Riżoluzzjoni tal-Parlament Ewropew tat-8 ta' Lulju 2021 dwar it-tfassil ta' linji gwida għall-applikazzjoni tar-reġim ġenerali ta' kondizzjonalità għall-protezzjoni tal-baġit tal-Unjoni (2021/2071(INI))

P9_TA(2021)0348 A9-0226/2021

Il-Parlament Ewropew,

–  wara li kkunsidra r-Regolament (UE, Euratom) 2020/2092 tal-Parlament Ewropew u tal-Kunsill tas-16 ta' Diċembru 2020 dwar reġim ġenerali ta' kondizzjonalità għall-protezzjoni tal-baġit tal-Unjoni(1) ("ir-Regolament"),

–  wara li kkunsidra l-Artikoli 2 u 7 tat-Trattat dwar tal-Unjoni Ewropea (TUE),

–  wara li kkunsidra r-riżoluzzjoni tiegħu tal-10 ta' Ġunju 2021 dwar is-sitwazzjoni tal-istat tad-dritt fl-Unjoni Ewropea u l-applikazzjoni tar-Regolament dwar il-Kondizzjonalità (UE, Euratom) 2020/2092(2),

–  wara li kkunsidra r-riżoluzzjoni tiegħu tas-17 ta' Diċembru 2020 dwar il-Qafas Finanzjarju Pluriennali 2021–2027, il-Ftehim Interistituzzjonali, l-Istrument tal-UE għall-Irkupru u r-Regolament dwar l-Istat tad-Dritt(3),

–  wara li kkunsidra r-riżoluzzjoni tiegħu tal-25 ta' Marzu 2021 dwar l-applikazzjoni tar-Regolament (UE, Euratom) 2020/2092, il-mekkaniżmu ta' kondizzjonalità marbut mal-Istat tad-Dritt(4),

–  wara li kkunsidra l-komunikazzjoni tal-Kummissjoni tat-30 ta' Settembru 2020 dwar ir-Rapport tal-2020 dwar l-Istat tad-Dritt – Is-sitwazzjoni tal-Istat tad-Dritt fl-Unjoni Ewropea (COM(2020)0580),

–  wara li kkunsidra l-proposta raġunata tal-Kummissjoni għal deċiżjoni tal-Kunsill tal-20 ta' Diċembru 2017 dwar id-determinazzjoni ta' riskju ċar ta' ksur gravi tal-istat tad-dritt mir-Repubblika tal-Polonja, maħruġa skont l-Artikolu 7(1) TUE (COM(2017)0835),

–  wara li kkunsidra r-Regolament (UE, Euratom)  2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(5) (ir-"Regolament Finanzjarju"),

–  wara li kkunsidra l-Artikolu 54 tar-Regolament ta' Proċedura tiegħu,

–  wara li kkunsidra d-deliberazzjonijiet konġunti tal-Kumitat għall-Baġits u l-Kumitat għall-Kontroll tal-Baġit skont l-Artikolu 58 tar-Regoli ta' Proċedura tiegħu,

–  wara li kkunsidra l-opinjoni tal-Kumitat għal-Libertajiet Ċivili, il-Ġustizzja u l-Intern,

–  wara li kkunsidra l-ittra tal-Kumitat għall-Affarijiet Kostituzzjonali,

–  wara li kkunsidra r-rapport tal-Kumitat għall-Baġits u tal-Kumitat għall-Kontroll tal-Baġit (A9-0226/2021),

A.  billi l-mekkaniżmu ta' kondizzjonalità stabbilit mir-Regolament kien parti mill-ftehim politiku ġenerali dwar il-qafas finanzjarju pluriennali (QFP) 2021-2027, il-pjan ta' rkupru ta' Next Generation EU (NGEU) u d-Deċiżjoni dwar ir-Riżorsi Proprji(6), u ma għandux jiddewwem fl-applikazzjoni tiegħu, b'mod partikolari fir-rigward tal-applikazzjoni tal-istrumenti msemmija hawn fuq;

B.  billi l-volum tal-QFP 2021-2027 u tan-Next Generation EU jirrappreżenta baġit mingħajr preċedent għall-UE f'termini storiċi li għandu l-għan li jappoġġja l-irkupru ekonomiku u soċjali tal-UE wara l-konsegwenzi tal-pandemija tal-COVID-19, u għalhekk jirrikjedi, aktar minn qatt, applikazzjoni qabel f'waqtha u xierqa tal-prinċipji tal-ġestjoni finanzjarja tajba, kif ukoll il-protezzjoni tal-interessi finanzjarji tal-UE;

C.  billi skont ir-Regolament, ir-rispett għall-istat tad-dritt huwa prekundizzjoni essenzjali għall-konformità mal-prinċipji ta' ġestjoni finanzjarja tajba;

D.  billi r-Regolament daħal fis-seħħ fl-1 ta' Jannar 2021 u ilu jorbot fl-intier tiegħu u japplika direttament fl-Istati Membri kollha minn dik id-data għall-pagamenti kollha magħmula mid-dħul fis-seħħ tar-Regolament;

E.  billi l-Kummissjoni ddeċidiet li tirrispetta l-konklużjonijiet mhux vinkolanti tal-Kunsill Ewropew tal-10 u l-11 ta' Diċembru 2020 u ddikjarat li se tiżviluppa linji gwida għall-applikazzjoni tar-Regolament;

F.  billi, fir-riżoluzzjoni tiegħu tal-25 ta' Marzu 2021 dwar l-applikazzjoni tar-Regolament, il-Parlament talab lill-Kummissjoni tadotta l-linji gwida mhux aktar tard mill-1 ta' Ġunju 2021 u wara li tkun ikkonsultat lill-Parlament;

G.  billi s-suġġett "Valuri u drittijiet, stat tad-dritt, sigurtà" se jiġi diskuss fil-Konferenza dwar il-Futur tal-Ewropa, li jippermetti riflessjoni bir-reqqa dwar l-għodod tal-Unjoni għall-monitoraġġ, il-prevenzjoni u l-indirizzar tal-ksur tal-valuri tal-UE inkluż l-istat tad-dritt;

1.  Jesprimi dispjaċir għall-fatt li l-Kummissjoni ddeċidiet li tiżviluppa linji gwida għall-applikazzjoni tar-Regolament; itenni għal darb'oħra l-fehma tiegħu li t-test tar-Regolament huwa ċar u ma jeħtieġx interpretazzjoni addizzjonali sabiex jiġi applikat u li l-koleġiżlaturi ma ddelegawx lill-Kummissjoni kwalunkwe setgħa għal dan l-għan; jieħu nota tal-abbozz tat-test tal-linji gwida li l-Kummissjoni qasmet mal-Parlament u l-Istati Membri;

2.  Jenfasizza li l-linji gwida mhumiex legalment vinkolanti; jesprimi d-diżappunt tiegħu li l-Kummissjoni qed tiddevja mill-prattika normali tagħha li tfassal linji gwida għall-applikazzjoni ta' att legali biss f'każijiet fejn l-implimentazzjoni attwali tal-att tul ċertu perjodu ta' żmien turi l-ħtieġa għal gwida; jenfasizza li l-proċess ta’ żvilupp ta’ linji gwida fl-ebda każ ma jrid jikkawża aktar dewmien għall-applikazzjoni tar-Regolament;

3.  Ifakkar li l-linji gwida ma jistgħux ibiddlu, jespandu jew jirrestrinġu t-test tar-Regolament; jenfasizza li sabiex iżidu l-valur miżjud, il-linji gwida jridu jiċċaraw kif id-dispożizzjonijiet leġiżlattivi tar-Regolament se jiġu applikati fil-prattika u għalhekk jiddeskrivu fi żmien xieraq il-proċedura, id-definizzjonijiet u l-metodoloġija li se tapplika l-Kummissjoni;

4.  Jiddispjaċih ħafna dwar il-fatt li l-Kummissjoni naqset milli tissodisfa l-iskadenza stabbilita mill-Parlament biex tissodisfa l-obbligi tagħha skont ir-Regolament sal-1 ta' Ġunju 2021, inkluż fir-rigward tal-iżvilupp tal-linji gwida; jilqa' l-fatt li fit-23 ta' Ġunju 2021, il-President tal-Parlament stieden lill-Kummissjoni tieħu azzjoni, abbażi tal-Artikolu 265 tat-Trattat dwar il-Funzjonament tal-Unjoni Ewropea (TFUE), sabiex tissodisfa l-obbligi tagħha u tiżgura l-applikazzjoni sħiħa u immedjata tar-Regolament;

5.  Jemmen li l-Kummissjoni ma użatx iż-żmien mid-dħul fis-seħħ tar-Regolament b'mod effiċjenti; iħeġġeġ lill-Kummissjoni tevita kwalunkwe dewmien ieħor fl-applikazzjoni tar-Regolament u tinvestiga malajr u bir-reqqa kwalunkwe ksur potenzjali tal-prinċipji tal-istat tad-dritt fl-Istati Membri li jaffettwa jew li serjament jirriskja li jaffettwa l-ġestjoni finanzjarja tajba tal-baġit tal-Unjoni jew il-protezzjoni tal-interessi finanzjarji tal-Unjoni b'mod dirett biżżejjed; itenni li s-sitwazzjoni f'xi Stati Membri diġà teħtieġ azzjoni immedjata skont l-Artikolu 6(1) tar-Regolament billi tintbgħat notifika bil-miktub lil dawk l-Istati Membri u billi l-Parlament jiġi informat dwar dan;

6.  Ifakkar li l-linji gwida politiċi tal-Kummissjoni għall-2019-2024 iddikjaraw li "ma jista' jkun hemm ebda kompromess meta niġu biex niddefendu l-valuri prinċipali tagħna" u li jkun żgurat li s-sett ta' għodod kollu tal-Unjoni jintuża fil-livell Ewropew; ifakkar li l-Kummissjoni "għandha tkun kompletament indipendenti", u l-membri tagħha "la għandhom ifittxu u lanqas għandhom jaċċettaw istruzzjonijiet minn xi gvern" f'konformità mal-Artikolu 17(3) TUE u l-Artikolu 245 TFUE; ifakkar, barra minn hekk, li f'konformità mal-Artikolu 17(8) TUE, il-Kummissjoni "għandha tkun responsabbli quddiem il-Parlament Ewropew";

7.  Jitlob li l-Kummissjoni tirrapporta lill-Parlament b’mod regolari u proattiv mill-inqas darbtejn fis-sena dwar każijiet ġodda u li għadhom għaddejjin li qed jiġu investigati, billi tibda mill-ewwel każijiet malajr kemm jista' jkun;

8.  Jimpenja ruħu għal skrutinju mill-qrib tal-implimentazzjoni tar-Regolament kull meta jinqala' tħassib dwar ksur potenzjali tal-prinċipji tal-istat tad-dritt fl-Istati Membri li jaqgħu taħt il-kamp ta' applikazzjoni tiegħu; jagħmel sforz biex jorganizza sessjonijiet regolari għall-monitoraġġ tal-implimentazzjoni tar-Regolament fil-kumitati ewlenin, taħt il-gwida tar-rapporteurs; jistieden lill-Kummissjoni twieġeb għall-iskrutinju tal-kumitati ewlenin fil-ħin billi tipprovdi informazzjoni dettaljata;

Ksur tal-prinċipji tal-istat tad-dritt

9.  Jissottolinja li r-Regolament japplika kemm għal ksur individwali tal-prinċipji tal-istat tad-dritt kif ukoll għal ksur "sistemiku" li huwa mifrux jew li huwa riżultat ta' prattiki rikorrenti jew ommissjonijiet mill-awtoritajiet pubbliċi, jew miżuri ġenerali adottati minn tali awtoritajiet;

10.  Jistieden lill-Kummissjoni tiċċara fil-linji gwida li l-ksur tal-istat tad-dritt fi Stat Membru li jirriżulta minn deċiżjonijiet jew avvenimenti li seħħew qabel l-1 ta' Jannar 2021 għadu jaqa' taħt il-kamp ta' applikazzjoni tar-Regolament sakemm l-effett tagħhom jibqa' jippersisti;

11.  Jiġbed l-attenzjoni b'mod partikolari għal-lista ta' ksur indikattiv tal-prinċipji tal-istat tad-dritt stabbiliti fl-Artikolu 3 tar-Regolament; iħeġġeġ lill-Kummissjoni tinvestiga okkorrenzi potenzjali tal-ksur inklużi f'dik il-lista fl-Istati Membri, filwaqt li jirrimarka li prattiki jew ommissjonijiet oħra mill-awtoritajiet pubbliċi jistgħu jkunu rilevanti wkoll; jinnota li r-rapport tal-2020 tal-Kummissjoni dwar l-istat tad-dritt diġà fih indikazzjonijiet ta' ksur f'diversi Stati Membri li jistgħu jkunu rilevanti għall-iskattar tar-Regolament;

12.  Jirrimarka li t-tipi ta' kondotta tal-entitajiet tal-Istati Membri rilevanti għall-applikazzjoni tar-reġim ta' kondizzjonalità stabbilit fl-Artikolu 4 tar-Regolament ma jeskludux ir-rilevanza potenzjali ta' sitwazzjonijiet jew ta' kondotti oħra ta' awtoritajiet li huma rilevanti għall-ġestjoni finanzjarja tajba tal-baġit tal-Unjoni jew il-protezzjoni tal-interessi finanzjarji tal-Unjoni;

13.  Jenfasizza l-importanza tal-kooperazzjoni bejn l-istituzzjonijiet tal-UE, l-Istati Membri, l-Uffiċċju Ewropew ta' Kontra l-Frodi (OLAF) u l-Uffiċċju tal-Prosekutur Pubbliku Ewropew (UPPE); ifakkar li l-kooperazzjoni mhux effettiva jew mhux f'waqtha mal-UPPE u mal-OLAF tista' tikkostitwixxi raġuni għal azzjoni skont ir-Regolament; jisħaq li fil-każ tal-UPPE, kooperazzjoni effettiva u f'waqtha tinvolvi mhux biss l-obbligu għall-awtoritajiet nazzjonali li jassistu u jappoġġjaw b'mod attiv l-investigazzjonijiet u l-prosekuzzjonijiet kriminali tal-UPPE iżda wkoll għall-gvern nazzjonali biex jiżgura li l-Prosekuturi Ewropej u Delegati tiegħu jinħatru b'mod f'waqtu u imparzjali; huwa wkoll tal-opinjoni li n-nuqqas sistematiku ta' segwitu għar-rakkomandazzjonijiet tal-OLAF jista' jikkostitwixxi ommissjoni skont ir-Regolament;

14.  Ifakkar li l-identifikazzjoni ta' ksur tal-prinċipji tal-istat tad-dritt teħtieġ valutazzjoni kwalitattiva oġġettiva, imparzjali, ġusta u fid-dettall mill-Kummissjoni, li għandha tqis l-informazzjoni rilevanti minn sorsi disponibbli u istituzzjonijiet rikonoxxuti, inklużi sentenzi tal-Qorti tal-Ġustizzja tal-Unjoni Ewropea u ta' qrati nazzjonali u internazzjonali rilevanti bħall-Qorti Ewropea tad-Drittijiet tal-Bniedem, rapporti tal-Qorti tal-Awdituri, ir-rapport annwali tal-Kummissjoni dwar l-istat tad-dritt u t-Tabella ta' Valutazzjoni tal-Ġustizzja tal-UE, ir-rapporti tal-OLAF u tal-UPPE kif rilevanti, u konklużjonijiet u rakkomandazzjonijiet ta' organizzazzjonijiet u networks internazzjonali rilevanti, inklużi l-korpi tal-Kunsill tal-Ewropa bħall-Grupp ta' Stati tal-Kunsill tal-Ewropa kontra l-Korruzzjoni (GRECO) u l-Kummissjoni ta' Venezja, b'mod partikolari l-lista ta' verifika tagħha tal-istat tad-dritt, u n-networks Ewropej ta' qrati supremi u kunsilli għall-ġudikatura; jistieden lill-Kummissjoni tipprovdi informazzjoni dwar kif se tiġbor, tanalizza u tevalwa din l-informazzjoni meta tibni l-każijiet;

15.  Iqis, b'mod partikolari, li r-rapport annwali tal-Kummissjoni dwar l-istat tad-dritt, bħala valutazzjoni oġġettiva, imparzjali, ġusta u kwalitattiva tal-ksur tal-prinċipji tal-istat tad-dritt, huwa sors kruċjali ta' informazzjoni għall-valutazzjoni tal-Kummissjoni skont ir-Regolament; jistieden lill-Kummissjoni tinkludi fir-rapport annwali tagħha dwar l-istat tad-dritt taqsima ddedikata għal każijiet fejn ksur tal-istat tad-dritt fi Stat Membru jista' jaffettwa jew jirriskja serjament li jaffettwa l-ġestjoni finanzjarja tajba tal-baġit tal-Unjoni jew il-protezzjoni tal-interessi finanzjarji tal-Unjoni b'mod suffiċjentement dirett, u tiċċara fil-linji gwida kif ir-rapport annwali se jintuża b'mod sistematiku għall-valutazzjoni tal-Kummissjoni skont ir-Regolament;

16.  Jistieden lill-Kummissjoni tistabbilixxi sistema ċara, preċiża u li tkun faċli għall-utenti għat-tressiq tal-ilmenti, u tistabbilixxi skadenzi għat-tweġibiet tal-Kummissjoni għall-ilmenti; jenfasizza li s-soċjetà ċivili, inklużi l-NGOs indipendenti u ċ-ċittadini, u l-ġurnaliżmu u l-midja investigattivi bbażati fuq il-fatti, jinsabu fuq quddiem nett biex jidentifikaw ksur potenzjali tal-istat tad-dritt fil-livell lokali u nazzjonali, u għalhekk għandhom ikunu involuti meta jiġi rrappurtat; ifakkar fil-ħtieġa li r-Regolament jiġi applikat b'mod li jiżgura l-protezzjoni tal-persuni li jirrapportaw dwar ksur tad-dritt tal-Unjoni, f'konformità mal-prinċipji stabbiliti fid-Direttiva (UE) 2019/1937(7);

17.  Ifakkar li l-miżuri fl-ambitu tar-Regolament jittieħdu meta l-ksur tal-prinċipji tal-istat tad-dritt fi Stat Membru jaffettwa jew jirriskja serjament li jaffettwa l-ġestjoni finanzjarja tajba tal-baġit tal-Unjoni jew il-protezzjoni tal-interessi finanzjarji tal-Unjoni b'mod suffiċjentement dirett; jissottolinja li dan jimplika approċċ komprensiv, proattiv u bbażat fuq ir-riskju min-naħa tal-Kummissjoni biex tissalvagwardja l-infiq tal-Unjoni anke qabel ma jsiru l-pagamenti reali;

18.  Ifakkar li l-kamp ta' applikazzjoni tar-Regolament ikopri l-attivitajiet tal-entitajiet governattivi kollha, inklużi l-organizzazzjonijiet tal-Istati Membri stabbiliti bħala korp tal-liġi pubblika jew bħala korp irregolat mil-liġi privata fdat b'missjoni ta' servizz pubbliku, kif stabbilit fir-Regolament Finanzjarju; jirrimarka li kwalunkwe bidla fit-tip ta' governanza ta' entità li tkun fdata b'missjoni ta' servizz pubbliku fi Stat Membru ma tistax teżenta lil dik l-entità mid-dmir li tikkonforma mar-Regolament;

Protezzjoni tal-baġit tal-Unjoni

19.  Jenfasizza r-rabta ċara bejn ir-rispett tal-istat tad-dritt u l-implimentazzjoni effiċjenti tal-baġit tal-Unjoni f'konformità mal-prinċipji ta' ġestjoni finanzjarja tajba: l-ekonomija, l-effiċjenza u l-effettività, kif stabbilit fir-Regolament Finanzjarju; ifakkar li skont l-Artikolu 5 tar-Regolament, "il-Kummissjoni għandha tivverifika jekk kienx hemm konformità mal-liġi applikabbli u, fejn meħtieġ, tieħu l-miżuri xierqa kollha biex tipproteġi l-baġit tal-Unjoni";

20.  Ifakkar li r-Regolament jipprovdi definizzjoni ċara tal-istat tad-dritt, li trid tinftiehem fir-rigward ta' valuri u prinċipji oħra tal-Unjoni, inklużi d-drittijiet fundamentali u n-nondiskriminazzjoni; huwa tal-fehma li l-ksur persistenti tad-demokrazija u tad-drittijiet fundamentali, inkluża d-diskriminazzjoni sponsorjata mill-istat kontra l-minoranzi u l-attakki kontra l-libertà tal-midja u l-libertà ta' assoċjazzjoni u ta' għaqda, għandhom impatt fuq il-proġetti li l-Istati Membri jiddeċiedu li jiffinanzjaw bil-fondi tal-Unjoni, u għalhekk jista' jkollhom effett suffiċjentement dirett fuq il-protezzjoni tal-interessi finanzjarji tal-Unjoni; jistieden lill-Kummissjoni tqis dan meta tabbozza l-linji gwida tagħha;

21.  Ifakkar li l-miżuri skont ir-Regolament huma meħtieġa b'mod partikolari, iżda mhux esklużivament, f'każijiet fejn proċeduri oħra stabbiliti fir-Regolament Finanzjarju, ir-Regolament dwar Dispożizzjonijiet Komuni u leġiżlazzjoni speċifika għas-settur oħra ma jippermettux li l-baġit tal-Unjoni jiġi protett b'mod aktar effettiv; jenfasizza li dan ma jfissirx li r-Regolament għandu jitqies bħala "l-aħħar għażla", iżda pjuttost li l-Kummissjoni tista' tuża firxa wiesgħa ta' proċeduri biex tipproteġi l-interessi finanzjarji tal-Unjoni, inkluż ir-Regolament, li għandhom jintgħażlu fuq bażi ta' każ b'każ, u jintużaw b'mod parallel jekk meħtieġ, skont l-effiċjenza u l-effikaċja tagħhom; jistieden lill-Kummissjoni tistabbilixxi l-modus operandi u l-istandards proċedurali u tekniċi li se tuża biex tagħżel l-istrumenti li se tapplika;

22.  Jirrimarka li r-Regolament ikopri l-fondi kollha tal-Unjoni u japplika għal ksur "sistemiku" kif ukoll għal każijiet ta' riskju serju għall-ġestjoni finanzjarja tajba tal-baġit tal-Unjoni jew għall-protezzjoni tal-interessi finanzjarji tal-Unjoni, li jistgħu jkunu diffiċli biex jiġu indirizzati permezz ta' proċeduri oħra tal-Unjoni li japplikaw biss għal programmi ta' nfiq speċifiċi u li huma relatati mal-effetti fuq il-baġit li diġà seħħew; jissottolinja li r-Regolament huwa l-unika leġiżlazzjoni tal-UE li torbot ir-rispett tal-istat tad-dritt mal-baġit tal-UE; iqis, għalhekk, li d-dispożizzjonijiet uniċi tiegħu għandhom jiġu applikati bis-sħiħ biex tiġi żgurata protezzjoni komplementari tal-istat tad-dritt flimkien mal-finanzi tal-UE;

23.  Jissottolinja li ksur "sistemiku", pereżempju dak li jaffettwa l-funzjonament tas-sistema ġudizzjarja, l-indipendenza tal-imħallfin u tal-ġudikatura jew in-newtralità tal-awtoritajiet pubbliċi, jew il-funzjonament xieraq ta' entitajiet b'mandat għall-prevenzjoni u l-ġlieda kontra l-korruzzjoni, il-frodi, l-evażjoni tat-taxxa u l-kunflitt ta' interess, jew li jikser il-prinċipju tan-nonrigressjoni(8), għandu b'mod ġenerali impatt suffiċjentement dirett fuq il-ġestjoni, l-infiq u l-kontroll xierqa tal-fondi tal-Unjoni; jistieden lill-Kummissjoni tiċċara l-kriterji li bihom tiddetermina l-miżuri f'każijiet ta' ksur sistemiku;

Adozzjoni tal-miżuri

24.  Ifakkar li l-Artikoli 6 u 7 tar-Regolament jistabbilixxu l-passi kollha u skeda ta' żmien preċiża għall-adozzjoni u t-tneħħija ta' miżuri skont ir-Regolament; jissottolinja li l-proċedura għall-adozzjoni u t-tneħħija tal-miżuri tirrispetta l-prinċipji tal-oġġettività, in-nondiskriminazzjoni u t-trattament ugwali tal-Istati Membri u jeħtieġ li titwettaq b'approċċ mhux partiġjan u bbażat fuq l-evidenza.

25.  Jinnota li l-Artikolu 6(4) tar-Regolament jipprevedi l-possibbiltà li l-Kummissjoni titlob informazzjoni addizzjonali għall-valutazzjoni tagħha kemm qabel kif ukoll wara li tkun bagħtet in-notifika bil-miktub; jisħaq li tali talbiet qabel in-notifika bil-miktub għandhom jibqgħu, fin-natura tagħhom, eċċezzjonali u ta' darba, sabiex ma jipperikolawx l-iskeda ta' żmien preċiża għall-adozzjoni tal-miżuri previsti fir-Regolament;

26.  Ifakkar li l-Kunsill huwa marbut li jaġixxi għal kwalunkwe proposta tal-Kummissjoni għall-adozzjoni ta' miżuri xierqa skont ir-Regolament fi żmien xahar, li jista' jiġi estiż b'massimu ta' xahrejn addizzjonali f'ċirkostanzi eċċezzjonali; iqis li l-Kummissjoni għandha tiżgura li dawn il-limiti ta' żmien jiġu rrispettati bis-sħiħ għal deċiżjoni f'waqtha; jistieden lill-Kummissjoni tipprovdi informazzjoni dwar kif se tiżgura approċċ armonizzat u applikazzjoni konsistenti tal-kondizzjonalità tal-baġit fid-Direttorati Ġenerali kollha tagħha;

27.  Jemmen li t-trasparenza hija essenzjali biex titrawwem il-fiduċja tal-Istati Membri u taċ-ċittadini fil-mekkaniżmu ta' kondizzjonalità; jenfasizza li l-valutazzjoni ta' ksur individwali jew sistemiku tal-prinċipji tal-istat tad-dritt tirrikjedi trattament imparzjali, ġust u oġġettiv tal-Istati Membri, inklużi investigazzjonijiet mhux partiġjani u bbażati fuq l-evidenza; jirrimarka li kull pass tal-proċedura stabbilita fir-Regolament għandu għalhekk jittieħed b'mod kompletament trasparenti; jistieden għalhekk lill-Kummissjoni tistabbilixxi r-regoli u l-prinċipji tat-trasparenza li se japplikaw meta tattiva l-mekkaniżmu ta' kondizzjonalità;

28.  Ifakkar li l-miżuri meħuda skont ir-Regolament għandhom ikunu proporzjonati, fid-dawl tal-impatt reali jew potenzjali fuq il-ġestjoni finanzjarja tajba tal-baġit tal-Unjoni jew l-interessi finanzjarji tal-Unjoni, filwaqt li jitqiesu n-natura, it-tul ta' żmien, il-gravità u l-kamp ta' applikazzjoni tal-ksur tal-prinċipji tal-istat tad-dritt; iqis li, b'mod ġenerali, is-serjetà ta' dak l-impatt se tirrifletti s-serjetà tal-ksur;

Protezzjoni tar-riċevituri finali u l-benefiċjarji

29.  Ifakkar li skont ir-Regolament, huwa essenzjali li jiġi ssalvagwardjat kif xieraq l-interess leġittimu tar-riċevituri finali u tal-benefiċjarji;

30.  Ifakkar li, sakemm id-deċiżjoni li tadotta l-miżuri ma tiddikjarax mod ieħor, l-impożizzjoni ta' miżuri xierqa skont ir-Regolament ma taffettwax l-obbligi tal-Istati Membri fil-konfront tar-riċevituri finali jew il-benefiċjarji, inkluż l-obbligu li jsiru pagamenti;

31.  Jenfasizza li f'każijiet bħal korruzzjoni serja, nepotiżmu, frodi sistemika, rabtiet illeġittimi ma' partiti politiċi u kunflitti ta' interess, u b'mod partikolari f'każijiet identifikati mis-Sistema ta' Identifikazzjoni Bikrija u ta' Esklużjoni (EDES) stabbilita fir-Regolament Finanzjarju, jew li qed jiġu investigati mill-OLAF jew mill-UPPE, il-Kummissjoni għandha tevalwa bir-reqqa fuq bażi ta' każ b'każ jekk il-pagamenti lir-riċevituri finali u lill-benefiċjarji għandhomx jitkomplew jew le;

32.  Jistieden lill-Kummissjoni timplimenta l-Artikolu 5(4) tar-Regolament u tistabbilixxi malajr sit web jew portal tal-internet b'informazzjoni u gwida għall-benefiċċju tar-riċevituri finali jew tal-benefiċjarji u b'għodod adegwati għalihom biex jinfurmaw lill-Kummissjoni dwar kwalunkwe ksur tal-obbligu legali biex ikomplu jsiru l-pagamenti wara li jiġu adottati miżuri skont dan ir-Regolament, bħal formola tal-ilmenti li tkun sempliċi, faċli biex tintuża u strutturata; jistieden lill-Kummissjoni tispjega kif se timplimenta mekkaniżmu konformi effiċjenti u effettiv għall-applikanti, għar-riċevituri u għall-benefiċjarji;

33.  Jenfasizza li, f'ġestjoni kondiviża, il-miżuri skont ir-Regolament ma jistgħux jitqiesu li jaffettwaw id-disponibbiltà ta' finanzjament għal pagamenti ta' talbiet leġittimi lill-benefiċjarji; ifakkar ukoll li l-Istati Membri kkonċernati minn dawk il-miżuri jeħtiġilhom jirrapportaw regolarment lill-Kummissjoni dwar il-konformità mal-obbligi tagħhom fil-konfront tar-riċevituri finali jew il-benefiċjarji;

34.  Jistieden lill-Kummissjoni tanalizza l-informazzjoni kollha għad-dispożizzjoni tagħha, inkluż permezz tal-għodod ta' trekkjar diġitali, u tagħmel l-almu tagħha biex tiżgura li kwalunkwe ammont dovut b'mod leġittimu lill-entitajiet tal-gvern jew l-Istati Membri jkun fil-fatt imħallas lir-riċevituri finali jew lill-benefiċjarji, li jista' jinvolvi li jsiru korrezzjonijiet finanzjarji billi jitnaqqas l-appoġġ tal-Unjoni għal programmi f'konformità mar-regoli speċifiċi għas-settur u dawk finanzjarji applikabbli;

35.  Jitlob li l-Kummissjoni tinkludi s-suġġerimenti tal-Parlament fil-verżjoni finali tal-linji gwida;

o
o   o

36.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

(1) ĠU L 433 I, 22.12.2020, p. 1. (2) Testi adottati, P9_TA(2021)0287. (3) Testi adottati, P9_TA(2020)0360. (4) Testi adottati, P9_TA(2021)0103. (5) ĠU L 193, 30.7.2018, p. 1. (6) Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema ta’ riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom, (ĠU L 424, 15.12.2020, p. 1). (7) Id-Direttiva (UE) 2019/1937 tal-Parlament Ewropew u tal-Kunsill tat-23 ta’ Ottubru 2019 dwar il-protezzjoni ta’ persuni li jirrapportaw dwar ksur tal-liġi tal-Unjoni (ĠU L 305, 26.11.2019, p. 17). (8) Sentenza tal-Qorti tal-Ġustizzja tal-20 ta' April 2021, Repubblika v Il-Prim Ministru, C-896/19, ECLI:EU:C:2021:311, paragrafi 59-64.

Riżoluzzjoni tal-Parlament Ewropew tat-8 ta' Lulju 2021 dwar ir-Reġim Globali ta' Sanzjonijiet tal-UE b'rabta mad-Drittijiet tal-Bniedem (l-Att Magnitsky tal-UE) (2021/2563(RSP))

P9_TA(2021)0349 B9-0371/2021

Il-Parlament Ewropew,

–  wara li kkunsidra r-rakkomandazzjoni tiegħu lill-Kunsill tat-2 ta' Frar 2012 dwar politika konsistenti fil-konfront ta' reġimi awtoritarji, li kontrihom l-UE tapplika miżuri restrittivi, meta l-mexxejja tagħhom jeżerċitaw l-interessi personali u kummerċjali tagħhom fi ħdan il-fruntieri tal-UE(1),

–  wara li kkunsidra r-riżoluzzjoni tiegħu tal-14 ta' Marzu 2019 dwar reġim Ewropew ta' sanzjonijiet għal ksur tad-drittijiet tal-bniedem(2),

–  wara li kkunsidra r-riżoluzzjonijiet preċedenti tiegħu li jitolbu mekkaniżmu madwar l-UE kollha għall-impożizzjoni ta' sanzjonijiet immirati kontra individwi involuti fi ksur gravi tad-drittijiet tal-bniedem, inkluża r-riżoluzzjoni tiegħu tal-4 ta' Settembru 2008 dwar l-evalwazzjoni tas-sanzjonijiet tal-UE bħala parti mill-azzjonijiet u l-politiki tal-UE fil-qasam tad-drittijiet tal-bniedem(3), ir-riżoluzzjoni tiegħu tal-11 ta' Marzu 2014 dwar il-qerda tat-tortura fid-dinja(4) u r-riżoluzzjoni tiegħu tal-20 ta' Jannar 2021 dwar l-implimentazzjoni tal-Politika Estera u ta' Sigurtà Komuni – rapport annwali 2020(5),

–  wara li kkunsidra r-riżoluzzjoni tiegħu tal-20 ta' Jannar 2021 dwar id-drittijiet tal-bniedem u d-demokrazija fid-dinja u l-politika tal-Unjoni Ewropea dwar il-kwistjoni - rapport annwali 2019(6),

–  wara li kkunsidra r-riżoluzzjoni tiegħu tat-13 ta' Settembru 2017 dwar il-korruzzjoni u d-drittijiet tal-bniedem f'pajjiżi terzi(7) u r-riżoluzzjoni tiegħu tal-5 ta' Lulju 2016 dwar il-ġlieda kontra t-traffikar tal-bnedmin fir-relazzjonijiet esterni tal-UE(8),

–  wara li kkunsidra r-riżoluzzjonijiet tiegħu dwar il-ksur tad-drittijiet tal-bniedem, id-demokrazija u l-istat tad-dritt (magħrufa bħala riżoluzzjonijiet ta' urġenza) f'konformità mal-Artikolu 144 tar-Regoli ta' Proċedura tiegħu,

–  wara li kkunsidra t-Titolu V, Kapitolu 2 tat-Trattat dwar l-Unjoni Ewropea (TUE), rigward l-adozzjoni ta' sanzjonijiet fl-ambitu tal-Politika Estera u ta' Sigurtà Komuni (PESK),

–  wara li kkunsidra l-Artikolu 21 tat-TUE dwar il-prinċipji ta' azzjonijiet internazzjonali tal-Unjoni, inkluż ir-rispett għall-prinċipji tal-Karta tan-Nazzjonijiet Uniti u d-dritt internazzjonali,

–  wara li kkunsidra l-Artikolu 31(2) tat-TUE dwar dispożizzjonijiet speċifiċi dwar il-PESK,

–  wara li kkunsidra l-Artikolu 215 tat-Trattat dwar il-Funzjonament tal-Unjoni Ewropea (TFUE) dwar l-adozzjoni ta' sanzjonijiet kemm fil-konfront ta' pajjiżi terzi kif ukoll fil-konfront ta' individwi, gruppi u entitajiet mhux statali,

–  wara li kkunsidra d-Dikjarazzjoni 25 tat-Trattat ta' Lisbona dwar il-ħtieġa li jiġu żgurati d-drittijiet ta' proċess ġust ta' individwi jew entitajiet ikkonċernati minn miżuri restrittivi tal-UE jew minn miżuri tal-UE fil-ġlieda kontra t-terroriżmu,

–  wara li kkunsidra l-proposta konġunta mill-Kummissjoni u l-VP/RGħ tad-19 ta' Ottubru 2020 dwar miżuri restrittivi kontra ksur u abbużi serji tad-drittijiet tal-bniedem (JOIN(2020)0020),

–  wara li kkunsidra d-Deċiżjoni tal-Kunsill (PESK) 2020/1999(9) u r-Regolament tal-Kunsill (UE) 2020/1998(10) tas-7 ta' Diċembru 2020 dwar miżuri restrittivi kontra ksur u abbużi serji tad-drittijiet tal-bniedem,

–  wara li kkunsidra r-Regolament ta' Implimentazzjoni tal-Kunsill (UE) 2021/371 tat-2 ta' Marzu 2021(11) u r-Regolament ta' Implimentazzjoni tal-Kunsill (UE) 2021/478 tat-22 ta' Marzu 2021(12) li jimplimenta r-Regolament (UE) 2020/1998 dwar miżuri restrittivi kontra ksur u abbużi serji tad-drittijiet tal-bniedem,

–  wara li kkunsidra d-Direttiva (UE) 2017/1371 tal-Parlament Ewropew u tal-Kunsill tal-5 ta' Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali(13),

–  wara li kkunsidra r-Regolament tal-Kunsill (UE) 2017/1939 tat-12 ta' Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew ("l-UPPE")(14),

–  wara li kkunsidra l-konklużjonijiet tal-Kunsill tat-18 ta' Novembru 2020 dwar il-Pjan ta' Azzjoni tal-UE dwar id-Drittijiet tal-Bniedem u d-Demokrazija 2020-2024,

–  wara li kkunsidra l-Qafas Strateġiku tal-UE dwar id-Drittijiet tal-Bniedem u d-Demokrazija tal-2012,

–  wara li kkunsidra n-nota ta' gwida tal-Kummissjoni tas-17 ta' Diċembru 2020 dwar l-implimentazzjoni ta' ċerti dispożizzjonijiet tar-Regolament tal-Kunsill (UE) 2020/1998 (C(2020)9432),

–  wara li kkunsidra d-Dikjarazzjoni Universali tad-Drittijiet tal-Bniedem u t-trattati u l-istrumenti l-oħra tan-Nazzjonijiet Uniti dwar id-drittijiet tal-bniedem,

–  wara li kkunsidra l-Konvenzjoni tan-Nazzjonijiet Uniti kontra l-Korruzzjoni u d-dikjarazzjoni politika tas-sessjoni speċjali tal-Assemblea Ġenerali dwar l-isfidi u l-miżuri għall-prevenzjoni u l-ġlieda kontra l-korruzzjoni u t-tisħiħ tal-kooperazzjoni internazzjonali tat-2-4 ta' Ġunju 2021,

–  wara li kkunsidra l-Konvenzjoni Ewropea dwar id-Drittijiet tal-Bniedem u l-protokolli tagħha,

–  wara li kkunsidra l-istudju tiegħu tas-26 ta' April 2018 bit-titolu "Targeted sanctions against individuals on grounds of grave human rights violations – impact, trends and prospects at EU level" (Sanzjonijiet immirati kontra individwi responsabbli għal ksur gravi tad-drittijiet tal-bniedem – l-impatt, ix-xejriet u l-prospetti fil-livell tal-UE)",

–  wara li kkunsidra d-deċiżjoni tal-Awla Kriminali tal-Qorti Suprema Spanjola tas-26 ta' Novembru 2020 rigward id-Deċiżjoni tal-Kunsill (PESK) 2017/2074 tat-13 ta' Novembru 2017 dwar miżuri restrittivi fid-dawl tas-sitwazzjoni fil-Venezwela(15),

–  wara li kkunsidra l-mistoqsijiet lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà dwar ir-Reġim Globali tal-UE dwar id-Drittijiet tal-Bniedem (l-Att Magnitsky tal-UE) (O‑000047/2021 – B9‑0028/2021 u O‑000048/2021 – B9‑0029/2021),

–  wara li kkunsidra l-Artikoli 136(5) u 132(2) tar-Regoli ta' Proċedura tiegħu,

–  wara li kkunsidra l-mozzjoni għal riżoluzzjoni tal-Kumitat għall-Affarijiet Barranin,

A.  billi l-Artikolu 21 tat-TUE jistipula li l-azzjonijiet tal-Unjoni għandhom ikunu ggwidati mid-demokrazija, l-istat tad-dritt, l-universalità u l-indiviżibbiltà tad-drittijiet tal-bniedem u l-libertajiet fundamentali, ir-rispett għad-dinjità tal-bniedem, il-prinċipji tal-ugwaljanza u tas-solidarjetà, u r-rispett għall-prinċipji tal-Karta tan-Nazzjonijiet Uniti u tad-dritt internazzjonali;

B.  billi skont l-Artikolu 215 tat-TFUE, l-UE tadotta sanzjonijiet, jew bħala l-miżuri proprji tal-UE (jiġifieri sanzjonijiet awtonomi) u/jew sabiex timplimenta r-riżoluzzjonijiet tal-Kunsill tas-Sigurtà tan-Nazzjonijiet Uniti, f'każijiet fejn pajjiżi mhux tal-UE, persuni fiżiċi jew ġuridiċi, gruppi jew entitajiet mhux statali ma jirrispettawx id-dritt internazzjonali jew id-drittijiet tal-bniedem, jew isegwu politiki jew azzjonijiet li ma jikkonformawx mal-istat tad-dritt jew mal-prinċipji demokratiċi;

C.  billi l-komunikazzjoni tal-Kummissjoni tad-19 ta' Jannar 2021 bit-titolu "Is-sistema ekonomika u finanzjarja Ewropea: it-trawwim tal-ftuħ, tas-saħħa u tar-reżiljenza" (COM(2021)0032) tiddeskrivi miżuri għat-titjib tal-effettività tas-sanzjonijiet tal-UE, filwaqt li tiżgura li dawn ma jiġux evitati jew imdgħajfa u tistabbilixxi repożitorju għall-iskambju ta' informazzjoni dwar is-sanzjonijiet, kif ukoll pjan direzzjonali biex isir progress mill-individwazzjoni ta' nuqqas ta' konformità sistemika mas-sanzjonijiet tal-UE għall-proċeduri ta' ksur quddiem il-Qorti tal-Ġustizzja tal-Unjoni Ewropea;

D.  billi l-Gvern Netherlandiż beda diskussjoni fost l-Istati Membri tal-UE f'Novembru 2018 dwar reġim immirat ta' sanzjonijiet tad-drittijiet tal-bniedem fil-livell tal-UE; billi l-Kunsill fl-aħħar adotta d-deċiżjoni rilevanti u regolament li jistabbilixxi Reġim Globali ta' Sanzjonijiet tal-UE b'rabta mad-Drittijiet tal-Bniedem fis-7 ta' Diċembru 2020;

E.  billi l-Parlament Ewropew sistematikament jikkundanna każijiet ta' ksur tad-drittijiet tal-bniedem;

F.  billi ħafna drabi r-riżoluzzjonijiet adottati mill-Parlament Ewropew jitolbu lill-istituzzjonijiet tal-UE jadottaw sanzjonijiet, inklużi sanzjonijiet individwali, kontra persuni suspettati li jwettqu reati kontra l-umanità jew ksur serju tad-drittijiet tal-bniedem;

G.  billi l-korruzzjoni jista' jkollha impatt devastanti fuq l-istat tad-drittijiet tal-bniedem u spiss iddgħajjef il-funzjonament u l-leġittimità tal-istituzzjonijiet u l-istat tad-dritt; billi l-Parlament talab li l-abbużi u l-atti ta' korruzzjoni sistemika relatati ma' ksur gravi tad-drittijiet tal-bniedem jitqiesu wkoll fi ħdan ir-Reġim Globali ta' Sanzjonijiet tal-UE b'rabta mad-Drittijiet tal-Bniedem;

H.  billi l-Istati Uniti, il-Kanada, u r-Renju Unit adottaw reġimi simili ta' sanzjonijiet; billi l-kooperazzjoni fost pajjiżi li jaħsbuha bl-istess mod u li jikkondividu l-valuri tad-drittijiet fundamentali, tad-demokrazija, u tal-istat tad-dritt se tagħmel l-applikazzjoni ta' sanzjonijiet immirati aktar ikkoordinata u b'hekk aktar effettiva; billi l-Gvern tar-Renju Unit nieda Reġim Globali ta' Sanzjonijiet Kontra l-Korruzzjoni fis-26 ta' April 2021;

1.  Jilqa' l-adozzjoni tar-Reġim Globali ta' Sanzjonijiet tal-UE b'rabta mad-Drittijiet tal-Bniedem (GHRSR tal-UE) bħala żieda essenzjali mas-sett ta' għodod tal-UE dwar id-drittijiet tal-bniedem u l-politika barranija, li jsaħħaħ ir-rwol tal-UE bħala attur globali tad-drittijiet tal-bniedem billi jippermettilha tieħu miżuri restrittivi kontra persuni ġuridiċi u fiżiċi involuti fi ksur serju tad-drittijiet tal-bniedem kullimkien fid-dinja; jisħaq li r-reġim il-ġdid irid jifforma parti minn strateġija usa', koerenti u definita b'mod ċar li tqis l-objettivi tal-politika barranija tal-UE; jissottolinja li l-istrateġija għandha tfittex ukoll li tidentifika parametri referenzjarji speċifiċi li huma konnessi mal-objettivi, u tagħti dettalji dwar kif is-sanzjonijiet jistgħu jgħinu biex jintlaħqu dawk il-parametri referenzjarji; jesprimi dispjaċir, madankollu, għall-fatt li l-Kunsill iddeċieda li japplika l-unanimità minflok il-votazzjoni b'maġġoranza kwalifikata meta jadotta r-reġim il-ġdid, u jtenni s-sejħa tiegħu għall-introduzzjoni ta' votazzjoni b'maġġoranza kwalifikata għall-adozzjoni ta' sanzjonijiet fl-ambitu tal-kamp ta' applikazzjoni tal-GHRSR tal-UE;

2.  Jilqa' d-definizzjoni tal-kamp ta' applikazzjoni tar-reġim b'lista ta' abbużi serji speċifiċi tad-drittijiet tal-bniedem, inklużi dawk relatati ma' vjolenza sesswali u abbażi tal-ġeneru, u jistieden lill-Kummissjoni tressaq proposta leġiżlattiva biex tiġi emendata l-leġiżlazzjoni attwali tal-GHRSR tal-UE billi testendi l-kamp ta' applikazzjoni tiegħu biex jinkludi l-atti ta' korruzzjoni; iħeġġeġ lis-Servizz Ewropew għall-Azzjoni Esterna (SEAE) u lill-Istati Membri jużaw flessibbiltà fl-adattament tagħhom għall-isfidi u t-theddid emerġenti għad-drittijiet tal-bniedem jew għall-abbuż tas-setgħat tal-Istat jew ta' emerġenza, inklużi dawk relatati mar-restrizzjonijiet tal-COVID-19 jew mal-vjolenza kontra d-difensuri tad-drittijiet tal-bniedem; jenfasizza li s-sanzjonijiet tal-UE huma mmirati lejn persuni li jiksru d-drittijiet tal-bniedem u mhumiex maħsuba li jkollhom impatt fuq it-tgawdija tad-drittijiet tal-bniedem mill-popolazzjoni;

3.  Jilqa' t-tħabbira li fl-2021 il-Kummissjoni se twettaq rieżami tal-prattiki li jevitaw u jimminaw is-sanzjonijiet, kif ukoll rieżami tal-obbligi ta' rapportar eżistenti għall-Istati Membri dwar l-implimentazzjoni u l-infurzar tas-sanzjonijiet; jistieden lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) iqisu r-riżultati ta' dan ir-rieżami sabiex jipproponu bidliet leġiżlattivi addizzjonali u linji gwida għall-implimentazzjoni kif xieraq;

4.  Jissottolinja l-importanza li jiġi żgurat li r-reġim jimmira wkoll l-faċilitaturi ekonomiċi u finanzjarji tal-persuni li jabbużaw mid-drittijiet tal-bniedem u bl-istess mod; jitlob lill-UE u lill-Istati Membri tagħha, f'każ li l-atti ta' korruzzjoni ma jkunux inklużi fir-rieżami tar-reġim eżistenti, jużaw il-proposta leġiżlattiva tar-Renju Unit għar-Regolamenti Globali dwar is-Sanzjonijiet Kontra l-Korruzzjoni jew l-Att Globali Magnitsky tal-Istati Uniti jew l-Att Kanadiż dwar il-Ġustizzja għall-Vittmi ta' Uffiċjali Korrotti Barranin, jew reġimi simili oħra, u jadottaw reġim tal-UE ta' sanzjonijiet kontra l-korruzzjoni sabiex jikkomplementaw il-GHRSR tal-UE;

5.  Jilqa' l-Att Globali Magnitsky tal-2016 tal-Istati Uniti u r-rwol ewlieni li dan l-Att kellu fl-ispirazzjoni ta' atturi internazzjonali oħra, inkluża l-UE, fl-isforzi tagħha biex tissalvagwardja d-drittijiet tal-bniedem;

6.  Jilqa' l-ewwel deċiżjonijiet ta' implimentazzjoni fl-ambitu tar-reġim, li juru l-impenn tal-UE li tagħmel użu tajjeb mill-istrument ambizzjuż il-ġdid; iħeġġeġ lill-Kunsill jagħmel użu sħiħ minn dan l-istrument sabiex isaħħaħ l-impatt tiegħu;

7.  Huwa konvint mill-effettività tar-reġim il-ġdid, inklużi l-effetti deterrenti tiegħu; jemmen bis-sħiħ li l-ogħla standards possibbli f'termini ta' rieżami ġudizzjarju u skrutinju xieraq tal-implimentazzjoni tiegħu huma integrali biex tiġi żgurata l-leġittimità tar-reġim; jenfasizza l-ħtieġa ta' rieżami regolari tal-listi, il-kriterji u l-metodoloġija definiti b'mod ċar u trasparenti għall-elenkar u t-tneħħija tal-elenkar ta' individwi jew entitajiet sanzjonati, u proċeduri legali xierqa li permezz tagħhom jista' jiġi kkontestat elenkar sabiex jiġi ggarantit rieżami ġudizzjarja bir-reqqa u drittijiet ta' rimedju;

8.  Jikkundanna kwalunkwe kontrosanzjoni imposta fuq l-UE, l-istituzzjonijiet tagħha jew il-membri tal-parlament, il-korpi jew iċ-ċittadini għall-promozzjoni u l-protezzjoni tar-rispett għad-drittijiet tal-bniedem, id-demokrazija u l-istat tad-dritt permezz tal-GHRSR tal-UE; ifakkar li l-miżuri ta' ritaljazzjoni għandhom l-għan li jiskoraġġixxu lill-UE milli ssegwi l-azzjonijiet globali tagħha biex tipproteġi d-drittijiet tal-bniedem f'konformità mal-obbligi tagħha tat-Trattat: jissottolinja l-ħtieġa ta' rispons mgħaġġel, robust u kkoordinat tal-UE għal sanzjonijiet ta' ritaljazzjoni minn pajjiżi terzi u l-ħtieġa li jiġi żgurat li l-ftehimiet bilaterali ma' pajjiżi bħal dawn ma jfixklux il-GHRSR tal-UE jew il-kredibbiltà tal-UE fil-politika barranija b'mod ġenerali;

9.  Jisħaq fuq il-ħtieġa li l-Istati Membri kollha tal-UE jinterpretaw l-applikazzjoni u l-infurzar tas-sanzjonijiet bl-istess mod konsistenti u mgħaġġel; iħeġġeġ lill-Kummissjoni, fir-rwol tagħha bħala gwardjan tat-Trattati, tiżgura li l-penali nazzjonali għall-ksur tas-sanzjonijiet tal-UE jkunu effettivi, proporzjonati u dissważivi; iqis li jekk ma jittiħdux miżuri xierqa f'sitwazzjonijiet kkaratterizzati bi ksur persistenti tad-drittijiet tal-bniedem dan idgħajjef l-istrateġija tal-UE dwar id-drittijiet tal-bniedem, il-politika dwar is-sanzjonijiet u l-kredibbiltà tagħha; jemmen li huwa meħtieġ mekkaniżmu ċentralizzat ta' sorveljanza dwar l-implimentazzjoni u l-konformità biex jiġi żgurat infurzar aktar b'saħħtu tas-sanzjonijiet; jilqa' t-tħabbira li l-Kummissjoni tipproponi li tistabbilixxi repożitorju ta' informazzjoni dwar is-sanzjonijiet u li tfassal pjan direzzjonali (inklużi l-kriterji u skeda ta' żmien) għall-bidla mill-identifikazzjoni ta' nuqqas ta' konformità sistematika mas-sanzjonijiet tal-UE għall-proċeduri ta' ksur quddiem il-Qorti tal-Ġustizzja tal-Unjoni Ewropea;

10.  Jisħaq li l-Istati Membri jeħtiġilhom jiżguraw li l-awtoritajiet, il-kumpaniji u atturi oħra rreġistrati fit-territorji tagħhom ikunu f'konformità sħiħa mad-deċiżjonijiet tal-Kunsill dwar miżuri restrittivi; iħeġġeġ lill-Istati Membri u lill-Kummissjoni jsaħħu l-kooperazzjoni u l-kondiviżjoni tal-informazzjoni, u jitlob mekkaniżmu Ewropew imsaħħaħ ta' sorveljanza u infurzar; jistieden lill-Kunsill jaġġorna regolarment lill-kumpaniji fuq il-listi ta' sanzjonijiet, peress li l-kumpaniji elenkati għandhom it-tendenza li jużaw lakuni legali u jsibu soluzzjonijiet kreattivi oħra sabiex jevitaw li jkunu taħt sanzjonijiet;

11.  Huwa konvint li l-ksur ta' miżuri restrittivi, u b'mod partikolari tal-iffriżar tal-assi, jikkostitwixxi attività illegali li taffettwa l-interessi finanzjarji tal-Unjoni; jitlob li ssir valutazzjoni tal-adegwatezza tar-reviżjoni tad-Direttiva (UE) 2017/1371 u tar-Regolament tal-Kunsill (UE) 2017/1939 sabiex l-Uffiċċju tal-Prosekutur Pubbliku Ewropew ikun inkarigat mill-investigazzjoni, mill-prosekuzzjoni u mit-tressiq quddiem il-qorti ta' dawk li jwettqu reati kriminali bi ksur ta' miżuri restrittivi adottati skont il-GHRSR tal-UE, u l-kompliċi fihom;

12.  Jesprimi dispjaċir għall-fatt li l-Parlament Ewropew ma għandu l-ebda rwol istituzzjonali fil-proċess; jitlob sorveljanza parlamentari tal-GHRSR tal-UE u rwol imsaħħaħ għall-Parlament Ewropew fil-proposta ta' każijiet ta' ksur serju tad-drittijiet tal-bniedem, sabiex tiżdied il-leġittimità tal-GHRSR tal-UE, u jitlob l-istabbiliment ta' Grupp ta' Ħidma Parlamentari ddedikat biex jiskrutinizza l-implimentazzjoni tar-reġim tas-sanzjonijiet; jitlob li jkun hemm kondiviżjoni sistematika u istituzzjonalizzata ta' informazzjoni mal-Parlament, u mal-Istati Membri, u rappurtar lilhom, mis-SEAE u mill-Kummissjoni;

13.  Jinsisti fuq proċess trasparenti u inklużiv biex jiġi ffaċilitat il-kontribut mill-atturi tas-soċjetà ċivili, inkluż it-twaqqif ta' kumitat konsultattiv fil-livell tal-UE u laqgħat regolari mal-organizzazzjonijiet tas-soċjetà ċivili, mad-difensuri tad-drittijiet tal-bniedem u mal-ġurnalisti investigattivi, bil-għan li tiġi mmonitorjata s-sitwazzjoni attwali tar-reġim u tittejjeb l-implimentazzjoni tiegħu; jistieden lis-SEAE joħroġ gwida dwar kif għandu jipparteċipa fil-proċess u jissottolinja l-ħtieġa li jiġi stabbilit mekkaniżmu ta' kunfidenzjalità u ta' protezzjoni tax-xhieda għal dawk li jipprovdu informazzjoni, bħad-difensuri tad-drittijiet tal-bniedem u l-organizzazzjonijiet;

14.  Jisħaq li sanzjonijiet immirati jridu jimmiraw li jiksbu riżultati effettivi u dejjiema; jistieden lill-Kummissjoni, lis-SEAE u lill-Istati Membri jiddedikaw riżorsi u għarfien espert adegwati għall-infurzar u l-monitoraġġ regolari tal-impatt tal-GHRSR tal-UE, u għall-monitoraġġ mill-qrib tal-elenkar u tat-tneħħija mill-elenkar; jinsisti fuq il-ħtieġa li jingħataw aktar attenzjoni u riżorsi għall-komunikazzjoni pubblika dwar l-elenkar, kemm fl-UE kif ukoll fil-pajjiżi kkonċernati, inkluż permezz tat-traduzzjoni ta' dokumentazzjoni rilevanti għal-lingwa lokali tal-individwi jew tal-entitajiet fil-mira;

15.  Ifakkar fil-ħtieġa ta' strateġija unifikata u koerenti biex jiġu implimentati r-reġimi ta' sanzjoni tal-UE, u jistieden lill-Kummissjoni u lis-SEAE jiżguraw koerenza bejn il-GHRSR tal-UE u l-politiki esterni tal-UE, b'mod partikolari mal-politiki tagħha ta' appoġġ għad-drittijiet tal-bniedem u d-demokrazija, kif ukoll il-politika esterna u ta' sigurtà komuni (PESK) u l-politika ta' sigurtà u ta' difiża komuni (PSDK); jitlob, barra minn hekk, konsistenza bejn ir-reġimi ta' sanzjoni tal-UE u d-dritt kriminali internazzjonali, id-dritt umanitarju internazzjonali u l-politiki tal-UE relatati mal-istat tad-dritt u l-libertajiet fundamentali;

16.  Itenni l-importanza li l-GHRSR tal-UE jkun konsistenti mal-miżuri restrittivi speċifiċi għall-pajjiż u orizzontali tal-UE, il-miżuri settorjali u l-embargos tal-armi u l-oqfsa internazzjonali eżistenti dwar is-sanzjonijiet, b'mod partikolari fir-rigward tal-Kunsill tas-Sigurtà tan-NU, u jikkomplementahom;

17.  Jitlob lill-UE tistabbilixxi, mal-Istati Uniti, alleanza trans-atlantika biex tiddefendi d-demokrazija fuq livell globali u tipproponi sett ta' għodod għad-difiża tad-demokrazija, li jkun jinkludi azzjonijiet konġunti dwar sanzjonijiet u politiki kontra l-ħasil tal-flus, u tiżgura li l-politika tas-sanzjonijiet tagħha tkun marbuta mal-investigazzjonijiet tal-UE u dawk internazzjonali u ma' ħafna strumenti internazzjonali oħra tal-ġustizzja, bħat-tribunali internazzjonali u l-inizjattiva dwar ċentru tal-ġustizzja tal-UE;

18.  Huwa konvint mill-vantaġġi tal-kooperazzjoni u tal-koordinazzjoni mas-sħab u ma' pajjiżi tal-istess fehma fl-implimentazzjoni tal-GHRSR tal-UE; iħeġġeġ lill-Kummissjoni u lill-Istati Membri jużaw il-kooperazzjoni mill-qrib u r-relazzjoni strateġika bejn l-UE u l-Istati Uniti, mibnija fuq l-istorja komuni u sett kondiviż ta' valuri demokratiċi, meta jistabbilixxu sanzjonijiet u jitlob diskussjonijiet regolari dwar sanzjonijiet immirati, b'mod partikolari fil-kuntest tad-Djalogu Trans-Atlantiku tal-Leġiżlaturi; jistieden lill-Kummissjoni u lis-SEAE jikkooperaw ma' istituzzjonijiet ġudizzjarji esterni bħall-Qorti Kriminali Internazzjonali, il-Qorti Ewropea tad-Drittijiet tal-Bniedem, il-Qorti Inter-Amerikana tad-Drittijiet tal-Bniedem, il-Qorti Afrikana dwar id-Drittijiet tal-Bniedem u tal-Popli u tribunali ad hoc oħra, tribunali assistiti min-NU u korpi oħra, inkluż l-Uffiċċju tal-Kummissarju Għoli tan-Nazzjonijiet Uniti għad-Drittijiet tal-Bniedem u l-korpi superviżorji u ta' monitoraġġ internazzjonali, l-Organizzazzjoni għas-Sigurtà u l-Kooperazzjoni fl-Ewropa, in-NATO, u l-Kunsill tal-Ewropa, bil-għan li tinkiseb evidenza għall-impożizzjoni ta' sanzjonijiet fl-ambitu tal-GHRSR tal-UE u għall-iskoraġġiment ta' ksur serju tad-drittijiet tal-bniedem; jitlob lill-UE tippromwovi r-ratifika tal-Istatut ta' Ruma tal-Qorti Kriminali Internazzjonali minn kull pajjiż fid-dinja;

19.  Itenni li l-prosekuzzjoni kriminali tal-awturi ta' ksur gravi tad-drittijiet tal-bniedem u atroċitajiet minn ġuriżdizzjonijiet nazzjonali jew internazzjonali għandha tibqa' l-objettiv ewlieni tal-isforzi mwettqa mill-UE u mill-Istati Membri tagħha fil-ġlieda kontra l-impunità; itenni l-importanza tal-prinċipju ta' ġuriżdizzjoni universali f'dan ir-rigward u jilqa' l-proċedimenti ġudizzjarji reċenti skont dan il-prinċipju f'għadd ta' Stati Membri;

20.  Jissottolinja l-importanza tal-pajjiżi kandidati tal-UE u tal-pajjiżi kandidati potenzjali li jallinjaw mal-GHRSR tal-UE, f'konformità mal-allinjament usa' tagħhom mal-PESK tal-UE;

21.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà.

(1) ĠU C 239 E, 20.8.2013, p. 11. (2) ĠU C 23, 21.1.2021, p. 108. (3) ĠU C 295 E, 4.12.2009, p. 49. (4) ĠU C 378, 9.11.2017, p. 52. (5) Testi adottati, P9_TA(2021)0012. (6) Testi adottati, P9_TA(2021)0014. (7) ĠU C 337, 20.9.2018, p. 82. (8) ĠU C 101, 16.3.2018, p. 47. (9) ĠU L 410 I, 7.12.2020, p. 13. (10) ĠU L 410 I, 7.12.2020, p. 1. (11) ĠU L 71 I, 2.3.2021, p. 1. (12) ĠU L 99I, 22.3.2021, p. 1. (13) ĠU L 198, 28.7.2017, p. 29. (14) ĠU L 283, 31.10.2017, p. 1. (15) ĠU L 295, 14.11.2017, p. 60.

