Riżoluzzjoni tal-Parlament Ewropew tat-22 ta’ Novembru 2023 dwar il-pożizzjoni tal-Kunsill dwar l-abbozz ta’ baġit emendatorju Nru 4/2023 tal-baġit ġenerali tal-2023 - Tnaqqis fl-approrjazzjonijiet ta’ pagament, aġġustamenti oħra u aġġornamenti tekniċi (14622/2023 – C9-0410/2023 – 2023/0367(BUD))

P9_TA(2023)0412 A9-0363/2023

Il-Parlament Ewropew,

–  wara li kkunsidra l-Artikolu 314 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(1), u b’mod partikolari l-Artikolu 44 tiegħu,

–  wara li kkunsidra l-baġit ġenerali tal-Unjoni Ewropea għas-sena finanzjarja 2023, adottat b’mod definittiv fit-23 ta’ Novembru 2022(2),

–  wara li kkunsidra r-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin 2021-2027(3),

–  wara li kkunsidra l-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda(4),

–  wara li kkunsidra d-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom(5),

–  wara li kkunsidra l-abbozz ta’ baġit emendatorju Nru 4/2023, adottat mill-Kummissjoni fil-11 ta’ Ottubru 2023 (COM(2023)0530),

–  wara li kkunsidra l-pożizzjoni dwar l-abbozz ta’ baġit emendatorju Nru 4/2023, adottata mill-Kunsill fid-9 ta’ Novembru 2023 u li ntbagħtet lill-Parlament Ewropew fit-13 ta’ Novembru 2023 (14622/2023 – C9-0410/2023),

–  wara li kkunsidra l-Artikoli 94 u 96 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Baġits (A9-0363/2023),

A.  billi l-għan ewlieni tal-abbozz ta’ baġit emendatorju Nru 4/2023 huwa li jaġġorna n-naħa tan-nefqa tal-baġit, fost affarijiet oħra biex jitnaqqsu l-approprjazzjonijiet tal-proġett tar-Reattur Termonukleari Sperimentali Internazzjonali (ITER) b’EUR 280 000 000 f’approprjazzjonijiet ta’ impenn u b’EUR 264 000 000 f’approprjazzjonijiet ta’ pagament, minħabba dewmien fl-implimentazzjoni, u biex jitnaqqas il-livell ta’ approprjazzjonijiet ta’ pagament għall-Programm Ewropa Diġitali, il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond Agrikolu Ewropew għall-Iżvilupp Rurali u l-Fond għall-Ażil, il-Migrazzjoni u l-Integrazzjoni għal ammont totali ta’ EUR 3 000 000 000;

B.  billi l-impatt nett globali tal-abbozz ta’ baġit emendatorju Nru 4/2023 fuq in-nefqa jammonta għal tnaqqis ta’ EUR 247 500 000 f’approprjazzjonijiet ta’ impenn u ta’ EUR 3 254 800 000 f’approprjazzjonijiet ta’ pagament;

1.  Jieħu nota tal-abbozz ta’ baġit emendatorju Nru 4/2023, kif imressaq mill-Kummissjoni;

2.  Jenfasizza t-tnaqqis propost għall-proġett ITER, li jiżdied mat-tnaqqis li sar fiż-żmien tan-negozjati tal-baġit 2023 u t-tnaqqis propost mill-Kummissjoni fl-abbozz ta’ baġit 2024; jesprimi tħassib konsiderevoli dwar il-progress li sar fl-implimentazzjoni tal-ITER u jistieden lill-Kummissjoni żżomm lill-Parlament infurmat bis-sħiħ dwar l-iżviluppi u l-impatt tagħhom fuq il-kontribuzzjoni finanzjarja tal-Unjoni u tagħti spjegazzjoni aktar dettaljata tar-raġunijiet għad-dewmien sinifikanti fil-programm;

3.  Jesprimi tħassib serju dwar id-dewmien fl-implimentazzjoni tal-programmi fil-Qafas Finanzjarju Pluriennali (QFP) attwali u t-tnaqqis konsegwenti fl-approprjazzjonijiet ta’ pagament; jistieden lill-Istati Membri jkomplu malajr bl-implimentazzjoni, bl-appoġġ tal-Kummissjoni, biex jiżguraw l-assorbiment sħiħ tal-approprjazzjonijiet disponibbli; jisħaq fuq il-ħtieġa li tiġi evitata kriżi tal-pagamenti fi tmiem il-QFP attwali; ifakkar, fid-dawl ta’ dan, il-proposta tiegħu li jiġi emendat l-Istrument ta’ Marġini Uniku sabiex jitneħħa l-limitu massimu annwali fl-approprjazzjonijiet ta’ pagament għal rikors għal dak l-Istrument bħala parti mir-reviżjoni tal-QFP u jistieden lill-Kunsill u lill-Kummissjoni jappoġġaw il-proposta tal-Parlament;

4.  Jindika b’mod partikolari t-tnaqqis fl-approprjazzjonijiet ta’ pagament għall-Fond għall-Ażil, il-Migrazzjoni u l-Integrazzjoni (AMIF) propost mill-Kummissjoni minħabba l-fatt li għadd ta’ fatturi ta’ valur għoli għadhom qed jiġu analizzati u xi rekwiżiti ta’ kundizzjonalità tal-pagamenti għadhom ma ġewx issodisfati għal ċerti proġetti; iqis li tali dewmien huwa problematiku ħafna peress li l-AMIF irid ikun flessibbli u reattiv fil-każ ta’ flussi migratorji; jistieden lill-Kummissjoni tħaffef il-proċess sabiex tkun tista’ tappoġġa bis-sħiħ lill-Istati Membri meta jiffaċċjaw flussi migratorji għoljin;

5.  Jilqa’ l-proposta li jiżdied il-livell ta’ approprjazzjonijiet għas-sigurtà tal-bini u tas-sistemi tal-IT tal-Uffiċċju tal-Prosekutur Pubbliku Ewropew u li jiġu allokati tmien aġenti temporanji addizzjonali; itenni l-pożizzjoni li ilu jħaddan dwar il-ħtieġa li jiġi żgurat li l-aġenziji li l-mandat tagħhom ġie estiż jirċievu żieda proporzjonata fil-persunal u fil-baġit;

6.  Jieħu nota tal-aġġustamenti proposti mill-Kummissjoni fir-rigward tal-intestatura 7; jenfasizza l-fatt li l-istituzzjonijiet tal-Unjoni jeħtieġu r-riżorsi neċessarji biex ikunu jistgħu jissodisfaw l-obbligi legali u kuntrattwali tagħhom flimkien mal-mandat tagħhom; jilqa’ l-isforzi li saru mill-Istituzzjonijiet biex ikopru kważi l-ammonti kollha meħtieġa minħabba r-rata ogħla ta’ aġġornament tas-salarji permezz ta’ riallokazzjonijiet u l-posponiment ta’ investimenti mhux obbligatorji; jieħu nota taż-żieda żgħira meħtieġa fir-rigward tan-nefqa tal-pensjonijiet u l-ammont meħtieġ mill-Iskejjel Ewropej biex ikopru l-ispiża tal-prezzijiet għoljin tal-enerġija;

7.  Iqis li l-Unjoni għandha tipprovdi rispons qawwi għall-ħtiġijiet li qed jiżdiedu b’rata mgħaġġla, b’mod partikolari fir-rigward tal-għajnuna umanitarja, inkluż fil-Lvant Nofsani u l-Kawkasu; jistieden lill-Kummissjoni tivvaluta l-possibbiltajiet baġitarji biex tipprovdi appoġġ diġà fl-2023, permezz ta’ abbozz ieħor ta’ baġit emendatorju jew trasferiment;

8.  Japprova l-pożizzjoni tal-Kunsill dwar l-abbozz ta’ baġit emendatorju Nru 4/2023;

9.  Jagħti istruzzjonijiet lill-President tiegħu biex tiddikjara li l-baġit emendatorju Nru 4/2023 ġie adottat b’mod definittiv u biex tiżgura li jiġi ppubblikat f’Il-Ġurnal Uffiċjali tal-Unjoni Ewropea;

10.  Jagħti istruzzjonijiet lill-President tiegħu biex tgħaddi din ir-riżoluzzjoni lill-Kunsill, lill-Kummissjoni kif ukoll lill-parlamenti nazzjonali.

(1) ĠU L 193, 30.7.2018, p. 1. (2) ĠU L 58, 23.2.2023, p. 1. (3) ĠU L 433 I, 22.12.2020, p. 11. (4) ĠU L 433 I, 22.12.2020, p. 28. (5) ĠU L 424, 15.12.2020, p. 1.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar l-abbozz konġunt tal-baġit ġenerali tal-Unjoni Ewropea għas-sena finanzjarja 2024, approvat mill-Kumitat ta’ Konċiljazzjoni fil-qafas tal-proċedura baġitarja (11565/2023 – C9-0336/2023 – 2023/0264(BUD))

P9_TA(2023)0413 A9-0362/2023

Il-Parlament Ewropew,

–  wara li kkunsidra l-abbozz konġunt approvat mill-Kumitat ta’ Konċiljazzjoni inkluża d-dikjarazzjonijiet rilevanti tal-Parlament Ewropew, tal-Kunsill u tal-Kummissjoni (11565/2023 – C9‑0336/2023),

–  wara li kkunsidra l-abbozz ta’ baġit ġenerali tal-Unjoni Ewropea għas-sena finanzjarja 2024, adottat mill-Kummissjoni fil-5 ta’ Lulju 2023 (COM(2023)0300),

–  wara li kkunsidra l-pożizzjoni dwar l-abbozz tal-baġit ġenerali tal-Unjoni Ewropea għas-sena finanzjarja 2024, adottata mill-Kunsill fil-5 ta’ Settembru 2023 u li ntbagħatet lill-Parlament Ewropew fit-8 ta’ Settembru 2023 (11565/2023 – C9‑0336/2023),

–  wara li kkunsidra l-Ittra Emendatorja Nru 1/2024 għall-abbozz tal-baġit ġenerali tal-Unjoni Ewropea għas-sena finanzjarja 2024, ippreżentata mill-Kummissjoni fid-9 ta’ Ottubru 2023 (COM(2023)0531),

–  wara li kkunsidra r-riżoluzzjoni tiegħu tat-18 ta’ Ottubru 2023 dwar il-pożizzjoni tal-Kunsill dwar l-abbozz ta’ baġit ġenerali tal-Unjoni Ewropea għas-sena finanzjarja 2024(1) u l-emendi baġitarji li tinkludi,

–  wara li kkunsidra l-Artikolu 314 tat-Trattat dwar il-Funzjonament tal-Unjoni Ewropea,

–  wara li kkunsidra l-Artikolu 106a tat-Trattat li jistabbilixxi l-Komunità Ewropea tal-Enerġija Atomika,

–  wara li kkunsidra d-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom(2),

–  wara li kkunsidra r-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012(3),

–  wara li kkunsidra r-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin 2021-2027(4),

–  wara li kkunsidrat il-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda(5),

–  wara li kkunsidra l-Artikolu 95 u l-Artikolu 96 tar-Regoli ta’ Proċedura tiegħu,

–  wara li kkunsidra r-rapport tad-delegazzjoni tiegħu għall-Kumitat ta’ Konċiljazzjoni (A9-0362/2023),

1.  Japprova t-test konġunt;

2.  Jikkonferma d-dikjarazzjoni tiegħu kif ukoll id-dikjarazzjonijiet konġunti annessi ma’ din ir-riżoluzzjoni;

3.  Jieħu nota tad-dikjarazzjoni tal-Kummissjoni annessa ma’ din ir-riżoluzzjoni;

4.  Jagħti istruzzjonijiet lill-President tiegħu biex jiddikjara li l-baġit ġenerali tal-Unjoni Ewropea għas-sena finanzjarja 2024 ġie adottat b’mod definittiv u biex jiżgura li jiġi ppubblikat f’Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex tgħaddi din ir-riżoluzzjoni leġiżlattiva lill-Kunsill, lill-Kummissjoni, lill-istituzzjonijiet l-oħra u lill-entitajiet ikkonċernati, kif ukoll lill-parlamenti nazzjonali.

ANNESS

FINALI

Baġit 2024 – Elementi għall-konklużjonijiet konġunti

Dawn il-konklużjonijiet konġunti jkopru t-taqsimiet li ġejjin:

1.  Baġit 2024

2.  Baġit 2023 – Abbozz ta’ Baġit Emendatorju Nru 4/2023

3.  Dikjarazzjonijiet

Ħarsa ġenerali fil-qosor

A.  Baġit 2024

Skont l-elementi għall-konklużjonijiet konġunti:

—  Il-livell globali ta’ approprjazzjonijiet ta’ impenn fil-baġit tal-2024 huwa stabbilit fl-ammont ta’ EUR 189 385,4 miljun. B’mod globali, dan iħalli marġni taħt il-limiti massimi tal-QFP għall-2019 ta’ EUR 360,1 miljun f’approprjazzjonijiet ta’ impenn.

—  Il-livell globali ta’ approprjazzjonijiet ta’ pagament fil-baġit 2024 huwa stabbilit fl-ammont ta’ EUR 142 630,3 miljun. B’mod globali, dan iħalli marġni taħt il-limitu massimu tal-QFP għall-2024 ta’ EUR 31 018,5 miljun f’approprjazzjonijiet ta’ impenn.

—  L-Istrument ta’ Flessibbiltà għall-2024 huwa mobilizzat f’approprjazzjonijiet ta’ impenn għal ammont ta’ EUR 1 635,5 miljun, li minnhom EUR 289,5 miljun għas-subintestatura 2b Reżiljenza u Valuri, EUR 317,2 miljun għall-intestatura 5 Sigurtà u Difiża u EUR 28,9 miljun għall-intestatura 6 Il-Viċinat u d-Dinja.

—  F’konformità mal-Artikolu 11(1)a tar-Regolament QFP, l-Istrument ta’ Marġini Uniku huwa mobilizzat f’approprjazzjonijiet ta’ impenn għal ammont ta’ EUR 586,1 miljun, li minnhom EUR 371,1 miljun huma għall-intestatura 6 Viċinat u d-Dinja u EUR 215,0 miljun huma għall-intestatura 7 Amministrazzjoni Pubblika Ewropea.

L-approprjazzjonijiet ta’ pagament għall-2024 relatati mal-mobilizzazzjoni tal-Istrument ta’ Flessibbiltà fis-snin mill-2021 sal-2024 huma stmati mill-Kummissjoni li jammontaw għal EUR 1 734,4 miljun. L-iskeda ta’ pagamenti stmata tal-ammonti pendenti relatati għal dawn is-snin hija dettaljata fit-tabella li ġejja:

B.  Baġit 2023

L-Abbozz ta’ Baġit Emendatorju (ABE) 4/2023 huwa approvat kif propost mill-Kummissjoni.

1.  Baġit 2024

1.1.  Linji “magħluqa”

Sakemm ma jkunx iddikjarat mod ieħor hawn taħt f’dawn il-konklużjonijiet, il-linji baġitarji kollha huma kkonfermati kif propost mill-Kummissjoni fl-Abbozz ta’ Baġit għall-2024 kif emendat fl-Ittra Emendatorja Nru 1/2024.

Barra minn hekk, sakemm ma jkunx iddikjarat mod ieħor, il-linji baġitarji kollha emendati mill-Kunsill u maqbula mill-Parlament fil-qari tiegħu huma kkonfermati kif emendati mill-Kunsill.

Għal-linji baġitarji l-oħra, il-Kumitat ta’ Konċiljazzjoni qabel dwar il-konklużjonijiet inklużi fit-taqsimiet 1.2 sa 1.7 ta’ hawn taħt.

1.2.  Kwistjonijiet orizzontali

Aġenziji deċentralizzati

Il-kontribuzzjoni tal-UE (f’approprjazzjonijiet ta’ impenn u ta’ pagament ) u l-għadd ta’ pożizzjonijiet fit-tabella tal-persunal għall-aġenziji deċentralizzati kollha huma stabbiliti fil-livell propost mill-Kummissjoni fl-Abbozz ta’ Baġit għall-2024 kif emendat fl-Ittra Emendatorja Nru 1/2024 bl-eċċezzjonijiet li ġejjin:

—  Taħt is-subintestatura 2b:

—  L-Uffiċċju tal-Prosekutur Pubbliku Ewropew (UPPE, l-artikolu baġitarju 07 10 08), li għalih żdiedu 13-il pożizzjoni fit-tabella tal-persunal u li għalih il-livell ta’ approprjazzjonijiet ta’ impenn u ta’ pagament qed jiżdied b’EUR 4 miljun.

—  Taħt l-intestatura 4:

—  L-Aġenzija tal-Unjoni Ewropea għall-Ażil (EUAA, l-artikolu baġitarju 10 10 01) li għaliha l-livell ta’ approprjazzjonijiet ta’ impenn u ta’ pagament qed jiżdied b’EUR 1 miljun biex jiġu koperti l-ispejjeż ta’ 10 pożizzjonijiet ta’ aġenti kuntrattwali addizzjonali.

—  L-Aġenzija tal-Gwardja Ewropea tal-Fruntiera u tal-Kosta (Frontex, l-artikolu baġitarju 11 10 01) li għaliha l-livell ta’ approprjazzjonijiet ta’ impenn u ta’ pagament tnaqqas bi EUR 15-il miljun.

Aġenziji Eżekuttivi

Il-kontribuzzjoni tal-UE (f’approprjazzjonijiet ta’ impenn u ta’ pagament) u l-għadd ta’ pożizzjonijiet fit-tabella tal-persunal għall-aġenziji eżekuttivi huma stabbiliti fil-livell propost mill-Kummissjoni fl-Abbozz ta’ Baġit.

Proġetti Pilota/Azzjonijiet Preparatorji

Ġie maqbul pakkett komprensiv ta’ 46 proġett pilota/azzjoni preparatorja (PP/AP), li minnhom 36 huma ġodda, għal ammont totali ta’ EUR 107,4 miljun f’approprjazzjonijiet ta’ impenn, kif propost mill-Parlament.

Dan il-pakkett jirrispetta l-limiti massimi għall-proġetti pilota u l-azzjonijiet preparatorji previsti fir-Regolament Finanzjarju.

1.3.  Intestaturi tan-nefqa tal-qafas finanzjarju – approprjazzjonijiet ta’ impenn

Wara li kkunsidra l-konklużjonijiet imsemmija hawn fuq dwar l-aġenziji u l-proġetti pilota u l-azzjonijiet preparatorji, il-Kumitat ta’ Konċiljazzjoni wasal għal ftehim fir-rigward ta’ dan li ġej:

Intestatura 1 – Suq Uniku, Innovazzjoni u Diġitali

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit, kif emendat mill-Ittra Emendatorja Nru 1/2024 iżda bl-aġġustamenti li ġejjin, maqbula mill-Kumitat ta’ Konċiljazzjoni, kif stabbiliti fit-tabella ta’ hawn taħt:

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 21 493,4 miljun, li jħalli marġni ta’ EUR 104,6 miljun taħt il-limitu massimu tan-nefqa tal-intestatura 1.

Subintestatura 2a – Koeżjoni ekonomika, soċjali u territorjali

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit, mingħajr ebda aġġustament. B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 64 665,2 miljun, u dan iħalli marġni ta’ EUR 17,8-il miljun taħt il-limitu massimu tan-nefqa tas-subintestatura 2a.

Subintestatura 2b – Reżiljenza u Valuri

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit, kif emendat mill-Ittra Emendatorja Nru 1/2024 iżda bl-aġġustamenti li ġejjin, maqbula mill-Kumitat ta’ Konċiljazzjoni, kif stabbiliti fit-tabella ta’ hawn taħt:

F’kuntest ta’ livell ogħla tal-għoli tal-ħajja, Erasmus+ huwa msaħħaħ b’EUR 60 miljun, b’mod partikolari biex il-programm isir aktar aċċessibbli għal persuni b’inqas opportunitajiet.

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 9 895,5 miljun, mingħajr marġni taħt il-limitu massimu tan-nefqa tas-subintestatura 2b u l-mobilizzazzjoni tal-Istrument ta’ Flessibbiltà għal ammont ta’ EUR 1 289,5 miljun f’konformità mal-Artikolu 12 tal-QFP.

Intestatura 3 – Riżorsi Naturali u Ambjent

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit, kif emendat mill-Ittra Emendatorja Nru 1/2024 iżda bl-aġġustamenti li ġejjin, maqbula mill-Kumitat ta’ Konċiljazzjoni, kif stabbiliti fit-tabella ta’ hawn taħt:

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 57 338,6 miljun, u dan iħalli marġni ta’ EUR 110,4 miljun taħt il-limitu massimu tan-nefqa tal-intestatura 3.

Intestatura 4 – Migrazzjoni u Ġestjoni tal-Fruntieri

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit iżda bl-aġġustamenti li ġejjin, maqbula mill-Kumitat ta’ Konċiljazzjoni, kif dettaljati fit-tabella ta’ hawn taħt:

B’konsegwenza ta’ dan, il-livell tal-approprjazzjonijiet ta’ impenn huwa stabbilit għal EUR 3 892,7 miljun, u jħalli marġni ta’ EUR 127,3 miljun taħt il-limitu massimu tan-nefqa tal-intestatura 4.

Intestatura 5 – Sigurtà u Difiża

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit iżda bl-aġġustamenti li ġejjin, maqbula mill-Kumitat ta’ Konċiljazzjoni, kif dettaljati fit-tabella ta’ hawn taħt:

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 2 321,2 miljun, mingħajr marġni taħt il-limitu massimu tan-nefqa tal-intestatura 5 u l-mobilizzazzjoni tal-Istrument ta’ Flessibbiltà għal ammont ta’ EUR 1 miljun f’konformità mal-Artikolu 12 tar-Regolament QFP.

Intestatura 6 - Il-Viċinat u d-Dinja

L-approprjazzjonijiet ta’ impenn huma stabbiliti fil-livell propost mill-Kummissjoni fl-Abbozz ta’ Baġit, kif emendat mill-Ittra Emendatorja Nru 1/2024 iżda bl-aġġustamenti li ġejjin, maqbula mill-Kumitat ta’ Konċiljazzjoni, kif stabbiliti fit-tabella ta’ hawn taħt:

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 16 230,0 miljun, mingħajr marġni taħt il-limitu massimu tan-nefqa tal-intestatura 6 u l-mobilizzazzjoni tal-Istrument ta’ Flessibbiltà għal ammont ta’ EUR 28,9 miljun f’konformità mal-Artikolu 12 tar-Regolament QFP u l-mobilizzazzjoni tal-Istrument ta’ Marġni Uniku għal ammont ta’ EUR 371,1 miljun f’konformità mal-Artikolu 11(1)(a) tar-Regolament QFP.

Intestatura 7 – L-Amministrazzjoni Pubblika Ewropea

L-għadd ta’ pożizzjonijiet fit-tabella tal-persunal tal-istituzzjonijiet u l-approprjazzjonijiet proposti mill-Kummissjoni fl-Abbozz tal-Baġit, kif emendat bl-Ittra Emendatorja Nru 1/2024 huma maqbula mill-Kumitat ta’ Konċiljazzjoni bl-eċċezzjonijiet li ġejjin: it-taqsimiet tal-Parlament Ewropew, tal-Kunsill Ewropew, tal-Kummissjoni, tal-Qorti tal-Ġustizzja, tal-Qorti Ewropea tal-Awdituri u tal-Kontrollur Ewropew għall-Protezzjoni tad-Data huma aġġustati biex jirriflettu l-fatt li n-nefqa relatata mal-Membri li jirċievu salarji mill-baġit tal-UE, li huma soġġetti għall-indiċjar, għandha tiġi kklassifikata bħala nefqa fuq is-salarji u għaldaqstant eskluża mil-linji gwida tal-Kummissjoni dwar li ż-żieda għan-nefqa mhux relatata mas-salarji tiġi limitata għal 2 %.

L-aġġustament kumplessiva tirriżulta f’żieda ta’ EUR 33,8 miljun fl-intestatura 7.

L-emendi ġew introdotti emendi mill-Parlament Ewropew għat-taqsima tiegħu stess jerġgħu jiddaħħlu mingħajr modifiki. Kumplessivament, dan jirriżulta f’livell ta’ approprjazzjonijiet ta’ EUR 2 383,1 miljun, li jirrappreżenta żieda ta’ EUR 27 707 693 meta mqabbel mal-Abbozz ta’ Baġit, kif emendat bl-Ittra Emendatorja Nru 1/2024.

Għat-taqsimiet l-oħra kkonċernati, meta jitqiesu l-ammonti oriġinali mitluba fil-linji mhux relatati mas-salarji, id-dettalji skont il-linji baġitarji huma stabbiliti hawn taħt filwaqt li jiġu rrispettati l-linji gwida ta’ 2 %:

Taqsima 2 – Kunsill Ewropew u Kunsill

Taqsima 3 – Il-Kummissjoni Ewropea

Taqsima 4 – Il-Qorti tal-Ġustizzja

Taqsima 5 – Il-Qorti Ewropea tal-Awdituri

Taqsima 9 – Il-Kontrollur Ewropew għall-Protezzjoni tad-Data

It-tabella tal-Kontrollur Ewropew għall-Protezzjoni tad-Data tinkludi wkoll korrezzjoni teknika biex tinkorpora l-aġġustamenti preċedenti maqbula kemm fil-Baġit Emendatorju Nru 1/2023 kif ukoll fil-Baġit Emendatorju Nru 3/2023 b’impatt fuq l-ammont ta’ referenza użat għall-kalkolu tal-ħtiġijiet għall-2024, skont il-metodoloġija applikata.

B’konsegwenza ta’ dan, il-livell maqbul tal-approprjazzjonijiet ta’ impenn huwa stabbilit għal EUR 11 988,0 miljun, mingħajr marġni taħt il-limitu massimu tan-nefqa tal-intestatura 7 u l-mobilizzazzjoni tal-Istrument ta’ ta’ Marġini Uniku għal ammont ta’ EUR 215,0 miljun f’konformità mal-Artikolu 11(1)(a) tar-Regolament QFP.

Strumenti tematiċi speċjali: FEG, SEAR u BAR

L-approprjazzjonijiet ta’ impenn għall-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG), ir-Riżerva ta’ Solidarjetà u Għajnuna ta’ Emerġenza (SEAR) u r-Riżerva ta’ Aġġustament għall-Brexit (BAR) huma stabbiliti fil-livell propost mill-Kummissjoni fl-Abbozz ta’ Baġit.

1.4.  Approprjazzjonijiet ta’ pagament

Il-livell ta’ approprjazzjonijiet ta’ pagament globali fil-Baġit tal-2024 huwa stabbilit fil-livell tal-Abbozz ta’ Baġit, kif emendat mill-Ittra Emendatorja Nru 1/2024, bl-aġġustamenti li ġejjin maqbula mill-Kumitat ta’ Konċiljazzjoni:

1.  Jitqies il-livell maqbul ta’ approprjazzjonijiet ta’ impenn għan-nefqa mhux differenzjata (l-intestaturi 1 sa 6), li għalihom il-livell tal-approprjazzjonijiet ta’ pagament huwa ugwali għal-livell ta’ approprjazzjonijiet ta’ impenn. Dan japplika għat-tnaqqis tal-kost tal-finanzjament tal-Istrument Ewropew għall-Irkupru (EURI) b’EUR 456,0 miljun u t-tnaqqis ġenerali għall-FAEG b’EUR 84,8 miljun. Meta jitqies ukoll l-aġġustament għall-kontribuzzjoni tal-Unjoni lill-aġenziji deċentralizzati, l-effett ikkombinat huwa tnaqqis ta’ EUR 550,8 miljun;

2.  L-aġġustament taħt l-intestatura 7 li jirriżulta f’żieda ta’ EUR 33,8 miljun;

3.  L-approprjazzjonijiet ta’ pagament għall-proġetti pilota u għall-azzjonijiet preparatorji ġodda kollha proposti mill-Parlament huma stabbiliti fil-livell ta’ 25 % tal-approprjazzjonijiet ta’ impenn korrispondenti jew, fil-livell propost mill-Parlament, jekk ikun aktar baxx. Fil-każ ta’ estensjoni ta’ proġetti pilota u azzjonijiet preparatorji eżistenti, il-livell ta’ approprjazzjonijiet ta’ pagament huwa l-livell definit fl-Abbozz ta’ Baġit kif emendat mill-Ittra emendatorja Nru 1/2024 flimkien ma’ 25 % tal-approprjazzjonijiet ta’ impenn ġodda korrispondenti, jew fil-livell propost mill-Parlament, jekk ikun aktar baxx. L-effett ikkombinat huwa żieda ta’ EUR 26,8 miljun;

4.  L-aġġustamenti għal-linji baġitarji tan-nefqa differenzjata li għalihom l-effett ikkombinat huwa żieda ta’ EUR 134,5 miljun.

L-aġġustamenti, li jirriżultaw fi tnaqqis globali ta’ EUR 355,7 miljun, huma stabbiliti fit-tabella li ġejja:

Kumplessivament dan jirriżulta f’livell ta’ approprjazzjonijiet ta’ pagament ta’ EUR 142 630,3 miljun, li jirrappreżenta tnaqqis ta’ EUR 355,7 miljun meta mqabbel mal-Abbozz ta’ Baġit, kif emendat bl-Ittra Emendatorja Nru 1/2024.

1.5.  Riżervi

Ma hemm l-ebda riżerva minbarra dawk tal-Abbozz ta’ Baġit, kif emendat bl-Ittra Emendatorja Nru 1/2024.

1.6.  Kummenti baġitarji

It-test tal-kummenti baġitarji jikkorrispondi għall-Abbozz ta’ Baġit, kif emendat bl-Ittra Emendatorja Nru 1/2024 bl-aġġustamenti li ġejjin proposti fl-ittra ta’ eżegwibbiltà u maqbula mill-Kumitat ta’ Konċiljazzjoni:

—  Il-linji baġitarji segwenti li fir-rigward tagħhom ġew introdotti emendi mill-Parlament Ewropew għat-taqsima tiegħu stess huma approvati mingħajr modifiki:

—  Partita 1 4 0 0 — Aġenti oħra — Segretarjat Ġenerali u gruppi politiċi

It-test huwa emendat kif ġej:

Din l-approprjazzjoni tinkludi pakkett ta’ EUR 362 040 167 040 relatat mal-persunal tal-Awtorità għall-partiti politiċi Ewropej u l-fondazzjonijiet politiċi Ewropej

—  Artikolu 2 3 8 — Nefqiet amministrattivi oħra

It-test huwa emendat kif ġej:

–  xiri varju marbut mar-responsabbiltà soċjali korporattiva tal-Parlament (inkluża l-EMAS),l-EMAS).

–  servizzi varji marbuta mal-ġestjoni finanzjarja u tal-inventarju tal-Parlament.

—  Artikolu 2 3 9 — L-attivitajiet tal-EMAS, inkluż il-promozzjoni, u l-iskema tal-Parlament Ewropew ta’ kumpens għall-emissjonijiet tal-karbonju

It-titolu huwa emendat kif ġej:

L-attivitajiet tal-EMAS u tas-sostenibbiltà, inkluż il-promozzjoni, u l-iskema tal-Parlament Ewropew ta’ kumpens għall-emissjonijiet tal-karbonju

It-test huwa emendat kif ġej:

Din l-approprjazzjoni hija maħsuba biex tkopri n-nefqa relatata mal-attivitajiet tal-EMAS li għandhom l-għan li jippromwovu s-sostenibbiltà mal-attivitajiet ta’ sostenibbiltà fil-Parlament Ewropew u l-attivitajiet tal-EMAS li għandhom l-għan li jtejbu l-prestazzjoni ambjentali tal-Parlament Ewropew, inkluża l-promozzjoni ta’ dawn l-attivitajiet, u l-iskema tal-Parlament Ewropew ta’ kumpens għall-emissjonijiet tal-karbonju.

Dan huwa bbażat fuq il-fehim li l-emendi introdotti mill-Parlament Ewropew jew il-Kunsill ma jistgħux jimmodifikaw jew jestendu l-kamp ta’ applikazzjoni ta’ bażi ġuridika eżistenti, jew jaffettwaw l-awtonomija amministrattiva tal-istituzzjonijiet, u li l-azzjoni tista’ tiġi koperta minn riżorsi disponibbli.

1.7.  Nomenklatura tal-baġit

In-nomenklatura tal-baġit proposta mill-Kummissjoni fl-Abbozz tal-Baġit, kif emendata bl-Ittra Emendatorja Nru 1/2024, hija maqbula, bl-inklużjoni tal-proġetti pilota u l-azzjonijiet preparatorji l-ġodda. Il-Kumitat ta’ Konċiljazzjoni jaqbel ukoll dwar it-tħassir ta’ linja baġitarja fit-taqsima tal-Parlament Ewropew (Artikolu 5 0 2 – Awtorità għall-Partiti Politiċi Ewropej u l-Fondazzjonijiet Politiċi Ewropej – Pagi u allowances).

2.  Baġit 2023

L-Abbozz ta’ Baġit Emendatorju (ABE) 4/2023 huwa approvat kif propost mill-Kummissjoni.

