Testi adottati - Emenda tal-Annessi IV u V tar-Regolament (UE) 2019/1021 dwar il-pollutanti organiċi persistenti ***I

Choisissez la langue de votre document :

Indiċi

Preċedenti

Li jmiss

Test sħiħ

Proċedura : 2021/0340(COD)

Ċiklu ta' ħajja waqt sessjoni

Ċiklu relatat mad-dokument : A9-0092/2022
Testi mressqa : A9-0092/2022		Dibattiti : PV 02/05/2022 - 14 CRE 02/05/2022 - 14		Votazzjonijiet : PV 03/05/2022 - 8.3 CRE 03/05/2022 - 8.3 Spjegazzjoni tal-votazzjoni PV 04/10/2022 - 6.12 CRE 04/10/2022 - 6.12		Testi adottati : P9_TA(2022)0130 P9_TA(2022)0342

Testi adottati

183k

52k

It-Tlieta, 3 ta' Mejju 2022 - Strasburgu

Emenda tal-Annessi IV u V tar-Regolament (UE) 2019/1021 dwar il-pollutanti organiċi persistenti ***I

P9_TA(2022)0130

A9-0092/2022

Emendi adottati mill-Parlament Ewropew fit-3 ta' Mejju 2022 dwar il-proposta għal regolament tal-Parlament Ewropew u tal-Kunsill li jemenda l-Annessi IV u V tar-Regolament (UE) 2019/1021 tal-Parlament Ewropew u tal-Kunsill dwar il-pollutanti organiċi persistenti (COM(2021)0656 – C9-0396/2021 – 2021/0340(COD))(1)

(Proċedura leġiżlattiva ordinarja: l-ewwel qari)

Test propost mill-Kummissjoni

Emenda

Emenda 1
Proposta għal regolament
Premessa 2

(2) Fis-seba' laqgħa tal-Konferenza tal-Partijiet għall-Konvenzjoni, li saret bejn l-4 u l-15 ta' Mejju 2015, kien hemm qbil li l-pentaklorofenol, l-imlieħ u l-esteri tiegħu ("pentaklorofenol") jiġu inklużi fl-Anness A tal-Konvenzjoni. Fid-disa' laqgħa tal-Konferenza tal-Partijiet għall-Konvenzjoni, li saret mid-29 ta' April sal-10 ta' Mejju 2019, ġie miftiehem li d-dikofol kif ukoll l-aċidu perfluworoottanojku (PFOA), l-imlieħ tiegħu u l-komposti relatati mal-PFOA jiġu inklużi fl-Anness A tal-Konvenzjoni. Fid-dawl ta' dawk l-emendi għall-Konvenzjoni u biex jiġi żgurat li l-iskart li jkun fih dawk is-sustanzi jiġi ġestit f'konformità mad-dispożizzjonijiet tal-Konvenzjoni, huwa meħtieġ li jiġu emendati wkoll l-Annessi IV u V tar-Regolament (UE) 2019/1021 billi jiġu inklużi l-pentaklorofenol, id-dikofol u l-aċidu perfluworoottanojku (PFOA), l-imlieħ tiegħu u l-komposti relatati mal-PFOA fl-Annessi u li jindikaw il-limiti ta' konċentrazzjoni korrispondenti tagħhom.

(2) Fis-seba' laqgħa tal-Konferenza tal-Partijiet għall-Konvenzjoni, li saret bejn l-4 u l-15 ta' Mejju 2015, kien hemm qbil li l-pentaklorofenol, l-imlieħ u l-esteri tiegħu ("pentaklorofenol") jiġu inklużi fl-Anness A tal-Konvenzjoni. Fid-disa' laqgħa tal-Konferenza tal-Partijiet għall-Konvenzjoni, li saret mid-29 ta' April sal-10 ta' Mejju 2019, ġie miftiehem li d-dikofol kif ukoll l-aċidu perfluworoottanojku (PFOA), l-imlieħ tiegħu u l-komposti relatati mal-PFOA jiġu inklużi fl-Anness A tal-Konvenzjoni. Fid-dawl ta' dawk l-emendi għall-Konvenzjoni u biex jiġi żgurat li l-iskart li jkun fih dawk is-sustanzi jiġi ġestit f'konformità mad-dispożizzjonijiet tal-Konvenzjoni, huwa meħtieġ li jiġu emendati wkoll l-Annessi IV u V tar-Regolament (UE) 2019/1021 billi jiġu inklużi l-pentaklorofenol, id-dikofol u l-aċidu perfluworoottanojku (PFOA), l-imlieħ tiegħu u l-komposti relatati mal-PFOA fl-Annessi u li jiġu indikati wkoll il-limiti ta' konċentrazzjoni korrispondenti tagħhom.

