RAPPORT dwar it-test konġunt, approvat mill-Kumitat ta' Konċiljazzjoni, għal direttiva tal-Parlament Ewropew u tal-Kunsill dwar regoli u standards komuni għall-organizzazzjonijiet tal-ispezzjoni u tal-perizji tal-vapuri u għall-attivitajiet rilevanti tal-amministrazzjonijiet marittimi (Verżjoni mfassla mill-ġdid)
25.2.2009 - (PE-CONS 3719/2008 – C6‑0042/2009 – 2005/0237A(COD)) - ***III
Delegazzjoni tal-Parlament Ewropew għall-Kumitat ta' Konċiljazzjoni
'Chairman' tad-delegazzjoni: Rodi Kratsa-Tsagaropoulou
Rapporteur: Luis de Grandes Pascual
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar it-test konġunt, approvat mill-Kumitat ta' Konċiljazzjoni, għal direttiva tal-Parlament Ewropew u tal-Kunsill dwar regoli u standards komuni għall-organizzazzjonijiet tal-ispezzjoni u tal-perizji tal-vapuri u għall-attivitajiet rilevanti tal-amministrazzjonijiet marittimi (Verżjoni mfassla mill-ġdid)
(PE-CONS 3719/2008 – C6‑0042/2009 – 2005/0237A(COD))
(Proċedura ta' kodeċiżjoni: it-tielet qari)
Il-Parlament Ewropew,
– wara li kkunsidra t-test konġunt approvat mill-Kumitat ta' Konċiljazzjoni (PE-CONS 3719/2008 – C6‑0042/2009),
– wara li kkunsidra l-pożizzjoni tiegħu fl-ewwel qari[1] dwar il-proposta tal-Kummissjoni lill-Parlament Ewropew u lill-Kunsill (COM(2005)0587),
– wara li kkunsidra l-pożizzjoni tiegħu fit-tieni qari[2] dwar il-pożizzjoni komuni tal-Kunsill[3],
– wara li kkunsidra l-opinjoni tal-Kummissjoni dwar l-emendi tal-Parlament għall-pożizzjoni komuni (COM(2008)0828)[4],
– wara li kkunsidra l-Artikolu 251(5) tat-Trattat KE,
– wara li kkunsidra l-Artikolu 65 tar-Regoli ta' Proċedura tiegħu,
– wara li kkunsidra r-rapport tad-delegazzjoni tiegħu għall-Kumitat ta' Konċiljazzjoni (A6-0097/2009),
1. Japprova t-test konġunt;
2. Jagħti istruzzjonijiet lill-President tiegħu sabiex jiffirma l-att flimkien mal-President tal-Kunsill, skont l-Artikolu 254(1) tat-Trattat KE;
3. Jagħti istruzzjonijiet lis-Segretarju Ġenerali tiegħu sabiex jiffirma l-att wara li jkun ivverifika li l-proċeduri ntemmu kif xieraq u sabiex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att fil-Ġurnal Uffiċjali tal-Unjoni Ewropea;
4. Jagħti istruzzjonijiet lill-President tiegħu sabiex jgħaddi din ir-riżoluzzjoni leġiżlattiva lill-Kunsill u lill-Kummissjoni.
- [1] ĠU C 74E, 20.3.2008, p. 632.
- [2] Testi adottati, 24.9.2008, P6_TA(2008)0447.
- [3] ĠU C 184 E, 22.7.2008, p. 11.
- [4] Għadha mhux ippubblikata fil-ĠU.
NOTA SPJEGATTIVA
I. Sfond
I.1 It-Tielet Pakkett Marittimu
It-Tielet Pakkett Marittimu (magħruf ukoll bħala l-Pakkett Erika III) kien propost mill-Kummissjoni fi tmiem l-2005. Dan il-pakkett kien is-segwitu tal-Pakketti Erika I u Erika II li kienu ġew ippreżentati wara l-inċident tal-Erika tal-1999 'il barra mill-kosta Atlantika Franċiża. Kien ukoll is-segwitu tar-Riżoluzzjoni tal-Parlament tal-21.04.2004 imfassla mill-Kumitat Temporanju dwar it-titjib tas-sikurezza fil-baħar (MARE) li twaqqaf wara l-inċident tal-Prestige fl-2002.