Riżoluzzjoni tal-Parlament Ewropew tat-8 ta' Lulju 2021 dwar ir-Rapport Annwali dwar il-Funzjonament taż-Żona Schengen (2019/2196(INI))

P9_TA(2021)0350 A9-0183/2021

Il-Parlament Ewropew,

–  wara li kkunsidra l-Artikolu 77(2) tat-Trattat dwar il-Funzjonament tal-Unjoni Ewropea (TFUE), li jistabbilixxi spazju ta' libertà, sigurtà u ġustizzja li għandu jiżgura n-nuqqas ta' kontrolli fuq il-persuni fil-fruntieri interni,

–  wara li kkunsidra l-Artikolu 21(1) TFUE u l-Artikolu 45 tal-Karta tad-Drittijiet Fundamentali tal-Unjoni Ewropea (il-"Karta"), li jiżguraw id-dritt taċ-ċittadini li jiċċaqalqu u jirrisjedu b'mod liberu fit-territorju tal-Istati Membri,

–  wara li kkunsidra l-Artikolu 18 TFUE u l-Artikolu 21(2) tal-Karta, li jipprojbixxu kull diskriminazzjoni minħabba ċ-ċittadinanza,

–  wara li kkunsidra l-Artikoli 18 u 19 tal-Karta dwar id-dritt għall-ażil, u għall-protezzjoni f'każ ta' tneħħija, tkeċċija jew estradizzjoni,

–  wara li kkunsidra l-acquis dejjem jevolvi ta' Schengen li żviluppa mindu ġie ffirmat il-Ftehim ta' Schengen fl-14 ta' Ġunju 1985, li bħalissa jinkludi diversi atti legali tal-UE fl-oqsma tal-ġestjoni tal-fruntieri interni u esterni, il-politika dwar il-viżi, il-politika ta' ritorn, il-kooperazzjoni bejn il-pulizija u l-protezzjoni tad-data, kif ukoll atti legali li jistabbilixxu u jirregolaw żewġ aġenziji tal-Unjoni (l-Aġenzija Ewropea għall-Gwardja tal-Fruntiera u tal-Kosta (il-Frontex) u l-Aġenzija tal-Unjoni Ewropea għat-Tmexxija Operattiva ta' Sistemi tal-IT fuq Skala Kbira fl- Ispazju ta' Libertà, Sigurtà u Ġustizzja (eu-LISA)), programm finanzjarju (l-istrument għall-appoġġ finanzjarju għall-fruntieri esterni u l-viża) u erba' sistemi fuq skala kbira tal-IT (is-Sistema ta' Informazzjoni ta' Schengen, is-Sistema ta' Informazzjoni dwar il-Viża, is-Sistema Ewropea ta' Informazzjoni u ta' Awtorizzazzjoni għall-Ivvjaġġar (ETIAS) u s-Sistema ta' Dħul/Ħruġ (EES)), inkluża l-interoperabbiltà bejniethom,

–  wara li kkunsidra l-leġiżlazzjoni adottata mindu sar l-aħħar rapport annwali dwar il-funzjonament taż-żona Schengen bil-għan li din tissaħħaħ fid-dawl tal-isfidi persistenti, u b'mod aktar speċifiku r-Regolament (UE) 2018/1860 tal-Parlament Ewropew u tal-Kunsill tat-28 ta' Novembru 2018 dwar l-użu tas-Sistema ta' Informazzjoni ta' Schengen għar-ritorn ta' ċittadini ta' pajjiżi terzi b'soġġorn illegali(1), ir-Regolament (UE) 2018/1861 tal-Parlament Ewropew u tal-Kunsill tat-28 ta' Novembru 2018 dwar l-istabbiliment, it-tħaddim u l-użu tas-Sistema ta' Informazzjoni ta' Schengen (SIS) fil-qasam tal-verifiki fuq il-fruntieri, u li jemenda l-Konvenzjoni li timplimenta l-Ftehim ta' Schengen, u li jemenda u jħassar ir-Regolament (KE) Nru 1987/2006(2) u r-Regolament (UE) 2018/1862 tal-Parlament Ewropew u tal-Kunsill tat-28 ta' Novembru 2018 dwar l-istabbiliment, it-tħaddim u l-użu tas-Sistema ta' Informazzjoni ta' Schengen (SIS) fil-qasam tal-kooperazzjoni bejn il-pulizija u l-kooperazzjoni ġudizzjarja f'materji kriminali, li jemenda u jħassar id-Deċiżjoni tal-Kunsill 2007/533/ĠAI, u jħassar ir-Regolament (KE) Nru 1986/2006 tal-Parlament Ewropew u tal-Kunsill u d-Deċiżjoni tal-Kummissjoni 2010/261/UE(3), ir-Regolament (UE) 2019/817 tal-Parlament Ewropew u tal-Kunsill tal-20 ta' Mejju 2019 dwar l-istabbiliment ta' qafas għall-interoperabbiltà bejn sistemi ta' informazzjoni tal-UE fil-qasam ta' fruntieri u viża u li jemenda r-Regolamenti (KE) Nru 767/2008, (UE) 2016/399, (UE) 2017/2226, (UE) 2018/1240, (UE) 2018/1726 u (UE) 2018/1861 tal-Parlament Ewropew u tal-Kunsill u d-Deċiżjonijiet tal-Kunsill 2004/512/KE u 2008/633/ĠAI(4), ir-Regolament (UE) 2019/818 tal-Parlament Ewropew u tal-Kunsill tal-20 ta' Mejju 2019 dwar l-istabbiliment ta' qafas għall-interoperabbiltà bejn sistemi ta' informazzjoni tal-UE fil-qasam tal-kooperazzjoni tal-pulizija u ġudizzjarja, l-ażil u l-migrazzjoni u li jemenda r-Regolamenti (UE) 2018/1726, (UE) 2018/1862 u (UE) 2019/816(5), ir-Regolament (UE) 2018/1240 tal-Parlament Ewropew u tal-Kunsill tat-12 ta' Settembru 2018 li jistabbilixxi Sistema Ewropea ta' Informazzjoni u ta' Awtorizzazzjoni għall-Ivvjaġġar (ETIAS) u li jemenda r-Regolamenti (UE) Nru 1077/2011, (UE) Nru 515/2014, (UE) 2016/399, (UE) 2016/1624 u (UE) 2017/2226(6), ir-Regolament (UE) 2018/1241 tal-Parlament Ewropew u tal-Kunsill tat-12 ta' Settembru 2018 li jemenda r-Regolament (UE) 2016/794 bl-għan li tiġi stabbilita Sistema Ewropea ta' Informazzjoni u ta' Awtorizzazzjoni għall-Ivvjaġġar (ETIAS)(7), ir-Regolament (UE) 2020/493 tal-Parlament Ewropew u tal-Kunsill tat-30 ta' Marzu 2020 dwar is-sistema tad-Dokumenti Foloz u Awtentiċi Online (FADO) u li jħassar l-Azzjoni Konġunta tal-Kunsill 98/700/ĠAI(8), ir-Regolament (UE) 2019/1896 tal-Parlament Ewropew u tal-Kunsill tat-13 ta' Novembru 2019 dwar il-Gwardja Ewropea tal-Fruntiera u tal-Kosta u li jħassar ir-Regolamenti (UE) Nru 1052/2013 u (UE) 2016/1624(9) (“ir-Regolament dwar l-EBCG”) u r-Regolament (UE) 2019/1155 tal-Parlament Ewropew u tal-Kunsill tal-20 ta' Ġunju 2019 li jemenda r-Regolament (KE) Nru 810/2009 li jistabbilixxi Kodiċi Komunitarju dwar il-Viżi (Kodiċi dwar il-Viżi)(10),

–  wara li kkunsidra l-ħidma leġiżlattiva li għaddejja dwar ir-reviżjoni tal-Kodiċi tal-Fruntieri ta' Schengen fir-rigward tar-regoli applikabbli għall-introduzzjoni mill-ġdid temporanja tal-kontroll fil-fruntieri interni, dwar ir-riforma tas-Sistema ta' Informazzjoni dwar il-Viża, dwar it-tlestija tal-qafas leġiżlattiv tal-ETIAS, dwar ir-riformulazzjoni tad-Direttiva dwar ir-Ritorn, dwar l-istrument għall-appoġġ finanzjarju għall-ġestjoni tal-fruntieri u l-viżi 2021-2027, u l-proposta l-ġdida għal Regolament li jintroduċi skrinjar ta' ċittadini ta' pajjiżi terzi fil-fruntieri esterni (COM(2020)0612),

–  wara li kkunsidra d-diversi konklużjonijiet tal-Kunsill Ewropew, ir-rakkomandazzjonijiet tal-Kunsill u l-komunikazzjonijiet, il-linji gwida u l-pjanijiet direzzjonali tal-Kummissjoni bil-għan li jindirizzaw is-sitwazzjoni fil-fruntieri interni u esterni ta' Schengen b'rispons għall-COVID-19, bħall-komunikazzjoni tal-Kummissjoni tas-16 ta' Marzu 2020 bit-titolu "COVID-19: Linji gwida għal miżuri ta' ġestjoni tal-fruntieri biex tiġi protetta s-saħħa u tiġi żgurata d-disponibbiltà tal-oġġetti u tas-servizzi essenzjali"(11), u l-komunikazzjoni tal-Kummissjoni tat-30 ta' Marzu 2020 bit-titolu "COVID-19: Gwida dwar l-implimentazzjoni tar-restrizzjoni temporanja fuq vjaġġar mhux essenzjali lejn l-UE, dwar il-faċilitazzjoni tal-arranġamenti ta' tranżitu għar-ripatrijazzjoni taċ-ċittadini tal-UE, u dwar l-effetti fuq il-politika dwar il-viżi" (C(2020)2050), u l-estensjonijiet sussegwenti tagħha, bħal dik tat-8 ta' April 2020 (COM(2020)0148), il-Pjan Direzzjonali Ewropew Konġunt għat-tneħħija tal-miżuri ta' konteniment tal-COVID-19 ippreżentat mill-President tal-Kunsill Ewropew, u r-Rakkomandazzjoni tal-Kunsill (UE) 2020/1475 tat-13 ta' Ottubru 2020 dwar approċċ ikkoordinat għar-restrizzjoni tal-moviment liberu b'reazzjoni għall-pandemija tal-COVID-19(12),

–  wara li kkunsidra l-komunikazzjoni tal-Kummissjoni tat-22 ta' Ottubru 2019 dwar il-verifika tal-applikazzjoni sħiħa tal-acquis ta' Schengen min-naħa tal-Kroazja (COM(2019)0497),

–  wara li kkunsidra l-komunikazzjoni tal-Kummissjoni tat-23 ta' Settembru 2020 dwar Patt Ġdid dwar il-Migrazzjoni u l-Ażil (COM(2020)0609),

–  wara li kkunsidra r-riżoluzzjoni tiegħu tat-30 ta' Mejju 2018 dwar ir-rapport annwali dwar il-funzjonament taż-żona Schengen(13),

–  wara li kkunsidra r-rapport mill-Kummissjoni lill-Kunsill u lill-Parlament Ewropew tal-25 ta' Novembru 2020 dwar il-Funzjonament tal-Mekkaniżmu ta' Evalwazzjoni u Monitoraġġ ta' Schengen skont l-Artikolu 22 tar-Regolament tal-Kunsill (UE) Nru 1053/2013 (COM(2020)0779),

–  wara li kkunsidra r-riżoluzzjoni tiegħu tad-19 ta' Ġunju 2020 dwar is-sitwazzjoni fiż-żona Schengen wara t-tifqigħa tal-COVID-19(14),

–  wara li kkunsidra r-riżoluzzjoni tiegħu tal-11 ta' Diċembru 2018 dwar l-applikazzjoni sħiħa tad-dispożizzjonijiet tal-acquis ta' Schengen fil-Bulgarija u r-Rumanija: abolizzjoni tal-kontrolli fil-fruntieri interni fuq l-art, tal-baħar u tal-ajru(15),

–  wara li kkunsidra r-Rapport tal-Aġenzija tal-Unjoni Ewropea għad-Drittijiet Fundamentali (FRA) tat-8 ta' Diċembru 2020 intitolat "Migration: fundamental rights issues at land borders" (Migrazzjoni: kwistjonijiet ta' drittijiet fundamentali fil-fruntiera fuq l-art),

–  wara li kkunsidra r-riżoluzzjoni tiegħu tas-17 ta' Diċembru 2020 dwar l-implimentazzjoni tad-Direttiva dwar ir-Ritorn(16),

–  wara li kkunsidra r-riżoluzzjoni tiegħu tat-13 ta' Novembru 2020 dwar l-impatt tal-miżuri tal-COVID-19 fuq id-demokrazija, l-istat tad-dritt u d-drittijiet fundamentali(17),

–  wara li kkunsidra l-istabbiliment tal-Grupp ta' Ħidma dwar l-Iskrutinju tal-Frontex tal-Kumitat għal-Libertajiet Ċivili, il-Ġustizzja u l-Intern u l-ħidma għaddejja tiegħu,

–  wara li kkunsidra l-ħidma preparatorja għal din ir-riżoluzzjoni li saret mill-Grupp ta' Ħidma tal-Kumitat għal-Libertajiet Ċivili, il-Ġustizzja u l-Intern dwar l-Iskrutinju ta' Schengen,

–  wara li kkunsidra l-Artikolu 54 tar-Regoli ta' Proċedura tiegħu,

–  wara li kkunsidra r-rapport tal-Kumitat għal-Libertajiet Ċivili, il-Ġustizzja u l-Intern (A9-0183/2021),

A.   billi ż-żona Schengen hija arranġament uniku u waħda mill-akbar kisbiet tal-Unjoni Ewropea, li ilha aktar minn 25 sena tippermetti l-moviment liberu ta' persuni fiż-żona Schengen mingħajr kontrolli fil-fruntieri interni; billi dan sar possibbli permezz ta' diversi miżuri ta' kumpens bħat-tisħiħ tal-iskambju ta' informazzjoni permezz tal-istabbiliment tas-Sistema ta' Informazzjoni ta' Schengen (SIS) u l-ħolqien ta' mekkaniżmu ta' evalwazzjoni biex tiġi vverifikata l-implimentazzjoni tal-acquis ta' Schengen mill-Istati Membri u tiġi promossa l-fiduċja reċiproka fil-funzjonament taż-żona Schengen; billi l-fiduċja reċiproka titlob ukoll is-solidarjetà, is-sigurtà, il-kooperazzjoni ġudizzjarja u bejn il-pulizija fi kwistjonijiet kriminali, il-protezzjoni konġunta tal-fruntieri esterni tal-UE, fehim komuni u politika komuni dwar il-viżi u l-protezzjoni tad-data;

B.   billi żona Schengen li tiffunzjona kompletament u t-tkabbir tagħha fil-ġejjieni biex tinkludi l-pajjiżi kandidati ta' Schengen jibqgħu fundamentali għal integrazzjoni politika, ekonomika u soċjali ulterjuri, filwaqt li titrawwem il-koeżjoni u jitnaqqsu d-diskrepanzi bejn il-pajjiżi u r-reġjuni, u prerekwiżit għas-salvagwardja tal-prinċipju ta' libertà ta' moviment billi l-futur ta' Schengen irid ikun wieħed mingħajr frammentazzjoni;

C.   billi t-tneħħija tal-kontrolli fil-fruntieri interni hija wieħed mill-elementi essenzjali u prattiċi ta' dak li ċ-ċittadini jidentifikaw bħala l-idea Ewropea u hija kruċjali għall-funzjonament tas-suq intern; billi ż-żona Schengen hija mhedda, mhux l-inqas minħabba l-użu dejjem akbar ta' kontrolli fil-fruntieri interni mill-Istati Membri, b'mod partikolari fis-snin reċenti;

D.  billi bħala rispons għall-pandemija tal-COVID-19, il-biċċa l-kbira tal-Istati Membri, inklużi l-Istati assoċjati ma' Schengen, introduċew mill-ġdid kontrolli fil-fruntieri interni jew għalqu l-fruntieri tagħhom, jew parzjalment jew totalment, jew għal ċerti tipi ta' vjaġġaturi, inklużi ċittadini tal-UE u l-membri tal-familja tagħhom u ċittadini ta' pajjiżi terzi li jirrisjedu fit-territorju tagħhom jew f'dak ta' Stat Membru ieħor; billi, speċjalment fil-bidu tal-pandemija, l-assenza ta' kull koordinazzjoni effettiva dwar l-introduzzjoni mill-ġdid u t-tneħħija tal-kontrolli fil-fruntieri interni bejn l-Istati Membri u mal-Kummissjoni sfidat il-kunċett innifsu tal-kooperazzjoni ta' Schengen;

E.  billi Stati Membri introduċew mill-ġdid kontrolli fil-fruntieri interni għal total ta' 268 darba mill-2015 'l hawn, u dan jirrappreżenta żieda sinifikanti meta mqabbel mal-perjodu bejn l-2006 u l-2014, meta l-kontrolli fil-fruntieri interni ġew introdotti mill-ġdid għal 35 darba biss(18);

F.  billi l-Parlament Ewropew ripetutament esprima tħassib dwar in-neċessità u l-proporzjonalità ta' ħafna minn dawk il-kontrolli fil-fruntieri interni;

G.  billi l-fiduċja reċiproka u l-kooperazzjoni mill-qrib bejn l-Istati Membri huma elementi essenzjali tal-pedament li fuqu hija msejsa ż-żona Schengen;

H.  billi fi snin reċenti ġew adottati strumenti leġiżlattivi importanti tal-UE bil-għan li jittejbu l-effikaċja u l-effiċjenza tal-kontrolli fil-fruntieri esterni, u li jingħata kontribut għal livell għoli ta' sigurtà fl-ispazju ta' libertà, sigurtà u ġustizzja; billi dawn l-istrumenti jinkludu arkitettura ġdida għas-sistemi tal-informazzjoni tal-UE u l-interoperabbiltà tagħhom;

I.  billi għadhom qed jiġu rrappurtati allegazzjonijiet ta' vjolenza kontra l-migranti, inklużi dawk li qed ifittxu protezzjoni internazzjonali, u pushbacks fil-fruntieri esterni tal-UE; billi l-Parlament Ewropew, OLAF, il-Frontex u l-Ombudsman Ewropew fetħu inkjesta dwar dawn l-allegazzjonijiet; billi l-Unjoni għad m'għandhiex mekkaniżmu effettiv għall-monitoraġġ tad-drittijiet fundamentali fil-fruntieri esterni tagħha;

J.  billi ġew identifikati nuqqasijiet serji fl-evalwazzjoni ta' Schengen tal-2017 tar-Renju Unit dwar l-applikazzjoni tal-acquis ta' Schengen fil-qasam tas-Sistema ta' Informazzjoni ta' Schengen;

K.  billi l-ewwel ċiklu ta' evalwazzjoni tal-Mekkaniżmu ta' Evalwazzjoni ta' Schengen wera l-ħtieġa ta' implimentazzjoni aħjar u aktar rapida tar-rakkomandazzjonijiet li joħorġu mill-evalwazzjonijiet, u l-ħtieġa ta' riforma xierqa, b'mod partikolari fir-rigward ta' kif il-mekkaniżmu jivvaluta l-konformità mad-drittijiet fundamentali;

L.  billi l-valutazzjonijiet annwali tal-vulnerabbiltà tal-Frontex jeżaminaw il-kapaċitajiet tal-Istati Membri li jiffaċċjaw theddid u sfidi fil-fruntieri esterni u jirrakkomandaw azzjonijiet ta' rimedju speċifiċi biex jiġu mmitigati l-vulnerabbiltajiet, u għalhekk jikkomplementaw l-evalwazzjonijiet fl-ambitu tal-mekkaniżmu ta' evalwazzjoni ta' Schengen;

M.  billi l-applikazzjoni sħiħa tal-acquis ta' Schengen fir-rigward tat-tneħħija tal-kontrolli fil-fruntieri interni fir-rigward tal-Bulgarija u r-Rumanija għadha ma ntlaħqitx, minkejja s-sejħa tal-Parlament għal dan fir-riżoluzzjoni tiegħu tat-8 ta' Ġunju 2011;

N.  billi l-Kummissjoni ddikjarat fil-komunikazzjoni tagħha dwar il-verifika tal-applikazzjoni sħiħa tal-acquis ta' Schengen tat-22 ta' Ottubru 2019 li l-Kroazja kienet ħadet il-miżuri meħtieġa biex jiġu żgurati l-kundizzjonijiet neċessarji għall-applikazzjoni sħiħa tar-regoli ta' Schengen;

Funzjonament taż-żona Schengen

1.  Jikkunsidra li l-kunċett innifsu ta' kooperazzjoni ta' Schengen, li jiġi żgurat in-nuqqas ta' kontrolli fil-fruntieri interni u li tiġi ggarantita l-libertà ta' moviment, kompla jiġi mhedded mill-pandemija tal-COVID-19; itenni, f'dan il-kuntest, it-tħassib tiegħu dwar is-sitwazzjoni kurrenti fir-rigward tal-kontrolli fil-fruntieri interni f'uħud mill-Istati Membri, u għal dan il-fini jfakkar, filwaqt li jappoġġja l-miżuri tas-saħħa pubblika stabbiliti biex jiġi limitat it-tixrid tal-COVID-19, li kwalunkwe miżura bħal din biex tiġi kkumbattuta l-pandemija u biex jiġu ristretti d-drittijiet u l-libertajiet fundamentali għandha dejjem tirrispetta kemm l-ispirtu kif ukoll l-ittra tal-liġi;

2.  Ifakkar li skont il-liġi kurrenti tal-UE, il-kontrolli fil-fruntieri interni jistgħu jerġgħu jiġu introdotti dment li jkunu meħtieġa, proporzjonati, temporanji fin-natura u miżura estrema; itenni, f'dak ir-rigward, il-fehma tiegħu li ħafna estensjonijiet tal-kontrolli fil-fruntieri interni mill-2015 'l hawn mhumiex sostanzjati biżżejjed u mhumiex f'konformità mar-regoli marbuta mal-estensjoni, in-neċessità jew il-proporzjonalità tagħhom, u għalhekk huma illeċiti;

3.  Jirrikonoxxi li l-Kummissjoni ppruvat tikkoordina rispons komuni Ewropew; Jiddeplora, madankollu, il-fatt li l-kontrolli fil-fruntieri interni qed jibqgħu jiġu introdotti mill-Istati Membri, spiss b'mod mhux kkoordinat, qabel ma jkunu taw kunsiderazzjoni suffiċjenti lill-interess komuni Ewropew fiż-żamma ta' Schengen bħala żona mingħajr kontrolli fil-fruntieri interni; itenni li l-l-kontrolli introdotti kellhom impatt negattiv fuq il-moviment liberu tal-merkanzija, tal-kapital, tas-servizzi, u tal-persuni fl-Unjoni; jissottolinja, f'dan il-kuntest, is-sitwazzjoni partikolarment diffiċli tal-ħaddiema transfruntiera;

4.  Ifakkar li minkejja li identifikat nuqqasijiet sinifikanti fl-implimentazzjoni tal-acquis ta' Schengen, il-Kummissjoni damet jew ma wriet ebda ħeġġa biex tibda proċedimenti ta' ksur; itenni l-istedina tiegħu lill-Kummissjoni biex teżerċita skrutinju xieraq fuq l-applikazzjoni tal-acquis ta' Schengen, sabiex tivvaluta jekk il-prinċipji tan-neċessità u l-proporzjonalità ġewx rispettati u sabiex jintużaw proċedimenti ta' ksur jekk meħtieġ; jissottolinja l-ħtieġa urġenti li jissaħħu l-fiduċja reċiproka u l-kooperazzjoni bejn l-istati ta' Schengen u li tiġi żgurata governanza xierqa għaż-żona Schengen;

5.  Itenni l-ħtieġa li l-Istati Membri jirrispettaw il-liġi kif minquxa fit-Trattati u l-Karta, u jimplimentaw il-miżuri fil-fruntieri b'mod leċitu u mhux diskriminatorju; iqis li dibattitu politiku u pubbliku regolari dwar il-funzjonament taż-żona Schengen huwa ta' importanza kritika;

6.  Jinnota li s'issa ma sar l-ebda progress matul din il-leġiżlatura dwar ir-reviżjoni tal-Kodiċi tal-Fruntieri ta' Schengen (SBC), li n-negozjati interistituzzjonali għalihom għadhom imblukkati mill-Kunsill; jilqa' t-tħabbira tal-Kummissjoni li se tippreżenta proposti ġodda għall-governanza ta' Schengen; jesprimi d-diżappunt tiegħu li l-Kummissjoni qed tkompli tinjora l-obbligu ta' rappurtar tagħha lejn il-Parlament billi ma tippreżentax ir-rapport annwali dwar il-funzjonament taż-żona mingħajr kontrolli fil-fruntieri interni (l-Artikolu 33 tal-SBC) u r-rapport komprensiv annwali f'konformità mal-Artikolu 20 tal-Mekkaniżmu ta' Evalwazzjoni ta' Schengen (SEMM), u b'hekk timpedixxi l-iskrutinju u d-dibattitu politiku kostruttiv;

7.  B'żieda mad-diversi talbiet tiegħu għall-applikazzjoni sħiħa tad-dispożizzjonijiet tal-acquis ta' Schengen fil-Bulgarija u fir-Rumanija, iħeġġeġ lill-Kunsill jirrispetta l-impenn tiegħu u jieħu deċiżjoni immedjata dwar it-tneħħija tal-kontrolli fil-fruntieri interni tal-art, tal-baħar u tal-ajru u b'hekk jippermetti lil dawk l-Istati Membri jingħaqdu bi dritt maż-żona ta' moviment liberu mingħajr kontrolli fil-fruntieri interni; jinsab lest li, meta jikkonsultah il-Kunsill f'konformità mal-Artikolu 4 tal-Att tal-Adeżjoni, jesprimi l-opinjoni tiegħu dwar l-applikazzjoni sħiħa tad-dispożizzjonijiet tal-acquis ta' Schengen fil-Kroazja; iqis li s-solidarjetà u r-responsabbiltà huma għal kulħadd, u li l-futur taż-żona Schengen irid ikun wieħed mingħajr frammentazzjoni;

8.  Iqis li huwa essenzjali li l-politika tal-UE dwar il-viżi tkun effiċjenti, faċli għall-utent u sigura, u jilqa', f'dak ir-rigward, l-intenzjoni tal-Kummissjoni li tiddiġitalizza l-proċedura tal-viżi sal-2025; iqis li l-integrazzjoni taċ-ċittadini ta' pajjiżi terzi li huma residenti għal żmien twil fl-Istati Membri hija element ewlieni fil-promozzjoni tal-koeżjoni ekonomika u soċjali, u għalhekk jitlob li tingħata kunsiderazzjoni lill-armonizzazzjoni tar-regoli minimi għall-ħruġ ta' viżi u permessi ta' residenza għal żmien twil;

9.  Itenni t-talba tiegħu lill-Istati Membri biex jiżguraw l-implimentazzjoni xierqa tad-Direttiva dwar ir-Ritorn(19) fl-aspetti kollha tagħha u jistieden lill-Kummissjoni timmonitorja l-implimentazzjoni tagħha;

10.  Iħeġġeġ lill-Istati Membri jsaħħu l-iskambju ta' informazzjoni u jkomplu jiżviluppaw il-kooperazzjoni transfruntiera reċiproka bejn il-pulizija, pereżempju permezz ta' użu akbar ta' skwadri ta' investigazzjoni konġunti;

11.  Jilqa' l-fatt li sadanittant għadd ta' azzjonijiet mitluba fir-rapport annwali preċedenti(20) ġew implimentati (ir-reviżjoni tal-qafas leġiżlattiv tas-Sistema ta' Informazzjoni ta' Schengen u r-riforma tal-Eurosur); jinnota, madankollu, li l-biċċa l-kbira tar-rakkomandazzjonijiet ifformulati għadhom validi;

12.  Jinnota li fruntieri esterni li jiffunzjonaw b'mod effettiv huma essenzjali għall-vijabbiltà taż-żona ta' Schengen; jinnota bi tħassib li r-rapporti ta' evalwazzjoni ta' Schengen u l-valutazzjonijiet tal-vulnerabbiltà għadhom jindikaw nuqqasijiet u vulnerabbiltajiet fil-protezzjoni u l-ġestjoni tal-fruntieri esterni; jistieden lill-Istati Membri jimplimentaw ir-rakkomandazzjonijiet indirizzati lilhom mill-Kunsill u l-Frontex, bil-għan li jirrimedjaw in-nuqqasijiet u l-vulnerabbiltajiet, b'mod partikolari dawk relatati mar-rispett tad-drittijiet fundamentali fl-attivitajiet tal-ġestjoni tal-fruntieri; jisħaq fuq l-importanza tal-miżuri leġiżlattivi adottati reċentement;

13.  Jinsab imħasseb dwar l-impatt tar-restrizzjonijiet eżistenti fuq l-ivvjaġġar f'dawk li huma drittijiet tar-rifuġjati u l-persuni li qed ifittxu protezzjoni internazzjonali; jistieden lill-Kummissjoni u lill-Istati Membri jiżguraw li l-adozzjoni ta' tali miżuri tkun konsistenti b'mod sħiħ mar-rekwiżiti minquxa fl-Artikoli 3 u 4 tal-SBC u fil-Karta;

14.  Jesprimi t-tħassib serju tiegħu dwar l-allegazzjonijiet ripetuti rigward l-involviment tal-Frontex fil-pushbacks u l-każijiet ta' ksur potenzjali rrappurtati tad-drittijiet fundamentali fil-kuntest tal-attivitajiet tal-Aġenzija, u jqis li l-mekkaniżmi ta' rappurtar interni, kif ukoll l-iskrutinju parlamentari u pubbliku fuq l-attivitajiet tal-Frontex, iridu jissaħħu u jiġu implimentati b'mod effettiv; jenfasizza li l-Artikolu 46 tar-Regolament dwar l-EBCG jordna lid-Direttur Eżekuttiv tal-Frontex jissospendi, itemm jew ma jnedix attivitajiet jekk il-kundizzjonijiet biex jitwettqu dawk l-attivitajiet, inkluża l-konformità mad-drittijiet fundamentali, jinkisru;

15.  Jesprimi, f'dak ir-rigward, l-appoġġ sħiħ tiegħu għall-istabbiliment tal-Grupp ta' Ħidma dwar l-Iskrutinju tal-Frontex tal-Kumitat għal-Libertajiet Ċivili, il-Ġustizzja u l-Intern u l-ħidma tiegħu, li l-għan tiegħu huwa li jivvaluta l-aspetti kollha tal-funzjonament tal-attivitajiet u l-organizzazzjoni tal-Frontex, ir-rwol u r-riżorsi msaħħa tagħha għall-ġestjoni integrata tal-fruntieri u l-applikazzjoni korretta tal-acquis tal-UE, inkluż ir-rispett tad-drittijiet fundamentali;

16.  Jesprimi t-tħassib serju tiegħu dwar l-għadd kbir ta' mwiet fil-Mediterran; ifakkar li l-għoti ta' assistenza lil kwalunkwe persuna li tinsab f'periklu fuq il-baħar huwa obbligu legali kemm skont id-dritt tal-UE kif ukoll dak internazzjonali, u li t-tiftix u s-salvataġġ huma komponent integrali tal-ġestjoni integrata Ewropea tal-fruntieri fil-qafas tar-Regolament dwar ir-Regolament dwar l-EBCG; jistieden lill-Frontex itejjeb l-informazzjoni disponibbli b'mod sinifikanti dwar l-attivitajiet operazzjonali tagħha fil-baħar, inkluż permezz ta' rappurtar adegwat lill-Parlament, bħal b'relazzjoni mal-kooperazzjoni tagħha maċ-Ċentru ta' Koordinazzjoni tas-Salvataġġ Marittimu fi Tripli u l-Gwardja tal-Kosta Libjana;

17.  Jinsab imħasseb serjament dwar ir-rapporti persistenti u serji dwar il-vjolenza u l-pushbacks fil-fruntieri esterni, inkluż minn Stat Membru għal ieħor u mbagħad lejn pajjiż terz. itenni li l-Istati Membri għandhom obbligu li jipprevjenu qsim mhux awtorizzat tal-fruntieri u jfakkar li dan l-obbligu huwa mingħajr preġudizzju għad-drittijiet ta' persuni li jfittxu protezzjoni internazzjonali; jistieden lill-Kummissjoni u lill-Istati Membri jippromwovu u jwettqu investigazzjonijiet effettivi, indipendenti u fil-pront dwar kwalunkwe allegazzjoni ta' pushbacks u trattament ħażin fil-fruntieri, u biex jiżguraw li n-nuqqasijiet jiġu rimedjati immedjatament;

18.  Jinnota n-nuqqas ta' mekkaniżmi ta' monitoraġġ adegwati biex jiġi żgurat ir-rispett tad-drittijiet fundamentali u l-istat tad-dritt fil-ġestjoni tal-fruntieri esterni, u jqis li l-Aġenzija tal-Unjoni Ewropea għad-Drittijiet Fundamentali (FRA) jeħtiġilha tingħata rwol operazzjonali aktar b'saħħtu f'dak ir-rigward, inkluż permezz tal-Mekkaniżmu ta' Evalwazzjoni u Monitoraġġ ta' Schengen; jistieden lill-Istati Membri jiżguraw li l-korpi ta' monitoraġġ nazzjonali tagħhom jiġu stabbiliti b'mod effettiv u li jkunu kapaċi jaqdu r-rwol tagħhom, b'riżorsi suffiċjenti, mandat adegwat u livell għoli ta' indipendenza; iħeġġeġ lill-Istati Membri jinvestu kontinwament fil-kondotta professjonali tal-awtoritajiet tal-fruntiera, inkluż it-taħriġ fil-qasam tal-liġi dwar l-ażil u r-rifuġjati, b'koordinazzjoni mal-Frontex, l-FRA u l-UNHCR u l-organizzazzjonijiet nongovernattivi rilevanti;

19.  Jesprimi dispjaċir kbir għall-fatt li kien hemm dewmien fl-implimentazzjoni tad-dispożizzjonijiet tad-drittijiet fundamentali tar-Regolament il-ġdid dwar l-EBCG, bħar-reklutaġġ ta' 40 osservatur tad-drittijiet fundamentali sal-5 ta' Diċembru 2020 kif stipulat fir-Regolament; jilqa' l-pubblikazzjoni ta' avviżi ta' postijiet vakanti u jitlob li r-reklutaġġ li għaddej bħalissa jitwettaq bħala kwistjoni ta' urġenza; jisħaq li l-osservaturi kollha reklutati għandhom ikunu kapaċi jwettqu l-kompiti tagħhom f'konformità mal-Artikolu 110 tar-Regolament dwar l-EBCG, u li għalhekk għandhom jiġu reklutati f'livell ta' amministratur xieraq biex jaqdu dmirijiethom; jitlob, barra minn hekk, li l-indipendenza tal-mekkaniżmu tal-ilmenti tal-Aġenzija tiżdied permezz tal-involviment ta' esperti mill-FRA mill-istituzzjoni nazzjonali għad-drittijiet tal-bniedem;

Mekkaniżmu ta' Evalwazzjoni u Monitoraġġ ta' Schengen (SEMM)

20.  Jesprimi l-fehma tiegħu li l-SEMM ġab titjib sinifikanti għall-governanza taż-żona Schengen u kkontribwixxa biex jiżgura l-funzjonament tagħha billi saħħaħ il-fiduċja reċiproka u r-responsabbiltà kollettiva; jenfasizza, madankollu, in-natura sui generis tal-mekkaniżmu ta' evalwazzjoni fid-dritt tal-UE u jfakkar li l-Kummissjoni fl-aħħar mill-aħħar tibqa' responsabbli li tiżgura l-applikazzjoni tat-Trattati u l-miżuri adottati mill-istituzzjonijiet marbuta magħhom;

21.  Jilqa' l-intenzjoni tal-Kummissjoni li tirrevedi l-SEMM; ifakkar fid-diskussjonijiet dwar il-bażi ġuridika tiegħu waqt in-negozjati dwar il-Pakkett ta' Governanza ta' Schengen fl-2012 u jinsisti li jkun involut fir-riforma tal-mekkaniżmu fuq bażi ugwali mal-Kunsill, preferibbilment permezz tal-użu tal-proċedura leġiżlattiva ordinarja, jew permezz tal-użu tal-istess metodu li ntuża għall-adozzjoni tar-Regolament tal-Kunsill (UE) Nru 1053/2013(21) li jistabbilixxi l-SEMM;

22.  Jisħaq fuq l-importanza li jiġu introdotti skadenzi ċari għall-passi kollha tal-proċedura fi kwalunkwe riforma, inkluża l-implimentazzjoni tar-rakkomandazzjonijiet mill-Istati Membri, il-valutazzjoni tal-proposti tal-Kummissjoni mill-grupp ta' esperti Scheval u l-preżentazzjoni ta' pjanijiet ta' azzjoni; itenni wkoll l-importanza ta' flessibbiltà akbar fl-ippjanar pluriennali u annwali u t-tisħiħ tar-rwol tal-Kummissjoni, b'mod partikolari fil-każ ta' ebda opinjoni mill-Istati Membri u l-ħtieġa ta' żjarat ġenwinament mhux imħabbra; huwa tal-fehma li d-drittijiet fundamentali jridu jiġu evalwati b'mod konsistenti matul l-evalwazzjonijiet ta' Schengen; iqis, fl-aħħar nett, li r-rwol ta' skrutinju tal-Parlament u t-titjib tat-trasparenza tal-proċess għandhom ikunu elementi ewlenin tar-riforma;

23.  Jistieden lill-Kummissjoni talloka biżżejjed riżorsi biex tiżgura evalwazzjoni komprensiva tas-sistema ta' Schengen, inkluż billi żżid in-numru ta' żjarat fuq il-post lejn l-Istati Membri; jinnota li, minkejja li l-Kummissjoni adottat 198 rapport ta' evalwazzjoni fil-perjodu 2015-2019, ingħalqu biss 45 evalwazzjoni ta' Schengen; jistieden lill-Istati Membri jżidu r-ritmu tal-implimentazzjoni tas-sejbiet tal-evalwazzjoni u r-rakkomandazzjonijiet tal-Kunsill; jinnota li l-ewwel ċiklu ta' evalwazzjoni ta' Schengen dam ħames snin; huwa tal-fehma li l-proċess ta' evalwazzjoni u adozzjoni tar-rakkomandazzjonijiet, li jieħu medja ta' 32 ġimgħa, għandu jiġi aċċelerat, u jistieden, b'mod partikolari, lill-Kunsill iħaffef l-adozzjoni tar-rakkomandazzjonijiet maħruġa mill-Kummissjoni;

24.  Jistieden lill-Kunsill jorganizza diskussjonijiet regolari fil-livell ministerjali dwar il-funzjonament xieraq taż-żona Schengen, inklużi diskussjonijiet dwar sitwazzjonijiet fejn ir-rapporti ta' evalwazzjoni jkunu wrew nuqqasijiet serji, u b'hekk jassumi r-rwol politiku mogħti lilu mill-proċess ta' evalwazzjoni ta' Schengen; jistieden, barra minn hekk, lill-Kummissjoni u lill-Kunsill jipprevjenu kwalunkwe ħaġa li tikkomprometti l-fini ta' dan il-mekkaniżmu, jiġifieri li jiġi ddeterminat jekk ġewx issodisfati l-prekundizzjonijiet kollha għat-tneħħija tal-kontrolli fil-fruntieri interni ma' pajjiż kandidat u li tiġi żgurata l-konformità mal-acquis ta' Schengen min-naħa ta' dawk l-Istati Membri fejn huwa stabbilit b'mod sħiħ;

25.  Iqis li l-mekkaniżmu futur ta' evalwazzjoni ta' Schengen irid jinkludi evalwazzjoni tal-attivitajiet operazzjonali tal-Aġenzija tal-Gwardja Ewropea tal-Fruntiera u tal-Kosta, minħabba r-rwol dejjem akbar tagħha f'operazzjonijiet ta' ġestjoni tal-fruntieri esterni u ta' ritorn; iqis ukoll li l-mekkaniżmu għandu jsaħħaħ is-sinerġiji tiegħu mal-valutazzjonijiet tal-vulnerabbiltà tal-Gwardja Ewropea tal-Fruntiera u tal-Kosta; itenni li d-duplikazzjonijiet iridu jiġu evitati u l-evalwaturi ta' Schengen għandhom jingħataw aċċess għar-riżultati tal-valutazzjonijiet tal-vulnerabbiltà;

26.  Ifakkar, fost affarijiet oħra, li d-drittijiet fundamentali jikkostitwixxu komponent globali fl-implimentazzjoni tal-ġestjoni integrata tal-fruntieri; ifakkar, barra minn hekk, li l-acquis ta' Schengen irid jiġi implimentat f'konformità mal-Karta; jissottolinja, għalhekk, li l-evalwazzjonijiet ta' Schengen iridu jeżaminaw ukoll jekk fil-fruntieri esterni humiex rispettati d-drittijiet fundamentali, inkluża l-projbizzjoni tar-refoulement, id-dritt tar-rispett tad-dinjità tal-bniedem, il-prinċipju ta' nondiskriminazzjoni u d-dritt li wieħed ifittex protezzjoni internazzjonali; iqis li l-mekkaniżmu futur għandu jipprevedi li l-esperti tal-FRA jkunu membri formali tat-tim responsabbli għal żjarat fuq il-post għal kwalunkwe evalwazzjoni tal-ġestjoni tal-fruntieri esterni u r-ritorn; iqis li l-aġenziji kollha rilevanti tal-ĠAI għandhom ikunu jistgħu jipparteċipaw;

27.  Iqis li meta jiġu skoperti nuqqasijiet serji, dawn ikunu jirrikjedu segwitu ħafna aktar rapidu bil-għan li jiġu rrimedjati mingħajr dewmien; jemmen li definizzjoni ta' "nuqqas serju" u proċedura aċċelerata fil-każ ta' nuqqasijiet bħal dawn jiġu inklużi fil-mekkaniżmu rivedut. iqis li l-katalogi kurrenti tal-aħjar prattiki mhux vinkolanti għandhom jingħataw status formali fid-dritt tal-Unjoni fil-forma ta' manwali, sabiex tiżdied it-trasparenza, u l-evalwazzjonijiet ikunu jistgħu jitqabblu ma' kriterji oġġettivi bħala parametri referenzjarji;

28.  Jesprimi d-diżappunt tiegħu li l-Kummissjoni għad trid tippreżenta r-rapport annwali previst fl-Artikolu 20 tar-Regolament (UE) Nru 1053/2013, minkejja diversi talbiet mill-Parlament u l-Kunsill biex tagħmel dan;

29.   Jisħaq li, sabiex tippromwovi governanza tajba u trasparenza, l-istituzzjonijiet tal-Unjoni għandhom iwettqu xogħolhom b'mod kemm jista' jkun miftuħ; iqis li l-Kummissjoni għandha tagħmel pubblikament disponibbli fuq is-sit web tagħha informazzjoni dwar il-proċessi ta' evalwazzjoni f'kull Stat Membru u dwar l-issodisfar min-naħa tal-Istati Membri tar-rakkomandazzjonijiet tal-Kunsill; iqis, barra minn hekk, li l-Kummissjoni għandha tipprovdi pjattaforma xierqa għal aċċess sigur u kriptat għal informazzjoni klassifikata tad-dokumenti ta' evalwazzjoni ta' Schengen għall-atturi bi drittijiet ta' aċċess, b'mod partikolari għall-Membri tal-Parlament Ewropew, sabiex jiġi ffaċilitat l-eżerċizzju tagħhom tal-kontroll u l-iskrutinju demokratiku;

30.  Jinnota li l-Kummissjoni reġgħet żaret il-Kroazja f'Novembru 2020 fir-rigward tal-fruntiera esterna u kkonfermat mill-ġdid li l-kundizzjonijiet meħtieġa għall-applikazzjoni tal-acquis ta' Schengen kienu ġew issodisfati; jistieden lill-Kroazja tkompli timplimenta azzjonijiet li għaddejjin u tirrimedja kull nuqqas identifikat, speċjalment fir-rigward tat-taħriġ tal-persunal, il-livelli tal-persunal u tal-kapaċità tas-sorveljanza tal-fruntieri tal-art; jinsisti dwar valutazzjoni dettaljata tal-konformità mad-drittijiet fundamentali wara r-rapporti ripetuti minn NGOs u l-midja ta' abbużi, vjolenza u pushbacks minn uffiċjali tal-fruntiera; jilqa' l-istabbiliment ta' mekkaniżmu indipendenti għall-monitoraġġ tal-azzjonijiet tal-uffiċjali tal-pulizija fil-konfront tal-migranti irregolari u l-applikanti għall-protezzjoni internazzjonali; jistieden lill-Kummissjoni tkompli tivvaluta fl-Istati Membri kollha l-konformità tal-operazzjonijiet ta' ġestjoni tal-fruntieri mar-rekwiżiti tad-drittijiet fundamentali u biex tieħu l-miżuri neċessarji fil-każ ta' ksur tad-drittijiet tal-bniedem;

31.   Jenfasizza n-nuqqasijiet rikorrenti u l-oqsma fejn jista' jsir titjib fis-sistema ta' Schengen identifikati mill-Kummissjoni: traspożizzjoni, implimentazzjoni u applikazzjoni inkompleti jew mhux konformi tal-acquis ta' Schengen rilevanti; numru insuffiċjenti ta' persunal u kwalifiki u/jew taħriġ inadegwati; prattiki nazzjonali diverġenti u inkonsistenti minħabba implimentazzjoni inkoerenti tal-acquis ta' Schengen; strutturi amministrattivi frammentati b'koordinazzjoni u integrazzjoni insuffiċjenti tal-awtoritajiet differenti; u ostakli prattiċi, teknoloġiċi u regolatorji għall-kooperazzjoni maż-żona Schengen; ifakkar li dawn il-problemi jikkostitwixxu ostakli fundamentali għall-funzjonament xieraq taż-żona Schengen u jħeġġeġ lill-Istati Membri biex finalment jagħtuhom attenzjoni xierqa;

Użu ta' sistemi ta' informazzjoni fuq skala kbira fil-qasam tal-ġustizzja u l-affarijiet interni

32.  Jinnota l-progress li sar fl-iżvilupp ta' sistemi ġodda tal-IT fuq skala kbira u l-interoperabbiltà bejniethom; jistieden lill-Istati Membri, lill-Kummissjoni u lill-aġenziji involuti jirrispettaw l-iskeda ta żmien prevista għall-implimentazzjoni, ħaġa li tipprevedi l-implimentazzjoni tas-sistemi ġodda tal-IT, it-tlestija tar-riformi tas-sistemi eżistenti u l-interoperabbiltà ta' dawk is-sistemi sa tmiem l-2023; jinnota, barra minn hekk, il-ħtieġa ta' qafas legali għall-implimentazzjoni ta' dawk is-sistemi; ifakkar li l-użu ta' dawk is-sistemi se jaffettwa d-dritt għall-privatezza u d-dritt għall-protezzjoni tad-data tal-persuni li l-informazzjoni tagħhom se tinħażen f'dawn is-sistemi, u jisħaq fuq il-ħtieġa li jiġu segwiti s-salvagwardji fformulati fl-atti legali li jistabbilixxu dawn is-sistemi matul-l-implimentazzjoni;

33.  Ifakkar fir-rwol kruċjali tal-eu-LISA fl-istabbiliment tas-sistemi ġodda tal-IT; jisħaq, barra minn hekk, fuq l-importanza tal-komponenti nazzjonali fl-arkitettura globali ta' dawn is-sistemi u jħeġġeġ lill-Istati Membri jallokaw ir-riżorsi finanzjarji u umani xierqa meħtieġa għal implimentazzjoni f'waqtha;

34.  Jilqa' l-ftehim politiku milħuq dwar ir-riforma tas-Sistema ta' Informazzjoni dwar il-Viża (VIS), b'mod partikolari l-istabbiliment ta' skadenza ċara u legalment vinkolanti għall-bidu tal-operazzjonijiet;

35.  Jenfasizza ż-żieda sostanzjali fl-attività tal-Bureaux tat-Talba għal Informazzjoni Supplimentari fid-Dħul Nazzjonali (SIRENE) u jtenni l-appell tiegħu lill-Istati Membri biex isaħħu l-mezzi għad-dispożizzjoni tal-Bureaux ta' SIRENE, filwaqt li jiżguraw riżorsi finanzjarji u umani adegwati sabiex dawn iwettqu l-funzjonijiet tagħhom;

36.  Jirrikonoxxi l-istudji mwettqa miċ-Ċentru Konġunt tar-Riċerka għall-użu ta' marki tas-swaba, marki tal-pala tal-id, immaġni tal-wiċċ u DNA fis-Sistema ta' Informazzjoni ta' Schengen;

37.  Jikkunsidra li l-Kummissjoni u l-Kunsill ittraskuraw serjament l-obbligi tagħhom wara s-sejba ta' nuqqasijiet serji fl-użu tas-Sistema ta' Informazzjoni ta' Schengen min-naħa tar-Renju Unit matul l-evalwazzjoni tal-2017; ifakkar fit-talba tal-Grupp ta' Ħidma dwar l-Iskrutinju ta' Schengen biex ir-Renju Unit jiġi immedjatament skonnettjat, kif espress fl-ittri lill-Kummissjoni u lill-Presidenza tal-Kunsill tal-15 ta' Ġunju 2020; jinnota li r-Renju Unit, bħala pajjiż terz, m'għadx għandu aċċess għas-Sistema ta' Informazzjoni ta' Schengen; jappella għall-monitoraġġ mill-qrib tal-kooperazzjoni kontinwa fis-sigurtà bejn l-UE u r-Renju Unit matul il-perjodu ta' sitt xhur għat-trasferimenti ta' data miftiehma fil-qafas tal-Ftehim dwar il-Kummerċ u l-Kooperazzjoni bejn l-UE u r-Renju Unit;

Ċiklu ta' politika pluriennali strateġiku għall-ġestjoni integrata Ewropea tal-fruntieri

38.  Jilqa' l-preżentazzjoni tal-analiżi tar-riskju strateġika għall-ġestjoni integrata Ewropea tal-fruntieri ippreżentata mill-Frontex bħala l-ewwel pass taċ-ċiklu politiku l-ġdid;

Futur ta' Schengen

39.  Jinnota li l-kriżijiet varji tas-snin reċenti, bħall-pandemija kurrenti, u l-azzjonijiet fil-biċċa l-kbira mingħajr ebda koordinazzjoni u kultant unilaterali meħuda mill-Istati Membri naqqru l-fiduċja reċiproka fost l-Istati Membri u poġġew Schengen fir-riskju; huwa konvint li l-isforzi biex jinstabu soluzzjonijiet olistiċi jridu jissaħħu b'mod korrispondenti u li dawn il-miżuri għandhom jiġu armonizzati kif xieraq; jilqa, f'dan il-kuntest, l-intenzjoni tal-Kummissjoni li tadotta strateġija dwar il-futur ta' Schengen, u jilqa' wkoll l-istabbiliment ta' Forum Schengen, li għandu jippermetti wkoll dibattiti politiċi ta' livell għoli dwar l-istat u l-futur ta' Schengen mal-Parlament u l-Kunsill;

40.  Iqis li l-Kodiċi tal-Fruntieri ta' Schengen, b'mod partikolari fir-rigward tar-regoli dwar il-kontrolli fil-fruntieri interni, m'għadux adatt għall-iskop tiegħu u jirrikjedi riforma urġenti u sinifikattiva sabiex jissaħħu l-fiduċja reċiproka u s-solidarjetà, u biex jiġu ssalvagwardjati l-integrità u r-restawr sħiħ taż-żona Schengen; jinnota, f'dak ir-rigward, li huma meħtieġa regoli aktar ċari dwar l-emerġenzi tas-saħħa pubblika; jisħaq li l-introduzzjoni mill-ġdid ta' kontrolli fil-fruntieri interni tibqa' deċiżjoni għall-Istati Membri individwali, għandha tkun biss miżura estrema, għal perjodu limitat ta' żmien, u sal-punt li l-kontrolli jkunu meħtieġa u proporzjonati għat-theddida serja identifikata, b'attenzjoni partikolari għall-impatt fuq id-dritt għal-libertà ta' moviment u l-prinċipju ta' nondiskriminazzjoni, u għall-effetti li tali kontrolli jista' jkollhom fuq ir-reġjuni tal-fruntiera, filwaqt li tinżamm distinzjoni bejn bażijiet ġuridiċi differenti; iqis li ma' kull proroga tal-kontrolli fil-fruntieri minn Stat Membru, għandhom japplikaw salvagwardji u miżuri ta' sorveljanza addizzjonali u li, f'kull ċirkostanza, tali miżuri għandhom jitneħħew malli r-raġunijiet sottostanti għalihom ma jibqgħux jeżistu;

41.  Iqis li għandu jiġi stabbilit mekkaniżmu ta' konsultazzjoni strutturat u trasparenti fil-każ ta' sitwazzjonijiet ta' kriżi, sabiex jiġu ddeterminati miżuri ta' mitigazzjoni, jew alternattivi, għall-kontrolli fil-fruntieri interni u regoli uniformi vinkolanti u applikabbli fil-fruntieri esterni;

42.  Jistieden lill-amministrazzjoni tal-Parlament tistabbilixxi Unità ta' Appoġġ għall-Governanza ta' Schengen iddedikata sabiex il-Parlament ikun jista' jeżerċita kif xieraq il-funzjonijiet tiegħu ta' kontroll u skrutinju demokratiku fir-rigward tal-acquis ta' Schengen;

o
o   o

43.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni, lill-parlamenti nazzjonali tal-Istati Membri u lill-Aġenzija Ewropea għall-Gwardja tal-Fruntiera u tal-Kosta.

(1) ĠU L 312, 7.12.2018, p. 1. (2) ĠU L 312, 7.12.2018, p. 14. (3) ĠU L 312, 7.12.2018, p. 56. (4) ĠU L 135, 22.5.2019, p. 27. (5) ĠU L 135, 22.5.2019, p. 85. (6) ĠU L 236, 19.9.2018, p. 1. (7) ĠU L 236, 19.9.2018, p. 72. (8) ĠU L 107, 6.4.2020, p. 1. (9) ĠU L 295, 14.11.2019, p. 1. (10) ĠU L 188, 12.7.2019, p. 25. (11) ĠU C 86I, 16.3.2020, p. 1. (12) ĠU L 337, 14.10.2020, p. 3. (13) ĠU C 76, 9.3.2020, p. 106. (14) Testi adottati, P9_TA(2020)0175. (15) ĠU C 388, 13.11.2020, p. 18. (16) Testi adottati, P9_TA(2020)0362. (17) Testi adottati, P9_TA(2020)0307. (18) Is-Sitwazzjoni sad-19 ta' Mejju 2021, https://ec.europa.eu/home-affairs/sites/default/files/what-we-do/policies/borders-and-visas/schengen/reintroduction-border-control/docs/ms_notifications_-_reintroduction_of_border_control.pdf (19) Id-Direttiva 2008/115/KE tal-Parlament Ewropew u tal-Kunsill tas-16 ta’ Diċembru 2008 dwar standards u proċeduri komuni fl-Istati Membri għar-ritorn ta’ ċittadini ta' pajjiżi terzi li jkunu qegħdin fil-pajjiż illegalment (ĠU L 348, 24.12.2008, p. 98). (20) ĠU C 76, 9.3.2020, p. 106. (21) Ir-Regolament tal-Kunsill (UE) Nru 1053/2013 tas-7 ta’ Ottubru 2013 li jistabbilixxi mekkaniżmu ta’ evalwazzjoni u monitoraġġ biex jivverifika l-applikazzjoni tal-acquis ta’ Schengen u li jħassar id-Deċiżjoni tal-Kumitat Eżekuttiv tas-16 ta’ Settembru 1998 li stabbilixxiet Kumitat Permanenti għall-evalwazzjoni u l-implimentazzjoni ta’ Schengen (ĠU L 295, 6.11.2013, p. 27).

Emendi adottati mill-Parlament Ewropew fit-8 ta’ Lulju 2021 dwar il-proposta għal regolament tal-Parlament Ewropew u tal-Kunsill dwar rwol imsaħħaħ għall-Aġenzija Ewropea għall-Mediċini fit-tħejjija għall-kriżijiet u fil-maniġġar tagħhom għall-prodotti mediċinali u għall-apparati mediċi (COM(2020)0725) – C9-0365/2020 – 2020/0321(COD))(1)

P9_TA(2021)0351 A9-0216/2021

(Proċedura leġiżlattiva ordinarja: l-ewwel qari)

