(An nós imeachta reachtach speisialta – comhairliúchán)

Tá Parlaimint na hEorpa,

–  ag féachaint don togra ón gCoimisiún chuig an gComhairle (COM(2021)0570) agus don togra leasaithe (COM(2023)0331),

–  ag féachaint d’Airteagal 311, an tríú mír, den Chonradh ar Fheidhmiú an Aontais Eorpaigh agus d’Airteagal 106a den Chonradh ag bunú an Chomhphobail Eorpaigh do Fhuinneamh Adamhach, ar dá bhun a chuaigh an Chomhairle i gcomhairle le Parlaimint na hEorpa (C9‑0211/2023),

–  ag féachaint do Chomhaontú Idirinstitiúideach idir Parlaimint na hEorpa, an Chomhairle agus an Coimisiún Eorpach an 16 Nollaig 2020 maidir leis an smacht buiséadach, le comhar in ábhair bhuiséadacha agus le bainistíocht fhónta airgeadais, agus maidir le hacmhainní dílse nua, lena n-áirítear treochlár i dtreo acmhainní dílse nua a thabhairt isteach (“Comhaontú Idirinstitiúideach an 16 Nollaig 2020”)(1),

–  ag féachaint do rún reachtach uaithi an 16 Meán Fómhair 2020 ar an dréachtchinneadh ón gComhairle maidir le córas acmhainní dílse an Aontais Eorpaigh(2),

–  ag féachaint do rún reachtach uaithi an 23 Samhain 2022 ar an togra le haghaidh cinneadh ón gComhairle lena leasaítear Cinneadh (AE, Euratom) 2020/2053 maidir le córas acmhainní dílse an Aontais Eorpaigh (COM(2021)0570 – C9-0034/2022 – 2021/0430(CNS))(3),

–  ag féachaint do rún uaithi an 10 Bealtaine 2023 ar acmhainní dílse: tús nua d’airgeadas an Aontais Eorpaigh, tús nua don Eoraip(4),

–  ag féachaint do Riail 82 dá Rialacha Nós Imeachta,

–  ag féachaint don litir ón gCoiste um Ghnóthaí Bunreachtúla,

–  ag féachaint don tuarascáil ón gCoiste um Buiséid (A9-0295/2023),

1.  ag formheas an togra ón gCoimisiún arna leasú;

2.  á iarraidh ar an gCoimisiún a thogra a athrú dá réir, i gcomhréir le hAirteagal 293(2) den Chonradh ar Fheidhmiú an Aontais Eorpaigh agus le hAirteagal 106a den Chonradh ag bunú an Chomhphobail Eorpaigh do Fhuinneamh Adamhach;

3.  á iarraidh ar an gComhairle fógra a thabhairt do Pharlaimint na hEorpa má tá sé ar intinn aici imeacht ón téacs atá formheasta ag Parlaimint na hEorpa;

4.  á iarraidh ar an gComhairle dul i gcomhairle le Parlaimint na hEorpa arís má tá sé ar intinn aici an togra ón gCoimisiún a leasú go substaintiúil;

