Dibattitu Eurovision: il-kandidati ewlenin għall-Presidenza tal-Kummissjoni ser jiddibattu fit-23 ta’ Mejju 

L-Unjoni Ewropea tax-Xandir (EBU), li qed torganizza d-dibattitu, ikkonfermat il-parteċipazzjoni ta’ Walter Baier (l-Awstrija, Xellug Ewropew), Sandro Gozi (l-Italja, Renew Europe Now), Ursula von der Leyen (il-Ġermanja, il-Partit Popolari Ewropew), Terry Reintke (il-Ġermanja, Ħodor Ewropej) u Nicolas Schmit (il-Lussemburgu, il-Partit tas-Soċjalisti Ewropej).

Dawn il-ħames kandidati se jiddibattu s-suġġetti li ġejjin:

• l-Ekonomija u l-Impjiegi
• id-Difiża u s-Sigurtà
• Il-Klima u l-Ambjent
• Id-Demokrazija u t-Tmexxija
• il-Migrazzjoni u l-Fruntieri
• l-Innovazzjoni u t-Teknoloġija

Il-mistoqsijiet se jsiru mill-udjenza fil-kamra plenarja, mit-telespettaturi li jkunu qed isegwu avvenimenti organizzati mill-Uffiċċji ta’ Kollegament tal-Parlament fl-Istati Membri tal-UE, ippreżentati permezz tal-midja soċjali, u miż-żewġ moderaturi. Il-kandidati se jiffaċċjaw ukoll mistoqsijiet individwali mill-moderaturi fl-hekk imsejħa segmenti “Spotlight”, karatteristika ġdida tad-Dibattitu Eurovision 2024.

Id-dibattitu ser jiġi mmoderat minn Martin andezníček (TV Ċek) u Annelies Beck (VRT, il-Belġju).

Il-kandidati se jitkellmu bl-Ingliż, u l-interpretazzjoni se tiġi pprovduta f’24 lingwa.

It-tlugħ bil-polza tas-16 ta’ Mejju organizzat mill-EBU fil-Parlament Ewropew iddetermina l-pożizzjoni tal-kandidati fuq il-palk tad-dibattitu, l-ewwel kelliem dwar kull suġġett, u l-ordni tal-intervisti ‘spotlight’.

Il-pożizzjoni tal-kandidati fuq il-palk se tkun kif ġej (mix-xellug għal-lemin): Ursula von der Leyen, Nicolas Schmit, Terry Reintke, Sandro Gozi, Walter Baier.

L-ewwel kelliem f’kull taqsima tas-suġġett se jkun kif ġej: Nicolas Schmit, Sandro Gozi, Ursula von der Leyen, Walter Baier, Terry Reintke.

L-ordni tal-intervisti “spotlight” se tkun kif ġej: Nicolas Schmit, Sandro Gozi, Terry Reintke, Ursula von der Leyen, Walter Baier.

Tista’ ssib aktar informazzjoni dwar il-polza u tara reġistrazzjoni tagħha.

Kif issegwi d-Dibattitu Eurovision

Il-programm se jixxandar fuq l-EBS u l-EBU bit-tikketti tal-ismijiet tal-parteċipanti fuq l-iskrin u elementi grafiċi essenzjali oħra. Verżjoni ‘nadifa’ tad-dibattitu se tkun disponibbli fuq l- EbS+ iżda biss għall-edits tal-aħbarijiet, mhux għal xandira diretta sħiħa. Se jixxandar ukoll fuq is-sit web tal-Parlament (Multimedia Centre) u se jkun aċċessibbli fuq il-pjattaformi ta’ distribuzzjoni tal-EBU. Mhu se jkun permess l-ebda iffilmjar indipendenti tad-dibattitu mill-kamra.

Fuq talba, iċ-Ċentru Multimedia tal-Parlament jista’ jipprovdi wkoll feed bil-Lingwa Internazzjonali tas-Sinjali u l-Vlotip (traskrizzjoni diretta bl-Ingliż), kif ukoll verżjonijiet sottotitolati fil-lingwi uffiċjali tal-UE, ladarba jintemm id-dibattitu. Dawn il-fajls jkunu pprovduti qabel is-19:00 CET. Jekk inti interessat f’dan il-format jekk jogħġbok ikteb lil AVNewsDesk@europarl.europa.eu.

Il-kandidati se jaslu fid-daħla tal-protokoll tal-Parlament Ewropew għall-ħabta tas-12:45, meta l-midja tkun tista’ tirreġistra d-doorstep tagħhom. Wara l-avveniment ser jiġu organizzati punti għall-istampa qrib l-Emiċiklu. Kemm id-doorstep kif ukoll il-punti għall-istampa se jkunu live fuq l-EbS u l-Multimedia Centre. Għall-istampa grafika, se jkun hemm opportunità ta’ ritratt fl-Emiċiklu għall-ħabta tas-13:45.

Akkreditazzjoni u aċċess għad-Dibattitu

L-aċċess għall-kamra biex tara d-dibattitu huwa permezz ta’ reġistrazzjoni minn qabel biss. L-iskadenza għall-applikazzjoni tal-midja kienet il-Ħamis 16 ta’ Mejju.

Il-midja akkreditata interistituzzjonali kollha tal-UE u d-detenturi ta’ badge tal-midja annwali tal-PE se jkollhom aċċess għall-bini tal-Parlament meta jippreżentaw il-badges tagħhom, mingħajr ma jkollhom għalfejn jitolbu akkreditazzjoni separata.

Il-ġurnalisti l-oħra kollha li jixtiequ jidħlu fil-Parlament se jkollhom iressqu talba għal aċċess għall-midja għal żmien qasir permezz tas-sistema ta’ akkreditazzjoni online (JOUREG). Jekk diġà għandhom badge tal-midja tal-PE, din tiġi attivata mill-bogħod ladarba tiġi approvata fil-portal tar-reġistrazzjonijiet. Jekk ma jkollhomx badge tal-midja tal-PE, ladarba t-talba tagħhom tiġi approvata fil-JOUREG, il-ġurnalisti jkunu jistgħu jiġbruha miċ-Ċentru ta’ Akkreditazzjoni quddiem il-Parlament (Esplanade Solidarność, uffiċċju 01F035).

Aċċess għall-parkeġġ fil-jum tad-Dibattitu

Il-midja li teħtieġ spazju fil-parkeġġ tal-Parlament għandha tirriżerva s-slott għall-parkeġġ tagħha permezz tal-IZIX APP ftit jiem qabel l-avveniment. Jekk il-ġurnalisti għad m’għandhomx l-App, jistgħu jitolbuha minn book.your.parking@europarl.europa.eu