Test propost mill-Kummissjoni   Emenda Emenda 1 Proposta għal regolament Premessa 1a (ġdida) (1a)  Il-pandemija tal-COVID-19 enfasizzat ir-riskji għas-saħħa tal-bniedem li jirriżultaw mill-isfruttament eċċessiv tal-organiżmi selvaġġi u tar-riżorsi naturali oħra u t-telfien aċċellerat tal-bijodiversità fid-dinja. Madwar 70 % tal-mard emerġenti u kważi l-pandemiji kollha magħrufa (l-influwenza, l-HIV/AIDS u l-COVID-19) huma żoonożi. Dak il-mard żdied fuq livell globali matul dawn l-aħħar 60 sena u qed jiżdiedu dejjem aktar patoġeni żoonotiċi b'riżultat tal-attività tal-bniedem u l-impronta ekoloġika tagħha. Il-bidliet fl-użu tal-art, id-deforestazzjoni, l-urbanizzazzjoni, l-espansjoni u l-intensifikazzjoni agrikoli, it-traffikar ta' organiżmi selvaġġi u x-xejriet tal-konsum qed jikkontribwixxu b'mod drammatiku għal dik iż-żieda. Patoġeni żoonotiċi jistgħu jkunu batteriċi, virali jew parassitiċi, jew jistgħu jinvolvu aġenti mhux konvenzjonali, bil-possibbiltà li jinfirxu għall-bniedem permezz ta' kuntatt dirett jew permezz tal-ikel, l-ilma jew l-ambjent. Xi mard, bħall-HIV/AIDS, jibda bħala żoonożi iżda aktar tard jinbidel b'mutazzjonijiet f'razez għall-bniedem biss. Żoonożi oħra jistgħu jikkawżaw tifqigħat rikorrenti ta' mard, bħall-marda tal-virus tal-Ebola u s-salmonellożi. Saħansitra oħrajn, bħall-coronavirus li jikkawża l-COVID-19, għandhom il-potenzjal li jikkawżaw pandemiji globali. Skont il-Pjattaforma Intergovernattiva tal-Politika tax-Xjenza dwar il-Bijodiversità u s-servizzi Ekosistemiċi (IPBES), huwa stmat li 1,7 miljun virus attwalment mhux skoperti jeżistu f'ospitanti mammiferi u avjarji. Minn dawn il-viruses, bejn 631 000 u 827 000 jista' jkollhom il-kapaċità li jinfettaw lill-bniedem. Emenda 2 Proposta għal regolament Premessa 1b (ġdida) (1b)  Kif rikonoxxut mill-Organizzazzjoni Dinjija tas-Saħħa, ħafna mill-istess mikrobi jinfettaw lill-annimali u lill-bniedem, u għalhekk l-isforzi minn settur wieħed biss ma jistgħux jipprevjenu jew jeliminaw il-problema. Il-mard jista' jiġi trażmess mill-bniedem għall-annimali jew viċi versa u għalhekk irid jiġi indirizzat fit-tnejn li huma, filwaqt li jittieħed vantaġġ mis-sinerġiji potenzjali fir-riċerka u t-trattamenti. Il-pandemija tal-COVID-19 hija eżempju ċar tal-ħtieġa li tissaħħaħ l-applikazzjoni tal-approċċ Saħħa Waħda fl-Unjoni biex jinkisbu eżiti aħjar għas-saħħa pubblika, peress li, kif iddikjarat fil-Programm l-UE għas-Saħħa stabbilit bir-Regolament (UE) 2021/522 tal-Parlament Ewropew u tal-Kunsill1a, is-saħħa tal-bniedem hija marbuta mas-saħħa tal-annimali u l-ambjent u l-azzjonijiet biex jiġu indirizzati t-theddid għas-saħħa jridu jqisu dawk it-tliet dimensjonijiet. __________________ 1a Ir-Regolament (UE) 2021/522 tal-Parlament Ewropew u tal-Kunsill tal-24 ta' Marzu 2021 li jistabbilixxi Programm għall-azzjoni tal-Unjoni fil-qasam tas-saħħa (il-"Programm l-UE għas-Saħħa") għall-perjodu 2021-2027, u li jħassar ir-Regolament (UE) Nru 282/2014 (ĠU L 107, 26.3.2021, p. 1). Emenda 3 Proposta għal regolament Premessa 2 (2)  L-esperjenza mingħajr preċedent tal-pandemija tal-COVID-19 uriet li l-Unjoni jenħtieġ li tkun aktar effettiva fl-immaniġġar tad-disponibbiltà ta' prodotti mediċinali u ta' apparati mediċi u fl-iżvilupp ta' kontromiżuri mediċi biex tindirizza t-theddidiet għas-saħħa pubblika. Il-kapaċità tal-Unjoni li tagħmel dan ġiet imfixkla severament min-nuqqas ta' qafas legali definit b'mod ċar għall-immaniġġar tar-rispons tagħha għall-pandemija, kif ukoll mil-livell limitat ta' tħejjija tal-Unjoni f'każ ta' emerġenza tas-saħħa pubblika li jkollha impatt fuq il-maġġoranza tal-Istati Membri. (2)  L-esperjenza mingħajr preċedent tal-pandemija tal-COVID-19 enfasizzat ukoll id-diffikultajiet tal-Unjoni u l-Istati Membri biex ilħaqqu ma' tali emerġenza tas-saħħa pubblika u wriet il-ħtieġa li jissaħħaħ ir-rwol tal-Unjoni sabiex tkun aktar effettiva fl-immaniġġar tad-disponibbiltà ta' prodotti mediċinali u ta' apparati mediċi u fl-iżvilupp ta' kontromiżuri mediċi biex tindirizza t-theddidiet għas-saħħa pubblika minn stadju bikri b'mod armonizzat filwaqt li tiżgura l-kooperazzjoni u l-koordinazzjoni bejn l-Unjoni, l-awtoritajiet kompetenti nazzjonali u reġjonali, l-industrija u atturi oħra tal-ktajjen tal-provvista tal-prodotti farmaċewtiċi u l-apparat mediku, inklużi l-professjonisti tal-kura tas-saħħa. Jeħtieġ li l-Unjoni tagħti prijorità ogħla lis-saħħa, biex tiżgura l-provvista kontinwa ta' servizzi ta' kura tas-saħħa ta' kwalità għolja, u tkun lesta sabiex tlaħħaq ma' epidemiji u theddid ieħor għas-saħħa. Il-kapaċità tal-Unjoni li tagħmel dan ġiet imfixkla severament min-nuqqas ta' qafas legali definit b'mod ċar għall-immaniġġar tar-rispons tagħha għall-pandemija, minn mandati u riżorsi insuffiċjenti tal-aġenziji tas-saħħa tagħha kif ukoll mil-livell limitat ta' tħejjija tal-Unjoni u tal-Istati Membri f'każ ta' emerġenza tas-saħħa pubblika li jkollha impatt fuq il-maġġoranza tal-Istati Membri. Emenda 4 Proposta għal regolament Premessa 2a (ġdida) (2a)  In-nuqqasijiet jikkonsistu f'kawżi ewlenin differenti u kumplessi li jeħtieġ li jiġu identifikati, mifhuma u analizzati aktar flimkien mal-partijiet ikkonċernati differenti kollha sabiex ikunu jistgħu jiġu indirizzati b'mod komprensiv. Il-fehim aħjar tan-nuqqasijiet jenħtieġ li jinkludi l-identifikazzjoni tal-punti ta' konġestjoni fil-katina tal-provvista. Fil-każ speċifiku tal-pandemija tal-COVID-19, in-nuqqas ta' trattamenti aġġuvanti għall-marda kellu varjetà ta' kawżi, li jvarjaw minn diffikultajiet ta' produzzjoni f'pajjiżi terzi, għal diffikultajiet ta' loġistika jew ta' produzzjoni fl-Unjoni, fejn in-nuqqas ta' vaċċini kien dovut għal kawża aktar rari, jiġifieri domanda għolja u li qed tiżdied b'mod mhux mistenni. Emenda 5 Proposta għal regolament Premessa 3 (3)  Il-ktajjen tal-provvista li ħafna drabi jkunu kumplessi ta' prodotti mediċinali u ta' apparati mediċi, ir-restrizzjonijiet u l-projbizzjonijiet nazzjonali fuq l-esportazzjoni, l-għeluq tal-fruntieri li jimpedixxu l-moviment liberu ta' dawk l-oġġetti, u l-inċertezza relatata mal-provvista tagħhom u mad-domanda għalihom fil-kuntest tal-pandemija tal-COVID-19 wasslu għal impedimenti sinifikanti għall-funzjonament bla xkiel tas-suq uniku u għall-indirizzar tat-theddidiet serji għas-saħħa pubblika madwar l-Unjoni. (3)   It-tfixkil fil-ktajjen tal-provvista li ħafna drabi jkunu kumplessi ta' prodotti mediċinali u ta' apparati mediċi, ir-restrizzjonijiet u l-projbizzjonijiet nazzjonali fuq l-esportazzjoni, l-għeluq tal-fruntieri li jimpedixxu l-moviment liberu ta' dawk l-oġġetti, l-inċertezza relatata mal-provvista tagħhom u mad-domanda għalihom fil-kuntest tal-pandemija tal-COVID-19, u n-nuqqas ta' produzzjoni fl-Unjoni ta' ċerti prodotti mediċinali essenzjali jew sustanzi kimiċi attivi wasslu għal impedimenti sinifikanti għall-funzjonament bla xkiel tas-suq uniku u għall-indirizzar tat-theddidiet serji għas-saħħa pubblika madwar l-Unjoni, b'konsegwenzi serji għaċ-ċittadini tagħha. Emenda 6 Proposta għal regolament Premessa 4 (4)  L-indirizzar tal-kwistjoni ta' nuqqas ta' prodotti mediċinali ilha prijorità għall-Istati Membri u għall-Parlament Ewropew kif muri minn diversi rapporti mill-Parlament Ewropew11 kif ukoll minn diskussjonijiet taħt Presidenzi riċenti tal-Kunsill tal-Unjoni Ewropea. (4)  L-indirizzar tan-nuqqas ta' prodotti mediċinali ilha prijorità għall-Istati Membri u għall-Parlament Ewropew kif muri minn diversi rapporti mill-Parlament Ewropew11 kif ukoll minn diskussjonijiet taħt Presidenzi riċenti tal-Kunsill tal-Unjoni Ewropea, iżda baqa' ma ssolviex. __________________ __________________ 11 Ir-Riżoluzzjoni tal-Parlament Ewropew tas-17 ta' Settembru 2020 dwar nuqqas ta' mediċini – kif nindirizzaw problema emerġenti (2020/2071(INI)) 11 Ir-Riżoluzzjoni tal-Parlament Ewropew tas-17 ta' Settembru 2020 dwar nuqqas ta' mediċini – kif nindirizzaw problema emerġenti (2020/2071(INI)) Emenda 7 Proposta għal regolament Premessa 4a (ġdida) (4a)  In-nuqqasijiet ta' prodotti mediċinali jirrappreżentaw theddida dejjem akbar għas-saħħa pubblika, b'impatt serju fuq is-sistemi tal-kura tas-saħħa u fuq id-dritt tal-pazjenti li jkollhom aċċess għal trattament mediku adegwat. Iż-żieda fid-domanda globali aggravata bil-pandemija tal-COVID-19 wasslet għal aktar nuqqasijiet ta' prodotti mediċinali, dgħajfet is-sistemi tal-kura tas-saħħa fl-Istati Membri u ppreżentat riskji sinifikanti għas-saħħa u l-kura tal-pazjenti, b'mod partikolari f'termini tal-progressjoni tal-mard u l-aggravar tas-sintomi, dewmien jew interruzzjonijiet itwal fil-kura jew fit-terapija, perjodi itwal fl-isptar, żieda fl-esponiment għal prodotti mediċinali foloz, żbalji fil-medikazzjoni, effetti avversi b'riżultat tas-sostituzzjoni ta' prodotti mediċinali mhux disponibbli b'oħrajn alternattivi, stress psikoloġiku sinifikanti għall-pazjenti u spejjeż akbar għas-sistemi tal-kura tas-saħħa. Emenda 8 Proposta għal regolament Premessa 5 (5)  Il-pandemija tal-COVID-19 aggravat il-problema ta' nuqqasijiet għal ċerti prodotti mediċinali meqjusa bħala kritiċi fl-indirizzar tal-pandemija, u xeħtet dawl fuq il-limitazzjonijiet strutturali fil-kapaċità tal-Unjoni li tirreaġixxi malajr u b'mod effettiv għal dawn l-isfidi matul il-kriżijiet tas-saħħa pubblika. (5)  Il-pandemija tal-COVID-19 aggravat il-problema diġà eżistenti ta' nuqqasijiet għal ċerti prodotti mediċinali meqjusa bħala kritiċi fl-indirizzar tal-pandemija, u xeħtet dawl fuq id-dipendenza esterna tal-Unjoni f'termini tal-produzzjoni domestika ta' prodotti mediċinali u apparati mediċi, in-nuqqas ta' koordinazzjoni u l-limitazzjonijiet strutturali fil-kapaċità tal-Unjoni u tal-Istati Membri li jirreaġixxu malajr u b'mod effettiv għal dawn l-isfidi matul il-kriżijiet tas-saħħa pubblika u l-ħtieġa li tiġi appoġġjata u msaħħa n-nisġa industrijali permezz ta' politiki xierqa, kif ukoll il-ħtieġa ta' involviment aktar attiv u estiż tal-istituzzjonijiet, il-korpi, l-uffiċċji u l-aġenziji tal-Unjoni biex jindirizzaw is-saħħa taċ-ċittadini Ewropej. Emenda 9 Proposta għal regolament Premessa 6 (6)  L-evoluzzjoni rapida tal-COVID-19 u t-tixrid tal-virus wasslu għal żieda qawwija fid-domanda għal apparati mediċi bħal ventilaturi, maskri kirurġiċi, u kits għall-ittestjar tal-COVID-19, filwaqt li t-tfixkil tal-produzzjoni jew il-kapaċità limitata biex tiżdied b'mod rapidu l-produzzjoni u l-kumplessità u n-natura globali tal-katina tal-provvista għall-apparati mediċi wasslu għal impatt negattiv fuq il-provvista. Dawk il-kwistjonijiet irriżultaw fl-involviment ta' entitajiet ġodda fil-produzzjoni ta' dawk il-prodotti, li sussegwentement irriżultaw f'konġestjonijiet fil-valutazzjoni tal-konformità, kif ukoll fil-prevalenza ta' prodotti mhux konformi, mhux sikuri, u f'xi każijiet iffalsifikati. Għalhekk, huwa xieraq li jiġu stabbiliti strutturi dejjiema fi ħdan korp xieraq tal-Unjoni biex jiġi żgurat il-monitoraġġ ta' nuqqasijiet ta' apparati mediċi li jirriżultaw minn emerġenza tas-saħħa pubblika. (6)  L-evoluzzjoni rapida tal-COVID-19 u t-tixrid tal-virus wasslu għal żieda qawwija fid-domanda għal apparati mediċi bħal ventilaturi, maskri kirurġiċi, u kits għall-ittestjar tal-COVID-19, filwaqt li t-tfixkil tal-produzzjoni jew il-kapaċità limitata biex tiżdied b'mod rapidu l-produzzjoni u l-kumplessità u n-natura globali tal-katina tal-provvista għall-apparati mediċi wasslu għal diffikultajiet serji fil-provvista u, f'ċerti żminijiet, f'nuqqas serju tal-istokkijiet, u poġġew lill-Istat Membri f'kompetizzjoni ma' xulxin biex jirrispondu għall-ħtiġijiet leġittimi taċ-ċittadini tagħhom, filwaqt li kkontribwew għal azzjonijiet mhux ikkoordinati fil-livelli nazzjonali bħal kumulazzjoni u ħażna nazzjonali ta' riżerva medika. Dawk il-kwistjonijiet irriżultaw ukoll fl-involviment ta' entitajiet ġodda fil-produzzjoni mgħaġġla ta' dawk il-prodotti, li sussegwentement irriżultaw f'konġestjonijiet fil-valutazzjoni tal-konformità, kif ukoll fil-prevalenza ta' prodotti għaljin iżżejjed, mhux konformi, mhux sikuri, u f'xi każijiet iffalsifikati. Għalhekk, huwa xieraq u urġenti li jiġu stabbiliti strutturi dejjiema fi ħdan korp xieraq tal-Unjoni biex jiġu żgurati koordinazzjoni u monitoraġġ aktar sodi u effettivi ta' nuqqasijiet ta' apparati mediċi li jistgħu jseħħu waqt emerġenza tas-saħħa pubblika, kif ukoll djalogu akbar u bikri mal-industrija tal-apparat mediku u l-professjonisti tal-kura tas-saħħa biex jiġu evitati u mmitigati dawk in-nuqqasijiet. Emenda 10 Proposta għal regolament Premessa 6a (ġdida) (6a)  It-tifqigħa tal-COVID-19 u l-kriżi tas-saħħa sussegwenti wrew il-ħtieġa ta' approċċ tal-Unjoni aktar ikkoordinat fil-maniġġar tal-kriżijiet. Minkejja li l-emerġenza tas-sitwazzjoni tispjega n-nuqqas ta' valutazzjoni tal-impatt, jenħtieġ li tiġi żgurata allokazzjoni suffiċjenti tar-riżorsi f'termini ta' persunal u finanzjament, filwaqt li jitqiesu l-ispeċifiċitajiet tas-settur tas-saħħa fl-Istati Membri differenti. Emenda 11 Proposta għal regolament Premessa 7 (7)  L-inċertezza fil-provvista u fid-domanda u r-riskju ta' nuqqasijiet ta' prodotti mediċinali u ta' apparati mediċi essenzjali matul emerġenza tas-saħħa pubblika bħall-pandemija tal-COVID-19 jistgħu jikkawżaw restrizzjonijiet fuq l-esportazzjoni fost l-Istati Membri u miżuri protettivi nazzjonali oħra, li jista' jkollhom impatt serju fuq il-funzjonament tas-suq intern. Barra minn hekk, in-nuqqasijiet ta' prodotti mediċinali jistgħu jirriżultaw f'riskji serji għas-saħħa tal-pazjenti fl-Unjoni minħabba n-nuqqas ta' disponibbiltà tagħhom, li jistgħu jikkawżaw żbalji dwar mediċini, żieda fid-durata tal-indukrar fl-isptar, u reazzjonijiet avversi kkawżati mill-amministrazzjoni ta' prodotti inadegwati użati bħala sostituti għal dawk mhux disponibbli. Fir-rigward tal-apparati mediċi, in-nuqqasijiet jistgħu jwasslu għal nuqqas ta' riżorsi dijanjostiċi b'konsegwenzi negattivi għall-miżuri tas-saħħa pubblika, nuqqas ta' trattament jew deterjorament tal-marda u jistgħu wkoll jipprevjenu lill-professjonisti tas-saħħa milli jwettqu l-kompiti tagħhom b'mod adegwat. Dawk in-nuqqasijiet jista' jkollhom ukoll impatt sinifikanti fuq il-kontroll tat-tixrid ta' patoġenu partikolari kkawżat, pereżempju, minn provvista insuffiċjenti ta' kits għall-ittestjar tal-COVID-19. Għalhekk, huwa importanti li tiġi indirizzata l-kwistjoni ta' nuqqasijiet u li jissaħħaħ u jiġi fformalizzat il-monitoraġġ ta' prodotti mediċinali u ta' apparati mediċi kritiċi. (7)  L-inċertezza fil-provvista u fid-domanda u r-riskju ta' nuqqasijiet ta' prodotti mediċinali u ta' apparati mediċi essenzjali matul emerġenza tas-saħħa pubblika bħall-pandemija tal-COVID-19 jistgħu jikkawżaw restrizzjonijiet fuq l-esportazzjoni fost l-Istati Membri u miżuri protettivi nazzjonali oħra, li jista' jkollhom impatt serju fuq il-funzjonament tas-suq intern, u b'hekk jaggravaw il-konsegwenzi għas-saħħa pubblika, kif ukoll iwasslu għall-ħtieġa ta' mekkaniżmi temporanji ta' trasparenza dwar l-esportazzjoni u ta' awtorizzazzjoni għall-esportazzjoni. Barra minn hekk, in-nuqqasijiet ta' prodotti mediċinali jistgħu jirriżultaw f'riskji serji għas-saħħa tal-pazjenti fl-Unjoni minħabba n-nuqqas ta' disponibbiltà tagħhom, u dan jista' jikkawża żbalji ta' medikazzjoni, żieda fid-durata tal-indukrar fl-isptar, reazzjonijiet avversi u fatalitajiet ikkawżati mill-amministrazzjoni ta' prodotti inadegwati użati bħala sostituti għal dawk mhux disponibbli. Fir-rigward tal-apparati mediċi, in-nuqqasijiet jistgħu jwasslu għal nuqqas ta' riżorsi dijanjostiċi b'konsegwenzi negattivi għall-miżuri tas-saħħa pubblika, nuqqas ta' trattament jew deterjorament tal-marda u jistgħu wkoll jipprevjenu lill-professjonisti tas-saħħa milli jwettqu l-kompiti tagħhom b'mod adegwat jew milli jkunu protetti waqt li jagħmlu dan, kif intwera matul il-pandemija tal-COVID-19, b'konsegwenzi serji għas-saħħa tal-professjonisti tas-saħħa. Dawk in-nuqqasijiet jista' jkollhom ukoll impatt sinifikanti fuq il-kontroll tat-tixrid ta' patoġenu partikolari kkawżat, pereżempju, minn provvista insuffiċjenti ta' kits għall-ittestjar tal-COVID-19. Għalhekk, huwa importanti li jkun hemm qafas xieraq fil-livell tal-Unjoni biex tiġi kkoordinata r-reazzjoni tal-Istati Membri biex tiġi indirizzata l-kwistjoni ta' nuqqasijiet u li jissaħħaħ u jiġi fformalizzat il-monitoraġġ ta' prodotti mediċinali u ta' apparati mediċi kritiċi bl-aktar mod effiċjenti u bil-għan li jiġi evitat li jinħolqu piżijiet mhux meħtieġa għall-partijiet ikkonċernati li jistgħu joħolqu tensjoni fuq ir-riżorsi u jikkawżaw dewmien addizzjonali. Emenda 12 Proposta għal regolament Premessa 8 (8)  Prodotti mediċinali sikuri u effikaċi li jittrattaw, jipprevjenu jew jiddijanjostikaw mard li jikkawża emerġenzi tas-saħħa pubblika, jenħtieġ li jiġu żviluppati u magħmula disponibbli fl-Unjoni malajr kemm jista' jkun matul emerġenzi bħal dawn. Il-pandemija tal-COVID-19 enfasizzat ukoll il-koordinazzjoni u t-teħid ta' deċiżjonijiet subottimali fir-rigward tal-provi kliniċi multinazzjonali, u l-pariri fil-livell tal-Unjoni dwar l-użu ta' prodotti mediċinali fi programmi nazzjonali ta' użu ħanin jew barra mill-indikazzjonijiet awtorizzati tagħhom fl-Unjoni, li jikkawżaw dewmien fl-adozzjoni tal-eżiti tar-riċerka u fl-iżvilupp u fid-disponibbiltà ta' mediċini ġodda jew bi skop ġdid. (8)  Prodotti mediċinali sikuri u effikaċi li jittrattaw, jipprevjenu jew jiddijanjostikaw mard li jikkawża emerġenzi tas-saħħa pubblika, jenħtieġ li jiġu identifikati, żviluppati, b'mod partikolari permezz ta' sforzi konġunti mill-awtoritajiet pubbliċi, mis-settur privat u mid-dinja akkademika, u magħmula disponibbli għaċ-ċittadini tal-Unjoni malajr kemm jista' jkun matul emerġenzi bħal dawn. Il-pandemija tal-COVID-19 enfasizzat ukoll il-koordinazzjoni u t-teħid ta' deċiżjonijiet subottimali fir-rigward tal-provi kliniċi multinazzjonali, u l-pariri fil-livell tal-Unjoni dwar l-użu ta' prodotti mediċinali fi programmi nazzjonali ta' użu ħanin jew barra mill-indikazzjonijiet awtorizzati tagħhom fl-Unjoni, li jikkawżaw dewmien fl-adozzjoni tal-eżiti tar-riċerka u fl-iżvilupp u fid-disponibbiltà ta' mediċini ġodda jew bi skop ġdid. Emenda 13 Proposta għal regolament Premessa 9 (9)  Matul il-pandemija tal-COVID-19, kellhom jinstabu soluzzjonijiet ad hoc, inklużi arranġamenti kontinġenti bejn il-Kummissjoni, l-Aġenzija Ewropea għall-Mediċini ("l-Aġenzija"), id-detenturi tal-awtorizzazzjonijiet għat-tqegħid fis-suq, il-manifatturi u l-Istati Membri, biex jintlaħaq l-objettiv li jsiru disponibbli prodotti mediċinali sikuri u effikaċi li jittrattaw il-COVID-19 jew jipprevjenu t-tixrid tiegħu, u biex jiġu ffaċilitati u mħaffa l-iżvilupp u l-awtorizzazzjoni tat-tqegħid fis-suq tat-trattamenti u tal-vaċċini. (9)  Matul il-pandemija tal-COVID-19, kellhom jinstabu soluzzjonijiet ad hoc, inklużi arranġamenti kontinġenti bejn il-Kummissjoni, l-Aġenzija Ewropea għall-Mediċini ("l-Aġenzija"), id-detenturi tal-awtorizzazzjonijiet għat-tqegħid fis-suq, il-manifatturi jew atturi oħra tal-katina tal-provvista farmaċewtika u l-Istati Membri, biex jintlaħaq l-objettiv li jsiru disponibbli prodotti mediċinali sikuri u effikaċi li jittrattaw il-COVID-19 jew jipprevjenu t-tixrid tiegħu, u biex jiġu ffaċilitati u mħaffa l-iżvilupp u l-awtorizzazzjoni tat-tqegħid fis-suq tat-trattamenti u tal-vaċċini. Emenda 14 Proposta għal regolament Premessa 10 (10)  Għalhekk, sabiex jiġi żgurat funzjonament aħjar tas-suq intern ta' dawk il-prodotti u jingħata kontribut għal livell għoli ta' protezzjoni tas-saħħa tal-bniedem, huwa xieraq li jiġu approssimati r-regoli dwar il-monitoraġġ ta' nuqqasijiet ta' prodotti mediċinali u ta' apparati mediċi, u li jiġu ffaċilitati r-riċerka u l-iżvilupp ta' prodotti mediċinali, li jista' jkollhom il-potenzjal li jittrattaw, jipprevjenu jew jiddijanjostikaw mard li jikkawża kriżijiet tas-saħħa pubblika. (10)  Għalhekk, sabiex jiġi żgurat funzjonament aħjar tas-suq intern ta' dawk il-prodotti u jingħata kontribut għal livell għoli ta' protezzjoni tas-saħħa tal-bniedem, huwa xieraq li jiġu approssimati u msaħħa r-regoli dwar il-monitoraġġ ta' nuqqasijiet ta' prodotti mediċinali u ta' apparati mediċi, u li jiġu ffaċilitati r-riċerka u l-iżvilupp ta' prodotti mediċinali, li jista' jkollhom il-potenzjal li jittrattaw, jipprevjenu jew jiddijanjostikaw mard li jikkawża kriżijiet tas-saħħa pubblika, bil-għan li jikkomplementaw b'mod strateġiku l-isforzi tal-Kummissjoni u Aġenziji oħra tal-Unjoni għal dak il-għan, kif ukoll dak tal-aġenziji ewlenin futuri bħall-Awtorità Ewropea proposta għat-Tħejjija u għar-Rispons f'Każ ta' Emerġenza tas-Saħħa (HERA). Emenda 15 Proposta għal regolament Premessa 10a (ġdida) (10a)   Sabiex jiġu żgurati sistemi tas-saħħa effikaċi, huwa essenzjali li jiġu implimentati testijiet tal-istress li jevalwaw ir-reżiljenza tas-sistemi tas-saħħa f'każijiet ta' kriżi, li jagħmluha possibbli li jiġu indirizzati b'mod effikaċi n-nuqqasijiet f'każ ta' pandemiji, iżda wkoll li jiġu identifikati l-fatturi ta' riskju strutturali li jwasslu għall-ħolqien ta' nuqqasijiet. Emenda 16 Proposta għal regolament Premessa 10b (ġdida) (10b)  Sabiex jiġi żgurat funzjonament aħjar tas-suq intern tal-prodotti mediċinali u jingħata kontribut għal livell għoli ta' protezzjoni tas-saħħa tal-bniedem, huwa xieraq li jiġu ffaċilitati r-riċerka u l-iżvilupp ta' prodotti mediċinali, li jista' jkollhom il-potenzjal li jittrattaw, jipprevjenu jew jiddijanjostikaw mard li jikkawża kriżijiet tas-saħħa pubblika. Emenda 17 Proposta għal regolament Premessa 11 (11)  Dan ir-Regolament għandu l-għan li jiżgura l-funzjonament bla xkiel tas-suq intern fir-rigward tal-prodotti mediċinali u tal-apparati mediċi, b'livell għoli ta' protezzjoni tas-saħħa tal-bniedem li jkun fundamentali fost dawk l-għanijiet. Barra minn hekk, dan ir-Regolament għandu l-għan li jiżgura l-kwalità, is-sikurezza u l-effikaċja tal-prodotti mediċinali bil-potenzjal li jindirizzaw emerġenzi tas-saħħa pubblika. Iż-żewġ objettivi qed jintlaħqu simultanjament u huma marbutin b'mod inseparabbli, filwaqt li wieħed mhux anqas importanti mill-ieħor. Fir-rigward tal-Artikolu 114 tat-TFUE, dan ir-Regolament jistabbilixxi qafas għall-monitoraġġ u għar-rapportar dwar in-nuqqasijiet ta' prodotti mediċinali u ta' apparati mediċi matul kriżijiet tas-saħħa pubblika. Fir-rigward tal-Artikolu 168(4)(c) tat-TFUE, dan ir-Regolament jipprevedi qafas imsaħħaħ tal-Unjoni li jiżgura l-kwalità u s-sikurezza tal-prodotti mediċinali u tal-apparati mediċi. (11)  Dan ir-Regolament għandu l-għan li jiżgura livell għoli ta' protezzjoni tas-saħħa tal-bniedem billi jiżgura l-funzjonament bla xkiel tas-suq intern fir-rigward tal-prodotti mediċinali u tal-apparati mediċi. Barra minn hekk, dan ir-Regolament għandu l-għan li jiżgura l-kwalità, is-sikurezza u l-effikaċja tal-prodotti mediċinali bil-potenzjal li jindirizzaw emerġenzi tas-saħħa pubblika. Iż-żewġ objettivi qed jintlaħqu simultanjament u huma marbutin b'mod inseparabbli, filwaqt li wieħed mhux anqas importanti mill-ieħor. Fir-rigward tal-Artikolu 114 tat-TFUE, dan ir-Regolament jistabbilixxi qafas għall-monitoraġġ u għar-rapportar dwar in-nuqqasijiet ta' prodotti mediċinali u ta' apparati mediċi matul kriżijiet tas-saħħa pubblika. Fir-rigward tal-Artikolu 168(4)(c) tat-TFUE, dan ir-Regolament jipprevedi qafas imsaħħaħ tal-Unjoni li jiżgura l-kwalità u s-sikurezza tal-prodotti mediċinali u tal-apparati mediċi. Emenda 18 Proposta għal regolament Premessa 11a (ġdida) (11a)   Dan ir-Regolament jistabbilixxi qafas biex tiġi indirizzata l-problema ta' nuqqasijiet matul emerġenzi tas-saħħa pubblika u eventi maġġuri. Madankollu, in-nuqqasijiet ta' prodotti mediċinali u apparati mediċi huma problema persistenti li ilha għexieren ta' snin taffettwa dejjem aktar is-saħħa u l-ħajja taċ-ċittadini tal-Unjoni. Għalhekk, dan ir-Regolament jenħtieġ li jkun l-ewwel pass biex jittejjeb ir-rispons tal-UE għal din il-kwistjoni fit-tul. Il-Kummissjoni jenħtieġ li sussegwentement tipproponi l-espansjoni ta' dan il-qafas biex tiżgura li l-kwistjoni tan-nuqqasijiet tiġi indirizzata b'mod wiesa' u permanenti fir-reviżjoni li jmiss tar-Regolament (KE) Nru 726/2004 tal-Parlament Ewropew u tal-Kunsill1a u d-Direttiva 2001/83/KE tal-Parlament Ewropew u tal-Kunsill1b. __________________ 1a Ir-Regolament (KE) Nru 726/2004 tal-Parlament Ewropew u tal-Kunsill tal-31 ta' Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta' prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (ĠU L 136, 30.4.2004, p. 1). 1b Id-Direttiva 2001/83/KE tal-Parlament Ewropew u tal-Kunsill tas-6 ta' Novembru 2001 dwar il-kodiċi tal-Komunità li għandu x'jaqsam ma' prodotti mediċinali għall-użu mill-bniedem (ĠU L 311, 28.11.2001, p. 67). Emenda 19 Proposta għal regolament Premessa 12 (12)  Sabiex jitjiebu t-tħejjija għall-kriżijiet u l-maniġġar tagħhom għall-prodotti mediċinali u għall-apparati mediċi u jiżdiedu r-reżiljenza u s-solidarjetà madwar l-Unjoni, jenħtieġ li jiġu ċċarati l-proċeduri u r-rwoli u l-obbligi rispettivi tal-entitajiet konċernati differenti involuti. Jenħtieġ li l-qafas jibni fuq is-soluzzjonijiet ad hoc identifikati sa issa fir-rispons għall-pandemija tal-COVID-19. (12)  Sabiex jitjiebu t-tħejjija għall-kriżijiet u l-maniġġar tagħhom għall-prodotti mediċinali u għall-apparati mediċi u jiżdiedu r-reżiljenza u s-solidarjetà madwar l-Unjoni, jenħtieġ li jiġu ċċarati l-proċeduri u r-rwoli u l-obbligi rispettivi tal-entitajiet konċernati differenti involuti. Jenħtieġ li l-qafas jibni fuq is-soluzzjonijiet ad hoc identifikati sa issa fir-rispons għall-pandemija tal-COVID-19, li wrew li huma effettivi, u fuq l-esperjenza u l-eżempji f'pajjiżi oħra, filwaqt li jibqa' flessibbli biżżejjed biex jindirizza kwalunkwe kriżi tas-saħħa futura bl-aktar mod effiċjenti għall-benefiċċju tas-saħħa pubblika u tal-pazjenti. Emenda 20 Proposta għal regolament Premessa 13 (13)  Jenħtieġ li tiġi stabbilita sistema armonizzata ta' monitoraġġ tan-nuqqasijiet ta' prodotti mediċinali u ta' apparati mediċi, li tiffaċilita l-aċċess xieraq għal prodotti mediċinali u għal apparati mediċi kritiċi matul emerġenzi tas-saħħa pubblika u eventi maġġuri, li jista' jkollhom impatt serju fuq is-saħħa pubblika. Dik is-sistema għandha tkun ikkomplementata bi strutturi mtejba li jiżguraw maniġġar xieraq tal-kriżijiet tas-saħħa pubblika u tikkoordina u tipprovdi pariri dwar ir-riċerka u l-iżvilupp ta' prodotti mediċinali li jista' jkollhom il-potenzjal li jindirizzaw emerġenzi tas-saħħa pubblika. Sabiex tiffaċilita l-monitoraġġ u r-rapportar dwar nuqqasijiet potenzjali jew attwali ta' prodotti mediċinali u ta' apparati mediċi, jenħtieġ li l-Aġenzija tkun tista' titlob u tikseb informazzjoni u data mingħand id-detenturi tal-awtorizzazzjonijiet għat-tqegħid fis-suq konċernati, il-manifatturi u l-Istati Membri permezz ta' punti ta' kuntatt magħżula. (13)  Jenħtieġ li tiġi stabbilita sistema armonizzata ta' monitoraġġ tan-nuqqasijiet ta' prodotti mediċinali u ta' apparati mediċi, li tiffaċilita l-aċċess xieraq għal prodotti mediċinali u għal apparati mediċi kritiċi matul emerġenzi tas-saħħa pubblika, eventi maġġuri, li jista' jkollhom impatt serju fuq is-saħħa pubblika. Dik is-sistema jenħtieġ li tkun ikkomplementata bi strutturi mtejba li jiżguraw maniġġar xieraq tal-kriżijiet tas-saħħa pubblika u tikkoordina u tipprovdi pariri dwar ir-riċerka u l-iżvilupp ta' prodotti mediċinali li jista' jkollhom il-potenzjal li jimmitigaw emerġenzi tas-saħħa pubblika. Sabiex tiffaċilita l-monitoraġġ u r-rapportar dwar nuqqasijiet potenzjali jew attwali ta' prodotti mediċinali u ta' apparati mediċi, jenħtieġ li l-Aġenzija tkun tista' titlob u tikseb informazzjoni u data mingħand id-detenturi tal-awtorizzazzjonijiet għat-tqegħid fis-suq konċernati, il-manifatturi u l-Istati Membri permezz ta' punti ta' kuntatt magħżula, filwaqt li tiġi evitata kull dupplikazzjoni tal-informazzjoni mitluba u sottomessa. Emenda 21 Proposta għal regolament Premessa 13a (ġdida) (13a)  Sabiex jiġu ffaċilitati l-prevenzjoni, il-monitoraġġ u r-rapportar ta' nuqqasijiet ta' prodotti mediċinali, ikun meħtieġ li l-Unjoni u l-Istati Membri jistabbilixxu pjattaforma elettronika li tkun tista' tiddetermina l-volum tal-istokkijiet eżistenti fi kwalunkwe mument u tidentifika, tbassar u tipprevjeni n-nuqqasijiet ta' prodotti mediċinali. Biex jiġi ffaċilitat l-iżvilupp ta' sistema bħal din, jistgħu jinsiltu tagħlimiet minn proġetti bħas-CISMED, iffinanzjati mill-Unjoni permezz ta' Orizzont Ewropa. Jenħtieġ li l-pjattaforma tipprovdi lill-awtoritajiet nazzjonali kompetenti b'aċċess f'ħin reali għal informazzjoni dwar talbiet mhux issodisfati mid-distributuri bl-ingrossa, mill-ispiżeriji komunitarji u mill-ispiżeriji tal-isptarijiet, filwaqt li tipprovdi data preċiża sabiex jinftiehem il-funzjonament tal-katina tal-provvista u tantiċipa nuqqasijiet potenzjali ta' prodotti mediċinali. Il-pjattaforma jenħtieġ li taġixxi wkoll bħala l-uniku portal għad-detenturi tal-awtorizzazzjonijiet għat-tqegħid fis-suq u d-distributuri operaturi biex jipprovdu l-informazzjoni meħtieġa matul eventi maġġuri u emerġenzi tas-saħħa pubblika ladarba tiġi implimentata bis-sħiħ, bil-għan li jiżdiedu l-effiċjenza, il-prevedibbiltà matul il-kriżijiet, u jitfħaffef il-proċess tat-teħid ta' deċiżjonijiet filwaqt li jiġu evitati d-duplikazzjoni tal-isforzi u l-piż mhux iġġustifikat fuq il-partijiet ikkonċernati kollha. Sabiex jiġi ffaċilitat ir-rwol ta' koordinazzjoni tal-Aġenzija, jenħtieġ li l-pjattaformi ta' monitoraġġ tal-provvista tal-Istati Membri jkunu interoperabbli u jirreplikaw l-informazzjoni tagħhom fil-bażi tad-data tal-Unjoni ġestita mill-Aġenzija. Sabiex titħaffef l-implimentazzjoni tas-sistema fil-livell tal-Unjoni u dak nazzjonali, jenħtieġ li l-iżvilupp u l-implimentazzjoni tagħha jiġu appoġġjati minn finanzjament tal-Unjoni minn, fost l-oħrajn, il-Programm l-UE għas-Saħħa jew il-Faċilità għall-Irkupru u r-Reżiljenza stabbilita bir-Regolament (UE) 2021/241 tal-Parlament Ewropew u tal-Kunsill1a. __________________ 1a Ir-Regolament (UE) 2021/241 tal-Parlament Ewropew u tal-Kunsill tat-12 ta' Frar 2021 li jistabbilixxi l-Faċilità għall-Irkupru u r-Reżiljenza (ĠU L 57, 18.2.2021, p. 17). Emenda 22 Proposta għal regolament Premessa 15 (15)  Fir-rigward ta' prodotti mediċinali, jenħtieġ li jitwaqqaf grupp ta' tmexxija eżekuttiv fi ħdan l-Aġenzija li jiżgura rispons robust għal eventi maġġuri u jikkoordina azzjonijiet urġenti fi ħdan l-Unjoni fir-rigward tal-maniġġar ta' kwistjonijiet relatati mal-provvista ta' prodotti mediċinali. Il-Grupp ta' Tmexxija jenħtieġ li jistabbilixxi listi ta' prodotti mediċinali kritiċi biex jiżgura l-monitoraġġ ta' dawk il-prodotti u jenħtieġ li dan ikun jista' jipprovdi pariri dwar l-azzjoni meħtieġa li għandha tittieħed biex jiġu salvagwardjati l-kwalità, is-sikurezza u l-effikaċja tal-prodotti mediċinali u jiġi żgurat livell għoli ta' protezzjoni tas-saħħa tal-bniedem. (15)  Fir-rigward ta' prodotti mediċinali, jenħtieġ li jitwaqqaf grupp ta' tmexxija eżekuttiv fi ħdan l-Aġenzija li jiżgura rispons robust għal eventi maġġuri u jikkoordina azzjonijiet urġenti fi ħdan l-Unjoni fir-rigward tal-maniġġar ta' kwistjonijiet relatati mal-provvista ta' prodotti mediċinali. Il-Grupp ta' Tmexxija jenħtieġ li jistabbilixxi listi ta' prodotti mediċinali essenzjali u kritiċi biex jiżgura l-monitoraġġ ta' dawk il-prodotti u jenħtieġ li dan ikun jista' jipprovdi pariri u rakkomandazzjonijiet dwar l-azzjoni meħtieġa li għandha tittieħed biex jiġu salvagwardjati l-kwalità, is-sikurezza u l-effikaċja tal-prodotti mediċinali kif ukoll il-provvista tagħhom u jiġi żgurat livell għoli ta' protezzjoni tas-saħħa tal-bniedem. Emenda 23 Proposta għal regolament Premessa 18 (18)  Il-ħidma tat-Task Force għall-emerġenzi jenħtieġ li tkun separata mill-ħidma tal-kumitati xjentifiċi tal-Aġenzija u jenħtieġ li titwettaq mingħajr preġudizzju għall-valutazzjonijiet xjentifiċi ta' dawk il-kumitati. It-Task Force għall-emerġenzi jenħtieġ li tipprovdi rakkomandazzjonijiet fir-rigward tal-użu ta' prodotti mediċinali fil-ġlieda kontra l-marda li tkun responsabbli għall-kriżi tas-saħħa pubblika. Il-Kumitat għall-Prodotti Mediċinali għall-Użu mill-Bniedem jenħtieġ li jkun jista' juża dawk ir-rakkomandazzjonijiet meta jħejji opinjonijiet xjentifiċi dwar l-użu ħanin jew użu bikri ieħor ta' prodott mediċinali qabel l-awtorizzazzjoni għat-tqegħid fis-suq. (18)  Il-ħidma tat-Task Force għall-emerġenzi jenħtieġ li tkun separata mill-ħidma tal-kumitati xjentifiċi tal-Aġenzija u jenħtieġ li titwettaq mingħajr preġudizzju għall-valutazzjonijiet xjentifiċi ta' dawk il-kumitati. It-Task Force għall-Emerġenzi jenħtieġ li tipprovdi rakkomandazzjonijiet fir-rigward tal-użu ta' prodotti mediċinali fil-ġlieda biex tingħeleb il-kriżi tas-saħħa pubblika. Il-Kumitat għall-Prodotti Mediċinali għall-Użu mill-Bniedem jenħtieġ li jkun jista' juża dawk ir-rakkomandazzjonijiet meta jħejji opinjonijiet xjentifiċi dwar l-użu ħanin jew użu bikri ieħor ta' prodott mediċinali qabel l-awtorizzazzjoni għat-tqegħid fis-suq. Il-Grupp Eżekuttiv ta' Tmexxija dwar in-Nuqqasijiet u s-Sikurezza tal-Mediċini jista' juża wkoll il-ħidma tat-Task Force għall-Emerġenzi fl-iżvilupp tal-listi tal-mediċini kritiċi. Emenda 24 Proposta għal regolament Premessa 19 (19)  It-twaqqif tat-Task Force għall-emerġenzi jenħtieġ li jibni fuq l-appoġġ ipprovdut mill-Aġenzija matul il-pandemija tal-COVID-19, b'mod partikolari fir-rigward tal-pariri xjentifiċi dwar id-disinn tal-provi kliniċi u dwar l-iżvilupp tal-prodotti kif ukoll dwar ir-rieżami "kontinwu", jiġifieri fuq bażi kontinwa, ta' evidenza emerġenti li tippermetti valutazzjoni aktar effiċjenti tal-prodotti mediċinali, li jinkludu l-vaċċini, matul emerġenzi tas-saħħa pubblika. (19)  It-twaqqif tat-Task Force għall-emerġenzi jenħtieġ li jibni fuq l-appoġġ ipprovdut mill-Aġenzija matul il-pandemija tal-COVID-19, b'mod partikolari fir-rigward tal-pariri xjentifiċi dwar id-disinn tal-provi kliniċi u dwar l-iżvilupp tal-prodotti kif ukoll dwar ir-rieżami "kontinwu", jiġifieri fuq bażi kontinwa, ta' evidenza emerġenti li tippermetti valutazzjoni aktar effiċjenti tal-prodotti mediċinali, li jinkludu l-vaċċini, matul emerġenzi tas-saħħa pubblika, filwaqt li jiġi ggarantit livell għoli ta' protezzjoni tas-saħħa tal-bniedem. Emenda 25 Proposta għal regolament Premessa 19a (ġdida) (19a)  L-esperjenza bil-provi kliniċi matul il-pandemija tal-COVID-19 żvelat ammont kbir ħafna ta' duplikazzjoni ta' investigazzjonijiet fuq l-istess interventi, bosta provi żgħar, sottorappreżentanza ta' subgruppi importanti tal-popolazzjoni, abbażi tal-ġeneru, l-età, l-etniċità jew il-komorbiditajiet mediċi, u nuqqas ta' kollaborazzjoni, filwaqt li joħolqu riskju ta' ħela tar-riċerka. Sabiex tittejjeb l-aġenda tar-riċerka klinika, ir-regolaturi internazzjonali rrimarkaw il-ħtieġa ta' evidenza soda dwar il-kwalità, l-effikaċja u s-sikurezza tal-prodotti mediċinali. Il-mod ewlieni biex tinkiseb evidenza affidabbli huwa permezz ta' provi kbar ikkontrollati u aleatorji li jkunu kkoordinati, imfassla tajjeb u mħaddma b'mod adegwat. Ir-riżultati u d-data tal-provi kliniċi jenħtieġ li jiġu ppubblikati. Emenda 26 Proposta għal regolament Premessa 19b (ġdida) (19b)  Il-fażi tal-provi kliniċi li matulha s-sikurezza, l-effikaċja u l-kwalità tal-kandidati għall-prodotti mediċinali jiġu studjati fil-bniedem, hija pass ewlieni fl-iżvilupp ta' prodotti mediċinali, inklużi l-vaċċini. Għalhekk huwa importanti li r-Regolament (UE) Nru 536/2014 tal-Parlament Ewropew u tal-Kunsill1a jiġi applikat bis-sħiħ, b'mod partikolari fir-rigward tat-tnedija tal-funzjonament ta' sistema ta' informazzjoni dwar il-provi kliniċi. __________________ 1a Ir-Regolament (UE) Nru 536/2014 tal-Parlament Ewropew u tal-Kunsill tas-16 ta' April 2014 dwar il-provi kliniċi fuq prodotti mediċinali għall-użu mill-bniedem, u li jħassar id-Direttiva 2001/20/KE (ĠU L 158, 27.5.2014, p. 1). Emenda 27 Proposta għal regolament Premessa 20 (20)  L-entitajiet ta' riċerka individwali jistgħu jaqblu bejniethom, jew ma' parti oħra, li jaġixxu bħala sponsor biex iħejju protokoll tal-provi kliniċi armonizzat madwar l-Unjoni kollha, iżda l-esperjenza matul il-pandemija tal-COVID-19 uriet li l-inizjattivi biex jitwaqqfu provi multinazzjonali kbar qed ibatu biex jimmaterjalizzaw irwieħhom minħabba n-nuqqas ta' entità waħda li tkun tista' twettaq ir-responsabbiltajiet u l-attivitajiet kollha ta' sponsor fl-Unjoni, filwaqt li tinteraġixxi ma' diversi Stati Membri. Għalhekk, huwa xieraq li l-Aġenzija tidentifika u tiffaċilita inizjattivi bħal dawn billi tagħti pariri dwar il-possibbiltajiet li taġixxi bħala sponsor jew, fejn applikabbli, tiddefinixxi r-responsabbiltajiet rispettivi bħala kosponsors skont l-Artikolu 72 tar-Regolament (UE) Nru 536/2014. Approċċ bħal dan ikun isaħħaħ l-ambjent tar-riċerka fl-Unjoni, u jippromwovi l-armonizzazzjoni u jevita dewmien sussegwenti fl-integrazzjoni tar-riżultati tar-riċerka ma' awtorizzazzjoni għat-tqegħid fis-suq. Sponsor tal-Unjoni jista' jibbenefika mill-finanzjament tar-riċerka tal-Unjoni disponibbli fiż-żmien tal-emerġenza tas-saħħa pubblika kif ukoll min-networks eżistenti tal-provi kliniċi biex jiffaċilita l-iżvilupp, l-applikazzjoni, is-sottomissjoni u t-tmexxija tal-prova. Dan jista' jkun partikolarment siewi għall-provi stabbiliti minn organizzazzjonijiet tas-saħħa pubblika jew tar-riċerka tal-Unjoni jew internazzjonali. (20)  L-entitajiet ta' riċerka individwali jistgħu jaqblu bejniethom, jew ma' parti oħra, li jaġixxu bħala sponsor biex iħejju protokoll tal-provi kliniċi armonizzat madwar l-Unjoni kollha, iżda l-esperjenza matul il-pandemija tal-COVID-19 uriet li l-inizjattivi biex jitwaqqfu provi multinazzjonali kbar qed ibatu biex jimmaterjalizzaw irwieħhom minħabba n-nuqqas ta' entità waħda li tkun tista' twettaq ir-responsabbiltajiet u l-attivitajiet kollha ta' sponsor fl-Unjoni, filwaqt li tinteraġixxi ma' diversi Stati Membri. F'dak ir-rigward, tnieda network ġdid ta' provi tal-vaċċin madwar l-Unjoni u ffinanzjat mill-Unjoni, imsejjaħ VACCELERATE, fid-dawl tal-komunikazzjoni tal-Kummissjoni tas-17 ta' Frar 2021 intitolata "L-Inkubatur HERA: Nantiċipaw flimkien it-theddida tal-varjanti tal-COVID-19". It-Task Force għall-Emerġenzi jenħtieġ li tibni fuq dak in-network tal-provi u networks stabbiliti oħrajn bħall-Kapijiet tal-Aġenziji għall-Mediċini, il-Grupp tal-Iffaċilitar u l-Koordinazzjoni tal-Provi Kliniċi u n-Network Ewropew tal-Infrastruttura tar-Riċerka Klinika biex tiżgura li data adegwata dwar prodotti mediċinali ġodda fid-dawl ta' emerġenza possibbli tas-saħħa pubblika tiġi ġġenerata b'ħeffa. Għalhekk, huwa essenzjali li l-Aġenzija tidentifika u tiffaċilita inizjattivi bħal dawn billi tagħti pariri dwar il-possibbiltajiet li entità taġixxi bħala sponsor jew, fejn applikabbli, tiddefinixxi r-responsabbiltajiet rispettivi bħala kosponsors skont l-Artikolu 72 tar-Regolament (UE) Nru 536/2014 u tikkoordina l-iżvilupp tal-protokolli tal-provi kliniċi. It-Task Force għall-Emerġenzi jenħtieġ li tiddefinixxi l-aktar miri ta' prestazzjoni klinikament rilevanti għall-vaċċini u t-trattamenti li jridu jitkejlu fil-provi kliniċi, sabiex ikunu jistgħu jissodisfaw il-kriterji għal interventi effettivi ta' saħħa pubblika. Approċċ bħal dan ikun isaħħaħ l-ambjent tar-riċerka fl-Unjoni, u jippromwovi l-armonizzazzjoni u jevita dewmien sussegwenti fl-integrazzjoni tar-riżultati tar-riċerka ma' awtorizzazzjoni għat-tqegħid fis-suq. Sponsor tal-Unjoni jista' jibbenefika mill-finanzjament tar-riċerka tal-Unjoni disponibbli fiż-żmien tal-emerġenza tas-saħħa pubblika kif ukoll min-networks eżistenti tal-provi kliniċi biex jiffaċilita l-iżvilupp, l-applikazzjoni, is-sottomissjoni u t-tmexxija tal-prova. Dan jista' jkun partikolarment siewi għall-provi stabbiliti minn organizzazzjonijiet tas-saħħa pubblika jew tar-riċerka tal-Unjoni jew internazzjonali. Emenda 28 Proposta għal regolament Premessa 22 (22)  Dan ir-Regolament jipprovdi wkoll lill-Aġenzija bi rwol li tappoġġa lill-gruppi ta' esperti dwar l-apparati mediċi maħtura skont id-Deċiżjoni ta' Implimentazzjoni tal-Kummissjoni (UE) 2019/139612 biex jipprovdu assistenza xjentifika u teknika indipendenti lill-Istati Membri, lill-Kummissjoni, lill-Grupp ta' Koordinazzjoni dwar l-Apparat Mediku (MDCG), lill-korpi notifikati u lill-manifatturi. (22)  Dan ir-Regolament jipprovdi wkoll lill-Aġenzija rwol li tappoġġa lill-gruppi ta' esperti dwar l-apparati mediċi maħtura skont id-Deċiżjoni ta' Implimentazzjoni tal-Kummissjoni (UE) 2019/139612 biex jipprovdu assistenza xjentifika u teknika indipendenti lill-Istati Membri, lill-Kummissjoni, lill-Grupp ta' Koordinazzjoni dwar l-Apparat Mediku (MDCG), lill-korpi notifikati u lill-manifatturi, filwaqt li tiġi żgurata trasparenza massima bħala kundizzjoni għat-trawwim tal-fiduċja u l-kunfidenza fis-sistema regolatorja tal-Unjoni. __________________ __________________ 12 Id-Deċiżjoni ta' Implimentazzjoni tal-Kummissjoni (UE) 2019/1396 tal-10 ta' Settembru 2019 li tistabbilixxi r-regoli għall-applikazzjoni tar-Regolament (UE) 2017/745 tal-Parlament Ewropew u tal-Kunsill fir-rigward tal-ħatra ta' gruppi ta' esperti fil-qasam tal-apparati mediċi, ĠU L 234, 11.9.2019, p. 23. 12 Id-Deċiżjoni ta' Implimentazzjoni tal-Kummissjoni (UE) 2019/1396 tal-10 ta' Settembru 2019 li tistabbilixxi r-regoli għall-applikazzjoni tar-Regolament (UE) 2017/745 tal-Parlament Ewropew u tal-Kunsill fir-rigward tal-ħatra ta' gruppi ta' esperti fil-qasam tal-apparati mediċi, ĠU L 234, 11.9.2019, p. 23. Emenda 29 Proposta għal regolament Premessa 22a (ġdida) (22a)  It-Task Force għall-Emerġenza jenħtieġ li tirrieżamina l-protokolli tal-provi kliniċi u tagħti pariri lill-iżviluppaturi dwar il-provi kliniċi li jitwettqu fl-Unjoni, filwaqt li tipprovdi gwida dwar il-punti ta' tmiem u l-miri klinikament rilevanti għall-vaċċini u t-trattamenti sabiex tiggwida t-tfassil tal-prova klinika lejn l-issodisfar tal-kriterji għal interventi effettivi tas-saħħa pubblika. Emenda 30 Proposta għal regolament Premessa 24 (24)  Minħabba r-rekord fit-tul u pprovat ta' għarfien espert tal-Aġenzija fil-qasam tal-prodotti mediċinali u b'kunsiderazzjoni tal-esperjenza tal-Aġenzija mill-ħidma ma' għadd kbir ta' gruppi ta' esperti, huwa xieraq li jiġu stabbiliti l-istrutturi xierqa fi ħdan l-Aġenzija għall-monitoraġġ ta' nuqqasijiet potenzjali ta' apparati mediċi fil-kuntest ta' emerġenza tas-saħħa pubblika u li l-Aġenzija tingħata mandat biex tospita lill-gruppi ta' esperti dwar l-apparati mediċi. Dan jippermetti sostenibbiltà fit-tul għall-funzjonament tal-gruppi u jipprovdi sinerġiji ċari ma' xogħol relatat ta' tħejjija għall-kriżijiet għall-prodotti mediċinali. Dawk l-istrutturi bl-ebda mod ma jbiddlu s-sistema regolatorja jew il-proċeduri ta' teħid ta' deċiżjonijiet fil-qasam tal-apparati mediċi diġà fis-seħħ fl-Unjoni, li jenħtieġ li jibqgħu distinti b'mod ċar minn dik għall-prodotti mediċinali. (24)  Minħabba r-rekord fit-tul u pprovat ta' għarfien espert tal-Aġenzija fil-qasam tal-prodotti mediċinali u b'kunsiderazzjoni tal-esperjenza tal-Aġenzija mill-ħidma ma' għadd kbir ta' gruppi ta' esperti, huwa xieraq li jiġu stabbiliti l-istrutturi xierqa fi ħdan l-Aġenzija għall-monitoraġġ ta' nuqqasijiet potenzjali ta' apparati mediċi fil-kuntest ta' emerġenza tas-saħħa pubblika u li l-Aġenzija tingħata mandat biex tospita lill-gruppi ta' esperti dwar l-apparati mediċi. Fid-dawl ta' dan, l-entitajiet nazzjonali kollha u, eventwalment, l-entitajiet tal-Unjoni kollha li huma involuti fil-kumulazzjoni ta' riżerva ta' apparati mediċi, jenħtieġ li jirrapportaw l-istokkijiet tagħhom lill-Aġenzija. Dan jippermetti sostenibbiltà fit-tul għall-funzjonament tal-gruppi u jipprovdi sinerġiji ċari ma' xogħol relatat ta' tħejjija għall-kriżijiet għall-prodotti mediċinali. Dawk l-istrutturi bl-ebda mod ma jbiddlu s-sistema regolatorja jew il-proċeduri ta' teħid ta' deċiżjonijiet fil-qasam tal-apparati mediċi diġà fis-seħħ fl-Unjoni, li jenħtieġ li jibqgħu distinti b'mod ċar minn dik għall-prodotti mediċinali. Emenda 31 Proposta għal regolament Premessa 25 (25)  Biex jiġu ffaċilitati l-ħidma u l-iskambju ta' informazzjoni skont dan ir-Regolament, jenħtieġ li jiġu previsti l-istabbiliment u l-immaniġġar ta' infrastrutturi tal-IT u sinerġiji ma' sistemi tal-IT eżistenti oħra jew sistemi li qed jiġu żviluppati, inkluża l-pjattaforma tal-IT tal-EUDAMED għall-apparati mediċi. Jenħtieġ li dik il-ħidma tiġi ffaċilitata wkoll, fejn xieraq, minn teknoloġiji diġitali emerġenti bħal mudelli komputazzjonali u simulazzjonijiet għal provi kliniċi, kif ukoll data mill-Programm Spazjali tal-UE bħas-servizzi ta' ġeolokalizzazzjoni ta' Galileo, u d-data ta' osservazzjoni tad-dinja ta' Copernicus. (25)  Biex jiġu ffaċilitati l-ħidma u l-iskambju ta' informazzjoni skont dan ir-Regolament, jenħtieġ li jiġu previsti l-istabbiliment u l-immaniġġar ta' infrastrutturi tal-IT u sinerġiji ma' sistemi tal-IT eżistenti oħra jew sistemi li qed jiġu żviluppati, inkluża l-pjattaforma tal-IT tal-EUDAMED għall-apparati mediċi, flimkien ma' protezzjoni mtejba tal-infrastruttura tad-data u deterrenza minn attakki ċibernetiċi possibbli. Jenħtieġ li dik il-ħidma tiġi ffaċilitata wkoll, fejn xieraq, minn teknoloġiji diġitali emerġenti bħal mudelli komputazzjonali u simulazzjonijiet għal provi kliniċi, kif ukoll data mill-Programm Spazjali tal-UE bħas-servizzi ta' ġeolokalizzazzjoni ta' Galileo, u d-data ta' osservazzjoni tad-dinja ta' Copernicus. Emenda 32 Proposta għal regolament Premessa 26 (26)  L-aċċess rapidu u l-iskambju tad-data dwar is-saħħa, li tinkludi d-data tad-dinja reali, jiġifieri d-data dwar is-saħħa ġġenerata barra mill-istudji kliniċi, huma essenzjali biex jiġi żgurat il-maniġġar effettiv tal-emerġenzi tas-saħħa pubblika u ta' eventi maġġuri oħra. Jenħtieġ li dan ir-Regolament jippermetti lill-Aġenzija tuża u tiffaċilita tali skambju u tkun parti mill-istabbiliment u mit-tħaddim tal-infrastruttura tal-Ispazju Ewropew tad-Data dwar is-Saħħa. (26)  L-aċċess rapidu u l-iskambju tad-data dwar is-saħħa, li tinkludi d-data tad-dinja reali, jiġifieri d-data dwar is-saħħa ġġenerata barra mill-istudji kliniċi, huma essenzjali biex jiġi żgurat il-maniġġar effettiv tal-emerġenzi tas-saħħa pubblika u ta' eventi maġġuri oħra. Jenħtieġ li dan ir-Regolament jippermetti lill-Aġenzija tuża u tiffaċilita tali skambju u tkun parti mill-istabbiliment u mit-tħaddim tal-infrastruttura interoperabbli tal-Ispazju Ewropew tad-Data dwar is-Saħħa, filwaqt li tieħu vantaġġ mill-potenzjal kollu tas-supercomputing, l-intelliġenza artifiċjali u x-xjenza tal-big data biex tiżviluppa mudelli ta' tbassir u tieħu deċiżjonijiet aħjar u aktar effettivi fil-ħin, mingħajr ma tikkomprometti d-drittijiet tal-privatezza. Emenda 33 Proposta għal regolament Premessa 26a (ġdida) (26a)   Sabiex jiġi ffaċilitat l-iskambju affidabbli tal-informazzjoni dwar il-prodotti mediċinali b'mod sod u konsistenti, l-identifikazzjoni tal-prodotti mediċinali għall-użu mill-bniedem se tkun ibbażata fuq l-Organizzazzjoni Internazzjonali għall-Istandardizzazzjoni (ISO) għall-identifikazzjoni tal-prodotti mediċinali għall-użu mill-bniedem (IDMP). Emenda 34 Proposta għal regolament Premessa 26b (ġdida) (26b)  It-trattament ta' data sensittiva, kruċjali biex jiġu indirizzati emerġenzi potenzjali tas-saħħa pubblika, jirrikjedi livell għoli ta' protezzjoni kontra l-attakki ċibernetiċi. L-organizzazzjonijiet tal-kura tas-saħħa qed iħabbtu wiċċhom ukoll ma' theddid akbar għaċ-ċibersigurtà f'nofs il-pandemija tal-COVID-19. L-Aġenzija nnifisha kienet il-mira ta' attakk ċibernetiku li wassal biex xi wħud mid-dokumenti aċċessati illegalment relatati mal-mediċini u l-vaċċini tal-COVID-19 li jappartjenu lil partijiet terzi ġew żvelati fuq l-internet. Għalhekk hemm il-ħtieġa li l-Aġenzija tkun mgħammra b'livell għoli ta' sigurtà kontra l-attakki ċibernetiċi biex tiżgura l-funzjonament normali tal-Aġenzija f'kull ħin u speċjalment matul emerġenzi tas-saħħa pubblika. Għal dak il-għan, jenħtieġ li l-Aġenzija tistabbilixxi pjan għall-prevenzjoni, l-identifikazzjoni u l-mitigazzjoni ta' attakki ċibernetiċi u r-rispons għalihom sabiex l-operat tagħha jkun sigur f'kull ħin, filwaqt li tipprevjeni kwalunkwe aċċess illegali għal dokumentazzjoni miżmuma mill-Aġenzija. Emenda 35 Proposta għal regolament Premessa 26c (ġdida) (26c)  Minħabba n-natura sensittiva tad-data dwar is-saħħa, l-Aġenzija jenħtieġ li tissalvagwardja u tiggarantixxi li l-operazzjonijiet ta' pproċessar tagħha jirrispettaw il-prinċipji tal-protezzjoni tad-data ta' legalità, ġustizzja u trasparenza, limitazzjoni tal-iskop, minimizzazzjoni tad-data, akkuratezza, limitazzjoni tal-ħżin, integrità u kunfidenzjalità. Meta, għall-finijiet ta' dan ir-Regolament, ikun hemm bżonn li tiġi pproċessata data personali, dan jenħtieġ li jitwettaq f'konformità mad-dritt tal-Unjoni dwar il-protezzjoni ta' data personali. Kwalunkwe pproċessar ta' data personali bbażat fuq dan ir-Regolament jenħtieġ li jitwettaq f'konformità mar-Regolamenti (UE) 2016/6791a u (UE) 2018/17251b tal-Parlament Ewropew u tal-Kunsill _______________ 1a Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar tad-data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). 1b Ir-Regolament (UE) 2018/1725 tal-Parlament Ewropew u tal-Kunsill tat-23 ta' Ottubru 2018 dwar il-protezzjoni ta' persuni fiżiċi fir-rigward tal-ipproċessar ta' data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta' tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). Emenda 36 Proposta għal regolament Premessa 26d (ġdida) (26d)   Huwa imperattiv li jiġu stabbiliti miżuri u standards ta' trasparenza sodi fir-rigward tal-attivitajiet regolatorji tal-Aġenzija dwar il-prodotti mediċinali u l-apparati mediċi li jaqgħu fil-kamp ta' applikazzjoni ta' dan ir-Regolament. Dawk il-miżuri jenħtieġ li jinkludu l-pubblikazzjoni f'waqtha tad-data klinika u l-informazzjoni rilevanti kollha dwar il-prodotti approvati, inklużi protokolli sħaħ tal-provi kliniċi. L-Aġenzija jenħtieġ li tapplika grad għoli ta' trasparenza fir-rigward tas-sħubija, ir-rakkomandazzjonijiet, l-opinjonijiet u d-deċiżjonijiet tal-Gruppi ta' Tmexxija u tat-Task Force għall-Emerġenza li jkunu għadhom kif ġew stabbiliti. Jenħtieġ li l-membri tal-Gruppi ta' Tmexxija u tat-Task Force għall-Emerġenza ma jkollhom l-ebda interess finanzjarju jew ta' tip ieħor fl-industrija farmaċewtika jew tal-apparati mediċi li jista' jaffettwa l-imparzjalità tagħhom. Emenda 37 Proposta għal regolament Premessa 26e (ġdida) (26e)   Il-kredibbiltà tal-Aġenzija u l-fiduċja pubblika fid-deċiżjonijiet tagħha jiddependu minn grad għoli ta' trasparenza. Għalhekk, jenħtieġ li jiġi previst involviment proattiv b'għodod ta' komunikazzjoni adegwati mal-pubbliku ġenerali. Barra minn hekk, standards u miżuri msaħħa u aċċellerati ta' trasparenza rigward il-korpi ta' ħidma tal-Aġenzija u d-data klinika vvalutata għall-evalwazzjoni u s-sorveljanza tal-prodotti mediċinali u l-apparati mediċi huma essenzjali biex tinkiseb u tinżamm il-fiduċja pubblika. Dan ir-Regolament jistabbilixxi qafas għal dawk l-istandards u l-miżuri msaħħa tat-trasparenza, ibbażat fuq l-isforzi, l-istandards u l-miżuri tal-Aġenzija stabbiliti matul il-pandemija tal-COVID-19. Emenda 38 Proposta għal regolament Premessa 27 (27)  Matul emerġenza tas-saħħa pubblika jew b'rabta ma' event maġġuri, jenħtieġ li l-Aġenzija tiżgura l-kooperazzjoni maċ-Ċentru Ewropew għall-Prevenzjoni u l-Kontroll tal-Mard u ma' Aġenziji oħra tal-Unjoni kif xieraq. Tali kooperazzjoni għandha tinkludi l-kondiviżjoni tad-data, li tinkludi data dwar it-tbassir epidemjoloġiku, komunikazzjoni regolari fil-livell eżekuttiv, u stediniet lir-rappreżentanti taċ-Ċentru Ewropew għall-Prevenzjoni u l-Kontroll tal-Mard u Aġenziji oħra tal-Unjoni biex jattendu laqgħat tat-Task Force għall-emerġenzi, tal-Grupp ta' Tmexxija dwar il-Mediċini, u tal-Grupp ta' Tmexxija dwar l-Apparati Mediċi, kif xieraq. (27)  Matul emerġenza tas-saħħa pubblika jew b'rabta ma' event maġġuri, jenħtieġ li l-Aġenzija tiżgura l-kooperazzjoni maċ-Ċentru Ewropew għall-Prevenzjoni u l-Kontroll tal-Mard u ma' Aġenziji oħra tal-Unjoni kif xieraq. Tali kooperazzjoni għandha tinkludi l-kondiviżjoni tad-data, li tinkludi data dwar it-tbassir epidemjoloġiku, komunikazzjoni regolari fil-livell eżekuttiv, u stediniet lir-rappreżentanti taċ-Ċentru Ewropew għall-Prevenzjoni u l-Kontroll tal-Mard u Aġenziji oħra tal-Unjoni biex jattendu laqgħat tat-Task Force għall-emerġenzi, tal-Grupp ta' Tmexxija dwar il-Mediċini, u tal-Grupp ta' Tmexxija dwar l-Apparati Mediċi, kif xieraq. Din il-kooperazzjoni jenħtieġ li tinkludi wkoll diskussjonijiet strateġiċi mal-entitajiet rilevanti tal-Unjoni, bħall-HERA, li jkunu f'pożizzjoni li jagħtu spinta lir-riċerka u l-iżvilupp ta' soluzzjonijiet u teknoloġiji xierqa biex jiġu mmitigati l-effetti tal-emerġenza tas-saħħa pubblika jew event maġġuri, jew jiġu evitati emerġenzi futuri simili tas-saħħa pubblika jew eventi maġġuri. Emenda 39 Proposta għal regolament Premessa 27a (ġdida) (27a)   Matul emerġenza tas-saħħa pubblika jew fir-rigward ta' event maġġuri, l-Aġenzija jenħtieġ li tippermetti skambji regolari ta' informazzjoni mal-industrija, l-atturi rilevanti tal-katina tal-provvista farmaċewtika, ir-rappreżentanti tal-professjonisti fil-qasam tal-kura tas-saħħa, il-pazjenti u l-konsumaturi, biex tiggarantixxi diskussjonijiet bikrija dwar in-nuqqasijiet potenzjali tal-mediċini fis-suq u r-restrizzjonijiet fuq il-provvista, sabiex ikunu jistgħu jsiru koordinazzjoni u sinerġiji aħjar biex jiġu mmitigati l-emerġenza tas-saħħa pubblika jew l-event maġġuri u jkun hemm rispons għalihom. Emenda 40 Proposta għal regolament Premessa 27b (ġdida) (27b)  Filwaqt li jitqies li l-pandemija tal-COVID-19 għadha ma ntemmitx, u li d-durata u l-evoluzzjoni tal-kriżijiet tas-saħħa, bħall-pandemiji, huma inċerti, jenħtieġ li jsir provvediment għar-rieżami tal-effikaċja tal-funzjonament tal-istrutturi u l-mekkaniżmi stabbiliti f'konformità ma' dan ir-Regolament. Fid-dawl ta' dak ir-rieżami, l-istrutturi u l-mekkaniżmi jenħtieġ li jiġu emendati, jekk ikun xieraq. Emenda 41 Proposta għal regolament Premessa 29 (29)  Sabiex jiġi żgurat li jkunu disponibbli biżżejjed riżorsi għall-ħidma prevista taħt dan ir-Regolament, in-nefqa tal-Aġenzija jenħtieġ li tkun koperta mill-kontribuzzjoni tal-Unjoni għad-dħul tal-Aġenzija. (29)  Sabiex jiġi żgurat li jkunu disponibbli biżżejjed riżorsi, inklużi persunal xieraq u għarfien espert adegwat, għall-ħidma prevista taħt dan ir-Regolament, in-nefqa tal-Aġenzija jenħtieġ li tkun koperta mill-kontribuzzjoni tal-Unjoni għad-dħul tal-Aġenzija. Emenda 42 Proposta għal regolament Artikolu 1 – paragrafu 1 – punt a (a)  tipprepara għal u timmaniġġa l-impatt ta' eventi maġġuri fuq prodotti mediċinali għall-użu mill-bniedem u ta' emerġenzi tas-saħħa pubblika fuq prodotti mediċinali għall-użu mill-bniedem u fuq apparati mediċi; (a)  tipprevjeni, tipprepara għal, tikkoordina u timmaniġġa fil-livell tal-Unjoni l-impatt ta' eventi maġġuri fuq prodotti mediċinali għall-użu mill-bniedem u ta' emerġenzi tas-saħħa pubblika fuq prodotti mediċinali għall-użu mill-bniedem u fuq apparati mediċi; Emenda 43 Proposta għal regolament Artikolu 1 – paragrafu 1 – punt b (b)  timmonitorja u tirrapporta dwar in-nuqqasijiet ta' prodotti mediċinali għall-użu mill-bniedem u ta' apparati mediċi; (b)  tipprevjeni, timmonitorja u tirrapporta dwar in-nuqqasijiet ta' prodotti mediċinali għall-użu mill-bniedem u ta' apparati mediċi kritiċi; Emenda 44 Proposta għal regolament Artikolu 1 – paragrafu 1 – punt ba (ġdid) (ba)  tistabbilixxi bażi tad-data interoperabbli u diġitali fil-livell tal-Unjoni biex timmonitorja u tirrapporta dwar in-nuqqasijiet ta' prodotti mediċinali; Emenda 45 Proposta għal regolament Artikolu 2 – paragrafu 1 – punt b a (ġdid) (b a)  "prodott mediċinali veterinarju" tfisser prodott mediċinali veterinarju kif definit fil-punt (1) tal-Artikolu 4 tar-Regolament (UE) 2019/6 tal-Parlament Ewropew u tal-Kunsill1a; _______________ 1a Ir-Regolament (UE) 2019/6 tal-Parlament Ewropew u tal-Kunsill tal-11 ta' Diċembru 2018 dwar prodotti mediċinali veterinarji u li jħassar id-Direttiva 2001/82/KE (ĠU L 4, 7.1.2019, p. 43). Emenda 46 Proposta għal regolament Artikolu 2 – paragrafu 1 – punt ca (ġdid) (ca)  "provvista" tirreferi għall-volum totali tal-istokk ta' prodott mediċinali jew apparat mediku individwali li jitqiegħed fis-suq minn detentur tal-awtorizzazzjoni għat-tqegħid fis-suq jew manifattur; Emenda 47 Proposta għal regolament Artikolu 2 – paragrafu 1 – punt cb (ġdid) (cb)  "domanda" hija relatata mat-talba għal prodott mediċinali jew apparat mediku minn professjonist fil-qasam tal-kura tas-saħħa jew pazjent b'rispons għall-ħtieġa klinika. Biex domanda tiġi ssodisfata b'mod sodisfaċenti, jeħtieġ li l-prodott mediċinali jew l-apparat mediku jiġi akkwistat fil-ħin u fi kwantità suffiċjenti sabiex ikun hemm il-kontinwità tal-aħjar kura tal-pazjenti. Il-bejjiegħa bl-ingrossa normalment ikunu rabta ewlenija fil-provvista bejn id-detenturi tal-awtorizzazzjoni għat-tqegħid fis-suq jew il-manifatturi u l-utenti tal-prodotti mediċinali jew tal-apparati mediċi, rispettivament, u f'dawk il-każijiet, sabiex tiġi stmata d-domanda, jenħtieġ li titqies il-kwantità mitluba fl-ordnijiet bl-ingrossa; Emenda 48 Proposta għal regolament Artikolu 2 – paragrafu 1 – punt d (d)  "nuqqas" tfisser li l-provvista ta' prodott mediċinali għall-użu mill-bniedem jew ta' apparat mediku ma tissodisfax id-domanda għal dak il-prodott mediċinali jew l-apparat mediku; (d)  "nuqqas" tfisser li l-provvista ta' prodott mediċinali għall-użu mill-bniedem jew ta' apparat mediku ma tissodisfax id-domanda għal dak il-prodott mediċinali jew l-apparat mediku fil-livell nazzjonali, tkun xi tkun il-kawża; Emenda 49 Proposta għal regolament Artikolu 2 – paragrafu 1 – punt f (f)  "event maġġuri" tfisser event li x'aktarx ikun ta' riskju serju għas-saħħa pubblika fir-rigward ta' prodotti mediċinali f'aktar minn Stat Membru wieħed. Tali event jikkonċerna theddida fatali jew theddida li b'xi mod ieħor tkun serja għas-saħħa u li jkollha oriġini bijoloġika, kimika, ambjentali jew oħra jew inċident li jista' jaffettwa l-provvista jew il-kwalità, is-sikurezza, u l-effikaċja tal-prodotti mediċinali. Tali event jista' jwassal għal nuqqasijiet ta' prodotti mediċinali f'aktar minn Stat Membru wieħed u jeħtieġ koordinazzjoni urġenti fil-livell tal-Unjoni biex jiġi żgurat livell għoli ta' protezzjoni tas-saħħa tal-bniedem. (f)  "event maġġuri" tfisser event li x'aktarx ikun ta' riskju serju għas-saħħa pubblika fir-rigward ta' prodotti mediċinali f'aktar minn Stat Membru wieħed. Tali event jikkonċerna theddida fatali jew theddida li b'xi mod ieħor tkun serja għas-saħħa u li jkollha oriġini bijoloġika, kimika, ambjentali jew oħra jew inċident li jista' jaffettwa l-manifattura, il-provvista, id-domanda jew il-kwalità, is-sikurezza, u l-effikaċja tal-prodotti mediċinali. Tali event jista' jwassal għal nuqqasijiet ta' prodotti mediċinali f'aktar minn Stat Membru wieħed u jeħtieġ koordinazzjoni urġenti fil-livell tal-Unjoni biex jiġi żgurat livell għoli ta' protezzjoni tas-saħħa tal-bniedem. Problemi rikorrenti ta' provvista ta' prodotti mediċinali huma esklużi mill-kamp ta' applikazzjoni ta' din id-definizzjoni. Emenda 50 Proposta għal regolament Artikolu 3 – paragrafu 1 1.  Il-Grupp Eżekuttiv ta' Tmexxija dwar in-Nuqqasijiet u s-Sikurezza tal-Mediċini ("il-Grupp ta' Tmexxija dwar il-Mediċini") huwa b'dan stabbilit bħala parti mill-Aġenzija. Għandu jiltaqa' jew personalment jew b'mod remot, bi tħejjija għal jew waqt emerġenza tas-saħħa pubblika jew wara talba għall-assistenza kif imsemmi fl-Artikolu 4(3). L-Aġenzija għandha tipprovdi s-segretarjat tiegħu. 1.  Il-Grupp Eżekuttiv ta' Tmexxija dwar in-Nuqqasijiet u s-Sikurezza tal-Mediċini ("il-Grupp ta' Tmexxija dwar il-Mediċini") huwa b'dan stabbilit bħala parti mill-Aġenzija. Għandu jiltaqa' f'intervalli regolari jew personalment jew b'mod remot, u kull meta s-sitwazzjoni tirrikjedi dan, bi tħejjija għal jew waqt emerġenza tas-saħħa pubblika jew wara talba għall-assistenza kif imsemmi fl-Artikolu 4(3). L-Aġenzija għandha tipprovdi s-segretarjat tiegħu. Emenda 51 Proposta għal regolament Artikolu 3 – paragrafu 2 2.  Il-Grupp ta' Tmexxija dwar il-Mediċini għandu jkun magħmul minn rappreżentant tal-Aġenzija, minn rappreżentant tal-Kummissjoni u minn rappreżentant anzjan wieħed għal kull Stat Membru. Kull Stat Membru għandu jinnomina lir-rappreżentant tiegħu. Il-membri jistgħu jkunu akkumpanjati minn esperti f'oqsma xjentifiċi jew tekniċi speċifiċi. 2.  Il-Grupp ta' Tmexxija dwar il-Mediċini għandu jkun magħmul minn rappreżentant tal-Aġenzija, minn rappreżentant tal-Kummissjoni u minn rappreżentant anzjan wieħed awtorizzat għal kull Stat Membru. Kull Stat Membru għandu jinnomina lir-rappreżentant tiegħu. Il-membri jistgħu jkunu akkumpanjati minn esperti f'oqsma xjentifiċi jew tekniċi speċifiċi. Il-Grupp ta' Tmexxija dwar il-Mediċini għandu jinkludi wkoll rappreżentant tal-Grupp ta' Ħidma għall-Konsumaturi u l-Pazjenti (PCWP) tal-Aġenzija u rappreżentant tal-Grupp ta' Ħidma tal-Professjonisti fil-Qasam tal-Kura tas-Saħħa (HCPWP) tal-Aġenzija bħala osservaturi. Il-lista tal-membri tal-Grupp ta' Tmexxija dwar il-Mediċini għandha tkun trasparenti u tiġi ppubblikata fuq il-portal web tal-Aġenzija. Emenda 52 Proposta għal regolament Artikolu 3 – paragrafu 3 3.  Il-Grupp ta' Tmexxija dwar il-Mediċini għandu jkun ippresedut mill-Aġenzija. Il-President jista' jistieden lil partijiet terzi, li jinkludu rappreżentanti ta' gruppi ta' interess ta' prodotti mediċinali u ta' detenturi tal-awtorizzazzjonijiet għat-tqegħid fis-suq, biex jattendu l-laqgħat tiegħu. 3.  Il-Grupp ta' Tmexxija dwar il-Mediċini għandu jkun ippresedut mill-Aġenzija. Kwalunkwe membru tal-Grupp ta' Tmexxija dwar il-Mediċini jista' jipproponi lill-President biex jistieden lil partijiet terzi, li jinkludu rappreżentanti ta' gruppi ta' interess ta' prodotti mediċinali, ta' detenturi tal-awtorizzazzjonijiet għat-tqegħid fis-suq, distributuri bl-ingrossa, jew kwalunkwe attur xieraq ieħor fil-katina tal-provvista farmaċewtika, rappreżentanti ta' professjonisti fil-qasam tal-kura tas-saħħa, pazjenti u konsumaturi, biex jattendu l-laqgħat tiegħu meta l-kontribut tagħhom jista' jinforma d-diskussjonijiet tal-Grupp ta' Tmexxija dwar il-Mediċini. Emenda 53 Proposta għal regolament Artikolu 3 – paragrafu 3a (ġdid) 3a.  Il-Grupp ta' Tmexxija dwar il-Mediċini għandu jiggarantixxi komunikazzjoni miftuħa u kooperazzjoni mill-qrib mad-detenturi tal-awtorizzazzjoni għat-tqegħid fis-suq, il-manifatturi, l-atturi rilevanti tal-katina tal-provvista farmaċewtika, u rappreżentanti tal-professjonisti fil-qasam tal-kura tas-saħħa, pazjenti u konsumaturi bil-għan li jkunu jistgħu jiġu nnotifikati jew identifikati fi stadju bikri n-nuqqasijiet potenzjali jew attwali ta' prodotti mediċinali meqjusa bħala kritiċi waqt event maġġuri jew emerġenza tas-saħħa pubblika kif previst fl-Artikolu 6. Emenda 54 Proposta għal regolament Artikolu 3 – paragrafu 6 6.  Il-Grupp ta' Tmexxija dwar il-Mediċini għandu jkun responsabbli għat-twettiq tal-kompiti msemmija fl-Artikolu 4(4) u l-Artikoli 5 sa 8. 6.  Il-Grupp ta' Tmexxija dwar il-Mediċini għandu jkun responsabbli għat-twettiq tal-kompiti msemmija fl-Artikolu 4(3) u (4) u l-Artikoli 5 sa 8. Emenda 55 Proposta għal regolament Artikolu 3 – paragrafu 6a (ġdid) 6a.  Il-Grupp ta' Tmexxija dwar il-Mediċini jista' jikkonsulta mal-Kumitat għall-Prodotti Mediċinali għall-Użu Veterinarju kull meta jqis li jkun meħtieġ li jittratta emerġenzi tas-saħħa pubblika u eventi maġġuri relatati maż-żoonożi jew mard li jaffettwaw biss lill-annimali li għandhom jew li jista' jkollhom impatt kbir fuq is-saħħa tal-bniedem. Emenda 56 Proposta għal regolament Artikolu 3 – paragrafu 6b (ġdid) 6b.  Il-membri tal-Grupp ta' Tmexxija dwar il-Mediċini ma għandux ikollhom interessi finanzjarji jew interessi oħra fl-industrija farmaċewtika li jistgħu jaffettwaw l-imparzjalità tagħhom. Għandhom jaġixxu fl-interess pubbliku u b'mod indipendenti, u għandhom jagħmlu dikjarazzjoni annwali tal-interessi finanzjarji tagħhom u jaġġornawha kull meta sseħħ bidla rilevanti. L-interessi indiretti kollha li jistgħu jkunu relatati mal-industrija farmaċewtika għandhom jiddaħħlu f'reġistru miżmum mill-Aġenzija u għandhom ikunu aċċessibbli għall-pubbliku fuq talba. Id-dikjarazzjoni tal-interessi għandha ssir disponibbli għall-pubbliku fuq il-portal web tal-Aġenzija. Emenda 57 Proposta għal regolament Artikolu 4 – paragrafu 1 1.  L-Aġenzija għandha timmonitorja kontinwament kwalunkwe event li x'aktarx li jwassal għal event maġġuri jew għal emerġenza tas-saħħa pubblika. 1.  L-Aġenzija għandha timmonitorja kontinwament kwalunkwe event li x'aktarx li jwassal għal event maġġuri jew għal emerġenza tas-saħħa pubblika, b'koordinazzjoni mal-awtoritajiet kompetenti nazzjonali. F'dak ir-rigward, l-Aġenzija għandha tikkoopera mill-qrib maċ-Ċentru Ewropew għall-Prevenzjoni u l-Kontroll tal-Mard (ECDC) jew ma' aġenziji oħra tal-Unjoni, fejn ikun rilevanti. Emenda 58 Proposta għal regolament Artikolu 4 – paragrafu 2 2.  Biex jiffaċilitaw il-kompitu ta' monitoraġġ imsemmi fil-paragrafu 1, l-awtoritajiet kompetenti nazzjonali, permezz tal-punti uniċi ta' kuntatt imsemmija fl-Artikolu 3(5), għandhom, abbażi tal-kriterji ta' rapportar speċifikati mill-Aġenzija skont l-Artikolu 9(1)(b), jirrapportaw lill-Aġenzija dwar kwalunkwe event, inkluż nuqqas ta' prodott mediċinali fi Stat Membru partikolari, li x'aktarx iwassal għal event maġġuri jew għal emerġenza tas-saħħa pubblika. Meta awtorità kompetenti nazzjonali tinforma lill-Aġenzija dwar nuqqas ta' prodott mediċinali fi Stat Membru partikolari, hija għandha tipprovdi lill-Aġenzija bi kwalunkwe informazzjoni riċevuta mid-detentur tal-awtorizzazzjoni għat-tqegħid fis-suq skont l-Artikolu 23a tad-Direttiva 2001/83/KE. Abbażi ta' rapport ta' event minn awtorità kompetenti nazzjonali u sabiex tifhem l-impatt tal-event fi Stati Membri oħra, l-Aġenzija tista' titlob informazzjoni mill-awtoritajiet kompetenti nazzjonali, permezz tal-grupp ta' ħidma msemmi fl-Artikolu 3(5). 2.  Biex jiffaċilitaw il-kompitu ta' monitoraġġ imsemmi fil-paragrafu 1, l-awtoritajiet kompetenti nazzjonali, permezz tal-punti uniċi ta' kuntatt imsemmija fl-Artikolu 3(5), jew permezz tal-bażi tad-data msemmija fl-Artikolu 12a ladarba tibda topera bis-sħiħ, għandhom, abbażi tal-kriterji ta' rapportar speċifikati mill-Aġenzija skont l-Artikolu 9(1)(b), jirrapportaw mingħajr dewmien lill-Aġenzija dwar kwalunkwe event, inkluż nuqqas ta' prodott mediċinali fi Stat Membru partikolari, li x'aktarx iwassal għal event maġġuri jew għal emerġenza tas-saħħa pubblika. Meta awtorità kompetenti nazzjonali tinforma lill-Aġenzija dwar nuqqas ta' prodott mediċinali fi Stat Membru partikolari, hija għandha tipprovdi lill-Aġenzija bi kwalunkwe informazzjoni riċevuta mid-detentur tal-awtorizzazzjoni għat-tqegħid fis-suq skont l-Artikolu 23a tad-Direttiva 2001/83/KE. Abbażi ta' rapport ta' event minn awtorità kompetenti nazzjonali u sabiex tifhem l-impatt tal-event fi Stati Membri oħra, l-Aġenzija tista' titlob informazzjoni mill-awtoritajiet kompetenti nazzjonali, permezz tal-grupp ta' ħidma msemmi fl-Artikolu 3(5). Emenda 59 Proposta għal regolament Artikolu 4 – paragrafu 3 3.  Meta l-Aġenzija tqis li event maġġuri attwali jew imminenti jrid jiġi indirizzat, hija għandha tinforma lill-Kummissjoni u lill-Istati Membri b'dan. Il-Kummissjoni, fuq inizjattiva proprja jew wara talba minn Stat Membru wieħed jew aktar, jew id-Direttur Eżekuttiv tal-Aġenzija jistgħu jitolbu l-assistenza tal-Grupp ta' Tmexxija dwar il-Mediċini biex jindirizzaw l-event maġġuri. 3.  