Emenda 2
Proposta għal regolament
Premessa 3

(3) Il-pentaklorofenol kien preċedentement elenkat fl-Annessi IV u V tar-Regolament (KE) Nru 850/2004 tal-Parlament Ewropew u tal-Kunsill23 bir-Regolament tal-Kummissjoni (UE) 2019/63624, b'valur tal-Anness IV ta' 100 mg/kg u b'valur tal-Anness V ta' 1 000 mg/kg. Ir-Regolament (KE) Nru 850/2004 tħassar bir-Regolament (UE) 2019/1021, iżda l-pentaklorofenol tħalla barra b'mod mhux intenzjonat minn dak ir-Regolament. Għalhekk huwa meħtieġ li jiġu emendati l-Annessi IV u V tar-Regolament (UE) 2019/1021 biex jinkludu l-pentaklorofenol.

_________________

23 Ir-Regolament (KE) Nru 850/2004 tal-Parlament Ewropew u tal-Kunsill tad-29 ta' April 2004 dwar pollutanti organiċi persistenti u li jemenda d-Direttiva 79/117/KEE (ĠU L 158, 30.4.2004, p. 7).

24 Ir-Regolament tal-Kummissjoni (UE) 2019/636 tat-23 ta' April 2019 li jemenda l-Annessi IV u V tar-Regolament (KE) Nru 850/2004 tal-Parlament Ewropew u tal-Kunsill dwar pollutanti organiċi persistenti (ĠU L 109, 24.4.2019, p. 6).

Emenda 3
Proposta għal regolament
Premessa 4

(4) L-Annessi IV u V tar-Regolament (UE) 2019/1021 diġà fihom limiti ta' konċentrazzjoni għas-sustanzi jew għall-gruppi ta' sustanzi li ġejjin: a) is-somma tal-konċentrazzjonijiet ta' etere tat-tetrabromodifenil, etere tal-pentabromodifenil, etere tal-eżabromodifenil, etere tal-ettabromodifenil u etere tad-dekabromodifenil (bl-eċċezzjoni tal-aħħar, li ma huwiex elenkat fl-Anness V ta' dak ir-Regolament); b) Eżabromoċiklododekan; c) Alkani C10-C13, kloro (paraffini klorurati ta' katina qasira) (SCCPs); u d) Dibenżo-p-diossini u dibenżofurani poliklorurati (PCDD/PCDF) Skont l-Artikolu 15(2) tar-Regolament (UE) 2019/1021, huwa xieraq li jiġu emendati l-limiti ta' konċentrazzjoni fl-Anness IV għal dawk is-sustanzi biex jadattaw il-valuri limitu tagħhom għall-progress xjentifiku u tekniku. Għal raġunijiet ta' konsistenza mal-lista tal-eteri tad-difenil polibromurati (PBDEs) elenkati fl-Anness IV tar-Regolament (UE) 2019/1021, is-sustanza etere tad-dekabromodifenil jenħtieġ li tiġi inkluża fost il-PBDEs elenkati fit-tielet kolonna tal-Anness V ta' dak ir-Regolament.

