sens tal-Artikolu 74(4) tar-Regoli ta' Proċedura tiegħu,

–  wara li kkunsidra l-Artikolu 67 tar-Regoli ta' Proċedura tiegħu,

–  wara li kkunsidra r-rakkomandazzjoni għat-tieni qari tal-Kumitat għall-Ambjent, is-Saħħa Pubblika u s-Sikurezza tal-Ikel (A9-0130/2021),

1.  Japprova l-pożizzjoni tal-Kunsill fl-ewwel qari;

2.  Jinnota li l-att qed jiġi adottat f'konformità mal-pożizzjoni tal-Kunsill;

3.  Jagħti istruzzjonijiet lill-President tiegħu biex jiffirma l-att, flimkien mal-President tal-Kunsill, skont l-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri kollha ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) ĠU C 62, 15.2.2019, p. 226. (2) ĠU C 461, 21.12.2018, p. 156. (3) Testi adottati tas-17.4.2019, P8_TA(2019)0405.

Riżoluzzjoni leġiżlattiva tal-Parlament Ewropew tad-29 ta' April 2021 dwar il-proposta għal Regolament tal-Kunsill li jemenda r-Regolament tal-Kunsill (UE) Nru 389/2012 dwar kooperazzjoni amministrattiva fil-qasam tad-dazji tas-sisa rigward il-kontenut tar-reġistri elettroniċi (COM(2021)0028 – C9-0016/2021 – 2021/0015(CNS))

P9_TA(2021)0154 A9-0121/2021

(Proċedura leġiżlattiva speċjali – konsultazzjoni)

Il-Parlament Ewropew,

–  wara li kkunsidra l-proposta tal-Kummissjoni lill-Kunsill (COM(2021)0028),

–  wara li kkunsidra l-Artikolu 113 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9-0016/2021),

–  wara li kkunsidra l-Artikolu 82 tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0121/2021),

1.  Japprova l-proposta tal-Kummissjoni;

2.  Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill jerġa' jikkonsultah jekk ikollu l-ħsieb li jemenda t-test approvat mill-Parlament b'mod sustanzjali;

4.  Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Riżoluzzjoni tal-Parlament Ewropew tad-29 ta' April 2021 dwar is-sitwazzjoni tal-pandemija tal-COVID-19 fl-Amerka Latina (2021/2645(RSP))

P9_TA(2021)0155 RC-B9-0239/2021

Il-Parlament Ewropew,

–  wara li kkunsidra t-Trattat dwar l-Unjoni Ewropea,

–  wara li kkunsidra d-dikjarazzjoni tal-11 ta' Marzu 2020 tal-Organizzazzjoni Dinjija tas-Saħħa (WHO) li tiddikjara l-COVID-19 pandemija,

–  wara li kkunsidra d-dikjarazzjoni tal-Organizzazzjoni Dinjija tas-Saħħa (WHO), tat-30 ta' Jannar 2020, li tiddikjara li t-tifqigħa tal-COVID-19 tikkostitwixxi Emerġenza tas-Saħħa Pubblika ta' Rilevanza Internazzjonali,

–  wara li kkunsidra r-riżoluzzjoni tiegħu tat-13 ta' Novembru 2020 dwar l-impatt tal-miżuri tal-COVID-19 fuq id-demokrazija, l-istat tad-dritt u d-drittijiet fundamentali(1),

–  wara li kkunsidra r-rapport tal-Bank Ewropew tal-Investiment intitolat "EIB Activity in 2020 – Latin America and the Caribbean" (L-Attività tal-BEI fl-2020 – l-Amerka Latina u l-Karibew),

–  wara li kkunsidra r-rapporti ppubblikati mill-Organizzazzjoni Pan-Amerikana tas-Saħħa,

–  wara li kkunsidra r-rapport tal-Organizzazzjoni għall-Kooperazzjoni u l-Iżvilupp Ekonomiċi (OECD) ta' Novembru 2020 intitolat "COVID-19 in Latin America and the Caribbean: An overview of government responses to the crisis" (Il-COVID-19 fl-Amerka Latina u l-Karibew: Ħarsa ġenerali lejn ir-risponsi governattivi għall-kriżi),

–  wara li kkunsidra l-komunikazzjoni konġunta mill-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà tat-8 ta' April 2020 dwar ir-rispons globali tal-UE għall-COVID-19 (JOIN(2020)0011),

–  wara li kkunsidra d-diskors dwar l-Istat tal-Unjoni mogħti mill-President tal-Kummissjoni Ursula von der Leyen fis-16 ta' Settembru 2020,

–  wara li kkunsidra d-dikjarazzjoni tal-5 ta' Mejju 2020 mir-Rappreżentant Għoli Josep Borell f'isem l-Unjoni Ewropea dwar id-drittijiet tal-bniedem fiż-żminijiet tal-pandemija tal-coronavirus,

–  wara li kkunsidra l-konklużjonijiet tal-Kunsill tat-8 ta' Ġunju 2020 dwar ir-rispons globali ta' "Tim Ewropa" għall-COVID-19,

–  wara li kkunsidra l-konklużjonijiet tal-Kunsill Ewropew ta' 17 -21 ta' Lulju 2020 dwar il-pjan ta' rkupru u l-qafas finanzjarju pluriennali għall-2021-2027.

–  wara li kkunsidra l-konklużjonijiet tal-Kunsill tat-13 ta' Lulju 2020 dwar il-prijoritajiet tal-UE fin-NU u l-75 Assemblea Ġenerali tan-NU, bit-tema tal-"Promozzjoni tal-multilateraliżmu u ta' NU b'saħħithom u effettivi li jipprovdu għal kulħadd",

–  wara li kkunsidra r-riżoluzzjoni tiegħu tal-25 ta' Novembru 2020 dwar il-konsegwenzi tal-politika barranija tat-tifqigħa tal-COVID-19(2),

–  wara li kkunsidra d-dikjarazzjoni mill-Kopresidenti tal-Assemblea Parlamentari Ewro-Latino-Amerikana (EuroLat) tal-5 ta' Novembru 2020 dwar strateġija komprensiva u bireġjonali UE-LAC biex jittaffa l-impatt tal-pandemija tal-COVID-19,

–  wara li kkunsidra d-dikjarazzjoni tal-Kopresidenti tal-EuroLat tat-30 ta' Marzu 2020 dwar il-pandemija tal-COVID-19,

–  wara li kkunsidra r-riżoluzzjoni tiegħu tas-17 ta' April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha(3),

–  wara li kkunsidra l-komunikat konġunt tas-Servizz Ewropew għall-Azzjoni Esterna tal-14 ta' Diċembru 2020 li rriżulta mil-laqgħa ministerjali informali UE 27-l-Amerka Latina u l-Karibew,

–  wara li kkunsidra r-rapport tal-Kummissjoni Ekonomika għall-Amerka Latina u l-Karibew (ECLAC) intitolat "Social Panorama of Latin America 2020" (Panorama Soċjali tal-Amerka Latina 2020), ippubblikat fl-2021,

–  wara li kkunsidra s-27 Summit Ibero-Amerikan tal-Kapijiet ta' Stat u ta' Gvern li sar fil-21 ta' April 2021 f'Andorra, u d-dikjarazzjoni li rriżultat,

–  wara li kkunsidra r-rapporti annwali tal-Kunsill lill-Parlament Ewropew dwar il-politika estera u ta' sigurtà komuni,

–  wara li kkunsidra r-rapport tal-Kumitat tiegħu għall-Affarijiet Barranin (A9-0204/2020),

–  wara li kkunsidra d-Dikjarazzjoni Universali tad-Drittijiet tal-Bniedem (UDHR) u trattati u strumenti oħra tan-NU dwar id-drittijiet tal-bniedem,

–  wara li kkunsidra l-Patt Internazzjonali dwar id-Drittijiet Ċivili u Politiċi, il-Patt Internazzjonali dwar id-Drittijiet Ekonomiċi, Soċjali u Kulturali, id-Dikjarazzjoni tan-NU dwar id-Drittijiet tal-Popli Indiġeni tal-2007, u d-Dikjarazzjoni tan-NU dwar id-Difensuri tad-Drittijiet tal-Bniedem tal-1998,

–  wara li kkunsidra l-Konvenzjoni Nru 169 tal-Organizzazzjoni Internazzjonali tax-Xogħol (ILO) dwar il-Popli Indiġeni u Tribali, adottata fis-27 ta' Ġunju 1989,

–  wara li kkunsidra d-dikjarazzjonijiet tas-Segretarju Ġenerali tan-NU António Guterres u tal-Kummissarju Għoli tan-NU għad-Drittijiet tal-Bniedem Michelle Bachelet ta' Marzu 2020 dwar it-tneħħija tas-sanzjonijiet kontra l-pajjiżi biex tiġi miġġielda l-pandemija,

–  wara li kkunsidra l-preżentazzjoni mill-Kummissarju Għoli tan-NU għad-Drittijiet tal-Bniedem, Michelle Bachelet, fi Fiocruz fil-15 ta' April 2021,

–  wara li kkunsidra l-Aġenda 2030 għall-Iżvilupp Sostenibbli, kif adottata mill-Assemblea Ġenerali tan-NU fil-25 ta' Settembru 2015, kif ukoll l-Għanijiet ta' Żvilupp Sostenibbli (SDGs),

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi r-relazzjonijiet bejn l-UE u l-Amerka Latina u l-Karibew huma ta' interess strateġiku u kruċjali; billi l-Amerka Latina kienet wieħed mir-reġjuni li ntlaqtu l-aktar mill-COVID-19; billi l-Amerka Latina hija magħmula minn 8,4 % tal-popolazzjoni tad-dinja iżda fil-preżent irreġistra aktar minn għoxrin fil-mija tal-imwiet globali mill-coronavirus;

B.  billi r-rispons għall-pandemija tal-COVID-19 kien varjat globalment, inkluż fl-Amerka Latina; billi l-pajjiżi kollha ddikjaraw stat ġenerali ta' emerġenza;

C.  billi l-prijorità issa trid tkun il-bini mill-ġdid tal-fiduċja f'istituzzjonijiet multilaterali li jkunu kapaċi jagħtu tweġibiet globali, billi jsir progress fid-diskussjonijiet dwar l-Inizjattiva tal-Kummerċ u tas-Saħħa tad-WTO għall-COVID-19 u l-prodotti mediċi tas-saħħa relatati;

D.  billi l-effetti devastanti tal-pandemija tal-COVID-19 fuq iż-żewġ naħat tal-Atlantiku jeħtieġu kooperazzjoni mill-qrib bejn id-WTO, id-WHO, l-istituzzjonijiet tan-NU u l-Bank Dinji, tant essenzjali biex tiġi indirizzata l-kriżi u tiġi pprovduta s-solidarjetà; billi huwa meħtieġ rispons globali u koordinat biex jiġu ffaċċjati l-isfidi l-kbar ta' rkupri sostenibbli, ekoloġiċi u diġitali li jkunu wkoll inklużivi, ġusti u reżiljenti;

E.  billi l-effetti tal-pandemija u l-politiki implimentati b'rispons għaliha żiedu l-bżonn ta' likwidità tal-pajjiżi tar-reġjun biex jikkonfrontaw il-fażi ta' emerġenza; billi dawn il-fatturi wasslu għal żieda fil-livelli tad-dejn u l-gvernijiet qed jiffaċċjaw żieda fin-nefqa pubblika, b'riskju ta' inadempjenza; billi l-aċċess akbar għal-likwidità u t-tnaqqis tad-dejn għandu jkun marbut ma' objettivi ta' żvilupp fuq perjodu medju u twil ta' żmien u b'hekk ma' inizjattivi li jibnu ġejjieni aħjar;

F.  billi l-inizjattiva COVAX, ikkoordinata mill-Alleanza Dinjija dwar il-Vaċċini u l-Immunizzazzjoni (GAVI), il-Koalizzjoni għall-Promozzjoni ta' Innovazzjonijiet għat-Tħejjija Epidemika (CEPI) u l-Organizzazzjoni Dinjija tas-Saħħa (WHO), s'issa amministrat madwar 38 miljun doża; billi hemm ħtieġa ċara li tingħata spinta lill-kapaċità tal-produzzjoni u tad-distribuzzjoni fil-qafas tal-inizjattiva COVAX;

G.  billi l-ewwel sensiela ta' allokazzjonijiet COVAX tal-provvisti tal-vaċċini tinkludi 31 pajjiż fl-Amerka Latina u l-Karibew li fix-xhur li ġejjin għandhom jirċievu aktar minn 27 miljun doża tal-vaċċini;

H.  billi l-għan tal-inizjattiva COVAX huwa li tippromwovi u tiżgura aċċess globali għal vaċċini sikuri, ta' kwalità għolja, effettivi u affordabbli; jirrimarka li għall-2021, COVAX kisbet vaċċini għal 20 % biss tal-popolazzjoni dinjija u l-produzzjoni u d-distribuzzjoni tal-vaċċini kemm fl-Ewropa kif ukoll fl-Amerka Latina għandhom għalhekk jiżdiedu;

I.  billi l-Amerka Latina bdiet is-sena 2020 bl-għola livell ta' inugwaljanza fid-dinja u dan spiċċa mar għall-agħar matul il-pandemija; billi r-rata tal-faqar żdiedet għal 209 miljun sal-aħħar tal-2020, u dan ifisser li 22 miljun persuna oħra jinsabu fil-faqar, filwaqt li l-għadd ta' persuni li jgħixu f'faqar estrem żdied bi 8 miljuni, minn total ta' 78 miljun ruħ; billi l-indiċijiet tal-inugwaljanza fir-reġjun marru għall-agħar flimkien mar-rati ta' impjieg u ta' parteċipazzjoni fix-xogħol, speċjalment fost in-nisa, minħabba l-pandemija tal-COVID-19 u minkejja l-miżuri ta' emerġenza ta' protezzjoni soċjali li adottaw il-pajjiżi biex iwaqqfu dan il-fenomenu;

J.  billi l-COVID-19 taffettwa b'mod sproporzjonat lill-pajjiżi bi dħul baxx u medju u lill-pajjiżi li qed jiżviluppaw u lill-gruppi f'sitwazzjonijiet vulnerabbili, inklużi n-nisa u l-bniet, l-anzjani, il-minoranzi u l-komunitajiet indiġeni, filwaqt li tnaqqas il-gwadanji fis-saħħa u fl-iżvilupp, u b'hekk ixxekkel il-kisba tal-Għanijiet ta' Żvilupp Sostenibbli (SDGs);

K.  billi l-kriżi kkawżata mill-pandemija tal-COVID-19 aggravat id-differenzi bejn il-ġeneri; billi l-Amerka Latina għandha waħda mill-ogħla rati ta' vjolenza abbażi tal-ġeneru fid-dinja u dawk ir-rati żdiedu matul il-pandemija, fejn il-miżuri ta' lockdown wasslu għal żieda notevoli fil-vjolenza domestika, l-istupru u l-femminiċidju; billi s-saħħa sesswali u riproduttiva ma ngħatatx prijorità matul il-pandemija, u dan huwa ta' ostaklu serju għad-dritt għas-saħħa u jipperikola l-ħajja tan-nisa u l-bniet fir-reġjun;

L.  billi l-popli indiġeni ntlaqtu b'mod sever mill-COVID-19 minħabba l-aċċess inadegwat għal ilma nadif, sanitazzjoni, servizzi tas-saħħa, benefiċċji soċjali, u n-nuqqas ta' mekkaniżmi kulturalment xierqa biex jiġu protetti d-drittijiet għas-saħħa u l-għajxien tagħhom;

M.  billi f'xi pajjiżi tal-Amerka Latina, bħal f'ħafna partijiet tad-dinja, il-pandemija tal-COVID-19 intużat ukoll bħala skuża għal repressjoni u restrizzjoni b'mod sproporzjonat tal-miġemgħat u l-attivitajiet tas-soċjetà ċivili u tal-oppożizzjoni politika; billi l-miżuri tal-gvern spiss dgħajfu d-drittijiet bażiċi kollha tal-bniedem, inklużi d-drittijiet ċivili, politiċi, soċjali, ekonomiċi u kulturali ta' dawk li jinsabu fl-aktar sitwazzjonijiet prekarji; billi r-restrizzjonijiet tal-COVID-19 kellhom impatt ukoll fuq il-libertà tal-espressjoni;

N.  billi l-ħidma tal-ġurnalisti fir-reġjun saret aktar diffiċli b'riżultat ta' miżuri relatati mal-pandemija tal-COVID-19 f'termini ta' aċċess fiżiku limitat u anqas kuntatt mal-awtoritajiet, b'mod partikolari fir-rigward tar-rwol tagħhom fil-ġlieda kontra d-diżinformazzjoni dejjem aktar prevalenti; billi d-diżinformazzjoni online, l-aħbarijiet foloz u l-psewdoxjenza kienu xprun kbir tal-pandemija fl-Amerka Latina, bħala parti mill-"infodemija" kif definita mill-Organizzazzjoni Dinjija tas-Saħħa; billi eżempji konkreti ta' dan ivarjaw minn "kuri" frawdolenti u mirakolużi tal-COVID-19 għal attakki politiċi u kampanji ta' mibegħda kontra ċerti komunitajiet u minoranzi; billi l-media soċjali kellha rwol ewlieni fit-tixrid tad-diżinformazzjoni u l-psewdoxjenza;

O.  billi xi gvernijiet ġew ikkritikati b'mod partikolari talli segwew perkorsi politiċi perikolużi rigward il-pandemija tal-COVID-19, filwaqt li wrew oppożizzjoni għal inizjattivi sanitarji reġjonali u lokali, inkluż theddid li tintbagħat l-armata biex trażżan il-lockdowns u r-restrizzjonijiet lokali, u ġew akkużati li injoraw id-direttivi ewlenin tad-WHO, l-aħjar prattiki dwar il-ġestjoni tal-pandemiji u l-linji gwida dwar is-saħħa pubblika bbażati fuq ix-xjenza;

1.  Itenni t-tħassib serju tiegħu dwar l-impatt devastanti li qed ikollha l-pandemija tal-COVID-19 kemm fuq il-kontinent Ewropej kif ukoll fuq dak tal-Amerka Latina u jesprimi s-solidarjetà tiegħu mal-vittmi kollha u l-familji tagħhom, kif ukoll ma' dawk kollha milquta minn kriżijiet tas-saħħa, ekonomiċi u soċjali;

2.  Jesprimi l-gratitudni profonda tiegħu għas-servizz tal-ħaddiema mediċi fir-reġjun taħt il-pressjonijiet u r-riskji għoljin tat-theddida tal-coronavirus;

3.  Jitlob lill-gvernijiet taż-żewġ reġjuni, lill-istituzzjonijiet tal-UE u lill-korpi ta' integrazzjoni tal-Amerka Latina jżidu l-kooperazzjoni bireġjonali u jtejbu l-istat ta' tħejjija u l-kapaċitajiet ta' reazzjoni, il-protezzjoni tad-dħul, u l-aċċess għall-kura tas-saħħa bażika u l-ġestjoni effiċjenti ta' pjanijiet ta' vaċċinazzjoni mifruxa;

4.  Jitlob lill-UE u lill-Istati Membri tagħha jikkooperaw mal-awtoritajiet tal-pajjiżi tal-Amerka Latina fil-bżonn u jużaw il-Mekkaniżmu tal-UE għall-Protezzjoni Ċivili u finanzjament ieħor ta' solidarjetà skont il-qafas finanzjarju pluriennali 2021-2027 sabiex tiġi indirizzata l-pandemija; jistieden, barra minn hekk, lill-Kummissjoni tagħmel użu minn Orizzont Ewropa u programmi u fondi oħra tal-UE sabiex trawwem il-kooperazzjoni xjentifika bejn il-pajjiżi tal-Amerka Latina u l-UE, b'mod partikolari fl-oqsma tas-saħħa u l-innovazzjoni; jilqa' l-inizjattivi l-ġodda għall-kooperazzjoni reġjonali fil-qasam tas-saħħa bħat-twaqqif ta' istitut transnazzjonali għall-mard infettiv;

5.  Jitlob lill-pajjiżi u lill-gvernijiet kollha jiżguraw aċċess liberu għall-vaċċini għall-popolazzjoni kollha mingħajr dewmien żejjed, filwaqt li jiżguraw provvisti suffiċjenti ta' vaċċini, jippromwovu aċċess ekwu għalihom u jipproċedu malajr kemm jista' jkun bil-kampanji ta' vaċċinazzjoni, li għaddejjin bħalissa; jipproponi, għal dak il-għan, it-tisħiħ tal-mekkaniżmi ta' koordinazzjoni reġjonali u/jew subreġjonali bil-għan li jiġu ssimplifikati l-akkwist pubbliku u d-distribuzzjoni effettiva tal-vaċċini u tiżdied ir-riċerka biex jiġu appoġġjati l-iżvilupp u l-produzzjoni tagħhom;

6.  Jistieden lill-komunità internazzjonali żżid l-isforzi biex issaħħaħ il-kapaċità ta' distribuzzjoni tal-inizjattiva COVAX u tappoġġja l-finanzjament sħiħ tal-Impenn Antiċipat tas-Suq ta' COVAX;

7.  Jirrikonoxxi r-rwol ewlieni li għandhom l-UE u l-Istati Membri tagħha fl-isforzi biex jiġi żgurat aċċess ġust u ekwu għal vaċċini sikuri u effettivi f'pajjiżi bi dħul baxx u medju permezz tal-mekkaniżmu COVAX, inkluża t-tħabbira reċenti ta' kontribuzzjoni addizzjonali ta' EUR 500 miljun, li ġġib il-kontribuzzjoni finanzjarja tal-UE għal COVAX għal total ta' EUR 1 biljun f'garanziji u għotjiet diretti; jinnota li, peress li l-Kummissjoni, il-Bank Ewropew tal-Investiment u l-Istati Membri tal-UE wiegħdu aktar minn EUR 2,2 biljun għall-Faċilità COVAX, l-UE hija wieħed mill-kontributuri ewlenin tagħha;

8.  Iħeġġeġ lill-pajjiżi tal-Amerka Latina jagħmlu l-vaċċini disponibbli għal kulħadd irrispettivament mill-istatus migratorju, jieħdu azzjoni urġenti biex isaħħu d-distribuzzjoni tal-vaċċini għar-rifuġjati u l-migranti irregolari kif ukoll għall-persuni li jaħdmu fis-settur informali u li jgħixu f'insedjamenti informali, u jippermettu lil dawk li m'għandhomx dokument tal-identità nazzjonali jirreġistraw għall-inokulazzjoni mingħajr dewmien amministrattiv; ifaħħar, f'dan ir-rigward, azzjonijiet bħall-Istatus ta' Protezzjoni Temporanja għall-Migranti Venezwelani fil-Kolombja jew l-operazzjoni ta' rilokazzjoni li għaddejja bħalissa "Operação Acolhida" fil-Brażil;

9.  Jieħu nota li skont id-WHO diversi pajjiżi fir-reġjun għandhom kapaċitajiet potenzjali ta' produzzjoni tal-vaċċin kontra l-COVID-19 li jistgħu jiġu estiżi soġġett għat-trasferimenti tat-teknoloġija;

10.  Iħeġġeġ lill-gvernijiet isostnu l-ogħla livelli ta' rispett għad-drittijiet tal-bniedem fl-applikazzjoni tal-miżuri ta' konteniment b'rispons għall-espansjoni tal-COVID-19; jitlob li jiġi żgurat li l-miżuri meħuda b'rispons għall-emerġenza tas-saħħa jkunu proporzjonati, meħtieġa u mhux diskriminatorji; jikkundanna l-miżuri repressivi meħuda matul il-pandemija, il-ksur gravi tad-drittijiet tal-bniedem u l-abbużi kontra l-popolazzjonijiet, inkluż l-użu eċċessiv tal-forza mill-forzi statali u tas-sigurtà;

11.  Jistieden lill-partijiet ikkonċernati kollha jintensifikaw il-ġlieda kontra d-diżinformazzjoni online, l-aħbarijiet foloz u l-psewdoxjenza; jistieden lill-gvernijiet taż-żewġ reġjuni u lill-organizzazzjonijiet internazzjonali jinvolvu ruħhom ma' pjattaformi online biex isibu soluzzjonijiet effettivi li jindirizzaw l-"infodemija"; jilqa' l-ħolqien ta' PortalCheck.org, li huwa ċentru ta' riżorsi online ġdid għall-verifikaturi tal-fatti fl-Amerka Latina u l-Karibew biex tiġi indirizzata d-diżinformazzjoni tal-COVID-19, appoġġjat mill-Unjoni Ewropea; jinnota, madankollu, li l-gvernijiet għandhom joqogħdu lura milli jużaw il-ġlieda kontra d-diżinformazzjoni biex irażżnu d-diskors politiku u jillimitaw il-libertajiet fundamentali taċ-ċittadini;

12.  Jistieden lill-Kummissjoni u lis-SEAE jipprevedu impenn speċifiku dwar it-trasferiment tal-għarfien u l-azzjoni u l-ippjanar ta' rispons għall-kriżijiet, filwaqt li jibnu fuq il-proposti leġiżlattivi attwali tal-UE bħar-Regolament dwar it-Theddid Transkonfinali għas-Saħħa, sabiex jgħinu lill-pajjiżi tal-Amerka Latina jkunu mħejjija aħjar f'każ ta' pandemiji futuri;

13.  Jiddispjaċih li l-pandemija tal-COVID-19 ġiet politiċizzata ħafna, inkluża r-retorika negazzjonista jew it-tnaqqis tas-severità tas-sitwazzjoni mill-Kapijiet ta' Stat u ta' Gvern, u jistieden lill-mexxejja politiċi jaġixxu b'mod responsabbli sabiex jipprevjenu eskalazzjonijiet ulterjuri; iqis inkwetanti l-kampanji ta' diżinformazzjoni relatati mal-pandemija u jistieden lill-awtoritajiet jidentifikaw u jippersegwitaw legalment lill-entitajiet li jwettqu tali azzjonijiet;

14.  Jistieden lill-UE u lill-Istati Membri tagħha u lill-istati kollha tal-Amerka Latina jappoġġjaw il-ħruġ massiv tad-Drittijiet Speċjali ta' Prelevament (SDRs) tal-Fond Monetarju Internazzjonali biex tiżdied il-likwidità tal-pajjiżi tar-reġjun bl-irħas mod possibbli, u jappoġġjaw it-twessigħ tal-kamp ta' applikazzjoni tal-Inizjattiva dwar is-Sospensjoni tas-Servizz tad-Dejn (DSSI) tal-G20 għall-pajjiżi bi dħul medju;

15.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-Assemblea Parlamentari Ewro-Latino-Amerikana u lill-awtoritajiet u l-parlamenti tal-pajjiżi tal-Amerka Latina.

(1) Testi adottati, P9_TA(2020)0307. (2) Testi adottati, P9_TA(2020)0322. (3) Testi adottati, P9_TA(2020)0054.

Riżoluzzjoni tal-Parlament Ewropew tad-29 ta' April 2021 dwar il-Bolivja u l-arrest tal-ex President Jeanine Añez u ta' uffiċjali oħra (2021/2646(RSP))

P9_TA(2021)0156 RC-B9-0244/2021

Il-Parlament Ewropew,

–  wara li kkunsidra r-riżoluzzjoni tiegħu tat-28 ta' Novembru 2019 dwar is-sitwazzjoni fil-Bolivja(1),

–  wara li kkunsidra d-dikjarazzjoni tal-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà f'isem l-Unjoni Ewropea tat-23 ta' Ottubru 2020 dwar l-elezzjonijiet ġenerali fil-Bolivja, u d-dikjarazzjoni tal-Kelliem tiegħu tal-14 ta' Marzu 2021 dwar l-aħħar żviluppi fil-Bolivja,

–  wara li kkunsidra l-istqarrija għall-istampa mill-Kummissjoni Inter-Amerikana dwar id-Drittijiet tal-Bniedem (IACHR) tas-16 ta' Marzu 2021 dwar ir-rispett tal-istandards Inter-Amerikani għal proċess ġust u aċċess għall-ġustizzja fil-Bolivja,

–  wara li kkunsidra d-dikjarazzjoni attribwibbli lill-Kelliem għas-Segretarju Ġenerali tan-Nazzjonijiet Uniti dwar il-Bolivja, tat-13 ta' Marzu 2021,

–  wara li kkunsidra d-dikjarazzjonijiet tas-Segretarjat Ġenerali tal-Organizzazzjoni tal-Istati Amerikani (OAS), tal-15 u s-17 ta' Marzu 2021, dwar is-sitwazzjoni fil-Bolivja,

–  wara li kkunsidra l-Kostituzzjoni Politika tal-Bolivja,

–  wara li kkunsidra l-Konvenzjoni Amerikana dwar id-Drittijiet tal-Bniedem (il-Patt ta' San José),

–  wara li kkunsidra l-Patt Internazzjonali dwar id-Drittijiet Ċivili u Politiċi,

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi s-sitwazzjoni politika u soċjali fil-Bolivja għadha ta' tħassib serju mill-elezzjonijiet presidenzjali tal-20 ta' Ottubru 2019; billi mill-inqas 35 ruħ mietu u 833 ndarbu fil-kuntest tal-protesti mifruxa u vjolenti, u ħafna oħrajn ġew detenuti bi ksur tar-regoli ta' proċess ġust, fost rapporti ta' vjolazzjonijiet u abbużi mifruxa tad-drittijiet tal-bniedem; billi l-President Evo Morales irriżenja minn President u telaq mill-pajjiż; billi diversi riżenji wasslu għal vojt fil-poter, u t-Tieni Viċi President tas-Senat Jeanine Áñez assumiet il-presidenza ad interim f'konformità mal-kostituzzjoni; billi t-Tribunal Plurinazzjonali Kostituzzjonali tal-Bolivja (TCP) approva l-presidenza ad interim ta' Jeanine Áñez;

B.  billi wara l-mandat kostituzzjonali tagħhom, Jeanine Áñez u l-awtoritajiet ad interim ħadu l-passi meħtieġa biex jorganizzaw elezzjonijiet ġodda demokratiċi, inklużivi, trasparenti u ġusti, li saru f'Ottubru 2020 minkejja l-isfidi li rriżultaw mill-COVID-19; billi Luis Arce mill-partit MAS rebaħ il-Presidenza, u ġie rikonoxxut bħala tali minn Jeanine Áñez, kif ukoll mill-komunità internazzjonali, inkluża l-Unjoni Ewropea, u b'hekk ġie żgurat trasferiment tal-poter trasparenti u paċifiku;

C.  billi f'dawn l-aħħar xhur il-kanċellazzjoni jew l-irtirar ta' diversi proċessi kontra s-sostenituri tal-MAS ġew ikkonfermati, filwaqt li żdied it-theddid ta' persekuzzjoni ġudizzjarja tal-politiċi li jopponu lill-Gvern tal-MAS; billi fit-18 ta' Frar 2021, id-Digriet Suprem 4461, li huwa vag, ġie approvat mill-Assemblea Plurinazzjonali, u dan ta amnestija ġenerali u maħfra lis-sostenituri tal-gvern tal-President Arce li ġew ipproċessati matul l-amministrazzjoni ta' Áñez għal reati relatati mal-"kriżi politika" li bdiet f'Ottubru 2019;

D.  billi fit-13 ta' Marzu 2021 Jeanine Áñez, tnejn mill-ministri tagħha, l-ex Ministru għall-Enerġija Rodrigo Guzmán u l-ex Ministru tal-Ġustizzja Álvaro Coimbra, u individwi oħra li ffurmaw il-gvern ad interim mill-2019 sal-2020 ġew detenuti fuq akkużi ta' "terroriżmu, sedizzjoni u konfoffa", u l-prosekuturi qed jakkużawhom li ħadu sehem f'kolp ta' stat fl-2019; billi l-arrest preventiv tagħhom ġie estiż għal sitt xhur, u l-ex President Áñez qed tiffaċċja 24 sena ħabs jekk tinstab ħatja; billi mandat ta' arrest għadu pendenti għal tliet ex ministri oħra; billi l-ex President Jeanine Áñez inizjalment ġiet miċħuda assistenza medika waqt id-detenzjoni;

E.  billi l-prosekuturi ressqu akkużi abbażi ta' lment minn ex Membru tal-Kungress tal-MAS, u jallegaw li l-individwi msemmija hawn fuq "ippromwovew, mexxew, appoġġjaw u kienu membri" ta' organizzazzjonijiet li l-objettiv tagħhom kien li jkissru l-"ordni kostituzzjonali" tal-Bolivja; billi l-prosekuturi akkużaw lil Jeanine Áñez bħala President ad interim iżda mhux bħala ċivili jew fil-kapaċità ta' kwalunkwe rwol pubbliku ieħor; billi l-Artikoli 159(11), 160(6), 161(7) u 184 (4) tal-Kostituzzjoni tal-2009 u l-Liġi tat-8 ta' Ottubru 2010 jipprevedu proċedura speċjali għall-proċess tal-President, tal-Viċi President u tal-awtoritajiet għolja ta' tribunali differenti; billi l-proċedura ġudizzjarja kontra l-President Áñez, segwita bil-prosekuzzjoni, ma tikkonformax mad-dritt kostituzzjonali Bolivjana; billi l-evidenza fid-dokumentazzjoni ta' akkumpanjament ma tidhirx li hi ċara;

F.  billi dawk akkużati b'dawn ir-reati kriminali jallegaw li qed jiġu ppersegwitati; billi dawk li ġew arrestati s'issa jsostnu li ma ġewx debitament notifikati dwar l-akkużi, għalkemm l-Uffiċċju tal-Avukat Ġenerali saħaq li l-mandati ta' arrest inħarġu f'konformità mal-liġi u mingħajr ma nkisru d-drittijiet tad-detenuti; billi l-Uffiċċju tal-Ombudsperson iddeċieda li jimmonitorja l-azzjonijiet tal-Pulizija tal-Bolivja u tal-Uffiċċju tal-Prosekutur Pubbliku biex jiżgura li l-proċess ġust u d-dritt għal difiża tal-individwi arrestati kienu qed jiġu rispettati;

G.  billi l-Artikolu 3 tal-Karta Demokratika Inter-Amerikana jiddefinixxi s-separazzjoni u l-indipendenza tal-poteri pubbliċi bħala element essenzjali tad-demokrazija rappreżentattiva; billi l-Artikolu 8 tal-Patt ta' San José jenfasizza l-garanziji ġudizzjarji u l-proċess ġust; billi diversi organizzazzjonijiet internazzjonali esprimew it-tħassib tagħhom dwar l-abbuż tal-mekkaniżmi ġudizzjarji fil-Bolivja, u dwar il-fatt li qed jintużaw dejjem aktar bħala strumenti ripressivi mill-partit fil-gvern; billi l-President il-ġdid Arce wiegħed li matul il-gvern tiegħu mhu se jkun hemm l-ebda pressjoni politika fuq il-prosekuturi u l-imħallfin;

H.  billi l-kredibilità tas-sistema ġudizzjarja Bolivjana qed tiġi affettwata minn rapporti kontinwi ta' nuqqas ta' indipendenza, interferenza politika mifruxa u korruzzjoni;

I.  billi l-IACHR saħqet li ċerti liġijiet Bolivjani kontra t-terroriżmu jiksru l-prinċipju tal-legalità minħabba li jinkludu, fost affarijiet oħra, definizzjoni komprensiva tat-terroriżmu li inevitabbilment hija wisq wiesgħa jew vaga; billi l-istati għandhom jirrispettaw il-prinċipju tal-legalità meta jkunu qed jiddefinixxu r-reati; billi l-ilmenti mressqa quddiem it-TCP li jitolbu bi dritt li l-Artikolu 123 tal-Kodiċi Kriminali dwar ir-reat tas-sedizzjoni, u l-Artikolu 133 tiegħu dwar it-terroriżmu, jiġu ddikjarati bħala mhux kostituzzjonali talli allegatament jiksru l-Konvenzjoni Amerikana dwar id-Drittijiet tal-Bniedem u l-Kostituzzjoni Bolivjana, qed jistennew riżoluzzjoni mit-TCP;

J.  billi l-UE ilha żmien twil sieħba tal-Bolivja, u għandha tkompli tappoġġja l-istituzzjonijiet demokratiċi tagħha, it-tisħiħ tal-istat tad-dritt, id-drittijiet tal-bniedem u l-iżvilupp ekonomiku u soċjali tagħha; billi l-UE qdiet rwol importanti bħala faċilitatur fil-paċifikazzjoni tal-pajjiż fl-2019 u l-2020, u b'appoġġ għall-elezzjonijiet;

1.  Jiddenunzja u jikkundanna d-detenzjoni arbitrarja u illegali tal-ex President ad interim Áñez , tnejn mill-Ministri tagħha, u priġunieri politiċi oħra; jistieden lill-awtoritajiet Bolivjani jeħilsuhom minnufih u jwaqqgħu l-akkużi motivati politikament li saru kontrihom; jitlob li jkun hemm qafas ta' ġustizzja trasparenti u imparzjali ħielsa mill-pressjoni politika, u jħeġġeġ lill-awtoritajiet jipprovdu l-assistenza medika kollha meħtieġa biex jiżguraw il-benesseri tagħhom;

2.  Jissottolinja li l-ex President Áñez ikkonformat bis-sħiħ mad-dmir tagħha skont il-Kostituzzjoni Bolivjana bħala t-Tieni Viċi President tas-Senat meta kienet qed timla l-vojt presidenzjali kkawżat mir-riżenja tal-ex President Evo Morales wara l-irvellijiet vjolenti li ġew skattati minħabba l-attentat ta' frodi elettorali; jenfasizza li t-Tribunal Plurinazzjonali tal-Bolivja approva t-trasferiment tal-poter lil Jeanine Áñez; jinnota li l-elezzjonijiet tat-18 ta' Ottubru 2020 saru mingħajr inċidenti u b'garanziji demokratiċi sħaħ;

3.  Jesprimi t-tħassib tiegħu dwar in-nuqqas ta' indipendenza u imparzjalità tas-sistema ġudizzjarja Bolivjana u l-prevalenza ta' problemi strutturali; jinnota li dan in-nuqqas ta' indipendenza jaffettwa l-aċċess għall-ġustizzja, u, b'mod aktar ġenerali, inaqqas il-fiduċja taċ-ċittadini fis-sistema tal-ġustizzja nazzjonali; jikkundanna l-pressjoni politika mpoġġija fuq il-ġudikatura biex tippersegwita l-avversarji politiċi, u jissottolinja l-importanza li jiġu rispettati l-garanziji ta' proċess ġust u li jiġi żgurat li l-ġudikatura tkun ħielsa minn kull pressjoni politika; jisħaq li l-vittmi jistħoqqilhom ġustizzja reali u imparzjali, u li dawk kollha responsabbli għandhom jinżammu responsabbli, mingħajr ma tingħata l-ebda amnestija jew maħfra minħabba l-opinjoni politika tagħhom; jitlob ir-rispett sħiħ tal-indipendenza tal-fergħat tal-poter u t-trasparenza sħiħa fil-proċedimenti legali kollha;

4.  Jenfasizza li l-proċedimenti ġudizzjarji kollha jridu jitmexxew b'rispett sħiħ tal-prinċipju ta' proċess ġust minqux fid-dritt internazzjonali; jenfasizza li għandhom jipprovdu garanziji ġudizzjarji, filwaqt li jiżguraw il-protezzjoni ġudizzjarja u l-aċċess għall-ġustizzja, bħala parti minn sistema tal-ġustizzja indipendenti u imparzjali li tkun ħielsa mill-indħil minn istituzzjonijiet statali oħra;

5.  Iħeġġeġ lill-Bolivja twettaq bidliet u riformi strutturali fis-sistema ġudizzjarja mingħajr dewmien, b'mod partikolari fil-kompożizzjoni tagħha, sabiex tiżgura l-garanziji ta' proċessi ġusti u kredibbli, imparzjalità u proċess ġust; jistieden lill-Gvern Bolivjan jindirizza l-problema mifruxa tal-korruzzjoni fil-pajjiż; jistieden lill-Gvern Bolivjan jemenda l-artikoli fil-Kodiċi Kriminali dwar id-delitti ta' sedizzjoni u terroriżmu, li jinkludu definizzjonijiet wiesgħa żżejjed tat-terroriżmu, u b'hekk iwasslu għal ksur possibbli tal-prinċipji tal-legalità u l-proporzjonalità;

6.  Jistieden lill-Prosekutur Pubbliku tal-Bolivja jerġa' jiftaħ l-investigazzjoni dwar l-allegat kanalizzar mill-gvern ta' Morales ta' USD 1,6 miljun f'fondi pubbliċi permezz ta' pagamenti irregolari lill-kumpanija ta' konsulenza Neurona;

7.  Ifakkar fl-indispensabilità ta' kanali ta' djalogu mtejba u effettivi fil-qafas tal-istituzzjonijiet Bolivjani sabiex jiġu promossi l-valuri demokratiċi, l-istat tad-dritt u r-rispett għad-drittijiet tal-bniedem; jistieden lill-awtoritajiet Bolivjani jmexxu proċess ta' rikonċiljazzjoni bil-għan li jdgħajfu t-tensjoni u l-ostilità li hemm moħbija fis-soċjetà Bolivjana;

8.  Jesprimi tħassib dwar is-sitwazzjoni soċjali u politika mwiegħra li ilha tevolvi u tiddeterjora fil-Bolivja mill-2019, u jiddeplora profondament it-traġedja li waqgħet fuq il-vittmi kollha tad-diżordni fil-Bolivja, min-naħat kollha; jissottolinja l-ħtieġa kritika li l-karattru plurietniku u plurilingwi għalkollox legali tal-istat jiġi rispettat; jistieden lill-Bolivja twettaq bidliet u riformi strutturali, inkluża l-ħatra ta' Ombudsperson indipendenti u imparzjali, biex tindirizza l-kawżi ewlenin tal-kriżijiet li faqqgħu fil-pajjiż;

9.  Jemmen li l-UE u l-Bolivja għandhom ikomplu u jsaħħu l-impenn u d-djalogu tagħhom fil-kuntest tan-negozjati SĠP +, peress li l-Bolivja hija l-uniku pajjiż fil-Komunità Andina li m'għandux ftehim mal-UE; jemmen li l-UE għandha tkompli tappoġġja lill-Bolivja, u tkun lesta timpenja ruħha aktar, dment li jittieħdu passi ċari biex tittejjeb is-sitwazzjoni u dment li d-demokrazija, l-istat tad-dritt u d-drittijiet tal-bniedem jiġu rispettati;

10.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-Gvern tal-Bolivja, lill-Qorti Kostituzzjonali Plurinazzjonali tal-Bolivja, lill-Organizzazzjoni tal-Istati Amerikani, lill-Kummissjoni Inter-Amerikana dwar id-Drittijiet tal-Bniedem, lill-Parlament Andin u lill-Assemblea Parlamentari Ewro-Latino-Amerikana, lis-Segretarju Ġenerali tan-NU u lill-Kummissarju Għoli tan-NU għad-Drittijiet tal-Bniedem.

(1) Testi adottati, P9_TA(2019)0077.

Riżoluzzjoni tal-Parlament Ewropew tad-29 ta' April 2021 dwar il-liġijiet dwar il-blasfemija fil-Pakistan, b'mod partikolari l-każ ta' Shagufta Kausar u Shafqat Emmanuel (2021/2647(RSP))

P9_TA(2021)0157 RC-B9-0254/2021

Il-Parlament Ewropew,

–  wara li kkunsidra r-riżoluzzjonijiet preċedenti tiegħu dwar il-Pakistan, b'mod partikolari dawk tal-20 ta' Mejju 2010 dwar il-libertà reliġjuża fil-Pakistan(1), tal-10 ta' Ottubru 2013 dwar każijiet reċenti ta' vjolenza u persekuzzjoni kontra Nsara, partikolarment f'Maaloula (Sirja) u Peshawar (Pakistan) u l-każ tal-Pastor Saeed Abedini (Iran)(2), tas-17 ta' April 2014 dwar il-Pakistan: il-każi reċenti ta' persekuzzjoni(3), tas-27 ta' Novembru 2014 dwar il-Pakistan: liġijiet dwar atti blasfemi(4), u tal-15 ta' Ġunju 2017 dwar il-Pakistan, b'mod partikolari s-sitwazzjoni tad-difensuri tad-drittijiet tal-bniedem u l-piena tal-mewt(5),

–  wara li kkunsidra d-Dikjarazzjoni Universali tad-Drittijiet tal-Bniedem,

–  wara li kkunsidra l-Patt Internazzjonali dwar id-Drittijiet Ċivili u Politiċi tal-1966, b'mod partikolari l-Artikoli 6, 18 u 19 tiegħu,

–  wara li kkunsidra l-Konvenzjoni Internazzjonali dwar l-Eliminazzjoni tal-Forom Kollha ta' Diskriminazzjoni Razzjali,

–  wara li kkunsidra l-osservazzjonijiet tal-kelliem għall-Kummissarju Għoli tan-NU għad-Drittijiet tal-Bniedem, Rupert Colville, b'mod partikolari n-noti ta' informazzjoni għall-istampa tiegħu dwar il-Pakistan tat-8 ta' Settembru 2020,

–  wara li kkunsidra d-dikjarazzjonijiet mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà dwar il-Pakistan,

–  wara li kkunsidra l-Pjan ta' Impenn Strateġiku UE-Pakistan tal-2019, li jistabbilixxi bażi maqbula għal kooperazzjoni reċiproka dwar prijoritajiet bħad-demokrazija, l-istat tad-dritt, il-governanza tajba u d-drittijiet tal-bniedem,

–  wara li kkunsidra d-Dikjarazzjoni tan-NU dwar l-Eliminazzjoni tal-Forom Kollha ta' Intolleranza u Diskriminazzjoni Abbażi tar-Reliġjon u t-Twemmin,

–  wara li kkunsidra r-rapport konġunt tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tal-10 ta' Frar 2020 dwar l-Iskema Ġeneralizzata ta' Preferenzi li jkopri l-perjodu 2018-2019 (JOIN(2020)0003) u, b'mod partikolari, il-valutazzjoni korrispondenti tal-Pakistan fir-rigward tal-Arranġament Speċjali ta' Inċentivi għal Żvilupp Sostenibbli u Governanza Tajba (SĠP+) (SWD(2020)0022),

–  wara li kkunsidra l-Linji Gwida tal-UE dwar il-Promozzjoni u l-Protezzjoni tal-Libertà tar-Reliġjon jew tat-Twemmin tal-2013,

–  wara li kkunsidra l-Linji Gwida tal-UE dwar il-Piena tal-Mewt tal-2013,

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi l-liġijiet kontroversjali dwar il-blasfemija tal-Pakistan ilhom fis-seħħ fil-forma attwali tagħhom mill-1986, li jikkastigaw il-blasfemija kontra l-Profeta Muhammad bil-mewt jew b'għomor il-ħabs;

B.  billi l-liġijiet dwar il-blasfemija tal-Pakistan, minkejja li qatt ma wasslu għal eżekuzzjonijiet uffiċjali, inċitaw fastidju, vjolenza u qtil kontra dawk akkużati; billi l-persuni akkużati bil-blasfemija jkollhom jibżgħu għal ħajjithom irrispettivament mill-eżitu tal-proċeduri ġudizzjarji; billi huwa magħruf sew li l-liġijiet dwar il-blasfemija tal-Pakistan spiss jiġu abbużati billi jsiru akkużi foloz li jservu l-interessi personali tal-persuna li tagħmel l-akkużi;

C.  billi l-liġijiet dwar il-blasfemija tal-Pakistan jagħmluha perikoluża għall-minoranzi reliġjużi li jesprimu lilhom infushom liberament jew li jinvolvu ruħhom b'mod miftuħ f'attivitajiet reliġjużi; billi, minflok ma jipproteġu l-komunitajiet reliġjużi, huma xeħtu star ta' biża' fuq is-soċjetà tal-Pakistan; billi kull tentattiv ta' riforma ta' dawn il-liġijiet jew tal-applikazzjoni tagħhom safa fgat minn theddidiet u assassinji; billi tentattivi ta' diskussjoni dwar dawn il-kwistjonijiet fil-media, online jew offline, spiss jintlaqgħu b'theddid u fastidju, inkluż min-naħa tal-gvern;

D.  billi bħalissa bosta tużżani ta' nies, fosthom Musulmani, Ħindu, Insara u oħrajn, jinsabu l-ħabs fuq akkużi ta' blasfemija; billi diversi persuni li ġew akkużati nqatlu bil-vjolenza tal-massa; billi hemm pressjoni tremenda fuq is-sistema tal-qrati tal-Pakistan; billi l-proċedimenti ġudizzjarji spiss idumu għaddejjin għal ħafna snin, u għandhom effett devastanti fuq ċittadini innoċenti tal-Pakistan u fuq il-familji u l-komunitajiet tagħhom;

E.  billi kien hemm żieda allarmanti fl-akkużi ta' "blasfemija" online u offline fil-Pakistan matul is-sena li għaddiet; billi ħafna minn dawn l-akkużi jkollhom fil-mira difensuri tad-drittijiet tal-bniedem, ġurnalisti, artisti u l-aktar persuni marġinalizzati fis-soċjetà; billi l-liġijiet dwar il-blasfemija tal-Pakistan qed jintużaw dejjem aktar bħala forma ta' tpattija personali jew politika bi ksur tad-drittijiet għal-libertà tar-reliġjon u t-twemmin u tal-opinjoni u l-espressjoni;

F.  billi l-proċeduri ġudizzjarji f'każijiet ta' blasfemija fil-Pakistan huma difettużi ħafna; billi, biex tingħata kundanna, huma meħtieġa standards baxxi ta' evidenza, u l-awtoritajiet ġudizzjarji spiss jaċċettaw l-allegazzjonijiet mingħajr ebda kritika; billi l-akkużati spiss jitqiesu ħatja u jridu jagħtu prova tal-innoċenza tagħhom aktar milli viċi versa;

G.  billi l-libertà tal-ħsieb, tal-kuxjenza u tar-reliġjon tapplika għal dawk li jħaddnu reliġjon, iżda anke għall-atei, għall-anjostiċi u għall-persuni mingħajr twemmin;

H.  billi l-Pakistan huwa parti mill-ftehimiet internazzjonali rilevanti dwar id-drittijiet tal-bniedem, inkluż il-Patt Internazzjonali dwar id-Drittijiet Ċivili u Politiċi u l-Konvenzjoni tan-NU Kontra t-Tortura u Trattament jew Pieni Krudili, Inumani jew Degradanti oħra, li fihom dispożizzjonijiet dwar id-dritt għall-ħajja, id-dritt għal proċess ġust, l-ugwaljanza quddiem il-liġi u n-nondiskriminazzjoni;

I.  billi l-posponiment tal-proċessi kien fattur komuni f'diversi każijiet ta' persuni akkużati bi "blasfemija", b'imħallfin li spiss ikunu ssuspettati li jużaw dawn it-tattiċi minħabba nuqqas ta' rieda li jagħtu sentenzi li jeżoneraw lill-akkużat; billi dawk li jaħdmu fis-sistema tal-ġustizzja kriminali tal-Pakistan, inklużi l-avukati, il-pulizija, il-prosekuturi u l-imħallfin, ħafna drabi ma jitħallewx iwettqu xogħolhom b'mod effikaċi, imparzjali u mingħajr biża'; billi x-xhieda u l-familji tal-vittmi kellhom jistaħbew minħabba biża' li tittieħed azzjoni ta' ritaljazzjoni;

J.  billi s-sitwazzjoni fil-Pakistan kompliet tiddeterjora fl-2020 peress li l-gvern sistematikament inforza l-liġijiet dwar il-blasfemija u naqas milli jipproteġi l-minoranzi reliġjużi minn abbużi minn atturi mhux statali, b'żieda qawwija fil-qtil immirat, il-każijiet ta' blasfemija, il-konverżjonijiet furzati, u d-diskors ta' mibegħda kontra minoranzi reliġjużi inklużi persuni Ahmadi, Musulmani Xiiti, u persuni Ħindu, Insara u Sikh; billi l-ħtif, il-konverżjoni furzata għall-Iżlam, l-istupru u ż-żwieġ furzat baqgħu theddida imminenti għan-nisa u t-tfal li ġejjin minn minoranzi reliġjużi fl-2020, b'mod partikolari dawk ta' fidi Ħindu u dik Nisranija;

K.  billi t-2 ta' Marzu 2021 kienet l-10 sena minn meta l-ex Ministru għall-Affarijiet tal-Minoranzi Pakistani Shahbaz Bhatti ġie assassinat wara theddid li sar kontrih minħabba li tkellem pubblikament kontra l-liġijiet dwar il-blasfemija;

L.  billi l-koppja Pakistana Shagufta Kausar u Shafqat Emmanuel ġiet ikkundannata għall-mewt fuq akkużi ta' blasfemija fl-2014; billi dawn l-akkużi kienu bbażati fuq il-fatt li allegatament intbagħtu messaġġi testwali insolenti fir-rigward tal-Profeta Muhammad minn numru tal-mowbajl irreġistrat taħt l-isem ta' Shagufta Kausar lill-persuna li akkużat lill-koppja bi blasfemija;

M.  billi l-evidenza li fuqha ġiet ikkundannata l-koppja tista' titqies żbaljata ħafna; billi l-illitteriżmu tagħhom jikxef il-falsità tas-suppożizzjoni li setgħu bagħtu l-messaġġi testwali; billi l-mowbajl li allegatament intuża biex jintbagħtu l-messaġġi ma ġiex irkuprat għall-investigazzjoni; billi l-koppja allegatament kienet daħlet f'argument mal-persuna li akkużathom ftit qabel ma saru l-akkużi; billi hemm raġuni biex wieħed jemmen li l-koppja ġiet ittorturata;

N.  billi l-koppja qed tinżamm il-ħabs sakemm tingħata deċiżjoni tal-qorti dwar l-appell tagħhom kontra s-sentenza tal-mewt tagħhom; billi l-appell tagħhom kellu jinstema' f'April 2020, sitt snin wara li ġew ikkundannati, iżda ġie pospost diversi drabi, l-aktar reċenti fil-15 ta' Frar 2021;

O.  billi l-koppja ilha separata mill-erbat itfal tagħha mill-kundanna tagħhom;

P.  billi Shafqat Emmanuel qed isofri minħabba ħsara lis-sinsla ta' dahru wara inċident fl-2004 u mhuwiex offrut attenzjoni medika xierqa fil-ħabs; billi Shagufta Kausar hija iżolata f'ħabs tan-nisa u qed issofri minn dipressjoni minħabba s-sitwazzjoni tagħha;

Q.  billi l-Qorti Superjuri ta' Lahore pposponiet il-każ diversi drabi u billi l-avukat tal-koppja, Saiful Malook, ilu jaħdem ħafna biex jiżgura li Shagufta Kausar u Shafqat Emmanuel fl-aħħar ikunu jistgħu isemmgħu l-każ tagħhom fil-qorti, u d-dritt ġudizzjarju tagħhom għal proċess ġust u xieraq jiġi finalment irrispettat;

R.  billi skont iċ-Ċentru għall-Ġustizzja Soċjali fil-Pakistan, bejn l-1987 u Frar 2021, ġew akkużati mill-inqas 1 855 persuna skont il-liġijiet dwar il-blasfemija, bl-ogħla numru ta' akkużi li seħħu fl-2020;

S.  billi Mashal Khan, student Musulman, inqatel minn kotra rrabjata f'April 2017 wara allegazzjonijiet li tefa' kontenut blasfem online, u li ma nstabet l-ebda evidenza ta' dan; billi Junaid Hafeez, lekċerer universitarju fl-Università Bahauddin Zakariya f'Multan, ġie arrestat f'Marzu 2013 talli allegatament għamel rimarki blasfemi, inżamm f'iżolament għall-ħames snin tal-proċess tiegħu, instab ħati ta' blasfemija u ngħata piena tal-mewt mill-qrati Pakistani f'Diċembru 2019; billi l-esperti tad-drittijiet tal-bniedem tan-NU kkundannaw is-sentenza bħala "parodija tal-ġustizzja" li tikser id-dritt internazzjonali;

T.  billi hemm għadd dejjem jikber ta' attakki online u offline fuq ġurnalisti u organizzazzjonijiet tas-soċjetà ċivili, b'mod partikolari kontra n-nisa u l-aktar persuni emarġinati fis-soċjetà, inklużi membri ta' minoranzi reliġjużi, persuni ifqar u persuni b'diżabilità; billi attakki bħal dawn spiss jinkludu akkużi foloz ta' blasfemija, li jistgħu jwasslu għal attakki fiżiċi, qtil, arresti arbitrarji u detenzjonijiet;

U.  billi l-Pakistan ilu jibbenefika minn preferenzi kummerċjali taħt il-programm SĠP+ mill-2014; billi l-benefiċċji ekonomiċi minn dan il-ftehim kummerċjali unilaterali għall-pajjiż huma konsiderevoli; billi l-istatus SĠP+ iġib miegħu l-obbligu li jiġu ratifikati u implimentati 27 konvenzjoni internazzjonali inklużi impenji li jiggarantixxu d-drittijiet tal-bniedem u l-libertà tar-reliġjon;

V.  billi fl-aħħar valutazzjoni tagħha tas-SĠP+ tal-Pakistan tal-10 ta' Frar 2020, il-Kummissjoni esprimiet varjetà ta' preokkupazzjonijiet serji dwar is-sitwazzjoni tad-drittijiet tal-bniedem fil-pajjiż, b'mod partikolari n-nuqqas ta' progress fil-limitazzjoni tal-kamp ta' applikazzjoni u tal-implimentazzjoni tal-piena tal-mewt;

W.  billi l-użu kontinwu tal-liġi dwar il-blasfemija fil-Pakistan qed iseħħ fil-kuntest ta' żieda globali fir-restrizzjonijiet fuq il-libertà tar-reliġjon u l-libertà tal-espressjoni relatati mar-reliġjon u t-twemmin; billi f'Marzu 2019 ir-Rapporteur Speċjali tan-NU dwar il-libertà tar-reliġjon jew tat-twemmin semma l-każ ta' Asia Bibi bħala wieħed mill-eżempji ta' rkupru tal-liġijiet kontra l-blasfemija u kontra l-apostażija u l-użu ta' liġijiet dwar l-ordni pubbliku biex tiġi limitata l-espressjoni meqjusa offensiva għall-komunitajiet reliġjużi;

X.  billi l-attakki ripetuti u qarrieqa kontra l-awtoritajiet Franċiżi minn gruppi Pakistani radikali u d-dikjarazzjonijiet reċenti mill-Gvern tal-Pakistan fuq il-bażi tal-blasfemija żdiedu mir-reazzjoni tal-awtoritajiet Franċiżi għall-attakk terroristiku kontra għalliem ta' skola Franċiża talli ddefenda l-libertà tal-espressjoni, li wassal lill-awtoritajiet Franċiżi biex fil-15 ta' April 2021 jirrakkomandaw liċ-ċittadini tagħhom biex jitilqu temporanjament mill-Pakistan; billi fl-20 ta' April 2021, membru tal-partit fil-gvern ressaq riżoluzzjoni fl-Assemblea Nazzjonali tal-Pakistan fejn talab dibattitu dwar it-tkeċċija tal-ambaxxatur Franċiż;

1.  Jesprimi t-tħassib tiegħu għas-saħħa u l-benessri ta' Shagufta Kausar u Shafqat Emmanuel u jħeġġeġ lill-awtoritajiet tal-Pakistan jiżguraw li tingħatalhom kura medika adegwata minnufih; jistieden lill-awtoritajiet tal-Pakistan jeħilsu minnufih u mingħajr kundizzjonijiet lil Shafqat Emmanuel u Shagufta Kausar u jannullaw il-piena tal-mewt tagħhom;

2.  Jiddispjaċih għall-fatt li l-appell ta' Shagufta Kausar u Shafqat Emmanuel qed jibqa' jiġi pospost; jistieden lill-Qorti Superjuri ta' Lahore tagħti d-deċiżjoni tagħha malajr kemm jista' jkun u tagħti spjegazzjoni raġonevoli għal kwalunkwe posponiment ulterjuri;

3.  Jinnota li Shafqat Emmanuel qed jinżamm fi sptar fil-ħabs minħabba l-gravità tal-kundizzjoni tiegħu u ġie kkurat darbtejn barra mill-ħabs ta' Faisalabad; jiddispjaċih għall-fatt li l-koppja ilha seba' snin maqfula fil-ħabs, u t-tnejn jinsabu iżolati minn xulxin u mill-familji tagħhom; jistieden, għalhekk, lill-Gvern tal-Pakistan jiżgura li l-ħabsijiet tiegħu joffru kundizzjonijiet deċenti u umani;

4.  Jinsab imħasseb dwar l-abbuż kontinwu tal-liġijiet dwar il-blasfemija fil-Pakistan, li qed jaggrava l-firdiet reliġjużi eżistenti u b'hekk qed irawwem klima ta' intolleranza, vjolenza u diskriminazzjoni reliġjużi; jenfasizza li l-liġijiet dwar il-blasfemija tal-Pakistan huma inkompatibbli mal-liġijiet internazzjonali dwar id-drittijiet tal-bniedem u qed jintużaw dejjem aktar biex jimmiraw gruppi ta' minoranza vulnerabbli fil-pajjiż, inklużi l-persuni Xiiti, Ahmadi, Ħindu u Nsara; jistieden, għalhekk, lill-Gvern tal-Pakistan jirrieżamina u fl-aħħar jabolixxi dawn il-liġijiet u l-applikazzjoni tagħhom; jitlob li l-imħallfin, l-avukati difensuri u x-xhieda tad-difiża jiġu protetti fl-hekk imsejħa kawżi ta' blasfemija kollha;

5.  Iħeġġeġ lill-Pakistan iħassar it-taqsimiet 295-B u C tal-Kodiċi Penali nazzjonali u jirrispetta u jiddefendi d-drittijiet għal-libertà tal-ħsieb, tal-kuxjenza, tar-reliġjon u tal-espressjoni fil-pajjiż kollu, filwaqt li effettivament itemm l-użu tal-liġijiet dwar il-blasfemija; jistieden ukoll lill-Gvern tal-Pakistan jemenda l-Att Kontra t-Terroriżmu tal-1997 biex jiżgura li l-kawżi ta' blasfemija ma jiġux ipproċessati fi qrati kontra t-terroriżmu, u biex jipprovdi opportunitajiet ta' pleġġ f'allegati kawżi ta' blasfemija;

6.  Jenfasizza li l-libertà tar-reliġjon jew tat-twemmin, il-libertà tal-kelma u tal-espressjoni, u d-drittijiet tal-minoranzi huma drittijiet tal-bniedem minquxa fil-kostituzzjoni tal-Pakistan;

7.  Jistieden lill-Gvern tal-Pakistan jikkundanna b'mod inekwivoku l-inċitament għall-vjolenza u d-diskriminazzjoni kontra l-minoranzi reliġjużi fil-pajjiż; jistieden lill-Gvern tal-Pakistan jistabbilixxi salvagwardji effettivi, proċedurali u istituzzjonali fil-livelli investigattivi, tal-prosekuzzjoni u ġudizzjarji biex jipprevjeni l-abbuż tal-liġijiet dwar il-blasfemija sakemm jiġu aboliti; jiddeplora d-diskriminazzjoni kontinwa kontra l-minoranzi reliġjużi fil-Pakistan u l-vjolenza kontrihom, fosthom l-persuni Nsara, Musulmani Ahmadiyya, Xiiti u Ħindu; ifakkar fl-attakk tal-massa tal-2014 fuq il-komunità Ahmadi f'Gujranwala wara allegazzjonijiet ta' blasfemija kontra l-membru tagħha Aqib Saleem, li ġie lliberat fil-qorti, li rriżulta fil-mewt ta' tliet membri tal-komunità, fosthom żewġt itfal; jinnota li sar rekwiżit li l-ebda uffiċjal tal-pulizija taħt il-livell tas-supretendent tal-pulizija ma jista' jinvestiga akkużi qabel ma tiġi rreġistrata kawża;

8.  Jinsab imħasseb dwar il-fatt li l-liġijiet dwar il-blasfemija fil-Pakistan spiss jiġu abbużati biex isiru akkużi foloz li jservu diversi inċentivi, inklużi s-soluzzjoni ta' tilwim personali jew it-tfittxija ta' gwadann ekonomiku; jistieden lill-Gvern tal-Pakistan, għalhekk, biex jieħu kont dovut ta' dan u jħassar il-liġijiet dwar il-blasfemija kif xieraq; jirrifjuta bil-qawwa d-dikjarazzjoni rrappurtata mill-Ministru tal-Istat għall-Affarijiet Parlamentari tal-Pakistan, Ali Khan, fejn talab li l-persuni li jikkommettu blasfemija jiġu dekapitati;

9.  Iħeġġeġ lill-persunal diplomatiku kollu tal-UE u dak Ewropew biex jagħmlu dak kollu li jistgħu biex jipprovdu protezzjoni u appoġġ lil Shagufta Kausar u Shafqat Emmanuel, inkluż billi jattendu proċessi, jitolbu żjarat fil-ħabs u kontinwament u b'mod riżolut jikkuntattjaw lill-awtoritajiet involuti f'din il-kawża;

10.  Jistieden lill-Istati Membri jiffaċilitaw il-ħruġ ta' viżi ta' emerġenza u joffru protezzjoni internazzjonali lil Shagufta Kausar, Shafqat Emmanuel, l-avukat tagħhom Saiful Malook u oħrajn li huma akkużati li eżerċitaw id-drittijiet tagħhom b'mod paċifiku, inklużi d-difensuri tad-drittijiet tal-bniedem, f'każ li jkollhom bżonn jitilqu mill-Pakistan;

11.  Jinsab estremament imħasseb dwar l-attakki online u offline li qed jiżdiedu fuq ġurnalisti, akkademiċi u organizzazzjonijiet tas-soċjetà ċivili, b'mod partikolari dawk kontra n-nisa u l-minoranzi; iħeġġeġ lill-Gvern tal-Pakistan jieħu passi minnufih biex jiżgura s-sikurezza tal-ġurnalisti, tad-difensuri tad-drittijiet tal-bniedem u tal-organizzazzjonijiet ta' ispirazzjoni reliġjuża u jwettaq investigazzjonijiet fil-pront u effikaċi sabiex jirrispetta l-istat tad-dritt u jressaq lill-awturi ta' reat quddiem il-ġustizzja;

12.  Jistieden lill-Kummissjoni u lis-Servizz Ewropew għall-Azzjoni Esterna (SEAE) jirrevedu minnufih l-eliġibbiltà tal-Pakistan għall-istatus SĠP+ fid-dawl tal-avvenimenti attwali u jekk hemmx raġuni biżżejjed biex tinbeda proċedura għall-irtirar temporanju ta' dan l-istatus u l-benefiċċji li jiġu miegħu, u biex jirrapportaw lill-Parlament Ewropew dwar din il-kwistjoni malajr kemm jista' jkun;

13.  Jistieden lis-SEAE u l-Kummissjoni jużaw l-għodod kollha għad-dispożizzjoni tagħhom, inklużi dawk previsti mil-Linji Gwida tal-UE dwar il-Promozzjoni u l-Protezzjoni tal-Libertà ta' Reliġjon jew ta' Twemmin, biex jgħinu lil komunitajiet reliġjużi u biex jitfgħu lill-Gvern tal-Pakistan taħt pressjoni sabiex jagħmel aktar għall-protezzjoni tal-minoranzi reliġjużi;

14.  Iħeġġeġ lis-SEAE u lill-Istati Membri jkomplu jappoġġjaw lill-Pakistan bir-riforma ġudizzjarja u l-bini tal-kapaċità biex jiġi żgurat li l-qrati inferjuri jkunu mgħammra biex imexxu proċessi fil-pront għal dawk detenuti u jneħħu kawżi ta' blasfemija li ma jkunux appoġġjati minn evidenza suffiċjenti u affidabbli;

15.  Jilqa' d-djalogi bejn reliġjonijiet differenti li qed isiru fil-Pakistan u jħeġġeġ lis-SEAE u lid-Delegazzjoni tal-UE jkomplu jappoġġjaw lill-Kunsill Nazzjonali tal-Paċi għall-Armonija Bejn Twemmin Differenti tal-Pakistan fl-organizzazzjoni ta' inizjattivi regolari bħal dawn ma' mexxejja reliġjużi, inklużi minn minoranzi reliġjużi, appoġġjati minn organizzazzjonijiet ta' ispirazzjoni reliġjuża, organizzazzjonijiet tas-soċjetà ċivili, professjonisti tad-drittijiet tal-bniedem u legali u akkademiċi; jistieden ukoll lid-Delegazzjoni tal-UE u lir-rappreżentanzi tal-Istati Membri biex ikomplu jappoġġjaw l-NGOs fil-Pakistan involuti fil-monitoraġġ tad-drittijiet tal-bniedem u fl-għoti ta' appoġġ lill-vittmi ta' vjolenza abbażi tal-fidi u vjolenza abbażi tal-ġeneru;

16.  Iħeġġeġ lill-Pakistan jintensifika l-kooperazzjoni tiegħu mal-korpi internazzjonali tad-drittijiet tal-bniedem, inkluż il-Kumitat tad-Drittijiet tal-Bniedem tan-NU, sabiex jimplimenta r-rakkomandazzjonijiet rilevanti kollha u jtejjeb il-monitoraġġ u r-rappurtar tal-progress li jkun sar għall-kisba tal-parametri referenzjarji internazzjonali;

17.  Iqis li d-dimostrazzjonijiet vjolenti u l-attakki kontra Franza mhumiex aċċettabbli; jinsab imħasseb ħafna dwar is-sentiment anti-Franċiż fil-Pakistan, li wassal biex iċ-ċittadini u l-kumpaniji Franċiżi kellhom jitilqu temporanjament mill-pajjiż;

18.  Jilqa' s-sentenza reċenti tal-Qorti Suprema tal-Pakistan li tipprojbixxi l-eżekuzzjoni ta' priġunieri b'kundizzjonijiet ta' saħħa mentali; itenni l-oppożizzjoni qawwija tal-Unjoni Ewropea għall-piena tal-mewt, f'kull każ u mingħajr eċċezzjoni; jappella għall-abolizzjoni universali tal-piena kapitali; jistieden lill-awtoritajiet tal-Pakistan jibdlu s-sentenzi tal-individwi kollha li qed jiffaċċjaw il-piena tal-mewt biex jiżguraw li d-dritt tagħhom għal proċess ġust, li huwa rikonoxxut internazzjonalment u salvagwardjat fil-kostituzzjoni, jiġi rispettat;

19.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Viċi President / Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-gvernijiet u lill-parlamenti tal-Istati Membri, u lill-Gvern u lill-Parlament tal-Pakistan.

(1) ĠU C 161 E, 31.5.2011, p. 147. (2) ĠU C 181, 19.5.2016, p. 82. (3) ĠU C 443, 22.12.2017, p. 75. (4) ĠU C 289, 9.8.2016, p. 40. (5) ĠU C 331, 18.9.2018, p. 109.

Riżoluzzjoni tal-Parlament Ewropew tad-29 ta' April 2021 dwar l-estimi tad-dħul u tan-nefqa għas-sena finanzjarja 2022 tal-Parlament (2020/2264(BUI))

P9_TA(2021)0158 A9-0145/2021

Il-Parlament Ewropew,

–  wara li kkunsidra l-Artikolu 314 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(1), u b'mod partikolari l-Artikolu 39 tiegħu,

–  wara li kkunsidra r-Regolament tal-Kunsill (UE, Euratom) 2020/2093 tas-17 ta' Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027(2), u d-dikjarazzjonijiet konġunti maqbula bejn il-Parlament, il-Kunsill u l-Kummissjoni f'dan il-kuntest(3), kif ukoll id-dikjarazzjonijiet unilaterali relatati(4),

–  wara li kkunsidra l-Ftehim Interistituzzjonali tas-16 ta' Diċembru 2020 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta' riżorsi proprja ġodda(5),

–  wara li kkunsidra r-Regolament (UE, Euratom) Nru 1023/2013 tal-Parlament Ewropew u tal-Kunsill tat-22 ta' Ottubru 2013 li jemenda r-Regolamenti tal-Persunal għall-Uffiċjali tal-Unjoni Ewropea u l-Kondizzjonijiet tal-Impjieg ta' Aġenti Oħra tal-Unjoni Ewropea(6),

–  wara li kkunsidra r-riżoluzzjoni tiegħu tal-14 ta' Mejju 2020 dwar l-estimi tad-dħul u n-nefqa tal-Parlament Ewropew għas-sena finanzjarja 2021(7),

–  wara li kkunsidra r-riżoluzzjoni tiegħu tat-12 ta' Novembru 2020 dwar il-pożizzjoni tal-Kunsill dwar l-abbozz tal-baġit ġenerali tal-Unjoni Ewropea għas-sena finanzjarja 2021(8),

–  wara li kkunsidra r-riżoluzzjoni tiegħu tat-18 ta' Diċembru 2020 dwar il-pożizzjoni tal-Kunsill dwar it-tieni abbozz tal-baġit ġenerali tal-Unjoni Ewropea għas-sena finanzjarja 2021(9),

–  wara li kkunsidra r-riżoluzzjoni tiegħu tas-26 ta' Ottubru 2017 dwar il-ġlieda kontra l-fastidju u l-abbuż sesswali fl-UE(10),

–  wara li kkunsidra r-riżoluzzjoni tiegħu tal-11 ta' Settembru 2018 dwar miżuri biex jiġu evitati u miġġielda l-mobbing u l-fastidju sesswali fil-post tax-xogħol, fl-ispazji pubbliċi, u fil-ħajja politika fl-UE(11),

–  wara li kkunsidra r-riżoluzzjoni tiegħu tal-15 ta' Jannar 2019 dwar l-integrazzjoni ta' kwistjonijiet ta' Ugwaljanza bejn is-Sessi fil-Parlament Ewropew(12),

–  wara li kkunsidra l-Komunikazzjoni mill-Kummissjoni lill-Parlament Ewropew u lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata "Unjoni ta' Ugwaljanza: Strateġija ta' Ugwaljanza Bejn il-Ġeneri għall-2020 – 2025"(COM(2020)0152),

–  wara li kkunsidra l-Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-Patt Ekoloġiku Ewropew (COM(2019)0640), b'mod partikolari l-paragrafu 2.1.4 tagħha dwar "Il-bini u r-rinnovament b'użu effiċjenti tal-enerġija u tar-riżorsi",

–  wara li kkunsidra l-Istrateġija ta' Nofs it-Terminu 2024 tal-EMAS adottata mill-Kumitat ta' Tmexxija għall-Ġestjoni Ambjentali fi Brussell fil-15 ta' Diċembru 2020,

–  wara li kkunsidra l-istudju: Il-marka tal-karbonju tal-Parlament Ewropew – Lejn in-newtralità karbonika(13),

–  wara li kkunsidra r-Rapport Speċjali tal-Qorti Ewropea tal-Awdituri Nru 14/2014: L-istituzzjonijiet u l-korpi tal-UE kif jikkalkolaw, inaqqsu u jpaċu l-emissjonijiet tagħhom ta' gassijiet serra?(14),

–  wara li kkunsidra r-rekwiżiti tal-addizzjonalità fid-Direttiva (UE) 2018/2001 tal-Parlament Ewropew u tal-Kunsill tal-11 ta' Diċembru 2018 dwar il-promozzjoni tal-użu tal-enerġija minn sorsi rinnovabbli (id-Direttiva dwar l-Enerġija Rinnovabbli), b'mod partikolari l-Premessa 90 u l-Artikolu 27 tagħha,

–  wara li kkunsidra r-riżoluzzjoni tal-Parlament Ewropew tas-17 ta' Settembru 2020 dwar il-massimizzazzjoni tal-potenzjal tal-effiċjenza enerġetika tal-istokk tal-bini tal-UE(15),

–  wara li kkunsidra d-Direttiva dwar ir-Rendiment tal-Bini fl-Użu tal-Enerġija(16) u d-Direttiva dwar l-Effiċjenza Enerġetika(17),

–  wara li kkunsidra d-Dikjarazzjoni mill-Parlament Ewropew, il-Kunsill u l-Kummissjoni dwar ir-rwol eżemplari tal-bini tagħhom fil-kuntest tad-Direttiva dwar l-Effiċjenza fl-Enerġija(18);

–  wara li kkunsidra l-Komunikazzjoni mill-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar Strateġija għal Mobbiltà Sostenibbli u Intelliġenti – inqiegħdu t-trasport Ewropew fit-triq it-tajba għall-futur (COM(2020)0789), b'mod partikolari l-paragrafu 9 dwar l-ivvjaġġar kollettiv,

–  wara li kkunsidra r-rapport tas-Segretarju Ġenerali lill-Bureau bl-għan li jitħejja l-abbozz preliminari tal-estimi tal-Parlament Ewropew għas-sena finanzjarja 2022,

–  wara li kkunsidra l-abbozz preliminari tal-estimi mħejji mill-Bureau fit-8 ta' Marzu 2021 skont l-Artikoli 25(7) u 102(1) tar-Regoli ta' Proċedura tal-Parlament,

–  wara li kkunsidra l-abbozz preliminari tal-estimi mħejji mill-Kumitat għall-Baġits skont l-Artikolu 102(2) tar-Regoli tal-Proċedura tal-Parlament,

–  wara li kkunsidra l-Artikolu 102 tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Baġits (A9-0145/2021),

A.  billi ż-żieda kontinwa tal-importanza fir-rwol tal-Parlament bħala koleġiżlatur, fergħa waħda tal-awtorità baġitarja, b'setgħat ta' skrutinju u bħala promotur tad-demokrazija Ewropea, inkluż fil-kuntest tar-rispons Ewropew għall-pandemija tal-COVID-19, u skont id-dikjarazzjoni konġunta tal-Parlament Ewropew, il-Kunsill u l-Kummissjoni dwar l-iskrutinju baġitarju ta' proposti ġodda bbażati fuq l-Artikolu 122 tat-TFUE b'implikazzjonijiet potenzjali apprezzabbli għall-baġit tal-Unjoni(19), enfasizzat il-ħtieġa kontinwa li l-Parlament jingħata għarfien leġiżlattiv xieraq u riżorsi finanzjarji adegwati biex jiżgura l-kwalità tal-ħidma leġiżlattiva u ta' skrutinju u jikkomunika dwar ir-riżultati tiegħu; billi l-kredibbiltà tal-Parlament u tal-Membri tiegħu f'għajnejn iċ-ċittadini Ewropej tiddependi fuq il-kapaċità tal-Parlament stess li jippjana u jeżegwixxi l-infiq tiegħu bi prudenza u b'effiċjenza u b'mod iġġustifikat sabiex jirrifletti r-realtajiet ekonomiċi prevalenti;

B.  billi l-Kummissjoni fit-tbassir tax-Xitwa tagħha, tistma li l-PDG naqas b’6,9 % fl-2020 u tipprevedi li dan mhux se jirkupra għal-livell tal-2019 qabel l-2023; billi l-estimi adottati mill-Parlament irrappreżentaw żieda ta' 2,68 % għall-2020 u żieda ta' 2,54 % għall-2021;

C.  billi l-baġit propost mis-Segretarju Ġenerali għall-abbozz preliminari tal-estimi tal-Parlament għall-2022 jirrappreżenta żieda ta' 3,31 %, ferm ogħla mir-rata ta' inflazzjoni;

D.  billi l-Parlament ra tnaqqis ġenerali ta' 6 % fil-persunal tiegħu matul il-perjodu tal-QFP preċedenti, li twettaq prinċipalment mill-amministrazzjoni tiegħu, filwaqt li fl-istess ħin, minn mindu ġie adottat it-Trattat ta' Lisbona, il-Parlament, fir-rwol tiegħu ta' koleġiżlatur, qiegħed jittratta numru akbar ta' fajls leġiżlattivi u żied l-attivitajiet relatati man-Next Generation EU; billi jinsab mħasseb ħafna dwar l-ammont ta' xogħol mhux sostenibbli għal ħafna segretarjati speċjalizzati tal-kumitati u l-gruppi politiċi;

E.  billi l-Patt Ekoloġiku Ewropew għandu l-għan li jilħaq il-miri klimatiċi ambizzjużi tiegħu mingħajr kumpens (tpaċija) tal-emissjonijiet ta' gassijiet serra tiegħu permezz ta' krediti internazzjonali;

F.  billi aktarx fl-2021 hu mistenni li tittieħed deċiżjoni dwar il-futur tal-bini Paul-Henri Spaak, abbażi tal-eżitu ta' kompetizzjoni mill-Bureau, li jfisser żieda sinifikanti fl-infiq fil-kuntest ta' kriżi; u billi l-bini Spaak għandu jissodisfa l-ogħla standards ambjentali u ta' sikurezza;

G.  billi l-fond ta' pensjoni volontarja ġie stabbilit fl-1990 mir-Regoli tal-Bureau li jirregolaw l-iskema ta' pensjoni addizzjonali (volontarja)(20); billi, fil-laqgħa tiegħu tal-10 ta' Diċembru 2018, il-Bureau ddeċieda li jimmodifika r-regoli applikabbli għall-fond tal-pensjoni billi jgħolli l-età tal-irtirar minn 63 għal 65 sena u billi jintroduċi imposta ta' 5 % fuq il-pagamenti tal-pensjoni għal pensjonanti futuri biex titjieb il-vijabbiltà ta' dawn il-pagamenti; billi huwa stmat li dawk il-bidliet fir-regoli naqqsu d-defiċit attwarjali b'EUR 13,3-il miljun;

Qafas ġenerali

1.  Ifakkar li l-akbar sehem tal-baġit tal-Parlament huwa stabbilit permezz ta' obbligi statutorji jew kuntrattwali; jinnota li 55 % tal-baġit huwa soġġett għal indiċjar tas-salarji f'konformità mar-Regolamenti tal-Persunal u l-Istatut għall-Membri tal-Parlament Ewropew; ifakkar li l-previżjonijiet attwali dwar l-indiċjar tas-salarji mill-Kummissjoni għal Lulju 2021 u 2022 jammonta għal 2,9 % u 2,5 % rispettivament li jfisser żieda ta' EUR 31,9 miljun fl-2022;

2.  Jappoġġja l-ftehim li ntlaħaq fil-Konċiljazzjoni bejn il-Bureau u l-Kumitat għall-Baġits, fl-14 ta' April 2021, biex tkun iffissata ż-żieda ta' 2,4 % tal-baġit 2021, perċentwal li jikkorrispondi għal-livell kumplessiv tal-estimi għall-2022 ta' EUR 2 112 904 198, biex jitnaqqas il-livell tan-nefqa fl-abbozz preliminari tal-estimi approvat mill-Bureau fit-8 ta' Marzu 2021 ta' EUR 18,85 miljun u biex, konsegwentement, jitnaqqsu l-approprjazzjonijiet proposti għal-linji baġitarji li ġejjin:

1004 01 – Spejjeż għall-vjaġġi regolari; sessjonijiet, kumitati jew id-delegazzjonijiet tagħhom, gruppi politiċi u mixxellanji; 1405 01 — Nefqa fuq l-Interpretazzjoni interpretazzjoni esterna; 2007 01 – Kostruzzjoni ta' bini u sistemazzjoni fil-bini; 2022 – Manutenzjoni, żamma, operat u tindif tal-bini; 2024 – Konsum tal-enerġija; 2120 01: Għamara: xiri, kiri, tiġdid, manutenzjoni u tiswija ta' għamara; 2140: Tagħmir u installazzjonijiet tekniċi; 3000 – Nefqiet għall-missjonijiet tal-persunal u vjaġġar fuq xogħol bejn it-tliet postijiet ta' xogħol; 3040 – Nefqa mixxellanja għal laqgħat interni; 3042 – Laqgħat, kungressi, konferenzi u delegazzjonijiet; 3210 09: Nefqa għas-Servizzi ta' Riċerka Parlamentari, inklużi l-bibljoteka, l-arkivji storiċi, il-valutazzjoni tal-għażliet xjentifiċi u teknoloġiċi (STOA) u ċ-Ċentru Ewropew tal-Midja Xjentifika: nefqa għaċ-Ċentru Ewropew tal-Midja Xjentifika; 3243 01: Ċentri għall-Viżitaturi tal-Parlament Ewropew: Il-Parlamentarium u l-"Europa Experience"; 3244 01: L-Organizzazzjoni u l-akkoljenza ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi: spejjeż ta' akkoljenza u sussidji għall-gruppi ta' viżitaturi; 4220 02: Nefqa relatata mal-assistenza parlamentari: salarji u indennizzi tal-assistenti akkreditati – Statut għall-Membri; 4220 04: Nefqa relatata mal-assistenza parlamentari: spejjeż għall-missjonijiet u l-ivvjaġġar fuq xogħol bejn it-tliet postijiet tax-xogħol u t-taħriġ estern tal-assistenti akkreditati — Statut għall-Membri;

3.  Jappoġġja bil-qawwa żieda ta' 76 kariga għall-gruppi politiċi u 66 kariga fis-segretarjati tal-kumitati biex jiġi akkomodat proporzjonalment l-ammont ta' xogħol akbar u jiġu implimentati l-politiki tal-Unjoni; b'mod parallel, jistieden lill-Bureau juża sinerġiji possibbli sabiex tiżdied l-effiċjenza fl-amministrazzjoni, u janalizza kif id-diġitalizzazzjoni u modi ġodda ta' ħidma jgħinu biex jiġu ssimplifikati d-direttorati u jippermettu t-trasferiment tal-karigi lejn is-segretarjati tal-Kumitati; jitlob lill-Bureau jeżamina wkoll jekk l-assistenza parlamentari tal-Membri hijiex adegwata, fid-dawl tad-domanda dejjem tikber fuq il-Membri u l-persunal tagħhom;

4.  Jisħaq fuq il-fatt li l-Baġit 2022 tal-Parlament irid ikun realistiku u preċiż sabiex jiġi evitat l-ibbaġitjar żejjed; jieħu nota tal-prattika kontinwa tat-"trasferiment ta' tlaqqit" ta' tmiem is-sena li tikkontribwixxi għall-proġetti immobiljari; jinnota li dan it-"trasferiment ta' tlaqqit" sistematikament isir fl-istess kapitoli, l-istess titoli u, spiss, eżattament fuq l-istess linji baġitarji; iqis li tali prattika tirriskja li titqies bħala bbaġitjar żejjed programmat; jitlob li, qabel it-trasferiment ta' tlaqqit li jmiss, titnieda riflessjoni dwar il-finanzjament ta' investimenti ewlenin ibbażati fuq it-trasparenza;

L-ekoloġizzazzjoni tal-Parlament

5.  Jisħaq fuq il-fatt li l-Parlament jeħtieġ li jkun minn ta' quddiem nett fl-adozzjoni ta' metodi ta' ħidma u prattiki ta' laqgħat aktar diġitali, flessibbli u effiċjenti fl-użu tal-enerġija, billi jittieħdu t-tagħlimiet mill-esperjenzi tal-pandemija tal-COVID-19 u jiġu kapitalizzati l-investimenti teknoloġiċi li diġà ġew implimentati; jappella, f'dan il-kuntest, għal rieżami komprensiv u ambizzjuż dwar kif il-Membri, il-persunal u l-uffiċjali jwettqu l-ħidma parlamentari tagħhom; iqis li tali rieżami għandu jkollu bħala l-enfasi ewlenija tiegħu l-funzjonament effettiv u tajjeb tal-istituzzjoni, u għandu jivvaluta wkoll l-effett ta' settings remoti u ibridi fuq il-kwalità tal-laqgħat, filwaqt li jiġu evitati miżuri li jiġġeneralizzaw b'mod eċċessiv intiżi biex jiġu ffaċċjati ċirkostanzi eċċezzjonali;

6.  Jilqa' l-miri tas-sistema ta' ġestjoni ambjentali (EMAS) tal-Parlament għall-2024; ifakkar li l-istrateġija ta' nofs it-terminu 2024 tal-EMAS tinkludi klawżola ta' rieżami biex tiżdied l-ambizzjoni ambjentali abbażi tal-prestazzjoni osservata; jistieden lill-Parlament sabiex, fid-dawl tal-pandemija tal-COVID-19, jerġa' jivvaluta l-miri tal-EMAS tiegħu fl-2022, u biex jerġa' jivvaluta 'l fuq il-miri adottati fl-2019 għall-indikaturi ewlenin tal-prestazzjoni; itenni t-talba tiegħu biex il-pjan attwali tiegħu għat-tnaqqis tas-CO2 jiġi emendat bil-għan li tintlaħaq in-newtralità karbonika sal-2030 bl-użu ta' prezz intern tal-karbonju;

7.  Jirrikonoxxi li kważi żewġ terzi tal-impronta tal-karbonju tal-Parlament joriġinaw mit-trasport tal-persuni; jitlob tnaqqis sostanzjali ta' vvjaġġar għal-laqgħat li jistgħu jitwettqu b'mod effettiv b'mod remot jew b'mod ibridu u l-promozzjoni ta' bidla lejn alternattivi b'livell baxx ta' karbonju għall-bqija tal-ivvjaġġar, dment li dan ma jaffettwax il-kwalità tal-ħidma leġiżlattiva u politika;

8.  Jitlob li t-telexogħol volontarju jiġi estiż għal aktar jiem u għal aktar funzjonijiet; Jitlob li tingħata preferenza lil laqgħat ibridi jew laqgħat kompletament remoti meta dawn ma jinvolvux teħid ta' deċiżjonijiet politiċi, bħal seduti ta' smigħ u skambji ta' fehmiet jew laqgħat interni u preparatorji, filwaqt li jirrikonoxxi li l-preżenza fiżika hija aktar effiċjenti għan-negozjati politiċi, inkluż għall-forniment ta' interpretazzjoni u għal interpretazzjoni remota kull meta jkunu meħtieġa; jistieden lis-Segretarju Ġenerali sabiex, wara l-miżuri ta' kontinwità tan-negozju tal-COVID-19, jistabbilixxi qafas flessibbli ġdid għall-forniment ta' interpretazzjoni remota fl-era ta' wara l-COVID; jinnota li ż-żmien eċċessiv imqatta' fl-użu ta' għodod diġitali jista' jkollu effetti negattivi fuq il-benesseri ta' xi persuni; jitlob reviżjoni tar-regoli tal-missjonijiet sa tmiem l-2022 biex tiġi żgurata approvazzjoni xierqa bbażata fuq il-ħtiġijiet, ġustifikazzjoni speċifika għall-awtorizzazzjoni tal-missjonijiet kollha, rekwiżiti għal mezzi tat-trasport b'livell baxx ta' karbonju mingħajr ma l-Membri jiġu mxekkla milli jwettqu l-mandat tagħhom u l-esklużjoni tal-aktar modi ta' trasport dannużi bl-eċċezzjoni ta' każijiet estremi fejn jista' jkun diffiċli li jinstabu mezzi alternattivi ta' trasport għal vjaġġi twal jew lejn żoni b'aċċess diffiċli li jfixklu l-bilanċ bejn il-mira ambjentali u l-effiċjenza tal-ħidma parlamentari; jistenna li jkun hemm laqgħat ta' tħejjija totalment remoti, kif ukoll briefings remoti ta' wara l-missjoni għaż-żjarat kollha tad-delegazzjonijiet uffiċjali bħala kundizzjoni għal awtorizzazzjoni, u biex, mill-2022, l-awtorizzazzjoni għal delegazzjonijiet tiġi limitata biss għal dawk il-persuni li huma intitolati li jipparteċipaw f’tali delegazzjonijiet; jistieden lill-Bureau jiżgura li l-laqgħat straordinarji tal-kumitati fi Strasburgu jkunu strettament limitati għal ċirkostanzi eċċezzjonali u li jeħtieġ li jkunu debitament ġustifikati qabel ma jiġu approvati f'kull każ individwali;

9.  Iħeġġeġ lill-Membri jużaw trasport alternattiv b'livell baxx ta' karbonju; itenni t-talba tiegħu biex jiġu riveduti l-miżuri ta' implimentazzjoni tal-Istatut għall-Membri biex ikun jista’ jsir rimborż ta' biljetti tal-ajru flessibbli fil-klassi ekonomika għal vjaġġar fl-Unjoni, bl-eżenzjoni ta' titjiriet lejn u minn reġjuni ultraperiferiċi u titjiriet b'waqfa waħda jew aktar jew li jkunu itwal minn erba' sigħat; jinnota li l-ivvjaġġar ta' uħud mill-Membri mill-kostitwenzi tagħhom lejn il-postijiet tax-xogħol tal-Parlament jirrikjedi vjaġġi twal u jista' jsir biss bl-ajruplan;

10.  Jitlob għal titjib tal-infrastruttura tar-roti, tar-roti tat-tagħbija, tar-roti elettriċi u tal-iscooters elettriċi fil-bini tal-Parlament, b'mod partikolari permezz tal-installazzjoni ta' stazzjonijiet tal-parkeġġ u tat-tiswija tar-roti li jkunu faċli biex jintużaw u sikuri; jitlob lill-Parlament jikkollabora mill-qrib mal-awtoritajiet lokali rilevanti u b'mod partikolari, mar-Reġjun ta' Brussell fl-isforzi tiegħu biex ikun minn ta' quddiem fil-mobilità urbana sostenibbli billi jieħu rwol proattiv fl-implimentazzjoni tal-Pjan GoodMove; jitlob l-espansjoni tal-iskema ta' roti ta' servizz fi ħdan il-Parlament; jitlob miżuri speċifiċi biex titħeġġeġ il-mobilità attiva fost il-persunal tal-Parlament, inklużi attivitajiet ta' taħriġ speċifiku rigward l-ivvjaġġar sikur, il-manutenzjoni u t-tiswija; jitlob li jkun hemm skema pilota għar-roti tat-tagħbija għal ċerti proċessi loġistiċi fi ħdan il-Parlament u bejn il-binjiet tal-istituzzjonijiet tal-Unjoni;

11.  Iħeġġeġ lill-persunal tal-Parlament biex juża t-trasport pubbliku u jappella għal sistema li tikkombina passes tat-trasport pubbliku sussidjati għall-persunal, u li jiġi eskluż l-intitolament għat-tieni vinjetta għall-parkeġġ, sal-2022; jistenna li l-karozzi uffiċjali jintużaw għat-trasport tal-Membri, il-persunal u l-assistenti parlamentari akkreditati (APAs) li jkunu fuq ordnijiet ta' missjoni bejn Brussell u Strasburgu; jitlob żieda adegwata fl-għadd ta' spazji għall-parkeġġ riżervati esklussivament għall-vetturi elettriċi u ħarsa ġenerali lejn l-għadd globali ta' spazji għall-parkeġġ f'konformità mal-leġiżlazzjoni applikabbli fit-tliet postijiet tax-xogħol;

12.  Jistenna li l-gruppi kollha ta' viżitaturi jkunu infurmati mis-servizzi tal-Parlament dwar l-impatt ambjentali tat-trasport tagħhom u li fl-2022 tiġi stabbilita sistema ta' rimborż inċentivat tal-ispejjeż tal-ivvjaġġar abbażi tal-impatt ambjentali; jirrikjedi lill-Bureau jibda l-proċess ta' reviżjoni tar-regoli relatati mal-gruppi ta' viżitaturi f'konformità mal-Komunikazzjoni mill-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar Strateġija għal Mobbiltà Sostenibbli u Intelliġenti – inqiegħdu t-trasport Ewropew fit-triq it-tajba għall-futur (COM(2020)0789), b'mod partikolari l-paragrafu 9 ta' dik il-Komunikazzjoni, dwar l-ivvjaġġar kollettiv, u biex jadatta l-ispejjeż tal-ivvjaġġar għall-gruppi ta' viżitaturi għall-bidliet fil-prezzijiet tas-suq u biex jippermetti modifiki sabiex jiġi evitat ċaqliq fis-suq tal-ispejjeż tal-ivvjaġġar li joħolqu diskriminazzjoni ġeografika indiretta għall-viżitaturi;

13.  Jappella lill-Amministrazzjoni timmonitorja t-tkomplija fiż-żidiet fl-ispejjeż tal-enerġija previsti għall-2022 u biex tesplora l-iffrankar tal-ispejjeż u l-effiċjenzi fil-konsum; jitlob li jitwaqqaf l-aġġornament tal-installazzjonijiet tat-tisħin tal-fjuwils fossili u li jkun hemm pjan direzzjonali biex jiġu eliminati gradwalment il-fjuwils fossili skont stadji importanti speċifiċi li għandhom jiġu adottati fl-2022 biex jiġu evitati assi mitlufa u biex issir analiżi tal-effikaċja u l-effiċjenza tal-użu ta' sistemi ta' pompi tas-sħana u teknoloġiji rilevanti oħra f'konformità mal-objettivi tal-EMAS; jistieden lill-Parlament ikompli jżid is-sehem tal-enerġija rinnovabbli fit-taħlita enerġetika tiegħu u b'mod partikolari l-produzzjoni tal-enerġija u jistenna l-installazzjoni ta' pannelli fotovoltajċi tal-ogħla livell fuq il-bjut biex jinkiseb l-ogħla potenzjal possibbli għal tali pannelli fi Brussell sal-2023; jitlob, fl-istess ħin, it-tibdil gradwali tal-Garanziji ta' Akkwist tal-Oriġini b'sorsi tal-enerġija rinnovabbli lokali;

14.  Jistenna li s-servizzi tal-Parlament ikomplu jnaqqsu l-konsum tal-karti billi jimxu lejn ambjent mingħajr karti, kollettiv u online għal-laqgħat kollha, filwaqt li jkomplu jimplimentaw modalitajiet tal-firem elettroniċi; itenni t-talba tiegħu biex titwettaq analiżi ta' soluzzjonijiet alternattivi għall-bagolli f'konformità mal-objettiv tal-EMAS għal Parlament "mingħajr karti" kemm jista' jkun malajr;

15.  Jistenna li l-prinċipji tal-Effiċjenza Enerġetika tiġi l-Ewwel u tal-Ekonomija Ċirkolari jiġu applikati għall-investimenti kollha, inklużi dawk diġitali, u għad-deċiżjonijiet ta' ġestjoni; jappella għall-implimentazzjoni sħiħa tal-istrateġija tal-Parlament għall-ġestjoni tal-iskart f'konformità mal-prinċipji tal-ġerarkija tal-iskart, b'mod partikolari fir-rigward ta' approċċ sostenibbli u ċirkolari għall-ġestjoni tal-iskart tal-kostruzzjoni; jappella għall-implimentazzjoni sħiħa ta' miżuri biex il-Parlament ikun ħieles minn plastik li jintuża darba biss;

16.  Ifakkar fl-appoġġ tal-maġġoranza vasta tal-Membri tal-Parlament għal sede unika li tiżgura l-infiq effiċjenti ta' flus il-kontribwenti tal-Unjoni u biex il-Parlament jassumi r-responsabbiltà istituzzjonali tiegħu li jnaqqas l-impronta tal-karbonju tiegħu; ifakkar fil-ħtieġa li jinstabu soluzzjonijiet sabiex jiġu ottimizzati l-ħidma istituzzjonali, l-ispejjeż finanzjarji u l-impronta tal-karbonju tal-Parlament; jemmen li l-esperjenza miksuba u l-investimenti li saru fix-xogħol u l-laqgħat remoti tista' sservi bħala bażi biex jiġu adattati l-ħtiġijiet għall-missjonijiet tal-persunal; ifakkar li skont it-Trattat dwar l-Unjoni Ewropea, il-Parlament Ewropew għandu jkollu s-sede tiegħu fi Strasburgu; jinnota li bidliet permanenti jkunu jirrikjedu bidla fit-Trattat li għaliha hija meħtieġa l-unanimità;

17.  Ifakkar li l-kundizzjonijiet tas-sejħiet għall-offerti għandhom imorru lil hinn mill-prinċipju tal-aħjar prezz u għandhom jinkludu wkoll il-kriterji ambjentali, soċjali u tal-ġeneru b'indikaturi dettaljati; jilqa' l-estensjoni tal-mandat tal-Helpdesk għall-Akkwist Pubbliku Ekoloġiku biex jinkludi l-element soċjali u tal-ġeneru u jitlob li jiddaħħal l-obbligu li l-Helpdesk għall-Akkwist Pubbliku Ekoloġiku jiġi kkonsultat f'każ ta' proċeduri ta' akkwist ta' aktar minn EUR 15 000; jistenna li l-Bureau jadotta sistema ta' rapportar dwar is-sostenibbiltà bħall-Inizjattiva Globali ta' Rapportar u l-estensjoni tagħha għall-Integrazzjoni tal-Ġeneru fir-Rapportar dwar is-Sostenibbiltà sal-2022;

Trasparenza u responsabbiltà

18.  Jiddispjaċih li l-Bureau qiegħed jirrifjuta li jimplimenta r-rieda tal-Plenarja, espressa f'diversi okkażjonijiet, biex tiġi riformata l-Allowance għall-Ispejjeż Ġenerali (GEA), biex b'hekk jiġi evitat b'mod attiv li flus il-kontribwenti tal-Unjoni jintużaw b'mod aktar trasparenti u responsabbli; jitlob lill-Bureau jintroduċi bidliet fir-regoli li jirregolaw il-GEA sa tmiem l-2021;

19.  Jiddispjaċih li l-Bureau qiegħed jirrifjuta li jimplimenta r-rieda tal-Plenarja, espressa f'diversi okkażjonijiet, rigward il-passi ta' riforma ewlenin għall-Parlament li ssemmew inizjalment fir-riżoluzzjoni tiegħu tas-26 ta' Ottubru 2017 dwar il-ġlieda kontra l-fastidju u l-abbuż sesswali fl-UE1, fosthom l-introduzzjoni ta' korsijiet ta' taħriġ obbligatorji kontra l-fastidju għall-persunal u għall-Membri kollha; jitlob lill-Bureau jimplimenta minnufih u bis-sħiħ id-deċiżjonijiet tal-Plenarja;

20.  Jiddispjaċih li l-Bureau qiegħed jirrifjuta li jimplimenta r-rieda tal-Plenarja, espressa f'diversi okkażjonijiet, biex l-APAs li jirrapportaw ksur tad-dritt tal-Unjoni skont id-Direttiva (UE) 2019/1937 dwar il-protezzjoni tal-informaturi(21) jingħataw l-istess livell għoli ta' protezzjoni bħal dak mogħti lill-APAs vittmi ta' fastidju; jistieden lill-Bureau jiddefinixxi standards ċari u legalment ċerti dwar f'liema każijiet tista' tingħata protezzjoni lill-informaturi, inkluż lill-APAs, u jippubblika dawk l-istandards;

21.  Jiddispjaċih li l-Bureau jirrifjuta li jimplimenta r-rieda tal-Plenarja, espressa f'diversi okkażjonijiet, biex tittieħed azzjoni għall-allinjament sħiħ tar-rati tal-allowances tal-uffiċjali, apparti l-impjegati taċ-ċivil u l-APAs fir-rigward tal-ivvjaġġar fuq xogħol bejn it-tliet postijiet tax-xogħol tal-Parlament; jistieden lill-Bureau jindirizza din il-kwistjoni mingħajr aktar dewmien u jieħu l-miżuri meħtieġa ħalli jirrimedja dik l-inugwaljanza mit-tkomplija tas-sessjonijiet plenarji fi Strasburgu;

22.  Jerġa' jitlob lill-Konferenza tal-President tirrevedi d-dispożizzjonijiet ta' implimentazzjoni li jirregolaw il-ħidma tad-delegazzjonijiet u tal-missjonijiet barra mill-Unjoni Ewropea; jissottolinja li tali reviżjoni għandha tqis il-possibbiltà li l-APAs, soġġetti għal ċerti kundizzjonijiet, jakkumpanjaw lill-Membri f'Delegazzjonijiet u f'Missjonijiet uffiċjali tal-Parlament;

23.  Jiddispjaċih li l-Bureau dewwem l-implimentazzjoni tar-rieda tal-Plenarja, espressa f'diversi okkażjonijiet, biex jaħdem fuq soluzzjoni teknika li tippermetti lill-Membri jeżerċitaw id-dritt tagħhom li jivvutaw filwaqt li jibbenefikaw mil-liv tal-maternità jew tal-paternità, waqt mard fit-tul jew f'każijiet ta' force majeure u jiċċaraw il-limiti legali, finanzjarji u tekniċi li tali soluzzjoni tkun tinvolvi; jemmen li kwalunkwe pass meħud f'dan ir-rigward kien jippermetti li jiġi avvanzat l-istabbiliment tal-iskema ta' xogħol u votazzjoni remoti tal-Parlament stabbilita meta feġġet il-pandemija; jistenna li, peress li issa ġiet ikkonfermata l-possibbiltà teknika, il-Bureau se jieħu f'idejh il-ħidma biex jitneħħew il-limiti legali u finanzjarji li jistgħu jibqgħu;

24.  Ifakkar li skont ir-Rapporti Annwali tar-Reġistru ta' Trasparenza f'dawn l-aħħar snin, madwar nofs l-entrati kollha fir-Reġistru huma żbaljati; jibża' li r-Reġistru ma jistax jissodisfa l-għan tiegħu li jipprovdi aktar trasparenza dwar l-attivitajiet tar-rappreżentanti ta' interess jekk nofs l-entrati tiegħu jipprovdu informazzjoni mhux kompluta jew żbaljata; jitlob lill-Parlament jieħu miżuri biex iżid il-preċiżjoni tar-Reġistru;

25.  Itenni t-talba tiegħu li l-Parlament jabbozza rapport annwali dettaljat dwar ir-rappreżentanti ta' interess u organizzazzjonijiet oħra li jkunu ngħataw aċċess għall-bini tal-Parlament, u jippubblikah f'konformità mar-regolament dwar il-protezzjoni tad-data;

26.  Jistenna li fil-futur il-Bureau jinforma lill-Membri b'mod proattiv dwar l-implimentazzjoni tad-deċiżjonijiet rilevanti tal-Plenarja;

Ġeneru

27.  Jitlob li ssir analiżi tal-ibbaġitjar skont il-ġeneru li tirfed l-abbozz preliminari tal-estimi futuri f'konformità mal-impenn tal-Unjoni għal Ibbaġitjar Skont il-Ġeneru; jappella għal sistema speċifika ta' kontabbiltà skont il-ġeneru b'infiq għall-Membri, il-persunal u l-esperti f'forma diżaggregata skont il-ġeneru;

28.  Jitlob l-adozzjoni ta' kriterji ta' evalwazzjoni u monitoraġġ tal-akkwist skont il-ġeneru, ibbażati fuq il-promozzjoni tal-opportunitajiet indaqs preżenti fl-ispeċifikazzjonijiet kollha tal-offerti tal-Parlament;

Infrastruttura diġitali

29.  Jappoġġja l-investiment fl-infrastruttura diġitali, inkluż fiċ-ċibersigurtà; jissottolinja l-ħtieġa li l-ICT tintegra soluzzjonijiet ta' software sikuri, jiġifieri, soluzzjonijiet ta' software b'sors miftuħ biex jiġi żgurat kontroll sħiħ fuq is-software u fuq il-ġestjoni tad-data mill-Parlament kif ukoll il-libertà fl-iżvilupp tal-applikazzjonijiet u li l-akkwist ta' teknoloġija għandu speċifikament jevita d-dipendenza fuq pjattaformi teknoloġiċi kbar jew il-lock-in teknoloġiku fil-konfront ta' dawn il-pjattaformi, b'mod partikolari fir-rigward tal-fornituri ta' servizz ta' cloud;

30.  Jisħaq li l-Parlament jeħtieġlu jintegra l-kwistjoni ambjentali fl-aġenda diġitali; jisħaq li l-innovazzjoni diġitali trid tikkontribwixxi b'mod pożittiv għat-tranżizzjoni ekoloġika; jitlob li jinkiseb tnaqqis fl-impronta ambjentali tat-teknoloġija diġitali (IT ekoloġika), b'mod partikolari permezz tal-adattament tal-politiki interni; jistieden lill-Parlament jintegra l-ekodisinn tas-servizzi diġitali fil-ġestjoni tiegħu tal-ICT u jagħżel għażliet li jirrispettaw l-ekonomija ċirkolari u jippromwovu l-effiċjenza fl-użu tar-riżorsi;

31.  Ifakkar fir-riskji inerenti għas-sigurtà tal-informazzjoni u l-privatezza tal-użu ta' soluzzjonijiet dipendenti fuq partijiet terzi għall-kondiviżjoni ta' data sensittiva u l-impatt pożittiv ta' software b'sors miftuħ għall-awtonomija diġitali u l-benefiċċji tiegħu f'termini ta' sigurtà; jinsisti li l-utenti għandhom ikunu jistgħu jużaw software b'sors miftuħ fuq l-apparat tal-Parlament, u jenfasizza l-ħtieġa għal soluzzjonijiet deċentralizzati u b'sors miftuħ għal laqgħat virtwali u għall-messaġġi istantanji; jenfasizza l-ħtieġa li l-utenti jitħarrġu b'mod xieraq b'enfasi speċjali fuq iċ-ċibersigurtà; jisħaq fuq il-ħtieġa għal software awtomatiku ta' traskrizzjoni u traduzzjoni tal-lingwa biex tiġi appoġġjata d-diffużjoni ugwali tal-informazzjoni fil-lingwi uffiċjali kollha;

32.  Iħeġġeġ bil-qawwa li jittieħdu miżuri biex jiżguraw li l-Parlament jakkwista software u infrastruttura diġitali, inklużi soluzzjonijiet tal-cloud, jevita effetti ta' intrappolament tal-bejjiegħa permezz ta' rekwiżiti ta' portabbiltà u interoperabbiltà sħiħa, juża software b'sors miftuħ u jalloka l-akkwisti biex ikunu mmirati lejn l-SMEs u lin-negozji ġodda;

33.  Jisħaq li d-data u l-għodod tas-software ġġenerati mis-settur pubbliku u/jew data u għodod tas-software ffinanzjati pubblikament għandhom ikunu jistgħu jerġgħu jintużaw, ikunu aċċessibbli b'mod miftuħ u konformi mad-drittijiet fundamentali u, jekk ikunu maħsuba għal użu kritiku, irid ikollhom ċertifikazzjoni tas-sigurtà jew verifika tas-sigurtà; iqis li, barra minn hekk, l-IA użata mill-Parlament għandha tiġi rilaxxata bħala sors miftuħ, fl-ambitu tal-proċedura ta' akkwist pubbliku, u b'dokumentazzjoni tas-software u l-algoritmi aċċessibbli biex b'hekk ikun jista' jsir rieżami dwar kif is-sistema tal-IA tkun waslet għal konklużjoni partikolari; jenfasizza li awditu tad-drittijiet fundamentali għandu jkun parti minn valutazzjoni tal-konformità minn qabel;

34.  Jinnota li ddaħħlu fis-seħħ sistemi ta' votazzjoni remota biex jissalvagwardjaw il-kontinwità tal-ħidma tal-Parlament matul il-pandemija; jitlob li dawn is-sistemi ta' votazzjoni jiġu unifikati;

35.  Jappella għal networks bla fili aktar veloċi u aktar sikuri fit-tliet postijiet tax-xogħol;

Ħidma maċ-ċittadini

36.  Jissottolinja li l-Parlament huwa l-unika istituzzjoni tal-Unjoni soġġetta għal vot universali dirett; iqis li huwa importanti li ċ-ċittadini jiġu pprovduti b'fehim aħjar tal-attivitajiet tal-Parlament kif ukoll li titqajjem kuxjenza politika u jiġu promossi l-valuri tal-Unjoni; jappella għal żieda fil-mezzi diġitali għal parteċipazzjoni diretta maċ-ċittadini;

37.  Jappoġġja l-istabbiliment ta' Europa Experiences fl-Istati Membri kollha sal-2024; jieħu nota tal-konferma li d-dewmien ikkawżat mill-pandemija tal-COVID-19 mhux se jikkomprometti l-istadji kritiċi; jappoġġja l-amministrazzjoni fil-politika tagħha li għandha l-għan li timmassimizza s-sinerġiji; jistenna li l-impatt baġitarju fit-tul tal-Europa Experiences f'termini ta' spejjeż operattivi jiġi ppreżentat lill-Kumitat għall-Baġits qabel l-adozzjoni tal-baġit 2022; ifakkar li Europa Experiences għandha tippermetti liċ-ċittadini kollha jifhmu aħjar il-funzjonament tal-istituzzjonijiet Ewropej;

38.  Iqis li l-Uffiċċji ta' Kollegament tal-Parlament Ewropew (EPLOs) għandhom ikabbru n-network tagħhom u jinvolvu ruħhom aktar maċ-ċittadini; jistieden lill-Parlament jiżviluppa laqgħat u avvenimenti bħall-Avveniment Ewropew taż-Żgħażagħ (EYE) bejn il-Membri u ż-żgħażagħ fil-livell lokali permezz tal-EPLOs tiegħu;

39.  Jirrikonoxxi l-importanza tal-gruppi ta' viżitaturi; jinnota li l-ebda grupp ta' viżitaturi ma seta' jżur il-bini tal-Parlament matul il-pandemija tal-COVID-19; ifakkar li, f'konformità mad-deċiżjoni tal-Bureau tal-5 ta' Ottubru 2020, 40 % tal-kwota mhux użata tal-2020 ġiet riallokata għall-2022; jilqa' l-fatt li l-Parlament jinvesti sforzi konsiderevoli fis-servizzi li joffri lill-viżitaturi, speċjalment għaż-żgħażagħ li jibqgħu grupp ta' destinatarji ewlieni; jitlob li ma jkun hemm ebda żieda addizzjonali fl-allowances għall-viżitaturi għall-bqija tal-leġiżlatura lil hinn minn dak li huwa operazzjonalment fattibbli;

40.  Jirrikonoxxi li madwar 50 miljun persuna jappartjenu għal diversi minoranzi lingwistiċi, reġjuni u komunitajiet fl-Unjoni; ifakkar li l-Parlament iħeġġeġ l-involviment u l-parteċipazzjoni taċ-ċittadini, inklużi l-minoranzi nazzjonali, reġjonali u lingwistiċi, fl-Unjoni; ifakkar li l-Parlament jappoġġja bil-qawwa l-multilingwiżmu u jippromwovi d-drittijiet tal-minoranzi nazzjonali, reġjonali u lingwistiċi; iqis li l-Parlament jista' jikkontribwixxi b'mod attiv għall-ġlieda kontra d-diżinformazzjoni billi jipprovdi informazzjoni wkoll fil-lingwi tal-minoranzi, tar-reġjuni u tal-komunitajiet lingwistiċi, fejn xieraq; jitlob lill-Bureau janalizza l-fattibbiltà u jistma l-ispiża finanzjarja tal-forniment ta' materjali ta' komunikazzjoni, pereżempju għaċ-Ċentri Europa Experience u l-Konferenza dwar il-Futur tal-Ewropa fil-lingwi tal-minoranzi, tar-reġjuni u tal-komunitajiet lingwistiċi fi ħdan l-Istati Membri differenti;

41.  Jistieden lill-Bureau jfassal it-traduzzjoni ta' riżoluzzjonijiet ewlenin dwar il-politika barranija adottati skont l-Artikolu 54 (Rapporti fuq inizjattiva proprja) fil-lingwi uffiċjali mhux tal-Unjoni tan-Nazzjonijiet Uniti (jiġifieri l-Għarbi, iċ-Ċiniż u r-Russu), kif ukoll ir-riżoluzzjonijiet speċifiċi għall-pajjiż adottati skont l-Artikolu 132 (riżoluzzjoni li takkumpanja d-dikjarazzjonijiet tal-Kummissjoni/VP/RGħ) u l-Artikolu 144 (riżoluzzjoni ta' urġenza) fil-lingwa uffiċjali tal-pajjiż ikkonċernat, bil-ħsieb li jissaħħu l-impatt u s-sensibilizzazzjoni tal-attivitajiet tal-Parlament fil-qasam tal-affarijiet barranin, u jistieden lill-awtorità baġitarja tiżgura li jkun hemm biżżejjed approprjazzjonijiet disponibbli għal dan l-għan.