Meta l-Aġenzija tqis li event maġġuri attwali jew imminenti jrid jiġi indirizzat, hija għandha tinforma lill-Kummissjoni u lill-Istati Membri b'dan. Il-Kummissjoni, fuq inizjattiva proprja jew wara talba minn Stat Membru wieħed jew aktar, jew id-Direttur Eżekuttiv tal-Aġenzija għandhom imbagħad jitolbu l-assistenza tal-Grupp ta' Tmexxija dwar il-Mediċini biex janalizzaw l-informazzjoni disponibbli. Abbażi tal-analiżi tal-informazzjoni, il-Grupp ta' Tmexxija dwar il-Mediċini jista' jipproponi lill-Kummissjoni biex tirrikonoxxi formalment l-event maġġuri u, skont l-Artikolu 5, għandu jipprovdi rakkomandazzjonijiet biex jiġi indirizzat tali event. Emenda 60 Proposta għal regolament Artikolu 5 – paragrafu 2 Il-Grupp ta' Tmexxija dwar il-Mediċini għandu jipprovdi pariri lill-Kummissjoni u lill-Istati Membri dwar kwalunkwe azzjoni xierqa li jemmen li jenħtieġ li tittieħed fil-livell tal-Unjoni dwar il-prodotti mediċinali konċernati f'konformità mad-dispożizzjonijiet tad-Direttiva 2001/83/KE jew tar-Regolament (KE) Nru 726/200418. Il-Grupp ta' Tmexxija dwar il-Mediċini għandu jipprovdi pariri u rakkomandazzjonijiet lill-Kummissjoni u lill-Istati Membri dwar kwalunkwe azzjoni xierqa li jemmen li jenħtieġ li tittieħed fil-livell tal-Unjoni dwar il-prodotti mediċinali konċernati f'konformità mad-dispożizzjonijiet tad-Direttiva 2001/83/KE jew tar-Regolament (KE) Nru 726/200418. __________________ __________________ 18 Ir-Regolament (KE) Nru 726/2004 18 Ir-Regolament (KE) Nru 726/2004 Emenda 61 Proposta għal regolament Artikolu 5 – paragrafu 2a (ġdid) Il-Kummissjoni u l-Istati Membri għandhom jipprovdu ġustifikazzjoni sostanzjata f'każ li r-rakkomandazzjonijiet ipprovduti mill-Grupp ta' Tmexxija dwar il-Mediċini ma jitqisux. Ir-rakkomandazzjonijiet ipprovduti mill-Grupp ta' Tmexxija dwar il-Mediċini, kif ukoll kwalunkwe ġustifikazzjoni sostanzjata pprovduta mill-Kummissjoni u mill-Istati Membri, għandhom ikunu disponibbli għall-pubbliku permezz tal-portal web kif imsemmi fl-Artikolu 13. Emenda 62 Proposta għal regolament Artikolu 5 – paragrafu 2b (ġdid) Fejn tiġi stabbilita rabta maż-żoonożi jew mal-mard li jaffettwa biss l-annimali li għandhom jew jista' jkollhom impatt kbir fuq is-saħħa tal-bniedem jew fejn l-użu ta' ingredjenti attivi ta' prodotti mediċinali veterinarji jista' jkun utli biex tiġi indirizzata l-emerġenza tas-saħħa pubblika jew l-event maġġuri, jew inkella kull meta jkun meħtieġ, il-Grupp ta' Tmexxija dwar il-Mediċini jista' jikkollabora mal-Kumitat għall-Prodotti Mediċinali għall-Użu Veterinarju. Emenda 63 Proposta għal regolament Artikolu 6 – paragrafu 1 1.  Wara talba għall-assistenza kif imsemmi fl-Artikolu 4(3) u wara konsultazzjoni mal-grupp ta' ħidma tiegħu, il-Grupp ta' Tmexxija dwar il-Mediċini għandu jadotta lista ta' prodotti mediċinali awtorizzati f'konformità mad-Direttiva 2001/83/KE jew mar-Regolament (KE) Nru 726/2004 li huwa jqis bħala kritiċi matul l-event maġġuri ("il-lista ta' mediċini kritiċi għal event kbir"). Il-lista għandha tiġi aġġornata kull meta jkun meħtieġ sakemm l-event maġġuri jkun ġie indirizzat b'mod suffiċjenti. 1.  Wara talba għall-assistenza kif imsemmi fl-Artikolu 4(3) u wara konsultazzjoni mal-grupp ta' ħidma tiegħu, il-Grupp ta' Tmexxija dwar il-Mediċini għandu jadotta lista ta' prodotti mediċinali awtorizzati f'konformità mad-Direttiva 2001/83/KE jew mar-Regolament (KE) Nru 726/2004 li huwa jqis bħala kritiċi matul l-event maġġuri ("il-lista ta' mediċini kritiċi għal event kbir"). Il-lista għandha tiġi aġġornata kull meta jkun meħtieġ sakemm l-event maġġuri jkun ġie indirizzat b'mod suffiċjenti u jkun ġie kkonfermat li l-assistenza tal-Grupp ta' Tmexxija dwar il-Mediċini ma tibqax meħtieġa kif imsemmi fl-Artikolu 4(4) ta' dan ir-Regolament. Emenda 64 Proposta għal regolament Artikolu 6 – paragrafu 2 2.  Immedjatament wara r-rikonoxximent ta' emerġenza tas-saħħa pubblika u wara konsultazzjoni mal-grupp ta' ħidma tiegħu, il-Grupp ta' Tmexxija dwar il-Mediċini għandu jadotta lista ta' prodotti mediċinali awtorizzati f'konformità mad-Direttiva 2001/83/KE jew mar-Regolament (KE) Nru 726/2004 li huwa jqis bħala kritiċi matul l-emerġenza tas-saħħa pubblika ("il-lista ta' mediċini kritiċi ta' emerġenza tas-saħħa pubblika"). Il-lista għandha tiġi aġġornata kull meta jkun meħtieġ sakemm ma tibqax rikonoxxuta l-emerġenza tas-saħħa pubblika. 2.  Immedjatament wara r-rikonoxximent ta' emerġenza tas-saħħa pubblika u wara konsultazzjoni mal-grupp ta' ħidma tiegħu, il-Grupp ta' Tmexxija dwar il-Mediċini għandu jadotta lista ta' prodotti mediċinali awtorizzati f'konformità mad-Direttiva 2001/83/KE jew mar-Regolament (KE) Nru 726/2004 li huwa jqis bħala kritiċi matul l-emerġenza tas-saħħa pubblika ("il-lista ta' mediċini kritiċi ta' emerġenza tas-saħħa pubblika"). Il-lista għandha tiġi aġġornata kull meta jkun meħtieġ sakemm ma tibqax rikonoxxuta l-emerġenza tas-saħħa pubblika. Il-lista tista' tiġi aġġornata f'konformità mal-eżiti tal-proċess ta' rieżami skont l-Artikolu 16 ta' dan ir-Regolament, fejn xieraq, li għalih il-Grupp ta' Tmexxija dwar il-Mediċini għandu jikkollabora mat-Task Force għall-Emerġenzi. Emenda 65 Proposta għal regolament Artikolu 6 – paragrafu 3 3.  Il-Grupp ta' Tmexxija dwar il-Mediċini għandu jadotta sett ta' informazzjoni meħtieġa biex jimmonitorja l-provvista tal-prodotti mediċinali u d-domanda għall-prodotti mediċinali inklużi fil-listi msemmija fil-paragrafi 1 u 2 ("il-listi ta' mediċini kritiċi") u jinforma lill-grupp ta' ħidma tiegħu dwar dan. 3.  Il-Grupp ta' Tmexxija dwar il-Mediċini għandu jadotta sett ta' informazzjoni u azzjonijiet meħtieġa biex jimmonitorja l-provvista tal-prodotti mediċinali u d-domanda għall-prodotti mediċinali inklużi fil-listi msemmija fil-paragrafi 1 u 2 ("il-listi ta' mediċini kritiċi") u jinforma lill-grupp ta' ħidma tiegħu dwar dan. L-entitajiet tal-Unjoni jew nazzjonali li huma involuti fil-kumulazzjoni ta' riżerva ta' prodotti mediċinali għandhom jiġu infurmati kif xieraq. Il-Grupp ta' Tmexxija dwar il-Mediċini għandu jirrapporta lill-Aġenzija u lill-Kummissjoni fi żmien xieraq u għandu jinnotifika immedjatament kull event maġġuri jew nuqqas ta' provvista. Emenda 66 Proposta għal regolament Artikolu 6 – paragrafu 4a (ġdid) 4a.  L-Aġenzija għandha tistabbilixxi paġni web aċċessibbli għall-pubbliku b'informazzjoni dwar in-nuqqasijiet attwali ta' prodotti mediċinali kritiċi. Għandha tiġi inkluża wkoll referenza għar-reġistri nazzjonali dwar in-nuqqasijiet ta' prodotti mediċinali. Il-paġna web għandu jkun fiha informazzjoni dwar, iżda mhux biss: (a)  l-isem kummerċjali u d-denominazzjoni internazzjonali komuni; (b)  l-indikazzjoni; (c)  ir-raġuni għan-nuqqas; (d)  id-dati tal-bidu u tat-tmiem; (e)  l-Istati Membri affettwati; (f)  informazzjoni għall-professjonisti fil-qasam tal-kura tas-saħħa u l-pazjenti, inkluża informazzjoni dwar trattamenti alternattivi. Emenda 67 Proposta għal regolament Artikolu 7 – paragrafu 1 Fuq il-bażi tal-listi ta' mediċini kritiċi u l-informazzjoni u d-data pprovduti f'konformità mal-Artikoli 10 u 11, il-Grupp ta' Tmexxija dwar il-Mediċini għandu jimmonitorja l-provvista u d-domanda tal-prodotti mediċinali inklużi f'dawk il-listi bil-ħsieb li jidentifika kwalunkwe nuqqas potenzjali jew attwali ta' dawk il-prodotti mediċinali. Bħala parti minn dak il-monitoraġġ, il-Grupp ta' Tmexxija dwar il-Mediċini għandu jikkomunika, fejn rilevanti, mal-Kumitat għas-Sigurtà tas-Saħħa stabbilit fl-Artikolu 4 tar-Regolament (UE) 2020/[...]19 u, fil-każ ta' emerġenza tas-saħħa pubblika, mal-Kumitat Konsultattiv dwar l-emerġenzi tas-saħħa pubblika stabbilit skont l-Artikolu 24 ta' dak ir-Regolament. Fuq il-bażi tal-listi ta' mediċini kritiċi uniċi Ewropej u l-informazzjoni u d-data pprovduti f'konformità mal-Artikoli 10 u 11, u l-bażi tad-data stabbilita f'konformità mal-Artikolu 12a ladarba tibda topera bis-sħiħ, il-Grupp ta' Tmexxija dwar il-Mediċini għandu jimmonitorja l-provvista u d-domanda tal-prodotti mediċinali inklużi f'dawk il-listi bil-ħsieb li jidentifika kwalunkwe nuqqas potenzjali jew attwali ta' dawk il-prodotti mediċinali. Bħala parti minn dak il-monitoraġġ, il-Grupp ta' Tmexxija dwar il-Mediċini għandu jikkomunika, fejn rilevanti, mal-Kumitat għas-Sigurtà tas-Saħħa stabbilit fl-Artikolu 4 tar-Regolament (UE) 2020/[...]19 u, fil-każ ta' emerġenza tas-saħħa pubblika, mal-Kumitat Konsultattiv dwar l-emerġenzi tas-saħħa pubblika stabbilit skont l-Artikolu 24 ta' dak ir-Regolament, kif ukoll mal-ECDC. __________________ __________________ 19 [daħħal referenza għat-test adottat imsemmi fin-nota 4 f'qiegħ il-paġna] 19 [daħħal referenza għat-test adottat imsemmi fin-nota 4 f'qiegħ il-paġna] Emenda 68 Proposta għal regolament Artikolu 8 – paragrafu 1 1.  Għal sakemm iddum emerġenza tas-saħħa pubblika jew wara talba għall-assistenza kif imsemmi fl-Artikolu 4(3) u sal-għeluq tagħha, il-Grupp ta' Tmexxija dwar il-Mediċini għandu jirrapporta regolarment ir-riżultati tal-monitoraġġ tiegħu lill-Kummissjoni u lis-subnetwork imsemmi fl-Artikolu 9(2), u, b'mod partikolari, jindika kwalunkwe nuqqas potenzjali jew attwali ta' prodotti mediċinali inklużi fil-listi ta' mediċini kritiċi. 1.  Għal sakemm iddum emerġenza tas-saħħa pubblika jew wara talba għall-assistenza kif imsemmi fl-Artikolu 4(3) u sal-għeluq tagħha, il-Grupp ta' Tmexxija dwar il-Mediċini għandu jirrapporta regolarment ir-riżultati tal-monitoraġġ tiegħu lill-Kummissjoni u lis-subnetwork imsemmi fl-Artikolu 9(2), u, b'mod partikolari, jindika kwalunkwe nuqqas potenzjali jew attwali ta' prodotti mediċinali inklużi fil-listi ta' mediċini kritiċi. Dawk ir-rapporti jistgħu jsiru disponibbli wkoll għal atturi oħra fil-katina tal-provvista farmaċewtika, fejn rilevanti. Emenda 69 Proposta għal regolament Artikolu 8 – paragrafu 2 2.  Meta jintalab jagħmel dan mill-Kummissjoni jew mis-subnetwork imsemmi fl-Artikolu 9(2), il-Grupp ta' Tmexxija dwar il-Mediċini għandu jipprovdi data aggregata u tbassir tad-domanda biex jissostanzja s-sejbiet tiegħu. F'dak ir-rigward, il-Grupp ta' Tmexxija dwar il-Mediċini għandu jikkollabora maċ-Ċentru Ewropew għall-Prevenzjoni u l-Kontroll tal-Mard biex jikseb data epidemjoloġika li tgħin fit-tbassir tal-ħtiġijiet tal-prodotti mediċinali, u mal-Grupp Eżekuttiv ta' Tmexxija dwar in-Nuqqasijiet tal-Apparati Mediċi msemmi fl-Artikolu 19 meta l-prodotti mediċinali inklużi fil-listi ta' mediċini kritiċi jingħataw b'apparati mediċi. 2.  Meta jintalab jagħmel dan mill-Kummissjoni, minn awtorità kompetenti nazzjonali waħda jew aktar jew mis-subnetwork imsemmi fl-Artikolu 9(2), il-Grupp ta' Tmexxija dwar il-Mediċini għandu jipprovdi data aggregata u tbassir tad-domanda biex jissostanzja s-sejbiet tiegħu. F'dak ir-rigward, il-Grupp ta' Tmexxija dwar il-Mediċini għandu juża d-data mill-bażi tad-data stabbilita f'konformità mal-Artikolu 12a, ladarba tibda topera bis-sħiħ, u għandu jikkollabora maċ-Ċentru Ewropew għall-Prevenzjoni u l-Kontroll tal-Mard biex jikseb data epidemjoloġika, mudelli u xenarji ta' żvilupp li tgħin fit-tbassir tal-ħtiġijiet tal-prodotti mediċinali, u mal-Grupp Eżekuttiv ta' Tmexxija dwar in-Nuqqasijiet tal-Apparati Mediċi msemmi fl-Artikolu 19 meta l-prodotti mediċinali inklużi fil-listi ta' mediċini kritiċi jingħataw b'apparati mediċi. Id-data aggregata u t-tbassir tad-domanda jistgħu jkunu wkoll disponibbli għal atturi oħra tal-katina tal-provvista farmaċewtika, fejn ikun rilevanti, bil-għan li jiġu evitati jew immitigati aħjar in-nuqqasijiet potenzjali jew attwali. Il-Grupp ta' Tmexxija dwar il-Mediċini għandu wkoll jikkondividi s-sejbiet u l-konklużjonijiet tiegħu mal-atturi tal-Unjoni u dawk nazzjonali involuti fil-kumulazzjoni ta' riżervi ta' prodotti mediċinali u apparati mediċi. Emenda 70 Proposta għal regolament Artikolu 8 – paragrafu 3 3.  Bħala parti minn dak ir-rapportar, il-Grupp ta' Tmexxija dwar il-Mediċini jista' jipprovdi wkoll rakkomandazzjonijiet dwar miżuri, li jistgħu jittieħdu mill-Kummissjoni, mill-Istati Membri, mid-detenturi tal-awtorizzazzjonijiet għat-tqegħid fis-suq u minn entitajiet oħra għall-prevenzjoni jew għall-mitigazzjoni ta' nuqqasijiet potenzjali jew attwali. F'dak ir-rigward il-Grupp għandu jikkomunika, kif rilevanti, mal-Kumitat għas-Sigurtà tas-Saħħa u, fil-każ ta' emerġenza tas-saħħa pubblika, mal-Kumitat Konsultattiv dwar l-emerġenzi tas-saħħa pubblika. 3.  Bħala parti minn dak ir-rapportar, il-Grupp ta' Tmexxija dwar il-Mediċini jista' jipprovdi wkoll rakkomandazzjonijiet dwar miżuri, li jistgħu jittieħdu mill-Kummissjoni, mill-Istati Membri, mid-detenturi tal-awtorizzazzjonijiet għat-tqegħid fis-suq u minn entitajiet oħra, inklużi rappreżentanti ta' professjonisti fil-qasam tal-kura tas-saħħa u organizzazzjonijiet tal-pazjenti, għall-prevenzjoni jew għall-mitigazzjoni ta' nuqqasijiet potenzjali jew attwali. F'dak ir-rigward il-Grupp għandu jikkomunika, kif rilevanti, mal-Kumitat għas-Sigurtà tas-Saħħa u, fil-każ ta' emerġenza tas-saħħa pubblika, mal-Kumitat Konsultattiv dwar l-emerġenzi tas-saħħa pubblika. Emenda 71 Proposta għal regolament Artikolu 8 – paragrafu 4 4.  Il-Grupp ta' Tmexxija dwar il-Mediċini jista', fuq inizjattiva proprja jew fuq talba mill-Kummissjoni, jipprovdi rakkomandazzjonijiet dwar miżuri, li jistgħu jittieħdu mill-Kummissjoni, mill-Istati Membri, mid-detenturi tal-awtorizzazzjonijiet għat-tqegħid fis-suq u minn entitajiet oħra biex tiġi żgurata t-tħejjija għall-indirizzar ta' nuqqasijiet potenzjali jew attwali ta' prodotti mediċinali kkawżati minn emerġenzi tas-saħħa pubblika jew minn eventi maġġuri. 4.  Il-Grupp ta' Tmexxija dwar il-Mediċini jista', fuq inizjattiva proprja jew fuq talba mill-Kummissjoni, jipprovdi rakkomandazzjonijiet dwar miżuri, li jistgħu jittieħdu mill-Kummissjoni, mill-Istati Membri, mid-detenturi tal-awtorizzazzjonijiet għat-tqegħid fis-suq, mir-rappreżentanti tal-professjonisti tal-kura tas-saħħa u minn entitajiet oħra biex tiġi żgurata t-tħejjija għall-indirizzar ta' nuqqasijiet potenzjali jew attwali ta' prodotti mediċinali kkawżati minn emerġenzi tas-saħħa pubblika jew minn eventi maġġuri. Emenda 72 Proposta għal regolament Artikolu 8 – paragrafu 5 5.  Il-Grupp ta' Tmexxija dwar il-Mediċini jista', fuq talba tal-Kummissjoni, jikkoordina miżuri, fejn rilevanti, bejn l-awtoritajiet kompetenti nazzjonali, id-detenturi tal-awtorizzazzjonijiet għat-tqegħid fis-suq u entitajiet oħra għall-prevenzjoni jew għall-mitigazzjoni ta' nuqqasijiet potenzjali jew attwali fil-kuntest ta' event maġġuri jew ta' emerġenza tas-saħħa pubblika. 5.  Il-Grupp ta' Tmexxija dwar il-Mediċini jista', fuq talba tal-Kummissjoni, jikkoordina miżuri, fejn rilevanti, bejn l-awtoritajiet kompetenti nazzjonali, id-detenturi tal-awtorizzazzjonijiet għat-tqegħid fis-suq u entitajiet oħra, inklużi professjonisti fil-qasam tal-kura tas-saħħa u organizzazzjonijiet ta' pazjenti, għall-prevenzjoni jew għall-mitigazzjoni ta' nuqqasijiet potenzjali jew attwali fil-kuntest ta' event maġġuri jew ta' emerġenza tas-saħħa pubblika. Emenda 73 Proposta għal regolament Artikolu 8 – paragrafu 5a (ġdid) 5a.  Fejn ir-rakkomandazzjonijiet imsemmija fil-paragrafi 3 u 4 ma jitqisux jew ma jiġux implimentati, il-Kummissjoni, l-Istati Membri u d-detenturi tal-awtorizzazzjoni għat-tqegħid fis-suq għandhom jipprovdu, fejn ikun xieraq, ġustifikazzjoni sostanzjata. Emenda 74 Proposta għal regolament Artikolu 9 – paragrafu 1 – punt a (a)  tispeċifika l-proċeduri għall-istabbiliment tal-listi ta' mediċini kritiċi; (a)  tispeċifika l-proċeduri u l-kriterji għall-istabbiliment u r-rieżami tal-listi ta' mediċini kritiċi, filwaqt li tiżgura konsultazzjoni adegwata mad-detenturi tal-awtorizzazzjoni għat-tqegħid fis-suq u ma' atturi rilevanti oħra fil-katina tal-provvista farmaċewtika kif ukoll mal-professjonisti tal-kura tas-saħħa, mal-konsumaturi u mal-pazjenti; Emenda 75 Proposta għal regolament Artikolu 9 – paragrafu 1 – punt (b) (b)  tispeċifika l-metodi u l-kriterji għall-monitoraġġ, għall-ġbir tad-data u għar-rapportar previsti fl-Artikoli 4, 7 u 8; (b)  tispeċifika l-metodi u l-kriterji għall-monitoraġġ, għall-ġbir tad-data u għar-rapportar previsti fl-Artikoli 4, 7 u 8 b'sett ta' data minimu bażiku; Emenda 76 Proposta għal regolament Artikolu 9 – paragrafu 1 – punt c (c)  tiżviluppa sistemi elettroniċi simplifikati ta' monitoraġġ u ta' rapportar; (c)  tiżviluppa sistemi elettroniċi simplifikati ta' monitoraġġ u ta' rapportar f'koordinazzjoni mal-awtoritajiet kompetenti nazzjonali sakemm il-bażi tad-data prevista fl-Artikolu 12a tibda topera bis-sħiħ, abbażi ta' oqsma ta' data armonizzati bejn l-Istati Membri; Emenda 77 Proposta għal regolament Artikolu 9 - paragrafu 1 - punt fa (ġdid) (fa)  tippubblika l-informazzjoni msemmija fil-punti (a), (b) u (f) ta’ dan il-paragrafu fuq il-portal tal-web tagħha. Emenda 78 Proposta għal regolament Artikolu 9 – paragrafu 2 – punt b (b)  titlob informazzjoni mill-punti ta' kuntatt inklużi fis-subnetwork imsemmi fil-punt (a) u tistabbilixxi skadenza għas-sottomissjoni tagħha; (b)  titlob informazzjoni, inkluż dwar il-provvista tal-listi ta' mediċini kritiċi, mill-punti ta' kuntatt inklużi fis-subnetwork imsemmi fil-punt (a) u tistabbilixxi skadenza għas-sottomissjoni tagħha jekk dik l-informazzjoni ma tkunx disponibbli fil-bażi tad-data prevista fl-Artikolu 12a; Emenda 79 Proposta għal regolament Artikolu 9 – paragrafu 2 – punt c (c)  titlob informazzjoni mill-punti uniċi ta' kuntatt mill-awtoritajiet kompetenti nazzjonali tal-Istati Membri fuq il-bażi tas-sett ta' informazzjoni maqbul mill-Grupp ta' Tmexxija dwar il-Mediċini u tistabbilixxi skadenza għas-sottomissjoni tagħha. (c)  titlob informazzjoni mill-punti uniċi ta' kuntatt mill-awtoritajiet kompetenti nazzjonali tal-Istati Membri fuq il-bażi tas-sett ta' informazzjoni maqbul mill-Grupp ta' Tmexxija dwar il-Mediċini u tistabbilixxi skadenza għas-sottomissjoni tagħha jekk dik l-informazzjoni ma tkunx disponibbli fil-bażi tad-data prevista fl-Artikolu 12a. Emenda 80 Proposta għal regolament Artikolu 9 – paragrafu 3 – punt d (d)  id-dettalji tan-nuqqas potenzjali jew attwali bħad-dati tal-bidu u tat-tmiem attwali jew stmati u l-kawża suspettata jew magħrufa; (d)  id-dettalji tan-nuqqas potenzjali jew attwali bħad-dati tal-bidu u tat-tmiem attwali jew stmati u l-kawża suspettata jew magħrufa kif ukoll informazzjoni dwar kwalunkwe konġestjoni li jista' jkun hemm fil-katina tal-provvista; Emenda 81 Proposta għal regolament Artikolu 9 – paragrafu 3 – punt ea (ġdid) (ea)  l-istokkijiet disponibbli; Emenda 82 Proposta għal regolament Artikolu 9 – paragrafu 3 – punt eb (ġdid) (eb)  il-kwantitajiet diġà kkonsenjati; Emenda 83 Proposta għal regolament Artikolu 9 – paragrafu 3 – punt ec (ġdid) (ec)  il-konsenji proġettati; Emenda 84 Proposta għal regolament Artikolu 9 – paragrafu 3 – punt g (g)  il-pjanijiet ta' mitigazzjoni inkluża l-kapaċità tal-produzzjoni u tal-provvista; (g)  il-pjanijiet ta' prevenzjoni u ta' mitigazzjoni inkluża informazzjoni dwar il-kapaċità tal-produzzjoni u tal-provvista, is-siti tal-produzzjoni tal-prodott farmaċewtiku lest u tas-sustanzi farmaċewtiċi attivi, is-siti tal-produzzjoni alternattivi potenzjali jew il-livelli minimi ta' stokkijiet, bil-għan li tiġi ggarantita provvista kontinwa u jiġu evitati nuqqasijiet ta' prodotti mediċinali inklużi fil-listi ta' mediċini kritiċi. Emenda 85 Proposta għal regolament Artikolu 9 – paragrafu 3 – punt h (h)  l-informazzjoni mingħand id-distributuri operaturi u l-persuna ġuridika intitolata li tipprovdi l-prodott mediċinali lill-pubbliku. imħassar Emenda 86 Proposta għal regolament Artikolu 10 – paragrafu 2 2.  Id-detenturi tal-awtorizzazzjonijiet għat-tqegħid fis-suq ta' prodotti mediċinali awtorizzati fl-Unjoni għandhom, fi żmien 6 xhur mid-data tal-applikazzjoni ta' dan ir-Regolament, jipprovdu l-informazzjoni meħtieġa skont l-Artikolu 9(1)(e) fil-forma ta' sottomissjoni elettronika fil-bażi tad-data msemmija fl-Artikolu 57(1)(l) tar-Regolament (KE) Nru 726/2004. Dawk id-detenturi tal-awtorizzazzjonijiet għat-tqegħid fis-suq għandhom jaġġornaw is-sottomissjoni tagħhom kull fejn ikun meħtieġ. 2.  Id-detenturi tal-awtorizzazzjonijiet għat-tqegħid fis-suq ta' prodotti mediċinali awtorizzati fl-Unjoni għandhom, fi żmien 6 xhur mid-data tal-applikazzjoni ta' dan ir-Regolament, jipprovdu l-informazzjoni meħtieġa skont l-Artikolu 9(1)(e) fil-forma ta' sottomissjoni elettronika fil-bażi tad-data msemmija fl-Artikolu 57(1)(l) tar-Regolament (KE) Nru 726/2004 u f'konformità mal-istandards żviluppati mill-Organizzazzjoni Internazzjonali għall-Istandards (ISO) għall-identifikazzjoni ta' prodotti mediċinali għall-użu mill-bniedem (IDMP). Dawk id-detenturi tal-awtorizzazzjonijiet għat-tqegħid fis-suq għandhom jaġġornaw is-sottomissjoni tagħhom kull fejn ikun meħtieġ. Emenda 87 Proposta għal regolament Artikolu 10 – paragrafu 4 4.  Meta d-detenturi tal-awtorizzazzjonijiet għat-tqegħid fis-suq għal prodotti mediċinali inklużi fil-listi ta' mediċini kritiċi jindikaw li l-informazzjoni sottomessa fiha informazzjoni ta' natura kummerċjalment kunfidenzjali, huma għandhom jidentifikaw il-partijiet rilevanti u jiċċaraw ir-raġunijiet għal indikazzjoni bħal din. L-Aġenzija għandha tivvaluta l-merti ta' kull talba u tipproteġi informazzjoni kummerċjalment kunfidenzjali kontra divulgazzjoni mhux ġustifikata. 4.  Meta d-detenturi tal-awtorizzazzjonijiet għat-tqegħid fis-suq għal prodotti mediċinali inklużi fil-listi ta' mediċini kritiċi jindikaw li l-informazzjoni sottomessa mitluba mill-Aġenzija u mill-awtoritajiet kompetenti nazzjonali fiha informazzjoni ta' natura kummerċjalment kunfidenzjali, huma għandhom jidentifikaw il-partijiet rilevanti u jiċċaraw ir-raġunijiet għal indikazzjoni bħal din. L-Aġenzija għandha tivvaluta l-merti ta' kull talba u tipproteġi informazzjoni kummerċjalment kunfidenzjali kontra divulgazzjoni mhux ġustifikata. Emenda 88 Proposta għal regolament Artikolu 10 – paragrafu 5 5.  Meta d-detenturi tal-awtorizzazzjonijiet tat-tqegħid fis-suq għall-prodotti mediċinali inklużi fil-listi ta' mediċini kritiċi jkollhom fil-pussess tagħhom kwalunkwe informazzjoni addizzjonali li tipprovdi evidenza ta' nuqqas potenzjali jew reali, dawn għandhom jipprovdu minnufih din l-informazzjoni lill-Aġenzija. 5.  Meta d-detenturi tal-awtorizzazzjonijiet tat-tqegħid fis-suq għall-prodotti mediċinali inklużi fil-listi ta' mediċini kritiċi u/jew atturi rilevanti oħra tal-katina tal-provvista farmaċewtika jkollhom fil-pussess tagħhom kwalunkwe informazzjoni addizzjonali li tipprovdi evidenza ta' nuqqas potenzjali jew reali, dawn għandhom jipprovdu minnufih din l-informazzjoni lill-Aġenzija. Emenda 89 Proposta għal regolament Artikolu 10 – paragrafu 6 – punt c (c)  jinformaw lill-Grupp ta' Tmexxija dwar il-Mediċini bi kwalunkwe miżura meħuda u jirrapportaw dwar ir-riżultati ta' dawk il-miżuri, inkluża informazzjoni dwar ir-riżoluzzjoni tan-nuqqas potenzjali jew attwali. (c)  jinformaw lill-Grupp ta' Tmexxija dwar il-Mediċini bi kwalunkwe miżura meħuda u jirrapportaw dwar il-monitoraġġ u r-riżultati ta' dawk il-miżuri, inkluża informazzjoni dwar ir-riżoluzzjoni tan-nuqqas potenzjali jew attwali. Emenda 90 Proposta għal regolament Artikolu 10 – paragrafu 6a (ġdid) 6a.  Sabiex jiġu ssupplimentati l-pjanijiet ta' prevenzjoni u ta' mitigazzjoni tan-nuqqasijiet ta' prodotti mediċinali kritiċi, l-Aġenzija u l-awtoritajiet kompetenti nazzjonali jistgħu jitolbu informazzjoni addizzjonali mid-distributuri operaturi u atturi rilevanti oħra rigward kwalunkwe sfida loġistika li tirriżulta mill-katina tal-provvista bl-ingrossa. Emenda 91 Proposta għal regolament Artikolu 11 – paragrafu 1 – parti introduttorja 1.  Sabiex jiġi ffaċilitat il-monitoraġġ imsemmi fl-Artikolu 7 wara talba mill-Aġenzija, l-Istati Membri għandhom, sal-iskadenza stabbilita mill-Aġenzija: 1.  Sabiex jiġi ffaċilitat il-monitoraġġ imsemmi fl-Artikolu 7 wara talba mill-Aġenzija, l-Istati Membri għandhom, sal-iskadenza stabbilita mill-Aġenzija, jissottomettu l-informazzjoni li ġejja dment li ma tkunx disponibbli fil-bażi tad-data prevista fl-Artikolu 12a: Emenda 92 Proposta għal regolament Artikolu 11 – paragrafu 2 2.  Fejn meħtieġ biex jissodisfaw l-obbligi ta' rapportar tagħhom stabbiliti fil-paragrafu 1, l-Istati Membri, bl-appoġġ tal-Aġenzija, għandhom jiġbru informazzjoni u data dwar il-livelli tal-istokkijiet minn distributuri operaturi u minn entitajiet legali oħra intitolati li jipprovdu lill-pubbliku bi prodotti mediċinali inklużi fil-listi ta' mediċini kritiċi. 2.  Fejn meħtieġ biex jissodisfaw l-obbligi ta' rapportar tagħhom stabbiliti fil-paragrafu 1, l-Istati Membri, bl-appoġġ tal-Aġenzija, għandhom jiġbru informazzjoni u data rilevanti, inkluż dwar il-livelli tal-istokkijiet, minn distributuri bl-ingrossa u minn entitajiet legali oħra u persuni awtorizzati jew intitolati li jipprovdu lill-pubbliku bi prodotti mediċinali inklużi fil-listi ta' mediċini kritiċi. Emenda 93 Proposta għal regolament Artikolu 11 – paragrafu 4a (ġdid) 4a.  L-awtoritajiet kompetenti nazzjonali għall-prodotti mediċinali għandhom jiffaċilitaw il-ġbir tad-data online dwar l-impatt ta' nuqqasijiet ta' mediċini fuq il-pazjenti u l-konsumaturi. Is-subnetwork ta' punti uniċi ta' kuntatt mill-awtoritajiet kompetenti nazzjonali msemmi fl-Artikolu 3(5) għandu jikkondividi data aggregata rilevanti minn dawk ir-rapporti mal-Grupp ta' Tmexxija dwar il-Mediċini biex tinforma r-rakkomandazzjonijiet dwar il-maniġġar tan-nuqqasijiet ta' prodotti mediċinali. Emenda 94 Proposta għal regolament Artikolu 12 – paragrafu 1 – punt aa (ġdid) (aa)  tiffaċilita l-koordinazzjoni bejn il-manifatturi u partijiet ikkonċernati rilevanti oħra biex jiġu indirizzati ż-żidiet f'daqqa fid-domanda; Emenda 95 Proposta għal regolament Artikolu 12 – paragrafu 1 – punt b (b)  tikkunsidra l-ħtieġa għal linji gwida indirizzati lill-Istati Membri, lid-detenturi tal-awtorizzazzjonijiet għat-tqegħid fis-suq, u lil entitajiet oħra; (b)  tikkunsidra l-ħtieġa għal linji gwida u rakkomandazzjonijiet indirizzati lill-Istati Membri, lid-detenturi tal-awtorizzazzjonijiet għat-tqegħid fis-suq, u lil entitajiet oħra, inklużi mill-katina tal-provvista farmaċewtika kif ukoll il-professjonisti fil-qasam tal-kura tas-saħħa, biex tappoġġjahom fil-ħidma tagħhom u fil-komunikazzjoni mal-pazjenti; Emenda 96 Proposta għal regolament Artikolu 12 – paragrafu 1 – punt f (f)  tikkollabora ma' pajjiżi terzi u ma' organizzazzjonijiet internazzjonali rilevanti, kif xieraq, biex timmitiga in-nuqqasijiet potenzjali jew attwali tal-prodotti mediċinali inklużi fil-lista ta' mediċini kritiċi jew tal-ingredjenti farmaċewtiċi attivi tagħhom, meta dawk il-prodotti jew ingredjenti jiġu importati fl-Unjoni u meta tali nuqqasijiet potenzjali jew attwali jkollhom implikazzjonijiet internazzjonali. (f)  tikkollabora ma' pajjiżi terzi u ma' organizzazzjonijiet internazzjonali rilevanti, kif xieraq, biex timmitiga in-nuqqasijiet potenzjali jew attwali tal-prodotti mediċinali inklużi fil-lista ta' mediċini kritiċi jew tal-ingredjenti farmaċewtiċi attivi tagħhom, meta dawk il-prodotti jew ingredjenti jiġu importati fl-Unjoni u meta tali nuqqasijiet potenzjali jew attwali jkollhom implikazzjonijiet internazzjonali, u tirrapporta dawk l-azzjonijiet kif ukoll ir-riżultati miksuba mill-Grupp ta' Tmexxija dwar il-Mediċini. Emenda 97 Proposta għal regolament Artikolu 12a (ġdid) Artikolu 12a Bażi tad-Data Ewropea tal-Provvista tal-Mediċini 1.   L-Aġenzija għandha, f'kollaborazzjoni mal-Kummissjoni u mal-Istati Membri, tistabbilixxi, iżżomm u timmaniġġa l-bażi tad-data Ewropea tal-provvista tal-mediċini (EUMSD) għall-finijiet li ġejjin: (a)   biex tippermetti l-monitoraġġ tal-provvista u d-domanda tal-prodotti mediċinali fil-livell tal-Unjoni u tal-Istati Membri; (b)   biex tippermetti l-monitoraġġ u r-rapportar tan-nuqqasijiet tal-prodotti mediċinali fil-livell tal-Unjoni u tal-Istati Membri; (c)   biex tippermetti lid-detenturi tal-awtorizzazzjoni għat-tqegħid fis-suq u lid-distributuri bl-ingrossa jikkonformaw mal-obbligi ta' informazzjoni stabbiliti fl-Artikolu 10; (d)   biex tippermetti lill-Kummissjoni, lill-Aġenzija u lill-awtoritajiet kompetenti nazzjonali jwettqu l-kompiti tagħhom f'konformità ma' dan ir-Regolament fuq bażi infurmata sew u biex ittejjeb il-kooperazzjoni bejniethom. L-EUMSD, li għandha topera mhux biss matul emerġenzi tas-saħħa pubblika u eventi maġġuri iżda wkoll f'ċirkostanzi normali, għandha tiffunzjona bħala bażi tad-data interoperabbli u diġitali fil-livell tal-Unjoni, abbażi tad-data rrapportata permezz tal-pjattaformi elettroniċi nazzjonali stabbiliti skont il-paragrafu 2. Il-bażi tad-data għandha tippermetti lill-Aġenzija u lill-awtoritajiet kompetenti nazzjonali simultanjament jaċċessaw u jikkondividu l-informazzjoni pprovduta fil-bażi tad-data. 2.   Kull Stat Membru għandu jiżviluppa pjattaforma elettronika bil-għan li jistabbilixxi monitoraġġ f'ħin reali tal-provvista ta' prodotti mediċinali, li tkun tista' tiddetermina l-volum tal-provvista ta' kull prodott mediċinali eżistenti fi kwalunkwe mument partikolari, u jidentifika, jipprevedi u jipprevjeni n-nuqqasijiet ta' prodotti mediċinali. Dawk il-pjattaformi, li għandhom ikunu mmaniġġjati mill-awtoritajiet kompetenti nazzjonali, għandhom ikunu kompletament operattivi fil-livell tal-Istati Membri sa...[30 xhar wara d-data ta' dħul fis-seħħ ta' dan ir-Regolament]. Id-data dwar il-provvista u d-domanda għandha tiġi rrapportata fil-livell tal-Istati Membri mill-entitajiet li ġejjin: (a)   id-detenturi tal-awtorizzazzjoni għat-tqegħid fis-suq (b)   id-distributuri bl-ingrossa (c)   l-ispiżeriji komunitarji u tal-isptarijiet. 3.   Minbarra l-paragrafu 2, il-pjattaformi elettroniċi għandhom jipprovdu lill-awtoritajiet kompetenti nazzjonali b'aċċess f'ħin reali għal informazzjoni dwar talbiet mhux issodisfati minn distributuri bl-ingrossa, spiżeriji komunitarji u spiżeriji tal-isptarijiet fil-livell nazzjonali. Dawk il-pjattaformi għandhom jippermettu wkoll li d-detenturi tal-awtorizzazzjoni għat-tqegħid fis-suq jirrappurtaw kwalunkwe problema ta' provvista ta' prodotti mediċinali, inklużi problemi ta' manifattura. 4.   Il-pjattaformi tal-Istati Membri għandhom ikunu interoperabbli u għandhom jirreplikaw l-informazzjoni tagħhom fl-EUMSD immaniġġjata mill-Aġenzija, u b'hekk jipprevjenu kwalunkwe duplikazzjoni tal-proċess ta' rapportar mill-punti uniċi ta' kuntatt stabbiliti fl-Artikolu 9(2). 5.   Id-data ġġenerata mill-pjattaformi tal-Istati Membri u konsegwentement mill-EUMSD għandha tagħmilha possibbli li tiġi identifikata kwalunkwe problema ta' provvista tul il-katina tal-provvista u, permezz tal-applikazzjoni ta' tekniki tal-big data u, fejn xieraq, l-intelliġenza artifiċjali, għandha tkun tista' tbassar problemi ta' provvista minn qabel. 6.   Id-data sottomessa għandha tkun konformi mal-istandards żviluppati mill-ISO għall-IDMP u għandha tkun ibbażata fuq l-erba' oqsma ta' data ewlenija fil-proċessi regolatorji farmaċewtiċi: is-sustanza, il-prodott, l-organizzazzjoni u d-data referenzjali. 7.   L-Aġenzija għandha, f'kollaborazzjoni mal-Kummissjoni u l-Istati Membri, tfassal l-ispeċifikazzjonijiet funzjonali għall-bażijiet tad-data, flimkien ma' pjan għall-implimentazzjoni tal-EUMSD u l-pjattaformi tal-Istati Membri sa...[6 xhur wara d-data tad-dħul fis-seħħ ta' dan ir-Regolament]. Dak il-pjan għandu jfittex li jiżgura li l-EUMSD ikun kompletament funzjonali sa ... [48 xahar wara d-data tad-dħul fis-seħħ ta' dan ir-Regolament]. 8.   Meta awtorità kompetenti nazzjonali tindika li l-informazzjoni ppreżentata fiha informazzjoni ta' natura kummerċjalment kunfidenzjali, hi għandha tidentifika l-partijiet rilevanti u tiċċara r-raġunijiet għal indikazzjoni bħal din. L-Aġenzija għandha tivvaluta l-merti ta' kull talba u tipproteġi informazzjoni kummerċjalment kunfidenzjali kontra divulgazzjoni mhux ġustifikata. 9.   Fid-dawl tan-natura kummerċjalment sensittivi tad-data pprovduta lill-EUMSD, l-aċċess għall-bażi tad-data għandu jkun limitat għall-Kummissjoni, l-Aġenzija, l-awtoritajiet kompetenti nazzjonali li jirrapportaw id-data lill-bażi tad-data u lill-Grupp ta' Tmexxija dwar il-Mediċini. Emenda 98 Proposta għal regolament Artikolu 13 – paragrafu 1 L-Aġenzija għandha, permezz tal-portal tal-web tagħha u mezzi xierqa oħra, flimkien mal-awtoritajiet kompetenti nazzjonali, tinforma lill-pubbliku u lill-gruppi ta' interess fir-rigward tal-ħidma tal-Grupp ta' Tmexxija dwar il-Mediċini. L-Aġenzija għandha, permezz ta' spazju ddedikat fuq il-portal tal-web tagħha u mezzi xierqa oħra, flimkien mal-awtoritajiet kompetenti nazzjonali, tinforma f'waqthom lill-pubbliku u lill-gruppi ta' interess fir-rigward tal-ħidma tal-Grupp ta' Tmexxija dwar il-Mediċini, u tirreaġixxi għad-diżinformazzjoni li fil-mira tagħha jkollha l-ħidma tal-Grupp ta' Tmexxija dwar il-Mediċini kif xieraq. Emenda 99 Proposta għal regolament Artikolu 13 – paragrafu 1a (ġdid) Il-proċedimenti mwettqa mill-Grupp ta' Tmexxija dwar il-Mediċini għandhom ikunu trasparenti. L-aġenda u l-minuti tal-Grupp ta' Tmexxija dwar il-Mediċini kif ukoll ir-regoli ta' proċedura u r-rakkomandazzjonijiet u, fejn xieraq, il-voti għandhom ikunu dokumentati u disponibbli għall-pubbliku, inkluż kwalunkwe nuqqas ta' ftehim. Emenda 100 Proposta għal regolament Artikolu 14 – paragrafu 1 1.  B'dan, it-Task Force għall-emerġenzi hija stabbilita bħala parti mill-Aġenzija. Din għandha titlaqqa' waqt emerġenzi tas-saħħa pubblika, jew wiċċ imb wiċċ jew b'mod remot. L-Aġenzija għandha tipprovdi s-segretarjat tiegħu. 1.  B'dan, it-Task Force għall-emerġenzi hija stabbilita bħala parti mill-Aġenzija. Din għandha titlaqqa' bi tħejjija għal u waqt emerġenzi tas-saħħa pubblika, jew wiċċ imb wiċċ jew b'mod remot. L-Aġenzija għandha tipprovdi s-segretarjat tiegħu. Emenda 101 Proposta għal regolament Artikolu 14 – paragrafu 2 – punt f (f)  tikkoopera ma' korpi u ma' aġenziji tal-Unjoni, mal-Organizzazzjoni Dinjija tas-Saħħa, ma' pajjiżi terzi, u ma' organizzazzjonijiet xjentifiċi internazzjonali dwar kwistjonijiet xjentifiċi u tekniċi relatati mal-emerġenza tas-saħħa pubblika u ma' prodotti mediċinali li jista' jkollhom il-potenzjal li jindirizzaw emerġenzi tas-saħħa pubblika, kif meħtieġ. (f)  tikkoopera ma' awtoritajiet kompetenti nazzjonali, ma' korpi u ma' aġenziji tal-Unjoni, mal-Organizzazzjoni Dinjija tas-Saħħa, ma' pajjiżi terzi, u ma' organizzazzjonijiet xjentifiċi internazzjonali dwar kwistjonijiet xjentifiċi u tekniċi relatati mal-emerġenza tas-saħħa pubblika u ma' prodotti mediċinali li jista' jkollhom il-potenzjal li jindirizzaw emerġenzi tas-saħħa pubblika, kif meħtieġ. Emenda 102 Proposta għal regolament Artikolu 14 – paragrafu 3 3.  It-Task Force għall-emerġenzi għandha tkun magħmula minn rappreżentanti tal-kumitati xjentifiċi, tal-gruppi ta' ħidma, u tal-membri tal-persunal tal-Aġenzija, mill-grupp ta' koordinazzjoni stabbilit f'konformità mal-Artikolu 27 tad-Direttiva 2001/83/KE, u mill-Grupp ta' Konsulenza u ta' Koordinazzjoni tal-Provi Kliniċi stabbilit f'konformità mal-Artikolu 85 tar-Regolament (UE) Nru 536/2014.21 Jistgħu jinħatru esperti esterni u r-rappreżentanti ta' korpi u ta' aġenziji oħra tal-Unjoni jistgħu jiġu mistiedna fuq bażi ad hoc, kif ikun meħtieġ. Għandha tiġi ppreseduta mill-Aġenzija. 3.  It-Task Force għall-emerġenzi għandha tkun magħmula minn rappreżentanti tal-kumitati xjentifiċi, tal-gruppi ta' ħidma, inklużi rappreżentanti tal-PCWP u tal-HCPWP, u tal-membri tal-persunal tal-Aġenzija, mill-grupp ta' koordinazzjoni stabbilit f'konformità mal-Artikolu 27 tad-Direttiva 2001/83/KE, u mill-Grupp ta' Konsulenza u ta' Koordinazzjoni tal-Provi Kliniċi stabbilit f'konformità mal-Artikolu 85 tar-Regolament (UE) Nru 536/2014. 21 Jistgħu jinħatru esperti esterni u r-rappreżentanti ta' korpi u ta' aġenziji oħra tal-Unjoni jistgħu jiġu mistiedna fuq bażi ad hoc, kif ikun meħtieġ. Għandha tiġi ppreseduta mill-Aġenzija. __________________ __________________ 21 Ir-Regolament (UE) Nru 536/2014 tal-Parlament Ewropew u tal-Kunsill tas-16 ta' April 2014 dwar il-provi kliniċi fuq prodotti mediċinali għall-użu mill-bniedem, u li jħassar id-Direttiva 2001/20/KE, ĠU L 158, 27.5.2014, p. 1 21 Ir-Regolament (UE) Nru 536/2014 tal-Parlament Ewropew u tal-Kunsill tas-16 ta' April 2014 dwar il-provi kliniċi fuq prodotti mediċinali għall-użu mill-bniedem, u li jħassar id-Direttiva 2001/20/KE, ĠU L 158, 27.5.2014, p. 1 Emenda 103 Proposta għal regolament Artikolu 14 – paragrafu 5 5.  Il-President jista' jistieden lil rappreżentanti tal-Istati Membri, tal-membri tal-kumitati xjentifiċi tal-Aġenzija u tal-gruppi ta' ħidma, u lil partijiet terzi, li jinkludu rappreżentanti ta' gruppi ta' interess għall-prodotti mediċinali, detenturi tal-awtorizzazzjonijiet għat-tqegħid fis-suq, żviluppaturi ta' prodotti mediċinali, sponsors tal-provi kliniċi, rappreżentanti tan-networks tal-provi kliniċi, u gruppi ta' interess li jirrappreżentaw lill-pazjenti u lill-professjonisti fil-kura medika biex jattendu l-laqgħat tiegħu. 5.  Il-President jista' jistieden lil rappreżentanti tal-Istati Membri, tal-membri tal-kumitati xjentifiċi tal-Aġenzija u tal-gruppi ta' ħidma, u lil partijiet terzi, li jinkludu rappreżentanti ta' gruppi ta' interess għall-prodotti mediċinali, detenturi tal-awtorizzazzjonijiet għat-tqegħid fis-suq, żviluppaturi ta' prodotti mediċinali, sponsors tal-provi kliniċi, riċerkaturi, rappreżentanti tan-networks tal-provi kliniċi, esperti u riċerkaturi indipendenti fil-qasam tal-provi kliniċi, u gruppi ta' interess li jirrappreżentaw lill-pazjenti u lill-professjonisti fil-kura medika biex jattendu l-laqgħat tiegħu. Emenda 104 Proposta għal regolament Artikolu 14 – paragrafu 8 8.  L-Artikolu 63 tar-Regolament (KE) Nru 726/2004 għandu japplika għat-Task Force għall-emerġenzi fir-rigward tat-trasparenza u tal-indipendenza tal-membri tiegħu. 8.  L-Artikolu 63 tar-Regolament (KE) Nru 726/2004 għandu japplika għat-Task Force għall-emerġenzi fir-rigward tat-trasparenza u tal-indipendenza tal-membri tiegħu. Il-membri tat-Task Force għall-Emerġenzi għandhom jaġġornaw id-dikjarazzjoni annwali tal-interessi finanzjarji tagħhom prevista fl-Artikolu 63 tar-Regolament (KE) Nru 726/2004 kull meta sseħħ bidla rilevanti. Emenda 105 Proposta għal regolament Artikolu 15 – paragrafu 3 3.  It-Task Force għall-emerġenzi għandha tistabbilixxi proċeduri għat-talba u għall-preżentazzjoni tas-sett ta' informazzjoni u ta' data meħtieġa, inkluża informazzjoni dwar l-Istat Membru jew dwar l-Istati Membri meta tiġi ppreżentata jew meta jkun hemm il-ħsieb li tiġi ppreżentata applikazzjoni għall-awtorizzazzjoni ta' prova klinika. 3.  It-Task Force għall-emerġenzi għandha tistabbilixxi proċeduri u gwida għat-talba u għall-preżentazzjoni tas-sett ta' informazzjoni u ta' data meħtieġa, inkluża informazzjoni dwar l-Istat Membru jew dwar l-Istati Membri meta tiġi ppreżentata jew meta jkun hemm il-ħsieb li tiġi ppreżentata applikazzjoni għall-awtorizzazzjoni ta' prova klinika. Emenda 106 Proposta għal regolament Artikolu 15 – paragrafu 5 5.  Meta jawtorizzaw applikazzjoni għal prova klinika li għaliha jkun ingħata parir xjentifiku, l-Istati Membri għandhom iqisu dak il-parir kif xieraq. 5.  Meta jawtorizzaw applikazzjoni għal prova klinika li għaliha jkun ingħata parir xjentifiku, l-Istati Membri għandhom iqisu dak il-parir kif xieraq. Il-parir xjentifiku pprovdut mit-Task Force għall-Emerġenzi għandu jkun mingħajr preġudizzju għar-rieżami etiku previst fir-Regolament (UE) Nru 536/2014. Emenda 107 Proposta għal regolament Artikolu 15a (ġdid) Artikolu 15a Informazzjoni pubblika dwar il-provi kliniċi u d-deċiżjonijiet dwar l-awtorizzazzjonijiet għat-tqegħid fis-suq 1.   Sakemm iddum l-emerġenza tas-saħħa pubblika, l-isponsors tal-provi kliniċi mwettqa fl-Unjoni għandhom: (a)   jippubblikaw il-protokoll tal-istudju fil-bidu tal-prova permezz tar-reġistru tal-provi kliniċi tal-UE; (b)   jippubblikaw is-sommarju tar-riżultati permezz tar-reġistru tal-provi kliniċi tal-UE sa skadenza stabbilita mill-Aġenzija li tkun iqsar mill-iskadenza stabbilita fl-Artikolu 37 tar-Regolament (UE) Nru 536/2014. 2.   Meta prodott mediċinali jirċievi awtorizzazzjoni għat-tqegħid fis-suq, l-Aġenzija għandha tippubblika: (a)   l-informazzjoni dwar il-prodott b'dettalji tal-kundizzjonijiet tal-użu fil-mument tal-awtorizzazzjoni għat-tqegħid fis-suq; (b)   ir-rapporti pubbliċi Ewropej ta' valutazzjoni mill-aktar fis possibbli u, fejn ikun possibbli, fi żmien sebat ijiem mill-awtorizzazzjoni għat-tqegħid fis-suq; (c)   id-data klinika sottomessa lill-Aġenzija b'appoġġ tal-applikazzjoni, fejn ikun possibbli fi żmien xahrejn mill-awtorizzazzjoni tal-Kummissjoni, u wara li d-data personali tkun ġiet anonomizzata u l-informazzjoni kummerċjalment kunfidenzjali tkun ġiet imħassra; (d)   it-test sħiħ tal-Pjan għall-Ġestjoni tar-Riskju u kwalunkwe verżjoni aġġornata tiegħu. Emenda 108 Proposta għal regolament Artikolu 16 – paragrafu 1 1.  Wara r-rikonoxximent ta' emerġenza tas-saħħa pubblika, it-Task Force għall-emerġenzi għandha twettaq rieżami tad-data xjentifika disponibbli dwar il-prodotti mediċinali li jista' jkollhom l-potenzjal li jintużaw biex jindirizzaw l-emerġenza tas-saħħa pubblika. Ir-rieżami għandu jiġi aġġornat regolarment matul l-emerġenza tas-saħħa pubblika. 1.  Wara r-rikonoxximent ta' emerġenza tas-saħħa pubblika, it-Task Force għall-emerġenzi għandha twettaq rieżami tad-data xjentifika disponibbli dwar il-prodotti mediċinali li jista' jkollhom l-potenzjal li jintużaw biex jindirizzaw l-emerġenza tas-saħħa pubblika. Ir-rieżami għandu jiġi aġġornat regolarment matul l-emerġenza tas-saħħa pubblika, inkluż fejn ikun miftiehem mit-Task Force għall-Emerġenzi u mill-Kumitat għall-Prodotti Mediċinali għall-Użu mill-Bniedem bi tħejjija għall-valutazzjoni ta' applikazzjoni għall-awtorizzazzjoni għat-tqegħid fis-suq. Emenda 109 Proposta għal regolament Artikolu 16 – paragrafu 2 2.  Bi tħejjija għar-rieżami, it-Task Force għall-emerġenzi tista' titlob informazzjoni u data mingħand id-detenturi tal-awtorizzazzjonijiet għat-tqegħid fis-suq u l-iżviluppaturi u tagħmel diskussjonijiet preliminari magħhom. Fejn disponibbli, it-Task Force għall-emerġenzi tista' wkoll tagħmel użu minn studji ta' osservazzjoni tad-data dwar is-saħħa ġġenerata barra mill-istudji kliniċi filwaqt li tqis l-affidabbiltà tagħhom. 2.  Bi tħejjija għar-rieżami, it-Task Force għall-emerġenzi tista' titlob informazzjoni u data mingħand id-detenturi tal-awtorizzazzjonijiet għat-tqegħid fis-suq u l-iżviluppaturi u tagħmel diskussjonijiet preliminari magħhom. Fejn disponibbli, it-Task Force għall-emerġenzi tista' wkoll tagħmel użu minn studji ta' osservazzjoni tad-data dwar is-saħħa ġġenerata barra mill-istudji kliniċi filwaqt li tqis l-affidabbiltà tagħhom. It-Task Force għall-Emerġenzi tista' tikkoordina mal-aġenziji tal-mediċini ta' pajjiżi terzi għal informazzjoni addizzjonali u skambju tad-data. Emenda 110 Proposta għal regolament Artikolu 16 – paragrafu 7 7.  L-Aġenzija għandha tippubblika l-opinjonijiet adottati skont il-paragrafu 4 inkluż kwalunkwe aġġornament fuq il-portal tal-web tagħha. imħassar Emenda 111 Proposta għal regolament Artikolu 17 – paragrafu 1 L-Aġenzija għandha, permezz tal-portal tal-web tagħha u mezzi xierqa oħra, u flimkien mal-awtoritajiet kompetenti nazzjonali, tinforma lill-pubbliku u lill-gruppi ta' interess rilevanti fir-rigward tal-ħidma tat-Task Force għall-emerġenzi. L-Aġenzija għandha, permezz ta' spazju ddedikat fuq il-portal tal-web tagħha u mezzi xierqa oħra, u flimkien mal-awtoritajiet kompetenti nazzjonali, tinforma mingħajr dewmien lill-pubbliku u lill-gruppi ta' interess rilevanti fir-rigward tal-ħidma tat-Task Force għall-emerġenzi, u tirrispondi għad-diżinformazzjoni li fil-mira tagħha jkollha l-ħidma tat-Task Force għall-Emerġenzi kif xieraq. Emenda 112 Proposta għal regolament Artikolu 17 – paragrafu 1a (ġdid) Il-lista tal-membri tat-Task Force għall-Emerġenzi, ir-regoli ta' proċedura, kif ukoll ir-rakkomandazzjonijiet mogħtija skont l-Artikolu 16(3) u l-opinjonijiet adottati skont l-Artikolu 16(4) għandhom jiġu ppubblikati fuq il-portal tal-web tal-Aġenzija. Emenda 113 Proposta għal regolament Artikolu 18 – paragrafu 1 – punt a (a)  tiżviluppa u tmantni għodod elettroniċi għas-sottomissjoni ta' informazzjoni u ta' data, li tinkludi data elettronika dwar is-saħħa ġġenerata barra mill-kamp ta' applikazzjoni tal-istudji kliniċi; (a)  tiżviluppa u tmantni għodod elettroniċi, inkluża pjattaforma interoperabbli u diġitalizzata, għas-sottomissjoni ta' informazzjoni u ta' data, li tinkludi data elettronika dwar is-saħħa ġġenerata barra mill-kamp ta' applikazzjoni tal-istudji kliniċi; Emenda 114 Proposta għal regolament Artikolu 18 – paragrafu 1 – punt b (b)  tikkoordina studji indipendenti dwar l-effettività tal-vaċċini u l-monitoraġġ tas-sikurezza bl-użu ta' data rilevanti miżmuma mill-awtoritajiet pubbliċi. Tali koordinazzjoni għandha titwettaq b'mod konġunt maċ-Ċentru Ewropew għall-Prevenzjoni u l-Kontroll tal-Mard u b'mod partikolari permezz ta' pjattaforma ġdida għall-monitoraġġ tal-vaċċini; (b)  tikkoordina studji indipendenti dwar l-użu, l-effettività u l-monitoraġġ tas-sikurezza ta' prodotti mediċinali maħsuba għall-kura, il-prevenzjoni jew id-dijanjożi ta' marda bl-użu ta' data rilevanti miżmuma mill-awtoritajiet pubbliċi; għall-vaċċini, tali koordinazzjoni għandha titwettaq b'mod konġunt maċ-Ċentru Ewropew għall-Prevenzjoni u l-Kontroll tal-Mard u b'mod partikolari permezz ta' pjattaforma ġdida għall-monitoraġġ tal-vaċċini; Emenda 115 Proposta għal regolament Artikolu 18 – paragrafu 1 – punt c (c)  bħala parti mill-kompiti regolatorji tagħha, tagħmel użu minn infrastrutturi jew minn għodod diġitali, biex tiffaċilita l-aċċess rapidu għal jew l-analiżi ta' data elettronika disponibbli dwar is-saħħa ġġenerata barra mill-kamp ta' applikazzjoni tal-istudji kliniċi, u l-iskambju ta' tali data bejn l-Istati Membri, l-Aġenzija, u korpi oħra tal-Unjoni; (c)  bħala parti mill-kompiti regolatorji tagħha, tagħmel użu minn infrastrutturi jew minn għodod diġitali, biex tiffaċilita l-aċċess rapidu għal jew l-analiżi ta' data elettronika disponibbli dwar is-saħħa ġġenerata barra mill-kamp ta' applikazzjoni tal-istudji kliniċi ta' intervent, u l-iskambju ta' tali data bejn l-Istati Membri, l-Aġenzija, u korpi oħra tal-Unjoni; Emenda 116 Proposta għal regolament Artikolu 19 – paragrafu 1 1.  B'dan, il-Grupp Eżekuttiv ta' Tmexxija dwar l-Apparati Mediċi ("il-Grupp ta' Tmexxija dwar l-Apparati Mediċi") huwa stabbilit bħala parti mill-Aġenzija. Għandu jiltaqa' wiċċ imb wiċċ jew inkella b'mod remot, bi tħejjija għal emerġenza tas-saħħa pubblika jew matulha. L-Aġenzija għandha tipprovdi s-segretarjat tiegħu. 1.  B'dan, il-Grupp Eżekuttiv ta' Tmexxija dwar l-Apparati Mediċi ("il-Grupp ta' Tmexxija dwar l-Apparati Mediċi") huwa stabbilit bħala parti mill-Aġenzija. Għandu jiltaqa' wiċċ imb wiċċ jew inkella b'mod remot f'intervalli regolari, u kull meta s-sitwazzjoni tirrikjedi dan, bi tħejjija għal emerġenza tas-saħħa pubblika jew matulha. L-Aġenzija għandha tipprovdi s-segretarjat tiegħu. Emenda 117 Proposta għal regolament Artikolu 19 – paragrafu 2 2.  Il-Grupp ta' Tmexxija dwar l-Apparati Mediċi għandu jkun magħmul minn rappreżentant tal-Aġenzija, minn rappreżentant tal-Kummissjoni u minn rappreżentant anzjan wieħed għal kull Stat Membru. Kull Stat Membru għandu jinnomina lir-rappreżentant tiegħu. Il-membri jistgħu jkunu akkumpanjati minn esperti f'oqsma xjentifiċi jew tekniċi speċifiċi. 2.  Il-Grupp ta' Tmexxija dwar l-Apparati Mediċi għandu jkun magħmul minn rappreżentant tal-Aġenzija, minn rappreżentant tal-Kummissjoni u minn rappreżentant anzjan awtorizzat wieħed għal kull Stat Membru. Kull Stat Membru għandu jinnomina lir-rappreżentant tiegħu. Il-membri jistgħu jkunu akkumpanjati minn esperti f'oqsma xjentifiċi jew tekniċi speċifiċi. Il-Grupp ta' Tmexxija dwar l-Apparati Mediċi għandu jinkludi wkoll rappreżentant tal-PCWP u rappreżentant tal-HCPWP bħala osservaturi. Il-lista tal-membri tal-Grupp ta' Tmexxija dwar l-Apparati Mediċi għandha tkun trasparenti u tiġi ppubblikata fuq il-portal tal-web tal-Aġenzija. Emenda 118 Proposta għal regolament Artikolu 19 – paragrafu 3 3.  Il-Grupp ta' Tmexxija dwar l-Apparati Mediċi għandu jkun ippresedut mill-Aġenzija. Il-President jista' jistieden lil partijiet terzi, li jinkludu rappreżentanti ta' gruppi ta' interess ta' apparati mediċi, biex jattendu l-laqgħat tiegħu. 3.  Il-Grupp ta' Tmexxija dwar l-Apparati Mediċi għandu jkun ippresedut mill-Aġenzija. Kwalunkwe membru tal-Grupp ta' Tmexxija dwar l-Apparati Mediċi jista' jipproponi lill-President biex jistieden lil partijiet terzi, li jinkludu rappreżentanti ta' gruppi ta' interess ta' apparati mediċi, bħal rappreżentanti tal-manifatturi u korpi notifikati jew kwalunkwe attur ieħor fil-katina tal-provvista tal-apparat mediku, kif ukoll rappreżentanti ta' professjonisti fil-qasam tal-kura tas-saħħa, pazjenti u konsumaturi biex jattendu l-laqgħat tiegħu meta l-kontribut tagħhom jista' jinforma d-diskussjonijiet tal-Grupp ta' Tmexxija dwar l-Apparati Mediċi. Emenda 119 Proposta għal regolament Artikolu 19 – paragrafu 6a (ġdid) 6a.  Il-membri tal-Grupp ta' Tmexxija dwar l-Apparati Mediċi ma għandux ikollhom interessi finanzjarji jew ta' tip ieħor fl-industrija tal-apparati mediċi li jistgħu jaffettwaw l-imparzjalità tagħhom. Għandhom jaġixxu fl-interess pubbliku u b'mod indipendenti, u għandhom jagħmlu dikjarazzjoni annwali tal-interessi finanzjarji tagħhom u jaġġornawha kull meta sseħħ bidla rilevanti. L-interessi indiretti kollha li jistgħu jkunu relatati mal-industrija tal-apparati mediċi għandhom jiddaħħlu f'reġistru miżmum mill-Aġenzija u għandhom ikunu aċċessibbli għall-pubbliku fuq talba. Id-dikjarazzjoni tal-interessi għandha ssir disponibbli għall-pubbliku fuq il-portal web tal-Aġenzija. Emenda 120 Proposta għal regolament Artikolu 20 – paragrafu 2 2.  Il-Grupp ta' Tmexxija dwar l-Apparati Mediċi għandu jadotta sett ta' informazzjoni meħtieġa biex jimmonitorja l-provvista u d-domanda tal-apparati mediċi inklużi fil-lista ta' apparati kritiċi ta' emerġenza tas-saħħa pubblika u jinforma lill-grupp ta' ħidma tiegħu dwar dan. 2.  Il-Grupp ta' Tmexxija dwar l-Apparati Mediċi għandu jadotta sett ta' informazzjoni meħtieġa biex jimmonitorja l-provvista u d-domanda tal-apparati mediċi inklużi fil-lista ta' apparati kritiċi ta' emerġenza tas-saħħa pubblika u jinforma lill-grupp ta' ħidma tiegħu dwar dan. L-entitajiet tal-Unjoni jew nazzjonali li huma involuti fil-kumulazzjoni ta' riżerva ta' apparati mediċini għandhom jiġu infurmati kif xieraq. Emenda 121 Proposta għal regolament Artikolu 20 – paragrafu 3 3.  L-Aġenzija għandha tippubblika l-lista ta' apparati kritiċi ta' emerġenza tas-saħħa pubblika u kwalunkwe aġġornament ta' dik il-lista fuq il-portal tal-web tagħha. 3.  L-Aġenzija għandha tippubblika l-lista ta' apparati kritiċi ta' emerġenza tas-saħħa pubblika u kwalunkwe aġġornament ta' dik il-lista fi spazju ddedikat fuq il-portal tal-web tagħha. Emenda 122 Proposta għal regolament Artikolu 20 – paragrafu 3a (ġdid) 3a.  L-Aġenzija għandha tirrapporta dwar in-nuqqas ta' apparati mediċi kritiċi inklużi fil-lista ta' apparati kritiċi ta' emerġenza tas-saħħa pubblika permezz tal-bażi tad-data msemmija fl-Artikolu 6(4a). Emenda 123 Proposta għal regolament Artikolu 22 – paragrafu 1 1.  Sakemm iddum l-emerġenza tas-saħħa pubblika, il-Grupp ta' Tmexxija dwar l-Apparati Mediċi għandu jirrapporta regolarment ir-riżultati tal-monitoraġġ tiegħu lill-Kummissjoni u lis-subnetwork imsemmi fl-Artikolu 23(1)(b), u, b'mod partikolari, jindika kwalunkwe nuqqas potenzjali jew attwali tal-apparati mediċi inklużi fil-lista ta' apparati mediċi ta' emerġenza tas-saħħa pubblika. 1.  Sakemm iddum l-emerġenza tas-saħħa pubblika, il-Grupp ta' Tmexxija dwar l-Apparati Mediċi għandu jirrapporta regolarment ir-riżultati tal-monitoraġġ tiegħu lill-Kummissjoni u lis-subnetwork imsemmi fl-Artikolu 23(2)(a), u, b'mod partikolari, jindika kwalunkwe nuqqas potenzjali jew attwali tal-apparati mediċi inklużi fil-lista ta' apparati mediċi ta' emerġenza tas-saħħa pubblika. Emenda 124 Proposta għal regolament Artikolu 22 – paragrafu 2 2.  Meta jintalab jagħmel dan mill-Kummissjoni jew mis-subnetwork imsemmi fl-Artikolu 23(2)(b), il-Grupp ta' Tmexxija dwar l-Apparati Mediċi għandu jipprovdi data aggregata u tbassir tad-domanda biex jissostanzja s-sejbiet tiegħu. F'dak ir-rigward, il-Grupp ta' Tmexxija għandu jikkomunika maċ-Ċentru Ewropew għall-Prevenzjoni u l-Kontroll tal-Mard biex jikseb data epidemjoloġika li tgħin fit-tbassir tal-ħtiġijiet tal-apparati mediċi, u mal-Grupp ta' Tmexxija dwar il-Mediċini msemmi fl-Artikolu 3 meta l-apparati mediċi inklużi fil-lista ta' apparati kritiċi ta' emerġenza tas-saħħa pubblika jintużaw b'mod konġunt ma' prodott mediċinali. 2.  Meta jintalab jagħmel dan mill-Kummissjoni, minn awtorità kopmetenti nazzjonali waħda jew aktar jew mis-subnetwork imsemmi fl-Artikolu 23(2)(a), il-Grupp ta' Tmexxija dwar l-Apparati Mediċi għandu jipprovdi data aggregata u tbassir tad-domanda biex jissostanzja s-sejbiet tiegħu. F'dak ir-rigward, il-Grupp ta' Tmexxija għandu jikkomunika maċ-Ċentru Ewropew għall-Prevenzjoni u l-Kontroll tal-Mard biex jikseb data epidemjoloġika li tgħin fit-tbassir tal-ħtiġijiet tal-apparati mediċi, u mal-Grupp ta' Tmexxija dwar il-Mediċini msemmi fl-Artikolu 3 meta l-apparati mediċi inklużi fil-lista ta' apparati kritiċi ta' emerġenza tas-saħħa pubblika jintużaw b'mod konġunt ma' prodott mediċinali. Il-Grupp ta' Tmexxija dwar l-Apparati Mediċi għandu jikkondividi wkoll is-sejbiet u l-konklużjonijiet tiegħu mal-atturi tal-Unjoni u dawk nazzjonali involuti fil-kumulazzjoni ta' riżervi ta' prodotti mediċinali u apparati mediċi. Emenda 125 Proposta għal regolament Artikolu 22 – paragrafu 5a (ġdid) 5a.  Fejn ir-rakkomandazzjonijiet imsemmija fil-paragrafi 3 u 4 ma jitqisux jew ma jiġux implimentati, il-Kummissjoni, l-Istati Membri, il-manifatturi ta' apparati mediċi u l-korpi notifikati għandhom jipprovdu, fejn ikun xieraq, ġustifikazzjoni sostanzjata. Emenda 126 Proposta għal regolament Artikolu 23 – paragrafu 1 – punt a (a)  tispeċifika l-proċeduri għall-istabbiliment tal-lista ta' apparati kritiċi ta' emerġenza tas-saħħa pubblika; (a)  tispeċifika l-proċeduri u l-kriterji għall-istabbiliment u r-rieżami tal-lista ta' apparati kritiċi ta' emerġenza tas-saħħa pubblika, filwaqt li tiżgura konsultazzjoni adegwata mal-manifatturi u ma' atturi rilevanti oħra fil-katina tal-provvista tal-apparati mediċi kif ukoll mal-professjonisti tal-kura tas-saħħa, mal-konsumaturi u mal-pazjenti; Emenda 127 Proposta għal regolament Artikolu 23 – paragrafu 1 – punt b (b)  tiżviluppa sistemi elettroniċi simplifikati ta' monitoraġġ u ta' rapportar; (b)  tiżviluppa sistemi elettroniċi simplifikati ta' monitoraġġ u ta' rapportar f'koordinazzjoni mal-awtoritajiet kompetenti nazzjonali; Emenda 128 Proposta għal regolament Artikolu 23 – paragrafu 1 – punt d (d)  tistabbilixxi u żżomm lista ta' punti uniċi ta' kuntatt mill-manifatturi ta' apparati mediċi, mir-rappreżentanti awtorizzati u mill-korpi notifikati; imħassar Emenda 129 Proposta għal regolament Artikolu 23 – paragrafu 2 – punt a (a)  tistabbilixxi u żżomm, għal kemm iddum l-emerġenza tas-saħħa pubblika, subnetwork ta' punti uniċi ta' kuntatt minn manifatturi ta' apparati mediċi u minn korpi notifikati fuq il-bażi tal-apparati mediċi inklużi fil-lista ta' apparati kritiċi ta' emerġenza tas-saħħa pubblika; (a)  tistabbilixxi u żżomm, għal kemm iddum l-emerġenza tas-saħħa pubblika, subnetwork ta' punti uniċi ta' kuntatt minn manifatturi ta' apparati mediċi u minn korpi notifikati fuq il-bażi tal-apparati mediċi inklużi fil-lista ta' apparati kritiċi ta' emerġenza tas-saħħa pubblika bbażata fuq punti uniċi ta' kuntatt li għandhom jiġu inklużi għall-manifatturi kollha tal-apparat mediku fil-bażi tad-data msemmija fl-Artikolu 33 tar-Regolament (UE) 2017/745 u l-Artikolu 30 tar-Regolament (UE) 2017/746; Emenda 130 Proposta għal regolament Artikolu 23 – paragrafu 3 – punt ea (ġdid) (ea)  l-istokkijiet disponibbli; Emenda 131 Proposta għal regolament Artikolu 23 – paragrafu 3 – punt eb (ġdid) (eb)  il-kwantitajiet diġà kkonsenjati; Emenda 132 Proposta għal regolament Artikolu 23 – paragrafu 3 – punt ec (ġdid) (ec)  il-konsenji proġettati; Emenda 133 Proposta għal regolament Artikolu 23 – paragrafu 3 – punt f (f)  il-pjanijiet ta' mitigazzjoni inkluża l-kapaċità tal-produzzjoni u tal-provvista; (f)  il-pjanijiet ta' prevenzjoni u ta' mitigazzjoni inkluża informazzjoni dwar il-kapaċità tal-produzzjoni u tal-provvista bil-għan li tiġi ggarantita provvista kontinwa u jiġu evitati n-nuqqasijiet ta' apparati mediċi inklużi fil-listi ta' apparati mediċi kritiċi ta' emerġenza tas-saħħa pubblika. Emenda 134 Proposta għal regolament Artikolu 25 – paragrafu 2 2.  Meta dan ikun meħtieġ sabiex jissodisfaw l-obbligi ta' rapportar tagħhom stabbiliti fil-paragrafu 1, l-Istati Membri għandhom jiġbru informazzjoni mingħand il-manifatturi, l-importaturi, id-distributuri u l-korpi notifikati dwar l-apparati mediċi inklużi fil-lista ta' apparati kritiċi ta' emerġenza tas-saħħa pubblika. 2.  Meta dan ikun meħtieġ sabiex jissodisfaw l-obbligi ta' rapportar tagħhom stabbiliti fil-paragrafu 1, l-Istati Membri għandhom jiġbru informazzjoni mingħand il-manifatturi, l-importaturi, id-distributuri, il-professjonisti tal-kura tas-saħħa u l-korpi notifikati dwar l-apparati mediċi inklużi fil-lista ta' apparati kritiċi ta' emerġenza tas-saħħa pubblika. Emenda 135 Proposta għal regolament Artikolu 25 – paragrafu 4 – punt a (b)  iqisu l-ħtieġa li jiġu previsti eżenzjonijiet temporanji fil-livell tal-Istati Membri skont l-Artikolu 59(1) tar-Regolament (UE) 2017/745 jew l-Artikolu 54(1) tar-Regolament (UE) 2017/746 bil-ħsieb li jiġu mmitigati in-nuqqasijiet potenzjali jew attwali tal-apparati mediċi inklużi fil-lista ta' apparati kritiċi ta' emerġenza tas-saħħa pubblika; (a)  iqisu l-ħtieġa li jiġu previsti eżenzjonijiet temporanji fil-livell tal-Istati Membri skont l-Artikolu 59(1) tar-Regolament (UE) 2017/745 jew l-Artikolu 54(1) tar-Regolament (UE) 2017/746 bil-ħsieb li jiġu mmitigati n-nuqqasijiet potenzjali jew attwali tal-apparati mediċi inklużi fil-lista ta' apparati kritiċi ta' emerġenza tas-saħħa pubblika, filwaqt li fl-istess ħin jiġi żgurat livell għoli ta' sikurezza tal-pazjenti u l-prodotti; Emenda 136 Proposta għal regolament Artikolu 26 – paragrafu 1 – punt a (a)  tieħu l-azzjoni kollha meħtieġa fil-limiti tas-setgħat mogħtija lilha, bil-ħsieb li timmitiga in-nuqqasijiet potenzjali jew attwali tal-apparati mediċi inklużi fil-lista tal-apparati kritiċi ta' emerġenza tas-saħħa pubblika, inkluż, fejn meħtieġ, l-għoti ta' eżenzjonijiet temporanji fil-livell tal-Unjoni skont l-Artikolu 59(3) tar-Regolament (UE) 2017/745 jew l-Artikolu 54(3) tar-Regolament (UE) 2017/746; (a)  tieħu l-azzjoni kollha meħtieġa fil-limiti tas-setgħat mogħtija lilha, bil-ħsieb li timmitiga n-nuqqasijiet potenzjali jew attwali tal-apparati mediċi inklużi fil-lista tal-apparati kritiċi ta' emerġenza tas-saħħa pubblika, inkluż, fejn meħtieġ, l-għoti ta' eżenzjonijiet temporanji fil-livell tal-Unjoni skont l-Artikolu 59(3) tar-Regolament (UE) 2017/745 jew l-Artikolu 54(3) tar-Regolament (UE) 2017/746 filwaqt li fl-istess ħin tiġi żgurata s-sikurezza kemm tal-pazjenti kif ukoll tal-prodotti; Emenda 137 Proposta għal regolament Artikolu 26 – paragrafu 1 – punt b (b)  tikkunsidra l-ħtieġa għal linji gwida indirizzati lill-Istati Membri, lill-manifatturi ta' apparati mediċi, lill-korpi notifikati u lil entitajiet oħra; (b)  tikkunsidra l-ħtieġa għal linji gwida indirizzati lill-Istati Membri, lill-manifatturi ta' apparati mediċi, lill-korpi notifikati, lill-professjonisti tal-kura tas-saħħa u lil entitajiet oħra meta dan ikun proporzjonat, iġġustifikat u meħtieġ; Emenda 138 Proposta għal regolament Artikolu 26 – paragrafu 1 – punt e (e)  tikkollabora ma' pajjiżi terzi u ma' organizzazzjonijiet internazzjonali rilevanti, kif xieraq, biex timmitiga in-nuqqasijiet potenzjali jew attwali ta' apparati mediċi inkluż fil-lista ta' apparati mediċi jew tal-komponenti tagħhom, fejn dawk l-apparati jew komponenti jiġu importati fl-Unjoni, u meta tali nuqqasijiet potenzjali jew attwali jkollhom implikazzjonijiet internazzjonali. (e)  tikkollabora ma' pajjiżi terzi u ma' organizzazzjonijiet internazzjonali rilevanti, kif xieraq, biex timmitiga in-nuqqasijiet potenzjali jew attwali ta' apparati mediċi inkluż fil-lista ta' apparati mediċi jew tal-komponenti tagħhom, fejn dawk l-apparati jew komponenti jiġu importati fl-Unjoni, u meta tali nuqqasijiet potenzjali jew attwali jkollhom implikazzjonijiet internazzjonali, u tirrapporta dawk l-azzjonijiet kif ukoll ir-riżultati miksuba lill-Grupp ta' Tmexxija dwar l-Apparati Mediċi. Emenda 139 Proposta għal regolament Artikolu 27 – paragrafu 1 L-Aġenzija għandha, permezz tal-portal tal-web tagħha u mezzi xierqa oħra, u flimkien mal-awtoritajiet kompetenti nazzjonali, tinforma lill-pubbliku u lill-gruppi ta' interess rilevanti fir-rigward tal-ħidma tal-Grupp ta' Tmexxija dwar l-Apparati Mediċi. L-Aġenzija għandha, permezz ta' spazju ddedikat fuq il-portal tal-web tagħha u mezzi xierqa oħra, u flimkien mal-awtoritajiet kompetenti nazzjonali, tinforma lill-pubbliku u lill-gruppi ta' interess rilevanti f'waqthom fir-rigward tal-ħidma tal-Grupp ta' Tmexxija dwar l-Apparati Mediċi u tirreaġixxi għad-diżinformazzjoni li fil-mira tagħha jkollha l-ħidma tal-Grupp ta' Tmexxija dwar l-Apparati Mediċi kif xieraq. Emenda 140 Proposta għal regolament Artikolu 27 – paragrafu 1a (ġdid) Il-proċedimenti mwettqa mill-Grupp ta' Tmexxija dwar l-Apparati Mediċi għandhom ikunu trasparenti. L-aġenda u l-minuti tal-Grupp ta' Tmexxija dwar l-Apparati Mediċi kif ukoll ir-regoli ta' proċedura u r-rakkomandazzjonijiet u, fejn ikun xieraq, il-voti għandhom ikunu ddokumentati u disponibbli għall-pubbliku, inkluż kwalunkwe nuqqas ta' ftehim. Emenda 141 Proposta għal regolament Artikolu 28 – paragrafu 1 – parti introduttorja Mill-1 ta' Marzu 2022'il quddiem, l-Aġenzija għandha, f'isem il-Kummissjoni, tipprovdi s-segretarjat tal-gruppi ta' esperti maħtura f'konformità mad-Deċiżjoni ta' Implimentazzjoni (UE) 2019/1396 u tipprovdi l-appoġġ meħtieġ biex jiġi żgurat li dawk il-gruppi ta' esperti jkunu jistgħu jwettqu l-kompiti tagħhom b'mod effiċjenti kif stabbilit fl-Artikolu 106(9) u (10) tar-Regolament (UE) 2017/745. L-Aġenzija għandha: L-Aġenzija għandha, f'isem il-Kummissjoni, tipprovdi s-segretarjat tal-gruppi ta' esperti maħtura f'konformità mad-Deċiżjoni ta' Implimentazzjoni (UE) 2019/1396 u tipprovdi l-appoġġ meħtieġ biex jiġi żgurat li dawk il-gruppi ta' esperti jkunu jistgħu jwettqu l-kompiti tagħhom b'mod effiċjenti kif stabbilit fl-Artikolu 106(9) u (10) tar-Regolament (UE) 2017/745. L-Aġenzija għandha: Emenda 142 Proposta għal regolament Artikolu 28 – paragrafu 1 – punt a (a)  tipprovdi appoġġ amministrattiv u tekniku lill-gruppi ta' esperti għall-għoti ta' opinjonijiet, ta' fehmiet u ta' pariri xjentifiċi; (a)  tipprovdi appoġġ amministrattiv, xjentifiku u tekniku lill-gruppi ta' esperti għall-għoti ta' opinjonijiet, ta' fehmiet u ta' pariri xjentifiċi; Emenda 143 Proposta għal regolament Artikolu 29a (ġdid) Artikolu 29a Protezzjoni kontra attakki ċibernetiċi L-Aġenzija għandha tkun mgħammra b'livell għoli ta' kontrolli u proċessi tas-sigurtà kontra l-attakki ċibernetiċi, l-ispjunaġġ ċibernetiku u ksur ieħor tad-data biex tiżgura l-protezzjoni tad-data dwar is-saħħa u l-funzjonament normali tal-Aġenzija f'kull ħin, u speċjalment matul emerġenzi tas-saħħa pubblika jew eventi maġġuri fil-livell tal-Unjoni. Għal dak il-għan, l-Aġenzija għandha ssegwi u timplimenta b'mod attiv l-aħjar prattiki taċ-ċibersigurtà fl-istituzzjonijiet, il-korpi, l-uffiċċji u l-aġenziji tal-Unjoni biex tipprevjeni, tidentifika, timmitiga u tirrispondi għall-attakki ċibernetiċi. Emenda 144 Proposta għal regolament Artikolu 29b (ġdid) Artikolu 29b Penali L-Istati Membri għandhom jistipulaw ir-regoli dwar il-penali applikabbli għall-ksur tal-obbligi stabbiliti fl-Artikoli 10 u 24 u għandhom jieħdu l-miżuri kollha meħtieġa biex jiżguraw li dawn jiġu implimentati. Il-penali previsti, inklużi dawk finanzjarji, għandhom ikunu effettivi, proporzjonati u dissważivi. L-Istati Membri għandhom, sa ...[sitt xhur wara d-data tad-dħul fis-seħħ ta' dan ir-Regolament], jinnotifikaw lill-Kummissjoni b'dawk ir-regoli u b'dawk il-miżuri u għandhom jinnotifikawha, mingħajr dewmien, bi kwalunkwe emenda sussegwenti li tolqothom. Emenda 145 Proposta għal regolament Artikolu 30 – paragrafu 1 – parti introduttorja 1.  Ħlief jekk ikun previst mod ieħor f'dan ir-Regolament u mingħajr preġudizzju għar-Regolament (KE) Nru 1049/200124 u għad-dispożizzjonijiet u għall-prattiki nazzjonali eżistenti fl-Istati Membri dwar il-kunfidenzjalità, il-partijiet kollha involuti fl-applikazzjoni ta' dan ir-Regolament għandhom jirrispettaw il-kunfidenzjalità tal-informazzjoni u tad-data miksuba fit-twettiq tal-kompiti tagħhom sabiex jipproteġu dawn li ġejjin: 1.  Ħlief jekk ikun previst mod ieħor f'dan ir-Regolament u mingħajr preġudizzju għar-Regolament (KE) Nru 1049/200124 u d-Direttiva (UE) 2019/1937 tal-Parlament Ewropew u tal-Kunsill24a u għad-dispożizzjonijiet u għall-prattiki nazzjonali eżistenti fl-Istati Membri dwar il-kunfidenzjalità, il-partijiet kollha involuti fl-applikazzjoni ta' dan ir-Regolament għandhom jirrispettaw il-kunfidenzjalità tal-informazzjoni u tad-data miksuba fit-twettiq tal-kompiti tagħhom sabiex jipproteġu dawn li ġejjin: __________________ __________________ 24 Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni, ĠU L 145, 31.05.2001, p. 43 24 Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni, ĠU L 145, 31.05.2001, p. 43 24a Id-Direttiva (UE) 2019/1937 tal-Parlament Ewropew u tal-Kunsill tat-23 ta' Ottubru 2019 dwar il-protezzjoni ta' persuni li jirrapportaw dwar ksur tal-liġi tal-Unjoni (ĠU L 305, 26.11.2019, p. 17). Emenda 146 Proposta għal regolament Artikolu 30 – paragrafu 1 – punt a (a)  data personali f'konformità mal-Artikolu 32; imħassar Emenda 147 Proposta għal regolament Artikolu 30 – paragrafu 1 – punt b (b)  informazzjoni kummerċjalment kunfidenzjali u s-sigrieti tal-mestier ta' persuna fiżika jew ġuridika, inklużi d-drittijiet ta' proprjetà intellettwali; (b)  is-sigrieti tal-mestier ta' persuna fiżika jew ġuridika f'konformità mad-Direttiva (UE) 2016/943 tal-Parlament Ewropew u tal-Kunsill1a, kif ukoll informazzjoni kummerċjalment kunfidenzjali oħra u d-drittijiet ta' proprjetà intellettwali; _______________ 1a Id-Direttiva (UE) 2016/943 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni ta' konoxxenza u ta' informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom (ĠU L 157, 15.6.2016, p. 1). Emenda 148 Proposta għal regolament Artikolu 30 – paragrafu 5 5.  Il-Kummissjoni, l-Aġenzija, u l-Istati Membri jistgħu jiskambjaw informazzjoni kummerċjalment kunfidenzjali u, fejn meħtieġa għall-protezzjoni tas-saħħa pubblika, data personali, mal-awtoritajiet regolatorji ta' pajjiżi terzi li magħhom ikunu kkonkludew ftehim bilaterali jew multilaterali dwar il-kunfidenzjalità. 5.  Il-Kummissjoni, l-Aġenzija, u l-Istati Membri jistgħu jiskambjaw informazzjoni kummerċjalment kunfidenzjali mal-awtoritajiet regolatorji ta' pajjiżi terzi li magħhom ikunu kkonkludew ftehimiet bilaterali jew multilaterali dwar il-kunfidenzjalità. Emenda 149 Proposta għal regolament Artikolu 30a (ġdid) Artikolu 30a Protezzjoni tad-data personali 1.   It-trasferimenti ta' data personali skont dan ir-Regolament għandhom ikunu soġġetti għar-Regolamenti (UE) 2016/679 u (UE) 2018/1725 kif applikabbli. 2.   Għat-trasferimenti ta' data personali lejn pajjiż terz, fin-nuqqas ta' deċiżjoni ta' adegwatezza, jew ta' salvagwardji xierqa, kif imsemmi fl-Artikolu 49(1) tar-Regolament (UE) 2016/679 u fl-Artikolu 50(1) tar-Regolament (UE) 2018/1725, il-Kummissjoni, l-Aġenzija, u l-Istati Membri jistgħu jiskambjaw data personali mal-awtoritajiet regolatorji ta' pajjiżi terzi li magħhom ikunu kkonkludew arranġamenti ta' kunfidenzjalità bilaterali jew multilaterali fejn dan ikun meħtieġ għal raġunijiet importanti ta' interess pubbliku, bħall-protezzjoni tas-saħħa pubblika. Emenda 150 Proposta għal regolament Artikolu 30b (ġdid) Artikolu 30b Rieżami Sal-31 ta' Diċembru 2026, il-Kummissjoni għandha tippreżenta lill-Parlament Ewropew u lill-Kunsill rapport ta' evalwazzjoni dwar il-funzjonament ta' dan ir-Regolament, akkumpanjat, jekk ikun xieraq, minn proposta leġiżlattiva biex temendah. Dan ir-rapport għandu speċifikament iqis l-estensjoni possibbli tal-kamp ta' applikazzjoni għall-prodotti mediċinali għall-użu veterinarju. Emenda 151 Proposta għal regolament Artikolu 31 – titolu Dħul fis-Seħħ Dħul fis-Seħħ u data ta' applikazzjoni Emenda 152 Proposta għal regolament Artikolu 31 – paragrafu 1a (ġdid) Il-Kapitolu IV għandu japplika minn... [data tad-dħul fis-seħħ + 12-il xahar].