(4) L-Annessi IV u V tar-Regolament (UE) 2019/1021 diġà fihom limiti ta' konċentrazzjoni għas-sustanzi jew għall-gruppi ta' sustanzi li ġejjin: a) is-somma tal-konċentrazzjonijiet ta' etere tat-tetrabromodifenil, etere tal-pentabromodifenil, etere tal-eżabromodifenil, etere tal-ettabromodifenil u etere tad-dekabromodifenil (bl-eċċezzjoni tal-aħħar, li ma huwiex elenkat fl-Anness V ta' dak ir-Regolament); b) Eżabromoċiklododekan; c) Alkani C10-C13, kloro (paraffini klorurati ta' katina qasira) (SCCPs); u d) Dibenżo-p-diossini u dibenżofurani poliklorurati (PCDD/PCDF) Skont l-Artikolu 15(2) tar-Regolament (UE) 2019/1021, huwa xieraq li jiġu emendati l-limiti ta' konċentrazzjoni fl-Anness IV għal dawk is-sustanzi biex jadattaw il-valuri limitu tagħhom skont il-progress xjentifiku u tekniku. Għal raġunijiet ta' konsistenza mal-lista tal-eteri tad-difenil polibromurati (PBDEs) elenkati fl-Anness IV tar-Regolament (UE) 2019/1021, is-sustanza etere tad-dekabromodifenil jenħtieġ li tiġi inkluża fost il-PBDEs elenkati fit-tielet kolonna tal-Anness V ta' dak ir-Regolament.

Emenda 4
Proposta għal regolament
Premessa 5a (ġdida)

(5a) L-aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS ġew proposti mill-Kumitat ta' Rieżami tal-Pollutanti Organiċi Persistenti (POPRC) biex jiġu elenkati taħt l-Anness A tal-Konvenzjoni mingħajr eżenzjonijiet speċifiċi5a wara t-tlestija tal-profil tar-riskju u l-evalwazzjoni tal-ġestjoni tar-riskju għal dawk is-sustanzi. Deċiżjoni biex jiġu inklużi l-PFHxS, l-imlieħ tiegħu u l-komposti relatati mal-PFHxS hija prevista li tittieħed fil-Konvenzjoni ta' Stokkolma COP-10, li inizjalment kienet skedata għal Lulju 2021, u issa hija skedata li ssir f'Ġunju 2022 minħabba l-evoluzzjoni negattiva tal-pandemija tal-COVID-19 f'ħafna pajjiżi Ewropej. Fir-rigward tal-objettivi tal-Konvenzjoni, għalhekk huwa xieraq, abbażi tal-valutazzjoni tal-impatt attwali5b u biex jiġi żgurat li l-iskart li jkun fih dawk is-sustanzi jiġi ġestit f'konformità mad-dispożizzjonijiet tal-Konvenzjoni, li l-Annessi IV u V tar-Regolament (UE) 2019/1021 jiġu emendati minn issa bl-inklużjoni tal-aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS fl-Annessi u li jiġu indikati l-limiti ta' konċentrazzjoni korrispondenti tagħhom. Il-Kummissjoni jenħtieġ li tirrifletti dawk l-emendi għall-Annessi IV u V f'Annessi oħra tar-Regolament (UE) 2019/1021 biex tiżgura l-konsistenza.

_________________

5a POPRC-15/1

5b SWD(2021) 300 final

Emenda 5
Proposta għal regolament
Premessa 6

(6) Il-limiti ta' konċentrazzjoni proposti fl-Annessi IV u V tar-Regolament (UE) 2019/1021 ġew stabbiliti bl-applikazzjoni tal-istess metodoloġija li ntużat biex jiġu stabbiliti l-limiti ta' konċentrazzjoni fl-emendi preċedenti tal-Annessi IV u V tar-Regolament (KE) Nru 850/2004. Il-limiti ta' konċentrazzjoni proposti jenħtieġ li jkunu bbażati fuq il-prinċipju ta' prekawzjoni kif stabbilit fit-Trattat dwar il-Funzjonament tal-Unjoni Ewropea (TFUE) u jkollhom l-għan li jeliminaw, fejn fattibbli, ir-rilaxx ta' POPs fl-ambjent, sabiex jilħqu l-objettiv ta' livell għoli ta' protezzjoni tas-saħħa tal-bniedem u tal-ambjent assoċjat mal-qerda jew mat-trasformazzjoni irriversibbli tas-sustanzi kkonċernati. Dawk il-limiti jenħtieġ li jqisu wkoll l-objettiv ta' politika usa', li tinkiseb l-ambizzjoni ta' tniġġis żero għal ambjent ħieles mis-sustanzi tossiċi, żieda fir-riċiklaġġ, tnaqqis tal-emissjonijiet ta' gassijiet serra, żvilupp ta' ċikli ta' materjal mhux tossiku fejn jenħtieġ li sustanzi pprojbiti ma jerġgħux jiġu introdotti fis-suq tal-UE permezz ta' attivitajiet ta' riċiklaġġ, u ekonomija ċirkolari, minqux fil-Patt Ekoloġiku Ewropew26.