L-għan ġenerali tat-Tielet Pakkett Marittimu hu li jkompli jsaħħaħ il-leġiżlazzjoni attwali tal-UE dwar is-sikurezza u li jittrasponi strumenti prinċipali internazzjonali fil-liġi Komunitarja. Is-seba' proposti tiegħu għandhom l-għan li jevitaw l-inċidenti (billi jtejbu l-kwalità tal-bnadar Ewropej, jirrevedu l-leġiżlazzjoni dwar il-kontroll statali tal-portijiet u s-sorveljanza tat-traffiku tal-bastimenti u billi jtejbu r-regoli dwar is-soċjetajiet ta' klassifikazzjoni) u jiżguraw rispons effettiv f'każ ta' inċident (billi jiżviluppaw qafas armonizzat għall-investigazzjoni tal-inċident, jintroduċu regoli dwar kumpens għall-passiġġieri f'każ ta' inċident u billi jintroduċu regoli dwar ir-responsabilità tas-sidien tal-bastiment flimkien ma' skema mandatorja tal-assigurazzjoni).
I.2 Din il-proposta
L-għan tal-proposta tal-Kummissjoni kien li ssaħħaħ ir-regoli u l-istandards komuni tal-UE għall-organizzazzjonijiet tal-ispezzjoni u tal-perizji tal-vapuri u l-amministrazzjoni marittima relatata tal-attivitajiet tal-vapuri. Il-kompitu ewlieni kien li tkun reveduta l-leġiżlazzjoni attwali tal-UE imniżżla fid-Direttiva 94/57/KE, b'hekk ikunu regolati organizzazzjonijiet, magħrufa bħala "soċjetajiet ta' klassifikazzjoni", li attwalment huma responsabbli għall-ispezzjoni tal-vapuri u biex jinħarġu l-liċenzji tagħhom.
Il-proposta tal-Kummissjoni ssaħħaħ u tiċċara l-irwol tas-soċjetajiet ta' klassifikazzjoni rikonoxxuti mill-UE, minħabba li kienu rikonoxxuti nuqqasijiet sinifikanti meta qed tkun spezzjonata u ċċertifikata s-sikurezza tal-vapuri. Superviżjoni sew mill-awtoritajiet xierqa għandha tagħti garanzija li dawn l-organizzazzjonijiet, li għandhom il-kompitu li jiżguraw li l-bastimenti fl-ibħra tagħna jikkonformaw mal-istandards internazzjonali relevanti tas-sikurezza u kontra t-tniġġis, jaġixxu b'indipendenza u b'serjetà.
II. Il-proċedura leġiżlattiva qabel il-konċiljazzjoni
II. 1 It-Tielet Pakkett Marittimu fl-ewwel u t-tieni qari
Għall-Parlament il-Pakkett Marittimu kien dejjem jidher bħala pakkett sħiħ u għal din ir-raġuni il-fajls individwali tiegħu kienu dejjem trattati flimkien. L-ewwel qari dwar is-seba' proposti sar f'Marzu/April 2007. Il-Kunsill laħaq ftehimiet politiċi dwar sitta mit-tmin proposti (fajl minnhom kien maqsum f'Direttiva u f'Regolament) waqt il-laqgħat tiegħu f'Ġunju u f'Novembru 2007. Żewġ fajls (dwar l-obbligi tal-bandiera tal-istati u r-responsabilità ċivili), madankollu, baqgħu mblukkati minħabba li l-Istati Membri ma kinux lesti jadottaw din il-leġiżlazzjoni f'livell ta' UE. Tentattiv li sar f'April 2008 biex jiżblokka l-fajls ma kellux suċċess.