(1) Il-kwistjoni ġiet riferuta lura għal negozjati interistituzzjonali lill-kumitat responsabbli, skont l-Artikolu 59(4), ir-raba’ subparagrafu (A9-0216/2021).

Emendi adottati mill-Parlament Ewropew fit-8 ta’ Lulju 2021 dwar il-proposta għal deċiżjoni tal-Parlament Ewropew u tal-Kunsill dwar Programm Ġenerali ta' Azzjoni Ambjentali tal-Unjoni sal-2030 (COM(2020)0652 – C9-0329/2020 – 2020/0300(COD))(1)

P9_TA(2021)0352 A9-0203/2021

(Proċedura leġiżlattiva ordinarja: l-ewwel qari)

Test propost mill-Kummissjoni   Emenda Emenda 1 Proposta għal deċiżjoni Premessa 3 (3)  L-evalwazzjoni tal-Kummissjoni tas-seba' EAP24 ikkonkludiet li l-viżjoni tiegħu sal-2050 u l-objettivi prijoritarji għadhom validi; li għen biex jipprovdi azzjoni aktar prevedibbli, rapida u kkoordinata fil-politika ambjentali; u li l-istruttura u l-qafas ta' abilitazzjoni tiegħu għenu biex jinħolqu sinerġiji, u b'hekk il-politika ambjentali saret aktar effettiva u effiċjenti. Barra minn hekk, l-evalwazzjoni kkonkludiet li s-seba' EAP antiċipa l-Aġenda 2030 tan-Nazzjonijiet Uniti billi insista li t-tkabbir ekonomiku u l-benesseri soċjali jiddependu fuq bażi ta' riżorsi naturali b'saħħitha, u ffaċilita t-twettiq tal-Għanijiet ta' Żvilupp Sostenibbli. Dan ippermetta wkoll li l-Unjoni titkellem b'vuċi waħda fix-xena globali dwar kwistjonijiet klimatiċi u ambjentali. Fl-evalwazzjoni tagħha tas-seba' EAP, il-Kummissjoni kkonkludiet ukoll li l-progress relatat mal-ħarsien tan-natura, is-saħħa u l-integrazzjoni tal-politika ma kienx biżżejjed. (3)  L-evalwazzjoni tal-Kummissjoni tas-seba' EAP24 ikkonkludiet li l-viżjoni tiegħu sal-2050 u l-objettivi prijoritarji għadhom validi; li għen biex jipprovdi azzjoni aktar prevedibbli, rapida u kkoordinata fil-politika ambjentali; u li l-istruttura u l-qafas ta' abilitazzjoni tiegħu għenu biex jinħolqu sinerġiji, u b'hekk il-politika ambjentali saret aktar effettiva u effiċjenti. Barra minn hekk, l-evalwazzjoni kkonkludiet li s-seba' EAP antiċipa l-Aġenda 2030 tan-Nazzjonijiet Uniti billi insista li t-tkabbir ekonomiku u l-benesseri soċjali jiddependu fuq bażi ta' riżorsi naturali b'saħħitha, u ffaċilita t-twettiq tal-Għanijiet ta' Żvilupp Sostenibbli. Dan ippermetta wkoll li l-Unjoni titkellem b'vuċi waħda fix-xena globali dwar kwistjonijiet klimatiċi u ambjentali. Fl-evalwazzjoni tagħha tas-seba' EAP, il-Kummissjoni kkonkludiet ukoll li l-progress relatat mal-ħarsien tan-natura, is-saħħa u l-integrazzjoni tat-tħassib ambjentali f'oqsma oħra tal-politika ma kienx biżżejjed. Hija sabet ukoll li seta' kien hemm aktar kunsiderazzjoni tal-kwistjonijiet soċjali fis-seba' EAP, abbażi tar-rabtiet eżistenti bejn l-ambjent u l-politika soċjali, fir-rigward, pereżempju, tal-impatt fuq il-gruppi vulnerabbli, l-impjiegi, l-inklużjoni soċjali u l-inugwaljanza. Barra minn hekk, fl-evalwazzjoni tagħha l-Kummissjoni nnutat li, minkejja miri ambjentali dejjem aktar ambizzjużi f'ħafna oqsma tal-politika, l-infiq fuq il-protezzjoni tal-ambjent baqa' baxx fl-Ewropa matul bosta snin (madwar 2 % tal-PDG) u li n-nuqqas ta' implimentazzjoni tal-leġiżlazzjoni ambjentali jiswa lill-ekonomija tal-Unjoni madwar EUR 55 biljun fis-sena fi spejjeż marbuta mas-saħħa u spejjeż diretti għall-ambjent. L-evalwazzjoni nnutat li l-implimentazzjoni tas-seba' EAP setgħet ġiet imsaħħa minn mekkaniżmu ta' monitoraġġ aktar b'saħħtu. __________________ __________________ 24 COM(2019)0233. 24 COM(2019)0233. Emenda 2 Proposta għal deċiżjoni Premessa 4 (4)  Skont ir-rapport tal-EEA "The European environment – state and outlook 2020, Knowledge for transition to a sustainable Europe" ("SOER 2020"), l-2020 tirrappreżenta tieqa unika ta' opportunità għall-Unjoni biex turi tmexxija fuq is-sostenibbiltà u biex tiffaċċja l-isfidi urġenti ta' sostenibbiltà li jeħtieġu soluzzjonijiet sistemiċi. Kif intqal fis-SOER 2020, il-bidliet fil-klima u l-ekosistemi globali osservati mis-snin 50 'l hawn huma bla preċedent għal għexieren ta' snin sa millenja. Il-popolazzjoni globali ttriplat mill-1950, filwaqt li l-popolazzjoni li tgħix fil-bliet żdiedet b'erba' darbiet. Bil-mudell ta' tkabbir attwali, il-pressjonijiet ambjentali huma mistennija li jkomplu jiżdiedu, u dan jikkawża effetti diretti u indiretti ta' ħsara fuq is-saħħa u l-benesseri tal-bniedem. Dan jgħodd b'mod speċjali għas-setturi bl-ogħla impatt ambjentali – l-ikel, il-mobbiltà, l-enerġija kif ukoll l-infrastruttura u l-bini. (4)  Skont ir-rapport tal-EEA "The European environment – state and outlook 2020, Knowledge for transition to a sustainable Europe" ("SOER 2020"), hemm tieqa unika ta' opportunità għall-Unjoni fid-deċennju li jmiss biex turi tmexxija globali fuq is-sostenibbiltà billi tindirizza l-isfidi urġenti ta' sostenibbiltà li huma bla preċedent u li jistgħu jiġu indirizzati biss billi tiġi żgurata bidla sistemika. Il-bidla sistemika tinvolvi forma ta' bidla fundamentali, trasformattiva, u trażversali li timplika ċaqliq maġġuri u riorjentazzjoni tal-għanijiet sistemiċi, tal-inċentivi, tat-teknoloġiji, tal-prattiki soċjali u tan-normi, kif ukoll tas-sistemi tat-tagħrif, u tal-approċċi tal-governanza. Kif intqal fis-SOER 2020, wieħed mill-aktar fatturi importanti sottostanti għall-isfidi ambjentali u ta' sostenibbiltà persistenti tal-Ewropa huwa li dawn huma marbuta b'mod inseparabbli mal-attivitajiet ekonomiċi u mal-istili ta' ħajja, b'mod partikolari s-sistemi soċjetali li jipprovdu lill-Ewropej ħtiġijiet bħal prodotti, enerġija u mobbiltà. L-iżgurar tal-koerenza tal-politika mal-politiki ambjentali eżistenti, u l-implimentazzjoni sħiħa tagħhom, jieħdu lill-Ewropa fuq triq twila biex tilħaq l-għanijiet ambjentali tagħha sal-2030. Madankollu, meħtieġa wkoll oqfsa fit-tul, sistemiċi b'miri vinkolanti b'rabta mal-għanijiet klimatiċi u ambjentali. Is-SOER 2020 jikkonkludi li l-Ewropa mhux se tikseb il-viżjoni tagħha dwar is-sostenibbiltà li "ngħixu tajjeb, fi ħdan il-limiti planetarji" sempliċement billi tippromwovi t-tkabbir ekonomiku u billi tfittex li timmaniġġja effetti sekondarji ta' ħsara b'għodod ta' politika ambjentali u soċjali. Minflok, is-sostenibbiltà teħtieġ issir il-prinċipju gwida għal politiki ambizzjużi u koerenti u azzjonijiet fis-soċjetà kollha. Emenda 3 Proposta għal deċiżjoni Premessa 5 (5)  Il-Kummissjoni Ewropea wieġbet għall-isfidi identifikati fl-SOER 2020 billi adottat il-Patt Ekoloġiku Ewropew25: strateġija ġdida għat-tkabbir għat-tranżizzjoni ekoloġika u diġitali doppja li għandha l-għan li tittrasforma lill-Unjoni f'soċjetà ġusta u prospera, b'ekonomija kompetittiva, newtrali għall-klima u effiċjenti fl-użu tar-riżorsi. Ir-Regolament (UE) tal-Parlament Ewropew u tal-Kunsill26 inaqqax fil-liġi l-mira tal-Unjoni li sal-2050 tintlaħaq in-newtralità klimatika. (5)  Ir-risposta tal-Kummissjoni Ewropea għall-isfidi identifikati fis-SOER 2020 hija deskritta fil-Patt Ekoloġiku Ewropew25 bħala strateġija ġdida għat-tkabbir għat-tranżizzjoni ekoloġika u diġitali doppja li għandha l-għan li tittrasforma lill-Unjoni f'soċjetà ġusta u prospera, b'ekonomija kompetittiva, newtrali għall-klima u effiċjenti fl-użu tar-riżorsi u tipproteġi, tikkonserva u ssaħħaħ il-kapital naturali tal-Unjoni filwaqt li ttejjeb il-kwalità tal-ħajja għall-ġenerazzjonijiet attwali u futuri. Li jinkisbu l-miri klimatiċi u ambjentali filwaqt li jiġu protetti s-saħħa u l-benesseri tal-persuni mir-riskji u l-impatti ambjentali u li tiġi żgurata tranżizzjoni ġusta u inklużiva jenħtieġ li jkunu l-prijorità. Ir-Regolament (UE) tal-Parlament Ewropew u tal-Kunsill26 inaqqax fil-liġi l-mira tal-Unjoni li sa mhux aktar tard mill-2050 tintlaħaq in-newtralità klimatika. __________________ __________________ 25 COM(2019)0640. 25 COM(2019)0640. 26 COM(2020)0080. 26 COM(2020)0080. Emenda 4 Proposta għal deċiżjoni Premessa 5a (ġdida) (5a)  Fit-28 ta' Novembru 2019, il-Parlament Ewropew adotta riżoluzzjoni li tiddikjara emerġenza klimatika u ambjentali fl-Ewropa u fuq livell globali, u ħeġġeġ lill-Kummissjoni l-ġdida tieħu azzjoni rapida u determinata, inkluż billi tindirizza l-inkonsistenzi fil-politiki attwali tal-Unjoni mal-emerġenza klimatika u ambjentali, b'mod partikolari permezz ta' riforma estensiva tal-politiki tagħha dwar l-investiment agrikolu, kummerċjali, tat-trasport, tal-enerġija u tal-infrastruttura u billi tiżgura li l-proposti leġiżlattivi u baġitarji rilevanti futuri kollha jkunu kompletament allinjati mal-objettiv li t-tisħin globali jiġi limitat għal inqas minn 1,5 °C u li ma jkunux qed jikkontribwixxu għat-telf tal-bijodiversità. Emenda 5 Proposta għal deċiżjoni Premessa 5b (ġdida) (5b)  Kemm fl-Unjoni kif ukoll globalment, l-art u l-ħamrija għadhom qed jiġu degradati minn firxa wiesgħa ta' attivitajiet tal-bniedem, bħall-ġestjoni ħażina tal-art, it-tibdil fl-użu tal-art, prattiki agrikoli mhux sostenibbli, l-abbandun tal-art, it-tniġġis, prattiki tal-forestrija mhux sostenibbli u l-issiġillar tal-ħamrija, it-telfien tal-bijodiversità u t-tibdil fil-klima, spiss flimkien ma' fatturi oħra, u b'hekk inaqqsu l-kapaċitajiet tagħhom li jipprovdu servizzi tal-ekosistema għas-soċjetà kollha. Minkejja dan, l-Unjoni u l-Istati Membri bħalissa mhumiex fit-triq it-tajba biex jissodisfaw l-impenji internazzjonali u Ewropej tagħhom relatati mal-ħamrija u l-art, inklużi l-obbligi skont il-Konvenzjoni tan-Nazzjonijiet Uniti għall-Ġlieda kontra d-Deżertifikazzjoni biex tiġi miġġielda d-deżertifikazzjoni, jiġu restawrati l-art u l-ħamrija degradati u tinkiseb dinja newtrali fir-rigward tad-degradazzjoni tal-art sal-2030. F'konformità mar-riżoluzzjoni tal-Parlament Ewropew tat-28 ta' April 2021 dwar il-protezzjoni tal-ħamrija, hemm bżonn ta' qafas legali komuni għall-Unjoni kollha għall-protezzjoni u l-użu sostenibbli tal-ħamrija, li jirrispetta bis-sħiħ il-prinċipju ta’ sussidjarjetà u li jindirizza t-theddid ewlieni kollu għall-ħamrija. Jenħtieġ li dak il-qafas jinkludi, fost l-oħrajn, definizzjoni komuni tal-ħamrija u l-funzjonijiet tagħha u kriterji għall-kisba ta' status tajjeb u użu sostenibbli, kif ukoll objettivi intermedji u finali li jkunu akkumpanjati minn indikaturi armonizzati u metodoloġija ta' monitoraġġ u rappurtar. Emenda 6 Proposta għal deċiżjoni Premessa 5c (ġdida) (5c)  Il-pandemija tal-COVID-19, li wasslet għal kriżi ekonomika u tas-saħħa mingħajr preċedent, uriet mill-ġdid l-importanza li jiġi applikat l-approċċ multisettorjali ta' "Saħħa Waħda" fit-tfassil tal-politika, li jirrikonoxxi li s-saħħa tal-bniedem hija marbuta mas-saħħa tal-annimali u mal-ambjent, u li l-azzjonijiet biex jiġi indirizzat it-theddid għas-saħħa għandhom iqisu t-tliet dimensjonijiet kollha. Sabiex, fost l-oħrajn, it-tifqigħat taż-żoonożijiet u t-theddid għas-sikurezza tal-ikel jiġu identifikati, indirizzati u evitati b'mod effettiv, jenħtieġ li l-informazzjoni u d-data jiġu kondiviżi bejn is-setturi, u jenħtieġ li l-kooperazzjoni fil-livelli nazzjonali u sottonazzjonali tiżdied biex jiġu implimentati reazzjonijiet effettivi u komuni. Jenħtieġ li t-tmien EAP jikkontribwixxi għall-integrazzjoni sħiħa tal-approċċ "Saħħa Waħda" fil-livelli kollha tat-tfassil tal-politika. Emenda 7 Proposta għal deċiżjoni Premessa 5d (ġdida) (5d)  Skont ir-rapport tal-2020 dwar il-Bijodiversità u l-Pandemiji mill-Pjattaforma Intergovernattiva tal-Politika tax-Xjenza dwar il-Bijodiversità u s-Servizzi Ekosistemiċi (IPBES)1a, il-kawżi sottostanti tal-pandemiji huma l-istess bidliet ambjentali globali li jwasslu għat-telf tal-bijodiversità u t-tibdil fil-klima, l-espansjoni u l-intensifikazzjoni agrikola, u l-kummerċ u l-konsum tal-organiżmi selvaġġi, u fatturi oħra. It-tibdil fil-klima ġie implikat fit-tfaċċar tal-mard u x'aktarx se jikkawża riskju pandemiku sostanzjali fil-futur, filwaqt li t-telf tal-bijodiversità huwa assoċjat ukoll mat-trasformazzjoni tal-pajsaġġi u jista' jwassal għal żieda fir-riskju ta' mard emerġenti f'xi każijiet. Skont ir-rapport, il-prezz tan-nuqqas ta' azzjoni huwa ferm akbar mill-prezz tal-implimentazzjoni ta' strateġiji globali għall-prevenzjoni ta' pandemiji bbażati fuq it-tnaqqis tal-kummerċ tal-organiżmi selvaġġi u t-tibdil fl-użu tal-art u ż-żieda tas-sorveljanza ta' "Saħħa Waħda". __________________ 1a Workshop tal-IPBES dwar id-Diversità u l-Pandemija - Sommarju Eżekuttiv, 2020. Emenda 8 Proposta għal deċiżjoni Premessa 5e (ġdida) (5e)  Id-degradazzjoni ambjentali u l-effetti negattivi tat-tibdil fil-klima huma mistennija li jiżdiedu aktar fis-snin li ġejjin, u l-aktar impatt sever ser ikun fuq il-pajjiżi li qed jiżviluppaw u l-popolazzjonijiet vulnerabbli. Sabiex tgħin fil-bini tar-reżiljenza u tappoġġa lill-pajjiżi terzi fl-isforzi tagħhom biex jimmitigaw u jadattaw għat-tibdil fil-klima kif ukoll jipproteġu l-bijodiversità, l-assistenza finanzjarja mill-Unjoni u l-Istati Membri lil pajjiżi terzi jenħtieġ li tippromwovi l-Aġenda 2030 tan-NU, il-Ftehim ta' Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima1a ("il-Ftehim ta' Pariġi") u l-qafas globali wara l-2020 tal-Konvenzjoni tan-NU dwar id-Diversità Bijoloġika u tkun konformi mal-objettivi prijoritarji tat-tmien EAP. Barra minn hekk, jenħtieġ li l-Unjoni u l-Istati Membri jiżguraw ukoll li l-Ftehim ta' Pariġi u ftehimiet internazzjonali oħra dwar il-klima u l-ambjent jiġu implimentati b'modi li jirriflettu l-prinċipji ta' ekwità u ta' responsabbiltajiet komuni iżda differenzjati u l-kapaċitajiet rispettivi, kif stabbilit ukoll fl-Artikolu 2(2) tal-Ftehim ta' Pariġi. _______________ 1a ĠU L 282, 19.10.2016, p. 4. Emenda 9 Proposta għal deċiżjoni Premessa 6 (6)  Il-Patt Ekoloġiku Ewropew jirfed il-Pjan ta' Rkupru tal-UE tal-Ġenerazzjoni li Jmiss li jippromwovi l-investimenti f'setturi ekoloġiċi ewlenin meħtieġa biex tinbena r-reżiljenza, u joħloq it-tkabbir u l-impjiegi f'soċjetà ġusta u inklużiva. Il-Faċilità għall-Irkupru u r-Reżiljenza li se tixpruna l-irkupru ekonomiku tal-Unjoni mill-kriżi tal-coronavirus flimkien mal-baġit tal-Unjoni għall-2021-2027, hija bbażata wkoll fuq l-objettivi prijoritarji stabbiliti fil-Patt Ekoloġiku Ewropew. Barra minn hekk, l-inizjattivi kollha taħt il-Pjan ta' Rkupru tal-UE tal-Ġenerazzjoni li Jmiss jenħtieġ li jirrispettaw il-prinċipju tal-Patt Ekoloġiku Ewropew ta' "la tagħmilx ħsara". (6)  Il-Patt Ekoloġiku Ewropew jirfed il-Pjan ta' Rkupru tal-UE tal-Ġenerazzjoni li Jmiss li jippromwovi l-investimenti f'setturi ekoloġiċi u diġitali ewlenin meħtieġa biex tinbena r-reżiljenza, u joħloq it-tkabbir u l-impjiegi f'soċjetà ġusta u inklużiva. Il-Faċilità għall-Irkupru u r-Reżiljenza li se tixpruna l-irkupru ekonomiku tal-Unjoni mill-kriżi tal-coronavirus flimkien mal-baġit tal-Unjoni għall-2021-2027, hija bbażata wkoll fuq l-objettivi prijoritarji stabbiliti fil-Patt Ekoloġiku Ewropew. Barra minn hekk, l-inizjattivi kollha taħt il-Pjan ta' Rkupru tal-UE tal-Ġenerazzjoni li Jmiss jenħtieġ li jirrispettaw il-prinċipju ta' "la tagħmilx ħsara sinifikanti" kif stabbilit fir-Regolament (UE) 2020/852 tal-Parlament Ewropew u tal-Kunsill ("ir-Regolament dwar it-Tassonomija")1a. Il-Pjan ta' Rkupru joffri opportunità importanti biex jaċċellera l-pass tat-tranżizzjoni lejn in-newtralità klimatika u l-protezzjoni tal-ambjent. ______________ 1a Ir-Regolament (UE) 2020/852 tal-Parlament Ewropew u tal-Kunsill tat-18 ta' Ġunju 2020 dwar l-istabbiliment ta' qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13). Emenda 10 Proposta għal deċiżjoni Premessa 7 (7)  Programmi ta' azzjoni ambjentali ilhom jiggwidaw l-iżvilupp tal-politika ambjentali tal-UE sa mill-bidu tas-snin 70. Is-seba' EAP se jiskadi fil-31 ta' Diċembru 2020 u l-Artikolu 4(3) tiegħu jirrikjedi li l-Kummissjoni, jekk ikun xieraq, tippreżenta proposta għat-Tmien Programm ta' Azzjoni Ambjentali (it-tmien EAP) fil-ħin bil-ħsieb li tiġi evitata differenza bejn is-seba u t-tmien EAP. Il-Patt Ekoloġiku Ewropew ħabbar l-adozzjoni ta' programm ġdid ta' azzjoni ambjentali. (7)  Programmi ta' azzjoni ambjentali ilhom jiggwidaw l-iżvilupp u l-koordinazzjoni tal-politika ambjentali tal-UE sa mill-bidu tas-snin 70. Is-seba' EAP skada fil-31 ta' Diċembru 2020 u l-Artikolu 4(3) tiegħu kien jeħtieġ li l-Kummissjoni, jekk ikun xieraq, tippreżenta proposta għat-Tmien Programm ta' Azzjoni Ambjentali (it-tmien EAP) fil-ħin bil-ħsieb li tiġi evitata differenza bejn is-seba u t-tmien EAP. Il-komunikazzjoni tal-Kummissjoni tal-11 ta' Diċembru 2019 dwar il-Patt Ekoloġiku Ewropew ħabbret li t-tmien EAP se jinkludi mekkaniżmu ġdid ta' monitoraġġ biex jiżgura li l-Unjoni tibqa' fit-triq it-tajba li tissodisfa l-objettivi ambjentali tagħha. Fil-komunikazzjoni tagħha, il-Kummissjoni impenjat ruħha li tniedi dashboard biex tissorvelja l-progress mal-objettivi tal-Patt Ekoloġiku Ewropew. Emenda 11 Proposta għal deċiżjoni Premessa 8 (8)  It-tmien EAP jenħtieġ li jappoġġa l-objettivi tal-ambjent u tal-azzjoni klimatika tal-Patt Ekoloġiku Ewropew f'konformità mal-objettiv fit-tul li "ngħixu tajjeb, fi ħdan il-limiti planetarji" sal-2050, li diġà huwa stabbilit fis-seba' EAP. Jenħtieġ li jikkontribwixxi biex jintlaħqu l-Aġenda 2030 tan-Nazzjonijiet Uniti u l-Għanijiet ta' Żvilupp Sostenibbli tagħha. (8)  It-tmien EAP, bħala l-Programm ta' Azzjoni Ambjentali tal-Unjoni b'mod ġenerali, jenħtieġ li jibni fuq il-kisba tal-objettivi tal-Patt Ekoloġiku Ewropew u jippromwovihom, f'konformità mal-objettiv fit-tul li "ngħixu tajjeb, fi ħdan il-limiti planetarji", sa mhux aktar tard mill-2050, f'konformità ma' dak li diġà huwa stabbilit fis-seba' EAP. Jenħtieġ li jkun kompletament allinjat mal-Aġenda 2030 tan-Nazzjonijiet Uniti u l-Għanijiet ta' Żvilupp Sostenibbli (SDGs) tagħha, li huma integrati u indiviżibbli, u jmexxi 'l quddiem l-implimentazzjoni u l-kisba tagħhom, kif ukoll ikun allinjat mal-għanijiet tal-Ftehim ta' Pariġi, il-Konvenzjoni tan-NU dwar id-Diversità Bijoloġika u ftehimiet internazzjonali oħra rilevanti. Jenħtieġ li t-tmien EAP jippermetti wkoll bidla sistemika lejn ekonomija tal-Unjoni li tiggarantixxi l-benesseri fi ħdan il-limiti planetarji fejn it-tkabbir ikun riġenerattiv u jenħtieġ li jiżgura wkoll li t-tranżizzjoni ambjentali u klimatika jinkisbu b'mod ġust u inklużiv, filwaqt li tikkontribwixxi għat-tnaqqis tal-inugwaljanzi. Emenda 12 Proposta għal deċiżjoni Premessa 8a (ġdida) (8a)  L-objettivi prijoritarji tat-tmien EAP jistabbilixxu direzzjoni għat-tfassil tal-politika tal-Unjoni, li tibni fuq, iżda mhux limitata għall-impenji tal-istrateġiji u l-inizjattivi tal-Patt Ekoloġiku Ewropew. Emenda 13 Proposta għal deċiżjoni Premessa 8b (ġdida) (8b)  It-tmien EAP jifforma l-bażi għall-kisba tal-objettivi ambjentali u klimatiċi ddefiniti skont l-Aġenda 2030 tan-Nazzjonijiet Uniti u l-SDGs. Skont mudell żviluppat miċ-Ċentru ta' Reżiljenza ta' Stokkolma, il-kisba tal-SDGs ambjentali u klimatiċi tirfed l-SDGs soċjali u ekonomiċi għaliex is-soċjetajiet u l-ekonomiji tagħna jiddependu fuq bijosfera b'saħħitha u minħabba li l-iżvilupp sostenibbli jista' jseħħ biss fi spazju operattiv sikur ta' pjaneta stabbli u reżiljenti. Il-kisba tal-SDGs mill-Unjoni u l-appoġġ tagħha għall-pajjiżi terzi li jagħmlu l-istess se tkun essenzjali jekk l-Unjoni trid turi li hija mexxejja dinjija fil-kisba tat-tranżizzjonijiet tas-sostenibbiltà. Emenda 14 Proposta għal deċiżjoni Premessa 9 (9)  It-tmien EAP jenħtieġ li jħaffef it-tranżizzjoni lejn ekonomija riġenerattiva li tagħti lura lill-pjaneta aktar milli tieħu. Mudell ta' tkabbir riġenerattiv jirrikonoxxi li l-benesseri u l-prosperità tas-soċjetajiet tagħna jiddependu fuq klima stabbli, ambjent b'saħħtu u ekosistemi b'saħħithom, li jipprovdu spazju operattiv sikur għall-ekonomiji tagħna. Filwaqt li l-popolazzjoni globali u d-domanda għar-riżorsi naturali qed ikomplu jikbru, l-attività ekonomika għandha tiżviluppa b'mod li ma jagħmilx ħsara iżda, għall-kuntrarju, treġġa' lura t-tibdil fil-klima u d-degradazzjoni ambjentali, timminimizza t-tniġġis u tirriżulta fiż-żamma u t-tisħiħ tal-kapital naturali, biex b'hekk tiġi żgurata l-abbundanza ta' riżorsi rinnovabbli u mhux rinnovabbli. Permezz tal-innovazzjoni kontinwa, l-adattament għal sfidi ġodda u l-ħolqien konġunt, l-ekonomija riġenerattiva ssaħħaħ ir-reżiljenza u tipproteġi l-benesseri tal-ġenerazzjonijiet preżenti u futuri. (9)  It-tmien EAP jenħtieġ li jħaffef it-tranżizzjoni lejn mudell ta' tkabbir riġenerattiv li jagħti lura lill-pjaneta aktar milli jieħu fil-kuntest tal-ekonomija tal-benesseri sostenibbli li tippermetti bidla sistemika, jirrikonoxxi li l-benesseri u l-prosperità tas-soċjetajiet tagħna jiddependu fuq klima stabbli, ambjent b'saħħtu u ekosistemi b'saħħithom u jipprovdi spazju operattiv sikur fi ħdan il-limiti planetarji. Filwaqt li l-popolazzjoni globali u d-domanda għar-riżorsi naturali qed ikomplu jikbru, l-attività ekonomika jenħtieġ li tiżviluppa b'mod sostenibbli li ma jagħmilx ħsara iżda, għall-kuntrarju, treġġa' lura t-tibdil fil-klima, tipproteġi u tirrestawra l-ekosistemi u l-bijodiversità filwaqt li twaqqaf u treġġa' lura t-telf tagħhom, tipprevjeni d-degradazzjoni ambjentali, tipproteġi s-saħħa u l-benesseri minn impatti ambjentali negattivi, tipprevjeni u timminimizza t-tniġġis u tirriżulta fiż-żamma u t-tisħiħ tar-riżorsi naturali u l-bijodiversità, biex b'hekk tiġi żgurata l-abbundanza ta' riżorsi rinnovabbli u mhux rinnovabbli. Permezz tal-innovazzjoni u r-riċerka kontinwa, it-trasformazzjoni tal-mudelli tal-produzzjoni u tal-konsum, u l-adattament għal sfidi ġodda u l-ħolqien konġunt, l-ekonomija tal-benesseri riġenerattiva u sostenibbli ssaħħaħ ir-reżiljenza, ittejjeb l-istat tan-natura u tipproteġi l-benesseri tal-ġenerazzjonijiet preżenti u futuri u d-dritt tagħhom għal ambjent b'saħħtu. Emenda 15 Proposta għal deċiżjoni Premessa 9a (ġdida) (9a)  Skont l-OECD, il-każ għall-kejl tal-prestazzjoni ekonomika u l-progress soċjetali "lil hinn mill-PDG" huwa stabbilit sew, u t-teħid tal-PDG bħala kumpass uniku ma jipprovdix lil dawk li jfasslu l-politika stampa preċiża biżżejjed tal-mod kif l-ekonomija taħdem għaċ-ċittadini jew tal-impatti fit-tul tat-tkabbir fuq is-sostenibbiltà1a. Sabiex l-Unjoni tiżviluppa approċċ aktar olistiku lejn it-tfassil tal-politika ekonomika, f'konformità mal-SDGs, il-Ftehim ta' Pariġi u l-Konvenzjoni tan-NU dwar id-Diversità Bijoloġika, it-tmien EAP jistabbilixxi r-rekwiżit għall-iżvilupp ta' sett komprensiv ta' indikaturi "lil hinn mill-PDG", kif mitlub mis-seba' EAP, sabiex jitkejjel il-progress lejn ekonomija tal-benesseri sostenibbli u biex jiġi ggwidat u infurmat it-tfassil tal-politika futura. __________________ 1a Id-Dokument ta' Ħidma Nru 102 tal-SDD tat-18 ta' Settembru 2019 "The Economy of Well-being - Creating opportunities for people’s well-being and economic growth" (L-Ekonomija tal-Benesseri - Il-ħolqien ta' opportunitajiet għall-benesseri tan-nies u t-tkabbir ekonomiku). Emenda 16 Proposta għal deċiżjoni Premessa 9b (ġdida) (9b)  L-implimentazzjoni ta' qafas globali effettiv tal-bijodiversità għal wara l-2020 se tiddependi fuq it-tnaqqis tal-flussi finanzjarji li jagħmlu ħsara lill-bijodiversità, u madankollu, skont rapport tal-OECD, l-ammont ta' nfiq mill-gvernijiet kull sena li huwa potenzjalment ta' ħsara għall-bijodiversità huwa minn ħames sa sitt darbiet akbar mill-infiq globali annwali għall-bijodiversità1a. Il-Miri tal-Bijodiversità ta' Aichi stipulaw l-obbligu li, sa mhux aktar tard mill-2020, is-sussidji li jagħmlu ħsara lill-bijodiversità jenħtieġ li jitneħħew, jiġu eliminati gradwalment jew riformati, filwaqt li t-tneħħija gradwali ta' sussidji li jagħmlu ħsara lill-ambjent fil-livell tal-Unjoni u tal-Istati Membri mingħajr dewmien kienet ukoll obbligu skont is-seba' EAP. Sabiex l-Unjoni tilħaq l-objettivi prijoritarji tat-tmien EAP, inkluża n-newtralità klimatika sa mhux aktar tard mill-2050, se jkun meħtieġ li jitneħħew gradwalment is-sussidji kollha li jagħmlu ħsara lill-ambjent, inklużi s-sussidji għall-fjuwils fossili. Is-sussidji diretti u indiretti kollha, inklużi dawk fil-forma ta' eżenzjonijiet mit-taxxa, jenħtieġ li jiġu inklużi. Jenħtieġ li jiġi żviluppat ukoll mekkaniżmu għall-Istati Membri biex jirrappurtaw dwar it-tneħħija gradwali ta' sussidji li jagħmlu ħsara lill-ambjent minbarra s-sussidji għall-fjuwils fossili. It-tneħħija gradwali tas-sussidji kollha li jagħmlu ħsara lill-ambjent jenħtieġ li ssegwi l-prinċipju ta’ tranżizzjoni ġusta u tkun akkumpanjata minn azzjonijiet li jipprevjenu jew itaffu kwalunkwe impatt soċjoekonomiku negattiv fil-livell tal-Unjoni, nazzjonali, reġjonali u lokali, filwaqt li jiġi żgurat li ħadd ma jitħalla lura. __________________ 1a Ir-rapport finali tal-OECD, April 2020, "A Comprehensive Overview of Global Biodiversity Finance" (Ħarsa Komprensiva tal-Finanzjament Globali tal-Bijodiversità). Emenda 17 Proposta għal deċiżjoni Premessa 9c (ġdida) (9c)  Waħda mill-prijoritajiet tal-Istrateġija Ewropea għall-Kontijiet Ambjentali 2019-2023 hija li titkabbar il-lista ta' oqsma koperti mill-kontijiet ambjentali Ewropej, fejn wieħed mill-oqsma taħt żvilupp ikun "sussidji jew miżuri ta' appoġġ potenzjalment ta' ħsara għall-ambjent". Permezz tal-ħidma tagħha fuq azzjoni preparatorja, il-Kummissjoni se tipprovdi sett ta' għodod lill-partijiet ikkonċernati biex tgħinhom jimmappjaw sussidji li jagħmlu ħsara lill-ambjent u mbagħad jagħmlu każ ibbażat fuq l-evidenza għar-riforma jew it-tneħħija tagħhom billi jidentifikaw l-impatti soċjali, ekonomiċi u ambjentali tat-tneħħija gradwali tagħhom. Emenda 18 Proposta għal deċiżjoni Premessa 9d (ġdida) (9d)  L-ekosistemi marittimi u tal-kosta, bħalma huma l-mangrovji, is-sikek tal-qroll, il-bwar salmastri u l-mergħat tal-algi, qed jiġu degradati u qed jintlaqtu negattivament minħabba proċessi bħall-ewtrofikazzjoni u l-aċidifikazzjoni, li qed iħallu impatt fuq il-bijodiversità li jsostnu u s-servizzi u l-funzjonijiet tal-ekosistema li jipprovdu kif ukoll il-kapaċità tagħhom li jaġixxu bħala bjar tal-karbonju. Hija meħtieġa azzjoni urġenti biex tipproteġi u tirrestawra dawn l-ekosistemi tal-baħar u kostali, inkluż qiegħ l-oċean, u r-rikonoxximent tal-oċean bħala komuni globali jista' jiffaċilita s-sensibilizzazzjoni, itejjeb il-litteriżmu dwar l-oċeani u jinkoraġġixxi l-azzjoni u l-adozzjoni ta' miżuri effettivi mil-livelli kollha tas-soċjetà u l-atturi tagħha. Emenda 19 Proposta għal deċiżjoni Premessa 10 (10)  It-tmien EAP għandu jistabbilixxi objettivi tematiċi prijoritarji fl-oqsma tan-newtralità klimatika, l-adattament għat-tibdil fil-klima, il-protezzjoni u r-restawr tal-bijodiversità, l-ekonomija ċirkolari, l-ambizzjoni ta' tniġġis żero u t-tnaqqis tal-pressjonijiet ambjentali mill-produzzjoni u l-konsum. Barra minn hekk, għandha tidentifika l-kundizzjonijiet abilitanti biex jinkisbu l-objettivi fit-tul u l-prijoritajiet tematiċi għall-atturi kollha involuti. (10)  Jenħtieġ li t-tmien EAP jistabbilixxi objettivi tematiċi prijoritarji fl-oqsma tal-mitigazzjoni tat-tibdil fil-klima, l-adattament għat-tibdil fil-klima, il-protezzjoni u r-restawr tal-bijodiversità terrestri u tal-baħar, ekonomija ċirkolari mhux tossika, l-ambjent ta' tniġġis żero u l-minimizzazzjoni tal-pressjonijiet ambjentali mill-produzzjoni u l-konsum fis-setturi kollha tal-ekonomija. Dawn l-objettivi tematiċi prijoritarji, li jindirizzaw kemm l-ixprunaturi kif ukoll l-impatti tal-ħsara ambjentali, huma interkonnessi b'mod inerenti u għalhekk jenħtieġ approċċ sistemiku għal kisba tagħhom. It-tmien EAP, barra minn hekk, jenħtieġ li jidentifika l-kundizzjonijiet abilitanti biex jinkisbu l-objettivi fit-tul u l-prijoritajiet tematiċi għall-atturi kollha involuti b'mod koerenti, kif ukoll jikkoordina l-azzjonijiet meħtieġa biex jinkisbu dawn il-kundizzjonijiet. Emenda 20 Proposta għal deċiżjoni Premessa 10a (ġdida) (10a)  It-terminu "approċċ ekosistemiku" huwa stabbilit skont il-Konvenzjoni tan-NU dwar id-Diversità Bijoloġika bħala strateġija għall-ġestjoni integrata tal-art, l-ilma u r-riżorsi ħajjin li jippromwovi l-konservazzjoni u l-użu sostenibbli b'mod ekwu sabiex jgħin biex jintlaħaq bilanċ bejn il-konservazzjoni, l-użu sostenibbli u l-kondiviżjoni tal-benefiċċji tal-bijodiversità bijoloġika, it-tliet objettivi tal-Konvenzjoni. Emenda 21 Proposta għal deċiżjoni Premessa 10b (ġdida) (10b)  Skont l-EEA, is-soluzzjonijiet ibbażati fuq in-natura għall-adattament għat-tibdil fil-klima u t-tnaqqis tar-riskju ta' diżastri huma azzjonijiet li jaħdmu man-natura u jtejbuha biex jirrestawraw u jipproteġu l-ekosistemi u jgħinu lis-soċjetà tadatta għall-impatti tat-tibdil fil-klima u tnaqqas il-pass tat-tisħin ulterjuri, filwaqt li tipprovdi diversi benefiċċji addizzjonali1a. Filwaqt li s-soluzzjonijiet ibbażati fuq in-natura jistgħu jipprovdu benefiċċji ekonomiċi, jenħtieġ li jiġi rikonoxxut li dawn jistgħu jimmaterjalizzaw biss fuq medda itwal ta' żmien. Jenħtieġ li s-soluzzjonijiet ibbażati fuq in-natura jirrispettaw ċerti kriterji sabiex jiżguraw li l-implimentazzjoni tagħhom tkun koerenti mal-objettivi prijoritarji tat-tmien EAP u ma ddgħajjifhomx. Barra minn hekk, fejn is-soluzzjonijiet ibbażati fuq in-natura huma ffinanzjati minn mekkaniżmi ta' kumpens għall-bijodiversità, jenħtieġ li dawn il-mekkaniżmi jaderixxu strettament ma' ġerarkija ta' mitigazzjoni li tiżgura li, fost l-oħrajn, il-kumpensi jistgħu jintużaw biss bħala l-aħħar miżura. __________________ 1a Ir-rapport tal-EEA Nru 1/2021 "Nature-based solutions in Europe: Policy, knowledge and practice for climate change adaptation and disaster risk reduction" (Soluzzjonijiet ibbażati fuq in-natura fl-Ewropa: Politika, għarfien u prattika għall-adattament għat-tibdil fil-klima u t-tnaqqis tar-riskju ta' diżastri). Emenda 22 Proposta għal deċiżjoni Premessa 11 (11)  Billi l-politika ambjentali hija deċentralizzata ħafna, jenħtieġ li tittieħed azzjoni biex jinkisbu l-objettivi prijoritarji tat-tmien EAP f'livelli differenti ta' governanza, jiġifieri fil-livell Ewropew, nazzjonali, reġjonali u lokali, b'approċċ kollaborattiv għall-governanza f'diversi livelli. L-approċċ integrat għall-iżvilupp u l-implimentazzjoni tal-politika għandu jissaħħaħ bil-ħsieb li jiġu massimizzati s-sinerġiji bejn l-objettivi ekonomiċi, ambjentali u soċjali, filwaqt li tingħata attenzjoni partikolari lill-kompromessi potenzjali u lill-ħtiġijiet tal-gruppi vulnerabbli. Barra minn hekk, l-involviment trasparenti ta' atturi mhux governattivi huwa importanti biex jiżgura s-suċċess tat-tmien EAP u l-ksib tal-objettivi prijoritarji tiegħu. (11)  Billi l-politika ambjentali hija deċentralizzata ħafna, jenħtieġ li tittieħed azzjoni biex jinkisbu l-objettivi prijoritarji tat-tmien EAP f'livelli differenti ta' governanza, jiġifieri fil-livell Ewropew, nazzjonali, reġjonali u lokali, b'approċċ kollaborattiv għall-governanza f'diversi livelli. Il-monitoraġġ, l-implimentazzjoni, l-infurzar u l-kontabbiltà effiċjenti huma essenzjali, u l-governanza effettiva hija meħtieġa sabiex tiġi żgurata koerenza bejn il-politiki. L-approċċ integrat għall-iżvilupp u l-implimentazzjoni tal-politika għandu jissaħħaħ bil-ħsieb li jiġu massimizzati s-sinerġiji bejn l-objettivi ambjentali, soċjali u ekonomiċi billi jiġu evalwati sistematikament il-kompromessi potenzjali bejniethom, kif ukoll jiġu evalwati sistematikament il-ħtiġijiet tal-gruppi vulnerabbli u marġinalizzati. Jenħtieġ li dan l-approċċ deċentralizzat u integrat jissodisfa l-ħtiġijiet speċifiċi tar-reġjuni kollha, inklużi ż-żoni urbani u rurali u r-reġjuni ultraperiferiċi. Barra minn hekk, l-aċċess għall-informazzjoni ambjentali, il-parteċipazzjoni pubblika fit-teħid ta' deċiżjonijiet ambjentali, u l-aċċess għall-ġustizzja, f'konformità mal-Konvenzjoni ta' Aarhus, kif ukoll l-involviment trasparenti mal-awtoritajiet pubbliċi u bejniethom fil-livelli kollha tat-teħid ta' deċiżjonijiet, atturi mhux governattivi u l-pubbliku usa' huwa importanti biex jiżgura s-suċċess tat-tmien EAP u l-ksib tal-objettivi prijoritarji tiegħu. Emenda 23 Proposta għal deċiżjoni Premessa 11a (ġdida) (11a)  Jenħtieġ li l-valutazzjonijiet tal-impatt imwettqa fil-kuntest tat-tmien EAP iqisu l-firxa sħiħa tal-impatti immedjati u fit-tul fuq l-ambjent u l-klima, inklużi l-effetti kumulattivi tagħhom, kif ukoll il-prezz tal-azzjoni u n-nuqqas ta' azzjoni, u jenħtieġ li jiġu żviluppati għodod għal dan il-għan. Jenħtieġ li dawk il-valutazzjonijiet tal-impatt ikunu bbażati fuq konsultazzjoni wiesgħa u trasparenti, u fi żmien tmien ġimgħat mill-għeluq ta' konsultazzjoni pubblika, jenħtieġ li l-Kummissjoni tippreżenta b'mod sistematiku feedback dettaljat dwar it-tweġibiet għall-konsultazzjoni mal-partijiet ikkonċernati, b'distinzjoni bejn il-kontributi minn tipi differenti ta' partijiet ikkonċernati. Barra minn hekk, jenħtieġ li l-valutazzjoni tal-impatt tiġi ppubblikata immedjatament mat-tlestija tagħha sabiex tippermetti skrutinju mill-partijiet ikkonċernati, fid-dawl tas-sentenza tal-Qorti tal-Ġustizzja tal-4 ta' Settembru 2018 fil-Kawża C-57/16 P1a, tkun dettaljata biżżejjed u tinkludi l-informazzjoni kollha użata biex tinforma l-konklużjonijiet tagħhom, inklużi l-impatti soċjoekonomiċi. __________________ 1a Is-Sentenza tal-Qorti tal-Ġustizzja tal-4 ta' Settembru 2018, ClientEarth vs Il-Kummissjoni, C-57/16 P, ECLI:UE:C:2018:660. Emenda 24 Proposta għal deċiżjoni Premessa 11b (ġdida) (11b)  Jeħtieġ li l-azzjoni biex jinkisbu l-objettivi ambjentali u klimatiċi tal-Unjoni titwettaq flimkien mal-implimentazzjoni tal-Pilastru Ewropew tad-Drittijiet Soċjali u tkun kompatibbli magħha. Emenda 25 Proposta għal deċiżjoni Premessa 11c (ġdida) (11c)  Il-Programm tan-Nazzjonijiet Uniti għall-Ambjent u l-Forum Globali tal-OECD dwar l-Ambjent enfasizzaw li l-bidliet ambjentali għandhom impatt speċifiku għall-ġeneri. Ir-rwoli differenzjati skont il-ġeneru jikkawżaw ukoll vulnerabbiltajiet differenzjati tan-nisa u tal-irġiel għall-effetti tat-tibdil fil-klima, u l-impatti tat-tibdil fil-klima jaggravaw l-inugwaljanzi bejn il-ġeneri. Għalhekk, hija meħtieġa perspettiva tal-ġeneru fir-rigward tal-azzjonijiet u l-għanijiet relatati mal-kisba tal-objettivi prijoritarji tat-tmien EAP, inklużi l-valutazzjoni tal-impatt fir-rigward tal-ġeneru tal-azzjonijiet ippjanati u fokus fuq l-integrazzjoni tal-perspettiva tal-ġeneri u l-azzjonijiet reattivi għall-kwistjonijiet ta' ġeneru, sabiex jiġi żgurat li d-differenzi bejn il-ġeneri ma jiġux perpetwati. It-tmien EAP jirrikonoxxi li l-ugwaljanza bejn il-ġeneri hija wkoll prerekwiżit għall-iżvilupp sostenibbli u f'termini tal-kisba tal-aħjar riżultati meta jkun hemm reazzjoni għall-isfidi klimatiċi u ambjentali. Emenda 26 Proposta għal deċiżjoni Premessa 12 (12)  Il-kooperazzjoni msaħħa mal-pajjiżi sħab, il-governanza ambjentali globali tajba kif ukoll is-sinerġiji bejn il-politiki interni u esterni tal-Unjoni huma kruċjali biex jintlaħqu l-objettivi ambjentali u klimatiċi tal-Unjoni. (12)  Il-kooperazzjoni msaħħa u d-diplomazija ekoloġika mal-pajjiżi terzi inklużi l-pajjiżi li qed jiżviluppaw, u appoġġ lill-governanza ambjentali globali tajba, inklużi l-promozzjoni tal-aċċess għall-informazzjoni, il-parteċipazzjoni pubblika fit-teħid ta' deċiżjonijiet u l-aċċess għall-ġustizzja fi kwistjonijiet ambjentali, huma kruċjali biex jintlaħqu l-SDGs kif ukoll l-objettivi ambjentali u klimatiċi tal-Unjoni. Huwa wkoll essenzjali li jiġu żgurati sinerġiji u koerenza bejn il-politiki kollha interni u esterni tal-Unjoni, inklużi l-politiki u l-ftehimiet kummerċjali, u aderenza mal-Koerenza tal-Politiki għall-Iżvilupp Sostenibbli (PCSD). Emenda 27 Proposta għal deċiżjoni Premessa 13 (13)  Il-Kummissjoni Ewropea jenħtieġ li tivvaluta l-progress fil-kisba tal-objettivi prijoritarji tat-tmien EAP mill-Unjoni u l-Istati Membri fil-kuntest tat-tranżizzjoni lejn is-sostenibbiltà, il-benesseri u r-reżiljenza akbar. Dan huwa konformi mat-talbiet tal-Kunsill27 u tal-Kumitat Ekonomiku u Soċjali Ewropew28 għall-kejl tal-prestazzjoni ekonomika u l-progress tas-soċjetà "lil hinn mill-PDG", u l-mixja lejn l-użu tal-benesseri bħala kumpass għall-politika, li hija appoġġata wkoll mill-OECD29. (13)  Il-Kummissjoni Ewropea jenħtieġ li tivvaluta l-progress fil-kisba tal-objettivi prijoritarji tat-tmien EAP mill-Unjoni u l-Istati Membri fil-kuntest tat-tranżizzjoni ġusta u inklużiva lejn is-sostenibbiltà, il-benesseri u r-reżiljenza fi ħdan il-limiti planetarji. Dan huwa konformi mat-talbiet tal-Kunsill27 u tal-Kumitat Ekonomiku u Soċjali Ewropew28 għall-kejl tal-prestazzjoni ekonomika u l-progress tas-soċjetà "lil hinn mill-PDG", u l-mixja lejn l-użu tal-benesseri bħala kumpass għall-politika, li hija appoġġata wkoll mill-OECD29. __________________ __________________ 27 Ara pereżempju https://data.consilium.europa.eu/doc/document/ST-10414-2019-INIT/mt/pdf 27 Ara pereżempju https://data.consilium.europa.eu/doc/document/ST-10414-2019-INIT/mt/pdf 28 https://www.eesc.europa.eu/mt/our-work/opinions-information-reports/opinions/reflection-paper-towards-sustainable-europe-2030. 28 https://www.eesc.europa.eu/mt/our-work/opinions-information-reports/opinions/reflection-paper-towards-sustainable-europe-2030. 29 Ara pereżempju: OECD Well-being Framework (il-Qafas tal-OECD għall-Benesseri), OECD Framework for Policy Action on Inclusive Growth (il-Qafas tal-OECD għall-Azzjoni Politika dwar it-Tkabbir Inklużiv), Better Life Initiative (l-Inizjattiva "Ħajja Aħjar") u New Approaches to Economic Challenges Initiative (l-Inizjattiva "Approċċi Ġodda għall-Isfidi Ekonomiċi"). 29 Ara pereżempju: OECD Well-being Framework (il-Qafas tal-OECD għall-Benesseri), OECD Framework for Policy Action on Inclusive Growth (il-Qafas tal-OECD għall-Azzjoni Politika dwar it-Tkabbir Inklużiv), Better Life Initiative (l-Inizjattiva "Ħajja Aħjar") u New Approaches to Economic Challenges Initiative (l-Inizjattiva "Approċċi Ġodda għall-Isfidi Ekonomiċi"). Emenda 28 Proposta għal deċiżjoni Premessa 14 (14)  Il-valutazzjoni tal-progress lejn l-objettivi prijoritarji tat-tmien EAP għandha tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi. Jenħtieġ li tkun koerenti mal-għodod ta' monitoraġġ jew governanza u mingħajr preġudizzju għalihom, li jkopru aspetti aktar speċifiċi tal-politika ambjentali u klimatika, bħal b'mod partikolari r-Regolament 1999/2018 tal-Parlament Ewropew u tal-Kunsill30, ir-Rieżami tal-Implimentazzjoni Ambjentali jew għodod ta' monitoraġġ relatati mal-ekonomija ċirkolari, mat-tniġġis żero, mal-bijodiversità, mal-arja, mal-ilma, mal-ħamrija, mal-iskart, jew ma' kwalunkwe politika ambjentali oħra. Flimkien ma' għodod oħra użati fis-Semestru Ewropew, il-Monitoraġġ tal-SDGs tal-Eurostat u fir-Rapport ta' Prospettiva Strateġika tal-Kummissjoni31, dan ikun parti minn sett koerenti interkonness ta' għodod ta' monitoraġġ u governanza. (14)  Il-valutazzjoni tal-progress lejn l-objettivi prijoritarji tat-tmien EAP jenħtieġ li tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi u jenħtieġ li tkun ibbażata fuq metodoloġija tad-distakk mill-miri li tkun robusta, komprensiva u trasparenti. Jenħtieġ li tkun koerenti mal-għodod ta' monitoraġġ jew governanza u mingħajr preġudizzju għalihom, li jkopru aspetti aktar speċifiċi tal-politika ambjentali u klimatika, bħal b'mod partikolari r-Regolament (UE) 2018/1999 tal-Parlament Ewropew u tal-Kunsill30, ir-Rieżami tal-Implimentazzjoni Ambjentali jew għodod ta' monitoraġġ relatati ma' ekonomija ċirkolari mhux tossika, mat-tniġġis żero, mal-bijodiversità, mal-arja, mal-ilma, mal-ħamrija, mal-iskart, jew ma' kwalunkwe politika ambjentali u industrijali oħra. Flimkien ma' għodod użati fis-Semestru Ewropew, il-Monitoraġġ tal-SDGs tal-Eurostat u fir-Rapport ta' Prospettiva Strateġika tal-Kummissjoni31, il-valutazzjoni tal-progress lejn l-objettivi prijoritarji tat-tmien EAP jenħtieġ li tifforma parti minn sett akbar, koerenti u interkonness ta' għodod ta' monitoraġġ u governanza, li jkopri mhux biss il-fatturi ambjentali iżda wkoll dawk soċjali u ekonomiċi. __________________ __________________ 30 Ir-Regolament (UE) 2018/1999 tal-Parlament Ewropew u tal-Kunsill tal-11 ta' Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, ĠU L 328, 21.12.2018, p. 1-77. 30 Ir-Regolament (UE) 2018/1999 tal-Parlament Ewropew u tal-Kunsill tal-11 ta' Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, (ĠU L 328, 21.12.2018, p. 1). 31 COM(2020)0493. 31 COM(2020)0493. Emenda 29 Proposta għal deċiżjoni Premessa 14a (ġdida) (14a)  L-iżvilupp ulterjuri tal-bażi ta' għarfien xjentifiku dwar il-limiti planetarji u l-impronti ambjentali, inkluż fir-rigward ta' settijiet ta' indikaturi rilevanti, huwa importanti fid-dawl tal-objettivi prijoritarji tat-tmien EAP, b'mod partikolari l-objettiv prijoritarju tiegħu fit-tul. Emenda 30 Proposta għal deċiżjoni Premessa 15 (15)  Il-Kummissjoni u l-EEA u aġenziji rilevanti oħra jenħtieġ li jaċċessaw u jużaw mill-ġdid id-data u l-indikaturi pprovduti mill-Istati Membri skont l-atti legali applikabbli tal-Unjoni. Barra minn hekk, jenħtieġ lijintużaw sorsi oħra ta' data, bħal data satellitari u informazzjoni pproċessata mill-Programm Ewropew ta' Monitoraġġ tad-Dinja (Copernicus), is-Sistema Ewropea ta' Informazzjoni dwar in-Nirien fil-Foresti u s-Sistema Ewropea ta' Sensibilizzazzjoni dwar l-Għargħar, jew pjattaformi ta' data bħan-Network Ewropew ta' Osservazzjoni u Data Marittima jew il-Pjattaforma ta' Informazzjoni għall-Monitoraġġ tas-Sustanzi Kimiċi. L-applikazzjoni ta' għodod diġitali moderni u intelliġenza artifiċjali tippermetti l-ġestjoni u l-analiżi tad-data b'mod effettiv u b'hekk tnaqqas il-piż amministrattiv filwaqt li żżid il-puntwalità u l-kwalità. (15)  Huma meħtieġa data u indikaturi robusti u sinifikanti sabiex jissorveljaw il-progress tal-kisba tal-objettivi tat-tmien EAP. Il-Kummissjoni u l-EEA u aġenziji rilevanti oħra jenħtieġ li jaċċessaw u jużaw mill-ġdid id-data u l-indikaturi pprovduti mill-Istati Membri skont l-atti legali applikabbli tal-Unjoni u jibnu fuqhom. Barra minn hekk, jenħtieġ li jintużaw sorsi oħra ta' data, bħal data satellitari u informazzjoni pproċessata mill-Programm ta' Osservazzjoni tad-Dinja (Copernicus) tal-Unjoni Ewropea, is-Sistema Ewropea ta' Informazzjoni dwar in-Nirien fil-Foresti, is-Sistema ta' Informazzjoni dwar il-Bijodiversità, is-Sistema ta' Identifikazzjoni għall-Irqajja' tal-Art u s-Sistema Ewropea ta' Sensibilizzazzjoni dwar l-Għargħar, jew pjattaformi ta' data bħan-Network Ewropew ta' Osservazzjoni u Data Marittima jew il-Pjattaforma ta' Informazzjoni għall-Monitoraġġ tas-Sustanzi Kimiċi. L-applikazzjoni ta' għodod diġitali moderni u intelliġenza artifiċjali tippermetti l-ġestjoni u l-analiżi tad-data b'mod effettiv u b'hekk tnaqqas il-piż amministrattiv filwaqt li żżid il-puntwalità u l-kwalità. Emenda 31 Proposta għal deċiżjoni Premessa 17 (17)  Sabiex jintlaħqu l-objettivi prijoritarji tat-tmien EAP, l-EEA u l-ECHA jenħtieġ li jkunu mgħammra b'kapaċità adegwata u riżorsi suffiċjenti biex jiżguraw bażi ta' għarfien u evidenza soda, aċċessibbli u trasparenti biex jappoġġaw l-implimentazzjoni tal-prijoritajiet strateġiċi tal-Patt Ekoloġiku Ewropew u l-valutazzjoni tal-progress taħt il-programm. (17)  Sabiex jintlaħqu l-objettivi prijoritarji tat-tmien EAP, l-EEA u l-ECHA jenħtieġ li jkunu mgħammra b'kapaċità adegwata u riżorsi suffiċjenti biex jiżguraw bażi ta' għarfien u evidenza soda, aċċessibbli u trasparenti biex jappoġġaw l-implimentazzjoni tal-prijoritajiet strateġiċi tal-Patt Ekoloġiku Ewropew u l-valutazzjoni tal-progress taħt il-programm. Fejn rilevanti, korpi u aġenziji oħra wkoll jenħtieġ li jkunu involuti u jikkontribwixxu għall-implimentazzjoni ta' dawn il-prijoritajiet strateġiċi u għall-valutazzjoni tal-progress fl-ambitu tat-tmien EAP. Emenda 32 Proposta għal deċiżjoni Premessa 17a (ġdida) (17a)  Sal-31 ta' Marzu 2024, jenħtieġ li l-Kummissjoni twettaq evalwazzjoni ta' nofs it-terminu tat-tmien EAP biex tivvaluta l-progress tat-tmien EAP u tinforma dwar il-prijoritajiet tal-Kummissjoni li jmiss. Fid-dwal tal-progress deskritt fl-evalwazzjoni ta' nofs it-terminu, jenħtieġ li l-Kummissjoni li jmiss wara l-elezzjonijiet tal-Parlament Ewropew tal-2024, fl-ewwel 100 jum tal-mandat tagħha, tippreżenta rapport li jiddeskrivi l-prijoritajiet ambjentali u klimatiċi li fuqhom tippjana li tieħu azzjoni matul il-mandat tagħha u kif din l-azzjoni se tiżgura l-kisba sħiħa tal-objettivi prijoritarji tat-tmien EAP. Emenda 33 Proposta għal deċiżjoni Premessa 18 (18)  Sabiex jitqiesu l-objettivi politiċi li qed jevolvu u l-progress li sar, it-tmien EAP jenħtieġ li jiġi evalwat mill-Kummissjoni fl-2029. (18)  Sabiex jitqiesu l-objettivi politiċi li qed jevolvu u l-progress li sar, it-tmien EAP jenħtieġ li jiġi evalwat mill-Kummissjoni fl-2029. Il-Kummissjoni jenħtieġ li tippreżenta rapport lill-Parlament Ewropew u lill-Kunsill li jkun fih is-sejbiet ewlenin ta' dik l-evalwazzjoni, akkumpanjat, jekk xieraq, bi proposta leġiżlattiva għall-programm ta' azzjoni ambjentali li jmiss. Tali proposta leġiżlattiva jenħtieġ li tiġi ppreżentata b'tempestività, bil-ħsieb li tiġi evitata lakuna bejn it-tmien u d-disa' EAP. Emenda 34 Proposta għal deċiżjoni Premessa 18a (ġdida) (18a)  Skont l-Artikolu 191 tat-TFUE, il-politika tal-Unjoni dwar l-ambjent hija li timmira għal livell għoli ta' protezzjoni filwaqt li titqies id-diversità tas-sitwazzjonijiet fid-diversi reġjuni tal-Unjoni u jenħtieġ li tkun imsejsa fuq il-prinċipju ta' prekawzjoni u fuq il-prinċipji li jenħtieġ li tittieħed azzjoni preventiva, li l-ħsara lill-ambjent jenħtieġ li, bħala prijorità, tissewwa f'ras il-għajn u li min iniġġes jenħtieġ li jħallas. Emenda 35 Proposta għal deċiżjoni Artikolu 1 – paragrafu 1 1.  Din id-deċiżjoni tistabbilixxi programm ta' azzjoni ġenerali fil-qasam tal-ambjent għall-perjodu sal-31 ta' Diċembru 2030 ("it-tmien EAP"). Dan jistabbilixxi l-objettivi prijoritarji tiegħu, jidentifika l-kundizzjonijiet abilitanti għall-kisba tagħhom u jistabbilixxi qafas biex jitkejjel jekk l-Unjoni u l-Istati Membri tagħha jinsabux fit-triq it-tajba biex jilħqu dawk l-objettivi prijoritarji. 1.  Din id-Deċiżjoni tistabbilixxi programm ta' azzjoni ġenerali fil-qasam tal-ambjent għall-perjodu sal-31 ta' Diċembru 2030 ("it-tmien Programm ta' Azzjoni Ambjentali" jew "it-tmien EAP"). Dan jistabbilixxi l-objettivi prijoritarji tiegħu, jidentifika l-kundizzjonijiet abilitanti kif ukoll l-azzjonijiet meħtieġa għall-kisba tal-kundizzjonijiet abilitanti. Huwa jistabbilixxi qafas ta' monitoraġġ biex jitkejjel u jiġi evalwat il-progress tal-Unjoni u l-Istati Membri tagħha lejn il-kisba tal-objettivi prijoritarji. Jistabbilixxi wkoll mekkaniżmu ta' governanza biex jiżgura l-kisba sħiħa tal-objettivi prijoritarji. Emenda 36 Proposta għal deċiżjoni Artikolu 1 – paragrafu 2 2.  It-tmien EAP għandu l-għan li jħaffef it-tranżizzjoni lejn ekonomija newtrali mil-lat ta' klima, effiċjenti fl-użu tar-riżorsi, nadifa u ċirkolari b'mod ġust u inklużiv, u japprova l-objettivi ambjentali u klimatiċi tal-Patt Ekoloġiku Ewropew u l-inizjattivi tiegħu. 2.  It-tmien EAP għandu l-għan li jħaffef it-tranżizzjoni lejn ekonomija newtrali mil-lat ta' klima, sostenibbli, mhux tossika, effiċjenti fl-użu tar-riżorsi, ibbażata fuq l-enerġija rinnovabbli, reżiljenti, kompetittiva u ċirkolari b'mod ġust, ekwu u inklużiv, u li tipproteġi, tirrestawra u ttejjeb il-kwalità tal-ambjent, inkluż l-arja, l-ilma u l-ħamrija, kif ukoll tipproteġi u tirrestawra l-bijodiversità u l-ekosistemi. Huwa jibni u jippromwovi l-kisba tal-objettivi tal-Patt Ekoloġiku Ewropew u l-inizjattivi tiegħu. Emenda 37 Proposta għal deċiżjoni Artikolu 1 – paragrafu 3 3.  It-tmien EAP huwa l-bażi għall-kisba tal-objettivi ambjentali u klimatiċi ddefiniti skont l-Aġenda 2030 tan-Nazzjonijiet Uniti u l-Għanijiet ta' Żvilupp Sostenibbli tagħha u l-qafas ta' monitoraġġ tagħha jikkostitwixxi l-parti ambjentali u klimatika tal-isforzi tal-UE biex tkejjel il-progress lejn sostenibbiltà akbar, inklużi n-newtralità klimatika u l-effiċjenza tar-riżorsi, il-benesseri u r-reżiljenza. 3.  It-tmien EAP huwa l-bażi għall-kisba tal-objettivi ambjentali u klimatiċi ddefiniti skont l-Aġenda 2030 tan-Nazzjonijiet Uniti u l-Għanijiet ta' Żvilupp Sostenibbli tagħha, kif ukoll l-objettivi segwiti mill-ftehimiet ambjentali u dwar il-klima li huma rilevanti u multilaterali, u l-qafas ta' monitoraġġ tagħha jikkontribwixxi l-parti ambjentali u klimatika tal-isforzi tal-Unjoni biex tkejjel il-progress lejn is-sostenibbiltà, il-benesseri u r-reżiljenza. Emenda 38 Proposta għal deċiżjoni Artikolu 2 – paragrafu 1 1.  It-tmien EAP għandu l-objettiv prijoritarju fit-tul għall-2050 li ċ-ċittadini jgħixu tajjeb, fi ħdan il-limiti planetarji f'ekonomija riġenerattiva fejn ma jinħela xejn, li ma jiġu prodotti l-ebda emissjonijiet netti ta' gassijiet serra u li t-tkabbir ekonomiku jiġi diżakkoppjat mill-użu tar-riżorsi u mid-degradazzjoni ambjentali. Ambjent b'saħħtu jirfed il-benesseri taċ-ċittadini, isaħħaħ il-bijodiversità u jipproteġi, jirrestawra u jagħti valur lill-kapital naturali b'modi li jtejbu r-reżiljenza għat-tibdil fil-klima u riskji ambjentali oħra. L-Unjoni tistabbilixxi l-pass biex tiżgura l-prosperità tal-ġenerazzjonijiet preżenti u futuri globalment. 1.  It-tmien EAP għandu jkollu l-objettiv prijoritarju fit-tul li kemm jista' jkun malajr u sa mhux aktar tard mill-2050, il-persuni jgħixu tajjeb, fi ħdan il-limiti planetarji f'ekonomija tal-benesseri sostenibbli fejn ma jinħela xejn, it-tkabbir ikun riġenerattiv, tkun inkisbet in-newtralità klimatika u jkunu ġew minimizzati l-inugwaljanzi. Ambjent b'saħħtu jirfed il-benesseri u s-saħħa tal-persuni kollha, jiffjorixxu l-bijodiversità u l-ekosistemi u n-natura tiġi protetta u rrestawrata, li jwassal għal reżiljenza akbar għat-tibdil fil-klima, għad-diżastri naturali u riskji ambjentali oħra. L-Unjoni tistabbilixxi l-pass biex tiżgura l-prosperità tal-ġenerazzjonijiet preżenti u futuri globalment f'konformità mar-responsabbiltà interġenerazzjonali. Emenda 39 Proposta għal deċiżjoni Artikolu 2 – paragrafu 2 – parti introduttorja 2.  