Amlíne maidir le bearta AE chun dul i ngleic leis an gcoróinvíreas (2021)
Tugtar forléargas san amlíne seo ar na bearta atá déanta ag an Aontas Eorpach i rith 2021 chun iarmhairtí phaindéim an choróinvíris a chomhrac.
Tá an tAontas ag gníomhú go daingean chun dul i ngleic le ráig an choróinvíris agus chun vacsaíní agus cóireálacha a chur ar fáil. Caith súil ar an amlíne seo chun léargas a fháil ar bhearta AE a mhéid a bhaineann leis an ngeilleagar, cúram sláinte, taisteal agus iompar, agus chun tacú le tíortha neamh-AE.
Is féidir leat amharc ar amlíne 2022 don nuacht is deireanaí.
Amlíne Covid-19 (2021)
Lean imeachtaí agus bearta 2021
Sort the timeline following the topics
TAISTEAL AGUS IOMPAR
Beidh Deimhniú Digiteach Covid an AE báillí ar feadh tréimhse naoi mí
Beidh Deimhniú Digiteach Covid an AE báillí ar feadh tréimhse naoi mí laistigh den AE, de réir an Choimisiúin. Tiocfaidh na rialacha nua i feidhm an 1 Feabhra 2022.
Tugadh údarú margaíochta san AE don vacsaín Nuvaxovid. Is é an cúigiú vacsaín a ceadaíodh san AE, de réir molta eolaíoch de chuid na Gníomhaireachta Leigheasra Eorpaí.
Tháinig an Coimisiún Eorpach ar chomhaontú le taighdeoir vacsaíní Moderna maidir le vacsaíní a sheachadadh níos tapúla go tíortha AE a bhfuil tacaíocht de dhíth go gearrthéarmach orthu. Tá an Coimisiún i mbun oibre chun comhaontú a bhaint amach chun borradh a chur faoi seachadtaí sa chéad ráithe den bhliain.
Iarrann Feisirí ar thíortha AE tabhair faoi chlár vacsaíne in aghaidh Covid-19
I ndíospóireacht iomlánach, d’fhógair Feisirí gurb é an vacsaíniú an uirlis is láidre in aghaidh na paindéime go fóill. Tá iarrachtaí sa bhreis ag teastáil chun éiginnteacht ó thaobh vacsaíne de a shárú agus líon na ndaoine atá vacsaínithe in aghaidh Covid a mhéadú san Eoraip agus sa domhan, de réir Feisirí.
Cuireann an AE tacaíocht €29 billiún ar fáil do FBManna in 2020, de réir tuarascála
In 2020, chuir ionstraimí airgeadais de chuid an AE €29 billiún ar fáil d’fhiontair bheaga agus mheánmhéide le linn na paindéime, de réir tuarascála de chuid an Choimisiúin.
Tháinig an Pharlaimint agus an Chomhairle ar chomhaontú sealadach maidir le síneadh ama a chur le mandáid an Lárionad Eorpaigh um Ghalair a Chosc agus a Rialú. Comhordóidh sé gnásanna i dtaca le sonraí a bhailiú, measúnuithe riosca a fhorbairt agus comhoibriú leis an gCoimisiún Eorpach, údaráis náisiúnta, comhlachtaí agus gníomhaireachtaí AE agus eagraíochtaí idirnáisiúnta.
Córas monatóireachta nua i gcomhair vacsaíní a easpórtáil
Ghlac an Coimisiún Eorpach le rialacha nua maidir le vacsaíní a easpórtáil chun táirgeadh níos leithne agus níos tapúla a éascú, chomh maith le soláthar cothrom a chinntiú. Ón 1 Eanáir 2022 amach, ní bheidh cead ag teastáil ó thairgeoirí chun vacsaíní a easpórtáil lasmuigh den AE, agus tiocfaidh córas monatóireachta nua isteach chun trédhearcacht maidir le heaspórtálacha a chinntiú.
Molann an Coimisiún rialacha maidir le saorghluaiseacht san AE a uasdátú, agus d'fhfógair siad gur chóir glacadh le deimhnithe Covid ar feadh tréimhse 9 mí tar éis do dhuine a vacsaíniú. Mhol siad gan tuilleadh teorainneacha a chur ar dhaoine a bhfuil an deimhniú Covid acu freisin.