L-Istati Membri fittxew li jagħmlu pressjoni fuq il-Parlament biex ikompli l-proċedura leġiżlattiva tas-sitta billi jittrażmetti l-pożizzjonijiet komuni. Il-Parlament eventwalment qabel ma' dan il-metodu sabiex isir progress.
Wara t-tressiq tal-pożizzjonijiet komuni f'Ġunju 2008 il-Parlament madankollu kompla jag mel pressjoni fuq il-Kunsill biex isir progress fiż-żewġ fajls li kien baqa' (magħrufa bħala "it-tnejn in-nieqsa"). Dan sar bl-inkorporazzjoni, permezz ta' emendi, tas-sustanza ta' dawn iż-żewġ fajls f'partijiet tal-fajls leġiżlattivi attivi tal-pakketti.
Negozjati paralleli dwar is-sitt fajls fit-tieni qari ma kellhomx suċċess. Id-destin "tat-tnejn in-nieqsa", kif ukoll diffikultajiet f'xi fajls wasslu għal deċiżjoni li ma jintlaħaqx ftehim fit-tieni qari dwar l-ebda fajl. Fil-plenarja il-Parlament reġa' daħħal l-emendi tal-ewwel qari tiegħu fil-fajls kollha, kif ukoll l-emendi li kienu jinkorporaw "it-tnejn in-nieqsa". Is-sitt fajls sussegwentement marru għal konċiljazzjoni.
II.2. Din il-proposta fl-ewwel u t-tieni qari
Il-Parlament qabel mal-metodu li l-Kummissjoni użat dwar dan il-fajl. Fl-ewwel qari il-Parlament essenzjalment fittex li jiċċara u jtejjeb il-proposta (pereżempju l-irwol tal-organizzazzjonijiet rikonoxxuti li jaġixxu f'isem l-Istati, it-twaqqif ta' Kumitat ta' Evalwazzjoni biex jevalwa s-sistemi ta' tmexxija ta' kwalità tal-organizzazzjonijiet rikonoxxuti).
Il-Kunsill fil-pożizzjoni komuni tiegħu qabel mal-pożizzjoni tal-Parlament fl-ewwel qari u ma kien hemm l-ebda kwistjoni importanti li tifred iż-żewġ istituzzjonijiet fit-tieni qari. Il-bidla ewlenija introdotta mill-Kunsill kienet li l-proposta oriġinali ġiet maqsuma f'żewġ strumenti legali (Direttiva u Regolament), pass li kien aċċettabbli għall-Parlament u għall-Kummissjoni, minħabba li tipprovdi ċarezza legali akbar.
III. Konċiljazzjoni
III. 1 It-Tielet Pakkett Maritimmu fir-rikonċiljazzjoni
Wara l-vot tat-tieni qari tal-24.9.2008 u minħabba r-rieda politika li tkun konkluża r-rikonċiljazzjoni taħt il-Presidenza Franċiża, fis-7.10.2008 twaqqfet malajr delegazzjoni tal-Parlament dwar ir-rikonċiljazzjoni.
B'mod parallel il-pressjoni li għamel il-Parlament fuq il-Kunsill biex isib ftehim dwar "it-tnejn in-nieqsa" bdiet tħalli r-riżultati. Wara laqgħa informali tal-Kunsill li ddiskutiet il-kwistjoni fil-preżenza taċ-Chairperson tat-TRAN Paolo Costa, fid-9.10.2008 ntlaħqu ftehimiet politiċi dwar iż-żewġ fajls.
Il-Parlament u l-Kunsill kellhom żewġ trijalogi (fl-4.11. u fit-2.12) u laqgħa informali dwar l-aktar dossiers diffiċli bi preparazzjoni għall-kumitat ta' konċiljazzjoni tat-8.12 li kkonkluda n-negozjati. Id-delegazzjoni tal-Parlament iltaqgħet darbtjen (5.11. u 3.12.) minbarra l-laqgħat tat-tim ta' negozjati li b'mod eċċezzjonali inkluda - minħabba d-daqs tal-pakkett - lill-koordinaturi tat-TRAN.