42.  Jistieden lis-Segretarju Ġenerali janalizza l-fattibbiltà tal-introduzzjoni tal-interpretazzjoni bil-lingwa tas-sinjali internazzjonali għad-dibattiti plenarji kollha, f'konformità mat-talbiet adottati mill-Plenarja, u jimplimenta din id-deċiżjoni fir-rigward tal-prinċipju ta' aċċess ugwali għaċ-ċittadini kollha;

43.  Iqis li huwa ta' importanza kbira li kull istituzzjoni tal-Unjoni involuta fit-twaqqif u l-ġestjoni tal-Konferenza dwar il-Futur tal-Ewropa li jmiss, inkluż il-Parlament, għandha tkun mgħammra b'mod adegwat bil-baġits amministrattivi biex din tkun suċċess diġà mill-komunikazzjoni tal-estimi tad-dħul u n-nefqa;

44.  Jitlob li tiġi introdotta l-opportunità għaċ-ċittadini u r-residenti tal-Istati Membri u tal-pajjiżi sħab biex jagħmlu żjarat virtwali ggwidati fil-Parlament sabiex jinkiseb fehim aħjar tax-xogħol u l-valuri tal-istituzzjoni fost il-pubbliku ġenerali;

45.  Jitlob li jkun hemm servizz ta' viżitaturi ddedikat għall-anzjani li jenfasizza l-programmi u l-politiki tal-Unjoni li jippromwovu t-tixjiħ attiv;

Proġetti immobiljari oħra

46.  Jistenna ppjanar u teħid ta' deċiżjonijiet aktar trasparenti u dettaljati, inkluż l-għoti ta' informazzjoni bikrija, b'kunsiderazzjoni dovuta għall-Artikolu 266 tar-Regolament Finanzjarju rigward il-politika immobiljari tal-Parlament; jappella għal dibattitu dwar il-funzjonament tal-Parlament u rieżami tal-ħtiġijiet tal-ispazju tal-Parlament fid-dawl tal-effetti tal-pandemija u taż-żieda mistennija fit-telexogħol u, jekk ikun xieraq, għall-adattament tal-istrateġija immobiljari tiegħu fit-tul; jisħaq li ppjanar bir-reqqa għandu jippermetti ffrankar sostanzjali;

47.  Jitlob lill-Bureau jħabbar id-deċiżjoni tiegħu dwar il-bini Paul-Henri Spaak, inkluża analiżi dettaljata tal-ispejjeż u tad-dokumenti ġustifikattivi; jieħu nota tan-nuqqas ta' disponibbiltà tal-bini Spaak matul ix-xogħlijiet ta' rinnovazzjoni u jitlob li jiġi ottimizzat l-ispazju diġà disponibbli f'konformità mal-ħtiġijiet tal-Parlament; ifakkar, f'dan il-kuntest, fl-impenn tal-Parlament li jwettaq l-adattament u r-rinnovament neċessarji tal-bini tiegħu sabiex jinħoloq ambjent aċċessibbli għall-utenti kollha f'konformità mal-istandards tal-Unjoni; jirrakkomanda li d-diversità u l-kriterji ta' inklużjoni jiġu kkunsidrati kif xieraq fl-ippjanar u fir-ristrutturar tal-bini tal-Parlament;

48.  Jilqa' d-deċiżjoni tal-Bureau li jadotta passaporti tal-bini għall-ġestjoni taċ-ċiklu tal-ħajja tal-portafoll tal-bini tal-Parlament; jistenna li l-użu tal-għodda l-ġdida jikkontribwixxi għall-implimentazzjoni effettiva tal-perkors biex jinkiseb bini newtrali għall-klima jew passiv kemm jista' jkun malajr u sa mhux aktar tard mill-2050; jistenna wkoll li l-passaport ikun jinkludi t-titjib tal-kwalità tal-arja ta' ġewwa u l-bini b'saħħtu;

49.  Jinnota li l-baġit propost mis-Segretarju Ġenerali għall-2022 jipprevedi EUR 4,358 miljun għall-kostruzzjoni fid-daħla tal-bini WEISS u jinnota wkoll li EUR 8 miljun kienu diġà previsti fil-baġit tal-2021 għal tali kostruzzjoni; jitlob informazzjoni aġġornata dwar l-ispejjeż ġenerali ta' dan il-proġett;

Kwistjonijiet oħrajn

50.  Itenni t-talba tiegħu lill-Bureau biex jistabbilixxi flessibbiltà sħiħa tal-preżenza tal-Membri matul il-Ġimgħat Ekoloġiċi biex jiġu ffaċilitati l-arranġamenti ta' ħidma tagħhom;

51.  Ifakkar fl-Artikolu 27(1) u (2) tal-Istatut għall-Membri tal-Parlament Ewropew(22) li jiddikjara li "[I]l-fond għall-pensjoni volontarja mwaqqaf mill-Parlament Ewropew għandu jinżamm wara d-dħul fis-seħħ ta' dan l-Istatut għall-Membri jew ex Membri li diġà kisbu drittijiet jew jeddijiet futuri f'dak il-fond" u li "[D]rittijiet miksuba u drittijiet futuri għandhom jinżammu fl-intier tagħhom"; jistieden lis-Segretarju Ġenerali u lill-Bureau jirrispettaw bis-sħiħ l-Istatut għall-Membri u jistabbilixxu pjan ċar għall-Parlament li jassumi u jieħu f'idejh l-obbligi u r-responsabbiltajiet għall-iskema tal-pensjoni volontarja tal-Membri tiegħu flimkien mal-Fond tal-Pensjoni;

52.  Jinnota li l-fornituri tas-servizzi ntlaqtu ħażin mill-pandemija; jilqa' l-isforzi tal-Parlament, bħall-forniment ta' ikliet ta' solidarjetà, biex jgħinu jitnaqqas l-impatt fuq is-sottokuntratturi u l-impjegati tagħhom; jenfasizza l-fatt li s-sottokuntrattar tas-servizzi tat-tindif u tal-forniment tal-ikel ipoġġi lin-nies, prinċipalment lin-nisa, f'pożizzjoni estremament vulnerabbli; jinsab imħasseb ħafna dwar l-għadd enormi ta' sensji lil impjegati fil-kumpanija tal-forniment tal-ikel, il-Grupp COMPASS; jistieden lill-awtoritajiet rilevanti tal-Parlament biex, f'kollaborazzjoni mas-sottokuntratturi, jinvestigaw is-soluzzjonijiet alternattivi possibbli kollha biex jissalvagwardjaw l-impjiegi fi ħdan il-qafas tad-djalogu soċjali u jakkwistaw servizzi addizzjonali ġustifikabbli fir-rigward tal-użu tal-baġit tal-Parlament; jistieden lill-Parlament jieħu l-prekawzjonijiet kollha meħtieġa biex jiżgura li l-ogħla standards tal-liġi tax-xogħol għall-persunal tat-tindif, li huwa magħmul prinċipalment min-nisa, u għall-persunal tal-forniment tal-ikel qed jiġu rispettati minn kuntratturi esterni, b'mod partikolari fir-rigward tal-pressjoni psikoloġika u l-kundizzjonijiet tax-xogħol; jistieden lill-Bureau jikkunsidra mill-ġdid il-politika ta' esternalizzazzjoni tal-Parlament;

53.  Jappella lis-Segretarju Ġenerali u lill-Bureau biex inisslu kultura ta' bbaġitjar abbażi tal-prestazzjoni fl-amministrazzjoni kollha tal-Parlament u approċċ ta' ġestjoni razzjonalizzata sabiex jiżdiedu l-effiċjenza u s-sostenibbiltà ambjentali, u jitnaqqsu d-dokumentazzjoni u l-burokrazija fil-qafas tal-ħidma interna tal-istituzzjoni; jisħaq fuq il-fatt li l-esperjenza ta' ġestjoni razzjonalizzata hija t-titjib kontinwu tal-proċedura tal-ħidma bis-saħħa tas-semplifikazzjoni u l-esperjenza tal-persunal amministrattiv;

54.  Jenfasizza l-ħtieġa li tiġi riveduta l-politika tar-riżorsi umani tal-Parlament sabiex l-istituzzjoni tkun tista' tagħmel użu mill-għarfien espert miksub mill-persunal kollu tal-Parlament; jemmen li huwa għalhekk meħtieġ li jinbidlu r-regoli biex il-kategoriji kollha tal-persunal, inklużi l-Assistenti Parlamentari Akkreditati, ikunu jistgħu jipparteċipaw f'kompetizzjonijiet interni u jistabbilixxu skemi ta' żvilupp tar-riżorsi umani li jippermettu lill-Parlament iżomm l-għarfien espert ta' dawn il-kategoriji għas-servizz tal-Istituzzjoni;

55.  Jistieden lis-Segretarju Ġenerali jivvaluta r-riskji relatati mal-impjieg ta' għadd dejjem jikber ta' aġenti kuntrattwali, inkluż il-periklu li tinħoloq struttura tal-persunal b'żewġ livelli fi ħdan il-Parlament; jinsisti li l-kompiti u l-karigi permanenti ewlenin għandhom jitwettqu minn persunal permanenti;

56.  Jappella għal aktar flessibbiltà u inqas burokrazija fil-ġestjoni u l-kuntratti tal-uffiċċji tal-Membri tal-PE filwaqt li jitqiesu l-iżbalji ripetuti tal-pjattaformi online u d-diffikultà biex joperaw mill-bogħod matul il-pandemija tal-COVID-19; jitlob lis-Segretarjat u lis-servizzi finanzjarji tal-Parlament biex jistabbilixxu sett speċjali ta' regoli flessibbli;

57.  Jinnota li kull semestru l-Parlament jilqa' madwar 250 trainee fi Brussell; iqis li t-trainees kollha tal-Parlament għandhom jiġu offruti l-istess tnaqqis għat-trasport bħall-membri l-oħra tal-persunal; iqis li dawn il-miżuri ma jżidux piż sinifikanti fuq il-baġit tal-Parlament u jirriżultaw fi tnaqqis sinifikanti tal-ispejjeż għat-trainees fi Brussell;

58.  Ifakkar li jeħtieġ li jiġu ddedikati riżorsi adegwati għall-finanzjament ta' attivitajiet kulturali u artistiċi fil-bini tal-Parlament u barra minnu, sabiex jiġi enfasizzat l-appoġġ tiegħu għas-settur kulturali u kreattiv;

59.  Ifakkar fl-impenn politiku tal-Parlament fir-rigward tal-uffiċċji ta' kollegament esterni tiegħu u jħeġġeġ lis-Servizz Ewropew għall-Azzjoni Esterna jiżgura l-kundizzjonijiet meħtieġa, bħall-ġestjoni konġunta tal-bini fejn ikun meħtieġ, u jiżgura l-akkreditazzjoni tal-istatus diplomatiku tal-persunal tal-Parlament lill-awtoritajiet tal-Istati ospitanti;

60.  Jappella għal rapporti annwali f'waqthom u trasparenti tal-Awtorità għall-Partiti Politiċi u l-Fondazzjonijiet;

61.  Iqis li l-pandemija tal-COVID-19 għandha impatti negattivi fuq il-vivaċità tal-Parlament; jissottolinja l-importanza li jiġi żgurat Parlament dinamiku u animat ladarba tintemm il-kriżi tal-COVID-19; jitlob għalhekk lill-Bureau jwettaq analiżi maħsuba biex jinstabu prattiki ġodda li jistgħu jagħmlu lill-Parlament aktar vivaċi, segwiti minn rakkomandazzjonijiet li jistgħu jiġu implimentati permezz ta' reviżjoni tar-Regoli ta' Proċedura, jekk ikun meħtieġ;

o
o   o

62.  Jadotta l-estimi għas-sena finanzjarja 2022;

63.  Jagħti istruzzjonijiet lill-President tiegħu sabiex jgħaddi din ir-riżoluzzjoni u l-estimi lill-Kunsill u lill-Kummissjoni.

(1) ĠU L 193, 30.7.2018, p. 1. (2) ĠU L 433 I, 22.12.2020, p. 11. (3) ĠU C 444 I, 22.12.2020. (4) Testi adottati, P9_TA(2020)0357, Anness II. (5) ĠU L 433 I, 22.12.2020, p. 28. (6) ĠU L 287, 29.10.2013, p. 15. (7) Testi adottati, P9_TA(2020)0123. (8) Testi adottati, P9_TA(2020)0302. (9) Testi adottati, P9_TA(2020)0385. (10) ĠU C 346, 27.9.2018, p. 19.. (11) Testi adottati, P8_TA(2018)0331. (12) Testi adottati, P8_TA(2019)0010. (13) https://www.europarl.europa.eu/RegData/etudes/STUD/2020/652735/IPOL_STU(2020)652735_EN.pdf (14) ĠU C 364, 15.10.2014, p. 3. (15) Testi adottati, P9_TA(2020)0227. (16) Id-Direttiva 2010/31/UE tal-Parlament Ewropew u tal-Kunsill tad-19 ta' Mejju 2010 dwar ir-rendiment tal-bini fl-użu tal-enerġija (ĠU L 153, 18.6.2010, p. 13). (17) Id-Direttiva 2012/27/UE tal-Parlament Ewropew u tal-Kunsill tal-25 ta' Ottubru 2012 dwar l-effiċjenza fl-enerġija, li temenda d-Direttivi 2009/125/KE u 2010/30/UE u li tħassar id-Direttivi 2004/8/KE u 2006/32/KE (ĠU L 315, 14.11.2012, p. 1). (18) Testi adottati, P7_TA(2012)0306. (19) ĠU C 444 I, 22.12.2020, p. 5. (20) Testi adottati mill-Bureau, PE 113.116/BUR./rev. XXVI/ 01-04-2009. (21) Id-Direttiva (UE) 2019/1937 tal-Parlament Ewropew u tal-Kunsill tat-23 ta' Ottubru 2019 dwar il-protezzjoni ta' persuni li jirrapportaw dwar ksur tal-liġi tal-Unjoni (ĠU L 305, 26.11.2019, p. 17). (22) Id-Deċiżjoni tal-Parlament Ewropew tat-28 ta' Settembru 2005 li tadotta l-Istatut għall-Membri tal-Parlament Ewropew (2005/684/KE, Euratom) (ĠU L 262, 7.10.2005, p. 1).

Riżoluzzjoni tal-Parlament Ewropew tad-29 ta' April 2021 dwar ir-Russja, il-każ ta' Alexei Navalny, l-iskjerament militari fil-fruntiera mal-Ukrajna u l-attakki Russi fir-Repubblika Ċeka (2021/2642(RSP))

P9_TA(2021)0159 RC-B9-0236/2021

Il-Parlament Ewropew,

–  wara li kkunsidra r-riżoluzzjonijiet preċedenti tiegħu dwar ir-Russja u l-Ukrajna,

–  wara li kkunsidra l-Karta tan-NU, il-Konvenzjoni tan-NU dwar il-Liġi tal-Baħar, id-Dikjarazzjoni Universali tad-Drittijiet tal-Bniedem, il-Patt Internazzjonali dwar id-Drittijiet Ċivili u Politiċi, u l-Konvenzjoni tal-Kunsill tal-Ewropa għall-Protezzjoni tad-Drittijiet tal-Bniedem u tal-Libertajiet Fundamentali (ECHR),

–  wara li kkunsidra l-pakkett ta' miżuri għall-implimentazzjoni tal-Ftehimiet ta' Minsk, adottati u ffirmati f'Minsk fit-12 ta' Frar 2015 u approvati uffiċjalment f'daqqa bir-riżoluzzjoni 2202 (2015) tal-Kunsill tas-Sigurtà tan-NU tas-17 ta' Frar 2015,

–  wara li kkunsidra d-dikjarazzjoni tal-Ministri tal-Affarijiet Barranin tal-G7 tat-18 ta' Marzu 2021 dwar l-Ukrajna u d-dikjarazzjoni konġunta tagħhom mar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tat-12 ta' April 2021 dwar l-istess suġġett,

–  wara li kkunsidra l-laqgħa tas-16 ta' April 2021 bejn il-President Franċiż, il-President Ukren u l-Kanċilliera Ġermaniża dwar il-kwistjoni tal-iskjerament militari Russu,

–  wara li kkunsidra d-dikjarazzjoni li għamel ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà f'isem l-UE fit-18 ta' April 2021 dwar saħħet Alexei Navalny li sejra għall-agħar,

–  wara li kkunsidra r-Riżoluzzjoni 68/262 tal-Assemblea Ġenerali tan-NU tas-27 ta' Marzu 2014 bit-titolu "L-integrità territorjali tal-Ukrajna", ir-riżoluzzjonijiet 71/205 tad-19 ta' Diċembru 2016, 72/190 tad-19 ta' Diċembru 2017, 73/263 tat-22 ta' Diċembru 2018, 74/168 tat-18 ta' Diċembru 2019 u 75/192 tas-16 ta' Diċembru 2020 bit-titolu "Is-sitwazzjoni tad-drittijiet tal-bniedem fir-Repubblika Awtonoma tal-Krimea u fil-belt ta' Sevastopol (l-Ukrajna)", u r-riżoluzzjonijiet tal-Assemblea Ġenerali tan-NU 74/17 tad-9 ta' Diċembru 2019 u 75/29 tas-7 ta' Diċembru 2020 bit-titolu "Il-problema tal-militarizzazzjoni tar-Repubblika Awtonoma tal-Krimea u l-belt ta' Sevastopol, l-Ukrajna, kif ukoll ta' partijiet mill-Baħar l-Iswed u mill-Baħar ta' Azov",

–  wara li kkunsidra d-Deċiżjoni tal-Kunsill 2014/145/PESK tas-17 ta' Marzu 2014 dwar miżuri restrittivi fir-rigward ta' azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina(1),

–  wara li kkunsidra l-Ftehim ta' Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Ukrajna, min-naħa l-oħra, u b'mod partikolari t-Titolu II tiegħu dwar id-djalogu politiku u l-konverġenza fil-qasam tal-affarijiet barranin u s-sigurtà(2),

–  wara li kkunsidra l-Memorandum ta' Budapest dwar Garanziji ta' Sigurtà tal-5 ta' Diċembru 1994 b'rabta mal-adeżjoni tal-Belarus, il-Każakistan u l-Ukrajna mat-Trattat dwar in-Nonproliferazzjoni tal-Armi Nukleari,

–  wara li kkunsidra l-proposta tal-Ukrajna tad-29 ta' Marzu 2021 għal ritorn għal waqfien sħiħ mill-ġlied fil-Lvant tal-Ukrajna u l-abbozz tal-Pjan ta' Azzjoni Konġunt dwar l-implimentazzjoni tal-Ftehimiet ta' Minsk,

–  wara li kkunsidra d-dikjarazzjoni tal-kelliem tas-Servizz Ewropew għall-Azzjoni Esterna tad-19 ta' April 2021 dwar it-tkeċċija ta' diplomatiċi Ċeki u d-dikjarazzjoni tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà f'isem l-UE tal-21 ta' April 2021 b'solidarjetà mar-Repubblika Ċeka dwar attivitajiet kriminali fit-territorju tagħha,

–  wara li kkunsidra l-Artikolu 132(2) u (4) tar-Regoli ta' Proċedura tiegħu,

A.  billi f'dawn l-aħħar ġimgħat il-Federazzjoni Russa żiedet sostanzjalment il-preżenza militari tagħha fil-fruntieri tal-Lvant u tat-Tramuntana mal-Ukrajna u fil-Krimea, u ġabret total ta' aktar minn 100 000 truppa, kif ukoll tankijiet, artillerija, vetturi blindati u makkinarju tqil ieħor; billi dan l-iskjerament reċenti jikkostitwixxi l-akbar konċentrazzjoni ta' truppi Russi mill-2014 'l hawn u l-iskala u l-kapaċitajiet offensivi tiegħu jindikaw intenzjonijiet ostili;

B.  billi l-Federazzjoni Russa ħabbret is-sospensjoni tad-dritt ta' passaġġ innoċenti għall-bastimenti tal-gwerra u l-bastimenti kummerċjali ta' pajjiżi oħra min-naħa tal-Baħar l-Iswed fid-direzzjoni tal-Istrett ta' Kerch sal-31 ta' Ottubru 2021, u b'hekk qed tikser il-libertà ta' navigazzjoni, li hija garantita mill-Konvenzjoni tan-NU dwar il-Liġi tal-Baħar, li r-Russja hija firmatarja tagħha; billi ż-żoni kkonċernati jinsabu fil-baħar territorjali tal-Ukrajna li jdawwar it-territorju temporanjament okkupat tar-Repubblika Awtonoma tal-Krimea u l-belt ta' Sevastopol;

C.  billi għaddew sitt snin mill-adozzjoni tal-Ftehimiet ta' Minsk u seba' snin mill-annessjoni illegali tal-peniżola tal-Krimea mill-Federazzjoni Russa u l-bidu tal-gwerra fl-Ukrajna;

D.  billi skont sorsi Ukreni, il-Federazzjoni Russa għandha madwar 3 000 uffiċjal u għalliem militari fil-forzi armati taż-żewġ hekk imsejħa Repubbliki tal-Poplu;

E.  billi d-destabbilizzazzjoni tal-Lvant tal-Ukrajna mill-Federazzjoni Russa permezz tal-forzi proxy tagħha fl-hekk imsejħa Repubbliki tal-Poplu ta' Donetsk u Luhansk ilha għaddejja mill-2014; billi l-kunflitt sewa l-ħajja ta' aktar minn 14 000 persuna u wassal biex kważi żewġ miljun persuna saru persuni spostati internament (IDPs);

F.  billi l-Ukrajna talbet li jiġi invokat il-paragrafu 16.3 tal-Kapitolu III tad-Dokument ta' Vjenna tal-2011 dwar il-Miżuri għat-Tisħiħ tal-Fiduċja u tas-Sigurtà, filwaqt li talbet "spjegazzjoni tal-attivitajiet militari mhux tas-soltu" tal-Federazzjoni Russa qrib il-fruntiera tal-Ukrajna u fil-Krimea okkupata; billi d-Dokument ta' Vjenna ġie adottat minn kull wieħed mis-57 membru tal-Organizzazzjoni għas-Sigurtà u l-Kooperazzjoni fl-Ewropa (OSKE) fl-2011 biex iservi bħala sors permanenti ta' kooperazzjoni u trasparenza militari; billi l-Federazzjoni Russa ddeċidiet li ma tiħux sehem f'din il-laqgħa;

G.  billi l-istati parteċipanti tal-OSKE għandhom jagħtu lil xulxin informazzjoni dwar, fost l-oħrajn, il-pjanijiet ta' skjerament, jinnotifikaw lil xulxin qabel iż-żmien dwar attivitajiet militari sinifikanti, pereżempju eżerċizzji, u jikkonsultaw u jikkooperaw ma' xulxin f'każ ta' attività militari mhux tas-soltu jew żieda fit-tensjonijiet;

H.  billi l-Ġimgħa 23 ta' April 2021 il-Ministeru għad-Difiża Russu ddikjara li l-forzi miġbura kienu se jirritornaw lejn il-bażijiet permanenti tagħhom sal-1 ta' Mejju 2021;

I.  billi d-drittijiet għal-libertà tal-ħsieb u tal-kelma, ta' assoċjazzjoni u ta' għaqda paċifika huma minquxa fil-Kostituzzjoni tal-Federazzjoni Russa; billi s-sitwazzjoni tad-drittijiet tal-bniedem u l-istat tad-dritt fir-Russja qed tkompli sejra għall-agħar, u l-awtoritajiet qed jikkalpestaw kontinwament dawn id-drittijiet u l-libertajiet; billi l-Federazzjoni Russa hija firmatarja tad-Dikjarazzjoni Universali tad-Drittijiet tal-Bniedem u l-KEDB, u hija membru tal-Kunsill tal-Ewropa;

J.  billi fid-9 ta' April 2021, l-awtoritajiet Russi żammew f'detenzjoni għal perjodu qasir, interrogaw u ħatfu l-mowbajls u d-dokumenti ta' Roman Anin, wieħed mill-ġurnalisti investigattivi ewlenin tar-Russja affiljat mal-Proġett ta' Rappurtar dwar il-Kriminalità Organizzata u l-Korruzzjoni (OCCRP); billi dawn l-azzjonijiet ipperikolaw ukoll lil sħabu l-ġurnalisti tal-OCCRP li kienu qed jaħdmu fuq kwistjonijiet ta' trasparenza u korruzzjoni, minħabba l-informazzjoni li s-Servizz tas-Sigurtà Federali (FSB) issa għandu aċċess sħiħ għaliha;

K.  billi Alexei Navalny, l-aktar attivist kontra l-korruzzjoni u politiku tal-oppożizzjoni Russu magħruf, fis-17 ta' Jannar 2021 ġie arrestat u fit-2 ta' Frar 2021 ġie kkundannat għal tliet snin u nofs ħabs talli allegatament kiser il-probation waqt li kien qed jirkupra fil-Ġermanja minn attentat ta' assassinju b'avvelenament permezz ta' aġent kimiku militari pprojbit imwettaq minn aġenti tas-servizzi tas-sigurtà Russi fil-Federazzjoni Russa; billi fit-12 ta' Marzu 2021 Alexei Navalny ġie ttrasferit lejn kolonja penali f'Pokrov, fejn ġie ripetutament soġġett għal tortura u trattament inuman u sussegwentement beda strajk tal-ġuħ aktar minn tliet ġimgħat ilu;

L.  billi dawn l-iżviluppi tal-aħħar ġimgħat ikkonfermaw l-agħar beżgħat ta' familtu, ħbiebu, is-sostenituri tiegħu u l-komunità internazzjonali rigward is-sikurezza personali tiegħu u ħajtu, u wasslu għat-trasferiment tiegħu lejn sptar tal-ħabs qrib Moska fejn ħajtu għadha fil-periklu;

M.  billi fis-16 ta' Frar 2021 il-Qorti Ewropea tad-Drittijiet tal-Bniedem iddeċidiet li tindika lill-Gvern tar-Russja, skont l-Artikolu 39 tar-Regoli tal-Qorti, biex jeħles lil Alexei Navalny; billi din il-miżura għandha tapplika b'effett immedjat; billi l-Qorti qieset in-natura u l-kobor tar-riskju għal ħajjet Alexei Navalny, murija prima facie għall-finijiet tal-applikazzjoni tal-miżura interim u kkunsidrati fid-dawl taċ-ċirkustanzi ġenerali tad-detenzjoni attwali ta' Alexei Navalny;

N.  billi nhar il-Ġimgħa 23 ta' April 2021, Alexei Navalny ħabbar li, wara parir mogħti minn tobba mhux tal-ħabs, huwa kien se jissospendi gradwalment l-istrajk tal-ġuħ li kien beda fil-31 ta' Marzu 2021; billi l-parir mediku li ngħata Alexei Navalny kien li t-tkomplija tal-istrajk tal-ġuħ kienet se tkun ta' theddida għal ħajtu; billi anki jekk Navalny jingħata l-kura meħtieġa issa, m'hemm l-ebda garanzija li ma jkunx soġġett għal aktar trattament inuman jew ta' theddida għall-ħajtu, jew għal attentati ta' qtil;

O.  billi fl-2020 ir-Russja kklassifikat fil-129 post minn 180 pajjiż fl-Indiċi dwar il-Perċezzjoni tal-Korruzzjoni ta' Transparency International, filwaqt li kklassifikat fl-aħħar post fl-Ewropa; billi r-rabtiet kleptokratiċi bejn l-oligarki, l-uffiċjali tas-sigurtà u l-uffiċjali marbuta mal-Kremlin ġew parzjalment esposti minn attivisti kontra l-korruzzjoni bħall-mejjet Sergei Magnitsky u l-Fondazzjoni Kontra l-Korruzzjoni (FBK) immexxija minn Alexei Navalny, li implikaw l-ogħla gradi tal-poter, inkluż lil Vladimir Putin, f'investigazzjonijiet dwar il-ġid inspjegabbli li akkumulaw tul is-snin; billi l-Uffiċċju tal-Prosekutur ta' Moska qed ifittex li jittimbra lill-FBK u lil żewġ organizzazzjonijiet oħra marbuta ma' Navalny – il-Fondazzjoni għall-Protezzjoni tad-Drittijiet taċ-Ċittadini u l-kwartieri ġenerali reġjonali ta' Navalny – bħala "estremisti", li jfisser li l-impjegati tagħhom jistgħu jiffaċċjaw arresti u sentenzi ta' ħabs li jvarjaw minn sitta sa għaxar snin;

P.  billi l-avvelenament ta' Navalny jikkorrispondi għal xejra ta' azzjonijiet li ttieħdu kontra l-avversarji ta' Putin, fosthom Victor Yuschenko, Sergei Skripal u Vladimir Kara-Murza, u li wasslu għall-mewt ta' diversi personalitajiet ewlenin tal-oppożizzjoni, ġurnalisti, attivisti u mexxejja barranin, fosthom, iżda mhux biss, Boris Nemtsov, Anna Politkovskaya, Sergei Protazanov, Natalya Estemirova u Alexander Litvinenko;

Q.  billi l-Federazzjoni Russa mhux biss tirrappreżenta theddida esterna għas-sigurtà Ewropea, iżda qiegħda wkoll tiġġieled gwerra interna kontra l-poplu tagħha stess fl-għamla ta' oppressjoni sistematika tal-oppożizzjoni u arresti fit-toroq; billi fil-21 ta' April 2021 biss, l-għadd ta' dimostraturi paċifiċi arrestati laħaq aktar minn 1 788, u b'kollox ġew arrestati aktar minn 15 000 ċittadin Russu innoċenti minn Jannar 2021 'l hawn;

R.  billi fiż-żewġ riżoluzzjonijiet preċedenti tiegħu dwar ir-Russja, il-Parlament talab rieżami tal-politika tal-UE fil-konfront tar-Russja u l-ħames prinċipji gwida tagħha u talab lill-Kunsill jibda minnufih it-tħejjijiet u jadotta strateġija tal-UE għar-relazzjonijiet futuri ma' Russja demokratika, li tkun tinkludi firxa wiesgħa ta' inċentivi u kundizzjonijiet għat-tisħiħ tad-dinamika interna fl-interess tal-libertà u d-demokrazija fir-Russja;

S.  billi fis-17 ta' April 2021 ir-Repubblika Ċeka keċċiet 18-il membru tal-persunal tal-ambaxxata Russa, inklużi membri tal-aġenziji tal-intelligence Russi, wara li s-Servizz tal-Informazzjoni dwar is-Sigurtà tar-Repubblika Ċeka kkonkluda b'bażi soda li, fl-2014, waqt xogħolhom, uffiċjali tal-intelligence Russi kienu involuti fl-isplużjoni ta' maħżen tal-munizzjon li fiha nqatlu żewġ ċittadini Ċeki u saret ħsara materjali estensiva; billi ħajjet u l-proprjetà ta' eluf ta' persuni li jgħixu fil-muniċipalitajiet tal-madwar tqiegħdu f'periklu bla ħniena; billi dawn l-azzjonijiet illegali fit-territorju tar-Repubblika Ċeka jikkostitwixxu ksur kritiku tas-sovranità ta' Stat Membru tal-UE minn potenza barranija; billi, b'reazzjoni għat-tkeċċija ta' 18 mill-membri tal-persunal tal-ambaxxata tagħha min-naħa tar-Repubblika Ċeka, il-Federazzjoni Russa keċċiet 20 diplomatiku Ċek, li ġew ordnati jitilqu fid-19 ta' April 2021; billi fit-22 ta' April 2021 ir-Repubblika Ċeka ddeċidiet li l-għadd ta' persunal fl-ambaxxata Russa fir-Repubblika Ċeka kellu jkun l-istess bħall-għadd ta' persunal fl-ambaxxata Ċeka fir-Russja, wara li r-Russja rrifjutat li taċċetta lid-diplomatiċi Ċeki mkeċċija lura fil-pajjiż u skont l-Artikolu 11 tal-Konvenzjoni ta' Vjenna dwar ir-Relazzjonijiet Diplomatiċi, u tat lill-ambaxxata Russa sal-aħħar ta' Mejju biex tagħmel dan;

T.  billi l-istess aġenti tal-GRU involuti fl-isplużjoni tal-maħżen tal-munizzjon fir-Repubblika Ċeka kienu wkoll responsabbli għall-attentat ta' qtil ta' Sergei u Yulia Skripal fir-Renju Unit fl-2018 bl-użu ta' aġent nervin Novichok ta' grad militari, li wassal ukoll għall-mewt ta' ċittadin Brittaniku; billi l-aġenti tal-GRU ġew akkużati wkoll bl-attentat ta' qtil ta' Emilian Gebrev, is-sid ta' fabbrika tal-armi, u żewġ persuni oħra fil-Bulgarija fl-2015; billi r-Russja mhix qed tikkoopera fl-investigazzjoni ta' dawn ir-reati mwettqa fit-territorju tal-Unjoni Ewropea, ċaħdet l-involviment tal-GRU fl-avvelenament ta' Sergei u Yulia Skripal u qed tagħti kenn lis-suspettati ewlenin;

1.  Jappoġġja l-indipendenza, is-sovranità u l-integrità territorjali tal-Ukrajna fil-fruntieri internazzjonalment rikonoxxuti tagħha; itenni l-appoġġ qawwi tiegħu għall-politika tal-UE ta' nonrikonoxximent tal-annessjoni illegali tar-Repubblika Awtonoma tal-Krimea u l-Belt ta' Sevastopol; jilqa' l-miżuri restrittivi kollha meħuda mill-UE bħala konsegwenza tal-annessjoni illegali; jitlob il-ħelsien immedjat taċ-ċittadini Ukreni kollha detenuti illegalment u miżmuma l-ħabs fil-peniżola tal-Krimea u fir-Russja, u jiddeplora l-ksur kontinwu tad-drittijiet tal-bniedem imwettaq fil-Krimea u fit-territorji okkupati fil-Lvant tal-Ukrajna, kif ukoll il-konferiment fuq skala kbira ta' ċittadinanza Russa (l-għoti furzat ta' passaporti) fost iċ-ċittadini f'dawk iż-żoni; jissottolinja li l-uffiċjali Russi li l-azzjonijiet jew in-nuqqas ta' azzjoni tagħhom ippermettew jew irriżultaw f'delitti tal-gwerra fl-Ukrajna se jkollhom jiffaċċjaw il-ġustizzja kriminali internazzjonali;

2.  Jesprimi dispjaċir għall-istat attwali tar-relazzjonijiet bejn l-UE u r-Russja kkawżati mill-aggressjoni tar-Russja u mid-destabbilizzazzjoni kontinwa tal-Ukrajna, l-imġiba ostili u l-attakki diretti fil-konfront tal-Istati Membri u s-soċjetajiet tal-UE, fost l-oħrajn permezz ta' ndħil fil-proċessi elettorali, l-użu ta' diżinformazzjoni, deep fakes, attakki ċibernetiċi malizzjużi, sabotaġġ u armi kimiċi, u d-deterjorament sinifikanti tas-sitwazzjoni tad-drittijiet tal-bniedem u r-rispett għad-dritt għal-libertà tal-espressjoni, l-assoċjazzjoni u l-għaqda paċifika fir-Russja; jikkundanna bil-qawwa l-imġiba ostili tar-Russja fl-Ewropa u jistieden lill-gvern tagħha jtemm dawn l-attivitajiet, li jiksru l-prinċipji u n-normi internazzjonali u jheddu l-istabbiltà fl-Ewropa, li jimpedixxi kwalunkwe kisba ta' aġenda bilaterali pożittiva ma' dan il-ġar importanti;

3.  jibqa' mħasseb ħafna dwar l-iskjerament militari kbir Russu fil-fruntiera mal-Ukrajna u fir-Repubblika Awtonoma tal-Krimea okkupata illegalment, li l-Ministeru tad-Difiża Russu ddikjara li ntemm; jikkundanna dawn l-azzjonijiet ta' theddid u destabilizzazzjoni mmexxija mill-Federazzjoni Russa u jirrikonoxxi b'apprezzament ir-rispons proporzjonat tal-Ukrajna;

4.  Iqis li l-UE trid tislet konklużjonijiet mill-iskjerament militari Russu inketwanti ħafna fil-fruntiera mal-Ukrajna, li ġie sospiż minn nhar il-Ġimgħa 23 ta' April 2021; jinsisti li r-ritorn tat-truppi Russi mill-fruntiera mal-Ukrajna lura lejn il-bażijiet permanenti tagħhom irid isir bis-sħiħ u mingħajr dewmien; jitlob li r-Russja ttemm minnufih il-prattika ta' skjeramenti militari mhux ġustifikati mmirati biex jheddu l-ġirien tagħha, twaqqaf il-provokazzjonijiet kollha li għaddejjin bħalissa u żżomm lura minn dawk futuri u tnaqqas is-sitwazzjoni billi tirtira l-forzi tagħha lura lejn il-bażijiet permanenti tagħhom, f'konformità mal-obbligi internazzjonali tagħha, bħall-prinċipji u l-impenji tal-OSKE dwar it-trasparenza tal-movimenti militari u d-Dokument ta' Vjenna; itenni li l-iskjerament militari Russu jippreżenta wkoll theddida għall-istabbiltà, is-sigurtà u l-paċi Ewropea, li hi r-raġuni għalfejn id-djalogu tal-UE dwar is-sigurtà mal-Ukrajna għandu jkun ambizzjuż u jikkontribwixxi għal valutazzjoni konverġenti tal-isfidi tas-sigurtà fil-prattika; jisħaq li l-pajjiżi ħbieb għandhom iżidu l-appoġġ militari tagħhom u l-provvista ta' armi difensivi lill-Ukrajna, li huwa konformi mal-Artikolu 51 tal-Karta tan-NU li jippermetti l-awtodifiża individwali u kollettiva; jistieden lir-Russja tirtira t-truppi tagħha mill-hekk imsejħa Repubbliki tal-Poplu ta' Luhansk u Donetsk u tirritorna l-kontroll tar-Repubblika Awtonoma tal-Krimea u l-Belt ta' Sevastopol lill-Ukrajna;

5.  Iħeġġeġ lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/HR) jiżgura li l-Kunsill jibqa' jikkunsidra l-iżviluppi militari minkejja r-rilokazzjoni mħabbra tat-truppi Russi u jibqa' lest li jaqbel dwar aktar azzjoni konġunta;

6.  Iħeġġeġ lir-Russja tirrispetta l-obbligu tagħha skont il-Konvenzjoni tan-NU dwar il-Liġi tal-Baħar u tiggarantixxi l-libertà ta' navigazzjoni u tal-passaġġ ta' tranżitu mill-istrett internazzjonali għall-portijiet tal-Baħar ta' Azov; jitlob lill-UE biex, f'kooperazzjoni mill-qrib mal-Istati Membri u ma' sħab internazzjonali oħra, tiżviluppa l-monitoraġġ permanenti tal-passaġġ tal-bastimenti kollha li jgħaddu mill-Istrett ta' Kerch;

7.  Iħeġġeġ lir-Russja u lis-separatisti appoġġjati mir-Russja jaderixxu mal-ftehim ta' waqfien mill-ġlied; jitlob lir-Russja timplimenta d-dispożizzjonijiet tal-Ftehimiet ta' Minsk, u tipparteċipa b'mod kostruttiv fil-Proċess tan-Normandija u fil-Grupp ta' Kuntatt Trilaterali; jenfasizza l-ħtieġa ta' soluzzjoni politika għall-kunflitt fil-Lvant tal-Ukrajna u rwol aktar b'saħħtu għall-UE fir-riżoluzzjoni paċifika tal-kunflitti;

8.  Jissottolinja li jekk tali skjerament militari fil-futur jiġi ttrasformat f'invażjoni tal-Ukrajna min-naħa tal-Federazzjoni Russa, l-UE trid tagħmilha ċara li l-prezz għal tali ksur tad-dritt u n-normi internazzjonali jkun sever; jinsisti, għalhekk, li, f'ċirkustanzi bħal dawn, l-importazzjonijiet taż-żejt u l-gass mir-Russja lejn l-UE għandhom jitwaqqfu immedjatament, filwaqt li r-Russja għandha tiġi eskluża mis-sistema ta' pagamenti SWIFT, u l-assi kollha fl-UE tal-oligarki qrib l-awtoritajiet Russi u l-familji tagħhom jeħtieġ li jiġu ffriżati u l-viżi tagħhom ikkanċellati;

9.  jesiġi li l-UE tnaqqas id-dipendenza tagħha fuq l-enerġija Russa, u jħeġġeġ, għalhekk, lill-istituzzjonijiet tal-UE u lill-Istati Membri kollha jwaqqfu t-tlestija tal-pipeline Nord Stream 2 u jitolbu li titwaqqaf il-kostruzzjoni tal-impjanti tal-enerġija nukleari kontroversjali mibnija minn Rosatom;

10.  Itenni l-appoġġ tiegħu għall-investigazzjoni internazzjonali dwar iċ-ċirkustanzi tat-twaqqigħ traġiku tat-titjira MH17 tal-Malaysian Airlines, li possibbilment jista' jikkostitwixxi delitt tal-gwerra, u jtenni l-appell tiegħu biex issir ġustizzja mal-persuni responsabbli;

11.  Jitlob lill-UE u lill-Istati Membri tagħha jkomplu jibnu fuq il-proposta leġiżlattiva tar-Renju Unit għal Regolament Globali ta' Sanzjonijiet Kontra l-Korruzzjoni, u reġimi simili oħra, u jadottaw reġim ta' sanzjonijiet tal-UE kontra l-korruzzjoni li jikkomplementa r-Reġim ta' Sanzjonijiet Globali tal-UE dwar id-Drittijiet tal-Bniedem attwali; jissottolinja li l-Istati Membri tal-UE m'għandhomx jibqgħu postijiet li jilqgħu l-ġid u l-investimenti Russi ta' oriġini mhux ċara; jitlob lill-Kummissjoni u lill-Kunsill iżidu l-isforzi tagħhom biex irażżnu l-investimenti strateġiċi tal-Kremlin fi ħdan l-UE għal finijiet ta' sovverżjoni, imminar tal-proċessi u l-istituzzjonijiet demokratiċi u tixrid tal-korruzzjoni; ikompli jinsisti li Stati Membri bħall-Bulgarija u Malta jeħtieġ jabbandunaw ir-reġimi tal-"passaporti tad-deheb" tagħhom;

12.  Jitlob il-ħelsien immedjat u inkondizzjonat ta' Alexei Navalny, li s-sentenza tiegħu hija politikament motivata u tmur kontra l-obbligi internazzjonali tar-Russja dwar id-drittijiet tal-bniedem, kif ukoll tal-persuni kollha arrestati waqt il-protesti favur il-ħelsien tiegħu jew favur il-kampanja tiegħu kontra l-korruzzjoni; jistenna li r-Russja tikkonforma mal-miżura interim tal-Qorti Ewropea tad-Drittijiet tal-Bniedem fir-rigward tan-natura u l-kobor tar-riskju għal ħajjet Alexei Navalny; iżomm lir-Russja responsabbli għas-sitwazzjoni ta' saħħet Alexei Navalny u jħeġġeġ lir-Russja tinvestiga t-tentattiv ta' qtil fuq Alexei Navalny, filwaqt li tikkoopera bis-sħiħ mal-Organizzazzjoni għall-Projbizzjoni ta' Armi Kimiċi (OPCW); jistieden lill-awtoritajiet Russi jtejbu l-kundizzjonijiet fil-ħabsijiet u fil-faċilitajiet ta' detenzjoni sabiex jissodisfaw l-istandards internazzjonali; jitlob li jitwaqqfu l-arresti ta' dimostranti paċifiċi u l-attakki sistematiċi fuq l-oppożizzjoni fir-rigward tat-talbiet biex jinħeles Alexei Navalny; jissottolinja li l-individwi kollha involuti fil-prosekuzzjoni, il-kundanna u t-trattament ħażin ta' Alexei Navalny għandhom ikunu soġġetti għal sanzjonijiet fl-ambitu tar-Reġim Globali ta' Sanzjonijiet tal-UE b'rabta mad-Drittijiet tal-Bniedem;

13.  Ifakkar lill-awtoritajiet Russi u lill-President Putin personalment, bħala l-kap tal-Istat Russu, li huma għandhom responsabbiltà sħiħa biex jieħdu ħsieb il-ħajja u l-integrità fiżika ta' Alexei Navalny u jeħtiġilhom jieħdu l-miżuri kollha meħtieġa biex jipproteġu s-saħħa fiżika u mentali u l-benesseri tiegħu; ikompli jħeġġeġ lill-President Putin u lill-awtoritajiet Russi jinvestigaw, iressqu quddiem il-ġustizzja jżommu responsabbli lil dawk ħatja tal-attentat ta' qtil tiegħu;

14.  Jikkundanna l-intenzjoni tal-awtoritajiet Russi li jiddikjaraw il-Fondazzjoni kontra l-Korruzzjoni mmexxija minn Alexei Navalny bħala organizzazzjoni estremista bla bażi u diskriminatorja; jenfasizza l-ġlieda kontra l-korruzzjoni u li x-xewqa li wieħed jipparteċipa f'diskors pubbliku u proċess elettorali ħielsa u pluralistiċi hija dritt inaljenabbli ta' kwalunkwe organizzazzjoni politika individwali u demokratika u m'għandha xejn x'taqsam ma' fehmiet estremisti;

15.  Jesprimi s-solidarjetà qawwija tiegħu mal-forzi demokratiċi fir-Russja impenjati favur soċjetà miftuħa u ħielsa, kif ukoll l-appoġġ tiegħu għall-individwi u l-organizzazzjonijiet kollha li sfaw mira ta' attakki u repressjoni; iħeġġeġ lill-awtoritajiet Russi jwaqqfu l-fastidju, l-intimidazzjoni u l-attakki kollha kontra l-oppożizzjoni, is-soċjetà ċivili, il-midja, id-difensuri tad-drittijiet tal-bniedem u tad-drittijiet tan-nisa, u attivisti oħra fil-pajjiż, b'mod partikolari qabel l-elezzjonijiet parlamentari fil-ħarifa tal-2021; iħeġġeġ lill-UE tistieden b'mod kontinwu lir-Russja tħassar jew temenda l-liġijiet kollha li mhumiex kompatibbli mal-istandards internazzjonali; ifakkar fl-appoġġ qawwi tiegħu għad-difensuri kollha tad-drittijiet tal-bniedem fir-Russja u l-ħidma tagħhom; jistieden lid-Delegazzjoni tal-UE u lir-rappreżentanti tal-Istati Membri fil-pajjiż isaħħu l-appoġġ tagħhom għas-soċjetà ċivili u jużaw l-istrumenti kollha disponibbli biex iżidu l-appoġġ tagħhom għall-ħidma tad-difensuri tad-drittijiet tal-bniedem u, fejn xieraq, jiffaċilitaw il-ħruġ ta' viżi ta' emerġenza u jipprovdu kenn temporanju fl-Istati Membri tal-UE;

16.  Jitlob lill-awtoritajiet Russi jirrispettaw il-libertà tal-midja u jtemmu kull fastidju u pressjoni fuq il-midja indipendenti, bħal fil-konfront tal-ġurnalist investigattiv Roman Anin;

17.  Itenni t-talba tiegħu lill-istituzzjonijiet tal-UE u lill-Istati Membri biex ikomplu jimmonitorjaw mill-qrib is-sitwazzjoni tad-drittijiet tal-bniedem fil-Federazzjoni Russa u biex ikomplu jimmonitorjaw il-kawżi tal-qorti li jinvolvu organizzazzjonijiet tas-soċjetà ċivili, ġurnalisti, politiċi tal-oppożizzjoni u attivisti, inkluż il-każ ta' Alexei Navalny;

18.  Jiddeplora l-fatt li awturi mis-servizzi tal-intelligence Russi kkawżaw l-isplużjoni tal-maħżen tal-armi f'Vrbětice fir-Repubblika Ċeka, li kien jikkostitwixxi ksur tas-sovranità Ċeka u jirrappreżenta att ta' ostilità inaċċettabbli; jikkundanna bil-qawwa l-attivitajiet immirati biex jiddestabbilizzaw u jheddu lil Stati Membri tal-UE u jistieden lir-Russja twaqqaf kwalunkwe attività simili u żżomm dawk ħatja responsabbli għal għemilhom, u tikkumpensa lill-familji taċ-ċittadini li mietu fl-attakk tal-2014; jissottolinja li l-Unjoni Ewropea tappoġġja lir-Repubblika Ċeka u jitlob lill-VP/HR u lill-Kunsill jieħdu kontromiżuri xierqa, inkluż l-estensjoni ta' sanzjonijiet immirati; jesprimi s-solidarjetà qawwija tiegħu mal-poplu u l-awtoritajiet tar-Repubblika Ċeka wara l-attakk Russu mwettaq fit-territorju tal-UE u t-tkeċċija bla bażi u sproporzjonata ta' 20 diplomatiku Ċek mir-Russja; jesprimi l-appoġġ tiegħu għad-deċiżjoni tal-awtoritajiet Ċeki li l-għadd ta' persunal fl-ambaxxata tar-Russja fir-Repubblika Ċeka jkun daqs l-għadd ta' persunal fl-ambaxxata tar-Repubblika Ċeka fir-Russja, jikkundanna t-theddid sussegwenti mill-Federazzjoni Russa fil-konfront tar-Repubblika Ċeka u jesprimi l-apprezzament tiegħu għall-atti kollha ta' appoġġ u solidarjetà murija minn gvernijiet differenti tal-Istati Membri tal-UE u s-servizzi diplomatiċi kollha li diġà ġew offruti; jistieden lill-Istati Membri tal-UE jipproċedu bi tkeċċija koordinata tad-diplomatiċi Russi, fuq l-eżempju tal-każ ta' Skripal;

19.  Jikkundanna l-appoġġ tal-Kremlin għal diversi reġimi oppressivi antidemokratiċi mad-dinja kollha, bħal dawk tal-Iran, il-Korea ta' Fuq, il-Venezwela, is-Sirja u l-Belarussja; jesprimi t-tħassib kbir tiegħu dwar l-għadd dejjem akbar ta' arresti, ħtif u deportazzjonijiet ta' Belarussi li jgħixu fir-Russja, inkluż il-każ tal-president tal-Front Popolari Belarussu, il-partit fl-oppożizzjoni, u ta' persuni ordinarji li semmgħu leħinhom b'appoġġ għall-protesti paċifiċi fil-Belarussja; jesprimi tħassib partikolari dwar il-kampanja appoġġjata mir-Russja u mmirata lejn l-organizzazzjonijiet ta' minoranzi nazzjonali tal-UE fil-Belarussja, fosthom l-akbar waħda, l-Unjoni tal-Pollakki fil-Belarussja;

20.  Jikkundanna l-propaganda u d-diżinformazzjoni fl-istampa Russa u t-tixrid malizzjuż tagħha lejn l-UE, kif ukoll il-ħidma tal-fabbrika tat-trolls Russi, speċjalment dawk li bħalissa qed jimmalafamaw ir-Repubblika Ċeka billi jsostnu li hija satellita ta' interessi tal-Istati Uniti u mhux pajjiż sovran b'servizzi ta' informazzjoni indipendenti; jikkundanna l-attakki ċibernetiċi fuq l-istituzzjoni tal-amministrazzjoni tal-Istat strateġika Ċeka b'rabta mal-ispjunaġġ militari Russu;

21.  Itenni li l-unità fost l-Istati Membri tal-UE hija l-aħjar politika biex ir-Russja tiġi skoraġġuta milli twettaq azzjonijiet destabbilizzanti u sovversivi fl-Ewropa; jistieden lill-Istati Membri jikkoordinaw il-pożizzjonijiet u l-azzjonijiet tagħhom fir-rigward tar-Russja u jitkellmu b'vuċi waħda; jesiġi li fil-Kumitat tal-Ministri tal-Kunsill tal-Ewropa l-Istati Membri jitkellmu b'vuċi waħda dwar in-nuqqas kontinwu ta' rispett tar-Russja għad-deċiżjonijiet mill-Qorti Ewropea tad-Drittijiet tal-Bniedem; iqis li l-UE għandha tfittex kooperazzjoni akbar ma' sħab tal-istess fehma, b'mod partikolari n-NATO u l-Istati Uniti, tuża l-mezzi kollha disponibbli fil-livell internazzjonali biex tiġġieled b'mod effettiv l-indħil kontinwu, il-kampanji ta' diżinformazzjoni dejjem aktar aggressivi u l-ksur gravi tad-dritt internazzjonali mir-Russja li jhedded is-sigurtà u l-istabbiltà fl-Ewropa;

22.  Jitlob lill-Istati Membri tal-UE jaġixxu fil-ħin u b'determinazzjoni kontra azzjonijiet ta' tfixkil mis-servizzi tal-intelligence Russi fit-territorju tal-UE u tikkoordina mill-qrib ir-rispons proporzjonat tagħha mas-sħab Trans-Atlantiċi; jirrakkomanda li l-Istati Membri jsaħħu l-kooperazzjoni ta' counter-intelligence u l-kondiviżjoni tal-informazzjoni;

23.  Jistieden lill-VP/HR u lill-Kunsill ifasslu approċċ strateġiku ġdid għar-relazzjonijiet tal-UE mar-Russja, li jrid jappoġġja aħjar lis-soċjetà ċivili, isaħħaħ il-kuntatti bejn in-nies maċ-ċittadini tar-Russja, ifassal linji ħomor ċari għall-kooperazzjoni mal-atturi tal-Istat Russu, juża standards teknoloġiċi u l-internet miftuħ biex jappoġġja spazji ħielsa u jirrestrinġi t-teknoloġiji oppressivi, u juri solidarjetà mas-Sħab tal-Lvant tal-UE, inkluż dwar kwistjonijiet ta' sigurtà u riżoluzzjoni paċifika tal-kunflitti; jissottolinja li kwalunkwe djalogu mar-Russja jrid ikun ibbażat fuq ir-rispett tad-dritt internazzjonali u d-drittijiet tal-bniedem;

24.  Jesprimi tħassib kbir dwar il-fatt li l-awtoritajiet Russi qed ikomplu jxekklu x-xogħol tal-pjattaformi tal-midja indipendenti, kif ukoll ta' ġurnalisti individwali u operaturi medjatiċi oħra; jikkundanna bil-qawwa, f'dan ir-rigward, id-deċiżjoni li l-organizzazzjoni medjatika indipendenti Meduza tiġi ttimbrata bħala "aġent barrani";

25.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-Kunsill, lill-Kummissjoni, lill-gvernijiet u l-parlamenti tal-Istati Membri, lill-Kunsill tal-Ewropa, lill-Organizzazzjoni għas-Sigurtà u l-Kooperazzjoni fl-Ewropa, lill-President, il-Gvern u l-Verkhovna Rada tal-Ukrajna u lill-Parlament, il-Gvern u d-Duma tal-Istat tal-Federazzjoni Russa.

(1) ĠU L 78, 17.3.2014, p. 16. (2) ĠU L 161, 29.5.2014, p. 3.

Riżoluzzjoni tal-Parlament Ewropew tad-29 ta' April 2021 dwar il-ħames anniversarju tal-Ftehim ta' Paċi fil-Kolombja (2021/2643(RSP))

P9_TA(2021)0160 RC-B9-0227/2021

Il-Parlament Ewropew,

–  wara li kkunsidra r-riżoluzzjonijiet preċedenti tiegħu, b'mod partikolari r-riżoluzzjoni tiegħu tal-20 ta' Jannar 2016 b'appoġġ għall-proċess ta' paċi fil-Kolombja(1),

–  wara li kkunsidra l-Ftehim Kummerċjali bejn l-Unjoni Ewropea u l-Istati Membri tagħha, min-naħa waħda, u l-Kolombja u l-Perù, min-naħa l-oħra(2), li ġie ffirmat fi Brussell fis-26 ta' Lulju 2012, kif ukoll il-Ftehim bejn l-Unjoni Ewropea u l-Kolombja dwar l-eżenzjoni mill-viża għal soġġorn qasir(3), li ġie ffirmat fit-2 ta' Diċembru 2015,

–  wara li kkunsidra d-dikjarazzjoni tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà, Federica Mogherini, tal-1 ta' Ottubru 2015 li taħtar lil Eamon Gilmore bħala l-Mibgħut Speċjali tal-UE għall-Proċess ta' Paċi fil-Kolombja,

–  wara li kkunsidra l-Ftehim Finali biex Jintemm il-Kunflitt Armat u Tinbena Paċi Stabbli u Dejjiema bejn il-Gvern Nazzjonali tal-Kolombja u l-Forzi Armati Rivoluzzjonarji tal-Kolombja – l-Armata tal-Poplu (FARC-EP), iffirmat fl-24 ta' Novembru 2016,

–  wara li kkunsidra r-rapporti tas-Segretarju Ġenerali tan-NU dwar il-Missjoni ta' Verifika tan-Nazzjonijiet Uniti fil-Kolombja u, b'mod partikolari, ir-rapport tas-26 ta' Marzu 2021,

–  wara li kkunsidra r-rapport annwali tal-Kummissarju Għoli tan-NU għad-Drittijiet tal-Bniedem tal-10 ta' Frar 2021 dwar is-sitwazzjoni tad-drittijiet tal-bniedem fil-Kolombja,

–  wara li kkunsidra d-dikjarazzjoni konġunta tad-9 ta' Frar 2021 tal-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ), Josep Borrell, u tal-Kummissarju Janez Lenarčič dwar id-deċiżjoni tal-Kolombja li tagħti Status ta' Protezzjoni Temporanja lill-migranti Venezwelani, u d-dikjarazzjoni mill-kelliem għall-VP/RGħ tas-26 ta' Frar 2021 dwar il-vjolenza kontra d-difensuri tad-drittijiet tal-bniedem fil-Kolombja,

–  wara li kkunsidra l-Artikolu 132(2) u (4) tar-Regoli ta' Proċedura tiegħu,

A.  billi f'Novembru 2021 il-Kolombja ser tfakkar il-ħames anniversarju tal-iffirmar tal-Ftehim Finali biex Jintemm il-Kunflitt Armat u Tinbena Paċi Stabbli u Dejjiema bejn il-Gvern tal-Kolombja mmexxi mill-President Juan Manuel Santos u l-Forzi Armati Rivoluzzjonarji tal-Kolombja – l-Armata tal-Poplu (FARC-EP), li temm kunflitt ta' aktar minn 50 sena u jirrappreżenta pass sinifikanti fil-bini ta' paċi stabbli u dejjiema fil-pajjiż; billi l-Kolombja żammet l-integrità demokratika tagħha minkejja perjodi twal ta' vjolenza straordinarja;

B.  billi l-Qorti Kostituzzjonali tal-Kolombja stmat li ser ikun hemm bżonn ta' mill-inqas 15-il sena għall-konformità mal-Ftehim Finali, mal-ippjanar fuq 10 snin tal-Pjan Direzzjonali Uniku, u mal-Pjan ta' Investiment għall-Paċi ta' erba' snin attwali b'riżorsi ta' kważi USD 11,5 biljun;

C.  billi l-President tal-Kolombja, Iván Duque, u l-President tal-Partit Comunes (li qabel kien il-Partit FARC), Rodrigo Londoño, iltaqgħu fl-10 ta' Marzu 2021 biex jiddiskutu l-istatus ta' implimentazzjoni tal-Ftehim Finali; billi waqt id-djalogu ffaċilitat mir-Rappreżentant Speċjali tas-Segretarju Ġenerali tan-NU għall-Kolombja u Kap tal-Missjoni ta' Verifika tan-Nazzjonijiet Uniti fil-Kolombja, iż-żewġ partijiet tennew l-impenn tagħhom favur il-Ftehim Finali, u qablu li jaħdmu b'mod konġunt biex ifasslu pjan direzzjonali għall-bqija tal-perjodu ta' żmien previst għall-implimentazzjoni komprensiva tiegħu, kif ukoll li jirduppjaw l-isforzi tagħhom biex isaħħu l-integrazzjoni mill-ġdid tal-ex kumbattenti u l-garanziji ta' sigurtà għalihom;

D.  billi ex ġellieda gwerillieri qegħdin javvanzaw fil-proċess tagħhom biex jirrintegraw fil-ħajja ċivili, u billi s-sistema legali u kostituzzjonali fil-Kolombja qiegħda tadotta riformi preċiżi biex tiżgura li l-impenji tal-ftehim jiġu implimentati u l-ġejjieni tal-pajjiż ikun jista' jinbena fuqhom;

E.  billi fil-Ftehim Finali, il-partijiet qablu li jistabbilixxu Ġurisdizzjoni Speċjali għall-Paċi (JEP), inkluża l-implimentazzjoni ta' Sistema Komprensiva għall-Verità, il-Ġustizzja, ir-Reparazzjoni u n-Nonripetizzjoni, kif ukoll ftehimiet dwar ir-reparazzjonijiet għall-vittmi, fost oħrajn, kif rikonoxxut mir-rapport tal-Kummissarju Għoli tan-NU għad-Drittijiet tal-Bniedem, Michelle Bachelet, tal-10 ta' Frar 2021; billi l-Kolombja qiegħda tiffaċċja sfidi kumplessi fl-implimentazzjoni komprensiva tal-Ftehim Finali, aggravati bis-sitwazzjoni tal-COVID-19 u l-wasla u l-akkoljenza tal-migranti Venezwelani;

F.  billi fis-26 ta' Jannar 2021, il-JEP tal-Kolombja ħabbar l-ewwel deċiżjoni ewlenija tiegħu, li akkużat lil tmien mexxejja ewlenin tal-ex FARC-EP b'delitti tal-gwerra u b'delitti kontra l-umanità, f'dak li kien l-aktar riżultat ċar s'issa għall-ġustizzja tranżizzjonali fil-pajjiż; billi kkonfermat ukoll progress fl-investigazzjoni tal-hekk imsejħa "pożittivi foloz"; billi l-JEP beda azzjonijiet biex isir progress għall-istabbiliment ta' djalogu permanenti u fluwidu mal-awtoritajiet indiġeni;

G.  billi għadhom qegħdin isiru avvanzi importanti li jipprovdu eżempju rigward il-potenzjal trasformattiv tal-Ftehim ta' Paċi, li jinkludi, għall-ewwel darba, approċċ speċifiku mill-perspettiva tal-ġeneri; billi għandhom isiru aktar avvanzi fil-Programm Komprensiv għal salvagwardji għall-mexxejja nisa, għad-difensuri tad-drittijiet tal-bniedem u għall-programmi ta' sostenn għan-nisa u l-bniet li huma vittmi ta' vjolenza inkluż stupru u ħtif; billi, minħabba n-natura interkonnessa tal-kapitoli differenti tal-ftehim, huwa tal-akbar importanza li l-approċċ mill-perspettiva tal-ġeneri jiġi integrat b'mod attiv fl-oqsma kollha;

H.  billi minkejja l-fatt li t-taħditiet ta' paċi wasslu għal tnaqqis sinifikanti fl-għadd ta' mwiet u fil-vjolenza fil-Kolombja, il-kollass tas-sigurtà f'reġjuni differenti tal-Kolombja huwa meqjus minn ħafna bħala ostaklu għall-proċess ta' paċi, filwaqt li hemm żieda inkwetanti fil-vjolenza, fl-għajbien sfurzat, fil-ħtif u fil-qtil ta' mexxejja soċjali u indiġeni, ta' ex kumbattenti tal-FARC u ta' difensuri tad-drittijiet tal-bniedem, kif irrappurtat min-NU; billi l-forzi tas-sigurtà huma wkoll soġġetti għal attakki u vjolenza;

I.  billi l-Missjoni ta' Verifika tan-NU vverifikat il-qtil ta' 73 ex kumbattent fl-2020, u dan ifisser li l-għadd ta' ex kumbattenti li nqatlu mindu ġie ffirmat il-ftehim ta' paċi fl-2016 issa tela' għal 248; billi l-Uffiċċju tal-Kummissarju Għoli għad-Drittijiet tal-Bniedem (OHCHR) irċieva informazzjoni dwar il-qtil ta' 120 difensur tad-drittijiet tal-bniedem f'din l-aħħar sena, li minnhom ġew ivverifikati 53 każ; billi, barra minn hekk, huwa rreġistra 69 inċident b'għadd kbir ta' vittmi ċivili fl-2020, li kienu responsabbli għall-mewt ta' 269 persuna ċivili, inklużi 24 tifel u tifla u 19-il mara; billi n-NU rrappurtat li huma meħtieġa sforzi akbar biex jiġi implimentat il-Ftehim ta' Paċi;

J.  billi l-indirizzar tal-vjolenza persistenti kontra l-ex kumbattenti, il-komunitajiet milquta mill-kunflitt, il-mexxejja soċjali, u d-difensuri tad-drittijiet tal-bniedem, il-ħtieġa li tissaħħaħ is-sostenibbiltà tal-proċess ta' riintegrazzjoni, il-konsolidazzjoni tal-preżenza integrata tal-istat fiż-żoni milquta mill-kunflitt, it-tisħiħ tad-djalogu kostruttiv bejn il-partijiet bħala mezz ta' promozzjoni tal-implimentazzjoni tal-ftehim ta' paċi u l-ħtieġa li jissaħħu l-kundizzjonijiet għar-rikonċiljazzjoni bejn il-partijiet ġew stabbiliti bħala prijoritajiet mis-Segretarju Ġenerali tan-NU;

K.  billi fl-2017, il-Gvern Kolombjan beda taħditiet formali ta' paċi mal-Armata għal-Liberazzjoni Nazzjonali (ELN); billi, madankollu, f'Jannar 2019 ftit wara li l-ELN splodiet karozza bomba f'akkademja tal-pulizija f'Bogotá li qatlet 22 persuna, il-Gvern tal-President Iván Duque temm it-taħditiet ta' paċi; billi d-dinamika tal-kunflitt li tinvolvi l-ELN, inklużi l-ġlied ma' atturi armati illegali oħra u mal-forzi tas-sigurtà pubblika, għadha għaddejja f'ċerti dipartimenti; billi l-gvern jinsisti li l-possibbiltà li t-taħditiet jissoktaw hija kontinġenti fuq li l-ELN twaqqaf l-azzjonijiet vjolenti tagħha, inkluż il-ħtif, ir-reklutaġġ tat-tfal u t-tqegħid ta' mini, filwaqt li l-ELN iżżomm il-pożizzjoni tagħha li kwalunkwe talba bħal din mill-gvern trid tiġi indirizzata madwar il-mejda tan-negozjati;

L.  billi d-deċiżjoni sinifikanti meħuda mill-President tal-Kolombja, Iván Duque Márquez, bħala wiri ta' solidarjetà permezz tal-offerta ta' Status ta' Protezzjoni Temporanja u tar-regolarizzazzjoni ta' madwar 1 800 000 migrant Venezwelan residenti fil-pajjiż, permezz ta' permess temporanju ta' migrazzjoni, jippermettilhom jirreġistraw u jsaħħu l-aċċess tagħhom għas-servizzi statali, bħas-saħħa u l-edukazzjoni, u l-integrazzjoni soċjoekonomika tagħhom, u b'hekk titnaqqas il-vulnerabbiltà tagħhom; billi l-Kolombja u l-Venezwela jikkondividu aktar minn 2 000 kilometru ta' fruntiera permeabbli; billi l-fruntiera bejn il-Kolombja u l-Venezwela tikkonsisti prinċipalment f'foresti densi u art b'aċċess diffiċli u dan jagħmilha suxxettibbli għall-attivitajiet illeċiti u l-kriminalità organizzata;

M.  billi l-Fond Fiduċjarju tal-UE għall-Kolombja mmobilizza EUR 128 miljun mill-baġit tal-UE, minn 21 Stat Membru, miċ-Ċilì u mir-Renju Unit; billi l-ħames kumitat strateġiku tiegħu ddefinixxa l-linji strateġiċi futuri tiegħu fit-22 ta' Jannar 2021;

N.  billi s-soċjetà ċivili għandha rwol kruċjali fil-proċess ta' paċi, li jħaddan organizzazzjonijiet għall-ħarsien tad-drittijiet tal-bniedem, organizzazzjonijiet tan-nisa, komunitajiet rurali, komunitajiet Afro-Kolombjani u popli indiġeni, li żviluppaw diversi inizjattivi u proposti fil-livelli lokali, reġjonali u nazzjonali;

O.  billi l-UE u l-Kolombja għandhom qafas ta' kooperazzjoni politika, ekonomika u kummerċjali mill-qrib stabbilit fil-Memorandum ta' Ftehim ta' Novembru 2009 u l-Ftehim Kummerċjali bejn il-Kolombja u l-Perù, u l-UE u l-Istati Membri tagħha, li l-għan aħħari tiegħu huwa mhux biss il-promozzjoni tar-relazzjonijiet ekonomiċi bejn il-partijiet, iżda wkoll il-konsolidament tal-paċi, id-demokrazija u r-rispett għad-drittijiet tal-bniedem, l-iżvilupp sostenibbli u l-benesseri taċ-ċittadini tagħhom; billi l-Kolombja hija sieħba strateġika u hija kruċjali għall-istabbiltà reġjonali; billi l-UE u r-Repubblika tal-Kolombja stabbilew qafas għall-parteċipazzjoni tar-Repubblika tal-Kolombja fl-operazzjonijiet tal-Unjoni Ewropea ta' maniġġar ta' kriżijiet, li daħlu fis-seħħ fl-1 ta' Marzu 2020;

P.  billi din ir-relazzjoni mill-qrib testendi għal oqsma ta' kollaborazzjoni internazzjonali multilaterali dwar kwistjonijiet ta' interess reċiproku, bħall-ġlieda favur il-paċi u kontra t-terroriżmu u t-traffikar tad-drogi;

1.  Itenni l-appoġġ tiegħu għall-Ftehim ta' Paċi fil-Kolombja u jilqa' d-djalogu reċenti li sar bejn il-partijiet, filwaqt li jirrikonoxxi l-isforz politiku, ir-realiżmu u l-perseveranza tagħhom; itenni r-rieda tiegħu li jkompli jipprovdi l-assistenza politika u finanzjarja kollha possibbli biex jappoġġja l-implimentazzjoni komprensiva tal-Ftehim ta' Paċi, li jakkumpanja l-fażi ta' wara l-kunflitt, li fiha l-parteċipazzjoni tal-komunitajiet lokali u l-organizzazzjonijiet tas-soċjetà ċivili tibqa' essenzjali, u li jqis kif xieraq il-prijoritajiet espressi mill-vittmi f'termini ta' verità, ġustizzja, reparazzjonijiet u garanziji ta' nonrepetizzjoni; itenni s-solidarjetà tiegħu mal-vittmi;

2.  Jenfasizza li l-Ftehim ta' Paċi Kolombjan spiss jiġi kkwotat bħala mudell madwar id-dinja minħabba d-determinazzjoni tiegħu li jindirizza l-kwistjonijiet li kkawżaw il-kunflitt u l-enfasi ċentrali tiegħu fuq id-drittijiet u d-dinjità tal-vittmi; ifakkar li l-partijiet kollha ta' tali ftehim kumpless u innovattiv jeħtieġ li jiġu implimentati, peress li huma marbuta flimkien fit-trattament tal-kawżi fundamentali tal-kunflitt; jistieden lill-Gvern Kolombjan ikompli jagħmel progress fl-implimentazzjoni tal-aspetti kollha tal-Ftehim ta' Paċi;

3.  Jilqa' l-progress li sar mill-Kolombja f'oqsma bħar-Riforma Rurali Integrali, il-programmi għall-iżvilupp rurali (PDET), ir-rispett tad-drittijiet tal-vittmi, is-soluzzjoni tal-problema tad-drogi illeċiti, is-sostituzzjoni ta' għelejjel illeċiti, ir-restituzzjoni tal-art u l-inkorporazzjoni mill-ġdid tal-ex kumbattenti, u jinkoraġġixxi l-użu ta' sforzi addizzjonali biex jiġu implimentati l-aspetti kollha tal-Ftehim ta' Paċi, b'mod partikolari dawk l-oqsma soċjoekonomiċi fejn inkiseb inqas progress; jisħaq fuq kemm huwa importanti li l-proċess ta' paċi jkun akkumpanjat minn sforz determinat biex jiġu miġġielda l-inugwaljanza u l-faqar, inkluż billi jinstabu soluzzjonijiet ġusti għan-nies u l-komunitajiet spustati mill-artijiet tagħhom; iqis li l-gruppi li sofrew b'mod sproporzjonat mill-kunflitt, bħall-komunitajiet Afro-Kolombjani u indiġeni, għandhom jingħataw appoġġ speċjali; jirrikonoxxi l-ħidma tal-Kunsilli Territorjali għall-Paċi, ir-Rikonċiljazzjoni u l-Koeżistenza;

4.  Jissottolinja r-rwol fundamentali u storiku tal-Pjanijiet ta' Żvilupp b'Approċċ Territorjali (PDET), ifformulati mill-komunitajiet f'170 muniċipalità l-aktar milquta mill-abbandun, il-faqar u l-vjolenza;

5.  Jilqa' l-azzjonijiet kollha diġà meħuda mill-JEP sabiex jinħoloq futur li fil-qalba tiegħu jkollu l-konsolidazzjoni tal-paċi u n-nuqqas ta' impunità, u jistieden lill-JEP ikompli bl-isforzi sinifikanti tiegħu, minkejja l-isfidi numerużi, inkluż id-dewmien fl-implimentazzjoni tal-leġiżlazzjoni; jistieden lill-awtoritajiet Kolombjani jippreservaw l-awtonomija u l-indipendenza tas-Sistema Komprensiva tal-Ġustizzja, il-Verità, ir-Reparazzjoni u n-Nonrepetizzjoni u jipproteġuha bħala kontribut essenzjali favur paċi sostenibbli u dejjiema;

6.  Jikkundanna l-qtil tad-difensuri tad-drittijiet tal-bniedem, tal-ex kumbattenti tal-FARC u tal-mexxejja soċjali u indiġeni, u l-vjolenza kontrihom; jenfasizza li l-indirizzar tal-vjolenza persistenti kontrihom hija waħda mill-isfidi ewlenin fil-Kolombja; jinnota li l-kunflitt eskala fiż-żoni rurali tal-pajjiż u jiddeplora l-vjolenza kkawżata prinċipalment f'dawk iż-żoni minn gruppi armati illegali u l-kriminalità organizzata marbuta mat-traffikar tad-drogi u l-estrazzjoni illegali; jinnota li ġew irrappurtati diversi każijiet ta' spostament furzat, reklutaġġ furzat, vjolenza sesswali kontra t-tfal u n-nisa, massakri, tortura u atroċitajiet oħra, u attakki kontra komunitajiet u awtoritajiet etniċi, kif ukoll influwenza tal-awtoritajiet pubbliċi; jitlob li jsiru investigazzjonijiet rapidi u bir-reqqa u li dawk responsabbli jagħtu kont ta' għemilhom; iħeġġeġ lill-Istat Kolombjan iżid u jiggarantixxi l-protezzjoni u s-sikurezza tal-mexxejja soċjali u politiċi, tal-attivisti soċjali u tad-difensuri ambjentali u tal-komunità rurali; jara bi tħassib speċjali s-sitwazzjoni problematika fid-dipartiment ta' Cauca, kif imqajma fid-dikjarazzjoni tan-NU;

7.  Jirrikonoxxi l-isforzi biex tiġi miġġielda l-kriminalità ta' gruppi armati organizzati u organizzazzjonijiet oħra; jisħaq fuq il-ħtieġa li jittieħdu miżuri urġenti biex tiżdied il-protezzjoni tagħhom, u għalhekk jitlob li jkun hemm preżenza statali integrata aktar b'saħħitha fit-territorji, u li l-Kummissjoni Nazzjonali għall-Garanziji tas-Sigurtà tadotta politika pubblika biex iżżarma l-organizzazzjonijiet kriminali; jilqa', b'kunsiderazzjoni ta' dan, il-Pjan Strateġiku ta' Sigurtà u Protezzjoni għar-Riintegrazzjoni tal-Persuni;

8.  Jilqa' l-estensjoni tal-Liġi dwar il-Vittmi sal-2031 u ż-żieda fil-baġit tagħha, għall-benefiċċju ta' aktar minn disa' miljun persuna li huma rreġistrati fir-Reġistru Uniku tal-Vittmi u l-parteċipazzjoni politika effettiva tal-FARC, issa l-Partit Comunes, u l-progress li sar fir-rikostituzzjoni ta' kważi 14 000 ex kumbattent; jilqa' x-xiri tal-art mill-gvern ta' sebgħa mill-24 ex Żona Territorjali ta' Taħriġ u Riintegrazzjoni (TATRs) u jenfasizza l-iskjerament tas-sigurtà fihom, flimkien mal-miżuri ta' protezzjoni soċjali li jkopru aktar minn 13 000 ex kumbattent;

9.  Jirrikonoxxi l-isforzi mwettqa mill-istituzzjonijiet Kolombjani u jinkoraġġihom jagħmlu aktar progress fl-iżgurar li d-drittijiet tal-bniedem jiġu rispettati bis-sħiħ u b'mod permanenti, f'konformità mad-dmir tal-Kolombja li tiggarantixxi s-sikurezza taċ-ċittadini tagħha; jenfasizza t-tnaqqis fir-rata ta' omiċidji li naqset minn 25 għal 23,7 għal kull 100 000 abitant bejn l-2019 u l-2020, kif rikonoxxut mir-rapport tal-Kummissarju Għoli tan-NU għad-Drittijiet tal-Bniedem; jirrikonoxxi l-impenn tal-gvern favur il-protezzjoni tal-mexxejja soċjali, id-difensuri tad-drittijiet tal-bniedem u l-ex kumbattenti, u l-komunitajiet remoti;

10.  Jesprimi t-tħassib tiegħu għall-fatt li, minkejja l-obbligu tagħhom li jipprovdu informazzjoni dwar ir-rotot tat-traffikar tad-droga u s-sorsi ta' finanzjament li jsostnu lill-gruppi kriminali li jattakkaw lid-difensuri, lill-mexxejja u lill-ex kumbattenti, sal-ġurnata tal-lum, l-ex gwerillieri ma pprovdewhiex; jinnota t-tħassib tiegħu, bl-istess mod, li d-data ta' skadenza stabbilita għall-konsenja tal-assi tal-ex FARC-EP għar-reparazzjoni lill-vittmi skadiet fil-31 ta' Diċembru 2020, u li 4 % biss tal-ammont miftiehem ingħata;

11.  Jinkoraġġixxi lill-gvern jadotta l-miżuri kollha meħtieġa fil-kuntest ekonomiku attwali biex jippromwovi bidliet strutturali, kif rakkomandat min-NU, li jgħinu biex titjieb is-sitwazzjoni ġenerali u jiġi mmassimizzat il-potenzjal tal-Ftehim ta' Paċi għal trasformazzjoni pożittiva tas-sitwazzjoni tad-drittijiet tal-bniedem fil-Kolombja; jappella lill-organizzazzjonijiet ċiviċi jikkooperaw biex jistabbilixxu mill-ġdid il-koeżistenza rikonċiljata fil-Kolombja;

12.  Itenni għal darba oħra li l-vjolenza mhijiex metodu leġittimu ta' taqbida politika, u jitlob lil dawk li kellhom din il-konvinzjoni jħaddnu d-demokrazija bl-implikazzjonijiet u r-rekwiżiti kollha tagħha, inkluż, bħala l-ewwel pass, billi jċedu l-armi b'mod definittiv u billi jiddefendu l-ideat u l-ambizzjonijiet tagħhom fir-rispett tar-regoli demokratiċi u tal-istat tad-dritt; f'dan is-sens jistieden lill-ELN, elenkata bħala organizzazzjoni terroristika mill-UE u lill-gruppi dissidenti tal-FARC-EP biex itemmu l-vjolenza u l-attakki terroristiċi kontra l-popolazzjoni fil-Kolombja u jimpenjaw ruħhom b'mod sod u deċiżiv, mingħajr aktar dewmien, għall-paċi fil-Kolombja;

13.  Jenfasizza l-progress li sar f'129 muniċipalità li minnhom tneħħew il-mini kontra l-persunal u l-estensjoni sal-2025 tal-iskadenza għall-eliminazzjoni tagħhom;

14.  Ifaħħar il-pass notevoli u bla preċedent li ħadet il-Kolombja biex tagħti Status ta' Protezzjoni Temporanja lil madwar 1 800 000 migrant Venezwelan residenti fil-pajjiż, peress li dan se jikkontribwixxi biex jiġu garantiti t-tgawdija u l-protezzjoni tad-drittijiet tal-bniedem tagħhom u biex titnaqqas it-tbatija umana għall-migranti Venezwelani fil-Kolombja, filwaqt li jipprovdi opportunitajiet għal assistenza aħjar, inkluż dwar il-vaċċinazzjoni kontra l-COVID-19, il-protezzjoni u l-integrazzjoni soċjali; jittama li l-inizjattiva tal-UE li tassisti l-isforzi reġjonali biex ilaħħqu mal-kriżi tal-migrazzjoni se twitti t-triq għal appoġġ aktar b'saħħtu f'konformità mas-solidarjetà eċċellenti tal-Kolombja u jistieden lil membri oħra tal-komunità internazzjonali jingħaqdu flimkien biex jappoġġjaw lill-Kolombja f'dan il-proċess; jappella għat-tisħiħ tar-rispons biex tinstab soluzzjoni politika u demokratika għall-kriżi fil-Venezwela;

15.  Jitlob lill-Kummissjoni u l-Kunsill Ewropew jirdoppjaw l-appoġġ politiku u finanzjarju għall-Kolombja fi ħdan il-qafas tal-istrumenti l-ġodda ta' kooperazzjoni matul il-perjodu baġitarju l-ġdid;

16.  Jenfasizza l-kontribut tal-UE, speċjalment permezz tal-Fond Ewropew għall-Paċi fil-Kolombja, li jiffoka r-riżorsi tiegħu fuq ir-riintegrazzjoni u r-Riforma Rurali Integrali, b'enfasi fuq il-programmi PDET u l-formalizzazzjoni tas-sjieda tal-art;

17.  Jenfasizza l-parteċipazzjoni tas-settur privat fl-appoġġ tal-vittmi, l-inkorporazzjoni mill-ġdid, is-sostituzzjoni tal-għelejjel illeċiti u l-170 muniċipalità PDET; jitlob li l-Kummissjoni tapprofondixxi s-sinerġiji bejn il-ftehim kummerċjali u l-istrumenti l-ġodda ta' kooperazzjoni mmirati biex jiggarantixxu aċċess għas-suq Ewropew, skambji u investimenti sabiex jiġu żgurati s-sostenibbiltà tal-proġetti produttivi, id-dħul tal-popolazzjoni benefiċjarja u titnaqqas il-vulnerabbiltà tagħhom għall-kriminalità u l-ekonomiji illeċiti;

18.  Jemmen li l-implimentazzjoni b'suċċess tal-Ftehim ta' Paċi 2016, bħala kontribut għall-paċi u l-istabbiltà globali, se tkompli tkun prijorità ewlenija tar-relazzjonijiet bilaterali msaħħa permezz tal-Memorandum ta' Qbil approvat mill-Kunsill f'Jannar li għadda; fuq l-istess linji, jinkoraġġixxi aktar kooperazzjoni bejn l-UE u l-Kolombja sabiex jitjieb l-għajxien kemm taċ-ċittadini Kolombjani kif ukoll taċ-ċittadini tal-UE permezz tat-tisħiħ tas-sinerġiji bejn is-Sħubija ta' Kummerċ bejn l-UE u l-Kolombja u l-Ftehim ta' Paċi; jappoġġja l-estensjoni tal-mandat tal-Mibgħut Speċjali għall-Paċi fil-Kolombja;

19.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Presidenza b'rotazzjoni tal-UE, lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-Assemblea Parlamentari Ewro-Latino-Amerikana u lill-Gvern u lill-Kungress tal-Kolombja.

(1) ĠU C 11, 12.1.2018, p. 79. (2) ĠU L 354, 21.12.2012, p. 3. (3) ĠU L 333, 19.12.2015, p. 3.

Riżoluzzjoni tal-Parlament Ewropew tad-29 ta' April 2021 dwar il-Garanzija Ewropea għat-Tfal (2021/2605(RSP))

P9_TA(2021)0161 B9-0220/2021

Il-Parlament Ewropew,

–  wara li kkunsidra l-Artikoli 2 u 3 tat-Trattat dwar l-Unjoni Ewropea (TUE),

–  wara li kkunsidra l-objettivi stabbiliti skont l-Artikolu 3 tat-TUE, b'mod partikolari l-ġlieda kontra l-esklużjoni soċjali u d-diskriminazzjoni, u l-promozzjoni tal-ġustizzja soċjali, il-koeżjoni ekonomika, soċjali u territorjali u l-protezzjoni tad-drittijiet tat-tfal,

–  wara li kkunsidra l-klawżola soċjali orizzontali fl-Artikolu 9 tat-Trattat dwar il-Funzjonament tal-Unjoni Ewropea (TFUE),

–  wara li kkunsidra l-objettivi ta' politika soċjali fl-Artikoli 151 u 153 tat-TFUE,

–  wara li kkunsidra l-Karta Soċjali Ewropea riveduta,

–  wara li kkunsidra l-Karta tad-Drittijiet Fundamentali tal-Unjoni Ewropea u l-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali kif imsemmi fl-Artikolu 6 tat-TUE,

–  wara li kkunsidra l-Pilastru Ewropew tad-Drittijiet Soċjali, u, b'mod partikolari, il-prinċipji 1, 3, 4, 11, 14, 16, 17, 19, 20, u l-miri ewlenin tiegħu għall-2030,

–  wara li kkunsidra l-Komunikazzjoni tal-Kummissjoni dwar l-Istrateġija tal-UE dwar id-Drittijiet tat-Tfal (COM(2021)0142),

–  wara li kkunsidra l-Proposta għal Rakkomandazzjoni tal-Kunsill li tistabbilixxi l-Garanzija Ewropea għat-Tfal (COM(2021)0137),

–  wara li kkunsidra l-Pjan ta' Azzjoni tal-Pilastru Ewropew tad-Drittijiet Soċjali,

–  wara li kkunsidra l-Għanijiet ta' Żvilupp Sostenibbli (SDGs) tan-NU, b'mod partikolari l-Għanijiet 1, 2, 3, 4 u 10,

–  wara li kkunsidra l-konvenzjonijiet u r-rakkomandazzjonijiet tal-Organizzazzjoni Internazzjonali tax-Xogħol (ILO),

–  wara li kkunsidra l-Konvenzjoni tan-NU dwar id-Drittijiet tal-Persuni b'Diżabilità (UN CRPD),

–  wara li kkunsidra l-linji gwida politiċi tal-President tal-Kummissjoni, Ursula von der Leyen,

–  wara li kkunsidra l-programm ta' ħidma aġġustat tal-Kummissjoni għall-2020 (COM(2020)0440),

–  wara li kkunsidra l-Qafas tal-UE għall-Istrateġiji Nazzjonali għall-Integrazzjoni tar-Rom (COM(2011)0173),

–  wara li kkunsidra r-riżoluzzjoni tiegħu tal-21 ta' Jannar 2021 dwar l-aċċess għal akkomodazzjoni diċenti u affordabbli għal kulħadd(1),

–  wara li kkunsidra l-proposta għal Regolament tal-Parlament Ewropew u tal-Kunsill dwar il-Fond Soċjali Ewropew Plus (FSE+) (COM(2018)0382),

–  wara li kkunsidra r-Regolament (UE) 2021/241 tal-Parlament Ewropew u tal-Kunsill tat-12 ta' Frar 2021 li jistabbilixxi l-Faċilità għall-Irkupru u r-Reżiljenza(2),

–  wara li kkunsidra r-Regolament (UE) 2020/2221 tal-Parlament Ewropew u tal-Kunsill tat-23 ta' Diċembru 2020 li jemenda r-Regolament (UE) Nru 1303/2013 fir-rigward ta' riżorsi addizzjonali u arranġamenti ta' implimentazzjoni biex jipprovdi assistenza għat-trawwim ta' miżuri li jsewwu d-dannu kkawżat mill-kriżi fil-kuntest tal-pandemija tal-COVID-19 u l-konsegwenzi soċjali tagħha u għat-tħejjija ta' rkupru ekoloġiku, diġitali u reżiljenti tal-ekonomija (REACT-EU)(3),

–  wara li kkunsidra l-Istudju tal-Fattibbiltà dwar il-Garanzija għat-Tfal, li sar mill-Kummissjoni,

–  wara li kkunsidra d-dikjarazzjoni bil-miktub 0042/2015, skont l-Artikolu 136 tar-Regoli ta' Proċedura tiegħu, dwar l-investiment fit-tfal, adottata f'Marzu 2016,

–  wara li kkunsidra r-Rakkomandazzjoni tal-Kunsill dwar Sistemi ta’ Edukazzjoni u Kura Bikrija tat-Tfal ta’ Kwalità Għolja,

–  wara li kkunsidra r-riżoluzzjoni tiegħu tal-11 ta' Marzu 2021 dwar id-drittijiet tat-tfal fid-dawl tal-Istrateġija tal-UE dwar id-drittijiet tat-tfal(4),

–  wara li kkunsidra r-riżoluzzjoni tiegħu tal-24 ta' Ottubru 2017 dwar il-politiki dwar l-introjtu minimu bħala għodda biex jiġi ttrattat il-faqar(5),

–  wara li kkunsidra r-riżoluzzjoni tiegħu tal-24 ta' Novembru 2015 dwar it-tnaqqis tal-inugwaljanzi b'enfasi speċjali fuq il-faqar fost it-tfal(6),

–  wara li kkunsidra r-riżoluzzjoni tiegħu tas-17 ta' April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha(7),

–  wara li kkunsidra r-riżoluzzjoni tiegħu tas-17 ta' Diċembru 2020 dwar Ewropa soċjali b'saħħitha għal Tranżizzjonijiet Ġusti(8),

–  wara li kkunsidra l-Konvenzjoni tan-NU dwar id-Drittijiet tat-Tfal tal-20 ta' Novembru 1989,

–  wara li kkunsidra l-Kummenti Ġenerali tal-Kumitat tan-NU dwar id-Drittijiet tat-Tfal(9),

–  wara li kkunsidra l-Linji Gwida tan-NU għall-Kura Alternattiva tat-Tfal, kif imnaqqxa fir-riżoluzzjoni tal-Assemblea Ġenerali tan-NU A/RES/64/142 tal-24 ta' Frar 2010,

–  wara li kkunsidra d-dikjarazzjoni tal-Kumitat tal-Ministri tal-Kunsill tal-Ewropa tal-1 ta' Frar 2012 dwar iż-żieda fl-anti-Żingariżmu u l-vjolenza razzista kontra r-Rom fl-Ewropa,

–  wara li kkunsidra l-komunikazzjonijiet tal-Kummissjoni adottati bil-għan li tinħoloq Unjoni ta' Ugwaljanza, f'konformità mal-"Linji Gwida Politiċi għall-Kummissjoni Ewropea li jmiss 2019-2024", b'mod partikolari l-komunikazzjonijiet tagħha tal-24 ta' Novembru 2020 bit-titolu "Pjan ta' Azzjoni dwar l-Integrazzjoni u l-Inklużjoni 2021-2027" (COM(2020)0758), tat-18 ta' Settembru 2020 bit-titolu "Unjoni ta' ugwaljanza: Pjan ta' azzjoni tal-UE għall-ġlieda kontra r-razziżmu 2020-2025" (COM(2020)0565), tal-5 ta' Marzu 2020 bit-titolu "Unjoni ta' Ugwaljanza: Strateġija ta' Ugwaljanza Bejn il-Ġeneri għall-2020-2025" (COM(2020)0152), u tat-12 ta' Novembru 2020 bit-titolu "Unjoni ta' Ugwaljanza: Strateġija dwar l-Ugwaljanza tal-LGBTIQ 2020-2025" (COM(2020)0698).

