Tionchar na dumpála ar tháirgeoirí agus ar fhostaithe na hEorpa
Bíonn drochthionchar ag an dumpáil ar chuideachtaí agus ar oibrithe na hEorpa. Céard is féidir leis an Aontas Eorpach a dhéanamh chun dul i ngleic leis an bhfadhb? Tuilleadh san alt thíos.
Tarlaíonn dumpáil nuair a dhíolann cuideachtaí eachtrannacha tairgí ar phraghas a íslíodh go saorga é mar gheall ar idirghabháil an stáit, nó má tháirgtear an iomarca de tháirge áirithe chun é a dhíol ar phraghas íseal ar an gcoigríoch.
Is cleachtas éagórach trádála é dumpáil mar díoltar na táirgí ar phraghas nach bhfuil bunaithe ar a bhfíorluach. Chun cuideachtaí (agus fostaithe) na hEorpa a chosaint ó dhamáiste mar gheall ar iomaíocht éagórach, uaireanta bíonn ar an Aontas dul i muinín ionstraimí frithdhumpála agus frith-fhóirdheontais.
Ceann de na huirlisí atá ag an Aontas Eorpach ná taraifí frithdhumpála a ghearradh ar iompórtálacha éagóracha. Tá tuilleadh eolais faoi bheartas frithdhumpála an Aontais Eorpaigh ar fáil trí chliceáil anseo.
