New opening hours: groups without a booking and individual visitors can now visit any time during opening hours. See the timetable below.
Tá cuairt ar an Seomra Tionóil agus ar Pharlamentarium Simone Veil san áireamh i gcuairt ar Pharlaimint na hEorpa.
Is féidir le grúpaí de 10-75 duine (agus grúpaí is mó ná sin ach é a iarraidh) cuairt a thabhairt ar Pharlaimint na hEorpa in Strasbourg. I gcás grúpaí a bhfuil níos lú ná 10 nduine iontu, rangaítear gach duine mar chuairteoir aonair. Cé nach bhfuil réamháirithint ar fáil le haghaidh cuairteoirí aonair, tá sé éigeantach le haghaidh grúpaí. Meabhraigh nach mór doiciméad aitheantais a bheith agat chun dul isteach i bParlaimint na hEorpa.
Tabhair faoi deara go mbíonn Parlaimint na hEorpa dúnta Dé Domhnaigh, ar laethanta dúnta oifige agus laethanta saoire poiblí. In 2019: 01/11, 02/11 agus ó 23/12 go 04/01/2020 san áireamh. In 2020: 23/03, 09/04, 10/04, 11/04, 13/04, 01/05, 05/05, 09/05, 21/05, 22/05, 29/05, 30/05, 01/06, 14/07, 15/08, 02/11 agus ó 24/12 go 04/01/2021 san áireamh.
Bíonn cuairt threoraithe ar Pharlaimint na hEorpa mar chuid de na cuairteanna grúpa, lena n-áirítear cuairt ar áiléar poiblí an tSeomra Tionóil.
Nuair nach mbíonn seisiún iomlánach ar siúl, is i bhFraincis, i nGearmáinis agus i mBéarla a sheoltar cuairteanna.
D’fhéadfadh grúpaí a bheith in ann cuairt a thabhairt ar an áit suí amuigh le leathanradharc, ach braitheann an chuairt ar imthosca áirithe, amhail an aimsir agus méid an ghrúpa. Tá radharc ar leith ar Pharlaimint na hEorpa le fáil ón áit suí amuigh, chomh maith le radhairc áille de Strasbourg.
Tá na cuairteanna teoranta do 75 dhuine agus is iad na chéad daoine ann a scaoilfear isteach ar dtús. Tá níos mó eolais sa chlár ama thíos. Bí i láthair ag bealach isteach na gcuairteoirí 30 nóiméad roimh thús na cuairte.
| Luan-Déardaoin | Dé hAoine | Dé satharn |
|---|---|---|
| 11.30; 15.00−17.00 | 11.30; 13.00−17.00 | 9.30−12.00; 13.00−17.00 |
Special opening hours from 29/11 to 14/12
| Luan-Dé satharn | ||
|---|---|---|
| 9.30−12.00; 13.00−17.00 |
Is gá doiciméad aitheantais bailí (cárta aitheantais nó pas) a bheith agat chun rochtain a fháil ar fhoirgnimh Pharlaimint na hEorpa.
Déanfar seiceálacha slándála i stíl aerfoirt ar gach cuairteoir agus ar gach mála roimh dhul isteach. Tá cosc ar airm thine, substaintí pléascacha nó inadhainte, spraeanna piobair, nithe géara agus rudaí eile a d’fhéadfaí a mheas mar airm. I gcomhréir le reachtaíocht náisiúnta na Beilge, d’fhéadfaí nithe áirithe a bhfuil cosc orthu a thabhairt ar láimh do na póilíní.
Ceadaítear grianghrafadóireacht agus scannánú i limistéar na gcuairteoirí ach bíonn cosc orthu sa limistéar slándála agus i ngailearaí an tSeomra Tionóil i rith seisiún iomlánach.
Tá Parlaimint na hEorpa tiomanta d'fheabhsú seasta na rochtana do dhaoine atá faoi mhíchumas. Má bhíonn gá agat nó ag duine éigin i do ghrúpa le cúnamh speisialta, tabhair fógra dúinn roimh ré.
I limistéar na gcuairteoirí tá caifé le deochanna fuara agus sneaiceanna blasta agus siopa bronntanas nach mbíonn oscailte ach amháin le linn seachtainí seisiún iomlánach. Cuirtear ceaintín na gcuairteoirí ar fáil do ghrúpaí le háirithint.