–  wara li kkunsidra r-riżoluzzjoni tiegħu tas-26 ta' Novembru 2019 dwar id-drittijiet tat-tfal fl-okkażjoni tat-30 anniversarju tal-Konvenzjoni dwar id-Drittijiet tat-Tfal(10),

–  wara li kkunsidra r-riżoluzzjoni tiegħu tat-12 ta' Frar 2019 dwar il-ħtieġa li jissaħħaħ il-Qafas Strateġiku tal-UE għall-Istrateġiji Nazzjonali għall-Inklużjoni tar-Rom wara l-2020 u li tiġi intensifikata l-ġlieda kontra l-anti-Żingariżmu(11),

–  wara li kkunsidra r-riżoluzzjoni tiegħu tas-17 ta' Settembru 2020 bit-titolu "L-implimentazzjoni tal-Istrateġiji Nazzjonali għall-Integrazzjoni tar-Rom: nikkumbattu l-attitudnijiet negattivi fil-konfront ta' persuni ta' oriġini Romani fl-Ewropa"(12),

–  wara li kkunsidra l-komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni bit-titolu "Unjoni ta' Ugwaljanza: Strateġija dwar id-Drittijiet tal-Persuni b'Diżabilità 2021-2030" (COM(2021)0101),

–  wara li kkunsidra d-Dikjarazzjoni Konġunta tal-ministri tal-EPSCO bit-titolu "Overcoming poverty and social exclusion – mitigating the impact of COVID-19 on families – working together to develop prospects for strong children" (Negħlbu l-faqar u l-esklużjoni soċjali – il-mitigazzjoni tal-impatt tal-COVID-19 fuq il-familji – ħidma flimkien biex jiġu żviluppati prospetti għal tfal b'saħħithom),

–  wara li kkunsidra r-riżoluzzjoni tiegħu tat-18 ta' Ġunju 2020 dwar l-Istrateġija Ewropea tad-Diżabilità għal wara l-2020(13),

–  wara li kkunsidra r-Rakkomandazzjoni tal-Kummissjoni bit-titolu "L-investiment fit-tfal: niksru ċ-ċiklu tal-iżvantaġġ (2013/112/UE)"(14),

–  wara li kkunsidra d-Direttiva (UE) 2019/1158 tal-Parlament Ewropew u tal-Kunsill tal-20 ta' Ġunju 2019 dwar il-bilanċ bejn ix-xogħol u l-ħajja privata għall-ġenituri u għall-persuni li jindukraw u li tħassar id-Direttiva tal-Kunsill 2010/18/UE,

–  wara li kkunsidra r-rapport ta' politika tan-NU tal-15 ta' April 2020 bit-titolu "The impact of COVID-19 on children" (L-impatt tal-COVID-19 fuq it-tfal),

–  wara li kkunsidra r-Rakkomandazzjoni tal-Kummissjoni tat-3 ta' Ottubru 2008 dwar l-inklużjoni attiva tan-nies esklużi mis-suq tax-xogħol 2008/867/KE,

–  wara li kkunsidra r-Rakkomandazzjoni tal-Kunsill dwar l-integrazzjoni tal-persuni li ilhom qiegħda fis-suq tax-xogħol,

–  wara li kkunsidra r-Rakkomandazzjoni tal-Kunsill dwar l-aċċess għall-protezzjoni soċjali,

–  wara li kkunsidra l-Aġenda Ġdida għall-Ħiliet,

–  wara li kkunsidra l-mistoqsijiet għal tweġiba orali lill-Kunsill u lill-Kummissjoni dwar il-Garanzija Ewropea għat-Tfal (O-000025/2021 – B9-0012/2021 u O-000026/2021 – B9-0013/2021),

–  wara li kkunsidra l-Artikoli 136(5) u 132(2) tar-Regoli ta' Proċedura tiegħu,

–  wara li kkunsidra l-mozzjoni għal riżoluzzjoni tal-Kumitat għall-Impjiegi u l-Affarijiet Soċjali,

A.  billi l-proposta għal Rakkomandazzjoni tal-Kunsill li tistabbilixxi l-Garanzija Ewropea għat-Tfal trid tikkomplementa l-Istrateġija tal-UE dwar id-Drittijiet tat-Tfal, li t-tnejn ġew adottati fl-24 ta' Marzu 2021; billi l-Istrateġija tal-UE dwar id-Drittijiet tat-Tfal tiġbor flimkien l-inizjattivi kollha attwali u futuri dwar id-drittijiet tat-tfal fl-ambitu ta' qafas ta' politika koerenti wieħed, u tressaq rakkomandazzjonijiet għall-azzjoni tal-UE kemm interna kif ukoll esterna;

B.  billi l-faqar fost it-tfal ġie identifikat minn organizzazzjonijiet internazzjonali, bħall-Kunsill tal-Ewropa, u NGOs, bħall-UNICEF, kemm bħala kawża potenzjali ta' ksur tad-drittijiet tat-tfal kif ukoll bħala eżitu potenzjali ta' dak il-ksur, permezz tal-impatt li għandu fuq il-kapaċità li t-tfal ikollhom biex jeżerċitaw id-drittijiet tagħhom, kif ukoll b'riżultat tal-fatt li d-drittijiet imsemmija hawn fuq ma jiġux irrispettati;

C.  billi t-tfal li jikbru fi skarsezza ta' riżorsi u f'sitwazzjonijiet prekarji tal-familja huma aktar probabbli li jesperjenzaw il-faqar u l-esklużjoni soċjali, b'impatti estensivi fuq l-iżvilupp tagħhom u l-istat tagħhom ta' adult aktar tard, u ma jkollhomx aċċess għal ħiliet adegwati u jkollhom għażliet ta' impjieg limitati, u dan ikattar ċirku vizzjuż ta' faqar interġenerazzjonali;

D.  billi s-sitt kategoriji identifikati fil-proposta ta' Garanzija għat-Tfal huma dawk li l-aktar jinsabu f'riskju, li jeħtieġu attenzjoni u kura immedjati; billi l-objettivi tal-Garanzija għandhom jinftiehmu li japplikaw, kemm jista' jkun, għat-tfal kollha fl-Unjoni;

E.  billi l-kwistjoni tal-faqar u l-esklużjoni soċjali fost it-tfal huma problemi mifruxa li jinsabu fis-soċjetajiet kollha, li jiġu indirizzati l-aħjar permezz ta' politiki komprensivi u wesgħin, b'kamp ta' applikazzjoni limitat u b'ambitu wiesa', immirati kemm lejn it-tfal kif ukoll lejn il-familji u l-komunitajiet tagħhom u billi tingħata prijorità lill-investimenti fil-ħolqien ta' opportunitajiet u soluzzjonijiet ġodda; billi s-setturi kollha tas-soċjetà jeħtiġilhom ikunu involuti fis-soluzzjoni ta' dawn il-problemi, mill-awtoritajiet lokali, reġjonali, nazzjonali u Ewropej sas-soċjetà ċivili u s-settur privat;

F.  billi r-riċerka turi li l-investiment fit-tfal, pereżempju fl-edukazzjoni u l-kura bikrija tat-tfal ta' kwalità għolja jista' jrendi redditu fuq l-investiment fil-livell tas-soċjetà tal-anqas erba' darbiet ogħla mill-ispejjeż oriġinali tal-investimenti, mingħajr ma jitqiesu l-benefiċċji usa' għan-negozji f'dawk li huma ħaddiema tas-sengħa, jew għas-sistemi ta' protezzjoni soċjali li ma jkomplux jitgħabbew bi spejjeż ulterjuri għat-tfal li jkollhom aċċess għal miżuri ta' inklużjoni soċjali(15); billi l-proċeduri baġitarji għandhom jirrikonoxxu l-investiment fit-tfal bħala kategorija ta' investiment separata, li hija apparti min-nefqa soċjali regolari;

G.  billi fl-2019, 22,2 % tat-tfal fl-UE – kważi 18-il miljun tifel u tifla – kienu f'riskju ta' faqar jew esklużjoni soċjali; billi t-tfal li ġejjin minn familji b'introjtu baxx, it-tfal mingħajr dar, it-tfal b'diżabilità, it-tfal bi sfond ta' migrazzjoni, it-tfal bi sfond etniku minoritarju, b'mod partikolari t-tfal Rom, it-tfal li jinsabu f'kura istituzzjonali, it-tfal f'sitwazzjonijiet prekarji ta' familja, il-familji b'ġenitur wieħed, il-familji LGBTIQ+, u l-familji fejn il-ġenituri jgħixu 'l bogħod għax jaħdmu barra minn pajjiżhom iħabbtu wiċċhom ma' diffikultajiet serji, bħall-privazzjoni severa ta' akkomodazzjoni jew iffullar eċċessiv, ostakli fl-aċċess għal servizzi fundamentali u bażiċi, bħal nutrizzjoni adegwata u akkomodazzjoni deċenti, li huma kruċjali għall-benesseri tagħhom u għall-iżvilupp ta' ħiliet soċjali, konjittivi u emozzjonali; billi akkomodazzjoni msaħħna kif xieraq b'ilma sikur u sanità, u l-akkomodazzjoni inġenerali, huma kruċjali għas-saħħa, il-benessri, it-tkabbir u l-iżvilupp tat-tfal; billi akkomodazzjoni adegwata tiffavorixxi wkoll li t-tfal jitgħallmu u jistudjaw;

H.  billi l-għadd ta' tfal b'diżabilità mhuwiex magħruf minħabba nuqqas ta' statistika, iżda jista' jkun fl-ilma ta' 15 % tal-għadd totali ta' tfal fl-Unjoni; billi t-tfal b'diżabilità għandu jkollhom it-tgawdija sħiħa tad-drittijiet tal-bniedem u tal-libertajiet fundamentali kollha fuq bażi ugwali ma' tfal oħra, inkluż id-dritt li jikbru fil-familji tagħhom jew f'ambjent tal-familja li jkun konformi mal-aħjar interessi tagħhom kif definit fil-Konvenzjoni dwar id-Drittijiet tat-Tfal; billi l-membri tal-familja ta' spiss ikollhom inaqqsu jew iwaqqfu l-attivitajiet professjonali tagħhom sabiex jieħdu ħsieb membri tal-familja b'diżabilità; billi l-Istudju tal-Fattibbiltà għal Garanzija għat-Tfal tal-Kummissjoni (rapport intermedju) jindika li l-ostakli ewlenin identifikati għat-tfal b'diżabilità huma problemi ta' aċċess fiżiku, in-nuqqas ta' adattament ta' servizzi u faċilitajiet għall-ħtiġijiet tat-tfal u, f'ħafna każijiet, sempliċement in-nuqqas ta' disponibbiltà tagħhom; billi fl-istess studju kien hemm ħafna minn dawk li wieġbu li ppuntaw subgħajhom lejn problemi ta' diskriminazzjoni, b'mod speċifiku fir-rigward ta' problemi relatati mal-edukazzjoni, u problemi ta' affordabilità fl-akkomodazzjoni;

I.  billi d-drittijiet tat-tfal ma jistgħux jiġu rrispettati mingħajr l-implimentazzjoni b'suċċess tal-SDGs tan-NU u viċi versa;

J.  billi t-tfal kollha għandhom id-dritt għall-protezzjoni mill-faqar, li jfisser b'mod ċar li hemm bżonn ta' politiki preventivi; billi l-Parlament u s-soċjetà ċivili Ewropea ripetutament appellaw għall-ħolqien ta' Garanzija għat-Tfal biex jiġi żgurat li kull tifel u tifla li jgħixu fil-faqar ikollhom aċċess effettiv u mingħajr ħlas għall-kura tas-saħħa, edukazzjoni u kura bikrija tat-tfal ta' kwalità u mingħajr ħlas, u aċċess effettiv għal akkomodazzjoni deċenti u nutrizzjoni adegwata; billi l-Aġenzija tal-Unjoni Ewropea għad-Drittijiet Fundamentali (FRA) enfasizzat li l-ġlieda kontra l-faqar fost it-tfal hija wkoll kwistjoni ta' drittijiet fundamentali u ta' obbligi legali(16);

K.  billi l-qerda tal-faqar fost it-tfal neċessarjament timplika li l-ġenituri tat-tfal jew dawk li jieħdu ħsieb it-tfal ikollhom aċċess għal xogħol bi drittijiet, b'pagi deċenti u b'arranġamenti tax-xogħol sikuri u stabbli;

L.  billi din il-proposta toffri gwida konkreta lill-Istati Membri biex jiggarantixxu aċċess effettiv u mingħajr ħlas għal edukazzjoni u attivitajiet ibbażati fl-iskola, edukazzjoni u kura bikrija tat-tfal, kura tas-saħħa, sport, attivitajiet ta' divertiment u kulturali għal kull tifel u tifla, u għal dawk li jinsabu fil-bżonn b'mod partikolari; billi l-Istati Membri għandhom jippromwovu politiki biex jiżguraw akkomodazzjoni aċċessibbli u affordabbli għat-tfal li jinsabu fil-bżonn, u nutrizzjoni tajba għas-saħħa, biex jiġi indirizzat il-faqar u jitrawmu opportunitajiet indaqs għat-tfal kollha fil-livell nazzjonali, dak reġjonali u dak lokali; billi kull tifel u tifla għandhom id-dritt li jilagħbu;

M.  billi l-pandemija tal-COVID-19 aggravat is-sitwazzjoni tat-tfal li jinsabu f'riskju ta' faqar u esklużjoni soċjali u poġġiet lil miljuni ta' tfal u familji f'sitwazzjoni soċjoekonomika saħansitra aktar prekarja; billi bħala konsegwenza tal-pandemija, huwa stmat li l-għadd ta' tfal li jgħixu taħt il-limiti tal-faqar nazzjonali rispettivi tagħhom jista' jogħla b'madwar 117-il miljun, u madwar 150 miljun tifel u tifla oħra fid-dinja qed jgħixu f'faqar multidimensjonali; billi l-individwi u l-familji b'introjtu baxx u medju jinsabu f'riskju ogħla ta' faqar meta jiżdied il-qgħad; billi jinsabu wkoll f'riskju ogħla ta' privazzjoni severa tal-akkomodazzjoni, ta' insigurtà tal-akkomodazzjoni, ta' dejn eċċessiv, ta' żgumbrament u li jispiċċaw mingħajr saqaf fuq rashom; billi dawn iċ-ċifri huma mistennija li jikbru b'mod esponenzjali minħabba l-pandemija tal-COVID-19 u l-konsegwenzi soċjoekonomiċi tagħha, li se jaffettwaw lil miljuni ta' tfal fl-Ewropa matul il-ħajja kollha tagħhom; billi l-kriżi tal-COVID-19 aggravat is-sitwazzjoni tat-tfal emarġinati li jgħixu f'kundizzjonijiet iffullati ż-żejjed u inumani b'aċċess limitat għall-kura tas-saħħa, l-ilma tax-xorb, is-sanità u l-ikel, filwaqt li poġġiethom f'riskju akbar li jieħdu l-virus;

N.  billi l-bidla għat-tagħlim mill-bogħod saret b'aktar ħeffa fl-2020 minħabba l-pandemija tal-COVID-19, u b'hekk in-nuqqas ta' aċċess għal konnessjoni tal-internet, għodod diġitali u infrastruttura eskluda b'mod partikolari lit-tfal żgħar ħafna bi bżonnijiet speċjali u lil dawk li jgħixu fil-faqar, f'komunitajiet emarġinati u f'żoni remoti u rurali, inkluż fir-reġjuni u t-territorji tal-periferija; billi kien hemm żieda allarmanti fl-għadd ta' tfal li l-ġenituri tagħhom tilfu l-akkomodazzjoni jew l-impjieg tagħhom, u fl-għadd ta' tfal li kienu mċaħħda mill-ikla ta' kuljum l-aktar nutrittiva tagħhom, kif ukoll mill-aċċess għal servizzi ta' wara l-iskola bħall-attivitajiet sportivi, ta' divertiment, artistiċi u kulturali, li jrawmu l-iżvilupp u l-benesseri tagħhom; billi n-nuqqas ta' aċċess għal soluzzjonijiet diġitali u ta' opportunitajiet ta' edukazzjoni diġitali jista' jillimita serjament l-aċċess aktar tard għall-edukazzjoni u l-impjiegi għaż-żgħażagħ, u dan iċaħħadhom minn opportunitajiet aħjar fis-suq tax-xogħol, u jċaħħad ukoll lin-negozji Ewropej minn ħaddiema potenzjali; billi għalhekk hemm bżonn li jsir investiment f'soluzzjonijiet ta' edukazzjoni diġitali; billi soluzzjonijiet diġitali u teknoloġiji oħra ta' assistenza għat-tfal b'diżabilità jistgħu jippermettu u jaċċelleraw il-proċess tal-inklużjoni soċjali u l-aċċess aktar tard fil-ħajja għal aktar opportunitajiet; billi, għalhekk, l-aċċess ugwali huwa kruċjali f'dan ir-rigward;

O.  billi huwa bil-wisq aktar probabbli li t-tfal b'diżabilità fl-UE jitqiegħdu f'kura istituzzjonali minn tfal mingħajr diżabilità, u jidher li huwa ferm inqas probabbli li jibbenefikaw minn sforzi li jippermettu tranżizzjoni minn kura istituzzjonali għal waħda bbażata fil-familja; billi t-tfal b'diżabilità għadhom qed jiġu segregati fl-edukazzjoni billi jitpoġġew fi skejjel speċjali u jħabbtu wiċċhom ma' ostakli fiżiċi u oħrajn li jżommuhom milli jibbenefikaw minn edukazzjoni inklużiva; billi minħabba l-pandemiji tal-COVID-19 ħafna tfal li għandhom diżabilità intellettwali sfaw mingħajr il-possibbiltà li jkomplu bl-edukazzjoni tagħhom peress li l-edukazzjoni online spiss ma tkunx adattata għall-ħtiġijiet speċjali tagħhom;

P.  billi l-Unjoni jista' jkollha rwol ewlieni fil-ġlieda ġenerali kontra l-faqar fost it-tfal u l-esklużjoni soċjali tat-tfal kollha, inklużi s-sitt kategoriji ewlenin identifikati mill-Kummissjoni;

Q.  billi t-tfal ta' ċittadini mobbli tal-UE spiss jaqgħu bejn il-lakuni fil-leġiżlazzjonijiet nazzjonali; billi filwaqt li l-migrazzjoni tal-ħaddiema tnaqqas il-faqar fuq terminu ta' żmien qasir, twassal biex iħallu lit-tfal warajhom, u dan jista' jaggrava s-sottożvilupp soċjali tagħhom u jwassal għal prekarjetà, u it-tfal ta' ġenituri migranti li għadhom jgħixu fil-pajjiż ta' oriġini tagħhom jispiċċaw iħabbtu wiċċhom ma' aktar ċans li jiġu emarġinati, maltrattati u abbużati, fatt li huwa partikolarment rilevanti għall-mobilità tal-ħaddiema fi ħdan l-UE(17);

R.  billi l-Garanzija għat-Tfal hija waħda mill-inizjattivi ewlenin tal-politika soċjali elenkati fil-linji gwida politiċi tal-Kummissjoni u l-Programm ta' Ħidma tal-Kummissjoni għall-2021, u trid tkompli tingħata spinta fil-ġejjieni b'politiki u miri ambizzjużi; billi din il-kwistjoni trid tkun fuq l-aġenda tal-Konferenza dwar il-Futur tal-Ewropa; billi l-Pilastru Ewropew tad-Drittijiet Soċjali u r-Rakkomandazzjoni tal-Kummissjoni tal-2013 "L-Investiment fit-Tfal: niksru ċ-ċiklu tal-iżvantaġġ" jibqgħu prinċipji gwida importanti biex jitnaqqas il-faqar fost it-tfal, jittejjeb il-benesseri tat-tfal u jiġi previst futur stabbli, filwaqt li jitnaqqas it-tluq bikri mill-iskola; billi fil-Pjan ta' Azzjoni dwar l-implimentazzjoni tal-Pilastru Ewropew tad-Drittijiet Soċjali, il-Kummissjoni stabbiliet il-mira li tnaqqas l-għadd ta' persuni f'riskju ta' faqar jew esklużjoni soċjali fl-UE b'mill-inqas 15-il miljun sal-2030 – inklużi mill-inqas 5 miljun tifel u tifla; billi l-istereotipi negattivi tal-ġeneru u l-kundizzjonament soċjali li jwasslu għall-hekk imsejħa "distakk fil-ħolma" jew "distakk fil-jeddijiet" u nuqqas ta' rappreżentanza tan-nisa f'pożizzjonijiet ta' tmexxija jikkundizzjonaw l-għażliet ta' karriera u tal-edukazzjoni tal-bniet minn età bikrija, u għalhekk jikkontribwixxu għaż-żieda fl-inugwaljanza u s-segmentazzjoni tal-ġeneru bejn l-irġiel u n-nisa f'ċerti setturi tas-suq tax-xogħol, b'mod partikolari l-karrieri fix-xjenza, teknoloġija, inġinerija u matematika (STEM);

S.  billi l-awtoritajiet lokali u reġjonali jinsabu fuq quddiem nett tal-ħidma kontra l-faqar fost it-tfal u l-isfruttament tagħhom, u għalhekk għandhom responsabbiltà kruċjali fil-prevenzjoni tal-emarġinazzjoni u l-esklużjoni soċjali; billi l-awtoritajiet nazzjonali għandhom jipprovdulhom mezzi suffiċjenti biex jilħqu dawn l-objettivi, kull meta jkun xieraq;

1.  Jilqa' l-proposta tal-Kummissjoni għal rakkomandazzjoni tal-Kunsill li tistabbilixxi l-Garanzija għat-Tfal, li l-objettiv tagħha huwa li tipprevjeni u tiġġieled il-faqar u l-esklużjoni soċjali billi tiggarantixxi l-aċċess mingħajr ħlas u effettiv għat-tfal fil-bżonn għal servizzi ewlenin bħall-edukazzjoni u l-kura bikrija tat-tfal, attivitajiet edukattivi u bbażati fl-iskola, il-kura tas-saħħa u mill-inqas ikla waħda tajba għas-saħħa għal kull ġurnata tal-iskola, u aċċess effettiv għal nutrizzjoni tajba għas-saħħa u akkomodazzjoni adegwata għat-tfal kollha li jinsabu fil-bżonn; jistieden lill-Kunsill u lill-Istati Membri jkunu ambizzjużi fl-adozzjoni sħiħa u rapida tar-rakkomandazzjoni u fl-implimentazzjoni tagħha; jistenna li l-kontribut li jinsab f'din ir-riżoluzzjoni jitqies fid-dawl tal-adozzjoni tar-rakkomandazzjoni tal-Kunsill; jisħaq li l-Garanzija għat-Tfal għandha l-għan li tipprovdi appoġġ pubbliku għall-prevenzjoni tal-esklużjoni soċjali u għall-ġlieda kontra tali esklużjoni billi tiggarantixxi l-aċċess għat-tfal fil-bżonn għal sett ta' servizzi ewlenin, li jfisser li l-Istati Membri għandhom jew jorganizzaw u jipprovdu tali servizzi jew jipprovdu benefiċċji adegwati sabiex il-ġenituri jew it-tuturi tat-tfal fil-bżonn ikunu f'pożizzjoni li jkopru l-ispiża ta' dawn is-servizzi;

2.  Jilqa' l-komunikazzjoni tal-Kummissjoni dwar l-istrateġija tal-UE dwar id-drittijiet tat-tfal u japprova l-objettivi tagħha li tissodisfa r-responsabbiltà kondiviża tar-rispett u l-protezzjoni tad-drittijiet ta' kull tifel u tifla, flimkien ma' proġett komuni għal soċjetajiet aktar b'saħħithom, reżiljenti u aktar ġusti għal kulħadd; jirrikonoxxi li l-proposta tal-Kummissjoni għal rakkomandazzjoni tal-Kunsill li tistabbilixxi Garanzija Ewropea għat-Tfal tikkomplementa l-istrateġija u tiffoka fuq it-tfal fil-bżonn fl-istabbiliment ta' qafas ta' abilitazzjoni Ewropew li jiddefendi d-drittijiet tat-tfal u jpoġġihom fuq quddiem nett tal-aġenda tal-UE; japprova l-għan ewlieni tagħha li tiġġieled il-faqar u l-esklużjoni soċjali fost it-tfal u tippromwovi opportunitajiet indaqs u s-saħħa; jappoġġja bil-qawwa l-gwida konkreta mogħtija lill-awtoritajiet nazzjonali u lokali kompetenti dwar l-għoti ta' aċċess effettiv u mingħajr ħlas għal sett ta' servizzi ewlenin lit-tfal li jinsabu fil-bżonn, bħall-edukazzjoni u l-kura bikrija tat-tfal ta' kwalità u mingħajr ħlas, l-attivitajiet edukattivi u bbażati fl-iskola, u l-kura tas-saħħa, u l-aċċess effettiv għal akkomodazzjoni adegwata u nutrizzjoni tajba għas-saħħa, fuq l-istess livell bħall-pari tagħhom;

3.  Jistieden lill-UE u lill-Istati Membri jindirizzaw il-problemi strutturali li jikkawżaw il-faqar u l-esklużjoni soċjali fost it-tfal billi jippromwovu livell għoli ta' impjieg u ta' inklużjoni soċjali, b'mod partikolari fost il-gruppi żvantaġġati; jistieden lill-Istati Membri jiżguraw l-istabbiliment effettiv tal-Garanzija Ewropea għat-Tfal madwar l-Unjoni kollha billi jintegraw il-garanzija fis-setturi kollha tal-politika, u jħeġġiġhom jagħmlu użu mill-politiki u l-fondi eżistenti tal-UE għal miżuri konkreti li jikkontribwixxu għall-qerda tal-faqar u l-esklużjoni soċjali fost it-tfal; jisħaq fuq l-importanza tal-awtoritajiet kompetenti fil-livell nazzjonali, reġjonali u lokali biex jiġi ggarantit aċċess effettiv u ugwali għal edukazzjoni u kura bikrija mingħajr ħlas u ta' kwalità, b'enfasi speċjali fuq il-familji bi tfal b'diżabilità, l-attivitajiet edukattivi, ibbażati fl-iskejjel u fil-komunità, flimkien ma' attivitajiet sportivi, ta' divertiment u kulturali, kura tas-saħħa, kif ukoll aċċess effettiv għal nutrizzjoni tajba għas-saħħa, u akkomodazzjoni adegwata għat-tfal kollha fil-bżonn; jisħaq wkoll li l-awtoritajiet kompetenti fil-livell nazzjonali, reġjonali u lokali għandhom jiġu infurmati, imħarrġa u appoġġjati biex jiżguraw il-finanzjament mill-UE; jistieden lill-Istati Membri jissalvagwardjaw id-dritt tat-tfal għal akkomodazzjoni adegwata, billi jipprovdu appoġġ relatat għal ġenituri b'diffikultà biex iżommu jew ikollhom aċċess għal akkomodazzjoni sabiex jibqgħu mat-tfal tagħhom, b'enfasi partikolari fuq iż-żgħażagħ li joħorġu minn istituzzjonijiet ta' assistenza tat-tfal;

4.  Jemmen li huwa kruċjali li jsiru investimenti konsiderevoli fit-tfal sabiex jinqered il-faqar fost it-tfal u jkunu jistgħu jikbru u jgawdu d-drittijiet sħaħ tagħhom fl-UE; jisħaq li dan jirrikjedi approċċ olistiku għall-iżvilupp fit-tfulija bikrija, li jibda bl-ewwel 1 000 jum, li għandu jiggarantixxi s-saħħa materna, inklużi s-saħħa mentali, is-sikurezza, is-sigurtà u l-għoti ta' kura reattiva; jistieden lill-Istati Membri jiżguraw approċċ strateġiku u komprensiv għall-implimentazzjoni tal-Garanzija għat-Tfal permezz ta' politiki u riżorsi adegwati, inkluż permezz ta' integrazzjoni fis-suq tax-xogħol, miżuri ta' bilanċ bejn ix-xogħol u l-ħajja privata għall-ġenituri u t-tuturi, u appoġġ għall-introjtu għall-familji u l-unitajiet domestiċi, sabiex l-ostakoli finanzjarji ma jwaqqfux lit-tfal milli jaċċessaw servizzi ta' kwalità u inklużivi; jitlob strateġija Ewropea ġenerali kontra l-faqar, b'miri ambizzjużi għat-tnaqqis tal-faqar u l-kundizzjoni ta' persuna mingħajr dar u t-tmiem tal-faqar estrem fl-Ewropa sal-2030, speċjalment fost it-tfal, f'konformità mal-prinċipji stabbiliti fl-Pilastru Ewropew tad-Drittijiet Soċjali u l-SDGs tan-NU u li tibni fuq il-miri ewlenin stabbiliti fil-Pjan ta 'Azzjoni dwar l-Pilastru Ewropew tad-Drittijiet Soċjali;

5.  Jilqa' l-fatt li fit-tħejjija tal-Istrateġija tal-UE dwar id-Drittijiet tat-Tfal ġew ikkunsidrati l-fehmiet u s-suġġerimenti ta' aktar minn 10 000 tifel u tifla; jistieden lill-Kummissjoni tiżgura li, waqt l-implimentazzjoni u l-monitoraġġ tal-Garanzija għat-Tfal fil-livell nazzjonali, reġjonali u lokali, il-vuċijiet tat-tfal, kif ukoll dawk tal-organizzazzjonijiet rappreżentattivi tagħhom, jinstemgħu billi tippermettilhom ikunu parteċipanti sħaħ fi djalogu u konsultazzjoni pubbliċi sinifikattivi u inklużivi u jgħidu tagħhom dwar kwistjonijiet li jikkonċernawhom fil-livell tal-UE, kif kien il-każ fil-Forum dwar id-Drittijiet tat-Tfal tal-2020; jitlob, f'dan ir-rigward, lill-Istati Membri kollha biex speċifikament jinkarigaw lil awtorità pubblika, pereżempju kummissarju jew ombudsman tat-tfal, bil-kejl tal-effetti fuq it-tfal tal-leġiżlazzjoni nazzjonali u reġjonali u tal-miżuri nazzjonali għall-implimentazzjoni tal-Garanzija għat-Tfal, kif ukoll li tippromwovi b'mod ġenerali d-drittijiet tat-tfal fil-politika pubblika, u jistieden lill-Kummissjoni teżamina l-possibbiltà li tistabbilixxi Awtorità Ewropea għat-Tfal biex tappoġġja u timmonitorja l-implimentazzjoni tar-rakkomandazzjoni mill-Istati Membri, tikkoordina l-ħidma nazzjonali, tiżgura l-iskambju ta' prattiki tajbin u soluzzjonijiet innovattivi, u tissimplifika r-rapportar u r-rakkomandazzjonijiet;

6.  Jistieden lill-Istati Membri jagħtu prijorità lill-finanzjament għad-drittijiet tat-tfal skont il-ħtiġijiet identifikati fil-livell nazzjonali u reġjonali u jħeġġiġhom bil-qawwa jmorru lil hinn mill-allokazzjonijiet predefiniti fl-iskemi ta' finanzjament tal-UE; jistieden lill-Istati Membri jinformaw, iħarrġu u jappoġġjaw lill-awtoritajiet lokali u reġjonali fl-iżgurar tal-finanzjament tal-UE; jistieden lill-Istati Membri jiżguraw approċċ ikkoordinat fl-ipprogrammar u l-implimentazzjoni tal-fondi tal-UE, u jħaffu l-implimentazzjoni tagħhom u jiddedikaw ir-riżorsi nazzjonali kollha possibbli, ikkomplementati mill-fondi tal-UE bħall-Fond Soċjali Ewropew Plus (FSE+), l-Assistenza fl-Irkupru għall-Koeżjoni u għat-Territorji tal-Ewropa (React-EU), il-Faċilità għall-Irkupru u r-Reżiljenza (RRF), il-Fond Ewropew għall-Iżvilupp Reġjonali (FEŻR), l-InvestEU, l-Erasmus+, il-Fond għall-Migrazzjoni u l-Ażil (AMF) u l-UE għas-Saħħa, biex jiġu miġġielda l-faqar u l-esklużjoni soċjali fost it-tfal; ifakkar li l-Istati Membri jeħtiġilhom jinkludu miżuri ddedikati li jinvestu fit-tfal u ż-żgħażagħ fil-pjanijiet nazzjonali tagħhom għall-irkupru u r-reżiljenza sabiex jaċċessaw il-fond, skont il-pilastru tal-"Ġenerazzjoni li Jmiss" tal-RRF; ifakkar fil-possibbiltajiet mogħtija minn Next Generation EU biex jingħata appoġġ finanzjarju anki lill-organizzazzjonijiet, pereżempju l-NGOs u l-organizzazzjonijiet tal-karità, u għajnuna soċjali lill-familji fil-bżonn; jistieden, f'dan ir-rigward, lill-Istati Membri kollha, mhux biss dawk l-aktar affettwati mill-faqar fost it-tfal, jallokaw mill-inqas 5 % tar-riżorsi tal-FSE+ b'ġestjoni kondiviża biex jiġu appoġġjati l-attivitajiet fl-ambitu tal-Garanzija Ewropea għat-Tfal;

7.  Jistieden lill-Istati Membri jqisu s-sitwazzjoni partikolari tat-tfal fil-bżonn, b'mod partikolari dawk li jesperjenzaw żvantaġġi speċifiċi f'dan il-grupp, meta jimplimentaw il-Garanzija għat-Tfal; jisħaq li l-Garanzija għat-Tfal għandha tikkontribwixxi għall-ilħuq tal-għan tal-Konvenzjoni tan-NU dwar id-Drittijiet ta' Persuni b'Diżabilità ta' tranżizzjoni minn kura istituzzjonali għal kura fil-familja jew għal kura bbażata fil-komunità; jistieden lill-Istati Membri jintegraw approċċ sensittiv għall-ġeneru u intersezzjonali fl-implimentazzjoni tagħhom tal-Garanzija għat-Tfal;

8.  Jemmen li l-Garanzija għat-tfal għandha ssir strument permanenti għall-prevenzjoni u l-indirizzar tal-faqar fost it-tfal fl-UE b'mod strutturat; jenfasizza l-interkonnessjoni evidenti bejn in-Next Generation EU u l-Garanzija għat-Tfal bħala strumenti tal-UE għall-investiment fil-ġenerazzjonijiet futuri u jitlob għalhekk li jissaħħu s-sinerġiji bejn iż-żewġ programmi tal-Unjoni, anki bil-ħsieb li l-Pilastru Ewropew tad-Drittijiet Soċjali u l-Istrateġija Ewropea dwar id-Drittijiet tat-Tfal jiġu implimentati bis-sħiħ u b'mod sinifikattiv;

9.  Jenfasizza li l-Istati Membri għandhom kemm jistabbilixxu strateġiji nazzjonali pluriennali dwar it-tnaqqis tal-faqar, kif definit ukoll fil-kundizzjoni abilitanti 4.3 tar-Regolament dwar Dispożizzjonijiet Komuni biex jiġi indirizzat il-faqar fost it-tfal u l-esklużjoni soċjali, kif ukoll jiżguraw li l-pjanijiet ta' azzjoni nazzjonali tal-Garanzija għat-Tfal ikunu r-riżultati konkreti tagħhom;

10.  Jistieden lill-Istati Membri jeliminaw kull diskriminazzjoni fl-aċċess għall-indukrar tat-tfal, l-edukazzjoni u l-kura tas-saħħa mingħajr ħlas u ta' kwalità, kif ukoll l-akkomodazzjoni adegwata u n-nutrizzjoni tajba għas-saħħa, u l-attivitajiet rikreattivi, sabiex jiggarantixxu r-rispett sħiħ għal-liġi applikabbli tal-UE u dik nazzjonali kontra d-diskriminazzjoni; jitlob it-tkomplija b'urġenza tan-negozjati dwar id-direttiva orizzontali kontra d-diskriminazzjoni bħala għodda ewlenija f'dan ir-rigward; jinkoraġġixxi lill-Istati Membri jinvestu riżorsi adegwati biex itemmu s-segregazzjoni tal-klassijiet fl-iskola u jippromwovu l-inklużjoni sabiex it-tfal jingħataw bidu ugwali fil-ħajja ħalli jkissru ċ-ċiklu tal-faqar kmieni kemm jista' jkun;

11.  Ifakkar li l-aċċess għall-ilma ġieri u s-sanità jvarja b'mod konsiderevoli madwar l-Unjoni, b'konnessjoni medja mas-sistemi tad-drenaġġ ta' 80 % sa 90 % fit-Tramuntana, fin-Nofsinhar u fiċ-Ċentru tal-Ewropa, u konnessjoni medja ħafna aktar baxxa mas-sistemi tad-drenaġġ u tat-trattament tal-ilma ta' 64 % fl-Ewropa tal-Lvant(18); jenfasizza li nuqqas ta' aċċess għal akkomodazzjoni soċjali huwa ostaklu għal tfal li ġejjin minn familji b'introjtu baxx; jesprimi t-tħassib tiegħu li għad hemm wisq tfal mingħajr aċċess bażiku għall-ilma, il-faċilitajiet sanitarji u iġjeniċi u li n-nuqqas ta' aċċess għal servizzi bażiċi ta' sanità huwa partikolarment qawwi fost it-tfal l-aktar vulnerabbli u emarġinati; jistieden lill-Istati Membri jiżguraw li t-tfal kollha jkollhom aċċess għall-ilma ġieri, għal faċilitajiet sanitarji u ta' iġjene personali, kemm fid-dar kif ukoll fl-iskola;

12.  Jistieden lill-Istati Membri jagħtu prijorità lill-provvista ta' akkomodazzjoni permanenti lit-tfal mingħajr dar u lill-familji tagħhom, u jinkludu soluzzjonijiet ta' akkomodazzjoni għal tfal li jkunu għaddejjin minn perjodu mingħajr dar u minn esklużjonijiet severi ta' akkomodazzjoni fil-pjanijiet ta' azzjoni tagħhom ta' Garanzija għat-Tfal;

13.  Jirrimarka l-isfidi speċifiċi għall-bliet tal-faqar fost it-tfal, b'mod partikolari bil-ħsieb li tiġi indirizzata s-sitwazzjoni serja fiż-żoni urbani l-aktar fil-bżonn, li qed tirriskja li tiġi injorata fin-nuqqas ta' indikaturi multidimensjonali u ta' kwalità li jkunu kapaċi jifhmu r-realtà fil-post; jisħaq fuq il-ħtieġa li jiġu ddedikati miżuri u riżorsi speċifiċi għal dan il-qasam, bil-ħsieb li jiġu stabbiliti servizzi ta' kwalità, aċċessibbli u inklużivi għat-tfal fil-bżonn u għall-familji tagħhom li jgħixu f'żoni urbani; jisħaq fuq il-ħtieġa li jiġu involuti l-awtoritajiet lokali u reġjonali u l-muniċipalitajiet, kif ukoll l-atturi tas-soċjetà ċivili, fil-fażijiet kollha tal-implimentazzjoni tal-Garanzija għat-Tfal;

14.  Jistieden lill-Istati Membri jaħdmu biex jilħqu l-miri stabbiliti għaż-Żona Ewropea tal-Edukazzjoni (COM(2020)0625) u jkomplu jimplimentaw bis-sħiħ l-azzjonijiet rilevanti kollha rakkomandati fil-Pjan ta' Azzjoni dwar l-Integrazzjoni u l-Inklużjoni 2021-2027 (COM(2020)0758) fil-qasam tal-edukazzjoni u t-taħriġ; jistieden lill-Istati Membri jinnominaw mingħajr dewmien koordinaturi nazzjonali kompetenti mgħammra b'riżorsi adegwati u b'mandat b'saħħtu, u b'kompetenza bejn id-dipartimenti; jitlob li dawn il-koordinaturi jirrapportaw kif xieraq kull sentejn dwar il-progress li jkun sar fuq l-aspetti kollha tal-Garanzija għat-Tfal u jiskambjaw regolarment l-aħjar prattiki mal-kontropartijiet nazzjonali tagħhom; jistieden lill-Kummissjoni tiżgura koordinazzjoni istituzzjonali msaħħa;

15.  Jistieden lill-Kummissjoni u lill-Istati Membri jappoġġjaw il-ħolqien u t-tisħiħ ta' networks pubbliċi universali għall-indukrar tat-tfal, l-edukazzjoni u l-kura tas-saħħa, bi standards ta' kwalità għolja;

16.  Jistieden lill-Kummissjoni, f'konformità mal-Pjan ta' Azzjoni tagħha dwar l-Pilastru Ewropew tad-Drittijiet Soċjali, tressaq proposta għar-reviżjoni tal-miri ta' Barċellona u l-qafas ta' kwalità tal-edukazzjoni u l-kura bikrija tat-tfal sabiex tappoġġja aktar konverġenza 'l fuq fost l-Istati Membri fil-qasam tal-edukazzjoni u l-kura bikrija tat-tfal; jisħaq fuq il-ħtieġa li l-inizjattivi tal-UE jappoġġjaw it-tagħlim online u mill-bogħod għal edukazzjoni primarja u sekondarja aktar flessibbli u inklużiva, filwaqt li jippreservaw it-tagħlim wiċċ imb'wiċċ bħala l-metodu tal-edukazzjoni primarja b'aċċessibbiltà garantita għat-tfal kollha, b'mod speċifiku t-tfal b'diżabilità; jistieden lill-Istati Membri jnaqqsu d-distakk diġitali billi jżidu u jipprijoritizzaw il-konnettività tal-internet f'żoni remoti u rurali peress li 10 % tal-unitajiet domestiċi fl-UE għadhom neqsin minn aċċess għall-internet; jitlob li jkun hemm sħubija pubblika-privata fil-livell pan-Ewropew biex isir investiment fit-tnaqqis tad-distakk diġitali u biex it-tfal jingħataw is-setgħa permezz ta' ħiliet diġitali u intraprenditorjali; jisħaq fuq l-importanza ta' aċċess ugwali għall-infrastruttura u l-ħiliet diġitali bl-istess mod għat-tfal, l-għalliema u l-ġenituri kemm f'kuntesti urbani kif ukoll rurali, sabiex jiġi evitat id-distakk diġitali, kif ukoll għat-tfal f'reġjuni mbiegħda u periferiċi; jistieden lill-Kummissjoni u lill-Istati Membri jipprovdu appoġġ finanzjarju għal żoni li jeħtieġu titjib teknoloġiku u taħriġ diġitali komprensiv kemm għall-għalliema kif ukoll għall-istudenti, sabiex ikunu jistgħu jadattaw għal teknoloġiji ġodda;

17.  Jistieden lill-Istati Membri jindirizzaw b'mod urġenti t-tfixkil fit-tagħlim u l-inugwaljanzi edukattivi kkawżati mill-kriżi tal-COVID-19, kemm biex it-tfal ikunu jistgħu jitgħallmu mill-bogħod kemm jista' jkun malajr u jipproponu soluzzjonijiet fit-tul għall-inugwaljanzi strutturali; jistieden lill-Istati Membri jivvalutaw, jimplimentaw u jimmonitorjaw l-aċċess għall-edukazzjoni, b'mod partikolari għat-tfal minn gruppi u minn sfondi vulnerabbli, u biex jiżguraw l-istess edukazzjoni ta' kwalità matul il-pandemija, kif ukoll biex jippromwovu l-litteriżmu diġitali u għodod edukattivi adattati għat-tagħlim mill-bogħod; huwa jinsab imħasseb li, fil-kuntest tal-irkupru ta' wara l-kriżi u l-possibbiltà li l-kriżi titwal, il-ħtieġa li jiġi indirizzat il-faqar fost it-tfal se tiżdied u li l-faqar se jkollu impatt dejjem akbar fuq it-tfal peress li huma l-aktar grupp vulnerabbli fost l-aktar żvantaġġati; jistieden lill-Istati Membri jħejju u jagħtu prijorità lis-soluzzjonijiet ta' immunizzazzjoni kontra l-COVID-19 għall-kategoriji ta' tfal identifikati mill-garanzija, meta jsiru disponibbli b'mod wiesa' għat-tfal;

18.  Ifakkar fir-rwol ewlieni li l-intrapriżi tal-ekonomija soċjali u l-attività intraprenditorjali b'impatt soċjali jista' jkollhom biex jgħinu fit-twettiq tal-Garanzija għat-Tfal u l-ħtieġa ta' investiment fil-bini tal-kapaċitajiet, l-aċċess għall-finanzi, u l-edukazzjoni u t-taħriġ intraprenditorjali f'dan il-qasam; jisħaq fuq il-ħtieġa ta' sinerġiji bejn il-Garanzija għat-Tfal u l-Pjan ta' Azzjoni li jmiss tal-UE għall-Ekonomija Soċjali;

19.  Jemmen li l-investiment strateġiku b'impatt soċjali huwa kruċjali biex jiġi żgurat li l-effett tal-kriżi fuq it-tfal, b'mod partikolari dawk li diġà qed jesperjenzaw jew li jinsabu f'riskju ta' faqar u inklużjoni soċjali u li jaqgħu fi ħdan l-oqsma ta' żvantaġġ speċifiku stabbiliti fl-ambitu tar-rakkomandazzjoni, ma jiggravax; jisħaq fuq l-importanza li jiġi stimolat kemm l-investiment pubbliku kif ukoll dak privat biex jinkisbu l-għanijiet tal-garanzija u jenfasizza r-rwol tal-programm u tal-fond InvestEU f'dan ir-rigward, b'mod partikolari permezz tal-investimenti soċjali u l-ħiliet u t-twieqi ta' politika tal-infrastruttura sostenibbli;

20.  Jistieden lill-Kummissjoni u lill-Istati Membri jeżaminaw il-proċeduri baġitarji attwali tagħhom relatati man-nefqa soċjali sabiex jenfasizzaw il-karatteristiċi distinti li l-investimenti fit-tfal jista' jkollhom fuq in-nefqa soċjali regolari f'dak li għandu x'jaqsam mal-ispejjeż għar-ritorn, il-multiplikaturi u mal-ispejjeż ta' opportunità;

21.  Jistieden lill-Istati Membri jsaħħu l-isforzi biex jipprevjenu li t-tfal isofru ħsara u jiġu protetti minn kull forma ta' vjolenza billi jiżviluppaw strateġiji li jidentifikaw u jipprijoritizzaw tfal f'riskju għal interventi ta' prevenzjoni u rispons f'kollaborazzjoni mal-ġenituri, l-għalliema, u l-ħaddiema tas-saħħa u fil-komunità; jistieden lill-Istati Membri jipprevjenu l-vjolenza abbażi tal-ġeneru u jissalvagwardjaw it-tfal kollha, filwaqt li jagħtu attenzjoni speċjali lill-bniet u lin-nisa żgħażagħ, billi joħolqu jew isaħħu mekkaniżmi ta' monitoraġġ u rapportar u servizzi speċifiċi biex jirrispondu għal każijiet ta' vjolenza abbażi tal-ġeneru;

22.  Ifakkar li l-protezzjoni soċjali u l-appoġġ għall-familji huma essenzjali u jistieden lill-awtoritajiet nazzjonali kompetenti jiżguraw sistemi ta' protezzjoni soċjali adegwati u aċċessibbli u sistemi integrati ta' protezzjoni tat-tfal, inklużi l-prevenzjoni effettiva, l-intervent bikri u l-appoġġ tal-familja, sabiex jiġu żgurati s-sikurezza u s-sigurtà għat-tfal mingħajr il-kura tal-ġenituri jew li jinsabu f'riskju li jitilfu din il-kura, kif ukoll miżuri ta' appoġġ għat-tranżizzjoni minn kura istituzzjonali lejn kura fil-familja u bbażata fil-komunità; jistieden lill-Istati Membri jżidu l-investiment fis-sistemi ta' protezzjoni tat-tfal u fis-servizzi ta' protezzjoni soċjali bħala parti importanti mill-implimentazzjoni tal-Garanzija għat-Tfal; jisħaq li l-problemi ta' saħħa mentali u fiżika huma mifruxa minħabba l-kuntest attwali ta' lockdowns, iżolament u l-ambjent edukattiv u jistieden lill-Istati Membri jinvestu fil-protezzjoni tas-saħħa mentali u fiżika tat-tfal bħala prijorità;

23.  Jistieden lill-Istati Membri jipprovdu servizzi soċjali, inklużi dawk għall-protezzjoni tal-minuri, b'riżorsi finanzjarji, tekniċi u umani suffiċjenti;

24.  Jistieden lill-Istati Membri jfasslu strateġiji speċifiċi biex jipproteġu lit-tfal mill-abbuż u l-isfruttament sesswali online, peress li kaġun tal-iżolament it-tfal iqattgħu aktar ħin online u dan iżid ir-riskju tal-esponiment tagħhom għall-abbuż online, inklużi l-pornografija tat-tfal u l-bullying online; iħeġġeġ lill-Istati Membri jwettqu kampanji ta' informazzjoni kemm għall-ġenituri kif ukoll għat-tfal rigward il-perikli li t-tfal huma esposti għalihom fl-ambjent online; jistieden lill-Kummissjoni u lill-Istati Membri jaħdmu mill-qrib mal-operaturi tas-settur privat biex jiffinanzjaw l-iżvilupp ta' teknoloġiji ġodda ħalli jiġu identifikati u eliminati materjali li fihom il-pornografija tat-tfal u l-abbuż sesswali tat-tfal;

25.  Ifakkar li huwa essenzjali li jkun hemm approċċ komprensiv biex it-tfal jinħarġu mill-faqar, li jrid jinkludi appoġġ individwalizzat għall-ġenituri tagħhom; jistieden lill-Istati Membri jagħtu spinta lill-investiment f'impjiegi sostenibbli u fl-appoġġ soċjali lill-ġenituri, inkluż matul il-liv tal-maternità u tal-ġenituri, u jimplimentaw politiki ta' impjieg immirati li jiżguraw standard ta' għajxien deċenti, kundizzjonijiet tax-xogħol ġusti, bilanċ tajjeb bejn ix-xogħol u l-ħajja privata, suq tax-xogħol inklużiv u impjegabbiltà ogħla, b'enfasi fuq l-edukazzjoni u t-taħriġ vokazzjonali, u titjib tal-ħiliet u t-taħriġ mill-ġdid; jistieden lill-Istati Membri jinkludu tali miżuri fil-pjanijiet ta' azzjoni tal-Garanzija għat-Tfal nazzjonali tagħhom; jenfasizza li jrid jiġi stabbilit appoġġ għall-indukrar bikri tat-tfal mingħajr ħlas biex ix-xogħol għall-ġenituri jerġa' jibda bla xkiel; jistieden lill-Istati Membri kollha jirrikonoxxu perjodi ta' indukrar għal tfal dipendenti fi skemi ta' pensjoni u jiżguraw appoġġ kemm finanzjarju kif ukoll professjonali għall-persuni li jieħdu ħsieb membri tal-familja b'diżabilità li jgħixu fl-istess dar; jisħaq li l-għoti ta' kura lill-qraba tagħhom ta' spiss ikollu impatt negattiv fuq il-familja u l-ħajja professjonali tagħhom u jista' jwassal għall-esklużjoni u d-diskriminazzjoni; jistieden lill-Kummissjoni u lill-Istati Membri jieħdu miżuri speċifiċi biex jissalvagwardjaw il-benesseri tat-"tfal li jibqgħu d-dar waħedhom" – tfal li jitħallew warajhom minn ġenituri migranti;

26.  Ifakkar li l-proposta dwar pagi minimi adegwati għandha l-għan li tiffoka fuq it-titjib tas-sitwazzjoni tal-introjtu tal-persuni li jaħdmu, inkluża dik tal-ġenituri, u b'mod partikolari n-nisa; ifakkar li kundizzjonijiet tax-xogħol deċenti u pagi ġusti jridu jkunu komplementari għall-miżuri kontra l-faqar, inkluża l-garanzija, filwaqt li jiġu żgurati l-partikolaritajiet nazzjonali u tiġi rrispettata s-sussidjarjetà; jemmen li approċċ bħal dan b'hekk itejjeb il-benesseri tat-tfal u jnaqqas l-inugwaljanzi minn età bikrija, u b'hekk jitkisser iċ-ċiklu tal-faqar; ifakkar lill-Istati Membri li r-rakkomandazzjoni tal-Kummissjoni dwar appoġġ attiv effettiv għall-impjiegi (EASE) (C(2021)1372) toffri gwida dwar tranżizzjoni gradwali minn miżuri ta' emerġenza meħuda biex jiġu ppreservati l-impjiegi matul il-pandemija għal miżuri ġodda meħtieġa għal irkupru li jiġġenera t-tkabbir u l-impjiegi; jilqa' l-proposta għal Direttiva dwar it-Trasparenza fil-Pagi, li għandha l-għan li tnaqqas id-differenza bejn il-ġeneri fil-pagi u b'hekk ittejjeb l-istabbiltà finanzjarja tan-nisa u l-indipendenza ekonomika b'mod ġenerali, kif ukoll li tippermetti lin-nisa affettwati jaħarbu mill-faqar u minn sitwazzjonijiet ta' vjolenza domestika;

27.  Iħeġġeġ lill-Istati Membri jindirizzaw it-tluq bikri mill-iskola; jenfasizza li l-Garanzija għaż-Żgħażagħ(19) imsaħħa tistipula li ż-żgħażagħ kollha mill-età ta' 15-il sena għandhom jirċievu offerta ta' impjieg, edukazzjoni, traineeship jew apprendistat fi żmien erba' xhur minn meta jsiru qiegħda jew minn meta jieqfu mill-edukazzjoni formali; jistieden, barra minn hekk, lill-Istati Membri jimplimentaw il-Garanzija għaż-Żgħażagħ imsaħħa, jiżguraw offerti ta' kwalità għolja, inkluża r-remunerazzjoni ġusta, u jippromwovu l-involviment taż-żgħażagħ fis-servizzi tal-Garanzija għaż-Żgħażagħ; jissottolinja l-importanza li tiġi żgurata l-komplementarjetà tagħha mal-Garanzija għat-Tfal u mal-Istrateġija Ewropea għad-Drittijiet tal-Persuni b'Diżabilità sabiex twieġeb għall-ħtiġijiet tat-tfal b'diżabilità u tipprovdi aċċess aħjar għas-servizzi ġenerali u għall-għajxien indipendenti;

28.  Jilqa' l-istabbiliment ta' mekkaniżmi ta' governanza, monitoraġġ, rapportar u evalwazzjoni; jistieden lill-Kummissjoni tkompli timmonitorja l-progress fis-Semestru Ewropew, inkluż permezz ta' indikaturi ddedikati fit-Tabella ta' Valutazzjoni Soċjali, u toħroġ rakkomandazzjonijiet speċifiċi għall-pajjiż fejn ikun meħtieġ; jistieden lill-Kummissjoni tinvolvi lill-Parlament fil-qafas komuni ta' monitoraġġ u fil-ħidma tal-Kumitat tal-Protezzjoni Soċjali; jenfasizza r-rwol importanti tal-Kumitat tar-Reġjuni u tal-Kumitat Ekonomiku u Soċjali Ewropew fil-promozzjoni tad-djalogu mal-awtoritajiet lokali u reġjonali u mas-soċjetà ċivili; ifakkar fl-importanza li d-drittijiet u l-benesseri tat-tfal jiġu introdotti bħala parametri u indikaturi tar-rakkomandazzjonijiet speċifiċi għall-pajjiż fil-qafas tas-Semestru Ewropew u f'konformità mal-Pilastru Ewropew tad-Drittijiet Soċjali; jistieden lill-Kummissjoni taġġusta l-Indikaturi tat-Tabella ta' Valutazzjoni Soċjali, inkluża data diżaggregata, biex tqis il-kategoriji kollha ta' tfal fil-bżonn identifikati mill-Kummissjoni, tkompli tiżviluppa valutazzjoni komparattiva għall-evalwazzjoni u l-monitoraġġ tal-impatt tal-Garanzija Ewropea għat-Tfal, u tfassal l-istruttura istituzzjonali għall-integrazzjoni tal-implimentazzjoni tagħha;

29.  Jistieden lill-Istati Membri jiżviluppaw kemm strateġiji nazzjonali pluriennali biex jindirizzaw il-faqar u l-esklużjoni soċjali fost it-tfal kif ukoll pjanijiet ta' azzjoni nazzjonali tal-Garanzija Ewropea għat-Tfal abbażi tal-gruppi speċifiċi ta' tfal fil-bżonn identifikati, l-objettivi u l-finanzjament meħtieġ li għandu jiġi allokat biex il-qafas ta' politika abilitanti jsir realtà; jenfasizza l-ħtieġa li jiġu definiti miri b'saħħithom li jistgħu jitkejlu; ifakkar fl-importanza li jiġu involuti l-awtoritajiet reġjonali u lokali responsabbli u l-partijiet ikkonċernati rilevanti kollha, inkluż fl-ekonomija soċjali, l-istituzzjonijiet edukattivi, is-settur privat, l-NGOs u l-organizzazzjonijiet tas-soċjetà ċivili, kif ukoll it-tfal u l-ġenituri nfushom; jistieden lill-Kummissjoni tirrapporta regolarment lill-Parlament dwar kull progress fl-implimentazzjoni tal-garanzija; itenni l-ħtieġa li jittejjeb il-ġbir ta' data diżaggregata ta' kwalità kemm fil-livell tal-Istati Membri kif ukoll fil-livell tal-UE sabiex jgħin fil-monitoraġġ u l-valutazzjoni tal-progress bil-għan li jintemmu l-faqar u l-esklużjoni soċjali fost it-tfal u tingħata informazzjoni dwar il-monitoraġġ u t-tfassil ta' politika; jilqa', f'dan ir-rigward, l-inklużjoni ta' oqfsa nazzjonali għall-ġbir tad-data skont il-pjanijiet ta' azzjoni nazzjonali għall-implimentazzjoni tal-Garanzija għat-Tfal; jenfasizza l-ħtieġa li l-Istati Membri kollha jiżviluppaw indikaturi ta' kwalità aħjar fl-oqsma kollha ta' intervent tal-Garanzija għat-Tfal bil-għan li jifhmu b'mod adegwat l-isfidi multidimensjonali relatati mal-faqar fost it-tfal u l-esklużjoni soċjali fl-edukazzjoni u l-indukrar tat-tfal, il-kura tas-saħħa, l-akkomodazzjoni u l-aċċess għal nutrizzjoni adegwata u bil-ħsieb li tissaħħaħ is-sensibilizzazzjoni tagħha għat-tfal l-aktar żvantaġġati; itenni l-importanza li l-Istati Membri jitħallew jiskambjaw l-aħjar prattiki;

30.  Jistieden lill-Kunsill tadotta l-proposta għal rakkomandazzjoni tal-Kunsill li tistabbilixxi Garanzija Ewropea għat-Tfal;

31.  Jistieden lill-Kunsill jiżblokka d-Direttiva dwar in-Nisa fuq il-Bordijiet; jisħaq li r-rappreżentanza tan-nisa fit-tmexxija fit-tmexxija tikkundizzjona lin-nisa u l-għażla tal-iskola u tal-karriera tan-nisa żgħażagħ u tikkontribwixxi biex jintemmu l-inugwaljanzi f'ċerti setturi tas-suq tax-xogħol fejn in-nisa huma anqas rappreżentati, kif ukoll biex jittejbu l-kundizzjonijiet tax-xogħol tas-setturi femminizzati;

32.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, kif ukoll lill-gvernijiet u lill-parlamenti tal-Istati Membri.

(1) Testi adottati, P9_TA(2021)0020. (2) ĠU L 57, 18.2.2021, p. 17. (3) ĠU L 437, 28.12.2020, p. 30. (4) Testi adottati, P9_TA(2021)0090. (5) ĠU C 346, 27.9.2018, p. 156. (6) ĠU C 366, 27.10.2017, p. 19 (7) Testi adottati, P9_TA(2020)0054. (8) Testi adottati, P9_TA(2020)0371. (9) wara li kkunsidra l-Kummenti Ġenerali tal-Kumitat tan-NU dwar id-Drittijiet tat-Tfal, b'mod partikolari, il-Kummenti Ġenerali Nru 5 dwar miżuri ġenerali ta' implimentazzjoni tal-Konvenzjoni dwar id-Drittijiet tat-Tfal, Nru 6 dwar it-trattament tat-tfal mhux akkumpanjati u separati barra mill-pajjiż ta' oriġini tagħhom; Nru 10 dwar id-drittijiet tat-tfal fil-ġustizzja għall-minorenni, Nru 12 dwar id-dritt li t-tfal jiġu mismugħa, Nru 13 dwar id-dritt tat-tfal li jkunu ħielsa minn kull forma ta' vjolenza, Nru 14 dritt tat-tfal li l-aħjar interessi tagħhom jkunu kunsiderazzjoni primarja, Nru 15 dwar id-dritt tat-tfal għat-tgawdija tal-ogħla standard ta' saħħa li jista' jinkiseb, u Nru 16 dwar l-obbligi tal-Istat rigward l-impatt tas-settur tan-negozju fuq id-drittijiet tat-tfal. (10) Testi adottati, P9_TA(2019)0066. (11) ĠU C 449, 23.12.2020, p. 2. (12) Testi adottati, P9_TA(2020)0229. (13) Testi adottati, P9_TA(2020)0156. (14) ĠU L 59, 2.3.2013. (15) Studju tal-Università ta' Pennsylvania dwar "High Return on Investment (ROI)" (Redditu Għoli fuq l-Investiment): https://www.impact.upenn.edu/early-childhood-toolkit/why-invest/what-is-the-return-on-investment/ (16) L-Aġenzija tal-Unjoni Ewropea għad-Drittijiet Fundamentali, "Combatting child poverty: An issue of fundamental rights" (Il-ġlieda kontra l-faqar fost it-tfal: Kwistjoni ta' drittijiet fundamentali), Uffiċċju tal-Pubblikazzjonijiet tal-Unjoni Ewropea, il-Lussemburgu, 2018. (17) UNICEF Study on the impact of parental deprivation on the children left behind by Moldovan migrants https://www.unicef.org/socialpolicy/files/The_Impact_of_Parental_Deprivation_on_the_Development_of_Children(4).pdf (18) https://www.eea.europa.eu/data-and-maps/indicators/urban-waste-water-treatment/urban-waste-water-treatment-assessment-5 (19) ĠU C 372, 4.11.2020, p. 1.

Riżoluzzjoni tal-Parlament Ewropew tad-29 ta' April 2021 dwar l-aċċessibbiltà u l-affordabbiltà tal-ittestjar għall-COVID-19 (2021/2654(RSP))

P9_TA(2021)0162 B9-0234/2021

Il-Parlament Ewropew,

–  wara li kkunsidra l-Artikolu 3 tat-Trattat dwar l-Unjoni Ewropea,

–  wara li kkunsidra l-Artikoli 4, 6, 9, 114, 153, 168, 169 u 191 tat-Trattat dwar il-Funzjonament tal-Unjoni Ewropea,

–  wara li kkunsidra l-Karta tad-Drittijiet Fundamentali tal-Unjoni Ewropea,

–  wara li kkunsidra l-proposta għal regolament tal-Parlament Ewropew u tal-Kunsill tas-17 ta' Marzu 2021 dwar qafas għall-ħruġ, għall-verifika u għall-aċċettazzjoni ta' ċertifikati interoperabbli dwar il-vaċċinazzjoni, l-ittestjar u l-irkupru għall-faċilitazzjoni tal-moviment liberu waqt il-pandemija tal-COVID-19 (Ċertifikat Diġitali Aħdar) (COM(2021)0130),

–  wara li kkunsidra r-Regolamenti Internazzjonali tas-Saħħa attwali,

–  wara li kkunsidra r-Rakkomandazzjoni tal-Kummissjoni (UE) 2020/1595 tat-28 ta' Ottubru 2020 dwar l-istrateġiji tal-ittestjar għall-COVID-19, inkluż l-użu tat-testijiet tal-antiġeni rapidi(1),

–  wara li kkunsidra d-Direttiva 2004/38/KE tal-Parlament Ewropew u tal-Kunsill tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri(2),

–  wara li kkunsidra r-Rakkomandazzjoni tal-Kunsill tal-21 ta' Jannar 2021 dwar qafas komuni għall-użu u l-validazzjoni ta' testijiet rapidi tal-antiġeni u r-rikonoxximent reċiproku tar-riżultati tat-testijiet tal-COVID-19 fl-UE(3);

–  wara li kkunsidra l-Artikolu  132(2) tar-Regoli ta' Proċedura tiegħu,

A.  billi kull ċittadin tal-Unjoni għandu d-dritt li jiċċaqlaq u jgħix liberament fit-territorju tal-Istati Membri, soġġett għal-limitazzjonijiet u l-kundizzjonijiet stabbiliti fit-Trattati u l-miżuri adottati biex ikollhom effett(4);

B.  billi l-ittestjar effettiv huwa meqjus bħala għodda deċiżiva biex titrażżan il-firxa tas-SARS-CoV-2 u l-varjanti ta' tħassib tiegħu, jiġu identifikati l-infezzjonijiet u jiġu limitati l-miżuri ta' iżolament u ta' kwarantina, u se jkompli jkollu rwol ewlieni fl-iffaċilitar tal-moviment liberu tal-persuni u biex jiġu żgurati t-trasport transfruntier u l-forniment transfruntier ta' servizzi matul il-pandemija;

C.  billi kapaċitajiet suffiċjenti ta' ttestjar u sekwenzjar huma indispensabbli għall-monitoraġġ tas-sitwazzjoni epidemjoloġika u l-identifikazzjoni rapida tal-emerġenza ta' aktar varjanti tas-SARS-CoV-2;

D.  billi l-Kummissjoni pproponiet pakkett leġiżlattiv għall-Unjoni Ewropea tas-Saħħa;

E.  billi l-aċċessibbiltà u l-affordabbiltà ta' dawn it-testijiet ivarjaw ħafna bejn l-Istati Membri, speċjalment fir-rigward tad-disponibbiltà ta' testijiet mingħajr ħlas għall-forza tax-xogħol tal-ewwel linja, inklużi l-ħaddiema fis-settur tas-saħħa, l-iskejjel, l-universitajiet u l-faċilitajiet tal-kura tat-tfal;

F.  billi l-Kummissjoni pproponiet qafas għall-ħruġ, għall-verifika u għall-aċċettazzjoni ta' ċertifikat interoperabbli dwar il-vaċċinazzjoni, l-ittestjar u l-irkupru għall-faċilitazzjoni tal-moviment liberu waqt il-pandemija tal-COVID-19, imsejjaħ iċ-ċertifikat COVID-19 tal-UE;

G.  billi ċ-ċertifikat COVID-19 tal-UE jiffaċilita l-moviment liberu taċ-ċittadini u r-residenti tal-UE; billi ħafna Stati Membri għadhom qed jitolbu lill-persuni li jivvjaġġaw lejn it-territorju tagħhom biex jagħmlu test biex jaraw humiex infettati bil-COVID-19 qabel jew wara l-wasla;

H.  billi ċ-ċittadini u r-residenti tal-UE mhux se jkunu tlaqqmu kollha sa meta jidħol fis-seħħ ir-regolament dwar iċ-ċertifikat COVID-19 tal-UE, jew minħabba li t-tilqima tkun għadha ma ġietx offruta lilhom jew inkella minħabba li ma jistgħux jew ma jixtiqux jitlaqqmu, u għaldaqstant se jkollhom jiddependu fuq ċertifikati bbażati fuq l-ittestjar jew l-irkupru biex jiffaċilitawlhom il-moviment liberu;

I.  billi t-testijiet tal-amplifikazzjoni tal-aċidu nuklejku (NAAT) inklużi fil-lista mfassla abbażi tar-rakkomandazzjoni tal-Kunsill tal-21 ta' Jannar 2021 jiffurmaw parti integrali miċ-ċertifikati COVID-19 tal-UE previsti;

J.  billi l-ispejjeż tat-testijiet, il-kundizzjonijiet tax-xogħol prekarji u l-aċċess limitat għall-protezzjoni legali jfissru li l-ħaddiema staġonali jħabbtu wiċċhom ma' sfidi partikolari fir-rigward tal-ittestjar u l-awtoiżolament għall-benefiċċju tas-saħħa pubblika;

K.  billi l-COVID-19 laqat b'mod sproporzjonat lill-persuni vulnerabbli, lill-minoranzi etniċi, lir-residenti fid-djar tal-kura, lis-servizzi residenzjali għall-persuni anzjani, lill-persuni b'diżabbiltà u lill-persuni bla dar; billi l-popolazzjonijiet vulnerabbli jinsabu f'riskju akbar li jħabbtu wiċċhom ma' diskriminazzjoni finanzjarja meta ma jkollhomx possibbiltà li jirċievu testijiet mingħajr ħlas;

L.  billi l-ittestjar effettiv huwa wkoll komponent ewlieni tal-istrateġija li għandha l-għan li tagħti spinta lill-irkupru ekonomiku u tippermetti li l-attivitajiet edukattivi u soċjali jitwettqu bħas-soltu fl-Istati Membri sabiex il-libertajiet fundamentali jkunu jistgħu jiġu eżerċitati għalkollox;

M.  billi l-Istati Membri kollha jipprovdu t-tilqim kontra l-COVID-19 liċ-ċittadini u lir-residenti tagħhom mingħajr ħlas, iżda mhux l-Istati Membri kollha jipprovdu l-ittestjar b'xejn; billi ċ-ċittadini u r-residenti tal-Istati Membri l-oħra sikwit ikollhom iħallsu prezzijiet għoljin għat-testijiet tal-COVID-19, u dan jagħmel din l-għażla inaċċessibbli għal uħud minnhom, u jġib miegħu r-riskju li tinħoloq diskriminazzjoni bbażata fuq l-istatus soċjoekonomiku;

N.  billi biex jiġu evitati l-inugwaljanza u d-diskriminazzjoni fl-UE bejn ċittadini u residenti mlaqqma u dawk li ma jkunux imlaqqma, kemm l-ittestjar kif ukoll it-tilqim għandhom ikunu b'xejn;

O.  billi ċ-ċertifikati tat-test maħruġa mill-Istati Membri f'konformità maċ-ċertifikat COVID-19 tal-UE għandhom jiġu aċċettati mill-Istati Membri li jitolbu prova ta' test għal infezzjoni bil-COVID-19 fil-kuntest tar-restrizzjonijiet fuq il-moviment liberu fis-seħħ biex jiġi limitat it-tixrid tal-COVID-19;

P.  billi għandha tkun disponibbli f'post wieħed informazzjoni ċara u faċli għall-utent dwar id-disponibbiltà tal-ittestjar tal-COVID-19 fl-Istati Membri kollha, u fejn l-ittestjar b'xejn mhuwiex offrut, dwar il-prezzijiet;

Q.  billi nuqqas ta' kapaċità tal-ittestjar u l-kwistjoni tal-affordabbiltà tal-ittestjar għall-COVID-19 jippreżentaw sfidi għall-indirizzar effettiv tal-pandemija u jikkostitwixxu ostaklu sinifikanti għall-moviment liberu fi ħdan l-UE, għall-fini ta' xogħol, ta' divertiment, ta' riunifikazzjoni tal-familja jew fini ieħor;

R.  billi 17-il miljun ċittadin tal-UE jaħdmu jew jgħixu barra mill-Istat Membru tagħhom u billi ħafna miljuni jgħixu f'żoni periferiċi jew tal-fruntiera u jkollhom jaqsmu fruntiera b'mod regolari, anke fuq bażi ta' kuljum; billi dawn iċ-ċittadini ġew milquta wkoll b'mod sproporzjonat mid-diffikultà u l-ispiża biex jiġu ttestjati; billi r-rekwiżiti tal-ittestjar jew tal-kwarantina għadhom qed joħolqu dewmien għat-trasport transfruntiera tal-merkanzija u għall-forniment ta' servizzi fiżiċi transfruntiera, u jżidu l-ispejjeż tagħhom;

S.  billi vjaġġaturi oħra wkoll jistgħu jħabbtu wiċċhom ma' diversi ostakli, inklużi ostakli finanzjarji u rekwiżiti kkumplikati kkawżati mir-rekwiżiti tal-ittestjar tal-COVID-19;

T.  billi fil-pandemija attwali ttieħdu firxa wiesgħa ta' miżuri, anke miżuri eċċezzjonali, biex jappoġġaw lill-pubbliku ġenerali u lill-ekonomija tal-UE;

U.  billi l-moviment liberu fil-prinċipju huwa dritt taċ-ċittadini kollha tal-UE, u fi żminijiet ta' kriżi għandha tittieħed kull miżura biex jiġi żgurat li l-Ewropej kollha jkunu jistgħu jgawdu dak id-dritt b'mod ugwali;

V.  billi l-Kummissjoni akkwistat b'mod konġunt il-vaċċini kontra l-COVID-19 f'isem l-Istati Membri kollha, filwaqt li żgurat l-aċċessibbiltà u baxxiet il-prezzijiet għal kulħadd;

W.  billi fit-18 ta' Diċembru 2020 il-Kummissjoni ffirmat kuntratt qafas ma' Abbott and Roche għax-xiri ta' aktar minn 20 miljun test rapidu tal-antiġeni, u dan jagħmel it-testijiet disponibbli għall-Istati Membri kollha;

X.  billi f'każijiet eċċezzjonali, l-intervent fis-suq (temporanju) huwa meħtieġ u ġġustifikat biex jelimina l-ostakoli għall-moviment ħieles fis-suq uniku, biex jiżgura l-kompetizzjoni ġusta u l-provvista ta' prodotti u servizzi essenzjali;

1.  Jistieden lill-Istati Membri jiżguraw ittestjar universali, aċċessibbli, f'waqtu u mingħajr ħlas sabiex jiggarantixxu d-dritt għall-moviment liberu fl-UE mingħajr diskriminazzjoni abbażi ta' mezzi ekonomiċi jew finanzjarji fil-kuntest taċ-ċertifikat COVID-19 tal-UE, f'konformità mal-Artikolu 3 tal-mandat tal-Parlament għan-negozjati dwar il-proposta għal Ċertifikat Diġitali Aħdar(5); jissottolinja t-theddida ta' diskriminazzjoni finanzjarja li altrimenti jiġu soġġetti għaliha ċ-ċittadini u r-residenti tal-UE li ma jkunux imlaqqma ladarba jiġi implimentat iċ-ċertifikat COVID-19 tal-UE;

2.  Jistieden lill-Istati Membri jiżguraw ittestjar mingħajr ħlas, b'mod partikolari għall-forza tax-xogħol tal-ewwel linja, inklużi l-ħaddiema tas-saħħa u l-pazjenti tagħhom, u għall-iskejjel, l-universitajiet u l-faċilitajiet għall-indukrar tat-tfal;

3.  Jistieden lill-Kummissjoni u lill-Istati Membri jintroduċu limitu temporanju fuq il-prezzijiet tat-testijiet tal-COVID-19 li ma jittiħdux biex jinkiseb ċertifikat COVID-19 tal-UE jew fil-kuntest taċ-ċirkostanzi deskritti fil-paragrafu 2;

4.  Jenfasizza li ċ-ċertifikati COVID-19 tal-UE bbażati fuq test tal-amplifikazzjoni tal-aċidu nuklejku m'għandhomx jikkawżaw aktar inugwaljanzi u distakki soċjali; jissottolinja li aċċess ġust u ekwu għall-ittestjar huwa imperattiv;

5.  Iħeġġeġ lill-Istati Membri, sadanittant, biex ikomplu jimplimentaw ir-Rakkomandazzjoni tal-Kummissjoni (UE) 2020/1595 biex jiżguraw approċċ komuni u strateġiji tal-ittestjar aktar effiċjenti fl-UE kollha, kif ukoll biex jimplimentaw għalkollox ir-regolament dwar iċ-ċertifikat COVID-19 tal-UE, ladarba jiġi adottat;

6.  Jistieden lill-Kummissjoni u lill-Istati Membri jiżguraw finanzjament suffiċjenti u jkomplu bl-isforzi tagħhom skont l-inkubatur tal-Awtorità għar-Rispons f'Każ ta' Emerġenza tas-Saħħa (HERA) biex jiżviluppaw ittestjar innovattiv u mhux invażiv għat-tfal u għall-gruppi vulnerabbli, inkluż għall-varjanti;

7.  Jissottolinja li l-Kummissjoni u l-Istati Membri għandhom juru impenn aktar sod lejn il-protezzjoni taċ-ċittadini u r-residenti tagħhom, li d-dritt tagħhom għal-libertà ta' moviment m'għandux jiddependi mill-istatus soċjoekonomiku tagħhom;

8.  Jistieden lill-Kummissjoni timmobilizza r-riżorsi tagħha biex tiffaċilita implimentazzjoni finanzjarjament ġusta u antidiskriminatorja taċ-ċertifikat COVID-19 tal-UE interoperabbli;

9.  Jistieden lill-Istati Membri u lill-Kummissjoni biex b'mod konġunt jakkwistaw kits tat-testijiet dijanjostiċi u jiffirmaw kuntratti konġunti mal-fornituri ta' servizzi ta' laboratorji ta' analiżi medika biex iżidu l-kapaċità tal-ittestjar tal-COVID-19 fil-livell tal-UE; jenfasizza l-ħtieġa li jiġi żgurat livell għoli ta' trasparenza u skrutinju fl-akkwist fil-qasam tas-saħħa; jenfasizza li huwa ta' importanza vitali li jiġi żgurat li l-Kummissjoni tirriżerva baġit suffiċjenti biex takkwista t-tagħmir imsemmi f'dan il-paragrafu biex tkun tista' tieħu azzjoni rapida u konvinċenti;

10.  Jilqa' l-fatt li l-Kummissjoni pprevediet flessibbiltà biex tħaffef il-formalitajiet doganali u tirrinunzja l-VAT fuq il-kits għall-ittestjar tal-COVID-19;

11.  Jistieden lill-Istati Membri jagħmluha possibbli għall-professjonisti tas-saħħa u għalll-operaturi mħarrġa biex jiġbru d-data tal-ittestjar u jirrappurtawha lill-awtoritajiet rilevanti; jenfasizza l-importanza li jsir adattament tal-kapaċità tal-ittestjar skont l-aħħar data epidemjoloġika u jenfasizza li r-riżultati tat-testijiet kollha għandhom jiġu rrappurtati, anke jekk it-testijiet ikunu saru jitwettqu f'ċentri jew strutturi tat-testijiet li ma jkunux akkreditati;

12.  Jistieden lill-Kummissjoni tappoġġa lill-Istati Membri billi tattiva l-Istrument għall-Appoġġ ta' Emerġenza biex jiġu koperti l-ispejjeż tal-ittestjar tal-COVID-19, filwaqt li titlob kontribuzzjonijiet volontarji mill-Istati Membri, tassigura finanzjament addizzjonali għal ftehimiet ta' xiri bil-quddiem u tiżgura li l-vaċċini jiġu pprovduti b'xejn; jistenna li dan l-isforz konġunt jintuża biex inebbaħ biex tiżdied id-disponibbiltà tal-ittestjar mingħajr ħlas għaċ-ċittadini u r-residenti tal-UE;

13.  Jistieden lill-Kummissjoni tinkludi informazzjoni ċara dwar id-disponibbiltà u l-faċilitajiet tal-ittestjar għall-COVID-19 fl-Istati Membri kollha fuq is-sit web Re-open EU u b'rapidità tħejji għall-użu applikazzjoni (app) li tgħin lill-utenti jsibu l-post tal-faċilità tal-ittestjar għall-COVID-19 li tkun l-eqreb għalihom; jistieden lill-Kummissjoni tagħmel dan it-tip ta' informazzjoni faċilment aċċessibbli permezz ta' interfaċċa għall-ipprogrammar tal-applikazzjonijiet, sabiex l-operaturi tal-ivvjaġġar ikunu jistgħu jikkondividu din l-informazzjoni faċilment mal-klijenti tagħhom;

14.  Iħeġġeġ lill-Istati Membri jżidu l-kapaċitajiet tal-ittestjar fl-UE kollha, kemm għal testijiet tal-amplifikazzjoni tal-aċidu nuklejku kif ukoll għal testijiet rapidi tal-antiġeni, speċjalment fil-hubs ewlenin tat-trasport u fid-destinazzjonijiet turistiċi, inkluż f'reġjuni remoti u gżejjer u f'reġjuni tal-fruntiera, billi jużaw unitajiet tal-ittestjar mobbli u jikkondividu l-faċilitajiet tal-laboratorji;

15.  Jistieden lill-Kummissjoni tappoġġa lill-awtoritajiet nazzjonali fit-twaqqif ta' ċentri tal-ittestjar, bil-għan li tiġi żgurata l-prossimità fiżika;

16.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kummissjoni u lill-Kunsill, kif ukoll lill-gvernijiet u lill-parlamenti tal-Istati Membri.

(1) ĠU L 360, 30.10.2020, p. 43. (2) ĠU L 158, 30.4.2004, p. 77. (3) ĠU C 24, 22.1.2021, p. 1. (4) Id-Direttiva 2004/38/KE tal-Parlament Ewropew u tal-Kunsilll tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju ta' l-Istati Membri, ĠU L 158, 30.4.2004, p. 77. (5) Testi adottati, P9_TA(2021)0145.

Riżoluzzjoni tal-Parlament Ewropew tad-29 ta' April 2021 dwar rakkomandazzjoni tal-Parlament Ewropew lill-Kunsill, lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà rigward ir-relazzjonijiet UE-Indja (2021/2023(INI))

P9_TA(2021)0163 A9-0124/2021

Il-Parlament Ewropew,

–  wara li kkunsidra l-Laqgħa tal-Mexxejja UE-Indja li jmiss imħabbra għat-8 ta' Mejju 2021 f'Porto, il-Portugall,

–  wara li kkunsidra s-Sħubija Strateġika UE-Indja stabbilita fl-2004,

–  wara li kkunsidra l-Ftehim ta' Kooperazzjoni UE-Indja tal-1994,

–  wara li kkunsidra d-dikjarazzjoni konġunta u s-Sħubija Strateġika UE-Indja: Pjan Direzzjonali għall-2025(1) adottati fis-summit virtwali UE-Indja fil-15 ta' Lulju 2020, kif ukoll għad-dikjarazzjonijiet konġunti l-oħra ffirmati reċentement, inkluż fl-oqsma tal-ġlieda kontra t-terroriżmu, il-klima u l-enerġija, l-urbanizzazzjoni, il-migrazzjoni u l-mobilità u s-sħubija dwar l-ilma,

–  wara li kkunsidra l-Komunikazzjoni Konġunta tal-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) u l-Kummissjoni tal-20 ta' Novembru 2018 intitolata "Elementi għal strateġija tal-UE dwar l-Indja" (JOIN(2018)0028), u l-konklużjonijiet relatati tal-Kunsill dwar l-Istrateġija tal-UE dwar l-Indja tal-10 ta' Diċembru 2018 (14634/18),

–  wara li kkunsidra l-Komunikazzjoni Konġunta tal-VP/RGħ u tal-Kummissjoni tad-19 ta' Settembru 2018 intitolata "Konnessjoni bejn l-Ewropa u l-Asja - Elementi fundamentali għal Strateġija tal-UE" (JOIN(2018)0031) u l-konklużjonijiet relatati tal-Kunsill tal-15 ta' Ottubru 2018 (13097/18),

–  wara li kkunsidra l-konklużjonijiet tal-Kunsill dwar il-Kooperazzjoni Msaħħa tal-UE fis-Sigurtà fl-Asja u mal-Asja tat-28 ta' Mejju 2018 (9265/1/18 REV 1),

–  wara li kkunsidra l-komunikazzjoni tal-Kummissjoni tal-4 ta' Settembru 2001 intitolata "L-Ewropa u l-Asja: Qafas Strateġiku għal Sħubijiet Imsaħħa" (COM(2001)0469),

–  wara li kkunsidra r-Regolament futur li jistabbilixxi l-Istrument ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali 2021-2027 (2018/0243(COD)),

–  wara li kkunsidra r-riżoluzzjonijiet tiegħu tal-20 ta' Jannar 2021 dwar l-implimentazzjoni tal-Politika Estera u ta' Sigurtà Komuni - rapport annwali 2020(2), tal-21 ta' Jannar 2021 dwar il-konnettività u r-relazzjonijiet bejn l-UE u l-Asja(3) u tat-13 ta' Settembru 2017 dwar ir-relazzjonijiet politiċi tal-UE mal-Indja(4), kif ukoll ir-riżoluzzjonijiet preċedenti l-oħra tiegħu dwar l-Indja, inklużi dawk dwar każijiet ta' ksur tad-drittijiet tal-bniedem, id-demokrazija u l-istat tad-dritt,

–  wara li kkunsidra r-rakkomandazzjoni tiegħu tat-28 ta' Ottubru 2004 lill-Kunsill dwar ir-relazzjonijiet UE-Indja(5),

–  wara li kkunsidra r-riżoluzzjoni tiegħu tad-29 ta' Settembru 2005 dwar ir-relazzjonijiet UE-Indja: Sħubija Strateġika(6),

–  wara li kkunsidra r-riżoluzzjoni tiegħu tat-13 ta' April 2016 dwar l-UE f'ambjent globali jinbidel - dinja iktar konnessa, kontestata u kumplessa(7),

–  wara li kkunsidra r-riżoluzzjoni tiegħu tal-10 ta' Mejju 2012 dwar il-piraterija marittima(8),

–  wara li kkunsidra r-riżoluzzjoni tiegħu tas-27 ta' Ottubru 2016 dwar is-sigurtà nukleari u n-nonproliferazzjoni(9),

–  wara li kkunsidra l-10 Laqgħa ta' Sħubija Parlamentari Asja-Ewropa (ASEP10) li saret fi Brussell fis-27 u t-28 ta' Settembru 2018, u d-dikjarazzjoni rispettiva adottata, u l-11-il Laqgħa ta' Sħubija Parlamentari Asja-Ewropa (ASEP11) li saret fi Phnom Penh, il-Kambodja fis-26 u s-27 ta' Mejju 2021,

–  wara li kkunsidra d-Djalogu UE-Indja ta' Livell Għoli dwar il-kummerċ u l-investiment, li l-ewwel laqgħa tiegħu saret fil-5 ta' Frar 2021,

–  wara li kkunsidra l-missjoni li l-Kumitat għall-Affarijiet Barranin tiegħu għamel fl-Indja fil-21 u t-22 ta' Frar 2017,

–  wara li kkunsidra l-Pjan ta' Azzjoni tal-UE dwar id-Drittijiet tal-Bniedem u d-Demokrazija 2020-2024,

–  wara li kkunsidra l-konklużjonijiet tal-Kunsill tat-22 ta' Frar 2021 dwar il-prijoritajiet tal-UE fil-fora tan-NU dwar id-drittijiet tal-bniedem fl-2021,

–  wara li kkunsidra l-linji gwida tematiċi tal-UE dwar id-drittijiet tal-bniedem, inklużi dawk dwar id-difensuri tad-drittijiet tal-bniedem u dwar il-protezzjoni u l-promozzjoni tal-libertà tar-reliġjon jew tat-twemmin,

–  wara li kkunsidra l-Artikolu 118 tar-Regoli ta' Proċedura tiegħu,

–  wara li kkunsidra l-ittra tal-Kumitat għall-Kummerċ Internazzjonali, u wara li kkunsidra l-kompetenzi tiegħu skont l-Anness VI tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Affarijiet Barranin (A9-0124/2021),

A.  billi l-UE u l-Indja se jsejħu laqgħa tal-mexxejja fit-8 ta' Mejju 2021 f'Porto, il-Portugall, wara l-impenn tagħhom li jiltaqgħu regolarment fl-ogħla livell u li jsaħħu s-sħubija strateġika stabbilita fl-2004, bil-ħsieb li tittejjeb il-kooperazzjoni ekonomika u politika;

B.  billi s-sħubija strateġika UE-Indja kisbet momentum f'dawn l-aħħar snin, u dan jirrifletti rieda politika mġedda biex tissaħħaħ id-dimensjoni strateġika tagħha u, wara li evolviet minn sħubija ekonomika għal relazzjoni li tespandi f'għadd ta' setturi, li tirrifletti l-poter ġeopolitiku tal-Indja li qed jiżdied u l-valuri demokratiċi kondiviżi;

C.  billi l-UE u l-Indja, bħala l-akbar żewġ demokraziji fid-dinja, jikkondividu rabtiet politiċi, ekonomiċi, soċjali u kulturali b'saħħithom; billi, madankollu, ir-relazzjonijiet bilaterali għadhom ma laħqux il-potenzjal sħiħ tagħhom u jeħtieġu impenn politiku akbar; billi l-mexxejja tal-UE u tal-Indja affermaw id-determinazzjoni tagħhom li jippreservaw u jippromwovu multilateraliżmu effettiv u ordni multilaterali bbażat fuq ir-regoli bin-NU u l-Organizzazzjoni Dinjija tal-Kummerċ (WTO) fil-qalba tagħhom;

D.  billi l-importanza reġjonali u globali tal-Indja qed tikber, u saħħet dejjem aktar il-pożizzjoni tagħha bħala donatur kif ukoll potenza ekonomika u militari; billi l-Presidenza tal-Indja tal-G20 fl-2023 u s-sħubija tagħha fil-Kunsill tas-Sigurtà tan-NU fl-2021-2022 u fil-Kunsill tad-Drittijiet tal-Bniedem tan-NU fl-2019-2021 saħħew mill-ġdid il-ħtieġa li tissaħħaħ il-koordinazzjoni dwar il-governanza globali u li tiġi promossa aktar viżjoni kondiviża ta' multilateraliżmu bbażat fuq ir-regoli;

E.  billi l-qafas strateġiku tal-UE mogħti fl-Istrateġija Globali tagħha, l-Istrateġija tagħha dwar l-Indja, l-Istrateġija tagħha għall-Konnettività UE-Asja u l-Istrateġija Indo-Paċifika emerġenti enfasizzaw l-importanza vitali tal-kooperazzjoni mal-Indja fuq l-aġenda globali tal-UE; billi l-kooperazzjoni bilaterali u multilaterali fil-kuntest attwali ta' riskji globali akbar u ż-żieda fil-kompetizzjoni tal-poter kbir għandu jinkludu t-tisħiħ tas-sigurtà internazzjonali, it-tisħiħ tal-istat ta' tħejjija u r-reazzjonijiet għal emerġenzi tas-saħħa globali, bħall-pandemija attwali tal-COVID-19, it-tisħiħ tal-istabilità ekonomika globali u t-tkabbir inklużiv, u l-implimentazzjoni tal-Għanijiet ta' Żvilupp Sostenibbli tan-NU;

F.  billi l-Indja tgawdi minn ekonomija b'saħħitha u li qed tikber; billi l-UE hija s-sieħeb kummerċjali ewlieni tal-Indja, filwaqt li l-Indja hija d-9 l-akbar sieħeb kummerċjali tal-UE; billi l-Oċean Indjan huwa żona ta' importanza strateġika għall-kummerċ globali u ta' interess ekonomiku u strateġiku vitali kemm għall-UE kif ukoll għall-Indja; billi l-UE u l-Indja għandhom interessi reċiproċi qawwija fl-Indo-Paċifiku, li jiffukaw fuq is-sostenn tiegħu bħala żona ta' kompetizzjoni ġusta, linji marittimi ta' komunikazzjoni (SLOC) bla xkiel, stabilità u sigurtà;

G.  billi l-konnettività għandha tikkostitwixxi element importanti ta' aġenda strateġika reċiproka bejn l-UE u l-Indja f'konformità mal-Istrateġija dwar il-Konnessjoni UE-Asja; billi fl-aħħar summit UE-Indja kien hemm qbil dwar prinċipji ta' konnettività sostenibbli, u li jiġu esplorati modi biex tittejjeb il-konnettività UE-Indja u l-konnettività konsegwenti ma' pajjiżi terzi, inkluż fir-reġjun Indo-Paċifiku; billi l-komprensività tal-konnettività hija limitata mhux biss għall-infrastruttura fiżika bħat-toroq u l-ferroviji, iżda wkoll għar-rotot marittimi, l-infrastruttura diġitali u l-aspetti ambjentali, b'enfasi partikolari fuq il-Patt Ekoloġiku tal-UE; billi l-konnettività għandha rwol ġeopolitiku u trasformattiv, kif ukoll taġixxi bħala mezz sostenibbli ta' tkabbir u impjiegi;

H.  billi hija meħtieġa tmexxija UE-Indja biex tippromwovi diplomazija klimatika effettiva, impenn globali għall-implimentazzjoni tal-Ftehim ta' Pariġi u l-protezzjoni globali tal-klima u tal-ambjent;

I.  billi osservaturi tad-drittijiet tal-bniedem lokali u internazzjonali jirrapportaw li d-difensuri tad-drittijiet tal-bniedem u l-ġurnalisti fl-Indja ma għandhomx ambjent tax-xogħol sikur; billi, f'Ottubru 2020, il-Kummissarju Għoli tan-NU għad-Drittijiet tal-Bniedem, Michelle Bachelet, appellat lill-Gvern tal-Indja biex jissalvagwardja d-drittijiet tad-difensuri tad-drittijiet tal-bniedem u tal-NGOs, filwaqt li qajjmet tħassib dwar l-ispazju li qed jiċkien għall-organizzazzjonijiet tas-soċjetà ċivili, id-detenzjoni tad-difensuri tad-drittijiet tal-bniedem u l-akkużi miġjuba kontra persuni talli sempliċement eżerċitaw id-dritt tagħhom għal-libertà ta' espressjoni u ta' għaqda paċifika, kif ukoll dwar l-użu ta' liġijiet biex joħonqu d-dissens, bħall-Att dwar ir-Regolamentazzjoni tal-Kontributi Barranin (FCRA) u l-Att dwar il-Prevenzjoni ta' Attivitajiet Illegali;

J.  billi Amnesty International kienet imġiegħla tagħlaq l-uffiċċji tagħha fl-Indja wara li l-kontijiet bankarji tagħha ġew iffriżati fuq allegat ksur tal-FCRA, u tliet rapporteurs speċjali tan-NU talbu li l-liġi tiġi emendata f'konformità mal-obbligi tad-drittijiet tal-Indja skont id-dritt internazzjonali;

K.  billi l-gruppi tas-soċjetà ċivili jirrapportaw li n-nisa fl-Indja jiffaċċjaw għadd ta' sfidi u ksur serji tad-drittijiet tagħhom, inklużi dawk relatati ma' prattiki kulturali, tribali u tradizzjonali, il-vjolenza u l-fastidju sesswali, u t-traffikar tal-bnedmin; billi n-nisa li ġejjin minn minoranzi reliġjużi jiffaċċjaw vulnerabilità doppja, li hija aggravata aktar fil-każ ta' nisa minn kasta b'livell iktar baxx;

L.  billi, minkejja li hija pprojbita, id-diskriminazzjoni bbażata fuq il-kasti għadha problema sistemika fl-Indja, inkluż fis-sistema tal-amministrazzjoni tal-ġustizzja kriminali, li tipprevjeni lid-Daliti milli jkollhom aċċess għall-impjiegi, l-edukazzjoni, il-kura tas-saħħa u l-allokazzjonijiet baġitarji għall-iżvilupp tad-Dalit;

M.  billi l-Indja hija wieħed mill-pajjiżi l-aktar milquta mill-pandemija l-ġdida tal-COVID-19, b'aktar minn 11-il miljun każ ikkonfermat u aktar minn 150 000 mewta, u billi l-Gvern Indjan ħa inizjattiva biex jagħti miljuni ta' vaċċini lil pajjiżi fil-viċinat immedjat tiegħu u nazzjonijiet sħab ewlenin fl-Oċean Indjan;

1.  Jirrakkomanda li l-Kunsill, il-Kummissjoni u l-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà:

2.  Jagħti istruzzjonijiet lill-President tiegħu biex jgħaddi din ir-rakkomandazzjoni lill-Kunsill, lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà.

(1) https://www.consilium.europa.eu/mt/press/press-releases/2020/07/15/joint-statement-15th-eu-india-summit-15-july-2020/ (2) Testi adottati, P9_TA(2021)0012. (3) Testi adottati, P9_TA(2021)0016. (4) ĠU C 337, 20.9.2018, p. 48. (5) ĠU C 174 E, 14.7.2005, p. 179. (6) ĠU C 227 E, 21.9.2006, p. 589. (7) ĠU C 58, 15.2.2018, p. 109. (8) ĠU C 261 E, 10.9.2013, p. 34. (9) ĠU C 215, 19.6.2018, p. 202.

1. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi (2020/2140(DEC))

P9_TA(2021)0164 A9-0117/2021

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(1),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(2),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-Rapport Annwali tal-2019 tal-Kummissjoni dwar il-Ġestjoni u l-Prestazzjoni tal-Baġit tal-UE (COM(2020)0265),

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2019, flimkien mar-risposti tal-istituzzjonijiet(3), ir-rapport tal-Qorti tal-Awdituri dwar il-prestazzjoni tal-baġit tal-UE - Status fi tmiem l-2019, flimkien mar-risposti tal-istituzzjonijiet(4), u r-rapporti speċjali tal-Qorti tal-Awdituri,

–  wara li kkunsidra d-dikjarazzjoni ta' assigurazzjoni(5) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-Kummissjoni fir-rigward tal-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(6), u b'mod partikolari l-Artikoli 69, 260, 261 u 262 tiegħu,

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lill-Kummissjoni għall-implimentazzjoni tal-baġit ġenerali tal-Unjoni Ewropea għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mar-riżoluzzjoni li hija parti integrali minnha, lill-Kunsill, lill-Kummissjoni, lill-Qorti tal-Awdituri, u lill-istituzzjonijiet tal-awditjar nazzjonali u reġjonali tal-Istati Membri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

2. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva għall-Edukazzjoni, l-Awdjoviżiv u l-Kultura (issa l-Aġenzija Eżekuttiva Ewropea għall-Edukazzjoni u għall-Kultura) għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(7),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(8),

–  wara li kkunsidra l-kontijiet annwali finali tal-Aġenzija Eżekuttiva għall-Edukazzjoni, l-Awdjoviżiv u l-Kultura għas-sena finanzjarja 2019(9),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(10),

–  wara li kkunsidra d-dikjarazzjoni ta' assigurazzjoni(11) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(12), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(13), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(14), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/776/UE tat-18 ta' Diċembru 2013 li tistabbilixxi l-Aġenzija Eżekuttiva għall-Edukazzjoni, l-Awdjoviżiv u l-Kultura u li tħassar id-Deċiżjoni 2009/336/KE(15),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(16),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lid-Direttur tal-Aġenzija Eżekuttiva Ewropea għall-Edukazzjoni u għall-Kultura għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lid-Direttur tal-Aġenzija Eżekuttiva Ewropea għall-Edukazzjoni u għall-Kultura, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

3. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva għall-Intrapriżi Żgħar u Medji (issa l-Aġenzija Eżekuttiva Ewropea għall-Kunsill Ewropew tal-Innovazzjoni u għall-SMEs) għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(17),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(18),

–  wara li kkunsidra l-kontijiet annwali finali tal-Aġenzija Eżekuttiva għall-Intrapriżi Żgħar u Medji għas-sena finanzjarja 2019(19),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(20),

–  wara li kkunsidra d-dikjarazzjoni ta' assigurazzjoni(21) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(22), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(23), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(24), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/771/UE tas-17 ta' Diċembru 2013 li tistabbilixxi l-Aġenzija Eżekuttiva għall-Intrapriżi Żgħar u Medji u li tħassar id-Deċiżjonijiet 2004/20/KE u 2007/372/KE(25),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(26),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lill-Viċi Direttur tal-Aġenzija Eżekuttiva Ewropea għall-Kunsill Ewropew tal-Innovazzjoni u għall-SMEs għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lill-Viċi Direttur tal-Aġenzija Eżekuttiva Ewropea għall-Kunsill Ewropew tal-Innovazzjoni u għall-SMEs, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

4. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva għall-Konsumatur, is-Saħħa, l-Agrikoltura u l-Ikel għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(27),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(28),

–  wara li kkunsidra l-kontijiet annwali finali tal-Aġenzija Eżekuttiva għall-Konsumatur, is-Saħħa, l-Agrikoltura u l-Ikel għas-sena finanzjarja 2019(29),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(30),

–  wara li kkunsidra d-dikjarazzjoni ta' assigurazzjoni(31) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(32), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(33), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(34), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/770/UE tas-17 ta' Diċembru 2013 li tistabbilixxi l-Aġenzija Eżekuttiva tal-Konsumaturi, is-Saħħa u l-Ikel u li tħassar Deċiżjoni 2004/858/KE(35),

–  wara li kkunsidra d-Deċiżjoni ta' Implimentazzjoni tal-Kummissjoni 2014/927/UE tas-17 ta' Diċembru 2014 li temenda d-Deċiżjoni 2013/770/UE biex L-Aġenzija Eżekuttiva tal-Konsumaturi, is-Saħħa u l-Ikel tiġi ttrasformata f'L-Aġenzija Eżekuttiva għall-Konsumatur, is-Saħħa, l-Agrikoltura u l-Ikel(36),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(37),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lid-Direttur tal-Aġenzija Eżekuttiva għall-Konsumatur, is-Saħħa, l-Agrikoltura u l-Ikel għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lid-Direttur tal-Aġenzija Eżekuttiva għall-Konsumatur, is-Saħħa, l-Agrikoltura u l-Ikel, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

5. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva tal-Kunsill Ewropew għar-Riċerka għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(38),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(39),

–  wara li kkunsidra l-kontijiet annwali finali tal-Aġenzija Eżekuttiva tal-Kunsill Ewropew tar-Riċerka għas-sena finanzjarja 2019(40),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(41),

–  wara li kkunsidra d-dikjarazzjoni ta' assigurazzjoni(42) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(43), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(44), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(45), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/779/UE tas-17 ta' Diċembru 2013 li tistabbilixxi l-Aġenzija Eżekuttiva tal-Kunsill Ewropew għar-Riċerka u li tħassar id-Deċiżjoni 2008/37/KE(46),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(47),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lid-Direttur tal-Aġenzija Eżekuttiva Ewropea għall-Kunsill Ewropew tar-Riċerka għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lid-Direttur tal-Aġenzija Eżekuttiva tal-Kunsill Ewropew għar-Riċerka, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

6. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva għar-Riċerka (issa l-Aġenzija Eżekuttiva Ewropea għar-Riċerka) għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(48),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(49),

–  wara li kkunsidra l-kontijiet annwali finali tal-Aġenzija Eżekuttiva għar-Riċerka għas-sena finanzjarja 2019(50),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(51),

–  wara li kkunsidra d-dikjarazzjoni ta' assigurazzjoni(52) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(53), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(54), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(55), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/778/UE tat-13 ta' Diċembru 2013 li tistabbilixxi l-Aġenzija Eżekuttiva għar-Riċerka u li tħassar id-Deċiżjoni 2008/46/KE(56),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(57),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lid-Direttur tal-Aġenzija Eżekuttiva Ewropea għar-Riċerka għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lid-Direttur tal-Aġenzija Eżekuttiva Ewropea għar-Riċerka, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

7. Deċiżjoni tal-Parlament Ewropew tat-28 ta' April 2021 dwar il-kwittanza għall-implimentazzjoni tal-baġit tal-Aġenzija Eżekuttiva għall-Innovazzjoni u n-Networks (issa l-Aġenzija Eżekuttiva Ewropea għall-Klima, għall-Infrastruttura u għall-Ambjent) għas-sena finanzjarja 2019 (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(58),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(59),

–  wara li kkunsidra l-kontijiet annwali finali tal-Aġenzija Eżekuttiva għall-Innovazzjoni u n-Networks għas-sena finanzjarja 2019(60),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-aġenziji tal-UE għas-sena finanzjarja 2019, flimkien mar-risposti tal-aġenziji(61),

–  wara li kkunsidra d-dikjarazzjoni ta' assigurazzjoni(62) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-aġenziji eżekuttivi għall-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(63), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(64), u b'mod partikolari l-Artikolu 14(3) tiegħu,

–  wara li kkunsidra r-Regolament tal-Kummissjoni (KE) Nru 1653/2004 tal-21 ta' Settembru 2004 dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(65), u b'mod partikolari l-Artikolu 66, l-ewwel u t-tieni subparagrafi, tiegħu,

–  wara li kkunsidra d-Deċiżjoni ta' Implimentazzjoni tal-Kummissjoni 2013/801/UE tat-23 ta' Diċembru 2013 li tistabbilixxi l-Aġenzija Eżekuttiva għall-Innovazzjoni u n-Networks u li tħassar id-Deċiżjoni 2007/60/KE kif emendata bid-Deċiżjoni 2008/593/KE(66),

–  wara li kkunsidra d-Deċiżjoni ta' implimentazzjoni tal-Kummissjoni (UE) 2021/173 tat-12 ta' Frar 2021 li tistabbilixxi l-Aġenzija Eżekuttiva Ewropea għall-Klima, l-Infrastruttura u l-Ambjent, l-Aġenzija Eżekuttiva Ewropea għas-Saħħa u d-Diġitali, l-Aġenzija Eżekuttiva Ewropea għar-Riċerka, il-Kunsill Ewropew tal-Innovazzjoni, l-Aġenzija Eżekuttiva Ewropea għall-SMEs, l-Aġenzija Eżekuttiva tal-Kunsill Ewropew għar-Riċerka, u l-Aġenzija Eżekuttiva Ewropea għall-Edukazzjoni u l-Kultura u li tħassar id-Deċiżjonijiet ta' Implimentazzjoni 2013/801/UE, 2013/771/UE, 2013/778/UE, 2013/779/UE, 2013/776/UE u 2013/770/UE(67),

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Jagħti l-kwittanza lid-Direttur Eżekuttiv tal-Aġenzija Eżekuttiva Ewropea għall-Klima, għall-Infrastruttura u għall-Ambjent għall-implimentazzjoni tal-baġit tal-Aġenzija għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni, flimkien mad-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u r-riżoluzzjoni li hija parti integrali minn dawn id-deċiżjonijiet, lid-Direttur tal-Aġenzija Eżekuttiva Ewropea għall-Klima, għall-Infrastruttura u għall-Ambjent, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

8. Deċiżjoni tal-Parlament Ewropew tat-28 ta' April 2021 dwar l-għeluq tal-kontijiet tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni (2020/2140(DEC))

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(68),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0220/2020)(69),

–  wara li kkunsidra r-rapport tal-Kummissjoni dwar is-segwitu għall-kwittanza għas-sena finanzjarja 2018 (COM(2020)0311), u għar-risposti dettaljati li jikkomplementawh,

–  wara li kkunsidra r-Rapport Annwali tal-2019 tal-Kummissjoni dwar il-Ġestjoni u l-Prestazzjoni tal-Baġit tal-UE (COM(2020)0265),

–  wara li kkunsidra r-rapport annwali tal-Kummissjoni lill-awtorità ta' kwittanza dwar l-awditi interni mwettqa fl-2019 (COM(2020)0268), u d-dokument ta' ħidma tas-servizzi tal-Kummissjoni li jakkumpanjah (SWD(2020)0117),

–  wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2019, flimkien mar-risposti tal-istituzzjonijiet(70), ir-rapport tal-Qorti tal-Awdituri dwar il-prestazzjoni tal-baġit tal-UE - Status fi tmiem l-2019, flimkien mar-risposti tal-istituzzjonijiet(71), u r-rapporti speċjali tal-Qorti tal-Awdituri,

–  wara li kkunsidra d-dikjarazzjoni ta' assigurazzjoni(72) dwar l-affidabilità tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra r-rakkomandazzjoni tal-Kunsill tal-1 ta' Marzu 2021 dwar il-kwittanza li għandha tingħata lill-Kummissjoni fir-rigward tal-implimentazzjoni tal-baġit għas-sena finanzjarja 2019 (05792/2021 – C9-0037/2021),

–  wara li kkunsidra l-Artikoli 317, 318 u 319 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(73), u b'mod partikolari l-Artikoli 69, 260, 261 u 262 tiegħu,

–  wara li kkunsidra r-Regolament tal-Kunsill (KE) Nru 58/2003 tad-19 ta' Diċembru 2002 li jfassal l-istatut għall-aġenziji eżekuttivi li jridu jiġu fdati b'ċerti kompiti fit-tmexxija tal-programmi tal-Komunità(74), u b'mod partikolari l-Artikolu 14(2) u (3) tiegħu,

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

1.  Japprova l-għeluq tal-kontijiet tal-baġit ġenerali tal-Unjoni Ewropea għas-sena finanzjarja 2019;

2.  Jippreżenta l-kummenti tiegħu fir-riżoluzzjoni li hija parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi;

3.  Jagħti istruzzjonijiet lill-President tiegħu biex jgħaddi din id-deċiżjoni lill-Kunsill, lill-Kummissjoni, lill-Qorti tal-Ġustizzja tal-Unjoni Ewropea, lill-Qorti tal-Awdituri u lill-Bank Ewropew tal-Investiment, kif ukoll lill-parlamenti nazzjonali u lill-istituzzjonijiet tal-awditjar nazzjonali u reġjonali tal-Istati Membri, u biex jiżgura li tiġi ppubblikata f'Il-Ġurnal Uffiċjali tal-Unjoni Ewropea (serje L).

9. Riżoluzzjoni tal-Parlament Ewropew tad-29 ta' April 2021 li tinkludi l-kummenti li jagħmlu parti integrali mid-Deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni u l-aġenziji eżekuttivi (2020/2140(DEC))

Il-Parlament Ewropew,

–  wara li kkunsidra d-deċiżjoni tiegħu dwar il-kwittanza fir-rigward tal-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima III – Il-Kummissjoni,

–  wara li kkunsidra d-deċiżjonijiet tiegħu dwar il-kwittanza għall-implimentazzjoni tal-baġits tal-aġenziji eżekuttivi għas-sena finanzjarja 2019,

–  wara li kkunsidra l-Artikolu 99 u l-Anness V tar-Regoli ta' Proċedura tiegħu,

–  wara li kkunsidra l-opinjonijiet tal-Kumitat għall-Affarijiet Barranin, il-Kumitat għall-Iżvilupp, il-Kumitat għall-Impjiegi u l-Affarijiet Soċjali, il-Kumitat għall-Ambjent, is-Saħħa Pubblika u s-Sikurezza tal-Ikel, il-Kumitat għat-Trasport u t-Turiżmu, il-Kumitat għall-Iżvilupp Reġjonali, il-Kumitat għall-Agrikoltura u l-Iżvilupp Rurali, il-Kumitat għall-Kultura u l-Edukazzjoni, il-Kumitat għal-Libertajiet Ċivili, il-Ġustizzja u l-Intern u l-Kumitat għad-Drittijiet tan-Nisa u l-Ugwaljanza bejn is-Sessi,

–  wara li kkunsidra r-rapport tal-Kumitat għall-Kontroll tal-Baġit (A9-0117/2021),

A.  billi l-baġit tal-Unjoni huwa strument sinifikanti għall-kisba tal-objettivi ta' politika komuni, u bħala medja jirrappreżenta 1,0 % tad-dħul nazzjonali gross tal-UE jew 2,1 % tan-nefqa tal-gvern estiż tal-Istati Membri u l-infiq pubbliku totali fl-Unjoni;

B.  billi, meta l-Parlament jagħti l-kwittanza lill-Kummissjoni, huwa jivverifika u jevalwa jekk il-fondi ntużawx b'mod korrett u jekk l-għanijiet ta' politika ntlaħqux wara awditi interni u esterni, u b'hekk jikkonferma r-regolarità u l-prestazzjoni tal-infiq tal-Kummissjoni f'termini ta' valur għall-flus;

C.  billi l-proċedura ta' kwittanza tal-2019 tkopri sena kkaratterizzata minn tranżizzjoni politika u istituzzjonali b'elezzjonijiet għall-Parlament Ewropew u leġiżlatura ġdida li bdiet fit-2 ta' Lulju 2019 u l-ħatra ta' Kummissjoni ġdida, li bdiet il-mandat tagħha fl-1 ta' Diċembru 2019 u li stabbiliet prijoritajiet politiċi ġodda, bħall-Patt Ekoloġiku Ewropew, enfasi dejjem akbar fuq id-diġitalizzazzjoni tal-Unjoni u l-ħarsien tal-valuri tagħha u ta' flus il-kontribwenti tal-Unjoni;

D.  billi t-tifqigħa tal-coronavirus il-ġdid (COVID-19) ma kienet tirrikjedi ebda aġġustament għaċ-ċifri rrappurtati fil-kontijiet annwali tal-Unjoni tal-2019; billi, madankollu, fl-2020 u fis-snin li ġejjin, it-tifqigħa tal-COVID-19 ser ikollha impatt globali sinifikanti, kif ukoll implikazzjonijiet importanti għall-baġit tal-Unjoni, u billi, f'dan ir-rigward, jeħtieġ jiġi ddeterminat b'attenzjoni partikolari jekk il-Kummissjoni użatx il-baġit tal-Unjoni b'effiċjenza u trasparenza, hekk kif mill-2020 l-implimentazzjoni tal-inizjattivi ta' rispons immedjat tal-Unjoni ser taffettwa r-rikonoxximent, il-kejl jew ir-riklassifikazzjoni ta' assi u obbligazzjonijiet multipli fir-rapporti finanzjarji tal-Unjoni;

E.  billi bħala konsegwenza diretta tat-tifqigħa tal-coronavirus il-ġdid (COVID-19), il-Kumitat għall-Kontroll tal-Baġit ma setax jorganizza jew iwettaq kompletament l-attivitajiet ippjanati kollha tiegħu relatati mal-kontrolli normali tal-infiq tal-istituzzjonijiet tal-Unjoni, jiġifieri l-missjonijiet ta' ġbir ta' informazzjoni, is-seduti ta' smigħ pubbliku jew il-workshops tiegħu u għaldaqstant kellu jiddependi ħafna aktar fuq il-ħidma tal-Qorti;

Prijoritajiet politiċi

1.  Jenfasizza, fir-rigward tal-implimentazzjoni tal-baġit tal-Unjoni, l-importanza li jkun hemm konformità mal-prinċipju ta' ġestjoni finanzjarja tajba kif minqux fl-Artikolu 317 tat-Trattat dwar il-Funzjonament tal-Unjoni Ewropea (TFUE), kif ukoll l-importanza li jinkisbu l-prijoritajiet u l-objettivi tal-programmi li jikkontribwixxu għat-tisħiħ tal-integrazzjoni Ewropea u li joħolqu Unjoni aktar ravviċinata;

2.  Jinsab imħasseb dwar l-istat tal-istat tad-dritt f'ċerti Stati Membri u t-telf finanzjarju kkawżat minn nuqqasijiet bħal dawn; jistenna li l-Kummissjoni tuża l-istrumenti kollha għad-dispożizzjoni tagħha biex tissospendi, tnaqqas u tirrestrinġi l-aċċess għall-finanzjament tal-Unjoni f'każijiet bħal dawn, inkluż l-użu tar-Regolament dwar l-Istat tad-Dritt; jenfasizza li r-rispett għall-istat tad-dritt huwa prekundizzjoni għal ġestjoni finanzjarja tajba, inkluż l-allokazzjoni u l-ġestjoni effiċjenti u effikaċi tal-fondi Ewropej; iħeġġeġ bis-sħiħ f'dan ir-rigward l-adozzjoni tar-Regolament (UE, Euratom) 2020/2092 tal-Parlament Ewropew u tal-Kunsill tas-16 ta' Diċembru 2020 dwar reġim ġenerali ta' kundizzjonalità għall-protezzjoni tal-baġit tal-Unjoni; jilqa' l-fatt li l-Kummissjoni bdiet il-ħidma tagħha fuq il-linji gwida; jisħaq fuq li l-Qorti tal-Ġustizzja tal-Unjoni Ewropea (QĠUE) diġà stabbiliet b'mod inekwivoku fis-sentenza tagħha li d-dikjarazzjonijiet li jinsabu fil-Konklużjonijiet tal-Kunsill Ewropew ma jistgħux jipprevalu fuq it-test tar-regolament jew jimmodifikawh;

3.  Ifakkar li l-annullament tar-regolament jew parti minnu huwa possibbli biss mill-QĠUE; iħeġġeġ lill-Kummissjoni, bħala "Gwardjan tat-Trattati", biex tapplika r-regolament mid-data li fiha daħal fis-seħħ u biex tibda l-mekkaniżmi tal-istat tad-dritt meta jkun meħtieġ li jiġi żgurat il-ħarsien tal-interessi finanzjarji tal-Unjoni fid-dimensjonijiet kollha; jissottolinja li r-regolament daħal fis-seħħ fl-1 ta' Jannar 2021; ifakkar li l-Parlament jista' jżomm lill-Kummissjoni responsabbli fir-rigward ta' kif tapplika r-regolament, inkluż kwalunkwe dewmien mhux ġustifikat, permezz ta' azzjoni għal nuqqas ta' aġir fi ħdan l-Artikolu 265 tat-TFUE; ifakkar li dan ir-regolament, imfassal biex jipproteġi l-fondi tal-Unjoni, ser ikollu jiġi applikat għall-impenji u l-pagamenti kollha, filwaqt li jipprovdi salvagwardji għall-benefiċjarji u r-riċevituri finali;

4.  Jiddeplora l-fatt li l-implimentazzjoni tal-PAK u l-Politika ta' Koeżjoni fl-Istati Membri tal-Unjoni fiha total ta' 292 sistema ta' rapportar, li minħabba f'hekk id-data hija fframmentata u mhux komparabbli u tipprevjeni l-użu effettiv tal-IA u l-big data għall-kontroll tal-fondi; jiddeplora l-fatt li nuqqasijiet fil-validità u l-komparabbiltà tat-teknoloġiji tad-data u tar-rapportar bi gradi differenti ta' diġitalizzazzjoni għadhom ta' tfixkil serju għal ħarsa ġenerali komprensiva tad-distribuzzjoni tal-fondi tal-Unjoni u l-kontroll effiċjenti tagħhom; jiddispjaċih li l-detezzjoni ta' użu ħażin, frodi u approprjazzjoni indebita ta' fondi tal-Unjoni hija fil-parti l-kbira limitata għal skoperti inċidentali mill-Kummissjoni u mill-Qorti Ewropea tal-Awdituri (il-"Qorti") matul l-awditi tagħhom ibbażati fuq kampjuni jew matul l-investigazzjonijiet tal-OLAF;

5.  Jiddeplora l-fatt li ebda sistema ta' rapportar tal-PAK u tal-politika ta' Koeżjoni ma fiha informazzjoni dwar il-benefiċjarji aħħarin, li d-divulgazzjoni ta' din l-informazzjoni mhijiex legalment meħtieġa u li mhux l-informazzjoni kollha dwar is-sidien benefiċjarji tal-kumpaniji hija disponibbli fir-reġistri ċentrali nazzjonali tal-Istati Membri kollha; jenfasizza li sistema interoperabbli tal-IT mhux biss tippermetti detezzjoni aktar bikrija u aktar effiċjenti tal-użu ħażin, frodi, miżapproprijazzjonijiet, kunflitti ta' interess, finanzjament doppju u problemi sistemiċi oħra iżda tippermetti wkoll ħarsa ġenerali komprensiva tad-distribuzzjoni reali tal-fondi tal-Unjoni u konċentrazzjonijiet potenzjalment mhux intenzjonati f'idejn ftit benefiċjarji oligarkiċi jew saħansitra kriminali; jissottolinja li n-nuqqas ta' informazzjoni dwar l-istrutturi ta' sjieda u s-sidien benefiċjarji ta' kumpaniji u gruppi ta' kumpaniji jikkontribwixxi b'mod sinifikanti għal nuqqas ta' ċarezza fid-distribuzzjoni attwali tal-fondi; jenfasizza għal darb' oħra l-importanza kruċjali ta' data komprensiva, affidabbli u komparabbli għall-kontroll effiċjenti, effikaċi u f'waqtu tal-infiq Ewropew u l-protezzjoni ta' flus il-kontribwenti Ewropej;

6.  Ifakkar fl-appell tal-Parlament lill-Kummissjoni biex tipproponi regolament għall-istabbiliment ta' sistema tal-IT interoperabbli bħal din li tippermetti rapportar uniformi u standardizzat f'waqtu mill-awtoritajiet tal-Istati Membri fil-qasam tal-ġestjoni kondiviża, b'mod partikolari fir-rigward tal-PAK u l-fondi ta' koeżjoni, għal detezzjoni aktar bikrija ta' żbalji sistemiċi u użu ħażin kif espress fir-rapport ta' kwittanza għall-Kummissjoni għas-sena finanzjarja 2018; jissottolinja li sistema bħal din għandha tiġi aġġornata awtomatikament b'data komparabbli u f'waqtha biex is-sistema tkun kapaċi timmonitorja u tikkontrolla bl-użu tal-intelliġenza artifiċjali u l-big data; jappella lill-Kummissjoni biex, bħala kwistjoni urġenti, tagħmel il-pubblikazzjoni tal-informazzjoni kollha dwar is-sidien benefiċjarji rekwiżit legali prerekwiżit għall-użu tal-fondi tal-Unjoni;

7.  Jissottolinja l-benefiċċji ta' sistema interoperabbli u diġitali bħal din għall-awtoritajiet tal-Istati Membri fir-rigward tal-kontroll u l-ħarsa ġenerali tal-parlamenti u l-gvernijiet nazzjonali fuq l-allokazzjoni, il-ġestjoni u d-distribuzzjoni ta' flus il-kontribwenti nazzjonali fl-għamla ta' fondi Ewropej; jenfasizza li d-diġitalizzazzjoni tar-rapportar, il-monitoraġġ u l-awditjar tal-Unjoni missha ilha li saret u hija indispensabbli minħabba n-natura transfruntiera ta' użu ħażin tal-fondi, frodi, approprjazzjonijiet ħżiena, kunflitti ta' interess, finanzjament doppju u problemi sistemiċi oħra; jirrikonoxxi l-proposti li saru mill-Parlament u mill-Kummissjoni matul in-negozjati dwar il-Qafas Finanzjarju Pluriennali , il-Faċilità għall-Irkupru u r-Reżiljenza (RRF), ir-Regolament dwar Dispożizzjonijiet Komuni (CPR) u l-PAK;

8.  Jiddispjaċih għall-fatt li l-Kunsill involva ruħu biss b'riluttanza fin-negozjati għal kompromessi vijabbli; jiddispjaċih li kien hemm qbil dwar regoli u rekwiżiti ta' rapportar differenti fil-partijiet differenti tal-leġiżlazzjoni; iħeġġeġ lill-Kummissjoni tipproponi dispożizzjoni xierqa għal inklużjoni fir-Regolament Finanzjarju mingħajr dewmien żejjed;

9.  Ifakkar li r-rapport ta' kwittanza għall-2018 appella lill-Kummissjoni tagħti lill-awtorità ta' kwittanza ammont totali ta' pagamenti lill-kumpaniji kollha li jappartjenu għall-grupp Agrofert fl-Istati Membri kollha u lista tal-akbar 50 destinatarju individwali (persuni fiżiċi bħala sidien benefiċjarji ta' kumpanija jew ta' bosta kumpaniji) għal kull Stat Membru kif ukoll lista tal-akbar 50 destinatarju (persuni fiżiċi u persuni ġuridiċi kif ukoll persuni fiżiċi bħala sidien ta' kumpaniji) tas-sussidji tal-Unjoni aggregati fl-Istati Membri kollha kemm huma; jirrikonoxxi t-tentattivi ripetuti tal-Kummissjoni li tiġbor lista bħal din billi titlob informazzjoni mill-Istati Membri; jiddeplora bil-qawwa l-fatt li l-Kummissjoni sad-data ta' din ir-riżoluzzjoni ma setgħetx tipprovdi l-lista kif mitlub minħabba nuqqas ta' data kompluta, affidabbli u komparabbli pprovduta mill-Istati Membri; jissottolinja kif dan juri u jenfasizza l-ħtieġa urġenti għal sistema diġitali u interoperabbli ta' rappurtar u monitoraġġ għal fondi taħt ġestjoni kondiviża; iħeġġeġ lill-Kummissjoni tipprovdi, kif mitlub u mingħajr aktar dewmien bla bżonn, il-lista tal-akbar 50 benefiċjarju individwali finali, kif ukoll lista komprensiva tas-sussidji kollha li rċevew il-kumpaniji kollha tal-grupp Agrofert f'reġim ta' ġestjoni kondiviża fl-Istati Membri kollha mill-2014 sal-2020, u jħeġġeġ lill-Istati Membri jikkooperaw bis-sħiħ mal-Kummissjoni billi jipprovdu d-data neċessarja għall-analiżi u għall-ġbir ta’ dawk il-listi;

10.  Itenni t-talba tiegħu lill-Kummissjoni biex:

11.  Ifakkar li l-Kummissjoni stabbiliet is-sistema ta' identifikazzjoni bikrija u ta' esklużjoni (EDES) ibbażata fuq l-Artikolu 135 tar-Regolament Finanzjarju biex issaħħaħ il-ħarsien tal-interessi finanzjarji tal-Unjoni, tiggarantixxi ġestjoni finanzjarja tajba u tiżgura li dawn il-kumpaniji u sidien benefiċjarji ma jkunux jistgħu jibbenefikaw minn fondi tal-Unjoni li ġew ikkundannati b'rabta ma' frodi, korruzzjoni jew attivitajiet kriminali oħra relatati mal-użu ta' fondi tal-Unjoni, jew li kontrihom tal-inqas l-OLAF ħareġ rakkomandazzjonijiet ġudizzjarji lill-awtoritajiet kriminali tal-Istati Membri mill-1 ta' Jannar 2016; huwa tal-fehma li din l-għodda tista' tgħin lill-istituzzjonijiet tal-Unjoni u lill-korpi nazzjonali biex jiġġieldu u jipprevjenu aħjar il-korruzzjoni u l-frodi fl-Istati Membri; jiddispjaċih li l-bażi tad-data telenka biss ftit operaturi ekonomiċi (ħamsa sa Frar 2021); iqis dan bħala sinjal li l-EDES mhijiex implimentata kif suppost;

12.  Jitlob lill-Kummissjoni tqis l-estensjoni tal-applikazzjoni tas-sistema EDES lill-fondi f'reġim ta' ġestjoni kondiviża li jinkludu lill-benefiċjarji tal-ġestjoni kondiviża, l-organi li jimplimentaw l-istrumenti finanzjarji u d-destinatarji finali, meta tkun proposta r-reviżjoni tar-regoli finanzjarji applikabbli għall-baġit ġenerali tal-Unjoni (Regolament Finanzjarju) fir-rispett tal-prinċipji ta' proporzjonalità u ta' adegwatezza; josserva li l-bidliet leġiżlattivi relatati mal-esklużjoni mill-fondi kollha tal-Unjoni fl-ambitu tad-diversi modi ta' nfiq tal-benefiċjarji li huma wkoll irreġistrati fil-qafas tal-ġestjoni kondiviża jkunu jinvolvu wkoll il-bżonn li jkun previst li l-Istati Membri jkunu jistgħu jaċċedu direttament għas-sistema ta' proprjetà tal-Kummissjoni u jdaħħlu informazzjoni dwar il-benefiċjarji taħt ir-responsabbiltà tagħhom; iħeġġeġ lill-Istati Membri u lill-Kummissjoni jiggarantixxu interoperabbiltà akbar bejn il-bażijiet tad-data u l-istrumenti ta' estrazzjoni ta' data (data mining) Ewropej u nazzjonali eżistenti; jirrikonoxxi li l-EDPS ma jarax problemi ġenerali marbuta mal-protezzjoni tad-data f'dak li għandu x'jaqsam mal-ħolqien ta' tali interoperabbiltà, iżda l-bżonn ta' bażi ġuridika ċara;

13.  Jistieden lill-Kummissjoni:

14.  Iqis, f'konformità mal-isforz tal-Kummissjoni, li huwa tal-akbar importanza li jinstab bilanċ tajjeb bejn livell baxx ta' żbalji, pagamenti rapidi, spejjeż raġonevoli tal-kontrolli u valur miżjud tal-Baġit tal-Unjoni;

15.  Jisħaq fuq ir-rwol kruċjali tal-politiki u l-istrumenti tal-Unjoni għat-twettiq tagħhom biex jonqsu d-disparitajiet bejn l-Istati Membri u r-reġjuni fl-oqsma tal-koeżjoni, l-agrikoltura u l-iżvilupp rurali, ir-riċerka u l-innovazzjonijiet, l-affarijiet interni u r-relazzjonijiet esterni, għall-promozzjoni tat-tkabbir ekonomiku u l-impjiegi, għall-ġlieda kontra l-faqar u l-esklużjoni soċjali, u għaż-żamma u l-promozzjoni tal-valuri, is-sigurtà u l-ġustizzja tal-Unjoni għaċ-ċittadini tagħha fl-Unjoni u fid-dinja kollha;

16.  Jilqa' l-fatt li l-Kummissjoni, bħala amministratur tal-baġit tal-Unjoni, tfassal b'mod xieraq il-metodoloġija komuni tagħha għall-ispeċifiċitajiet tal-ambjenti ta' riskju, kontroll u ġestjoni fl-oqsma ta' nfiq differenti biex tissodisfa b'mod effettiv l-obbligi ta' rapportar tagħha u tipproteġi l-Baġit tal-Unjoni;

17.  Jirrimarka li l-Artikolu 61 tar-Regolament Finanzjarju minn Awwissu 2018 ipprovda definizzjoni aktar wiesgħa ta' kunflitti ta' interess; jenfasizza r-responsabbiltà tal-Kummissjoni li tiżgura li dawn id-dispożizzjonijiet jiġu implimentati bid-diliġenza dovuta madwar l-Unjoni, u li l-forom kollha ta' kunflitti ta' interess jiġu ttrattati b'mod effiċjenti u effettiv matul l-implimentazzjoni tal-baġit tal-Unjoni; jisħaq fuq l-importanza ta' informazzjoni pubblika disponibbli dwar il-benefiċjarji finali għat-trasferimenti finanzjarji kollha tal-Unjoni biex jiġu evitati kunflitti ta' interess fl-implimentazzjoni tal-baġit tal-Unjoni;

18.  Itenni t-talba tiegħu lill-Kummissjoni biex tiżgura evalwazzjoni xierqa tal-miżuri preventivi meħuda mill-Istati Membri biex jiġu evitati kunflitti ta' interess; jilqa', f'dan ir-rigward, il-linji gwida tal-Kummissjoni "Guidance on avoidance of conflicts of interest under the Financial Regulation" (Gwida dwar l-evitar ta' kunflitti ta' interess skont ir-Regolament Finanzjarju), imqassma lill-Istati Membri f'Awwissu 2020, li għandhom l-għan li jippromwovu interpretazzjoni u applikazzjoni uniformi tar-regoli dwar il-kunflitti ta' interess u li jqajmu kuxjenza dwar l-applikabbiltà ta' dawn ir-regoli, inkluż fir-rigward tal-ġestjoni kondiviża; jappella lill-Kummissjoni tippubblika dawn il-Linji Gwida u tikkondividi wkoll kemm mal-awtoritajiet tal-Istati Membri kif ukoll mal-Kumitat għall-Kontroll tal-Baġit l-informazzjoni dwar l-awditi mwettqa fuq dawn il-kwistjonijiet u l-eżempji ta' prattika tajba;

19.  Jinsab imħasseb dwar l-interpretazzjoni limitata possibbli tal-Artikolu 61 tar-Regolament (UE, Euratom) 2018/1046 mill-Aġenzija tal-Pagamenti Ċeka (il-Fond Statali għall-Intervent Agrikolu) li tqisu mhux applikabbli għall-membri tal-Gvern; iħeġġeġ lill-Kummissjoni tipprovdi l-opinjoni tagħha dwar l-interpretazzjoni ta' dan l-artikolu rigward l-Aġenziji tal-Pagamenti nazzjonali; jappella lill-Kummissjoni biex tiżgura li l-Artikolu 61 tar-Regolament (UE, Euratom) 2018/1046 jiġi rrispettat u implimentat fir-Repubblika Ċeka filwaqt li jiġi applikat għall-pagamenti kollha mill-baġit tal-Unjoni, inkluż il-pagamenti diretti taħt l-ewwel pilastru tal-PAK, u biex tissorvelja l-funzjonament indipendenti tal-Aġenziji tal-Pagamenti f'dan ir-rigward;

20.  Ifakkar li għadd ta' skandli dwar id-distribuzzjoni u l-użu ħażin tal-fondi tal-Unjoni f'pajjiżi bħall-Bulgarija, iċ-Ċekja jew is-Slovakkja u r-Rumanija kkawżaw protesti pubbliċi kbar f'dawn l-aħħar xhur u snin, fejn iċ-ċittadini tal-Unjoni fittxew lill-istituzzjonijiet tal-Unjoni, b'mod partikolari l-Kummissjoni, biex jiżguraw it-tmiem ta' tali amministrazzjoni ħażina ta' flus pubbliċi;

21.  Jilqa' b'sodisfazzjon l-istrateġija l-ġdida tal-kumpaniji kontra l-frodi, adottata mill-Kummissjoni f'April 2019, dwar l-inizjattiva tal-OLAF, bl-objettiv li jittejjeb l-għarfien tal-Kummissjoni dwar il-frodi u l-kapaċità analitika tagħha li tmexxi l-azzjoni kontra l-frodi, li tiżgura l-kooperazzjoni fost id-dipartimenti u l-aġenziji eżekuttivi fil-ġlieda kontra l-frodi u li ssaħħaħ is-sorveljanza korporattiva tal-ġlieda kontra l-frodi; jappella lill-Kummissjoni tħejji rapport ta' segwitu dwar l-effiċjenza tal-implimentazzjoni tagħha u l-ewwel riżultati miksuba u tirrapporta dwar dan għand l-awtorità ta' kwittanza;

22.  Jisħaq fuq li, fid-dawl tal-QFP u l-Faċilità għall-Irkupru u r-Reżiljenza, ir-riżorsi finanzjarji tal-Unjoni għandhom jappoġġjaw il-prijoritajiet u r-responsabbiltajiet li qegħdin jiżdiedu tal-Unjoni. Il-ħarsien tal-interess finanzjarju tal-Unjoni huwa tal-akbar importanza u li huma meħtieġa l-aktar sforzi b'saħħithom fil-livelli kollha biex jipprevjenu u jiġġieldu kontra l-frodi, il-korruzzjoni u l-użu ħażin tal-fondi tal-Unjoni; jistieden lill-Kummissjoni tipproponi l-għoti ta' riżorsi finanzjarji u umani suffiċjenti lill-Qorti, OLAF u l-UPPE u tkompli tipprovdilhom appoġġ politiku b'saħħtu, biex iwettqu l-attivitajiet tagħhom ta' awditjar, investigazzjoni u prosekuzzjoni fil-protezzjoni tal-interessi finanzjarji tal-Unjoni;

23.  Jinnota fil-istess waqt li l-użu dejjem akbar ta' mekkaniżmi finanzjarji biex jiġu stabbiliti l-politiki tal-Unjoni fil-pajjiżi terzi, id f'id mal-baġit tal-Unjoni, għandu r-riskju li jimmina r-responsabbiltà u t-trasparenza tal-azzjoni u l-infiq tal-Unjoni; jinsisti li l-Kummissjoni tiżgura li l-għoti ta' għajnuna esterna jkun soġġett għall-istat tad-dritt u għar-rispett tad-drittijiet tal-bniedem fil-pajjiżi riċevituri; jisħaq, b'mod partikolari, fuq il-ħtieġa li jiġi ggarantit li pajjiżi u partijiet terzi u/jew persuni fiżiċi, li huma allokati jew marbuta ma' fondi tal-Unjoni jaderixxu mal-valuri demokratiċi ewlenin, jirrispettaw l-istandards internazzjonali fil-qasam tad-drittijiet tal-bniedem u jissottoskrivu għal prinċipji ta' nonvjolenza;

24.  Ifakkar li l-politika ta' żvilupp u kooperazzjoni hija maħsuba biex teqred il-faqar u tnaqqas l-inugwaljanza u li l-fondi għandhom jilħqu biss il-benefiċjarji intenzjonati tagħhom;

25.  Jissottolinja li l-ħolqien tal-Uffiċċju tal-Prosekutur Pubbliku Ewropew (UPPE) huwa żvilupp fundamentali fil-ħarsien tal-interessi finanzjarji tal-Unjoni; ifakkar lill-Kummissjoni dwar ir-rwol ewlieni tal-UPPE fil-protezzjoni tal-pjan ta' rkupru tal-UE fis-snin li ġejjin; jappella lill-Istati Membri kollha tal-Unjoni jingħaqdu mal-UPPE u jaħtru l-Prosekuturi tagħhom abbażi ta' kriterji ċari u trasparenti;

26.  Jissottolinja n-nuqqas ta' finanzjament u n-nuqqas ta' persunal tal-UPPE matul il-fażi ta' żvilupp tiegħu, iżda jilqa' ż-żieda sostanzjali fil-baġit u l-persunal tal-UPPE meta mqabbla mal-proposta inizjali; itenni l-oppożizzjoni tal-Parlament għat-tnaqqis tal-persunal tal-OLAF, bħala riżultat ta' karigi ttrasferiti lill-UPPE, li wassal għal tnaqqis kumulattiv ta' 45 kariga sal-2023 għall-OLAF; jappella lill-Kummissjoni żżid il-kapaċità billi tirrieżamina s-sitwazzjoni tal-persunal kemm fir-rigward kemm tal-UPPE, tal-OLAF kif ukoll ta’ Eurojust; jappella lill-Kummissjoni u lill-awtoritajiet baġitarji jiżguraw li l-baġits tal-OLAF, tal-UPPE u ta' Eurojust jiżdiedu biex ikunu jistgħu jwettqu l-missjoni tagħhom;

27.  Jinnota bi tħassib li fil-perjodu bejn Jannar 2015 u Diċembru 2019 ma ttieħdet ebda deċiżjoni mill-awtoritajiet ġudizzjarji, b'segwitu għal rakkomandazzjoni tal-OLAF, f'199 każ u kien biss f' 178 każ li ttieħdet xi deċiżjoni(75); jappella lill-Istati Membri jsegwu kif xieraq ir-rakkomandazzjonijiet kollha tal-OLAF; 1

28.  Japprova r-rakkomandazzjonijiet fir-rapport annwali tal-Qorti għas-sena finanzjarja 2019 u r-rapport tal-Qorti dwar il-prestazzjoni tal-baġit tal-Unjoni u jinkoraġġixxi ħafna lill-Kummissjoni u lil partijiet rilevanti oħra jimplimentawhom mill-aktar fis possibbli filwaqt li jenfasizza wħud mir-rakkomandazzjonijiet l-aktar importanti u urġenti hawn taħt;

29.  Huwa partikolarment imħasseb dwar is-sejbiet ripetuti tal-Qorti li x-xogħol ta' xi awtoritajiet nazzjonali tal-awditjar jew korpi ta' ċertifikazzjoni huwa meqjus bħala suxxettibbli wisq għall-iżbalji u għaldaqstant mhux affidabbli, li b'hekk jikkomprometti l-affidabbiltà tad-data għa-r-Rapport Annwali dwar il-Ġestjoni u l-Prestazzjoni (AMPR) tal-Kummissjoni; jiddispjaċih li l-Qorti ma tistax tinkludi analiżi għar-raġunijiet sottostanti għal dawn id-dgħufijiet persistenti fil-ħidma tagħha;

30.  Jiddispjaċih li l-Kummissjoni la setgħet tiċċara b'mod utli r-raġunijiet u lanqas id-differenzi speċifiċi għall-pajjiżi bejn l-awtoritajiet tal-Istati Membri; jiddispjaċih li dan in-nuqqas ta' informazzjoni dwar ir-raġunijiet li huma l-bażi ta' dawn id-dgħufijiet sistemiċi u persistenti f'ċerti awtoritajiet nazzjonali tal-awditjar jimpedixxi l-indirizzar u r-riżoluzzjoni ta' tali problemi b'mod effiċjenti u effikaċi; jistieden lill-Kummissjoni tagħmel analiżi bir-reqqa tar-raġunijiet u tal-problemi strutturali li jikkawżaw id-dgħufijiet sistemiċi persistenti identifikati mill-Qorti; jitlob lill-Kummissjoni tinkludi wkoll osservazzjonijiet dwar il-prattiki tajba u, abbażi ta' din l-analiżi, tindirizza lill-awtoritajiet nazzjonali rakkomandazzjonijiet orizzontali ċari, prattiċi u faċilment implimentabbli kif ukoll rakkomandazzjonijiet speċifiċi għall-pajjiż, kif deskritt f'aktar dettall fil-kapitoli speċifiċi ta' din ir-riżoluzzjoni;

31.  Jistieden lill-Kummissjoni tagħti aktar attenzjoni, u talloka aktar riżorsi umani u baġitarji tal-Kummissjoni lill-Istati Membri, li s-sistemi ta' ġestjoni u ta' kontroll tagħhom huma biss parzjalment jew mhux affidabbli, fejn hemm riskju akbar ta' frodi u korruzzjoni relatati mal-fondi u speċjalment ma' dawk l-Istati Membri li ma aderewx mal-Uffiċċju tal-Prosekutur Pubbliku Ewropew;

32.  Jitlob li l-użu ta' Arachne jsir kundizzjoni preliminari għall-użu tal-fondi tal-Unjoni min-naħa tal-Istati Membri;

33.  Jissottolinja li r-rata ta' żball ikkalkolat mill-Qorti tirrappreżenta sinteżi statistika li tforni indikatur prattiku uniku tal-legalità u tar-regolarità tal-infiq tal-Unjoni, iżda ma toffrix madankollu viżjoni differenzjata tan-natura u tal-gravità differenti tal-iżbalji li jikkontribwixxu għal din ir-rata; jieħu nota li l-metodoloġija tal-Qorti hija bbażata fuq standards internazzjonali ta' awditjar li jinvolvu l-ittestjar ta' kampjun każwali ta' tranżazzjonijiet u li kampjun rappreżentattiv ma jistax ikun ibbażat kollu kollu hu fuq ir-riskju; jilqa' pożittivament il-fatt li l-Qorti taqsam il-kampjuni tagħha fi tranżazzjonijiet b'riskju għoli u tranżazzjonijiet b'riskju baxx; japprezza l-fatt li l-Qorti diġà tinkludi eżempji speċifiċi tal-iżbalji misjuba; jistieden lill-Qorti tinkludi informazzjoni saħansitra aktar dettaljata, b'mod partikolari biex tippermetti għarfien ġeografiku tal-problemi speċifiċi għal kull pajjiż;

34.  Jiddispjaċih li l-maġġor parti tal-pagamenti diretti tal-PAK hija kkonċentrata f'idejn il-ftit benefiċjarji f'xi Stati Membri, anki fil-każijiet li fihom jinħolqu strutturi oligarkiċi, b'hekk jiddgħajfu b'mod partikolari l-bdiewa ż-żgħar u l-komunitajiet rurali;

35.  Ifakkar fil-bżonn ta' tqassim aktar ġust tal-fondi tal-PAK, bil-għan li jiġi żgurat li l-pagamenti għal kull ettaru jkunu inversament proporzjonali għad-daqs tal-azjenda agrikola;

36.  Jinsab inkwetat bil-każijiet irrappurtati ta' ħtif tal-art f'ċerti Stati Membri u jtenni l-appell tiegħu lill-Kummissjoni biex tistabbilixxi sistema effikaċi ta' kontroll li tkun tiżgura li l-benefiċjarji bid-dritt għall-fondi tal-PAK ikunu huma biss dawk li jaħdmu r-raba' u li l-fondi ma jaslux għand xi benefiċjarji li kisbu l-artijiet b'mezzi illegali jew frawdolenti; itenni, f'dan ir-rigward, it-talba tiegħu għal mekkaniżmu ta' tressiq ta' lmenti speċifiku fil-livell tal-Unjoni biex jappoġġa lill-bdiewa jew lill-benefiċjarji li jħabbtu wiċċhom, pereżempju, ma' prattiki ħżiena ta' ħtif tal-art, imġiba ħażina tal-awtoritajiet nazzjonali, pressjoni minn strutturi kriminali jew mill-kriminalità organizzata, jew persuni li huma suġġetti għal xogħol furzat jew skjavitù, li jagħtihom l-opportunità li jressqu malajr ilment mal-Kummissjoni, u li l-Kummissjoni għandha tivverifika b'urġenza(76);

37.  Itenni t-tħassib tiegħu għall-fatt li l-impenji pendenti komplew jikbru, u fl-aħħar tal-2019 laħqu livell rekord ta' EUR 298,0 biljun (meta mqabbla ma' EUR 281,2 biljun fl-2018); jinnota li l-livell ta' approprjazzjonijiet ta' pagament fil-baġits annwali kien evidentement aktar baxx mil-limitu massimu tal-QFP fi snin reċenti, li jista' jwassal għal bżonnijiet ta' pagament ogħla fil-futur; jilqa' favorevolment il-fatt li fil-proposta tagħha għal regolament dwar il-QFP il-Kummissjoni inkludiet il-pagamenti futuri stmati fir-rigward taż-żidiet proposti fl-2020 fl-ambitu tar-risposta tal-Unjoni għall-coronavirus; jitlob lill-Kummissjoni tissorvelja mill-qrib l-implimentazzjoni mill-Istati Membri fil-każ ta' sottoimplimentazzjoni u rati baxxi ta' assorbiment; jilqa' pożittivament l-isforzi tal-Kummissjoni biex tintroduċi r-regola n+2 għall-oqsma ta' nefqa kollha, b'hekk tkun sottolinjata n-neċessità ta' strumenti possibbli oħrajn biex tissostitwixxi r-regola n+3; jistieden għal darb'oħra lill-Kummissjoni żżid l-appoġġ tekniku lill-awtoritajiet nazzjonali, reġjonali jew lokali, inklużi l-organizzazzjonijiet tas-soċjetà ċivili u ċ-ċittadini, bil-għan li tikseb rati ta' assorbiment aħjar(77);

38.  Ifakkar fid-distakk dejjem akbar bejn l-impenji u l-pagamenti u ż-żieda fid-daqs tal-baġit tal-Unjoni (Analiżi Rapida dwar Każ Speċifiku tal-Qorti: "Impenji pendenti fil-baġit tal-UE – Ħarsa aktar mill-qrib"), aspetti li jirrappreżentaw sfida serja anki għall-awtorità ta' kwittanza; josserva li l-baġit fit-tul tal-UE, inkluż il-pjan tal-UE għall-irkurpu Next Generation EU, għadda minn EUR 1 083 biljun għal EUR 1 800 biljun għall-perjodu 2021-2027; jistieden lill-Kummissjoni timmonitorja f'intervalli regolari l-implimentazzjoni tal-pjanijiet nazzjonali għall-irkurpu u r-reżiljenza biex tiżgura r-rispett tar-regoli fil-qasam tal-għajnuna mill-Istat u tirrapporta f'dan ir-rigward lill-awtorità ta' kwittanza; jenfasizza li jekk din it-talba ma tiġix attwata, dan jista' jagħti lok għal rifjut tal-għoti tal-kwittanza għas-sena 2020;

39.  Jirrimarka li fis-snin reċenti l-livell ta' approprjazzjonijiet ta' pagament fil-baġits annwali kien jinsab notevolment taħt il-limitu massimu tal-QFP, li jista' jwassal għal bżonnijiet ogħla ta' pagament fil-futur u jirriskja li jpoġġi l-baġit taħt pressjoni;

40.  Jiddispjaċih li ntilfet l-opportunità li jintużaw l-ammonti tal-approprjazzjoni ta' impenn mhux użati u tal-approprjazzjonijiet diżimpenjati fl-ambitu tal-QFP bil-għan li jitħallas id-dejn inkors biex ikun iffinanzjat il-pjan ta' rkupru;

41.  Jiġbed l-attenzjoni għall-fatt li r-riskji finanzjarji ewlenin li l-baġit tal-Unjoni kien espost għalihom fl-2019 kienu assoċjati ma' operazzjonijiet finanzjarji fil-forma ta' self kopert direttament mill-baġit tal-Unjoni (53,7 %), u operazzjonijiet finanzjarji koperti minn fond ta' garanzija tal-Unjoni (46,3 %); josserva li, meta ġew inklużi wkoll il-pagamenti futuri possibbli relatati mal-garanzija tal-FEIS (Fond Ewropew għall-Investimenti Strateġiċi), l-ammont tar-riskju totali mġarrab mill-baġit tal-Unjoni laħaq d-EUR 90,5 biljun sal-aħħar tal-2019; jistieden lill-Kummissjoni tippreżenta stampa kompluta tal-espożizzjoni tal-baġit tal-UE fir-"Rapport annwali dwar il-garanziji koperti mill-baġit ġenerali", inkluż ir-riskju ġġenerat mill-garanzija tal-FEIS kif ukoll mill-operazzjonijiet finanzjarji futuri kollha relatati;

42.  Jirrimarka li l-Unjoni għamlet użu dejjem akbar mill-istrumenti finanzjarji u l-garanziji baġitarji pprovduti lill-Grupp tal-BEI; ifakkar li, attwalment, l-operazzjonijiet tal-Grupp tal-BEI li mhumiex iffinanzjati mill-baġit tal-Unjoni, iżda li jaqdu l-istess objettivi tal-Unjoni, ma jaqgħux taħt il-mandat tal-awditjar tal-Qorti;

43.  Josserva li l-Qorti biħsiebha tgħaddi għall-approċċ ta' attestazzjoni; jistieden lill-Qorti tkompli bil-kontrolli tagħha abbażi ta' kampjuni bil-għan li timmonitorja t-tranżazzjonijiet individwali;

44.  Jinsab imħasseb bil-fatt li l-persunal attwali mhuwiex biżżejjed biex ilaħħaq mal-allokazzjoni dejjem akbar ta' baġit tal-UE; jenfasizza li huwa indispensabbli li jiżdiedu l-kapaċitajiet amministrattivi fi ħdan il-Qorti u s-segretarjati rilevanti tal-Parlament Ewropew; jenfasizza l-fatt li dawn ir-rekwiżiti ma jiġux sodisfatti, dan jista' jagħti lok għal rifjut tal-kwittanza għas-sena 2020;

45.  Jinkoraġġixxi lill-Qorti tkompli tanalizza l-prestazzjoni tal-baġit tal-Unjoni; josserva li valutazzjoni xierqa tal-legalità u tar-regolarità tal-azzjoni tal-Unjoni biex ittejjeb l-obbligu ta' rendikont tikkostitwixxi l-bażi għal ġestjoni finanzjarja tajba; jenfasizza li l-indikaturi għandhom jevalwaw is-suċċess ta' ċerti attivitajiet b'mod deskrittiv u oġġettiv, mingħajr ma jesprimu preferenzi f'termini ta' politiki; jisħaq fuq ir-rakkomandazzjoni tal-Qorti, skont liema hemm bżonn jiġu elaborati aktar l-indikaturi u jinstab bilanċ aħjar bejn indikaturi tal-input u tal-output u l-indikaturi tar-riżultat u tal-impatt; jistieden lill-Kummissjoni tnaqqas in-numru tal-objettivi u tal-indikaturi f'ġabra speċifika ta' indikaturi tar-riżultat u tal-impatt rilevanti u xierqa li jkejlu bl-aqwa mod ir-riżultati miksuba f'termini ta' effikaċja u ta' valur miżjud Ewropew tal-infiq tal-Unjoni;

46.  Japprova r-riżervi mressqa mid-diretturi ġenerali tad-DĠ BUDG, RTD, AGRI, REGIO, EMPL, MARE, CLIMA, HOME, JUST, NEAR u REFORM fir-rapporti annwali ta' kontroll (RAA) tagħhom; huwa tal-fehma li dawn ir-riżervi juru li l-proċeduri ta' kontroll stabbiliti mill-Kummissjoni u mill-Istati Membri jistgħu jagħtu l-garanziji neċessarji rigward il-legalità u r-regolarità tat-tranżizzjonijiet ta' bażi fl-oqsma ta' politika korrispondenti biss jekk jiġu implimentati b'suċċess il-proċeduri ta' korrezzjoni neċessarji;

Id-dikjarazzjoni ta' assigurazzjoni tal-Qorti

47.  Jilqa' b'sodisfazzjon il-fatt li l-Qorti kkonkludiet li l-kontijiet għall-2019 huma affidabbli, u li l-Qorti kkonkludiet li d-dħul kien ħieles minn kwalunkwe żball materjali fl-2019;

48.  Jinsab imħasseb bil-fatt li, għall-ewwel darba f'erba' snin il-Qorti ħarġet opinjoni negattiva dwar il-legalità u r-regolarità tan-nefqa li huma bbażati fuqha l-kontijiet;

49.  Josserva, madankollu, li l-Qorti tammetti li l-livell kumplessiv ta' żball baqa' relattivament stabbli, jiġifieri 2,7 % fl-2019 meta mqabbel ma' 2,6 % tal-2018, u jissottolinja dawk li l-Qorti evidenzjat bħala elementi pożittivi tal-infiq tal-Unjoni, bħall-evoluzzjoni tal-intestatura "Riżorsi naturali" u r-riżultati kostanti tal-intestatura "Amministrazzjoni";

50.  Jinnota li r-raġunijiet mogħtija għall-opinjoni negattiva huma s-segwenti: għal dak li għandu x'jaqsam man-nefqa tal-Unjoni, fil-konklużjonijiet tal-Qorti hemm affermat li l-livell ta' żball, prinċipalment fil-pagamenti li fil-fatt huma rimborżi, huwa pervażiv, u li, fid-dawl tal-mod kif inhu magħmul il-baġit tal-Unjoni u l-evoluzzjoni tiegħu maż-żmien, in-nefqa b'riskju għoli fl-2019 tirrappreżenta aktar minn nofs l-infiq awditjat (53,1 %) u għad hemm preżenti fiha żball materjali ta' rata stmata ta' 4,9 % (meta mqabbla ma' 4,5 % tal-2018 u 3,7 % tal-2017);

51.  Jinnota li l-Qorti awditjat tranżazzjonijiet li jilħqu total ta' EUR 126,1 biljun (minn EUR 159,1 biljun tal-infiq totali tal-Unjoni), u li l-intestatura "Riżorsi naturali" kienet l-akbar sehem (47,2 %) tal-popolazzjoni tal-awditi globali tal-Qorti, segwita mill-intestaturi "Koeżjoni" (22,5 %) u "Kompetittività" (13,2 %); itenni s-suġġeriment tiegħu lill-Qorti biex tqis kemm is-sehem tan-nefqa totali tal-Unjoni kif ukoll l-iżball relatat mar-riskju meta tiddeċiedi dwar id-diviżjoni tas-sehem tal-awditjar li jmiss tal-popolazzjoni;

52.  Josserva li fl-2019 il-Qorti forniet rati ta' żball speċifiċi għal tliet intestaturi tal-QFP: "Kompetittività" (4,0 %), "Koeżjoni" (4,4 %), "Riżorsi naturali" (1,9 %), filwaqt li għall-Intestatura "Amministrazzjoni" l-Qorti stmat li l-livell ta' żball kien inqas mis-soll ta' materjalità; jirrimarka li l-Qorti sabet l-ogħla livell stmat ta' żball fl-infiq fl-ambitu tal-Intestatura "Koeżjoni ekonomika, soċjali u territorjali" (4,4 %) u li l-infiq fis-Subintestatura "Kompetittività għat-tkabbir u l-impjiegi" laħaq r-rata ta' żball preokkupanti ta' 4 % (meta mqabbla ma' 2 % tal-2018);

53.  Jieħu nota li l-ġestjoni finanzjarja tal-baġit tal-Unjoni maż-żmien tjiebet u li f'dawn l-aħħar snin il-livelli ta' żball naqsu sa ma ressqu qrib is-soll ta' materjalità tat-2 %, għajr f'ċerti oqsma ta' politika, ngħidu aħna dak tal-kompetittività, li fil-biċċa l-kbira huwa sottopost għall-ġestjoni diretta tal-Kummissjoni, fejn ir-rata ta' żball stmata rduppjat billi għaddiet minn 2 % fl-2014 għal 4 % fl-2019;

54.  Jinnota li l-Qorti ma stmatx il-livelli ta' żball għall-oqsma ta' nefqa fl-Intestaturi 3 u 4 tal-QFP "Sigurtà u ċittadinanza" u "Ewropa Globali"; jirrimarka li l-komunikazzjoni ta' rati ta' żball tippermetti li jkun hemm komparabbiltà bejn is-snin finanzjarji; jiddispjaċih, f'dan ir-rigward, li l-kampjun għall-kapitoli 7 u 8 jirriżulta ulterjorment imnaqqas meta mqabbel ma' dawn l-aħħar snin (minn 11 % tan-nefqiet koperti mill-awditu fl-2017, għal 9,1 % fl-2018 u għal 8,9 % fl-2019);

55.  Jitlob lill-Qorti tforni, fir-rapport annwali li jmiss tagħha, data dwar ir-rata ta' żball għall-pagamenti ta' kull qasam ta' nefqa; jitlob lill-Qorti twessa' l-kapitolu tagħha dwar l-Intestatura "Amministrazzjoni" bil-għan li jkun hemm analiżi aktar bir-reqqa tal-istituzzjonijiet kollha; jistieden lill-Qorti twettaq mill-aktar fis possibbli t-talba tal-Parlament biex tforni rapport annwali speċifiku u indipendenti dwar l-istituzzjonijiet tal-Unjoni; jilqa' favorevolment ir-riflessjoni tal-Qorti f'dan ir-rigward u jittama li tkun riflessa fl-istrateġija tal-Qorti għall-perjodu 2021-2025;

56.  Jiddispjaċih li l-Qorti ma tispeċifikax liema hu l-impatt tal-miżuri korrettivi fuq il-livell ta' żball kumplessiv, imma tindika biss l-impatt fuq intestaturi speċifiċi; jirrimarka li l-informazzjoni speċifika dwar l-intestaturi kollha tal-QFP tkun tikkostitwixxi informazzjoni estremament utli għall-finijiet ta' skrutinju min-naħa tal-awtorità ta' kwittanza; jitlob lill-Qorti tispeċifika liema hu l-impatt tal-miżuri korrettivi fuq il-livell ta' żball kumplessiv;

57.  Jiġbed l-attenzjoni għall-fatt li l-istima ġenerali tal-livell ta' żball fil-baġit tal-Unjoni, kif ippreżentata fid-dikjarazzjoni ta' assigurazzjoni tal-Qorti, la tkejjel il-frodi u lanqas l-ineffiċjenza jew il-ħela, iżda hija stima tal-ammonti li ma kellhomx jitħallsu peress li ma ntużawx skont ir-regoli u r-regolamenti applikabbli; josserva li fl-2019 il-Qorti rrappurtat lill-OLAF disa' każijiet ta' frodi suspettata li nstabu matul l-awditi tagħha (l-istess numru ta' każijiet bħal fl-2018) u li l-OLAF fetaħ investigazzjonijiet fuq ħamsa mill-każijiet irrappurtati filwaqt li ddeċieda li ma jagħmilx hekk għall-erbgħa l-oħra;

58.  Jirrimarka li, bħal fis-snin ta' qabel, l-iżbalji ta' eliġibbiltà (jiġifieri l-ispejjeż ineliġibbli f'dikjarazzjonijiet tal-ispejjeż u proġetti, attivitajiet jew benefiċjarji ineliġibbli) f'pagamenti li fil-fatt huma rimborżi, fejn in-nefqa hija spiss suġġetta għal regoli kumplessi, kienu għal darb'oħra l-kontributuri ewlenin għal-livell stmat ta' żball tal-2019 għal nefqa b'riskju għoli ta' 74 % (meta mqabbla ma' 68 % fl-2018);

59.  Jilqa' pożittivament id-deċiżjoni tal-Qorti biex fil-kampjun tagħha ddaħħal perċentwal ogħla ta' nefqa b'riskju għoli, kategorija li fiha hemm, b'mod materjali, rata ta' żball dejjem ogħla (4,9 % fl-2019 meta mqabbla ma' 4,5 % tal-2018 u 3,7 % tal-2017); jiddispjaċih li, fil-każ tal-pagamenti għad-drittijiet, ir-rata ta' żball ma kinitx kwantifikata b'mod ċar;

60.  Jiddispjaċih li l-informazzjoni u r-rapporti li l-Kummissjoni tirċievi mill-awtoritajiet tal-Istati Membri huma spiss nieqsa minn data dwar ir-riżultati konkreti jew jinkludu valutazzjonijiet ottimistiċi żżejjed; jieħu nota tal-osservazzjoni tal-Qorti skont liema r-rwol partikolari tal-Kummissjoni, hekk kif rifless fil-metodoloġija tagħha, u d-dgħufijiet fil-kontrolli ex post, li huma element kruċjali tas-sistema ta' kontroll, jolqtu negattivament l-istimi tal-iżbalji tal-Kummissjoni;

61.  Jinsab ferm imħasseb bil-fatt li l-iżbalji maqbuda juru nuqqasijiet fir-regolarità tan-nefqa ddikjarata mill-awtoritajiet ta' ġestjoni;

Ġestjoni baġitarja u finanzjarja

62.  Jinnota li fl-2019 l-approprjazzjonijiet ta' impenn disponibbli fil-baġit finali ntużaw kważi kollha (b'rata ta' 99,4 %), filwaqt li r-rata ta' użu għall-approprjazzjonijiet ta' pagament kienet kemxejn aktar baxxa (98,5 %);

63.  Jinnota l-adozzjoni ta' tliet baġits emendatorji fl-2019, li żiedu EUR 0,4 biljun f'approprjazzjonijiet ta' impenn u EUR 0,3 biljun f'approprjazzjonijiet ta' pagament, li jirreferu għas-segwenti;

64.  Jirrikonoxxi li, minħabba n-natura pluriennali tan-nefqa tagħha u l-istrateġiji ta' kontroll tagħha, il-Kummissjoni tista' tapplika korrezzjonijiet sal-għeluq tal-programm ta' finanzjament; jinnota barra minn hekk li filwaqt li l-iżbalji jistgħu jinstabu f'sena partikolari, dawn jiġu kkoreġuti fis-sena kurrenti jew fis-snin sussegwenti wara li jkun sar il-pagament – sal-mument tal-għeluq; jistieden għalhekk lill-Kummissjoni u lill-Istati Membri jkomplu jeżerċitaw il-kapaċità korrettiva tagħhom u jitlob lill-Kummissjoni tuża l-għodod superviżorji għad-dispożizzjoni tagħha, f'konformità mal-obbligi tagħha skont id-diversi bażijiet ġuridiċi settorjali, biex fl-aħħar mill-aħħar iġġib ir-riskju reali fil-waqt tal-għeluq ferm inqas minn 2 % u eqreb iż-0 %;

65.  Josserva li fl-2019 il-miżuri korrettivi kkonfermati mill-Kummissjoni kienu jammontaw għal EUR 1,5 biljun (25 % aktar mill-2018) u kienu jirreferu prinċipalment għal żbalji fil-pagamenti li kienu saru fis-snin ta' qabel;

66.  Jinsab ferm imħasseb bil-fatt li l-impenji pendenti komplew jikbru, u fl-aħħar tal-2019 laħqu EUR 298,0 biljun (meta mqabbla ma' EUR 281,2 biljun fl-2018); josserva li l-Qorti identifikat ir-raġunijiet għan din iż-żieda kostanti, pereżempju ż-żieda kumplessiva fid-daqs tal-baġit tal-Unjoni matul iż-żmien; jinnota li l-livell ta' approprjazzjonijiet ta' pagament fil-baġits annwali kien evidentement aktar baxx mil-limitu massimu tal-QFP fi snin reċenti, li jista' jwassal għal domandi għal pagamenti ogħla fl-2022 u fl-2023 u joħloq riskju gravi għal-likwidità tal-baġit tal-Unjoni; josserva li l-impenn tal-Kummissjoni biex tagħmel analiżi bir-reqqa tal-approprjazzjonijiet ta' pagament meħtieġa sa tmiem is-sena matul l-eżerċizzju ta' trasferiment globali bil-għan li tagħmel il-proposta lill-awtorità baġitarja jekk ikun hemm bżonn ta' rinforzi. jistieden lill-Kummissjoni tnaqqas l-impenji pendenti attwali u jiġu evitati dawk futuri, tkompli ttejjeb il-previżjonijiet finanzjarji tagħha u, meta neċessarju, tgħin lill-pajjiżi jsibu proġetti eliġibbli, speċjalment dawk b'valur miżjud Ewropew ċar, bil-għan li titħaffef ir-rata ta' assorbiment;

67.  Josserva bi tħassib li skont il-Qorti, ir-rata ta' assorbiment globali tal-FSIE (Fondi Strutturali u ta' Investiment Ewropej) kienet aktar baxxa milli kienet fis-sena korrispondenti tal-QFP preċedenti, billi, sa tmiem l-2019, mill-allokazzjonijiet totali tal-FSIE għall-QFP attwali (EUR 465 biljun), 40 % biss kienu tħallsu lill-Istati Membri (meta mqabbla ma' 46 % sal-aħħar tal-2012); jieħu nota tal-ispjegazzjoni tal-Kummissjoni, skont liema r-rata ta' assorbiment aktar bil-mod hija parzjalment relatata mal-adozzjoni tardiva tar-Regolament dwar Dispożizzjonijiet Komuni (RDK), maż-żmien meħtieġ għall-awtoritajiet biex jistabbilixxu programm ta' attwazzjoni effikaċi u sistemi ta' kontroll u mal-bidliet introdotti fir-regolamenti fil-perjodu ta' programmazzjoni 2014-2020, bħal-livell għoli ta' prefinanzjament annwali u r-regola l-ġdida għad-diżimpenji awtomatiċi (n+3); josserva li, fl-2019, ir-ritmu kumplessiv tal-assorbiment baqa' kważi eżattament l-istess bħalma kien fl-2018; jinsab imħasseb bir-rati baxxi ta' assorbiment;

68.  Ifakkar li r-rata ta' assorbiment tesprimi sa liema punt il-fondi tal-Unjoni allokati lill-Istati Membri ntefqu fi proġetti eliġibbli, u dan jikkostitwixxi waħda mill-kundizzjonijiet preliminari u mill-indikaturi ta' assorbiment futur effikaċi; jevidenzja, f'dan ir-rigward, li minn tmien l-2018 ir-rata ta' selezzjoni tal-proġetti baqgħet ogħla minn dik tal-istess perjodu ta' referenza għall-perjodu 2007-2013; jenfasizza wkoll li fi tmien Ġunju 2020 il-kważi totalità tat-EUR 350 biljun (99,2 %) tal-kost totali ġiet allokata lil kważi 515 000 proġett;

69.  Jiddispjaċih li f'ħafna Stati mhijiex qed tingħata assistenza teknika akbar biex tiżdied ir-rata ta' assorbiment u jkun possibbli t-tnaqqis tal-impenji pendenti (RAL) akkumulati;

70.  Jinnota li, sal-bidu tal-2019, wara li l-QFP attwali kien ilu ħames snin stabbilit, madwar 17 % biss tal-finanzjament SIE totali impenjat permezz tal-istrumenti finanzjarji f'reġim ta' ġestjoni kondiviża (FISMs) kien wasal għand id-destinatarju finali tiegħu; josserva, madankollu, li f'nofs Settembru 2020 42 % tal-ammonti allokati lill-istrumenti finanzjarji sar disponibbli għall-investimenti u li 59 % tal-kapital disponibbli għall-FISMs kien wasal għand id-destinatarji finali; ifakkar, f'din l-okkażjoni, ix-xettiċiżmu li esprima aktar minn darba l-Parlament rigward l-appoġġ qawwi lill-istrumenti finanzjarji min-naħa tal-Kummissjoni;

71.  Jiddispjaċih bil-fatt li r-rapport annwali dwar il-FISMs għall-2019 ġie ppubblikat wara d-data tal-iskadenza ddefinita fil-Regolament rilevanti(78); jaqbel mal-Qorti li r-rilevanza tar-rappurtar tal-Kummissjoni dwar il-FISMs tonqos minħabba li r-rapport annwali tagħha dwar il-FISMs jiġi ppubblikat tard wisq;

72.  Jinsab imħasseb bil-fatt li, bħal fis-snin preċedenti, ammonti sostanzjali ta' prefinanzjament annwali tal-FSIE mhux użati, l-aktar minħabba dewmien fl-implimentazzjoni, ġew ritornati lill-baġit tal-Unjoni (EUR 7,7 biljun fl-2019), jirrimarka li EUR 5,0 biljun ta' dan l-ammont intużaw biex isiru pagamenti fuq talbiet ippreżentati mill-Istati Membri lil hinn mill-baġit approvat għas-sena fl-ambitu tal-linji baġitarji rilevanti tal-FSIE, u dan ipprevjena t-tħassir ta' dawn tal-aħħar;

73.  Jirrikonoxxi li l-ġestjoni kondiviża hija fundamentali għall-implimentazzjoni tal-FSIE, li min-naħa tiegħu jiddependi minn kollaborazzjoni amministrattiva effiċjenti bejn il-Kummissjoni u l-Istati Membri; jissottolinja l-osservazzjoni tal-Qorti, skont liema r-riskju ta' żball huwa għoli għan-nefqa suġġetta għal regoli kumplessi; jilqa' favorevolment it-titjib sostanzjali li sar f'dan ir-rigward f'dawn l-aħħar għaxar snin, anki bis-saħħa tal-isforzi tal-Kummissjoni u tar-rakkomandazzjonijiet tal-Qorti u tal-Parlament; jinkoraġġixxi lill-Kummissjoni timmira lejn is-semplifikazzjoni u l-orjentament lejn il-prestazzjoni;

74.  Jisħaq fuq il-fatt li r-riskji finanzjarji ewlenin li l-baġit tal-Unjoni kien espost għalihom fl-2019 kienu assoċjati ma' operazzjonijiet finanzjarji fil-forma ta' self kopert direttament mill-baġit tal-Unjoni (53,7 %), u operazzjonijiet finanzjarji koperti minn fond ta' garanzija tal-Unjoni (46,3 %); josserva b'dispjaċir li r-riskju totali rrappurtat mill-Kummissjoni ma jinkludix l-operazzjonijiet marbuta mal-FEIS u għalhekk ma jirriflettix l-espożizzjoni finanzjarja reali tal-baġit tal-Unjoni; jenfasizza li, meta ġew miżjuda l-pagamenti futuri possibbli relatati mal-garanzija tal-FEIS (Fond Ewropew għall-Investimenti Strateġiċi), l-ammont tar-riskju totali mġarrab mill-baġit tal-Unjoni laħaq id-EUR 90,5 biljun sal-aħħar tal-2019;

75.  Jirrimarka li l-Unjoni għamlet użu dejjem akbar mill-istrumenti finanzjarji u l-garanziji baġitarji pprovduti lill-Grupp tal-BEI; ifakkar li, attwalment, l-operazzjonijiet tal-Grupp tal-BEI li mhumiex iffinanzjati mill-baġit tal-Unjoni, iżda li jaqdu l-istess objettivi tal-Unjoni, ma jaqgħux taħt il-mandat tal-awditjar tal-Qorti; jiġbed l-attenzjoni għall-fatt li dan ifisser li l-Qorti ma tistax tagħti stampa sħiħa tar-rabtiet bejn l-operazzjonijiet tal-Grupp tal-BEI u l-baġit tal-Unjoni; jitlob li l-BEI u l-Parlament jaqblu dwar Memorandum ta' Qbil biex jitjieb l-aċċess tal-Parlament għad-dokumenti u għad-data relatata mal-orjentament strateġiku u mal-politiki ta' finanzjamenti tal-BEI bil-għan li jissaħħaħ l-obbligu ta' rendikont tal-Bank;

76.  Ifakkar li l-Artikolu 287(3) tat-TFUE jiddefinixxi l-poteri ta' verifika tal-Qorti fir-rigward tal-BEI; ifakkar li l-Qorti għandha l-kompetenza li tivverifika l-attività tal-BEI f'dik li hija l-ġestjoni tan-nefqa u tad-dħul tal-Unjoni; ifakkar li, skont l-Artikolu 12 tal-Protokoll Nru 5 (Statut tal-BEI), il-Kumitat tal-Verifika huwa kompetenti biex jivverifika l-kapital tal-ishma tal-BEI; ifakkar li l-Artikolu 308(3) tat-TFUE jippermetti lill-Kunsill jemenda l-Protokoll dwar l-Istatut tal-BEI permezz ta' deċiżjoni sempliċi, mingħajr reviżjoni sħiħa tat-Trattat; jenfasizza l-importanza akbar mogħtija fl-ambitu tal-QFP il-ġdid lill-garanziji tal-Unjoni u lill-istrumenti finanzjarji l-oħra ġestiti mill-BEI; jitlob għalhekk lill-Kunsill jemenda l-Artikolu 12 tal-Protokoll Nru 5 biex jinvolvi lill-Qorti fil-verifika tal-kapital tal-ishma tal-BEI; jinnota li l-ftehim tripartitiku attwali bejn il-Kummissjoni, il-BEI u l-Qorti dwar l-awditi tal-operazzjonijiet li huma ffinanzjati jew sostnuti mill-baġit tal-Unjoni skada fl-2020; jistieden bil-qawwa lill-Kummissjoni, lill-Qorti u lill-BEI jtejbu r-rwol tal-Qorti u jsaħħulha aktar il-poteri ta' verifika fir-rigward tal-attivitajiet tal-BEI fl-okkażjoni tat-tiġdid tal-ftehim tripartitiku li jirregola r-regoli tal-involviment; isostni r-rikjesta tal-Qorti biex twettaq awditu tal-operazzjonijiet tal-BEI li mhumiex relatati mal-baġit tal-Unjoni; jappella lill-Qorti biex tfassal rakkomandazzjonijiet dwar ir-riżultati tal-attivitajiet ta' self estern tal-BEI;

77.  Jinnota li l-politika monetarja wasslet għal tnaqqis fir-rata tal-imgħax fit-tul użata biex jiġu stmati l-obbligi ta' benefiċċju tal-impjegati (rata ta' skont), li għall-ewwel darba saret negattiva, u dan wassal għal żieda sinifikanti ta' EUR 17,2-il biljun fl-obbligazzjoni ta' tmiem is-sena tal-baġit tal-Unjoni; jistenna li din ix-xejra tkompli hekk kif il-BĊE jibqa' jsegwi l-kors tiegħu ta' politiki monetarji akkomodanti u jitlob li tittieħed prekawzjoni xierqa;

78.  Jisħaq fuq l-importanza ta' monitoraġġ b'mod rigoruż, fil-każ tal-proġetti infrastrutturali fuq skala kbira, ir-riskju possibbli ta' korruzzjoni u frodi; jitlob li jsiru valutazzjonijiet ex ante u ex post bir-reqqa u indipendenti marbuta mal-proġetti li jiġu ffinanzjati;

79.  Iħeġġeġ lill-Kummissjoni tinkoraġġixxi lill-Istati Membri jtejbu kemm il-kwalità kif ukoll in-numru tal-kontrolli u jikkondividu l-aħjar prattiki fil-ġlieda kontra l-frodi;

Rakkomandazzjonijiet

80.  Jistieden lill-Kummissjoni:

81.  Jitlob lill-Kunsill biex flimkien mal-Parlament Ewropew:

Prestazzjoni tal-baġit tal-Unjoni

82.  Jilqa' b'sodisfazzjon l-ewwel rapport separat u sħiħ tal-Qorti dwar il-prestazzjoni tal-baġit tal-Unjoni – Status fl-aħħar tal-2019 u jħeġġeġ lill-Qorti tkompli tipproduċi u tiżviluppa dan ir-rapport aktar fis-snin li ġejjin; itenni li, fil-fehma tiegħu, għandha tingħata attenzjoni akbar lill-prestazzjoni mingħajr ma jonqsu l-livelli attwali ta' skrutinju tal-konformità; jenfasizza li l-konklużjonijiet dwar il-prestazzjoni ma għandhomx iwasslu għal ġeneralizzazzjonijiet, iżda pjuttost għal rakkomandazzjonijiet speċifiċi għall-pajjiż; josserva li analiżijiet adegwati tar-riskji u rakkomandazzjonijiet għal azzjoni lid-deċiżuri politiċi tal-Unjoni huma bażi importanti għall-proċess deċiżjonali politiku; iqis li l-indikaturi għandhom jevalwaw is-suċċess ta' ċerti attivitajiet b'mod deskrittiv u oġġettiv, mingħajr ma jesprimu preferenzi f'termini ta' politiki; jistieden lill-Qorti tikkonċentra l-valutazzjonijiet tal-prestazzjoni fuq il-ksib tal-valur miżjud Ewropew u l-użu effiċjenti ta' flus il-kontribwenti tal-Unjoni;

83.  Jenfasizza li l-għan tal-informazzjoni dwar il-prestazzjoni huwa li tagħti indikazzjoni dwar jekk il-politiki u l-programmi tal-Unjoni humiex qed jilħqu l-objettivi tagħhom b'mod effiċjenti u effikaċi; jissuġġerixxi li, jekk ikun jeħtieġ li jsir titjib, l-informazzjoni dwar il-prestazzjoni tintuża bħala bażi għall-proċessi ta' tfassil tal-miżuri korrettivi meħtieġa, u biex tiġi mmonitorjata kontinwament l-implimentazzjoni tagħhom; jissottolinja li l-kejl tal-prestazzjoni tal-fondi u tal-politiki tal-Unjoni huwa ferm diffiċli u jirrikjedi definizzjonijiet differenti u indikaturi mmirati għad-diversi fondi u oqsma ta' nefqa; hu tal-fehma li l-indikaturi kruċjali tal-prestazzjoni għandhom ikejlu b'mod komprensiv ir-riżultati tal-programmi bl-użu ta' metodu analitiku mingħajr ma jesprimu preferenzi f'termini ta' politiki; jaqbel ma' dak li sabet il-Qorti, skont liema hemm bżonn jitjiebu aktar l-indikaturi kumplessivi u jinstab bilanċ aħjar bejn indikaturi tal-input u tal-output u l-indikaturi tar-riżultat u tal-impatt; jitlob lill-Kummissjoni tirrazzjonalizza r-rappurtar tal-prestazzjoni billi tnaqqas in-numru tal-objettivi u tal-indikaturi f'ġabra iżgħar ta' indikaturi tar-riżultat u tal-impatt rilevanti u xierqa, li jkejlu bl-aqwa mod ir-riżultati miksuba f'termini ta' effiċjenza, ekonomija u effettività kif ukoll valur miżjud tal-Unjoni tal-infiq tal-Unjoni;

84.  Jissottolinja li l-Qorti ssib li l-Kummissjoni għandha proċeduri sodisfaċenti għall-produzzjoni tar-rapport annwali tagħha dwar il-ġestjoni u l-prestazzjoni u tal-ħarsa ġenerali lejn il-prestazzjoni tal-programmi; jaqbel mal-Qorti dwar il-fatt li l-Kummissjoni għandha tkompli tirrapporta dwar il-prestazzjoni tal-programmi wara l-perjodu tal-QFP, tal-inqas sakemm ikun qed isiru pagamenti sostanzjali relatati ma' perjodu partikolari tal-QFP;

85.  Jilqa' favorevolment il-fatt li l-Qorti osservat li l-Kummissjoni bdiet tagħmel analiżi u valutazzjonijiet tal-prestazzjoni sistemiċi, li jwasslu għal konklużjonijiet rigward il-ksib tal-objettivi tal-programmi; josserva b'sodisfazzjon li l-Qorti dan tqisu li huwa pass pożittiv sinifikanti lejn rappurtar annwali aktar ċar, trasparenti u komprensiv dwar il-prestazzjoni tal-programmi.

86.  Jinkoraġġixxi bil-qawwa lill-Kummissjoni tkompli ttejjeb l-affidabbiltà u l-aċċessibbiltà tal-informazzjoni dwar il-prestazzjoni bħala għodda vitali għall-valutazzjoni tas-suċċess tal-programmi; dan għandu jinkludi t-tixrid tat-tagħlimiet meħuda mill-Bord tal-Iskrutinju Regolatorju, speċjalment dawk li jikkonċernaw id-disinn u l-metodoloġija;

87.  Jinsab imħasseb bil-valutazzjoni tal-Qorti li tqis li d-data tal-monitoraġġ fornuti mill-Istati Membri, li fuqhom huma bbażati l-AMPR tal-Kummissjoni u d-dikjarazzjonijiet tal-programmi, mhumiex totalment affidabbli;

88.  Jappoġġja bil-qawwa r-rakkomandazzjoni li l-Kummissjoni għandha ttejjeb l-ispjegazzjonijiet li jikkonċernaw id-determinazzjoni tal-objettivi u d-data ta' appoġġ; jidhirlu li l-objettivi għandhom ikunu speċifiċi u ambizzjużi, iżda realistiċi u fl-istess ħin għandhom ikunu jistgħu jitkejlu abbażi ta' data affidabbli; jenfasizza, fl-istess ħin, li l-indikaturi tar-riżultat u tal-impatt huma aktar adatti għall-kejl tal-prestazzjoni u jippermettu valutazzjoni tal-impatt usa' meta mqabbla mal-indikaturi tal-input u tal-output;

89.  Jilqa' pożittivament il-fatt li fid-dikjarazzjonijiet tal-programmi annwali l-Kummissjoni tiddokumenta d-data dwar l-indikaturi, kif ukoll il-valuri tal-bidu, l-objettivi intermedji u l-objettivi finali tal-indikaturi stess li jkejlu l-progress tal-objettivi ġenerali u speċifiċi tal-programmi; jistieden lill-Kummissjoni tiżgura li dawn il-valuri tal-bidu, l-objettivi intermedji u l-objettivi finali tal-indikaturi li kieku ma jkunux jintlaħqu mingħajr il-finanzjamenti tal-UE u li jirrappreżentaw il-valur miżjud tal-UE, tikkonċentra fuq il-ksib ta' dan il-valur miżjud;

90.  Jistieden lill-Kummissjoni tinkludi fir-rapporti dwar il-prestazzjoni tagħha analiżi akbar tal-effettività u tal-ekonomija (kosteffettività) tal-programmi meta l-informazzjoni ssir disponibbli, analiżi aktar sistematika tal-fatturi esterni sinifikanti li jaffettwaw il-prestazzjoni tal-programmi; valutazzjonijiet ċari tal-indikaturi tal-prestazzjoni kollha rrappurtati fir-rigward ta' jekk humiex fit-triq it-tajba biex jilħqu l-objettivi finali tagħhom; valutazzjonijiet ċari u bbilanċjati tal-prestazzjoni, li jkopru l-objettivi kollha tal-programmi f'dettall xieraq; iħeġġeġ lill-Kummissjoni tieħu dawn il-miżuri għall-kwittanza 2020 li jmiss, fid-dawl tal-programmi kollha adottati fil-kuntest tal-kriżi tal-COVID-19;

91.  Jissottolinja li skont ir-Regolament Finanzjarju, ġestjoni finanzjarja tajba timplika effettività, effiċjenza u ekonomija, u li l-Kummissjoni u l-Istati Membri għandhom jiżguraw enfasi fuq it-tliet elementi kollha; josserva wkoll li l-Linji Gwida Internazzjonali fil-qasam tal-Awditjar dwar il-prestazzjoni llum jinkludu wkoll elementi bħall-ugwaljanza, l-ambjent u l-etika, u jistieden lill-Kummissjoni twessa' l-valutazzjonijiet tagħha billi tħares anki f'dawn l-oqsma;

92.  Josserva li l-Qorti vvalutat jekk il-programmi fl-oqsma ewlenin kollha tal-baġit tal-UE kinux fit-triq it-tajba biex jilħqu l-objettivi tagħhom:

93.  Kompetittività: jilqa' pożittivament il-fatt li ma hemm l-ebda indikazzjoni li l-prestazzjoni tal-programm ta' riċerka tal-UE Orizzont 2020 jinsab f'riskju, u l-fatt li hemm bosta eżempji ta' proġetti li kellhom suċċess; jilqa' favorevolment il-fatt li, skont il-Qorti, il-programm jagħti valur miżjud tal-Unjoni bis-saħħa tal-uniċità tiegħu u tan-natura pan-Ewropea tiegħu;

94.  Koeżjoni: jiddispjaċih bil-fatt li, minkejja li l-Kummissjoni u l-Istati Membri kienu diġà rrevedew l-objettivi inizjali għall-perjodu 2014-2020, ftit aktar minn terz biss tal-indikaturi relatati mal-Fond Ewropew għall-Iżvilupp Reġjonali (FEŻR) u mal-Fond ta' Koeżjoni (FK) juri progress f'waqtu; jinnota li qabel ma faqqgħet il-kriżi tal-COVID-19 il-biċċa l-kbira tal-objettivi fil-qasam tal-impjiegi u tal-edukazzjoni x'aktarx kienet se tinlaħaq sal-2020, imma l-progress fil-qasam tar-riċerka u żvilupp, il-faqar u l-inklużjoni soċjali kien skars; jiddispjaċih bil-fatt li dan il-qasam ta' politika d-data dwar il-prestazzjoni tal-Kummissjoni tindika li l-programmi mhumiex fil-livell tal-aspettattivi inizjali;

95.  Riżorsi naturali: jiddispjaċih li dgħufija importanti tikkonsisti mill-fatt li l-indikaturi tal-prestazzjoni għall-perjodu 2014-2020 mhumiex ibbażati fuq loġika ta' intervent dettaljata għall-forniment tal-appoġġ finanzjarju tal-PAK; jinnota, pereżempju, li l-pagamenti diretti lill-bdiewa naqsu l-volatilità tal-introjtu ta' dawn tal-aħħar, iżda ma jimmirawx li jgħinuhom jilqħu livell ta' għajxien ġust; jiddisjaċih bil-fatt li l-miżuri tal-PAK jirriżultaw li għandhom impatt insuffiċjenti biex jindirizzaw it-tibdil fil-klima;

96.  Sigurtà u ċittadinanza: josserva li l-informazzjoni tal-Kummissjoni ma tindikax jekk il-Fond għall-Ażil, il-Migrazzjoni u l-Integrazzjoni huwiex jipproċedi sewwa lejn l-objettiv tiegħu, iżda li l-informazzjoni disponibbli turi r-rilevanza u l-valur miżjud tal-UE ta' dan il-Fond; josserva li l-indikaturi jagħtu bixra pożittiva lir-riżultati miksuba fir-rigward tal-integrazzjoni u tal-migrazzjoni legali, anki għaliex għadha mhijiex possibbli l-valutazzjoni tal-effetti fit-tul (bħal pereżempju d-differenzi bejn il-prospettivi ta' impjieg tal-migranti u dawk taċ-ċittadini tal-Unjoni);

97.  Ewropa Globali: josserva li l-Kummissjoni ma tfornix biżżejjed informazzjoni għal valutazzjoni soda tal-prestazzjoni ta' żewġ strumenti ta' finanzjament, jiġifieri l-istrument għall-kooperazzjoni mal-pajjiżi li qed jiżviluppaw u dak għar-relazzjonijiet mal-viċinat tan-Nofsinhar u tal-Lvant tal-Unjoni; jilqa' pożittivament il-fatt li l-indikaturi madankollu juru tendenza pożittiva f'termini ta' tnaqqis tal-faqar, edukazzjoni, ugwaljanza bejn il-ġeneri u żvilupp uman, u jinsab imħasseb dwar tendenza lejn id-deterjorament f'dak li hu l-konsolidament tad-demokrazija, tal-istat tad-dritt u tal-istabbiltà politika;

Rapport annwali dwar il-ġestjoni u l-prestazzjoni

98.  Jinnota li, skont il-Kummissjoni, l-ammont totali tal-approprjazzjonijiet ta' impenn implimentati fl-2019 kien jammonta għal EUR 161 biljun: b'EUR 81 biljun allokati għall-Intestatura 1, maqsuma bejn l-Intestatura 1a "Kompetittività għat-tkabbir u l-impjiegi" (14 % tal-baġit totali) u s-Subintestatura 1b "Koeżjoni ekonomika, soċjali u territorjali" (35 % tal-baġit totali), EUR 59 biljun għall-Intestatura 2 "Tkabbir sostenibbli: riżorsi naturali" (37 % tal-baġit totali), EUR 4 biljun għall-Intestatura 3 "Sigurtà u ċittadinanza", EUR 12-il biljun għall-Intestatura 4 "Ewropa Globali" u EUR 6 biljun għan-"nefqa amministrattiva" tal-Kummissjoni fl-ambitu tal-Intestatura 5;

99.  Josserva li, fl-AMPR tagħha għall-2019, il-Kummissjoni indikat riskju fil-pagament ta' 2,1 %, perċentwal li jidħol fil-firxa tal-livell ta' żball stmat tal-Qorti; josserva li fit-tliet oqsma ta' nfiq l-aktar sinifikanti (Subintestatura 1a tal-QFP: kompetitrività; 1b: koeżjoni ekonomika, soċjali u territorjali u Intestatura 2: riżorsi naturali), l-istimi tal-livell ta' żball tal-Kummissjoni jidħlu fil-firxa indikata mill-Qorti;

100.  Jinnota li fl-2019, in-nefqa mill-baġit tal-Unjoni kienet tammonta għal EUR 147 biljun, imqassma fuq aktar minn 240 000 pagament; jirrimarka li 71 % tal-baġit ġie implimentat f'reġim ta' ġestjoni kondiviża, u l-bqija ntefaq direttament mill-Kummissjoni (22 %) jew indirettament f'kooperazzjoni ma' entitajiet fdati (7 %);

101.  Jinnota l-istima tal-Kummissjoni li, fl-2019, in-nefqa relatata mal-klima ammontat għal EUR 35 biljun, ugwali għal 21 % tal-baġit tal-Unjoni, u li b'mod kumulattiv matul il-perjodu 2014-2020 il-baġit tal-Unjoni se jkun ikkontribwixxa EUR 211-il biljun, ekwivalenti għal 19,8 % tal-infiq totali, għall-objettivi tal-klima, li huwa naqra inqas mill-objettiv inizjali ta' 20 % minħabba kontribuzzjonijiet aktar baxxi matul l-ewwel snin tal-perjodu; jitlob lill-Kummissjoni tagħmel l-almu tagħha biex tistimola n-nefqa marbuta mal-klima relatat mal-perjodu 2014-2020 billi timmira lejn objettivi ħafna aktar ambizzjużi għall-perjodu 2021-2028;

102.  Jinnota li 11 mill-50 direttur ġenerali tal-Kummissjoni ħarġu dikjarazzjoni kwalifikata fir-Rapporti Annwali tal-Attività tagħhom għall-2019, b'total ta' 18-il riżerva (meta mqabbla ma' 40 riżerva minn 20 dipartiment fl-2018); jirrimarka li għal 17-il riżerva, il-Kummissjoni applikat regola "de minimis" ġdida, u li dawn ir-riżervi ma baqgħux meqjusa sinifikattivi mill-Kummissjoni;

103.  Jinnota li, skont il-Kummissjoni, il-miżuri korrettivi kkonfermati kienu jammontaw għal EUR 1,5 biljun fl-2019 (25 % ogħla milli fl-2018); jiġbed l-attenzjoni għall-fatt li għal xi Stati Membri l-ammonti korrettivi kienu ferm aktar sostanzjali milli għal oħrajn; jitlob lill-Kummissjoni tadotta l-kampjun ta' awditjar tagħha b'mod li tinkludi aktar ta' spiss dawn il-pajjiżi fil-kontrolli regolari tagħhom;

104.  Josserva li, għall-2019, l-istima tal-Kummissjoni għar-riskju globali fil-waqt tal-għeluq kienet 0,7 % (meta mqabbla ma' 0,8 % fl-2018) tan-nefqa rilevanti; jinnota li minħabba r-riskju akbar fil-waqt tal-pagament fir-rigward tal-infiq fuq il-koeżjoni, ir-riskju globali stmat mill-Kummissjoni fil-waqt tal-pagament kien akbar milli fis-snin preċedenti, jiġifieri 2,1 % għall-2019 (meta mqabbel ma' 1,7 % fl-2018), iżda billi l-korrezzjonijiet futuri stmati kienu wkoll akbar (1,4 %, meta mqabbla ma' 0,9 % fl-2018), il-Kummissjoni waslet għal riskju stabbli fil-waqt tal-għeluq, u bi stima tar-riskju fl-għeluq ta' inqas minn 2 %, il-Kummissjoni kkunsidrat li s-sistemi ta' kontroll pluriennali tagħha żguraw protezzjoni effikaċi tal-baġit tal-Unjoni; jirrimarka, barra minn hekk, li fl-istima tal-Kummissjoni stess, in-nefqa b'riskju fil-waqt tal-pagament 'il fuq mis-soll ta' materjalità kienet għolja ħafna b'valur ta' EUR 67 biljun;

105.  Josserva li l-Kummissjoni kkunsidrat li s-sistemi ta' kontroll pluriennali tagħha żguraw protezzjoni effikaċi tal-baġit tal-Unjoni; josserva li l-Kummissjoni tissuddividi l-portafoll tagħha għall-2019 f'saffi b'riskju inferjuri u f'saffi b'riskju superjuri, bl-użu ta' kriterji rikonoxxuti anki mill-Qorti u relatati man-natura tal-finanzjament, b'mod partikolari mad-differenza bejn skemi ta' rimborż pjuttost kumplessi (nefqa b'riskju ogħla ma' riskju fil-waqt tal-pagament ogħla minn 2 %) u pagamenti inqas suġġetti għal żbalji bbażati fuq id-drittijiet (nefqa b'riskju aktar baxx ma' riskju fil-waqt tal-pagament inqas minn 2 %); jirrimarka wkoll li, skont l-istimi tal-Kummissjoni, in-nefqa b'riskju ogħla tammonta għal EUR 67 biljun (46 %) u tolqot għalhekk parti iċken tal-baġit meta mqabbla ma' dik b'riskju aktar baxx, li tammonta għal EUR 80 biljun (54 %); iħeġġeġ lill-Kummissjoni tadotta pjan ta' azzjoni ambizzjuż, b'miżuri li jippermettu li jonqsu b'mod sinifikanti dawn ir-riskji;

106.  Jitlob lill-Kummissjoni taċċerta ruħha li l-AMPR ikun totalment affidabbli u mhux ibbażat fuq projezzjonijiet;

107.  Jiddispjaċih partikolarment bil-fatt li l-Qorti kellha mill-ġdid tesprimi tħassib fir-rigward tal-affidabbiltà tal-AMPR fl-ambiti tal-koeżjoni, minħabba nuqqasijiet fix-xogħol tal-awtoritajiet tal-awditjar u tal-problemi identifikati fir-rigward tar-rati tal-iżball residwu rrappurtati fir-RAA tad-DĠ EMPL u tad-DĠ REGIO;

108.  Jafferma li ma jaqbilx mal-mod kif il-Kummissjoni tevalwa l-metodoloġija ta' kalkolu tagħha tar-rata ta' żball; josserva li, minkejja li jirrikonoxxi li r-riskji fil-waqt tal-pagament użati mill-Kummissjoni fl-AMPR huma l-eqreb mal-istima tal-livell ta' żball tal-Qorti, għandu jiġi nnutat li hemm elementi importanti li jagħtu lok għal differenzi notevoli bejn ir-rata ta' żball tal-Qorti u dik tal-Kummissjoni; itenni għaldaqstant li t-talba tiegħu lill-Kummissjoni biex tallinja malajr il-metodoloġija tagħha ma' dik użata mill-Qorti u tforni lill-awtorità ta' kontroll tal-baġit rata ta' żball waħda biss li tikkorrispondi għar-riskju fil-waqt tal-pagament (rata ta' żball fil-waqt tal-pagament); jistieden lill-Kummissjoni tiddivulga separatament stima tal-korrezzjonijiet futuri (rata tal-iżball residwu); iħeġġeġ lill-Kummissjoni tuża terminoloġija koerenti għad-direttorati ġenerali kollha meta tirrapporta dwar dawn iż-żewġ stimi;

109.  Jistieden lill-Kummissjoni tieħu l-miżuri neċessarji biex tikseb data affidabbli mill-Istati Membri fir-rigward tar-rata ta' żball fil-waqt tal-pagament; jistieden lill-Kummissjoni tagħmel aġġustamenti xierqa b'mod f'waqtu jekk jinqabdu nuqqasijiet fil-kontrolli tal-Istati Membri;

110.  Josserva bi tħassib li, f'dawk li għandu x'jaqsam mal-istima tar-riskju fil-waqt tal-pagament maħduma mill-Kummissjoni, il-Qorti enfasizzat xi problemi, ippreżentati hawn taħt, għal intestaturi speċifiċi tal-QFP u jħeġġeġ lill-Kummissjoni tirrispondi għal dawn is-sejbiet b'azzjonijiet konkreti:

111.  Jieħu nota tal-konklużjoni tal-Qorti, li tosserva li r-rappurtar dwar il-prestazzjoni min-naħa tal-Kummissjoni qiegħed isir aktar ibbilanċjat u li kemm l-AMPR kif ukoll id-dikjarazzjonijiet tal-programmi jikkomplementaw l-informazzjoni li jirrappurtaw rigward ir-riżultati miksuba mill-programmi, inkluża informazzjoni dwar l-oqsma li baqgħu lura u dwar l-isfidi persistenti għall-programmi;

112.  Jinkoraġġixxi lill-Kummissjoni u lill-Qorti jaċċeleraw il-proċedura ta' kwittanza għal N+1;

113.  Jistieden lill-Kummissjoni tkompli tippromwovi bilanċ aħjar bejn il-ġeneri u approċċ ta' bbaġitjar reattiv għal kwistjonijiet ta' ġeneru fil-fondi allokati;

Dħul

114.  Jinnota li d-dħul totali għall-2019 ammonta għal EUR 163,9 biljun;

115.  Ifakkar li l-biċċa l-kbira mid-dħul (88 %) tirriżulta mit-tliet kategoriji ta' riżorsi proprji:

116.  Jilqa' pożittivament il-fatt li x-xogħol tal-Kummissjoni fuq il-programmazzjoni finanzjarja li jmiss u fuq il-baġit tal-Unjoni, mibdi qabel l-2019 u li kompla matul is-sena, wassal għall-introduzzjoni ta' kalendarju ġuridikament vinkolanti, ta' flussi ta' dħul ġodda fil-livell tal-Unjoni, jew "riżorsi proprji" maħsuba biex iħallsu lura t-teħid ta' self komuni Ewropew; ifakkar fil-prevalenza tal-kontribuzzjonijiet tal-introjtu nazzjonali gross (ING) fil-baġit tal-Unjoni; jisħaq fuq il-fatt li r-riżorsi proprji l-ġodda jġibu magħhom tnaqqis tas-sehem tal-kontribuzzjonijiet nazzjonali bbażati fuq l-ING fil-finanzjament tal-baġit annwali tal-Unjoni u għaldaqstant ma jikkontribwux għal żieda kumplessiva tal-baġit tal-Unjoni; iħeġġeġ lill-Kummissjoni tipproponi diversifikazzjoni tas-sorsi tagħha ta' dħul biex tiżgura li l-Unjoni ssir tassew indipendenti mill-kontribuzzjonijiet tal-Istati Membri filwaqt li fl-istess ħin jiżdied b'mod sinifikanti l-baġit għall-programmi tal-Unjoni;

117.  Jinnota li d-dħul jinkludi wkoll ammonti riċevuti minn sorsi oħra (l-aktar sinifikanti huma kontribuzzjonijiet u rifużjonijiet marbuta ma' ftehimiet u programmi tal-Unjoni (8 % tad-dħul tal-Unjoni), bħal dħul relatat mal-approvazzjoni tal-FAEG u l-FAEŻR, u l-parteċipazzjoni ta' pajjiżi mhux tal-Unjoni fil-programmi ta' riċerka);

118.  Jilqa' b'sodisfazzjon id-deċiżjoni tal-Qorti biex tkun ivvalutata l-azzjoni li tieħu l-Unjoni biex jonqos in-nuqqas doganali, li jista' jaffettwa l-ammonti ta' dazji stabbiliti mill-Istati Membri, u jiġi mitigat ir-riskju ta' inkompletezza tar-RPT fl-ambitu tal-eżami tas-sistemi ta' kontroll interni;

119.  Jinsab imħasseb dwar id-dgħufijiet identifikati mill-Qorti fil-ġbir tar-RTP min-naħa tal-Istati Membri, b'mod partikolari fil-ġestjoni tad-dazji stabbiliti li għadhom ma nġabrux mill-awtoritajiet nazzjonali; jinnota li fl-Istati Membri li żaret il-Qorti hemm dewmien partikolari fin-notifika ta' djun doganali, infurzar tardiv tal-irkupru ta' dawn id-djun u dokumentazzjoni insuffiċjenti biex tiġi kkonfermata l-eżattezza tad-dazji mniżżla fil-kontijiet;

120.  Jieħu nota tan-nuqqasijiet fil-ġestjoni, min-naħa tal-Istati Membri, tad-dazji li għadhom ma nġabrux, kif irrappurtat fi 15 mis-27 rapport ta' spezzjoni ta' RTP maħruġa fl-2019 mill-Kummissjoni; hu tal-fehma li, f'10 minn fost dawn il-15-il rapport, is-sejbiet li ġew ikklassifikati bħala ta' natura sistematika għandhom jitqiegħdu għad-dispożizzjoni tal-membri tal-kumitati kompetenti tal-Parlament;

121.  Jinnota bi tħassib li l-ispezzjonijiet RPT li għamlet il-Kummissjoni u x-xogħol tal-Qorti evidenzjaw żewġ punti dgħajfa ewlenin fil-kontrolli li jagħmlu l-Istati Membri biex inaqqsu n-nuqqas doganali; jiġbed l-attenzjoni għat-telf notevoli ta' dħul fl-Unjoni u jħeġġeġ lill-Kummissjoni u lill-Kunsill jindirizzaw bl-akbar urġenza l-kwistjonijiet li ġejjin:

122.  Jinnota bi tħassib li, fl-eżami tagħha tas-sistemi ta' kontroll intern kemm fi ħdan il-Kummissjoni kif ukoll fl-Istati Membri, il-Qorti sabet nuqqasijiet fil-kategoriji individwali ta' riżorsi proprji; jinsab imħasseb dwar il-fatt li, skont il-valutazzjoni tal-Kummissjoni, 24 mit-28 Stat Membru kellhom strateġiji ta' kontroll parzjalment sodisfaċenti jew insodisfaċenti biex jegħlbu r-riskji ta' sottovalutazzjoni, fatt li wassal lill-Qorti tidentifika dgħufijiet importanti fil-kontrolli li għamlu l-Istati Membri biex inaqqsu n-nuqqas doganali;

123.  Jissottolinja bi tħassib kbir li l-azzjoni biex tidentifika u tagħżel l-importaturi bl-ogħla riskju għall-awditi ta' wara r-rilaxx hija limitata fl-Unjoni Doganali kollha, minħabba li għad ma hemmx bażi tad-data aċċessibbli fil-livell tal-Unjoni li jkun fiha l-importazzjonijiet kollha mwettqa mill-operaturi ekonomiċi;

124.  Jirrikonoxxi, madankollu, li l-Kummissjoni għamlet passi importanti biex tgħin fl-identifikazzjoni tal-operaturi ekonomiċi bl-ogħla riskju fil-livell tal-Unjoni għall-awditi ta' wara r-rilaxx, billi ssenjalat t-tranżazzjonijiet meqjusa li joħolqu riskju finanzjarju skont il-Kriterji relatati mar-Riskji Finanzjarji u aġġornat il-Gwida tal-Awditjar Doganali;