__________________

26 COM(2019) 640 final

Emenda 6
Proposta għal regolament
Premessa 6a (ġdida)

(6a) Il-limiti ta' konċentrazzjoni speċifikati fl-Annessi IV u V tar-Regolament (UE) 2019/1021 jenħtieġ li jkunu koerenti u li jikkontribwixxu għall-implimentazzjoni tal-komunikazzjoni tal-Kummissjoni tal-14 ta' Ottubru 2020 bit-titolu "Strateġija dwar is-Sustanzi Kimiċi għas-Sostenibbiltà - Lejn Ambjent Ħieles mit-Tossiċità" li tipproponi sett komprensiv ta' azzjonijiet biex jiġi indirizzat l-użu tas-sustanzi perfluworoalkossialkilati u polifluworoalkossialkilati u l-kontaminazzjoni bihom.

Emenda 7
Proposta għal regolament
Premessa 6b (ġdida)

(6b) Biex jiġi evitat it-taħlit ta' skart kontaminat ma' skart ieħor jew ma' materjali oħra u biex tiġi żgurata traċċabbiltà aħjar u trattament effettiv tal-iskart li jkun fih il-pollutanti organiċi persistenti, teżisti l-ħtieġa li tiġi evitata l-inkonsistenza bejn id-dispożizzjonijiet rigward l-iskart li fih il-pollutanti organiċi persistenti kif stabbiliti oriġinarjament fir-Regolament (KE) Nru 850/2004, issa mħassar bir-Regolament (UE) 2019/1021, u dawk stabbiliti wara. Il-Kummissjoni, għalhekk, jenħtieġ li tivvaluta jekk ikunx xieraq li tirrikonoxxi li l-iskart li fih kwalunkwe pollutant organiku persistenti li jaqbeż il-limiti ta' konċentrazzjoni speċifikati fl-Anness IV tar-Regolament (UE) 2019/1021 għandu jiġi kklassifikat bħala perikoluż u tressaq, jekk ikun xieraq, proposta leġiżlattiva biex temenda d-Direttiva 2009/98/KE jew id-Deċiżjoni 2014/955/UE, jew it-tnejn, skont dan;

Emenda 8
Proposta għal regolament
Artikolu 1a (ġdid)

Artikolu 1a

"Il-Kummissjoni għandha tivvaluta jekk ikunx xieraq li temenda d-Direttiva 2008/98/KE dwar l-iskart jew id-Deċiżjoni tal-Kummissjoni 2014/955/UE1a, jew it-tnejn, biex jiġi rikonoxxut li l-iskart li jkun fih kwalunkwe pollutant organiku persistenti li jaqbeż il-limiti ta' konċentrazzjoni indikati fl-Anness IV tar-Regolament (UE) 2019/1021 għandu jiġi kklassifikat bħala perikoluż, u, jekk xieraq, abbażi ta' dik il-valutazzjoni u mhux aktar tard minn 18-il xahar wara d-dħul fis-seħħ ta' din il-leġiżlazzjoni, tressaq proposta leġiżlattiva biex temenda d-Direttiva jew id-Deċiżjoni, jew it-tnejn, kif meħtieġ.

_________________

1a Id-Deċiżjoni tal-Kummissjoni tat-18 ta' Diċembru 2014 li temenda d-Deċiżjoni 2000/532/KE dwar il-lista ta' skart skont id-Direttiva 2008/98/KE

Emenda 9
Proposta għal regolament
Anness I – paragrafu 1 – punt 1 – punt a – tabella
Regolament (UE) 2019/1021
Anness IV – tabella