It-tmien EAP għandu s-sitt objettivi tematiċi prijoritarji li ġejjin: 2.  It-tmien EAP għandu jkollu s-sitt objettivi tematiċi prijoritarji interkonnessi li ġejjin, li għandhom jinkisbu sa mhux aktar tard mill-2030: Emenda 40 Proposta għal deċiżjoni Artikolu 2 – paragrafu 2 – punt a (a)  it-tnaqqis irriversibbli u gradwali tal-emissjonijiet ta' gassijiet serra u t-titjib tal-assorbimenti minn bjar naturali u oħrajn fl-Unjoni biex tinkiseb il-mira tal-2030 għat-tnaqqis tal-emissjonijiet ta' gassijiet serra u tinkiseb in-newtralità klimatika sal-2050 kif stabbilit fir-Regolament (UE) …/32; (a)  it-tnaqqis mgħaġġel u prevedibbli tal-emissjonijiet ta' gassijiet serra u, fl-istess ħin, it-titjib tal-assorbimenti minn bjar naturali u oħrajn fl-Unjoni, biex tinkiseb il-mira tal-2030 għat-tnaqqis tal-emissjonijiet ta' gassijiet serra kif stabbilit fir-Regolament (UE) 2021/...32, f'konformità mal-objettivi klimatiċi u ambjentali tagħha filwaqt li tiġi żgurata tranżizzjoni li ma tħalli lil ħadd lura; __________________ __________________ 32 COM/2020/80 final. 32 COM/2020/80 final. Emenda 41 Proposta għal deċiżjoni Artikolu 2 – paragrafu 2 – punt b (b)  progress kontinwu fit-titjib tal-kapaċità ta' adattament, it-tisħiħ tar-reżiljenza u t-tnaqqis tal-vulnerabbiltà għat-tibdil fil-klima; (b)  progress kontinwu fit-titjib u l-integrazzjoni tal-kapaċità ta' adattament, inkluż abbażi tal-approċċi tal-ekosistema, it-tisħiħ tar-reżiljenza u l-adattament u t-tnaqqis tal-vulnerabbiltà tal-ambjent u tas-soċjetà kif ukoll is-setturi kollha tal-ekonomija għat-tibdil fil-klima, filwaqt li tittejjeb il-prevenzjoni tad-diżastri naturali u t-tħejjija għalihom; Emenda 42 Proposta għal deċiżjoni Artikolu 2 – paragrafu 2 – punt c (c)  il-progress lejn mudell ta' tkabbir riġenerattiv li jagħti lura lill-pjaneta aktar milli jieħu, id-diżakkoppjar tat-tkabbir ekonomiku mill-użu tar-riżorsi u d-degradazzjoni ambjentali, u l-aċċellerazzjoni tat-tranżizzjoni lejn ekonomija ċirkolari; (c)  il-progress lejn ekonomija tal-benesseri sostenibbli li tagħti lura lill-pjaneta aktar milli tieħu, u tiżgura t-tranżizzoni lejn ekonomija ċirkolari mhux tossika fejn it-tkabbir ikun riġenerattiv u r-riżorsi jintużaw b'mod effiċjenti f'konformità mal-ġerarkija tal-iskart; Emenda 43 Proposta għal deċiżjoni Artikolu 2 – paragrafu 2 – punt d (d)  li tiġi segwita ambizzjoni ta' tniġġis żero għal ambjent mhux tossiku, inkluż għall-arja, l-ilma u l-ħamrija, u li jiġu protetti s-saħħa u l-benesseri taċ-ċittadini minn riskji u impatti relatati mal-ambjent; (d)  li tiġi segwita politika ta' tniġġis żero sabiex jinkiseb ambjent mhux tossiku, inkluż għall-arja, l-ilma, il-ħamrija kif ukoll b'rabta mat-tniġġis tad-dawl u akustiku, u li jiġu protetti s-saħħa u l-benesseri tal-persuni, tal-annimali u tal-ekosistemi minn riskji u impatti relatati mal-ambjent, inkluż billi jiġi applikat u promoss l-approċċ "Saħħa Waħda"; Emenda 44 Proposta għal deċiżjoni Artikolu 2 – paragrafu 2 – punt e (e)  il-protezzjoni, il-preżervazzjoni u r-restawr tal-bijodiversità u t-titjib tal-kapital naturali, b'mod partikolari l-arja, l-ilma, il-ħamrija, u l-foresti, l-ilma ħelu, l-art mistagħdra u l-ekosistemi marittimi; (e)  il-protezzjoni, il-preżervazzjoni u r-restawr tal-bijodiversità, inkluż billi jitwaqqaf u jitreġġa' lura t-telf tagħha kemm fi ħdan iż-żoni protetti kif ukoll barra minnhom, u t-titjib tas-saħħa tal-ambjent, b'mod partikolari l-arja, l-ilma u l-ħamrija, kif ukoll l-indirizzar tad-degradazzjoni tal-ekosistemi tal-baħar u terrestri, b'mod notevoli billi jiġu implimentati l-miri deskritti fl-Istrateġija tal-UE għall-Bijodiversità għall-2030 kif ukoll dawk stabbiliti fil-leġiżlazzjoni rilevanti tal-Unjoni; Emenda 45 Proposta għal deċiżjoni Artikolu 2 – paragrafu 2 – punt f (f)  il-promozzjoni tas-sostenibbiltà ambjentali u t-tnaqqis tal-pressjonijiet ambjentali u klimatiċi ewlenin relatati mal-produzzjoni u l-konsum, b'mod partikolari fl-oqsma tal-enerġija, l-iżvilupp industrijali, il-bini u l-infrastruttura, il-mobbiltà u s-sistema tal-ikel. (f)  l-iżgurar tas-sostenibbiltà ambjentali, u t-tnaqqis b'mod sinifikanti tal-pressjonijiet ambjentali u klimatiċi ewlenin relatati mal-impronta tal-produzzjoni u l-konsum tal-Unjoni, inkluża d-deforestazzjoni globali xprunata mill-Unjoni, b'mod partikolari fl-oqsma tal-enerġija, l-iżvilupp industrijali, il-bini u l-infrastruttura, il-mobbiltà, it-turiżmu, il-kummerċ internazzjonali u l-ktajjen alimentari, inkluż l-agrikoltura, is-sajd u l-akkwakultura, filwaqt li jiġu internalizzati l-esternalitajiet klimatiċi u ambjentali; Emenda 46 Proposta għal deċiżjoni Artikolu 2 – paragrafu 2a (ġdid) 2a.  L-objettivi prijoritarji tematiċi stabbiliti fil-paragrafu 2 għandhom jinftiehmu bħala li jkopru l-objettivi, il-miri u l-azzjonijiet stabbiliti fl-istrateġiji u l-inizjattivi tal-Patt Ekoloġiku Ewropew kif ukoll il-miri fil-leġiżlazzjoni tal-Unjoni li jikkontribwixxu għall-kisba ta' dawn l-objettivi. Dawk l-objettivi, il-miri u l-azzjonijiet għandhom jitqiesu meta jiġi żviluppat il-qafas ta' monitoraġġ għall-valutazzjoni tal-progress lejn l-objettivi prijoritarji tat-tmien EAP. Emenda 47 Proposta għal deċiżjoni Artikolu 3 – Titolu Kundizzjonijiet li jippermettu li jintlaħqu l-objettivi prijoritarji ta' dan il-programm Kundizzjonijiet li jippermettu li jintlaħqu l-objettivi prijoritarji ta' dan il-programm u l-azzjonijiet meħtieġa biex jiġu implimentati dawn il-kundizzjonijiet abilitanti Emenda 48 Proposta għal deċiżjoni Artikolu 3 – paragrafu 1 – punt a (a)  l-iżgurar ta' implimentazzjoni effettiva u effiċjenti tal-leġiżlazzjoni tal-Unjoni dwar l-ambjent u l-klima u li jkun hemm sforz għall-eċċellenza fil-prestazzjoni ambjentali fil-livelli tal-Unjoni, kif ukoll fil-livelli nazzjonali, reġjonali u lokali inkluż permezz tal-provvista ta' kapaċità xierqa ta' assigurazzjoni amministrattiva u ta' konformità, kif stipulat fir-Rieżami tal-Implimentazzjoni Ambjentali, kif ukoll it-tisħiħ tal-azzjoni kontra r-reati ambjentali, (a)  l-iżgurar ta' implimentazzjoni effettiva, rapida u sħiħa tal-leġiżlazzjoni tal-Unjoni dwar l-ambjent u l-klima u li jkun hemm sforz għall-eċċellenza fil-prestazzjoni ambjentali fil-livelli tal-Unjoni, kif ukoll fil-livelli nazzjonali, reġjonali u lokali inkluż permezz tal-provvista ta' kapaċità addizzjonali u suffiċjenti ta' assigurazzjoni amministrattiva u ta' konformità, kif stipulat fir-Rieżami tal-Implimentazzjoni Ambjentali; Emenda 49 Proposta għal deċiżjoni Artikolu 3 – paragrafu 1 – punt aa (ġdid) (aa)  it-titjib tal-gwida u r-rakkomandazzjonijiet, jiġu żgurati penali effettivi, dissważivi u proporzjonati, inklużi multi, biex jitnaqqsu r-riskji tan-nuqqas ta' konformità mal-liġi ambjentali, inkluż f'relazzjoni mat-traffikar ta' organiżmi selvaġġi, il-kriminalità marbuta mal-iskart, il-qtugħ illegali tas-siġar għall-injam, kif ukoll tiġi intensifikata l-azzjoni fil-qasam tar-responsabbiltà ambjentali u tar-risponsi għan-nuqqas ta' konformità u t-tisħiħ tal-infurzar tal-liġi, tal-kooperazzjoni fil-prosekuzzjoni u dik ġudizzjarja kontra reati ambjentali kif stipulat fil-leġiżlazzjoni rilevanti tal-Unjoni, bħad-Direttiva 2008/99/KE tal-Parlament Ewropew u tal-Kunsill1a, kif ukoll dispożizzjonijiet li jaqgħu taħt il-kamp ta' applikazzjoni tal-Konvenzjoni tan-Nazzjonijiet Uniti kontra l-Kriminalità Organizzata Transnazzjonali u l-Konvenzjoni tan-Nazzjonijiet Uniti kontra l-Korruzzjoni; __________________ 1a Id-Direttiva 2008/99/KE tal-Parlament Ewropew u tal-Kunsill tad-19 ta' Novembru 2008 dwar il-protezzjoni tal-ambjent permezz tal-liġi kriminali (ĠU L 328, 6.12.2008, p. 28). Emenda 50 Proposta għal deċiżjoni Artikolu 3 – paragrafu 1 – punt ab (ġdid) (ab)  li jiġu pprijoritizzati l-infurzar tal-liġi ambjentali tal-Unjoni fejn l-implimentazzjoni tkun nieqsa, b'segwitu rapidu u sistematiku tal-proċedimenti ta' ksur, inkluż billi tiġi żgurata l-allokazzjoni ta' biżżejjed riżorsi finanzjarji u umani suffiċjenti fil-livell tal-Unjoni kif ukoll fil-livell tal-Istati Membri għal dan il-għan; Emenda 51 Proposta għal deċiżjoni Artikolu 3 – paragrafu 1 – punt b – inċiż 1 —  jiġu integrati l-objettivi prijoritarji stabbiliti fl-Artikolu 2 fl-istrateġiji, l-inizjattivi leġiżlattivi u mhux leġiżlattivi, il-programmi, l-investimenti u l-proġetti kollha rilevanti fil-livelli tal-Unjoni, kif ukoll fil-livelli nazzjonali, reġjonali u lokali sabiex dawn u l-implimentazzjoni tagħhom ma jagħmlu l-ebda ħsara lil xi wieħed mill-objettivi prijoritarji stabbiliti fl-Artikolu 2; —  jiġu integrati l-objettivi prijoritarji stabbiliti fl-Artikolu 2 kif ukoll l-SDGs fl-istrateġiji, l-inizjattivi leġiżlattivi u mhux leġiżlattivi, il-programmi, l-investimenti u l-proġetti kollha rilevanti fil-livelli tal-Unjoni, kif ukoll fil-livelli nazzjonali, reġjonali u lokali, kif ukoll il-ftehimiet internazzjonali rilevanti konklużi mill-Unjoni, sabiex jiġi żgurat li dawn l-istrateġiji, l-inizjattivi leġiżlattivi u mhux leġiżlattivi, il-programmi, l-investimenti, il-proġetti u l-ftehimiet u l-implimentazzjoni tagħhom jikkontribwixxu, fejn rilevanti, għall-objettivi prijoritarji stabbiliti fl-Artikolu 2(1) u (2), u ma jagħmlu l-ebda ħsara, inkluż f'konformità mal-Artikolu 17 tar-Regolament dwar it-Tassonomija; Emenda 52 Proposta għal deċiżjoni Artikolu 3 – paragrafu 1 – punt b – inċiż 3 —  tingħata attenzjoni partikolari lis-sinerġiji u l-kompromessi potenzjali bejn l-objettivi ekonomiċi, ambjentali u soċjali sabiex jiġi żgurat li l-ħtiġijiet taċ-ċittadini għan-nutrizzjoni, l-akkomodazzjoni u l-mobbiltà jintlaħqu b'mod sostenibbli li ma jħalli lil ħadd lura; —  jiġu evalwati b'mod sistematiku u komprensiv is-sinerġiji u l-kompromessi potenzjali bejn l-objettivi ambjentali, soċjali u ekonomiċi għall-inizjattivi kollha sabiex jiġi żgurat li l-benesseri, u b'mod partikolari d-dritt u l-ħtieġa tan-nies għal ambjent tajjeb għas-saħħa, u għal ilma, ikel, akkomodazzjoni, enerġija, kura tas-saħħa u mobbiltà ta' kwalità għolja u bi prezzijiet li jintlaħqu jiġu żgurati b'mod sostenibbli li ma jħalli lil ħadd lura; Emenda 53 Proposta għal deċiżjoni Artikolu 3 – paragrafu 1 – punt b – inċiż 3a (ġdid) —  jiġi adottat approċċ "aħseb l-ewwel fis-sostenibbiltà" fil-linji gwida u s-sett ta' għodod għal Regolamentazzjoni Aħjar, inkluż billi jiġi integrat u operazzjonalizzat il-prinċipju li "ma ssir l-ebda ħsara sinifikanti" kif imsemmi fl-Artikolu 17 tar-Regolament dwar it-Tassonomija; Emenda 54 Proposta għal deċiżjoni Artikolu 3 – paragrafu 1 – punt b – inċiż 3b (ġdid) —  jiġi żgurat li l-miżuri u l-politiki tal-Unjoni, inklużi l-leġiżlazzjoni settorjali, l-azzjoni esterna tal-Unjoni u l-baġit tal-Unjoni kif ukoll il-pjanijiet nazzjonali jew reġjonali li għandhom x'jaqsmu mal-implimentazzjoni tal-leġiżlazzjoni tal-Unjoni ppreżentati mill-Istati Membri lill-Kummissjoni, ikunu konsistenti mal-objettivi prijoritarji stabbiliti fl-Artikolu 2(1) u (2); Emenda 55 Proposta għal deċiżjoni Artikolu 3 – paragrafu 1 – punt b – inċiż 4 —  l-evalwazzjoni regolari tal-politiki eżistenti u t-tħejjija tal-valutazzjonijiet tal-impatt għal inizjattivi ġodda, li huma bbażati fuq konsultazzjonijiet wiesgħa li jsegwu proċeduri li huma responsabbli, inklużivi, infurmati u sempliċi biex jiġu implimentati, u li jagħtu l-attenzjoni dovuta lill-impatti mbassra fuq l-ambjent u l-klima; —  issir evalwazzjoni regolari tal-politiki eżistenti u jitħejjew valutazzjonijiet tal-impatt komprensivi għal inizjattivi ġodda, li jkunu bbażati fuq konsultazzjonijiet wiesgħa u trasparenti li jsegwu proċeduri li jkunu responsabbli, inklużivi, infurmati u sempliċi biex jiġu implimentati, u li jqisu l-medda sħiħa tal-impatti immedjati u fit-tul fuq l-ambjent u l-klima, inklużi l-effetti kumulattivi tagħhom, kif ukoll il-prezz tal-azzjoni u tan-nuqqas ta' azzjoni; Emenda 56 Proposta għal deċiżjoni Artikolu 3 – paragrafu 1 – punt c (c)  l-integrazzjoni effettiva tas-sostenibbiltà ambjentali u klimatika fis-Semestru Ewropew tal-governanza ekonomika, inkluż fil-Programmi Nazzjonali ta' Riforma u l-Pjanijiet Nazzjonali ta' Rkupru u Reżiljenza; (c)  l-integrazzjoni effettiva tal-SDGs kif ukoll tal-objettivi klimatiċi, ambjentali, inklużi dawk dwar il-bijodiversità, u soċjali fis-Semestru Ewropew tal-governanza ekonomika, mingħajr preġudizzju għall-fini oriġinal tiegħu, inkluż fir-rakkomandazzjonijiet speċifiċi għall-pajjiżi, fil-Programmi Nazzjonali ta' Riforma u l-Pjanijiet Nazzjonali ta' Rkupru u Reżiljenza sabiex l-Istati Membri jingħataw analiżi u indikaturi addizzjonali; Emenda 57 Proposta għal deċiżjoni Artikolu 3 – paragrafu 1 – punt ca (ġdid) (ca)  l-istabbiliment ta' qafas ġenerali tal-Unjoni biex jitkejjel u jiġi stabbilit progress lejn ekonomija tal-benesseri sostenibbli li tkun konformi mal-SDGs, mal-Ftehim ta' Pariġi u mal-Konvenzjoni tan-NU dwar id-Diversità Bijoloġika, mingħajr preġudizzju għas-Semestru Ewropew, u li jgħin biex jiggwida l-iżvilupp u l-koordinazzjoni ta' politiki u inizjattivi ġodda u eżistenti, filwaqt li tiġi integrata t-tranżizzjoni lejn ekonomija tal-benesseri sostenibbli fejn it-tkabbir ikun riġenerattiv fil-prijoritajiet politiċi u l-ipprogrammar annwali tal-Unjoni kif ukoll fil-linji gwida u s-sett ta' għodod għal Regolamentazzjoni Aħjar; Emenda 58 Proposta għal deċiżjoni Artikolu 3 – paragrafu 1 – punt d (d)  il-mobilizzazzjoni ta' investimenti sostenibbli minn sorsi pubbliċi u privati, inklużi fondi u strumenti disponibbli taħt il-baġit tal-Unjoni, permezz tal-Bank Ewropew tal-Investiment u fil-livell nazzjonali; (d)  il-mobilizzazzjoni u l-iżgurar ta' biżżejjed investimenti sostenibbli minn sorsi pubbliċi u privati, inklużi fondi u strumenti disponibbli taħt il-baġit tal-Unjoni, permezz tal-Bank Ewropew tal-Investiment u fil-livell nazzjonali, b'mod konsistenti mal-istrateġija finanzjarja sostenibbli tal-Unjoni, inklużi l-miżuri stabbiliti fir-Regolament dwar it-Tassonomija u l-prinċipju tiegħu "la tagħmilx ħsara sinifikanti", u minħabba l-potenzjal ta' dawn il-miżuri biex joħolqu l-impjiegi, jiżguraw il-kompetittività fit-tul tal-Unjoni, u jżidu r-reżiljenza tal-ekonomija u s-soċjetà tal-Unjoni; Emenda 59 Proposta għal deċiżjoni Artikolu 3 – paragrafu 1 – punt e (e)  it-tneħħija gradwali ta' sussidji li jagħmlu ħsara lill-ambjent fil-livell tal-Unjoni u dak nazzjonali, l-aħjar użu ta' strumenti bbażati fuq is-suq u għodod ta' bbaġitjar ekoloġiku, inklużi dawk meħtieġa biex tiġi żgurata tranżizzjoni soċjalment ġusta, u l-appoġġ lin-negozji u lil partijiet ikkonċernati oħrajn fl-iżvilupp ta' prattiki standardizzati ta' kontabbiltà tal-kapital naturali; (e)  it-tneħħija gradwali tas-sussidji diretti u indiretti kollha għall-fjuwils fossili fil-livell tal-Unjoni, nazzjonali, reġjonali u lokali mingħajr dewmien u mhux aktar tard mill-2025; Emenda 60 Proposta għal deċiżjoni Artikolu 3 – paragrafu 1 – punt ea (ġdid) (ea)  it-tneħħija gradwali tas-sussidji diretti u indiretti kollha li jagħmlu ħsara lill-ambjent apparti s-sussidji għall-fjuwils fossili fil-livell tal-Unjoni, nazzjonali, reġjonali u lokali mingħajr dewmien u mhux aktar tard mill-2027; Emenda 61 Proposta għal deċiżjoni Artikolu 3 – paragrafu 1 – punt eb (ġdid) (eb)  li jsir l-aħjar użu tat-tassazzjoni ambjentali u tal-istrumenti bbażati fuq is-suq, kif ukoll ta' għodod ta' bbaġitjar u ffinanzjar ekoloġiku u inċentivi pożittivi mil-lat ambjentali, inklużi dawk meħtieġa biex tkun żgurata tranżizzjoni soċjalment ġusta, u l-appoġġ għan-negozji u għal partijiet ikkonċernati oħrajn fl-applikazzjoni ta' prattiki kontabilistiċi standardizzati tal-kapital naturali, sakemm dan ma jissostitwixxix il-miri u l-miżuri biex jitnaqqsu l-emissjonijiet tal-gassijiet b'effett ta'serra jew biex titħares il-bijodiversità; Emenda 62 Proposta għal deċiżjoni Artikolu 3 – paragrafu 1 – punt ec (ġdid) (ec)  li jsir investiment fil-protezzjoni u r-restawr tal-bijodiversità f'konformità mal-miri ta' nfiq annwali minimi maqbula permezz tal-QFP 2021-2027 (7,5 % fl-2024, u 10 % fl-2026 u l-2027), bl-intenzjoni li dawn il-miri jiżdiedu progressivament taħt il-QFP sussegwenti, u f'konformità mal-objettivi ta' finanzjament fl-Istrateġija tal-UE għall-Bijodiversità għall-2030, traċċati permezz ta' metodoloġija robusta, trasparenti u komprensiva li tqis il-kriterji tat-tassonomija tal-Unjoni; Emenda 63 Proposta għal deċiżjoni Artikolu 3 – paragrafu 1 – punt ed (ġdid) (ed)  li jiġi żgurat li d-dimensjonijiet tal-klima u l-bijodiversità jiġu integrati u vverifikati b'mod effettivi fil-baġits tal-Unjoni u dawk nazzjonali kif ukoll li tiġi żgurata l-konsistenza bejn il-finanzjament għall-klima u dak għall-bijodiversità; Emenda 64 Proposta għal deċiżjoni Artikolu 3 – paragrafu 1 – punt ee (ġdid) (ee)  li jiġi żgurat li l-azzjonijiet meħuda biex jinkisbu l-objettivi prijoritarji tat-tmien EAP jitwettqu b'mod soċjalment ġust u inklużiv, filwaqt li jikkontribwixxu għall-Pilastru Ewropew tad-Drittijiet Soċjali u jindirizzaw u jnaqqsu b'mod effettiv l-inugwaljanzi soċjali, inkluża l-inugwaljanza bejn il-ġeneri, li potenzjalment jirriżultaw minn impatti u politiki relatati mal-klima u l-ambjent; Emenda 65 Proposta għal deċiżjoni Artikolu 3 – paragrafu 1 – punt ef (ġdid) (ef)  titqies il-perspettiva tal-ġeneri fit-tmien EAP kollu, inkluż billi jitwettqu valutazzjonijiet tal-impatt fir-rigward tal-ġeneru u azzjonijiet reattivi għal kwistjonijiet ta' ġeneru; Emenda 66 Proposta għal deċiżjoni Artikolu 3 – paragrafu 1 – punt f (f)  l-iżgurar li l-politiki u l-azzjoni ambjentali jkunu bbażati fuq l-aħjar għarfien xjentifiku disponibbli u t-tisħiħ tal-bażi tal-għarfien ambjentali u l-adozzjoni tagħha, inkluż permezz tar-riċerka, l-innovazzjoni, it-trawwim ta' ħiliet ekoloġiċi, u l-bini ulterjuri tal-kontabbiltà ambjentali u tal-ekosistemi; (f)  l-iżgurar li l-politiki u l-azzjoni ambjentali fil-livell tal-Unjoni, nazzjonali, reġjonali u lokali, jkunu bbażati fuq l-aħjar għarfien xjentifiku u teknoloġiji disponibbli u t-tisħiħ tal-bażi tal-għarfien ambjentali, inkluż l-għarfien indiġenu u lokali, u l-adozzjoni tagħha, inkluż permezz tar-riċerka, l-innovazzjoni li trawwem il-ħiliet ekoloġiċi, it-taħriġ u t-taħriġ mill-ġdid, u l-bini ulterjuri tal-kontabbiltà ambjentali u tal-ekosistemi; Emenda 67 Proposta għal deċiżjoni Artikolu 3 – paragrafu 1 – punt fa (ġdid) (fa)  il-bini tal-bażi tal-għarfien xjentifiku dwar il-kapaċità ta' ekosistemi differenti li jaġixxu bħala bjar u stokkijiet għall-gassijiet b'effett ta' serra; Emenda 68 Proposta għal deċiżjoni Artikolu 3 – paragrafu 1 – punt fb (ġdid) (fb)  il-bini tal-bażi tal-għarfien dwar ir-rekwiżiti għal bidla sistemika, inkluż dwar kif jiġu identifikati, imkejla u evalwati l-effetti ta', fost l-oħrajn, il-punti kritiċi, iċ-ċirkwiti ta' feedback, il-lock-ins, l-interdipendenzi u l-ostakli għal bidla fundamentali fis-sistemi ambjentali u soċjoekonomiċi u kif wieħed jista' jaqleb minn fokus politiku kkompartimentalizzat u bbażat fuq is-settur għal approċċ sistemiku għall-koerenza tal-politika, kif ukoll dwar kif jiġi evitat jew jittaffa kwalunkwe impatt soċjali, ekonomiku u ambjentali negattiv; Emenda 69 Proposta għal deċiżjoni Artikolu 3 – paragrafu 1 – punt fc (ġdid) (fc)  l-eliminazzjoni tal-lakuni fis-settijiet ta' indikaturi rilevanti, u l-ottimizzazzjoni tagħhom, relatati, fost l-oħrajn, mal-bidla sistemika, il-limiti planetarji, l-impronta ambjentali tal-Unjoni, inkluż fir-rigward tas-sistemi ta' produzzjoni u konsum, il-governanza, il-finanzi sostenibbli u l-inugwaljanzi, u l-iżgurar li dawk is-settijiet ta' indikaturi jkunu komparabbli fil-livelli kollha tat-tfassil tal-politika; Emenda 70 Proposta għal deċiżjoni Artikolu 3 – paragrafu 1 – punt fd (ġdid) (fd)  l-iżgurar tal-parteċipazzjoni sħiħa tal-awtoritajiet reġjonali u lokali u l-kooperazzjoni magħhom fid-dimensjonijiet kollha tat-tfassil tal-politika ambjentali permezz ta' approċċ kollaborattiv u f'diversi livelli u l-iżgurar li l-komunitajiet lokali u reġjonali jkollhom riżorsi adegwati għall-implimentazzjoni fil-post; Emenda 71 Proposta għal deċiżjoni Artikolu 3 – paragrafu 1 – punt fe (ġdid) (fe)  it-tisħiħ tal-kooperazzjoni bejn l-istituzzjonijiet kollha tal-Unjoni fir-rigward tal-politika dwar il-klima u l-ambjent, inkluż bejn il-Kummissjoni u l-Kumitat tar-Reġjuni fil-qafas tal-Pjattaforma Teknika għall-Kooperazzjoni dwar l-Ambjent, u l-esplorazzjoni ta' kif jistgħu jittejbu d-djalogu u l-ippuljar tal-informazzjoni; Emenda 72 Proposta għal deċiżjoni Artikolu 3 – paragrafu 1 – punt ff (ġdid) (ff)  ir-rispett sħiħ, u l-iżgurar tal-applikazzjoni tal-prinċipju ta' prekawzjoni, kif ukoll tal-prinċipji li għandha tittieħed azzjoni preventiva, li l-ħsara ambjentali għandha, bħala prijorità, tiġi rettifikata fis-sors u li min iniġġes għandu jħallas, skont l-Artikolu 191 tat-Trattat dwar il-Funzjonament tal-Unjoni Ewropea; Emenda 73 Proposta għal deċiżjoni Artikolu 3 – paragrafu 1 – punt fg (ġdid) (fg)  l-indirizzar tad-degradazzjoni tal-art u l-istabbiliment ta' qafas legali għall-Unjoni kollha għall-protezzjoni u l-użu sostenibbli tal-ħamrija, li jinkludi indikaturi armonizzati u metodoloġija ta' monitoraġġ u rappurtar; Emenda 74 Proposta għal deċiżjoni Artikolu 3 – paragrafu 1 – punt fh (ġdid) (fh)  it-trasformazzjoni tas-sistema tal-ikel, inkluż permezz tal-politika agrikola komuni, biex tinġieb f'konformità mal-objettivi prijoritarji tat-tmien EAP, b'tali mod li tikkontribwixxi, fost l-oħrajn, għall-protezzjoni u r-restawr tal-bijodiversità, fl-Unjoni u barra minnha, timminimizza l-inputs kimiċi, antibijotiċi u bbażati fuq il-fjuwils fossili, u tiżgura livell għoli ta' benesseri tal-annimali filwaqt li tiżgura tranżizzjoni ġusta għall-partijiet ikkonċernati affettwati; Emenda 75 Proposta għal deċiżjoni Artikolu 3 – paragrafu 1 – punt fi (ġdid) (fi)  il-promozzjoni tat-tneħħija gradwali globali tal-pestiċidi li mhumiex approvati fl-Unjoni u impenn favur l-iżgurar li l-pestiċidi li mhumiex approvati għall-użu fl-Unjoni ma jiġux esportati barra mill-Unjoni sabiex jiġu żgurati kundizzjonijiet ekwi u konsistenza bejn il-politiki interni u esterni tal-Unjoni; Emenda 76 Proposta għal deċiżjoni Artikolu 3 – paragrafu 1 – punt fj (ġdid) (fj)  is-sostituzzjoni rapida tas-sustanzi ta' tħassib serju ħafna u ta' sustanzi kimiċi perikolużi oħrajn, inklużi s-sustanzi li jfixklu s-sistema endokrinali, is-sustanzi kimiċi persistenti ħafna, in-newrotossikanti u l-immunotossikanti, kif ukoll l-indirizzar tal-effetti kkombinati tas-sustanzi kimiċi, in-nanoforom tas-sustanzi u l-esponiment għal sustanzi kimiċi perikolużi mill-prodotti, il-valutazzjoni tal-impatti tagħhom fuq is-saħħa u l-ambjent, inkluż il-klima, u l-bijodiversità, filwaqt li ssir promozzjoni tal-użu u l-affordabbiltà akbar ta' alternattivi sikuri, u l-intensifikazzjoni u l-koordinazzjoni tal-isforzi biex jippromwovu l-iżvilupp u l-validazzjoni ta' alternattivi għall-ittestjar fuq l-annimali; Emenda 77 Proposta għal deċiżjoni Artikolu 3 – paragrafu 1 – punt g (g)  l-użu tal-potenzjal tat-teknoloġiji diġitali u tad-data biex jappoġġaw il-politika ambjentali filwaqt li jimminimizzaw l-impronta ambjentali tagħhom; (g)  l-użu tal-potenzjal tat-teknoloġiji diġitali u tad-data biex jappoġġaw il-politika ambjentali, inkluż billi titwassal data u informazzjoni f'ħin reali dwar l-istat tal-ekosistemi, filwaqt li jiżdiedu l-isforzi biex jimminimizzaw l-impronta ambjentali ta' dawn it-teknoloġiji, u tiġi żgurata t-trasparenza u l-aċċessibbiltà tad-data u tal-informazzjoni għall-pubbliku; Emenda 78 Proposta għal deċiżjoni Artikolu 3 – paragrafu 1 – punt ga (ġdid) (ga)  ir-rikonoxximent b'mod olistiku tal-interkonnessjonijiet bejn is-saħħa tal-bniedem, is-saħħa tal-annimali u l-ambjent permezz tal-integrazzjoni sħiħa tal-approċċ "Saħħa Waħda" fit-tfassil tal-politika; Emenda 79 Proposta għal deċiżjoni Artikolu 3 – paragrafu 1 – punt gb (ġdid) (gb)  ir-rikonoxximent tad-dritt għal ambjent tajjeb għas-saħħa fil-Karta tad-Drittijiet Fundamentali tal-Unjoni Ewropea u l-promozzjoni ta' dritt simili fuq livell internazzjonali; Emenda 80 Proposta għal deċiżjoni Artikolu 3 – paragrafu 1 – punt h (h)  l-użu sħiħ tas-soluzzjonijiet ibbażati fuq in-natura u l-innovazzjoni soċjali; (h)  l-użu sħiħ tal-approċċi bbażati fuq l-ekosistemi u tal-infrastruttura ekoloġika, inklużi s-soluzzjonijiet ibbażati fuq in-natura, filwaqt li: Emenda 81 Proposta għal deċiżjoni Artikolu 3 – paragrafu 1 – punt h – inċiż 1 (ġdid) —  il-massimizzazzjoni tal-konnettività bejn l-ekosistemi u l-benefiċċji tar-restawr u l-bini fuq is-sinerġiji bejn il-konservazzjoni tal-bijodiversità u l-mitigazzjoni tat-tibdil fil-klima u l-adattament għalih; Emenda 82 Proposta għal deċiżjoni Artikolu 3 – paragrafu 1 – punt h – inċiż 2 (ġdid) —  l-iżgurar li l-implimentazzjoni tagħhom ittejjeb is-servizzi u l-funzjonijiet tal-ekosistemi, ma tikkompromettix il-bijodiversità u l-integrità tal-ekosistemi, ma tissostitwixxix jew ma timminax il-miżuri meħuda biex tiġi protetta l-bijodiversità jew biex jitnaqqsu malajr l-emissjonijiet ta' gassijiet b'effett ta' serra fl-Unjoni, tirrispetta l-prinċipju ta' prekawzjoni, iġġib magħha kobenefiċċji soċjetali ċari, u tiżgura l-involviment sħiħ mal-popli indiġeni u l-komunitajiet lokali affettwati u l-kunsens tagħhom; Emenda 83 Proposta għal deċiżjoni Artikolu 3 – paragrafu 1 – punt h – inċiż 3 (ġdid) —  l-iżvilupp ulterjuri tal-metodi ta' monitoraġġ, l-għodod ta' evalwazzjoni u l-indikaturi li jistgħu jitkejlu għas-soluzzjonijiet ibbażati fuq in-natura kif ukoll l-iżvilupp ta' lista ta' attivitajiet esklużi; Emenda 84 Proposta għal deċiżjoni Artikolu 3 – paragrafu 1 – punt h – inċiż 4 (ġdid) —  l-iżgurar li fejn is-soluzzjonijiet ibbażati fuq in-natura jiġu ffinanzjati minn mekkaniżmi ta' kumpens għall-bijodiversità, dawn il-mekkaniżmi jiġu implimentati, immonitorjati, evalwati u infurzati b'mod xieraq u jqisu bis-sħiħ l-impatti diretti, indiretti u kumulattivi, ġeografikament u matul iż-żmien filwaqt li jaderixxu strettament ma' ġerarkija ta' mitigazzjoni li tiżgura li, fost l-oħrajn, il-kumpens għall-bijodiversità jista' jintuża biss bħala miżura tal-aħħar istanza; Emenda 85 Proposta għal deċiżjoni Artikolu 3 – paragrafu 1 – punt h – inċiż 5 (ġdid) —  l-iżgurar li fejn jintużaw mekkaniżmi ta' kumpens għall-bijodiversità biex jiffinanzjaw is-soluzzjonijiet ibbażati fuq in-natura, l-informazzjoni dwar dawn il-mekkaniżmi ssir disponibbli pubblikament online; Emenda 86 Proposta għal deċiżjoni Artikolu 3 – paragrafu 1 – punt h – inċiż 6 (ġdid) —  l-użu sħiħ tal-innovazzjoni soċjali u l-azzjoni mmexxija mill-komunità biex l-individwi, il-komunitajiet u l-SMEs ikunu jistgħu jieħdu azzjoni lejn il-kisba tal-objettivi prijoritarji tat-tmien EAP; Emenda 87 Proposta għal deċiżjoni Artikolu 3 – paragrafu 1 – punt i (i)  l-applikazzjoni effettiva ta' standards għoljin għat-trasparenza, il-parteċipazzjoni tal-pubbliku u l-aċċess għall-ġustizzja skont il-Konvenzjoni dwar l-aċċess għall-informazzjoni, il-parteċipazzjoni tal-pubbliku fit-teħid tad-deċiżjonijiet u l-aċċess għall-ġustizzja fi kwistjonijiet ambjentali (il-Konvenzjoni ta' Aarhus)35; (i)  l-applikazzjoni effettiva ta' standards għoljin għat-trasparenza, il-parteċipazzjoni tal-pubbliku u l-aċċess għall-ġustizzja skont il-Konvenzjoni dwar l-aċċess għall-informazzjoni, il-parteċipazzjoni tal-pubbliku fit-teħid tad-deċiżjonijiet u l-aċċess għall-ġustizzja fi kwistjonijiet ambjentali (il-Konvenzjoni ta' Aarhus)35 kemm fil-livell tal-Unjoni kif ukoll fil-livell tal-Istati Membri; __________________ __________________ 35 https://www.unece.org/fileadmin/DAM/env/pp/documents/cep43e.pdf. 35 https://www.unece.org/fileadmin/DAM/env/pp/documents/cep43e.pdf. Emenda 88 Proposta għal deċiżjoni Artikolu 3 – paragrafu 1 – punt ja (ġdid) (ja)  il-promozzjoni ta' attivitajiet ta' komunikazzjoni fil-livell tal-Unjoni, nazzjonali, reġjonali u lokali, immirati biex iqajmu kuxjenza dwar l-importanza tal-objettivi prijoritarji tat-tmien EAP, u biex jippermettu dibattitu fil-livelli kollha ta' governanza u tas-soċjetà; Emenda 89 Proposta għal deċiżjoni Artikolu 3 – paragrafu 1 – punt jb (ġdid) (jb)  li jitnaqqsu b'mod sinifikanti l-impronti materjali u tal-konsum tal-Unjoni biex jinġiebu fil-limiti planetarji mill-aktar fis possibbli, inkluż permezz tal-introduzzjoni ta' miri vinkolanti tal-Unjoni biex jitnaqqsu b'mod sinifikanti l-impronti materjali u tal-konsum tal-Unjoni kif ukoll miri vinkolanti fuq terminu medju u fit-tul għat-tnaqqis fl-użu tal-materja prima primarja; Emenda 90 Proposta għal deċiżjoni Artikolu 3 – paragrafu 1 – punt k – inċiż 1 —  tal-involviment ma' pajjiżi sħab dwar azzjoni klimatika u ambjentali, l-inkoraġġiment u l-appoġġ tagħhom biex jadottaw u jimplimentaw regoli f'dawn l-oqsma li huma ambizzjużi daqs dawk tal-Unjoni, u l-iżgurar li l-prodotti kollha mqiegħda fis-suq tal-Unjoni jikkonformaw bis-sħiħ mar-rekwiżiti rilevanti tal-Unjoni f'konformità mal-impenji internazzjonali tal-Unjoni; —  tal-involviment ma' pajjiżi terzi dwar azzjoni klimatika u ambjentali, l-inkoraġġiment u l-appoġġ tagħhom biex jadottaw u jimplimentaw regoli f'dawn l-oqsma li jkunu tal-anqas ambizzjużi daqs dawk tal-Unjoni, u l-iżgurar li l-prodotti kollha mqiegħda fis-suq tal-Unjoni jew esportati mill-Unjoni jkunu jikkonformaw bis-sħiħ mar-rekwiżiti rilevanti tal-Unjoni f'konformità mal-impenji internazzjonali tal-Unjoni; Emenda 91 Proposta għal deċiżjoni Artikolu 3 – paragrafu 1 – punt k – inċiż 1a (ġdid) —  tal-promozzjoni ta' governanza korporattiva sostenibbli u l-istabbiliment ta' rekwiżiti ta' diliġenza dovuta obbligatorji fil-livell tal-Unjoni, u b'kunsiderazzjoni ta' dawn ir-rekwiżiti fit-twettiq tal-politika kummerċjali tal-Unjoni, inkluż fir-rigward tar-ratifika tal-ftehimiet kummerċjali u ta' investiment; Emenda 92 Proposta għal deċiżjoni Artikolu 3 – paragrafu 1 – punt k – inċiż 2 —  tat-tisħiħ tal-kooperazzjoni mal-gvernijiet, in-negozji u s-soċjetà ċivili f'pajjiżi terzi u organizzazzjonijiet internazzjonali biex jiffurmaw sħubiji u alleanzi għall-protezzjoni tal-ambjent u l-promozzjoni tal-kooperazzjoni ambjentali fil-G7 u l-G20; —  tat-tisħiħ tal-kooperazzjoni mal-gvernijiet, in-negozji, is-sħab soċjali u s-soċjetà ċivili f'pajjiżi terzi u organizzazzjonijiet internazzjonali biex jiffurmaw sħubiji u alleanzi għall-protezzjoni tal-ambjent u l-promozzjoni tal-kooperazzjoni ambjentali; Emenda 93 Proposta għal deċiżjoni Artikolu 3 – paragrafu 1 – punt k – inċiż 3 —  tat-tisħiħ tal-implimentazzjoni tal-Ftehim ta' Pariġi, il-Konvenzjoni dwar id-Diversità Bijoloġika u ftehimiet ambjentali multilaterali oħrajn mill-Unjoni u s-sħab tagħha, inkluż billi jiżdiedu t-trasparenza u r-responsabbiltà fir-rigward tal-progress dwar l-impenji li saru skont dawk il-ftehimiet; —  tat-turija ta' rwol mexxej fil-fora internazzjonali billi, fost l-oħrajn, l-Unjoni tikseb l-SDGs kif ukoll l-objettivi stabbilti fil-Ftehim ta' Pariġi, il-Konvenzjoni dwar id-Diversità Bijoloġika u ftehimiet ambjentali multilaterali oħrajn u tappoġġa lil pajjiżi terzi biex jagħmlu l-istess, inkluż billi jiżdiedu t-trasparenza u r-responsabbiltà fir-rigward tal-progress dwar l-impenji li saru skont dawk il-ftehimiet; Emenda 94 Proposta għal deċiżjoni Artikolu 3 – paragrafu 1 – punt k – inċiż 5 —  tal-iżgurar li l-assistenza finanzjarja tal-Unjoni u tal-Istati Membri lil pajjiżi terzi tippromwovi l-Aġenda 2030 tan-NU. —  tal-iżgurar li l-assistenza finanzjarja tal-Unjoni u tal-Istati Membri lil pajjiżi terzi tippromwovi l-Aġenda 2030 tan-NU, il-Ftehim ta' Pariġi u l-qafas globali għal wara l-2020 tal-Konvenzjoni dwar id-Diversità Bijoloġika tan-NU u li tkun konformi mal-objettivi prijoritarji tat-tmien EAP. Emenda 95 Proposta għal deċiżjoni Artikolu 3 – paragrafu 1a (ġdid) 1a.  Sabiex tikseb il-kundizzjonijiet abilitanti stabbiliti fil-paragrafu 1, il-Kummissjoni għandha tieħu l-azzjonijiet li ġejjin: (a)  ittejjeb u tespandi, sat-30 ta' Ġunju 2022, u sussegwentement iżżomm aġġornata, il-bażi tad-data pubblika eżistenti tagħha dwar id-deċiżjonijiet ta' ksur sabiex il-passi meħuda mill-Istati Membri u mill-Kummissjoni fir-rigward tal-proċedimenti kollha ta' ksur fil-qasam tal-ambjent u tal-klima jkunu jistgħu jiġu ttraċċati b'mod ċar, li jinftiehem u aċċessibbli; (b)  tivvaluta regolarment il-konsistenza tal-miżuri u l-politiki tal-Unjoni mal-objettivi prijoritarji stabbiliti fl-Artikolu 2(1) u (2) u twettaq tali valutazzjonijiet għall-miżuri u l-politiki abbozzati u eżistenti tal-Unjoni; fejn jiġu identifikati inkonsistenzi, l-abbozz ta' miżura jew politika għandu jiġi allinjat ma' dawn l-objettivi prijoritarji qabel il-pubblikazzjoni jew, fil-każ ta' miżuri u politiki eżistenti tal-Unjoni, jiġu proposti l-miżuri ta' rimedju meħtieġa; (c)  tiżviluppa għodod biex tivvaluta l-impatti fit-tul fuq l-ambjent u l-klima, inklużi l-effetti kumulattivi, tal-miżuri u l-politiki abbozzati u eżistenti, kif ukoll l-impatti possibbli tagħhom fuq l-inugwaljanzi soċjali, inkluża l-inugwaljanza bejn is-sessi, u l-prezz tan-nuqqas ta' azzjoni; (d)  fi żmien tmien ġimgħat mill-għeluq ta' konsultazzjoni pubblika, tippreżenta b'mod sistematiku feedback dettaljat dwar it-tweġibiet għall-konsultazzjoni mal-partijiet ikkonċernati, b'distinzjoni bejn il-kontributi minn tipi differenti ta' partijiet ikkonċernati. (e)  tippubblika valutazzjonijiet tal-impatt immedjatament malli jitlestew, inkluża l-informazzjoni kollha użata biex il-konklużjoni tagħhom tkun infurmata; (f)  tiżviluppa indikatur biex tivvaluta d-diskrepanza bejn l-istruttura tal-baġits tal-Istati Membri u x-xenarju allinjat mal-Ftehim ta' Pariġi għal kull wieħed mill-baġits nazzjonali tagħhom, u b'hekk tippermetti li jitfasslu rakkomandazzjonijiet lill-Istati Membri dwar l-investimenti klimatiċi meħtieġa sabiex ikunu jistgħu jissodisfaw, u jibqgħu fuq, it-trajettorja meħtieġa biex jiġi żgurat li jintlaħaq il-Ftehim ta' Pariġi u l-objettivi prijoritarji relatati tat-tmien EAP; (g)  tippreżenta, sat-30 ta' Ġunju 2022, rapport li fih tidentifika l-interkonnessjonijiet bejn id-diversi settijiet ta' indikaturi, oqfsa ta' monitoraġġ u proċessi li qed jintużaw fil-livell tal-Unjoni li jkejlu l-progress soċjali, ekonomiku u ambjentali u li jenfasizza kif dawn jistgħu jiġu ssimplifikati; fuq din il-bażi, il-Kummissjoni għandha, sat-30 ta' Ġunju 2023, f'konsultazzjoni mal-Parlament Ewropew u mal-Kunsill, tiżviluppa sett komprensiv ta' indikaturi "lil hinn mill-PDG" biex tiggwida u tinforma t-tfassil tal-politika fil-ġejjieni, mingħajr ħsara għas-Semestru Ewropew; Emenda 96 Proposta għal deċiżjoni Artikolu 3 – paragrafu 1b (ġdid) 1b.  Sabiex jinkisbu l-kundizzjonijiet abilitanti stabbilti fil-punt (ea) tal-paragrafu 1, il-Kummissjoni għandha, sa Diċembru 2022, u abbażi tal-ħidma li għaddejja, tivvaluta liema sussidji huma ta' ħsara għall-ambjent u tipproduċi materjali ta' gwida biex tidentifika tali sussidji fil-livell tal-Unjoni, nazzjonali, reġjonali u lokali, kif ukoll trajettorji possibbli għat-tneħħija gradwali tagħhom. L-Istati Membri għandhom jiġbru informazzjoni kull sena dwar l-eżistenza ta' sussidji fil-livell nazzjonali, reġjonali u lokali, kif ukoll miżuri li qed jieħdu biex ineħħuhom gradwalment. L-Istati Membri għandhom jittrażmettu dik l-informazzjoni kull sena lill-Kummissjoni. Il-Kummissjoni għandha tiġbor l-informazzjoni f'rapport, maqsum skont l-Istat Membru, li għandu jiġi ppubblikat mhux aktar tard minn 6 xhur wara t-tmiem tas-sena ta' referenza, bl-ewwel sena ta' referenza tkun l-2023. Il-Kummissjoni għandha tippreżenta r-rapport fuq bażi annwali lill-Parlament Ewropew. Emenda 97 Proposta għal deċiżjoni Artikolu 3 – paragrafu 2 2.  Biex jintlaħqu l-objettivi prijoritarji tat-tmien EAP se jkun hemm bżonn li jiġi mobilizzat appoġġ wiesa' billi jiġu involuti ċ-ċittadini, is-sħab soċjali u partijiet ikkonċernati oħra, u titħeġġeġ il-kooperazzjoni fl-iżvilupp u l-implimentazzjoni ta' strateġiji, politiki jew leġiżlazzjoni relatati mat-tmien EAP fost l-awtoritajiet nazzjonali, reġjonali u lokali, f'żoni urbani u rurali. 2.  L-awtoritajiet pubbliċi fil-livelli kollha għandhom jaħdmu man-negozji, partikolarment mal-SMEs, u mas-sħab soċjali, mas-soċjetà ċivili, maċ-ċittadini, mal-komunitajiet u ma' partijiet ikkonċernati oħrajn fl-implimentazzjoni tat-tmien EAP. Biex jintlaħqu l-objettivi prijoritarji tat-tmien EAP se jkun hemm bżonn li jiġi mobilizzat appoġġ wiesa' billi jiġu involuti ċ-ċittadini, is-sħab soċjali u partijiet ikkonċernati oħra, u titħeġġeġ il-kooperazzjoni fl-iżvilupp u l-implimentazzjoni ta' strateġiji, politiki jew leġiżlazzjoni relatati mat-tmien EAP fost l-awtoritajiet nazzjonali, reġjonali u lokali, f'żoni urbani u rurali u fir-reġjuni ultraperiferiċi. Emenda 98 Proposta għal deċiżjoni Artikolu 3 – paragrafu 2a (ġdid) 2a.  L-istituzzjonijiet rilevanti tal-Unjoni u l-Istati Membri għandu jkollhom ir-responsabbiltà li jieħdu l-azzjoni xierqa bil-għan li jitwettqu l-objettivi prijoritarji stabbiliti fl-Artikolu 2(1) u (2). L-azzjoni għandha tittieħed b'kunsiderazzjoni xierqa tal-prinċipji ta’ konferiment, ta’ sussidjarjetà u ta’ proporzjonalità, skont l-Artikolu 5 tat-Trattat dwar l-Unjoni Ewropea. Emenda 99 Proposta għal deċiżjoni Artikolu 4 – Titolu Qafas ta' monitoraġġ Indikaturi, qafas ta' monitoraġġ u governanza Emenda 100 Proposta għal deċiżjoni Artikolu 4 – paragrafu 1 1.  Il-Kummissjoni, appoġġata mill-Aġenzija Ewropea għall-Ambjent u l-Aġenzija Ewropea għas-Sustanzi Kimiċi, għandha tivvaluta u tirrapporta dwar il-progress tal-Unjoni u tal-Istati Membri fir-rigward tal-kisba tal-objettivi prijoritarji stabbiliti fl-Artikolu 2 fuq bażi regolari, filwaqt li jitqiesu l-kundizzjonijiet ta' awtorizzazzjoni stabbiliti fl-Artikolu 3. 1.  Il-Kummissjoni, appoġġjata mill-Aġenzija Ewropea għall-Ambjent u l-Aġenzija Ewropea għas-Sustanzi Kimiċi, mingħajr preġudizzju għall-indipendenza tagħhom, għandha timmonitorja, tivvaluta u tirrapporta dwar il-progress tal-Unjoni u tal-Istati Membri fir-rigward tal-kisba tal-objettivi prijoritarji stabbiliti fl-Artikolu 2 fuq bażi annwali, filwaqt li jitqiesu l-kundizzjonijiet u l-azzjonijiet ta' awtorizzazzjoni stabbiliti fl-Artikolu 3, u l-għan ġenerali li tinkiseb bidla sistemika. Il-Kummissjoni għandha tiżgura li l-informazzjoni li tirriżulta minn dak il-monitoraġġ, valutazzjoni u rappurtar tkun disponibbli pubblikament u aċċessibbli faċilment, biex b'hekk jiġi żgurat li jkun hemm monitoraġġ effettiv tal-progress magħmul. Emenda 101 Proposta għal deċiżjoni Artikolu 4 – paragrafu 1a (ġdid) 1a.  Wara proċess ta' konsultazzjoni mal-partijiet ikkonċernati rilevanti kollha, il-Kummissjoni għandha, sal-31 ta' Diċembru 2021, tippreżenta qafas simplifikat fil-forma ta' tabella ta' valutazzjoni unika, inklużi l-indikaturi ewlenin, biex timmonitorja u tittraċċa l-progress lejn il-kisba tal-objettivi prijoritarji fl-Artikolu 2(1) u (2), billi tibni fuq l-oqfsa u l-proċessi ta' monitoraġġ eżistenti. Emenda 102 Proposta għal deċiżjoni Artikolu 4 – paragrafu 1b (ġdid) 1b.  Il-valutazzjoni msemmija fil-paragrafu 1 għandha tinkludi informazzjoni dwar: –  il-progress imwettaq lejn il-bidla sistematika li hija meħtieġa sabiex jinkisbu l-objettivi prijoritarji stabbiliti fl-Artikolu 2(1) u (2), malli l-qafas ta' monitoraġġ jippermetti dan; –  id-distanza mill-miri stabbiliti biex jinkisbu l-objettivi prijoritarji stabbiliti fl-Artikolu 2(1) u (2); –  il-finanzjament li jikkontribwixxi għall-kisba tal-objettivi prijoritarji stabbiliti fl-Artikolu 2(1) u (2), traċċat permezz ta' metodoloġija robusta, trasparenti u komprensiva; –  il-mezzi ta' implimentazzjoni li ġew applikati fil-livell tal-Unjoni u tal-Istati Membri biex tiġi żgurata l-kisba tal-objettivi prijoritarji, u jekk dawn humiex suffiċjenti; u –  ir-rakkomandazzjonijiet u l-linji gwida biex jiġu indirizzati inkonsistenzi potenzjali. Emenda 103 Proposta għal deċiżjoni Artikolu 4 – paragrafu 2 2.  Il-valutazzjoni msemmija fil-paragrafu 1 għandha tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi, abbażi tad-data disponibbli fl-Istati Membri u fil-livell tal-Unjoni, b'mod partikolari dawk imħaddma mill-Aġenzija Ewropea għall-Ambjent u s-Sistema Statistika Ewropea. Din il-valutazzjoni għandha tkun mingħajr preġudizzju għall-oqfsa u l-eżerċizzji eżistenti ta' monitoraġġ, rapportar u governanza li jkopru l-politika ambjentali u klimatika. 2.  Il-valutazzjoni msemmija fil-paragrafu 1 għandha tirrifletti l-aħħar żviluppi fir-rigward tad-disponibbiltà u r-rilevanza tad-data u l-indikaturi, abbażi tad-data disponibbli fl-Istati Membri, inkluz fil-livell reġjonali u lokali, u fil-livell tal-Unjoni, b'mod partikolari dawk imħaddma mill-Aġenzija Ewropea għall-Ambjent u s-Sistema Statistika Ewropea bil-ħsieb li jitnaqqas il-piż amministrattiv. Din il-valutazzjoni għandha tkun mingħajr preġudizzju għall-oqfsa u l-eżerċizzji eżistenti ta' monitoraġġ, rapportar u governanza li jkopru l-politika ambjentali u klimatika, tibni fuqhom u tkun koerenti magħhom, u għandha tkun ibbażata fuq metodoloġija robusta li tippermetti l-kejl tal-progress. Emenda 104 Proposta għal deċiżjoni Artikolu 4 – paragrafu 2a (ġdid) 2a.  Il-Parlament Ewropew, il-Kunsill u l-Kummissjoni għandhom jiskambjaw opinjonijiet fuq bażi annwali dwar il-valutazzjoni msemmija fil-paragrafu 1 u għandhom jidentifikaw, bħala parti mill-programmazzjoni annwali tal-Unjoni, miżuri u azzjonijiet leġiżlattivi u mhux leġiżlattivi addizzjonali meta l-progress lejn il-kisba tal-objettivi prijoritarji jitqies bħala insuffiċjenti jew sabiex jingħelbu l-ostakli identifikati. Emenda 105 Proposta għal deċiżjoni Artikolu 4 – paragrafu 3 – parti introduttorja 3.  L-Aġenzija Ewropea għall-Ambjent u l-Aġenzija Ewropea għas-Sustanzi Kimiċi għandhom jappoġġaw lill-Kummissjoni fit-titjib tad-disponibbiltà u r-rilevanza tad-data u l-għarfien, b'mod partikolari billi jwettqu dan li ġej: 3.  L-Aġenzija Ewropea għall-Ambjent u l-Aġenzija Ewropea għas-Sustanzi Kimiċi għandhom jappoġġaw lill-Kummissjoni fit-titjib tad-disponibbiltà u r-rilevanza tad-data, l-indikaturi u l-għarfien, b'mod partikolari billi jwettqu dan li ġej: Emenda 106 Proposta għal deċiżjoni Artikolu 4 – paragrafu 3 – punt a (a)  il-ġbir, l-ipproċessar u r-rapportar ta' evidenza u data b'għodod diġitali moderni; (a)  il-ġbir, l-ipproċessar u r-rapportar ta' evidenza u data b'għodod diġitali moderni, filwaqt li jtejbu l-metodoloġiji għall-ġbir u t-trattament tad-data u biex jiżviluppaw indikaturi armonizzati; Emenda 107 Proposta għal deċiżjoni Artikolu 4 – paragrafu 3 – punt aa (ġdid) (aa)  it-tisħiħ u l-għoti ta' appoġġ għar-riċerka bażika, għall-immappjar u għall-monitoraġġ; Emenda 108 Proposta għal deċiżjoni Artikolu 4 – paragrafu 3 – punt b (b)  il-ħidma lejn l-għeluq tal-lakuni rilevanti fid-data tal-monitoraġġ; (b)  il-valutazzjoni tar-riżorsi meħtieġa u l-ħidma biex jingħalqu l-lakuni rilevanti fid-data tal-monitoraġġ, inkluż fir-rigward tal-kejl tal-bidla sistemika; Emenda 109 Proposta għal deċiżjoni Artikolu 4 – paragrafu 3 – punt c (c)  it-twassil ta' analiżi rilevanti għall-politika u sistemika, u l-kontribuzzjoni għall-implimentazzjoni tal-objettivi tal-politika fil-livell tal-Unjoni u dak nazzjonali; (c)  it-twettiq ta' analiżijiet sistemiċi u rilevanti għall-politika, u l-kontribut għall-implimentazzjoni tal-objettivi ta' politika fil-livell tal-Unjoni u dak nazzjonali, inkluż billi jiġu proposti rakkomandazzjonijiet biex jissaħħaħ il-progress fl-ilħuq tal-objettivi; Emenda 110 Proposta għal deċiżjoni Artikolu 4 – paragrafu 3 – punt ca (ġdid) (ca)  il-ġbir ta' għodod bħal għodod ta' tbassir, li jistgħu jipprovdu wkoll informazzjoni dwar "id-distanza mill-mira"; Emenda 111 Proposta għal deċiżjoni Artikolu 4 – paragrafu 3 – punt d (d)  l-integrazzjoni tad-data dwar l-impatti ambjentali, soċjali u ekonomiċi, u l-isfruttar sħiħ ta' data disponibbli oħra, bħal dik mogħtija minn Copernicus; (d)  l-integrazzjoni tad-data dwar l-impatti ambjentali, fuq is-saħħa, soċjali u ekonomiċi, u l-isfruttar sħiħ ta' data disponibbli oħra, bħal dik mogħtija minn Copernicus; Emenda 112 Proposta għal deċiżjoni Artikolu 4 – paragrafu 3 – punt da (ġdid) (da)  l-għeluq tal-lakuni kritiċi fl-għarfien dwar il-punti kritiċi ekoloġiċi; Emenda 113 Proposta għal deċiżjoni Artikolu 4 – paragrafu 3 – punt db (ġdid) (db)  l-iżvilupp ta' mudelli biex jivvalutaw u jbassru l-impatti mistennija tal-politiki relatati mal-ambjent u l-klima fuq il-ġenerazzjonijiet futuri; Emenda 114 Proposta għal deċiżjoni Artikolu 4 – paragrafu 3 – punt e (e)  it-titjib ulterjuri tal-aċċess għad-data permezz tal-programmi tal-Unjoni; (e)  it-titjib ulterjuri tad-disponibbiltà, tal-interoperabbiltà u tal-aċċess għad-data permezz tal-programmi tal-Unjoni; Emenda 115 Proposta għal deċiżjoni Artikolu 4 – paragrafu 3 – punt g (g)  l-għajnuna lis-soċjetà ċivili, lill-awtoritajiet pubbliċi, liċ-ċittadini, lis-sħab soċjali u lis-settur privat biex jidentifikaw ir-riskji klimatiċi u ambjentali u jieħdu azzjoni biex jipprevjenu, jimmitigaw u jadattaw ruħhom għalihom, u jrawmu l-involviment tagħhom biex jagħlqu d-diskrepanzi fl-għarfien. (g)  l-għajnuna lis-soċjetà ċivili, lill-awtoritajiet pubbliċi fil-livell nazzjonali, reġjonali u lokali, lill-individwi u lill-komunitajiet, lis-sħab soċjali u lis-settur privat biex jidentifikaw ir-riskji klimatiċi u ambjentali, jivvalutaw l-impatt tagħhom u jieħdu azzjoni biex jipprevjenu, jimmitigaw u jadattaw ruħhom għal tali riskji, u jrawmu l-involviment tagħhom biex jagħlqu d-diskrepanzi fl-għarfien; Emenda 116 Proposta għal deċiżjoni Artikolu 4 – paragrafu 3 – punt ga (ġdid) (ga)  l-inkoraġġiment tal-osservazzjoni u r-rappurtar taċ-ċittadini dwar kwistjonijiet ambjentali u lakuni fil-konformità, inkluż permezz tal-użu ta' mekkaniżmi online u apps tal-mowbajls biex jiġi ffaċilitat ir-rappurtar. Emenda 117 Proposta għal deċiżjoni Artikolu 4 – paragrafu 4 4.  Il-Kummissjoni għandha teżamina regolarment il-ħtiġijiet tad-data u l-għarfien fil-livell tal-Unjoni u dak nazzjonali, inkluża l-kapaċità tal-Aġenzija Ewropea għall-Ambjent u tal-Aġenzija Ewropea għas-Sustanzi Kimiċi li jwettqu l-kompiti msemmija fil-paragrafu 3. 4.  Il-Kummissjoni għandha teżamina regolarment il-ħtiġijiet tad-data u l-għarfien fil-livell tal-Unjoni u dak nazzjonali, inkluża l-kapaċità tal-Aġenzija Ewropea għall-Ambjent u tal-Aġenzija Ewropea għas-Sustanzi Kimiċi, kif ukoll ta' korpi u aġenziji Ewropej oħra, fejn rilevanti, li jwettqu l-kompiti msemmija fil-paragrafu 3 u tirrapporta dwar ir-riżultati ta' dan ir-rieżami, inklużi l-proposti biex tiġi indirizzata kwalunkwe ħtieġa ta' riżorsi umani u finanzjarji, jew biex jiġi indirizzat kwalunkwe nuqqas ieħor. Emenda 118 Proposta għal deċiżjoni Artikolu 5 – paragrafu -1 (ġdid) -1.  Sal-31 ta' Marzu 2024, il-Kummissjoni għandha twettaq evalwazzjoni ta' nofs it-terminu tat-tmien EAP u tippreżentaha lill-Parlament Ewropew u lill-Kunsill. L-evalwazzjoni ta' nofs it-terminu għandha tiddeskrivi l-progress miksub lejn l-ilħuq tal-objettivi tematiċi prijoritarji stabbiliti fl-Artikolu 2(2), inklużi l-miri fil-qafas tal-Patt Ekoloġiku Ewropew, l-istatus tal-kundizzjonijiet u l-azzjonijiet abilitanti stabbiliti fl-Artikolu 3, u l-progress imwettaq fil-monitoraġġ u l-valutazzjoni tal-bidla sistemika, u għandha tkun ibbażata fuq l-aktar valutazzjoni reċenti msemmija fl-Artikolu 4(1), kif ukoll fuq l-eżitu ta' konsultazzjoni pubblika. L-evalwazzjoni ta' nofs it-terminu għandha tiddeskrivi r-rakkomandazzjonijiet u l-korrezzjonijiet meħtieġa biex jintlaħqu l-objettivi prijoritarji tat-tmien EAP sat-tlestija tagħhom. Emenda 119 Proposta għal deċiżjoni Artikolu 5 – paragrafu -1a (ġdid) -1a.  Fid-dawl tal-progress deskritt fl-evalwazzjoni ta' nofs it-terminu msemmija fil-paragrafu -1, ta' żviluppi ta' politika rilevanti oħra u tar-rapport tal-EEA "The European environment - state and outlook" (L-ambjent Ewropew – l-istat u l-prospetti), il-Kummissjoni li se tibda l-mandat tagħha wara l-elezzjonijiet tal-Parlament Ewropew tal-2024 għandha tippreżenta lill-Parlament Ewropew u lill-Kunsill, fi żmien l-ewwel 100 jum tal-mandat tagħha, lista u skeda ta' żmien tal-azzjonijiet leġiżlattivi u mhux leġiżlattivi li tippjana li tieħu matul il-mandat tagħha sabiex tiżgura l-kisba sħiħa, sal-2030 u l-2050, rispettivament, tal-objettivi prijoritarji tat-tmien EAP. Emenda 120 Proposta għal deċiżjoni Artikolu 5 – paragrafu 1 Sal-31 ta' Marzu 2029, il-Kummissjoni għandha twettaq evalwazzjoni tat-tmien EAP. Il-Kummissjoni għandha tippreżenta rapport lill-Parlament Ewropew u lill-Kunsill li jkun fih is-sejbiet ewlenin ta' dik l-evalwazzjoni, akkumpanjat, jekk il-Kummissjoni tqis xieraq, minn proposta leġiżlattiva għall-programm ta' azzjoni ambjentali li jmiss. Sal-31 ta' Marzu 2029, il-Kummissjoni għandha twettaq evalwazzjoni tat-tmien EAP. Il-Kummissjoni għandha tippreżenta rapport lill-Parlament Ewropew u lill-Kunsill li jkun fih is-sejbiet ta' dik l-evalwazzjoni, akkumpanjat, jekk xieraq, bi proposta leġiżlattiva għall-programm ta' azzjoni ambjentali li jmiss u tħalli biżżejjed żmien sabiex id-disa' EAP jilħaq jidħol fis-seħħ sal-1 ta' Jannar 2031, biex b'hekk jiġi evitat li jkun hemm lakuna bejn it-tmien u d-disa' EAP.

