Tá Parlaimint na hEorpa,

–  ag féachaint don téacs comhpháirteach a d’fhormheas an Coiste Idir-réitigh agus do na ráitis ábhartha ó Pharlaimint na hEorpa, ón gComhairle agus ón gCoimisiún (11565/2023 – C9‑0336/2023),

–  ag féachaint do dhréachtbhuiséad ginearálta an Aontais Eorpaigh don bhliain airgeadais 2024, a ndearna an Coimisiún é a ghlacadh an 5 Iúil 2023 (COM(2023)0300),

–  ag féachaint don seasamh maidir le dréachtbhuiséad ginearálta an Aontais Eorpaigh don bhliain airgeadais 2024, a ndearna an Chomhairle é a ghlacadh an 5 Meán Fómhair 2023 agus é a chur ar aghaidh chuig Parlaimint na hEorpa an 8 Meán Fómhair 2023 (11565/2023 – C9‑0336/2023),

–  ag féachaint do Litir leasaitheach Uimh. 1/2024 i dtaca le dréachtbhuiséad ginearálta an Aontais Eorpaigh don bhliain airgeadais 2024, a thíolaic an Coimisiún an 9 Deireadh Fómhair 2023 (COM(2023)0531),

–  ag féachaint do rún uaithi an 18 Deireadh Fómhair 2023 maidir le seasamh na Comhairle ar dhréachtbhuiséad ginearálta an Aontais Eorpaigh don bhliain airgeadais 2024(1) agus do na leasuithe buiséadacha a ghabhann leis,

–  ag féachaint d’Airteagal 314 den Chonradh ar Fheidhmiú an Aontais Eorpaigh,

–  ag féachaint d’Airteagal 106(a) den Chonradh ag bunú an Chomhphobail Eorpaigh do Fhuinneamh Adamhach,

–  ag féachaint do Chinneadh (AE, Euratom) 2020/2053 ón gComhairle an 14 Nollaig 2020 maidir le córas acmhainní dílse an Aontais Eorpaigh agus lena n-aisghairtear Cinneadh 2014/335/AE, Euratom(2),

–  ag féachaint do Rialachán (AE, Euratom) 2018/1046 ó Pharlaimint na hEorpa agus ón gComhairle an 18 Iúil 2018 maidir leis na rialacha airgeadais is infheidhme maidir le buiséad ginearálta an Aontais, lena leasaítear Rialacháin (AE) Uimh. 1296/2013, (AE) Uimh. 1301/2013, (AE) Uimh. 1303/2013, (AE) Uimh. 1304/2013, (AE) Uimh. 1309/2013, (AE) Uimh. 1316/2013, (AE) Uimh. 223/2014, (AE) Uimh. 283/2014, agus Cinneadh Uimh. 541/2014/AE agus lena n-aisghairtear Rialachán (AE, Euratom) Uimh. 966/2012(3),

–  ag féachaint do Rialachán (AE, Euratom) 2020/2093 ón gComhairle an 17 Nollaig 2020 lena leagtar síos an creat airgeadais ilbhliantúil do na blianta 2021-2027(4),

–  ag féachaint do Chomhaontú Idirinstitiúideach an 16 Nollaig 2020 idir Parlaimint na hEorpa, Comhairle an Aontais Eorpaigh agus an Coimisiún Eorpach maidir leis an smacht buiséadach, le comhar in ábhair bhuiséadacha agus le bainistíocht fhónta airgeadais, agus maidir le hacmhainní dílse nua, lena n-áirítear treochlár i dtreo acmhainní dílse nua a thabhairt isteach(5),

–  ag féachaint do Rialacha 95 agus 96 dá Rialacha Nós Imeachta,

–  ag féachaint don tuarascáil ón Toscaireacht chuig an gCoiste Idir-réitigh (A9-0362/2023),

1.  ag formheas an téacs chomhpháirtigh;

2.  ag dearbhú a ráitis chomh maith leis na ráitis chomhpháirteacha atá i gceangal leis an rún seo;

