Maidir leis na Coistí

Focail fáilte

© European Union (2024) – European Parliament

Tá an Comhbheartas Iascaigh (CBI) ar cheann de na beartais is comhtháite de chuid an Aontais Eorpaigh. Is é is aidhm leis a áirithiú go ndéanfar iascach a bhainistiú go cuí ar gach leibhéal. Ní mór caomhnú acmhainní iascaigh agus muirthimpeallachta a bheith fite fuaite le cothromaíocht shocheacnamaíoch na bpobal cósta agus le slándáil bia an Aontais.

Is cuid lárnach é seo inár gcuid oibre ó lá go lá sa Choiste um Iascach. Is iad na tosaíochtaí a bheidh againn don 10ú téarma parlaiminteach seo oibriú i dtreo an Chomhbheartais Iascaigh a athchóiriú agus a thabhairt cothrom le dáta, ar beartas é, deich mbliana tar éis dó teacht i bhfeidhm, atá i bhfad ó riachtanais reatha na hearnála. Tá tréimhse nua reachtach romhainn leis an gCoimisiún Eorpach nua, ar tugadh tús áite cheana féin do chothromaíocht a bhaint amach idir brabúsacht iascaireachta agus inbhuanaitheacht na muirthimpeallachta.

Creideann go leor gníomhaithe in earnáil an iascaigh gur thug an tAontas tús áite le blianta beaga anuas do ghnéithe comhshaoil thar inbhuanaitheacht shocheacnamaíoch, rud a chruthaíonn míchothromaíocht, chun aimhleasa dóibh. Is é an cúram a bheidh orainn le linn an tsainordaithe seo ná anailís chúramach a dhéanamh ar an míchothromaíocht sin agus í a cheartú. Is iomaí dúshlán atá roimh iascairí, an tionscal próiseála agus earnáil an dobharshaothraithe: an t-ardú ar phraghsanna breosla, soithí iascaireachta atá as dáta, bearna san athnuachan ó ghlúin go glúin, iomaíocht éagórach ó bhia mara allmhairithe agus, ar deireadh, tionchar méadaitheach an athraithe aeráide ar stoic éisc, le teacht chun cinn speiceas ionrach. Ní mór dúinn aghaidh a thabhairt ar na dúshláin sin go léir.

Creidimid gurb é an bealach is fearr chun beartais éifeachtacha a ghlacadh lena gcuirtear gach duine san áireamh ná saoránaigh an Aontais a choinneáil ar an eolas go cuí faoin gcaoi a ndéantar na cinntí a dhéanann difear dóibh. Táim cinnte go dtabharfaidh an suíomh gréasáin seo léargas níos soiléire do shaoránaigh ar ár ngníomhaíochtaí laethúla.

Carmen CRESPO DÍAZ
Dìon Dàta ann an Comataidhean

Doiciméid úsáideacha

Cumhachtaí agus freagrachtaí

Teagmhálacha