(1) Il-kwistjoni ġiet riferuta lura għal negozjati interistituzzjonali lill-kumitat responsabbli, skont l-Artikolu 59(4), ir-raba’ subparagrafu (A9-0203/2021).

Riżoluzzjoni tal-Parlament Ewropew tat-8 ta' Lulju 2021 dwar ŻER ġdida għar-Riċerka u l-Innovazzjoni (2021/2524(RSP))

P9_TA(2021)0353 B9-0370/2021

Il-Parlament Ewropew,

–  wara li kkunsidra l-mistoqsija lill-Kummissjoni dwar ŻER ġdida għar-Riċerka u l-Innovazzjoni (O-000031/2021 – B9‑0026/2021),

–  wara li kkunsidra l-komunikazzjoni tal-Kummissjoni tat-30 ta' Settembru 2020 dwar ŻER ġdida għar-Riċerka u l-Innovazzjoni (COM(2020)0628),

–  wara li kkunsidra l-konklużjonijiet tal-Kunsill Ewropew tal-1 ta' Diċembru 2020,

–  wara li kkunsidra r-Rapport ta' Progress taż-Żona Ewropea tar-Riċerka (ŻER) għall-perjodu 2016-2018,

–  wara li kkunsidra t-Tabella ta' Valutazzjoni tal-Innovazzjoni Ewropea tat-23 ta' Ġunju 2020,

–  wara li kkunsidra s-sentenza tas-6 ta' Ottubru 2020 tal-Qorti tal-Ġustizzja tal-Unjoni Ewropea (QĠUE) fil-Kawża C-66/18(1),

–  wara li kkunsidra r-rakkomandazzjoni tal-11 ta' Marzu 2005 dwar il-Karta Ewropea għar-Riċerkaturi u dwar Kodiċi ta' Kondotta għar-Reklutaġġ ta' Riċerkaturi(2),

–  wara li kkunsidra l-Artikoli 136(5) u 132(2) tar-Regoli ta' Proċedura tiegħu,

–  wara li kkunsidra l-mozzjoni għal riżoluzzjoni tal-Kumitat għall-Industrija, ir-Riċerka u l-Enerġija,

A.  billi t-tlestija taż-ŻER bil-ksib tal-moviment liberu tar-riċerkaturi u ċ-ċirkolazzjoni libera tal-għarfien u t-teknoloġija xjentifiċi hija prijorità ewlenija għall-Unjoni Ewropea;

B.  billi ż-ŻER ipprevediet li tingħeleb il-frammentazzjoni tal-isforzi nazzjonali fir-riċerka u l-innovazzjoni (R&I) permezz tat-tnaqqis tad-disparitajiet bejn l-oqfsa regolatorji u amministrattivi;

C.  billi ż-ŻER ipprovdiet mekkaniżmi importanti biex jiġi żgurat il-moviment liberu tar-riċerkaturi u l-iskambju tat-teknoloġiji tal-għarfien u l-innovazzjoni; billi, barra minn hekk, iż-ŻER hija qafas stabbilit u magħruf sew li jistimula azzjonijiet konġunti transfruntiera tar-R&I bejn ir-riċerkaturi tal-Istati Membri u ċ-"ċentri taż-ŻER";

D.  billi r-riċerka trid tkun ibbażata fuq il-prinċipji fundamentali tal-integrità tar-riċerka, u l-Kodiċi ta' Kondotta Ewropea għall-Integrità tar-Riċerka żviluppat mill-Federazzjoni Ewropea tal-Akkademji għax-Xjenzi u l-Istudji Umanistiċi (ALLEA) għandu jitqies bħala referenza għall-komunità tar-riċerka; billi l-indipendenza u l-oġġettività huma elementi ewlenin tal-bini u taż-żamma tal-fiduċja fix-xjenza;

E.  billi l-aċċellerazzjoni tar-R&I fl-Unjoni Ewropea u t-titjib tal-kollaborazzjoni bejn ir-R&I privati u pubbliċi fl-Istati Membri fid-dawl ta' użu bikri mis-suq u l-adozzjoni mis-soċjetà ta' soluzzjonijiet ta' teknoloġiji ġodda u t-titjib ta' dawk eżistenti huma vitali biex jintlaħqu l-miri klimatiċi tagħna, filwaqt li tinkiseb it-tranżizzjoni diġitali u għall-irkupru tal-ekonomija Ewropea; billi l-ħolqien ta' impjiegi ta' kwalità għolja jipprovdi opportunitajiet ekonomiċi għall-UE; billi l-investiment fir-riċerka fundamentali jfisser investiment fil-futur, u billi l-finanzjament ta' tali riċerka ma għandux ikun marbut b'mod intrinsiku mal-profittabbiltà ekonomika; billi l-iskoperti xjentifiċi ewlenin irriżultaw minn riċerka ffinanzjata pubblikament;

F.  billi, bħala regola ġenerali, ir-R&I għandhom jirrispettaw il-prinċipju tan-newtralità teknoloġika; billi huwa importanti li jiġi enfasizzat, madankollu, li l-għażliet teknoloġiċi għandhom jirrispettaw il-qafas ta' politika stabbilit;

G.  billi r-R&I huma essenzjali biex jippermettu l-irkupru tal-Ewropa, jappoġġjaw u jaċċelleraw it-tranżizzjonijiet diġitali u ekoloġiċi b'mod soċjalment responsabbli, itejbu s-sostenibbiltà u l-kompetittività tal-Unjoni, u jsaħħu r-reżiljenza tagħha;

H.  billi l-kriżi tal-COVID-19 affettwat ħażin ħafna lir-riċerkaturi żgħażagħ li esperjenzaw kundizzjonijiet tax-xogħol li sejrin għall-agħar u naqqset l-aċċess għal-laboratorji u għal faċilitajiet essenzjali oħra u, b'riżultat ta' dan, għandhom inqas opportunitajiet biex ilestu l-proġetti tagħhom u jiksbu l-kwalifiki meħtieġa għall-avvanz fil-karriera;

I.  billi n-nisa jokkupaw biss 24 % tal-ogħla pożizzjonijiet fis-settur tal-edukazzjoni għolja fl-Unjoni Ewropea; billi dawn għadhom mhumiex irrappreżentati biżżejjed fost l-istudenti tad-dottorat f'diversi suġġetti tax-xjenza, tat-teknoloġija, tal-inġinerija u tal-matematika (STEM), inklużi l-ICT u l-inġinerija, iżda wkoll fl-oqsma tal-manifattura u tal-kostruzzjoni;

J.  billi approċċ aktar sinerġetiku għal programmi oħra ta' finanzjament tal-UE u politiki tal-UE jista' jikkapitalizza, b'mod partikolari, fuq il-kapaċitajiet tar-R&I mibnija matul l-aħħar għaxar snin f'pajjiżi bi prestazzjoni aktar baxxa; billi dan ikun jirrikjedi l-ġbir flimkien tar-riżorsi biex jiġu appoġġjati l-attivitajiet li jippromwovu l-iżvilupp tal-kapital uman u l-introduzzjoni ta' teknoloġiji innovattivi u mudelli ġodda ta' negozju, kif ukoll biex jiġu appoġġjati l-manutenzjoni u l-iżvilupp tal-infrastruttura; billi taħlita mmirata ta' investimenti ta' fondi strutturali fl-ambitu tal-prijoritajiet ta' speċjalizzazzjoni intelliġenti b'inizjattivi eċċellenti ta' R&I appoġġjati mill-Programm Qafas tista' ttejjeb b'mod sinifikanti l-prestazzjoni ta' ċerti reġjuni u ssaħħaħ iż-ŻER b'mod ġenerali; billi f'dan il-kuntest, huwa importanti wkoll li tiġi enfasizzata l-ħtieġa li jiġi ottimizzat u kkoordinat aħjar l-użu tal-infrastrutturi tar-riċerka fil-livell tal-UE;

K.  billi l-approċċ inklużiv tal-Kummissjoni li tallinja ż-ŻER maż-Żona Ewropea tal-Edukazzjoni u mal-politika industrijali Ewropea sabiex trawwem sinerġiji bejn dawn il-politiki interdipendenti għandu jwassal għal sinerġiji aktar milli għal kumplessità akbar fiż-ŻER, fiż-Żona Ewropea tal-Edukazzjoni jew fil-politika industrijali;

L.  billi ż-ŻER għandha tikkontribwixxi għall-istrateġiji multipli u għall-impenji internazzjonali tal-UE, bħall-Istrateġija għall-SMEs u dik Diġitali, il-Patt Ekoloġiku Ewropew u l-Għanijiet ta' Żvilupp Sostenibbli tan-NU;

M.  billi l-ftuħ għad-dinja u l-kollaborazzjoni internazzjonali huma essenzjali għal politiki ta' suċċess tal-UE dwar ir-R&I; billi l-pajjiżi assoċjati mal-Programm Qafas huma parti integrali miż-ŻER u diġà qed jikkontribwixxu għall-għanijiet tagħha; billi l-Viċinat Ewropew jistħoqqlu attenzjoni partikolari; billi l-pajjiżi kollha tiegħu fil-Lvant u fin-Nofsinhar għandhom jibbenefikaw minn skambji xjentifiċi u kooperazzjoni mal-Istati Membri tal-UE;

N.  billi ż-ŻER ma tistax titlesta mingħajr libertà akkademika ggarantita fl-Unjoni u mingħajr ma jiġu rrispettati d-dispożizzjonijiet tal-Karta tad-Drittijiet Fundamentali tal-Unjoni Ewropea relatati mal-libertà akkademika, il-libertà li jiġu stabbiliti istituzzjonijiet tal-edukazzjoni għolja u l-libertà li jitwettaq negozju; billi skont il-QĠUE, il-libertà akkademika mhux biss tinkludi dimensjoni individwali sa fejn tkun assoċjata mal-libertà tal-espressjoni u, speċifikament fil-qasam tar-riċerka, il-libertajiet tal-komunikazzjoni, tar-riċerka u tat-tixrid tar-riżultati, iżda wkoll dimensjoni istituzzjonali u organizzazzjonali riflessa fl-awtonomija tal-istituzzjonijiet akkademiċi;

Objettivi

1.  Jilqa' l-komunikazzjoni tal-Kummissjoni dwar ŻER ġdida għar-Riċerka u l-Innovazzjoni li tistabbilixxi l-objettivi u l-azzjonijiet strateġiċi li għandhom jiġu implimentati f'kooperazzjoni mill-qrib mal-Istati Membri, sabiex jiġu pprijoritizzati l-investimenti u r-riformi fir-R&I, biex jintlaħaq l-għan ta' 3 % tal-PDG, biex jittejjeb l-aċċess għall-eċċellenza għar-riċerkaturi madwar l-UE u biex ir-riżultati tar-riċerka jkunu jistgħu jilħqu l-komunità xjentifika, is-soċjetà u l-ekonomija reali, filwaqt li jiġi żgurat li r-R&I ffinanzjati pubblikament jikkontribwixxu b'mod ġenwin għall-benesseri tas-soċjetà;

2.  Jistieden lill-Istati Membri jadottaw Patt għar-Riċerka u l-Innovazzjoni fl-Ewropa li jinkludi l-impenji li ġejjin li għandhom jitwettqu sal-2030: li l-infiq pubbliku fuq ir-R&I jiżdied mil-livell medju attwali ta' 0,81 % tal-PDG għal 1,25 % b'mod ikkoordinat madwar l-UE; li l-finanzjament nazzjonali pubbliku għar-R&I ta' programmi konġunti u sħubiji Ewropej jiżdied mil-livell attwali tiegħu ta' ftit anqas minn 1 % għal 5 %; u li jintlaħaq qbil konġunt dwar l-oqsma ta' prijorità għall-azzjoni taż-ŻER (orizzontali kif ukoll tematiċi);

3.  Jissottolinja r-rabta qawwija bejn ir-R&I u l-intraprenditorija, li toħloq opportunitajiet għat-twaqqif ta' unicorns, negozji ġodda u SMEs ġodda; ifakkar fl-importanza li tinħoloq ekosistema diġitali li tikkontribwixxi għall-innovazzjoni teknoloġika u ż-żieda tal-SMEs prinċipalment permezz ta' "Ċentri tal-Innovazzjoni taż-ŻER";

4.  Jirrikonoxxi r-rwol ċentrali tal-universitajiet u tal-istituzzjonijiet akkademiċi fil-ħolqien ta' ekosistemi dinamiċi tar-R&I; jenfasizza r-rwol ċentrali tal-istudenti bħala l-ġenerazzjoni li jmiss ta' innovaturi f'dawn l-ekosistemi;

5.  Jinsisti li fil-kuntest taż-ŻER, it-termini "riċerka" u "innovazzjoni" mhumiex limitati għall-innovazzjoni teknoloġika, iżda huma inkorporati bħala suġġetti trażversali ta' rilevanza wiesgħa għall-aspetti kollha tax-xjenzi soċjali u tal-istudji umanitarji u integrati bis-sħiħ f'kull wieħed mill-objettivi ġenerali;

6.  Jemmen li r-rieżami taż-ŻER għandu jinkludi approċċ orizzontali għat-tisħiħ tal-kooperazzjoni bejn l-istituzzjonijiet tar-riċerka, inklużi l-universitajiet; jitlob appoġġ baġitarju akbar għall-alleanzi universitarji, kif ukoll l-istabbiliment ta' qafas abilitanti li jippermetti lill-alleanzi jiżviluppaw b'mod flessibbli; jemmen, barra minn hekk, li l-kooperazzjoni tal-universitajiet ma għandhiex tkun limitata għall-alleanzi biss, iżda li għandhom ikunu disponibbli wkoll aktar skemi ta' finanzjament għall-universitajiet biex jikkooperaw barra mill-alleanzi;

7.  Jissottolinja l-importanza li jinħolqu sinerġiji bejn l-edukazzjoni għolja, l-istituzzjonijiet tar-riċerka u l-organizzazzjonijiet tas-soċjetà ċivili, bħala sħab ġenwini fil-kuntest tar-R&I, kif ukoll alleanzi industrijali, u b'hekk jiġi sfruttat bis-sħiħ ir-rwol doppju tal-universitajiet; itenni, f'dan il-kuntest, l-ħtieġa li jinħolqu kundizzjonijiet u opportunitajiet favorevoli għar-riċerkaturi billi tintuża infrastruttura ta' riċerka ta' kwalità għolja; jistieden lill-Kummissjoni tiżgura d-disinn inklużiv ta' dawn is-sħubiji bbażati fuq it-trasparenza, rappreżentanza bbilanċjata tal-partijiet ikkonċernati u ftuħ kontinwu, u toffri opportunitajiet suffiċjenti għall-parteċipazzjoni ta' tali partijiet ikkonċernati diverġenti;

8.  Jissottolinja li kwalunkwe sejħa għall-finanzjament trid tkun trasparenti u mħabbra sew minn qabel; jisħaq ukoll li l-pjanijiet direzzjonali konġunti dwar it-teknoloġija industrijali għandhom iqisu aħjar il-kontribut minn "isfel għal fuq" u l-parteċipazzjoni inklużiva, u ma jqisux l-industrija waħedha bħala s-sors primarju ta' kontribut, iżda jaċċettaw ukoll kontribut mill-aktar R&I reċenti tal-ogħla livell ta' żvilupp tekniku, kif ukoll mill-organizzazzjonijiet tal-konsumaturi u mis-sħab soċjali;

9.  Jistieden lill-Istati Membri jittrasformaw iż-"ŻER il-ġdida" f'politiki u azzjonijiet ta' finanzjament konkreti li għandhom l-għan li jikkontribwixxu għat-tranżizzjonijiet "ekoloġiċi" u "diġitali" doppji, l-implimentazzjoni ta' Patt Ekoloġiku Ewropew u strateġija industrijali ambizzjużi, irkupru reżiljenti u ħtiġijiet mediċi mhux issodisfati; jisħaq fuq l-importanza ta' rabtiet adegwati fl-ekosistemi tal-innovazzjoni u industrijali u l-atturi tagħhom kif ukoll bejniethom, inklużi s-settur akkademiku, l-industrija, is-settur pubbliku f'diversi livelli, il-pubbliku ġenerali u s-soċjetà ċivili madwar l-UE biex jiġi żgurat li r-riżultati tar-riċerka jiġu applikati aktar malajr fl-ekonomija u fis-soċjetà; jissottolinja, f'dan il-kuntest, ir-rwol vitali tal-SMEs fl-indirizzar tal-innovazzjoni u l-iżvilupp tat-teknoloġija u l-potenzjal tal-SMEs tradizzjonali li għad irid jiġi sfruttat; jenfasizza r-rwol taċ-"ċentri taż-ŻER" bħala għodda biex tiġi żgurata d-disponibbiltà ta' xjenza ta' kwalità għolja fil-bliet u r-reġjuni kollha tal-UE, kif ukoll biex tingħata spinta lir-reġjuni fejn hemm opportunitajiet għal tkabbir sostenibbli;

10.  Huwa mħasseb li l-proċess tat-titjib tal-kwalità tas-sistemi tar-R&I qed jonqos u qed juri progress mhux uniformi madwar l-Unjoni(3);

11.  Jissottolinja r-rwol importanti li għandhom ir-R&I matul il-pandemija tal-COVID-19 biex isibu soluzzjonijiet multisettorjali u transdixxiplinari biex tingħeleb il-kriżi; jilqa', f'dan ir-rigward, il-pjan ta' azzjoni tal-ERAvsCorona bħala eżempju ta' azzjoni ddefinita malajr u mmirata sew imwettqa flimkien mal-Istati Membri;

12.  Jissottolinja li l-pandemija tal-COVID-19 mhux biss uriet l-importanza tal-kooperazzjoni fir-R&I, iżda wkoll tal-prattiki u l-infrastrutturi tax-xjenza miftuħa biex jinstabu malajr soluzzjonijiet għall-ħtiġijiet tas-soċjetà l-aktar esiġenti; jisħaq li ż-ŻER għandha rwol ewlieni biex isir progress fix-xjenza miftuħa u jiġu kondiviżi r-riżultati tar-riċerka, tad-data u tal-infrastruttura, kif ukoll biex jiġi żgurat li l-pubblikazzjonijiet xjentifiċi kollha li jirriżultaw minn riċerka ffinanzjata pubblikament, awtomatikament, jiġu ppubblikati f'ġurnali b'aċċess miftuħ, filwaqt li r-riżultati u d-data tar-riċerka għandhom isiru disponibbli skont il-prinċipji FAIR (traċċabbli, aċċessibbli, interoperabbli u riutilizzabbli);

13.  Jenfasizza li l-pandemija tal-COVID-19 żiedet id-domanda għal konnettività aħjar u għalhekk aċċellerat it-tranżizzjoni diġitali; jesprimi dispjaċir, madankollu, għall-fatt li l-kondiviżjoni tat-teknoloġija u d-drittijiet tal-proprjetà intellettwali ma tqisux biżżejjed;

14.  Jitlob li jintlaħaq bilanċ bejn ir-riċerka fundamentali u aktar riċerka applikata li jwassal għal innovazzjoni konkreta fiż-ŻER kollha, u jissottolinja li t-tnejn huma ta' importanza kruċjali;

15.  Jenfasizza li r-riċerka fundamentali tirreferi għall-attivitajiet tax-xjenzati li qed jinvestigaw mistoqsijiet għall-fini tal-bini tal-għarfien, indipendentement mill-profittabbiltà ekonomika jew l-applikabbiltà għal żmien qasir;

16.  Jirrimarka li ż-ŻER il-ġdida jeħtieġ li tħaddan bis-sħiħ it-tranżizzjonijiet ekoloġiċi u diġitali doppji u tikkontribwixxi għall-aċċellerazzjoni tal-isforz tar-R&I f'dan il-kuntest billi, fost l-oħrajn, tallinja u ssaħħaħ aħjar l-investimenti fir-R&I permezz tal-isfruttar ta' sinerġiji mal-Faċilità għall-Irkupru u r-Reżiljenza (RRF), kif ukoll għat-titjib tal-kollaborazzjoni bejn ir-R&I privati u pubbliċi mhux biss fl-Istati Membri iżda wkoll bejniethom, sabiex titħaffef l-adozzjoni mis-soċjetà u l-użu bikri mis-suq ta' teknoloġiji u soluzzjonijiet innovattivi li huma vitali biex jintlaħqu l-miri klimatiċi tal-UE, kif ukoll biex jiġu sfruttati l-opportunitajiet ekonomiċi ewlenin ipprovduti mit-tranżizzjonijiet doppji;

Finanzjament u sinerġiji

17.  Jisħaq li fid-dawl tal-fatt li l-Ewropa qed tiffaċċja sfidi ekoloġiċi, ekonomiċi u tas-soċjetà urġenti, aggravati mill-kriżi tal-COVID-19, wasal iż-żmien li ż-ŻER tiġi riorganizzata sabiex twassal għall-irkupru tal-Ewropa u tibni mudell soċjalment, ekonomikament u ambjentalment ġdid reżiljenti għall-UE; huwa għalhekk imħasseb dwar il-pass bil-mod tal-allinjament bejn il-politiki nazzjonali u l-politiki miftiehma mal-Istati Membri fil-livell tal-UE;

18.  Jistieden lill-Istati Membri jżidu l-baġits nazzjonali ddedikati għar-R&I; jilqa' f'dan ir-rigward il-konferma mill-ġdid mill-Kunsill tal-objettiv ta' investiment ta' 3 % tal-PDG fil-konklużjonijiet tal-Kunsill tal-1 ta' Diċembru 2020; jesprimi dispjaċir għall-fatt li f'dawn il-konklużjonijiet, il-Kunsill ma impenjax ruħu għall-objettiv ta' investiment propost ta' 1,25 % tal-PDG għall-finanzjament pubbliku tar-R&I;

19.  Ifakkar fl-importanza tal-kontribut tar-R&I biex jintlaħqu l-għanijiet stabbiliti fil-Ftehim ta' Pariġi u l-objettivi tal-Patt Ekoloġiku Ewropew; jinkoraġġixxi żieda ġenerali fil-baġits nazzjonali ddedikati għar-R&I fit-teknoloġiji tal-enerġija nadifa, biex b'hekk jitrawmu objettivi nazzjonali u miri ta' finanzjament li jindikaw perkorsi konkreti u rilevanti għall-2030 u l-2050;

20.  Jinsisti fuq l-importanza li jinħolqu u jintużaw is-sinerġiji sħaħ bejn l-istrumenti ta' finanzjament Ewropej, speċjalment bejn Orizzont Ewropa, Erasmus+, il-Fondi tal-Politika ta' Koeżjoni, NextGenerationEU, il-Programm tas-Suq Uniku, InvestEU, LIFE +, il-Fond għal Tranżizzjoni Ġusta u l-istrumenti ta' azzjoni esterna tal-UE, is-Sħubija għar-Riċerka u l-Innovazzjoni fiż-Żona tal-Mediterran (PRIMA), EU4Health u l-Programm Ewropa Diġitali, u jitlob lill-Kummissjoni tipprovdi gwida ċara, sempliċi u prattika u għodod simplifikati lill-Istati Membri dwar kif l-aħjar jiġu implimentati dawn is-sinerġiji fil-kuntesti nazzjonali u reġjonali; jisħaq, f'dan il-kuntest, fuq l-importanza tal-Faċilità għall-Irkupru u r-Reżiljenza (RRF) li se tappoġġja t-tkabbir intelliġenti, sostenibbli u inklużiv, inklużi l-infrastrutturi tar-R&I, u se tikkontribwixxi ħafna għall-implimentazzjoni taż-"ŻER il-ġdida";

21.  Huwa tal-fehma li l-pjanijiet ta' rkupru u n-NextGenerationEU jirrappreżentaw opportunità biex jissaħħaħ it-trijanglu tal-għarfien, il-ħiliet, l-edukazzjoni u r-riċerka; jisħaq fuq il-ħtieġa ta' rabtiet aktar strutturati mal-inizjattivi biex tissaħħaħ iż-Żona Ewropea tal-Edukazzjoni u ż-Żona Ewropea tal-Innovazzjoni; jilqa' l-pjan tal-Kunsill li jinkludi t-tisħiħ taż-ŻER fil-pjanijiet nazzjonali ta' rkupru;

22.  Jissottolinja l-importanza tal-kooperazzjoni, mill-fażi tad-disinn tal-proġetti bejn is-settur akkademiku, l-istituzzjonijiet tar-riċerka u l-industrija 'il quddiem, sabiex tiġi promossa x-xjenza, kif ukoll teknoloġiji u soluzzjonijiet innovattivi mmirati lejn il-kondiviżjoni tar-riżorsi u l-vantaġġi komplementari, u li jitlestew proġetti ta' innovazzjoni teknoloġika flimkien sabiex jinħolqu prodotti, servizzi jew proċessi lesti għas-suq u jiżdied il-benesseri; jinkoraġġixxi, fil-kuntest taż-"ŻER il-ġdida", skambji reċiproċi u kollaborazzjoni akbar bejn atturi differenti bl-objettiv li tissaħħaħ l-esperjenza edukattiva, jitħaffef il-proċess tat-trasferiment tal-għarfien, titqajjem sensibilizzazzjoni u jiġu pprovduti soluzzjonijiet biex jingħelbu l-isfidi soċjali, ambjentali u ekonomiċi;

23.  Jenfasizza l-potenzjal ta' approċċ multidixxiplinari u ta' diversi partijiet ikkonċernati għall-ekosistemi, li jgħaqqad il-punti b'saħħithom u l-assi kreattivi u kulturali tal-Ewropa; jinnota l-benefiċċji ta' sinerġija maħluqa billi jingħaqdu setturi u dixxiplini xjentifiċi differenti, inklużi l-arti, id-disinn u l-oqsma kreattivi, u x-xjenza soċjali u l-istudji umanitarji;

24.  Jirrikonoxxi r-rwol li għandu s-settur privat biex jittejbu l-kapaċitajiet tagħna tar-R&I, jissaħħu l-innovazzjonijiet ġodda u tingħata spinta lill-kompetittività u lis-sostenibbiltà tal-Ewropa; jissottolinja li jista' jinħoloq impatt sinifikanti fuq is-soċjetà, fost l-oħrajn, bl-adozzjoni tal-aħħar għarfien tar-riċerka fin-negozji ġodda, fin-negozji stabbiliti u fl-industrija; jenfasizza l-ħtieġa li tissaħħaħ il-kooperazzjoni strateġika fit-tul bejn is-settur akkademiku u n-negozju sabiex isir progress fl-objettivi ta' interess pubbliku u jiġi integrat it-trijanglu tal-għarfien biex jinkisbu eżiti tas-soċjetà aħjar; jisħaq li l-industrija u l-SMEs jista' jkollhom rwol ewlieni fil-kontribuzzjoni għall-investimenti fit-tul u biex jingħeleb "il-wied tal-mewt", u jistieden lill-Kummissjoni teżamina kif għandhom jiġu sfruttati aħjar is-sinerġiji bejn l-investimenti pubbliċi u privati fir-riċerka u l-innovazzjoni, anke fir-rigward tat-taħriġ, il-ħiliet u l-iżvilupp tal-attività tar-riċerka;

25.  Itenni, fil-kuntest taż-"ŻER il-ġdida", l-importanza li jiġi applikat il-qafas eżistenti tal-proprjetà intellettwali u li jiġu appoġġjati l-Privattiva Unitarja li ġejja u l-flessibbiltajiet kollha meħtieġa, sabiex jintlaħaq bilanċ bejn l-infurzar tad-drittijiet effettivi tal-proprjetà intellettwali u l-spinta għall-innovazzjoni; jenfasizza r-rwol potenzjali tal-Privattiva Unitarja li ġejja fis-simplifikazzjoni tal-proċeduri u fit-tnaqqis tal-piżijiet amministrattivi għall-innovaturi Ewropej;

It-tnaqqis tad-distakk

26.  Jemmen li wieħed mill-elementi ewlenin għas-suċċess ta' żieda sinifikanti fl-infiq pubbliku fuq ir-R&I jinsab fl-integrazzjoni tal-flussi differenti ta' finanzjament Ewropej, nazzjonali u privati, inkluża l-konverġenza tal-finanzjament permezz tal-Orizzont Ewropa, l-RRF, il-Fondi ta' Koeżjoni tal-UE u l-finanzjament nazzjonali għar-R&Ż;

27.  Jitlob li jkun hemm pakkett ambizzjuż ta' Orizzont Ewropa rigward "It-twessigħ tal-parteċipazzjoni u t-tisħiħ taż-ŻER" li jappoġġja l-kollaborazzjonijiet bejn l-Istati Membri sabiex jinkiseb aċċess ibbilanċjat għall-eċċellenza;

28.  Jistieden lill-Istati Membri, mill-aktar fis possibbli, filwaqt li jqisu l-irkupru mill-pandemija, biex jappoġġjaw iż-"ŻER il-ġdida" b'riformi u riżorsi nazzjonali li jikkomplementaw l-istrumenti ta' finanzjament tal-UE permezz tal-implimentazzjoni ta' għodod ġodda, jiġifieri l-parti dwar "It-twessigħ tal-parteċipazzjoni u t-tisħiħ taż-Żona Ewropea tar-Riċerka" fl-ambitu ta' Orizzont Ewropa li se tgħin biex jitnaqqas id-distakk fil-prestazzjoni tar-R&I u biex jitnaqqsu l-inugwaljanzi bejn pajjiżi u reġjuni differenti; jenfasizza, f'dan ir-rigward, il-ħtieġa li jiġu indirizzati l-investimenti u r-riformi fir-R&I; jilqa' l-ħolqien tal-"Forum taż-ŻER għat-Tranżizzjoni" u l-Patt prospettiv għar-R&I; jinnota li s-suċċess tal-patt se jiddependi minn appoġġ wiesa' għalih fis-settur u jitlob għalhekk l-inklużjoni tal-Parlament u tal-partijiet ikkonċernati fil-proċess tal-iżvilupp tal-Patt;

29.  Jirrikonoxxi r-rwol sinifikanti tal-gvernijiet reġjonali fil-promozzjoni tal-politiki tar-R&I, kif ukoll l-importanza tal-ekosistemi reġjonali tar-R&I; jistieden lill-Kummissjoni u lill-Istati Membri jħaddnu forma ta' governanza f'diversi livelli li tinkludi gvernijiet reġjonali u lokali sabiex jittejbu l-ekosistemi reġjonali u ċ-"ċentri taż-ŻER";

30.  Jissottolinja l-ħtieġa li jiġu żgurati sinerġiji bejn iċ-"Ċentri taż-ŻER" u ċentri oħra relatati mar-R&I bħaċ-Ċentri tal-Innovazzjoni tal-Istitut Ewropew tal-Innovazzjoni u t-Teknoloġija (EIT), iċ-Ċentri u n-networks tal-Innovazzjoni Diġitali, bħaċ-Ċentri tal-Innovazzjoni Diġitali tal-IA, fost oħrajn, u n-Network Ewropew tal-Intrapriżi;

31.  Jinkoraġġixxi inizjattivi li għandhom l-għan li jsaħħu aktar l-investiment fil-ħiliet, fir-riċerka u fl-innovazzjoni fl-Istati Membri li, skont it-Tabella ta' Valutazzjoni tal-Innovazzjoni Ewropea, għadhom jitqiesu bħala innovaturi modesti u moderati; jilqa' l-inizjattivi diġà stabbiliti biex jitnaqqas id-distakk li jiffaċċjaw dawn l-Istati Membri, inkluża l-Iskema ta' Innovazzjoni Reġjonali tal-EIT;

32.  Jisħaq li ż-ŻER għandha tipprijoritizza l-aċċess għall-eċċellenza, il-mobilità tar-riċerkaturi u l-fluss liberu tal-għarfien, tippromwovi l-inklużività u xxerred l-opportunitajiet fit-territorju kollu tal-Ewropa, issaħħaħ ir-rabtiet u s-sinerġiji bejn komunitajiet differenti tar-R&I, u b'hekk tikkontribwixxi għall-użu sħiħ tal-potenzjal tar-R&I tal-Ewropa; jenfasizza li billi tingħata prijorità lill-eċċellenza, iż-ŻER jista' jkollha rwol ċentrali fit-tnaqqis tad-disparitajiet fl-Unjoni u tgħin biex jiġi eliminat id-distakk fir-riċerka li għadu jeżisti;

33.  Jisħaq li l-ħtiġijiet u l-interessi tas-soċjetà għandhom ikunu fiċ-ċentru tar-R&I u li l-involviment taċ-ċittadini, tal-komunitajiet lokali u tas-soċjetà ċivili għandu għalhekk ikun fil-qalba taż-ŻER il-ġdida sabiex tiġi ffaċilitata l-adozzjoni mis-soċjetà u b'hekk jinkisbu impatt akbar fuq is-soċjetà u fiduċja akbar fix-xjenza; jitlob, għalhekk, li tittejjeb il-komunikazzjoni tax-xjenza u li jitwettqu kampanji ta' sensibilizzazzjoni, kif ukoll li jkun hemm involviment mill-qrib tas-soċjetà ċivili u tal-utenti finali mill-bidu tal-proċessi tar-R&I, inklużi organizzazzjonijiet rappreżentattivi ta' gruppi f'riskju ogħla ta' esklużjoni bħal persuni b'diżabilità u gruppi oħra sottorappreżentati fis-soċjetà, sabiex jiġu indirizzati kwistjonijiet kritiċi relatati mal-esklużjoni tagħhom fir-R&I, kif ukoll biex jiġi żgurat li t-teknoloġiji u l-innovazzjonijiet żviluppati sussegwentement tabilħaqq iservu lis-soċjetà u mhux bil-kontra;

34.  Jilqa' l-pjanijiet tal-Kummissjoni biex ittejjeb l-aċċess għall-istituzzjonijiet ta' eċċellenza u għall-infrastrutturi għar-riċerkaturi minn madwar l-UE; jissottolinja, madankollu, il-ħtieġa ta' appoġġ aktar immirat li għandu l-għan li jgħin biex jiġi eliminat id-distakk fir-R&I fl-Unjoni;

35.  Jissottolinja l-importanza li titnaqqas il-frammentazzjoni fl-aċċess għad-data tar-riċerka u jirrikonoxxi l-importanza tal-Cloud Ewropew tax-Xjenza Miftuħa (EOSC) fil-kuntest taż-"ŻER il-ġdida" li għandu l-għan li jlaqqa' flimkien il-partijiet ikkonċernati istituzzjonali, nazzjonali u Ewropej, inizjattivi u infrastrutturi tad-data sabiex tiġi żviluppata ekosistema inklużiva tax-xjenza miftuħa fl-UE; jitlob li l-parteċipazzjoni f'inizjattivi ta' xjenza miftuħa u ta' kondiviżjoni tad-data tiġi promossa billi jittejbu l-infrastrutturi Ewropej għall-kondiviżjoni tad-data u billi jitrawwem l-użu tal-istandards tad-data;

Karrieri

36.  Jisħaq fuq l-importanza li tissaħħaħ il-pożizzjoni tan-nisa u l-bniet biex jidħlu f'karrieri STEM u jitlob lill-Istati Membri u lill-Kummissjoni jfasslu miżuri biex itejbu l-kundizzjonijiet għan-nisa ħalli jaqbdu karrieri fir-riċerka u jnaqqsu l-effett tal-mod li bih in-nisa jsiru minoranzi sottorappreżentati fl-oqsma STEM; jitlob li l-attraenza tal-opportunitajiet ta' impjieg għar-riċerkaturi żgħażagħ u għall-gruppi sottorappreżentati tittejjeb, anke fid-dawl tal-kontribut kruċjali tan-nisa għall-attivitajiet xjentifiċi u ta' R&Ż, filwaqt li titnaqqas id-differenza bejn il-pagi tal-irġiel u tan-nisa fis-settur; jinkoraġġixxi lill-Istati Membri u lill-organizzazzjonijiet tar-riċerka, inklużi l-universitajiet, biex jappoġġjaw kondizzjonijiet u arranġamenti ta' xogħol flessibbli kemm għan-nisa kif ukoll għall-irġiel fir-R&I, inkluż biex jappoġġjaw il-kondiviżjoni ugwali tar-responsabbiltajiet ta' kura, u jirrieżaminaw il-valutazzjoni tal-prestazzjoni tar-riċerkaturi sabiex jiġi eliminat il-preġudizzju relatat mal-ġeneru; jinsisti, barra minn hekk, fuq integrazzjoni aħjar tad-dimensjoni tal-ġeneru fil-kontenut tar-R&I u fuq it-titjib tal-ġbir ta' data u riżultati diżaggregati;

37.  Jesprimi l-apprezzament tiegħu għall-inizjattiva tal-ERA4You ta' miżuri ta' mobilità mmirati bil-għan li jappoġġjaw lir-riċerkaturi fl-Istati Membri bi prestazzjoni baxxa fir-R&I biex jitgħallmu u jiżviluppaw l-eċċellenza u jrawmu l-mobilità tar-riċerkaturi bejn l-industrija u s-settur akkademiku;

38.  Jieħu nota tat-tnedija tal-Forum taż-ŻER għat-Tranżizzjoni biex jappoġġja lill-Istati Membri fil-koordinazzjoni u l-prijoritizzazzjoni tal-finanzjament u r-riformi nazzjonali tar-R&I;

39.  Jinnota li ċ-ċirkolazzjoni tat-talenti u l-opportunitajiet tar-R&I jvarjaw ħafna bejn l-Istati Membri; jemmen li l-Kummissjoni u l-Istati Membri għandhom jagħmlu ħilithom għaċ-ċirkolazzjoni tat-talent bħala moviment ċirkolari bbilanċjat tar-riċerkaturi, u b'hekk jindirizzaw il-problema tal-"eżodu ta' mħuħ"; iqis li l-kisba ta' tali bilanċ tirrikjedi azzjoni fil-livell Ewropew permezz ta' miżuri u strumenti ta' politika;

40.  Jenfasizza l-importanza ta' skemi ta' inċentivi li jħeġġu l-mobilità tar-riċerkaturi (Erasmus+, azzjonijiet Marie Skłodowska-Curie, Kunsill Ewropew tar-Riċerka); ifakkar, f'dan il-kuntest, fl-istudju dwar miżuri ta' appoġġ għar-riċerkaturi biex jirritornaw lejn l-Unjoni u lejn il-pajjiż ta' oriġini tagħhom fl-Unjoni, previst f'Orizzont Ewropa, li jista' jkun għodda utli biex tintwera l-ħtieġa ta' miżuri li jippromwovu r-ritorn tar-riċerkaturi;

41.  Jistieden lill-Kummissjoni tiżviluppa strumenti u miżuri ulterjuri biex jintlaħaq dan l-għan, pereżempju permezz taċ-Ċentri taż-ŻER u l-ERA4You, l-Azzjonijiet ta' Twessigħ u strumenti ta' appoġġ, sabiex jitfasslu u jiġu implimentati riformi fis-sistemi nazzjonali tar-R&I, bħall-Faċilità ta' Appoġġ għall-Politiki ta' Orizzont;

42.  Jilqa' l-inizjattiva li jiġi żviluppat sett ta' għodod biex jiġu appoġġjati l-karrieri fir-riċerka; jesprimi dispjaċir għall-fatt li l-Kummissjoni qed tippjana biss li tadottaha sal-2024 u jitlob l-adozzjoni bikrija tagħha sabiex ittejjeb il-mobilità, jiġu żviluppati l-kompetenzi u l-ħiliet, jiġu pprovduti korsijiet ta' taħriġ immirati u ttejjeb l-impjegabbiltà;

43.  Jitlob lill-Kummissjoni tidentifika u tkisser l-ostakli persistenti li jiffaċċjaw ir-riċerkaturi meta jikkunsidraw li jiċċaqilqu lejn pajjiżi u reġjuni Ewropej oħra, inklużi ostakli mhux relatati mar-riċerka, bħas-sigurtà soċjali, il-pensjonijiet u l-politiki dwar ir-riżorsi umani li jinvolvu sistemi ta' rikonoxximent u ta' premju, kif ukoll faċilitajiet għall-indukrar tat-tfal u bilanċ bejn ix-xogħol u l-ħajja privata; jistieden, għal dan il-għan, lill-Kummissjoni u lill-aġenziji nazzjonali jaħdmu flimkien u jtejbu l-ġbir u l-komparabbiltà tal-informazzjoni dwar ir-reklutaġġ u l-mobilità tar-riċerkaturi, u x-xejriet tal-iżvilupp tal-karriera;

44.  Jappoġġja l-pjan tal-Kummissjoni li tibni fuq il-fond tal-pensjoni pan-Ewropew għar-riċerkaturi (RESAVER) u tiżviluppa qafas komprensiv tal-karrieri tar-riċerkaturi biex tkompli tippromwovi l-mobilità transfruntiera u transsettorjali, ittejjeb il-komparabbiltà u t-trasparenza fir-rigward tal-opportunitajiet tal-karriera u tattira aħjar talent b'ħiliet għoljin minn pajjiżi terzi;

45.  Huwa konvint li r-riċerkaturi huma waħda mill-aktar riżorsi importanti tas-sistemi ta' riċerka, tal-innovazzjoni u tat-tkabbir sostenibbli u li dawn jeħtiġilhom jiġu pprovduti b'kundizzjonijiet adegwati biex iwettqu xogħolhom; jemmen ukoll li l-impjegaturi u l-finanzjaturi għandhom jiżguraw li l-kundizzjonijiet tax-xogħol għar-riċerkaturi jipprovdu l-flessibbiltà u l-awtonomija meqjusa essenzjali għal prestazzjoni tar-riċerka ta' suċċess, jippermettu kemm lin-nisa kif ukoll lill-irġiel jikkombinaw il-familja u x-xogħol, u jtejbu l-aċċess għall-infrastrutturi, il-qawwa komputazzjonali u l-opportunitajiet; jitlob li l-opportunitajiet offruti mill-mobilità virtwali tar-riċerkaturi jiġu rikonoxxuti b'mod sistematiku;

46.  Jenfasizza r-rwol essenzjali tal-ħiliet; huwa tal-fehma li "it-tqegħid tal-għarfien l-ewwel" jirrappreżenta wieħed mill-pilastri kruċjali taż-ŻER il-ġdida; jissottolinja r-rwol tal-universitajiet fil-promozzjoni tat-tagħlim tul il-ħajja, tal-ħiliet u tat-taħriġ mill-ġdid sabiex itejbu l-opportunitajiet għall-ħaddiema kollha u jissodisfaw il-ħtiġijiet tal-ħiliet tas-suq tax-xogħol li jirriżultaw mit-tranżizzjonijiet ekoloġiċi u diġitali u fil-kontribut għal irkupru malajr mill-kriżi tal-COVID-19;

47.  Jistieden lill-Kummissjoni taħdem flimkien mal-Istati Membri biex tidentifika politiki u proċeduri li jistgħu jappoġġjaw il-ġestjoni aħjar tal-karrieri fir-riċerka, inaqqsu l-prekarjetà, jippromwovu l-inklużjoni u d-diversità, u fl-aħħar mill-aħħar iżidu l-kwalità tax-xjenza prodotta;

Kundizzjonijiet li jippermettu r-riċerka

48.  Huwa tal-fehma li l-Unjoni għandha tkun mgħammra b'infrastrutturi u b'tagħmir ta' livell dinji sabiex twettaq attivitajiet ta' riċerka u innovazzjoni, tappoġġja lill-industriji u lill-SMEs, u tisfrutta l-potenzjal tal-innovazzjoni biex jintlaħqu l-objettivi tal-politika Ewropea;

49.  Jirrikonoxxi l-importanza tal-Forum Strateġiku Ewropew dwar il-pjan direzzjonali tal-Infrastrutturi tar-Riċerka għall-iżvilupp tal-infrastrutturi tar-R&I li jirrappreżentaw pilastru ewlieni taż-ŻER, u jissottolinja l-importanza tal-iżvilupp ta' infrastrutturi pan-Ewropej ġodda;

50.  Jistieden lill-istituzzjonijiet rilevanti jappoġġjaw lir-riċerkaturi żgħażagħ billi jipprovdu kundizzjonijiet u opportunitajiet adegwati u jadottaw miżuri urġenti, bħall-estensjoni tad-durata tal-għotjiet u tal-proġetti, l-aġġustament tal-iskadenzi u t-titjib tal-aċċess għall-faċilitajiet;

51.  Jitlob li jiġi promoss talent ġdid u dak eżistenti u li jiġi pprovdut punt fokali għall-iskambju u l-interazzjoni għar-riċerkaturi fl-istadji kollha tal-karrieri tagħhom, fl-oqsma kollha tal-Intelliġenza Artifiċjali, minħabba li din saret xprunatur ewlieni tal-innovazzjoni, it-tkabbir u l-kompetittività futuri u hija kruċjali biex jiġu indirizzati l-isfidi ewlenin li qed tiffaċċja s-soċjetà, bħat-tibdil fil-klima, l-enerġija u l-mobilità, ir-riżorsi tal-ikel u naturali, is-saħħa u s-soċjetajiet inklużivi; jenfasizza l-importanza li jitrawwem l-iżvilupp ta' "Ċentri taż-ŻER" madwar l-UE, li jiżdied l-aċċess għal dawn l-għodod u li jingħata kontribut għat-tnaqqis tad-distakk fil-ħiliet f'dak il-qasam;

52.  Jenfasizza li huwa kruċjali li tiġi żviluppata malajr EOSC abbażi tal-prinċipji FAIR; huwa mħasseb dwar il-progress bil-mod lejn dan l-objettiv; iħeġġeġ lill-Kummissjoni taċċellera l-espansjoni tal-EOSC fi spazju affidabbli ta' data dwar ir-R&I; ifakkar fl-importanza li jiġu konnessi l-inizjattivi kollha relatati mal-kondiviżjoni tad-data, bħal dawk relatati mal-ħolqien ta' Spazji Ewropej tad-Data għas-saħħa, l-enerġija, il-manifattura, il-mobilità, l-agrikoltura, il-finanzi, il-ħiliet u l-amministrazzjonijiet pubbliċi;

Prinċipji

53.  Jissottolinja li ż-ŻER ma tistax titlesta mingħajr libertà akkademika ggarantita fl-Unjoni; jilqa' l-prinċipju tal-libertà akkademika bħala pilastru fundamentali fiż-ŻER il-ġdida;

54.  Jistieden lill-Kummissjoni tiżgura li ż-ŻER tippromwovi r-rispett għal-libertà akkademika fil-pajjiżi Ewropej kollha sabiex tiġi ggarantita l-eċċellenza xjentifika, u f'konformità mal-Artikolu 13 tal-Karta tad-Drittijiet Fundamentali tal-Unjoni Ewropea;

55.  Jenfasizza l-ħtieġa li jiġu rrispettati l-prattiki etiċi u l-prinċipji etiċi fundamentali, kif ukoll l-istandards etiċi, kif iddokumentati fil-Kodiċijiet tal-Etika nazzjonali, settorjali jew istituzzjonali differenti; ifakkar fl-importanza li jiġu applikati l-prinċipji stabbiliti fl-Artikolu 19 tal-Programm Qafas Orizzont Ewropa dwar l-etika għall-programmi ta' riċerka tal-UE;

56.  Jisħaq fuq il-ħtieġa li ċ-ċittadini jiġu involuti biex jikkontribwixxu għall-iżvilupp ta' għarfien u innovazzjoni ġodda għas-soċjetà tagħna; jistieden lill-Kummissjoni ttejjeb id-djalogu mas-soċjetà, tqajjem is-sensibilizzazzjoni, tiffavorixxi parteċipazzjoni attiva fl-istadji kollha ta' inkjesta xjentifika, u b'hekk tippermetti liċ-ċittadini jfasslu b'mod konġunt soluzzjonijiet, jikkontribwixxu għall-ideat u joħolqu attitudnijiet kostruttivi fir-rigward tax-xjenza u l-missjoni tagħha; jistieden lill-istituzzjonijiet rilevanti jagħtu attenzjoni speċjali lill-opportunitajiet biex jiġu involuti ż-żgħażagħ u l-istudenti;

Id-dimensjoni globali

57.  Jisħaq li l-kooperazzjoni internazzjonali hija komponent importanti li jippermetti lill-ERA ttejjeb il-kondiviżjoni tal-għarfien u l-ħiliet, u ttejjeb il-kapaċitajiet tar-R&I;

58.  Jissottolinja li r-riforma taż-ŻER u l-aġġornament tal-approċċ strateġiku tal-UE u tal-Istati Membri għall-kollaborazzjoni internazzjonali lil hinn miż-ŻER jeħtieġ li jimxu id f'id; jitlob, għalhekk, li tiġi aġġornata l-komunikazzjoni tal-Kummissjoni tal-2012 dwar il-kollaborazzjoni internazzjonali fir-riċerka u l-innovazzjoni, li għandha tinkludi approċċ ġdid għall-kollaborazzjoni ma' pajjiżi b'introjtu baxx u medju;

o
o   o

59.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kummissjoni, lill-Kunsill u lill-Gvernijiet u lill-Parlamenti tal-Istati Membri.

(1) Is-sentenza tas-6 ta' Ottubru 2020, il-Kummissjoni vs l-Ungerija, C-66/18, EU:C:2020:792. (2) ĠU L 75, 22.3.2005, p. 67. (3) Ara r-Rapport dwar il-Progress taż-ŻER tal-2018.

Deċiżjoni tal-Parlament Ewropew tat-8 ta' Lulju 2021 dwar il-kompożizzjoni numerika tal-kumitati speċjali u l-kumitat ta' inkjesta (2021/2802(RSO))

P9_TA(2021)0354 B9-0414/2021

Il-Parlament Ewropew,

–  wara li kkunsidra l-proposta tal-Konferenza tal-Presidenti,

–  wara li kkunsidra d-deċiżjoni tiegħu tat-18 ta' Ġunju 2020 dwar it-twaqqif, ir-responsabbiltajiet, il-kompożizzjoni numerika u t-tul tal-mandat tal-kumitat speċjali għall-ġlieda kontra l-kanċer(1),

–  wara li kkunsidra d-deċiżjoni tiegħu tat-18 ta' Ġunju 2020 dwar it-twaqqif, ir-responsabbiltajiet, il-kompożizzjoni numerika u t-tul tal-mandat tal-kumitat speċjali dwar l-indħil barrani fil-proċessi demokratiċi kollha fl-Unjoni Ewropea, inkluża d-diżinformazzjoni(2),

–  wara li kkunsidra d-deċiżjoni tiegħu tat-18 ta' Ġunju 2020 dwar it-twaqqif, ir-responsabbiltajiet, il-kompożizzjoni numerika u t-tul tal-mandat tal-kumitat speċjali dwar l-intelliġenza artifiċjali f'era diġitali(3);

–  wara li kkunsidra d-deċiżjoni tiegħu tad-19 ta' Ġunju 2020 dwar it-twaqqif ta' kumitat ta' inkjesta inkarigat biex jinvestiga allegazzjonijiet ta' kontravvenzjoni u ta' amministrazzjoni ħażina fl-applikazzjoni tal-liġi tal-Unjoni fir-rigward tal-protezzjoni tal-annimali waqt it-trasport fl-Unjoni u lil hinn minnha, u d-definizzjoni tar-responsabbiltajiet, il-kompożizzjoni numerika u t-tul tal-mandat tiegħu(4),

–  wara li kkunsidra l-Artikoli 207 u 208 tar-Regoli ta' Proċedura tiegħu,

1.  Jiddeċiedi li jistabbilixxi kif ġej il-kompożizzjoni numerika tal-kumitati speċjali u l-kumitat ta' inkjesta:

2.  Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni għal skopijiet ta' informazzjoni.

(1) Testi adottati, P9_TA(2020)0160. (2) Testi adottati, P9_TA(2020)0161. (3) Testi adottati, P9_TA(2020)0162. (4) Testi adottati, P9_TA(2020)0163.

Riżoluzzjoni tal-Parlament Ewropew tat-8 ta' Lulju 2021 dwar il-każ ta' Ahmadreza Djalali fl-Iran (2021/2785(RSP))

P9_TA(2021)0355 RC-B9-0382/2021

Il-Parlament Ewropew,

–  wara li kkunsidra r-riżoluzzjonijiet preċedenti tiegħu, b'mod partikolari dawk tas-17 ta' Diċembru 2020 dwar l-Iran, b'mod partikolari l-każ ta' Nasrin Sotoudeh, ir-rebbieħa tal-Premju Sakharov 2012(1), tad-19 ta' Settembru 2019 dwar l-Iran, b'mod partikolari s-sitwazzjoni tad-difensuri tad-drittijiet tan-nisa u ċ-ċittadini tal-UE b'ċittadinanza doppja miżmuma priġunieri(2), tat-13 ta' Diċembru 2018 dwar l-Iran, b'mod partikolari l-każ ta' Nasrin Sotoudeh(3) u tal-31 ta' Mejju 2018 dwar is-sitwazzjoni ta' persuni b'ċittadinanza doppja UE-Iran mitfugħa l-ħabs(4),

–  wara li kkunsidra d-dikjarazzjonijiet dwar l-Iran tat-18 ta' Marzu 2021 maħruġa mill-Uffiċċju tal-Kummissarju Għoli tan-NU għad-Drittijiet tal-Bniedem li talbu l-ħelsien immedjat ta' Dr Ahmadreza Djalali u tal-25 ta' Novembru 2020 li appellaw lill-Iran biex iwaqqaf l-eżekuzzjoni tiegħu, kif ukoll l-opinjoni tal-Grupp ta' Ħidma tiegħu dwar id-Detenzjoni Arbitrarja tal-24 ta' Novembru 2017 rigward Ahmadreza Djalali (Repubblika Iżlamika tal-Iran),

–  wara li kkunsidra d-dikjarazzjoni tar-Rapporteur Speċjali tan-NU dwar is-sitwazzjoni tad-drittijiet tal-bniedem fir-Repubblika Iżlamika tal-Iran tas-26 ta' Ottubru 2020 li tħeġġeġ ir-responsabbiltà għal repressjonijiet vjolenti ta' protesta, u r-rapport tiegħu tal-21 ta' Lulju 2020 dwar is-sitwazzjoni tad-drittijiet tal-bniedem fir-Repubblika Iżlamika tal-Iran,

–  wara li kkunsidra l-5 Djalogu ta' Livell Għoli UE-Iran tad-9 ta' Diċembru 2020,

–  wara li kkunsidra l-linji gwida tal-UE dwar il-piena tal-mewt, dwar it-tortura u trattament krudili ieħor, dwar il-libertà tal-espressjoni online u offline, u dwar id-difensuri tad-drittijiet tal-bniedem,

–  wara li kkunsidra l-Patt Internazzjonali dwar id-Drittijiet Ċivili u Politiċi tal-1966, li l-Iran huwa firmatarju tiegħu, u s-salvagwardji kontra t-tortura u d-detenzjoni arbitrarja stabbiliti fil-Kostituzzjoni Iranjana,

–  wara li kkunsidra l-elezzjoni presidenzjali tal-Iran tat-18 ta' Ġunju 2021,

–  wara li kkunsidra d-Dikjarazzjoni Universali tad-Drittijiet tal-Bniedem tal-1948,

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi ċ-ċittadin Svediż-Iranjan Dr Ahmadreza Djalali, li jispeċjalizza fil-mediċina ta' emerġenza u huwa akkademiku fil-Vrije Universiteit Brussel tal-Belġju u fl-Università del Piemonte Orientale tal-Italja, ġie arrestat fl-24 ta' April 2016 mill-forzi tas-sigurtà Iranjani; billi ġie kkundannat għall-mewt fuq akkużi foloz ta' spjunaġġ f'Ottubru 2017 wara proċess inġust għall-aħħar ibbażat fuq konfessjoni miksuba taħt tortura; billi s-sentenza ġiet ikkonfermata mill-Qorti Suprema tal-Iran fis-17 ta' Ġunju 2018. billi f'ittra li kiteb fil-ħabs ta' Evin f'Tehran, huwa ddikjara li kien inżamm il-ħabs matul vjaġġ fl-Iran talli rrifjuta li jispjuna fuq l-istituzzjonijiet Ewropej; billi fl-24 ta' Novembru 2020 ġie infurmat mill-uffiċċju tal-prosekutur li l-eżekuzzjoni tiegħu kienet imminenti u mbagħad ġie ttrasferit għal reklużjoni solitarja għal aktar minn 100 jum sa April 2021, u wara ġie ttrasferit għal waħda mis-sezzjonijiet ġenerali tal-bini; billi ġie miċħud żjarat u telefonati mal-familja tiegħu fl-Iżvezja; billi l-piena tal-mewt tiegħu ma ġietx mibdula minn mindu ġiet ttrasferit għas-sezzjoni ġenerali; billi kellu biss aċċess intermittenti għall-avukat tiegħu f'dawn l-aħħar seba' xhur u ma kellu l-ebda aċċess qabel dan;

B.  billi f'Novembru 2017, il-Grupp ta' Ħidma tan-NU dwar id-Detenzjoni Arbitrarja kkonkluda li ċ-ċaħda tal-libertà ta' Dr Ahmadreza Djalali – bi ksur tal-Artikoli 3, 5, 8, 9, 10 u 11 tad-Dikjarazzjoni Universali tad-Drittijiet tal-Bniedem u l-Artikoli 7, 9, 10 u 14 tal-Patt Internazzjonali dwar id-Drittijiet Ċivili u Politiċi – hija arbitrarja u talab il-ħelsien tiegħu;

C.  billi l-istat tas-saħħa ta' Dr Ahmadreza Djalali sar kritiku wara xhur ta' reklużjoni solitarja fit-tul; billi ilu mċaħħad mill-kura medika minn barra l-ħabs sa mill-2016 u ġie mġiegħel jibqa' f'kamra b'dawl qawwi kontinwament mixgħul; billi l-kundizzjoni fiżika u psikoloġika tiegħu ddeterjorat b'mod sever minn dak iż-żmien 'l hawn, b'sintomi li jinkludu t-tiċħid mill-irqad, telf drammatiku tal-piż u diffikultà biex jitkellem;

D.  billi l-Iran b'mod attiv qed jibgħat il-ħabs lil ċittadini barranin sabiex jirrikatta gvernijiet barranin; billi mill-inqas tnax-il ċittadin tal-UE qed jinżammu b'mod arbitrarju fl-Iran; billi l-akkademika Franċiża-Iranjana Fariba Adelkhah, Direttur tar-Riċerka f'Sciences Po f'Pariġi, ilha arrestata b'mod arbitrarju minn Ġunju 2019, l-ewwel fil-ħabs ta' Evin u mbagħad taħt arrest domiċiljari minn Ottubru 2020; billi l-fotografu Franċiż Benjamin Brière ilu miżmum arbitrarjament mis-26 ta' Mejju 2020 fil-ħabs ta' Mashhad u billi akkużi ta' spjunaġġ tressqu kontrih fit-30 ta' Mejju 2021; billi Nahid Taghavi, ċittadina Ġermaniża-Iranjana, ilha miżmuma b'mod arbitrarju minn Ottubru 2020 fil-ħabs ta' Evin taħt akkużi dubjużi ta' sigurtà nazzjonali; billi l-Iran ma jirrikonoxxix iċ-ċittadinanza doppja, u b'hekk jillimita l-aċċess tal-ambaxxati barranin għaċ-ċittadini tagħhom b'ċittadinanza doppja;

E.  billi l-Iran qed iżomm ukoll b'mod arbitrarju liċ-ċittadini tiegħu stess f'kundizzjonijiet miżeri; billi l-qrati spiss jiċħdu lill-konvenuti d-dritt ta' proċess ġust u jirrestrinġu l-konsulenza legali u ż-żjarat minn awtoritajiet konsulari u min-NU u organizzazzjonijiet umanitarji; billi s-sentenzi spiss ikunu bbażati fuq allegazzjonijiet mhux sostanzjati; billi s-sistema ġudizzjarja u l-imħallfin tal-Iran huma bogħod milli jkunu indipendenti u ma jissodisfawx l-istandards internazzjonali; billi l-awtoritajiet Iranjani ma investigawx allegazzjonijiet ta' tortura u każijiet serji oħra ta' ksur tad-drittijiet tad-detenuti; billi l-fastidju ġudizzjarju qed jintuża biex isikket lid-difensuri tad-drittijiet tal-bniedem;

F.  billi l-Iran għandu l-ogħla numru ta' eżekuzzjonijiet fid-dinja għal kull abitant;

G.  billi l-UE u l-Istati Membri tagħha kontinwament impenjaw ruħhom f'taħditiet diplomatiċi biex itejbu r-relazzjonijiet mal-Iran, u dan wassal għall-adozzjoni tal-Pjan ta' Azzjoni Komprensiv Konġunt fit-18 ta' Ottubru 2015; billi l-UE tibqa' impenjata li ttejjeb ir-relazzjonijiet taħt ċerti kundizzjonijiet; billi r-rispett għad-drittijiet tal-bniedem huwa komponent essenzjali għall-iżvilupp ulterjuri ta' dawn ir-relazzjonijiet;

1.  Jistieden lill-Iran, taħt il-President Ebrahim Raisi li għadu kif ġie elett, biex iwaqqaf l-eżekuzzjoni imminenti tal-akkademiku Svediż-Iranjan Dr Ahmadreza Djalali, biex jagħtih maħfra u jeħilsu immedjatament u mingħajr kundizzjonijiet, u biex jippermettilu jirritorna lejn il-familja tiegħu fl-Iżvezja; jikkundanna bil-qawwa t-tortura, id-detenzjoni arbitrarja u l-piena tal-mewt tiegħu fuq akkużi mhux sostanzjati kif dokumentat fl-opinjoni tal-2017 tal-Grupp ta' Ħidma tal-Uffiċċju tal-Kummissarju Għoli tan-NU għad-Drittijiet tal-Bniedem dwar id-Detenzjoni Arbitrarja; iħeġġeġ lill-Iran, sakemm dan ta' hawn fuq jibqa' pendenti, jikkonċedilu immedjatament kuntatt regolari mal-familja u l-avukat tiegħu, jiggarantixxi s-sikurezza tiegħu u jipprovdilu kura medika urġenti u adegwata; jistieden lill-Iran biex jieqaf jhedded lill-familja tiegħu fl-Iżvezja u fl-Iran;

2.  Jiddeplora l-politika stabbilita tal-Iran ta' detenzjoni arbitrarja ta' ċittadini tal-UE, tar-Renju Unit u ta' ċittadini oħra biex jikseb mingħandhom konfessjonijiet politiċi;

3.  Iħeġġeġ lill-Iran iwaqqa' minnufih l-akkużi kollha kontra Dr Ahmadreza Djalali, kif ukoll iċ-ċittadini kollha tal-UE miżmuma b'mod arbitrarju, inklużi ċ-ċittadini Ġermaniżi Nahid Taghavi u Jamshid Sharmahd, iċ-ċittadini Franċiżi Benjamin Brière u Fariba Adelkhah, li għadha taħt projbizzjoni fuq l-ivvjaġġar, u ċ-ċittadini Awstrijaċi Kamran Ghaderi u Massud Mossaheb, kif ukoll iċ-ċittadini tar-Renju Unit Morad Tahbaz, Anoosheh Ashoori, Mehran Raoof u Nazanin Zaghari-Ratcliffe, li tibqa' taħt arrest domiċiljari;

4.  Jiddispjaċih profondament dwar il-fatt li mir-riżoluzzjoni tal-Parlament tas-17 ta' Diċembru 2020, l-ebda Stat Membru tal-UE ma rnexxielu jżur ċittadini tal-UE miżmuma b'mod arbitrarju, inkluż Dr Ahmadreza Djalali; itenni l-appell urġenti tiegħu lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) u lill-Istati Membri tal-UE biex jagħmlu ħilithom kollha biex jipprevjenu l-eżekuzzjoni ta' Dr Ahmadreza Djalali;

5.  Jistieden lill-Kunsill jikkunsidra aktar sanzjonijiet immirati, inkluż l-iffriżar tal-assi tal-uffiċjali u l-entitajiet tar-reġim Iranjan involuti fid-detenzjoni arbitrarja u l-għoti ta' pieni tal-mewt lil ċittadini tal-UE, inkluż, fil-każ tad-detenzjoni kontinwa ta' Dr Ahmadreza Djalali, jew bl-użu tar-reġim ta' sanzjonijiet attwali tal-UE dwar id-drittijiet tal-bniedem kontra l-Iran jew ir-Reġim Globali ta' Sanzjonijiet tal-UE b'rabta mad-Drittijiet tal-Bniedem (l-Att Magnitsky tal-UE);

6.  Jilqa' ż-żieda, wara r-rwol tagħhom fil-qtil ta' mill-inqas 303 dimostranti fl-2019, ta' tmien individwi Iranjani u tliet entitajiet Iranjani għar-reġim ta' sanzjonijiet tal-UE fit-12 ta' April 2021, li poġġihom taħt l-iffriżar tal-assi u l-projbizzjonijiet fuq l-ivvjaġġar; jinnota li din hija l-ewwel darba li l-UE ħadet deċiżjoni bħal din mill-2013 'l hawn;

7.  Itenni l-oppożizzjoni qawwija tiegħu għall-piena tal-mewt fiċ-ċirkostanzi kollha u jenfasizza li ma tista' tintuża l-ebda ġustifikazzjoni morali, legali jew reliġjuża; jistieden lill-Iran jintroduċi moratorju immedjat fuq l-użu tal-piena tal-mewt, bħala pass lejn l-abolizzjoni tagħha;

8.  Jistieden lill-Iran jeħles ukoll lill-priġunieri politiċi, inklużi d-difensuri tad-drittijiet tal-bniedem, peress li dawn ġew miżmuma b'mod arbitrarju sempliċement talli eżerċitaw id-drittijiet fundamentali tagħhom għal-libertajiet tal-espressjoni, tat-twemmin, tal-assoċjazzjoni, tal-pubblikazzjoni, tal-għaqda paċifika u tal-libertà tal-midja; jistieden lill-Iran jinvestiga b'mod xieraq l-uffiċjali responsabbli għall-każijiet ta' ksur serji tad-drittijiet tal-bniedem, inkluż l-użu ta' forza eċċessiva u letali fuq id-dimostranti; jiddenunzja l-użu sistematiku ta' reklużjoni solitarja fit-tul bi ksur tal-obbligi internazzjonali tal-Iran;

9.  Iħeġġeġ lill-Kunsill iqajjem il-każijiet ta' ksur tad-drittijiet tal-bniedem fir-relazzjonijiet bilaterali tiegħu mal-Iran, f'konformità mad-dikjarazzjoni maħruġa b'mod konġunt mill-VP/RGħ u l-Ministru tal-Affarijiet Barranin Iranjan f'April 2016; jistieden lis-Servizz Ewropew għall-Azzjoni Esterna jkompli jqajjem kwistjonijiet tad-drittijiet tal-bniedem fil-kuntest tad-Djalogu ta' Livell Għoli UE-Iran; jistieden lill-UE u lill-Istati Membri tagħha jsaħħu l-protezzjoni u l-appoġġ tagħhom għad-difensuri tad-drittijiet tal-bniedem, b'mod partikolari n-nisa, inkluż permezz ta' għotjiet ta' emerġenza fil-qafas tal-Istrument Ewropew għad-Demokrazija u għad-Drittijiet tal-Bniedem;

10.  Jikkundanna bil-qawwa s-sitwazzjoni tad-drittijiet tal-bniedem li qed tiddeterjora b'mod sostnut fl-Iran għall-persuni li jagħmlu parti minn minoranzi reliġjużi u etniċi, minħabba diskriminazzjoni politika, ekonomika, soċjali u kulturali sistematika; jiddeplora l-eskalazzjoni allarmanti fl-użu tal-piena tal-mewt kontra d-dimostranti, id-dissidenti u l-membri ta' gruppi minoritarji;

11.  Jistieden lill-Iran jippermetti żjarat mill-Kunsill tad-Drittijiet tal-Bniedem tan-NU u jikkoopera bis-sħiħ mal-proċeduri speċjali kollha tiegħu, inkluż ir-Rapporteur Speċjali tan-NU dwar is-sitwazzjoni tad-drittijiet tal-bniedem fir-Repubblika Iżlamika tal-Iran;

12.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Viċi-President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, lis-Segretarju Ġenerali tan-NU, lill-Mexxej Suprem u lill-President tar-Repubblika Iżlamika tal-Iran u lill-Membri tal-Majles tal-Iran.

(1) Testi adottati, P9_TA(2020)0376. (2) ĠU C 171, 6.5.2021, p. 17. (3) ĠU C 388, 13.11.2020, p. 127. (4) ĠU C 76, 9.3.2020, p. 139.

Riżoluzzjoni tal-Parlament Ewropew tat-8 ta' Lulju 2021 dwar Hong Kong, b'mod partikolari l-każ ta' Apple Daily (2021/2786(RSP))

P9_TA(2021)0356 RC-B9-0385/2021

Il-Parlament Ewropew,

–  wara li kkunsidra r-riżoluzzjonijiet preċedenti kollha tiegħu dwar Hong Kong, b'mod partikolari dawk tal-21 ta' Jannar 2021 dwar ir-repressjoni tal-oppożizzjoni demokratika f'Hong Kong(1), tad-19 ta' Ġunju 2020 dwar il-liġi tal-PRC dwar is-sigurtà nazzjonali għal Hong Kong u l-ħtieġa li l-UE tiddefendi l-livell għoli ta' awtonomija ta' Hong Kong(2), tat-18 ta' Lulju 2019 dwar is-sitwazzjoni f'Hong Kong(3) u tal-24 ta' Novembru 2016 dwar il-każ ta' Gui Minhai, pubblikatur inkarċerat fiċ-Ċina(4),

–  wara li kkunsidra r-riżoluzzjonijiet preċedenti tiegħu dwar iċ-Ċina, b'mod partikolari dawk tal-20 ta' Mejju 2021 dwar il-kontrosanzjonijiet Ċiniżi fuq entitajiet tal-UE, Membri tal-PE u Deputati nazzjonali(5), tat-12 ta' Settembru 2018 dwar il-qagħda tar-relazzjonijiet UE-Ċina(6) u tas-16 ta' Diċembru 2015 dwar ir-relazzjonijiet UE-Ċina(7),

–  wara li kkunsidra r-rakkomandazzjoni tiegħu tat-13 ta' Diċembru 2017 lill-Kunsill, lill-Kummissjoni u lill-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) dwar Hong Kong, 20 sena wara li għadda f'idejn iċ-Ċina(8),

–  wara li kkunsidra d-dikjarazzjoni konġunta tal-Membri tal-Parlament Ewropew David McAllister u Reinhard Bütikofer dwar il-liġi l-ġdida dwar is-sigurtà nazzjonali f'Hong Kong tal-1 ta' Lulju 2020,

–  wara li kkunsidra l-istqarrija għall-istampa tal-Konferenza tal-Presidenti tal-Parlament Ewropew tas-6 ta' Lulju 2020,

–  wara li kkunsidra d-dikjarazzjonijiet tal-Kelliem tas-Servizz Ewropew għall-Azzjoni Esterna (SEAE) tat-23 ta' Ġunju 2021 dwar l-għeluq tal-operazzjonijiet f'Hong Kong ta' Apple Daily u tas-17 ta' April 2021 dwar is-sentenzjar ta' attivisti favur id-demokrazija f'Hong Kong, id-dikjarazzjoni tad-9 ta' Ġunju 2021 tal-VP/RGħ dwar il-bidliet fis-sistema elettorali ta' Hong Kong, id-dikjarazzjonijiet tal-VP/RGħ f'isem l-UE tal-11 ta' Marzu 2021 dwar is-sistema elettorali ta' Hong Kong u tas-7 ta' Jannar 2021 dwar l-arrest tal-massa ta' persuni involuti fl-elezzjonijiet primarji favur id-demokrazija ta' Lulju 2020, u l-istqarrijiet u d-dikjarazzjonijiet l-oħrajn kollha dwar is-sitwazzjoni f'Ħong Kong,

–  wara li kkunsidra d-dikjarazzjoni tal-VP/RGħ tat-2 ta' Mejju 2021 f'isem l-UE fl-okkażjoni tal-Jum Dinji għal-Libertà tal-Istampa,

–  wara li kkunsidra r-rapport annwali tal-UE dwar l-iżviluppi politiċi u ekonomiċi fl-2020 tat-12 ta' Marzu 2021,

–  wara li kkunsidra t-13-il Djalogu Strutturat Annwali, li sar f'Hong Kong fit-28 ta' Novembru 2019,

–  wara li kkunsidra l-konklużjonijiet tal-Kunsill tat-28 ta' Lulju 2020 dwar Hong Kong,

–  wara li kkunsidra l-Patt Internazzjonali dwar id-Drittijiet Ċivili u Politiċi (ICCPR) tas-16 ta' Diċembru 1966, u t-tħassib imqajjem mill-Kumitat tad-Drittijiet tal-Bniedem tan-NU fil-Lista ta' Kwistjonijiet tiegħu dwar Hong Kong tas-26 ta' Awwissu 2020,

–  wara li kkunsidra d-dikjarazzjoni tal-24 ta' Ġunju 2021 tal-Kummissarju Għoli tan-NU għad-Drittijiet tal-Bniedem, Michelle Bachelet, li l-liġi l-ġdida dwar is-sigurtà nazzjonali ta' Hong Kong kienet qed twassal lill-ġurnalisti biex "jiċċensuraw lilhom infushom" biex jevitaw li jħabbtu wiċċhom ma' "reati fformulati b'mod vag", u d-dikjarazzjoni tagħha tal-21 ta' Ġunju 2021 waqt is-47 sessjoni tal-Kunsill tad-Drittijiet tal-Bniedem,

–  wara li kkunsidra l-appell tal-esperti tan-NU tas-26 ta' Ġunju 2020 għal miżuri deċiżivi favur il-protezzjoni tal-libertajiet fundamentali fiċ-Ċina,

–  wara li kkunsidra l-adozzjoni tal-Liġi dwar is-Sigurtà Nazzjonali f'Hong Kong mill-Kumitat Permanenti tal-Kungress Nazzjonali tal-Poplu Ċiniż fit-30 ta' Ġunju 2020,

–  wara li kkunsidra l-komunikat tas-Summit tal-G7 tat-13 ta' Ġunju 2021 u d-dikjarazzjoni tal-G7 tat-12 ta' Marzu 2021 dwar il-bidliet elettorali f'Hong Kong,

–  wara li kkunsidra l-Liġi Bażika tar-Reġjun Amministrattiv Speċjali ta' Hong Kong (HKSAR), adottata fl-4 ta' April 1990, li daħlet fis-seħħ fl-1 ta' Lulju 1997,

–  wara li kkunsidra d-Dikjarazzjoni Konġunta tal-Gvern tar-Renju Unit u tal-Gvern tar-Repubblika tal-Poplu taċ-Ċina dwar il-Kwistjoni ta' Hong Kong tad-19 ta' Diċembru 1984, magħrufa wkoll bħala d-Dikjarazzjoni Konġunta Sino-Brittanika,

–  wara li kkunsidra l-komunikazzjoni konġunta tal-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà lill-Parlament Ewropew u lill-Kunsill tat-12 ta' Marzu 2019 bit-titolu "UE-Ċina – Perspettiva strateġika" (JOIN(2019)0005),

–  wara li kkunsidra l-politika ta' "Ċina Waħda" tal-UE u l-prinċipju ta' "pajjiż wieħed, żewġ sistemi",

–  wara li kkunsidra d-Dikjarazzjoni Universali tad-Drittijiet tal-Bniedem tal-1948,

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi l-promozzjoni u r-rispett tad-drittijiet tal-bniedem, id-demokrazija u l-istat tad-dritt għandhom jibqgħu fil-qofol tar-relazzjoni twila ta' bejn l-UE u ċ-Ċina, bi qbil mal-impenn tal-UE li tiddefendi dawn il-valuri fl-azzjoni esterna tagħha u l-interess li wriet iċ-Ċina li tirrispettahom fl-iżvilupp u fil-kooperazzjoni internazzjonali tagħha;

B.  billi fis-17 ta' Ġunju 2021, 500 pulizija armat ta' Hong Kong wettqu rejd fl-uffiċċji tal-akbar gazzetta favur l-oppożizzjoni, l-Apple Daily, ġiegħlu lill-ġurnalisti jitilqu min-newsroom, u fittxew fil-kompjuters, telefons u materjal ġurnalistiku tal-ġurnalisti, fl-ewwel każ li fih l-awtoritajiet qiesu li xi artikli tal-midja setgħu kisru l-Liġi dwar is-Sigurtà Nazzjonali ta' Hong Kong; billi ħamsa mill-eżekuttivi għolja u l-edituri tal-karta ġew arrestati, inklużi l-Kap Editur Ryan Law, il-Kap Eżekuttiv Cheung Kim-hung, l-Uffiċjal Operattiv Ewlieni Royston Chow, il-Pubblikatur Assoċjat Chan Puiman u d-Direttur ta' Apple Daily Digital Cheung Chi-wai;

C.  billi, skont kelliem tal-pulizija ta' Hong Kong, id-diriġenti u l-edituri tal-gazzetta ġew arrestati minħabba r-rwol tagħhom fil-pubblikazzjoni ta' aktar minn 30 artiklu li kienu jitolbu lill-pajjiżi barranin jimponu sanzjonijiet b'rabta mal-liġi dwar is-sigurtà nazzjonali; billi dawn it-talbiet ġew ikkunsidrati mill-awtoritajiet ta' Hong Kong bħala kollużjoni ma' pajjiżi barranin li tipperikola s-sigurtà nazzjonali;

D.  billi fit-23 ta' Ġunju 2021, il-pulizija arrestat ukoll lill-kittieb editorjali tar-rivista China Beat ta' Apple Daily Yeung Ching-kee (magħruf ukoll bħala Li Ping) u akkużatu wkoll b'"konfoffa biex jikkolludi ma' forzi barranin", filwaqt li l-kittieb editorjali anzjan ta'Apple Daily Fung Wai-kwong (magħruf ukoll bħala Lo Fung) ġie arrestat fis-27 ta' Ġunju 2021 għall-istess reat;

E.  billi, wara l-iffriżar tal-assi kollha tagħha (madwar EUR 2 miljun) mill-awtoritajiet ta' Hong Kong abbażi tal-liġi dwar is-sigurtà nazzjonali, Apple Daily ġiet imġiegħla tagħlaq definittivament fl-24 ta' Ġunju 2021 wara 26 sena ta' attività; billi aktar minn 800 membru tal-persunal ta' Apple Daily tilfu l-impjieg tagħhom u x'aktarx ma jerġgħux jiġu impjegati f'Hong Kong;

F.  billi l-fundatur ta' Apple Daily, Jimmy Lai, qed jiskonta piena ta' 20 xahar ħabs għall-involviment tiegħu fil-moviment ta' protesta tal-2019 u qed jiffaċċja aktar akkużi fl-ambitu tal-liġi dwar is-sigurtà nazzjonali li possibbilment iwasslu għal sentenza ta' għomor il-ħabs; billi Apple Daily dejjem kienet vuċi miftuħa u kritika fil-konfront tat-tmexxija taċ-Ċina u ta' Hong Kong u kienet l-unika gazzetta bil-lingwa Ċiniża f'Hong Kong li kienet ħielsa mill-kontroll tal-Gvern Ċiniż;

G.  billi l-liġi dwar is-sigurtà nazzjonali ppermettiet li uffiċjal wieħed, jiġifieri s-Segretarju għas-Sigurtà ta' Hong Kong, jiffriża l-assi kollha ta' Apple Daily, mingħajr akkuża formali jew proċess ġust, sempliċiment abbażi ta' allegazzjonijiet ta' ksur tal-liġi dwar is-sigurtà nazzjonali; billi tali proċedura tista' tiġi applikata għal kwalunkwe entità kkwotata fil-borza jew għal kwalunkwe kumpanija li sempliċiment tagħmel negozju f'Hong Kong;

H.  billi t-30 ta' Ġunju 2021 kien l-ewwel anniversarju tad-dħul fis-seħħ tal-liġi dwar is-sigurtà nazzjonali; billi l-awtoritajiet kienu ħabbru li l-liġi kien se jkollha fil-mira tagħha biss "minoranza estrema" li thedded is-sigurtà pubblika; billi, madankollu, matul perjodu ta' sena, il-liġi ġiet applikata biex iżżarma kompletament is-soċjetà ħielsa ta' Hong Kong fuq kważi kull front, abbażi ta' sensiela ta' akkużi definiti b'mod vag bħal "subverżjoni", "seċessjoni" u "kollużjoni ma' forzi barranin", u ttrasformat għall-aħħar ix-xenarju politiku u ġuridiku ta' Hong Kong u ħonqot il-libertà tal-istampa u l-espressjoni libera tal-opinjonijiet; billi s-sigurtà nazzjonali ntużat biex tiġġustifika ċ-ċensura, il-fastidju, l-arresti u l-prosekuzzjonijiet li sistematikament kellhom fil-mira tagħhom lir-rappreżentanti politiċi u eletti, lill-attivisti, lill-istudenti u lill-ġurnalisti fil-kamp favur id-demokrazija; billi huwa stmat li 128 persuna ġew arrestati fl-ambitu tal-liġi dwar is-sigurtà nazzjonali u 64 persuna ġew akkużati formalment, li minnhom 47 bħalissa jinsabu f'arrest preventiv; billi l-liġi dwar is-sigurtà nazzjonali tikser kompletament il-prinċipju ta' "pajjiż wieħed, żewġ sistemi"; billi l-erożjoni tal-libertajiet tal-istampa tmur ukoll kontra l-aspirazzjoni ta' Hong Kong bħala ċentru kummerċjali internazzjonali;

I.  billi, mid-dħul fis-seħħ tagħha, il-liġi dwar is-sigurtà nazzjonali ntużat biex tintimida, tattakka u saħansitra tagħmel ħsara lill-ġurnalisti u lill-media, li kienu diġà bdew iħallu l-impjieg tagħhom b'riżultat ta' dan; billi mill-inqas 10 ġurnalist u difensuri tal-libertajiet tal-istampa bħalissa qed jiffaċċjaw sentenzi potenzjali ta' għomor il-ħabs; billi l-għeluq furzat ta' Apple Daily, ibbażat fuq akkużi li l-attivitajiet tagħha jikkostitwixxu theddida għas-sigurtà nazzjonali, jikkostitwixxi t-tmiem definittiv tal-libertà tal-media u tal-libertà tal-espressjoni f'Hong Kong;

J.  billi fis-27 ta' Ġunju 2021, Stand News, entità tal-media indipendenti oħra, ħabbret li kienet ħassret l-artikoli kollha tal-opinjoni mis-sit web tagħha filwaqt li sitt diretturi tagħha rriżenjaw; billi l-Assoċjazzjoni tal-Ġurnalisti ta' Hong Kong wissiet sabiex ma jkunx hemm aktar arresti ta' ġurnalisti u rrappurtat li l-awtoritajiet fasslu lista ta' individwi li għandhom jiġu arrestati fl-ambitu tal-liġi dwar is-sigurtà nazzjonali;

K.  billi mill-inqas żewġ imħallfin barranin irriżenjaw mill-pożizzjoni tagħhom u kkwotaw l-liġi dwar is-sigurtà nazzjonali bħala r-raġuni ewlenija; billi f'Ġunju ta' din is-sena l-leġiżlaturi favur Beijing intervjenew b'suċċess, għall-ewwel darba, fil-ħatra ta' mħallef anzjan fil-Qorti tal-Appell Finali ta' Hong Kong, f'dak li jidher li huwa l-ewwel pass konkret fit-tentattiv li tiġi mminata l-indipendenza tal-ġudikatura;

L.  billi l-awtoritajiet ta' Hong Kong introduċew hotline għall-informaturi fil-qafas tal-Liġi dwar is-Sigurtà Nazzjonali; billi l-materjal edukattiv u l-kurrikuli fl-iskejjel primarji u sekondarji, inklużi l-iskejjel internazzjonali li fihom jattendu t-tfal barranin, issa qed jiġu eżaminati abbażi tal-prinċipji tal-liġi dwar is-sigurtà nazzjonali;

M.  billi 10 personalitajiet prominenti favur id-demokrazija, jiġifieri Martin Lee, Albert Ho, Jimmy Lai, Margaret Ng, Cyd Ho, Lee Cheuk-yan, Leung Kwok-hung, Au Nok-hin, Leung Yiu-chung u Yeung Sum, fis-16 ta' April f'Hong Kong, ġew ikkundannati f'żewġ każijiet separati, għall-involviment paċifiku tagħhom fil-protesti; billi s-sentenzi tagħhom ivarjaw minn sentenzi ta' ħabs li jvarjaw bejn 8 u 18-il xahar, u sentenzi ta' ħabs sospiżi li jvarjaw minn 8 sa 12-il xahar f'ħamsa mill-każijiet; billi dawn l-aħħar deċiżjonijiet isegwu l-kundanna ta' Joshua Wong u Sze-yiu Koo fit-13 ta' April; billi l-priġunerija twila ta' wħud mill-individwi għal atti mhux vjolenti meta eżerċitaw drittijiet ċiviċi protetti hija sinjal ulterjuri tat-tnaqqis kontinwu tal-ispazju demokratiku u l-erożjoni tal-libertajiet fundamentali f'Hong Kong;

N.  billi l-Liġi dwar is-Sigurtà Nazzjonali de jure u de facto qed tikser b'mod ċar id-Dikjarazzjoni Konġunta Sino-Brittanika tal-1984 u l-Liġi Bażika tal-1990 tal-HKSAR, li tiggarantixxi l-awtonomija u l-indipendenza tal-poteri eżekuttivi, leġiżlattivi u ġudizzjarji tal-pajjiż, kif ukoll id-drittijiet u l-libertajiet bażiċi bħal-libertà tal-kelma, tal-għaqda, tal-assoċjazzjoni u tal-istampa għal 50 sena wara t-trasferiment tas-sovranità; billi l-Liġi dwar is-Sigurtà Nazzjonali timpedixxi wkoll lil Hong Kong milli jikkonforma mal-obbligi internazzjonali tiegħu dwar id-drittijiet tal-bniedem, inkluż l-ICCPR; billi kemm id-Dikjarazzjoni Konġunta kif ukoll il-Liġi Bażika jistabbilixxu l-prinċipju ta' "pajjiż wieħed, żewġ sistemi" kif miftiehem bejn iċ-Ċina u r-Renju Unit;

O.  billi l-UE u l-Parlament Ewropew dejjem appoġġjaw bis-sħiħ il-prinċipju ta' "pajjiż wieħed, żewġ sistemi" u l-preservazzjoni tal-livell għoli ta' awtonomija ta' Hong Kong f'konformità mal-Liġi Bażika u l-impenji internazzjonali, u billi l-UE għandha interess qawwi fit-tkomplija tal-istabbiltà u l-prosperità ta' Hong Kong skont dan il-prinċipju; billi fiċ-ċirkostanzi attwali dawn il-prinċipji qegħdin jiddgħajfu u jinġiebu fix-xejn b'mod inevitabbli u irriversibbli;

P.  billi l-UE għad għandha tħassib serju rigward il-Liġi dwar is-Sigurtà Nazzjonali tar-Repubblika tal-Poplu taċ-Ċina għal Hong Kong; billi din hija kwistjoni sensittiva, b'konsegwenzi estensivi għal Hong Kong u l-poplu tiegħu, għaċ-ċittadini tal-UE u dawk barranin, għall-organizzazzjonijiet tas-soċjetà ċivili tal-UE u internazzjonali, kif ukoll għall-fiduċja kummerċjali f'Hong Kong; billi d-dħul fis-seħħ tal-Liġi dwar is-Sigurtà Nazzjonali jżid ir-riskji għaċ-ċittadini tal-UE;

Q.  billi, skont ir-rapport annwali ta' Human Rights Watch, iċ-Ċina tinsab f'nofs l-aktar perjodu oskur tagħha f'dak li jirrigwarda d-drittijiet tal-bniedem minn mindu seħħ il-massakru tal-Pjazza Tiananmen;

R.  billi l-ġurnalisti li jaħdmu max-xandar pubbliku tal-Macao ġew ordnati jippromwovu "l-patrijottiżmu, ir-rispett u l-imħabba" lejn iċ-Ċina, u mill-inqas sitt ġurnalisti rriżenjaw wara l-introduzzjoni ta' regoli editorjali ġodda, liema fatt juri li t-tħassib rigward il-Liġi dwar is-Sigurtà Nazzjonali jaffettwa wkoll reġjuni oħra; billi l-Liġi Bażika tal-Macao tipproteġi wkoll il-libertà tal-istampa u se tibqa' fis-seħħ sal-2049;

S.  billi dikjarazzjoni konġunta maħruġa mill-Kanada f'isem 44 Stat, l-ogħla għadd ta' firmatarji sa issa, fosthom 23 Stat Membru tal-UE, ġiet adottata fis-sessjoni li għaddejja bħalissa tal-Kunsill tad-Drittijiet tal-Bniedem tan-NU;

1.  Jikkundanna bl-aktar mod qawwi l-għeluq furzat tal-gazzetta Apple Daily, it-tkomplija tal-iffriżar tal-assi tagħha u l-arresti tal-ġurnalisti tagħha bħala pass ieħor min-naħa tar-Repubblika tal-Poplu taċ-Ċina biex iżżarma s-soċjetà ħielsa f'Hong Kong u ttemm b'mod definittiv il-libertà tal-midja u l-libertà tal-espressjoni f'Hong Kong;

2.  Jinsab allarmat bid-deterjorament mgħaġġel tas-sitwazzjoni tad-drittijiet tal-bniedem f'Hong Kong u b'mod aktar speċifiku bl-attakki miftuħa kontra l-libertà tal-kelma u l-libertà tal-istampa, hekk kif ir-Repubblika tal-Poplu taċ-Ċina qed tkompli twettaq repressjoni bla preċedent fuq il-libertajiet fundamentali, li żvolġiet f'emerġenza tad-drittijiet tal-bniedem, u jisħaq fuq il-ħtieġa li l-UE tieħu azzjoni urġenti u determinata;

3.  Jesprimi l-akbar solidarjetà tiegħu mal-ġurnalisti kollha ta' Hong Kong li, minkejja d-dħul fis-seħħ tal-Liġi dwar is-Sigurtà Nazzjonali, baqgħu jirsistu biex jiddefendu l-libertà tal-midja u l-ġurnaliżmu indipendenti u biex ikomplu jirrappurtaw dwar l-evoluzzjoni drammatika tal-avvenimenti f'Hong Kong; jistieden lill-awtoritajiet ta' Hong Kong itemmu l-fastidju ġuridiku kollu u l-intimidazzjoni kollha diretti lejn il-ġurnalisti u jistinkaw għall-protezzjoni u s-sikurezza tal-ġurnalisti kontra kull forma ta' vjolenza, pressjoni, diskriminazzjoni, proċedimenti ġuridiċi inġusti u t-tentattivi kollha li għandhom l-għan li jżommuhom milli jwettqu l-missjoni tagħhom jew li jdgħajfu l-kapaċità tagħhom li jagħmlu dan skont in-normi internazzjonali, speċjalment l-Artikoli 19 u 21 tal-ICCPR dwar id-dritt għal-libertà tal-espressjoni u d-dritt għal-libertà tal-għaqda paċifika;

4.  Iħeġġeġ lill-awtoritajiet ta' Hong Kong jeħilsu minnufih u mingħajr kundizzjonijiet lill-ġurnalisti kollha, kif ukoll lid-dimostranti paċifiċi, lill-attivisti u lir-rappreżentanti politiċi kollha, li sempliċement eżerċitaw id-dritt tagħhom għal-libertà tal-espressjoni u drittijiet oħra tal-bniedem u li sfaw arrestati fuq akkużi skont il-Liġi dwar is-Sigurtà Nazzjonali, u jħeġġiġhom iwaqqgħu l-akkużi kollha kontrihom; jitlob li jieqfu l-prosekuzzjonijiet politikament motivati u proċeduri ġuridiċi oħra fil-konfront tad-dimostranti paċifiċi bil-għan li jsikktu l-vuċijiet ta' kritika u jiskoraġġixxu lin-nies milli jipparteċipaw fl-isfera pubblika;

5.  Itenni t-tħassib serju tiegħu dwar id-dħul fis-seħħ tal-Liġi dwar is-Sigurtà Nazzjonali fit-30 ta' Ġunju 2020, liġi li tikser l-impenji u l-obbligi tar-Repubblika tal-Poplu taċ-Ċina skont id-dritt internazzjonali, jiġifieri d-Dikjarazzjoni Konġunta Sino-Brittanika, u tikkostitwixxi attakk komprensiv fuq il-livell għoli ta' awtonomija, l-istat tad-dritt u l-libertajiet fundamentali tal-belt; jirrikonoxxi li l-liġi ntużat bosta drabi bħala bażi biex kandidati elettorali u politiċi jiġu skwalifikati u mitfugħin il-ħabs, biex studenti jiġu arrestati minħabba pubblikazzjonijiet li jkunu tellgħu fuq il-midja soċjali u biex jiġu pprojbiti slogans ta' protesta komuni; jisħaq li l-Liġi dwar is-Sigurtà Nazzjonali timpedixxi li jkun hemm relazzjoni ta' fiduċja bejn iċ-Ċina u l-UE, iddgħajjef il-kooperazzjoni futura u twassal għad-deterjorament ulterjuri tal-kredibbiltà ta' Beijing fix-xena internazzjonali;

6.  Jikkundanna kwalunkwe tentattiv biex l-attivisti favur id-demokrazija jiġu mġiegħla jisktu, inkluż l-imblukkar ta' siti web favur id-demokrazija, fuq il-bażi tal-Liġi dwar is-Sigurtà Nazzjonali; itenni li l-libertà tal-espressjoni u tal-informazzjoni hija dritt fundamentali minqux fid-dritt nazzjonali ta' Hong Kong u f'dak internazzjonali;

7.  Jesprimi tħassib serju dwar il-prattiki rappurtati ta' detenzjoni sigrieta, tortura u trattament ħażin, kif ukoll konfessjonijiet furzati min-naħa tal-forza tal-pulizija ta' Hong Kong u fil-ħabsijiet ta' Hong Kong, inkluż tħassib dwar individwi li bħalissa qed jistennew proċess u li qed jinżammu f'iżolament għal perjodi twal;

8.  Jikkundanna r-restrizzjonijiet emerġenti fuq l-indipendenza tal-ġudikatura u ż-żieda fil-politiċizzazzjoni tal-qrati; jisħaq fuq il-ħtieġa urġenti li jiġi evitat, bħala l-pass li jmiss, l-iżmantellar tal-ġudikatura indipendenti ta' Hong Kong u jistieden lis-SEAE jħejji rapport pubbliku dettaljat dwar l-istat tad-dritt u l-indipendenza tal-ġudikatura flimkien mar-rapport annwali dwar Hong Kong;

9.  Jesprimi tħassib dwar il-bidliet li ġew adottati dan l-aħħar fil-liġi elettorali ta' Hong Kong, li jintroduċu prinċipju ta' "patrijotti biss" u jistabbilixxu kumitat ta' skrutinju biex jeżamina l-kandidati elettorali kollha, li se jiskarta l-aħħar vuċijiet ta' dissens u li jmur totalment kontra l-impenji favur rappreżentanza demokratika akbar minquxa fil-Liġi Bażika ta' Hong Kong;

10.  Iħeġġeġ lill-awtoritajiet Ċiniżi jirrevokaw il-Liġi dwar is-Sigurtà Nazzjonali, li hija ta' ħsara għall-istatus internazzjonali ta' Hong Kong, u jħeġġeġ lill-awtoritajiet ta' Hong Kong jerġgħu jistabbilixxu bis-sħiħ ir-rispett għall-istat tad-dritt, id-drittijiet tal-bniedem, il-prinċipji demokratiċi u l-livell għoli ta' awtonomija skont il-prinċipju ta' "pajjiż wieħed, żewġ sistemi", kif minqux fil-Liġi Bażika ta' Hong Kong u f'konformità mal-obbligi nazzjonali u internazzjonali tiegħu;

11.  Jistieden lill-Kummissjoni u lill-Istati Membri jindirizzaw il-Liġi dwar is-Sigurtà Nazzjonali bħala prijorità ewlenija fl-aġenda tal-laqgħat kollha bejn l-UE u ċ-Ċina, inkluż fil-konsultazzjonijiet diplomatiċi bi tħejjija għal dawk il-laqgħat; ifakkar kemm huwa importanti li, f'kull djalogu politiku u f'kull djalogu dwar id-drittijiet tal-bniedem mal-awtoritajiet Ċiniżi, l-UE tkompli tqajjem il-kwistjoni tal-ksur tad-drittijiet tal-bniedem fiċ-Ċina, b'mod partikolari fil-każ tal-minoranzi fit-Tibet u fix-Xinjiang, u li tagħmel dan f'konformità mal-impenn tagħha li titkellem b'vuċi waħda, ċara u b'saħħitha fl-approċċ tagħha lejn iċ-Ċina; ifakkar li ċ-Ċina ffirmat firxa wiesgħa ta' trattati u konvenzjonijiet internazzjonali dwar id-drittijiet tal-bniedem u għalhekk jenfasizza kemm huwa importanti li jitkompla d-djalogu maċ-Ċina biex jiġi żgurat li ċ-Ċina żżomm l-impenn tagħha li tikkonforma mal-qafas internazzjonali tad-drittijiet tal-bniedem;

12.  Jesprimi dispjaċir profond dwar il-fatt li, fil-Kunsill Affarijiet Barranin tal-UE ta' April, ma ġewx adottati konklużjonijiet tal-Kunsill dwar Hong Kong; jappoġġja bil-qawwa lill-VP/RGħ biex jippreżenta abbozz ta' konklużjonijiet kemm jista' jkun malajr u jħeġġeġ lill-Istati Membri jindirizzaw l-impass u jadottaw miżuri ġodda inklużi sanzjonijiet immirati fl-ambitu tar-reġim globali ta' sanzjonijiet tal-UE b'rabta mad-drittijiet tal-bniedem – fosthom l-implimentazzjoni ta' projbizzjonijiet fuq l-ivvjaġġar u l-iffriżar tal-assi – fil-konfront ta' individwi u entitajiet f'Hong Kong u fiċ-Ċina għall-ksur serju tad-drittijiet tal-bniedem u tad-dritt internazzjonali f'Hong Kong, inklużi Carrie Lam, Teresa Yeuk-wah Cheng, Xia Baolong, Zhang Xiaoming, Luo Huining, Zheng Yanxiong, Chris Tang Ping-keung, Stephen Lo Wai-chung u John Lee Ka-chiu, kif ukoll istituzzzjonijiet tar-Repubblika tal-Poplu taċ-Ċina, li għandhom rwol kruċjali biex jadottaw miżuri u azzjonijiet kompliċi li jdgħajfu l-livell għoli ta' awtonomija u libertajiet ta' Hong Kong;

13.  Itenni l-pożizzjoni tiegħu dwar il-Ftehim Komprensiv bejn l-UE u ċ-Ċina dwar l-Investiment, kif espressa fir-riżoluzzjoni tiegħu tal-21 ta' Mejju 2021, inkluża l-ħtieġa urġenti li jiġu adottati miżuri mmirati addizzjonali fl-ambitu tar-reġim globali ta' sanzjonijiet tal-UE b'rabta mad-drittijiet tal-bniedem, kif meħtieġ, maħsuba biex ikomplu jindirizzaw ir-repressjoni fix-Xinjiang u f'Hong Kong u bil-għan li ċ-Ċina ttemm il-ksur kollu;

14.  Jistieden lis-SEAE u lill-Kunsill ikomplu jivvalutaw il-pakkett ta' miżuri adottat f'Lulju 2020 u jagħmlu progress fih, kif ukoll jistabbilixxu skeda ta' żmien ċara għall-implimentazzjoni tat-tali miżuri; jistieden lis-SEAE jkompli jivvaluta l-effetti ekstraterritorjali possibbli tal-Liġi dwar is-Sigurtà Nazzjonali, b'mod partikolari l-Artikolu 38 tagħha, li jipprevedi li l-liġi hija applikabbli wkoll għal dawk li ma humiex residenti permanenti ta' Hong Kong, u jistiednu jħejji tweġibiet konkreti għat-tali effetti; jilqa' d-deċiżjoni tal-Istati Membri tal-UE u ta' sħab internazzjonali oħra li jissospendu t-trattati ta' estradizzjoni ma' Hong Kong; itenni t-talba tiegħu li l-għaxar trattati ta' estradizzjoni li fadal ta' Stati Membri maċ-Ċina jiġu sospiżi;

15.  Ifakkar u jtenni l-kundanna tiegħu tal-kompliċità tal-banek ibbażati fl-UE fl-iffriżar tal-assi u l-kontijiet bankarji li jappartjenu lil eks leġiżlaturi favur id-demokrazija; jistieden lis-SEAE jevalwa l-livell ta' konformità, involviment u kollaborazzjoni ta' kumpaniji bbażati fl-UE mal-awtoritajiet ta' Hong Kong fl-infurzar tal-Liġi dwar is-Sigurtà Nazzjonali u jistieden lill-Istati Membri jikkomunikaw mal-banek ibbażati fl-UE biex jirrilaxxaw l-assi li jappartjenu lil attivisti ta' Hong Kong favur id-demokrazija;

16.  Jistieden lill-Kummissjoni tivvaluta l-impatt kummerċjali fit-tul għall-kumpaniji tal-UE li joperaw f'Hong Kong fid-dawl tal-implimentazzjoni tal-Liġi dwar is-Sigurtà Nazzjonali ta' Hong Kong, b'referenza għat-tibdil fl-istat tad-dritt u l-fluss liberu ta' informazzjoni u ta' kapital fil-belt; jistieden lill-Kummissjoni u lis-SEAE jkomplu japplikaw u jiżviluppaw mekkaniżmi xierqa ta' kontroll tal-esportazzjoni biex iċaħħdu liċ-Ċina u lil Hong Kong mill-aċċess għal teknoloġiji użati biex jiksru d-drittijiet tal-bniedem, u jistedinhom jikkunsidraw regoli għall-prevenzjoni ta' investiment Ewropew f'kumpaniji li huma kompliċi fi ksur serju tad-drittijiet tal-bniedem fiċ-Ċina u f'Hong Kong, inkluża l-għażla ta' lista ta' entitajiet;

17.  Jilqa' bil-kbir il-passi meħuda mir-Renju Unit, mill-Awstralja u mill-Kanada biex jiftħu skemi bil-għan li joffru liċ-ċittadini ta' Hong Kong l-opportunità li jgħixu u jaħdmu fil-pajjiżi rispettivi tagħhom; itenni l-appell urġenti tiegħu lill-Istati Membri biex jikkoordinaw l-implimentazzjoni ta' "skema ta' salvataġġ" għall-attivisti favur id-demokrazija u għall-mexxejja politiċi f'Hong Kong wara dan id-deterjorament dejjem jikber tad-drittijiet tal-bniedem u l-libertajiet fundamentali u biex joħorġu dokumenti tal-ivvjaġġar ta' emerġenza għall-ġurnalisti f'Hong Kong li jinsabu f'riskju ta' arrest fil-qafas tal-Liġi dwar is-Sigurtà Nazzjonali;

18.  Iħeġġeġ lill-membri kollha tal-persunal diplomatiku tal-UE u tal-Ewropa jagħmlu dak kollu li jistgħu biex jipprovdu protezzjoni u appoġġ lill-attivisti paċifiċi u lill-mexxejja politiċi f'Hong Kong, inkluż billi jattendu l-proċessi ġudizzjarji, jitolbu żjarat fil-ħabs u jżommu l-kuntatt b'mod konsistenti u determinat mal-awtoritajiet lokali, filwaqt li japplikaw bis-sħiħ il-Linji Gwida tal-UE dwar id-Difensuri tad-Drittijiet tal-Bniedem u politiki rilevanti oħra tal-UE, inkluż il-Pjan ta 'Azzjoni l-ġdid tal-UE dwar id-Drittijiet tal-Bniedem u d-Demokrazija; jistenna li s-SEAE u l-Kunsill ifasslu miżuri konkreti biex iżidu l-appoġġ għas-soċjetà ċivili u l-midja ta' Hong Kong, bħall-estensjoni tal-kamp ta' applikazzjoni tal-Fond Ewropew għad-Demokrazija għal proġetti li jinsabu fix-Xlokk tal-Asja, kif ukoll involviment attiv mad-dijaspora ta' Hong Kong;

19.  Jistieden lill-UE u lill-Istati Membri jiżguraw li l-poplu msikket ta' Hong Kong jingħata lura l-vuċi billi jassistu fl-arkivjar, ir-reklamar u d-dokumentar tal-ksur tad-drittijiet tal-bniedem u jistedinhom jiġġieldu kontra r-Repubblika tal-Poplu taċ-Ċina billi jagħmlu kotba pprojbiti f'Hong Kong disponibbli online b'mod mifrux; jesprimi l-appoġġ tiegħu għall-isforzi minn stazzjonijiet televiżivi internazzjonali, bħal Deutsche Welle u France 24, biex jirrappurtaw regolarment dwar l-iżviluppi f'Hong Kong;

20.  Jistieden lill-Kummissjoni, lill-Kunsill u lill-Istati Membri jirrifjutaw l-istediniet indirizzati lil rappreżentanti tal-gvern u lil diplomatiċi biex jattendu l-Olimpjadi tax-Xitwa f'Beijing fl-2022 sakemm il-Gvern Ċiniż ma jurix titjib verifikabbli fis-sitwazzjoni tad-drittijiet tal-bniedem f'Hong Kong, fir-Reġjun Uyghur tax-Xinjiang, fit-Tibet, fil-Mongolja Interna u fi bnadi oħra fiċ-Ċina;

21.  Iħeġġeġ lill-Kummissjoni u lill-Istati Membri jżidu l-għadd ta' opportunitajiet akkademiċi u ta' taħriġ fil-kuntest tal-programm Erasmus għall-istudenti u l-gradwati żgħażagħ minn Hong Kong; jistieden lis-SEAE u lill-Kummissjoni jiżviluppaw u jikkoordinaw miżuri biex jipproteġu l-libertà akkademika tal-istudenti u x-xjenzjati ta' Hong Kong fl-universitajiet Ewropej kontra l-pressjoni mill-awtoritajiet Ċiniżi;

22.  Itenni t-talba tiegħu lill-UE u lill-Istati Membri kollha tagħha biex jaħdmu b'mod magħqud u determinat lejn l-organizzazzjoni ta' sessjoni speċjali jew dibattitu urġenti dwar iċ-Ċina fil-Kunsill tad-Drittijiet tal-Bniedem tan-NU u lejn it-tnedija ta' investigazzjoni indipendenti tan-NU dwar iċ-Ċina; jenfasizza l-appoġġ internazzjonali dejjem jikber għat-tnedija ta' inkjesta indipendenti;

23.  Jistieden lill-UE u lill-Istati Membri tagħha jinkoraġġixxu lis-Segretarju Ġenerali tan-NU biex jikkunsidra l-mekkaniżmi kollha għad-dispożizzjoni tiegħu bil-għan li jiżgura monitoraġġ u rappurtar indipendenti dwar is-sitwazzjoni fiċ-Ċina, inkluż il-ħatra ta' Mibgħut Speċjali tan-NU; jistieden lill-Kunsill u lill-VP/RGħ jaħdmu mal-komunità internazzjonali biex jistabbilixxu grupp ta' kuntatt internazzjonali dwar Hong Kong u jqiegħdu lil Hong Kong fuq l-aġenda ta' organizzazzjonijiet internazzjonali oħra fuq bażi regolari;

24.  Iħeġġeġ lill-membri tan-NU jorganizzaw avvenimenti pubbliċi regolari ta' sensibilizzazzjoni dwar il-ksur serju tad-drittijiet tal-bniedem min-naħa tal-Gvern Ċiniż, inklużi delitti kontra l-umanità, u ksur ieħor tad-dritt internazzjonali, inkluża mill-inqas laqgħa waħda bil-formula "Arria" tal-Kunsill tas-Sigurtà tan-NU; jilqa' l-eventwalità li l-istituzzjonijiet tal-UE u l-Istati Membri jikkunsidraw li jikkommemoraw l-1 ta' Lulju bħala Jum ta' Solidarjeta ma' Hong Kong sabiex kull sena l-pubbliku Ewropew isir aktar konxju tas-sitwazzjoni f'Hong Kong; itenni t-talba tiegħu lill-UE u lill-Istati Membri biex jikkunsidraw li jressqu każ quddiem il-Qorti Internazzjonali tal-Ġustizzja li fih isostnu li d-deċiżjoni taċ-Ċina li timponi l-Liġi dwar is-Sigurtà Nazzjonali fuq Hong Kong u l-applikazzjoni tagħha jiksru d-Dikjarazzjoni Konġunta Sino-Brittanika u l-ICCPR;

25.  Jiddeplora d-deċiżjoni tal-pulizija ta' Hong Kong li jipprojbixxu l-velja annwali tal-4 ta' Ġunju fil-Pjazza Tiananmen u l-marċ annwali tal-1 ta' Lulju filwaqt li taw permess speċjali għat-tneħħija tar-restrizzjonijiet tal-COVID-19 biex l-uffiċjali ta' Hong Kong ikunu jistgħu jiċċelebraw il-mitt sena mit-twaqqif tal-Partit Komunista Ċiniż;

26.  Jistieden lill-VP/RGħ jikkoopera mill-qrib ma' pajjiżi u sħab tal-istess fehma biex is-sitwazzjoni tal-libertajiet ta' Hong Kong tieqaf tiddeterjora; jilqa' d-djalogu bilaterali li għadu kif ġie stabbilit bejn l-UE u l-Istati Uniti dwar iċ-Ċina u jinsisti li koordinazzjoni aktar b'saħħitha dwar id-drittijiet tal-bniedem, inkluż b'enfasi fuq is-sitwazzjoni f'Hong Kong, għandha tkun objettiv ewlieni;

27.  Josserva li l-politika tar-Repubblika tal-Poplu taċ-Ċina li tabbanduna l-approċċ ta' "pajjiż wieħed, żewġ sistemi" aljenat ħafna lill-popolazzjoni tat-Tajwan u jisħaq fuq irrieda tiegħu li jikkoopera mas-sħab internazzjonali bil-għan li jgħin biex tiġi żgurata d-demokrazija fit-Tajwan;

28.  Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà, lill-Gvern u lill-Parlament tar-Repubblika tal-Poplu taċ-Ċina, kif ukoll lill-Kap Eżekuttiv u lill-Assemblea tar-Reġjun Amministrattiv Speċjali ta' Hong Kong.

(1) Testi adottati, P9_TA(2021)0027. (2) Testi adottati, P9_TA(2020)0174. (3) ĠU C 165, 4.5.2021, p. 2. (4) ĠU C 224, 27.6.2018, p. 78. (5) Testi adottati, P9_TA(2021)0255. (6) ĠU C 433, 23.12.2019, p. 103. (7) ĠU C 399, 24.11.2017, p. 92. (8) ĠU C 369, 11.10.2018, p. 156.

Riżoluzzjoni tal-Parlament Ewropew tat-8 ta' Lulju 2021 dwar il-piena tal-mewt fl-Arabja Sawdija, b'mod partikolari l-każijiet ta' Mustafa Hashem al-Darwish u Abdullah al-Howaiti (2021/2787(RSP))

P9_TA(2021)0357 RC-B9-0392/2021

Il-Parlament Ewropew,

–  wara li kkunsidra r-riżoluzzjonijiet preċedenti tiegħu dwar l-Arabja Sawdija, b'mod partikolari dawk tal-25 ta' Ottubru 2018 dwar il-qtil tal-ġurnalist Jamal Khashoggi fil-konsulat Sawdi f'Istanbul(1), tal-14 ta' Frar 2019 dwar id-difensuri tad-drittijiet tan-nisa fl-Arabja Sawdija(2), tat-8 ta' Ottubru 2020 dwar is-sitwazzjoni tal-migranti Etjopjani fiċ-ċentri tad-detenzjoni fl-Arabja Sawdija(3) u tal-11 ta' Frar 2021 dwar is-sitwazzjoni umanitarja u politika fil-Jemen(4),

–  wara li kkunsidra d-dikjarazzjoni tal-Viċi President tal-Kummissjoni / Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ), Josep Borrell, tal-10 ta' Diċembru 2020 fil-Kunsill Affarijiet Barranin li "d-drittijiet tal-bniedem huma parti mid-DNA tal-Unjoni Ewropea",

–  wara li kkunsidra l-Konvenzjoni tan-NU dwar l-Eliminazzjoni ta' Kull Forma ta' Diskriminazzjoni kontra n-Nisa (CEDAW),

–  wara li kkunsidra d-Dikjarazzjoni Universali tad-Drittijiet tal-Bniedem tal-1948,

–  wara li kkunsidra l-Patt Internazzjonali dwar id-Drittijiet Ċivili u Politiċi (ICCPR) tal-1966,

–  wara li kkunsidra l-Patt Internazzjonali dwar id-Drittijiet Ekonomiċi, Soċjali u Kulturali (ICESCR) tal-1966,

–  wara li kkunsidra l-Konvenzjoni tan-NU Kontra t-Tortura u Trattament jew Pieni Krudili, Inumani jew Degradanti oħra (UNCAT),

–  wara li kkunsidra l-Eżami Perjodiku Universali (EPU) tal-Arabja Sawdija ta' Novembru 2018,

–  wara li kkunsidra l-Konvenzjoni tan-NU dwar id-Drittijiet tat-Tfal (CRC),

–  wara li kkunsidra r-Regoli Standard Minimi tan-NU dwar it-Trattament tal-Priġunieri ("Regoli Mandela"),

–  wara li kkunsidra l-Linji Gwida tal-UE dwar il-Piena tal-Mewt,

–  wara li kkunsidra l-Linji Gwida tal-UE dwar id-Difensuri tad-Drittijiet tal-Bniedem,

–  wara li kkunsidra r-Reġim Globali ta' Sanzjonijiet tal-UE b'rabta mad-Drittijiet tal-Bniedem,

–  wara li kkunsidra l-Karta Għarbija tad-Drittijiet tal-Bniedem,

–  wara li kkunsidra d-Dikjarazzjoni tar-Rapporteurs Speċjali tan-NU dwar il-kommutazzjoni tas-sentenzi tal-mewt tat-3 ta' Marzu 2021,

–  wara li kkunsidra r-rapport tar-Rapporteur Speċjali tan-NU dwar l-eżekuzzjonijiet ekstraġudizzjarji, sommarji jew arbitrarji, Agnes Callamard, ta' Ġunju 2021, li jiddikjara li l-Arabja Sawdija hija responsabbli għall-"eżekuzzjoni premeditata" tal-ġurnalist Sawdi Jamal Khashoggi (ir-Rapport Callamard),

–  wara li kkunsidra r-rapport tar-Rapporteur Speċjali tan-NU dwar is-sitwazzjoni tad-difensuri tad-drittijiet tal-bniedem, Mary Lawlor, li janalizza l-qtil ta' difensuri tad-drittijiet tal-bniedem fl-Arabja Sawdija, ippreżentat waqt is-46 sessjoni tal-Kunsill tad-Drittijiet tal-Bniedem tan-NU f'Marzu 2021,

–  wara li kkunsidra r-Rapport tal-Uffiċċju tad-Direttur tal-Intelligence Nazzjonali li jivvaluta r-rwol tal-gvern Sawdi fil-qtil ta' Jamal Khashoggi, ippubblikat fi Frar 2021,

–  wara li kkunsidra l-fatt li Loujain al-Hathloul ingħatat il-Premju Vaclav Havel għad-Drittijiet tal-Bniedem 2020 mill-Assemblea Parlamentari tal-Kunsill tal-Ewropa,

–  wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.  billi r-Renju tal-Arabja Sawdija impenja ruħu li jabolixxi l-piena tal-mewt għad-delinkwenti minorenni kollha mingħajr eċċezzjoni sal-2016 permezz ta' leġiżlazzjoni ġdida, u kkonferma dan l-impenn f'dikjarazzjonijiet diplomatiċi; billi dawn id-dikjarazzjonijiet saru mill-Ministeru għall-Affarijiet Barranin tal-Arabja Sawdija f'Settembru 2016 fil-Kumitat tan-NU dwar id-Drittijiet tat-Tfal, kif ukoll f'Awwissu 2018, meta ddikjara li "jekk ir-reat imwettaq mill-minorenni jkun punibbli bil-mewt, is-sentenza għandha titnaqqas għal terminu ta' mhux aktar minn 10 snin detenzjoni fl-istituzzjoni";

B.  billi l-Liġi dwar il-Minorenni tal-2018 tal-Arabja Sawdija, promulgata b'Digriet Reġju fil-31 ta' Lulju 2018, tiddikjara fl-Artikolu 15 li "jekk ir-reat imwettaq mill-minorenni jkun punibbli bil-mewt, is-sentenza għandha titnaqqas għal terminu ta' mhux aktar minn 10 snin detenzjoni fl-istituzzjoni"; billi l-Eżami Perjodiku Universali tal-2018 tal-Arabja Sawdija fil-Kunsill tad-Drittijiet tal-Bniedem tan-NU sussegwentement innota li l-pajjiż kien għamel "progress notevoli fil-promozzjoni tar-rispett tad-drittijiet tat-tfal, il-protezzjoni tagħhom u l-fedeltà lejhom";

C.  billi fil-15 ta' Ġunju 2021, Mustafa Hashem al-Darwish, żagħżugħ Sawdi mill-minoranza Shi'a, ġie ġġustizzjat għal reati li gruppi tad-drittijiet jgħidu li seta' wettaq bħala minorenni, minkejja t-tħabbira reċenti tar-renju li kien abolixxa l-piena tal-mewt għall-minorenni; billi ġarrab perjodu twil ta' arrest preventiv, tortura, u proċess inġust għall-aħħar; billi l-akkużi kontra al-Darwish ma jispeċifikawx id-data eżatta li fiha seħħew l-allegati reati tiegħu, li jfisser li hemm probabbiltà li kien minorenni meta seħħew l-allegati reati, u għalhekk li s-sentenza tiegħu għandha tiġi riveduta skont liġijiet nazzjonali ġodda dwar l-użu tal-piena tal-mewt kontra dawk taħt it-18-il sena;

D.  billi Abdullah al-Howaiti ttella' l-qorti fi proċess kollettiv ta' sitt individwi f'każ ta' serqa bl-użu ta' armi; billi l-Qorti Kriminali f'Tabuk (fit-Tramuntana tal-Arabja Sawdija) ikkundannat lil Abdullah al-Howaiti għall-mewt fis-27 ta' Ottubru 2019 minkejja l-fatt li l-kampjun ta' DNA tiegħu ttieħed wara l-arrest tiegħu, u dan invalida l-identifikazzjoni tiegħu bħala suspettat possibbli; billi al-Howaiti ġie arrestat f'Mejju 2017, meta kellu 14-il sena; billi, skont id-dokumenti tal-qorti, huwa nżamm f'iżolament għal erba' xhur u ġarrab tortura matul l-interrogazzjoni tiegħu mingħajr il-preżenza tal-ġenituri jew tal-avukat tiegħu; billi matul dan iż-żmien inżamm fl-Unità tal-Investigazzjonijiet Kriminali ta' Tabuk, minflok f'ċentru ta' detenzjoni għall-minorenni; billi Abdullah al-Howaiti, li kellu 14-il sena meta seħħew l-allegati reati tiegħu, għadu detenut u kkundannat għall-mewt; billi l-Qorti Suprema ilha teżamina l-każ tiegħu minn Ġunju 2021;

E.  billi fit-23 ta' April 2019 l-awtoritajiet Sawdin iġġustizzjaw sitt delinkwenti minorenni: Saeed al-Scafi, Salman al-Quraish, Abdul Aziz al-Sahawi, Abdul Karim al-Hawaj, Abdullah al-Asrih u Mujtaba al-Sweikat; billi mill-inqas disa' delinkwenti minorenni oħra bħalissa jinsabu f'riskju ta' eżekuzzjoni;

F.  billi bħalissa għad hemm mill-inqas 40 detenut fl-Arabja Sawdija f'riskju ta' eżekuzzjoni; billi dan in-numru jinkludi diversi każijiet ta' allegati reati mwettqa bħala minorenni u kritiċi paċifiċi bħall-istudjużi Iżlamiċi Salman al-Odah u Hassan al-Maliki, li għalihom il-prosekutur pubbliku għadu jitlob il-piena tal-mewt;

G.  billi l-Arabja Sawdija ilha għal ħafna snin fost il-pajjiżi li jwettqu l-ogħla numru ta' eżekuzzjonijiet fid-dinja; billi minn Jannar 2015 kien hemm aktar minn 800 eżekuzzjoni, għadd kbir minnhom għal reati mhux vjolenti b'rabta mad-droga, filwaqt li oħrajn kienu għal reati deskritti mill-awtoritajiet bħala relatati mat-terroriżmu iżda li kienu paċifiċi;

H.  billi l-Arabja Sawdija wettqet total ta' 32 eżekuzzjoni fl-ewwel nofs tal-2021, aktar min-numru għall-2020 kollha, u minn mindu impenjat ruħha għall-ewwel darba li tabolixxi l-piena tal-mewt għad-delinkwenti minorenni, iġġustizzjat mill-inqas tmien delinkwenti minorenni;

I.  billi wara Digriet Reġju Sawdi tal-2020, is-sentenzi tal-mewt għandhom jinbidlu għall-individwi li wettqu reati meta kienu minorenni; billi d-digriet fih diversi lakuni li jħallu diversi modi biex il-minorenni jibqgħu jiġu ġġustizzjati, pereżempju bl-esklużjoni ta' sentenzi tal-mewt li jikkonċernaw hudud (reati b'sentenzi predeterminati) jew qisas (reati b'sentenzi bbażati fuq retribuzzjoni) u każijiet imressqa fl-ambitu tal-Liġi Kontra t-Terroriżmu;

J.  billi l-Arabja Sawdija bidlet is-sentenzi tal-mewt imposti fuq is-Sur Ali al-Nimr, is-Sur Dawood al-Marhoon u s-Sur Abdullah al-Zaher għal reati li l-esperti preċedentement kienu jqisu bħala kriminalizzazzjoni tal-eżerċizzju tad-drittijiet fundamentali, inkluża l-libertà ta' għaqda u ta' espressjoni, u li allegatament wettqu bħala minorenni; billi ġew ikkundannati mill-ġdid għal 10 snin ħabs, inkluż iż-żmien li diġà għamlu l-ħabs; billi l-esperti tan-NU talbu l-ħelsien tagħhom;

K.  billi minkejja t-tħabbira tal-Kummissjoni tad-Drittijiet tal-Bniedem tal-Arabja Sawdija dwar il-moratorju fuq il-pieni tal-mewt għal reati relatati mad-droga f'Jannar 2021, għadha ma ġiet ippubblikata ebda bidla fil-liġi, u l-piena tal-mewt għadha fid-diskrezzjoni tal-imħallfin u tal-awtoritajiet;

L.  billi l-abolizzjoni tal-piena tal-mewt fid-dinja kollha hija wieħed mill-objettivi ewlenin tal-politika tal-UE dwar id-drittijiet tal-bniedem;