3.  ag tabhairt dá haire an ráiteas ón gCoimisiún atá i gceangal leis an rún sin;

4.  á threorú dá hUachtarán a dhearbhú go bhfuil buiséad ginearálta an Aontais Eorpaigh don bhliain airgeadais 2024 glactha go críochnaitheach agus socrú a dhéanamh le haghaidh a fhoilsithe in Iris Oifigiúil an Aontais Eorpaigh;

5.  á threorú dá hUachtarán an rún reachtach sin a chur ar aghaidh chuig an gComhairle, chuig an gCoimisiún, chuig na hinstitiúidí agus na comhlachtaí eile lena mbaineann agus chuig na parlaimintí náisiúnta.

(1) Téacsanna arna nglacadh, P9_TA(2023)0367. (2) IO L 424, 15.12.2020, lch. 1. (3) IO L 193, 30.7.2018, lch. 1. (4) IO L 433 I, 22.12.2020, lch. 11. (5) IO L 433 I, 22.12.2020, lch. 28.

FINAL

Buiséad 2024 – Gnéithe maidir le conclúidí comhpháirteacha

Cumhdaíonn na conclúidí comhpháirteacha sin na ranna seo a leanas:

1.  Buiséad 2024

2.  Buiséad 2023 – Dréachtbhuiséad Leasaitheach Uimh. 4/2023

3.  Ráitis

Achoimre ar an staid mar atá

A.  Buiséad 2024

De réir na ngnéithe maidir le conclúidí comhpháirteacha:

—  Tá leibhéal foriomlán na leithreasuithe faoi chomhair gealltanas i mbuiséad 2024 socraithe ag EUR 189 385,4 milliún. San iomlán, fágann sé sin corrlach EUR 360,1 milliún i leithreasuithe faoi chomhair gealltanas, méid atá faoi bhun uasteorainneacha CAI don bhliain 2024.

—  Tá leibhéal foriomlán na leithreasuithe faoi chomhair íocaíochtaí i mbuiséad 2024 socraithe ag EUR 142 630,3 milliún. San iomlán, fágann sé sin corrlach EUR 31 018,5 milliún i leithreasuithe faoi chomhair íocaíochtaí, méid atá faoi bhun uasteorainn CAI don bhliain 2024.

—  Déantar an Ionstraim Sholúbthachta don bhliain 2024 a shlógadh i leithreasuithe faoi chomhair gealltanas do mhéid arb ionann é agus EUR 1 635,5 milliún, as a n-áirítear EUR 1 289,5 milliún le haghaidh fho-cheannteideal 2b Athléimneacht agus Luachanna, EUR 317,2 milliún le haghaidh cheannteideal 5 Slándáil agus Cosaint agus EUR 28,9 milliún le haghaidh cheannteideal 6 Comharsanacht agus an Domhan.

—  I gcomhréir le hAirteagal 11(1) a de Rialachán CAI, déantar an Ionstraim Corrlaigh Aonair a shlógadh i leithreasuithe faoi chomhair gealltanas do mhéid arb ionann é agus EUR 586,1 milliún, as a n-áirítear EUR 371,1 milliún le haghaidh cheannteideal 6 Comharsanacht agus an Domhan agus EUR 215,0 milliún le haghaidh cheannteideal 7 Riarachán Poiblí Eorpach.

Tá sé measta ag an gCoimisiún gurb ionann agus EUR 1 734,4 milliún na leithreasuithe faoi chomhair íocaíochtaí in 2024 a bhaineann le slógadh na Ionstraime Solúbthachta sna blianta 2021 go 2024. Tá sceideal íocaíochta measta na méideanna gaolmhara gan íoc do na blianta sin sonraithe sa tábla seo a leanas:

B.  Buiséad 2023

Formheastar Dréachtbhuiséad Leasaitheach (DAB) Uimh. 4/2023 arna mholadh ag an gCoimisiún.