Molann an Coimisiún rialacha maidir le taisteal neamhriachtanach ó thaobh amuigh den AE a uasdátú, agus an tús áite a thabhairt do dhaoine atá vacsaínithe in aghaidh Covid-19. Beidh an tAE oscailte do thaistealaithe atá vacsaínithe de réir moltaí na hEagraíocht Domhanda Sláinte, ach beidh tástáil PCR ag teastáil freisin.
Tuilleadh maoinithe ar fáil don théarnamh agus vacsaíniú i mbuiséad AE 2022
Cuireadh €479.1 sa bhreis ar fáil don Pharlaimint chun a cuid tosaíochtaí a bhaint amach in 2022, lena n-áirítear maoiniú don théarnamh i ndiaidh na paindéime agus 200 milliún dáileog a mhaoiniú de réir an chórais COVAX maidir le vacsaíniú domhanda.
Cuireann an Coimisiún síneadh ama leis an gCreat Sealadach maidir le bearta státchabhrach go dtí an 30 Meitheamh 2022 chun deis a thabhairt do thíortha AE fad a chur lena gcuid scéimeanna tacaíochta. Tá sé mar aidhm leis uirlisí nua a thabhairt isteach chun aghaidh a thabhairt ar an mbearna san infheistíocht agus bearta a chur i bhfeidhm chun maoinithe príobháideacha a chur ar fáil i gcomhair infheistíochta i ngnóthais bheaga agus mheánmhéide.
Chun ganntanas bia le linn géarchéime a sheachaint, glacann an Coimisiún le plean teagmhais chun easnaimh atá ann faoi láthair a aithint agus gníomh a chur ar aghaidh chun ullmhúchán ar leibhéal AE a fheabhsú. Chun ganntanas bia le linn géarchéime a sheachaint, glacann an Coimisiún le plean teagmhais chun easnaimh atá ann faoi láthair a aithint agus gníomh a chur ar aghaidh chun ullmhúchán ar leibhéal AE a fheabhsú.
EU signs new contract with Valneva pharmaceutical company to purchase potential Covid-19 vaccine. It offers the possibility for EU countries to purchase almost 27 million doses in 2022 and up to 33 million doses in 2023.
Tháinig an Pharlaimint agus an Comhairle ar chomhaontú sealadach maidir le cumas an GLE a neartú chun aghaidh a thabhairt ar ghanntanais leigheasanna agus feistí leighis
Cuireann an AE €600 milliún ar fáil don Úhttps://ec.europa.eu/commission/presscorner/detail/en/ip_21_5460cráin chun cabhrú le tionchar eacnamaíoch na paindéime a theorannú.
Foilsíonn an AE cáipéis ina léirítear na 10 gcóireáil a bhfuil an cuma is fearr orthu le haghaidh Covid-19
De réir comhairle neamhspleách ealaíoch, d’fhoilsigh an Coimisiún Eorpach cáipéis ina léirítear na cóireálacha le haghaidh Covid-19 a bhfuiltear ag súil le go mbeidh siad ceadaithe go luath agus go mbeadh fáuil orthu ar an margadh Eorpach, tar éis don Ghníomhaireacht Leigheasra Eorpach iad a dheimhniú.
Teastaíonn ón Parlaimint tréadhearcacht bhreise maidir le beartais vaicsíní
Éilíonn an Pharlaimint reachtaíocht chun trédhearcacht bhreise a chinntiú maidir le forbairt, ceannach agus dáileadh vacsaíní san AE. Deir Feisirí go gcabhróidh tuilleadh eolais le dul i ngleic le braiteoireacht vacsaíní agus leis an mbréageolas. Tá fonn orthu vacsaíní a chur ar fáil ar fud na cruinne agus i dtíortha tríú tír freisin.
Teastaíonn ó Fheisirí go ndírítear isteach ar an téarnamh ón bpaindéim i mbuiséid AE 2022
Teastaíonn ó Fheisirí go gcuirtear tuilleadh airgid ar fáil chun cabhrú leis an téarnamh ón bpaindéim, borradh a chur faoin infheistíocht, dul i ngleic leis an dífhostaíocht agus bunchloch a leagan le haghaidh Aontais níos láidre mar chuid den buiséid AE 2022. Tá fonn orthu maoiniú i gcomhair clár agus beartas a mhéadú mar creideann siad go gcuirfidh siad leis an téarnamh ón bpaindéim.