Intlaħaq ftehim dwar l-aħħar kwistjonijiet li kien baqa' tad-dossier l-aktar diffiċli (tas-Sur Costa) fit-8.12. F'dik il-lejla l-Parlament ukoll ta lill-Presidenza ittri li jikkonfermaw ir-rieda tiegħu li jikkonkludi minn kmieni l-ftehimiet tat-tieni qari dwar "it-tnejn in-nieqsa" u b'hekk jippermetti lill-Kunsill li jadotta ż-żewġ pożizzjonijiet komuni fil-laqgħa tiegħu tad-9.12.
Fil-kumitat ta' konċiljazzjoni il-Kunsill kien rappreżentat mis-Sur Bussereau, President fil-Kariga tal-Kunsill u Segretarju tal-Istat għat-Trasport ta' Franza. Il-Viċi-President Tajani rrapreżenta l-Kummissjoni. Dan juri għal darb'oħra li, f'każ ta' negozjati li huma ferm diffiċli, l-involviment tal-ogħla livell politiku u d-dinamika ta' lejla ta' konċiljazzjoni tista' tagħmel differenza biex jintlaħaq ftehim.
Ir-riżultat ġenerali ta' konċiljazzjoni kien pożittiv ferm għall-Parlament. Mhux biss "it-tnejn in-nieqsa" kienu konklużi b'mod parallel imma kien hemm diversi titjib fit-testi miftiehma fil-konċiljazzjoni. Dan seħħ prinċipalment minħabba l-qbil bejn il-Membri li ma ppermettewx li xi fajl ikun konkluż mingħajr ma jkun hemm ftehim ġenerali fuq kull wieħed minnhom.
Iċ-ċirkustanzi speċjali tal-Pakkett Marittimu wrew, madankollu, li mhix is-sitwazzjoni ideali li l-istess Presidenza tkun responsabbli għan-negozjati fit-tieni u t-tielet qari. Fil-Coreper, deher ferm diffiċli għall-Presidenza li tikkonvinċi lill-Istati Membri li jagħmlu sforz ieħor minħabba li n-negozjati kienu ilhom għaddejjin għal wisq żmien. Għall-Parlament, fuq in-naħa l-oħra, inbdiet fażi kompletament ġdida bir-rikonċiljazzjoni, imma fil-Kunsill, bl-istess Presidenza, din kienet meqjusa bħala kontinwazzjoni tal-istess fażi.
III.2 Din il-proposta fil-konċiljazzjoni
In-negozjati dwar dan il-fajl fil-konċiljazzjoni kienu ffinalizzati fil-livell ta' laqgħat trijalogali, qabel il-laqgħa tal-kumitat ta' konċiljazzjoni, li ttrattat biss mal-bqija tal-fajl miftuħ. Il-punti ewlenin tal-ftehima jista' jinġabar kif indikat hawn taħt:
· Protezzjoni ġudizzjarja ta' organizzazzjonijiet rikonoxxuti: L-irwol ta' organizzazzjonijiet rikonoxxuti meta jaġixxu f'isem l-Istati Membri ġie ċċarata bl-inklużjoni ta' premessa ġdida.
· Irtirar jew rifjut ta' awtorizzazzjoni: Il-proċedura, li permezz tagħha Stat Membru jista' jirrifjuta jew jirtira awtorizzazzjoni lill-organizzazzjoni rikonoxxuta, saret ċar.
V. Konklużjoni
Il-ftehima milħuqa fit-tmiem tal-proċedura ta’ konċiljazzjoni tinkludi l-punti ewlenin fl-emendi adottati mill-Parlament fit-tieni qari. Bi qbil ma’ dan, id-delegazzjoni tirrakkomanda li l-Parlament japprova t-test konġunt fit-tielet qari.
