Conas atá an tAontas Eorpach ag tacú leis an Úcráin in 2024?

Tacaíocht AE don Úcráin

Conas atá AE agus Parlaimint na hEorpa ag leanúint ar aghaidh leis an tacaíocht atá á thaispeáint acu don Úcráin in 2024.

Sort the timeline following the topics

• Smachtbhannaí
• Comhoibriú AE-Úcráin

• 19-11-2024
  • Comhoibriú AE-Úcráin

  Déanann an Pharlaimint na 1,000 lá ó thosaigh ionradh iomlán na Rúise a chomóradh

  Bíonn seisiún iomlánach úrghnách ag Parlaimint na hEorpa le hUachtarán na hÚcráine, Volodymyr Zelenskyy, ag labhairt le feisirí trí nasc físeáin chun na 1,000 lá ó thosaigh ionradh iomlán na Rúise a chomóradh. Deir Uachtarán na Parlaiminte, Roberta Metsola, go leanfaidh an Pharlaimint uirthi ag seasamh leis an Úcráin go dtí go bhfuil "saoirse agus síocháin cheart" bainte amach aici, "chomh fada agus is gá".

• 14-11-2024
  • Smachtbhannaí

  Éillíonn an Pharlaimint beart diannteannta AE i gcoinne scáthchabhlach na Rúise

  Éillíonn feisirí smachtbhannaí AE níos spriocdhírithe i gcoinne scáthchabhlach na Rúise, mar a thugtar air, lena n-áirítear leas a bhaint as seantancaeir, nach mbíonn árachas orthu agus a bhfuil a n-úinéireacht doiléir. Is chun a amhola agus táirgí peitriliam a easpórtáil thar lear a dhéantar é seo, in ainneoin smachtbhannaí AE, G7 agus idirnáisiúnta.

• 22-10-2024
  • Comhoibriú AE-Úcráin

  Formheasann an Pharlaimint iasacht chomh hard le €35 billiún don Úcráin á tionlacan ag sócmhainní Rúiseacha

  Tugann feisirí a gcead d'iasacht chomh hard le €35 billiún don Úcráin, a haisíocfar sa todhchaí le hioncaim ó shócmhainní reoite na Rúise

• 19-09-2024
  • Comhoibriú AE-Úcráin

  Feisirí: ní mór don Úcráin a bheith in ann spriocanna míleata dlisteanacha sa Rúis a shárú

  D'iarr feisirí ar na ballstáit na srianta atá ann faoi láthair a bhaint a chuireann bac ar Úcráin córais arm an Iarthair a úsáid i gcoinne spriocanna míleata dlisteanacha sa Rúis. I rún, deir na baill nach féidir leis an Úcráin a cheart chun féin-chosaint a fheidhmiú go hiomlán agus go bhfuil sí fós i mbaol ionsaithe ar a daonra agus ar a bonneagar.

• 24-04-2024
  • Comhoibriú AE-Úcráin

  Dleachtanna agus cuótaí ar allmhairí ón Ucráin fós ar fionraí

  Tacaíonn Parlaimint le leathnú amach bhearta sealadacha um léirscaoileadh trádála don Úcráin go dtí mí an Mheithimh 2025. Ag an am céanna, chun cabhair a thabhairt d'fheirmeoirí AE, is féidir leis an gCoimisiún Eorpach taraifí ar allmhairí ón Úcráin do tháirgí feirmeoireachta má chuireann siad isteach ar an margadh inmheánach.

• 29-02-2024
  • Comhoibriú AE-Úcráin

  Is í tacaíocht don Úcráin an tslí is fearr dul i ngleic leis an gCreimil

  Teastaíonn ó fheisirí go leanfaidh an tAontas Eorpach, a bhallstáit agus pairtnéirí a bhfuil an dearcadh céanna acu orthu ag tabhairt cúnaimh pholaitiúil, eacnamaíoch, airgeadais agus mhíleata don Úcráin chun dul i ngleic le cleachtais thíoránta agus ionsaitheacha na Creimile. I rún, dúirt siad go bhféadfadh athruithe móra teacht ar an Rúis i gcás lámh in uachtar na hÚcráine uirthi.

• 27-02-2024
  • Comhoibriú AE-Úcráin

  Formheasann an Pharlaimint €50 billiún don Úcráin mar thacaíocht airgeadais

  Tugann feisirí a gcuid tacaíochta do mhaoiniú fadtéarmach don Úcráin agus na hathruithe cuí ar bhuiséad fadtéarmach an Aontais. Áirítear leis seo an tSaoráid don Úcráin, a bhfuil €50 billiún aige do dheontais, iasachtaí agus ráthaíochtaí lonnaithe di agus a thaispeánann go seasfaidh an tAontas Eorpach leis an Úcráin chomh fada agus is gá.

  • Formheasann an Pharlaimint tacaíocht thábhachtach bhuiséadach don Úcráin agus don Aontas
• 06-02-2024
  • Comhoibriú AE-Úcráin

  Téann feisirí i mbun díospóireachta maidir lena gcuid tacaíochta don Úcráin

  Díospóireachtaí idir feisirí maidir le torthaí na gcruinnithe mullaigh is déanaí de chuid an Aontais, an Chomhairle Eorpach faoi leith ón 1ú Feabhra ach go háirithe, inár leagadh béim ar thacaíocht AE don Úcráin.

• 18-01-2024
  • Comhoibriú AE-Úcráin

  Déanann feisirí Orbán a cháineadh tar éis dó pacáiste cúnaimh don Úcráin a bhlocáil

  Déantar Viktor Orbán, Príomh-Aire na hUngáire, a cháineadh tar éis dó cinneadh chun athbhreithniú a dhéanamh ar bhuiséad fadtéarmach AE a bhlocáil. Mar chuid den athbhreithniú sin, bhí sé beartaithe ag feisirí cúnamh sa bhreis a thabhairt don Úcráin. Leagadh amach imní na Parlaiminte i rún maidir leis an Ungáir, le feisirí ag rá gur "sarú iomlán ar leasanna straitéiseacha an Aontais iad gníomhartha Búdaipeist agus go bhfuil neamhaird á dhéanamh ar chomhoibriú macánta acu".

• 17-01-2024
  • Comhoibriú AE-Úcráin

  Déanann feisirí a gcuid tacaíochta don Úcráin a phlé i ndíospóireachtaí mullaigh AE

  Tugann formhór na bhfeisirí ardmholadh do chinntí stairiúla na Comhairle Eorpaí a rinneadh i mí na Nollag 2023 maidir le leathnú amach an Aontais Eorpaigh . Tádar sásta dul i mbun idirbheartaíochtaí ballraíochta leis an Úcráin, ach tá díomá orthu faoin mbuiséad fadtéarmach don Aontas. Ní mór tacaíocht sa bhreis a thabhairt don Úcráin, ach níl cinneadh déanta maidir le cé mhéad airgid atá i ndán di.