Dwarna

Diskors ta’ merħba tal-President

Merħba għall-Kumitat għall-Iżvilupp (DEVE), li minn Lulju 2024 għandi l-unur li nippresjedi.


Il-Kumitat tagħna huwa promotur tal-Għanijiet ta' Żvilupp Sostenibbli u l-Aġenda 2030 tan-NU. Fi żmien ta' inugwaljanzi u nuqqas ta' sigurtà globali li qed jikbru, l-impenn tagħna li neqirdu l-faqar, ngħinu lil dawk fi bżonn serju, u ntejbu r-relazzjonijiet tagħna mal-pajjiżi li qed jiżviluppaw huwa aktar importanti minn qatt qabel.

Il-kontribut tal-UE għall-iżvilupp sostenibbli globali huwa kruċjali u l-Parlament tagħna jiżvolġi rwol fundamentali meta jiġi deċiż il-baġit għall-infiq tal-UE fuq il-kooperazzjoni u l-għajnuna, u jsegwi bir-reqqa lill-Kummissjoni Ewropea u lil dawk kollha involuti fl-użu tal-fondi tal-UE, kif ukoll fit-tiswir tal-politiki tal-UE li jaffettwaw lill-pajjiżi li qed jiżviluppaw.

Aħna nistinkaw biex niġbdu l-attenzjoni għall-kwistjonijiet urġenti li jaffettwaw l-assistenza umanitarja kif ukoll għall-istrateġiji fit-tul biex jiġi żgurat li l-isforzi għall-iżvilupp ikunu inklużivi u sostenibbli.

Niltaqgħu ma' dawk li jfasslu l-politika, mal-partijiet ikkonċernati u ma' esperti minn madwar id-dinja biex niddiskutu soluzzjonijiet u nisimgħu x'inhu verament meħtieġ fuq il-post minn dawk li jafuh l-aħjar. Nistiednek tiċċekkja l-aħbarijiet u l-avviżi tagħna regolarment, u ssegwi l-laqgħat tal-kumitati tagħna b'mod dirett hekk kif iseħħu.

Barry Andrews

Protezzjoni tad-Data fil-Kumitati

Dokumenti utli

Setgħat u responsabilitajiet

Kuntatti

Links