3.  Dikjarazzjonijiet

3.1.  Dikjarazzjoni konġunta mill-Parlament Ewropew u l-Kunsill dwar l-approprjazzjonijiet ta’ pagament

Il-Parlament Ewropew u l-Kunsill jappellaw lill-Kummissjoni biex tkompli tissorvelja mill-qrib u b’mod attiv matul is-sena 2024 l-implimentazzjoni tal-programmi tal-QFP attwali u preċedenti (b’mod partikolari fis-subintestatura 2a u l-Iżvilupp Rurali). Għal dan il-għan, il-Parlament Ewropew u l-Kunsill jistiednu lill-Kummissjoni tippreżenta, b’mod f’waqtu, ċifri aġġornati li jikkonċernaw is-sitwazzjoni attwali u l-istimi rigward l-approprjazzjonijiet ta’ pagament għall-2024 (b’kont meħud tal-preċiżjoni mtejba tal-previżjonijiet tal-Istati Membri fejn applikabbli). Jekk iċ-ċifri juru li l-approprjazzjonijiet imdaħħla fil-baġit għall-2024 mhumiex biżżejjed biex ikopru l-ħtiġijiet, il-Parlament Ewropew u l-Kunsill jistiednu lill-Kummissjoni tippreżenta mill-aktar fis possibbli soluzzjoni xierqa, fost l-oħrajn, abbozz ta’ baġit emendatorju, bil-ħsieb li l-Parlament Ewropew u l-Kunsill ikunu jistgħu jieħdu kwalunkwe deċiżjoni meħtieġa malajr kemm jista’ jkun mingħajr dewmien żejjed għal ħtiġijiet ġustifikati. Fejn applikabbli, il-Parlament Ewropew u l-Kunsill ser iqisu l-urġenza tal-kwistjoni, billi jnaqqsu l-perjodu ta’ tmien ġimgħat għal deċiżjoni jekk jitqies meħtieġ. L-istess japplika mutatis mutandis jekk iċ-ċifri juru li l-approprjazzjonijiet li ddaħħlu fil-baġit għall-2024 jkunu ogħla minn kemm ikun meħtieġ.

3.2.  Dikjarazzjoni konġunta mill-Parlament Ewropew, il-Kunsill u l-Kummissjoni dwar l-integrazzjoni tal-eżitu tar-reviżjoni ta’ nofs it-terminu tal-QFP fil-baġit għall-2024

Il-Parlament Ewropew, il-Kunsill u l-Kummissjoni jieħdu nota tad-diskussjonijiet li għaddejjin dwar ir-reviżjoni proposta tal-Qafas Finanzjarju Pluriennali 2021-2027. Il-Kunsill ġie mistieden mill-Kunsill Ewropew biex imexxi ’l quddiem il-ħidma, bil-ħsieb li jintlaħaq qbil ġenerali dwar il-QFP rivedut propost sa tmiem is-sena, biex b’hekk tkun tista’ ssir adozzjoni rapida b’kont debitu meħud tar-rwol tal-Parlament Ewropew f’konformità mal-proċeduri stabbiliti fit-Trattati. Għalhekk, l-impatt ta’ tali ftehim għas-sena finanzjarja 2024 jista’ jiġi introdott biss permezz ta’ abbozz ta’ baġit emendatorju.

Il-Parlament Ewropew u l-Kunsill għalhekk jistiednu lill-Kummissjoni tipproponi abbozz ta’ baġit emendatorju immedjatament hekk kif jintlaħaq qbil dwar ir-reviżjoni tar-Regolament QFP bil-ħsieb li l-baġit tal-2024 jiġi allinjat mar-Regolament QFP rivedut.

Il-Parlament Ewropew u l-Kunsill jimpenjaw ruħhom li jikkunsidraw il-proposta tal-Kummissjoni mingħajr dewmien żejjed, filwaqt li jqisu l-urġenza tal-kwistjoni.

3.3.  Dikjarazzjoni unilaterali tal-Kummissjoni dwar is-sussidju tar-rata tal-imgħax tal-AMF+ għas-sena finanzjarja 2024

Il-Kummissjoni timpenja ruħha li tipproponi l-miżuri baġitarji xierqa sabiex jiġu lliberati r-riżorsi allokati għas-sussidju tar-rata tal-imgħax tal-AMF+ (l-Artikolu baġitarju 14 07 01) għas-sena finanzjarja 2024, jekk tinstab soluzzjoni alternattiva ta’ finanzjament fi żmien debitu.

3.4.  Dikjarazzjoni unilaterali tal-Parlament Ewropew dwar is-sussidju tar-rata tal-imgħax tal-AMF+

Il-Parlament Ewropew jieħu nota tad-dikjarazzjoni tal-Kummissjoni. Il-Parlament Ewropew ifakkar li, skont ir-Regolament (UE) 2022/2463, is-sussidju tar-rata tal-imgħax fir-rigward tal-AMF+ għall-Ukrajna għandu jiġi ffinanzjat minn kontribuzzjoni volontarja mill-Istati Membri u li l-baġit tal-UE jista’ jikkontribwixxi soġġett għar-riżorsi disponibbli. F’dak il-kuntest, il-Parlament Ewropew jenfasizza li l-entrata proviżorja tal-approprjazzjoni fil-linja baġitarja 14 07 01 hija eċċezzjoni ta’ darba u ma tikkostitwixxix preċedent għal proċeduri baġitarji futuri.

ANNESS: LISTA TA’ ENTITAJIET JEW PERSUNI

LI R-RAPPORTEURS IRĊEVEW KONTRIBUT MINGĦANDHOM

Il-lista li ġejja hija mfassla taħt ir-responsabbiltà esklużiva tar-rapporteurs. Ir-rapporteurs irċevew kontribut mill-entitajiet jew il-persuni li ġejjin fit-tħejjija tal-abbozz ta’ rapport:

(1) Testi adottati, P9_TA(2023)0367. (2) ĠU L 424, 15.12.2020, p. 1. (3) ĠU L 193, 30.7.2018, p. 1. (4) ĠU L 433 I, 22.12.2020, p. 11. (5) ĠU L 433 I, 22.12.2020, p. 28.

Riżoluzzjoni tal-Parlament Ewropew tat-22 ta’ Novembru 2023 dwar il-proposta għal deċiżjoni tal-Parlament Ewropew u tal-Kunsill dwar il-mobilizzazzjoni tal-Fond Ewropew ta’ Aġġustament għall-Globalizzazzjoni għall-Ħaddiema Ssensjati (applikazzjoni ppreżentata mill-Belġju – EGF/2023/002 BE/Makro) (COM(2023)0470 – C9-0369/2023 – (2023/0352(BUD))

P9_TA(2023)0414 A9-0351/2023

Il-Parlament Ewropew,

–  wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2023)0470 – C9‑0369/2023),

–  wara li kkunsidra r-Regolament (UE) 2021/691(1) tal-Parlament Ewropew u tal-Kunsill tat-28 ta’ April 2021 dwar il-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG) u li jħassar ir-Regolament (UE) Nru 1309/2013 (“ir-Regolament dwar il-FEG”),

–  wara li kkunsidra r-Regolament tal-Kunsill (UE, Euratom) 2020/2093 tas-17 ta’ Diċembru 2020 li jistabbilixxi l-qafas finanzjarju pluriennali għas-snin mill-2021 sal-2027(2), u b’mod partikolari l-Artikolu 8 tiegħu,

–  wara li kkunsidra l-Ftehim Interistituzzjonali tas-16 ta’ Diċembru 2020 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda(3), u b’mod partikolari l-punt 9 tiegħu,

–  wara li kkunsidra l-ittra tal-Kumitat għall-Impjiegi u l-Affarijiet Soċjali,

–  wara li kkunsidra r-rapport tal-Kumitat għall-Baġits (A9-0351/2023),

A.  billi l-Unjoni stabbiliet strumenti leġiżlattivi u baġitarji biex tagħti appoġġ addizzjonali lill-ħaddiema li jkunu qed ibatu l-konsegwenzi ta’ bidliet strutturali kbar fix-xejriet tal-kummerċ dinji jew tal-kriżi finanzjarja u ekonomika globali, u biex tgħinhom fir-riintegrazzjoni tagħhom fis-suq tax-xogħol; billi din l-għajnuna hija fornuta permezz ta’ appoġġ finanzjarju li jingħata lill-ħaddiema u lill-kumpaniji li jkunu ħadmu għalihom;

B.  billi l-Belġju ppreżenta l-applikazzjoni EGF/2023/002 BE/Makro għal kontribuzzjoni finanzjarja mill-Fond Ewropew ta’ Aġġustament għall-Globalizzazzjoni (FEG), wara 1 431 sensja(4) fis-settur tal-ekonomija kklassifikati taħt id-Diviżjoni 47 tan-NACE Reviżjoni 2 (Negozju bl-imnut, għajr ta’ vetturi bil-mutur u muturi) fil-Provinċiji ta’ Antwerp, Flanders tal-Lvant, Brabant Fjamming, Hainaut u Liège, f’perjodu ta’ referenza għall-applikazzjoni mill-10 ta’ Jannar 2023 sal-10 ta’ Mejju 2023;

C.  billi l-applikazzjoni hija relatata ma’ 1 431 ħaddiem li ngħataw is-sensja fil-kumpanija Makro Cash & Carry Belgium NV (Makro NV);

D.  billi l-applikazzjoni hija bbażata fuq il-kriterju ta’ intervent tal-Artikolu 4(2), il-punt (a), tar-Regolament dwar il-FEG, li jirrikjedi li jrid ikun hemm mill-inqas 200 ħaddiem li ngħataw is-sensja matul perjodu ta’ referenza ta’ erba’ xhur f’impriża fi Stat Membru, inklużi ħaddiema li ngħataw is-sensja minn fornituri u produtturi downstream u/jew persuni li jaħdmu għal rashom li l-attività tagħhom tkun intemmet;

E.  billi l-pandemija tal-COVID-19 u l-gwerra ta’ aggressjoni Russa kontra l-Ukrajna naqqsu l-kompetittività ekonomika u għandhom impatt negattiv fuq it-tkabbir ekonomiku fil-Belġju;

F.  billi Makro NV kienet topera ħdax-il ħanut għal prodotti tal-ikel u mhux tal-ikel għall-professjonisti tas-servizzi tal-ikel u tax-xorb (il-marka “Metro”) u sitt iħwienet bħal dawn għall-klijenti ġenerali (il-marka “Makro”); billi wara snin ta’ diffikultajiet finanzjarji u tnaqqis fil-bejgħ, Makro NV applikat għar-riorganizzazzjoni ġudizzjarja fl-2022; billi s-sensji rriżultaw mill-fatt li ma saret ebda offerta tajba biex jiġu akkwistati l-marka Makro u l-falliment sussegwenti tagħha;

G.  billi r-rekwiżiti tal-liġi Belġjana dwar il-ġestjoni attiva tar-ristrutturar li jipprevedu servizzi ta’ rikollokament għall-ħaddiema li ngħataw is-sensja ma japplikawx fil-każ ta’ falliment;

H.  billi kontribuzzjonijiet finanzjarji mill-FEG għandhom ikunu diretti primarjament lejn miżuri attivi ta’ politika tas-suq tax-xogħol u servizzi personalizzati li jkollhom l-għan li jintegraw mill-ġdid u malajr lill-benefiċjarji f’impjieg deċenti u sostenibbli fi ħdan is-settur ta’ attività inizjali tagħhom jew barra minnu, filwaqt li jħejjuhom għal ekonomija Ewropea aktar ekoloġika u aktar diġitali;

I.  billi l-FEG m’għandux jaqbeż ammont annwali massimu ta’ EUR 186 miljun (fi prezzijiet tal-2018), kif stabbilit fl-Artikolu 8 tar-Regolament tal-Kunsill (UE, Euratom) 2020/2093;

1.  Jaqbel mal-Kummissjoni li l-kundizzjonijiet stabbiliti fl-Artikolu 4(2), il-punt (a), tar-Regolament dwar il-FEG huma ssodisfati u li l-Belġju huwa intitolat għal kontribuzzjoni finanzjarja ta’ EUR 2 828 223 skont dak ir-Regolament, somma li tirrappreżenta 85 % tal-ispiża totali ta’ EUR 3 327 322, liema spiża tinkludi n-nefqa għal servizzi personalizzati ta’ EUR 3 233 822 u n-nefqa għall-attivitajiet ta’ tħejjija, ġestjoni, informazzjoni u pubbliċità, kontroll u rapportar ta’ EUR 93 500;

2.  Jinnota li l-awtoritajiet Belġjani ppreżentaw l-applikazzjoni fit-3 ta’ Lulju 2023, u li, wara li l-Belġju ta informazzjoni addizzjonali, il-Kummissjoni ffinalizzat il-valutazzjoni tagħha fit-12 ta’ Ottubru 2023 u nnotifikatha lill-Parlament fl-istess jum;

3.  Jinnota li l-applikazzjoni hija relatata ma’ 1 431 ħaddiem li ngħataw is-sensja fil-kumpanija Makro Cash & Carry Belgium NV; jinnota barra minn hekk li b’kollox, 421 ħaddiem se jkunu benefiċjarji fil-mira, ammont li jikkorripondi mal-għadd ta’ eks ħaddiema ta’ Makro f’Wallonia filwaqt li l-awtoritajiet reġjonali Fjammingi jqisu li ma hemmx bżonn li jiżdied l-appoġġ disponibbli għall-eks ħaddiema ta’ Makro fi Flanders bil-kofinanzjament mill-FEG, minħabba s-sitwazzjoni fis-suq tax-xogħol reġjonali tiegħu;

4.  Jieħu nota li s-sensji f’Makro qed ikollhom impatt partikolari fuq ħaddiema li għandhom aktar minn 50 sena u/jew b’livell baxx ta’ ħiliet; jiġbed l-attenzjoni għall-fatt li r-rata tal-qgħad f’Wallonia hija ta’ 8,8 % u aktar minn nofs (55,1 %) tal-persuni f’dan ir-reġjun li kienu qiegħda fl-ewwel kwart tal-2022 għadhom qiegħda sena wara; jenfasizza li 65 % tal-eks ħaddiema ta’ Makro għandhom aktar minn 50 sena u l-maġġoranza tal-forza tax-xogħol ta’ Makro kienet essenzjalment magħmula minn kaxxiera u ħaddiema fl-imħażen; jisħaq li għal dawn il-ħaddiema huwa partikolarment diffiċli li jerġgħu jintegraw ruħhom fl-impjieg;

5.  Jilqa’ l-fatt li l-pakkett ikkoordinat ta’ servizzi personalizzati tfassal mill-Belġju f’konsultazzjoni mal-benefiċjarji fil-mira, mar-rappreżentanti tagħhom u mas-sħab soċjali, f’konformità mal-Artikolu 7(4) tar-Regolament (UE) 2021/691;

6.  Ifakkar li s-servizzi personalizzati li għandhom jiġu pprovduti lill-ħaddiema u lill-persuni li jaħdmu għal rashom jikkonsistu fl-azzjonijiet li ġejjin: servizzi ta’ informazzjoni, gwida okkupazzjonali u assistenza għar-rikollokament, taħriġ, taħriġ mill-ġdid u taħriġ vokazzjonali, appoġġ għall-ħolqien ta’ negozju u kontribuzzjoni għalih, kif ukoll inċentivi u benefiċċji; jilqa’ l-fatt li se tingħata attenzjoni partikolari lil persuni vulnerabbli f’sitwazzjoni ta’ tbatija psikoloġika, dejn, jew diżabbiltà permezz ta’ professjonisti speċjalizzati biex jassistu lil dawn il-gruppi;

7.  Jilqa’ l-inklużjoni ta’ modulu dwar l-ekonomija ċirkolari u l-użu effiċjenti tar-riżorsi li ġie żviluppat għall-eks ħaddiema ta’ Swissport (EGF/2020/005 BE), bħala parti mill-offerta standard ta’ taħriġ tas-Servizz Pubbliku Reġjonali tal-Impjiegi u t-Taħriġ Vokazzjonali (Forem), li se jiġi kofinanzjat mill-FSE+; itenni, f’dan il-kuntest, ir-rwol importanti li l-Unjoni għandu jkollha biex tipprovdi l-kwalifiki meħtieġa għat-trasformazzjoni ġusta f’konformità mal-Patt Ekoloġiku Ewropew; jappoġġja bil-qawwa l-fatt li, matul il-perjodu 2021-2027 tal-Qafas Finanzjarju Pluriennali, il-FEG se jkompli juri solidarjetà mal-persuni affettwati, filwaqt li jressaq l-enfasi minn fuq il-kawża tar-ristrutturar għal fuq l-impatt tiegħu, u jitlob li l-applikazzjonijiet futuri jimmassimizzaw il-koerenza tal-politiki;

8.  Jinnota li l-Belġju beda joffri servizzi personalizzati lill-benefiċjarji fil-mira fl-1 ta’ Frar 2023 u li għaldaqstant, il-perjodu ta’ eliġibbiltà għal kontribuzzjoni finanzjarja mill-FEG se jkun mill-1 ta’ Frar 2023 sa 24 xahar wara d-data tad-dħul fis-seħħ tad-deċiżjoni ta’ finanzjament;

9.  Jinnota li l-Belġju beda jġarrab in-nefqa amministrattiva biex jimplimenta l-FEG fl-1 ta’ Jannar 2023 u li għaldaqstant, in-nefqa għal attivitajiet ta’ tħejjija, ġestjoni, informazzjoni u pubbliċità, kontroll u rapportar se tkun eliġibbli għal kontribuzzjoni finanzjarja mill-FEG mill-10 ta’ Jannar 2023 sa 31 xahar wara d-data tad-dħul fis-seħħ tad-deċiżjoni ta’ finanzjament;

10.  Jisħaq li l-awtoritajiet Belġjani kkonfermaw li l-azzjonijiet eliġibbli ma jirċevux għajnuna minn fondi jew strumenti finanzjarji oħra tal-Unjoni, u li l-prinċipji tal-ugwaljanza fit-trattament u n-nondiskriminazzjoni se jiġu rispettati fl-aċċess għall-azzjonijiet proposti u fl-implimentazzjoni tagħhom;

11.  Itenni li l-għajnuna mill-FEG ma tridx tissostitwixxi azzjonijiet li huma r-responsabbiltà tal-kumpaniji, skont il-leġiżlazzjoni nazzjonali jew il-ftehimiet kollettivi, jew kwalunkwe allowance jew dritt tal-ħaddiema ssensjati, biex tiġi żgurata l-addizzjonalità sħiħa tal-allokazzjoni;

12.  Japprova d-deċiżjoni annessa ma’ din ir-riżoluzzjoni;

13.  Jagħti istruzzjonijiet lill-President tiegħu biex tiffirma din id-deċiżjoni flimkien mal-President tal-Kunsill u biex tiżgura li tiġi ppubblikata f’Il-Ġurnal Uffiċjali tal-Unjoni Ewropea;

14.  Jagħti istruzzjonijiet lill-President tiegħu biex tgħaddi din ir-riżoluzzjoni, flimkien mal-anness tagħha, lill-Kunsill u lill-Kummissjoni.

ANNESS

DEĊIŻJONI TAL-PARLAMENT EWROPEW U TAL-KUNSILL

dwar il-mobilizzazzjoni tal-Fond Ewropew ta’ Aġġustament għall-Globalizzazzjoni għall-Ħaddiema Ssensjati wara applikazzjoni mill-Belġju – EGF/2023/002 BE/Makro

(It-test ta’ dan l-anness mhuwiex riprodott hawnhekk peress li jikkorrispondi għall-att finali, id-Deċiżjoni (UE) 2023/2748.)

(1) ĠU L 153, 3.5.2021, p. 48. (2) ĠU L 433 I, 22.12.2020, p. 11. (3) ĠU L 433 I, 22.12.2020, p. 28. (4) Skont it-tifsira tal-Artikolu 3 tar-Regolament dwar il-FEG.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar l-abbozz ta’ regolament tal-Kunsill li jemenda r-Regolament (UE) Nru 216/2013 dwar il-pubblikazzjoni elettronika ta’ Il-Ġurnal Uffiċjali tal-Unjoni Ewropea (06551/2023 – C9-0142/2023 – 2020/0126(APP))

P9_TA(2023)0415 A9-0352/2023

(Proċedura leġiżlattiva speċjali – approvazzjoni)

Il-Parlament Ewropew,

–  wara li kkunsidra l-abbozz ta’ regolament tal-Kunsill (06551/2023),

–  wara li kkunsidra t-talba għal approvazzjoni ppreżentata mill-Kunsill f’konformità mal-Artikolu 352 tat-Trattat dwar il-Funzjonament tal-Unjoni Ewropea (C9‑0142/2023),

–  wara li kkunsidra l-Artikolu 105(1) u (4) tar-Regoli ta’ Proċedura tiegħu,

–  wara li kkunsidra r-rakkomandazzjoni tal-Kumitat għall-Affarijiet Legali (A9-0352/2023),

1.  Jagħti l-approvazzjoni tiegħu għall-abbozz ta’ regolament tal-Kunsill;

2.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Riżoluzzjoni leġiżlattiva tal-Parlament Ewropew tat-22 ta' Novembru 2023 dwar l-abbozz ta’ deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u l-Montenegro dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fil-Montenegro (08353/2023 – C9-0177/2023 – 2023/0102(NLE))

P9_TA(2023)0416 A9-0369/2023

(Approvazzjoni)

Il-Parlament Ewropew,

–  wara li kkunsidra l-abbozz ta’ deċiżjoni tal-Kunsill (08353/2023),

–  wara li kkunsidra l-Ftehim bejn l-Unjoni Ewropea u l-Montenegro dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fil-Montenegro (08354/2023),

–  wara li kkunsidra t-talba għal approvazzjoni preżentata mill-Kunsill f’konformità mal-Artikolu 77(2)(b) u (d), l-Artikolu 79(2)(c), u l-Artikolu 218(6), it-tieni subparagrafu, punt (a), tat-Trattat dwar il-Funzjonament tal-Unjoni Ewropea (C9‑0177/2023),

–  wara li kkunsidra l-Artikolu 105(1) u (4), u l-Artikolu 114(7) tar-Regoli ta’ Proċedura tiegħu,

–  wara li kkunsidra r-rakkomandazzjoni tal-Kumitat għal-Libertajiet Ċivili, il-Ġustizzja u l-Intern (A9-0369/2023),

1.  Jagħti l-approvazzjoni tiegħu għall-konklużjoni tal-ftehim;

2.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u tal-Montenegro.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar l-abbozz ta’ deċiżjoni tal-Kunsill dwar il-konklużjoni, f’isem l-Unjoni, tal-Ftehim ta’ Kummerċ Ħieles bejn l-Unjoni Ewropea u New Zealand (06600/2023 – C9-0247/2023 – 2023/0038(NLE))

P9_TA(2023)0417 A9-0305/2023

(Approvazzjoni)

Il-Parlament Ewropew,

–  wara li kkunsidra l-proposta għal deċiżjoni tal-Kunsill (06600/2023),

–  wara li kkunsidra l-abbozz ta’ Ftehim ta’ Kummerċ Ħieles bejn l-Unjoni Ewropea u New Zealand (06601/2023),

–  wara li kkunsidra t-talba għal approvazzjoni ppreżentata mill-Kunsill f’konformità mal-Artikolu 91(1), l-Artikolu 100(2), l-Artikolu 207(4), l-ewwel subparagrafu, u l-Artikolu 218(6), it-tieni subparagrafu, il-punt (a)(v), u l-Artikolu 218(7) tat-Trattat dwar il-Funzjonament tal-Unjoni Ewropea (C9-0247/2023),

–  wara li kkunsidra r-riżoluzzjoni mhux leġiżlattiva tiegħu tat-22 ta’ Novembru 2023(1) dwar l-abbozz ta’ deċiżjoni tal-Kunsill,

–  wara li kkunsidra l-Artikolu 105(1) u (4) u l-Artikolu 114(7) tar-Regoli ta’ Proċedura tiegħu,

–  wara li kkunsidra r-rakkomandazzjoni tal-Kumitat għall-Kummerċ Internazzjonali (A9-0305/2023),

1.  Jagħti l-approvazzjoni tiegħu għall-konklużjoni tal-ftehim;

2.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u ta’ New Zealand.

(1) Testi adottati, P9_TA(2023)0418.

Riżoluzzjoni mhux leġiżlattiva tal-Parlament Ewropew tat-22 ta’ Novembru 2023 dwar l-abbozz ta’ deċiżjoni tal-Kunsill dwar il-konklużjoni, f’isem l-Unjoni, tal-Ftehim ta’ Kummerċ Ħieles bejn l-Unjoni Ewropea u New Zealand (06600/2023 – C9-0247/2023 – 2023/0038M(NLE))

P9_TA(2023)0418 A9-0314/2023

Il-Parlament Ewropew,

–  wara li kkunsidra l-abbozz ta’ deċiżjoni tal-Kunsill (06600/2023),

–  wara li kkunsidra l-Ftehim ta’ Kummerċ Ħieles bejn l-Unjoni Ewropea u New Zealand (FTA), li ġie ffirmat fid-9 ta’ Lulju 2023,

–  wara li kkunsidra t-talba għal approvazzjoni ppreżentata mill-Kunsill skont l-Artikolu 91(1), l-Artikolu 100(2), l-Artikolu 207(4), l-ewwel subparagrafu, l-Artikolu 218(6), it-tieni subparagrafu, il-punt (a)(v), u l-Artikolu 218(7) tat-Trattat dwar il-Funzjonament tal-Unjoni Ewropea (TFUE) (C9-0247/2023),

–  wara li kkunsidra d-Dikjarazzjoni Konġunta dwar ir-Relazzjonijiet u l-Kooperazzjoni bejn l-Unjoni Ewropea u New Zealand(1) tal-21 ta’ Settembru 2007,

–  wara li kkunsidra l-Ftehim ta’ Sħubija dwar ir-Relazzjonijiet u l-Kooperazzjoni bejn l-Unjoni Ewropea u l-Istati Membri tagħha, minn naħa waħda, u New Zealand, min-naħa l-oħra(2), iffirmat fil-5 ta’ Ottubru 2016,

–  wara li kkunsidra d-Deċiżjoni tal-Kunsill (UE) 2022/1007 tal-20 ta’ Ġunju 2022 dwar il-konklużjoni f’isem l-Unjoni tal-Ftehim ta’ Sħubija dwar ir-Relazzjonijiet u l-Kooperazzjoni bejn l-Unjoni Ewropea u l-Istati Membri tagħha, minn naħa waħda, u New Zealand, min-naħa l-oħra(3),

–  wara li kkunsidra d-direttivi ta’ negozjati tal-Kunsill tat-8 ta’ Mejju 2018 għal Ftehim ta’ Kummerċ Ħieles ma’ New Zealand,

–  wara li kkunsidra r-rakkomandazzjoni tal-Kummissjoni tat-13 ta’ Settembru 2017 għal deċiżjoni tal-Kunsill li tawtorizza l-ftuħ ta’ negozjati ta’ Ftehim ta’ Kummerċ Ħieles ma’ New Zealand (COM(2017)0469), u l-valutazzjoni tal-impatt tal-Kummissjoni li takkumpanjaha (SWD(2017)0289),

–  wara li kkunsidra r-riżoluzzjoni tiegħu tas-6 ta’ Ottubru 2022 dwar l-eżitu tar-rieżami tal-Kummissjoni tal-Pjan ta’ Azzjoni ta’ 15-il Punt dwar il-kummerċ u l-iżvilupp sostenibbli(4),

–  wara li kkunsidra r-riżoluzzjoni tiegħu tal-5 ta’ Lulju 2022 dwar l-istrateġija Indo-Paċifika fil-qasam tal-kummerċ u tal-investiment(5),

–  wara li kkunsidra r-riżoluzzjoni tiegħu tas-26 ta’ Ottubru 2017 li fiha r-rakkomandazzjoni tal-Parlament Ewropew lill-Kunsill dwar il-mandat ta’ negozjar propost għal negozjati kummerċjali ma’ New Zealand(6),

–  wara li kkunsidra r-riżoluzzjoni reċenti tiegħu tal-25 ta’ Frar 2016 dwar il-bidu tan-negozjati dwar l-FTA mal-Awstralja u New Zealand(7),

–  wara li kkunsidra r-rapport finali tat-13 ta’ Marzu 2020 bit-titolu “Trade Sustainability Impact Assessment in support of FTA negotiations between the European Union and New Zealand” (Valutazzjoni tal-Impatt tas-Sostenibbiltà Kummerċjali b’appoġġ għan-negozjati tal-FTA bejn l-Unjoni Ewropea u New Zealand), ippubblikat mid-Direttorat Ġenerali għall-Kummerċ tal-Kummissjoni(8),

–  wara li kkunsidra l-ftehimiet bilaterali l-oħra bejn l-UE u New Zealand, b’mod partikolari l-ftehimiet dwar il-miżuri sanitarji applikabbli fil-kummerċ ta’ annimali ħajjin u ta’ prodotti tal-annimali (9) u dwar għarfien reċiproku b’relazzjoni mal-istima ta’ konformità(10),

–   wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tal-20 ta’ Ġunju 2023 dwar “Strateġija Ewropea ta’ Sigurtà Ekonomika” (JOIN(2023)0020),

–  wara li kkunsidra l-komunikazzjoni tal-Kummissjoni tat-22 ta’Ġunju 2022 bit-titolu “Is-saħħa tas-sħubiji tal-kummerċ: flimkien għal tkabbir ekonomiku ekoloġiku u ġust” (COM(2022)0409),

–  wara li kkunsidra l-komunikazzjoni tal-Kummissjoni tat-18 ta’ Frar 2021 bit-titolu “Rieżami tal-Politika Kummerċjali – Politika Kummerċjali Miftuħa, Sostenibbli u Assertiva” (COM(2021)0066),

–  wara li kkunsidra l-komunikazzjoni tal-Kummissjoni tal-11 ta’ Diċembru 2019 bit-titolu “Il-Patt Ekoloġiku Ewropew” (COM(2019)0640),

–  wara li kkunsidra l-opinjoni tal-Qorti tal-Ġustizzja tal-Unjoni Ewropea tas-16 ta’ Mejju 2017 fil-proċedura 2/15(11), skont l-Artikolu 218(11) tat-TFUE, mitluba fl-10 ta’ Lulju 2015 mill-Kummissjoni,

–  wara li kkunsidra konvenzjonijiet ewlenin tal-Organizzazzjoni Internazzjonali tax-Xogħol (ILO),

–  wara li kkunsidra l-Konvenzjoni Qafas tan-NU dwar it-Tibdil fil-Klima, inkluż il-Ftehim ta’ Pariġi tal-2015,

–  wara li kkunsidra l-opinjoni tal-Kumitat għall-Agrikoltura u l-Iżvilupp Rurali,

–  wara li kkunsidra r-riżoluzzjoni leġiżlattiva tiegħu tat-22 ta’ Novembru 2023 dwar l-abbozz ta’ deċiżjoni(12),

–  wara li kkunsidra t-TFUE, b’mod partikolari l-Artikoli 91, 100, 168 u 207 flimkien mal-Artikolu 218(6)(a)(v) tiegħu,

–  wara li kkunsidra l-Artikolu 105(2) tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Kummerċ Internazzjonali (A9-0314/2023),

A.  billi l-UE u New Zealand huma sħab tal-istess fehma u jikkondividu valuri fundamentali, bħar-rispett għad-drittijiet tal-bniedem, id-demokrazija u l-istat tad-dritt, u t-tnejn jappoġġjaw sistema kummerċjali bbażata fuq ir-regoli, bl-Organizzazzjoni Dinjija tal-Kummerċ (WTO) fiċ-ċentru tagħha; billi ż-żewġ partijiet huma impenjati li jiġġieldu t-tibdil fil-klima u jipproteġu d-drittijiet soċjali u huma marbuta bil-Ftehim ta’ Pariġi u l-konvenzjonijiet tal-ILO;

B.  billi New Zealand tinsab fir-reġjun Indo-Paċifiku, li huwa dinamiku u strateġikament importanti; billi New Zealand hija membru tal-Ftehim Komprensiv u Progressiv għas-Sħubija Trans-Paċifika, tas-Sħubija Ekonomika Komprensiva Reġjonali, tal-Kooperazzjoni Ekonomika Asja-Paċifiku u tal-Qafas Ekonomiku għall-Prosperità Indo-Paċifiku;

C.  billi l-kummerċ bilaterali tal-merkanzija bejn l-UE u New Zealand kellu valur ta’ EUR 9 biljun fl-2022 u l-valur tal-kummerċ tas-servizzi ammonta għal EUR 3,5 biljun fl-2021;

D.  billi New Zealand hija t-53 l-akbar sieħeb kummerċjali tal-UE għall-merkanzija; billi l-UE hija t-tielet l-akbar sieħeb kummerċjali ta’ New Zealand għall-merkanzija; billi l-esportazzjonijiet agrikoli lejn New Zealand irrappreżentaw 11,5 % (EUR 722 miljun) tal-esportazzjonijiet totali tagħha lejn New Zealand fl-2022; billi l-esportazzjonijiet agrikoli rrappreżentaw 64,9 % (EUR 1 822 miljun) tal-esportazzjonijiet totali tagħha lejn l-UE fl-2022;

E.  billi fl-2020 New Zealand ibbenefikat minn EUR 8,5 biljun ta’ investiment dirett barrani tal-UE, u dan jagħmel lill-UE t-tieni l-akbar investitur fi New Zealand;

F.  billi l-valutazzjoni tal-impatt ekonomiku mwettqa mill-Kummissjoni sabet li, bħala riżultat tal-FTA, il-flussi ta’ investiment tal-UE fi New Zealand jistgħu jikbru bi 80 % u l-kummerċ bilaterali jista’ jiżdied bi 30 %; billi żieda fil-kummerċ se ġġib magħha opportunitajiet ekonomiċi u tkabbir ekonomiku għall-kumpaniji u l-konsumaturi fuq iż-żewġ naħat;

G.  billi New Zealand hija wieħed minn sitt membri biss tad-WTO li ma għandhomx arranġament preferenzjali ta’ aċċess għas-suq mal-UE; billi New Zealand għandha ftehimiet kummerċjali li joffru aċċess preferenzjali lil 8 mill-aktar 10 sħab kummerċjali importanti tagħha koperti b’arranġamenti kummerċjali preferenzjali;

