Il-Politika Agrikola Komuni: L-UE kif tappoġġa lill-bdiewa?
Mill-appoġġ lill-bdiewa sal-ħarsien tal-ambjent, il-politika agrikola tal-UE tkopri firxa ta' suġġetti. Tgħallem kif l-agrikoltura tal-UE hija ffinanzjata, l-istorja tagħha u l-futur tagħha.
X'inhi l-Politika Agrikola Komuni?
L-UE tappoġġa l-biedja permezz tal-Politika Agrikola Komuni (PAK) tagħha. Stabbilita fl-1962, għaddiet minn numru ta' riformi biex l-agrikoltura ssir aktar ġusta għall-bdiewa u aktar sostenibbli.
Hemm madwar 10 miljun azjenda agrikola fl-UE u s-setturi tal-biedja u tal-ikel flimkien jipprovdu kważi 40 miljun impjieg fl-UE.
Ara l-filmat tagħna dwar il-kronoloġija tal-PAK biex tara kif żviluppat il-politika agrikola.
Kif tiġi ffinanzjata l-PAK?
Il-PAK hija ffinanzjata permezz tal-baġit tal-UE. Skont il-baġit fit-tul2021-2027, twarrbu €386.6 biljun għall-biedja. Hija maqsuma f'żewġ partijiet:
- €291.1 biljun għall-Fond Agrikolu Ewropew ta' Garanzija (FAEG), li jipprovdi appoġġ għad-dħul għall-bdiewa
- €95.5 biljun għall-Fond Agrikolu Ewropew għall-Iżvilupp Rurali (FAEŻR), li jinkludi finanzjament għaż-żoni rurali, l-azzjoni dwar il-klima u l-ġestjoni tar-riżorsi naturali.
Kif inhi l-agrikoltura tal-UE llum?
Il-bdiewa u s-settur agrikolu ntlaqtu mill-COVID-19 u l-UE introduċiet miżuri speċifiċi biex tappoġġa l-industrija u d-dħul tagħha. Minħabba dewmien fin-negozjati dwar il-baġit ir-regoli attwali dwar kif għandhom jintefqu l-fondi tal-PAK se jibqgħu validi sal-2023. Dan kien jeħtieġ ftehim tranżitorju biex jiġi protett id-dħul tal-bdiewa u tiġi garantita s-sigurtà tal-ikel.
Skopri aktar fatti u ċifri dwar l-agrikoltura fl-infografika tagħna
Din ir-riforma se tissarraf f'PAK li tirrispetta aktar l-ambjent? (H2)
L-agrikoltura tal-UE hija responsabbli għal madwar 10 % tal-emissjonijiet tal-gassijiet b'effett ta' serra. Ir-riforma għandha twassal għal politika agrikola tal-UE li tirrispetta aktar l-ambjent, tkun aktar ġusta u trasparenti, qalu l-Membri tal-PE, wara li ntlaħaq ftehim mal-Kunsill. Il-Parlament irid jorbot il-PAK mal-Ftehim ta' Pariġi dwar it-tibdil fil-klima filwaqt li jżid l-appoġġ għall-bdiewa żgħażagħ u għall-farms żgħar u ta' daqs medju. Il-Parlament approva l-aħħar riforma agrikola f'Novembru 2021. Din se tidħol fis-seħħ fl-2023 u se:
- ssaħħaħ il-bijodiversità u se taderixxi mal-liġijiet u l-impenji ambjentali u klimatiċi tal-UE.
- talloka 10% tal-pagamenti diretti lill-farms żgħar u ta' daqs medju
- toħloq riżerva permanenti għall-kriżijiet biex tintuża meta l-prezzijiet jew is-swieq ikunu instabbli
- tapplika penali għal dawk li jiksru r-regoli tax-xogħol
Il-politika agrikola hija marbuta mal-Patt Ekoloġiku Ewropew u mal-istrateġija Mill-Għalqa sal-Platt tal-Kummissjoni Ewropea, li għandha l-għan li tipproteġi l-ambjent u tiżgura ikel tajjeb għas-saħħa għal kulħadd, filwaqt li tiżgura wkoll l-għajxien tal-bdiewa.
Aktar dwar l-agrikoltura:
- Il-Pestiċidi fl-ikel:x'qed jagħmel il-Parlament Ewropew biex jgħin?
- Is-suq tal-ikel organiku tal-UE:fatti u regoli (infografika)
- Mediċini veterinarji: pass ieħor fil-ġlieda kontra r-reżistenza għall-antibijotiċi
- Fatti ewlenin dwar is-suq tal-għasel tal-Ewropa (infografika)
Tgħarrif
-
(iftaħ f’tab ġdida)
Daqqa t'għajn lejn il-Politika Agrikola Komuni
Iċċekkja l-progress leġiżlattiv
- Proposti li jistabbilixxu regoli dwar l-appoġġ għall-pjanijiet strateġiċi skont il-Politika Agrikola Komuni
- Proposti dwar il-finanzjament, il-ġestjoni u l-monitoraġġ tal-Politika Agrikola Komuni
- Proposta li temenda r-regolament dwar l-organizzazzjoni ta' mmaniġġjar kollettiv, ir-regolamenti dwar l-iskemi tal-kwalità u r-regolamenti dwar miżuri speċifiċi għal ċerti reġjuni
