Briefing

06-02-2026 - 09:58

Newsletter dwar is-sessjoni plenarja - Strasburgu 9-12 Frar 2026

Agħżel ġimgħa

Niżżel il-Briefing bħala PDF

Tħassib dwar il-kompetittività u l-għoli tal-ħajja tal-UE

L-Erbgħa, l-MEPs, il-Kunsill u l-Kummissjoni se jiddibattu l-azzjonijiet urġenti meħtieġa favur il-kompetittività tal-UE, l-approfondiment tas-suq uniku, u t-tnaqqis tal-għoli tal-ħajja.
Lejn Unjoni Ewropea tad-Difiża

Nhar it-Tlieta, l-MEPs se jiddiskutu l-isforzi biex tissaħħaħ id-difiża Ewropea fid-dawl ta' ambjent internazzjonali dejjem aktar volatili.
Ażil: votazzjoni dwar regoli ġodda dwar pajjiżi ta' oriġini bla periklu u pajjiżi terzi bla periklu

Nhar it-Tlieta, l-MEPs huma mistennija japprovaw l-ewwel lista tal-UE ta' pajjiżi ta' oriġini sikuri għal dawk li jfittxu l-ażil u r-regoli dwar meta pajjiż mhux tal-UE jista' jitqies sikur.
Avvenimenti estremi meteoroliġiċi: tisħiħ tar-rispons tal-UE

It-Tlieta, il-Parlament se jiddibatti l-ħtieġa li jissaħħu l-prontezza u r-rispons tal-UE wara avvenimenti estremi meteoroliġiċi reċenti fin-Nofsinhar tal-Ewropa.
Mercosur: votazzjoni finali dwar il-mekkaniżmu ta' salvagwardja bilaterali għall-prodotti agrikoli

Nhar it-Tlieta, l-MEPs mistennija jikkonfermaw mekkaniżmu ta' salvagwardja għall-importazzjonijiet agrikoli mill-pajjiżi tal-Mercosur (il-Brażil, l-Arġentina, il-Paragwaj u l-Urugwaj).
Il-liġi tal-UE dwar il-klima: tnaqqis tal-emissjonijiet b’90 % sal-2040

L-MEPs se jiddeċiedu dwar mira ta' tnaqqis ta' 90 % għall-emissjonijiet ta' gassijiet serra sal-2040 meta mqabbla mal-livelli tal-1990, biex l-UE tkun newtrali għall-klima sal-2050.
Appoġġ għall-produtturi tal-inbid u protezzjoni tal-bdiewa

L-MEPs se jiddibattu u jivvutaw dwar regoli ġodda biex jappoġġjaw lill-produtturi tal-inbid u joffru lill-bdiewa protezzjoni aħjar kontra prattiki kummerċjali inġusti.
Pjan ta’ azzjoni tal-UE għall-protezzjoni taż-żgħażagħ mill-bullying ċibernetiku

Nhar it-Tlieta, il-Kummissjoni Ewropea se tippreżenta l-pjan ta' azzjoni l-ġdid tagħha kontra l-bullying ċibernetiku.
Il-proposti tal-Parlament biex jinqered il-faqar fl-UE sal-2035

L-MEPs se jipprovdu kontribut għall-istrateġija li jmiss tal-Kummissjoni kontra l-faqar f'dibattitu nhar l-Erbgħa u votazzjoni nhar il-Ħamis.
Il-Jum Dinji kontra l-Kanċer

Biex jitfakkar il-Jum Dinji kontra l-Kanċer (4 ta' Frar), it-Tnejn l-MEPs se jiddibattu r-rakkomandazzjonijiet tagħhom biex tissaħħaħ l-azzjoni tal-UE dwar il-kanċer, u jivvutawhom il-Ħamis.
Regolarizzazzjoni ta’ ċittadini ta’ pajjiżi terzi fi Spanja

It-Tlieta, l-MEPs u l-Kummissjoni se jiddiskutu l-pjan ta' Spanja li tirregolarizza l-migranti mingħajr dokumenti u l-implikazzjonijiet tiegħu għaż-żona Schengen u r-regoli tal-UE.