1.  Buiséad 2024

1.1.  'Línte ‘iata’

Mura luaitear a mhalairt sna conclúidí seo, deimhnítear na línte buiséid go léir mar a mhol an Coimisiún sa Dréachtbhuiséad do 2024 arna leasú i Litir Leasaitheach Uimh. 1/2024.

Ina theannta sin, mura sonraítear a mhalairt, deimhnítear na línte buiséid go léir arna leasú ag an gComhairle agus arna gcomhaontú ag an bParlaimint ina léamh mar atá leasaithe ag an gComhairle.

I gcás na línte buiséid eile, tháinig an Coiste Idir-réitigh ar chomhaontú maidir leis na conclúidí a áirítear i roinn 1.2 go roinn 1.7 thíos.

1.2.  Saincheisteanna cothrománacha

Gníomhaireachtaí díláraithe

Déantar ranníocaíocht an Aontais (i bhfoirm leithreasuithe faoi chomhair gealltanas agus leithreasuithe faoi chomhair íocaíochtaí) agus líon na bpost sa phlean bunaíochta do na gníomhaireachtaí díláraithe uile, a shocrú ar an leibhéal a mholann an Coimisiún sa Dréachtbhuiséad do 2024 arna leasú i Litir Leasaitheach Uimh. 1/2024 cé is moite de:

—  Faoi fho-cheannteideal 2b:

—  Oifig an Ionchúisitheora Phoiblí Eorpaigh (OIPE, airteagal buiséid 07 10 08) a ndéantar 13 phost a chur leis an bplean bunaíochta agus méadú EUR 4 mhilliún ar leibhéal na leithreasuithe faoi chomhair gealltanas agus na leithreasuithe faoi chomhair íocaíochtaí ina leith.

—  Faoi cheannteideal 4:

—  Gníomhaireacht an Aontais Eorpaigh um Thearmann (EUAA, airteagal buiséid 10 10 01) a ndéantar méadú EUR 1 mhilliún ar leibhéal na leithreasuithe faoi chomhair gealltanas agus na leithreasuithe faoi chomhair íocaíochtaí ina leith chun costais 10 bpost breise do ghníomhairí conarthacha a chumhdach.

—  An Ghníomhaireacht Eorpach um an nGarda Teorann agus Cósta (Frontex, airteagal buiséid 11 10 01) a ndéantar leibhéal na leithreasuithe faoi chomhair gealltanas agus íocaíochtaí a laghdú EUR 15 mhilliún ina leith.

Gníomhaireachtaí feidhmiúcháin

Déantar ranníocaíocht AE (i bhfoirm leithreasuithe i gcomhair gealltanas agus leithreasuithe i gcomhair íocaíochtaí) agus líon na bpost sa phlean bunaíochta do na ghníomhaireachtaí feidhmiúcháin, a shocrú ag an leibhéal a mholann an Coimisiún sa Dréachtbhuiséad.

Treoirthionscadail/Réamhbhearta

Comhaontaítear pacáiste cuimsitheach de 46 threoirthionscadal/réamhbhearta (PP/PA), a bhfuil 36 díobh nua, do mhéid iomlán arb ionann é agus EUR 107,4 milliún i leithreasuithe faoi chomhair gealltanas, mar atá molta ag an Parlaimint na hEorpa.

Urramaítear leis an bpacáiste sin na huasteorainneacha do threoirthionscadail agus do réamhbhearta a leagtar amach sa Rialachán Airgeadais.

1.3.  Ceannteidil chaiteachais an chreata airgeadais - leithreasuithe faoi chomhair gealltanas

Tar éis dó na conclúidí thuas maidir le gníomhaireachtaí agus treoirthionscadail agus réamhbhearta a chur i gcuntas, tháinig an Coiste Idir-réitigh ar chomhaontú maidir leis an méid seo a leanas:

Ceannteideal 1 – An Margadh Aonair, an Nuálaíocht agus Cúrsaí Digiteacha

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad, arna leasú le Litir Leasaitheach Uimh. 1/2024 ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 21 493,4 milliún, rud a fhágann corrlach EUR 104,6 milliún faoi uasteorainn chaiteachais cheannteideal 1.