H.  billi dan huwa l-ewwel ftehim kummerċjali tal-UE allinjat mal-approċċ il-ġdid tal-UE għall-kummerċ u l-iżvilupp sostenibbli, li huwa bbażat fuq il-prinċipju tal-kooperazzjoni u jinkludi dispożizzjonijiet infurzabbli b’sanzjonijiet bħala l-aħħar alternattiva f’każijiet fejn jinkisru l-Ftehim ta’ Pariġi u l-konvenzjonijiet ewlenin tal-ILO;

I.  billi l-kummerċ miftuħ u ġust huwa wieħed mill-erba’ pilastri tal-pjan industrijali tal-Patt Ekoloġiku tal-UE; billi l-ftehimiet kummerċjali għandhom ikunu konformi mal-objettivi u l-miri tal-Patt Ekoloġiku tal-UE u dan l-allinjament għandu jiġi mmonitorjat mill-qrib;

1.  Iqis li dan il-ftehim huwa ta’ importanza kbira għar-relazzjonijiet bilaterali bejn l-UE u New Zealand u l-promozzjoni ta’ kummerċ ibbażat fuq ir-regoli u l-valuri, f’konformità mal-Patt Ekoloġiku Ewropew; iqis, barra minn hekk, li dan se jġib benefiċċji li jmorru lil hinn mill-gwadanji purament ekonomiċi;

2.  Jenfasizza l-importanza strateġika tal-ftehim fil-kuntest ġeopolitiku attwali u jqis li huwa pass kbir ’il quddiem għall-ambizzjoni tal-UE li tapprofondixxi r-relazzjonijiet mar-reġjun, kif deskritt fir-riżoluzzjoni tal-Parlament tal-5 ta’ Lulju 2022 dwar l-istrateġija Indo-Paċifika fil-qasam tal-kummerċ u tal-investiment;

3.  Jilqa’ l-fatt li l-ftehim huwa komprensiv u ekonomikament ibbilanċjat u huwa l-aktar ftehim kummerċjali ambizzjuż u progressiv tal-UE sal-lum b’relazzjoni mal-kapitolu tiegħu dwar il-kummerċ u l-iżvilupp sostenibbli; jenfasizza l-fatt li l-ftehim iwettaq il-prijoritajiet stabbiliti fir-riżoluzzjonijiet tal-Parlament tal-25 ta’ Frar 2016 u tas-26 ta’ Ottubru 2017; jinnota li l-ftehim jinkludi mekkaniżmu għas-soluzzjoni tat-tilwim biex jiżgura li d-drittijiet u l-obbligi li jinsabu fil-ftehim jiġu rispettati, ħalli n-negozji, il-ħaddiema u l-konsumaturi jkunu jistgħu jgawdu l-benefiċċji tiegħu;

4.  Jilqa’ b’sodisfazzjon qawwi l-fatt li l-ftehim jintegra, għall-ewwel darba, l-approċċ il-ġdid tal-UE għall-kummerċ u l-iżvilupp sostenibbli u jinkorpora livell bla preċedent ta’ impenji ambjentali u tax-xogħol sabiex jimplimenta b’mod effettiv il-konvenzjonijiet ewlenin tal-ILO ratifikati mill-partijiet u l-Ftehim ta’ Pariġi; jilqa’ l-possibbiltà ta’ sanzjonijiet kummerċjali bħala l-aħħar alternattiva f’każijiet ta’ ksur serju tal-Ftehim ta’ Pariġi u tal-istandards ewlenin tal-ILO; jistieden liż-żewġ partijiet jiddefinixxu sett ta’ prinċipji gwida li għandhom jitqiesu essenzjali biex jintlaħqu l-objettivi tal-Ftehim ta’ Pariġi; jitlob li jiġu definiti miri u skedi ta’ żmien speċifiċi biex jikkomplementaw l-attivitajiet primarjament iċċentrati fuq il-kooperazzjoni bil-għan li jinkisbu prattiki sostenibbli; jistenna li New Zealand tagħmel progress konkret fi żmien raġonevoli lejn ir-ratifika u l-implimentazzjoni effettiva ta’ żewġ konvenzjonijiet ewlenin tal-ILO (Nru 87 dwar il-libertà ta’ assoċjazzjoni u d-dritt ta’ organizzazzjoni u Nru 138 dwar l-età minima), f’konformità mal-impenji stabbiliti fil-ftehim; jilqa’ l-fatt li l-UE u New Zealand qablu li jirriflettu d-deċiżjoni reċenti tal-ILO li żżid is-saħħa u s-sikurezza okkupazzjonali mal-istandards ewlenin tax-xogħol, meta jkun xieraq; jilqa’ l-fatt li l-ftehim għandu artikolu dwar il-kummerċ u l-ugwaljanza bejn is-sessi fil-kapitolu dwar il-kummerċ u l-iżvilupp sostenibbli; jinnota li l-partijiet huma mistennija jimplimentaw l-obbligi tagħhom relatati mal-ugwaljanza bejn il-ġeneri kemm skont il-konvenzjonijiet tal-ILO kif ukoll dawk tan-NU fil-kuntest tal-eliminazzjoni tad-diskriminazzjoni kontra n-nisa fil-ħajja ekonomika u fl-impjiegi; jilqa’ d-dispożizzjoni speċifika dwar il-kummerċ u r-riforma u t-tnaqqis progressiv tas-sussidji għall-fjuwils fossili; jistieden lill-partijiet jintensifikaw l-impenn dwar din il-kwistjoni fl-ambitu tad-WTO u jiżviluppaw pjan direzzjonali ta’ implimentazzjoni biex jiċċaraw l-ambizzjoni bilaterali tagħhom u l-isforzi konġunti fil-fora internazzjonali rilevanti; jilqa’ l-fatt li l-ftehim jilliberalizza l-oġġetti u s-servizzi ekoloġiċi mad-dħul fis-seħħ u fih lista ta’ dawn l-oġġetti u s-servizzi; jitlob rieżami regolari u sistematiku ta’ din il-lista; jirrimarka li l-UE u New Zealand se jikkooperaw dwar l-ekonomija ċirkolari, il-ktajjen tal-provvista mingħajr deforestazzjoni u l-ipprezzar tal-karbonju; jisħaq li l-ftehim jinkludi klawżola ta’ nonregressjoni li tipprojbixxi lill-partijiet milli jdgħajfu, inaqqsu jew jonqsu milli jinfurzaw l-istandards tax-xogħol u ambjentali sabiex jinkoraġġixxu l-kummerċ; jemmen li l-FTA jistabbilixxi punt ta’ riferiment għall-kummerċ sostenibbli u għandu jitqies bħala standard tad-deheb fin-negozjati u r-rieżamijiet attwali u futuri tal-FTA;

5.  Jilqa’ l-inklużjoni ta’ kapitolu dwar il-kooperazzjoni kummerċjali u ekonomika mal-Māori, flimkien ma’ dispożizzjonijiet speċifiċi rigward il-Māori f’diversi postijiet oħra fil-ftehim, u jisħaq fuq kemm huwa importanti li ċ-ċittadini u l-kumpaniji kollha fl-UE u fi New Zealand ikunu jistgħu jibbenefikaw mill-opportunitajiet ta’ kummerċ u ta’ investiment li jġib miegħu l-ftehim;

6.  Jemmen li l-ftehim se joħloq kundizzjonijiet ekwi ma’ sħab kummerċjali oħra li diġà għandhom FTAs ma’ New Zealand; jinnota l-livell għoli ta’ liberalizzazzjoni tat-tariffi skont il-ftehim, li se jinvolvi t-tneħħija ta’ 100 % tat-tariffi ta’ New Zealand fuq l-esportazzjonijiet tal-UE mad-dħul fis-seħħ u t-tneħħija ta’ 98,5 % tat-tariffi tal-UE fuq il-kummerċ ta’ New Zealand wara seba’ snin; jinnota n-natura kontrostaġjonali tal-produzzjoni agrikola rispettiva tagħna; jinnota li n-natura sensittiva ta’ ċerti setturi agrikoli Ewropej ittieħdet inkonsiderazzjoni debitament permezz ta’ kwoti tariffarji u perjodi ta’ tranżizzjoni itwal; jilqa’ l-fatt li dan il-ftehim jillimita l-importazzjoni tal-laħam taċ-ċanga għal laħam tal-ogħla kwalità li jkun ġej minn bhejjem magħlufa l-ħaxix; jistieden lill-Kummissjoni timmonitorja mill-qrib il-ġestjoni tal-kwoti tariffarji għall-prodotti agrikoli u tirrapporta lura lill-Parlament; jilqa’ l-inklużjoni ta’ kapitoli speċifiċi dwar kwistjonijiet sanitarji u fitosanitarji, sistemi tal-ikel sostenibbli u t-trattament xieraq tal-annimali u jistieden liż-żewġ partijiet ikomplu l-iskambji dwar l-eżiti għal prattiki agrikoli sostenibbli; ifakkar li New Zealand ipprojbiet it-trasport ta’ annimali ħajjin bil-baħar u li l-iskambji dwar din il-kwistjoni huma ta’ interess partikolari għall-isforzi futuri tal-UE biex issaħħaħ il-prattiki tagħha dwar it-trattament xieraq tal-annimali;

7.  Jilqa’ l-protezzjoni li l-ftehim jipprovdi għall-ismijiet ta’ 163 indikazzjoni ġeografika (IĠ) Ewropea tal-oġġetti tal-ikel u l-lista sħiħa tal-inbejjed u l-ispirti b’IĠ tal-UE (qrib 2 000 isem); jenfasizza l-fatt li l-ftehim jipprevedi l-għażla li jiżdiedu aktar ismijiet ta’ IĠ fil-futur; jinnota li l-ftehim jinkludi wkoll dispożizzjonijiet komprensivi ta’ proprjetà intellettwali dwar id-drittijiet tal-awtur, it-trademarks u d-disinji industrijali; jilqa’ l-progress li sar u jfakkar li l-għan aħħari jibqa’ l-protezzjoni u l-infurzar effettivi fuq iż-żewġ naħat;

8.  Jemmen li l-impenji ta’ aċċess għas-suq għall-merkanzija, fid-dawl tat-tneħħija tad-dazji relattivament għoljin fuq prodotti industrijali bħall-karozzi u t-tessuti, u l-impenji dwar is-servizzi, inklużi l-kunsinna, it-telekomunikazzjonijiet, is-servizzi finanzjarji u s-servizzi internazzjonali tat-trasport marittimu, għandhom il-potenzjal li jagħtu spinta sinifikanti lill-kummerċ bilaterali; iqis li l-ftehim jippromwovi t-trasparenza u l-użu ta’ standards internazzjonali biex jiġi ffaċilitat l-aċċess għas-suq, filwaqt li jissalvagwardja l-livelli ta’ protezzjoni li kull parti tqis xierqa; jinnota li l-ftehim jafferma mill-ġdid id-dritt ta’ kull parti li tirregola l-kisba ta’ objettivi ta’ politika leġittimi; japprezza l-fatt li New Zealand aċċettat iċ-ċertifikati tal-approvazzjoni tat-tip tal-UE u d-dispożizzjonijiet tal-anness dwar l-inbid u l-ispirti, li se jiffaċilitaw rispettivament il-kummerċ fis-settur tal-vetturi u f’dak tal-inbid u l-ispirti;

9.  Jilqa’ l-fatt li l-UE u New Zealand se jiftħu b’mod reċiproku s-swieq tal-akkwist tagħhom lil hinn minn dak li diġà huwa kopert bil-Ftehim tad-WTO dwar l-Akkwist Pubbliku; jisħaq li l-kumpaniji tal-UE se jitħallew jippreżentaw offerti għal kuntratti tal-gvern ċentrali u sottoċentrali ta’ New Zealand fl-istess livell bħall-kumpaniji lokali; jistieden liż-żewġ partijiet jadottaw kriterji ta’ sostenibbiltà għas-swieq tal-akkwist skont id-dispożizzjonijiet tal-FTA;

10.  Jinnota li l-ftehim jinkludi kapitolu speċifiku dwar il-kummerċ diġitali, li se jiżgura l-prevedibbiltà u ċ-ċertezza legali fit-tranżazzjonijiet kummerċjali diġitali u se jiffaċilita l-flussi transfruntiera tad-data, filwaqt li jirrispetta l-acquis tal-UE dwar il-protezzjoni tad-data u l-privatezza; jilqa’ l-fatt li l-ftehim se jgħin biex jiġi żgurat ambjent online sikur għall-konsumaturi u se jippreserva livell għoli ta’ protezzjoni tad-data personali u l-privatezza fl-UE; jilqa’ l-inklużjoni ta’ artikoli ambizzjużi dwar il-protezzjoni tal-kodiċi tas-sors u l-kummerċ mingħajr karti;

11.  Jissottolinja l-fatt li l-maġġoranza qawwija tal-kumpaniji tal-UE u ta’ New Zealand huma intrapriżi żgħar u ta’ daqs medju (SMEs); jilqa’ l-fatt li l-FTA inkluda kapitolu speċifiku dwar l-SMEs, li jindirizza l-ħtiġijiet speċifiċi tagħhom u se jippermettilhom jiksbu l-benefiċċju massimu mill-ftehim, b’mod partijiet permezz ta’ klawżoli li bis-saħħa tagħhom iż-żewġ partijiet jimpenjaw ruħhom favur it-trasparenza fir-rigward tal-aċċess għas-suq u favur il-kondiviżjoni tal-informazzjoni rilevanti; jitlob li kull parti tistabbilixi fil-pront punti ta’ kuntatt għall-SMEs u mezz diġitali (bħal sit web speċifiku għall-SMEs) biex tiżgura li l-informazzjoni rilevanti dwar l-aċċess għas-suq tkun disponibbli faċilment għall-SMEs;

12.  Jistieden lill-partijiet jistabbilixxu malajr il-gruppi konsultattivi interni rispettivi tagħhom wara li l-ftehim jidħol fis-seħħ u jiżguraw li jkunu jistgħu jiffunzjonaw kif suppost u jikkontribwixxu b’mod attiv għall-implimentazzjoni tal-ftehim, b’mod partikolari fir-rigward tal-impatti tas-sostenibbiltà;

13.  Jilqa’ l-kapitolu speċfiku dwar l-SMEs; iqis, madankollu, minħabba li dan l-FTA huwa meqjus bħala punt ta’ riferiment għal ftehimiet kummerċjali futuri, li jista’ jsir aktar biex jiġu indirizzati l-ħtiġijiet tal-SMEs u jiġi massimizzat il-benefiċċju sħiħ tagħhom mill-ftehim; jistieden lill-Kummissjoni tevalwa l-effettività tal-kapitoli kollha dwar l-SMEs fil-ftehimiet kummerċjali tal-UE, inkluża analiżi ta’ jekk jissodisfawx il-ħtiġijiet tal-SMEs, sabiex jiġu massimizzati l-benefiċċji sħaħ tal-ftehimiet u sabiex iservu bħala bażi għall-formulazzjoni futura tal-kapitoli dwar l-SMEs fil-ftehimiet kummerċjali;

14.  Jemmen li dan il-ftehim huwa kompletament konformi mal-Istrateġija Ewropea ta’ Sigurtà Ekonomika reċenti peress li jipprovdi qafas biex sħab affidabbli jindirizzaw tħassib komuni dwar is-sigurtà huma u jistabbilixxu standards għoljin komuni u jipprevedu diversifikazzjoni, li hija mmirata lejn l-iżvilupp sostenibbli u toffri mudell għal sħab affidabbli oħra;

15.  Jilqa’ l-ftehim, li se joħloq aktar opportunitajiet ta’ kummerċ ħieles u ġust bejn l-UE u New Zealand; jistieden lill-Parlament Ewropew jagħti l-approvazzjoni tiegħu għall-ftehim;

16.  Jagħti istruzzjonijiet lill-President tiegħu biex tgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti tal-Istati Membri u ta’ New Zealand.

(1) ĠU C 32, 6.2.2008, p. 1. (2) ĠU L 321, 29.11.2016, p. 3. (3) ĠU L 171, 28.6.2022, p. 1. (4) ĠU C 132, 14.4.2023, p. 99. (5) ĠU C 47, 7.2.2023, p. 15. (6) ĠU C 346, 27.9.2018, p. 219. (7) ĠU C 35, 31.1.2018, p. 136. (8) Ir-rapport finali – “Trade Sustainability Impact Assessment in support of FTA negotiations between the European Union and New Zealand” (Valutazzjoni tal-Impatt tas-Sostenibbiltà Kummerċjali b’appoġġ għan-negozjati tal-FTA bejn l-Unjoni Ewropea u New Zealand), Kummissjoni Ewropea, Direttorat Ġenerali għall-Kummerċ, Direttorat C – l-Asja u l-Amerka Latina, Unità C2 – in-Nofsinhar u x-Xlokk tal-Asja, l-Awstralja, New Zealand, it-13 ta’ Marzu 2020. (9) Il-Ftehim bejn il-Komunità Ewropea u New Zealand dwar il-miżuri sanitarji applikabbli fil-kummerċ ta’ annimali ħajjin u ta’ prodotti tal-annimali (ĠU L 57, 26.2.1997, p. 5). (10) Il-Ftehim dwar għarfien reċiproku b’relazzjoni mal-istima ta’ konformità bejn l-Unjoni Ewropea u New Zealand (ĠU L 229, 17.8.1998, p. 62). (11) L-opinjoni tal-Qorti tal-Ġustizzja tas-16 ta’ Mejju 2017, 2/15, ECLI:EU:C:2017:376. (12) Testi adottati, P9_TA(2023)0417.

Deċiżjoni tal-Parlament Ewropew tat-22 ta’ Novembru 2023 dwar il-ħatra proposta ta’ Petri Sarvamaa għall-kariga ta’ Membru tal-Qorti tal-Awdituri (C9-0345/2023 – 2023/0811(NLE))

P9_TA(2023)0419 A9-0349/2023

(Konsultazzjoni)

Il-Parlament Ewropew,

–  wara li kkunsidra l-Artikolu 286(2) tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0345/2023),

–  wara li kkunsidra l-Artikolu 129 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit (A9‑0349/2023),

A.  billi, bl-ittra tat-22 ta’ Settembru 2023, il-Kunsill ikkonsulta lill-Parlament Ewropew dwar il-ħatra ta’ Petri Sarvamaa għall-kariga ta’ Membru tal-Qorti tal-Awdituri;

B.  billi l-Kumitat għall-Kontroll tal-Baġit tiegħu evalwa l-kwalifiki ta’ Petri Sarvamaa, b’mod partikolari fir-rigward tal-kundizzjonijiet stipulati fl-Artikolu 286(1) tat-Trattat dwar il-Funzjonament tal-Unjoni Ewropea; billi, fil-qafas ta’ din l-evalwazzjoni, il-Kumitat irċieva minn Petri Sarvamaa curriculum vitae kif ukoll it-tweġibiet tiegħu għall-kwestjonarju miktub li kien indirizzat lilu;

C.  billi dan il-Kumitat imbagħad, fis-7 ta’ Novembru 2023, ipproċeda b’seduta ta’ smigħ ta’ Petri Sarvamaa, li matulha dan għamel stqarrija preliminari, u wara wieġeb għall-mistoqsijiet li saru mill-membri tal-Kumitat;

1.  Jagħti opinjoni favorevoli dwar il-proposta tal-Kunsill għall-ħatra ta’ Petri Sarvamaa għall-kariga ta’ Membru tal-Qorti tal-Awdituri;

2.  Jagħti istruzzjonijiet lill-President tiegħu biex tgħaddi din id-deċiżjoni lill-Kunsill u, għal skopijiet ta’ informazzjoni, lill-Qorti tal-Awdituri, kif ukoll lill-istituzzjonijiet l-oħra tal-Unjoni Ewropea u lill-istituzzjonijiet tal-awditjar tal-Istati Membri.

Deċiżjoni tal-Parlament Ewropew tat-22 ta' Novembru 2023 dwar il-ħatra proposta ta’ Annemie Turtelboom għall-kariga ta’ Membru tal-Qorti tal-Awdituri (C9-0355/2023 – 2023/0812(NLE))

P9_TA(2023)0420 A9-0350/2023

(Konsultazzjoni)

Il-Parlament Ewropew,

–  wara li kkunsidra l-Artikolu 286(2) tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0355/2023),

–  wara li kkunsidra l-Artikolu 129 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Kontroll tal-Baġit (A9-0350/2023),

A.  billi, bl-ittra tat-3 ta’ Ottubru 2023, il-Kunsill ikkonsulta lill-Parlament Ewropew dwar il-ħatra ta’ Annemie Turtelboom għall-kariga ta’ Membru tal-Qorti tal-Awdituri;

B.  billi l-Kumitat għall-Kontroll tal-Baġit tiegħu evalwa l-kwalifiki ta’ Annemie Turtelboom, b’mod partikolari fir-rigward tal-kundizzjonijiet stipulati fl-Artikolu 286(1) tat-Trattat dwar il-Funzjonament tal-Unjoni Ewropea; billi, fil-qafas ta’ din l-evalwazzjoni, il-kumitat irċieva minn Annemie Turtelboom curriculum vitae kif ukoll it-tweġibiet tagħha għall-kwestjonarju miktub li kien indirizzat lilha;

C.  billi dan il-Kumitat imbagħad, fis-7 ta’ Novembru 2023, ipproċeda b’seduta ta’ smigħ ta’ Annemie Turtelboom, li matulha din għamlet stqarrija preliminari, u wara wieġbet għall-mistoqsijiet li saru mill-membri tal-Kumitat;

1.  Jagħti opinjoni favorevoli dwar il-proposta tal-Kunsill għall-ħatra ta’ Annemie Turtelboom għall-kariga ta' Membru tal-Qorti tal-Awdituri;

2.  Jagħti istruzzjonijiet lill-President tiegħu biex tgħaddi din id-deċiżjoni lill-Kunsill u, għal skopijiet ta’ informazzjoni, lill-Qorti tal-Awdituri, kif ukoll lill-istituzzjonijiet l-oħra tal-Unjoni Ewropea u lill-istituzzjonijiet tal-awditjar tal-Istati Membri.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar il-proposta għal Direttiva tal-Kunsill li temenda d-Direttiva 2006/112/KE fir-rigward tar-regoli tal-VAT għall-era diġitali (COM(2022)0701 – C9-0021/2023 – 2022/0407(CNS))

P9_TA(2023)0421 A9-0327/2023

(Proċedura leġiżlattiva speċjali – konsultazzjoni)

Il-Parlament Ewropew,

–  wara li kkunsidra l-proposta tal-Kummissjoni lill-Kunsill (COM(2022)0701),

–  wara li kkunsidra l-Artikolu 113 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0021/2023),

–  wara li kkunsidra l-Artikolu 82 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0327/2023),