Thart ar 591 milliún teastas Digiteach Covid AE curtha amach
Tá thart ar 591 milliún teastas Digiteach Covid AE curtha amach faoi láthair agus is iomaí tír neamh-AE atá nasctha leis an gcóras, chun tacú le tionscal na turasóireachta.
VACSAÍNÍ AGUS CÓIR LEIGHIS
Seolann AE Hera
Sheol an tAontas Eorpach an tÚdarás Eorpach um Ullmhacht agus Fhreagairt i gCás Éigeandálaí Sláinte (Hera), a réamh-mheasfaidh bagairtí agus géarchéimeanna sláinte a d’fhéadfadh a bheith ann agus a áiritheoidh forbairt, táirgeadh agus dáileadh táirgí leighis.
EUR 34 bhilliún eisíoctha le tíortha comhpháirtíochta
Tá EUR 34 bhilliún eisíoctha ag an Aontas, ag na Ballstáit agus ag institiúidí airgeadais na hEorpa chun tacú le tíortha comhpháirtíochta sa chomhrac i gcoinne Covid-19 agus a iarmhairtí, méid is mó ná an pacáiste tacaíochta EUR 20 billiún atá beartaithe
Sheol an tAontas Eorpach an tÚdarás Eorpach um Ullmhacht agus Fhreagairt i gCás Éigeandálaí Sláinte (Hera), a réamh-mheasfaidh bagairtí agus géarchéimeanna sláinte a d’fhéadfadh a bheith ann agus a áiritheoidh forbairt, táirgeadh agus dáileadh táirgí leighis.
EUR 34 bhilliún eisíoctha le tíortha comhpháirtíochta
Tá EUR 34 bhilliún eisíoctha ag an Aontas, ag na Ballstáit agus ag institiúidí airgeadais na hEorpa chun tacú le tíortha comhpháirtíochta sa chomhrac i gcoinne Covid-19 agus a iarmhairtí, méid is mó ná an pacáiste tacaíochta EUR 20 billiún atá beartaithe
Aontas Sláinte na hEorpa: feabhas ar chosc galar agus ar chomhar trasteorann
Tá na Feisirí réidh le dul i mbun caibidlíochta le tíortha an Aontais faoi chosc galar a neartú agus tabhairt faoi bhagairtí sláinte trasteorann in éindí. Is mian leo sainordú an Lárionaid Eorpaigh um Ghalair a Chosc agus a Rialú a shíneadh chun mórghalair neamhthógálacha a chumhdach, amhail galair chardashoithíocha agus riospráide, ailse, diaibéiteas agus tinneas meabhrach, tacú le comhar idir na Ballstáit agus tuilleadh trédhearcachta a áirithiú sa soláthar comhpháirteach.
Aontas Sláinte na hEorpa: feabhas ar chosc galar agus ar chomhar trasteorann
Tá na Feisirí réidh le dul i mbun caibidlíochta le tíortha an Aontais faoi chosc galar a neartú agus tabhairt faoi bhagairtí sláinte trasteorann in éindí. Is mian leo sainordú an Lárionaid Eorpaigh um Ghalair a Chosc agus a Rialú a shíneadh chun mórghalair neamhthógálacha a chumhdach, amhail galair chardashoithíocha agus riospráide, ailse, diaibéiteas agus tinneas meabhrach, tacú le comhar idir na Ballstáit agus tuilleadh trédhearcachta a áirithiú sa soláthar comhpháirteach.
EUR41 milliún breise i gcabhair dhaonnúil chun dul i ngleic leis an bpaindéim
Leithdháil an tAontas EUR 31 mhilliún chun cabhrú le tíortha i Meiriceá Laidineach agus i Muir Chairib, sa Mheánoirthear agus san Áise dul i ngleic le hiarmhairtí na paindéime agus EUR 10 milliún breise chun tacú le Unicef vacsaíní a sheachadadh do leanaí.
EUR41 milliún breise i gcabhair dhaonnúil chun dul i ngleic leis an bpaindéim
Leithdháil an tAontas EUR 31 mhilliún chun cabhrú le tíortha i Meiriceá Laidineach agus i Muir Chairib, sa Mheánoirthear agus san Áise dul i ngleic le hiarmhairtí na paindéime agus EUR 10 milliún breise chun tacú le Unicef vacsaíní a sheachadadh do leanaí.