5.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Téacs arna mholadh ag an gCoimisiún   Leasú Leasú 1 Togra le haghaidh cinneadh leasaitheach Aithris 1 a (nua) (1a)  I gcomhréir le Comhaontú Idirinstitiúideach an 16 Nollaig 2020, is céim thábhachtach eile é an cinneadh leasaithe sin chun treochlár a chur chun feidhme chun acmhainní dílse nua a thabhairt isteach. Áiritheofar leis go mbeidh ioncam ó bhascaed na bhfoinsí nua ioncaim ar fáil agus go mbeidh sé leordhóthanach chun an t-ús a íoc agus i gcomhair phríomhshuim fhiacha NGEU agus go mbeidh impleachtaí dáileacháin airgeadais an bhascaeid inghlactha ag na Ballstáit uile. Leasú 2 Togra le haghaidh cinneadh leasaitheach Aithris 2 a (nua) (2a)  Leis na fáltais ó na hacmhainní dílse nua a tugadh isteach leis an gcinneadh leasaithe seo, is féidir buiséad an Aontais a mhaoiniú go hiontaofa ar bhonn fadtéarmach, agus na costais a bhaineann le haisíocaíocht Ionstraim Théarnaimh an Aontais Eorpaigh agus tosaíochtaí nua an Aontais a chur san áireamh agus laghduithe ar chláir agus ar bheartais an Aontais atá ann cheana á seachaint ag an am céanna. Leasú 3 Togra le haghaidh cinneadh leasaitheach Aithris 2 b (nua) (2b)  Ba cheart cur chun feidhme an Treochláir i gComhaontú Idirinstitiúideach an 16 Nollaig 2020 a thabhairt chun críche le hathchóirithe amach anseo lena ndéanfaí acmhainn dhílis atá níos dáiríre agus bunaithe ar cháin a chur in ionad réiteach idirthréimhseach na ranníocaíochta náisiúnta staidreamhbhunaithe ar bhrabúis chorparáideacha a luaithe a chuirfear na treoracha riachtanacha nó na creataí comhchuibhithe uile-Aontais maidir le cánachas corparáideach i bhfeidhm. Leasú 4 Togra le haghaidh cinneadh leasaitheach Aithris 10 a (nua) (10a)  I bhfianaise an bhoilscithe aird, tá méadú gan choinne agus díréireach tagtha ar na laghduithe sealadacha ar an gcnapshuim don Danmhairg, don Ghearmáin, don Ísiltír, don Ostair agus don tSualainn, a théann chun táirbhe dóibh don tréimhse 2020-2027. Chun saobhadh dáileacháin breise a sheachaint, ba cheart na cnapshuimeanna sin a choigeartú go bliantúil de réir na réasúnaíochta agus na rialach céanna le huasteorainneacha an Chreata Airgeadais Ilbhliantúil, i.e. ar bhonn díbhoilsceoir seasta 2% in aghaidh na bliana. Leasú 5 Togra le haghaidh cinneadh leasaitheach Airteagal 1 – mír 1 – pointe e a (nua) Cinneadh (AE, Euratom) 2020/2053 Airteagal 2 – mír 4 (ea)  cuirtear an méid seo a leanas in ionad mhír 4: 4.   Don tréimhse 2021 - 2027, bainfidh na Ballstáit seo a leanas leas as oll-laghdú ar a ranníocaíochtaí bliantúla bunaithe ar OIN faoi phointe (d) de mhír 1 arb ionann é agus EUR 565 mhilliún don Ostair, EUR 377 milliún don Danmhairg, EUR 3 671 mhilliún don Ghearmáin, EUR 1 921 mhilliún don Ísiltír agus EUR 1 069 milliún don tSualainn, faoi seach. Déanfar na suimeanna sin a thomhas de réir phraghsanna 2020 agus déanfar iad a choigeartú do phraghsanna reatha trí chur i bhfeidhm díbhoilsceoir reatha OTI don Aontas a shloinntear in euro, mar a fhorálann an Coimisiún, agus a chuirtear ar fáil nuair a dhréachtaítear an dréachtbhuiséad. Maoineoidh gach Ballstát na holl-laghduithe sin. “4. Don tréimhse 2021 - 2027, bainfidh na Ballstáit seo a leanas leas as oll-laghdú ar a ranníocaíochtaí bliantúla bunaithe ar OIN faoi phointe (d) de mhír 1 arb ionann é agus EUR 565 mhilliún don Ostair, EUR 377 milliún don Danmhairg, EUR 3 671 mhilliún don Ghearmáin, EUR 1 921 mhilliún don Ísiltír agus EUR 1 069 milliún don tSualainn, faoi seach. Déanfar na méideanna sin a thomhas i bpraghsanna 2020 agus déanfar iad a choigeartú do phraghsanna reatha ar bhonn díbhoilsceoir sheasta 2% in aghaidh na bliana. Maoineoidh gach Ballstát na holl-laghduithe sin.”

(1) IO L 433 I, 22.12.2020, lch. 28. (2) Téacsanna arna nglacadh, P9_TA(2020)0220. (3) Téacsanna arna nglacadh, P9_TA(2022)0404 (4) Téacsanna arna nglacadh, P9_TA(2023)0195