Dwarna

Diskors ta’ merħba tal-President tal-Kumitat AFET

© European Union, 2024

Merħba fis-sit web tal-Kumitat għall-Affarijiet Barranin tal-Parlament Ewropew (AFET).

Fl-1993, l-Istati Membri impenjaw ruħhom għal Politika Estera u ta' Sigurtà Komuni (PESK). F'dawn l-aħħar 30 sena, l-Unjoni Ewropea tat spinta lill-preżenza globali tagħha u żiedet il-ħidma diplomatika tagħha ma' pajjiżi terzi, speċjalment permezz tas-Servizz Ewropew għall-Azzjoni Esterna u n-network tagħha ta' Delegazzjonijiet madwar id-dinja.

F'dawn l-aħħar snin, ir-rwol tal-Parlament Ewropew fl-azzjoni esterna tal-UE kiber, u evolva gradwalment minn wieħed marġinali għal wieħed sostanzjali, li jgħaqqad is-setgħat leġiżlattivi u baġitarji tagħna ma' diversi forom ta' involviment ma' pajjiżi terzi.

Id-79 Membru ta' dan il-Kumitat jippromwovu, isawru u jimmonitorjaw l-implimentazzjoni tal-PESK tal-UE. Aħna nagħmlu dan billi nifformulaw rakkomandazzjonijiet permezz ta' rapporti u opinjonijiet, billi niskambjaw fehmiet ma' kontropartijiet f'pajjiżi mhux tal-UE matul il-missjonijiet jew billi neżerċitaw l-awtorità tagħna fuq il-baġit annwali tal-PESK. Huwa meħtieġ ukoll li l-Kumitat jagħti l-kunsens tiegħu għall-ftehimiet internazzjonali nnegozjati mill-Kummissjoni f'isem l-UE.

Meta jitqies in-network ta' kuntatti wiesa' tagħna, aħna għandna rwol distint biex jiġu komplementati l-viżibbiltà u l-impatt tal-politika estera u ta' sigurtà tal-UE - flimkien mas-Servizz Ewropew għall-Azzjoni Esterna (SEAE), mal-Kummissjoni u mas-servizzi diplomatiċi tal-Istati Membri. B'mod konġunt, il-Kumitat għandu l-għan li jiżgura l-koordinazzjoni politika ġenerali, l-unità, il-konsistenza u l-effettività tal-azzjoni esterna tal-Unjoni.

Nistiednek tiċċekkja regolarment l-aħbarijiet u l-avviżi fuq dan is-sit web biex tiskopri aktar dettalji dwar il-ħidma kontinwa tagħna u ssegwi l-laqgħat tagħna permezz ta' streaming dirett.

David McAllister, Membru tal-PE

President tal-Kumitat għall-Affarijiet Barranin

Protezzjoni tad-Data fil-Kumitati

Dokumenti utli

Setgħat u responsabilitajiet

Kuntatti

Brussels Strasbourg

Links