Kif jiġu eletti l-membri tal-Kummissjoni Ewropea? (filmat)
Il-Kummissjoni hija l-fergħa eżekuttiva tal-Unjoni Ewropea u l-Parlament jaqdi rwol importanti fl-approvazzjoni tal-kompożizzjoni tagħha.
Il-Kummissjoni, li tikkonsisti f’27 Kummissarju - wieħed minn kull stat membru tal-UE - tipproponi l-leġiżlazzjoni, li mbagħad tintbagħat lill-Parlament u lill-pajjiżi tal-UE biex tiġi skrutinizzata, emendata, innegozjata u approvata. Imma l-Kummissjoni u l-President tagħha kif jiġu magħżula eżattament, u x’inhu l-irwol tal-Parlament? Tgħallem aktar mill-filmat qasir tagħna!