Fo-cheannteideal 2a – Comhtháthú eacnamaíoch, sóisialta agus críochach

Déantar leithreasuithe faoi chomhair gealltanas a shocrú ar an leibhéal a mholann an Coimisiún sa Dréachtbhuiséad gan aon choigeartú a dhéanamh. Dá bharr sin, tá leibhéal comhaontaithe na leithreasuithe faoi chomhair gealltanas socraithe ag EUR 64 665,2 milliún, lena bhfágtar corrlach EUR 17,8 milliún faoi uasteorainn chaiteachais fho-cheannteideal 2a.

Fo-cheannteideal 2b – Athléimneacht agus Luachanna

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad, arna leasú le Litir Leasaitheach Uimh. 1/2024 ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

I gcomhthéacs costais mhaireachtála níos airde, déantar Erasmus+ a threisiú faoi EUR 60 milliún, go háirithe chun an clár a dhéanamh níos inrochtana do dhaoine ar lú na deiseanna atá acu.

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 9 895,5 milliún, gan aon chorrlach fágtha faoi uasteorainn chaiteachais fho-cheannteideal 2b agus slógadh na hIonstraime Solúbthachta le haghaidh méid arb ionann é agus EUR 1 289,5 milliún i gcomhréir le hAirteagal 12 de CAI.

Ceannteideal 3 – Acmhainní Nádúrtha agus an Comhshaol

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad, arna leasú le Litir Leasaitheach Uimh. 1/2024 ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 57 338,6 milliún, lena bhfágtar corrlach EUR 110,4 milliún faoi uasteorainn chaiteachais cheannteideal 3.

Ceannteideal 4 – Imirce agus Bainistiú Teorainneacha

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 3 892,7 milliún, lena bhfágtar corrlach EUR 127,3 milliún faoi uasteorainn chaiteachais cheannteideal 4.

Ceannteideal 5 – An tSlándáil agus an Chosaint

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 2 321,2 milliún, gan aon chorrlach fágtha faoi uasteorainn chaiteachais cheannteideal 5 agus slógadh na hIonstraime Solúbthachta le haghaidh méid arb ionann é agus EUR 317,2 milliún i gcomhréir le hAirteagal 12 de Rialachán CAI.

Ceannteideal 6 – An Chomharsanacht agus an Domhan

Tá na leithreasuithe faoi chomhair gealltanas socraithe ar an leibhéal a mholann an Coimisiún sa Dréachtbhuiséad, arna leasú le Litir Leasaitheach Uimh. 1/2024 ach leis na coigeartuithe seo a leanas, arna gcomhaontú ag an gCoiste Idir-réitigh, a shonraítear sa tábla thíos:

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 16 230,0 milliún, gan aon chorrlach fágtha faoi uasteorainn chaiteachais cheannteideal 6 agus slógadh na hIonstraime Solúbthachta le haghaidh méid arb ionann é agus EUR 28,9 milliún i gcomhréir le hAirteagal 12 de Rialachán CAI agus slógadh na hIonstraime Corrlaigh Aonair le haghaidh méid arb ionann é agus EUR 371,1 milliún i gcomhréir le hAirteagal 11(1)(a) de Rialachán CAI.