Cuidíonn tíortha an Aontais Eorpaigh leis an Túinéis
Sheachaid roinnt tíortha AE dáileoga vacsaíne, maisc aghaidhe, tástálacha antaigine, aerálaithe, comhthiomsaitheoirí ocsaigine, leapacha altranais agus trealamh leighis ríthábhachtach eile chun cabhrú leis an Túinéis déileáil leis an staid sláinte atá ina ábhar imní.
Cuidíonn tíortha an Aontais Eorpaigh leis an Túinéis
Sheachaid roinnt tíortha AE dáileoga vacsaíne, maisc aghaidhe, tástálacha antaigine, aerálaithe, comhthiomsaitheoirí ocsaigine, leapacha altranais agus trealamh leighis ríthábhachtach eile chun cabhrú leis an Túinéis déileáil leis an staid sláinte atá ina ábhar imní.
Cuidíonn an tAontas Eorpach dlús a chur leis an vacsaíniú i dtíortha Chomhpháirtíocht an Oirthir
Mhéadaigh AE a phacáiste cúnaimh ó EUR40 milliún go EUR75 milliún chun cabhrú le húsáid vacsaíní agus chun dlús a chur leis na feachtais vacsaínithe san Airméin, san Asarbaiseáin, sa Bhealarúis, sa tSeoirsia, sa Mholdóiv agus san Úcráin.
Cuidíonn an tAontas Eorpach dlús a chur leis an vacsaíniú i dtíortha Chomhpháirtíocht an Oirthir
Mhéadaigh AE a phacáiste cúnaimh ó EUR40 milliún go EUR75 milliún chun cabhrú le húsáid vacsaíní agus chun dlús a chur leis na feachtais vacsaínithe san Airméin, san Asarbaiseáin, sa Bhealarúis, sa tSeoirsia, sa Mholdóiv agus san Úcráin.
Conradh nua le Novavax le haghaidh vacsaín Covid-19 a d’fhéadfadh a bheith ann
D’fhormheas an tAontas comhaontú nua réamhcheannaigh chun a áirithiú go gceannófar suas le 100 milliún dáileog de vacsaín Novavax, le rogha 100 milliún dáileog bhreise le linn 2021, 2022 agus 2023, nuair a dhéanfaidh an Ghníomhaireacht Leigheasra Eorpach iad a athbhreithniú agus a fhormheas.
Conradh nua le Novavax le haghaidh vacsaín Covid-19 a d’fhéadfadh a bheith ann
D’fhormheas an tAontas comhaontú nua réamhcheannaigh chun a áirithiú go gceannófar suas le 100 milliún dáileog de vacsaín Novavax, le rogha 100 milliún dáileog bhreise le linn 2021, 2022 agus 2023, nuair a dhéanfaidh an Ghníomhaireacht Leigheasra Eorpach iad a athbhreithniú agus a fhormheas.
Simpliú déanta ag an Aontas ar rialacha státchabhrach
Shimpligh an tAontas Eorpach rialacha chun go mbeidh na Ballstáit in ann bearta áirithe cabhrach a chur chun feidhme gan réamhscrúdú a bheith déanta ag an gCoimisiún Eorpach orthu. Baineann na rialacha athbhreithnithe le cabhair arna deonú ag údaráis náisiúnta do thionscadail arna maoiniú trí chláir áirithe de chuid an Aontais atá faoi bhainistíocht lárnach agus le roinnt beart chun tacú leis an aistriú glas agus digiteach atá ábhartha do théarnamh eacnamaíoch tar éis na paindéime.
Simpliú déanta ag an Aontas ar rialacha státchabhrach
Shimpligh an tAontas Eorpach rialacha chun go mbeidh na Ballstáit in ann bearta áirithe cabhrach a chur chun feidhme gan réamhscrúdú a bheith déanta ag an gCoimisiún Eorpach orthu. Baineann na rialacha athbhreithnithe le cabhair arna deonú ag údaráis náisiúnta do thionscadail arna maoiniú trí chláir áirithe de chuid an Aontais atá faoi bhainistíocht lárnach agus le roinnt beart chun tacú leis an aistriú glas agus digiteach atá ábhartha do théarnamh eacnamaíoch tar éis na paindéime.
