Kulma trid tkun taf dwar l-elezzjonijiet Ewropej 2019
Bejn it-23 u s-26 ta' Mejju 2019 iċ-ċittadini tal-UE se jivvutaw għall-Parlament Ewropew li jmiss. Dan hu l-mument li ssemma' leħnek. Skopri d-dettalji kollha hawn taħt.
Bil-vot tagħhom fl-elezzjonijiet Ewropej, iċ-ċittadini għandhom l-opportunità jagħżlu s-751 membri li se jirrappreżentawna fl-UE sal-2024.
L-essenzjali
- Biex issegwi l-elezzjonijiet fil-ħin reali: https://www.elezzjonijiet-ewropej.eu/ahbarijiet
- Ċerti aspetti tal-elezzjonijiet, bħall-età tal-votazzjoni u l-votazzjoni minn barra, ivarjaw minn pajjiż għal ieħor.
- F'dan is-sit web, issib informazzjoni dwar kif tivvota, sa meta tista' tirreġistra, aħbarijiet u riżultati tal-elezzjonijiet Ewropej 2019.
- L-awtorità elettorali nazzjonali jkollha l-aħħar informazzjoni dwar id-dettalji prattiċi (pereżempju l-postijiet tal-votazzjoni) u r-regoli nazzjonali tal-votazzjoni.
- Għal ħarsa fid-dettall dwar ir-regoli tal-votazzjoni, aradin l-infografika.
- Biex tara r-riżultati elettorali fil-pajjiżi kollha tal-UE u tiskopri l-kompożizzjoni tal-Parlament il-ġdid, idħol fis-sit tar-riżultati
Għaliex importanti tivvota?
- Bil-vot tiegħek fl-elezzjonijiet Ewropej tkun qed issemma' leħnek dwar id-direzzjoni li l-UE għandha tieħu fil-ħames snin li ġejjin f'oqsma bħall-kummerċ internazzjonali, is-sigurtà, il-ħarsien tal-konsumatur, il-ġlieda kontra t-tibdil fil-klima, u t-tkabbir ekonomiku. Il-Membri tal-Parlament Ewropew mhux biss jgħaddu liġijiet ġodda iżda jżommu għajnejhom fuq l-istituzzjonijiet l-oħra tal-UE.
- Bil-vot tkun qed issemma' leħnek anki dwar il-politiki li jaffettwawk fil-ħajja ta' kuljum. Biex tkun taf aktar dwar x'għamlet l-UE għalik u għar-reġjun tiegħek, żur is-sit https://what-europe-does-for-me.eu/
- Fuq is-sit, tiskopri wkollx'impatt għandha l-UE fuq saħħtek, xogħlok, ix-xiri, l-edukazzjoni, il-familja u t-tfaddil.
Fl-interess tagħna lkoll
- Ilkoll għandna raġunijiet differenti biex nivvutaw. Tiegħek x'inhi? Ara din il-ħarsa ġenerali u aqsam il-fehmiet tiegħek ma' sħabek.
- L-Ewropa hi tagħna lkoll u l-votazzjoni hija l-ewwel pass biex nikkontribwixxu għad-demokrazija Ewropea. Irreġistra fuq diddarbasenivvota.eu u stieden lil sħabek u 'l familtek jagħmlu l-istess.
- Qed jiġu organizzati avvenimenti fl-Ewropa kollha biex titqajjem kuxjenza dwar l-importanza li tivvota. Skopri x'inhu għaddej qrib tiegħek: https://www.diddarbasenivvota.eu/events
- Jekk trid tiddedika ftit sigħat fix-xahar biex tiżdied il-parteċipazzjoni taċ-ċittadini, involvi ruħek: https://www.diddarbasenivvota.eu/join_the_team
- Biex ikollok l-Ewropa kollha fil-but u żżomm ruħek infurmat(a) dwar l-aħħar aħbarijiet u avvenimenti, niżżel is-Citizens’ App
- Biex issir taf kif l-Ewropej beħsiebhom jivvutaw fl-elezzjonijiet li jmiss, iċċekkja dawn il-projezzjonijiet aġġornati b'mod regolari
Informazzjoni ġenerali dwar l-elezzjonijiet
-
(iftaħ f’tab ġdida)
Id-Download Centre tal-elezzjonijiet
-
(iftaħ f’tab ġdida)
Riżorsi għall-ġurnalisti
