Tnaqqis tal-emissjonijiet tal-gassijiet serra tal-UE: miri nazzjonali għall-2030
Ir-regolament dwar il-qsim tal-isforz jistabbilixxi miri nazzjonali għat-tnaqqis tal-emissjonijiet tal-gassijiet serra biex jgħin lill-UE tilħaq emissjonijiet netti ta’ CO2 żero sal-2050.
Biex tgħin fil-ġlieda kontra t-tibdil fil-klima, l-UE stabbiliet miri ambizzjużi biex tnaqqas l-emissjonijiet tagħha tal-gassijiet serra. L-UE trid tilħaq in-newtralità klimatika sal-2050 u din il-mira, flimkien ma' mira interim ta' tnaqqis ta' 55% ta' emissjonijiet ta' CO2 sal-2030, huma stabbiliti fil-Liġi Ewropea dwar il-Klima. L-UE nediet diversi inizjattivi biex tilħaq dawn il-miri. Waħda minnhom hija r-regolament dwar il-kondiviżjoni tal-isforz, li qed jiġi aġġornat bħala parti mill-pakkett leġiżlattiv Lesti għall-mira 50 %.
X'inhija l-kondiviżjoni tal-isforzi?
Ir-regolament dwar il-kondiviżjoni tal-isforzi jistabbilixxi miri vinkolanti biex jitnaqqsu l-emissjonijiet tal-gassijiet serra għal kull pajjiż tal-UE f’setturi mhux koperti mill-iskema għall-iskambju tal-emissjonijiet, bħat-trasport, l-agrikoltura, il-bini u l-ġestjoni tal-iskart. Dawn is-setturi jammontaw għall-maġġoranza tal-gassijiet serra tal-UE (madwar 60 % tal-emissjonijiet totali tal-UE).
Biex jiggarantixxi li l-pajjiżi kollha jipparteċipaw fl-isforzi tal-UE biex jitnaqqsu l-emissjonijiet li ġejjin mis-setturi msemmija hawn fuq, ir-regolament dwar il-kondiviżjoni tal-isforz jistabbilixxi miri annwali vinkolanti tal-emissjonijiet tal-gassijiet serra għall-pajjiżi tal-UE għall-perjodu 2021–2030 kif ukoll jistabbilixxi r-regoli għad-determinazzjoni tal-allokazzjonijiet annwali tal-emissjonijiet u kif jiġi evalwat il-progress.
Il-Parlament ivvota fl-14 ta' Marzu 2023 biex jgħolli l-livell għat-tnaqqis tal-gassijiet serra sal-2030 minn 30% għal 40% meta mqabbel mal-livelli tal-2005.
X'inhuma l-objettivi nazzjonali proposti?
Għall-ewwel darba, il-pajjiżi kollha tal-UE huma mitluba jnaqqsu l-emissjonijiet tal-gassijiet serra tagħhom bejn 10 u 50%. Il-miri nazzjonali jvarjaw skont il-prodott gross domestiku per capita ta’ kull pajjiż u l-kosteffettività. Barra minn hekk, l-istati membri se jkollhom jiżguraw li ma jaqbżux l-allokazzjoni annwali tagħhom tal-emissjonijiet tal-gassijiet serra.
Pajjiż tal-UE |
Mira preċedenti tal-2030 meta mqabbla mal-2005 |
Mira ġdida għall-2030 meta mqabbla mal-2005 (proposta tal-Kummissjoni) |
Il-Lussemburgu |
-40% |
-50% |
L-Isvezja |
-40% |
-50% |
Id-Danimarka |
-39% |
-50% |
Il-Finlandja |
-39% |
-50% |
Il-Ġermanja |
-38% |
-50% |
Franza |
-37% |
-47.5% |
In-Netherlands |
-36% |
-48% |
L-Awstrija |
-36% |
-48% |
Il-Belġju |
-35% |
-47% |
l-Italja |
-33% |
-43.7% |
L-Irlanda |
-30% |
-42% |
L-Ispanja |
-26% |
-37.7% |
Ċipru |
-24% |
-32% |
Malta |
-19% |
-19% |
Il-Portugall |
-17% |
-28.7% |
Il-Greċja |
-16% |
-22.7% |
Is-Slovenja |
-15% |
-27% |
Ir-Repubblika Ċeka |
-14% |
-26% |
L-Estonja |
-13% |
-24% |
Is-Slovakkja |
-12% |
-22.7% |
Il-Litwanja |
-9% |
-21% |
Il-Polonja |
-7% |
-17.7% |
Il-Kroazja |
-7% |
-16.7% |
L-Ungerija |
-7% |
-18.7% |
Il-Latvja |
-6% |
-17% |
Ir-Rumanija |
-2% |
-12.7% |
Il-Bulgarija |
0% |
-10% |
Sors: Proposta tal-Kummissjoni Ewropea għal aġġornament tar-Regolament (UE) 2018/842
Il-pajjiżi se jkollhom flessibbiltà limitata dwar l-emissjonijiet li jistgħu jiffrankaw mis-snin preċedenti, jissellfu minn snin futuri jew dwar kemm jistgħu jinnegozjaw allokazzjonijiet ma’ pajjiżi oħra tal-UE.
Fuq talba tal-Parlament, informazzjoni dwar azzjonijiet nazzjonali taħt ir-regolament dwar il-kondiviżjoni tal-isforzi se tiġi ppubblikata f’forma aċċessibbli biex tiġi żgurata r-responsabbiltà mill-Istati Membri.
Ir-regoli għad iridu jiġu approvati formalment mill-pajjiżi tal-UE fil-Kunsill qabel ma jidħlu fis-seħħ.
Inizjattivi oħra biex jitnaqqsu l-emissjonijiet tal-gassijiet serra
Jeżistu miżuri oħra biex jgħinu lill-UE tilħaq l-impenji tagħha taħt il-Ftehim ta’ Pariġi dwar it-tibdil fil-klima:
- Tnaqqis tal-emissjonijiet tal-karozzi: miri ġodda tas-CO2 għall-karozzi spjegati
- Rilokazzjoni tal-karbonju: Inżommu lid-ditti milli jevitaw ir-regoli dwar l-emissjonijiet
- Emissjonijiet minn ajruplani u vapuri: fatti u figuri (infografika)
Ara l-infografika dwar il-progress tal-UE lejn il-kisba tal-miri tagħha tal-2020 dwar it-tibdil fil-klima