1.  Japprova l-proposta tal-Kummissjoni kif emendata;

2.  Jistieden lill-Kummissjoni timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.  Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Test propost mill-Kummissjoni   Emenda Emenda 1 Proposta għal direttiva Premessa 1a (ġdida) (1a)  Il-pakkett “il-VAT fl-Era Diġitali”, li minnu tifforma parti din id-Direttiva, għandu l-għan li jirrispetta l-prinċipju tal-proporzjonalità fir-rigward, minn naħa waħda, tal-objettiv tal-ġlieda kontra l-frodi u, min-naħa l-oħra, tad-diffikultajiet li jistgħu jinqalgħu fl-applikazzjoni tar-regoli proposti għall-kumpaniji, speċjalment għall-SMEs u l-mikroimpriżi, f’termini tat-tmexxija ta’ kuljum tan-negozji, kif ukoll għall-awtoritajiet nazzjonali. L-obbligi l-ġodda tal-VAT li jirriżultaw mir-riforma jenħtieġ li jkunu sempliċi, ċari, effettivi u bbilanċjati għall-partijiet kollha involuti sabiex jaħdmu fil-prattika għan-negozji u għall-awtoritajiet amministrattivi. Emenda 2 Proposta għal direttiva Premessa 1b (ġdida) (1b)  Il-pakkett “il-VAT fl-Era Diġitali” għandu l-għan li jiżgura rispett sħiħ tad-drittijiet fundamentali għall-privatezza u l-protezzjoni tad-data personali, kif ukoll l-applikabbiltà tar-Regolamenti (UE) 2016/6791a u (UE) 2018/17251b tal-Parlament Ewropew u tal-Kunsill għall-ipproċessar ta’ data personali. L-informazzjoni miġbura jenħtieġ li tkun tista’ tiġi pproċessata biss għall-iskop tal-ġlieda kontra l-frodi mill-awtoritajiet tat-taxxa kompetenti. ________ 1a Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). 1b Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). Emenda 3 Proposta għal direttiva Premessa 1c (ġdida) (1c)  Il-Kummissjoni jenħtieġ li tiżgura li d-drittijiet tal-kontribwenti jiġu rispettati, peress minħabba l-fatt li l-awtoritajiet tat-taxxa se jkollhom aċċess għal ammonti kbar ta’ data, inkluż minn sistemi ta’ analiżi ta’ data algoritmika. L-użu ta’ teknoloġiji ġodda jenħtieġ li jirrispetta l-valuri tal-Unjoni, id-drittijiet tal-bniedem u l-liġi primarja. Emenda 4 Proposta għal direttiva Premessa 1d (ġdida) (1d)   Il-ġbir tad-data personali tal-individwi jenħtieġ li fl-ebda ċirkostanza ma jikser id-dritt għall-privatezza tal-individwi. Inkella, jitqies bħala ekwivalenti għal sorveljanza illegali. L-informazzjoni fil-fatturi tista’ tiżvela informazzjoni sensittiva dwar persuni fiżiċi speċifiċi, bħal informazzjoni dwar merkanzija mixtrija (inklużi prodotti intimi), arranġamenti tal-ivvjaġġar jew servizzi legali. Emenda 5 Proposta għal direttiva Premessa 2 (2)  L-obbligi ta’ rapportar tal-VAT jenħtieġ li jiġu adattati biex jindirizzaw l-isfidi tal-ekonomija tal-pjattaformi u biex titnaqqas il-ħtieġa għal reġistrazzjonijiet multipli tal-VAT fl-Unjoni. (2)  L-obbligi ta’ rapportar tal-VAT jenħtieġ li jiġu adattati biex jindirizzaw l-isfidi tal-ekonomija tal-pjattaformi, biex titnaqqas il-ħtieġa għal reġistrazzjonijiet multipli tal-VAT fl-Unjoni u biex jitnaqqsu b’mod sinifikanti l-kostijiet ta’ konformità għall-kontribwenti, jiġifieri l-SMEs, sabiex jiġu żgurati kundizzjonijiet ekwivalenti u l-funzjonament tajjeb tas-suq intern. Emenda 6 Proposta għal direttiva Premessa 3 (3)  It-telf fid-dħul mill-VAT, magħruf bħala d-“Diskrepanza tal-VAT”, fl-2020 kien stmat għal EUR 93 biljun61 fl-Unjoni, li parti sinifikanti minnhom tikkonsisti fi frodi, b’mod partikolari frodi intra-Komunitarja62 b’negozjant nieqes, stmata bejn EUR 40-60 biljun63. Fir-rapport finali tal-Konferenza dwar il-Futur tal-Ewropa, iċ-ċittadini jappellaw biex jiġu armonizzati u kkoordinati l-politiki tat-taxxa fi ħdan l-Istati Membri tal-UE għall-prevenzjoni tal-evażjoni u l-evitar tat-taxxa”, u “tiġi promossa l-kooperazzjoni bejn l-Istati Membri tal-UE biex jiġi żgurat li l-kumpaniji kollha fl-UE jħallsu s-sehem ġust tagħhom ta’ taxxi”. L-inizjattiva tal-VAT fl-Era Diġitali hija konsistenti ma’ dawn l-għanijiet. (3)  It-telf fid-dħul mill-VAT, magħruf bħala d-“Diskrepanza tal-VAT”, fl-2020 kien stmat għal EUR 93 biljun61 fl-Unjoni, li parti sinifikanti minnhom tikkonsisti fi frodi, b’mod partikolari frodi intra-Komunitarja62 b’negozjant nieqes, stmata bejn EUR 40-60 biljun63. Id-diskrepanza attwali tal-VAT turi l-ħtieġa li jiġu ttrattati l-frodi transfruntiera tal-VAT u l-frodi karusell permezz tal-implimentazzjoni xierqa ta’ skambju effiċjenti ta’ mekkaniżmi ta’ informazzjoni u ta’ mezzi adegwati għal tali skambju, inklużi mezzi umani, finanzjarji, tekniċi u teknoloġiċi. Barra minn hekk, il-kobor tal-valuri tad-diskrepanza tal-VAT ivarja b’mod sinifikanti minn Stat Membru għal ieħor u għalhekk huwa importanti li jissaħħu l-kooperazzjoni u l-koordinazzjoni fil-livell tal-UE. _________________ _________________ 61 Id-Diskrepanza tal-VAT hija d-differenza ġenerali bejn id-dħul mistenni mill-VAT ibbażat fuq il-leġiżlazzjoni tal-VAT u r-regolamenti anċillari u l-ammont effettivament miġbur: https://ec.europa.eu/taxation_customs/business/vat/vat-gap_en 61 Id-Diskrepanza tal-VAT hija d-differenza ġenerali bejn id-dħul mistenni mill-VAT ibbażat fuq il-leġiżlazzjoni tal-VAT u r-regolamenti anċillari u l-ammont effettivament miġbur: https://ec.europa.eu/taxation_customs/business/vat/vat-gap_en 62 Europol: https://www.europol.europa.eu/crime-areas-and-statistics/crime-areas/economic-crime/mtic-missing-trader-intra-community-fraud 62 Europol: https://www.europol.europa.eu/crime-areas-and-statistics/crime-areas/economic-crime/mtic-missing-trader-intra-community-fraud 63 Il-Qorti Ewropea tal-Awdituri: https://www.eca.europa.eu/Lists/ECADocuments/SR15_24/SR_VAT_FRAUD_MT.pdf 63 Il-Qorti Ewropea tal-Awdituri: https://www.eca.europa.eu/Lists/ECADocuments/SR15_24/SR_VAT_FRAUD_MT.pdf Emenda 7 Proposta għal direttiva Premessa 3a (ġdida) (3a)  Id-“diskrepanza tal-VAT” talimenta n-nuqqas ta’ fiduċja bejn l-awtoritajiet tat-taxxa tal-Unjoni u tirrappreżenta ħafna aktar minn sempliċi frodi intra-Komunitarja b’negozjant nieqes (MTIC). L-aħjar mod biex tiġi miġġielda l-frodi MTIC, inkluża l-frodi karusell, ikun li titneħħa l-eżenzjoni mill-VAT għal provvisti intra-Komunitarji ta’ merkanzija u servizzi, peress li dak it-tip ta’ frodi huwa fil-biċċa l-kbira dovut għal waqfa fil-ġbir frazzjonat tal-VAT. Sabiex il-ġlieda kontra l-frodi tal-VAT tiġi limitata aħjar, il-Kummissjoni jenħtieġ li twettaq aktar analiżi dwar kif l-implimentazzjoni ta’ din id-Direttiva tista’ tpoġġi l-pedament għat-tneħħija tal-eżenzjoni mill-VAT għal provvisti intra-Komunitarji ta’ merkanzija u servizzi (jiġifieri, is-“sistema definittiva tal-VAT”). Emenda 8 Proposta għal direttiva Premessa 3b (ġdida) (3b)  Il-ġbir tad-data għall-istatistika tal-kummerċ internazzjonali (Intrastat) fil-kuntest tat-tranżazzjonijiet intra-Komunitarji huwa għodda essenzjali għall-amministrazzjonijiet tat-taxxa tal-Istati Membri fil-ġlieda kontra l-frodi tal-VAT u jenħtieġ li jinżamm. Emenda 9 Proposta għal direttiva Premessa 3c (ġdida) (3c)  L-eżenzjoni mill-VAT għal provvisti intra-Komunitarji ta’ merkanzija u servizzi tista’ żżid il-possibbiltà ta’ frodi, speċjalment fil-livell tal-bejgħ bl-imnut. Emenda 10 Proposta għal direttiva Premessa 4 (4)  Sabiex jiżdied il-ġbir tat-taxxa fuq it-tranżazzjonijiet transfruntiera u biex tintemm il-frammentazzjoni eżistenti li tirriżulta mill-implimentazzjoni mill-Istati Membri ta’ sistemi ta’ rappurtar diverġenti, jenħtieġ li jiġu stabbiliti regoli għar-rekwiżiti ta’ rappurtar diġitali tal-Unjoni. Tali regoli jenħtieġ li jipprovdu informazzjoni lill-amministrazzjonijiet tat-taxxa fuq bażi ta’ kull tranżazzjoni, sabiex jippermettu t-tqabbil reċiproku tad-data, iżidu l-kapaċitajiet ta’ kontroll tal-amministrazzjonijiet tat-taxxa u joħolqu effett ta’ deterrent fuq in-nuqqas ta’ konformità, filwaqt li jitnaqqsu l-kostijiet ta’ konformità għan-negozji li joperaw fi Stati Membri differenti u jiġu eliminati l-ostakli fis-suq intern. (4)  Sabiex jiżdied il-ġbir tat-taxxa fuq it-tranżazzjonijiet transfruntiera u biex tintemm il-frammentazzjoni eżistenti li tirriżulta mill-implimentazzjoni mill-Istati Membri ta’ sistemi ta’ rappurtar diverġenti, li jirriżultaw f’piż sinifikanti fuq in-negozji u kontrolli transfruntiera ineffettivi, jenħtieġ li jiġu stabbiliti regoli għar-rekwiżiti ta’ rappurtar diġitali tal-Unjoni. Tali regoli jenħtieġ li jipprovdu informazzjoni lill-amministrazzjonijiet tat-taxxa fuq bażi ta’ kull tranżazzjoni, sabiex jippermettu t-tqabbil reċiproku tad-data, iżidu l-kapaċitajiet ta’ kontroll tal-amministrazzjonijiet tat-taxxa u joħolqu effett ta’ deterrent fuq in-nuqqas ta’ konformità, filwaqt li jitnaqqsu l-kostijiet ta’ konformità għan-negozji li joperaw fi Stati Membri differenti u jiġu eliminati l-ostakli fis-suq intern. Emenda 11 Proposta għal direttiva Premessa 4a (ġdida) (4a)   Il-frodi tal-VAT ħafna drabi hija marbuta mal-kriminalità organizzata, u għadd żgħir ħafna ta’ dawn in-networks organizzati jista’ jkun responsabbli għal frodi transfruntiera tal-VAT li tammonta għal biljuni ta’ euro, li tolqot mhux biss il-ġbir tad-dħul fl-Istati Membri iżda għandha wkoll impatt negattiv fuq ir-riżorsi proprji tal-Unjoni. Għalhekk, l-Istati Membri għandhom responsabbiltà kondiviża għall-ħarsien tad-dħul mill-VAT tal-Istati Membri kollha. Emenda 12 Proposta għal direttiva Premessa 4b (ġdida) (4b)   Il-Kummissjoni se tiżgura li r-rekwiżiti ta’ rappurtar diġitali jqisu l-esperjenza miksuba f’ċerti Stati Membri li diġà jkunu investew fil-fatturazzjoni u r-rappurtar diġitali sabiex ma jintilfux investimenti eżistenti f’dawk l-Istati Membri u biex ikunu jistgħu jibbenefikaw il-partijiet ikkonċernati kollha. Emenda 13 Proposta għal direttiva Premessa 4c (ġdida) (4c)  Ir-rekwiżiti ta’ rappurtar diġitali li għandhom l-għan li jipprovdu informazzjoni lill-awtoritajiet tat-taxxa fuq bażi ta’ tranżazzjoni bi tranżazzjoni jenħtieġ li jkunu ġusti, li jistgħu jinkisbu u bbilanċjati, f’konformità mal-prinċipju ta’ proporzjonalità. L-affidabbiltà tas-soluzzjonijiet teknoloġiċi għall-individwazzjoni tal-frodi jenħtieġ li tirriżulta f’aktar ċertezza legali għall-kontribwenti. Emenda 14 Proposta għal direttiva Premessa 5 (5)  Sabiex tiġi ffaċilitata l-awtomatizzazzjoni tal-proċess ta’ rappurtar kemm għall-persuni taxxabbli kif ukoll għall-amministrazzjonijiet tat-taxxa, it-tranżazzjonijiet li għandhom jiġu rrapportati lill-amministrazzjonijiet tat-taxxa jenħtieġ li jiġu ddokumentati b’mod elettroniku. L-użu tal-fatturazzjoni elettronika jenħtieġ li jsir is-sistema prestabbilita għall-ħruġ tal-fatturi. Madankollu, l-Istati Membri jenħtieġ li jitħallew jawtorizzaw mezzi oħra għall-provvisti domestiċi. Il-ħruġ ta’ fatturi elettroniċi mill-fornitur u t-trażmissjoni tagħhom lill-klijenti jenħtieġ li ma jkunux kundizzjonali fuq awtorizzazzjoni jew verifika minn qabel mill-amministrazzjoni tat-taxxa. (5)  Sabiex tiġi ffaċilitata l-awtomatizzazzjoni tal-proċess ta’ rappurtar kemm għall-persuni taxxabbli kif ukoll għall-amministrazzjonijiet tat-taxxa, it-tranżazzjonijiet li għandhom jiġu rrapportati lill-amministrazzjonijiet tat-taxxa jenħtieġ li jiġu ddokumentati b’mod elettroniku. L-użu tal-fatturazzjoni elettronika jista’ jsir is-sistema prestabbilita għall-ħruġ tal-fatturi. Madankollu, l-Istati Membri jenħtieġ li jitħallew jawtorizzaw mezzi oħra għall-provvisti domestiċi. Il-ħruġ ta’ fatturi elettroniċi mill-fornitur u t-trażmissjoni tagħhom lill-klijenti jenħtieġ li ma jkunux kundizzjonali fuq awtorizzazzjoni jew verifika minn qabel mill-amministrazzjoni tat-taxxa mill-1 ta’ Jannar 2028. Emenda 15 Proposta għal direttiva Premessa 6 (6)  Id-definizzjoni ta’ fattura elettronika jenħtieġ li tiġi allinjata ma’ dik użata fid-Direttiva 2014/55/UE tal-Parlament Ewropew u tal-Kunsill64, biex tinkiseb standardizzazzjoni fil-qasam tar-rappurtar tal-VAT. (6)  Fi tmiem il-perjodu tranżitorju, id-definizzjoni ta’ fattura elettronika jenħtieġ li tiġi allinjata ma’ dik użata fid-Direttiva 2014/55/UE tal-Parlament Ewropew u tal-Kunsill64, biex tinkiseb standardizzazzjoni fil-qasam tar-rappurtar tal-VAT. Madankollu, in-negozji, b’mod partikolari l-mikroimpriżi u l-impriżi żgħar kif definiti fid-Direttiva 2013/34/UE64a u l-entitajiet mingħajr skop ta’ qligħ, jenħtieġ li jibqgħu liberi li jadottaw standards oħra f’konformità mal-Artikolu 217 tad-Direttiva 2006/112/KE. __________________ __________________ 64 Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1). 64 Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1). 64a Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19). Emenda 16 Proposta għal direttiva Premessa 6a (ġdida) (6a)  Sabiex jiġu megħjuna n-negozji u l-amministrazzjonijiet tat-taxxa, il-kontenut tal-istandard Ewropew tal-fatturazzjoni elettronika jenħtieġ li jsir aċċessibbli, sempliċi u ċar, b’mod partikolari billi tiġi ppubblikata fuq is-sit web tal-Kummissjoni l-informazzjoni rilevanti kollha relatata ma’ dak l-istandard. Minħabba l-fatt li l-istandard Ewropew tal-fatturazzjoni elettronika msemmi fid-Direttiva 2014/55/UE huwa adattat għal kuntest minn “negozju għal gvern” (B2G), l-evoluzzjoni tiegħu jenħtieġ li tkun ippjanata biex tqis il-ħtiġijiet minn “negozju għal negozju” (B2B). Emenda 17 Proposta għal direttiva Premessa 7 (7)  Sabiex is-sistema ta’ rappurtar tal-VAT tiġi implimentata b’mod effiċjenti, huwa meħtieġ li l-informazzjoni tasal għand l-amministrazzjoni tat-taxxa mingħajr dewmien. Għalhekk, l-iskadenza għall-ħruġ ta’ fattura għal tranżazzjonijiet transfruntiera jenħtieġ li tiġi stabbilita għal jumejn xogħol wara li jkun seħħ l-avveniment li jagħti lok għal ħlas. (7)  Sabiex is-sistema ta’ rappurtar tal-VAT tiġi implimentata b’mod effiċjenti, huwa meħtieġ li l-informazzjoni tasal għand l-amministrazzjoni tat-taxxa mingħajr dewmien. Għalhekk, l-iskadenza għall-ħruġ ta’ fattura għal tranżazzjonijiet transfruntiera jenħtieġ li tiġi stabbilita għal tmint ijiem xogħol wara li jkun seħħ l-avveniment li jagħti lok għal ħlas. Il-perjodi ta’ limitazzjoni għall-prosekuzzjoni ta’ frodi tal-VAT jenħtieġ li jiġu aġġustati skont dan. Emenda 18 Proposta għal direttiva Premessa 9 (9)  L-implimentazzjoni tal-fattura elettronika bħala l-metodu prestabbilit għad-dokumentazzjoni tat-tranżazzjonijiet għall-finijiet tal-VAT ma tkunx possibbli jekk l-użu tal-fattura elettronika jibqa’ soġġett għall-aċċettazzjoni mir-riċevitur. Għalhekk, tali aċċettazzjoni jenħtieġ li ma tibqax meħtieġa għall-ħruġ ta’ fatturi elettroniċi. (9)  L-implimentazzjoni tal-fattura elettronika bħala l-metodu prestabbilit għad-dokumentazzjoni tat-tranżazzjonijiet għall-finijiet tal-VAT ma tkunx possibbli jekk l-użu tal-fattura elettronika jibqa’ soġġett għall-aċċettazzjoni mir-riċevitur. Għalhekk, l-aċċettazzjoni mir-riċevitur jenħtieġ li ma tibqax meħtieġa mill-1 ta’ Jannar 2028. Emenda 19 Proposta għal direttiva Premessa 10a (ġdida) (10a)   Il-fatturi sommarji jiffrankaw il-ħin u l-ispejjeż u jnaqqsu l-piż amministrattiv relatat mal-fatturazzjoni. Barra minn hekk, inaqqsu l-possibbiltà ta’ żbalji u jissimplifikaw ix-xogħol għall-fornituri u l-klijenti bis-saħħa taż-żamma ta’ rekords simplifikata. Madankollu, dawn jistgħu jintużaw ħażin ukoll għall-frodi. Għalhekk, jenħtieġ li l-fatturi ta’ sommarju jinżammu biss għal tranżazzjonijiet domestiċi minn negozju għal ieħor u jenħtieġ li jkopru biss perjodu ta’ żmien limitat. Emenda 20 Proposta għal direttiva Premessa 12 (12)  Sabiex tiġi ffaċilitata t-trażmissjoni tad-data tal-fattura għall-persuni taxxabbli, l-Istati Membri jenħtieġ li jqiegħdu għad-dispożizzjoni tal-persuni taxxabbli l-mezzi meħtieġa għal tali trażmissjoni, li jenħtieġ li jippermettu li d-data tintbagħat mill-persuna taxxabbli direttament jew minn parti terza f’isem dik il-persuna taxxabbli. (12)  Il-fluss dejjem jikber ta’ informazzjoni skambjata kuljum jirrikjedi software tal-kompjuter ta’ prestazzjoni għolja li kapaċi jittrażmetti l-informazzjoni b’mod kontinwu lill-amministrazzjonijiet nazzjonali b’mod sikur. Sabiex tiġi ffaċilitata t-trażmissjoni tad-data tal-fattura għall-persuni taxxabbli, l-Istati Membri jenħtieġ li jqiegħdu għad-dispożizzjoni tal-persuni taxxabbli, u b’mod partikolari ta’ mikroimpriżi u impriżi żgħar kif definiti fid-Direttiva 2013/34/UE u entitajiet mingħajr skop ta’ qligħ, il-mezzi meħtieġa għal tali trażmissjoni, li jenħtieġ li jippermettu li d-data tintbagħat mill-persuna taxxabbli direttament jew minn parti terza f’isem dik il-persuna taxxabbli. Emenda 21 Proposta għal direttiva Premessa 13 (13)  Filwaqt li l-informazzjoni li għandha tiġi trażmessa permezz tar-rekwiżiti ta’ rappurtar diġitali għal tranżazzjonijiet intra-Komunitarji jenħtieġ li tkun simili għal dik li ġiet trażmessa permezz tad-dikjarazzjonijiet rikapitolattivi, huwa meħtieġ li l-persuni taxxabbli jintalbu jipprovdu data addizzjonali, inklużi d-dettalji bankarji u l-ammonti ta’ pagament, sabiex l-amministrazzjonijiet tat-taxxa jkunu jistgħu jsegwu mhux biss il-merkanzija iżda wkoll il-flussi finanzjarji. (13)  Filwaqt li l-informazzjoni li għandha tiġi trażmessa permezz tar-rekwiżiti ta’ rappurtar diġitali għal tranżazzjonijiet intra-Komunitarji jenħtieġ li tkun simili għal dik li ġiet trażmessa permezz tad-dikjarazzjonijiet rikapitolattivi, huwa meħtieġ li l-persuni taxxabbli jintalbu jipprovdu data addizzjonali, inklużi d-dettalji bankarji u l-ammonti ta’ pagament, sabiex l-amministrazzjonijiet tat-taxxa jkunu jistgħu jsegwu mhux biss il-merkanzija iżda wkoll il-flussi finanzjarji u jiksbu informazzjoni xierqa dwar dawk il-flussi. Emenda 22 Proposta għal direttiva Premessa 14 (14)  Jenħtieġ li jiġi evitat il-piż amministrattiv bla bżonn fuq il-persuni taxxabbli li joperaw fi Stati Membri differenti. Għalhekk, tali persuni taxxabbli jenħtieġ li jkunu jistgħu jipprovdu l-informazzjoni meħtieġa lill-amministrazzjonijiet tat-taxxa tagħhom bl-użu tal-istandard Ewropew stabbilit fid-Deċiżjoni ta’ Implimentazzjoni tal-Kummissjoni (UE) 2017/187065, li jissodisfa t-talba stabbilita fl-Artikolu 3(1) tad-Direttiva 2014/55/UE biex jinħoloq standard Ewropew għall-mudell tad-data semantika tal-elementi ewlenin ta’ fattura elettronika. L-Istati Membri jenħtieġ li jitħallew jipprevedu metodi addizzjonali biex jirrappurtaw id-data li tista’ tkun aktar faċli għal ċerti persuni taxxabbli biex jikkonformaw magħha. (14)  Jenħtieġ li jiġi evitat il-piż amministrattiv bla bżonn fuq il-persuni taxxabbli li joperaw fi Stati Membri differenti. Għalhekk, tali persuni taxxabbli jenħtieġ li jkunu jistgħu jipprovdu l-informazzjoni meħtieġa lill-amministrazzjonijiet tat-taxxa tagħhom bl-użu tal-istandard Ewropew stabbilit fid-Deċiżjoni ta’ Implimentazzjoni tal-Kummissjoni (UE) 2017/187065, li jissodisfa t-talba stabbilita fl-Artikolu 3(1) tad-Direttiva 2014/55/UE biex jinħoloq standard Ewropew għall-mudell tad-data semantika tal-elementi ewlenin ta’ fattura elettronika. L-Istati Membri jenħtieġ li jitħallew jipprevedu metodi oħra biex jirrappurtaw id-data li tista’ tkun aktar faċli għal ċerti persuni taxxabbli biex jikkonformaw magħha u li tista’ twassal għal tnaqqis ta’ piżijiet bla bżonn. _________________ _________________ 65 Id-Deċiżjoni ta’ Implimentazzjoni tal-Kummissjoni (UE) 2017/1870 tas-16 ta’ Ottubru 2017 dwar il-pubblikazzjoni tar-referenza tal-istandard Ewropew dwar il-fatturazzjoni elettronika u l-lista tas-sintassijiet tiegħu skont id-Direttiva 2014/55/UE tal-Parlament Ewropew u tal-Kunsill (ĠU L 266, 17.10.2017, p. 19). 65 Id-Deċiżjoni ta’ Implimentazzjoni tal-Kummissjoni (UE) 2017/1870 tas-16 ta’ Ottubru 2017 dwar il-pubblikazzjoni tar-referenza tal-istandard Ewropew dwar il-fatturazzjoni elettronika u l-lista tas-sintassijiet tiegħu skont id-Direttiva 2014/55/UE tal-Parlament Ewropew u tal-Kunsill (ĠU L 266, 17.10.2017, p. 19). Emenda 23 Proposta għal direttiva Premessa 15 (15)  Sabiex tinkiseb l-armonizzazzjoni meħtieġa fir-rappurtar ta’ data dwar tranżazzjonijiet intra-Komunitarji, l-informazzjoni li għandha tiġi rrapportata jenħtieġ li tkun l-istess fl-Istati Membri kollha, mingħajr il-possibbiltà li l-Istati Membri jitolbu data addizzjonali. (15)  Sabiex tinkiseb l-armonizzazzjoni meħtieġa fir-rappurtar ta’ data dwar tranżazzjonijiet intra-Komunitarji, l-informazzjoni li għandha tiġi rrapportata jenħtieġ li tkun l-istess fl-Istati Membri kollha, mingħajr il-possibbiltà li l-Istati Membri jitolbu data addizzjonali. Il-ġbir ta’ dik id-data jenħtieġ li jagħmilha possibbli li jkun hemm statistika aħjar sal-punt ta’ frodi tal-VAT u jenħtieġ li jagħmilha possibbli li titnaqqas dik il-frodi. Emenda 24 Proposta għal direttiva Premessa 16a (ġdida) (16a)  Id-diġitalizzazzjoni tagħmel lill-kumpaniji dejjem aktar vulnerabbli għaċ-ċiberkriminalità u l-attakki mill-hackers. Il-Kummissjoni u l-Istati Membri jenħtieġ li jiżguraw kull wieħed, kemm jista’ jkun, il-protezzjoni tad-data minn attakki ċibernetiċi u attakki minn hackers jew zappers, matul it-trażmissjoni tagħha, fuq bażi ta’ tranżazzjoni bi tranżazzjoni, u matul il-ħażna tagħha mill-awtoritajiet tat-taxxa. Emenda 25 Proposta għal direttiva Premessa 16b (ġdida) (16b)  Ir-regoli li jirregolaw il-fatturazzjoni elettronika u r-rekwiżiti tar-rappurtar diġitali ma japplikawx għal xiri relatat mad-difiża eżentati skont l-Artikoli 143 u 151 tad-Direttiva 2006/112/KE. Emenda 26 Proposta għal direttiva Premessa 16c (ġdida) (16c)  Sabiex tiġi żgurata s-sigurtà tad-data trażmessa, jenħtieġ li titfassal lista eżawrjenti tal-awtoritajiet awtorizzati biex jeżaminaw id-data, flimkien ma’ proċedura għall-ipproċessar tad-data. L-UPPE, l-OLAF u l-Europol jenħtieġ li jkunu inklużi f’dik il-lista. Emenda 27 Proposta għal direttiva Premessa 17 (17)  Diversi Stati Membri daħħlu fis-seħħ rekwiżiti ta’ rappurtar diverġenti għat-tranżazzjonijiet fit-territorji tagħhom, li wasslu għal piżijiet amministrattivi sinifikanti għal persuni taxxabbli li joperaw fi Stati Membri differenti, peress li jeħtieġ li jadattaw is-sistemi kontabilistiċi tagħhom biex jikkonformaw ma’ dawk ir-rekwiżiti. Sabiex jiġu evitati l-kostijiet li jirriżultaw minn tali diverġenza, is-sistemi implimentati fl-Istati Membri biex jirrappurtaw il-provvisti ta’ merkanzija u servizzi bi ħlas bejn persuni taxxabbli fit-territorju tagħhom jenħtieġ li jikkonformaw mal-istess karatteristiċi tas-sistema implimentata għal tranżazzjonijiet intra-Komunitarji. L-Istati Membri jenħtieġ li jipprevedu l-mezzi elettroniċi għat-trażmissjoni tal-informazzjoni u, kif inhu l-każ għat-tranżazzjonijiet intra-Komunitarji, jenħtieġ li jkun possibbli għall-persuna taxxabbli li tissottometti d-data f’konformità mal-istandard Ewropew stabbilit fid-Deċiżjoni ta’ Implimentazzjoni (UE) 2017/1870, minkejja li l-Istat Membru rilevanti jista’ jipprevedi mezzi addizzjonali biex tiġi trażmessa d-data. Id-data jenħtieġ li titħalla tintbagħat mill-persuna taxxabbli direttament jew minn parti terza f’isem dik il-persuna. (17)  Diversi Stati Membri daħħlu fis-seħħ, f’konformità mal-Artikolu 273 tad-Direttiva 2006/112/KE, rekwiżiti diverġenti ta’ rapportar għal tranżazzjonijiet fit-territorji tagħhom. Dawk ir-rekwiżiti diverġenti ta’ rappurtar jippreġudikaw il-funzjonament tas-suq intern. Sabiex jiġu evitati l-kostijiet li jirriżultaw mill-frammentazzjoni tal-qafas regolatorju, is-sistemi implimentati fl-Istati Membri biex jirrappurtaw il-provvisti ta’ merkanzija u servizzi bi ħlas bejn persuni taxxabbli fit-territorju tagħhom jista’ jkollhom l-istess karatteristiċi tas-sistema implimentata għal tranżazzjonijiet intra-Komunitarji. L-Istati Membri jenħtieġ li jipprevedu l-mezzi elettroniċi għat-trażmissjoni tal-informazzjoni u, kif inhu l-każ għat-tranżazzjonijiet intra-Komunitarji, jenħtieġ li jkun possibbli għall-persuna taxxabbli li tissottometti d-data f’konformità mal-istandard Ewropew stabbilit fid-Deċiżjoni ta’ Implimentazzjoni (UE) 2017/1870, sakemm l-Istat Membru rilevanti ma jkunx jista’ jipprevedi mezzi oħra, daqstant effettivi biex tiġi trażmessa d-data. Id-data jenħtieġ li titħalla tintbagħat mill-persuna taxxabbli direttament jew minn parti terza f’isem dik il-persuna. Emenda 28 Proposta għal direttiva Premessa 18 (18)  L-Istati Membri jenħtieġ li ma jkunux obbligati jimplimentaw rekwiżit ta’ rappurtar diġitali għall-provvisti ta’ merkanzija u servizzi bi ħlas bejn persuni taxxabbli fit-territorju tagħhom. Madankollu, jekk iridu jimplimentaw tali rekwiżit fil-futur, jenħtieġ li dawn jiġu allinjati mar-rekwiżiti ta’ rappurtar diġitali għal tranżazzjonijiet intra-Komunitarji. L-Istati Membri li diġà għandhom sistema ta’ rappurtar għal dawn it-tranżazzjonijiet fis-seħħ jenħtieġ li jadattaw tali sistemi biex jiżguraw li d-data tiġi rrappurtata f’konformità mar-rekwiżiti ta’ rappurtar diġitali għal tranżazzjonijiet intra-Komunitarji. (18)  L-Istati Membri jenħtieġ li ma jkunux obbligati jimplimentaw rekwiżit ta’ rappurtar diġitali għall-provvisti ta’ merkanzija u servizzi bi ħlas bejn persuni taxxabbli fit-territorju tagħhom. Fi tmiem il-perjodu tranżitorju, l-Istati Membri xorta se jkunu jistgħu jintroduċu standards oħra, minkejja li jridu jaċċettaw fatturi elettroniċi bbażati fuq l-Istandard Ewropew. Emenda 29 Proposta għal direttiva Premessa 18a (ġdida) (18a)  Il-ġbir tad-data personali tal-individwi jenħtieġ li fl-ebda ċirkostanza ma jikser id-dritt għall-privatezza tagħhom. Emenda 30 Proposta għal direttiva Premessa 19 (19)  Sabiex tiġi evalwata l-effettività tar-rekwiżiti ta’ rappurtar diġitali, il-Kummissjoni jenħtieġ li tħejji rapport ta’ valutazzjoni li jevalwa l-impatt tar-rekwiżiti ta’ rappurtar diġitali fuq it-tnaqqis tad-diskrepanza tal-VAT u fil-kostijiet ta’ implimentazzjoni u konformità għall-persuni taxxabbli u għall-amministrazzjonijiet tat-taxxa, sabiex jiġi vverifikat jekk is-sistema laħqitx l-objettivi tagħha jew teħtieġx aktar aġġustamenti. (19)  Sabiex tiġi evalwata l-effettività tar-rekwiżiti intra-Komunitarji ta’ rappurtar diġitali, il-Kummissjoni jenħtieġ li tħejji rapport ta’ valutazzjoni li jevalwa l-impatt tar-rekwiżiti intra-Komunitarji ta’ rappurtar diġitali fuq it-tnaqqis tad-diskrepanza tal-VAT u fil-kostijiet ta’ implimentazzjoni u konformità għall-persuni taxxabbli u għall-amministrazzjonijiet tat-taxxa, sabiex jiġi vverifikat jekk is-sistema laħqitx l-objettivi tagħha jew teħtieġx aktar aġġustamenti jew kwalunkwe estensjoni għat-tranżazzjonijiet domestiċi. Barra minn hekk, il-Kummissjoni jenħtieġ li tikkummissjona studju indipendenti li jkun fih analiżi komprensiva dwar il-frodi b’negozjant nieqes, li hija kategorija partikolari ta’ frodi tal-VAT, u b’mod partikolari dwar l-effettività tar-rekwiżiti ta’ rappurtar diġitali fil-ġlieda kontra tali frodi. Il-Kummissjoni jenħtieġ li tordna li jsir studju indipendenti biex titwettaq valutazzjoni bir-reqqa tal-vantaġġi u l-iżvantaġġi li l-punt uniku ta’ servizz għall-importazzjonijiet (IOSS) isir obbligatorju. Emenda 31 Proposta għal direttiva Premessa 20 (20)  L-Istati Membri jenħtieġ li jkunu jistgħu jkomplu jimplimentaw miżuri oħra biex jiżguraw il-ġbir korrett tal-VAT u biex jipprevjenu l-evażjoni. Madankollu, jenħtieġ li ma jkunux jistgħu jimponu obbligi ta’ rappurtar addizzjonali fuq it-tranżazzjonijiet li huma koperti mir-rekwiżiti ta’ rappurtar diġitali. (20)  L-Istati Membri jenħtieġ li jkunu jistgħu jkomplu jimplimentaw miżuri oħra biex jiżguraw il-ġbir korrett tal-VAT u biex jipprevjenu l-evażjoni. Emenda 32 Proposta għal direttiva Premessa 20a (ġdida) (20a)  Sabiex jitnaqqas ir-riskju legali li għalih huma esposti n-negozji, speċjalment l-SMEs u l-mikroimpriżi minħabba l-kumplessità tar-rati tal-VAT fl-Unjoni, il-bażijiet tad-data tal-Kummissjoni jistgħu jiġu estiżi f’għodda aġġornata li tkun faċilment aċċessibbli għan-negozji, billi tipprovdi informazzjoni kważi f’ħin reali dwar ir-rati tal-VAT tal-Unjoni u tweġibiet għal mistoqsijiet dwar it-taxxa. Emenda 33 Proposta għal direttiva Premessa 22 (22)  L-ekonomija tal-pjattaformi wasslet għal distorsjoni mhux ġustifikata tal-kompetizzjoni bejn il-provvisti mwettqa permezz ta’ pjattaformi online li jevitaw it-tassazzjoni tal-VAT, u l-provvisti mwettqa fl-ekonomija tradizzjonali li huma soġġetti għall-VAT. Id-distorsjoni kienet l-aktar akuta fl-akbar żewġ setturi tal-ekonomija tal-pjattaformi wara l-kummerċ elettroniku, jiġifieri s-settur tal-kiri tal-akkomodazzjoni għal żmien qasir u s-settur tat-trasport tal-passiġġieri. (22)   Hemm riskji ta’ distorsjoni tal-kompetizzjoni