Test propost mill-Kummissjoni
"Pentaklorofenol u l-imlieħ u l-esteri tiegħu	87-86-5 u oħrajn	201-778-6 u oħrajn	100 mg/kg
Dikofol	115-32-2	204-082-0	50 mg/kg
Aċidu perfluworoottanojku (PFOA), l-imlieħ tiegħu u l-komposti relatati mal-PFOA	335-67-1 u oħrajn	206-397-9 u oħrajn	1 mg/kg
			(PFOA u l-imlieħ tiegħu),
			40 mg/kg
			(komposti relatati mal-PFOA)"
Emenda
"Pentaklorofenol (PCP), l-imlieħ u l-esteri tiegħu	87-86-5 u oħrajn	201-778-6 u oħrajn	100 mg/kg
Dikofol	115-32-2	204-082-0	50 mg/kg
Aċidu perfluworoottanojku (PFOA), l-imlieħ tiegħu u l-komposti relatati mal-PFOA	335-67-1 u oħrajn	206-397-9 u oħrajn	0,1 mg/kg
			(PFOA u l-imlieħ tiegħu),
			20 mg/kg
			(is-somma tal-komposti relatati mal-PFOA)
Aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS	355-46-4 u oħrajn	355-46-4 u oħrajn	0,1 mg/kg
			(PFHxS u l-imlieħ tiegħu),
			20 mg/kg
			(komposti relatati mal-PFHxS)"

Emenda 10
Proposta għal regolament
Anness I – paragrafu 1 – punt 1 – punt b – tabella
Regolament (UE) 2019/1021
Anness IV – tabella

Test propost mill-Kummissjoni
"Alkani C10-C13, kloro (paraffini klorurati ta' katina qasira) (SCCPs)	85535-84-8	287-476-5	1 500 mg/kg"
Emenda
"Alkani C10-C13, kloro (paraffini klorurati ta' katina qasira) (SCCPs)	85535-84-8	287-476-5	420 mg/kg"

Emenda 11
Proposta għal regolament
Anness I – paragrafu 1 – punt 1 – punt c – tabella
Regolament (UE) 2019/1021
Anness IV – tabella

Test propost mill-Kummissjoni
"Etere tat-tetrabromodifenil C12H6Br4O	40088-47-9 u oħrajn	254-787-2 u oħrajn	Is-somma tal-konċentrazzjonijiet ta' etere tat-tetrabromodifenil, etere tal-pentabromodifenil, etere tal-eżabromodifenil, etere tal-ettabromodifenil u etere tad-dekabromodifenil:
Etere tal-pentabromodifenil C12H5Br5O	32534-81-9 u oħrajn	251-084-2 u oħrajn
Etere tal-eżabromodifenil C12H4Br6O	36483-60-0 u oħrajn	253-058-6 u oħrajn
Etere tal-ettabromodifenil C12H3Br7O	68928-80-3 u oħrajn	273-031-2 u oħrajn
Etere tal-bis(pentabromofenil) (etere tad-dekabromodifenil; decaBDE) C12Br10O	1163-19-5 u oħrajn	214-604-9 u oħrajn
			(a) sa [Uffiċċju tal-Pubblikazzjonijiet, jekk jogħġobkom daħħlu d-data tal-jum ta' qabel id-data fil-punt li ġej], 500 mg/kg
			(b) minn [Uffiċċju tal-Pubblikazzjonijiet, jekk jogħġobkom daħħlu d-data ta' ħames snin wara d-dħul fis-seħħ ta' dan ir-Regolament], 200 mg/kg jew, jekk ogħla, is-somma tal-konċentrazzjoni ta' dawk is-sustanzi fejn ikunu preżenti f'taħlitiet jew f'oġġetti, kif stabbilit fl-Anness I, ir-raba' kolonna, il-punt 2 għas-sustanzi etere tat-tetrabromodifenil, etere tal-pentabromodifenil, etere tal-eżabromodifenil, etere tal-ettabromodifenil u etere tad-dekabromodifenil."
Emenda
"Etere tat-tetrabromodifenil C12H6Br4O	40088-47-9 u oħrajn	254-787-2 u oħrajn	Is-somma tal-konċentrazzjonijiet ta' etere tat-tetrabromodifenil C12H6Br4O, etere tal-pentabromodifenil C12H5Br5O, etere tal-eżabromodifenil C12H4Br6O, etere tal-ettabromodifenil C12H3Br7O u etere tad-dekabromodifenil C12Br10O:
Etere tal-pentabromodifenil C12H5Br5O	32534-81-9 u oħrajn	251-084-2 u oħrajn
Etere tal-eżabromodifenil C12H4Br6O	36483-60 u oħrajn	253-058-6 u oħrajn
Etere tal-ettabromodifenil C12H3Br7O	68928-80-3 u oħrajn	273-031-2 u oħrajn
Etere tal-bis(pentabromofenil) (etere tad-dekabromodifenil; decaBDE) C12Br10O	1163-19-5 u oħrajn	214-604-9 u oħrajn
			(a) sa [Uffiċċju tal-Pubblikazzjonijiet, jekk jogħġobkom daħħlu d-data tal-jum ta' qabel id-data fil-punt li ġej], 200 mg/kg Il-Kummissjoni għandha tirrieżamina dak il-limitu ta' konċentrazzjoni u, meta xieraq u f'konformità mat-Trattati, għandha tadotta proposta leġiżlattiva biex dak il-valur jitbaxxa mhux aktar tard minn [Uffiċċju tal-Pubblikazzjonijiet, jekk jogħġobkom daħħlu d-data ta' ħames snin wara d-data tad-dħul fis-seħħ ta' dan ir-Regolament].
			(b) imħassar