Ceannteideal 7 – An Riarachán Poiblí Eorpach

Tá líon na bpost i bpleananna bunaíochta na n-institiúidí agus na leithreasuithe a mhol an Coimisiún sa Dréachtbhuiséad, arna leasú le Litir Leasaitheach 1/2024, comhaontaithe ag an gCoiste Idir-réitigh leis na heisceachtaí seo a leanas: déantar na ranna de Pharlaimint na hEorpa, den Chomhairle Eorpach, den Choimisiún, den Chúirt Bhreithiúnais, de Chúirt Iniúchóirí na hEorpa agus den Mhaoirseoir Eorpach ar Chosaint Sonraí a choigeartú chun a léiriú gur cheart an caiteachas a bhaineann le Feisirí a fhaigheann tuarastail ó bhuiséad an Aontais, atá faoi réir an innéacsaithe, a aicmiú mar chaiteachas tuarastail agus, dá bhrí sin, é a eisiamh ó threoirlínte an Choimisiúin maidir leis an méadú ar chaiteachas nach mbaineann le tuarastal a theorannú go 2%.

Tá méadú EUR 33,8 milliún de cheannteideal 7 mar thoradh ar an gcoigeartú foriomlán.

Déantar leasuithe a thug Parlaimint na hEorpa isteach ina leith ar a cuid féin a athbhunú gan aon mhodhnú. Ar an iomlán, is é an toradh a bhíonn air sin ná leibhéal leithreasuithe faoi chomhair íocaíochtaí arb ionann é agus EUR 2 383,1 milliún, ar méadú EUR 27 707 693milliún é i gcomparáid leis an Dréachtbhuiséad, arna leasú le Litir Leasaitheach 1/2024.

I gcás na ranna eile lena mbaineann, i bhfianaise na méideanna bunaidh a iarradh ar na línte neamhthuarastail, leagtar amach na mionsonraí de réir línte buiséid thíos agus na treoirlínte 2 % á n-urramú:

Roinn 2 – An Chomhairle Eorpach agus an Chomhairle

Roinn 3 – An Coimisiún Eorpach

Roinn 4 – An Chúirt Bhreithiúnais

Roinn 5 – Cúirt Iniúchóirí na hEorpa

Roinn 9 – An Maoirseoir Eorpach ar Chosaint Sonraí

Áirítear freisin sa tábla le haghaidh an Mhaoirseora Eorpaigh ar Chosaint Sonraí ceartú teicniúil chun coigeartuithe roimhe sin arna gcomhaontú i mBuiséid Leasaitheacha Uimh. 1/2023 agus Uimh. 3/2023 araon a ionchorprú agus tionchar acu ar an méid tagartha a úsáidtear chun riachtanais le haghaidh 2024 a ríomh, i gcomhréir leis an modheolaíocht atá i bhfeidhm.

Dá thoradh sin, tá leibhéal comhaontaithe na leithreasuithe faoi chomhair gealltanas socraithe ag EUR 11 988,0 milliún, gan aon chorrlach fágtha faoi uasteorainn chaiteachais cheannteideal 7 agus slógadh na hIonstraime Corrlaigh Aonair le haghaidh méid arb ionann é agus EUR 215,0 milliún i gcomhréir le hAirteagal 11(1)(a) de Rialachán CAI.

Ionstraimí speisialta téamacha: CED, SEAR agus BAR

Déantar na leithreasuithe faoi chomhair gealltanas don Chiste Eorpach um Choigeartú don Domhandú d’Oibrithe Iomarcacha (CED), don Chúlchiste um Dhlúthpháirtíocht agus Cabhair Éigeandála (SEAR) agus do Chúlchiste Coigeartaithe Brexit (BAR), a shocrú ag an leibhéal a mholann an Coimisiún sa Dréachtbhuiséad.

1.4  Leithreasuithe faoi chomhair íocaíochtaí

Tá leibhéal foriomlán na leithreasuithe faoi chomhair íocaíochtaí i mBuiséad 2024 socraithe ar leibhéal an Dréachtbhuiséid, arna leasú le Litir Leasaitheach Uimh. 1/2024 leis na coigeartuithe seo a leanas arna gcomhaontú ag an gCoiste Idir-réitigh:

1.  Déantar leibhéal comhaontaithe na leithreasuithe faoi chomhair gealltanas le haghaidh caiteachas neamhdhifreáilte (ceannteidil 1 go 6), a bhfuil leibhéal na leithreasuithe faoi chomhair íocaíochtaí cothrom le leibhéal na leithreasuithe faoi chomhair gealltanas ina leith, a chur i gcuntas. Tá feidhm aige sin maidir le laghdú EUR 456,0 milliún ar chostas maoinithe Ionstraim Théarnaimh an Aontais Eorpaigh (EURI) agus maidir leis an laghdú foriomlán EUR 84,8 milliún ar CERT. Agus an coigeartú ar ranníocaíocht an Aontais do ghníomhaireachtaí díláraithe a chur i gcuntas freisin, is ionann an éifeacht chomhcheangailte agus laghdú EUR 550,8 milliún;

2.  An coigeartú faoi cheannteideal 7 a bhfuil méadú EUR 33,8 milliún mar thoradh air;

3.  Déantar na leithreasuithe faoi chomhair íocaíochtaí do na treoirthionscadail nua uile agus do na réamhbhearta uile a mholann Parlaimint na hEorpa a shocrú ag 25% de leibhéal na leithreasuithe comhfhreagracha faoi chomhair gealltanas, nó ag an leibhéal a mholann Parlaimint na hEorpa, más ísle iad. I gcás ina ndéantar síneadh a chur leis na treoirthionscadail agus na réamhbhearta atá cheana ann, is é leibhéal na leithreasuithe faoi chomhair íocaíochtaí an leibhéal a shainmhínítear sa Dréachtbhuiséad arna leasú leis an Litir Leasaitheach Uimh. 1/2024 móide 25 % de leibhéal na leithreasuithe nua comhfhreagracha faoi chomhair gealltanas, nó ag an leibhéal a mholann Parlaimint na hEorpa, más ísle sin. Is ionann an éifeacht chomhcheangailte agus méadú EUR 26,8 milliún;

4.  Maidir leis na coigeartuithe ar línte buiséid i gcomhair caiteachas difreáilte, is ionann an éifeacht chomhcheangailte agus méadú EUR 134,5 milliún.

Déantar na coigeartuithe, a mbíonn laghdú EUR 355,7 milliún mar thoradh orthu, a leagan amach sa tábla seo a leanas:

Ar an iomlán, is é an toradh a bhíonn air sin ná leibhéal leithreasuithe faoi chomhair íocaíochtaí arb ionann é agus EUR 142 630,3 milliún, ar laghdú EUR 355,7 milliún é i gcomparáid leis an Dréachtbhuiséad, arna leasú le Litir Leasaitheach 1/2024.

1.5.  Cúlchistí

Níl aon chúlchistí sa bhreis ar na cúlchistí atá sa Dréachtbhuiséad, arna leasú le Litir Leasaitheach 1/2024.

1.6.  Barúlacha maidir leis an mBuiséad

Freagraíonn téacs na mbarúlacha buiséid don Dréachtbhuiséad, arna leasú le Litir Leasaitheach Uimh. 1/2024 leis na coigeartuithe seo a leanas atá molta sa litir infhorghníomhaitheachta agus a chomhaontaigh an Coiste Idir-réitigh:

—  Formheastar na línte buiséid seo a leanas a bhfuil leasuithe tugtha isteach ag Parlaimint na hEorpa ina leith ar a cuid féin gan aon mhodhnú:

—  Mír 1 4 0 0 – Foireann eile – Ardrúnaíocht agus grúpaí polaitiúla

Déantar an téacs a leasú mar a leanas:

Tá imchlúdach EUR 362 040 san áireamh sa leithreasú seo a bhaineann le foireann an Údaráis um Páirtithe Polaitiúla Eorpacha agus um Fhondúireachtaí Polaitiúla Eorpacha

—  Airteagal 2 3 8 – Caiteachas riaracháin eile

Déantar an téacs a leasú mar a leanas:

–  nithe ilghnéitheacha arna gceannach i dtaca le freagracht shóisialta chorparáideach na Parlaiminte (EMAS san áireamh),

–  seirbhísí ilghnéitheacha i dtaca le bainistiú airgeadais agus fardail na Parlaiminte.