Vacsaíní seachadta chun 70% de dhaoine fásta an Aontais a vacsaíniú
Baineadh cloch mhíle nua amach i dtaca leis an bhfeachtas vacsaínithe: tá dóthain vacsaíní seachadta chuig ballstáit an Aontais le go mbeidh 70% de dhaoine fásta an Aontais vacsaínithe roimh dheireadh na míosa.
An tAontas Eorpach ag tacú le táirgeadh vacsaíní san Afraic
Thacaigh an tAontas Eorpach le hinfheistíocht mhórscála i dtáirgeadh vacsaíní i nDacár. Ba cheart don mhonarcha nua mhonaraíochta spleáchas 99 % na hAfraice ar allmhairí vacsaíní a laghdú agus neart a chur le teacht aniar in aghaidh na paindéime amach anseo ar an mór-roinn.
An tAontas Eorpach ag tacú le táirgeadh vacsaíní san Afraic
Thacaigh an tAontas Eorpach le hinfheistíocht mhórscála i dtáirgeadh vacsaíní i nDacár. Ba cheart don mhonarcha nua mhonaraíochta spleáchas 99 % na hAfraice ar allmhairí vacsaíní a laghdú agus neart a chur le teacht aniar in aghaidh na paindéime amach anseo ar an mór-roinn.
Ról treisithe don Ghníomhaireacht Leigheasra Eorpach
Ghlac feisirí a seasamh roimh idirbheartaíocht leis an gComhairle maidir le ról treisithe don Ghníomhaireacht Leigheasra Eorpach in ullmhacht agus bainistiú géarchéimeanna do tháirgí íocshláinte agus d’fheistí leighis. Tá an Ghníomhaireacht freagrach as meastóireacht eolaíoch, maoirseacht agus faireachán a dhéanamh ar shábháilteacht cógas san Aontas.
Tháinig an rialachán maidir le deimhniú digiteach AE i bhfeidhm. Beifear anois in ann deimhnithe saoránach agus cónaitheoirí AE a eisiúint agus a bhailíochtú ar fud AE. Is é is aidhm don dheimhniú an tsaorghluaiseacht shábháilte a éascú san Aontas le linn phaindéim an choróinvíris. Tá an ceart chun saorghluaiseachta ag gach Eorpach, fiú mura bhfuil deimhniú acu, ach éascóidh an deimhniú an taisteal sa mhéid is go mbeidh na daoine a bhfuil sé acu díolmhaithe ó shrianta, cuir i gcás coraintín.
Caithfidh AstraZeneca dáileoga de vacsaíní Covid-19 a sheachadadh gan mhoill
De réir bhreithiúnas na cúirte sa Bhruiséil, gearrfar fíneáil €10 in aghaidh na dáileoige ar an gcomhlacht má theipeann air 50 milliún dáileog de vacsaíní Covid-19 a sheachadadh faoin 27 Meán Fómhair 2021.
Vóta maidir le tarscaoileadh paitinní i gcás vacsaíní Covid-19
Ghlac feisirí rún maidir le tarscaoileadh sealadach paitinní i gcás vacsaíní Covid-19. D’fhéadfadh tarscaoileadh sealadach na gcearta maoine intleachtúla rochtain dhomhanda ar vacsaíní agus ar tháirgí míochaine eile a éascú.
An obair reachtach i dtaca le deimhniú digiteach Covid an Aontais críochnaithe
Chríochnaigh feisirí an obair reachtach i dtaca le deimhniú digiteach Covid AE, rud a éascóidh taisteal san Aontas agus a chabhróidh leis an téarnamh eacnamaíoch. Deimhneoidh an doiciméad nua go bhfuil vacsaín faighte ag duine, go bhfuair duine toradh diúltach ar thástáil Covid le déanaí, nó go bhfuil biseach tagtha ar dhuine i ndiaidh ionfhabhtaithe. I ndíospóireacht roimh an vóta, d’iarr feisirí ar bhallstáit AE a áirithiú go mbeidh an córas nua i bhfeidhm faoi thús mhí Iúil.
1.8 billiún dáileoga breise den vacsaín BioNTech-Pfizer
Tháinig an tAontas Eorpach ar chomhaontú nua le BioNTech-Pfizer lena ndéanfar foráil le haghaidh 1.8 billiún dáileog breise den vacsaín Covid-19 idir 2021 agus 2023.