125.  Jilqa' pożittivament il-fatt li l-Kummissjoni taħdem mill-qrib mal-Istati Membri biex issib soluzzjonijiet biex jiġu identifikati l-importaturi li joperaw fi Stati Membri differenti minn dak li fih għandhom is-sede tagħhom; jitlob li tagħmel aktar progress ladarba tkun disponibbli bażi tad-data fil-livell tal-Unjoni li jkun fiha l-importazzjonijiet kollha;

126.  Jinnota li mit-total tar-riżervi tal-VAT li kienu żammew il-kalkolu tal-bażi tal-VAT miftuħ għal perjodu ta' 10 snin jew aktar u l-punti totali tar-RPT li kienu baqgħu miftuħa għal aktar minn ħames snin minn meta saret l-ispezzjoni mill-Kummissjoni, 15 % biss tar-riżervi tal-VAT u 34 % tal-punti miftuħa tar-RPT kienu ilhom pendenti;

127.  Jirrimarka li minn tmien riżervi tal-VAT li ilhom pendenti stabbiliti mill-Kummissjoni u eżaminati mill-Qorti, ħamsa minnhom kienu relatati ma' proċeduri ta' ksur kontra l-Istati Membri għal raġunijiet ta' nuqqas ta' konformità possibbli mad-Direttiva tal-VAT;

128.  Jinnota b'sodisfazzjon li l-Kummissjoni qed ittejjeb il-valutazzjoni tar-riskju tagħha għall-ippjanar tal-ispezzjonijiet u qed tkompli tistinka biex tagħlaq malajr punti miftuħa li ilhom pendenti, anki bis-saħħa tal-kooperazzjoni tal-Istati Membri;

129.  Jinnota bi tħassib li, mill-verifika tal-Qorti, mill-54 punt miftuħ tar-RPT li ilhom pendenti fost il-122, ħareġ li s-segwitu li tat il-Kummissjoni u l-għeluq ta' dawn il-punti ħadu wisq żmien, fatt li wera d-dgħufijiet fis-segwitu mogħti lin-nuqqasijiet relatati mar-RPT maqbuda fl-Istati Membri; iħeġġeġ lill-Kummissjoni tistabbilixxi sistema ta' segwitu li tagħti prijorità lill-punti miftuħa tar-RPT skont ir-rilevanza tagħhom (jew f'termini tal-impatt finanzjarju, jew tar-rilevanza sistemika fil-każ ta' nuqqasijiet mhux finanzjarji) u tirrapporta lill-awtorità ta' kwittanza;

130.  Ifakkar li fi ħdan iċ-ċiklu ta' verifikazzjoni pluriennali tal-ING, il-Kummissjoni teżamina jekk il-proċeduri li jintużaw mill-Istati Membri biex jikkompilaw il-kontijiet nazzjonali tagħhom jikkonformawx mal-ESA 2010, u jekk id-data dwar l-ING hijiex komparabbli, affidabbli u eżawrjenti; jieħu nota li l-għeluq taċ-ċiklu ta' verifikazzjoni wassal għal riżervi ġodda, aktar speċifiċi, bħal riżerva li tippermetti li d-data tal-ING tal-Istati Membri kollha tiġi riveduta biex tinkorpora stima aktar preċiża tal-assi tar-riċerka u l-iżvilupp (R&Ż) ta' kumpaniji multinazzjonali, stima li hija kkumplikata mill-globalizzazzjoni u mill-fatt li assi bħal dawn jistgħu jiġu ttrasferiti faċilment minn pajjiż għall-ieħor (il-Kummissjoni, flimkien mal-Istati Membri, se tkompli sa Settembru 2022 tivvaluta jekk l-assi tar-riċerka u l-iżvilupp tal-kumpaniji multinazzjonali humiex mogħtija valur xieraq fil-kontijiet nazzjonali tal-Istati Membri);

131.  Jinsab imħasseb ħafna dwar ir-riżerva mhux kwantifikabbli miżmuma mid-DĠ BUDG għall-2019, li tindika li l-frodi relatati mas-sottovalutazzjoni għaddiet parzjalment għal għand Stati Membri oħra, u dan jaffettwa sa ċertu punt il-ġbir tar-RPT li qegħdin jistennew kwantifikazzjoni definittiva; jinnota li l-Kummissjoni għamlet spezzjonijiet dwar is-sottovalutazzjoni fl-Istati Membri kollha u vverifikat kif huma organizzati l-Istati Membri biex jindirizzaw il-problemi ta' sottovalutazzjoni, b'mod partikolari rigward it-tessuti u ż-żraben li ġejjin miċ-Ċina; jinnota li r-responsabbiltà finanzjarja tal-Istati Membri għat-telf tar-RPT ġiet indirizzata espliċitament waqt dawn l-ispezzjonijiet u fir-rapporti korrispondenti; jinnota li l-Kummissjoni se tiżgura s-segwitu u se żżomm lill-Istati Membri finanzjarjament responsabbli mit-telf potenzjali ta' RPT imġarrab; jinsab imħasseb bil-fatt li l-kalkoli proviżorji jindikaw li t-telf ta' RPT fl-2019 kien ilaħħaq il-1 % tar-RPT tal-2019, fatt li jiġġustifika riżerva fir-RAA 2019; jitlob lill-Kummissjoni tinforma fil-pront lill-awtorità ta' kwittanza bis-sejbiet u bl-eżiti tal-ispezzjonijiet tagħha u bil-kalkoli ta' kwantifikazzjoni, ladarba finalizzati;

132.  Josserva li, għar-raba' sena konsekuttiva, id-Direttorat Ġenerali għall-Baġits (DĠ BUDG) ħareġ riżerva dwar il-valur tar-RPT miġbura mir-Renju Unit, minħabba n-nuqqas ta' dak il-pajjiż li jagħmel disponibbli għall-baġit tal-Unjoni dazji doganali evaduti fuq l-importazzjonijiet tat-tessuti u taż-żraben, filwaqt li l-portata tal-frodi relatat mas-sottovalutazzjoni kienet kibret aktar għall-Istati Membri tal-Unjoni, li jirriżulta f'aktar telf potenzjali ta' RPT;

133.  Jinnota li, skont ir-RAA 2019 tad-DĠ BUDG, ir-Renju Unit beda jimplimenta, fit-12 ta' Ottubru 2017, il-miżuri rakkomandati mill-Kummissjoni, u dan wassal għal tnaqqis sostanzjali tat-telf ta' RPT fl-2018 (rata ta' żball inqas minn 1 %);

134.  Jiddeplora l-fatt li r-Renju Unit għadu jirrifjuta li jqiegħed għad-dispożizzjoni tal-baġit tal-UE l-ammonti ta' RPT mitlufa waqt il-perjodu 2011-2017 u li jammontaw għal EUR 2,679 biljun (gross); jinnota li l-awtoritajiet tar-Renju Unit bagħtu lill-Kummissjoni risposta formali, li waslet fil-11 ta' Frar 2019; jinnota li, wara li analizzat ir-risposta tar-Renju Unit, il-Kummissjoni rrinvijat il-każ quddiem il-QĠUE fis-7 ta' Marzu 2019; jinnota li r-Renju Unit ippreżenta r-risposta tiegħu fl-24 ta' Ġunju 2019, segwita mir-replika tal-Kummissjoni fid-29 ta' Awwissu 2019 u minn kontroreplika tar-Renju Unit fl-20 ta' Diċembru 2019; jinnota, mit-tweġibiet bil-miktub tal-Kummissjoni għas-seduta ta' smigħ fil-Kumitat CONT fil-11 ta' Jannar 2021, li s-seduta ta' smigħ orali saret fit-8 ta' Diċembru 2020 u filwaqt li d-data tas-sentenza finali hija kompletament fid-diskrezzjoni tal-Qorti, il-Kummissjoni ma tistenniex deċiżjoni qabel is-sajf tal-2021; jinnota b'sodisfazzjon li l-ħruġ tar-Renju Unit mill-Unjoni ma għandu l-ebda effett negattiv fuq l-irkupru tal-ammonti ddikjarati peress li dawn huma relatati mal-importazzjonijiet qabel tmiem il-perjodu ta' tranżizzjoni;

135.  Jinnota li, skont il-Kummissjoni, fl-2019 kien hemm dħul ibbażat fuq l-Introjtu Nazzjonali Gross (ING) ta' EUR 3 biljun ogħla wara l-aġġustamenti li saru għall-ammonti tal-passat (l-aktar għall-2012-2017) peress li l-bażijiet tal-ING ġew aġġornati b'data reali;

Rakkomandazzjonijiet

136.  Jistieden lill-Kummissjoni:

Kompetittività għat-tkabbir u l-impjiegi

137.  Jinnota li l-pagamenti għas-Subintestatura 1a "Kompetittività għat-tkabbir u l-impjiegi" ammontaw għal EUR 21,7 biljun u ġew żburżati permezz tal-programmi u l-politiki li ġejjin:

138.  Jinnota li l-programmi prinċipali tal-Kummissjoni huma Orizzont 2020 (H2020) u s-Seba' Programm Kwadru għar-Riċerka u l-Iżvilupp Teknoloġiku (FP7)(79) għar-riċerka u l-innovazzjoni, Erasmus+ għall-edukazzjoni, it-taħriġ, iż-żgħażagħ u l-isport, Galileo, EGNOS, ITER u FNE bħala proġetti infrastrutturali kbar, FEIS bħala fond ta' garanzija;

139.  Iqis li l-biċċa l-kbira tal-infiq fuq dawn il-programmi jiġi ġestit b'mod dirett mill-Kummissjoni, inkluż permezz ta' Aġenziji Eżekuttivi, u jieħu l-forma ta' għotjiet lil benefiċjarji pubbliċi jew privati li jipparteċipaw fi proġetti; jinnota li, fil-każ ta' Erasmus+, in-nefqa tiġi ġestita l-aktar minn aġenziji nazzjonali f'isem il-Kummissjoni (li jammontaw għal madwar 80 % tal-għotjiet);

140.  Jirrimarka li hu diffiċli li tiġi vvalutata l-prestazzjoni tal-politika ta' riċerka u innovazzjoni, peress li jgħaddi ħafna żmien bejn il-finanzjament tal-proġetti u l-ksib ta' riżultati u impatti; jinnota, barra minn hekk, li r-rappurtar f'dan il-qasam huwa ċċentrat prinċipalment fuq l-eżiti pożittivi minflok fuq il-valutazzjoni kritika tar-riżultati u tal-impatti, u dan jaf ma jagħtix stampa realistika tal-prestazzjoni fl-intier tagħha; josserva li r-riċerka inkwantu dixxiplina tinvolvi riskji rigward ir-riżultati u li mhux dejjem huwa possibbli tiggarantixxi eżitu pożittiv;

141.  Jinsab imħasseb bil-fatt li perċentwal għoli (f'ċerti Stati Membri sa 25 %) ta' fondi tal-programmi operattivi ddestinati għall-appoġġ tal-SMEs fl-ambitu tal-imprenditorija u tal-innovazzjonijiet qiegħed jitħallas minflok minn kumpaniji kbar; jitlob lill-Kummissjoni tiżviluppa mekkaniżmi ta' kontroll aktar effikaċi rigward id-dikjarazzjonijiet ta' min japplika għall-finanzjamenti tal-UE, peress li l-istitut suprem għall-awditjar sab li, fil-perjodu 2014-2020, l-awtoritajiet rabtu esklużivament fuq l-awtodikjarazzjonjiet previsti mil-liġi fir-rigward tas-sjieda, tad-daqs u tad-dejn tal-kumpaniji;

142.  Jinnota li fl-2019 EUR 4 973 miljun f'approprjazzjonijiet ta' impenn u EUR 2 725 miljun f'approprjazzjonijiet ta' pagament kienu disponibbli għall-politiki ta' mobbiltà u trasport li minnhom EUR 4 422 miljun f'approprjazzjonijiet ta' impenn u EUR 2 058 miljun f'approprjazzjonijiet ta' pagament awtorizzati għall-Politika Ewropea tat-Trasport (06 02) u Orizzont 2020 - Riċerka u innovazzjoni relatati mat-trasport (06 03) kienu ġestiti mill-Aġenzija Eżekuttiva għall-Innovazzjoni u n-Networks (INEA);

143.  Itenni l-appoġġ tiegħu għaż-żieda ta' pilastru tal-mobbiltà militari mal-politika tat-TEN-T bl-adozzjoni tal-Pjan ta' Azzjoni f'Marzu 2018, bl-għan li jiżdiedu l-kapaċitajiet tagħna li nirreaġixxu għal sitwazzjonijiet ta' emerġenza; jiddispjaċih li l-proposta tal-Kummissjoni u tal-Parlament biex jiġi inkluż pakkett ġdid iddedikat għall-ħtiġijiet tal-mobbiltà militari ta' EUR 6,5 biljun fil-qafas tal-baġit tal-FNE għall-2021-2027 tnaqqset drastikament;

144.  Jilqa' pożittivament it-tnedija tas-sejħa għall-preżentazzjoni ta' proposti fl-ambitu tal-Programm ta' Ħidma Pluriennali tat-Trasport tal-FNE tal-2019 b'baġit ta' EUR 1,4 biljun u b'enfasi fuq it-tlestija tad-disa' kurituri tan-network ewlieni sal-2030;

145.  Jilqa' pożittivament it-tnedija fl-2019 tal-proġett "Greening the blue" li għandu l-għan li jnaqqas l-emissjonijiet u jipproduċi sistemi ta' propulsjoni aktar effiċjenti b'soluzzjoni ta' qlugħ li jintwew; jinnota li dan ġie ffinanzjat mill-Fond Ewropew għall-Affarijiet Marittimi u s-Sajd;

146.  Ifakkar li, fl-2019, il-baġit totali disponibbli f'approprjazzjonijiet ta' impenn għall-programmi u għall-azzjonijiet tal-Unjoni fl-ambitu tal-portafoll tal-politika tad-direttorat ġenerali għall-Edukazzjoni, iż-Żgħażagħ, l-Isport u l-Kultura (DĠ EAC) kien jammonta għal madwar EUR 5,66 biljun (żieda ta' 20 % meta mqabbel mal-2018) u jqis li r-riżultati tal-valutazzjoni tal-ġestjoni finanzjarja tad-DĠ EAC għall-2019 b'mod ġenerali huma sodisfaċenti; jinnota li r-riskju globali tad-DĠ EAC fil-waqt tal-pagament għall-2019 jirrappreżenta EUR 24,88 miljun minn nefqa totali ta' EUR 2 147,18 miljun;

147.  Jirrikonoxxi li l-implimentazzjoni tal-programm Erasmus+ fl-2019 fil-biċċa l-kbira rnexxiet u li l-maġġor parti tal-indikaturi tar-riżultati, bħall-għadd ta' kollokamenti ta' mobbiltà, qabżet l-objettivi rispettivi tal-Kummissjoni għal dik is-sena; jinnota li, minħabba d-dewmien fit-tnedija tagħha, livell ta' adozzjoni baxx fost l-istituzzjonijiet finanzjarji u nuqqas ta' għarfien dwarha fost l-istudenti, tranżazzjoni waħda biss ta' Faċilità ta' Garanzija ta' Self lill-Istudenti setgħet titlesta fl-2019, u jilqa' d-deċiżjoni li l-faċilità ma tiġix inkluża fil-programm Erasmus+ suċċessur għall-perjodu wara l-31 ta' Diċembru 2020; jilqa' b'sodisfazzjon iż-żieda ta' 20 % fil-mobbiltà tal-istudenti u jħeġġeġ li l-mobbiltà fiżika tibqa' l-element ewlieni tal-programm Erasmus+ minflok il-mobbiltà virtwali; jenfasizza l-importanza li jitkompla l-appoġġ għall-edukazzjoni u t-taħriġ vokazzjonali u t-tagħlim ibbażat fuq ix-xogħol bħala mezz biex tissaħħaħ l-inklużjoni soċjali;

148.  Jinsab imħasseb dwar każijiet irrappurtati ta' benefiċjarji potenzjali ta' finanzjament tal-Unjoni fl-ambitu tal-programm Erasmus+ li ġew obbligati jsegwu regoli nazzjonali li mhumiex konformi mal-prinċipji tal-Unjoni; jenfasizza li l-Kummissjoni għandha timmonitorja s-sitwazzjoni mill-qrib u tieħu azzjoni xierqa jekk ikun meħtieġ;

149.  Jirrimarka li fl-2019, għadd kbir ta' żgħażagħ ingħaqdu mal-Korp Ewropew ta' Solidarjetà u ġew mobilizzati, u dan juri l-interess kbir tagħhom li jinvolvu ruħhom f'ħidma ta' solidarjetà fl-Ewropa kollha; jinsab imħasseb dwar id-diskrepanza bejn l-għadd ta' applikazzjonijiet (191 000) u l-għadd ta' kollokamenti effettivi (34 500); jiddispjaċih li l-għadd ta' traineeships u impjiegi fl-ambitu tal-programm tal-Korp Ewropew ta' Solidarjetà kien baxx ħafna: 72 mobilizzazzjoni biss bejn l-2018 u l-2020, jiġifieri inqas minn 1 % tal-għadd totali ta' mobilizzazzjonijiet; jenfasizza l-ħtieġa li tiġi introdotta rata aktar ibbilanċjata ta' mobilizzazzjonijiet, sabiex jiġi żgurat li l-Korp Ewropew ta' Solidarjetà jkun jista' verament joffri firxa wiesgħa ta' opportunitajiet għaż-żgħażagħ;

150.  Jistieden lill-Kummissjoni u lill-Aġenzija Eżekuttiva għall-Edukazzjoni, l-Awdjoviżiv u l-Kultura biex inaqqsu l-piż burokratiku billi jissemplifikaw u jadattaw il-proċessi tal-applikazzjoni għall-pubbliku fil-mira bil-għan li jtejbu l-aċċessibbiltà tal-programmi li jiġġestixxu; jenfasizza li huma meħtieġa sinerġiji u kooperazzjoni aħjar mad-DĠ EAC biex jinkisbu proċessi ta' applikazzjoni, evalwazzjoni u ġestjoni semplifikati, li jtejbu l-kwalità u l-varjetà tal-applikazzjonijiet;

Is-sejbiet tal-Qorti

151.  Iqis li huwa inkwetanti li mill-130 tranżazzjoni eżaminata, 51 (39 %) kien fihom żbalji;

152.  Jinsab imħasseb bil-fatt li, abbażi tat-28 żball ikkwantifikat mill-Qorti, il-livell ta' żball għall-2019 huwa stmat għal 4,0 %, żieda konsiderevoli meta mqabbla mal-2018, meta l-livell ta' żball stmat kien 2 %; ifakkar li din iċ-ċifra tqarreb ir-rati li l-Qorti sabet fl-2015, fl-2016 u fl-2017;

153.  Jissottolinja li l-infiq tal-FP7 u l-H2020 jibqa' riskju ogħla u l-għajn ewlenija ta' żbalji, filwaqt li l-Qorti sabet żbalji kwantifikabbli fir-rigward tal-ispejjeż ineliġibbli f'24 mit-80 tranżazzjoni ta' riċerka u innovazzjoni fil-kampjun (3 minn 10 fl-ambitu tal-FP7 u 21 minn 70 fl-ambitu ta' H2020, li jirrappreżentaw 78 % tal-livell ta' żball stmat tal-Qorti għal din is-subintestatura fl-2019);

154.  Jirrimarka bi tħassib kbir li 60 % tal-iżbalji kienu magħmula minn "spejjeż diretti ineliġibbli tal-persunal"; jissottolinja li minkejja l-isforzi għas-semplifikazzjoni tar-regoli għad-dikjarazzjoni tal-ispejjeż għall-persunal fl-ambitu tal-H2020, il-kalkolu tagħhom jibqa' sors ewlieni ta' żball fid-dikjarazzjonijiet tal-ispejjeż; jappoġġja l-opinjoni tal-Qorti li l-metodoloġija għall-kalkolu tal-ispejjeż għall-persunal saret aktar kumplessa f'ċerti aspetti fl-ambitu ta' H2020 u dan żied ir-riskju ta' żball (mill-24 tranżazzjoni milquta minn żbalji kwantifikabbli 23 jinvolvu applikazzjoni mhux korretta tal-metodoloġija għall-kalkolu tal-ispejjeż għall-persunal);

155.  Jiddispjaċih li l-kumplessità tar-regoli għall-applikazzjonijiet u l-proċeduri twal huma ostakli importanti partikolarment għall-SMEs, għan-negozji l-ġodda (start-ups) u għall-applikanti għall-ewwel darba, li ma għandhomx riżorsi sinifikanti u esperjenza għal dan it-tip ta' proċeduri ta' applikazzjoni;

156.  Jinnota li "kriterji għall-għoti/għas-selezzjoni illegali/diskriminatorji" irrappreżentaw 16 % tal-iżbalji u li "spejjeż diretti oħra ineliġibbli (VAT, ivvjaġġar, tagħmir)" irrappreżentaw 15 % tal-iżbalji;

157.  Iqis li fil-każ ta' programmi u attivitajiet oħra l-Qorti sabet żbalji kwantifikabbli f'4 mill-50 tranżazzjoni fil-kampjun (l-iżbalji kienu jikkonċernaw proġetti fl-ambitu tal-programmi Erasmus+ u FNE);

158.  Josserva bi tħassib li l-Qorti sabet dgħufijiet fid-dokumentazzjoni tal-Kummissjoni relatata max-xogħol tal-awditjar li sar, fil-konsistenza tal-kampjunament u fir-rappurtar, kif ukoll fil-kwalità tal-proċeduri tal-awditjar f'xi wħud mill-fajls irrieżaminati; jirrimarka bi tħassib li l-qorti sabet, fost ħwejjeġ oħra, ammonti ineliġibbli li ma nqabdux mill-awdituri minħabba ttestjar insuffiċjenti fl-awditu tagħhom, prinċipalment fir-rigward ta' spejjeż għall-persunal, interpretazzjoni żbaljata tar-regola tal-limitu massimu doppju kif ukoll żbalji fil-kalkolu tal-ispejjeż għall-persunal li ma nqabdux; isostni, f'dan ir-rigward, ir-rakkomandazzjonijiet tal-Qorti biex is-sitwazzjoni titjieb;

159.  Jiġbed l-attenzjoni għall-fatt li 22 mill-proġetti ta' riċerka li l-Qorti awditjat kienu twettqu f'valuti oħra li mhumiex l-euro, filwaqt li r-rata tal-kambju applikata f'għaxra minn dawn il-proġetti ma kinitx dik stabbilita fir-regoli (l-impatt finanzjarju ta' żbalji bħal dawn mhuwiex minnu nnifsu materjali, iżda l-frekwenza tagħhom turi nuqqas ta' għarfien tar-regoli); jistieden lill-Kummissjoni tikkollabora mal-Istati Membri biex tagħti aktar attenzjoni lil din il-kwistjoni;

160.  Jisħaq li, kieku l-Kummissjoni użat b'mod adegwat l-informazzjoni kollha li kellha għad-dispożizzjoni tagħha, il-livell ta' żball stmat għal din is-subintestatura kien ikun 1,1 punt perċentwali anqas;

161.  Josserva bi tħassib li l-SMEs huma aktar suxxettibbli għall-iżbalji minn benefiċjarji oħra peress li aktar minn nofs l-iżbalji kwantifikabbli li nstabu (17 minn 28) kienu jinvolvu finanzjament għal benefiċjarji privati, għalkemm it-tranżazzjonijiet inkwistjoni kienu jammontaw biss għal 42 (32 %) mill-130 tranżazzjoni fil-kampjun (l-SMEs kienu jiffurmaw 12 % tal-kampjun iżda kienu jammontaw għal 21 % tal-iżbalji kwantifikabbli); jissottolinja li dan jirrifletti n-nuqqas ta' riżorsi min-naħa tagħhom u l-assenza ta' familjarità mar-regoli kumplessi ta' eliġibbiltà;

162.  Jinnota li r-rimborż tan-nefqa għar-riċerka tibbaża fuq id-dikjarazzjonijiet ippreżentati għall-ispejjeż inkorsi mill-benefiċjarji; jinnota li dawn id-dikjarazzjonijiet spiss ikunu suġġetti għal regoli kumplessi u jistgħu jwasslu għal żbalji kif jista' jiġi osservat fil-każijiet imsemmija mill-Qorti;

163.  Iqis, għalhekk, li t-tnaqqis tar-rata ta' żball jiddependi minn sforz kontinwu ta' semplifikazzjoni; jilqa' b'sodisfazzjon ir-rikonoxximent min-naħa tal-Qorti l-isforzi tagħha biex tissemplifika r-rekwiżiti amministrattivi u finanzjarji ta' Orizzont 2020;

164.  Jieħu nota, għal dan il-għan, li l-Kummissjoni, fl-aħħar stadji tal-implimentazzjoni minnha ta' Orizzont 2020, qed tagħmel użu aktar mifrux tal-opzjonijiet ta' spejjeż semplifikati bħalma huwa l-finanzjament b'somma f'daqqa filwaqt li ssaħħaħ il-komunikazzjoni mal-benefiċjarji u ttejjeb b'mod kostanti l-mekkaniżmi ta' kontroll tagħha; jilqa' pożittivament il-fatt li l-programm Orizzont Ewropa se jmur lil hinn billi jibni fuq l-esperjenza miksuba f'Orizzont 2020;

165.  Jieħu nota tal-introduzzjoni min-naħa tal-Kummissjoni ta' sistema soda ta' kontrolli ex ante li tinkludi listi dettaljati ta' kontroll automatizzati, gwida bil-miktub u taħriġ kontinwu, bl-iskop li jonqos il-piż amministrattiv biex il-benefiċjarji jkunu jistgħu jiddedikaw ruħhom biex jilħqu l-għanijiet tagħhom;

166.  Jiddispjaċih bin-nuqqas ta' data konkreta dwar ir-realizzazzjoni tal-proġetti li rċevew is-siġilli ta' eċċellenza fil-qafas tal-programmi tal-FEŻR; jinnota li l-Kummissjoni għandha biss data parzjali bbażata fuq ir-rappurtar volontarju min-naħa tal-awtoritajiet ta' ġestjoni u li tali proġetti jibqgħu għad-diskrezzjoni ta' kull pajjiż; jitlob lill-Kummissjoni tikkollabora mal-Istati Membri fl-ambitu tal-QFP il-ġdid, biex jitjiebu s-sistemi ta' monitoraġġ tal-programmi u biex taqbad aħjar dan it-tip ta' informazzjoni;

167.  Jieħu nota tal-valutazzjoni tal-Kummissjoni li l-Faċilità Nikkollegaw l-Ewropa (FNE) tippreżenta riskju baxx ta' żball; jitlob madankollu li l-Kummissjoni tissorvelja mill-qrib, f'kollaborazzjoni mal-Qorti u mal-OLAF, il-proġetti tat-trasport tal-Unjoni sabiex tipprevjeni l-frodi, peress li l-investimenti pubbliċi fl-infrastruttura huma partikolarment vulnerabbli f'dan ir-rigward; iqis li dan huwa essenzjali wkoll biex jiġu żgurati l-ogħla standards ta' sikurezza għall-utenti;

168.  Ifakkar li fir-Rapport Speċjali Nru 5/2017 tagħha ("Il-qgħad fost iż-żgħażagħ – il-politiki tal-UE għamlu differenza?"), il-Qorti sabet li, filwaqt li sar xi progress fl-implimentazzjoni tal-Garanzija għaż-Żgħażagħ, u filwaqt li nkisbu xi riżultati, is-sitwazzjoni ma tikkorrispondix mal-aspettattivi inizjali li tqajmu waqt it-tnedija tal-Garanzija għaż-Żgħażagħ;

169.  Ifakkar li fir-Rapport Speċjali Nru 22/2018 tagħha ("Mobbiltà taħt Erasmus+"), il-Qorti sabet li l-fergħa tal-VET fil-programm Erasmus+ tista' tittejjeb aktar peress li l-inklużjoni tal-VET tqarreb il-programm lejn tip aktar varju ta' ċittadini;

170.  Jieħu nota tar-Rapport Speċjali Nru 14/2016 ("Inizjattivi ta' politika u appoġġ finanzjarju tal-UE għall-integrazzjoni tar-Rom") skont liema sar progress sinifikanti fl-aħħar deċennju fir-rigward tal-integrazzjoni tar-Rom, madankollu, għad hemm ostakli fil-prattika; jiddispjaċih f'dan il-kuntest li l-kriterji tal-"aħjar prattiki" li jikkontribwixxu għall-inklużjoni b'suċċess tar-Rom mhux dejjem ġew applikati u l-monitoraġġ tal-prestazzjoni kien diffiċli; ifakkar li n-nuqqas ta' data robusta u komprensiva dwar ir-Rom hija problema għat-tfassil tal-politika bbażat fuq tagħrif konkret fil-livell tal-Unjoni u dak nazzjonali; jiddeplora l-fatt li din is-sitwazzjoni tista' ma tinbidilx, sakemm ma titteħidx azzjoni rapida;

Rakkomandazzjonijiet

171.  Jistieden lill-Kummissjoni:

Prestazzjoni: Orizzont 2020

172.  Jirrimarka li fil-kuntest tal-objettiv speċifiku 5 "it-tmexxija industrijali tal-Ewropa permezz tar-riċerka, l-iżvilupp teknoloġiku, id-dimostrazzjoni u l-innovazzjoni f'għadd ta' teknoloġiji abilitanti u industrijali" id-dikjarazzjoni tal-programm turi li l-programm mhuwiex fit-triq it-tajba biex jilħaq l-objettiv tiegħu fir-rigward tal-applikazzjonijiet għall-privattivi, filwaqt li d-dikjarazzjoni tal-programm tagħti wkoll informazzjoni dwar il-privattivi konċessi, li hija miżura aħjar għall-prestazzjoni, iżda ma jingħata l-ebda objettiv finali jew intermedju;

173.  Jissottolinja li fil-kuntest tal-indikatur għall-objettiv speċifiku 5 "sehem ta' kumpaniji parteċipanti li jintroduċu innovazzjonijiet ġodda għall-kumpanija jew is-suq" id-dikjarazzjoni tal-programm la ssemmi objettivi intermedji u lanqas objettivi finali għal dan l-indikatur; għalhekk, ma jistax jintuża biex jiġi vvalutat jekk il-programm huwiex fit-triq it-tajba; jistieden lill-Kummissjoni taġġorna d-dikjarazzjoni tal-programm ħalli tinkludi objettivi speċifiċi u li jistgħu jitkejlu, biex tkun tista' ssir valutazzjoni tal-effiċjenza u tal-effettività;

174.  Jirrimarka li fil-kuntest tal-objettiv speċifiku 8 "it-titjib tas-saħħa u l-benesseri tul il-ħajja ta' kulħadd", il-valur għall-objettiv jissemma fl-intestatura għas-sena 2020, iżda fil-fatt għandu jinftiehem li jinkiseb "[...] meta jitlestew l-aħħar azzjonijiet iffinanzjati fl-ambitu ta' Orizzont 2020", filwaqt li d-dikjarazzjoni tal-programm issemmi li l-"[m]iri huma għal Pilastru sħiħ tal-isfidi tas-soċjetà (Objettivi speċifiċi: 8-14) u mhux għal kull objettiv speċifiku individwali", u b'hekk it-tqabbil bejn il-valur reali u l-valur fil-mira jsir insinifikanti.

175.  Jieħu nota tal-konklużjonijiet tal-Qorti dwar il-prestazzjoni ta' Orizzont 2020, b'mod partikolari:

176.  Jiddispjaċih bid-differenza relatata mal-investimenti fir-riċerka u l-innovazzjoni bejn l-Istati Membri u bil-fatt li dan ifisser li r-riċerkaturi jibbenefikaw b'mod eteroġenju minn Orizzont 2020 fid-diversi Stati Membri; ifakkar li dan jirrifletti d-differenzi fin-nefqa nazzjonali għar-riċerka u l-iżvilupp; jinkoraġġixxi lill-Istati Membri jtejbu l-governanza tas-sistemi nazzjonali tagħhom ta' riċerka u innovazzjoni, bil-għan li jinċentivaw u jsostnu l-parteċipazzjoni fil-kollaborazzjoni internazzjonali tal-organizzazzjonijiet ta' riċerka nazzjonali; jistieden lill-Kummissjoni tikkontribwixxi għat-tixrid tal-eċċellenza billi tinkoraġġixxi l-kollaborazzjoni bejn l-organizzazzjonijiet ta' riċerka nazzjonali u l-organizzazzjonijiet ta' riċerka Ewropej l-aktar importanti, billi toffri appoġġ tekniku u toħloq programmi oħrajn intiżi li jrawmu l-eċċellenza;

177.  Jistieden lill-Kummissjoni:

Prestazzjoni: il-Fond Ewropew għall-Investimenti Strateġiċi (FEIS)

178.  Ifakkar li l-objettiv ġenerali tal-FEIS huwa "L-appoġġ għall-investimenti li jtejbu t-tkabbir f'konformità mal-prijoritajiet tal-Unjoni"; filwaqt li l-objettiv speċifiku huwa "Iż-żieda tal-volum tal-operazzjonijiet ta' finanzjament u investiment tal-Grupp tal-BEI fl-oqsma ta' prijorità";

179.  Josserva li, skont il-Qorti, il-FEIS huwa fit-triq it-tajba biex jilħaq l-objettivi tiegħu, b'mod partikolari biex jimmobilizza investiment ta' EUR 500 biljun;

180.  Jinsab imħasseb li l-informazzjoni dwar il-prestazzjoni disponibbli tipprovdi dettalji dwar l-investimenti mobilizzati ta' operazzjonijiet approvati, l-għadd ta' proġetti approvati, l-effetti multiplikaturi u l-kopertura tal-Istati Membri, iżda l-ebda wieħed mill-ħames indikaturi ma jsegwi l-livell tar-riskju jew il-penetrazzjoni tal-oqsma ewlenin deskritti fl-objettiv ġenerali;

181.  Jirrimarka li l-indikaturi ma jkejlux il-progress tal-objettiv speċifiku bħala tali, jiġifieri li jiżdiedu l-volumi tal-BEI, b'mod partikolari fir-rigward ta' operazzjonijiet aktar riskjużi;

182.  Ifakkar li l-FEIS kien effikaċi fiż-żieda tal-finanzjament biex jiġu appoġġjati investimenti addizzjonali sostanzjali iżda f'xi każijiet kien sopravvaluta l-punt sa fejn il-FEIS kien fil-fatt wassal għal investiment addizzjonali fl-ekonomija reali (l-evalwazzjoni tal-FEIS u r-Rapport Speċjali tal-Qorti(80) enfasizzaw ukoll li l-volum kollu ta' finanzjament ma jistax jiġi attribwit biss lill-FEIS);

183.  Jiddispjaċih li l-Kummissjoni ma vvalutatx adegwatament ir-riskju ta' "deadweight" tal-finanzjament fil-każijiet li fihom l-investimenti neċessarji setgħu ġew fornuti minn għejun oħra mingħajr l-involviment tal-fondi tal-FEIS;

184.  Jinnota li l-istima rrappurtata fir-rigward tal-investiment mobilizzat ma tqisx il-fatt li xi wħud mill-operazzjonijiet tal-FEIS issostitwew operazzjonijiet oħra tal-BEI u strumenti finanzjarji oħra tal-Unjoni jew il-fatt li parti mill-appoġġ tal-FEIS mar għal proġetti li setgħu ġew iffinanzjati minn għejun oħra, għalkemm fuq termini differenti;

185.  Jisħaq fuq il-fatt li skont ir-rapport tal-FEIS tal-BEI għall-2019, il-biċċa l-kbira tat-tranżazzjonijiet tal-FEIS huma hekk imsejħa "attivitajiet speċjali", li minnhom infushom iġorru riskju ogħla mill-operazzjonijiet normali tal-BEI (il-volum ta' attivitajiet ġodda bħal dawn iffirmati fl-2019 kien ta' EUR 15-il biljun, madwar 25 % tas-self totali tal-BEI dik is-sena, filwaqt li l-livell ta' qabel il-FEIS kien taħt l-10 %);

186.  Jissottolinja li l-evalwazzjoni indipendenti mwettqa mill-Kummissjoni osservat li minn meta tnieda l-FEIS ġiet introdotta firxa ta' prodotti ġodda u aktar riskjużi, pereżempju strumenti ta' ekwità u għall-kondiviżjoni tar-riskju ma' intermedjarji finanzjarji fl-ambitu tal-IIW;

187.  Josserva li l-Kummissjoni u l-BEI tilfu l-opportunità li jużaw il-fondi tal-FEIS biex jippromwovu ulterjorment tranżizzjoni mill-investimenti fi proġetti infrastrutturali fuq skala kbira lejn proġetti iżgħar, moderni u aktar sostenibbli, filwaqt li fl-istess ħin jippruvaw l-aktar jagħtu spinta ġdida lit-tkabbir ekonomiku tal-UE b'kunsiderazzjoni skarsa tal-potenzjal futur ta' dawn l-investimenti; jiġbed l-attenzjoni lejn ċerti eżempji tajbin ta' tali investimenti fi proġetti fuq skala iżgħar li l-BEI sostna barra mill-Unjoni;

188.  Jieħu nota tal-evalwazzjoni tal-Qorti skont liema l-FEIS saħħaħ xi programmi tal-Unjoni, iżda rikeb temporanjament fuq oħrajn;

189.  Jinsab imħasseb dwar id-distribuzzjoni ġeografika (fl-aħħar tal-2019, l-Unjoni-15 kienet tirrappreżenta 80 % tal-operazzjonijiet iffirmati li jaqbżu l-piż ekonomiku tagħhom fl-Unjoni kif imkejjel mill-PDG u l-formazzjoni tal-kapital fiss gross filwaqt li l-Unjoni-13 irċeviet 10 % biss, il-bqija marret għall-kategorija "l-oħra", b'mod partikolari għal proġetti li jinvolvu diversi pajjiżi);

190.  Ifakkar fil-ħtieġa li l-BEI jforni informazzjoni ċara u aċċessibbli dwar l-impatt ekonomiku, soċjali u ambjentali u l-valur miżjud miksub mill-proġetti ffinanzjati mill-FEIS; jenfasizza li l-valutazzjoni tal-addizzjonalità tal-proġetti kollha appoġġjati mill-FEIS għandha tiġi dokumentata debitament;

191.  Jistieden lill-Kummissjoni u lill-BEI:

Koeżjoni ekonomika, soċjali u territorjali

192.  Jinnota li l-pagamenti għas-Subintestatura 1b "Koeżjoni ekonomika, soċjali u territorjali" ammontaw għal EUR 53,8 biljun u ġew żburżati permezz tal-programmi u l-politiki li ġejjin:

193.  Ifakkar fir-rwol importanti tal-infiq relatata mas-Subintestatura 1b tal-QFP "Koeżjoni ekonomika, soċjali u territorjali", li jimmira li jnaqqas id-distakk bejn il-livelli ta' żvilupp tad-diversi Stati Membri u reġjuni tal-Unjoni, kif ukoll li jsaħħaħ il-kompetittività tar-reġjuni kollha;

194.  Ifakkar li, fis-Subintestatura "Koeżjoni ekonomika, soċjali u territorjali", l-Istati Membri ġeneralment jippreżentaw programmi operattivi (PO) pluriennali fil-bidu ta' kull perjodu ta' programmazzjoni għall-perjodu kollu kemm idum il-QFP; wara li l-Kummissjoni tkun tat l-approvazzjoni tagħha, ir-responsabbiltà għall-implimentazzjoni ta' PO tiġi kondiviża bejn il-Kummissjoni (id-DĠ Politika Reġjonali u Urbana (DĠ REGIO) u d-DĠ Impjiegi, Affarijiet Soċjali u Inklużjoni (DĠ EMPL)) u l-Istati Membri;

195.  Jinnota li l-miżuri preventivi li ħa d-DĠ REGIO fl-2019 wasslu għal riżultati pożittivi u li ma kinitx neċessarja s-sospensjoni tal-pagamenti tal-FEŻR u tal-FK fl-2019 peress li l-awtoritajiet tal-programmi applikaw b'mod puntwali l-pjanijiet għall-azzjonijiet ta' rimedju rikjesti, bir-rinunzja għall-interruzzjonijiet għas-16-il pagament li jammontaw għal EUR 1,1 biljun (minn 20 li jammonta taw għal EUR 1,2 biljun); jinnota wkoll li d-DĠ REGIO kien kapaċi jagħlaq 12-il ittra ta' twissija għal miżuri korrettivi minn 19 għal każijiet ta' nuqqasijiet fis-sistemi minħabba l-implimentazzjoni tal-punti ta' ħruġ neċessarji;

196.  Jilqa' favorevolment is-segwitu pożittiv li tat il-Kummissjoni biex timplimenta r-rakkomandazzjoni tal-Qorti li tinsab fir-Rapport Annwali 2018 u l-bidu tal-abbozzar tal-Linji Gwida dwar l-Għeluq, li jimmiraw li jiżguraw id-disponibbiltà ta' arranġamenti idonei ta' għeluq għall-perjodu 2014-2020, f'ħin utli u fi kwalunkwe każ sew qabel l-għeluq tal-2025;

197.  Jinnota b'sodisfazzjon li, wara l-adozzjoni tal-Istrateġija l-ġdida tal-Kummissjoni Kontra l-Frodi fid-29 ta' April 2019, id-DĠ EMPL għamel analiżi tar-riskju tal-frodi u rrieżamina u aġġorna flimkien mad-DĠ REGIO u d-DĠ MARE l-"Istrateġija Konġunta Kontra l-Frodi" kif ukoll l-istrateġija tagħha kontra l-frodi b'ġestjoni diretta; jieħu nota li d-DĠ EMPL kompla jikkontribwixxi għall-iżvilupp tal-għodda tal-punteġġ tar-riskju Arachne li tgħin lill-awtoritajiet nazzjonali, fost l-oħrajn, jidentifikaw ir-riskju ta' frodi;

198.  Jinnota li l-għadd totali ta' investigazzjonijiet tal-OLAF li għaddejjin dwar l-oqsma ta' attività tal-EMPL u l-perjodi kollha ta' programmazzjoni miġbura flimkien jammonta għal 20 każ relatati mal-FSE, każ wieħed fir-rigward tal-FEAD u 2 każijiet relatati mal-infiq dirett fi tmiem l-2019, u li l-oqsma ewlenin ta' frodi (potenzjali) f'dawn il-każijiet huma n-nuqqas ta' konformità mal-prinċipji tal-ġestjoni finanzjarja tajba, l-ipprezzar eċċessiv u n-nuqqas ta' rispett tar-regoli u l-proċeduri tal-akkwist;

199.  Jilqa' favorevolment il-fatt li fl-2019, is-segwitu mogħti lill-10 rapporti tal-OLAF tlesta u, permezz ta' diversi mezzi u forom, il-baġit tal-Unjoni ġie protett bl-irkupru ta' kważi EUR 55,3 miljun;

Sistemi ta' monitoraġġ u kontroll: ħżin u reġistrazzjoni tad-data u diġitalizzazzjoni tar-rappurtar

200.  Ifakkar fil-ftehim interistituzzjonali bejn il-Parlament Ewropew u l-Kunsill biex titjieb il-protezzjoni tal-baġit tal-Unjoni u ta' Next Generation EU mill-irregolaritajiet, inklużi l-frodi; jitlob l-introduzzjoni ta' miżuri standardizzati biex jinġabru, jitqabblu u jiġu aggregati l-informazzjoni u d-data dwar il-benefiċjarji finali tal-finanzjamenti tal-Unjoni għall-finijiet ta' kontroll u awditjar;

201.  Jinnota li l-ġbir tad-data dwar dawk li fl-aħħar mill-aħħar jibbenefikaw, direttament jew indirettament, minn finanzjamenti tal-Unjoni f'reġim ta' ġestjoni kondiviża u għall-proġetti u għar-riformi sostnuti mill-Faċilità għall-Irkupru u r-Reżiljenza, inkluża d-data relatata mas-sidien benefiċarji tad-destinatarji tal-finanzjamenti, hija neċessarja biex jiġu żgurati kontrolli u awditjar effikaċi; Ir-regoli relatati mal-ġbir u mal-ipproċessar ta' tali data għandhom jikkonformaw mar-regoli applikabbli dwar il-protezzjoni tad-data;

202.  Jieħu nota li l-Qorti tinsab fil-proċess li tanalizza f'awditu li jkun għaddej, ir-rilevanza, l-affidabbiltà u l-konsistenza tal-livell annwali tal-infiq fl-ambitu ta' "Koeżjoni ekonomika, soċjali u territorjali" li l-Kummissjoni tikkalkula bħala riżultat tal-awditi tagħha, u jistenna l-konklużjonijiet ta' dak l-awditu;

Is-sejbiet tal-Qorti

203.  Iqis li huwa ferm inkwetanti li abbażi tal-236 tranżazzjoni eżaminata, 29 żball ma kinux inqabdu mill-awtoritajiet tal-awditjar u 64 żball kienu nstabu preċedentement mill-awtoritajiet tal-awditjar u l-korrezzjonijiet applikati mill-awtoritajiet tal-programm (li jammontaw għal total ta' EUR 334 miljun għaż-żewġ perjodi ta' programmazzjoni meħuda flimkien), il-Qorti tistma l-livell ta' żball f'4,4 %;

204.  Huwa diżappuntat li ma kienx possibbli li r-rata ta' żball titnaqqas għal-livell ta' 3 % rreġistrat fl-2017, minkejja l-miżuri ta' semplifikazzjoni previsti fir-Regolament Omnibus; huwa konvint li għandhom isiru sforzi f'dan ir-rigward matul il-perjodu ta' programmazzjoni li jmiss;

205.  Josserva li r-riskju fil-waqt tal-għeluq ġie stmat għal 1,1 % (1,3 % fl-2018) u li r-riskju fil-waqt tal-pagament żdied minn 1,7 % fl-2018 għal firxa bejn 2,2 % u 3,1 % fl-2019 għal dan il-qasam ta' nefqa skont ir-Rapport annwali dwar il-ġestjoni u l-prestazzjoni tal-Kummissjoni u r-rapporti annwali tal-attività tad-Direttorat Ġenerali kkonċernat, u dan jidħol fi ħdan il-firxa ta' żball ikkalkolat mill-Qorti;

206.  Jinnota li għall-FEŻR ir-riskju fil-waqt tal-pagament żdied minn 2 % fl-2018 għal firxa bejn 2,7 % u 3,8% fl-2019, u li għall-FSE r-riskju fil-waqt tal-pagament ġie stmat li jinsab f'firxa bejn 1,7 % u 2,4 %; jirrimarka li l-Kummissjoni sabet li n-nefqa ineliġibbli, l-irregolaritajiet fl-akkwist pubbliku u l-problemi marbuta mat-rekord tal-awditjar huma s-sorsi ewlenin ta' sejbiet u irregolaritajiet ta' awditjar identifikati f'dan il-qasam ta' politika;

207.  Jieħu nota li fir-Rapport Annwali tal-Attività tiegħu għall-2019, id-DĠ EMPL irrapporta KPI (rata ta' żball residwu totali ta' 1,7 %) taħt is-soll ta' materjalità ta' 2 % u li huwa rrapporta wkoll "rata massima" (sa 2,4 %) li tippermetti li jitqiesu żbalji ulterjuri possibbli fl-infiq fuq operazzjonijiet li ma kinux inklużi fl-awditi tal-Kummissjoni; jieħu nota, barra minn hekk, li l-Qorti tqis ir-"rata massima" bħala aktar adatta, minħabba li tikkunsidra l-impatt potenzjali tax-xogħol tal-awditjar li għadu għaddej;

208.  Jinnota li l-awtoritajiet tal-awditjar kienu rrappurtaw 64 żball kwantifikabbli fil-pakketti ta' aċċertament/għeluq għall-236 tranżazzjoni li l-Qorti kkampjunat, dawn l-iżbalji kienu jikkonċernaw spejjeż ineliġibbli (39), akkwist pubbliku (24) u dokumenti ġustifikattivi nieqsa (żball wieħed);

209.  Jinnota bi tħassib li l-maġġor parti tal-iżbalji hija relatata ma' tliet kategoriji prinċipali:

210.  Jinnota li l-Qorti kompliet issib għadd għoli ta' żbalji fir-rigward tal-akkwist pubbliku, ir-regoli dwar l-għajnuna mill-Istat u l-proċeduri għall-għoti ta' għotjiet, prinċipalment f'"Koeżjoni" u f'"Riżorsi naturali"; jinnota li dawn l-iżbalji kkontribwew b'20 % għal-livell ta' żball stmat mill-Qorti għal infiq b'riskju għoli (2018: 16 %), u għal din ir-raġuni, il-Kummissjoni għandha tidentifika modi kif tnaqqas l-iżbalji;

211.  Jisħaq fuq il-fatt li r-regoli kumplessi jikkontribwixxu għal riskju ogħla ta' żball; jieħu nota tal-isforzi tal-Kummissjoni biex tkompli tissemplifika r-regoli u żżid l-użu ta' mekkaniżmi ta' attwazzjoni aktar sempliċi, għall-opzjonijiet semplifikati fil-qasam tal-kostijiet;

212.  huwa tal-opinjoni li l-livell ta' żball stmat mill-Qorti għan-nefqa tal-2019 f'dan il-qasam għandu jiġi vvalutat fil-kuntest tan-natura pluriennali tal-programmi, f'liema każ għandhom jiġu eżerċitati aktar korrezzjonijiet fi stadju aktar tard li jistgħu jwasslu għal tnaqqis sinifikanti tar-riskju fil-waqt tal-għeluq tal-programm; jistieden lill-Qorti tfassal rapport b'rata ta' żball stmata wara l-għeluq tal-programmi tal-Politika ta' Koeżjoni 2007-2013;

213.  Jilqa' pożittivament il-fatt li l-Kummissjoni elaborat Pjan ta' Azzjoni dwar l-Akkwist Pubbliku, aġġornat diversi drabi mill-2014;

214.  Jinnota bi tħassib li l-aktar żball komuni li jolqot l-infiq fl-ambitu tal-FSE huwa n-nuqqas ta' dokumenti ġustifikattivi essenzjali; jinnota, barra minn hekk, li fl-2019 il-Qorti identifikat proġett tal-FSE wieħed li kiser ir-regoli tal-Unjoni dwar l-għajnuna mill-Istat;

215.  Jinnota bi tħassib ir-rapport annwali tal-Qorti għas-sena finanzjarja 2019, peress li jissottolinja li l-maġġoranza tal-iżbalji fl-ispejjeż tal-programmi taħt ġestjoni kondiviża jirriżultaw minn żbalji f'awditi mwettqa mill-awtoritajiet nazzjonali tal-awditjar; jilqa' għalhekk il-ħolqien ta' programmi ta' assistenza teknika mill-Kummissjoni Ewropea biex ikun hemm kollaborazzjoni mal-korpi maniġerjali, il-programmi ta' taħriġ u ż-żieda taċ-ċifri tal-programmi tal-Esperti Nazzjonali bħala għodda biex jiżdied l-għarfien tal-istrumenti u jiġu evitati l-iżbalji msemmija qabel; jinnota f'dan il-kuntest il-monitoraġġ meħtieġ tal-Istrateġija kontra l-Frodi tal-Kummissjoni Ewropea kif ukoll l-għoti ta' appoġġ u assistenza lill-Istati Membri fl-implimentazzjoni ta' miżuri kontra l-frodi, inkluża l-analiżi tal-irregolaritajiet irrappurtati mill-Istati Membri fil-Fondi SIE, peress li kwalunkwe tip ta' frodi b'rabta mal-fondi tal-UE għandha tiġi eliminata biex il-fiduċja taċ-ċittadini fl-infiq tal-UE u fl-istituzzjonijiet tal-UE tiġi kkonsolidata;

216.  Jinnota bi tħassib li minkejja l-ħafna irregolaritajiet li l-awtoritajiet nazzjonali tal-awditjar diġà rrappurtaw għall-proġetti li l-Qorti teżamina, ħafna żbalji xorta jibqgħu ma jinqabdux jew ma jiġu kkoreġuti minn ebda kontroll intern fi stadju aktar bikri; jirrakkomanda, abbażi tas-sejbiet u l-konklużjonijiet tal-Qorti għall-2019, li l-Kummissjoni tanalizza s-sorsi ewlenin ta' żbalji mhux maqbuda u tiżviluppa l-miżuri meħtieġa flimkien mal-awtoritajiet tal-awditjar biex ittejjeb l-affidabbiltà tar-rati ta' żball residwi rrappurtati;

217.  Jinsab imħasseb dwar id-dgħufijiet li nstabu waqt il-valutazzjoni tal-ħidma ta' 18 minn 116-il awtorità tal-awditjar fl-Istati Membri, koperti mill-kampjun tal-Qorti, li bħalissa jillimitaw l-affidabbiltà ta' dik il-ħidma (ir-rata kkalkulata mill-ġdid kienet ogħla mis-soll ta' materjalità ta' 2 % f'disgħa minn 20 pakkett ta' aċċertament għall-perjodu 2014-2020; jinnota l-osservazzjoni tal-Qorti li l-Kummissjoni waslet għal riżultati simili għal tmienja minn dawn il-pakketti u aġġustat ir-rati tal-iżball residwu għal ċifra ta' 'l fuq minn 2 %); jiddispjaċih li l-Qorti ma tistax tinkludi analiżi għar-raġunijiet għal dawn id-dgħufijiet persistenti fil-ħidma tagħha; jiddispjaċih li l-Kummissjoni ma setgħetx tikkontribwixxi b' ideat sinifikanti dwar ir-raġunijiet u dwar ebda differenza speċifika għall-pajjiżi bejn l-awtoritajiet tal-Istati Membri; jiddispjaċih li dan in-nuqqas ta' informazzjoni dwar ir-raġunijiet li huma l-bażi ta' dawn id-dgħufijiet sistemiċi u persistenti f'ċerti awtoritajiet nazzjonali tal-awditjar jimpedixxi l-indirizzar u r-riżoluzzjoni ta' dawn il-problemi b'mod effiċjenti u effettiv;

218.  Jinnota li għal 120 tranżazzjoni mill-kampjuni tat-tranżazzjonijiet (55 %), il-Qorti setgħet tiġbed konklużjonijiet abbażi tar-rieżami tagħha tal-ħidma tal-awtoritajiet tal-awditjar; jinsab imħasseb serjament li l-Qorti identifikat nuqqasijiet fl-ambitu, fil-kwalità u/jew fid-dokumentazzjoni ta' dik il-ħidma f'100 tranżazzjoni (45 %), li kienu jeħtieġu li l-Qorti twettaq mill-ġdid il-proċeduri korrispondenti ta' awditjar;

219.  Jisħaq li fl-2019, il-Kummissjoni wettqet 26 awditu ta' konformità (14 mid-DĠ REGIO u 12 mid-DĠ EMPL) fi 11-il Stat Membru u fl-abbozzi tar-rapporti tagħha dwar dawn l-awditi kollha ta' konformità kkonkludiet li r-rati tal-iżball reżidwu rrappurtati fir-rapporti annwali ta' kontroll tal-awtoritajiet tal-awditjar għas-sena kontabilistika 2017/2018 kienu sottovalutati (il-Kummissjoni għalhekk żiedet dawk ir-rati);

220.  Jinnota li 13 mill-awditi ta' konformità (5 mid-DĠ REGIO u 8 mid-DĠ EMPL) kienu finali sa Mejju 2020, iżda għal nofs dawn l-awditi, għalhekk, ir-rati residwi kienu għadhom mhumiex finali;

221.  Jilqa' l-fatt li mill-2020, il-Kummissjoni biħsiebha tinkludi, fid-diskussjoni strutturata mal-awtoritajiet tal-awditjar ikkonċernati, analiżi dettaljata tal-iżbalji addizzjonali misjuba mill-awditi tal-Unjoni, b'azzjonijiet irreġistrati mill-awtoritajiet tal-awditjar biex jindirizzaw in-nuqqas ta' qbid ta' dawn l-iżbalji;

222.  Jikkondividi l-fatt li l-Qorti laqgħet l-inizjattiva konġunta tal-Kummissjoni u tal-awtoritajiet tal-awditjar u l-isforzi kkoordinati biex titjieb id-dokumentazzjoni tal-ħidma tal-awtoritajiet tal-awditjar u l-elaborazzjoni ta' "Dokument ta' riflessjoni dwar id-dokumentazzjoni tal-awditjar" f'Diċembru 2019, li, għalkemm mhux obbligatorju, jirrappreżenta l-ewwel pass fit-titjib tal-mod kif l-awtoritajiet tal-awditjar iwettqu u jiddokumentaw il-ħidma tagħhom;

223.  Jilqa' l-isforzi biex jiġu ssemplifikati r-rekwiżiti għall-maniġers tal-proġetti u l-awtoritajiet maniġerjali fl-Istati Membri taħt il-perjodu ta' programmazzjoni 2021-2027 tar-Regolament dwar Dispożizzjonijiet Komuni u l-fondi relatati mal-QFP; jissottolinja li biex din il-kwistjoni tiġi solvuta huma fundamentali regoli nazzjonali aktar sempliċi dwar l-eliġibbiltà li jistgħu jgħinu biex jitnaqqsu l-piż amministrattiv u l-probabbiltà ta' żball, u b'hekk jiġi żgurat livell għoli ta' trasparenza; iħeġġeġ l-użu usa' tal-għażliet ta' kostijiet issemplifikati li l-Qorti tqis ukoll bħala għajnuna kbira għall-applikanti u jiffaċilitaw il-kontroll; jikkondividi l-konklużjonijiet tal-Qorti li jiddikjaraw li l-bidla fir-regoli għall-implimentazzjoni tal-Fondi Strutturali u ta' Investiment Ewropej (SIE) għandhom jaċċeleraw aktar il-proċess ta' implimentazzjoni; jirrimarka li hemm bżonn li jittejbu l-metodi tal-ħidma tal-awditjar fil-livell nazzjonali; jistieden lill-Kummissjoni biex, fi djalogu strutturat mal-Istati Membri, tanalizza l-prattiki u l-proċeduri amministrattivi biex jiġu eliminati l-ineffiċjenzi u jiġu disseminati eżempji ta' prattiki u proċeduri amministrattivi effettivi lill-awtoritajiet kompetenti kollha;

224.  Jinnota mir-rapport annwali tal-attività tad-DĠ EMPL għall-2019 li d-DĠ EMPL kellu aċċertament raġonevoli u kkonkluda li s-sistemi ta' ġestjoni u kontroll tal-programmi operazzjonali ħadmu kif maħsub fl-2019 bl-eċċezzjoni ta' 29 programm tal-FSE / YEI u programm FEAD wieħed li ppreżentaw defiċjenzi materjali ta' wħud mill-elementi ewlenin tas-sistemi;

225.  Jinnota b'sodisfazzjon, mir-rapport annwali tal-attività 2019 tad-DĠ EMPL, li d-DĠ EMPL wettaq l-azzjonijiet ta' segwitu meħtieġa fir-rigward tar-rakkomandazzjonijiet kollha tad-Dikjarazzjoni ta' Assigurazzjoni 2015-2018 irrappurtati mill-Qorti, u li sal-aħħar ta' Marzu 2020, ma kienx hemm rakkomandazzjonijiet miftuħa tal-Qorti;

226.  Jirrimarka li fil-prattika, il-biċċa l-kbira tar-riżervi ddikjarati fir-RAA tal-2019 kienu bbażati l-aktar fuq ir-rati ta' żbalji għall-kontijiet tal-2018/2019, li kienu għadhom ma ġewx aċċettati; għalhekk iż-żewġ Direttorati Ġenerali rrappurtaw li r-rati ta' żball tal-2018/2019 ma kinux se jiġu kkonfermati qabel tal-inqas ir-rapporti annwali tal-attività tal-2020;

227.  Jemmen li l-interessi finanzjarji u l-flus tal-UE mill-kontribwenti kollha tagħha qed ikunu fil-mira tal-kriminalità organizzata u jistieden lill-Kummissjoni tieħu l-miżuri meħtieġa kontra n-networks kriminali li qed jattakkaw il-finanzjament tal-Unjoni;

228.  Itenni n-nuqqas ta' sodisfazzjon tiegħu dwar l-użu differenti ta' metodoloġiji mill-Qorti u mill-Kummissjoni meta jistabbilixxu l-opinjoni rispettiva tagħhom dwar il-legalità u r-regolarità tat-tranżazzjonijiet finanzjarji

229.  Jiddispjaċih li l-Kummissjoni mhijiex tirrispetta l-iskadenzi stabbiliti fir-Regolament rilevanti(81) f'dak li għandu x'jaqsam mal-pubblikazzjoni tar-rapport annwali dwar "Strumenti finanzjarji taħt il-Fondi SIE"; itenni t-talba tal-Parlament li jippubblika r-rapport sa Ottubru sabiex jinkludi s-sejbiet tiegħu fil-proċedura ta' kwittanza; jistenna li l-Kummissjoni twieġeb b'mod pożittiv għal din it-talba speċifika sabiex tiżdied it-trasparenza;

Rapport Analitiku 04/2020 tal-QEA – Azzjoni tal-UE biex tiġi indirizzata l-problema tal-iskart tal-plastik

230.  Jinnota li għalkemm mhux rapport tal-awditjar, dan ir-rapport analitiku eżamina l-approċċ tal-Unjoni għall-kwistjoni tal-iskart tal-plastik ibbażat fuq l-art kif stabbilit fl-Istrateġija dwar il-Plastik tal-2018;

231.  Jinsab imħasseb dwar l-osservazzjonijiet tal-Qorti li l-qafas legali tal-Unjoni biex tiġi indirizzata l-kriminalità marbuta mal-iskart huwa kkaratterizzat minn nuqqasijiet li jikkonsistu f'nuqqas ta' data dwar siti kkontaminati kif ukoll dwar sanzjonijiet u rati ta' prosekuzzjoni, diffikultajiet fid-determinazzjoni ta' liema mġiba tikkostitwixxi reat ambjentali minħabba inċertezzi legali bħad-definizzjoni ta' skart fil-konfront tat-tmiem tal-istadju tal-iskart, nuqqas ta' atti legali tal-Unjoni li jindirizzaw l-involviment dejjem jikber ta' gruppi kriminali organizzati fil-kriminalità ambjentali, li mbagħad hija assoċjata ma' reati oħra bħall-ħasil tal-flus, in-nuqqas ta' regoli armonizzati tal-Unjoni dwar it-taħlita ta' sanzjonijiet (amministrattivi/kriminali/ċivili), nuqqas ta' forzi tal-pulizija speċjalizzati, uffiċċji tal-prosekuturi u mħallfin biex jindirizzaw il-kriminalità ambjentali;

232.  Jinnota li r-riċiklaġġ kimiku jista' jinkludi ħafna teknoloġiji differenti, li għadhom mhumiex għażla ta' trattament tal-iskart teknoloġikament jew ekonomikament fattibbli filwaqt li r-rimi fil-landfills huwa mistenni li jitnaqqas b'mod drammatiku; huwa tal-fehma li l-kapaċitajiet ta' riċiklaġġ jeħtieġ li jiżdiedu b'mod drastiku biex titjieb il-fattibbiltà teknoloġika u ekonomika tar-riċiklaġġ; jinsab konvint li ż-żieda fil-kapaċità tar-rimi legali tal-iskart tal-plastik għall-produtturi tal-imballaġġ tal-plastik biex jissodisfaw l-obbligu tagħhom fl-ambitu tal-iskemi EPR se jkollha impatt pożittiv fuq il-problema tat-traffikar illegali tal-iskart u reati oħra relatati mal-iskart;

233.  Jilqa' r-riżorsa proprja bbażata fuq l-iskart mill-imballaġġ tal-plastik mhux riċiklat bħala strument tajjeb biex l-Istati Membri jiġu inċentivati jtejbu r-riċiklaġġ; jenfasizza f'dan ir-rigward il-ħtieġa ta' rappurtar xieraq;

Irregolaritajiet serji u użu ħażin ta' fondi fl-Istati Membri

234.  Jiddispjaċih li l-korrelazzjoni bejn l-ispiża tal-FEG għal kull ħaddiem assistit u r-rata ta' riintegrazzjoni hija dgħajfa ħafna jew ineżistenti. Pereżempju, fi Spanja l-ispiża/ħaddiem hija ta' EUR 2 422,74 u r-rata ta' riintegrazzjoni hija ta' 48 %, filwaqt li fil-Finlandja l-ispiża hija ta' 2 289,81 kull persuna u r-rata ta' riintegrazzjoni hija ta' 83 %. Ir-rati ta' integrazzjoni u l-ispejjeż ivarjaw ħafna skont l-Istati Membri; madankollu, huwa impossibbli li wieħed jikkonkludi li l-ammonti ogħla minfuqa per capita jissarrfu f'rati ogħla ta' riintegrazzjoni. Jitlob lill-Kummissjoni tanalizza bir-reqqa u tindirizza din id-diskrepanza;

235.  Iqis li l-garanzija għaż-Żgħażagħ tal-UE ma tilħaqx l-aspettattivi; jistieden lill-Kummissjoni tiżgura li l-programmi mfassla biex jgħinu liż-żgħażagħ ma joħolqux aspettattivi li ma jistgħux jintlaħqu; jinsisti li l-Kummissjoni għandha tiġġestixxi l-aspettattivi billi tistabbilixxi għanijiet u miri realistiċi u li jistgħu jintlaħqu;

236.  Jinnota li fl-2019, id-DĠ EMPL ħareġ 16-il ittra ta' twissija, li fihom ġew identifikati nuqqasijiet sinifikanti fis-sistema ta' ġestjoni u kontroll. Ittieħdu 12-il deċiżjoni biex jiġu interrotti l-iskadenzi tal-pagamenti (4 għall-Italja, 3 għall-Ungerija, 2 għar-Renju Unit u Franza u 1 għal Spanja) u ttieħdet deċiżjoni waħda biex jiġu sospiżi l-pagamenti (RU-Skozja);

237.  Jinnota li nħarġu riżervi sinifikanti għall-Italja (15-il riżerva, li jammontaw għal EUR 50,26 miljun) u Franza (9 riżervi, li jammontaw għal EUR 47,95 miljun). Fil-każ tal-Italja dan kien prinċipalment minħabba nuqqas sistemiku fl-akkwisti pubbliċi li rriżulta mit-traspożizzjoni żbaljata tad-direttiva dwar l-akkwist pubbliku mil-leġiżlazzjoni nazzjonali, filwaqt li fi Franza l-korpi ta' kontroll reġjonali ma kellhomx biżżejjed żmien biex jiffinalizzaw l-awditi tagħhom tal-operazzjonijiet sal-iskadenza fil-każ ta' 5 programmi;

238.  Jinnota li l-ammont totali ta' korrezzjonijiet finanzjarji mwettqa għas-sena kontabilistika 2018-2019 mill-Istati Membri kien ta' EUR 3,41 biljun, li minnhom 912-il miljun waqgħu fuq l-Ungerija, 578 miljun fuq Spanja, 368 miljun fuq is-Slovakkja u 236 miljun fuq il-Polonja. Fir-rigward tal-korrezzjonijiet finanzjarji rrappurtati b'mod kumulattiv mill-bidu tal-perjodu 2014-2020 mill-Istati Membri, l-ammont totali kien ta' 6,10 biljuni, li minnhom 2,15 biljuni waqgħu fuq l-Ungerija, 668 miljun fuq Spanja, 647 miljun fuq il-Polonja u 459 miljun fuq is-Slovakkja;

239.  Jinnota bi tħassib li d-direttorat ġenerali għall-Politika Reġjonali u Urbana (DĠ REGIO), fir-Rapport Annwali tal-Attività tiegħu tal-2019, kellu joħroġ żewġ riżervi dwar 67 programm tal-FEŻR/FK fil-perjodu ta' programmazzjoni 2014-2020, u 9 tal-FEŻR/FK u programm wieħed tal-IPA-CBC fil-perjodu ta' programmazzjoni 2007-2013; jirrimarka li nuqqasijiet serji fis-sistemi ta' ġestjoni u kontroll wasslu għal riskju ta' nefqa stmata għal aktar minn 10 % għall-Qafas Pluriennali 2014-2020; jilqa' l-fatt li r-regolament Finanzjarju aġġornat kompla jiċċara l-kunċett ta' kunflitt ta' interess taħt ġestjoni kondiviża;

240.  Jinsab imħasseb li d-direttorat ġenerali tal-Impjiegi (DĠ EMPL), fir-Rapport Annwali tal-Attività tiegħu għall-2019, kellu joħroġ riżerva dwar l-FSE/Inizjattiva favur l-Impjieg taż-Żgħażagħ (YEI) u l-Fond għal Għajnuna Ewropea għall-Persuni l-Aktar fil-Bżonn (FEAD) (30 programm f'FSE/YEI u FEAD) għall-perjodu 2014-2020; jinnota li, peress li ż-żewġ Direttorati Ġenerali ddikjaraw fir-Rapporti Annwali tal-Attività tagħhom li ma saret l-ebda riżerva fejn ir-rata tal-iżball residwu kkonfermata għas-sena kontabilistika preċedenti kienet 'il fuq minn 2 % minħabba li fil-futur se jiġu applikati korrezzjonijiet finanzjarji addizzjonali, ir-riżervi tal-Kummissjoni huma bbażati l-aktar fuq rati proviżorji u mhux neċessarjament ikopru r-riskji materjali kollha;

241.  Jinsab partikolarment imħasseb dwar rapporti li l-Kummissjoni ffinalizzat proċedura ta' awditjar li kkonfermat ksur serju tal-leġiżlazzjoni dwar il-kunflitt ta' interess fir-Repubblika Ċeka;

242.  Jinnota bi tħassib rapporti li r-rapport tal-awditjar tad-DĠ REGIO identifika tliet għotjiet taħt il-FEŻR li kisru l-liġi Ċeka u r-regolament dwar id-dispożizzjonijiet komuni tal-UE għall-FEŻR; jinsab imħasseb li ġie identifikat kunflitt ta' interess fil-ġestjoni tal-iżborż tal-Fondi Strutturali Ewropej;

243.  Jistenna li l-Kummissjoni tinforma lill-Parlament u lill-Kumitat għall-Kontroll tal-Baġit dwar ir-rispons tal-Gvern Ċek għar-rakkomandazzjonijiet inklużi fir-rapport; jinsab ixxukkjat bil-fatt li aktar minn sentejn wara l-bidu tal-awditi tal-Kummissjoni, is-sitwazzjoni dwar l-allegat kunflitt ta' interess tal-Prim Ministru Ċek Andrej Babiš għadha mhix solvuta; iħeġġeġ lill-Kummissjoni ssaħħaħ l-isforzi tagħha biex issolvi l-proċedura b'mod komprensiv u rapidu, tippubblika r-rapport tal-awditjar malajr kemm jista' jkun, tirrapporta lura lill-Parlament dwar il-konklużjonijiet tagħha u fejn meħtieġ tissospendi u/jew tirkupra finanzjament użat ħażin; ifakkar fir-riżoluzzjoni tal-Parlament dwar il-kunflitt ta' interess tal-Prim Ministru Ċek tad-19 ta' Ġunju 2020, li tiddikjara li jekk il-kunflitt ta' interess tas-Sur Babiš jiġi kkonfermat, dan għandu jiġi solvut jew inkella għandu jirriżenja mid-dmir pubbliku(82);

Rakkomandazzjonijiet

244.  Jistieden lill-Kummissjoni:

245.  Jitlob lill-Kummissjoni, b'mod aktar ġenerali, timplimenta mill-aktar fis ir-rakkomandazzjonijiet pendenti kollha tal-Qorti, tipprovdi rapporti ta' implimentazzjoni speċifiċi u, fuq perspettiva aktar fit-tul, tqis ir-rakkomandazzjonijiet tal-Qorti meta timplimenta azzjonijiet fl-ambitu tal-FSE+ il-ġdid mill-2021.

246.  Huwa sorpriż li ma kien hemm l-ebda bidu ta' proċeduri biex jitnaqqsu l-allokazzjonijiet tal-programmi permezz ta' korrezzjonijiet netti fl-2019, kif irrappurtat fir-RAA 2019 tad-DĠ REGIO; jistieden lill-Kummissjoni timponi b'mod sistematiku korrezzjonijiet finanzjarji netti meta jiġu ssodisfati l-kundizzjonijiet stabbiliti bl-Artikolu 145(7) tar-Regolament dwar Dispożizzjonijiet Komuni;

247.  Jistieden lill-Kummissjoni tkompli tipprovdi gwida u appoġġ, kif ukoll tidentifika u tikkondividi l-aħjar prattika mal-Istati Membri;

Prestazzjoni: il-Fond Ewropew għall-Iżvilupp Reġjonali (FEŻR) u l-Fond ta' Koeżjoni (FK)

248.  Ifakkar li l-FEŻR u l-FK jappoġġjaw il-politika ta' koeżjoni ekonomika, soċjali u territorjali tal-UE (il-politika ta' koeżjoni tal-UE), li għandha l-għan li ssaħħaħ il-koeżjoni ekonomika u soċjali fi ħdan l-UE billi tnaqqas il-lakuni fil-livell ta' żvilupp bejn reġjuni differenti.

249.  Ifakkar li l-FEŻR ikopri l-Istati Membri kollha u jiffoka fuq bosta oqsma prijoritarji ewlenin, bħall-innovazzjoni u r-riċerka, l-appoġġ għall-intrapriżi żgħar u medji (SMEs), u l-ekonomija b'livell baxx ta' emissjonijiet ta' karbonju; jinnota li fl-2019 il-Kummissjoni allokat EUR 31,1 biljun mill-baġit tal-FEŻR; ifakkar li l-FK jipprovdi appoġġ lill-Istati Membri b'introjtu nazzjonali gross (ING) għal kull abitant taħt id-90 % tal-medja tal-Unjoni; il-fond jiffinanzja prinċipalment proġetti relatati man-network trans-Ewropej tat-trasport u l-ambjent; l-allokazzjoni baġitarja tiegħu għall-2019 kienet ta' EUR 11,5-il biljun;

250.  Jinnota bi tħassib li snin wara t-tnedija tal-perjodu ta' programmazzjoni 2014-2020, kemxejn aktar minn terz tat-72 indikatur tal-programm għall-FEŻR u għall-FK kienu fit-triq it-tajba – minkejja li għadd ta' miri ġew riveduti 'l isfel. ifakkar fir-rakkomandazzjoni biex jittejbu ulterjorment l-Indikaturi Ewlenin tal-Prestazzjoni; jinnota, madankollu, li l-limitazzjonijiet fid-data jipprevjenu lill-awdituri milli jagħmlu valutazzjoni komprensiva tal-prestazzjoni f'dan il-qasam ta' politika, peress li huwa diffiċli li jiġi vvalutat jekk il-fondi laħqux, jew x'aktarx li jilħqu, l-għanijiet ġenerali u speċifiċi stabbiliti, minkejja li l-progress tal-indikaturi individwali jista' jiġi vvalutat skont l-objettivi intermedji u l-miri stabbiliti; jistieden lill-Kummissjoni tiżviluppa qafas ta' valutazzjoni konsistenti li jkun kapaċi jivvaluta jekk intlaħqux l-objettivi intermedji u l-miri tal-FEŻR u l-FK;

251.  Jinsab imħasseb dwar il-problemi mqajma mill-Qorti dwar in-nuqqas ta' kontrolli interni fl-Istati Membri jew in-nuqqas ta' affidabbiltà tad-data;

252.  Abbażi tal-fatt li l-maġġoranza tal-iżbalji kollha misjuba kienu magħmula minn "Proġetti ineliġibbli", jisħaq dwar t-tħassib serju tiegħu rigward il-veraċità u l-affidabbiltà tar-rappurtar tal-Kummissjoni dwar ir-riżultati miksuba peress li dawn il-proġetti kollha u tali proġetti oħra (li għadhom ma ġewx skoperti) ma għandhom bl-ebda mod "jikkontribwixxu" għall-valutazzjoni ġenerali tar-riżultati usa' miksuba bl-għajnuna tal-politika ta' koeżjoni ekonomika, soċjali u territorjali tal-Unjoni; jirrakkomanda li l-Kummissjoni tivvaluta mill-ġdid il-proċess tagħha ta' rappurtar dwar ir-riżultati reali miksuba;

253.  Jirrikonoxxi l-importanza tal-għodod diġitali bħal Arachne fil-ġlieda kontra l-korruzzjoni u l-użu ħażin tal-fondi tal-Unjoni; jistieden lill-Istati Membri kollha jimplimentaw għodod bħal dawn mingħajr aktar dewmien żejjed; jiddispjaċih li mhux l-Istati Membri kollha qed jużaw l-għodda tal-estrazzjoni tad-data Arachne biex itejbu l-identifikazzjoni tal-frodi; jirrimarka li fir-rigward tal-frodi, kemm il-Kummissjoni kif ukoll l-Istati Membri huma responsabbli biex jindirizzaw il-frodi fl-infiq għall-Koeżjoni; dawn jeħtieġ li jżidu l-isforzi tagħhom biex jipprevjenu u jidentifikaw il-frodi, b'kooperazzjoni mal-UPPE u l-OLAF; jisħaq li minbarra l-għodda Arachne big data u għodod oħra tal-IT għandhom jitqiesu serjament mill-Kummissjoni mhux biss għall-investigazzjoni iżda wkoll għall-monitoraġġ tal-bidliet fit-tendenzi u l-prevenzjoni ta' modi oħra ta' użu ħażin tal-fondi tal-Unjoni;

254.  Jinnota li ż-żewġ fondi huma soġġetti għal ġestjoni kondiviża mill-Kummissjoni u l-Istati Membri, u huma implimentati permezz ta' programmi operazzjonali li jitfasslu mill-Istati Membri u jiġu approvati mill-Kummissjoni;

255.  Jinsab kuntent jara li fl-ewwel Rapport Annwali tagħha dwar il-prestazzjoni sa tmiem l-2019 il-Qorti tqis il-ħarsa ġenerali lejn il-prestazzjoni tal-programm tal-FEŻR bħala eżempju pożittiv ta' konklużjonijiet ifformulati b'mod ċar dwar l-għan ġenerali; iħeġġeġ lid-DĠ REGIO jkompli jippreżenta konklużjonijiet ċari fis-sezzjonijiet tal-prestazzjoni kemm għall-għanijiet ġenerali kif ukoll għal dawk speċifiċi, u jistieden lid-Direttorati Ġenerali l-oħra jsegwu dan l-eżempju tajjeb u jtejbu l-konklużjonijiet tagħhom billi jagħmluhom aktar informattivi u aktar ċari;

256.  Jirrimarka li l-informazzjoni mill-indikaturi tal-output u r-riżultati hija kkomplementata mir-riżultati ta' għadd ta' evalwazzjonijiet u studji li janalizzaw ir-riżultati kemm tal-perjodu 2007-2013 kif ukoll l-istadji bikrija tal-programmazzjoni u l-implimentazzjoni tal-programmi tal-politika ta' koeżjoni 2014-2020; jikkondividi l-osservazzjoni tal-Qorti li d-dewmien fl-għażla taż-żmien għal dawn l-evalwazzjonijiet kif imfassal fil-leġiżlazzjoni jfisser li t-tagħlimiet ittieħdu tard wisq biex ikollhom impatt fuq il-perjodi ta' programmazzjoni kurrenti jew sussegwenti (pereżempju r-riżultati tal-evalwazzjonijiet ex post tal-2014-2020, huma mistennija li jkunu disponibbli sa tmiem l-2025 kif meħtieġ mir-RDK, iżda sa dak iż-żmien il-perjodu ta' programmazzjoni 2021-2027 ikun fil-ħames sena tiegħu u l-Kummissjoni x'aktarx li tkun imxiet sew fit-tħejjija tal-proposti leġiżlattivi tagħha għall-perjodu ta' wara l-2027);

257.  Jinnota bi tħassib li, fi tmiem is-sitt sena ta' implimentazzjoni, ir-rati ta' assorbiment għall-FEŻR u l-FK huma 6,6 % inqas milli kienu fl-istess stadju fil-perjodu ta' programmazzjoni preċedenti; jisħaq li dan huwa parzjalment dovut għad-dewmien fil-bidu tal-perjodu ta' programmazzjoni; jinnota, madankollu, li r-rata ta' assorbiment tal-Fondi SIE fl-2019 kienet ogħla minn dik fi kwalunkwe sena oħra tal-perjodu 2014-2020 tal-QFP. Barra minn hekk, jiġbed l-attenzjoni għar-riskju li, hekk kif il-perjodu ta' eliġibbiltà jasal biex jintemm u minħabba ċ-ċirkostanzi tal-kriżi tal-COVID-19, l-Istati Membri jistgħu jagħtu prijorità lir-rati ta' assorbiment pjuttost milli lill-għanijiet ta' koeżjoni, il-prestazzjoni u r-regolarità; jissottolinja li bidla mill-prestazzjoni għall-konformità tfixkel l-għanijiet ta' koeżjoni u tiġġenera nfiq mhux meħtieġ; għalhekk, jistieden lill-Kummissjoni tiżviluppa miżuri biex tissemplifika l-proċeduri, li fiċ-ċirkostanzi msemmija hawn fuq jikkontribwixxu għall-użu responsabbli u adegwat tal-fondi, u b'hekk għall-irkupru fl-Istati Membri, filwaqt li wieħed iżomm f'moħħu li l-għanijiet tal-Istati Membri għall-perjodu ta' programmazzjoni 2021-2027 jeħtieġ li jkunu ferm aktar ambizzjużi, b'rispons għall-impatt ekonomiku u soċjali tal-kriżi tal-COVID-19, bl-għan li ċ-ċittadini jiġu protetti, jiġu salvati l-impjiegi u tissaħħaħ il-klima għall-investimenti, filwaqt li jiġu involuti l-livelli kollha tal-gvern fl-iżvilupp u l-implimentazzjoni tal-pjanijiet ta' rkupru;

258.   Jistieden lill-Kummissjoni tidentifika r-reġjuni li għandhom rati baxxi ta' assorbiment tal-fondi u tgħinhom itejbuhom billi jidentifikaw ir-regoli li jistgħu jtejbu l-effiċjenza u l-effikaċja tal-Fondi ta' Koeżjoni;

259.  Jissottolinja li fil-politika ta' koeżjoni, ikkaratterizzata minn proġetti ta' infrastruttura fuq skala kbira, jista' jkun hemm perjodu latenti bejn il-bidu tal-programm, l-implimentazzjoni tiegħu u t-twettiq tal-outputs u tar-riżultati; iqis li huwa inkwetanti li l-progress x'aktarx li jiġi affettwat ukoll mil-livelli relattivament baxxi ta' implimentazzjoni fir-rigward tal-politika ta' koeżjoni, meta mqabbla mal-bqija tal-baġit tal-Unjoni; jinnota li dawn il-fatturi, flimkien mal-fatt li d-data l-aktar riċenti disponibbli (f'perjodu ta' implimentazzjoni li jdum sa tmiem l-2023) hija relatata ma' tmiem l-2018, huma ddefiniti mill-Qorti bħala li jagħmluha aktar diffiċli f'dan l-istadju li tinsilet konklużjoni dwar l-ilħuq tal-għanijiet; jistieden lill-Kummissjoni tnaqqas il-perjodu latenti bejn il-bidu tal-programm, l-implimentazzjoni tiegħu u t-twettiq tal-outputs u tar-riżultati; jinnota li jeħtieġ li tissaħħaħ is-superviżjoni tat-tlestija tan-network; iħeġġeġ lill-Kummissjoni tistabbilixxi grupp ta' esperti biex jipprovdu appoġġ lill-Istati Membri fit-tmexxija ta' proġetti kbar bħal dawn;

260.  Jinsab imħasseb ħafna dwar ir-rapporti tal-midja dwar Stat Membru wieħed dwar l-investimenti kofinanzjati mill-FEŻR fl-infrastruttura għall-fini ta' taħriġ vokazzjonali, fejn dawn il-binjiet ingħataw skop ġdid wara l-perjodu minimu meħtieġ ta' tliet snin; jiddispjaċih dwar allegazzjonijiet ta' frodi u arrikkiment personali minn dan l-għoti ta' skop ġdid; jiddispjaċih li l-Kummissjoni ma rnexxilhiex tipprovdi informazzjoni addizzjonali biex tneħħi d-dubji kollha li kien għad fadal; jilqa' l-intenzjoni tal-Kummissjoni li ssegwi kif xieraq dawn l-allegazzjonijiet; iqis il-kunċett ta' durabbiltà bħala salvagwardja importanti għall-użu effettiv u effiċjenti tar-riżorsi tal-Unjoni fil-qafas tal-politika ta' koeżjoni;

261.  Iqis li r-rekwiżit ta' durabbiltà minima legali ta' bejn tlieta u ħames snin huwa qasir wisq meta jitqies l-ammont sinifikanti investit u l-lonġevità ta' tali proġetti; jiddispjaċih li l-koleġiżlaturi ma ddeċidewx li jintroduċu rekwiżiti itwal ta' durabbiltà matul ir-reviżjoni tar- [Regolament dwar Dispożizzjonijiet Komuni]; jinnota li jeżistu differenzi sinifikanti fost l-Istati Membri fir-regoli nazzjonali dwar id-durabbiltà tal-investimenti fl-infrastruttura u l-għoti ta' skop ġdid prematur;

262.  Jinsab imħasseb dwar in-nuqqas ta' kontroll u segwitu tal-finanzjament tal-imprendituri; jistieden lill-Kummissjoni tiżviluppa strateġija dettaljata għall-kontroll tal-finanzjament; u jistieden lill-Kummissjoni tivvaluta r-riżultati tal-proġetti ffinanzjati minn dan il-mekkaniżmu finanzjarju; iħeġġeġ lill-Kummissjoni tippubblika r-riżultati tal-evalwazzjoni tagħha;

263.  Jieħu nota ta' fatturi oħra rilevanti għall-analiżi tal-prestazzjoni tal-Qorti, li jispjegaw il-fatt li l-għanijiet tal-politika ta' koeżjoni, bħal dawk relatati mar-rati tal-impjiegi, l-iżvilupp ekonomiku, u l-klima u l-enerġija, huma influwenzati ħafna minn firxa wiesgħa ta' fatturi nazzjonali u esterni, fl-Ewropa u fid-dinja, kif ukoll li f'ħafna Stati Membri, il-finanzjament tal-politika ta' koeżjoni tipikament jirrappreżenta proporzjon żgħir tal-fondi ddedikati għal dawn il-kwistjonijiet, u għalhekk mingħajr politiki u programmi nazzjonali mfassla apposta biex jaħdmu id f'id mal-għanijiet tal-politika ta' koeżjoni, jista' jkollhom biss impatt limitat ħafna fuq il-progress ta' dawn l-Istati Membri lejn l-ilħuq ta' dawn l-għanijiet;

264.  Jinnota, barra minn hekk, l-osservazzjoni tal-Qorti rigward fatturi addizzjonali bħall-fatt li l-Unjoni għandha għad-dispożizzjoni tagħha firxa ta' għodod ta' politika biex tilħaq l-għanijiet tagħha ta' politika ta' koeżjoni ta' livell għoli, li l-FEŻR u l-FK jikkostitwixxu parti waħda, li fondi u inizjattivi leġiżlattivi oħra huma mfassla wkoll biex jindirizzaw l-għanijiet, li spiss jagħmluha mhux possibbli li ssir distinzjoni bejn l-effetti ta' għodod ta' politika differenti fuq il-progress lejn il-kisba tal-miri;

265.  Jisħaq, bi tħassib, fuq il-fatt li l-analiżi tal-Qorti bbażata fuq data disponibbli skarsa sa tmiem l-2018 turi li minn total ta' 72 indikatur, terz biss tal-indikaturi jinsabu fit-triq it-tajba biex jilħqu l-miri tagħhom u li madwar nofs l-indikaturi mhumiex fit-triq it-tajba u li għall-indikaturi li jifdal ma kienx possibbli għall-Qorti li tasal għal konklużjonijiet; jiddispjaċih li mid-disa' indikaturi marbuta mal-għanijiet ġenerali, tnejn biss jinsabu fit-triq it-tajba; jinnota, madankollu, li minn madwar terz tal-indikaturi li għandhom objettiv intermedju ta' nofs it-terminu stabbilit għall-2018, 70 % jew inkisbu jew x'aktarx li jinkisbu dalwaqt;

266.  Għalkemm il-FEŻR u l-FK għadhom jistgħu jitħallsu sal-2023, jisħaq, bi tħassib, fuq il-fatt li b'kollox, 40 % tal-indikaturi tal-output jinsabu fit-triq it-tajba, u li għall-indikaturi tar-riżultati u tal-impatt, dan il-perċentwal huwa ta' 10 % biss;

267.  Ifakkar li Ewropa 2020 hija l-istrateġija ta' livell għoli tal-Unjoni għall-perjodu mill-2010 sal-2020; jinnota li għall-perjodu 2014-2020, il-Kummissjoni ddefiniet disa' indikaturi biex jitkejjel il-progress lejn l-ilħuq tal-għanijiet ta' din l-istrateġija, fl-oqsma tal-impjiegi, ir-R&Ż, it-tibdil fil-klima u l-enerġija, l-edukazzjoni, kif ukoll il-faqar u l-esklużjoni soċjali; jinnota li skont il-Kummissjoni, abbażi tad-data għall-2018, il-miri relatati mal-impjiegi u l-edukazzjoni x'aktarx li jintlaħqu, filwaqt li l-progress bi tqabbil mal-miri għar-R&Ż, u l-faqar u l-inklużjoni soċjali għadhom lura u x'aktarx li ma jintlaħqux;

268.  Jisħaq, bi tħassib kbir, li mill-10 indikaturi kollha mid-dikjarazzjonijiet tal-programm marbuta mal-għan li tiġi appoġġjata l-bidla lejn ekonomija b'livell baxx ta' emissjonijiet tal-karbonju fis-setturi kollha, wieħed biss – "L-għadd ta' unitajiet domestiċi b'indikatur imtejjeb tal-klassifikazzjoni tal-konsum tal-enerġija" – miexi fit-triq it-tajba; jitlob li l-Kummissjoni, anke fid-dawl tal-miri tal-Patt Ekoloġiku, tagħmel it-titjib marbut ma' dan il-għan prijorità assoluta;

269.  Jenfasizza l-fatt li b'rispons għat-tifqigħa tal-COVID-19, l-Unjoni introduċiet miżuri li jżidu l-flessibbiltà tal-Istati Membri fl-użu tal-finanzjament tal-Fondi Strutturali u ta' Investiment Ewropej (pereżempju, ġie rrinunzjat ir-rekwiżit li jiġi ddedikat proporzjon fiss tal-finanzjament SIE għat-temi ewlenin; madankollu, il-flessibbiltà offruta fil-proposta tista' taffettwa l-kapaċità tal-Unjoni li tikseb l-għanijiet stabbiliti oriġinarjament fil-programmi operazzjonali);

270.  Jirrikonoxxi l-fatt li l-kriżi tal-COVID-19 ipprovdiet sfida ġdida u mhux mistennija li l-Unjoni u l-Istati Membri tagħha jeħtieġ li jirrispondu għaliha b'mod determinat u jipprovdu soluzzjonijiet fil-livell tal-Unjoni u f'dak nazzjonali;

271.  Jilqa' l-flessibbiltà finanzjarja dejjem akbar fl-infiq għall-koeżjoni li tippermetti lill-Istati Membri jużaw il-fondi biex jiffinanzjaw proġetti relatati mal-kriżi; jissottolinja l-ħtieġa li jitrawmu l-kontinwità u l-kooperazzjoni aktar profonda tal-partijiet ikkonċernati kollha rilevanti għall-politika ta' koeżjoni, b'mod partikolari l-SMEs, il-muniċipalitajiet u r-reġjuni, li se jħabbtu wiċċhom ma' diffikultajiet f'dawk li huma qgħad u kura tas-saħħa fix-xhur li ġejjin;

272.  Jenfasizza l-isfidi li jiffaċċjaw il-pazjenti fl-Unjoni biex jibbenefikaw mid-Direttiva dwar il-kura tas-saħħa transkonfinali, kif identifikat fir-Rapport Speċjali tal-Qorti Nru 7/2019, b'mod partikolari fir-rigward tas-sensibilizzazzjoni potenzjali tal-pazjenti dwar id-drittijiet tagħhom, il-problemi u d-dewmien fl-iskambju elettroniku tad-data dwar is-saħħa tal-pazjenti bejn l-Istati Membri u l-aċċess għall-kura tas-saħħa għal pazjenti b'mard rari;

273.  Jinsab imħasseb dwar l-opinjoni tal-Qorti li hemm indikazzjonijiet qawwija li l-Unjoni mhux se tilħaq il-miri tal-klima u tal-enerġija għall-2030; jinnota li skont il-Kummissjoni, kien hemm biss progress limitat fit-tnaqqis tal-impatti ambjentali negattivi li jirriżultaw mill-użu ta' riżorsi naturali; jenfasizza l-osservazzjoni tal-Qorti li nofs l-Istati Membri tal-Unjoni kienu f'riskju li ma jiġġenerawx biżżejjed elettriku mill-enerġija rinnovabbli biex jilħqu l-miri tagħhom għall-2020; jinnota li fl-analiżi panoramika tal-Qorti dwar l-azzjoni tal-UE f'dak li jirrigwarda l-enerġija u t-tibdil fil-klima, il-Qorti rrappurtat li t-tnaqqis fl-emissjonijiet ta' gassijiet serra previst mill-Istati Membri huwa inqas mill-mira ta' 40 % għall-2030; jistieden lill-Kummissjoni tivvaluta mill-ġdid ir-riżultati minħabba l-impatt tal-pandemija tal-Covid-19 u l-pakkett tal-Patt Ekoloġiku;

274.  Jinsab imħasseb dwar il-fatt li nofs is-16-il indikatur marbuta mal-għan tal-"Promozzjoni ta' trasport sostenibbli u t-tneħħija ta' ostakoli fl-infrastrutturi tan-networks ewlenin" mexjin fit-triq it-tajba biex jilħqu l-miri tagħhom; jiddispjaċih li l-Istati Membri naqqsu l-biċċa l-kbira tal-miri għall-2023 fl-aħħar rapport, approvat mill-Kummissjoni, f'xi każijiet b'ammonti konsiderevoli (pereżempju, il-valur tal-mira kkombinat tal-FEŻR u l-FK għall-indikatur "Tul totali tal-linja ferrovjarja l-ġdida" tnaqqas minn 947 km għal 579 km (39 %) u l-valur tal-mira kkombinat tal-FEŻR u l-FK għall-indikatur "It-tul totali ta' linji ġodda jew imtejba tat-tramm u tal-metrò" tnaqqas minn 680 km għal 44 km (35 %));

275.  Itenni t-talba tal-Parlament għall-ħolqien ta' linja baġitarja ġdida għat-Turiżmu, biex jingħata appoġġ lil dan is-settur li ntlaqat severament mill-kriżi tal-COVID-19; jilqa' l-fatt li l-Qorti nediet awditu biex tivvaluta l-proġetti fis-settur tat-turiżmu kofinanzjati b'EUR 6,4 biljun fl-2007-2013 u EUR 4 biljun s'issa fl-2014-2020 bil-flus tal-FEŻR u tal-FK, li se jgħinu fit-titjib tal-politiki tal-UE fil-qasam tat-turiżmu;

276.  Jinnota li sas-sitt sena tal-perjodu ta' programmazzjoni attwali 2014-2020 madwar 31 % biss tal-fondi inizjalment mogħtija kienu rriżultaw f'pagamenti sa Jannar 2020, u dan iqajjem dubju dwar l-implimentazzjoni sħiħa tal-FNE; jistieden lill-Istati Membri jħaffu b'mod sinifikanti l-investimenti u jistieden lill-Kummissjoni żżid il-monitoraġġ tagħha fid-dawl tal-ħtieġa urġenti ta' investiment fl-infrastruttura għall-irkupru rapidu mit-tnaqqis fir-ritmu ekonomiku relatat mal-COVID-19;

277.  Jisħaq għal darb' oħra li f'dan il-qasam ta' politika l-indikaturi kollha qed ikejlu l-output (prinċipalment jipprovdu data dwar l-implimentazzjoni tal-programm f'termini ta' infrastruttura mibnija) minflok l-eżiti tal-proġetti miksuba; iħeġġeġ lill-Kummissjoni tippjana l-politika sabiex tippermetti valutazzjonijiet regolari u ta' nofs it-terminu tar-riżultati u l-impatti usa' miksuba;

278.  Ifakkar li l-Qorti, fl-awditu tagħha tal-2019, irrimarkat b'mod partikolari dwar in-nuqqas ta' użu tal-FK għall-finanzjament ta' linji ferrovjarji ġodda; jissottolinja l-importanza kbira li jsir investiment f'networks tat-trasport sostenibbli u jistieden lill-Istati Membri li mhumiex qed jagħmlu hekk biżżejjed biex iżidu l-isforzi tagħhom f'dan ir-rigward;

279.  Jissottolinja li fl-awditu riċenti tal-Qorti dwar l-infrastrutturi tat-trasport(83) ġie ddikjarat li x'aktarx in-network ewlieni tat-trasport tal-Unjoni mhux se jilħaq il-kapaċità sħiħa tiegħu sal-2030; barra minn hekk, fl-analiżi panoramika, il-Qorti indikat li peress li l-iskala tal-finanzjament tal-Unjoni hija limitata meta mqabbla mal-ħtiġijiet ġenerali, huwa meħtieġ li ssir enfasi fuq il-prijoritajiet bl-ogħla valur miżjud tal-Unjoni;

280.  Jistieden lill-Kummissjoni tiżviluppa ulterjorment il-mekkaniżmu u l-għodod tagħha li jippermettu s-sensibilizzazzjoni u l-informazzjoni taċ-ċittadini u tal-partijiet ikkonċernati dwar il-proġetti tat-turiżmu u tat-trasport li hija tiffinanzja fil-qafas tal-FEŻR u l-FK;

281.  Huwa tal-fehma li, kif iddikjarat fl-awditu tal-Qorti dwar it-TFIs, il-previżjonijiet tat-traffiku jeħtieġu titjib u koordinazzjoni aħjar; jirrimarka li l-previżjonijiet tat-traffiku għandhom iqisu valutazzjonijiet ekonomiċi sodi, kif ukoll analiżijiet tal-ispejjeż imqabbla mal-benefiċċji u jiġu riveduti perjodikament biex jitqies id-dewmien possibbli; jisħaq li għandu jiġi evitat ippjanar ħażin, speċjalment fil-qasam tat-tibdil fil-klima u li huwa meħtieġ titjib fil-proċess tal-ippjanar tal-Kummissjoni, b'mod partikolari fl-implimentazzjoni tar-rekwiżiti fil-qasam tal-protezzjoni ambjentali u l-użu tar-riżorsi;

282.  Jiddeplora l-fatt li l-Kummissjoni, fil-proposta leġiżlattiva tagħha għall-FSIE għall-perjodu 2021-2027, telimina r-rekwiżiti ta' valutazzjoni kollha li huma speċifiċi għal proġetti maġġuri, inkluż ir-rekwiżit tal-analiżi tal-ispejjeż imqabbla mal-benefiċċji. Filwaqt dan huwa rikonoxxut li jġib tnaqqis fil-piż amministrattiv ġenerali, dan il-fatt jiġi ssuperat mir-riskju akbar li l-investimenti kofinanzjati ma joffrux l-aħjar valur għall-flus. jistieden bil-qawwa lill-Kummissjoni tevalwa mill-ġdid il-proposta tagħha;

283.  Jilqa' l-fatt li l-Att Ewropew dwar l-Aċċessibbiltà (EAA) ġie finalment adottat fl-2019, jenfasizza l-importanza tiegħu bħala l-ewwel leġiżlazzjoni dwar din il-kwistjoni fl-Unjoni, jitlob lill-Kummissjoni tissorvelja mill-qrib il-progress tal-Istati Membri fl-adozzjoni u l-pubblikazzjoni tal-liġijiet, ir-regolamenti u l-proċessi amministrattivi kollha meħtieġa biex jikkonformaw mal-EAA sat-28 ta' Ġunju 2022,

284.  Iqis il-fatt li 3 biss minn 9 indikaturi (33 %) mid-dikjarazzjonijiet tal-programm marbuta mal-għan speċifiku tal-FEŻR – "It-titjib tal-kompetittività tal-SMEs" miexja fit-triq it-tajba biex jilħqu l-miri tagħhom jirrappreżenta prestazzjoni batuta; jenfasizza li dawn it-tliet indikaturi huma relatati mal-output, u jkejlu l-għadd ta' negozji appoġġjati mill-FEŻR, filwaqt li indikaturi oħra, bħal dawk li jkejlu jekk l-investiment privat jaqbilx mal-appoġġ pubbliku għan-negozji u ż-żieda fl-impjiegi fin-negozji appoġġjati, mhumiex miexja fit-triq it-tajba; iħeġġeġ lill-Kummissjoni tippjana l-politika sabiex tippermetti valutazzjonijiet kontinwi u ta' nofs it-terminu xierqa tar-riżultati u l-impatti usa' miksuba, inkluża l-valutazzjoni tal-impatt tal-politiki biex jikkumbattu l-qgħad fit-tul;

285.  Jinnota li l-finanzjament tal-FEŻR intuża flimkien ma' sorsi nazzjonali ta' appoġġ għall-SMEs, jew billi ġew kkomplementati miżuri nazzjonali eżistenti jew billi mtlew lakuni fis-sistema ta' appoġġ; madankollu, sab(84) li s-sinerġiji bejn l-appoġġ tal-FEŻR u l-FSE kienu ġeneralment baxxi, minkejja l-importanza li jiġu salvagwardjati l-impjiegi;

286.  Iqis li fil-kuntest tal-awditu tad-Dikjarazzjoni ta' Assigurazzjoni tal-Qorti għas-sena 2019, kienu tlestew biss 11 minn 121 proġett kofinanzjati tal-FEŻR u tal-FK li kienu mmexxija minn 12-il Stat Membru; jinnota li 7 proġetti kienu laħqu bis-sħiħ l-għanijiet tagħhom u 2 oħra parzjalment, filwaqt li ż-żewġ proġetti l-oħra ma laħqux dawn l-għanijiet;

287.  Jinnota bi tħassib in-nuqqas ta' informazzjoni ċara dwar il-benefiċjarji finali tal-fondi ta' koeżjoni u jistieden lill-Kummissjoni tiżgura li tinġabar l-informazzjoni kollha meħtieġa dwar il-finanzjament tagħha, u li dan m'għandux ikun limitat għall-intermedjarji finanzjarji iżda għandu jiffoka b'mod speċjali fuq il-benefiċjarji finali;

288.  Jisħaq fuq il-potenzjal kbir tar-reġistri pubbliċi tas-sidien benefiċjarji finali introdotti bil-ħames Direttiva kontra l-Ħasil tal-Flus fil-ġlieda kontra l-korruzzjoni, l-użu ħażin tal-fondi tal-Unjoni u l-kunflitt ta' interess; jistieden lill-Kummissjoni tiżgura li d-data dwar is-sjieda benefiċjarja tal-kumpaniji tiġi stabbilita u magħmula disponibbli għall-pubbliku;

289.  Jilqa' l-fatt li fil-qafas tal-miżuri preventivi applikati mill-Kummissjoni, id-DĠ EMPL ikompli japplika politika stretta ta' interruzzjoni u sospensjoni tal-pagamenti biex jippreserva l-interessi finanzjarji tal-Unjoni; f'dan il-kuntest, jinnota li għall-FSE / YEI u l-FEAD, fl-2019 ġew adottati 12-il deċiżjoni ta' interruzzjoni u deċiżjoni ta' sospensjoni waħda, u li, barra minn hekk, intbagħtu 16-il ittra ta' twissija u ħames ittri ta' qabel is-sospensjoni lill-Istati Membri kkonċernati;

290.  Jinsab imħasseb serjament dwar il-miżuri diskriminatorji meħuda mill-2019 minn diversi gvernijiet lokali Pollakki li adottaw l-hekk imsejħa riżoluzzjonijiet ta' "żona ħielsa mil-LGBTI" jew "Karta Reġjonali tad-Drittijiet tal-Familja" li jiddiskriminaw b'mod partikolari kontra familji b'ġenitur wieħed u familji LGBTI; jinnota li dawn l-awtoritajiet jirċievu u għandhom influwenza fuq il-ġestjoni tal-fondi SIE; Jinsisti fuq il-fatt li, f'konformità mar-Regolament (UE) Nru 1303/2013, l-użu tal-fondi tal-Unjoni jrid ikun konformi mal-prinċipju tan-nondiskriminazzjoni; jemmen li hemm riskju serju ta' ksur ta' dawn id-dispożizzjonijiet fil-muniċipalitajiet u r-reġjuni msemmija hawn fuq; jistieden lill-Kummissjoni tiżgura li l-fondi ta' koeżjoni jiġu żborżati f'konformità mad-drittijiet fundamentali minquxa fit-Trattati u fil-Karta tad-Drittijiet Fundamentali tal-Unjoni Ewropea, kif ukoll ir-Regolament dwar Dispożizzjonijiet Komuni rigward il-fondi SIE; jistieden lill-Kummissjoni twettaq investigazzjoni dwar il-konformità tal-FSIE f'dawn ir-reġjuni mad-dritt tal-Unjoni, b'mod partikolari d-dispożizzjonijiet kontra d-diskriminazzjoni, tirrapporta lill-awtorità ta' kwittanza dwar is-sejbiet ta' din l-investigazzjoni u tagħmel użu minn kull għodda għad-dispożizzjoni tagħha, inklużi korrezzjonijiet finanzjarji, f'każ li ssib evidenza ċara ta' użu ħażin tal-fondi għal dawk ir-raġunijiet;

Prestazzjoni: Il-Fond Soċjali Ewropew (FSE) u l-Inizjattiva favur l-Impjieg taż-Żgħażagħ (YEI))

291.  Jieħu nota tal-konklużjoni tal-Kummissjoni li fir-rigward tal-prestazzjoni tal-baġit tal-Unjoni, il-biċċa l-kbira tal-programmi mexjin lejn il-miri stabbiliti fil-bidu tal-perjodu ta' programmazzjoni, u minkejja d-dewmien fit-tnedija tal-programmi ta' koeżjoni 2014-2020, il-progress issa qed jaċċelera; jinnota, madankollu, li l-Kummissjoni tista' tiddefinixxi konklużjonijiet definittivi dwar il-prestazzjoni biss abbażi ta' evalwazzjonijiet dettaljati wara l-għeluq tal-programmi attwali;

292.  Ifakkar fl-importanza vitali tal-Fond Soċjali Ewropew (FSE) u r-rwol essenzjali tal-Inizjattiva favur l-Impjieg taż-Żgħażagħ (YEI) biex iħeġġu livell għoli ta' impjieg, il-ħolqien ta' impjiegi ta' kwalità, l-edukazzjoni u t-taħriġ, u l-ġlieda kontra l-faqar u l-esklużjoni soċjali; jenfasizza l-ħtieġa li l-FSE u l-YEI jingħataw l-appoġġ finanzjarju u politiku kontinwu tal-Unjoni, u tal-istituzzjonijiet nazzjonali u reġjonali fl-ilħuq tal-miri tagħhom fis-snin li ġejjin; jieħu nota li għall-FSE, li jirrappreżenta 94,7 % tal-baġit 2019 tad-DĠ EMPL, l-akbar riskju inerenti huwa relatat mal-kumplessità tal-operazzjonijiet u l-attivitajiet iffinanzjati, it-tipoloġija u l-varjetà ta' destinatarji, u l-għadd kbir ta' interventi annwali;

293.  Jinnota li l-Qorti ma għażlitx l-FSE u l-FEAD biex jiġu koperti mill-ewwel rapport annwali tagħha dwar il-prestazzjoni tal-baġit tal-Unjoni fi tmiem l-2019;

294.  Jilqa' s-sejbiet fi ħdan l-Evalwazzjoni tal-Kummissjoni (Frar 2021) tal-appoġġ tal-FSE 2014-2018 għall-impjiegi u l-mobilità tal-forza tax-xogħol, l-inklużjoni soċjali u l-edukazzjoni u t-taħriġ; jinnota b'sodisfazzjon li għall-perjodu 2014-2018, madwar 23 miljun persuna pparteċipaw f'azzjonijiet tal-FSE u li 52 % tal-parteċipanti kienu nisa; jinnota, barra minn hekk, li minn dawk li qed jipparteċipaw, kważi 3,2 miljun persuna diġà sabu impjieg u 3,9 miljun kisbu kwalifika b'suċċess;

295.  Jinnota li sal-2018 kienu ntefqu EUR 10,4 biljun – kemm mill-FSE kif ukoll mill-YEI – li 3,8 miljun persuna taħt l-età ta' 30 sena pparteċipaw fi proġetti ta' appoġġ għall-impjieg taż-żgħażagħ u li 1,4 miljun persuna daħlu f'impjieg immedjatament wara l-parteċipazzjoni;

296.  Jinnota, barra minn hekk, li sal-aħħar tal-2018, ġew investiti EUR 33,8 biljun mill-FSE għall-inklużjoni soċjali u kważi 6,2 miljun persuna kienu pparteċipaw f'azzjonijiet ta' inklużjoni soċjali, u li minnhom kważi 700 000 individwu sabu impjieg, bi kważi 400 000 persuna jiksbu kwalifika;

297.  Jesprimi sodisfazzjon dwar il-fatt li l-introduzzjoni ta' għażliet ta' kostijiet issemplifikati fl-ambitu tal-FSE naqqset il-piż amministrattiv u ffaċilitat l-implimentazzjoni kemm għall-awtoritajiet tal-programm kif ukoll għall-benefiċjarji;

298.  Jinnota li l-EaSI ffinanzja 44 proġett permezz ta' ħames sejħiet għal proposti għal EUR 29,3 miljun fl-ambitu tal-programm ta' ħidma tiegħu għall-2019; jieħu nota tal-fatt li f'Ottubru 2019, id-DĠ EMPL iffirma l-ewwel sottoskrizzjoni tal-ishma fl-Istrument Iffinanzjat mill-EaSI, li jirrappreżenta fond ta' self ta' EUR 200 miljun biex jappoġġja s-self lill-mikrointrapriżi u lill-intrapriżi soċjali;

299.  Jisħaq fuq il-ħtieġa li jkomplu jiżdiedu r-riżorsi fil-Fond Soċjali Ewropew Plus (FSE+) biex ikunu possibbli l-inklużjoni fis-suq tax-xogħol u t-taħriġ adattat, peress li l-kriżi tal-COVID-19 laqtet l-impjieg tan-nisa b'mod sproporzjonat, b'mod partikolari n-nisa li jaħdmu fl-ekonomija informali u b'kundizzjonijiet tax-xogħol prekarji, u f'setturi milquta sew bi proporzjoni għoli ħafna ta' ħaddiema nisa.