bejn il-provvisti mwettqa permezz ta’ pjattaformi online li jevitaw it-tassazzjoni tal-VAT, u l-provvisti mwettqa fl-ekonomija tradizzjonali li huma soġġetti għall-VAT. Emenda 34 Proposta għal direttiva Premessa 23 (23)  Għalhekk huwa meħtieġ li jiġu stabbiliti regoli biex jiġu indirizzati d-distorsjonijiet tal-kompetizzjoni fis-setturi tal-kiri tal-akkomodazzjoni għal żmien qasir u tat-trasport tal-passiġġieri billi jinbidel ir-rwol li l-pjattaformi għandhom fil-ġbir tal-VAT (li jsiru l-“fornitur meqjus”). Skont dan il-mudell, jenħtieġ li l-pjattaformi jkunu meħtieġa jimponu l-VAT fejn il-VAT hija dovuta iżda l-fornitur sottostanti ma jimponihiex minħabba li, pereżempju, huwa persuna fiżika jew persuna taxxabbli li tuża l-iskema speċjali għall-intrapriżi ż-żgħar. (23)  Għalhekk huwa meħtieġ li jiġu stabbiliti regoli ċari, ibbilanċjati u proporzjonati biex jiġu indirizzati distorsjonijiet potenzjali tal-kompetizzjoni fis-setturi tal-kiri tal-akkomodazzjoni għal żmien qasir u tat-trasport tal-passiġġieri permezz tal-introduzzjoni tal-mudell tal-fornitur meqjus. Skont dan il-mudell, il-pjattaformi huma meħtieġa jimponu u jikkunsidra l-VAT fuq il-provvista sottostanti fejn l-ebda VAT ma tiġi imposta mill-fornitur, u jistgħu jkunu soġġetti għal obbligi ta’ rappurtar. Filwaqt li l-prinċipju tan-newtralità tal-VAT huwa essenzjali għas-sistema tal-VAT, u jenħtieġ li jiġi rispettat kemm jista’ jkun, il-karatteristiċi tas-setturi tas-servizz ta’ kiri ta’ akkomodazzjoni għal żmien qasir u tat-trasport tal-passiġġieri jirrikjedu approċċ iddedikat permezz tal-mudell tal-fornitur meqjus. Emenda 35 Proposta għal direttiva Premessa 23a (ġdida) (23a)  Billi l-istabbiliment ta’ mudell tal-fornitur meqjus se jinvolvi kostijiet addizzjonali għal pjattaformi żgħar, jenħtieġ li jiġu pprovduti inċentivi biex iħeġġuhom jikkonformaw malajr kemm jista’ jkun sabiex jiggarantixxu kundizzjonijiet ekwivalenti u kundizzjonijiet għal kompetizzjoni ġusta f’dawk is-swieq. Emenda 36 Proposta għal direttiva Premessa 23b (ġdida) (23b)  L-iskema ta’ fornitur meqjus jenħtieġ li ma tapplikax għal pjattaformi li huma impriżi żgħar u ta’ daqs medju kif definiti fid-Direttiva 2013/34/UE, eż. fornituri żgħar ta’ servizz ta’ Kiri ta’ Akkomodazzjoni għal Żmien Qasir (STR) (ospitanti jew negozji eżentati mill-VAT) li jikkontribwixxu għal turiżmu sostenibbli fl-Unjoni u jippromwovu l-ivvjaġġar għal postijiet inqas iffrekwentati. Barra minn hekk, l-iskema ta’ fornitur meqjus jenħtieġ li tiżgura kundizzjonijiet ekwivalenti u ma tipprovdix vantaġġ kompetittiv lil pjattaformi kbar, li huma kapaċi jġarrbu aħjar kostijiet addizzjonali. Emenda 37 Proposta għal direttiva Premessa 24 (24)  L-Istati Membri jinterpretaw il-post tal-provvista tas-servizz ta’ faċilitazzjoni pprovdut mill-pjattaformi lill-persuni mhux taxxabbli b’mod differenti. Għalhekk huwa meħtieġ li din ir-regola tiġi ċċarata. (24)  L-Istati Membri jinterpretaw il-post tal-provvista tas-servizz ta’ faċilitazzjoni pprovdut mill-pjattaformi lill-persuni mhux taxxabbli b’mod differenti. Huwa meħtieġ li din ir-regola tiġi ċċarata sabiex l-użu ta’ pjattaforma ta’ faċilitazzjoni bl-ebda mod ma joħloq vantaġġ kompetittiv għal fornitur. Huwa meħtieġ ukoll, minħabba raġunijiet ta’ ċarezza u ċertezza legali, li tiġi stabbilita definizzjoni uniformi tat-terminu “intermedjarju tal-pjattaforma”. Emenda 38 Proposta għal direttiva Premessa 31a (ġdida) (31a)  L-implimentazzjoni ta’ diversi reġimi ta’ punt uniku ta’ servizz tal-Unjoni (UOSS) fl-Istati Membri tirrikjedi li l-kumpaniji jiġu pprovduti bi speċifikazzjonijiet tekniċi suffiċjenti biex jiżguraw li d-dikjarazzjonijiet ta’ punt uniku ta’ servizz (OSS) ma jvarjawx minn pajjiż għall-ieħor kif ukoll li l-kumpaniji jingħataw l-għażla li jitniżżel fajl biex tiġi sottomessa dikjarazzjoni ta’ OSS. Emenda 39 Proposta għal direttiva Premessa 31b (ġdida) (31b)  Sabiex tissimplifika t-tmexxija ta’ kuljum tan-negozji, il-Kummissjoni tista’ tikkunsidra li tikkonsolida t-tliet reġistrazzjonijiet attwali, jiġifieri, punt uniku ta’ servizz tal-importazzjoni (IOSS), punt uniku ta’ servizz tal-Unjoni (UOSS) u punt uniku ta’ servizz mhux tal-Unjoni (non-UOSS), sabiex il-provvisti kollha (jiġifieri, merkanzija importata, servizzi u bejgħ domestiku) ikunu jistgħu jiġu ddikjarati permezz ta’ portal wieħed. Emenda 40 Proposta għal direttiva Premessa 32 (32)  Fost miżuri oħra, id-Direttiva (UE) 2017/2455 estendiet il-kamp ta’ applikazzjoni tal-Punt Uniku ta’ Servizz Żgħir biex isir OSS usa’, li jkopri l-provvisti transfruntiera kollha ta’ servizzi lill-persuni mhux taxxabbli li jseħħu fl-Unjoni u l-bejgħ mill-bogħod intra-Komunitarju kollu tal-merkanzija. B’mod eċċezzjonali, l-interfaċċi elettroniċi, bħall-postijiet tas-suq u l-pjattaformi, li jsiru fornituri meqjusa għal ċerti provvisti ta’ merkanzija fl-Unjoni jistgħu jiddikjaraw ukoll ċerti provvisti domestiċi ta’ merkanzija fl-iskema tal-OSS tal-Unjoni. Biex jiġi appoġġat l-objettiv ta’ reġistrazzjoni unika tal-VAT fl-Unjoni, il-kamp ta’ applikazzjoni tal-iskema tal-OSS tal-Unjoni jenħtieġ li jiġi estiż aktar biex ikopri provvisti oħra ta’ merkanzija, inkluż provvisti domestiċi min-negozju għall-konsumatur ta’ merkanzija fl-Unjoni minn persuni taxxabbli li mhumiex identifikati għall-finijiet ta’ VAT fl-Istat Membru tal-konsum, filwaqt li jiġi żgurat li n-negozji ma jkollhomx għalfejn jirreġistraw għall-VAT f’kull Stat Membru fejn iseħħu tali provvisti ta’ merkanzija lill-konsumaturi. Barra minn hekk, il-kamp ta’ applikazzjoni tal-iskema tal-OSS tal-Unjoni jenħtieġ li jiġi estiż biex jinkludi wkoll provvisti domestiċi ta’ merkanzija tal-iskema ta’ marġni lil kwalunkwe persuna, meta dik il-merkanzija tiġi pprovduta minn persuna taxxabbli (negozjant taxxabbli) li ma tkunx identifikata fl-Istat Membru fejn iseħħu tali provvisti ta’ merkanzija. Din l-emenda tippermetti lin-negozjanti taxxabbli jibbenefikaw mis-simplifikazzjonijiet tal-OSS, u tippermetti li l-VAT dovuta fuq dawk il-provvisti tiġi ddikjarata u mħallsa fi Stat Membru wieħed ta’ identifikazzjoni permezz tal-iskema tal-OSS tal-Unjoni mkabbra. (32)  Fost miżuri oħra, id-Direttiva (UE) 2017/2455 estendiet il-kamp ta’ applikazzjoni tal-Punt Uniku ta’ Servizz Żgħir biex isir OSS usa’, li jkopri l-provvisti transfruntiera kollha ta’ servizzi lill-persuni mhux taxxabbli li jseħħu fl-Unjoni u l-bejgħ mill-bogħod intra-Komunitarju kollu tal-merkanzija. B’mod eċċezzjonali, l-interfaċċi elettroniċi, bħall-postijiet tas-suq u l-pjattaformi, li jsiru fornituri meqjusa għal ċerti provvisti ta’ merkanzija fl-Unjoni jistgħu jiddikjaraw ukoll ċerti provvisti domestiċi ta’ merkanzija fl-iskema tal-OSS tal-Unjoni. Biex jiġi appoġġat l-objettiv ta’ reġistrazzjoni unika tal-VAT fl-Unjoni, il-kamp ta’ applikazzjoni tal-iskema tal-OSS tal-Unjoni jenħtieġ li jiġi estiż aktar biex ikopri provvisti oħra ta’ merkanzija, inkluż provvisti domestiċi min-negozju għall-konsumatur ta’ merkanzija fl-Unjoni minn persuni taxxabbli li ma humiex identifikati għall-finijiet ta’ VAT fl-Istat Membru tal-konsum, filwaqt li jiġi żgurat li n-negozji ma jkollhomx għalfejn jirreġistraw għall-VAT f’kull Stat Membru fejn iseħħu tali provvisti ta’ merkanzija lill-konsumaturi. Barra minn hekk, il-kamp ta’ applikazzjoni tal-iskema tal-OSS tal-Unjoni jenħtieġ li jiġi estiż biex jinkludi wkoll provvisti domestiċi ta’ merkanzija tal-iskema ta’ marġni lil kwalunkwe persuna, meta dik il-merkanzija tiġi pprovduta minn persuna taxxabbli (negozjant taxxabbli) li ma tkunx identifikata fl-Istat Membru fejn iseħħu tali provvisti ta’ merkanzija. Din l-emenda tippermetti lin-negozjanti taxxabbli jibbenefikaw mis-simplifikazzjonijiet tal-OSS, u tippermetti li l-VAT dovuta fuq dawk il-provvisti tiġi ddikjarata u mħallsa fi Stat Membru wieħed ta’ identifikazzjoni permezz tal-iskema tal-OSS tal-Unjoni mkabbra. Madankollu, jenħtieġ li tiġi evitata kwalunkwe estensjoni tal-iskema tal-OSS tal-Unjoni għall-provvisti ta’ merkanzija u servizzi minn persuna taxxabbli għal persuna taxxabbli oħra. Il-libertà, għall-persuni taxxabbli bi stabbilimenti fissi fi Stati Membri differenti, li jagħżlu l-Istat Membru ta’ identifikazzjoni għall-finijiet tal-OSS iżżid ma’ suq intern favorevoli għat-tkabbir. Emenda 41 Proposta għal direttiva Premessa 33 (33)  Il-VAT normalment tiġi imposta u kkunsidrata mill-fornitur tal-oġġetti jew servizzi. Madankollu, f’ċerti ċirkostanzi, l-Istati Membri jistgħu jipprevedu li, taħt il-mekkaniżmu tar-reverse charge, ir-riċevitur tal-provvista, aktar milli l-fornitur, huwa obbligat li jikkunsidra l-VAT dovuta. Sabiex jiġi appoġġat aktar l-objettiv ta’ reġistrazzjoni unika tal-VAT fl-Unjoni, jenħtieġ li jiġu stabbiliti regoli għall-applikazzjoni obbligatorja mill-Istati Membri tal-mekkaniżmu tar-reverse charge f’sitwazzjonijiet fejn fornitur ma jkunx stabbilit għall-finijiet ta’ VAT fl-Istat Membru li fih tkun dovuta l-VAT. Fornitur li jagħmel provvisti ta’ merkanzija jew servizzi lil persuna identifikata għall-VAT fl-Istat Membru fejn il-provvista hija taxxabbli, jenħtieġ li jkun intitolat li japplika r-reverse charge. Għall-finijiet ta’ kontroll, tali provvisti jenħtieġ li jiġu rrapportati fid-dikjarazzjoni rikapitolattiva. (33)  Il-VAT normalment tiġi imposta u kkunsidrata mill-fornitur tal-oġġetti jew servizzi. Madankollu, f’ċerti ċirkostanzi, l-Istati Membri jistgħu jipprevedu li, taħt il-mekkaniżmu tar-reverse charge, ir-riċevitur tal-provvista, aktar milli l-fornitur, huwa obbligat li jikkunsidra l-VAT dovuta. Sabiex jiġi appoġġat aktar l-objettiv ta’ reġistrazzjoni unika tal-VAT fl-Unjoni, jenħtieġ li jiġu stabbiliti regoli għall-applikazzjoni obbligatorja mill-Istati Membri tal-mekkaniżmu tar-reverse charge f’sitwazzjonijiet fejn fornitur ma jkunx stabbilit għall-finijiet ta’ VAT fl-Istat Membru li fih tkun dovuta l-VAT. Għall-finijiet ta’ kontroll, tali provvisti jenħtieġ li jiġu rrapportati fid-dikjarazzjoni rikapitolattiva. Emenda 42 Proposta għal direttiva Premessa 35a (ġdida) (35a)  L-IOSSs jenħtieġ li joperaw b’mod trasparenti u sigur. Approċċ unifikat bejn l-IOSSminn naħa, u l-leġiżlazzjoni u l-prattika doganali min-naħa l-oħra, jgħin biex jintemmu l-inkonsistenzi, l-iżbalji u t-tassazzjoni doppja. Emenda 43 Proposta għal direttiva Premessa 36 (36)  Sabiex jiġu żgurati kundizzjonijiet uniformi għall-implimentazzjoni tad-Direttiva 2006/112/KE, jenħtieġ li l-Kummissjoni tingħata setgħat biex tiżgura aħjar l-użu korrett u l-proċess ta’ verifika tan-numri ta’ identifikazzjoni tal-VAT tal-IOSS għall-finijiet tal-eżenzjoni prevista f’dik id-Direttiva. Dan l-għoti tas-setgħa jenħtieġ li jippermetti lill-Kummissjoni tadotta att ta’ implimentazzjoni biex tintroduċi miżuri speċjali għall-prevenzjoni ta’ ċerti forom ta’ evażjoni jew evitar tat-taxxa. Tali miżuri speċjali jinvolvu, fost l-oħrajn, ir-rabta tan-numru uniku tal-kunsinna man-numru ta’ identifikazzjoni tal-VAT tal-IOSS. Dawk is-setgħat jenħtieġ li jiġu eżerċitati f’konformità mal-proċedura ta’ eżami msemmija fl-Artikolu 5 tar-Regolament (UE) Nru 182/2011 tal-Parlament Ewropew u tal-Kunsill71 u għal dan l-għan il-kumitat jenħtieġ li jkun dak stabbilit mill-Artikolu 58 tar-Regolament (UE) Nru 904/2010 tal- Parlament Ewropew u tal-Kunsill72. (36)  Sabiex jiġu żgurati kundizzjonijiet uniformi għall-implimentazzjoni tad-Direttiva 2006/112/KE, jenħtieġ li l-Kummissjoni tingħata setgħat biex tiżgura aħjar l-użu korrett u l-proċess ta’ verifika tan-numri ta’ identifikazzjoni tal-VAT tal-IOSS għall-finijiet tal-eżenzjoni prevista f’dik id-Direttiva. Dan l-għoti tas-setgħa jenħtieġ li jippermetti lill-Kummissjoni tadotta att ta’ implimentazzjoni biex tintroduċi miżuri speċjali għall-prevenzjoni ta’ ċerti forom ta’ evażjoni jew evitar tat-taxxa. Tali miżuri speċjali jinvolvu, fost l-oħrajn, ir-rabta tan-numru uniku tal-kunsinna man-numru ta’ identifikazzjoni tal-VAT tal-IOSS. Dawk is-setgħat jenħtieġ li jiġu eżerċitati f’konformità mal-proċedura ta’ eżami msemmija fl-Artikolu 5 tar-Regolament (UE) Nru 182/2011 tal-Parlament Ewropew u tal-Kunsill71 u għal dan l-għan il-kumitat jenħtieġ li jkun dak stabbilit mill-Artikolu 58 tar-Regolament (UE) Nru 904/2010 tal- Parlament Ewropew u tal-Kunsill72. Is-setgħat tal-Kummissjoni jenħtieġ li jqisu d-drittijiet tal-kontribwenti għall-kunfidenzjalità. Kwalunkwe abbozz ta’ att ta’ implimentazzjoni għandu jintbagħat lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. __________________ __________________ 71 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13). 71 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13). 72 Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1). 72 Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1). Emenda 44 Proposta għal direttiva Premessa 38 (38)  Id-Direttiva 2006/112/KE tipprevedi trattament simplifikat tal-VAT tal-merkanzija ttrasferita skont arranġamenti dwar l-istokk f’kunsinna kuntrattat fejn jiġu ssodisfati ċerti kundizzjonijiet preskritti. Peress li l-iskema ta’ simplifikazzjoni tal-OSS għat-trasferimenti ta’ merkanzija proprja hija komprensiva u tinkludi movimenti transfruntiera ta’ merkanzija li bħalissa huma koperti minn arranġamenti dwar l-istokk f’kunsinna kuntrattat skont l-Artikolu 17a ta’ dik id-Direttiva, jeħtieġ li dawn l-arranġamenti jitneħħew gradwalment billi tiġi inkluża data tat-tmiem qabel it-tneħħija sħiħa tad-dispożizzjonijiet dwar l-istokk f’kunsinna kuntrattat fid-Direttiva 2006/112/KE. Għalhekk, jenħtieġ li tiġi stabbilita d-data tat-tmiem tal-31 ta’ Diċembru 2024 li warajha ma jkunx aktar possibbli li jsir kwalunkwe arranġament ġdid dwar l-istokk f’kunsinna kuntrattat. Għall-arranġamenti dwar l-istokk f’kunsinna kuntrattat li jibdew fil-31 ta’ Diċembru 2024 jew qabel, jenħtieġ li jkomplu japplikaw il-kundizzjonijiet rilevanti, inkluż il-limitu ta’ żmien ta’ 12-il xahar għat-trasferiment tas-sjieda ta’ dik il-merkanzija lix-xerrej maħsub. B’mod parallel mal-inklużjoni ta’ din id-data tat-tmiem il-ġdida, jenħtieġ li jiddaħħal paragrafu ġdid fid-dispożizzjonijiet li għandhom x’jaqsmu mal-arranġamenti dwar l-istokk f’kunsinna kuntrattat biex jiġi żgurat li dawk l-arranġamenti ma jibqgħux japplikaw fil-31 ta’ Diċembru 2025, peress li mhux se jibqgħu meħtieġa wara dik id-data. (38)  Id-Direttiva 2006/112/KE tipprevedi trattament simplifikat tal-VAT tal-merkanzija ttrasferita skont arranġamenti dwar l-istokk f’kunsinna kuntrattat fejn jiġu ssodisfati ċerti kundizzjonijiet preskritti. Peress li l-iskema ta’ simplifikazzjoni tal-OSS għat-trasferimenti ta’ merkanzija proprja hija komprensiva u tinkludi movimenti transfruntiera ta’ merkanzija li bħalissa huma koperti minn arranġamenti dwar l-istokk f’kunsinna kuntrattat skont l-Artikolu 17a ta’ dik id-Direttiva, jeħtieġ li dawn l-arranġamenti jitneħħew gradwalment billi tiġi inkluża data tat-tmiem qabel it-tneħħija sħiħa tad-dispożizzjonijiet dwar l-istokk f’kunsinna kuntrattat fid-Direttiva 2006/112/KE. Għalhekk, jenħtieġ li tiġi stabbilita d-data tat-tmiem tal-31 ta’ Diċembru 2025 li warajha ma jkunx aktar possibbli li jsir kwalunkwe arranġament ġdid dwar l-istokk f’kunsinna kuntrattat. Għall-arranġamenti dwar l-istokk f’kunsinna kuntrattat li jibdew fil-31 ta’ Diċembru 2025 jew qabel, jenħtieġ li jkomplu japplikaw il-kundizzjonijiet rilevanti, inkluż il-limitu ta’ żmien ta’ 12-il xahar għat-trasferiment tas-sjieda ta’ dik il-merkanzija lix-xerrej maħsub. B’mod parallel mal-inklużjoni ta’ din id-data tat-tmiem il-ġdida, jenħtieġ li jiddaħħal paragrafu ġdid fid-dispożizzjonijiet li għandhom x’jaqsmu mal-arranġamenti dwar l-istokk f’kunsinna kuntrattat biex jiġi żgurat li dawk l-arranġamenti ma jibqgħux japplikaw fil-31 ta’ Diċembru 2026, peress li mhux se jibqgħu meħtieġa wara dik id-data. Emenda 45 Proposta għal direttiva Premessa 39 (39)  L-iskema ta’ marġni topera billi tippermetti lin-negozjanti taxxabbli jħallsu l-VAT fuq id-differenza bejn il-prezz tal-bejgħ u l-prezz tax-xiri tal-merkanzija koperta mill-iskema, jiġifieri l-oġġetti użati, ix-xogħlijiet tal-arti, l-oġġetti tal-kollezzjoni u l-antikitajiet. Sabiex jiġi żgurat li t-tassazzjoni ta’ dawk il-provvisti speċifiċi sseħħ fl-Istat Membru fejn ikun stabbilit il-klijent, fejn ikollu l-indirizz permanenti tiegħu jew fejn normalment jirrisjedi, id-Direttiva 2006/112/KE jenħtieġ li tiġi emendata biex tintroduċi regola ġdida dwar il-post tal-provvista. Barra minn hekk, id-Direttiva 2006/112/KE jenħtieġ li tiġi emendata biex teskludi speċifikament il-provvisti ta’ merkanzija tal-iskema ta’ marġni mill-applikazzjoni obbligatorja tal-mekkaniżmu tar-reverse charge. Madankollu, biex jiġi appoġġat l-objettiv ta’ reġistrazzjoni unika tal-VAT fl-Unjoni, u biex jiġu minimizzati l-piżijiet ta’ konformità, in-negozjanti taxxabbli li joperaw taħt l-iskema ta’ marġni jistgħu jagħżlu li jirreġistraw biex jużaw l-iskema tal-OSS tal-Unjoni ħalli jiddikjaraw u jħallsu l-VAT dovuta fuq ċerti provvisti ta’ merkanzija tal-iskema ta’ marġni permezz ta’ dik l-iskema, mingħajr il-ħtieġa li jirreġistraw f’diversi Stati Membri. (39)  L-iskema ta’ marġni topera billi tippermetti lin-negozjanti taxxabbli jħallsu l-VAT fuq id-differenza bejn il-prezz tal-bejgħ u l-prezz tax-xiri tal-merkanzija koperta mill-iskema, jiġifieri l-oġġetti użati, inkluża merkanzija kapitali bħall-bini, il-makkinarju, l-għodda u l-apparat, ix-xogħlijiet tal-arti, l-oġġetti tal-kollezzjoni u l-antikitajiet. Sabiex jiġi żgurat li t-tassazzjoni ta’ dawk il-provvisti speċifiċi sseħħ fl-Istat Membru fejn ikun stabbilit il-klijent, fejn ikollu l-indirizz permanenti tiegħu jew fejn normalment jirrisjedi, id-Direttiva 2006/112/KE jenħtieġ li tiġi emendata biex tintroduċi regola ġdida dwar il-post tal-provvista. Barra minn hekk, id-Direttiva 2006/112/KE jenħtieġ li tiġi emendata biex teskludi speċifikament il-provvisti ta’ merkanzija tal-iskema ta’ marġni mill-applikazzjoni obbligatorja tal-mekkaniżmu tar-reverse charge. Madankollu, biex jiġi appoġġat l-objettiv ta’ reġistrazzjoni unika tal-VAT fl-Unjoni, u biex jiġu minimizzati l-piżijiet ta’ konformità, in-negozjanti taxxabbli li joperaw taħt l-iskema ta’ marġni jistgħu jagħżlu li jirreġistraw biex jużaw l-iskema tal-OSS tal-Unjoni ħalli jiddikjaraw u jħallsu l-VAT dovuta fuq ċerti provvisti ta’ merkanzija tal-iskema ta’ marġni permezz ta’ dik l-iskema, mingħajr il-ħtieġa li jirreġistraw f’diversi Stati Membri. Emenda 46 Proposta għal direttiva Premessa 39a (ġdida) (39a)  Filwaqt li tiġi rikonoxxuta l-importanza tal-prattiki sostenibbli, huwa importanti li jiġi żgurat li l-metodu għall-kalkolu tal-VAT fuq il-marġni ta’ profitt għall-bejgħ ta’ merkanzija użata u ta’ ġbir ikun sempliċi u ċar. L-Unjoni jenħtieġ li tqis jekk humiex meħtieġa metodi oħra ta’ kalkolu (pereżempju, rata medja ta’ marġni tal-VAT ipprovduta mill-bejjiegħ u skont il-kategorija tal-oġġetti) sabiex jittejbu l-applikazzjoni u l-funzjonament tal-iskema tal-marġni tal-VAT għall-merkanzija użata. Emenda 47 Proposta għal direttiva Premessa 39b (ġdida) (39b)   Xi Stati Membri ma jeżentawx donazzjonijiet in natura mill-VAT, minkejja li tali eżenzjoni hija possibbli skont id-Direttiva tal-VAT eżistenti, li twassal lin-negozji biex jeqirdu merkanzija tal-konsumatur, b’mod partikolari ritorni, aktar milli jagħtuhom għal kawżi ta’ karità. Il-Kummissjoni jenħtieġ li toħroġ gwida għall-Istati Membri, li jiċċaraw li l-eżenzjonijiet tal-VAT għad-donazzjonijiet in natura huma kompatibbli mal-leġiżlazzjoni tal-Unjoni fis-seħħ fil-qasam tal-VAT. Emenda 48 Proposta għal direttiva Premessa 41a (ġdida) (41a)  L-implimentazzjoni ta’ rekwiżiti ta’ rappurtar diġitali fis-swieq tal-Istati Membri kollha simultanjament fl-2028 se tkun ta’ sfida kbira. Implimentazzjoni progressiva tar-rekwiżiti ta’ rappurtar diġitali tiżgura d-disponibbiltà ta’ persunal ikkwalifikat biżżejjed għall-adattament tas-software kollu tan-negozji. Il-Kummissjoni jenħtieġ li tipproponi soluzzjonijiet prattiċi biex jitnaqqsu l-kostijiet ta’ implimentazzjoni lin-negozji qabel l-implimentazzjoni ta’ din id-Direttiva. Emenda 49 Proposta għal direttiva Premessa 41b (ġdida) (41b)  Il-pakkett “il-VAT fl-Era Diġitali” jenħtieġ li jiddaħħal gradwalment mill-1 ta’ Jannar 2025. Emenda 50 Proposta għal direttiva Premessa 41c (ġdida) (41c)  Il-Kontrollur Ewropew għall-Protezzjoni tad-Data ġie kkonsultat skont mal-Artikolu 42(1) tar-Regolament (UE) 2018/17251a u ta l-opinjoni tiegħu fit-3 ta’ Marzu 20231b. ________________ 1a Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). 1b ĠU C 113, 28.3.2023, p. 26. Emenda 51 Proposta għal direttiva Premessa 41d (ġdida) (41d)  L-espansjoni tas-servizzi tal-cloud computing, bħala riżultat tar-rekwiżiti ta’ rappurtar diġitali, tista’ twassal għal żieda fl-emissjonijiet tal-gassijiet serra. Il-Kummissjoni jenħtieġ li tieħu miżuri u tipprovdi inċentivi biex tiżgura l-“ekoloġizzazzjoni” tas-settur diġitali, pereżempju billi tiċċentralizza ċ-ċentri tad-data biex jottimizzaw il-funzjonament tagħhom, billi tgħin lill-kumpaniji jużaw l-enerġiji rinnovabbli minflok il-fjuwils fossili biex iħaddmu ċ-ċentri tad-data tagħhom u billi tuża l-intelliġenza artifiċjali biex tnaqqas it-tniġġis tagħhom. Emenda 52 Proposta għal direttiva Premessa 41e (ġdida) (41e)   Din id-Direttiva tinkludi diversi bidliet fil-mod kif għandu jiġi ddikjarat id-dħul mill-VAT. Dan jaf ikollu impatt sinifikanti fuq in-natura tax-xogħol tal-impjegati tal-amministrazzjonijiet tat-taxxa. Għalhekk, l-awtoritajiet tat-taxxa jenħtieġ li jiżguraw li l-impjegati tagħhom ikollhom aċċess għat-taħriġ meħtieġ qabel id-dħul fis-seħħ ta’ din id-Direttiva. Emenda 53 Proposta għal direttiva Artikolu 1 – titolu Emendi tad-Direttiva 2006/112/KE b’effett mill-1 ta’ Jannar 2024 Emendi tad-Direttiva 2006/112/KE b’effett mill-1 ta’ Jannar 2025 Emenda 54 Proposta għal direttiva Artikolu 1 – paragrafu 1 – punt 6 Direttiva 2006/112/KE Artikolu 217 Artikolu 217 Artikolu 217 Għall-finijiet ta’ din id-Direttiva, “fattura elettronika” għandha tfisser fattura li fiha l-informazzjoni meħtieġa minn din id-Direttiva, u li tkun inħarġet, ġiet trażmessa u riċevuta f’format elettroniku strutturat li jippermetti l-ipproċessar awtomatiku u elettroniku tagħha.”; Għall-finijiet ta’ dan il-Kapitolu, “fattura elettronika” tfisser fattura li fiha l-informazzjoni meħtieġa minn din id-Direttiva, u li tkun inħarġet, ġiet trażmessa u riċevuta fi kwalunkwe format elettroniku. Għall-finijiet tat-Titolu XI, Kapitolu 6, Taqsimiet 1 u 2, “fattura elettronika” tfisser fattura li fiha l-informazzjoni meħtieġa minn din id-Direttiva, u li tkun inħarġet, ġiet trażmessa u riċevuta f’format elettroniku strutturat li jippermetti l-ipproċessar awtomatiku u elettroniku tagħha.; Emenda 55 Proposta għal direttiva Artikolu 1 – paragrafu 1 – punt 7 Direttiva 2006/112/KE Artikolu 218 – paragrafu 1 1.  Għall-finijiet ta’ din id-Direttiva, l-Istati Membri għandhom jaċċettaw dokumenti jew messaġġi stampati jew f’forma elettronika bħala fatturi jekk jissodisfaw il-kundizzjonijiet stabbiliti f’dan il-Kapitolu. 1.  Għall-finijiet ta’ din id-Direttiva, l-Istati Membri għandhom jaċċettaw dokumenti jew messaġġi stampati jew f’format diġitali jew f’forma elettronika bħala fatturi jekk jissodisfaw il-kundizzjonijiet stabbiliti f’dan il-Kapitolu. Emenda 56 Proposta għal direttiva Artikolu 1 – paragrafu 1 – punt 7 Direttiva 2006/112/KE Artikolu 218 – paragrafu 2 2.  L-Istati Membri jistgħu jimponu l-obbligu li jinħarġu fatturi elettroniċi. L-Istati Membri li jimponu dan l-obbligu għandhom jippermettu l-ħruġ ta’ fatturi elettroniċi li jikkonformaw mal-istandard Ewropew dwar il-fatturazzjoni elettronika u l-lista tas-sintassi tagħha skont id-Direttiva 2014/55/UE tal-Parlament Ewropew u tal-Kunsill*. Il-ħruġ ta’ fatturi elettroniċi minn persuni taxxabbli u t-trażmissjoni tagħhom ma għandhomx ikunu soġġetti għal awtorizzazzjoni jew verifika obbligatorja minn qabel mill-awtoritajiet tat-taxxa, mingħajr preġudizzju għall-miżuri speċjali awtorizzati skont l-Artikolu 395 u diġà implimentati fiż-żmien li din id-Direttiva tidħol fis-seħħ. 2.  L-Istati Membri jistgħu jimponu l-obbligu li jinħarġu fatturi elettroniċi. L-Istati Membri li jimponu dan l-obbligu għandhom jippermettu l-ħruġ ta’ fatturi elettroniċi li jikkonformaw mal-istandard Ewropew dwar il-fatturazzjoni elettronika u l-lista tas-sintassi tagħha skont id-Direttiva 2014/55/UE tal-Parlament Ewropew u tal-Kunsill*. L-Istati Membri jistgħu wkoll jippermettu l-ħruġ ta’ fatturi elettroniċi f’format differenti, f’konformità mal-Artikolu 217 ta’ din id-Direttiva, sakemm jippermettu wkoll l-użu tal-istandard Ewropew. Għal tranżazzjonijiet domestiċi, l-Istati Membri jistgħu jobbligaw lil persuni taxxabbli stabbiliti fit-territorju tagħhom joħorġu fatturi elettroniċi għall-provvisti ta’ merkanzija u servizzi fit-territorju tagħhom. __________________ __________________ * Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1).”; * Id-Direttiva 2014/55/UE tal-Parlament Ewropew u tal-Kunsill tas-16 ta’ April 2014 dwar il-fatturazzjoni elettronika fl-akkwist pubbliku (ĠU L 133, 6.5.2014, p. 1).”; Emenda 57 Proposta għal direttiva Artikolu 1 – paragrafu 1 – punt 7 Direttiva 2006/112/KE Artikolu 218 – paragrafu 2a (ġdid) 2a.  L-istandard Ewropew dwar il-fatturazzjoni elettronika msemmi fil-paragrafu 2 ta’ dan l-Artikolu għandu jiġi ppubblikat fuq is-sit web tal-Kummissjoni. Emenda 58 Proposta għal direttiva Artikolu 1 – paragrafu 1 – punt 7 Direttiva 2006/112/KE Artikolu 218 – paragrafu 2b (ġdid) 2b.  Il-mikroimpriżi u l-impriżi żgħar kif definiti fid-Direttiva 2013/34/UE u l-entitajiet mingħajr skop ta’ qligħ jistgħu jużaw standards rikonoxxuti u fis-seħħ fl-Istat Membru għajr dak l-istandard fid-Direttiva 2014/55/UE, sakemm dawk l-istandards jikkonformaw mal-Artikolu 217 ta’ din id-Direttiva. Emenda 59 Proposta għal direttiva Artikolu 1 – paragrafu 1 – punt 9 Direttiva 2006/112/KE Artikolu 232 (9)  l-Artikolu 232 jitħassar; (9)  l-Artikolu 232 huwa sostitwit b’dan li ġej: Emenda 60 Proposta għal direttiva Artikolu 1 – paragrafu 1 – punt 9 Direttiva 2006/112/KE Artikolu 232 Artikolu 232 Artikolu 232 L-użu ta’ fattura elettronika għandu jkun soġġett għall-aċċettazzjoni mir-riċevitur. 1.  Sal-31 ta’ Diċembru 2027, l-użu ta’ fattura elettronika għandu jkun soġġett għall-aċċettazzjoni mir-riċevitur għall-akkwist ta’ merkanzija mwettaq f’konformità mal-Artikolu 20 u għal provvisti ta’ servizz li huwa taxxabbli fi Stat Membru għajr l-Istat Membru li l-fornitur huwa stabbilit fih. Sal-1 ta’ Jannar 2028, l-użu ta’ fattura elettronika għandu jkun soġġett għall-aċċettazzjoni mir-riċevitur għall-akkwist ta’ merkanzija mwettaq f’konformità mal-Artikolu 20 u għal provvisti ta’ servizz li huwa taxxabbli fi Stat Membru għajr l-Istat Membru li l-fornitur huwa stabbilit fih. 2.  Għall-bqija tal-akkwisti u l-provvisti ta’ merkanzija u servizzi li ma humiex imsemmija fil-paragrafu 1, l-Istati Membri jistgħu jipprevedu li l-użu ta’ fatturi elettroniċi maħruġa minn persuni taxxabbli stabbiliti fi ħdan it-territorju tagħhom m’għandux ikun soġġett għall-aċċettazzjoni mir-riċevitur stabbilit fit-territorju tagħhom. Emenda 61 Proposta għal direttiva Artikolu 2 – titolu Emendi tad-Direttiva 2006/112/KE b’effett mill-1 ta’ Jannar 2025 Emendi tad-Direttiva 2006/112/KE b’effett mill-1 ta’ Jannar 2026 Emenda 62 Proposta għal direttiva Artikolu 2 – paragrafu 1 – punt 2 – punt a Direttiva 2006/112/KE Artikolu 14a – paragrafu 2 2.  Meta persuna taxxabbli tiffaċilita, permezz tal-użu ta’ interfaċċa elettronika bħal post tas-suq, pjattaforma, portal jew mezzi simili, il-provvista ta’ merkanzija fil-Komunità minn persuna taxxabbli, il-persuna taxxabbli li tiffaċilita l-provvista għandha titqies li rċeviet u forniet dik il-merkanzija. 2.  Meta persuna taxxabbli tiffaċilita, permezz tal-użu ta’ interfaċċa elettronika bħal post tas-suq, pjattaforma, portal jew mezzi simili, il-provvista ta’ merkanzija fil-Komunità minn persuna taxxabbli, il-persuna taxxabbli li tiffaċilita l-provvista għandha titqies li rċeviet u forniet dik il-merkanzija. Il-fornitur meqjus jista’ jinvoka l-bona fide u ma jkunx responsabbli fil-każ li fornitur sottostanti jonqos deliberatament milli jiddikjara li ma huwiex jew ma hijiex persuna taxxabbli. Emenda 63 Proposta għal direttiva Artikolu 2 – paragrafu 1 – punt 2 – punt b Direttiva 2006/112/KE Artikolu 14a – paragrafu 3 3.  Meta persuna taxxabbli tiffaċilita, permezz tal-użu ta’ interfaċċa elettronika bħal post tas-suq, pjattaforma, portal jew mezzi simili, it-trasferiment ta’ merkanzija lejn Stat Membru ieħor f’konformità mal-Artikolu 17(1) minn persuna taxxabbli, għajr merkanzija kapitali kif definit mill-Istat Membru li lejh tintbagħat jew tiġi ttrasportata l-merkanzija f’konformità mal-Artikolu 189, il-punt (a), jew merkanzija li fir-rigward tagħha ma jkun hemm l-ebda dritt sħiħ għal tnaqqis f’dak l-Istat Membru, il-persuna taxxabbli li tiffaċilita t-trasferiment għandha titqies li tkun irċeviet u forniet dik il-merkanzija. 3.  Meta persuna taxxabbli tiffaċilita, permezz tal-użu ta’ interfaċċa elettronika bħal post tas-suq, pjattaforma, portal jew mezzi simili, it-trasferiment ta’ merkanzija lejn Stat Membru ieħor f’konformità mal-Artikolu 17(1) minn persuna taxxabbli, il-persuna taxxabbli li tiffaċilita t-trasferiment għandha titqies li tkun irċeviet u forniet dik il-merkanzija. Il-fornitur meqjus jista’ jinvoka l-bona fide u ma jinżammx responsabbli fil-każ li fornitur sottostanti ma jiddikjarax deliberatament li ma huwiex persuna taxxabbli. Emenda 64 Proposta għal direttiva Artikolu 2 – paragrafu 1 – punt 2 – punt b Direttiva 2006/112/KE Artikolu 14a – paragrafu 4a (ġdid) 4a.  L-Istati Membri għandhom jippreparaw u jagħmlu disponibbli gwida apposta għal dawk l-individwi elenkati fl-Artikolu 28a ta’ din id-Direttiva li jagħżlu li jirreġistraw bħala persuni taxxabbli, wara l-introduzzjoni tar-reġim tal-fornitur meqjus fis-setturi tal-akkomodazzjoni u tat-trasport tal-passiġġieri fl-ekonomija tal-pjattaformi. Emenda 65 Proposta għal direttiva Artikolu 2 – paragrafu 1 – punt 2 – punt b Direttiva 2006/112/KE Artikolu 14a – paragrafu 4b (ġdid) 4b.  Il-Kummissjoni għandha tikkummissjona studju indipendenti wara l-31 ta’ Diċembru 2027, biex tivvaluta jekk ir-regoli dwar fornituri meqjusa kinux ta’ suċċess u, jekk dan ikun il-każ, biex tidentifika setturi ġodda f’sitwazzjoni simili, kif ukoll sabiex jiġu vvalutati l-vantaġġi u l-iżvantaġġi li jagħmlu l-IOSS obbligatorju. Hija għandha tippreżenta dan l-istudju lill-Parlament Ewropew u lill-Kunsill. Emenda 66 Proposta għal direttiva Artikolu 2 – paragrafu 1 – punt 3 Direttiva 2006/112/KE Artikolu 28a – paragrafu 1 – parti introduttorja Minkejja l-Artikolu 28, persuna taxxabbli li tiffaċilita, permezz tal-użu ta’ interfaċċa elettronika bħal pjattaforma, portal, jew mezzi simili, il-provvista ta’ kiri ta’ akkomodazzjoni għal żmien qasir, kif imsemmi fl-Artikolu 135(3), jew it-trasport tal-passiġġieri, għandha titqies li tkun irċeviet u pprovdiet dawk is-servizzi hija stess meta l-persuna li tipprovdi dawk is-servizzi tkun waħda minn dawn li ġejjin: Minkejja l-Artikolu 28, persuna taxxabbli li tiffaċilita, permezz tal-użu ta’ interfaċċa elettronika bħal pjattaforma, portal, jew mezzi simili, il-provvista ta’ kiri ta’ akkomodazzjoni għal żmien qasir, kif imsemmi fl-Artikolu 135(3), jew it-trasport tal-passiġġieri bit-triq fl-Unjoni, għandha titqies li tkun irċeviet u pprovdiet dawk is-servizzi hija stess meta l-persuna li tipprovdi dawk is-servizzi tkun waħda minn dawn li ġejjin: Emenda 67 Proposta għal direttiva Artikolu 2 – paragrafu 1 – punt 3 Direttiva 2006/112/KE Artikolu 28a – paragrafu 1 – punt f (f)   persuna taxxabbli soġġetta għall-iskema speċjali għal intrapriżi żgħar.”; imħassar Emenda 68 Proposta għal direttiva Artikolu 2 – paragrafu 1 – punt 3 Direttiva 2006/112/KE Artikolu 28a – paragrafu 1a (ġdid) L-iskema tal-fornitur meqjus kif prevista fl-ewwel paragrafu ma għandhiex tapplika għal pjattaformi li huma impriżi żgħar skont it-tifsira tad-Direttiva 2013/34/UE1a. Barra minn hekk, l-ewwel paragrafu ma għandux japplika għal servizzi tat-trasport tal-passiġġieri jew għall-forniment ta’ kiri ta’ akkomodazzjoni għal żmien qasir iffaċilitat permezz tal-użu ta’ interfaċċa elettronika meta servizz tat-trasport tal-passiġġieri jew kiri ta’ akkomodazzjoni għal żmien qasir ipprovdut minn persuna deskritta fl-ewwel paragrafu u mhux iffaċilitat permezz tal-użu ta’ interfaċċa elettronika ma jkunx soġġett għall-VAT. ______________________________ 1a Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19). Emenda 69 Proposta għal direttiva Artikolu 2 – paragrafu 1 – punt 4 Direttiva 2006/112/KE Artikolu 35 (4)  l-Artikolu 35 jitħassar; (4)  l-Artikolu 35 huwa sostitwit b’dan li ġej: Emenda 70 Proposta għal direttiva Artikolu 2 – paragrafu 1 – punt 4 Direttiva 2006/112/KE Artikolu 35 Artikolu 35 Artikolu 35 L-Artikolu 33 ma għandux japplika għal provvisti ta’ oġġetti użati, xogħlijiet tal-arti, oġġetti tal-kollezzjoni u antikitajiet, kif iddefiniti fil-punti (1) sa (4) tal-Artikolu 311(1), lanqas għal provvisti ta’ mezzi ta’ trasport użati, kif iddefiniti fl-Artikolu 327(3), soġġetti għall-VAT skont l-arranġamenti speċjali rilevanti.”; L-Artikolu 33 ma għandux japplika għal provvisti ta’ oġġetti użati, kif iddefiniti fil-punt (1) tal-Artikolu 311(1), lanqas għal provvisti ta’ mezzi ta’ trasport użati, kif iddefiniti fl-Artikolu 327(3), soġġetti għall-VAT skont l-arranġamenti speċjali rilevanti.”; Emenda 71 Proposta għal direttiva Artikolu 2 – paragrafu 1 – punt 6 Direttiva 2006/112/KE Artikolu 46a (6)   Jiddaħħal l-Artikolu 46a li ġej: imħassar “Artikolu 46a Il-post tal-provvista tas-servizz ta’ faċilitazzjoni pprovdut lil persuna mhux taxxabbli minn pjattaforma, portal jew mezzi simili għandu jkun il-post fejn it-tranżazzjoni sottostanti tiġi pprovduta f’konformità ma’ din id-Direttiva. Emenda 72 Proposta għal direttiva Artikolu 2 – paragrafu 1 – punt 7 Direttiva 2006/112/KE Artikolu 135 – paragrafu 3 3.  Il-kiri mingħajr interruzzjoni ta’ akkomodazzjoni għal massimu ta’ 45 jum bil-forniment ta’ servizzi anċillari oħra jew mingħajrhom għandu jitqies li għandu funzjoni simili għas-settur tal-lukandi.; 3.  Dawn li ġejjin għandhom jitqiesu li għandhom funzjoni simili għas-settur tal-lukandi: (a)  il-kiri mingħajr interruzzjoni ta’ akkomodazzjoni għal massimu ta’ 31 lejl bil-forniment ta’ servizzi anċillari oħra jew mingħajrhom; (b)  il-forniment ta’ tliet servizzi anċillari sinifikanti jew aktar matul il-kiri tal-akkomodazzjoni. Emenda 73 Proposta għal direttiva Artikolu 2 – paragrafu 1 – punt 10 Direttiva 2006/112/KE Artikolu 143 – paragrafu 1a – subparagrafu 1 Għall-finijiet tal-eżenzjoni prevista fil-paragrafu 1, il-punt (ca), il-Kummissjoni għandha tadotta att ta’ implimentazzjoni biex tintroduċi miżuri speċjali ħalli tipprevjeni ċerti forom ta’ evażjoni jew evitar tat-taxxa billi, fost l-oħrajn, torbot in-numru uniku tal-kunsinna man-numru ta’ identifikazzjoni tal-VAT korrispondenti kif imsemmi fl-Artikolu 369q. Għall-finijiet tal-eżenzjoni prevista fil-paragrafu 1, il-punt (ca), il-Kummissjoni għandha tadotta att ta’ implimentazzjoni biex tintroduċi miżuri speċjali ħalli tipprevjeni ċerti forom ta’ evażjoni jew evitar tat-taxxa billi, fost l-oħrajn, torbot in-numru uniku tal-kunsinna man-numru ta’ identifikazzjoni tal-VAT korrispondenti kif imsemmi fl-Artikolu 369q. Għandha tinforma lill-Parlament Ewropew, lill-UPPE, lill-OLAF u lill-Europol b’dan. Emenda 74 Proposta għal direttiva Artikolu 2 – paragrafu 1 – punt 12 Direttiva 2006/112/KE Artikolu 194 – paragrafu 1 1.  Mingħajr preġudizzju għall-Artikoli 195 u 196, fejn il-provvista taxxabbli ta’ merkanzija jew servizzi titwettaq minn persuna taxxabbli li mhijiex stabbilita fl-Istat Membru li fih hija dovuta l-VAT, l-Istati Membri għandhom jippermettu li l-persuna taxxabbli responsabbli għall-ħlas tal-VAT tkun il-persuna li lilha jiġu fornuti l-merkanzija jew is-servizzi jekk dik il-persuna tkun diġà identifikata f’dak l-Istat Membru. 1.  Mingħajr preġudizzju għall-Artikoli 195 u 196, fejn il-provvista taxxabbli ta’ merkanzija jew servizzi titwettaq minn persuna taxxabbli li ma hijiex identifikata għall-finijiet tal-VAT fl-Istat Membru li fih hija dovuta l-VAT, il-persuna taxxabbli responsabbli għall-ħlas tal-VAT għandha tkun il-persuna li lilha jiġu fornuti l-merkanzija jew is-servizzi jekk dik il-persuna tkun diġà identifikata għall-finijiet tal-VAT f’dak l-Istat Membru. Emenda 75 Proposta għal direttiva Artikolu 2 – paragrafu 1 – punt 12 Direttiva 2006/112/KE Artikolu 194 – paragrafu 1a (ġdid) 1a.  Minkejja l-paragrafu 1, negozji mhux stabbiliti għandhom ikunu jistgħu jirreġistraw u jikkunsidraw il-VAT lokali jekk jagħżlu li jagħmlu dan. Emenda 76 Proposta għal direttiva Artikolu 2 – paragrafu 1 – punt 12 Direttiva 2006/112/KE Artikolu 194 – paragrafu 2a (ġdid) 2a.   Sal-31 ta’ Diċembru 2028, il-Kummissjoni għandha tivvaluta l-effettività ta’ dan l-Artikolu u l-valur miżjud tiegħu fil-ġlieda kontra l-frodi tal-VAT, jiġifieri l-frodi b’negozjant nieqes, u tinforma kif xieraq lill-Parlament u lill-Kunsill bir-riżultati ta’ dik il-valutazzjoni. Emenda 77 Proposta għal direttiva Artikolu 2 – paragrafu 1 – punt 14 – punt a Direttiva 2006/112/KE Artikolu 242a – paragrafu 1a 1a.  Fejn persuna taxxabbli tiffaċilita, permezz tal-użu ta’ interfaċċa elettronika bħal pjattaforma, portal jew mezzi simili, il-provvista ta’ servizzi ta’ kiri ta’ akkomodazzjoni għal żmien qasir jew ta’ trasport tal-passiġġieri, u dik il-persuna ma titqiesx li tkun irċeviet u pprovdiet dawk is-servizzi hija stess skont l-Artikolu 28a, il-persuna taxxabbli li tiffaċilita l-provvista għandha tkun obbligata żżomm rekords ta’ dawk il-provvisti.”; 1a.  Fejn persuna taxxabbli tiffaċilita, permezz tal-użu ta’ interfaċċa elettronika bħal pjattaforma, portal jew mezzi simili, il-provvista ta’ servizzi ta’ kiri ta’ akkomodazzjoni għal żmien qasir jew ta’ trasport tal-passiġġieri bit-triq fl-Unjoni, u dik il-persuna ma titqiesx li tkun irċeviet u pprovdiet dawk is-servizzi hija stess skont l-Artikolu 28a, il-persuna taxxabbli li tiffaċilita l-provvista għandha tkun obbligata żżomm rekords ta’ dawk il-provvisti.; Emenda 78 Proposta għal direttiva Artikolu 2 – paragrafu 1 – punt 14 – punt b Direttiva 2006/112/KE Artikolu 242a – paragrafu 2 – subparagrafu 2 Dawk ir-rekords iridu jinżammu għal perjodu ta’ 10 snin mill-aħħar tas-sena li matulha tkun twettqet it-tranżazzjoni.; Dawk ir-rekords għandhom jinżammu mill-persuna taxxabbli kkonċernata għal perjodu ta’ seba’ snin mill-aħħar tas-sena li matulha tkun twettqet it-tranżazzjoni.; Emenda 79 Proposta għal direttiva Artikolu 2 – paragrafu 1 – punt 27 Direttiva 2006/112/KE Artikolu 369xa – paragrafu 1 – punt 1 (1)  “trasferiment ta’ merkanzija proprja” tfisser it-trasferiment ta’ merkanzija lejn Stat Membru ieħor f’konformità mal-Artikolu 17(1), inklużi trasferimenti skont l-Artikolu 14a(3), u ma għandhiex tinkludi trasferimenti ta’ merkanzija kapitali kif definiti mill-Istat Membru li fih tintbagħat jew tiġi ttrasportata l-merkanzija f’konformità mal-Artikolu 189(a) jew merkanzija li fir-rigward tagħha ma jkun hemm l-ebda dritt sħiħ għal tnaqqis f’dak l-Istat Membru. (1)  “trasferiment ta’ merkanzija proprja” tfisser it-trasferiment ta’ merkanzija lejn Stat Membru ieħor f’konformità mal-Artikolu 17(1), inklużi trasferimenti skont l-Artikolu 14a(3). Emenda 80 Proposta għal direttiva Artikolu 2 – paragrafu 1 – punt 27 Direttiva 2006/112/KE Artikolu 369xe – paragrafu 1 – punt b (b)   jekk inkella jista’ jiġi preżunt li l-attivitajiet taxxabbli ta’ dik il-persuna taxxabbli koperti minn din l-iskema speċjali jkunu waqfu; imħassar Emenda 81 Proposta għal direttiva Artikolu 2 – paragrafu 1 – punt 27 Direttiva 2006/112/KE Artikolu 369xh – paragrafu 1 – subparagrafu 1 Id-dikjarazzjoni tal-VAT għandha ssir fl-euro. Id-dikjarazzjoni tal-VAT għandha ssir f’euro jew, għall-Istati Membri li ma adottawx l-euro, fil-munita nazzjonali tagħhom. Emenda 82 Proposta għal direttiva Artikolu 3 – titolu Emendi tad-Direttiva 2006/112/KE b’effett mill-1 ta’ Jannar 2026 Emendi tad-Direttiva 2006/112/KE b’effett mill-1 ta’ Jannar 2027 Emenda 83 Proposta għal direttiva Artikolu 4 – paragrafu 1 – punt 2 Direttiva 2006/112/KE Artikolu 138 – paragrafu 1a (2)  fl-Artikolu 138, il-paragrafu 1a huwa sostitwit b’dan li ġej: imħassar 1a.  L-eżenzjoni prevista fil-paragrafu 1 ta’ dan l-Artikolu ma għandhiex tapplika meta l-fornitur ma jkunx ikkonforma mal-obbligu previst fl-Artikoli 262 u 263 biex jikkomunika d-data dwar tranżazzjonijiet intra-Komunitarji, jew li d-data mibgħuta ma fihiex l-informazzjoni korretta dwar il-provvista kif meħtieġ skont l-Artikolu 264, sakemm il-fornitur ma jkunx jista’ jiġġustifika kif xieraq kwalunkwe nuqqas għas-sodisfazzjon tal-awtoritajiet kompetenti.; Emenda 84 Proposta għal direttiva Artikolu 4 – paragrafu 1 – punt 3 Direttiva 2006/112/KE Artikolu 218 Artikolu 218 Artikolu 218 Għall-finijiet ta’ din id-Direttiva, il-fatturi għandhom jinħarġu f’format elettroniku strutturat. Madankollu, l-Istati Membri jistgħu jaċċettaw dokumenti stampati jew formati oħra bħala fatturi għal tranżazzjonijiet mhux soġġetti għall-obbligi ta’ rapportar stabbiliti fit-Titolu XI, il-Kapitolu 6. L-Istati Membri għandhom jippermettu l-ħruġ tal-fatturi elettroniċi li jikkonformaw mal-istandard Ewropew dwar il-fatturazzjoni elettronika u l-lista tas-sintassi tagħha skont id-Direttiva 2014/55/UE tal-Parlament Ewropew u tal-Kunsill. Il-ħruġ tal-fatturi elettroniċi minn persuni taxxabbli u t-trażmissjoni tagħhom ma għandhomx ikunu soġġetti għal awtorizzazzjoni jew verifika obbligatorja minn qabel mill-awtoritajiet tat-taxxa.; Għall-finijiet ta’ din id-Direttiva, il-fatturi għandhom jinħarġu f’format elettroniku strutturat. Għal tranżazzjonijiet mhux soġġetti għall-obbligi ta’ rapportar stabbiliti fit-Titolu XI, il-Kapitolu 6, l-Istati Membri jistgħu ma jippermettux il-ħruġ ta’ dokumenti stampati jew formati oħra bħala fatturi mill-1 ta’ Jannar 2028. L-Istati Membri għandhom jippermettu l-ħruġ tal-fatturi elettroniċi li jikkonformaw mal-istandard Ewropew dwar il-fatturazzjoni elettronika u l-lista tas-sintassi tagħha skont id-Direttiva 2014/55/UE tal-Parlament Ewropew u tal-Kunsill. L-Istati Membri jistgħu wkoll jippermettu l-ħruġ ta’ fatturi elettroniċi f’format differenti, f’konformità mal-Artikolu 217 ta’ din id-Direttiva. Emenda 85 Proposta għal direttiva Artikolu 4 – paragrafu 1 – punt 4 Direttiva 2006/112/KE Artikolu 222 – paragrafu 1 Għal provvisti ta’ merkanzija mwettqa f’konformità mal-kundizzjonijiet speċifikati fl-Artikolu 138 jew għal provvisti ta’ merkanzija jew servizzi li għalihom il-VAT hija pagabbli mill-klijent skont l-Artikoli 194 u 196, fattura għandha tinħareġ mhux aktar tard minn jumejn tax-xogħol wara l-avveniment taxxabbli.; Għal provvisti ta’ merkanzija mwettqa f’konformità mal-kundizzjonijiet speċifikati fl-Artikolu 138 jew għal provvisti ta’ merkanzija jew servizzi li għalihom il-VAT hija pagabbli mill-klijent skont l-Artikoli 194 u 196, fattura għandha tinħareġ mhux aktar tard minn tmint ijiem tax-xogħol wara l-avveniment taxxabbli; Emenda 86 Proposta għal direttiva Artikolu 4 – paragrafu 1 – punt 4 Direttiva 2006/112/KE Artikolu 222 – paragrafu 1a (ġdid) Soluzzjonijiet prattiċi biex jitnaqqsu l-kostijiet ta’ implimentazzjoni għandhom jiġu proposti mill-Kummissjoni lin-negozji qabel ... [id-data tad-dħul fis-seħħ ta’ din id-Direttiva]. Emenda 87 Proposta għal direttiva Artikolu 4 – paragrafu 1 – punt 4 Direttiva 2006/112/KE Artikolu 222 – paragrafu 1b (ġdid) Dan l-Artikolu ma għandux japplikaw għal xiri relatat mad-difiża eżentat skont l-Artikoli 143 u 151. Emenda 88 Proposta għal direttiva Artikolu 4 – paragrafu 1 – punt 5 Direttiva 2006/112/KE Artikolu 223 (5)  l-Artikolu 223 jitħassar; imħassar Emenda 89 Proposta għal direttiva Artikolu 4 – paragrafu 1 – punt 6 Direttiva 2006/112/KE Artikolu 226 – paragrafu 1 – punt 16 (16)  fil-każ ta’ fattura korrettiva, in-numru sekwenzjali li jidentifika l-fattura kkoreġuta, kif imsemmi fil-punt (2); (16)  fil-każ ta’ fattura korrettiva, in-numru sekwenzjali li jidentifika l-fattura kkoreġuta, kif imsemmi fil-punt (2), jew in-numru tas-serje tal-fattura kkoreġuta, jew in-numru jew identifikatur ieħor simili tal-ftehim li minnu tirriżulta l-korrezzjoni, kif imsemmi fil-punt (2); Emenda 90 Proposta għal direttiva Artikolu 4 – paragrafu 1 – punt 6 Direttiva 2006/112/KE Artikolu 226 – paragrafu 1 – punt 17 (17)   in-numru tal-IBAN tal-kont bankarju tal-fornitur li fih se jiġi kkreditat il-ħlas għall-fattura. Jekk in-numru tal-IBAN ma jkunx disponibbli, kwalunkwe identifikatur ieħor li b’mod mhux ambigwu jidentifika l-kont bankarju li fih se tiġi kkreditata l-fattura. imħassar Emenda 91 Proposta għal direttiva Artikolu 4 – paragrafu 1 – punt 6 Direttiva 2006/112/KE Artikolu 226 – paragrafu 1 – punt 18 (18)  Id-data li fiha huwa dovut il-ħlas tal-provvista ta’ merkanzija jew servizzi jew, meta jiġu miftiehma pagamenti parzjali, id-data u l-ammont ta’ kull ħlas.; imħassar Emenda 92 Proposta għal direttiva Artikolu 4 – paragrafu 1 – punt 6 Direttiva 2006/112/KE Artikolu 226 – paragrafu 1 – 18a (ġdid) (18a)  l-elementi ewlenin ta’ fattura elettronika kif stabbiliti fl-Artikolu 6 tad-Direttiva 2014/55/UE, bl-eċċezzjoni tal-punti (a), (b), (i) u (k), li ma humiex meħtieġa f’termini ta’ loġika tal-VAT; Emenda 93 Proposta għal direttiva Artikolu 4 – paragrafu 1 – punt 9 – punt a Direttiva 2006/112/KE Artikolu 262 – paragrafu 1 – parti introduttorja Kull persuna taxxabbli identifikata għall-finijiet tal-VAT għandha tissottometti lill-Istat Membru li fih dik il-persuna tkun stabbilita jew identifikata għall-finijiet tal-VAT, id-data li ġejja dwar kull provvista u trasferiment ta’ merkanzija mwettqa f’konformità mal-Artikolu 138, fuq kull akkwist intra-Komunitarju ta’ merkanzija f’konformità mal-Artikolu 20 u kull provvista ta’ servizz li tkun taxxabbli fi Stat Membru għajr dak li fih ikun stabbilit il-fornitur:; Kull persuna taxxabbli identifikata għall-finijiet tal-VAT għandha tissottometti mingħajr dewmien żejjed lill-Istat Membru li fih dik il-persuna tkun stabbilita jew identifikata għall-finijiet tal-VAT, id-data li ġejja dwar kull provvista u trasferiment ta’ merkanzija mwettqa f’konformità mal-Artikolu 138, fuq kull akkwist intra-Komunitarju ta’ merkanzija f’konformità mal-Artikolu 20 u kull provvista ta’ servizz li tkun taxxabbli fi Stat Membru għajr dak li fih ikun stabbilit il-fornitur:; Emenda 94 Proposta għal direttiva Artikolu 4 – paragrafu 1 – punt 10 Direttiva 2006/112/KE Artikolu 263 – paragrafu 1 – subparagrafu 1 Id-data msemmija fl-Artikolu 262(1) għandha tiġi trażmessa għal kull tranżazzjoni individwali mwettqa mill-persuna taxxabbli mhux aktar tard minn jumejn xogħol wara l-ħruġ tal-fattura, jew wara d-data li fiha l-fattura kellha tinħareġ meta l-persuna taxxabbli ma tikkonformax mal-obbligu li toħroġ fattura. Id-data għandha tiġi trażmessa mill-persuna taxxabbli jew minn parti terza f’isem dik il-persuna taxxabbli. L-Istati Membri għandhom jipprevedu l-mezzi elettroniċi għas-sottomissjoni ta’ tali data. Id-data msemmija fl-Artikolu 262(1) għandha tiġi trażmessa għal kull tranżazzjoni individwali mwettqa mill-persuna taxxabbli mhux aktar tard minn tlett ijiem xogħol wara d-data tad-dħul fil-kotba tal-kontabilità tal-persuna taxxabbli, jew wara d-data li fiha l-fattura kellha tinħareġ meta l-persuna taxxabbli ma tikkonformax mal-obbligu li toħroġ fattura. Id-data għandha tiġi trażmessa mill-persuna taxxabbli jew minn parti terza f’isem dik il-persuna taxxabbli. L-Istati Membri għandhom jipprevedu l-mezzi elettroniċi għas-sottomissjoni ta’ tali data. Emenda 95 Proposta għal direttiva Artikolu 4 – paragrafu 1 – punt 10 Direttiva 2006/112/KE Artikolu 263 – paragrafu 1 – subparagrafu 3 L-Istati Membri jistgħu jippermettu t-trażmissjoni tad-data minn fatturi elettroniċi bl-użu ta’ formati oħra tad-data li jiżguraw l-interoperabbiltà mal-Istandard Ewropew dwar il-fatturazzjoni elettronika. L-Istati Membri jistgħu jippermettu t-trażmissjoni mingħajr ħlas tad-data minn fatturi elettroniċi bl-użu ta’ formati oħra tad-data li jiżguraw l-interoperabbiltà mal-Istandard Ewropew dwar il-fatturazzjoni elettronika. Emenda 96 Proposta għal direttiva Artikolu 4 – paragrafu 1 – punt 10 Direttiva 2006/112/KE Artikolu 263 – paragrafu 2a (ġdid) 2a.  Il-paragrafi 1 u 2 ma japplikawx għal xiri relatat mad-difiża eżentat skont l-Artikoli 143 u 151. Emenda 97 Proposta għal direttiva Artikolu 4 – paragrafu 1 – punt 17 Direttiva 2006/112/KE Artikolu 271a – paragrafu 1 1.  L-Istati Membri jistgħu jirrikjedu li l-persuni taxxabbli identifikati għall-finijiet tal-VAT fit-territorju tagħhom jibagħtu b’mod elettroniku lill-awtoritajiet tat-taxxa tagħhom data dwar il-provvisti ta’ merkanzija u servizzi magħmula bi ħlas lil persuni taxxabbli oħra fit-territorju tagħhom. 1.  L-Istati Membri jistgħu jirrikjedu li l-persuni taxxabbli identifikati għall-finijiet tal-VAT fit-territorju tagħhom jibagħtu b’mod elettroniku lill-awtoritajiet tat-taxxa tagħhom data dwar il-provvisti ta’ merkanzija u servizzi magħmula bi ħlas lil persuni taxxabbli oħra fit-territorju tagħhom u data dwar il-provvisti ta’ merkanzija u servizzi għall-kunsiderazzjoni magħmula disponibbli lilhom minn persuni taxxabbli oħra. Emenda 98 Proposta għal direttiva Artikolu 4 – paragrafu 1 – punt 17 Direttiva 2006/112/KE Artikolu 271a – paragrafu 2 2.   L-Istati Membri jistgħu jirrikjedu li l-persuni taxxabbli identifikati għall-finijiet tal-VAT fit-territorju tagħhom jibagħtu b’mod elettroniku lill-awtoritajiet tat-taxxa tagħhom data dwar tranżazzjonijiet taxxabbli għajr dawk imsemmija fil-paragrafu 1 ta’ dan l-Artikolu u fl-Artikolu 262. imħassar Emenda 99 Proposta għal direttiva Artikolu 4 – paragrafu 1 – punt 17 Direttiva 2006/112/KE Artikolu 271b – paragrafu 1 Fejn Stat Membru jeħtieġ li jibgħat id-data skont l-Artikolu 271a, il-persuna taxxabbli, jew parti terza f’isem il-persuna taxxabbli, għandha tittrażmetti dik id-data fuq bażi ta’ kull tranżazzjoni, sa mhux aktar tard minn jumejn xogħol wara li tinħareġ il-fattura, jew wara d-data li fiha l-fattura kellha tinħareġ meta l-persuna taxxabbli ma tikkonformax mal-obbligu li toħroġ fattura. L-Istati Membri għandhom jippermettu t-trażmissjoni ta’ data minn fatturi elettroniċi li jikkonformaw mal-istandard Ewropew dwar il-fatturazzjoni elettronika u l-lista tas-sintassi tagħha skont id-Direttiva 2014/55/UE. Fejn Stat Membru jeħtieġ li jibgħat id-data skont l-Artikolu 271a, il-persuna taxxabbli, jew parti terza f’isem il-persuna taxxabbli, għandha tittrażmetti dik id-data fuq bażi ta’ kull tranżazzjoni, sa mhux aktar tard minn ħamest ijiem xogħol wara d-data tad-dħul fil-kotba tal-kontabilità tal-persuna taxxabbli, jew wara d-data li fiha l-fattura kellha tinħareġ meta l-persuna taxxabbli ma tikkonformax mal-obbligu li toħroġ fattura. L-Istati Membri għandhom jippermettu t-trażmissjoni ta’ data minn fatturi elettroniċi li jikkonformaw mal-istandard Ewropew dwar il-fatturazzjoni elettronika msemmi fid-Direttiva 2014/55/UE li jkopri standards semantiċi u sintattiċi, iżda mhux modi ta’ trażmissjoni. Emenda 100 Proposta għal direttiva Artikolu 4 – paragrafu 1 – punt 17 Direttiva 2006/112/KE Artikolu 271b – paragrafu 2a (ġdid) Għal tranżazzjonijiet bejn in-negozju u l-konsumatur u tranżazzjonijiet ma’ operaturi mhux tal-Unjoni, l-Istati Membri jistgħu jippermettu t-trażmissjoni tad-data, li mhux bilfors jittieħdu minn fatturi elettroniċi bl-użu ta’ formati oħra tad-data. Emenda 101 Proposta għal direttiva Artikolu 4 – paragrafu 1 – punt 17 Direttiva 2006/112/KE Artikolu 271c – paragrafu 1 Sa mhux aktar tard mill-31 ta’ Diċembru 2033, il-Kummissjoni għandha, abbażi tal-informazzjoni pprovduta mill-Istati Membri, tippreżenta lill-Kunsill rapport dwar il-funzjonament tar-rekwiżiti ta’ rappurtar domestiku stabbiliti f’din it-Taqsima. F’dak ir-rapport, il-Kummissjoni għandha tivvaluta l-ħtieġa għal aktar miżuri ta’ armonizzazzjoni u, jekk jitqies meħtieġ, għandha tagħmel proposta xierqa għal tali miżuri.; Sa mhux aktar tard mill-31 ta’ Diċembru 2034, il-Kummissjoni għandha, abbażi tal-informazzjoni pprovduta mill-Istati Membri, tippreżenta lill-Kunsill rapport dwar il-funzjonament tar-rekwiżiti ta’ rappurtar domestiku stabbiliti f’din it-Taqsima. Emenda 102 Proposta għal direttiva Artikolu 4 – paragrafu 1 – punt 18 Direttiva 2006/112/KE Artikolu 273 – paragrafu 1 L-Istati Membri jistgħu jimponu obbligi oħra li huma jqisu meħtieġa biex jiżguraw il-ġbir korrett tal-VAT u biex jipprevjenu l-evażjoni, soġġett għar-rekwiżit ta’ trattament indaqs bejn tranżazzjonijiet domestiċi u tranżazzjonijiet li jsiru bejn Stati Membri minn persuni taxxabbli u dment li dawn l-obbligi, fil-kummerċ bejn Stati Membri, ma jagħtux lok għal formalitajiet konnessi mal-qsim tal-fruntieri. L-Istati Membri jistgħu jimponu obbligi oħra li huma jqisu meħtieġa biex jiżguraw il-ġbir korrett tal-VAT u biex jipprevjenu l-evażjoni, soġġett għall-prinċipji ta’ proporzjonalità u ta’ trattament indaqs bejn tranżazzjonijiet domestiċi u tranżazzjonijiet li jsiru bejn Stati Membri minn persuni taxxabbli u dment li dawn l-obbligi, fil-kummerċ bejn Stati Membri, ma jagħtux lok għal formalitajiet konnessi mal-qsim tal-fruntieri. Emenda 103 Proposta għal direttiva Artikolu 5 – paragrafu 1 – subparagrafu 1 L-Istati Membri għandhom jadottaw u jippubblikaw, sal-31 ta’ Diċembru 2023, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 1 ta’ din id-Direttiva. Huma għandhom jinfurmaw lill-Kummissjoni b’dan minnufih. L-Istati Membri għandhom jadottaw u jippubblikaw, sal-31 ta’ Diċembru 2024, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 1 ta’ din id-Direttiva. Huma għandhom jinfurmaw lill-Kummissjoni b’dan minnufih. Emenda 104 Proposta għal direttiva Artikolu 5 – paragrafu 1 – subparagrafu 2 Għandhom japplikaw dawk id-dispożizzjonijiet mill-1 ta’ Jannar 2024. Għandhom japplikaw dawk id-dispożizzjonijiet mill-1 ta’ Jannar 2025 għall-kumpaniji b’aktar minn 250 impjegat u mill-1 ta’ Jannar 2026 għall-kumpaniji l-oħra kollha. Emenda 105 Proposta għal direttiva Artikolu 5 – paragrafu 2 – subparagrafu 1 L-Istati Membri għandhom jadottaw u jippubblikaw, sal-31 ta’ Diċembru 2024, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 2 ta’ din id-Direttiva. L-Istati Membri għandhom jadottaw u jippubblikaw, sal-31 ta’ Diċembru 2025, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 2 ta’ din id-Direttiva. Emenda 106 Proposta għal direttiva Artikolu 5 – paragrafu 2 – subparagrafu 2 Għandhom japplikaw dawk id-dispożizzjonijiet mill-1 ta’ Jannar 2025. Għandhom japplikaw dawk id-dispożizzjonijiet mill-1 ta’ Jannar 2026. Emenda 107 Proposta għal direttiva Artikolu 5 – paragrafu 3 – subparagrafu 1 L-Istati Membri għandhom jadottaw u jippubblikaw, sal-31 ta’ Diċembru 2025, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 3 ta’ din id-Direttiva. L-Istati Membri għandhom jadottaw u jippubblikaw, sal-31 ta’ Diċembru 2026, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 3 ta’ din id-Direttiva. Emenda 108 Proposta għal direttiva Artikolu 5 – paragrafu 3 – subparagrafu 2 Għandhom japplikaw dawk id-dispożizzjonijiet mill-1 ta’ Jannar 2026. Għandhom japplikaw dawk id-dispożizzjonijiet mill-1 ta’ Jannar 2027. Emenda 109 Proposta għal direttiva Artikolu 5a (ġdid) Artikolu 5a Rieżami (1)  Sal-31 ta’ Diċembru 2024, il-Kummissjoni għandha tippreżenta rapport dwar il-punt uniku ta’ servizz tal-VAT lill-Parlament Ewropew u lill-Kunsill. Ir-rapport għandu, b’mod partikolari: (a)  janalizza l-effettività tal-punt uniku ta’ servizz tal-VAT u jidentifika n-nuqqasijiet li fadal; (b)  jesplora l-merti ta’ estensjoni ulterjuri tal-punt uniku ta’ servizz tal-VAT għall-oqsma li fadal ta’ tranżazzjonijiet min-negozju għall-konsumatur li għadhom ma humiex koperti; (c)  jesplora l-merti tal-estensjoni tal-kamp ta’ applikazzjoni tal-punt uniku ta’ servizz biex ikopri wkoll it-tranżazzjonijiet minn negozju għal negozju; (d)  jesplora oqsma biex jiġu ssimplifikati aktar il-proċeduri għal kumpaniji żgħar u ta’ daqs medju u b’hekk tiġi mħeġġa l-integrazzjoni tas-suq uniku. Jekk ikun xieraq, ir-rapport għandu jkun akkumpanjat minn proposta leġiżlattiva.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar il-proposta għal regolament tal-Kunsill li jemenda r-Regolament (UE) Nru 904/2010 fir-rigward tal-arranġamenti ta’ kooperazzjoni amministrattiva tal-VAT meħtieġa għall-era diġitali (COM(2022)0703 – C9-0023/2023 – 2022/0409(CNS))

P9_TA(2023)0422 A9-0324/2023

(Proċedura leġiżlattiva speċjali – konsultazzjoni)

Il-Parlament Ewropew,

–  wara li kkunsidra l-proposta tal-Kummissjoni lill-Kunsill (COM(2022)0703),

–  wara li kkunsidra l-Artikolu 113 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0023/2023),

–  wara li kkunsidra l-Artikolu 82 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0324/2023),

1.  Japprova l-proposta tal-Kummissjoni kif emendata;

2.  Jistieden lill-Kummissjoni timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.  Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

4.  Jitlob lill-Kunsill jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali.

Test propost mill-Kummissjoni   Emenda Emenda 1 Proposta għal regolament Premessa -1 (ġdida) (-1)   Is-sistema attwali tal-VAT tal-Unjoni li ġiet introdotta fl-1993 hija simili għas-sistema doganali Ewropea. Madankollu, il-kontrolli ekwivalenti mhumiex biżżejjed, fatt li jagħmilha suxxettibbli għal frodi transfruntiera. Emenda 2 Proposta għal regolament Premessa 1a (ġdida) (1a)   Is-sistema attwali tal-VAT taħdem aħjar jekk il-provvisti intra-Komunitarji jiġu intaxxati daqslikieku kienu tranżazzjonijiet nazzjonali. Fl-2018 ħarġet proposta għal direttiva tal-Kunsill li temenda d-Direttiva 2006/112/KE rigward l-introduzzjoni ta’ miżuri tekniċi dettaljati għat-tħaddim ta’ sistema definittiva tal-VAT għat-tassazzjoni ta’ kummerċ bejn l-Istati Membri u din għadha qed tiġi diskussa. Id-dispożizzjonijiet inklużi fir-Regolament tal-Kunsill (UE) Nru 904/2010 emendat issaħħaħ kemm is-sistema attwali kif ukoll sistema definittiva tal-VAT. Emenda 3 Proposta għal regolament Premessa 2 (2)  Id-Direttiva tal-Kunsill (UE) XX/XXX15 [Uffiċċju tal-Pubblikazzjonijiet jekk jogħġbok daħħal in-numru u s-sena tad-Direttiva tal-Kunsill li temenda d-Direttiva 2006/112/KE fir-rigward tar-regoli tal-VAT għall-era diġitali adottata fl-istess jum bħal dan ir-Regolament] introdotta fid-Direttiva tal-Kunsill 2006/112/KE16 dwar ir-rekwiżiti ta’ rapportar diġitali (“DRR”). Dawk ir-rekwiżiti jobbligaw lill-persuni taxxabbli identifikati għall-finijiet tal-VAT jissottomettu lill-Istati Membri informazzjoni dwar kull provvista intra-Komunitarja ta’ merkanzija, fuq kull akkwist intra-Komunitarju ta’ merkanzija u fuq kull provvista ta’ servizz li huwa taxxabbli fi Stat Membru għajr dak li fih huwa stabbilit il-fornitur. L-Istati Membri jeħtieġ li jiskambjaw u jipproċessaw dik l-informazzjoni dwar tranżazzjonijiet intra-Komunitarji biex jimmonitorjaw l-applikazzjoni korretta tal-VAT u jidentifikaw il-frodi. (2)  Id-Direttiva tal-Kunsill (UE) XX/XXX15 [Uffiċċju tal-Pubblikazzjonijiet jekk jogħġbok daħħal in-numru u s-sena tad-Direttiva tal-Kunsill li temenda d-Direttiva 2006/112/KE fir-rigward tar-regoli tal-VAT għall-era diġitali adottata fl-istess jum bħal dan ir-Regolament] introdotta fid-Direttiva tal-Kunsill 2006/112/KE16 dwar ir-rekwiżiti ta’ rapportar diġitali (“DRR”). Dawk ir-rekwiżiti jobbligaw lill-persuni taxxabbli identifikati għall-finijiet tal-VAT jissottomettu lill-Istati Membri informazzjoni dwar kull provvista intra-Komunitarja ta’ merkanzija, fuq kull akkwist intra-Komunitarju ta’ merkanzija u fuq kull provvista ta’ servizz li huwa taxxabbli fi Stat Membru għajr dak li fih huwa stabbilit il-fornitur. L-Istati Membri jeħtieġ li jiskambjaw u jipproċessaw dik l-informazzjoni dwar tranżazzjonijiet intra-Komunitarji biex jimmonitorjaw l-applikazzjoni korretta tal-VAT u jidentifikaw il-frodi. Dawk ir-rekwiżiti ma japplikawx għal xiri relatat mad-difiża, li huwa eżenti skont l-Artikoli 143 u 151 tad-Direttiva 2006/112/KE. __________________ __________________ 15 Id-Direttiva tal-Kunsill (UE) XXX/XXXX ta’ ........ (ĠU L., jj/xx/ss, p. X). [Uffiċċju tal-Pubblikazzjonijiet jekk jogħġbok daħħal ir-referenza sħiħa] 15 Id-Direttiva tal-Kunsill (UE) XXX/XXXX ta’ ........ (ĠU L., jj/xx/ss, p. X). [Uffiċċju tal-Pubblikazzjonijiet jekk jogħġbok daħħal ir-referenza sħiħa] 16 Id-Direttiva tal-Kunsill 2006/112/KE ta’ 28 ta’ Novembru 2006 dwar is-sistema komuni ta’ taxxa fuq il-valur miżjud (ĠU L 347, 11.12.2006, p. 1). 16 Id-Direttiva tal-Kunsill 2006/112/KE ta’ 28 ta’ Novembru 2006 dwar is-sistema komuni ta’ taxxa fuq il-valur miżjud (ĠU L 347, 11.12.2006, p. 1). Emenda 4 Proposta għal regolament Premessa 3 (3)  Il-kooperazzjoni eżistenti bejn l-awtoritajiet tat-taxxa tal-Istati Membri hija bbażata fuq l-iskambju ta’ informazzjoni aggregata bejn is-sistemi elettroniċi nazzjonali. L-introduzzjoni tad-DRR għandha l-għan li żżid il-ġbir tat-taxxa billi tipprovdi data ta’ tranżazzjoni bi tranżazzjoni lill-amministrazzjonijiet tat-taxxa fil-ħin. Sabiex dik id-data tkun disponibbli għal amministrazzjonijiet tat-taxxa oħra b’mod effiċjenti, u biex tiġi ffaċilitata implimentazzjoni komuni ta’ analiżi u kontroverifiki, kif ukoll interpretazzjoni komuni ta’ dawk l-analiżijiet u l-kontroverifiki, hija meħtieġa sistema ċentrali fejn tiġi kondiviża l-informazzjoni dwar il-VAT. (3)  Il-kooperazzjoni eżistenti bejn l-awtoritajiet tat-taxxa tal-Istati Membri hija bbażata fuq l-iskambju ta’ informazzjoni aggregata bejn is-sistemi elettroniċi nazzjonali. L-introduzzjoni tad-DRR għandha l-għan li żżid l-effettività tal-proċeduri tal-ġbir tat-taxxa billi tipprovdi data ta’ tranżazzjoni bi tranżazzjoni lill-amministrazzjonijiet tat-taxxa fil-ħin. Sabiex dik id-data tkun disponibbli għal amministrazzjonijiet tat-taxxa oħra b’mod effiċjenti, u biex tiġi ffaċilitata implimentazzjoni komuni ta’ analiżi u kontroverifiki, kif ukoll interpretazzjoni komuni ta’ dawk l-analiżijiet u l-kontroverifiki, hija meħtieġa sistema ċentrali sigura u aġġornata fejn tiġi kondiviża l-informazzjoni rilevanti dwar il-VAT. Emenda 5 Proposta għal regolament Premessa 4 (4)  Sabiex l-Istati Membri jkunu jistgħu jiġġieldu l-frodi tal-VAT b’mod aktar effettiv, jenħtieġ li tiġi stabbilita sistema elettronika ċentrali għall-iskambju ta’ informazzjoni dwar il-VAT (“VIES ċentrali”) għall-kondiviżjoni tal-informazzjoni dwar il-VAT. Dik is-sistema jenħtieġ li tirċievi, mis-sistemi elettroniċi nazzjonali tal-Istati Membri, informazzjoni dwar tranżazzjonijiet intra-Komunitarji kif irrapportat mill-fornituri u l-akkwirenti rispettivi fi Stati Membri differenti. Dik is-sistema jenħtieġ li tirċievi wkoll mill-Istati Membri l-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji. Barra minn hekk, kull meta tinbidel id-data, il-metadata għat-traċċar tal-ħin meta ssir il-modifika jenħtieġ li tittella’ wkoll fil-VIES ċentrali. (4)  Sabiex l-Istati Membri, l-Uffiċċju tal-Prosekutur Pubbliku Ewropew (UPPE), l-Uffiċċju Ewropew ta’ Kontra l-Frodi (OLAF), l-Eurofisc u l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) ikunu jistgħu jiġġieldu l-frodi tal-VAT b’mod aktar effettiv, jenħtieġ li tiġi stabbilita sistema elettronika ċentrali għall-iskambju ta’ informazzjoni dwar il-VAT (“VIES ċentrali”) għall-kondiviżjoni tal-informazzjoni dwar il-VAT. Dik is-sistema jenħtieġ li tirċievi, mis-sistemi elettroniċi nazzjonali tal-Istati Membri, informazzjoni dwar tranżazzjonijiet intra-Komunitarji kif irrapportat mill-fornituri u l-akkwirenti rispettivi fi Stati Membri differenti. Dik is-sistema jenħtieġ li tirċievi wkoll mill-Istati Membri l-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji. Barra minn hekk, kull meta tinbidel id-data, il-metadata għat-traċċar tal-ħin meta ssir il-modifika jenħtieġ li tittella’ wkoll fil-VIES ċentrali. Emenda 6 Proposta għal regolament Premessa 5 (5)  L-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji jenħtieġ li tiġi aġġornata awtomatikament fil-VIES ċentrali mingħajr dewmien kull meta tinbidel l-informazzjoni dwar l-identifikazzjoni, ħlief fejn l-Istati Membri jaqblu li tali aġġornament ma huwiex pertinenti, essenzjali jew utli. Tali aġġornamenti huma meħtieġa minħabba li l-validità tan-numri ta’ identifikazzjoni tal-VAT ta’ persuni taxxabbli hija soġġetta għal verifika fir-rigward tal-kundizzjoni għall-eżenzjoni ta’ provvisti intra-Komunitarji prevista fl-Artikolu 138 tad-Direttiva 2006/112/KE. Sabiex jiġi pprovdut livell raġonevoli ta’ assigurazzjoni lill-amministrazzjonijiet tat-taxxa fir-rigward tal-kwalità u l-affidabbiltà ta’ tali informazzjoni, l-informazzjoni dwar tranżazzjonijiet intra-Komunitarji jenħtieġ li tiġi aġġornata awtomatikament fil-VIES ċentrali mhux aktar tard minn jum wara li l-Istat Membru jkun irċieva l-informazzjoni mill-persuna taxxabbli. (5)  L-informazzjoni dwar l-identifikazzjoni tal-VAT ta’ persuni taxxabbli li jagħmlu tranżazzjonijiet intra-Komunitarji jenħtieġ li tiġi aġġornata awtomatikament fil-VIES ċentrali mingħajr dewmien indebitu kull meta tinbidel l-informazzjoni dwar l-identifikazzjoni, ħlief fejn l-Istati Membri jaqblu li tali aġġornament ma huwiex pertinenti, essenzjali jew utli. Tali aġġornamenti huma meħtieġa minħabba li l-validità tan-numri ta’ identifikazzjoni tal-VAT ta’ persuni taxxabbli hija soġġetta għal verifika fir-rigward tal-kundizzjoni għall-eżenzjoni ta’ provvisti intra-Komunitarji prevista fl-Artikolu 138 tad-Direttiva 2006/112/KE. Sabiex jiġi pprovdut livell raġonevoli ta’ assigurazzjoni lill-amministrazzjonijiet tat-taxxa fir-rigward tal-kwalità u l-affidabbiltà ta’ tali informazzjoni, l-informazzjoni dwar tranżazzjonijiet intra-Komunitarji jenħtieġ li tiġi aġġornata awtomatikament fil-VIES ċentrali mhux aktar tard minn tlett ijiem wara li l-Istat Membru jkun irċieva l-informazzjoni mill-persuna taxxabbli. Emenda 7 Proposta għal regolament Premessa 8 (8)  Sabiex l-Istati Membri jiġu megħjuna fil-ġlieda tagħhom kontra l-frodi tal-VAT u biex jiġu identifikati l-frodaturi, jenħtieġ li l-informazzjoni dwar l-identifikazzjoni tal-VAT u l-informazzjoni dwar il-VAT fuq it-tranżazzjonijiet intra-Komunitarji jinżammu għal 5 snin. Dak il-perjodu jikkostitwixxi l-perjodu minimu meħtieġ għall-Istati Membri biex iwettqu kontrolli b’mod effettiv u jinvestigaw suspett ta’ frodi tal-VAT jew jidentifikaw tali frodi. Huwa proporzjonat ukoll meta jitqies il-volum enormi tal-informazzjoni dwar it-tranżazzjonijiet intra-Komunitarji u s-sensittività tal-informazzjoni bħala data kummerċjali u personali. (8)  Sabiex l-Istati Membri jiġu megħjuna fil-ġlieda tagħhom kontra l-frodi tal-VAT u biex jiġu identifikati l-frodaturi, jenħtieġ li l-informazzjoni dwar l-identifikazzjoni tal-VAT u l-informazzjoni dwar il-VAT fuq it-tranżazzjonijiet intra-Komunitarji jinżammu għal 5 snin. Dak il-perjodu jikkostitwixxi l-perjodu minimu meħtieġ għall-Istati Membri u, meta jkun xieraq, għall-UPPE biex iwettqu kontrolli b’mod effettiv u jinvestigaw suspett ta’ frodi tal-VAT jew jidentifikaw tali frodi. Huwa proporzjonat ukoll meta jitqies il-volum enormi tal-informazzjoni dwar it-tranżazzjonijiet intra-Komunitarji u s-sensittività tal-informazzjoni bħala data kummerċjali u personali. Emenda 8 Proposta għal regolament Premessa 8a (ġdida) (8a)  Id-data tan-negozju tal-Unjoni miġbura permezz tal-fatturazzjoni elettronika u r-rapportar elettroniku jenħtieġ li, minħabba raġunijiet ta’ sigurtà u sovranità ekonomika, tinħażen fiżikament fl-Unjoni. Emenda 9 Proposta għal regolament Premessa 9 (9)  Sabiex jiġu identifikati fil-ħin id-diskrepanzi u b’hekk tittejjeb il-kapaċità li tiġi miġġielda l-frodi tal-VAT, il-VIES ċentrali jenħtieġ li tkun tista’ tagħmel kontroverifika awtomatika tal-informazzjoni miġbura kemm mill-fornitur kif ukoll mill-akkwirent permezz tad-DRR introdott mid-Direttiva (UE) XX/XXX [Uffiċċju tal-Pubblikazzjonijiet jekk jogħġbok daħħal in-numru u s-sena tad-Direttiva tal-Kunsill li temenda d-Direttiva 2006/112/KE fir-rigward tar-regoli tal-VAT għall-era diġitali adottata fl-istess jum bħal dan ir-Regolament17 ]. Ir-riżultati ta’ tali kontroverifika jenħtieġ li jkunu disponibbli għall-Istati Membri għas-segwitu xieraq. (9)  Sabiex jiġu identifikati fil-ħin id-diskrepanzi u b’hekk tittejjeb il-kapaċità li tiġi miġġielda l-frodi tal-VAT, il-VIES ċentrali jenħtieġ li tkun tista’ tagħmel kontroverifika awtomatika tal-informazzjoni miġbura kemm mill-fornitur kif ukoll mill-akkwirent permezz tad-DRR introdott mid-Direttiva (UE) XX/XXX [Uffiċċju tal-Pubblikazzjonijiet jekk jogħġbok daħħal in-numru u s-sena tad-Direttiva tal-Kunsill li temenda d-Direttiva 2006/112/KE fir-rigward tar-regoli tal-VAT għall-era diġitali adottata fl-istess jum bħal dan ir-Regolament17 ]. Ir-riżultati ta’ tali kontroverifika jenħtieġ li jkunu disponibbli għall-Istati Membri għas-segwitu xieraq. Minħabba raġunijiet ta’ sigurtà, id-DRR ma japplikawx għall-kuntratti tad-difiża u tas-sigurtà nazzjonali. __________________ __________________ 17 Id-Direttiva tal-Kunsill (UE) XXX/XXXX ta’ ........ (ĠU L., jj/xx/ss, p. X). 17 Id-Direttiva tal-Kunsill (UE) XXX/XXXX ta’ ........ (ĠU L., jj/xx/ss, p. X). Emenda 10 Proposta għal regolament Premessa 10a (ġdida) (10a)  Sabiex jiġi żgurat proċess simplifikat, huwa meħtieġ li l-VIES ċentrali tirrifletti, f’ħin reali, l-aġġornamenti tal-istatus fir-rigward tal-validazzjonijiet ta’ data tal-massa u fir-rigward tal-abbonamenti tal-kumpaniji lis-sħab kummerċjali. Huwa meħtieġ li dawn l-aġġornamenti tal-istatus ikunu affidabbli f’termini ta’ kwalità tad-data u stabbiltà tas-sistema. Emenda 11 Proposta għal regolament Premessa 10b (ġdida) (10b)  Mill-2002, il-Kummissjoni għamlet disponibbli fuq is-sit web tagħha l-funzjonalità “Validazzjoni tan-numru tal-VAT bil-VIES”, biex tippermetti kontrolli online tal-validità ta’ numru tal-VAT. Minħabba ż-żieda sinifikanti fid-domanda għal dik il-funzjonalità sa mill-konċepiment inizjali tagħha, huma meħtieġa aġġornamenti sinifikanti biex din tkun tista’ timmaniġġa l-validazzjonijiet tal-massa, ittejjeb il-kwalità tal-informazzjoni li jkun fiha, tippermetti aġġornamenti f’ħin reali u tnaqqas il-perjodu ta’ qtugħ. Għalhekk, sabiex tippermetti t-twettiq affidabbli ta’ kontrolli f’ħin reali tan-numri tal-VAT u sabiex il-VIES ċentrali tkun effettiva bis-sħiħ, huwa essenzjali li l-Kummissjoni ttejjeb il-prestazzjoni tal-funzjonalità tal-validazzjoni tan-numru tal-VAT bil-VIES. Emenda 12 Proposta għal regolament Premessa 10c (ġdida) (10c)  Fl-interess tas-simplifikazzjoni u l-limitazzjoni tal-kostijiet ta’ konformità kemm tan-negozji, b’mod partikolari l-SMEs, kif ukoll tal-amministrazzjonijiet tat-taxxa, il-Kummissjoni jenħtieġ li tiżviluppa software sigur u affidabbli biex tikkollega lin-negozji u lill-amministrazzjonijiet nazzjonali mal-VIES ċentrali. Emenda 13 Proposta għal regolament Premessa 11a (ġdida) (11a)  Is-salvagwardji previsti fil-Kapitolu XV tar-Regolament (UE) Nru 904/2010, b’mod partikolari dawk previsti fl-Artikolu 55 tiegħu, jenħtieġ li jibqgħu applikabbli għall-ipproċessar ta’ data personali. Emenda 14 Proposta għal regolament Premessa 12 (12)  L-aċċess għall-informazzjoni fil-VIES ċentrali jenħtieġ li jiġi pprovdut fuq bażi ta’ ħtieġa ta’ għarfien. Dik l-informazzjoni jenħtieġ li ma tintużax għal skopijiet oħra għajr biex tiġi mmonitorjata l-applikazzjoni korretta tal-VAT u tiġi miġġielda l-frodi tal-VAT. L-utenti kollha jenħtieġ li jkunu marbutin bir-regoli ta’ kunfidenzjalità stabbiliti f’dan ir-Regolament. (12)  L-aċċess għall-informazzjoni fil-VIES ċentrali jenħtieġ li jiġi pprovdut fuq bażi ta’ ħtieġa ta’ għarfien. Dik l-informazzjoni jenħtieġ li ma tintużax għal skopijiet oħra għajr biex tiġi mmonitorjata l-applikazzjoni korretta tal-VAT u tiġi miġġielda l-frodi tal-VAT. L-utenti kollha jenħtieġ li jkunu marbutin bir-regoli ta’ kunfidenzjalità stabbiliti f’dan ir-Regolament. Il-proċeduri ta’ skambju ta’ informazzjoni u l-aċċess għad-data jridu jiġu segwiti f’konformità mar-Regolamenti (UE) 2016/6791a u (UE) 2018/17251b tal-Parlament Ewropew u tal-Kunsill u b’rispett għall-Karta tad-Drittijiet Fundamentali tal-Unjoni Ewropea. __________________ 1a Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). 1b Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). Emenda 15 Proposta għal regolament Premessa 13 (13)  Sabiex tiġi miġġielda l-frodi tal-VAT, l-uffiċjali ta’ kollegament tal-Eurofisc tal-Istati Membri kif imsemmi fl-Artikolu 36 tar-Regolament (UE) Nru 904/2010 jenħtieġ li jkunu jistgħu jaċċessaw u janalizzaw l-informazzjoni dwar il-VAT fuq tranżazzjonijiet intra-Komunitarji. Sabiex jimmonitorjaw l-applikazzjoni korretta tal-liġijiet tal-VAT, l-uffiċjali tal-Istati Membri li jivverifikaw jekk tapplikax l-eżenzjoni tal-VAT għal ċerti oġġetti importati, li hija stabbilita fl-Artikolu 143(1), il-punt (d), tad-Direttiva 2006/112/KE, jenħtieġ li jkunu jistgħu jaċċessaw ukoll informazzjoni dwar l-identifikazzjoni tal-VAT li tinħażen fil-VIES ċentrali. Barra minn hekk, minħabba l-istess raġunijiet, l-awtoritajiet kompetenti tal-Istati Membri jenħtieġ li jagħżlu uffiċjali oħra li jeħtieġ li jkollhom aċċess dirett għall-VIES ċentrali u jagħtuhom tali aċċess meta meħtieġ. Fl-aħħar nett, il-persuni debitament akkreditati tal-Kummissjoni jenħtieġ li jkunu jistgħu jaċċessaw l-informazzjoni li tinsab fil-VIES ċentrali, iżda biss sal-punt li tali aċċess ikun meħtieġ għall-iżvilupp u l-manutenzjoni ta’ dik is-sistema. (13)  Sabiex tiġi miġġielda l-frodi tal-VAT, l-uffiċjali ta’ kollegament tal-Eurofisc tal-Istati Membri kif imsemmi fl-Artikolu 36 tar-Regolament (UE) Nru 904/2010 u l-UPPE, l-OLAF, l-Eurofisc u l-Europol jenħtieġ li jkunu jistgħu jaċċessaw u janalizzaw l-informazzjoni dwar il-VAT fuq tranżazzjonijiet intra-Komunitarji. Sabiex jimmonitorjaw l-applikazzjoni korretta tal-liġijiet tal-VAT, l-uffiċjali tal-Istati Membri li jivverifikaw jekk tapplikax l-eżenzjoni tal-VAT għal ċerti oġġetti importati, li hija stabbilita fl-Artikolu 143(1), il-punt (d), tad-Direttiva 2006/112/KE, jenħtieġ li jkunu jistgħu jaċċessaw ukoll informazzjoni dwar l-identifikazzjoni tal-VAT li tinħażen fil-VIES ċentrali. Barra minn hekk, minħabba l-istess raġunijiet, l-awtoritajiet kompetenti tal-Istati Membri jenħtieġ li jagħżlu uffiċjali oħra li jeħtieġ li jkollhom aċċess dirett għall-VIES ċentrali u jagħtuhom tali aċċess meta meħtieġ. Fl-aħħar nett, il-persuni debitament akkreditati tal-Kummissjoni jenħtieġ li jkunu jistgħu jaċċessaw l-informazzjoni li tinsab fil-VIES ċentrali, iżda biss sal-punt li tali aċċess ikun meħtieġ għall-iżvilupp u l-manutenzjoni ta’ dik is-sistema. Jenħtieġ li l-persuni akkreditati tal-Kummissjoni taħt l-ebda ċirkostanza ma jiksru d-dritt tal-kontribwenti għall-kunfidenzjalità. Skont ir-rapport annwali tal-UPPE għall-2022, 47 % tal-ammont kumplessiv stmat li għalih l-UPPE wettaq investigazzjoni attiva rriżulta minn frodi tal-VAT. Għal din ir-raġuni, huwa essenzjali li jingħata aċċess dirett għas-sistema tal-VIES ċentrali lill-persunal awtorizzat tal-UPPE. Bl-istess loġika jenħtieġ li tingħata awtorizzazzjoni simili lill-uffiċjali awtorizzati tal-OLAF. Emenda 16 Proposta għal regolament Premessa 14 (14)  Sabiex jiġi investigat suspett ta’ frodi tal-VAT u biex tiġi identifikata tali frodi, is-sistemi ta’ informazzjoni li jappoġġaw in-network tal-Eurofisc fil-ġlieda kontra l-frodi tal-VAT, inklużi s-sistema ta’ Analiżi tan-Network tat-Tranżazzjonijiet u s-sistema elettronika ċentrali ta’ informazzjoni dwar il-pagamenti (“CESOP”), jenħtieġ li jkollhom aċċess dirett għall-VIES ċentrali. (14)  Sabiex jiġi investigat suspett ta’ frodi tal-VAT u biex tiġi identifikata tali frodi, is-sistemi ta’ informazzjoni li jappoġġaw in-network tal-Eurofisc fil-ġlieda kontra l-frodi tal-VAT, inklużi s-sistema ta’ Analiżi tan-Network tat-Tranżazzjonijiet u s-sistema elettronika ċentrali ta’ informazzjoni dwar il-pagamenti (“CESOP”), l-UPPE, l-OLAF u l-Europol jenħtieġ li jkollhom aċċess dirett għall-VIES ċentrali. Emenda 17 Proposta għal regolament Premessa 14a (ġdida) (14a)  L-UPPE jenħtieġ li jkollu wkoll aċċess dirett għall-VIES ċentrali sa fejn ikun meħtieġ għat-twettiq tal-kompiti tiegħu, kif stabbilit fl-Artikolu 4 tar-Regolament tal-Kunsill (UE) 2017/1939, u f’konformità mal-Artikolu 43 ta’ dak ir-Regolament. __________________ 1a Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1). Emenda 18 Proposta għal regolament Premessa 16 (16)  Sabiex jiġu żgurati kundizzjonijiet uniformi għall-implimentazzjoni tar-Regolament (UE) Nru 904/2010, jenħtieġ li l-Kummissjoni tingħata setgħat ta’ implimentazzjoni fir-rigward tal-kompiti li għandhom jitwettqu mill-Kummissjoni għall-ġestjoni teknika tal-VIES ċentrali, id-dettalji tekniċi li jikkonċernaw l-identifikazzjoni u l-aċċess ta’ uffiċjali u sistemi elettroniċi għall-VIES ċentrali, id-dettalji tekniċi u l-format tal-informazzjoni mibgħuta lill-VIES ċentrali u r-rwoli u r-responsabbiltajiet tal-Istati Membri u tal-Kummissjoni meta jaġixxu bħala kontrollur u proċessur skont ir-Regolamenti (UE) 2016/67918 u (UE) 2018/172519 tal-Parlament Ewropew u tal-Kunsill. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill20. (16)  Sabiex jiġu żgurati kundizzjonijiet uniformi għall-implimentazzjoni tar-Regolament (UE) Nru 904/2010, jenħtieġ li l-Kummissjoni tingħata setgħat ta’ implimentazzjoni fir-rigward tal-kompiti li għandhom jitwettqu mill-Kummissjoni għall-ġestjoni teknika tal-VIES ċentrali, id-dettalji tekniċi li jikkonċernaw l-identifikazzjoni u l-aċċess ta’ uffiċjali u sistemi elettroniċi għall-VIES ċentrali, id-dettalji tekniċi u l-format tal-informazzjoni mibgħuta lill-VIES ċentrali u r-rwoli u r-responsabbiltajiet tal-Istati Membri u tal-Kummissjoni meta jaġixxu bħala kontrollur u proċessur skont ir-Regolamenti (UE) 2016/67918 u (UE) 2018/172519 tal-Parlament Ewropew u tal-Kunsill. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill20. Kwalunkwe abbozz ta’ att ta’ implimentazzjoni jrid jiġi ppreżentat lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. __________________ __________________ 18 Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). 18 Ir-Regolament (EU) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1). 19 Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). 19 Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39). 20 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13). 20 Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13). Emenda 19 Proposta għal regolament Premessa 17 (17)  Il-frodi tal-VAT hija problema komuni għall-Istati Membri kollha. L-Istati Membri waħedhom ma għandhomx l-informazzjoni meħtieġa biex jiżguraw li r-regoli tal-VAT ikunu applikati sew u biex jindirizzaw il-frodi tal-VAT. Ladarba l-objettiv tar-Regolament (UE) Nru 904/2010, jiġifieri l-ġlieda kontra l-frodi tal-VAT, ma jistax jinkiseb b’mod suffiċjenti mill-Istati Membri minħabba n-natura transfruntiera tas-suq intern, iżda jista’ jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv. (17)  Il-frodi tal-VAT hija problema komuni għall-Istati Membri kollha. L-Istati Membri waħedhom ma għandhomx l-informazzjoni meħtieġa biex jiżguraw li r-regoli tal-VAT ikunu applikati sew u biex jindirizzaw il-frodi tal-VAT. Ladarba l-objettiv tar-Regolament (UE) Nru 904/2010, jiġifieri l-ġlieda kontra l-frodi tal-VAT, ma jistax jinkiseb b’mod suffiċjenti mill-Istati Membri minħabba n-natura transfruntiera tas-suq intern, iżda jista’ jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv. Il-livell ta’ ġbir, ċentralizzazzjoni u pproċessar awtomatiku ta’ data dwar tranżazzjonijiet intra-Komunitarji, li jippermetti lill-awtoritajiet tat-taxxa tal-Istat Membru jwettqu mmappjar sħiħ tal-flussi bejn il-kumpaniji fl-Unjoni, jirrikjedi l-istabbiliment ta’ proċess ta’ kontroll fil-livell tal-Unjoni biex jiġi żgurat il-funzjonament tajjeb tas-sistema u tiġi evitata kwalunkwe devjazzjoni fl-użu ta’ dik id-data. Emenda 20 Proposta għal regolament Premessa 17a (ġdida) (17a)   Il-mekkaniżmu li bih tiffunzjona l-frodi karusell ġie stabbilit b’mod ċar mill-Kummissjoni fir-rapport tagħha tas-16 ta’ April 2004 lill-Kunsill u lill-Parlament Ewropew dwar l-użu ta’ arranġamenti ta’ kooperazzjoni amministrattiva fil-ġlieda kontra l-frodi tal-VAT. Emenda 21 Proposta għal regolament Premessa 21 (21)  L-abbuż min-numri ta’ identifikazzjoni tal-VAT tal-Punt Uniku ta’ Servizz għall-Importazzjoni (“IOSS”) ġie identifikat mill-partijiet ikkonċernati bħala riskju potenzjali. Sabiex jiġi żgurat aħjar l-użu korrett u l-proċess ta’ verifika tan-numri ta’ identifikazzjoni tal-VAT tal-IOSS, huwa meħtieġ li jiġi estiż l-Artikolu 47h tar-Regolament (UE) Nru 904/2010 li jagħti lill-awtoritajiet doganali aċċess għal informazzjoni dwar in-negozjant irreġistrat tal-IOSS, li se jtejjeb il-kapaċitajiet ta’ ġestjoni u kontroll tar-riskju ta’ dawk l-awtoritajiet doganali. (21)  L-abbuż min-numri ta’ identifikazzjoni tal-VAT tal-Punt Uniku ta’ Servizz għall-Importazzjoni (“IOSS”), kemm jekk b’mod intenzjonat jew riżultat ta’ negliġenza, ġie identifikat mill-partijiet ikkonċernati bħala riskju potenzjali. Sabiex jiġi żgurat aħjar l-użu korrett u l-proċess ta’ verifika tan-numri ta’ identifikazzjoni tal-VAT tal-IOSS, huwa meħtieġ li jiġi estiż l-Artikolu 47h tar-Regolament (UE) Nru 904/2010 li jagħti lill-awtoritajiet doganali aċċess għal informazzjoni dwar in-negozjant irreġistrat tal-IOSS, li se jtejjeb il-kapaċitajiet ta’ ġestjoni u kontroll tar-riskju ta’ dawk l-awtoritajiet doganali. Emenda 22 Proposta għal regolament Premessa 22a (ġdida) (22a)  Il-bidliet relatati mal-iskema IOSS jirrikjedu skeda ta’ implimentazzjoni realistika. Għalhekk, l-estensjoni tal-kamp ta’ applikazzjoni tal-iskema IOSS jenħtieġ li tapplika mill-1 ta’ Jannar 2026 sabiex jiġu evitati konformità u implimentazzjoni frammentati li jżidu l-piż amministrattiv għan-negozji, b’mod partikolari l-SMEs, u għal pjattaformi li jiffaċilitaw il-bejgħ bejn in-negozji u l-klijenti, b’mod partikolari s-swieq żgħar. Emenda 23 Proposta għal regolament Premessa 24 (24)  Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea. B’mod partikolari, dan ir-Regolament ifittex li jiżgura r-rispett sħiħ tad-dritt tal-protezzjoni tad-data personali stabbilit fl-Artikolu 8 tal-Karta. F’dak ir-rigward, dan ir-Regolament jillimita b’mod strett l-ammont ta’ data personali li se tkun disponibbli għall-awtoritajiet tat-taxxa. L-ipproċessar ta’ informazzjoni dwar it-tranżazzjonijiet intra-Komunitarji skont dan ir-Regolament jenħtieġ li jseħħ biss għall-finijiet ta’ dan ir-Regolament. (24)  Dan ir-Regolament jirrispetta d-drittijiet fundamentali u josserva l-prinċipji rikonoxxuti fil-Karta tad-Drittijiet Fundamentali tal-Unjoni Ewropea. B’mod partikolari, dan ir-Regolament ifittex li jiżgura r-rispett sħiħ tad-dritt tal-protezzjoni tad-data personali stabbilit fl-Artikolu 8 tal-Karta. F’dak ir-rigward, dan ir-Regolament jillimita b’mod strett l-ammont ta’ data personali li se tkun disponibbli għall-awtoritajiet tat-taxxa, peress li l-aċċess mill-awtoritajiet tat-taxxa għal informazzjoni dwar ix-xiri personali tal-individwi joħloq riskju serju għall-privatezza. L-ipproċessar ta’ informazzjoni dwar it-tranżazzjonijiet intra-Komunitarji skont dan ir-Regolament jenħtieġ għalhekk li jseħħ biss għall-finijiet ta’ dan ir-Regolament. Emenda 24 Proposta għal regolament Premessa 24a (ġdida) (24a)  F’konformità mal-prinċipji tal-proporzjonalità u l-protezzjoni tad-drittijiet fundamentali, it-trażmissjoni tad-data min-negozji trid tintuża biss fil-kuntest tal-ġlieda kontra l-frodi tal-VAT. L-awtoritajiet ikkonċernati jeħtiġilhom jirrispettaw is-sigrieti kummerċjali, f’konformità mad-Direttiva (UE) 2016/943 tal-Parlament Ewropew u tal-Kunsill1a, jiġifieri l-konoxxenza u l-għarfien espert relatati mal-prodotti u s-servizzi tan-negozji tal-Unjoni, sabiex ma tiġix ipperikolata l-kompetittività ta’ tali negozji. __________________ 1a Id-Direttiva (UE) 2016/943 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni ta’ konoxxenza u ta’ informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom (ĠU L 157, 15.6.2016, p. 1). Emenda 25 Proposta għal regolament Premessa 25 (25)  Il-Kontrollur Ewropew għall-Protezzjoni tad-Data kien ikkonsultat f’konformità mal-Artikolu 42(1) tar-Regolament (UE) 2018/1725 u ta opinjoni fi […] (25)  Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta l-opinjoni tiegħu fit-3 ta’ Marzu 2023. Emenda 26 Proposta għal regolament Premessa 25a (ġdida) (25a)  Fid-dawl tal-interess pubbliku u l-interessi finanzjarji tal-Unjoni, l-informaturi jgawdu minn protezzjoni legali effettiva skont id-Direttiva (UE) 2019/1937 tal-Parlament Ewropew u tal-Kunsill1a. __________________ 1a.Id-Direttiva (UE) 2019/1937 tal-Parlament Ewropew u tal-Kunsill tat-23 ta’ Ottubru 2019 dwar il-protezzjoni ta’ persuni li jirrapportaw dwar ksur tal-liġi tal-Unjoni (ĠU L 305, 26.11.2019, p. 17). Emenda 27 Proposta għal regolament Premessa 27a (ġdida) (27a)  L-Artikolu 36 tar-Regolament (UE) Nru 904/2010 ġie emendat biex iqis ir-rwol tal-Europol u tal-OLAF. Jenħtieġ li jirrifletti wkoll ir-rwol tal-UPPE. Kif stabbilit fl-Artikolu 13(1) tar-Regolament (UE) 2017/1939, il-Prosekuturi Delegati Ewropej tal-UPPE jaġixxu f’isem l-UPPE fl-Istati Membri rispettivi tagħhom u għandhom l-istess setgħat bħall-prosekuturi nazzjonali fir-rigward tal-investigazzjonijiet, il-prosekuzzjonijiet u t-tressiq tal-kawżi għas-sentenza. F’din il-kapaċità, jistgħu jinvolvu ruħhom mal-uffiċjal ta’ kollegament tal-Eurofisc fl-Istat Membru rispettiv tagħhom. Jenħtieġ li jingħataw l-istess setgħa fil-kapaċità tagħhom bħala Prosekuturi Delegati Ewropej, skont l-Artikolu 43 tar-Regolament (UE) 2017/1939. Sa fejn ikun meħtieġ għat-twettiq tal-kompiti tal-UPPE, jenħtieġ li l-Eurofisc jiġi awtorizzat jirrapporta direttament lill-UPPE. Jenħtieġ ukoll li l-persunal magħżul tal-UPPE jitħalla jitlob informazzjoni mingħand l-Eurofisc. Emenda 28 Proposta għal regolament Artikolu 1 – titolu Emendi għar-Regolament (UE) Nru 904/2010 applikabbli mill-1 ta’ Jannar 2025 Emendi għar-Regolament (UE) Nru 904/2010 applikabbli mill-1 ta’ Jannar 2026 Emenda 29 Proposta għal regolament Artikolu 1 – paragrafu 1 – punt 1a (ġdid) Regolament (UE) Nru 904/2010 Artikolu 2 – paragrafu 1 – punt va (ġdid), vb (ġdid) u vc (ġdid) (1a)  fl-Artikolu 2(1), jiżdiedu l-punti li ġejjin: “(va) “Prosekuturi Delegati Ewropej” tfisser il-Prosekuturi Delegati Ewropej kif imsemmija fl-Artikolu 13(1) tar-Regolament tal-Kunsill (UE) 2017/1939*; (vb)  “persunal tal-UPPE” tfisser persunal tal-UPPE kif definit fl-Artikolu 2, il-punt 4, tar-Regolament (UE) 2017/1939; (vc)  “uffiċjali tal-OLAF” tfisser uffiċjali impjegati mill-Uffiċċju Ewropew ta’ Kontra l-Frodi (OLAF) stabbilit bid-Deċiżjoni tal-Kummissjoni 1999/352/KE, KEFA, Euratom**, u li d-Direttur Ġenerali tahom setgħat ta’ investigazzjoni. __________________ * Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017). ** Id-Deċiżjoni tal-Kummissjoni 1999/352/KE, KEFA, Euratom tat-28 ta’ April 1999 li Twaqqaf l-Uffiċċju Ewropew Kontra l-Frodi (OLAF) (ĠU L 136, 31.5.1999, p. 20).”; Emenda 30 Proposta għal regolament Artikolu 1 – paragrafu 1 – punt 3a (ġdid) Regolament (UE) Nru 904/2010 Artikolu 17 – paragrafu 1a (ġdid) (3a)  fl-Artikolu 17 jiddaħħal il-paragrafu li ġej: “1a. L-informazzjoni msemmija fil-paragrafu 1 miġbura permezz tal-fatturazzjoni elettronika u r-rapportar elettroniku ma għandhiex tinħażen barra mit-territorju tal-Unjoni.”; Emenda 31 Proposta għal regolament Artikolu 1 – paragrafu 1 – punt 3b (ġdid) Regolament (UE) Nru 904/2010 Artikolu 33 – paragrafu 1 (3b)  fl-Artikolu 33, il-paragrafu 1 huwa sostitwit b’dan li ġej: 1.  Sabiex tiġi promossa u ffaċilitata l-kooperazzjoni multilaterali fil-ġlieda kontra l-frodi tal-VAT, dan il-Kapitolu jistabbilixxi netwerk għall-iskambju, l-ipproċessar u l-analiżi fil-pront ta’ informazzjoni mmirata dwar frodi transfruntiera bejn l-Istati Membri u għall-koordinazzjoni ta’ kwalunkwe azzjoni ta’ segwitu (“Eurofisc”). “1. Sabiex tiġi promossa u ffaċilitata l-kooperazzjoni multilaterali fil-ġlieda kontra l-frodi tal-VAT, kif ukoll il-kooperazzjoni bejn l-Istati Membri u l-UPPE, l-Europol u l-OLAF, dan il-Kapitolu jistabbilixxi network għall-iskambju, l-ipproċessar u l-analiżi fil-pront ta’ informazzjoni mmirata dwar frodi transfruntiera bejn l-Istati Membri u l-koordinazzjoni ta’ kwalunkwe azzjoni ta’ segwitu (“Eurofisc”).”; Emenda 32 Proposta għal regolament Artikolu 1 – paragrafu 1 – punt 3c (ġdid) Regolament (UE) Nru 904/2010 Artikolu 33 – paragrafu 2 – punt da (ġdid) (3c)   fl-Artikolu 33(2), jiżdied il-punt li ġej: “(da) jikkooperaw mal-UPPE, l-Europol u l-OLAF, f’konformità mal-mandati u l-kompetenzi rispettivi tagħhom, b’mod partikolari r-Regolament (UE, Euratom) Nru 883/2013 tal-Parlament Ewropew u tal-Kunsill*. ________________ Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).”; Emenda 33 Proposta għal regolament Artikolu 1 – paragrafu 1 – punt 3d (ġdid) Regolament (UE) Nru 904/2010 Artikolu 36 – paragrafu 5a (ġdid) (3d)  fl-Artikolu 36, jiżdied il-paragrafu li ġej: “(5a) Sa fejn ikun meħtieġ għat-twettiq tal-kompiti tagħhom, il-Prosekuturi Delegati Ewropej jistgħu jitolbu informazzjoni rilevanti minn kwalunkwe koordinatur tal-oqsma ta’ ħidma tal-Eurofisc li jinsab fl-istess Stat Membru. Sa fejn ikun meħtieġ għat-twettiq tal-kompiti tiegħu, il-persunal rilevanti tal-UPPE jista’ jitlob informazzjoni minn kwalunkwe koordinatur tal-oqsma ta’ ħidma tal-Eurofisc li jinsab fi Stat Membru li jipparteċipa fil-kooperazzjoni msaħħa dwar l-istabbiliment tal-UPPE kif imsemmi fl-Artikolu 120 tar-Regolament (UE) 2017/1939. Għal dak il-għan, l-Eurofisc jsta’ jikkonkludi arranġament ta’ ħidma mal-UPPE li jistabbilixxi d-dettalji tal-kooperazzjoni bejn l-Eurofisc u l-UPPE.” Emenda 34 Proposta għal regolament Artikolu 1 – paragrafu 1 – punt 4 Regolament (UE) Nru 904/2010 Artikolu 47b – paragrafu 3 3.  Meta persuna taxxabbli li tagħmel użu minn waħda mill-iskemi speċjali stabbiliti fit-Titolu XII, il-Kapitolu 6, it-Taqsimiet 2, 3 u 5, tad-Direttiva 2006/112/KE tiġi eskluża minn dik l-iskema speċjali, l-Istat Membru ta’ identifikazzjoni għandu jinforma lill-awtoritajiet kompetenti tal-Istati Membri l-oħra b’mezzi elettroniċi u mingħajr dewmien.”; 3.  Meta persuna taxxabbli li tagħmel użu minn waħda mill-iskemi speċjali stabbiliti fit-Titolu XII, il-Kapitolu 6, it-Taqsimiet 2, 3 u 5, tad-Direttiva 2006/112/KE tiġi eskluża minn dik l-iskema speċjali, l-Istat Membru ta’ identifikazzjoni għandu jinforma lill-awtoritajiet kompetenti tal-Istati Membri l-oħra b’mezzi elettroniċi mill-aktar fis possibbli u, fi kwalunkwe każ, qabel l-għaxar jum tax-xahar ta’ wara.”; Emenda 35 Proposta għal regolament Artikolu 1 – paragrafu 1 – punt 5 Regolament (UE) Nru 904/2010 Artikolu 47d – paragrafu 2 2.  L-Istat Membru ta’ identifikazzjoni għandu jibgħat l-informazzjoni msemmija fil-paragrafu 1 b’mezzi elettroniċi lill-awtorità kompetenti tal-Istat Membru tal-konsum jew lill-Istati Membri li minnhom u għalihom tkun intbagħtet jew ġiet trasportata l-merkanzija sa mhux aktar tard minn 20 jum wara tmiem ix-xahar li matulu kien meħtieġ li tiġi ppreżentata d-dikjarazzjoni.”; 2.  L-Istat Membru ta’ identifikazzjoni għandu jibgħat l-informazzjoni msemmija fil-paragrafu 1 b’mezzi elettroniċi lill-awtorità kompetenti tal-Istat Membru tal-konsum jew lill-Istati Membri li minnhom u għalihom tkun intbagħtet jew ġiet trasportata l-merkanzija sa mhux aktar tard minn 10 ijiem wara tmiem ix-xahar li matulu kien meħtieġ li tiġi ppreżentata d-dikjarazzjoni.”; Emenda 36 Proposta għal regolament Artikolu 1 – paragrafu 1 – punt 7 – punt b Regolament (UE) Nru 904/2010 Artikolu 47i – paragrafu 5 5.  Meta l-Istat Membru tal-konsum rikjedenti jew l-Istat Membru li minnu jew li lilu tkun intbagħtet jew ġiet ittrasportata l-merkanzija ma jirċevix ir-rekords fi żmien 30 jum mid-data li fiha tkun saret it-talba, dak l-Istat Membru jista’ jieħu kwalunkwe azzjoni f’konformità mal-leġiżlazzjoni nazzjonali tiegħu biex jikseb tali rekords.”; 5.  Meta l-Istat Membru tal-konsum rikjedenti jew l-Istat Membru li minnu jew li lilu tkun intbagħtet jew ġiet ittrasportata l-merkanzija ma jirċevix ir-rekords fi żmien 30 jum mid-data li fiha tkun saret it-talba, dak l-Istat Membru jista’ jieħu l-azzjonijiet amministrattivi neċessarji u raġonevoli f’konformità mal-leġiżlazzjoni nazzjonali tiegħu biex jikseb tali rekords.”; Emenda 37 Proposta għal regolament Artikolu 1 – paragrafu 1 – punt 8 Regolament (UE) Nru 904/2010 Artikolu 47j – paragrafu 2 “2. Mingħajr preġudizzju għall-Artikolu 7(4), jekk l-Istat Membru tal-konsum jew l-Istat Membru li minnu jew li lilu tkun intbagħtet jew ġiet ittrasportata l-merkanzija jiddeċiedi li tkun meħtieġa inkjesta amministrattiva, l-ewwel għandu jikkonsulta mal-Istat Membru ta’ identifikazzjoni dwar il-ħtieġa ta’ tali inkjesta.”; “2. Mingħajr preġudizzju għall-Artikolu 7(4), jekk l-Istat Membru tal-konsum jew l-Istat Membru li minnu jew li lilu tkun intbagħtet jew ġiet ittrasportata l-merkanzija jiddeċiedi li tkun meħtieġa inkjesta amministrattiva, l-ewwel għandu jikkonsulta mal-Istat Membru ta’ identifikazzjoni dwar il-ħtieġa ta’ tali inkjesta u għandu jwettaq kwalunkwe inkjesta ta’ dak it-tip b’rispett sħiħ tal-qafas legali tal-Istati Membri involuti.”; Emenda 38 Proposta għal regolament Artikolu 1 – paragrafu 1 – punt 10 Regolament (UE) Nru 904/2010 Artikolu 47la – paragrafu 3 3.  L-Istati Membri għandhom jipprevedu li, fuq talba, persuna taxxabbli tippreżenta r-rekords mitluba b’mezzi elettroniċi lill-Istat Membru li fih dik il-persuna taxxabbli tiġi identifikata għal finijiet ta’ VAT. L-Istati Membri għandhom jaċċettaw li r-rekords jistgħu jiġu ppreżentati bl-użu ta’ formola standard. 3.  L-Istati Membri għandhom jipprevedu li, fuq talba, persuna taxxabbli tippreżenta r-rekords mitluba b’mezzi elettroniċi lill-Istat Membru li fih dik il-persuna taxxabbli tiġi identifikata għal finijiet ta’ VAT. L-Istati Membri għandhom jaċċettaw biss is-sottomissjoni ta’ rekords bl-użu ta’ formola standard u obbligatorja. Emenda 39 Proposta għal regolament Artikolu 1 – paragrafu 1 – punt 10 Regolament (UE) Nru 904/2010 Artikolu 47la – paragrafu 5 5.  Meta l-Istat Membru rikjedenti li fih dawk il-provvisti huma taxxabbli ma jirċevix ir-rekords fi żmien 30 jum mid-data li fiha tkun saret it-talba, dak l-Istat Membru jista’ jieħu kwalunkwe azzjoni f’konformità mal-leġiżlazzjoni nazzjonali tiegħu biex jikseb tali rekords. 5.  Meta l-Istat Membru rikjedenti li fih dawk il-provvisti huma taxxabbli ma jirċevix ir-rekords fi żmien 30 jum mid-data li fiha tkun saret it-talba, dak l-Istat Membru jista’ jieħu l-azzjonijiet amministrattivi neċessarji u raġonevoli f’konformità mal-leġiżlazzjoni nazzjonali tiegħu biex jikseb tali rekords. Emenda 40 Proposta għal regolament Artikolu 1 – paragrafu 1 – punt 10 Regolament (UE) Nru 904/2010 Artikolu 47lb – paragrafu 2 Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2).”. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2). L-abbozzi ta’ dawk l-atti ta’ implimentazzjoni għandhom jiġu ppreżentati lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu.”. Emenda 41 Proposta għal regolament Artikolu 2 – titolu Emendi għar-Regolament (UE) Nru 904/2010 applikabbli mill-1 ta’ Jannar 2026 Emendi għar-Regolament (UE) Nru 904/2010 applikabbli mill-1 ta’ Jannar 2027 Emenda 42 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 1 1.  Il-Kummissjoni għandha tiżviluppa, iżżomm, tospita u tamministra teknikament sistema elettronika u ċentrali għall-iskambju ta’ informazzjoni dwar il-VAT (“VIES ċentrali”) għall-finijiet imsemmija fl-Artikolu 1. 1.  Il-Kummissjoni għandha tiżviluppa, iżżomm, tospita u tamministra teknikament sistema elettronika u ċentrali għall-iskambju ta’ informazzjoni dwar il-VAT (“VIES ċentrali”) għall-finijiet imsemmija fl-Artikolu 1. Il-Kummissjoni ma għandux ikollha aċċess għad-data ta’ kontribwenti individwali. Il-Kummissjoni għandha tipprovdi appoġġ tekniku għal konnessjoni sigura mal-VIES ċentrali mill-uffiċjali li jkunu ngħataw aċċess awtomatizzat għall-VIES ċentrali skont l-Artikolu 24k(1). Emenda 43 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 1a (ġdid) 1a.   Il-VIES ċentrali għandha tiġi installata bl-użu tal-aktar teknoloġija xierqa disponibbli biex jiġu protetti d-drittijiet taċ-ċittadini bħala kontribwenti, jiġifieri d-dritt għall-privatezza, il-protezzjoni tad-data u s-sigrieti professjonali, f’konformità mad-Direttiva (UE 2016/943 tal-Parlament Ewropew u tal-Kunsill*. Il-Kummissjoni għandha tivvaluta b’mod regolari l-effettività tal-VIES ċentrali u għandha tevalwa l-valur miżjud tal-użu ta’ teknoloġiji ġodda, f’kooperazzjoni sħiħa mal-awtoritajiet tat-taxxa nazzjonali. __________________ * Id-Direttiva (UE) 2016/943 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni ta’ konoxxenza u ta’ informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom (ĠU L 157, 15.6.2016, p. 1). Emenda 44 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 2 – subparagrafu 1 – parti introduttorja Kull Stat Membru għandu jiżviluppa, iżomm, jospita u jamministra teknikament sistema elettronika nazzjonali biex awtomatikament jibgħat l-informazzjoni li ġejja lill-VIES ċentrali: Kull Stat Membru għandu jiżviluppa, iżomm, jospita u jamministra teknikament, b’appoġġ tekniku mill-Kummissjoni, sistema elettronika nazzjonali biex awtomatikament jibgħat l-informazzjoni li ġejja lill-VIES ċentrali: Emenda 45 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 2 – subparagrafu 3 Il-Kummissjoni għandha tispeċifika permezz ta’ att ta’ implimentazzjoni d-dettalji u l-format tal-informazzjoni elenkata f’dan il-paragrafu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). Il-Kummissjoni għandha tispeċifika permezz ta’ att ta’ implimentazzjoni d-dettalji u l-format tal-informazzjoni elenkata f’dan il-paragrafu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). L-abbozz ta’ dak l-att ta’ implimentazzjoni għandu jiġi ppreżentat lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. Emenda 46 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 3a (ġdid) 3a.  Għall-fini tal-kooperazzjoni u l-iskambju skont il-paragrafu 2, il-Kummissjoni għandha tiżviluppa software sigur u affidabbli biex tikkollega lin-negozji u lill-amministrazzjonijiet nazzjonali mal-VIES ċentrali. Emenda 47 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24g – paragrafu 3b (ġdid) 3b.   Il-Kummissjoni għandha tappoġġa lill-awtoritajiet nazzjonali tat-taxxa b’riżorsi finanzjarji u umani u pariri tekniċi sabiex tiggarantixxi li s-sistemi elettroniċi nazzjonali jkunu kompletament operazzjonali sal-1 ta’ Jannar 2030. Matul perjodu ta’ tranżizzjoni sal-1 ta’ Jannar 2030, il-Kummissjoni għandha tivvaluta l-effettività tal-VIES ċentrali u tal-proċeduri ta’ skambju ta’ informazzjoni. Emenda 48 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24h – paragrafu 1 – subparagrafu 2 Il-Kummissjoni għandha, permezz ta’ att ta’ implimentazzjoni, tistabbilixxi l-kriterji li jiddeterminaw liema bidliet ma humiex pertinenti, essenzjali jew utli biżżejjed biex jintbagħtu fil-VIES ċentrali. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). Il-Kummissjoni għandha, permezz ta’ att ta’ implimentazzjoni, tistabbilixxi l-kriterji li jiddeterminaw liema bidliet ma humiex pertinenti, essenzjali jew utli biżżejjed biex jintbagħtu fil-VIES ċentrali. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). L-abbozz ta’ dak l-att ta’ implimentazzjoni għandu jiġi ppreżentat lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. Emenda 49 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24h – paragrafu 5 5.  B’deroga mill-paragrafu 4 tal-Artikolu, l-informazzjoni msemmija fl-Artikolu 24g(2), il-punt (a), għandha tiddaħħal fil-VIES ċentrali mhux aktar tard minn jum wara l-ġbir tal-informazzjoni sottomessa mill-persuna taxxabbli lill-awtoritajiet kompetenti. 5.  L-informazzjoni msemmija fl-Artikolu 24g(2), il-punt (a), għandha tiddaħħal fil-VIES ċentrali mhux aktar tard minn tlett ijiem wara l-ġbir tal-informazzjoni sottomessa mill-persuna taxxabbli lill-awtoritajiet kompetenti. Fil-każ li l-informazzjoni tiddaħħal aktar tard, l-Istat Membru għandu jipprovdi lill-Kummissjoni r-raġunijiet li jiġġustifikaw id-dewmien. Emenda 50 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24j – paragrafu 1 – punt a (a)  li taħżen l-informazzjoni msemmija fil-punti (b), (c) u (d) ta’ dan l-Artikolu u fl-Artikolu 24g(2) ta’ dan ir-Regolament; (a)  li taħżen l-informazzjoni msemmija fil-punti (b), (c) u (d) ta’ dan l-Artikolu u fl-Artikolu 24g(2) ta’ dan ir-Regolament, f’infrastruttura sigura, reżiljenti u affidabbli; Emenda 51 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24j – paragrafu 1 – punt c – parti introduttorja (c)  li taggrega l-informazzjoni fir-rigward tal-persuni li għalihom ikun inħareġ u nġabar numru ta’ identifikazzjoni tal-VAT skont l-Artikolu 213 tad-Direttiva 2006/112/KE u li tagħmel id-dettalji li ġejjin aċċessibbli għall-uffiċjali jew għas-sistemi elettroniċi msemmija fl-Artikolu 24k: (c)  li taggrega l-informazzjoni fir-rigward tal-persuni li għalihom ikun inħareġ u nġabar numru ta’ identifikazzjoni tal-VAT skont l-Artikolu 213 tad-Direttiva 2006/112/KE u li tagħmel id-dettalji li ġejjin aċċessibbli għall-uffiċjali jew għas-sistemi elettroniċi msemmija fl-Artikolu 24k, f’sistema sigura li tiżgura l-kunfidenzjalità: Emenda 52 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24j – paragrafu 1 – punt e (e)  li tagħmel l-informazzjoni msemmija fl-Artikolu 24g(2) u fil-punti (b), (c) u (d) ta’ dan l-Artikolu aċċessibbli għall-uffiċjali jew għas-sistemi elettroniċi msemmija fl-Artikolu 24k. (e)  li tagħmel l-informazzjoni msemmija fl-Artikolu 24g(2) u fil-punti (b), (c) u (d) ta’ dan l-Artikolu aċċessibbli għall-uffiċjali jew għas-sistemi elettroniċi msemmija fl-Artikolu 24k, f’sistema sigura li tiżgura l-kunfidenzjalità. Emenda 53 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 1 – parti introduttorja 1.  Kull Stat Membru għandu jagħti aċċess awtomatizzat għall-VIES ċentrali lil: 1.  Kull Stat Membru għandu jagħti, permezz ta’ interfaċċa ċentrali sigura li tiżgura l-kunfidenzjalità, aċċess awtomatizzat għall-VIES ċentrali lil: Emenda 54 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 1 – punt ba (ġdid) (ba)   il-Prosekuturi Delegati Ewropej u l-persunal rilevanti tal-UPPE li jkollu identifikazzjoni ta’ utent personali għall-VIES ċentrali u meta dak l-aċċess ikun marbut ma’ investigazzjoni ta’ suspett ta’ frodi tal-VAT jew biex tiġi individwata frodi tal-VAT; Emenda 55 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 1 – punt bb (ġdid) (bb)   l-uffiċjali rilevanti tal-OLAF, meta dak l-aċċess ikun marbut ma’ investigazzjoni ta’ suspett ta’ frodi tal-VAT jew biex tiġi individwata frodi tal-VAT; Emenda 56 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 1 – punt bc (ġdid) (bc)  il-persunal tal-Europol li jikkoopera mal-UPPE fil-qafas tal-Arranġament ta’ Ħidma li jistabbilixxi relazzjonijiet ta’ kooperazzjoni bejn l-UPPE u l-Europol, li daħal fis-seħħ fid-19 ta’ Jannar 2021, meta l-investigazzjoni jkollha l-għan li tipprevjeni u tiġġieled kwalunkwe forma ta’ kriminalità u ċiberkriminalità organizzata u internazzjonali serja li taffettwa l-interessi finanzjarji tal-Unjoni; Emenda 57 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 2 – parti introduttorja 2.  Kull Stat Membru għandu jagħti aċċess awtomatizzat għall-VIES ċentrali lil: 2.  Kull Stat Membru għandu jagħti, permezz ta’ interfaċċa ċentrali sigura li tiżgura l-kunfidenzjalità, aċċess awtomatizzat għall-VIES ċentrali lil: Emenda 58 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 2 – punt d (d)  is-sistemi elettroniċi li jwettqu skambju, ipproċessar u analiżi rapidi ta’ informazzjoni mmirata dwar il-frodi transfruntiera mill-Eurofisc. (d)  is-sistemi elettroniċi li jwettqu skambju, ipproċessar u analiżi rapidi ta’ informazzjoni mmirata dwar il-frodi transfruntiera mill-Eurofis u mill-UPPE. Emenda 59 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24k – paragrafu 3 – subparagrafu 2 Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 58(2). L-abbozz ta’ dak l-att ta’ implimentazzjoni għandu jiġi ppreżentat lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. Emenda 60 Proposta għal regolament Artikolu 3 – paragrafu 1 – punt 3 Regolament (UE) Nru 904/2010 Artikolu 24m – paragrafu 2 Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2). Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2). L-abbozzi ta’ dawk l-atti ta’ implimentazzjoni għandhom jiġu ppreżentati lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. Emenda 61 Proposta għal regolament Artikolu 4 – paragrafu 1 – punt 3 – punt a Regolament (UE) Nru 904/2010 Artikolu 21 – paragrafu 3 3.  Il-Kummissjoni għandha tiddetermina permezz ta’ atti ta’ implimentazzjoni l-arranġamenti prattiċi fir-rigward tal-kundizzjonijiet previsti fil-paragrafu 2a, il-punt (d), ta’ dan l-Artikolu sabiex l-Istat Membru li jipprovdi l-informazzjoni jkun jista’ jidentifika l-uffiċjal ta’ kollegament tal-Eurofisc li jkun qed jaċċessa l-informazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2). 3.  Il-Kummissjoni għandha tiddetermina permezz ta’ atti ta’ implimentazzjoni l-arranġamenti prattiċi fir-rigward tal-kundizzjonijiet previsti fil-paragrafu 2a, il-punt (d), ta’ dan l-Artikolu sabiex l-Istat Membru li jipprovdi l-informazzjoni jkun jista’ jidentifika l-uffiċjal ta’ kollegament tal-Eurofisc li jkun qed jaċċessa l-informazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 58(2). L-abbozzi ta’ dawk l-atti ta’ implimentazzjoni għandhom jiġu ppreżentati lill-Parlament Ewropew għal skopijiet ta’ informazzjoni, sabiex ikun jista’ jeżerċita d-drittijiet tiegħu. Emenda 62 Proposta għal regolament Artikolu 5 – paragrafu 2 L-Artikolu 1 għandu japplika mill-1 ta’ Jannar 2025. L-Artikolu 1 għandu japplika mill-1 ta’ Jannar 2026. Emenda 63 Proposta għal regolament Artikolu 5 – paragrafu 3 L-Artikolu 2 għandu japplika mill-1 ta’ Jannar 2026. L-Artikolu 2 għandu japplika mill-1 ta’ Jannar 2027.