FREAGAIRT DHOMHANDA AE
Tacaíocht do Neipeal
Tá an tAontas chun sorcóirí ocsaigine, aerálaithe, tástálacha agus maisc aghaidhe a chur ar fáil don tír.
Tháinig idribheartaithe na Comhairle agus na Parlaiminte ar chomhaontú neamhfhoirmiúil i dtaca le Deimhniú Glas Digiteach a chruthú chun saorghluaiseacht shábháilte a éascú laistigh den Aontas Eorpach. Cruthúnas a bheadh sa dheimhniú nua ar an méid seo a leanas: go bhfuil duine vacsaínithe in aghaidh Covid-19, go bhfuil toradh tástála diúltach faighte ag duine, nó go bhfuil sé nó sí tagtha chuige féin ón gcoróinvíreas. Cuirfear an togra chun vóta sa Pharlaimint i Meitheamh.
Vacsaíní Covid-19: easaontas maidir le moladh i dtaca le tarscaoileadh paitinní
Bhí easaontas i measc na bhfeisirí maidir le moladh i dtaca le paitinní a tharscaoileadh i gcás vacsaíní Covid-19. Tionóladh an díospóireacht tar éis do rialtas na Stát Aontaithe a fhógairt go dtacóidh sé le tarscaoileadh sealadach cearta maoine intleachtúla a mhéid a bhaineann le vacsaíní agus táirgí míochaine i gcoinne Covid-19. Tá an togra á phlé anois laistigh den Eagraíocht Dhomhanda Trádála. Tá a dtacaíocht don mholadh fógartha ag thart ar 60 tír ar fud an domhain.
A seasamh glactha ag feisirí maidir leis an deimhniú taistil Covid-19 chun an tsaorghluaiseacht a éascú le linn na paindéime
Cruthúnas a bheadh sa dheimhniú go bhfuil duine vacsaínithe in aghaidh Covid-19, go bhfuil toradh tástála diúltach faighte acu nó go bhfuil siad tagtha chucu féin ón víreas. I vóta na bhfeisirí, chuir siad in iúl gur cheart d’údaráis na mballstát a áirithiú freisin go mbeidh rochtain uilíoch, inacmhainne, thráthúil saor in aisce ar dheiseanna tástála Covid-19, lena n-áirítear iad a chur ar fáil i ngach mol iompair.
Tháinig an Coimisiún ar chomhaontú le BioNTech-Pfizer chun dlús a chur le seachadadh vacsaíní. 50 milliún dáileog bhreise a rabhthas ag súil leo sa cheathrú ráithe de 2021, déanfar iad a sheachadadh le linn an dara ráithe. Mar ullmhúchán don tréimhse amach romhainn, d’fhógair an Coimisiún freisin go raibh sé ag dul i mbun caibidlíochta le BioNTech-Pfizer maidir leis an tríú conradh leo, lena ndéanfaí foráil le haghaidh 1.8 billiún dáileog den vacsaín a sheachadadh idir 2021 agus 2023.
Dáileoga vacsaíní agus fearas míochaine á roinnt ag tíortha an Aontais leis an Moldóiv, le Montainéagró agus leis an Macadóin Thuaidh
Chabhraigh an tAontas Eorpach leis an Rómáin chun vacsaíní a chur ar fáil don Mholdóiv. Cuireadh fearas míochaine ar fáil don Mhacadóin Thuaidh agus do Mhontainéagró.
Tá sé curtha in iúl ag feisirí go bhfuil gá le straitéis AE chun earnáil na turasóireachta a chur ar a seanléim tar éis na paindéime.
VACSAÍNÍ AGUS CÓIR LEIGHIS
Plé le hionadaithe thionscal na cógaisíochta
Rinne feisirí na gcoistí um shláinte phoiblí agus um thaighde plé le hionadaithe thionscal na cógaisíochta ar bhealaí le borradh a chur faoi tháirgeadh agus faoi sheachadadh vacsaíní Covid-19. Ag cruinniú an choiste um thrádáil idirnáisiúnta, rinneadh plé ar bhearta AE maidir le trédhearcacht agus údarú ó thaobh easpórtáil vacsaíní de.
Chuir an Coimisiún Eorpach togra i láthair maidir le “Deimhniú Glas Digiteach” a chruthú chun saorghluaiseacht shábháilte saoránach a éascú laistigh den Aontas le linn phaindéim Covid-19. Is cruthúnas digiteach a bheadh sa deimhniú ar an méid seo a leanas: go bhfuil duine vacsaínithe in aghaidh Covid-19, go bhfuil toradh tástála diúltach faighte ag duine, nó go bhfuil siad tagtha chucu féin ón gcoróinvíreas.
Údarú margaíochta coinníollach do vacsaín Johnson & Johnson
Thug an Coimisiún údarú margaíochta coinníollach don vacsaín in aghaidh Covid-19 a d’fhorbair Johnson & Johnson, rud a d’fhág gurb í an ceathrú vacsaín in aghaidh Covid-19 a údaraíodh lena húsáid san Aontas. Tugadh an t-údarú ar bhonn moladh eolaíoch dearfach atá bunaithe ar mheasúnú cuimsitheach a rinne an Ghníomhaireacht Leigheasra Eorpach ar shábháilteacht, éifeachtúlacht agus cáilíocht na vacsaíne.
Suas le ceithre mhilliún dáileog bhreise de vacsaíní BioNTech-Pfizer
Tháinig an Coimisiún ar chomhaontú le BioNTech-Pfizer maidir le 4 mhilliún dáileog bhreise de vacsaíní in aghaidh Covid-19 a sholáthar do thíortha an Aontais chun dul i ngleic le teophointí an choróinvíris agus chun an tsaorghluaiseacht thar theorainneacha a éascú. Tá na dáileoga sin á gcur ar fáil sa bhreis ar sceideal na seachadtaí atá comhaontaithe cheana féin idir na ballstáit agus BioNTech-Pfizer.
Tá an clár nua EU4Health glactha ag feisirí na Parlaiminte agus é mar aidhm ag an gclár nua córais sláinte na hEorpa a dhaingniú agus acmhainn AE a neartú maidir le freagairt ar bhagairtí trasteorann ar an tsláinte.
D’fhormheas an Coimisiún an dara conradh leis an gcuideachta chógaisíochta Moderna, lena ndéantar foráil chun 300 milliún dáileog bhreise a cheannach (150 milliún in 2021 agus an rogha 150 milliún eile a cheannach in 2022) thar ceann bhallstáit uile an Aontais.
Ag dul i ngleic le hathraithigh nua den choróinvíreas
An ghorlann HERA seolta ag an gCoimisiún Eorpach chun athraithigh nua den víreas a réamh-mheas agus chun dul i ngleic leo agus freisin chun vacsaíní éifeachtacha i gcoinne na n-athraitheach sin a fhorbairt agus a tháirgeadh.
Bearta práinneacha chun dlús a chur le táirgeacht vacsaíní éilithe ag feisirí
D’fhonn ionchais na nEorpach a chomhlíonadh, ní mór don Aontas leanúint lena iarrachtaí chun paindéim Covid-19 a chomhrac agus bearta práinneacha a ghlacadh chun dlús a chur le táirgeacht na vacsaíní, a thug feisirí le fios i ndíospóireacht iomlánach.
Saoráid téarnaimh Covid-19 dar luach €672.5 billiún ceadaithe ag feisirí
Ghlac an Pharlaimint an tSaoráid Téarnaimh agus Athléimneachta. Beidh €672.5 billiún i ndeontais agus iasachtaí ar fáil chun maoiniú a dhéanamh ar bhearta náisiúnta atá ceaptha maolú a dhéanamh ar iarmhairtí eacnamaíocha agus sóisialta na paindéime. Tacóidh an tSaoráid chomh maith leis na dúshláin a bhaineann leis an aistriú glas agus leis an aistriú digiteach.
Rialacha maidir le húsáid sliotán in aerfoirt an Aontais
Thug feisirí a gceadú le síneadh ar rialacha sealadacha AE chun cuidiú le haeriompróirí dul i ngleic leis an meath mór atá tagtha ar aerthrácht mar gheall ar phaindéim an choróinvíris agus chun nach mbeidh eitiltí folmha ann. Chaith feisirí vóta an 10 Feabhra ar rún i dtaca le díolúine ó cheanglais maidir le húsáid sliotán ag aerfoirt an Aontais. Leis an socrú, beidh ar aerlínte ar a laghad 50% dá sraitheanna sliotán a úsáid, in ionad an cheanglais ghinearálta (80%).