Emenda 12
Proposta għal regolament
Anness I – paragrafu 1 – punt 1 – punt d – tabella
Regolament (UE) 2019/1021
Anness IV – tabella

Test propost mill-Kummissjoni
"Dibenżo-p-diossini u dibenżofurani poliklorurati (PCDD/PCDF) u bifenili poliklorurati simili għad-diossini (dl-PCBs)			5 µg/kg (2)
________________
(2) Il-limitu huwa kkalkulat bħala s-somma ta' PCDD, PCDF u dl-PCBs skont il-fatturi ta' ekwivalenza tossika (TEFs) stabbiliti fil-Parti 2, fit-tielet subparagrafu, fit-tabella, tal-Anness V."
Emenda
"Dibenżo-p-diossini u dibenżofurani poliklorurati (PCDD/PCDF) u bifenili poliklorurati simili għad-diossini (dl-PCBs)			1 µg/kg (2)
_______________
(2) Il-limitu huwa kkalkulat bħala s-somma ta' PCDD, PCDF u dl-PCBs skont il-fatturi ta' ekwivalenza tossika (TEFs) stabbiliti fil-Parti 2, fit-tielet subparagrafu, fit-tabella, tal-Anness V."

Emenda 13
Proposta għal regolament
Anness I – paragrafu 1 – punt 1 – punt e – tabella
Regolament (UE) 2019/1021
Anness IV – tabella

Test propost mill-Kummissjoni
"Eżabromoċiklododekan(4)	25637-99-4, 3194-55-6, 134237-50-6, 134237-51-7, 134237-52-8	247-148-4 221-695-9	500 mg/kg"
Emenda
"Eżabromoċiklododekan(4)	25637-99-4, 3194-55-6, 134237-50-6, 134237-51-7, 134237-52-8	247-148-4 221-695-9	(a) sa [Uffiċċju tal-Pubblikazzjonijiet, jekk jogħġobkom daħħlu d-data tal-jum ta' qabel id-data fil-punt li ġej], 200 mg/kg
			Il-Kummissjoni għandha tirrieżamina dak il-limitu ta' konċentrazzjoni u, meta xieraq u f'konformità mat-Trattati, għandha tadotta proposta leġiżlattiva biex dak il-valur jitbaxxa għal 100 mg/kg sa mhux aktar tard minn [Uffiċċju tal-Pubblikazzjonijiet, jekk jogħġobkom daħħlu d-data ta' ħames snin wara d-data tad-dħul fis-seħħ ta' dan ir-Regolament].

Emenda 14
Proposta għal regolament
Anness I – paragrafu 1 – punt 2 – punt a – punt iv (ġdid)
Regolament (UE) 2019/1021
Anness V – Parti 2 – Tabella

Aċidu perfluworoeżan sulfoniku (PFHxS), l-imlieħ tiegħu u l-komposti relatati mal-PFHxS 50 mg/kg (PFHxS u l-imlieħ tiegħu), 2 000 mg/kg (komposti relatati mal-PFHxS).

(1)	Il-każ ġie mgħoddi lura lill-kumitat responsabbli biex jerġa jiġi eżaminat skont l-Artikolu 59(4), ir-rabà subparagrafu (A9-0092/2022).

Aġġornata l-aħħar: 26 ta' Awwissu 2022

Avviż legali - Politika tal-privatezza