300.  Jinnota li, bħala medja, aktar minn persuna waħda minn kull ħamsa u wieħed minn kull erbat itfal għadhom f'riskju ta' faqar jew esklużjoni soċjali fl-Unjoni; ifakkar fl-impenn tal-Unjoni li tipprovdi appoġġ għall-persuni l-aktar fil-bżonn permezz tal-FEAD, filwaqt li ttaffi l-agħar forom ta' faqar fl-Unjoni, bħall-privazzjoni tal-ikel, il-problema ta' persuni mingħajr dar, u l-faqar fost it-tfal; jinnota li madwar 13-il miljun persuna, inklużi madwar 4 miljun tifel u tifla taħt l-età ta' 15-il sena, jiġu appoġġjati mill-FEAD kull sena;

Rakkomandazzjonijiet

301.  Jistieden lill-Kummissjoni:

Riżorsi naturali

302.  Jinnota li l-pagamenti għal "Riżorsi naturali" ammontaw għal EUR 59,5 biljun u ġew żburżati permezz tal-programmi u l-politiki li ġejjin:

303.  Iqis l-eżistenza ta' żewġ settijiet prinċipali ta' indikaturi intenzjonati biex jimmonitorjaw il-prestazzjoni tal-PAK, it-tnejn li huma bbażati primarjament fuq ir-rappurtar tal-Istati Membri u fuq id-data miġbura mill-Eurostat:

304.  Jilqa' s-sejba tal-Qorti li l-pagamenti diretti tal-FAEG, li jirrappreżentaw 70 % tal-infiq fil-qafas tar-riżorsi naturali, jibqgħu ħielsa minn żbalji materjali u l-livell ta' żball stmat għall-kapitolu kollu huwa taħt is-soll ta' materjalità, li juri l-effikaċja tal-pjanijiet ta' azzjoni korrettiva li l-Istati Membri implimentaw fis-snin preċedenti;

305.  Jinnota li għaż-żewġ fondi tal-PAK, it-tnaqqis kontinwu fir-rati ta' żbalji huwa dovut għas-sistemi effiċjenti ta' ġestjoni u kontroll applikati, b'mod partikolari s-Sistema Integrata ta' Amministrazzjoni u Kontroll (IACS);

306.  Huwa sodisfatt li l-livell tan-nefqa fuq il-pagamenti diretti, meta mqabbel mal-limiti massimi netti stabbiliti fir-Regolament (UE) Nru 1307/2013, ilu li laħaq 99 % mill-2017; jinnota li, għall-FAEŻR, l-eżekuzzjoni kienet laħqet rata sodisfaċenti b'medja ta' 50 % tal-pakkett totali sa tmiem l-2019; jitlob lill-Kummissjoni tippubblika n-nefqa fuq il-pagamenti diretti u l-livell ta' użu ta' fondi mill-FAEŻR għal kull Stat Membru;

307.  Jisħaq fuq il-fatt li l-allokazzjonijiet żbaljati tal-fondi tal-PAK, b'mod partikolari l-pagamenti diretti, iwasslu għal effetti distributtivi mhux mixtieqa, bħall-konċentrazzjoni ta' sussidji għall-ftit, kapitalizzazzjoni fil-prezz tal-art agrikola u l-mġiba rent-seeking minn "investituri ekoloġiċi" finanzjarji li jqisu l-pagamenti diretti bħala dividendi attraenti fuq art agrikola u b'hekk jgħollu l-prezz tal-art għad-detriment tal-bdiewa attivi żgħar u ta' daqs medju; jiddispjaċih li r-regoli attwali tal-PAK jippermettu tali distribuzzjoni legali iżda mhux mixtieqa u jissottolinja l-ħtieġa urġenti ta' limiti massimi effettivi u infurzabbli definiti għall-persuni fiżiċi li jillimitaw dawn l-effetti mhux mixtieqa għall-PAK 2021-2027; jistieden lill-Kummissjoni u lill-Istati Membri jappoġġaw il-proposti rispettivi mressqa mill-Parlament;

308.  Jisħaq fuq il-ħtieġa li jiġu eliminati piżijiet amministrattivi żejda, b'mod partikolari fil-kuntest tal-QFP li jmiss, li jfixklu l-implimentazzjoni tal-investimenti permezz tal-PAK, u l-ħtieġa li jiġu ssemplifikati kemm jista' jkun l-obbligi li jirriżultaw mill-arkitettura ekoloġika l-ġdida;

309.  Jisħaq li s-sistema attwali ta' kontrolli u awditi tal-PAK tat prova tal-effiċjenza kbira biex tiżgura l-protezzjoni tal-interessi finanzjarji tal-Unjoni, l-istabbiltà regolatorja u t-trattament indaqs fost il-bdiewa u benefiċjarji oħra; jenfasizza li l-implimentazzjoni xierqa tal-interventi tal-PAK hija strettament relatata mal-konformità tal-benefiċjarji mal-impenji stabbiliti fil-livell tal-Unjoni;

310.  Jinsab imħasseb li ż-żieda fil-flessibbiltà proposta skont il-mudell il-ġdid tal-implimentazzjoni, u li għandha tingħata lill-Istati Membri għat-tfassil tas-sistema u r-regoli ta' kontroll nazzjonali tagħhom stess, tista' twassal għal diverġenza fil-prattiki nazzjonali u taggrava l-użu ħażin u l-abbuż tal-fondi tal-Unjoni, u għalhekk iħeġġeġ lill-Kummissjoni tevita r-"rinazzjonalizzazzjoni" tal-PAK; jinsab imħasseb ħafna wkoll dwar il-fatt li dan il-mudell il-ġdid tal-implimentazzjoni jista' ma jikkontribwixxix la f'termini ta' semplifikazzjoni u lanqas f'termini ta' prestazzjoni tal-PAK, u jista' jqiegħed f'riskju t-trattament indaqs tal-bdiewa u tal-Istati Membri; iqis, barra minn hekk, li dan jista' jwassal għal kumplessità addizzjonali u tnaqqis akbar tal-pagamenti relatati ma' ppjanar baġitarju inadegwat u piż amministrattiv ulterjuri, u b'hekk ipoġġi f'riskju l-kredibbiltà finanzjarja tal-PAK; jemmen, għalhekk, li għandhom jiġu introdotti salvagwardji suffiċjenti biex tiġi żgurata r-robustezza tal-mudell tal-implimentazzjoni tal-PAK f'termini ta' ġestjoni finanzjarja;

311.  Jinsab imħasseb, fl-istess ħin, dwar il-fatt li r-rekwiżiti l-ġodda għall-biedja sostenibbli, b'mod partikolari fir-rigward tal-għanijiet klimatiċi u ambjentali għall-2030, flimkien mat-tnaqqis fil-baġit globali tal-PAK għall-2021-2027, jistgħu jfixklu l-implimentazzjoni tal-baġit fil-qafas tal-FAEŻR, speċjalment fil-perjodu bikri tal-implimentazzjoni tiegħu, u jirriskjaw li jagħmlu ħsara lill-profittabbiltà, b'mod partikolari, għall-farms żgħar; jenfasizza li l-introduzzjoni ta' rekwiżiti ġodda tal-PAK trid tkun akkumpanjata minn finanzjament adegwat fil-livell tal-Unjoni;

312.  Jirrimarka li, is-sena l-oħra, is-settur agrikolu kien affettwat b'mod partikolari mit-tifqigħa tal-COVID-19, u dan żied ir-riskju ta' instabbiltà fl-introjtu bażiku tal-bdiewa; għalhekk, fis-snin li ġejjin, iqis li għandha ssir enfasi partikolari fuq il-mudell il-ġdid tal-implimentazzjoni tal-PAK biex tiġi żgurata r-regolarità tal-pagamenti lill-benefiċjarji finali tal-PAK;

313.  Iwissi li l-infiq tal-PAK pubbliku jirriskja li jiġi perċepit ħażin mill-kontribwenti Ewropej jekk l-istess liġijiet ambjentali u tas-sikurezza tal-ikel fis-seħħ fl-Unjoni ma jkunux japplikaw għal prodotti importati minn pajjiżi terzi; jistieden lill-Kummissjoni tagħmel rieżami tat-tħaddim tal-klawżoli ta' salvagwardja fil-ftehimiet kummerċjali biex tiffaċilita u testendi l-applikazzjoni tagħhom lil hinn mis-sitwazzjonijiet tas-suq temporanji;

314.  Jistieden lill-Kummissjoni tkompli tissorvelja mill-qrib il-ftehimiet kummerċjali attwali u futuri ma' pajjiżi terzi fir-rigward tas-sikurezza tal-ikel u l-istandards ambjentali u dawk tat-trattament xieraq tal-annimali; iħeġġeġ lill-Kummissjoni tiżgura li jkun hemm kapitolu ta' sostenibbiltà b'saħħtu fil-ftehimiet kummerċjali kollha u li s-sħab kummerċjali jikkonformaw bis-sħiħ mar-rekwiżiti previsti fihom; jinnota l-ħtieġa ta' kundizzjonijiet ekwivalenti f'termini ta' standards ambjentali u trattament xieraq tal-annimali, u jistieden lill-Kummissjoni tiżviluppa ulterjorment il-leġiżlazzjoni dwar id-diliġenza dovuta fil-katina tal-provvista biex tiżgura li l-istandards fl-agrikoltura tal-Unjoni ma jiġux imminati jew kompromessi;

315.  Itenni t-tħassib qawwi tiegħu dwar il-fatt li r-riżerva għal raġunijiet reputazzjonali, legali, finanzjarji u istituzzjonali relatati ma' riskji sinifikanti ta' sigurtà identifikati fil-manutenzjoni u t-tħaddim tas-sistema tar-Reġistru tal-Unjoni tal-Iskema tal-UE għan-Negozjar ta' Emissjonijiet, kif irrappurtat fir-RAA mill-2010 u kif ikkonfermat mill-aħħar eżerċizzju ta' valutazzjoni tar-riskju, hija ripetuta fir-RAA tad-DĠ Azzjoni Klimatika għall-2019; jiddeplora d-durata anomali ta' din ir-riżerva; jistieden lill-Kummissjoni ssolvi l-problema malajr;

316.  Jisħaq li d-DĠ Azzjoni Klimatika u d-DĠ Baġit jimmonitorjaw il-mira tal-20 % marbuta mal-integrazzjoni tal-aspetti klimatiċi fil-QFP, u li d-DĠ Azzjoni Klimatika jappoġġja direttorati ġenerali oħra fl-integrazzjoni tad-dimensjoni klimatika fl-attivitajiet tagħhom; jilqa' l-fatt li 20,9 % tal-baġit tal-Unjoni għall-2019 intefaq fuq attivitajiet relatati mal-klima, iżda jiddispjaċih li ġie stmat li x-xejra se twassal biss għal 19,7 % għall-perjodu attwali tal-QFP;

317.  Jinnota li, fl-2019, il-baġit tad-DĠ Saħħa u Sikurezza Alimentari fl-oqsma ta' politika tiegħu ammonta għal EUR 502,85 miljun u kellu 772 membru tal-persunal; jirrimarka li r-rati ta' implimentazzjoni tal-impenji u tal-pagamenti laħqu 95,85 % u 94,63 %, rispettivament;

Sejbiet tal-Qorti

318.  Ifakkar li l-Politika Agrikola Komuni (PAK) tirrappreżenta 98 % tal-infiq fuq "riżorsi naturali"; jinnota li billi jqis il-livell ta' żball stmat mill-Qorti (1,9 %), il-livell ta' żball huwa taħt il-materjalità għal "riżorsi naturali"; jinnota li l-pagamenti diretti, li jirrappreżentaw 70 % tan-nefqa fuq "ir-riżorsi naturali", kienu ferm taħt is-soll ta' materjalità;

319.  Jinnota l-evoluzzjoni pożittiva għall-qasam ta' politika "riżorsi naturali", li tkompli x-xejra 'l isfel tagħha bi tnaqqis ulterjuri tal-livell kumplessiv ta' żball stabbilit mill-Qorti għal livell ta' żball stmat ta' 1,9 %, taħt is-soll ta' materjalità; jilqa' l-fatt li r-rata ta' żball stabbilita mill-Qorti taqbel kważi għalkollox mar-rata ġenerali ta' żball għall-PAK mogħtija fir-rapport annwali tal-attività tad-DĠ AGRI għall-2019;

320.  Jinnota li mill-251 tranżazzjoni eżaminati mill-Qorti, 44 (18 %) kien fihom żbalji filwaqt li 207 (82 %) ma kienx fihom żbalji; jinnota l-fatt li, bħal fis-snin ta' qabel, 70 % tal-iżbalji kienu magħmula minn "Benefiċjarju/attività/proġett/nefqa ineliġibbli";

321.  Jinnota li mill-136 tranżazzjoni ta' żvilupp rurali, 114 ma kinux affettwati minn żball, 5 każijiet ta' żball kellhom impatt li jaqbeż l-20 % u 15-il tranżazzjoni kien fihom żbalji taħt l-20 % tal-ammont eżaminat, żewġ pagamenti kellhom kwistjonijiet ta' konformità mingħajr impatt finanzjarju;

322.  Jinnota li mit-68 pagament għal proġetti ta' investiment, bħall-modernizzazzjoni tal-farms, l-appoġġ għal servizzi bażiċi u t-tiġdid tal-irħula f'żoni rurali, l-investimenti fil-ġestjoni tal-foresti, u l-appoġġ għall-iżvilupp lokali mmexxi mill-komunità, 9 kienu affettwati minn żbalji, inklużi żewġ każijiet fejn il-benefiċjarju u/jew il-proġett ma kinux issodisfaw il-kundizzjonijiet ta' eliġibbiltà;

323.  Jinnota li mit-68 pagament għall-iżvilupp rurali bbażati fuq iż-żona jew l-għadd ta' annimali ddikjarati mill-bdiewa, u fuq ir-rekwiżiti għall-konformità ma' kriterji ambjentali u relatati mal-klima, 8 tranżazzjonijiet kienu affettwati minn żbalji żgħar taħt il-5 % tal-ammont eżaminat, każ wieħed ta' żball li jaffettwa bejn 5 % u 20 % tal-ammont eżaminat, f'żewġ każijiet oħra l-benefiċjarji kisru l-kundizzjonijiet ta' eliġibbiltà relatati mal-ambjent u mal-klima, li wasslu għal żbalji li jaqbżu l-20 % tal-ammont eżaminat fiż-żewġ każijiet;

324.  Josserva li n-nefqa b'riskju għoli kienet tikkonċerna prinċipalment pagamenti bbażati fuq rimborżi, pereżempju fl-oqsma tal-koeżjoni u l-iżvilupp rurali, fejn l-infiq tal-Unjoni huwa ġestit mill-Istati Membri; jifhem li n-nefqa b'riskju għoli hija ħafna drabi soġġetta għal regoli u kriterji ta' eliġibbiltà kumplessi;

325.  Jinnota bi tħassib kbir li minn 14-il tranżazzjoni li jikkonċernaw miżuri tas-suq, f'5 każijiet (36 %) l-aġenziji tal-pagamenti kienu rrimborżaw l-ispejjeż ineliġibbli, inklużi 3 każijiet ta' nuqqas ta' konformità mar-regoli ta' eliġibbiltà li wasslu għal żbalji li jaqbżu l-20 % tal-ammont eżaminat;

326.  Jinnota bi tħassib kbir li minn 6 tranżazzjonijiet li jikkonċernaw is-sajd, l-ambjent u l-azzjoni klimatika, 2 proġetti (33 %) kellhom elementi ineliġibbli fl-ispejjeż rimborżati;

327.  Iqis it-trasparenza bħala element essenzjali biex tinżamm jew tinkiseb il-fiduċja taċ-ċittadini/tal-kontribwenti kif ukoll ir-reputazzjoni tal-PAK; jinnota l-konklużjonijiet preokkupanti tal-Qorti, tal-Ombudsman u bosta appelli għal titjib mill-awtorità ta' kwittanza dwar il-korruzzjoni u n-nuqqas ta' trasparenza; jinnota l-progress limitat li sar mill-Kummissjoni; jisħaq li l-għodda tal-estrazzjoni tad-data Arachne sservi mhux ħażin għas-soluzzjoni ta' dawn il-problemi, iżda mhux għalkollox, u li għandha tiġi żviluppata aktar billi jiżdiedu għodod diġitali oħra biex tgħin lill-Kummissjoni twettaq kontrolli effiċjenti; jappoġġja r-rakkomandazzjoni tal-Qorti biex tiġi kondiviża l-aħjar prattika fl-użu ta' Arachne biex ikompli jiġi mħeġġeġ l-użu tagħha mill-aġenziji tal-pagamenti; jiddispjaċih serjament li s-sistema Arachne ma tintużax mill-Istati kollha u jittama li jittieħdu inizjattivi f'din id-direzzjoni. jisħaq li l-Kummissjoni tuża l-Arachne bħala bażi ta' data komuni u tippromwovi bil-qawwa l-użu tagħha mill-Istati Membri kollha;

328.  Jilqa' s-sejba tal-Qorti fir-Rapport Speċjali Nru 18/2019(85) li r-rapportar tad-data tal-Unjoni dwar l-emissjonijiet ta' gassijiet serra huwa konformi mar-rekwiżiti internazzjonali u li l-inventarji tal-emissjonijiet tjiebu maż-żmien; jenfasizza li huwa meħtieġ għarfien aħjar f'setturi bħall-agrikoltura u l-forestrija; jistieden lill-Kummissjoni tqis it-titjib ulterjuri ssuġġerit fir-rappurtar ta' kif il-politiki ta' mitigazzjoni tal-Unjoni u dawk nazzjonali jikkontribwixxu għall-ilħuq tal-miri ta' tnaqqis tal-emissjonijiet;

329.  Jinnota li, fir-RAA tiegħu tal-2019, id-DĠ Saħħa u Sikurezza Alimentari ppreżenta rata medja tal-iżball residwu ta' 0,4 %, li hija ferm taħt is-soll ta' materjalità ta' 2 %;

330.  Jinnota li s-sehem tal-pagamenti relatati mal-ġestjoni tal-għotjiet li saru fil-ħin mid-DĠ Saħħa u Sikurezza Alimentari rkupra għal 92 % fl-2019 (83 % fl-2018) għalkemm għadu taħt il-mira ta' 95 %;

331.  Jindika l-isfidi li r-RAA tad-DĠ Saħħa u Sikurezza Alimentari identifika għal darb'oħra fl-implimentazzjoni tal-Qafas Finanzjarju Komuni fil-Qasam tal-Katina Alimentari; jinnota li n-nuqqas ta' faċilità ta' riżerva għall-kriżijiet ifisser li sitwazzjonijiet ta' emerġenza jirrikjedu riallokazzjonijiet ta' fondi minn attivitajiet importanti oħra filwaqt li ma hemm l-ebda metodu ta' valutazzjoni stabbilit għall-annimali, il-pjanti u l-prodotti li jeħtieġ li jinqatlu jew jinqerdu matul il-miżuri ta' trażżin tal-mard;

Regolarità tal-infiq tal-PAK

332.  Jinnota l-opinjoni tal-Qorti li l-espansjoni tal-2015 tar-rwol tal-korpi taċ-ċertifikazzjoni biex jipprovdu opinjoni dwar ir-regolarità tan-nefqa kienet żvilupp pożittiv, kif ukoll ir-rikonoxximent tal-Qorti li identifikat xi oqsma li fihom hemm lok għal titjib ulterjuri, simili fit-tip għal dawk identifikati mill-Kummissjoni; jistieden lill-Kummissjoni tieħu l-miżuri neċessarji biex tegħleb il-limitazzjonijiet fl-affidabbiltà tar-riżultati tal-ħidma mwettqa mill-korpi taċ-ċertifikazzjoni, minħabba dgħufijiet identifikati mill-Kummissjoni u mill-Qorti f'uħud mill-kontrolli u metodoloġiji ta' kampjunar tal-korpi taċ-ċertifikazzjoni;

333.  Jiddispjaċih li l-Qorti ma tistax tinkludi fil-ħidma tagħha analiżi għar-raġunijiet għal dawn id-dgħufijiet persistenti li identifikat fl-Istati Membri; jilqa' l-fatt li l-Kummissjoni żaret il-korpi taċ-ċertifikazzjoni kollha biex tirrieżamina l-ħidma tagħhom dwar il-legalità u l-irregolarità u biex tgħinhom itejbu l-ħidma tagħhom sa tmiem l-2019, iżda jiddispjaċih li l-Kummissjoni ma setgħetx tikkontribwixxi għarfien sinifikanti dwar ir-raġunijiet jew kwalunkwe differenza speċifika għall-pajjiż bejn il-korpi taċ-ċertifikazzjoni tal-Istati Membri; jiddispjaċih li dan in-nuqqas ta' informazzjoni dwar ir-raġunijiet li huma l-bażi ta' dawn id-dgħufijiet sistemiċi u persistenti f'ċerti korpi taċ-ċertifikazzjoni jimpedixxi l-indirizzar u r-riżoluzzjoni ta' tali problemi b'mod effiċjenti u effettiv; jistieden lill-Kummissjoni tanalizza s-sorsi ewlenin ta' żbalji mhux identifikati u tiżviluppa l-miżuri meħtieġa flimkien mal-awtoritajiet tal-awditjar biex ittejjeb l-affidabbiltà tar-rati residwi rrappurtati, b'mod partikolari fid-dawl tal-mudell tal-implimentazzjoni l-ġdid tal-PAK, li fih il-korpi taċ-ċertifikazzjoni se jkollhom rwol aktar prominenti; jistieden lill-Kummissjoni tiffoka aktar fuq l-affidabbiltà tar-riżultati li jipprovdu;

334.  Jirrimarka li d-DĠ AGRI stima li r-riskju fil-pagament huwa ta' madwar 1,9 % għall-infiq tal-PAK kollu kemm hu fl-2019, bir-riskju fil-pagament ikun ta' madwar 1,6 % għall-pagamenti diretti, 2,7 % għall-iżvilupp rurali u 2,8 % għall-miżuri tas-suq;

335.  Jinnota li fl-2019, id-DĠ Ambjent kellu baġit ta' EUR 505,58 miljun u 476 membru tal-persunal; jirrimarka li r-rati ta' implimentazzjoni tal-approprjazzjonijiet ta' impenn u ta' pagament kienu t-tnejn ogħla minn 99 % fi tmiem is-sena;

336.  Jilqa' s-sehem imnaqqas ta' pagamenti eżegwiti mid-DĠ Ambjent li qabżu l-iskadenzi legali fl-2019 (3,23 % meta mqabbla ma' 8,20 % fl-2018);

337.  Jinnota li r-RAA tad-DĠ Ambjent għall-2019 juri rata medja tal-iżball residwu ta' 0,80 %, li hija taħt is-soll ta' materjalità ta' 2 %;

338.  Jinnota li fl-2019, id-DĠ Azzjoni Klimatika kien iġġestixxa EUR 140,3 miljun taħt it-titolu "Azzjoni klimatika" tal-baġit tal-Unjoni, u kellu madwar 225 membru tal-persunal; jirrimarka li r-rati ta' implimentazzjoni tal-impenji u tal-pagamenti laħqu 99,98 % u 96,41 %, rispettivament;

339.  Jinnota li 1,59 % tal-pagamenti kollha tad-DĠ Azzjoni Klimatika fl-2019 saru f'dati aktar tard mill-iskadenzi legali;

Politiki u proċeduri kontra l-frodi fil-PAK

340.  Jissottolinja li l-frodi hija att jew ommissjoni mwettqa b'intenzjoni ta' qerq li jirriżulta f'pagamenti mhux dovuti.

341.  Jieħu nota tal-metodoloġija tal-Qorti biex tivverifika jekk it-tranżazzjonijiet awditjati humiex ħielsa minn irregolarità materjali, kemm jekk minħabba frodi kif ukoll jekk minħabba żball mhux intenzjonat, filwaqt li jfakkar li kull sena hija tidentifika każijiet ta' frodi suspettati fl-infiq tal-PAK, bir-riskju li l-frodi jkollha impatt materjali akbar għal pagamenti ta' appoġġ għas-suq, investimenti għall-iżvilupp rurali u pagamenti oħra, li ġeneralment ikunu soġġetti għal kofinanzjament ibbażat fuq rimborżi;

342.  Ifakkar li peress li l-PAK jaqa' taħt ġestjoni kondiviża, kemm il-Kummissjoni kif ukoll l-Istati Membri huma responsabbli għall-indirizzar tal-kwistjonijiet relatati mal-frodi. min-naħa tal-Kummissjoni, jieħu nota tal-fatt li d-DĠ AGRI jipprovdi taħriġ u gwida dwar ir-riskji ta' frodi għall-korpi ta' ġestjoni u kontroll tal-Istati Membri, filwaqt li OLAF jinvestiga każijiet ta' frodi suspettati b'kooperazzjoni ma' korpi investigattivi nazzjonali;

343.  Jieħu nota tal-fatt li d-DĠ AGRI adotta l-Istrateġija għall-Ġlieda kontra l-Frodi aġġornata tiegħu fl-20 ta' Ottubru 2020;

Allokazzjoni ekwa tal-PAK

344.  Jinsisti li l-introjti ta' farms pjuttost kbar mhux neċessarjament jeħtieġu l-istess livell ta' appoġġ għall-istabbilizzazzjoni tal-introjti tal-farms bħall-dawk iżgħar fi żminijiet ta' kriżi tal-volatilità tal-introjtu, peress li dawn jistgħu jibbenefikaw mill-ekonomiji ta' skala potenzjali li x'aktarx huma reżiljenti; jemmen li l-Kummissjoni għandha tieħu miżuri biex tiżgura li l-fondi tal-PAK jitqassmu b'mod ponderat, b'tali mod li l-pagamenti għal kull ettaru jkunu inversament proporzjonali għad-daqs tal-azjenda agrikola/farm(86);

345.  Iħeġġeġ lill-Kummissjoni tiżgura li l-PAK tkun allokata b'mod ġust lill-bdiewa attivi u li ma tirriżultax fi ftehimiet dwar l-art li jkunu ta' benefiċċju għal grupp magħżul ta' persuni b'informazzjoni privileġġata politika li spiss jissejħu "l-oligarki"; jistieden lill-Kummissjoni tagħmel rendikont tal-ksur, iċ-ċirkomvenzjonijiet u l-konsegwenzi mhux intenzjonati tar-regoli attwali dwar l-allokazzjoni tal-PAK; jinnota l-importanza ta' sistema ta' governanza trasparenti u b'saħħitha u jistieden ukoll lill-Kummissjoni żżid l-isforzi biex tipprevjeni u tidentifika l-frodi(87);

Kunflitt ta' interessi, ħtif tal-art u konċentrazzjoni tal-art

346.  Jinnota bi tħassib id-data tal-Kummissjoni għad-distribuzzjoni tal-pagamenti diretti skont il-klassi tal-pagamenti fl-2019 li turi li l-akbar sehem tal-pakkett tal-pagamenti diretti (58 %) imur għal 15 % tal-benefiċjarji kollha, filwaqt li l-biċċa l-kbira tal-benefiċjarji (75 %) jirrappreżentaw sehem saħansitra iżgħar tal-pagamenti diretti (15 %) miż-0,5 % tal-benefiċjarji kollha li jirċievu aktar minn EUR 100 000, li jikkorrispondi għal 16,3 % tal-pakkett totali tal-pagamenti diretti;

347.  Jinsab imħasseb serjament li s-sussidji tal-PAK jinċentivaw azjendi agrikoli, investituri, fondi spekulattivi, fondazzjonijiet u individwi sinjuri ħafna biex jakkumulaw l-artijiet, u dan iwassal għal żieda ulterjuri fil-konċentrazzjoni tas-sjieda tal-art; jinnota bi tħassib kbir li dan jgħolli l-prezz tal-art agrikola u jagħmilha dejjem aktar diffiċli għall-bdiewa żgħar u ta' daqs medju biex jakkwistaw l-art; itenni b'enfasi kbira li s-sussidji agrikoli mhumiex maħsuba biex ikunu redditi sikuri għall-investimenti ekoloġiċi;

348.  Itenni t-talba tiegħu għall-introduzzjoni ta' ammonti massimi ta' pagamenti li persuna fiżika waħda tista' tirċievi mill-ewwel u t-tieni pilastru tal-PAK; huwa tal-fehma li l-ammonti massimi li huma definiti għal persuni fiżiċi huma ħafna aktar diffiċli biex jiġu evitati minn limiti massimi għal persuni ġuridiċi; ifakkar li l-benefiċjarji jistgħu jaqsmu b'mod artifiċjali l-kumpaniji tagħhom jew joħolqu kumpaniji addizzjonali li kollha jistgħu jirċievu l-ammont massimu ta' finanzjament, u b'hekk jevitaw limitu definit għal kull persuna ġuridika; jilqa' l-intenzjonijiet tal-proposta li l-kumpaniji kollha li jappartjenu għall-istess grupp jingħaddu bħala benefiċjarju wieħed, iżda huwa tal-fehma li dan mhuwiex biżżejjed: strutturi ta' kumpaniji opaki u kumplessi ħafna li spiss jinvolvu entitajiet f'diversi Stati Membri u/jew pajjiżi terzi jagħmluha diffiċli ħafna li jiġi żgurat li l-kumpaniji kollha li jappartjenu għall-istess grupp jiġu identifikati bħala tali u fil-fatt jiġu ttrattati bħala benefiċjarju wieħed;

349.  Itenni t-tħassib tiegħu li s-sussidji tal-PAK ikomplu jinċentivaw il-ħtif tal-art minn strutturi kriminali u oligarkiċi; itenni l-appell urġenti tiegħu lill-Kummissjoni biex tistabbilixxi mekkaniżmu ta' lmenti għall-bdiewa u l-SMEs li jiffaċċjaw ħtif tal-art, imġiba ħażina serja mill-awtoritajiet nazzjonali, trattament irregolari jew preġudikat fl-offerti jew id-distribuzzjoni ta' sussidji, pressjoni jew intimidazzjoni minn strutturi kriminali, kriminalità organizzata jew strutturi oligarkiċi, persuni li jkunu soġġetti għal xogħol sfurzat jew skjavitù jew ksur serju ieħor tad-drittijiet fundamentali tagħhom sabiex jressqu lment direttament lill-Kummissjoni; jilqa' l-fatt li mekkaniżmu ta' lmenti bħal dan ġie propost għar-regolament il-ġdid tal-PAK;

350.  Jinnota li l-awditi tad-DĠ AGRI fl-2017 u l-2019 identifikaw dgħufijiet fil-funzjonament tas-Sistema ta' Identifikazzjoni tal-Irqajja' tal-Art, l-Applikazzjoni ta' Għajnuna Ġeospazjali, il-kwalità tal-kontrolli fuq il-post, kif ukoll dewmien eċċessiv fl-ipproċessar tal-pagamenti, b'mod partikolari għal talbiet li jikkoinċidu; jilqa' l-fatt li l-Kummissjoni interrompiet il-pagamenti u poġġiet l-aġenzija tal-pagamenti taħt prova; jinnota li d-dgħufijiet fis-sistemi ta' ġestjoni u kontroll tal-aġenzija tal-pagamenti qed jiġu indirizzati fi pjan ta' azzjoni mitlub mid-DĠ AGRI u msaħħaħ fl-2019; jinnota li l-ammont f'riskju huwa ta' EUR 3,271 miljun għall-pagamenti diretti u EUR 21,596 miljun għall-iżvilupp rurali u li l-proċedura tal-approvazzjoni tal-konformità għadha għaddejja;

351.  Jinsab imħasseb serjament dwar ir-rapport reċenti ppubblikat mill-Uffiċċju Suprem tal-Kontroll Slovakk rigward il-ħidma tal-Aġenzija tal-Pagamenti għall-Agrikoltura Slovakka, li kkonkluda n-nuqqas ta' trasparenza fil-ġestjoni tas-sussidji diretti kif ukoll tal-kontroll sistematiku tal-applikanti u tad-destinatarji tas-sussidji(88); jinsab imħasseb dwar il-limitazzjonijiet fl-affidabbiltà tar-riżultati tal-ħidma mwettqa mill-korpi taċ-ċertifikazzjoni, minħabba nuqqasijiet li l-Qorti identifikat f'xi kontrolli u metodoloġiji ta' kampjunar tal-korpi taċ-ċertifikazzjoni;

352.  Jinnota li l-OLAF għalaq tliet investigazzjonijiet amministrattivi fl-2020 dwar l-użu ħażin possibbli tal-fondi tal-Unjoni għall-agrikoltura fis-Slovakkja fir-rigward ta' applikazzjonijiet għal pagamenti diretti li saru bejn l-2013 u l-2019; jiddispjaċih li kumpanija nstabet li intenzjonalment talbet pagamenti mill-Unjoni fuq art ineliġibbli, li prinċipalment intużat għal attività mhux agrikola; iqis li huwa allarmanti li l-OLAF identifika wkoll li ċerti żoni li għalihom kienu ilhom isiru talbiet għal snin twal minn xi kumpaniji fil-fatt ma kinux koperti minn kuntratti ta' kiri legalment validi;

353.  Jinnota wkoll li l-investigazzjonijiet tal-OLAF kixfu diversi dgħufijiet fis-sistema ta' kontroll u ġestjoni għall-pagamenti diretti fis-Slovakkja; jiddispjaċih li hemm biss kontrolli limitati ħafna dwar jekk ir-rimi tal-art mill-applikanti huwiex legali u li l-verifiki huma limitati għal talbiet li jikkoinċidu; jinnota s-sejba tal-OLAF li l-proċeduri ta' verifika interni adottati mill-awtorità nazzjonali Slovakka inkarigata mill-ġestjoni tal-art agrikola taħt sjieda tal-Istat jew art mingħajr sid privat magħruf għandhom jittejbu fir-rigward tat-trasparenza u ċ-ċertezza legali tagħha; jinnota li b'riżultat tan-nuqqasijiet fil-proċessi ta' verifika, l-OLAF iqis li l-pagamenti żejda jistgħu jammontaw għal aktar minn miljun euro;

354.  Jibqa' mħasseb serjament dwar rapporti dwar fondi agrikoli li jispiċċaw fil-bwiet tal-mexxejja awtokrati u l-ħbieb tagħhom; itenni li dan jirrappreżenta inġustizzja gravi lejn il-kontribwenti tal-UE u partikolarment lejn il-bdiewa żgħar u l-komunitajiet rurali; jisħaq li l-qerda tal-korruzzjoni u l-frodi għandha tkun parti integrali tal-PAK;

355.  Jissottolinja li, minħabba l-problemi mifruxa ta' kunflitt ta' interessi fid-distribuzzjoni tal-fondi agrikoli tal-Unjoni, mhuwiex mixtieq li l-membri tal-Kunsill Ewropew, il-ministri tal-agrikoltura, il-funzjonarji, jew il-membri tal-familja tagħhom ikunu qed jieħdu deċiżjonijiet dwar l-appoġġ għall-introjtu;

356.  Jinsab sorpriż mill-evalwazzjoni tal-Kummissjoni li skontha l-ministru agrikolu Ċek mhuwiex f'sitwazzjoni ta' kunflitt ta' interess minkejja li rċieva ammonti sostanzjali ta' sussidji mill-PAK meta kien responsabbli għall-programmazzjoni tal-programmi agrikoli fil-qafas tal-PAK; jikkritika l-interpretazzjoni u l-applikazzjoni apparentement differenti tal-Artikolu 61 tar-Regolament Finanzjarju; jitlob lill-Kummissjoni tipprovdi rapport komprensiv li jixħet dawl fuq jekk attwalment qed isirux awditi fuq kwalunkwe membru tal-gvern fi kwalunkwe Stat Membru, u tipprovdi ħarsa ġenerali dwar liema membri tal-gvernijiet fl-Istati Membri kollha jirċievu sussidji mill-PAK u/jew mill-fondi ta' koeżjoni;

357.  Jindika studju reċenti offrut lill-Awtorità ta' Kwittanza dwar l-identifikazzjoni tal-benefiċjarji diretti u finali tal-infiq tal-PAK(89); itenni s-sejba tal-istudju li għadu impossibbli li tingħata ħarsa ġenerali komprensiva u aċċessibbli ta' dawn il-benefiċjarji; għalhekk, jitlob lill-Kummissjoni biex, b'kooperazzjoni mal-aġenziji nazzjonali, tipproponi format standardizzat u aċċessibbli għall-pubbliku biex tiżvela l-benefiċjarji aħħarin tal-PAK;

358.  Iħeġġeġ lill-Kummissjoni tikkoopera mal-Istati Membri sabiex taġġusta l-kundizzjonijiet stabbiliti mill-awtoritajiet nazzjonali biex jirċievu sussidji għal proġetti kbar, peress li attwalment il-biċċa l-kbira tal-finanzjament tal-PAK huwa ta' benefiċċju għal kumpaniji kbar; jistieden lill-Kummissjoni toħroġ rakkomandazzjonijiet u tallinja dawn il-kundizzjonijiet sabiex ikunu armonizzati aħjar madwar l-UE, filwaqt li tirrispetta l-ispeċifiċitajiet nazzjonali;

359.  Jistieden lill-Kummissjoni tirrapporta lill-Parlament dwar ir-riżultati tal-proċedura tal-awditjar tad-DĠ AGRI dwar il-każ ta' kunflitt ta' interess fir-Repubblika Ċeka; jitlob li tingħata attenzjoni partikolari lill-pagamenti li jsiru lill-kumpaniji li huma proprjetà diretta u indiretta tal-Prim Ministru Ċek jew ta' Membri oħra tal-Gvern Ċek;

360.  Jinnota li fir-rigward tal-miżuri tas-suq, 6 Aġenziji tal-Pagamenti ġew ikklassifikati bħala li jipprovdu "aċċertament limitat b'riskju għoli": il-Bulgarija, Spanja, ir-Renju Unit, il-Greċja, l-Italja (għal 2 skema ta' għajnuna) u l-Portugall. L-ogħla rata ta' żball aġġustata nstabet fil-Bulgarija (11,52 %), segwita mill-Polonja (7,15 %) u l-Italja (6,12 %). DĠ AGRI ħareġ 7 riżervi fil-livell tal-miżura: Frott u ħxejjex: Programmi operazzjonali għall-organizzazzjonijiet tal-produtturi (ir-Renju Unit, l-Italja u l-Portugall), iż-żejt taż-żebbuġa (il-Greċja), is-settur tal-inbid (il-Bulgarija, l-Italja), l-Iskema tal-Iskejjel tal-UE (Spanja). Jinsab partikolarment imħasseb dwar is-settur tal-inbid, fejn ir-rati ta' żball aġġustati fil-Bulgarija (15,7 %) u fl-Italja (9,6 %) huma għoljin ħafna, b'ammonti f'riskju ta' aktar minn EUR 30 miljun fl-Italja u EUR 2,3 miljun fil-Bulgarija.

361.  Jinnota li fir-rigward tal-pagamenti diretti, 18-il Aġenzija tal-Pagamenti kellhom rata ta' żball ta' bejn 2 % u 5 %, u waħda ogħla minn 5 % (5,2 fl-Awstrija). DĠ AGRI ħareġ 17-il riżerva fil-livell tal-Aġenzija tal-Pagamenti għall-Awstrija, Ċipru, id-Danimarka, Spanja (3 Aġenziji tal-Pagamenti), il-Greċja, l-Italja (7 Aġenziji tal-Pagamenti), il-Portugall, ir-Rumanija u l-Iżvezja;

362.  Ir-riżervi jistgħu jinġabru fil-kategoriji li ġejjin: minħabba dgħufijiet fir-rigward tal-intitolamenti għal pagament (AT, DK, IT, PT, SE), minħabba dgħufija f'miżuri volontarji ta' appoġġ ibbażati fuq l-annimali (AT, GR, RO), minħabba rata għolja ta' żball irrappurtata (CY), abbażi tal-valutazzjoni tal-Korp taċ-Ċertifikazzjoni (ES06), minħabba dgħufijiet fil-kwalità tal-kontrolli fuq il-post (ES09, ES15, GR, PT, SE), dgħufijiet fis-Sistema ta' Identifikazzjoni tal-Irqajja' tal-Art (LPIS) (IT) u minħabba dgħufijiet fid-definizzjoni tal-art (RO, SE);

363.  It-tnaqqis li sar fl-2019 kien jikkonċerna 17-il Stat Membru u ammont totali ta' EUR 67 764 269,48 li minnhom 36 miljun waqgħu fuq l-Italja, 15-il miljun fuq ir-Renju Unit u 8 miljuni fuq Spanja;

364.  Jinnota li fir-rigward tal-iżvilupp rurali, 30 minn 71 Aġenzija tal-Pagamenti għandhom rata ta' żball aġġustat 'il fuq minn 2 % (li minnhom 8 kienu 'il fuq minn 5 %: Ċipru, il-Ġermanja (Aġenzija tal-Pagamenti waħda), l-Estonia, Spanja (Aġenzija tal-Pagamenti waħda), Franza (Aġenzija tal-Pagamenti waħda), ir-Renju Unit (Aġenzija tal-Pagamenti waħda), il-Portugall, is-Slovakkja. DĠ AGRI ħareġ 21 riżerva fil-livell tal-Aġenzija tal-Pagamenti: l-Awstrija, Ċipru, il-Ġermanja (Aġenzija tal-Pagamenti waħda), id-Danimarka, l-Estonja, Spanja (żewġ Aġenziji tal-Pagamenti), il-Finlandja, Franza (żewġ Aġenziji tal-Pagamenti), ir-Renju Unit (Aġenzija tal-Pagamenti waħda), il-Kroazja, l-Ungerija, l-Irlanda, l-Italja (żewġ Aġenziji tal-Pagamenti), il-Litwanja, il-Portugall, ir-Rumanija, l-Iżvezja u s-Slovakkja. L-ogħla rati ta' żball aġġustati nstabu fis-Slovakkja (10,31 %), segwiti minn 7,63 % f'Ċipru u 5,94 % fil-Polonja;

365.  Ir-riżervi jistgħu jinġabru fil-kategoriji li ġejjin: minħabba dgħufijiet fil-miżura tal-biedja organika (AT, HU); afforestazzjoni (ES02, PT); u għall-miżura relattiva għall-investimenti tal-programm Leader u l-investimenti privati tas-Sistema Integrata ta' Amministrazzjoni u Kontroll (non-IACS) (DE19), minħabba nuqqasijiet fil-verifiki għall-kontrolli fuq il-post (CY, DK, FR18, FR19, IT10, SK); ir-raġonevolezza tal-ispejjeż (ES09, FR19); fil-kontroverifiki (ES09, SK); ineliġibbiltà (ES09, CY, RO, SK) u bidwi attiv (GB07), minħabba dgħufijiet fil-proċeduri ta' superviżjoni għal xi miżuri (IT10); u fir-reġistrazzjoni tal-erja massima eliġibbli (MEA) fis-Sistema ta' Identifikazzjoni tal-Irqajja' tal-Art (LPIS) għall-miżuri tas-Sistema Integrata ta' Amministrazzjoni u Kontroll (IACS) (IT10, IT26), minħabba nuqqasijiet fil-miżura ta' investiment (HR); investimenti privati (LT); forestrija, impenji agroambjentali, twaqqif ta' gruppi ta' produtturi u miżuri ta' ġestjoni tar-riskju (HU); minħabba nuqqasijiet fil-proċeduri ta' akkwist pubbliku (HU, RO, SK), minħabba rati ta' żball irrappurtati għoljin (CY, DK, EE, ES02, ES09, FR18, FR19 HR, IE, LT, PT), abbażi tal-valutazzjoni tal-Korp taċ-Ċertifikazzjoni (FI, GB07, HR, IT26, SE);

Rakkomandazzjonijiet

366.  Jistieden lill-Kummissjoni:

Prestazzjoni tal-PAK

367.  Iqis li, fid-dawl tan-nuqqas ta' strumenti speċifiċi tal-PAK biex jiġi bbilanċjat il-funzjonament tal-katina tal-provvista tal-ikel, il-prijorità urġenti hija li titkompla l-leġiżlazzjoni sabiex il-bdiewa ma jibqgħux l-aktar ħolqa dgħajfa fil-katina;

368.  Jisħaq li l-investimenti li jikkontribwixxu għal irkupru ekonomiku reżiljenti, sostenibbli u diġitali, f'konformità mal-għanijiet agroambjentali klimatiċi segwiti fil-Patt Ekoloġiku Ewropew, huma fundamentali għall-iżvilupp soċjali u ekonomiku taż-żoni rurali;

369.  Jenfasizza r-rwol tal-appoġġ bażiku għall-introjtu fil-PAK u l-kontribut tiegħu għaż-żamma tal-attività agrikola u dik tat-trobbija tal-bhejjem, it-trażżin tal-esodu rurali u l-promozzjoni ta' ambjent rurali vibranti u dinamiku;

370.  Jenfasizza li l-appoġġ tal-PAK għall-bdiewa żgħażagħ ta prova tal-fatt li huwa għodda essenzjali, u għandu jissaħħaħ ulterjorment; jemmen li d-diġitalizzazzjoni u l-innovazzjoni, u l-investimenti għall-iżvilupp ta' ktajjen tal-provvista qosra u l-bejgħ dirett lill-konsumaturi, jistgħu jkunu strumenti deċiżivi għar-rivitalizzazzjoni taż-żoni rurali li permezz ta' dan isiru aktar attraenti għall-bdiewa żgħażagħ; iqis li, meta l-Istati Membri jwettqu l-ippjanar strateġiku tagħhom, huma għandhom jagħtu prijorità lil appoġġ suffiċjenti u aċċessibbli, flimkien mas-semplifikazzjoni għall-benefiċjarji finali, b'mod partikolari għall-bdiewa żgħażagħ, ġodda u żgħar; jisħaq fuq il-ħtieġa li jiġu introdotti proċeduri, fl-istadju ta' implimentazzjoni tal-pjanijiet strateġiċi nazzjonali, li jkunu mfassla għal ħtiġijiet speċifiċi;

371.  Jenfasizza kemm ġeneralment jaħdmu tajjeb il-pagamenti akkoppjati volontarji biex jappoġġjaw setturi f'riskju serju ta' abbandun;

372.  Jirrimarka li l-fondi promozzjonali huma essenzjali għall-ftuħ u l-konsolidazzjoni ta' swieq ġodda; jistieden lill-Kummissjoni tiżgura li l-mudell ekoloġiku jiġi promoss bl-istess mod bħal mudelli oħra ugwalment sostenibbli, bħall-produzzjoni integrata jew il-biedja ta' preċiżjoni;

373.  Jinnota li PAK aktar ekoloġika, f'konformità mal-Ftehim ta' Pariġi u l-Patt Ekoloġiku Ewropew, mhux biss tappoġġja lill-Unjoni biex tilħaq il-miri tagħha, iżda żżid ukoll l-effiċjenza fl-użu tal-flejjes pubbliċi, billi tillimita l-esternalitajiet negattivi marbuta mal-prattiki agrikoli u tmexxi l-enfasi fuq il-prevenzjoni aktar milli l-kura;

374.  Ifakkar li n-nefqa li tikkontribwixxi għat-twaqqif u t-treġġigħ lura tat-tnaqqis tal-bijodiversità għandha tiġi kkalkulata abbażi ta' metodoloġija effettiva, trasparenti u komprensiva stabbilita mill-Kummissjoni, b'kooperazzjoni mal-Parlament u mal-Kunsill; jistieden lill-Kummissjoni tipprovdi lill-Parlament b'rapport annwali li jistabbilixxi fid-dettall il-kontribut ta' kull partita baġitarja għall-mira tal-integrazzjoni tal-bijodiversità li jiġi pprovdut 7,5 % tal-infiq annwali taħt il-QFP 2021-2027 għall-għan tal-bijodiversità mill-2024 u 10 % tal-infiq annwali taħt il-QFP 2021-2027 għall-għan tal-bijodiversità mill-2026, sabiex jiġi ffaċilitat il-monitoraġġ tiegħu;

375.  Iqis li huwa inkwetanti li l-Qorti identifikat dgħufijiet fis-sett ta' indikaturi tal-prestazzjoni tal-PAK:

376.  Jiddeplora l-livell baxx ta' biedja organika fl-Ewropa, li huwa biss 7,5 % meta jitqiesu r-riżorsi investiti; jistieden lill-Kummissjoni tistabbilixxi mudell ibbażat fuq il-prestazzjoni fil-PAK li għandu jaħdem abbażi tal-istess indikaturi, li jagħti valuri kwantifikati biex jiġu identifikati l-objettivi intermedji; jinsisti fuq il-ħtieġa li tiġi pprovduta informazzjoni addizzjonali sinifikanti dwar il-prestazzjoni lejn il-kisba tal-għan ta' politika dwar il-bijodiversità u l-azzjonijiet klimatiċi; jenfasizza li huwa meħtieġ għarfien aħjar f'setturi bħall-agrikoltura u l-forestrija; jistieden lill-Kummissjoni tqis it-titjib ulterjuri ssuġġerit fir-rappurtar ta' kif il-politiki ta' mitigazzjoni tal-UE u dawk nazzjonali jikkontribwixxu għall-ilħuq tal-miri ta' tnaqqis tal-emissjonijiet; tipproponi li s-Sistema ta' Monitoraġġ tal-Erja (AMS) għandha tkun obbligatorja fil-qafas tal-IACS (Sistema Integrata ta' Amministrazzjoni u Kontroll) fl-Istati Membri;

377.  Jinsab imħasseb dwar id-disponibbiltà limitata u l-aċċess pubbliku limitat għad-data dwar is-sussidji agrikoli u l-benefiċjarji finali tagħhom; huwa tal-fehma li tali informazzjoni għandha ssir pubblika iżda strettament f'konformità mal-leġiżlazzjoni dwar il-protezzjoni tad-data u l-ġuriżdizzjoni permanenti tal-QĠUE dwar din il-kwistjoni; jistieden lill-Kummissjoni u lill-Istati Membri tal-Unjoni jiġbru tali data u jagħmluha aċċessibbli skont il-kundizzjonijiet ta' hawn fuq b'mod trasparenti u faċli għall-utent (inkluż il-format li jinqara minn magna), sabiex dan jippermetti trasparenza u kontroll pubbliku tal-użu tal-fondi tal-Unjoni, b'mod ġenerali, iżda b'mod espliċitu għall-korpi u l-awtoritajiet rilevanti;

378.  Jinnota bi tħassib li skont ir-regoli ta' trasparenza attwali, id-data hija disponibbli biss għal perjodu ta' sentejn fil-każ ta' finanzjament tal-PAK; jitlob li jiġi applikat perjodu ta' żmien itwal fil-każ tal-finanzjament tal-PAK kif inhu l-każ għall-fondi strutturali;

379.  Jinnota li fl-2019 il-Kummissjoni ċċarat il-qafas legali applikabbli għall-monitoraġġ dirett permezz tat-teknoloġiji tal-immaġni(90); jilqa' l-osservazzjonijiet tal-Qorti(91) li t-teknoloġiji tal-immaġni jirrappreżentaw vantaġġi straordinarji bħat-tnaqqis taż-żjarat fuq il-post u konsegwentement l-ispejjeż amministrattivi tagħhom, approċċ ta' monitoraġġ interattiv li jipprevjeni n-nuqqas ta' konformità u l-ġenerazzjoni ta' data utli għall-biedja intelliġenti; jenfasizza b'mod partikolari li t-teknoloġiji tal-immaġni jippermettu l-monitoraġġ tal-popolazzjoni kollha tad-destinatarji tal-għajnuna, li tista' tkun bidla radikali f'termini ta' kontroll baġitarju; jistieden lill-Kummissjoni tirrevedi l-indikaturi tal-prestazzjoni ambjentali u klimatika sabiex tagħmilhom kompatibbli mal-verifiki permezz tal-monitoraġġ; iħeġġeġ lill-Kummissjoni tneħħi l-ostakli għal użu usa' tat-teknoloġiji tal-immaġni u tipprovdi inċentivi u appoġġ lill-aġenziji tal-pagamenti nazzjonali biex jużaw il-verifiki permezz tal-monitoraġġ;

380.  Jinnota l-osservazzjoni tal-Qorti li l-informazzjoni fl-AMPR hija allinjata mad-data sottostanti fid-dikjarazzjonijiet tal-programmi, iżda l-APMR jagħti perspettiva ottimista wisq tal-kisbiet u ma jiddiskutix l-effiċjenza tal-infiq; jistieden lill-Kummissjoni tirrapporta lill-awtorità ta' kwittanza dwar il-miżuri meħuda biex jingħelbu l-isfidi sinifikanti li hija nnotat fil-kisba tal-għanijiet ta' politika għall-perjodu 2014-2020;

381.  Jieħu nota tal-osservazzjoni tal-Qorti li l-pagamenti diretti jnaqqsu l-volatilità tal-introjtu (b'madwar 30 % kif issuġġerit minn studju ta' evalwazzjoni bl-użu ta' data għall-2010-2015), iżda fil-biċċa l-kbira mhumiex immirati; jitlob lill-Kummissjoni tiżgura li jkun hemm konsistenza aħjar bejn il-miri indirizzati mill-indikaturi u l-għan ta' politika li jiżdied il-qligħ individwali tal-persuni involuti fl-agrikoltura filwaqt li tiġi limitata l-ħtieġa għal appoġġ dirett;

382.  Jilqa' r-reviżjoni tal-indikaturi u l-għanijiet fil-proposti tal-Kummissjoni dwar il-PAK wara l-2020 li hija bbażata fuq id-dgħufijiet identifikati mis-Servizz tal-Awditjar Intern tagħha u mill-Qorti fir-rigward tal-indikaturi tas-CMEF, kif ukoll fuq ir-rikonoxximent tal-ħtieġa li jiġu żviluppati aktar l-indikaturi;

383.  Jinnota l-osservazzjoni tal-Qorti li l-PAK għandha l-potenzjal li tikkontribwixxi għall-użu sostenibbli tar-riżorsi naturali, iżda ma hemmx biżżejjed data biex tiġi vvalutata l-effikaċja; jinnota ulterjorment is-sejbiet tagħha li l-ekoloġizzazzjoni kien kellha ftit effett li jista' jitkejjel fuq il-prattiki tal-biedja u l-ambjent u li essenzjalment baqgħet skema ta' appoġġ għall-introjtu;

384.  Jieħu nota tar-restrizzjoni, identifikata mill-Qorti għal kontribut b'suċċess tal-miżuri agroambjentali u klimatiċi għall-bijodiversità u jistieden lill-Kummissjoni tissuġġerixxi miżuri biex tiżdied il-kopertura tal-iskemi ta' porzjon sostanzjali tal-pajsaġġ agrikolu u ta' riskji speċifiċi;

385.  Jieħu nota tal-kisba modesta mill-miżuri ta' forestrija taħt il-FAEŻR, il-kisba ta' 60 % fl-2018 tal-mira għal sistemi ta' irrigazzjoni aktar effiċjenti stabbilita għall-2023 u l-ħtieġa għal aktar tnaqqis tal-emissjonijiet ta' gassijiet serra mill-agrikoltura u jistieden lill-Kummissjoni tirrapporta dwar il-miżuri meħuda biex jittejbu r-riżultati tal-implimentazzjoni tal-PAK f'dawn l-oqsma;

386.  Jieħu nota tal-osservazzjoni tal-Qorti li l-AMPR fih informazzjoni dwar l-impjiegi u l-aċċess għall-broadband, iżda ma jipprovdi l-ebda informazzjoni rilevanti dwar il-prestazzjoni għall-objettiv ta' żvilupp territorjali bbilanċjat; jiddispjaċih ħafna li 40 % tal-unitajiet domestiċi rurali għad m'għandhomx aċċess għall-internet b'veloċità għolja. Id-diġitalizzazzjoni mhijiex qed titħaffef fiż-żoni rurali biex jiġi xprunat l-impjieg hemmhekk u biex jiġi appoġġjat l-iżvilupp tal-azjendi agrikoli fuq bażi ta' kuljum;

387.  Jilqa' ż-żieda fir-rata ta' impjieg rurali minn 63,4 % fl-2012 għal 68,1 % fl-2018;

388.  Jieħu nota taċ-ċifri li dwarhom il-Qorti tikkummenta għal LEADER fi tmiem l-2018 (13 337 impjiegi reġistrati li jirrappreżentaw 30 % tal-mira tal-2023) kif ukoll tal-fatt li l-Kummissjoni ma għandhiex data affidabbli dwar l-impjiegi maħluqa fl-ambitu ta' LEADER; jitlob lill-Kummissjoni taħdem flimkien mal-Istati Membri sabiex tittejjeb id-disponibbiltà ta' data affidabbli għall-implimentazzjoni ta' LEADER;

389.  Huwa mħasseb dwar l-għadd kbir ta' rapporti fil-midja dwar abbużi tad-drittijiet tax-xogħol ta' ħaddiema agrikoli transfruntiera u staġjonali madwar l-UE, f'ħafna Stati Membri; jappoġġja lill-Kummissjoni fl-isforzi tagħha li tirrifjuta l-għajnuna lill-azjendi agrikoli li ma jirrispettawx id-drittijiet tax-xogħol tal-ħaddiema staġonali;

Rakkomandazzjonijiet

390.  Jistieden lill-Kummissjoni:

Sigurtà u ċittadinanza

391.  Jinnota li l-pagamenti għas-"Sigurtà u Ċittadinanza" ammontaw għal EUR 3,3 biljun u ġew żburżati permezz tal-programmi, il-politiki u l-aġenziji li ġejjin:

392.  Jinnota b'sodisfazzjon li fl-ambitu tal-programm Ewropa Kreattiva ġew iffirmati 1 370 ftehim ta' għotja fl-2019, ċifra li teċċedi b'hekk il-mira tal-Kummissjoni u tuża għalkollox l-approprjazzjonijiet tal-baġit disponibbli; ifakkar, f'dan ir-rigward, li distribuzzjoni ġeografika ġusta tal-għotjiet hija essenzjali biex tiġi sfruttata r-rikkezza kollha tal-kultura Ewropea; jilqa' l-iżviluppi rigward l-implimentazzjoni tal-proġett pilota dwar l-iskema ta' mobbiltà għall-artisti u għall-professjonisti fl-oqsma tal-kultura u kreattività, kif ukoll l-azzjonijiet preparatorja għal "L-Ewropa għall-Festivals, Festivals għall-Ewropa" u għal "Il-Mużika Ċċaqlaq l-Ewropa"; jieħu l-opportunità biex ifakkar fl-importanza li jiżdied il-baġit għal dan il-programm biex tkompli tittejjeb ir-rata ta' suċċess tiegħu;

393.  Għadu mħasseb dwar in-nuqqas apparenti ta' trasparenza u ta' obbligu ta' rendikont fl-arranġamenti għall-għoti mill-Kummissjoni ta' appoġġ finanzjarju lil Euronews; jenfasizza li l-Qorti ma tindikax nuqqasijiet min-naħa ta' Euronews, iżda tiffoka ħafna aktar fuq il-mekkaniżmi ta' monitoraġġ u evalwazzjoni tal-Kummissjoni; iħeġġeġ għaldaqstant lill-Kummissjoni żżid it-trasparenza fir-rigward tal-baġit għall-attivitajiet multimedjali u ttejjeb l-obbligu ta' rendikont għall-infiq; jinnota li Euronews kien soġġett għal żewġ awditi tal-prestazzjoni f'dawn l-aħħar erba' snin; jirrikonoxxi li awditu indipendenti tal-prestazzjoni ta' azzjonijiet iffinanzjati fil-linja baġitarja tal-Azzjonijiet Multimedjali, li ġie ppubblikat fit-23 ta' Ġunju 2020, jiddikjara li "Euronews għandu proċeduri stabbiliti sew biex jappoġġa l-kwalità editorjali, il-bilanċ, l-indipendenza u l-imparzjalità, u dawn jidhru li qed joperaw b'mod effettiv"; ifakkar fil-ħtieġa li titkompla evalwazzjoni imparzjali sabiex jiġu garantiti l-ogħla standards ta' trasparenza u obbligu ta' rendikont; jitlob lill-Kummissjoni tirrifletti t-tħassib tal-Parlament Ewropew fit-tfassil tal-Ftehim Qafas ta' Sħubija li jmiss fl-2021; jitlob lill-Kummissjoni tiddiversifika l-mezzi ta' komunikazzjoni ffinanzjati taħt il-linja baġitarja tal-Azzjonijiet Multimedjali;

394.  Jenfasizza li l-benefiċjarji tal-programmi li jippromwovu d-drittijiet, l-ugwaljanza u ċ-ċittadinanza taħt il-baġit tal-Unjoni jeħtiġilhom jaderixxu mal-ogħla standards tal-istat tad-dritt, il-midja indipendenti u l-libertà tal-espressjoni; jiddeplora l-fatt li x-xjenzjat politiku Awstrijak Farid Hafez ripetutament irċieva finanzjament mill-baġit tal-UE, minkejja l-assoċjazzjoni mill-qrib tiegħu mal-Fratellanza Musulmana u l-gvern Tork, li jippruvaw isikktu ġurnalisti indipendenti u jeliminaw il-libertà tal-midja bl-iskuża tal-Iżlamofobija; jistieden lill-Kummissjoni temenda l-kriterji ta' eliġibbiltà għall-programmi favur id-drittijiet, l-ugwaljanza u ċ-ċittadinanza fil-qafas tal-baġit tal-Unjoni biex tipprevjeni lil individwi u organizzazzjonijiet b'tali fehmiet inkwetanti milli jirċievu finanzjament mill-Unjoni;

395.   Jilqa' r-riżultati f'oqsma ta' azzjoni ewlenin tal-ugwaljanza bejn il-ġeneri, bħall-vjolenza abbażi tal-ġeneru permezz ta' programmi speċifiċi, kif ukoll l-eżitu u l-konklużjoni tan-negozjati tal-QFP dwar il-programm dwar iċ-ċittadinanza, l-ugwaljanza, id-drittijiet u l-valuri;

396.  Jitlob li jiġu studjati s-sinerġiji bejn il-programmi interni u esterni tal-Unjoni biex jiġi żgurat approċċ koerenti u kontinwu għall-politiki kemm ġewwa kif ukoll barra l-Unjoni, speċjalment pereżempju għal kwistjonijiet relatati mal-vjolenza fuq in-nisa jew mal-ġlieda kontra t-traffikar tal-bnedmin;

397.  Itenni bil-qawwa t-talba tiegħu li jiżdiedu r-riżorsi ddedikati għall-prevenzjoni u l-ġlieda kontra l-vjolenza abbażi tal-ġeneru fl-ambitu tal-programm dwar iċ-Ċittadini, l-Ugwaljanza, id-Drittijiet u l-Valuri, speċjalment wara l-eskalazzjoni tal-vjolenza fuq in-nisa matul il-kriżi tal-COVID-19; itenni l-appell tiegħu għal linja baġitarja indipendenti għall-miżuri kollha mmirati speċifikament lejn l-ugwaljanza bejn il-ġeneri, inkluż dwar il-vjolenza abbażi tal-ġeneru, li se jkun l-ewwel pass biex tiżdied it-trasparenza, jiġi ffaċilitat is-segwitu tal-infiq marbut mal-ġeneri u jkun hemm proċess deċiżjonali miftuħ dwar il-fondi allokati għall-ugwaljanza bejn il-ġeneri, fejn il-Parlament għandu jkollu rwol fundamentali fil-kapaċità tiegħu bħala awtorità baġitarja;

398.  Jinsab imħasseb li fl-analiżi tal-infiq intern tagħha tal-programmi attwali tal-Unjoni, il-Qorti sabet li l-ugwaljanza bejn il-ġeneri ma kinitx ġiet integrata fil-baġit kollu tal-Unjoni bl-istess mod bħat-tibdil fil-klima jew il-bijodiversità u li minflok, programmi speċifiċi, prinċipalment dawk li jindirizzaw kwistjonijiet soċjali u tal-impjiegi, kienu ntużaw biex tiġi indirizzata d-diskriminazzjoni abbażi tal-ġeneru; jiddispjaċih li ma hemm l-ebda metodoloġija fis-seħħ biex jiġi segwit l-infiq iddedikat għall-ugwaljanza bejn il-ġeneri; jilqa' d-deċiżjoni tal-Qorti li teżamina l-integrazzjoni ta' kwistjonijiet ta' ugwaljanza bejn il-ġeneri fil-baġit tal-UE u li tippubblika r-rapport tal-awditu fl-ewwel kwart tal-2021(92);

399.  Jenfasizza li d-drittijiet tan-nisa u perspettiva tal-ugwaljanza bejn il-ġeneri għandhom jiġu integrati u żgurati fl-oqsma ta' politika kollha, b'mod partikolari fid-dawl tal-impatti multipli skont il-ġeneru tal-pandemija tal-COVID-19 fuq id-drittijiet tan-nisa; itenni, għalhekk, l-appell tiegħu għall-implimentazzjoni tal-integrazzjoni tal-perspettiva tal-ġeneri fl-istadji kollha tal-proċess baġitarju, inklużi l-implimentazzjoni ta' bbaġitjar skont il-ġeneru u l-valutazzjoni tal-eżekuzzjoni tiegħu; itenni t-talba tiegħu li jiġu inklużi indikaturi speċifiċi għall-ġeneru fis-sett komuni ta' indikaturi tar-riżultati għall-implimentazzjoni tal-baġit tal-UE;

400.  Jilqa' l-fatt li l-ugwaljanza bejn il-ġeneri u l-integrazzjoni tal-perspettiva tal-ġeneri ġew introdotti bħala wieħed mill-prinċipji orizzontali għall-fondi tal-Unjoni fil-QFP il-ġdid għall-2021-2027, u li dan jistipula li l-ugwaljanza bejn il-ġeneri u l-integrazzjoni tal-perspettiva tal-ġeneri issa se jingħataw prijorità fil-QFP; jiddispjaċih li għalkemm l-integrazzjoni tal-perspettiva tal-ġeneri kienet diġà inkluża f'dikjarazzjoni konġunta mehmuża mal-QFP għall-2014-2020, din ma ġietx implimentata għalkollox fil-QFP għal dan il-perjodu; jistenna li fil-futur, il-Kummissjoni tieħu l-impenji tagħha bis-serjetà billi timmonitorja mill-qrib l-implimentazzjoni ta' dawn il-prinċipji orizzontali fl-oqsma kollha tal-politika tal-UE u billi tipprovdi monitoraġġ mill-qrib tal-politiki u l-programmi kollha tagħha u valutazzjonijiet bir-reqqa tal-impatt tagħhom skont il-ġeneru;

401.  Jilqa' l-impenn li tiġi żviluppata metodoloġija biex jiġi segwit l-infiq fuq l-ugwaljanza bejn il-ġeneri u jitlob lill-Kummissjoni tiżgura li l-metodoloġija titfassal sa tmiem l-2021 biex issir operattiva malajr kemm jista' jkun;

402.  Jesprimi t-tħassib tiegħu dwar l-interrelazzjoni bejn l-attakki fuq l-istat tad-dritt u r-rigress fl-ugwaljanza bejn il-ġeneri u d-drittijiet tan-nisa; jitlob li din il-kwistjoni tiġi indirizzata permezz tal-proċedura tal-Artikolu 7 fil-konfront tal-Istati Membri kkonċernati;

Is-sejbiet tal-Qorti: Il-kontijiet annwali tal-AMIF/ISF tal-Istati Membri

403.  Jinnota l-fatt li l-aktar qasam sinifikanti tan-nefqa f'din l-intestatura huwa l-migrazzjoni u s-sigurtà kif ukoll il-fatt li l-biċċa l-kbira tal-infiq ġej minn żewġ fondi – il-Fond għall-Ażil, il-Migrazzjoni u l-Integrazzjoni (AMIF) u l-Fond għas-Sigurtà Interna (ISF);

404.  Jiddispjaċih li l-Qorti ma stmatx ir-rata ta' żball għal din l-intestatura tal-QFP iżda eżaminat kampjun ta' 19-il tranżazzjoni intiż sabiex jikkontribwixxi għad-dikjarazzjoni ta' assigurazzjoni ġenerali tagħha aktar milli biex ikun rappreżentattiv tal-infiq taħt din l-intestatura tal-QFP; jinnota li l-kampjun kopra 8 tranżazzjonijiet f'reġim ta' ġestjoni kondiviża, 8 tranżazzjonijiet f'reġim ta' ġestjoni diretta u tranżazzjoni waħda f'reġim ta' ġestjoni indiretta, u huwa mħasseb dwar il-fatt li l-Qorti identifikat seba' tranżazzjonijiet (37 %) li kienu milquta minn żbalji; ifakkar li l-interess pubbliku u politiku f'dan il-qasam huwa ferm ogħla mis-sehem finanzjarju tiegħu; itenni t-talba tiegħu lill-Qorti biex tistma b'mod ċar ir-rata ta' żball għall-kapitolu Sigurtà u Ċittadinanza;

405.  Jinnota li l-Qorti ma pprovdietx informazzjoni dwar l-impatt finanzjarju li t-tliet żbalji kwantifikabbli identifikati minnha kellhom fuq l-ammonti ddebitati lill-baġit tal-Unjoni;

406.  Jieħu nota ta' erba' każijiet ta' nuqqas ta' konformità mad-dispożizzjonijiet legali li jirregolaw l-għażla ta' proġetti u r-regoli dwar l-akkwist, iżda mingħajr impatt finanzjarju fuq il-baġit tal-Unjoni;

407.  Jinnota li l-Qorti awditjat ix-xogħol li sar minn tmien awtoritajiet li huma responsabbli kemm mill-awditjar tal-kontijiet annwali tal-AMIF/FSI tal-Istati Membri rispettivi tagħhom kif ukoll mill-għoti ta' rapport annwali ta' kontroll lill-Kummissjoni.

408.  Jinnota b'sodisfazzjoni li l-awtoritajiet tal-awditjar fl-Istati Membri17 magħżula mill-Qorti għal kontroll kienu żviluppaw u implimentaw proċeduri dettaljati ta' kwalità suffiċjenti biex jirrapportaw kif meħtieġ mir-regoli, u kellhom programmi ta' awditu u listi ta' kontroll dettaljati biex isostnu l-konklużjonijiet tagħhom;

409.  Iqis ċerti nuqqasijiet fir-rapporti annwali ta' kontroll maħruġa mill-awtoritajiet tal-awditjar, li l-impatt tagħhom fuq il-kontijiet ma kienx materjali biżżejjed biex inaqqas mill-konklużjonijiet tal-awtoritajiet tal-awditjar iżda joħloq riskju potenzjali ta' nuqqas ta' affidabbiltà tad-data rrappurtata u ta' aċċertament limitat, bħal:

410.  Jinnota li l-awtoritajiet tal-awditjar fl-Istati Membri(93) magħżula mill-Qorti għal awditu kellhom programmi ta' awditu u listi ta' kontroll dettaljati biex jappoġġjaw il-konklużjonijiet tagħhom;

411.  Jissottolinja ċerti nuqqasijiet fix-xogħol tal-awtoritajiet tal-awditjar li joħolqu riskji potenzjali ta' nuqqas ta' detezzjoni ta' infiq ineliġibbli, ta' nuqqas ta' affidabbiltà tal-konklużjonijiet tal-awditjar u ta' aċċertament limitat bħall-eżempji t'hawn taħt u jitlob lill-Kummissjoni u lill-Qorti jaħdmu flimkien mal-awtoritajiet nazzjonali tal-awditjar biex jikkoreġu dawn in-nuqqasijiet:

412.  Jindika n-nuqqasijiet li jirriżultaw mill-valutazzjonijiet li twettqu mill-Kummissjoni fir-rigward tar-rapporti annwali ta' kontroll(94) bħal:

413.  Jilqa' l-kooperazzjoni qawwija bejn l-OLAF u l-Qorti fil-ġlieda kontra l-frodi marbuta mal-baġit; jieħu nota tal-fatt li fl-2019, bħal fl-2018, disa' każijiet ta' frodi ġew irrappurtati lill-OLAF mill-Qorti, li fir-rigward tagħhom l-OLAF fetaħ ħames investigazzjonijiet; jinnota li t-tipi ewlenin ta' frodi identifikati mill-Qorti huma dikjarazzjonijiet foloz ta' spejjeż, irregolaritajiet fl-akkwist u l-ħolqien artifiċjali ta' kundizzjonijiet biex wieħed jirċievi finanzjament mill-Unjoni;

414.  Jilqa' r-rapporti speċjali tal-Qorti, u b'mod partikolari dawk dwar l-ażil, ir-rilokazzjoni u r-ritorn tal-migranti(95), dwar is-sistemi ta' informazzjoni tal-UE li jappoġġjaw il-kontroll fil-fruntieri(96) u dwar il-ġlieda kontra l-frodi fl-infiq tal-UE(97), li jirreferi għar-rwol pożittiv tal-istabbiliment tal-Uffiċċju tal-Prosekutur Pubbliku Ewropew f'dan ir-rigward;

415.  Ifakkar fl-ittra tiegħu mibgħuta lill-Kummissjoni fit-13 ta' Frar 2020 dwar l-implimentazzjoni taż-żewġ atti delegati li jżidu l-istrument għall-appoġġ finanzjarju għall-fruntieri esterni u l-viża mar-Regolament Delegat (UE) 2020/446(98) (ir-Regolament ISF) u jżidu azzjoni speċifika ġdida mar-Regolament Delegat (UE) 2020/445(99) (ir-Regolament AMIF); jinnota li l-att delegat għall-AMIF ma ntużax; jistieden lill-Kummissjoni tipprovdi b'mod urġenti informazzjoni dettaljata dwar il-proġetti differenti ffinanzjati fil-qafas tar-Regolament Delegat (UE) 2020/446;

416.  Jitlob lill-Kummissjoni u lill-awtoritajiet tal-awditjar tal-Istati Membri jindirizzaw in-nuqqasijiet identifikati mill-Qorti rigward il-kopertura tal-awditjar, il-kampjunar u r-rendikont tal-entrati fir-rigward tal-awtoritajiet tal-awditjar tal-Istati Membri, u jirrapportaw lill-awtorità ta' kwittanza;

Prestazzjoni: AMIF

417.  Jindika erba' indikaturi tal-impatt ġenerali (dwar ir-ritorni reali meta mqabbla mad-deċiżjonijiet ta' ritorn, il-perċentwal ta' ritorni volontarji, id-differenza fir-rati ta' impjieg bejn iċ-ċittadini tal-Unjoni u dawk mhux tal-Unjoni, u l-konverġenza tar-rati ta' rikonoxximent għall-applikanti għall-ażil) li mhumiex direttament relatati mal-prestazzjoni tal-AMIF, għalkemm l-infiq mill-fond jista' jikkontribwixxi għall-mira korrispondenti;

418.  Jilqa' l-osservazzjoni tal-Qorti li l-evalwazzjoni interim tal-Kummissjoni tindika li l-AMIF huwa rilevanti u li ffinanzja interventi li kkorrispondew għall-ħtiġijiet tal-Istati Membri.

419.  Jinnota madankollu xi limitazzjonijiet fl-indikaturi tal-prestazzjoni tal-AMIF identifikati mill-Qorti, bħal pereżempju li żewġ terzi tal-indikaturi huma indikaturi tal-output u li 5 mill-24 stadju importanti tal-indikaturi għall-2020 diġà nkisbu fis-snin preċedenti, u li l-miri ma ġewx aġġustati 'l fuq f'konformità ma' prattika tajba ta' ġestjoni finanzjarja b'mod li jirriflettu r-rieda politika u l-potenzjal għal saħansitra aktar kisbiet;

420.  Jinnota li xi indikaturi tal-AMIF mhumiex fit-triq it-tajba biex jilħqu l-miri tagħhom, li l-Kummissjoni ma żviluppatx qafas ta' monitoraġġ tal-prestazzjoni għall-proġetti ffinanzjati mill-EMAS u li l-AMPR u d-dikjarazzjonijiet tal-programmi ftit li xejn jipprovdu informazzjoni dwar il-progress miksub taħt indikaturi importanti; jinnota bi tħassib li l-Qorti kkonstatat dewmien sinifikanti fir-rigward tal-ilħuq tal-objettiv li l-AMIF kien stabbilixxa għall-integrazzjoni u l-migrazzjoni legali;

421.  Jinnota li l-evalwazzjoni tal-indikaturi tal-output hija diffiċli f'dan il-qasam ta' politika; jinsab imħasseb dwar il-fatt li l-finanzjament tal-UE la tejjeb is-sitwazzjoni umanitarja fil-kampijiet tar-rifuġjati u lanqas ma pproteġa b'mod effettiv il-fruntieri esterni; jistieden lill-Kummissjoni tagħti kjarifika dettaljata, b'mod partikolari fir-rigward tal-proċeduri ta' ammissjoni fil-fruntieri esterni; jistieden lill-Kummissjoni tinvestiga eżattament fejn ġew investiti l-fondi tal-UE fil-programmi AMIF u liema titjib speċifiku ġabu magħhom; jitlob rapport korrispondenti mill-Kummissjoni għal kull wieħed mill-Istati Membri kkonċernati;

422.  Id-defiċits huma prinċipalment ikkawżati mit-tul tal-proċeduri tal-ażil, integrazzjoni kajmana u rati ta' ritorn insuffiċjenti; jistieden lill-Kummissjoni tal-Unjoni u lill-Istati Membri javvanzaw b'mod immedjat fil-qafas leġiżlattiv;

423.  Jitlob lill-Kummissjoni tieħu miżuri biex tindirizza n-nuqqasijiet identifikati mill-Qorti u ttejjeb l-informazzjoni inkluża fl-AMPR u fid-dikjarazzjonijiet tal-programmi, li jippermettu monitoraġġ aħjar tal-progress miksub mill-Fond;

424.  Jinsab imħasseb ħafna li informazzjoni dwar il-prestazzjoni aggregata limitata biss hija disponibbli dwar l-infiq ġenerali relatat mal-EMAS(100) (allokazzjoni inizjali ta' EUR 100 miljun żdiedet għal EUR 2,2 biljun għall-perjodu sal-2020, li tirrappreżenta 30 % tal-fond, madankollu, il-Kummissjoni ma żviluppatx qafas ta' monitoraġġ tal-prestazzjoni għall-proġetti ffinanzjati mill-EMAS);

425.  Jinsab imħasseb ħafna dwar il-fatt li l-AMPR u d-dikjarazzjonijiet tal-programmi ftit li xejn jipprovdu informazzjoni dwar ekonomija u effiċjenza fl-implimentazzjoni tal-fond, jew dwar il-kosteffettività tal-azzjonijiet tal-AMIF;

426.  Jinsab imħasseb ħafna dwar il-fatt li l-AMPR u d-dikjarazzjonijiet tal-programmi ma jirrappurtawx dwar miżuri mmirati biex jattiraw ħaddiema b'livell għoli ta' ħiliet lejn l-Unjoni permezz ta' skemi ta' migrazzjoni legali, u li l-indikaturi mhumiex adatti għar-rappurtar dwar tali miżuri;

427.  Jieħu nota tal-eżistenza ta' żewġ skemi paralleli ffinanzjati mill-Unjoni li jappoġġjaw l-istess tip ta' attivitajiet ta' ritorn (NPs tal-AMIF u l-appoġġ għar-ritorn tal-Frontex) kif ukoll tal-fatt li l-koordinazzjoni hija prinċipalment ir-responsabbiltà tal-Istati Membri; għalhekk jistedinhom jiżguraw koordinazzjoni aħjar bejn iż-żewġ skemi;

428.  Jinnota bi tħassib li, kemm għall-AMIF kif ukoll għall-ISF, mhux il-baġit kollu disponibbli ntuża mill-Istati Membri; iqis li dan huwa partikolarment problematiku fid-dawl tal-użu dejjem akbar tal-assistenza f'każ ta' emerġenza biex jiġu ffinanzjati l-politiki tal-Istati Membri f'dawn l-oqsma; ifakkar li l-isfidi relatati mas-sigurtà u l-ġestjoni tal-migrazzjoni huma prijorità għall-Unjoni; jirrikonoxxi l-isforzi tal-Kummissjoni f'dan ir-rigward u jitlob kooperazzjoni akbar mill-Istati Membri kollha;

Rakkomandazzjonijiet

429.  Jistieden lill-Kummissjoni:

430.  Jitlob lill-Kummissjoni:

431.  Jistieden lill-Kummissjoni tikkonforma b'mod sħiħ mal-Ftehim Interistituzzjonali dwar dixxiplina baġitarja, dwar kooperazzjoni f'materji baġitarji u dwar ġestjoni finanzjarja tajba(102) bħala kwistjoni ta' konformità mad-dispożizzjonijiet ġuridiċi tal-Unjoni u l-prinċipju ta' governanza tajba;

RAA tad-DĠ HOME għall-2019

432.  Jinnota li d-DĠ Migrazzjoni u Affarijiet Interni żamm żewġ riżervi fil-ġestjoni kondiviża (waħda għall-AMIF u l-ISF, u waħda għall-Fondi SOLID għall-perjodu 2007-2013, li kull waħda minnhom hijaa s-suġġett ta' riserva f'diversi Stati Membri) u riżerva oħra f'għotjiet f'reġim ta' ġestjoni diretta minħabba livell ta' żball materjali li jammonta għal rata ta' żball residwu ta' 4,11 % u impatt stmat ta' EUR 7,21 miljun; jinnota li, skont r-Rapport Annwali tal-Attività tal-2019 tal-Kummissjoni, ir-rata medja ta' żball residwu fl-AMIF u l-ISF hija ta' 1,57 %, li tikkostitwixxi persentaġġ ferm inqas mil-livell limitu materjali ta' 2 %; jesprimi t-tħassib tiegħu dwar l-implimentazzjoni tal-proġett ta' assistenza ta' emerġenza intitolat "It-tisħiħ tal-attivitajiet ta' kontroll tal-fruntieri fil-fruntieri esterni tal-Kroazja minħabba żieda fil-pressjoni migratorja" minn Settembru 2018 sa tmiem l-2019 u jieħu nota tal-ftuħ tal-KAŻ 1598/2020/MMO mill-Ombudsman Ewropew dwar "kif il-Kummissjoni Ewropea timmonitorja u tiżgura r-rispett għad-drittijiet fundamentali mill-awtoritajiet Kroati fil-kuntest tal-operazzjonijiet ta' ġestjoni tal-fruntieri". jinnota l-enfasi li l-Kummissjoni għamlet fuq l-istabbiliment ta' mekkaniżmu ta' monitoraġġ indipendenti, kif stipulat fl-għotja; jinnota wkoll li l-Kummissjoni qed taħdem mill-qrib mal-Kroazja, li indikat l-intenzjoni tagħha li timplimenta dan il-mekkaniżmu ta' monitoraġġ indipendenti; ifakkar li l-istrumenti ta' finanzjament tal-Unjoni għall-ġestjoni tal-fruntieri jeħtieġu li l-azzjonijiet kollha ffinanzjati jirrispettaw u jikkonformaw mal-Karta tad-Drittijiet Fundamentali; jinsisti għalhekk li kwalunkwe assistenza ta' emerġenza futura relatata mal-ġestjoni tal-fruntieri mogħtija lill-Kroazja għandha tingħata biss wara li jiġi implimentat il-mekkaniżmu ta' monitoraġġ; jitlob lill-Ombudsman tipprovdi lill-Parlament b'aġġornamenti regolari dwar KAŻ 1598/2020/MMO;

433.  Jilqa' b'sodisfazzjon ir-rakkomandazzjonijiet maħruġa mis-Servizz tal-Awditjar Intern tal-Kummissjoni għad-DĠ HOME għall-2019 bħal:

RAA tad-DĠ JUST għall-2019

434.  Jissottolinja li d-DĠ Ġustizzja u Konsumaturi (DG JUST) żamm ir-riżerva tiegħu fir-rigward ta' rata ta' żball materjali fl-għotjiet f'reġim ta' ġestjoni diretta, li tammonta għal rata ta' żball residwu ta' 2,65 %; jieħu nota tal-impenn tal-Kummissjoni li tadatta l-metodoloġija tagħha għall-kalkolu tar-rata ta' żball fl-għotijiet tal-programm ta' Drittijiet, Ugwaljanza u Ċittadinanza u l-programm dwar il-Ġustizzja, f'konformità mal-osservazzjonijiet tal-Qorti, u li tibda tagħmel dan mill-implimentazzjoni tal-kampanja ta' awditu ex post tal-2020;

435.  Jilqa' b'sodisfazzjon l-implimentazzjoni li għaddejja bħalissa mid-DĠ JUST tar-rakkomandazzjonijiet maħruġa mis-Servizz tal-Awditjar Intern tal-Kummissjoni għad-DĠ JUST li huma relatati mal-proċess tal-valutazzjoni tal-impatt u l-implimentazzjoni ta' linji gwida u sett ta' għodod għal regolamentazzjoni aħjar;

Ewropa Globali

436.  Jinnota li l-pagamenti għall-"Ewropa Globali" ammontaw għal EUR 10,1 biljun fl-2019 u ġew żburżati permezz tal-istrumenti speċjali li ġejjin:

437.  Ifakkar li l-għanijiet ewlenin tal-politika taħt l-intestatura 4 tal-baġit 2019 huma fost l-oħrajn il-promozzjoni tal-valuri tal-Unjoni barra minnha, bħad-demokrazija, l-istat tad-dritt u r-rispett għad-drittijiet tal-bniedem u l-libertajiet fundamentali u jfakkar li kull azzjoni ffinanzjata mill-Unjoni jeħtieġ li tirrispetta dawk il-prinċipji fundamentali; jilqa' s-sejba tal-Qorti dwar xejra ġeneralment pożittiva f'termini ta' tnaqqis tal-faqar, l-ugwaljanza bejn il-ġeneri fl-edukazzjoni u għadd ta' ftehimiet ma' pajjiżi ġirien, iżda jesprimi tħassib dwar ix-xejra li sejra għall-agħar f'termini tal-konsolidazzjoni tad-demokrazija, l-istat tad-dritt u l-istabbiltà politika; ifaħħar bis-saħħa l-isforzi tas-soċjetà ċivili madwar id-dinja fil-promozzjoni u d-difiża tad-drittijiet tal-bniedem, speċjalment fi żmien meta l-ispazju tas-soċjetà ċivili qed jiċkien u meta qegħdin jitqajmu dubji dwar l-universalità tad-drittijiet tal-bniedem u filwaqt li jissottolinja l-prinċipji tat-trasparenza u r-responsabbiltà fir-rigward tal-infiq tal-fondi pubbliċi għas-soċjetà ċivili, jisħaq fuq l-importanza li jiġi evitat li jkun hemm eċċess burokratiku u li jitqajmu suspetti bla bażi;

438.  Iqis li l-baġit għall-azzjoni esterna jiġi implimentat mid-direttorat ġenerali għall-Kooperazzjoni Internazzjonali u l-Iżvilupp (DĠ DEVCO), id-direttorat ġenerali għall-Viċinat u n-Negozjati għat-Tkabbir (DĠ NEAR), id-direttorat ġenerali għall-Protezzjoni Ċivili u l-Operazzjonijiet tal-Għajnuna Umanitarja Ewropej (DĠ ECHO), id-direttorat ġenerali għall-Politika Reġjonali u Urbana (DĠ REGIO) u s-Servizz tal-Istrumenti tal-Politika Barranija (FPI);

439.  Jinnota li n-nefqa f'dan il-qasam ġiet żburżata permezz ta' diversi strumenti u metodi ta' kunsinna, bħal kuntratti ta' xogħol, provvista u servizzi, għotjiet, self speċjali, garanziji ta' self u assistenza finanzjarja, appoġġ baġitarju u forom oħra mmirati ta' għajnuna baġitarja f'aktar minn 150 pajjiż madwar id-dinja;

440.  Jinnota li l-Qorti eżaminat kampjun ta' 68 tranżazzjoni: 22 tranżazzjoni għad-DĠ NEAR, 25 għad-DĠ DEVCO, 10 għad-DĠ ECHO u 11-il tranżazzjoni oħra; u seba' tranżazzjonijiet mill-istudji dwar ir-rata ta' żball residwu tal-2019 tad-DĠ NEAR u d-DĠ DEVCO, aġġustati biex jikkumpensaw għal-limitazzjonijiet metodoloġiċi tagħhom;

441.  Jinnota li l-Qorti sabet li l-għajnuna tal-UE għenet biex jerġa' jkun hemm u jinżamm l-aċċess għal edukazzjoni sikura u ta' kwalità tajba matul kriżijiet umanitarji. Jilqa' r-rilevanza tal-proġetti relatati mal-problemi identifikati. Jinnota li l-proġetti rnexxielhom jilħqu l-biċċa l-kbira tal-objettivi tagħhom. Jappoġġa r-rakkomandazzjoni tal-Qorti u jitlob lill-Kummissjoni biex tiffinalizza l-appoġġ tagħha għall-edukazzjoni f'emerġenzi sabiex jintlaħaq livell tajjeb ta' effiċjenza u rilevanza

442.  Ifakkar li l-politika ta' żvilupp u kooperazzjoni hija maħsuba biex teqred il-faqar u tnaqqas l-inugwaljanza u li l-fondi għandhom jilħqu biss il-benefiċjarji intenzjonati tagħhom;

443.  Jinsisti fuq l-importanza tal-parteċipazzjoni attiva tal-Parlament Ewropew fl-iżvilupp ta' ftehimiet ta' sħubija u kooperazzjoni ma' pajjiżi terzi; jisħaq li l-ftehimiet ta' sħubija futuri għandhom ikunu soġġetti għal skrutinju parlamentari u bbażati fuq il-prinċipji tas-solidarjetà, ir-responsabbiltà kondiviża, ir-rispett għad-drittijiet tal-bniedem, l-istat tad-dritt u d-dritt umanitarju internazzjonali(103);

444.  Jinsab imħasseb dwar id-diskors ta' mibegħda u l-vjolenza mgħallma fil-kotba tal-iskola Palestinjani u użati fl-iskejjel mill-UNRWAt; jinsab imħasseb dwar l-effikaċja tal-mekkaniżmi ta' aderenza tal-UNRWA mal-valuri tan-NU fil-materjali edukattivi użati u mgħallma mill-persunal tal-UNRWA fl-iskejjel tagħha, li fihom diskors ta' mibegħda u inċitament għall-vjolenza; jinsisti li l-UNRWA taġixxi bi trasparenza sħiħa u tippubblika fi pjattaforma b'sors miftuħ il-materjal edukattiv kollu tagħha għall-għalliema u l-istudenti, kif ukoll l-evalwazzjonijiet tagħha tal-kotba akkademiċi tal-pajjiż ospitanti użati ħalli tiżgura li l-kontenut jaderixxi mal-valuri tan-NU u ma jinkoraġġix il-mibegħda; jitlob li l-materjal skolastiku kollu, li mhuwiex konformi ma' dawn l-istandards, jitneħħa immedjatament; jinsisti li l-allokazzjoni tal-finanzjament tal-UE bħall-PEGASE għas-salarji mħallsa lill-għalliema u lill-uffiċjali pubbliċi fis-settur tal-edukazzjoni trid tkun kondizzjonali fuq materjal edukattiv u kontenut ta' korsijiet li jikkonformaw mal-istandards tal-UNESCO fil-qasam tal-paċi, it-tolleranza, il-koeżistenza u l-nonvjolenza, kif ġie deċiż mill-Ministri tal-Edukazzjoni tal-Unjoni f'Pariġi fis-17 ta' Marzu 2015;

445.  Itenni l-pożizzjoni tiegħu li l-assistenza esterna għandha tiġi ffinanzjata bis-sħiħ mill-baġit tal-Unjoni u jenfasizza li l-azzjonijiet fl-ambitu tal-fondi fiduċjarji (EUTFs) huma biss soluzzjonijiet ta' tranżizzjoni sakemm jiġu sostitwiti bis-sħiħ mill-EFIs futuri, b'mod partikolari l-Istrument ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali (NDICI) u l-Istrument għall-Assistenza ta' Qabel l-Adeżjoni (IPA III); jiddispjaċih li, f'diversi każijiet, l-objettivi umanitarji, bħall-preservazzjoni tad-dinjità u tad-drittijiet tal-bniedem tal-migranti u ta' gruppi vulnerabbli oħra, bħat-tfal u n-nisa, ma ntlaħqux fl-implimentazzjoni tal-azzjonijiet fl-ambitu tal-Fondi Fiduċjari, bħall-Fond Fiduċjarju Madad tal-UE u l-Fond Fiduċjarju għall-Afrika tal-UE; jenfasizza li l-protezzjoni tad-drittijiet tal-bniedem teħtieġ azzjoni deċiżiva; ifakkar, barra minn hekk, li r-rispett għad-drittijiet tal-bniedem, il-libertajiet fundamentali, il-promozzjoni tal-istat tad-dritt, il-prinċipji demokratiċi, il-libertà ta' reliġjon u ta' twemmin, it-trasparenza, il-governanza tajba u l-paċi u l-istabbiltà huma elementi essenzjali tal-Fond Fiduċjarju għall-Kolombja tal-UE; jistieden lill-Kummissjoni żżid l-iskrutinju tal-azzjonijiet tas-sħab inkarigati mill-implimentazzjoni f'dan ir-rigward.

