Dwarna
Kliem il-ħoss
Merħba fis-sit web tal-Kumitat għat-Trasport u t-Turiżmu (TRAN) tagħna, li għandi l-unur nippresiedi.
Il-Kumitat TRAN huwa responsabbli fil-Parlament Ewropew għal-leġiżlazzjoni komuni dwar it-trasport fl-UE, inkluż għas-setturi tat-trasport bil-ferrovija, bit-triq, bil-passaġġi fuq l-ilma interni, marittimu u bl-ajru. Dawn ir-regoli armonizzati jiddeterminaw kif is-servizzi jiġu pprovduti f'dawn is-swieq u jirregolaw is-sikurezza tat-trasport. Il-Kumitat TRAN huwa responsabbli wkoll għan-networks trans-Ewropej tat-trasport (TEN-T), li huma kruċjali għat-titjib tal-konnessjonijiet tat-trasport bejn l-Istati Membri tagħna.
Il-ħidma tagħna tiffoka fuq it-titjib tal-mobbiltà tan-nies u tal-merkanzija. Għalhekk għandha impatt dirett fuq il-ħajja ta' kuljum taċ-ċittadini tagħna. Irridu nagħtu spinta lill-mobbiltà waqt li fl-istess ħin niżguraw il-protezzjoni tal-ħaddiema, il-kompetittività tan-negozji tagħna u t-tnaqqis fl-emissjonijiet tal-gassijiet serra.
Aħna nissorveljaw ukoll il-politika tat-turiżmu, qasam fejn ir-rwol tal-UE huwa li tappoġġja u tikkomplementa l-azzjonijiet tal-Istati Membri.
Fil-leġiżlatura li jmiss, nistennew bil-ħerqa li terġa' tibda l-ħidma fuq fajls leġiżlattivi li jindirizzaw dawn l-isfidi ewlenin, b'mod partikolari dwar id-drittijiet tal-passiġġieri, il-piżijiet u d-dimensjonijiet tal-vetturi tat-triq, it-trasport ikkombinat, il-liċenzji tas-sewqan u l-użu tal-infrastruttura ferrovjarja.
Elissavet Vozemberg-Vrionidi
President tal-Kumitat TRAN