Il-Parlament jappoġġa s-sistema eCall fil-karozzi
Apparat li jinforma awtomatikament lis-servizzi ta' sokkors f'każ ta' ħabta bejn karozzi ser ikollu jinbena fil-mudelli ġodda ta' karozzi u vannijiet żgħar sa Ottubru 2015 skont vot dwar abbozz ta' regoli li sar nhar l-Erbgħa. Fl-2012 l-inċidenti tat-traffiku fl-UE qatlu 28,000 persuna u darbu 1.5 miljun ruħ.
It-teknoloġija “eCall” ser tuża n-numru ta' emerġenza 112 biex tippermetti lis-sokkorrituri jaslu aktar malajr u b'hekk jiġu salvati l-ħajjiet u jitnaqqsu l-midruba. Hija tindika l-post preċiż u tgħin biex is-sokkors jasal aktar malajr, jiġu salvati l-ħajjiet, titnaqqas il-gravità tal-weġgħat u jitnaqqsu l-problemi għaċ-ċirkolazzjoni tal-karozzi.
eCall obbligatorju sal-2015
Ottubru 2015 għandu jkun l-aħħar mument biex il-produtturi tal-karozzi jinstallaw l-apparat fil-mudelli l-ġodda. Madankollu l-MEPs ħallew possibbiltà li din l-iskadenza tiġi posposta permezz ta' deċiżjoni sussegwenti.
L-istess skadenza tapplika għall-istati membri biex ikollhom l-infrastruttura u s-servizzi tal-emerġenza lesti.
Passi li jmiss
Ir-regolament eCall ġie approvat fl-ewwel qari. Il-Kunsill jista' jaċċetta l-pożizzjoni tal-Parlament jew jadotta l-pożizzjoni tiegħu u wara jitkomplew in-negozjati mal-Parlament.
Additional information
Procedure: Co-decision (Ordinary Legislative Procedure), 1st reading
#eCall
Kuntatti:
-
Jaan SOONE
-
Gediminas VILKAS
-
John SCHRANZ