446.  Ifakkar li t-tnaqqis tal-faqar huwa l-għan primarju tal-politika tal-iżvilupp tal-Unjoni u li l-għajnuna uffiċjali għall-iżvilupp (ODA) għandu jkollha bħala l-objettiv ewlieni tagħha l-promozzjoni tal-iżvilupp ekonomiku u l-benesseri tal-pajjiżi fil-fażi tal-iżvilupp, skont id-definizzjoni ta' ODA mill-OECD; jenfasizza li l-ODA għandha tappoġġja l-kisba tal-Għanijiet ta' Żvilupp Sostenibbli (SDGs), tirrispetta l-prinċipji tal-Aġenda 2030 tan-NU, inkluż il-prinċipju tagħha li "ħadd ma jitħalla jibqa' lura", tirrispetta l-prinċipji tal-effikaċja tal-iżvilupp u tikkontribwixxi għat-tnaqqis tal-inugwaljanzi, mingħajr eċċezzjoni għall-ODA relatata mal-migrazzjoni jew meta tintuża kwalunkwe modalità ta' għajnuna partikolari; jappella għal allokazzjoni aktar effiċjenti u trasparenti tas-self tal-ODA, filwaqt li jiġi żgurat li l-ODA tmur fejn hija l-aktar meħtieġa u jkollha l-akbar impatt fuq l-iżvilupp;

447.  Jisħaq fuq il-ħtieġa li l-miżuri ta' serħan mid-dejn jintrabtu mal-mobilizzazzjoni ulterjuri tal-ODA; jemmen, bl-istess mod, li l-isforzi ta' serħan mid-dejn għandhom jiġu kkomplementati minn aktar riżorsi mill-aġenziji multilaterali tas-self, inkluż permezz ta' żieda tad-Drittijiet Speċjali ta' Prelevament tal-FMI;

448.  Jinnota li l-ħtiġijiet tal-ODA jiġu influwenzati mill-mobilizzazzjoni tar-riżorsi nazzjonali tal-pajjiżi, li hija mdgħajfa mill-erożjoni tal-bażi u t-trasferiment tal-profitt (BEPS) minn kumpaniji multinazzjonali; ifakkar li d-dipendenza ogħla li l-pajjiżi fil-fażi tal-iżvilupp għandhom fuq it-taxxa korporattiva tfisser li jsofru minn BEPS sproporzjonat; jappella għal aktar azzjoni attiva mill-Unjoni kontra dan, f'konformità mal-Aġenda ta' Azzjoni ta' Addis Ababa dwar il-Finanzjament għall-Iżvilupp inkluż fl-Aġenda 2030; jisħaq fuq il-ħtieġa li jittieħdu azzjonijiet konkreti biex tiġi appoġġjata ż-żieda fil-mobilizzazzjoni tar-riżorsi nazzjonali, bħall-appoġġ għall-ġlieda kontra l-korruzzjoni u l-iżvilupp ta' sistemi tat-taxxa progressivi u l-indirizzar tal-evitar u l-evażjoni tat-taxxa;

449.  Ifakkar li l-politiki tal-agrikoltura, tas-sajd, tal-kummerċ, tal-ekonomija, tal-edukazzjoni, tal-migrazzjoni, tal-ambjent, tal-klima, tal-affarijiet barranin u tas-sigurtà u l-politiki oħra tal-Unjoni jinfluwenzaw l-effiċjenza tal-politika tal-iżvilupp tal-Unjoni; jinnota li koerenza tal-politiki għall-iżvilupp (PCD), b'mandat mill-Artikolu 208 tat-TFUE, hija għaldaqstant ukoll kwistjoni ta' ġestjoni finanzjarja tajba; ifakkar li l-effikaċja tal-għajnuna tiddependi fuq l-implimentazzjoni korretta tal-PCD; jisħaq li għad hemm bżonn ta' aktar sforzi għall-konformità mal-prinċipji tal-PCD, speċjalment fl-oqsma msemmija hawn fuq, biex jintlaħqu l-objettivi tal-effikaċja tal-għajnuna; jistieden lill-Kummissjoni taġixxi fuq ir-rakkomandazzjonijiet fir-rapport ta' evalwazzjoni esterna(104) tal-2018 dwar il-PCD, turi impenn u tassenja biżżejjed persunal għal kompiti tal-PCD, biex b'hekk tiżgura strateġija orjentata lejn ir-riżultati u progress fil-PCD;

450.  Jisħaq fuq il-fatt li biex l-għajnuna għall-iżvilupp issir aktar effettiva, tipprovdi riżultati dejjiema u tindirizza l-ħtiġijiet lokali, b'mod partikolari f'sitwazzjonijiet ta' kriżi twila u ta' wara kriżi, huwa imperattiv li tittejjeb il-koordinazzjoni tal-għajnuna umanitarja u l-assistenza għall-iżvilupp u li tissaħħaħ ir-rabta bejn l-aspett umanitarju u l-iżvilupp; jappella biex l-Unjoni tkompli tiżviluppa dan l-approċċ;

451.  Jilqa' r-Reviżjoni mill-Qorti tar-"rispons tal-UE għall-istrateġija ta' investiment immexxija mill-Istat taċ-Ċina" ta' Settembru 2020; jenfasizza li l-Qorti identifikat nuqqasijiet fil-monitoraġġ, ir-rappurtar u l-evalwazzjoni tal-azzjonijiet fl-istrateġija attwali bejn l-Unjoni u ċ-Ċina inkluż il-finanzjament mill-Unjoni ta' proġetti fl-ambitu tal-istrateġija ta' investiment Ċiniża li mhumiex konformi mal-prinċipji tal-istrateġija tal-Unjoni dwar il-konnettività; jappella għall-provvediment ta' aktar riżorsi finanzjarji u umani meħtieġa għall-implimentazzjoni tal-istrateġija tal-Unjoni dwar il-konnettività;

452.  Jinnota bi tħassib is-sitwazzjoni kkumplikata fil-Belarussja; jissottolinja l-importanza li jiġi rivedut il-finanzjament tal-Unjoni u li jiġi żgurat li dan ma jkunx dirett lejn ir-reġim ta' Lukashenko, iżda jkun ta' appoġġ għas-soċjetà ċivili fil-Belarussja;

453.  Jistenna b'interess is-Summit 2021 bejn l-Unjoni u l-Unjoni Afrikana; iqis li hemm bżonn li mmorru lil hinn minn relazzjoni tradizzjonali ċċentrata fuq l-għajnuna u ngħaddu għal sħubija bejn partijiet ugwali, li tkun aktar strateġika u integrata;

Is-sejbiet tal-Qorti: DĠ NEAR

454.  Jilqa' l-fatt li t-tranżazzjonijiet relatati mal-appoġġ baġitarju u l-proġetti implimentati minn organizzazzjonijiet internazzjonali skont l-"approċċ nozzjonali" kienu inqas suxxettibbli għal żbalji u li fl-2019 il-Qorti ma sabet l-ebda żball f'dawn l-oqsma; jieħu nota tal-fatt li, fir-rigward tar-regolarità tat-tranżazzjonijiet, il-qasam ta' nfiq tal-appoġġ baġitarju lil pajjiżi terzi huwa inqas suxxettibbli għal żball; jieħu nota, madankollu tal-fatt li, minħabba d-dispożizzjonijiet legali li jħallu ambitu wiesa' għal interpretazzjoni mill-Kummissjoni fir-rigward tal-issodisfar tal-kundizzjonijiet ġenerali, il-Qorti "ma tistax tkopri dak li jiġri wara l-mument li fih il-Kummissjoni tħallas l-għajnuna lill-pajjiż riċevitur, peress li dawn il-fondi mbagħad jingħaqdu mar-riżorsi baġitarji proprji ta' dak il-pajjiż"; jinnota li dan jirriskja li jimmina l-livell ta' responsabbiltà u trasparenza tal-azzjoni u l-infiq tal-Unjoni; jinsisti li l-Kummissjoni tiżgura li l-għoti ta' għajnuna esterna jkun soġġett għall-istat tad-dritt u għar-rispett tad-drittijiet tal-bniedem fil-pajjiżi riċevituri; jenfasizza, b'mod partikolari, il-ħtieġa li jiġi ggarantit li pajjiżi u partijiet terzi u/jew persuni fiżiċi, li huma allokati jew marbuta ma' fondi tal-Unjoni jaderixxu mal-valuri demokratiċi ewlenin, jirrispettaw l-istandards internazzjonali fil-qasam tad-drittijiet tal-bniedem u jissottoskrivu għal prinċipji ta' nonvjolenza;

455.  Jistieden lill-Kummissjoni tintroduċi bis-sħiħ il-prinċipju ta' kundizzjonalità u kontrolli ex ante u ex post regolari fuq ir-regolarità u l-prestazzjoni tal-fondi tal-Unjoni għall-appoġġ lil pajjiżi terzi u tiżgura qafas legali li jipprevedi li dawn l-istrumenti ta' appoġġ jippermettu l-irkupru sħiħ tal-fondi f'każ ta' irregolaritajiet skoperti(105);

456.  Jinnota bi tħassib, fir-rigward tal-istudju dwar ir-rata ta' żball residwu tad-DĠ NEAR, li, skont il-Qorti:

457.  Jinsab imħasseb mill-fatt li l-qorti għad għandha riżervi dwar l-affidabbiltà tar-riżultati tal-istudju;

458.  Jinnota bi tħassib li d-DĠ NEAR, fir-Rapport Annwali ta' Attività tiegħu tal-2019, kellu joħroġ riżerva dwar id-diffikultajiet fil-monitoraġġ adegwat tal-proġetti kollha fil-Libja u fis-Sirja (riżerva mhux kwantifikata) u riżerva dwar l-iżbalji fin-nefqa fl-Għotjiet f'Reġim ta' Ġestjoni Diretta (riżerva kwantifikata);

459.  Jinnota li, fl-2019, il-Qorti ma kkalkulat l-ebda stima tal-livell tar-rata ta' żball għall-infiq fl-ambitu tal-intestatura 4, kif kien ukoll il-każ fl-2018; jenfasizza li l-Qorti identifikat limitazzjonijiet li jistgħu jwasslu għal sottovalutazzjoni tar-rata tal-iżball residwu (RER); jappoġġa bis-sħiħ ir-rakkomandazzjonijiet ifformulati mill-Qorti, b'mod partikolari l-ħtieġa li jiġu żvelati l-limitazzjonijiet tal-istudju dwar ir-RER fir-rapporti annwali tal-attività futuri tad-DĠ NEAR, kif ukoll li DĠ NEAR isaħħaħ il-kontrolli tal-istrumenti ta' finanzjament estern (EFIs) billi jiġu identifikati u evitati żbalji rikorrenti;

460.  Jieħu nota tas-segwitu li l-Qorti tat għar-rakkomandazzjonijiet li għamlet fir-rapport annwali tagħha tal-2016, li kienu jeħtieġu azzjoni immedjata jew li kellhom jiġu implimentati sal-2019, u jilqa' l-fatt li l-Kummissjoni kienet implimentat tlieta minnhom b'mod sħiħ u waħda parzjalment;

461.  Jiddispjaċih li minkejja l-appell tal-Parlament lill-Kummissjoni fir-riżoluzzjoni tiegħu tat-13 ta' Marzu 2019 biex tuża l-fondi attwalment allokati skont l-IPA II għall-appoġġ għas-soċjetà ċivili, id-difensuri tad-drittijiet tal-bniedem u l-ġurnalisti tat-Turkija u biex iżżid l-opportunitajiet għal kuntatti bejn il-persuni, għad-djalogu akkademiku u l-pjattaformi tal-media għall-ġurnalisti permezz ta' pakkett iddedikat ġestit direttament mill-Unjoni, l-Unjoni ddeċidiet li timplimenta l-azzjoni IPA 2019/42258 li tikkofinanzja x-xiri ta' 4 bastimenti tal-Gwardja tal-Kosta Torka; barra minn hekk jinsisti fuq il-bżonn li jsir monitoraġġ mill-qrib tal-użu tal-fondi tal-Faċilità għar-Rifuġjati fit-Turkija, filwaqt li jiġi żgurat li dawn il-fondi jindirizzaw b'mod preċiż il-proġetti tar-rifuġjati u li ma jintużawx għal xi skopijiet oħra;

Rapport Speċjali Nru 09/2019 tal-Qorti: Appoġġ mogħti mill-UE lill-Marokk - Sa issa riżultati limitati

462.  Jinnota li l-appoġġ baġitarju tal-Unjoni fil-Marokk ammonta għal madwar 0,37 % matul il-perjodu 2014-2018 min-nefqa baġitarja totali tal-pajjiż, fejn il-kuntratti ammontaw għal EUR 562 miljun u l-pagamenti ammontaw għal EUR 206 miljun; ifakkar li l-Marokk jirċievi aktar appoġġ għall-iżvilupp mill-Unjoni minn kwalunkwe pajjiż ieħor fl-Afrika ta' Fuq, minbarra t-Tuneżija, u huwa wieħed mill-benefiċjarji prinċipali tal-għajnuna internazzjonali għall-iżvilupp;

463.  Ifakkar li l-ENI huwa l-istrument finanzjarju ewlieni użat mill-Kummissjoni fil-kooperazzjoni tagħha mal-Marokk u jammonta għal EUR 1 399 miljun bħala impenji għall-perjodu 2014-2020;

464.  Jirrimarka li wara s-sentenza tal-Qorti Ġenerali tal-Unjoni f'Diċembru 2015 dwar is-Saħara tal-Punent, il-Marokk issospenda d-djalogu politiku li jkopri l-politiki esterni kollha tal-Unjoni, bħall-politika tal-iżvilupp, dik kummerċjali u barranija u dik tas-sigurtà minn Diċembru 2015 sa Jannar 2019; jinnota l-kummenti tal-Kummissjoni dwar ir-Rapport Speċjali Nru 09/2019 li "d-djalogu politiku qatt ma ġie sospiż matul il-perjodu ta' relazzjonijiet politiċi diffiċli bejn l-Unjoni u l-Marokk, il-Kummissjoni tqis li ma kien hemm l-ebda raġuni biex tiġi żviluppata strateġija alternattiva";

465.  Jissottolinja l-fatt li l-Marokk ilu sieħeb u ġar fit-tul u strateġiku tal-UE b'kooperazzjoni produttiva li twassal għal riżultati pożittivi;

466.  Jinnota li l-Qorti identifikat diversi sfidi li jxekklu l-effikaċja tal-Appoġġ Baġitarju:

467.  Jistieden lill-Kummissjoni:

468.  Ifakkar fl-importanza tal-promozzjoni tal-valuri tal-Unjoni lil hinn minnha bħad-demokrazija, l-istat tad-dritt u r-rispett għad-drittijiet tal-bniedem u l-libertajiet fundamentali; jistieden għalhekk lill-Kummissjoni tuża l-Fond ta' Qabel l-Adeżjoni biex tappoġġa t-trasformazzjoni demokratika u tiżgura l-implimentazzjoni xierqa tal-politiki pubbliċi u r-riformi ġudizzjarji fil-Balkani tal-Punent;

469.  Jieħu nota tar-risposti tal-Kummissjoni għar-Rapport Speċjali Nru 09/2019, b'mod partikolari li l-Kummissjoni tikkonkludi li l-kooperazzjoni tal-Unjoni kkontribwiet għall-implimentazzjoni tar-riformi fil-Marokk, li kellhom impatt pożittiv fuq l-iżvilupp soċjoekonomiku tal-pajjiż;

Is-sejbiet tal-Qorti: DĠ DEVCO

470.  Jinnota li d-DĠ DEVCO jimplimenta l-biċċa l-kbira mill-istrumenti ta' għajnuna esterna ffinanzjati kemm mill-baġit ġenerali tal-UE kif ukoll mill-FEŻ. jieħu nota tal-fatt li, fir-rapport annwali tagħha dwar l-attivitajiet iffinanzjati mit-8, mid-9, mill-10 u mill-11-il FEŻ għas-sena finanzjarja 2019, il-Qorti ppreżentat l-osservazzjonijiet tagħha dwar is-sistemi, ir-responsabbiltà tar-RAA u d-dikjarazzjoni tad-direttur ġenerali għall-2019 li jirreferu għall-ambitu kollu tal-kompetenza tad-DĠ DEVCO:

471.  Jinnota li l-osservazzjoni tal-Qorti li l-Kummissjoni u s-sħab tagħha inkarigati mill-implimentazzjoni wettqu aktar żbalji fi tranżazzjonijiet relatati ma' stimi ta' programmi, għotjiet, ftehimiet ta' kontribuzzjoni ma' organizzazzjonijiet internazzjonali u ftehimiet ta' delega ma' aġenziji ta' kooperazzjoni tal-Istati Membri milli għamlu f'forom oħra ta' appoġġ (bħalma huma dawk li jkopru l-kuntratti ta' xogħlijiet, provvisti u servizzi); Mill-61 tranżazzjoni ta' dan it-tip, 25 (38 %) kien fihom żbalji kwantifikabbli, li kienu jirrappreżentaw 71,7 % tal-livell ta' żball stmat; jieħu nota tal-opinjoni tal-Qorti li l-istudju dwar RER tad-DĠ DEVCO ma jikkostitwix impenn ta' aċċertament jew awditu; jinnota li huwa bbażat fuq il-metodoloġija u l-manwal tar-RER pprovduti mid-DĠ DEVCO; josserva li l-Qorti ssemmi erba' fatturi maġġuri li jaffettwaw ir-rata ta' żball residwu użata mid-DĠ DEVCO bħal limitazzjonijiet fil-kontrolli fuq il-proċeduri tal-akkwist pubbliku, għadd baxx ħafna ta' kontrolli fuq il-post fil-pajjiż tal-implimentazzjoni tal-proġetti, il-metodu nnifsu ta' stima tar-rata ta' żball residwu tad-DĠ DEVCO u d-dipendenza parzjali jew sħiħa minn xogħol ta' kontroll preċedenti; jieħu nota tal-osservazzjoni ta-Qorti li d-dikjarazzjoni ta' assigurazzjoni mid-Direttur-Ġenerali fir-RAA 2019 ma kienet tinkludi l-ebda riżerva, billi ż-żewġ riżervi li kien għad baqa' fl-2018 kienu tneħħew u ma nħarġux oħrajn ġodda; qabel ma neħħa dawn ir-riżervi fl-2019, id-DĠ DEVCO kien naqqas b'mod sinifikanti l-kamp ta' applikazzjoni tagħhom (jiġifieri s-sehem tan-nefqa kopert minnhom) fl-2017 u l-2018, li konsegwentement ma jagħtix stampa reali u ġusta tar-riskji fil-qasam ta' responsabbiltà globali tad-DĠ DEVCO;

472.  Jilqa' s-sejba tal-Qorti dwar xejra ġeneralment pożittiva f'termini tat-tnaqqis tal-faqar, l-ugwaljanza bejn is-sessi fl-edukazzjoni u n-numru ta' ftehimiet ma' pajjiżi ġirien; jesprimi madankollu tħassib dwar ix-xejra li sejra għall-agħar f'termini ta' konsolidazzjoni tad-demokrazija, l-istat tad-dritt u l-istabbiltà politika

473.  Itenni t-tħassib tiegħu li ż-żieda fl-użu ta' strumenti finanzjarji biex jiġu konkretizzati l-politiki tal-Unjoni fil-pajjiżi terzi timmina l-livell tal-obbligu ta' rendikont u t-trasparenza tal-azzjoni tal-Unjoni; jinsisti li l-Kummissjoni tiżgura li l-għoti tal-għajnuna esterna jkun suġġett għall-istat tad-dritt u għar-rispett tad-drittijiet tal-bniedem fil-pajjiżi destinatarji(108);

474.  Jesprimi t-tħassib serju tiegħu dwar l-użu ħażin tal-fondi għall-iżvilupp għal azzjonijiet li jirriżultaw fi ksur tad-drittijiet tal-bniedem fil-ġestjoni tal-fruntieri; jiddeplora l-ksur tad-drittijiet tal-bniedem irrapportat marbut mal-Fond Fiduċjarju ta' Emerġenza tal-UE għall-Afrika (EUTF) fil-Libja, l-Etjopja, l-Eritrea u n-Niġer; jappella għall-ħolqien ta' mekkaniżmi b'saħħithom li jimmonitorjaw l-impatti fuq id-drittijiet tal-bniedem tal-EUTF, kif ukoll sistema ta' obbligu ta' rendikont li tevita u tindirizza l-ksur tad-dritt internazzjonali; itenni l-ħtieġa ta' investigazzjoni bir-reqqa dwar l-allegati abbużi tad-drittijiet tal-bniedem, inklużi dawk fil-fruntieri tal-UE; jiddeplora l-fatt li r-rapport tal-Kummissjoni dwar l-estensjoni tal-EUTF ma ppreveda l-ebda titjib f'dan il-qasam, u jitlob li jiġu pprovduti garanziji dwar ir-rispett tad-drittijiet fundamentali tal-bniedem meta tiġi indirizzata l-estensjoni tal-EUTF(109);

Prestazzjoni tal-Istrument Ewropew ta' Viċinat (ENI) u tal-Istrument tal-Kooperazzjoni għall-Iżvilupp (DCI)

475.  Ifakkar li l-baġit tal-ENI għall-QFP 2014-2020 huwa ta' madwar EUR 17-il biljun; B'mod ġenerali, sa tmiem l-2019, il-Kummissjoni kienet impenjat 85 % ta' din l-allokazzjoni u nefqet 42 %;

476.  Ifakkar li l-baġit tal-DCI għall-QFP 2014-2020 huwa ta' madwar EUR 20-il biljun; B'mod ġenerali, sa tmiem l-2019, il-Kummissjoni kienet impenjat 84 % ta' din l-allokazzjoni u nefqet 40 %;

477.  Jinnota li skont ir-rieżami tal-prestazzjoni ta' ħames proġetti tad-DCI u tliet proġetti tal-ENI, il-Qorti identifikat li tlieta mill-proġetti tad-DCI kellhom problemi fil-prestazzjoni: tnejn kienu esperjenzaw dewmien fl-implimentazzjoni u għalhekk mhux se jwasslu l-outputs u r-riżultati kollha ppjanati sal-iskadenza rilevanti, filwaqt li ma kienx ġie stabbilita mira biex tkejjel il-prestazzjoni tiegħu, madankollu, l-ebda wieħed mill-proġetti tal-ENI ma kellhom problemi fil-prestazzjoni;

478.  Jinnota li l-indikaturi fir-rapporti dwar il-prestazzjoni ta' livell għoli tal-Kummissjoni wrew xejra ġeneralment pożittiva f'termini ́ta' tnaqqis tal-faqar, ugwaljanza bejn il-ġeneri fl-edukazzjoni, numru ta' ftehimiet ma' pajjiżi ġirien u żvilupp tal-bniedem; jesprimi dispjaċir għall-fatt li l-indikaturi wrew xejra li qed tmur għall-agħar f'termini ta' konsolidazzjoni tad-demokrazija, l-istat tad-dritt u l-istabbiltà politika;

479.  Jirrimarka li dawn l-indikaturi ma pprovdewx informazzjoni dwar il-prestazzjoni tal-programmi nfushom, iżda pjuttost dwar il-kuntest li kienu joperaw fih; jisħaq li t-taħlita ta' indikaturi użati ma kinitx turi b'mod ċar sa liema punt il-programmi kienu qed iwasslu l-outputs u r-riżultati mistennija tagħhom, u kif dawn, min-naħa tagħhom, kienu qed jikkontribwixxu għall-kisba tal-impatti mistennija tal-programmi;

Rakkomandazzjonijiet

480.  Jistieden lill-Kummissjoni:

481.  Itenni t-talba tiegħu lill-Kummissjoni biex teżegwixxi bis-sħiħ u mingħajr aktar dewmien is-sentenza tal-Qorti tal-Ġustizzja (31/1/2019) fil-kawża International Management Group (IMG); iħeġġeġ lill-Kummissjoni terġa' tikkunsidra l-IMG bħala kuntrattur xieraq għal proġetti f'pajjiżi li jinsabu f'sitwazzjoni ta' kriżi, fejn din l-organizzazzjoni wriet l-effiċjenza tagħha fil-ġestjoni tal-programmi ta' rikostruzzjoni u ta' assistenza ffinanzjati minn entitajiet Ewropej u Stati Membri fuq perjodu ta' aktar minn 20 sena;

482.  Jenfasizza l-importanza li jiżdiedu l-viżibbiltà, it-trasparenza, l-effettività, il-komplementarjetà u r-responsabbiltà tal-istrumenti ta' finanzjament estern tal-Unjoni fid-dawl tar-ristrutturar attwali tagħhom; jiġbed l-attenzjoni għall-fatt li l-prestazzjoni tal-ENI kienet aktar ta' suċċess fil-viċinat tal-Lvant tal-UE u, f'dan id-dawl, jitlob li jsiru aktar sforzi diretti lejn il-viċinat tan-Nofsinhar tal-UE sabiex jiġu indirizzati l-isfidi li qed jiffaċċja;

483.  Jappella biex il-Kummissjoni tanalizza aktar l-effikaċja tal-iżvilupp tas-sussidjar u t-tneħħija tar-riskji tal-investiment privat fid-dawl tan-nuqqasijiet irrapportati tal-mekkaniżmi ta' taħlit u ta' garanzija, b'mod partikolari fl-opinjoni reċenti Nru 7/2020 tal-Qorti, relatati mar-rapport tal-Kummissjoni dwar l-implimentazzjoni tal-Fond Ewropew għall-Iżvilupp Sostenibbli (EFSD), li jikkonkludi li huwa impossibbli li jiġi vvalutat il-kontribut tal-EFSD għall-SDGs jew għall-ftehim ta' Pariġi dwar il-klima u li huwa impossibbli jintwera li l-investimenti rilevanti ma kinux iseħħu mingħajr il-kontribut tal-Unjoni, jiġifieri: tintwera l-addizzjonalità finanzjarja tal-EFSD; ifakkar li jekk ma tintweriex l-addizzjonalità finanzjarja, l-Unjoni tkun qiegħda tikser ir-regolamenti tad-WTO rigward is-sussidjar tas-settur privat u potenzjalment tkun qiegħda taħli r-riżorsi tal-kontribwenti; jenfasizza li l-għażliet tal-modalitajiet tal-għajnuna għandhom jiġu ggwidati mill-prospetti għall-effikaċja fir-rigward tal-objettivi ta' politika rilevanti, f'konformità mal-prinċipju ta' "il-politiki l-ewwel"; jistieden lill-Kummissjoni u lis-SEAE jiżguraw dan; iqis li l-Kummissjoni u s-SEAE għandhom jagħtu prijorità lis-setturi li għandhom il-potenzjal jattiraw investiment dirett barrani, joħolqu impjiegi u jkabbru l-esportazzjonijiet, u lil azzjonijiet li jappoġġjaw il-governanza tajba, ir-riformi strutturali, id-diversifikazzjoni ekonomika u l-ġlieda kontra l-korruzzjoni; jisħaq fuq il-ħtieġa li d-donaturi jipprijoritizzaw il-finanzjament ibbażat fuq l-għotjiet bħala l-għażla standard, speċjalment fir-rigward tal-pajjiżi l-anqas żviluppati, u li ma jiġix favorit is-self, li jista' jżid il-piż tad-dejn, minflok l-għotjiet; jissottolinja li s-serħan mid-dejn jaf ikollu impatt kruċjali fuq it-tnaqqis tal-faqar; jisħaq li l-programmi ta' għajnuna għandhom jiġu kkombinati ma' analiżi tas-sostenibbiltà tad-dejn; jappella għal ħidma tal-Unjoni fuq inizjattiva speċifika dwar is-serħan mid-dejn għal pajjiżi foqra b'ammont għoli ta' dejn; itenni li l-għajnuna għall-iżvilupp fl-għamla ta' kooperazzjoni mas-settur privat għandha tirrispetta l-Prinċipji Gwida tan-NU dwar in-Negozju u d-Drittijiet tal-Bniedem, l-istandards rilevanti tal-ILO u l-Linji Gwida tal-OECD għall-Intrapriżi Multinazzjonali; jisħaq li għandhom jiġu żgurati l-governanza tajba, it-tnaqqis tal-faqar u l-ħolqien tal-ġid permezz ta' investiment sostenibbli, kif ukoll it-tnaqqis tal-inugwaljanzi, il-promozzjoni tad-drittijiet tal-bniedem u l-istandards ambjentali flimkien mal-għoti tas-setgħa lill-ekonomiji lokali;

484.  Jappella lill-Kummissjoni timmonitorja b'mod sistematiku r-riformi mwettqa u r-riżultati miksuba, filwaqt li turi li l-appoġġ baġitarju tal-Unjoni kkontribwixxa b'mod effikaċi għall-aġenda għall-iżvilupp proprja tal-pajjiżi Afrikani, tal-Karibew u tal-Paċifiku u saħħaħ is-sjieda demokratika;

485.  Jitlob li jkun hemm aktar obbligu ta' rendikont u effiċjenza fl-infiq għall-iżvilupp tal-Unjoni, peress li l-eżiti tal-iżvilupp għandhom mhux biss jiġu definiti iżda wkoll jiġu skrutinizzati u mmonitorjati f'termini ta' riżultati tanġibbli u impatti tal-iżvilupp.

486.  Jappella għal valutazzjonijiet aktar indipendenti u pubblikament disponibbli tal-miżuri militari u ta' sigurtà ċivili u militari tal-UE, b'mod partikolari l-missjonijiet ta' taħriġ militari tal-UE, il-bini tal-kapaċitajiet ta' atturi militari f'pajjiżi terzi (is-CBSD permezz tal-IcSP), u l-miżuri ta' ġestjoni tal-fruntieri u tal-migrazzjoni, u jiddeplora n-nuqqas ta' flessibbiltà fil-proċeduri amministrattivi u baġitarji/finanzjarji fir-rigward tal-missjonijiet ċivili tal-Politika ta' Sigurtà u ta' Difiża Komuni (PSDK); itenni l-opinjoni tiegħu li l-Kummissjoni għandha tintroduċi regoli dwar l-akkwist speċifiċi għall-miżuri ta' ġestjoni tal-kriżi skont il-PSDK bil-għan li jiġi ffaċilitat it-twettiq rapidu u flessibbli tal-missjonijiet;

487.  Jistieden lill-Kummissjoni tivvaluta l-leġittimità tal-irtirar tal-funzjoni baġitarja mill-Parlament permezz tad-deċiżjonijiet tal-Kunsill dwar l-istabbiliment tal-EDA u l-PESCO; ifakkar li l-artikoli 45(2) u 46(2) rilevanti tat-TUE jipprevedu li d-deċiżjonijiet jiġu adottati b'maġġoranza kwalifikata mingħajr il-possibbiltà ta' veto; ifakkar li l-irtirar tal-funzjoni baġitarja tal-PE skont l-Artikolu 42 tat-TUE huwa possibbli għall-infiq operattiv biss u jirrikjedi deċiżjoni unanima mill-Kunsill;

488.  Meta jitqies li l-BEI huwa attur ewlieni fl-implimentazzjoni tal-politiki esterni tal-Unjoni, għandu 10 % tas-self tiegħu barra mill-Unjoni, itenni t-talbiet li ilhom jeżistu tal-Parlament li l-Qorti tingħata s-setgħa tawditja l-operazzjonijiet kollha tal-BEI u li dawn l-awditi jitwettqu;

Amministrazzjoni

489.  Jinnota li l-pagamenti għal "Amministrazzjoni" ammontaw għal EUR 10,4 biljun fl-2019 (6.5 % tal-QFP), li minnhom il-baġit tal-Kummissjoni jirrappreżenta 57.9 % jew EUR 6,1 biljun;

490.  Jinnota li l-infiq amministrattiv jinkludi l-infiq fuq ir-riżorsi umani, li jammonta għal madwar 60 % tat-total, u fuq il-bini, it-tagħmir, l-enerġija, il-komunikazzjonijiet u t-teknoloġija tal-informazzjoni, li huwa meqjus mill-Qorti bħala nfiq ta' riskju baxx;

491.  Jinnota li fir-rigward tal-Kummissjoni, instabu diversi żbalji relatati mal-ispejjeż tal-persunal u mal-ġestjoni tal-benefiċċji tal-familja mill-PMO;

492.  Jinnota li l-Qorti teżamina wkoll ir-regolarità tal-informazzjoni fir-rapporti annwali tal-attività tal-Kummissjoni, inklużi dawk tad-Direttorati Ġenerali u l-Uffiċċji tagħha primarjament responsabbli għan-nefqa amministrattiva; jilqa' l-fatt li r-rapporti annwali tal-attività riżaminati ma identifikawx livelli materjali ta' żball.

493.  Jistieden lill-Kummissjoni tieħu miżuri xierqa biex timplimenta r-rakkomandazzjonijiet kollha tal-Qorti u tirrapporta lill-Parlament dwar l-iżviluppi;

L-Iskejjel Ewropej

494.  Jinnota b'sodisfazzjon li l-Qorti ssemmi li l-kwalità tal-kontijiet ittejbet meta mqabbla mas-snin preċedenti; jinnota bi tħassib li l-Qorti ma tistax tikkonferma li l-ġestjoni finanzjarja tal-Iskejjel fl-2019 kienet konformi mar-Regolament Finanzjarju tal-Iskejjel Ewropej u r-Regolamenti tal-Persunal minħabba dgħjufijijiet żvelati fis-sistemi ta' kontroll intern tal-Uffiċċju Ċentrali u taż-żewġ Skejjel magħżula; iħeġġeġ lill-Iskejjel Ewropej jagħtu segwitu malajr għar-rakkomandazzjonijiet tal-Qorti rigward id-dgħjufija speċifika kkonstata fil-kontabbiltà, l-akkwist u r-reklutaġġ;

495.  Jenfasizza, fir-rigward tal-iskejjel Ewropej, l-importanza li jiġu rispettati l-prinċipju tal-annwalità u r-regoli biex isiru inventarji fiżiċi meta jsir l-għeluq fl-aħħar tas-sena u li jiġu rispettati l-iskadenzi tal-pagamenti, ir-regoli tal-akkwist u t-trasparenza fil-proċeduri ta' reklutaġġ.

Rakkomandazzjonijiet

496.  Jistieden lill-Kummissjoni:

Riżorsi umani

497.  Jirrikonoxxi l-osservazzjon tal-Qorti li l-adozzjoni fl-2014 tar-Regolamenti tal-Persunal riveduti kienet akkumpanjata minn impenn tal-istituzzjonijiet u l-korpi biex inaqqsu b'mod gradwali l-għadd ta' postijiet (uffiċjali u persunal temporanju) fit-tabelli tal-persunal tagħhom b'5 % qabel l-2018 meta mqabbla mas-sitwazzjoni fl-2012;

498.  Jieħu nota tal-fatt li r-riforma tal-2014 tar-Regolamenti tal-Persunal irriżultat fl-iffrankar ta' EUR 4,2 biljun fuq il-QFP 2014–2020, ammont li jirrappreżenta 0,4 % tal-QFP kumplessiv; ifakkar li r-riforma tal-2014 iġġenerat effetti bla dubbju negattivi fuq il-persunal, fatt li ġie kkonfermat mill-Qorti(111) fl-2019, u jiddispjaċih li huwa kważi impossibbli li wieħed ikun jaf l-ispiża finanzjarja tagħhom sabiex ikun hemm stampa realistika tal-iffrankar; jinnota d-diversi politiki u azzjonijiet imfassla mill-Kummissjoni biex jgħinu jittaffew l-effetti negattivi u jistenna li t-tagħlimiet meħuda jiġu riflessi fl-Istrateġija l-ġdida tal-Kummissjoni dwar ir-Riżorsi Umani li għandha tiġi adottata fl-2021; itenni l-konsegwenzi serji li kwalunkwe tnaqqis baġitarju fl-amministrazzjoni jew tnaqqis tal-persunal jista' jkollu fil-futur fuq is-servizz pubbliku Ewropew u l-implimentazzjoni tal-politiki tal-Unjoni;

499.  Jieħu nota tal-fatt li l-Kummissjoni qed tinvesti fl-estrazzjoni tad-data tas-sistema medika tal-IT tagħha biex tegħleb in-nuqqas ta' data dwar każijiet ta' eżawriment; iħeġġeġ bil-qawwa lill-Kummissjoni biex tipprevjeni, tidentifika u tiġġestixxi każijiet ta' eżawriment fil-kuntest akbar tal-persunal, l-ammont ta' xogħol u l-benesseri tal-persunal fl-istrateġija tagħha dwar ir-Riżorsi Umani;

500.  Huwa mħasseb dwar il-fatt li il-Kummissjoni ma fasslet ebda miżura temporanja biex ittaffi l-problema dejjem akbar tad-disparità fis-setgħa tax-xiri li jsofru l-uffiċjali Ewropej stazzjonati fil-Lussemburgu; jirrimarka, bħala eżempju rilevanti, li 16 minn 200 kandidat xieraq magħżula mill-UPPE irrifjutaw l-offerta ta' impjieg minħabba li s-salarju ma kienx għoli biżżejjed biex wieħed jgħix il-Lussemburgu; jenfasizza li jistenna proposti konkreti fir-rapport dwar il-metodu tas-salarji mistenni sal-31 ta' Marzu 2022;

501.  Jappoġġa l-intenzjoni tal-Kummissjoni li taġġorna l-approċċ stabbilit fil-Komunikazzjoni tagħha tal-2019 "The Workplace of the Future in the European Commission" (Il-post tax-xogħol tal-ġejjieni fil-Kummissjoni Ewropea) fid-dawl tal-kriżi tal-COVID-19; jistenna li l-Kummissjoni tqis b'mod ugwali l-użu effiċjenti tal-ispazji għall-uffiċċji u s-saħħa u l-benesseri tal-persunal; itenni li r-rappreżentanti tal-persunal għandhom dejjem ikunu involuti f'bidliet sostanzjali fl-arranġamenti tax-xogħol u l-ispazji;

502.  Jilqa' l-fatt li l-Kummissjoni adottat pjan ta' azzjoni għall-ugwaljanza u d-diversità fl-2018 u l-implimentazzjoni tiegħu fl-2019; jilqa' l-fatt li ġew miżjuda azzjonijiet speċifiċi b'reazzjoni għall-istħarriġ tal-persunal; jistieden lill-Kummissjoni ssegwi l-istess triq b'miżuri aktar speċifiċi fir-rigward tal-persuni mogħtija internships fil-Kummissjoni;

503.  Jaqbel mad-dikjarazzjoni tal-Kummissjoni li "l-aspettattivi kulturali, soċjali u professjonali differenti tal-irġiel u n-nisa jibqgħu jeżistu fir-rigward tal-bilanċ bejn ix-xogħol imħallas u x-xogħol (ta' kura) bla ħlas"; jinnota b'apprezzament l-isforzi tal-Kummissjoni biex tqajjem kuxjenza dwar il-miżuri li jeżistu intiżi sabiex jippermettu bilanċ bejn ix-xogħol u l-ħajja privata bħal korsijiet għall-ġenituri u l-pubblikazzjoni ta' eżempji pożittivi fl-intracomm tal-Kummissjoni;

504.  Jinnota b'apprezzament li l-Kummissjoni (2014-2019) laħqet il-mira ta' 40 % tan-nisa f'funzjonijiet maniġerjali sat-tmiem il-mandat tagħha fl-2019; ifakkar lill-Kummissjoni (2019-2024) li fl-2019 il-President tagħha impenjat ruħha li tilħaq l-ugwaljanza bejn is-sessi fil-livelli kollha ta' ġestjoni sat-tmiem il-mandat attwali u tenniet dan l-impenn fl-ittra ta' missjoni tagħha lill-Kummissarju għall-Baġit u l-Amministrazzjoni;

505.  Jieħu nota tal-linji gwida l-ġodda għall-implimentazzjoni tal-għajnuna għal persuni b'diżabilità abbozzati fl-2019 biex jgħinu finanzjarjament lill-persunal u d-dipendenti tagħhom għal dak li jirrigwarda spejjeż mhux mediċi marbuta mal-indipendenza, l-integrazzjoni soċjali u l-kapaċità fiżika, mentali, soċjali u vokazzjonali tagħhom; jinnota li l-linji gwida daħlu fis-seħħ f'Mejju 2020;

506.  Jinnota li fl-2019 l-għadd ta' każijiet għal appoġġ finanzjarju soċjali żdied b'28 % meta mqabbel mal-2018; jinnota b'apprezzament li l-fondi tad-diżabilità użati żdiedu b' 50 % meta mqabbla mal-2018 (minn madwar EUR 2 miljun għal EUR 3 miljun);

507.  Jieħu nota tal-osservazzjonijiet u r-rakkomandazzjonijiet tal-Qorti rigward l-Uffiċċju Ewropew għas-Selezzjoni tal-Persunal(112); jilqa' l-fatt li l-proċess tal-għażla huwa ġeneralment effettiv għal kompetizzjonijiet fuq skala kbira iżda jesprimi t-tħassib tiegħu li l-proċess tal-għażla mhuwiex adattat għal kompetizzjonijiet fuq skala żgħira u mmirati, li huma dawk l-aktar adatti għall-ħtiġijiet attwali ta' reklutaġġ tal-istituzzjonijiet tal-UE; jistieden lill-Kummissjoni tirrapporta fil-ħin dwar l-implimentazzjoni ta' dawk ir-rakkomandazzjonijiet mill-EPSO;

508.  Jinnota li matul il-perjodu mill-2012 sal-2018, l-istituzzjonijiet u l-korpi, bl-eċċezzjoni tal-Ombudsman Ewropew u l-EDPS kienu naqqsu t-tabelli tal-persunal tagħhom b'1 409 post (3 %) u fl-istess ħin kienu żiedu b'mod gradwali r-reklutaġġ tal-persunal bil-kuntratt; jinnota, f'dak ir-rigward, li l-proporzjon ta' persunal bil-kuntratt fil-previżjonijiet dwar il-forza tax-xogħol totali kiber minn 17 % għal 22 %; jesprimi t-tħassib tiegħu fir-rigward tal-effetti negattivi possibbli tas-sostituzzjoni tal-uffiċjali b'aġenti kuntrattwali bħat-trasferiment meħtieġ tal-għarfien kif ukoll it-telf tiegħu meta jiskadu l-kuntratti tagħhom kif ukoll il-perspettiva u s-sigurtà tal-impjiegi tal-aġenti kuntrattwali;

509.  Jirrimarka li ż-żieda fil-persunal kuntrattwali tirrifletti l-impatt fuq il-livelli tal-persunal ta' kompiti ġodda li jirriżultaw minn prijoritajiet li qed jevolvu rapidament, bħall-implimentazzjoni ta' programmi ġodda delegati mill-Kummissjoni lill-aġenziji eżekuttivi li kienet newtrali f'termini baġitarji u f'termini ta' persunal tal-Kummissjoni trasferit; jinnota l-osservazzjoni tal-Qorti li ż-żieda fil-persunal kuntrattwali kienet ukoll reazzjoni għal sitwazzjonijiet speċjali jew urġenti;

510.  Jesprimi dispjaċir li, għal xi istituzzjonijiet, kien hemm żieda fil-persunal bil-kuntratt fl-FG I b'riżultat tal-konverżjoni tal-postijiet permanenti u temporanji għal segretarji/skrivani f'postijiet għal persunal bil-kuntratt;

511.  Jieħu nota tal-fatt li fi tmiem l-2018, l-istituzzjonijiet, il-korpi u l-aġenziji eżekuttivi impjegaw 11 962 persunal bil-kuntratt, (ammont li jirrappreżenta żieda ta' 37 % mill-2012); jinnota li l-biċċa l-kbira kienu impjegati mill-Kummissjoni Ewropea;

512.  Jinsisti li l-Kummissjoni timplimenta proċedura ta' ħatra aktar trasparenti għall-pożizzjonijiet kollha, speċjalment dawk maniġerjali; jistieden lill-Kummissjoni tiċċara l-proċeduri ta' ħatra preċedenti li ma fihomx trasparenza u obbligu ta' rendikont;

513.  Jiddispjaċih għall-iżbilanċi ġeografiċi persistenti fil-kompożizzjoni tal-persunal tal-Kummissjoni, speċjalment fil-livelli ta' maniġment intermedju u superjuri; Jistieden lill-Kummissjoni tistabbilixxi rappreżentanza xierqa ta' nazzjonalitajiet mill-Istati Membri kollha, filwaqt li fl-istess ħin tirrispetta l-kompetenzi u l-merti tal-kandidati kif indikat fl-Artikolu 27 tar-Regolamenti tal-Persunal għall-Uffiċjali;

514.  Jissottolinja l-effett importanti tat-turnover fi ħdan il-persunal tal-aġenziji tal-Unjoni, u jappella lill-Kummissjoni tgħinhom fl-implimentazzjoni ta' politiki umani u soċjali biex dan jiġi rimedjat;

515.  Jirrimarka li huwa meħtieġ approċċ kumpless sabiex il-paġni inizjali tas-siti tal-istituzzjonijiet Ewropej isiru aċċessibbli għal persuni b'kull xorta ta' diżabbiltà, kif previst fid-Direttiva (UE) 2016/2102, inkluża d-disponibbiltà tal-lingwi tas-sinjali nazzjonali; jissuġġerixxi li l-organizzazzjonijiet li jirrappreżentaw lill-persuni b'diżabbiltà jkunu involuti f'dan il-proċess;

516.  Jilqa' pożittivament l-isforzi tal-Kummissjoni li tibni ambjent u kultura tax-xogħol aktar diversifikati u inklużivi billi tieħu azzjonijiet favur il-persuni b'diżabilità; jitlob lill-Kummissjoni tivvaluta l-possibbiltajiet ta' tisħiħ u ta' integrazzjoni ulterjuri tal-prinċipji ta' opportunitajiet indaqs fir-reklutaġġ, fit-taħriġ, fl-iżvilupp tal-karriera u fil-kundizzjonijiet tax-xogħol, kif ukoll biex tqajjem sensibilizzazzoni fost il-persunal dwar dawn l-aspetti; u jitlobha tqis titjib u modifiki possibbli u raġonevoli tal-binjiet tal-istituzzjonijiet (l-aċċess, it-tagħmir tal-uffiċċju adegwat) għall-persuni b'mobbiltà mnaqqsa jew diżabilitajiet oħra;

517.  Jilqa' l-kisbiet tal-Uffiċċju Ewropew għas-Selezzjoni tal-Persunal u t-titjib kontinwu fil-prattiki tiegħu f'termini ta' arranġamenti raġonevoli għal kandidati b'diżabilità u/jew rekwiżiti speċifiċi. Fl-2019 l-EPSO żviluppa fuljett, fuljett bil-braille u vidjow animat biex jispjega dawn l-aġġustamenti għall-proċeduri tas-selezzjoni li huma offruti lill-kandidati bi bżonnijiet speċifiċi matul il-proċeduri tas-selezzjoni, li ppermettew li 438 kandidat bi bżonnijiet speċjali japplikaw għall-kompetizzjonijiet u s-selezzjonijiet;

518.  Itenni l-istedina tiegħu lill-Kummissjoni biex tagħmel l-istatus ta' konsulenti speċjali tal-Kummissjoni aktar trasparenti b'definizzjoni ċara tal-kompiti u l-missjonijiet tagħhom;

519.  Għal dak li għandu x'jaqsam mad-deċiżjoni tal-kulleġġ tal-Kummissarji tat-30 ta' Ottubru 2019 skont liema l-ex Presidenti tal-Kummissjoni jkunu jistgħu jaqdu funzjonijiet rappreżentattivi wara t-tmiem tal-mandat tagħhom, jieħu nota tal-ħatra tal-ex President Jean-Claude Juncker bħala konsulent speċjali, u jiddispjaċih li tali funzjoni, għalkemm mhux bi ħlas, se tinkorri fi spejjeż, marbuta partikolarment mal-missjonijiet, u dan huwa fatt li diffiċli jifhmu l-pubbliku; jitlob li l-Kummissjoni tforni lill-Parlament dettalji tal-implikazzjonijiet finanzjarji tad-deċiżjoni tagħha, biex dan tal-aħħar ikun jista' jieħu f'kunsiderazzjoni dan fil-kwittanzi futuri;

520.  Jistieden lill-Kummissjoni tagħti attenzjoni kbira lir-relazzjonijiet tagħha mal-ex Kummissarji u tivvaluta bir-reqqa r-riskji potenzjali ta' tali relazzjonijiet;

521.  Itenni l-appell tiegħu lill-Kummissjoni biex tinforza r-regoli ġuridikament vinkolanti eżistenti tal-kodiċi ta' kondotta rigward il-kwistjoni tar-"revolving doors" kemm għall-Kummissjoni kif ukoll għall-aġenziji tagħha;

522.  Isostni b'mod qawwi r-rakkomandazzjoni tal-Qorti biex l-istituzzjonijiet kollha jikkollaboraw biex jarmonizzaw l-oqfsa etiċi tagħhom u jintensifikaw l-isforzi tagħhom biex jaqsmu bejniethom il-prattiki tajba;

523.  Jistieden lill-Kummissjoni ttejjeb is-sensibilizzazzjoni u l-perċezzjoni tal-persunal dwar l-oqfsa etiċi u l-kultura etika; jistieden lill-Kummissjoni tiżgura, b'mod partikolari, li t-taħriġ dwar l-etika jkun jinkludi gwida prattika bbażata fuq eżempji mill-ħajja reali, u ttejjeb il-komunikazzjoni dwar l-etika mal-persunal; jisħaq fuq il-bżonn li jkun aċċertat il-fatt li l-membri tal-persunal ikunu infurmati dwar kif għandhom jirrappurtaw kwalunkwe kwistjoni relatata ma' mġiba etikament skorretta, u kif iżidu s-sens ta' sigurtà tagħhom;

Rimarki ġenerali

524.  Jirrikonoxxi li l-2019 kienet sena ta' tranżizzjoni għall-Kummissjoni, peress li kellha tiżgura t-tranżizzjoni mill-Kummissjoni Juncker u t-tħejjija għall-wasla tal-Kummissjoni von der Leyen, kif ukoll it-tnedija tal-prijoritajiet il-ġodda tagħha;

525.  Jesprimi t-tħassib tiegħu fir-rigward tad-deċiżjoni tal-Kummissjoni li tagħti kuntratt lil BlackRock Investment Management biex twettaq studju dwar l-objettivi ambjentali, soċjali u ta' governanza; jiġbed l-attenzjoni għal inkjesta mill-Ombudsman Ewropew dwar il-possibbiltà ta' kunflitt ta' interess(113); jistieden għalhekk lill-Kummissjoni taġġorna l-linji gwida tagħha dwar il-proċeduri ta' akkwist pubbliku;

526.  Iħeġġeġ lill-Kummissjoni tintroduċi rappurtar dwar is-sostenibbiltà, inklużi l-aspetti soċjali u ambjentali tal-akkwist; jemmen li bl-inkorporazzjoni ta' standards kummerċjali responsabbli fil-politiki tal-akkwist u tax-xiri tagħha, il-Kummissjoni tista' tmexxi bl-eżempju, tissalvagwardja l-interess pubbliku u tiżgura r-responsabbiltà tal-infiq pubbliku;

527.  Jinkoraġġixxi lill-Kummissjoni tkompli tibni fuq il-prinċipji ta' strateġija b'sors miftuħ(114) u l-Programm ISA2(115) bil-għan li jiġi evitat l-intrappolament tal-klijentela, jinżamm il-kontroll fuq is-sistemi tekniċi tiegħu, jingħata kontribut għal salvagwardji aktar b'saħħithom fir-rigward tal-privatezza u l-protezzjoni tad-data ta' utenti u tiżdied is-sigurtà u t-trasparenza għall-pubbliku; jitlob lill-Kummissjoni tagħti preferenza lil soluzzjonijiet b'sors miftuħ fl-akkwist u l-iżvilupp, bil-għan li tippromwovi l-kondiviżjoni u l-użu mill-ġdid ta' soluzzjonijiet ta' software, tagħmel l-akkwist aktar sostenibbli u li jdum ħafna, u tirrispetta l-prinċipju tal-"fondi pubbliċi, kodiċi pubbliku";

528.  Jilqa' l-kooperazzjoni ċibernetika interistituzzjonali li għaliha l-Kumitat tar-Reġjuni u l-Kumitat Ekonomiku u Soċjali Ewropew jirċievu l-assistenza tal-Iskwadra ta' Rispons f'Emerġenza relatata mal-Kompjuters għall-istituzzjonijiet, il-korpi u l-aġenziji tal-UE; jinnota li ħafna mill-proġetti tad-diġitalizzazzjoni jikkonċernaw id-diġitalizzazzjoni tar-riżorsi umani u l-proċessi finanzjarji, fejn il-Kumitati jużaw is-sistemi SYSPER u ABAC ipprovduti mill-Kummissjoni; jitlob lill-Kummissjoni teżamina l-possibbiltà li tinnegozja kundizzjonijiet aħjar biex ittejjeb u tagħmel il-proċess tal-kondiviżjoni tal-applikazzjoni finanzjarjament attraenti;

529.  Jenfasizza l-importanza tal-isforzi tad-DĠ Interpretazzjoni biex jiffaċilita l-interpretazzjoni fl-24 lingwa uffiċjali tal-UE u anke fil-lingwa tas-sinjali internazzjonali fil-Kummissjoni u f'istituzzjonijiet u korpi oħra tal-UE; iħeġġeġ lill-Kummissjoni tgħin lid-DĠ SCIC biex ikompli jżid id-disponibbiltà u l-preżenza tal-lingwa tas-sinjali internazzjonali, biex jiżgura l-aċċess għall-informazzjoni għall-persuni b'diżabilità,

530.  Jinsab imħasseb ħafna dwar id-deċiżjoni li tittermina l-kuntratt mal-fornitur tas-servizzi tal-forniment tal-ikel, li wassal għas-sensja ta' 400 ħaddiem; jitlob b'urġenza lill-Kummissjoni tirrevedi d-deċiżjoni tagħha u tesplora kwalunkwe soluzzjoni vijabbli biex tipproteġi lill-ħaddiema u tevita s-sensji, inkluża l-internalizzazzjoni tal-persunal tal-catering intern;

531.  Jinnota li ħafna komunikazzjonijiet u dokumenti huma disponibbli biss bl-Ingliż; jinnota wkoll li l-laqgħat ta' ħidma jsiru mingħajr il-possibbiltà ta' interpretazzjoni; jitlob li l-Kummissjoni Ewropea tirrispetta l-prinċipji, id-drittijiet u l-obbligi stabbiliti fil-Karta tad-Drittijiet Fundamentali u r-Regolament Nru 1/1958, kif ukoll fil-linji gwida u d-deċiżjonijiet interni, bħall-Kodiċi Ewropew ta' Mġiba Amministrattiva Tajba; jistieden għalhekk lill-Kummissjoni tipprovdi r-riżorsi umani meħtieġa biex jiżgura li l-multilingwiżmu jiġi rispettat, billi żżid l-għadd ta' persunal responsabbli għat-traduzzjoni u għall-interpretazzjoni;

Oqfsa etiċi

532.  Jieħu nota tal-konklużjonijiet u r-rakkomandazzjonijiet tal-Qorti tar-Rapport Speċjali tagħha dwar "L-oqfsa etiċi tal-istituzzjonijiet tal-Unjoni li ġew awditjati: hemm lok għal titjib"; itenni l-konklużjoni tal-Qorti li "Kull imġiba mhux etika min-naħa tal-persunal u l-Membri tal-istituzzjonijiet u l-korpi tal-Unjoni Ewropea (UE) hija inaċċettabbli. Din l-imġiba – anki jekk tkun biss allegata – tattira livelli għoljin ta' interess pubbliku u tnaqqas il-fiduċja fl-UE. L-imġiba mhux etika hija wkoll marbuta mar-riskju ta' korruzzjoni u frodi." jiddispjaċih li għad hemm lok għal titjib għall-infurzar tal-oqfsa etiċi; b'mod partikolari jiddispjaċih li nstabu nuqqasijiet fi kwistjonijiet differenti, jiġifieri:

533.  Jilqa' l-fatt li, fil-biċċa l-kbira, l-istituzzjonijiet li ġew awditjati stabbilew oqfsa etiċi adegwati għall-personal u l-Membri, iżda hemm lok għal titjib. jappoġġa bil-qawwa r-rakkomandazzjonijiet tal-Qorti bħall-armonizzazzjoni tal-oqfsa etiċi u t-titjib tas-sensibilizzazzjoni tal-persunal;

534.  Jieħu nota tat-tieni rieżami tal-linji gwida interni tal-Kummissjoni fir-rigward tad-dispożizzjonijiet dwar l-Iżvelar ta' Informazzjoni Protetta fir-Regolamenti tal-Persunal; jieħu nota b'sodisfazzjon tal-6 rakkomandazzjonijiet li jinsabu fir-rieżami tal-2019 u jistieden lill-Kummissjoni tirrapporta dwar l-implimentazzjoni lill-awtorità baġitarja; jilqa' l-aġġornament tal-paġna tal-iżvelar ta' informazzjoni protetta fuq MyIntracomm f'Mejju 2019 u ż-żieda ta' link diretta għall-proċedura ta' żvelar ta' informazzjoni protetta tal-OLAF;

535.  Jitlob approċċ aktar proattiv f'termini ta' protezzjoni tal-informaturi; iqis partikolarment rilevanti l-ħtieġa li tissaħħaħ il-kooperazzjoni bejn l-OLAF u l-Awtorità tal-Ħatra responsabbli għall-adozzjoni ta' miżuri protettivi f'dawk il-każijiet fejn applikabbli; iqis ukoll partikolarment importanti r-rakkomandazzjonijiet li skonthom għandu jkun hemm kuntatt mal-UPPE biex tiġi żgurata kollaborazzjoni effiċjenti u jiġu skambjati l-aħjar prattiki fil-qasam tar-rappurtar ta' attivitajiet illegali perċepiti;

536.  F'termini ta' protezzjoni tal-informaturi, huwa tal-fehma li regolamentazzjoni aktar uniformi fost l-Istituzzjonijiet kollha, ibbażata fuq l-aħjar prattiki u fuq standards ogħla, tirrappreżenta titjib tant meħtieġ;

537.  Jenfasizza l-importanza tat-tisħiħ tar-Reġistru ta' Trasparenza u t-titjib tal-kwalità tad-data tiegħu, b'mod partikolari fl-okkażjoni tal-Ftehim Interistituzzjonali li ntlaħaq f'Diċembru 2020; jieħu nota tal-kontrolli tal-kwalità mwettqa mill-Kummissjoni u l-azzjoni tas-Segretarjat tar-Reġistru fuq it-twissijiet riċevuti; jistieden lill-Kummissjoni ttejjeb is-soluzzjoni tal-IT sabiex twettaq kontrolli tal-kwalità aktar stretti;

538.  Jenfasizza l-importanza ta' Reġistru ta' Trasparenza effettiv u validu; itenni l-appell tiegħu lill-Kummissjoni biex din tagħti aktar attenzjoni lill-validazzjoni u l-kontrolli b'kampjuni tal-entitajiet tar-Reġistru ta' Trasparenza; jinnota bi tħassib in-nuqqas ta' rekwiżit għall-maġġoranza vasta ta' dawk li jieħdu d-deċiżjonijiet tal-Kummissjoni biex jippubblikaw il-laqgħat tagħhom mar-rappreżentanti ta' gruppi ta' interess; jesprimi wkoll tħassib dwar il-possibbiltà li dawk li jieħdu d-deċiżjonijiet tal-Kummissjoni jiltaqgħu ma' lobbisti mhux irreġistrati fir-Reġistru ta' Trasparenza; jitlob li jkun hemm trasparenza sħiħa rigward il-laqgħat kollha organizzati mill-Kummissjoni ma' atturi privati jew ir-rappreżentanti tagħhom, bħal organizzazzjonijiet ta' konsulenza;

539.  Jieħu nota tal-konklużjonijiet u s-suġġerimenti tekniċi tal-Ombudsman Ewropew għal titjib fid-Deċiżjoni tagħha tat-28 ta' Frar 2019 dwar kif il-Kummissjoni tiġġestixxi sitwazzjonijiet ta' "bibien iduru" tal-membri tal-persunal tagħha; jistieden lill-Kummissjoni tagħti segwitu kemm għad-deċiżjoni tal-Ombudsman kif ukoll għar-rakkomandazzjonijiet rilevanti tal-Qorti fir-Rapport Speċjali tagħha dwar l-oqfsa etiċi tal-istituzzjonijiet tal-Unjoni;

(1) ĠU L 67, 7.3.2019, p. 1. (2) ĠU C 384, 13.11.2020, p. 1. (3) ĠU C 377, 9.11.2020, p. 13. (4) ĠU C 381, 12.11.2020, p. 4. (5) ĠU C 384,13.11.2020, p. 180. (6) ĠU L 193, 30.7.2018, p. 1. (7) ĠU L 67, 7.3.2019, p. 1. (8) ĠU C 384, 13.11.2020, p. 1. (9) ĠU C 370, 3.11.2020, p. 10. (10) ĠU C 351, 21.10.2020, p. 7. (11) ĠU C 384, 13.11.2020, p. 180. (12) ĠU L 193, 30.7.2018, p. 1. (13) ĠU L 11, 16.1.2003, p. 1. (14) ĠU L 297, 22.9.2004, p. 6. (15) ĠU L 343, 19.12.2013, p. 46. (16) ĠU L 50, 15.2.2021, p. 9. (17) ĠU L 67, 7.3.2019, p. 1. (18) ĠU C 384, 13.11.2020, p. 1. (19) ĠU C 370, 3.11.2020, p. 12. (20) ĠU C 351, 21.10.2020, p. 7. (21) ĠU C 384, 13.11.2020, p. 180. (22) ĠU L 193, 30.7.2018, p. 1. (23) ĠU L 11, 16.1.2003, p. 1. (24) ĠU L 297, 22.9.2004, p. 6. (25) ĠU L 341, 18.12.2013, p. 73. (26) ĠU L 50, 15.2.2021, p. 9. (27) ĠU L 67, 7.3.2019, p. 1. (28) ĠU C 384, 13.11.2020, p. 1. (29) ĠU C 370, 3.11.2020, p. 7. (30) ĠU C 351, 21.10.2020, p. 7. (31) ĠU C 384, 13.11.2020, p. 180. (32) ĠU L 193, 30.7.2018, p. 1. (33) ĠU L 11, 16.1.2003, p. 1. (34) ĠU L 297, 22.9.2004, p. 6. (35) ĠU L 341, 18.12.2013, p. 69. (36) ĠU L 363, 18.12.2014, p. 183. (37) ĠU L 50, 15.2.2021, p. 9. (38) ĠU L 67, 7.3.2019, p. 1. (39) ĠU C 384, 13.11.2020, p. 1. (40) ĠU C 370, 3.11.2020, p. 30. (41) ĠU C 351, 21.10.2020, p. 7. (42) ĠU C 384, 13.11.2020, p. 180. (43) ĠU L 193, 30.7.2018, p. 1. (44) ĠU L 11, 16.1.2003, p. 1. (45) ĠU L 297, 22.9.2004, p. 6. (46) ĠU L 346, 20.12.2013, p. 58. (47) ĠU L 50, 15.2.2021, p. 9. (48) ĠU L 67, 7.3.2019, p. 1. (49) ĠU C 384, 13.11.2020, p. 1. (50) ĠU C 370, 3.11.2020, p. 47. (51) ĠU C 351, 21.10.2020, p. 7. (52) ĠU C 384, 13.11.2020, p. 180. (53) ĠU L 193, 30.7.2018, p. 1. (54) ĠU L 11, 16.1.2003, p. 1. (55) ĠU L 297, 22.9.2004, p. 6. (56) ĠU L 346, 20.12.2013, p. 54. (57) ĠU L 50, 15.2.2021, p. 9. (58) ĠU L 67, 7.3.2019, p. 1. (59) ĠU C 384, 13.11.2020, p. 1. (60) ĠU C 370, 3.11.2020, p. 46. (61) ĠU C 351, 21.10.2020, p. 7. (62) ĠU C 384, 13.11.2020, p. 180. (63) ĠU L 193, 30.7.2018, p. 1. (64) ĠU L 11, 16.1.2003, p. 1. (65) ĠU L 297, 22.9.2004, p. 6. (66) ĠU L 352, 24.12.2013, p. 65. (67) ĠU L 50, 15.2.2021, p. 9. (68) ĠU L 67, 7.3.2019, p. 1. (69) ĠU C 384, 13.11.2020, p. 180. (70) ĠU C 377, 9.11.2020, p. 13. (71) ĠU C 381, 12.11.2020, p. 4. (72) ĠU C 384, 13.11.2020, p. 180. (73) ĠU L 193, 30.7.2018, p. 1. (74) ĠU L 11, 16.1.2003, p. 1. (75) https://ec.europa.eu/anti-fraud/sites/antifraud/files/olaf_report_2019_en.pdf (76) Para. 23 tar-riżoluzzjoni tal-kwittanza tal-2018. (77) Para. 17 tar-riżoluzzjoni tal-kwittanza tal-2018. (78) Artikolu 46 tar-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 (ĠU L 347, 20.12.2013, p. 320). (79) Għas-snin 2007-2013 (80) Ir-Rapport Speċjali Nru 03/2019 tal-QEA "Il-Fond Ewropew għall-Investimenti Strateġiċi: Jeħtieġ li tittieħed azzjoni biex il-FEIS ikun suċċess totali", paragrafu 81. (81) L-Artikolu 46 tar-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 (ĠU L 347, 20.12.2013, p. 320). (82) https://www.europarl.europa.eu/doceo/document/TA-9-2020-0164_MT.html (83) QEA, rapport speċjali Nru 10/2020 Infrastrutturi tat-trasport fl-UE: tinħtieġ aktar rapidità fl-implimentazzjoni ta' megaproġetti biex l-effetti tan-network jitwasslu fil-ħin. (84) Il-Kummissjoni Ewropea, Ex-post evaluation of 2007- 2014, Support to SMEs – Increasing Research and Innovation in SMEs and SME Development, Frar 2016. (85) Rapport speċjali Nru 18/2019 "L-emissjonijiet ta' gassijiet serra fl-UE: rappurtar tajjeb, iżda jinħtieġ għarfien aħjar dwar it-tnaqqis fil-ġejjieni", ĠU C 400, 26.11.2019, p. 16. (86) Il-paragrafu 258 tar-riżoluzzjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2018, Taqsima III – Il-Kummissjoni u l-aġenziji eżekuttivi (87) Il-paragrafu 260 tar-riżoluzzjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2018, Taqsima III – Il-Kummissjoni u l-aġenziji eżekuttivi (88) https://www.nku.gov.sk/web/sao/news/-/asset_publisher/FaxZbYV7Oqlp/content/direct-aid-in-agriculture-without-targeted-control-with-holes-in-legislation. (89) https://www.europarl.europa.eu/meetdocs/2014_2019/plmrep/COMMITTEES/CONT/DV/2021/01-25/Study_Largest50Beneficiaries_EN.pdf (90) Ir-Regolament ta' Implimentazzjoni tal-Kummissjoni (UE) 2019/1804 tat-28 ta' Ottubru 2019 li jemenda r-Regolament ta' Implimentazzjoni (UE) Nru 809/2014 f'dak li għandu x'jaqsam mal-emendi tal-applikazzjonijiet għall-għajnuna jew tat-talbiet għall-ħlas, mal-verifiki fil-kuntest tas-sistema integrata ta' amministrazzjoni u kontroll u mas-sistema ta' kontroll b'rabta mal-kundizzjonalità. (91) Rapport Speċjali Nru 04/2020 tal-Qorti Ewropea tal-Awdituri dwar l-użu ta' teknoloġiji ġodda ta' immaġni għall-monitoraġġ tal-Politika Agrikola Komuni: b'mod ġenerali sar progress kostanti, iżda aktar għall-monitoraġġ tal-klima u tal-ambjent dan seħħ aktar bil-mod. (92) https://www.eca.europa.eu/Lists/ECADocuments/INAP20_03/INAP_Gender_equality_MT.pdf (93) Il-Ġermanja, il-Greċja, l-Italja, Ċipru, il-Litwanja, il-Polonja, ir-Renju Unit, is-Slovenja. (94) Mill-Bulgarija, iċ-Ċekja, Franza, in-Netherlands, l-Awstrija, il-Portugall, is-Slovakkja, l-Estonja, Spanja, l-Iżlanda, Malta u l-Finlandja. (95) Ir-Rapport Speċjali tal-Qorti Nru 24/2019 "L-asil, ir-rilokazzjoni u r-ritorn ta' migranti: Wasal iż-żmien li tingħata spinta biex jiġu indirizzati disparitajiet bejn l-objettivi u r-riżultati". (96) Ir-Rapport Speċjali tal-Qorti Nru 20/2019 tal-QEA "Sistemi ta' Informazzjoni tal-UE li Jappoġġjaw il-Kontroll fil-Fruntieri - għodda b'saħħitha, iżda tenħtieġ aktar enfasi fuq data li tkun f'waqtha u kompleta". (97) Ir-Rapport Speċjali tal-Qorti Nru 01/2019 tal-QEA: "Il-ġlieda kontra l-frodi fl-infiq tal-UE: jeħtieġ li tittieħed azzjoni". (98) Ir-Regolament Delegat tal-Kummissjoni (UE) 2020/446 tal-15 ta' Ottubru 2019 li jemenda l-Anness II tar-Regolament (UE) Nru 515/2014 tal-Parlament Ewropew u tal-Kunsill li jistabbilixxi, bħala parti mill-Fond għas-Sigurtà Interna, l-istrument għall-appoġġ finanzjarju għall-fruntieri esterni u l-viża (ĠU L 94, 27.3.2020, p. 3). (99) Ir-Regolament Delegat tal-Kummissjoni (UE) 2020/445 tal-15 ta' Ottubru 2019 li jemenda l-Anness II tar-Regolament (UE) Nru 516/2014 tal-Parlament Ewropew u tal-Kunsill li jistabbilixxi l-Fond għall-Asil, il-Migrazzjoni u l-Integrazzjoni (ĠU L 94, 27.3.2020, p. 1). (100) Assistenza ta' emerġenza tal-AMIF (101) Ir-Riżoluzzjoni tal-Parlament Ewropew tal-25 ta' Novembru 2020 dwar it-titjib tal-effikaċja tal-iżvilupp u l-effiċjenza tal-għajnuna (2019/2184(INI)) (102) Il-Ftehim interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (ĠU C 373, 20.12.2013, p. 1) sostitwit mis-16 ta' Diċembru 2020 bi Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f'materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta' riżorsi proprji ġodda (ĠU L 433 I, 22.12.2020, p. 28). (103) Opinjoni tal-Kumitat DEVE dwar "Il-protezzjoni tad-drittijiet tal-bniedem u l-politika tal-UE dwar il-migrazzjoni esterna", il-paragrafu 17 (104) https://ec.europa.eu/international-partnerships/external-evaluation-eus-policy-coherence-development-2009-2016_en (105) ĠU C 377, 9.11.2020, p. 13, p. 211 tar-rapport. (106) ĠU C 377, 9.11.2020, p. 13, p. 213 tar-rapport. (107) ĠU C 377, 9.11.2020, p. 13, p. 214 tar-rapport. (108) Il-paragrafu 32 r-riżoluzzjoni tal-Parlament Ewropew tal-14 ta' Mejju 2020 li tinkludi l-kummenti li jagħmlu parti integrali mid-deċiżjonijiet dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2018, Taqsima III – Il-Kummissjoni u l-aġenziji eżekuttivi (2019/2055(DEC)). (109) Opinjoni tal-Kumitat DEVE dwar "Il-protezzjoni tad-drittijiet tal-bniedem u l-politika tal-UE dwar il-migrazzjoni esterna", il-paragrafu 13 (110) Din id-dispożizzjoni toħloq problemi f'diversi livelli. L-ewwel nett, l-Uffiċċju Ċentrali kif ukoll il-baġit kollu allokat mill-Kummissjoni lill-Iskejjel Ewropej huwa servizz pubbliku li diġà tħallas mill-Istati Membri u l-kontribwenti permezz tagħhom. It-tieni nett, peress li l-funzjonament ġenerali tal-Iskejjel akkreditati huwa b'awtofinanzjament u ma jesperjenza l-ebda intervent mill-Kummissjoni, id-dikjarazzjoni li dawn jirrappreżentaw spiża addizzjonali li għandhom ikunu responsabbli għaliha tidher li hija kontrointuwittiva. Hekk kif ġie permess il-ftuħ tas-sistema Ewropea tal-Bakkalawrjat u t-tagħlim tat-tfal tal-uffiċjali Ewropej bi spiża ħafna inqas mill-Iskejjel Ewropej tat-tip I, l-iżvilupp tagħhom għandu minflok jiġi integrat fil-baġit tal-Kummissjoni u taħt l-ebda ċirkostanza ma jkun soġġett għal tassazzjoni li tfixkel l-iżvilupp tagħhom u l-iffrankar sostanzjali li jiġġeneraw għall-benefiċċju tal-Unjoni. (111) Il-Qorti Ewropea tal-Awsituri, Rapport Speċjali Nru 15/2019: Implimentazzjoni tal-pakkett ta' riformi tal-persunal tal-2014 fil-Kummissjoni - Iffrankar sinifikanti, iżda mhux mingħajr konsegwenzi għall-persunal. (112) Rapport Speċjali Nru 23/2020 tal-Qorti Ewropea tal-Awdituri "L-Uffiċċju Ewropew għas-Selezzjoni tal-Persunal: Wasal iż-żmien li l-proċess tal-għażla jiġi adattat għall-ħtiġijiet tar-reklutaġġ li qed jinbidlu". (113) https://www.ombudsman.europa.eu/en/case/en/57060 (114) https://ec.europa.eu/info/departments/informatics/open-source-software-strategy_en (115) https://ec.europa.eu/isa2/isa2_en

1. Deċiżjoni tal-Parlament Ewropew tat-28 ta’ April 2021 dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima I – Il-Parlament Ewropew (2020/2141(DEC))

P9_TA(2021)0165 A9-0044/2021

Il-Parlament Ewropew,

–  wara li kkunsidra l-baġit ġenerali tal-Unjoni Ewropea għas-sena finanzjarja 2019(1),

–  wara li kkunsidra l-kontijiet annwali konsolidati tal-Unjoni Ewropea għas-sena finanzjarja 2019 (COM(2020)0288 – C9-0221/2020)(2),

–  wara li kkunsidra r-rapport dwar il-ġestjoni baġitarja u finanzjarja għas-sena finanzjarja 2019, Taqsima I – Il-Parlament Ewropew(3),

–  wara li kkunsidra r-rapport annwali tal-Awditur Intern għas-sena finanzjarja 2019,

–  wara li kkunsidra r-rapport annwali tal-Qorti tal-Awdituri dwar l-implimentazzjoni tal-baġit għas-sena finanzjarja 2019, flimkien mar-risposti tal-istituzzjonijiet(4),

–  wara li kkunsidra d-dikjarazzjoni ta' assigurazzjoni(5) dwar l-affidabbiltà tal-kontijiet u l-legalità u r-regolarità tat-tranżazzjonijiet ta' bażi, ipprovduta mill-Qorti tal-Awdituri għas-sena finanzjarja 2019 skont l-Artikolu 287 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 314(10) u l-Artikolu 318 tat-Trattat dwar il-Funzjonament tal-Unjoni Ewropea,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(6), u b'mod partikolari l-Artikoli 260, 261 u 262 tiegħu,

–  wara li kkunsidra d-deċiżjoni tal-Bureau tal-10 ta' Diċembru 2018 dwar ir-Regoli Interni dwar l-implimentazzjoni tal-baġit tal-Parlament Ewropew, u b'mod partikolari l-Artikolu 34 tagħha,

–  wara li kkunsidra l-Artikolu 100 u l-Artikolu 104(3) u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit (A9-0044/2021),

A.  billi l-President adotta l-kontijiet tal-Parlament għas-sena finanzjarja 2019 fl-24 ta' Ġunju 2020;

B.  billi s-Segretarju Ġenerali, bħala l-uffiċjal awtorizzanti prinċipali b'delega, fis-17 ta' Ġunju 2020, iċċertifika b'aċċertament raġonevoli li r-riżorsi assenjati għall-baġit tal-Parlament intużaw għall-iskopijiet previsti, f'konformità mal-prinċipji ta' ġestjoni finanzjarja tajba, u li l-proċeduri ta' kontroll stabbiliti joffru l-garanziji neċessarji ta' legalità u regolarità tat-tranżazzjonijiet ta' bażi;

C.  billi skont l-awditjar tal-Qorti tal-Awdituri ġie affermat li, fil-valutazzjoni speċifika tal-infiq amministrattiv u ta' nfiq ieħor fl-2019, ma ġiet identifikata l-ebda dgħufija serja fir-rapporti eżaminati tal-attività annwali tal-istituzzjonijiet u tal-korpi li jitlob ir-Regolament (UE, Euratom) Nru 2018/1046;

D.  billi l-Artikolu 262(1) tar-Regolament (UE, Euratom) 2018/1046 jirrikjedi li kull istituzzjoni tal-Unjoni tieħu l-passi kollha meħtieġa sabiex tieħu azzjoni fuq il-kummenti li jakkumpanjaw id-deċiżjoni tal-kwittanza tal-Parlament;

1.  Jagħti l-kwittanza lill-President tiegħu għall-implimentazzjoni tal-baġit tal-Parlament Ewropew għas-sena finanzjarja 2019;

2.  Jippreżenta l-kummenti tiegħu fir-riżoluzzjoni t'hawn taħt;

3.  Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hija parti integrali minnha, lill-Kunsill, lill-Kummissjoni u lill-Qorti tal-Awdituri, u biex jiżgura li jiġu ppubblikati f'Il-Ġurnal Uffiċjali tal-Unjoni Ewropea (serje L).

2. Riżoluzzjoni tal-Parlament Ewropew tad-29 ta’ April 2021 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima I - Il-Parlament Ewropew (2020/2141(DEC))

Il-Parlament Ewropew,

–  wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit ġenerali tal-Unjoni Ewropea għas-sena finanzjarja 2019, Taqsima I – Il-Parlament Ewropew,

–  wara li kkunsidra l-Artikolu 100 u l-Artikolu 104(3) u l-Anness V tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit (A9-0044/2021),

A.  billi, fiċ-ċertifikazzjoni tiegħu tal-kontijiet finali, l-uffiċjal tal-kontabbiltà tal-Parlament Ewropew (il-"Parlament") iddikjara l-aċċertament raġonevoli tiegħu li l-kontijiet, fl-aspetti materjali kollha, jippreżentaw b'mod ġust il-pożizzjoni finanzjarja, ir-riżultati tal-operazzjonijiet u l-flussi tal-flus tal-Parlament;

B.  billi, skont il-proċedura tas-soltu, intbagħtu 192 mistoqsija lill-amministrazzjoni tal-Parlament u t-tweġibiet bil-miktub waslu u ġew diskussi pubblikament mill-Kumitat għall-Kontroll tal-Baġit tal-Parlament, fil-preżenza tal-Viċi President responsabbli għall-Baġit, is-Segretarju Ġenerali, id-Direttur tal-Awtorità għall-Partiti Politiċi Ewropej u l-Fondazzjonijiet Politiċi Ewropej (l-"Awtorità") u l-awditur intern;

C.  billi, dejjem hemm lok għal titjib f'termini ta' kwalità, effiċjenza u effettività fil-ġestjoni tal-finanzi pubbliċi, u hemm bżonn ta' skrutinju biex jiġi żgurat li l-amministrazzjoni u t-tmexxija politika tal-Parlament jagħtu rendikont ta' għemilhom liċ-ċittadini tal-Unjoni,

Il-ġestjoni baġitarja u finanzjarja tal-Parlament

1.  Jinnota li l-approprjazzjonijiet finali tal-Parlament għall-2019 ammontaw għal EUR 1 996 978 262, jew 18,5 % tal-Intestatura V tal-Qafas Finanzjarju Pluriennali(7) allokati għall-infiq amministrattiv għall-2019 tal-istituzzjonijiet tal-Unjoni fit-totalità tagħhom, u li jirrappreżentaw żieda ta' 2,4 % fuq il-baġit tal-2018 (EUR 1 950 687 373);

2.  Jinnota li d-dħul totali li tniżżel fil-kontijiet sal-31 ta' Diċembru 2019 kien jammonta għal EUR 207 521 070 (meta mqabbel ma' EUR 193 998 910 fl-2018), li jinkludi EUR 36 566 236 minn dħul assenjat (meta mqabbel ma' EUR 30 783 590 fl-2018);

3.  Jenfasizza li erba' kapitoli kienu jirrappreżentaw 67,8 % tal-impenji totali: Kapitolu 10 (Membri tal-istituzzjoni), Kapitolu 12 (Uffiċjali u persunal temporanju), Kapitolu 20 (Bini u spejjeż assoċjati) u Kapitolu 42 (Nefqa relatata mal-assistenza parlamentari), li jindika livell għoli ta' riġidità fil-biċċa l-kbira tan-nefqa tal-Parlament;

4.  Jinnota ċ-ċifri li abbażi tagħhom ingħalqu l-kontijiet tal-Parlament għas-sena finanzjarja 2019, speċifikament:

5.  Jindika li 98,8 % tal-approprjazzjonijiet imdaħħla fil-baġit tal-Parlament, li ammontaw għal EUR 1 973 232 524, ġew impenjati, b'rata ta' kanċellazzjoni ta' 1,2 %; jinnota b'sodisfazzjon li, bħal ma ġara fis-snin preċedenti, inkiseb livell għoli ħafna ta' implimentazzjoni tal-baġit; jinnota li l-pagamenti ammontaw għal EUR 1 698 971 864, u dan irriżulta f'rata ta' eżekuzzjoni tal-approprjazzjonijiet ta' pagament ta' 86,1 %;

6.  Jissottolinja l-fatt li l-approprjazzjonijiet kanċellati għas-sena 2019, li ammontaw għal EUR 23 745 738, kienu prinċipalment relatati man-nefqa relatata ma' bini, kif ukoll ma' remunerazzjoni u intitolamenti;

7.  Jinnota li fis-sena finanzjarja 2019 ġew approvati tmintax-il trasferiment skont l-Artikoli 31 u 49 tar-Regolament Finanzjarju, li ammontaw għal EUR 76 028 316 jew 3,8 % tal-approprjazzjonijiet finali; josserva li 45,3 % tal-fondi ttrasferiti kienu relatati mal-politika immobiljari tal-Parlament u, fil-maġġoranza, b'mod partikolari, biex jgħinu l-finanzjament tal-pagamenti annwali għall-proġett tal-bini Adenauer; jinnota li t-trasferimenti marbuta mal-posponimenti fir-rigward tad-deċiżjoni tar-Renju Unit li joħroġ mill-Unjoni Ewropea ammontaw għal 25 %;

L-opinjonijiet tal-Qorti tal-Awdituri dwar l-affidabbiltà tal-kontijiet għall-2019 u dwar il-legalità u r-regolarità tat-tranżazzjonijiet li fuqhom huma bbażati dawk il-kontijiet

8.  Ifakkar li l-Qorti tal-Awdituri (il-"Qorti") tagħmel valutazzjoni speċifika tal-infiq amministrattiv u nfiq ieħor bħala grupp ta' politika uniku għall-istituzzjonijiet Ewropej kollha; jindika li l-infiq amministrattiv u relatat jinkludi n-nefqa għar-riżorsi umani (salarji, allowances u pensjonijiet), li jirrappreżenta 60 % tat-total, u n-nefqa għall-bini, it-tagħmir, l-enerġija u t-teknoloġiji tal-informazzjoni u tal-komunikazzjoni;

9.  Jikkonstata li l-evidenza kumplessiva tal-awditjar tindika li l-infiq fuq "amministrazzjoni" mhuwiex milqut minn livell materjali ta' żball; jinnota wkoll li, abbażi tat-tliet żbalji kwantifikati, il-livell ta' żball stmat preżenti fl-Intestatura 5 tal-Qafas Finanzjarju Pluriennali dwar l-amministrazzjoni huwa taħt il-livell limitu ta' materjalità;

10.  Jinnota s-sejbiet speċifiċi, rigward il-Parlament, li jinsabu fir-rapport annwali tal-Qorti dwar l-implimentazzjoni tal-baġit li jikkonċerna s-sena finanzjarja 2019 (ir-"rapport tal-Qorti"); jinnota bi tħassib li l-Qorti sabet żbalji f'pagament lil wieħed mill-partiti politiċi Ewropej, li kienu jikkonċernaw nuqqas ta' konformità mar-regoli tal-eliġibbiltà tan-nefqa, b'mod speċjali, u ma ġie pprovdut l-ebda dokument kuntrattwali bil-miktub u l-ebda evidenza ta' sostenn għall-ispejjeż li fil-fatt ġew imġarrba; jesprimi dispjaċir għall-fatt li l-Qorti rrappurtat nuqqasijiet simili fi tranżazzjonijiet relatati ma' gruppi politiċi u ma' partit Ewropew fir-rapporti annwali tagħha fl-2014, l-2015 u l-2016; jitlob li jkun hemm aktar trasparenza fl-iskambju ta' informazzjoni sabiex tiġi prevenuta kwalunkwe repetizzjoni ta' dawn in-nuqqasijiet fil-ġejjieni; jinnota, madankollu, li għalkemm għad hemm lok għal titjib, matul dawn l-aħħar snin kien hemm żvilupp pożittiv kbir;

11.  Jinnota t-tweġiba mogħtija mill-Parlament fil-proċedura kontenzjuża mal-Qorti, li eżaminat mill-ġdid u indirizzat il-każijiet individwali enfasizzati bħala riżultat tas-sejbiet tal-Qorti; ifakkar li, filwaqt li l-amministrazzjoni tal-Parlament hija s-servizz awtorizzanti għall-ħlas tal-għotja lill-partiti politiċi Ewropej, mhijiex responsabbli għan-nefqa reali tagħhom, u li l-partiti politiċi Ewropej innifishom huma responsabbli għal-legalità u r-regolarità tat-tranżazzjonijiet tagħhom; jinnota li l-Parlament ipprovda lill-partiti politiċi Ewropej informazzjoni komprensiva u gwida dwar suġġetti li fir-rigward tagħhom ġew identifikati problemi; jistieden lill-Qorti tivverifika l-infiq tal-partiti politiċi Ewropej fuq bażi regolari;

Ir-rapport annwali tal-awditur intern

12.  Jinnota li, fil-laqgħa tal-kumitat responsabbli mal-Awditur Intern li saret fis-16 ta' Novembru 2020, l-awditur intern ippreżenta r-rapport annwali tiegħu u ddeskriva l-awditjar ta' aċċertament li wettaq u rrapporta dwarhom, li fl-2019 koprew is-suġġetti li ġejjin:

13.  Jilqa' u jappoġġja l-azzjonijiet li ġejjin li l-awditur intern qabel dwarhom jew li jinsab fil-proċess li jaqbel mad-direttorati ġenerali responsabbli, bħala riżultat tal-assenjazzjonijiet ta' aċċertament:

14.  Jinnota li l-proċess ta' segwitu tal-2019 irriżulta fl-għeluq ta' 36 mit-93 azzjoni miftuħa; jinnota bi tħassib li minbarra dawn l-azzjonijiet validati, kien hemm total ta' 124 azzjoni miftuħa mir-rapporti tal-awditjar, inklużi dawk li għadhom mhux dovuti għall-implimentazzjoni, u li 62 minn dan in-numru totali ta' azzjonijiet jindirizzaw riskju sinifikanti; jistenna sforz mid-direttorati ġenerali differenti sabiex jiġi żgurat li l-azzjonijiet li suppost kellhom isiru jingħalqu u li l-azzjonijiet miftiehma jiġu implimentati skont id-dati dovuti stabbiliti; jistieden lis-Segretarju Ġenerali jirrapporta lura lill-awtorità ta' kwittanza dwar l-għeluq tal-azzjonijiet pendenti matul is-seduti ta' smigħ tiegħu fil-Kumitat għall-Kontroll tal-Baġit tal-Parlament f'Ottubru u f'Novembru 2021;

Segwitu għar-riżoluzzjoni ta' kwittanza għall-2018

15.  Jieħu nota tar-risposti bil-miktub għar-riżoluzzjoni ta' kwittanza għall-2018 mogħtija lill-Kumitat għall-Kontroll tal-Baġit tal-Parlament fil-21 ta' Settembru 2020, u tal-preżentazzjoni mis-Segretarju Ġenerali li fiha indirizza d-diversi mistoqsijiet u talbiet imqajma fir-riżoluzzjoni ta' kwittanza tal-Parlament għall-2018 u l-iskambju ta' fehmiet mal-Membri li segwew;

16.  Jinnota b'dispjaċir li ma tteħdux l-azzjonijiet meħtieġa kollha b'risposta għal uħud mir-rakkomandazzjonijiet tagħhom fir-riżoluzzjoni ta' kwittanza tal-Parlament għall-2018, u li d-dokument ta' segwitu dwar il-kwittanza ma jipprovdi l-ebda ġustifikazzjoni għal dan; jitlob lis-Segretarju Ġenerali jibgħat lill-Bureau t-talbiet kollha għal azzjoni inkluż fir-riżoluzzjonijiet annwali ta' kwittanza, jistabbilixxi pjan ta' azzjoni biex jindirizza u jsegwi r-rakkomandazzjonijiet, u jinkludi r-riżultati ta' dan l-eżerċizzju fir-rapporti annwali tal-attività; jenfasizza li s-Segretarju Ġenerali u l-Viċi President responsabbli għall-Baġit; jenfasizza li s-Segretarju Ġenerali għandu jkollu diskussjonijiet regolari mal-Kumitat għall-Kontroll tal-Baġit tal-Parlament dwar kwistjonijiet li jikkonċernaw il-baġit tal-Parlament u l-implimentazzjoni tiegħu; iqis li dawn għandhom isiru matul is-sena u mhux biss waqt il-proċedura ta' kwittanza; itenni t-talba tiegħu lill-Bureau biex itejjeb it-trasparenza tal-proċedura tat-teħid ta' deċiżjonijiet tiegħu, b'mod partikolari fir-rigward tal-pubblikazzjoni f'waqtha tad-dokumenti u l-informazzjoni rilevanti fis-sit web tiegħu;

17.   Jirrikonoxxi l-passi meħuda biex tiġi faċilitata t-tranżizzjoni għall-fornitur il-ġdid tas-servizzi għall-Crèche tal-Parlament; jistieden lis-servizzi rilevanti jimmonitorjaw kontinwament il-prestazzjoni tat-tim il-ġdid, filwaqt li jiggarantixxu li l-livell tas-servizzi jibqa' sodisfaċenti, u fost l-oħrajn, jiżguraw li jkun hemm proporzjon suffiċjenti bejn l-għadd ta' tfal u l-għadd ta' persunal li jindokrawhom;

18.  Jesprimi dispjaċir għall-fatt li ma ttieħed l-ebda pass ulterjuri rigward il-fond ta' pensjoni volontarja minħabba l-kontestazzjoni minn għadd ta' membri tal-fond ta' pensjoni tad-deċiżjoni tal-Bureau tal-10 ta' Diċembru 2018 quddiem il-Qorti Ewropea tal-Ġustizzja (il-"Qorti tal-Ġustizzja"); jistieden lis-Segretarju Ġenerali jinforma immedjatament lill-Kumitat għall-Kontroll tal-Baġit tal-Parlament dwar is-sentenza tal-Qorti tal-Ġustizzja;

19.  Jilqa' l-fatt li l-użu ta' pagamenti fi flus naqas b'mod sinifikanti, u li l-Membri użaw il-possibbiltà offruta mir-regoli riveduti biex jassenjaw ir-responsabbiltà finanzjarja ta' żjarat sponsorjati lil professjonisti, jiġifieri aġenti tal-ħlas jew aġenziji tal-ivvjaġġar minflok assistenti parlamentari akkreditati ("APAs"); jinnota bi tħassib, madankollu, li s-Segretarju Ġenerali għadu ma ħariġx valutazzjoni tar-regoli l-ġodda, u jitlob it-tħejjija ta'din il-valutazzjoni; jenfasizza li l-awditur intern għandu jiġi kkonsultat dwar il-proċeduri eżistenti meta titħejja din il-valutazzjoni;

20.  Jiddispjaċih dwar in-nuqqas ta' bilanċ bejn il-ġeneri fost il-maniġment tal-amministrazzjoni tal-Parlament; jirrikonoxxi l-iżviluppi pożittivi f'dan ir-rigward u jirrikonoxxi l-miri l-ġodda; jagħraf il-ħtieġa ta' monitoraġġ kontinwu tas-suġġett;

21.   Ifakkar fir-riżoluzzjoni ta' kwittanza tal-2018 li titlob lill-Bureau jżid l-għadd ta' persuni b'diżabilità li jaħdmu fl-amministrazzjoni tal-Parlament;

22.  Itenni t-talba tiegħu lis-Segretarju Ġenerali biex jinsisti fuq il-ħtieġa ta' bilanċ ġeografiku reali f'termini ta' rappreżentanza proporzjonali tal-Istati Membri kollha fil-livelli kollha tal-persunal, inkluż il-maniġment superjuri; jinnota d-diffikultajiet li ltaqa' magħhom il-Parlament fir-reklutaġġ ta' xi nazzjonalitajiet; jisħaq fuq l-importanza li l-Parlament isir aktar attraenti bħala impjegatur fost l-Istati Membri kollha;

23.   Jilqa' n-nota tas-Segretarju Ġenerali dwar il-Ġestjoni tad-Diżabilità fl-amministrazzjoni tal-Parlament Ewropew, jenfasizza li l-għaxar impenji li saru fin-nota għad iridu jiġu segwiti matul il-perjodu leġiżlattiv attwali fl-oqsma tal-aċċessibilità diġitali u fiżika, jitlob li l-awtorità tal-kwittanza tinżamm infurmata dwar il-progress li jkun sar;

24.  Ifakkar li l-Artikolu 11 tar-Regoli ta' Proċedura introduċa obbligu għar-rapporteurs, ix-shadow rapporteurs u l-presidenti tal-kumitati li jippubblikaw l-informazzjoni dwar il-laqgħat li jsiru ma' rappreżentanti ta' interess, fil-kuntest tar-rapporti tagħhom; jinnota b'sodisfazzjon li, mill-bidu tal-leġislatura l-ġdida, l-infrastruttura meħtieġa hija disponibbli fuq is-sit web tal-Parlament biex il-Membri jkunu jistgħu jippubblikaw il-laqgħat skedati mar-rappreżentanti interessati sabiex tittejjeb it-trasparenza; jinnota li 324 mis-705 Membru attwali kienu ppubblikaw mill-inqas laqgħa waħda ma' rappreżentant ta' interess sal-1 ta' Diċembru 2020 fuq is-sit web tal-Parlament; iħeġġeġ, madankollu, aktar titjib fl-aċċessibilità u l-utilizzabbiltà tal-għodda inkluż billi r-rapporteurs, ix-shadow rapporteurs u l-presidenti tal-kumitati jiġu mwissija dwar l-obbligu tal-pubblikazzjoni ta' tali informazzjoni sabiex tissodisfa l-funzjoni tagħha li tagħmel lill-Parlament aktar miftuħ, trasparenti u responsabbli lejn iċ-ċittadini;

25.  Itenni li l-President tal-Parlament ta istruzzjonijiet lis-servizzi tal-Parlament biex jimplimentaw għadd ta' bidliet fl-għodda biex tittejjeb il-faċilità tal-użu tagħha, l-ewwel u qabel kollox billi jikkonnettjawha mar-Reġistru ta' Trasparenza u l-Osservatorju Leġiżlattiv; jistieden lill-Parlament jimplimenta dawn il-bidliet mingħajr aktar dewmien;

Kuntest ġenerali

26.  Jinnota l-iskambju ta' opinjonijiet bejn il-Viċi President responsabbli mill-baġit, is-Segretarju Ġenerali u l-Membri tal-Kumitat għall-Kontroll tal-Baġit tal-Parlament fil-preżenza tal-awditur intern u d-Direttur tal-Awtorità, fis-16 ta' Novembru 2020, fil-kuntest tal-kwittanza tal-Parlament għall-2019;

27.  Jindika li l-elezzjonijiet Ewropej ta' Mejju 2019 wasslu għal 2019 maqsum fi tnejn għall-Parlament Ewropew, bl-ewwel nofs iffukat fuq l-adozzjoni tal-leġiżlazzjoni u t-tieni nofs ffukat fuq il-bidu ta' leġislatura parlamentari ġdida;

28.  Josserva li 61 % tal-Membri tad-disa' leġislatura tal-Parlament kienu ġodda, żieda sostanzjali fuq il-mandati ta' qabel u fuq l-ammont proġettat ta' 50 % li kien ġie stabbilit bħala bażi tal-baġit tal-Parlament għall-2019;

29.  Ifakkar li l-posponiment tad-data għall-ħruġ tar-Renju Unit mill-Unjoni fi tliet okkażjonijiet matul l-2019 kellu impatt importanti fuq il-baġit tal-Parlament għall-2019; jindika li s-salarji u l-allowances tal-Membri Brittaniċi u l-assistenti tagħhom tħallsu għal perjodu itwal minn dak previst fil-bidu, li wassal għal numru u għal spiża globali tat-trasferimenti baġitarji meħtieġa fil-baġit tal-Parlament sostanzjalment ogħla; jilqa' l-flessibbiltà tal-ġestjoni tal-kuntratti ta' impjieg tal-APAs tal-Membri Brittaniċi mid-Direttorat Ġenerali għall-Persunal (DĠ PERS);

30.  Jinnota b'sodisfazzjon il-konsolidazzjoni tal-front office għall-APA bħala punt uniku ta' kuntatt biex jiġi ġestit ir-reklutaġġ minn tarf sa tarf tal-APA, kif ukoll ir-rwol tad-DĠ PERS fl-iffaċilitar tal-induzzjoni u l-integrazzjoni ta' Membri u APAs ġodda wara l-elezzjoni u l-ġestjoni b'suċċess tal-bidla fil-leġislatura permezz tat-task force dedikata tad-DĠ PERS għall-elezzjonijiet fl-2019, li żgurat li għall-ewwel sessjoni parzjali tad-disa' Leġislatura, ġew konklużi 1 292 kuntratt ta' reklutaġġ tal-APAs (jiġifieri għal 93 % tal-Membri), b'2 017-il kuntratt konklużi sa tmiem is-sena;

31.  Jiddispjaċih dwar id-diffikultajiet esperjenzati mill-Membri biex jirreklutaw malajr l-assistenti tagħhom fil-bidu tal-leġiżlatura minħabba ż-żieda fl-attività fid-DĠ PERS; jitlob li t-timijiet amministrattivi tal-Parlament responsabbli għar-reklutaġġ tal-APAs jissaħħu fil-bidu ta' kull mandat ġdid, għat-tul ta' żmien meħtieġ biex il-Membri jkunu jistgħu jirreklutaw l-assistenti tagħhom u biex jiġi pprovdut taħriġ komprensiv minn qabel u sakemm ikun għadda l-perjodu b'volum qawwi ta' xogħol;

32.  Jirriafferma l-ħtieġa li jiġu implimentati d-dispożizzjonijiet tar-Regolament tal-Persunal dwar l-iskadenza tal-applikazzjoni għall-allowance ta' risistemazzjoni fuq l-istess livell għall-kategoriji kollha tal-persunal; jappella lil DĠ PERS jeżamina b'mod partikolari l-każijiet ta' ex APA fejn l-iskadenza statutorja ma ġietx applikata b'mod korrett fi tmiem il-leġiżlatura f'Lulju 2019;

33.  Ifaħħar it-teħid tal-kontroll tal-kompiti l-ġodda għall-ġestjoni tar-riżorsi umani tal-apprendisti tal-Membri wara d-deċiżjoni tal-Bureau li jsaħħaħ il-qafas għar-reklutaġġ tagħhom fit-2 ta' Lulju 2019;

34.  Jilqa' t-tlestija b'suċċess, fl-2019, ta' ambjenti tax-xogħol ġodda għall-Membri fi Brussell u Strasburgu; ifaħħar il-fatt li l-irranġar tal-uffiċċji kollha tal-Membri fi Brussell (uffiċċju personali wieħed għal kull membru + żewġ uffiċċji tal-persunal) u fi Strasburgu (uffiċċju personali wieħed + uffiċċju tal-persunal wieħed) sar fi żmien rekord u tlesta qabel iż-żmien, kif ukoll ġie jiswa inqas mill-ammont tal-baġit għax-xogħlijiet allokat għalih, u li tagħmir ta' għamara ġdida, inklużi soluzzjonijiet integrati tal-IT ġew installati bi spiża aktar baxxa minn kif previst oriġinarjament; jinnota li l-pjan rivedut ta' allokazzjoni tal-uffiċċji għall-Membri u l-gruppi politiċi kien ibbażat fuq l-aktar użu effiċjenti tal-ispazju disponibbli għall-uffiċċji; jiddispjaċih li dan il-prinċipju wassal biex xi gruppi politiċi għandhom il-Membri tagħhom imxerrda f'binjiet u f'sulari differenti mingħajr ebda konnessjoni loġika, b'mod li jkisser l-għaqda tal-gruppi politiċi; jiddispjaċih ukoll li d-distribuzzjoni tal-uffiċċji lill-gruppi politiċi ġiegħlet lil xi wħud jirrilokaw f'binjiet esterni li m'għadhomx konnessi mal-attivitajiet ewlenin tal-Parlament u b’hekk inħolqot separazzjoni strutturali tal-persunal mill-Membri; jieħu nota li l-bini Trèves 1 huwa fqir f'termini ta' servizzi, u għandha tingħata prijorità lis-sejba ta' soluzzjonijiet biex dan il-bini jiġi konness mal-binjiet ewlenin;

35.  Jinnota li l-arranġamenti ta' telexogħol u ta' vidjowkonferenzi kif ukoll il-votazzjoni remota issa huma parti mill-arranġamenti ta' ħidma tal-Parlament għall-Membri; jistieden lill-Bureau jesplora modi u kostijiet biex ikompli jiffaċilita dawn l-arranġamenti għall-Membri li jixtiequ jagħmlu dan u jesplora l-użu tal-arranġamenti anke fil-futur, sabiex il-Membri jkunu jistgħu jorganizzaw laqgħat fil-kostitwenzi tagħhom kif ukoll mal-kollegi tagħhom fi Brussell f'dawk li jistgħu jsiru ġimgħat l-hekk imsejħa "ibridi"; madankollu, jinnota li l-preżenza fiżika fil-bini tal-Parlament ma tistax tiġi sostitwita kompletament mix-xogħol remot;

36.  Jiddispjaċih għall-fatt li ma teżisti l-ebda sistema fis-seħħ biex tiżgura li l-Membri li jkunu temporanjament assenti għal raġuni ġustifikata, bħal-liv tal-maternità, liv tal-ġenituri jew liv minħabba mard fit-tul jew liv tal-indukraturi, ikunu jistgħu jkomplu jwettqu d-dmirijiet ewlenin tagħhom, l-ewwel u qabel kollox li jitkellmu f'dibattiti u jivvutaw; huwa tal-fehma li dan huwa kuntrarju għall-valuri fundamentali tal-Unjoni peress li jimplika li vot mogħti lil kandidat mara jista' jwassal għal perjodu temporanju ta' nonrappreżentanza; jistieden lill-Bureau jeżamina l-possibilitajiet għall-iffaċilitar tal-kontinwazzjoni tal-parteċipazzjoni remota u biex jipprevedi s-sostituzzjoni ta' Membru – kemm jekk mara kif ukoll jekk raġel – waqt il-liv tal-ġenituri u fil-każijiet imsemmija hawn fuq; jappella għall-emenda tal-Artikolu 6 tal-Att li jikkonċerna l-elezzjoni tar-rappreżentanti għall-Parlament Ewropew b'suffraġju universali dirett (l-Att Elettorali Ewropew) sabiex din is-sitwazzjoni dwar il-liv tal-ġenituri tiġi rimedjata; jistieden lill-Bureau jemenda r-regoli;