—  Airteagal 2 3 9 – Gníomhaíochtaí EMAS, lena n-áirítear cur chun cinn, agus scéim fritháirimh carbóin Pharlaimint na hEorpa

Déantar an ceannteideal a leasú mar a leanas:

Gníomhaíochtaí EMAS agus gníomhaíochtaí inbhuanaitheachta, lena n-áirítear cur chun cinn, agus scéim fritháirimh carbóin Pharlaimint na hEorpa

Déantar an téacs a leasú mar a leanas:

Tá sé beartaithe go gcumhdódh an leithreasú seo an caiteachas a bhaineann le gníomhaíochtaí inbhuanaitheachta i bParlaimint na hEorpa agus gníomhaíochtaí EMAS arb é is aidhm dóibh feidhmíocht chomhshaoil Pharlaimint na hEorpa a fheabhsú, lena n-áirítear cur chun cinn na ngníomhaíochtaí sin, agus scéim fritháirimh carbóin Pharlaimint na hEorpa.

Tá glacadh leis nach féidir le leasuithe a dhéanfaidh Parlaimint na hEorpa nó an Chomhairle raon feidhme an bhunúis dlí atá ann cheana a mhodhnú ná a leathnú, ná nach féidir cur isteach ar neamhspleáchas riaracháin na n-institiúidí, agus gur féidir an beart a chumhdach leis na hacmhainní atá ar fáil.

1.7.  Ainmníocht bhuiséadach

Comhaontaítear an ainmníocht bhuiséadach a mhol an Coimisiún sa Dréachtbhuiséad, arna leasú le Litir Leasaitheach 1/2024, agus na treoirthionscadail nua agus na réamhbhearta nua san áireamh. Tháinig an Coiste Idir-réitigh ar chomhaontú freisin maidir le líne bhuiséid amháin a scriosadh i roinn Pharlaimint na hEorpa (Airteagal 5 0 2 — an tÚdarás um Páirtithe Polaitiúla Eorpacha agus um Fhondúireachtaí Polaitiúla Eorpacha – Luach saothair agus liúntais).

2.  Buiséad 2023

Formheastar Dréachtbhuiséad Leasaitheach (DAB) Uimh. 4/2023 arna mholadh ag an gCoimisiún.

3.  Ráitis

3.1.  Comhráiteas ó Pharlaimint na hEorpa agus ón gComhairle maidir le leithreasuithe faoi chomhair íocaíochtaí

Iarrann Parlaimint na hEorpa agus an Chomhairle ar an gCoimisiún leanúint de dhlúthfhaireachán gníomhach a dhéanamh le linn na bliana 2024 ar chur chun feidhme chláir na CAInna atá ann faoi láthair agus a bhí ann roimhe sin (go háirithe i bhfo-cheannteideal 2a agus Forbairt Tuaithe). Chuige sin, iarrann Parlaimint na hEorpa agus an Chomhairle ar an gCoimisiún tíolacadh a dhéanamh, ar bhonn tráthúil, ar fhigiúirí nuashonraithe a mhéid a bhaineann le staid na himeartha agus le meastacháin maidir le leithreasuithe faoi chomhair íocaíochtaí 2024 (agus cruinneas réamhaisnéisí feabhsaithe na mBallstát á gcur i gcuntas i gcás inarb infheidhme). Má léirítear leis na figiúirí nach leor na leithreasuithe a iontráladh i mbuiséad 2024 chun na riachtanais a chumhdach, iarrann Parlaimint na hEorpa agus an Chomhairle ar an gCoimisiún réiteach iomchuí, inter alia dréachtbhuiséad leasaitheach a thíolacadh a luaithe is féidir, d’fhonn lamháil do Pharlaimint na hEorpa agus don Chomhairle aon chinntí is gá a dhéanamh a luaithe is féidir gan moill mhíchuí i gcás riachtanais a bhfuil bonn cirt leo. I gcás inarb infheidhme, cuirfidh Parlaimint na hEorpa agus an Chomhairle i gcuntas práinn an ábhair, lena ngiorrófar an tréimhse 8 seachtaine le haghaidh cinnidh má mheastar gur gá sin. Is amhlaidh an cás mutatis mutandis má léirítear leis na figiúirí go bhfuil na leithreasuithe a iontráladh i mbuiséad 2024 níos airde ná mar is gá.