Chun bréagaisnéis a sheachaint, tá éilithe ag an gcoiste um shláinte phoiblí go gcuirfí sonraí trédhearcacha maidir le líon na ndáileog vacsaíne soláthartha agus maidir leis na sceidil vacsaínithe i ngach ballstát ar fáil ar bhonn míosúil.
Ní mór do ghnólachtaí a bhfuil comhaontuithe réamhcheannaigh déanta ag AE leo údaráis na mballstát a chur ar an eolas má tá de rún acu vacsaíní a táirgeadh san Aontas Eorpach a easpórtáil.
AstraZeneca: an tríú vacsaín Covid-19 údaraithe lena húsáid san Aontas Eorpach
Thug an tAontas údarú margaíochta coinníollach don vacsaín Covid-19 a d’fhorbair AstraZeneca, an tríú vacsaín a údaraíodh lena húsáid i mballstáit an Aontais. Tháinig an t-údarú seo sna sála ar mholadh eolaíoch dearfach bunaithe ar mheasúnú críochnúil a rinne an Ghníomhaireacht Leigheasra Eorpach (EMA).
Ghlac na ballstáit treoirlínte maidir le cruthúnas vacsaínithe, a d’fhéadfaí iad leanúint chun teastais vacsaínithe a chomhordú le chéile sa chás go gcuirfí a leithéid i bhfeidhm.
Maolú ar rialacha an Aontais maidir le státchabhair
Chuir an Coimisiún síneadh le cinneadh Mhárta 2020 i dtaca le rialacha AE um státchabhair a chur i bhfeidhm go solúbtha lena chinntiú go mbeidh dóthain leachtachta ar fáil do ghnólachtaí de gach cineál agus chun leanúnachas gníomhaíochta eacnamaíche a chaomhnú.
Cinneadh maidir leis an gCiste um Chabhair Eorpach do na Daoine is Díothaí
Tá méadú tar éis teacht ar líon na ndaoine atá i mbaol bochtaineachta. Chun go mbeidh na ballstáit in ann freastal ar a mbunriachtanais le linn na tréimhse téarnaimh, vótáil feisirí chun acmhainní breise a chur ar fáil don Chiste um Chabhair Eorpach do na Daoine is Díothaí in 2021 agus 2022.
Níos mó trédhearcachta agus dlúthpháirtíochta maidir le vacsaíní Covid-19 éilithe ag feisirí
I ndíospóireacht iomlánach maidir le straitéis AE um vacsaíní in aghaidh an choróinvíris, chuir formhór na bhfeisirí a dtacaíocht in iúl do chur chuige comhchoiteann an Aontais, a chinntigh gur forbraíodh vacsaíní sábháilte go tapa agus gur cuireadh tús leis an chlár vacsaínithe gan mhoill. Mar sin féin, d’éiligh siad tuilleadh dlúthpháirtíochta chomh maith le trédhearcacht ó thaobh conarthaí le comhlachtaí cógaisíochta de.
Suas le 300 milliún dáileog bhreise de vacsaín BioNTech/Pfizer
Mhol an Coimisiún do na ballstáit 200 milliún dáileog bhreise de vacsaín BioNTech-Pfizer a cheannach, agus leis an rogha ann suas le 100 milliún dáileog eile a fháil. Féadfaidh na ballstáit a chinneadh an vacsaín a bhronnadh ar thíortha ísealioncaim/meánioncaim nó í a atreorú chuig tíortha eile san Eoraip.
An dara vacsaín shábháilte éifeachtach in aghaidh Covid-19 údaraithe
Thug an tAontas údarú margaíochta coinníollach do vacsaín Covid-19 a d’fhorbair Moderna, an dara vacsaín in aghaidh an choróinvíris a údaraíodh lena húsáid i dtíortha an Aontais. Tháinig an t-údarú seo sna sála ar mholadh eolaíoch dearfach bunaithe ar mheasúnú críochnúil a rinne an Ghníomhaireacht Leigheasra Eorpach. (Tugadh údarú margaíochta coinníollach don chéad vacsaín - ceann a d’fhorbair BioNTech agus Pfizer an 21 Nollaig 2020.)