37.  Jinnota li l-laissez-passer tal-Unjoni Ewropea għandu jingħata lill-membri, lill-uffiċjali u lill-aġenti oħra tal-Unjoni, abbażi tal-kundizzjonijiet stabbiliti fir-Regolament (UE) Nru 1417/20131(9); ifakkar li l-Artikolu 5(3) tar-Regoli ta' Proċedura jistabbilixxi d-dritt għall-Membri kollha li jitolbu laissez-passer tal-Unjoni " li jippermetti lill-Membru jiċċirkola bla xkiel fl-Istati Membri u f'pajjiżi oħra li jirrikonoxxu dan il-laissez-passer bħala dokument tal-ivjaġġar validu", peress li l-"laissez-passer għandu jkun rikonoxxut bħala dokument validu tal-ivvjaġġar mill-awtoritajiet tal-Istati Membri"; jiddispjaċih dwar rapporti minn xi Membri li l-laissez-passer mhuwiex rikonoxxut bis-sħiħ bħala dokument tal-ivvjaġġar f'xi Stati Membri; jitlob lill-Parlament biex jistaqsi dwar dawn is-sitwazzjonijiet u jikkoordina mal-awtoritajiet rilevanti biex jiżgura li l-Membri ma jkunux ristretti u limitati fil-moviment liberu tagħhom waqt li jmorru għall-laqgħat tal-Parlament jew jirritornaw lura minnhom;

38.  Jirrikonoxxi li l-ftehim bejn il-Parlament, il-Kumitat Ekonomiku u Soċjali Ewropew u l-Kumitat tar-Reġjuni ġab miegħu benefiċċji finanzjarji u amministrattivi li jikkontribwixxu għall-ġestjoni finanzjarja tajba tal-istituzzjonijiet ikkonċernati; itenni, madankollu, li fl-opinjoni tal-Kumitati dan il-ftehim huwa żbilanċjat u ma ġiex irrispettat fl-intier tiegħu mill-Parlament; jemmen li estensjoni jew reviżjoni tal-ftehim attwali jeħtiġilha ssolvi l-kwistjonijiet pendenti kollha; jitlob lill-istituzzjonijiet ikkonċernati jirrapportaw flimkien għand il-Kumitat tal-Parlament għall-Kontroll tal-Baġit dwar dan il-ftehim u r-reviżjoni tiegħu li għaddejja;

Komunikazzjoni u elezzjonijiet

39.  Jesprimi l-appoġġ tiegħu għall-mod kif il-Parlament żied il-viżibbiltà tal-elezzjonijiet Ewropej billi bena, anima u involva network wiesa' ta' midja, sħab u voluntiera li aġixxew bħala multiplikaturi ta' opinjoni fin-networks tagħhom stess; jinnota bi tħassib, madankollu, li l-għadd ta' votanti fl-elezzjonijiet Ewropej tal-2019 baqa' baxx wisq f'ċerti pajjiżi; iqis li kampanja biex tiżgura l-viżibbiltà dwar l-elezzjonijiet Ewropej u dwar ir-rwol tal-Parlament fil-proċess leġiżlattiv għandha tkun permanenti, b'enfasi partikolari fuq dawk il-pajjiżi;

40.  Jilqa' l-fatt li aktar minn 50 % taċ-ċittadini tal-Unjoni eliġibbli għall-vot ħadu sehem fl-elezzjonijiet, u jinnota b'sodisfazzjon li għall-ewwel darba mill-ewwel elezzjonijiet diretti fl-1979 kien hemm żieda fil-parteċipazzjoni; jiddispjaċih, madankollu, li għall-kuntrarju ta' dak li ġara fl-elezzjonijiet tal-2014, is-sistema tax-Spitzenkandidaten għall-ħatra tal-President tal-Kummissjoni Ewropea ma ġietx segwita; josserva li s-sistema żżid it-trasparenza u l-obbligu ta' rendikont tal-Kummissjoni lejn il-Parlament; jinnota li l-President tal-Kummissjoni Ewropea tirrikonoxxi l-ħtieġa għal titjib f'dan il-qasam fil-Linji Gwida Politiċi; jenfasizza li, kif iddikjarat fil-Linji Gwida Politiċi, huwa meħtieġ rieżami tal-mod kif il-mexxejja tal-istituzzjonijiet jinħatru u jiġu eletti;

41.  Jenfasizza l-ħtieġa li l-proċess elettorali Ewropew isir aktar aċċessibbli għall-persuni b'diżabilità;

42.  Jinnota li l-elezzjonijiet Ewropej kellhom isiru wkoll fir-Renju Unit, u li l-Parlament estenda l-kampanja ta' komunikazzjoni tiegħu għar-Renju Unit;

43.  Ifakkar li fl-2019, id-DĠ COMM kellu 813-il membru tal-persunal u amministra 5,3% tal-baġit globali tal-Parlament;

44.  Iqis li l-komunikazzjoni tan-natura politika tal-Parlament u l-ħidma mwettqa mill-Membri tiegħu għaċ-ċittadini tal-Unjoni issa hija aktar importanti minn qatt qabel; jinkoraġġixxi l-isforzi kollha tal-Parlament u d-DĠ COMM tiegħu biex iqajmu kuxjenza dwar il-Parlament, is-setgħat tiegħu, id-deċiżjonijiet tiegħu, u l-attivitajiet fost il-midja, il-partijiet ikkonċernati u l-pubbliku ġenerali; jitlob lid-DĠ COMM ikompli bl-isforzi tiegħu biex jagħmel is-sit web tal-Parlament aktar aċċessibbli, intuwittiv, koerenti u faċli għall-utent, peress li huwa strumentali biex iressaq lill-istituzzjoni eqreb lejn iċ-ċittadini;

45.  Jinnota li l-Bureau assenja lid-DĠ COMM il-kompitu li jżid l-għarfien fost iċ-ċittadini madwar l-Unjoni dwar l-elezzjonijiet li ġejjin, bl-għan li tiżdied il-parteċipazzjoni demokratika; jilqa' l-kontribut tal-kampanja elettorali u ta' informazzjoni tal-Parlament għall-2019 f'dik li hija l-akbar parteċipazzjoni ta' votanti li ġiet irreġistrata fl-aħħar 20 sena; jesprimi l-appoġġ tiegħu għall-istrateġija ta' komunikazzjoni istituzzjonali innovattiva tal-Parlament għall-elezzjonijiet Ewropej tal-2019, li kellha l-għan li żżid l-għarfien dwar l-elezzjonijiet u tħeġġeġ lin-nies biex jivvutaw; josserva li l-istrateġija kienet ibbażata fuq ir-rinforz u t-tisħiħ tar-relazzjonijiet mal-midja u l-iżvilupp ta' network robust ta' sħab; iqis li huwa ta' importanza kbira għall-Parlament li jikkomunika fuq bażi kontinwa maċ-ċittadini tal-Unjoni permezz ta' mezzi ta' komunikazzjoni differenti mhux biss matul is-sena elettorali iżda matul il-leġislatura kollha; jenfasizza l-importanza li jiġu stabbiliti sinerġiji mal-mezzi eżistenti u li tissaħħaħ il-kooperazzjoni mal-uffiċċji ta' kollegament tal-Parlament Ewropew biex tiġi evitata d-duplikazzjoni u biex flus il-kontribwenti jintużaw b'mod effettiv;

46.  Jinsab imħasseb ħafna dwar is-sit web PE Today u l-użu qarrieqi tiegħu tal-isem tal-Parlament u s-simboloġija tal-Unjoni; jinnota b'allarm li EUvsDisinfo sabet li 99% tal-artikli li dehru fis-sit EP Today fil-fatt kienu sindikati minn siti web oħra bħal Voice of America jew Russia Today; jinsab allarmat li l-investigazzjoni ta' segwitu mid-DisinfoLab tal-UE skopriet operazzjoni ta' influwenza massiva ta' 15-il sena ħidma b'suċċess kontra l-Unjoni, b'aktar minn 750 midja lokali falza u aktar minn 10 NGOs kompletament foloz; huwa mħasseb li din l-operazzjoni kien irnexxielha tilħaq u tinvolvi lill-Membri qabel ma ġiet identifikata u investigata; jistieden lid-DĠ COMM tal-Parlament jikkoordina mas-Servizz Ewropew għall-Azzjoni Esterna u mal-Kummissjoni biex jieħu azzjoni dwar din il-kwistjoni;

47.  Jinnota li qabel u matul l-elezzjonijiet, il-partijiet ikkonċernati rilevanti kollha tal-Parlament inżammu aġġornati dwar id-diżinformazzjoni u t-theddid kontra l-Parlament minn entitajiet u atturi li qed jippruvaw ifixklu l-unità u d-demokrazija Ewropea; iħeġġeġ lill-Parlament jieħu azzjoni soda biex jiġġieled id-diżinformazzjoni permezz ta' informazzjoni u twissijiet regolari u li jiġu organizzati attivitajiet xierqa ta' taħriġ u ta' sensibilizzazzjoni għall-Membri, il-persunal u l-viżitaturi; jistieden lill-Parlament ikompli jsaħħaħ il-komunikazzjoni esterna tal-attivitajiet tiegħu;

48.  Ifakkar, fil-kuntest tal-kampanja elettorali deċentralizzata, fir-rwol tal-Uffiċċji ta' Kollegament tal-Parlament Ewropew li taw spinta lill-involviment taċ-ċittadini u l-midja permezz ta' timijiet tal-istampa msaħħa u fi sħubija mal-partijiet ikkonċernati u l-multiplikaturi sabiex jintlaħqu udjenzi ġodda, speċjalment il-ġenerazzjoni żagħżugħa; jitlob li jitkompla r-rwol attiv tal-uffiċċji ta' kollegament fl-Istati Membri fil-leġiżlatura kollha;

49.  Jesprimi t-tħassib tiegħu dwar l-investigazzjoni tal-Kontrollur Ewropew għall-Protezzjoni tad-Data (KEPD) dwar l-użu mill-Parlament ta' kumpanija ta' kampanji politiċi bbażata fl-Istati Uniti tal-Amerika biex tipproċessa data personali bħala parti mill-attivitajiet tagħha relatati mal-elezzjoni Ewropea tal-2019; jinnota li l-investigazzjoni dwar l-użu mill-Parlament tal-kumpanija NationBuilder irriżultat fl-ewwel twiddiba tal-KEPD mogħtija lil istituzzjoni tal-Unjoni minħabba ksur tal-Artikolu 29 tar-Regolament (UE) 2018/1725 u li tinvolvi l-għażla u l-approvazzjoni tas-sottoproċessuri użati minn NationBuilder; jinnota, barra minn hekk, li l-KEPD sussegwentement ta t-tieni twiddiba, wara li l-Parlament naqas milli jippubblika Politika ta' Privatezza konformi għas-sit web "diddarbasenivvota" fi żmien l-iskadenza stabbilita mill-KEPD; jinnota b'sodisfazzjon li fiż-żewġ każijiet, il-Parlament aġixxa f'konformità mar-rakkomandazzjonijiet tal-KEPD; itenni d-dikjarazzjonijiet tal-KEPD dwar it-theddida li tippreżenta l-manipulazzjoni online, u kif regoli sodi dwar il-protezzjoni tad-data huma essenzjali għad-demokrazija, speċjalment fl-era diġitali;

50.  Jikkonstata l-partiti tan-nefqa differenti għall-2019, li huma mqassma kif ġej:

51.  Jinnota li, fil-laqgħa tiegħu tal-11 ta' Frar 2019, il-Bureau kkonferma t-tkomplija tal-uffiċċju tal-Parlament f'Londra; jinnota li fil-5 ta' Ottubru 2020, il-Bureau rrikonoxxa l-għeluq tal-uffiċċju antenna ta' Edinburgu fi tmiem l-2020; jirrikonoxxi li l-Uffiċċju ta' Kollegament tal-Parlament Ewropew fir-Renju Unit kif ukoll id-Delegazzjoni tal-Unjoni Ewropea għar-Renju Unit se jkomplu jkollhom rwol kruċjali għall-Parlament fl-għoti ta' servizzi lill-Membri ta' delegazzjonijiet fir-Renju Unit u sabiex ikomplu jikkomunikaw maċ-ċittadini, is-soċjetà ċivili, il-gvern, l-ambjent parlamentari u l-midja f'dak il-pajjiż; jinnota, f'dan ir-rigward, li l-uffiċċju ta’ kollegament fir-Renju Unit jikkoopera mad-Delegazzjoni tal-Unjoni Ewropea f’konformità mal-kompetenzi rispettivi tal-Parlament u tas-Servizz għall-Azzjoni Esterna tal-Unjoni Ewropea; ifakkar li l-istatus u l-awtonomija tal-persunal tal-Parlament fir-Renju Unit għandhom jiġu ggarantiti skont il-mudell stabbilit tal-uffiċċju f'Washington, li qiegħed jopera b'suċċess;; jiddispjaċih għalhekk dwar ir-rifjut tal-gvern tar-Renju Unit li jirrikonoxxi l-istatus diplomatiku sħiħ tal-ambaxxatur tal-Unjoni Ewropea għar-Renju Unit; jistieden lill-Bureau u lis-Servizz Ewropew għall-Azzjoni Esterna jsibu soluzzjoni prattika mal-awtoritajiet Brittaniċi biex jagħtu status diplomatiku lill-persunal tal-Parlament li jaħdem fl-uffiċċju ta' kollegament f'Londra;

52.  Ifakkar fit-tħassib diġà espress is-sena l-oħra dwar id-deċiżjoni tal-bureau fil-11 ta' Frar 2019 dwar l-appoġġ parlamentari lill-Missjoni tal-Unjoni Ewropea għall-ASEAN f'Jakarta, id-delegazzjoni tal-Unjoni Ewropea għall-Unjoni Afrikana f'Addis Ababa u d-Delegazzjoni tal-Unjoni Ewropea għan-Nazzjonijiet Uniti fi New York; jisħaq fuq il-fatt li kwalunkwe deċiżjoni ġdida trid tkun ibbażata fuq analiżi bir-reqqa tal-ispejjeż imqabbla mal-benefiċċji u jtenni li minħabba n-natura speċifika ta' dan l-appoġġ parlamentari, il-Kumitat tal-Parlament għall-Kontroll tal-Baġit għandu jingħata informazzjoni dettaljata rilevanti; jiddispjaċih li għadhom ma nħolqux indikaturi li jistgħu jitkejlu għall-valutazzjoni tal-prestazzjoni annwali, fl-ambitu tal-qafas taċ-ċiklu tal-ippjanar strateġiku, il-monitoraġġ u r-rapportar tal-Parlament; jitlob lis-Segretarju Ġenerali jwettaq din il-valutazzjoni b'mod urġenti u jippreżentaha kemm lill-Kumitat tal-Parlament għall-Baġits kif ukoll lill-Kumitat tal-Parlament għall-Kontroll tal-Baġit hekk kif din tkun disponibbli;

53.  Jenfasizza l-ħtieġa li terġa' tinħoloq il-kultura tad-dibattitu fil-Parlament; jilqa' d-deċiżjoni li l-membri jintalbu jagħtu d-diskorsi mil-lettur li jiffaċċa l-plenarja; jemmen li l-kultura tad-dibattitu tista' tittejjeb ukoll billi jitħalla biżżejjed ħin għall-iskambju ta' argumenti u kontroargumenti, pereżempju billi tiġi estiża l-proċedura tal-karta blu;

Gruppi ta' viżitaturi sponsorjati

54.  Jilqa' l-fatt li l-Parlament jinvesti sforzi konsiderevoli fl-espansjoni u t-titjib tas-servizzi li joffri lill-viżitaturi; ifaħħar iċ-ċifra impressjonanti ta' aktar minn 1,5 miljun viżitatur li waslu fl-2019 fil-bini kollu tal-Parlament, b'żieda ta' 26 % taż-żgħażagħ meta mqabbel mal-2018;

55.  Jinnota b'sodisfazzjon li, wara d-dħul fis-seħħ, f'Jannar 2017, tar-regoli l-ġodda mill-Bureau li jirregolaw l-akkoljenza ta' gruppi ta' viżitaturi, matul l-2019 sar awditjar dwar gruppi ta' viżitaturi, u li f'Diċembru 2019, ġew proposti pjanijiet ta' azzjoni lid-DĠ COMM biex jissaħħaħ il-qafas ta' ġestjoni u kontroll u l-qafas regolatorju applikabbli għar-rimborżi lill-gruppi ta' viżitaturi; jenfasizza, madankollu, li l-objettiv tal-gruppi ta' viżitaturi ma għandux jiġi injorat, jiġifieri li ċ-ċittadini jitressqu eqreb tal-Parlament, tad-dmirijiet u l-interazzjoni tiegħu mal-istituzzjonijiet l-oħra tal-Unjoni, u tal-funzjonament tal-Unjoni u tal-ambjent tiegħu, li jinkludi l-bliet ospitanti;

56.  Jinnota li r-regoli riveduti li jirregolaw il-ħlas ta' kontribuzzjonijiet finanzjarji għal gruppi ta' viżitaturi sponsorjati daħlu fis-seħħ fl-1 ta' Jannar 2017; ifakkar li, f'konformità mal-prinċipju ta' nuqqas ta' profitt stabbilit f'dawn ir-regoli, il-kapijiet tal-gruppi għandhom l-obbligu li jirritornaw kwalunkwe kontribuzzjoni finanzjarja mhux użata wara verifika ta' dikjarazzjoni finanzjarja mis-servizzi tal-Parlament; ifittex aċċertament akbar li l-ġestjoni tal-gruppi ta' viżitaturi sponsorjati tkun strettament f'konformità mar-regoli applikabbli, inkluż il-proċess ta' rimborż tal-ispejjeż relatati mal-viżitaturi b'diżabilità; itenni t-talba tiegħu biex titneħħa l-possibilità li jinħatru APA bħala kap ta' grupp biex jieħdu r-responsabbiltà finanzjarja ta' gruppi ta' viżitaturi sponsorjati esklużivament lil membru tal-grupp jew lil professjonisti, jiġifieri aġenti tal-ħlas jew aġenziji tal-ivvjaġġar;

57.  Ifakkar li fl-2019 l-awditur intern tal-Parlament beda awditjar tal-implimentazzjoni tar-regoli l-ġodda, u li fis-sejbiet tiegħu, finalizzati fl-2020, l-awditur intern enfasizza li l-kontribuzzjonijiet finanzjarji għall-gruppi ta' viżitaturi għandhom jiġu allinjati aktar mal-ispejjeż reali mġarrba mill-gruppi, li l-kontrolli ex ante għandhom jissaħħu meta titħallas l-ewwel kontribuzzjoni, u li s-sistema eżistenti ta' kontrolli ex post għandha tissaħħaħ; itenni li s-sejbiet tal-awditur intern għandhom jitqiesu fl-evalwazzjoni tal-proċeduri eżistenti u fl-iżvilupp ta' kontrolli ex ante aktar stretti sabiex jiġu evitati possibbiltajiet ta' akkumulazzjoni ta' flus lil hinn mill-kontrolli; jitlob li jiġi vvalutat aktar il-livell attwali tal-kontrolli ex post;

58.  Jirrimarka li r-riċeviment ta' gruppi ta' viżitaturi sponsorjati ta' persuni b'diżabilità jista' jsir bi spejjeż addizzjonali u jirrikjedi kontribuzzjonijiet finanzjarji akbar, għalhekk jirrakkomanda lill-Bureau li jistudja l-possibbiltà ta' allokazzjonijiet akbar biex ikopru n-nefqa eliġibbli kollha ta' tali gruppi;

59.  Jappoġġja l-attivitajiet tal-Parlamentarium fi Brussell li fl-2019 laqa' 307 105 viżitatur, żieda sostanzjali fin-numru mill-2018, u tad-Dar l-Istorja Ewropea, li laqgħet 199 256 viżitatur fl-2019 b'żieda ta' 21 % mill-2018; ifaħħar is-suċċess taċ-ċentri Europa Experience f'Berlin, f'Ljubljana, fi Strasburgu, f'Helsinki, f'Copenhagen u f'Tallinn; jinnota li s-servizzi tal-Parlament iddefinew programm ta' ħidma konġunt, li għandu l-għan li jlesti l-implimentazzjoni tal-Europa Experience fl-Istati Membri kollha sal-2024;

Bini

60.  Ifakkar li fl-2019, id-DĠ INLO kellu 609 membri tal-persunal u amministra 12,6 % tal-baġit globali tal-Parlament;

61.  Huwa konxju li fil-11 ta' Marzu 2019, il-Bureau approva approċċ ġdid għall-proposti futuri tas-suq immobiljari għall-uffiċċji ta' kollegament tal-Parlament Ewropew u għall-ispazji ta' Europa Experience f'diversi Stati Membri;

62.  Huwa konxju mill-importanza tal-politika immobiljari, b'mod partikolari t-tlestija tax-xogħlijiet finali ta' installazzjoni fil-bini Montoyer 63 fi Brussell, li beda jintuża fl-2019, u l-proġett Adenauer fil-Lussemburgu, li huwa ppjanat li jitlesta sal-aħħar ta' Ġunju 2023; jifhem li, fl-2019, il-Kumitat għall-Baġits tal-Parlament awtorizza t-trasferiment ta' tlaqqit, b'ammont ta' EUR 29 miljun, għall-prefinanzjament tal-proġett, li jeskludi l-ispejjeż tal-ġestjoni tal-proġett, l-ispejjeż finanzjarji, il-korpi ċertifikati, eċċ; jiddispjaċih dwar iż-żieda fl-ispejjeż minħabba d-dewmien fil-kostruzzjoni u jinnota li kienu meħtieġa tranżazzjonijiet mal-kumpaniji tal-kostruzzjoni (b'rabta mad-dewmien fil-proġett) biex jiġu evitati dewmien u spejjeż ulterjuri (bejn 5 % u 15 % tal-ammont tal-kuntratt);

63.  Jinnota li strateġija ġdida għall-bini ‘Wara l-2019’, adottata mill-Bureau f'April 2018, iffukat fuq il-ħtiġijiet li għad ma ġewx indirizzati biżżejjed, inkluż l-adattament tal-faċilitajiet għall-evoluzzjoni tat-tendenzi fil-laqgħat (il-ħolqien ta' kmamar tal-laqgħat adattati speċifikament għat-trilogi leġiżlattivi), involviment lokali u eqreb taċ-ċittadini permezz tal-integrazzjoni tal-‘Europa Experience’ fl-uffiċċji ta' kollegament tal-Parlament Ewropew, it-tkomplija tat-titjib tas-sigurtà għall-bini tal-Parlament u r-rinnovazzjoni tiegħu, it-tnaqqis tad-distakk fl-interkonnessjoni tal-bini ċentrali tal-Parlament billi jiġi promoss ix-xiri ta' bini aktar mill-kiri;

64.  Jesprimi t-tħassib tiegħu dwar l-azzjonijiet li suppost saru u miftiehma mal-awditur intern fl-2018 li jindirizzaw riskji residwi sinifikanti fir-rigward tal-manutenzjoni, l-irranġar u l-operat tal-bini; jistieden lill-Bureau jadotta politika komprensiva dwar il-manutenzjoni u jirrapporta lura lill-awtorità ta' kwittanza; jilqa' t-tneħħija gradwali tal-kuntratti dwar il-funzjonijiet ta' ġestjoni esternalizzati u l-flus li dan jiffranka;

65.  Jinnota li l-akbar proġett ta' bini tal-Parlament - it-tkabbir tal-bini Konrad Adenauer fil-Lussemburgu - jinsab fil-punt tat-tlestija tal-ewwel fażi tiegħu, il-Binja tal-Lvant; jissottolinja li t-Torri ilu okkupat mill-persunal tal-Parlament mill-ħarifa 2019, u li l-bqija tal-Binja tal-Lvant mistennija tiġi okkupata gradwalment minn Novembru 2020; jinnota li l-kostruzzjoni tal-Binja tal-Punent tal-istabbiliment għandha tibda fl-aħħar tal-2020 u hija ppjanata li titlesta sal-2023;

66.  Jieħu nota tal-infrastruttura sinifikanti tal-Parlament, li tista' tinqasam kif ġej:

67.  Ifakkar li fl-2020, il-Parlament nieda kompetizzjoni internazzjonali fl-arkitettura b'żewġ għażliet, rinnovazzjoni ambjentali komprensiva jew rikostruzzjoni tal-bini Spaak; jenfasizza li r-rinnovazzjoni/ir-rikostruzzjoni għandhom iqisu l-kosteffettività u l-effiċjenza enerġetika bħala kriterji ewlenin; jistenna malajr kemm jista' jkun evalwazzjoni dettaljata u pubblika tal-ispiża u l-effiċjenza enerġetika tal-proposta li għandha titwettaq fid-dawl tal-fatt li s-sommarju ta' qabel il-proġett, li għandu jiġi żviluppat mill-perit rebbieħ matul l-2021, għandha tiġi ppreżentata lill-Kumitat għall-Baġits u l-Kumitat għall-Kontroll tal-Baġit tal-Parlament; jitlob li r-rinnovazzjoni/ir-rikostruzzjoni tqis il-ħtiġijiet attwali tal-Parlament kif deskritti fl-istrateġija aġġornata għall-bini ‘Wara l-2019’; jenfasizza li r-rinnovazzjoni/ir-rikostruzzjoni għandha tqis ukoll il-ħtiġijiet attwali tal-Membri u tal-persunal relatati mar-restrizzjonijiet reċenti kif ukoll l-aġġustament ġdid meħtieġ għas-saħħa u s-sigurtà;

68.  Jinnota d-deċiżjoni tal-Bureau tal-25 ta' Novembru 2019 li jinbnew faċilitajiet tal-Europa Experience għall-viżitaturi fl-Istati Membri kollha sa tmiem il-leġiżlatura attwali (2024) u l-implimentazzjoni attwali ta' din id-deċiżjoni; jistieden lis-Segretarju Ġenerali jinforma regolarment lill-Kumitat għall-Baġits u lill-Kumitat għall-Kontroll tal-Baġit tal-Parlament dwar l-istat ta' implimentazzjoni;

69.  Jilqa' l-idea li l-Parlament ikun impenjat li jwettaq l-adattament u r-rinnovazzjoni meħtieġa tal-bini tiegħu sabiex jinħoloq ambjent aċċessibbli għall-utenti kollha f'konformità mal-istandards tal-Unjoni u l-oqfsa legali nazzjonali; jisħaq li x-xogħlijiet biex titjieb l-aċċessibbiltà għall-persuni b'diżabilità u dawk b'mobilità mnaqqsa diġà bdew fi Strasburgu u li l-proġetti se jkomplu kemm fi Brussell kif ukoll fi Strasburgu, iżda wkoll f'sitt uffiċċji ta' kollegament tal-Parlament Ewropew; jinsisti li dawn ir-rinnovazzjonijiet jitkomplew fil-bini l-ieħor kollu tal-Parlament billi jimpenja ruħu għar-rekwiżiti funzjonali dwar l-aċċessibbiltà għall-ambjent mibni stipulati fl-Anness III tad-Direttiva (UE) 2019/882(10), u billi jirreferi għal standards internazzjonali u Ewropej rilevanti biex jissodisfa dawk ir-rekwiżiti fil-proċeduri tal-akkwist, biex b'hekk il-Membri, il-persunal u l-viżitaturi b'diżabilità u dawk b'mobilità mnaqqsa jkun jista' jkollhom aċċess għall-bini u jagħmlu użu mill-faċilitajiet tagħhom fuq bażi ugwali bħal oħrajn f'konformità mal-obbligi stabbiliti mill-Konvenzjoni tan-Nazzjonijiet Uniti dwar id-Drittijiet ta' Persuni b'Diżabilità; jissottolinja li l-fondi għandhom ikunu disponibbli biex ikopru dawn il-miżuri/spejjeż b'mod effiċjenti;

70.  Jesprimi tħassib li mill-2017, ġie introdott u għadu fis-seħħ għeluq taċ-ċirkwit ta' ilma sħun fl-uffiċċji tal-Membri kemm fi Brussell kif ukoll fi Strasburgu; jinnota li d-deċiżjoni li titwaqqaf id-distribuzzjoni ta' ilma sħun fl-uffiċċji tal-Membri fi Brussell u Strasburgu ttieħdet mill-Kwesturi fl-24 ta' Ottubru 2017 b'rabta mar-riskju għas-saħħa li toħloq il-preżenza ta' batterji tal-legionella li jagħmlu l-ħsara lis-sistemi idrawliċi tal-bini li qed jeqdiemu u jiddeterjoraw; josserva li l-isfida ewlenija biex terġa' tiġi introdotta l-produzzjoni ta' ilma sħun fil-bini tal-Parlament hija l-fatt li tindif bir-reqqa tal-pajpijiet il-qodma kollha li jinkludu diversi pajpijiet li ma jwasslu mkien, tkun tirrikjedi d-dekummissjonar sħiħ tagħhom u li proġett ta' skala konsiderevoli bħal dan jirrikjedi studju tal-fattibbiltà fil-fond li jqis l-impatt taċ-ċaqliq, ir-rilokazzjonijiet, it-trab u l-istorbju fuq il-ħidma leġiżlattiva tal-Membri; iħeġġeġ lid-DĠ INLO jkompli jimplimenta miżuri ta' kumpens;

71.  Jinnota li l-ewwel sejħa għall-offerti tnediet fl-2019 sabiex jiġu konklużi kuntratti għal faċilitajiet bankarji ġodda u ntemmet b'bank wieħed biss li għażel li jissottometti offerta għall-istess spazju li l-bank kien jokkupa qabel; jinnota li t-tieni sejħa għall-offerti ġiet organizzata fl-2020 bl-għan li jiġu okkupati ż-żewġ żoni l-oħra tal-ħami, u ma waslet l-ebda offerta; jiddispjaċih li l-aġenzija ING baqgħet miftuħa biss għall-ewwel xahrejn tal-leġiżlatura attwali, iż-żmien biex jinfetħu l-kontijiet għal ħafna mill-Membri eletti l-ġodda u l-APAs ikkuntrattati, u mbagħad għalqet; jinnota li s-supermarket iddeċieda wkoll li ma jestendix il-konċessjoni tiegħu, iżda jilqa' l-fatt li fil-futur se jkun hemm konċessjoni ta' suq tal-ikel fis-sular ta' isfel tal-bini Spinelli; jitlob lill-amministrazzjoni tagħmel rieżami u ttejjeb il-kundizzjonijiet tal-isfruttar tal-konċessjonijiet kummerċjali b'mod li tagħmilhom aktar attraenti, sabiex tattira fornituri ta' servizzi ta' kwalità;

72.  Jesprimi tħassib dwar il-bini Trèves 1 minħabba n-nuqqas ta' servizzi tiegħu; jistieden lill-Parlament jesplora bħala soluzzjoni prijoritarja l-iżgurar li dan il-bini jkollu konnessjoni effettiva mal-binjiet ewlenin tal-Parlament, fejn issir il-biċċa l-kbira tal-attività parlamentari;

73.  Jenfasizza rapporti reċenti fil-midja li l-kameras termali użati fil-bini tal-Parlament għall-kejl tat-temperatura tal-persuni kollha li jidħlu fil-Parlament huma magħmula mill-kumpanija Hikvision, li timporta miċ-Ċina u tipproduċi kameras għall-provinċja Ċiniża ta' Xinjiang(11); ifakkar li Hikvision ġiet akkużata li pprovdiet tagħmir ta' sorveljanza għall-kampijiet ta' internament f'din il-provinċja(12); jinnota li hemm riskju inaċċettabbli li Hikvision, permezz tal-operazzjonijiet tagħha f'Xinjiang, qed tikkontribwixxi għal abbużi serji tad-drittijiet tal-bniedem; ifakkar li l-Premju Sakharov għal-Libertà tal-Ħsieb 2019 tal-Parlament Ewropew intrebaħ minn Ilham Tohti għall-isforzi tiegħu biex jipproteġi d-drittijiet tal-popolazzjoni Ujgura fiċ-Ċina; iqis għalhekk li l-użu ta' kameras termali ta' dan il-fornitur fil-bini tal-Parlament mhuwiex aċċettabbli; jistieden lis-Segretarju Ġenerali jtemm il-kuntratt ma' Hikvision u jneħħi l-kameras termali kollha ta' Hikvision mill-bini tal-Parlament; jenfasizza l-ħtieġa li fil-futur l-amministrazzjoni tkun aktar prudenti fl-għażla tal-fornituri tat-tagħmir;

Sigurtà u Difiża

74.  Ifakkar li fl-2019, id-Direttorat Ġenerali għas-Sigurtà u l-Protezzjoni (DĠ SAFE) kellu 770 membru tal-persunal u amministra 1,5 % tal-baġit globali tal-Parlament;

75.  Jilqa' l-fatt li mill-2015 ma seħħ l-ebda inċident kbir marbut mas-sigurtà fil-bini tal-Parlament; jinsab imħasseb, madankollu, dwar in-numru totali ta' Membri, segretarjati ta' gruppi politiċi u APAs rappurtati bħala vittmi ta' serq fil-bini tal-Parlament; jinnota li l-valur globali stmat tal-elementi, li jammonta għal madwar EUR 60 000 fis-sena, kien stabbli għall-aħħar tliet snin; jistenna tisħiħ kontinwu fil-livell ta' sigurtà;

76.  Jieħu nota tal-azzjonijiet immedjati, approvati mill-Bureau fil-laqgħa tiegħu tat-22 ta' Lulju 2020, li inkludew kampanja ta' sensibilizzazzjoni, protezzjoni ta' tagħmir tal-IT ta' valur, notifika minn qabel ta' xogħlijiet ta' manutenzjoni, u għoti ta' master keys separati għal kull sular u limitazzjoni stretta tad-distribuzzjoni tagħhom; jesprimi, madankollu, li ma jaqbilx mal-messaġġi speċifiċi u t-ton ġenerali tal-kampanja ta' sensibilizzazzjoni kontra s-serq fil-binjiet tal-Parlament billi jinħassu li qegħdin jagħtu tort lill-Membri u lill-persunal minflok ma jagħtu rakkomandazzjonijiet prattiċi ta' sigurtà; jistenna li l-Parlament jikkunsidra miżuri fit-tul biex jipprevjeni serq, inklużi, fost dawk proposti, l-introduzzjoni ta' livelli differenti ta' drittijiet ta' aċċess fil-bini tal-Parlament, żieda fil-kopertura tas-CCTV, u azzjonijiet ulterjuri relatati mal-politika tal-ġestjoni taċ-ċwievet, inkluża l-possibbiltà li jiġu installati serraturi elettroniċi tal-bibien filwaqt li titqies il-proporzjonalità meħtieġa bejn l-investimenti meħtieġa u l-valur attwali tal-oġġetti misruqa, kif ukoll il-ħarsien tal-privatezza;

77.  Iħeġġeġ l-implimentazzjoni ta' strateġija interna ta' ħruġ għall-persuni b'mobbiltà mnaqqsa jew b'diżabilità f'każ ta' emerġenza;

78.  Jilqa' l-miżuri meħuda biex titjieb is-sigurtà tal-bini tal-Parlament, b'mod partikolari l-iskrinjar tas-sigurtà ta' persunal ta' fornituri esterni tas-servizzi, u l-internalizzazzjoni tas-servizzi ġenerali tas-sigurtà fil-Lussemburgu, approvati mill-Bureau fl-2012, iżda li kienu affettwati mix-xogħol ta' kostruzzjoni tal-bini l-ġdid Adenauer II; jissottolinja li l-inċidenti ta' dimostranti vjolenti li jidħlu f'istituzzjonijiet pubbliċi fl-Istati Membri u jheddu l-persunal u l-Membri huma kwistjoni ta' tħassib, u għalhekk iħeġġeġ lid-DĠ SAFE jivvaluta l-miżuri ta' sikurezza attwali u jagħmel rakkomandazzjonijiet għal aktar titjib;

79.  Jappoġġja l-kooperazzjoni interistituzzjonali fis-sigurtà inkluż l-iffirmar ta' Memorandum ta' Qbil relatat mal-iskrinjar ta' persunal ta' fornituri esterni tas-servizzi li jaħdmu fl-istituzzjonijiet tal-Unjoni fil-Belġju, it-twaqqif ta' grupp ta' ħidma interistituzzjonali inkarigat mill-armonizzazzjoni tal-miżuri ta' sigurtà applikati fl-uffiċċji ta' kollegament tal-Parlament u r-rappreżentanzi tal-Kummissjoni fl-Istati Membri, l-analiżi konġunta li għaddejja mis-servizzi tas-sigurtà tal-istituzzjonijiet tal-Unjoni biex jiġu identifikati u ddefiniti l-aktar oqsma xierqa għal kooperazzjoni msaħħa kif ukoll il-firxa ta' din il-kooperazzjoni possibbli, inkluża l-possibbiltà li jiġu kondiviżi xi servizzi, u l-progress lejn l-istabbiliment ta' badge ta' aċċess interistituzzjonali;

80.  Jinnota b'sodisfazzjon il-varar ta' proċeduri tas-suq għall-introduzzjoni ta' sistema awtomatika ta' rikonoxximent tal-vetturi fil-punti ta' dħul u ħruġ kollha tal-parkeġġi u t-trasferiment lejn il-bini Adenauer II;

81.  Ifakkar, madankollu li t-trasparenza fil-konfront tal-pubbliku hija karatteristika importanti tal-Parlament u għandu jinżamm bilanċ adegwat mal-livell ta' sigurtà meħtieġ;

Iċ-ċibersigurtà u s-sigurtà tal-ICT

82.  Ifakkar li, fl-2019, id-Direttorat Ġenerali għal-Loġistika u l-Interpretazzjoni għall-Konferenzi (DĠ ITEC) kellu 480 membru tal-persunal u amministra 6 % tal-baġit globali tal-Parlament;

83.  Ifakkar fl-assenjament ta' konsultazzjoni mwettaq mis-servizz tal-awditjar intern dwar l-inċident serju tal-IT li seħħ fl-2017 u l-impatt li rriżulta fuq il-kontinwità tal-operat li kien fih tliet rakkomandazzjonijiet dwar il-protezzjoni ulterjuri tal-infrastruttura tal-ICT tal-Parlament li jikkomplementaw il-lista ta' sistemi ta' informazzjoni kritiċi u ewlenin b'immappjar aktar ċar tal-missjoni-assi u bid-dokumentazzjoni tal-assi tad-dipendenzi, u l-indirizzar tal-bżonn ta' ċertifikazzjoni ta' livell ogħla tal-bini mikri li jospita l-kamra tal-kompjuters tal-Parlament fi Brussell;

84.  Jifhem l-importanza ta' drittijiet ta' aċċess privileġġati f'xogħol ta' manutenzjoni u żvilupp; jistieden lid-DĠ ITEC jistabbilixxi regoli ċari dwar il-kontroll ta' aċċess fir-rigward ta' dawn il-kontijiet privileġġati u jagħmel rieżami tal-forniment ta' drittijiet ‘superutent’;

85.  Japprova t-tnedija ta' proġett ta' ċentru tad-data ġdid biex iċ-ċentru tad-data ta' Huizingen ta' livell II, li għamel żmienu, jiġi sostitwit b'livell IV biex tittejjeb is-sigurtà, ir-reżiljenza u l-kontinwità tal-ICT;

86.  Jappoġġja l-isforzi tal-Parlament biex jimmitiga r-riskji taċ-ċibersigurtà fl-2019, inklużi d-definizzjoni u l-pubblikazzjoni ta' qafas taċ-ċibersigurtà tal-Parlament, valutazzjoni sistematika tar-riskju ċibernetiku għal applikazzjonijiet sensittivi ġodda u eżerċizzju annwali ta' test ta' penetrazzjoni mill-Internet; jitlob li r-riskji jiġu identifikati u minimizzati aktar u li tiġi implimentata ġestjoni bbażata fuq ir-riskju; jistieden lid-DĠ ITEC itejjeb il-kapaċitajiet ta' rkupru u jimplimenta pjan ta' rispons għal inċidenti marbuta maċ-ċibersigurtà;

87.  Jissottolinja l-obbligu al-Parlament li jiġġestixxi direttament jew tal-anqas ikollu kontroll dirett fuq il-ġestjoni tal-infrastrutturi kritiċi tiegħu u d-data sensittiva u kunfidenzjali; jagħti istruzzjonijiet lill-amministrazzjoni tiegħu biex timplimenta dan l-obbligu;

88.  Ifakkar fil-valur miżjud ta' software b'xejn u b'sors miftuħ fit-titjib tas-sigurtà peress li dan jippermetti lill-Parlament jidentifika u jikkoreġi d-dgħufijiet, iżomm kontroll fuq id-data billi jospita fis-servers tiegħu u jfassal soluzzjonijiet skont l-ispeċifikazzjonijiet tiegħu stess, filwaqt li jkun jista' jevita effetti ta' intrappolament tal-klijentela;

89.  Ifakkar fil-preferenza tiegħu għal soluzzjonijiet ta' software b'xejn u b'sors miftuħ minflok dawk proprjetarji meta jiġu kkunsidrati applikazzjonijiet interni ġodda; jitlob li l-korpi governattivi tal-ICT jiġu informati dwar is-sitwazzjonijiet fejn ma jintgħażlux soluzzjonijiet b'sors miftuħ;

90.  Jirrikonoxxi r-riskji inerenti għas-sigurtà tal-informazzjoni u għall-privatezza meta l-Membri u l-persunal jużaw soluzzjonijiet dipendenti fuq partijiet terzi għall-kondiviżjoni ta' data sensittiva, mingħajr ma l-Parlament ikun jista' jikkontrolla kif tiġi ttrattata d-data; f'konformità mal-orjentazzjonijiet strateġiċi taċ-ċibersigurtà approvati mill-Bureau u biex tiġi rimedjata dik is-sitwazzjoni, jitlob lil-Parlament iqis li fis-servers tiegħu jiġu ospitati soluzzjonijiet siguri u bbażati fuq sors miftuħ għal-laqgħat virtwali u l-messaġġi istantanji, kif inhu l-każ f'istituzzjonijiet ewlenin f'uħud mill-Istati Membri, bħall-amministrazzjoni ċentrali Franċiża u l-Bundeswehr Ġermaniż;

91.  Ifaħħar l-isforzi tad-DĠ ITEC biex jiġbor parti mill-għarfien espert u r-riżorsi tiegħu dwar iċ-ċibersigurtà permezz ta' Skwadra ta' Rispons f'Emerġenza relatata mal-Kompjuters għall-Istituzzjonijiet tal-Unjoni (CERT-EU);

It-teknoloġija, id-diġitalizzazzjoni u l-innovazzjoni

92.  Jilqa' t-tlestija b'suċċess fl-2019 tas-sistema ta' ġestjoni finanzjarja tal-Parlament, li bdiet topera għas-sena finanzjarja 2020; jesprimi t-tħassib tiegħu dwar hardware antikwat u jitlob li l-modernizzazzjoni tal-IT titkompla bit-tiġdid ta' hardware antikwat u żviluppi ulterjuri ta' proġetti strateġiċi fl-oqsma tal-Parlament elettroniku, l-ambjent mobbli għall-Membri u l-persunal;

93.  Jindika li l-aġġornamenti fil-pagi tal-persunal tal-Parlament mhumiex awtomatizzati u għandhom jiddaħħlu manwalment fis-sistemi tar-riżorsi umani tal-IT; jesprimi tħassib dwar ir-riskji ta' pagamenti mhux dovuti bbażati fuq informazzjoni inkorretta li tirriżulta min-nonawtomatizzazzjoni tal-ħlas; iħeġġeġ lis-servizzi tal-Parlament jiżviluppaw sistema tal-IT sostenibbli għall-gradi ta' ħlas tal-persunal f'kooperazzjoni ma' istituzzjonijiet oħra tal-Unjoni;

94.  Japprova l-isforzi sinifikanti għall-investiment kontinwu fid-diġitalizzazzjoni tal-proċessi finanzjarji, inkluż it-tnedija u l-użu bla xkiel u b'suċċess tas-sistema l-ġdida ta' ġestjoni finanzjarja u ta' kontabilità (SAP) minn Novembru 2019 għat-tranżazzjonijiet kollha relatati mal-eżekuzzjoni tal-baġit, l-adozzjoni tal-istrateġija "Hubs Blue-Chip għal servizzi amministrattivi", bil-ħsieb li jittejjeb is-servizz tal-klijenti, l-effiċjenza amministrattiva, u d-deċiżjoni tal-Bureau tas-17 ta' Ġunju 2019 li titnieda l-awtomazzjoni tar-reġistru ċentrali tal-attendenza, kif ukoll l-estensjoni tal-funzjonijiet tal-Portal elettroniku, bħala l-punt uniku diġitali ta' dħul għall-Membri biex jimmaniġġjaw id-drittijiet finanzjarji u soċjali tagħhom;

95.  Jitlob li jsir titjib fis-sistema attwali ta' traċċar u rintraċċar ta' kwistjonijiet marbuta mal-IT bejn l-unitajiet operattivi tas-servizzi tal-Parlament sabiex tiżdied l-effiċjenza u t-trasparenza; jenfasizza li l-appoġġ fuq il-post għall-Membri u l-uffiċċji tagħhom spiss isolvi kwistjonijiet relatati mal-IT aktar malajr u b'mod aktar effiċjenti mill-appoġġ telefoniku;

96.  Jitlob li jiġi żgurat li jittieħdu miżuri ta' sigurtà xierqa fir-rigward tal-implimentazzjoni ta' soluzzjonijiet cloud għall-Parlament, inklużi dawk li jippermettu s-sovranità istituzzjonali tiegħu; jinsisti li dan għandu jinkiseb billi jiġu żgurati s-sjieda tad-data, il-lokalizzazzjoni tad-data fit-territorju tal-Unjoni, l-assenza ta' effett ta' intrappolament tal-klijentela u approċċ b'diversi fornituri li jippermetti l-migrazzjoni bla xkiel tat-tagħbijiet tax-xogħol u d-data bejn is-saffi differenti tal-cloud ibridu (fil-bini, fil-cloud privat u pubbliku) kif ukoll bejn il-fornituri tas-servizzi tal-cloud peress li l-ħtiġijiet jinbidlu u mhux biss matul il-fażi tal-ħruġ tas-servizzi tal-cloud, sabiex jinkisbu aktar flessibbiltà u aktar opzjonijiet għall-użu tad-data, kif maqbul mill-Grupp ta' Ħidma dwar l-Istrateġija ta' Innovazzjoni tal-ICT u kkonfermat mill-Bureau s-sena li għaddiet;

97.  Ifakkar li dawn ir-rekwiżiti politikament sinifikanti tal-politika cloud, jiġifieri dwar id-deċiżjoni fl-ogħla livell dwar liema kategoriji ta' data jistgħu jmorru fil-cloud jew le, dwar id-definizzjoni ta' cloud sovran jew dwar l-għażla ta' fornituri, ġew espressi mill-Viċi Presidenti tal-Parlament, u jeħtieġ li jitqiesu fil-proċess tal-adozzjoni tal-politika tal-cloud mill-Bureau, qabel ma jiġi ffirmat kwalunkwe kuntratt ma' fornitur ta' servizz ta' cloud;

98.  Jitlob li jiġi żgurat id-dritt għall-Membri u l-assistenti li jużaw software tal-uffiċċju b'xejn u b'sors miftuħ;

99.  Ifakkar fil-ħtieġa li jkun hemm approċċ aktar faċli għall-utent, sistematiku u koordinat għall-ħolqien u l-konverżjoni ta' data ta' interess pubbliku f'format miftuħ, li jinqara mill-magni, faċilment aċċessibbli u li jista' jerġa' jintuża mill-utenti; itenni l-importanza li l-Parlament ikollu l-politika tiegħu stess dwar id-data miftuħa; jitlob lis-servizzi rilevanti jressqu abbozz għal approvazzjoni lill-Bureau;

100.  Ifakkar li l-prinċipju ġenerali tal-istrateġija tal-cloud huwa s-sigurtà tal-informazzjoni u l-protezzjoni tad-data, u dan jeħtieġ kategorizzazzjoni speċifika tad-data bbażata fuq il-protezzjoni tad-data u valutazzjonijiet tas-sigurtà; jitlob lill-Bureau japprova, wara li jikkunsidra l-analiżi tar-riskju mħejjija mis-servizzi rilevanti, liema kategoriji ta' data u applikazzjonijiet jistgħu jmorru fil-cloud u liema għandhom jinżammu fil-Parlament biss;

101.  Ifakkar fil-ħtieġa li jiġi żgurat li ma jkun hemm l-ebda effett ta' intrappolament tal-klijentela tal-cloud u li jinkiseb livell ogħla ta' sigurtà bl-użu ta' software b'sors miftuħ u standards miftuħa kull fejn ikun possibbli;

102.  Jitlob lill-amministrazzjoni toħloq spazju fuq is-sit web tal-Parlament fejn ir-rekord tal-votazzjoni fil-plenarja ta' kull Membru jkun disponibbli u t-tqassim tal-voti skont il-gruppi politiċi u n-nazzjonalità tal-Membri jkun viżibbli u kumparabbli; jistieden lis-servizzi rilevanti jistudjaw il-fattibbiltà u jittestjaw il-viżwalizzazzjoni tal-emendi ffirmati l-aktar reċenti fil-kumitati u fil-plenarja tal-Membri li jivvolontarjaw fuq il-paġna personali tagħhom fis-sit web tal-Parlament;

103.  Jilqa' l-istrateġija Digital Workplace4MEP li toffri soluzzjonijiet għall-mobilità u l-effiċjenza; iqis li l-użu ta' tagħmir ibridu ta' kwalità għolja għandu jikkontribwixxi biex tintlaħaq il-mira ta' ġestjoni ambjentali li l-konsum tal-karta jitnaqqas b'50 % sal-2024; jistenna li t-tnedija twassal għal iffrankar sinifikanti fl-ispejjeż minħabba t-tneħħija gradwali ta' tip ieħor ta' tagħmir;

104.  Jiġbed l-attenzjoni fuq l-erba' investigazzjonijiet importanti mwettqa mill-KEPD li jinvolvu lill-Parlament, jiġifieri l-użu tal-kumpanija NationBuilder għall-ipproċessar ta' data personali bħala parti mill-attivitajiet tagħha relatati mal-elezzjoni Ewropea tal-2019, in-nuqqas ta' pubblikazzjoni ta' politika ta' privatezza konformi għas-sit web "diddarbasenivvota" sal-iskadenza stabbilita mill-KEPD, u l-kontrolli tat-temperatura tal-ġisem kif ukoll is-sit web tal-ibbukkjar tat-testijiet fil-kuntest tal-kriżi tal-COVID-19; jinnota li fl-ewwel żewġ każijiet, il-Parlament aġixxa f'konformità mar-rakkomandazzjonijiet tal-KEPD; ifakkar fir-rieżami preliminari msemmi hawn fuq tal-qafas tal-protezzjoni tad-data tal-Parlament; jistieden lis-servizzi rilevanti tal-Amministrazzjoni tal-Parlament jisiltu tagħlimiet mill-investigazzjonijiet imsemmija għall-futur;

105.  Jinnota li l-Wi-fi pprovdut fil-bini tal-Parlament fi Brussell sikwit ikun instabbli u ma jipprevedix laqgħat mingħajr disturbazzjonijiet matul telefonati virtwali bil-video; jitlob lill-Parlament jaġġorna s-sistema attwali għal-livell ta' prestazzjoni meħtieġ għal metodu ta' ħidma kompletament remot tal-Parlament;

106.  Jilqa' ż-żewġ proġetti Ewropej, Red Flags u Digiwhist, li jużaw il-big data biex inaqqsu l-korruzzjoni u jinkoraġġixxi l-użu ta' teknoloġiji emerġenti bħala parti mid-diġitalizzazzjoni;

Aċċess għall-offerti

107.  Jilqa' l-aċċess imtejjeb tal-utenti għall-offerti fil-Parlament; jagħmel ħiltu biex ikompli jsaħħaħ il-proċess ta' diġitalizzazzjoni tiegħu billi jipprovdi Mistoqsijiet Frekwenti ġenerali rigward il-proċeduri tas-sejħiet għall-offerti u jiggarantixxi aċċess faċli għall-utent;

108.  Jinnota l-istrument attwali ta' sejħiet għall-offerti elettroniċi, TED, bħala parti mill-proċess ta' trasformazzjoni diġitali tal-akkwist pubbliku, filwaqt li jenfasizza l-ħtieġa għal taqsima ta' mistoqsijiet u tweġibiet multilingwi filwaqt li jiżgura l-aġġornament f'waqtu tagħhom;

Teknoloġiji emerġenti fl-akkwist pubbliku

109.  Itenni l-impenn tal-Parlament li jżomm it-trasformazzjoni diġitali tal-akkwist pubbliku, bil-għan li jiffaċilita l-aċċess għall-akkwist pubbliku u jippromwovi l-innovazzjoni teknika diġitali; iqis li l-adozzjoni mid-DĠ ITEC ta' mudell tal-cloud turi l-importanza li jibda jiġi esplorat il-potenzjal tat-teknoloġiji emerġenti fl-akkwist pubbliku;

110.  Jinnota li l-akkwist pubbliku ta' oġġetti u servizzi kien stmat li jammonta għal EUR 2 triljuni jew 13,3 % tal-PDG(13); jinnota li studju aġġornat fl-2020 wera kif l-użu ta' teknoloġiji ġodda bħall-blockchain, il-big data, l-intelliġenza artifiċjali, l-internet tal-oġġetti u l-istampar 3D jintuża biex jinkisbu affarijiet differenti: L-intelliġenza artifiċjali u t-tagħlim awtomatiku jistgħu jbassru d-domanda futura u jikkategorizzaw in-nefqa tal-akkwist, waqt li ċ-Chatbots jistgħu jgħinu lill-utenti bil-mistoqsijiet li jkollhom; jinnota wkoll li l-blockchain jintuża biex jipprovdi trasparenza fi stadji differenti tal-akkwist pubbliku u biex tiżgura rekord diġitali ta' kull ftehim, kull proċess, kull pagament u sors uniku kondiviż ta' data; jinnota li, fl-aħħar nett, l-istampar 3D jiżgura l-produzzjoni diretta ta' diversi partijiet(14); jiġbed l-attenzjoni għall-fatt li l-applikazzjoni ta' teknoloġiji emerġenti għas-sejħiet għall-offerti pubbliċi eventwalment issaħħaħ it-trasformazzjoni diġitali tant meħtieġa tal-proċess tal-akkwist pubbliku;

Trasparenza

111.  Jinnota bi tħassib serju li skont ir-Rapporti Annwali tar-Reġistru ta' Trasparenza f'dawn l-aħħar snin, madwar nofs l-entrati kollha fir-Reġistru mhumiex korretti; jibża' li r-Reġistru ma jistax jissodisfa l-għan tiegħu li jipprovdi aktar trasparenza dwar l-attivitajiet tar-rappreżentanti ta' interess jekk nofs l-entrati tiegħu jipprovdu informazzjoni mhux kompluta jew mhux korretta; iħeġġeġ lill-Parlament u lill-Kummissjoni jindirizzaw ir-rata għolja ta' entrati mhux korretti billi jżidu, tal-anqas b'mod temporanju, il-Persunal tas-Segretarjat Komuni tar-Reġistru ta' Trasparenza, jiskennjaw sistematikament l-entrati kollha għall-korrettezza u l-kompletezza, u jiżguraw li l-entrati korretti biss jiddaħħlu fir-reġistru;

112.  Ifakkar fl-Artikolu 4 tal-Kodiċi ta' Kondotta fir-rigward tal-interessi finanzjarji u l-kunflitti ta' interess, li d-dikjarazzjonijiet tal-interessi finanzjarji tal-Membri għandhom jiġu pprovduti b'mod preċiż; jiddispjaċih dwar xi każijiet b'dettall insuffiċjenti fid-dikjarazzjonijiet dwar attivitajiet esterni mħallsa jew mhux imħallsa, li jqajmu dubji dwar jekk attività bħal din tistax tiġi vverifikata għal kunflitt ta' interess potenzjali mal-attività parlamentari tagħhom; jinnota li f'każijiet fejn ikun hemm raġuni biex wieħed jemmen li l-informazzjoni pprovduta tkun skaduta, il-President jista', fejn ikun xieraq, jitlob lill-Membru jikkoreġi d-dikjarazzjoni fi żmien għaxart ijiem; jistieden lill-Bureau jirrieżamina l-format tad-dikjarazzjonijiet; jinkoraġġixxi konsultazzjonijiet mal-awtoritajiet rilevanti tal-Istati Membri f'dan ir-rigward, bil-għan li jiġu skambjati l-aħjar prattiki;

Reklutaġġ

113.  Ifakkar li fl-2019, id-DĠ PERS kellu 459 membru tal-persunal u amministra 48 % tal-baġit globali tal-Parlament;

114.  Jinnota li bħala eżitu tal-elezzjonijiet tal-2019, il-proporzjon ta' Membri ġodda fid-Disa' Leġiżlatura laħaq il-livell għoli ta' 61 %; jenfasizza li fil-kuntest tal-għadd dejjem jikber ta' ex Membri, is-Segretarju Ġenerali u l-Bureau għandhom jistabbilixxu regoli sodi biex jirregolaw ir-revolving doors, li jirrikjedu li l-ex Membri jinfurmaw lill-Parlament dwar l-attivitajiet u l-impjieg tagħhom ta' wara l-mandat għal perjodu li jestendi tal-inqas tul iż-żmien li l-ex Membri jirċievu l-allowance tranżitorja fi tmiem il-mandat; jitlob li ssir valutazzjoni indipendenti dwar jekk attivitajiet bħal dawn joħolqux kunflitti ta' interess;

115.  Huwa konvint li l-attraenza tal-Parlament bħala impjegatur hija komponent ewlieni tas-suċċess tiegħu; huwa mħasseb serjament bid-diffikultajiet li nqalgħu fir-reklutaġġ ta' xi nazzjonalitajiet u biex jitressqu ċerti profili ta' xogħol internament; jesprimi dispjaċir għad-dipendenza żejda tal-Parlament fuq l-għarfien espert estern; jinnota li d-DĠ PERS bħalissa qed imexxi l-proġett "Nattiraw u nieħdu ħsieb l-aqwa talent" li għandu l-għan li jtejjeb il-politiki tal-Parlament biex jattira u jżomm it-talent u jikkontribwixxi fl-iżvilupp tal-viżjoni strateġika fit-tul tal-Parlament dwar l-impjiegi tal-ġejjieni; jistieden lis-Segretarju Ġenerali jagħmel ħiltu kollha biex itejjeb id-diversità u l-bilanċ ġeografiku tal-persunal tal-Parlament, f'termini tar-rappreżentanza proporzjonali għal kull Stat Membru, inkluż fir-rigward tan-numri ta' pożizzjonijiet ta' maniġment u biex jesplora l-għażliet kollha disponibbli sabiex tiżdied il-kompetittività tal-Parlament bħala impjegatur;

116.  Jinsab imħasseb dwar in-nuqqas ta' diversità fost il-persunal tal-Parlament; jistieden lis-Segretarju Ġenerali jagħti prijorità liż-żieda fid-diversità; jieħu nota tad-diffikultà biex jiġu reklutati speċjalisti u persunal fil-qasam tal-IT u finanzjarju fi gradi aktar baxxi fil-Lussemburgu, speċjalment fil-kategorija AST-SC; jenfasizza li l-introduzzjoni ta' koeffiċjent tal-korrezzjoni li jqis l-għoli tal-ħajja ogħla f'dan il-post tax-xogħol flimkien mar-reklutaġġ fi gradi ogħla huma meħtieġa biex tissolva din il-problema strutturali u jtenni, f'dan ir-rigward, it-talba tiegħu lill-Kummissjoni fil-qafas tal-proċedura ta' kwittanza tal-2018; jisħaq li analiżi fattwali preliminari li l-Qorti indirizzat lis-Segretarju Ġenerali f'dan il-kuntest turi li l-proċess ta' selezzjoni organizzat mill-Uffiċċju Ewropew għas-Selezzjoni tal-Persunal mhuwiex adattat għal kompetizzjonijiet fuq skala żgħira u mmirati, li huma dawk l-aktar adatti għall-ħtiġijiet attwali ta' reklutaġġ tal-istituzzjonijiet tal-Unjoni; jinnota b'sodisfazzjon l-involviment attiv tal-Parlament fi sforz interistituzzjonali fir-rieżami tal-mod kif il-kompetizzjonijiet huma attwalment immexxija mill-Uffiċċju Ewropew għas-Selezzjoni tal-Persunal; jitlob li jiġi żviluppat qafas ġdid ta' selezzjoni għall-kompetizzjonijiet għall-ispeċjalisti u l-introduzzjoni ta' mekkaniżmu għar-rieżami regolari tal-proċess ta' selezzjoni tiegħu; jistieden lis-Segretarju Ġenerali jorganizza kompetizzjonijiet speċjalizzati internament meta jkun xieraq;

117.  Jesprimi tħassib kbir ukoll dwar il-fatt li huwa diffiċli ħafna għad-DĠ ITEC li jirrekluta biżżejjed esperti kwalifikati biżżejjed bi profili, għarfien u esperjenza speċifiċi ħafna; jistieden lill-Parlament jiżgura li din it-talba tintbagħat kif xieraq lill-Uffiċċju Ewropew għas-Selezzjoni tal-Persunal biex jirrispondi aħjar għal dawn il-ħtiġijiet speċifiċi tal-istituzzjonijiet tal-Unjoni, b'mod partikolari dawk relatati mal-għarfien espert tal-ICT tal-Parlament fil-qasam taċ-ċibersigurtà, il-cloud computing u l-intelliġenza artifiċjali; jiddeplora d-dipendenza żejda tal-Parlament minn konsulenti esterni u jisħaq fuq l-importanza li d-DĠ ITEC ikompli jiżviluppa l-istrateġija tiegħu ‘Minn konsulenti esterni għal persunal bil-kuntratt’ sabiex jitnaqqsu r-riskji għas-sigurtà għall-Parlament;

118.  Ifakkar fl-importanza li jinkiseb bilanċ ġeografiku ġust fost il-persunal tal-Parlament; josserva li, abbażi tal-proporzjon bejn in-numru tal-persunal u n-numru ta' Membri minn dak l-istess Stat Membru, m'hemm l-ebda diviżjoni bejn Stati Membri li ilhom aktar u dawk aktar reċenti f'termini ta' rappreżentanza żejda jew sottorappreżentanza; jinnota li l-ogħla ħames proporzjonijiet jikkonċernaw membri tal-persunal mill-Belġju, il-Litwanja, l-Estonja, is-Slovenja u Malta, filwaqt li l-aktar ħamsa baxxi huma dawk mill-Polonja, il-Ġermanja, l-Awstrija, in-Netherlands u Ċipru; jenfasizza li attwalment is-Slovenja u l-Litwanja huma fost is-seba' Stati Membri bl-ogħla proporzjon bejn maniġers u Membri; jistieden lill-Parlament jiżgura li l-persunal fil-livelli kollha jiġi impjegat u promoss abbażi tal-kapaċità, l-effiċjenza u l-integrità, mingħajr l-ebda diskriminazzjoni fuq bażi ta' nazzjonalità; jitlob aktar sforzi biex jiġi żgurat li l-impjieg fil-Parlament ikun daqstant attraenti għan-nazzjonalitajiet kollha tal-Unjoni;

119.  Jilqa' l-fatt li l-promozzjoni ta' opportunitajiet ugwali hija element fundamentali tal-politika tar-riżorsi umani tal-Parlament; l-iffaċilitar tal-impjieg u t-tisħiħ tal-integrazzjoni ta' persuni b'diżabilità; jesprimi s-sodisfazzjon tiegħu fir-rigward tal-fatt li l-pjan direzzjonali dwar l-ugwaljanza bejn il-ġeneri qed ikompli jiġi implimentat permezz ta' azzjonijiet konkreti u li fit-13 ta' Jannar 2020, il-Bureau approva sett ta' miri għall-bilanċ bejn il-ġeneri f'postijiet superjuri u medji ta' maniġment fis-Segretarjat tal-Parlament li għandhom jintlaħqu sal-2024: 50 % tal-kapijiet ta' unitajiet u diretturi nisa, 40% tad-diretturi ġenerali nisa; jisħaq li jeħtieġ li l-Bureau jkompli jsaħħaħ l-impenn tiegħu favur l-ugwaljanza bejn il-ġeneri billi jimpenja ruħu għal miri aktar ambizzjużi li għandhom jintlaħqu sal-2022: 50 % tal-kapijiet ta' unitajiet u diretturi nisa, 50% tad-diretturi ġenerali nisa; jistieden lill-Bureau jifformula wkoll miri ambizzjużi għal postijiet tax-xogħol maniġerjali fi grad baxx;

120.  Itenni li hu essenzjali li r-rappreżentanti tal-persunal jinstemgħu meta l-Bureau jiddiskuti kwistjonijiet ġenerali li jaffettwaw il-politika tal-persunal tiegħu, u jerġa' jappella lis-Segretarju Ġenerali jieħu l-miżuri xierqa biex jimplimenta dan l-approċċ ewlieni; itenni t-talba tiegħu lis-Segretarju Ġenerali biex jieħu passi ulterjuri ħalli jiżgura t-trasparenza u l-ġustizzja matul il-proċeduri ta' ħatra tal-maniġment superjuri; jitlob l-implimentazzjoni sħiħa tal-miżuri rakkomandati mill-Parlament fir-Riżoluzzjoni tiegħu tat-18 ta' April 2018, b'mod partikolari li l-uffiċjali mill-korpi rappreżentattivi tal-persunal ikunu fuq il-bordijiet tal-għażla tal-maniġment superjuri tal-Parlament; jitlob, barra minn hekk, biex tiġi żgurata l-konsistenza fir-rigward tal-pubblikazzjonijiet esterni għal postijiet tax-xogħol ta' maniġment superjuri u d-diliġenza fil-pubblikazzjoni ta' dawn il-postijiet tax-xogħol kif u meta jitbattlu;

121.  Ifakkar fis-sejbiet u r-rakkomandazzjonijiet tal-Ombudsman Ewropew fil-każijiet konġunti 488/2018/KR u 514/2018/K, u jistieden lis-Segretarju Ġenerali jkompli jtejjeb il-proċeduri ta' ħatra tal-uffiċjali ta' grad għoli permezz ta' aktar trasparenza u ugwaljanza; jistieden lill-amministrazzjoni tal-Parlament tirrapporta kull sena dwar il-ħatra tal-uffiċjali ta' grad għoli;

Persunal, Assistenti Parlamentari Akkreditati u Assistenti Lokali

122.  Jiġbed l-attenzjoni għall-mira ta' tnaqqis annwali ta' 6 % fil-persunal, li fl-2019 kienet tirrikjedi li l-Parlament jelimina 59 post mit-tabella tal-persunal amministrattiv tiegħu; jirrikonoxxi ż-żieda simultanja fin-numru ta' aġenti kuntrattwali; iwissi dwar il-konsegwenzi serji li kwalunkwe tnaqqis baġitarju fl-amministrazzjoni jew tnaqqis tal-persunal jista' jkollu fil-futur fuq is-servizz pubbliku Ewropew u għall-implimentazzjoni tal-politiki tal-Unjoni; jinsab imħasseb, b'mod partikolari, dwar l-effetti negattivi ta' dan it-tnaqqis sinifikanti fuq il-prestazzjoni tal-Parlament minħabba r-riforma tal-persunal tal-2014, kemm fuq perjodu ta' żmien qasir kif ukoll fuq perjodu ta' żmien twil, filwaqt li huwa konxju wkoll tal-ħtieġa li jiġu żgurati l-ġestjoni baġitarja responsabbli u t-tfaddil fejn xieraq; jinnota li l-ħidma u r-responsabbiltà ta' ċerti kumitati parlamentari żdiedu peress li issa huma responsabbli għall-iskrutinju tal-Pjan ta' Rkupru tal-UE tan-Next Generation EU ta' EUR 750 biljun, li flimkien mal-Qafas Finanzjarju Pluriennali 2021–2027 (QFP) jammontaw għal EUR 1,8 triljun; jinsab imħasseb dwar in-nuqqasijiet tal-kapaċitajiet tal-persunal amministrattiv fis-segretarjati rilevanti; jitlob li ssir valutazzjoni mill-ġdid tas-sitwazzjoni tal-persunal;

123.  Jinnota li l-Qorti sabet li l-istituzzjonijiet tal-Unjoni naqqsu l-għadd ta' postijiet tax-xogħol għal uffiċjali (jiġifieri persunal permanenti u persunal temporanju), filwaqt li gradwalment żiedu l-għadd ta' persunal kuntrattwali (li żdiedu b'121 % bejn l-2012 u l-2018, b'xejra simili fl-2019, li wassal għal żieda sostanzjali fil-proporzjon ta' persunal kuntrattwali fil-forza tax-xogħol totali; jiddispjaċih bil-kbir għan-nuqqas ta' prospetti ta' karriera għall-persunal kuntrattwali fil-każ tal-amministrazzjoni tal-Parlament; jistieden lis-Segretarju Ġenerali jivvaluta r-riskji relatati mal-impjieg ta' għadd dejjem jikber ta' persunal kuntrattwali, inkluż il-periklu li tinħoloq struttura tal-persunal b'żewġ livelli fi ħdan il-Parlament; jinsisti li l-kompiti u l-karigi permanenti ewlenin għandhom jitwettqu minn persunal permanenti; jinnota li r-rapport annwali tal-Qorti dwar l-implimentazzjoni tal-baġit tal-Unjoni għall-2019 ma eżaminawx jekk dawn is-sostituzzjonijiet irriżultawx minn trasferimenti ta' impjegati bbażati fi Strasburgu jew fil-Lussemburgu lejn Brussell; jistieden lill-unità tar-riżorsi umani tal-Parlament taqsam informazzjoni dwar ir-rilokazzjoni tal-persunal fit-tliet postijiet tax-xogħol tal-Parlament sa mill-2012, jew bħala parti mill-proċedura ta' kwittanza annwali jew billi taqsam informazzjoni rilevanti mal-Qorti biex tiġi inkluża fir-rapporti annwali li jmiss dwar l-implimentazzjoni tal-baġit;

124.  Jenfasizza l-fatt li r-regoli attwali dwar it-terminazzjoni ta' kuntratt għall-APA ma jipprevedux il-possibbiltà ta' terminazzjoni permezz ta' "kunsens reċiproku", li jkun mod kif tiġi rikonoxxuta r-relazzjoni politika speċjali bejn il-Membri u l-assistenti, fejn iż-żewġ partijiet jistgħu jirrikonoxxu li l-fiduċja reċiproka m'għadhiex teżisti, u jibbenefikaw minn soluzzjoni komuni mingħajr ma jiddgħajfu d-drittijiet soċjali tal-APA; jinnota li din il-kwistjoni ġiet enfasizzata f'diversi rapporti ta' kwittanza tal-Parlament u jistenna li tittieħed azzjoni malajr kemm jista' jkun;

125.  Jinnota li l-membri tal-persunal li jkunu ħadmu fl-istituzzjonijiet tal-Unjoni għal anqas minn 10 snin mhumiex intitolati għal pensjoni tal-Unjoni u jridu jittrasferixxu l-kontribuzzjonijiet tagħhom f'fond ieħor li jkun jissodisfa r-regoli tal-Parlament rigward it-tip ta' fond u l-età li fiha l-fondi jkunu jistgħu jinġibdu; jinnota li ħafna APA Britanniċi ma rnexxilhomx jittrasferixxu l-kontribuzzjonijiet tagħhom f'ċerti fondi tal-pensjonijiet fir-Renju Unit li l-Parlament iqis li ma jissodisfawx ir-rekwiżiti tiegħu; jitlob lis-Segretarju Ġenerali jeżamina din il-kwistjoni b'urġenza biex jiżgura li l-membri kollha tal-persunal ikunu jistgħu jaċċessaw il-kontribuzzjonijiet tagħhom;

126.  Ifakkar li l-Parlament talab għal leġiżlazzjoni tal-Unjoni li tagħti lill-ħaddiema d-dritt ta' skonnessjoni diġitali mix-xogħol mingħajr ma jsofru konsegwenzi negattivi; jitlob lill-Parlament jippromwovi u japplika dan il-prinċipju għalih ukoll;

127.  Jinsab imħasseb serjament dwar l-għadd ta' membri tal-persunal fuq liv minħabba mard fit-tul peress li xi wħud minn dawn il-każijiet jistgħu jkunu minħabba eżawriment u disturb tal-bilanċ bejn ix-xogħol u l-ħajja privata; jistieden lill-amministrazzjoni u lill-mexxejja tal-gruppi politiċi biex ikunu proattivi fir-rigward tal-persunal ikkonċernat, jevalwaw bir-reqqa l-ammont ta' xogħol tal-persunal u jiżguraw distribuzzjoni bilanċjata tal-kompiti; jisħaq, f'dan ir-rigward, l-importanza ta' skeda tax-xogħol raġonevoli u li jiġu evitati laqgħat barra l-ħinijiet tal-uffiċċju li jipprevjenu lill-Membri u lill-persunal milli jżommu l-bilanċ bejn ix-xogħol u l-ħajja privata filwaqt li jitqies il-qafas tal-kalendarju parlamentari; jilqa' l-kampanja ‘Mind Matters’ (Nieħdu Ħsieb is-Saħħa Mentali) li tnediet fl-2018 mid-DĠ PERS biex jissensibilizza u jiġġieled l-istigma marbuta mas-saħħa mentali; iħeġġeġ lill-amministrazzjoni tal-Parlament u lill-mexxejja tal-gruppi politiċi biex jagħmlu valutazzjoni psikoloġika tar-riskju u jsibu r-riskji psikoloġiċi fl-ambjent tax-xogħol u jiżviluppaw pjanijiet ta' azzjoni mmirati biex jew jeliminawhom, jew jimmitigaw l-impatt negattiv tagħhom; jitlob li ssir valutazzjoni mill-ġdid tar-regoli applikabbli biex ikunu jistgħu jiġu impjegati aktar malajr sostituti f'każijiet ta' liv minħabba mard fit-tul;

128.  Jisħaq fuq il-ħtieġa urġenti biex tiġi riveduta d-deċiżjoni tal-Bureau li tistabbilixxi l-kategoriji tal-kumitati abbażi tal-ammont ta' xogħol leġiżlattiv tagħhom bil-għan li titqies ukoll il-ħidma tagħhom relatata mal-baġit; jinnota li s-sitwazzjoni attwali qed ikollha impatt partikolarment negattiv fuq il-Kumitat tal-Parlament għall-Kontroll tal-Baġit, li diġà jsofri minn nuqqas kroniku ta' persunal, u li jiffaċċja ammont kbir ta' xogħol minħabba l-proċedura ta' kwittanza iżda għandu ammont ta' xogħol leġiżlattiv baxx; jitlob lill-amministrazzjoni tal-Parlament biex għal darb'oħra ssib soluzzjonijiet urġenti biex ittejjeb is-sitwazzjoni;

129.  Jitlob lis-Segretarju Ġenerali jsib soluzzjoni għall-fatt li s-salarji tal-APA jridu jmorru biss f'kontijiet bankarji Belġjani, fatt li jmur kontra l-idea ta' unjoni monetarja u ta' pagamenti unika;

130.  Jilqa' l-iżvilupp ta' miżuri li jikkontribwixxu għal bilanċ aħjar bejn il-ħajja professjonali u dik privata inkluża l-implimentazzjoni ta' possibilitajiet estiżi ta' telexogħol għall-persunal tal-Parlament u ta' miżuri li jippromwovu l-benessri fuq il-post tax-xogħol; jenfasizza, madankollu, il-valur tal-preżenza fiżika fil-Parlament; jenfasizza l-kontribut tal-arranġamenti tat-telexogħol u l-votazzjoni remota titnaqqas aktar il-marka tal-karbonju tal-Parlament; jisħaq li jeħtieġ li l-persunal tal-Parlament u l-Membri jingħataw l-opportunità li jkomplu jwettqu l-hekk imsejħa laqgħat ibridi kif ukoll il-votazzjoni remota; jistieden lill-Bureau jkompli jipprovdi mekkaniżmi biex jiffaċilita dawn l-arranġamenti fil-futur;

131.  Jappoġġa t-tkomplija tal-implimentazzjoni tal-attivitajiet tal-Pjan ta' Azzjoni dwar l-Ugwaljanza u d-Diversità għall-2014–2019; jinsisti fuq l-importanza ta' bilanċ aħjar bejn il-ġeneri fil-livelli kollha, inkluż fil-livell tad-Diretturi Ġenerali; jappoġġja l-miżuri fir-rapport dwar "Diversitajiet minbarra l-ġeneru fis-Segretarjat tal-Parlament – is-sitwazzjoni attwali u l-pjan direzzjonali" adottat mill-Bureau fit-3 ta' April 2019; jiċċelebra b'mod partikolari l-ħolqien fl-2020 ta' żewġ punti ta' kuntatt fil-Parlament, wieħed dwar kwistjonijiet LGBTI+ u wieħed dwar kwistjonijiet ta' diskriminazzjoni razzjali, it-tnejn ġestiti mill-Unità tal-Ugwaljanza, l-Inklużjoni u d-Diversità tad-DĠ PERS;

132.  Ifakkar fis-sejbiet u r-rakkomandazzjonijiet tal-Ombudsman Ewropew;(15); jiddeplora l-politika attwali tal-Parlament dwar il-liv, li rriżultat fl-għoti ta' 10 ijiem biss ta' liv speċjali lil missier ta' żewġ tewmin minħabba nuqqas ta' rabta materna bejnu u t-tfal tiegħu; iqis li huwa sorprendenti l-kuntrast għal-liv mogħti lil żewġu fil-Kummissjoni, li rċieva 20 ġimgħa ta' liv speċjali ad hoc; jieħu nota tat-tweġiba bil-miktub tal-amministrazzjoni tal-Parlament fejn ġie ddikjarat li s-servizzi tal-Parlament qegħdin jaħdmu fuq regoli ġodda; jappella lill-amministrazzjoni tal-Parlament tallinja l-politika tagħha dwar il-liv speċjali ma' dik tal-Kummissjoni, li hija konformi mal-aħjar interessi tat-tfal;

133.  Jilqa' ż-żewġ skemi ta' azzjoni pożittiva tal-Parlament biex jirrekluta 12-il aġent kuntrattwali u żewġ trainees b'diżabilità matul l-aħħar sentejn;

134.  Jappoġġja t-tnedija ta' kampanja ta' sensibilizzazzjoni fl-2019 biex tiġi promossa politika ta' tolleranza żero għal fastidju fuq il-post tax-xogħol; jirrikonoxxi l-politika ta' tolleranza żero tal-Parlament fir-rigward ta' fastidju fil-livelli kollha, inklużi l-Membri, il-persunal u l-APAs; jinnota li wara l-elezzjonijiet tal-2019, il-Membri kollha kellhom jiffirmaw dikjarazzjoni li tikkonferma l-impenn tagħhom li jikkonformaw mal-kodiċi ta' mġiba xierqa inkorporat fir-Regoli ta' Proċedura tal-Parlament f'Jannar 2019; jesprimi dispjaċir, madankollu, li fl-2019 infetħu 10 każijiet ġodda ta' fastidju u minn dawn 4 każijiet kienu jikkonċernaw fastidju sesswali; jilqa' l-fatt li l-Parlament jipprovdi taħriġ volontarju dwar id-dinjità u r-rispett fuq il-post tax-xogħol għall-Membri sabiex imexxu bl-eżempju jiddispjaċih ħafna f'dan il-kuntest li l-Bureau rrifjuta li jimplimenta r-rieda tal-plenarja espressa f'diversi okkażjonijiet(16) biex jistitwixxi taħriġ obbligatorju kontra l-fastidju għall-persunal kollu u għall-Membri kollha; iħeġġeġ lill-Bureau jimplimenta din it-talba mingħajr aktar dewmien;

135.  Huwa tal-fehma li l-Parlament għandu jipprovdi akkomodazzjoni bażika għall-ommijiet li jreddgħu fuq il-post tax-xogħol, partikolarment billi jingħata l-ħin u spazju privat li mhuwiex kamra tal-banju;

136.  Jiddispjaċih għat-38 każ pendenti li jinvolvu lill-Parlament mal-Uffiċċju Ewropew ta' Kontra l-Frodi fl-2019 li jvarjaw mill-użu xieraq ta' allowances parlamentari u ta' mġiba tal-persunal għall-finanzjament tal-istrutturi politiċi Ewropej; jindika l-fatt li fl-2019 ingħalqu 14-il każ; jesprimi t-tħassib qawwi tiegħu dwar in-numru għoli ta' każijiet; jitlob lis-servizzi parlamentari jwettqu analiżi fil-fond tar-riskji finanzjarji, legali, etiċi u ta' integrità eżistenti li taw lok għal dawn il-każijiet u jipproponu miżuri preventivi sabiex jiġi żgurat li dawn ma jiġux ripetuti;

137.  Jieħu nota tal-fatt li ma kien hemm l-ebda każ ta' żvelar ta' informazzjoni protetta rreġistrat fil-Parlament fl-2019; Jistieden lill-Parlament biex jadatta bis-sħiħ ir-regoli interni tiegħu stess fir-Regolamenti tal-Persunal għad-Direttiva (UE) 2019/1937(17) adottata reċentement, inklużi regoli komprensivi u proċeduri siguri billi jistabbilixxi kanali siguri għar-rappurtar; huwa tal-fehma li l-protezzjoni tal-informaturi hija element integrali tad-demokrazija u hija kruċjali għall-prevenzjoni u l-iskoraġġiment ta' attivitajiet illegali u għemil ħażin; ifakkar li, fost l-oħrajn, l-APA huma f'pożizzjoni vulnerabbli minħabba l-kuntratt ta' impjieg tagħhom; jinnota wkoll li l-informaturi jistħoqqilhom protezzjoni xierqa, simili għal dik tal-vittmi ta' fastidju u li dan għandu jinkludi wkoll l-istabbiliment ta' kumitat konsultattiv li jittratta l-protezzjoni tal-informaturi; jistieden lis-Segretarju Ġenerali jiżgura li l-protezzjoni pprovduta mill-Parlament għall-APAs li jaġixxu bħala informaturi tkun ekwivalenti għal dik prevista għall-APAs li huma vittmi ta' fastidju; jitlob lill-Parlament iqajjem kuxjenza, fejn possibbli, fost il-persunal parlamentari dwar il-protezzjonijiet tal-informaturi tagħhom u d-dmir tagħhom skont ir-Regolamenti tal-Persunal li jirrappurtaw attivitajiet illegali jew amministrazzjoni ħażina u jistieden lill-Parlament jikkunsidra taħriġ obbligatorju f'dan ir-rigward; itenni t-talba tiegħu għal kampanji ta' informazzjoni f'dan ir-rigward;

138.  Itenni t-talba tiegħu lill-amministrazzjoni tal-Parlament biex tipprovdi, kemm jista' jkun malajr fil-leġiżlatura li jmiss, pubblikazzjonijiet jew korsijiet ta' taħriġ obbligatorji għall-APA l-ġodda, inkluż, b'mod partikolari dwar kwistjonijiet finanzjarji u amministrattivi (ordnijiet ta' missjoni, visti mediċi, akkreditament, stikers tal-parkeġġ, gruppi ta' viżitaturi, wirjiet, eċċ.) sabiex jiġu evitati żbalji sistemiċi li jħarbtu t-tmexxija bla xkiel tal-proċeduri amministrattivi li jaffettwawhom; jenfasizza, f'dan ir-rigward, il-ħtieġa ta' taħriġ tekniku dwar il-ħidma tal-kumitati parlamentari kif ukoll il-possibbiltà li jattendu korsijiet tal-lingwa barra mill-ħinijiet tal-uffiċċju;

139.  Jesprimi tħassib serju dwar il-kundizzjonijiet tax-xogħol ta' tnejn mill-konċessjonijiet esterni kkuntrattati mill-Parlament, jiġifieri s-servizzi tat-tindif u tal-catering; jinsab imħasseb dwar iż-żieda fl-użu ta' persunal temporanju u interim u l-impatt ta' dan kemm fuq il-kundizzjonijiet tax-xogħol tagħhom kif ukoll fuq il-kwalità tas-servizzi pprovduti; itenni t-talba tiegħu li għamel lil DĠ INLO fis-snin preċedenti biex iwettaq stħarriġ indipendenti dwar is-sodisfazzjon dwar il-kundizzjonijiet tax-xogħol tal-persunal ikkonċernat; jappella lill-amministrazzjoni tivvaluta l-politika tal-akkwist pubbliku tal-Parlament biex jiġu żgurati kundizzjonijiet tax-xogħol siguri, trasparenti u prevedibbli għall-persunal sottokuntrattat; jitlob lis-Segretarju Ġenerali jniedi malajr studju dwar il-vantaġġi li l-internalizzazzjoni ta' dawn is-servizzi jista' jkollha kemm għall-istituzzjoni kif ukoll għad-drittijiet tax-xogħol tal-ħaddiema u jippreżentah kemm lill-Kumitat tal-Parlament għall-Baġits kif ukoll lill-Kumitat għall-Kontroll tal-Baġit ladarba dan ikun disponibbli;

140.  Jilqa' l-introduzzjoni ta' għażla usa' u aktar sostenibbli ta' ikel, inkluż l-introduzzjoni ta' varjetà akbar ta' prodotti veġetarjani u vegani, mill-kantin self-service tal-Parlament; jinnota t-tnedija ta' stħarriġ indipendenti dwar is-sodisfazzjon tal-klijenti permezz tat-twaqqif tat-terminals Happy or Not fil-ħwienet ewlenin fi Brussell, Strasburgu u l-Lussemburgu bl-għan li jiġu identifikati l-ħwienet fejn huma meħtieġa bidliet u titjib; josserva li t-terminal Happy or Not wera rata kostanti u solida ta' titjib tas-servizzi tal-forniment tal-ikel fil-binjiet Kohl u Martens, filwaqt li r-rata ta' sodisfazzjon hija aktar baxxa fil-binjiet Spinelli u Paul-Henri Spaak; jitlob li jsiru l-bidliet meħtieġa biex isir adattament għall-ħtiġijiet tal-klijenti; jinsab imħasseb li l-ikliet mhux veġetarjani spiss jiswew aktar mill-ikliet veġetarjani; jitlob li l-kantins kollha juru biżżejjed menus li jindikaw l-allerġiji ħdejn il-bank u biex ta' kuljum joffru ikla waħda mingħajr glutina;

141.   Jenfasizza li l-kriżi tal-COVID-19 irrikjediet l-adozzjoni ta' deċiżjonijiet b'impatt dirett fuq il-persunal tal-Parlament, inkluż il-persunal b'subkuntrattar u l-persunal freelance; jirrimarka, f'dan ir-rigward, fost l-oħrajn, id-deċiżjoni li jingħalqu Dar l-Istorja Ewropea, is-siti Europa Experience u l-uffiċċji ta' kollegament tal-Unjoni Ewropea kif ukoll il-modifika tal-kundizzjonijiet tax-xogħol tal-interpreti freelance u tal-persunal tat-tindif u tar-ristoranti; jirrikonoxxi li fiċ-ċirkostanzi attwali relatati mat-tixrid tal-COVID-19, l-istituzzjonijiet, fosthom il-Parlament, iridu jieħdu deċiżjonijiet b'mod rapidu u mhux burokratiku biex jipprevjenu t-tixrid ulterjuri tal-virus u biex iżommu lill-persunal tagħhom 'l bogħod mill-periklu; jistieden, madankollu, lill-Parlament jerfa' r-responsabbiltajiet soċjali tiegħu f'kull deċiżjoni, biex jevita jew jikkumpensa għal kull bidla fl-introjtu u jevita b'kull mezz li jagħti s-sensja lill-persuni li jaħdmu fil-bini tal-Parlament minħabba l-coronavirus;

142.  Jiddeplora d-deċiżjoni tal-Grupp COMPASS li jkeċċi 80 membru tal-persunal tas-servizz tal-forniment tal-ikel sa Jannar 2021; jilqa' n-negozjati li saru mal-grupp COMPASS li naqqsu l-għadd totali ta' sensji għal 49, iżda jesprimi nuqqas ta' sodisfazzjon kbir li għad fadal persunal li jrid jitkeċċa; jinnota li l-persunal imkeċċi ġie infurmat ftit qabel il-Milied tal-2020 u f'nofs pandemija; jisħaq fuq il-fatt li xi wħud mill-persunal li tkeċċew kienu ilhom jaħdmu fil-bini tal-Parlament għal għexieren ta' snin; ifakkar fl-appelli ripetuti tal-Parlament lill-kumpaniji madwar l-Unjoni biex iżommu l-persunal tagħhom matul il-pandemija; jistieden lill-awtoritajiet rilevanti tal-Parlament jinvestigaw is-soluzzjonijiet alternattivi possibbli kollha li jissalvagwardjaw l-impjieg tal-ħaddiema kollha tal-kantin u jitlob lill-amministrazzjoni tal-Parlament issib soluzzjonijiet fil-qafas tad-djalogu soċjali; jistieden lill-Bureau jikkunsidra mill-ġdid il-politika ta' esternalizzazzjoni tal-Parlament; iħeġġeġ lis-Segretarju Ġenerali jwieġeb mingħajr dewmien għal ittra mibgħuta dwar it-tkeċċija ffirmata minn 355 Membru; jitlob li l-politika tal-akkwist pubbliku tal-Parlament tiġi evalwata fid-dawl tat-titjib tal-kundizzjonijiet tax-xogħol trasparenti u prevedibbli għas-servizzi sottokkuntrattati kollha; jistieden lill-Parlament jirrapporta lill-awtorità ta' kwittanza dwar ir-riżultati ta' din l-evalwazzjoni;

143.  Jenfasizza li ikliet ta' kuljum ta' solidarjetà u miżuri oħra ta' solidarjetà mill-Parlament, kif deċiż mill-Bureau, naqqsu l-impatt finanzjarju, ekonomiku u soċjali fuq il-fornituri tal-ikel u l-impjegati tagħhom; jieħu nota li l-Parlament qiegħed ifittex li jsalva kemm jista' jkun impjiegi li huma raġonevoli mill-perspettiva tal-impjieg, iżda wkoll ġustifikabbli għall-użu tal-baġit tal-Parlament;

144.  Jieħu nota tas-soluzzjonijiet li nstabu għall-APA li jkunu ħadmu għal żewġ leġiżlaturi konsekuttivi mingħajr interruzzjoni iżda li kien jonqoshom massimu ta' xahrejn biex jikkompletaw l-għaxar snin ta' servizz meħtieġa biex ikollhom dritt għal pensjoni skont l-iskema tad-drittijiet tal-pensjoni tal-istituzzjonijiet tal-Unjoni; jikkritika l-fatt li s-soluzzjoni tressqet tard wisq, minkejja t-twissijiet numerużi u bla waqfien matul il-leġiżlatura preċedenti; jikkritika, barra minn hekk, il-fatt li l-unika soluzzjoni li nstabet kienet tiddependi biss mir-rieda tajba ta' ċerti Membri li kienu jafu bis-sitwazzjoni u wrew solidarjetà ma' dawn l-APA; jikkritika wkoll il-fatt li l-amministrazzjoni ma infurmatx lill-Membri eletti għal-leġiżlatura l-ġdida dwar din il-kwistjoni u dwar il-fatt li setgħu joħorġu kuntratti ta' anqas minn sitt xhur f'dawn il-każijiet, u li minħabba f'hekk ħafna minn dawn l-APA kellhom diffikultajiet kbar biex isibu Membru li kien lest li jimpjegahom fuq kuntratt mingħajr interruzzjoni għal perjodu qasir ta' żmien, u xi wħud lanqas biss irnexxielhom jagħmlu dan;

145.  Itenni t-tħassib tiegħu dwar l-allegata prassi skont liema l-Membri jobbligaw lill-APA jmorru fuq missjoni, partikolarment fi Strasburgu, mingħajr ordnijiet ta' missjoni u mingħajr rimborż tal-ispejjeż tal-missjoni tagħhom u mingħajr infiq għall-ivvjaġġar; huwa tal-fehma li din il-prattika tagħti lok għal abbuż bħal meta APA jivvjaġġaw mingħajr ordni ta' missjoni u mhux biss ikollhom iħallsu minn buthom l-ispejjeż, iżda lanqas ma jkunu koperti mill-assigurazzjoni fuq il-post tax-xogħol; itenni t-talba tiegħu lis-Segretarju Ġenerali biex jinvestiga dan;

146.  Itenni t-talba tiegħu biex l-APA jirċievu l-istess allowance ta' sussistenza bħall-persunal statutorju għall-missjonijiet tagħhom biex jattendu s-sessjonijiet parzjali fi Strasburgu; jieħu nota tat-tweġiba ta' segwitu pprovduta mis-Segretarju Ġenerali dwar ir-regoli differenti li jikkonċernaw ir-rimborż tal-ivvjaġġar fuq xogħol bejn it-tliet postijiet tax-xogħol tal-Parlament li japplikaw għas-segretarjat tal-Parlament u l-APA; jinsisti fuq it-talba tiegħu għal bidla sussegwenti tar-regoli rilevanti msemmija mis-Segretarju Ġenerali;

147.  Itenni t-talba tiegħu lill-Konferenza tal-Presidenti u lill-Bureau biex jikkunsidraw mill-ġdid il-possibbiltà li l-APA, skont ċerti kundizzjonijiet li għad iridu jiġu stabbiliti, jakkumpanjaw lill-Membri fuq delegazzjonijiet u f'missjonijiet uffiċjali tal-Parlament, kif diġà mitlub minn diversi Membri; jieħu nota tal-impatt finanzjarju stmat spjegat mis-Segretarju Ġenerali dwar is-segwitu tiegħu għall-kwittanza tal-2018 iżda jinsisti fuq l-estensjoni limitata ta' din il-possibbiltà; jissuġġerixxi diskussjoni ġdida fil-livell tal-Bureau u tal-Konferenza tal-Presidenti;

148.  Jenfasizza l-ħtieġa li tiġi riveduta l-politika tar-riżorsi umani tal-Parlament sabiex l-istituzzjoni tkun tista' tagħmel użu mill-għarfien espert miksub mill-persunal kollu tal-Parlament; jemmen li huwa għalhekk meħtieġ li jinbidlu r-regoli biex il-kategoriji kollha tal-persunal, inklużi l-APA, ikunu jistgħu jipparteċipaw f'kompetizzjonijiet interni u jistabbilixxu skemi ta' żvilupp tar-riżorsi umani li jippermettu lill-Parlament iżomm l-għarfien espert ta' dawn il-kategoriji ta' persunal għas-servizz tal-istituzzjoni;

Dispersjoni ġeografika tal-Parlament – Sede Unika

149.  Jinnota li l-Qorti stmat li l-idea tat-trasferiment minn Strasburgu lejn Brussell jista' jiġġenera ffrankar annwali ta' EUR 114-il miljun flimkien ma' ffrankar ta' darba ta' EUR 616-il miljun f'każ ta' ċessjoni effikaċi tal-bini fi Strasburgu, jew spiża ta' darba ta' EUR 40 miljun jekk dan ma jseħħx; jinnota li sede unika tista' tinkiseb biss permezz ta' bidla unanima fit-Trattat; ifakkar li maġġoranza kbira tal-Membri tal-Parlament esprimew l-appoġġ, f'diversi riżoluzzjonijiet, favur sede unika biex jiġi żgurat l-infiq effiċjenti ta' flus il-kontribwenti tal-Unjoni; iħeġġeġ lill-Kunsill jieħu nota tal-pożizzjoni tal-Parlament;

150.  Ifakkar li n-nefqa addizzjonali kkawżata mill-ivvjaġġar lejn Strasburgu tmur kontra l-prinċipju ta' ġestjoni finanzjarja tajba;

151.  Jiġbed l-attenzjoni għal studju reċenti ppreżentat lill-Kumitat għall-Ambjent, is-Saħħa Pubblika u s-Sikurezza tal-Ikel tal-Parlament(18); jenfasizza l-konklużjoni tal-istudju li "lejn direzzjoni ta' newtralità karbonika, huwa evidenti li l-Parlament jeħtieġ li jikkunsidra l-operat f'sit wieħed"; ifakkar li fir-riżoluzzjoni tiegħu tat-28 ta' Novembru 2019 dwar l-emerġenza klimatika u ambjentali(19), il-Parlament huwa impenjat li jnaqqas il-marka tal-karbonju tiegħu; Ifakkar li fl-istess riżoluzzjoni l-Parlament iddikjara stat ta' emerġenza klimatika u ambjentali; jinnota li Brussell huwa l-akbar ċentru ta' attività tal-Parlament, li jospita l-Kunsill u l-Kummissjoni iżda wkoll partijiet interessati oħra, NGOs, organizzazzjonijiet tas-soċjetà ċivili u rappreżentanzi tal-Istati Membri; iqis, għalhekk, li ż-żamma ta' Strasburgu bħala sede hija insostenibbli u indifensibbli;

152.  Itenni l-fatt li l-kriżi tal-COVID-19 tikkostitwixxi sitwazzjoni ta' forza maġġuri li ġiegħlet lill-Parlament iħassar parti sostanzjali tat-12-il sessjoni tiegħu ta' Strasburgu mill-kalendarju parlamentari għall-2020; jafferma li l-kost u l-konsegwenzi tas-saħħa tal-kriżi tal-COVID-19 ma għandhomx jiżdiedu mal-kost tal-vjaġġi lejn Strasburgu; iħeġġeġ bil-qawwa lill-Istati Membri jastjenu, b'deroga mit-Trattat, milli jinsistu fuq l-organizzazzjoni ta' sessjonijiet kumpensatorji fi Strasburgu;

Fond ta' Pensjoni Volontarja

153.  Ifakkar fl-Artikolu 27(1) u (2) tal-Istatut għall-Membri tal-Parlament li jiddikjara li "[I]l-fond għall-pensjoni volontarja mwaqqaf mill-Parlament Ewropew għandu jinżamm wara d-dħul fis-seħħ ta' dan l-Istatut għall-Membri jew ex Membri li diġà kisbu drittijiet jew jeddijiet futuri f'dak il-fond" u li "[D]rittijiet miksuba u drittijiet futuri għandhom jinżammu fl-intier tagħhom";

154.  Jinnota barra minn hekk li, fi tmiem l-2019, l-ammont nett ta' assi li għandhom jitqiesu u l-impenn attwarjali ammontaw għal EUR 111-il miljun u EUR 439,6 miljun rispettivament, u dan irrappreżenta defiċit attwarjali stmat ta' EUR 328,6 miljun; jinsab imħasseb ħafna dwar il-possibbiltà li l-fond ta' pensjoni volontarja jiġi eżawrit; jenfasizza l-fatt li s-sitwazzjoni attwali tal-fond hija tali li ma tistax tissodisfa l-impenji futuri tagħha; huwa konvint dwar il-ħtieġa li jiġu spjegati aktar il-konsegwenzi legali tar-regoli u/jew li jiġu mmodifikati r-regoli; jistieden lill-Qorti tippreżenta opinjoni ġdida dwar il-fondi ta' pensjoni volontarja, filwaqt li tinvestiga fl-għażliet kollha possibbli biex tillimita d-defiċit tagħha; jinnota li l-Parlament ser jistenna d-deċiżjoni tal-Qorti u jimplimentaha malajr;

155.  Ifakkar fil-paragrafu 118 tar-riżoluzzjoni dwar il-kwittanza tal-Parlament tal-2017 li talbet li jiġu investigati l-bażijiet legali tal-fond ta' pensjoni volontarja u b'mod partikolari, jekk il-Parlament għandux obbligu legali li jiggarantixxi li d-drittijiet futuri jinżammu bis-sħiħ u li jimla d-defiċits potenzjali tal-fond jew li jdaħħal flus ġodda fil-fond, peress li l-fond ta' pensjoni volontarja huwa fond ta' investiment SICAV skont il-liġi tal-Lussemburgu aktar milli fond ta' pensjoni regolari, li jimplika li fil-prinċipju ma hemm l-ebda obbligu bħal dan; jiddispjaċih li s-Segretarju Ġenerali għadu ma ppreżenta l-ebda informazzjoni b'reazzjoni għall-investigazzjoni mitluba;

156.  Ifakkar li dawn l-obbligazzjonijiet futuri proġettati huma mifruxa fuq għexieren ta' snin iżda jinsab imħasseb ħafna li filwaqt li l-ammont totali mħallas mill-fond ta' pensjoni volontarja fl-2019 jammonta għal madwar EUR 18-il miljun u din iċ-ċifra mistennija li tiżdied għal madwar EUR 20 miljun fl-2025;

157.  Ifakkar li, fil-laqgħa tiegħu tal-10 ta' Diċembru 2018, il-Bureau ddeċieda li jimmodifika r-regoli applikabbli għall-iskema tal-pensjoni billi jżid l-età tal-irtirar minn 63 għal 65 sena u jintroduċi imposta ta' 5 % għall-pagamenti tal-pensjoni għall-pensjonanti futuri bl-għan li jtejjeb is-sostenibbiltà tiegħu; jilqa' l-fatt li l-effetti immedjati tal-bidla fir-regoli kienu ffrankar fil-pagamenti tal-pensjonijiet tal-2019 li jammonta għal madwar EUR 325 000, li minn dawn, EUR 306 000 ġejjin miż-żieda fl-età tal-pensjoni u EUR 19 000 ġejjin mill-introduzzjoni ta' imposta ta' 5 % għall-pensjonijiet kollha stabbiliti wara l-1 ta' Jannar 2019; jitlob li l-Bureau jevalwa l-għażliet kollha possibbli malli l-Qorti tal-Ġustizzja tkun ħadet id-deċiżjonijiet tagħha dwar il-miżuri attwali sabiex tinstab soluzzjoni ġusta għall-iskema u l-fond tal-pensjoni volontarja filwaqt li r-responsabbiltà tal-Parlament tinżamm minima, peress li hemm involuti l-flus tal-kontribwenti tal-Unjoni;

158.  Jistieden lis-Segretarju Ġenerali u lill-Bureau jirrispettaw bis-sħiħ l-Istatut għall-Membri u jistabbilixxu pjan ċar għall-Parlament li jassumi u jieħu f'idejh l-obbligi u r-responsabbiltajiet għall-iskema tal-pensjoni volontarja tal-Membri tiegħu flimkien mal-fond tal-pensjoni; jappoġġja t-talba tal-Bureau lis-Segretarju Ġenerali biex jinvestiga modi biex jiġi żgurat finanzjament sostenibbli tal-fond ta' pensjoni volontarja skont id-dispożizzjonijiet tal-Istatut għall-Membri filwaqt li tiġi żgurata trasparenza sħiħa; jappella lill-Bureau u lill-membri tal-fond ta' pensjoni volontarja biex jappoġġjaw miżuri li għandhom l-għan li jillimitaw id-defiċit tal-fond tal-pensjoni volontarja;

L-aspett ekoloġiku u ta' sostenibbiltà tal-operazzjonijiet tal-Parlament