3.2.  Ráiteas comhpháirteach ó Pharlaimint na hEorpa, ón gComhairle agus ón gCoimisiún maidir le toradh an athbhreithnithe mheántéarma ar CAI a chomhtháthú i mbuiséad 2024

Tugann Parlaimint na hEorpa, an Chomhairle agus an Coimisiún dá n-aire an plé atá ar siúl faoi láthair maidir leis an athbhreithniú atá beartaithe ar an gCreat Airgeadais Ilbhliantúil, 2021-2027. D’iarr an Chomhairle Eorpach ar an gComhairle leanúint ar aghaidh leis an obair, d’fhonn teacht ar chomhaontú foriomlán maidir le CAI athbhreithnithe atá á bheartú faoi dheireadh na bliana, agus ar an gcaoi sin, go mbeifear in ann é a ghlacadh go pras agus aird chuí á tabhairt ar ról Pharlaimint na hEorpa i gcomhréir leis na nósanna imeachta a leagtar síos sna Conarthaí. Dá bhrí sin, ní féidir tionchar an chomhaontaithe sin don bhliain airgeadais 2024 a chur isteach ach amháin trí dhréachtbhuiséad leasaitheach.

Dá bhrí sin, iarrann Parlaimint na hEorpa agus an Chomhairle ar an gCoimisiún Dréachtbhuiséad Leasaitheach a mholadh a luaithe a chomhaontófar an t-athbhreithniú ar Rialachán CAI d’fhonn buiséad 2024 a ailíniú le Rialachán CAI athbhreithnithe.

Geallann Parlaimint na hEorpa agus an Chomhairle go ndéanfaidh siad an togra ón gCoimisiún a mheas gan moill mhíchuí, agus práinn an ábhair á cur san áireamh.

3.3.  Ráiteas aontaobhach ón gCoimisiún maidir leis an bhfóirdheontas ráta úis MFA+ don bhliain airgeadais 2024

Geallann an Coimisiún go molfaidh sé na bearta buiséadacha iomchuí chun na hacmhainní a leithdháiltear d’fhóirdheontas ráta úis MFA+ (Airteagal 14 07 01) don bhliain airgeadais 2024 a shaoradh, i gcás go dtiocfar ar réiteach maoinithe malartach in am trátha.

3.4.  Ráiteas aontaobhach ó Pharlaimint na hEorpa maidir lefóirdheontas ráta úis MFA+

Tugann Parlaimint na hEorpa dá haire an ráiteas ón gCoimisiún. Meabhraíonn Parlaimint na hEorpa gur cheart, faoi Rialachán (AE) 2022/2463, fóirdheontas ráta úis maidir le MFA+ don Úcráin a mhaoiniú le ranníocaíocht dheonach ó na Ballstáit agus go bhféadfadh buiséad an Aontais ranníocaíocht a dhéanamh faoi réir na n-acmhainní atá ar fáil. Sa chomhthéacs sin, cuireann Parlaimint na hEorpa i bhfios go láidir gur eisceacht aonuaire é an leithreasú a iontráil go sealadach ar líne bhuiséid 14 07 01 agus nach fasach é d'aon nósanna imeachta buiséadacha a bheidh ann amach anseo.

Rinneadh an liosta seo a leanas a tharraingt suas faoi fhreagracht eisiach na rapóirtéirí.

Fuair na rapóirtéirí ionchur ó na heintitis nó na daoine a leanas agus an tuarascáil á hullmhú acu: