Cinneadh ó Pharlaimint na hEorpa gan aon agóidí a dhéanamh i gcoinne rialachán tarmligthe ón gCoimisiún an 28 Feabhra 2024 lena leasaítear Rialachán (CE) Uimh. 273/2004 ó Pharlaimint na hEorpa agus ón gComhairle agus Rialachán (CE) Uimh. 111/2005 ón gComhairle a mhéid a bhaineann le réamhtheachtaí an druga Iseapróipilidín (2-(3,4-meitiléine-ocsafheinile)aicéitil)malónáit (IMDPAM) agus substaintí eile a áireamh ar an liosta substaintí sceidealaithe(C(2024)01219 - 2024/2606(DEA))

P9_TA(2024)0314 B9-0213/2024

Níl an téacs seo ar fáil as Gaeilge faoi láthair

Cinneadh ó Pharlaimint na hEorpa an 24 Aibreán 2024 ar leasuithe ar Rialacha Nós Imeachta Pharlaimint na hEorpa a bhaineann le hoiliúint faoi choinbhleacht agus ciapadh a chosc san ionad oibre agus faoi dhea-bhainistiú oifige (2024/2006(REG))

P9_TA(2024)0315 A9-0163/2024

Tá Parlaimint na hEorpa,

–  ag féachaint do Rialacha 236 agus 237 dá Rialacha Nós Imeachta,

–  ag féachaint don tuarascáil ón gCoiste um Ghnóthaí Bunreachtúla (A9-0163/2024),

1.  á chinneadh a cuid Rialacha Nós Imeachta a leasú de réir mar a léirítear anseo thíos;

2.  á chinneadh go dtiocfaidh na leasuithe seo i bhfeidhm an 16 Iúil 2024;

3.  á threorú dá hUachtarán an cinneadh seo a chur ar aghaidh, le haghaidh faisnéise, chuig an gComhairle agus chuig an gCoimisiún.

An téacs atá ann   Leasú Leasú 1 Rialacha Nós Imeachta Pharlaimint na hEorpa Riail 10 – mír 6 – fomhír 2 Ní fhéadfar Feisirí a thoghadh mar shealbhóirí oifige de chuid na Parlaiminte ná de cheann dá chomhlachtaí, ná ní fhéadfar iad a cheapadh mar rapóirtéir, ná a bheith rannpháirteach i dtoscaireacht oifigiúil nó i gcaibidlíocht idirinstitiúideach, más rud é nach mbeidh an dearbhú a bhaineann leis an gCód sin sínithe acu. Ní fhéadfar Feisirí a thoghadh mar shealbhóirí oifige na Parlaiminte ná ceann dá chomhlachtaí, ná ní fhéadfar iad a cheapadh mar Rapóirtéir, ná a bheith rannpháirteach i dtoscaireacht oifigiúil nó i gcaibidlíocht idirinstitiúideach: (a)  más rud é nach bhfuil an dearbhú sínithe acu lena ndeimhnítear go bhfuil siad tiomanta an Cód sin a chomhlíonadh, lena n-áirítear an oiliúint speisialaithe a d’eagraigh Parlaimint na hEorpa dóibh a chur i gcrích maidir le coinbhleacht agus ciapadh a chosc san ionad oibre agus maidir le dea-bhainistíocht oifige; nó (b)  más rud é nach bhfuil an oiliúint speisialaithe dá dtagraítear i bpointe (a) curtha i gcrích acu, de shárú ar an spriocdháta agus ar na coinníollacha a leagtar síos sa Chód sin. Leasuithe 4 agus 10 Rialacha Nós Imeachta Pharlaimint na hEorpa Riail 176 – mír 1 – fomhír 3 I ndáil le Riail 10 (6), ní fhéadfaidh an tUachtarán cinneadh réasúnaithe a ghlacadh faoin Riail seo ach amháin tar éis é a bheith suite gur tharla ciapadh i gcomhréir leis an nós imeachta riaracháin inmheánach maidir le ciapadh agus maidir lena chosc. I ndáil le Riail 10 (6), maidir leis an toirmeasc ar aon chineál ciaptha shíceolaíoch nó gnéis a leagtar síos sa chéad fhomhír den mhír sin, ní fhéadfaidh an tUachtarán cinneadh réasúnaithe a ghlacadh faoin Riail seo ach amháin tar éis a shuíomh gur tharla ciapadh i gcomhréir leis an nós imeachta riaracháin inmheánach is infheidhme maidir le ciapadh agus maidir lena chosc. Leasú 6 Rialacha Nós Imeachta Pharlaimint na hEorpa Iarscríbhinn II – pointe 5 5.   I gcás inar gá, comhoibreoidh Feisirí go pras agus go hiomlán leis na nósanna imeachta atá i bhfeidhm chun staideanna coimhlinte nó ciaptha (síceolaíoch nó gnéasach) a láimhseáil, lena n-áirítear freagairt go pras d'aon líomhaintí maidir le ciapadh. Ba cheart d’Fheisirí páirt a ghlacadh i gcúrsaí oiliúna speisialaithe a eagraítear dóibh a phléann le coimhlint agus ciapadh a chosc san áit oibre agus le dea-bhainistiú oifige. 5.   I gcás inar gá, comhoibreoidh na Feisirí i gcomhréir leis na nósanna imeachta a leagtar síos ag an mBiúró, atá i bhfeidhm d’fhonn staideanna coimhlinte nó ciaptha (síceolaíoch nó gnéasach) a láimhseáil, lena n-áirítear trí fhreagairt go pras d’aon líomhaintí maidir le ciapadh. Glacfaidh feisirí, nach bhfuil sin déanta acu cheana féin, páirt i gcúrsaí oiliúna speisialaithe arna heagrú dóibh ag Parlaimint na hEorpa maidir le coimhlint agus ciapadh a chosc san áit oibre agus maidir le dea-bhainistíocht oifige. Cuirfear an oiliúint sin i gcrích laistigh den chéad sé mhí de théarma oifige an Fheisire ach amháin i gcásanna eisceachtúla cuí-réasúnaithe. Foilseofar teastais na bhFeisirí maidir le críochnú na hoiliúna sin ar shuíomh gréasáin na Parlaiminte.

Rún ó Pharlaimint na hEorpa an 24 Aibreán 2024 maidir le rialachán tarmligthe ón gCoimisiún an 14 Márta 2024 lena leasaítear Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha a mhéid a bhaineann leis an sainmhíniú ar ‘nana-ábhair a bhfuil innealtóireacht déanta orthu’ (C(2024)01612 – 2024/2691(DEA))

P9_TA(2024)0316 B9-0225/2024

Níl an téacs seo ar fáil as Gaeilge faoi láthair

Rún reachtach ó Pharlaimint na hEorpa an 24 Aibreán 2024 maidir leis an togra le haghaidh rialachán ó Pharlaimint na hEorpa agus ón gComhairle maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialachán (AE) 2021/1153 agus Rialachán (AE) Uimh. 913/2010 agus lena n-aisghairtear Rialachán (AE) 1315/2013 (COM(2021)0812 – C9-0472/2021 – 2021/0420(COD))	P9_TA(2024)0317 A9-0147/2023
CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2021)0812) agus an togra leasaithe (COM(2022)0384),

–  ag féachaint d’Airteagal 294(2) agus d’Airteagal 172 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0472/2021),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint don tuairim réasúnaithe a thíolaic Seanad na Fraince, faoi chuimsiú Phrótacal Uimh. 2 maidir le prionsabail na coimhdeachta agus na comhréireachta a chur i bhfeidhm, á mhaíomh nach gcomhlíonann an dréachtghníomh reachtach prionsabal na coimhdeachta,

–  ag féachaint do thuairim ó Choiste Eacnamaíoch agus Sóisialta na hEorpa an 25 Deireadh Fómhair 2021 (1),

–  ag féachaint do thuairim ó Choiste na Réigiún an 11 Deireadh Fómhair 2022(2),

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 9 Feabhra 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Iompar agus um Thurasóireacht (A9-0147/2023),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle maidir le treoirlínte an Aontais chun an gréasán tras-Eorpach iompair a fhorbairt, lena leasaítear Rialacháin (AE) 2021/1153 agus (AE) Uimh. 913/2010 agus lena n-aisghairtear Rialachán (AE) Uimh. 1315/2013

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2024/1679.)

(1) IO C 290, 29.7.2022, lch. 120. (2) IO C 498, 30.12.2022, lch. 68.

Rún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle maidir le pacáistíocht agus dramhaíl ó phacáistíocht, lena leasaítear Rialachán (AE) 2019/1020 agus Treoir (AE) 2019/904, agus lena n-aisghairtear Treoir 94/62/CE (COM(2022)0677 – C9-0400/2022 – 2022/0396(COD))	P9_TA(2024)0318 A9-0319/2023
CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2022)0677),

–  ag féachaint d’Airteagal 294(2) agus d’Airteagal 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0400/2022),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 27 Aibreán 2023(1),

–  ag féachaint do na tuairimí réasúnaithe a thíolaic Seanad na Fraince, Teach Teachtaí na hIodáile agus Seanad na hIodáile, faoi chuimsiú Phrótacal Uimh. 2 maidir le prionsabail na coimhdeachta agus na comhréireachta a chur i bhfeidhm, á mhaíomh nach gcomhlíonann an dréachtghníomh reachtach prionsabal na coimhdeachta,

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 15 Márta 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint do na tuairimí ón gCoiste um Thionsclaíocht, um Thaighde agus um Fhuinneamh, ón gCoiste um an Margadh Inmheánach agus um Chosaint an Tomhaltóra agus ón gCoiste um Thalmhaíocht,

–  ag féachaint don tuarascáil ón gCoiste um an gComhshaol, um Shláinte Phoiblí agus um Shábháilteacht Bia (A9-0319/2023),

1.  ag glacadh a seasaimh ar an gcéad léamh mar a leagtar amach ina dhiaidh seo é(2);

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2025/... ó Pharlaimint na hEorpa agus ón gComhairle maidir le pacáistíocht agus dramhaíl ó phacáistíocht, lena leasaítear Rialachán (AE) 2019/1020 agus Treoir (AE) 2019/904, agus lena n-aisghairtear Treoir 94/62/CE

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2025/40.)

(1) IO C 228, 29.6.2023, lch. 114. (2) Tá an seasamh seo ag gabháil in ionad na leasuithe a glacadh an 22 Samhain 2023 (Téacsanna arna nglacadh, P9_TA(2023)0425).

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle maidir le cáilíocht an aeir chomhthimpeallaigh agus aer níos glaine don Eoraip (athmhúnlú) (COM(2022)0542 – C9-0364/2022 – 2022/0347(COD))	P9_TA(2024)0319 A9-0233/2023
CEARTÚCHÁIN COR01

(An gnáthnós imeachta reachtach - athmhúnlú)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2022)0542),

–  ag féachaint d’Airteagal 294(2) agus d’Airteagal 192 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0364/2022),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 22 Feabhra 2023(1),

–  ag féachaint do thuairim ó Choiste na Réigiún an 5 Iúil 2023(2),

–  ag féachaint do Chomhaontú Idirinstitiúideach an 28 Samhain 2001 maidir le húsáid níos struchtúrtha den teicníc um athmhúnlú maidir le ghníomhartha dlí(3),

–  ag féachaint don litir dar dáta an 27 Meitheamh 2023 a sheol an Coiste um Ghnóthaí Dlíthiúla chuig an gCoiste um an gComhshaol, um Shláinte Phoiblí agus um Shábháilteacht Bia i gcomhréir le Riail 110(3) dá Rialacha Nós Imeachta,

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 8 Márta 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Rialacha 110 agus 59 dá Rialacha Nós Imeachta,

–  ag féachaint don tuairim ón gCoiste um Iompar agus um Thurasóireacht,

–  ag féachaint don tuarascáil ón gCoiste um an gComhshaol, um Shláinte Phoiblí agus um Shábháilteacht Bia (A9-0233/2023),

A.  de bhrí, de réir Mheitheal Chomhairleach sheirbhísí dlí Pharlaimint na hEorpa, na Comhairle agus an Choimisiúin, nach bhfuil aon leasuithe substainteacha i gceist leis an togra ón gCoimisiún, seachas na leasuithe sin a shainaithnítear sa togra mar leasuithe den sórt sin, agus de bhrí, a mhéid a bhaineann le códú na bhforálacha neamhathraithe ó na gníomhartha roimhe sin in éineacht leis na leasuithe sin, gurb é atá sa togra ná códú díreach ar na téacsanna atá cheana ann, gan aon athrú ina substaint;

1.  ag glacadh a seasaimh ar an gcéad léamh mar a leagtar amach ina dhiaidh seo é(4), agus aird á tabhairt ar na moltaí ó Mheitheal Chomhairleach sheirbhísí dlí Pharlaimint na hEorpa, na Comhairle agus an Choimisiúin;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Treoir (AE) 2024/... ó Pharlaimint na hEorpa agus ón gComhairle maidir le cáilíocht an aeir chomhthimpeallaigh agus aer níos glaine don Eoraip (athmhúnlú)

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Treoir (AE) 2024/2881.)

(1) IO C 146, 27.4.2023, lch. 46. (2) IO C, C/2023/251, 26.10.2023, ELI: http://data.europa.eu/eli/C/2023/251/oj. (3) IO C 77, 28.3.2002, lch. 1. (4) Tá an seasamh seo ag gabháil in ionad na leasuithe a glacadh an 13 Meán Fómhair 2023 (Téacsanna arna nglacadh, P9_TA(2023)0318).

Rún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle lena mbunaítear ionstraim éigeandála le haghaidh an Mhargaidh Aonair agus lena n-aisghairtear Rialachán (CE) Uimh. 2679/98 ón gComhairle (COM(2022)0459 – C9-0315/2022 – 2022/0278(COD))	P9_TA(2024)0320 A9-0246/2023
CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2022)0459),

–  ag féachaint d’Airteagal 294(2) agus d’Airteagail 114, 21 agus 46 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0315/2022),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint don tuairim réasúnaithe a thíolaic Parlaimint na Sualainne, faoi chuimsiú Phrótacal Uimh. 2 maidir le prionsabail na coimhdeachta agus na comhréireachta a chur i bhfeidhm, á mhaíomh nach gcomhlíonann an dréachtghníomh reachtach prionsabal na coimhdeachta,

–  ag féachaint do thuairim ó Choiste Eacnamaíoch agus Sóisialta na hEorpa an 14 Nollaig 2022(1),

–  ag féachaint do thuairim ó Choiste na Réigiún an 8 Feabhra 2023(2),

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 16 Feabhra 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint do na litreacha ón gCoiste um Buiséid,

–  ag féachaint do na tuairimí ón gCoiste um Fhostaíocht agus um Ghnóthaí Sóisialta agus ón gCoiste um Thionsclaíocht, um Thaighde agus um Fhuinneamh,

–  ag féachaint don tuarascáil ón gCoiste um an Margadh Inmheánach agus um Chosaint an Tomhaltóra (A9-0246/2023),

1.  ag glacadh a seasaimh ar an gcéad léamh mar a leagtar amach ina dhiaidh seo é(3);

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh)

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2024/ 2747.)

(1) IO C 100, 16.3.2023, lch. 95. (2) IO C 157, 3.5.2023, lch. 82. (3) Tá an seasamh seo ag gabháil in ionad na leasuithe a glacadh an 13 Meán Fómhair 2023 (Téacsanna arna nglacadh, P9_TA(2023)0317).

Rún reachtach ó Pharlaimint na hEorpa an 24 Aibreán 2024 ar an togra le haghaidh Rialachán ó Pharlaimint na hEorpa agus ón gComhairle lena leasaítear Rialacháin (AE) 2016/424, (AE) 2016/425, (AE) 2016/426, (AE) 2019/1009 agus (AE) Uimh. 305/2011 a mhéid a bhaineann le nósanna imeachta éigeandála le haghaidh an mheasúnaithe comhréireachta, glacadh sonraíochtaí coiteanna agus faireachas margaidh i ngeall ar éigeandáil sa Mhargaidh Aonair (COM(2022)0461 – C9-0314/2022 – 2022/0279(COD))

P9_TA(2024)0321 A9-0244/2023

CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2022)0461),

–  ag féachaint d’Airteagal 294(2) agus d’Airteagal 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0314/2022),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 14 Nollaig 2022(1),

–  ag féachaint do thuairim ó Choiste na Réigiún an 8 Feabhra 2023(2),

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 16 Feabhra 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um an Margadh Inmheánach agus um Chosaint an Tomhaltóra (A9-0244/2023),

1.  ag glacadh a seasaimh ar an gcéad léamh mar a leagtar amach anseo ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 d’fhonn go nglacfaí Rialachán (AE) 2024/... ó Pharlaimint na hEorpa agus ón gComhairle lena leasaítear Rialacháin (AE) Uimh. 305/2011, (AE) 2016/424, (AE) 2016/425, (AE) 2016/426, (AE) 2023/988 agus (AE) 2023/1230 a mhéid a bhaineann le nósanna imeachta éigeandála le haghaidh an mheasúnaithe comhréireachta, toimhde chomhréireachta, glacadh sonraíochtaí coiteanna agus faireachas margaidh i ngeall ar éigeandáil sa mhargadh inmheánach

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2024/2748.)

(1) IO C 100, 16.3.2023, lch. 95. (2) IO C 157, 3.5.2023, lch. 82.

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle lena leasaítear Treoracha 2000/14/CE, 2006/42/CE, 2010/35/AE, 2013/29/AE, 2014/28/AE, 2014/29/AE, 2014/30/AE, 2014/31/AE, 2014/32/AE, 2014/33/AE, 2014/34/AE, 2014/35/AE, 2014/53/AE agus 2014/68/AE a mhéid a bhaineann le nósanna imeachta éigeandála le haghaidh measúnú comhréireachta, glacadh sonraíochtaí coiteanna agus faireachas margaidh i ngeall ar éigeandáil sa Mhargadh Aonair (COM(2022)0462 – C9-0313/2022 – 2022/0280(COD))

P9_TA(2024)0322 A9-0245/2023

CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2022)0462),

–  ag féachaint d’Airteagal 294(2) agus d’Airteagail 91 agus 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0313/2022),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 14 Nollaig 2022(1),

–  ag féachaint do thuairim ó Choiste na Réigiún an 8 Feabhra 2023(2),

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 16 Feabhra 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um an Margadh Inmheánach agus um Chosaint an Tomhaltóra (A9-0245/2023),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Treoir (AE) 2024/... ó Pharlaimint na hEorpa agus ón gComhairle lena leasaítear Treoracha 2000/14/CE, 2006/42/CE, 2010/35/AE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE a mhéid a bhaineann le nósanna imeachta éigeandála le haghaidh measúnú comhréireachta, toimhde chomhréireachta, glacadh sonraíochtaí coiteanna agus faireachas margaidh i ngeall ar éigeandáil sa mhargadh inmheánach

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Treoir (AE) 2024/2749.)

(1) IO C 100, 16.3.2023, lch. 95. (2) IO C 157, 3.5.2023, lch. 82.

Rún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle lena leasaítear Rialachán (AE) 2016/399 maidir le Cód an Aontais i dtaca leis na rialacha lena rialaítear gluaiseacht daoine thar theorainneacha (COM(2021)0891 – C9-0473/2021 – 2021/0428(COD))

P9_TA(2024)0323 A9-0280/2023

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2021)0891),

–  ag féachaint d’Airteagal 294(2) agus d’Airteagal 77(2), pointí (b) agus (e), agus d’Airteagal 79(2), pointe (c), den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0473/2021),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 18 Bealtaine 2022(1),

–  ag féachaint do thuairim ó Choiste na Réigiún an 12 Deireadh Fómhair 2022(2),

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 14 Feabhra 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Shaoirsí Sibhialta, um Cheartas agus um Ghnóthaí Baile (A9-0280/2023),

1.  ag glacadh a seasaimh ar an gcéad léamh mar a leagtar amach anseo ina dhiaidh seo;

2.  ag iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle lena leasaítear Rialachán (AE) 2016/399 maidir le Cód an Aontais maidir leis na rialacha lena rialaítear gluaiseacht daoine thar theorainneacha

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Rialachán (AE) 2024/1717.)

(1) IO C 323, 26.8.2022, lch. 69. (2) IO C 498, 30.12.2022, lch. 114.

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle lena leasaítear Treoir (AE) 2015/413 lena n-éascaítear malartú trasteorann faisnéise faoi chionta tráchta a bhaineann le sábháilteacht ar bhóithre (COM(2023)0126 – C9-0034/2023 – 2023/0052(COD))	P9_TA(2024)0324 A9-0396/2023
CEARTÚCHÁIN COR01

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0126),

–  ag féachaint d’Airteagal 294(2) agus d’Airteagal 91(1) den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0034/2023),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ó Choiste Eacnamaíoch agus Sóisialta na hEorpa an 27 Aibreán 2023(1),

–  tar éis dul i gcomhairle le Coiste na Réigiún,

–  ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta agus don gheallúint a thug ionadaí na Comhairle i litir dar dáta an 20 Márta 2024 go ndéanfadh sí seasamh Pharlaimint na hEorpa a fhormheas, i gcomhréir le hAirteagal 294(4) den Chonradh ar Fheidhmiú an Aontais Eorpaigh,

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Iompar agus um Thurasóireacht (A9-0396/2023),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Treoir (AE) 2024/... ó Pharlaimint na hEorpa agus ón gComhairle lena leasaítear Treoir (AE) 2015/413 lena n-éascaítear malartú trasteorann faisnéise faoi chionta tráchta a bhaineann le sábháilteacht ar bhóithre

(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Treoir (AE) 2024/3237.)

(1) IO C 228, 29.6.2023, lch. 154.

Rún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle maidir le plandaí a fhaightear trí theicnící géanómaíocha nua áirithe agus a mbia agus a mbeatha, agus lena leasaítear Rialachán (AE) 2017/625 (COM(2023)0411 – C9-0238/2023 – 2023/0226(COD))

P9_TA(2024)0325 A9-0014/2024

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0411),

–  ag féachaint d’Airteagal 294(2), d’Airteagal 43(2), d’Airteagal 114 agus d’Airteagal 168(4)(b) den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0238/2023),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do na tuairimí réasúnaithe a thíolaic Parlaimint na Cipire agus Parlaimint na hUngáire, faoi chuimsiú Phrótacal Uimh. 2 maidir le prionsabail na coimhdeachta agus na comhréireachta a chur i bhfeidhm, á mhaíomh nach gcomhlíonann an dréachtghníomh reachtach prionsabal na coimhdeachta,

–  ag féachaint do thuairim ó Choiste Eacnamaíoch agus Sóisialta na hEorpa an 26 Deireadh Fómhair 2023(1),

–  ag féachaint do thuairim ó Choiste na Réigiún an 17 Aibreán 2024(2),

–  ag féachaint do Riail 59 dá Rialacha Nós Imeachta,

–  ag féachaint don tuairim ón gCoiste um Thalmhaíocht agus um Fhorbairt Tuaithe,

–  ag féachaint don tuarascáil ón gCoiste um an gComhshaol, um Shláinte Phoiblí agus um Shábháilteacht Bia (A9-0014/2024),

1.  ag glacadh a seasaimh ar an gcéad léamh mar a leagtar amach ina dhiaidh seo é(3);

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle maidir le plandaí a fhaightear trí theicnící géanómaíocha nua áirithe agus a mbia agus a mbeatha agus lena leasaítear Rialachán (AE) 2017/625 agus Treoir 98/44/CE [Leasú 292]

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagail 43, 114 agus 168(4)(b) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa,

Ag féachaint don tuairim ó Choiste na Réigiún,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)  Ó 2001, nuair a glacadh Treoir 2001/18/CE ó Pharlaimint na hEorpa agus ón gComhairle ((4)), maidir le scaoileadh réamhbheartaithe orgánach géinmhodhnaithe (OGManna) isteach sa chomhshaol sa chomhshaol, d’fhág dul chun cinn suntasach sa bhith‑theicneolaíocht gur forbraíodh teicnící géanómaíocha nua (TGNanna), go nótáilte teicnící modhnaithe géanóim lena gcumasaítear athruithe a dhéanamh ar an ngéanóm ag suíomhanna beachta. Chuir an dul chun cinn mór san innealtóireacht ghéiniteach cheana féin leis an úsáid fhorleathan a bhaintear as roghnú marcóirchuidithe, rud a fhágann gur féidir géinte suimiúla atá i láthair sa bhithéagsúlacht a shainaithint agus a shlógadh. [Leasú 1]

(1a)   D’fhéadfadh an fhéidearthacht teicnící géanómaíocha nua a phaitinniú agus torthaí a n-úsáide cur le ceannas na gcuideachtaí ilnáisiúnta síl i gcomparáid le rochtain feirmeoirí ar shíolta. I gcomhthéacs ina bhfuil monaplacht ag cuideachtaí móra cheana féin ar shíolta agus ina bhfuil méadú ag teacht ar an rialú a dhéanann siad ar acmhainní nádúrtha, bhainfeadh cás den sórt sin an tsaoirse gníomhaíochta ar fad d’fheirmeoirí trí iad a dhéanamh spleách ar chuideachtaí príobháideacha. Ar an gcúis sin, tá sé ríthábhachtach cosc a chur ar phaitinní ar na táirgí sin. [Leasú 167]

(2)  Is éard is TGNanna ann grúpa éagsúil de theicnící géanómaíocha, agus is féidir gach ceann díobh a úsáid ar bhealaí éagsúla chun torthaí agus táirgí difriúla a bhaint amach. D’fhéadfadh orgánaigh eascairt astu ina bhfuil modhnuithe atá coibhéiseach leis an méid is féidir a fháil trí ghnáthmhodhanna pórúcháin nó in orgánaigh ina bhfuil modhnuithe níos casta. I measc TGNanna, tugann an só‑ghineas spriocdhírithe agus an cisgineas (lena n‑áirítear an t‑inghineas) géinmhodhnuithe gan ábhar géiniteach ó speicis neamh‑intrasnaitheneamh-intrasnaithe a ionsá (trasghineas). Is ar linn géinte na bpóraitheoirí a bhraitheann na teicnící sin, agus uirthi sin amháin, i.e. an fhaisnéis ghéiniteach iomlán atá ar fáil le haghaidh an ghnáthphórúcháin lena n‑áirítear faisnéis ghéiniteach ó speicis plandaí a bhfuil gaol i bhfad amach eatarthu agus ar féidir iad a chrosphórú le teicnící pórúcháin ardfhorbartha. Tarlaíonn modhnú/modhnuithe ar an seicheamh DNA ag suíomhanna beachtaspriocdhírithe i ngéanóm orgánaigh de thoradh teicnící só‑ghinis spriocdhírithe. De thoradh teicnící cisginis, ionsáitear, i ngéanóm orgánaigh, ábhar géiniteach atá i linn géinte na bpóraitheoirí cheana féin. Is éard is inghineas ann fothacar den chisgineas a fhágann go n‑ionsáitear sa ghéanóm cóip atheagraithe d’ábhar géiniteach atá comhdhéanta de dhá sheicheamh DNA nó níos mó atá i linn géinte na bpóraitheoirí cheana féin. [Leasú 2]

(3)  Tá taighde poiblí agus príobháideach ar siúl go leanúnach ar TGNanna a úsáid a raon níos leithne de bharra agus de thréithe i gcomparáid leis na barra agus leis na tréithe sin a fhaightear trí theicnící trasghéineacha a údaraítear san Aontas nó ar bhonn domhanda ((5)). Áirítear leis sin plandaí ag a bhfuil lamháltas nó frithsheasmhacht fheabhsaithe in aghaidh galair phlandaíplandaí agus lotnaidí, plandaí ag a bhfuil lamháltas in aghaidh luibhicídí, plandaí ag a bhfuil lamháltas nó frithsheasmhacht fheabhsaithe in aghaidh éifeachtaí an athraithe aeráide agus struis chomhshaoil, éifeachtúlacht fheabhsaithe ó thaobh na gcothaitheach agus na húsáide uisce, plandaí ag a bhfuil táirgeachtaí agus frithsheasmhacht níos airde agus saintréithe cáilíochta feabhsaithe. Leis na cineálacha plandaí nua sin, in éineacht le hinfheidhmeacht measartha éasca agus tapa na dteicnící nua sin, d’fhéadfaí tairbhí a sholáthar d’fheirmeoirí, do thomhaltóirí agus don chomhshaol.Dá réir sin, tá an acmhainneacht ag TGNanna rannchuidiú le spriocanna nuálaíochta agus inbhuanaitheachta an Chomhaontaithe Ghlais don Eoraip ((6)) agus na Straitéisí ‘Ón bhFeirm go dtí an Forc’ ((7)), na Bithéagsúlachta ((8)) agus um an Oiriúnú don Athrú Aeráide ((9)), leis an tslándáil bia dhomhanda ((10)), leis an Straitéis Bhithgheilleagair ((11)) agus le huathriail straitéiseach an Aontais ((12)). [Leasú 3]

(4)  Scaoileadh réamhbheartaithe na n‑orgánach sa chomhshaol, ar orgánaigh iad a fhaightear trí TGNanna, lena n‑áirítear táirgí ina bhfuil n atá comhdhéanta de na horgánaigh sin, mar aon le bia agus beatha a tháirgtear as na horgánaigh sin a chur ar an margadh, tá sé faoi réir Threoir 2001/18/CE agus, Rialachán (CE) Uimh. 1830/2003((13)) ó Pharlaimint na hEorpa agus ón gComhairle agus, i gcás an bhia agus na beatha, faoi réir Rialachán (CE) Uimh. 1829/2003 freisin ((14)), agus tá úsáid shrianta cealla plandaí faoi réir Threoir 2009/1/CE, agus gluaiseachtaí trasteorann de phlandaí TGN faoi réir Rialachán (CE) Uimh. 1946/2003 (‘Reachtaíocht OGM an Aontais’).

(5)  Ina breithiúnas i gcás C-528/16 Confédération paysanne agus Eile(15) chinn Cúirt Bhreithiúnais an Aontais Eorpaigh gurbh amhlaidh maidir le OGManna a fhaightear trí bhíthin teicnící/modhanna nua só‑ghinis a tháinig chun cinn nó ar forbraíodh a bhformhór ó glacadh an Treoir 2001/18/CE, nárbh fhéidir a mheas go raibh siad eisiata ó raon feidhme na Treorach sin.

(6)  D’iarr an Chomhairle, i gCinneadh (AE) 2019/1904(16) ar an gCoimisiún staidéar a chur isteach, faoin 30 Aibreán 2021, i bhfianaise an bhreithiúnais sin maidir le stádas na dteicnící núíosacha géanómaíocha faoi dhlí an Aontais, mar aon le togra (a mbeidh measúnú tionchair ag gabháil leis), más iomchuí, ag brath ar chonclúidí an staidéir.

(7)  Leis an staidéar de chuid an Choimisiúin maidir le teicnící géanómaíocha nua ((17)), thángthas ar an gconclúid nach bhfuil reachtaíocht OGM an Aontais oiriúnach chun scaoileadh réamhbheartaithe na bplandaí a fhaightear le TGNanna áirithe a rialáil, ná rialáil a dhéanamh ar tháirgí gaolmhara lena n‑áirítear bia agus beatha a chuirtear ar an margadh. Go háirithe, ba é an chonclúid ar ar thángthas sa staidéar nach bhfuil an nós imeachta um údarú ná na ceanglais maidir le measúnú riosca le haghaidh OGManna faoi reachtaíocht an Aontais maidir le OGM oiriúnaithe d’éagsúlacht na n‑orgánach agus na dtáirgí féideartha is féidir a fháil trí TGNanna áirithe, mar atá, an só‑ghineas spriocdhírithe agus an cisgineas (lena n‑áirítear an t‑inghineas), agus gur féidir leis na ceanglais sin a bheith díréireach nó neamhdhóthanach. Léirigh an staidéar gurb amhlaidh é sin go háirithe i gcás plandaí a fhaightear trí na teicnící sin, i bhfianaise an mhéid fianaise eolaíche atá ar fáil cheana féin, go háirithe maidir le sábháilteacht na bplandaí sin. Thairis sin is deacair reachtaíocht an Aontais maidir le OGM a chur chun feidhme agus a fhorfheidhmiú le haghaidh plandaí a fhaightear trí shó‑ghineas spriocdhírithe agus trí chisgineas agus le haghaidh táirgí gaolmhara. I gcásanna áirithe, ní féidir géinmhodhnuithe a thugtar isteach leis na teicnící sin a idirdhealú le modhanna anailíse ó mhodhnuithe nádúrtha nó ó ghéinmhodhnuithe a thugtar isteach le gnáth‑theicnící pórúcháin, ach is indéanta an t‑idirdhealú i gcoitinne le haghaidh géinmhodhnuithe a thugtar isteach leis an trasghineas. Ní fabhrach í reachtaíocht an Aontais maidir le OGM d’fhorbairt táirgí tairbhiúla agus nuálacha ach oiread, ar táirgí iad a d’fhéadfadh rannchuidiú leis an inbhuanaitheacht, leis an tslándáil bia agus le hathléimneacht an tslabhra agraibhia.

(8)  Dá bhrí sin, is gá creat dlíthiúil sonrach a ghlacadh le haghaidh OGManna a fhaightear trí shó‑ghineas spriocdhírithe agus cisgineas agus le haghaidh táirgí gaolmhara i gcás ina scaoiltear iad sa chomhshaol ar bhonn réamhbheartaithe nó i gcás ina gcuirtear ar an margadh iad.

(9)  De réir an eolais theicniúil agus eolaíoch atá ann faoi láthair, go háirithe maidir le gnéithe sábháilteachta, níor cheart feidhm a bheith ag an Rialachán seo ach amháin maidir le OGManna ar plandaí iad, i.e. orgánaigh sna grúpaí tacsanomaíocha Archaeplastida nó Phaeophyceae. Ba cheart go ndéanfaí athbhreithniú ar an eolas atá ar fáil faoi orgánaigh eile, amhail, seachas miocrorgánaigh, fungais náagus ainmhithe dá bhfuil an t‑eolas atá ar fáil níos teoranta., d’fhonn tionscnaimh reachtacha ina leith amach anseo Ar an gcúis chéanna, níor cheart a chumhdach leis an Rialachán seo ach plandaí a fhaightear le TGNanna áirithe: an só‑ghineas spriocdhírithe agus an cisgineas (lena n‑áirítear an t‑inghineas) (dá ngairtear ‘plandaí TGN’ anseo feasta), ach gan plandaí a fhaightear le teicnící géanómaíocha nua eile a chumhdach. Níl ábhar géiniteach ó speicis neamh‑intrasnaithe sna plandaí TGN sin. OGManna a tháirgtear trí theicnící géanómaíocha nua eile lena dtugtar ábhar géiniteach ó speiceas neamh‑intrasnaithe isteach in ábhar géiniteach orgánaigh ó (trasghineas), ba cheart gan iad a bheith faoi réir ach reachtaíocht an Aontais maidir le OGM agus faoina réir sin amháin, i bhfianaise go bhféadfadh rioscaí sonracha a bhaineann leis an trasghineas a bheith sna plandaí a bheadh ann de thoradh na dteicnící sin. Thairis sin, níl aon léiriú ann gur gá na ceanglais, atá i bhfeidhm faoi láthair i reachtaíocht an Aontais maidir le OGM le haghaidh OGManna a fhaightear trí thrasghineas, a oiriúnú faoi láthair.[Leasú 5]

(10)  Agus lánaird á tabhairt ar phrionsabal an réamhchúraim, ba cheart cuspóirí reachtaíocht an Aontais maidir le OGM a bheith sa chreat dlíthiúil le haghaidh plandaí TGN freisin, chun ardleibhéal cosanta a áirithiú do shláinte an duine agus ainmhithe agus don chomhshaol agus chun dea‑fheidhmiú an mhargaidh inmheánaigh a áirithiú le haghaidh na bplandaí agus na dtáirgí lena mbaineann, agus aghaidh á tabhairt ar shainiúlacht phlandaíplandaí TGN an tráth céanna. Leis an gcreat dlíthiúil seo, plandaí, bia agus beatha, arb iad plandaí, bia agus beatha ina bhfuil, atá comhdhéanta de nó a tháirgtear as plandaí TGN agus as táirgí eile ina bhfuil nó atá comhdhéanta de phlandaí TGN (‘táirgí TGN’), ba cheart forbairt agus cur na bplandaí, an bhia agus na beatha sin ar an margadh a chumasú chun rannchuidiú le cuspóirí nuálaíochta agus inbhuanaitheachta an Chomhaontaithe Ghlais don Eoraip agus na straitéisí ‘Ón bhFeirm go dtí an Forc’, na Bithéagsúlachta agus um an Oiriúnú don Athrú Aeráide agus chun feabhas a chur ar iomaíochas earnáil agraibhia an Aontais ar leibhéal an Aontais agus ar an leibhéal domhanda. [Leasú 6]

(11)  Tá an Rialachán seo ina lex specialis maidir le reachtaíocht an Aontais maidir le OGM. Tugtar forálacha sonracha isteach leis le haghaidh plandaí TGN agus táirgí TGN. Mar sin féin, i gcás nach bhfuil aon riail shonrach sa Rialachán seo, ba cheart plandaí agus táirgí TGN (lena n‑áirítear bia agus beatha) a fhaightear díobh a bheith fós faoi réir cheanglais reachtaíocht an Aontais maidir le OGM agus na rialacha maidir le OGManna i reachtaíocht earnálach, amhail Rialachán (AE) 2017/625 maidir le rialuithe oifigiúla nó na reachtaíochta maidir le táirgí áirithe amhail ábhar atáirgthe plandaí agus foraoise. [Leasú 7]

(12)  Bíonn rioscaí féideartha éagsúla i gceist le plandaí TGN, idir phróifílí riosca atá cosúil le plandaí a ndéantar iad a phórú mar is gnách agus chineálacha agus mhéideanna guaiseacha agus rioscaí a d’fhéadfadh a bheith cosúil leis na guaiseacha agus leis na rioscaí sin a bhaineann leis na plandaí a fhaightear trí thrasghineas. Dá bhrí sin, ba cheart rialacha speisialta a leagan síos leis an Rialachán seo chun an measúnú riosca agus na ceanglais maidir le bainistíocht riosca a choigeartú de réir na rioscaí féideartha, nó easpa na rioscaí sin, a bhaineann le plandaí TGN agus le táirgí TGN.

(13)  Ba cheart idirdhealú a dhéanamh leis an Rialachán seo idir dhá chatagóir de phlandaí TGN.

(13a)   Ba cheart meastóireacht a dhéanamh ar phlandaí TGN a bhfuil an acmhainneacht acu leanúint ar marthain, atáirgeadh nó leathadh sa chomhshaol, laistigh nó lasmuigh de ghoirt, leis an leibhéal grinnscrúdaithe is airde i ndáil leis an tionchar atá ag na plandaí sin ar an dúlra agus ar an gcomhshaol. [Leasú 8]

(14)  Plandaí TGN a d’fhéadfaí a fháil go nádúrtha nó a tháirgeadh trí ghnáth‑theicnící pórúcháin agus a sliocht a fhaightear trí ghnáth‑theicnící pórúcháinsíolrach (‘Plandaí TGN de chatagóir 1’), ba cheart iad a láimhseáil mar phlandaí a fuarthas go nádúrtha nó a táirgeadh trí ghnáth‑theicnící pórúcháin, i bhfianaise go mbíonn siad coibhéiseach agus go mbíonn a rioscaí inchomparáide, rud a bheidh ina mhaolú iomlán ar reachtaíocht an Aontais maidir le OGM agus óar cheanglais ghaolmhara maidir le OGM i reachtaíocht earnálach. Chun an deimhneacht dhlíthiúil a áirithiú, ba cheart na critéir a leagan amach leis an Rialachán seo chun fionnadh má tá planda TGN coibhéiseach le plandaí a fhaightear go nádúrtha nó a phóraítear mar is gnáth agus nós imeachta a leagan síos le haghaidh údaráis inniúla chun comhlíonadh na gcritéar sin a fhíorú agus cinneadh a dhéanamh ina leith, sular scaoilfear nó sula gcuirfear plandaí TGN nó táirgí TGN ar an margadh. Ba cheart na critéir sin a bheith oibiachtúil agus bunaithe ar an eolaíocht. Ba cheart cineál agus fairsinge na ngéinmhodhnuithe, is féidir a fheiceáil sa dúlra nó in orgánaigh a fhaightear le gnáth‑theicnící pórúcháin, a chumhdach leis na critéir sin agus ba cheart tairseacha a áireamh leo le haghaidh idir mhéid agus líon na ngéinmhodhnuithe ar ghéanóim phlandaíplandaí TGN. Ós rud é go dtagann forbairt mhear ar an eolas teicniúil agus eolaíoch sa réimse sin, ba cheart an Coimisiún a chumhachtú i gcomhréir le hAirteagal 290 den Chonradh ar Fheidhmiú an Aontais Eorpaigh chun na critéir sin a thabhairt cothrom le dáta i bhfianaise an dul chun cinn teicniúil agus eolaíoch a mhéid a bhaineann le cineál agus le fairsinge na ngéinmhodhnuithe is féidir a fháil sa dúlra nó tríd an ngnáthphórú. [Leasú 9]

(14a)   Agus an chastacht mhór a bhaineann le géanóim plandaí á cur san áireamh, ba cheart éagsúlacht mhéid géanómaíoch na bplandaí agus a saintréithe a léiriú sna critéir chun a mheas go bhfuil planda TGN coibhéiseach le plandaí a fhaightear go nádúrtha nó a phóraítear mar is gnáth. Tá níos mó ná dhá chrómasóim homalógacha i bplandaí polaplóideacha. Laistigh den chatagóir sin de phlandaí polaplóideacha, tá 4, 6 agus 8 dtacar crómasóm ag teitreaplóideach, heicseaplóideach, agus octaplóideach faoi seach. Is gnách go mbíonn líon níos mó géinmhodhnuithe ar phlandaí polaplóideacha i gcomparáid le plandaí monaplóideacha. Ar na cúiseanna sin, ba cheart go léireodh aon teorainn ar líon iomlán na modhnuithe aonair in aghaidh an phlanda líon na dtacar crómasóm i bplanda (‘ploideacht’). [Leasú 10]

(15)  Na plandaí TGN uile nach plandaí de chatagóir 1 iad (‘plandaí TGN de chatagóir 2’), ba cheart iad a bheith fós faoi réir cheanglais reachtaíocht an Aontais maidir le OGM toisc go bhfuil tacair níos casta de mhodhnuithe ar an ngéanóm acu.

(16)  Níor cheart plandaí agus táirgí TGN de Chatagóir 1 a bheith faoi réir rialacha agus cheanglais reachtaíocht an Aontais maidir le OGM ná faoi fhorálacha i reachtaíocht eile an Aontais ag a bhfuil feidhm maidir le OGManna. Ar mhaithe leis an deimhneacht dhlíthiúil le haghaidh oibreoirí agus leis an trédhearcacht, ba cheart dearbhú maidir le stádas phlanda TGN de chatagóir 1 a fháil roimh an scaoileadh réamhbheartaithe, agus cur an phlanda ar an margadh san áireamh.

(17)  Ba cheart an dearbhú sin a fháil sula scaoilfear aon phlanda TGN de chatagóir 1 ar bhonn réamhbheartaithe chun aon chríche eile seachas lena chur ar an margadh, amhail le haghaidh trialacha allamuigh atá le tarlú i gcríoch an Aontais, ós rud é go mbíonn na critéir bunaithe ar shonraí a bhíonn ar fáil roimh na trialacha allamuigh agus nach mbraitheann siad ar na trialacha allamuigh sin. I gcás nach bhfuil aon triail allamuigh le tarlú i gcríoch an Aontais, ba cheart d’oibreoirí an dearbhú sin a fháil sula gcuirfear táirge TGN de chatagóir 1 ar an margadh.

(18)  Ós rud é go bhfuil na critéir, chun a mheas go bhfuil planda TGN coibhéiseach le plandaí a fhaightear go nádúrtha nó a phóraítear mar is gnáth, neamhghaolmhar leis an gcineál gníomhaíochta lena bhfágtar gur gá scaoileadh réamhbheartaithe an phlanda TGN, ba cheart dearbhú maidir le stádas phlandaplanda TGN de chatagóir 1, a dhéantar sula scaoilfear ar bhonnroimh scaoileadh réamhbheartaithe chun aon chríche eile é seachas lena chur ar an margadh i gcríoch an Aontais, ba cheart an dearbhú sin a bheith bailí freisin chun táirgí TGN gaolmhara a chur ar an margadh. I bhfianaise mhéid na neamhchinnteachta a bhíonn ann tráth na trialach allamuigh faoi cé acu a bhainfidh an táirge an margadh amach nó nach mbainfidh agus faoi rannpháirtíocht dhóchúil na n‑oibreoirín-oibreoirí beaga i scaoileadh den sórt sin, maidir leis an nós imeachta um stádas phlandaplanda TGN de chatagóir 1 a fhíorú roimh thrialacha allamuigh, ba cheart d’údaráis náisiúnta inniúla an nós imeachta sin a dhéanamh toisc gur lú an t‑ualach riaracháin a bheadh i gceist leis sin le haghaidh oibreoirí, agus ba cheart cinneadh a dhéanamh ar leibhéal an Aontais amháin i gcás ina mbeidh barúlacha ag gabháil leis an tuarascáil fíorúcháin ó údaráis náisiúnta inniúla eile. I gcás ina gcuirfear an iarraidh ar fhíorú isteach sular gcuirfear táirgí TGN ar an margadh, agus má tá agóidí réasúnaithe ag Ballstáit eile, ba cheart an nós imeachta a dhéanamh ar leibhéal an Aontaisi gcomhairle leis an gCoimisiún agus leis an Údarás Eorpach um Shábháilteacht Bia (‘an tÚdarás’) chun éifeachtacht an nós imeachta um fhíorú agus comhsheasmhacht na ndearbhuithe maidir le stádas phlandaplanda TGN de chatagóir 1 a áirithiú. [Leasú 11]

(18a)   Chun cineálacha nua a roghnú go héifeachtach a chuideoidh le hearnáil na talmhaíochta cur leis an tslándáil bia, chomh maith leis an inbhuanaitheacht, an t-oiriúnú agus an athléimneacht i dtaca le hiarmhairtí an athraithe aeráide, is gá breithniú a dhéanamh ar shainiúlacht plandaí polaplóideacha, ar plandaí iad ina bhfuil níos mó ná dhá ghéanóm. I gcás plandaí den sórt sin, ba cheart an t-uaslíon géinmhodhnuithe a cheadaítear a chur san áireamh i gcatagóir 1 TGN a bheith comhréireach le líon na ngéanóm atá iontu. [Leasú 12]

(19)  Ba cheart údaráis inniúla na mBallstát, an Coimisiún agus an tÚdarás Eorpach um Shábháilteacht Bia (‘an tÚdarás’) a bheith faoi réir sprioc‑amanna dochtasprioc-amanna iomchuí chun a áirithiú go ndéanfar dearbhuithe maidir le stádas phlandaplanda TGN de chatagóir 1 laistigh de thréimhse réasúnach. [Leasú 13]

(20)  Rud teicniúil a bhíonn i gceist le stádas phlanda TGN de chatagóir 1 a fhíorú agus ní bhíonn aon mheasúnú riosca ná aon bhreithniú maidir le bainistíocht riosca i gceist leis agus ní bhíonn sa chinneadh maidir leis an stádas ach de chineál dearbhaithe. Dá bhrí sin, i gcás ina ndéantar an nós imeachta ar leibhéal an Aontais, ba cheart na cinntí cur chun feidhme sin a ghlacadh leis an nós imeachta comhairleach, agus cúnamh teicniúil agus eolaíoch an Údaráis ag tacú leis.

(21)  Cinntí a dhearbhóidh stádas phlandaplanda TGN de chatagóir 1, ba cheart uimhir aitheantais a shannadh leo don phlanda TGN lena mbaineann chun trédhearcacht agus inrianaitheacht na bplandaí sin a áirithiú nuair a liostaítear sa bhunachar sonraí iad. Ba cheart go n-áiritheofaí san fhaisnéis a liostófar faisnéis ar an teicníc/na teicnící arna húsáid/arna n-úsáid chun an tréith/na tréithe a fháil. [Leasú 14] agus chun ábhar atáirgthe plandaí a dhíorthaítear díobh a lipéadú. [Leasú 14}

(22)  Ba cheart plandaí TGN de Chatagóir 1 a bheith fós faoi réir aon chreat rialála a bhfuil feidhm aige maidir le plandaí a phóraítear mar is gnáth. Mar is amhlaidh le haghaidh gnáth‑phlandaí agus gnáth‑tháirgí, beidh na plandaí TGN sin agus a dtáirgí faoi réir na reachtaíochta earnálaí is infheidhme maidir le síol agus le hábhar atáirgthe plandaí eile, bia, beatha agus táirgí eile, agus creataí cothrománacha, amhail an reachtaíocht maidir le caomhnú an dúlra agus le dliteanas comhshaoil. Maidir leis sin, bia TGN de chatagóir 1 a bhfuil comhdhéanamh nó struchtúr atá athraithe go suntasach aige agus a dhéanann difear don luach cothaitheach, meitibileacht nó leibhéal shubstaintí neamh‑inmhianaithe an bhia, measfar gur bia núíosach atá ann agus go dtagann sé faoi raon feidhme Rialachán (AE) 2015/2283 ó Pharlaimint na hEorpa agus ón gComhairle ((18)) dá réir agus déanfar measúnú riosca sa chomhthéacs sin air.

(23)  Le Rialachán (AE) 2018/848 ó Pharlaimint na hEorpa agus ón gComhairle maidir le táirgeadh orgánach agus lipéadú táirgí orgánacha agus lena leasaítear Rialachán (CE) Uimh. 834/2007 ón gComhairle ((19)) toirmeasctar úsáid OGManna agus táirgí ó OGManna agus arna ndéanamh de OGManna sa táirgeadh orgánach. Sainmhíníonn sé OGManna chun críocha an Rialacháin sin faoi threoirtrí thagairt do Threoir 2001/18/CE, lena ndéantar OGManna, a fuarthas trí na teicnící géinmhodhnaithe a liostaítear in Iarscríbhinn 1.B de Threoir 2001/18/CE, a eisiamh ón toirmeasc. Dá thoradh sin, toirmeascfartoirmiscfear plandaí TGN de chatagóir 2 sa táirgeadh orgánach. Mar sin féin, is gá stádas phlandaíplandaí TGN de chatagóir 1 a shoiléiriú chun críoch táirgeadh orgánach. TáFaoi láthair, ní mór tuilleadh breithnithe a dhéanamh ar chomhoiriúnacht úsáid na dteicnícíteicnící géanómaíocha nua ar neamhréir faoi láthair le coincheaple prionsabail an táirgthe orgánaigh atá i Rialachán (CE) 2018/848 agus le dearcadh na dtomhaltóirí ar tháirgí orgánacha.. Ba cheart, dá bhrí sin, ba cheart úsáid plandaítoirmeasc a chur ar phlandaí TGN de chatagóir 1 a thoirmeasc sa táirgeadhúsáid i dtáirgeadh orgánach, go dtí go ndéanfar a thuilleadh breithnithe freisin. [Leasú 15]

(24)  Ba cheart foráil a dhéanamh chun an trédhearcacht a áirithiú a mhéid a bhaineann le húsáid cineálacha plandaí TGN de chatagóir 1, chun a áirithiú gur féidir le slabhraí táirgeachta ar mian leo fanacht saor ó TGNanna déanamh amhlaidh, agus iontaoibh an tomhaltóra a choimirciú dá réir. Plandaí TGN a fuair dearbhú maidir le stádas phlandaplanda TGN de chatagóir 1, ba cheart iad a liostú i mbunachar sonraí a bheidh ar fáil go poiblí lena n-áirítear faisnéis maidir leis an teicníc nó na teicnící a úsáidtear chun an tréith nó na tréithe a fháil. Chun an inrianaitheacht, an trédhearcacht agus an rogha a áirithiú le haghaidh oibreoirí, le linn taighde agus pórú plandaí, i gcás ina mbeidh síol á dhíol le feirmeoirí nó ábhar atáirgthe plandaí á chur ar fáil do thríú páirtithe ar aon bhealach eile, ba cheart ábhar atáirgthe plandaí de phlandaí TGN de chatagóir 1 a lipéadú mar TGN de chatagóir 1. [Leasú 16]

(25)  Ba cheart plandaí TGN de chatagóir 2 a bheith fós faoi réir cheanglais reachtaíocht an Aontais maidir le OGM i bhfianaise gur gá, ar bhonn an eolais theicniúil agus eolaíoch atá ann faoi láthair, measúnú a dhéanamh ar a rioscaí. Ba cheart foráil a dhéanamh maidir le rialacha speisialta chun na nósanna imeachta agus rialacha áirithe eile a leagtar síos i dTreoir 2001/18/CE agus i Rialachán (CE) Uimh. 1829/2003 a oiriúnú do chineál sonrach phlandaí TGN de chatagóir 2 agus do na leibhéil dhifriúla riosca a d’fhéadfadh a bheith ag baint leo.

(26)  Plandaí agus táirgí TGN de chatagóir 2, chun iad a scaoileadh sa chomhshaol nó a chur ar an margadh, ba cheart iad a bheith fós faoi réir toiliú nó údarú i gcomhréir le Treoir 2001/18/CE nó le Rialachán (CE) Uimh. 1829/2003. Mar sin féin, i bhfianaise éagsúlacht mhór na bplandaí TGN sin, beidh an méid faisnéise lena mbeidh gá le haghaidh an mheasúnaithe riosca éagsúil ar bhonn cás ar chás. Rinne an tÚdarás, ina thuairimí eolaíocha maidir le plandaí a fhorbraítear tríd an gcisgineas agus tríd an inghineas(20) agus maidir le plandaí a fhorbraítear tríd an só‑ghineas spriocdhírithe(21), an tsolúbthacht a mholadh sna ceanglais maidir le sonraí le haghaidh an mheasúnaithe riosca ar na plandaí sin. Bunaithe ar Criteria for risk assessment of plants produced by targeted mutagenesis, cisgenesis and intragenesis [Critéir maidir le measúnú riosca a dhéanamh ar phlandaí a tháirgtear trí shó‑ghineas spriocdhírithe, trí chisgineas agus trí inghineas] ón Údarás ((22)), breithnithe ar stair na húsáide sábháilte, cur amach ar an gcomhshaol agus feidhm agus struchtúr an tseichimh (na seicheamh) mhodhnaithe (modhnaithe)/ionsáite, ba cheart iad a bheith ina gcúnamh chun an cineál agus méid sonraí a chinneadh a mbeidh gá leo chun an measúnú riosca ar na plandaí TGN sin a fheidhmiú. Dá bhrí sin, is gá prionsabail agus critéir ghinearálta a leagan síos maidir leis an measúnú riosca ar na plandaí sin, agus foráil a dhéanamh maidir leis an tsolúbthacht agus leis an bhféidearthacht an tráth céanna chun modheolaíochtaí measúnúcháin riosca a oiriúnú don dul chun cinn teicniúil agus eolaíoch.

(27)  Ceanglais maidir le hinneachar na bhfógraí um thoiliú le táirgí ina bhfuil nó atá comhdhéanta de OGManna seachas bia nó beatha agus maidir le hinneachar na n‑iarratas ar údarú chun bia agus beatha ghéinmhodhnaithe a chur ar an margadh, leagtar síos i bpíosaí difriúla reachtaíochta iad. Chun an chomhsheasmhacht a áirithiú idir na fógraí um thoiliú agus iarratais ar údarú le haghaidh tháirgí TGN de chatagóir 2, ba cheart inneachar na bhfógraí agus na n‑iarratas sin a bheith mar an gcéanna, seachas na fógraí agus na hiarratais sin a bhaineann leis an measúnú ar shábháilteacht bhia agus bheatha toisc nach mbíonn siad sin ábhartha ach amháin do bhia agus do bheatha TGN de chatagóir 2.

(28)  Saotharlann Tagartha an Aontais Eorpaigh um Bia agus Beatha Géinmhodhnaithe (EURL), i gcomhar le Líonra Eorpach na Saotharlann GMO (ENGL), tháinig siad ar an gconclúid nach meastar gurb indéanta an tástáil anailíse le haghaidh na dtáirgí uile a fhaightear trí shó‑ghineas spriocdhírithe agus trí chisgineas ((23)). I gcás nach mbainfidh na modhnuithe ar an ábhar géiniteach a thugtar isteach go sonrach leis an bplanda TGN atá i gceist, ní fhágann siad gur féidir an planda TGN a idirdhealú ó ghnáthphlandaí. I gcásanna nach indéanta modh anailíse a sholáthar lena ndéantar planda TGN a bhrath, a shainaithint agus a chainníochtú, má thugann an fógróir nó an t‑iarratasóir údar cuí leis, ba cheart na módúlachtaí, chun ceanglais maidir le modh anailíse a chomhlíonadh, a oiriúnú. Ba cheart é sin a dhéanamh sna gníomhartha cur chun feidhme a ghlactar de bhun an Rialacháin seo. Ba cheart foráil a dhéanamh freisin maidir le EURL, agus cúnamh á thabhairt ag ENGL di, chun treoraíocht a ghlacadh le haghaidh iarratasóirí i dtaca leis na híoscheanglais feidhmíochta maidir le modhanna anailíse. Féadfar módúlachtaí a oiriúnú freisin um bailíochtú modhanna a fheidhmiú.

(29)  Le Treoir 2001/18/CE, ceanglaítear go mbeidh plean faireacháin um éifeachtaí comhshaoil OGManna ann tar éis scaoileadh réamhbheartaithe na n‑orgánachn-orgánach sin nó tar éis iad a chur ar an margadh ach déantar foráil léi maidir leis an tsolúbthacht ó thaobh dhearadh an phlean de, rud lena gcuirtear an measúnú riosca comhshaoil, saintréithe an orgánaigh ghéinmhodhnaitheOGM, an úsáid a bheartaítear dó agus an timpeallacht ghlactha san áireamh. Géinmhodhnuithe i bplandaí TGN de chatagóir 2, féadfaidh idir athruithe nach gá ach measúnú riosca teoranta a dhéanamh orthu a bheith i gceist leo agus athruithe casta a fhágann gur gá anailís níos críochnúla a dhéanamh ar na rioscaí féideartha. Dá bhrí sin, ba cheart ceanglais maidir le faireachán iarmhargaidh i dtaca le héifeachtaí comhshaoil phlandaíplandaí TGN de chatagóir 2 a oiriúnú i bhfianaise an mheasúnaithe riosca chomhshaoilcomhshaoil agus na taithí i dtrialacha allamuigh, i bhfianaise shaintréithe an phlanda TGN lena mbaineann, i bhfianaise shaintréithe agus scála na húsáide a bheartaítear dó, go háirithe stair úsáid shábháilte an phlanda más ann di agus saintréithe na timpeallachta glactha. Dá bhrí sin, níorI bhfianaise phrionsabal an réamhchúraim, ba cheart é a bheith de cheangal plean faireacháin um éifeachtaí comhshaoil a bheith ann mura dócha go mbainfidhina cheangal i gcónaí nuair a thugtar toiliú den chéad uair. Níor cheart é a bheith indéanta an ceanglas maidir le faireachán a tharscaoileadh ach amháin ar athnuachan an toilithe, ar choinníoll go bhfuil sé léirithe nach bhfuil rioscaí le plandaag baint leis an bplanda TGN de chatagóir 2 isar gá faireachán a dhéanamh orthu, amhail éifeachtaí gan choinneindíreacha, moillithe nó indíreachagan choinne ar shláinte an duine nó ar an gcomhshaol. [Leasú 17]

(30)  Ar chúiseanna na comhréireachta, tar éis don chéad athnuachan a bheith déanta ar an údarú, ba cheart an t‑údarú a bheith bailí ar feadh tréimhse neamhtheoranta, mura gcinntear a mhalairt tráth na hathnuachana sin de réir an mheasúnaithe riosca agus ar an bhfaisnéis atá ar fáil faoin bplanda TGN lena mbaineann, faoi réir a athmheasúnaithe i gcás ina mbeidh fáil ar fhaisnéis nua.

(31)  Ar chúiseanna na deimhneachta dlíthiúla agus an dea‑riaracháin, níor cheart síneadh a chur leis an amlíne don Údarás chun a thuairim a thabhairt maidir le hiarratas ar údarú ach amháin i gcás inar gá faisnéis bhreise chun an measúnú ar an iarratas a dhéanamh, agus níor cheart an síneadh a bheith níos faide ná an teorainn ama dá ndearnadh foráil maidir léi i dtosach báire ach amháin más rud é go bhfuil údar cuí leis i bhfianaise chineál na sonraí nó imthosca eisceachtúla.

(32)  Chun an trédhearcacht agus an fhaisnéis do thomhaltóirí a mhéadú, lipéadú táirgí TGN de chatagóir 2 mar OGM, ba cheart a cheadú d’oibreoirí an lipéadú sin a chomhlánú le faisnéis faoin tréith a dtugann an géinmhodhnú dóibh. Chun léirithe míthreoracha nó mearbhlacha a sheachaint, ba cheart moladh le haghaidh lipéadú den sórt sin a sholáthar san fhógra um thoiliú nó san iarratas ar údarú agus ba cheart é a shonrú sa toiliú nó sa chinneadh maidir le húdarú.

(33)  Ba cheart dreasachtaí rialála a thairiscint d’fhógróirí nó d’iarratasóirí féideartha le haghaidh plandaí agus táirgí TGN de chatagóir 2 ina bhfuil tréithe ag a bhfuil an acmhainneacht rannchuidiú le córas agraibhia inbhuanaithe, chun forbairt phlandaí TGN de chatagóir 2 a stiúradh i dtreo na dtréithe sin. Leis na critéir sin chun na dreasachtaí sin a spreagadh, ba cheart díriú ar chatagóirí leathana tréithe ag a bhfuil an acmhainneacht rannchuidiú leis an inbhuanaitheacht (amhail iad sin atá nasctha leis an lamháltas nó leis an bhfrithsheasmhacht in aghaidh struis bhitheacha agus aibitheacha, saintréithe cothaitheacha feabhsaithe nó táirgeacht mhéadaithe) agus ba cheart iad a bheith bunaithe ar an rannchuidiú leis an luach le haghaidh saothrú agus úsáid inbhuanaithe mar a shainmhínítear in [Airteagal 52(1) den Togra ón gCoimisiún le haghaidh Rialachán ó Pharlaimint na hEorpa agus ón gComhairle maidir le táirgeadh agus margú ábhair atáirgthe plandaí san Aontas(24)]. Le hinfheidhmeacht na gcritéar ar fud an Aontais, ní cheadaítear sainmhíniú níos cúinge ar thréithe chun díriú ar shaincheisteanna sonracha nó chun aghaidh a thabhairt ar shainiúlachtaí áitiúla agus réigiúnacha.

(34)  Is éard ba cheart a bheith i gceist le dreasachtaí nós imeachta brostaithe um measúnú riosca a mhéid a bhaineann le hiarratais arna láimhseáil le nós imeachta iomlán láraithe (táirgí bia agus beatha) agus comhairle réamhthíolactha bhreisithe chun cuidiú le forbróirí an sainchomhad a ullmhú chun críche na measúnuithe comhshaoil agus sábháilteachta bia agus beatha, gan difear a dhéanamh do na forálacha ginearálta maidir le comhairle réamhthíolactha, fógra um staidéir agus comhairliúchán le tríú páirtithe de bhun Airteagail 32a, 32b agus 32c de Rialachán (CE) 178/2002((25)).

(35)  Ba cheart dreasachtaí breise a thabhairt i gcás inar fiontar beag nó meánmhéide (FBM) é an fógróir nó an t‑iarratasóir, chun rochtain ag na fiontair sin ar na nósanna imeachta rialúcháin a chur chun cinn, chun tacú le héagsúlú fhorbróirí phlandaí TGN agus chun forbairt na speiceas agus na dtréithe barr trí TGNanna ag póraitheoirí beaga a spreagadh, trí tharscaoileadh táillí a cheadú do FBManna chun na modhanna braite a bhailíochtú agus trí chomhairle réamhthíolactha níos fairsinge lena gcumhdófar dearadh na staidéar freisin atá le déanamh chun críche an mheasúnaithe riosca.

(36)  Póraítear plandaí luibhicídfhulangacha d’aon turas chun bheith fulangach ar luibhicídí, chun iad a shaothrú i gcomhcheangal le húsáid na luibhicídí sin. Más rud é nach ndéantar an saothrú sin faoi choinníollachadhálaí iomchuí, d’fhéadfadh fiailí teacht chun cinn dá thoradh sin a bheadh frithsheasmhach in aghaidh na luibhicídí sin, nó an gá cainníochtaíatá le méadú ar chainníochtaí na luibhicídí a chuirtear i bhfeidhm a mhéadúbheith mar thoradh air, gan beann ar an teicníc phórúcháin. Ar an gcúis sin, níor cheart go dtiocfadh plandaí TGN ag a bhfuil tréithe luibhicídfhulangacha a bheith incháilithe do dhreasachtaí faoin gcreat seo. Mar sin féin, níor cheart bearta sonracha eile a dhéanamh leis an Rialachán seo maidir lefaoi raon feidhme plandaí TGN luibhicídfhulangacha, toisc go ndéantar na bearta sin go cothrománach sa [Togra ón gCoimisiún le haghaidh Rialachán ó Pharlaimint na hEorpa agus ón gComhairle maidir le táirgeadh agus margú ábhair atáirgthe plandaí san Aontasde chatagóir 1. [Leasú 18].

(37)   Chun plandaí TGN a chumasú chun rannchuidiú le cuspóirí inbhuanaitheachta an Chomhaontaithe Ghlais agus na Straitéisí ‘Ón bhFeirm go dtí an Forc’ agus na Bithéagsúlachta, ba cheart saothrú na bplandaí TGN san Aontas a éascú. Éilíonn sé sin an intuarthacht le haghaidh póraitheoirí agus feirmeoirí a mhéid a bhaineann leis an bhféidearthacht na plandaí sin a shaothrú san Aontas. Dá bhrí sin, an fhéidearthacht go bhféadfadh na Ballstáit bearta a dhéanamh lena ndéanfaí saothrú phlandaí TGN de chatagóir 2 a shrianadh nó a thoirmeasc ina chríoch uile nó i gcuid di, rud a leagtar amach in Airteagal 26b de Threoir 2001/18/CE, dhéanfadh an fhéidearthacht sin dochar do na spriocanna sin. [Leasú 239].

(38)  Na rialacha speisialta a leagtar síos sa Rialachán seo a bhaineann leis an nós imeachta um údarú le haghaidh plandaí TGN de chatagóir 2, tá coinne leis go saothrófar tuilleadh plandaí TGN de chatagóir 2 san Aontas dá dtoradh i gcomparáid leis an staid go dtí seo faoi reachtaíocht an Aontais maidir le OGM atá i bhfeidhm faoi láthair. Fágann sé sin gur gá d’údaráis phoiblí na mBallstát bearta cómhaireachtála a shainiú chun leasanna tháirgeoirí gnáthphlandaí, plandaí orgánacha agus géinathraithe a chothromú agus leis sin, rogha idir cineálacha táirgthe difriúla a cheadú do tháirgeoirí, i gcomhréir le sprioc na Straitéise ‘Ón bhFeirm go dtí an Forc’ go mbeidh 25 % den talamh talmhaíochta faoin bhfeirmeoireacht orgánach faoi 2030.

(39)  Chun an sprioc a bhaint amach maidir le dea‑fheidhmiú an mhargaidh inmheánaigh a áirithiú, ba cheartagus saorghluaiseacht plandaí TGN agus táirgí gaolmhara tairbhiú den tsaorghluaiseacht earraí, ar choinníoll go gcomhlíonann siad ceanglais dhlí eileTGN ar fud an Aontais a áirithiú, ba cheart scaoileadh réamhbheartaithe plandaí TGN agus cur ar an margadh táirgí TGN a bheith bunaithe ar na ceanglais chomhchuibhithe agus ar na nósanna imeachta comhchuibhithe a leagtar síos sa Rialachán seo, as a dtiocfaidh glacadh cinnidh a bheadh infheidhme go haonfhoirmeach maidir le gach Ballstát. [Leasú 20]

(40)  I bhfianaise úrnuacht TGNanna, beidh sé tábhachtach dlúthfhaireachán a dhéanamh ar fhorbairt phlandaí agus táirgí TGN agus ar a láithreacht ar an margadh agusna forbartha leanúnaí atá á déanamh ar theicnící géanómaíocha nua, ba cheart don Choimisiún meastóireacht a dhéanamh ar aon tionchar a bheidh ag gabháil leo ar shláinte an duine agus ainmhithe, ar an gcomhshaol agus ar an inbhuanaitheacht chomhshaoil, eacnamaíoch agus shóisialta. Ba cheart faisnéis a bhailiú go tráthrialta agus laistigh de 5chúig bliana tar éis ghlacadh an chéad chinneadhchinnidh lena gceadófar scaoileadh réamhbheartaithe nó margú na bplandaíplandaí TGN nó na dtáirgítáirgí TGN san Aontas, ba cheart don Choimisiún. Leis an meastóireacht a dhéanamh ar an Rialachán seo chunsin, ba cheart an dul chun cinn arna dhéanamh i dtreo infhaighteacht na bplandaíplandaí TGN nó táirgí TGN ina bhfuil na saintréithe nó na hairíonnaairíonna den sórt sin ar mhargadh an Aontais a thomhas, agus é mar aidhm an Rialachán seo a fheabhsú tuilleadh. [Leasú 21]

(41)  Chun ardleibhéal cosanta sláinte agus cosanta comhshaoil a sholáthar i ndáil le plandaí TGN agus le táirgí TGN, ba cheart feidhm a bheith ag ceanglais a eascraíonn as an Rialachán seo ar bhealach neamh‑idirdhealaitheach maidir le táirgí de thionscnamh an Aontais agus a allmhairítear ó thríú tíortha.

(42)  Ós rud é nach féidir leis na Ballstáit cuspóirí an Rialacháin seo a ghnóthú go leordhóthanach ach gur féidir iad a ghnóthú níos fearr ar leibhéal an Aontais, chun go bhféadfaidh plandaí TGN agus táirgí TGN gluaiseacht i saorchúrsaíocht laistigh den mhargadh inmheánach, féadfaidh an tAontas bearta a dhéanamh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(43)  Tá forbairt ag teacht go leanúnach ar chineálacha na bplandaíplandaí TGN atá á bhforbairt agus ar an tionchar atá ag tréithe áirithe ar an inbhuanaitheacht chomhshaoil, shóisialta agus eacnamaíoch. Dá bhrí sin, de réir na fianaisebunaithe ar an bhfianaise atá ar fáil ar na forbairtí agus ar na tionchair sin, agus prionsabal an réamhchúraim á chur san áireamh go hiomlán, ba cheart an Coimisiún a chumhachtú i gcomhréir le hAirteagal 290 den Chonradh ar Fheidhmiú an Aontais Eorpaigh chun liosta na dtréithe a oiriúnú arb iad na tréithe sin ba cheart a dhreasú nó a dhíspreagadh chun spriocanna an Chomhaontaithe Ghlais agus na Straitéisena straitéisí ‘Ón bhFeirm go dtí an Forc’, na Straitéise Bithéagsúlachta agus na Straitéise um an Oiriúnú don Athrú Aeráide a bhaint amach.’ [Leasú 22]

(44)  Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr ((26)). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus tá rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(45)  Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún a mhéid a bhaineann leis an bhfaisnéis a cheanglaítear chun a léiriú gur planda TGN de chatagóir 1 é planda TGN, a mhéid a bhaineann leis an bhfógra um an chinneadh sin a ullmhú agus a chur i láthair, agus a mhéid a bhaineann leis na ceanglais maidir le modheolaíocht agus le faisnéis i dtaca leis na measúnuithe riosca comhshaoil ar phlandaí TGN de chatagóir 2 agus ar bhia TGN agus ar bheatha TGN, i gcomhréir leis na prionsabail agus leis na critéir a leagtar síos sa Rialachán seo. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle((27)).

(45a)   D’iarr Parlaimint na hEorpa ar an Aontas agus ar a Bhallstáit gan paitinní ar ábhar bitheolaíoch a dheonú agus an tsaoirse chun oibrithe agus an díolúine póraitheoirí i leith cineálacha a chosaint. Ba cheart a áirithiú go mbeidh rochtain iomlán ag póraitheoirí ar ábhar géiniteach plandaí TGN, nach plandaí trasghéineacha iad de réir sainmhínithe. Is fearr is féidir rochtain ar ábhair ghéiniteacha a dhaingniú nuair a ídítear ceart na sealbhóirí paitinne i lámh an phóraitheora (díolúine póraitheora). Ós rud é nach ndéantar foráil sna forálacha reatha i ndlí na bpaitinní maidir le díolúine iomlán póraitheora iomlán, ba cheart a áirithiú nár cheart do phaitinní srian a chur ar phlandaí TGN a bheith á n-úsáid ag póraitheoirí agus ag feirmeoirí. Dá bhrí sin, níor cheart go mbeadh plandaí TGN faoi réir reachtaíocht na bpaitinní ach ba cheart dóibh, ar mhaithe le maoin intleachtúil a chosaint, a bheith faoi réir an chórais um Chearta Comhphobail maidir le Cineálacha Plandaí (CPVR) amháin, mar a leagtar síos i Rialachán (CE) Uimh. 2100/94 ón gComhairle, rud a cheadaíonn an díolúine póraitheora a úsáid. Dá bhrí sin, ba cheart plandaí TGN, a síolta díorthaithe, a n-ábhar plandaí, ábhar géiniteach gaolmhar amhail géinte agus seichimh ghéinte, agus tréithe plandaí a eisiamh ó inphaitinneacht. Ba cheart an t-eisiamh ó inphaitinneacht a chur i bhfeidhm ar bhealach comhsheasmhach ar fud na reachtaíochta. Thairis sin, chun deonú paitinní nó iarratais ar phaitinní a sheachaint idir dáta theacht i bhfeidhm an Rialacháin seo agus cur i bhfeidhm a fhorálacha, ba cheart a áirithiú go n-eisiafar ábhar plandaí ó inphaitinneacht ó lá theacht i bhfeidhm an Rialacháin seo. I gcás paitinní a deonaíodh cheana féin nó atá ar feitheamh lena gcumhdaítear ábhar plandaí, ba cheart éifeachtaí na bpaitinní a theorannú tuilleadh. Ina theannta sin, ba cheart don Choimisiún measúnú a dhéanamh agus aghaidh a thabhairt, sa staidéar atá le teacht, ar an gcaoi ar cheart aghaidh a thabhairt a thuilleadh ar an bhfadhb níos leithne maidir le paitinní a dheonú, go díreach nó go hindíreach, i ndáil le hábhar plandaí in ainneoin iarrachtaí a rinneadh roimhe seo chun lúba ar lár a dhúnadh. Sa mheasúnú, ba cheart aghaidh a thabhairt go háirithe ar ról agus tionchar na bpaitinní ar rochtain na bpóraitheoirí agus na bhfeirmeoirí ar ábhar atáirgthe plandaí, ar éagsúlacht síolta agus ar phraghsanna inacmhainne, agus chomh maith leis sin ar an nuálaíocht agus go háirithe ar na deiseanna do FBManna. Ba cheart go mbeadh na tograí reachtacha iomchuí ag gabháil leis an tuarascáil ón gCoimisiún chun a áirithiú go ndéanfar tuilleadh coigeartuithe riachtanacha ar chreat na gceart maoine intleachtúla. [Leasú 23]

(46)  Ba cheart don Choimisiún faisnéis a bhailiú go tráthrialta chun measúnú a dhéanamh ar fheidhmíocht na reachtaíochta maidir le forbairt agus le hinfhaighteacht na bplandaí TGN agus na dtáirgí TGN sa mhargadh a bhaint amach, ar plandaí agus táirgí iad is féidir leo rannchuidiú le cuspóirí an Chomhaontaithe Ghlais agus na straitéisí ‘Ón bhFeirm go dtí an Forc’, na Bithéagsúlachta agus um an Oiriúnú don Athrú Aeráide agus chun eolas a sholáthar le haghaidh meastóireacht ar an reachtaíocht. Tá tacar leathan táscairí sainaitheanta(28) agus ba cheart don Choimisiún athbhreithniú a dhéanamh orthu go tréimhsiúil. Ba cheart na táscairí a bheith ina dtacaíocht leis an bhfaireachán ar rioscaí féideartha don tsláinte nó don chomhshaol ó phlandaí TGN de chatagóir 2 agus ó tháirgí TGN gaolmhara, ar thionchar na bplandaí TGN ar an inbhuanaitheacht chomhshaoil, eacnamaíoch agus shóisialta mar aon leis an tionchar ar an talmhaíocht orgánach agus ar ghlacadh na dtáirgí TGN ag na tomhaltóirí. Ba cheart an chéad tuarascáil faireacháin a chur i láthair 3 bliana tar éis d’fhógra/údarú a bheith tugtha i leith na chéad táirgí, chun a áirithiú go mbeidh dóthain sonraí ar fáil tar éis chur chun feidhme iomlán na reachtaíochta nua, agus ag eatraimh thráthrialta dá éis sin. Ba cheart don Choimisiún meastóireacht a dhéanamh ar an Rialachán seo 2 bhliain tar éis don chéad tuarascáil faireacháin a bheith foilsithe, chun gur féidir le tionchar na chéad táirgí, a rachaidh tríd an bhfíorú nó tríd an údarú, teacht chun cinn go hiomlán.

(47)  Tagairtí áirithe d’fhorálacha reachtaíocht an Aontais maidir le OGM i Rialachán (AE) 2017/625 ó Pharlaimint na hEorpa agus ón gComhairle ((29)), is gá iad a leasú chun na forálacha sonracha sa reachtaíocht sin is infheidhme maidir le plandaí TGN a áireamh.

(47a)   Leis an gComhaontú Glas don Eoraip, an ‘Ón bhFeirm go dtí an Forc’, agus Straitéisí Bithéagsúlachta an Aontais, cuirtear an fheirmeoireacht orgánach i gcroílár an aistrithe chuig córais bhia inbhuanaithe, agus é mar sprioc talamh talmhaíochta na hEorpa a leathnú faoi tháirgeadh orgánach go 25 % faoi 2030. Is aitheantas soiléir é sin do na tairbhí comhshaoil a bhaineann leis an bhfeirmeoireacht orgánach, do spleáchas níos lú ar ionchuir d’fheirmeoirí, agus do sholáthar bia athléimneach agus do bhiafhlaitheas. Níor cheart don Rialachán seo dochar a dhéanamh don bhealach i dtreo aistriú chórais bhia na hEorpa chuig an bhfeirmeoireacht orgánach go 25 % faoi 2030. [Leasú 241]

(47b)   Ba cheart ceanglais inrianaitheachta a bhunú le haghaidh bia agus beatha a tháirgtear ó TGNanna chun lipéadú cruinn na dtáirgí sin a éascú, i gcomhréir le ceanglais Rialachán (CE) Uimh. 1829/2003 ó Pharlaimint na hEorpa agus ón gComhairle an 22 Meán Fómhair 2003 maidir le bia agus beatha ghéinmhodhnaithe, chun a áirithiú go mbeidh faisnéis chruinn ar fáil d’oibreoirí agus do thomhaltóirí ionas go mbeidh siad in ann a saoirse rogha a fheidhmiú ar bhealach éifeachtach, chomh maith le rialú agus fíorú éileamh lipéadaithe a chumasú. Ba cheart na ceanglais maidir le bia agus beatha a tháirgtear ó TGNanna a bheith comhchosúil chun neamhleanúnachas faisnéise a sheachaint i gcásanna ina n-athraítear úsáid deiridh. [Leasú 243]

(48)  Ós rud é go gceanglaítear gníomhartha cur chun feidhme a ghlacadh chun an Rialachán seo a chur i bhfeidhm, ba cheart é a iarchur chun go bhféadfar na bearta sin a ghlacadh,

TAR ÉIS AN RIALACHÁN SEO A GHLACADH:

CAIBIDIL I

FORÁLACHA GINEARÁLTA

Airteagal 1

Ábhar

Leagtar síos rialacha sonracha síos leis an Rialachán seo, i gcomhréir le prionsabal an réamhchúraim, maidir le plandaí a fhaightear le teicnící géanómaíocha nua áirithe (‘plandaí TGN’) a scaoileadh ar bhonn réamhbheartaithe sa chomhshaol chun aon chríche eile seachas lena gcur ar an margadh agus maidir le bia agus beatha a chur ar an margadh, ar bia agus beatha iad ina bhfuil, atá comhdhéanta de nó a tháirgtear as na plandaí sin, agus maidir le táirgí a chur ar an margadh, seachas bia nó beatha, ar táirgí iad ina bhfuil na plandaí sin nó atá comhdhéanta díobh, lena n-áirithítear ardleibhéal cosanta do shláinte an duine agus do shláinte ainmhithe agus don chomhshaol. [Leasú 24]

Airteagal 2

Raon feidhme

Beidh feidhm ag an Rialachán maidir leis na nithe seo a leanas:

(1)  plandaí TGN;

(2)  bia ina bhfuil, atá comhdhéanta de nó a tháirgtear as plandaí TGN nó ina bhfuil comhábhair a tháirgtear as plandaí TGN;

(3)  beatha ina bhfuil, atá comhdhéanta de nó a tháirgtear as plandaí TGN;

(4)  táirgí, seachas bia agus beatha, ina bhfuil nó atá comhdhéanta de plandaí TGN.

Airteagal 3

Sainmhínithe

Chun críche an Rialacháin seo, tá feidhm ag na sainmhínithe seo a leanas:

(1)  na sainmhínithe ar ‘orgánach’, ‘scaoileadh réamhbheartaithe’ agus ‘cur ar an margadh’ a leagtar amach i dTreoir 2001/18/CE, na sainmhínithe sin ar ‘bia’ agus ar ‘beatha’ a leagtar amach i Rialachán (CE) Uimh. 178/2002, ar ‘inrianaitheacht’ a leagtar amach i Rialachán (CE) Uimh. 1830/2003, ar ‘planda’ a leagtar amach i Rialachán (AE) 2016/2031 ó Pharlaimint na hEorpa agus ón gComhairle ((30)) agus ar ‘ábhar atáirgthe plandaí’ a leagtar amach [sa Togra ón gCoimisiún le haghaidh Rialachán ó Pharlaimint na hEorpa agus ón gComhairle maidir le táirgeadh agus margú ábhair atáirgthe plandaí san Aontas(31)];

(2)  Ciallaíonn ‘planda TGN’ planda géinmhodhnaithe a fhaightear trí shó‑ghineasshó-ghineas spriocdhírithe nó trí chisgineas, nó teaglaim díobh, ar an gcoinníoll nach bhfuil aon ábhar géiniteach ann ar de thionscnamh lasmuigh deden linn géinte na bpóraitheoirí échun críoch gnáthphórúcháin a d’fhéadfadh a bheith ionsáite go sealadach le linn fhorbairt an phlanda TGN; [Leasú 25]

(3)  ciallaíonn ‘orgánach géinmhodhnaithe’ nó ‘OGM’ orgánach géinmhodhnaithe mar a shainmhínítear in Airteagal 2(2) de Threoir 2001/18/CE, seachas orgánaigh a fhaightear trí theicnící an ghéinmhodhnaithe a liostaítear in Iarscríbhinn I B a ghabhann le Treoir 2001/18/CE;

(4)  ciallaíonn ‘só‑ghineas spriocdhírithe’ teicnící só‑ghinis a dtarlaíonn modhnú (modhnuithe) ar an seicheamh DNA dá thoradh ag suíomhanna beachtaspriocdhírithe i ngéanóm orgánaigh; [Leasú 26]

(5)  ciallaíonn ‘cisgineas’ teicnící géinmhodhnaithe a dtarlaíonn dá thoradh go n‑ionsáitear, i ngéanóm orgánaigh, ábhar géiniteach atá i linn géinte na bpóraitheoirí cheana féin;

(6)  ciallaíonn ‘linn géinte na bpóraitheoiríchun críoch gnáthphórúcháin’ an fhaisnéis ghéiniteach iomlán a bhíonn ar fáil i speiceas amháin agus i speicis thacsanomaíocha eile lenar féidir é a chrosphórú, lena n‑áirítear trí úsáid a bhaint as teicnící ardfhorbartha amhail tarrtháil suthanna, polaplóideacht ionduchtaithe agus crosphóruithe eachtarshuímh; [Leasú 27]

(7)  ciallaíonn ‘planda TGN de chatagóir 1’ planda:

(a)  a chomhlíonann na critéir choibhéise maidir le gnáthphlandaí, a leagtar amach in Iarscríbhinn I, nó

(b)  planda ar sliocht é den phlanda (de phlandaí) TGN dá dtagraítear i bpointe (a), lena n‑áirítear sliocht a dhíorthaítear trí na plandaí sin a chrosphórú, ar an gcoinníoll nach bhfuil aon mhodhnú breise ann a d’fhágfadh go mbeadh sé faoi réir Threoir 2001/18/CE nó Rialachán 1829/2003;

(8)  ciallaíonn ‘planda TGN de chatagóir 2’ planda TGN seachas planda TGN de chatagóir 1;

(9)  ciallaíonn ‘planda TGN lena úsáid i mbia’ planda TGN a fhéadfar a úsáid mar bhia nó mar ábhar bunaidh chun bia a tháirgeadh;

(10)  ciallaíonn ‘planda TGN lena úsáid i mbeatha’ planda TGN a fhéadfar a úsáid mar bheatha nó mar ábhar bunaidh chun beatha a tháirgeadh;

(11)  ciallaíonn ‘a tháirgtear as planda TGN’ a bheith díorthaithe, go hiomlán nó go páirteach, ó phlanda TGN, ach gan planda TGN a bheith ann ná gan a bheith comhdhéanta de phlanda TGN;

(12)  ciallaíonn ‘táirge TGN’ táirge, seachas bia agus beatha, ina bhfuil planda TGN nó atá comhdhéanta de phlanda TGN agus bia agus beatha ina bhfuil, atá comhdhéanta de nó a tháirgtear as planda den sórt sin;

(13)  ciallaíonn ‘táirge TGN de chatagóir 1’ táirge TGN i gcás inarb amhlaidh maidir leis an bplanda TGN atá sa táirge TGN sin, go bhfuil planda TGN de chatagóir 1 ann, gurb é planda den sórt sin atá ann, nó i gcásanna an bhia nó na beatha, gurb as planda den sórt sin a tháirgtear é;

(14)  ciallaíonn ‘táirge TGN de chatagóir 2’ táirge TGN i gcás inarb amhlaidh maidir leis an bplanda TGN atá sa táirge TGN sin, go bhfuil planda TGN de chatagóir 2 ann, gurb é planda den sórt sin atá ann, nó i gcásanna an bhia nó na beatha, gurb as planda den sórt sin a tháirgtear é;

(15)  ciallaíonn ‘fiontar beag nó meánmhéide (FBM)’ FBM de réir bhrí Mholadh 2003/361/CE2 ón gCoimisiún.

(15a)   ciallaíonn ‘Cur Chuige na hAon Sláinte Amháin’ cur chuige comhtháite aontaitheach a bhfuil sé mar aidhm leis sláinte daoine, ainmhithe, plandaí agus éiceachóras a chothromú agus a bharrfheabhsú ar bhealach inbhuanaithe agus ar cur chuige é a aithníonn go bhfuil dlúthnasc idir sláinte an duine, sláinte ainmhithe clóis agus fiáine, sláinte plandaí agus sláinte an chomhshaoil i gcoitinne, lena n-áirítear éiceachórais, agus go bhfuil siad idirspleách. [Leasú 28]

(15b)   ciallaíonn ‘próitéin shimireach’ próitéiní arna gcruthú trí dhá ghéin nó níos mó nó codanna de ghéinte a chódaíodh ar dtús le haghaidh próitéiní ar leithligh a cheangal le chéile. [Leasú 29]

Airteagal 4

Scaoileadh réamhbheartaithe plandaí TGN chun aon chríche eile seachas lena gcur ar an margadh agus táirgí TGN a chur ar an margadh

Gan dochar do cheanglais eile de chuid dhlí an Aontais, ní ceadmhach planda TGN a scaoileadh sa chomhshaol ar bhonn réamhbheartaithe chun aon chríche eile seachas lena chur ar an margadh, agus ní ceadmhach táirge TGN a chur ar an margadh, ach amháin más rud é:

(1)  gur planda TGN de chatagóir 1 atá ann agus

(a)  go bhfuil cinneadh faighte ina leith lena ndearbhaítear an stádas sin i gcomhréir le hAirteagal 6 nó 7; nó

(b)  gur sliochtsíolrach é de phlanda/de phlandaí dá dtagraítear i bpointe (a) ar choinníoll go bhfuil na critéir choibhéise a leagtar amach in Iarscríbhinn I fós á gcomhlíonadh; nó [Leasú 30]; nó

(2)  gurb égur planda TGN de chatagóir 2 atá ann agusé an planda, agus go bhfuil toiliú deonaithe dó nó go bhfuil sé údaraithe i gcomhréir le Caibidil III. [Leasú 31]

Ní bheidh sé de chuspóir ná d’éifeacht ag cur chun feidhme, forfheidhmiú ná cur i bhfeidhm an Rialacháin seo cosc ná bac a chur ar allmhairí plandaí agus táirgí TGN ó thríú tíortha a chomhlíonann na caighdeáin chéanna a leagtar síos sa Rialachán seo. [Leasú 32]

Airteagal 4a

Eisiamh ó inphaitinneacht

Ní bheidh plandaí TGN, ábhar plandaí, codanna díobh, faisnéis ghéiniteach ná na gnéithe próisis atá iontu inphaitinnithe. [Leasú 33]

CAIBIDIL II

Plandaí TGN de chatagóir 1 agus táirgí TGN de chatagóir 1

Airteagal 5

Stádas phlandaí TGN de chatagóir 1

1.  Na rialacha a bhfuil feidhm acu maidir le OGManna i reachtaíocht an Aontais, ní bheidh feidhm acu maidir le plandaí TGN de chatagóir 1.

2.  Chun críocha Rialachán (AE) 2018/848, na rialacha a leagtar amach ina Airteagail 5 (f)in Airteagal 5 (f), (iii) agus in Airteagal 11,11 beidh feidhm acu maidir le plandaí TGN de chatagóir 1 agus maidir le táirgí a tháirgtear as nó trí na plandaí sin. [7 mbliana tar éis theacht i bhfeidhm an Rialacháin seo], tíolacfaidh an Coimisiún tuarascáil ar fhorbairt dhearcadh na dtomhaltóirí agus na dtáirgeoirí, lena ngabhfaidh, i gcás inarb iomchuí, togra reachtach. [Leasú 34]

3.  Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 26 lena leasaítear na critéir choibhéise maidir le plandaí TGN le gnáthphlandaí a leagtar síos in Iarscríbhinn I, agus na rioscaí gaolmhara agus na hiarmhairtí feidhmiúla a d’fhéadfadh a bheith sa nós imeachta fíorúcháin á gcur san áireamh, chun na critéir sin a chur in oiriúint do na forbairtí eolaíocha agus teicneolaíocha is déanaí chun iad a oiriúnú don dul chun cinn teicneolaíochta agus eolaíochta a mhéid a bhaineann le cineálacha agus le fairsinge na modhnuithe is féidir tarlú go nádúrtha nó tríd an ngnáthphórú. [Leasú 35]

3a.   Maidir le láithreacht aidbhinteach nó dhosheachanta go teicniúil plandaí TGN de chatagóir 1, ábhair atáirgthe nó codanna díobh i dtáirgeadh orgánach, nó i dtáirgí neamhorgánacha atá údaraithe i dtáirgeadh orgánach i gcomhréir le hAirteagail 24 agus 25 de Rialachán (AE) 2018/848, ní hionann í agus neamhchomhlíonadh an Rialacháin sin. [Leasú 36]

Airteagal 6

Nós imeachta fíorúcháin um stádas phlanda TGN de chatagóir 1 roimh scaoileadh réamhbheartaithe chun aon chríche eile seachas lena chur ar an margadh

1.  Chun an dearbhú maidir le stádas phlandaplanda TGN de chatagóir 1 dá dtagraítear in Airteagal 4(1), pointe (a) a fháil, sula dtabharfar faoi scaoileadh réamhbheartaithe phlandaplanda TGN chun aon chríche eile seachas lena chur ar an margadh, cuirfidh an duine a bheartóidh tabhairt faoin scaoileadh réamhbheartaithe iarraidh chun a fhíorú cé acu a chomhlíontar nó nachan gcomhlíontar na critéir a leagtar amach in Iarscríbhinn I, ar a laghad ceann amháin de na tréithe dá dtagraítear in Iarscríbhinn III, Cuid 1, agus na critéir eisiaimh in Iarscríbhinn III, Cuid 2, (‘iarraidh ar fhíorú’). Cuirfear an iarraidh sin ar fhíorú faoi bhráid an údaráisúdarás inniúil arna ainmniúde chuid an Bhallstáit, ar údarás é atá ainmnithe i gcomhréir le hAirteagal 4(4) de Threoir 2001/18/CE de chuid an Bhallstáit, ar laistigh dá chríoch a bhfuil an scaoileadh le tarlú i gcomhréir le míreanna 2 agus 3 agus leis an ngníomh cur chun feidhmetarmligthe arna ghlacadh i gcomhréir le hAirteagal 276(11a), pointe (b). [Leasú 37]

2.  I gcás ina mbeartóidh duine tabhairt faoin scaoileadh réamhbheartaithe den sórt sin go comhuaineach i mbreis agus aon Bhallstát amháin, cuirfidh an duine sin an iarraidh ar fhíorú faoi bhráid an údaráis inniúil de cheann amháin de na Ballstáit sin.

3.  An iarraidh ar fhíorú dá dtagraítear i mír 1, cuirfear isteach í i gcomhréir le formáidí caighdeánacha sonraí, i gcás ina mbeidh siad ann de bhun Airteagal 39f de Rialachán (CE) Uimh. 178/2002, agus áireofar inti, gan dochar d’aon fhaisnéis bhreise a bhféadfadh é a bheith de cheangal a chur isteach i gcomhréir le hAirteagal 32b de Rialachán (CE) Uimh. 178/2002:

(a)  ainm agus seoladh an iarrthóra;

(b)  ainmníocht agus sonraíocht an phlanda TGN;

(c)  tuairisc ar an tréith/natréith nó na tréithe agus ar na saintréithe a tugadh isteach nó a modhnaíodh, lena n-áirítear faisnéis ar an teicníc nó ar na teicnící a úsáideadh chun an tréith nó na tréithe a fháil agus lena n-áirítear nochtadh sheicheamh an ghéinmhodhnaithe; [Leasú 38]

(ca)   aon phaitinn nó aon iarratas ar phaitinn atá ar feitheamh a chumhdaíonn planda iomlán Chatagóir 1 NGT nó cuid de; [Leasú 253]

(d)  cóip de na staidéir, a rinneadh agus aon ábhar eile dá bhfuil ar fáil chun an méid seo a leanas a léiriú:

(i)  gur planda TGN é an planda, lena n‑áirítear gan aon ábhar géiniteach a bheith ann ar de thionscnamh lasmuigh deden linn géinte na bpóraitheoirí échun críoch gnáthphórúcháin i gcás inar ionsádh an t‑ábhar géiniteach sin go sealadach le linn fhorbairt an phlanda, i gcomhréir leis na ceanglais faisnéise a shonraítear sa ghníomh cur chun feidhmetarmligthe arna ghlacadh i gcomhréir le hAirteagal 276(11a), pointe (a); [Leasú 39]

(ii)  go gcomhlíonann an planda TGN na critéir a leagtar amach in Iarscríbhinn I, ar a laghad ceann amháin de na tréithe in Iarscríbhinn III, Cuid 1, agus na critéir eisiaimh d’Iarscríbhinn III, Cuid 2; [Leasú 40]

(da)   ainmníocht an chineáil; [Leasú 41]

(e)  sna cásanna dá dtagraítear i mír 2, léiriú ar na Ballstáit ina mbeartaíonn an t‑iarrthóir tabhairt faoin scaoileadh réamhbheartaithe;

(f)  sainaithint ar na codanna den iarraidh ar fhíorú agus aon fhaisnéis fhorlíontach eile a iarrfaidh an t‑iarrthóir go gcaithfear léi i modh rúin, lena ngabhann réasúnú atá infhíoraithe, de bhun Airteagal 11 den Rialachán seo agus Airteagal 39 de Rialachán (CE) Uimh. 178/2002.

4.  Admhóidh an t‑údarás inniúil don iarrthóir gan moill mhíchuí go bhfuair siad an iarraidh ar fhíorú, agus an dáta a bhfuarthas í á shonrú. Cuirfidh sé an iarraidh ar fáil do na Ballstáit eile agus don Choimisiún gan moill mhíchuí.

5.  Mura mbeidh san iarraidh ar fhíorú an fhaisnéis uile is gá, dearbhóidh an t‑údarás inniúil í a bheith neamh‑inghlactha laistigh de 30 lá oibre ó dháta faighte iarrata ar fhíorú. Cuirfidh an t‑údarás inniúil an t‑iarrthóir, na Ballstáit eile agus an Coimisiún ar an eolas faoi neamh‑inghlacthacht na hiarrata ar fhíorú agus soláthróidh na cúiseanna lena chinneadh.

6.  Mura measfar an iarraidh ar fhíorú a bheith neamh‑inghlactha i gcomhréir le mír 5, fíoróidh an t‑údarás inniúil cé acu a chomhlíonann nó nachnáisiúnta an gcomhlíonann an planda TGN na critéir a leagtar amach in Iarscríbhinn I agus ullmhóidh sé tuarascáil fíorúcháin laistigh de 30 lá oibre ó dháta faighte iarrata ar fhíorú. Féadfaidh an t-údarás inniúil, i gcás inarb iomchuí, dul i gcomhairle leis an Údarás Eorpach um Shábháilteacht Bia (‘EFSA’) agus an tuarascáil fíorúcháin á hullmhú aige. Cuirfidh an t‑údarás inniúil an tuarascáil fíorúcháin ar fáil do na Ballstáit eile agus don Choimisiún gan moill mhíchuí. [Leasú 42]

7.  Féadfaidh na Ballstáit eile agus an Coimisiún barúlacha a thabhairt faoin tuarascáilagóidí réasúnaithe a dhéanamh i gcoinne na tuarascála fíorúcháin, a mhéid a bhaineann le comhlíonadh na gcritéar a leagtar amach in Iarscríbhinn I, laistigh de 20 lá ó dháta faighte na tuarascála sin.ón dáta a fhaightear an tuarascáil sin. Ní dhéanfar tagairt sna hagóidí réasúnaithe sin ach amháin do na critéir a leagtar amach in Iarscríbhinn I agus in Iarscríbhinn II agus beidh réasúnú eolaíoch san áireamh iontu. [Leasú 43]

8.  In éagmais aon bharúilagóidí eolaíocha réasúnaithe ó Bhallstát ná ón gCoimisiún, laistigh de 10 lá oibre ó dháta dhul in éag an sprioc‑amaden sprioc-am dá dtagraítear i mír 7, déanfaidh an t‑údarást-údarás inniúil náisiúnta a d’ullmhaigh an tuarascáil fíorúcháin cinneadh lena ndearbhófar cé acu is planda TGN de chatagóir 1 é an planda TGN nó nach é. Tarchuirfidh séan t-údarás inniúil náisiúnta an cinneadh gan moill mhíchuílaistigh de 10 lá oibre chuig an iarrthóir, chuig na Ballstáit eile agus chuig an gCoimisiún. [Leasú 311]

9.  I gcásanna ina dtabharfaidh Ballstát eile nó an Coimisiún barúilagóid réasúnaithe faoin sprioc‑amsprioc-am dá dtagraítear i mír 7, cuirfidh an t‑údarást-údarás inniúil a d’ullmhaigh an tuarascáil fíorúcháin an bharúil (na barúlacha) ar aghaidh chuig an gCoimisiúnna hagóidí réasúnaithe ar fáil go poiblí gan moill mhíchuí. [Leasú 45]

10.  Déanfaidh an Coimisiún, tar éis dó dul i gcomhairle leis an Údarás Eorpach um Shábháilteacht Bia (‘an tÚdarás’), dréachtchinneadh a ullmhú lena ndearbhófar cé acu isan planda TGN de chatagóir 1 é an planda TGN nó nach é laistigh de 45 lá oibre ó dháta faighte na barúla (na mbarúlacha), agus an méid is deireanaí atá luaite á churn-agóidí réasúnaithe, agus na hagóidí sin á gcur san áireamh. Glacfar an cinneadh i gcomhréir leis an nós imeachta dá dtagraítear in Airteagal 28(2). [Leasú 46]

11.  Déanfaidh an Coimisiún an achoimre ar na cinntí dá dtagraítear i míreanna 8 agus 10 a fhoilsiú in Iris Oifigiúil an Aontais Eorpaigh.

Airteagal 7

Nós imeachta fíorúcháin um stádas phlanda TGN de chatagóir 1 roimh tháirgí TGN a chur ar an margadh

1.  I gcás nach mbeidh dearbhú maidir le stádas phlanda TGN de chatagóir 1 dá dtagraítear in Airteagal 4(1), pointe (a), déanta cheana féin i gcomhréir le hAirteagal 6, chun dearbhú den sórt sin a fháil sula gcuirfear táirge TGN ar an margadh, cuirfidh an duine a bheartóidh an táirge a chur ar an margadh iarraidh ar fhíorú faoi bhráid an Údaráis i gcomhréir le mír 2 agus leis an ngníomh cur chun feidhme arna ghlacadh i gcomhréir le hAirteagal 27, pointe (b).

2.  An iarraidh ar fhíorú dá dtagraítear i mír 1, cuirfear faoi bhráid an Údaráis í i gcomhréir le formáidí caighdeánacha sonraí, i gcás ina mbeidh siad ann de bhun Airteagal 39f de Rialachán (CE) Uimh. 178/2002, agus áireofar inti, gan dochar d’aon fhaisnéis bhreise a bhféadfadh é a bheith de cheangal a chur isteach i gcomhréir le hAirteagal 32b de Rialachán (CE) Uimh. 178/2002:

(a)  ainm agus seoladh an iarrthóra;

(b)  ainmníocht agus sonraíocht an phlanda TGN;

(ba)   ainmníocht an chineáil; [Leasú 48]

(c)  tuairisc ar an tréith/na tréithe agus ar na saintréithe a tugadh isteach nó a modhnaíodh lena n-áirítear faisnéis maidir leis an teicníc nó na teicnící a úsáideadh chun an tréith nó na tréithe a bhaint amach agus maidir le nochtadh sheicheamh an ghéinmhodhnaithe; [Leasú 49]

(d)  cóip de na staidéir, a rinneadh agus aon ábhar eile dá bhfuil ar fáil chun an méid seo a leanas a léiriú:

(i)  gur planda TGN é an planda, lena n‑áirítear gan aon ábhar géiniteach a bheith ann ar de thionscnamh lasmuigh de linn géinte na bpóraitheoirí é i gcás inar ionsádh an t‑ábhar géiniteach sin go sealadach le linn fhorbairt an phlanda, i gcomhréir leis na ceanglais faisnéise a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (a);

(ii)  go gcomhlíonann an planda TGN na critéir a leagtar amach in Iarscríbhinn I;

(da)  plean faireacháin le haghaidh éifeachtaí comhshaoil; [Leasú 260]

(e)  sainaithint ar na codanna den iarraidh ar fhíorú agus aon fhaisnéis fhorlíontach eile a iarrfaidh an t‑iarrthóir go gcaithfear léi i modh rúin, lena ngabhann réasúnú atá infhíoraithe, de bhun Airteagal 11 den Rialachán seo agus Airteagal 39 de Rialachán (CE) Uimh. 178/2002.

3.  Admhóidh an t‑Údarás don iarrthóir gan moill mhíchuí go bhfuair siad an iarraidh ar fhíorú, agus an dáta a bhfuarthas í á shonrú. Cuirfidh sé an iarraidh ar fhíorú ar fáil do na Ballstáit agus don Choimisiún gan moill mhíchuí agus cuirfidh sé an iarraidh ar fhíorú, faisnéis tacaíochta ábhartha agus aon fhaisnéis fhorlíontach arna soláthar ag an iarrthóir ar fáil go poiblí, i gcomhréir le hAirteagal 38(1) de Rialachán (CE) Uimh. 178/2002, tar éis aon fhaisnéis arna sainaithint mar fhaisnéis rúnda a fhágáil ar lár i gcomhréir le hAirteagal 39 go hAirteagal 39e de Rialachán (CE) Uimh. 178/2002 agus le hAirteagal 11 den Rialachán seo.

4.  Mura mbeidh san iarraidh ar fhíorú an fhaisnéis uile is gá, dearbhóidh an tÚdarás í a bheith neamh‑inghlactha laistigh de 30 lá oibre ó dháta faighte iarrata ar fhíorú. Cuirfidh an tÚdarás an t‑iarrthóir, na Ballstáit agus an Coimisiún ar an eolas faoi neamh‑inghlacthacht na hiarrata ar fhíorú agus soláthróidh na cúiseanna lena chinneadh.

5.  Mura measfar an iarraidh ar fhíorú a bheith neamh‑inghlactha i gcomhréir le mír 4, tabharfaidh an tÚdarás a ráiteas maidir le cé acu a chomhlíonann nó nach gcomhlíonann an planda TGN na critéir a leagtar amach in Iarscríbhinn I laistigh de 30 lá oibre ó dháta faighte iarrata ar fhíorú. Cuirfidh an tÚdarás an ráiteas ar fáil don Choimisiún agus do na Ballstáit. Déanfaidh an tÚdarás, i gcomhréir le hAirteagal 38(1) de Rialachán (CE) Uimh. 178/2002, a thuairim a chur ar fáil don phobal, tar éis aon fhaisnéis arna haithint mar fhaisnéis rúnda a scriosadh i gcomhréir le hAirteagal 39 go hAirteagal 39e de Rialachán (CE) Uimh. 178/2002 agus Airteagal 11 den Rialachán seo.

6.  Ullmhóidh an Coimisiún dréachtchinneadh lena ndearbhófar cé acu is planda TGN de chatagóir 1 é an planda TGN nó nach é laistigh de 30 lá oibre ó dháta faighte an ráitis ón Údarás, agus an méid is deireanaí atá luaite á chur san áireamh. Glacfar an cinneadh i gcomhréir leis an nós imeachta dá dtagraítear in Airteagal 28(2).

7.  Foilseoidh an Coimisiún achoimre ar an gcinneadhan cinneadh deiridh in Iris Oifigiúil an Aontais Eorpaigh agus foilseoidh sé, ar leathanach gréasáin tiomnaithe a bheidh ar fáil go poiblí, a dhréachtchinneadh agus na hagóidí réasúnaithe dá dtagraítear in Airteagal 6. [Leasú 50]

Airteagal 8

Córas malartaithe faisnéise idir na Ballstáit, an Coimisiún agus an tÚdarás

Bunóidh agus coinneoidh an Coimisiún córas leictreonach ar bun lenar féidir iarrataí ar fhíorú a chur isteach i gcomhréir le hAirteagail 6 agus 7 agus faisnéis faoin Teideal seo a mhalartú.

Airteagal 9

Bunachar sonraí na gcinntí lena ndearbhaítear stádas phlanda TGN de chatagóir 1

1.  Bunóidh agus coinneoidh an Coimisiún bunachar sonraí ar bun lena liostófar na cinntí lena ndearbhófar stádas phlanda TGN de chatagóir 1 arna ghlacadh i gcomhréir le hAirteagal 6(8) agus (10) agus le hAirteagal 7(6).

Beidh an fhaisnéis seo a leanas sa bhunachar sonraí:

(a)  ainm agus seoladh an iarrthóra;

(b)  ainmníocht agus sonraíocht an phlanda TGN de chatagóir 1; [Leasú 51]

(ba)   ainmníocht an chineáil; [Leasú 52]

(c)  tuairisc achoimrithe ar an teicníc/na teicnící a úsáideadh chun an géinmhodhnú a fháil;

(d)  tuairisc ar an tréith/na tréithe agus ar na saintréithe a tugadh isteach nó a modhnaíodh;

(e)  uimhir aitheantais, agus

(ea)   má sholáthraítear iad, tuairim nó ráiteas EFSA, dá dtagraítear in Airteagal 6(10) agus in Airteagal 7(5); agus [Leasú 53]

(f)  an cinneadh dá dtagraítear in Airteagal 6(8) nó (10), agus in Airteagal 7(6), de réir mar is iomchuí.

2.  Cuirfear an bunachar sonraí ar fáil go poiblí, agus i bhformáid ar líne. [Leasú 54]

Airteagal 10

Lipéadú ábhar atáirgthe plandaí TGN de chatagóir 1, lena n‑áirítear ábhar pórúcháin

Maidir le plandaí TGN de chatagóir 1, táirgí ina bhfuil nó atá comhdhéanta de phlanda/phlandaí TGN de chatagóir 1 agus ábhar atáirgthe plandaí, lena n‑áirítearn-áirítear ábhar chun críoch pórúcháin agus eolaíochta, ina bhfuil nó atá comhdhéanta de phlanda/phlandaí TGN de chatagóir 1 agus a chuirtear ar fáil do thríú páirtithe, cibé acu is ar íocaíocht nó saor in aisce é, beidh lipéad air lena léireofar na focail ‘TGN cat 1’ [TGN de chatagóir 1], agusTeicnící Géanómaíocha Nua. I gcás ábhair atáirgthe plandaí, beidh uimhir aitheantais an phlanda/naphlanda TGN/na bplandaí TGN dá díorthaíodh é ina dhiaidh. [Leasú 264]

Soláthrófar inrianaitheacht iomchuí bunaithe ar dhoiciméid le haghaidh TGNanna trí fhaisnéis a tharchur agus a choinneáil lena sonraítear táirgí ina bhfuil nó atá comhdhéanta de phlandaí agus táirge TGN, agus na cóid uathúla le haghaidh na TGNanna sin, ag gach céim dá gcur ar an margadh. [Leasú 265]

Airteagal 11

Rúndacht

1.  Féadfaidh an t‑iarrthóir dá dtagraítear in Airteagail 6 agus 7 iarraidh a chur faoi bhráid údarás inniúil an Bhallstáit nó an Údaráis, de réir mar is iomchuí, go gcaithfear le codanna áirithe den fhaisnéis a chuirfear isteach faoin Teideal seo i modh rúin, lena ngabhann réasúnú atá infhíoraithe, i gcomhréir le míreanna 3 agus 6.

2.  Déanfaidh an t‑údarás inniúil nó an tÚdarás, de réir mar is iomchuí, measúnú ar an iarraidh ar rúndacht dá dtagraítear i mír 1.

3.  Ní fhéadfaidh an t‑údarás inniúil, nó an tÚdarás, de réir mar is iomchuí, a cheadú go gcaithfí i modh rúin leis na míreanna faisnéise seo a leanas, ar thabhairt údair infhíoraithe dó sin, i gcás ina dtaispeánfaidh an t‑iarrthóir go bhféadfadh nochtadh na faisnéise sin dochar nár bheag a dhéanamh dá leasanna:

(a)  míreanna faisnéise dá dtagraítear i bpointí (a), (b) agus (c) d’Airteagal 39(2) de Rialachán (CE) Uimh. 178/2002;

(b)  faisnéis faoin seicheamh DNA; agus

(c)  patrúin phórúcháin agus straitéisí pórúcháin.

4.  Déanfaidh an t‑údarás inniúil nó an tÚdarás, de réir mar is iomchuí, tar éis dó dul i gcomhairle leis an iarrthóir, cinneadh maidir leis an bhfaisnéis a bhfuiltear le caitheamh léi i modh rúin agus cuirfidh an t‑iarrthóir ar an eolas faoina chinneadh.

5.  Déanfaidh na Ballstáit, an Coimisiún agus an tÚdarás na bearta is gá lena áirithiú nach ndéanfar faisnéis rúnda a dtabharfar fógra fúithi nó a mhalartófar faoin gCaibidil seo ar fáil go poiblí.

6.  Beidh feidhm freisin, mutatis mutandis, ag forálacha ábhartha d’Airteagal 39e agus d’Airteagal 41 de Rialachán (CE) Uimh. 178/2002.

7.  I gcás ina dtarraingeoidh an t‑iarrthóir an iarraidh ar fhíorú siar, urramóidh na Ballstáit, an Coimisiún agus an tÚdarás, an rúndacht mar a cheadaigh an t‑údarás inniúil nó an tÚdarás í i gcomhréir leis an Airteagal seo. I gcás ina dtarraingeofar an iarraidh ar fhíorú siar sula mbeidh cinneadh déanta ag an údarás inniúil nó ag an Údarás faoin iarraidh ábhartha ar rúndacht, ní chuirfidh na Ballstáit, an Coimisiún, ná an tÚdarás, an fhaisnéis a bhfuil rúndacht iarrtha ina leith, ar fáil go poiblí.

Airteagal 11a

An cinneadh a tharraingt siar

Má léiríonn torthaí an fhaireacháin go bhfuil riosca ann don tsláinte nó don chomhshaol, nó má thacaíonn sonraí eolaíocha nua leis an hipitéis sin, féadfaidh an t-údarás inniúil a chinneadh dá dtagraítear in Airteagal 6(8) nó an ráiteas dá dtagraítear in Airteagal 7(5) a tharraingt siar. Ní mór an cinneadh maidir le tarraingt siar a sheoladh tríd an bpost cláraithe chuig tairbhí an chinnidh, agus beidh 15 lá aige chun barúlacha a thabhairt. Sa chás sin, beidh toirmeasc ar phlanda TGN nó ar tháirge TGN a mhargú ón lá tar éis an dáta a fhaightear an litir chláraithe. [Leasú 266]

CAIBIDIL III

Plandaí TGN de chatagóir 2 agus táirgí TGN de chatagóir 2

Airteagal 12

Stádas phlandaí TGN de chatagóir 2 agus tháirgí TGN de chatagóir 2

Na rialacha a bhfuil feidhm acu maidir le OGManna i reachtaíocht an Aontais a mhéid nach bhfuil siad ina maolú ar an Rialachán seo, beidh feidhm acu maidir le plandaí TGN de chatagóir 2 agus le táirgí TGN de chatagóir 2.

ROINN 1

Scaoileadh réamhbheartaithe plandaí TGN de chatagóir 2 chun aon chríche eile seachas lena gcur ar an margadh

Airteagal 13

Inneachar an fhógra dá dtagraítear in Airteagal 6 de Threoir 2001/18/CE

A mhéid a bhaineann le scaoileadh réamhbheartaithe phlanda TGN de chatagóir 2 chun aon chríche eile seachas lena chur ar an margadh, áireofar san fhógra dá dtagraítear in Airteagal 6(1) de Threoir 2001/18/CE:

(a)  ainm agus seoladh an fhógróra;

(b)  cóip de na staidéir, a rinneadh agus aon ábhar eile dá bhfuil ar fáil chun a léiriú gur planda TGN é an planda, lena n‑áirítear gan aon ábhar géiniteach a bheith ann ar de thionscnamh lasmuigh de linn géinte na bpóraitheoirí é i gcás inar ionsádh ábhar géiniteach den sórt sin go sealadach le linn fhorbairt an phlanda, i gcomhréir leis na ceanglais faisnéise a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (a);

(c)  sainchomhad teicniúil lena soláthrófar an fhaisnéis a shonraítear in Iarscríbhinn II agus is gá chun an measúnú riosca comhshaoil a dhéanamh ar scaoileadh réamhbheartaithe planda TGN nó theaglaim phlandaí TGN:

(i)  faisnéis ghinearálta lena n‑áirítear faisnéis ar phearsanra agus ar oiliúint;

(ii)  faisnéis a bhaineann le planda (plandaí) TGN de chatagóir 2;

(iii)  faisnéis a bhaineann leis na coinníollacha i dtaca leis an scaoileadh saor agus leis an timpeallacht ghlactha fhéideartha;

(iv)  faisnéis faoi na hidirghníomhaíochtaí idir planda (plandaí) TGN de chatagóir 2 agus an comhshaol;

(v)  plean chun faireachán a dhéanamh chun éifeachtaí phlanda (phlandaí) TGN de chatagóir 2 ar shláinte an duine nó ar an gcomhshaol a shainaithint;

(vi)  i gcás inarb ábhartha, faisnéis faoin rialú, modhanna feabhsúcháin, pleananna cóireála dramhaíola agus práinnfhreagartha;

(vii)  sainaithint ar na codanna den iarraidh ar fhíorú agus aon fhaisnéis fhorlíontach eile a iarrfaidh an t‑iarrthóir go gcaithfear léi i modh rúin, lena ngabhann réasúnú atá infhíoraithe, de bhun Airteagal 25 de Threoir 2001/18;

(viii)  achoimre ar an sainchomhad;

(d)  an measúnú riosca don comhshaoil a rinneadh i gcomhréir leis na prionsabail agus leis na critéir a leagtar amach i gCodanna 1 agus 2 d’Iarscríbhinn II agus leis an ngníomh cur chun feidhme arna ghlacadh i gcomhréir le hAirteagal 27, pointe (c).

ROINN 2

Táirgí TGN de chatagóir 2 seachas bia nó beatha a chur ar an margadh

Airteagal 14

Inneachar an fhógra dá dtagraítear in Airteagal 13 de Threoir 2001/18/CE

1.  A mhéid a bhaineann le táirgí TGN de chatagóir 2 seachas bia agus beatha a chur ar an margadh, san fhógra dá dtagraítear in Airteagal 13(2) de Threoir 2001/18/CE, gan dochar d’aon fhaisnéis bhreise a bhféadfadh é a bheith de cheangal a chur isteach i gcomhréir le hAirteagal 32b de Rialachán (CE) Uimh. 178/2002, beidh an méid seo a leanas:

(a)  ainm agus seoladh an fhógróra agus a ionadaí atá bunaithe san Aontas (mura mbeidh an fógróir bunaithe san Aontas);

(b)  ainmníocht agus sonraíocht phlanda TGN de chatagóir 2;

(c)  raon feidhme an fhógra:

(i)  saothrú;

(ii)  úsáidí eile (a bheidh le sonrú san fhógra);

(d)  cóip de na staidéir, a rinneadh agus aon ábhar eile dá bhfuil ar fáil chun a léiriú gur planda TGN é an planda, lena n‑áirítear gan aon ábhar géiniteach a bheith ann ar de thionscnamh lasmuigh de linn géinte na bpóraitheoirí é i gcás inar ionsádh ábhar géiniteach den sórt sin go sealadach le linn fhorbairt an phlanda, i gcomhréir leis na ceanglais faisnéise a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (a);

(e)  an measúnú riosca comhshaoil a rinneadh i gcomhréir leis na prionsabail agus leis na critéir a leagtar amach i gCodanna 1 agus 2 d’Iarscríbhinn II agus leis an ngníomh cur chun feidhme arna ghlacadh i gcomhréir le hAirteagal 27, pointe (c);

(f)  na coinníollacha maidir leis an táirge a chur ar an margadh, lena n‑áirítear coinníollacha sonracha úsáide agus láimhseála;

(g)  maidir le hAirteagal 15(4) de Threoir 2001/18/CE, tréimhse atá beartaithe don toiliú, ar tréimhse í nár cheart a bheith níos faide ná 10 mbliana;

(h)  i gcás inarb iomchuí, plean faireacháin maidir le héifeachtaí comhshaoil i gcomhréir le hIarscríbhinn VII a ghabhann le Treoir 2001/18/CE, lena n‑áirítear togra maidir le ré an phlean faireacháin; d’fhéadfadh an tréimhse ama sin a bheith difriúil leis an tréimhse atá beartaithe don toiliú. Más rud é, bunaithe ar thorthaí aon scaoilte a fógraíodh i gcomhréir le Roinn 1, i ndáil le torthaí an mheasúnaithe riosca comhshaoil, saintréithe an phlanda TGN, saintréithe agus scála a úsáide ionchasaí agus saintréithe na timpeallachta glactha, i gcomhréir leis an ngníomh cur chun feidhme a glacadh i gcomhréir le hAirteagal 27, pointe (d), go measann an fógróir nach bhfuil gá le plean faireacháin maidir leis an bplanda TGN, féadfaidh an fógróir a mholadh gan plean faireacháin a chur isteach;

(i)  togra le haghaidh lipéadú a chomhlíonfaidh na ceanglais a leagtar síos i bpointe A.8. d’Iarscríbhinn IV a ghabhann le Treoir 2001/18/CE, Airteagal 4(6) de Rialachán (CE) Uimh. 1830/2003 agus Airteagal 23 den Rialachán seo;

(j)  ainmneacha tráchtála beartaithe na dtáirgí agus ainmneacha na bplandaí de chatagóir 2 TGN atá iontu, agus togra le haghaidh aitheantóir uathúil do phlanda de chatagóir 2 TGN, arna bhforbairt i gcomhréir le Rialachán (CE) Uimh. 65/2004 ón gCoimisiún ((32)). Tar éis an toilithe, ba cheart aon ainmneacha tráchtála nua a thabhairt don údarás inniúil;

(k)  tuairisc ar an gcaoi a bhfuil sé beartaithe an táirge a úsáid. Aibhseofar difríochtaí in úsáid nó i mbainistiú an táirge sin i gcomparáid le táirgí comhchosúla atá neamh‑ghéinmhodhnaithe;

(l)  modhanna samplála (lena n‑áirítear tagairtí do mhodhanna samplála oifigiúla nó caighdeánaithe atá ann cheana), brath, sainaithint agus cainníochtú an phlanda TGN. I gcásanna nach féidir modh anailíseach a sholáthar a bhraitheann, a shainaithníonn agus a chainníochtaíonn, má thugann an fógróir údar cuí leis, déanfar na rialacha mionsonraithe maidir le ceanglais modha anailíse a chomhlíonadh a oiriúnú mar a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (e) agus sa chomhairle dá dtagraítear in Airteagal 29(2);

(m)  samplaí den phlanda TGN de chatagóir 2 agus a samplaí rialaithe, agus faisnéis faoin áit ar féidir rochtain a fháil ar an ábhar tagartha;

(n)  i gcás inarb infheidhme, an fhaisnéis atá le soláthar chun Iarscríbhinn II a ghabhann le Prótacal Cartagena ar an mBithshábháilteacht a ghabhann leis an gCoinbhinsiún maidir leis an Éagsúlacht Bhitheolaíoch a chomhlíonadh;

(o)  sainaithint ar na codanna den iarratas agus aon fhaisnéis fhorlíontach eile a n‑iarrfaidh iarratasóir go gcaithfear léi i modh rúin, lena ngabhfaidh réasúnú atá infhíoraithe, de bhun Airteagal 25 de Threoir 2001/18/CE agus Airteagal 39 go hAirteagal 39e de Rialachán (CE) Uimh. 178/2002;

(p)  achoimre ar an sainchomhad i bhfoirm chaighdeánaithe.

2.  Áireoidh an fógróir san fhógra seo faisnéis maidir le sonraí nó torthaí ó scaoileadh an phlanda céanna TGN de chatagóir 2 nó ó scaoileadh an comhcheangal céanna de phlandaí TGN de chatagóir 2 ar thug an fógróir fógra fúthu roimhe sin nó atá ann faoi láthair agus/nó a rinne an fógróir laistigh nó lasmuigh den Aontas.

3.  An t‑údarás inniúil a ullmhaíonn an tuarascáil mheasúnaithe dá dtagraítear in Airteagal 14 de Threoir 2001/18/CE scrúdóidh sé an fógra maidir le comhlíonadh míreanna 1 agus 2.

Airteagal 15

Forálacha sonracha maidir le faireachán

Sa toiliú i scríbhinn dá dtagraítear in Airteagal 19 de Threoir 2001/18/CE sonrófar ceanglais faireacháin, mar a thuairiscítear in Airteagal 19(3) pointe (f), nó dearbhófar ann nach bhfuil gá le faireachán. Ní bheidh feidhm ag Airteagal 17(2), pointe (b) de Threoir 2001/18/CE mura gceanglaítear faireachán a dhéanamh leis an toiliú.

Airteagal 16

Lipéadú i gcomhréir le hAirteagal 23

Ina theannta Airteagal 19(3) de Threoir 2001/18/CE, sonrófar an lipéadú sa toiliú i scríbhinn i gcomhréir le hAirteagal 23 den Rialachán seo. [Leasú 56]

Airteagal 17

Fad bhailíocht an toilithe tar éis na hathnuachana

1.  Beidh an toiliú a dheonaítear faoi Chuid C de Threoir 2001/18/CE, tar éis na chéad athnuachana i gcomhréir le hAirteagal 17 de Threoir 2001/18/CE, bailí ar feadh tréimhse neamhtheoranta, mura bhforáiltear leis an gcinneadh dá dtagraítear in Airteagal 17(6) nó (8) gur athnuachan ar feadh tréimhse theoranta é, ar fhorais a bhfuil údar leo bunaithe ar thorthaí an mheasúnaithe riosca a rinneadh de bhun an Rialacháin seo agus ar thaithí na húsáide, lena n‑áirítear torthaí an fhaireacháin, má shonraítear amhlaidh sa toiliú.

2.  Ní bheidh feidhm ag an abairt dheireanach in Airteagal 17(6) agus (8) de Threoir 2001/18/CE.

2a.   Má léiríonn torthaí an fhaireacháin go bhfuil riosca ann don tsláinte nó don chomhshaol, nó má thacaíonn sonraí eolaíocha nua leis an hipitéis sin, féadfaidh an t-údarás inniúil a chinneadh a tharraingt siar. Ní mór an cinneadh maidir le tarraingt siar a sheoladh tríd an bpost cláraithe chuig tairbhí an chinnidh, agus beidh 15 lá aige chun barúlacha a thabhairt. Sa chás sin, beidh toirmeasc ar phlanda TGN nó ar tháirge TGN a mhargú ón lá tar éis an dáta a fhaightear an litir chláraithe. [Leasú 268]

ROINN 3

Plandaí de chatagóir 2 TGN le haghaidh úsáid bia nó beatha agus catagóir 2 bia agus beatha TGN a chur ar an margadh

Airteagal 18

Raon feidhme

Beidh feidhm ag an Roinn seo maidir leis an méid seo a leanas:

(a)  plandaí de chatagóir 2 TGN atá ceaptha lena n‑úsáid mar bhia nó le haghaidh beatha;

(b)  bia ina bhfuil, atá comhdhéanta de nó a tháirgtear as plandaí de chatagóir 2 TGN nó ina bhfuil comhábhair a tháirgtear ó phlandaí de chatagóir 2 TGN (‘bia de chatagóir 2’);

(c)  beatha ina bhfuil plandaí de chatagóir 2 TGN (‘beatha TGN de chatagóir 2’) nó a tháirgtear as na plandaí sin.

Airteagal 19

Forálacha sonracha maidir leis an iarratas ar údarú dá dtagraítear in Airteagal 5 agus in Airteagal 17 de Rialachán (CE) Uimh. 1829/2003

1.  De mhaolú ar Airteagal 5(3), pointe (e), agus Airteagal 17(3), pointe (e), de Rialachán (CE) Uimh. 1829/2003, agus gan dochar d’aon fhaisnéis bhreise a d’fhéadfadh a bheith de dhíth i gcomhréir le hAirteagal 32b de Rialachán (CE) Uimh. 178/2002, beidh cóip de na staidéir, lena n‑áirítear, i gcás ina mbeidh siad ar fáil, staidéir neamhspleácha, staidéir phiarmheasúnaithe a rinneadh agus aon ábhar eile atá ar fáil, ag gabháil le hiarratas ar údarú do phlanda de chatagóir 2 TGN le haghaidh bia nó beatha, nó do chatagóir 2, bia nó beatha TGN, lena n‑áirítear, staidéir neamhspleácha a ndearnadh athbhreithniú piaraí orthu, agus aon ábhar eile atá ar fáil chun an méid seo a leanas a léiriú:

(a)  gur planda TGN é an planda, lena n‑áirítear gan aon ábhar géiniteach a bheith ann ar de thionscnamh lasmuigh de linn géinte na bpóraitheoirí é i gcás inar ionsádh an t‑ábhar géiniteach sin go sealadach le linn fhorbairt an phlanda, i gcomhréir leis na ceanglais faisnéise a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (a);

(b)  comhlíonann an bia nó an bheatha na critéir dá dtagraítear in Airteagal 4(1) nó in Airteagal 16(1) de Rialachán (CE) Uimh. 1829/2003, faoi seach, bunaithe ar mheasúnú sábháilteachta ar an mbia nó ar an mbeatha a dhéantar i gcomhréir leis na prionsabail agus na critéir a leagtar síos i gCuid 1 agus i gCuid 3 d’Iarscríbhinn II a ghabhann leis an Rialachán seo agus leis an ngníomh cur chun feidhme arna ghlacadh i gcomhréir le hAirteagal 27, pointe (c).

2.  De mhaolú ar Airteagal 5(3), pointe (i), agus Airteagal 17(3), pointe (i), de Rialachán (CE) Uimh. 1829/2003, beidh ag gabháil le hiarratas ar údarú modhanna samplála (lena n‑áirítear tagairtí do mhodhanna samplála oifigiúla nó caighdeánaithe atá ann cheana), brath, sainaithint agus cainníochtú an phlanda TGN agus, i gcás inarb infheidhme, chun an planda TGN a bhrath agus a shainaithint i mbia nó i mbeatha TGN.

I gcásanna nach bhfuil sé indéanta modh anailíseach a sholáthar a bhraitheann, a shainaithníonn agus a chainníochtaíonn, má thugann an t‑iarratasóir údar cuí leis nó má thugann Saotharlann Tagartha an Aontais Eorpaigh dá dtagraítear in Airteagal 32 de Rialachán (CE) Uimh. 1829/2003 i gcrích é le linn an nós imeachta dá dtagraítear in Airteagal 20(4), déanfar na rialacha mionsonraithe maidir le ceanglais modha anailíseacha a chomhlíonadh a oiriúnú mar a shonraítear sa ghníomh cur chun feidhme arna ghlacadh i gcomhréir le hAirteagal 27, pointe (e) agus sa treoraíocht dá dtagraítear in Airteagal 29(2);

3.  De mhaolú ar Airteagal 5(5) agus ar Airteagal 17(5) de Rialachán (CE) Uimh. 1829/2003, i gcás plandaí TGN de chatagóir 2 nó bia nó beatha ina bhfuil plandaí TGN de chatagóir 2 nó atá comhdhéanta díobh, beidh an méid seo a leanas ag gabháil leis an iarratas freisin:

(a)  an measúnú riosca comhshaoil a rinneadh i gcomhréir leis na prionsabail agus leis na critéir a leagtar amach i gCodanna 1 agus 2 d’Iarscríbhinn II agus leis an ngníomh cur chun feidhme arna ghlacadh i gcomhréir le hAirteagal 27, pointe (c);

(b)  i gcás inarb iomchuí, plean faireacháin maidir le héifeachtaí comhshaoil i gcomhréir le hIarscríbhinn VII a ghabhann le Treoir 2001/18/CE, lena n‑áirítear togra maidir le ré an phlean faireacháin. D’fhéadfadh an ré sin a bheith difriúil ó fhad an údaraithe. Más rud é, bunaithe ar thorthaí aon scaoilte a fógraíodh i gcomhréir le Roinn 1, torthaí an mheasúnaithe riosca comhshaoil, saintréithe an phlanda TGN, saintréithe agus scála a úsáide ionchais agus saintréithe na timpeallachta glactha, go measann an t‑iarratasóir, i gcomhréir leis an ngníomh cur chun feidhme arna ghlacadh i gcomhréir le hAirteagal 27, pointe (d), go bhfuil plean faireacháin riachtanach maidir leis an bplanda TGN, féadfaidh an t‑iarratasóir a mholadh gan plean faireacháin a chur isteach.

4.  Beidh togra maidir le lipéadú san iarratas freisin i gcomhréir le hAirteagal 23.

Airteagal 20

Forálacha sonracha maidir le tuairim an Údaráis

1.  De mhaolú ar Airteagal 6(1) agus (2) agus Airteagal 18(1) agus (2) de Rialachán (CE) Uimh. 1829/2003, tabharfaidh an tÚdarás tuairim uaidh maidir leis an iarratas ar údarú dá dtagraítear in Airteagal 19 den Rialachán seo laistigh de sé mhí ón tráth a bhfaighfear iarratas bailí.

I gcás ina measfaidh an tÚdarás nó údarás inniúil an Bhallstáit a dhéanfaidh an measúnú riosca comhshaoil nó an measúnú sábháilteachta ar an mbia nó ar an mbeatha de bhun Airteagal 6(3), pointí (b) agus (c) agus Airteagal 18(3), pointí (b) agus (c) de Rialachán (CE) Uimh. 1829/2003 go bhfuil gá le faisnéis bhreise, iarrfaidh an tÚdarás, nó an t‑údarás inniúil náisiúnta tríd an Údarás, ar an iarratasóir an fhaisnéis sin a chur isteach laistigh de theorainn ama shonraithe. Sa chás sin, déanfar an tréimhse 6 mhí a fhadú go ceann na tréimhse bhreise. Ní rachaidh an síneadh sin thar sé mhí ar an iomlán ach amháin i gcás go mbeidh call leis mar gheall ar chineál na sonraí a iarrtar nó mar gheall ar imthosca eisceachtúla.

2.  I dteannta na gcúraimí dá dtagraítear in Airteagal 6(3) agus in Airteagal 18(3) de Rialachán (CE) Uimh. 1829/2003, fíoróidh an tÚdarás an bhfuil na sonraí agus na doiciméid uile a chuir an t‑iarratasóir isteach i gcomhréir le hAirteagal 19 den Rialachán seo.

3.  De mhaolú ar Airteagal 6(3), pointe (d), agus Airteagal 18(3), pointe (d), de Rialachán (CE) Uimh. 1829/2003, cuirfidh an tÚdarás na sonraí dá dtagraítear in Airteagal 19(2) den Rialachán seo agus in Airteagal 5(3), pointe (j), agus Airteagal 17(3), pointe (j) de Rialachán (CE) Uimh. 1829/2003 ar aghaidh chuig saotharlann tagartha an Aontais dá dtagraítear in Airteagal 32 de Rialachán (CE) Uimh. 1829/2003.

4.  Déanfaidh saotharlann tagartha an Aontais tástáil agus bailíochtú ar an modh braite, sainaitheantasainaitheantais agus cainníochtaithe arna mholadhatá molta ag an iarratasóir a thástáil agus a bhailíochtú i gcomhréir le hAirteagal 19(2) nó déanfaidh sí measúnú i dtaobh an bhfuil údar maith leis an bhfaisnéis a chuireann an t‑iarratasóir ar fáil chun módúlachtaí. Má thugann an t-iarratasóir údar le rialacha mionsonraithe oiriúnaithe a chur i bhfeidhm chun ceanglais an mhodha braite dá dtagraítear sa mhír sin a chomhlíonadh, déanfaidh saotharlann tagartha an Aontais a taighde agus a hanailísí féin chun an neamh-indéantacht maíte a dheimhniú. Sa chás sin, spreagfar cinneadh shaotharlann tagartha an Aontais agus cuirfear ar fáil don phobal é. [Leasú 228]

5.  De mhaolú ar Airteagal 6(5), pointe (f), agus Airteagal 18(5), pointe (f), de Rialachán (CE) Uimh. 1829/2003, i gcás tuairim i bhfabhar an bia nó an bheatha a údarú, áireofar sa tuairim freisin:

(a)  an modh braite, arna bhailíochtú ag saotharlann tagartha an Aontais, lena n‑áirítear sampláil, agus, i gcás inarb infheidhme, sainaithint agus cainníochtú an phlanda TGN agus brath agus sainaithint an phlanda TGN i mbia nó i mbeatha TGN, agus bonn cirt le haon oiriúnú ar an modh sna cásanna dá dtagraítear in Airteagal 19(2), fomhír 2;

(b)  tásc ar an áit ar féidir rochtain a fháil ar ábhar tagartha iomchuí.

6.  I dteannta na sonraí a luaitear in Airteagal 6(5), pointe (d) agus Airteagal 18(5), pointe (d) de Rialachán (CE) Uimh. 1829/2003, áireofar sa tuairim freisin togra maidir le lipéadú i gcomhréir le hAirteagal 23 den Rialachán seo.

Airteagal 21

Fad bhailíocht an údaraithe tar éis athnuachana

De mhaolú ar Airteagal 11(1) agus Airteagal 23(1) de Rialachán (CE) Uimh. 1829/2003, tar éis na chéad athnuachana, beidh an t‑údarú bailí ar feadh tréimhse neamhtheoranta, ach amháin má chinneann an Coimisiún an t‑údarú a athnuachan go ceann tréimhse teoranta, ar fhorais a bhfuil údar leo bunaithe ar thorthaí an mheasúnaithe riosca a rinneadh de bhun an Rialacháin seo agus ar thaithí ar úsáid, lena n‑áirítear torthaí faireacháin, má shonraítear amhlaidh san údarú.

Déanfaidh saotharlann tagartha an Aontais an modh braite, sainaitheantais agus cainníochtaithe atá molta ag an iarratasóir a thástáil agus a bhailíochtú i gcomhréir le hAirteagal 19(2). Má thugann an t-iarratasóir údar le rialacha mionsonraithe oiriúnaithe a chur i bhfeidhm chun ceanglais an mhodha braite a chomhlíonadh, déanfaidh saotharlann tagartha an Aontais a taighde agus a hanailísí féin chun an neamh-indéantacht maíte a dheimhniú. Sa chás sin, spreagfar cinneadh shaotharlann tagartha an Aontais agus cuirfear ar fáil don phobal é. [Leasú 270]

ROINN 4

Forálacha coiteanna maidir le plandaí TGN de chatagóir 2 agus táirgí TGN de chatagóir 2

Airteagal 22

Dreasachtaí do phlandaí TGN de chatagóir 2 agus do tháirgí TGN de chatagóir 2 ina bhfuil tréithe atá ábhartha don inbhuanaitheacht

1.  Beidh feidhm ag na dreasachtaí san Airteagal seo maidir le plandaí TGN de chatagóir 2 agus maidir le táirgí TGN de chatagóir 2 , i gcás ina bhfuil ceann amháin ar a laghad de thréithe beartaithe an phlanda TGN a thugtar tríd an ngéinmhodhnú le fáil i gCuid 1 d’Iarscríbhinn IIIin Airteagal 51(1) de Rialachán (AE/...)(33) agus nach bhfuil aon tréith aige dá dtagraítear i gCuid 2 den Iarscríbhinn sin. [Leasú 57]

2.  Beidh feidhm ag na dreasachtaí seo a leanas maidir le hiarratais ar údarú a chuirfear isteach i gcomhréir le hAirteagail 5 nó 17 de Rialachán (CE) Uimh. 1829/2003 i gcomhar le hAirteagal 19:

(a)  de mhaolú ar Airteagal 20(1), fo‑alt (1) den Rialachán seo, tabharfaidh an tÚdarás a thuairim maidir leis an iarratas laistigh de 4 mhí ón iarratas bailí a fháil, mura rud é go n‑éilíonn castacht an táirge go gcuirfear i bhfeidhm an teorainn ama dá dtagraítear in Airteagal 20(1). Féadfar an teorainn ama a fhadú faoi na coinníollacha atá leagtha amach in Airteagal 20(1), fo‑alt (2);

(b)  i gcás inar FBM an t‑iarratasóir, beidh sé díolmhaithe ó na ranníocaíochtaí airgeadais a íoc le Saotharlann Tagartha an Aontais agus leis an Líonra Eorpach de Shaotharlanna OGM dá dtagraítear in Airteagal 32 de Rialachán (CE) Uimh. 1829/2003.

3.  Beidh feidhm ag an gcomhairle réamhthíolactha seo a leanas chun críocha an mheasúnaithe riosca arna dhéanamh i gcomhréir le hIarscríbhinn II, de bhreis ar Airteagal 32a de Rialachán (CE) Uimh. 178/2002, roimh fhógraí a thíolacadh i gcomhréir le hAirteagal 13 de Threoir 2001/18/CE i gcomhar le hAirteagal 14 agus maidir le hiarratais ar údarú arna dtíolacadh i gcomhréir le hAirteagal 5 nó le hAirteagal 17 de Rialachán (CE) Uimh. 1829/2003 i gcomhar le hAirteagal 19:

(a)  soláthróidh foireann an Údaráis, arna iarraidh sin d’iarratasóir nó fógróir ionchasach, comhairle maidir le hipitéisí riosca sochreidte a shainaithin an t‑iarratasóir nó an fógróir féideartha bunaithe ar airíonna planda, táirge nó planda nó táirge hipitéiseach, ar gá aghaidh a thabhairt orthu tríd an bhfaisnéis faoi Chuid 2 agus Cuid 3 d’Iarscríbhinn II a sholáthar. Ní chumhdófar leis an gcomhairle, áfach, dearadh na staidéar chun aghaidh a thabhairt ar na hipitéisí riosca;

(b)  i gcás inar FBM an t‑iarratasóir nó an fógróir ionchasach, féadfaidh sé fógra a thabhairt don Údarás faoin gcaoi a bhfuil sé beartaithe aige aghaidh a thabhairt ar na hipitéisí riosca sochreidte dá dtagraítear i bpointe (a) a shainaithin sé bunaithe ar airíonna planda, táirge nó planda nó táirge hipitéiseach, lena n‑áirítear dearadh na staidéar a bhfuil sé i gceist aige a dhéanamh i gcomhréir leis na ceanglais a leagtar síos i gCuid 2 agus i gCuid 3 d’Iarscríbhinn II. Cuirfidh an tÚdarás comhairle ar fáil maidir leis an bhfaisnéis ar tugadh fógra fúithi, lena n‑áirítear maidir le dearadh na staidéar.

4.  Comhlíonfaidh an chomhairle réamhthíolactha dá dtagraítear i mír 3 na ceanglais seo a leanas:

(a)  beidh sé gan dochar d’aon mheasúnú ina dhiaidh sin ar iarratais nó fógraí ó Phainéal ar Orgánaigh Ghéinmhodhnaithe an Údaráis, agus beidh sé neamhcheangailteach maidir leis an measúnú sin. Ní bheidh baint ag foireann an Údaráis a chuireann an chomhairle ar fáil in aon obair ullmhúcháin eolaíoch nó teicniúil a bhaineann go díreach nó go hindíreach leis an iarratas nó leis an bhfógra is ábhar don chomhairle;

(b)  maidir le fógraí féideartha i gcomhréir le hAirteagal 13 de Threoir 2001/18/CE i gcomhar le hAirteagal 14 agus maidir le hiarratais a d’fhéadfaí a dhéanamh faoi Airteagal 5 nó faoi Airteagal 17 de Rialachán (CE) Uimh. 1829/2003 i gcomhar le hAirteagal 19 maidir le planda de chatagóir 2 TGN atá le húsáid mar shíolta nó mar ábhar atáirgthe plandaí eile, cuirfidh an tÚdarás an chomhairle réamhiarratais ar fáil in éineacht, nó i ndlúthchomhar le húdarás inniúil an Bhallstáit a bhfuil an fógra nó an t‑iarratas le cur isteach chuige;

(c)  déanfaidh an tÚdarás achoimre ar an gcomhairle réamhthíolactha a phoibliú gan mhoill a luaithe a mheasfar iarratas nó fógra a bheith bailí. Beidh feidhm mutatis mutandisag Airteagail 38(1a);

(d)  féadfaidh iarratasóirí nó fógróirí féideartha a léiríonn gur FBM iad an chomhairle réamhthíolactha dá dtagraítear i mír 3, pointe (a), a iarraidh ag pointí éagsúla ama.

5.  Cuirfear aon iarraidh ar dhreasachtaí faoi bhráid an Údaráis tráth a n‑iarrfar an chomhairle dá dtagraítear i mír 3 nó an t‑iarratas dá dtagraítear in Airteagal 5 nó in Airteagal 17 de Rialachán (CE) Uimh. 1829/2003 i gcomhar le hAirteagal 19, agus beidh an fhaisnéis seo a leanas ag gabháil leis:

(a)  an fhaisnéis is gá chun a shuíomh go gcomhlíonann an tréith bheartaithe nó na tréithe beartaithe a thugtar tríd an ngéinmhodhnú ar phlanda TGN de chatagóir 2 na coinníollacha dá dtagraítear i mír 1;

(b)  i gcás inarb infheidhme, is í FBM an fhaisnéis is gá chun an t‑iarratasóir nó an fógróir (féideartha) a léiriú;

(c)  chun críche mhír 3, faisnéis faoi na gnéithe a liostaítear i gCuid 1 d’Iarscríbhinn II a mhéid is féidir í a sholáthar cheana féin agus aon fhaisnéis ábhartha eile.

6.  Beidh feidhm ag Airteagal 26 de Threoir 2001/18/CE agus ag Airteagal 30 de Rialachán (CE) Uimh. 1829/2003 maidir le faisnéis a chuirfear faoi bhráid an Údaráis faoin Airteagal seo, de réir mar is iomchuí.

7.  Leagfaidh an tÚdarás síos na socruithe praiticiúla chun míreanna (3) go (6) a chur chun feidhme.

8.  Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 26 lena leasaítear na liostaí tréithe de phlandaí TGN a leagtar síos in Iarscríbhinn III chun iad a oiriúnú don dul chun cinn eolaíoch agus teicneolaíoch agus d’fhianaise nua a bhaineann le tionchar na dtréithe sin ar inbhuanaitheacht, faoi réir na gcoinníollacha seo a leanas:

(a)  cuirfidh an Coimisiún san áireamh faireachán ar thionchair an Rialacháin seo i gcomhréir le hAirteagal 30(3);

(b)  déanfaidh an Coimisiún athbhreithniú ar an litríocht eolaíoch atá cothrom le dáta ar thionchar na saintréithe atá in Iarscríbhinn III ar inbhuanaitheacht chomhshaoil, shóisialta agus eacnamaíoch na saintréithe atá beartaithe aige a chur leis an liosta in Iarscríbhinn III nó a scriosadh ón liosta sin;

(c)  i gcás inarb infheidhme, cuirfidh an Coimisiún san áireamh torthaí an fhaireacháin a rinneadh i gcomhréir le hAirteagal 14, pointe (h), nó Airteagal 19(3), ar phlandaí TGN lena n‑iompraítear an tréith nó na tréithe a thugtar trína ngéinmhodhnú.

Airteagal 23

Lipéadú ar tháirgí údaraithe TGN de chatagóir 2

I dteannta na gceanglas maidir le lipéadú dá dtagraítear in Airteagal 21 de Threoir 2001/18/CE, in Airteagail 12, 13, 24 agus 25 de Rialachán (CE) Uimh. 1829/2003, agus in Airteagal 4(6) go (7) de Rialachán (CE) Uimh. 1830/2003, agus gan dochar do na ceanglais faoi reachtaíocht eile de chuid an Aontais, féadfar an tréith/na tréithe a thugtar tríd an ngéinmhodhnú a lua ar lipéadú táirgí údaraithe TGN de chatagóir 2, mar a shonraítear sa toiliú nó san údarú de bhun Ranna 2 nó 3 de Chaibidil III den Rialachán seo.

Airteagal 24

Bearta chun láithreacht neamhbheartaithe phlandaí TGN de chatagóir 2 a sheachaint

Glacfaidh na Ballstáit bearta iomchuí chun láithreacht neamhbheartaithe plandaí de chatagóir 2 TGN a sheachaint i dtáirgí nach bhfuil faoi réir Threoir 2001/18 ná Rialachán 1829/2003.

Airteagal 25

Saothrú

Ní bheidh feidhm ag Airteagal 26b de Threoir 2001/18/CE maidir le plandaí TGN de chatagóir 2.

CAIBIDIL IV

FORÁLACHA CRÍOCHNAITHEACHA

Airteagal 26

An tarmligean a fheidhmiú

1.  Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.  Déanfar an chumhacht chun na gníomhartha tarmligthe dá dtagraítear in Airteagal 5(3), in Airteagal 6(11a) agus in Airteagal 22(8) a ghlacadh a thabhairt don Choimisiún go ceann tréimhse 5 bliana amhail ón [dáta theacht i bhfeidhm an Rialacháin seo]. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse. [Leasú 59]

3.  Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 5(3), in Airteagal 6(11a) agus in agus Airteagal 22(8) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta isníos déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana. [Leasú 60]

4.  Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n‑ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr((34)).

5.  A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.  Ní thiocfaidh gníomh tarmligthe a ghlactar de bhun Airteagal 5(3), Airteagal 6(11a) agus Airteagal 22(8) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle. [Leasú 61]

Airteagal 27

Gníomhartha cur chun feidhme

Glacfaidh an Coimisiún gníomhartha cur chun feidhme maidir leis na nithe seo a leanas:

(a)   an fhaisnéis atá de dhíth chun a léiriú gur planda TGN é planda; [Leasú 62]

(b)   na hiarrataí ar fhíorú dá dtagraítear in Airteagail 6 agus 7 a ullmhú agus a thíolacadh; [Leasú 63]

(c)  an mhodheolaíocht agus na ceanglais faisnéise chun measúnú riosca comhshaoil a dhéanamh ar phlandaí de chatagóir 2 TGN agus na measúnuithe sábháilteachta ar bhia agus beatha TGN de chatagóir 2, i gcomhréir leis na prionsabail agus na critéir atá leagtha síos in Iarscríbhinn II;

(d)  Airteagail 14 agus 19 a chur i bhfeidhm, lena n‑áirítear rialacha a bhaineann le hullmhú agus tíolacadh an fhógra nó an iarratais;

(e)  módúlachtaí oiriúnaithe chun na ceanglais maidir le modh anailíse dá dtagraítear in Airteagal 14(1), pointe (l) agus in Airteagal 19(2) a chomhlíonadh.

Sula nglacfaidh sé na gníomhartha cur chun feidhme dá dtagraítear i bpointe (a) go (d), rachaidh an Coimisiún i gcomhairle leis an Údarás. Glacfar na gníomhartha cur chun feidhme i gcomhréir leis an nós imeachta dá dtagraítear in Airteagal 28(3).

Airteagal 28

Nós imeachta coiste

1.  Tabharfaidh an coiste arna chur ar bun le hAirteagal 58 de Rialachán (CE) Uimh. 178/2002 cúnamh don Choimisiún.

2.  I gcás ina ndéantar tagairt don mhír seo, beidh feidhm ag Airteagal 4 de Rialachán (CE) Uimh. 182/2011.

3.  I gcás ina ndéanfar tagairt don mhír seo, beidh feidhm ag Airteagal 5 de Rialachán (CE) Uimh. 182/2011.

Airteagal 29

Treoraíocht

1.  Roimh dháta chur i bhfeidhm an Rialacháin seo, foilseoidh an tÚdarás treoraíocht mhionsonraithe chun cabhrú leis an bhfógróir nó leis an iarratasóir na fógraí agus an t‑iarratas dá dtagraítear i gCaibidlí II agus III a ullmhú agus a chur i láthair agus le hIarscríbhinn II a chur chun feidhme.

2.  Roimh dháta chur i bhfeidhm an Rialacháin seo, foilseoidh Saotharlann Tagartha an Aontais Eorpaigh um Bia agus Beatha Géinmhodhnaithe a bunaíodh de bhun Airteagal 32 de Rialachán (CE) Uimh. 1829/2003, le cúnamh ón Líonra Eorpach na Saotharlanna GMO, treoraíocht mhionsonraithe chun cabhrú leis an bhfógróir nó leis an iarratasóir ar chur i bhfeidhm Airteagal 14(1), pointe (l), agus Airteagal 19(2).

Airteagal 30

Faireachán, tuairisciú agus meastóireacht

1.  Tráth nach luaithe ná trí bliana tar éis an chéad chinneadh a ghlacadh i gcomhréir le hAirteagal 6(8) nó (10) nó le hAirteagal 7(6) nó i gcomhréir le Roinn 2 nó le Roinn 3 de Chaibidil III, cibé acu is luaithe, agus gach cúig bliana ina dhiaidh sin, cuirfidh an Coimisiún tuarascáil ar chur chun feidhme an Rialacháin seo ar aghaidh chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún.

2.  Tabharfar aghaidhSainaithneofar sa tuarascáil freisin ar aon saincheist eiticiúil a tháiniga bhaineann leis an mbithéagsúlacht agus le sláinte an chomhshaoil, sláinte an duine agus sláinte ainmhithe, athruithe ar chleachtais agranamaíocha chomh maith le saincheisteanna socheacnamaíocha agus eiticiúla a d’fhéadfadh teacht chun cinn agus an Rialachán seo á churle cur i bhfeidhm an Rialacháin seo, agus tabharfar aghaidh ar na saincheisteanna sin inti. [Leasú 64]

3.  Chun críochcríche an tuairiscithe dá dtagraítear i mír 1, bunóidh an Coimisiún, faoin [24 mhí tar éis dháta theacht i bhfeidhm an Rialacháin seo] ar a dhéanaí, tar éis dul i gcomhairle le húdaráis inniúla na mBallstát i gcomhréir le Treoir 2001/18/CE agus Rialachán (CE) Uimh. 1829/2003, clár mionsonraithe chun faireachán a dhéanamh ar thionchar an Rialacháin seo, bunaithe ar tháscairí, lena n-áirítear na héifeachtaí beartaithe agus neamhbheartaithe agus na héifeachtaí córasacha ar an gcomhshaol, ar an mbithéagsúlacht agus ar éiceachórais. Sonrófar ann an ghníomhaíocht a dhéanfaidh an Coimisiún agus na Ballstáit le linn dóibh na sonraí agus fianaise eile a bhailiú agus a anailísiú. [Leasú 65]

4.  Tráth nach luaithe ná 2 bhliain tar éis an chéad tuarascáil dá dtagraítear i mír 1 a bheith foilsithe, déanfaidh an Coimisiún meastóireacht ar chur chun feidhme an Rialacháin seo agus ar an tionchar atá aige ar shláinte an duine agus sláinte ainmhithe, an comhshaol, faisnéis do thomhaltóirí, feidhmiú an mhargaidh inmheánaigh, agus inbhuanaitheacht eacnamaíoch, chomhshaoil agus shóisialta.

5.  Déanfaidh an Coimisiún tuarascáil maidir le príomhthorthaí na meastóireachta dá dtagraítear i mír 4 a thíolacadh do Pharlaimint na hEorpa, don Chomhairle, do Choiste Eacnamaíoch agus Sóisialta na hEorpa, agus do Choiste na Réigiún.

5a.   Faoi mhí an Mheithimh 2025, déanfaidh an Coimisiún tuarascáil a thíolacadh do Pharlaimint na hEorpa, don Chomhairle, do Choiste Eacnamaíoch agus Sóisialta na hEorpa agus do Choiste na Réigiún maidir le ról agus tionchar na bpaitinní ar rochtain na bpóraitheoirí agus na bhfeirmeoirí ar ábhar éagsúil atáirgthe plandaí, agus an tionchar ar an nuálaíocht agus, go háirithe, ar dheiseanna do FBManna. Déanfar measúnú sa tuarascáil ar cibé an bhfuil gá le tuilleadh forálacha dlíthiúla sa bhreis orthu sin dá bhforáiltear in Airteagal 4a agus in Airteagal 33a den Rialachán seo. I gcás inarb iomchuí chun rochtain na bpóraitheoirí agus na bhfeirmeoirí ar ábhar atáirgthe plandaí, ar éagsúlacht síolta agus ar phraghsanna inacmhainne a áirithiú, beidh togra reachtach ag gabháil leis an tuarascáil chun aghaidh a thabhairt ar choigeartuithe riachtanacha breise sa chreat um chearta maoine intleachtúla. [Leasú 66]

5b.   Faoi 2024, cuirfidh an Coimisiún tuarascáil faoi bhráid Pharlaimint na hEorpa, na Comhairle, Choiste Eacnamaíoch agus Sóisialta na hEorpa agus Choiste na Réigiún ina ndéanfar meastóireacht ar shainiúlachtaí agus ar riachtanais earnálacha eile nach gcumhdaítear faoin reachtaíocht seo, amhail miocrorgánaigh, lena n-áirítear togra le haghaidh gníomhaíochtaí beartais breise. [Leasú 67]

5c.   Gach 4 bliana, déanfaidh an Coimisiún measúnú ar na critéir choibhéise atá leagtha síos in Iarscríbhinn I agus, i gcás inar gá, tabharfaidh sé cothrom le dáta iad trí ghníomh tarmligthe dá dtagraítear in Airteagal 5(3). [Leasú 68]

Airteagal 31

Tagairtí i reachtaíocht eile an Aontais

A mhéid a bhaineann le plandaí TGN de chatagóir 2, forléireofar tagairtí i reachtaíocht eile an Aontais d’Iarscríbhinn II nó Iarscríbhinn III a ghabhann le Treoir 2001/18/CE mar thagairtí do Chodanna 1 agus 2 d’Iarscríbhinn II a ghabhann leis an Rialachán seo.

Airteagal 32

Athbhreithniú riaracháin

I gcás aon chinneadh a dhéantar de bhua na gcumhachtaí a bhronntar ar an Údarás leis an Rialachán seo, nó aon mhainneachtain na cumhachtaí sin a fheidhmiú, féadfaidh an Coimisiún athbhreithniú a dhéanamh ar an gcinneadh nó ar an mainneachtain sin ar a thionscnamh féin nó arna iarraidh sin do Bhallstát nó d’aon duine ar bhain an cinneadh nó an mhainneachtain sin leis go díreach agus go leithleach.

Chuige sin déanfar iarraidh a chur faoi bhráid an Choimisiúin laistigh de 2 mhí ón lá a cuireadh an páirtí lena mbaineann ar an eolas faoin ngníomh nó an neamhghníomh i dtrácht.

Ullmhóidh an Coimisiún dréachtchinneadh laistigh de 2 mhí lena gceanglófar ar an Údarás, más iomchuí, a chinneadh a tharraingt siar nó an neamhghníomh uaidh a leigheas.

Airteagal 33

Leasuithe ar Rialachán (AE) 2017/625

Leasaítear Airteagal 23 de Rialachán (AE) 2017/625 mar a leanas:

(1)  i mír 2, cuirtear an méid seo a leanas in ionad phointe (a)(ii):"

‘(ii) OGManna do tháirgeadh bia agus beatha a shaothrú agus an plean faireacháin dá dtagraítear in Airteagal 13(2), pointe (e) de Threoir 2001/18/CE, in Airteagal 5(5), pointe (b), agus Airteagal 17(5), pointe (b), de Rialachán (CE) Uimh. 1829/2003, agus in Airteagail 14(1), pointe (h) agus 19(3), pointe (b) de Rialachán [tagairt don Rialachán sin] a chur i bhfeidhm i gceart;;’

(2)  i mír 3, cuirtear an méid seo a leanas in ionad phointe (b):"

‘(b) OGManna do tháirgeadh bia agus beatha a shaothrú agus an plean faireacháin dá dtagraítear in Airteagal 13(2), pointe (e) de Threoir 2001/18/CE, in Airteagal 5(5), pointe (b), agus Airteagal 17(5), pointe (b), de Rialachán (CE) Uimh. 1829/2003, agus in Airteagail 14(1), pointe (h) agus 19(3), pointe (b) de Rialachán [tagairt don Rialachán sin] a chur i bhfeidhm i gceart;.’

Airteagal 33a

Leasuithe ar Threoir 98/44/CE(35)

(1)   Leasaítear Airteagal 4 de Threoir 98/44/CE maidir le cosaint dlí aireagán bith-theicneolaíoch mar a leanas:

(a)   I mír 1, cuirtear na pointí seo a leanas isteach:"

(b)   cuirtear isteach an mhír 4 seo a leanas:"

‘4. Beidh mír 2 agus mír 3 gan dochar do na heisiaimh ó inphaitinneacht a chumhdaítear i mír 1.’

(2)   In Airteagal 8, uirtear na míreanna seo a leanas leis:"

‘3. De mhaolú ar mhíreanna 1 agus 2, ní bheidh táirge planda, a chodanna nó a chomhpháirteanna géiniteacha inphaitinnithe má fhaightear iad trí phróiseas teicniúil inphaitinnithe nach féidir a idirdhealú ó tháirgí plandaí nó ó chodanna géiniteacha nó ó chomhábhair de tháirgí plandaí is féidir a fháil trí phróiseas atá bitheolaíoch go bunúsach.’

(3)   In Airteagal 9, cuirtear na míreanna seo a leanas leis:"

‘2. De mhaolú ar mhír 1, táirge planda ina bhfuil faisnéis ghéiniteach nó arb í atá ann faisnéis ghéiniteach a fhaightear trí phróiseas teicniúil inphaitinne, ní bheidh sé inphaitinnithe mura féidir é a idirdhealú ó tháirgí plandaí ina bhfuil an fhaisnéis ghéiniteach chéanna nó arb í atá inti an fhaisnéis ghéiniteach chéanna a fuarthas trí phróiseas atá bitheolaíoch go bunúsach.

3.   De mhaolú ar an gcéad mhír, ní bhainfidh an chosaint a thugtar le paitinn do tháirge ina bhfuil faisnéis ghéiniteach nó atá déanta de le hábhar plandaí ina bhfuil an táirge ionchorpraithe agus ina bhfuil an fhaisnéis ghéiniteach agus ina bhfeidhmíonn sí de réir a feidhme, ach nach féidir é a idirdhealú ó ábhar plandaí a fuarthas nó is féidir a fháil trí phróiseas atá bitheolaíoch go bunúsach.

4.   Ní bhainfidh an chosaint a thugtar le paitinn do tháirge ina bhfuil faisnéis ghéiniteach nó atá déanta de le hábhar plandaí ina bhfuil an táirge ionchorpraithe agus ina bhfuil an fhaisnéis ghéiniteach agus ina bhfeidhmíonn sí de réir a feidhme, ach nach féidir é a idirdhealú ó ábhar plandaí a fuarthas nó is féidir a fháil trí phróiseas atá bitheolaíoch go bunúsach.’ [Leasuithe 69, 201cp, 230/rev1 agus 291cp3]

Airteagal 34

Teacht i bhfeidhm agus cur i bhfeidhm

1.  Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2.  Beidh feidhm aige ón [24 mhí tar éis dháta theacht i bhfeidhm an Rialacháin seo].

Beidh feidhm ag Airteagal 4a agus ag Airteagal 33a ó dháta a theacht i bhfeidhm. [Leasú 70]

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa …,

Thar ceann Pharlaimint na hEorpa Thar ceann na Comhairle

An tUachtarán An tUachtarán

IARSCRÍBHINN I

Critéir maidir le coibhéis plandaí TGN le gnáthphlandaí

Meastar planda TGN a bheith coibhéiseach le gnáthphlandaí i gcás ina mbíonn sé difriúil ón bplanda is faighteoir/tuismitheoir faoi 20 géinmhodhnú ar a mhéad de na cineálachamá chomhlíontar na coinníollacha seo a leanas dá dtagraítear i bpointí 1 go 5, in aon seicheamh DNA a chomhroinneann cosúlacht seichimh leis an suíomh spriocdhírithe is féidir a thuar le huirlisí bithfhaisnéisíochta.agus 1a: [Leasú 71]

(1)  Ní mó líon na géinmhodhnuithe seo a leanas, ar féidir iad a chumasc lena chéile, ná 3 cinn in aghaidh aon seichimh phróitéin-chódaithe agus é a chur san áireamh go n-eisiatar sócháin in iontróin agus seichimh rialaitheacha ón teorainn sin:

(a)   20 núicléitíd ar a mhéad a ionadú nó a ionsá;

(b)   líon ar bith núicléitídí a scriosadh; [Leasú 72]

(1a)  Ní chruthaíonn na géinmhodhnuithe seo a leanas, ar féidir iad a chumasc lena chéile, próitéin chiméarach nach bhfuil i speicis ón linn géinte chun críoch pórúcháin agus nach gcuireann isteach ar ghéin inginiúil;

(a)   seichimh DNA leanúnacha atá sa linn géinte chun críoch pórúcháin a ionsá;

(b)   seichimh DNA leanúnacha atá sa linn géinte chun críoch pórúcháin a chur in ionad seichimh DNA inginiúla;

(c)   seichimh DNA inginiúla leanúnacha atá sa linn géinte chun críoch pórúcháin a inbhéartú nó trasghluaiseacht a dhéanamh orthu. [Leasú 73]

(2)   líon ar bith núicléitídí a scriosadh; [Leasú 74]

(3)   ar choinníoll nach gcuireann an géinmhodhnú isteach ar ghéin inginiúil:

(a)   seicheamh DNA tadhlach atá ann i linn géinte an phóraitheora a ionsá ar bhealach spriocdhírithe;

(b)   seicheamh DNA tadhlach atá ann i linn géinte an phóraitheora a chur in ionad seichimh DNA inginiúil ar bhealach spriocdhírithe; [Leasú 75]

(4)   seicheamh ina bhfuil líon ar bith núicléitídí a inbhéartú ar bhealach spriocdhírithe; [Leasú 76]

(5)   aon mhodhnú spriocdhírithe eile ar aon mhéid, ar choinníoll go dtarlaíonn na seichimh DNA a eascraíonn as cheana féin (d’fhéadfadh modhnuithe a bheith i gceist mar a ghlactar leis sin faoi phointí (1) agus/nó (2)) i speiceas ó linn géinte na bpóraitheoirí.[Leasú 77]

IARSCRÍBHINN II

Measúnú riosca ar phlandaí TGN de chatagóir 2 agus ar bhia agus beatha TGN de chatagóir 2

Le Cuid 1 den Iarscríbhinn seo, tugtar tuairisc ar na prionsabail ghinearálta atá le leanúint chun an measúnú riosca comhshaoil a dhéanamh ar phlandaí TGN de chatagóir 2 dá dtagraítear in Airteagal 13, pointí (c) agus (d), Airteagal 14(1), pointe (e), agus Airteagal 19(3), pointe (a), agus chun an measúnú sábháilteachta a dhéanamh ar bhia agus beatha TGN de chatagóir 2 dá dtagraítear in Airteagal 19(1), pointe (b). Le Cuid 2, tugtar tuairisc ar fhaisnéis shonrach chun an measúnú riosca comhshaoil a dhéanamh ar phlandaí TGN de chatagóir 2, agus le Cuid 3, tugtar tuairisc ar fhaisnéis shonrach chun an measúnú sábháilteachta a dhéanamh ar bhia agus beatha TGN de chatagóir 2.

Cuid 1 – Prionsabail ghinearálta agus faisnéis

Déanfar an measúnú riosca comhshaoil i gcomhréir leis na prionsabail a leagtar amach in Iarscríbhinn II a ghabhann le Treoir 2001/18/CE.

Maidir le cineál agus méid na faisnéise a mbeidh gá léi chun an measúnú riosca comhshaoil a dhéanamh ar phlandaí TGN de chatagóir 2 a leagtar síos in Iarscríbhinn III a ghabhann le Treoir 2001/18/CE agus chun an measúnú sábháilteachta bia agus beatha a dhéanamh ar bhia agus beatha TGN de chatagóir 2, is amhlaidh a dhéanfar iad a oiriúnú dá bpróifíl riosca. Áirítear na nithe seo a leanas ar na tosca atá le breithniú:

(a)  saintréithe an phlanda TGN, go háirithe an tréith nó na tréithe a tugadh isteach, feidhm an tseichimh nó na seicheamh géanóim a modhnaíodh nó a ionsádh, agus feidhm aon ghéin a gcuirtear isteach uirthi trí chisghéin nó páirteanna de chisghéin a ionsá;

(aa)   saintréithe an phlanda is faighteoir amhail ailléirgineacht, acmhainneacht i leith an tsreafa géine, acmhainneacht i leith fiailí, feidhm éiceolaíoch; [Leasú 78]

(b)  taithí roimh ré ar chaitheamh plandaí comhchosúla nó a dtáirgí;

(c)  taithí roimh ré ar shaothrú an speicis chéanna plandaí nó ar shaothrú an speicis plandaí a léiríonn tréithe comhchosúla nó inar modhnaíodh nó ionsádh seichimh ghéanóim chomhchosúla nó inar cuireadh isteach orthu;

(d)  scála agus coinníollacha an scaoilte;

(e)  na coinníollacha úsáide atá beartaithe don phlanda TGN.

Beidh na nithe seo a leanas san áireamh sa mheasúnú riosca comhshaoil ar phlandaí TGN de chatagóir 2 agus sa mheasúnú riosca ar bhia TGN agus beatha TGN de chatagóir 2:

(a)  sainaithint agus saintréithriú guaise;

(b)  measúnú nochta;

(c)  saintréithriú riosca.

Beidh gá leis an bhfaisnéis seo a leanas i gcónaí:

(a)  sainaithint agus saintréithriú guaise

(i)  faisnéis a bhaineann leis an bplanda is faighteoir nó, i gcás inarb iomchuí, na plandaí is tuismitheoirí;

(ii)  saintréithriú móilíneach.

Soláthrófar an fhaisnéis trí shonraí atá le fáil cheana féin ó litríocht eolaíoch nó foinsí eile a thiomsú nó trí shonraí eolaíocha a ghiniúint i gcás inar gá trí staidéir thurgnamhacha nó bhithfhaisnéisíochta iomchuí a dhéanamh.

(b)  measúnú risíochta

Soláthrófar faisnéis maidir leis an dóchúlacht go dtarlódh gach éifeacht dhíobhálach fhéideartha arna sainaithint. Déanfar meastóireacht air sin agus saintréithe na timpeallachta nó na dtimpeallachtaí is faighteoir, an fheidhm atá beartaithe, an ról cothaithe, an leibhéal úsáide a bhfuil coinne leis don bhia agus don bheatha san Aontas agus raon feidhme an iarratais ar údarú á gcur san áireamh, de réir mar is ábhartha.

(c)  saintréithriú riosca

Bunóidh an t‑iarratasóir a shaintréithriú riosca do phlandaí TGN agus do bhianna agus beatha TGN ar fhaisnéis ó shainaithint guaise, saintréithriú guaise agus measúnú ar nochtadh. Déanfar an riosca a shaintréithiú, i gcás gach éifeachta díobhálaí a d’fhéadfadh a bheith ann, tríd an dóchúlacht go dtarlódh an éifeacht dhíobhálach agus méid na héifeachta sin a chur le chéile, chun meastachán cainníochtúil nó leathchainníochtúil ar an riosca a sholáthar. I gcás inarb ábhartha, tabharfar tuairisc ar an éiginnteacht a bhaineann le gach riosca a shainaithnítear.

Ní bheidh gá le haon fhaisnéis maidir le sainaithint agus saintréithriú guaise a shonraítear faoi Chodanna 2 agus 3 ach amháin más rud é go mbíonn saintréithe sonracha agus úsáid bheartaithe phlanda TGN de chatagóir 2 nó bhia nó bheatha TGN de chatagóir 2 ina gcúis le hipitéis shochreidte riosca ar féidir aghaidh a thabhairt uirthi trí úsáid a bhaint as an bhfaisnéis a shonraítear.

Cuid 2 – Faisnéis shonrach chun an measúnú riosca comhshaoil a dhéanamh ar phlandaí TGN de chatagóir 2 i ndáil le sainaithint agus saintréithriú guaise

(1)  Anailís ar shaintréithe agranamaíocha, feinitíopacha agus comhdhéanaimh

(2)  Marthanacht agus ionracht

(3)  Aistriú féideartha géinte

(4)  Idirghníomhaíochtaí an phlanda TGN le spriocorgánaigh

(5)  Idirghníomhaíochtaí an phlanda TGN le horgánaigh nach spriocorgánaigh iad

(6)  Tionchair na dteicnící sonracha saothraithe, bainistíochta agus buainte

(6a)  Tionchair ar shaothrú orgánach [Leasú 79]

(7)  Éifeachtaí ar phróisis bhith‑gheoiceimiceacha

(8)  Éifeachtaí ar shláinte an duine agus ar shláinte ainmhithe

(8a)  Éifeachtaí ar chosaint agus ar chaomhnú na bithéagsúlachta [Leasú 80]

Cuid 3 – Faisnéis shonrach chun an measúnú sábháilteachta a dhéanamh ar bhia agus beatha TGN de chatagóir 2 i ndáil le sainaithint agus saintréithriú guaise

(1)  Anailís ar shaintréithe agranamaíocha, feinitíopacha agus comhdhéanaimh

(2)  Tocsaineolaíocht

(3)  Ailléirgineacht

(4)  Measúnú cothaitheach

IARSCRÍBHINN III

Tréithe dá dtagraítear in Airteagal 6 agus in Airteagal 22 [Leasú 81]22

Cuid 1

Tréithe lena dtugtar údar leis na dreasachtaí dá dtagraítear in Airteagal 22:

(1)  táirgeacht, lena n‑áirítearn-áirítear cobhsaíocht táirgeachta agus táirgeacht faoi dhálaí ionchuir ísil, ar choinníoll go rannchuidíonn na tréithe sin freisin le pointe (2), (3) nó (4) den Iarscríbhinn seo; [Leasú 82]

(2)  lamháltas/frithsheasmhacht in aghaidh struis bhitheacha, lena n‑áirítear galair plandaí ar néimeatóidí, fungais, baictéir, víris agus lotnaidí eile is cúis leo;

(3)  lamháltas/frithsheasmhacht in aghaidh struis aibitheacha, lena n‑áirítear na struis sin a chruthaítear nó a ghéaraítear de thoradh an athraithe aeráide;

(4)  úsáid níos éifeachtúla acmhainní, amhail uisce agus cothaithigh;

(5)  saintréithe lena bhfeabhsaítear inbhuanaitheacht na stórála, na próiseála agus an dáilte;

(6)  saintréithe cáilíochta nó cothaitheacha feabhsaithe;

(7)  gá laghdaithe le hionchuir sheachtracha, amhail táirgí cosanta plandaí agus leasacháin, mura dtagann sé salach ar Iarscríbhinn III, cuid 2. [Leasú 83]

Cuid 2

Tréithe gan cur i bhfeidhm na ndreasachtaí dá dtagraítear in Airteagal 22 a áireamh: frithsheasmhacht in aghaidh luibhicídí.

(1) IO C, C/2024/893, 6.2.2024, ELI: http://data.europa.eu/eli/C/2024/893/oj (2) Nár foilsíodh fós san Iris Oifigiúil. (3) Tá an seasamh seo i gcomhréir leis na leasuithe a glacadh an 7 Feabhra 2024 (Téacsanna arna nglacadh, P9_TA(2024)0067). (4) Treoir 2001/18/CE ó Pharlaimint na hEorpa agus ón gComhairle an 12 Márta 2001 maidir le scaoileadh réamhbheartaithe orgánach géinmhodhnaithe isteach sa chomhshaol agus lena n‑aisghairtear Treoir 90/220/CEE ón gComhairle (IO L 106, 17.4.2001, lch. 1). (5) Léargais agus réitigh a eascraíonn as tionscadail taighde agus nuálaíochta arna gcistiú ag an Aontas i leith straitéisí pórúcháin plandaí, féadfaidh siad cuidiú le haghaidh a thabhairt ar dhúshláin a bhaineann le brath, an inrianaitheacht agus an bharántúlacht a áirithiú, agus an nuálaíocht a chur chun cinn i réimse na dteicnící géanómaíocha nua. Cistíodh breis agus 1 000 tionscadal faoin Seachtú Clár Réime agus faoin gclár comharba Fís 2020, agus infheistíocht de bhreis agus 3 bhilliún Euro i gceist. Tá tacaíocht ó Fhís Eorpach do thionscadail taighde chomhoibríocha maidir le straitéisí pórúcháin plandaí ar siúl go leanúnach freisin, SWD(2021) 92. (6) Communication from the Commission to the European Parliament, the Council, the European, Economic and Social Committee and the Committee of the Regions, The European Green Deal [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal ‘An Comhaontú Glas don Eoraip’], COM/2019/640 final. (7) Communication from the Commission to the European Parliament, the Council, the European, Economic and Social Committee and the Committee of the Regions, A Farm to Fork Strategy for a fair, healthy and environmentally friendly food system [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal ‘Straitéis “Ón bhFeirm go dtí an Forc” le haghaidh córas bia atá cóir, sláintiúil agus neamhdhíobhálach don chomhshaol’], COM/2020/381 final. (8) Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Straitéis Bhithéagsúlachta an Aontais Eorpaigh go dtí 2030: An dúlra a thabhairt ar ais inár saol, COM/2020/380 final. (9) Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Forging a Climate‑Resilient Europe – the New EU Strategy on Adaptation to Climate Change [An Eoraip a fhorbairt sa tslí go mbeidh sí athléimneach – Straitéis Nua an Aontais Eorpaigh maidir le hOiriúnú don Athrú Aeráide] COM(2021) 82 final (10) Teachtaireacht ón gCoimisiún chuig Parlaimint na hEorpa, chuig an gComhairle Eorpach, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal An tSlándáil bia a choimirciú agus athléimneacht na gcóras bia a neartú, COM (2022) 133 final; Eagraíocht Bhia agus Talmhaíochta na Náisiún Aontaithe (FAO), 2022, Gene editing and agrifood systems [An modhnú géanóim agus córais agraibhia], an Róimh, ISBN 978-92-5-137417-7. (11) An Coimisiún Eorpach, Ard‑Stiúrthóireacht an Taighde agus na Nuálaíochta, A sustainable bioeconomy for Europe – Strengthening the connection between economy, society and the environment: [Bithgheilleagar inbhuanaithe don Eoraip – An ceangal idir an geilleagar, an tsochaí agus an comhshaol a neartú]: straitéis bithgheilleagair nuashonraithe, Oifig na bhFoilseachán, 2018, https://data.europa.eu/doi/10.2777/792130. (12) Communication from the Commission to the European Parliament, the Council, the European Economic and Social Committee and the Committee of the Regions, Trade Policy Review – An Open, Sustainable and Assertive Trade Policy [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Athbhreithniú ar an mBeartas Trádála – Beartas Trádála Oscailte, Inbhuanaithe agus Teanntásach] COM(2021)66 final. (13) Rialachán (CE) Uimh. 1830/2003 ó Pharlaimint na hEorpa agus ón gComhairle an 22 Meán Fómhair 2003 maidir le hinrianaitheacht agus lipéadú orgánach géinmhodhnaithe agus inrianaitheacht táirgí bia agus beatha a tháirgtear as orgánaigh ghéinmhodhnaithe agus lena leasaítear Treoir 2001/18/CE (IO L 268, 18.10.2003, lch. 24). (14) Rialachán (CE) Uimh. 1829/2003 ó Pharlaimint na hEorpa agus ón gComhairle an 22 Meán Fómhair 2003 maidir le bia agus beatha atá géinmhodhnaithe (IO L 268, 18.10.2003, lch. 1). (15) Breithiúnas ón gCúirt Bhreithiúnais an 25 Iúil 2018, Confédération paysanne agus Eile v Premier ministre agus Ministre de l’agriculture, de l’agroalimentaire et de la forêt, C-528/16, ECLI:EU:C:2018:583. (16) Cinneadh (AE) 2019/1904 ón gComhairle an 8 Samhain 2019 lenar iarradh ar an gCoimisiún staidéar a chur isteach i bhfianaise an bhreithiúnais ón gCúirt Bhreithiúnais i gCás C-528/16 maidir le stádas na dteicnící núíosacha géanómaíocha faoi dhlí an Aontais, mar aon le togra, más iomchuí, i bhfianaise thorthaí an staidéir (IO L 293, 14.11.2019, lch. 103). (17) Study on the status of new genomic techniques under Union law and in light of the Court of Justice ruling in Case C-528/16 [Staidéar maidir le stádas na dteicnící géanómaíocha nua faoi dhlí an Aontais agus i bhfianaise an rialaithe ón gCúirt Bhreithiúnais i gCás C-528/16], SWD(2021) 92 final. (18) Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n‑aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (IO L 327, 11.12.2015, lch. 1). (19) Rialachán (AE) 2018/848 ó Pharlaimint na hEorpa agus ón gComhairle an 30 Bealtaine 2018 maidir le táirgeadh orgánach agus lipéadú táirgí orgánacha agus lena leasaítear Rialachán (CE) Uimh. 834/2007 ón gComhairle (IO L 150, 14.6.2018, lch. 1). (20) Painéal OGM EFSA (Painéal EFSA ar Orgánaigh Ghéinmhodhnaithe), Mullins E, Bresson J-L, Dalmay T, Dewhurst IC, Epstein MM, Firbank LG, Guerche P, Hejatko J, Moreno FJ, Naegeli H, Nogué F, Sánchez Serrano JJ, Savoini G, Veromann E, Veronesi F, Casacuberta, J, Fernandez Dumont A, Gennaro A, Lenzi, P, Lewandowska A, Munoz Guajardo IP, Papadopoulou N agus Rostoks N, 2022. Tuairim eolaíoch a thabhairt cothrom le dáta maidir le plandaí a forbraíodh trí chisgineas agus inghineas. Iris EFSA 2022;20(10):7621, lch. 33 https://doi.org/10.2903/j.efsa.2022.7621. (21) Painéal OGM EFSA (Painéal EFSA ar Orgánaigh Ghéinmhodhnaithe), Naegeli H, Bresson J-L, Dalmay T, Dewhurst IC, Epstein MM, Firbank LG, Guerche P, Hejatko J, Moreno FJ, Mullins E, Nogué F, Sánchez Serrano JJ, Savoini G, Veromann E, Veronesi F, Casacuberta J, Gennaro A, Paraskevopoulos K, Raffaello T agus Rostoks N, 2020. Infheidhmeacht Thuairim EFSA maidir le núicléis láthairstiúrtha chineál 3 maidir le measúnú sábháilteachta a dhéanamh ar phlandaí a fhorbraítear agus núicléis láthairstiúrtha de chineál 1 agus 2 agus só‑ghineas olaganúicléitíd‑stiúrtha á n‑úsáid. Iris EFSA 2020;18(11):6299, lch. 14 https://doi. org/10.2903/j.efsa.2020.6299. (22) Painéal OGM EFSA (Painéal EFSA ar Orgánaigh Ghéinmhodhnaithe), Mullins E, Bresson J-L, Dalmay T, Dewhurst IC, Epstein MM, Firbank LG, Guerche P, Hejatko J, Moreno FJ, Naegeli H, Nogué F, Rostoks N, Sánchez Serrano JJ, Savoini G, Veromann E, Veronesi F, Fernandez A, Gennaro A, Papadopoulou N, Raffaello T agus Schoonjans R, 2022. Ráiteas maidir leis na critéir chun measúnú riosca a dhéanamh ar phlandaí arna dtáirgeadh trí shó‑ghineas spriocdhírithe, cisgineas agus inghineas. Iris EFSA 2022;20(10):7618, lch. 12 https://doi.org/10.2903/j.efsa.2022.7618. (23) Líonra Eorpach na Saotharlann GMO (ENGL), Detection of food and feed plant products obtained by new mutagenesis techniques [Táirgí planda bia agus beatha a fhaightear trí theicnící só‑ghinis nua a bhrath], 26 Márta 2019 (JRC116289); An 13 Meitheamh 2023 (JRC133689; EUR 31521 EN) (24) COM(2023) 414 final (25) Rialachán (CE) Uimh. 178/2002 ó Pharlaimint na hEorpa agus ón gComhairle an 28 Eanáir 2002 lena leagtar síos prionsabail agus ceanglais ghinearálta dhlí an bhia, lena mbunaítear an tÚdarás Eorpach um Shábháilteacht Bia agus lena leagtar síos nósanna imeachta i dtaca le sábháilteacht bia (IO L 031, 1.2.2002, lch. 1). (26) IO L 123, 12.5.2016, lch. 1 (27) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13). (28) SWD(2023) 412 (29) Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialacháin (CE) Uimh. 1/2005 agus (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle, agus lena n‑aisghairtear Rialachán (CE) Uimh. 854/2004 agus (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE ón gComhairle agus Cinneadh 92/438/CEE ón gComhairle (Rialachán maidir le Rialuithe Oifigiúla) (IO L 95, 7.4.2017, lch. 1). (30) Rialachán (AE) 2016/2031 ó Pharlaimint na hEorpa agus ón gComhairle an 26 Deireadh Fómhair 2016 maidir le bearta cosantacha i gcoinne lotnaidí plandaí, lena leasaítear Rialacháin (AE) Uimh 228/2013, (AE) Uimh 652/2014 agus (AE) Uimh 1143/2014 ó Pharlaimint na hEorpa agus ón gComhairle agus lena n‑aisghairtear Treoracha 69/464/CEE, 74/647/CEE, 93/85/CEE, 98/57/CE, 2000/29/CE, 2006/91/CE agus 2007/33/CE ón gComhairle (IO L 317, 23.11.2016, lch. 4). (31) COM(2023) 414 final (32) Rialachán (CE) Uimh. 65/2004 ón gCoimisiún an 14 Eanáir 2004 lena mbunaítear córas chun aitheantóirí uathúla d’orgánaigh ghéinmhodhnaithe a fhorbairt agus a shannadh (IO L 10, 16.1.2004, lch. 5). (33) *Togra ón gCoimisiún le haghaidh Rialachán maidir le hábhar atáirgthe plandaí (COM/2023/414), (2023/0227(COD)). (34) IO L 123, 12.5.2016, lch. 1. (35) Treoir 98/44/CE ó Pharlaimint na hEorpa agus ón gComhairle an 6 Iúil 1998 maidir le cosaint dlí aireagán bith-theicneolaíoch (IO L 213, 30.7.1998, lch. 13).

Rún reachtach ó Pharlaimint na hEorpa an 24 Aibreán 2024 ar an togra le haghaidh rialachán ó Pharlaimint na hEorpa agus ón gComhairle lena leasaítear Rialachán (AE) Uimh. 806/2014 a mhéid a bhaineann le bearta luath-idirghabhála, coinníollacha maidir le réiteach agus gníomhaíocht réitigh a chistiú (COM(2023)0226 – C9-0139/2023 – 2023/0111(COD))

P9_TA(2024)0326 A9-0155/2024

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0226),

–  ag féachaint d’Airteagal 294(2) agus d’Airteagal 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0139/2023),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ón mBanc Ceannais Eorpach an 5 Iúil 2023(1),

–  ag féachaint do thuairim ó Choiste Eacnamaíoch agus Sóisialta na hEorpa an 13 Iúil 2023(2),

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A9-0155/2024),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Rialachán (AE) 2024/... ó Pharlaimint na hEorpa agus ón gComhairle lena leasaítear Rialachán (AE) Uimh. 806/2014 a mhéid a bhaineann le bearta luath-idirghabhála, coinníollacha maidir le réiteach agus gníomhaíocht réitigh a chistiú(3)

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ón mBanc Ceannais Eorpach(4),

Ag féachaint don tuairim ó Choiste Eacnamaíoch agus Sóisialta na hEorpa(5),

Ag gníomhú dóibh i gcomhréir leis an ngnáthnós imeachta reachtach,

De bharr an mhéid a leanas:

(1)  Bunaíodh creat réitigh an Aontais le haghaidh institiúidí creidmheasa agus gnólachtaí infheistíochta (‘institiúidí’) tar éis na géarchéime airgeadais domhanda 2008-2009 agus de dhroim dhoiciméad an Bhoird um Chobhsaíocht Airgeadais dar teideal ‘Príomhthréithe Córas Éifeachtach Imréitigh d’Institiúidí Airgeadais’(6) arna fhormhuiniú go hidirnáisiúnta. Is éard atá i gcreat réitigh an Aontais Treoir 2014/59/AE ó Pharlaimint na hEorpa agus ón gComhairle(7) agus Rialachán (AE) Uimh. 806/2014 ó Pharlaimint na hEorpa agus ón gComhairle(8). Tá feidhm ag an dá ghníomh maidir le hinstitiúidí atá bunaithe san Aontas, agus maidir le haon eintiteas eile a thagann faoi raon feidhme na Treorach sin nó an Rialacháin sin (‘eintitis’). Is é is aidhm do chreat réitigh an Aontais déileáil ar bhealach ordúil le teip institiúidí agus eintiteas trí fheidhmeanna criticiúla institiúidí agus eintiteas a chaomhnú agus trí bhagairtí ar chobhsaíocht airgeadais a sheachaint, agus trí thaisceoirí agus cistí poiblí a chosaint san am céanna. Ina theannta sin, tá sé beartaithe le creat réitigh an Aontais forbairt an mhargaidh inmheánaigh sa bhaincéireacht a chothú trí chóras comhchuibhithe a chruthú chun aghaidh a thabhairt ar ghéarchéimeanna trasteorann ar bhealach comhordaithe agus trí shaincheisteanna cothroime iomaíochta a sheachaint.

(1a)  Faoi láthair, is ar dhá cholún, eadhon, an Sásra Aonair Maoirseachta (SAM) agus an Sásra Réitigh Aonair (SRA), de na trí cholún a beartaíodh dó atá an t-aontas baincéireachta bunaithe. Is é sin, tá sé neamhiomlán, toisc nach ann dá thríú colún, an Scéim Eorpach Árachais Taiscí (SEÁT). Is cuid dhílis d’aontas eacnamaíoch agus airgeadaíochta agus den chobhsaíocht airgeadais é an t-aontas baincéireachta a chur i gcrích, go háirithe trí mhaolú ar rioscaí an ‘fháinne fí’, mar a thugtar air, a eascraíonn as an nasc idir na bainc agus fiachas ceannasach.

(2)  Roinnt blianta ó cuireadh chun feidhme é, ní thugann creat réitigh an Aontais mar is infheidhme faoi láthair an toradh a bhí beartaithe i ndáil le cuid de na cuspóirí sin. Go háirithe, cé go bhfuil dul chun cinn suntasach déanta ag institiúidí agus ag eintitis i dtreo inréiteachta agus go bhfuil acmhainní suntasacha tiomnaithe acu chuige sin, go háirithe tríd an acmhainneacht ionsúcháin caillteanais agus athchaipitliúcháin a mhéadú agus trí shocruithe maoinithe réitigh a líonadh, is annamh a bhaintear leas as creat réitigh an Aontais. Ina ionad sin, tugtar aghaidh ar theipeanna institiúidí agus eintiteas beag agus meánmhéide áirithe trí bhearta náisiúnta neamh-chomhchuibhithe den chuid is mó. Ar an drochuair, is airgead cáiníocóirí a úsáidtear fós seachas líontáin sábhála arna gcistiú ag an tionscal, lena n-áirítear socruithe um maoiniú réitigh. Is cosúil go n-eascraíonn an staid sin as dreasachtaí neamhleora. Eascraíonn na dreasachtaí neamhleora sin as an idirghníomhú idir creat réitigh an Aontais agus na rialacha náisiúnta, rud a fhágann nach ndéantar an lánrogha leathan sa mheasúnú ar leas an phobail a fheidhmiú i gcónaí ar bhealach a léiríonn an chaoi ar beartaíodh feidhm a bheith ag creat réitigh an Aontais. San am céanna, is beag úsáid a baineadh as creat réitigh an Aontais mar gheall ar na rioscaí caillteanais a iompar atá ann do thaisceoirí institiúidí arna gcistiú ó thaiscí d’fhonn a áirithiú gur féidir leis na hinstitiúidí sin rochtain a fháil ar chistiú seachtrach le linn réitigh, go háirithe in éagmais dliteanais intarrthála eile. Ar deireadh, ós rud é nach bhfuil na rialacha maidir le rochtain ar chistiú i gcás nach bhfuil faoi réiteach chomh dian céanna leis na rialacha le linn réitigh, bíonn drogall ann creat réitigh an Aontais a chur i bhfeidhm agus baintear leas as réitigh eile ina n-úsáidtear airgead cáiníocóirí go minic in ionad acmhainní dílse na hinstitiúide nó an eintitis nó líontáin sábhála arna gcistiú ag an tionscal. Cruthaítear rioscaí ilroinnte leis an staid sin, an riosca nach iad na torthaí is fearr a bhainfear amach le linn teipeanna institiúidí agus eintiteas a bhainistiú, go háirithe i gcás institiúidí agus eintitis bheaga agus mheánmhéide, agus na deischostais de bharr acmhainní airgeadais nár úsáideadh. Is den riachtanas a áirithiú dá bhrí sin go ndéanfar creat réitigh an Aontais a chur i bhfeidhm ar bhealach níos éifeachtaí agus níos comhleanúnaí agus a áirithiú gur féidir é a chur i bhfeidhm nuair is chun leas an phobail é sin, lena n-áirítear i gcás institiúidí beaga agus meánmhéide ▌.

(3)  De bhun Airteagal 4 de Rialachán (AE) Uimh. 806/2014, na Ballstáit a bhfuil dlúthchomhar bunaithe acu idir an Banc Ceannais Eorpach (BCE) agus na húdaráis inniúla náisiúnta faoi seach, measfar gur Ballstáit rannpháirteacha iad chun críocha an Rialacháin sin. Mar sin féin, níl aon mhionsonraí i Rialachán (AE) Uimh. 806/2014 maidir leis an bpróiseas chun tús a chur leis an dlúthchomhar maidir le cúraimí a bhaineann le réiteach. Is iomchuí, dá bhrí sin, na mionsonraí sin a leagan síos.

(4)  Bíonn éagsúlacht ag baint le déine agus leibhéal mionsonraithe na hoibre pleanála réitigh sin i dtaca le fochuideachtaí nár aithníodh mar eintitis réitigh ag brath ar mhéid agus ar phróifíl riosca na n-institiúidí agus na n-eintiteas lena mbaineann, ar fheidhmeanna criticiúla a bheith i láthair agus ar an straitéis réitigh grúpa. Dá bhrí sin, ba cheart go mbeadh ar chumas an Bhoird Réitigh Aonair (an ‘Bord’) na tosca sin mheas le linn dó na bearta a bheidh le déanamh i leith fochuideachtaí den sórt sin a shonrú agus cur chuige simplithe a leanúint i gcás inarb iomchuí.

(5)  Maidir le hinstitiúidí nó eintitis atá á bhfoirceannadh faoin dlí náisiúnta, tar éis cinneadh a bheith déanta go bhfuil siad i mbéal teipthe nó gur dóigh dóibh teip agus tar éis don Bhord teacht ar chonclúid nach ar mhaithe le leas an phobail é iad a réiteach, beidh siad ag imeacht ón margadh ar deireadh. Tugann an méid sin le tuiscint nach bhfuil gá le plean le haghaidh gníomhaíochtaí a bheidh le déanamh i gcás teipe, is cuma an ndearna an t-údarás inniúil údarú na hinstitiúide nó an eintitis lena mbaineann a tharraingt siar cheana. Is amhlaidh atá i gcás institiúid iarmharach faoi réiteach tar éis na sócmhainní, cearta, agus dliteanais a aistriú i gcomhthéacs straitéis aistrithe. Is iomchuí a shonrú, dá bhrí sin, nach gá pleananna réitigh a ghlacadh sna cásanna sin.

(6)  Féadfaidh an Bord toirmeasc a chur ar dháileacháin áirithe faoi láthair i gcás institiúid nó eintiteas nach gcomhlíonann an ceanglas maoláin chomhcheangailte nuair a mheastar é sa bhreis ar an íoscheanglas maidir le cistí dílse agus dliteanais incháilithe (‘ICDI’). Mar sin féin, chun deimhneacht dhlíthiúil agus ailíniú leis na nósanna imeachta atá ann cheana maidir le cur chun feidhme cinntí Boird a áirithiú, ní mór sonrú níos soiléire a dhéanamh ar róil na n-údarás a bhfuil baint acu leis an bpróiseas chun dáileacháin a thoirmeasc. Is iomchuí, dá bhrí sin, a leagan síos gur cheart don Bhord treoir a dhíriú chuig an údarás réitigh náisiúnta chun dáileacháin den sórt sin a thoirmeasc, agus ba cheart don údarás sin cinneadh an Bhoird a chur chun feidhme. Ina theannta sin, i gcásanna áirithe, d’fhéadfaí a cheangal ar institiúid nó ar eintiteas ICDI a chomhlíonadh ar bhonn atá éagsúil leis an mbonn ar a gceanglaítear ar an institiúid nó ar an eintiteas sin an ceanglas maoláin chomhcheangailte a chomhlíonadh. Cruthaíonn an staid sin éiginnteachtaí maidir leis na coinníollacha faoina bhfeidhmeofar cumhachtaí an Bhoird chun dáileacháin a thoirmeasc agus maidir leis an Uasmhéid Indáilte a bhaineann le ICDI a ríomh. Dá bhrí sin, ba cheart a leagan síos gur cheart don Bhord, sna cásanna sin, treorú do na húdaráis réitigh náisiúnta dáileacháin áirithe a thoirmeasc bunaithe ar an meastachán ar an gceanglas maoláin chomhcheangailte a eascraíonn as Rialachán Tarmligthe (AE) 2021/1118 ón gCoimisiún(9). Chun trédhearcacht agus deimhneacht dhlíthiúil a áirithiú, ba cheart don Bhord an ceanglas maoláin chomhcheangailte measta a chur in iúl don institiúid nó don eintiteas, agus ba cheart di nó dó an ceanglas maoláin chomhcheangailte measta sin a nochtadh go poiblí ansin.

(7)  Le Treoir 2014/59/AE agus Rialachán (AE) Uimh. 575/2013, leagtar síos cumhachtaí atá le feidhmiú ag údaráis réitigh, agus ní áirítear cuid díobh sin i Rialachán (AE) Uimh. 806/2014. Sa Sásra Réitigh Aonair, is féidir an méid sin a bheith ina chúis éiginnteachta i dtaobh cé a fheidhmeoidh na cumhachtaí sin agus na coinníollacha faoina bhfeidhmeofar iad. Dá bhrí sin, is gá a shonrú mar ba cheart d’údaráis réitigh náisiúnta cumhachtaí áirithe a fheidhmiú, nach leagtar amach ach amháin i dTreoir 2014/59/AE, i ndáil le heintitis agus grúpaí a thagann faoi fhreagracht dhíreach an Bhoird. Sna cásanna sin, ba cheart go bhféadfadh an Bord, i gcás ina measann sé gur gá, treoir a thabhairt do na húdaráis réitigh náisiúnta na cumhachtaí sin a fheidhmiú. Go háirithe, ba cheart go bhféadfadh an Bord treoir a thabhairt d’údaráis réitigh náisiúnta a cheangal ar institiúid nó ar eintiteas taifid mhionsonraithe a choinneáil de na conarthaí airgeadais ar páirtí iontu an institiúid nó an t-eintiteas, nó an chumhacht a chur i bhfeidhm roinnt oibleagáidí airgeadais a chur ar fionraí de bhun Airteagal 33a de Threoir 2014/59/AE. Mar sin féin, ós rud é nach gceanglaítear leis na ceadanna chun laghdú a dhéanamh ar ionstraimí dliteanas incháilithe a leagtar síos i Rialachán (AE) Uimh. 575/2013 ó Pharlaimint na hEorpa agus ón gComhairle(10), atá infheidhme freisin maidir le hinstitiúidí agus eintitis agus dliteanais atá faoi réir ICDI, go gcuirfear reachtaíocht náisiúnta i bhfeidhm, ba cheart go bhféadfadh an Bord na ceadanna sin a thabhairt d’institiúidí nó d’eintitis go díreach, gan iallach a bheith air treorú do na húdaráis réitigh náisiúnta an chumhacht sin a fheidhmiú.

(8)  Le Rialachán (AE) 2019/876 ó Pharlaimint na hEorpa agus ón gComhairle(11), Rialachán (AE) 2019/877 ó Pharlaimint na hEorpa agus ón gComhairle(12) agus Treoir (AE) 2019/879 ó Pharlaimint na hEorpa agus ón gComhairle(13), cuireadh chun feidhme i ndlí an Aontais ‘Bileog Téarmaí na hAcmhainneachta Ionsúcháin Caillteanais Iomláine (TLAC)’ arna foilsiú ag an mBord um Chobhsaíocht Airgeadais an 9 Samhain 2015 (‘caighdeán TLAC’), le haghaidh bainc a bhfuil tábhacht shistéamach dhomhanda leo, dá dtagraítear i ndlí an Aontais mar institiúidí a bhfuil tábhacht shistéamach dhomhanda leo (G-SIIanna). Le Rialachán (AE) 2019/877 agus le Treoir (AE) 2019/879, 'leasaíodh an ICDI a leagtar síos i dTreoir 2014/59/AE agus i Rialachán (AE) Uimh. 806/2014. Is gá na forálacha i Rialachán (AE) Uimh. 806/2014 maidir le ICDI a ailíniú le cur chun feidhme chaighdeán TLAC do G-SIInna i dtaca le dliteanais áirithe a d’fhéadfaí a úsáid chun an chuid den ICDI a chomhlíonadh ar cheart í a chomhlíonadh le cistí dílse agus le dliteanais fho-ordaithe eile. Go háirithe, ba cheart dliteanais a rangaítear pari passu le dliteanais eisiata áirithe a chuimsiú i gcistí dílse agus in ionstraimí incháilithe fo-ordaithe na n-eintiteas réitigh i gcás nach mó méid na ndliteanas eisiata sin ar chlár comhardaithe an eintitis réitigh ná 5 % de mhéid chistí dílse agus dhliteanais incháilithe an eintitis réitigh agus nach n-eascraíonn aon rioscaí a bhaineann leis an bprionsabal ‘gan creidiúnaí ar bith níos measa as’ as an gcuimsiú sin.

(9)  Tá na rialacha maidir leis an ICDI a chinneadh dírithe den chuid is mó ar leibhéal iomchuí an ICDI a shocrú agus toimhde ann gurb í an uirlis tarrthála inmheánaí an straitéis réitigh tosaíochta. Mar sin féin, le Rialachán (AE) Uimh. 806/2014, ceadaítear don Bhord uirlisí réitigh eile a úsáid, eadhon, na huirlisí réitigh sin a bhraitheann ar aistriú ghnó na hinstitiúide faoi réiteach chuig ceannaitheoir príobháideach nó chuig droichead-institiúid. Dá bhrí sin, i gcás ina mbeartaítear sa phlean réitigh úsáid a bhaint as an uirlis díolacháin gnó nó as an uirlis droichead-institiúide▌, go neamhspleách nó in éineacht le huirlisí réitigh eile, ba cheart don Bhord leibhéal ICDI an eintitis réitigh lena mbaineann a chinneadh ar bhonn shainiúlachtaí na n-uirlisí réitigh sin agus ar bhonn na riachtanas ionsúcháin caillteanais agus athchaipitliúcháin éagsúla atá i gceist leis na huirlisí sin.

(10)  Is é leibhéal an ICDI d’eintitis réitigh, suim mhéid na gcaillteanas ionchasach le linn réitigh agus méid an athchaipitliúcháin lena gcumasaítear don eintiteas réitigh a choinníollacha maidir le húdarú a chomhlíonadh i gcónaí, agus a ghníomhaíochtaí a shaothrú ar feadh tréimhse iomchuí. Le straitéisí réitigh tosaíochta áirithe, go háirithe an uirlis díolacháin gnó, aistrítear sócmhainní, cearta agus dliteanais chuig faighteoir▌. Sna cásanna sin, d’fhéadfadh sé nach mbeadh feidhm ag na cuspóirí arna saothrú ag an gcomhpháirt athchaipitliúcháin a mhéid céanna agus a bheadh feidhm acu i gcás straitéis tarrthála inmheánaí bainc oscailte, toisc nach gceanglófar ar an mBord a áirithiú go ndéanfaidh an t-eintiteas réitigh comhlíonadh a cheanglas cistí dílse a athbhunú tar éis na gníomhaíochta réitigh. Mar sin féin, meastar go sáróidh na caillteanais sna cásanna sin ceanglais cistí dílse an eintitis réitigh. Dá bhrí sin, is iomchuí a leagan síos go leanfaidh leibhéal ICDI na n-eintiteas réitigh sin de mhéid athchaipitliúcháin a chur san áireamh, méid a choigeartófar ar bhealach a bheidh i gcomhréir leis an straitéis réitigh.

(11)  I gcás ina mbeartaítear sa straitéis réitigh uirlisí réitigh seachas tarrtháil inmheánach go heisiach a úsáid, is gnách go mbeidh riachtanais athchaipitliúcháin an eintitis lena mbaineann níos lú tar éis réitigh ná mar a bheadh i gcás tarrtháil inmheánach bainc oscailte. I gcás den sórt sin i dtaca le ICDI a chalabrú, ba cheart an ghné sin a chur san áireamh agus an ceanglas athchaipitliúcháin á mheas. Dá bhrí sin, agus coigeartú á dhéanamh aige ar leibhéal an ICDI d'eintitis réitigh, a bhfuil sé beartaithe ina bplean réitigh go mbainfear úsáid as an uirlis díolacháin gnó nó as an uirlis droichead-institiúide▌, go neamhspleách nó in éineacht le huirlisí réitigh eile, ba cheart don Bhord gnéithe na n-uirlisí sin a chur san áireamh, lena n-áirítear imlíne ionchasach an aistrithe chuig an gceannaitheoir príobháideach nó chuig an droichead-institiúid, na cineálacha ionstraimí a bheidh le haistriú, luach ionchasach agus indíoltacht na n-ionstraimí sin, agus dearadh na straitéise réitigh tosaíochta, lena n-áirítear úsáid chomhlántach na huirlise deighilte sócmhainní. Ós rud é go gcaithfidh an t-údarás réitigh cinneadh a dhéanamh ar bhonn cás ar chás ar aon úsáid a d’fhéadfaí a bhaint as cistí ón scéim ráthaithe taiscí le linn réitigh agus ós rud é nach féidir glacadh leis go gcinnfear amhlaidh ex ante, níor cheart don Bhord an ranníocaíocht fhéideartha ón scéim ráthaithe taiscí a chur san áireamh (le linn réitigh agus leibhéal ICDI á chalabrú. Leis an gcur chuige sin, laghdaítear freisin ar dhóchúlacht an bhaoil mhorálta trína áirithiú nach nglacann eintitis leis roimh ré go n-úsáidfear cistí ón scéim ráthaithe taiscí faoi seach chun an sprioc 8 % d’iomlán na ndliteanas agus na gcistí dílse a bhaint amach.

▌

(13)  De bhun Airteagal 4 de Rialachán (AE) Uimh. 1024/2013 ón gComhairle(14), tá BCE inniúil ar chúraimí maoirseachta a dhéanamh i ndáil le luath-idirghabháil. Is gá na rioscaí a eascraíonn as trasuí éagsúil na mbeart luath-idirghabhála i ndlíthe náisiúnta i dTreoir 2014/59/AE a laghdú agus éascaíocht a dhéanamh ar chur i bhfeidhm éifeachtach agus comhsheasmhach na gcumhachtaí atá ag BCE chun bearta luath-idirghabhála a dhéanamh. Cruthaíodh na bearta luath-idirghabhála sin chun a chur ar a gcumas do na húdaráis inniúla meathlú staid airgeadais agus eacnamaíoch institiúide nó eintitis a leigheas agus an riosca agus an tionchar ó réiteach féideartha a laghdú a mhéid is féidir. Mar sin féin, mar gheall ar easpa cinnteachta maidir leis na truicir chun na bearta luath-idirghabhála sin a chur i bhfeidhm agus forluí páirteach le bearta maoirseachta, is annamh a úsáideadh bearta luath-idirghabhála. Ba cheart, dá bhrí sin, forálacha Threoir 2014/59/AE maidir le bearta luath-idirghabhála a léiriú i Rialachán (AE) Uimh. 806/2014, rud a áiritheoidh uirlis dlí aonair atá infheidhme go díreach do BCE, agus ba cheart na coinníollacha maidir le cur i bhfeidhm na mbeart luath-idirghabhála sin a shimpliú agus a shonrú tuilleadh. Chun deireadh a chur le héiginnteachtaí maidir leis na coinníollacha agus leis an uainiú chun an comhlacht bainistíochta a bhaint agus riarthóirí sealadacha a cheapadh, ba cheart na bearta sin a shonrú go sainráite mar bhearta luath-idirghabhála agus ba cheart a gcur i bhfeidhm a bheith faoi réir na dtruicear céanna. San am céanna, ba cheart a cheangal ar BCE na bearta iomchuí a roghnú chun aghaidh a thabhairt ar chás sonrach i gcomhréir le prionsabal na comhréireachta. Chun a chur ar a chumas do BCE rioscaí clú nó rioscaí a bhaineann le sciúradh airgid nó teicneolaíocht faisnéise agus cumarsáide a chur san áireamh, ba cheart do BCE measúnú a dhéanamh ar na coinníollacha chun bearta luath-idirghabhála a chur i bhfeidhm, ní hamháin ar bhonn táscairí cainníochtúla, lena n-áirítear ceanglais chaipitil nó leachtachta, leibhéal giarála, iasachtaí neamhthuillmheacha nó comhchruinniú neamhchosaintí, ach ar bhonn truicir cháilíochtúla freisin.

(14)  Is gá a áirithiú go mbeidh ar chumas an Bhoird ullmhú le haghaidh réiteach féideartha institiúide nó eintitis. Dá bhrí sin, ba cheart do BCE nó don údarás inniúil náisiúnta ábhartha an Bord a chur ar an eolas faoi mheathlú staid airgeadais institiúide nó eintitis luath go leor, agus ba cheart go mbeadh na cumhachtaí is gá ag an mBord chun bearta ullmhúcháin a chur chun feidhme. Rud atá tábhachtach, chun a chur ar a chumas don Bhord freagairt chomh tapa agus is féidir do mheathlú staid institiúide nó eintitis, níor cheart cur i bhfeidhm na mbeart luath-idirghabhála a bheith ina choinníoll chun go ndéanfaidh an Bord socruithe maidir le margú na hinstitiúide nó an eintitis nó maidir le faisnéis a iarraidh chun an plean réitigh a nuashonrú agus an luacháil a ullmhú. Chun freagairt chomhsheasmhach, chomhordaithe, éifeachtach agus thráthúil ar mheathlú staid airgeadais institiúide nó eintitis a áirithiú agus chun ullmhú i gceart le haghaidh réiteach féideartha, is den riachtanas feabhas a chur ar an idirghníomhaíocht agus ar an gcomhordú idir BCE, na húdaráis inniúla náisiúnta agus an Bord. A luaithe a chomhlíonann institiúid nó eintiteas na coinníollacha chun bearta luath-idirghabhála a chur i bhfeidhm, ba cheart do BCE, do na húdaráis inniúla náisiúnta agus don Bhord a malartuithe faisnéise a mhéadú, lena n-áirítear faisnéis shealadach, agus faireachán a dhéanamh go comhpháirteach ar staid airgeadais na hinstitiúide nó an eintitis.

(14a)  I gcás ina n-éileoidh an Bord an fhaisnéis is gá chun pleananna réitigh a thabhairt cothrom le dáta, chun ullmhú le haghaidh réiteach féideartha eintitis nó chun luacháil a dhéanamh, ba cheart do BCE nó do na húdaráis inniúla náisiúnta ábhartha an fhaisnéis sin a sholáthar don Bhord a mhéid atá sí ar fáil dóibh. I gcás nach bhfuil an faisnéis ábhartha ar fáil cheana féin do BCE ná do na húdaráis inniúla náisiúnta ábhartha, ba cheart don Bhord agus do BCE nó na húdaráis inniúla náisiúnta ábhartha comhoibriú agus comhordú chun an fhaisnéis a mheasann an Bord go bhfuil gá léi a bhailiú. I gcomhthéacs an chomhordaithe sin, ba cheart do na húdaráis an fhaisnéis a bhfuil gá léi a bhailiú agus aird chuí á tabhairt ar phrionsabal na comhréireachta.

(15)  Is den riachtanas gníomhaíocht thráthúil agus luath-chomhordú a áirithiú idir an Bord agus BCE, nó an t-údarás inniúil náisiúnta ábhartha, maidir le grúpaí trasteorann nach bhfuil chomh suntasach i gcás ina bhfuil institiúid nó eintiteas fós ina ghnóthas leantach ach go bhfuil riosca ábhartha ann go dteipfidh ar an institiúid nó an eintiteas sin. Dá bhrí sin, ba cheart do BCE nó don údarás inniúil náisiúnta ábhartha fógra a thabhairt don Bhord a luaithe is féidir faoi riosca den sórt sin. Ba cheart na cúiseanna leis an measúnú ó BCE nó ón údarás inniúil náisiúnta ábhartha a bheith san fhógra sin, agus forléargas ar na bearta malartacha ón earnáil phríobháideach, an ghníomhaíocht mhaoirseachta nó na bearta luath-idirghabhála atá ar fáil chun teip na hinstitiúide nó an eintitis a chosc laistigh de thréimhse réasúnta. Le luathfhógra den sórt sin, níor cheart dochar a dhéanamh do na nósanna imeachta chun a chinneadh an bhfuil na coinníollacha maidir le réiteach á gcomhlíonadh. An réamhfhógra a thabharfaidh BCE nó an t-údarás inniúil náisiúnta ábhartha don Bhord maidir le riosca ábhartha go bhfuil institiúid nó eintiteas ag teip nó gur dóigh di nó dó teip, níor cheart é sin a bheith ina choinníoll le haghaidh cinnidh ina dhiaidh sin go bhfuil institiúid nó eintiteas ag teip i ndáiríre nó gur dóigh di nó dó teip. Thairis sin, má mheastar ag céim níos déanaí go bhfuil an institiúid nó an t-eintiteas i mbéal teipthe nó gur dóigh di nó dó teip agus nach bhfuil aon réiteach malartach ann chun teip den sórt sin a chosc laistigh de thréimhse réasúnta, ní mór don Bhord cinneadh a dhéanamh cibé an ndéanfar gníomhaíocht réitigh. I gcás den sórt sin, d’fhéadfadh tráthúlacht an chinnidh gníomhaíocht réitigh a chur i bhfeidhm maidir le hinstitiúid nó le heintiteas a bheith buntábhachtach ó thaobh an straitéis réitigh a chur chun feidhme go rathúil, go háirithe toisc gur féidir le hidirghabháil níos luaithe san institiúid nó san eintiteas rannchuidiú le leibhéil leordhóthanacha acmhainneachta ionsúcháin caillteanais agus leachtachta a áirithiú chun an straitéis sin a chur i bhfeidhm. Is iomchuí, dá bhrí sin, a chur ar a chumas don Bhord measúnú a dhéanamh, i ndlúthchomhar le BCE nó leis an údarás inniúil náisiúnta ábhartha, ar cad is tréimhse réasúnta ann chun bearta malartacha a chur chun feidhme chun teip na hinstitiúide nó an eintitis a sheachaint. Agus an measúnú sin á dhéanamh ba cheart a chur san áireamh freisin nach mór é a bheith ar chumas an údaráis réitigh i gcónaí agus ar chumas an eintitis lena mbaineann an straitéis réitigh a chur chun feidhme go héifeachtach sa chás gurb í a theastaíonn sa deireadh ach gan cosc a chur ar bhearta malartacha a dhéanamh. Go háirithe, ba cheart go mbeadh an scála ama dá bhforáiltear do na bearta malartacha de chineál a d’fhágfadh nach gcuirfear éifeachtacht chur chun feidhme féideartha na straitéise réitigh i mbaol. Chun toradh tráthúil a áirithiú agus chun a chur ar a chumas don Bhord ullmhú go cuí do réiteach féideartha na hinstitiúide nó an eintitis, ba cheart don Bhord agus do BCE, nó don údarás inniúil náisiúnta ábhartha, teacht le chéile go rialta, agus ba cheart don Bhord cinneadh a dhéanamh maidir le minicíocht na gcruinnithe sin agus imthosca an cháis á gcur san áireamh.

(16)  Chun sáruithe ábhartha ar cheanglais stuamachta a chumhdach, is gá sonrú breise a dhéanamh ar na coinníollacha lena gcinntear go bhfuil máthairghnóthais, lena n-áirítear cuideachtaí sealbhaíochta, i mbéal teipthe nó gur dóigh dóibh teip. Ba cheart sárú na gceanglas sin arna dhéanamh ag máthairghnóthas a bheith ábhartha i gcás ina bhfuil cineál agus méid an tsáraithe sin inchurtha le sárú a thabharfadh údar cuí don údarás inniúil an t-údarú a tharraingt siar i gcomhréir le hAirteagal 18 de Threoir 2013/36/AE dá mba institiúid chreidmheasa a rinne é.

(17)  Tá sé i gceist go bhféadfar an creat réitigh a chur i bhfeidhm maidir le haon institiúid nó eintiteas a mbeidh measúnú dearfach ar leas an phobail ag baint léi nó leis, gan beann ar mhéid agus samhail ghnó na hinstitiúide nó an eintitis. Chun an toradh sin a áirithiú, ba cheart na critéir chun an measúnú ar leas an phobail a chur i bhfeidhm maidir le hinstitiúid nó eintiteas atá ag teip a shonrú. Sa mhéid sin, is gá a shoiléiriú, agus sin ag brath ar na himthosca sonracha, gur féidir feidhmeanna áirithe de chuid na hinstitiúide nó an eintitis a mheas mar fheidhmeanna criticiúla dá mbeadh tionchar ag scor na bhfeidhmeanna sin ar chobhsaíocht airgeadais nó ar sheirbhísí criticiúla ar an leibhéal réigiúnach, go háirithe i gcás inarb é an margadh geografach ábhartha a chinneann inionadaitheacht na bhfeidhmeanna criticiúla.

(18)  Ba cheart go léireodh an measúnú ar cibé an bhfuil réiteach institiúide nó eintitis chun leasa an phobail, gur fearr an chosaint atá ag taisceoirí nuair a bhaintear úsáid níos éifeachtúla as cistí scéimeanna ráthaithe taiscí agus nuair a íoslaghdaítear na caillteanais maidir leis na cistí sin. Dá bhrí sin, sa mheasúnú ar leas an phobail, ba cheart a mheas gurbh fhearr mar a bhainfí amach an cuspóir réitigh na taisceoirí a chosaint le linn réitigh dá mbeadh sé níos costasaí don scéim ráthaithe taiscí an dócmhainneacht a roghnú.

(19)  Sa mheasúnú i dtaobh an bhfuil réiteach institiúide nó eintitis chun leasa an phobail, ba cheart a léiriú freisin, a mhéid is féidir, an difríocht idir, ar thaobh amháin, cistiú arna sholáthar trí líontáin sábhála arna gcistiú ag an earnáil (socruithe maoinithe réitigh nó scéimeanna ráthaithe taiscí) agus, ar an taobh eile, cistiú arna sholáthar ag na Ballstáit ó airgead cáiníocóirí. Is mó de riosca baoil mhorálta agus is lú de dhreasacht chun glacadh le smacht an mhargaidh a bhaineann leis an gcistiú a chuireann na Ballstáit ar fáil, agus níor cheart é a bheith san áireamh ach in imthosca urghnácha. Dá bhrí sin, agus measúnú á dhéanamh ar an gcuspóir an spleáchas ar thacaíocht airgeadais phoiblí urghnách a íoslaghdú, ba cheart don Bhord cistiú a fháil trí na socruithe maoinithe réitigh nó tríd an scéim ráthaithe taiscí, ar fearr é ná cistiú trí mhéid comhionann acmhainní ó bhuiséad na mBallstát.

(19a)  I gcás ina dtugann creataí náisiúnta dócmhainneachta agus réitigh an toradh céanna go bunúsach ó thaobh cuspóirí an chreata a bhaint amach, ba cheart tús áite a thabhairt don rogha lena n-íoslaghdaítear an riosca do cháiníocóirí agus don gheilleagar. Leis an gcur chuige sin, áiritheofar gníomhaíocht stuama fhreagrach, a bheidh ailínithe leis an sprioc uileghabhálach leasanna na gcáiníocóirí agus an chobhsaíocht eacnamaíoch i gcoitinne a chosaint.

(19b)  Níor cheart tacaíocht airgeadais urghnách arna chistiú ag cáiniocóirí a dheonú d’institiúidí airgeadais, más féidir in aon chor, ach amháin chun suaitheadh tromchúiseach de chineál urghnách agus sistéamach sa gheilleagar a leigheas, ós rud é go leagtar ualach suntasach ar an airgeadas poiblí leis agus go gcuirtear isteach ar chothrom na Féinne sa mhargadh inmheánach.

(20)  Chun a áirithiú go mbainfear amach na cuspóirí réitigh ar an mbealach is éifeachtaí, ba cheart go measfadh toradh an mheasúnaithe ar leas an phobail an dtabharfadh foirceannadh na hinstitiúide nó an eintitis atá i mbéal teipthe, faoi ghnáthimeachtaí dócmhainneachta, toradh níos éifeachtaí ná réiteach, ó thaobh ghnóthú na gcuspóirí réitigh de, seachas go dtabharfadh sé an toradh céanna is a thabharfadh réiteach.

(21)  I bhfianaise na taithí a fuarthas agus Treoir 2014/59/AE, Rialachán (AE) Uimh. 806/2014 agus Treoir 2014/49/AE á gcur chun feidhme, is gá sonrú breise a dhéanamh ar na coinníollacha faoinar féidir bearta de chineál réamhchúraim a cháilíonn mar thacaíocht airgeadais phoiblí urghnách a dheonú go heisceachtúil. Chun saobhadh iomaíochta a thagann as difríochtaí i gcineál scéimeanna ráthaithe taiscí san Aontas a íoslaghdú, ba cheart, ar bhonn eisceachtúil, idirghabhálacha na scéimeanna sin a cheadú i gcomhthéacs bearta coisctheacha lena gcomhlíontar na ceanglais a leagtar síos i dTreoir 2014/49/AE agus a cháilíonn mar thacaíocht airgeadais phoiblí urghnách i gcás nach gcomhlíonann an institiúid is tairbhí nó an t-eintiteas is tairbhí aon cheann de na coinníollacha maidir lena mheas go bhfuil sí nó sé i mbéal teipthe nó gur dóigh di nó dó teip. Ba cheart a áirithiú go ndéanfar bearta réamhchúraim luath go leor. Faoi láthair tá breithniú BCE maidir le hinstitiúid nó eintiteas a bheith sócmhainneach, chun críocha an athchaipitlithe réamhchúraim, bunaithe ar mheasúnú réamhbhreathnaitheach don 12 mhí ina dhiaidh sin ar cibé an féidir leis an institiúid nó leis an eintiteas na ceanglais cistí dílse a leagtar amach i Rialachán (AE) Uimh. 575/2013 nó i Rialachán (AE) 2019/2033, agus an ceanglas cistí dílse breise a leagtar síos i dTreoir 2013/36/AE nó i dTreoir (AE) 2019/2034, a chomhlíonadh. Ba cheart an cleachtas sin a leagan síos i Rialachán (AE) Uimh. 806/2014. Ina theannta sin, maidir le bearta chun faoiseamh a sholáthar i leith sócmhainní bearnaithe, lena n-áirítear meáin bhainistíochta sócmhainní nó scéimeanna ráthaíochta sócmhainní, is féidir leo a bheith éifeachtach agus éifeachtúil chun aghaidh a thabhairt ar chúiseanna anás airgeadais a d’fhéadfadh a bheith ann d’institiúidí agus d’eintitis agus chun a dteip a chosc agus, dá bhrí sin, d’fhéadfaidís a bheith ina mbearta réamhchúraim ábhartha. Ba cheart a shonrú, dá bhrí sin, go bhféadfadh bearta réamhchúraim den sórt sin a bheith i bhfoirm bearta sócmhainní bearnaithe.

(22)  Chun smacht an mhargaidh a chaomhnú, cistí poiblí a chosaint agus saobhadh iomaíochta a sheachaint, ba cheart bearta réamhchúraim a bheith ina n-eisceacht i gcónaí agus níor cheart iad a chur i bhfeidhm ach amháin chun aghaidh a thabhairt ar shuaití tromchúiseacha sa mhargadh nó chun cobhsaíocht airgeadais a chaomhnú, go háirithe i gcás géarchéim shistéamach. Thairis sin, níor cheart bearta réamhchúraim a úsáid chun aghaidh a thabhairt ar chaillteanais thabhaithe nó ar chaillteanais is dóigh a thabhófar. Is athbhreithniú ar cháilíocht sócmhainní ó BCE, ón Údarás Maoirseachta Eorpach (an tÚdarás Baincéireachta Eorpach) (ÚBE), a bunaíodh le Rialachán (AE) Uimh. 1093/2010 ó Pharlaimint na hEorpa agus ón gComhairle(15) nó ó údaráis inniúla náisiúnta an ionstraim is iontaofa chun caillteanais thabhaithe nó caillteanais is dóigh a thabhófar a shainaithint. Ba cheart do BCE agus do na húdaráis inniúla náisiúnta athbhreithniú den sórt sin a úsáid chun caillteanais thabhaithe nó caillteanais is dóigh a thabhófar a shainaithint más féidir athbhreithniú den sórt sin a dhéanamh laistigh de thréimhse ama réasúnta. I gcás nach féidir é sin a dhéanamh, ba cheart do BCE agus do na húdaráis inniúla náisiúnta caillteanais thabhaithe nó caillteanais is dóigh a thabhófar a shainaithint ar an mbealach is iontaofa is féidir faoi na himthosca atá ann faoi láthair, bunaithe ar chigireachtaí ar an láthair i gcás inarb iomchuí.

(23)  Is é is aidhm d’athchaipitliú réamhchúraim tacaíocht a thabhairt d’institiúidí agus d’eintitis inmharthana a shainaithnítear gur dócha go mbeidh deacrachtaí sealadacha acu sula i bhfad agus chun nach rachaidh a gcás in olcas a thuilleadh. Ionas nach ndeonófar fóirdheontais phoiblí do ghnólachtaí atá neamhbhrabúsach cheana féin nuair a dheonaítear an tacaíocht, níor cheart bearta réamhchúraim a dheonaítear i bhfoirm éadáil ionstraimí cistí dílse nó ionstraimí caipitil eile nó trí bhearta sócmhainní bearnaithe a bheith níos mó ná an méid is gá chun easnaimh chaipitil a chumhdach mar a sainaithníodh i gcás díobhálach tástáil struis nó i bhfreachnamh coibhéiseach. Chun a áirithiú go scoirfear den mhaoiniú poiblí ar deireadh, ba cheart na bearta réamhchúraim sin a theorannú ó thaobh ama de freisin agus ba cheart amlíne shoiléir a bheith iontu chun iad a fhoirceannadh (▌‘straitéis chun imeacht ón mbeart tacaíochta’). Níor cheart ionstraimí suthaine, lena n-áirítear caipiteal Gnáthchothromas Leibhéal 1, a úsáid ach amháin in imthosca eisceachtúla agus ba cheart iad a bheith faoi réir teorainneacha cainníochtúla áirithe toisc nach bhfuil siad oiriúnach, de bharr a gcineáil, chun coinníoll na tréimhse sealadaí a chomhlíonadh.

(24)  Ba cheart bearta réamhchúraim a theorannú don mhéid a bheadh de dhíth ar an institiúid nó ar an eintiteas chun a sócmhainneacht a chaomhnú i gcás díobhálach mar a chinntear i dtástáil struis nó i bhfreachnamh coibhéiseach. I gcás bearta réamhchúraim i bhfoirm bearta sócmhainní bearnaithe, ba cheart an institiúid nó an t-eintiteas is faighteoir a bheith in ann an méid sin a úsáid chun caillteanais ar na sócmhainní aistrithe a chumhdach nó i gcomhcheangal le héadáil ionstraimí caipitil, ar choinníoll nach sárófar méid foriomlán an easnaimh arna shainaithint. Is gá a áirithiú freisin go gcomhlíonfaidh bearta réamhchúraim den sórt sin i bhfoirm bearta sócmhainní bearnaithe na rialacha agus na cleachtais is fearr atá ann cheana maidir le Státchabhair, go n-athbhunóidh siad inmharthanacht fhadtéarmach na hinstitiúide nó an eintitis, go mbeidh státchabhair teoranta don mhéid is lú is gá agus go seachnófar saobhadh ar an iomaíocht. Ar na cúiseanna sin, ba cheart do na húdaráis lena mbaineann, i gcás bearta réamhchúraim i bhfoirm bearta sócmhainní bearnaithe, an treoraíocht shonrach a chur san áireamh, lena n-áirítear Treoirphlean AMC(16) agus an Teachtaireacht maidir le Dul i nGleic le hIasachtaí Neamhthuillmheacha(17). Ba cheart na bearta réamhchúraim sin i bhfoirm bearta sócmhainní bearnaithe a bheith faoi réir choinníoll sáraitheach na tréimhse sealadaí i gcónaí. Le ráthaíochtaí poiblí a dheonaítear ar feadh tréimhse shonraithe i ndáil le sócmhainní bearnaithe na hinstitiúide nó an eintitis lena mbaineann, meastar go n-áiritheofar gur fearr a chomhlíonfar coinníoll na tréimhse sealadaí ná sa chás ina n-aistreofaí na sócmhainní sin chuig eintiteas a fhaigheann tacaíocht phoiblí. Chun a áirithiú maidir le hinstitiúidí a fhaigheann tacaíocht phoiblí, go gcomlíonfaidh siad téarmaí an bhirt tacaíochta, ba cheart go n-iarrfadh BCE nó na húdaráis inniúla náisiúnta plean feabhsúcháin ar institiúidí ar theip orthu a ngealltanais a chomhlíonadh. I gcás ina mbeidh BCE nó údarás inniúil náisiúnta den tuairim nach bhféadfar inmharthanacht fhadtéarmach na hinstitiúide a bhaint amach leis na bearta sa phlean feabhsúcháin nó i gcás inar theip ar an institiúid an plean feabhsúcháin a chomhlíonadh, ba cheart go ndéanfadh BCE nó an t-údarás inniúil náisiúnta ábhartha measúnú féachaint an bhfuil an institiúid i mbéal teipthe nó ar dóigh di teip, i gcomhréir le hAirteagal 18 de Rialachán (AE) Uimh. 806/2014.

(25)  Tá sé tábhachtach a áirithiú go ndéanfaidh an Bord gníomhaíocht réitigh thapa agus thráthúil i gcás ina mbeidh baint ag deonú Státchabhrach nó cabhrach ón gCiste leis an ngníomhaíocht sin. Is gá, dá bhrí sin, a chur ar a chumas don Bhord an scéim réitigh lena mbaineann a ghlacadh sula ndéanfaidh an Coimisiún measúnú féachaint an bhfuil an chabhair sin comhoiriúnach leis an margadh inmheánach. Mar sin féin, chun dea-fheidhmiú an mhargaidh inmheánaigh a áirithiú i gcás den sórt sin, ba cheart scéimeanna réitigh lena ndeonaítear státchabhair nó cabhair ón gCiste a bheith faoi réir fhormheas na cabhrach sin ag an gCoimisiún ar deireadh thiar. Chun a chur ar a chumas don Choimisiún a mheas, a luaithe is indéanta, an bhfuil an chabhair ón gCiste comhoiriúnach leis an margadh aonair, agus chun sreabhadh rianúil faisnéise a áirithiú, is gá a leagan síos freisin gur cheart don Bhord agus don Choimisiún an fhaisnéis uile is gá maidir le húsáid fhéideartha na cabhrach ón gCiste a chomhroinnt go pras agus foráil a dhéanamh maidir le rialacha sonracha i dtaobh cathain ba cheart don Bhord faisnéis a sholáthar don Choimisiún agus cén fhaisnéis ba cheart dó a sholáthar chun bonn eolais a chur faoin measúnú a dhéanfaidh an Coimisiún ar chomhoiriúnacht na cabhrach ón gCiste.

(26)  An nós imeachta lena rialaítear dul i mbun réitigh agus an nós imeachta lena rialaítear an cinneadh na cumhachtaí díluachála agus comhshó a chur i bhfeidhm, tá siad cosúil le chéile. Is iomchuí, dá bhrí sin, cúraimí an Bhoird agus cúraimí BCE nó an údaráis inniúil náisiúnta faoi seach a ailíniú, de réir mar is ábhartha, nuair a dhéanann siad measúnú, ar thaobh amháin, i dtaca le cibé an bhfuil na coinníollacha ann chun na cumhachtaí díluachála agus comhshó a chur i bhfeidhm, agus, ar an taobh eile, nuair a dhéanann siad measúnú ar na coinníollacha chun scéim réitigh a ghlacadh.

(27)  D’fhéadfadh sé go mbeadh gníomhaíocht réitigh le cur i bhfeidhm maidir le heintiteas réitigh atá ina cheann ar ghrúpa réitigh, agus an tráth céanna, go mbeadh cumhachtaí díluachála agus comhshó le cur i bhfeidhm maidir le heintiteas eile de chuid an ghrúpa céanna. Maidir le hidirthuilleamaíochtaí idir eintitis den sórt sin, lena n-áirítear ceanglais chaipitil chomhdhlúite atá ann agus a bheidh le hathbhunú agus an gá le sásraí caillteanais réamhtheachtacha agus sásraí caipitil iartheachtacha a ghníomhachtú, d’fhéadfadh sé a bheith dúshlánach measúnú a dhéanamh ar na riachtanais ionsúcháin caillteanais agus athchaipitliúcháin le haghaidh gach eintiteas ar leithligh, agus a chinneadh ar an gcaoi sin na méideanna is gá a dhíluacháil agus a chomhshó le haghaidh gach eintitis. Ba cheart, dá bhrí sin, an nós imeachta maidir le cur i bhfeidhm na cumhachta chun ionstraimí caipitil agus dliteanais incháilithe a dhíluacháil agus a chomhshó sna cásanna sin a shonrú, agus ba cheart don Bhord idirthuilleamaíochtaí den sórt sin a chur san áireamh. Chuige sin, i gcás ina gcomhlíonfaidh eintiteas amháin na coinníollacha maidir leis an gcumhacht díluachála agus comhshó a chur i bhfeidhm agus ina gcomhlíonfaidh eintiteas eile laistigh den ghrúpa céanna na coinníollacha maidir le réiteach san am céanna, ba cheart don Bhord scéim réitigh a ghlacadh lena gcumhdófar an dá eintiteas.

(28)  Chun deimhneacht dhlíthiúil a mhéadú, agus i bhfianaise ábharthacht fhéideartha na ndliteanas a d’fhéadfadh teacht as teagmhais neamhchinnte amach anseo, lena n-áirítear toradh dlíthíochtaí atá ar feitheamh tráth an réitigh, is gá a leagan síos cén láimhseáil ba cheart a thabhairt do na dliteanais sin chun an uirlis tarrthála inmheánaí a chur i bhfeidhm. Maidir leis sin, is iad na treoirphrionsabail dá bhforáiltear sna rialacha cuntasaíochta, agus go háirithe sna rialacha cuntasaíochta a leagtar síos i gCaighdeán Idirnáisiúnta Cuntasaíochta 37 arna nglacadh le Rialachán (CE) Uimh. 1126/2008 ón gCoimisiún(18), ar cheart bheith ina dtreoirphrionsabail. Ar an mbonn sin, ba cheart do na húdaráis réitigh idirdhealú a dhéanamh idir forálacha agus dliteanais theagmhasacha. Is éard is forálacha ann, dliteanais a bhaineann le heis-sreabhadh dóchúil cistí agus ar féidir meastóireacht iontaofa a dhéanamh orthu. Ní aithnítear dliteanais theagmhasacha mar dhliteanais chuntasaíochta mar go mbaineann siad le hoibleagáid nach féidir a mheas mar oibleagáid dhóchúil tráth an mheastacháin nó nach féidir a mheas go hiontaofa.

(29)  Ós rud é gur dliteanais chuntasaíochta iad forálacha, ba cheart a shonrú go gcaithfear leis na forálacha sin ar an gcaoi chéanna le dliteanais eile. Ba cheart na forálacha sin a bheith intarrthála, seachas i gcás ina gcomhlíonann siad ceann de na critéir shonracha lena n-eisiamh ó raon feidhme na huirlise tarrthála inmheánaí. I bhfianaise ábharthacht fhéideartha na bhforálacha sin le linn réitigh agus chun cinnteacht a áirithiú maidir le cur i bhfeidhm na huirlise tarrthála inmheánaí, ba cheart a shonrú gur cuid de na dliteanais intarrthála iad forálacha agus, dá réir sin, go bhfuil feidhm ag an uirlis tarrthála inmheánaí maidir leo.

(30)  De réir phrionsabail na cuntasaíochta, ní féidir dliteanais theagmhasacha a aithint mar dhliteanais agus níor cheart, dá bhrí sin, iad a bheith intarrthála. Is gá a áirithiú, áfach, maidir le dliteanas teagmhasach a d’eascródh as teagmhas atá neamhdhóchúil nó nach féidir a mheas go hiontaofa tráth an réitigh nach ndéanann sé dochar d’éifeachtacht na straitéise réitigh agus go háirithe d’éifeachtacht na huirlise tarrthála inmheánaí. Chun an cuspóir sin a bhaint amach, ba cheart don luachálaí, mar chuid den luacháil chun críoch réitigh, measúnú a dhéanamh ar dhliteanais theagmhasacha a áirítear i gclár comhardaithe na hinstitiúide nó an eintitis faoi réiteach agus luach féideartha na ndliteanas sin a chainníochtú de réir chumas an luachálaí. Chun a áirithiú gur féidir leis an institiúid nó leis an eintiteas, tar éis an phróisis réitigh, muinín mhargaidh leordhóthanach a chothú ar feadh tréimhse ama iomchuí, ba cheart don luachálaí an luach féideartha sin a chur san áireamh nuair a bhunófar an méid faoinar gá dliteanais intarrthála a dhíluacháil nó a chomhshó chun cóimheasa caipitil na hinstitiúide faoi réiteach a athbhunú. Go háirithe, ba cheart don údarás réitigh a chumhachtaí comhshó a chur i bhfeidhm maidir le dliteanais intarrthála a mhéid is gá chun a áirithiú gur leor athchaipitliú na hinstitiúide faoi réiteach chun caillteanais fhéideartha a chumhdach a d’fhéadfadh a bheith mar thoradh ar dhliteanas a d’fhéadfadh teacht chun cinn mar gheall ar theagmhas neamhdhóchúil. Agus measúnú á dhéanamh ar mhéid na díluachála nó an chomhshó, ba cheart don údarás réitigh breithniú cúramach a dhéanamh ar thionchar an chaillteanais fhéideartha ar an institiúid faoi réiteach bunaithe ar roinnt tosca, lena n-áirítear an dóchúlacht go dtiocfaidh ann don teagmhas, an creat ama dá theacht ann agus méid an dliteanais theagmhasaigh.

(31)  I gcúinsí áirithe, tar éis don Chiste Réitigh Aonair ranníocaíocht suas le huasmhéid 5 % de dhliteanais iomlána na hinstitiúide nó an eintitis, lena n-áirítear cistí dílse, a chur ar fáil, féadfaidh an Bord foinsí breise cistiúcháin a úsáid chun tuilleadh tacaíochta a thabhairt dá ngníomhaíocht réitigh. Ba cheart a shonrú níos soiléire cé na himthosca ina bhféadfaidh an Ciste Réitigh Aonair tacaíocht bhreise a sholáthar i gcás ina ndearnadh gach dliteanas ag a bhfuil rangú tosaíochta níos ísle ná taiscí, nach n-eisiatar go héigeantach nó go discréideach ón tarrtháil inmheánach, a dhíluacháil nó a chomhshó ina n-iomláine.

(32)  Braitheann rath an réitigh ar rochtain thráthúil a bheith ag an mBord ar fhaisnéis ábhartha ó na hinstitiúidí agus ó na heintitis a thagann faoi fhreagracht an Bhoird agus ó institiúidí agus údaráis phoiblí. Sa chomhthéacs sin, ba cheart go bhféadfadh an Bord rochtain a fháil ar fhaisnéis staidrimh a bhailigh BCE faoina fheidhm bhainc cheannais, de bhreis ar an bhfaisnéis atá ar fáil do BCE mar mhaoirseoir faoi chuimsiú Rialachán (AE) Uimh. 1024/2013. De bhun Rialachán (CE) Uimh. 2533/98 ón gComhairle(19), ba cheart don Bhord cosaint fhisiceach agus loighciúil ar fhaisnéis staidrimh rúnda a áirithiú agus ba cheart dó údarú chuig BCE a cheangal i gcás an tarchuir bhreise a d’fhéadfadh a bheith riachtanach chun cúraimí an Bhoird a fhorfheidhmiú. Ós rud é go bhféadfadh gá a bheith le faisnéis a bhaineann le líon na gcustaiméirí arb é institiúid nó eintiteas an t-aon chomhpháirtí baincéireachta amháin nó an príomh-chomhpháirtí baincéireachta atá acu, ar faisnéis í atá i seilbh na sásraí uathoibrithe láraithe arna mbunú de bhun Threoir (AE) 2015/849 ó Pharlaimint na hEorpa agus ón gComhairle(20), ba cheart go bhféadfadh an Bord an fhaisnéis sin a fháil ar bhonn cás ar chás. Ba cheart uainiú beacht rochtain indíreach an Bhoird ar fhaisnéis a shonrú freisin. Go háirithe, nuair atá an fhaisnéis ábhartha ar fáil d’institiúid nó d’údarás a bhfuil oibleagáid uirthi nó air comhoibriú leis an mBord nuair a iarrann an Bord faisnéis, ba cheart don institiúid nó don údarás sin an fhaisnéis sin a sholáthar don Bhord. Más rud é, an tráth sin, nach mbeidh an fhaisnéis ar fáil, is cuma cén chúis nach bhfuil sí ar fáil, ba cheart go bhféadfadh an Bord an fhaisnéis sin a fháil ón duine nádúrtha nó dlítheanach a bhfuil an fhaisnéis sin aige trí na húdaráis náisiúnta réitigh nó go díreach, tar éis dó na húdaráis réitigh náisiúnta sin a chur ar an eolas faoin méid sin. Ba cheart don Bhord a bheith in ann freisin an nós imeachta a shonrú, faoinar cheart dó faisnéis a fháil ó eintitis airgeadais, agus an fhoirm ina ndéanfar sin, chun a áirithiú gurb í an fhaisnéis sin is oiriúnaí dá riachtanais, lena n-áirítear seomraí sonraí fíorúla. Ina theannta sin, chun an comhar is leithne is féidir a áirithiú leis na heintitis uile a bhfuil seans ann go bhféadfadh sonraí a bheith ina seilbh atá ábhartha don Bhord, agus atá riachtanach chun na cúraimí a thugtar dó a chomhlíonadh, agus chun dúbláil iarrataí chuig institiúidí agus eintitis a sheachaint, ba cheart go n-áireofaí comhaltaí an Chórais Eorpaigh Banc Ceannais, na SRTanna ábhartha, an Bhoird Eorpaigh um Riosca Sistéamach, na nÚdarás Maoirseachta Eorpach agus an tSásra Cobhsaíochta Eorpaigh leis na hinstitiúidí agus na húdaráis phoiblí uile ar cheart don Bhord a bheith in ann comhoibriú leo, infhaighteacht faisnéise a sheiceáil agus faisnéis a mhalartú leo. Ar deireadh, chun idirghabháil thráthúil na socruithe airgeadais atá ar conradh don Chiste Réitigh Aonair a áirithiú, i gcás inar gá, ba cheart don Bhord an Coimisiún agus BCE a chur ar an eolas a luaithe a mheasann sé go bhféadfadh sé a bheith riachtanach socruithe airgeadais den sórt sin a ghníomhachtú agus gach faisnéis is gá a sholáthar don Choimisiún agus do BCE chun a gcúraimí a chomhlíonadh i ndáil leis na socruithe airgeadais sin.

(33)  Foráiltear le hAirteagal 86(1) de Threoir 2014/59/AE nach bhfuil gnáthimeachtaí dócmhainneachta maidir le hinstitiúidí agus eintitis faoi raon feidhme na Treorach sin le tosú ach amháin ar thionscnamh an údaráis réitigh agus nach ndéanfar cinneadh lena gcuirtear institiúid nó eintiteas i ngnáthimeachtaí dócmhainneachta ach amháin le toiliú an údaráis réitigh. Ní léirítear an fhoráil sin i Rialachán (AE) Uimh. 806/2014. I gcomhréir le roinnt na gcúraimí a shonraítear i Rialachán (AE) Uimh. 806/2014, ba cheart do na húdaráis réitigh náisiúnta dul i gcomhairle leis an mBord sula ngníomhóidh siad i gcomhréir le hAirteagal 86(1) de Threoir 2014/59/AE le haghaidh institiúidí agus eintitis atá faoi fhreagracht dhíreach an Bhoird.

(34)  Is ionann na critéir roghnúcháin do phost Leas-Chathaoirleach an Bhoird agus na critéir maidir leis an gCathaoirleach agus comhaltaí lánaimseartha eile an Bhoird a roghnú. Is iomchuí, dá bhrí sin, na cearta vótála céanna a thabhairt do Leas-Chathaoirleach an Bhoird agus atá ag an gCathaoirleach agus ag comhaltaí lánaimseartha an Bhoird.

▌

(36)  Chun go bhféadfaidh an Bord réamh-mheasúnú a dhéanamh ina sheisiún iomlánach ar an dréachtbhuiséad sula dtíolacfaidh an Cathaoirleach a dhréacht críochnaitheach, ba cheart síneadh a chur leis an tréimhse faoina bhféadfaidh an Cathaoirleach togra tosaigh a chur ar aghaidh le haghaidh bhuiséad bliantúil an Bhoird.

(37)  Tar éis na tréimhse tosaigh ina ndéantar an Ciste Réitigh Aonair dá dtagraítear in Airteagal 69(1) de Rialachán (AE) Uimh. 806/2014 a thiomargadh, d’fhéadfadh laghduithe beaga faoi bhun a spriocleibhéil teacht ar na hacmhainní airgeadais atá ar fáil dó, go háirithe mar thoradh ar mhéadú ar thaiscí cumhdaithe. Is dócha, dá bhrí sin, gur beag méid na ranníocaíochtaí ex-ante is dócha a ghlaofar sna cúinsí sin. D’fhéadfadh sé, dá bhrí sin, sna blianta romhainn amach, nach mbeadh méid na ranníocaíochtaí ex ante sin i gcomhréir a thuilleadh leis an gcostas a bhaineann leis na ranníocaíochtaí sin a bhailiú. Dá bhrí sin, ba cheart go bhféadfadh an Bord bailiú na ranníocaíochtaí ex ante a chur siar ar feadh suas le trí bliana go dtí go sroichfidh an méid atá le bailiú méid atá comhréireach le costas an phróisis bailithe, ar choinníoll nach ndéanfaidh iarchur den sórt sin difear ábhartha do chumas an Bhoird an Ciste Réitigh Aonair a úsáid.

(38)  Tá gealltanais íocaíochta neamh-inchúlghairthe ar cheann de chomhpháirteanna na n-acmhainní airgeadais atá ar fáil don Chiste Réitigh Aonair. Is gá, dá bhrí sin, na cúinsí a shonrú ina bhféadfar na gealltanais íocaíochta sin a ghlaoch, agus an nós imeachta is infheidhme nuair a bheidh na gealltanais á bhfoirceannadh i gcás ina scoirfidh institiúid nó eintiteas de bheith faoi réir na hoibleagáide ranníocaíochtaí a íoc leis an gCiste Réitigh Aonair. Ina theannta sin, chun níos mó trédhearcachta agus cinnteachta a sholáthar maidir le sciar na ngealltanas íocaíochta neamh-inchúlghairthe i méid iomlán na ranníocaíochtaí ex ante atá le tiomsú, ba cheart don Bhord an sciar sin a chinneadh ar bhonn bliantúil, faoi réir na dteorainneacha is infheidhme.

(39)  Uasmhéid bliantúil na ranníocaíochtaí ex post urghnácha leis an gCiste Réitigh Aonair a cheadaítear a ghlaoch, tá sé teoranta faoi láthair do thrí oiread na ranníocaíochtaí ex ante. Tar éis na tréimhse tiomargtha tosaigh dá dtagraítear in Airteagal 69(1) de Rialachán (AE) Uimh. 806/2014, beidh na ranníocaíochtaí ex ante sin ag brath, i gcúinsí eile seachas úsáid an Chiste Réitigh Aonair, ar athruithe ar leibhéal na dtaiscí cumhdaithe amháin, agus is dócha dá bhrí sin go n-éireoidh siad beag. Dá mbunófaí uasmhéid na ranníocaíochtaí ex post urghnácha ar ranníocaíochtaí ex ante, d’fhéadfaí an-teoranin a chur leis an deis atá ag an gCiste Réitigh Aonair ranníocaíochtaí ex post a thiomsú, agus ar an gcaoi sin a chumas gníomhaíochta a laghdú. Chun an toradh sin a sheachaint, ba cheart teorainn dhifriúil a leagan síos agus ba cheart uasmhéid na ranníocaíochtaí ex post úrghnácha a cheadaítear glaoch orthu a shocrú ag trí oiread an ochtú cuid de spriocleibhéal an Chiste.

(40)  Is féidir an Ciste Réitigh Aonair a úsáid chun tacú le cur i bhfeidhm na huirlise díolacháin gnó nó na huirlise droichead-institiúide, sa chaoi go n-aistrítear tacar sócmhainní, ceart agus dliteanas de chuid na hinstitiúide faoi réiteach chuig faighteoir. Sa chás sin, féadfaidh an Bord éileamh a bheith aige in aghaidh na hinstitiúide iarmharaí nó an eintitis iarmharaigh ina fhoirceannadh ina dhiaidh sin faoi ghnáthimeachtaí dócmhainneachta. D’fhéadfadh sin tarlú i gcás ina n-úsáidtear an Ciste Réitigh Aonair i ndáil le caillteanais a d’iompródh creidiúnaithe murach sin, lena n-áirítear i bhfoirm ráthaíochtaí do shócmhainní agus do dhliteanais, nó i bhfoirm chumhdach na difríochta idir na sócmhainní agus na dliteanais a aistríodh. Chun a áirithiú go ndéanfaidh na scairshealbhóirí agus na creidiúnaithe a fhágtar ar lár san institiúid iarmharach nó san eintiteas iarmharach caillteanais na hinstitiúide faoi réiteach a ionsú go héifeachtach agus feabhas a chur ar an bhféidearthacht aisíocaíochtaí i gcás dócmhainneachta a dhéanamh leis an mBord, ba cheart go dtairbheodh na héilimh sin de chuid an Bhoird in aghaidh na hinstitiúide iarmharaí nó an eintitis iarmharaigh, agus éilimh a eascraíonn as speansais réasúnta arna dtabhú go hiomchuí ag an mBord, den rangú tosaíochta céanna i gcás dócmhainneachta agus a bheadh ag rangú éilimh na socruithe náisiúnta um maoiniú réitigh i ngach Ballstát rannpháirteach, ar cheart é a bheith níos airde ná rangú tosaíochta taiscí agus scéimeanna ráthaithe taiscí. Ós rud é gurb é is aidhm don chúiteamh a íoctar le scairshealbhóirí agus le creidiúnaithe ón gCiste Réitigh Aonair mar gheall ar sháruithe ar an bprionsabal ‘gan creidiúnaí ar bith níos measa as’ torthaí na gníomhaíochta réitigh a chúiteamh, níor cheart éilimh de chuid an Bhoird a bheith ag eascairt as an gcúiteamh sin.

(41)  Ós rud é go bhfuil roinnt d’fhorálacha Rialachán (AE) Uimh. 806/2014 a bhaineann leis an ról a d’fhéadfadh a bheith ag scéimeanna ráthaithe taiscí le linn réitigh cosúil leo siúd atá i dTreoir 2014/59/AE, ba cheart na leasuithe a rinneadh ar na forálacha sin i dTreoir 2014/59/AE le [OP cuir isteach uimhir na treorach lena leasaítear Treoir 2014/59/AE] a léiriú i Rialachán (AE) Uimh. 806/2014.

(42)  Bíonn ríthábhacht le trédhearcacht chun sláine an mhargaidh, smacht an mhargaidh agus cosaint infheisteoirí a áirithiú. Chun a áirithiú go mbeidh an Bord in ann iarrachtaí ar mhaithe le trédhearcacht bhreise a chothú agus páirt a ghlacadh iontu, ba cheart cead a bheith ag an mBord faisnéis a nochtadh a eascraíonn as anailísí, measúnuithe agus cinntí dá chuid féin, lena n-áirítear a mheasúnuithe inréiteachta, i gcás nach ndéanfadh an nochtadh sin dochar do chosaint leas an phobail a mhéid a bhaineann le beartas airgeadais, airgeadaíochta nó eacnamaíoch agus i gcás ina bhfuil leas sáraitheach poiblí sa nochtadh.

(43)  Dá bhrí sin, ba cheart Rialachán (AE) Uimh. 806/2014 a leasú dá réir.

(44)  Chun comhsheasmhacht a áirithiú, ba cheart na leasuithe ar Rialachán (AE) Uimh. 806/2014 atá comhchosúil leis na leasuithe ar Threoir 2014/59/AE le ... [OP, cuir isteach uimhir na treorach lena leasaítear Treoir 2014/59/AE] a chur i bhfeidhm ón dáta céanna leis an dáta le haghaidh thrasuí... [OP, cuir isteach uimhir na treorach lena leasaítear Treoir 2014/59/AE], is é sin ... [OP cuir isteach an dáta = 18 mí ó dháta theacht i bhfeidhm an Rialacháin leasaithigh seo]. Níl aon chúis, áfach, le moill a chur ar chur i bhfeidhm na leasuithe sin ar Rialachán (AE) Uimh. 806/2014 a bhaineann go heisiach le feidhmiú an tSásra Réitigh Aonair. Dá bhrí sin, ba cheart feidhm a bheith ag na leasuithe sin ón … [Oifig na bhFoilseachán cuir isteach an dáta = 1 mí tar éis dháta theacht i bhfeidhm an Rialacháin seo].

(45)  Ós rud é nach féidir leis na Ballstáit cuspóirí an Rialacháin seo a ghnóthú go leordhóthanach, eadhon, éifeachtacht agus éifeachtúlacht an chreata téarnaimh agus réitigh d’institiúidí agus d’eintitis a fheabhsú, i ngeall ar na rioscaí a d’fhéadfadh a bheith ag baint le cineálacha éagsúla cur chuige náisiúnta do shláine an mhargaidh aonair agus gur fearr is féidir iad a bhaint amach ar leibhéal an Aontais, trí leasuithe ar rialacha a socraíodh cheana ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú,

TAR ÉIS AN RIALACHÁN SEO A GHLACADH:

Airteagal 1

Leasuithe ar Rialachán (AE) Uimh. 806/2014

Leasaítear Rialachán (AE) Uimh. 806/2014 mar a leanas:

(1)  Leasaítear Airteagal 3(1) mar a leanas:

(a)  cuirtear an méid a leanas in ionad phointe (24a):"

‘(24a) ciallaíonn ‘eintiteas réitigh’ duine dlítheanach atá bunaithe i mBallstát rannpháirteach, atá sonraithe ag an mBord nó ag an údarás réitigh náisiúnta, i gcomhréir le hAirteagal 8 den Rialachán seo, mar eintiteas a bhforáiltear do ghníomhaíocht réitigh ina leith sa phlean réitigh;’;

(b)  cuirtear na pointí (24d) agus (24e) a leanas isteach:"

(c)  cuirtear an méid a leanas in ionad phointe (49):"

‘(49) ciallaíonn ‘dliteanais intarrthála’ na dliteanais, lena n-áirítear na dliteanais sin as a n-eascraíonn forálacha cuntasaíochta, agus na hionstraimí caipitil nach gcáilíonn mar ionstraimí Gnáthchothromais Leibhéal 1, ionstraimí Breise Leibhéal 1 nó ionstraimí Leibhéal 2 de chuid eintitis dá dtagraítear in Airteagal 2 agus nach n-eisiatar ó raon feidhme na huirlise tarrthála inmheánaí de bhun Airteagal 27(3);’;

(2)  in Airteagal 4, cuirtear an mhír 1a a leanas isteach:"

‘1a. Cuirfidh na Ballstáit an Bord ar an eolas a luaithe is féidir maidir lena n-iarraidh ar dhlúthchomhar a dhéanamh le BCE de bhun Airteagal 7 de Rialachán (AE) Uimh. 1024/2013.

Tar éis fógra a thabhairt de bhun Airteagal 7 de Rialachán (AE) Uimh. 1024/2013 agus sula mbunófar dlúthchomhar, soláthróidh na Ballstáit gach faisnéis faoi na heintitis agus na grúpaí atá bunaithe ar a gcríoch a d’fhéadfadh a bheith ag teastáil ón mBord chun ullmhú do na cúraimí a thugtar dó leis an Rialachán seo agus leis an gComhaontú.’;

(3)  leasaítear Airteagal 7 mar a leanas:

(a)  i mír 3, an ceathrú fomhír, cuirtear an méid a leanas isteach in ionad na chéad abairte:"

‘Nuair a bheidh na cúraimí dá dtagraítear sa mhír seo á bhfeidhmiú, cuirfidh na húdaráis réitigh náisiúnta forálacha ábhartha an Rialacháin seo i bhfeidhm. Aon tagairtí don Bhord in Airteagal 5(2), Airteagal 6(5), Airteagail 8(6), (8), (12), agus (13), Airteagal 10(1) go (10), Airteagal 10a, Airteagail 11 go 14, Airteagal 15(1), (2) agus (3), Airteagal 16, Airteagal 18(1), (1a), (2) agus (6), Airteagal 20, Airteagal 21(1) go (7), an dara fomhír d'Airteagal 21(8), an dara fomhír, Airteagal 21(9) agus (10), Airteagal 22(1), (3) agus (6), Airteagail 23 agus 24, Airteagal 25(3), Airteagal 27(1) go (15), Airteagal 27(16), an dara fomhír, an dara habairt, an tríú fomhír, agus an ceathrú fomhír, an chéad, an tríú agus an ceathrú habairt agus Airteagal 32, léifear iad mar thagairtí do na húdaráis réitigh náisiúnta maidir le grúpaí agus eintitis dá dtagraítear sa chéad fhomhír den mhír seo.’;

(b)  leasaítear mír 5 mar a leanas:

(i)  cuirtear na focail ‘Airteagal 12(3)’ in ionad na bhfocal ‘Airteagal 12(2)’;

(ii)  cuirtear isteach an fhomhír a leanas:"

‘Tar éis éifeacht a bheith ag an bhfógra dá dtagraítear sa chéad fhomhír, féadfaidh na Ballstáit rannpháirteacha a chinneadh go ndéanfar an fhreagracht as feidhmiú na gcúraimí a bhaineann le heintitis agus grúpaí atá bunaithe ar a gcríoch, seachas iad siúd dá dtagraítear i mír 2, a chur ar ais chuig na húdaráis réitigh náisiúnta, agus sa chás sin ní bheidh feidhm ag an gcéad fhomhír a thuilleadh. Déanfaidh na Ballstáit a bhfuil rún acu an rogha sin a úsáid fógra a thabhairt don Bhord agus don Choimisiún ina taobh. Gabhfaidh éifeacht leis an bhfógra sin ó lá a fhoilsithe in Iris Oifigiúil an Aontais Eorpaigh.’;

(4)  leasaítear Airteagal 8 mar a leanas:

(a)  i mír 2, cuirtear isteach an fhomhír a leanas:"

‘Féadfaidh an Bord treoir a thabhairt do na húdaráis réitigh náisiúnta na cumhachtaí dá dtagraítear in Airteagal 10(8) de Threoir 2014/59/AE a fheidhmiú. Déanfaidh na húdaráis réitigh náisiúnta treoracha an Bhoird a chur chun feidhme i gcomhréir le hAirteagal 29 den Rialachán seo.’;

(aa)  i mír 9, leasaítear an chéad fhomhír mar a leanas:

(i)  cuirtear an pointe a leanas isteach:"

‘(aa) i gcás inarb infheidhme, cur síos mionsonraithe ar na cúiseanna lena chinneadh go mbeidh institiúid le cáiliú mar eintiteas leachtaithe, lena n-áirítear míniú ar an gcaoi ar tháinig an t-údarás réitigh ar an gconclúid go bhfuil feidhmeanna criticiúila in easnamh ar an institiúid;’;

(ii)  cuirtear an pointe a leanas isteach:"

‘(ja) cur síos ar an gcaoi a ndéanfadh na straitéisí réitigh éagsúla na cuspóirí réitigh a leagtar amach in Airteagal 14 a bhaint amach ar an mbealach ab fhearr;’;

(iii)  cuirtear an pointe a leanas isteach:"

‘(pa) liosta mionsonraithe agus cainníochtaithe de thaiscí cumhdaithe agus de thaiscí incháilithe ó dhaoine nádúrtha agus ó mhicrifhiontair agus ó fhiontair bheaga agus mheánmhéide.’;

(b)  i mír 10, cuirtear na fomhíreanna a leanas léi:"

‘Féadfaidh sainaithint na mbeart atá le déanamh maidir leis na fochuideachtaí dá dtagraítear sa chéad fhomhír, pointe (b), nach eintitis réitigh iad, a bheith faoi réir cur chuige simplithe ag an mBord, tar éis dó dul i gcomhairle leis an údarás réitigh náisiúnta ábhartha, agus mura mbeadh tionchar diúltach ag an gcur chuige sin ar inréiteacht an ghrúpa, agus méid na fochuideachta, a próifíl riosca, an easpa feidhmeanna criticiúla agus an straitéis réitigh grúpa á gcur san áireamh.

Is é plean réitigh an ghrúpa a chinnfidh an gcáilíonn eintitis laistigh de ghrúpa réitigh, seachas an t-eintiteas réitigh, mar eintitis le leachtú. Gan dochar do thosca eile a bhféadfadh an Bord a mheas ina dtosca ábhartha, ní cháileoidh eintitis a sholáthraíonn feidhmeanna criticiúla mar eintitis le leachtú.’;

(ba)  i mír 11, cuirtear an pointe a leanas isteach:"

‘(-aa) ina mbeidh cur síos mionsonraithe ar na cúiseanna lena chinneadh go ndéanfar grúpeintiteas a cháiliú mar eintiteas leachtaithe, lena n-áirítear míniú ar an gcaoi ar tháinig an t-údarás réitigh ar an gconclúid go bhfuil feidhmeanna criticiúla in easnamh ar an institiúid, agus mar a rinneadh an cóimheas idir a neamhchosaint iomlán ar riosca agus a ioncam oibriúcháin i neamhchosaint iomlán an ghrúpa ar riosca agus ioncam oibriúcháin an ghrúpa, agus cóimheas giarála an ghrúpeintitis i gcomhthéacs an ghrúpa, a chur san áireamh;’;

(c)  cuirtear an mhír a leanas leis:"

‘14. Ní ghlacfaidh an Bord pleananna réitigh le haghaidh na n-eintiteas agus na ngrúpaí dá dtagraítear i mír 1 i gcás ina mbeidh feidhm ag Airteagal 22(5) nó i gcás inar tionscnaíodh imeachtaí dócmhainneachta i dtaca leis an eintiteas nó leis an ngrúpa ▌i gcomhréir leis an dlí náisiúnta is infheidhme de bhun Airteagal 32b de Threoir 2014/59/AE.’;

(5)  leasaítear Airteagal 10 mar a leanas:

(a)  i mír 4, an ceathrú fomhír, cuirtear na focail ‘an tríú fomhír’ in ionad na bhfocal ‘an chéad fhomhír’;

(b)  i mír 7, cuirtear na focail ‘díreoidh sé í ar an eintiteas nó máthairghnóthas’ in ionad na bhfocal ‘díreoidh sé í ar an institiúid nó máthairghnóthas’ agus cuirtear na focail ‘an tionchar ar shamhail ghnó an eintitis nó an ghrúpa’ in ionad na bhfocal ‘an tionchar ar shamhail ghnó na hinstitiúide’;

(c)  leasaítear mír 10 mar a leanas:

(i)  sa dara fomhír, cuirtear na focail ‘eintiteas lena mbaineann’ in ionad na bhfocal ‘an institiúid’;

(ii)  sa tríú fomhír, cuirtear an focal ‘eintiteas’ in ionad an fhocail ‘institiúid’;

(iii)  cuirtear isteach an fhomhír a leanas:"

‘Má laghdaítear nó má chuirtear deireadh leis na baic ar inréiteacht go héifeachtach leis na bearta a mhol an t-eintiteas lena mbaineann, déanfaidh an Bord cinneadh, tar éis dó dul i gcomhairle le BCE nó leis an údarás inniúil náisiúnta ábhartha agus, i gcás inarb iomchuí, leis an údarás macrastuamachta ainmnithe. Léireofar sa chinneadh sin go laghdófar nó go gcuirfear deireadh leis na baic ar inréiteacht go héifeachtach leis na bearta a mholtar agus tabharfar treoir do na húdaráis réitigh náisiúnta ceangal a chur ar an institiúid, an máthairghnóthas, nó aon fhochuideachta de chuid an ghrúpa lena mbaineann, na bearta atá beartaithe a chur chun feidhme.’;

(d)  cuirtear an mhír a leanas leis:"

‘13a. Foilseoidh an t-údarás réitigh, i ndeireadh gach timthriall pleanála réitigh, liosta anaithnidithe ina léirítear i bhfoirm chomhiomlánaithe aon bhaic shubstainteacha ar an inréiteacht a sainaithníodh agus gníomhaíochtaí ábhartha chun aghaidh a thabhairt orthu. Beidh feidhm ag na forálacha maidir le rúndacht ghairmiúil a leagtar síos in Airteagal 88. ’;

(6)  Leasaítear Airteagal 10a mar a leanas:

(a)  i mír 1, cuirtear an méid a leanas in ionad na foclaíochta réamhráití:"

‘1. I gcás ina mbeidh an ceanglas maoláin chomhcheangailte á chomhlíonadh ag eintiteas agus an ceanglas sin á mheas sa bhreis ar gach ceann de na ceanglais dá dtagraítear in Airteagal 141a(1), pointí (a), (b) agus (c) de Threoir 2013/36/AE, ach ní dhéanann sé an ceanglas maoláin chomhcheangailte a chomhlíonadh nuair a dhéantar é a mheas sa bhreis ar na ceanglais dá dtagraítear in Airteagail 12d agus 12e den Rialachán seo, agus é sin á ríomh i gcomhréir le hAirteagal 12a(2), pointe (a) den Rialachán seo, i gcomhréir le míreanna 2 agus 3 den Airteagal seo, beidh de chumhacht ag an mBord ordú a thabhairt don údarás réitigh náisiúnta toirmeasc a chur ar eintiteas, níos mó ná an t-uasmhéid indáilte a bhaineann leis an íoscheanglas le haghaidh cistí dílse agus dliteanas incháilithe (‘M-MDA’), arna ríomh i gcomhréir le mír 4 den Airteagal seo, a dháileadh, trí aon cheann de na gníomhaíochtaí a leanas:’;

(b)  cuirtear isteach an mhír 7 a leanas:"

‘7. I gcás nach bhfuil eintiteas faoi réir an cheanglais maoláin chomhcheangailte ar an mbonn céanna ar a gceanglaítear air na ceanglais dá dtagraítear in Airteagail 12d agus 12e a chomhlíonadh, cuirfidh an Bord míreanna 1 go 6 den Airteagal seo i bhfeidhm ar bhonn an mheastacháin ar an gceanglas maoláin chomhcheangailte i gcomhréir le Rialachán Tarmligthe (AE) 2021/1118 ón gCoimisiún*. Beidh feidhm ag an gceathrú mír d’Airteagal 128 de Threoir 2013/36/AE.

Déanfaidh an Bord an ceanglas maoláin chomhcheangailte measta dá dtagraítear sa chéad fhomhír a áireamh sa chinneadh lena gcinntear na ceanglais dá dtagraítear in Airteagail 12d agus 12e den Rialachán seo. Cuirfidh an t-eintiteas an ceanglas maoláin chomhcheangailte measta ar fáil go poiblí in éineacht leis an bhfaisnéis dá dtagraítear in Airteagal 45i(3) de Threoir 2014/59/AE.

______________________________

* Rialachán Tarmligthe (AE) 2021/1118 ón gCoimisiún an 26 Márta 2021 lena bhforlíontar Treoir 2014/59/AE ó Pharlaimint na hEorpa agus ón gComhairle maidir le caighdeáin theicniúla rialála lena sonrófar an mhodheolaíocht atá le húsáid ag údaráis réitigh chun an ceanglas dá dtagraítear in Airteagal 104a de Threoir 2013/36/AE ó Pharlaimint na hEorpa agus ón gComhairle agus an ceanglas maoláin chomhcheangailte a mheas i dtaca le heintitis réitigh ar leibhéal comhdhlúite an ghrúpa réitigh i gcás nach mbíonn an grúpa réitigh faoi réir na gceanglas sin de bhun na Treorach réamhráite (IO L 241, 8.7.2021, lch. 1).’;

(7)  in Airteagal 12, cuirtear an mhír 8 a leanas isteach:"

‘8. Beidh an Bord freagrach as na ceadanna dá dtagraítear in Airteagail 77(2) agus 78a de Rialachán (AE) Uimh. 575/2013 a dheonú do na heintitis dá dtagraítear i mír 1 den Airteagal seo. Díreoidh an Bord a chinneadh chuig an eintiteas lena mbaineann.’;

(8)  in Airteagal 12a, cuirtear an méid a leanas in ionad mhír 1:"

‘1. Áiritheoidh an Bord agus na húdaráis réitigh náisiúnta go gcomhlíonfaidh na heintitis dá dtagraítear in Airteagail 12(1) agus (3), gach tráth, na ceanglais le haghaidh cistí dílse agus dliteanais incháilithe i gcás ina gceanglaítear sin i gcomhréir leis an Airteagal seo agus le hAirteagail 12b go 12i faoi mar a chinn an Bord ina leith.’;

(9)  Leasaítear Airteagal 12c mar a leanas:

(a)  i mír 4 agus i mír 5, cuirtear na focail ‘eintitis G-SII’ in ionad an fhocail ‘G-SIIanna’;

(b)  i mír 7, san fhoclaíocht réamhráiteach, cuirtear na focail ‘mír 4’ in ionad na bhfocal ‘mír 3’, agus cuirtear na focail ‘eintitis G-SII’ in ionad an fhocail ‘G-SIIanna’;

(c)  leasaítear mír 8 mar a leanas:

(i)  sa chéad fhomhír, cuirtear na focail ‘eintitis G-SII’ in ionad na bhfocal ‘G-SIIanna’;

(ii)  sa dara fomhír, pointe (c), cuirtear na focail ‘eintiteas G-SII’ in ionad an fhocail ‘G-SII’;

(d)  cuirtear an mhír 10 a leanas leis:"

(10)  in Airteagal 12a, mír 3, an t-ochtú fomhír, agus mír 6, an t-ochtú fomhír, cuirtear na focail ‘feidhmeanna criticiúla’ in ionad na bhfocal ‘feidhmeanna eacnamaíocha criticiúla’;

(11)  cuirtear an tAirteagal a leanas isteach:"

‘Airteagal 12da

Cinneadh an íoscheanglais le haghaidh cistí dílse agus dliteanais incháilithe le haghaidh straitéisí aistrithe▌

1.  Agus Airteagal 12d á chur i bhfeidhm maidir le heintiteas réitigh a bhfuil sé beartaithe go príomha ina straitéis réitigh tosaíochta, go neamhspleách nó in éineacht le huirlisí réitigh eile, úsáid a bhaint as an uirlis díolta gnó nó as an uirlis droichead-institiúide▌, socróidh an Bord▌an méid athchaipitliúcháin dá bhforáiltear in Airteagal 12d(3) ar bhealach comhréireach ar bhonn na gcritéar a leanas, de réir mar is ábhartha:

▌

3.  Ní bheidh de thoradh ar mhír 1 a chur i bhfeidhm méid atá níos mó ná an méid a bheidh mar thoradh ar Airteagal 12d(3) a chur i bhfeidhm nó méid atá níos lú ná 13,5% den neamhchosaint iomlán ar riosca, arna ríomh i gcomhréir le hAirteagal 92(3) de Rialachán (AE) Uimh. 575/2013, agus níos lú na 5% de neamhchosaint iomlán an eintitis ábhartha dá dtagraítear i mír 1 den Airteagal seo ar riosca, arna ríomh i gcomhréir le hAirteagail 429 agus 429a de Rialachán (AE) Uimh. 575/2013.’;

(12)  in Airteagal 12e(1), cuirtear na focail ‘eintiteas G-SII’ in ionad na bhfocal ‘G-SII nó cuid de G-SII’;

(13)  leasaítear Airteagal 12g mar a leanas:

(a)  leasaítear mír 1 mar a leanas:

(i)  cuirtear an méid a leanas in ionad an dara fomhír:"

‘Féadfaidh an Bord, tar éis dó dul i gcomhairle leis na húdaráis inniúla, lena n-áirítear BCE, a chinneadh an ceanglas a leagtar síos san Airteagal sin a chur i bhfeidhm maidir le heintiteas dá dtagraítear in Airteagal 2, pointe (b) agus maidir le hinstitiúid airgeadais dá dtagraítear in Airteagal 2, pointe (c), ar fochuideachta d'’eintiteas réitigh é ach nach eintiteas réitigh ann féin é.’;

(ii)  sa tríú fomhír, cuirtear na focail ‘an chéad fhomhír agus an dara fomhír’ in ionad na bhfocal ‘an chéad fhomhír’;

(b)  cuirtear an mhír 4 seo a leanas isteach:"

(14)  leasaítear Airteagal 12k mar a leanas:

(a)  ▌ cuirtear an mír seo a leanas isteach:"

‘1a. De mhaolú ar Airteagal 12a(1), cinnfidh an Bord idirthréimhsí iomchuí d’eintitis chun na ceanglais in Airteagail 12f nó 12g a chomhlíonadh, nó na ceanglais a eascraíonn as cur i bhfeidhm Airteagal 12c(4), (5) nó (7), de réir mar is iomchuí, i gcás ina mbeidh institiúidí nó eintitis faoi réir na gceanglas sin tar éis theacht i bhfeidhm an [Rialacháin leasaithigh seo]. Is é an spriocdháta d'eintitis na ceanglais in Airteagail 12f nó 12g nó na ceanglais a eascraionn as cur i bhfeidhm Airteagal 12c(4) (5) nó (7) a chomhlíonadh an ... [ceithre bliana ó dháta chur i bhfeidhm an Rialacháin leasaithigh seo].

Cinnfidh an Bord spriocleibhéil idirmheánacha do na ceanglais in Airteagail 12f nó 12g nó do na ceanglais a eascraíonn as cur i bhfeidhm Airteagal 12c(4) (5) nó (7), mar is iomchuí, a dhéanfaidh eintitis dá dtagraítear sa chéad fhomhír den mhír seo a chomhlíonadh faoin ... [dhá bhliain ó dháta chur i bhfeidhm an Rialacháin leasaithigh seo]. Leis na spriocleibhéil idirmheánacha, áiritheofar méadú líneach de ghnáth ar na cistí dílse agus ar na dliteanais incháilithe i dtreo an cheanglais.

(b)  i mír 3, pointe (a), cuirtear na focail ‘an Bord’ in ionad na bhfocal ‘an Bord nó an t-údarás réitigh náisiúnta’;

(c)  i mír 4, cuirtear na focail ‘G-SII nó G-SII neamh-AE’ in ionad an fhocail ‘G-SII’;

(d)  i míreanna 5 agus 6, cuirtear na focail ‘an Bord’ in ionad na bhfocal ‘an Bord agus na húdaráis náisiúnta réitigh’;

(15)  cuirtear an méid a leanas in ionad Airteagal 13:"

‘Airteagal 13

Bearta luath-idirghabhála

1.  Déanfaidh BCE bearta luath-idirghabhála a bhreithniú gan moill mhíchuí agus, más iomchuí iad a chur i bhfeidhm i gcás ina gcomhlíonann eintiteas dá dtagraítear in Airteagal 7(2)(a) aon cheann de na coinníollacha a leanas:

I gcás ina dtiocfaidh meath suntasach ar dhálaí, nó ina dtiocfaidh imthosca díobhálacha chun cinn nó ina bhfaighfear faisnéis nua faoi eintiteas, féadfaidh BCE a chinneadh go gcomhlíonfar an coinníoll dá dtagraítear sa chéad fhomhír, pointe (a)(ii), gan gníomhaíochtaí feabhais eile a bheith déanta roimhe sin, lena n-áirítear feidhmiú na gcumhachtaí dá dtagraítear in Airteagal 104 de Threoir 2013/36/AE nó in Airteagal 16(2) de Rialachán (AE) Uimh. 1024/2013.

Chun críocha na chéad fhomhíre, pointe (b), déanfaidh BCE, nó, de réir mar is iomchuí, an t-údarás inniúil faoi Threoir 2014/65/AE, nó an Bord, an t-údarás inniúil náisiúnta a chur ar an eolas gan mhoill faoin sárú nó faoin sárú dóchúil.

2.  Chun críocha mhír 1, áireofar an méid a leanas sna bearta luath-idirghabhála:

3.  Roghnóidh BCE na bearta luath-idirghabhála iomchuí agus tráthúla bunaithe ar a bhfuil comhréireach leis na cuspóirí atá á saothrú, ag féachaint do thromchúis an tsáraithe nó an tsáraithe dhóchúil agus do luas an mheathlaithe ar staid airgeadais an eintitis, i measc faisnéis ábhartha eile.

4.  I gcás gach ceann de na bearta dá dtagraítear i mír 2, socróidh BCE sprioc-am is iomchuí chun an beart sin a chríochnú agus a chuirfidh ar a chumas do BCE a éifeachtúlacht a mheas.

Déanfar an beart a mheas go díreach tar éis an spriocdháta a bheith istigh agus déanfar an mheastóireacht a chomhroinnt leis na húdarás réitigh náisiúnta ábhartha. I gcás ina dtagtar ar an gconclúid sa mheastóireacht nach ndearnadh na bearta a chur chun feidhme go hiomlán agus nach bhfuil siad éifeachtach, déanfaidh BCE nó an t-údarás inniúil náisiúnta ábhartha neasúnú ar an gcoinníoll dá dtagraítear in Airteagal 18(1), pointe (a), tar éis dó dul i gcomhairle leis an mBord agus leis an údarás réitigh náisiúnta ábhartha.

5.  I gcás ina n-áireoidh grúpa eintitis a bunaíodh i mBallstáit rannpháirteacha agus i mBallstáit neamh-rannpháirteacha araon, déanfaidh BCE ionadaíocht ar údaráis inniúla náisiúnta na mBallstát rannpháirteach, chun críoch comhchomhairle agus comhair leis na Ballstáit neamh-rannpháirteacha i gcomhréir le hAirteagal 30 de Threoir 2014/59/AE.

I gcás ina n-áireoidh grúpa eintitis a bunaiodh i mBallstáit rannpháirteacha agus fochuideachtaí a bunaíodh i mBallstáit neamh-rannpháirteacha, nó brainsí suntasacha díobh atá lonnaithe i mBallstáit neamh-rannpháirteacha, déanfaidh BCE aon chinneadh nó beart dá dtagraítear in Airteagail 13 go 13c atá ábhartha don ghrúpa, a chur in iúl go tráthúil d’údaráis inniúla nó d’údaráis réitigh na mBallstát neamh-rannpháirteach, de réir mar is iomchuí.’;

(16)  cuirtear na hAirteagail 13a, 13b agus 13c a leanas isteach:"

‘Airteagal 13a

An bhainistíocht shinsearach nó an comhlacht bainistíochta a athsholáthar

Chun críocha Airteagal 13(2), pointe (e), déanfar an bhainistíocht shinsearach nua nó an comhlacht bainistíochta nua, nó comhaltaí aonair de na comhlachtaí sin, a cheapadh i gcomhréir le dlí an Aontais agus leis an dlí náisiúnta agus beidh siad faoi réir fhormheas BCE.

Airteagal 13b

Riarthóir sealadach

1.  Chun críocha Airteagal 13(2), pointe (f), féadfaidh BCE, bunaithe ar a bhfuil comhréireach sna himthosca, aon riarthóir sealadach ar bith a cheapadh chun ceachtar de na nithe a leanas a dhéanamh:

Sonróidh BCE a rogha faoi phointí (a) nó (b) tráth a cheapfar an riarthóir sealadach.

Chun críocha na chéad fhomhíre, pointe (b), déanfaidh BCE sonrú breise, tráth a cheapfar an riarthóir sealadach, ar ról, ar dhualgais agus ar chumhachtaí an riarthóra shealadaigh sin agus ar aon cheanglais ar chomhlacht bainistíochta an eintitis i dtaca le dul i gcomhairle leis an riarthóir sealadach nó toiliú an riarthóra shealadaigh a fháil sula ndéanfaidh siad cinntí nó gníomhaíochtaí sonracha.

Déanfaidh BCE ceapadh aon riarthóra shealadaigh a phoibliú, ach amháin i gcás nach bhfuil an chumhacht ag an riarthóir sealadach chun ionadaíocht a dhéanamh ar an eintiteas nó cinntí a dhéanamh thar a cheann.

Comhlíonfaidh aon riarthóir sealadach na ceanglais a leagtar amach in Airteagal 91(1), (2) agus (8) de Threoir 2013/36/AE. Beidh measúnú BCE ar cibé a gcomhlíonann an riarthóir sealadach na ceanglais sin ina dhlúthchuid den chinneadh an riarthóir sealadach sin a cheapadh.

2.  Sonróidh BCE cumhachtaí an riarthóra shealadaigh tráth a cheapacháin bunaithe ar a mhéid is comhréireach sna himthosca. Féadfaidh cuid de chumhachtaí chomhlacht bainistíochta an eintitis faoi reachtanna an eintitis agus faoin dlí náisiúnta, nó iad go léir, a bheith san áireamh leis na cumhachtaí sin, lena n-áirítear an chumhacht chun roinnt feidhmeanna riaracháin de chuid chomhlacht bainistíochta an eintitis, nó iad go léir, a fheidhmiú. Beidh cumhachtaí an riarthóra shealadaigh maidir leis an eintiteas i gcomhréir leis an dlí cuideachtaí is infheidhme. Féadfaidh BCE na cumhachtaí sin a choigeartú i gcás athrú ar imthosca.

3.  Sonróidh BCE ról agus feidhmeanna an riarthóra shealadaigh tráth an cheapacháin. D’fhéadfadh an méid a leanas go léir a bheith san áireamh sa ról agus sna feidhmeanna sin:

Sonróidh BCE aon teorainneacha le ról agus feidhmeanna an riarthóra shealadaigh tráth a cheapacháin.

4.  Beidh an chumhacht eisiach ag BCE chun aon riarthóir sealadach a cheapadh agus a chur as oifig. Féadfaidh BCE riarthóir sealadach a chur as oifig ag am ar bith agus ar chúis ar bith. Féadfaidh BCE téarmaí ceapacháin an riarthóra shealadaigh a athrú ag am ar bith faoi réir an Airteagail seo.

5.  Féadfaidh BCE a cheangal ar an riarthóir sealadach toiliú a fháil roimh ré ó BCE le haghaidh gníomhartha áirithe. Sonróidh BCE aon cheanglas den sórt sin agus tráth a cheapfar an riarthóir sealadach nó tráth a dhéantar aon athrú ar théarmaí ceapacháin an riarthóra shealadaigh.

In aon chás, ní fhéadfaidh an riarthóir sealadach an chumhacht a fheidhmiú chun cruinniú ginearálta de scairshealbhóirí an eintitis a thionól agus clár an chruinnithe sin a shocrú, gan réamhthoiliú BCE.

6.  Arna iarraidh sin do BCE, déanfaidh an riarthóir sealadach tuarascálacha a tharraingt suas maidir le staid airgeadais an eintitis agus maidir leis na gníomhartha a rinneadh le linn thréimhse a cheapacháin, ag eatraimh arna socrú ag BCE, uair amháin ar a laghad, tar éis don chéad sé mhí a bheith istigh, agus ag deireadh a shainordaithe in aon chás.

7.  Ceapfar an riarthóir sealadach ar feadh bliain amháin ar a mhéad. Féadfar an tréimhse sin a athnuachan go heisceachtúil uair amháin i gcás ina bhfuil na coinníollacha maidir leis an riarthóir sealadach a cheapadh á gcomhlíonadh i gcónaí. Cinnfidh BCE na coinníollacha sin agus tabharfaidh sé údar le haon athnuachan ar cheapadh an riarthóra shealadaigh chuig na scairshealbhóirí.

8.  Faoi réir an Airteagail seo, ní dhéanfaidh ceapadh riarthóra shealadaigh dochar do chearta na scairshealbhóirí a leagtar síos i ndlí an Aontais nó le dlí náisiúnta na gcuideachtaí.

9.  Ní mheasfar gur scáthstiúrthóir nó stiúrthóir de facto faoin dlí náisiúnta é aon riarthóir sealadach arna cheapadh de bhun mhíreanna 1 go 8 den Airteagail seo.

Airteagal 13c

Ullmhú don réiteach

1.  Maidir leis na heintitis agus na grúpaí dá dtagraítear in Airteagal 7(2), agus na heintitis agus na grúpaí dá dtagraítear in Airteagal 7(4), pointe (b), agus Airteagal 7(5) i gcás ina gcomhlíontar na coinníollacha maidir leis na forálacha sin a chur i bhfeidhm, tabharfaidh BCE nó údaráis inniúla náisiúnta fógra don Bhord gan mhoill maidir le haon cheann de na nithe a leanas:

Tabharfaidh an Bord fógra don Choimisiún faoi aon fhógra a bheidh faighte aige de bhun na chéad fhomhíre.

Déanfaidh BCE nó an t-údarás inniúil náisiúnta ábhartha dlúthfhaireachán, i ndlúthchomhar leis an mBord, ar staid na n-eintiteas agus na ngrúpaí dá dtagraítear sa chéad fhomhír agus ar a mhéid a chomhlíonann siad na bearta dá dtagraítear sa chéad fhomhír, pointe (a), arb é is aidhm dóibh aghaidh a thabhairt ar mheathlú ar staid na n-eintiteas agus na ngrúpaí sin, agus na bearta luath-idirghabhála dá dtagraítear sa chéad fhomhír, pointe (c).

2.  Tabharfaidh BCE nó an t-údarás inniúil náisiúnta ábhartha fógra don Bhord a luaithe is féidir i gcás ina measann sé go bhfuil riosca ábhartha ann go mbeadh feidhm le ceann amháin nó níos mó de na himthosca dá dtagraítear in Airteagal 18(4) i ndáil le heintiteas dá dtagraítear in Airteagal 7(2), nó le heintiteas dá dtagraítear in Airteagal 7(4), pointe (b), agus Airteagal 7(5) i gcás ina gcomhlíontar na coinníollacha chun na forálacha sin a chur i bhfeidhm. Beidh an méid a leanas san fhógra sin:

Tar éis dó an fógra dá dtagraítear sa chéad fhomhír a fháil, déanfaidh an Bord measúnú, i ndlúthchomhar le BCE nó na húdaráis inniúla náisiúnta ábhartha, ar cad is tréimhse réasúnta ann chun críoch measúnú a dhéanamh ar an gcoinníoll dá dtagraítear in Airteagal 18(1), pointe (b), agus an méid a leanas á chur san áireamh: luas an mheathlaithe ar dhálaí an eintitis, an tionchar a d’fhéadfadh a bheith aige ar an gcóras airgeadais, ar chosaint taisceoirí agus ar chaomhnú cistí cliant, an baol go méadófar ar na costais fhoriomlána do chustaiméirí agus don gheilleagar le próiseas fadálach, an gá leis an straitéis réitigh a chur chun feidhme go héifeachtach agus aon bhreithnithe ábhartha eile. Cuirfidh an Bord an measúnú sin in iúl do BCE nó don údarás inniúil náisiúnta ábhartha a luaithe is féidir.

Tar éis an fógra dá dtagraítear sa chéad fhomhír a fháil, déanfaidh BCE nó an t-údarás inniúil náisiúnta ábhartha, i ndlúthchomhar leis an mBord, faireachán ar staid an eintitis, ar chur chun feidhme aon bheart ábhartha laistigh den tréimhse ama ionchasach agus ar aon fhorbairtí ábhartha eile. Chun na críche sin, tiocfaidh an Bord agus BCE nó an t-údarás inniúil náisiúnta ábhartha le chéile go rialta, agus an mhinicíocht á socrú ag an mBord agus imthosca an cháis á gcur san áireamh. Déanfaidh BCE nó an t-údarás inniúil náisiúnta ábhartha agus an Bord aon fhaisnéis ábhartha a sholáthar dá chéile gan mhoill.

Tabharfaidh an Bord fógra don Choimisiún faoi aon fhaisnéis a bheidh faighte aige de bhun na chéad fhomhíre.

3.  An fhaisnéis go léir a iarrfaidh an Bord ar BCE, ar faisnéis í atá riachtanach le haghaidh an mhéid a leanas, tabharfaidh BCE nó an t-údarás inniúil náisiúnta ábhartha dó í:

I gcás nach bhfuil faisnéis den sórt sin ar fáil cheana féin do BCE nó na húdaráis inniúla náisiúnta, déanfaidh an Bord agus BCE agus na húdaráis inniúla náisiúnta sin comhoibriú agus comhordú chun an fhaisnéis sin a fháil. Chun na críche sin, beidh sé de chumhacht ag BCE agus ag na húdaráis inniúla náisiúnta a cheangal ar an eintiteas an fhaisnéis sin a sholáthar, lena n-áirítear trí chigireachtaí ar an láthair, agus an fhaisnéis sin a sholáthar don Bhord.

4.  Beidh sé de chumhacht ag an mBord margú a dhéanamh do cheannaitheoirí ionchasacha, nó socruithe a dhéanamh don mhargú sin, don eintiteas dá dtagraítear in Airteagal 7(2), nó don eintiteas dá dtagraítear in Airteagal 7(4), pointe (b) agus in Airteagal 7(5) i gcás ina gcomhlíontar na coinníollacha chun na forálacha sin a chur i bhfeidhm nó ina gceanglaítear ar an eintiteas é sin a dhéanamh, chun na gcríoch a leanas:

4a.  I gcás ina gcinnfidh an Bord, i bhfeidhmiú na cumhachta dá dtagraítear i mír 4, an t-eintiteas lena mbaineann a mhargú go díreach le ceannaitheoirí ionchasacha, tabharfaidh sé aird chuí ar imthosca an cháis agus ar an tionchar a d’fhéadfadh a bheith ag feidhmiú na cumhachta sin ar sheasamh foriomlán an eintitis.

5.  Chun críocha mhír 4, beidh de chumhacht ag an mBord an méid a leanas a dhéanamh:

I gcás ina bhfeidhmíonn an Bord a chumhacht faoin gcéad fhomhír, pointe (b), den mhír seo, beidh feidhm ag Airteagal 88.

6.  Cinneadh go bhfuil na coinníollacha a leagtar síos in Airteagal 13(1) den Rialachán seo nó in Airteagal 27(1) de Threoir 2014/59/AE á gcomhlíonadh agus nach gá bearta luath-idirghabhála a ghlacadh roimh ré ionas go bhféadfaidh an Bord ullmhú do réiteach an eintitis nó chun na cumhachtaí dá dtagraítear i míreanna 4 agus 5 den Airteagal seo a fheidhmiú.

7.  Déanfaidh an Bord an Coimisiún, BCE, na húdaráis inniúla náisiúnta ábhartha agus na húdaráis réitigh náisiúnta ábhartha a chur ar an eolas maidir le haon ghníomh a dhéantar de bhun mhíreanna 4 agus 5 gan mhoill.

8.  Comhoibreoidh BCE, na húdaráis inniúla náisiúnta, an Bord agus na húdaráis réitigh náisiúnta ábhartha go dlúth le chéile:

Áiritheoidh BCE, na húdaráis inniúla náisiúnta, an Bord agus na húdaráis náisiúnta réitigh ábhartha go mbeidh na bearta agus na gníomhaíochtaí sin comhsheasmhach, comhordaithe agus éifeachtach.’;

(17)  In Airteagal 14(2), cuirtear an méid a leanas in ionad phointí (c) agus (d):"

(18)  in Airteagal 16, cuirtear an méid a leanas in ionad mhír 2:"

‘2. Déanfaidh an Bord gníomhaíocht réitigh i ndáil le máthairghnóthas dá dtagraítear in Airteagal 2, pointe (b), i gcás ina gcomhlíonfar na coinníollacha a leagtar síos in Airteagal 18(1).

(19)  leasaítear Airteagal 18 mar a leanas:

(a)  cuirtear an méid a leanas in ionad mhíreanna 1, 1a, 2 agus 3:"

Is é BCE a dhéanfaidh an measúnú ar an gcoinníoll dá dtagraítear sa chéad fhomhír, pointe (a), i gcás na n-eintiteas dá dtagraítear in Airteagal 7(2), pointe (a), nó is é an t-údarás inniúil náisiúnta ábhartha a dhéanfaidh é i gcás na n-eintiteas dá dtagraítear in Airteagal 7(2), pointe (b), Airteagal 7(3), an dara fomhír, Airteagal 7(4), pointe (b) agus Airteagal 7(5), tar éis dó dul i gcomhairle leis an mBord. Ní fhéadfaidh an Bord, ina sheisiún feidhmiúcháin, measúnú den sórt sin a dhéanamh ach amháin tar éis dó a chur in iúl do BCE nó don údarás inniúil náisiúnta ábhartha go bhfuil rún aige measúnú den sórt sin a dhéanamh agus sa chás amháin nach ndéanann BCE nó an t-údarás inniúil náisiúnta ábhartha féin measúnú den sórt sin laistigh de thrí lá féilire tar éis dó an fhaisnéis sin a fháil. Déanfaidh BCE nó an t-údarás inniúil náisiúnta ábhartha, gan mhoill, aon fhaisnéis ábhartha a iarrann an Bord a sholáthar don Bhord chun eolas a thabhairt dá mheasúnú, sula gcuirfidh an Bord in iúl dó, nó ina dhiaidh sin, an rún atá aige an measúnú a dhéanamh ar an gcoinníoll dá dtagraítear sa chéad fhomhír, pointe (a).

I gcás ina measfaidh BCE nó an t-údarás inniúil náisiúnta ábhartha go bhfuil an coinníoll dá dtagraítear sa chéad fhomhír, pointe (a), comhlíonta i ndáil le heintiteas dá dtagraítear sa chéad fhomhír, cuirfidh siad an measúnú sin in iúl don Choimisiún agus don Bhord gan mhoill.

Is é an Bord, ina sheisiún feidhmiúcháin dó agus i ndlúthchomhar leis an údarás inniúil, a dhéanfaidh an measúnú ar an gcoinníoll dá dtagraítear sa chéad fhomhír, pointe (b), tar éis dó dul i gcomhairle, gan mhoill, le húdarás ainmnithe de chuid na Scéime ráthaithe taiscí, agus i gcás inarb iomchuí, le Scéim cosanta institiúideach a bhfuil an institiúid ina comhalta di. Áireofar sa chomhairliúchán leis an SCI go mbreithneoidh an SCI an bhfuil bearta ar fáil a d’fhéadfadh cosc a chur le teip na hinstitiúide laistigh de thréimhse ama réasúnta. Aon fhaisnéis ábhartha a iarrann an Bord ar BCE, tabharfaidh BCE nó an t-údarás náisiúnta inniúil ábhartha don Bhord í gan mhoill chun eolas a dhéanamh dá mheasúnú. Féadfaidh BCE nó an t-údarás inniúil náisiúnta ábhartha a chur in iúl don Bhord freisin go measann sé go bhfuil an coinníoll a leagtar síos sa chéad fhomhír, pointe (b), comhlíonta.

1a.  Déanfaidh an Bord scéim réitigh a ghlacadh i gcomhréir le mír 1 i ndáil le comhlacht lárnach agus na hinstitiúidí creidmheasa uile atá cleamhnaithe go buan leis ar cuid den ghrúpa réitigh céanna iad, i gcás ina gcomhlíonfaidh an comhlacht lárnach agus na hinstitiúidí creidmheasa uile atá cleamhnaithe go buan leis, nó an grúpa réitigh lena mbaineann siad, na coinníollacha ina n-iomláine a leagtar síos sa chéad fhomhír de mhír 1, agus sa chás sin amháin.

2.  Gan dochar do chásanna ina bhfuil cinneadh déanta ag BCE cúraimí maoirseachta díreacha a fheidhmiú a bhaineann le hinstitiúidí creidmheasa de bhun Airteagal 6(5), pointe (b) de Rialachán (AE) Uimh. 1024/2013, i gcás teachtaireacht a fháil de bhun mhír 1 maidir le heintiteas nó grúpa dá dtagraítear in Airteagal 7(3), cuirfidh an Bord a mheasúnú dá dtagraítear i mír 1, an ceathrú fomhír, in iúl do BCE nó don údarás inniúil náisiúnta ábhartha gan aon mhoill.

3.  Beart a bheith glactha roimhe seo de bhun Airteagal 16 de Rialachán (AE) Uimh. 1024/2013, Airteagal 27 de Threoir 2014/59/AE, Airteagal 13 den Rialachán seo nó Airteagal 104 de Threoir 2013/36/AE, ní coinníoll a bheidh ann maidir le gníomhaíocht réitigh a ghlacadh.’;

(b)  leasaítear mír 4 mar a leanas:

(i)  sa chéad fhomhír, cuirtear an méid a leanas in ionad phointe (d):"

‘(d) tá gá le tacaíocht airgeadais phoiblí urghnách seachas i gcás ina ndeonaítear tacaíocht den sórt sin i gceann de na foirmeacha dá dtagraítear in Airteagal 18a(1)’;

(ii)  scriostar an dara agus an tríú fomhír;

(c)  cuirtear an méid a leanas in ionad mhír 5:"

‘5. Chun críocha mhír 1, pointe (c), caithfear le gníomhaíocht réitigh mar ghníomhaíocht atá chun leasa an phobail más gá an ghníomhaíocht réitigh sin a dhéanamh chun ceann amháin nó níos mó de na cuspóirí réitigh dá dtagraítear in Airteagal 14 a bhaint amach agus i gcás ina bhfuil sí comhréireach leis sin agus nach mbainfí amach na cuspóirí réitigh sin ar bhonn níos éifeachtúla tríd an institiúid a fhoirceannadh faoi ghnáthimeachtaí dócmhainneachta.

Toimhdeofar nach bhfuil gníomhaíocht réitigh ar mhaithe le leas an phobail chun críocha mhír 1, pointe (c) den Airteagal seo i gcás inar chinn an t-údarás réitigh oibleagáidí simplithe a chur i bhfeidhm maidir le hinstitiúid, de bhun Airteagal 4. Beidh an toimhde infhrisnéise agus ní bheidh feidhm léi i gcás ina measúnaíonn an t-údarás réitigh go mbeadh ceann amháin nó níos mó de chuspóirí an réitigh i mbaol dá ndéanfaí an institiúid a fhoirceannadh faoi ghnáthimeachtaí dócmhainneachta.

Agus an measúnú dá dtagraítear sa chéad fhomhír á dhéanamh aige, déanfaidh an Bord, bunaithe ar an bhfaisnéis a bheidh ar fáil dó tráth an mheasúnaithe sin, gach tacaíocht airgeadais phoiblí urghnách▌atá le deonú don eintiteas a luacháil agus a chur i gcomparáid, i gcás réitigh agus i gcás foirceannadh araon i gcomhréir leis an dlí náisiúnta is infheidhme.’;

Chun críocha an dara fomhír den mhír seo, déanfaidh na Ballstáit rannpháirteacha, scéimeanna ráthaithe taiscí agus, i gcás inar gá, an t-údarás ainmnithe arna shainmhíniú in Airteagal 2(1), pointe (18), de Threoir 2014/49/AE an Bord a choinneáil ar an eolas maidir le haon réamhbhearta, lena n-áirítear aon teagmhálacha réamhfhógra leis an gCoimisiún, chun na bearta dá dtagraítear in Airteagal 18a(1), pointí (c) agus (d), den Rialachán seo a dheonú.

(d)  i mír 7, cuirtear an méid a leanas in ionad an dara fomhír:"

‘Laistigh de 24 uair an chloig ón tráth a tharchuirfidh an Bord an scéim réitigh, formhuineoidh an Coimisiún an scéim réitigh nó cuirfidh sé ina haghaidh, maidir le gnéithe lánroghnacha na scéime réitigh sna cásanna nach gcumhdaítear sa tríú fomhír den mhír seo nó maidir leis an úsáid atá beartaithe a bhaint as Státchabhair nó as cabhair ón gCiste nach meastar a bheith comhoiriúnach leis an margadh inmheánach.’;

(e)  cuirtear isteach na míreanna a leanas:"

‘11. I gcás ina gcomhlíonfar na coinníollacha dá dtagraítear i mír 1, pointí (a) agus (b), féadfaidh an Bord treoir a thabhairt do na húdaráis réitigh náisiúnta na cumhachtaí a fheidhmiú faoin dlí náisiúnta lena dtrasuitear Airteagal 33a de Threoir 2014/59/AE, i gcomhréir leis na coinníollacha a leagtar síos sa dlí náisiúnta. Déanfaidh na húdaráis réitigh náisiúnta treoracha an Bhoird a chur chun feidhme i gcomhréir le hAirteagal 29.

11a.   Chun cur i bhfeidhm éifeachtach agus comhsheasmhach an Airteagail seo a áirithiú, tabharfaidh an Bord treoir do na húdaráis réitigh náisiúnta agus cuirfidh sé treoracha ar fáil dóibh maidir leis na caighdeáin theicniúla rialála dá dtagraítear in Airteagal 32(5a) de Threoir 2014/59/AE a chur i bhfeidhm.’

(20)  cuirtear an tAirteagal 18a a leanas isteach:"

‘Airteagal 18a

Tacaíocht airgeadais phoiblí urghnách

1.  Ní fhéadfar tacaíocht airgeadais phoiblí urghnách lasmuigh de ghníomhaíocht réitigh a dheonú d’eintiteas dá dtagraítear in Airteagal 2 ar bhonn eisceachtúil ach amháin i gceann amháin de na cásanna a leanas agus ar choinníoll go gcomhlíonann an tacaíocht airgeadais phoiblí urghnách na coinníollacha agus na ceanglais a bhunaítear i gcreat Státchabhrach an Aontais:

2.  Comhlíonfaidh na bearta tacaíochta dá dtagraítear i mír 1, pointe (a), na coinníollacha a leanas ar fad:

Chun críocha na chéad fhomhíre, pointe (a), measfar eintiteas a bheith sócmhainneach i gcás inar tháinig BCE nó an t-údarás inniúil náisiúnta ábhartha ar an gconclúid nár sáraíodh, nó nach dócha go sárófar sa chéad dá mhí dhéag eile, bunaithe ar ionchais reatha, aon cheanglais dá dtagraítear in Airteagal 92(1) de Rialachán (AE) Uimh. 575/2013, Airteagal 104a de Threoir 2013/36/AE, Airteagal 11(1) de Rialachán (AE) 2019/2033, Airteagal 40 de Threoir (AE) 2019/2034 nó na ceanglais ábhartha is infheidhme faoin dlí náisiúnta nó faoi dhlí an Aontais.

Chun críocha na chéad fhomhíre, pointe (d), déanfaidh an t-údarás inniúil ábhartha na caillteanais atá tabhaithe ag an eintiteas nó is dócha a thabhóidh sé a chainníochtú. Bunófar an cainníochtú sin, ar a laghad, ar athbhreithnithe ar cháilíocht sócmhainní arna ndéanamh ag BCE, ÚBE nó na húdaráis náisiúnta, nó, i gcás inarb iomchuí, ar chigireachtaí ar an láthair arna ndéanamh ag an údarás inniúil. I gcás nach féidir na freachnaimh sin a dhéanamh in am cuí, féadfaidh an t-údarás inniúil a mheastóireacht a bhunú ar chlár comhardaithe na hinstitiúide, ar choinníoll go gcomhlíonann an clár comhardaithe na rialacha agus na caighdeáin chuntasaíochta is infheidhme, arna ndeimhniú ag iniúchóir seachtrach neamhspleách ▌. Déanfaidh an t-údarás inniúil a dhícheall chun a áirithiú go mbunaítear an cainníochtú ar luach margaidh shócmhainní agus dhliteanais na hinstitiúide nó an eintitis agus mhíreanna na hinstitiúide nó an eintitis atá lasmuigh den chlár comhardaithe.

Beidh na bearta tacaíochta dá dtagraítear i mír 1, pointe (a)(iii), teoranta do bhearta a ndearna BCE nó an t-údarás inniúil náisiúnta measúnú orthu de réir mar is gá chun sócmhainneacht an eintitis a áirithiú trí aghaidh a thabhairt ar a easnamh caipitil a bunaíodh i gcás díobhálach tástálacha struis náisiúnta, tástálacha struis de chuid an Aontais nó tástálacha struis ar fud an tsásra aonair maoirseachta, nó freachnaimh choibhéiseacha arna ndéanamh ag BCE, ÚBE nó na húdaráis náisiúnta, i gcás inarb infheidhme, arna ndeimhniú ag BCE nó ag an údarás inniúil ábhartha.

De mhaolú ar mhír 1, pointe (a)(iii), ceadófar, ar bhonn eisceachtúil, ionstraimí Gnáthchothromas Leibhéal 1 a fháil i gcás gurb amhlaidh, toisc cineál an easnaimh arna shainaithint, nach bhfágfadh fáil aon ionstraime cistí dílse eile nó aon ionstraime caipitil eile go mbeadh an t-eintiteas lena mbaineann in ann aghaidh a thabhairt ar a easnamh caipitil arna bhunú sa chás díobhálach sa tástáil struis ábhartha nó sa fhreachnamh coibhéiseach. Ní bheidh méid na n-ionstraimí Gnáthchothromas Leibhéal 1 a fuarthas níos mó ná 2 % de mhéid iomlán neamhchosaint na hinstitiúide nó an eintitis lena mbaineann ar riosca, méid arna ríomh i gcomhréir le hAirteagal 92(3) de Rialachán (AE) Uimh. 575/2013.

I gcás nach ndéanfar aon cheann de na bearta tacaíochta dá dtagraítear i mír 1, pointe (a), a fhuascailt, a aisíoc ná a fhoirceannadh ar shlí eile i gcomhréir le téarmaí na▌ straitéise chun imeacht ón mbeart tacaíochta a bhunaítear tráth a dheonaítear beart den sórt sin, iarrfaidh BCE nó an t-údarás inniúil náisiúnta ábhartha ar an institiúid nó ar an eintiteas plean feabhsúcháin aon uaire a thíolacadh. Tabharfar cur síos sa phlean feabhsúcháin ar na céimeanna a bheidh le glacadh chun comhlíonadh na gceanglas maoirseachta, inmharthanacht na hinstitiúide nó an eintitis san fhadtéarma agus a cumas nó a chumas an méid a soláthraíodh a aisíoc a chaomhnú nó a athbhunú, chomh maith leis an tréimhse ama a bhaineann leis.

I gcás nach n-aithníonn BCE nó an t-údarás inniúil náisiúnta ábhartha go bhfuil an plean feabhsúcháin aon uaire inchreidte nó indéanta, nó i gcás ina dteipeann ar an institiúid nó ar an eintiteas an plean feabhsúcháin a chomhlíonadh, déanfar measúnú i gcomhréir le hAirteagal 18 i dtaobh an bhfuil an institiúid nó an t-eintiteas i mbéal teipthe nó ar dócha di nó dó teip.

2a.  Cuirfidh BCE nó an t-údarás inniúil náisiúnta ábhartha an Bord ar an eolas faoina mheasúnú i dtaobh an gcomhlíontar na coinníollacha dá dtagraítear i mír 2, pointí (a), (b) agus (d), maidir leis na heintitis agus na grúpaí dá dtagraítear in Airteagal 7(2), agus na heintitis agus na grúpaí dá dtagraítear in Airteagal 7(4), pointe (b), agus in Airteagal 7(5);

(21)  leasaítear Airteagal 19 mar a leanas:

(a)  cuirtear an méid a leanas in ionad Airteagal 1:"

‘1. Más rud é gurb é atá i ngníomhaíocht réitigh Státchabhair a dheonú de bhun Airteagal 107(1) CFAE, nó cabhair ón gCiste i gcomhréir le mír 3 den Airteagal seo, ní thiocfaidh an scéim réitigh dá dtagraítear in Airteagal 18(6) den Rialachán seo i bhfeidhm go dtí go mbeidh cinneadh dearfach nó cinneadh coinníollach glactha ag an gCoimisiún, nó cinneadh gan agóid a dhéanamh, maidir le comhoiriúnacht úsáid na cabhrach sin don mhargadh inmheánach. Ag cur san áireamh a riachtanaí atá sé go ndéanfadh an Bord an scéim réitigh a fhorfheidhmiú go tráthúil, déanfaidh an Coimisiún an cinneadh maidir lena chomhoiriúnaí atá úsáid Státchabhrach nó cabhrach ón gCiste leis an margadh inmheánach ar a dhéanaí nuair a fhormhuineoidh sé an scéim réitigh nó nuair a chuirfidh sé ina haghaidh de bhun Airteagal 18(7), an dara fomhír, nó nuair a rachaidh an tréimhse 24 uair an chloig dá dtagraítear sa chúigiú fomhír d'Airteagal 18(7) in éag, cibé acu is túisce. Mura ndéantar cinneadh den sórt sin laistigh de 24 uair an chloig ón tráth a tharchuirfidh an Bord an scéim réitigh, measfar an scéim réitigh a bheith údaraithe ag an gCoimisiún agus tiocfaidh sí i bhfeidhm i gcomhréir leis an gcúigiú fomhír d’Airteagal 18(7).

Agus na cúraimí a thugtar dóibh le hAirteagal 18 den Rialachán seo á ndéanamh acu, beidh socruithe struchtúracha i bhfeidhm ag institiúidí an Aontais lena n-áiritheofar neamhspleáchas oibríochtúil agus lena seachnófar coinbhleachtaí leasa a d’fhéadfadh teacht chun cinn idir na feidhmeanna a chuirtear de chúram orthu na cúraimí sin a dhéanamh agus feidhmeanna eile agus poibleoidh siad, ar bhealach iomchuí, an fhaisnéis ábhartha uile maidir lena n-eagrúchán inmheánach i ndáil leis sin.’;

(b)  cuirtear an méid a leanas in ionad Airteagal 3:"

‘3. A luaithe a mheasfaidh an Bord go bhféadfadh sé gur gá an Ciste a úsáid, rachaidh sé i dteagmháil go neamhfhoirmiúil, go pras, agus ar mhodh rúnda leis an gCoimisiún chun an úsáid a d’fhéadfaí a bhaint as an gCiste a phlé, lena n-áirítear gnéithe dlíthiúla agus eacnamaíocha a bhaineann lena úsáid. A luaithe a bheidh an Bord sách cinnte go mbeidh úsáid na cabhrach ón gCiste i gceist leis an scéim réitigh atá beartaithe, tabharfaidh an Bord fógra foirmiúil don Choimisiún maidir leis an úsáid a bheartaítear a bhaint as an gCiste. Beidh san fhógra sin an fhaisnéis go léir is gá don Choimisiún chun a mheasúnuithe a dhéanamh de bhun na míre seo, agus atá ina sheilbh ag an mBord nó atá de chumhacht ag an mBord a fháil i gcomhréir leis an Rialachán seo.

A luaithe a fhaightear an fógra dá dtagraítear sa chéad fhomhír, déanfaidh an Coimisiún measúnú an ndéanfadh úsáid an Chiste iomaíocht a shaobhadh nó saobhadh iomaíochta a bhagairt, trí fhabhar a thabhairt don tairbhí nó d’aon ghnóthas eile ionas, sa mhéid go ndéanfadh sé difear don trádáil idir na Ballstáit, go mbeadh sé ar neamhréir leis an margadh inmheánach. Cuirfidh an Coimisiún i bhfeidhm maidir le húsáid an Chiste na critéir a bunaíodh do chur i bhfeidhm na rialacha maidir le Státchabhair mar a chumhdaítear in Airteagal 107 CFAE. Tabharfaidh an Bord don Choimisiún an fhaisnéis atá ina sheilbh, nó faisnéis a bhfuil sé de chumhacht ag an mBord a fháil i gcomhréir leis an Rialachán seo, agus a mheasfaidh an Coimisiún a bheith riachtanach chun an measúnú sin a dhéanamh.

Agus a mheasúnú á dhéanamh ag an gCoimisiún, beidh sé faoi threoir ag na rialacháin ábhartha uile a ghlactar faoi Airteagal 109 CFAE, ag na teachtaireachtaí, treoraíochtaí agus bearta ábhartha uile a bheidh glactha ag an gCoimisiún i gcur i bhfeidhm rialacha na gConarthaí a bhaineann le Státchabhair de réir mar a bheidh i bhfeidhm nuair a bheidh an measúnú le déanamh. Déanfar na bearta sin a chur i bhfeidhm amhail agus gur tagairtí don Bhord a bhí sna tagairtí don Bhallstát atá freagrach as fógra a thabhairt i dtaobh na cabhrach, agus déanfar aon mhodhnuithe eile is gá.

Déanfaidh an Coimisiún cinneadh maidir lena chomhoiriúnaí atá úsáid an Chiste don mhargadh inmheánach, agus díreoidh sé an cinneadh sin chuig an mBord agus chuig údaráis réitigh náisiúnta an Bhallstáit nó na mBallstát lena mbaineann. Féadfaidh an cinneadh sin a bheith ag brath ar choinníollacha, ar ghealltanais nó ar ghnóthais i leith an tairbhí agus cuirfear san áireamh ann an gá atá le gníomhaíocht réitigh ag an mBord a chur i gcrích go tráthúil.

Féadfar oibleagáidí ar an mBord, ar na húdaráis réitigh náisiúnta sna Ballstáit rannpháirteacha nó ar na Ballstáit lena mbaineann nó ar an tairbhí, de réir mar is infheidhme agus a mhéid a thagann na hoibleagáidí sin faoina sainchúraimí faoi seach, a leagan síos sa chinneadh sin freisin chun go gcumasófar faireachán ar chomhlíonadh an chinnidh. D'fhéadfadh ceanglais maidir le hiontaobhaí nó le duine neamhspleách eile a cheapadh chun cabhrú leis an bhfaireachán a bheith ar áireamh sna ceanglais sin. Féadfaidh iontaobhaí nó duine neamhspleách eile na feidhmeanna sin a d’fhéadfadh a bheith sonraithe sa chinneadh ón gCoimisiún a chomhlíonadh.

Déanfar aon chinneadh de bhun na míre seo a fhoilsiú in Iris Oifigiúil an Aontais Eorpaigh.

Féadfaidh an Coimisiún cinneadh diúltach a eisiúint, agus é dírithe chuig an mBord, i gcás ina gcinnfidh sé nach mbeadh úsáid bheartaithe an Chiste comhoiriúnach leis an margadh inmheánach agus nach féidir é a chur chun feidhme san fhoirm atá beartaithe ag an mBord. Ar chinneadh den sórt sin a fháil, athbhreithneoidh an Bord a scéim réitigh agus ullmhóidh sé scéim réitigh athbhreithnithe.’;

(c)  cuirtear an méid a leanas in ionad Airteagal 10:"

‘10. De mhaolú ar mhír 3, féadfaidh an Chomhairle a chinneadh d’aon toil, ar iarratas a fháil ó Bhallstát nó ón mBord, laistigh de 7 lá tar éis an t-iarratas sin a bheith déanta, go measfar úsáid an Chiste a bheith comhoiriúnach don mhargadh inmheánach má fhágann imthosca eisceachtúla gur cinneadh cóir é sin. Déanfaidh an Coimisiún cinneadh maidir leis an gcás mura bhfuil cinneadh déanta ag an gComhairle laistigh de na 7 lá sin.’;

(22)  leasaítear Airteagal 20 mar a leanas:

(a)  cuirtear an méid a leanas in ionad Airteagal 1:"

‘1. Sula gcinnfear an bhfuil na coinníollacha maidir le réiteach, nó na coinníollacha maidir le díluacháil nó comhshó ionstraimí caipitil agus dliteanais incháilithe dá dtagraítear in Airteagal 21(1) comhlíonta, áiritheoidh an Bord go ndéanfaidh duine atá neamhspleách ar aon údarás poiblí, lena n-áirítear an Bord agus an t-údarás réitigh náisiúnta, agus ar an eintiteas lena mbaineann luacháil chothrom, stuama agus réalaíoch ar shócmhainní agus dliteanais eintitis dá dtagraítear in Airteagal 2.’;

(b)  cuirtear isteach an mhír 8a a leanas:"

‘8a. I gcás inar gá chun bonn eolais a thabhairt do na cinntí dá dtagraítear i mír 5, pointí (c) agus (d), comhlánóidh an luachálaí an fhaisnéis i mír 7, pointe (c), le meastachán ar luach na sócmhainní agus na ndliteanas lasmuigh den chlár comhardaithe, lena n-áirítear dliteanais theagmhasacha agus sócmhainní.’;

(c)  i mír 18, cuirtear an pointe (d) a leanas isteach:"

‘(d) agus na caillteanais a thabhódh an scéim ráthaithe taiscí dá bhfoirceannfaí an institiúid faoi ghnáthimeachtaí dócmhainneachta á gcinneadh, na critéir agus an mhodheolaíocht dá dtagraítear in Airteagal 11e de Threoir 2014/49/AE agus in aon ghníomh tarmligthe arna ghlacadh de bhun an Airteagail sin a chur i bhfeidhm.’;

(23)  leasaítear Airteagal 21 mar a leanas:

(a)  leasaítear mír 1 mar a leanas:

(i)  leasaítear an chéad fhomhír mar a leanas:

—  cuirtear an méid a leanas in ionad na foclaíochta réamhráití:"

‘1. Déanfaidh an Bord, ag gníomhú dó faoin nós imeachta arna leagan síos in Airteagal 18, an chumhacht a fheidhmiú chun ionstraimí caipitil, agus dliteanais incháilithe dá dtagraítear i mír 7a, a dhíluacháil nó a chomhshó i ndáil leis na heintitis agus na grúpaí dá dtagraítear in Airteagal 7(2), agus maidir leis na heintitis agus na grúpaí dá dtagraítear in Airteagal 7(4), pointe (b) agus in Airteagal 7(5), i gcás ina mbeidh na coinníollacha maidir le cur i bhfeidhm na bhforálacha sin á gcomhlíonadh, ach ní dhéanfaidh sé an méid sin ach amháin, ar theachtaireacht a bheith faighte aige de bhun an dara fomhír nó ar a thionscnamh féin, nuair a chinnfidh sé, ina sheisiún feidhmiúcháin, go gcomhlíontar ceann amháin nó níos mó de na coinníollacha a leanas:’;

—  cuirtear an méid a leanas in ionad phointe (e):"

‘(e) go n-éileoidh an t-eintiteas nó an grúpa tacaíocht airgeadais phoiblí urghnách, ach amháin i gcás ina ndeonaítear an tacaíocht sin i gceann de na foirmeacha dá dtagraítear in Airteagal 18a(1).’;

(ii)  cuirtear an méid a leanas in ionad an dara fomhír:"

‘Is é BCE a dhéanfaidh an measúnú ar na coinníollacha dá dtagraítear sa chéad fhomhír, pointí (a) go (d), i gcás eintitis dá dtagraítear in Airteagal 7(2)(a), nó is é an t-údarás inniúil náisiúnta ábhartha a dhéanfaidh é i gcás eintitis dá dtagraítear in Airteagal 7(2)(b), (4)(b) agus (5), agus is é an Bord, ina sheisiún feidhmiúcháin, i gcomhréir le leithdháileadh na gcúraimí de bhun an nós imeachta a leagtar síos in Airteagal 18(1) agus (2) a dhéanfaidh é.’;

(b)  scriostar mír 2;

(c)  i mír 3, cuirtear an méid a leanas in ionad phointe (b):"

‘(b) ag féachaint d’uainiú, don ghá atá ann na cumhachtaí díluachála agus comhshó nó an straitéis réitigh don ghrúpa réitigh a chur chun feidhme go héifeachtach agus d’imthosca ábhartha eile, níl aon ionchas réasúnach ann go gcuirfeadh aon ghníomhaíocht, lena n-áirítear bearta malartacha ón earnáil phríobháideach, gníomhaíocht mhaoirseachta nó bearta luath-idirghabhála, seachas díluacháil nó comhshó ionstraimí caipitil ábhartha, agus dliteanas incháilithe dá dtagraítear i mír 7a, cosc ar theip an eintitis nó an ghrúpa sin laistigh de thréimhse réasúnta.’;

(d)  cuirtear an méid a leanas in ionad mhír 9:"

‘9. I gcás ina gcomhlíonfar ceann amháin nó níos mó de na coinníollacha dá dtagraítear i mír 1 maidir le heintiteas dá dtagraítear sa mhír sin, agus ina gcomhlíonfar na coinníollacha dá dtagraítear in Airteagal 18(1) freisin maidir leis an eintiteas sin nó le heintiteas ar cuid den ghrúpa céanna é, beidh feidhm ag an nós imeachta a leagtar síos in Airteagal 18(6), (7) agus (8).’;

(24)  leasaítear Airteagal 27 mar a leanas:

(a)  cuirtear an méid a leanas in ionad mhír 7:"

▌

(c)  i mír 13, cuirtear an méid a leanas in ionad an dara fomhír:"

(25)  leasaítear Airteagal 30 mar a leanas:

(a)  cuirtear an méid a leanas in ionad an teidil:"

‘Oibleagáid comhoibriú agus malartú faisnéise’;

(b)  cuirtear isteach míreanna 2a, 2b agus 2c mar a leanas:"

‘2a. Comhoibreoidh an Bord, BERS, ÚBE, ESMA agus ÚEÁPC go dlúth le chéile agus soláthróidh siad dá chéile an fhaisnéis uile is gá chun a gcúraimí faoi seach a chomhlíonadh.

2b.  Comhoibreoidh BCE agus comhaltaí eile den Chóras Eorpach Banc Ceannais (CEBC) go dlúth leis an mBord agus soláthróidh siad dó an fhaisnéis uile is gá chun cúraimí an Bhoird a chomhlíonadh, lena n-áirítear faisnéis arna bailiú acu i gcomhréir lena reacht. Beidh feidhm ag Airteagal 88(6) maidir leis na malartuithe lena mbaineann.

2c.  Comhoibreoidh na húdaráis ainmnithe dá dtagraítear in Airteagal 2(1), pointe (18), de Threoir 2014/49/AE go dlúth leis an mBord. Soláthróidh na húdarás ainmnithe agus an Bord dá chéile an fhaisnéis uile is gá lena gcuid cúraimí faoi seach a fheidhmiú.’;

(c)  cuirtear an méid a leanas in ionad mhír 6:"

(d)  cuirtear an méid a leanas in ionad mhír 7:"

‘7. I gcás inar gá sin, tabharfaidh an Bord meabhrán tuisceana i gcrích le BCE agus comhaltaí eile de CEBC, na húdaráis réitigh náisiúnta agus leis na húdaráis inniúla náisiúnta ina mbeidh tuairisc i dtéarmaí ginearálta ar an gcaoi a ndéanfaidh siad comhar faoi mhíreanna 2, 2a, 2b agus 4 den Airteagal seo agus faoi Airteagal 74, an dara fomhír, i bhfeidhmiú a gcuid cúraimí faoi seach faoi dhlí an Aontais. Athbhreithneofar an meabhrán sin go tráthrialta agus déanfar é a fhoilsiú faoi réir na gceanglas maidir le rúndacht ghairmiúil.’;

(26)  cuirtear an tAirteagal a leanas isteach:"

‘Airteagal 30a

Faisnéis atá i seilbh sásra uathoibrithe láraithe

1.  Soláthróidh na húdaráis a oibríonn na sásraí uathoibrithe láraithe arna mbunú le hAirteagal 32a de Threoir (AE) 2015/849 ó Pharlaimint na hEorpa agus ón gComhairle** faisnéis don Bhord, arna iarraidh sin dó, a bhaineann le líon na gcustaiméirí arb é eintiteas dá dtagraítear in Airteagal 2 an t-aon chomhpháirtí baincéireachta nó an príomh-chomhpháirtí baincéireachta atá acu.

2.  Ní iarrfaidh an Bord an fhaisnéis dá dtagraítear i mír 1 ach amháin ar bhonn cás ar chás agus nuair is gá chun a chúraimí faoin Rialachán seo a chomhlíonadh.

3.  Féadfaidh an Bord an fhaisnéis a fhaightear de bhun na chéad mhíre a roinnt leis na húdaráis náisiúnta réitigh i gcomhthéacs chomhlíonadh a gcúraimí faoi seach faoin Rialachán seo.

______________________________

** Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le cosc a chur ar úsáid an chórais airgeadais chun críoch sciúrtha airgid nó maoinithe sceimhlitheoireachta, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle agus lena n-aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO L 141, 5.6.2015, lch. 73).

(27)  leasaítear Airteagal 31▌mar a leanas:

(a)  i mír 1, cuirtear an méid a leanas in ionad an tríú fomhír:"

(b)  cuirtear an mhír a leanas leis:"

‘3. Maidir leis na heintitis agus na grúpaí dá dtagraítear in Airteagal 7(2), agus maidir leis na heintitis agus na grúpaí dá dtagraítear in Airteagal 7(4), pointe (b) agus Airteagal 7(5) i gcás ina gcomhlíonfar na coinníollacha maidir leis na forálacha sin a chur i bhfeidhm, rachaidh na húdaráis réitigh náisiúnta i gcomhairle leis an mBord sula ngníomhóidh siad faoi Airteagal 86 de Threoir 2014/59/AE.’;

(28)  in Airteagal 32(1), cuirtear an méid a leanas in ionad na chéad fhomhíre:"

‘I gcás ina mbeidh i ngrúpa eintitis atá bunaithe i mBallstáit rannpháirteacha agus i mBallstáit neamh-rannpháirteacha nó i dtríú tíortha chomh maith, gan dochar d’aon fhormheas ag an gComhairle nó ag an gCoimisiún atá ina cheangal de réir an Rialacháin seo, déanfaidh an Bord ionadaíocht d’údarás réitigh náisiúnta na mBallstát rannpháirteach, chun críoch comhchomhairle agus comhair le Ballstáit neamh-rannpháirteacha nó tríú tíortha i gcomhréir le hAirteagail 7, 8, 12, 13, 16, 18, 45h, 55, agus 88 go 92 de Threoir 2014/59/AE.’;

(29)  leasaítear Airteagal 34 mar a leanas:

(a)  i mír 1, cuirtear an méid a leanas in ionad na foclaíochta réamhráití:"

‘Féadfaidh an Bord, agus lánúsáid á baint aige as an bhfaisnéis ar fad atá ar fáil cheana féin do BCE, lena n-áirítear faisnéis arna bailiú ag comhaltaí CEBC i gcomhréir lena reacht, nó an fhaisnéis uile atá ar fáil do na húdaráis inniúla náisiúnta, do BERS, do ÚBE, do ESMA nó do ÚEÁPC, a cheangal ar na daoine dlítheanacha nó nádúrtha a leanas, trí na húdaráis náisiúnta réitigh nó go díreach, tar éis dóibh na húdaráis sin a chur ar an eolas, an fhaisnéis uile is gá a sholáthar dó, i gcomhréir leis an nós imeachta arna iarraidh ag an mBord agus san fhoirm a iarrann an Bord, chun a chúraimí a fheidhmiú:’;

(b)  cuirtear an méid a leanas in ionad mhíreanna 5 agus 6:"

‘5. Féadfaidh an Bord, BCE, comhaltaí CEBC, na húdaráis inniúla náisiúnta, BERS, ÚBE, ESMA, ÚEÁPC agus na húdaráis réitigh náisiúnta meabhráin tuisceana a tharraingt suas ina leagfar amach nós imeachta lena rialaítear malartú faisnéise. Ní mheasfar gur sárú ar cheanglais maidir le rúndacht ghairmiúil a bheidh i malartú faisnéise idir an Bord, BCE, agus comhalta eile CEBC, na húdaráis inniúla náisiúnta, BERS, ÚBE, ESMA, ÚEÁPC agus na húdaráis réitigh náisiúnta.

6.  Comhoibreoidh údaráis inniúla náisiúnta, BCE, comhaltaí CEBC, BERS, ÚBE, ESMA, ÚEÁPC, agus na húdaráis náisiúnta réitigh leis an mBord chun a fhíorú an bhfuil cuid den fhaisnéis nó an fhaisnéis ar fad a iarradh ar fáil cheana féin tráth a dhéantar an iarraidh. I gcás ina mbeidh faisnéis den sórt sin ar fáil, cuirfidh na húdaráis inniúla náisiúnta, BCE agus comhaltaí eile CEBC, BERS, ÚBE, ESMA, ÚEÁPC, nó na n-údarás réitigh náisiúnta an fhaisnéis sin ar fáil don Bhord.’;

(30)  in Airteagal 43(1), cuirtear isteach an pointe (aa) a leanas:"

‘(aa) an Leas-Chathaoirleach arna cheapadh i gcomhréir le hAirteagal 56;’;

(30a)  leasaítear Airteagal 45 mar a leanas:

(a)  cuirtear an méid a leanas in ionad an teidil:"

‘Trédhearcacht agus cuntasacht’;

(b)  cuirtear an mhír a leanas isteach:"

‘3a. Foilseoidh an Bord a chuid beartas, treoirlínte, treoracha ginearálta, nótaí treorach agus doiciméad inmheánach oibre maidir le cúrsaí réitigh i gcoitinne agus maidir leis na cleachtais agus na modheolaíochtaí réitigh a bheidh le cur i bhfeidhm laistigh den Sásra Réitigh Aonair, a fhad agus nach mbeidh nochtadh ábhair rúnda i gceist leis an bhfoilsiú sin.’

(31)  in Airteagal 50(1), cuirtear an méid a leanas in ionad phointe (n):"

‘(n) Oifigeach Cuntasaíochta agus Iniúchóir Inmheánach a cheapadh, faoi réir na Rialachán Foirne agus na gCoinníollacha Fostaíochta, a mbeidh neamhspleáchas feidhmeach acu agus a ndualgais á ndéanamh acu;’;

(31a)  in Airteagal 50(1), cuirtear an pointe a leanas leis:"

‘(qa) a áirithiú go dtéitear i gcomhairle leis na húdaráis réitigh náisiúnta maidir leis na treoirlínte, na treoracha ginearálta, na beartais nó na nótaí treorach lena mbunaítear beartais réitigh, cleachtais nó modheolaíochtaí réitigh a rannchuideoidh na húdaráis réitigh náisiúnta sin lena gcur chun feidhme.’;

(32)  leasaítear Airteagal 53 mar a leanas:

(a)  i mír 1, cuirtear an méid a leanas in ionad na chéad abairte:"

‘Ina sheisiún feidhmiúcháin, comhdhéanfar an Bord den Chathaoirleach, den Leaschathaoirleach agus de na ceithre chomhalta eile dá dtagraítear in Airteagal 43(1), pointe (b).’;

(b)  i mír 5, cuirtear na focail ‘Airteagal 43(1), pointí (a), (aa) agus (b)’ in ionad na bhfocal ‘Airteagal 43(1)(a) agus (b)’.;

(33)  in Airteagal 55, cuirtear an méid a leanas in ionad mhíreanna 1 agus 2:"

‘1. Más rud é agus eintiteas aonair nó grúpa nach bhfuil bunaithe ach in aon Bhallstát rannpháirteach amháin á bhreithniú, nach féidir leis na comhaltaí dá dtagraítear in Airteagal 53(1) agus (3) teacht ar chomhaontú comhpháirteach trí chomhthoil laistigh den sprioc-am arna leagan síos ag an gCathaoirleach, glacfaidh an Leas-Chathaoirleach agus na comhaltaí dá dtagraítear in Airteagal 43(1), pointe (b), cinneadh trí thromlach simplí.

2.  Más rud é agus grúpa trasteorann á bhreithniú, nach féidir leis na comhaltaí dá dtagraítear in Airteagal 53(1) agus (4) teacht ar chomhaontú comhpháirteach trí chomhthoil laistigh den sprioc-am arna leagan síos ag an gCathaoirleach, glacfaidh an Leas-Chathaoirleach agus na comhaltaí dá dtagraítear in Airteagal 43(1), pointe (b) cinneadh trí thromlach simplí.’;

(34)  leasaítear Airteagal 56 mar a leanas:

(a)  i mír 2, cuirtear an méid a leanas in ionad phointe (d):"

‘(d) réamh-dhréachtbhuiséad agus dréachtbhuiséad an Bhoird a chur ar bun i gcomhréir le hAirteagal 61 agus buiséad an Bhoird a chur chun feidhme, i gcomhréir le hAirteagal 63;’;

(b)  i mír 5, cuirtear an méid a leanas in ionad na chéad fhomhíre:"

Beidh téarma oifige 5 bliana ag an gCathaoirleach, ag an Leas-Chathaoirleach agus ag na comhaltaí dá dtagraítear in Airteagal 43(1), pointe (b). ▌

Ní bheidh duine a d’fhóin ▌mar Chathaoirleach, mar Leas-Chathaoirleach nó mar chomhalta dá dtagraítear in Airteagal 43(1), pointe (b), incháilithe lena cheapadh chuig aon cheann den dá phost eile.’;

(c)  ▌cuirtear an méid a leanas in ionad mhír 6:

▌"

‘6. Tar éis dó an Bord a éisteacht, ina sheisiún iomlánach, soláthróidh an Coimisiún do Pharlaimint na hEorpa gearrliosta iarrthóirí atá cothrom ó thaobh inscne de do phoist an Chathaoirligh, an Leas-Chathaoirligh agus na gcomhaltaí dá dtagraítear in Airteagal 43(1)(b) agus cuirfidh sé an Chomhairle ar an eolas faoin ngearrliosta. Féadfaidh Parlaimint na hEorpa éisteachtaí na n-iarrthóirí atá ar an ngearrliosta sin a stiúradh. I gcomhréir leis an toradh i bParlaimint na hEorpa, déanfaidh an Coimisiún togra i gcomhair cheapachán an Chathaoirligh, an Leas-Chathaoirligh agus na gcomhaltaí dá dtagraítear in Airteagal 43(1)(b) a chur faoi bhráid Pharlaimint na hEorpa lena fhormheas. Tar éis an togra sin a bheith formheasta, glacfaidh an Chomhairle cinneadh cur chun feidhme maidir leis an gCathaoirleach, an Leas-Chathaoirleach agus na comhaltaí dá dtagraítear in Airteagal 43(1)(b) a cheapadh. Is le tromlach cáilithe a ghníomhóidh an Chomhairle.’;

▌

(e)  i mír 7, cuirtear an méid a leanas in ionad na habairte deiridh:"

‘Fanfaidh an Cathaoirleach, an Leas-Chathaoirleach agus na comhaltaí dá dtagraítear in Airteagal 43(1), pointe (b) in oifig go dtí go gceapfar a gcomharbaí agus go rachaidh siad i mbun a gcuid dualgas i gcomhréir leis an gcinneadh ón gComhairle dá dtagraítear i mír 6 den Airteagal seo.’;

(ea)  scriostar mír 8.

(35)  Cuirtear an méid a leanas in ionad Airteagal 61:"

'Airteagal 61

An buiséad a chur ar bun

1.  Faoin 31 Márta gach bliain, tarraingeoidh an Cathaoirleach suas réamh-dhréachtbhuiséad de chuid an Bhoird, lena n-áirítear ráiteas ar na meastacháin ar ioncam agus ar chaiteachas an Bhoird don bhliain dar gcionn, mar aon le plean bunaíochta, don bhliain ina dhiaidh agus cuirfidh sé faoi bhráid an Bhoird é ina sheisiún iomlánach.

Déanfaidh an Bord ina sheisiún iomlánach, i gcás inar gá, réamh-dhréachtbhuiséad an Bhoird a choigeartú mar aon leis an dréachtphlean bunaíochta.

2.  Ar bhonn an réamh-dhréachtbhuiséid arna ghlacadh ag an mBord ina sheisiún iomlánach, tarraingeoidh an Cathaoirleach suas dréachtbhuiséad an Bhoird agus cuirfidh sé faoi bhráid an Bhoird é ina sheisiún iomlánach lena ghlacadh.

Faoin 30 Samhain gach bliain, déanfaidh an Bord ina sheisiún iomlánach, an dréachtbhuiséad a thíolaic an Cathaoirleach a choigeartú, i gcás inar ghá sin, agus buiséad críochnaitheach an Bhoird a ghlacadh in éineacht leis an bplean bunaíochta.';

(35a)  in Airteagal 62, cuirtear an méid a leanas in ionad mhír 3:"

‘3. Is ar an mBord ina sheisiún iomlánach a bheidh an fhreagracht as caighdeáin rialaithe inmheánaigh a ghlacadh agus córais rialaithe inmheánaigh agus nósanna imeachta a chur ar bun a bheidh oiriúnach do chúraimí an iniúchóra inmheánaigh a fheidhmiú.’

(36)  in Airteagal 69, cuirtear an méid a leanas in ionad mhír 4:"

‘4. Más rud é, tar éis na tréimhse tosaigh dá dtagraítear i mír 1, go dtiteann na hacmhainní airgeadais atá ar fáil faoi bhun an spriocleibhéil a shonraítear sa mhír sin, déanfar ranníocaíochtaí tráthrialta arna ríomh i gcomhréir le hAirteagal 70 a chruinniú go dtí go sroichfear an spriocleibhéal. Feadfaidh an Bord bailiú na ranníocaíochtaí tráthrialta a chur siar i gcomhréir le hAirteagal 70 ar feadh suas le trí bliana chun a áirithiú go sroichfidh an méid a bheidh le bailiú méid atá comhréireach le costais an phróisis bailithe, ar choinníoll nach ndéanfaidh iarchur den sórt sin difear ábhartha do chumas an Bhoird an Ciste a úsáid de bhun Roinn 3. Tar éis an spriocleibhéal a bhaint amach den chéad uair agus i gcás inar laghdaíodh na hacmhainní airgeadais atá ar fáil ina dhiaidh sin go méid is lú ná dhá thrian den spriocleibhéal, socrófar na ranníocaíochtaí sin ar leibhéal lena bhféadfar an spriocleibhéal a bhaint amach laistigh de 4 bliana.’;

(37)  leasaítear Airteagal 70 mar a leanas:

(a)  cuirtear an méid a leanas in ionad Airteagal 3:"

‘3. Sna hacmhainní airgeadais atá ar fáil a chuirfear i gcuntas chun an spriocleibhéal a shonraítear in Airteagal 69 a bhaint amach, féadfar gealltanais íocaíochta neamh-inchúlghairthe a áireamh atá cumhdaithe go hiomlán le comhthaobhacht de shócmhainní ísealriosca gan bac ó aon chearta tríú páirtí atá ar shaordhiúscairt agus sannta lena húsáid go heisiach ag an mBord chun na gcríoch a shonraítear in Airteagal 76(1). Ní rachaidh sciar na ngealltanas íocaíochta neamh-inchúlghairthe thar 30 % de mhéid iomlán na ranníocaíochtaí arna gcruinniú i gcomhréir leis an Airteagal seo. Laistigh den teorainn sin, cinnfidh an Bord go bliantúil sciar na ngealltanas íocaíochta neamh-inchúlghairthe i méid iomlán na ranníocaíochtaí atá le cruinniú i gcomhréir leis an Airteagal seo.’;

(b)  cuirtear an mhír 3a a leanas isteach:"

‘3a. Glaofaidh an Bord ar na gealltanais íocaíochta neamh-inchúlghairthe arna ndéanamh de bhun mhír 3 den Airteagal seo nuair is gá an Ciste a úsáid de bhun Airteagal 76.

I gcás ina scoirfidh institiúid nó eintiteas de bheith faoi raon feidhme Airteagal 2 agus nach mbeidh sí nó sé faoi réir na hoibleagáide ranníocaíochtaí a íoc a thuilleadh i gcomhréir le mír 1 den Airteagal seo, glaofaidh an Bord ar na gealltanais íocaíochta neamh-inchúlghairthe arna ndéanamh de bhun mhír 3 agus atá fós dlite. Má dhéantar an ranníocaíocht atá nasctha leis an ngealltanas íocaíochta neamh-inchúlghairthe a íoc go cuí tráth an chéad ghlao, cuirfidh an Bord an gealltanas ar ceal agus tabharfaidh sé an chomhthaobhacht ar ais. Mura n-íocfar an ranníocaíocht go cuí tráth an chéad ghlao, urghabhfaidh an Bord an chomhthaobhacht agus cuirfidh sé an gealltanas ar ceal.’;

(38)  in Airteagal 71(1), cuirtear an méid a leanas in ionad an dara fomhír:"

Ní rachaidh méid iomlán na ranníocaíochtaí ex-post urghnácha in aghaidh na bliana thar thrí oiread 12.5 % den spriocleibhéal.’;

(39)  in Airteagal 74, cuirtear isteach an mhír a leanas:"

‘Cuirfidh an Bord an Coimisiún agus BCE ar an eolas a luaithe a mheasfaidh sé gur gá socruithe airgeadais atá ar conradh don Chiste a ghníomhachtú i gcomhréir leis an Airteagal seo, agus soláthróidh sé don Choimisiún agus do BCE an fhaisnéis go léir is gá chun a gcúraimí a chomhlíonadh i ndáil leis na socruithe airgeadais sin.’;

(40)  leasaítear Airteagal 76 mar a leanas:

(a)  cuirtear an méid a leanas in ionad mhír 3:"

‘3. I gcás ina gcinnfidh an Bord gur dócha go mbeidh de thoradh ar úsáid an Chiste chun na gcríoch dá dtagraítear i mír 1, go gcuirfear cuid de chaillteanais eintitis dá dtagraítear in Airteagal 2 ar aghaidh chuig an gCiste, beidh feidhm ag na prionsabail a rialaíonn úsáid an Chiste a leagtar amach in Airteagal 27.’;

(b)  cuirtear isteach na míreanna 5 agus 6 a leanas:"

‘5. I gcás ina n-úsáidfear na huirlisí réitigh dá dtagraítear in Airteagal 22(2), pointe (a) nó (b), gan ach cuid de shócmhainní, de chearta nó de dhliteanais na hinstitiúide faoi réiteach a aistriú, beidh éileamh ag an mBord in aghaidh an eintitis iarmharaigh ar aon chostas agus caillteanas a thabhóidh an Ciste mar thoradh ar aon ranníocaíochtaí a rinneadh le réiteach de bhun mhír 1 agus mhír 2 den Airteagal seo maidir le caillteanais a d’iompródh creidiúnaithe murach sin.

6.  Beidh an rangú tosaíochta céanna ag éilimh an Bhoird dá dtagraítear i mír 5 den Airteagal seo agus in Airteagal 22(6), i ngach Ballstát rannpháirteach, agus a bheidh ag éilimh na socruithe náisiúnta um maoiniú réitigh i ndlí náisiúnta an Bhallstáit sin lena rialaítear gnáthimeachtaí dócmhainneachta de bhun Airteagal 108(9) de Threoir 2014/59/AE.’;

(41)  leasaítear Airteagal 79 mar a leanas:

(a)  cuirtear an méid a leanas in ionad mhíreanna 1, 2 agus 3:"

‘1. Áiritheoidh na Ballstáit rannpháirteacha, nuair a dhéanfaidh an Bord gníomhaíocht réitigh maidir le hinstitiúid chreidmheasa, ar choinníoll go n-áiritheofar leis an ngníomhaíocht sin go mbeidh rochtain i gcónaí ar a dtaiscí ag taisceoirí taiscí atá faoi chumhdach agus ag daoine nádúrtha agus ag micrifhiontair agus fiontair bheaga agus mheánmhéide a bhfuil taiscí incháilithe ina seilbh acu, chun cosc a chur ar iompar caillteanas ag na taisceoirí sin, go rannchuideoidh an scéim ráthaithe taiscí lena bhfuil an institiúid chreidmheasa sin cleamhnaithe chun na gcríoch agus faoi na coinníollacha a leagtar síos in Airteagal 109 de Threoir 2014/59/AE.

2.  Cinnfidh an Bord, i ndlúthchomhar leis an scéim ráthaithe taiscí, méid ranníocaíocht na scéime ráthaithe taiscí i gcomhréir le mír 1, agus tar éis dó dul i gcomhairle leis an scéim ráthaithe taiscí, agus i gcás inar gá leis an údarás ainmnithe de réir bhrí Airteagal 2(1), pointe (18), de Threoir 2014/49/AE, maidir leis an gcostas measta a bhaineann le taisceoirí a aisíoc de bhun Airteagal 11e de Threoir 2014/49/AE agus i gcomhréir leis na coinníollacha dá dtagraítear in Airteagal 20 den Rialachán seo.

3.  Tabharfaidh an Bord fógra faoina chinneadh dá dtagraítear sa chéad fhomhír don údarás ainmnithe de réir bhrí Airteagal 2(1), pointe (18), de Threoir 2014/49/AE agus don scéim ráthaithe taiscí a bhfuil an institiúid cleamhnaithe léi. Cuirfidh an scéim ráthaithe taiscí an cinneadh sin chun feidhme gan mhoill.’;

(b)  i mír 5, scriostar an tríú agus an ceathrú fomhír;

(41a)  cuirtear na hairteagail a leanas isteach:"

‘Airteagal 79a

At tuairisciú ar leachtacht le linn réitigh

Faoin 31 Nollaig 2024 tuairisceoidh an Coimisiún do Pharlaimint na hEorpa agus don Chomhairle ar cheist na leachtachta le linn réitigh:

Scrudófar sa tuarascáil an é uirlis a bheith ar iarraidh ón mbosca uirlisí réitigh is cúis inter alia le heasnamh sealadach leachtachta tar éis institiúid a athchaipitliú le linn réitigh agus scrúdófar na bealaí is éifeachtaí chun aghaidh a thabhairt ar easnaimh leachtachta shealadacha, agus na cleachtais i ndlínsí eile á gcur san áireamh. Cuirfear roghanna beartais nithiúla i láthair sa tuarascáil.

Airteagal 79b

Faoin 31 Nollaig 2026, i gcomhthéacs na pléití ar an aontas baincéireachta a atosú, tuairisceoidh an Coimisiún do Pharlaimint na hEorpa agus don Chomhairle ar éifeachtúlacht agus raon feidhme an tsásra aistrithe caillteanais inmheánaigh laistigh de ghrúpaí réitigh a eascraíonn as an gcreat bainistíochta géarchéime a athchóiriú.

Go háirithe, déanfar machnamh sa tuarascáil ar raon feidhme an réitigh, a mhéid a chomhlíontar na spriocanna ICDI inmheánacha, coinníollacha chun rochtain a fháil ar na líontáin sábháilteachta arna gcistiú ag an tionscal, go háirithe an Ciste.’;

(42)  in Airteagal 85(3), cuirtear na focail ‘arna nglacadh faoi’ in ionad na bhfocal ‘dá dtagraítear in’;

(43)  in Airteagal 88, cuirtear an mhír 7 a leanas leis:"

‘7. Leis an Airteagal seo, ní chuirfear cosc ar an mBord a anailísí nó a mheasúnuithe a nochtadh, lena n-áirítear nuair atá siad bunaithe ar fhaisnéis arna soláthar ag na heintitis dá dtagraítear in Airteagal 2 nó ag údaráis eile dá dtagraítear i mír 6 den Airteagal seo, nuair a mheasann an Bord nach mbainfeadh an nochtadh an bonn de chosaint leas an phobail a mhéid a bhaineann le beartas airgeadais, airgeadaíochta nó eacnamaíoch agus go bhfuil leas an phobail sa nochtadh a sháraíonn aon leasanna eile dá dtagraítear i mír 5 den Airteagal seo. Measfar nochtadh den sórt sin a bheith déanta ag an mBord i bhfeidhmiú a fheidhmeanna faoin Rialachán seo chun críocha mhír 1 den Airteagal seo.’.

(43a)  in Airteagal 94(1), cuirtear isteach an pointe a leanas:"

‘(aa) an t-idirghníomhú idir an creat atá cheana ann agus an Scéim Eorpach Árachais Taiscí a chur ar bun.

Airteagal 2

Teacht i bhfeidhm agus cur i bhfeidhm

Tiocfaidh an Rialachán seo i bhfeidhm ar an bhfichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón … [Oifig na bhFoilseachán cuir isteach an dáta = 12 mhí ó dháta theacht i bhfeidhm an Rialacháin leasaithigh seo].

Mar sin féin, beidh feidhm ag Airteagal 1, pointe (1)(a), pointí (2) agus (3), pointe (4)(a), pointe (5)(a), (b) agus (c)(i) agus (ii), pointe (6)(a), pointe (7), pointe (13)(a)(i) agus (b), pointe (14)(a), (b) agus (d), pointe (19)(d) agus (e), pointe (21), pointe (23)(a)(i), an chéad fhleasc, (b) agus (d), pointí (25) go (35), agus pointí (39), (42) agus (43), ón... [Oifig na bhfoilseachán cuir isteach an dáta = 1 mhí ó dháta theacht i bhfeidhm an Rialacháin leasaithigh seo].

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh in …,

Thar ceann Pharlaimint na hEorpa Thar ceann na Comhairle

An tUachtarán An tUachtarán

(1) IO C 307, 31.8.2023, lch. 19. (2) IO C 349, 29.9.2023, lch. 161. (3) * Tá na hathruithe ar fud an téacs mar thoradh ar leasú 1 a ghlacadh. Tá téacs nua nó téacs atá curtha in ionad téacs eile aibhsithe le cló trom iodálach; léirítear téacs atá scriosta trí leas a bhaint as an tsiombail ▌. (4) IO C , , lch. . (5) IO C , , lch. . (6) An Bord um Chobhsaíocht Airgeadais, Príomhthréithe Córas Éifeachtach Réitigh le haghaidh Institiúidí Airgeadais, an 15 Deireadh Fómhair 2014. (7) Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat le haghaidh institiúidí creidmheasa agus comhlachtaí infheistíochta a théarnamh agus a réiteach agus lena leasaítear Treoir 82/891/CEE ón gComhairle, agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE and 2013/36/AE, agus Rialacháin (AE) Uimh. 1093/2010 agus (AE) Uimh. 648/2012 ó Pharlaimint na hEorpa agus ón gComhairle (IO L 173, 12.6.2014, lch. 190). (8) Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (IO L 225, 30.7.2014, lch. 1). (9) Rialachán Tarmligthe (AE) 2021/1118 ón gCoimisiún an 26 Márta 2021 lena bhforlíontar Treoir 2014/59/AE ó Pharlaimint na hEorpa agus ón gComhairle maidir le caighdeáin theicniúla rialála lena sonrófar an mhodheolaíocht atá le húsáid ag údaráis réitigh chun an ceanglas dá dtagraítear in Airteagal 104a de Threoir 2013/36/AE ó Pharlaimint na hEorpa agus ón gComhairle agus an ceanglas maoláin chomhcheangailte a mheas i dtaca le heintitis réitigh ar leibhéal comhdhlúite an ghrúpa réitigh i gcás nach mbíonn an grúpa réitigh faoi réir na gceanglas sin de bhun na Treorach réamhráite (IO L 241, 8.7.2021, lch. 1). (10) Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta, agus lena leasaítear Rialachán (AE) Uimh. 648/2012 (IO L 176, 27.6.2013, lch. 1). (11) Rialachán (AE) 2019/876 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 575/2013 a mhéid a bhaineann leis an gcóimheas giarála, leis an gcóimheas glanchistiúcháin chobhsaí, leis na ceanglais maidir le cistí dílse agus dliteanais incháilithe, leis an bpriacal creidmheasa contrapháirtí, leis an bpriacal margaidh, leis na risíochtaí ar chontrapháirtithe lárnacha, leis na risíochtaí ar ghnóthais chomhinfheistíochta, leis na risíochtaí móra, leis na ceanglais tuairiscithe agus nochta, agus Rialachán (AE) Uimh. 648/2012 (IO L 150, 7.6.2019, lch. 1). (12) Rialachán (AE) 2019/877 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 806/2014 a mhéid a bhaineann le hacmhainneacht ionsúcháin caillteanais agus athchaipitliúcháin institiúidí creidmheasa agus gnólachtaí infheistíochta (IO L 150, 7.6.2019, lch. 226). (13) Treoir (AE) 2019/879 ó Pharlaimint na hEorpa agus ón gComhairle an 20 Bealtaine 2019 lena leasaítear Treoir 2014/59/AE a mhéid a bhaineann le hacmhainneacht ionsúcháin caillteanais agus acmhainneacht athchaipitliúcháin institiúidí creidmheasa agus gnólachtaí infheistíochta agus Treoir 98/26/CE (IO L 150, 7.6.2019, lch. 296). (14) Rialachán (AE) Uimh. 1024/2013 ón gComhairle an 15 Deireadh Fómhair 2013 lena dtugtar cúraimí sonracha don Bhanc Ceannais Eorpach maidir le beartais a bhaineann le maoirseacht stuamachta ar institiúidí creidmheasa (IO L 287, 29.10.2013, lch. 63). (15) Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12). (16) COM(2018) 133 final. (17) COM(2020) 822 final. (18) Rialachán (CE) Uimh 1126 ón gCoimisiún an 3 Samhain 2008 lena nglactar caighdeáin áirithe idirnáisiúnta chuntasaíochta i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (IO L 320, 29.11.2008, lch. 1). (19) Rialachán (CE) Uimh. 2533/98 ón gComhairle an 23 Samhain 1998 maidir le bailiú faisnéise staidrimh ag an mBanc Ceannais Eorpach (IO L 318, 27.11.1998, lch. 8). (20) Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le cosc a chur ar úsáid an chórais airgeadais chun críoch sciúrtha airgid nó maoinithe sceimhlitheoireachta, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle agus lena n-aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO L 141, 5.6.2015, lch. 73).

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle lena leasaítear Treoir 2014/59/AE a mhéid a bhaineann le bearta luath-idirghabhála, coinníollacha maidir le réiteach agus gníomhaíocht réitigh a mhaoiniú (COM(2023)0227 – C9-0135/2023 – 2023/0112(COD))

P9_TA(2024)0327 A9-0153/2024

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0227),

–  ag féachaint d’Airteagal 294(2) agus d’Airteagal 114 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0135/2023),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ón mBanc Ceannais Eorpach an 5 Iúil 2023(1),

–  ag féachaint do thuairim ó Choiste Eacnamaíoch agus Sóisialta na hEorpa an 13 Iúil 2023(2),

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A9-0153/2024),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Treoir (AE) 2024/... ó Pharlaimint na hEorpa agus ón gComhairle lena leasaítear Treoir 2014/59/AE a mhéid a bhaineann le bearta luath-idirghabhála, coinníollacha maidir le réiteach agus gníomhaíocht réitigh a mhaoiniú(3)

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ón mBanc Ceannais Eorpach(4),

Ag féachaint don tuairim ó Choiste Eacnamaíoch agus Sóisialta na hEorpa(5),

Ag gníomhú dóibh i gcomhréir leis an ngnáthnós imeachta reachtach,

De bharr an mhéid a leanas:

(1)  Bunaíodh creat réitigh an Aontais le haghaidh institiúidí creidmheasa agus gnólachtaí infheistíochta (‘institiúidí’) tar éis na géarchéime airgeadais domhanda 2008-2009 agus de dhroim dhoiciméad an Bhoird um Chobhsaíocht Airgeadais dar teideal ‘Príomhthréithe Córas Éifeachtach Imréitigh d’Institiúidí Airgeadais(6)’ arna bhformhuiniú go hidirnáisiúnta. Is éard atá i gcreat réitigh an Aontais Treoir 2014/59/AE ó Pharlaimint na hEorpa agus ón gComhairle(7) agus Rialachán (AE) Uimh. 806/2014 ó Pharlaimint na hEorpa agus ón gComhairle(8). Tá feidhm ag an dá ghníomh sin maidir le hinstitiúidí a bhunaítear san Aontas, agus maidir le haon eintiteas eile a thagann faoi raon feidhme na Treorach nó an Rialacháin sin (‘eintitis’). Is é is aidhm do chreat réitigh an Aontais déileáil ar bhealach ordúil le teip institiúidí agus eintiteas trí fheidhmeanna criticiúla institiúidí agus eintiteas a chaomhnú agus trí bhagairtí ar chobhsaíocht airgeadais a sheachaint, agus trí thaisceoirí agus cistí poiblí a chosaint san am céanna. Ina theannta sin, tá sé beartaithe le creat réitigh an Aontais forbairt an mhargaidh inmheánaigh sa bhaincéireacht a chothú trí chóras comhchuibhithe a chruthú chun aghaidh a thabhairt ar ghéarchéimeanna trasteorann ar bhealach comhordaithe agus trí shaincheisteanna maidir le saobhadh na hiomaíochta agus rioscaí na córa neamh-chomhionainne a sheachaint.

(2)  Roinnt blianta tar éis é a chur chun feidhme, níl creat réitigh an Aontais mar is infheidhme faoi láthair ag soláthar de réir mar a beartaíodh i ndáil le cuid de na cuspóirí sin. Go háirithe, cé go bhfuil dul chun cinn suntasach déanta ag institiúidí agus ag eintitis i dtreo inréiteachta agus go bhfuil acmhainní suntasacha tiomnaithe acu chuige sin, go háirithe tríd an acmhainneacht ionsúcháin caillteanais agus athchaipitliúcháin a mhéadú agus trí shocruithe maoinithe réitigh a líonadh, is annamh a bhaintear leas as creat réitigh an Aontais. Ina ionad sin, is amhlaidh a thugtar aghaidh ar theipeanna institiúidí agus eintiteas beag agus meánmhéide áirithe trí bhearta náisiúnta neamh-chomhchuibhithe den chuid is mó. Ar an drochuair, is airgead cáiníocóirí a úsáidtear fós seachas líontáin sábhála arna gcistiú ag an tionscal, lena n-áirítear socruithe maoinithe réitigh. Is cosúil gur as dreasachtaí neamhleora a eascraíonn an staid sin. Eascraíonn na dreasachtaí neamhleora sin as an idirghníomhú idir creat réitigh an Aontais agus na rialacha náisiúnta, rud a fhágann nach ndéantar an lánrogha leathan sa mheasúnú ar leas an phobail a fheidhmiú i gcónaí ar bhealach a léiríonn mar a beartaíodh feidhm a bheith ag creat réitigh an Aontais. San am céanna, is beag úsáid a baineadh as creat réitigh an Aontais mar gheall ar na rioscaí go mbeadh ar thaisceoirí na n-institiúidí arna gcistiú ó thaiscí caillteanais a iompar chun a áirithiú go mbeidh rochtain ag na hinstitiúidí sin ar chistiú seachtrach i gcás réitigh, go háirithe in éagmais dliteanais eile ar féidir tarrtháil inmheánach a thabhairt orthu. Ar deireadh, ós rud é nach mbíonn na rialacha maidir le rochtain ar chistiú i gcás nach bhfuil faoi réiteach chomh dian céanna leis na rialacha i gcás réitigh, bíonn claonadh ann bealaí eile a thriail de rogha ar chreat réitigh an Aontais a chur i bhfeidhm, agus is airgead cáiníocóirí a úsáidtear go minic in ionad acmhainní dílse na hinstitiúide agus an eintitis nó líontán sábhála arna gcistiú ag an tionscal. Cruthaíonn an staid sin, ar a seal, rioscaí ilroinnte, rioscaí maidir le torthaí fo-optamacha i ndáil le teipeanna institiúidí agus eintiteas a bhainistiú, go háirithe i gcás institiúidí agus eintitis atá beag nó ar mheánmhéid, agus deischostais ó acmhainní airgeadais nár úsáideadh. Is gá, dá bhrí sin, a áirithiú go gcuirfear creat réitigh an Aontais i bhfeidhm ar bhealach níos éifeachtaí agus níos comhleanúnaí agus gur féidir é a chur i bhfeidhm nuair a bheidh sé sin le leas an phobail, lena n-áirítear i gcás institiúidí beaga agus meánmhéide áirithe▌.

(2a)  Is é an cuspóir atá le Treoir 2014/59/AE a athbhreithniú coimirce níos fearr a dhéanamh ar airgead na gcáiníocóirí a chosaint ar bhealach níos fearr agus sásraí sistéamacha nua a bhunú le haghaidh institiúidí agus eintiteas nach gcumhdaítear leis an gcreat réitigh atá cheana ann. Tá an creat sin ceaptha an t-ualach eacnamaíoch ar an tsochaí a chiorrú trí na costais ghinearálta a bhaineann le teipeanna bainc a laghdú. Ba cheart úsáid airgead na gcáiníocóirí a laghdú go suntasach, agus creat nua á thabhairt isteach, chun a áirithiú go mbainfear úsáid níos minice agus níos éifeachtaí as an socrú um maoiniú réitigh.

(3)  Tá éagsúlacht idir déine agus leibhéal mionsonraithe na hoibre pleanála réitigh sin a theastaíonn maidir le fochuideachtaí nár aithníodh mar eintitis réitigh ach sin ag brath ar mhéid agus ar phróifíl riosca na n-institiúidí agus na n-eintiteas lena mbaineann, ar fheidhmeanna criticiúla a bheith ann agus ar an straitéis réitigh grúpa. Dá bhrí sin, ba cheart go mbeadh na húdaráis réitigh in ann na tosca sin a mheas agus na bearta atá le déanamh i leith fochuideachtaí den sórt sin á sonrú acu agus cur chuige simplithe a leanúint i gcás inarb iomchuí.

(3a)  Ceann de phríomhchuspóirí na Treorach leasaithí seo is ea cur chuige nuashonraithe a thabhairt isteach agus údaráis a údarú chun teip fhéideartha roinnt banc nó grúpa banc a láimhseáil go héifeachtach. Ba cheart trédhearcacht agus intuarthacht a chur chun cinn leis an gcur chuige sin, agus na drochiarmhairtí eacnamaíocha a íoslaghdú. Tá an cur chuige sin ailínithe le prionsabal uileghabhálach na tarrthála inmheánaí i dTreoir 2014/59/AE, agus an fhéidearthacht phraiticiúil déileáil le teip banc meánmhéide á coimeád freisin.

(4)  Maidir le hinstitiúid nó eintiteas atá á fhoirceannadh faoin dlí náisiúnta, tar éis cinneadh a dhéanamh go bhfuil an institiúid nó an t-eintiteas i mbéal teipthe nó gur dóigh di nó dó teip agus an t-údarás réitigh tagtha ar an gconclúid nach bhfuil sé le leas an phobail an institiúid nó an t-eintiteas a réiteach, is institiúid nó eintiteas é ansin atá ag dul i dtreo imeacht ón margadh sa deireadh. Tugann an méid sin le fios nach bhfuil gá le plean le haghaidh na ngníomhaíochtaí atá le déanamh i gcás teipe, gan beann ar údarú na hinstitiúide nó an eintitis lena mbaineann a bheith tarraingthe siar cheana féin ag an údarás inniúil. Is amhlaidh atá i gcás institiúid iarmharach faoi réiteach tar éis na sócmhainní, cearta agus dliteanais a bheith aistrithe i gcomhthéacs straitéis aistrithe. Is iomchuí a shonrú, dá bhrí sin, nach gá pleananna réitigh a ghlacadh sna cásanna sin.

(5)  Faoi láthair, féadfaidh údaráis réitigh toirmeasc a chur ar dháileacháin áirithe i gcás nach gcomhlíonann institiúid nó eintiteas an ceanglas maoláin chomhcheangailte nuair a bhreithnítear í nó é de bhreis ar an íoscheanglas maidir le cistí dílse agus dliteanais incháilithe (‘ICDI’). Mar sin féin, i gcásanna áirithe, d’fhéadfaí a cheangal ar institiúid nó ar eintiteas ICDI a chomhlíonadh ar bhonn atá éagsúil leis an mbonn ar a gceanglaítear ar an institiúid nó ar an eintiteas sin an ceanglas maoláin chomhcheangailte a chomhlíonadh. Cruthaíonn an staid sin éiginnteachtaí maidir leis na coinníollacha maidir le feidhmiú cumhachtaí na n-údarás réitigh chun dáileacháin a thoirmeasc agus maidir leis an Uasmhéid Indáilte a bhaineann le ICDI a ríomh. Dá bhrí sin, ba cheart a leagan síos gur cheart d’údaráis réitigh, sna cásanna sin, an chumhacht a fheidhmiú chun dáileacháin áirithe a thoirmeasc bunaithe ar an meastachán ar an gceanglas maoláin chomhcheangailte a eascraíonn as Rialachán Tarmligthe (AE) 2021/1118 ón gCoimisiún(9). Chun trédhearcacht agus deimhneacht dhlíthiúil a áirithiú, ba cheart d’údaráis réitigh an ceanglas maoláin chomhcheangailte measta a chur in iúl don institiúid nó don eintiteas, agus ba cheart an ceanglas maoláin chomhcheangailte measta sin a nochtadh don phobal ansin.

(6)  Cruthaíodh bearta luath-idirghabhála chun a chur ar a gcumas do na húdaráis inniúla an meathlú ar staid airgeadais agus eacnamaíche institiúide nó eintitis a leigheas agus an riosca agus an tionchar a bhainfeadh le réiteach féideartha a laghdú a mhéid is féidir. Mar sin féin, mar gheall ar easpa cinnteachta maidir leis na truicir chun na bearta luath-idirghabhála sin a chur i bhfeidhm agus forluí páirteach le bearta maoirseachta, is annamh a úsáideadh bearta luath-idirghabhála. Ba cheart, dá bhrí sin, na coinníollacha maidir le cur i bhfeidhm na mbeart luath-idirghabhála sin a shimpliú agus a shonrú tuilleadh. Chun deireadh a chur le héiginnteachtaí maidir leis na coinníollacha agus leis an uainiú chun an comhlacht bainistíochta a bhaint agus riarthóirí sealadacha a cheapadh, ba cheart na bearta sin a shainaithint go sainráite mar bhearta luath-idirghabhála agus ba cheart a gcur i bhfeidhm a bheith faoi réir na dtruicear céanna. San am céanna, ba cheart a cheangal ar údaráis réitigh na bearta iomchuí a roghnú chun aghaidh a thabhairt ar chás sonrach i gcomhréir le prionsabal na comhréireachta. Chun é a chur ar a gcumas d’údaráis réitigh rioscaí clú nó rioscaí a bhaineann le sciúradh airgid nó teicneolaíocht faisnéise agus cumarsáide a chur san áireamh, ba cheart d’údaráis réitigh measúnú a dhéanamh ar na coinníollacha chun bearta luath-idirghabhála a chur i bhfeidhm, ní hamháin ar bhonn táscairí cainníochtúla, mar shampla ceanglais chaipitil nó leachtachta, leibhéal giarála, iasachtaí neamhthuillmheacha nó comhchruinniú neamhchosaintí, ach ar bhonn truicir cháilíochtúla freisin.

(7)  Chun deimhneacht dhlíthiúil a fheabhsú, ba cheart deireadh a chur leis na bearta luath-idirghabhála a leagtar síos i dTreoir 2014/59/AE a fhorluíonn na cumhachtaí atá ann cheana faoin gcreat stuamachta a leagtar síos i dTreoir 2013/36/AE ó Pharlaimint na hEorpa agus ón gComhairle(10) agus i dTreoir (AE) 2019/2034 ó Pharlaimint na hEorpa agus ón gComhairle(11). Ina theannta sin, is gá a áirithiú go mbeidh údaráis réitigh in ann ullmhú le haghaidh réiteach féideartha institiúide nó eintitis. Dá bhrí sin, ba cheart don údarás inniúil na húdaráis réitigh a chur ar an eolas faoin meathlú ar staid airgeadais institiúide nó eintitis luath go leor, agus ba cheart go mbeadh na cumhachtaí is gá ag na húdaráis réitigh chun bearta ullmhúcháin a chur chun feidhme. Rud atá tábhachtach, chun é a chur ar a gcumas d’údaráis réitigh freagairt chomh tapa agus is féidir do mheathlú ar staid institiúide nó eintitis, níor cheart cur i bhfeidhm na mbeart luath-idirghabhála a bheith ina choinníoll don údarás réitigh socruithe a dhéanamh maidir le margú na hinstitiúide nó an eintitis nó faisnéis a iarraidh chun an plean réitigh a uasdátú agus an luacháil a ullmhú. Chun freagairt chomhsheasmhach, chomhordaithe, éifeachtach agus thráthúil a áirithiú ar an meathlú ar staid airgeadais institiúide nó eintitis agus chun ullmhú i gceart do réiteach féideartha, is gá feabhas a chur ar an idirghníomhaíocht agus ar an gcomhordú idir na húdaráis inniúla agus údaráis réitigh. A luaithe a chomhlíonann institiúid nó eintiteas na coinníollacha chun bearta luath-idirghabhála a chur i bhfeidhm, ba cheart do na húdaráis inniúla agus d’údaráis réitigh a malartuithe faisnéise a mhéadú, lena n-áirítear faisnéis shealadach, agus faireachán a dhéanamh go comhpháirteach ar staid airgeadais na hinstitiúide nó an eintitis.

(8)  Is den riachtanas gníomhaíocht thráthúil agus luath-chomhordú a áirithiú idir an t-údarás inniúil agus an t-údarás réitigh nuair is gnóthas leantach fós í institiúid nó eintiteas, ach riosca ábhartha a bheith ann go bhféadfadh sé go dteipfidh ar an institiúid nó ar an eintiteas sin. Dá bhrí sin, ba cheart don údarás inniúil fógra a thabhairt don údarás réitigh a luaithe is féidir faoi riosca den sórt sin. San fhógra sin, ba cheart na cúiseanna a thabhairt le measúnú an údaráis inniúil mar aon le forléargas ar bhearta malartacha na hearnála príobháidí, ar an ngníomhaíocht mhaoirseachta nó bearta luath-idirghabhála atá ar fáil chun teip na hinstitiúide nó an eintitis a chosc laistigh de thréimhse réasúnta. Le luathfhógra den sórt sin, níor cheart dochar a dhéanamh do na nósanna imeachta chun a chinneadh an bhfuil na coinníollacha maidir le réiteach á gcomhlíonadh. An réamhfhógra a thabharfaidh an t-údarás inniúil don údarás réitigh go bhfuil riosca ábhartha ann go bhfuil institiúid nó eintiteas i mbéal teipthe nó gur dóigh di nó dó teip, níor cheart é sin a bheith ina choinníoll le haghaidh cinnidh ina dhiaidh sin go bhfuil institiúid nó eintiteas i mbéal teipthe go hiarbhír nó gur dóigh di nó dó teip. Thairis sin, má mheastar ag céim níos déanaí go bhfuil an institiúid nó an t-eintiteas i mbéal teipthe nó gur dóigh di nó dó teip agus nach bhfuil aon réitigh mhalartacha ann chun teip den sórt sin a chosc laistigh de thréimhse réasúnta, ní mór don údarás réitigh cinneadh a dhéanamh féachaint ar cheart gníomhaíocht réitigh a dhéanamh. I gcás den sórt sin, d’fhéadfadh tráthúlacht an chinnidh gníomhaíocht réitigh a chur i bhfeidhm maidir le hinstitiúid nó le heintiteas a bheith bunriachtanach chun go mbeidh rath ar chur chun feidhme na straitéise réitigh, go háirithe toisc go bhféadfadh idirghabháil níos luaithe san institiúid nó san eintiteas rannchuidiú le leibhéil leordhóthanacha acmhainneachta ionsúcháin caillteanais agus leachtachta a áirithiú chun an straitéis sin a chur i bhfeidhm. Is iomchuí, dá bhrí sin, a chur ar a chumas don údarás réitigh measúnú a dhéanamh, i ndlúthchomhar leis an údarás inniúil, ar cad is tréimhse réasúnta ann chun bearta malartacha a chur chun feidhme chun teip na hinstitiúide nó an eintitis a sheachaint. Agus an measúnú sin á dhéanamh ba cheart a chur san áireamh freisin nach mór é a bheith ar chumas an údaráis réitigh i gcónaí agus an eintitis lena mbaineann an straitéis réitigh a chur chun feidhme go héifeachtach sa chás gurb í sin a theastóidh sa deireadh ach gan cosc a chur ar bhearta malartacha a dhéanamh. Go háirithe, ba cheart go mbeadh an scála ama dá bhforáiltear do na bearta malartacha de chineál a d’fhágfadh nach gcuirfear éifeachtacht chur chun feidhme féideartha na straitéise réitigh i mbaol. Chun toradh tráthúil a áirithiú agus chun a chur ar a chumas don údarás réitigh ullmhú go cuí do réiteach féideartha na hinstitiúide nó an eintitis, ba cheart don údarás réitigh agus don údarás inniúil cruinniú a thionól go tráthrialta, agus ba cheart don údarás réitigh cinneadh a dhéanamh maidir le minicíocht na gcruinnithe sin agus imthosca an cháis á gcur san áireamh.

(9)  Tá sé beartaithe go bhféadfar an creat réitigh a chur i bhfeidhm maidir le haon institiúid nó eintiteas a d’fhéadfadh a bheith ann, gan beann ar a mhéid agus ar a shamhail ghnó, mura leor na huirlisí atá ar fáil faoin dlí náisiúnta chun a theip a bhainistiú. Chun an toradh sin a áirithiú, ba cheart na critéir chun an measúnú ar leas an phobail a chur i bhfeidhm maidir le hinstitiúid nó eintiteas atá ag teip a shonrú. Ina leith sin, is gá a shoiléiriú, agus sin ag brath ar na himthosca sonracha, gur féidir feidhmeanna áirithe de chuid na hinstitiúide nó an eintitis a mheas mar fheidhmeanna criticiúla fiú amháin dá mbeadh tionchar ag scor na bhfeidhmeanna sin ar chobhsaíocht airgeadais nó ar sheirbhísí criticiúla ar an leibhéal réigiúnach ▌, go háirithe nuair is é an margadh geografach ábhartha a chinntíonn inionadaitheacht na bhfeidhmeanna criticiúla.

(9a)   Chun a áirithiú gur féidir measúnú an tionchair ar an leibhéal réigiúnach a bhunú ar shonraí atá ar fáil ar bhealach comhsheasmhach ar fud an Aontais, ba cheart leibhéal réigiúnach a thuiscint i dtaca le haonaid chríche leibhéal 1 nó leibhéal 2 d’aicmiú comhchoitenn na n-aonad críche maidir le staidreamh (leibhéal NUTS 1 nó 2) laistigh de bhrí Rialachán (CE) Uimh. 1059/2003 ó Pharlaimint na hEorpa agus ón gComhairle(12).

(10)  Sa mheasúnú i dtaobh an bhfuil réiteach institiúide nó eintitis chun leasa an phobail, ba cheart a léiriú go bhfuil cosaint níos fearr ag taisceoirí nuair a bhaintear úsáid níos éifeachtúla as cistí scéimeanna ráthaithe taiscí (‘SRT’) agus nuair a íoslaghdaítear na caillteanais do na cistí sin. Dá bhrí sin, sa mheasúnú ar leas an phobail, ba cheart a mheas gurbh fhearr a bhainfí amach an cuspóir réitigh maidir le taisceoirí a chosaint i gcás réitigh dá mbeadh sé níos costasaí don scéim ráthaithe taiscí an dócmhainneacht a roghnú.

(10a)  I gcás ina mbaineann creataí náisiúnta dócmhainneachta agus réitigh cuspóirí an chreata amach go héifeachtach ar bhealach inchomparáide, ba cheart tús áite a thabhairt don rogha lena n-íoslaghdaítear an riosca do cháiníocóirí agus don gheilleagar. Leis an gcur chuige sin, áirithítear gníomhaíocht stuama fhreagrach, atá ailínithe leis an sprioc uileghabhálach chun leasanna na gcáiníocóirí agus an chobhsaíocht eacnamaíoch níos leithne araon a chosaint.

(11)  Sa mheasúnú i dtaobh an bhfuil réiteach institiúide nó eintitis chun leasa an phobail, ba cheart a léiriú freisin, a mhéid is féidir, an difríocht idir, ar thaobh amháin, cistiú arna sholáthar trí líontáin sábhála arna gcistiú ag an earnáil (socruithe maoinithe réitigh nó SRTanna) agus, ar an taobh eile, cistiú arna sholáthar ag na Ballstáit ó airgead cáiníocóirí. Baineann riosca níos airde de bhaol morálta agus dreasacht níos ísle maidir le smacht margaidh le cistiú arna chur ar fáil ag na Ballstáit. Dá bhrí sin, agus measúnú á dhéanamh ar an gcuspóir an spleáchas ar thacaíocht airgeadais phoiblí urghnách a íoslaghdú, ba cheart go bhfaigheadh an t-údarás réitigh gurbh fhearr cistiú a fháil trí na socruithe maoinithe réitigh nó tríd an SRT, agus níor cheart cistiú trí mhéid comhionann acmhainní ó bhuiséad na mBallstát a bheith san áireamh ach amháin faoi imthosca eisceachtúla.

(11a)   Níor cheart tacaíocht airgeadais urghnách arna cistiú ag cáiníocóirí a dheonú d’institiúidí agus d’eintitis, má dheonaítear in aon chor í, ach amháin chun suaitheadh tromchúiseach de chineál eisceachtúil agus sistéamach sa gheilleagar a leigheas, ós rud é go leagann sí ualach suntasach ar an airgeadas poiblí agus go gcuireann sí isteach ar chothrom na Féinne sa mhargadh inmheánach.

(12)  Chun a áirithiú go mbainfear amach na cuspóirí réitigh ar an mbealach is éifeachtaí, níor cheart toradh an mheasúnaithe ar leas an phobail a bheith diúltach ach amháin i gcás ina bhféadfaí na cuspóirí réitigh a ghnóthú ar bhealach níos éifeachtaí, agus ní hamháin a mhéid céanna a bheadh i gceist le réiteach, tríd an institiúid nó an t-eintiteas atá ag teip a fhoirceannadh de réir gnáthimeachtaí dócmhainneachta.

(12a)  Agus cinneadh á dhéanamh idir réiteach agus leachtú, ba cheart tosaíocht a thabhairt don rogha is lú costas foriomlán. Ba cheart costais éagsúla a chur i gcuntas sa mheasúnú sin, lena n-áirítear na costais sin a bhaineann le híocaíochtaí amach arna ndéanamh ag scéim ráthaithe taiscí, amhail an fad ama a theastaíonn chun sócmhainní a aisghabháil agus an t-ioncam a chaillfear le linn an phróisis. I gcásanna ina léirítear próifílí costais comhchosúla leis na roghanna réitigh agus leachtaithe araon, ba cheart tús áite a thabhairt don rogha a mbaineann níos lú rioscaí comhlachaithe léi don gheilleagar, lena gcuimsítear airgeadas poiblí agus an tionchar ar chobhsaíocht an gheilleagair.

(13)  I gcás nach ndéantar institiúid nó eintiteas atá i mbéal teipthe a chur faoi réiteach, ba cheart é a fhoirceannadh i gcomhréir leis na nósanna imeachta atá ar fáil faoin dlí náisiúnta. D’fhéadfadh nósanna imeachta den sórt sin a bheith an-éagsúil ó Bhallstát go Ballstát. Cé gurb iomchuí solúbthacht leordhóthanach a cheadú chun úsáid a bhaint as na nósanna imeachta náisiúnta atá ann cheana, ba cheart gnéithe áirithe a shoiléiriú chun a áirithiú go n-imeoidh na hinstitiúidí nó na heintitis lena mbaineann ón margadh.

(14)  Ba cheart a áirithiú go dtionscnóidh an t-údarás riaracháin nó breithiúnach náisiúnta ábhartha nós imeachta go pras faoin dlí náisiúnta i gcás ina meastar go bhfuil institiúid nó eintiteas i mbéal teipthe nó gur dóigh di nó dó teip agus nach gcuirtear faoi réiteach é. I gcás ina bhfuil leachtú deonach na hinstitiúide nó an eintitis ar chinneadh ó scairshealbhóirí ar fáil faoin dlí náisiúnta, ba cheart an rogha sin a bheith ar fáil i gcónaí. Mar sin féin, ba cheart a áirithiú, in éagmais gníomhaíocht mhear ó na scairshealbhóirí, go ndéanfaidh an t-údarás náisiúnta riaracháin nó breithiúnach ábhartha gníomhaíocht.

(15)  Ba cheart a leagan síos freisin gurb é toradh deiridh na nósanna imeachta sin go n-imeoidh an institiúid nó an t-eintiteas atá i mbéal teipthe ón margadh nó go gcuirfear deireadh lena ghníomhaíochtaí baincéireachta. Ag brath ar an dlí náisiúnta, is féidir an cuspóir sin a ghnóthú ar bhealaí éagsúla, lena n-áirítear an institiúid nó an t-eintiteas nó codanna de a dhíol, sócmhainní sonracha nó dliteanais shonracha a dhíol, clabhsúr a chur lena ghníomhaíochtaí baincéireachta, lena n-áirítear íocaíochtaí agus glacadh taiscí, de réir a chéile, nó iad a fhoirceannadh d’fhonn a shócmhainní a dhíol de réir a chéile chun na creidiúnaithe dá ndéantar difear a aisíoc. Mar sin féin, chun intuarthacht na nósanna imeachta a fheabhsú, ba cheart an toradh sin a bhaint amach laistigh de thréimhse ama réasúnta.

(16)  Ba cheart a thabhairt de chumhacht do na húdaráis inniúla údarú institiúide nó eintitis a tharraingt siar ar an mbonn go bhfuil an institiúid nó an t-eintiteas i mbéal teipthe nó gur dóigh di nó dó teip agus nár cuireadh faoi réiteach í nó é. Ba cheart d’údaráis inniúla a bheith in ann an t-údarú a tharraingt siar chun tacú leis an gcuspóir an institiúid nó an t-eintiteas a fhoirceannadh i gcomhréir leis an dlí náisiúnta, go háirithe i gcásanna nach féidir na nósanna imeachta atá ar fáil faoin dlí náisiúnta a thionscnamh tráth a chinntear go bhfuil an institiúid nó an t-eintiteas i mbéal teipthe nó gur dóigh di nó dó teip, lena n-áirítear na cásanna nach bhfuil an institiúid nó an t-eintiteas dócmhainneach i gclár comhardaithe go fóill. Chun a áirithiú thairis sin gur féidir an cuspóir a ghnóthú, is é sin an institiúid nó an t-eintiteas a fhoirceannadh, ba cheart do na Ballstáit a áirithiú go mbeidh tarraingt siar an údaraithe ag an údarás inniúil san áireamh freisin sna coinníollacha féideartha faoina dtionscnófar ceann amháin ar a laghad de na nósanna imeachta atá ar fáil faoin dlí náisiúnta agus a mbeidh feidhm leis maidir le hinstitiúidí nó eintitis atá i mbéal teipthe nó ar dóigh dóibh teip ach nach gcuirtear faoi réiteach iad.

(17)  I bhfianaise na taithí a fuarthas agus Treoir 2014/59/AE, Rialachán (AE) Uimh. 806/2014 agus Treoir 2014/49/AE ó Pharlaimint na hEorpa agus ón gComhairle(13) á gcur chun feidhme, is gá na coinníollacha a shonrú tuilleadh faoinar féidir bearta de chineál coisctheach réamhchúraim a cháilíonn mar thacaíocht airgeadais phoiblí urghnách a dheonú go heisceachtúil. Chun íoslaghdú ar an saobhadh iomaíochta a thagann as difríochtaí i gcineál na SRTanna san Aontas, ba cheart, ar bhonn eisceachtúil, idirghabhálacha ó SRTanna a cheadú i gcomhthéacs bearta coisctheacha lena gcomhlíontar Treoir 2014/49/AE agus a cháilíonn mar thacaíocht airgeadais phoiblí urghnách i gcás nach gcomhlíonann an institiúid is tairbhí nó an t-eintiteas is tairbhí aon cheann de na coinníollacha maidir lena mheas go bhfuil siad i mbéal teipthe nó gur dóigh dóibh teip. Ba cheart a áirithiú go ndéanfar bearta réamhchúraim luath go leor. Faoi láthair bunaítear breithniú an Bhainc Cheannais Eorpaigh (BCE) maidir le hinstitiúid nó eintiteas a bheith sócmhainneach, chun críocha an athchaipitlithe réamhchúraim, ar mheasúnú réamhbhreathnaitheach don 12 mhí ina dhiaidh sin féachaint ar féidir nó nach féidir leis an institiúid nó leis an eintiteas na ceanglais cistí dílse a leagtar amach i Rialachán (AE) Uimh. 575/2013 ó Pharlaimint na hEorpa agus ón gComhairle(14) nó i Rialachán (AE) 2019/2033 ó Pharlaimint na hEorpa agus ón gComhairle(15), agus an ceanglas cistí dílse breise a leagtar síos i dTreoir 2013/36/AE nó i dTreoir (AE) 2019/2034, a chomhlíonadh. Ba cheart an cleachtas sin a leagan síos i dTreoir 2014/59/AE. Ina theannta sin, maidir le bearta chun faoiseamh a sholáthar i leith sócmhainní bearnaithe, lena n-áirítear meáin bhainistíochta sócmhainní nó scéimeanna ráthaíochta sócmhainní, is féidir leo a bheith éifeachtach agus éifeachtúil chun aghaidh a thabhairt ar chúiseanna anás airgeadais a d’fhéadfadh a bheith ann d’institiúidí agus d’eintitis agus chun a dteip a chosc agus, dá bhrí sin, d’fhéadfaidís a bheith ina mbearta réamhchúraim ábhartha. Ba cheart a shonrú, dá bhrí sin, go bhféadfadh bearta réamhchúraim den sórt sin a bheith i bhfoirm bearta sócmhainní bearnaithe.

(18)  Chun smacht margaidh a chaomhnú, cistí poiblí a chosaint agus saobhadh iomaíochta a sheachaint, ba cheart bearta réamhchúraim a fhágáil mar eisceacht agus níor cheart iad a chur i bhfeidhm ach amháin chun aghaidh a thabhairt ar chásanna ina bhfuil suaitheadh tromchúiseach sa mhargadh nó chun cobhsaíocht airgeadais a chaomhnú go háirithe i gcás géarchéim shistéamach. Thairis sin, níor cheart bearta réamhchúraim a úsáid chun aghaidh a thabhairt ar chaillteanais thabhaithe nó ar chaillteanais is dóigh a thabhófar. Is athbhreithniú ar cháilíocht sócmhainní ag BCE, ag an Údarás Maoirseachta Eorpach (an tÚdarás Baincéireachta Eorpach) (ÚBE), a bunaíodh le Rialachán (AE) Uimh. 1093/2010 ó Pharlaimint na hEorpa agus ón gComhairle(16) nó ag údaráis inniúla náisiúnta an ionstraim is iontaofa chun caillteanais thabhaithe nó caillteanais is dóigh a thabhófar a shainaithint. Ba cheart d’údaráis inniúla agus do na húdaráis inniúla náisiúnta athbhreithniú den sórt sin a úsáid chun caillteanais thabhaithe nó caillteanais is dóigh a thabhófar a shainaithint i gcás inar féidir athbhreithniú den sórt sin a dhéanamh laistigh de thréimhse ama réasúnta. I gcás nach féidir é sin a dhéanamh, ba cheart d’údaráis inniúla caillteanais thabhaithe nó caillteanais is dóigh a thabhófar a shainaithint ar an mbealach is iontaofa is féidir faoi na himthosca atá ann faoi láthair, bunaithe ar chigireachtaí ar an láthair i gcás inarb iomchuí.

(19)  Is é is aidhm d’athchaipitliú réamhchúraim tacaíocht a thabhairt d’institiúidí agus d’eintitis inmharthana a shainaithnítear gur dócha go mbeidh deacrachtaí sealadacha acu go luath amach anseo agus chun nach rachaidh a gcás in olcas a thuilleadh. Ionas nach ndeonófar fóirdheontais phoiblí do ghnólachtaí atá neamhbhrabúsach cheana féin nuair a dheonaítear an tacaíocht, níor cheart do bhearta réamhchúraim a dheonaítear i bhfoirm éadáil ionstraimí cistí dílse nó ionstraimí caipitil eile nó trí bhearta sócmhainní bearnaithe a bheith níos mó ná an méid is gá chun easnaimh chaipitil a chumhdach mar a sonraíodh i gcás díobhálach de thástáil struis nó de fhreachnamh coibhéiseach. Chun a áirithiú go scoirfear den mhaoiniú poiblí ar deireadh, ba cheart na bearta réamhchúraim sin a theorannú ó thaobh ama de agus ba cheart amlíne shoiléir a bheith iontu chun iad a fhoirceannadh (straitéis(▌chun imeacht ón mbeart tacaíochta). Níor cheart ionstraimí suthaine, lena n-áirítear caipiteal Gnáthchothromas Leibhéal 1, a úsáid ach amháin in imthosca eisceachtúla agus níor cheart iad a bheith faoi réir teorainneacha cainníochtúla áirithe toisc nach bhfuil siad oiriúnach, de bharr a gcineáil, chun coinníoll na tréimhse sealadaí a chomhlíonadh.

(20)  Ba cheart bearta réamhchúraim a theorannú don mhéid a bheadh de dhíth ar an institiúid nó ar an eintiteas chun a sócmhainneacht a choinneáil ar bun i gcás díobhálach mar a chinntear i dtástáil struis nó i bhfreachnamh coibhéiseach é. I gcás bearta réamhchúraim i bhfoirm bearta sócmhainní bearnaithe, ba cheart an institiúid nó an t-eintiteas is faighteoir a bheith in ann an méid sin a úsáid chun caillteanais ar na sócmhainní aistrithe a chumhdach nó i gcomhcheangal le héadáil ionstraimí caipitil, ar choinníoll nach sárófar méid foriomlán an easnaimh arna shainaithint. Is gá a áirithiú freisin go gcomhlíonfaidh bearta réamhchúraim den sórt sin i bhfoirm bearta sócmhainní bearnaithe na rialacha agus na cleachtais is fearr atá ann cheana maidir le Státchabhair, go n-athbhunóidh siad inmharthanacht fhadtéarmach na hinstitiúide nó an eintitis, go mbeidh státchabhair teoranta don mhéid is lú is gá agus go seachnófar saobhadh ar an iomaíocht. Ar na cúiseanna sin, ba cheart do na húdaráis lena mbaineann, i gcás bearta réamhchúraim i bhfoirm bearta sócmhainní bearnaithe, an treoraíocht shonrach a chur san áireamh, lena n-áirítear Treoirphlean AMC(17) agus an Teachtaireacht maidir le Dul i nGleic le hIasachtaí Neamhthuillmheacha(18). Na bearta réamhchúraim sin, i bhfoirm bearta sócmhainní bearnaithe, ba cheart iad a bheith faoi réir coinníoll sáraitheach ama i gcónaí. Le ráthaíochtaí poiblí a dheonaítear ar feadh tréimhse shonraithe i ndáil le sócmhainní bearnaithe na hinstitiúide nó an eintitis lena mbaineann, meastar go n-áiritheofar go gcomhlíonfar an coinníoll ama ar bhealach níos fearr ná sa chás ina n-aistreofaí sócmhainní den sórt sin chuig eintiteas a fhaigheann tacaíocht phoiblí. Chun a áirithiú maidir le hinstitiúidí a fhaigheann tacaíocht go gcomhlíonann siad téarmaí an bhirt tacaíochta, ba cheart do na húdaráis inniúla plean feabhsúcháin a iarraidh ar na hinstitiúidí ar theip orthu a gceangaltais díomhaoine a chomhlíonadh. I gcas ina bhfuil údarás inniúil den tuairim nach n-éireoidh leis na bearta sa phlean feabhsúcháin marthanacht fhadtéarmach na hinstitiúide a ghnóthú nó i gcás inar theip ar an institiúid an plean feabhsúcháin a chomhlíonadh, ba cheart do na húdaráis ábhartha measúnú a dhéanamh féachaint an bhfuil an institiúid i mbéal teipthe nó ar dóigh di teip, i gcomhréir le hAirteagal 32 de Threoir 2014/59/AE.

(21)  Chun sáruithe ábhartha ar cheanglais stuamachta a chumhdach, is gá na coinníollacha a shonrú a thuilleadh chun a chinneadh go bhfuil cuideachtaí sealbhaíochta i mbéal teipthe nó ar dóigh dóibh teip. Ba cheart sárú ábhartha a bheith déanta ag cuideachta sealbhaíochta ar na ceanglais sin i gcás ina bhfuil cineál agus méid an tsáraithe sin inchomparáide le sárú a thabharfadh údar cuí don údarás inniúil an t-údarú a tharraingt siar i gcomhréir le hAirteagal 18 de Threoir 2013/36/AE dá mba institiúid chreidmheasa a dhéanfadh é.

(22)  D’fhéadfadh sé go mbeadh cumhachtaí ag na Ballstáit, faoina ndlíthe náisiúnta, oibleagáidí íocaíochta nó seachadta a chur ar fionraí, oibleagáidí a bhféadfadh taiscí incháilithe a bheith san áireamh iontu. I gcás nach mbeidh baint dhíreach ag fionraí na n-oibleagáidí íocaíochta nó seachadta le cúinsí airgeadais na hinstitiúide creidmheasa, ní fhéadfar nach mbeidh taiscí ar fáil chun críocha Threoir 2014/49/AE. Mar thoradh air sin, d’fhéadfadh sé nach mbeadh taisceoirí in ann rochtain a fháil ar a gcuid taiscí ar feadh i bhfad. Chun iontaoibh agus muinín na dtaisceoirí in earnáil na baincéireachta a chothabháil agus cobhsaíocht airgeadais a chothabháil, ba cheart do na Ballstáit a áirithiú go mbeidh rochtain ag taisceoirí ar shuim iomchuí laethúil óna dtaiscí, chun an costas maireachtála a chumhdach, go háirithe, i gcás nach mbeadh rochtain ar a dtaiscí mar gheall ar íocaíochtaí a bheith curtha ar fionraí ar chúiseanna eile seachas as a leanann eisíocaíocht le taisceoir. Ba cheart go leanfadh nós imeachta den sórt sin de bheith eisceachtúil, agus ba cheart do na Ballstáit a áirithiú go mbeidh rochtain ag taisceoirí ar mhéideanna laethúla iomchuí.

(23)  Chun an deimhneacht dhlíthiúil a mhéadú, agus i bhfianaise ábharthacht fhéideartha na ndliteanas a d’fhéadfadh teacht as teagmhais neamhchinnte amach anseo, lena n-áirítear toradh dlíthíochtaí atá ar feitheamh tráth an réitigh, is gá a leagan síos mar ba cheart na dliteanais sin a láimhseáil chun an uirlis tarrthála inmheánaí a chur i bhfeidhm. Maidir leis sin, na treoirphrionsabail dá bhforáiltear sna rialacha cuntasaíochta, agus go háirithe na rialacha cuntasaíochta a leagtar síos i gCaighdeán Idirnáisiúnta Cuntasaíochta 37 faoi mar a glacadh iad i Rialachán (CE) Uimh. 1126/2008 ón gCoimisiún(19), ba cheart glacadh leo siúd mar na treoirphrionsabail. Ar an mbonn sin, ba cheart do na húdaráis réitigh idirdhealú a dhéanamh idir soláthairtí agus dliteanais theagmhasacha. Is dliteanais iad soláthairtí a bhaineann le heis-sreabhadh dóchúil cistí, dliteanais is féidir a mheas go hiontaofa. Ní aithnítear dliteanais theagmhasacha mar dhliteanais chuntasaíochta mar go mbaineann siad le hoibleagáid nach féidir a mheas mar oibleagáid dhóchúil tráth an mheastacháin nó nach féidir a mheas go hiontaofa.

(24)  Ós rud é gur dliteanais chuntasaíochta iad na soláthairtí, ba cheart a shonrú go gcaithfear leis na forálacha sin ar an gcaoi chéanna a láimhseáiltear dliteanais eile. Ba cheart bheith in ann tarrtháil inmheánach a thabhairt ar fhorálacha den sórt sin, ach amháin má chomhlíonann siad ceann de na critéir shonracha lena n-eisiamh ó raon feidhme na huirlise tarrthála inmheánaí. I bhfianaise ábharthacht fhéideartha na bhforálacha sin i gcás réitigh agus chun cinnteacht a áirithiú i gcur i bhfeidhm na huirlise tarrthála inmheánaí, ba cheart a shonrú gur cuid de na dliteanais ar féidir tarrtháil inmheánach a thabhairt orthu iad na forálacha agus, mar thoradh air sin, go bhfuil feidhm ag an uirlis tarrthála inmheánaí maidir leo. Ba cheart a áirithiú freisin, tar éis chur i bhfeidhm na huirlise tarrthála inmheánaí, go gcaithfear leis na dliteanais sin agus le haon oibleagáidí nó éilimh a eascraíonn astu mar dhliteanais a urscaoileadh chun gach críche. Tá an méid sin ábhartha go háirithe maidir le dliteanais agus oibleagáidí a eascraíonn as éilimh bhreithiúnacha in aghaidh na hinstitiúide faoi réiteach.

(25)  De réir phrionsabail na cuntasaíochta, ní féidir dliteanais theagmhasacha a aithint mar dhliteanais agus níor cheart, dá bhrí sin, gur féidir tarrtháil inmheánach a thabhairt orthu. Is gá a áirithiú, áfach, nach ndéanfaidh dliteanas teagmhasach a d’eascródh as teagmhas atá neamhdhóchúil nó nach féidir a mheas go hiontaofa tráth an réitigh dochar d’éifeachtacht na straitéise réitigh agus go háirithe d’éifeachtacht na huirlise ar féidir tarrtháil inmheánach a thabhairt uirthi. Chun an cuspóir sin a bhaint amach, ba cheart don luachálaí, mar chuid den luacháil chun críoch réitigh, measúnú a dhéanamh ar dhliteanais theagmhasacha a áirítear i gclár comhardaithe na hinstitiúide faoi réiteach agus luach féideartha na ndliteanas sin a chainníochtú de réir chumas an luachálaí. Chun a áirithiú gur féidir leis an institiúid nó leis an eintiteas, tar éis an phróisis réitigh, muinín mhargaidh leordhóthanach a chothú ar feadh tréimhse iomchuí ama, ba cheart don luachálaí an luach ionchasach sin a chur san áireamh nuair a bheidh an méid á shuíomh faoinar gá dliteanais ar féidir tarrtháil inmheánach a thabhairt orthu a dhíluacháil nó a chomhshó chun cóimheasa caipitil na hinstitiúide faoi réiteach a athbhunú. Go háirithe, ba cheart don údarás réitigh a chumhachtaí comhshó a chur i bhfeidhm maidir le dliteanais ar féidir tarrtháil inmheánach a thabhairt orthu a mhéid is gá chun a áirithiú gur leor athchaipitliú na hinstitiúide faoi réiteach chun caillteanais a chumhdach a d’fhéadfadh a bheith mar thoradh ar dhliteanas a d’fhéadfadh teacht chun cinn mar gheall ar theagmhas neamhdhóchúil. Agus measúnú á dhéanamh ar an méid atá le díluacháil nó le comhshó, ba cheart don údarás réitigh breithniú cúramach a dhéanamh ar thionchar an chaillteanais a d’fhéadfadh a bheith ann ar an institiúid faoi réiteach bunaithe ar roinnt tosca, lena n-áirítear an dóchúlacht go dtiocfaidh an teagmhas chun cinn, an creat ama dá theacht chun cinn agus méid an dliteanais theagmhasaigh.

(26)  I gcúinsí áirithe, tar éis don socrú um maoiniú réitigh ranníocaíocht suas le huasmhéid 5 % de dhliteanais iomlána na hinstitiúide nó an eintitis, lena n-áirítear cistí dílse, a chur ar fáil, féadfaidh na húdaráis réitigh foinsí breise cistiúcháin a úsáid chun tuilleadh tacaíochta a thabhairt dá ngníomhaíocht réitigh. Ba cheart é a shonrú ar bhealach níos soiléire maidir leis na himthosca ina bhféadfaidh an socrú um maoiniú réitigh tacaíocht bhreise a sholáthar i gcás ina ndearnadh gach dliteanas ag a bhfuil rangú tosaíochta níos ísle ná taiscí, nach n-eisiatar go héigeantach nó go discréideach ón tarrtháil inmheánach a dhíluacháil nó a chomhshó ina n-iomláine.

(27)  Le Rialachán (AE) 2019/876 ó Pharlaimint na hEorpa agus ón gComhairle(20), Rialachán (AE) 2019/877 ó Pharlaimint na hEorpa agus ón gComhairle(21) agus Treoir (AE) 2019/879 ó Pharlaimint na hEorpa agus ón gComhairle(22), cuireadh chun feidhme san Aontas ‘Bileog Téarmaí na hAcmhainneachta Ionsúcháin Caillteanais Iomláine (TLAC)’ arna foilsiú ag an mBord um Chobhsaíocht Airgeadais an 9 Samhain 2015 (‘caighdeán TLAC’), le haghaidh bainc a bhfuil tábhacht shistéamach dhomhanda leo, dá dtagraítear i ndlí an Aontais mar institiúidí a bhfuil tábhacht shistéamach dhomhanda leo (G-SIIanna). Le Rialachán (AE) 2019/877 agus le Treoir (AE) 2019/879, 'leasaíodh an ICDI a leagtar síos i dTreoir 2014/59/AE agus i Rialachán (AE) Uimh. 806/2014. Is gá na forálacha i dTreoir 2014/59/AE maidir le ICDI a ailíniú le cur chun feidhme chaighdeán TLAC do G-SIInna maidir le dliteanais áirithe a d’fhéadfaí a úsáid chun an chuid den ICDI a chomhlíonadh ar cheart í a chomhlíonadh le cistí dílse agus le dliteanais fho-ordaithe eile. Go háirithe, ba cheart dliteanais a rangaítear pari passu le dliteanais eisiata áirithe a áireamh i gcistí dílse agus in ionstraimí incháilithe fo-ordaithe na n-eintiteas réitigh i gcás nach mó méid na ndliteanas eisiata sin ar chlár comhardaithe an eintitis réitigh ná 5 % de mhéid chistí dílse agus dhliteanais incháilithe an eintitis réitigh agus nach n-eascraíonn aon riosca a bhaineann leis an bprionsabal ‘gan creidiúnaí ar bith níos measa as’ ón gcuimsiú sin.

(28)  Tá na rialacha maidir leis an ICDI a chinneadh dírithe den chuid is mó ar leibhéal iomchuí an ICDI a shocrú agus glacadh leis gurb í an uirlis tarrthála inmheánaí an straitéis réitigh tosaíochta. Mar sin féin, le Treoir 2014/59/AE, ceadaítear d’údaráis réitigh uirlisí réitigh eile a úsáid, is é sin le rá, iad siúd atá ag brath ar aistriú ghnó na hinstitiúide faoi réiteach chuig ceannaitheoir príobháideach nó chuig droichead-institiúid. Dá bhrí sin, i gcás ina mbeartaítear sa phlean réitigh úsáid a bhaint as an uirlis díolta gnó nó as an uirlis droichead-institiúide▌, go neamhspleách nó in éineacht le huirlisí réitigh eile. ba cheart do na húdaráis réitigh leibhéal ICDI an eintitis réitigh lena mbaineann a chinneadh ar bhonn shainiúlachtaí na n-uirlisí réitigh sin agus ar bhonn na riachtanas ionsúcháin caillteanais agus athchaipitliúcháin éagsúla atá i gceist leis na huirlisí sin.

(29)  Suim mhéid na gcaillteanas a bhfuil coinne leo i gcás réitigh agus an méid athchaipitliúcháin lenar féidir leis an eintiteas réitigh leanúint dá choinníollacha maidir le húdarú a chomhlíonadh, agus a chur ar a chumas leanúint dá ghníomhaíochtaí a shaothrú ar feadh na tréimhse iomchuí, sin é leibhéal an ICDI d’eintitis réitigh. Le straitéisí réitigh tosaíochta áirithe, go háirithe an uirlis díolta gnó, déantar sócmhainní, cearta agus dliteanais a aistriú chuig faighteoir▌. Sna cásanna sin, d’fhéadfadh sé nach mbeadh feidhm ag na cuspóirí arna saothrú ag an gcomhpháirt athchaipitliúcháin a mhéid céanna toisc nach mbeidh ceangal ar an údarás réitigh a áirithiú go ndéanfaidh an t-eintiteas réitigh a cheanglais cistí dílse a chomhlíonadh arís tar éis gníomhaíocht réitigh. Mar sin féin, meastar go sáróidh na caillteanais sna cásanna sin ceanglais cistí dílse an eintitis réitigh. Dá bhrí sin, is iomchuí a leagan síos go leanfaidh leibhéal ICDI na n-eintiteas réitigh sin de mhéid athchaipitliúcháin a chur san áireamh, méid a choigeartófar ar bhealach atá i gcomhréir leis an straitéis réitigh.

(30)  I gcás ina bhfuil sé beartaithe sa straitéis réitigh uirlisí réitigh seachas tarrtháil inmheánach a úsáid go heisiach, is gnách go mbeidh riachtanais athchaipitliúcháin an eintitis lena mbaineann níos lú tar éis réitigh ná mar a bheadh i gcás tarrtháil inmheánach bainc oscailte. I gcás den sórt sin i dtaca le ICDI a chalabrú, ba cheart an ghné sin a chur san áireamh agus an ceanglas athchaipitliúcháin á mheas. Dá bhrí sin, agus coigeartú á dhéanamh aige ar leibhéal an ICDI d’eintitis réitigh, a bhfuil sé beartaithe ina bplean réitigh go mbainfear úsáid as an uirlis díolta gnó nó as an uirlis droichead-institiúide▌, go neamhspleách nó in éineacht le huirlisi reitigh eile, ba cheart do na húdaráis réitigh gnéithe na n-uirlisí sin a chur san áireamh, lena n-áirítear imlíne ionchasach an aistrithe chuig an gceannaitheoir príobháideach nó chuig an droichead-institiúid, na cineálacha ionstraimí a bheidh le haistriú, luach ionchasach agus indíoltacht na n-ionstraimí sin, agus dearadh na straitéise réitigh tosaíochta, lena n-áirítear úsáid chomhlántach na huirlise deighilte sócmhainní. Ós rud é go gcaithfidh an t-údarás réitigh cinneadh a dhéanamh ar bhonn cás ar chás ar aon úsáid a d’fhéadfaí a bhaint as cistí ón SRT i gcás réitigh agus ós rud é nach féidir glacadh leis an gcinneadh sin go cinnte ex ante, níor cheart do na húdaráis réitigh ranníocaíocht fhéideartha an SRT a chur san áireamh i gcás réitigh agus leibhéal an ICDI á chalabrú.

▌

(32)  Tá idirghníomhaíochtaí idir an creat réitigh agus an creat maidir le drochúsáid mhargaidh. Go háirithe, cé go bhféadfadh gníomhaíochtaí a dhéantar mar ullmhúchán don réiteach cáiliú mar fhaisnéis ón taobh istigh faoi Rialachán (AE) Uimh. 596/2014 ó Pharlaimint na hEorpa agus ón gComhairle(23), tá an riosca ann go gcuirfeadh a nochtadh anabaí an próiseas réitigh i mbaol. Is féidir le hinstitiúidí atá faoi réiteach bearta a dhéanamh chun aghaidh a thabhairt ar an tsaincheist sin trí mhoill a iarraidh ar nochtadh faisnéise ón taobh istigh faoi Airteagal 17(5) de Rialachán (AE) Uimh. 596/2014. Mar sin féin, d’fhéadfadh sé nach mbeadh na dreasachtaí cearta i láthair i gcónaí tráth an ullmhúcháin don réiteach ionas gur féidir leis an institiúid faoi réiteach tabhairt faoi iarraidh den sórt sin a dhéanamh. Chun cásanna den sórt sin a sheachaint, ba cheart an chumhacht a bheith ag na húdaráis réitigh moill a iarraidh go díreach ar nochtadh faisnéise ón taobh istigh de bhun Airteagal 17(5) de Rialachán (AE) Uimh. 596/2014 thar ceann institiúide faoi réiteach.

(33)  Chun éascaíocht a dhéanamh do phleanáil réitigh, do mheasúnú a dhéanamh ar inréiteacht agus d’fheidhmiú na cumhachta chun aghaidh a thabhairt ar bhaic ar inréiteacht nó chun deireadh a chur leo chomh maith le malartú faisnéise a chothú, ba cheart d’údarás réitigh institiúide a bhfuil brainsí suntasacha aici i mBallstáit eile coláiste réitigh a bhunú agus cathaoirleacht a dhéanamh air.

(34)  Tar éis na tréimhse tosaigh ina ndéantar na socruithe um maoiniú réitigh dá dtagraítear in Airteagal 102(1) de Threoir (AE) 2014/59 a bhunú, d’fhéadfadh laghduithe beaga faoi bhun a spriocleibhéil teacht ar a n-acmhainní airgeadais faoi seach atá ar fáil dóibh, go háirithe mar thoradh ar mhéadú ar thaiscí cumhdaithe. Is dócha, dá bhrí sin, gur beag méid na ranníocaíochtaí ex-ante is dócha a ghlaofar sna cúinsí sin. D’fhéadfadh sé, dá bhrí sin, sna blianta romhainn amach, nach mbeadh méid na ranníocaíochtaí ex ante sin i gcomhréir a thuilleadh leis an gcostas a bhaineann leis na ranníocaíochtaí sin a bhailiú. Dá bhrí sin, ba cheart go mbeadh na húdaráis réitigh in ann bailiú na ranníocaíochtaí ex ante a chur siar ar feadh suas le trí bliana go dtí go sroichfidh an méid atá le bailiú méid atá comhréireach le costas an phróisis bailiúcháin, ar choinníoll nach ndéanfaidh iarchur den sórt sin difear ábhartha do chumas na n-údarás réitigh socruithe um maoiniú réitigh a úsáid.

(35)  Tá gealltanais íocaíochta neamh-inchúlghairthe ar cheann de chomhpháirteanna na n-acmhainní airgeadais atá ar fáil do shocruithe um maoiniú réitigh. Is gá, dá bhrí sin, na cúinsí a shonrú ina bhféadfar na gealltanais íocaíochta sin a ghlaoch, agus an nós imeachta is infheidhme nuair a bheidh na gealltanais á bhfoirceannadh i gcás ina scoirfidh institiúid nó eintiteas de bheith faoi réir na hoibleagáide ranníocaíochtaí a íoc le socrú um maoiniú réitigh. Ina theannta sin, chun níos mó trédhearcachta agus cinnteachta a sholáthar maidir le sciar na ngealltanas íocaíochta neamh-inchúlghairthe i méid iomlán na ranníocaíochtaí ex ante atá le tiomsú, ba cheart don Bhord an sciar sin a chinneadh ar bhonn bliantúil, faoi réir na dteorainneacha is infheidhme.

(36)  Uasmhéid bliantúil na ranníocaíochtaí ex post urghnácha le socruithe um maoiniú réitigh a cheadaítear a ghlaoch, tá sé teoranta faoi láthair do thrí oiread na ranníocaíochtaí ex ante. Tar éis na tréimhse tiomargtha tosaigh dá dtagraítear in Airteagal 102(1) de Threoir 2014/59/AE, ní bheidh na ranníocaíochtaí ex ante sin ag brath ach amháin, i gcúinsí eile seachas úsáid na socruithe um maoiniú réitigh a úsáid, ar athruithe ar leibhéal na dtaiscí cumhdaithe agus is dócha, dá bhrí sin, go n-éireoidh siad beag. Dá mbunófaí uasmhéid na ranníocaíochtaí ex post urghnácha ar ranníocaíochtaí ex ante, d’fhéadfaí teorainn mhór a chur leis an deis atá ag na socruithe um maoiniú réitigh ranníocaíochtaí ex post a thiomsú, agus ar an gcaoi sin a gcumas gníomhaíochta a laghdú. Chun an toradh sin a sheachaint, ba cheart teorainn dhifriúil a leagan síos agus ba cheart uasmhéid na ranníocaíochtaí ex post úrghnácha a cheadaítear glaoch orthu a shocrú ag trí oiread an ochtú cuid de spriocleibhéal an tsocraithe um maoiniú réitigh lena mbaineann.

(37)  Le Treoir 2014/59/AE, rinneadh comhchuibhiú i bpáirt ar rangú taiscí faoi dhlíthe náisiúnta lena rialaítear gnáthimeachtaí dócmhainneachta. Rinneadh foráil leis na rialacha sin maidir le rangú trí leibhéal na dtaiscí, ina raibh an rangú tosaíochta is airde ag taiscí cumhdaithe, agus ina dhiaidh sin taiscí incháilithe daoine nádúrtha agus micrifhiontair, fiontar beag agus meánmhéide atá os cionn an leibhéil chumhdaigh. Maidir leis na taiscí eile atá fágtha, i.e. taiscí corparáidí móra a sháraíonn an leibhéal cumhdaigh agus taiscí nach bhfuil incháilithe le haghaidh aisíocaíochta ag an SRT, ceanglaíodh rangú tosaíochta níos ísle a bheith acu, ach níor comhchuibhíodh a n-ionad ar shlí eile. Ar deireadh, bhain éilimh SRTanna tairbhe as an rangú tosaíochta céanna agus a bhí ag taiscí cumhdaithe. Mar sin féin, níor chruthaigh sé sin gurb é an réiteach is fearr le haghaidh cosaint taisceoirí. Chruthaigh comhchuibhiú páirteach difríochtaí sa chaoi a gcaitear leis na taisceoirí atá fágtha ar fud na mBallstát, go háirithe ós rud é go bhfuil méadú ag teacht ar líon na mBallstát a bhfuil cinneadh déanta acu tosaíocht dhlíthiúil a thabhairt do na taiscí atá fágtha. Chruthaigh na difríochtaí sin deacrachtaí freisin agus cinneadh á dhéanamh maidir le frithfhíorasach dócmhainneachta do ghrúpaí trasteorann le linn na luachálacha réitigh. Thairis sin, ▌bhí sé d’acmhainn ag an rangú trí chiseal ar éilimh taisceoirí fadhbanna a chruthú maidir le comhlíonadh an phrionsabail ‘gan creidiúnaí ar bith a bheith níos measa as’, go háirithe i gcás ina ndearnadh na taiscí nach raibh a dtosaíocht comhchuibhithe le Treoir 2014/59/AE a rangú ar an leibhéal céanna le héilimh shinsearacha. Ar deireadh, mar gheall ar an rangú ardtosaíochta a tugadh do na SRTanna, níorbh fhéidir na modhanna maoiniúcháin a bhí ar fáil do na scéimeanna sin a úsáid ar bhealach níos éifeachtúla agus níos éifeachtaí le linn idirghabhálacha seachas íoc amach taiscí faoi chumhdach i gcás dócmhainneachta, is é sin le rá i gcomhthéacs réitigh, bearta malartacha dócmhainneachta nó bearta coisctheacha. Ní bhraitheann cosaint taiscí faoi chumhdach ar rangú tosaíochta éilimh an SRT ach áirithítear í ina ionad sin trí na heisiaimh éigeantacha ón tarrtháil inmheánach i gcás réitigh agus trí aisíocaíocht phras ón SRT i gcás nach mbeidh taiscí ar fáil. Dá bhrí sin, ba cheart rangú na dtaiscí in ordlathas reatha na n-éileamh a leasú.

(37a)  Ní hamháin go bhfeabhsaítear inrochtaineacht SRT agus an ciste réitigh aonair leis an modhnú ar rangú creidiúnaithe seachas le tacaíocht phoiblí a úsáid, ach is amhlaidh a réitítear an tslí freisin do réitigh a bheidh níos éifeachtaí ó thaobh airgeadais de maidir le hinstitiúidí airgeadais a réiteach. Ba cheart, ina dhiaidh sin, go laghdófaí na costais do cháiníocóirí agus go gcuirfí úsáid éifeachtúil uirlisí éagsúla chun cinn atá in éiceachóras airgeadais an Aontais cheana féin.

(38)  Ba cheart comhchuibhiú iomlán a dhéanamh ar rangú ▌na dtaiscí trí chur chuige dhá leibhéal a chur chun feidhme ▌faoina ▌dtairbheodh taiscí daoine nádúrtha agus micrifhiontar agus fiontar beag agus meánmhéide de rangú tosaíochta níos airde ná taiscí incháilithe fiontar mór agus rialtas lárnach agus réigiúnach. Ceapadh an cur chuige cisealta sin chun cosaint fheabhsaithe a chur ar fáil do réimse leathan taisceoirí, rud a léiríonn saintréithe uathúla a dtaiscí, agus an deis chun réiteach a chruthú d’eintitis nach gcumhdaítear leis an gcreat reatha. San am céanna, ba cheart úsáid na scéimeanna ráthaithe taiscí i gcas réitigh, i ndócmhainneacht agus i mbearta coisctheacha a bheith fós faoi réir chomhlíonadh na coinníollachta ábhartha, go háirithe an ‘tástáil ar an gcostas is lú’ mar a thugtar air.

▌

(41)  Maidir leis na hathruithe ar rangú tosaíochta▌, ní bheadh tionchar diúltach acu ar an gcosaint a thugtar do thaiscí faoi chumhdach i gcás teipe, ós rud é go leanfaí den chosaint sin a ráthú trí thaiscí cumhdaithe a eisiamh go héigeantach ó ghlacadh le caillteanas i gcás réitigh agus, ar deireadh, tríd an íocaíocht amach arna soláthar ag an SRT i gcás nach mbeadh taiscí ar fáil.

(42)  Is féidir socruithe um maoiniú aonair a úsáid chun tacú le cur i bhfeidhm na huirlise díolta gnó nó na huirlise droichead-institiúide, sa chaoi go n-aistrítear tacar sócmhainní, ceart agus dliteanas de chuid na hinstitiúide faoi réiteach chuig faighteoir. Sa chás sin, féadfaidh an socrú um maoiniú réitigh éileamh a bheith aige in aghaidh na hinstitiúide iarmharaí nó an eintitis iarmharaigh ina fhoirceannadh ina dhiaidh sin faoi ghnáthimeachtaí dócmhainneachta. D’fhéadfadh sin tarlú i gcás ina n-úsáidtear an socrú um maoiniú réitigh i ndáil le caillteanais a d’iompródh creidiúnaithe murach sin, lena n-áirítear i bhfoirm ráthaíochtaí do shócmhainní agus do dhliteanais, nó i bhfoirm chumhdach na difríochta idir na sócmhainní agus na dliteanais arna n-aistriú. Chun a áirithiú go ndéanfaidh na scairshealbhóirí agus na creidiúnaithe a bheidh fágtha ar lár san institiúid iarmharach nó san eintiteas iarmharach caillteanais na hinstitiúide faoi réiteach a iompar go héifeachtach agus feabhas a chur ar an bhféidearthacht aisíocaíochtaí i gcás dócmhainneachta a dhéanamh ar an líontán sábhála a bhaineann go sonrach le réiteach, ba cheart na héilimh sin sa socrú um maoiniú réitigh in aghaidh na hinstitiúide iarmharaí nó an eintitis iarmharaigh, agus éilimh a eascraíonn as speansais réasúnacha arna dtabhú i gceart, a rangú i gcás dócmhainneachta os cionn éilimh taiscí agus SRT. Ós rud é go bhfuil sé d’aidhm ag an gcúiteamh a íoctar le scairshealbhóirí agus le creidiúnaithe trí shocruithe um maoiniú réitigh i ngeall ar sháruithe ar an bprionsabal ‘gan creidiúnaí ar bith níos measa as’ torthaí na gníomhaíochta réitigh a chúiteamh, níor cheart éilimh na socruithe sin a bheith ag éirí as an gcúiteamh sin.

(43)  Chun solúbthacht leordhóthanach a áirithiú agus chun idirghabhálacha SRT a éascú chun tacú le húsáid na n-uirlisí réitigh, ▌i gcás inar gá chun cosc a chur ar thaisceoirí caillteanais a fhulaingt, ba cheart gnéithe áirithe d’úsáid SRT i gcás réitigh a shonrú. Go háirithe, is gá a shonrú gur féidir an SRT a úsáid chun tacú le hidirbhearta aistrithe lena n-áirítear taiscí, lena n-áirítear taiscí incháilithe thar an leibhéal cumhdaigh arna soláthar ag an SRT, agus taiscí atá eisiata ó aisíocaíocht ó SRT, i gcásanna áirithe agus faoi choinníollacha soiléire. Ba cheart ranníocaíocht an SRT a bheith dírithe ar an easnamh i luach na sócmhainní arna n-aistriú chuig ceannaitheoir nó droichead-institiúid a chumhdach i gcomparáid le luach na dtaiscí aistrithe. I gcás ina n-éileoidh an ceannaitheoir ranníocaíocht mar chuid den idirbheart chun a neodracht chaipitil a áirithiú agus chun comhlíonadh cheanglais chaipitil an cheannaitheora a chaomhnú, ba cheart go mbeadh cead ag an SRT rannchuidiú chuige sin freisin. Ba cheart tacaíocht an SRT don ghníomhaíocht réitigh a bheith i bhfoirm airgid thirim nó foirmeacha eile, mar atá ráthaíochtaí nó comhaontuithe roinnte caillteanais a d’fhéadfadh tionchar na tacaíochta ar na hacmhainní airgeadais atá ar fáil ag an SRT a íoslaghdú agus, san am céanna, d’fhéadfadh sé ligean do ranníocaíocht an SRT a chuspóirí a chomhlíonadh.

(44)  Ba cheart ranníocaíocht an SRT i gcás réitigh a bheith faoi réir teorainneacha áirithe. Ar an gcéad dul síos, ba cheart go n-áireofaí nach sáróidh aon chaillteanas a d’fhéadfadh SRT a fhulaingt mar thoradh ar idirghabháil i gcás réitigh an caillteanas a sheasfadh SRT i gcás dócmhainneachta, dá n-íocfadh sé amach le taisceoirí faoi chumhdach agus dá ndéanfadh sé a n-éilimh a ionadú thar shócmhainní na hinstitiúide. Ba cheart an méid sin a chinneadh ar bhonn na tástála is lú costas, i gcomhréir leis na critéir agus leis an modheolaíocht a leagtar amach i dTreoir 2014/49/AE, agus na tosca ábhartha uile á gcur i gcuntas, lena n-áirítear amluach an airgid chomh maith le moilleanna ar ghnóthú cistí in imeachtaí dócmhainneachta. Na critéir agus an mhodheolaíocht sin, ba cheart iad a úsáid freisin agus cinneadh á dhéanamh faoin dóigh a gcaithfí leis an SRT i gcás ina dtionscnódh an institiúid gnáthimeachtaí dócmhainneachta agus an luacháil ex-post á déanamh aici chun measúnú a dhéanamh ar chomhlíonadh an phrionsabail ‘gan creidiúnaí ar bith a bheith níos measa as’ agus chun aon chúiteamh atá dlite don SRT a chinneadh. Ar an dara dul síos, maidir le méid ranníocaíocht an SRT arb é is aidhm di an difríocht idir na sócmhainní agus na dliteanais atá le haistriú chuig ceannaitheoir nó chuig droichead-institiúid a chumhdach, níor cheart é a bheith níos mó ná an difríocht idir na sócmhainní aistrithe agus na taiscí agus na dliteanais arna n-aistriú ag a bhfuil an rangú dócmhainneachta céanna nó tosaíocht níos airde ná na taiscí sin. D’áiritheodh an méid sin nach n-úsáidfaí ranníocaíocht an SRT ach amháin ar mhaithe le forchur caillteanais ar thaisceoirí a sheachaint, i gcás inarb iomchuí, agus ní ar mhaithe le cosaint creidiúnaithe atá rangaithe níos ísle ná taiscí i gcás dócmhainneachta. Mar sin féin, maidir le suim ranníocaíocht an SRT chun an difríocht idir sócmhainní agus dliteanais a chumhdach le ranníocaíocht an SRT le cistí dílse an eintitis is faighteoir, níor cheart í a bheith níos mó ná an costas a bhaineann le taisceoirí faoi chumhdach a aisíoc arna ríomh faoin tástáil ar an gcostas is lú.

(45)  Ba cheart a shonrú nach bhféadfaidh an SRT ranníocaíocht a dhéanamh le haistriú dliteanas seachas taiscí cumhdaithe i gcomhthéacs réitigh ach amháin má chinneann an t-údarás réitigh nach féidir tarrtháil inmheánach a dhéanamh ar thaiscí seachas taiscí cumhdaithe, ná a fhágáil san institiúid iarmharach faoi réiteach a dhéanfar a fhoirceannadh. Go háirithe, ba cheart cead a bheith ag an údarás réitigh leithdháileadh caillteanas ar na taiscí sin a sheachaint i gcás inar gá an eisiamh sin agus i gcás ina bhfuil sí comhréireach chun comhleanúnachas feidhmeanna criticiúla agus croílínte gnó a chaomhnú agus chun tógálacht fhorleathan agus éagobhsaíocht airgeadais a sheachaint, rudaí a d’fhéadfadh a bheith ina gcúis le suaitheadh tromchúiseach i ngeilleagar an Aontais nó i ngeilleagar Ballstáit. Ba cheart feidhm a bheith ag na cúiseanna céanna maidir le dliteanais ar féidir tarrtháil inmheánach a thabhairt orthu a chur san áireamh san aistriú chuig ceannaitheoir nó chuig droichead-institiúid a bhfuil tosaíocht acu atá níos ísle ná rangú taiscí. Sa chás sin, níor cheart go dtacódh ranníocaíocht an SRT le haistriú na ndliteanas sin ar féidir tarrtháil inmheánach a thabhairt orthu. Más gá aon tacaíocht airgeadais d’aistriú na ndliteanas sin ar féidir tarrtháil inmheánach a thabhairt orthu, ba cheart an tacaíocht sin a sholáthar leis an socrú um maoiniú réitigh.

(46)  I bhfianaise na féidearthachta SRT a úsáid i gcás réitigh, is gá a shonrú tuilleadh cén chaoi ar féidir ranníocaíocht an SRT a chur san áireamh chun na ceanglais maidir le rochtain a fháil ar shocruithe um maoiniú réitigh a ríomh. Más méid cothrom le 8 % ar a laghad de dhliteanais iomlána na hinstitiúide lena n-áirítear cistí dílse is ea an ranníocaíocht a dhéanann scairshealbhóirí agus creidiúnaithe na hinstitiúide faoi réiteach trí laghduithe, díluacháil nó comhshó a ndliteanais, méid arna suimiú leis an ranníocaíocht a rinne an SRT, ba cheart go mbeadh an institiúid ina ann rochtain a fháil ar an socrú um maoiniú réitigh chun cistiú breise a fháil, i gcás inar gá chun a áirithiú réiteach éifeachtach i gcomhréir leis na cuspóirí réitigh. Má chomhlíontar na coinníollacha sin, ba cheart ranníocaíocht an SRT a theorannú don mhéid is gá chun rochtain ar an socrú um maoiniú réitigh a chumasú, mura sáraítear an teorainn 5% de dhliteanais iomlána lena n-áirítear cistí dílse leis an méid a ranníoctar ón socrú um maoiniú réitigh, agus sa chás sin ba cheart go rannchuideodh an SRT go comhréireach leis an méid de bhreis. Chun a áirithiú go leanfar den réiteach a mhaoiniú go príomha le hacmhainní inmheánacha na hinstitiúide agus chun saobhadh iomaíochta a íoslaghdú, níor cheart an deis a bheith ann úsáid a bhaint as ranníocaíocht an SRT chun rochtain ar shocruithe um maoiniú réitigh a áirithiú ach amháin ag institiúidí nach ndéanann an plean réitigh nó an plean réitigh grúpa foráil maidir lena bhfoirceannadh ar bhealach ordúil i gcás teipe, ós rud é gur socraíodh ICDI arna chinneadh ag na húdaráis réitigh do na hinstitiúidí sin ar leibhéal lena n-áirítear na méideanna ionsúcháin caillteanais agus na méideanna athchaipitliúcháin araon. Níor cheart go mbeadh an fhéidearthacht ar fáil chun an ranníocaíocht ón SRT a úsáid chun rochtain ar shocruithe maoinithe réitigh a áirithiú ach amháin d’institiúidí a bhfuil íostaifead acu ar chomhlíonadh na gceanglas ICDI.

(47)  I bhfianaise ról ÚBE maidir le cóineasú chleachtais na n-údarás a chur chun cinn, ba cheart do ÚBE faireachán agus tuairisciú a dhéanamh ar dhearadh agus ar chur chun feidhme na measúnuithe inréiteachta ar institiúidí agus ar ghrúpaí agus ar ghníomhaíochtaí agus ar ullmhúcháin na n-údarás réitigh chun cur chun feidhme éifeachtach na n-uirlisí agus na gcumhachtaí réitigh a áirithiú. Sna tuarascálacha sin, ba cheart do ÚBE measúnú a dhéanamh freisin ar leibhéal trédhearcachta na mbeart arna ndéanamh ag údaráis réitigh i leith páirtithe leasmhara seachtracha ábhartha agus ar mhéid a rannchuidithe le hullmhacht réitigh agus inréiteacht na n-institiúidí. Ina theannta sin, ba cheart do ÚBE tuairisciú ar na bearta arna nglacadh ag na Ballstáit chun infheisteoirí miondíola a chosaint maidir leis an méid a bhaineann le hionstraimí fiachais atá incháilithe don ICDI de bhun Threoir 2014/59/AE, agus comparáid agus measúnú á dhéanamh ar aon tionchar a d’fhéadfadh a bheith ar oibríochtaí trasteorann. Ba cheart raon feidhme na gcaighdeán teicniúil rialála atá ann cheana maidir le meastachán a dhéanamh ar na ceanglais cistí dílse breise agus ar an gceanglas maoláin chomhcheangailte le haghaidh eintitis réitigh a leathnú chun eintitis a chumhdach nár sainaithníodh mar eintitis réitigh a chur san áireamh, i gcás nár socraíodh na ceanglais sin ar an mbonn céanna leis an ICDI. Sa tuarascáil bhliantúil ar ICDI, ba cheart do ÚBE measúnú a dhéanamh freisin ar chur chun feidhme beartais na n-údarás réitigh ar na rialacha nua maidir le calabrú ICDI le haghaidh straitéisí aistrithe. I gcomhthéacs chúraimí ÚBE chun rannchuidiú le córas comhleanúnach comhordaithe bainistithe géarchéime agus réitigh géarchéime a áirithiú san Aontas, ba cheart do ÚBE freachnaimh ionsamhlaithe géarchéime a chomhordú agus a mhaoirsiú. Ba cheart a chumhdach leis na hionsamhlúcháin sin an comhordú agus an comhar idir údaráis inniúla, údaráis réitigh agus SRTanna le linn mheathlú staid airgeadais na n-institiúidí agus na n-eintiteas, tástáil a dhéanamh ar chur i bhfeidhm an bhosca uirlisí sa phleanáil téarnaimh agus réitigh, sa luath-idirghabháil, agus sa réiteach ar bhealach iomlánaíoch. Leis na freachnaimh sin, ba cheart breithniú a dhéanamh go háirithe ar an ngné thrasteorann san idirghníomhaíocht idir na húdaráis ábhartha agus ar chur i bhfeidhm na n-uirlisí agus na gcumhachtaí atá ar fáil. I gcás inarb ábhartha, ba cheart glacadh agus cur chun feidhme scéimeanna réitigh laistigh den Aontas Baincéireachta a chuimsiú sna freachnaimh ionsamhlaithe géarchéime, de bhun Rialachán (AE) Uimh. 806/2014.

(48)  Tá measúnú tionchair ardcháilíochta ríthábhachtach chun tograí reachtacha fónta atá bunaithe ar fhianaise a fhorbairt, agus tá fíricí agus fianaise ríthábhachtach chun bonn eolais a chur faoi na cinntí a dhéantar le linn an nós imeachta reachtaigh. Ar an gcúis sin, ba cheart d’údaráis réitigh, d’údaráis inniúla, don Bhord Réitigh Aonair, do BCE agus do chomhaltaí eile den Chóras Eorpach Banc Ceannais agus ÚBE, an fhaisnéis go léir a theastaíonn uaidh dá chúraimí a bhaineann le forbairt beartais a sholáthar don Choimisiún, arna iarraidh sin dó, lena n-áirítear measúnuithe tionchair a ullmhú agus tograí reachtacha a ullmhú agus a chaibidliú.

(49)  Ba cheart, dá bhrí sin, Treoir 2014/59/AE a leasú dá réir.

(50)  Ós rud é nach féidir leis na Ballstáit cuspóirí na Treorach seo, is e sin éifeachtacht agus éifeachtúlacht an chreata téarnaimh agus réitigh d’institiúidí agus d’eintitis a fheabhsú, a bhaint amach go leordhóthanach i ngeall ar na rioscaí a d’fhéadfadh a bheith ag baint le cineálacha éagsúla cur chuige náisiúnta do shláine an mhargaidh aonair agus, trí rialacha atá socraithe cheana ar leibhéal an Aontais a leasú, gur fearr is féidir iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a bhaint amach,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2014/59/AE

Leasaítear Treoir 2014/59/AE mar a leanas:

(1)  Leasaítear Airteagal 2(1) mar a leanas:

(a)  cuirtear an pointe (29a) a leanas isteach:"

‘(29a) ciallaíonn ‘beart malartach ón earnáil phríobháideach’ aon tacaíocht nach gcáilíonn mar thacaíocht airgeadais phoiblí urghnách;’;

(b)  cuirtear an méid a leanas in ionad phointe (35):"

‘(35) ciallaíonn ‘feidhmeanna criticiúla’ gníomhaíochtaí, seirbhísí nó oibríochtaí ar dóigh go bhfágfaidh a scor i mBallstát amháin nó níos mó go gcuirfear isteach ar sheirbhísí atá riachtanach don gheilleagar réadach nó go gcuirfear isteach ar chobhsaíocht airgeadais, ar an leibhéal náisiúnta nó, i gcás inarbh ábhartha, ar an leibhéal réigiúnach i ngeall ar mhéid, ar sciar den mhargadh, ar idircheangailteacht sheachtrach agus inmheánach, ar chastacht nó ar ghníomhaíochtaí trasteorann institiúide nó grúpa, le haird ar leith d’inmhalartaitheacht na ngníomhaíochtaí, na seirbhísí nó na n-oibríochtaí sin;’; Chun críocha an phointe sin, déanfar an leibhéal réigiúanch a mheasúnú faoi threoir an aonaid críche a chomhfhreagraíonn do leibhéal 1 d’Aicmiú comhchoiteann na n-aonad críche maidir le staidreamh (leibhéal NUTS 1) faoi bhrí Rialachán (CE) Uimh. 1059/2003 ó Pharlaimint na hEorpa agus ón gComhairle* nó do leibhéal NUTS 2 i gcás ina dtugtar le fios gurb ionann cur isteach suntasach ar sheirbhísí ag leibhéal NUTS 2 agus riosca géarchéime sistéamaí ag an leibhéal náisiúnta’;

_____________

* Rialachán (CE) Uimh. 1059/2003 ó Pharlaimint na hEorpa agus ón gComhairle an 26 Bealtaine 2003 maidir le haicmiú coiteann d'aonaid chríochacha ar mhaithe le staidreamh (NUTS) a bhunú (IO L 154, 21.6.2003, lch. 1).

(c)  cuirtear an méid a leanas in ionad phointe (71):"

‘(71) ciallaíonn ‘dliteanais ar féidir tarrtháil inmheánach a thabhairt orthu’ na dliteanais, lena n-áirítear na dliteanais sin as a n-eascraíonn forálacha cuntasaíochta, agus na hionstraimí caipitil nach gcáilíonn mar ionstraimí Gnáthchothromas Leibhéal 1, ionstraimí Breise Leibhéal 1 nó ionstraimí Leibhéal 2 de chuid institiúide nó eintitis dá dtagraítear in Airteagal 1(1), pointí (b), (c) nó (d), agus nach n-eisiatar ó raon feidhme na huirlise tarrthála inmheánaí de bhun Airteagal 44(2);’;

(d)  cuirtear na pointí (83d) agus (83e) a leanas isteach:"

(e)  cuirtear an pointe (93a) a leanas isteach:"

‘(93a) ciallaíonn ‘taisce’, chun críocha Airteagail 108 agus 109, taisce mar a shainmhínítear in Airteagal 2(1), pointe (3), de Threoir 2014/49/AE;’;

(2)  in Airteagal 5, cuirtear an méid a leanas in ionad mhíreanna 2, 3 agus 4:"

‘2. Áiritheoidh údaráis inniúla go nuashonróidh na hinstitiúidí a bpleananna téarnaimh go bliantúil ar a laghad, nó tar éis dóibh struchtúr dlíthiúil nó eagraíochtúil na hinstitiúide nó staid ghnó nó staid airgeadais na hinstitiúide a athrú, ar athrú é a bhféadfadh tionchar ábhartha a bheith aige ar an bplean téarnaimh nó a d’fágfadh gur ghá athrú ábhartha a dhéanamh ar an bplean sin. Féadfaidh údaráis inniúla a cheangal ar institiúidí a gcuid pleananna téarnaimh a nuashonrú níos minice.

In éagmais athruithe dá dtagraítear sa chéad fhomhír le linn na 12 mhí tar éis an nuashonraithe is déanaí ar an bplean téarnaimh, féadfaidh na húdaráis inniúla an oibleagáid maidir leis an bplean téarnaimh a thabhairt cothrom le dáta a tharscaoileadh go heisceachtúil go dtí an tréimhse 12 mhí ina dhiaidh sin. Ní dheonófar tarscaoileadh den sórt sin ar feadh níos mó ná dhá thréimhse 12 mhí as a chéile.

3.  Níor cheart glacadh leis sna pleananna téarnaimh go mbeidh rochtain nó fáil ar aon cheann de na nithe a leanas:

4.  Áireofar leis na pleananna téarnaimh, i gcás inarb infheidhme, anailís ar conas agus cathain a fhéadfaidh institiúid iarratas a chur isteach, sna coinníollacha a dtugtar aghaidh orthu sa phlean, chun saoráidí an bhainc ceannais a úsáid, saoráidí nach n-eisiatar ó raon feidhme an phlean téarnaimh de bhun mhír 3 agus déanfar na hacmhainní sin a mbeifí ag súil leis go gcáileoidís mar chomhthaobhacht a shainaithint iontu.’;

(3)  in Airteagal 6, cuirtear an méid a leanas in ionad mhír 5:"

‘5. Má mheasann an t-údarás inniúil go bhfuil easnaimh ábhartha sa phlean téarnaimh, nó baic ábhartha ar a chur chun feidhme, cuirfidh sé a thuairim in iúl don institiúid nó don mháthairghnóthas agus cuirfidh sé de cheangal ar an institiúid plean athbhreithnithe a chur isteach, laistigh de 3 mhí, a bhféadfaí é a shíneadh ar feadh aon mhí amháin le formheas na n-údarás, lena léireofar conas a thugtar aghaidh ar na heasnaimh nó na baic sin.’;

(4)  in Airteagal 8(2), cuirtear an méid a leanas in ionad an tríú fomhír:"

‘Féadfaidh ÚBE, ar iarratas ó údarás inniúil, cabhrú leis na húdaráis inniúla teacht ar chinneadh comhpháirteach i gcomhréir le hAirteagal 31(2), pointe(c) de Rialachán (AE) Uimh. 1093/2010.’;

(5)  ▌Leasaítear Airteagal 10 mar a leanas:

(a)  leasaítear mír 7 mar a leanas:

(i)  cuirtear isteach an pointe a leanas:"

‘(aa) i gcás inarb infheidhme, cur síos mionsonraithe ar na cúiseanna lena chinneadh go bhfuil institiúid le cáiliú mar eintiteas le leachtú, lena n-áirítear míniú ar an tslí ar tháinig an t-údarás réitigh ar an gconclúid go bhfuil feidhmeanna criticiúla in easnamh ar an institiúid;’;

(ii)  cuirtear isteach an pointe a leanas:"

‘(ja) cur síos ar an mbealach is fearr chun na cuspóirí réitigh a leagtar amach in Airteagal 31 a bhaint amach leis na straitéisí réitigh éagsúla;’;

(iii)  cuirtear isteach an pointe a leanas: "

‘(pa) liosta mionsonraithe agus cainníochtaithe de thaiscí faoi chumhdach agus de thaiscí inchailithe ó dhaoine nádúrtha agus ó mhicrifhiontair agus ó fhiontair bheaga agus mheánmhéide;’;

(b)  cuirtear isteach an mhír 8a a leanas:"

‘8a. Ní ghlacfaidh údaráis réitigh pleananna réitigh i gcás inar cuireadh tús le himeachtaí dócmhainneachta i dtaca le heintiteas i gcomhréir leis an dlí náisiúnta is infheidhme de bhun Airteagal 32b nó i gcás ina mbeidh feidhm ag Airteagal 37(6).’;

(c)  i mír 9, cuirtear an méid a leanas in ionad an dara fomhír:"

‘Cuirfidh ÚBE dréachtchaighdeáin theicniúla rialála athbhreithnithe faoi bhráid an Choimisiúin faoin ... [12 mhí ó dháta theacht i bhfeidhm na Treorach leasaithí seo].’;

(6)  Leasaítear Airteagal 12 mar a leanas:

(a)  i mír 1, cuirtear isteach an tríú fomhír agus an ceathrú fomhír a leanas:"

‘Féadfaidh sainaithint na mbeart atá le déanamh maidir leis na fochuideachtaí dá dtagraítear sa chéad fhomhír, pointe (b), nach eintitis réitigh iad, a bheith faoi réir cur chuige simplithe ag na húdaráis réitigh mura bhfuil tionchar diúltach ag an gcur chuige sin ar inréiteacht an ghrúpa, agus méid na fochuideachta, a próifíl riosca, an easpa feidhmeanna criticiúla agus an straitéis réitigh grúpa á gcur san áireamh.’;

Is é plean réitigh an ghrúpa a chinnfidh an gcáilíonn eintitis laistigh de ghrúpa réitigh, seachas san eintiteas réitigh, mar eintitis le leachtú. Gan dochar do thosca eile a bhféadfadh na húdaráis réitigh a mheas ina dtosca ábhartha, ní cháileoidh eintitis a sholáthraíonn feidhmeanna criticiúla mar eintitis le leachtú.’;

(aa)  cuirtear an méid a leanas in ionad mhír 2:"

‘2. Déanfar plean réitigh an ghrúpa a tharraingt suas ar bhonn na gceanglas a leagtar síos in Airteagal 10 agus ar bhonn na faisnéise arna soláthar de bhun Airteagal 11.’

(ab)  i mír 3, cuirtear an pointe a leanas isteach:"

‘(-aa) ina mbeidh cur síos mionsonraithe ar na cúiseanna lena chinneadh go ndéanfar grúpeintiteas dá dtagraítear i mír 1, pointí (a) go (d), a cháiliú mar eintiteas leachtaithe, lena n-áirítear míniú ar an gcaoi ar tháinig an t-údarás réitigh ar an gconclúid go bhfuil easpa feidhmeanna criticiúla in eanamh ar an institiúid, agus mar a rinneadh an cóimheas idir a neamhchosaint iomlán ar riosca agus a ioncam oibriúcháin i neamhchosaint iomlán an ghrúpa ar riosca agus ioncam oibriúcháin an ghrúpa, agus cóimheas giarála an ghrúpeintitis i gcomhthéacs an ghrúpa, a chur san áireamh;’;

(b)  cuirtear isteach an mhír 5a a leanas:"

‘5a. Ní ghlacfaidh údaráis réitigh pleananna réitigh i gcás inar tionscnaíodh imeachtaí dócmhainneachta i dtaca le heintiteas ▌i gcomhréir leis an dlí náisiúnta is infheidhme de bhun Airteagal 32b nó i gcás ina mbeidh feidhm ag Airteagal 37(6).’;

(7)  in Airteagal 13(4), cuirtear an méid a leanas in ionad an cheathrú fomhír:"

‘Féadfaidh ÚBE, ar iarratas ó údarás réitigh náisiúnta, cuidiú leis na húdaráis réitigh náisiúnta cinneadh comhpháirteach a dhéanamh i gcomhréir le hAirteagal 31(2), pointe (c), de Rialachán (AE) Uimh. 1093/2010.’;

(8)  in Airteagal 15, cuirtear an mhír 5 a leanas isteach:"

‘5. Déanfaidh ÚBE faireachán ar bheartais inmheánacha a tharraingt suas agus ar chur chun feidhme na measúnuithe inréiteachta ar institiúidí nó ar ghrúpaí dá bhforáiltear san Airteagal seo agus in Airteagal 16 arna ndéanamh ag údaráis réitigh. Cuirfidh ÚBE tuarascáil faoi bhráid an Choimisiúin maidir leis na cleachtais atá ann cheana maidir le measúnuithe inréiteachta agus éagsúlachtaí a d’fhéadfadh a bheith ann ar fud na mBallstát faoin ... [Oifig na bhFoilseachán: cuir isteach an dáta = 2 bhliain tar éis dháta theacht i bhfeidhm na Treorach seo] agus déanfaidh sé faireachán ar chur chun feidhme aon mholadh a leagtar amach sa tuarascáil sin, i gcás inarb iomchuí.

(9)  in Airteagal 16a, cuirtear an mhír 7 a leanas leis:"

‘7. I gcás nach bhfuil eintiteas faoi réir an cheanglais maoláin chomhcheangailte ar an mbonn céanna ar a gceanglaítear air na ceanglais dá dtagraítear in Airteagail 45c agus 45d a chomhlíonadh, cuirfidh na húdaráis réitigh míreanna 1 go 6 den Airteagal seo i bhfeidhm ar bhonn an mheastacháin ar an gceanglas maoláin chomhcheangailte arna ríomh i gcomhréir le Rialachán Tarmligthe (AE) 2021/1118 ón gCoimisiún*. Beidh feidhm ag an gceathrú mír d’Airteagal 128 de Threoir 2013/36/AE.

Déanfaidh an t-údarás réitigh an ceanglas maoláin chomhcheangailte measta dá dtagraítear sa chéad fhomhír a áireamh sa chinneadh lena gcinntear na ceanglais dá dtagraítear in Airteagail 45c agus 45d den Treoir seo. Cuirfidh an t-eintiteas an ceanglas maoláin chomhcheangailte measta ar fáil go poiblí in éineacht leis an bhfaisnéis dá dtagraítear in Airteagal 45i(3).

______________________________

* Rialachán Tarmligthe (AE) 2021/1118 ón gCoimisiún an 26 Márta 2021 lena bhforlíontar Treoir 2014/59/AE ó Pharlaimint na hEorpa agus ón gComhairle maidir le caighdeáin theicniúla rialála lena sonrófar an mhodheolaíocht atá le húsáid ag údaráis réitigh chun an ceanglas dá dtagraítear in Airteagal 104a de Threoir 2013/36/AE ó Pharlaimint na hEorpa agus ón gComhairle agus an ceanglas maoláin chomhcheangailte a mheas i dtaca le heintitis réitigh ar leibhéal comhdhlúite an ghrúpa réitigh i gcás nach mbíonn an grúpa réitigh faoi réir na gceanglas sin de bhun na Treorach réamhráite (IO L 241, 8.7.2021, lch. 1).;’

(10)  Leasaítear Airteagal 17▌ mar a leanas:

(a)  i mír 4, cuirtear an tríú fomhír a leanas isteach:"

‘Má dhéanann na bearta a mhol an t-eintiteas lena mbaineann na baic ar inréiteacht a laghdú nó a bhaint go héifeachtach, déanfaidh an t-údarás réitigh cinneadh, tar éis dó dul i gcomhairle leis an údarás inniúil. Léireofar sa chinneadh sin go laghdófar nó go gcuirfear deireadh leis na baic ar inréiteacht go héifeachtach leis na bearta a mholtar agus go gceanglófar ar an eintiteas na bearta atá beartaithe a chur chun feidhme.’;

(b)  cuirtear an pointe a leanas leis:"

‘8a. Foilseoidh an t-údarás réitigh, i ndeireadh gach timthrialla pleanála réitigh, liosta anaithnidithe ina gcuirfear i láthair i bhfoirm chomhiomlánaithe aon bhaic shubstainteacha ar an inréiteacht a sainaithníodh agus gníomhaíochtaí ábhartha chun aghaidh a thabhairt orthu. Beidh feidhm leis na forálacha rúndachta a leagtar síos in Airteagal 84 den Treoir seo. ’;

(11)  Leasaítear Airteagal 18 mar a leanas:

(a)  cuirtear an méid a leanas in ionad mhír 4:"

‘4. Cuirfidh údarás réitigh leibhéal an ghrúpa in iúl aon bheart a mhol an máthairghnóthas de chuid an Aontais don mhaoirseoir comhdhlúthaithe, do ÚBE, d’údaráis réitigh na bhfochuideachtaí agus d’údaráis réitigh na ndlínsí ina bhfuil brainsí suntasacha suite a mhéid is ábhartha don bhrainse suntasach atá i gceist. Déanfaidh an t-údarás réitigh ar leibhéal an ghrúpa agus údaráis réitigh na bhfochuideachtaí, ar dhul i gcomhairle dóibh leis na húdaráis inniúla agus le húdaráis réitigh dlínsí ina bhfuil brainsí suntasacha suite, déanfaidh siad a bhfuil ar a gcumas chun cinneadh comhpháirteach a dhéanamh laistigh den choláiste réitigh i ndáil le baic shubstainteacha a shainaithint, agus, más gá, leis an measúnú ar bhearta arna moladh ag an máthairghnóthas de chuid an Aontais agus leis na bearta arna gceangal ag na húdaráis chun aghaidh a thabhairt ar na baic nó deireadh a chur leo, agus sa mheasúnú sin cuirfear tionchar féideartha na mbeart sna Ballstáit uile ina n-oibríonn an grúpa san áireamh.’;

(b)  cuirtear an méid seo a leanas in ionad mír 9:"

‘9. Mura dtiocfar ar chinneadh comhpháirteach maidir le haon bhearta a dhéanamh dá dtagraítear in Airteagal 17(5), pointe (g), (h) nó (k), féadfaidh ÚBE, ar iarratas ó údarás réitigh i gcomhréir le míreanna 6, 6a nó 7 den Airteagal seo, cabhrú leis na húdaráis réitigh teacht ar chomhaontú i gcomhréir le hAirteagal 19(3) de Rialachán (AE) Uimh. 1093/2010.’;

(12)  Cuirtear an méid a leanas in ionad Airteagail 27 agus 28:"

‘Airteagal 27

Bearta luath-idirghabhála

1.  Áiritheoidh na Ballstáit go bhféadfaidh údaráis inniúla bearta luath-idirghabhála a mheas gan mhoill mhíchuí agus, más iomchuí, iad a chur i bhfeidhm i gcás ina gcomhlíonann institiúid nó eintiteas dá dtagraítear in Airteagal 1(1), pointí (b), (c) nó (d) aon cheann de na coinníollacha a leanas:

I gcás meath suntasach ar choinníollacha, nó imthosca diana ag teacht chun cinn nó ina bhfaightear faisnéis nua faoi eintiteas, féadfaidh an t-údarás inniúil a chinneadh go gcomhlíonfar an coinníoll dá dtagraítear sa chéad fhomhír, pointe (a)(ii), gan gníomhaíochtaí ceartaitheacha eile a dhéanamh roimhe sin, lena n-áirítear feidhmiú na gcumhachtaí dá dtagraítear in Airteagal 104 de Threoir 2013/36/AE nó in Airteagal 39 de Threoir 2019/2034/AE.

Chun críocha na chéad fhómhíre, pointe (b), den mhír seo, áiritheoidh na Ballstáit go ndéanfaidh na húdaráis inniúla faoi Threoir 2014/65/AE nó faoi Rialachán (AE) Uimh. 600/2014, nó, de réir mar is iomchuí, go ndéanfaidh an t-údarás réitigh an t-údarás inniúil a chur ar an eolas gan mhoill faoin sárú nó faoin sárú dóchúil.

1a.  Chun críocha mhír 1, ar na bearta luath-idirghabhála beidh an méid a leanas:

2.  Roghnóidh na húdaráis inniúla na bearta luath-idirghabhála is iomchuí agus is tráthúil bunaithe ar a bhfuil comhréireach leis na cuspóirí atá á saothrú, ag féachaint do thromchúis an tsáraithe nó an tsáraithe dhóchúil agus do luas an mheathlaithe ar staid airgeadais na hinstitiúide nó an eintitis dá dtagraítear in Airteagal 1(1), pointí (b), (c) nó (d), i measc faisnéis ábhartha eile.

3.  I gcás gach ceann de na bearta dá dtagraítear i mír 1a, socróidh na húdaráis inniúla spriocdháta is iomchuí chun an beart sin a chríochnú agus lena gcuirfear ar a chumas don údarás inniúil meastóireacht a dhéanamh ar a éifeachtúlacht.

Déanfar an beart a mheas go díreach i ndiaidh an spriocdháta a bheith istigh agus déanfar an mheastóireacht a chomhroinnt leis an údarás réitigh. I gcás ina dtagtar ar an gconclúid sa mheastóireacht nach ndearnadh na bearta a chur chun feidhme go hiomlán agus nach bhfuil siad éifeachtach, déanfaidh an t-údarás inniúil neasúnú ar an gcoinníoll dá dtagraítear in Airteagal 32(1), pointe (a), tar éis dó dul i gcomhairle leis an údarás réitigh.

4.  Déanfaidh ÚBE, faoin ... [Oifig na bhFoilseachán, cuir isteach an dáta = 12 mhí ó dháta theacht i bhfeidhm na Treorach leasaithí seo], dréachtchaighdeáin theicniúla rialála a eisiúint chun cur i bhfeidhm comhsheasmhach na dtruicear le haghaidh úsáid na mbeart dá dtagraítear i mír 1 den Airteagal seo a chur chun cinn.

Déantar an chumhacht a tharmligean chuig an gCoimisiún na dréachtchaighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

Airteagal 28

An bhainistíocht shinsearach nó an comhlacht bainistíochta a ionadú

Chun críocha Airteagal 27(1a), pointe (e), áiritheoidh na Ballstáit go ndéanfar an bhainistíocht shinsearach nua nó an comhlacht bainistíochta nua, nó comhaltaí aonair de na comhlachtaí sin, a cheapadh i gcomhréir le dlí an Aontais agus leis an dlí náisiúnta agus beidh siad faoi réir fhormheas nó thoiliú an údaráis inniúil.’;

(13)  Leasaítear Airteagal 29 mar a leanas:

(a)  cuirtear an méid a leanas in ionad mhíreanna 1, 2 agus 3:"

Sonróidh an t-údarás inniúil a rogha faoi phointí (a) nó (b) tráth a cheapfar an riarthóir sealadach.

Chun críocha na chéad fhomhíre, pointe (b), sonróidh an t-údarás inniúil freisin, tráth a cheapfar an riarthóir sealadach, ról, dualgais agus cumhachtaí an riarthóra shealadaigh sin agus aon cheanglais ar chomhlacht bainistíochta na hinstitiúide nó an eintitis i dtaca le dul i gcomhairle leis an riarthóir sealadach nó toiliú an riarthóra shealadaigh a fháil sula ndéanfaidh sé cinntí nó gníomhaíochtaí sonracha.

Ceanglóidh na Ballstáit ar an údarás inniúil ceapachán aon riarthóra shealadaigh a phoibliú, ach amháin i gcás nach bhfuil sé de chumhacht ag an riarthóir sealadach ionadaíocht a dhéanamh ar an institiúid nó ar an eintiteas dá dtagraítear in Airteagal 1(1), pointí (b), (c) nó (d) nó cinntí a dhéanamh thar a cheann.

Ina theannta sin, áiritheoidh na Ballstáit go ndéanfaidh aon riarthóir sealadach na ceanglais a leagtar amach in Airteagal 91(1), (2) agus (8) de Threoir 2013/36/AE a chomhlíonadh. An measúnú a dhéanfaidh na húdaráis inniúla ar cibé acu a chomhlíonann nó nach gcomhlíonann an riarthóir sealadach na ceanglais sin, beidh sé ina dhlúthchuid den chinneadh an riarthóir sealadach sin a cheapadh.

2.  Sonróidh an t-údarás inniúil cumhachtaí an riarthóra shealadaigh tráth a cheaptha bunaithe ar a mhéid is comhréireach sna himthosca. Féadfaidh cuid de chumhachtaí chomhlacht bainistíochta na hinstitiúide nó an eintitis dá dtagraítear in Airteagal 1(1), pointí (b), (c) nó (d), faoi reachtanna na hinstitiúide nó an eintitis agus faoin dlí náisiúnta, nó iad go léir, a bheith san áireamh sna cumhachtaí sin, lena n-áirítear an chumhacht chun roinnt feidhmeanna riaracháin de chuid chomhlacht bainistíochta na hinstitiúide nó an eintitis, nó iad go léir, a fheidhmiú. Beidh cumhachtaí an riarthóra shealadaigh maidir leis an institiúid nó an eintiteas i gcomhréir leis an dlí cuideachtaí is infheidhme. Féadfaidh an t-údarás inniúil na cumhachtaí sin a choigeartú i gcás athrú ar imthosca;

3.  Sonróidh an t-údarás inniúil ról agus feidhmeanna an riarthóra shealadaigh tráth an cheapacháin. D’fhéadfadh an méid a leanas a bheith san áireamh sna róil agus sna feidhmeanna sin:

Sonróidh an t-údarás inniúil aon teorainneacha le ról agus feidhmeanna an riarthóra shealadaigh tráth a cheapacháin.’;

(b)  i mír 5, cuirtear an méid a leanas in ionad an dara fomhír:"

‘In aon chás, féadfaidh an riarthóir sealadach cumhacht a fheidhmiú chun cruinniú ginearálta de scairshealbhóirí na hinstitiúide nó an eintitis dá dtagraítear in Airteagal 1(1), pointí (b), (c) nó (d) a chomóradh agus clár an chruinnithe sin a shocrú, ach toiliú an údaráis inniúil a fháil roimh ré.’;

(c)  cuirtear an méid a leanas in ionad mhír 6:"

‘6. Arna iarraidh sin don údarás inniúil, déanfaidh an riarthóir sealadach tuarascálacha a tharraingt suas maidir le staid airgeadais na hinstitiúide nó an eintitis dá dtagraítear in Airteagal 1(1), pointí (b), (c) nó (d) agus na gníomhartha a rinneadh le linn thréimhse a cheapacháin, ag eatraimh arna socrú ag an údarás inniúil, uair amháin ar a laghad tar éis an chéad sé mhí a bheith istigh, agus i gcás ar bith ag deireadh a shainordaithe.’;

(ca)  cuirtear an méid a leanas in ionad mhír 7:"

‘7. Ceapfar an riarthóir sealadach ar feadh bliain amháin ar a mhéad. Féadfar an tréimhse sin a athnuachan ar bhonn eisceachtúil uair amháin i gcás ina gcomhlíontar i gcónaí na coinníollacha chun an riarthóir sealadach a cheapadh. Beidh an t-údarás inniúil freagrach as cinneadh a dhéanamh an gcomhlíontar na coinníollacha sin agus as údar maith leis an gcinneadh a thabhairt do na scairshealbhóirí.’;

(14)  Leasaítear Airteagal 30 mar a leanas:

(a)  cuirtear an méid a leanas in ionad an teidil:"

‘Bearta luath-idirghabhála a chomhordú i ndáil le grúpaí’;

(b)  cuirtear an méid a leanas in ionad mhíreanna 1 go 4:"

‘1. I gcás ina gcomhlíontar na coinníollacha maidir le bearta luath-idirghabhála a fhorchur faoi Airteagal 27 i ndáil le máthairghnóthas de chuid an Aontais, tabharfaidh an maoirseoir comhdhlúthaithe fógra do ÚBE agus rachaidh sé i gcomhairle leis na húdaráis inniúla eile laistigh den choláiste maoirseachta sula gcinnfidh sé beart luath-idirghabhála a chur i bhfeidhm.

2.  Tar éis an fhógra agus an chomhairliúcháin dá dtagraítear i mír 1, cinnfidh an maoirseoir comhdhlúthaithe an gcuirfidh sé bearta luath-idirghabhála i bhfeidhm faoi Airteagal 27 i ndáil leis an máthairghnóthas ábhartha de chuid an Aontais, agus tionchar na mbeart sin ar na grúpeintitis i mBallstáit eile á chur san áireamh. Cuirfidh an maoirseoir comhdhlúthaithe an cinneadh in iúl do ÚBE agus do na húdaráis inniúla eile laistigh den choláiste maoirseachta.

3.  I gcás ina gcomhlíontar na coinníollacha chun luathbhearta idirghabhála a fhorchur faoi Airteagal 27 i leith fochuideachta de mháthairghnóthas de chuid an Aontais, tabharfaidh an t-údarás inniúil atá freagrach as maoirseacht a dhéanamh ar bhonn aonair, a bhfuil sé i gceist aige an beart a dhéanamh i gcomhréir leis na hAirteagail sin, fógra do ÚBE agus rachaidh sé i gcomhairle leis an maoirseoir comhdhlúthaithe.

Tar éis dó an fógra a fháil féadfaidh an maoirseoir comhdhlúthaithe measúnú a dhéanamh ar an tionchar dóchúil a bheidh ag bearta luath-idirghabhála faoi Airteagal 27 ar an institiúid nó ar an eintiteas dá dtagraítear in Airteagal 1(1), pointí (b), (c) nó (d), i gceist, ar an ngrúpa nó ar ghrúpeintitis i mBallstáit eile. Cuirfidh an maoirseoir comhdhlúthaithe an measúnú sin chuig an údarás inniúil laistigh de 3 lá.

Tar éis an fhógra agus an chomhairliúcháin sin, cinnfidh an t-údarás inniúil an gcuirfidh sé beart luath-idirghabhála i bhfeidhm. Tabharfar aird chuí ar mheasúnú ar bith de chuid an mhaoirseora comhdhlúthaithe agus an cinneadh sin á dhéanamh. Cuirfidh an t-údarás inniúil an cinneadh in iúl do ÚBE, don mhaoirseoir comhdhlúthaithe agus do na húdaráis inniúla eile laistigh den choláiste maoirseachta.

4.  I gcás ina bhfuil sé beartaithe ag níos mó ná údarás inniúil amháin beart luath-idirghabhála faoi Airteagal 27 a chur i bhfeidhm ar níos mó ná institiúid nó eintiteas amháin dá dtagraítear in Airteagal 1(1), pointí (b), (c) nó (d), sa ghrúpa céanna, déanfaidh an maoirseoir comhdhlúthaithe agus na húdaráis inniúla ábhartha eile measúnú maidir le cibé an oiriúnaí an riarthóir sealadach céanna a cheapadh do na heintitis uile lena mbaineann nó comhordú a dhéanamh ar chur i bhfeidhm na mbeart luath-idirghabhála eile ar níos mó ná institiúid nó eintiteas amháin chun réitigh a éascú lena ndéanfaí staid airgeadais na hinstitiúide nó an eintitis lena mbaineann a athbhunú. Beidh an measúnú i bhfoirm cinneadh comhpháirteach idir an maoirseoir comhdhlúthaithe agus na húdaráis inniúla ábhartha eile. Tiocfar ar an gcinneadh comhpháirteach laistigh de 5 lá ó dháta an fhógra dá dtagraítear i mír 1. Déanfar an cinneadh comhpháirteach a réasúnú agus a leagan amach i ndoiciméad, a chuirfidh an maoirseoir comhdhlúthaithe ar fáil do mháthairghnóthas an Aontais.

Féadfaidh ÚBE, ar iarratas ó údarás inniúil, cabhrú leis na húdaráis inniúla teacht ar chomhaontú i gcomhréir le hAirteagal 31 de Rialachán (AE) Uimh. 1093/2010.

Mura ndéantar cinneadh comhpháirteach laistigh de 5 lá féadfaidh an maoirseoir comhdhlúthaithe agus údaráis inniúla na bhfochuideachtaí cinntí aonair a dhéanamh maidir le riarthóir sealadach a cheapadh do na hinstitiúidí nó na heintitis dá dtagraítear in Airteagal 1(1), pointí (b), (c) nó (d), as a bhfuil siad freagrach agus maidir leis na bearta eile luath-idirghabhála a chur i bhfeidhm.’;

(c)  cuirtear an méid a leanas in ionad mhír 6:"

‘6. Féadfaidh ÚBE, ar iarratas ó údarás inniúil ar bith, cuidiú leis na húdaráis inniúla a bhfuil beartaithe acu ceann amháin nó níos mó de na bearta in Airteagal 27(1a), pointe (a), den Treoir seo a chur i bhfeidhm maidir le pointí (4), (10), (11) agus (19) de Roinn A den Iarscríbhinn leis an Treoir seo, in Airteagal 27(1a), pointe (c), den Treoir seo nó in Airteagal 27(1a), pointe (d), den Treoir seo chun teacht ar chomhaontú i gcomhréir le hAirteagal 19(3) de Rialachán (AE) Uimh. 1093/2010.’;

(15)  cuirtear an tAirteagal 30a a leanas isteach:"

‘Airteagal 30a

Ullmhú don réiteach

1.  Áiritheoidh na Ballstáit go dtabharfaidh na húdaráis inniúla fógra do na húdaráis réitigh gan mhoill faoi aon cheann de na nithe a leanas:

Déanfaidh údaráis inniúla dlúthfhaireachán, i ndlúthchomhar leis na húdaráis réitigh, ar staid na hinstitiúide nó an eintitis agus ar a gcomhlíontacht maidir leis na bearta dá dtagraítear sa chéad fhomhír, pointe (a), arb é is aidhm dóibh aghaidh a thabhairt ar mheathlú ar staid na hinstitiúide nó an eintitis sin agus leis ar na bearta luath-idirghabhála dá dtagraítear sa chéad fhomhír, pointe (c).

2.  Tabharfaidh na húdaráis inniúla fógra do na húdaráis réitigh a luaithe is féidir i gcás ina measfaidh siad go bhfuil riosca ábhartha ann go mbeadh feidhm ag ceann amháin nó níos mó de na himthosca in Airteagal 32(4) maidir le hinstitiúid nó le heintiteas dá dtagraítear in Airteagal 1(1), pointí (b), (c) nó (d). Beidh an méid a leanas san fhógra sin:

Tar éis dó an fógra dá dtagraítear sa chéad fhomhír a fháil, déanfaidh na húdaráis réitigh measúnú, i ndlúthchomhar le húdaráis inniúla, ar cad is tréimhse réasúnta ann chun measúnú a dhéanamh ar an gcoinníoll dá dtagraítear in Airteagal 32(1), pointe (b), agus aird á tabhairt ar luas an mheathlaithe ar dhálaí na hinstitiúide nó an eintitis dá dtagraítear in Airteagal 1(1), pointí (b), (c) nó (d), ar an tionchar a d’fhéadfadh a bheith aige ar an gcóras airgeadais, ar chosaint taisceoirí agus ar chaomhnú cistí cliant, ar an mbaol go méadófar ar na costais fhoriomlána do chustaiméirí agus don gheilleagar le próiseas fadálach, ar an ngá leis an straitéis réitigh a chur chun feidhme go héifeachtach agus ar aon bhreithnithe ábhartha eile. Cuirfidh na húdaráis réitigh an measúnú sin in iúl do na húdaráis inniúla a luaithe is féidir.

Tar éis an fógra dá dtagraítear sa chéad fhomhír a fháil, déanfaidh na húdaráis inniúla agus na húdaráis réitigh, i ndlúthchomhar le chéile, faireachán ar staid na hinstitiúide nó an eintitis dá dtagraítear in Airteagal 1(1), pointí (b), (c) nó (d), ar chur chun feidhme aon bheart ábhartha laistigh den tréimhse ama a mheastar a bheidh acu agus ar aon fhorbairtí ábhartha eile. Chun na críche sin, tiocfaidh na húdaráis réitigh agus na húdaráis inniúla le chéile go rialta, ar mhinicíocht arna socrú ag na húdaráis réitigh agus imthosca an cháis á gcur san áireamh. Cuirfidh na húdaráis inniúla agus na húdaráis réitigh aon fhaisnéis ábhartha ar fáil dá chéile gan mhoill.

3.  Soláthróidh na húdaráis inniúla do na húdaráis réitigh an fhaisnéis uile a iarrfaidh na húdaráis réitigh, faisnéis is gá le haghaidh gach ceann díobh a leanas:

I gcás nach bhfuil faisnéis den sórt sin ar fáil cheana féin do na húdaráis inniúla, comhoibreoidh na húdaráis réitigh agus na húdaráis inniúla le chéile agus comhordóidh siad chun an fhaisnéis sin a fháil. Chun na críche sin, beidh sé de chumhacht ag na húdaráis inniúla a cheangal ar an institiúid nó ar an eintiteas dá dtagraítear in Airteagal 1(1), i bpointí (b), (c) nó (d), an fhaisnéis sin a sholáthar, lena n-áirítear trí chigireachtaí ar an láthair, agus an fhaisnéis sin a sholáthar do na húdaráis réitigh.

4.  Áireofar ar chumhachtaí na n-údarás réitigh an chumhacht chun an an institiúid nó an t-eintiteas dá dtagraítear in Airteagal 1(1), pointí (b), (c) nó (d) a mhargú le ceannaitheoirí ionchasacha, nó socruithe a dhéanamh maidir leis an margú sin le ceannaitheoirí ionchasacha, nó a chur de cheangal ar an institiúid nó ar an eintiteas déanamh amhlaidh, chun na gcríoch a leanas:

4a.  I gcás ina gcinnfidh an t-údarás réitigh, agus an chumhacht dá dtagraítear i mír 4 á feidhmiú aige, margú go díreach le ceannaitheoirí ionchasacha, tabharfaidh sé aird chuí ar imthosca an cháis agus ar an tionchar a d’fhéadfadh a bheith ag feidhmiú na cumhachta sin ar sheasamh foriomlán an eintitis.

5.  Chun críocha mhír 4, beidh sé de chumhacht ag na húdaráis réitigh a iarraidh ar an institiúid nó ar an eintiteas dá dtagraítear in Airteagal 1(1), pointí (b), (c) nó (d), ardán digiteach a chur ar bun chun an fhaisnéis riachtanach a chomhroinnt chun an institiúid nó an t-eintiteas sin a mhargú le ceannaitheoirí ionchasacha nó le comhairleoirí agus luachálaithe a bheidh fostaithe ag an údarás réitigh. Sa chás sin beidh feidhm ag Airteagal 84(1), pointe (e).

6.  Maidir leis an gcinneadh go gcomhlíontar na coinníollacha a leagtar síos in Airteagal 27(1) agus maidir le bearta luath-idirghabhála a ghlacadh roimh ré, ní bheidh na coinníollacha sin riachtanach chun go n-ullmhóidh na húdaráis réitigh do réiteach na hinstitiúide nó an eintitis dá dtagraítear in Airteagal 1(1), pointí (b), (c) nó (d), nó chun an chumhacht dá dtagraítear i míreanna 4 agus 5 den Airteagal seo a fheidhmiú.

7.  Cuirfidh na húdaráis réitigh na húdaráis inniúla ar an eolas gan mhoill faoi aon ghníomhaíocht a dhéanfar de bhun mhíreanna 4 agus 5.

8.  Áiritheoidh na Ballstáit go n-oibreoidh na húdaráis inniúla agus na húdaráis réitigh i ndlúthchomhar le chéile:

Áiritheoidh na húdaráis inniúla agus na údaráis réitigh go mbeidh na bearta agus na gníomhaíochtaí sin comhsheasmhach, comhordaithe agus éifeachtach.’;

(16)  In Airteagal 31(2), cuirtear an méid a leanas in ionad phointí (c) agus (d):"

(17)  Leasaítear Airteagal 32 mar a leanas:

(a)  cuirtear an méid a leanas in ionad mhíreanna 1 agus 2:"

2.  Áiritheoidh na Ballstáit go ndéanfaidh an t-údarás inniúil measúnú ar an gcoinníoll dá dtagraítear i mír 1, pointe (a), tar éis dó dul i gcomhairle leis an údarás réitigh.

Féadfaidh na Ballstáit foráil a dhéanamh, i dteannta an údaráis inniúil, go bhféadfaidh an t-údarás réitigh measúnú a dhéanamh ar an gcoinníoll dá dtagraítear i mír 1, pointe (a), tar éis dó dul i gcomhairle leis an údarás inniúil, i gcás ina bhfuil na huirlisí riachtanacha, lena n-áirítear, go háirithe, rochtain leordhóthanach ar an bhfaisnéis ábhartha, ag na húdaráis réitigh faoin dlí náisiúnta chun measúnú den sórt sin a dhéanamh. I gcás den sórt sin, áiritheoidh na Ballstáit go soláthróidh an t-údarás inniúil don údarás réitigh gan mhoill aon fhaisnéis ábhartha a iarrfaidh an t-údarás réitigh chun a mheasúnú a dhéanamh, sula gcuirfidh an t-údarás réitigh an t-údarás inniúil ar an eolas faoin rún atá aige an measúnú sin a dhéanamh, nó ina dhiaidh sin.

Is é an t-údarás réitigh, i ndlúthchomhar leis an údarás inniúil, a dhéanfaidh an measúnú ar an gcoinníoll dá dtagraítear i mír 1, pointe (b), tar éis dó dul i gcomhairle le húdarás ainmnithe de chuid na Scéime ráthaithe taiscí, agus i gcás inarb iomchuí, le Scéim cosanta institiúideach a bhfuil an institiúid ina comhalta di, gan mhoill. Áireofar sa chomhairliúchán leis an SCI go mbreithneoidh an SCI an bhfuil bearta ar fáil a d’fhéadfadh cosc a chur le teip na hinstitiúide laistigh de thréimhse ama réasúnta. Cuirfidh an t-údarás inniúil aon fhaisnéis ábhartha ar fáil gan mhoill don údarás réitigh arna iarraidh sin don údarás réitigh chun eolas a dhéanamh dá mheasúnú. Féadfaidh an t-údarás inniúil a chur in iúl don údarás réitigh freisin go measann sé go bhfuil an coinníoll a leagtar síos i mír 1, pointe (b), á chomhlíonadh.’;

(b)  leasaítear mír 4 mar a leanas:

(i)  sa chéad fhomhír, cuirtear an méid a leanas in ionad phointe (d):"

‘5. Chun críocha mhír 1, pointe (c), caithfear le gníomhaíocht réitigh mar ghníomhaíocht atá chun leasa an phobail más gá an ghníomhaíocht sin a dhéanamh chun ceann amháin nó níos mó de na cuspóirí réitigh dá dtagraítear in Airteagal 31 a bhaint amach agus i gcás ina bhfuil sí comhréireach leis sin agus nach mbainfí amach na cuspóirí réitigh sin ar bhonn níos éifeachtúla tríd an institiúid a fhoirceannadh faoi ghnáthimeachtaí dócmhainneachta.

Ní mheasfar gníomhaíocht réitigh a bheith ar mhaithe le leas an phobail chun críocha mhír 1, pointe (c), den Airteagal seo i gcás inar chinn an t-údarás réitigh oibleagáidí simplithe a chur i bhfeidhm ar institiúid de bhun Airteagal 4. Beifear in ann an toimhde a fhrisnéis áfach agus ní bheidh feidhm leis i gcás ina measfaidh an t-údarás réitigh go gcuirfí ceann amháin nó níos mó de chuspóirí an réitigh i mbaol dá ndéánfaí an institiúid a fhoirceannadh faoi ghnáthimeachtaí dócmhainneachta.

Áiritheoidh na Ballstáit, sa chás ina bhfuil an measúnú dá dtagraítear sa chéad fhomhír á dhéanamh ag an údarás réitigh, go ndéanfaidh sé, bunaithe ar an bhfaisnéis a bheidh ar fáil dó tráth an mheasúnaithe sin, gach tacaíocht airgeadais phoiblí urghnách ▌a bheidh le deonú don institiúid a mheas agus a chur i gcomparáid, i gcomhthéacs réitigh agus i gcomhthéacs foirceannadh freisin i gcomhréir leis an dlí náisiúnta is infheidhme.’;

5a.  Rannchuideoidh ÚBE le faireachán a dhéanamh ar chur i bhfeidhm éifeachtach agus comhsheasmhach an mheasúnaithe ar mhaithe le leas an phobail dá dtagraítear i mír 5 agus le cur i bhfeidhm éifeachtach agus comhsheasmhach an mheasúnaithe sin a chur chun cinn.

Faoin ... [dhá bhliain tar éis dháta theacht i bhfeidhm na Treorach leasaithí seo], cuirfidh ÚBE tuarascáil ar fáil maidir le raon feidhme agus cur i bhfeidhm mhír 5 ar fud an Aontais. Déanfar an tuarascáil sin a chomhroinnt leis an gCoimisiún chun measúnú a dhéanamh ar a éifeachtaí a bheidh na bearta a leagtar amach i mír 5 agus ar a dtionchar ar chothrom na Féinne.

Bunaithe ar thorthaí na tuarascála, d’fhéadfadh ÚBE caighdeáin theicniúla rialála a fhorbairt arb é a gcuspóir cleachtais a choinbhéirsiú agus cothrom na Féinne a bhaint amach i measc na mBallstát faoin ... [dhá bhliain ó dháta chur i bhfeidhm na Treorach leasaithí seo]. ’

(18)  cuirtear an méid a leanas in ionad Airteagail 32a agus 32b:"

‘Airteagal 32a

Coinníollacha réitigh maidir le comhlacht lárnach agus institiúidí creidmheasa atá buanchleamhnaithe le comhlacht lárnach

Áiritheoidh na Ballstáit▌nach nglacfaidh na húdaráis réitigh gníomhaíocht réitigh i ndáil le comhlacht lárnach agus maidir leis na hinstitiúidí creidmheasa uile atá cleamhnaithe go buan leis ar cuid den ghrúpa réitigh céanna iad ach amháin i gcás ina gcomhlíonfaidh an comhlacht lárnach agus na hinstitiúidí creidmheasa uile atá cleamhnaithe go buan leis, nó an grúpa réitigh lena mbaineann siad, na coinníollacha ina n-iomláine arna suí in Airteagal 32(1).

Airteagal 32b

Imeachtaí i leith institiúidí agus eintitis nach bhfuil faoi réir gníomhaíocht réitigh

1.  Áiritheoidh na Ballstáit, i gcás ina gcinnfidh údarás réitigh go gcomhlíonann institiúid nó eintiteas dá dtagraítear in Airteagal 1(1), pointí (b), (c) nó (d), na coinníollacha a leagtar síos in Airteagal 32(1), pointí (a) agus (b), ach nach gcomhlíonann siad an coinníoll a leagtar síos in Airteagal 32(1), pointe (c), go mbeidh sé de chumhacht ag an údarás náisiúnta riaracháin nó breithiúnach ábhartha an nós imeachta a thionscnamh gan mhoill chun an institiúid nó an t-eintiteas a fhoirceannadh ar bhealach ordúil i gcomhréir leis an dlí náisiúnta is infheidhme.

2.  Áiritheoidh na Ballstáit go n-imeoidh institiúid nó eintiteas dá dtagraítear in Airteagal 1(1), pointí (b), (c) nó (d), a dhéanfar a fhoirceannadh ar bhealach ordúil i gcomhréir leis an dlí náisiúnta is infheidhme, ón margadh nó go ndéanfaidh siad a ngníomhaíochtaí baincéireachta a fhoirceannadh laistigh de thréimhse ama réasúnta.

3.  Áiritheoidh na Ballstáit, i gcás ina n-áiritheoidh údarás réitigh go gcomhlíonann institiúid nó eintiteas dá dtagraítear in Airteagal 1(1), pointí (b), (c) nó (d), na coinníollacha in Airteagal 32(1), pointí (a) agus (b), ach nach gcomhlíonann siad an coinníoll in Airteagal 32(1), pointe (c), beidh an cinneadh go bhfuil an institiúid nó an t-eintiteas ag teip nó gur dóigh di nó dó teip de bhun Airteagal 32(1), pointe (a), ina choinníoll faoina ndéanfaidh an t-údarás inniúil an t-údarú a tharraingt siar de bhun Airteagal 18 de Threoir 2013/36/AE.

4.  Áiritheoidh na Ballstáit gur leor údarú na hinstitiúide nó an eintitis dá dtagraítear in Airteagal 1(1), pointí (b), (c) nó (d) a tharraingt siar chun go mbeidh údarás náisiúnta riaracháin nó breithiúnach ábhartha in ann an nós imeachta chun an institiúid nó an t-eintiteas a fhoirceannadh a thionscnamh gan mhoill ar bhealach ordúil i gcomhréir leis an dlí náisiúnta is infheidhme.’:

(19)  cuirtear isteach an Airteagal 32c a leanas:"

‘Airteagal 32c

Tacaíocht airgeadais phoiblí urghnách

1.  Áiritheoidh na Ballstáit nach bhféadfar tacaíocht airgeadais phoiblí urghnách lasmuigh de ghníomhaíocht réitigh a dheonú d’institiúid nó d’eintiteas dá dtagraítear in Airteagal 1(1), pointí (b), (c) nó (d) ach amháin i gceann amháin de na cásanna a leanas agus ar choinníoll go gcomhlíonann an tacaíocht airgeadais phoiblí urghnách na coinníollacha agus na ceanglais a bhunaítear i gcreat Státchabhrach an Aontais:

2.  Comhlíonfaidh na bearta tacaíochta dá dtagraítear i mír 1, pointe (a), na coinníollacha a leanas ar fad:

Chun críocha na chéad fhomhíre, pointe (a), measfar institiúid nó eintiteas a bheith sócmhainneach i gcás ina gcinnfidh an t-údarás inniúil nár tharla aon sárú, nó nár dóigh dó tarlú sna 12 mhí ina dhiaidh sin, bunaithe ar ionchais reatha, ar aon cheann de na ceanglais dá dtagraítear in Airteagal 92(1) de Rialachán (AE) Uimh. 575/2013, Airteagal 104a de Threoir 2013/36/AE, Airteagal 11(1) de Rialachán (AE) 2019/2033, Airteagal 40 de Threoir (AE) 2019/2034 nó ar na ceanglais ábhartha is infheidhme faoi dhlí an Aontais nó faoin dlí náisiúnta.

Chun críocha na chéad fhomhíre, pointe (d), déanfaidh an t-údarás inniúil ábhartha na caillteanais atá tabhaithe ag an institiúid nó ag an eintiteas nó is dóigh di nó dó a thabhú a chainníochtú. Beidh an cainníochtú sin bunaithe, ar a laghad, ar athbhreithithe ar cháilíocht sócmhainní arna ndéanamh ag BCE, ÚBE nó údaráis náisiúnta, nó, i gcás inarb iomchuí, ar chigireachtaí ar an láthair arna ndéanamh ag an údarás inniúil. I gcás nach féidir na freachnaimh sin a dhéanamh in am cuí, féadfaidh an t-údarás inniúil a mheastóireacht a bhunú ar chlár comhardaithe na hinstitiúide nó an eintitis, ar choinníoll go gcomhlíonann an clár comhardaithe na rialacha agus na caighdeáin chuntasaíochta is infheidhme, arna ndeimhniú ag iniúchóir seachtrach neamhspleách. Déanfaidh an t-údarás inniúil a dhícheall chun a áirithiú go mbunaítear an cainníochtú ar luach margaidh shócmhainní agus dhliteanais na hinstitiúide nó an eintitis agus mhíreanna na hinstitiúide nó an eintitis atá lasmuigh den chlár comhardaithe.

Beidh na bearta tacaíochta dá dtagraítear i mír 1, pointe (a)(iii), teoranta do bhearta a ndearna an t-údarás inniúil measúnú orthu de réir mar is gá chun sócmhainneacht na hinstitiúide nó an eintitis a urrú trí aghaidh a thabhairt ar a easnamh caipitil arna shuí i gcás díobhálach tástálacha struis náisiúnta, tástálacha struis de chuid an Aontais nó tástálacha struis ar fud an tsásra aonair maoirseachta, nó freachnaimh choibhéiseacha arna seoladh ag an mBanc Ceannais Eorpach, ÚBE nó údaráis náisiúnta, i gcás inarb infheidhme, arna ndeimhniú ag an údarás inniúil.

De mhaolú ar mhír 1, pointe (a)(iii), ceadófar, ar bhonn eisceachtúil, ionstraimí Ghnáthchothromas Leibhéal 1 a fháil i gcás inarb amhlaidh, toisc cineál an easnaimh arna shainaithint, nach bhfágfadh fáil aon ionstraime cistí dílse eile nó aon ionstraime caipitil eile go mbeadh an institiúid nó an t-eintiteas lena mbaineann in ann aghaidh a thabhairt ar a easnamh caipitil arna shuí sa chás díobhálach sa tástáil struis ábhartha nó sa fhreachnamh coibhéiseach. Ní bheidh méid na n-ionstraimí Ghnáthchothromas Leibhéal 1 a fuarthas níos mó ná 2 % de mhéid iomlán na hinstitiúide nó an eintitis lena mbaineann atá neamhchosanta ar riosca, méid arna ríomh i gcomhréir le hAirteagal 92(3) de Rialachán (AE) Uimh. 575/2013.

I gcás nach ndéanfar aon cheann de na bearta tacaíochta dá dtagraítear i mír 1, pointe (a), a fhuascailt, a aisíoc nó a fhoirceannadh ar shlí eile i gcomhréir le téarmaí na straitéise▌chun imeacht ón mbeart tacaíochta a bunaíodh tráth a deonaíodh beart den sórt sin, iarrfaidh an t-údarás inniúil ar an institiúid nó ar an eintiteas plean feabhsúcháin aon uaire a chur faoina bhráid. Tabharfar cuntas sa phlean feabhsúcháin ar na céimeanna a bheidh le leanúint chun comhlíonadh na gceanglas maoirseachta agus marthanacht fhadtéarmach na hinstitiúide nó an eintitis a choinneáil ar bun nó a athbhunú, agus ar acmhainneacht na hinstitiúide nó an eintitis an méid dár foráladh a aisíoc, mar aon leis an tréimhse ama a ghabhann leis.

I gcás nach n-aithníonn an t-údarás inniúil go bhfuil an plean feabhsúcháin aon uaire inchreidte nó indéanta, nó i gcás ina dteipeann ar an institiúid nó ar an eintiteas an plean feabhsúcháin a chomhlíonadh, déanfar measúnú i gcomhréir le hAirteagal 32 i dtaobh an bhfuil an institiúid nó an t-eintiteas i mbéal teipthe nó ar dóigh di nó dó teip.

3.  Déanfaidh ÚBE, faoin [Oifig na bhFoilseachán: cuir isteach an dáta = 1 bhliain tar éis dháta theacht i bhfeidhm na Treorach seo], treoirlínte a eisiúint i gcomhréir le hAirteagal 16 de Rialachán (AE) Uimh. 1093/2010 maidir leis an gcineál tástálacha, athbhreithnithe nó freachnamh dá dtagraítear i mír 2, an ceathrú fomhír, as a bhféadfadh na bearta tacaíochta teacht, bearta dá dtagraítear i mír 1, pointe (a)(iii).’;

(20)  in Airteagal 33, cuirtear an méid a leanas in ionad mhír 2:"

‘2. Áiritheoidh na Ballstáit go ndéanfaidh na húdaráis réitigh gníomhaíocht réitigh i ndáil le heintiteas dá dtagraítear in Airteagal 1(1), pointí (c) nó (d), i gcás ina gcomhlíonann an t-eintiteas sin na coinníollacha a leagtar síos in Airteagal 32(1).

(21)  Leasaítear Airteagal 33a mar a leanas:

(a)  i mír 8, cuirtear an méid a leanas in ionad na chéad fhomhíre:"

‘Áiritheoidh na Ballstáit go gcuirfidh na húdaráis réitigh scéala chuig an institiúid nó chuig an eintiteas dá dtagraítear in Airteagal 1(1), pointí (b), (c) nó (d), agus chuig na húdaráis dá dtagraítear in Airteagal 83(2), pointí (a) go (h), gan mhoill tráth a mbeidh a gcumhacht dá dtagraítear i mír 1 den Airteagal seo á feidhmiú acu, tar éis cinneadh a bheith déanta go bhfuil an institiúid nó an t-eintiteas i mbéal teipthe nó gur dóigh di nó dó teip de bhun Airteagal 32(1), pointe (a), agus sula nglacfar an cinneadh réitigh.’;

(b)  i mír 9, cuirtear isteach an dara fomhír a leanas:"

‘De mhaolú ar an gcéad fhomhír, áiritheoidh na Ballstáit, i gcás ina bhfeidhmeofar na cumhachtaí sin i leith taiscí incháilithe agus nach measfar nach bhfuil na taiscí sin ar fáil chun críocha Threoir 2014/49/AE, go mbeidh rochtain ag taisceoirí ar mhéid iomchuí laethúil ó na taiscí sin.’;

(22)  leasaítear Airteagal 35 mar a leanas:

(a)  cuirtear an méid a leanas in ionad mhír 1:"

‘1. Áiritheoidh na Ballstáit go bhféadfaidh na húdaráis réitigh bainisteoir speisialta a cheapadh in ionad chomhlacht bainistíochta na hinstitiúide faoi réiteach nó na droichead-institiúide nó chun oibriú i gcomhar leis. Déanfaidh na húdaráis réitigh ceapachán an bhainisteora speisialta a phoibliú. Áiritheoidh na húdaráis réitigh go mbeidh na cáilíochtaí, an cumas agus an t-eolas ag an mbainisteoir speisialta chun a chuid/a cuid feidhmeanna a chomhlíonadh.

Ní bheidh feidhm ag Airteagal 91 de Threoir 2013/36/AE maidir le bainisteoirí speisialta a cheapadh.’;

(b)  i mír 2, cuirtear an méid a leanas in ionad na chéad abairte:"

‘Beidh cumhachtaí uile scairshealbhóirí agus chomhlacht bainistíochta na hinstitiúide faoi réiteach nó na droichead-institiúide ag an mbainisteoir speisialta.’;

(c)  cuirtear an méid a leanas in ionad mhír 5:"

‘5. Éileoidh na Ballstáit go dtarraingeoidh an bainisteoir speisialta tuarascálacha suas don údarás réitigh a cheap é/í maidir le staid eacnamaíoch agus staid airgeadais na hinstitiúide faoi réiteach nó na droichead-institiúide agus maidir leis na gníomhartha a rinneadh agus a chuid/cuid dualgas á gcomhlíonadh aige/aici, ag eatraimh rialta arna socrú ag an údarás réitigh agus ag tús agus deireadh a shainordaithe/sainordaithe.’;

(23)  leasaítear Airteagal 36 mar a leanas:

(a)  cuirtear an méid a leanas in ionad na chéad abairte de mhír 1:"

‘1. Sula gcinnfear an bhfuil na coinníollacha maidir le réiteach, nó na coinníollacha maidir le díluacháil nó comhshó ionstraimí caipitil ábhartha agus dliteanais incháilithe dá dtagraítear in Airteagal 59 á gcomhlíonadh, áiritheoidh na húdaráis réitigh go ndéanfaidh duine atá neamhspleách ar aon údarás poiblí, lena n-áirítear ar an údarás réitigh agus ar an institiúid nó eintiteas dá dtagraítear in Airteagal 1(1), pointí (b), (c) nó (d), go ndéanfaidh sé luacháil chothrom, stuama agus réalaíoch ar shócmhainní agus dliteanais na hinstitiúide nó an eintitis dá dtagraítear in Airteagal 1(1), pointí (b), (c) nó (d).’;

(b)  cuirtear isteach an mhír 7a a leanas:"

‘7a. I gcás inar gá chun bonn eolais a thabhairt leis na cinntí dá dtagraítear i mír 4, pointí (c) agus (d), comhlánóidh an luachálaí an fhaisnéis i mír 6, pointe (c), le meastachán ar luach na sócmhainní agus na ndliteanas lasmuigh den chlár comhardaithe, lena n-áirítear dliteanais theagmhasacha agus sócmhainní teagmhasacha.’;

(24)  in Airteagal 37, cuirtear an mhír 11 a leanas isteach:"

‘11. Déanfaidh ÚBE faireachán ar ghníomhaíochtaí agus ar ullmhú na n-údarás réitigh chun cur chun feidhme éifeachtach na n-uirlisí réitigh agus na gcumhachtaí réitigh a áirithiú i gcás réitigh. Cuirfidh ÚBE tuarascáil faoi bhráid an Choimisiúin maidir le staid reatha na gcleachtas atá ann cheana agus éagsúlachtaí a d’fhéadfadh a bheith ann ar fud na mBallstát faoin ... [Oifig na bhFoilseachán: cuir isteach an dáta = 2 bhliain tar éis dháta theacht i bhfeidhm na Treorach seo] agus déanfaidh sé faireachán ar chur chun feidhme aon mholadh a leagtar amach sa tuarascáil sin, i gcás inarb iomchuí.

(25)  leasaítear Airteagal 40 mar a leanas:

(a)  i mír 1, cuirtear an méid a leanas in ionad na habairte réamhráití:"

‘Chun éifeacht a thabhairt don uirlis droichead-institiúide agus ag féachaint don ghá le feidhmeanna criticiúla a choinneáil ar bun sa droichead-institiúid nó chun aon cheann de na cuspóirí réitigh a shaothrú, áiritheoidh na Ballstáit go mbeidh de chumhacht ag na húdaráis réitigh an méid a leanas go léir a aistriú chuig droichead-institiúid:’;

(b)  i mír 2, cuirtear an méid a leanas in ionad an dara fomhír:"

‘Níor cheart go gcuirfí isteach ar chumas an údaráis réitigh an droichead-institiúid a rialú tríd an uirlis tarrthála inmheánaí a chur i bhfeidhm don chuspóir dá dtagraítear in Airteagal 43(2), pointe (b). I gcás ina gceadaítear, le cur i bhfeidhm na huirlise tarrthála inmheánaí, caipiteal na droichead-institiúide a sholáthar go hiomlán trí dhliteanais ar féidir tarrtháil inmheánach a thabhairt orthu a chomhshó ina scaireanna nó ina gcineálacha eile ionstraimí caipitil, féadfar an ceanglas go bhfuil an droichead-institiúid faoi úinéireacht iomlán nó pháirteach údaráis phoiblí amháin nó níos mó a tharscaoileadh.’;

(26)  in Airteagal 42(5), cuirtear an méid a leanas in ionad phointe (b):"

‘(b) go bhfuil gá le haistriú den sórt sin chun feidhmiú iomchuí na hinstitiúide faoi réiteach nó na droichead-institiúide nó na feithicle bainistíochta féin a áirithiú; nó’;

(27)  leasaítear Airteagal 44 mar a leanas:

(a)  cuirtear an méid a leanas in ionad mhír 1:"

‘1. Áiritheoidh na Ballstáit go bhféadfar an uirlis tarrthála inmheánaí a chur i bhfeidhm maidir le dliteanais uile institiúide nó eintitis, lena n-áirítear iad siúd arb astu a n-éiríonn foráil cuntasaíochta, dá dtagraítear in Airteagal 1(1), pointí (b), (c) nó (d), nach ndéantar a eisiamh ó raon feidhme na huirlise tarrthála inmheánaí de bhun mhíreanna 2 nó 3 den Airteagal seo.’;

(b)  cuirtear an méid a leanas in ionad mhír 5:"

▌

(28)  ▌ leasaítear Airteagal 44a mar a leanas:

(a)  cuirtear isteach na míreanna a leanas:"

Áiritheoidh an institiúid creidmheasa go gcomhlíonfar na coinníollacha faoi phointí (a) agus (b) den mhír seo tráth an cheannaigh, ar bhonn na faisnéise arna soláthar ag an gcliant miondíola i gcomhréir le mír 3.

6b.  Maidir le hionstraimí incháilithe dá dtagraítear i mír 6a a dhíol an institiúid creidmheasa eisiúna lena taisceoirí a cháilíonn mar infheisteoirí miondíola gan na coinníollacha a leagtar síos sa mhír sin a chomhlíonadh, ní chuirfear sna áireamh iad i gcomhair na gceanglas faoi Airteagal 45e nó 45f a fhad a bheidh na hionstraimí sin á sealbhú ag an taisceoir lenar díoladh iad

6c.  Déanfaidh na húdaráis réitigh, mar chuid den mheasúnú inréiteachta i gcomhréir le hAirteagail 15 agus 16, faireachán bliantúil ar bhonn grúpasonrach agus institiúidsonrach ar a mhéid atá ionstraimí incháilithe i dtaca le ICDI á sealbhú ag infheisteoirí miondíola agus tuairisceoidh siad na torthaí don ÚBE uair sa bhliain ar a laghad. ’;

(b)  cuirtear na míreanna seo a leanas leis:"

‘7a. Ní cheanglófar ar na Ballstáit míreanna 6a agus 6b den Airteagal seo a chur i bhfeidhm maidir le hionstraimí dá dtagraítear i mír 61 a eisíodh roimh …  [12 mhí ó dháta theacht i bhfeidhm na Treorach leasaithí seo].

8.  Faoin ... [Oifig na bhFoilseachán: cuir isteach an dáta = 24 mhí tar éis dháta theacht i bhfeidhm na Treorach seo], cuirfidh ÚBE tuarascáil faoi bhráid an Choimisiúin maidir le cur i bhfeidhm an Airteagail seo. Déanfar comparáid sa tuarascáil sin idir na bearta arna nglacadh ag na Ballstáit https://edoc.sog-prodoc.com/edoc/img/nextErr.pngchun an tAirteagal seo a chomhlíonadh, déanfar anailís ar a éifeachtaí atá siad maidir le hinfheisteoirí miondíola a chosaint agus déanfar measúnú ar a dtionchar ar oibríochtaí trasteorann.

Ar bhonn na tuarascála sin, féadfaidh an Coimisiún togra reachtach a thíolacadh chun an Treoir seo a leasú.’;

(29)  in Airteagal 45, cuirtear an méid a leanas in ionad mhír 1:"

‘1. Áiritheoidh na Ballstáit go gcomhlíonfaidh institiúidí agus eintitis dá dtagraítear in Airteagal 1(1), pointí (b), (c) agus (d), i gcónaí, na ceanglais maidir le cistí dílse agus dliteanais incháilithe i gcás ina gceanglóidh an t-údarás réitigh amhlaidh agus faoi mar a chinnfidh an t-údarás réitigh i gcomhréir leis an Airteagal seo agus le hAirteagail 45a go 45i.’;

(30)  leasaítear Airteagal 45b mar a leanas:

(a)  i míreanna 4, 5 agus 7, cuirtear na focail ‘eintitis G-SII’ in ionad an fhocail ‘G-SIIanna’;

(b)  leasaítear mír 8 mar a leanas:

(i)  sa chéad fhomhír, cuirtear na focail ‘eintitis G-SII’ in ionad an fhocail ‘G-SIIanna’;

(ii)  sa dara fomhír, pointe (c), cuirtear na focail ‘eintiteas G-SII’ in ionad an fhocail ‘G-SII’;

(iii)  sa cheathrú fomhír, cuirtear na focail ‘eintitis G-SII’ in ionad an fhocail ‘G-SIIanna’;

(c)  cuirtear an mhír 10 a leanas leis:"

(31)  leasaítear Airteagal 45c mar a leanas:

(a)  i mír 3, an t-ochtú fomhír, cuirtear na focail ‘feidhmeanna criticiúla’ in ionad na bhfocal ‘feidhmeanna eacnamaíocha criticiúla’;

(b)  cuirtear an méid a leanas in ionad mhír 4:"

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin … [Oifig na bhFoilseachán: cuir isteach an dáta = 12 mhí ó dháta theacht i bhfeidhm na Treorach leasaithí seo].

Tarmligtear an chumhacht chuig an gCoimisiún na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.’;

(c)  i mír 7, an t-ochtú fomhír, cuirtear na focail ‘feidhmeanna criticiúla’ in ionad na bhfocal ‘feidhmeanna eacnamaíocha criticiúla’;

(32)  cuirtear isteach an tAirteagal 45ca a leanas:"

‘Airteagal 45ca

An t-íoscheanglas le haghaidh cistí dílse agus dliteanais incháilithe a chinneadh le haghaidh straitéisí aistrithe▌

1.  Agus Airteagal 45c á chur i bhfeidhm maidir le heintiteas réitigh a bhfuil sé beartaithe go príomha ina straitéis réitigh tosaíochta, go neamhspleách nó in éineacht le huirlisí réitigh eile,▌úsáid a bhaint as an uirlis díolta gnó nó as an uirlis droichead-institiúide▌, socróidh an t-údarás réitigh an méid athchaipitliúcháin dá bhforáiltear in Airteagal 45c(3) ar bhealach comhréireach ar bhonn na gcritéar a leanas, de réir mar is ábhartha:

▌

3.  Ní bheidh de thoradh ar mhír 1 a chur i bhfeidhm méid atá níos mó ná an méid a bheidh mar thoradh ar Airteagal 45c(3) a chur i bhfeidhm nó méid atá níos lú ná 13,5% den neamhchosaint iomlán ar riosca, arna ríomh i gcomhréir le hAirteagal 92(3) de Rialachán (AE) Uimh. 575/2013, agus níos lú na 5% de neamhchosaint iomlán an eintitis ábhartha dá dtagraítear i mír 1 den Airteagal seo ar riosca, arna ríomh i gcomhréir le hAirteagail 429 agus 429a de Rialachán (AE) Uimh. 575/2013.’;

(33)  in Airteagal 45d(1), cuirtear an méid a leanas in ionad na foclaíochta réamhráití:"

‘Beidh an ceanglas dá dtagraítear in Airteagal 45(1) d’eintiteas réitigh ar eintiteas G-SII é comhdhéanta de na nithe a leanas:’;

(34)  in Airteagal 45f(1), cuirtear an méid a leanas in ionad an tríú fomhír:"

‘De mhaolú ar an gcéad agus an dara fomhír den mhír seo, déanfaidh máthairghnóthais de chuid an Aontais nach eintitis réitigh iad féin ach ar fochuideachtaí de chuid eintitis tríú tír iad, na ceanglais a leagtar síos in Airteagail 45c agus 45d a chomhlíonadh ar bhonn comhdhlúite.’;

(35)  leasaítear Airteagal 45l mar a leanas:

(a)  i mír 1, cuirtear an méid a leanas in ionad phointe (a):"

‘(a) an chaoi ar cuireadh chun feidhme, ar an leibhéal náisiúnta, an ceanglas maidir le cistí dílse agus dliteanais incháilithe, arna shocrú i gcomhréir le hAirteagal 45e nó Airteagal 45f, lena n-áirítear Airteagal 45ca, agus, go háirithe, féachaint an raibh dibhéirseachtaí sna leibhéil a leagadh síos d’eintitis inchomparáide ar fud na mBallstát;’

(b)  i mír 3, an dara fomhír, cuirtear isteach an abairt a leanas:"

‘Scoirfidh an oibleagáid dá dtagraítear i mír 2 d’fheidhm a bheith aici tar éis don dara tuarascáil a bheith tíolactha.’;

(35a)  in Airteagal 45m, cuirtear an mhír a leanas isteach:"

‘1a. De mhaolú ar Airteagal 45(1), cinnfidh na húdaráis réitigh idirthréimhsí iomchuí d'institiúidí nó d'eintitis dá dtagraítear in Airteagal 1(1), pointí (b), (c) agus (d) chun na ceanglais in Airteagail 45e nó 45f nó na ceanglais in Airteagal 45b(4), (5) nó (7), a chomhlíonadh, i gcás ina mbeidh institiúidí nó eintitis faoi réir na gceanglas sin de thoradh theacht i bhfeidhm ... [na Treorach leasaithí seo]. Is é an spriocdháta do na hinstitiúidí agus na heintitis na ceanglais in Airteagail 45e nó 45f a chomhlíonadh, nó na ceanglais de thoradh chur i bhfeidhm Airteagal 45b(4), (5) nó (7) a chomhlíonadh .... [ceithre bliana ó dháta theacht i bhfeidhm na Treorach leasaithí seo].

Cinnfidh an t-údarás réitigh spriocleibhéil idirmheánacha do na ceanglais in Airteagail 45e nó 45f, nó do na ceanglais de thoradh chur i bhfeidhm Airteagal 45b(4), (5) nó (7), de réir mar is iomchuí, a ndéanfaidh institiúidí nó eintitis dá dtagraítear sa chéad fhomhír den mhír seo a chomhlíoandh faoin ... [dhá bhliain ó dháta theacht i bhfeidhm na Treorach leasaithí seo]. Áiritheoidh na spriocleibhéil idirmheánacha, mar riail ghinearálta, méadú líneach ar na cistí dílse agus ar na dliteanais incháilithe i dtreo an cheanglais.

(36)  in Airteagal 45m, cuirtear an méid a leanas in ionad mhír 4:"

‘4. Ní bheidh feidhm ag na ceanglais dá dtagraítear in Airteagail 45b(4) agus (7) agus in Airteagail 45c(5) agus (6), mar is infheidhme, laistigh den tréimhse trí bliana tar éis an dáta a ndearnadh an t-eintiteas réitigh nó an grúpa a bhfuil an t-eintiteas réitigh mar chuid de a shainaithint mar G-SII nó mar G-SII neamh-AE, nó má tharlaíonn go dtosaíonn an t-eintiteas réitigh a bheith sa staid dá dtagraítear in Airteagal 45c(5) nó (6).’;

(37)  in Airteagal 46(2), cuirtear an méid a leanas in ionad na chéad fhomhíre:"

(38)  in Airteagal 47(1), cuirtear an méid a leanas in ionad phointe (b)(i):"

‘(i) ionstraimí caipitil ábhartha agus dliteanais incháilithe i gcomhréir le hAirteagal 59 arna n-eisiúint ag an institiúid de bhun na cumhachta dá dtagraítear in Airteagal 59(2); nó’;

(39)  leasaítear Airteagal 52 mar a leanas:

(a)  i mír 1, cuirtear an fhomhír a leanas léi:"

‘In imthosca eisceachtúla, féadfaidh an t-údarás réitigh síneadh míosa eile a chur leis an spriocdháta aon mhí amháin chun an plean atheagraithe gnó a chur isteach.’;

(b)  i mír 5, cuirtear an fhomhír a leanas léi:"

‘Féadfaidh an t-údarás réitigh a cheangal ar an institiúid nó ar an eintiteas dá dtagraítear in Airteagal 1(1), pointí (b), (c) nó (d), eilimintí breise a chur san áireamh sa phlean atheagraithe gnó.’;

(40)  in Airteagal 53, cuirtear an méid a leanas in ionad mhír 3:"

‘3. I gcás ina laghdaíonn údarás réitigh go nialas príomhshuim dliteanais, nó an méid amuigh atá fós le híoc i leith dliteanais, lena n-áirítear dliteanas as a n-eascraíonn foráil cuntasaíochta, trí bhíthin na cumhachta dá dtagraítear in Airteagal 63(1), pointe (e), caithfear leis an dliteanas sin agus le haon oibleagáidí nó éilimh a eascraíonn maidir leis an dliteanas, nár tabhaíodh tráth a feidhmíodh an chumhacht, mar dhliteanas urscaoilte chun na gcríoch uile agus ní bheidh sé inchruthaithe in aon imeachtaí eile ina dhiaidh sin maidir leis an institiúid faoi réiteach nó aon eintiteas comharba in aon fhoirceannadh ina dhiaidh sin.’;

(41)  leasaítear Airteagal 55 mar a leanas:

(a)  i mír 1, cuirtear an méid a leanas in ionad phointe (b):"

‘(b) nach taisce an dliteanas dá dtagraítear in Airteagal 108(1), pointí (a) nó (b)’;

(b)  i mír 2, cuirtear an méid a leanas in ionad an cúigiú fomhír agus an séú fomhír:"

‘I gcás ina gcinnfidh an t-údarás réitigh, i gcomhthéacs an mheasúnaithe ar inréiteacht institiúide nó eintitis dá dtagraítear in Airteagal 1(1), pointí (b), (c) nó (d), i gcomhréir le hAirteagail 15 agus 16, nó tráth ar bith eile, gurb amhlaidh laistigh d’aicme dliteanas lena gcuimsítear dliteanais incháilithe, gur mó líon na ndliteanas nach gcuimsítear leo an téarma conarthach dá dtagraítear i mír 1 den Airteagal seo, mar aon leis na dliteanais a eisiatar ó chur i bhfeidhm na huirlise tarrthála inmheánaí i gcomhréir le hAirteagal 44(2) nó ar dócha go n-eisiafar iad i gcomhréir le hAirteagal 44(3), gur mó é ná 10 % den aicme sin, déanfaidh sé measúnú láithreach ar thionchar an fhíorais áirithe sin ar inréiteacht na hinstitiúide nó an eintitis sin, lena n-áirítear an tionchar ar an inréiteacht a eascraíonn as riosca coimircí an chreidiúnaí dá bhforáiltear in Airteagal 73 a shárú agus cumhachtaí díluachála agus comhshó á gcur i bhfeidhm ar dhliteanais incháilithe.

I gcás ina gcinnfidh an t-údarás réitigh, ar bhonn an mheasúnaithe dá dtagraítear sa chúigiú fomhír den mhír seo, i dtaobh na ndliteanas nach gcuimsítear leo an téarma conarthach dá dtagraítear i mír 1 den Airteagal seo, go gcruthaíonn siad bac substaintiúil ar inréiteacht, déánfaidh sé na cumhachtaí dá bhforáiltear in Airteagal 17 a chur i bhfeidhm mar is iomchuí chun fáil réidh leis an mbac sin ar an inréiteacht.’;

(c)  cuirtear an mhír a leanas isteach:"

I gcás inar cuid de ghrúpa réitigh iad institiúidí agus eintitis, is é an t-eintiteas réitigh a bhaineann leis an ngrúpa réitigh a dhéanfaidh an tuarascáil, a mhéid a cheanglaítear le mír 1, an dara agus an tríú fomhír.’;

(d)  cuirtear an mhír a leanas leis:"

‘8a. Forbróidh ÚBE dréachtchaighdeáin theicniúla cur chun feidhme chun nósanna imeachta agus aonfhoirmeacha agus teimpléid a shonrú le haghaidh na tuairisceoireachta d’údaráis réitigh dá dtagraítear i mír 2a.

Cuirfidh ÚBE na dréachtchaighdeáin theicniúla cur chun feidhme sin faoi bhráid an Choimisiúin faoin ... [bliain amháin ó dháta theacht i bhfeidhm na Treorach leasaithí seo].

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1093/2010.’;

(42)  leasaítear Airteagal 59 mar a leanas:

(a)  i mír 3, cuirtear an méid a leanas in ionad phointe (e):"

‘(e) go n-éileoidh an institiúid nó an t-eintiteas dá dtagraítear in Airteagal 1(1), pointí (b), (c) nó (d); tacaíocht airgeadais phoiblí urghnách, ach amháin i gcás ina ndeonaítear an tacaíocht sin i gceann de na foirmeacha dá dtagraítear in Airteagal 32c.’;

(b)  i mír 4, cuirtear an méid a leanas in ionad phointe (b):"

‘(b) ag féachaint d’uainiú, don ghá atá ann na cumhachtaí díluachála agus comhshó nó an straitéis réitigh don ghrúpa réitigh a chur chun feidhme go héifeachtach agus d’imthosca ábhartha eile, níl aon ionchas réasúnach ann go gcuirfeadh aon ghníomhaíocht, lena n-áirítear bearta malartacha ón earnáil phríobháideach, gníomhaíocht mhaoirseachta nó bearta luath-idirghabhála, seachas díluacháil nó comhshó ionstraimí caipitil, agus dliteanas incháilithe dá dtagraítear i mír 1a, cosc ar theip na hinstitiúide nó an eintitis dá dtagraítear in Airteagal 1(1), pointí (b), (c) nó (d), nó an ghrúpa sin laistigh de thréimhse réasúnta.’;

(43)  leasaítear Airteagal 63 mar a leanas:

(a)  leasaítear mír 1 mar a leanas:

(i)  cuirtear an méid a leanas in ionad phointe (m):"

‘(m) an chumhacht chun a cheangal ar an údarás inniúil faighteoir sealúchais cháilithigh a mheas ar mhodh tráthúil de mhaolú ar na teorainneacha ama a leagtar síos in Airteagal 22 de Threoir 2013/36/AE agus Airteagal 12 de Threoir 2014/65/AE;’;

(ii)  cuirtear isteach an pointe (n) a leanas:"

‘(n) an chumhacht chun iarrataí a dhéanamh de bhun Airteagal 17(5) de Rialachán (AE) Uimh. 596/2014 thar ceann na hinstitiúide faoi réiteach.’;

(b)  i mír 2, cuirtear an méid a leanas in ionad phointe (a):"

‘(a) faoi réir Airteagal 3(6) agus Airteagal 85(1), ceanglais maidir le formheas nó toiliú a fháil ó aon duine poiblí nó príobháideach, lena n-áirítear scairshealbhóirí nó creidiúnaithe na hinstitiúide faoi réiteach agus na húdaráis inniúla chun críocha Airteagail 22 go 27 de Threoir 2013/36/AE;’;

(44)  cuirtear an méid a leanas in ionad Airteagal 71a(3):"

(45)  cuirtear fomhír (d) a leanas le hAirteagal 74(3):"

‘(d) agus na caillteanais a thabhódh an scéim ráthaithe taiscí dá bhfoirceannfaí an institiúid faoi ghnáthimeachtaí dócmhainneachta á gcinneadh, na critéir agus an mhodheolaíocht dá dtagraítear in Airteagal 11e de Threoir 2014/49/AE agus in aon ghníomh tarmligthe arna ghlacadh de bhun an Airteagail sin a chur i bhfeidhm.’;

(45a)  in Airteagal 84, cuirtear isteach an mhír a leanas:"

‘6a. Ní choiscfidh an tAirteagal seo malartú faisnéise idir údaráis réitigh agus údaráis chánach sa Bhallstát céanna a mhéid a leagtar an malartú sin síos i ndlí náisiúnta an Bhallstáit sin. I gcás ina dtiocfaidh an fhaisnéis sin ó Bhallstát eile, ní nochtfar í ach le toiliú sainráite an údaráis ábhartha a rinne í a nochtadh.’;

(46)  in Airteagal 88, cuirtear an mhír 6a a leanas isteach:"

‘6a. Chun na cúraimí dá dtagraítear in Airteagail 10(1), 15(1) agus 17(1) a éascú agus chun aon fhaisnéis ábhartha a mhalartú, déanfaidh údarás réitigh institiúide a bhfuil brainsí suntasacha aici i mBallstáit eile coláiste réitigh a bhunú agus déanfaidh sé cathaoirleacht air.

Cinnfidh údarás réitigh na hinstitiúide dá dtagraítear sa chéad fhomhír cé na húdaráis a bheidh rannpháirteach i gcruinniú nó i ngníomhaíocht de chuid an choláiste réitigh, agus ábharthacht na gníomhaíochta a bheidh le pleanáil, nó le comhordú, do na húdaráis sin á cur san áireamh, go háirithe an tionchar a d’fhéadfadh a bheith ar chobhsaíocht an chórais airgeadais sna Ballstáit lena mbaineann agus na cúraimí dá dtagraítear sa chéad fhomhír.

Coinneoidh údarás réitigh na hinstitiúide dá dtagraítear sa chéad fhomhír comhaltaí uile an choláiste réitigh go hiomlán ar an eolas, roimh ré, faoi eagrú na gcruinnithe sin, faoi na príomh-shaincheisteanna a bheidh le plé agus faoi na gníomhaíochtaí a bheidh le breithniú. Ina theannta sin, coinneoidh údarás réitigh na hinstitiúide dá dtagraítear sa chéad fhomhír comhaltaí uile an choláiste go hiomlán ar an eolas, go tráthúil, faoi na gníomhaíochtaí a rinneadh sna cruinnithe sin nó faoi na bearta a rinneadh.’;

(46a)  in Airteagal 90, cuirtear an mhír a leanas isteach:"

‘4a. Ní choiscfidh Airteagal 84 malartú faisnéise idir údaráis réitigh agus údaráis chánach sa Bhallstát céanna a mhéid a leagtar an malartú sin síos i ndlí náisiúnta an Bhallstáit sin. I gcás ina dtiocfaidh an fhaisnéis sin ó Bhallstát eile, ní nochtfar í ach le toiliú sainráite an údaráis ábhartha a rinne í a nochtadh.’;

(47)  leasaítear Airteagal 91 mar a leanas:

(a)  cuirtear an méid a leanas in ionad mhír 1:"

Féadfar an fhaisnéis dá dtagraítear sa chéad fhomhír a chur san áireamh sna fógraí a cuireadh in iúl de bhun Airteagal 81(3) do na seolaithe dá dtagraítear sa chéad fhomhír den mhír seo.’;

(b)  i mír 7, cuirtear an méid a leanas in ionad an dara fomhír:"

‘Féadfaidh ÚBE, ar iarratas ó údarás réitigh, cuidiú leis na húdaráis réitigh teacht ar chinneadh comhpháirteach i gcomhréir le hAirteagal 31(2), pointe (c), de Rialachán (AE) Uimh. 1093/2010.’;

(48)  in Airteagal 92(3), cuirtear an méid a leanas in ionad an dara fomhír:"

‘Féadfaidh ÚBE, ar iarratas ó údarás réitigh, cuidiú leis na húdaráis réitigh teacht ar chinneadh comhpháirteach i gcomhréir le hAirteagal 31(2), pointe (c), de Rialachán (AE) Uimh. 1093/2010.’;

(49)  in Airteagal 97, cuirtear an méid a leanas in ionad mhír 4:"

‘4. Déanfaidh na húdaráis réitigh socruithe comhair neamhcheangailteacha a thabhairt i gcrích leis na húdaráis ábhartha tríú tír dá dtagraítear i mír 2 den Airteagal seo i gcás inarb iomchuí. Beidh na socruithe sin i gcomhréir le socrú réime ÚBE.

Déanfaidh na húdaráis inniúla socruithe comhair neamhcheangailteacha a thabhairt i gcrích leis na húdaráis ábhartha tríú tír dá dtagraítear i mír 2 den Airteagal seo i gcás inarb iomchuí. Beidh na socruithe sin i gcomhréir le socrú réime ÚBE agus áiritheofar leo go mbeidh an fhaisnéis a nochtar do na húdaráis tríú tír faoi réir ráthaíochta go gcomhlíonfar ceanglais maidir le rúndacht ghairmiúil a bheidh coibhéiseach ar a laghad leis na ceanglais dá dtagraítear in Airteagal 84.’

(50)  in Airteagal 98, leasaítear mír 1 mar a leanas:

(a)  cuirtear an méid a leanas in ionad na habairte réamhráití:"

‘Áiritheoidh na Ballstáit nach ndéanfaidh na húdaráis réitigh agus na haireachtaí inniúla faisnéis rúnda a mhalartú, lena n-áirítear pleananna téarnaimh, le húdaráis ábhartha tríú tír ach amháin má chomhlíontar na coinníollacha a leanas go léir:’;

(b)  cuirtear an dara agus an tríú fomhír a leanas leis:"

Chun críocha an dara fomhír, san fhaisnéis a bhaineann le téarnamh agus le réiteach, beidh an fhaisnéis uile a bhaineann go díreach le cúraimí na n-údarás inniúil faoin Treoir seo, go háirithe pleanáil téarnaimh agus pleananna téarnaimh, bearta luath-idirghabhála agus malartuithe le húdaráis réitigh maidir le pleanáil réitigh, pleananna réitigh agus gníomhaíocht réitigh.’;

(51)  in Airteagal 101, cuirtear an méid a leanas in ionad mhír 2:"

‘2. I gcás ina gcinneann an t-údarás réitigh, gur dócha go mbeidh mar thoradh ar úsáid an tsocraithe um maoiniú réitigh chun na gcríoch sin dá dtagraítear i mír 1 den Airteagal seo, go gcuirfear cuid de chaillteanais institiúide nó eintitis dá dtagraítear in Airteagal 1(1), pointí (b), (c) nó (d) ar aghaidh chuig an socrú um maoiniú réitigh, beidh feidhm ag na prionsabail lena rialaítear úsáid an tsocraithe um maoiniú réitigh a leagtar amach in Airteagal 44.’;

(52)  in Airteagal 102(3), cuirtear an méid a leanas in ionad na chéad fhomhíre:"

‘Más rud é, tar éis na tréimhse tosaigh dá dtagraítear i mír 1 den Airteagal seo, go laghdaítear na hacmhainní airgeadais atá ar fáil faoi bhun an spriocleibhéil a shonraítear sa mhír sin, atosófar na ranníocaíochtaí rialta a chruinnítear i gcomhréir le hAirteagal 103 go dti go sroichfear an spriocleibhéal. Feadfaidh na húdaráis réitigh tiomsú na ranníocaíochtaí tráthrialta a chur siar i gcomhréir le hAirteagal 103 ar feadh suas le trí bliana i gcás ina sroichfidh an méid atá le tiomsú méid atá comhréireach le costais an phróisis tiomsaithe, ar choinníoll nach ndéanfaidh iarchur den sórt sin difear ábhartha do chumas an údaráis réitigh na socruithe um maoiniú réitigh a úsáid de bhun Airteagal 101. Tar éis an spriocleibhéal a bhaint amach den chéad uair agus i gcás inar laghdaíodh na hacmhainní airgeadais atá ar fáil ina dhiaidh sin go méid is lú ná dhá thrian den spriocleibhéal, socrófar na ranníocaíochtaí sin ar leibhéal lena gceadaítear an spriocleibhéal a bhaint amach laistigh de 4 bliana.’;

(53)  leasaítear Airteagal 103 mar a leanas:

(a)  cuirtear an méid a leanas in ionad mhír 3:"

3. Féadfar gealltanais íocaíochta neamh-inchúlghairthe a áireamh leis na hacmhainní airgeadais atá ar fáil agus le cur san áireamh chun an spriocleibhéal a shonraítear in Airteagal 102 a bhaint amach, ar gealltanais íocaíochta neamh-inchúlghairthe iad a ráthaítear go hiomlán le comhthaobhacht de shócmhainní ísealriosca gan bac ó aon chearta tríú páirtí, faoi réir ag na húdaráis réitigh agus arna gcur i leataobh le haghaidh úsáid eisiach na n-údarás sin chun na gcríoch a shonraítear in Airteagal 101(1). Ní rachaidh sciar na ngealltanas íocaíochta neamh-inchúlghairthe thar 30 % de mhéid iomlán na ranníocaíochtaí arna gcruinniú i gcomhréir leis an Airteagal seo. Laistigh den teorainn sin, cinnfidh an t-údarás réitigh go bliantúil sciar na ngealltanas íocaíochta neamh-inchúlghairthe i méid iomlán na ranníocaíochtaí a bheidh le cruinniú i gcomhréir leis an Airteagal seo.’;

(b)  cuirtear an mhír 3a a leanas isteach:"

‘3a. Glaofaidh an t-údarás réitigh ar na gealltanais íocaíochta neamh-inchúlghairthe arna ndéanamh de bhun mhír 3 den Airteagal seo nuair is gá socruithe um maoiniú réitigh a úsáid de bhun Airteagal 101.

I gcás ina scoirfidh eintiteas de bheith faoi raon feidhme Airteagal 1 agus nach mbeidh sé faoi réir na hoibleagáide ranníocaíochtaí a íoc a thuilleadh i gcomhréir le mír 1 den Airteagal seo, glaofaidh an t-údarás réitigh ar na gealltanais íocaíochta neamh-inchúlghairthe arna ndéanamh de bhun mhír 3 agus atá fós dlite. Má dhéantar an ranníocaíocht atá nasctha leis an ngealltanas íocaíochta neamh-inchúlghairthe a íoc go cuí tráth an chéad ghlao, cuirfidh an t-údarás réitigh an gealltanas ar ceal agus tabharfaidh sé an chomhthaobhacht ar ais. Mura n-íocfar an ranníocaíocht go cuí tráth an chéad ghlao, urghabhfaidh an t-údarás réitigh an chomhthaobhacht agus cuirfidh sé an gealltanas ar ceal.’;

(54)  In Airteagal 104(1), cuirtear an méid a leanas in ionad an dara fomhír:"

‘Ní rachaidh ranníocaíochtaí ex-post urghnácha thar 12.5 % den spriocleibhéal faoina trí, leibhéal a shonraítear in Airteagal 102.’;

(55)  leasaítear Airteagal 108 mar a leanas:

(a)  cuirtear an méid a leanas in ionad mhír 1:"

(b)  cuirtear isteach na míreanna 8 agus 9 a leanas:"

‘8. I gcás nach ndéantar ach cuid de shócmhainní, de chearta nó de dhliteanais na hinstitiúide faoi réiteach a aistriú leis na huirlisí réitigh dá dtagraítear in Airteagal 37(3), pointe (a) nó (b), beidh éileamh ag an socrú um maoiniú réitigh in aghaidh na hinstitiúide iarmharaí nó an eintitis iarmharaigh dá dtagraítear in Airteagal 1(1), pointí (b), (c) nó (d), ar aon chostas agus caillteanas arna thabhú ag an socrú um maoiniú réitigh mar thoradh ar aon ranníocaíochtaí a rinneadh leis an réiteach de bhun Airteagal 101(1) maidir le caillteanais a d’fhulaingeodh creidiúnaithe murach sin.

9.  Áiritheoidh na Ballstáit go mbeidh rangú tosaíochta ag éilimh an tsocraithe um maoiniú réitigh dá dtagraítear i mír 8 den Airteagal seo agus in Airteagal 37(7) ina ndlíthe náisiúnta lena rialaítear gnáthimeachtaí dócmhainneachta, rangú tosaíochta a bheidh níos airde ná an rangú a chuirtear ar fáil le haghaidh éilimh taiscí agus scéimeanna ráthaithe taiscí de bhun mhír 1 den Airteagal seo.’;

(56)  leasaítear Airteagal 109 mar a leanas:

(a)  cuirtear an méid a leanas in ionad mhíreanna 1 agus 2:"

Áiritheoidh na Ballstáit, a luaithe a bheidh ranníocaíocht déanta ag an scéim ráthaithe taiscí sna cásanna dá dtagraítear sa dara fomhír, go staonfaidh an institiúid faoi réiteach ó gheallta a fháil i ngnóthais eile chomh maith le dáileacháin maidir le caipiteal Ghnáthchothromas Leibhéal 1 nó íocaíochtaí ar ionstraimí Breise Leibhéal 1, nó ó ghníomhaíochtaí eile a bhféadfadh eis-sreabhadh cistí a bheith mar thoradh orthu.

I ngach cás, ní bheidh costas ranníocaíocht na scéime ráthaithe taiscí níos mó ná an costas a bhaineann le taisceoirí a aisíoc arna ríomh leis an scéim ráthaithe taiscí faoi Airteagal 11e de Threoir 2014/49/AE.

I gcás ina gcinntear le luacháil faoi Airteagal 74 gur mhó costas ranníocaíocht na scéime ráthaithe taiscí leis an réiteach ná na caillteanais a thabhódh sí dá ndéanfaí an institiúid a fhoirceannadh faoi ghnáthimeachtaí dócmhainneachta, beidh an scéim ráthaithe taiscí i dteideal íocaíocht na difríochta ón socrú um maoiniú réitigh i gcomhréir le hAirteagal 75.

2.  Áiritheoidh na Ballstáit go gcinnfidh an t-údarás réitigh méid ranníocaíocht na scéime ráthaithe taiscí i gcomhréir le mír 1 tar éis dó dul i gcomhairle leis an scéim ráthaithe taiscí maidir leis an gcostas measta a bhaineann le taisceoirí a aisíoc de bhun Airteagal 11e de Threoir 2014/49/AE agus i gcomhréir leis na coinníollacha dá dtagraítear in Airteagal 36 den Rialachán seo.

Tabharfaidh an t-údarás réitigh fógra faoina chinneadh dá dtagraítear sa chéad fhomhír don scéim ráthaithe taiscí lena bhfuil an institiúid cleamhnaithe. Cuirfidh an scéim ráthaithe taiscí an cinneadh sin chun feidhme gan mhoill.’;

(b)  cuirtear na míreanna 2a agus 2b a leanas isteach:"

‘2a. I gcás ina n-úsáidfear cistí na scéime ráthaithe taiscí i gcomhréir le mír 1, an chéad fhomhír, pointe (a), chun rannchuidiú le hathchaipitliú na hinstitiúide faoi réiteach, áiritheoidh na Ballstáit go n-aistreoidh an scéim ráthaithe taiscí a sealúchais scaireanna nó ionstraimí caipitil eile san institiúid faoi réiteach chuig an earnáil phríobháideach a luaithe is féidir de réir na gcúinsí tráchtála agus airgeadais.

Áiritheoidh na Ballstáit go ndéanfaidh an scéim ráthaithe taiscí na scaireanna agus na hionstraimí caipitil eile dá dtagraítear sa chéad fhomhír a mhargú go hoscailte agus go trédhearcach, agus nach dtugann an díol bréagléiriú orthu nó nach ndéanann sé idirdhealú idir ceannaitheoirí ionchasacha. Is ar théarmaí tráchtála a dhéanfar aon díol den sórt sin.

2b.  Áireofar ranníocaíocht na scéime ráthaithe taiscí de bhun mhír 1, an dara fomhír, faoi chomhair na dtairseach a leagtar síos in Airteagal 44(5), pointe (a), agus in Airteagal 44(8), pointe (a).

I gcás ina bhfágfaidh úsáid na scéime ráthaithe taiscí de bhun mhír 1, an dara fomhír, mar aon leis an rannchuidiú le hionsú caillteanais agus le hathchaipitliú a dhéanfaidh na scairshealbhóirí agus sealbhóirí ionstraimí úinéireachta eile, sealbhóirí ionstraimí caipitil ábhartha agus sealbhóirí dliteanas eile ar féidir tarrtháil inmheánach a thabhairt orthu, gur féidir an socrú um maoiniú réitigh a úsáid, beidh ranníocaíocht na scéime ráthaithe taiscí teoranta don mhéid is gá chun na tairseacha a leagtar síos in Airteagal 44(5), pointe (a) agus in Airteagal 44(8), pointe (a) a chomhlíonadh. Tar éis ranníocaíocht na scéime ráthaithe taiscí, úsáidfear an socrú um maoiniú réitigh i gcomhréir leis na prionsabail lena rialaítear úsáid an tsocraithe um maoiniú réitigh a leagtar amach in Airteagail 44 agus 101.

De mhaolú ar an teorannú ar ranníocaíochtaí ón scéim ráthaithe taiscí faoin dara fomhír den mhír seo, i gcás ina gcomhlíontar na coinníollacha faoi Airteagal 44(7), ceanglófar ranníocaíocht bhreise ón scéim ráthaithe taiscí. Beidh an ranníocaíocht sin cothrom leis an méid a ranníoc an socrú um maoiniú réitigh os cionn na teorann 5% a sonraíodh in Airteagal 44(5), pointe (b), arna iolrú faoi sciar na dtaiscí faoi chumhdach mar chuid de dhliteanais iomlána faoi raon feidhme an aistrithe.

(c)  scriostar mír 3;

(d)  i mír 5, scriostar an dara agus an tríú fomhír;

(57)  in Airteagal 111(1), cuirtear an pointe (e) a leanas leis:"

‘(e) nach ndearnadh an t-íoscheanglas maidir le cistí dílse agus dliteanais incháilithe dá dtagraítear in Airteagal 45e nó 45f a chomhlíonadh.’;

(58)  leasaítear Airteagal 128 mar a leanas:

(a)  cuirtear an méid a leanas in ionad an teidil:"

‘Comhar agus malartú faisnéise idir institiúidí agus údaráis’;

(b)  cuirtear an mhír a leanas leis:"

‘Déanfaidh na húdaráis réitigh, na húdaráis inniúla, ÚBE, an Bord Réitigh Aonair, BCE agus comhaltaí eile den Chóras Eorpach Banc Ceannais aon fhaisnéis is gá chun a chúraimí a chomhlíonadh a bhaineann le forbairt beartais, lena n-áirítear measúnuithe tionchair a dhéanamh, tograí reachtacha a ullmhú agus a bheith rannpháirteach sa phróiseas reachtach, a sholáthar don Choimisiún, arna iarraidh sin dó agus laistigh den tréimhse shonraithe. Beidh an Coimisiún agus foireann an Choimisiúin faoi réir na gceanglas maidir le rúndacht ghairmiúil a leagtar síos in Airteagal 88 de Rialachán (AE) Uimh. 806/2014 ó Pharlaimint na hEorpa agus ón gComhairle* maidir leis an bhfaisnéis a fhaightear.’;

______________________________

* Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (IO L 225, 30.7.2014, lch. 1).

(59)  cuirtear an tAirteagal 128a a leanas isteach:"

‘Airteagal 128a

Ionsamhlúcháin bainistithe géarchéime

1.  Comhordóidh ÚBE freachnaimh rialta ar fud an Aontais chun tástáil a dhéanamh ar chur i bhfeidhm na Treorach seo, Rialachán (AE) Uimh. 806/2014 agus Threoir 2014/49/AE i gcásanna trasteorann maidir le gach ceann de na gnéithe a leanas:

2.  Cuirfidh ÚBE tuarascáil i dtoll a chéile ina leagfar amach príomhthorthaí agus príomhchonclúidí na bhfreachnamh. Cuirfear an tuarascáil ar fáil don phobal.’.

Airteagal 2

Trasuí

1.  Na dlíthe, na rialacháin agus na forálacha riaracháin is gá chun an Treoir seo a chomhlíonadh, déanfaidh na Ballstáit iad a ghlacadh agus a fhoilsiú faoin [Oifig na bhFoilseachán: cuir isteach an dáta = 18 mí ó dháta theacht i bhfeidhm na Treorach leasaithí seo] ar a dhéanaí. Cuirfidh siad téacs na bhforálacha sin in iúl don Choimisiún láithreach.

Cuirfidh siad na forálacha sin i bhfeidhm ón [Oifig na bhFoilseachán: cuir isteach an dáta = 1 lá tar éis dháta trasuite na Treorach leasaithí seo].

Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach chun tagairt den sórt sin a dhéanamh.

2.  Déanfaidh na Ballstáit téacs phríomhfhoralacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.

Airteagal 3

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 4

Seolaithe

Is chuig na Ballstáit a dhírítear an Treoir seo.

Arna dhéanamh in …,

Thar ceann Pharlaimint na hEorpa Thar ceann na Comhairle

An tUachtarán An tUachtarán

(1) IO C 307, 31.8.2023, lch. 19. (2) IO C 349, 29.9.2023, lch. 161. (3) * Tá na hathruithe ar fud an téacs mar thoradh ar leasú 1 a ghlacadh. Tá téacs nua nó téacs atá curtha in ionad téacs eile aibhsithe le cló trom iodálach; léirítear téacs atá scriosta trí leas a bhaint as an tsiombail ▌. (4) IO C , , lch. . (5) IO C , , lch. . (6) An Bord um Chobhsaíocht Airgeadais, Príomhthréithe Córas Éifeachtach Réitigh le haghaidh Institiúidí Airgeadais, an 15 Deireadh Fómhair 2014. (7) Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat do théarnamh agus réiteach institiúidí creidmheasa agus gnólachtaí infheistíochta agus lena leasaítear Treoir 82/891/CEE ón gComhairle agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE agus 2013/36/AE, agus Rialacháin (AE) Uimh. 1093/2010 agus (AE) Uimh. 648/2012, ó Pharlaimint na hEorpa agus ón gComhairle (IO L 173, 12.6.2014, lch. 190). (8) Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (IO L 225, 30.7.2014, lch. 1). (9) Rialachán Tarmligthe (AE) 2021/1118 ón gCoimisiún an 26 Márta 2021 lena bhforlíontar Treoir 2014/59/AE ó Pharlaimint na hEorpa agus ón gComhairle maidir le caighdeáin theicniúla rialála lena sonrófar an mhodheolaíocht atá le húsáid ag údaráis réitigh chun an ceanglas dá dtagraítear in Airteagal 104a de Threoir 2013/36/AE ó Pharlaimint na hEorpa agus ón gComhairle agus an ceanglas maoláin chomhcheangailte a mheas i dtaca le heintitis réitigh ar leibhéal comhdhlúite an ghrúpa réitigh i gcás nach mbíonn an grúpa réitigh faoi réir na gceanglas sin de bhun na Treorach réamhráite (IO L 241, 8.7.2021, lch. 1). (10) Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa, lena leasaítear Treoir 2002/87/CE agus lena n-aisghairtear Treoracha 2006/48/CE agus 2006/49/CE (IO L 176, 27.6.2013, lch. 338). (11) Treoir (AE) 2019/2034 ó Pharlaimint na hEorpa agus ón gComhairle an 27 Samhain 2019 maidir le maoirseacht stuamachta ar ghnólachtaí infheistíochta agus lena leasaítear Treoracha 2002/87/CE, 2009/65/CE, 2011/61/AE, 2013/36/AE, 2014/59/AE agus 2014/65/AE (IO L 314, 5.12.2019, lch. 64). (12) Rialachán (CE) Uimh. 1059/2003 ó Pharlaimint na hEorpa agus ón gComhairle an 26 Bealtaine 2003 maidir le haicmiú comhchoiteann na n-aonad críche maidir le staidreamh (NUTS) a bhunú (IO L 154, 21.6.2003, lch. 1). (13) Treoir 2014/49/AE ó Pharlaimint na hEorpa agus ón gComhairle an 16 Aibreán 2014 maidir le scéimeanna ráthaíochta taiscí (IO L 173, 12.6.2014, lch. 149). (14) Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta, agus lena leasaítear Rialachán (AE) Uimh. 648/2012 (IO L 176, 27.6.2013, lch. 1). (15) Rialachán (AE) 2019/2033 ó Pharlaimint na hEorpa agus ón gComhairle an 27 Samhain 2019 maidir leis na ceanglais stuamachta ar ghnólachtaí infheistíochta agus lena leasaítear Rialacháin (AE) Uimh. 1093/2010, (AE) Uimh. 575/2013, (AE) Uimh. 600/2014 agus (AE) Uimh. 806/2014 (IO L 314, 5.12.2019, lch. 1). (16) Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12). (17) COM(2018) 133 final. (18) COM(2020) 822 final. (19) Rialachán (CE) Uimh 1126/2008 ón gCoimisiún an 3 Samhain 2008 lena nglactar caighdeáin áirithe idirnáisiúnta chuntasaíochta i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (IO L 320, 29.11.2008, lch. 1). (20) Rialachán (AE) 2019/876 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 575/2013 a mhéid a bhaineann leis an gcóimheas giarála, leis an gcóimheas glanchistiúcháin chobhsaí, leis na ceanglais maidir le cistí dílse agus dliteanais incháilithe, leis an bpriacal creidmheasa contrapháirtí, leis an bpriacal margaidh, leis na risíochtaí ar chontrapháirtithe lárnacha, leis na risíochtaí ar ghnóthais chomhinfheistíochta, leis na risíochtaí móra, leis na ceanglais tuairiscithe agus nochta, agus Rialachán (AE) Uimh. 648/2012 (OJ L 150, 7.6.2019, lch. 1). (21) Rialachán (AE) 2019/877 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 806/2014 a mhéid a bhaineann le hacmhainneacht ionsúcháin caillteanais agus athchaipitliúcháin institiúidí creidmheasa agus gnólachtaí infheistíochta (IO L 150, 7.6.2019, lch. 226). (22) Treoir (AE) 2019/879 ó Pharlaimint na hEorpa agus ón gComhairle an 20 Bealtaine 2019 lena leasaítear Treoir 2014/59/AE maidir le hacmhainneacht ionsúcháin caillteanais agus acmhainneacht athchaipitliúcháin institiúidí creidmheasa agus gnólachtaí infheistíochta agus Treoir 98/26/CE (IO L 150, 7.6.2019, lch. 296). (23) Rialachán (AE) Uimh. 596/2014 ó Pharlaimint na hEorpa agus ón gComhairle an 16 Aibreán 2014 maidir le drochúsáid mhargaidh (an rialachán maidir le drochúsáid mhargaidh) agus lena n-aisghairtear Treoir 2003/6/CE ó Pharlaimint na hEorpa agus ón gComhairle agus Treoracha 2003/124/CE, 2003/125/CE agus 2004/72/CE ón gCoimisiún (IO L 173, 12.6.2014, lch. 1).

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle lena leasaítear Treoir 2014/49/AE a mhéid a bhaineann le raon feidhme árachais taiscí, úsáid cistí scéimeanna ráthaithe taiscí, comhar trasteorann agus trédhearcacht (COM(2023)0228 – C9-0133/2023 – 2023/0115(COD))

P9_TA(2024)0328 A9-0154/2024

(An gnáthnós imeachta reachtach: an chéad léamh)

Tá Parlaimint na hEorpa,

–  ag féachaint don togra ón gCoimisiún chuig Parlaimint na hEorpa agus chuig an gComhairle (COM(2023)0228),

–  ag féachaint d’Airteagal 294(2) agus d’Airteagal 53(1) den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0133/2023),

–  ag féachaint d’Airteagal 294(3) den Chonradh ar Fheidhmiú an Aontais Eorpaigh,

–  ag féachaint do thuairim ón mBanc Ceannais Eorpach an 5 Iúil 2023(1),

–  ag féachaint do Riail 59 dá Rialacha Nós Imeachta,

–  ag féachaint don tuarascáil ón gCoiste um Ghnóthaí Eacnamaíochta agus Airgeadaíochta (A9-0154/2024),

1.  ag glacadh a seasaimh ar an gcéad léamh mar a leagtar amach ina dhiaidh seo é;

2.  á iarraidh go ndéanfadh an Coimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.  á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

Seasamh ó Pharlaimint na hEorpa arna ghlacadh ar an gcéad léamh an 24 Aibreán 2024 chun go nglacfaí Treoir (AE) 2024/... ó Pharlaimint na hEorpa agus ón gComhairle lena leasaítear Treoir 2014/49/AE a mhéid a bhaineann le raon feidhme árachais taiscí, úsáid cistí scéimeanna ráthaithe taiscí, comhar trasteorann agus trédhearcacht(2)

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 53(1) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa(3),

Ag féachaint don tuairim ó Choiste na Réigiún(4),

Ag féachaint don tuairim ón mBanc Ceannais Eorpach(5),

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)  I gcomhréir le hAirteagal 19(5) agus (6) de Threoir 2014/49/AE ó Pharlaimint na hEorpa agus ón gComhairle(6), rinne an Coimisiún athbhreithniú ar chur i bhfeidhm agus raon feidhme na Treorach sin agus tháinig ar an gconclúid gur comhlíonadh, den chuid is mó, an cuspóir atá aici maidir le taisceoirí san Aontas a chumhdach trí scéimeanna ráthaithe taiscí a bhunú. Tháinig an Coimisiún ar an gconclúid freisin, áfach, gur gá aghaidh a thabhairt ar na bearnaí atá fágtha i gcumhdach taisceoirí agus feidhmiú scéimeanna ráthaithe taiscí a fheabhsú, agus na rialacha maidir le hidirghabhálacha ag scéimeanna ráthaithe taiscí seachas imeachtaí íocaíochta amach a chomhchuibhiú.

(1a)  Faoi láthair, níl an t-aontas baincéireachta bunaithe ach ar dhá cholún dá chuid atá beartaithe, eadhon, an Sásra Aonair Maoirseachta (SAM) agus an Sásra Réitigh Aonair (SRA). Dá bhrí sin, tá sé neamhiomlán i gcónaí, toisc nach ann dá thríú colún, an Scéim Eorpach Árachais Taiscí (SEÁT). Tá sé beartaithe leis an athbhreithniú leanúnach ar chreat bainistithe géarchéime agus árachais taiscí an Aontais an bealach a réiteach chun an t-aontas baincéireachta a thabhairt chun críche rud a rabhthas ag súil leis le tamall fada, lena n-áirítear SEÁT a bhunú. Is cuid dhílis den aontas eacnamaíoch agus airgeadaíochta agus den chobhsaíocht airgeadais é comhlánú an aontais baincéireachta, go háirithe trí mhaolú a dhéanamh ar na rioscaí a bhaineann le ‘fáinne fí’, mar a thugtar air, a thagann chun cinn mar thoradh ar an nasc idir na bainc agus fiachas ceannasach.

(1b)  Chun aistriú rianúil chuig cur i gcrích an aontais baincéireachta a áirithiú, is gá na feidhmeanna is féidir le DGSanna a chomhlíonadh a chomhchuibhiú. Dá bhrí sin, ba cheart líon na lánrogha faoin dlí náisiúnta a áirítear i dTreoir 2014/49/AE a theorannú agus ba cheart do gach DGS a bheith in ann bearta réitigh, bearta coisctheacha agus bearta malartacha eile ar eisiocaíocht taisceoirí a mhaoiniú.

(1c)  Ba cheart, le creat bainistithe géarchéime an Aontais, go n-áiritheofaí i gcónaí nach ndéantar caillteanais a shóisialú agus nach n-úsáidtear acmhainní cáiníocóirí chun cabhrú le hinstitiúidí creidmheasa atá i gcruachás nó chun iad a tharrtháil.

(2)  Mura gcomhlíontar na hoibleagáidí chun ranníocaíochtaí a íoc le scéimeanna ráthaithe taiscí nó chun faisnéis a sholáthar do thaisceoirí agus scéimeanna ráthaithe taiscí, d’fhéadfadh sé dochar a dhéanamh don chuspóir go gcumhdófar taisceoirí. Is féidir le scéimeanna ráthaithe taiscí, nó údaráis ainmnithe i gcás inarb ábhartha, smachtbhannaí airgid a chur i bhfeidhm as ranníocaíochtaí a íoc go déanach. Tá sé tábhachtach feabhas a chur ar an gcomhordú idir scéimeanna ráthaithe taiscí, údaráis ainmnithe agus údaráis inniúla chun gníomhaíochtaí forfheidhmithe a dhéanamh in aghaidh institiúid creidmheasa nach gcomhlíonann a hoibleagáidí. Cé go ndéantar cur i bhfeidhm beart maoirseachta agus forfheidhmithe ag na húdaráis inniúla in aghaidh institiúidí creidmheasa a rialáil faoi dhlíthe náisiúnta agus faoi Threoir 2013/36/AE ó Pharlaimint na hEorpa agus ón gComhairle(7), is gá a áirithiú go gcuirfidh údaráis ainmnithe na húdaráis inniúla ar an eolas in am trátha maidir le haon sárú ar oibleagáidí institiúidí creidmheasa faoi rialacha árachais taiscí.

(3)  Chun tacú le cleachtais DGSanna a chóineasú tuilleadh agus chun cúnamh a thabhairt do DGSanna a n-athléimneacht a thástáil, ba cheart don Údarás Baincéireachta Eorpach (ÚBE) dréachtchaighdeáin rialála a fhorbairt maidir le tástálacha struis a dhéanamh ar chórais DGSanna.

(4)  De bhun Airteagal 5(1), pointe (d), de Threoir 2014/49/AE, tá taiscí institiúidí airgeadais áirithe, lena n-áirítear gnólachtaí infheistíochta, eisiata ó chumhdach le scéim ráthaithe taiscí. Ba cheart, áfach, cosaint a thabhairt, faoi réir coinníollacha áirithe, do na cistí a fhaigheann na hinstitiúidí airgeadais sin óna gcliaint agus a thaisceann siad in institiúid creidmheasa thar ceann a gcliant, i bhfeidhmiú na seirbhísí a chuireann siad ar fáil.

(5)  Is amhlaidh an raon taisceoirí atá cumhdaithe faoi láthair ag aisíocaíocht ó scéim ráthaithe taiscí toisc go bhfuiltear ag iarraidh infheisteoirí aonair a chumhdach, ach meastar nach bhfuil gá ag cliaint ghairmiúla le cumhdach den sórt sin. Ar an gcúis sin, eisiadh údaráis phoiblí ón gcumhdach. Ní féidir a mheas, áfach, gur cliaint ghairmiúla iad formhór na n-údarás poiblí (ar a n-áirítear scoileanna agus ospidéil i roinnt Ballstát). Is gá a áirithiú, dá bhrí sin, go bhféadfaidh taiscí na n-infheisteoirí aonair uile, lena n-áirítear údaráis phoiblí, tairbhiú den chumhdach a chuireann scéim ráthaithe taiscí ar fáil.

(6)  D’fhéadfadh taiscí móra a bheith ann go sealadach de bharr taiscí a leanann as teagmhais áirithe, lena n-áirítear idirbhearta réadmhaoine a bhaineann le réadmhaoin chónaithe phríobháideach nó sochair árachais áirithe a bheith á n-íoc amach. Ar an gcúis sin, le hAirteagal 6(2) de Threoir 2014/49/AE cuirtear oibleagáid faoi láthair ar na Ballstáit a áirithiú go ndéanfar taiscí os cionn EUR 100 000 a leanann as na teagmhais sin a chosaint ar feadh 3 mhí ar a laghad, ach tráth nach faide ná 12 mhí ón uair a chuirtear an méid chun sochair nó ón uair a thagann taiscí den sórt sin chun bheith inaistrithe de réir an dlí. Chun cumhdach taisceoirí san Aontas a chomhchuibhiú agus chun an chastacht riaracháin agus an éiginnteacht dhlíthiúil a bhaineann le raon feidhme an árachais le haghaidh taiscí den sórt sin a laghdú, is gá a gcumhdach a ailíniú le híosmhéid EUR 500000 ar a laghad agus uasmhéid EUR 2500000 ar feadh tréimhse chomhchuibhithe 6 mhí, sa bhreis ar an leibhéal cumhdaigh EUR 100000. Tar éis do na Ballstáit iad a thrasuí, ba cheart don Choimisiún athbhreithniú a dhéanamh ar na méideanna atá faoi chumhdach, d’fhonn a chinneadh ar cheart an t-uasmhéid a laghdú, ag cur san áireamh an bhfuil na méideanna a chumhdaítear comhréireach agus go n-áirithítear cothrom iomaíochta ar fud an Aontais.

(7)  Le linn idirbheart réadmhaoine, is féidir na cistí a tharchur trí chuntais éagsúla sula ndéanfar an t-idirbheart iarbhír a shocrú. Dá bhrí sin, chun taisceoirí atá ag déanamh idirbhearta réadmhaoine a chumhdach ar bhealach aonchineálach, ba cheart cumhdach iarmhéideanna arda sealadacha a chur i bhfeidhm maidir leis an teacht isteach ó dhíolachán chomh maith leis na cistí arna dtaisceadh chun réadmhaoin chónaithe phríobháideach a cheannach laistigh de thréimhse ghearrthéarmach réamhshainithe.

(8)  Chun eisíocaíocht thráthúil an mhéid atá le haisíoc ag scéim ráthaithe taiscí a áirithiú, agus chun na rialacha riaracháin agus ríomha a shimpliú, ba cheart an chumhacht lánroghnach chun dliteanais dhlite a chur san áireamh agus an méid in-aisíoctha á ríomh a bhaint.

(9)  Is gá acmhainneachtaí oibríochtúla scéimeanna ráthaithe taiscí a bharrfheabhsú agus a n-ualach riaracháin a laghdú. Ar an gcúis sin, ba cheart a leagan síos, a mhéid a bhaineann le sainaithint taisceoirí atá i dteideal taiscí i gcuntais tairbhithe nó a mhéid a bhaineann le measúnú ar cé acu atá nó nach bhfuil taisceoirí incháilithe do choimircí iarmhéideanna arda sealadacha, go bhfuil an fhreagracht fós ar na taisceoirí agus na sealbhóirí cuntais a dteidlíocht a léiriú trína mbíthin féin.

(10)  D’fhéadfadh taiscí áirithe a bheith faoi réir tréimhse aisíocaíochta níos faide toisc go gceanglaítear ar scéimeanna ráthaithe taiscí an t-éileamh ar aisíocaíocht a fhíorú lena n-aghaidh. Chun na rialacha a chomhchuibhiú ar fud an Aontais, ba cheart an tréimhse aisíocaíochta a theorannú do 20 lá oibre tar éis an doiciméadacht ábhartha a fháil.

(11)  D’fhéadfadh sé gur mó an costas riaracháin ná na sochair don taisceoir a bhaineann le bheith ag aisíoc méideanna beaga i gcuntais dhíomhaoine. Is gá a shonrú, dá bhrí sin, nár cheart oibleagáid a bheith ar scéimeanna ráthaithe taiscí céimeanna gníomhacha a dhéanamh chun taiscí arna sealbhú i gcuntais den sórt sin a aisíoc, ar taiscí iad faoi bhun tairseacha áirithe ba cheart a shocrú ar an leibhéal náisiúnta. An ceart atá ag taisceoirí méid den sórt sin a éileamh, áfach, ba cheart é a chaomhnú. Ina theannta sin, i gcás ina mbeidh cuntais ghníomhacha eile ag an taisceoir céanna freisin, ba cheart do scéimeanna ráthaithe taiscí an méid sin a áireamh agus an méid atá le haisíoc á ríomh.

(12)  Tá modhanna éagsúla ag scéimeanna ráthaithe taiscí chun taisceoirí a aisíoc, idir íocaíochtaí amach agus aistrithe leictreonacha. Chun inrianaitheacht an phróisis aisíocaíochta ó scéimeanna ráthaithe taiscí a áirithiú, áfach, agus chun fanacht i gcomhréir le cuspóirí chreat an Aontais maidir le cosc a chur le húsáid an chórais airgeadais chun críoch sciúrtha airgid nó maoinithe sceimhlitheoireachta, is é aisíocaíochtaí le taisceoirí trí bhíthin aistrithe creidmheasa an modh réamhshocraithe íocaíochta amach ba cheart a bheith ann i gcás inar mó an aisíocaíocht ná EUR 10 000.

(13)  Tá institiúidí airgeadais eisiata ó árachas taiscí. Institiúidí airgeadais áirithe, áfach, lena n-áirítear institiúidí ríomh-airgid, institiúidí íocaíochta agus gnólachtaí infheistíochta, déanann siad na cistí a fhaightear óna gcliaint a thaisceadh freisin i gcuntais bhainc, ar bhonn sealadach go minic, chun oibleagáidí maidir le coimirciú a chomhlíonadh i gcomhréir leis an reachtaíocht earnála, lena n-áirítear Treoir 2009/110/CE ó Pharlaimint na hEorpa agus ón gComhairle(8), Treoir (AE) 2015/2366 ó Pharlaimint na hEorpa agus ón gComhairle(9) agus Treoir 2014/65/AE ó Pharlaimint na hEorpa agus ón gComhairle(10). Ina fhianaise go bhfuil ról na n-institiúidí airgeadais sin ag dul i méid, ba cheart do scéimeanna ráthaithe taiscí na taiscí sin a chumhdach ar choinníoll go mbeidh na cliaint sin sainaitheanta nó in-sainaitheanta.

(14)  Ní heol i gcónaí do chliaint institiúidí airgeadais cén institiúid creidmheasa atá roghnaithe ag an institiúid airgeadais chun a gcistí a thaisceadh inti. Dá bhrí sin, níor cheart do scéimeanna ráthaithe taiscí taiscí den sórt sin a chomhiomlánú le taisce a d’fhéadfadh a bheith ag na cliaint chéanna san institiúid creidmheasa chéanna ar chuir an institiúid airgeadais a dtaiscí faoina cúram. D’fhéadfadh sé nach eol d’institiúidí creidmheasa cé na cliaint atá i dteideal na suime arna sealbhú sna cuntais cliant, nó nach mbeidh siad in ann sonraí aonair maidir leis na cliaint sin a sheiceáil nó a thaifeadadh. ▌

(15)  Agus taisceoirí á n-aisíoc, d’fhéadfadh scéimeanna ráthaithe taiscí teacht ar chásanna is cúis le hábhair imní maidir leis an sciúradh airgid. Ba cheart do scéimeanna ráthaithe taiscí dá bhrí sin an íocaíocht amach le taisceoir a choinneáil siar i gcás ina dtabharfar fógra dóibh gur chuir aonad faisnéise airgeadais cuntas bainc nó cuntas íocaíochta ar fionraí i gcomhréir leis na rialacha is infheidhme maidir leis an sciúradh airgid a chomhrac.

(16)  Foráiltear le hAirteagal 9 de Threoir 2014/49/AE, i gcás ina ndéanfaidh scéim ráthaithe taiscí íocaíochtaí i gcomhthéacs imeachtaí réitigh, gur cheart éileamh a bheith ag an scéim ráthaithe taiscí in aghaidh na hinstitiúide creidmheasa lena mbaineann ar mhéid atá cothrom lena híocaíochtaí agus gur cheart an t-éileamh sin a rangú pari passu le taiscí faoi chumhdach. Ní dhéantar idirdhealú leis an bhforáil sin idir ranníocaíocht scéime ráthaithe taiscí i gcás ina n-úsáidfear uirlis tarrthála inmheánaí bhanc-oscailte, agus an ranníocaíocht a dhéanann scéim ráthaithe taiscí le maoiniú straitéise aistrithe (uirlis díolta gnó nó uirlis droichead-institiúide) agus leachtú an eintitis iarmharaigh dá éis. Chun soiléireacht agus deimhneacht dhlíthiúil a áirithiú maidir le héileamh a bheith ag scéim ráthaithe taiscí agus maidir le méid an éilimh sin i gcásanna éagsúla, is gá a shonrú, i gcás ina ndéanfaidh an scéim ráthaithe taiscí ranníocaíocht chun tacú le cur i bhfeidhm na huirlise díolta gnó nó na huirlise droichead-institiúide, nó bearta malartacha, lena ndéantar tacar sócmhainní, ceart agus dliteanas, lena n-áirítear taiscí, de chuid na hinstitiúide creidmheasa a aistriú chuig faighteoir, gur cheart éileamh a bheith ag an scéim ráthaithe taiscí sin in aghaidh an eintitis iarmharaigh ina imeachtaí foirceanta ina dhiaidh sin faoin dlí náisiúnta. Chun a áirithiú go ndéanfaidh páirtithe leasmhara agus creidiúnaithe na hinstitiúide creidmheasa a bheidh fágtha san eintiteas iarmharach caillteanais na hinstitiúide creidmheasa sin a ionsú go héifeachtach agus chun feabhas a chur ar an bhféidearthacht go ndéanfaí aisíocaíochtaí i gcás dócmhainneachta leis an scéim ráthaithe taiscí, ba cheart an rangú céanna a bheith ag éileamh na scéime ráthaithe taiscí agus atá ag taiscí faoi chumhdach. I gcás ina gcuirfear an uirlis tarrthála inmheánaí bhanc‑oscailte i bhfeidhm (i.e. leanann an institiúid creidmheasa dá hoibríochtaí), ranníocann an scéim ráthaithe taiscí an méid a ndéanfaí taiscí faoi chumhdach a dhíluacháil nó a chomhshó dá réir chun na caillteanais san institiúid creidmheasa sin a ionsú, dá mbeadh taiscí faoi chumhdach faoi raon feidhme na tarrthála inmheánaí. Dá bhrí sin, níor cheart éileamh in aghaidh na hinstitiúide faoi réiteach a ghiniúint de dheasca ranníocaíocht na scéime ráthaithe taiscí, óir dhíothódh sé sin an chríoch ar chuici a rinne an scéim ráthaithe taiscí an ranníocaíocht.

(17)  Chun a áirithiú go ndéanfar cleachtais scéimeanna ráthaithe taiscí agus deimhneacht dhlíthiúil a chóineasú ionas go n-éileoidh taisceoirí a dtaiscí, agus chun go seachnófar bacainní oibríochtúla roimh scéimeanna ráthaithe taiscí, tá sé tábhachtach tréimhse atá fada go leordhóthanach a leagan amach ina mbeidh taisceoirí in ann aisíocaíocht a dtaiscí a éileamh, sna cásanna sin nach mbeidh taisceoirí aisíoctha ag an scéim ráthaithe taiscí laistigh de na sprioc-amanna a leagtar síos in Airteagal 8 de Threoir 2014/49/AE i gcás íocaíochta amach.

(18)  De bhun Airteagal 10(2) de Threoir 2014/49/AE, tá ar na Ballstáit a áirithiú go sroichfidh an acmhainn airgeadais atá ar fáil do scéim ráthaithe taiscí, faoin 3 Iúil 2024, spriocleibhéal 0.8 % de mhéid thaiscí a comhaltaí, ar taiscí faoi chumhdach iad. Chun measúnú oibiachtúil a dhéanamh ar cé acu a chomhlíonann nó nach gcomhlíonann scéimeanna ráthaithe taiscí an ceanglas sin, ba cheart tréimhse thagartha shoiléir a shocrú chun an méid taiscí faoi chumhdach agus an acmhainn airgeadais atá ar fáil do na scéimeanna ráthaithe taiscí a chinneadh. I bhfianaise leathnú an raoin feidhme d’úsáid scéimeanna ráthaithe taiscí, ba cheart leordhóthanacht an spriocleibhéil 0.8 % a bheith faoi réir dlúthfhaireacháin agus dlúthmheasúnaithe.

(19)  Chun athléimneacht scéimeanna ráthaithe taiscí a áirithiú, ba cheart a gcistí a bheith díorthaithe ó ranníocaíochtaí cobhsaí neamh-inchúlghairthe. Foinsí áirithe cistiúcháin do scéimeanna ráthaithe taiscí, lena n-áirítear iasachtaí agus aisghabhálacha a bhfuil coinne leo, bíonn siad ró-theagmhasach chun go gcuirfear san áireamh iad mar ranníocaíochtaí chun spriocleibhéal na scéime ráthaithe taiscí a bhaint amach. Chun coinníollacha scéimeanna ráthaithe taiscí maidir le comhlíonadh a spriocleibhéil a chomhchuibhiú agus chun a áirithiú go mbeidh an acmhainn airgeadais atá ar fáil do scéimeanna ráthaithe taiscí maoinithe ag ranníocaíochtaí ón tionscal, ba cheart idirdhealú a dhéanamh idir cistí a cháilíonn chun an spriocleibhéal a bhaint amach agus cistí a mheastar a bheith ina bhfoinsí comhlántacha maoiniúcháin. Is féidir eis-sreafaí cistí scéime ráthaithe taiscí, lena n-áirítear aisíocaíochtaí iasachta intuartha, a phleanáil agus a chur san áireamh i ranníocaíochtaí tráthrialta ó chomhaltaí scéime ráthaithe taiscí, agus níor cheart an acmhainn airgeadais atá ar fáil a laghdú faoi bhun an spriocleibhéil dá ndeasca. Is gá a shonrú dá bhrí sin, tar éis an spriocleibhéal a bheith bainte amach den chéad uair, nár cheart tréimhse athshlánaithe 4 bliana a spreagadh ach amháin de dheasca easnamh acmhainne airgeadais atá ar fáil do scéimeanna ráthaithe taiscí de thoradh idirghabháil ag scéim ráthaithe taiscí (íocaíocht amach, nó bearta coisctheacha, réitigh nó malartacha). I gcás, tar éis idirghabháil DGS den sórt sin, inar laghdaíodh na hacmhainní airgeadais atá ar fáil faoi bhun aon trian, ba cheart tréimhse athshlánaithe a bheith cothrom le dhá bhliain. Chun cur i bhfeidhm comhsheasmhach a áirithiú, ba cheart do ÚBE dréachtchaighdeáin theicniúla rialála a fhorbairt ina sonrófar an mhodheolaíocht lena ríomhfaidh na scéimeanna ráthaithe taiscí an spriocleibhéal.

(20)  Ba cheart an acmhainn airgeadais atá ar fáil do scéim ráthaithe taiscí a bheith inúsáidte láithreach chun dul i ngleic le teagmhais íocaíochta amach nó idirghabhálacha tobanna eile. I bhfianaise cleachtais éagsúla ar fud an Aontais, is iomchuí ceanglais a leagan síos maidir le straitéis infheistíochta cistí scéimeanna ráthaithe taiscí chun maolú a dhéanamh ar aon tionchar diúltach ar chumas scéime ráthaithe taiscí a shainordú a chomhlíonadh. I gcás nach mbeidh scéim ráthaithe taiscí inniúil chun an straitéis infheistíochta a shocrú, ba cheart don údarás nó don chomhlacht nó eintiteas sa Bhallstát atá freagrach as an straitéis infheistíochta a shocrú na prionsabail maidir le héagsúlú agus infheistíochtaí i sócmhainní ísealriosca agus leachtacha a urramú freisin nuair a bheidh an straitéis infheistíochta sin á socrú. Chun neamhspleáchas oibríochtúil iomlán agus solúbthacht na scéime ráthaithe taiscí a chaomhnú i dtéarmaí rochtana ar a cistí, i gcás ina ndéanfar cistí scéime ráthaithe taiscí a thaisceadh leis an státchiste, ba cheart na cistí sin a chur in áirithe agus a thaisceadh i gcuntas leithscartha.

(21)  An rogha chun an acmhainn airgeadais atá ar fáil do scéim ráthaithe taiscí a mhéadú trí ranníocaíochtaí éigeantacha arna n-íoc ag ball-institiúidí le scéimeanna atá ann cheana, ar scéimeanna ranníocaíochtaí éigeantacha iad arna mbunú ag Ballstát chun na costais a bhaineann le riosca sistéamach a chumhdach, níor úsáideadh riamh í agus dá bhrí sin ba cheart í a bhaint.

(22)  Is gá cumhdach taisceoirí a fheabhsú, agus an tráth céanna an gá atá le díolachán práinne sócmhainní scéime ráthaithe taiscí a sheachaint agus teorainn a chur leis na héifeachtaí comh-thimthriallacha diúltacha a d’fhéadfadh a bheith ar an tionscal baincéireachta mar gheall ar bhailiú ranníocaíochtaí urghnácha. Ba cheart a cheadú do scéimeanna ráthaithe taiscí, dá bhrí sin, socruithe cistiúcháin malartacha a úsáid a chuireann ar a gcumas dóibh cistiú gearrthéarmach a fháil tráth ar bith ó fhoinsí seachas ranníocaíochtaí, lena n-áirítear sula n-úsáidfidh siad an acmhainn airgeadais atá ar fáil dóibh agus cistí arna mbailiú trí ranníocaíochtaí urghnácha. Ós rud é gur cheart d’institiúidí creidmheasa, go príomha, an costas a bhaineann le maoiniú scéimeanna ráthaithe taiscí a íoc agus gurb iadsan ba cheart a bheith freagrach as, níor cheart socruithe cistiúcháin malartacha ó chistí poiblí a cheadú.

(23)  Chun éagsúlú leormhaith infheistíochta cistí scéimeanna ráthaithe taiscí agus cleachtais chóineasaithe a áirithiú, ba cheart do ÚBE treoirlínte a eisiúint chun treoraíocht a sholáthar ina leith sin do scéimeanna ráthaithe taiscí.

(24)  Cé gurb é an príomhról atá ag scéimeanna ráthaithe taiscí taisceoirí faoi chumhdach a aisíoc, d’fhéadfadh idirghabhálacha lasmuigh de chásanna íocaíochta amach a bheith níos costéifeachtaí do scéimeanna ráthaithe taiscí agus rochtain gan bhriseadh ar thaiscí a áirithiú trí straitéisí aistrithe a éascú. D’fhéadfaí a cheangal ar scéimeanna ráthaithe taiscí rannchuidiú le réiteach institiúidí creidmheasa. Ina theannta sin, i roinnt Ballstát, féadfaidh scéimeanna ráthaithe taiscí bearta coisctheacha a mhaoiniú chun marthanacht fhadtéarmach institiúidí creidmheasa a athbhunú, nó bearta malartacha a mhaoiniú i gcás dócmhainneachta. Cé gur féidir le bearta coisctheacha agus malartacha den sórt sin feabhas suntasach a chur ar árachas taiscí, is gá na bearta sin a chur faoi réir coimircí leordhóthanacha, lena n-áirítear i bhfoirm tástála íoschostais comhchuibhithe, chun cothroime iomaíochta agus éifeachtacht agus costéifeachtúlacht na mbeart sin a áirithiú. Níor cheart coimircí den sórt sin a chur i bhfeidhm ach maidir le hidirghabhálacha arna maoiniú leis an acmhainn airgeadais atá ar fáil do scéim ráthaithe taiscí a rialáiltear faoin Treoir seo.

(24a)  Tá sé ríthábhachtach go mbeadh aon rannpháirtíocht scéime ráthaithe taiscí in aon chás ag díriú ar éifeachtacht costais agus ar thrédhearcacht. Tá an cur chuige sin ríthábhachtach chun saobhadh ar an gcothrom iomaíochta a sheachaint agus chun a áirithiú nach dtabharfar aon bhuntáistí éagóracha do rannpháirtithe sonracha sa mhargadh. Is bunphrionsabail iad an trédhearcacht agus an chostéifeachtúlacht a thacaíonn le sláine agus feidhmiú cothrom scéim ráthaithe taiscí.

(25)  Bearta chun teip institiúide creidmheasa a chosc trí idirghabhálacha atá luath go leordhóthanach, is féidir ról éifeachtach a bheith acu sin i measc raon na n-uirlisí bainistithe géarchéime chun muinín taisceoirí agus cobhsaíocht airgeadais a choinneáil ar bun. D’fhéadfadh na bearta sin a bheith de chineálacha éagsúla - bearta tacaíochta caipitil trí ionstraimí cistí dílse (lena n-áirítear ionstraimí Gnáthchothromais Leibhéal 1) nó ionstraimí caipitil eile, ráthaíochtaí nó iasachtaí. Bhain scéimeanna ráthaithe taiscí leas ilchineálach as na bearta sin. Chun a áirithiú go mbeidh an raon uirlisí bainistithe géarchéime ann agus go mbeifear in ann leas a bhaint as bearta coisctheacha ar bhealach atá comhsheasmhach leis an gcreat réitigh agus leis na rialacha maidir le státchabhair, is gá an t-uainiú agus na coinníollacha maidir lena gcur i bhfeidhm a shonrú. Ní iomchuí bearta coisctheacha chun caillteanais arna dtabhú a ionsú i gcás ina mbeidh an institiúid creidmheasa i mbéal teipe cheana féin nó ar dóigh di teip agus ba cheart iad a úsáid go luath chun meathlú staid airgeadais an bhainc a sheachaint. Ba cheart d’údaráis ainmnithe a fhíorú dá bhrí sin cé acu a comhlíonadh nó nár comhlíonadh na coinníollacha maidir le hidirghabháil den sórt sin ag scéim ráthaithe taiscí. Ar deireadh, na coinníollacha sin maidir leis an acmhainn airgeadais atá ar fáil do scéim ráthaithe taiscí a úsáid, ba cheart iad a bheith gan dochar don mheasúnú a dhéanfaidh an t-údarás inniúil ar cé acu a chomhlíonann nó nach gcomhlíonann SCI na critéir a leagtar síos in Airteagal 113(7) de Rialachán (AE) Uimh. 575/2013 ó Pharlaimint na hEorpa agus ón gComhairle(11).

(26)  Chun a áirithiú go mbainfidh bearta coisctheacha a gcuspóir amach, ba cheart a cheangal ar institiúidí creidmheasa nóta a thíolacadh don údarás inniúil ina leagfar amach na bearta a gheallann siad a dhéanamh. ▌Is éard ba cheart a bheith sa nóta na heilimintí uile lena bhféachtar le heis‑sreabhadh cistí a chosc agus staid chaipitil agus staid leachtachta na hinstitiúide creidmheasa a neartú, rud a chuirfidh ar a cumas don institiúid creidmheasa na ceanglais ábhartha stuamachta agus rialála eile a chomhlíonadh ar bhonn réamhbhreathnaitheach. Is éard ba cheart a bheith sa nóta sin, dá bhrí sin, bearta tiomsaithe caipitil, lena n-áirítear rialacha maidir le heisiúint ceart, comhshó deonach ar ionstraimí fofhiachais, cleachtaí bainistíochta dliteanais, díolacháin sócmhainní a ghineann caipiteal, urrúsúchán punann, agus coinneáil tuillimh, lena n-áirítear bannaí ar dhíbhinní agus bannaí ar leasanna a fháil i ngnóthais. Ina theannta sin, ba cheart go sonrófaí sa nóta easnamh caipitil tosaigh na hinstitiúide creidmheasa, na bearta tiomsaithe caipitil a cuireadh chun feidhme agus na coimircí a cuireadh i bhfeidhm chun eis-sreabhadh na gcistí a chosc. Ar an gcúis chéanna, le linn chur chun feidhme na mbeart atáthar ag brath a dhéanamh sa nóta, ba cheart d’institiúidí creidmheasa a staideanna leachtachta a neartú freisin agus staonadh ó chleachtais tráchtála ionsaitheacha, agus ó leithdháileadh dibhinní nó luach saothar athraitheach nó ó bheith ag athcheannach scaireanna dílse nó ag ceannach ionstraimí caipitil hibrideacha céadrogha. Ba cheart straitéis scoir a bheith sa nóta sin freisin i dtaca le haon bheart tacaíochta a fhaightear. Laistigh de thréimhse ama réasúnta, ba cheart don institiúid creidmheasa plean atheagrúcháin gnó a sholáthar don údarás inniúil chun inmharthanacht fhadtéarmach a áirithiú. Ba cheart bearta coisctheacha a dheonaítear d’institiúid chreidmheasa a chur ar fionraí i gcás nach bhfuil an t-údarás inniúil sásta go bhfuil an plean atheagrúcháin gnó inchreidte agus indéanta chun inmharthanacht fhadtéarmach a áirithiú. I gcás inar comhalta de IPS dá dtagraítear in Airteagal 1(2) pointe (c) í an institiúid creidmheasa, ba cheart don IPS an plean atheagrúcháin gnó a fhormheas, tar éis dul i gcomhairle leis an údarás inniúil. I gcás nach bhfuil an t-údarás inniúil sásta leis an bplean atheagrúcháin gnó, ba cheart dó bearta iomchuí a chur chun feidhme chun a áirithiú go ndéanfar inmharthanacht fhadtéarmach a áirithiú. Is iad na húdaráis inniúla agus na húdaráis réitigh is fearr atá in ann measúnú a dhéanamh ar ábharthacht agus inchreidteacht na mbeart atá beartaithe sa phlean atheagrúcháin gnó. Chun a áirithiú go mbeidh údaráis ainmnithe na scéime ráthaithe taiscí, a n-iarrann an institiúid creidmheasa uirthi beart coisctheach a mhaoiniú, in ann a mheasúnú go gcomhlíontar na coinníollacha uile maidir le bearta coisctheacha, ba cheart do na húdaráis inniúla dul i gcomhar leis na húdaráis ainmnithe. Chun cur chuige comhsheasmhach i leith chur i bhfeidhm beart coisctheach a áirithiú ar fud an Aontais, ba cheart do ÚBE treoirlínte a eisiúint chun cúnamh a thabhairt d’institiúidí creidmheasa plean atheagrucháin gnó den sórt sin a dhréachtú.

(26a)  Chun an baol morálta a mhaolú, i gcás inarb iomchuí, ba cheart don institiúid creidmheasa a fhaigheann tacaíocht ó scéimeanna ráthaithe taiscí i bhfoirm bearta coisctheacha, a scairshealbhóirí, a creidiúnaithe nó an grúpa gnó lena mbaineann sí rannchuidiú leis an athstruchtúrú óna n-acmhainní féin agus ba cheart dóibh luach saothair leordhóthanach a sholáthar don bheart coisctheach a dheonaíonn an scéim ráthaithe taiscí.

(27)  Chun a áirithiú go gcomhlíonfaidh institiúidí creidmheasa a fhaigheann tacaíocht ó scéimeanna ráthaithe taiscí i bhfoirm bearta coisctheacha a ngealltanais, ba cheart do na húdaráis inniúla plean feabhsúcháin a iarraidh ar institiúidí creidmheasa nár chomhlíon a ngealltanais, an méid a ranníocadh faoi na bearta coisctheacha a aisíoc nó an straitéis scoir a chomhlíonadh. I gcás ina bhfuil údarás inniúil den tuairim nach bhfuil na bearta sa phlean feabhsúcháin in ann inmharthanacht fhadtéarmach na hinstitiúide creidmheasa a bhaint amach, níor cheart don scéim ráthaithe taiscí aon tacaíocht choisctheach bhreise a thabhairt don institiúid chreidmheasa agus ba cheart do na húdaráis ábhartha measúnú a dhéanamh an bhfuil an institiúid ag cliseadh nó an dócha go gclisfidh uirthi, de bhun Airteagal 32 de Threoir 2014/59/AE. Ba cheart feidhm a bheith ag na hiarmhairtí céanna i gcásanna ina mainníonn an institiúid chreidmheasa an plean feabhsúcháin a chomhlíonadh. Chun cur chuige comhsheasmhach i leith chur i bhfeidhm beart coisctheach a áirithiú ar fud an Aontais, ba cheart do ÚBE treoirlínte a eisiúint chun cúnamh a thabhairt d’institiúidí creidmheasa plean feabhsúcháin den sórt sin a dhréachtú.

(28)  Chun éifeachtaí díobhálacha ar iomaíocht agus ar an margadh inmheánach a sheachaint, is gá a leagan síos, sa chás go ndéanfar bearta malartacha i gcás dócmhainneachta, gur cheart do chomhlachtaí ábhartha a dhéanann ionadaíocht d’institiúid creidmheasa i gcomhthéacs imeachtaí dócmhainneachta náisiúnta (leachtaitheoir, faighteoir, riarthóir nó eile) socruithe a dhéanamh chun gnó na hinstitiúide creidmheasa nó cuid de a mhargú i bpróiseas oscailte trédhearcach neamh-idirdhealaitheach, agus féachaint leis an bpraghas díola a uasmhéadú, a mhéid is féidir. An institiúid creidmheasa nó aon idirghabhálaí a ghníomhaíonn thar ceann na hinstitiúide creidmheasa, ba cheart dó rialacha a chur i bhfeidhm atá oiriúnach chun sócmhainní, cearta agus dliteanais atá le haistriú chuig ceannaitheoirí ionchasacha a mhargú. In aon chás, ba cheart úsáid acmhainní Stáit fanacht faoi réir na rialacha ábhartha maidir le Státchabhair faoin gConradh, i gcás inarb infheidhme.

(29)  Ós rud é go bhfuil sé de phríomhaidhm ag scéimeanna ráthaithe taiscí taiscí faoi chumhdach a chosaint, níor cheart a cheadú do scéimeanna ráthaithe taiscí ach idirghabhálacha seachas íocaíochtaí amach a mhaoiniú i gcás ina mbeidh na hidirghabhálacha sin níos saoire ná íocaíochtaí amach. De dhroim taithí le cur i bhfeidhm na rialacha sin (‘tástáil íoschostais’) is léir roinnt laigí a bheith ann, toisc nach mionsonraítear leis an gcreat atá i bhfeidhm faoi láthair conas costas na n-idirghabhálacha sin ná costas na híocaíochta amach a chinneadh. Chun cur i bhfeidhm comhsheasmhach na tástála íoschostais a áirithiú ar fud an Aontais, is gá ríomh na gcostas sin a shonrú. An tráth céanna, is gá coinníollacha ródhiana a sheachaint a d’fhágfadh go bunúsach nárbh fhéidir cistí scéimeanna ráthaithe taiscí a úsáid le haghaidh idirghabhálacha eile seachas íocaíocht amach. Nuair a bheidh an measúnú íoschostais á dhéanamh, ba cheart do scéimeanna ráthaithe taiscí a fhíorú ar dtús gur lú an costas a bhaineann leis an mbeart roghnaithe a mhaoiniú ná an costas a bhaineann le taiscí faoi chumhdach a aisíoc. Ba cheart an t-amluach airgid a chur san áireamh sa mhodheolaíocht le haghaidh an mheasúnaithe íoschostais.

(30)  D’fhéadfadh leachtú a bheith ina phróiseas fada a mbraitheann a éifeachtúlacht ar an éifeachtúlacht bhreithiúnach náisiúnta, córais dócmhainneachta, saintréithe bainc aonair agus imthosca na teipe. I gcás idirghabhálacha ag scéim ráthaithe taiscí mar chuid de bhearta malartacha, ba cheart an tástáil íoschostais a bheith ag brath ar luacháil shócmhainní agus dhliteanais na hinstitiúide creidmheasa, a leagtar síos in Airteagal 36(1) de Threoir 2014/59/AE, agus ar an meastachán a leagtar síos in Airteagal 36(8) den Treoir sin. D’fhéadfadh meastóireacht bheacht ar aisghabhálacha leachtaithe a bheith dúshlánach, áfach, i gcomhthéacs na tástála íoschostais le haghaidh bearta coisctheacha, a tharlaíonn i bhfad sula ndéantar aon leachtú intuartha, más fíor. Dá bhrí sin, ba cheart an cás frithfhíorasach i dtaca leis an tástáil íoschostais le haghaidh bearta coisctheacha a choigeartú dá réir, agus in aon chás, ba cheart na haisghabhálacha a bhfuil coinne leo a theorannú do mhéid réasúnta bunaithe ar aisghabhálacha i dteagmhais íocaíochta amach roimhe seo.

(31)  Ba cheart do na húdaráis ainmnithe meastachán a dhéanamh ar chostas an bhirt don scéim ráthaithe taiscí, lena n-áirítear tar éis aisíocaíocht iasachta, instealladh caipitil nó úsáid ráthaíochta, glan ó thuilleamh, ó chostais oibriúcháin agus ó chaillteanais ionchasacha a bhfuil coinne leo, in aghaidh cás frithfhíorasach bunaithe ar chaillteanas deiridh hipitéiseach ag deireadh na n-imeachtaí dócmhainneachta, inar cheart aisghabhálacha ón scéim ráthaithe taiscí a chur san áireamh mar chuid d’imeachtaí leachtaithe bainc. Ina theannta sin, ba cheart a chur san áireamh sa tuarascáil fhrithfhíorasach an costas a d’fhéadfadh a bheith ar an scéim ráthaithe taiscí mar gheall ar éagobhsaíocht eacnamaíoch agus airgeadais, lena n-áirítear an gá atá le cistí breise a úsáid, laistigh de shainordú an scéim ráthaithe taiscí, chun taisceoirí agus cobhsaíocht airgeadais a chosaint, agus chun tógálacht a chosc. Chun léargas cóir agus níos cuimsithí ar an gcostas iarbhír a bhaineann le haisíocaíocht taisceoirí a thabhairt, ba cheart costais a bhaineann go hindíreach le haisíocaíocht taisceoirí a chur san áireamh sa mheastachán ar an gcaillteanas a thabhaítear mar gheall ar thaiscí faoi chumhdach a aisíoc. Ba cheart a áireamh ar na costais sin ▌an costas a d’íocfadh an scéim ráthaithe taiscí, b’fhéidir, mar gheall ar leas a bhaint as maoiniú malartach. Chun cur i bhfeidhm comhsheasmhach na tástála íoschostais a áirithiú, ba cheart do ÚBE dréachtchaighdeáin theicniúla rialála a fhorbairt maidir leis an modheolaíocht chun costas idirghabhálacha éagsúla scéime ráthaithe taiscí a ríomh. Chun a áirithiú go mbeidh modheolaíocht an mheasúnaithe íoschostais comhsheasmhach le sainordú reachtúil nó conarthach na scéime ráthaithe taiscí▌, ba cheart do ÚBE ▌dréachtchaighdeáin theicniúla rialála a fhorbairt ▌.

(32)  Chun cumhdach comhchuibhithe taisceoirí a fheabhsú agus freagrachtaí ar fud an Aontais faoi seach a shonrú, is í scéim ráthaithe taiscí an Bhallstáit baile ba cheart a áirithiú go ndéanfar íocaíochtaí amach le taisceoirí atá lonnaithe i mBallstáit ina nglacann na hinstitiúidí creidmheasa, ar comhaltaí den scéim ráthaithe taiscí iad, le taiscí agus cistí in-aisíoctha eile trí sheirbhísí taiscí a chur ar fáil ar bhonn trasteorann gan bheith bunaithe sa Bhallstát óstach. Chun oibríochtaí íocaíochta amach agus soláthar faisnéise do thaisceoirí a éascú, ba cheart a cheadú do scéim ráthaithe taiscí an Bhallstáit baile oibriú mar phointe teagmhála do thaisceoirí ag institiúidí creidmheasa a fheidhmíonn an tsaoirse chun seirbhísí a sholáthar.

(33)  Tá an comhar idir scéimeanna ráthaithe taiscí ar fud an Aontais ríthábhachtach chun a áirithiú go ndéanfar taisceoirí a aisíoc ar bhealach gasta costéifeachtúil i gcás ina ndéanfaidh institiúidí creidmheasa seirbhísí baincéireachta trí bhrainsí i mBallstáit eile. I bhfianaise dul chun cinn teicneolaíochta a chuireann úsáid aistrithe trasteorann agus sainaitheanta cianda chun cinn, ba cheart a cheadú do scéim ráthaithe taiscí an Bhallstáit baile aisíocaíochtaí a dhéanamh go díreach le taisceoirí ag brainsí atá lonnaithe i mBallstát eile, ar choinníoll go mbeidh an t-ualach riaracháin agus na costais níos lú ná a bheidís dá ndéanfadh scéim ráthaithe taiscí an Bhallstáit óstaigh an aisíocaíocht. Ba cheart an tsolúbthacht sin a bheith ina comhlánú ar an sásra comhair atá ann faoi láthair, lena gceanglaítear ar scéim ráthaithe taiscí an Bhallstáit óstaigh taisceoirí i mbrainsí a aisíoc thar ceann scéim ráthaithe taiscí an Bhallstáit baile. Chun muinín taisceoirí a chaomhnú sa Bhallstát baile agus sa Bhallstát óstach araon, ba cheart do ÚBE treoirlínte a eisiúint chun cúnamh a thabhairt do scéimeanna ráthaithe taiscí an comhar sin a dhéanamh, inter alia trí liosta coinníollacha a mholadh faoina bhféadfadh scéim ráthaithe taiscí de chuid an Bhallstáit baile cinneadh a dhéanamh maidir le taisceoirí ag brainsí atá lonnaithe sa Bhallstát óstach a aisíoc.

(34)  Féadfaidh institiúidí creidmheasa a gcleamhnacht le scéim ráthaithe taiscí a athrú toisc go n-aistríonn siad a gceanncheathrú chuig Ballstát eile nó toisc go dtiontaíonn siad a bhfochuideachta ina brainse nó vice versa. Le hAirteagal 14(3) de Threoir 2014/49/AE, ceanglaítear go ndéanfar na ranníocaíochtaí a d’íoc an institiúid creidmheasa sin le linn an 12 mhí roimh an t-aistriú a aistriú chuig an scéim ráthaithe taiscí eile go comhréireach leis an méid taiscí faoi chumhdach a aistrítear. Chun a áirithiú nach mbeidh an t-aistriú ranníocaíochtaí chuig an scéim ráthaithe taiscí fála ag brath ar rialacha náisiúnta éagsúla maidir le sonrascadh nó dáta íocaíochta iarbhír na ranníocaíochtaí, ba cheart don scéim ráthaithe taiscí tionscnaimh an méid atá le haistriú a ríomh ar bhonn na ndliteanas a d’fhéadfadh a bheith ar an scéim ráthaithe taiscí is faighteoir mar thoradh ar an aistriú. Ba cheart don ÚBE dréachtchaighdeáin theicniúla rialála a fhorbairt chun sonrú a dhéanamh ar an modheolaíocht chun an méid atá le haistriú a ríomh chun tionchar neodrach an aistrithe ar staid airgeadais an scéim ráthaithe taiscí is faighteoir agus an scéim ráthaithe taiscí tionscnaimh araon a áirithiú i gcoibhneas leis na rioscaí a chumhdaíonn siad.

(35)  Is gá a áirithiú go gcumhdófar taisceoirí go comhionann ar fud an Aontais, rud nach féidir a ráthú go hiomlán le córas measúnaithe coibhéise um chumhdach taisceoirí i dtríú tíortha. Ar an gcúis sin, ba cheart do bhrainsí an Aontais d’institiúid creidmheasa a bhfuil a ceannoifig i dtríú tír dul isteach i scéim ráthaithe taiscí sa Bhallstát ina nglacann siad le taiscí. D’áiritheofaí leis an gceanglas sin freisin comhsheasmhacht le Treoracha 2013/36/AE agus 2014/59/AE a fhéachann le creataí stuamachta agus réitigh níos láidir a thabhairt isteach maidir le grúpaí tríú tíortha a sholáthraíonn seirbhísí baincéireachta san Aontas. Os a choinne sin, ba cheart gan scéimeanna ráthaithe taiscí a bheith neamhchosanta ar rioscaí eacnamaíocha agus airgeadais tríú tíortha. Dá bhrí sin, níor cheart taiscí a chumhdach i mbrainsí arna mbunú i dtríú tíortha ag institiúidí creidmheasa an Aontais.

(36)  Nochtadh caighdeánaithe tráthrialta faisnéise, is rud é a fheabhsaíonn feasacht taisceoirí maidir le hárachas taiscí. Chun ceanglais maidir le nochtadh a ailíniú le forbairtí teicneolaíochta, ba cheart na bealaí nua cumarsáide digití lena n-idirghníomhaíonn institiúidí creidmheasa le taisceoirí a chur san áireamh sna ceanglais sin. Ba cheart faisnéis aonchineálach shoiléir a bheith á fáil ag taisceoirí lena mínítear a n-árachas taiscí, agus teorainn a chur leis an ualach riaracháin gaolmhar ar institiúidí creidmheasa nó scéimeanna ráthaithe taiscí. Ba cheart a shainordú do ÚBE dréachtchaighdeáin theicniúla cur chun feidhme a fhorbairt lena sonrófar, ar thaobh amháin, inneachar agus formáid na bileoige faisnéise do thaisceoirí chun taisceoirí a chur ar an eolas ar bhonn bliantúil agus, ar an taobh eile, an fhaisnéis teimpléid a cheanglaítear ar scéimeanna ráthaithe taiscí nó ar institiúidí creidmheasa a chur in iúl do thaisceoirí i gcásanna sonracha, lena n-áirítear cumaisc institiúidí creidmheasa, an cinneadh nach bhfuil taiscí le fáil, nó aisíocaíocht taiscí cistí cliant.

(37)  D’fhéadfadh cumasc institiúide creidmheasa nó tiontú fochuideachta ina brainse nó vice versa difear a dhéanamh do phríomhghnéithe an chumhdaigh taisceoirí. Ionas nach mbeidh drochthionchair ar thaisceoirí a mbeadh taiscí acu sa dá bhanc cumaisc agus a mbeadh a n-éileamh ar árachas taiscí laghdaithe mar gheall ar athruithe cleamhnachta le scéim ráthaithe taiscí, ba cheart na taisceoirí uile a chur ar an eolas maidir leis na hathruithe sin agus ba cheart an ceart a bheith acu a gcistí a tharraingt siar gan phionós suas le méid atá cothrom leis an méid árachais taiscí a cailleadh.

(38)  Chun cobhsaíocht airgeadais a chaomhnú, tógálacht a sheachaint agus é a chur ar a gcumas do thaisceoirí a gcearta chun taiscí a éileamh a fheidhmiú i gcás inarb infheidhme, ba cheart d’údaráis ainmnithe, scéimeanna ráthaithe taiscí agus institiúidí creidmheasa lena mbaineann taisceoirí a chur ar an eolas maidir le taiscí gan bheith ar fáil.

(39)  Chun trédhearcacht a mhéadú do thaisceoirí agus láidreacht airgeadais agus iontaoibh a chur chun cinn i measc scéimeanna ráthaithe taiscí nuair a bheidh a sainordú á chomhlíonadh acu, ba cheart feabhas a chur ar na ceanglais tuairiscithe atá i bhfeidhm faoi láthair. Agus forbairt á déanamh ar na ceanglais atá i bhfeidhm faoi láthair lena gcuirtear ar a gcumas do scéimeanna ráthaithe taiscí an fhaisnéis uile is gá chun íocaíocht amach a ullmhú a iarraidh ar a mball-institiúidí, ba cheart scéimeanna ráthaithe taiscí a bheith in ann an fhaisnéis is gá chun íocaíocht amach a ullmhú i gcomhthéacs comhair trasteorann a iarraidh freisin. Arna iarraidh sin ag scéim ráthaithe taiscí, ba cheart a cheangal ar bhall-institiúidí faisnéis ghinearálta a sholáthar maidir le haon ghnó trasteorann ábhartha i mBallstáit eile. Ar an gcaoi chéanna, chun raon oiriúnach faisnéise a sholáthar do ÚBE maidir leis an acmhainn airgeadais atá ar fáil do na scéimeanna ráthaithe taiscí agus maidir le húsáid na hacmhainne sin, ba cheart do na Ballstáit a áirithiú go gcuirfidh scéimeanna ráthaithe taiscí ÚBE ar an eolas ar bhonn bliantúil maidir leis an méid taiscí faoi chumhdach agus an acmhainn airgeadais atá ar fáil, agus fógra a thabhairt do ÚBE faoi na himthosca ba chúis le cistí scéime ráthaithe taiscí a úsáid le haghaidh íocaíochtaí amach nó bearta eile. Ar deireadh, chun léiriú a dhéanamh ar an ról neartaithe atá ag scéimeanna ráthaithe taiscí i mbainistíocht géarchéime banc lena bhféachtar le húsáid cistí scéimeanna ráthaithe taiscí i gcás réitigh a éascú, ba cheart an ceart a bheith ag scéimeanna ráthaithe taiscí an achoimre a fháil ar phleananna réitigh institiúidí creidmheasa ar bhonn bliantúil maidir lena n-ullmhacht ghinearálta a mhéadú chun na cistí a chur ar fáil.

(40)  Leis na caighdeáin theicniúla i seirbhísí airgeadais ba cheart comhchuibhiú comhsheasmhach agus cumhdach leordhóthanach taisceoirí a éascú ar fud an Aontais. Mar chomhlacht a bhfuil saineolas thar a bheith speisialaithe aige, bheadh sé éifeachtúil agus iomchuí forbairt dréachtchaighdeán teicniúil rialála agus cur chun feidhme nach bhfuil baint ag roghanna beartais leo a chur ar iontaoibh ÚBE, lena nglacadh ag an gCoimisiún.

(41)  Ba cheart don Choimisiún, i gcás ina ndéantar foráil maidir leis sa Treoir seo, dréachtchaighdeáin theicniúla rialála arna bhforbairt ag ÚBE a ghlacadh trí bhíthin gníomhartha tarmligthe de bhun Airteagal 290 CFAE, i gcomhréir le hAirteagail 10 go 14 de Rialachán (AE) Uimh. 1093/2010 ó Pharlaimint na hEorpa agus ón gComhairle(12) chun na nithe seo a leanas a shonrú: (a) na mionsonraí teicniúla a bhaineann le cliaint de chuid institiúidí airgeadais a shainaithint chun taiscí cistí cliant a íoc amach, na critéir maidir le haisíocaíocht leis an sealbhóir cuntais chun sochair gach cliaint nó leis an gcliant go díreach, agus na rialacha chun éilimh iomadúla ar íocaíochtaí amach leis an tairbhí céanna a sheachaint; (b) an mhodheolaíocht le haghaidh na tástála íoschostais, agus (c) an mhodheolaíocht le haghaidh ríomh na hacmhainne airgeadais atá ar fáil a cháilíonn don spriocleibhéal.

(42)  Ba cheart don Choimisiún, i gcás ina ndéantar foráil maidir leis sa Treoir seo, dréachtchaighdeáin theicniúla cur chun feidhme arna bhforbairt ag ÚBE a ghlacadh trí bhíthin gníomhartha tarmligthe de bhun Airteagal 291 CFAE, i gcomhréir le hAirteagal 15 de Rialachán (AE) Uimh. 1093/2010 chun na nithe seo a leanas a shonrú: (a) inneachar agus formáid na bileoige faisnéise do thaisceoirí, an teimpléad le haghaidh faisnéis ba cheart do scéimeanna ráthaithe taiscí nó institiúidí creidmheasa a chur in iúl do thaisceoirí; (b) na nósanna imeachta atá le leanúint ag institiúidí creidmheasa i gcás ina soláthróidh siad faisnéis dá scéim ráthaithe taiscí, agus ag scéimeanna ráthaithe taiscí agus údaráis ainmnithe i gcás ina soláthróidh siad faisnéis do ÚBE, agus na teimpléid chun an fhaisnéis sin a sholáthar.

(43)  Dá bhrí sin, ba cheart Treoir 2014/49/AE a leasú dá réir.

(44)  Brainsí d’institiúidí creidmheasa a bhfuil a gceannoifig lasmuigh den Aontas Eorpach agus nach comhaltaí de scéim ráthaithe taiscí arna bhunú san Aontas iad, chun a cheadú dóibh dul isteach i scéim ráthaithe taiscí de chuid an Aontais, ba cheart tréimhse leordhóthanach ama a thabhairt do na brainsí sin chun na céimeanna is gá a dhéanamh chun an ceanglas sin a chomhlíonadh.

(45)  Le Treoir 2014/49/AE, ceadaítear do na Ballstáit SCI a aithint mar scéim ráthaithe taiscí má chomhlíonann sé na critéir a leagtar síos in Airteagal 113(7) de Rialachán (AE) Uimh. 575/2013 agus má chomhlíonann sé Treoir 2014/49/AE. Chun samhail shonrach ghnó na IPSanna sin a chur san áireamh, go háirithe ábharthacht na bhfeidhmeanna atá i gcroílár a sainordaithe, a fheidhmíonn siad sa bhreis ar na cinn a chumhdaítear leis an Treoir seo, is iomchuí foráil a dhéanamh maidir leis an deis a bheith ag na Ballstáit cead a thabhairt do SCIanna leanúint de na feidhmeanna sin a dhéanamh. Ina theannta sin, chun a ndóthain ama a thabhairt dóibh oiriúnú do na forálacha nua, go háirithe na coimircí chun bearta coisctheacha a chur i bhfeidhm, ba cheart idirthréimhse trí bliana a dheonú do SCIanna. ▌ Chun cothrom iomaíochta a áirithiú agus ardleibhéal cosanta a chaomhnú do thaisceoirí, ba cheart na feidhmeanna agus na cúraimí a dhéantar sa bhreis ar na cinn a chumhdaítear leis an Treoir seo a mhaoiniú trí mhodhanna airgeadais breise, anuas ar an spriocleibhéal. Ba cheart do SCInna ciste leithscartha a fhorbairt ar mhaithe le feidhmeanna eile SCI seachas na feidhmeanna a chumhdaítear leis an Treoir seo mar a comhaontaíodh idir an Banc Ceannais Eorpach, an t-údarás inniúil náisiúnta agus na SCInna ábhartha.

(46)  Chun a cheadú do scéimeanna ráthaithe taiscí agus údaráis ainmnithe an acmhainn oibríochtúil is gá a chur i dtoll a chéile chun na rialacha nua maidir le húsáid beart coisctheach a chur i bhfeidhm, is iomchuí foráil a dhéanamh maidir le cur i bhfeidhm iarchurtha na rialacha nua sin.

(47)  Ós rud é nach féidir leis na Ballstáit cuspóirí na Treorach seo a bhaint amach go leormhaith, is iad sin cumhdach aonfhoirmeach taisceoirí san Aontas a áirithiú, mar gheall ar na rioscaí a d’fhéadfadh a bheith ag baint le cineálacha éagsúla cur chuige náisiúnta do shláine an mhargaidh aonair ach gur féidir iad a bhaint amach níos fearr ar leibhéal an Aontais, trí na rialacha a leagtar síos cheana a leasú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2014/49/AE

Leasaítear Treoir 2014/49/AE mar seo a leanas:

(1)  Leasaítear Airteagal 1 mar seo a leanas:

(a)  cuirtear an méid seo a leanas in ionad Airteagal 1:"

‘1. Leagtar síos leis an Treoir seo rialacha agus nósanna imeachta a bhaineann le bunú agus feidhmiú scéimeanna ráthaithe taiscí, cumhdach agus aisíoc taiscí, agus úsáid cistí scéimeanna ráthaithe taiscí le haghaidh bearta lena bhféachtar lena áirithiú go mbeidh rochtain ag taisceoirí ar a dtaiscí.’;

(b)  i mír 2, cuirtear an méid seo a leanas in ionad phointe (d):"

‘(d) institiúidí creidmheasa, agus brainsí d’institiúidí creidmheasa a bhfuil a gceannoifig lasmuigh den Aontas Eorpach, atá cleamhnaithe leis na scéimeanna dá dtagraítear i bpointí (a), (b) nó (c) den mhír seo.’;

(2)  in Airteagal 2, leasaítear mír 1 mar a leanas:

(a)  i bpointe (3), cuirtear an méid seo a leanas in ionad na foclaíochta réamhráití:"

‘(3) ciallaíonn ‘taisce’ iarmhéid creidmheasa a leanann as cistí arna bhfágáil i gcuntas nó as staideanna sealadacha atá mar thoradh ar ghnáth-idirbhearta baincéireachta a dhéanann institiúidí creidmheasa i ngnáthchúrsa a ngnó, agus a cheanglaítear ar institiúid creidmheasa a aisíoc faoi na coinníollacha dlíthiúla agus conarthacha is infheidhme, lena n-áirítear taisce téarma shocraithe agus taisce choigiltis, ach gan iarmhéid creidmheasa a áireamh inarb amhlaidh an méid seo a leanas:’;

(b)  i bpointe (13), cuirtear an méid seo a leanas in ionad na foclaíochta réamhráití:"

‘(13) ciallaíonn ‘ceangaltas íocaíochta’ oibleagáid chomhthaobhaithe go hiomlán agus neamh-inchúlghairthe ar institiúid creidmheasa méid airgeadaíochta a íoc le scéim ráthaithe taiscí nuair a iarrann an scéim ráthaithe taiscí sin é, agus i gcás inarb amhlaidh an méid seo a leanas maidir leis an gcomhthaobhacht:

(c)  cuirtear pointí (19) go (23) seo a leanas leis:"

(d)  cuirtear an méid seo a leanas in ionad mír 3:"

‘3. Scaireanna i gcumainn foirgníochta na hÉireann, cé is moite díobh sin ar de chineál caipitil iad a chumhdaítear le hAirteagal 5(1), pointe (b), láimhseálfar leo mar thaiscí.’;

____________________________________________

* [Cuir isteach tagairt iomlán – togra le haghaidh Rialachán maidir leis an Sciúradh Airgid a Chomhrac - COM/2021/420 final].

** [Cuir isteach tagairt iomlán – togra le haghaidh Rialachán maidir leis an Sciúradh Airgid a Chomhrac - COM/2021/420 final].

(3)  Leasaítear Airteagal 4 mar seo a leanas:

(-a)  cuirtear an méid seo a leanas in ionad Airteagal 2:"

‘2. Féadfar scéim chonarthach dá dtagraítear i bpointe (b) d’Airteagal 1(2) den Treoir seo a aithint go hoifigiúil mar scéim ráthaithe taiscí má chomhlíonann sí an Treoir seo.

Féadfar SCI a aithint go hoifigiúil mar scéim ráthaithe taiscí má chomhlíonann sí na critéir a leagtar síos in Airteagal 113(7) de Rialachán (AE) Uimh. 575/2013 agus má chomhlíonann sí an Treoir seo.

Áiritheoidh na Ballstáit, faoin... [36 mhí ó dháta theacht i bhfeidhm na Treorach leasaithí seo], déanfaidh SCI a aithnítear mar scéim ráthaithe taiscí de bhun na míre seo na hacmhainní airgeadais atá ar fáil agus atá faoi réir spriocleibhéil i gcomhréir le hAirteagal 10(2) den Treoir seo a leithscaradh ó na modhanna airgeadais breise chun sainorduithe a chomhlíonadh seachas na cinn sin a rialaítear faoin Treoir seo.”;

(a)  cuirtear an méid seo a leanas in ionad Airteagal 4:"

‘4. Áiritheoidh na Ballstáit, i gcás nach gcomhlíonfaidh institiúid creidmheasa a hoibleagáidí mar chomhalta de scéim ráthaithe taiscí, go dtabharfaidh an scéim ráthaithe taiscí sin fógra ina thaobh don údarás ainmnithe agus d’údarás inniúil na hinstitiúide creidmheasa sin.

Áiritheoidh na Ballstáit go ndéanfaidh an t-údarás inniúil, i gcomhar leis an údarás ainmnithe, gach beart iomchuí go pras, lena n-áirítear, i gcás inar gá, pionóis a fhorchur, chun a áirithiú go gcomhlíonfaidh an institiúid creidmheasa lena mbaineann a hoibleagáidí mar chomhalta de scéim ráthaithe taiscí. ▌

Leagfaidh na Ballstáit síos rialacha maidir leis na pionóis is infheidhme i gcás sáruithe ag institiúidí creidmheasa ar na hoibleagáidí atá orthu mar chomhalta de scéim ráthaithe taiscí. Beidh na pionóis éifeachtach, comhréireach agus athchomhairleach.’;

(b)  cuirtear mír 4a seo a leanas isteach:"

‘4a. Áiritheoidh na Ballstáit, i gcás nach n-íocfaidh institiúid creidmheasa na ranníocaíochtaí dá dtagraítear in Airteagal 10 agus Airteagal 11(4) laistigh den tráthchlár a shonraíonn an scéim ráthaithe taiscí, go ndéanfaidh an scéim ráthaithe taiscí sin ráta úis reachtúil a ghearradh, ar feadh thréimhse na moille, ar an méid atá dlite.’;

(c)  cuirtear an méid seo a leanas in ionad mhíreanna 5 agus 6:"

‘5. Áiritheoidh na Ballstáit go gcuirfidh an scéim ráthaithe taiscí an t-údarás ainmnithe ar an eolas i gcás nach n-éireoidh leis na bearta dá dtagraítear i míreanna 4 agus 4a comhlíontacht na hinstitiúide creidmheasa a athbhunú. Áiritheoidh na Ballstáit go ndéanfaidh an t-údarás ainmnithe measúnú ar cé acu a chomhlíonann nó nach gcomhlíonann an institiúid na coinníollacha maidir lena leanúint de bheith ina comhalta den scéim ráthaithe taiscí go fóill agus cuirfidh siad an t-údarás inniúil ar an eolas faoi thoradh an mheasúnaithe sin.

6.  Áiritheoidh na Ballstáit, i gcás ina ndéanfaidh an t-údarás inniúil cinneadh an t-údarú a tharraingt siar i gcomhréir le hAirteagal 18 de Threoir 2013/36/AE, go scoirfidh an institiúid creidmheasa de bheith ina comhalta den scéim ráthaithe taiscí. Áiritheoidh na Ballstáit go leanfaidh taiscí a shealbhaítear ar an dáta a scoir institiúid creidmheasa de bheith ina comhalta den scéim ráthaithe taiscí sin de bheith cumhdaithe ag an scéim ráthaithe taiscí sin ar feadh sé mhí ar a mhéad.”;

(ca)  I mír 7, cuirtear isteach an fhomhír seo a leanas:"

‘Beidh na cumhachtaí forfheidhmiúcháin is gá ag na húdaráis ainmnithe, lena n-áirítear cumhachtaí chun pionóis nó bearta riaracháin eile a fhorchur, chun sáruithe ar an Treoir seo ag scéim ráthaithe taiscí a leigheas.’;

(d)  scriostar mír 8;

(e)  cuirtear mír 13 seo a leanas leis:"

‘13. ▌ Forbróidh ÚBE dréachtchaighdeáin theicniúla rialála maidir le raon feidhme, inneachar agus nósanna imeachta na dtástála struis dá dtagraítear i mír 10.

Cuirfidh an tÚdarás Baincéireachta Eorpach na dréachtchaighdeáin theicniúla rialála sin faoi bhráid an Choimisiúin faoin … [24 mí tar éis dháta theacht i bhfeidhm na Treorach leasaithí seo].

Tarmligfear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le Airteagail 10 go 14 de Rialachán (AE) Uimh. 1093/2010.’;

(4)  Leasaítear Airteagal 5 mar seo a leanas:

(a)  leasaítear mír 1 mar a leanas:

(i)  cuirtear an méid seo a leanas in ionad na foclaíochta réamhráití:"

‘1. Beidh an méid seo a leanas eisiata ó aon aisíocaíocht ag scéim ráthaithe taiscí:’

(ii)  cuirtear an méid seo a leanas in ionad phointe (c):"

‘(c) taiscí a eascraíonn as idirbhearta a ndearnadh ciontú coiriúil i sciúradh airgid agus maoiniú na sceimhlitheoireachta i gceangal leo;’;

▌

(iv)  cuirtear an méid seo a leanas in ionad phointe (f):"

‘(f) taiscí nár sainaithníodh riamh a sealbhóir de bhun Airteagal 16 de Rialachán (AE) … [cuir isteach tagairt ghearr – togra le haghaidh Rialachán maidir leis an Sciúradh Airgid a Chomhrac - COM/2021/420 final], i gcás nach bhfuil na taiscí sin le fáil, seachas i gcás ina n-iarrfaidh sealbhóir íocaíocht amach agus ina gcruthóidh sé nó sí nárbh é a ghníomhaíocht/a gníomhaíocht féin ba chúis leis an easpa sainaitheanta;’;

(v)  scriostar pointe (j);

(va)  cuirtear an pointe seo a leanas leis:"

‘(ka) taiscí ó dhaoine nó ó eintitis dhlíthiúla atá faoi réir smachtbhannaí airgeadais spriocdhírithe arna nglacadh ag an Aontas.’;

(b)  cuirtear an méid seo a leanas in ionad Airteagal 2:"

‘2. De mhaolú ar mhír 1, pointe (i), féadfaidh na Ballstáit cinneadh a dhéanamh go mbeidh taiscí arna sealbhú ag pleananna pinsin phearsanta agus pleananna pinsin ceirde de chuid fiontair bheaga agus mheánmhéide san áireamh suas leis an leibhéal cumhdaigh a leagtar síos in Airteagal 6(1).’;

(5)  Leasaítear Airteagal 6 mar seo a leanas:

(a)  leasaítear mír 2 mar a leanas:

(i)  cuirtear an méid seo a leanas in ionad na foclaíochta réamhráití:"

‘De bhreis ar mhír 1, áiritheoidh na Ballstáit go gcumhdófar na taiscí seo a leanas ar a laghad go dtí suim EUR 500000 agus uasmhéid de EUR 2500000 ar feadh 6 mhí tar éis an méid sin a chreidiúnú nó ón tráth a mbeidh na taiscí sin inaistrithe go dleathach:’;

(ii)  cuirtear an méid seo a leanas in ionad phointe (a):"

‘(a) taiscí a eascraíonn as idirbhearta eastáit réadaigh a bhaineann le maoin chónaithe phríobháideacha agus taiscí atá beartaithe le haghaidh na n-idirbheart sin, ar choinníoll go dtabharfaidh duine nádúrtha na hidirbhearta sin i gcrích laistigh de thréimhse ceithre mhí, agus ar choinníoll gur féidir leis an duine nádúrtha sin doiciméid a sholáthar lena gcruthaítear an t-idirbheart sin;’;

(iia)  cuirtear an fhomhír seo a leanas leis:"

‘Faoin ... [36 mhí ó dháta theacht i bhfeidhm na Treorach leasaithí seo], déanfaidh an Coimisiún athbhreithniú ar na méideanna atá faoi chumhdach dá dtagraítear sa chéad fhomhír agus arna dtrasuí ag na Ballstáit, d’fhonn a chinneadh ar cheart an t-uasmhéid dá dtagraítear san fhomhír sin a laghdú, ag cur san áireamh an bhfuil na méideanna atá faoi chumhdach comhréireach agus go n-áirithítear cothrom iomaíochta ar fud an Aontais. Cuirfidh an Coimisiún tuarascáil faoi bhráid Pharlaimint na hEorpa agus na Comhairle, lena ngabhfaidh, i gcás inarb iomchuí, togra reachtach.’;

(b)  cuirtear mír 2a seo a leanas isteach:"

‘2a. Áiritheoidh na Ballstáit go bhforlíonfar an leibhéal cumhdaigh a leagtar síos i mír 1 leis an leibhéal cumhdaigh a leagtar síos i mír 2.’

(6)  Leasaítear Airteagal 7 mar seo a leanas:

(a)  scriostar mír 5;

(aa)  cuirtear an méid seo a leanas in ionad Airteagal 6:"

‘6. Áiritheoidh na Ballstáit go dtuairisceoidh institiúidí creidmheasa dá scéimeanna ráthaithe taiscí, uair sa bhliain ar a laghad, méid comhiomlánaithe na dtaiscí incháilithe. Áiritheoidh na Ballstáit go bhféadfaidh scéimeanna ráthaithe taiscí a iarraidh ar institiúidí creidmheasa tráth ar bith iad a chur ar an eolas faoi mhéid comhiomlánaithe taiscí incháilithe gach taisceora.’;

(b)  cuirtear an méid seo a leanas in ionad Airteagal 7:"

‘7. Áiritheoidh na Ballstáit go n-aisíocfaidh na scéimeanna ráthaithe taiscí ús ar thaiscí arna fhabhrú go dtí an dáta a dhéanfaidh údarás riaracháin ábhartha cinneadh dá dtagraítear in Airteagal 2(1), pointe (8)(a), nó a thabharfaidh údarás breithiúnach rialú dá dtagraítear in Airteagal 2(1), pointe (8)(b), ach nár cuireadh chun sochair nó chun dochair ar an dáta sin. Ní shárófar an leibhéal cumhdaigh a leagtar síos in Airteagal 6(1) nó, sna himthosca dá dtagraítear in Airteagal 6(2), an leibhéal cumhdaigh a leagtar síos sa mhír sin.

I gcás ina sáraíonn rátaí úis ar thaiscí áirithe go suntasach ráta úis an mhargaidh atá i réim, de réir mar a chinntear é agus bunaithe ar shonraí trédhearcacha atá ar fáil go poiblí, beidh sé de chumhacht ag an scéim ráthaithe taiscí an t-ús aisíoctha a choigeartú chun ráta úis an mhargaidh atá i réim a léiriú tráth an chinnidh arna dhéanamh ag an údarás riaracháin ábhartha nó tráth rialú an údaráis bhreithiúnaigh. Déanfar an coigeartú sin chun baol morálta a chosc. Bunófar ar bhealach trédhearcach na critéir agus an mhodheolaíocht chun ‘sárú suntasach’ a shainiú agus don choigeartú, i gcomhréir leis na treoirlínte arna bhforbairt ag ÚBE agus faoi réir fhormheas an údaráis inniúil.’;

(7)  cuirtear Airteagal 7a seo a leanas isteach:"

‘Airteagal 7a.

An dualgas cruthúnais maidir le hincháilitheacht taiscí agus teidlíocht ina leith

Áiritheoidh na Ballstáit, sna cásanna dá dtagraítear in Airteagal 6(2) agus Airteagal 7(3), go gcruthóidh taisceoir nó, i gcás inarb iomchuí, sealbhóir cuntais go gcomhlíonann na taiscí lena mbaineann coinníollacha Airteagal 6(2), nó an teidlíocht i leith na dtaiscí sna himthosca dá dtagraítear in Airteagal 7(3).’;

(8)  Leasaítear Airteagal 8 mar seo a leanas:

(-a)  cuirtear an méid seo a leanas in ionad Airteagal 1:"

‘1. Áiritheoidh scéimeanna ráthaithe taiscí go mbeidh an méid inaisíoctha ar fáil a luaithe is féidir agus ar aon chuma laistigh de sheacht lá oibre ón dáta a ndéanfaidh údarás riaracháin ábhartha cinneadh dá dtagraítear in Airteagal 2(1), pointe (8)(a), nó déanfaidh údarás breithiúnach rialú dá dtagraítear in Airteagal 2(1), pointe (8)(b).’;

(-aa)  scriostar mír 2;

(a)  cuirtear an méid seo a leanas in ionad Airteagal 3:"

‘3. De mhaolú ar mhír 1, ceadóidh na Ballstáit do scéimeanna ráthaithe taiscí tréimhse níos faide a chur i bhfeidhm chun na taiscí dá dtagraítear in Airteagal 6(2), Airteagal 7(3) agus Airteagal 8b a aisíoc, ar tréimhse í nach rachaidh thar 20 lá oibre ón dáta a fuair na scéimeanna ráthaithe taiscí sin an doiciméadacht iomlán a d’iarr siad ó thaisceoir nó, i gcás inarb iomchuí, ó shealbhóir cuntais, chun na héilimh a scrúdú agus chun a fhíorú go gcomhlíontar na coinníollacha aisíocaíochta. Maidir leis na taiscí dá dtagraítear in Airteagal 6(2) agus Airteagal 7(3), i gcás nach bhfuil scéimeanna ráthaithe taiscí in ann an méid inaisíoctha a chur ar fáil laistigh de sheacht lá oibre, áiritheoidh siad go mbeidh rochtain ag taisceoirí ar mhéid iomchuí dá dtaiscí cumhdaithe chun an costas maireachtála a chumhdach laistigh de chúig lá oibre tar éis dóibh iarraidh ar an méid sin a dhéanamh.’;

(aa)  scriostar mír 4;

(b)  leasaítear mír 5 mar a leanas:

(i)  cuirtear an méid seo a leanas in ionad phointe (c):"

‘(c) de mhaolú ar mhír 9, ní dhearnadh aon idirbheart a bhaineann leis an taisce le linn na 24 mhí anuas (cuntas díomhaoin atá ann), seachas i gcás ina bhfuil taiscí ag taisceoir freisin i gcuntas eile nach cuntas díomhaoin atá ann’;

(ii)  scriostar pointe (d);

(c)  scriostar mír 8;

(d)  cuirtear an méid seo a leanas in ionad Airteagal 9:"

‘9. Áiritheoidh na Ballstáit, i gcás nach ndearnadh aon idirbheart a bhaineann leis an taisce le linn na 24 mhí anuas, go bhféadfaidh scéimeanna ráthaithe taiscí tairseach a leagan síos maidir leis na costais riaracháin a thabhódh na scéimeanna ráthaithe taiscí sin agus íocaíocht den sórt sin á déanamh. Ní bheidh oibleagáid ar scéimeanna ráthaithe taiscí céimeanna gníomhacha a dhéanamh chun taisceoirí a aisíoc faoi bhun na tairsí sin. Áiritheoidh na Ballstáit go n-aisíocfaidh scéimeanna ráthaithe taiscí taisceoirí faoi bhun na tairsí sin i gcás ina n-iarrfaidh na taisceoirí sin amhlaidh.’;

(9)  cuirtear Airteagal 8a, 8b agus 8c seo a leanas isteach:"

‘Airteagal 8a.

Taiscí ar mó iad ná EUR 10 000 a aisíoc

Áiritheoidh na Ballstáit, i gcás inar mó na méideanna atá le haisíoc ná EUR 10 000, go n-aisíocfaidh scéimeanna ráthaithe taiscí taisceoirí trí bhíthin aistrithe creidmheasa mar a shainmhínítear in Airteagal 2, pointe (20), de Threoir 2014/92/AE ó Pharlaimint na hEorpa agus ón gComhairle*.

‘Airteagal 8b

Taiscí cistí cliant a chumhdach

1.  Áiritheoidh na Ballstáit go gcumhdófar taiscí cistí cliant leis na scéimeanna ráthaithe taiscí i gcás inarb infheidhme na nithe seo a leanas uile:

2.  Áiritheoidh na Ballstáit go mbeidh feidhm ag an leibhéal cumhdaigh dá dtagraítear in Airteagal 6(1) maidir le gach ceann de na cliaint a chomhlíonann na coinníollacha a leagtar síos i mír 1, pointe (c), den Airteagal seo. De mhaolú ar Airteagal 7(1), i gcás ina mbeidh an méid in-aisíoctha á chinneadh le haghaidh cliant aonair, ní chuirfidh an scéim ráthaithe taiscí na taiscí ciste comhiomláin a chuireann an cliant sin faoi chúram na hinstitiúide creidmheasa céanna san áireamh.

3.  Áiritheoidh na Ballstáit go ndéanfar aisíocaíocht taiscí arna gcumhdach de chuid scéimeanna ráthaithe taiscí a aisíoc go díreach leis an gcliant.

4.  Forbróidh ÚBE dréachtchaighdeáin theicniúla rialála chun na nithe seo a leanas a shonrú:

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoi ... [Oifig na bhFoilseachán – cuir isteach an dáta = 12 mhí tar éis dháta theacht i bhfeidhm na Treorach seo].

Tarmligtear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

Airteagal 8c

Aisíocaíochtaí a chur ar fionraí i gcás ábhair imní maidir leis an sciúradh airgid agus maoiniú na sceimhlitheoireachta

1.  Áiritheoidh na Ballstáit go gcuirfidh an t-údarás ainmnithe an scéim ráthaithe taiscí ar an eolas laistigh de 24 uair an chloig ón tráth a gheobhaidh an t-údarás ainmnithe an fhaisnéis dá dtagraítear in Airteagal 48(4) an [cuir isteach tagairt – togra le haghaidh Treoir maidir leis an Sciúradh Airgid a Chomhrac lena n-aisghairtear Treoir (AE) 2015/849 - COM(2021) 423 final] maidir le toradh na mbeart díchill chuí custaiméara dá dtagraítear in Airteagal 15(4) de Rialachán (AE) … [cuir isteach tagairt gearr – togra le haghaidh Rialachán maidir leis an Sciúradh Airgid a Chomhrac - COM/2021/420 final]. Áiritheoidh na Ballstáit go mbeidh an fhaisnéis a mhalartófar idir na t-údarás ainmnithe agus an scéim ráthaithe taiscí teoranta don fhaisnéis a bhfuil fíorghá léi chun go bhfeidhmeoidh an scéim ráthaithe taiscí a cúraimí agus a freagrachtaí faoin Treoir seo agus go n-urramóidh an malartú faisnéise sin na ceanglais a leagtar síos i dTreoir 96/9/CE ó Pharlaimint na hEorpa agus ón gComhairle**.

2.  Áiritheoidh na Ballstáit go gcuirfidh scéimeanna ráthaithe taiscí an aisíocaíocht dá dtagraítear in Airteagal 8(1) ar fionraí i gcás ina mbeidh taisceoir, nó aon duine atá i dteideal suimeanna arna sealbhú ina chuntas, cúisithe i gcion a eascraíonn as an sciúradh airgid nó as maoiniú na sceimhlitheoireachta, nó a bhaineann leis an sciúradh airgid nó le maoiniú na sceimhlitheoireachta, go dtí go dtabharfar breithiúnas na cúirte.

3.  Áiritheoidh na Ballstáit go gcuirfidh scéimeanna ráthaithe taiscí an aisíocaíocht dá dtagraítear in Airteagal 8(1) ar fionraí ar feadh an fhaid chéanna a leagtar síos in Airteagal 20 de [cuir isteach tagairt ghearr – togra le haghaidh Treoir maidir leis an Sciúradh Airgid a Chomhrac lena n-aisghairtear Treoir (AE) 2015/849 - COM(2021) 423 final] i gcás ina dtabharfaidh an tAonad um Fhaisnéis Airgeadais dá dtagraítear in Airteagal 32 de Threoir (AE) [cuir isteach tagairt – togra le haghaidh Treoir maidir leis an Sciúradh Airgid a Chomhrac lena n-aisghairtear Treoir (AE) 2015/849 - COM(2021) 423 final] fógra dóibh gur chinn an tAonad idirbheart a chur ar fionraí nó toiliú le dul ar aghaidh le hidirbheart den sórt sin a choinneáil siar, nó cuntas bainc nó íocaíochta a chur ar fionraí i gcomhréir le hAirteagal 20(1) nó (2) de Threoir (AE) [cuir isteach tagairt – togra le haghaidh Treoir maidir leis an Sciúradh Airgid a Chomhrac lena n-aisghairtear Treoir (AE) 2015/849 - COM(2021) 423 final].

4.  Áiritheoidh na Ballstáit nach mbeidh scéimeanna ráthaithe taiscí faoi dhliteanas i leith aon bheart a dhéantar i gcomhréir le treoracha an Aonaid um Fhaisnéis Airgeadais. Is chun críocha na Treorach seo amháin a úsáidfidh scéimeanna ráthaithe taiscí aon fhaisnéis a fhaightear ón Aonad um Fhaisnéis Airgeadais.

____________________________________________

* Treoir 2014/92/AE ó Pharlaimint na hEorpa agus ón gComhairle an 23 Iúil 2014 maidir le hinchomparáideacht táillí a bhaineann le cuntais íocaíochta, le malartú cuntas íocaíochta agus le rochtain ar chuntais íocaíochta a bhfuil gnéithe bunúsacha acu (IO L 257, 28.8.2014, lch. 214).

** Treoir 96/9/CE ó Pharlaimint na hEorpa agus ón gComhairle an 11 Márta 1996 maidir le cosaint dhlíthiúil bunachar sonraí (IO L 77, 27.3.1996, lch. 20).’;

(10)  in Airteagal 9, cuirtear an méid seo a leanas in ionad mhíreanna 2 agus 3:"

‘2. Gan dochar do chearta a d’fhéadfadh a bheith acu faoin dlí náisiúnta, beidh an ceart seachaíochta ag scéimeanna ráthaithe taiscí a dhéanann íocaíochtaí faoi ráthaíocht laistigh de chreat náisiúnta maidir le cearta taisceoirí in imeachtaí foirceanta nó atheagrúcháin ar mhéid atá cothrom leis na híocaíochtaí a rinne na scéimeanna ráthaithe taiscí le taisceoirí. Scéimeanna ráthaithe taiscí a dhéanann ranníocaíocht i gcomhthéacs na n-uirlisí réitigh dá dtagraítear in Airteagal 37(3), pointe (a) nó (b), de Threoir 2014/59/AE, nó i gcomhthéacs beart a dhéantar i gcomhréir le hAirteagal 11(5) den Treoir seo, beidh éileamh acu in aghaidh na hinstitiúide creidmheasa iarmharaí i dtaca le haon chaillteanas a thabhaítear de thoradh aon ranníocaíocht a dhéantar le réiteach de bhun Airteagal 109 de Threoir 2014/59/AE nó leis an aistriú a rinneadh de bhun Airteagal 11(5) den Treoir seo do mhéid atá cothrom lena ranníocaíocht ar choinníoll go bhfoirceanntar an institiúid creidmheasa iarmharach. ▌ Rangófar an t-éileamh sin ar an leibhéal céanna le taiscí arna gcumhdach faoin dlí náisiúnta lena rialaítear gnáthimeachtaí dócmhainneachta.

3.  Áiritheoidh na Ballstáit maidir le taisceoirí nár aisíoc nó nár admhaigh an scéim ráthaithe taiscí a dtaiscí faoi na sprioc-amanna a leagtar síos in Airteagal 8(1) agus (3), go mbeidh siad in ann aisíocaíocht a dtaiscí a éileamh laistigh de thréimhse 5 bliana.’;

(11)  Leasaítear Airteagal 10 mar seo a leanas:

(a)  leasaítear mír 2 mar a leanas:

(i)  cuirtear na fomhíreanna seo a leanas isteach tar éis na chéad fomhíre:"

‘I gcás ríomh an spriocleibhéil dá dtagraítear sa chéad fhomhír, is éard a bheidh sa tréimhse thagartha an tréimhse idir an 31 Nollaig roimh an dáta faoina bhfuil an spriocleibhéal le baint amach agus an dáta sin.

Agus cinneadh á dhéanamh acu ar bhain an scéim ráthaithe taiscí an spriocleibhéal sin amach, ní chuirfidh na Ballstáit san áireamh ach na hacmhainní airgeadais atá ar fáil a ranníocann comhaltaí don scéim ráthaithe taiscú go díreach, nó a aisghabhadh ó na comhaltaí sin, glan ó tháillí agus muirir riaracháin. Áireofar leis na hacmhainní airgeadais sin atá ar fáil ioncam ó infheistíocht ó chistí arna ranníoc ag comhaltaí leis an scéim ráthaithe taiscí, ach ní áireofar orthu aisíocaíochtaí nach n-éilíonn taisceoirí incháilithe le linn nósanna imeachta íocaíochta amach, aon dliteanais fiachais atá dlite ag an scéim ráthaithe taiscí, lena n-áirítear iasachtaí ó scéimeanna ráthaithe taiscí eile agus socruithe malartacha cistiúcháin dá dtagraítear in Airteagal 10(9). Déileálfar le hiasacht gan íoc le scéim ráthaithe taiscí eile faoi Airteagal 12 mar shócmhainn de chuid an scéim ráthaithe taiscí a sholáthair an iasacht agus féadfar í a áireamh mar chuid de spriocleibhéal na scéime ráthaithe taiscí sin.’;

(ii)  cuirtear an méid seo a leanas in ionad an tríú fhomhír:"

‘I gcás inarb amhlaidh, tar éis don spriocleibhéal dá dtagraítear sa chéad fhomhír a bheith bainte amach den chéad uair, go mbeidh an acmhainn airgeadais ar fáil, i ndiaidh eisíocaíocht cistí scéime ráthaithe taiscí i gcomhréir le hAirteagal 8(1), agus Airteagal 11(2), (3) agus (5), laghdaithe chuig méid is lú ná dhá thrian den spriocleibhéal, socróidh scéimeanna ráthaithe taiscí an ranníocaíocht thráthrialta ar leibhéal a thabharfaidh deis dóibh an spriocleibhéal a bhaint amach laistigh de 4 bliana.

‘I gcás inarb amhlaidh, tar éis don spriocleibhéal dá dtagraítear sa chéad fhomhír a bheith bainte amach den chéad uair, go mbeidh an acmhainn airgeadais ar fáil, i ndiaidh eisíocaíocht cistí scéime ráthaithe taiscí i gcomhréir le hAirteagal 8(1) agus Airteagal 11(2), (3) agus (5), laghdaithe faoi níos lú ná trian den spriocleibhéal, socróidh scéimeanna ráthaithe taiscí an ranníocaíocht thráthrialta ar leibhéal a thabharfaidh deis dóibh an spriocleibhéal a bhaint amach laistigh de dhá bhliain.’;

(iia)  cuirtear an méid seo a leanas in ionad an chúigiú fomhír:"

‘Féadfaidh na Ballstáit síneadh ceithre bliana ar a mhéad a chur leis an tréimhse tosaigh dá dtagraítear sa chéad fhomhír má rinne an scéim ráthaithe taiscí eisíocaíochtaí carnacha de bhreis ar 0.8 % de thaiscí cumhdaithe chun taisceoirí a aisíoc.’;

(b)  cuirtear an méid seo a leanas in ionad Airteagal 3:"

‘3. Féadfar ceangaltais íocaíochta a áireamh san acmhainn airgeadais atá ar fáil a chuireann an scéim ráthaithe taiscí san áireamh chun an spriocleibhéal dá dtagraítear i mír 2 a bhaint amach, iníoctha laistigh de 48 uair an chloig nuair a iarrann an scéime ráthaithe taiscí sin. An sciar iomlán de cheangaltais íocaíochta den sórt sin, ní bheidh sé níos mó ná 30 % den mhéid iomlán acmhainne airgeadais atá ar fáil a thiomsaítear i gcomhréir le mír 2.

Eiseoidh ÚBE treoirlínte maidir le ceangaltais íocaíochta lena leagtar síos critéir maidir le hinghlacthacht na gceangaltas sin;’

(c)  scriostar mír 4;

(d)  cuirtear an méid seo a leanas in ionad Airteagal 7:"

‘7. Áiritheoidh na Ballstáit go leagfaidh scéimeanna ráthaithe taiscí, údaráis ainmnithe nó údaráis inniúla an straitéis infheistíochta síos maidir leis an acmhainn airgeadais atá ar fáil do scéimeanna ráthaithe taiscí, agus go gcomhlíonfaidh an straitéis infheistíochta prionsabal an éagsúlaithe agus infheistíochtaí i sócmhainní ísealriosca agus leachtacha.

Áiritheoidh na Ballstáit go gcomhlíonfaidh an straitéis infheistíochta dá dtagraítear sa chéad fhomhír den mhír seo na prionsabail a leagtar síos in Airteagail 4, 8 agus 10 de Rialachán Tarmligthe (AE) 2016/451 ón gCoimisiún*.

_______________

* Rialachán Tarmligthe (AE) 2016/451 ón gCoimisiún an 16 Nollaig 2015 lena leagtar síos prionsabail ghinearálta agus critéir ghinearálta maidir leis an straitéis infheistíochta agus rialacha maidir leis an gCiste Réitigh Aonair a riar (IO L 79, 30.3.2016, lch. 2).’;

(e)  cuirtear mír 7a seo a leanas isteach:"

‘7a. Áiritheoidh na Ballstáit go bhféadfaidh scéimeanna ráthaithe taiscí a n-acmhainní airgeadais uile atá ar fáil nó cuid díobh a chur lena mbanc ceannais náisiúnta nó lena státchiste náisiúnta, ar choinníoll gur cinneadh costéifeachtach é don scéim ráthaithe taiscí agus go gcoinneofar na hacmhainní airgeadais sin atá ar fáil i gcuntas leithscartha agus go mbeidh siad ar fáil go héasca lena n-úsáid ag an scéim ráthaithe taiscí i gcomhréir le hAirteagail 11 agus 12.';

(ea)  cuirtear an méid seo a leanas in ionad Airteagal 9:"

‘9. Áiritheoidh na Ballstáit go mbeidh socruithe cistiúcháin malartacha leordhóthanacha i bhfeidhm ag scéimeanna ráthaithe taiscí chun go mbeidh siad in ann cistiú gearrthéarmach a fháil chun éilimh i gcoinne na scéimeanna ráthaithe taiscí sin a íoc. Áiritheoidh na Ballstáit nach maoineofar socruithe cistiúcháin malartacha scéimeanna ráthaithe taiscí trí chistí poiblí.’;

(f)  scriostar mír 10;

(g)  cuirtear isteach míreanna 11, 12 agus 13 seo a leanas:"

‘11. Áiritheoidh na Ballstáit go bhféadfaidh scéimeanna ráthaithe taiscí, i gcomhthéacs na mbeart dá dtagraítear in Airteagal 11(1), (2), (3) agus (5), úsáid a bhaint as na cistí ar de thionscnamh na socruithe cistiúcháin malartacha dá dtagraítear in Airteagal 10(9) iad, sula n-úsáidfidh siad an acmhainn airgeadais atá ar fáil agus sula mbaileoidh siad na ranníocaíochtaí urghnácha dá dtagraítear in Airteagal 10(8). ▌

12.  Forbróidh ÚBE dréachtchaighdeáin theicniúla rialála chun na nithe seo a leanas a shonrú:

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin ... [Oifig na bhFoilseachán – cuir isteach an dáta = 24 mhí i ndiaidh dháta theacht i bhfeidhm na Treorach seo].

Tarmligtear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

13.  Faoin... [Oifig na bhFoilseachán – cuir isteach an dáta = 24 mhí i ndiaidh dháta theacht i bhfeidhm na Treorach seo] forbróidh ÚBE treoirlínte chun cúnamh a thabhairt do scéimeanna ráthaithe taiscí maidir le héagsúlú na hacmhainne airgeadais atá ar fáil dóibh agus maidir leis an gcaoi a bhféadfadh scéimeanna ráthaithe taiscí infheistíocht a dhéanamh i sócmhainní ísealriosca is infheidhme maidir leis an acmhainn airgeadais atá ar fáil do scéimeanna ráthaithe taiscí.’;

(12)  Cuirtear an méid seo a leanas in ionad Airteagal 11:"

‘Airteagal 11

Úsáid cistí

1.  Áiritheoidh na Ballstáit go n-úsáidfidh scéimeanna ráthaithe taiscí na hacmhainní airgeadais atá ar fáil dá dtagraítear in Airteagal 10 go príomha chun aisíocaíochtaí le taisceoirí a dhaingniú i gcomhréir le hAirteagal 8.

2.  Áiritheoidh na Ballstáit go n-úsáidfidh scéimeanna ráthaithe taiscí an acmhainn airgeadais atá ar fáil dóibh chun réiteach institiúidí creidmheasa a mhaoiniú i gcomhréir le hAirteagal 109 de Threoir 2014/59/AE. Áiritheoidh na Ballstáit go gcinnfidh údaráis réitigh an méid atá scéim ráthaithe taiscí le ranníoc le maoiniú réitigh institiúidí creidmheasa, tar éis do na húdaráis réitigh sin dul i gcomhairle leis an scéim ráthaithe taiscí maidir le torthaí na tástála íoschostais dá dtagraítear in Airteagal 11e den Treoir seo. Áiritheoidh na Ballstáit go bhfreagróidh scéimeanna ráthaithe taiscí, gan mhoill, don chomhairliúchán sin.

3.  Ceadóidh na Ballstáit do scéimeanna ráthaithe taiscí na hacmhainní airgeadais atá ar fáil a úsáid le haghaidh bearta coisctheacha dá dtagraítear in Airteagal 11a chun tairbhe institiúide creidmheasa i gcás ina mbeidh feidhm ag gach ceann de na nithe seo a leanas:

4.  I gcás ina n-úsáidfear acmhainní airgeadais atá ar fáil le haghaidh bearta coisctheacha nó bearta malartacha dá dtagraítear i mír 3 agus i mír 5, cuirfidh na hinstitiúidí creidmheasa cleamhnaithe na hacmhainní a úsáidtear le haghaidh na mbeart sin ar fáil gan mhoill don scéim ráthaithe taiscí, i gcás inar gá i bhfoirm ranníocaíochtaí urghnácha, i gcás ina mbeidh feidhm ag aon cheann de na nithe seo a leanas:

5.  I gcás ina ndéantar institiúid chreidmheasa a fhoirceannadh i gcomhréir le hAirteagal 32b de Threoir 2014/59/AE d’fhonn imeacht as an margadh nó deireadh a chur lena gníomhaíocht baincéireachta, ceadóidh na Ballstáit do scéimeanna ráthaithe taiscí na hacmhainní airgeadais atá ar fáil a úsáid le haghaidh bearta malartacha chun rochtain taisceoirí ar a dtaiscí a chaomhnú, lena n-áirítear aistriú sócmhainní agus dliteanas agus aistriú leabhair taisce, i gcás ina mbeidh feidhm ag an méid seo a leanas ar fad:

(13)  cuirtear Airteagal 11a go 11e seo a leanas isteach:"

‘Airteagal 11a.

Bearta coisctheacha

1.  ▌Áiritheoidh na Ballstáit go n-úsáidfidh scéimeanna ráthaithe taiscí na hacmhainní airgeadais atá ar fáil le haghaidh na mbeart coisctheach dá dtagraítear in Airteagal 11(3), ar choinníoll go gcomhlíonfar gach ceann de na coinníollacha seo a leanas:

2.  Áiritheoidh na Ballstáit go mbeidh córais faireacháin agus nósanna imeachta cinnteoireachta i bhfeidhm ag scéimeanna ráthaithe taiscí atá iomchuí do na bearta coisctheacha a roghnú agus a chur chun feidhme agus d’fhaireachán a dhéanamh ar rioscaí cleamhnaithe.

3.  Áiritheoidh na Ballstáit nach bhféadfaidh scéimeanna ráthaithe taiscí bearta coisctheacha a chur chun feidhme ach amháin i gcás ina mbeidh sé dearbhaithe ag an údarás ainmnithe gur comhlíonadh na coinníollacha uile a leagtar síos i mír 1. Tabharfaidh an t-údarás ainmnithe fógra don údarás inniúil agus don údarás réitigh.

I gcás ina mbaineann an institiúid is tairbhí le SCI dá dtagraítear in Airteagal 1(2), pointe (c), cinnfidh an IPS sin, bunaithe ar thorthaí na tástála costais is lú dá dtagraítear in Airteagal 11e, méid na modhanna airgeadais atá ar fáil le haghaidh bearta coisctheacha a dtabharfar fógra ina leith don údarás ainmnithe.

4.  Áiritheoidh na Ballstáit nach n-úsáidfidh an scéim ráthaithe taiscí na hacmhainní airgeadais atá ar fáil dó le haghaidh bearta tacaíochta caipitil, lena n-áirítear athchaipitliú, bearta lagaithe sócmhainní agus ráthaíochtaí sócmhainní, ach amháin i gcás ina gcomhlíontar na coinníollacha faoi Airteagal 11b.

Áiritheoidh na Ballstáit go n-aistreoidh an scéim ráthaithe taiscí a shealúchais scaireanna nó ionstraimí caipitil eile san institiúid creidmheasa a fhaigheann tacaíocht a luaithe is féidir sin sna himthosca tráchtála agus airgeadais.

4a.  Forbróidh ÚBE dréachtchaighdeáin theicniúla rialála chun na nithe seo a leanas a shonrú:

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin ... [bliain amháin tar éis dháta theacht i bhfeidhm na Treorach leasaithí seo].

Tarmligtear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

‘Airteagal 11b

Ceanglais maidir le bearta coisctheacha a mhaoiniú

1.  Áiritheoidh na Ballstáit go dtíolacfaidh institiúidí creidmheasa a iarrann ar scéim ráthaithe taiscí bearta coisctheacha a mhaoiniú i gcomhréir le hAirteagal 11(3) don údarás inniúil nóta ina bhfuil bearta a gheallann na hinstitiúidí creidmheasa sin a ghabháil de láimh chun comhlíonadh na gceanglas maoirseachta is infheidhme a áirithiú i gcomhréir le Treoir 2013/36/AE agus Rialachán (AE) Uimh. 575/2013.

2.  Leis an nóta dá dtagraítear i mír 1, leagfar amach gníomhaíochtaí chun an riosca go dtiocfaidh meathlú ar fhóntacht airgeadais staid chaipitil agus staid leachtachta na hinstitiúide creidmheasa a mhaolú agus na staideanna sin a neartú.

2a.  I gcás ina n-úsáidtear acmhainní airgeadais na scéime ráthaithe taiscí le haghaidh bearta coisctheacha i gcomhréir le hAirteagal 11(3) den Treoir seo, ceanglóidh an t-údarás inniúil ar an institiúid creidmheasa is tairbhí nuashonrú a dhéanamh, de réir mar is infheidhme, ar an bplean téarnaimh mar a shainmhínítear in Airteagal 2(1), pointe (32), de Threoir 2014/59/AE nó ar an bplean téarnaimh grúpa mar a shainmhínítear in Airteagal 2(1), pointe (33), den Treoir sin. Treoróidh an t-údarás inniúil an institiúid creidmheasa dá dtugtar tacaíocht chun na bearta dá dtagraítear in Airteagal 6(6), an tríú fomhír, de Threoir 2014/59/AE a chur chun feidhme i gcás ina gcomhlíonfar na coinníollacha faoi Airteagal 6(6) den Treoir sin.

3.  Áiritheoidh na Ballstáit, i gcás beart tacaíochta caipitil faoi mhír 1, nach gcumhdóidh na hacmhainní airgeadais atá ar fáil de chuid scéim ráthaithe tacaíochta ach an t-easnamh caipitil atá ann faoi láthair ar bhonn na n-eilimintí seo a leanas, mar a léirítear sa nóta:

Agus an t-easnamh caipitil á chinneadh, féadfaidh an scéim ráthaithe taiscí aon mheasúnú réamhbhreathnaitheach ar leordhóthanacht caipitil a chur san áireamh freisin, lena n-áirítear an plean caomhnaithe caipitil dá dtagraítear in Airteagal 142 de Threoir 2013/36/AE.

Áiritheoidh na Ballstáit, i gcás ina bhfuil institiúid creidmheasa ina comhalta de SCI dá dtagraítear in Airteagal 1(2), pointe (c), go gcinnfear an t-easnamh caipitil le SCI.

Agus an t-easnamh caipitil á chinneadh, tabharfaidh an scéim ráthaithe taiscí fógra don údarás inniúil.

4.  Áiritheoidh na Ballstáit go bhforáiltear sa nóta dá dtagraítear i mír 1 do straitéis scoir ó na bearta coisctheacha, lena n-áirítear sceideal aisíocaíochta atá sonraithe go soiléir ag an institiúid creidmheasa d’aon chistí inaisíoctha a fuarthas mar chuid de na bearta coisctheacha. Ní nochtfar an fhaisnéis sin go dtí bliain amháin tar éis an straitéis scoir a thabhairt i gcrích maidir le cur chun feidhme an phlean feabhsúcháin nó tabhairt i gcrích an mheasúnaithe faoi Airteagal 11c(3).

5.  Áiritheoidh na Ballstáit nach n-íocfar aon díbhinní, aischeannach scaireanna ná luach saothair inathraithe amach agus nach dtabharfaidh an institiúid creidmheasa dá dtugtar tacaíocht aon ghealltanas neamh-inchúlghairthe díbhinní, aischeannach scaireanna ná luach saothair inathraithe a íoc amach. Féadfaidh an t-údarás inniúil an toirmeasc sin a shrianadh go páirteach ar bhonn eisceachtúil i gcás ina suíonn an institiúid creidmheasa chun sástachta an údaráis inniúil go bhfuil sí faoi cheangal dlí na díbhinní a íoc amach. Áiritheoidh na Ballstáit go bhfanfaidh na srianta faoin mír seo i bhfeidhm, go dtí go mbeidh an scéim ráthaithe taiscí aisíoctha ag an institiúid creidmheasa a fhaigheann tacaíocht, agus go n-úsáidfear an méid céanna le haghaidh na mbeart coisctheach.

5a.  Áiritheoidh na Ballstáit go gcuirfidh an institiúid creidmheasa is tairbhí plean atheagrúcháin gnó faoi bhráid an údaráis inniúil laistigh de shé mhí ón tacaíocht airgeadais tosaigh a sholáthar. I gcás nach bhfuil an t-údarás inniúil sásta go bhfuil an plean atheagrúcháin gnó inchreidte agus indéanta chun inmharthanacht fhadtéarmach a áirithiú, cuirfear na bearta coisctheacha i leith na hinstitiúide creidmheasa lena mbaineann ar fionraí, agus cuirfidh an t-údarás inniúil bearta iomchuí chun feidhme chun a áirithiú go mbeidh inmharthanacht fhadtéarmach urraithe.

De mhaolú ar an gcéad fhomhír den mhír seo, i gcás ina mbaineann institiúid creidmheasa le SCI dá dtagraítear in Airteagal 1(2), pointe (c), déanfaidh SCI an plean atheagrúcháin gnó a fhormheas, tar éis dul i gcomhairle leis an údarás inniúil.

6.  Áiritheoidh na Ballstáit go mbeidh na bearta atá beartaithe sa phlean atheagrúcháin gnó dá dtagraítear i mír 5a comhoiriúnach le plean athstruchtúraithe na hinstitiúide creidmheasa arna cheangal ag an gCoimisiún, i gcomhréir le creat Státchabhrach an Aontais.

6a.  Soláthróidh an t-údarás inniúil an plean atheagrúcháin gnó don údarás réitigh. Féadfaidh an t-údarás réitigh an plean atheagrúcháin gnó a scrúdú d’fhonn aon ghníomhaíochtaí a shainaithint a bhféadfadh tionchar díobhálach a bheith acu ar inréititheacht na hinstitiúide agus féadfaidh sé moltaí a chur faoi bhráid an údaráis inniúil maidir leis na hábhair sin. Cuirfidh an t-údarás réitigh a mheasúnú agus a mholtaí in iúl laistigh den tréimhse ama a shocróidh an t-údarás inniúil.

'Airteagal 11c

Plean feabhsúcháin

1.  Áiritheoidh na Ballstáit, i gcás nach gcomhlíonann an institiúid creidmheasa na gealltanais a leagtar amach sa nóta dá dtagraítear in Airteagal 11b(1), nó sa phlean atheagrúcháin gnó dá dtagraítear in Airteagal 11b(5ú), an chéad fhomhír, nó i gcás ina mainníonn sí an méid a ranníocadh faoi na bearta coisctheacha a aisíoc tráth a haibíochta nó an straitéis scoir faoi Airteagal 11b(4) a chomhlíonadh, go gcuirfidh an scéim ráthaithe taiscí an t-údarás inniúil ar an eolas faoi sin gan mhoill.

2.  Sa chás dá dtagraítear i mír 1, áiritheoidh na Ballstáit go n-iarrfaidh an t-údarás inniúil ar an institiúid creidmheasa plean feabhsúcháin aonuaire a chur faoi bhráid an údaráis ainmnithe agus an scéim ráthaithe taiscí ina ndéanfar cur síos ar na bearta a dhéanfaidh an institiúid creidmheasa chun comhlíonadh na gceanglas maoirseachta a áirithiú, chun a inmharthanacht fhadtéarmach a áirithiú agus chun an méid cuí arna ranníoc ag an scéim ráthaithe taiscí leis an mbeart coisctheach a aisíoc, chomh maith leis an tráthchlár gaolmhar. Rachaidh an t-údarás ainmnithe agus an scéim ráthaithe taiscí i gcomhairle leis an údarás inniúil maidir leis na bearta atá beartaithe sa phlean feabhsúcháin.

3.  I gcás nach bhfuil an t-údarás inniúil sásta go bhfuil an plean feabhsúcháin inchreidte nó indéanta nó i gcás ina mainneoidh na hinstitiúidí creidmheasa an plean feabhsúcháin a chomhlíonadh, ní dhéanfaidh an scéim ráthaithe taiscí aon bhearta coisctheacha breise a dheonú don institiúid creidmheasa sin agus déanfaidh na húdaráis ábhartha measúnú ar cé acu atá nó nach bhfuil an institiúid ag cliseadh nó ar dócha go gclisfidh uirthi, i gcomhréir le hAirteagal 32 de Threoir 2014/59/AE.

4.  Faoin... [Oifig na bhFoilseachán — cuir isteach an dáta = 24 mhí tar éis dháta theacht i bhfeidhm na Treorach seo] eiseoidh ÚBE treoirlínte ina leagfar síos eilimintí den phlean atheagrúcháin gnó a ghabhann leis na bearta coisctheacha dá dtagraítear in Airteagal 11b (3) go (5a) agus an plean feabhsúcháin dá dtagraítear i mír 1 den Airteagal seo.

‘Airteagal 11d

▌Bearta malartacha

1.  Cumasóidh na Ballstáit cistí na scéime ráthaithe taiscí a úsáid le haghaidh na mbeart malartach dá dtagraítear in Airteagal 11(5). Áiritheoidh na Ballstáit, nuair a mhaoiníonn scéimeanna ráthaithe taiscí na bearta sin, go ndéanfaidh na hinstitiúidí creidmheasa na bearta sin a mhargú, nó go ndéanfaidh siad socruithe maidir le margú na sócmhainní, na gceart agus na ndliteanas sin a bhfuil sé beartaithe ag na hinstitiúidí creidmheasa sin iad a aistriú. Gan dochar do chreat Státchabhair an Aontais, comhlíonfaidh an margú sin na nithe seo a leanas uile:

1a.  Áiritheoidh na Ballstáit, i gcás ina n-úsáidtear an scéim ráthaithe taiscí i gcomhréir le hAirteagal 11(5) maidir le hinstitiúid chreidmheasa, agus ar choinníoll go n-áiritheofar leis an mbeart sin go leanfaidh daoine nádúrtha agus micrifhiontair agus fiontair bheaga agus mheánmhéide de rochtain a bheith acu ar a dtaiscí, chun cosc a chur orthu caillteanais a iompar, go ranníocfaidh an scéim ráthaithe taiscí a bhfuil an institiúid chreidmheasa sin cleamhnaithe léi na méideanna seo a leanas:

'Airteagal 11e

Tástáil íoschostais

1.  I gcás ina mbeidh breithniú á dhéanamh ar úsáid cistí scéime ráthaithe taiscí le haghaidh na mbeart dá dtagraítear in Airteagal 11(2), (3) nó (5), áiritheoidh na Ballstáit go ndéanfaidh scéimeanna ráthaithe taiscí comparáid idir na nithe seo a leanas:

2.  Chun an chomparáid dá dtagraítear i mír 1 a dhéanamh, beidh feidhm ag an méid seo a leanas:

3.  An méid a úsáidtear chun réiteach institiúidí creidmheasa a mhaoiniú, dá dtagraítear in Airteagal 11(2), le haghaidh na mbeart coisctheach dá dtagraítear in Airteagal 11(3), nó le haghaidh na mbeart malartach dá dtagraítear in Airteagal 11(5), áiritheoidh na Ballstáit nach mbeidh sé níos mó ná an méid taiscí faoi chumhdach ag an institiúid creidmheasa.

4.  Áiritheoidh na Ballstáit go ndéanfaidh na húdaráis inniúla agus réitigh an fhaisnéis uile is gá le haghaidh na comparáide dá dtagraítear i mír 1 a sholáthar don scéim ráthaithe taiscí. Áiritheoidh na Ballstáit go soláthróidh an t-údarás réitigh don scéim ráthaithe taiscí an costas measta a bhainfidh le ranníocaíocht na scéime ráthaithe taiscí le réiteach institiúide creidmheasa dá dtagraítear in Airteagal 11(2).

4a.  A luaithe is féidir tar éis bearta malartacha a dhéanamh, áiritheoidh na Ballstáit go roinnfidh an scéim ráthaithe taiscí achoimre ar chroíghnéithe an ríomha arna dhéanamh de bhun an Airteagail seo leis an údarás inniúil, leis an údarás réitigh agus leis an údarás ainmnithe. Is éard a bheidh san achoimre sin go háirithe an glanráta aisghabhála a dhíorthaítear ó chostas measta taisceoirí a aisíoc don scéim ráthaithe taiscí agus údar leathan leis na toimhdí foluiteacha gaolmhara.

5.  Agus na caighdeáin theicniúla rialála arna nglacadh de bhun Airteagal 36(16) de Threoir 2014/59/AE á gcur san áireamh, forbróidh ÚBE dréachtchaighdeáin theicniúla rialála chun an méid seo a leanas a shonrú:

Chun costas measta na dtaisceoirí a aisíoc dá dtagraítear i mír 1, pointe (b), a ríomh, i gcás bearta dá dtagraítear in Airteagal 11(2), (3) nó (5), cuirfear san áireamh sa mhodheolaíocht dá dtagraítear i bpointe (b) éifeachtaí thógálachta, rioscaí eacnamaíocha agus airgeadais agus aon damáistí do chlú an chórais baincéireachta, lena n-áirítear, i gcás inarb ábhartha, an trádmharc comhpháirteach a chosaint, agus tábhacht na mbeart coisctheach do shainordú reachtúil nó conarthach na scéime ráthaithe taiscí, lena n-áirítear SCI dá dtagraítear in Airteagal 1(2), pointe (c).

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin ...[Oifig na bhFoilseachán – cuir isteach an dáta = 12 mhí tar éis dháta theacht i bhfeidhm na Treorach seo].

Tarmligtear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.’;

(13a)  Cuirtear an méid seo a leanas in ionad Airteagal 13:"

‘1. Beidh na ranníocaíochtaí le scéimeanna ráthaithe taiscí dá dtagraítear in Airteagal 10 bunaithe ar mhéid na dtaiscí cumhdaithe agus ar mhéid an riosca arna thabhú ag comhaltaí ábhartha aon scéime ráthaithe taiscí aonair.

Féadfaidh na Ballstáit foráil a dhéanamh maidir le ranníocaíochtaí níos ísle d’earnálacha ísealriosca d’institiúidí creidmheasa atá cleamhnaithe le scéim ráthaithe taiscí agus a rialaítear faoin dlí náisiúnta.

Féadfaidh na Ballstáit a chinneadh go n-íocann comhaltaí SCI ranníocaíochtaí níos ísle leis an scéime ráthaithe taiscí.

Féadfaidh na Ballstáit cead a thabhairt don chomhlacht lárnach agus do na hinstitiúidí creidmheasa uile atá cleamhnaithe go buan leis an gcomhlacht lárnach dá dtagraítear in Airteagal 10(1) de Rialachán (AE) Uimh. 575/2013 a bheith faoi réir ina iomláine an ualaithe priacal a chinntear don chomhlacht lárnach agus dá institiúidí cleamhnaithe ar bhonn comhdhlúite.

Féadfaidh na Ballstáit a chinneadh go n-íocfaidh institiúidí creidmheasa ranníocaíocht íosta, gan beann ar mhéid a dtaiscí cumhdaithe.

2.   Féadfaidh scéimeanna ráthaithe taiscí a modhanna rioscabhunaithe féin a úsáid chun ranníocaíochtaí rioscabhunaithe a gcomhaltaí a chinneadh agus a ríomh. Beidh ríomh na ranníocaíochtaí i gcomhréir le riosca na gcomhaltaí agus tabharfar aird chuí ar phróifílí riosca na samhlacha gnó éagsúla. Féadfaidh na modhanna sin taobh na sócmhainní den chlár comhardaithe agus táscairí riosca, amhail leordhóthanacht caipitil, cáilíocht sócmhainní agus leachtacht a chur san áireamh freisin.

Déanfaidh an t-údarás inniúil gach modh a fhormheas i gcomhar leis an údarás ainmnithe. Cuirfear ÚBE ar an eolas faoi na modhanna a formheasadh.

3.  D’fhonn cur i bhfeidhm comhsheasmhach na Treorach seo a áirithiú, forbróidh ÚBE dréachtchaighdeáin theicniúla rialála chun modhanna a shonrú chun na ranníocaíochtaí le scéimeanna ráthaithe taiscí a ríomh i gcomhréir le mír 1 agus mír 2 den Airteagal seo.

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin … [12 mhí ó dháta theacht i bhfeidhm na Treorach leasaithí seo].

Tarmligfear an chumhacht chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le Airteagail 10 go 14 de Rialachán (AE) Uimh. 1093/2010.’;

(14)  Leasaítear Airteagal 14 mar seo a leanas:

(a)  cuirtear an méid seo a leanas in ionad Airteagal 1:"

‘1. Áiritheoidh na Ballstáit go gcumhdófar le scéimeanna ráthaithe taiscí taisceoirí ag brainsí arna mbunú ag a mball-institiúidí creidmheasa i mBallstáit eile agus taisceoirí atá lonnaithe i mBallstáit eile ina bhfeidhmíonn a mball-institiúidí creidmheasa an tsaoirse chun seirbhísí a sholáthar dá dtagraítear i dTeideal V, Caibidil 3, de Threoir 2013/36/AE.’;

(b)  I mír 2, cuirtear isteach an fhomhír seo a leanas:"

(c)  cuirtear míreanna 2a agus 2b seo a leanas isteach:"

‘2a. Áiritheoidh na Ballstáit go bhféadfaidh scéim ráthaithe taiscí de Bhallstát óstach, faoi réir comhaontú le scéim ráthaithe taiscí de Bhallstát baile, gníomhú mar an bpointe teagmhála do thaisceoirí ag institiúidí creidmheasa a fheidhmíonn an tsaoirse chun seirbhísí a sholáthar dá dtagraítear i dTeideal V, Caibidil 3, de Threoir 2013/36/AE, agus go n-aisíocfar í as na costais a thabhaítear.

2b.  Sna cásanna dá dtagraítear i míreanna 2 agus 2a, áiritheoidh na Ballstáit go mbeidh comhaontú i bhfeidhm ag scéim ráthaithe taiscí an Bhallstáit baile agus scéim ráthaithe taiscí an Bhallstáit óstaigh lena mbaineann maidir le téarmaí agus coinníollacha íocaíochta amach, lena n-áirítear maidir le cúiteamh as aon chostas a thabhaítear, an pointe teagmhála do thaisceoirí, an amlíne agus an modh íocaíochta. Cuirfidh scém ráthaithe taiscí de chuid Ballstáit baile faisnéis ar fáil do scém ráthaithe taiscí an Bhallstáit óstaigh maidir le líon na dtaisceoirí, méid na dtaiscí cumhdaithe agus athruithe ábhartha a d’fhéadfadh a bheith ann orthu.’;

(d)  cuirtear an méid seo a leanas in ionad Airteagal 3:"

‘3. Áiritheoidh na Ballstáit, i gcás ina scoirfidh institiúid chreidmheasa de bheith ina comhalta de scém ráthaithe taiscí agus ina rachaidh sí isteach i scém ráthaithe taiscí de chuid Ballstáit eile, nó i gcás ina n-aistreofar cuid de ghníomhaíochtaí na hinstitiúide creidmheasa chuig scém ráthaithe taiscí de chuid Ballstáit eile, go n-aistreoidh an scém ráthaithe taiscí tionscnaimh chuig an scém ráthaithe taiscí is faighteoir méid a léiríonn na dliteanais fhéideartha bhreise atá le seasamh ag an scém ráthaithe taiscí is faighteoir mar thoradh ar an aistriú, agus tionchar an aistrithe ar staid airgeadais an scém ráthaithe taiscí is faighteoir agus an scém ráthaithe taiscí tionscnaimh araon i gcoibhneas leis na rioscaí a chumhdaíonn siad á gcur san áireamh. ▌

Forbróidh ÚBE dréachtchaighdeáin theicniúla rialála chun an mhodheolaíocht a shonrú chun an méid atá le haistriú a ríomh chun a áirithiú go mbeidh tionchar neodrach ag an aistriú ar staid airgeadais an dá scéim ráthaithe taiscí i gcomparáid leis na rioscaí a chumhdaíonn siad.

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin ... [12 mhí tar éis dháta theacht i bhfeidhm na Treorach leasaithí seo].

Déantar cumhacht a tharmligean chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010 ó Pharlaimint na hEorpa agus ón gComhairle.’;

(e)  cuirtear mír 3a seo a leanas isteach:"

‘3a. Chun críocha mhír 3, áiritheoidh na Ballstáit go n-aistreoidh an scéim ráthaithe taiscí tionscnaimh an méid dá dtagraítear sa mhír sin laistigh de 1 mhí amháin ó athraítear ballraíocht le scéim ráthaithe taiscí.’;

(f)  cuirtear mír 9 seo a leanas leis:"

‘9. Faoin ... [24 mhí tar éis dháta theacht i bhfeidhm na Treorach leasaithí seo], eiseoidh ÚBE treoirlínte maidir leis na róil faoi seach atá ag scéimeanna ráthaithe taiscí baile agus óstacha dá dtagraítear i mír 2, lena n-áirítear liosta de na himthosca agus de na coinníollacha faoina ndéanfaidh scéim ráthaithe taiscí de chuid an Bhallstáit baile taisceoirí a aisíoc i mbrainsí atá lonnaithe i mBallstát eile mar a leagtar síos sa tríú fomhír de mhír 2.’;

(15)  Cuirtear an méid seo a leanas in ionad Airteagal 15:"

‘Airteagal 15

Brainsí d’institiúidí creidmheasa atá bunaithe i dtríú tíortha

Ceanglóidh na Ballstáit ar bhrainsí d’institiúidí creidmheasa a bhfuil a gceannoifig lasmuigh den Aontas Eorpach acu dul isteach i scéim ráthaithe taiscí laistigh dá gcríoch sula gceadóidh siad do na brainsí sin glacadh le taiscí incháilithe sna Ballstáit sin.

Áiritheoidh na Ballstáit go rannchuideoidh na brainsí sin leis an scéim ráthaithe taiscí i gcomhréir le hAirteagal 13.’;

(16)  cuirtear Airteagal 15a seo a leanas isteach:"

‘Airteagal 15a.

Ball-institiúidí creidmheasa a bhfuil brainsí i dtríú tíortha acu

Áiritheoidh na Ballstáit go gcumhdóidh scéimeanna ráthaithe taiscí taisceoirí ag brainsí arna mbunú i dtríú tíortha ag a mball-institiúidí creidmheasa, seachas i gcás ina n-ardóidh na scéimeanna ráthaithe taiscí sin, faoi réir fhormheas an údaráis ainmnithe, ranníocaíochtaí comhfhreagracha ó na hinstitiúidí creidmheasa lena mbaineann.’;

Eiseoidh ÚBE treoirlínte, ina sonrófar na himthosca inar cheart d’údaráis ainmnithe cumhdach taisceoirí a fhormheas, ag brainsí arna mbunú i dtríú tíortha ag institiúidí creidmheasa is comhaltaí de chuid scéimeanna ráthaithe taiscí.';

(17)  Leasaítear Airteagal 16 mar seo a leanas:

(a)  cuirtear an méid seo a leanas in ionad Airteagal 1:"

‘1. Áiritheoidh na Ballstáit go gcuirfidh institiúidí creidmheasa an fhaisnéis ar fáil do thaisceoirí iarbhír agus beartaitheacha a theastaíonn ó na taisceoirí sin chun na scéimeanna ráthaithe taiscí a bhfuil an institiúid chreidmheasa agus a brainsí ina gcomhaltaí laistigh den Aontas a shainaithint. Déanfaidh institiúidí creidmheasa an fhaisnéis sin a sholáthar i bhfoirm bileoige faisnéise arna hullmhú i bhformáid as ar féidir sonraí a bhaint mar a shainmhínítear in Airteagal 2, pointe (3), de Rialachán (AE) XX/XXXX ó Pharlaimint na hEorpa agus ón gComhairle [Rialachán maidir le pointe rochtana aonair Eorpach]***.

_______________________________________________

*** Rialachán (AE) XX/XXXX ó Pharlaimint na hEorpa agus ón gComhairle an ll mm bb lena mbunaítear pointe rochtana aonair Eorpach lena soláthraítear rochtain láraithe ar fhaisnéis ábhartha atá ar fáil go poiblí maidir le seirbhísí airgeadais, le margaí caipitil agus le hinbhuanaitheacht.’;

(b)  cuirtear mír 1a seo a leanas isteach:"

(c)  cuirtear an méid seo a leanas in ionad Airteagal 2:"

‘2. Áiritheoidh na Ballstáit go soláthróidh institiúidí creidmheasa an bhileog faisnéise dá dtagraítear i mír 1 sula ndéanfaidh siad conradh maidir le glacadh taiscí agus, ina dhiaidh sin, gach uair a dhéantar aon athrú ar an bhfaisnéis a sholáthraítear. Admhóidh taisceoirí go bhfuarthas an bhileog faisnéise sin, ach amháin má chuirtear an fhaisnéis ar fáil go poiblí.’;

(d)  i mír 3, cuirtear an méid seo a leanas in ionad na chéad fhomhíre:"

‘Áiritheoidh na Ballstáit go ndeimhneoidh institiúidí creidmheasa ar ráitis chuntais a dtaisceoirí gur taiscí incháilithe iad na taiscí, lena n-áirítear tagairt don bhileog faisnéise dá dtagraítear i mír 1.’;

(e)  cuirtear an méid seo a leanas in ionad Airteagal 4:"

‘4. Áiritheoidh na Ballstáit go gcuirfidh institiúidí creidmheasa an fhaisnéis dá dtagraítear i mír 1 ar fáil sa teanga a comhaontaíodh idir an taisceoir agus an institiúid creidmheasa nuair a osclaíodh an cuntas nó i dteanga oifigiúil nó i dteangacha oifigiúla an Bhallstáit ina bhfuil an brainse bunaithe.’;

(f)  cuirtear an méid seo a leanas in ionad mhíreanna 6 agus 7:"

‘6. Áiritheoidh na Ballstáit, i gcás ina gcumascfar institiúidí creidmheasa, i gcás ina dtiontófar fochuideachtaí institiúide creidmheasa ina mbrainsí, nó i gcás oibríochtaí comhchosúla, go dtabharfaidh institiúidí creidmheasa fógra faoi sin dá dtaisceoirí 1 mhí amháin ar a laghad sula mbeidh éifeacht dlí leis an oibríocht sin, seachas má cheadaíonn an t-údarás inniúil sprioc-am níos giorra ar fhorais rúndachta tráchtála nó cobhsaíochta airgeadais. Míneofar san fhógra sin tionchar na hoibríochta ar an gcumhdach taisceoirí.

Áiritheoidh na Ballstáit, i gcás ina ndéanfaidh an cumhdach taisceoirí laghdaithe difear, de dheasca oibríochtaí dá dtagraítear sa chéad fhomhír, do thaisceoirí a bhfuil taiscí sna hinstitiúidí creidmheasa sin acu, go dtabharfaidh na hinstitiúidí creidmheasa lena mbaineann fógra do na taisceoirí sin go bhféadfaidh siad a dtaiscí incháilithe a tharraingt siar nó a aistriú chuig institiúid creidmheasa eile, lena n-áirítear an t-ús fabhraithe agus na sochair uile, gan aon phionós a bheith orthu suas le méid atá cothrom leis an gcumhdach a chailltear dá dtaiscí laistigh de 3 mhí tar éis an fhógra dá dtagraítear sa chéad fhomhír.

7.  Áiritheoidh na Ballstáit go dtabharfaidh institiúidí creidmheasa a scoirfidh de bheith ina gcomhaltaí de scéim ráthaithe taiscí fógra dá dtaisceoirí faoi sin 1 mhí amháin ar a laghad roimh an scor sin. Áireofar san fhaisnéis sin míniú ar thionchar an scoir ar chumhdach taisceoirí. Áiritheoidh na Ballstáit gur féidir le taisceoirí institiúide creidmheasa nach bhfuil ina comhalta den scéim ráthaithe taiscí a thuilleadh a dtaiscí a aistriú chuig ball-institiúid eile den scéim ráthaithe taiscí céanna gan aon chostais aistrithe a sheasamh.’;

(g)  cuirtear mír 7a seo a leanas isteach:"

‘7a. Áiritheoidh na Ballstáit go gcuirfidh údaráis ainmnithe, scéimeanna ráthaithe taiscí agus institiúidí creidmheasa lena mbaineann in iúl do thaisceoirí, lena n-áirítear trí fhoilseachán ar a suíomhanna gréasáin, go ndearna údarás breithiúnach ábhartha cinneadh dá dtagraítear in Airteagal 2(1), pointe (8)(a), nó gur thug údarás breithiúnach rialú dá dtagraítear in Airteagal 2(1), pointe (8)(b).’;

(h)  cuirtear an méid seo a leanas in ionad Airteagal 8:"

‘8. Áiritheoidh na Ballstáit, i gcás ina n-úsáidfidh taisceoir an bhaincéireacht idirlín, go soláthróidh institiúidí creidmheasa an fhaisnéis is gá a sholáthar dá dtaisceoirí faoin Treoir seo trí mheán leictreonach seachas má iarrann taisceoir an fhaisnéis sin a fháil ar páipéar.’;

(i)  cuirtear mír 9 seo a leanas leis:"

Cuirfidh ÚBE na dréachtchaighdeáin theicniúla cur chun feidhme sin faoi bhráid an Choimisiúin faoin ... [Oifig na bhFoilseachán - cuir isteach an dáta = 12 mhí tar éis dháta theacht i bhfeidhm na Treorach seo].

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1093/2010.’;

(18)  cuirtear Airteagal 16a seo a leanas isteach:"

‘Airteagal 16a.

Malartú faisnéise idir institiúidí creidmheasa agus scéimeanna ráthaithe taiscí, agus tuairisciú ag údaráis

1.  Áiritheoidh na Ballstáit go bhfaighidh scéimeanna ráthaithe taiscí, uair sa bhliain ar a laghad agus tráth ar bith arna iarraidh sin, óna n-institiúidí creidmheasa cleamhnaithe an fhaisnéis go léir is gá chun ullmhú d’aisíocaíocht taisceoirí, i gcomhréir leis an gceanglas aitheantais a leagtar síos in Airteagal 5(4), lena n-áirítear an fhaisnéis chun críocha Airteagal 8(5) agus Airteagal 8b agus Airteagal 8c.

2.  Áiritheoidh na Ballstáit go soláthróidh institiúidí creidmheasa faisnéis faoi na nithe seo a leanas ar a laghad uair sa bhliain agus tráth ar bith arna iarraidh sin ag an scéim ráthaithe taiscí a bhfuil siad ina mball de:

Léireofar san fhaisnéis dá dtagraítear i bpointí (a) agus (b) na Ballstáit ina bhfuil na brainsí nó na taisceoirí sin lonnaithe.

3.  Áiritheoidh na Ballstáit go gcuirfidh scéimeanna ráthaithe taiscí, faoin 31 Márta gach bliain, ÚBE ar an eolas faoin méid taiscí faoi chumhdach ina mBallstát an 31 Nollaig den bhliain roimhe sin. Faoin dáta céanna, tuairisceoidh scéimeanna ráthaithe taiscí do ÚBE freisin méid na n-acmhainní airgeadais atá ar fáil dóibh, lena n-áirítear sciar na n-acmhainní a fuarthas ar iasacht, gealltanais íocaíochta agus an amlíne chun an spriocleibhéal a bhaint amach tar éis eisíocaíocht chistí scéime ráthaithe taiscí dá dtagraítear in Airteagal 10(2).

4.  Áiritheoidh na Ballstáit go dtabharfaidh na húdaráis ainmnithe fógra do ÚBE agus BRA, gan moill mhíchuí, faoi na nithe seo a leanas uile:

5.  Foilseoidh ÚBE an fhaisnéis a fhaightear i gcomhréir le míreanna 2 agus 3 agus an achoimre dá dtagraítear i mír 4 gan moill mhíchuí.

6.  Áiritheoidh na Ballstáit go ndéanfaidh údaráis réitigh na n-institiúidí creidmheasa ar comhalta iad de scéimeanna ráthaithe taiscí achoimre ar phríomhghnéithe na bpleananna réitigh dá dtagraítear in Airteagal 10(7), pointe (a), de Threoir 2014/59/AE a sholáthar ar bhonn bliantúil don scéim ráthaithe taiscí sin.

7.  Forbróidh ÚBE dréachtchaighdeáin theicniúla cur chun feidhme chun go sonrófar na nósanna imeachta a bheidh le leanúint nuair a bheidh an fhaisnéis dá dtagraítear i míreanna 1 go 4 á soláthar, na teimpléid chun an fhaisnéis sin a sholáthar, agus chun go sonrófar inneachar na faisnéise sin tuilleadh, agus na cineálacha taisceoirí á gcur san áireamh.

Cuirfidh ÚBE na dréachtchaighdeáin theicniúla cur chun feidhme sin faoi bhráid an Choimisiúin faoin …. [Oifig na bhFoilseachán - cuir isteach an dáta = 12 mhí i ndiaidh dháta theacht i bhfeidhm na Treorach seo].

Tugtar an chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1093/2010.’;

(19)  Scriostar Iarscríbhinn I.

Airteagal 2

Forálacha idirthréimhseacha

1.  Áiritheoidh na Ballstáit, maidir le brainsí d’institiúidí creidmheasa a bhfuil a gceannoifig lasmuigh den Aontas Eorpach acu agus a ghlacann le taiscí incháilithe i mBallstát an ... [Oifig na bhFoilseachán cuir isteach an dáta = dáta theacht i bhfeidhm], agus nach comhaltaí de scéim ráthaithe taiscí iad an dáta sin, go rachaidh siad isteach i scéim ráthaithe taiscí atá ag oibriú laistigh dá gcríocha faoin [Oifig na bhFoilseachán cuir isteach an dáta = 3 mhí tar éis dó theacht i bhfeidhm]. Ní bheidh feidhm ag Airteagal 1(15) maidir leis na brainsí sin go dtí an [Oifig na bhFoilseachán cuir isteach an dáta = 3 mhí tar éis dó theacht i bhfeidhm].

2.  De mhaolú ar Airteagal 11(3) de Threoir 2014/49/AE, arna leasú leis an Treoir seo, agus Airteagail 11a, 11b, 11c agus 11e i ndáil le bearta coisctheacha, go dtí an [Oifig na bhFoilseachán – cuir isteach an dáta = 36 mhí tar éis dháta theacht i bhfeidhm na Treorach seo], féadfaidh na Ballstáit a cheadú do SCI dá dtagraítear in Airteagal 1(1), pointe (c), na forálacha náisiúnta lena gcuirtear Airteagal 11(3) de Threoir 2014/49/AE chun feidhme a chomhlíonadh mar is infheidhme an [Oifig na bhFoilseachán – cuir isteach dáta theacht i bhfeidhm na Treorach seo].

Airteagal 3

Trasuí

1.  Na dlíthe, na rialacháin agus na forálacha riaracháin is gá chun an Treoir seo a chomhlíonadh, déanfaidh na Ballstáit iad a ghlacadh agus a fhoilsiú faoin ... [Oifig na bhFoilseachán – cuir isteach an dáta = 24 mhí tar éis dháta theacht i bhfeidhm na Treorach seo] ar a dhéanaí. Cuirfidh siad téacs na bhforálacha sin in iúl don Choimisiún láithreach.

Cuirfidh siad na forálacha sin i bhfeidhm ón … [Oifig na bhFoilseachán – cuir isteach an dáta = 24 mhí tar éis dháta theacht i bhfeidhm na Treorach seo]. Na forálacha is gá chun Airteagal 11(3), arna leasú leis an Treoir seo, agus Airteagail 11a, 11b, 11c agus 11e i ndáil le bearta coisctheacha a chomhlíonadh, áfach, cuirfidh siad i bhfeidhm iad ón ... [Oifig na bhFoilseachán – cuir isteach an dáta = 36 mhí tar éis dháta theacht i bhfeidhm na Treorach seo].

Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach le tagairt den sórt sin a dhéanamh.

2.  Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.

Airteagal 4

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 5

Seolaithe

Is chuig na Ballstáit a dhírítear an Treoir seo.

Arna dhéanamh in …,

Thar ceann Pharlaimint na hEorpa Thar ceann na Comhairle

An tUachtarán An tUachtarán

(1) IO C 307, 31.8.2023, lch. 19. (2) * Tá na hathruithe ar fud an téacs mar thoradh ar leasú 1 a ghlacadh. Tá téacs nua nó téacs atá curtha in ionad téacs eile aibhsithe le cló trom iodálach; léirítear téacs atá scriosta trí leas a bhaint as an tsiombail ▌. (3) IO C , , lch. . (4) IO C , , lch. . (5) IO C , , lch. . (6) Treoir 2014/49/AE ó Pharlaimint na hEorpa agus ón gComhairle an 16 Aibreán 2014 maidir le scéimeanna ráthaithe taiscí (athmhúnlú) (IO L 173, 12.6.2014, lch. 149). (7) Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht na n-institiúidí creidmheasa agus ar mhaoirseacht stuamachta ar institiúidí creidmheasa agus ar ghnólachtaí infheistíochta, lena leasaítear Treoir 2002/87/CE agus lena n-aisghairtear Treoir 2006/48/CE agus Treoir 2006/49/CE (IO L 176, 27.6.2013, lch. 338). (8) Treoir 2009/110/CE ó Pharlaimint na hEorpa agus ón gComhairle an 16 Meán Fómhair 2009 maidir le dul i mbun an ghnó a ghabhann le hinstitiúidí airgid leictreonaigh agus leanúint den ghnó sin agus maoirseacht stuamachta a dhéanamh air lena leasaítear Treoir 2005/60/CE agus Treoir 2006/48/CE agus lena n-aisghairtear Treoir 2000/46/CE (IO L 267, 10.10.2009, lch. 7). (9) Treoir (AE) 2015/2366 ó Pharlaimint na hEorpa agus ón gComhairle an 25 Samhain 2015 maidir le seirbhísí íocaíochta sa mhargadh inmheánach, lena leasaítear Treoir 2002/65/CE, Treoir 2009/110/CE agus Treoir 2013/36/AE agus Rialachán (AE) Uimh. 1093/2010, agus lena n-aisghairtear Treoir 2007/64/EC( IO L 337, 23.12.2015, lch. 35). (10) Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (athmhúnlú) (IO L 173 12.6.2014, lch. 349). (11) Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta agus lena leasaítear Rialachán (AE) Uimh. 648/2012 (IO L 176, 27.6.2013, lch. 1). (12) Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12).

Rún reachtach ó Pharlaimint na hEorpa an 24 Aibreán 2024 ar an togra le haghaidh treoir ó Pharlaimint na hEorpa agus ón gComhairle i dtaca le Dícheall Cuí maidir le hInbhuanaitheacht Chorparáideach agus lena leasaítear Treoir (AE) 2019/1937 (COM(2022)0071 – C9-0050/2022 – 2022/0051(COD))

P9_TA(2024)0329 A9-0184/2023

(An gnáthnós imeachta reachtach: an chéad léamh)