Riżoluzzjoni leġiżlattiva tal-Parlament Ewropew tat-22 ta’ Novembru 2023 dwar il-proposta għal direttiva tal-Kunsill li temenda d-Direttiva 2006/112/KE fir-rigward tar-regoli tal-VAT relatati ma’ persuni taxxabbli li jiffaċilitaw il-bejgħ mill-bogħod ta’ merkanzija importata u l-applikazzjoni tal-iskema speċjali għall-bejgħ mill-bogħod ta’ merkanzija importata minn territorji terzi jew minn pajjiżi terzi u arranġamenti speċjali għad-dikjarazzjoni u l-ħlas tal-VAT fuq l-importazzjoni (COM(2023)0262 – C9-0174/2023 – 2023/0158(CNS))

P9_TA(2023)0423 A9-0320/2023

(Proċedura leġiżlattiva speċjali – konsultazzjoni)

Il-Parlament Ewropew,

–  wara li kkunsidra l-proposta tal-Kummissjoni lill-Kunsill (COM(2023)0262),

–  wara li kkunsidra l-Artikolu 113 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C9‑0174/2023),

–  wara li kkunsidra l-Artikolu 82 tar-Regoli ta’ Proċedura tiegħu,

–  wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0320/2023),

1.  Japprova l-proposta tal-Kummissjoni;

2.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill biex jerġa’ jikkonsultah jekk ikollu l-ħsieb li jemenda t-test approvat mill-Parlament b’mod sustanzjali;

4.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Riżoluzzjoni leġiżlattiva tal-Parlament Ewropew tat-22 ta' Novembru 2023 dwar il-proposta għal regolament tal-Parlament Ewropew u tal-Kunsill dwar l-użu sostenibbli tal-prodotti għall-protezzjoni tal-pjanti u li jemenda r-Regolament (UE) 2021/2115 (COM(2022)0305 – C9-0207/2022 – 2022/0196(COD))

P9_TA(2023)0424 A9-0339/2023

(Proċedura leġiżlattiva ordinarja: l-ewwel qari)

Il-Parlament Ewropew,

–  wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2022)0305),

–  wara li kkunsidra l-Artikolu 294(2) u l-Artikolu 192(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C9‑0207/2022),

–  wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–  wara li kkunsidra l-opinjoni motivata ppreżentata mill-Parlament Żvediż, fil-qafas tal-Protokoll Nru 2 dwar l-applikazzjoni tal-prinċipji ta’ sussidjarjetà u proporzjonalità li tiddikjara li l-abbozz ta’ att leġiżlattiv ma jimxix mal-prinċipju ta’ sussidjarjetà,

–  wara li kkunsidra l-opinjoni tal-Kumitat Ekonomiku u Soċjali Ewropew tal-14 ta’ Diċembru 2022(1),

–  wara li kkunsidra l-opinjoni tal-Kumitat tar-Reġjuni tal-15 ta’ Marzu 2023(2),

–  wara li kkunsidra l-Artikolu 59 tar-Regoli ta’ Proċedura tiegħu,

–  wara li kkunsidra l-opinjonijiet tal-Kumitat għall-Agrikoltura u l-Iżvilupp Rurali, u l-Kumitat għall-Iżvilupp,

–  wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza tal-Ikel (A9-0339/2023),

1.  Jiċħad il-proposta tal-Kummissjoni;

2.  Jistieden lill-Kummissjoni tirtira l-proposta tagħha;

3.  Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

(1) ĠU C 100, 16.3.2023, p. 137. (2) ĠU C 188, 30.5.2023, p. 43.