PROĊEDURA
Titolu |
Joint text approved by the Conciliation Committee for a directive of the European Parliament and of the Council on common rules and standards for ship inspection and survey organisations and for the relevant activities of maritime administrations (recast) |
||||||
Referenzi |
(PE-CONS 3719/2008 – C6‑0042/2009 – 2005/0237A(COD) |
||||||
Chairperson tad-delegazzjoni: Viċi-chairperson |
Rodi Kratsa-Tsagaropoulou |
||||||
Kumitat responsabbli Chairperson |
TRAN Paolo Costa |
||||||
Rapporteur(s) |
Luis de Grandes Pascual |
|
|||||
Proposta tal-Kummissjoni |
|||||||
Data ta' l-1 qari tal-PE - Numru P |
25.4.2007 |
||||||
Proposta modifikata tal-Kummissjoni |
|
||||||
Pożizzjoni komuni tal-Kunsill Data tat-tħabbir fis-seduta plenarja |
5724/2/2008 – C5-0222/2008 19.6.2008 |
||||||
Pożizzjoni tal-Kummissjoni (Artikolu 251(2), it-tieni subparagrafu, it-tielet inċiż) |
|||||||
Data tat-2 qari tal-PE - Numru P |
24.9.2008 |
||||||
Opinjoni tal-Kummissjoni (Artikolu 251(2), it-tielet subparagrafu, punt (c)) |
|||||||
Data meta l-Kunsill irċieva t-tieni qari |
10.10.2008 |
||||||
Data ta' l-ittra tal-Kunsill dwar ir-rifjut ta' l-emendi tal-PE |
27.11.2008 |
||||||
Laqgħat tal-Kumitat ta' Konċiljazzjoni |
8.12.2008 |
|
|
|
|||
Data tal-votazzjoni tad-delegazzjoni tal-PE |
8.12.2008 |
||||||
Riżultat tal-votazzjoni |
+: -: 0: |
14 0 0 |
|||||
Membri preżenti |
Paolo Costa, Emanuel Jardim Fernandes, Luis de Grandes Pascual, Georg Jarzembowski, Anne E. Jensen, Rodi Kratsa-Tsagaropoulou, Rosa Miguélez Ramos, Gilles Savary, Brian Simpson, Dirk Sterckx, Silvia-Adriana Ţicău, Dominique Vlasto, Corien Wortmann-Kool |
||||||
Sostitut(i) preżenti |
Inés Ayala Sender, Renate Sommer |
||||||
Sostitut(i) (skond l-Artikolu 178(2)) preżenti għall-votazzjoni finali |
|
||||||
Data tal-qbil fil-Kumitat ta' Konċiljazzjoni |
8.12.2008 |
||||||
Qbil permezz ta' skambju ta' ittri |
|
|
|||||
Data ta' meta l-ko-chairpersons stabbilixxew illi t-test konġunt ġie approvat u ntbagħat lill-PE u lill-Kunsill |
3.2.2008 |
||||||
Data tat-tressiq |
25.2.2008 |
||||||
Kummenti (informazzjoni disponibbli b'lingwa waħda biss) |
… |
||||||
ESTENSJONI TAl-PERJODI TA' SKADENZA
Skadenza għat-tieni qari tal-Kunsill |
0.0.0000 |
|
Skadenza għas-sejħa tal-kumitat Istituzzjoni li qed tagħmel it-talba – data |
0.0.0000[Council] – 0.0.0000
|
|
Skadenza għax-xogħol fil-kumitat Istituzzjoni li qed tagħmel it-talba – data |
3.2.2009[Parliament] – 19.1.2009
|
|
Skadenza għall-adozzjoni ta' l-att Istituzzjoni li qed tagħmel it-talba – data |
0.0.0000[Council] – 0.0.0000
|
|